తండ్రి విగ్రహం ముందు వివాహం చేసుకున్న యువకుడు

అన్నానగర్‌: మదురై జిల్లాలోని ఉసిలంపట్టి ప్రాంతానికి చెందిన పిన్నదేవర్‌. ఇతని భార్య జయ. వీరికి ఇద్దరు కొడుకులు. పిన్నదేవర్‌ చిన్నప్పుడు పరవై మార్కెట్‌లో కూరగాయల బస్తాలు తీసుకెళ్లి స్థానికంగా కూరగాయల దుకాణం నడిపాడు. ఈ స్థితిలో పిన్నదేవర్‌ పెద్ద కుమారుడు శివ రామన్‌కు వివాహం చేయాలని అనుకున్నారు. ఇంతలో అనారోగ్య సమస్యలతో పిన్నదేవర్‌ మృతి చెందాడు. ఈ నేపథ్యంలో కుమారుడు శివరామనన్‌కు ఓట్టంఛత్రం ప్రాంతానికి చెందిన శివహారిణి అనే యువతితో నిశ్చయమైంది. 

శివరామన్‌ వివాహం సోమవారం మధురైలోని సెల్లూర్‌ ప్రాంతంలో జరిగింది. తన పెళ్లికి తన తండ్రి హాజరు కావాలని భావించి, అతను రూ. ఒకటిన్నర లక్షలతో పిన్నదేవర్‌ మైనపు విగ్రహాన్ని తయారు చేసి వేదికపై ఉంచాడు. విగ్రహం పక్కన అమ్మ జయను నిలబెట్టి శివహారిణికి తాళి కట్టాడు. అనంతరం పిన్నదేవర్‌ విగ్రహానికి పూజలు చేసి వధూవరుల ఆశీస్సులు పొందారు. ఆ వీడియో ప్రస్తుతం సామాజిక మాధ్యమాల్లో వైరల్‌గా మారింది.