No Headline

బాపట్ల: అమరజీవి పొట్టి శ్రీరాములు ఆశయాలను సాధిద్దామని జేసీ ప్రఖర్‌ జైన్‌ పేర్కొన్నారు. ఆదివారం పొట్టి శ్రీరాములు వర్ధంతి సందర్భంగా స్థానిక బాపట్ల ప్రభుత్వ ఏరియా ఆస్పత్రిలో ఉన్న ఆయన విగ్రహానికి జాయింట్‌ కలెక్టర్‌ పూలమాలలు వేసి నివాళులర్పించారు. అనంతరం జేసీ మాట్లాడుతూ అమరజీవి ఆశయాల కోసం యువత పనిచేయాలని పిలుపునిచ్చారు. పొట్టి శ్రీరాములు త్యాగం చిరస్మరణీయమని కొనియాడారు. కార్యక్రమంలో జిల్లా రెవెన్యూ అధికారి గంగాధర్‌ గౌడ్‌ తదితరులు పాల్గొన్నారు. అనంతరం పొట్టి శ్రీరాములు వర్ధంతి సందర్భంగా నిర్వహించిన వివిధ పోటీల్లో విజేతలైన విద్యార్థినులకు జేసీ బహుమతులు అందించారు.