సినీఫక్కీలో గాల్లోకి ఎగిరిన కారు

సినీఫక్కీలో గాల్లోకి ఎగిరిన కారు

యడ్లపాడు: సినీఫక్కీలో కారు గాల్లోకి ఎగిరి వంతెనపై నుంచి సర్వీసు రోడ్డుపై పడిన సంఘటన మండలంలో ఆదివారం జరిగింది. పోలీసులు తెలిపిన వివరాల ప్రకారం...కృష్ణాజిల్లా గన్నవరం మండలం సూరంపల్లి గ్రామానికి చెందిన పులిపాక అజయ్‌ విజయవాడ నుంచి ఒంగోలుకు కారులో ప్రయాణిస్తున్నాడు. ఈ నేపథ్యంలో శనివారం అర్ధరాత్రి మండలంలోని వంకాయలపాడు గ్రామం సమీపంలోకి రాగానే అజయ్‌కు నిద్రమత్తుతో కారు అదుపుతప్పింది. దీంతో ఎక్స్‌ప్రెస్‌ హైవే పక్కనున్న గడ్డర్లకు ఢీకొని కారు గాల్లోకి ఎగిరి సర్వీసు రోడ్డులోకి వచ్చి పడింది. ఈ ప్రమాదంలో కారు ధ్వంసం కాగా, అజయ్‌కు గాయాలయ్యాయి. సమాచారం అందుకున్న 108 వాహన సిబ్బంది బాధితుడికి ప్రాథమిక చికిత్స నిర్వహించారు. అర్థరాత్రి కావడం, సర్వీసు రోడ్డు నిర్మానుష్యంగా ఉండటంతో పెనుప్రమాదం తప్పిందని స్థానికులు చెబుతున్నారు.

వ్యక్తికి గాయాలు