27 నుంచి జిల్లాస్థాయి ఫుట్‌బాల్‌ లీగ్‌ పోటీలు

రామకృష్ణాపూర్‌: ఈనెల 27 నుంచి 29 వరకు పట్టణంలోని ఠాగూర్‌ స్టేడియం, మందమర్రి సింగరేణి హైస్కూల్‌ గ్రౌండ్స్‌లో జిల్లా ఫుట్‌బాల్‌ లీగ్‌ చాంపియన్‌ షిప్‌ పోటీలు నిర్వహించనున్నట్లు జిల్లా ఫుట్‌బాల్‌ అసోసియేషన్‌ ప్రధాన కార్యదర్శి రఘునాథ్‌రెడ్డి ఓ ప్రకటనలో తెలిపారు. పూల్‌ ఏ, పూల్‌ బీలో ఉమ్మడి ఆదిలాబాద్‌ నుంచి మొత్తం తొమ్మిది జట్లు లీగ్‌ మ్యాచ్‌ల్లో తలపడనున్నాయని తెలిపారు. ఈనెల 29న మంచిర్యాల వివేకవర్థని డిగ్రీ కాలేజీలో ఫుట్‌బాల్‌ అసోసియేషన్‌ జిల్లా కార్యవర్గ సమావేశం ఉంటుందని పేర్కొన్నారు. కార్యవర్గ సభ్యులు హాజరుకావాలని కోరారు.