గంగార్పణం

మత్స్యకార భరోసా

మత్స్యకారులను టీడీపీ ప్రభుత్వం మరోసారి మోసం చేసింది. గతంలో అధికారంలో ఉన్నప్పుడు వేట నిషేధ పరిహారం అరకొర మందికి అదీ తొలి రెండేళ్లు రూ. 2 వేలు, మరో రెండేళ్లు రూ.4 వేల వంతున సాయం చేసింది. వైఎస్సార్‌సీపీ అధికారంలోకి వచ్చాక ఈ పరిహారాన్ని రూ.10 వేలకు పెంచడంతోపాటు గత టీడీపీ హయాంలో కంటే మిన్నగా అత్యధిక మందికి అందజేసి ఆదుకుంది. ఎన్నికల ముందు వేట నిషేధ పరిహారం రెట్టింపు చేస్తామని చెప్పిన కూటమి నేతలు అధికారంలోకి వచ్చాక ఆ ఊసే ఎత్తడం లేదు. నవంబర్‌ 21న ప్రపంచ మత్స్యకార దినోత్సవం సందర్భంగా అయినా ప్రభుత్వం సాయం ప్రకటిస్తుందని ఎదురు చూసిన మత్స్యకారులకు సంబంధిత శాఖ మంత్రి అసెంబ్లీ సాక్షిగా ప్రస్తుతానికి పరిహారం ఇవ్వలేమంటూ చేసిన ప్రకటన మింగుడు పడడం లేదు.