పిండికొద్దీ రొట్టె అంటారు.. డబ్బు ఎంత ఎక్కువ ఖర్చుపెట్టుకుంటే అన్ని ఎక్కువ సుఖాలను అందిస్తామంటూ ముందుకొస్తున్నాయి విమానయాన సంస్థలు. మధ్యప్రాచ్య ప్రాంతానికి చెందిన ఎతిహాద్ ఎయిర్వేస్ ఇప్పుడు బాగా డబ్బున్నప్రయాణికుల కోసం సరికొత్త సౌకర్యాలు అందుబాటులోకి తెస్తోంది. ఎ-380 విమానంలో ప్రత్యేకంగా ఫస్ట్క్లాస్ టికెట్ బుక్ చేసుకుంటే, వాళ్లకోసం ఓ చిన్నపాటి సూట్ అందిస్తోంది.
 
 అందులో ఓ మంచి బెడ్రూంతో పాటు ప్రైవేటు బాత్రూం, అందులో షవర్, ప్రత్యేకంగా వారికోసమే కేటాయించిన ఓ బట్లర్ కూడా అందుబాటులో ఉంటారన్నమాట. ఈ సంవత్సరం డిసెంబర్ నెల నుంచి తమ డబుల్ డెక్కర్ ఎయిర్బస్ ఎ 380 విమానాల్లో ఈ సదుపాయం ఉంటుందని ఈ ప్రభుత్వరంగ సంస్థ ప్రకటించింది.