రేపు రాష్ట్రస్థాయి సభలు

పాలమూరు: సమూహ సెక్యులర్‌ రైటర్స్‌ ఫోరం రాష్ట్ర తొలి మహాసభలు జిల్లాకేంద్రంలోని క్రౌన్‌ ఫంక్షన్‌ హాల్‌లో శనివారం ఉదయం 10గంటలకు నిర్వహిస్తున్నట్లు రాష్ట్ర మహాసభల ఆహ్వాన సంఘం ప్రతినిధులు రాఘవాచారి, లక్ష్మణ్‌గౌడ్‌ గురువారం ఒక ప్రకటనలో తెలిపారు. తెలుగు సాహిత్యకారులు విద్వేషాలు లేని సమాజం కోసం, మానవీయ విలువల కోసం గతేడాది ఆగస్టులో రాష్ట్రస్థాయి సమూ హ సెక్యులర్‌ రచయితల ఫోరం ఏర్పాటు చేశారన్నారు. ఈ సభల్లో ప్రారంభ ఉపన్యాసం ప్రొఫెసర్‌ హరగోపాల్‌, అలాగే కల్లూరి భాస్కరం కీలక ఉపన్యాసం చేస్తారన్నారు. వీరితోపాటు స్కైబాబా, కాశీం, మెట్టు రవీందర్‌, విద్మహె హాజరవుతారని వెల్లడించారు.