చెడు కాలం చెప్పి రాదు. కెరీర్‌లో బిజీగా ఉన్న టైమ్‌లో అలాంటి కాలం ఒకటి బాలీవుడ్‌ నటి హీనాఖాన్‌కు వచ్చింది. అయితే అది చెడు కాలం అని ఆమె అనుకోలేదు. ‘ఇది పరీక్ష కాలం’ అని మాత్రమే అనుకుంది. పరీక్షకు నిలబడాలంటే ఉత్సాహం ఉండాలి. ఆ ఉత్సాహమే శక్తి అవుతుంది. ఉత్సాహం దండిగా ఉన్న హీనాఖాన్‌ ఆ పరీక్షను తట్టుకొని నిలబడుతూ ఎంతోమందికి స్ఫూర్తిని ఇస్తోంది.‘గూగుల్‌ ఇయర్‌ ఇన్‌ సెర్చ్‌ గ్లోబల్‌ లిస్ట్‌–2024’లో అత్యధికంగా సెర్చ్‌ చేసిన నటుల్లో హీనాఖాన్‌ 5వ స్థానంలో నిలిచింది. ఈ సందర్భంగా ఎంతో మంది ఖాన్‌ను అభినందిస్తున్నారు. ఆమె మాత్రం ఇన్‌స్టాగ్రామ్‌ స్టోరీలో ‘చాలా మంది నన్ను అభినందించడం చూస్తున్నాను. నిజాయితీగా చెప్పాలంటే ఇది విజయం, గర్వించదగిన విషయం అనుకోవడం లేదు’ అని రాసింది. ఆరోగ్య సవాళ్ల కంటే వృత్తిపరమైన విజయాలతోనే తనను గుర్తించాలనే విషయాన్ని అంతర్లీనంగా చెప్పింది ఖాన్‌.‘యే రిష్తా క్యా కెహ్లాతా హై’ అనే సీరియల్‌లో అక్షర పాత్రలో నటించి పాపులారిటీని పెంచుకున్న ఖాన్‌ బిగ్‌ బాస్, ఖత్రోస్‌ కే ఖిలాడీలాంటి రియాలిటీ షోలలో పాల్గొని పాపులారిటీని మరింత పెంచుకుంది. జూన్‌ 2024లో రొమ్ము క్యాన్సర్‌ గురించి బహిరంగంగా వెల్లడించింది హీనాఖాన్‌. ‘ఇది సవాలుతో కూడినది అయినప్పటికీ ధైర్యం కోల్పోలేదు. చికిత్స ఇప్పటికే మొదలైంది. దీని నుంచి మరింత బలంగా బయటపడడానికి నేను సిద్ధంగా ఉన్నాను’ అని ఖాన్‌ ఇన్‌స్టాగ్రామ్‌లో రాసింది.ప్రస్తుతం కీమో థెరపీ చేయించుకుంటున్న ఖాన్‌ తన చికిత్స గురించి, తన ఛాలెంజింగ్‌ జర్నీ గురించి ఎప్పటికప్పుడు ఫాలోవర్‌లతో అప్‌డేట్స్‌ పంచుకుంటోంది. వృత్తిపరమైన విజయాలతోనే తనను గుర్తించాలని హీనాఖాన్‌ కోరుకుంటున్నప్పటికీ క్లిష్టమైన సమయాల్లో ఆమె చూపిన ధైర్యానికి ఎంతో మంది అభిమానులు అయ్యారు. సినిమా కష్టాలు ఖాన్‌కు నిజంగానే వచ్చినప్పటికీ సానుకూల శక్తితో పెదవులపై చిరునవ్వు కోల్పోలేదు.గుండెలో ధైర్యం కోల్పోలేదు.అందుకే నటిగానే కాదు ‘సానుకూల శక్తి’ విషయంలోనూ హీనాఖాన్‌కు ఎంతోమంది అభిమానులు ఉన్నారు. ‘హీనాఖాన్‌ అసాధారణ ధైర్యానికి ఉదాహరణగా నిలుస్తుంది. కారుచీకట్లో కూడా కాంతిని కనుగొనే సామర్థ్యం ఆమెలో ఉంది’ అంటూ నెటిజనులు ప్రశంసిస్తున్నారు.ఎంత బిజీగా ఉంటే అంత సంతోషంగా ఉంటాను!మంచి రోజులు, చెడు రోజులు ఉంటాయి. మంచి రోజుల్లో ఎలా ఉన్నా చెడు రోజుల్లో మాత్రం ఉత్సాహంగా ఉండాలి. ఆ ఉత్సాహమే సానుకూల శక్తి ఇస్తుంది. సానుభూతి మాటలు విని బేలగా మారిపోకూడదు. ఎప్పుడూ పాజిటివ్‌గా ఆలోచించాలి. నాకు ఖాళీగా కూర్చోవడం కంటే పని చేయడం, బిజీగా ఉంటేనే ఉత్సాహంగా ఉంటుంది.– హీనాఖాన్‌ (చదవండి: భారతీయ రెస్టారెంట్‌కు ప్రతిష్టాత్మక మిచెలిన్ స్టార్ పురస్కారం!)

క్యాన్సర్‌తో పోరాడటం అంత ఈజీ కాదు. అయినా సరే ఆత్మవిశ్వాసాన్ని కోల్పోకుండా ఆ మహమ్మారిని జయించే దిశగా పోరాడుతోంది హిందీ బుల్లితెర నటి హీనా ఖాన్‌. ప్రస్తుతం తనకు రొమ్ము క్యాన్సర్‌ మూడో స్టేజీలో ఉండటంతో వెంటనే కీమో థెరపీ ప్రారంభించారు.సైడ్‌ ఎఫెక్ట్స్‌అయితే వరుస కీమోథెరపీల వల్ల తన శరీరంపై కాలిన మచ్చలు ఏర్పడటంతో పాటు తాజాగా మ్యుకోసైటిస్‌ వ్యాధి బారిన పడింది. ఈ విషయాన్ని ఆమె తన ఇన్‌స్టాగ్రామ్‌ ఖాతా ద్వారా వెల్లడించింది. కీమో థెరపీ చేయించుకోవడం వల్ల వచ్చిన సైడ్‌ ఎఫెక్టే మ్యుకోసైటిస్‌. వైద్యుల సూచన మేరకు దానికి కూడా చికిత్స తీసుకుంటున్నాను. మీలో ఎవరికైనా దీన్ని ఎలా నివారించాలో తెలిస్తే దయచేసి నాకు సాయం చేయండి. సలహా ఇవ్వండిఎందుకంటే భోజనం కూడా చేయలేకపోవడం చాలా కష్టం కదా! మీరు ఇచ్చే సలహాలు నాకెంతో మేలు చేస్తాయి అని రాసుకొచ్చింది. ఇది చూసిన అభిమానులు నటి త్వరగా కోలుకోవాలని ప్రార్థిస్తున్నారు. వైద్యుల చికిత్సనే ఫాలో అయిపో.. పొరపాటున సొంత ప్రయోగం వికటించిందంటే పరిస్థితి మరింత దయనీయంగా మారుతుంది అని కొందరు హెచ్చరించారు.మ్యుకోసైటిస్‌ అంటే..కీమోథెరపీ దుష్ప్రభావాల్లో మ్యుకోసైటిస్‌ అనేది ఒకటి. దీనివల్ల గొంతు, నోరు, అన్నవాహిక, కడుపు, పేగుల్లో ఉండే శ్లేష్మపొరలు వాచిపోతాయి. నోటిలో అల్సర్లు కూడా కనిపిస్తాయి. దీనివల్ల ఆహారం తినలేరు, జీర్ణవ్యవస్థ సక్రమంగా పని చేయదు. కొందరికైతే నోటి నుంచి రక్తం కూడా వస్తుంది. View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan) View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan) చదవండి: సాఫ్ట్‌వేర్ ఇంజనీర్‌ను పెళ్లి చేసుకున్న 'డాన్‌' దర్శకుడు

హీనా ఖాన్‌ ప్రముఖ నటి. హిందీ టీవీరంగంలో అత్యధిక పారితోషికం తీసుకునే నటి. కెరీర్‌ కాంతిపుంజంలా వెలుగుతున్న కాలంలో అనారోగ్యం ఆమె మీద దాడి చేసింది. ఆమె తాను బ్రెస్ట్‌ క్యాన్సర్‌తో బాధపడుతున్నట్లు గుర్తించేటప్పటికే మూడవ దశకు చేరినట్లు సోషల్‌ మీడియా వేదికగా ప్రకటించింది. అయితే క్యాన్సర్‌ బారిన పడినందుకు ఏ మాత్రం కుంగిపోవడంలేదు. కీమోథెరపీ చేయించుకుంటూ తన ఆరోగ్యంతోపాటు ఫిట్‌నెస్‌ మెయింటెయిన్‌ చేసుకోవడానికి క్రమం తప్పకుండా జిమ్‌కెళ్తోంది. వివరాల్లోకి వెళితే...కాళ్లు మొద్దుబారుతున్నాయి..కీమోథెరపీ బాధలు, న్యూరోపతిక్‌ పెయిన్‌ను భరిస్తూ కూడా హెల్దీ లైఫ్‌ స్టయిల్‌ను అనుసరిస్తోంది. ‘కీమోథెరపీ దేహాన్ని పిండేస్తుంది. వర్కవుట్స్‌ చేసేటప్పుడు కాళ్లు పట్టుతప్పుతున్నాయి, ఒక్కసారిగా పడిపోతున్నాను’ అని ఒక పోస్ట్‌ చేసింది. ఇలాంటి పరిస్థితుల్లో కూడా వ్యాయామాన్ని నిర్లక్ష్యం చేయడం లేదామె. మెంటల్, ఫిజికల్‌ వెల్‌నెస్‌ కోసం నొప్పుల బాధలను పళ్లబిగువున భరిస్తూ వ్యాయామం చేస్తోంది. ‘అనారోగ్యంతో కుంగిపోయిన వ్యక్తిలా అభివర్ణించుకోవడం నాకిష్టం లేదు. పడినప్పటికీ తిరిగి లేచి నిలబడాలి. వర్కవుట్‌ చేసే ప్రతిసారీ ‘గెట్టింగ్‌ బ్యాక్‌ అప్‌... అని నాకు నేను చెప్పుకుంటాను.అలా చెప్పుకోకపోతే మానసిక శక్తి రాదు. మానసిక శక్తి లోపిస్తే వ్యాయామం చేయడానికి దేహం సహకరించదు’ అని తన ఇన్‌స్టా్రగామ్‌ ఫాలోవర్స్‌తో పంచుకుంది. ఈ నేపథ్యంలో ఆమె రకరకాల వీడియోలను కూడా పోస్ట్‌ చేసింది. ఒక వీడియోలో జుత్తును తల నుంచి చివరి వరకు నిమిరి అరచేతిలోకి వచ్చిన జుత్తును చూపించింది. గుండు గీసుకుంటూ ఒక వీడియో పోస్ట్‌ చేసింది. మరొక వీడియోలో వర్షంలో గొడుగు వేసుకుని, ప్రోటీన్‌ షేక్‌ ఉన్న ఫ్లాస్క్‌ పట్టుకుని జిమ్‌ ఆవరణలో ప్రవేశించింది. గొడుగు మూస్తూ హాయ్‌ అని పలకరించి విక్టరీ సింబల్‌ చూపించి జిమ్‌ గదిలోకి వెళ్లడంతో వీడియో పూర్తయింది. ‘స్టే స్ట్రాంగ్‌’ అంటూ ఆమె ఫ్లయింగ్‌ కిస్‌ విసిరి వీక్షకులకు మనోధైర్యాన్నిచ్చింది.మీ ఆదరణకు కృతజ్ఞతలు..సోషల్‌ మీడియాలో ఫాలోవర్స్‌ నుంచి అందుతున్న ఆదరణకు ఎప్పటికప్పుడు ప్రతిస్పందిస్తూ ‘మీ అభిమానానికి, ప్రేమకు కృతజ్ఞతతో ఉంటాను. ఈ చాలెంజ్‌లో నేను గెలుస్తాను’ అన్నది. కష్టం వచ్చినప్పుడు ధైర్యాన్ని కోల్పోకూడదు. అనారోగ్యం వస్తే డీలా పడిపోకూడదు. పోరాడి గెలవాలి అనే సందేశం ఇస్తున్న ఆమె వీడియోలు పలువురికి స్ఫూర్తినిస్తున్నాయి. వైద్యం ఎంతగా అభివృద్ధి చెందిందో వివరిస్తూ, క్యాన్సర్‌కు చికిత్స చేయించుకున్న తర్వాత సాధారణ వ్యక్తుల్లాగే క్వాలిటీ లైఫ్‌ను లీడ్‌ చేయడం మనచేతుల్లోనే ఉందని సమాజానికి ధైర్యం చెబుతున్న వారిలో హీనాఖాన్‌ ఒకరు.ఫిట్‌నెస్‌ చాలెంజ్‌..అమెరికాలోని స్లోన్‌ కెట్టెరింగ్‌ క్యాన్సర్‌ సెంటర్‌ సూచనల మేరకు... తేలికపాటి వ్యాయామాలు... రిలాక్స్‌డ్‌ బైకింగ్‌ (గంటకు ఐదు మైళ్లకంటే తక్కువ వేగంతో సాఫీగా ఉన్న నేల మీద సైక్లింగ్‌), స్లో వాకింగ్‌ (చదునుగా ఉన్న నేల మీద గంటకు మూడు మైళ్లకంటే తక్కువ వేగంతో నడవడం). చిన్న చిన్న ఇంటిపనులు, తాయ్‌ చాయ్‌ (దేహాన్ని నిదానంగా కదిలిస్తూ దీర్ఘంగా శ్వాస తీసుకోవడం), ప్లేయింగ్‌ క్యాచ్‌ (బాల్‌ను లేదా ఫ్రిస్‌బీ ప్లేట్‌ను గురి చూసి విసరడం)తీవ్రమైన వ్యాయామాలు...బైకింగ్‌... (గంటకు పది మైళ్లకు మించకుండా సైక్లింగ్‌), బ్రిస్క్‌ వాక్‌ (గంటకు మూడు నుంచి నాలుగున్నర మైళ్ల వేగం), ఇంటి పనుల్లో బరువైనవి కూడా, యోగసాధన, టెన్నిస్‌ వంటి ఆటలు.– అమెరికన్‌ కాలేజ్‌ ఆఫ్‌ స్పోర్ట్స్‌ మెడిసిన్, అమెరికన్‌ క్యాన్సర్‌ సొసైటీలు... క్యాన్సర్‌ పేషెంట్‌లు వారానికి 150 నుంచి 300 నిమిషాలపాటు వ్యాయామం చేయాలని, రోజుకు అరగంట చొప్పున వారానికి ఐదు రోజుల వర్కవుట్‌ షెడ్యూల్‌ ఉండాలని చెప్తున్నాయి.

బుల్లితెర నటి హీనా ఖాన్‌ రొమ్ము క్యాన్సర్‌ బారిన పడింది. ఇటీవలే ఈ విషయాన్ని సోషల్ మీడియా ద్వారా వెల్లడించింది. ప్రస్తుతం ఆమె బ్రెస్ట్‌ క్యాన్సర్‌తో పోరాడుతోంది. ప్రాణాంతక మహమ్మారి సోకిందని భయంతో వణికిపోకుండా దాన్ని జయిస్తానని ధైర్యంగా నిలబడింది. హీనా ఖాన్‌కు ప్రస్తుతం క్యాన్సర్‌ మూడో స్టేజీ ఉండడంతో వెంటనే వైద్యం ప్రారంభించారు. ఇటీవలే ఆమెకు కీమోథెరపీ కూడా చేశారు. ఇలాంటి సమయంలో అమ్మ ప్రేమ తనపై చూపించిన ప్రేమను తలుచుకుంటూ ఎమోషనల్ పోస్ట్ చేసింది.హీనా ఖాన్ తన ఇన్‌స్టాలో.. 'మనకు ఏదైనా జరిగిన తల్లి హృదయం ఎంత తల్లడిల్లుతుందో నాకు అర్థమైంది. తన పిల్లలకు ప్రేమ, సాంత్వన అందించడానికి ఎంత బాధనైనా భరిస్తుంది. నా రోగం గురించి తెలుసుకున్న రోజు ఆమె అనుభవించిన బాధను మాటల్లో చెప్పలేను. కానీ ఆమెనే నన్ను పట్టుకుని తన బాధను మరచిపోయేందుకు యత్నించింది. తల్లులే ఎల్లప్పుడూ మన జీవితంలో ఒక సూపర్ పవర్. ఆమె ముందు ప్రపంచం కూడా చిన్నదే. ఆమె తన చేతుల్లో నన్న ఓదార్చి నాకు బలాన్ని ఇవ్వడానికి ఎంతో తపన పడింది' అంటూ పోస్ట్ చేసింది. తల్లి ఒడిలో కూర్చుని ఉన్న ఫోటోలను ఇన్‌స్టాలో షేర్ చేసింది.కాగా.. హీనా ఖాన్‌.. యే రిష్తా క్యా కెహ్లాతా హై సీరియల్‌తో ఫేమస్‌ అయింది. కసౌటి జిందగీ కే, నాగిన్‌ (5వ సీజన్‌) సీరియల్స్‌లో ముఖ్య పాత్ర పోషించింది. హిందీ బిగ్‌బాస్‌ 11వ సీజన్‌లోనూ అలరించింది. సినిమాలు, వెబ్‌ సిరీస్‌లలోనూ మెప్పించింది. View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan)

బుల్లితెర నటి హీనా ఖాన్‌ రొమ్ము క్యాన్సర్‌తో పోరాడుతోంది. ప్రాణాంతక మహమ్మారి సోకిందని భయంతో వణికిపోకుండా దాన్ని జయిస్తానని ధైర్యంగా నిలబడింది. కానీ కూతురికి క్యాన్సర్‌ రావడాన్ని తట్టుకోలేని ఆమె తల్లి కన్నీళ్లు పెట్టుకుంది. హీనా ఖాన్‌కు ప్రస్తుతం క్యాన్సర్‌ మూడో స్టేజీలో ఉంది. దీంతో వెంటనే వైద్యం ప్రారంభించారు. కీమోథెరపీ చేశారు. ఇందుకోసం జుట్టు కత్తిరించారు.శరీరంపై గాయాలుఫస్ట్‌ కీమోథెరపీ అయిపోయిందంటూ నటి సోషల్‌ మీడియాలో ఫోటోలు షేర్‌ చేసింది. అందులో హీనా చేతి కింద, మెడపైన కాలిన మచ్చలు స్పష్టంగా కనిపిస్తున్నాయి. 'ఈ ఫోటోలో మీకు నా శరీరంపై ఉన్న మచ్చలు కనిపిస్తున్నాయా? లేదా నా కళ్లలోని ఆత్మవిశ్వాసం కనిపిస్తోందా? ఈ కాలిన మచ్చలను చూసి నేనేం బాధపడటం లేదు. నువ్వు ఒక ఫైటర్‌ఎందుకంటే చికిత్స విజయవంతంగా ముందుకు సాగుతుందనడానికి ఇదే నిదర్శనం. నా కళ్ల ద్వారా విజయకాంతిరేఖలను చూడగలుగుతున్నాను' అని ఇన్‌స్టాగ్రామ్‌లో రాసుకొచ్చింది. ఇది చూసిన సెలబ్రిటీలు, అభిమానులు.. నువ్వొక ఫైటర్‌వి.. జాగ్రత్తగా ఉండు హీనా అని కామెంట్లు చేస్తున్నారు.కెరీర్‌..కాగా హీనా ఖాన్‌.. యే రిష్తా క్యా కెహ్లాతా హై సీరియల్‌తో ఫేమస్‌ అయింది. కసౌటి జిందగీ కే, నాగిన్‌ (5వ సీజన్‌) సీరియల్స్‌లో ముఖ్య పాత్ర పోషించింది. హిందీ బిగ్‌బాస్‌ 11వ సీజన్‌లోనూ అలరించింది. సినిమాలు, వెబ్‌ సిరీస్‌లలోనూ మెప్పించింది. View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan) చదవండి: ఓటీటీలో రియల్‌స్టోరీతో సినిమా.. తెలుగులోనూ స్ట్రీమింగ్‌

బాలీవుడ్‌ ప్రముఖ నటి హీనా ఖాన్‌ క్యాన్సర్‌ బారిన పడిన సంగతి తెలిసిందే. తాను బ్రెస్ట్‌ క్యాన్సర్‌తో బాధపడుతున్నట్లు స్వయంగా హీనా ఖానే ఓ వీడియోలో పేర్కొంది. దీంతో ఇండస్ట్రీలోని పెద్దలు ఆమెకు ధైర్యాన్ని అందిస్తున్నారు. తాజాగా టాలీవుడ్‌ స్టార్ హీరోయిన్‌ సమంత కూడా హీనాఖాన్‌కు మానసిక ధైర్యాన్ని అందించింది.(చదవండి: ప్రభాస్‌కి చాలా సిగ్గు.. టికెట్‌ కొనిచ్చి థియేటర్‌కి పంపాడు: హంసనందిని) ‘నీ కోసం నేను ప్రార్థిస్తున్నాను. ధైర్యంగా ఉండు’ అంటూ హీనా ఖాన్‌కి సంబంధించిన వీడియోను ఇన్‌స్టా స్టోరీలో షేర్‌ చేస్తూ.. ‘వారియర్‌’ అనే హ్యాస్‌ ట్యాగ్‌ని జోడించింది. సమంత పోస్ట్‌కు హీనా రిప్లై ఇచ్చింది. ‘సమంత మీరు అన్నిట్లోనూ స్టార్‌. జీవితంలో వచ్చే సవాళ్లను మీరు ఎదుర్కొనే తీరు అద్భుతం. మీ నుంచి నేను ఎంతో స్ఫూర్తి పొందాను. మీ ప్రేమ, ఆశీర్వచనాలకు ధన్యవాదాలు’ అని హీనా ఖాన్‌ రాసుకొచ్చింది.కాగా, సమంత కూడా ఆ మధ్య అనారోగ్యం బారిన పడిన సంగతి తెలిసిందే. మయోసైటిస్ అనే అరుదైన వ్యాధి బారిన పడి.. ఇటీవల కోలుకుంది. తనకొచ్చిన వ్యాధిని దాచి పెట్టకుండా.. అందరికి తెలియజేసి..అవగాహన కలిపించింది. అంతేకాదు ఎంతో ధైర్యంగా ఉండి.. మంచి చికిత్స తీసుకోవడం కారణంగానే త్వరగా కోలుకుంది. సామ్‌ బాటలోనే హీనా ఖాన్‌ కూడా తనకొచ్చి వ్యాధి గురించి ధైర్యంగా బయటి ప్రపంచానికి తెలియజేసింది. మానసికంగా దృఢంగా ఉంటూ త్వరలోనే వ్యాధిని జయిస్తానని, ఈ కష్ట సమయంలో అందరు తోడుగా ఉండాలని కోరింది. View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan)

ప్రముఖ హిందీ నటి హీనా ఖాన్ క్యాన్సర్ బారిన పడింది. మూడో దశ రొమ్ము క్యాన్సర్‌తో ప్రస్తుతం తాను బాధపడుతున్నానని బయటపెట్టింది. అలానే ఇప్పుడు ట్రీట్‌మెంట్ తీసుకుంటున్నానని, త్వరలోనే కోలుకుని తిరిగి మామూలు మనిషి అవుతానని ధీమా వ్యక్తం చేసింది. ఈమె ఇన్ స్టాలో ఇప్పుడు పెట్టిన పోస్ట్ సోషల్ మీడియాలో వైరల్ అవుతోంది. ఇంతకీ ఎవరీమె?(ఇదీ చదవండి: జైలులో హీరో దర్శన్.. ఇతడికి సపోర్ట్‌గా టాలీవుడ్ హీరో)జమ్ము కశ్మీర్‌లో పుట్టి పెరిగిన హీనా ఖాన్.. 2009 నుంచి నటిగా కొనసాగుతోంది. 'హే రిస్తా క్యా ఖేల్తా హై' సీరియల్‌తో కెరీర్ మొదలుపెట్టింది. దీని తర్వాత ఫియర్ ఖత్రోంకి ఖిలాడీ 8, బిగ్ బాస్ 11 రియాలిటీ షోల్లో పాల్గొంది. నాగిన్ 5, షద్యంత్రా తదితర సీరియల్స్‌లోనూ కీలక పాత్రలు చేసి ఆకట్టుకుంది. పలు సీరియల్స్‌లో అతిథి పాత్రలు చేసింది. ఓ అరడజను సినిమాలు, రెండు వెబ్ సిరీసులు కూడా చేసింది.సీరియల్ నటిగా కొనసాగుతున్న టైంలోనే ప్రొడ్యూసర్ రాకీ జైశ్వాల్‌ని ప్రేమించి అతడిని 2014లో పెళ్లి చేసుకుంది. ఇకపోతే తనకు ఆస్తమా ఉన్నట్లు ఓ షోలో బయటపెట్టింది. ఇప్పుడు తాను మూడో దశ రొమ్ము క్యాన్సర్‌తో బాధపడుతున్నట్లు రివీల్ చేసింది. ప్రస్తుతం తాను బాగానే ఉన్నానని, త్వరలో పూర్తిగా కోలుకుని ఆరోగ్యంగా తిరిగొస్తానని చెప్పుకొచ్చింది. దీంతో ఈమె త్వరగా కోలుకోవాలని సహా నటీనటులు కామెంట్స్ పెడుతున్నారు.(ఇదీ చదవండి: పేరు మార్చుకున్న ప్రభాస్.. 'కల్కి'లో ఇది గమనించారా?) View this post on Instagram A post shared by 𝑯𝒊𝒏𝒂 𝑲𝒉𝒂𝒏 (@realhinakhan)

వెర్రి వేయిరకాలంటారు. ముఖ్యంగా కొందరు వీరాభిమానుల ప్రవర్తన వెర్రితనంలాగే కనిపిస్తుంది. అందుకు హిందీ బుల్లితెర నటి హీనా ఖాన్‌ చెప్పిన సంఘటనే ప్రత్యక్ష ఉదాహరణ. ప్రస్తుతం హీనా ఖాన్‌ నటించిన నామాకూల్‌ అనే వెబ్‌ సిరీస్‌ అమెజాన్‌ మినీటీవీలో ప్రసారమవుతోంది. అందులో అందరూ ఇష్టపడే టీచర్‌ పాత్రను పోషించింది.కన్నార్పకుండా చూసేదితాజాగా ఓ ఇంటర్వ్యూలో తనకు ఎదురైన ఇబ్బందికర సంఘటనను పంచుకుంది. ఓ ప్రాజెక్ట్‌ కోసం ఉత్తరాఖండ్‌ షూటింగ్‌లో పాల్గొన్నాను. అది జనాలు తిరుగుతూ ఉండే ప్రదేశం. ఒక అమ్మాయి రోజూ అక్కడికి వచ్చి నన్ను కన్నార్పకుండా చూస్తుండేది. తనను గమనించి పిలిచి మాట్లాడాను. తనతో కాసేపు కాలక్షేపం చేశాను. కానీ కొద్దిరోజులకు తను అలాగే చూస్తూ ఉండటం నాకు కొంత అసౌకర్యంగా అనిపించింది. ఇబ్బందిపడ్డా..పూర్తిగా నా మీదే దృష్టి పెట్టకుండా కాస్త చుట్టుపక్కల కూడా చూడమని నా టీమ్‌తో చెప్పించాను. నేను ఇబ్బందిపడుతున్నానని అర్థమవడంతో వెంటనే వెళ్లిపోయింది. కానీ మర్నాడే సెట్‌కు వచ్చింది. ఆరోజు నేను బాధాకరమైన సీన్‌లో నటించాలి. ఏడుస్తూ ఉన్నాను. కాసేపటికి టిష్యూతో కళ్లు తుడుచుకుని దాన్ని చెత్తబుట్టలో పడేశాను. వెంటనే ఆ అమ్మాయి డస్ట్‌బిన్‌ అంతా వెతకడం మొదలుపెట్టింది. భయపడిపోయానేను వాడిన టిష్యూను అందులో నుంచి తీసుకుని జాగ్రత్తగా తన వద్ద పెట్టుకుంది. ఆమె అలా చేయడం చూసి నేను షాకయ్యాను.. చెప్పాలంటే భయపడ్డాను కూడా! అభిమానం ఉండొచ్చు, కానీ దానికి కూడా హద్దులుండాలి అని హీనా ఖాన్‌ చెప్పుకొచ్చింది. కాగా యే రిష్తా క్యా కెహ్లాతా హై సీరియల్‌తో గుర్తింపు పొందిన హీనా ఖాన్‌ కసౌటి జిందగీ కే, నాగిన్‌ (5వ సీజన్‌) సీరియల్స్‌లో ముఖ్య పాత్ర పోషించింది. హిందీ బిగ్‌బాస్‌లోనూ అలరించింది.చదవండి: ఐదేళ్ల క్రితమే సీక్రెట్‌గా పెళ్లి- విడాకులు.. ఇన్నాళ్లకు నోరు విప్పిన బ్యూటీ

అమ్మా.. ధర్మం చేయండమ్మా.. బాబూ, దానం చేయండయ్యా.. అంటూ ప్లేటు పట్టుకుని తిరిగే యాచకులు ఎందరో! చిల్లర లేదని చెప్పినా సరే కొందరు వినిపించుకోకుండా డబ్బులివ్వమని పట్టుపడతారు. ఇచ్చేవరకు వదిలిపెట్టరు. అయితే బిగ్‌బాస్‌ బ్యూటీ, నటి హీనా ఖాన్‌కు దాదాపు ఇలాంటి పరిస్థితే ఎదురైందట. డబ్బులివ్వమన్నాడు 'నేను కారులో వెళ్తున్నప్పుడు ఓ జంక్షన్‌ వద్ద రెడ్‌ సిగ్నల్‌ పడింది. గ్రీన్‌ సిగ్నల్‌ కోసం ఎదురు చూస్తున్న సమయంలో ఓ వ్యక్తి నా కారు విండో తట్టాడు. డబ్బులివ్వమని అడిగాడు. అయ్యో, నా దగ్గర క్యాష్‌ లేదని బదులిచ్చాను. అతడు వెంటనే.. ఈరోజు ఉదయం నుంచి బోణీ కాలేదు.. ఇంట్లో తమ్ముడు, చెల్లె ఉన్నారు అంటూ అభ్యర్థించాడు. నిజంగానే నా దగ్గర డబ్బుల్లేవు.. అంటూ సారీ కూడా చెప్పాను. అతడు వెంటనే గూగుల్‌ పే చేయండంటూ తన నెంబర్‌ ఇచ్చాడు. నేను ఒక్కసారిగా షాకయ్యాను. వారానికి సరిపడా ఒక వారం రేషన్‌కు సరిపడా డబ్బులు పంపమని చెప్పాడు. వెంటనే అతడికి అవసరమయ్యేంత డబ్బు యూపీఐ ద్వారా పంపించాను. కానీ నిజంగానే సర్‌ప్రైజ్‌ కదా.. డిజిటల్‌ ఇండియా అంటే ఇదేనేమో!' అని చెప్పుకొచ్చింది. హీనా ఖాన్‌.. యే రిష్తా క్యా కెహ్లాతా హై సీరియల్‌తో గుర్తింపు పొందింది. ఖత్రాన్‌ కె ఖిలాడీ 8వ సీజన్‌లో పాల్గొని ఫస్ట్‌ రన్నరప్‌గా నిలిచింది. హిందీ బిగ్‌బాస్‌ 11వ సీజన్‌లోనూ పార్టిసిపేట్‌ చేసింది. కసౌటి జిందగీ కే, నాగిన్‌ (5వ సీజన్‌) సీరియల్స్‌లో ముఖ్య పాత్ర పోషించింది. చదవండి: పిచ్చి కుక్కలా జైల్లో వేద్దామనుకున్నారంటూ నటి ఆవేదన.. గీతూ రాయల్‌పై పరువునష్టం దావా!

మహదేవ్ బెట్టింగ్ యాప్ కేసులో ఈడీ దూకుడు పెంచింది. ఈ కేసులో బాలీవుడ్ నటులైన హుమా ఖురేషి, కపిల్ శర్మ,  హీనా ఖాన్‌లకు సమన్లు జారీ చేసింది. ఈ కేసులో సాక్షుల హోదాలో ముగ్గురు నటులను విచారించనున్నట్లు సమాచారం. ఎన్‌ఫోర్స్‌మెంట్‌ డైరెక్టరేట్ అధికారుల సమాచారం ప్రకారం వీరు ముగ్గురూ  బెట్టింగ్ యాప్‌లను ప్రచారం చేస్తున్నట్లు గుర్తించినట్లు తెలుస్తోంది. ఇందుకోసం వీరు డబ్బును కూడా స్వీకరించినట్లు సమాచారం. అంతేకాకుండా యాప్ ప్రమోటర్ సౌరభ్ చంద్రకర్ వివాహానికి కూడా కపిల్ శర్మ హాజరైనట్లు టాక్ వినిపిస్తోంది.  (ఇది చదవండి: సినిమానే తన జీవితంగా మలచుకున్న నిత్యవిద్యార్థి: ఆయనపై మెగాస్టార్ ప్రశంలు) గడువు కోరిన రణ్‌బీర్‌ కపూర్‌! అయితే ఇప్పటికే అక్టోబర్ 6న అధికారుల ముందు హాజరు కావాలని నటుడు రణబీర్ కపూర్‌కు ఈడీ సమన్లు పంపిన సంగతి తెలిసిందే. అయితే హాజరయ్యేందుకు రెండు వారాల మినహాయింపు కోరినట్లు తెలుస్తోంది. అతని అభ్యర్థనపై ఈడీ ఇంకా నిర్ణయం తీసుకోలేదు. మహదేవ్‌ యాప్‌కి సంబంధించిన ప్రమోషన్ల కోసం అతను అందుకున్న మొత్తం... అతనితో కాంటాక్ట్‌లో ఉన్న వ్యక్తుల గురించి వివరణ కోరాలని ఈడీ భావిస్తోంది. మహాదేవ్ బెట్టింగ్ యాప్ స్కామ్ ఏంటి? మహాదేవ్ బుక్ యాప్ అనేది ఆన్‌లైన్ బెట్టింగ్ ప్లాట్‌ఫామ్. దీని ద్వారా అక్రమంగా మనీలాండరింగ్ కార్యకలాపాలు జరిగినట్లు ఆరోపణలు రావడంతో ఈడీ  దర్యాప్తు ప్రారంభించింది. కాగా.. ఈ యాప్ ప్రమోటర్ సౌరభ్ చంద్రకర్ ఫిబ్రవరి 2023లో దుబాయ్‌లో తన వివాహ వేడుక కోసం ఏకంగా రూ. 200 కోట్లు ఖర్చుపెట్టినట్లు తెలుస్తోంది. అత్యంత విలాసవంతంగా ఈ వేడుక జరిగింది. ఈ పెళ్లికి బాలీవుడ్ ప్రముఖులు టైగర్ ష్రాఫ్, సన్నీలియోన్, నేహా కక్కర్, విశాల్ దద్లానీ, ఎల్లి అవ్రామ్, భారతీ సింగ్, భాగ్యశ్రీ, కృతి కర్బందా, నుష్రత్ భరుచ్చా, అతీఫ్ అస్లాం, రహత్ ఫతే అలీ ఖాన్, అలీ అస్గర్, కృష్ణ, అభిషేక్  సుఖ్విందర్ సింగ్  హాజరయ్యారు. కాగా.. చంద్రాకర్.. మరో ప్రమోటర్ రవి ఉప్పల్‌తో కలిసి ఆన్‌లైన్ గేమింగ్, బెట్టింగ్ యాప్‌ల ముసుగులో బినామీ ఖాతాల ద్వారా మనీలాండరింగ్ చేసినట్లు ఆరోపణలొచ్చాయి. (ఇది చదవండి:  రవితేజకు సారీ చెప్పిన అనుపమ్ ఖేర్.. ఎందుకంటే?) ED has summoned comedian Kapil Sharma and actor Huma Qureshi in connection with the Mahadev betting app case: ED Sources (file pics) pic.twitter.com/rKXxUgtucl — ANI (@ANI) October 5, 2023

బాలీవుడ్ నటి హీనా ఖాన్ ఎయిర్‌పోర్ట్‌లో ఒక్కసారిగా తళుక్కున మెరిసింది. శ్రీనగర్‌లో జరిగిన జీ20 సమ్మిట్‌లో పాల్గొన్న ముద్దుగుమ్మ ముంబయి విమానాశ్రయంలో హల్‌చల్‌ చేసింది. సమావేశాల అనంతరం ముంబయి చేరుకున్న భామకు బాయ్ ఫ్రెండ్ రాకీ జైస్వాల్ ఎయిర్‌పోర్ట్‌లో స్వాగతం పలికాడు. అదే సమయంలో ఈ జంట లిప్‌లాకక్‌తో ముద్దులు పెట్టుకుంటూ రెచ్చిపోయారు. అయితే ఇలా బహిరంగంగా ముద్దులు పెట్టుకోవడం ఏంటని నెటిజన్స్ తీవ్రంగా మండిపడుతున్నారు.  (ఇది చదవండి: 60 ఏళ్ల వయసులో రెండో పెళ్లి చేసుకున్న 'పోకిరి' విలన్‌) అంత త్వరగా ముద్దుపెట్టుకోవాల్సిన అవసరం ఏంటని ఓ నెటిజన్ కామెంట్ చేశారు. మరొకరు రాస్తూ పబ్లిక్‌ ముందు ఇలా చేసినందుకు సిగ్గుపడండి అంటూ రాసుకొచ్చారు. వార్తల్లో నిలిచేందుకు ఇలాంటి పనులు చేస్తున్నారా అంటూ మరో నెటిజన్ మండిపడ్డారు.  పబ్లిక్‌ ఇలాంటి పనులు చేయడాన్ని ప్రతి ఒక్కరూ తప్పుపడుతున్నారు.  కాగా.. హీనా ఖాన్, రాకీ జైస్వాల్ చాలా కాలంగా రిలేషన్‌షిప్‌లో ఉన్నారు. వీరిద్దరి రిలేషన్‌పై బిగ్ బాస్ హౌస్‌లో కూడా ఆమె మాట్లాడింది. గతంలో ఈ జంట బ్రేకప్ చేసుకుందని వార్తలొచ్చాయి. ఈ వార్తలను హీనా ఖాన్ ఖండించిన సంగతి తెలిసిందే.  (ఇది చదవండి: ఈ వారం ఓటీటీలో అలరించే సినిమాలివే!) హీనా ఖాన్ బాలీవుడ్‌ బుల్లితెర నటిగా ఫేమ్ తెచ్చుకుంది. యే రిష్తా క్యా కెహ్లతా హైలో అక్షరా, కసౌతి జిందగీ కే 2లో కొమొలికా పాత్రలో ఆమెకు గుర్తింపు దక్కింది. ఖత్రోన్ కీ కిలాడీ, బిగ్‌ బాస్‌ లాంటి రియాల్టీ షోస్‌లో రన్నరప్‌గా నిలిచింది.  #HinaKhan spotted at Mumbai Airport Rocky came to pick her 🧿💕❤️ @eyehinakhan @JJROCKXX #HiRo #HinaKhan #rRockyJaiswal #NachBaliye #NachBaliye10 #CoupleGoals #Couple #Love #Mumbai #Airport #MumbaiAirport #AirportFashion #Bollywood #BollywoodActress pic.twitter.com/hgECADd84t — hina_khanfc (@Mohamme37896951) May 24, 2023

బాలీవుడ్ నటి హీనా ఖాన్ ఆమె ప్రియుడితో బ్రేకప్‌ చేసుకుందంటూ ఇటీవల సోషల్ మీడియాలో వార్తలు హల్‌చల్‌ చేస్తున్నాయి. దీంతో తాజాగా ఈ వార్తలపై ఆమె స్పందించింది. సోషల్ మీడియాలో  అభిమానులు పెద్దఎత్తున కామెంట్స్ చేయడంతో రూమర్లపై క్లారిటీ ఇచ్చింది.   ప్రియుడు రాకీతో బ్రేకప్‌పై హీనా ఖాన్ స్పందిస్తూ.. ' బ్రేకప్ గురించి కొన్ని కథనాలు విన్నా. కానీ ఇందులో ఎలాంటి నిజం లేదు. ప్రస్తుతం మేం ఇద్దరం చాలా సంతోషంగా ఉన్నాం. దేవుడు మా పట్ల దయతో ఉన్నారు. కానీ ఇది విని నా స్నేహితులు చాలా భయపడ్డారు. రాకీ పూర్తిగా భిన్నమైన వ్యక్తి. ఇలాంటి వాటిని పట్టించుకోడు. నా స్నేహితులు చాలామంది ఈ విషయంపై ఆరా తీశారు.' అని అన్నారు.  హీనా ఖాన్, చిత్రనిర్మాత రాకీ చాలా ఏళ్లుగా డేటింగ్‌లో ఉ‍న్నారు. ప్రస్తుతం ఆమె 'శడ్యంత్ర' అనే వెబ్‌ సిరీస్‌లో నటిస్తోంది. ఆ షో ప్రమోషన్లలో భాగంగా ఇదంతా ప్రచారంలో వ్యూహమని నటి తెలిపింది. వీరిద్దరు యే రిష్తా క్యా కెహ్లతా హై షూటింగ్‌ సెట్స్‌లో మొదటిసారి కలుసుకున్నారు. 

సినీ సెలబ్రెటీలు తమకు సంబంధించిన ఫొటోలను, వ్యక్తి విషయాలను తరచూ సోషల్‌ మీడియా వేదికగా అభిమానులతో పంచుకుంటారు. అంతేకాదు తమ హాట్‌హాట్‌, గ్లామరస్‌ ఫొటోషూట్‌లను షేర్‌ చేస్తూ ఫ్యాన్స్‌, ఫాలోవర్స్‌ను కనువిందు చేస్తుంటారు. అలాగే ప్రముఖ బుల్లితెర నటి, బాలీవుడ్‌ హీరోయిన్‌ హీనా ఖాన్‌ సైతం సోషల్‌ మీడియాలో ఫుల్‌ యాక్టివ్‌గా ఉంటుంది. తరచూ తన వ్యక్తిగత విషయాలను, ఫొటోలతో అలరించే ఆమె రీసెంట్‌గా చేసిన ఓ ట్వీట్‌ చర్చనీయాంశమైంది. అయితే ఇందులో ఆమె ఎవరికో గట్టి వార్కింగ్‌ ఇచ్చింది. కానీ వారి పేరు, ఎవరన్నది మాత్రం ప్రస్తావించలేదు. చదవండి: ఫ్యాషన్‌ డిజైనర్‌ ప్రత్యూష ఆత్మహత్య, ఎమోషనలైన ఉపాసన దీంతో ఈ కామెంట్స్‌ ఎవురిని ఉద్దేశించి చేసిందో తెలియక ఆమె ఫాలోవర్స్‌ ఆలోచనలో పడ్డారు. ఇంతకి ఆ ట్వీట్‌ హీనా ఏం రాసుకొచ్చిందంటే.. ‘కొంచెం కూడా సున్నితత్వం, సభ్యత, మర్యాద లేని మనుషులు ఎన్నో విధాలుగా సరిహద్దులు తెలియకుండా మన జీవితంలోకి వచ్చేస్తుంటారు. వారు అవసరం లేకున్నా నీ పనిలో కలగజేసుకొని, నువ్వు బాధపడేలా చేస్తుంటారు. వారికంటూ లిమిట్ ఏం పెట్టుకోకుండా పక్కవారి జీవితాన్ని డిస్టర్బ్‌ చేయడమే పనిగా పెట్టుకుంటారు. అలాంటి వారికి మనమే సరిహద్దు పెట్టాలి. వారికి దూరంగా ఉండాలి. సరిహద్దులు అనేవి మీ మానసిక ఆరోగ్యాన్ని కాపాడతాయి’ అని పేర్కొంది.  చదవండి: ‘నా సినిమా ఫ్లాప్‌ అయినా కూడా రానా బాగుందనేవాడు’ అయితే ఉన్నట్టుండి ఆమె ఇలాంటి వ్యాఖ్యలు చేయడంపై సర్వత్ర ఆసక్తి నెలకొంది. ఇంతకి హీనా వార్కింగ్‌ ఎవరికి ఇచ్చింది? అంటూ నెటిజన్లు చర్చించుకుంటున్నారు. కాగా బుల్లితెర నటిగా సత్తా చాటిన ఆమె వెండితెరపై హీరోయిన్‌గా కూడా రాణిస్తోంది. అంతేకాదు పలు రియాలిటీ షో కంటెస్టెంట్‌ అలరిస్తూ ఉంటుంది. ఇటీవల ఆమె డిజిటల్‌ ఎంట్రీ కూడా ఇచ్చింది. పలు వెబ్‌ సిరీస్‌, చిత్రాల్లో హీరోయిన్‌గా నటిస్తూ వరుస ఆఫర్స్‌ అందుకుంటోంది. కాగా హీనా ఖాన్‌ గత కొంకాలంగా నిర్మాత రాఖీ జైస్వాల్‌తో డేటింగ్‌ చేస్తున్న సంగతి తెలిసిందే. హిందీ బిగ్‌బాస్‌ 11వ సీజన్‌లో కంటెస్టెంట్‌గా వెళ్లిన హీనాకు గెస్ట్‌ ఎపోసోడ్‌లో భాగంగా హౌజ్‌లోకి వచ్చిన రాఖీ జైస్వాల్‌ ఆమెకు ప్రపోజ్‌ చేశాడు.  Insensitive, rude, disrespectful people come in all forms and don’t know boundaries.. They are intrusive in your business and will say anything to hurt you..So my dear, set boundaries and get rid of those who cross the line..Boundaries protect your mental health you see 🤗 #Peace — Hina Khan (@eyehinakhan) June 8, 2022

Upcoming Movies Of Bollywood Actors And Actresses Playing In Blind Role: చాలెంజింగ్‌ రోల్స్‌ ఒప్పుకోవాలంటే మెంటల్‌గా ప్రిపేర్‌ అవ్వాలి. నటనతో ప్రేక్షకుల మనసులను గెలుచుకోవాలి. ‘గెలుచుకుంటామనే నమ్మకం ఉంది’ అంటున్నారు కొందరు తారలు. ‘మైండ్‌లో ఫిక్సయితే.. బ్లైండ్‌గా చేస్తాం’ అంటూ అంధులుగా నటించడానికి రెడీ అయ్యారు. నటనతో తమ సత్తా చూపిస్తామంటున్నారు. ఈ స్టార్స్‌ చేస్తున్న చిత్రాలపై ఓ లుక్కేయండి.  బిజినెస్‌ డీలింగ్స్‌తో బిజీ కానున్నారు బాలీవుడ్‌ హీరో రాజ్‌కుమార్‌ రావ్‌. ఆయన అన్ని  విషయాలనూ శ్రద్ధగా వింటారు.. కానీ చూడరు. ఎందుకంటే.. బ్లైండ్‌. చూపు లేకపోయినా సూపర్‌ సక్సెస్‌ఫుల్‌ బిజినెస్‌మేన్‌. ఆంధ్ర ప్రదేశ్‌లోని మచిలీపట్నంలో పుట్టిన బొల్లా శ్రీకాంత్‌ జీవితం ఆధారంగా రూపొందనున్న చిత్రంలో శ్రీకాంత్‌గా రాజ్‌కుమార్‌ రావ్‌  నటించనున్నారు.  అమెరికాలోని మసాచుసెట్స్‌ ఇనిస్టిట్యూట్‌ ఆఫ్‌ టెక్నాలజీలో బ్రెయిన్‌ కాగ్నిటివ్‌ సైన్స్‌లో చేరిన తొలి అంధుడిగా శ్రీకాంత్‌ బొల్లా రికార్డు సృష్టించిన విషయం చాలామందికి తెలుసు. అలాగే ఎంతో మంది దివ్యాంగులకు ఉపాధి కల్పించారు శ్రీకాంత్‌. ఈ సక్సెస్‌ఫుల్‌ మేన్‌ జీవితంతో దర్శకురాలు తుషార్‌ హిద్రానీ తెరకెక్కించనున్న ఈ చిత్రానికి టీ సిరీస్‌ భూషణ్‌ కుమార్‌ ఓ నిర్మాత. ఈ సినిమా వచ్చే ఏడాది రిలీజ్‌ అయ్యే అవకాశం ఉంది.  మరోవైపు ఓ సీరియల్‌ కిల్లర్‌ను పట్టుకోవడానికి ఓ లేడీ పోలీసాఫీసర్‌ ప్రయత్నాలు చేస్తున్నారు. ట్విస్ట్‌ ఏంటంటే..n ఈ పోలీసాఫీసర్‌ బ్లైండ్‌. మరి.. ఆ సీరియల్‌ కిల్లర్‌ను ఈ బ్లైండ్‌ పోలీసాఫీసర్‌ ఎలా పట్టుకున్నారు? ఆమెకు హెల్ప్‌ చేసింది ఎవరు? అనే అంశాలు ఆసక్తికరం. పోలీసాఫీసర్‌గా సోనమ్‌కపూర్‌ నటించిన చిత్రం ‘బ్లైండ్‌’. షోమ్‌ మఖీజా ఈ చిత్రానికి దర్శకుడు. 2011లో వచ్చిన సౌత్‌ కొరియన్‌ ఫిల్మ్‌ ‘బ్లైండ్‌’కు రీమేక్‌ ఇది. ఈ సినిమాను ఈ ఏడాదే రిలీజ్‌ చేయాలనుకుంటున్నారు. ప్రస్తుతం సోనమ్‌ కపూర్‌ ప్రెగ్నెంట్‌గా ఉన్నారు. ఆమె డెలివరీ తర్వాత హిందీ ‘బ్లైండ్‌’ చిత్రం రిలీజ్‌ అయ్యే అవకాశం ఉంది.  అలాగే కళ్లు కనబడకపోతే సాధారణ జీవితాన్ని ఎలా మేనేజ్‌ చేయవచ్చో తెలుసుకున్నారు తాప్సీ. హఠాత్తుగా తాప్సీ ఇలా ఎందుకు చేశారంటే.. ‘బ్లర్‌’ సినిమా కోసమే.  2010లో వచ్చిన స్పానిష్‌ థ్రిల్లర్‌ ‘జూలియాస్‌ ఐస్‌’ చిత్రం హిందీలో ‘బ్లర్‌’గా రీమేక్‌ అవుతోంది. ఈ చిత్రంలోనే తాప్సీ అంధురాలి పాత్ర చేస్తున్నారు. ఈ కథ నచ్చి తాప్సీ ఓ నిర్మాతగా కూడా వ్యవహరిస్తుండటం విశేషం. ఇక ఈ చిత్రకథ విషయానికి వస్తే... క్రమంగా చూపు మందగించే ఓ గృహిణి పాత్రలో తాప్సీ కనిపిస్తారు. సరిగ్గా చూపు కనిపించాలని ఓ సర్జరీ కూడా చేయించుకోవాలనుకుంటారు. కానీ ఇంతలో ఊహించని పరిణామాలు. ఆమె సోదరి హత్యకు గురవుతుంది. అయితే అప్పటికే ఆమె తన పూర్తి కంటి చూపును కోల్పోతుంది. ఆ తర్వాత ఏం జరిగింది? అన్నదే ‘బ్లర్‌’ చిత్రం. ఈ సినిమాను ఈ ఏడాదే రిలీజ్‌ చేయాలనుకుంటున్నారు.  ఇంకోవైపు అంధురాలిగా ఓ సమూహాన్నే లీడ్‌ చేయనున్నారు హీరోయిన్‌ హీనాఖాన్‌. హీనాతో ఉన్న సమూహంలోని అందరూ కూడా బ్లైండే. ‘ది కంట్రీ ఆఫ్‌ బ్లైండ్‌’ అనే నవల ఆధారంగా ఆమె చేస్తున్న సినిమా కథాంశం ఇది. ‘ది కంట్రీ ఆఫ్‌ బ్లైండ్‌’ టైటిల్‌తోనే తెరకెక్కుతున్న ఈ సినిమా ఫస్ట్‌ లుక్‌ను ఇటీవల కాన్స్‌ ఫిలిం ఫెస్టివల్‌లో రిలీజ్‌ చేశారు. ఈ ఇండో ఇంగ్లిష్‌ సినిమాకు రహత్‌ కజ్మీ దర్శకుడు.  రాజ్‌కుమార్, సోనమ్, తాప్సీ, హీనా.. ఈ నలుగురూ సవాల్‌లాంటి పాత్రలతో బాక్సాఫీస్‌పై గురి పెట్టారు. ఈ సినిమాల వైపు ప్రేక్షకులు చల్లని చూపు చూస్తే ఈ స్టార్స్‌ కళ్లనుంచి ఆనందభాష్పాలు రావడం ఖాయం. 

హిందీ బిగ్‌బాస్‌ కంటెస్టెంట్‌, నటి హీనా ఖాన్‌ కుటుంబం కోవిడ్‌ బారిన పడింది. ఈ విషయాన్ని సోషల్‌ మీడియాలో వెల్లడించిన ఆమె తరచూ మాస్కులు ధరించడం వల్ల తన ముఖంపై వచ్చిన ఎర్రటి మచ్చలు కనిపించేలా ఫొటో షేర్‌ చేసింది. 'ఈ రోజుల్లో జీవితం అన్నా ఇన్‌స్టాగ్రామ్‌ అన్నా.. ఏదైనా మంచి ఫొటోలు సమకూర్చుకోవడమే, దానికి అందరమైన విజువల్స్‌ యాడ్‌ చేయడమే. కానీ అది 2022కి వచ్చేసరికి పరిస్థితులు 2020 కంటే కూడా క్లిష్టంగా మారిపోయాయి' 'ఇంట్లో మీ ఒక్కరు మినహా ప్రతి ఒక్కరూ వైరస్‌ బారిన పడినప్పుడు మీరు నిరంతరం మాస్కు పెట్టుకునే ఉండి 24 గంటలు సానిటైజర్‌ వాడుతూ కుటుంబాన్ని జాగ్రత్తగా చూసుకోవాల్సి వస్తుంది. అలా రోజంతా మాస్కు పెట్టుకునే ఉండటంతో ముఖంపై ఇలా మచ్చలు వచ్చాయి' అని హీనా ఖాన్‌ పేర్కొంది. కోవిడ్‌ను నియంత్రించడానికి ఒక వారియర్‌లా పోరాడుతూనే ఉండాలని చెప్పుకొచ్చింది. కాగా గతేడాది ఏప్రిల్‌లో హీనాఖాన్‌ కరోనా బారిన పడిన విషయం తెలిసిందే. View this post on Instagram A post shared by HK (@realhinakhan)

ముంబై: తమ మనసులు ఎల్లప్పుడూ ఒకటిగానే ఉంటాయని, సమాజం కోసం హడావుడిగా పెళ్లి చేసుకోవాల్సిన అవసరం తమకు లేదన్నాడు రాకీ జైస్వాల్‌. నటి, బిగ్‌బాస్‌-11 రన్నరప్‌ హీనాఖాన్‌తో తనది చెక్కు చెదరని బంధమని, తామిద్దరం ఎంతో సంతోషంగా ఉన్నామని పేర్కొన్నాడు. పశ్చిమ బెంగాల్‌కు చెందిన రాకీ జైస్వాల్‌ సినీ రంగం మీద ఆసక్తితో ముంబైకి వచ్చి.. బుల్లితెర సీరియళ్లకు సూపర్‌వైజింగ్‌ ప్రొడ్యూసర్‌గా పనిచేస్తున్నాడు. ఈ క్రమంలో ‘‘యే రిష్తా క్యా కహెలాతా హై’’ (తెలుగు డబ్బింగ్‌- పెళ్లంటే నూరేళ్ల పంట) షూటింగ్‌ సమయంలో ఆ సీరియల్‌ హీరోయిన్‌ హీనా ఖాన్‌తో ప్రేమలో పడ్డాడు. బిగ్‌బాస్‌-11 సమయంలో రాకీ ప్రేమ ప్రతిపాదనకు ఆమె ఓకే చెప్పడంతో అప్పటి నుంచి ఇద్దరూ రిలేషన్‌షిప్‌లో కొనసాగుతున్నారు. ఇరువురి కుటుంబాలు సైతం సఖ్యతగా మెలగడంతో త్వరలోనే వీరి పెళ్లి బాజాలు మోగడం ఖాయమని బీ-టౌన్‌లో టాక్‌ నడుస్తోంది. ఈ విషయంపై స్పందించిన రాకీ జైస్వాల్‌ ఇటీవల ఓ మీడియాకు ఇచ్చిన ఇంటర్య్వూలో మాట్లాడుతూ.. ‘‘చాలా ఏళ్లుగా మేం ప్రేమలో ఉన్నాం. పెళ్లి తర్వాత చాలా జంటలకు ఎదురయ్యే ఇబ్బందులు ఇప్పటికే మేం చవిచూశాం. మానసికంగా మేం ఒక్కటే. సమాజం దృష్టిలో అధికారికంగా భార్యాభర్తలమనే ట్యాగ్‌ కోసం హడావుడిగా పెళ్లి చేసుకోవడంలో అర్థం లేదు. పెళ్లి తర్వాత కూడా చాలా మందిలో అన్యోన్యత ఉండదు. పైకి మాత్రం అంతా బాగున్నట్లు చూపిస్తారు. మేం అలా కాదు. మా బంధానికి వచ్చిన ప్రమాదమేమీ లేదు. కెరీర్‌లో ముందుకు వెళ్లేలా పరస్పరం సహకరించుకుంటాం. వివాహానికి ఇంకా సమయం ఉంది. ప్రస్తుతానికి కెరీర్‌పై దృష్టి సారించాం’’ అని చెప్పుకొచ్చాడు. పలు హిందీ హిట్‌ సీరియళ్లలో నటించిన హీనా ఖాన్‌, వెబ్‌సిరీస్‌లతో బిజీగా ఉంది. లైన్స్‌ మూవీతో హీరోయిన్‌గా అదృష్టం పరీక్షించుకుంది. కాగా హీనా తండ్రి ఇటీవల మరణించారు. ఆయనను గుర్తు చేసుకుంటూ వీడియో షేర్‌ చేసిన హీనా భావోద్వేగానికి గురయ్యారు. చదవండి: Neeraj Chopra: తను ఒలింపియన్‌ అయితే కావొచ్చు.. కానీ View this post on Instagram A post shared by HK (@realhinakhan)

♦ స్వీట్‌ వాయిస్‌తో అలరిస్తోన్న హారిక ♦ బెస్ట్‌ ఫ్రెండ్‌ మ్యారేజ్‌లో మహాతల్లి ♦ పద్ధతిగా అంటోన్న యూట్యూబర్‌ నిఖిల్‌ ♦ భార్యకు ప్రేమతో బర్త్‌డే విషెస్‌ తెలిపిన శేఖర్‌ మాస్టర్‌ ♦ సోహేల్‌ను ఎత్తుకున్న మెహబూబ్‌ ♦ భర్తను త్వరగా కోలుకోమంటున్న హీరోయిన్‌ నిత్య ♦ వీకెండ్‌కి రెడీ అంటోన్న అంకితా View this post on Instagram A post shared by Harika Narayan (@harika_narayan) View this post on Instagram A post shared by Jahnavi Dasetty (@mahathalli) View this post on Instagram A post shared by NIKHIL VIJAYENDRA (@nikhiluuuuuuuuu) View this post on Instagram A post shared by Sekhar Master (@sekharmaster) View this post on Instagram A post shared by Mehaboob Shaik (@mehaboobdilse) View this post on Instagram A post shared by MsNegi (@ashanegi) View this post on Instagram A post shared by Nititaybawa (@nititaylor) View this post on Instagram A post shared by Ankita Lokhande (@lokhandeankita) View this post on Instagram A post shared by HK (@realhinakhan) View this post on Instagram A post shared by Ashmita karnani (@ashmita_9)

♦ వైట్‌ డ్రెస్‌లో మెరిసిపోతున్న పూర్ణ ♦ సన్‌ఫ్లవర్‌ నేనే అంటున్న ఈషా రెబ్బ ♦ సన్‌ కిస్సింగ్‌ అంటున్న శివాత్మిక ♦ మంచులో వణికిపోతున్న హీనా ఖాన్‌ ♦ చూపులతో కవ్విస్తోన్న షనయా కపూర్‌ ♦ యోగా నేర్పుతానంటున్న శిల్పా శెట్టి    ♦ గుడ్ల గూబల్ని చీరలో బంధించిన రష్మీ ♦ న్యూలుక్‌లో మతి పోగొడుతున్న అమలాపాల్‌ ♦ త్రోబ్యాక్‌ పిక్చర్‌ షేర్‌ చేసిన హన్సిక View this post on Instagram A post shared by Ariyana Glory (@ariyanaglory) View this post on Instagram A post shared by Eesha Rebba (@yourseesha) View this post on Instagram A post shared by Shivathmika Rajashekar (@shivathmikar) View this post on Instagram A post shared by Shilpa Shetty Kundra (@theshilpashetty) View this post on Instagram A post shared by Rashmi Gautam (@rashmigautam) View this post on Instagram A post shared by HK (@realhinakhan) View this post on Instagram A post shared by Hansika Motwani (@ihansika) View this post on Instagram A post shared by Shamna Kasim | Poorna (@shamnakasim) View this post on Instagram A post shared by Shanaya Kapoor 🤎 (@shanayakapoor02) View this post on Instagram A post shared by Amala Paul (@amalapaul)

ముంబై : హిందీ టెలివిజన్‌ నటి హీనా ఖాన్ కుటుంబంలో మరో విషాదం చోటుచేసుకుంది. గత వారం క్రితమే గుండెపోటుతో ఆమె తండ్రి కన్నుమూసిన సంగతి తెలిసిందే. తాజాగా హీనా ఖాన్‌కు కరోనా పాజిటివ్‌ అని నిర్ధారణ అయ్యింది. ఈ విషయాన్ని స్వయంగా ఆమె తన ఇన్‌స్టాగ్రామ్‌ పోస్ట్‌ ద్వారా వెల్లడించింది. నాకు, నా కుటుంబ సభ్యులకు ఇది అత్యంత కష్టతరమైన సమయం. ఇలాంటి టైంలో నాకు కరోనా వచ్చిందని తేలింది. ఇంట్లోనే హాం క్వారంటైన్‌లో డాక్టర్ల సలహా మేరకు అన్ని జాగ్రత్తలు పాటిస్తున్నాను. గత కొన్ని రోజులుగా నన్ను కలిసిన వారంతా కరోనా పరీక్షలు చేయించుకోండి. ఇప్పుడు నాకు మీ అందరి ప్రార్థనలు ఎంతో అవసరం అంటూ పోస్ట్‌ చేసింది. ఇక తండ్రి మరణంతో కొన్ని రోజుల పాట సోషల్‌ మీడియాకు దూరంగా ఉన్న హీనా ఖాన్‌..తాజాగా ఈ కష్ట సమయంలో తనకు, తన కుటుంబానికి తోడుగా నిలిచిన ప్రతి ఒక్కరికి కృతజ్ఞతలు తెలిపింది.  ఇక ఇక ‘యే రిష్‌తా క్యా కెహ్లాతా హై’ ద్వారా ప్రేక్షకులకు పరిచయం అయ్యారు హీనా ఖాన్‌. తొలి సీరియల్‌తోనే హీనా ఖాన్‌కు స్టార్‌ ఇమేజ్‌ దక్కింది. ఈ సీరియల్‌లో అక్షర పాత్రతో ఎంతోమంది బుల్లితెర ప్రేక్షకులకు దగ్గరైంది. ఆ తర్వాత బిగ్‌బాస్‌ షోతో మరింత ప్రచారం పొందారు‌. బిగ్‌బాస్‌11 సీజన్‌లో పాల్గొని రన్నరప్‌ నిలిచి సత్తా చాటారు. ఇక హీనా ఖాన్‌ నటించిన తొలి చిత్రం లైన్స్‌..కేన్స్‌ ఫెస్టివల్‌లో ప్రదర్శించిన సంగతి తెలిసిందే.  View this post on Instagram A post shared by HK (@realhinakhan) చదవండి : తండ్రి మరణంతో ముంబైకు చేరుకున్న హీనా ఖాన్‌ సీనియర్‌ నటి భర్త, ప్రముఖ నిర్మాత మృతి   

ముంబై : ప్రముఖ టెలివిజన్‌ నటి హీనా ఖాన్ ‌కుటుంబంలో తీవ్ర విషాదం నెలకొంది. హీనా ఖాన్‌ తండ్రి గుండెపోటుతో ఏప్రిల్‌ 20న కన్నుమూశారు.  తండ్రి మరణ వార్త తెలిసిన వెంటనే కశ్మీర్‌లో జరుగుతున్న షూటింగ్‌ను రద్దు చేసుకున్న హీనా ఖాన్‌ వెంటనే హుటాహుటిన ముంబైకు చేరుకుంది. హీనాఖాన్‌ తండ్రి మరణంపై పలువురు సన్నిహితులు, స్నేహితులు ఆమె కుటుంబానికి సంతాపం వ్యక్తం చేశారు.  ఇక ‘యే రిష్‌తా క్యా కెహ్లాతా హై’ ద్వారా ప్రేక్షకులకు పరిచయం అయ్యారు హీనా ఖాన్‌. తొలి సీరియల్‌తోనే హీనా ఖాన్‌కు స్టార్‌ ఇమేజ్‌ దక్కింది. ఈ సీరియల్‌లో అక్షర పాత్రతో ఎంతోమంది బుల్లితెర ప్రేక్షకులకు దగ్గరైంది. ఆ తర్వాత బిగ్‌బాస్‌ షోతో మరింత ప్రచారం పొందారు‌. బిగ్‌బాస్‌11 సీజన్‌లో పాల్గొని రన్నరప్‌ నిలిచి సత్తా చాటారు. ఇక హీనా ఖాన్‌ నటించిన తొలి చిత్రం లైన్స్‌..కేన్స్‌ ఫెస్టివల్‌లో ప్రదర్శించిన సంగతి తెలిసిందే.  చదవండి : ‘ముద్దు సీన్‌ గురించి అమ్మతో చర్చించాకే..’ ‘ఓ పక్క జనాలు చస్తుంటే.. మీరు ట్రిప్పులకు వెళ్తారా?’’

బాలీవుడ్‌ నటి హీనా ఖాన్‌ గురించి ప్రత్యేకంగా పరిచయం అక్కర్లేదు. 11 ఏళ్ల క్రితం ‘యే రిష్‌తా క్యా కెహ్లాతా హై’ ద్వారా ప్రేక్షకులకు పరిచయం అయ్యారు హీనా ఖాన్‌. ఆ తర్వాత బిగ్‌బాస్‌ షోతో మరింత ప్రచారం పొందారు‌. ఇక ఆమె నటించిన తొలి చిత్రం కేన్స్‌ ఫెస్టివల్‌లో ప్రదర్శించారు. తాజాగా ఓటీటీ ప్లాట్‌ఫామ్‌లో కూడా సత్తా చాటారు హీనా ఖాన్‌. ఈ నేపథ్యంలో బాలీవుడ్‌లో తన ప్రయాణం గురించి హ్యూమన్స్‌ బాంబేతో పంచుకున్నారు హీనా ఖాన్‌. ఆ వివరాలు ఆమె మాటల్లోనే.. ‘నేను సనాతన కాశ్మీరీ కుటుంబం నుంచి వచ్చాను, అక్కడ నటన అనే మాట నిషిద్ధం. కాలేజీ చదువుల నిమిత్తం నన్ను ఢిల్లీ పంపేందుకు నా తల్లిదండ్రులు సందేహించారు. కానీ నాన్నను ఒప్పించి ఢిల్లీ వచ్చాను. ఆ సమయంలో ఓ స్నేహితురాలు సీరియల్‌ కోసం ఆడిషన్స్‌ జరుగుతున్నాయి. నువ్వు వెళ్లు అని చెప్పింది. నేను నో చెప్పాను. కానీ తను వదలలేదు. అలా తన బలవంతం మీద నేను ఆడిషన్‌కి వెళ్లాను. తర్వాతి రోజే నేను సెలక్ట్‌ అయినట్లు కాల్‌ వచ్చింది’ అన్నారు.  ‘అలా 20 ఏళ్ల వయసులో ఇంట్లో చెప్పకుండా ముంబై వెళ్లాను. ఇల్లు వెతుక్కొవడంలో ప్రొడక్షన్‌ వాళ్లు నాకు ఎంతో సాయం చేశారు. ఇక నేను నటిస్తున్నాననే విషయం గురించి నాన్నతో చెప్పడానికి నాకు కొన్ని వారాలు పట్టింది. విషయం వినగానే ఆయన షాక్‌ అయ్యారు. అమ్మ స్నేహితులు, బంధువులు మా కుటుంబంతో బంధాలు తెంచుకున్నారు. కానీ నా సీరియల్‌ పాపులర్‌ అయ్యింది. కొన్నేళ్లపాటు టాప్‌లో కొనసాగింది. ఇక నాన్న కూడా అంగీకరించారు. కానీ చదువు కూడా కొనసాగించాలని కండిషన్‌ పెట్టారు. దాంతో బ్రేక్‌ టైంలో వెళ్లి పరీక్షలు రాసి వచ్చేదాన్ని. అమ్మవాళ్లు ముంబైకి మారారు’ అన్నారు. (చదవండి: ఇద్దరినీ ఇష్టపడి.. పెళ్లి చేసుకున్నా) బిగ్‌బాస్‌ ఎంట్రీతో మొత్తం మారిపోయింది ‘అలా ఎనిమిది సంవత్సరాల పాటు సీరియల్‌లో కొనసాగాను. ఇలా ఉండగానే 2017లో బిగ్‌బాస్‌ 11 ఆఫర్‌ వచ్చింది. అయితే సీరియల్స్‌లో నటించే సమయంలో నేను ‘షార్ట్స్‌ వేసుకోను.. అసభ్యకరమైన సన్నివేశాల్లో నటించనని’ కండిషన్స్‌ పెట్టాను. కానీ బిగ్‌బాస్‌ ఆఫర్‌ వచ్చేనాటికి నా సొంత నియమాలు రూపొందించుకున్నాను. ఇక మా అమ్మ నాన్న పెళ్లి సంబంధాలు చూడ్డం ప్రారంభించారు. దాంతో నేను రాకీ గురించి వారికి చెప్పాను. ఇది విని కుటుంబంలో అందరు షాక్‌ అయ్యారు. కానీ చివరకు ఒప్పుకున్నారు. ఇప్పుడు మా అమ్మనాన్న నా కంటే ఎక్కువ తననే ప్రేమిస్తారు’ అని తెలిపారు. (చదవండి: పదేళ్లుగా డేటింగ్‌.. ఇప్పుడు బ్రేకప్‌) సినిమాల్లోకి వెళ్లే రిస్క్‌ చేశాను ‘ఇక టీవీ అవకాశాలు ఇబ్బడిముబ్బడిగా వచ్చి పడుతున్న వేళ నేను ధైర్యం చేసి సినిమాల్లోకి వెళ్లాలనే నిర్ణయం తీసుకున్నాను. ఇక నా మొదటి చిత్రం గతేడాది జరిగిన కేన్స్‌ ఫిల్మ్‌ ఫెస్టివల్‌కి ఎంపికయ్యింది. ఇది ఎంతో గర్వించదగ్గ విషయం. ఆ తర్వాత ఓటీటీలోకి ప్రవేశించాను. ఇక స్క్రిప్ట్‌లో భాగంగా ముద్దు సీన్‌లో నటించాల్సి వచ్చింది. దీని గురించి అమ్మనాన్నలకు చెప్పి.. వారు అర్థం చేసుకుని అంగీకరించిన తర్వతే ఆ సీన్‌కి ఎస్‌ చెప్పాను. ఆ చిత్రం ఇప్పుడు ఆన్‌లైన్‌లో అత్యధిక మంది చూసిన చిత్రాల జాబితాలో చేరింది. నేను మొట్టమొదట కెమెరాను ఎదుర్కొని 11 సంవత్సరాలు పూర్తయ్యాయి. శ్రీనగర్‌లో పుట్టిన చిన్నారి కేన్స్ వరకు వెళ్లడం గురించి నిజంగా ఊహించలేదు. కానీ కష్టమైన ఎంపికల శ్రేణి నన్ను ఇక్కడ వరకు నడిపించింది. శ్రీనగర్ నుంచి ముంబై వరకు చేరిన నా ప్రయాణంలో నా కుటుంబంలో.. మొదటి నటి నుంచి వేరే సమాజానికి చెందిన వారితో డేటింగ్ చేయడం వరకు నా స్వంత మార్గాన్ని నేనే ఏర్పాటు చేసుకున్నాను అని గర్వంగా చెప్పగలను’ అన్నారు హీనా ఖాన్‌‌.

ముంబై: బాలీవుడ్‌ నటుడు సుశాంత్‌ సింగ్‌ రాజ్‌పుత్‌ మృతి కేసులో ప్రధాన నిందితురాలిగా ఆరోపణలు ఎదుర్కొంటున్న అతడి ప్రేయసి, నటి రియా చక్రవర్తికి తోటి నటీమణుల నుంచి మద్దతు పెరుగుతోంది. ఈ కేసులో నిజానిజాలు తేలకముందే రియాను నిందితురాలిగా చిత్రీకరించే ప్రయత్నాలు జరుగుతున్నాయంటూ ఆగ్రహావేశాలు వ్యక్తం చేస్తున్నారు. బోల్డ్‌ నటి స్వరా భాస్కర్‌, టాలీవుడ్‌ సెలబ్రిటీ లక్ష్మీ మంచు, హీరోయిన్‌ తాప్సీ పన్ను తదితరులు రియాకు మద్దతుగా నిలబడుతున్నారు. ఓ వైపు కేంద్ర దర్యాప్తు సంస్థ(సీబీఐ) విచారణ కొనసాగుతున్న వేళ మీడియా కూడా సమాంతర విచారణ జరుపుతూ రియాను వేధింపులకు గురిచేయడం సరికాదంటూ హితవు పలికారు. తాజాగా టీవీ నటి హీనా ఖాన్‌ సైతం ఇదే అభిప్రాయాన్ని వ్యక్తం చేశారు. (చదవండి: సుశాంత్‌ జీవితం స్ఫూర్తిదాయకం: హీనా ఖాన్‌) ఓ ప్రముఖ జాతీయ మీడియాతో మాట్లాడిన ఆమె.. ‘‘సీబీఐ విచారణ పూర్తి చేసి ఒక ముగింపునకు రానివ్వండి. ఇలాంటి నిందల వల్ల ఆమె కెరీర్‌ నాశనమయ్యే అవకాశం ఉంది. మీ కారణంగా తను ఎదుటివారికి ముఖం కూడా చూపించుకోలేని ఇబ్బందికర పరిస్థితులు ఎదుర్కోవాల్సి వస్తుంది’’అని ఘాటు విమర్శలు చేశారు. ఇక అప్పటి నుంచి షరా మామూలుగానే హీనా ఖాన్‌ నెటిజన్లకు టార్గెట్‌ అయ్యారు. సుశాంత్‌ మరణానికి కారణమైన రియాను ఎలా వెనకేసుకు వస్తారంటూ ఆమెపై ట్రోలింగ్‌ మొదలుపెట్టారు. (చదవండి: సుశాంత్ అనారోగ్యం గురించి ముందే తెలుసు) అంతేగాక హీనా అభిమానులు సైతం తన వ్యాఖ్యలు వెనక్కి తీసుకోవాల్సిందిగా ఆమెకు విజ్ఞప్తి చేశారు. ఇందుకు స్పందించిన హీనా ఖాన్‌.. ‘‘నేనెప్పుడూ నిజం వైపే నిలబడతాను. నా అభిమానులు కూడా అలాగే ఉండాలని కోరుకుంటాను. నాతో కలిసి వస్తారని ఆశిస్తున్నా! మనం ఒక్కటిగా ఉంటే ట్రోల్స్‌కి భయపడాల్సిన అవసరం లేదు. నాకైతే ఎలాంటి భయం లేదు. ఎందుకంటే ఆ సత్యమే మనం ధైర్యంగా నిలబడే శక్తిని ఇస్తుంది!. జై హింద్‌’’ సుతిమెత్తగానే కౌంటర్‌ ఇచ్చారు.  కాగా ‘యే రిష్తా క్యా కహెలాతా హై’ సీరియల్‌(తెలుగు డబ్బింగ్‌- పెళ్లంటే నూరేళ్లపంట)ల్‌లో అక్షరగా లక్షలాది అభిమానులను సొంతం చేసుకున్న హీనా.. సినిమాల్లోకి రాకముందే కాన్స్‌ ఫెస్టివల్‌లో హొయలొలికించే గౌరవం దక్కించుకున్న నటిగా ప్రత్యేక గుర్తింపు పొందారు. (చదవండి: రియాకు న్యాయం జ‌ర‌గాలి: మ‌ంచు ల‌క్ష్మి) I always stand by the truth and want my fans to stand with me for the truth, together! If we believe each other we shall never fear these trolls or bots. I had, have and will always have my point of view. Without fear. Because truth gives you that power! Jai Hind https://t.co/r11GEEyPUi — Hina Khan (@eyehinakhan) August 31, 2020

బాలీవుడ్‌​ హీరోయిన్‌ ప్రియాంక చోప్రా బర్త్‌డే సందర్భంగా పలువురు బాలీవుడ్‌ సెలబ్రిటీలు సోషల్‌ మీడియా వేదికగా పుట్టినరోజు శుభాకాంక్షలు తెలియజేశారు. ప్రియాంక నేటి (జూలై 18)తో 38వ వసతంలోకి అడుగుపెట్టారు. హీరోయిన్‌ కరీనా కపూర్‌ ప్రియాంకతో దిగిన ఓ ఫొటోను తన ఇన్‌స్టాగ్రామ్‌లో పోస్ట్‌ చేసి పుట్టినరోజు శుభాకాంక్షలు తెలిపారు. ‘మీరు ప్రపంచంలో ప్రేరణ కలిగించటాన్ని కొనసాగించండి’ అని కామెంట్‌ జతచేశారు.  View this post on Instagram Happy birthday @priyankachopra... May you continue to inspire the world ❤❤❤💯💯💯🎈🎈🎈 Hugs from across the globe... A post shared by Kareena Kapoor Khan (@kareenakapoorkhan) on Jul 17, 2020 at 10:07pm PDT అదేవిధంగా టీవీ నటి, బిగ్‌బాస్‌ కంటెస్టెంట్‌ హీనా ఖాన్‌ సోషల్‌ మీడియాలో ప్రియాంకకు పుట్టిన రోజు శుభాకాంక్షలు తెలిపారు. ప్రియాంకతో దిగిన ఓ త్రోబ్యాక్‌(పాత) ఫొటోను హీనా తన ఇన్‌స్టాగ్రామ్‌ ఖాతాలో పోస్ట్‌ చేసి బర్త్‌డే విషెష్‌ తెలిపారు. ‘ మీరు నా ప్రేరణ, నాకు మ్యాజిక్‌ మీద నమ్మకం కలిగించారు. ఎందుకంటే మీరు చేసే ప్రతి పని నాకు మ్యాజిక్‌లా అనిపిస్తుంది. మీరు జన్మించిన స్వర్గానికి ధన్యవాదాలు. మీకు పుట్టిన రోజు శుభాకాంక్షలు’  అని కామెంట్‌ జతచేశారు. (ఆకట్టుకుంటున్న ‘రాత్ అకేలి హై’ ట్రైలర్‌) ప్రియాంక, హీనా గతేడాది కేన్స్‌ చిత్రోత్సవ కార్యక్రమంలో కలిసి పాల్గొన్నారు. ఈ చిత్రోత్సవంలో వీరితోపాటు హుమా ఖురేషి, డయానా పెంటీ కూడా పాల్గొన్న విషయం తెలిసిందే. అదేవిధంగా హీరో ఫర్హాన్ అక్తర్, అనుష్క శర్మ, ఫ్యాషన్‌ డిజైనర్‌ మనీష్ మల్హోత్రా, ఫిల్మ్ మేకర్ మధుర్ భండార్కర్ ప్రియంకకు బర్త్‌డే విషెష్‌ తెలిపారు. ఇక సినిమాల విషయానికి వస్తే.. ప్రియాంక చోప్రా, హీరో రాజ్‌కుమార్‌రావుతో కలిసి నటించిన ‘ది వైట్‌ టైగర్‌’ను నెట్‌ ఫ్లిక్స్‌ నిర్మిస్తున్న విషయం తెలిసిందే. సూపర్‌ హీరో​ చిత్రం ‘వి కెన్‌ బీ హీరోస్‌’లో కూడా ప్రియాంక నటిస్తున్నారు.