హైదరాబాద్‌, నవంబర్‌ 6: ప్రొ కబడ్డీ లీగ్‌(పీకేఎల్‌)లో మరోపోరు అభిమానులను కట్టిపడేసింది. గచ్చిబౌలి స్టేడియం వేదికగా బుధవారం హోరాహోరీగా సాగిన పోరులో తెలుగు టైటాన్స్‌ 35-34 తేడాతో తమిళ్‌ తలైవాస్‌పై ఉత్కంఠ విజయం సాధించింది. పీకేఎల్‌-8వ సీజన్‌ తర్వాత తలైవాస్‌పై టైటాన్స్‌కు ఇదే తొలి విజయం కావడం విశేషం. టైటాన్స్‌ తరఫున స్టార్‌ రైడర్‌ పవన్‌ సెహ్రావత్‌ 12 పాయింట్లతో అదరగొట్టగా, అశిష్‌ నార్వల్‌(9), విజయ్‌ మాలిక్‌(4) ఆకట్టుకున్నారు. మరోవైపు తలైవాస్‌ జట్టులో సచిన్‌ 17 పాయింట్లతో టాప్‌స్కోరర్‌గా నిలిచినా జట్టును గెలిపించలేకపోయాడు. సచిన్‌కు తోడు నితీశ్‌కుమార్‌(4), నరేందర్‌(3) ఫర్వాలేదనిపించారు. పీకేఎల్‌లో 1000 పాయింట్ల క్లబ్‌లో సచిన్‌ తాజాగా చేరాడు. వరుసగా హ్యాట్రిక్‌ విజయంతో టైటాన్స్‌ 21 పాయింట్లతో 4వ స్థానంలోకి దూసుకురాగా, తలైవాస్‌ 21 పాయింట్లతో మూడులో ఉంది.ఇరు జట్లు హోరాహోరీగా..లీగ్‌ సాగుతున్న కొద్దీ జట్ల మధ్య పోరు నువ్వానేన్నా అన్నట్లు హోరాహోరీగా సాగుతున్నది. గత సీజన్‌లో అభిమానులను తీవ్రంగా నిరాశపరిచిన తెలుగు టైటాన్స్‌ ఈసారి అంచనాలకు అనుగుణంగా ముందుకెళుతున్నది. స్థానిక అభిమానుల మద్దతుతో ప్రత్యర్థి జట్లపై ఆధిపత్యం ప్రదర్శిస్తున్నది. లీగ్‌లో ప్లేఆఫ్స్‌కు సాధించాలంటే ప్రతీ మ్యాచ్‌ కీలకమైన నేపథ్యంలో అన్ని జట్లు తుదికంటా పోరాడుతున్నాయి. ప్రతీ పాయింట్‌ను కీలకంగా భావిస్తూ దూకుడు ప్రదర్శిస్తున్నారు. ఇప్పుడు ఇదే కోవలో తెలుగు టైటాన్స్‌, తమిళ్‌ తలైవాస్‌ మధ్య పోరులో తొలి అర్ధభాగం ఉత్కంఠగా సాగింది. తొలి 20 నిమిషాల ఆట ముగిసే సరికి టైటాన్స్‌ 20-17 తేడాతో తలైవాస్‌పై ఆధిక్యం ప్రదర్శించింది. స్టార్‌ రైడర్‌ పవన్‌ సెహ్రావత్‌ తనదైన జోరు కనబరుస్తూ టైటాన్స్‌ కీలక పాయింట్లు అందించాడు. తొలి రెండు రైడ్లలో అంతగా ఆకట్టుకోలేకపోయిన పవన్‌ ఆ తర్వాత జూలు విదిల్చాడు. మ్యాచ్‌ 18వ నిమిషంలో విజయ్‌ మాలిక్‌ రైడ్‌తో టైటాన్స్‌ పాయింట్ల వేట ప్రారంభించింది. మరో ఎండ్‌లో పవన్‌ కూడా జతకలువడంతో టైటాన్స్‌ టాప్‌గేర్‌లోకి దూసుకొచ్చింది. మ్యాచ్‌ 12వ నిమిషంలో హిమాంశు, రోనక్‌ ఇద్దరిని పవన్‌ ఔట్‌ చేయడం ద్వారా తలైవాస్‌ తొలిసార ఆలౌటై టైటాన్స్‌కు నాలుగు పాయింట్లు సమర్పించుకుంది. సబ్‌స్టిట్యూట్‌గా వచ్చిన సచిన్‌ 11వ నిమిషంలో కిషన్‌, అశిష్‌ను ఔట్‌ చేసి తలైవాస్‌ను పోటీలోకి తీసుకొచ్చాడు. ఇక్కణ్నుంచి పోటీ మరింత రంజుగా మారింది. 6వ నిమిషంలో డూ ఆర్‌ డై రైడ్‌కు వచ్చిన టైటాన్స్‌ రైడర్‌ అశిష్‌ నార్వల్‌..అభిషేక్‌ను ఔట్‌ చేసి పాయింట్‌ కొల్లగొట్టాడు. తొలి అర్ధభాగం మరో 4 నిమిషాల్లో ముగుస్తుందనగా రైడ్‌కు వెళ్లిన పవన్‌ను..నితీశ్‌కుమార్‌ సూపర్‌ ట్యాకిల్‌తో కట్టడి చేశాడు.పవన్‌, సచిన్‌ దూకుడుఓవైపు టైటాన్స్‌ తరఫున పవన్‌, మరోవైపు తలైవాస్‌కు సచిన్‌ పాయింట్ల వేటలో తమదైన దూకుడు ప్రదర్శించారు. రైడ్‌కు వెళ్లడం ఆలస్యం పాయింట్‌ పక్కా అన్న రీతిలో దూసుకెళ్లారు. ప్రథమార్ధంలో తలైవాస్‌పై ఒకింత పైచేయి సాధించిన టైటాన్స్‌..కీలకమైన ద్వితీయార్ధంలో తడపబడింది. ఇదే అదనుగా తలైవాస్‌ తమ దాడులకు పదునుపెట్టింది. ఈ క్రమంలో మ్యాచ్‌ 14వ నిమిషంలో టైటాన్స్‌ ఆలౌటైంది. రెండు జట్ల రైడర్లు, డిఫెండర్లు తుదికంటా పోరాడటంతో మ్యాచ్‌ రసపట్టుగా సాగింది. దాదాపు ఆఖరి రైడ్‌కు వెళ్లిన సచిన్‌ ఔట్‌ కావడంతో తలైవాస్‌ గెలుపు ఆశలపై టైటాన్స్‌ నీళ్లు చల్లింది. మొత్తంగా పవన్‌, సచిన్‌ రైడింగ్‌ జోరు అభిమానులను కట్టిపడేసింది.

ఇంటర్‌ కాంటినెంటల్‌ కప్‌ ఫుట్‌బాల్‌ టైటిల్‌ కోసం నేడు భారత జట్టు కీలక పోరుకు సిద్ధమైంది. హైదరాబాద్‌లోని గచ్చిబౌలి స్టేడియంలో సిరియా జట్టుతో భారత్‌ తలపడనుంది. మూడు దేశాల మధ్య రౌండ్‌ రాబిన్‌ లీగ్‌ పద్ధతిలో ఈ టోర్నీని నిర్వహిస్తున్నారు. మారిషస్‌ జట్టుతో జరిగిన తొలి మ్యాచ్‌ను భారత్‌ 0–0తో ‘డ్రా’ చేసుకోగా... సిరియా జట్టు 2–0తో మారిషస్‌ జట్టును ఓడించింది. ఈ నేపథ్యంలో నేడు భారత్‌తో జరిగే మ్యాచ్‌ను సిరియా ‘డ్రా’ చేసుకుంటే చాలు టైటిల్‌ను దక్కించుకుంటుంది. భారత జట్టుకు టైటిల్‌ లభించాలంటే సిరియాపై గెలవాలి. ఇప్పటి వరకు భారత్, సిరియా జట్లు ముఖాముఖిగా ఏడుసార్లు తలపడ్డాయి. 3 మ్యాచ్‌ల్లో సిరియా, 2 మ్యాచ్‌ల్లో భారత్‌ గెలిచాయి. మరో రెండు మ్యాచ్‌లు ‘డ్రా’గా ముగిశాయి. ప్రపంచ ఫుట్‌బాల్‌ ర్యాంకింగ్స్‌లో సిరియా 93వ స్థానంలో, భారత్‌ 124వ స్థానంలో ఉన్నాయి. నేడు రాత్రి గం. 7:30 నుంచి మొదలయ్యే ఈ మ్యాచ్‌ను స్పోర్ట్స్‌18–3 టీవీ చానెల్‌లో, జియో సినిమా యాప్‌లో ప్రత్యక్ష ప్రసారం చేస్తారు.

సాక్షి, హైదరాబాద్‌: గచ్చిబౌలి ఇండోర్‌ స్టేడియం వేదికగా ఈ ఏడాది జూన్‌ 23 నుంచి జూలై 4 వరకు ఆసియా పురుషుల క్లబ్‌ లీగ్‌ హ్యాండ్‌బాల్‌ టోర్నమెంట్‌ జరగనుంది. ఆసియా హ్యాండ్‌బాల్‌ సమాఖ్య ఎగ్జిక్యూటివ్‌ సమావేశంలో ఈ టోర్నీ ఆతిథ్య హక్కులు భారత్‌కే కేటాయించారని... ఆసియా నుంచి 12 లేదా 15 జట్లు ఈ మెగా టోర్నీలో పాల్గొంటాయని భారత హ్యాండ్‌బాల్‌ సమాఖ్య (హెచ్‌ఎఫ్‌ఐ) అధ్యక్షుడు అరిశనపల్లి జగన్‌మోహన్‌ రావు తెలిపారు.    చదవండి👉🏾 Shreyas Iyer: మా ఓటమికి కారణం అదే.. మేనేజ్‌మెంట్‌ నమ్మకాన్ని నిలబెట్టుకోవాలంటే!

Rupay Prime Volleyball League: Hyderabad Black Hawks- సాక్షి, హైదరాబాద్‌: వచ్చే నెలలో హైదరాబాద్‌ వేదికగా జరిగే రూపే ప్రైమ్‌ వాలీబాల్‌ లీగ్‌లో పాల్గొనే హైదరాబాద్‌ బ్లాక్‌ హాక్స్‌ జట్టు జెర్సీని తెలంగాణ రాష్ట్ర ఆబ్కారీ, క్రీడా, పర్యాటక, సాంస్కృతిక శాఖ మంత్రి వి.శ్రీనివాస్‌ గౌడ్‌ శుక్రవారం తన క్యాంప్‌ కార్యాలయంలో ఆవిష్కరించారు. జెర్సీ ఆవిష్కరణ కార్యక్రమంలో ఉమ్మడి మహబూబ్‌నగర్‌ జిల్లా ఎమ్మెల్యేలు బండ్ల కృష్ణమోహన్‌ రెడ్డి, వీఎం అబ్రహమ్, హైదరాబాద్‌ బ్లాక్‌ హాక్స్‌ జట్టు యజమాని అభిషేక్‌ రెడ్డి, బేస్‌లైన్‌ వెంచర్స్‌ మేనేజింగ్‌ డైరెక్టర్‌ తుహిన్‌ మిశ్రా, డైరెక్టర్‌ యశ్వంత్‌ బియ్యాల తదితరులు పాల్గొన్నారు. గచ్చిబౌలి స్టేడియంలో ఫిబ్రవరి 5 నుంచి 27 వరకు జరిగే ఈ లీగ్‌కు ఏ23 కంపెనీ సహ స్పాన్సర్‌గా వ్యవహరించనుంది. మొత్తం 24 మ్యాచ్‌లను సోనీ–టెన్‌ స్పోర్ట్స్‌ చానెల్స్‌లో ప్రసారం చేస్తారు. రౌండ్‌ రాబిన్‌ పద్ధతిలో జరిగే ఈ లీగ్‌లో మొత్తం ఏడు జట్లు హైదరాబాద్‌ బ్లాక్‌ హాక్స్, కాలికట్‌ హీరోస్, కొచ్చి బ్లూ స్పైకర్స్, అహ్మదాబాద్‌ డిఫెండర్స్, చెన్నై బ్లిట్జ్, బెంగళూరు టార్పెడోస్, కోల్‌కతా థండర్‌బోల్ట్స్‌ తమ అదృష్టాన్ని పరీక్షించుకుంటాయి.  చదవండి: టీమిండియాకు భారీ షాక్‌.. కరోనా బారిన ప‌డిన స్టార్ ఆట‌గాడు

గచ్చిబౌలి (హైదరాబాద్‌): బాలల దినోత్సవం సందర్భంగా 6.118 కిలోమీటర్ల పొడవునా.. 30,107 జతల బూట్లను ప్రదర్శనకు పెట్టి రియల్‌పేజ్‌ ఇండియా సంస్థ గిన్నిస్‌ వరల్డ్‌ రికార్డు సృష్టించింది. ఈ బూట్లను 100 ప్రభుత్వ ప్రాథమిక పాఠశాలల్లోని పేద విద్యార్థులకు ఉచితంగా పంపిణీ చేయనున్నారు. ఆదివారం బాలల దినోత్సవాన్ని పురస్కరించుకుని.. హైదరాబాద్‌లోని గచ్చిబౌలి స్టేడియంలో ఈ బూట్లను ప్రదర్శనకు ఉంచారు. రియల్‌ఎస్టేట్‌ రంగానికి సాఫ్ట్‌వేర్‌ సేవలు అందించే రియల్‌పేజ్‌ సంస్థ.. సామాజిక బాధ్యతలో భాగంగా ఇటీవల ‘రియల్‌ సోల్స్‌ ఫ్రమ్‌ రియల్‌ సోల్స్‌’ కార్యక్రమాన్ని ప్రారంభించింది. అందులోభాగంగా పేద విద్యార్థులకు ఉచితంగా బూట్లను అందిస్తోంది.  అమెరికా రికార్డును అధిగమించి..  అత్యంత ఎక్కువ బూట్లను వరుసగా పేర్చిన రికార్డు ఇంతకుముందు అమెరికాలో నమోదైందని, అక్కడ 2011లో 24,962 జతల బూట్లతో ‘లాంగెస్ట్‌ లైన్‌ ఆఫ్‌ షూస్‌’గా రికార్డ్‌ ఉందని గిన్నిస్‌ వరల్డ్‌ రికార్డ్స్‌ అడ్జుడికేటర్‌ స్వప్నిల్‌ డంగరికర్‌ వెల్లడించారు. ఆదివారం గచ్చిబౌలిలో బూట్ల ప్రదర్శనను పరిశీలించి.. రియల్‌పేజ్‌ సంస్థ కొత్త రికార్డును సాధించిందని తెలిపారు. కాగా.. రియల్‌ పేజ్‌ సంస్థ తెలంగాణలో ప్రభుత్వ పాఠశాలల విద్యార్థులకు బూట్లు పంపిణీ చేయడం అభినందనీయమని శాట్స్‌ చైర్మన్‌ వెంకటేశ్వర్‌రెడ్డి అభినందించారు.  మరింత సాయం అందిస్తాం తెలంగాణలో ప్రభుత్వ పాఠశాలల విద్యార్థులకు మరింత తోడ్పాటు అందిస్తామని రియల్‌ పేజ్‌ ఇండియా సీనియర్‌ వైస్‌ ప్రెసిడెంట్, ఎండీ సందీప్‌శర్మ తెలిపారు. ప్రస్తుతం బూట్లు పంపిణీ చేస్తున్నామని.. బ్యాగులు, యూనిఫాం, బెంచీలు, కిచెన్‌ వంటివి కూడా ఏర్పాటు చేస్తామని వివరించారు. ప్రభుత్వ పాఠశాలల్లో మౌలిక వసతులను మెరుగుపర్చాల్సిన అవసరం ఉందని పేర్కొన్నారు.   

సాక్షి, హైదరాబాద్‌:  గచ్చిబౌలి స్టేడియంలో క్రీడాకారులు అథ్లెట్లు శుక్రవారం ఆందోళనకు దిగారు. స్టేడియాన్ని కాపాడాలని ధర్నా చేపట్టారు.  టిమ్స్‌ ఆసుపత్రి కోసం ఇప్పటికే 9 ఎకరాలు కేటాయించగా.. గచ్చిబౌలి స్టేడియంలోని మరో 5 ఎకరాలు టిమ్స్‌కు కేటాయించాలని ప్రభుత్వం నిర్ణయించింది. దీంతో ప్రభుత్వం నిర్ణయంపై అథ్లెట్లు ఆగ్రహం వ్యక్తం చేస్తున్నారు. రెండు తెలుగు రాష్ట్రాల్లో అంతర్జాతీయ స్థాయిలో ఉన్న ఒకే ఒక స్టేడియం గచ్చిబౌలి స్టేడియమని, దాన్ని కూడా హాస్పిటల్‌కు ఇవ్వడం అన్యాయం అంటూ ఆందోళన చేపట్టారు.  ఆరోగ్యంగా ఉండాలంటే స్పోర్ట్స్ ఫిట్‌నెస్‌ తప్పనిసరి అని అథ్లెట్లు చెబుతున్నారు. సిధూ ఒలంపిక్‌ పథకం సాధించింది అంటే అది గచ్చిబౌలి స్టేడియం వల్లనే అని, అలాంటి స్టేడియం విచ్చినం చేయడం సరైనది కాదని అంటున్న ఆధ్లెట్స్ , వారి తల్లిద్రందుల ఆవేదన వ్యక్తం చేస్తున్నారు.

సాక్షి, హైదరాబాద్‌: రాష్ట్రానికి ఓ క్రీడా విధానమంటూ లేకపోవడాన్ని ఏ విధంగా అర్థం చేసుకోవాలని బీజేపీ ఎమ్మెల్యే రఘునందన్‌రావు ప్రశ్నిం చారు. రాష్ట్రంలో క్రీడల అభివృద్ధికి చర్యలు తీసుకోకపోగా గచ్చిబౌలి స్టేడియంలోని స్థలాన్ని ఇతర సంస్థలకు ఇవ్వడానికి కుట్ర జరుగుతోందని ఆయన ఆరోపించారు. శనివారం ఆయన మీడియాతో మాట్లాడుతూ గచ్చిబౌలి స్టేడియం టవర్‌లో టిమ్స్‌ ఆస్పత్రి అభివృద్ధి చెందాలని అనుకున్నామన్నారు. అయితే దానికి భిన్నంగా స్టేడియం మధ్యలో ఐదెకరాల స్థలాన్ని టిమ్స్‌కు కేటాయించాలని ప్రభుత్వం నిర్ణయించి, సంబంధం లేని వ్యక్తులతో పంచనామాపై సంతకం చేయించారని విమర్శించారు. దీన్ని అడ్డుపెట్టుకుని ఈ ప్రాంతం లోని 25 ఎకరాల స్థలాన్ని ఇతరులకు కట్టబెట్టే ప్రయత్నం జరుగుతోందన్నారు. దీనిపై మంగళవారం నుంచి క్రీడాకారులు, క్రీడా ప్రేమికులతో కలిసి ఆందోళన కార్యక్రమాలు చేపడతామని వెల్లడించారు. హైదరాబాద్‌లోని స్టేడియాలని అభివృద్ధి చేయాల్సింది పోయి సీఎం నియోజకవర్గం గజ్వేల్‌లో రూ.50 కోట్లతో స్టేడియం, ఆర్థికమంత్రి హరీశ్‌రావు నియోజకవర్గం సిద్దిపేటలో, మున్సిపల్‌ మంత్రి కేటీఆర్‌ ప్రాతినిధ్యం వహిస్తున్న సిరిసిల్లలో స్టేడియాలు మంజూరు చేసుకోవడం ఏంటని రఘునందన్‌రావు ప్రశ్నించారు. రాష్ట్రంలో 25 వేల ఎకరాల్లో క్రీడా గ్రామాన్ని నిర్మిస్తామని సీఎం కేసీఆర్‌ ఏడేళ్ల కిందట చేసిన ప్రకటన ఏమైందని నిలదీశారు. మున్సిపల్‌ మంత్రి కేటీఆర్‌కు, క్రీడలకు ఏం సంబంధం? ఒలింపిక్‌ అసోసియేషన్‌లో ఆయన ఎందుకు వేలు పెట్టారని నిలదీశారు. ఐటీశాఖ ముఖ్యకార్యదర్శి జయేశ్‌రంజన్‌ ఒలింపిక్‌ అసోసియేషన్‌ అధ్యక్షుడిగా ఎన్నికై 20 నెలలు దాటినా ఎందుకు బాధ్యతలు తీసుకోలేదని రఘునందన్‌రావు ప్రశ్నించారు.     

గచ్చిబౌలి : గచ్చిబౌలి స్టేడియంలోని స్పోర్ట్స్‌ కాంప్లెక్స్‌లో కరోనా బాధితుల కోసం ఐసోలేషన్‌ వార్డును సిద్ధం చేస్తున్నారు. ఇప్పటికే స్పోర్ట్స్‌ విలేజ్‌లోని కాంప్లెక్స్‌ను రంగారెడ్డి జిల్లా కలెక్టర్‌ సందర్శించారు. సోమవారం 100 మంది జీహెచ్‌ఎంసీ పారిశుధ్య విభాగం కార్మికులు స్పోర్ట్స్‌ కాంప్లెక్స్‌లోని అంతస్తులను శుభ్రం చేస్తున్నారు. రంగారెడ్డి జిల్లా మెడికల్‌ ఆఫీసర్‌ ఐసోలేషన్‌ వార్డును పర్యవేక్షణ చేయనున్నారు. రాజేంద్రనగర్‌ ఆర్డీఓ చంద్రకళను ఐసోలేషన్‌ వార్డుకు నోడల్‌ ఆఫీసర్‌గా నియమించినట్లు సమాచారం.

సాక్షి, హైదరాబాద్‌: సౌత్‌జోన్‌ జూనియర్‌ అక్వాటిక్‌ చాంపియన్‌షిప్‌లో తెలంగాణ స్విమ్మర్లు రుత్విక్‌ రెడ్డి, ఎం. సుహాస్‌ ప్రీతమ్‌ సత్తా చాటారు. గచ్చిబౌలిలో ఆదివారం ముగిసిన ఈ టోర్నమెంట్‌లో గ్రూప్‌–1 బాలుర వ్యక్తిగత ఈవెంట్‌లో రుత్విక్‌ రెడ్డి, గ్రూప్‌–3 బాలుర కేటగిరీలో సుహాస్‌ ఓవరాల్‌ చాంపియన్‌లుగా నిలిచారు. బాలుర విభాగంలో రుత్విక్, బాలికల విభాగంలో సువన భాస్కర్‌ చెరో 35 పాయింట్లతో చాంపియన్‌షిప్‌ను కైవసం చేసుకున్నారు. గ్రూప్‌–3 విభాగంలో సుహాస్‌ ప్రీతమ్, రేణుకాచార్య తలా 26 పాయింట్లతో ఓవరాల్‌ చాంపియన్‌లుగా నిలిచారు. టీమ్‌ విభాగంలో కర్ణాటక 1279 పాయింట్లతో అగ్రస్థానాన్ని దక్కించుకోగా, తమిళనాడు 611 పాయింట్లతో రన్నరప్‌గా నిలిచింది. ఆదివారం జరిగిన పోటీల్లో తెలంగాణ స్విమ్మర్లు 4 రజతాలు, ఒక కాంస్యాన్ని గెలుచుకున్నారు. గ్రూప్‌–2 బాలుర 200 మీ. బ్యాక్‌స్ట్రోక్‌ ఈవెంట్‌లో బి. సాయి నిహార్‌ (2ని:23.13సె.), గ్రూప్‌–1 బాలుర 200మీ. బ్యాక్‌స్ట్రోక్‌ ఈవెంట్‌లో వై. జశ్వంత్‌ రెడ్డి (2ని:18.68సె.),  100మీ. బ్రెస్ట్‌ స్ట్రోక్‌లో సూర్యాన్షు (1ని:12.32సె.), 400మీ. ఫ్రీస్టయిల్‌లో సీహెచ్‌ అభిలాశ్‌ (4ని:26.12సె.) తలా ఓ రజతాన్ని సాధించారు. జాహ్నవి గోలి గ్రూప్‌–1 బాలికల 200 మీ. బ్యాక్‌స్ట్రోక్‌ను 2నిమిషాల 43.36 సెకన్లలో పూర్తిచేసి కాంస్య పతకాన్ని గెలుచుకుంది. ఆంధ్రప్రదేశ్‌ స్విమ్మర్లు 2 పతకాల్ని సాధించారు. గ్రూప్‌–4 బాలుర 100మీ. ఫ్రీస్టయిల్‌ ఈవెంట్‌లో ఎం. యజ్ఞసాయి (1ని:7.08సె.), గ్రూప్‌–2 బాలికల 100మీ. బ్రెస్ట్‌స్ట్రోక్‌ ఈవెంట్‌లో వి. నాగ గ్రీషి్మణి (1ని:25.41సె.) మూడో స్థానంలో నిలిచి కాంస్య పతకాలను సొంతం చేసుకున్నారు. పోటీల అనంతరం జరిగిన బహుమతి ప్రదాన కార్యక్రమంలో హోప్‌ ఫౌండేషన్‌ చైర్మన్‌ కొండా విజయ్‌ కుమార్, నార్సింగి మార్కెట్‌ యార్డ్‌ చైర్మన్‌ చంద్రశేఖర్‌ రెడ్డి ముఖ్య అతిథులుగా విచ్చేసి విజేతలకు ట్రోఫీలను అందజేశారు.   

సాక్షి, హైదరాబాద్‌: సౌత్‌జోన్‌ జూనియర్‌ ఆక్వాటిక్‌ చాంపియన్‌షిప్‌ ఆద్యంతం ఆధిపత్యం ప్రదర్శించిన కర్ణాటక జట్టు ఓవరాల్‌ చాంపియన్‌షిప్‌ను కైవసం చేసుకుంది. గచ్చిబౌలిలోని జీఎంసీ బాలయోగి స్టేడియంలో జరిగిన ఈ టోర్నీలో మొత్తం 1279 పాయింట్లు సాధించిన కర్ణాటక జట్టు అగ్రస్థానాన్ని దక్కించుకుంది. జూనియర్, సబ్‌ జూనియర్‌ విభాగాల్లో కర్ణాటక, తమిళనాడు జట్లు వరుసగా తొలి రెండు స్థానాల్లో నిలిచాయి. వ్యక్తిగత విభాగం ఓవరాల్‌ చాంపియన్‌షిప్‌ జాబితాలో గ్రూప్‌–1 విభాగంలో రుత్విక్‌ రెడ్డి (తెలంగాణ), సువన భాస్కర్‌ (కర్ణాటక)... గ్రూప్‌–2 విభాగంలో ఉత్కర్ష్‌ వెంకటేశ్‌ (కర్ణాటక), నైనా వెంకటేశ్‌ (కర్ణాటక)... గ్రూప్‌–3 కేటగిరీలో సుహాస్‌ ప్రీతమ్‌ (తెలంగాణ), రేణుకాచార్య (కర్ణాటక), గ్రూప్‌–4 కేటగిరీలో పీవీ మోనిశ్‌ (కర్ణాటక), ధినిధి డేసింగు (కర్ణాటక) వరుసగా తొలి రెండు స్థానాలను దక్కించుకున్నారు. తమిళనాడు జట్టు చివరి రోజు ఈవెంట్‌ల ఫలితాలు 1500మీ. ఫ్రీస్టయిల్‌ గ్రూప్‌–2 బాలురు: 1. సర్వేపల్లి కృష్ణ ప్రణవ్‌ (తమిళనాడు), 2. శివాంక్‌ విశ్వనాథ్‌(కర్ణాటక), 3. సంజిత్‌ (కర్ణాటక); బాలికలు: 1. అష్మిత చంద్ర (కర్ణాటక), 2. మహాలక్ష్మి (తమిళనాడు), 3. మేధ వెంకటేశ్‌ (కర్ణాటక). 400మీ. ఫ్రీస్టయిల్‌ గ్రూప్‌–1 బాలురు: 1. సమర్థ రావు (కర్ణాటక), 2. సీహెచ్‌ అభిలాష్‌ (తెలంగాణ), 3. మోహిత్‌ వెంకటేశ్‌ (కర్ణాటక); బాలికలు: 1. ప్రీత వెంకటేశ్‌ (కర్ణాటక), 2. నిధి శశిధర (కర్ణాటక), 3. మిధుల జితేశ్‌ (కేరళ). 200మీ. బ్యాక్‌స్ట్రోక్‌ గ్రూప్‌–2 బాలురు: 1. ఉత్కర్ష్‌ పాటిల్‌ (కర్ణాటక), 2. సాయి నిహార్‌ (తెలంగాణ), 3. అక్షయ్‌ (కర్ణాటక); బాలికలు: 1. సనా మాథ్యూ (కేరళ), 2. నైషా శెట్టి (కర్ణాటక), మణి జాధవ్‌ (కర్ణాటక). గ్రూప్‌–1 బాలురు: 1. డారెల్‌ స్టీవ్‌ (తమిళనాడు), 2. జశ్వంత్‌ రెడ్డి (తెలంగాణ), 3. దీప్‌ వెంకటేశ్‌ (కర్ణాటక); బాలికలు: 1. సువన (కర్ణాటక), 2. భూమిక (కర్ణాటక), 3. జాహ్నవి (తెలంగాణ). 100మీ. ఫ్రీస్టయిల్‌ గ్రూప్‌–4 బాలురు: 1. మోనిశ్‌ (కర్ణాటక), 2. సాయి ఆదిత్య (తమిళనాడు), 3. యజ్ఞ సాయి (ఆంధ్రప్రదేశ్‌); బాలికలు: 1. ధినిధి డేసింగు (కర్ణాటక), 2. క్యారెన్‌ బెన్నీ (కేరళ), 3. ప్రమితి (తమిళనాడు). 100మీ. బ్రెస్ట్‌ స్ట్రోక్‌ గ్రూప్‌–2 బాలురు: 1. జాషువా థామస్, 2. విదిత్‌ శంకర్, 3. శుభాంగ్‌ కుబేర్‌; బాలికలు: 1. హితైశ్‌ (కర్ణాటక), 2. అన్విత (కర్ణాటక), 3. నాగ గ్రీష్మిణి(ఆంధ్రప్రదేశ్‌). గ్రూప్‌–1 బాలురు: 1. లితీశ్‌ గౌడ్‌ (కర్ణాటక), 2. సూర్యాన్షు (తెలంగాణ), 3. గిరిధర్‌ (కేరళ). రుత్విక్‌ రెడ్డి (తెలంగాణ), సుహాస్‌ ప్రీతమ్‌ (తెలంగాణ)

సాక్షి, హైదరాబాద్‌: సౌత్‌జోన్‌ జూనియర్‌ అక్వాటిక్‌ చాంపియన్‌షిప్‌లో తెలంగాణ స్విమ్మర్లు రాణించారు. గచ్చిబౌలిలో జరుగుతోన్న ఈ టోర్నీలో పోటీలకు రెండోరోజు శనివారం పలు ఈవెంట్‌లలో పాల్గొన్న తెలంగాణ స్విమ్మర్లు ఒక స్వర్ణం, 4 రజతాలు, 4 కాంస్య పతకాలను గెలుచుకున్నారు. ఆంధ్రప్రదేశ్‌ జట్టుకు రెండు పతకాలు లభించాయి. ఈవెంట్‌ల వారీగా విజేతల వివరాలు ఇలా ఉన్నాయి.  800 మీ. ఫ్రీస్టయిల్‌  గ్రూప్‌–1 బాలురు: 1. దీప్‌ వెంకటేశ్‌ (కర్ణాటక), 2. మోహిత్‌ వెంకటేశ్‌ (కర్ణాటక), 3. సీహెచ్‌ అభిలాష్‌ (తెలంగాణ); బాలికలు: 1. నిధి (కర్ణాటక), 2. అనుమతి చౌగులే (కర్ణాటక), 3. కవియా (తమిళనాడు).  గ్రూప్‌–2 బాలురు: 1. సర్వేపల్లి కృష్ణప్రణవ్‌ (తమిళనాడు), 2. శివాంక్‌ విశ్వనాథ్‌ (కర్ణాటక), 3. సంజిత్‌ (కర్ణాటక); బాలికలు: 1. అశ్మిత చంద్ర (కర్ణాటక), 2. వృత్తి అగర్వాల్‌ (తెలంగాణ), 3. రితిక (కర్ణాటక). గ్రూప్‌–3 బాలురు: 1. ఆర్‌. నవనీత్‌ (కర్ణాటక), 2. సుహాస్‌ ప్రీతమ్‌ (తెలంగాణ), 3. తనవ్‌ భరద్వాజ్‌ (కర్ణాటక); బాలికలు: 1. హషిక (కర్ణాటక), 2. విహిత (కర్ణాటక), 3. రోషిణి (తమిళనాడు).  200 మీ. వ్యక్తిగత మెడ్లే గ్రూప్‌–1 బాలురు: 1. రాజ్‌ వినాయక్‌ (కర్ణాటక), 2. లితీశ్‌ గౌడ (కర్ణాటక), 3. విశ్వాస్‌ రెడ్డి (తెలంగాణ); బాలికలు: 1.జాహ్నవి (తెలంగాణ)  2. గుణ్‌ మత్తా (కర్ణాటక), 3. అనుమతి (కర్ణాటక).  గ్రూప్‌–2 బాలురు: 1. ఉత్కర్‌‡్ష (కర్ణాటక), 2. సాయి నిహార్‌ (తెలంగాణ), 3. తరుణ్‌ అరుణ్‌ (కర్ణాటక); బాలికలు: 1. లక్ష్య (కర్ణాటక), 2. నైషా షెట్టి (కర్ణాటక), 3. శ్రీయ మేరీ కమల్‌ (కేరళ). గ్రూప్‌–4 బాలురు: 1. సాయి ఆదిత్య (తమిళనాడు), 2. మోనిశ్‌ (కర్ణాటక), 3. గౌతమ్‌ శశివర్ధన్‌ (తెలంగాణ); బాలికలు: 1. ధినిధి డేసింగు (కర్ణాటక), 2. మెహ్రీన్‌ (కేరళ), 3. అలంకృతి (ఆంధ్రప్రదేశ్‌). 100 మీ. బటర్‌ఫ్లయ్‌ గ్రూప్‌–1 బాలురు: 1. రాజ్‌ వినాయక్‌ (కర్ణాటక), 2. సుదర్శన్‌ (కర్ణాటక), 3. విశ్వాస్‌ రెడ్డి (తెలంగాణ); బాలికలు: 1. విద్యశ్రీ (కర్ణాటక), 2. ఇన్‌చర (కర్ణాటక), 3. మరియా పడయత్‌ (కేరళ). గ్రూప్‌–2 బాలురు: 1. ఉత్కర్ష్‌ (కర్ణాటక), నయన్‌ విఘ్నేశ్‌ (కర్ణాటక), 3. కార్తికేయన్‌ (తమిళనాడు); బాలికలు: 1. నైనా (కర్ణాటక), 2. సంజన (తెలంగాణ), 3. అన్షు దేశ్‌పాండే (కర్ణాటక).  గ్రూప్‌–3 బాలురు: 1. రేణుకాచార్య (కర్ణాటక), 2. తీర్ధు సామదేవ్‌ (ఆంధ్రప్రదేశ్‌), 3. ఆర్యన్‌ పాటిల్‌ (కర్ణాటక); బాలికలు: 1. హషిక (కర్ణాటక), 2. సాబా సుహానా (కర్ణాటక), 3. రోషిణి (తమిళనాడు). 

సాక్షి, హైదరాబాద్‌: సౌత్‌జోన్‌ జూనియర్‌ అక్వాటిక్స్‌ చాంపియన్‌షిప్‌ పోటీల తొలి రోజు కర్ణాటక స్విమ్మర్లు పతకాల పంట పండించారు. గచ్చిబౌలి స్టేడియంలో జరుగుతున్న ఈ పోటీల్లో మొదటి రోజు ఏకంగా కర్ణాటక స్విమ్మర్లు 32 ఈవెంట్స్‌లో స్వర్ణ పతకాలు సొంతం చేసుకున్నారు. ఇక తెలంగాణ, ఆంధ్రప్రదేశ్‌ స్విమ్మర్లు మెరుగైన ప్రదర్శన కనబర్చారు. గచ్చిబౌలి స్టేడియంలో శుక్రవారం ఈ పోటీలు ప్రారంభమయ్యాయి. మొదటి రోజు మొత్తం 40 వేర్వేరు ఈవెంట్లలో పోటీలు జరిగాయి. తెలంగాణ రాష్ట్రానికి మొత్తం 16 పతకాలు, ఆంధ్రప్రదేశ్‌కు మొత్తం 8 పతకాలు లభించాయి. తెలంగాణ పతకాల జాబితాలో 3 స్వర్ణాలు, 3 రజతాలు, 10 కాంస్యాలు ఉండగా... ఏపీ పతకాల్లో 2 రజతాలు, 6 కాంస్యాలు ఉన్నాయి. ఏపీకి మొదటి రోజు స్వర్ణం దక్కలేదు. ఆదివారం వరకు అక్వాటిక్స్‌ చాంపియన్‌షిప్‌ కొనసాగుతుంది. తెలంగాణ తరఫున బాలుర 200 మీటర్ల ఫ్రీస్టయిల్‌ గ్రూప్‌–1, బాలుర 100 మీటర్ల బ్యాక్‌ స్ట్రోక్‌ గ్రూప్‌–1 ఈవెంట్‌లలో ఎస్‌. రుత్విక్‌ నాగిరెడ్డి స్వర్ణాలు గెలుచుకోవడం విశేషం. బాలికల 200 మీటర్ల ఫ్రీ స్టయిల్‌ గ్రూప్‌–2 ఈవెంట్‌లో కె. సంజనకు బంగారు పతకం లభించింది.   తొలి రోజు ఫలితాలు బాలుర విభాగం:  1500 మీ. ఫ్రీస్టయిల్‌ గ్రూప్‌–1: 1. దీప్‌ వెంకటేశ్‌ గిల్డా (కర్ణాటక–17 ని.13.42 సె.), 2. సమర్థ రావు (కర్ణాటక), 3. సాయి గణేశ్‌ (తమిళనాడు). 400 మీ. ఫ్రీస్టయిల్‌ గ్రూప్‌–2: 1. సర్వేపల్లి కృష్ణ్ణ (తమిళనాడు–4ని. 25.97 సె.), 2. తరుణ్‌ గౌడ (కర్ణాటక), 3. శివాంక్‌ విశ్వనాథ్‌ (కర్ణాటక). 200 మీ. ఫ్రీస్టయిల్‌ గ్రూప్‌–3 : 1. రేణుకాచార్య (కర్ణాటక–2 ని. 24.66 సె.), 2. లోకేశ్‌ రెడ్డి (కర్ణాటక), 3. డి. వర్షిత్‌ (తెలంగాణ). 200 మీ. బ్రెస్ట్‌స్ట్రోక్‌ గ్రూప్‌–1: 1. లితీశ్‌ గౌడ (కర్ణాటక–2 ని. 35.48 సె.), 2. అన్బు కథీర్‌ (తమిళనాడు), 3. బి. సూర్యాంశు (తెలంగాణ). 200 మీ. బ్రెస్ట్‌స్ట్రోక్‌ గ్రూప్‌–2: 1. జాషువా థామస్‌ (తమిళనాడు–2 ని. 34.76 సె.), 2. శుభాంగ్‌ కుబేర్‌ (కర్ణాటక), 3. విదిత్‌ శంకర్‌ (కర్ణాటక). 100 మీ. బ్రెస్ట్‌స్ట్రోక్‌ గ్రూప్‌–3: 1. నవనీత్‌ గౌడ (కర్ణాటక–1ని. 24.65 సె.), 2. యష్‌ కార్తీక్‌ (కర్ణాటక), 3. దర్శన్‌ (తమిళనాడు). 50 మీ. బ్రెస్ట్‌స్ట్రోక్‌ గ్రూప్‌–4: 1.ఎస్‌. శ్రీనివాస్‌ (తమిళనాడు–40.68 సె.), 2. యష్‌రాజ్‌ (కర్ణాటక), 3. ఎంఎస్‌ నితీశ్‌ (తమిళనాడు). 50 మీ. బటర్‌ఫ్లయ్‌ గ్రూప్‌–1: 1. సాయి సమర్థ్‌ (కర్ణాటక–27.62 సె.), 2. మోహిత్‌ వెంకటేశ్‌ (కర్ణాటక), 3. బి. సూర్యాంశు (తెలంగాణ).  50 మీ. బటర్‌ఫ్లయ్‌ గ్రూప్‌–2: 1. నయన్‌ విఘ్నేశ్‌ (కర్ణాటక–28.18 సె.), 2. కార్తికేయన్‌ నాయర్‌ (కర్ణాటక), 3. అవినాశ్‌ (తమిళనాడు). 200 మీ. ఫ్రీస్టయిల్‌ గ్రూప్‌–1: 1. ఎస్‌. రుత్విక్‌ నాగిరెడ్డి (తెలంగాణ–2ని. 0.96 సె.), 2. మోహిత్‌ వెంకటేశ్‌ (కర్ణాటక), 3. సీహెచ్‌ అభిలాష్‌ (తెలంగాణ).  200 మీ. ఫ్రీస్టయిల్‌ గ్రూప్‌–2: 1. తరుణ్‌ గౌడ (కర్ణాటక–2 ని. 6.53 సె.), 2. సర్వేపల్లి కృష్ణ్ణ (తమిళనాడు), 3. అక్షయ్‌ (కర్ణాటక). 100 మీ. బ్యాక్‌స్ట్రోక్‌ గ్రూప్‌–3: 1. యష్‌ కార్తీక్‌ (కర్ణాటక–1 ని. 12.97 సె.), 2. ఆర్యన్‌ అప్టిల్‌ (కర్ణాటక), 3. ఎం.తీర్థు సామదేవ్‌ (ఆంధ్రప్రదేశ్‌).  100 మీ. బ్యాక్‌స్ట్రోక్‌  గ్రూప్‌–1: 1. ఎస్‌. రుత్విక్‌ నాగిరెడ్డి (తెలంగాణ–1 ని. 3.92 సె.), 2. వై. జశ్వంత్‌ రెడ్డి (తెలంగాణ), 3. డారెల్‌ స్టీవ్‌ (తమిళనాడు). 100 మీ. బ్యాక్‌స్ట్రోక్‌ గ్రూప్‌–2: 1. ఉత్కర్‌‡్ష పాటిల్‌ (కర్ణాటక–1 ని. 4.50 సె.), 2. అక్షయ్‌ (కర్ణాటక), 3. ఎస్‌. ఆకాశ్‌ (తమిళనాడు).  50 మీ. బ్యాక్‌స్ట్రోక్‌ గ్రూప్‌–4: 1. గోకులన్‌ (తమిళనాడు–36.86 సె.), 2. సర్వేపల్లి ఆదిత్య (తమిళనాడు), 3. శ్రీహరి కత్తి (కర్ణాటక).  50 మీ. బ్రెస్ట్‌స్ట్రోక్‌ గ్రూప్‌–1: 1. అర్జున్‌ శంభు (కేరళ–30.38 సె.), 2. లితీశ్‌ గౌడ (కర్ణాటక), 3. బి. సూర్యాంశు (తెలంగాణ). 50 మీ. బ్రెస్ట్‌స్ట్రోక్‌ గ్రూప్‌–2: 1. విదిత్‌ శంకర్‌ (కర్ణాటక–33.21 సె.), 2. షాన్‌ ఆంటోనీ (కేరళ), 3. జాషువా థామస్‌ (తమిళనాడు).  50 మీ. బ్రెస్ట్‌స్ట్రోక్‌ గ్రూప్‌–3: 1. భువన్‌ రుద్రరాజు (కర్ణాటక–37.91 సె.), 2. నవనీత గౌడ (కర్ణాటక), 3. యష్‌ రాఠీ (ఆంధ్రప్రదేశ్‌).  4–200 మీ. ఫ్రీస్టయిల్‌ గ్రూప్‌–1 రిలే: 1. కర్ణాటక, 2. తెలంగాణ, 3. కేరళ. 4–50 మీ. ఫ్రీస్టయిల్‌ గ్రూప్‌–4 రిలే: 1. కర్ణాటక, 2. తమిళనాడు, 3. తెలంగాణ బాలికల విభాగం: 1500 మీ. ఫ్రీస్టయిల్‌ గ్రూప్‌–1: 1. నిధి శశిధర (కర్ణాటక–20 ని.12.88 సె.), 2. అనుమతి చౌగ్లే (కర్ణాటక), 3. ఎస్‌.కావ్య (తమిళనాడు).  400 మీ. ఫ్రీస్టయిల్‌ గ్రూప్‌–2: 1. అష్మిత చంద్ర (కర్ణాటక–4 ని. 53.24 సె.), 2. వృత్తి అగర్వాల్‌ (తెలంగాణ), 2. కె. సంజన (తెలంగాణ).  200 మీ. ఫ్రీస్టయిల్‌ గ్రూప్‌–3: 1. హషిక (కర్ణాటక–2 ని. 27.30 సె.), 2. సబా సుహానా (కర్ణాటక), జి. శర్ష (తెలంగాణ). 200 మీ. బ్రెస్ట్‌స్ట్రోక్‌ గ్రూప్‌–1: 1. గున్‌ మటా (కర్ణాటక–2 ని 56.16 సె.), 2. ఆరాధన (కేరళ), 3. షానియా గ్రేస్‌ (కర్ణాటక).   200 మీ. బ్రెస్ట్‌స్ట్రోక్‌ గ్రూప్‌–2: 1. హితైషి (కర్ణాటక–2ని. 55.29 సె.), 2. అన్విత గౌడ (కర్ణాటక), 3. వి. నాగ గ్రీష్మిణి (ఆంధ్రప్రదేశ్‌). 100 మీ. బ్రెస్ట్‌స్ట్రోక్‌ గ్రూప్‌–3: 1. విహిత నయన (కర్ణాటక–1 ని. 22.37 సె.), 2. మనవి వర్మ (కర్ణాటక), 3. ఎన్‌. పావని సరయు (ఆంధ్రప్రదేశ్‌).  50 మీ. బ్రెస్ట్‌స్ట్రోక్‌ గ్రూప్‌–4: 1. ధీనిధి (కర్ణాటక–39.53 సె.), 2. ఆకతి మాలిని (తమిళనాడు), 3. అక్షర (తమిళనాడు).  50 మీ. బటర్‌ఫ్లయ్‌ గ్రూప్‌–1: 1. సువన భాస్కర్‌ (కర్ణాటక–29.64 సె.), 2. ఇన్చర (కర్ణాటక), 3. కప (కేరళ).  50 మీ. బటర్‌ఫ్లయ్‌ గ్రూప్‌–2: 1. నీనా వెంకటేశ్‌ (కర్ణాటక–30.11 సె.), 2. రిషిక మంగ్లే (కర్ణాటక), 3. కె. సంజన (తెలంగాణ).  200 మీ. ఫ్రీస్టయిల్‌ గ్రూప్‌–1: 1. బి. ఇన్చర (కర్ణాటక–2 ని. 22.33 సె.), 2. ప్రీత వెంకటేశ్‌ (కర్ణాటక), 3. నిర్మల (కేరళ). 200 మీ. ఫ్రీస్టయిల్‌ గ్రూప్‌–2: 1. కె. సంజన (తెలంగాణ–2 ని. 18. 27 సె.), 2. అష్మిత చంద్ర (కర్ణాటక), 3. హిత ఆనంద్‌ (కర్ణాటక).  100 మీ. బ్యాక్‌స్ట్రోక్‌ గ్రూప్‌–3: 1. మానవి వర్మ (కర్ణాటక–1 ని. 16. 53 సె.), 2. నక్షత్ర గౌతమ్‌ (కర్ణాటక), 3. ఎస్‌. సంధ్య (తమిళనాడు).  100 మీ. బ్యాక్‌స్ట్రోక్‌ గ్రూప్‌–1: 1. సువన భాస్కర్‌ (కర్ణాటక–1 ని. 9.66 సె.), 2. భూమిక (కర్ణాటక), 3. జాహ్నవి గోలి (తెలంగాణ). 100 మీ. బ్యాక్‌స్ట్రోక్‌ గ్రూప్‌–2: 1. నీనా వెంకటేశ్‌ (కర్ణాటక–1 ని. 11.09 సె.), 2. నైషా శెట్టి (కర్ణాటక), 3. అక్షిత (తమిళనాడు).  50 మీ. బ్యాక్‌స్ట్రోక్‌ గ్రూప్‌–4: 1. ధీనిధి (కర్ణాటక–36. 27 సె.), 2. బి. అలంకృతి (ఆంధ్రప్రదేశ్‌), 3. ప్రమితి జ్ఞానశేఖరన్‌ (తమిళనాడు). 50 మీ. బ్రెస్ట్‌స్ట్రోక్‌ గ్రూప్‌–1: 1. గున్‌ మత్తా (కర్ణాటక–37. 77 సె.), 2. ఆరాధన (కేరళ), 3. షానియా గ్రేస్‌ (కర్ణాటక). 50 మీ. బ్రెస్ట్‌స్ట్రోక్‌ గ్రూప్‌–2: 1. అన్విత గౌడ (కర్ణాటక–36.56 సె.), 2. వి. నాగ గ్రీష్మిణి (ఆంధ్రప్రదేశ్‌), 3. హితైషి (కర్ణాటక). 50 మీ. బ్రెస్ట్‌స్ట్రోక్‌ గ్రూప్‌–3: 1. విహిత నయన (కర్ణాటక–37. 55 సె.), 2. మానవి వర్మ (కర్ణాటక), 3. ఎన్‌. పావని సరయు (ఆంధ్రప్రదేశ్‌).  4–200 మీ. ఫ్రీస్టయిల్‌ గ్రూప్‌–1 రిలే: 1. కర్ణాటక, 2. కేరళ, 3. తమిళనాడు. 4–50 మీ. ఫ్రీస్టయిల్‌ గ్రూప్‌–4 రిలే: 1. కర్ణాటక, 2. తమిళనాడు, 3. ఆంధ్రప్రదేశ్‌.   (ఫొటో గ్యాలరీ కోసం ఇక్కడ క్లిక్ చేయండి)

సాక్షి, హైదరాబాద్‌: సౌత్‌జోన్‌ అక్వాటిక్‌ చాంపియన్‌షిప్‌కు సర్వం సిద్ధమైంది. తెలంగాణ స్విమ్మింగ్‌ సంఘం ఆధ్వర్యంలో నేటి నుంచి గచ్చిబౌలిలోని జీఎంసీ బాలయోగి అక్వాటిక్‌ కాంప్లెక్స్‌లో ఈ పోటీలు జరుగనున్నాయి. మూడు రోజుల పాటు జరుగనున్న ఈ టోర్నమెంట్‌లో దక్షిణాది రాష్ట్రాలకు చెందిన దాదాపు 600 మంది స్విమ్మర్లు పాల్గొననున్నారు. ఇందులో తెలంగాణ, ఆంధ్రప్రదేశ్, కర్ణాటక, కేరళ, పాండిచ్చేరి, తమిళనాడు రాష్ట్రాలకు చెందిన స్విమ్మర్లు పతకం కోసం పోటీపడనున్నారు. బాలబాలికల కేటగిరీలలో ఫ్రీస్టయిల్, మెడ్లీ, బటర్‌ఫ్లయ్, బ్యాక్‌స్ట్రోక్, రిలే ఈవెంట్‌లలో పోటీలు జరుగుతాయి. ఇందులో పాల్గొనే క్రీడాకారులను వయస్సు ప్రకారం గ్రూప్‌–1 (15, 16, 17 వయస్సు), గ్రూప్‌–2 (12, 13, 14 వయస్సు), గ్రూప్‌–3 (11 వయస్సు), గ్రూప్‌–4 (9, 10 వయస్సు)గా విభజించారు. తెలంగాణ నుంచి మొత్తం 105 మంది స్విమ్మర్లు ఈ టోర్నీలో తమ అదృష్టాన్ని పరీక్షించుకోనున్నారు. ఇందులో 52 మంది బాలికలు, 53 మంది బాలురు ఉన్నారు. శుక్రవారం మధ్యాహ్నం 3:00 గంటలకు జరుగనున్న టోర్నీ ప్రారంభోత్సవ కార్యక్రమంలో తెలంగాణ రాష్ట్ర క్రీడా మంత్రి వి. శ్రీనివాస్‌ గౌడ్‌ ముఖ్య అతిథిగా విచ్చేసి పోటీలను ప్రారంభిస్తారు.   తెలంగాణ జట్ల వివరాలు బాలికలు: ఇష్వి మతాయ్,  ఎం. ప్రణతి, డి.సాయి కీర్తన, పి. స్తుతిశ్రీ, టి. సంవేద, నిషా గణేశ్, ఆయుషి గుప్తా, శ్రేయ పంజల, జాహ్నవి, పి. సింధుజ, డీఎం హర్షిత, ఫతీకా, సుదీక్ష, శ్రీమణి, కాత్యాయని, కశ్యపి, కె. సంజన, వృత్తి అగర్వాల్, సరయు రెడ్డి, వాణి జిందాల్, హాసిని రెడ్డి, ఎం. రిత్విక, ఆస్థ, జి. రాజలక్ష్మి, పి. చిన్మయి రెడ్డి, యోగిత, జి. రాజ్‌శ్రీ లాస్య, ప్రీతి సుసాన్, ఎ. మోక్షిత, వేదశ్రీ ఉప్పాల, శ్రీజని, గనగశ్రీ, హేమన్‌వర్షిణి, కె. సుదీక్ష, శ్రీ నిత్య, డి. రీతు, అదితి, టి. సాయి ప్రజ్ఞ, ఖనక్‌ జైన్, పి.షినేష్మ, ఇషితా రసమయి, అభిచందన, సిమ్రన్‌ పటేల్, కె. వర్షిణి ప్రియ, అక్షిత, కర్ణిక గుప్తా, నిహారిక, దీక్షిత, ఎస్‌. తేజస్వి, ఎన్‌. స్ఫూర్తి, వర్ష.   బాలురు: రుత్విక్‌ రెడ్డి, టి. సాయి తరుణ్, సీహెచ్‌ అభిలాష్, వై. జశ్వంత్‌ రెడ్డి, వై. చార్లెస్‌ ఫిన్నే, వి. సాయి ప్రణీత్‌ కుమార్, కె. రాఘవేంద్ర, దువాన్‌‡్ష శర్మ, సాయి ప్రణయ్, సూర్యాన్షు బాషా, ఎం. విశ్వాస్‌ రెడ్డి, దిగ్విజయ్, అభిషేక్, పి. త్రిషిక్, ఎస్‌. రాజ్‌ లిఖిత్, బి. సాయి నిహార్, ఎన్‌. మహర్షిత్, ఎం. హనుమాన్, మొహమ్మద్‌ కమిలుద్దీన్, అర్జున్, ఆర్‌. సాత్విక్‌ రాజ్, ఇషాన్‌దూబే, ఉదిత్‌ కొతారి, కె. శశిధర్‌ రెడ్డి, ఇషాన్‌ అరోరా, అవినాశ్‌ కుమార్, ఆశ్రిత్‌ కుమార్, సుహాస్‌ ప్రీతమ్, జోర్డాన్‌ డోమ్నిక్‌ ఫ్రాంక్లిన్, అక్షిత్, వర్షిత్, స్టాష్‌ జోసెఫ్, ఎస్‌ఎస్‌ ప్రజ్వల్, హర్షిత్, వివేకానంద రెడ్డి, బి. గౌతమ్‌ శశివర్ధన్, అభయ్, తేజస్‌ కుమార్, నమన్, యశస్వీ, కె. సుజల్, కె. లలిత్‌ సాగర్, కె. రోహన్‌ రెడ్డి, ఆర్యమన్‌ సింగ్‌ పటేల్, జి. కార్తీక్, కె. మనీశ్‌ గౌడ్, పి. ఆదిత్య రాయ్, ఎం. అభిషేక్, జ్వాల తనయ్‌ సింగ్, అనిల్‌ శ్రీవాస్తవ్, జె. సాయితేజ, నవీన్‌ కృష్ణ, ఎల్‌. మణిదీప్‌.

హైదరాబాద్ సిటీ అంతర్జాతీయ మార్షల్‌ ఆర్ట్స్‌ ఈవెంట్‌కు వేదిక కానుంది.ఈ మేరకు ఈ నెల 22న గచ్చిబౌలి స్టేడియంలో మిక్స్‌డ్‌ మార్షల్‌ ఆర్ట్స్‌ ‘బ్రేవ్‌–20’ నిర్వహించనున్నారు. కండలు తిరిగిన ఫైటర్లు...కళ్లు చెదిరే పంచ్‌లతో రింగ్‌లో అద్భుతమైన విన్యాసాలు చూడొచ్చనినిర్వాహకులు పేర్కొంటున్నారు. ఈ పోరులో పాల్గొనేందుకు  15 దేశాల నుంచి ప్రముఖ ఫైటర్లు నగరానికి రానున్నారు.∙22న మిక్స్‌డ్‌ మార్షల్‌ ఆర్ట్స్‌ ‘బ్రేవ్‌–20’ ∙వేదికైన గచ్చిబౌలి ఇండోర్‌ స్టేడియం  ∙15 దేశాల నుంచి ఫైటర్స్‌ హాజరు∙మన దేశ ఫైటర్లకు గేమ్‌లో చోటు  ∙21న నెక్లెస్‌ రోడ్డులో ఫ్రీ ట్రైల్‌ కండలు తిరిగిన ఫైటర్లు.. పళ్లు బిగించి రింగ్‌లో పంచ్‌లు విసురుతుంటే చూస్తున్న వారి ఒళ్లు జలదరించాల్సిందే. ఇటువంటి ఫైటింగ్‌ వీడియోలు చూసే ఉంటాం. లైవ్‌ ఫైట్స్‌ అన్నీ ఇప్పటి దాకా ‘డబ్ల్యూడబ్ల్యూఈ’ చానల్‌లో మాత్రమే చూసి ఉంటాం. వివిధ రకాల మార్షల్‌ ఆర్ట్స్‌ విదేశాలకే పరిమితమయ్యాయి. ముఖ్యంగా అమెరికా, బ్రిటన్, బ్రెజిల్, కెన్యా, సౌతాఫ్రికా వంటి దేశాల్లో అత్యంత ప్రజాదరణ ఉన్నవాటిలో ఈ క్రీడలు ముందు వరుసలో ఉన్నాయి. ఇప్పుడు అలాంటి సరికొత్త ఆట నగరవాసులను అలరించనుంది. భారతదేశంలో తొలిసారి ‘మెర్క్యుర్‌ స్పోర్ట్స్‌’ సంస్థ ఆధ్వర్యంలో ఈ నెల 22న జరిగే మిక్స్‌డ్‌ మార్షల్‌ ఆర్ట్స్‌(ఎంఎంఏ) ‘బ్రేవ్‌–20’కి గచ్చిబౌలి స్టేడియం వేదిక కానుంది. ఈ పోరులో పాల్గొనేందుకు 15 దేశాల నుంచి కండలు తిరిగిన ఫైటర్లు నగరానికి రానున్నారు. ఈ సందర్భంగా ‘ఎంఎంఏ’పై ‘సాక్షి’ ప్రత్యేక కథనం. – చైతన్య వంపుగాని  ఎక్కడిది ఈ ‘మిక్స్‌డ్‌ మార్షల్‌ ఆర్ట్స్‌’ ‘బెహరైన్‌’ దేశంలో అక్కడి యువరాజు ‘షేక్‌ ఖాలీద్‌ బిన్‌ అహ్మద్‌ అల్‌ ఖలీఫా’ మూడేళ్ల క్రితం ‘మిక్స్‌డ్‌ మార్షల్‌ ఆర్ట్స్‌’(ఎంఎంఏ)ను ‘బ్రేవ్‌–20’ పేరుతో ఈ ఆటను అక్కడ ప్రారంభించారు. ఇలా ఇప్పటి దాకా 22 దేశాల్లో 19 గేమ్స్‌ జరిగాయి. ఇప్పుడు ‘గ్లోబల్‌ ప్రమోషన్‌’ పేరుతో మన దేశంలో ఏర్పాటు చేసేందుకు ‘ఆల్‌ ఇండియా మిక్స్‌డ్‌ మార్షల్‌ ఆర్ట్స్‌ ఫెడరేషన్‌’ అనుమతి ఇచ్చింది. దీంతో దీన్ని సిటీలో నిర్వహించేందుకు ‘మెర్క్యూర్‌ స్పోర్ట్స్‌’ సీఈఓ అక్బర్‌ రషీద్‌ ముందుకు వచ్చారు. ప్రమోటర్స్‌ వంశీరాజ్, శ్రీనివాస్, ఆదిత్యతో కలసి ఈ నెల 22న గచ్చిబౌలి ఇండోర్‌ స్టేడియంలో సాయంత్రం 6 గంటలకు అత్యంత ప్రతిష్టాత్మకంగా ఆటను ప్రారంభించనున్నారు. భారతేదశంలో తొలిసారి నగర వేదికపై ఈ క్రీడ జరుగుతుండడంతో క్రేజ్‌ పెరిగిపోయింది.   బాక్సింగ్‌ను పోలినట్టు.. అందరికీ తెలిసిన బాక్స్‌ంగ్‌ మాదిరిగానే ఈ ఆట కూడా ఉంటుంది. అయితే, ఇందులో ముష్టిఘాతాలతో పాటు కర్రసాము కూడా అదనం. ఈ క్రీడ మిడిల్‌ వెయిట్‌ బౌట్, లైట్‌ వెయిట్‌ బౌట్, బంటమ్‌ వెయిట్‌ బౌట్, స్ట్రావ్‌వెయిట్‌ బౌట్, ఫిదర్‌ వెయిట్‌ బౌట్‌.. ఇలా మొత్తం 12 కేటగిరీల్లో జరుగుతుంది. అండర్‌ కార్డ్‌ విభాగంలో ‘హైవెయిట్‌ బౌట్, బంటమ్‌ వెయిట్‌ బౌట్, మిడిల్‌ వెయిట్‌ బౌట్, లైట్‌ వెయిట్‌ బౌట్, ఫ్లైవైయిట్‌ బౌట్‌’ కేటగిరిల్లో ఇద్దరు చొప్పున తలపడతారు. ఐదు నిమిషాలకు ఓ రౌండ్‌ చొప్పున మూడు రౌండ్స్‌ ఉంటాయి. ఒక్కో గేమ్‌ను 15 నిమిషాల్లో పూర్తి చేయాలి. ఇందులో ఓ నిమిషం బ్రేక్‌ ఉంటుంది.    150 మంది ఆటగాళ్లు రాక గతంలో ‘మిక్స్‌డ్‌ మార్షల్‌ ఆర్ట్స్‌’ చాంపియన్‌షిప్‌ను కైవసం చేసుకున్న ఆటగాళ్లు కూడా ఇప్పుడు జరిగే పోటీలో పాల్గొనేందుకు సిటీకి రానున్నారు. అలాంటి వారు 150 మంది ఉన్నట్టు అక్బర్‌ రషీద్‌ తెలిపారు. వీరిలో మన దేశానికి చెందిన వారు ఎనిమిది మంది ఉన్నారు. వారిలో లియోన్‌ అలియూ, కాంతరాజ్‌ శంకర్, నెల్సన్‌ ఫయీస్, సతేందర్‌ బంకురా, జాసన్‌ సాల్మన్, సరబ్‌జిత్‌ సింగ్, సత్య బహారియా, నిథిన్‌ కోషీ ఉన్నారు. 21న ఆటగాళ్లతో పరిచయం ఈ ఆటను దేశవ్యాప్తంగా ప్రచారం చేసేందుకు ‘మెర్క్యూర్‌ స్పోర్ట్స్‌’ సిద్ధమైంది. క్రీడాకారులను నగరవాసులకు పరిచయం చేసేందుకు సన్నహాలు చేస్తున్నాం. ఈ నెల 21న మధ్యాహ్నం నెక్లెస్‌రోడ్‌ పీపుల్స్‌ ప్లాజాలో ట్రయల్‌ ఫైట్స్‌ ఉంటాయి. దీనికి ఎలాంటి ప్రవేశ రుసుం లేదు.    – అక్బర్‌ రషీద్, మెర్క్యూర్‌ స్పోర్ట్స్‌ సీఈఓ టికెట్లు ఇలా.. ఈ ఆట టికెట్‌ ధరలు రూ.499 నుంచి రూ.4999 వరకు ఉన్నాయి. గ్యాలరీ టిక్కెట్‌ రూ.499, ప్రీమియం టిక్కెట్‌ రూ.3500, వీవీఐపీ టికెట్‌ రూ.4999. కావాల్సిన వారు  www.meraevents.com లో బుక్‌ చేసుకోవచ్చు.  

అద్భుతమైన సంగీతంతో మ్యూజిక్‌ మాంత్రికుడు ఏఆర్‌ రెహమాన్‌ సిటీని ఉర్రూతలూగించాడు. గచ్చిబౌలి స్టేడియంలో ఆదివారం రాత్రి నిర్వహించిన రెహమాన్‌ మ్యూజిక్‌ ప్రోగ్రాంకు భారీ సంఖ్యలో సంగీతప్రియులు హాజరయ్యారు. ఈ షోలో పలువురు గాయనీ గాయకులు పాలుపంచుకున్నారు. గచ్చిబౌలి స్టేడియం సంగీత మాంత్రికుడి మాయలో ఓలలాడింది. పాటల సందడిలో మునిగిపోయింది. ముస్తఫా ముస్తఫా  డోంట్‌ వర్రీ ముస్తాఫా అంటూ.. ఏఆర్‌ రెహమాన్‌ తన పాటలతో మైమరిపించాడు. ఆదివారం రెహమాన్‌ సంగీత ప్రదర్శనకు పెద్ద సంఖ్యలో  సంగీత ప్రియులు హాజరయ్యారు. జెంటిల్మన్, ప్రేమికుడు వంటి సినిమాల్లోని హిట్‌ సాంగ్స్‌ తో వీనులవిందు చేశాడు. వేదిక లేజర్‌ కాంతులతో కొత్త శోభను సంతరించుకుంది.  వందేమాతరం పాటకు స్టేడియం ప్రాంగణం మొత్తం ఉద్వేగంతో కదిలిపోయింది. దాదాపు రెండున్నర గంటలపాటు షో కొనసాగింది.