TV
కొండగట్టు ఘాట్‌రోడ్డుపై ఆటో బోల్తా
కొండగట్టు(చొప్పదండి): కొండగట్టు ఘాట్‌రోడ్డుపై భక్తులతో ప్రయాణిస్తున్న ట్రాలీఆటో శుక్రవారం ప్రమాదానికి గురైంది. మందమర్రికి చెందిన 12మంది భక్తులు ఘాట్‌రోడ్డు మీదుగా ట్రాలీ ఆటోలో గుట్టపైకి వెళ్లారు. అంజన్నను దర్శించుకుని ఆటోలో ఘాట్‌రోడ్డు దిగుతున్నారు. ఆటో న్యూట్రల్‌లో వెళ్లగా బ్రేకులు ఫెయిల్‌ అయ్యాయి. గతంలో బస్సు ప్రమాదం జరిగిన స్థలంలో నిర్మించిన సైడ్‌వాల్‌కు, కరెంటు పోల్‌కు ఆటో ఢీకొని బోల్తా పడింది. గమనించిన స్థానికులు జేసీబీ సాయంతో ఆటోను పైకి లేపారు. అందులో ప్రయాణిస్తున్న సుమారు 12మందికి గాయాలు కాగా.. జగిత్యాల ఆస్పత్రికి తరలించారు. డ్రైవర్‌ అజాగ్రత్త కారణంగానే ప్రమాదం జరిగినట్లు స్థానికులు తెలిపారు. సైడ్‌వాల్‌ లేకుంటే పెను ప్రమాదం సంభవించేదని పేర్కొన్నారు.
Comments
Please login to add a commentAdd a comment