అథ్లెటిక్స్‌కు పెరుగుతున్న ఆదరణ

అథ్లెటిక్స్‌కు పెరుగుతున్న ఆదరణ

ఆదిలాబాద్‌: జిల్లాలో అథ్లెటిక్స్‌కు రోజురోజుకు ఆదరణ పెరుగుతుందని జిల్లా గిరిజన క్రీడల అధికారి కోరెడ్డి పార్థసారథి అన్నారు. స్థానిక ఇందిరా ప్రియదర్శిని స్టేడియంలో జిల్లా అథ్లెటిక్స్‌ అసోసియేషన్‌ ఆధ్వర్యంలో సబ్‌ జూనియర్‌ జిల్లాస్థాయి అథ్లెటిక్స్‌ ఎంపిక పోటీలు శుక్రవారం నిర్వహించారు. ఈ సందర్భంగా ఆయన పోటీలను ప్రారంభించి మాట్లాడారు. జిల్లాలో ఎంతోమంది ప్రతిభగల క్రీడాకారులు ఉన్నారన్నారు. ఇప్పటివరకు తొమ్మిది సార్లు జిల్లా జట్టు రాష్ట్రస్థాయి పోటీల్లో ఓవరాల్‌ చాంపియ న్‌షిప్‌ కై వసం చేసుకోవడం నిదర్శనమన్నారు. అవకాశాలను సద్వినియోగం చేసుకొని గొప్ప క్రీడాకారులుగా ఎదగాలని ఆకాంక్షించారు. కార్యక్రమంలో అసోసియేషన్‌ అధ్యక్షుడు రాజేశ్‌, ఎస్జీఎఫ్‌ కార్యదర్శి కాంతారావు, పెటా ప్రధాన కార్యదర్శి స్వామి, ప్రమోద్‌ కుమార్‌ ఖత్రి, రాకేశ్‌ తదితరులున్నారు.