TV
14న జిల్లా స్థాయి బైబిల్‌ క్విజ్‌ పోటీలు
ఫిరంగిపురం: మండలంలోని నుదురుపాడు గ్రామంలో డిసెంబర్‌ 14వ తేదీన జిల్లా స్థాయి బైబిల్‌ క్విజ్‌ పోటీలు నిర్వహించనున్నారు. పీస్‌ ఆఫ్‌ మినిస్ట్రీస్‌ ఆధ్వర్యంలో కార్యక్రమం ఉంటుందని శుక్రవారం సంబంధిత ప్రతినిధులు తెలిపారు. తొలి ఎనిమిది స్థానాల్లో నిలిచిన వారికి నగదు బహుమతి, మెమోంటోలు అందజేస్తామన్నారు. వివరాలకు ఏరియా కోఆర్డినేటర్లు అయిన సత్తెనపల్లిలో రూతురాణి – 99634 03327, ఫిరంగిపురంలో టి.వీరయ్య – 98482 88650, గుంటూరులో సునీల్‌ – 90000 37320 , చిలుకలూరిపేటలో జ్ఞానయ్య 99636 69760, నరసరావుపేటలో కుమార్‌ 99510 59673ను సంప్రదించాలని కోరారు.
హిందీ భాషకు ప్రోత్సాహం అవసరం
లక్ష్మీపురం: గుంటూరు రైల్వే డివిజన్‌ పరిధిలో హిందీని ప్రోత్సహించటానికి కృషి చేయాలని గుంటూరు రైల్వే డివిజనల్‌ మేనేజర్‌ ఎం.రామకృష్ణ అన్నారు. పట్టాభిపురంలోని డీఆర్‌ఎం కార్యాలయంలో శుక్రవారం ఏడీఆర్‌ఎం సైమన్‌ అధ్యక్షతన అధికార భాషా అమలు కమిటీ సమావేశం జరిగింది. ముందుగా ప్రముఖ హిందీ కవి హరివంశ్‌ రాయ్‌ బచ్చన్‌ జయంతి సందర్భంగా ఆయన చిత్రపటానికి పూల మాలలు వేసి నివాళులర్పించారు. డీఆర్‌ఎం మాట్లాడుతూ.. డివిజన్‌ పరిధిలోని అన్ని కార్యాలయాల్లో అధికార భాషకు సంబంధించిన ప్రగతి నివేదికను సమీక్షించారు. సీనియర్‌ డీసీఎం ప్రదీప్‌కుమార్‌, డీపీఓ షహబాజ్‌ హనూర్‌, డీసీఎం కమలాకర్‌బాబు పాల్గొన్నారు.
Comments
Please login to add a commentAdd a comment