బాలీవుడ్‌ ఇటీవలే హీరామండి వెబ్‌ సిరీస్‌తో ప్రేక్షకులను అలరించింది. సంజయ్ లీలా భన్సాలీ తెరకెక్కించిన ఈ సిరీస్‌కు ఓటీటీలో విపరీతమైన రెస్పాన్స్ వచ్చింది. స్వాతంత్య్రానికి ముందు పాక్‌లో జరిగిన సంఘటనల ఆధారంగా ఈ సిరీస్‌ను తీసుకొచ్చారు. ఇందులో మనీషా కొయిరాలా, ఆదితిరావు హైదరీతో పాటు ఆరుగురు హీరోయిన్స్ నటించారు.సినిమాల సంగతి పక్కనపెడితే.. ఇటీవల హీరామండి భామ సోనాక్షి సిన్హా పెళ్లిబంధంలోకి అడుగుపెట్టింది. తన ప్రియుడు జహీర్ ఇక్బాల్‌ను పెళ్లాడింది. ముంబయిలో జరిగిన వీరి వివాహానికి బాలీవుడ్ సినీతారలు, ప్రముఖులు పెద్దఎత్తున హాజరయ్యారు.తాజాాగా ఈ జంట హనీమూన్ ట్రిప్‌ ఎంజాయ్ చేస్తున్నారు. దీనికి సంబంధించిన ఫోటోలు సోనాక్షి ఇన్‌స్టాగ్రామ్ స్టోరీస్‌లో షేర్ చేశారు. ప్రస్తుతం అవీ సోషల్ మీడియాలో తెగ వైరలవుతున్నాయి. నూతన దంపతులు స్విమ్మింగ్ పూల్‌లో చిల్‌ అవుతూ హనీమూన్ ఆస్వాదిస్తున్నారు. కాగా.. జూన్ 23న ముంబయిలో జరిగిన వివాహ వేడుకలో రేఖ, సల్మాన్ ఖాన్, అదితి రావ్ హైదరీ, కాజోల్, రిచా చద్దా వంటి పలువురు బాలీవుడ్ ప్రముఖులు సందడి చేశారు. View this post on Instagram A post shared by HT City (@htcity)

హీరోయిన్‌ రకుల్ ప్రీత్ సింగ్, బాలీవుడ్‌ నిర్మాత జాకీ భగ్నానీతో పెళ్లిసందడికి ముహూర్తం ఖరారైన సంగతి తెలిసిందే. చాలాకాలంగా ప్రేమలో ఉన్న ఈ లవ్‌బర్డ్స్‌ తమ రిలేషన్ షిప్‌లో మరో అడుగు వేయబోతున్నట్టు  సోషల్ మీడియా వేదికగా  ప్రకటించారు. తాజగా వీరి పెళ్లికి సంబందించిన వెడ్డింగ్‌ కార్డ్‌  నెట్టింట హాట్‌  టాపిక్‌గా మారింది.  ఫిబ్రవరి 21న రకుల్, జాకీ భగ్నానీ ల వివాహం గోవాలో జరగబోతోంది.  వివాహ సన్నాహాలు పూర్తి స్వింగ్‌లో ఉన్నాయి.  వీరి వెడ్డింగ్‌ స్పెషల్‌గా , చిరకాలం గుర్తుండిపోయేలా  అంగరంగ వైభవంగా జరిపేందుకు రెండు కుటుంబాలు బిజీగా ఉన్నాయి. ఇది ఇలా ఉంటే  నీలం, తెలుపు రంగుల్లో రకుల్, జాకీ భగ్నానీ పెళ్లి శుభలేఖ సోషల్ మీడియాలో వైరల్ గా మారింది. శుభలేఖలో కొబ్బరి చెట్లు, బీచ్ దృశ్యాలతోపాటు  గోవా అందాలు కనిపించేలా ముద్రించడం  విశేషం. అందమైన సోఫా నీలం , తెలుపురంగుల్లో క్యూట్‌ క్యూట్‌  కుషన్‌లు.. మరో  పూలద్వారం గుండా నీలిరంగు గేటు అందమైన బీచ్‌కి దారి తీస్తూ, రకుల్‌, జాగీ పెళ్లి ముహూర్తం విశేషం ఇందులో కనిపిస్తున్నాయి.   ప్రస్తుతం ఇది సోషల్‌ మీడియాలో వైరల్‌గా మారింది. అన్నట్టు  వీరి వెడ్డింగ్‌ డెస్టినేషన్‌ కూడా హాట్‌ టాపిక్కే. ఎందుకంటే వీరి ద్దరి ప్రేమ కూడా ఇక్కడే మొదలైందట. అందుకే గోవాను ఎంచుకున్నట్టు సమాచారం.

ఉత్తరప్రదేశ్‌లోని అయోధ్య నగరంలో సరయూ నదీతీరంలో ఆ రాష్ట్ర ప్రభుత్వం ఆధ్వర్యంలో నిర్వహించిన దీపోత్సవం అమోఘమని, దైవీకమని, కళ్లలో చెరిగిపోనిదని ప్రధాని నరేంద్ర మోదీ పేర్కొన్నారు. నేత్రపర్వమైన ఆ దీపోత్సవ దృశ్యాలను తన ‘ఎక్స్‌’ (ట్విటర్‌) ఖాతాలో పంచుకున్నారు. అయోధ్యలో వెలిగించిన లక్షలాది దీపాల వెలుగులో దేశమంతా కాంతులీనుతోందన్నారు. ‘ఈ దీప కాంతుల నుంచి వెలువడే శక్తి దేశమంతటా కొత్త ఉత్సాహాన్ని నింపుతోంది. ఆ శ్రీ రాముడు దేశ ప్రజలందరికీ సుభిక్షాన్ని ప్రసాదించాలని కోరుకుంటున్నాను. జై శ్రీరామ్‌’ అని ప్రధాని మోదీ హిందీలో ట్వీట్‌ చేశారు. అయోధ్యలోని సరయూ నదీ తీరం వెలుగులతో నిండిపోయింది. శనివారం 22 లక్షల దీపాలతో అత్యంత వైభవంగా జరిగిన దీపోత్సవం ప్రపంచ రికార్డు సృష్టించింది. ఒకే చోట ఒకేసారి అత్యధిక సంఖ్యలో దీపాలను వెలిగించిన ఘటనగా తన గిన్నిస్‌ రికార్డును తానే బద్దలుకొట్టింది. సరయూ నది ఒడ్డున 51 ఘాట్లలో 25 వేల మంది వలంటీర్లు 22.23 లక్షల మట్టి ప్రమిదలను వెలిగించారు. अद्भुत, अलौकिक और अविस्मरणीय! लाखों दीयों से जगमग अयोध्या नगरी के भव्य दीपोत्सव से सारा देश प्रकाशमान हो रहा है। इससे निकली ऊर्जा संपूर्ण भारतवर्ष में नई उमंग और नए उत्साह का संचार कर रही है। मेरी कामना है कि भगवान श्री राम समस्त देशवासियों का कल्याण करें और मेरे सभी… pic.twitter.com/3dehLH45Tp — Narendra Modi (@narendramodi) November 12, 2023

రితికా సింగ్‌.. తెలుగు ప్రేక్షకులకు ప్రత్యేకంగా పరిచయం చేయాల్సిన పనిలేదు. గురు మూవీతో టాలీవుడ్‌లో సినీరంగ ప్రవేశం చేసిన భామ.. తొలి చిత్రానికే నేషనల్‌ అవార్డు అందుకున్నారు. ఆ తర్వాత తెలుగులో ‘నీవెవ్వరో’ అనే సినిమా చేశారు. ఇటీవలే మలయాళ స్టార్ దుల్కర్ సల్మాన్ నటించిన కింగ్ ఆఫ్‌ కోత చిత్రంలో స్పెషల్ సాంగ్‌లో మెరిశారు.  కాల పక్కారా అంటూ సాగే ఐటమ్ సాంగ్‌తో అభిమానులను అలరించింది. అయితే సోషల్ మీడియాలో యాక్టివ్‌గా ఉంటోన్న ఎప్పటికప్పుడు ఫోటోలు షేర్ చేస్తూ ఉంటుంది. తాజాగా ఆమె షేర్ చేసిన పిక్స్ నెట్టింట తెగ వైరలవుతున్నాయి.  (ఇది చదవండి: వెండితెరపై మరో సిల్క్ స్మిత.. తెగ వైరలవుతున్న ఫోటో!) రితికా జిమ్‌లో సాధన చేసిన తర్వాత ఫోటోలను తన ఇన్‌స్టాలో పంచుకుంది. అయితే ఇవీ చూసిన నెటిజన్స్ మరీ ఇంత బోల్డ్‌గా ఉన్న ఫోటోలు షేర్ చేయడమేంటని కామెంట్స్ చేస్తున్నారు. మరికొందరైతే దారుణంగా పోస్టులు పెడుతున్నారు.  కాగా.. ఇటీవలే ఆమె మరీ లావుగా ఉందంటూ అభిమానులు కామెంట్ చేసిన సంగతి తెలిసిందే. అందుకోసమే తాను బరువు తగ్గి మళ్లీ స్లిమ్ అయ్యానంటూ రితికా పిక్స్ షేర్ చేశారు. అంతే కాకుండా బొద్దుగా ఉన్న శరీరానికి వీడ్కోలు పలుకుతున్నట్లు రితికా ఇన్‌స్టాగ్రామ్‌లో పోస్ట్ చేసింది. కాగా.. రితికా సింగ్ తమిళ చిత్రం 'ఇరుధి సూత్ర'తో ఫేమస్ అయింది. 'ఆండవన్ కోమండి', 'శివలింగ', 'ఓ మై గాడ్' 'కోలా', బిచ్చగాడు-2 చిత్రాల్లో నటించింది. అంతే కాకుండా రితికా మార్షల్ ఆర్టిస్ట్ కూడా. అయితే నెటిజన్స్ మాత్రం హాట్‌ ఫోటో షూట్‌ అంటూ కామెంట్స్ చేస్తున్నారు.  View this post on Instagram A post shared by Ritika Singh (@ritika_offl)

ఢిల్లీ: జీ20 సదస్సుకు వచ్చిన బ్రిటన్ ప్రధాని రిషి సునాక్‌, ఆయన భార్య అక్షతా మూర్తి జంట సెంటర్ ఆఫ్ ఎట్రాక్షన్‌గా నిలిచింది. సమావేశంలో భాగంగా భార్య భర్తల దృశ్యాలు నెటిజన్ల మనసును దోచేస్తున్నాయి. ఒకరంటే మరొకరు శ్రద్ద కనబరిచే దృశ్యాలకు నెట్టిళ్లు ఫిదా అయింది.  ఢిల్లీకి చేరుకోగానే విమానం దిగే క్రమంలో అక్షతా మూర్తి.. రిషి సునాక్‌కు జాగ్రత్తగా టై కడుతున్న దృశ్యాలు.. వారి మధ్య ప్రేమానురాగాలను సూచించాయి. రిషి సునాక్ వ్యక్తిగత జీవితం ఎంత బాగుందో ఈ ఫొటోలు తెలుపుతున్నాయని నెటినజన్లు కామెంట్లు పెట్టారు.  విమానం నుంచి దిగిన తర్వాత కేంద్ర మంత్రి అశ్వినీ కుమార్ చౌబే రిషి సునాక్ జంటకు స్వాగతం పలికారు. అనంతరం బ్రిటన్ ప్రధాని ఆయన భార‍్యతో కలిసి విద్యార్థులతో ముచ్చటించారు. ఈ క్రమంలో భార్యభర్తలిద్దరూ పిల్లలతో సరదాగా మాట్లాడుతున్న దృశ్యాలు వైరల్‌గా మారాయి.  శనివారం రాత్రి భారత రాష్ట్రపతి ద్రౌపది ముర్ము.. జీ20 నేతలను విందుకు ఆహ్వానించారు. దేశ విదేశాల నేతలు భారతీయత ఉట్టిపడేలా సాంప్రదాయ దుస్తులు ధరించి విందుకు వచ్చారు. అక్షతా మూర్తి ఇండియన్ స్టైల్‌లో వస్త్రాలు ధరించి, భర్తతో కలిసి ఉన్న దృశ్యాలకు నెటిజన్లు ఫిదా అయ్యారు.  ఆదివారం ఉదయం బ్రిటన్ ప్రధాని రిషి సునాక్, అక్షతా మూర్తి ఢిల్లీలోని అక్షర్‌ధామ్‌ దేవాలయాన్ని దర్శించారు. దేవుడికి ప్రార్ధనలు చేసి, హారతి ఇచ్చారు. ఈ క్రమంలో రిషి సునాక్ జంట హారతి ఇస్తున్న దృశ్యాలు వైరల్ అయ్యాయి. భారతీయ జంటలాగే ఉన్నారంటూ నెటిజన్లు కామెంట్లు పెడుతున్నారు. ఇది కదా..! దాంపత్యం అంటే అని ప్రశంసలు కురిపిస్తున్నారు.  ఇదీ చదవండి: ఢిల్లీ డిక్లరేషన్ వెనక కఠోర శ్రమ వీరిదే..

బెంగళూరు: చంద్రునిపై పరిశోధనల కోసం చంద్రయాన్‌-3.. ఉపగ్రహం జాబిల్లికి మరింత చేరువైంది. ఈ మేరకు ల్యాండర్ విక్రమ్ మొదటిసారి చంద్రుని ఫొటోలను పంపించింది. స్పేస్‌క్రాఫ్ట్ నుంచి గురువారమే విడిపోయిన ల్యాండర్ విక్రమ్ చంద్రుని కక్ష‍్యలో పరిభ్రమిస్తూ జాబిల్లి ఉపరితలాన్ని క్లిక్‌మనిపించింది. ఆ ఫొటోలను ఇస్రో తన ట్విట్టర్ ఖాతాలో షేర్ చేసింది.  ల్యాండర్ విక్రమ్ తీసిన మొదటి ఫొటోలో చంద్రునిపై ఉన్న బిలాలను కూడా ఇస్రో గుర్తించింది. గార్డియానో బ్రూనో క్రేటర్ అనే పేరు కలిగిన బిలాన్ని గుర్తించారు. ఇటీవలే గుర్తించిన ఈ బిలం వ్యాసం దాదాపు 43 కిలోమీటర్లు ఉంటుంది. అయితే.. శుక్రవారం సాయంత్రం చేపట్టిన వేగాన్ని తగ్గించే ప్రక్రియ మరింత విజయవంతమైనట్లు తెలిపారు. Chandrayaan-3 Mission: View from the Lander Imager (LI) Camera-1 on August 17, 2023 just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad — ISRO (@isro) August 18, 2023 ఒకసారి ల్యాండర్ చంద్రున్ని తాకిన తర్వాత విక్రమ్ ల్యాండర్ నుంచి ప్రజ్ఞాన్ రోవర్ విడివడుతుందని ఇస్రో తెలిపింది. అనంతరం రోవర్ కీలక సమాచారాన్ని సేకరిస్తుందని వెల్లడించింది. చంద్రుని ఆకృతి, శిథిలాలు, నీటి జాడ వంటి అనేక విషయాలను శోధిస్తుంది.  ఇదీ చదవండి: India First 3D Printed Post Office: ఆత్మనిర్భర్ స్ఫూర్తి.. దేశంలోనే తొలి 3డీ ప్రింటెడ్ పోస్టాఫీసు.. అదీ 45 రోజుల్లో!

ఆసియా బిలియనీర్, వ్యాపారవేత్త ముఖేష్‌ అంబానీ భార్య, నీతా అంబానీ గురించి ప్రత్యేక పరిచయం అక్కర్లేదు. అటు హుందాతనానికి, అటు ఫ్యాషన్‌కి ఐకాన్‌గా ఉంటారు. వ్యాపారవేత్తగా, నృత్యకారిణిగా, పరోపకారిగా అన్నింటికీ మించి తల్లిగా నీతా అంబానీ ప్రత్యేక ఆదరణను సొంతం చేసుకున్నారు. అన్ని  విషయాల్లోనూ  భర్త అంబానీతో  ధీటుగా తనను తాను  నిరూపించుకున్న సక్సెస్‌ఫుల్‌ ఉమన్‌ నీతా.  మధ్యతరగతి గుజరాతీ కుటుంబంలో జన్మించిన నీతా చిన్నప్పటినుంచి భరతనాట్యంలో  ప్రతిభావంతురాలైన  కళాకారిణి రాణిస్తున్నారు. శాస్త్రీయ నృత్యంలో ఇప్పటికే తన ప్రతిభను చాటుకుంటూనే ఉన్నారు. పలు కుటుంబ వేడకుల సందర్బంగా డాన్స్‌తో  ఆకట్టుకోవడం ఆమె స్టయిల్‌.  తాజాగా నీతా అంబానీ చైల్డ్ ఆర్టిస్ట్‌గా ప్రదర్శన ఇస్తున్న ఫోటో ఒకటి ఇపుడు నెట్‌లో చక్కర్లు కొడుతోంది. Music is a universal language that transcends boundaries and unites us all. This World Music Day, immerse yourself in the symphony of diverse sounds at the #NitaMukeshAmbaniCulturalCentre where every note and rhythm weaves a tapestry of mesmerising harmony. pic.twitter.com/fN3KDcnm3Y — Nita Mukesh Ambani Cultural Centre (@nmacc_india) June 21, 2023 నీతా అంబానీ భరతనాట్యం  చేస్తున్న చిన్ననాటి చిత్రాలు చూస్తే అద్భుతం అనిపించకమానదు. సాంప్రదాయ దుస్తులు ధరించి నాట్యం చేస్తున్న ఫోటో  స్పెషల్‌గా ఉంది.  తన రెండు చేతులను తన నడుముపై ఉంచి సూపర్ క్యూట్‌గా  ఉన్నారంటూ ఫ్యాన్స్‌ కమెంట్‌ చేశారు. అలాగే మరో రెండు ఫోటోల్లో  నీతా భారీ నటరాజ్ విగ్రహం ముందు పవర్ ప్యాక్ ప్రదర్శన   కళ్లు తిప్పుకోలేని ఎక్స్‌ప్రెషన్స్ అమూల్యమైన ఫ్రేమ్‌లో అందంగా ఇమిడిపోయిన ఫోటోలు విశేషంగా నిలుస్తున్నాయి. నీతా నర్సీ మోంజీ కాలేజ్ ఆఫ్ కామర్స్ అండ్ ఎకనామిక్స్ నుండి కామర్స్‌లో గ్రాడ్యుయేషన్ పూర్తి చేసిన తర్వాత,  టీచర్‌గా రూ. నెలకు 800 సంపాదించే వారట.  ఆ తరువాత ముఖేష్‌ అంబానీని పెళ్లి చేసుకుని అతిపెద్ద  కుటుంబ వ్యాపారంలో చేరారు. రిలయన్స్ ఫౌండేషన్, ధీరూభాయ్ అంబానీ ఇంటర్నేషనల్ స్కూల్ చైర్‌పర్సన్ , ఐపీఎల్‌ క్రికెట్ జట్టు ముంబై ఇండియన్స్ యజమానిగా ఉన్నారు.అంతేకాదు  కళారంగానికి సేవాలనే ఉద్దేశంతో ముంబైలో నీతా ముఖేష్‌ అంబానీ కల్చరల్‌ సెంటర్‌ను ఇటీవల లాంచ్‌ చేసినసంగతి తెలిసిందే.

కాబోయే మెగా కోడలు లావణ్య త్రిపాఠి గురించి ప్రత్యేకంగా చెప్పాల్సిన పనిలేదు. టాలీవుడ్‌లో స్టార్ హీరోయిన్‌గా పలు సినిమాల్లో నటించింది. ఇటీవలే ఎంగేజ్‌మెంట్‌ చేసుకున్న లావణ్య సోషల్ మీడియాలో యాక్టివ్‌గా ఉంటోంది. తాజాగా ఆమె తన ఇన్‌స్టా స్టోరీస్‌లో పోస్ట్ చేసిన ఫోటో సోషల్ మీడియాలో తెగ వైరలవుతోంది. ఇంతకీ ఆ ఫోటోలో ఏముందో ఓ లుక్కేద్దాం.  (ఇది చదవండి: ఓటీటీలోకి సూపర్‌హిట్ 'గురక సినిమా'.. అస్సలు మిస్సవ్వొద్దు!)   తాజాగా లావణ్య త్రిపాఠి తన ఫోన్‌ వాల్‌ పేపర్‌ను  ఇన్‌స్టా స్టోరీస్‌లో షేర్‌ చేశారు. అందులో కుటుంబ సభ్యులు, స్నేహితులతో ప్రత్యేక సందర్భాల్లో దిగిన పలు ఫొటోలు కూడా ఉన్నాయి. అయితే ఆ పిక్స్‌లో తనకు కాబోయే భర్త వరుణ్‌ తేజ్‌ ఫొటో కూడా కనిపించింది. అందులో మై లవ్స్‌.. డ్రీమ్‌ బిగ్గర్‌’ అంటూ ఓ క్యాప్షన్ కూడా ఇచ్చింది ముద్దుగుమ్మ. ప్రస్తుతం ఇది నెట్టింట వైరల్‌గా కావడంతో  నెటిజన్లు క్యూట్‌ జోడీ అంటూ క్రేజీ కామెంట్స్‌ చేస్తున్నారు.  కాగా.. లావణ్య త్రిపాఠి తొలిసారి మిస్టర్‌ చిత్రంలో జంటగా నటించారు. ఆ మూవీ చిత్రీకరణ సమయంలోనే వీరిద్దరికీ పరిచయం ఏర్పడింది. ఈ ఏడాదిలోనే చివర్లో ఈ  జంట వివాహం జరగనున్నట్లు సమాచారం.  (ఇది చదవండి: 'ఏజెంట్'పై ఆ నిర్మాత కామెంట్స్.. దేవుడు కాపాడాడని! )

మెగాస్టార్ చిరంజీవి, తమన్నా జంటగా నటిస్తోన్న తాజా చిత్రం 'భోళా శంకర్'. ఈ చిత్రానికి మెహర్ రమేశ్ దర్శకత్వం వహిస్తున్నారు. మహానటి కీర్తిసురేశ్ మెగాస్టార్ చెల్లెలిగా కనిపించనుండగా.. హీరో సుశాంత్ ప్రత్యేక పాత్రలో కనిపించనున్నారు. వాల్తేరు వీరయ్య సూపర్ హిట్ తర్వాత మెగాస్టార్ నటిస్తున్న చిత్రం కావడంతో అభిమానుల్లో భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ శరవేగంగా జరుగుతోంది. (ఇది చదవండి: కోల్‌కతాలో భోళాశంకర్.. ఆ సీన్ రిపీట్ కానుందా?) షూటింగ్‌కు సంబంధించిన అప్‌డేట్స్‌ మెగాస్టార్ ఎప్పటికప్పుడు తన ట్విటర్‌లో పంచుకుంటున్నారు. తాజాగా తమన్నాతో ఓ సాంగ్‌ షూటింగ్‌ సంబంధించిన ఫోటోలను ఆయన షేర్ చేశారు. స్విట్జర్లాండ్‍లోని అందమైన లోకేషన్స్‌లో తీసిన సాంగ్ షూట్‌ ఎంతో ఆహ్లాదంగా జరిగిందంటూ ట్వీట్ చేశారు. స్విట్జర్లాండ్‌లో జరుగుతున్న షూటింగ్ ఫోటోలను మెగాస్టార్ అభిమానులతో పంచుకున్నారు. త్వరలోనే మరిన్ని అప్‌డేట్స్‌తో మీ ముందుకొస్తా.. అప్పటివరకు 'చిరు లీక్స్' పిక్స్ నవ్వుతున్న ఏమోజీని జత చేశారు. ఇది చూసిన ఫ్యాన్స్ మీ పాట కోసం వెయిటింగ్ అంటూ కామెంట్స్ పెడుతున్నారు.  (ఇది చదవండి: రప్ఫాడిస్తున్న మెగాస్టార్.. భోళాశంకర్‌ క్రేజీ అప్‌డేట్‌) స్విట్జర్లాండ్ 🇨🇭లో కళ్ళు చెదిరే  అందాలతో మైమరిపించే లొకేషన్స్ లో భోళాశంకర్ కోసం  తమన్నాతో  ఆట పాట (Song  Shoot ) ఎంతో ఆహ్లాదంగా జరిగింది! ఈ పాట ప్రేక్షకులందరినీ, మరింతగా అభిమానులందరినీ మెప్పిస్తుందని చెప్పగలను ! త్వరలోనే మరిన్ని సంగతులు  పంచుకుందాం ! అప్పటివరకూ ఈ 'చిరు… pic.twitter.com/VfT8Jx2QNC — Chiranjeevi Konidela (@KChiruTweets) May 23, 2023

సాక్షి,ముంబై: ఆర్టిఫిషియల్ ఇంటెలిజెన్స్ (AI) ఆర్ట్  సోషల్‌ మీడియాలో సునామీ సృష్టిస్తోంది. ఇటీవల జిమ్‌లో  కసరత్తు చేస్తున్న బిజినెస్‌ టైకూన్స్‌ ఐఏ ఫోటోలు ఇంటర్నెట్‌లో హల్‌చల్‌ చేశాయి.ఇపుడిక సూపర్‌స్టార్ల వంతు.  టాలీవుడ్‌,  బాలీవుడ్‌ పాపులర్‌ నటులను ఏఐ ఫోటోలు హాట్‌ టాపిక్‌గా నిలుస్తున్నాయి. ప్రభాస్‌, మహేష్‌బాబు, అల్లు అర్జున్‌ మొదలు  షారూక్‌ ఖాన్‌, రణబీర్‌కపూర్‌ వరకు ఏఐ ఫోటోలు సంచలనంగా మారాయి. ఈ సూపర్‌ ప్టార్లంతా వృద్ధులుగా ఏలా కనిపిస్తారో చూపిస్తోంది. ముడతలుపడిన తమ హీరోల ముఖాలు చూసి కొంతమంది ఫ్యాన్స్‌ హర్ట్‌ అవుతున్నప్పటికీ, మరికొంతమంది మాత్రం టెక్నాలజీ మహిమ మామా అంటూ వ్యాఖ్యానించారు.  షారుఖ్ ఖాన్ ఏఐ ఆర్టిస్ట్ SK MD అబూ సాహిద్  స్టార్‌ నటులను వృద్ధులుగా మార్చడానికి మిడ్‌ జర్నీని ఉపయోగించారట. ఏఐ నటులను ముసలాళ్లుగా ఊహించుకుంటోందనే క్యాప్షన్‌తో వీటిని షేర్‌ చేశారు. ప్రస్తుతం ఈ ఫోటోలు వైరల్‌గా మారాయి. రణబీర్ కపూర్, షారుఖ్ ఖాన్, హృతిక్ రోషన్, అమీర్ ఖాన్ ,సల్మాన్ ఖాన్ తదితర ఫోటోలను ఆయన ఇన్‌స్టాలో పోస్ట్‌ చేశారు. (ఎస్‌బీఐ అకౌంట్‌ బ్రాంచ్‌ మార్చుకోవాలా? ఇదిగో ఇలా సింపుల్‌గా) సల్మాన్‌ ఖాన్‌ ముఖ్యంగా టాలీవుడ్‌  హీరోలు అల్లు అర్జున్, ప్రభాస్‌, మహేష్‌ బాబు ఫోటోలు చూసి తీరాలి.  ఇటీవల  ధోని, విరాట్ కోహ్లి, హార్దిక్ పాండ్యాలతో సహా భారత క్రికెట్ జట్టులోని స్టార్ ప్లేయర్లు  భారీ కాయులుగా, ముసలాళ్లుగా మారితే ఎలా ఉంటారనే ఏఐ ఫోటోలు వైరలైన సంగతి తెలిసిందే. (Nokia C22: నోకియా సీ22 స్మార్ట్‌ఫోన్ వచ్చేసింది: అదిరే ఫీచర్లు, అతి తక్కువ ధర) View this post on Instagram A post shared by SK MD ABU SAHID (@sahixd)

కేరళ రాష్ట్రం ట్రాఫిక్‌ ఉల్లంఘనలు జరగకుండా ఉండేందుకు అత్యాధునిక ట్రాఫిక్‌ కెమరాలను ఏర్పాటు చేసింది. ఆ ట్రాఫిక్‌ కెమెరాలు ప్రస్తుతం వివాదస్పదమవ్వడమే గాక ఏకంగా ఓ కుంటుంబంలో కలతలు తెచ్చిపెట్టింది. కేరళలోని ఓ వ్యక్తి ఓ మహిళా స్నేహితురాలితో బైక్‌పై ప్రయాణించాడు. అతడు ఆ సమయంలో హెల్మెట్‌ ధరించలేదు. దీంతో బైక్‌ ఎవరి పేరు మీద రిజిస్టర్‌ అయ్యిందో వారి మొబైల్‌కి ఫోటోతో సహా మెసేజ్‌ వెళ్లింది. ఐతే అతడి బైక్‌ భార్య పేరు మీద ఉండటంతో ఆమె మొబైల్‌కి మెసేజ్‌ వచ్చింది. దీంతో ఆమె బైక్‌పై ఎక్కించుకున్న మహిళ ఎవరని ప్రశ్నించింది భార్య. నిజానికి ఆ మహిళ ఎవరో తనకు తెలియదని, తాను కేవలం ఆమెకు లిఫ్ట్‌ ఇచ్చానని భార్యాతో చెప్పాడు. కానీ ఆమె నమ్మలేదు. దీంతో ఇరువురి మద్య ఈ విషయమై గొడవలయ్యాయి. ఆ తర్వాత ఆమె తనపట్ల, కూతురి పట్ల అసభ్యంగా ప్రవర్తించాడంటూ భర్తపై పోలీసులకు ఫిర్యాదు చేసింది. ప్రస్తుతం ఆ వ్యక్తిని కోర్టులో హాజరుపర్చడమే గాక జ్యుడిషియల్‌ కస్టడీకి తరలించామని అధికారులు తెలిపారు. కాగా, సేఫ్‌ కేరళలో భాగంగా రోడ్డు భద్రతా ప్రాజెక్టు రహదారులపై ఈ అత్యాధునిక ట్రాఫిక్‌ కెమెరాలను ఏర్పాటు చేసింది. ఈ కెమెరాల ఒప్పందాల్లో చాలా అవినీతి జరిగిందంటూ కేరళ ప్రభుత్వంపై విమర్శలు వెల్లువెత్తాయి. ఇప్పుడు ఆ  కెమెరాలు సామాన్య ప్రయాణికుల వ్యక్తిగత జీవితాలను ఇబ్బంది పాలు చేస్తుండటం బాధకరం.  (చదవండి:  కేరళలో వైద్యురాలి మృతి కలకలం..చికిత్స చేస్తుండగా పెషెంట్‌..)

బుల్లితెర బ్యూటీ రష్మీ గౌతమ్‌ గురించి ప్రత్యేకంగా పరిచయం అక్కర్లేదు. స్టార్‌ యాంకర్‌ రాణిస్తున్న రష్మీ ఎప్పటికప్పుడు సోషల్ మీడియాలో టచ్‌లో ఉంటోంది. కామెడీ షో ద్వారా మరింత గుర్తింపు తెచ్చుకుంది ముద్దుగుమ్మ. బొమ్మ బ్లాక్ బస్టర్ చిత్రంలోనూ మెరిసింది. ఆ తర్వాత కొన్ని సినిమాల్లోనూ కనిపించింది. అయితే ఇటీవలే తన ఫ్రెండ్స్‌తో కలిసి బర్త్‌డే వేడుకలు చేసుకున్న రష్మీ తాజాగా తన ఫోటోలను ఇన్‌స్టాలో పంచుకుంది. అవీ ప్రస్తుతం సోషల్ మీడియాలో వైరలవుతున్నాయి.  ( ఇది చదవండి: మహిళల శరీరాలు ఎంతో విలువైనవి.. సల్మాన్‌ ఖాన్‌ ఆసక్తికర వ్యాఖ్యలు) రష్మీ ఇన్‌స్టాలో రాస్తూ..'మీరు ఎలా ఉండాలనుకుంటున్నారో వాటికే కట్టుబడి ఉండండి. మిమ్మల్ని విడిచి వెళ్లాలనుకునే వారిని వదిలేయండి. నా లైఫ్‌లో మరో ఏడాది గడిచిపోయింది. దానికి తగిన విలువనిచ్చేలా నా వంతు కృషి చేస్తున్నా. ఈ బర్త్‌డేను నాకు గుర్తుండేలా స్పెషల్‌గా చేసిన ప్రతి ఒక్కరికీ ధన్యవాదాలు. ఫ్యాన్స్, ఫ్రెండ్స్, ఫ‍్యామిలీ నా జీవితంలో మూడు ప్రధాన స్తంభాలు. అందరికీ ధన్యవాదాలు.' అంటూ పోస్ట్ చేసింది. కాగా.. స్నేహితుల సమక్షంలో ఏప్రిల్ 27న తన 35వ పుట్టిన రోజు సెలబ్రేషన్స్ జరుపుకుంది బుల్లితెర యాంకరమ్మ.  (ఇది చదవండి: నాగచైతన్య 'కస్టడీ' ట్రైలర్‌ డేట్‌ ఫిక్స్‌,ఎప్పుడంటే..) View this post on Instagram A post shared by Rashmi Gautam (@rashmigautam)

స్టార్ హీరోయిన్ అనే హోదా అందరికీ రాదు. చాలా కొద్దిమందికే అలాంటి అదృష్టం కలిసి వస్తుంది. గ్లామర్‌ ఫీల్డ్‌లో కొన్నేళ్లపాటు స్టార్‌గా ఉండాలంటే అంతా సులభం కాదు. మరీ ఎక్కువగా హీరోయిన్లు నిలదొక్కుకోవడం సవాళ్లతో కూడుకున్న విషయం. అలాంటిది 13 ఏళ్లుగా మూవీస్‌లో నటిస్తూ తనకంటూ ప్రత్యేక గుర్తింపు తెచ్చుకుంది. ఆమె నటించిన సినిమాలు బ్లాక్‌ బస్టర్లుగా నిలిచాయి.  అంతే కాకుండా ఓ టాలీవుడ్ స్టార్ హీరో కూమారుడిని పెళ్లి చేసుకుంది. కానీ ఆ తర్వాత విడాకులు తీసుకుని.. మళ్లీ సినిమాలతో బిజీ అయిపోయింది. ప్రాణాంతక వ్యాధి చుట్టుముట్టినా కూడా కోలుకుని ముందడుగేసింది. ఎంత బాధలో ఉన్నా కూడా సినిమాలపై దృష్టి సారించింది. ఇంతకీ ఎవరు అనుకుంటున్నారా? ఆమె మరెవరో కాదు.. ఇటీవలే శాకుంతలం సినిమాతో మెప్పించిన సమంత. ఆమె నటించిన శాకుంతలం థియేటర్లలో విడుదలైన సంగతి తెలిసిందే. 'ఏ మాయ చేశావే' అనే సినిమాతో 2010లో తెలుగు పరిశ్రమలోకి అడుగుపెట్టింది సామ్. బృందావనం, దూకుడు , ఈగ, ఎటో వెళ్ళిపోయింది మనసు , సీతమ్మ వాకిట్లో సిరిమల్లె చెట్టు, అత్తారింటికి దారేది లాంటి సూపర్ హిట్ సినిమాల్లో నటించింది.   అయితే తాజాగా సమంత పోస్ట్ చేసిన ఓ ఫోటో సోషల్ మీడియాలో తెగ వైరలవుతోంది. తాను 16 ఏళ్ల వయసులో ఉన్న అరుదైన ఫోటోను తన ఇన్‌స్టా స్టోరీస్‌లో పంచుకుంది. ఇది చూసిన ఫ్యాన్స్ ఆ వయసులో సమంత లుక్ చూసి సంబర పడిపోతున్నారు. మీరు ఆ పిక్ చూస్తే ఇప్పుడు స్టార్‌ హీరోయిన్‌ సమంతనా అనకుండా ఉండలేరు. 

ముంబై: ప్రముఖ బాలీవుడ్‌ నటుడు కార్తీక్ ఆర్యన్ నవంబర్ 22న తన పుట్టిన రోజు వేడుకలను కుటుంబ సభ్యులతో జరుపుకున్నాడు. ఈ సందర్భంగా తన సోదరి కృతికా తివారీ సోషల్ మీడియాలో పుట్టినరోజు శుభాకాంక్షలు తెలుపుతూ, '6 అడుగుల బుజ్జి బాబు' అంటూ అతడిని ఆశీర్వదిస్తున్న ఫొటో పోస్ట్‌ చేసింది. దీంతో పాటు ఒక వీడియోను ఇన్‌స్టాగ్రామ్‌లో షేర్‌ చేసింది. ఇందులో లాక్‌డౌన్‌ సమయంలో అతడు ఇంట్లో గడిపిన మధుర క్షణాలకు సంబంధించిన ఫొటోలు ఉన్నాయి.  లాక్‌డౌన్‌ కారణంగా అన్నింటికి పేకప్‌ చెప్పి ముంబైలోని తన కుటుంబంతో కార్తీక్ ఆర్యన్ ఎక్కువ సమయాన్ని గడిపాడు. ఈ మధుర క్షణాలకు సంబంధించిన ఫొటోలను ఎప్పటికప్పుడు సోషల్‌ మీడియాలో పంచుకుంటూ అభిమానులకు ఆకట్టుకున్నాడు. త్వరలోనే హర్రర్-కామెడీగా తెరకెక్కుతున్న ‘భూల్ భూలైయా 2’ సినిమా షూటింగ్‌లో తిరిగి పాల్గొనున్నట్టు తెలిపాడు. ఇందులో కియారా అద్వానీ, టబు నటిస్తున్నారు. పుట్టినరోజు సందర్భంగా తను కొత్తగా ‘ధమాకా’ పేరుతో సినిమా చేయనున్నట్లు ప్రకటించాడు. ఈ చిత్రానికి నీర్జా ఫేమ్ దర్శకుడు రామ్ మాధ్వానీ తెరకెక్కించబోతున్నారు. ఇందులో కార్తీక్ ముంబై ఉగ్రవాద దాడులను కవర్ చేసే జర్నలిస్ట్ పాత్రలో కనిపించనున్నాడు. లవర్‌ బాయ్‌గా పాపులర్‌ అయిన ఆర్యన్‌ ఈ సారి కొత్త పాత్రలో ప్రేక్షకుల ముందుకు రాబోతున్నాడు.

సాక్షి, ముంబై : బాలీవుడ్ లవ్‌బర్డ్స్ దీపికా-రణవీర్‌సింగ్‌ పెళ్లి ఫోటోల కోసం ప్రపంచమంతా కళ్లుకాయలు కాసేలా ఎదురుచూసింది. ఎపుడెపుడు వారి వేడుక ఫోటోలను చూడాలా అని ఈ జంట అభిమానులతో పాటు  సినీలోకమంతా ఆసక్తిగా నెట్‌లో వెతుకులాడుతోంది అంటే అతిశయోక్తి కాదేమో.  చివరికి  ఈ ఫోటోలు  దర్శనమిచ్చాయి. స్వయంగా కొత్త పెళ్లి కూతురు దీపికా తన ట్విటర్‌ పోస్ట్‌ చేసి  వేడుక  చేసింది. అభిమానుల ముచ్చట తీర్చింది.  అటు రణవీర్‌సింగ్‌ కూడా ట్విటర్‌లో అవే ఫోటోలను  పోస్ట్‌ చేయడం విశేషం. దీంతో ఈ ఫోటోలు వైరల్‌గా మారిపోయాయి.  కాగా బుధవారం ఇటలీలోని లేక్‌ కోమో రిసార్ట్స్‌‌లో అత్యంత ఘనంగా దీపికా, రణవీర్‌లు మూడుముళ్ల బంధంతో ఒకటయ్యారు. దీప్‌వీర్‌ పెళ్లి తంతు రెండో రోజైన గురువారం సింధీ స్టయిల్లో జరిగిందట. రణవీర్ సింగ్, దీపికా పదుకోనే పెళ్లి ఫోటోలు కనీసం ఒక్కటి కూడా మీడియాలో గానీ, సోషల్ మీడియాలో గానీ రాలేదు. ఈ క్యూరియాసిటీపై పలు జోకులు సెటైర్లు కూడా పేలాయి. ముఖ్యంగా  కేంద్ర మంత్రి స్మృతి ఇరానీ తన ఇన్‌స్టా‌గ్రామ్‌లో పోస్ట్‌ చేసిన ఫన్నీ ఫోటోనే ఇందుకు నిదర్శనం.  ❤️ pic.twitter.com/arIntwadPg — Deepika Padukone (@deepikapadukone) November 15, 2018

ఇంకొల్లు: ఫేస్‌బుక్‌లో ఓ యువతికి సంబంధించిన అసభ్య ఫొటోలు పోస్టు చేసిన యువకుడిని ఇంకొల్లు సీఐ ఎం.శేషగిరిరావు శుక్రవారం వలపన్ని అరెస్టు చేశారు. సీఐ కథనం ప్రకారం.. మండలంలోని పావులూరుకు చెందిన చిడిపూడి శివశంకరరెడ్డి అదే గ్రామానికి చెందిన ఓ యువతిని పెళ్లి చేసుకునేందుకు ప్రతిపాదించాడు. ఇందుకు యువతి పెద్దలు నిరాకరించారు. కక్ష పెంచుకున్న శివశంకరరెడ్డి.. ఆ యువతి ఫొటోలను మార్ఫింగ్‌ చేసి పేస్‌బుక్‌లో పోస్టు చేశాడు. బాధితురాలు ఇచ్చిన ఫిర్యాదు మేరకు ఇంకొల్లు పోలీసులు సైబర్‌ నేరంగా నమోదు చేసి దర్యాప్తు ప్రారంభించారు. నిందితుడిని అరెస్టు చేసి పర్చూరు కోర్టుకు హాజరు పరిచారు. ఇలాంటి చర్యలకు పాల్పడిన వారిపై చట్టపరంగా చర్యలు తీసుకుంటామని సీఐ శేషగిరిరావు హెచ్చరించారు. కేసు దర్యాప్తునకు సహకరించిన ఎస్‌ఐ వి.రాంబాబు, సిబ్బందిని సీఐ అభినందించారు.

తమిళసినిమా: కురల్‌ 388 చిత్రం టాక్‌ ఆఫ్‌ ఇండస్ట్రీగా మారింది. అందుకు కారణం ఆ చిత్ర పోస్టర్‌నే. టాలీవుడ్‌ యువ నటుడు మంచు విష్ణు కథానాయకుడిగా నటిస్తున్న తాజా చిత్రం కురల్‌ 388. ఇవన్‌వేరమాదిరి, వెలై ఇల్లా పట్టాదారి చిత్రాల ఫేమ్‌ సురభి నాయకిగా నటిస్తున్న ఈ చిత్రాన్ని సతీష్‌కుమార్‌ పూతోట తమిళం, తెలుగు భాషల్లో భారీ ఎత్తున్న నిర్మిస్తున్నారు. నవ దర్శకుడు జీఎస్‌.కార్తీక్‌ దర్శకత్వం వహిస్తున్న ఈ చిత్రానికి రాజేశ్‌యాదవ్‌ చాయాగ్రహణం, ఎస్‌ఎస్‌.తమన్‌ సంగీతాన్ని అందిస్తున్నారు. ఈ చిత్ర ఫస్ట్‌లుక్‌ పోస్టర్‌ను విష్ణు మంచు పుట్టిన రోజు సందర్భంగా ఈ నెల 23న విడుదల చేశారు. విష్ణు ముఖంతో కూడిన ఆ పోస్టర్‌లో ప్రధాని నరేంద్రమోది, ఎంజీఆర్, జయలలిత, కరుణానిధి, స్టాలిన్, విజయకాంత్‌ ఇలా ప్రాంతియ, జాతీయ రాజకీయ నాయకుల ఫొటోలను పొందుపరిచడం ఆసక్తిని రేకెత్తిస్తోంది. ఆ పోస్టర్‌లో వారి ఫొటోలను పొందుపరచడంలో ఆంతర్యం ఏమిటన్న చర్చ జరుగుతోంది. ది ఎన్నికల్లో గెలవడమే ప్రధానంగా ఇష్టం వచ్చినట్లు వాగ్దానాలు చేసేసి ఆ తరువాత వాటి విషయాన్నే మరచిపోయే స్వార్థ« రాజకీయవాదుల ముఖ చిత్రాలను ఆవిష్కరించే చిత్ర కథే కురల్‌ 388 అని చిత్ర వర్గాలు తెలిపారు. తెలుగులో ఓటర్‌ పేరుతో రూపొందుతున్న ఈ చిత్రం తిరువళ్లువర్‌ రాసిన కురల్‌ 388లోని అంశాన్ని ఆవిష్కరించే చిత్రంగా ఉంటుందని తెలిపారు. చిత్ర షూటింగ్‌ చివరి దశకు చేరుకుందని, డిసెంబర్‌లో కురల్‌ 388 చిత్రాన్ని తమిళం, తెలుగు భాషల్లో విడుదల చేయడానికి సన్నాహాలు చేస్తున్నట్లు చిత్ర వర్గాలు పేర్కొన్నారు.