బాక్సింగ్‌లో జిల్లా క్రీడాకారుల ప్రతిభ

బాక్సింగ్‌లో జిల్లా క్రీడాకారుల ప్రతిభ

నిర్మల్‌ టౌన్‌: ఈ నెల 21న మంచిర్యాల్‌ ఎస్జీఎఫ్‌ ఆధ్వర్యంలో నిర్వహించిన జోనల్‌స్థాయి అండర్‌–14, 17 బాల, బాలికల బాక్సింగ్‌ పోటీల్లో నిర్మల్‌ జిల్లా క్రీడాకారులు ప్రతిభ చాటారు. జిల్లా నుంచి 23 మంది క్రీడాకారులు పాల్గొన్నారు. 9 బంగారు పతాకాలు, 7 వెండి పతాకాలు సాధించారు. బాలికల విభాగంలో ఎ.నికిత (44–46 కేజీలు), ఎస్‌.వనజ(57–60 కేజీలు), బి.శ్రావణి (63–66 కేజీలు), అభినయ(50–52కేజీలు), ఎన్‌.అక్షయ (54–57 కేజీలు), ఆడెల్ల(60–63 కేజీలు), సీహెచ్‌.నక్షత్ర(75–80 కేజీలు), పి.అభినయ(50–52 కేజీలు), ఎం.రమ్యశ్రీ(45–48కేజీలు) పతకా లు సాధించారు. బాలుర విభాగంలో కౌశల్‌రెడ్డి, శౌర్యన్‌రెడ్డి పతాకాలు సాధించారు. జిల్లా బాక్సింగ్‌ సెక్రెటరీ చందులస్వామి, జిల్లా యువజన క్రీడల అధికారి శ్రీకాంత్‌రెడ్డి, ఎస్జీఎఫ్‌ సెక్రటరీ రవీందర్‌గౌడ్‌ క్రీడాకారులను ప్రత్యేకంగా అభినందించారు.