TV
21 నుంచి ఫల, పుష్ప ప్రదర్శన
మొగల్రాజపురం(విజయవాడ తూర్పు): డిసెంబర్‌ 21 నుంచి 26వ తేదీ వరకు విజయవాడ మొగల్రాజపురం పిన్నమనేని పాలిక్లినిక్‌ రోడ్డులో ని సిద్ధార్థ హోటల్‌ మేనేజ్‌మెంట్‌ గ్రౌండ్‌ ఆవరణలో 5వ ఫ్రూట్స్‌ అండ్‌ ఫ్లవర్స్‌ షో (ఫల, పుష్ప ప్రదర్శన) నిర్వహిస్తున్నామని ప్రదర్శన నిర్వాహకుడు గరిమెళ్ల జానకిరామయ్య చెప్పారు. మొగల్రాజపురంలోని కాన్ఫరెన్స్‌ హాలులో ఫ్రూట్స్‌ అండ్‌ ఫ్లవర్స్‌ షోకు సంబంధించిన కరపత్రాన్ని శుక్రవారం ఆవిష్కరించారు. ఈ సందర్భంగా జానకిరామయ్య మాట్లాడుతూ వివిధ ప్రాంతాల్లోని ఫలాలు, పూల మొక్కలను నగర వాసులకు పరిచయం చేయాలనే ఉద్దేశంతో ప్రతి ఏడాది ఈ ప్రదర్శనను నిర్వహిస్తున్నామని చెప్పారు. డిసెంబర్‌ 21వ తేదీ నుంచి జరిగే ఈ ప్రదర్శనలో ఆంధ్రప్రదేశ్‌లోని కడియం, దర్శితో పాటుగా తెలంగాణ, పూణే, బెంగళూరు, కొల్‌కతా, మధ్యప్రదేశ్‌ ఇతర రాష్ట్రాల్లోని నర్సరీల నిర్వాహకులు పాల్గొంటారని చెప్పారు.
Comments
Please login to add a commentAdd a comment