మడిపాక్కం సరస్సును పరిరక్షించాలి

● చైన్నె కార్పొరేషన్‌కు స్థానికుల వినతి

కొరుక్కుపేట: మడిపాకం సరస్సు పునరుద్ధరణ పనులు చేపట్టాలని స్థానిక ప్రజలు కోరుతున్నారు. దక్షిణ చైన్నె ప్రాంతంలోని ప్రధాన సరస్సులలో ఒకటైన మడిపాక్కం సరస్సు 62 ఎకరాల విస్తీర్ణం కలిగి ఉంది. ఈ సరస్సు చివరిసారిగా 2017లో ఆక్రమణకు గురైంది. అలాగే సరస్సులో చెత్త వేయడం వల్ల సరస్సు విస్తీర్ణం తగ్గిపోయింది. తదనంతరం, వివిధ సంస్థల కృషితో సరస్సు పునరుద్ధరించబడింది. తదనంతరం చైన్నె మున్సిపల్‌ కార్పొరేషన్‌ 2018లో మడిపాక్కం సరస్సు పునర్నిర్మాణ పనులను ప్రారంభించింది. రూ.2 కోట్లతో పేవ్‌ మెంట్లు, మహిళా వ్యాయామశాల, ఓపెన్‌ ఎయిర్‌ వ్యాయామశాల, లైటింగ్‌ నిర్మించారు. అలాగే రూ.42 లక్షల నిధులతో కంచె రోడ్డును నిర్మించారు. స్మార్ట్‌ సిటీ ప్రాజెక్టు కింద రూ.1.5 కోట్లతో 2 కి.మీ పొడవున సరస్సు లోతు, విస్తరణ పనులు చేపట్టారు. ఈ సరస్సు మడిపాక్కం అయ్యప్పన్‌ నగర్‌, కార్తికేయపురం, రామ్‌ నగర్‌, రాజాజీ నగర్‌ తదితర చుట్టుపక్కల ప్రాంతాలలో నివసించే లక్ష మంది ప్రజలకు పరీవాహక ప్రాంతంగా ఉంది. ఈ సరస్సు ఒడ్డున ఉన్న ప్రజలు 1,000 మొక్కలు నాటారు. ఈ పరిస్థితిలో మడిపాక్కం సరస్సు ప్లాస్టిక్‌ వ్యర్థాలను డంపింగ్‌ చేయడం , విస్తారంగా పెరుగుతున్న కలుపు మొక్కల కారణంగా మళ్లీ కలుషితమైంది. ఈ విషయమై ఆ విభాగానికి చెందిన సామాజిక కార్యకర్తలు మాట్లాడుతూ.. ఈ ప్రాంతంలో వరదలను నిరోధించే ఏకైక ప్రధాన వనరు మడిపాక్కం సరస్సు. దీన్ని సంరక్షించడానికి చైన్నె కార్పొరేషన్‌ కొన్ని సౌకర్యాలు కల్పించినప్పటికీ, సెక్యూరిటీ గార్డులు, తోటమాలి లేరు. ఇప్పటికైనా సరస్సును పరిరక్షించి పునరుద్ధరణ పనులు చేపట్టాలి.. అని కోరారు.