మెరుగైన క్రౌడ్ మేనేజ్‌మెంట్ దిశగా భారతీయ రైల్వే కీలక నిర్ణయం తీసుకుంది. త్వరలో దేశవ్యాప్తంగా 60 కీలక రైల్వే స్టేషన్లలో కన్‌ఫర్మ్‌ టికెట్లు ఉన్న ప్రయాణికులను మాత్రమే ప్లాట్‌ఫామ్‌ మీదకు అనుమతించనుంది. రద్దీని నియంత్రించడానికి, సురక్షితమైన ప్రయాణ పరిస్థితులను నిర్ధారించడానికి ఈ స్టేషన్లలో శాశ్వత ప్రయాణికుల హోల్డింగ్ ప్రాంతాలు ఉంటాయి.రద్దీ రైల్వే స్టేషన్లలో ప్రయాణికుల రాకపోకల క్రమబద్ధీకరణపై జరిగిన ఉన్నత స్థాయి సమావేశం అనంతరం రైల్వే మంత్రి అశ్విని వైష్ణవ్ ఈ నిర్ణయాన్ని ప్రకటించారు. అధికారులతో విస్తృతంగా చర్చించి రద్దీగా ఉండే ప్రయాణ సమయాల్లో ఎంపిక చేసిన స్టేషన్లలో అమలు చేసిన విజయవంతమైన రద్దీ నియంత్రణ చర్యలను సమీక్షించిన తర్వాత ఈ నిర్ణయం తీసుకున్నారు.వెయిటింగ్ లిస్ట్ టికెట్లు ఉన్నవారు అ‍క్కడే.. ఇందులో భాగంగా ఈ 60 స్టేషన్లలో వెయిటింగ్ లిస్ట్ టికెట్లు ఉన్న ప్రయాణికులను స్టేషన్ ఆవరణ వెలుపల నిర్దేశిత వెయిటింగ్ ప్రాంతాలకు పంపనున్నారు. ఇటీవలి మహాకుంభమేళా సందర్భంగా ప్రయాణికుల భారీ రద్దీని నిర్వహించడానికి ప్రయాగ్‌రాజ్‌తోపాటు సమీప తొమ్మిది స్టేషన్లలో బాహ్య వెయిటింగ్ జోన్లను ఏర్పాటు చేశారు. ఇవి సత్ఫలితాలు ఇచ్చిన నేపథ్యంలో ఎక్కువ రద్దీ ఉండే మరిన్ని స్టేషన్లలో శాశ్వత వెయిటింగ్ ఏరియాలను అమలు చేయాలని రైల్వే శాఖ నిర్ణయించింది.‘వార్ రూమ్’ల ఏర్పాటుఇప్పటికే న్యూఢిల్లీ, ఆనంద్ విహార్, వారణాసి, అయోధ్య, పాట్నా వంటి స్టేషన్లలో ఈ కార్యక్రమాన్ని అమలు చేస్తున్నారు. ఈ స్టేషన్లలో అనధికారిక ప్రవేశాన్ని నివారించడానికి నియంత్రిత యాక్సెస్ గేట్లను ఏర్పాటు చేశారు. సమర్థవంతమైన పర్యవేక్షణ కోసం స్టేషన్లు, పరిసర ప్రాంతాల్లో పెద్ద సంఖ్యలో కెమెరాలను ఏర్పాటు చేయడం ద్వారా నిఘాను పెంచాలని రైల్వే శాఖ యోచిస్తోంది. వీటితోపాటు ప్రధాన స్టేషన్లలో రద్దీ మరీ ఎక్కువగా ఉన్న సమయాల్లో వివిధ శాఖల అధికారులు సమన్వయం చేసుకుని చర్చించుకునేందుకు ‘వార్ రూమ్’లను సైతం ఏర్పాటు కానున్నాయి.కమ్యూనికేషన్‌ను మెరుగుపరచడానికి, ప్రయాణికుల భారీ రద్దీని నిర్వహించే స్టేషన్లలో వాకీ-టాకీలు, అధునాతన అనౌన్స్‌మెంట్‌ వ్యవస్థలు, మెరుగైన కాలింగ్ వ్యవస్థలతో సహా కొత్త డిజిటల్ పరికరాలు ప్రవేశపెట్టనున్నారు. ముఖ్యంగా అత్యవసర సమయాల్లో సులభంగా గుర్తించేందుకు వీలుగా సిబ్బందికి రీడిజైన్ చేసిన ఐడీ కార్డులు, కొత్త యూనిఫామ్‌ అందించనున్నారు. అలాగే అన్ని ప్రధాన స్టేషన్లలో సీనియర్ అధికారులను స్టేషన్ డైరెక్టర్లుగా నియమించాలని రైల్వే శాఖ నిర్ణయించింది. వీటితోపాటు స్టేషన్ కెపాసిటీ ఆధారంగా టికెట్ల అమ్మకాలను నియంత్రించడం, మరింత సమర్థవంతమైన క్రౌడ్ మేనేజ్‌మెంట్ కోసం అక్కడికక్కడే నిర్ణయాలు తీసుకోవడానికి అధికారులకు మరిన్ని అధికారాలు కల్పించనున్నారు.

సాక్షి, హైదరాబాద్‌: రాష్ట్రంలోని ప్రధాన రైల్వేస్టేషన్లలో తెలంగాణ మహిళా స్వ­యం సహాయక బృందాల (ఎస్‌హెచ్‌­జీ) స్టాళ్లు ఏర్పాటు చేస్తున్నారు. తెలంగాణకు సంబంధించిన చేతివృత్తులు, ఉత్పత్తులు, ఇతర తినుబండారాలు వంటి వాటిని ప్రయాణికులకు అందుబాటులోకి తీసుకురానున్నారు.ఎస్‌­హెచ్‌­జీ గ్రూపుల్లోని మహిళలకు ఉపాధి కల్పన, తెలంగాణ బ్రాండ్‌కు ప్రచారంతో పాటు స్వయంసహాయక సంఘాలు తయారుచేసే ఉత్పత్తులకు గిరాకీ కల్పనకు ఇవి ఉపయోగపడ­తాయని అంచనా వేస్తున్నారు. తెలంగాణలో మొత్తం 50 రైల్వే స్టేషన్‌లో (ఒక్కో దాంట్లో ఒక్కోటి) 50 స్టాళ్ల ఏర్పాటుకు పంచాయతీరాజ్, గ్రామీ­ణా­­భి­వృద్ధిశాఖ నిర్ణయించింది. దీనికి సంబంధించిన ప్రతిపాదనలను మంత్రి సీతక్క చొరవతో తయారుచేయగా, వీటి ఏర్పాటుకు రైల్వే శాఖను గ్రామీణ దారిద్య్రనిర్మూలన సంస్థ (సెర్ప్‌) సీఈవో దివ్య దేవరాజన్‌. ఇతర అధికారులు ఒప్పించారు.దీంతో మొదటి విడత విడతలో 14 స్టేషన్లలో స్టాళ్ల ఏర్పాటుకు రైల్వే శాఖ అనుమతులిచ్చింది. వీటిలో ఇప్పటికే ఆయా ప్రాంతాల్లో ఏడు స్టాళ్లను మహిళా సంఘాలు ప్రారంభించాయి. సికింద్రాబాద్‌ స్టేషన్‌లో పిండి వంటలు, ఘన్‌పూర్‌ స్టేషన్లో చేతి ఉత్పత్తులు, శంకర్‌పల్లిలో జూట్‌ బ్యాగులు, క్లాత్‌ బ్యాగులు, వికారాబాద్‌లో గాజులు, పూసలు, హారాలు... ఇలా ఒక్కో స్టేషన్లో భిన్నఉత్పత్తులు అందుబాటులోకి తెచ్చారు. ఇదిలా ఉంటే.. 28న ఖమ్మం స్టేషన్‌లో జూట్‌ బ్యాగులు, క్లాత్‌ బ్యాగులు, ఆసిఫాబాద్‌ స్టేషన్‌లో సకినాలు, లడ్డూలు, కారంపూస, ఇతర తినుబండారాల స్టాళ్లు అందుబాటులోకి రానున్నాయి. త్వరలోనే మిగతా చోట్ల కూడా ఈ స్టాళ్ల ఏర్పాటుకు పీఆర్‌ఆర్‌డీ శాఖ పరంగా ప్రయత్నాలు సాగుతున్నాయి.

భద్రత విషయంలో రైల్వేశాఖ కీలక నిర్ణయం తీసుకుంది. దేశవ్యాప్తంగా రైళ్లలో ఆర్టిఫిషియల్‌ ఇంటెలిజెన్స్‌ (ఏఐ) నిఘా కెమెరాలను ఏర్పాటు చేయనుంది. పట్టాలపై ప్రమాదకరమైన వస్తువులను దూరం నుంచే గుర్తించి లోకో పైలెట్లను అప్రమత్తం చేసేందుకు ఈ నిర్ణయం తీసుకుంది. రైళ్లు పట్టాలు తప్పడాన్ని నివారించడంతోపాటు ఉగ్రవాద, అసాంఘిక శక్తుల కుట్రలను తిప్పికొట్టే లక్ష్యంతో రైల్వేశాఖ వీటిని ఏర్పాటుచేయనుంది. ఇప్పటికే దేశంలోని అన్ని ప్రధాన రైల్వేస్టేషన్లలో సీసీటీవీ కెమెరాల నిఘా కొనసాగుతుండగా.. నడుస్తున్న రైళ్లను మాత్రం ఆర్‌ఎఫ్‌ఐడీ (రేడియో ఫ్రీక్వెన్సీ ఐడెంటిఫికేషన్‌) పరిజ్ఞానం ద్వారా పర్యవేక్షిస్తున్నారు.కానీ, నడిచే రైళ్లు ప్రమాదాలకు గురికాకుండా ముందుగానే అప్రమత్తంచేసే వ్యవస్థ ఇప్పటివరకు అందుబాటులో లేదు. –సాక్షి, అమరావతిమూడేళ్లలో 97 ప్రమాదాలు..ఇటీవలి కాలంలో దేశంలో రైళ్లు పట్టాలు తప్పి ప్రమాదాలకు గురవుతున్న దుర్ఘటనలు గణనీయంగా పెరిగాయి. 2021 ఏప్రిల్‌ నుంచి ఇప్పటివరకు దేశవ్యాప్తంగా ఈ ప్రమాదాలు 97 సంభవించాయి. కొన్నిచోట్ల విద్రోహశక్తులు రైలుపట్టాలపై ప్రమాదకరమైన వస్తువులను ఉంచి కుట్రలు పన్నిన ఉదంతాలూ ఉన్నాయి. దీంతో రైలు పట్టాలపై ఈ తరహా వస్తువులను ముందుగానే గుర్తించి ప్రమాదాలు నివారించేందుకు రైళ్లలో ఏఐ కెమెరాలను ఏర్పాటుచేయాలని రైల్వేశాఖ నిర్ణయించింది.రూ.15 వేల కోట్లతో 75,000 ఏఐ కెమెరాలు..ఈ నేపథ్యంలో.. రూ.15 వేల కోట్ల భారీ బడ్జెట్‌తో 75 వేల ఏఐ కెమెరాలను ఏర్పాటుచేయాలని రైల్వేశాఖ నిర్ణయించింది. 40 వేల బోగీలు, 14 వేల లోకోమోటివ్‌లు (ఇంజిన్‌లు), 6 వేల ఈఎంయూలలో ఈ కెమెరాలను ఏర్పాటుచేస్తారు. ప్రతి బోగీకి ఆరు కెమెరాలు, ప్రతి లోకోమోటివ్‌కు నాలుగు కెమెరాలను అమరుస్తారు. అక్టోబరు నుంచి ఏడాదిలోగా దశలవారీగా అన్ని రైళ్లలో ఏఐ కెమెరాల ఏర్పాటు పూర్తిచేయాలని రైల్వేశాఖ లక్ష్యంగా పెట్టుకుంది. ఇందుకోసం పలు కంపెనీలకు టెండర్లు అప్పగిస్తోంది.

సాక్షి బెంగళూరు: నమ్మ మెట్రో రైల్వే స్టేషన్లు సూసైడ్‌ హాట్‌స్పాట్లుగా మారుతున్నాయి. గడిచిన ఆరు నెలల్లో మెట్రో రైల్వే స్టేషన్లలో ఆరుగురు ఆత్మహత్య చేసుకున్నారు. పదేపదే మెట్రో ట్రాక్‌లపైకి దిగే ప్రయాణికుల సంఖ్య రోజురోజుకి పెరిగిపోతోంది. అయినప్పటికీ మెట్రో అధికారులు మాత్రం అవసరమైన భద్రత వ్యవస్థ కలి్పంచడంలో మీనమేషాలు లెక్కిస్తున్నారని నగర వాసులు ఆగ్రహం వ్యక్తం చేస్తున్నారు. మెజిస్టిక్‌ మెట్రో స్టేషన్‌లో మాత్రమే బీఎంఆర్‌సీఎల్‌ సెక్యురిటీలు అలర్ట్‌ అవుతున్నారు. మిగిలిన చోట్ల భద్రత సిబ్బంది నిర్లక్ష్య ధోరణి అవలంభిస్తున్నారని విమర్శలు వ్యక్తం అవుతున్నాయి. ఈ క్రమంలో భద్రతా నిర్లక్ష్యం కారణంగా మెట్రో రైల్వే పట్టాలపై ఆత్మహత్య కేసులు పెరుగుతున్నాయి. ఢిల్లీ, చెన్నై మెట్రోలల్లో పీఎస్డీ (ప్లాట్‌ఫారం స్క్రీన్‌ డోర్‌లు) అమర్చడం వల్ల అక్కడ అలాంటి ఘటనలకు తావులేకుండా ఉంది. అయితే నమ్మ మెట్రోలో అలాంటి చర్యలు ఇంతవరకు చేపట్టకపోవడం దురదృష్టకరం. దీంతో ప్రమాదాలు రోజురోజుకి ఎక్కువవుతున్నాయి. ఐటీ సిటీ బెంగళూరులో నమ్మ మెట్రో సేవలు ప్రారంభమై సుమారు 13 ఏళ్లు గడిచినా ఇప్పటివరకు పట్టాలపై ఎలాంటి రక్షణ లేకపోవడంతో ప్రయాణికుల రక్షణకు భద్రత కరువైంది. కొంతమంది ఉదాసీనంగా పట్టాలపై పడిపోతుండడం, మరికొంత మంది ఉద్ధేశపూర్వకంగా ఆత్మహత్య చేసుకునేందుకు నమ్మ మెట్రో పట్టాలను ఆశ్రయిస్తున్నారు. ఈ క్రమంలో గడిచిన ఆరు నెలల్లో ఆరుగురు మెట్రో రైల్వే స్టేషన్లలో పట్టాలపైకి దూకి ఆత్మహత్య చేసుకున్నారు.

సాక్షి, హైదరాబాద్‌: సాధారణ రైల్వే టికెట్‌లను క్యూఆర్‌ కోడ్‌ ద్వారా బుక్‌ చేసుకొనే సదుపాయాన్ని దక్షిణ మధ్య రైల్వే అందుబాటులోకి తెచ్చింది. తొలిదశలో సికింద్రాబాద్‌ డివిజన్‌ పరిధిలోని 14 స్టేషన్లలో ఉన్న 31 కౌంటర్లలో ఈ సౌకర్యాన్ని ప్రవేశ పెట్టారు. జనరల్‌ బుకింగ్‌ కౌంటర్లలో నగదు రహిత లావాదేవీలను ప్రోత్సహించేందుకు ఈ సౌకర్యాన్ని ప్రవేశపెట్టినట్లు రైల్వే అధికారులు గురువారం ఓ ప్రకటనలో వెల్లడించారు. టికెట్‌ కొనుగోలు చేసే సమయంలో జనరల్‌ బుకింగ్‌ కౌంటర్ల టికెట్‌ విండో వద్ద ప్రయాణికులు బుక్‌ చేసుకునే టికెట్‌ వివరాలు, చార్జీలను అందుబాటులో ఉంచుతారు. అందుకనుగుణంగా చార్జీలు చెల్లించి క్యూఆర్‌ కోడ్‌ ద్వారా టికెట్‌ తీసుకోవచ్చు. ఈ డిస్‌ప్లే బోర్డులో రైలు బయల్దేరే స్టేషన్, చేరుకొనే స్టేషన్, ప్రయాణపు తరగతి, పెద్దలు, పిల్లల సంఖ్య, చార్జీలు వంటి వివరాలను ప్రదర్శిస్తారు. సికింద్రాబాద్‌ డివిజన్‌లోని సికింద్రాబాద్, నాంపల్లి, లింగంపల్లి, హైటెక్‌ సిటీ, బేగంపేట్, కాజీపేట, జేమ్స్‌స్ట్రీట్, ఫతేనగర్‌ బ్రిడ్జ్, వరంగల్, మంచిర్యాల, మహబూబాబాద్, బెల్లంపల్లి, సిర్పూర్‌ కాగజ్‌నగర్, వికారాబాద్‌ స్టేషన్లలోని 31 కౌంటర్ల ద్వారా నగదు రహిత లావాదేవీల సదుపాయాన్ని ప్రయాణికులు పొందవచ్చు.

స్విగ్గీ, జొమాటో వంటి ఫుడ్ డెలివరీ యాప్స్‌తో నచ్చిన ఆహారాన్ని.. ఉన్న చోటుకే తెప్పించుకుని తినేస్తున్నాం. ఈ డెలివరీ సర్వీసులు దాదాపు నగరాలకే పరిమితమయినప్పటికీ, స్విగ్గీ మాత్రం 'ఇండియన్ రైల్వే క్యాటరింగ్ అండ్ టూరిజం కార్పొరేషన్' (IRCTC)తో ఒప్పందం కుదుర్చుకుని మరో అడుగు ముందు వేసింది. స్విగ్గీ ఫుడ్ మార్కెట్‌ప్లేస్ అండ్ ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) మధ్య జరిగిన అవగాహన ఒప్పందం ప్రకారం ఇకపైన రైళ్లలో ప్రీ-ఆర్డర్ చేసిన ఆహారాన్ని డెలివరీ చేయడానికి స్విగ్గీ సన్నద్ధమైంది. ఈ సర్వీస్ మార్చి 12 నుంచి ప్రారంభమవుతుంది. ప్రారంభంలో స్విగ్గీ ఈ సర్వీసును బెంగళూరు, భువనేశ్వర్, విశాఖపట్నం, విజయవాడ రైల్వే స్టేషన్లకు మాత్రమే పరిమితం చేసింది. రానున్న రోజుల్లో 59 కంటే ఎక్కువ రైల్వే స్టేషన్లకు ఈ సర్వీసును విస్తరించనున్నట్లు సమాచారం. రైళ్లలో ప్రయాణించే సమయంలో నచ్చిన ఫుడ్​ను ప్రీ-ఆర్డర్​ చేయడానికి ముందుగా ఐఆర్​సీటీసీ యాప్‌లో పీఎన్​ఆర్​ నెంబర్ ఎంటర్​ చేయాల్సి ఉంటుంది. తర్వాత తాము ఏ స్టేషన్​లో అయితే ఆహారాన్ని రిసీవ్​ చేసుకోవాలనుకుంటున్నారా.. ఆ రైల్వే స్టేషన్​ను సెలెక్ట్​ చేసుకోవాల్సి ఉంటుంది. ఆలా చేసుకున్న తరువాత మీకు మీరు ఎంచుకున్న ఫుడ్​ను స్విగ్గీ డెలివరీ బాయ్స్​ తీసుకొచ్చి డెలివర్​ చేస్తారు. స్విగ్గీతో ఏర్పడ్డ ఈ భాగస్వామ్యం ప్రయాణీకులకు మరింత సౌలభ్యంగా ఉంటుందని, వారు కోరుకునే ఆహరం ఎంపిక చేసుకునే అవకాశం ఇందులో లభిస్తుందని, ఇది వారి ప్రయాణాన్ని మరింత సంతోషంగా మార్చడంలో ఉపయోగపడుతుందని IRCTC ఛైర్మన్ అండ్ మేనేజింగ్ డైరెక్టర్ సంజయ్ కుమార్ జైన్ అన్నారు.

ఢిల్లీ: దీపావళి వేడుకల సందర్భంగా దేశవ్యాప్తంగా రైల్వే స్టేషన్లు రద్దీగా మారాయి. కొన్ని మార్గాల్లో రైళ్లు కిక్కిరిసిపోయాయి. టికెట్ ముందే బుక్ చేసుకున్నప్పటికీ రైలులో కాలుపెట్టే పరిస్థితి లేదని కొందరు ప్రయాణికులు ఆందోళన వ్యక్తం చేస్తున్నారు. రైల్వే యాజమాన్యంపై విమర్శలు కురిపిస్తున్నారు. అధికారుల నిర్వహణ లోపం వల్ల తాము దీపావళికి ఇంటికి చేరుకోలేకపోయామని సోషల్ మీడియా వేదికగా వాపోయారు.     "ఇండియన్ రైల్వే నిర్వహణలోపం నా దీపావళిని నాశనం చేసింది. ఏసీ టిక్కెట్‌ను కొన్నప్పటికీ రైలు ఎక్కే పరిస్థితి లేదు. పోలీసుల నుండి ఎటువంటి సహాయం లేదు. నాలాంటి చాలా మంది రైలు ఎక్కలేకపోయారు," అని ట్విట్టర్ వేదికగా ఓ వ్యక్తి పంచుకున్నాడు.  PNR 8900276502 Indian Railways Worst management Thanks for ruining my Diwali. This is what you get even when you have a confirmed 3rd AC ticket. No help from Police. Many people like me were not able to board. @AshwiniVaishnaw I want a total refund of ₹1173.95 @DRMBRCWR pic.twitter.com/O3aWrRqDkq — Anshul Sharma (@whoisanshul) November 11, 2023 దేశ రాజధానిలోనూ దీపావళి వేడుకల సందర్భంగా ప్రయాణికులతో బస్సు, రైల్వే స్టేషన్లు కిక్కిరిసిపోయాయి. ఢిల్లీలో ఆనంద్ విహారీ కౌశాంబి ప్రాంతంలో ఇంటర్ స్టేట్ బస్సు టర్మినల్‌లో నడవడానికి కూడా వీలులేని దుస్థితి ఏర్పడింది. పండగ సందర్భంగా జనం సొంత ఊళ్లకు వెళుతున్నారు. ఈ క్రమంలో రైల్వే స్టేషన్లు, బస్సు స్టేషన్‌లు జనంతో నిండిపోయాయి. #WATCH | Huge rush of people at Anand Vihar- Kaushambi on Delhi-UP border near the Anand Vihar railway station and inter-state bus terminal pic.twitter.com/DkDXSgganz — ANI (@ANI) November 11, 2023 న్యూఢిల్లీలోని స్టేషన్లలో రైళ్ల కోసం ఎదురుచూస్తున్న ప్రయాణికుల దృశ్యాలు సోషల్ మీడియాలో కనిపిస్తున్నాయి. శనివారం సూరత్‌లో బీహార్‌కు వెళ్లే ప్రత్యేక రైలు ఎక్కే క్రమంలో తొక్కిసలాట జరిగింది. ఈ ఘటనలో ఒకరు మరణించగా, మరో ఇద్దరు గాయపడ్డారు. మరికొందరు స్పృహతప్పి పడిపోయారని పోలీసులు తెలిపారు.  #WATCH | Gujarat | A stampede situation ensued at Surat railway station due to heavy crowd; one person died while three others were injured. The injured were shifted to the hospital: Sarojini Kumari Superintendent of Police Western Railway Vadodara Division (11.11) pic.twitter.com/uAEeG72ZMk — ANI (@ANI) November 11, 2023 ఇదీ చదవండి: సైనికులతో మోదీ దీపావళి వేడుకలు  

నగర దారులన్నీ పల్లె‘టూరు’ దారి పడుతున్నాయ్‌. బస్సూ, రైలూ, కారూ, బైకూ.. ఏదైనా సరే ఊరికి పోవడమే లక్ష్యం. ఆదివారం సద్దుల బతుకమ్మ, సోమవారం దసరా పండగ కావడంతో శనివారం పట్నవాసులు పల్లెలకు పయనమయ్యారు. సొంతూరిని ఓసారి మనసారా చూసొద్దామని ఆశగా బయలుదేరారు. నగరంలోని ఎంజీబీఎస్, జేబీఎస్‌ తదితర బస్టాండ్లు, సికింద్రాబాద్, కాచిగూడ రైల్వే స్టేషన్లు ప్రయాణికులతో కిటకిటలాడాయి.  – సాక్షి, స్టాఫ్‌ఫొటోగ్రాఫర్‌    

దేశంలోని రద్దీగా ఉండే రైల్వేస్టేషన్లలో దొంగతనాలు ఎక్కువగా జరుగుతుంటాయి. ప్రయాణికుల విలువైన వస్తువులు చోరీకి గురైనట్లు వార్తలు తరచూ వింటుంటాం. ఇలాంటి రైల్వే స్టేషన్లలో దొంగల ఆట కట్టించడానికి భారతీయ రైల్వే (Indian Railways) సరికొత్త భద్రతా వ్యవస్థను తీసుకొస్తోంది. సీసీ కెమెరాలను ఏర్పాటు చేయడం ద్వారా వివిధ ప్రాంతాల్లో భద్రతను పెంచేందుకు సెంట్రల్ రైల్వే సర్వం సిద్ధం చేసింది. సెంట్రల్ రైల్వేస్ విడుదల చేసిన ఒక ప్రకటన ప్రకారం.. త్వరలో 364 రైల్వే స్టేషన్లలో ఫేస్ రికగ్నిషన్ సిస్టమ్‌తో కూడిన 3,652 కెమెరాలతో సహా మొత్తం 6,122 క్లోజ్డ్ సర్క్యూట్ టీవీ (CCTV) కెమెరాలను ఏర్పాటు చేయనున్నారు. ఇందుకు సంబంధించి రైల్‌టెల్‌తో రైల్వే బోర్డు అవగాహన ఒప్పందం (MOU)పై సంతకం చేసినట్లు ఆ ప్రకటనలో పేర్కొన్నారు. (iPhone 15: షాకింగ్‌.. బ్రేకింగ్‌! ఇదేం ఐఫోన్‌ భయ్యా.. వైరల్‌ వీడియో) "ఫేస్ రికగ్నిషన్ సిస్టమ్స్, వీడియో అనలిటిక్స్, వీడియో మేనేజ్‌మెంట్ సిస్టమ్‌తో కూడిన కెమెరాలు ప్రయాణికుల భద్రతను పెంపొందిస్తాయి. నేరాలను నియంత్రిస్తాయి. చట్టాన్ని దుర్వినియోగం చేసేవారిని అరికట్టగలవు. రైల్వే నిబంధనలకు అనుగుణంగా పర్యవేక్షిస్తాయి" అని ప్రకటనలో వివరించారు. కెమెరాలు ఇలా పనిచేస్తాయి.. రైల్వే స్టేషన్‌లోకి దొంగ ప్రవేశించగానే ఈ ఫేస్ రికగ్నిషన్ కెమెరాలు గుర్తించి వెంటనే అధికారులను అప్రమత్తం చేస్తాయి. ఇందుకోసం ఇదివరకే డేటాబేస్‌లో స్టోర్‌ అయిన దొంగల ఫేస్‌ సమాచారాన్ని ఫేస్ రికగ్నిషన్ కెమెరాలు వినియోగించుకుంటాయి. ఈ కెమెరాలు కంటి రెటీనా లేదా నురురు వంటి ముఖ భాగాలను గుర్తించగలవు. ప్రతి హెచ్‌డీ కెమెరా సుమారు 750 జీబీ డేటాను వినియోగిస్తుంది. ఇక 4K కెమెరాలు నెలకు 3 టీబీ డేటాను వినియోగించుకుంటాయి. వీడియో ఫుటేజ్‌ను పోస్ట్ ఈవెంట్ అనాలిసిస్‌, ప్లేబ్యాక్, ఇన్వెస్టిగేషన్ ప్రయోజనాల కోసం 30 రోజుల పాటు నిల్వ చేయనున్నట్లు రైల్వే శాఖ పేర్కొంది.

సాక్షి, అమరావతి: ఆంధ్రప్రదేశ్‌లోని చేనేత వస్త్రాలకు జాతీయ, అంతర్జాతీయ స్థాయి బ్రాండింగ్‌ చేయడంలో రాష్ట్ర ప్రభుత్వం విశేష కృషి చేస్తోంది. ఇప్పటికే ఆర్టీసీ బస్‌స్టాండ్‌లు, రైల్వే స్టేషన్‌లు, ప్రముఖ పర్యాటక, పుణ్యక్షేత్రాలు, ప్రభుత్వ కార్యాలయాల ప్రధాన కాంప్లెక్స్‌లలో ఆప్కో స్టాల్స్‌ ఏర్పాటు చేసింది. తాజాగా విమానాశ్రయాల్లోనూ ప్రత్యేకంగా స్టాల్స్‌ను ఏర్పాటు చేయడం విశేషం. ఈ నేపథ్యంలో విజయవాడ (గన్నవరం), తిరుపతి (రేణిగుంట) విమానాశ్రయాల్లో ఏర్పాటు చేసిన స్టాల్స్‌కు ఆదరణ పెరుగుతోంది. ఇటీవల విశాఖపట్నం విమానాశ్రయంతోపాటు మెహిదీపట్నం ( హైదరాబాద్‌), మృగనాయని(భోపాల్‌), కర్నూలు జిల్లా లేపాక్షి, మంగళగిరిలోనూ ఆప్కో నూతన షోరూంలను ప్రారంభించారు. ప్రైవేటు వస్త్ర వ్యాపార సంస్థలకు దీటుగా అధునాతన వసతులతో ఆప్కో షోరూంలను ప్రారంభించడం విశేషం. చేనేతను ప్రజల్లోకి మరింత విస్తృతంగా తీసుకువెళ్లేందుకు ఒకవైపు దేశవ్యాప్తంగా ఆప్కో స్టాల్స్, షోరూంలను పెంచడంతోపాటు మరోవైపు స్థానికంగా డిస్కౌంట్‌ సేల్, చేనేత సంఘాల ఎగ్జిబిషన్‌లు, ఫ్యాషన్‌ షోలు వంటి కార్యక్రమాలను నిర్వహిస్తున్నారు. ఆకట్టుకునే డిజైన్లతోను, వినూత్నమైన, నాణ్యమైన చేనేత వస్త్రాల తయారీని ప్రోత్సహిస్తున్నారు. ఉద్యోగులు, ప్రజలు వారానికి ఒక్కరోజైనా చేనేత వ్రస్తాలు ధరించేలా పెద్ద ఎత్తున చైతన్య కార్యక్రమాలు చేపట్టారు.   చేనేత రంగానికి ఊతమిచ్చేలా సీఎం జగన్‌ చర్యలు   రాష్ట్ర చేనేత, జౌళి శాఖ కమిషనర్, ఆప్కో మేనేజింగ్‌ డైరెక్టర్‌ ఎంఎం నాయక్‌ ‘సాక్షి’తో మాట్లాడుతూ చేనేత రంగానికి ఊతమిచ్చేలా సీఎం వైఎస్‌ జగన్‌ అనేక చర్యలు తీసుకున్నారని తెలిపారు. ‘నేతన్న నేస్తం’ తదితర కార్యక్రమాల ద్వారా చేనేత కార్మికులకు అండగా నిలుస్తున్నారని చెప్పారు. చేనేత వస్త్రాల విక్రయాలను ప్రోత్సహించి ఆ రంగంపై ప్రత్యక్షంగా, పరోక్షంగా ఆధారపడిన సుమారు 1.75లక్షల కుటుంబాలకు అండగా నిలిచేలా ఆప్కో ద్వారా పలు చర్యలు చేపట్టినట్టు వివరించారు. రాష్ట్రంలోని చేనేత సొసైటీల వద్ద ఉన్న వ్రస్తాల నిల్వలను క్లియర్‌ చేసి సొసైటీలను ఆదుకునేలా విక్రయాలు పెంచేందుకు చర్యలు తీసుకున్నామన్నారు. ఆప్కో షోరూంల ద్వారా ఈ ఏడాది రూ.50కోట్ల విక్రయాలు జరపాలని నిర్ణయించినట్లు ఎంఎం నాయక్‌ తెలిపారు.     

దేశంలో అతిపెద్ద ప్రజా ప్రయాణ వ్యవస్థ రైల్వేలు. దేశవ్యాప్తంగా రోజూ లక్షల మంది ప్రయాణికులు రైళ్లలో ప్రయాణిస్తున్నారు. దూర ప్రయాణాలు చేసేటప్పుడు కొన్నిసార్లు ప్రయాణికుల ఆరోగ్య సమస్యలు తలెత్తుతుంటాయి. కొంత మంది ముందు జాగ్రత్తగా కొన్ని మందులు తమ వెంట తెచ్చుకున్నా చాలా మంది మందులు దొరక్క, ఒకవేళ దొరికినా అధిక ధరల కారణంగా ఇబ్బందులు పడుతుంటారు. ఇటువంటి ఇబ్బందుల పరిష్కారానికి రైల్వే చర్యలు చేపట్టింది.   ప్రయాణికుల ఆరోగ్య సమస్యలను దృష్టిలో ఉంచుకుని రైల్వే శాఖ దేశంలోని రైల్వే స్టేషన్లలో తక్కువ ధరకు మందులను అందుబాటులో ఉంచాలని నిర్ణయించింది. ఈ మేరకు ప్రధాన మంత్రి భారతీయ జన్ ఔషధి కేంద్రాల పేరుతో మెడికల్‌ స్టాల్స్‌ ప్రారంభించనుంది. ఇక్కడ ప్రయాణికులకు అవసరమైన వివిధ రకాల మందులు తక్కువ ధరకు విక్రయిస్తారు. ఈ అవుట్‌లెట్‌లు రైల్వేస్టేషన్లలోని రద్దీ ప్రదేశాలలో, కాన్కోర్స్‌లలో ఏర్పటు చేస్తారు. దీని వల్ల వచ్చీపోయే ప్రయాణికులందరికీ ప్రయోజనం కలుగుతుందని రైల్వే శాఖ భావిస్తోంది. మొదట 50 స్టేషన్లలో.. పైలట్ ప్రాజెక్ట్ కింద మొదట ఎంపిక చేసిన 50 రైల్వే స్టేషన్లలో ప్రధాన మంత్రి భారతీయ జన్ ఔషధి కేంద్రాలను ఏర్పాటు చేస్తారు. ఈ జాబితాలో ఆనంద్ విహార్, దర్భంగా, శ్రీనగర్, మైసూర్, లక్నో తదితర ప్రధాన స్టేషన్లతోపాటు తెలుగు రాష్ట్రాల్లోని తిరుపతి, సికింద్రాబాద్ రైల్వే స్టేషన్లు కూడా ఉన్నాయి. ఇదీ చదవండి: Water Bottles in Trains: రైళ్లలో వాటర్‌ బాటిల్‌ కొంటున్నారా.. ఏ బ్రాండ్‌ అమ్మాలి.. రూల్స్‌ ఏంటి?  రైల్వే డివిజన్ల ద్వారా గుర్తించిన ప్రదేశాలలో ఈ మందుల కేంద్రాలను లైసెన్సుల ద్వారా ఏర్పాటు చేసి నిర్వహిస్తారు. సంబంధిత రైల్వే డివిజన్‌ల ఆధ్వర్యంలో ఈ-వేలం ద్వారా ఈ స్టాల్స్ ను కేటాయిస్తారు. వీటిని ఎన్‌ఐడీ అహ్మదాబాద్ డిజైన్ చేస్తుంది.

సాక్షి, న్యూఢిల్లీ: దేశవ్యాప్తంగా ఎంపిక చేసిన 506 రైల్వే స్టేషన్ల అభివృద్ధి పథకం పనులకు ప్రధాని మోదీ ఈ నెల 6న వర్చువల్‌గా శంకుస్థాపన చేయనున్నారు. 27 రాష్ట్రాలు, కేంద్ర పాలిత ప్రాంతాల్లో ఉన్న ఈ రైల్వే స్టేషన్ల అభివృద్ధి కోసం కేంద్రం రూ.24,470 కోట్లను వెచి్చంచనుంది. స్థానిక సంప్రదాయాలకు అనుగుణంగా రైల్వే స్టేషన్లకు మెరుగులు దిద్దడం, కొత్త, మెరుగైన సూచికల ఏర్పాటు, ఆధునిక మౌలిక వసతుల కల్పన వంటి వాటికి ఈ మొత్తాన్ని వెచి్చస్తారని పీఎంవో తెలిపింది. మొత్తం 508 స్టేషన్లలో తెలంగాణలోని 21, ఆంధ్రప్రదేశ్‌లోని18 రైల్వేస్టేషన్లు కూడా ఉన్నాయి. అమృత్‌ భారత్‌ స్టేషన్‌ పథకం కింద మొత్తం 1,309 రైల్వే స్టేషన్లను అభివృద్ధి చే యాలని కేంద్రం లక్ష్యంగా పెట్టుకుంది. ఇందు లో భాగంగా తాజాగా ఒకేసారి 506 స్టేషన్ల అభివృద్ధి పనులను ప్రధాని ప్రారంభించనున్నారు. 

రైల్వేస్టేషన్‌ (విజయవాడ పశ్చిమ)/సాక్షి, న్యూఢిల్లీ: దేశవ్యాప్తంగా 508 రైల్వేస్టేషన్‌ల పునరాభివృధ్ధి పనులకు ఈ నెల 6న ప్రధాని మోదీ­వర్చువల్‌ పద్ధతిన  శంకు­స్థాపన చేయనున్నారని. దక్షిణ మధ్య రైల్వే విజ­యవాడ డివిజన్‌ డీఆర్‌ఎమ్‌ నరేంద్ర ఆనందరావు పాటిల్‌ చెప్పా­రు. శుక్రవారం విజయవాడలో మీడి­యాతో మాట్లాడారు. తొలిదశ­లో విజయ­వాడ డివిజన్‌లో రూ.­270 కోట్లతో 11 రైల్వే స్టేషన్‌ల్లో పునరాభివృద్ధి పనులు చేపట్టనున్నట్లు చెప్పా­రు. రెండో దశలో మరో 9 స్టేషన్‌ల పునరాభివృద్ధికి ప్రణాళికలు రూ­పొం­­దించనున్నట్లు వివరించారు. తొలి దశ పనుల్లో అనకాపల్లి, భీమవ­రం టౌన్, ఏలూరు, కాకినాడ టౌన్, నర్సా­పూర్, నిడదవోలు, ఒంగోలు, సింగరాయకొండ, తాడేపల్లిగూడెం, తెనాలి, తుని స్టేషన్‌ల్లో పలు సౌకర్యాలు కల్పించనున్నట్లు తెలిపా­రు. ఏబీఎస్‌ఎస్‌లో భాగంగా తెలంగాణ­లో తొలి దశలో 21 స్టేషన్లను పునరా­భివృద్ధి చేయనున్నారు.

ఆంధ్రప్రదేశ్‌లోని 72 రైల్వే స్టేషన్లను అమృత్‌ భారత్‌ స్టేషన్‌ పథకంలో భాగంగా ఆధునికీకరణ, అప్‌గ్రేడేషన్‌ కో­సం గుర్తించినట్లు రైల్వేమంత్రి అశ్విని వైష్ణవ్‌ తెలిపారు. 2023–24లో జూన్‌ 2023 వరకు దక్షిణ మధ్య రైల్వేలో అభివృద్ధి నిమిత్తం రూ.83.64  కోట్లు వ్యయం చేసినట్లు వైఎస్సార్‌సీపీ ఎంపీ సంజీవ్‌కుమార్‌ ప్రశ్నకు సమాధానమిచ్చారు.   ఐదేళ్లలో 79 ర్యాంకుల మెరుగు   ప్రపంచబ్యాంకు డూయింగ్‌ బిజినెస్‌ రిపోర్టు (డీబీఆర్‌)–2020 ప్రకారం భారతదేశ ర్యాంకు 2014లో 142 ఉండగా 79 ర్యాంకులు మెరుగై 2019కి 63వ ర్యాంకుకు చేరుకుందని కేంద్ర వాణిజ్యశాఖ సహాయమంత్రి సోమ్‌ప్రకాశ్‌.. వైఎస్సార్‌సీపీ ఎంపీలు మిథున్‌రెడ్డి, మార్గాని భరత్‌రామ్, ఎన్‌.రెడ్డెప్ప ప్రశ్నకు జవాబిచ్చారు.   దక్షిణమధ్య రైల్వేలో ఖాళీలు   దక్షిణమధ్య రైల్వేలో గ్రూప్‌ ఏ, సీల్లో పలు ఖాళీలున్నట్లు రైల్వేమంత్రి అశ్విని వైష్ణవ్‌ తెలిపారు. గ్రూపు ఏలో 110, గ్రూపు సీలో 10,338 ఖాళీలున్నాయని వైఎస్సార్‌సీపీ ఎంపీ చింతా అనూరాధ ప్రశ్నకు సమాధానమిచ్చారు.   ఏపీ ప్రాంతాలు సికింద్రాబాద్‌ఆర్‌ఆర్‌బీ పరిధిలో   ఆంధ్రప్రదేశ్‌లోని ప్రాంతాలు సికింద్రాబాద్‌ రైల్వే రిక్రూట్‌మెంట్‌ బోర్డు పరిధిలోకి వస్తాయని రైల్వేమంత్రి అశ్విని వైష్ణవ్‌ తెలిపారు. వైఎస్సార్‌సీపీ  ఎంపీ సంజీవ్‌కుమార్‌ ప్రశ్నకు మంత్రి జవాబిస్తూ.. దక్షిణమధ్య రైల్వే, తూర్పు కోస్తా రైల్వేలు సికింద్రాబాద్‌ పరిధిలోకి వస్తాయని చెప్పారు. సెంట్రలైజ్డ్‌ ఎంప్లాయిమెంట్‌ నోటిఫికేషన్ల ప్రకారం దేశంలోని 21 బోర్డుల్లో ఎక్కడైనా దరఖాస్తు చేసుకోవచ్చని తెలిపారు.   అనకాపల్లి జిల్లాలో పాస్‌పోర్టు కేంద్రం ఏర్పాటు చేయండి   అనకాపల్లి జిల్లాలో కేంద్ర ప్రాంతీయ పాస్‌పోర్టు సేవాకేంద్రాన్ని ఏర్పాటు చేయాలని విదేశాంగమంత్రి జయశంకర్‌కు వైఎస్సార్‌సీపీ ఎంపీ బి.వి.సత్యవతి విజ్ఞప్తి చేశారు. ఈ మేరకు బుధవారం ఆమె మంత్రికి వినతిపత్రం ఇచ్చారు. అనకాపల్లి జిల్లాలో పాస్‌పోర్టు సేవాకేంద్రం ఏర్పాటుచేస్తే  అల్లూరి, కాకినాడ, విజయనగరం, విశాఖ జిల్లాల వాసులకు కూడా ఎంతో ఉపకరిస్తుందని తెలిపారు. 

 సాక్షి, హైదరాబాద్‌: జనరల్‌ బోగీల్లో ప్రయాణించే వారికోసం జనాహార్‌ కేంద్రాలు అందుబా­టులోకి వచ్చాయి. ఇప్పటి­వరకు ఈ కేంద్రాలు ప్రధాన రైల్వేస్టేషన్లలో స్టాళ్లకే పరిమితమయ్యాయి. సాధారణ బోగీల్లో ప్రయాణించేవారి భోజన ఇబ్బందులు తొలగించేందుకు దక్షిణమధ్య రైల్వే చర్యలు చేపట్టింది. జనరల్‌ బోగీలు ఆగేచోటనే ఈ విక్రయ కేంద్రాలు ఏర్పాటు చేస్తారు. ఇప్పటికే నాంపల్లి రైల్వేస్టేషన్‌లో ఈ సదుపాయం అందుబాటులోకి వచ్చింది. విజయవాడ, గుంతకల్, రేణిగుంట స్టేషన్‌ల పరిధిలోనూ ఈ సేవలు అమలవుతు­న్నాయి. దేశవ్యాప్తంగా పలు రైల్వేస్టేషన్‌లలో ఈ తరహా సదుపాయం ప్రవేశపెట్టనున్నట్టు ఇటీవల రైల్వేశాఖ వెల్లడించిన విషయం తెలిసిందే. అందులో భాగంగానే మొదటివిడతగా దక్షిణమధ్య రైల్వేలో మొదట నాలుగుస్టేషన్లలో జనాహార్‌ విక్రయ కేంద్రాలను ప్రారంభించారు.  జనరల్‌ బోగీ  ప్రయాణికులు మాత్రం తమకు ఆహారం కావాలంటే  ట్రైన్‌ దిగి స్టేషన్‌లో అందుబాటులో ఉన్న రె­స్టారెంట్లు, ఫుడ్‌కోర్టుల నుంచి ఆహారం తెచ్చుకోవాలి.  ఈ ఇబ్బందులను తొలగించేందుకే జనరల్‌ బోగీల వద్దకే జనాహార్‌ సేవలను అందుబాటులోకి తెచ్చారు.  తక్కువ ధరల్లో నాణ్యమైన ఆహారం అన్ని రకాల నాణ్యతా ప్రమాణాలకు అనుగుణంగా ఐఆర్‌సీటీసీ ఆధ్వర్యంలో తయారు చేసిన శుభ్రమైన ఆహారపదార్థాలను ప్రయాణికులకు అందజేస్తారు.  రూ.20కే  ఏడు పూరీలు, కర్రీ ఇస్తారు. ఇది 250 ­గ్రాముల వరకు ఉంటుంది. దీనిని ఐఆర్‌సీటీసీ ఎకానమీ మీల్‌గా పేర్కొంది.  కాంబో మీల్‌ రూ.50కే అందజేస్తారు. ఇందులో 350 గ్రాముల వరకు అన్నం, ఒక కర్రీతోపాటు పప్పు ఉంటుంది. ప్రస్తుతానికి ఈ రెండు రకాల ఆహార పదార్థాలను అందజేస్తున్నారు.   ప్రయాణికులు డిజిటల్‌ రూపంలో చెల్లించే సదుపాయం ఉంది. దశలవారీగా విస్తరణ  దశలవారీగా సికింద్రాబాద్, తిరుపతి, గుంటూరు, కాకినాడ, వరంగల్, కాజీపేట్‌ తదితర స్టేషన్‌లలో కూడా ఈ సదుపాయాన్ని అందుబాటులోకి తెచ్చే అవకాశ­ముం­ది. ప్రయాణికులకు నాణ్యమైన, పరిశుభ్రమైన భోజనం తక్కువ ధరలోనే లభిస్తుందని దక్షిణమధ్య రైల్వే జీఎం అరుణ్‌కుమార్‌జైన్‌ తెలిపారు. ప్లేట్‌ ఇడ్లీ  రూ.1,200 గోల్డ్‌ ఇడ్లీని అమ్ముతున్న హైదరాబాద్‌ కేఫ్‌ బంజారాహిల్స్‌(హైదరాబాద్‌): గోల్డెన్‌ ఇడ్లీ.. నగరంలో అందు­బాటులోకి వచ్చిన కొత్త డిష్‌ ఇది. ప్లేట్‌ ఇడ్లీ ధర రూ.1200..­అందుకే ఆ ఇడ్లీ బంగారమే అనడంతో అతిశయోక్తి లేదు. తిన­డానికి కొందరు..­చూడడానికి మరికొందరు ఇలా భారీ సంఖ్యలో ఆ హోటల్‌కు జనాలు బారులుతీరుతున్నారు. బంజారాహిల్స్‌ రోడ్‌ నెం.3 నుంచి శ్రీనగర్‌కాలనీకి వెళ్లే రోడ్డులో కర్ణాటక బ్యాంక్‌ ఎదురుగా రాఘ­వేంద్ర రెసిడెన్సీలో ఏర్పాటుచేసిన కృష్ణ ఇడ్లీ కేఫ్‌నకు తెల్లవారు­జామునుంచే ఫుడ్డీలు చేరుకుంటున్నారు. బంగారు పూత పూసిన ఇడ్లీని గులాబీ రేకులతో కనువిందు చేసే రీతిలో సర్వ్‌ చేస్తున్నారు. ఒక ప్లేట్‌కు రెండు ఇడ్లీలు మాత్రమే ఇస్తారు. ఇక్కడ గోల్డ్‌ ఇడ్లీలే కాకుండా బంగారు దోశ, గులాబిజామ్‌ బజ్జీ, మలాయి కోవా వంటి 100కిపైగా ఫుడ్‌ ఐటమ్‌లు కూడా అందుబాటులో ఉన్నాయి. దక్షిణాది వంటకాలే కాకుండా చైనీస్‌ వంటకాలకూ ఈ హోటల్‌ స్పెషల్‌.     

సాక్షి, అమరావతి: సుదూర ప్రాంతాలకు వెళ్లే పలు రైళ్లను రాష్ట్రంలో మరో 9 రైల్వే స్టేషన్లలో ఆపాలని (హాల్ట్‌) రైల్వే శాఖ నిర్ణయించింది. దీర్ఘకాలికంగా ఉన్న ఈ డిమాండ్‌పై కేంద్ర రైల్వే శాఖ సానుకూలంగా నిర్ణయం తీసుకుంది. రాష్ట్రంలోని బొబ్బిలి, దువ్వాడ, పిడుగురాళ్ల, సత్తెనపల్లి, నడికుడి, సూళ్లూరుపేట, డోర్నకల్, పీలేరు, కుప్పం రైల్వే స్టేషన్లలో పలు రైళ్లను ఆపాలని నిర్ణయించారు. ఆ వివరాలు ఇలా ..   బొబ్బిలి: యశ్వంత్‌పూర్‌– హతియా ఎక్స్‌ప్రెస్‌ (12835), యశ్వంత్‌పూర్‌– టాటా నగర్‌(12889), హతియా– ఎర్నాకుళం ఎక్స్‌ప్రెస్‌ (22837 – 22838)   దువ్వాడ: శంకర్‌పల్లి– ముంబై ఎక్స్‌ప్రెస్‌ (18519 , 18520), విశాఖపట్నం– హజ్ర­త్‌ నిజాముద్దీన్‌ ఎక్స్‌ప్రెస్‌ (12803, 12804)   పిడుగురాళ్ల:  (1) ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603) (2) భువ­నేశ్వ­ర్‌– సికింద్రాబాద్‌ ఎక్స్‌ప్రెస్‌ (17015), నాగర్‌సోల్‌–నర్సాపూర్‌ ఎక్స్‌ప్రెస్‌­(17232), సికింద్రాబాద్‌–తిరుపతి ఎక్స్‌ప్రెస్‌ (12733)  సత్తెనపల్లి: భువనేశ్వర్‌– సికింద్రాబాద్‌ ఎక్స్‌ప్రెస్‌ (17015), నాగర్‌సోల్‌–నర్సాపూర్‌ ఎక్స్‌ప్రెస్‌ (17232), ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603)  నడికుడి: సికింద్రాబాద్‌– తిరుపతి ఎక్స్‌ప్రెస్‌ (12733), ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603), భువనేశ్వర్‌– సికింద్రాబాద్‌ ఎక్స్‌ప్రెస్‌(17015), నాగర్‌సోల్‌–నర్సాపూర్‌ ఎక్స్‌ప్రెస్‌ (17232)   సూళ్లూరుపేట: అళప్పుజా–ధన్‌బాద్‌ ఎక్స్‌ప్రెస్‌ (13352)               పీలేరు: నాగర్‌కోయిల్‌ – ముంబై ఎక్స్‌ప్రెస్‌  (16340, 16339) , కాచిగూడ–మధురై ఎక్స్‌ప్రెస్‌ (17615, 17616)  కుప్పం: చెన్నై–శిరిడీ ఎక్స్‌ప్రెస్‌ (22601, 22602)  డోర్న్‌కల్‌: లింగంపల్లి – కాకినాడ ఎక్స్‌ప్రెస్‌ (12737), 12738), మచిలీపట్నం– బీదర్‌ ఎక్స్‌ప్రెస్‌ (12749, 12750).

తిరుపతి అర్బన్‌: రైల్వే స్టేషన్లను టార్గెట్‌ చేసుకుని.. ప్రయాణికుల జేబులను కొల్లగొట్టడమే వృత్తిగా జీవనం సాగిస్తున్న ముగ్గురు లేడీ కిలాడీలను తిరుపతి రైల్వే స్టేషన్‌లో శనివారం పోలీసులు అరెస్టు చేసి 3 సెల్‌ఫోన్లతోపాటు రూ.34,500 స్వాదీనం చేసుకున్నారు. తమిళనాడులోని తుతుకుడి జిల్లాకు చెందిన ఎం.మీనా (23), ఎస్‌.రాణి (29), ఏ అంజలి (25) రైల్వే స్టేషన్లను టార్గెట్‌ చేస్తూ ఒక్కో రైల్వే స్టేషన్‌లో తిష్ట వేసి చోరీలు చేస్తారు. తర్వాత మరో రైల్వే స్టేషన్‌కు వెళ్లి మారు పేర్లతో ఇదే తంతు కొనసాగిస్తారు. వారి భర్తలు వీరున్న సమీపంలోనే కూలి పనులు చేస్తుంటారు. ఇదే సమయంలో వీరు  చోరీ లకు పాల్పడుతుంటారు.  ముగ్గురిపై రైల్వే పోలీసులు ఐదు కేసులు నమోదు చేశారు. చదవండి: వాళ్ళది వివాహేతర సంబంధం కాదు: మనోజ్ తండ్రి

ఏలూరు (టూటౌన్‌): దక్షిణ మధ్య రైల్వే విజయవాడ డివిజన్‌ పరిధిలోని 23 రైల్వేస్టేషన్లను మూసివేసేందుకు అధికారులు ఆదేశాలు జారీ చేశారు. దీంతో కృష్ణా, ఉమ్మడి ఉభయ గోదావరి జిల్లాల్లోని 23 స్టేషన్లు మూతపడ్డాయి. ఇప్పటికే ఈ స్టేషన్ల పరిధిలోని సిబ్బందిని చాలా వరకు ఇతర రైల్వే స్టేషన్లకు సర్దుబాటు చేశారు. రవాణా సాధనాలు పెరగడం, రోడ్డు మార్గాలు అందుబాటులోకి రావడంతో ఎక్స్‌ప్రెస్‌ రైళ్లు ఆగే స్టేషన్లు మినహా ప్యాసింజర్‌ రైళ్లు ఆగే వివిధ రైల్వే స్టేషన్ల నుంచి ప్రయాణికుల రాకపోకలు అంతంత మాత్రంగానే ఉంటున్నాయి.  మూసివేతకు కారణాలివీ.. కనీసం రోజుకు 25 మంది ప్రయాణికులు కూడా రాకపోకలు సాగించని రైల్వే స్టేషన్లను మూసివేయాలని రైల్వే అధికారులు నిర్ణయించారు. రోజుకు ఒకటి, రెండు టికెట్లు మాత్రమే అమ్ముడవుతున్న చోట్ల బుకింగ్స్‌ నిలిపివేయాలనే నిర్ణయానికి వచ్చారు.  మూసివేసిన స్టేషన్లు ఇవే.. మే 1వ తేదీ విజయవాడ డివిజన్‌ పరిధిలోని ఎన్‌ఎస్‌జీ–6 కేటగిరీలో ఉన్న 16 స్టేషన్ల మూసివేతకు తొలుత డ్రా‹ఫ్ట్‌ నోటిఫికేషన్‌ జారీ చేశారు. అభ్యంతరాలేవీ రాకపోవడంతో అల్లూరు రోడ్డు, బాదంపూడి, బయ్యవరం, చాగల్లు, దెందులూరు, హంసవరం, ముస్తాబాద, నవాబ్‌పాలెం, పెన్నాడ అగ్రహారం, పెద అవుటపల్లి, రావికంపాడు, తాడి, శ్రీ వెంకటేశ్వరపాలెం, తాలమంచి, తేలప్రోలు, వట్లూరు రైల్వే స్టేషన్లను మూసివేశారు. జూన్‌ 1 నుంచి 7 రైల్వేస్టేషన్లను మూసివేయగా.. ఆ జాబి­తాలో కొలనుకొండ, వీరవల్లి, ఉంగుటూరు, బ్రాహ్మణగూడెం, బలభద్రపురం, తిమ్మా­పురం, చింతపర్రు స్టేషన్లు ఉన్నాయి.

భువనేశ్వర్‌: పూరీ – హౌరా మధ్య ప్రారంభమైన 22895/22896 వందే భారత్‌ ఎక్స్‌ప్రెస్‌ రైలులో ఆహారం చార్జీలతో పాటు టికెటు ధర నిర్ణయించారు. రైలులో ఆహారం అవసరం లేకుంటే మినహాయింపు కల్పించి టికెటు చార్జీలు కుదిస్తారు. టికెటు బుక్‌ చేసుకునే సమయంలో ప్రయాణికుడు ప్రకటించిన నిర్ణయం మేరకు ఈ సౌకర్యం కల్పిస్తారు. నో ఫుడ్‌ ఆప్షన్‌ ఎంచుకుంటే, క్యాటరింగ్‌ ఛార్జీలు టికెటు ధర నుంచి నుంచి మినహాయిస్తారు. హౌరా నుంచి ఈ రైలు ఆగే పలు రైల్వేస్టేషన్ల వరకు ప్రయాణ చార్జీల వివరాలు ఇలా ఉన్నాయి. దీనిలో ఏసీ చైర్‌ కారు (సీసీ) కేటరింగ్‌ చార్జీ రూ.162లు, ఎగ్జిక్యూటివ్‌ చైర్‌ కారు (ఈసీ) కేటరింగ్‌ చార్జీ రూ.195లుగా ఉంటాయి.

సాక్షి, ఢిల్లీ: ఏపీలో అమృత్ భారత్ పథకం కింద 72 స్టేషన్లలో అభివృద్ధి పనులు జరిగాయని కేంద్ర రైల్వే శాఖ మంత్రి అశ్విని వైష్ణవ్ వెల్లడించారు. ఏపీలో వివిధ రైల్వే ప్రాజెక్టులపై ఎంపీ జీవీఎల్ నరసింహారావు పార్లమెంటులో అడిగిన ప్రశ్నకు రైల్వే శాఖ మంత్రి అశ్విని వైష్ణవ్ సమాధానం ఇచ్చారు. 2022 ఏప్రిల్ నెల వరకు రాష్ట్రంలో రైల్వే అభివృద్ధికి సంబంధించి 16 కొత్త లైన్లు, 15 డబ్లింగ్ లైన్లు మొత్తం 31 ప్రాజెక్టులు కేటాయించామన్నారు. వాటి దూరం 5,581 కిలోమీటర్లు కాగా, 70,594 కోట్లుతో చేపట్టామన్నారు. ఈ నిర్మాణాలు వివిధ దశల్లో ఉన్నాయని, మార్చి 2022  వరకు 636 కిలోమీటర్ల దూరాన్ని 19,414 కోట్లతో నిర్మించినట్లు తెలిపారు. గత ప్రభుత్వ హయాంతో పోలిస్తే 2014-19 మధ్య 219 శాతానికి పైగా రైల్వే బడ్జెట్‌లో కేటాయింపులు పెంచడం జరిగిందని జీవీఎల్ ప్రశ్నకు సమాధానం ఇచ్చారు అమృత్ భారత్ స్టేషన్ స్కీం కింద 72 స్టేషన్ల అభివృద్ధి  అమృత్ భారత్ స్టేషన్ స్కీం రైల్వే స్టేషన్ల అభివృద్ధికి దేశవ్యాప్తంగా 1275 రైల్వే స్టేషన్లను, వాటిలో 72 స్టేషన్లు ఆంధ్రప్రదేశ్ రాష్ట్రానికి కేటాయించగా అందులో 53 స్టేషన్లలో ఇప్పటికే అభివృద్ధి పనులు జరుగుతున్నాయన్నారు. చదవండి: మా నమ్మకం నువ్వే.. ఏప్రిల్‌ 7 నుంచి ‘జగనన్నే మా భవిష్యత్తు’ కార్యక్రమం

చింతూరు (అల్లూరి సీతారామరాజు జిల్లా): త్వరలోనే మన్యంలో రైలుకూత వినపడనుంది. ఇప్పటివరకు బస్సులు, లాంచీలు మాత్రమే తిరిగిన మన్యం ఏరియాలో రైళ్లు కూడా రాకపోకలు సాగించనున్నాయి. ప్రస్తుతం మన్యం ప్రజలు రైలులో ప్రయాణించాలంటే రాజమహేంద్రవరం, ఖమ్మం, కొత్తగూడెం వెళ్లాల్సి ఉంది. నూతన లైను ఏర్పాటులో భాగంగా మన్యం ఏరియాలో నాలుగు రైల్వే స్టేషన్లు నిర్మించనున్నారు. మారుమూల గిరిజన ప్రాంతాలను అనుసంధానం చేస్తూ రవాణాను సులభతరం చేసేందుకు ఒడిశాలోని మల్కన్‌గిరి నుంచి భద్రాచలం వరకు సుమారు 173 కిలో మీటర్ల మేర రైల్వేలైను మంజూరైంది. దీని నిర్మాణానికి రూ 2,800 కోట్లు అవసరమని అంచనా. ఈ లైన్‌ను మల్కన్‌గిరి నుంచి భద్రాచలం సమీపంలోని పాండురంగాపురం రైల్వేస్టేషన్‌ వరకు నిర్మిస్తారు. ఈ లైను ఏర్పాటులో భాగంగా పలుచోట్ల 213 వంతెనలు నిర్మించనున్నారు. వీటిలో 48 పెద్ద వంతెనలు, 165 చిన్న వంతెనలు ఉన్నాయి.     విలీన మండలాల మీదుగా...  మల్కన్‌గిరి నుంచి భద్రాచలం వరకు నిర్మించనున్న రైల్వేలైను విలీన మండలాలైన చింతూరు, కూనవరం, ఎటపాక మండలాల మీదుగా సాగనుంది. దీనిలో భాగంగా ఒడిశాలోని మల్కన్‌గిరి, కోవాసిగూడ, బదలి, రాజన్‌గూడ, మహరాజ్‌పల్లి, లూనిమన్‌గూడ, ఆంధ్రాలోని అల్లూరి సీతారామరాజు జిల్లా చింతూరు మండలం కన్నాపురం, కూనవరం మండలం కూటూరు గట్టు, పల్లూరు, ఎటపాక మండలం నందిగామలో స్టేషన్లు ఏర్పాటుచేస్తారు. నందిగామ నుంచి తెలంగాణలో గోదావరి మీదుగా భద్రాచలం, అక్కడి నుంచి పాండురంగాపురం వరకు ఈ రైల్వేలైను నిర్మించనున్నారు.   

సాక్షి, అమరావతి: రాష్ట్రంలో విశాఖపట్నం, విజయవాడ సహా 72 రైల్వే స్టేషన్లను రైల్వే శాఖ అభివృద్ధి చేయనుంది. కేంద్ర ప్రభుత్వం ఇటీవలి బడ్జెట్‌లో ప్రవేశపెట్టిన ‘అమృత్‌ భారత్‌ స్టేషన్స్‌’ పథకం కింద దేశంలో 1,275 రైల్వే స్టేషన్లను ఆధునికీకరించాలని రైల్వే శాఖ నిర్ణయించింది. వాటిలో మన రాష్ట్రంలోని 72 రైల్వే స్టేషన్లను ఎంపిక చేశారు. ఈ పథకం కింద రైల్వే స్టేషన్లలో 53 రకాల మౌలిక సదుపాయాలను అభివృద్ధి చేస్తారు. ప్రతి స్టేషన్‌ అభివృద్ధికి ప్రత్యేక మాస్టర్‌ప్లాన్‌ రూపొందిస్తారు. రాష్ట్రంలో ఎంపిక చేసిన స్టేషన్ల అభివృద్దికి త్వరలోనే మాస్టర్‌ ప్లాన్లు రూపొందించేందుకు నిపుణుల కమిటీలను నియమిస్తామని రైల్వే శాఖ వర్గాలు తెలిపాయి. అనంతరం బడ్జెట్‌ను రూపొందించి దశలవారీగా పనులు చేపడతామన్నారు.  స్టేషన్లలో కల్పించే ప్రధాన సౌకర్యాల్లో కొన్ని..  - ప్రతి స్టేషన్‌లో భవనాలు, ఫ్లోరింగ్‌ ఆధునిక శైలిలో నిర్మాణం  - ప్రస్తుతం ప్లాట్‌ఫామ్‌లు 600 మీటర్ల పొడవుతో ఉన్నాయి. వాటి పొడవు 760 మీటర్ల నుంచి 840 మీటర్ల వరకు పెంపు  - స్టేషన్ల వద్ద ట్రాక్‌ల శుభ్రత, సులభమైన నిర్వహణ కోసం ‘బ్యాలస్ట్ట్‌లెస్‌ ట్రాక్‌’ల ఏర్పాటు  - ప్రయాణికుల తాకిడి ఎక్కువగా ఉండే ఎన్‌ఎస్‌జీ 1 – 4, ఎస్‌జీ 1– 2 కేటగిరీ స్టేషన్లలో ఎస్కలేటర్ల ఏర్పాటు  - దివ్యాంగుల కోసం ప్రత్యేకంగా వీల్‌ చెయిర్లు, ప్రత్యేక ప్రవేశ మార్గాలు, ఇతర సదుపాయాలు  - వెయిటింగ్‌ హాల్స్, వాటికి అనుబంధంగా కేఫెటేరియా  - స్థానిక ఉత్పత్తుల విక్రయానికి  కనీసం రెండు స్టాల్స్‌ ఏర్పాటు  - ప్రతి స్టేషన్‌ మొదటి అంతస్తులో ప్రత్యేకంగా రూఫ్‌ ప్లాజా  - సమావేశ మందిరాలు  - స్టేషన్‌కు రెండు వైపులా అప్రోచ్‌ రోడ్లు, పార్కింగ్‌ ఏరియా, పాదచారులకు ప్రత్యేక దారి  - ల్యాండ్‌ స్కేపింగ్, ఆధునిక లైటింగ్‌  - వేగవంతమైన వైఫై సేవలకు 5జీ టవర్లు  రాష్ట్రంలో అభివృద్ధి చేయనున్న రైల్వే స్టేషన్లు ఇవే..  విశాఖపట్నం, విజయవాడ, తిరుపతి, అనంతపురం, విజయనగరం, తెనాలి, గుంటూరు, ఆదోని, అనకాపల్లి, అనపర్తి, అరకు, బాపట్ల, భీమవరం టౌన్, బొబ్బిలి, చీపురుపల్లి, చీరాల, చిత్తూరు, కడప, కంభం, ధర్మవరం, డోన్, దొనకొండ, దువ్వాడ, యలమంచిలి, ఏలూరు, గిద్దలూరు, గుత్తి, గుడివాడ, గూడురు, గుణదల, హిందూపూర్, ఇచ్ఛాపురం, కదిరి, కాకినాడ టౌన్, కొత్తవలస, కుప్పం, కర్నూలు సిటీ, మాచర్ల, మచిలీపట్నం, మదనపల్లి రోడ్, మంగళగిరి, మార్కాపూరం రోడ్, మంత్రాలయం రోడ్, నడికుడి, నంద్యాల, నరసరావు­పేట, నరసాపూర్, నౌపడ, నెల్లూరు, నిడద­వోలు, ఒంగోలు, పాకాల, పలాస, పార్వతీపురం, పిడుగురాళ్ల, పీలేరు, రాజంపేట, రాజమహేంద్రవరం, రాయనపాడు, రేణిగుంట, రేపల్లె, సామర్లకోట, సత్తెనపల్లి, సింహాచలం, సింగరాయకొండ, శ్రీకాళహస్తి, శ్రీకాకుళం రోడ్, సూళ్లూరుపేట, తాడేపల్లిగూడెం, తాడిపత్రి, తుని, వినుకొండ.  

కృష్ణా: మునీరాబాద్‌-మహబూబ్‌నగర్‌ రైల్వేలో భాగంగా దేవరకద్ర నుంచి కృష్ణా వరకు ఉన్న 66 కిలోమీటర్ల దక్షిణ మధ్య రైల్వేలైన్‌ పనులు పూర్తి కావడంతో ఇటు తెలంగాణ ప్రజలతో పాటు కర్నాటక, గోవా రాష్ట్రాల మధ్య రాకపోకలకు, వర్తక, వాణిజ్యపరంగా ఎంతో ఉపయోగకరంగా మారనుంది. మొట్టమొదట 2017లో దేవరకద్ర నుంచి జక్లేర్‌ గ్రామం వరకు 28.3 కిలోమీటర్లు రూ.943 కోట్ల అంచనా వ్యయంతో పూర్తి చేశారు.  తర్వాత జక్లేర్‌ నుంచి మక్తల్‌ వరకు 11.5 కిలోమీటర్ల రైల్వేలైన్‌ పనులను 2020లో, ఆ తర్వాత మక్తల్‌ నుంచి మాగనూర్‌ వరకు ఉన్న 13.3 కిలోమీటర్లను 2022 మార్చిలో, మాగనూర్‌ నుంచి కృష్ణా వరకు ఉన్న 12.7 కిలోమీటర్లను 2023లో పూర్తి చేశారు. ఈనెల 6న సికింద్రాబాద్, గుంతకల్‌ డీఆర్‌ఎంలతో పాటు కమిషనర్‌ ఆఫ్‌ రైల్వే సేఫ్టీ అధికారి ప్రణవ్‌ సక్సేనా ఆధ్వర్యంలో ట్రయల్‌రన్‌ నిర్వహించారు. దేవరకద్ర నుంచి కృష్ణా వరకు ఉన్న 66 కిలోమీటర్ల కొత్త రైల్వే లైన్‌ పూర్తి కావడంతో ఇక మీదట అన్నిరకాల రైళ్లు నడిపించేందుకు అవకాశం ఉంటుందని నిర్ధారించారు. గతంలో 6గంటలపాటు ప్రయాణించి హైదరాబాద్‌ చేరేవారు, ప్రస్తుతం 3గంటల్లోనే చేరుకునే అవకాశం ఏర్పడనుంది.   త్వరలోనే కాచిగూడ– కృష్ణా రైలు..   కాచిగూడ నుంచి కృష్ణా వరకు రైలును త్వరలోనే ప్రారంభిస్తామని రైల్వే అధికారులు తెలిపారు. ఇది పూర్తిస్థాయిలో అందుబాటులోకి వస్తే హైదరాబాద్‌ నుంచి కర్నాటకలోని రాయచూర్, బళ్లారి, గుంతకల్, హుబ్లి, గోవాకు త్వరగా చేరుకునే అవకాశం ఉంటుంది. వర్తక, వాణిజ్యపరంగా, ప్రజా రవాణాలకు ఈ దారి ఎంతో ఉపయోగంగా మారనుంది. నిత్యం వందల సంఖ్యలో రాయచూర్‌ నుంచి హైదరాబాద్‌ వరకు వాణిజ్య వాహనాలు, ప్రజా రవాణా వాహనాలు రోడ్డు ద్వారా రాకపోకలు సాగిస్తున్నాయి. మక్తల్‌ నియోజకవర్గం మరింత అభివృద్ధి చెందేందుకు రైల్వేలైన్‌ అందుబాటులోకి రావడం ఎంతో తోడ్పడనుంది. ఇక్కడి రైతులు పండించే ధాన్యం, కూరగాయలు, పండ్లు అటు హైదరాబాద్, ఇటు కర్నాటకలోని రాయచూర్‌కు తరలించేందుకు వీలు కలుగనుంది.   అభివృద్ధికి తోడ్పాడు..   మునీరాబాద్‌ రైల్వే లైన్‌ పూర్తి కావడంతో మక్తల్‌ నియోజకవర్గం అన్ని రకాలుగా వేగంగా అభివృద్ధి చెందనుంది. ఈ ప్రాంతం నుంచి ఎటు వెళ్లాలన్నా తక్కువ సమయంలో గమ్యం చేరుకునేందుకు వీలు కలుగుతోంది. మా తండ్రి చిట్టెం నర్సిరెడ్డి ఎమ్మెల్యేగా ఉన్న సమయంలో ప్రభుత్వానికి ప్రతిపాదించారు. నా హయాంలో పూర్తికావడం ఆనందంగా ఉంది.   – చిట్టెం రామ్మోహన్‌రెడ్డి, ఎమ్మెల్యే   

సాక్షి, అమరావతి:  తిరుపతికి వచ్చిన భక్తులు తిరిగి వెళ్తూ శ్రీవారి లడ్డూలతో పాటు రైల్వే స్టేషన్లో శ్రీకాళహస్తి కలంకారీ చేనేతలూ కొని ఇంటికి పట్టుకెళ్లచ్చు.. విజయవాడ రైల్వే స్టేషన్‌లో ప్రయాణికులు అక్కడే ముచ్చటైన కొండపల్లి బొమ్మలూ కొనచ్చు..   ఇలా.. రైల్వే స్టేషన్లు ప్రయాణానికే కాదు.. స్థానిక ఉత్పత్తుల మార్కెటింగ్‌కూ వేదికగా నిలవనున్నాయి. ‘వన్‌ స్టేషన్‌ – వన్‌ ప్రొడక్ట్‌’ విధానంతో స్థానిక ఉత్పత్తుల విక్రయాలకు ప్రోత్సాహం అందించాలని రైల్వే శాఖ నిర్ణయించింది. ఇందుకోసం అహ్మదాబాద్‌లోని ‘నేషనల్‌ ఇన్‌స్టిట్యూట్‌ ఆఫ్‌ డిజైన్స్‌’ సంస్థ స్టాల్స్‌ను రూపొందించింది. తక్కువ స్థలంలో ఉత్పత్తులను ప్రదర్శించేలా స్టాల్స్‌ను డిజైన్‌ చేసింది. ఉత్పత్తుల విక్రయాలకు స్థానిక డ్వాక్రా సంఘాలు, ఇతర హస్తకళా ఉత్పత్తుల తయారీదారులతో రైల్వే శాఖ ఒప్పందాలు కుదుర్చుకుంటోంది.  ఏపీలో 91 రైల్వే స్టేషన్లలో స్టాల్స్‌  ‘వన్‌ స్టేషన్‌ – వన్‌ ప్రొడక్డ్‌’ విధానం కింద రైల్వే శాఖ ఆంధ్రప్రదేశ్‌ పరిధిలో 91 రైల్వే స్టేషన్లను ఎంపిక చేసింది. ప్రధానంగా చేనేత వస్త్రాలు, హస్తకళలు, గిరిజన ఉత్పత్తులు, స్థానిక ఆహార ఉత్పత్తులకు ప్రాధాన్యమిస్తోంది. దక్షిణ భారత దేశంలోనే పైలట్‌ ప్రాజెక్ట్‌గా రోజూ సగటున 30 వేల మంది వచ్చే తిరుపతి రైల్వే స్టేషన్‌లో శ్రీకాళహస్తి కలంకారీ చేనేతలను విక్రయిస్తోంది. ఈ స్టాల్‌కు విశేష స్పందన వస్తోంది. దాంతో మిగిలిన 90 స్టేషన్లలో కూడా దశలవారీగా స్టాల్స్‌ ఏర్పాటు చేస్తోంది. మొదటి దశలో సెప్టెంబరు 20 నాటికి 20 స్టేషన్లలో స్టాల్స్‌ను ఏర్పాటు చేస్తోంది. వీటిలో 10 స్టేషన్లలో ఇప్పటికే స్టాల్స్‌ ఏర్పాటు పూర్తయింది.  స్థానిక వెండార్లకు రైళ్లలో విక్రయాలకు అనుమతి  ప్రయాణిస్తున్న రైళ్లలో ఆహార పదార్థాలు, ఇతర ఉత్పత్తులను విక్రయించే చిరు వ్యాపారుల కోసం రైల్వే శాఖ కొత్త నిబంధనను అమల్లోకి తెస్తోంది. ప్రస్తుతం ఐఆర్‌సీటీసీ అనుమతి ఉన్న వ్యాపారులను మాత్రమే రైళ్లలో అనుమతిస్తున్నారు. పలువురు చిరు వ్యాపారులు అనధికారికంగా రైళ్లలో ప్రవేశించి వారి ఉత్పత్తులను విక్రయిస్తున్నారు. వారిని నిరోధించడం సమస్యగా మారింది. భద్రతాపరమైన సమస్యలు కూడా తలెత్తుతున్నాయి. దీనికి పరిష్కారంగా వారికి కూడా లైసెన్సు ఇవ్వాలని నిర్ణయించింది. రూ.1,500 ఫీజుతో 15 రోజులకు లైసెన్స్‌ జారీ చేస్తుంది. ఈ వెండార్లు వారికి నిర్దేశించిన స్టేషన్ల మధ్య రైళ్లలో ఉత్పత్తులను విక్రయించుకోవచ్చు. వీరి కోసం ‘నేషనల్‌ ఇన్‌స్టిట్యూట్‌ ఆఫ్‌ డిజైన్స్‌’ సంస్థ ప్రత్యేకంగా బాడీవేర్‌ కిట్లను డిజైన్‌ చేసింది. తక్కువ స్థలంలోనే ఆహార పదార్థాలు, ఇతర ఉత్పత్తులను రెండు ర్యాకుల్లో భుజానికి తగిలించుకునే తేలికైన కిట్‌ను రూపొందించింది. లైసెన్సు పొందిన వెండార్లకు వాటిని అందిస్తారు.  

సాక్షి, విశాఖపట్నం: దాసుడి తప్పు దండంతోనే సరి.. అన్నట్టుగా అడ్డగోలు వ్యవహారాలకు పాల్పడిన అసలు సూత్రధారులను దర్జాగా వదిలేసి.. పాత్రధారులపై కొరడా ఝుళిపించారు జీవీఎంసీ ఉన్నతాధికారులు. నిబంధనలు మీరి రైల్వే స్టేషన్లలో చెత్త తరలింపునకు కార్పొరేషన్‌ వాహనాలు వినియోగించిన వైనం బట్టబయలైంది. అయితే దొరికేంత వరకూ దొరలే అన్నచందంగా.. కేవలం ఆ ఒక్క రోజు మాత్రమే జరిగిందన్నట్లుగా.. అధికారుల కళ్లుగప్పేశారు. కానీ.. ఈ ‘చెత్త’ బంధం సుమారు రెండేళ్ల నుంచి సాగుతోందనే ఆరోపణలు వినిపిస్తున్నాయి. జీవీఎంసీ ఖజానాకు కన్నం పెట్టి.. రైల్వే కాంట్రాక్టర్‌ కాసులకు కక్కుర్తిపడిన పెద్ద చేపల్ని వదిలేసి.. కేవలం ఒక డ్రైవర్‌ సస్పెన్షన్‌తోనే మమా అనిపించెయ్యడం గమనార్హం. మహా విశాఖ నగర పాలక సంస్థ పరిధిలో పరిధిలో పోగవుతున్న చెత్తను తీసేందుకు తీరిక లేని పారిశుధ్య కాంట్రాక్టర్లకు.. తమ పరిధి కాని ప్రాంతాల్లో మాత్రం శ్రద్ధగా పనులు కానిచ్చేస్తున్నారు. ఇటీవల రైల్వే స్టేషన్‌లో జరిగిన అక్రమ చెత్త నిర్వహణ అంశం బయటపడిన విషయం విదితమే. అసలేం జరిగిందంటే... రైల్వేస్టేషన్‌ పరిధిలో ఉన్న చెత్త నిర్వహణ బాధ్యతను రైల్వే శాఖ ప్రత్యేకంగా మూడేళ్ల కాలపరిమితితో కాంట్రాక్టర్లకు అప్పగించింది. ఆ పరిధిలో జీవీఎంసీ పారిశుధ్య కార్మికులకు గానీ, వాహనాలకు గానీ పని లేదు. కేవలం రైల్వే స్టేషన్‌ మాత్రమే కాదు.. ఏ పబ్లిక్‌ సెక్టార్‌ పరిధిలోనైనా చెత్త నిర్వహణ బాధ్యత ఆయా సంస్థలు మాత్రమే నిర్వహించుకోవాలి. అత్యవసర పరిస్థితుల్లో జీవీఎంసీ కమిషనర్‌కు లేఖ రాసి.. ఆయన అనుమతితోనే ఇక్కడ సిబ్బందిని  చెత్త నిర్వహణ పనులకు వినియోగించుకుంటారు. కానీ రైల్వే స్టేషన్‌లో మాత్రం నిబంధనలకు విరుద్ధంగా పారిశుధ్య పనులకు జీవీఎంసీ వాహనాలను వినియోగిస్తున్న విషయం బట్టబయలైంది. కొందరు స్థానికులు జీవీఎంసీ ఉన్నతాధికారులకు ఇక్కడ జరుగుతున్న తీరుపై ఫిర్యాదు చేయడంతో అధికారులు అవాక్కయ్యారు.  రెండేళ్లుగా..  జీవీఎంసీ జోన్‌–4లో పనిచేస్తున్న కొంతమంది సిబ్బంది, కాంట్రాక్టర్‌ తో కలిసి అక్రమార్జన కోసం రైల్వే కాంట్రాక్టర్‌తో అడ్డగోలు ఒప్పందాన్ని కుదుర్చుకున్నట్లు తెలుస్తోంది. జీవీఎంసీ పరిధిలో పారిశుధ్య నిర్వహణ పనులు చేస్తున్నట్లుగా  చెప్పి ఒక టిప్పర్, బాబ్‌ కార్ట్‌ ని రైల్వే స్టేషన్‌ ఆవరణలో పారిశుధ్య నిర్వహణ పనులు గుట్టుగా కానిచ్చేస్తున్నారు. దీనికి అవసరమైన ఇంధనాన్ని కూడా జీవీఎంసీకి చెందినదే కావడం గమనార్హం. ఈ అక్రమ వ్యవహారం బట్టబయలవ్వడంతో.. ఆ ఒక్క రోజు మాత్రమే ఇలా జరిగిందంటూ అధికారులకు తప్పుడు సమాచారం అందించారు. ఇలా రైల్వే స్టేషన్‌లో చెత్త సేకరణకు సుమారు రెండేళ్ల కాలం నుంచి వాహనాల్ని నడిపిస్తున్నట్లు తెలుస్తోంది. ప్రతి రోజూ చెత్త సేకరణ సమయం పూర్తయిన వెంటనే రైల్వే స్టేషన్‌కు వెళ్లి.. అక్కడి చెత్తని తాటిచెట్లపాలెంలోని మినీ సూయిజ్‌ ఫాం(ఎంఎస్‌ఎఫ్‌)కు తరలించినట్లు సమాచారం. రైల్వే కాంట్రాక్టర్‌తో జీవీఎంసీ జోన్‌–5 పరిధిలో ఉన్న ఒక కాంట్రాక్టర్, ముఖ్య అధికారి చేతులు కలిపి ఈ పనులకు వాహనాల్ని పంపించినట్లు ఆరోపణలు వినిపిస్తున్నాయి. ఇందుకోసం జీవీఎంసీకి చెందిన రూ.లక్షలాది రూపాయిల ఇంధనాన్నే వినియోగించినట్లు తెలుస్తోంది.  అసలువారిని వదిలేసి..  ఈ అక్రమ నిర్వహణ వ్యవహారం వెలుగులోకి రావడంతో జోన్‌–5 అధికారులు, సిబ్బంది, ఎంఎస్‌ఎఫ్‌ కాంట్రాక్టర్‌ ఉలిక్కిపడ్డారు. తప్పు తమవైపు రాకుండా ఉండేందుకు ఉన్నతాధికారులకు తప్పుడు నివేదిక అందించినట్లు సమాచారం. ఖాళీగా ఉన్న సమయంలో ఎంఎస్‌ఎఫ్‌కు వస్తున్నప్పుడు అక్కడి రైల్వే కాంట్రాక్టర్‌ రూ.1000 ఇస్తే.. ఆ ఒక్క రోజు మాత్రమే చెత్తని తీసేందుకు వెళ్లారని అధికారులకు చెప్పారు. ఈ వ్యవహారంపై కఠిన చర్యలు తీసుకోవాలని జీవీఎంసీ కమిషనర్‌ అధికారులను ఆదేశించగా.. జోన్‌–5 అధికారులు టిప్పర్‌ డ్రైవర్‌ను బలిపశువులా సస్పెండ్‌ చేశారు. కాంట్రాక్టర్‌ పరిధిలో ఉన్న బాబ్‌కార్డ్‌ అవుట్‌సోర్సింగ్‌ డ్రైవర్‌ని మరో చోటికి పంపించేసి చేతులు దులిపేసుకున్నారు. కానీ జీవీఎంసీకి నష్టం తీసుకొచ్చిన కాంట్రాక్టర్‌పైనా, అధికారులపైన ఎలాంటి చర్యలు తీసుకోకపోవడం విడ్డూరం. అధికారుల ఒత్తిడి లేకుండా దిగువస్థాయి సాధారణ సిబ్బంది ఈ తరహా పనులకు వెళ్లే అవకాశం లేదు. దీనిపై కమిషనర్‌ లక్ష్మీశను వివరణ కోరగా.. సమగ్ర విచారణకు ఆదేశించినట్లు తెలిపారు.   (చదవండి: ఏపీ సర్కార్‌ని చూస్తే అసూయగా ఉంది)

సాక్షి ప్రతినిధి, గుంటూరు/తాటిచెట్టపాలెం(విశాఖ ఉత్తర)/కొత్తవలస రూరల్‌/ఆముదాలవలస: ‘అగ్నిపథ్‌’ ఆందోళనల నేపథ్యంలో రాష్ట్రంలోని అన్ని ప్రధాన రైల్వేస్టేషన్లు, కేంద్ర ప్రభుత్వ కార్యాలయాల వద్ద భద్రతా బలగాలు శనివారం పెద్దఎత్తున మోహరించాయి. రైల్వేస్టేషన్లతో పాటు పరిసర ప్రాంతాలను, రైలు పట్టాలను ఆక్టోపస్, ఆర్ఫీఎఫ్, జీఆర్పీ, సివిల్‌ పోలీసులు క్షుణ్నంగా తనిఖీ చేశారు. విశాఖపట్నంలో శుక్రవారం అర్ధరాత్రి నుంచే రైల్వేస్టేషన్‌కు చేరుకునే మార్గాలను మూసివేశారు. శనివారం మధ్యాహ్నం వరకు రైల్వేస్టేషన్‌లోకి ఎవ్వరినీ అనుమతించలేదు. మధ్యాహ్నం నుంచి మాత్రం పలు రైళ్లు రాకపోకలు సాగించేందుకు రైల్వే వర్గాలు అనుమతించాయి. చదవండి: ప్రైవేటు అకాడమీల ‘డేంజర్‌ గేమ్‌’! కీలక అంశాలు వెలుగులోకి దీంతో హౌరా–యశ్వంత్‌పూర్‌ ఎక్స్‌ప్రెస్, తిరుమల ఎక్స్‌ప్రెస్, గోదావరి తదితర రైళ్లు విశాఖ నుంచి బయల్దేరాయి. చెన్నై మెయిల్, హౌరా మెయిల్, బొకారో, వాస్కోడగామా, టాటా–యశ్వంత్‌పూర్, గుంటూరు–రాయగడ, తిరుచ్చి–హౌరా తదితర రైళ్లు మాత్రం విశాఖకు రాకుండా దువ్వాడ మీదుగా రాకపోకలు సాగించాయి. అంతకుముందు విజయవాడ మీదుగా విశాఖ రావాల్సిన పలు రైళ్లను అనకాపల్లి, దువ్వాడ స్టేషన్లలో నిలిపివేశారు. గుంటూరు రైల్వేస్టేషన్‌ ముట్టడికి యత్నించిన ఆర్మీ అభ్యర్థులను పోలీస్‌స్టేషన్‌కు తరలిస్తున్న దృశ్యం  అలాగే హౌరా వైపు నుంచి విశాఖ రావాల్సిన మరికొన్ని రైళ్లను పెందుర్తి, కొత్తవలస స్టేషన్‌లలో నిలిపివేశారు. మరోవైపు 19వ తేదీన షాలిమార్‌లో బయల్దేరాల్సిన షాలిమార్‌–హైదరాబాద్‌(18045), గుంటూరు–విశాఖ(17239) సింహాద్రి ఎక్స్‌ప్రెస్, రాయగడ–విశాఖ(18527) ఎక్స్‌ప్రెస్‌లను రైల్వే అధికారులు రద్దు చేశారు. శ్రీకాకుళం రోడ్‌(ఆమదాలవలస) రైల్వేస్టేషన్‌లో పలు విద్యార్థి సంఘాల నాయకులు ఆందోళన చేసేందుకు ప్రయతి్నంచగా.. డీఎస్పీ వాసుదేవరావు ఆధ్వర్యంలో పోలీసులు వారిని అదుపులోకి తీసుకున్నారు. ఆందోళనలను అడ్డుకున్న పోలీసులు  ‘గుంటూరు రైల్వేస్టేషన్‌ ముట్టడి’ కార్యక్రమాన్ని పోలీసులు భగ్నం చేశారు. గుంటూరులోని నెహ్రూనగర్‌ రైలు పట్టాల మీదుగా 20 మంది ఆర్మీ రిక్రూట్‌మెంట్‌ అభ్యర్థులు నడుచుకుంటూ రావడాన్ని గుర్తించిన పోలీసులు వెంటనే వారిని అదుపులోకి తీసుకొని పోలీస్‌స్టేషన్‌కు తరలించారు. అలాగే గుంటూరు రైల్వేస్టేషన్‌కు వచ్చిన ఇద్దరు యువకులను తనిఖీ చేయగా.. వారి వద్ద ఉన్న ఫోన్‌లో ‘జస్టిస్‌ టూ ఆర్మీ’ అనే వాట్సాప్‌ గ్రూప్‌లో ఆందోళనలకు సంబంధించిన సమాచారం చేరవేసుకుంటున్నట్లు పోలీసులు గుర్తించారు. కడప, ప్రకాశం జిల్లా మార్కాపురానికి చెందిన వారిద్దరినీ అదుపులోకి తీసుకొని విచారిస్తున్నారు. గుంటూరులోని వివిధ ప్రాంతాల్లో మరో 40 మందిని కూడా పోలీసులు అదుపులోకి తీసుకున్నారు. ఎస్పీ ఆరిఫ్‌ హఫీజ్‌ అన్ని ప్రాంతాల్లో పర్యటిస్తూ బందోబస్తును ఎప్పటికప్పుడు పర్యవేక్షించారు. ఆగిన ఊపిరి..  అగ్నిపథ్‌ ఆందోళనల వల్ల సమయానికి వైద్యమందక ఒడిశాకు చెందిన ఓ వ్యక్తి మరణించారు. ఒడిశాలోని కలహండి జిల్లా నౌహుపాడకు చెందిన జోగేష్‌ బెహరా(70)కు గుండె సంబంధిత సమస్యలున్నాయి. విశాఖలో వైద్యం చేయించుకునేందుకు కోర్బా–విశాఖ ఎక్స్‌ప్రెస్‌లో బయల్దేరాడు. మరికొన్ని నిమిషాల్లో విశాఖ చేరుకుంటాడనగా.. అగ్నిపథ్‌ ఆందోళనల వల్ల రైలును శనివారం ఉదయం 10.45 గంటలకు విజయనగరం జిల్లా కొత్తవలసలో నిలిపివేశారు. ఆ తర్వాత కొంతసేపటికి జోగేష్‌ అస్వస్థతకు గురవ్వడంతో.. ఆయన్ని వెంటనే కొత్తవలస ఎస్‌ఐ హేమంత్‌ తన వాహనంలోనే సమీపంలోని ఓ ప్రైవేటు ఆస్పత్రికి తీసుకెళ్లారు. కానీ అప్పటికే ఆయన మృతిచెందినట్లు వైద్యులు ధ్రువీకరించారు.

సాక్షి, అమరావతి: సికింద్రాబాద్‌ రైల్వే స్టేషన్‌లో చోటుచేసుకున్న ఆందోళనలు, ఉద్రిక్తతల నేపథ్యంలో రాష్ట్రంలోని అన్ని ప్రధాన రైల్వే స్టేషన్ల వద్ద భద్రతను కట్టుదిట్టం చేశారు. ప్రధానంగా విజయవాడ, విశాఖపట్నం, తిరుపతి రైల్వే స్టేషన్ల వద్ద అదనపు భద్రతా బలగాలను మోహరించారు. సైన్యంలో అగ్నిపథ్‌ కార్యక్రమం కింద నియామకాలను వ్యతిరేకిస్తూ సికింద్రాబాద్‌తో పాటు ఉత్తరాదిలో కొన్నిచోట్ల నిరసన కార్యక్రమాలు తీవ్ర ఉద్రిక్తతలకు దారితీశాయి. దీంతో రాష్ట్రంలో రైల్వే భద్రత దళం (ఆర్‌పీఎఫ్‌), ప్రభుత్వ రైల్వే పోలీస్‌ (జీఆర్‌పీ) విభాగాలతో పాటు రాష్ట్ర పోలీస్‌ యంత్రాంగం అప్రమత్తమైంది. రాష్ట్రంలో ప్రధాన రైల్వే స్టేషన్ల వద్ద పోలీసు బందోబస్తును పటిష్టపరిచారు.   భద్రతా ఏర్పాట్లపై సమీక్షించిన డీజీపీ  డీజీపీ కేవీ రాజేంద్రనాథ్‌రెడ్డి రైల్వే ఉన్నతాధికారులతోపాటు ఆర్‌పీఎఫ్, జీఆర్‌పీ విభాగాల అధికారులతో శుక్రవారం సమీక్షించి భద్రతా ఏర్పాట్లను పర్యవేక్షించారు. ప్రధానంగా విజయవాడ, విశాఖపట్నం, గుంటూరు, తిరుపతి, కర్నూలు, కడప, అనంతపురం, అనకాపల్లి తదితర రైల్వే స్టేషన్ల వద్ద భద్రతను కట్టుదిట్టం చేశారు. మరోవైపు రాష్ట్రంలో ఆర్మీ ఉద్యోగాల పరీక్షలకు శిక్షణ ఇచ్చే కోచింగ్‌ సెంటర్ల యాజమాన్యాలతో పోలీసు అధికారులు చర్చించారు. వారి వద్ద శిక్షణ తీసుకుంటున్న అభ్యర్థులెవరూ నిరసన కార్యక్రమాల్లో పాల్గొనకుండా తగిన జాగ్రత్తలు తీసుకోవాలని ఆదేశించారు. ఎవరైనా అభ్యర్థులు తమ సమస్యలను ప్రభుత్వానికి శాంతియుతంగా విన్నవించుకోవాలన్నారు. అంతేగానీ ఆందోళనలు, నిరసన కార్యక్రమాల్లో పాల్గొంటే కఠిన చర్యలు తీసుకుంటామని స్పష్టం చేశారు. అలాంటి వారు భవిష్యత్‌లో ప్రభుత్వ ఉద్యోగాలకు అనర్హులు కావడంతోపాటు కేసులను ఎదుర్కోవాల్సి వస్తుందన్నారు.   టికెట్లు చూపిస్తేనే స్టేషన్‌లోకి అనుమతి  విజయవాడ రైల్వే స్టేషన్‌కు అదనంగా 200 మంది పోలీసులను తరలించారు. రైల్వే స్టేషన్‌తో పాటు పరిసర ప్రాంతాలు, రైల్వే ట్రాక్‌ల వెంబడి పోలీసులను ఏర్పాటు చేశారు. టికెట్లు ఉన్నవారినే స్టేషన్‌లోకి అనుమతిస్తున్నారు. అనుమానాస్పద వ్యక్తుల కదలికలపై నిఘా పెట్టారు. విజయవాడ పోలీస్‌ కమిషనర్‌ కాంతిరాణా టాటాతో పాటు పలువురు పోలీస్‌ అధికారులు రైల్వే స్టేషన్‌ వద్ద భద్రతా ఏర్పాట్లను సమీక్షించారు. విజయవాడ డీఆర్‌ఎం శివేంద్రమోహన్‌ రైల్వే అధికారులతో సమీక్ష నిర్వహించి ముందస్తు జాగ్రత్త చర్యలు చేపట్టారు. తిరుపతి, విశాఖపట్నం రైల్వే స్టేషన్ల వద్ద కూడా అదనంగా వందమంది చొప్పున రాష్ట్ర పోలీసులను మోహరించారు. వాల్తేర్‌ డివిజన్‌ పరిధిలోని అన్ని రైల్వేస్టేషన్‌లలో, రైల్వే కాలనీలు, కార్యాలయాల వద్ద భద్రతను కట్టుదిట్టం చేశారు. విశాఖ నగర పోలీస్‌ కమిషనర్‌ సీహెచ్‌ శ్రీకాంత్‌ రైల్వే అధికారులతో ప్రత్యేక సమావేశం నిర్వహించారు. రాష్ట్రంలోఎక్కడా అవాంఛనీయ ఘటనలు జరగకుండా రైల్వే, పోలీస్‌ యంత్రాంగాలు జాగ్రత్తలు తీసుకున్నాయి. సికింద్రాబాద్‌లో ఉద్రిక్తతల నేపథ్యంలో విజయవాడ మీదుగా ప్రయాణించాల్సిన 28 రైళ్లను పూర్తిగా, 19 రైళ్లను పాక్షికంగా రద్దు చేశారు. మరో 8 రైళ్లను దారి మళ్లించగా, రెండు రైళ్లను రీషెడ్యూల్‌ చేశారు. ప్రయాణికుల సమాచారం కోసం విజయవాడ రైల్వే స్టేషన్‌లో 0866–2767055 నంబర్‌తో హెల్ప్‌ డెస్క్‌ ఏర్పాటు చేశారు. పరిస్థితి అదుపులో ఉంది  రాష్ట్రంలో పరిస్థితి పూర్తిగా అదుపులో ఉంది. ఎలాంటి అవాంఛనీయ ఘటనలు తలెత్తకుండా అన్ని జాగ్రత్తలు తీసుకున్నాం. అభ్యర్థులు, యువకులు ఎవరూ దుందుడుకు చర్యలకు పాల్పడవద్దని కోరుతున్నాం. పోలీసు ఆంక్షలను అతిక్రమించే వారిపై కఠిన చర్యలు తీసుకుంటాం.  – కేవీ రాజేంద్రనాథ్‌రెడ్డి, డీజీపీ 

సాక్షి, విజయవాడ: అగ్నిపథ్‌కు వ్యతిరేకంగా సికింద్రాబాద్‌లో చోటుచేసుకున్న ఘటన నేపథ్యంలో ఏపీ పోలీసులు అలర్ట్ అయ్యారు. తాజాగా డీజీపీ రాజేంద్రనాథ్‌ రెడ్డి కీలక వ్యాఖ్యలు చేశారు. నిఘా వర్గాల సమాచారం మేరకు.. ప్రధాన రైల్వేస్టేషన్ల వద్ద పోలీసు బందోబస్తు ఏర్పాటు చేశామన్నారు.  విజయవాడ, గుంటూరు, అనకాపల్లి, విశాఖపట్నం, తిరుపతిలో హైసెక్యూరిటీ ఏర్పాటు చేసినట్టు తెలిపారు. పరిస్థితులను సమీక్షించుకుంటూ రైల్వే అధికారులతో సమన్వయం చేసుకుంటూ పలు చర‍్యలు చేపట్టినట్టు స‍్పష్టం చేశారు. రైళ్లలో అనుమానితులను అదుపులోకి తీసుకుంటామన్నారు. ప్రభుత్వ ఆస్తుల జోలికి వెళ్తే కఠిన చర్యలు తప్పవని హెచ్చరించారు. విద్యార్థులు కేసుల్లో ఇరుక్కుంటే అనంతరం ఏ ఉద్యోగమూ రాదంటూ వార్నింగ్‌ ఇచ్చారు. అబద్ధపు ప్రచారాలు, పుకార్లు పుట్టించే వారిపై కఠిన చర్యలు తీసుకుంటామన్నారు.  ఇది కూడా చదవండి: ఎక్కడికక్కడ ఆందోళనకారులు అరెస్ట్‌

సాక్షి, అమరావతి: రాష్ట్రంలో మూడు రైల్వేస్టేషన్లను మల్టీమోడల్‌ రైల్వేస్టేషన్లుగా అభివృద్ధి చేయాలని రైల్వేశాఖ నిర్ణయించింది. విజయవాడ, నెల్లూరు, తిరుపతి రైల్వేస్టేషన్లను అందుకోసం ఎంపిక చేసింది. మొదట పీపీపీ విధానంలో అభివృద్ధి చేసేందుకు ప్రైవేటు సంస్థలకు అప్పగించాలని రైల్వేశాఖ భావించింది. కానీ ప్రైవేటు సంస్థల నుంచి ఆశించినస్థాయిలో స్పందన లేకపోవడంతో సొంత నిధులతో వాటిని అభివృద్ధి చేయాలని నిర్ణయించింది. ఈ మేరకు ప్రాథమిక నివేదికను ఇటీవల ఆమోదించింది. వీటి అభివృద్ధికి రూ.600 కోట్ల అంచనా వ్యయంతో ప్రణాళిక రూపొందించింది. దీనిపై రైల్వే డెవలప్‌మెంట్‌ కార్పొరేషన్‌ తుది ఆమోదం తెలిపితే తదుపరి ప్రక్రియను చేపట్టాలని దక్షిణమధ్య రైల్వే అధికారులు భావిస్తున్నారు. వచ్చే మార్చి నాటికి అభివృద్ధి పనులు పూర్తిచేయాలని భావిస్తున్నామని రైల్వే వర్గాలు తెలిపాయి.   ఆధునికీకరణ, వసతులకు ప్రాధాన్యం  గతంలో పీపీపీ విధానంలో అభివృద్ధి ప్రణాళికలో భాగంగా మల్టీప్లెక్స్‌లు, మాల్స్, రెస్టారెంట్లు, ఇండోర్‌ గేమ్స్‌ మొదలైన ప్రాజెక్టులు ఉండేవి. కానీ ప్రస్తుతం రైల్వేశాఖ ప్రయాణికుల సౌకర్యాలకు పెద్దపీట వేస్తూ అభివృద్ధి ప్రణాళికను ఖరారు చేసింది. ప్రధానంగా రైల్వేస్టేషన్లకు కొత్తరూపు ఇవ్వడం, ప్రయాణికుల వసతులు మెరుగుపరచడం వంటి పనులతోపాటు భద్రతకు ప్రాధాన్యమివ్వనున్నారు. అందుకోసం ప్రయాణికులకు వసతులు, ఇంటర్‌మోడల్‌ కనెక్టివిటీ, ఇంటిగ్రేటెడ్‌ సెక్యూరిటీ, ఆహ్లాదకర అంశాలు, ప్రవేశ–నిష్క్రమణ మార్గాలు, రైల్వే సమాచార వ్వవస్థ అనే ఆరు కేటగిరీల కింద అభివృద్ధి చేయనున్నారు.   రైల్వే స్టేషన్లలో కల్పించనున్న వసతులు  ► ప్రాంత విశిష్టత, సంస్కృతిని ప్రతిబింబించేలా రైల్వేస్టేషన్‌కు కొత్తరూపు తీసుకొస్తారు.  ► రైల్వేస్టేషన్‌ ప్రాంగణాన్ని ఇంటిగ్రేటెడ్‌ సెక్యూరిటీ సిస్టంతో అనుసంధానిస్తారు. సీసీ కెమెరాలు, లగేజీ స్కానింగ్‌ వ్యవస్థ, మెటల్‌ డిటెక్టర్లు ఏర్పాటుతోపాటు రద్దీకి అనుగుణంగా భద్రతా సిబ్బందిని నియమిస్తారు. రైల్వేస్టేషన్‌ ప్రాంగణాన్ని కమాండ్‌ కంట్రోల్‌ రూమ్‌ ద్వారా పర్యవేక్షిస్తారు. ప్రవేశ, నిష్క్రమణ మార్గాలను వేర్వేరుగా ఏర్పాటు చేస్తారు.   ► స్టేషన్‌లోనే ఇంటర్‌ఫేసెస్, స్వైపింగ్‌ టికెట్‌ మెషిన్లు, డిజిటల్‌ డిస్‌ప్లే బోర్డుల ఏర్పాటు.   ► అన్ని ప్లాట్‌ఫామ్‌లపై ఎస్కలేటర్లు, ప్రధాన ద్వారం వద్ద తగినన్ని ఎలివేటర్లను ఏర్పాటు చేస్తారు. బ్యాటరీ వాహనాలను అందుబాటులో ఉంచుతారు.  ► ఇంటర్‌మోడల్‌ కనెక్టివిటీ కారిడార్‌ ఏర్పాటు చేస్తారు. రైల్వేస్టేషన్‌ ప్రాంగణంలోనే సిటీ బస్సులు, ట్యాక్సీలు, ఆటోరిక్షాల కోసం మల్టీమోడల్‌ ట్రాన్సిట్‌ హబ్‌ను నెలకొల్పుతారు. ప్రయాణికులు రైల్వేస్టేషన్‌ నుంచి ఆ ప్రత్యేక మార్గంలో బయటకు వచ్చి బస్‌స్టేషన్, విమానాశ్రయంతోపాటు ప్రధాన ప్రాంతాలకు వెళ్లేందుకు అవకాశం ఉంటుంది. విశాలమైన పార్కింగ్‌ ప్రదేశాన్ని ఏర్పాటు చేస్తారు.  ► రైల్వేస్టేషన్‌లో ఎగ్జిక్యూటివ్‌ లాంజ్‌లు ఏర్పాటు చేస్తారు. ప్లాట్‌ఫాంలను విశాలంగా తీర్చిదిద్దుతారు. ప్రాథమిక చికిత్స కేంద్రాన్ని ఏర్పాటు చేయడంతోపాటు అంబులెన్స్‌ను అందుబాటులో ఉంచుతారు. మందుల దుకాణాలు, రిటైల్‌ దుకాణాలు, ఏటీఎంలు మొదలైనవి ఏర్పాటు చేస్తారు.  

కురుస్తున్న అగ్నిగోళాలు, కూలిపోతున్న నివాస స్థలాలు, జూడో ఫైటర్‌ పుతిన్‌ భద్ర సమాజంపై విసరుతున్న పంచ్‌లు.. యుద్ధాన్ని ఆపలేని జెలెన్‌స్కీ విదూషక ప్రసంగాలు. ‘చమురు’ గొంతులో ఇరుక్కుని మాట్లాడలేని మౌన ప్రేక్షక దేశాలు.. ఇవి మాత్రమే యుద్ధ చిత్రాలు కాదు.  .. కొన్ని తరాలైనా కోలుకోలేని జీవన విధ్వంసం అసలు యుద్ధ రూపం. పిల్లలను పొదువుకుని పరుగెత్తే తల్లులు, పొలిమేరల్లో లైంగికదాడుల్లో ఆడబిడ్డల ఆక్రందనలు. రహదారులపై అన్నదమ్ముల శవాలు. ఇదీ అసలు రూపం.. ఉక్రెయిన్‌పై రష్యా యుద్ధమొక్కటే కాదు. ఏ యుద్ధమైనా అంతే.  కురుక్షేత్రానికి ఆజ్యం పోసిన ‘శకుని’, ప్రపంచ యుద్ధాలకు కారణమయ్యే ‘హిట్లర్‌’ లాంటి వాళ్లు మానవ నాగరికతకు సమాధి లాంటి ‘బంకర్ల’లోనే ఆకలితో, అవమానంతో, ఆగ్రహంతో ఊపిరిపోసుకుంటారు. ఏ యుద్ధమైనా.. మరో యుద్ధానికి, మారణ హోమానికి నాంది అవుతుంది. యుద్ధమెక్కడైనా నష్టం అందరికీ..  యుద్ధమంటే ఓ దేశం మరో దేశంపై చేసే దాడి మాత్రమే కాదు. ఆ రెండు దేశాలే నష్టపోవు. ప్రపంచ దేశాలన్నీ వివిధ అవసరాల కోసం ఒకదానిపై ఒక టి ఆధారపడిన క్రమంలో.. చాలా దేశాల్లో, లక్షల మంది ప్రజలపై ప్రభావం పడుతూనే ఉంటుంది. ప్రస్తుతం ఉక్రెయిన్‌పై రష్యా దాడి, రష్యాపై ప్రపంచ దేశాల ఆంక్షల ప్రభావం చాలా దేశాలపై పడింది. మన దేశాన్నే చూసుకుంటే.. పెట్రోలియం ఉత్పత్తులు, వంట నూనెలు సహా చాలా సరుకుల ధరలు పెరిగాయి. విద్య, ఉపాధి అవకాశాలపైనా ప్రభావం పడింది. ప్రపంచవ్యాప్తంగా యుద్ధాలు, తిరుగుబాట్లతో ఒక్క 2021వ సంవత్సరంలోనే రూ. 1,09,32,98,40,00,00,000–పదికోట్ల 93 లక్షల 29 వేల 840 కోట్లు (14.4 ట్రిలియన్‌ డాలర్లు) ఆర్థిక నష్టం జరిగినట్టు ‘ఎకనమిక్‌ వ్యాల్యూ ఆఫ్‌ పీస్‌ రిపోర్ట్‌’ అంచనా.  కోట్ల ప్రాణాలు గాలికి..  ఇప్పటికీ ప్రపంచవ్యాప్తంగా యుద్ధాలు, అంతర్యుద్ధాలు, వాటి పర్యవసనాల ఫలితంగా కోట్లాది మంది ప్రాణాలు పోగొట్టుకున్నారు. ఎంతో మంది అవయవాలు కోల్పోయి, ఆరోగ్యం దెబ్బతిని జీవచ్ఛవాలుగా మారారు. ఇప్పటికే ఇలాంటి పరిస్థితులతో ఏటా సగటున లక్ష మందికిపైనే చనిపోతు న్నట్టు ఐక్యరాజ్యసమితి పేర్కొనడం గమనార్హం. మొదటి ప్రపంచ యుద్ధంలో గాయాలు, రోగాల వల్ల రెండుకోట్ల మంది సైనికులు, కోటిన్నర మంది ప్రజలు మరణించినట్టు అంచనా.  1937–45 మధ్య జరిగిన చైనా–జపాన్‌ యుద్ధంలో రెండుకోట్ల మందికిపైగా చనిపోయారు. ఒక్క రెండో ప్రపంచ యుద్ధంలోనే 8.5 కోట్ల మంది చనిపోయినట్టు అంచనా. అందులో దాదాపు 80 శాతం అంటే ఆరున్నర కోట్ల మం దికిపైగా రష్యా, చైనా, జర్మనీ, పోలాండ్‌ దేశాలకు చెందినవారేనని నిపుణులు చెప్తున్నారు. ఇండియా సైనికులు, పౌరులు కలిపి 15 లక్షల మంది వరకు మరణించినట్టు అంచనా.  1950–53 మధ్య ఉత్తర, దక్షిణ కొరియాల మధ్య జరిగిన యుద్ధంలో 45 లక్షల మంది చనిపోయారు.  1979–89 మధ్య సోవియట్‌ ఆఫ్ఘన్‌ యుద్ధంలో 20 లక్షల మంది, 1998–2003 మధ్య జరిగిన రెండో కాంగో వార్‌లో 54 లక్షల మంది ప్రాణాలు పోగొట్టుకున్నట్టు అంచనా. గత 20 ఏళ్లలో జరిగిన ఆఫ్ఘనిస్తాన్, ఇరాక్, సిరియా అంతర్యుద్ధం వంటివాటిల్లోనూ లక్షల మంది చనిపోయారు.  అంతా అతలాకుతలం.. ప్రపంచంలో ఎక్కడ యుద్ధం జరిగినా, అంతర్యుద్ధం చెలరేగినా.. అమాయక ప్రజలకే ముప్పు. అప్పటిదాకా హాయిగా బతుకుతున్న వారి జీవితాలు ఒక్కసారిగా తలకిందులైపోతాయి. ఐదేళ్ల కింద సెంట్రల్‌ ఆఫ్రికన్‌ రిపబ్లిక్‌ (సీఏఆర్‌)లో ఓ స్వచ్చంద సంస్థ బాధితుల అనుభవాలు, దుస్థితిని పట్టి చూపింది. ఊరిపెద్దగా ఉండి అడుక్కునే దశకు..  ఆయన పేరు ఆల్బర్ట్‌.. సీఏఆర్‌లోని ఔకా ప్రాంతంలో ఓ గ్రామ పెద్ద. కాఫీ పండిస్తూ.. కుటుంబంతో సంతోషంగా బతికేవాడు. కానీ 2014లో ఓ రోజు రాత్రి తిరుగుబాటు దళాలు చేసిన దాడిలో ఆ గ్రామం నాశనమైంది. ఆల్బర్ట్‌ కుడి చెయ్యి తెగిపోయింది. అతను సహా ఊరిలోని వాళ్లంతా కాంగోకు వలస వెళ్లారు. అప్పటిదాకా నలుగురికి సాయం చేసిన ఆల్బర్ట్‌.. ఏ పనీ చేసుకోలేక, కుటుంబాన్ని పోషించుకోలేక.. చివరికి భిక్షమెత్తుకునే దుస్థితికి చేరాడు.  పిల్లలకు పీడకలే..  యుద్ధాలు, అంతర్యుద్ధాలతో అన్నెంపున్నెం ఎరుగని చిన్నారుల బతుకు, భవిష్యత్తు ప్రమాదంలో పడుతున్నాయి దేశాలు, మిలీషియా దళాలు పిల్లలను బలవంతంగా సైన్యంలో చేర్చుకుంటున్నాయి. విద్యాసంస్థలపై దాడులు, పిల్లల  కిడ్నాప్‌లు, చంపడం, బాలికలపై అత్యాచారాలు వంటివీ పెరిగాయి. సెంట్రల్‌ ఆఫ్రికన్‌ రిపబ్లిక్‌కు చెందిన బిట్రీస్‌ అనే మహిళ భర్త మిలీషియా దాడుల్లో చనిపోయాడు. ఆరేళ్ల కింద కొడుకుతో కాంగోకు పారిపోయింది. శరణార్థుల క్యాంపులో దుర్భర పరిస్థితిలో బతుకుతోంది. ‘‘సరిగా  తిండి లేదు. ఏ సౌకర్యాలూ లేవు. అంతా స్వార్థంతో బతుకుతున్నారు. ఈ వాతావరణంలో పెరుగుతున్న నా కొడు కు భవిష్యత్తు ఏమవుతుందో’’నని ఆమె వాపోయింది. యుద్ధ విమానాల దాడిలో ధ్వంసమైన డ్రెస్డెన్‌ నగరం మధ్య చిన్న గుట్టలా కుప్పపోసి ఉన్న మృతదేహాలివి. రెండో ప్రపంచ యుద్ధంలో జరిగిన దారుణ జన హననానికి ఈ ఫొటో చిహ్నంగా నిలిచింది. జర్మన్‌ నాజీలు యూదులను, ఇతర దేశస్తులను ఊచకోత కోస్తుంటే.. వారిని రక్షించేందుకని జర్మనీపై దాడికి దిగిన మిత్రదేశాల (బ్రిటన్, అమెరికా తదితర దేశాల) సైన్యాలు.. 1945 ఫిబ్రవరిలో జర్మనీలోని డ్రెస్డెన్‌ నగరంలో పౌరులు, జనావాసాలపై విచక్షణా రహితంగా బాంబులు వేశాయి.  అమెరికన్‌ సైనికులు తన కళ్ల ముందే తల్లిదండ్రులను కాల్చి చంపేయడం, తనకూ తీవ్రగాయాలవడంతో.. బాధతో రక్తమోడుతూ రోదిస్తున్నతో ఐదేళ్ల ఇరాకీ బాలిక ఈమె. ఇరాక్‌లో తిష్టవేసిన అమెరికా సైన్యాలు ఏర్పాటు చేసిన ఓ చెక్‌ పాయింట్‌ వద్ద 2005లో ఈ దారుణ విషాదం జరిగింది.  1937.. చైనాలో బాంబు దాడులతో కూలిపోయిన రైల్వేస్టేషన్‌.. చెల్లాచెదురుగా పడి ఉన్న మృతదేహాలు.. తల్లిని కోల్పోయి, తీవ్రంగా గాయపడి గుక్కపట్టి ఏడుస్తున్న చిన్నారి.. 1937లో జరిగిన చైనా–జపాన్‌ యుద్ధంనాటి దారుణ పరిస్థితిని కళ్లకు కట్టే చిత్రమిది. చైనాలోని షాంఘై సౌత్‌ రైల్వేస్టేషన్‌పై జపాన్‌ వి«ధ్వంసక దాడి ఫలితం. 2022.. ఉక్రెయిన్‌లో ఉక్రెయిన్‌లోని రైల్వేస్టేషన్‌పై మొన్నటి శుక్రవారం రష్యా చేసిన మిస్సైల్‌ దాడిలో తీవ్రంగా గాయపడి రొదిస్తున్న మహిళ ఈమె. రష్యా దాడులతో సృష్టిస్తున్న విధ్వంసం నుంచి తప్పించుకుని మరోచోటికి వెళ్లిపోదామనుకున్న 52 మంది ఈ దాడిలో ప్రాణాలు వదిలారు. మరెందరో క్షతగాత్రులుగా మిగిలారు.    .. ఒకటా.. రెండా.. ఇలాంటివి మరెన్నో. అసలేం జరుగుతోంది? తప్పెవరిదో.. ఒప్పెవరిదో.. ఏ దేశమైతేనేం.. ఎవరిపై యుద్ధం చేస్తేనేం.. జరిగేదంతా వినాశనం, విధ్వంసం, జన హననమే. ఎప్పుడో 19వ శతాబ్దంలో దేశాల మధ్య మొదలైన ఆధిపత్య పోరు, ప్రపంచ యుద్ధాల నుంచి నేడు ఉక్రెయిన్‌పై రష్యా దాడి దాకా.. యుద్ధోన్మాదం సృష్టిస్తున్న బీభత్సం ఇంతా అంతా కాదు. ఇంకా గుణపాఠాలు నేర్చేదెప్పుడు?  – సాక్షి, సెంట్రల్‌డెస్క్‌

భారతీయ రైల్వే ప్రయాణీకులకు ఒక మంచి శుభవార్త తెలిపింది. ఇప్పటికే రైల్వే స్టేషన్‌లలో ఉచిత బ్రాడ్ బ్యాండ్ సేవలు అందిస్తున్న భారతీయ రైల్వే, ఇప్పుడు మరిన్ని సేవలను అందించేందుకు సిద్దం అయ్యింది. రైల్వే ప్రయాణీకులు రైల్వే స్టేషన్‌లలో పాన్, ఆధార్ కార్డుల కోసం దరఖాస్తు చేసుకోవడానికి వీలుగా ఒక కొత్త సేవను ప్రారంభిస్తున్నట్లు ప్రకటించింది. రైల్ వైర్ సాథి కియోస్క్ పేరుతో ఈ కొత్త సేవలను అందించనున్నట్లు భారతీయ రైల్వే తెలిపింది. పైలట్ ప్రాజెక్టులో భాగంగా మొదట వారణాసి, ప్రయాగ్‌రాజ్ సిటీ రైల్వే స్టేషన్‌లలో కామన్ సర్వీస్ సెంటర్లను జనవరిలో రైల్వేశాఖ ప్రారంభించింది. ఇప్పుడు దేశం మెుత్తం ఈ సేవలను విస్తరించే ఆలోచనలో ఉంది. రైల్వే స్టేషన్‌కు వచ్చే ప్రయాణికులు రైల్ వైర్ సాథి కియోస్క్ కేంద్రాల వద్ద ఆధార్ కార్డు, పాన్ కార్డుల కోసం దరఖాస్తు చేసుకోవచ్చు. అలాగే టికెట్ బుకింగ్, ఓటరు కార్డు, మొబైల్ రీచార్జ్, రైలు, విమాన, బస్సు టిక్కెట్లను కూడా బుక్ చేసుకోవచ్చు. ఈ సేవ కేంద్రాలలో ఆదాయపు పన్ను, బ్యాంకింగ్, బీమా సంబంధించి పనులకు ఇక్కడే పూర్తి చేసుకోవచ్చు అని తెలిపింది. ఈ సదుపాయంతో గ్రామీణ ప్రాంతాల ప్రజలకు ఎక్కువ లాభం చేకూరనుంది. ఇంటర్నెట్ సదుపాయ లేని మారుమూల ప్రాంత ప్రజలు ఆధార్, పాన్ కార్డు సేవలను పొందడం మరింత సులభం కానుంది. దేశవ్యాప్తంగా 200 స్టేషన్‌లలో ఈ ప్రత్యేక సేవలను త్వరలో ప్రారంభించనున్నట్లు పేర్కొంది. (చదవండి: అదిరిపోయిన రెనాల్ట్ కొత్త హైబ్రిడ్ కారు.. మైలేజ్ కూడా చాలా ఎక్కువే..!)

సాక్షి, అమరావతి: ప్రభుత్వ–ప్రైవేట్‌ భాగస్వామ్యం(పీపీపీ) విధానంలో రాష్ట్రంలో రైల్వే స్టేషన్లు అభివృద్ధి చేసేందుకు టెండర్లు పిలిచినా.. ఆశించిన స్పందన రాకపోవడంతో సొంత నిధులతోనే పనులు చేపట్టాలని రైల్వే శాఖ నిర్ణయించింది. దేశ వ్యాప్తంగా దాదాపు 50కుపైగా రైల్వే స్టేషన్లను పీపీపీ విధానం కింద ప్రైవేటు సంస్థలకు 90 ఏళ్ల పాటు అప్పగించాలని సూత్రప్రాయంగా గతంలో నిర్ణయించారు. ఆ జాబితాలో ఏపీలోని విజయవాడ, నెల్లూరు, తిరుపతి రైల్వే స్టేషన్లు కూడా ఉన్నాయి. రైల్వే స్టేషన్లలో మల్టీప్లెక్స్‌లు, మాల్స్, రెస్టారెంట్లు, పలు రకాల ఇండోర్‌ గేమ్స్‌ అందుబాటులోకి తేవాలని ప్రతిపాదించారు. దీనిపై అప్పట్లోనే తీవ్రస్థాయిలో విమర్శలు వచ్చినప్పటికీ రైల్వే శాఖ పట్టించు కోలేదు. మొదటగా నెల్లూరు, తిరుపతి రైల్వే స్టేషన్లను పీపీపీ విధానంలో అభివృద్ధి చేసేందుకు టెండర్ల ప్రక్రియ చేపట్టింది. కానీ రైల్వే శాఖ ఆశించిన స్థాయిలో స్పందన రాలేదు. మొదటి రెండు అంతస్తులు రైల్వే శాఖకు అప్పగించి మిగిలిన అంతస్తుల్లో వాణిజ్య సముదాయాల నిర్వహణ లాభసాటి కాదని ప్రైవేటు సంస్థలు భావించాయి. పైగా రైల్వే శాఖ కనీస బిడ్‌ ధర కూడా చాలా ఎక్కువుగా నిర్ణయించడంతోపాటు ఇతర షరతులు కూడా సానుకూలంగా లేవన్న అభిప్రాయం వ్యక్తమైంది. కొన్ని బడా కార్పొరేట్‌ సంస్థలతో రైల్వే శాఖ సంప్రదింపులు కూడా జరిపినా ఫలితం  దక్కలేదు. నగరాల్లో ప్రధాన కూడళ్లలో కాకుండా కొంచెం దూరంగా ఉండే రైల్వే స్టేషన్ల ప్రాంగణంలో షాపింగ్‌ మాల్స్, మల్టీప్లెక్స్‌ల నిర్మాణం లాభసాటి కాదని కూడా ఆ ప్రైవేటు సంస్థలు స్పష్టం చేసినట్టు తెలుస్తోంది. దాంతో రైల్వే శాఖ తన నిర్ణయాన్ని పునఃసమీక్షించింది. రైల్వే స్టేషన్లను తమ నిధులతోనే అభివృద్ధి  చేయాలని నిర్ణయించింది.  అభివృద్ధి ప్రణాళికకు ఆమోదం రాష్ట్రంలోని నెల్లూరు, తిరుపతి రైల్వే స్టేషన్లను రైల్వే శాఖ నిధులతోనే అభివృద్ధి చేసేందుకు రూపొందించిన ప్రణాళికను తాజాగా ఆమోదించారు. దాదాపు రూ. 300 కోట్లతో వీటిని అభివృద్ధి చేయనున్నారు. ప్రైవేటు సంస్థలతో పీపీపీ విధానంలో అభివృద్ధి చేసేందుకు గతంలో రూపొందించిన ప్రణాళిక దీనికి వర్తించదని కూడా రైల్వే శాఖ స్పష్టం చేసింది. వాణిజ్య ప్రయోజనాల దృష్ట్యా కాకుండా ప్రయాణికులకు అధునాతన సౌకర్యాల కోణంలోనే రైల్వే స్టేషన్లను అభివృద్ధి చేయాలని నిర్ణయించారు. అందుకోసం సమగ్ర ప్రాజెక్టు నివేదిక (డీపీఆర్‌)ను రూపొందించమని రైల్వే శాఖ దక్షిణ మధ్య రైల్వేను ఆదేశించింది. డీపీఆర్‌ ఖరారైన తరువాత రైల్వే స్టేషన్ల అభివృద్ధి ప్రణాళిక ఓ కొలిక్కి వస్తుందని రైల్వే శాఖ ఉన్నతాధికారులు చెబుతున్నారు.    

సాక్క్షి, హైదరాబాద్‌(శేరిలింగంపల్లి): నగర శివారులోనే అతిపెద్దది అయిన లింగంపల్లి రైల్వేస్టేషన్‌ ఒకప్పుడు కళాహీనంగా ఉండేంది. నిత్యం ప్రయాణికులతో కళగా ఉండే ఈ స్టేషన్‌ ఇప్పుడు అభివృద్ధికి నోచుకుంది. స్టేషన్‌లోని గోడలకు వేసిన వివిధ చిత్రాలు వచ్చిపోయే ప్రయాణికులను ఆకర్షిస్తున్నాయి.   చిత్రం చెప్పే అర్థం..  జంతువులు..పక్షులు..పర్యావరణం..స్వచ్ఛభారత్‌..ఇలా ఎన్నెన్నో చిత్రాలు కొలువుదీరాయి. రైల్వేస్టేషన్‌లోని ప్రతి గోడకు రకరకాల జంతువులు, పక్షులతోపాటు   రాజుల కాలం నాటి వైభవాన్ని ప్రతిబింబించేలా ఆకట్టుకుంటున్నాయి. పులి, ఏనుగు, నెమలి, ఇతర పక్షుల చిత్రాలు అలరిస్తున్నాయి. గ్రామీణ  వాతావరణంతోపాటు జలపాతాలు, పడవలు, సూర్యుడు ఉదయించే దృశ్యాలు ఇలా ఎన్నో చిత్రాలు ప్రయాణికుల హృదయాలను హత్తుకునేలా ఉన్నాయి.   శివారులోనే అతిపెద్దది  నగర శివారులోనే అతిపెద్ద రైల్వేస్టేషన్‌గా లింగంపల్లి స్టేషన్‌కు గుర్తింపు ఉంది. దేశంలోని అన్ని ప్రాంతాలకు రైళ్ల రాకపోకలు ఇక్కడి నుంచే సాగుతాయి. పలు కొత్త రైళ్లు కూడా ఇక్కడి నుంచే ఆరంభించాలనే ఆలోచన కూడా ఉంది.    ఎంఎంటీఎస్‌ ఇక్కడి నుంచే...  ఎంఎంటీఎస్‌ రైళ్లను నగరంలోని నాంపల్లి, సికింద్రాబాద్‌ ప్రాంతాలకు ఇక్కడి నుంచే బయలుదేరతాయి. దీంతో ప్రయాణికుల సంఖ్య గణనీయంగా పెరిగింది. ఐటీ కారిడార్‌కు కేంద్రంగా ఈ ప్రాంతం మారడంతో రోజురోజుకూ ప్రయాణికుల సంఖ్య పెరుగుతోంది. పలు ఐటీ సంస్థలు తమ సంస్థ ఉద్యోగుల కోసం లింగంపల్లి రైల్వేస్టేషన్‌కు ప్రత్యేక బస్సులు, ఇతర వాహనాలు సైతం నడుపుతున్నాయి. నగర శివారులోనే అతిపెద్ద రైల్వేస్టేషన్‌గా లింగంపల్లి స్టేషన్‌ అభివృద్ధికి నోచుకుంది

సాక్షి, అమరావతి: రైళ్లు పరస్పరం ఢీకొనే ప్రమాదాలను పూర్తిగా నివారించేందుకు రైల్వే శాఖ ఆధునిక సాంకేతిక రక్షణాత్మక వ్యవస్థను ప్రవేశపెట్టనుంది. రెండు రైళ్లు ఒకేసారి ట్రాక్‌ మీదకు వచ్చి ఢీకొనడం తీవ్ర ప్రమాదాలకు దారి తీస్తోంది. దీన్ని నివారించేందుకు ‘కవచ్‌’ పేరుతో ఆధునిక సాంకేతిక పరిజ్ఞానాన్ని అందుబాటులోకి తేవాలని రైల్వే శాఖ నిర్ణయించింది. ప్రధానంగా సిగ్నలింగ్, కమ్యూనికేషన్‌ వ్యవస్థలో విప్లవాత్మక మార్పులను ప్రవేశపెట్టేందుకు సిద్ధమైంది. దేశంలో 2 వేల కిలోమీటర్ల మేర రైలు మార్గాల్లో ‘కవచ్‌’ విధానాన్ని ప్రవేశపెడతామని కేంద్ర ప్రభుత్వం బడ్జెట్‌లో వెల్లడించింది. పూర్తి స్వదేశీ పరిజ్ఞానంతోఅభివృద్ధి చేసిన కవచ్‌ విధానంతో రైళ్లు పరస్పరం ఢీకొనడాన్ని పూర్తిగా నివారించవచ్చని ప్రయోగాత్మకంగా నిరూపితమైంది.  వేగం తగ్గించకుండానే..  ప్రస్తుతం రైళ్ల డ్రైవర్లు ఏదైనా రైల్వే స్టేషన్‌ రాగానే రైళ్ల వేగాన్ని తగ్గిస్తుంటారు. ఆ స్టేషన్‌లో రైలు నిలపాల్సిన అవసరం లేకపోయినా సరే రైళ్ల వేగాన్ని తగ్గిస్తున్నారు. పొరపాటున ఎదురుగా ఏదైనా రైలు వస్తుందేమోనని ముందు జాగ్రత్తగా వేగాన్ని తగ్గిస్తారు. మళ్లీ వేగం పుంజుకునేందుకు కొంత సమయం పడుతుంది. దాంతో రైళ్లు తగిన వేగంతో ప్రయాణించడం సాధ్యపడటం లేదు. కవచ్‌ పరిజ్ఞానాన్ని ప్రవేశపెట్టిన తరువాత ఆ విధంగా నిలపాల్సిన అవసరం లేని రైల్వే స్టేషన్లు సమీపించగానే రైళ్ల వేగాన్ని తగ్గించాల్సిన అవసరం ఉండదు. దాంతో రైళ్లు గమ్యస్థానాలకు త్వరగా చేరేందుకు అవకాశం ఉంటుంది.  విజయవంతంగా ప్రయోగం  రైల్వే శాఖ కవచ్‌ వ్యవస్థను ఇప్పటికే విజయవంతంగా పరీక్షించింది. భారత దేశంలో రైళ్లు ఢీకొన్న ప్రమాదాలను విశ్లేషించగా 89 శాతం ప్రమాదాలు మానవ తప్పిదంతోనే సంభవించాయని వెల్లడైంది. దాంతో శాస్త్రీయంగా అధ్యయనం చేసి యాంటీ కొల్లీషన్‌ పరికరాలను రైల్వే శాఖ రూపొందించింది. ఈ పరిజ్ఞానాన్ని ప్రయోగాత్మకంగా కొంకణ్‌ రైల్వే పరిధిలో పరీక్షించారు. అనంతరం ఈశాన్య రైల్వే పరిధిలోనూ ప్రవేశపెట్టారు. ఆ రెండుచోట్లా ఈ వ్యవస్థ పూర్తిగా విజయవంతమైంది. దాంతో ఈ వ్యవస్థకు ‘కవచ్‌’ అనే పేరుపెట్టి దేశవ్యాప్తంగా ప్రవేశపెట్టాలని రైల్వే శాఖ తాజాగా నిర్ణయించింది. మొదటి దశలో దేశంలో 2వేల కిలోమీటర్ల మేర లైన్లలో కవచ్‌ వ్యవస్థను ప్రవేశపెట్టాలని నిర్ణయించారు. ప్రధానంగా మెట్రో నగరాలను కలుపుతూ ఉన్న లైన్లలో వీటిని ప్రవేశపెట్టాలని సూత్రప్రాయంగా నిర్ణయించారు. చెన్నై–కోల్‌కతా మార్గంలో కూడా వీటిని ప్రవేశపెట్టనున్నారని సమాచారం. కవచ్‌ వ్యవస్థ ఇలా..  పూర్తిగా స్వదేశీ పరిజ్ఞానంతో కవచ్‌ వ్యవస్థను రైల్వే శాఖ సిద్ధం చేసింది. ప్రపంచస్థాయి ప్రమాణాలతో రూపొందించిన ఈ వ్యవస్థకు ఎస్‌ఐఎల్‌–4 సర్టిఫికేషన్‌ కూడా రావడం విశేషం. ఈ పరిజ్ఞానాన్ని ఏర్పరచడంలో భాగంగా మైక్రో ప్రాసెసర్లు, గ్లోబల్‌ పొజిషనింగ్‌ సిస్టం (జీపీఎస్‌), యాంటీ కొల్లీషన్‌ పరికరాలను రైళ్లలో ఏర్పాటు చేస్తారు. రైల్వే ట్రాక్‌లను కూడా ఈ పరిజ్ఞానంతో అనుసంధానిస్తారు. ఇస్రో ఉపగ్రహాల నుంచి ఈ పరికరాలు సిగ్నల్స్‌ను స్వీకరిస్తాయి. ఒకే ట్రాక్‌ మీదకు రెండు రైళ్లు ఒకేసారి పొరపాటున వస్తే మోడెమ్‌ సహాయంతో ఆటోమేటిగ్గా ఆ రెండు రైళ్లకు పరస్పరం సమాచారం చేరుతుంది. ఒక రైలు ప్రయాణిస్తున్న మార్గంలోనే మరో రైలు కూడా ఎదురుగా వస్తుంటే.. నిర్ణీత దూరంలో ఉండగానే ఈ పరికరాల ద్వారా వెంటనే గుర్తించడం సాధ్యపడుతుంది. దాంతో వెంటనే రైలులో ఆటోమేటిక్‌ బ్రేకులు పడి రైలు నిలిచిపోతుంది. ఈ పరికరాలు మానవ తప్పిదాలను కూడా  గుర్తించి నివారించేందుకు దోహదపడతాయి. 

సాక్షి, హైదరాబాద్‌: దేశవ్యాప్తంగా ప్రధాన రైల్వే స్టేషన్లను అంతర్జాతీయ ప్రమాణాలతో, విమానా శ్రయాల స్థాయిలో అభివృద్ధి చేయాలన్న ఆలోచన ఎట్టకేలకు పట్టాలెక్కబోతోంది. కేంద్రం గతంలోనే ఈ ప్రతిపాదన చేసినా.. ఇండియన్‌ రైల్వేస్టేషన్స్‌ డెవలప్‌మెంట్‌ కార్పొరేషన్‌ లిమిటెడ్‌ (ఐఆర్‌ఎస్‌ డీసీ)ని ఏర్పాటు చేసినా కార్యరూపంలోకి రాలేదు. ఐఆర్‌ఎస్‌డీసీని రద్దు చేసి ఈ బాధ్యతను రైల్‌ ల్యాండ్‌ డెవలప్‌మెంట్‌ అథారిటీ (ఆర్‌ఎల్‌డీఏ)కు అప్పగించినా అడుగు ముందుకు పడలేదు. చివరికి బాధ్య తను జోన్ల అధికారులకు కట్టబెట్టారు. తాజా బడ్జెట్‌లో దక్షిణ మధ్యరైల్వే పరిధిలో స్టేషన్ల అభివృ ద్ధికి రూ.325 కోట్లు కేటాయించారు. ఈ నిధులతో రాష్ట్రంలోని సికింద్రాబాద్‌ స్టేషన్‌తోపాటు ఏపీలోని నెల్లూరు, తిరుపతి స్టేషన్లను తీర్చిదిద్దనున్నారు. త్వరలోనే టెండర్లు.. సికింద్రాబాద్‌ స్టేషన్‌ అభివృద్ధి కోసం దక్షిణమధ్య రైల్వే త్వరలోనే ఈపీసీ టెండర్లు పిలవనుంది. స్టేషన్‌లో పార్కింగ్‌ మొదలు, రైలు ఎక్కేవరకు అడుగడుగునా అంతర్జాతీయ స్థాయి వసతులను ఏర్పాటు చేస్తారు. విమానాశ్రయంలో ఉన్న తరహాలో ఆధునిక ఏర్పాట్లు, షాపింగ్‌ మాల్స్, రెస్టారెంట్లు, సినిమా హాళ్లు వంటివీ ఉంటాయి. ఈ మేరకు భవనాన్ని పూర్తిస్థాయిలో తీర్చిదిద్దుతారు. ఈ పనులకు నెల రోజుల్లో టెండర్లు పిలిచి, మూడు నెలల్లోపు వర్క్‌ ఆర్డర్‌ ఇవ్వాలని భావిస్తున్నారు. ఆ వెంటనే పనులు మొదలుకానున్నాయి.  

న్యూఢిల్లీ: దేశంలోని పలు రైల్వే స్టేషన్ల రూపు రేఖలు మార్చేసి అద్భుతమైన సౌకర్యాలు ఏర్పాటు చేస్తున్నారని మనం మురిసిపోతున్నాం కానీ, ఆ మౌలిక సదుపాయాలకయ్యే ఖర్చుని ప్రయాణికులపై బాదడానికి రైల్వే శాఖ సన్నద్ధమైంది. ఆధునిక సౌకర్యాలతో అభివృద్ధి చేసిన రైల్వే స్టేషన్లలో రైలు ఎక్కాలన్నా, దిగాలన్నా ప్రయాణికుల జేబుకి ఇక చిల్లు పడడం ఖాయం. ఈ స్టేషన్లలో లెవీ ఫీజు వసూలు చేయడానికి సన్నాహాలు చేస్తున్నట్టుగా రైల్వే శాఖ అధికారులు శనివారం వెల్లడించారు. ఆయా స్టేషన్లు వినియోగంలోకి వచ్చిన తర్వాత ఈ ఫీజులు వసూలు చేస్తామని చెప్పారు.   మోదీ చిన్నతనంలో టీ అమ్మిన స్టేషన్‌ రైల్వే స్టేషన్‌ అభివృద్ధి ఫీజుని వారు ప్రయాణించే తరగతులని బట్టి రూ.10 నుంచి రూ.50 వరకు నిర్ణయించే అవకాశం ఉంది. ఈ మొత్తాన్ని టికెట్‌ బుక్‌ చేసుకునే సమయంలో అదనంగా వసూలు చేస్తారు. ఈ లెవీ ఫీజు మూడు కేటగిరీల్లో ఉంటుంది. ఏసీ తరగతుల్లో ప్రయాణించే వారి నుంచి రూ.50, స్లీపర్‌ క్లాసు ప్రయాణికులకు రూ.25, జనరల్‌ బోగీలలో ప్రయాణించే వారి నుంచి రూ.10 వసూలు చేయనున్నట్టుగా రైల్వే బోర్డు జారీ చేసిన సర్క్యులర్‌ వెల్లడించింది. ఆయా స్టేషన్లలో ప్లాట్‌ఫారమ్‌ టిక్కెట్‌ ధరని కూడా మరో 10 రూపాయలు పెంచనున్నారు. సబర్బన్‌ రైల్వే ప్రయాణాలకు మాత్రం ఈ లెవీ ఫీజులు ఉండవు.

సాక్షి, న్యూఢిల్లీ: దేశవ్యాప్తంగా 200 రైల్వే స్టేషన్లలో మొబైల్‌ ఫోన్‌ రీచార్జ్, విద్యుత్‌ బిల్లుల చెల్లింపులు, ఆధార్‌ కార్డు సంబంధ సేవలు, పాన్‌ కార్డు దరఖాస్తు, ట్యాక్స్‌ చెల్లింపులు తదితర సేవలు అందుబాటులోకి రానున్నాయి. రైలు, బస్సు, విమాన టిక్కెట్లను బుక్‌ చేసుకోవచ్చు. బ్యాంకింగ్, బీమా ఇలా రోజువారీ అవసరాలకు సంబంధించిన పలు సేవలను ఇకపై రైల్వే స్టేషన్లలో కామన్‌ సర్వీస్‌ సెంటర్‌(సీఎస్‌సీ) కియోస్క్‌ల ద్వారా అందిస్తారు. వీటికి ‘రైల్‌వైర్‌ సాథీ కియోస్క్‌’గా రైల్‌టెక్‌ నామకరణం చేసింది. ఈ కియోస్క్‌లను తొలి దశలో పైలట్‌ ప్రాజెక్ట్‌ కింద వారణాసి సిటీ, ప్రయాగ్‌రాజ్‌ సిటీ రైల్వే స్టేషన్లలో ప్రారంభిస్తారు. దశలవారీగా గ్రామీణ ప్రాంతాల్లోని 200 రైల్వేస్టేషన్లకు ఈ కియోస్క్‌ సేవలను విస్తరిస్తారు. దక్షిణ మధ్య రైల్వే జోన్‌లో 44, ఈస్ట్‌ కోస్ట్‌ రైల్వేలో 13, నార్త్‌ ఫ్రంటియర్‌ రైల్వేలో 20, ఈస్ట్‌ సెంట్రల్‌ రైల్వేలో 13, వెస్టర్న్‌ రైల్వేలో 15, నార్తర్న్‌ రైల్వేలో 25, వెస్ట్‌ సెంట్రల్‌ రైల్వేలో 12, నార్త్‌ ఈస్టర్న్‌ రైల్వేలో 56 కియోస్క్‌లను ఏర్పాటుచేయనున్నారు. కొత్త కియోస్క్‌లను సీఎస్‌సీ ఇ–గవర్నెన్స్‌ సర్వీసెస్‌ ఇండియా లిమిటెడ్, కేంద్ర ఎలక్ట్రానిక్స్, ఐటీ శాఖ సంయుక్త భాగస్వామ్యంలో నిర్వహిస్తాయని రైల్‌టెక్‌ తెలిపింది. భారతీయ రైల్వే, రైల్వే మంత్రిత్వ శాఖ, కేంద్ర ప్రభుత్వం కలిసి రైల్‌టెక్‌ను  ఏర్పాటుచేశాయి. గ్రామీణ ప్రాంతాల ప్రజలకు మెరుగైన సేవలందించేందుకే కియోస్క్‌లను తెస్తున్నట్లు రైల్‌టెక్‌ సీఎండీ పునీత్‌ చావ్లా చెప్పారు.  

లక్నో: ఉత్తర ప్రదేశ్‌ ప్రభుత్వం కీలక నిర్ణయం తీసుకుంది. యూపీలోని ఝాన్సీ రైల్వే స్టేషన్‌ను.. వీరాంగణ లక్ష్మీబాయ్‌ రైల్వేస్టేషన్‌గా పేరు మారుస్తూ నిర్ణయం తీసుకుంది.  దీనిపై మరికొద్ది రోజుల్లో అధికారికంగా ఉత్వర్వులు వెలువడనున్నాయని ఝాన్సీ పీఆర్‌వో మనోజ్‌ సింగ్ తెలిపారు. దీనిపై ఇప్పటికే కేంద్రం నుంచి ఆమోదం కూడా లభించిందని తెలిపారు. ఈ మేరకు యోగి ఆదిత్యానాథ్‌ ప్రభుత్వం, నిన్న(బుధవారం) నోటిఫికేషన్‌ను విడుదల చేసింది. రైల్వేస్టేషన్ పేరు మార్పు ప్రతిపాదనలను యోగి ప్రభుత్వం మూడు నెలల క్రితం.. కేం‍ద్ర హోంమంత్రిత్వశాఖకు పంపించిన విషయం తెలిసిందే. ఇదిలా ఉండగా చట్టపరమైన అనుమతులు పూర్తయ్యాక.. అధికారికంగా రైల్వేస్టేషన్‌ కోడ్‌ మారుస్తామని ఝాన్సీ  డీఆర్‌ఎం పీఆర్‌వో మనోజ్‌ సింగ్‌ తెలిపారు.  ఇప్పటికే యోగి ప్రభుత్వం.. అలహాబాద్‌ను ప్రయాగ్‌ రాజ్‌గా, మొఘల్‌సరై రైల్వే‍ స్టేషన్‌ను పండిట్‌  దీన్‌ దయాళ్‌ ఉపాధ్యాయ జంక్షన్‌గా, ఫైజాబాద్‌ రైల్వేస్టేషన్‌ను అయోధ్యకాంట్‌గా పేరు ‍మారుస్తు నిర్ణయం తీసుకున్న విషయం తెలిసిందే.  उत्तर प्रदेश का 'झाँसी रेलवे स्टेशन' अब 'वीरांगना लक्ष्मीबाई रेलवे स्टेशन' के नाम से जाना जाएगा। — Yogi Adityanath (@myogiadityanath) December 29, 2021 చదవండి: కరెంట్‌ షాక్‌తో నలుగురు కాలేజీ ఉద్యోగుల దుర్మరణం

సాక్షి, ముంబై:  వాణిజ్య రాజధాని ముంబైలో బాంబు బెదిరింపు కాల్‌ కలకలం రేపింది. ముంబైలోని మూడు ప్రముఖ రైల్వే స్టేషన్లలతో పాటు బాలీవుడ్ మెగాస్టార్ అమితాబ్ బచ్చన్ నివాసం వద్ద బాంబులు అమర్చినట్టు అజ్ఞాత వ్యక్తి ఫోన్‌ చేయడంతో అధి​కారులు అప్రమత్తయ్యారు.  రైల్వే స్టేషన్లతో పాటు బిగ్‌బీ నివాసంవద్ద భారీగా భద్రతను ఏర్పాటు చేశారు. ముమ్మర తనిఖీల అనంతరం అనుమానాస్పద వస్తువులేవీ కనిపించకపోవడంతో అంతా ఊపిరి పీల్చుకున్నారు. ముంబై పోలీసులు అందించిన సమాచారం ప్రకారం శుక్రవారం రాత్రి పోలీస్‌ కంట్రోల్ రూమ్‌కు ఓ గుర్తు తెలియని వ్యక్తి ఫోన్ చేశాడు. ఛత్రపతి శివాజీ మహారాజ్ టెర్మినస్, బైకుల్లా, దాదర్ రైల్వే స్టేషన్‌లతో పాటు జుహులోని నటుడు అమితాబ్ బచ్చన్ బంగ్లా వద్ద బాంబులు అమర్చినట్టు చెప్పాడు. వెంటనే స్పందించిన అధికారులు ఇతర రక్షణ సిబ్బందిని అలర్ట్‌ చేశారు. స్థానిక పోలీసు సిబ్బందితో పాటు రైల్వే పోలీసులు, రైల్వే ప్రొటెక్షన్ ఫోర్స్, బాంబు స్క్వాడ్‌, జాగిలాల సాయంతో విస్తృత తనిఖీలు చేపట్టారు. ఈ సందర్బంగా పేలుడు పదార్థాలు, అనుమానిత వస్తువుల జాడ ఏదీ తమకు లభించలేదని, అయినా ముందు జాగ్రత్త చర్యగా ఆయా ప్రాంతాల్లో భద్రతను కట్టుదిట్టం చేసినట్టు పోలీసు అధికారులు వెల్లడించారు. ఈ ఫోన్‌కాల్‌ ఎక్కడనుంచి వచ్చింది, ఎవరు చేశారన్న విషయంపై ఆరా తీస్తున్నామని, తదుపరి దర్యాప్తు కొనసాగుతోందని తెలిపారు.

సాక్షి, చెన్నై(తమిళనాడు):  చెన్నై, కాంచీపురం జిల్లాలో వేర్వేరు చోట్ల అక్రమంగా తరలిస్తున్న మూడు టన్నుల రేషన్‌ బియాన్ని పోలీసులు స్వాధీనం చేసుకున్నారు. చెన్నై ఎగ్మూర్‌ రైల్వేస్టేషన్‌లో రేషన్‌బియ్యం అక్రమంగా   తరలిస్తున్నట్లు ముందస్తు సమాచారం అందింది. దీంతో పోలీసులు తనిఖీలు చేపట్టి.. ఐదవ ప్లాట్‌ఫాంలో  ఉంచిన 10 బస్తాల రేషన్‌బియాన్ని స్వాధీనం చేసుకున్నారు. బియ్యాన్ని ఒడిశాకు తరలించేందుకు య త్నించిన పులియాంతోపు ప్రాంతానికి చెందిన బాలాజీ గూండా చట్టం కింద అరెస్టు చేశారు.  కాంచీపురంలో..  స్థానిక అరక్కోణం రోడ్డులో పోలీసులు మంగళ వారం వాహనాల తనిఖీ చేపట్టారు. ఈసమయంలో కాంచీపురానికి చెందిన సుదర్శన్‌ (35) బైక్‌లో రేషన్‌బియ్యం తీసుకెళుతున్నట్లు గుర్తించారు. అతడిచ్చిన సమాచారంతో ఇదేవ్యాపారం చేస్తున్న అతడి స్నేహితులు పార్తీబన్‌ (47), రాజేష్‌ (38ను కూడా అరెస్టు చేశారు.  వీరు ఇతర రాష్ట్రాలకు తరలించడానికి  రెండు టన్నుల రేషన్‌ బియ్యాన్ని దాచి ఉంచినట్లు గుర్తించి స్వాధీనం చేసుకున్నారు.  తిరువళ్లూరులో.. 3.5 టన్నులు సీజ్‌  తిరువళ్లూరు: గుమ్మిడిపూండీ నుంచి ఆంధ్రాకు తరలిస్తున్న 3.5 టన్నుల రేషన్‌ బియ్యాన్ని పోలీసులు స్వాధీనం చేసుకున్నారు. స్మగ్లింగ్‌కు ఉపయోగించిన మినీలారీనీ సీజ్‌ చేసిన పోలీసులు, ఇద్దరు యువకులను అరెస్టు చేసి రిమాండ్‌కు తరలించారు. రహస్య సమాచారం మేరకు.. పుడ్‌సెల్‌ ఇన్పెక్టర్‌ మురుగన్‌ ఆధ్వర్యంలో ఎలావూర్‌ వద్ద పోలీసులు మంగళ వారం వాహనాల తనిఖీ చేపట్టారు. ఈ సమయంలో అనుమానాస్పదంగా ఉన్న మినీలారీని తనీఖీ చేశారు. అందులోని మూడున్నర టన్నుల రేషన్‌ బియాన్ని సీజ్‌ చేశారు. అనంతరం స్మగ్లింగ్‌కు ఉపయోగించిన మినీ లారీని సీజ్‌ చేశారు. నిందితులు తమిళనాడుకు చెందిన వీరమణి(29), కుమార్‌(31)గా గుర్తించారు.    చదవండి: వాట్సప్‌ చూస్తోందని చెల్లిని చంపిన అన్న    

దేశంలో కొద్దీ రోజుల నుంచి కరోనా కేసుల సంఖ్య విపరీతంగా పెరుగుతూ పోతుంది. ముఖ్యంగా మహారాష్ట్ర లాంటి కొన్ని రాష్ట్రాల్లో కరోనా కేసులు ఇబ్బడిముబ్బడిగా వెలుగులోకి వస్తున్నాయి. దీనికి ప్రధాన కారణం కరోనా నిబంధనలను తప్పనిసరిగా పాటించకపోవడం వల్లనే అని పలు అధ్యయనాలు పేర్కొంటున్నాయి. ఇలాంటి సమయంలో భారతీయ రైల్వే శాఖ కీలక నిర్ణయం తీసుకుంది. కరోనా కట్టడి చర్యల్లో భాగంగా రైళ్లల్లో ప్రయాణించే ప్రయాణికులు మాస్కు ధరించకపోయిన, రైళ్లలో, స్టేషన్ లలో ఉమ్మివేసిన రూ.500 జరిమానా విధించనున్నట్లు పేర్కొంది. ఆరు నెలల పాటు ఈ నిబంధన కొనసాగుతాయని రైల్వేశాఖ వెల్లడించింది. ప్రతి ఒక్కరూ తప్పనిసరిగా కరోనా నిబందనలు పాటించాలని పేర్కొంది. వలస కార్మికులు దేశంలో కరోనా సెకండ్‌ వేవ్‌ మొదలు కావడంతో.. మళ్లీ లాక్‌డౌన్‌ విధిస్తారని భయంతో కార్మికులంతా మళ్లీ ఇళ్లకు పయనమవుతున్నారు. దీంతో కరోనా వ్యాప్తి ఎక్కువగా ఉన్న ప్రాంతాల నుంచి ప్రయాణికులు మరలా వారివారి రాష్ట్రాలకు వెళ్తున్న నేపథ్యంలో రైల్వే శాఖ కరోనా కట్టడికి ఈ చర్యలు తీసుకుంది. ఇదిలా ఉంటే తమ స్వంత రాష్ట్రాలకు వస్తున్న కార్మికులకు ప్రభుత్వాలు పరీక్షలు నిర్వహిస్తున్నాయి. చదవండి:  రెండోసారి మాస్క్‌ లేకపోతే రూ.10 వేల జరిమానా

సాక్షి, ముంబై:  దేశవ్యాప్తంగా కరోనా వైరస్‌ రెండో దశలో విస్తరిస్తుండటంతో వలస కార్మికులు గుండెల్లో రైళ్లు పరిగెత్తున్నాయి. అందుకే బతుకుజీవుడా అంటూ మళ్లీ  సొంత ఊరి బాటపడుతున్నారు. కరోనా మహమ్మారి ఉధృతి నేపథ్యంలో పలు రాష్ట్రాల్లో ఇప్పటికే ఆంక్షలు అమల్లోకి వచ్చాయి. ముఖ్యంగా కరోనా విస్తరణ తీవ్ర స్థాయిలో ఉన్న మహారాష్త్రలో మళ్లీ  పూర్తి లాక్‌డౌన్‌ విధిస్తారన్న భయం వారిని వెన్నాడుతోంది. అందుకే సొంతూళ్లకు వెళ్లిపోవడమే మంచిదని భావిస్తున్నారు. అన్ని రవాణా మార్గాలు మూసుకుపోకముందే  తిరిగి సొంత రాష్ట్రాలకు బయల్దేరాలని ఆతృతపడుతున్నారు. ఈ నేపథ‍్యంలో గత కొన్ని రోజులుగా  ముంబై  రైళ్లు కిక్కిరిసిపోతున్నాయి.  తాజాగా  కుర్లాలోని లోక్‌మాన్య తిలక్ టెర్మినస్ (ఎల్‌టీటీ) వద్దకు వలస కార్మికుల భారీగా చేరుకుంటున్నారు. (భారీ ఊరట: మూడో వ్యాక్సిన్‌ అందుబాటులోకి) పెరుగుతున్న కరోనావైరస్ కేసుల మధ్య దేశ రాజధాని డిల్లీలో కూడా ఇదే సరిస్థితి నెలకొంది. గత ఏడాది విధించిన లాక్‌డౌన్‌  వెతలను తలచుకుని బెంబేలెత్తుతున్న వలస కార్మికులు  తమ సొంత ఊళ్లకు పయన మవుతున్నారు. మళ్లీ లాక్‌డౌన్‌ విధిస్తే, అన్ని రవాణా మార్గాలు మూసివేయడంతోపాటు పని దొరక్క తిండి గడవటం కష్టమని భావిస్తున్న చాలామంది కార్మికులు కుటుంబాలతో సహా దొరకిన వాహనాల్లో ఇళ్లకు పోయేందుకు  ప్రయత్నిస్తున్నారు.  ప్రస్తుతం పెరుగుతున్న కేసులు చూస్తోంటే.. లాక్‌డౌన్‌ తప్పదు..అందుకే ఊరికి పోతున్నానని, తనకిక వేరే మార్గం లేదని  లక్నోకు చెందిన గౌరీ శంకర్ శర్మ వాపోయారు. ఉత్తర ప్రదేశ్ బరేలీకి చెందిన వలస కార్మికుడు సునీల్ గుప్తాకి కూడా ఇదే ఆవేదన. మరోవైపు దేశంలో రెండో దశలో కరోనా వైరస్‌ కేసుల ఉధృతి కొనసాగుతోంది. రోజు వారీ కేసుల సంఖ్య లక్షకు ఎక్కడా తగ్గడంలేదు.  కేంద్ర ఆరోగ్యమంత్రిత్వ శాఖ విడుల చేసిన గణాంకాల ప్రకారం  గడిచిన 24గంటల్లో 1,61,736 కరోనా పాజిటివ్‌ కేసులు నమోదయ్యాయి.  (క్యా కరోనా‌: ఒకరా ఇద్దరా.. అందరిదీ అదే పరిస్థితి!) Delhi: Amid rising cases of COVID-19, migrant workers start returning to their native places; visuals from ISBT, Anand Vihar. "The rate at which the cases are rising makes it obvious that lockdown would be imposed. That is why I am going home," a labourer said yesterday. pic.twitter.com/8D2kfxQcfN — ANI (@ANI) April 13, 2021 #WATCH | Mumbai: Huge crowd of migrant workers arrive at Lokmanya Tilak Terminus (LTT) in Kurla pic.twitter.com/6zkz8xt0eE — ANI (@ANI) April 13, 2021

దేశవ్యాప్తంగా 90 రైల్వే స్టేషన్లను ప్రైవేటీకరించాలని కేంద్రం యోచిస్తున్నట్లు హిందుస్తాన్ టైమ్స్ ఒక కథనంలో పేర్కొంది. హిందుస్తాన్ టైమ్స్ కథనం ప్రకారం.. ఆ రైల్వే స్టేషన్లలో ఎయిర్‌పోర్టు తరహా భద్రతా, మౌలిక సదుపాయాలను అందించాలని భారతీయ రైల్వే ఆలోచన చేస్తోంది. ప్రపంచంలో నాల్గవ అతిపెద్ద నెట్‌వర్క్‌ను కలిగిన భారతీయ రైల్వే, 2019లో ప్రైవేట్-కంపెనీలను ప్రభుత్వ-ప్రైవేట్ భాగస్వామ్య(పిపిపి) కింద కొన్ని స్టేషన్లను నడుపుటకు అనుమతి ఇచ్చింది. ఇప్పడు మరికొన్ని రైల్వే స్టేషన్లలో మెరుగైన సౌకర్యాలు, సదుపాయాలు, భద్రతాపరమైన వసతులు కల్పించేందుకు చూస్తుంది. ఇండియన్ రైల్వే స్టేషన్స్ డెవలప్‌మెంట్ కార్పొరేషన్(ఐఆర్ఎస్ డిసి) ఆ రైల్వే స్టేషన్ల ప్రైవేటీకరణ భాద్యతలను పర్యవేక్షిస్తుంది.  ఈ 90 రైల్వే స్టేషన్లలో భద్రతా, మౌలిక సదుపాయాలు ఎలా కల్పించాలనే దానిపై రైల్వే ప్రొటెక్షన్ ఫోర్స్(ఆర్పిఎఫ్), అన్ని రైల్వే జోన్ల ప్రధాన చీఫ్ సెక్యూరిటీ కమిషనర్ల నుంచి అభిప్రాయాలను కోరుతూ రైల్వే బోర్డు లేఖ రాసింది. ప్రస్తుతం విమానాశ్రయాలలో ఉన్న సెంట్రల్ ఇండస్ట్రియల్ సెక్యూరిటీ ఫోర్స్(సిఐఎస్ఎఫ్) మాదిరిగానే ఈ స్టేషన్లలో అలాంటి భద్రతా బలగాలను ఏర్పాటు చేస్తే ఎలా ఉంటుందని రైల్వే బోర్డు తన అభిప్రాయాన్ని తెలిపింది. అలాగే, ప్రైవేట్ సంస్థలే సీఐఎస్ఎఫ్ బలగాలకు వేతనాలు చెల్లించాలి. ప్రస్తుతం విమానాశ్రయాలలో ఉన్న భద్రతాపరమైన వ్యవస్థను ప్రైవేట్ స్టేషన్లలో అమలు చేయాలనీ బోర్డు చూస్తుంది. ఈ ప్రతిపాదనలపై అభిప్రాయాలను మార్చి 15లోగా తెలపాలంటూ రైల్వే బోర్డు కోరింది. 150 రైళ్లు, 50 రైల్వే స్టేషన్లను ప్రైవేట్ సంస్థలకు అప్పగించడం కోసం బ్లూప్రింట్ రూపొందించడానికి ఒక కమిటీని 2019 అక్టోబర్‌లో ఏర్పాటు చేసింది. నాగ్‌పూర్, గ్వాలియర్, అమృత్ సర్, సబర్మతి, నెల్లూరు, పుదుచ్చేరి, డెహ్రాడూన్, తిరుపతి రైల్వే స్టేషన్ల అభివృద్ధి కోసం బిడ్డింగ్ అర్హత ప్రక్రియను సెప్టెంబర్‌లో ప్రారంభించినట్లు గతేడాది మంత్రిత్వ శాఖ తెలిపింది. ఇప్పటికే గాంధీనగర్, హబీబ్‌గంజ్ వంటి స్టేషన్లలో పునరాభివృద్ధిపై పనులు ప్రారంభమయ్యాయి. ఆనంద్ విహార్, బిజ్వాసన్, చండీగఢ్ వంటి రైల్వే స్టేషన్లలో పునరాభివృద్ధికి కాంట్రాక్టులు ఇచ్చారు. రైల్వే పునరాభివృద్ధి చేస్తున్న స్టేషన్లలో రైలు ఛార్జీలపై అదనపు రుసుము వసూలు చేయాలనీ చూస్తుంది. ఇంకోవైపు 2023-24 ఆర్థిక సంవత్సరంలో మొదట 12 ప్రైవేట్ రైళ్లు, 2027 నాటికి 151 రైళ్లను ప్రైవేటీకరించాలని కేంద్రం యోచిస్తుంది. చదవండి: బ్యాంక్ ఖాతాదారులకు అలర్ట్! మొబైల్ ప్రియులకు గుడ్ న్యూస్

న్యూఢిల్లీ: ఇండియన్‌ రైల్వేకు చెందిన బ్రాండ్‌బ్యాండ్, వీపీఎన్‌ సర్వీసెస్‌ కంపెనీ రైల్‌టెల్‌ దేశంలోని 4 వేల రైల్వే స్టేషన్లలో ప్రీపెయిడ్‌ వైఫై సేవలను ప్రారంభించింది. ఇప్పటికే 5,950కి పైగా స్టేషన్లలో ఉచిత హైస్పీడ్‌ ఇంటర్నెట్‌ సేవలను అందిస్తున్న విషయం తెలిసిందే. వన్‌ టైమ్‌పాస్‌వర్డ్‌ (ఓటీపీ) ఆధారిత ధ్రువీకరణతో ఎవరైనా సరే ఇంటర్నెట్‌ సేవలను పొందవచ్చు. తాజాగా విడుదల చేసిన ప్రీపెయిడ్‌ ప్లాన్‌ ప్రకారం ప్రయాణికులు రోజుకు 30 నిమిషాల ఉచిత వైఫైను 1 ఎంబీపీఎస్‌ వేగంతో ఉపయోగించుకోవచ్చు. కానీ అంతకంటే ఎక్కువ వేగవంతమైన లేదా 34 ఎంబీపీఎస్‌ వేగం వరకు ఇంటర్నెట్‌ కోసం వినియోగదారులు నామమాత్రపు రుసుమును చెల్లించాల్సి ఉంటుంది. రోజుకు 5 జీబీ డేటా చార్జీ రూ.10, 10 జీబీకి రూ.15 చార్జీ, అలాగే ఐదు రోజుల వ్యాలిడిటీతో 10 జీబీ చార్జీ రూ.20, 20 జీబీ చార్జీ రూ.30గా ఉన్నాయి. 10 రోజుల వ్యాలిడిటీతో 20 జీబీ చార్జీ రూ.40, 30 జీబీకి రూ.50, అదేవిధంగా 30 రోజుల వ్యాలిడిటీ ఉండే 60 జీబీకి రూ.70 చార్జీలున్నాయి. వినియోగదారులు వారి అవసరాలకు అనుగుణమైన ప్లాన్స్‌ను ఎంచుకునేలా రూపొందించామని రైల్‌టెల్‌ సీఎండీ పునీత్‌ చావ్లా తెలిపారు.

సాక్షి, హైదరాబాద్‌: ఆదాయం లేని కొన్ని రైల్వే స్టేషన్లను మూసేయాలని, రోజులో ఒకట్రెండు ప్యాసింజర్‌ రైళ్లు మాత్రమే ఆగే స్టేషన్లపై వేటు వేయాలని రైల్వే నిర్ణయించింది. ఆదాయం కంటే నిర్వహణ ఖర్చే అధికంగా ఉండటమే ఇందుకు కారణమని పేర్కొంది. ఈ నిర్ణయంతో దక్షిణ మధ్య రైల్వే పరిధిలో మొత్తం 31 స్టేషన్లు మూతపడనున్నాయి. ఏప్రిల్‌ 1 నుంచి ఈ నిర్ణయం అమల్లోకి రానుంది. సికింద్రాబాద్‌ డివిజన్‌ పరిధిలో 16, హైదరాబాద్‌ డివిజన్‌ పరిధిలో 7 స్టేషన్లు ఉన్నాయి. గుంతకల్‌ డివిజన్‌ పరిధిలో 3, గుంటూరు డివిజన్‌ పరిధిలో 4, నాందేడ్‌ డివిజన్‌ పరిధిలో ఒకటి ఉన్నాయి.  ఇవీ కారణాలు..  పెద్ద స్టేషన్లతో పాటు కొన్ని చిన్న చిన్న గ్రామాల్లో కూడా రైల్వే శాఖ చిన్న స్టేషన్లను ఏర్పాటు చేస్తుంది. ఈ స్టేషన్లలో స్టేషన్‌ మాస్టర్‌ ఉండరు. సిగ్నలింగ్‌ వ్యవస్థ కూడా ఉండదు. ఒక చిన్న గది, చిన్న బుకింగ్‌ సెంటర్‌ మాత్రమే ఉంటుంది. టికెట్లను కూడా ప్రైవేటు సిబ్బందే జారీ చేస్తుంది. వారు కూడా రోజులో కొంత సమయమే ఉండి టికెట్లు జారీ చేసి వెళ్లిపోతారు. ఒకటి లేదా రెండు ప్యాసింజర్‌ రైళ్లు అర నిమిషం ఆగి వెళ్లిపోతాయి. ఇలాంటి స్టేషన్లలో కొన్నింటికి పెద్దగా ప్రయాణికుల నుంచి స్పందన ఉండట్లేదని తాజాగా రైల్వే గుర్తించింది. సాధారణంగా సంవత్సరానికి రూ.5 లక్షల ఆదాయం, లేదా లక్ష మంది ప్రయాణికులు ఉంటే స్టేషన్‌ను నిర్వహిస్తారు. అంతకంటే తక్కువ నమోదవుతుంటే వాటి నిర్వహణ అనవసరమని రైల్వే భావిస్తుంది.  

సాక్షి, హైదరాబాద్‌: దక్షిణ మధ్య రైల్వే శుక్రవారం కీలక నిర్ణయం తీసుకుంది. తమ పరిధిలో 31 రైల్వేస్టేషన్లు మూసివేయనున్నట్లు అధికారులు తెలిపారు. సరైన ఆదాయం, జనం రద్దీ లేని కారణంగా ఫిబ్రవరి 1 నుంచి 29 రైల్వేస్టేషన్లు మూసివేయాలని దక్షిణ మధ్య రైల్వే నిర్ణయించింది. కాగా ఏప్రిల్‌ 1 నుంచి మరో రెండు స్టేషన్లు మూసివేయనున్నట్లు అధికారులు పేర్కొన్నారు. ఈ మేరకు సికింద్రాబాద్ పరిధిలో 16‌, గుంతకల్ పరిధిలో 3, నాందేడ్‌లో 1, గుంటూరులో 4, హైదరాబాద్‌లో 7 స్టేషన్లు మూతపడనున్నాయి.  

సాక్షి, అమరావతి: దాదాపు 71 రోజుల తర్వాత రైళ్లు ప్రారంభం కావడంతో రాష్ట్రంలో ప్రధాన రైల్వేస్టేషన్లు సందడిగా మారాయి. సోమవారం ఉదయం 7 గంటల నుంచే ప్రయాణికులు పెద్ద సంఖ్యలో రైల్వేస్టేషన్లకు చేరుకున్నారు. రైలు బయలుదేరే సమయానికి 90 నుంచి 120 నిమిషాల ముందే స్టేషన్‌కు చేరుకోవాలన్న నిబంధన మేరకు ముందే తరలివచ్చారు. స్టేషన్‌లలో ప్రయాణికులు భౌతికదూరం పాటించేలా నేలపై గుర్తులు వేశారు. ప్రయాణికులకు థర్మల్‌ స్క్రీనింగ్‌ పరీక్షల అనంతరం ఎటువంటి లక్షణాలు లేకుంటేనే లోపలికి పంపించారు. ప్రయాణం పూర్తయ్యేవరకు ప్రయాణికులు మాస్కు ధరించడాన్ని తప్పనిసరి చేశారు. విజయవాడ, గుంటూరు, ఏలూరు, విశాఖపట్నం, రాజమండ్రి, కడప, గుంతకల్‌ ఇలా ప్రధాన స్టేషన్‌లన్నీ కళకళలాడాయి. ఈ నెల 29 నుంచి తత్కాల్‌ టికెట్లను కూడా జారీ చేయనున్నారు. తెలంగాణలోని సికింద్రాబాద్, నాంపల్లి రైల్వేస్టేషన్ల నుంచి సోమవారం వివిధ ప్రాంతాలకు 9 రైళ్లు బయలుదేరాయి. ► హైరిస్క్‌ ఉన్న రాష్ట్రాల నుంచి వచ్చే ప్రయాణికులకు ప్రత్యేక పరీక్షలు చేసి వారం పాటు క్వారంటైన్‌కు తరలించారు. అనంతరం మరో వారం హోం క్వారంటైన్‌లో ఉండాలని నిబంధనలు విధించారు.  ► చెన్నై, ముంబై, రాజస్థాన్, ఢిల్లీ, మధ్యప్రదేశ్, గుజరాత్‌లను హైరిస్క్‌ ఉన్నవిగా గుర్తించారు.  ► ఏపీ హెల్త్‌ ప్రొటోకాల్‌ను ప్రకటించిన 18 స్టేషన్లలో దిగే ప్రయాణికుల్లో ప్రతి కంపార్ట్‌మెంట్‌లో 5 శాతం మందికి స్వాబ్‌ పరీక్షలు నిర్వహించనున్నారు. 60 ఏళ్లు పైన చిన్నారులు, పదేళ్ల లోపు ఉన్నవారు, గర్భిణులు, అస్వస్థతకు గురైన వారిని 14 రోజుల పాటు హోం క్వారంటైన్‌కు అనుమతిస్తున్నారు. వీరికి రైల్వే స్టేషన్లలోనే స్వాబ్‌ పరీక్షలు నిర్వహిస్తారు.  ► విధుల్లో ఉన్న ప్రభుత్వ ఉద్యోగులు, వ్యాపారవేత్తలు, మెడికల్‌ ప్రొఫెషనల్స్‌కు ఇన్‌స్టిట్యూషనల్‌ క్వారంటైన్‌ నుంచి మినహాయింపు ఉంటుంది. అయితే.. వారు ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ (ఐసీఎంఆర్‌) గుర్తించిన ల్యాబ్‌ నుంచి కోవిడ్‌ నెగిటివ్‌ సర్టిఫికెట్‌ చూపించాల్సి ఉంటుంది. 18 రైల్వేస్టేషన్లలోనే హాల్ట్‌ సోమవారం దేశవ్యాప్తంగా ప్రారంభమైన 200 ప్రత్యేక రైళ్లలో ఏపీ మీదుగా 22 రైళ్లు వెళుతున్నాయి. వీటికి 71 హాల్ట్‌లను ఇవ్వడంతో వీటన్నింటిలో ప్రయాణికులకు పరీక్షలు చేయడం కష్టం కాబట్టి 18 రైల్వేస్టేషన్లకు మాత్రమే హాల్ట్‌ ఇవ్వాలని ప్రభుత్వ ప్రధాన కార్యదర్శి నీలం సాహ్ని.. రైల్వే బోర్డు చైర్మన్‌ వినోద్‌ యాదవ్‌కు లేఖ రాశారు. ఇందుకు సానుకూల స్పందన వచ్చింది. విజయవాడ, ఏలూరు, రాజమండ్రి, అనకాపల్లి, విశాఖపట్నం, విజయనగరం, శ్రీకాకుళం, గుంటూరు, మంగళగిరి, కడప, గుంతకల్, ఆదోని, మంత్రాలయం, అనంతపురం, ఒంగోలు, నెల్లూరు, కుప్పం, రేణిగుంటల్లో మాత్రమే హాల్ట్‌ ఉంటుంది. ఏపీ మీదుగా నడిచిన 11 జతల (22) రైళ్లు ఇవే.. ► రెండు వైపులా నడిచే హైదరాబాద్‌–విశాఖపట్నం (గోదావరి ఎక్స్‌ప్రెస్‌), ► గుంటూరు–సికింద్రాబాద్‌ (గోల్కొండ), ► తిరుపతి–నిజాముద్దీన్‌ (రాయలసీమ), ► విశాఖ–న్యూఢిల్లీ (ఏపీ ఎక్స్‌ప్రెస్‌), ► ముంబై–భువనేశ్వర్‌ (కోణార్క్‌), ► ముంబై–బెంగళూరు (ఉద్యాన్‌), ► దాణాపూర్‌–బెంగళూరు (సంఘమిత్ర), ► హౌరా–సికింద్రాబాద్‌ (ఫలక్‌నుమా), ► హౌరా–యశ్వంత్‌పూర్‌ (దురంతో), ► న్యూఢిల్లీ–బెంగళూరు, న్యూఢిల్లీ–చెన్నై.

సాక్షి, అమరావతి: వచ్చే నెల 1వ తేదీ నుంచి దేశ వ్యాప్తంగా 200 రైలు సర్వీసులు పునఃప్రారంభం కానున్నాయి. ఆన్‌లైన్‌లో టిక్కెట్ల రిజర్వేషన్‌ కోసం ఐఆర్‌సీటీసీ ఆధ్వర్యంలో ఏర్పాట్లు చేయగా రైల్వే స్టేషన్లలోనూ కౌంటర్లు ప్రారంభించింది. దక్షిణ మధ్య రైల్వే పరిధిలో ఏపీకి సంబంధించి 52 రైల్వే స్టేషన్లలో టిక్కెట్‌ కౌంటర్లు శుక్రవారం నుంచి ప్రారంభమయ్యాయి. ఆన్‌లైన్‌ రిజర్వేషన్‌లో ఉంచిన టిక్కెట్లు శుక్రవారం గంటల వ్యవధిలోనే అమ్ముడైపోయాయి. దేశవ్యాప్తంగా ప్రారంభమయ్యే 200 రైళ్లలో ఏపీకి, ఏపీ మీదుగా ప్రధానంగా ఐదు రైళ్లు వెళ్లనున్నాయి. టిక్కెట్‌ కన్ఫర్మ్‌ అయితేనే రైల్వే స్టేషన్‌లోకి అనుమతిస్తారు. ఈ రైళ్లకు జనరల్‌ బోగీలు ఉండవు. మొత్తం రిజర్వ్‌డ్‌ బోగీలతోనే నడుస్తాయి.  ► సికింద్రాబాద్‌–గుంటూరు, సికింద్రాబాద్‌–హౌరాకు ప్రతి రోజూ రైళ్లను నడపనున్నారు. వీటికి ఇప్పటికే వెయిటింగ్‌ లిస్ట్‌ చాంతాడంత ఉంది.  ► తిరుపతి–నిజాముద్దీన్‌ రైలుకు కూడా డిమాండ్‌ ఎక్కువగానే ఉంది.  ► విశాఖ–న్యూ ఢిల్లీ, హౌరా–యశ్వంత్‌పూర్‌కు ఫాస్ట్‌ రైళ్లను నడపనున్నారు.  ► ప్రత్యేక రైళ్లు నడిచే ప్రధాన స్టేషన్లలో టిక్కెట్‌ రిజర్వేషన్‌ కౌంటర్లను ఏర్పాటు చేశారు.    ► అడ్వాన్స్‌ బుకింగ్‌ సౌకర్యాన్ని 30 రోజులకు పెంచింది. ఆర్‌ఏసీ, వెయిటింగ్‌ లిస్ట్‌ టికెట్లను కూడా జారీ చేయనున్నట్టు తెలిపింది.   ► ఇప్పటి వరకు రైలు బయలుదేరడానికి అరగంట ముందు చార్ట్‌ను విడుదల చేసేవారు. అయితే ఇప్పుడు నాలుగు గంటల ముందు మొదటి చార్ట్, రెండు గంటల ముందు రెండో చార్ట్‌ను విడుదల చేయనుంది.   ► టికెట్లను ఇప్పుడు రిజర్వేషన్‌ కౌంటర్లు, పోస్టాఫీసులు, ఐఆర్‌సీటీసీ అధీకృత ఏజెంట్ల నుంచి కూడా బుక్‌ చేసుకోవచ్చని రైల్వే  తెలిపింది.

సాక్షి, అమరావతి:  రైల్వే స్టేషన్ల రీ డెవలప్‌మెంట్‌ ప్రాజెక్టు కింద రాష్ట్రంలో తిరుపతి, నెల్లూరు స్టేషన్లను అభివృద్ధి చేయనున్నారు. రూ.660 కోట్లను వెచ్చించి మల్టీ మోడల్‌ ట్రాన్సిట్‌ హబ్‌లుగా ఈ రెండు స్టేషన్లను తీర్చి దిద్దనున్నారు. ఇందుకోసం రైల్‌ ల్యాండ్‌ డెవలప్‌మెంట్‌ అథారిటీ (ఆర్‌ఎల్‌డీఏ) టెండర్లు ఆహ్వానించింది. ముందుగా నిర్మాణ సంస్థలకు అవగాహన కల్పించేందుకు ఆన్‌లైన్‌లో ప్రీ బిడ్‌ సమావేశాలు నిర్వహించగా జీఎంఆర్, ఒబెరాయ్, ఆంబియెన్స్, అదానీ గ్రూప్, గోద్రేజ్‌ ప్రాపర్టీస్, రిలయన్స్‌ ఇన్‌ఫ్రా, శోభా, బ్రిగేడ్, ఎంబసీ గ్రూప్‌ తదితర నిర్మాణ సంస్థలు పాల్గొన్నాయి. జూన్‌ రెండో వారంలో టెండర్లను ఆర్‌ఎల్‌డీఏ ఖరారు చేయనుంది. టెండర్లు ఖరారైన తర్వాత మూడేళ్లలోపు రీ డెవలప్‌మెంట్‌ పూర్తి చేయాల్సి ఉంటుంది. అభివృద్ధి చేసి నిర్వహణకు 60 ఏళ్ల పాటు లీజుకు ఇవ్వనున్నారు. రైల్వే స్టేషన్ల అభివృద్ధిలో భాగంగా అత్యాధునిక సౌకర్యాలతో షాపింగ్, సినిమా హాళ్లు, హాస్పిటాలిటీ, ఫుడ్‌ కోర్టులు, క్లోక్‌ రూంలు, వసతి గృహాలు, ఎగ్జిక్యూటివ్‌ లాంజ్‌లు వంటివి ప్రపంచ స్థాయిలో నిర్మాణం చేసి ప్రయాణీకులకు అందుబాటులోకి తీసుకు వస్తారు. తిరుపతి రైల్వే స్టేషన్‌ను రూ.530 కోట్లతో, నెల్లూరు స్టేషన్‌ను రూ.130 కోట్లతో రీ డెవలప్‌మెంట్‌ చేయనున్నారు.   పీపీపీ విధానంలో అభివృద్ధి  ► డిజైన్, బిల్డ్, ఫైనాన్స్, ఆపరేట్, ట్రాన్స్‌ఫర్‌ (డీబీఎఫ్‌ఓటీ) విధానంలో పబ్లిక్‌–ప్రైవేటు భాగస్వామ్యం (పీపీపీ) కింద అభివృద్ధి చేస్తారు.    ► కాంట్రాక్టు దక్కించుకునే సంస్థ రైల్వే స్టేషన్‌ను అభివృద్ధి చేసి 60 ఏళ్ల పాటు నిర్వహించాల్సి ఉంటుంది.  ► తిరుపతి, నెల్లూరులలో ఉన్న రైల్వే భూములు వాణిజ్య అభివృద్ధికి, డెవలపర్‌ ద్వారా ఆదాయాన్ని ఆర్జించేందుకు ఉపయోగపడతాయి.  ► ఈ సందర్భంగా ఆర్‌ఎల్‌డీఏ వైస్‌ చైర్మన్‌ వేద ప్రకాష్‌ దుడేజా మాట్లాడుతూ తిరుపతి, నెల్లూరు రైల్వే స్టేషన్ల రీ డెవలప్‌మెంట్‌ ఆ ప్రాంతాల వాణిజ్య అభివృద్ధికి, పర్యాటక సామర్థ్యం, ఉపాధి అవకాశాల పెంపునకు దోహదపడుతుంది అన్నారు.

సాక్షి, న్యూఢిల్లీ: రైల్వేస్టేషన్‌లలో ఉచిత వైఫై సర్వీసుపై గూగుల్‌ సంచలన నిర్ణయం తీసుకుంది.  దేశవ్యాప్తంగా రైల్వేస్టేషన్‌లలో అందిసున్న ఉచిత వైఫైను గూగుల్‌  ఎత్తివేస్తున్నట్లు సోమవారం వెల్లడించింది. ఈ విషయంపై గూగుల్‌ ఉపాధ్యక్షుడు సీజర్ గుప్తా స్పందిస్తూ.. ప్రస్తుతం భారత్‌లో ఇంటర్నెట్ సేవలు చాలా చవకగా మారిపోయాయి. అందువల్లనే భారత్‌తోపాటు దక్షిణాఫ్రికా, నైజీరియా, థాయ్‌లాండ్, ఫిలిప్పీన్స్, మెక్సికో, ఇండోనేషియా, బ్రెజిల్ దేశాల్లోనూ ఉచిత వైఫై సేవలను ఎత్తివేయనున్నాం. ఐదేళ్ల క్రితం గూగుల్ స్టేషన్లు ప్రారంభించినప్పటితో పోలిస్తే ఇప్పుడు  డేటా వాడకం సులభతరంగా, చవకగా మారింది. మొబైల్ డేటా ప్లాన్లు చాలా తక్కువ రేట్లకు అందుబాటులోకి వచ్చాయి. 2015లో భారతీయ రైల్వే, రైల్ టెల్ భాగస్వామ్యంతో గూగుల్ వేగవంతమైన, ఉచిత పబ్లిక్ వైఫై సేవలను ఆరంభించింది. 2020 నాటికి 400కు పైగా రైల్వే స్టేషన్లలో అమర్చాలని లక్ష్యంగా పెట్టుకోగా.. జూన్ 2018 నాటికే ఆ లక్ష్యాన్ని అధిగమించినట్టు సీజర్ చెప్పారు.  మొబైల్ కనెక్టివిటీ ప్రపంచవ్యాప్తంగా విస్తరించింది. ప్రపంచంలోనే అత్యంత తక్కువ ధరకు భారత్‌లో మొబైల్ డేటా లభ్యమవుతోంది. ఐదేళ్ల క్రితంతో పోలిస్తే మొబైల్ డేటా ధర 95 శాతం తగ్గింది. ట్రాయ్ గణాంకాల ప్రకారం దేశంలోని వినియోగదారులు నెలకు సగటున 10 జీబీ డేటాను వినియోగిస్తున్నారు. ఇవన్నీ పరిశీలించిన తర్వాతే గూగుల్ రైల్వేస్టేషన్లలో ఉచిత వైఫై సర్వీసు ఎత్తివేత నిర్ణయానికి వచ్చామని వెల్లడించారు.

న్యూఢిల్లీ: ఎయిర్‌పోర్టుల్లో ప్రయాణికులపై విధించేలాంటి యూజర్‌ చార్జీలను కొత్తగా అభివృద్ధి చేసిన రైల్వే స్టేషన్లలో విధించనున్నారు. దీంతో రైల్వే చార్జీల్లో కూడా పెంపు ఉంటుందని రైల్వే సీనియర్‌ అధికారి ఒకరు బుధవారం వెల్లడించారు. యూజర్‌ డెవలప్‌మెంట్‌ ఫీ (యూడీఎఫ్‌) అనేది విమానాల్లో ప్రయాణికుడు చెల్లించే పన్నుల్లో భాగంగా ఉంటుంది. దీన్ని పలు ఎయిర్‌పోర్టుల్లో విధిస్తున్నారు. ఈవిధంగా వసూలు చేసే చార్జీ ఒక్కో స్టేషన్‌లో ఒక్కో రకంగా ఉంటుందని రైల్వే బోర్డు చైర్మన్‌ వినోద్‌కుమార్‌ యాదవ్‌ ఇక్కడి విలేకరుల సమావేశంలో తెలిపారు. ఎంత చార్జీ వసూలు చేస్తామనే విషయం మంత్రిత్వ శాఖ త్వరలో తెలియజేస్తుందని అన్నారు. అమృత్‌సర్, నాగ్‌పూర్, గ్వాలియర్, సబర్మతి రైల్వే స్టేషన్లను రూ.1,296 కోట్ల అంచనా వ్యయంతో పునరాభివృద్ధి చేయడంకోసం రైల్వే ప్రతిపాదనలు చేసిందన్నారు. ‘వసూలు చేసిన చార్జీ స్టేషన్ల ఆధునీకరణకు తోడ్పడుతుంది. చార్జీలు నామమాత్రంగానే ఉంటాయి’అని యాదవ్‌ పేర్కొన్నారు.  

తాటిచెట్లపాలెం (విశాఖ ఉత్తర): స్వచ్ఛ భారత్‌ మిషన్‌ అమలుకు ఈస్ట్‌ కోస్ట్‌ రైల్వే సిద్ధమైంది. ఇందులో భాగంగా రైల్వేస్టేషన్‌ పరిసరాల్లో నిబంధనలు అతిక్రమించిన వారిపై విధించే జరిమానాలను అధికం చేసింది. ఈ నూతన జరిమానాలు ఫిబ్రవరి 10వ తేదీ నుంచి అమలులోకి రానున్నాయి. రైల్వే స్టేషన్‌ పరిసరాలలో చెత్త వేయడం, ఉమ్మి వేయడం, మూత్ర విసర్జన, గోడలను పాడుచేయడం వంటి నాలుగు అంశాలను పరిగణనలోకి తీసుకుని  2016లో జరిమానాలు అమలులోకి తీసుకొచ్చారు. వీటికి అదనంగా మరికొన్ని నిబంధనలు కూడా ఇక నుంచి అమలు చేయనున్నారు. వీటిని అతిక్రమించినా జరిమానాలు చెల్లించుకోవాల్సిందే. జాతీయ హరిత ట్రిబ్యునల్‌ ఆదేశాల అమలుకు ఈస్ట్‌ కోస్ట్‌ రైల్వే ముందుకు సాగుతోందని, ప్రయాణికులు పూర్తిస్థాయిలో సహకరించి స్వచ్ఛ భారత్‌ మిషన్‌లో భాగస్వాములు కావాలని రైల్వే అధికారులు కోరుతున్నారు.  మరింత మందికి అధికారం ఇప్పటి వరకు ఈస్ట్‌ కోస్ట్‌ రైల్వే జోన్‌లో గల మూడు డివిజన్లలో వేర్వేరు జరిమానాలు అమలయ్యేవి. ఇప్పటి నుంచి మూడు డివిజన్‌ల పరిధిలో గల అన్ని స్టేషన్‌లలో ఒకే రకమైన జరిమానాలు అమలు చేయనున్నారు. చెత్త వేస్తే రూ.200, వంట చేస్తే రూ.500, ఉమ్మి వేస్తే రూ.300, మూత్ర విసర్జన చేస్తే రూ.400, గోడలను పాడుచేస్తే రూ.500, జంతువులు, పక్షులకు మేత వేస్తే రూ.500, వాహనాలు కడిగినా, రిపేర్‌ చేసినా రూ.500, దుస్తులు ఉతికినా, పాత్రలు కడిగినా రూ.500, అనుమతి లేకుండా పత్రికలు అతికిస్తే రూ.2వేలు, అనుమతి పొందిన వెండర్స్, హాకర్స్‌ తడి, పొడి చెత్తకు సంబంధించిన ప్రత్యేక డస్ట్‌ బిన్స్‌  ఏర్పాటు చేయకపోతే రూ.2వేలు, 50 మైక్రాన్‌ల కంటే తక్కువ మందం కలిగిన ప్లాస్టిక్‌ వినియోగిస్తే రూ.500ల జరిమానా విధించనున్నారు. మరోవైపు నిబంధనలు అతిక్రమించే వారిపై జరిమానా విధించేందుకు మరింత మంది అధికారులకు అధికారం కల్పించారు. ఈస్ట్‌ కోస్ట్‌ రైల్వే పరిధిలో గల ఖుర్దా రోడ్, సంబల్‌పూర్, వాల్తేర్‌ డివిజన్‌లలో గల స్టేషన్‌ మేనేజర్స్, స్టేషన్‌ సూపరింటెండెంట్స్, స్టేషన్‌ మాస్టర్స్, టికెట్‌ కలెక్టర్స్, స్పెషల్‌ స్వా్కడ్, కమర్షియల్‌ / ఆపరేటింగ్‌ విభాగంలో గల గెజిటెడ్‌ ఆఫీసర్‌ ర్యాంక్‌ కలిగిన అధికారులు, ఆర్పీఎఫ్‌లో అసిస్టెంట్‌ సబ్‌ ఇన్‌స్సెక్టర్‌ ర్యాంకు కన్నా తక్కువ కాని అధికారులకు అధికారం కల్పించారు. 

సాక్షి, అమరావతి బ్యూరో/కంచికచర్ల/హైదరాబాద్‌: సంక్రాంతి పండుగకు వారాంతపు సెలవులు కలిసిరావటంతో హైదరాబాద్‌తోపాటు తెలంగాణలోని పలు ప్రాంతాల నుంచి పెద్దఎత్తున ప్రజలు శనివారం ఏపీలోని తమ సొంతూళ్లకు బయల్దేరారు. దీంతో రైళ్లు, బస్సులు కిటకిటలాడుతున్నాయి. రైల్వేస్టేషన్లు, బస్టాండ్లయితే ఇసుకేస్తే రాలనంతగా ప్రయాణికులతో కిక్కిరిసిపోతున్నాయి. మరోవైపు.. సొంత వాహనాల్లో బయల్దేరే వారితో జాతీయ రహదారుల్లోనూ ట్రాఫిక్‌ ఎక్కువగా ఉంటోంది. దీంతో వివిధ టోల్‌ప్లాజాల వద్ద వాహనాలు కిలోమీటర్‌ మేర బారులుతీరుతూ కనిపిస్తున్నాయి. ఇటీవల అమలులోకి తెచ్చిన ఫాస్టాగ్‌ వ్యవస్థవల్ల టోల్‌ ప్లాజాల్లో వాహనాల రద్దీ కొంతవరకు తగ్గినప్పటికీ ఇంకా అనేకచోట్ల సాంకేతిక సమస్యలు తలెత్తుతున్నాయి. ఈ ప్రాంతాల్లో ట్రాఫిక్‌ జామ్‌ కాకుండా టోల్‌ప్లాజాల వద్ద పోలీసులను నియమించారు. కొన్నిచోట్ల అదనపు గేట్లను ఏర్పాటుచేశారు. ప్లాజాల నిర్వాహకులు కూడా అదనపు సిబ్బందిని రంగంలోకి దించారు. ఆది, సోమవారాల్లో వాహనాల సంఖ్య మరింతగా పెరిగే అవకాశం ఉంది.  ఆర్టీసీ ప్రత్యేక బస్సులు సంక్రాంతి పండుగను దృష్టిలో ఉంచుకుని ఏపీఎస్‌ ఆర్టీసీ రెండు వేల ప్రత్యేక బస్సులను నడుపుతోంది. గత ఏడాదికంటే రెట్టింపు బస్సులను సిద్ధంచేశారు. హైదరాబాద్‌ నుంచి విజయవాడకు 700 స్పెషల్‌ బస్సులు నడుపుతున్నారు. విజయవాడ నుంచి రాజమండ్రి, భీమవరం, విశాఖపట్నం వైపునకు 500 బస్సులను తిప్పుతున్నారు. ఇక పండుగ తర్వాత 16 నుంచి 21 వరకు తిరుగు ప్రయాణికుల కోసం మరో 800 బస్సులను నడపనున్నారు. బస్సులు లేవని ప్రయాణికులు ప్రైవేటు బస్సులు, ఇతర వాహనాలను ఆశ్రయించే అవకాశం లేకుండా చూస్తున్నామని కృష్ణా రీజియన్‌ ఆర్టీసీ ఆర్‌ఎం నాగేంద్రప్రసాద్‌ తెలిపారు. తొలిసారిగా ఆర్టీసీ 40 % రాయితీ  మునుపెన్నడూ లేనివిధంగా ఆర్టీసీ తొలిసారిగా ప్రయాణికులకు 40శాతం రాయితీ ఇస్తోంది. సంక్రాంతి సీజన్‌లో హైదరాబాద్‌ నుంచి విజయవాడకు ఉన్నంత రద్దీ విజయవాడ నుంచి హైదరాబాద్‌కు వెళ్లే బస్సుల్లో ఉండదు. ఇది ఆర్టీసీకి నష్టాన్ని తెచ్చిపెడుతోంది. ఇలా వెళ్లే స్పెషల్‌ బస్సుల్లో ప్రయాణికులకు సాధారణ చార్జీలో 40 శాతం రాయితీ ఇవ్వాలని సంకల్పించింది.  ప్రత్యామ్నాయ చర్యలు చేపట్టాలి  హైదరాబాద్‌–విజయవాడ మార్గంలో పండుగ సమయాల్లో వాహనాల రద్దీ ఎక్కువగా ఉంటుంది. టోల్‌ నిర్వాహకులు మాత్రం ప్రత్యామ్నాయ చర్యలు చేపట్టడం లేదు. దీంతో వాహనదారులు అవస్థలు పడాల్సి వస్తోంది.  –వంశీ, నెల్లూరు ఇబ్బంది పడ్డాం హైదరాబాద్‌ నుంచి విజయవాడకు వెళ్తున్నాం. మా వాహనానికి ఫాస్టాగ్‌ ఉంది. అయినా టోల్‌ప్లాజా వద్ద ట్రాఫిక్‌లో చిక్కుకున్నాం. ఫాస్టాగ్‌ ఉన్న వాహనాలు ఏమాత్రం ఫాస్ట్‌గా వెళ్లలేదు. దీంతో తీవ్ర ఇబ్బందులు పడ్డాం.  –నర్సింహా, విజయవాడ ఈనెల 15 నుంచి ఫాస్టాగ్‌ తప్పనిసరి ప్రతి వాహనానికి జనవరి 15వ తేదీ నుంచి ఫాస్టాగ్‌ ఉండాల్సిందేనని కేంద్ర ఉపరితల, రవాణా మంత్రిత్వ శాఖ అన్ని రాష్ట్రాలకు ఆదేశాలు జారీ చేసింది. 2019 డిసెంబరు 1వ తేదీ నుంచి దేశవ్యాప్తంగా ఫాస్టాగ్‌ విధానం అమలు చేయాలని కేంద్ర ప్రభుత్వం నిర్ణయించింది. తర్వాత ఆ గడువును డిసెంబరు 15వ తేదీకి వాయిదా వేశారు. అనంతరం వాహనదారులకు మరోసారి గడువిచ్చారు. 2020 జనవరి 15వ తేదీ నుంచి ప్రతి వాహనానికి ఫాస్టాగ్‌ తప్పనిసరి చేయాలని కేంద్ర ప్రభుత్వం భారత జాతీయ రహదారుల సంస్థ(ఎన్‌హెచ్‌ఏఐ) అధికారులకు ఆదేశాలు జారీ చేసింది. ప్రస్తుతం ఆంధ్రప్రదేశ్‌లో జాతీయ రహదారులపై 65 శాతం వాహనదారులు ఫాస్టాగ్‌ వినియోగిస్తున్నట్లు అంచనా. రాష్ట్రంలో ఇప్పటివరకు ఫాస్టాగ్‌ల అమ్మకాలు 1.50 లక్షలు దాటాయి. ఈ నెల 14వ తేదీ వరకు హైబ్రీడ్‌ విధానం అమల్లో ఉంటుంది. జనవరి 15వ తేదీ నుంచి ప్రతి టోల్‌ప్లాజాలో క్యాష్‌ లైన్‌ కేవలం ఒకటి మాత్రమే అందుబాటులో ఉంటుంది.  ఇక రాష్ట్ర రహదారులపైనా అమలు  జాతీయ రహదారులపై ఉన్న టోల్‌ప్లాజాల్లోనే కాకుండా రాష్ట్ర రహదారులపై ఉన్న టోల్‌ప్లాజాల్లోనూ ఫాస్టాగ్‌ అమలు చేయాలని ఎన్‌హెచ్‌ఏఐ గతంలోనే  ఆదేశాలిచ్చింది. అయితే, రాష్ట్ర రహదారులపై ఇప్పటికీ ఈ విధానం అమలు కావడం లేదు. సంక్రాంతి పండుగ తర్వాత రాష్ట్ర రహదారులపై ఉన్న టోల్‌ప్లాజాల్లో ఫాస్టాగ్‌ డెడికేటెడ్‌ లైన్లు ఏర్పాటు చేస్తామని రోడ్‌ డెవలప్‌మెంట్‌ కార్పొరేషన్‌ అధికారులు చెబుతున్నారు. ఈ టోల్‌గేట్లలో ఆర్‌ఎఫ్‌ఐడీ యంత్రాలు పెట్టేందుకు అయ్యే వ్యయంలో 50 శాతాన్ని ఇండియన్‌ హైవేస్‌ మేనేజ్‌మెంట్‌ కంపెనీ లిమిటెడ్‌ భరించనుంది.  హోటళ్లలోనూ ఫాస్టాగ్‌ల అమ్మకాలు రాష్ట్రంలో 22 బ్యాంకుల ద్వారా 5 లక్షల ఫాస్టాగ్‌లను విక్రయానికి అందుబాటులో ఉంచినట్లు ఎన్‌హెచ్‌ఏఐ అధికారులు తెలిపారు. సంక్రాంతి రద్దీ నేపథ్యంలో రాబోయే రెండు రోజుల్లో ఫాస్టాగ్‌ల అమ్మకాలు భారీగా పెరుగుతాయని అంచనా వేస్తున్నట్లు ఎన్‌హెచ్‌ఏఐ ప్రాజెక్టు డైరెక్టర్‌ విద్యాసాగర్‌ చెప్పారు. జనవరి 15వ తేదీ తర్వాత టోల్‌ప్లాజాల్లో క్యాష్‌లైన్‌ ఒక్కటి మాత్రమే ఉంటుందని, తర్వాత అది కూడా తొలగించనున్నట్లు పేర్కొన్నారు. సంక్రాంతి పండుగ సందర్భంగా టోల్‌ప్లాజాల వద్దే కాకుండా జాతీయ రహదారుల వెంట ఉన్న హోటళ్లలోనూ ఫాస్టాగ్‌లు విక్రయించేందుకు ఎన్‌హెచ్‌ఏఐ ప్రత్యేక ఏర్పాట్లు చేసింది.  

తాటిచెట్లపాలెం(విశాఖ ఉత్తర): దసరా సెలవులు ముగిశాయి. విశాఖకు వస్తున్న వారి.. విశాఖ వీడి వెళ్తున్న వారి ప్రయాణాలు మొదలయ్యాయి. ఇలా వస్తూ పోతున్న వారితో రైల్వేస్టేషన్‌ కిటకిటలాడింది. స్టేషన్‌లో ఆదివారం ఇసకేస్తే రాలని పరిస్థితి కనిపించింది. ఆదివారంతో సెలవులు ముగిసినందున ఉదయం నుంచి రైల్వే స్టేషన్‌ జనసమ్మర్దంగా కనిపించింది. విజయవాడ, హైదరాబాద్, చెన్నై, బెంగళూరు వైపు వెళ్లే పలు రైళ్లు రద్దీగా బయల్దేరాయి. అలాగే అటునుండి వచ్చే ఎక్స్‌ప్రెస్‌లు, పాసింజర్‌ రైళ్లు కూడా రద్దీగానే వచ్చాయి.

సాక్షి, హైదరాబాద్‌: స్వచ్ఛ రైల్వేస్టేషన్ల విషయంలో తెలంగాణ ఈసారి బాగా వెనకబడింది. గత రెండేళ్లుగా రాష్ట్రంలోని పలు రైల్వేస్టేషన్లు పరిశుభ్రమైన జాబితాలో మెరుగైన స్థానం దక్కించుకోగా ఈసారి మాత్రం బాగా వెనకబడిపోయాయి. ప్రస్తుత జాబితాలో హైదరాబాద్‌ (నాంపల్లి) స్టేషన్‌ 17వ స్థానం, సికింద్రాబాద్‌ 42, వరంగల్‌ 51, రామగుండం 52, కాజీపేట 67, కాచిగూడ 69, ఖమ్మం 80 స్థానాలు దక్కించుకున్నాయి. కేంద్ర రైల్వేశాఖ మంత్రి పియూష్‌ గోయెల్‌ బుధవారం ర్యాంకుల జాబితాను విడుదల చేశారు.  విజయవాడకు 7వ ర్యాంకు స్వచ్ఛత విషయంలో విజయవాడ రైల్వేస్టేషన్‌ దేశంలోనే టాప్‌–10 జాబితాలో స్థానం దక్కించుకుంది. జైపూర్, జోధ్‌పూర్, దుర్గాపుర స్టేషన్లు తొలి 3 ర్యాంకులు దక్కించుకోగా, ఏపీ నుంచి విజయవాడ రైల్వేస్టేషన్‌ 7, సామర్లకోట 45, తిరుపతి 70, నెల్లూరు 81, విశాఖ 84, పలాస 92, అనంతపురం 105, ఏలూరు 107వ ర్యాంకులను దక్కించుకున్నాయి.   

సాక్షి, సిటీబ్యూరో: కాచిగూడ, సికింద్రాబాద్‌ రైల్వేస్టేషన్లలో  ఏర్పాటు చేసిన హెల్త్‌కియోస్క్‌ లు  ప్రయాణికులకు  ఎంతో ప్రయోజనకరం గా  ఉన్నాయి. కేవలం రూ.50 కే 15 రకాల  ఆరోగ్య పరీక్షలు చేసుకొనే  అవకాశం లభించ డంతో  ప్రయాణికుల నుంచి విశేష ఆదరణ లభిస్తోంది. సికింద్రాబాద్, కాచిగూడ స్టేషన్ల లోని  ఒకటో నంబర్‌ ప్లాట్‌ఫామ్‌పై  వీటిని  అందుబాటులో ఉంచారు. రక్తపోటు, షుగర్‌.బరువు, బోన్‌మారో,  శరీరంలో కొలెస్ట్రాల్, ప్రొటీన్‌ స్థాయి తదితర 15 రకాల పరీక్షలపైన  ఒక అవగాహన లభిస్తుంది. ముఖ్యంగా  వేల కొద్దీ కిలోమీటర్లు ప్రయాణం చేసేవారు. నిద్రలేమి, అలసట తదితర సమస్యలతో బాధపడేవారు  ప్రయాణ సమయంలో  తమ ఆరోగ్యస్థితిని తెలుసుకొనేందుకు ఈ కియోస్క్‌లు దోహదం చేస్తాయి. ప్రతి రోజు సికింద్రాబాద్‌ నుంచి 1.95 లక్షల మంది, కాచిగూడ నుంచి లక్ష మంది ప్రయాణికులు వివిధ ప్రాంతాలకు రాకపోకలు సాగిస్తున్నారు. రూ. వందల్లో  ఖర్చయ్యే  వైద్య పరీక్షలను కేవలం రూ.50 లకే అందజేస్తుండటంతో ప్రయాణికులు ఇది ఎంతో ప్రయోజనకరంగా ఉంటుందని దక్షిణమధ్య రైల్వే ఉన్నతాధికారి  ఒకరు  అభిప్రాయపడ్డారు. అయితే  ఇది ప్రయాణికులకు తమ ఆరోగ్యం పట్ల ఒక ప్రాథమిక అవగాహనను  కల్పిస్తుంది. 

సాక్షి, అమరావతి: సచివాలయ ఉద్యోగాల రాత పరీక్షకు హాజరయ్యే అభ్యర్థుల కోసం అన్ని బస్, రైల్వే స్టేషన్లలో హెల్ప్‌ బస్టాండ్లు, రైల్వే స్టేషన్లలో హెల్ప్‌ డెస్క్లను ఏర్పాటు చేస్తున్నట్టు పరీక్షల నిర్వహణ కన్వీనర్, పంచాయతీరాజ్‌ శాఖ కమిషనర్‌ గిరిజా శంకర్‌ చెప్పారు. శుక్రవారం ఆయన విలేకరుల సమావేశంలో మాట్లాడుతూ పరీక్ష కేంద్రం చిరునామా వంటి విషయాల్లో హెల్ప్‌డెస్క్‌ సిబ్బంది సహాయకారిగా ఉంటారన్నారు. సచివాలయ ఉద్యోగాలకు సంబంధించి సెపె్టంబర్‌ 1నుంచి 8వ తేదీ వరకు పోస్టుల వారీగా రాత పరీక్షలు నిర్వహిస్తున్నట్టు చెప్పారు. రాష్ట్ర చరిత్రలోనే రికార్డు స్థాయిలో 1,26,728 ఉద్యోగాలకు దాదాపు 21.69 లక్షల మంది పోటీ పడుతున్నందున పరీక్షల నిర్వహణకు అన్ని జాగ్రత్తలూ తీసుకున్నట్టు వివరించారు. తొలిరోజు ఉదయం 36,449 ఉద్యోగాలకు పరీక్ష నిర్వహిస్తుండగా.. 12,54,034 మంది అభ్యర్థులు దరఖాస్తు చేశారని చెప్పారు. ఆ రోజు మధ్యాహ్నం తర్వాత 11,158 పోస్టులకు పరీక్ష నిర్వహిస్తుండగా.. 2,95,907 మంది హాజరు కావాల్సి ఉందని చెప్పారు. తొలి రోజు పరీక్షలకు మూడింట రెండొంతుల మంది అభ్యర్థులు హాజరవుతారన్నారు. ఇందుకోసం మండల కేంద్రాలు, పట్టణాల్లో 4,478 పరీక్షా కేంద్రాలు ఏర్పాటు చేశామన్నారు. అభ్యర్థులు హాల్‌ టికెట్లకు జతపరిచి ఉన్న నియమ నిబంధనలను పరీక్ష కేంద్రానికి వచ్చే ముందే సరిచూసుకుని రావాలని కోరారు. వారికి కేటాయించిన పరీక్ష కేంద్రాన్ని ఒకరోజు ముందే చూసుకోవడం.. రాత పరీక్ష మొదలయ్యే సమయానికి గంట ముందుగానే కేంద్రానికి చేరుకోవడం మంచిదని తెలిపారు. పరీక్షల నిర్వహణలో పోలీసు శాఖ సేవలను పెద్దఎత్తున ఉపయోగించుకుంటున్నట్టు చెప్పారు. హెల్ప్‌ డెస్క్లలో పెద్ద సంఖ్యలో వలంటీర్లను, 1,22,554 మంది సిబ్బందిని వినియోగిస్తున్నామని చెప్పారు. 1,835 వాహనాలను కూడా ఉపయోగించుకుంటున్నట్టు చెప్పారు.   ప్రతి జిల్లాలో 500 బస్సులు  ఒకే రోజు దాదాపు 15 లక్షల మంది రాత పరీక్షలకు హాజరవుతున్న నేపథ్యంలో.. ప్రతి జిల్లాలో 500 బస్సులను పరీక్షా కేంద్రాలకు నడిపేందుకు ఆర్టీసీ అధికారులు అంగీకరించారని కన్వీనర్‌ తెలిపారు. మండలాల వారీగా ఏ కేంద్రంలో ఎంత మంది రాతపరీక్షకు హాజరవుతారన్న వివరాలను ఆర్టీసీకి అందజేశామన్నారు. ఆటోల ద్వారా పరీక్ష కేంద్రాలకు చేరుకోవాలన్నా.. ఎటువంటి ఇబ్బందులు తలెత్తకుండా అన్ని పట్టణాల్లో ఆటో యూనియన్లకు ఆ పట్టణంలో పరీక్ష జరిగే కేంద్రాల వివరాలు కూడా ముందుగా తెలియజేసినట్టు చెప్పారు.   దివ్యాంగులకు 1,588 మంది సహాయకులు  పరీక్షలకు హాజరయ్యే దివ్యాంగులకు సహాయకులుగా 1,588 మందిని అనుమతించనున్నట్టు చెప్పారు. సహాయం కావాలని కోరిన దివ్యాంగులకు ప్రభుత్వం ఈ ఏర్పాటు చేసిందని, ప్రభుత్వం ఎంపిక చేసిన ఇంటర్‌ విద్యార్థులను మాత్రమే సహాయకులుగా అనుమతిస్తారని వివరించారు. 8 రోజులు జరిగే పరీక్షలకు 32,839 మంది దివ్యాంగులు హాజరవుతారని పేర్కొన్నారు.  పట్టణాల్లో ట్రాఫిక్‌ నియంత్రణ  అభ్యర్థులకు ట్రాఫిక్‌ ఇబ్బందులు కలగకుండా అన్ని పట్టణాల్లో ఆదివారం ఉదయం 7 నుంచి 10 గంటల వరకు ట్రాఫిక్‌ నియంత్రణ చర్యలు చేపట్టాలని రాష్ట్ర డీజీపీని కోరినట్టు తెలిపారు. పరీక్ష కేంద్రాలున్న ప్రాంతంలో ట్రాఫిక్‌ను మళ్లించడం.. అవసరం ఉన్నచోట ఊరి బయట వాహనాలు నిలుపుదల వంటి చర్యలు తీసుకుంటున్నట్టు చెప్పారు. పరీక్షా కేంద్రం చుట్టుపక్కల వంద మీటర్ల వరకు 144 సెక్షన్‌ అమలు చేస్తారని, ఆ ప్రాంతంలో ఉండే జిరాక్స్‌ సెంటర్లు మూసివేస్తారని చెప్పారు. రాతపరీక్ష పర్యవేక్షణకు రాష్ట్ర స్థాయిలో పంచాయతీరాజ్‌ కమిషనర్‌ కార్యాలయంలో కమాండ్‌ కంట్రోల్‌ రూమ్‌ను ఏర్పాటు చేశామన్నారు. జిల్లాల్లో ప్రశ్నాపత్రాలతో పాటు పరీక్షా సామగ్రిని ఉంచే స్ట్రాంగ్‌ రూమ్‌ల వద్ద సీసీ కెమెరాలను కమాండ్‌ కంట్రోల్‌ రూమ్‌కు అనుసంధానం చేసినట్టు వివరించారు.   - అభ్యర్థుల హాల్‌ టికెట్‌పై ఫొటో అస్పష్టంగా ఉన్నా.. కనిపించకుండా చిన్నదిగా ఉన్నా.. అసలు ఫొటోనే ముద్రించకున్నా.. ఫొటో ఉన్నప్పటికీ అభ్యర్థి సంతకం లేకపోయినా.. సదరు అభ్యర్థులు గుర్తింపు కార్డుతో పాటు అదనంగా మూడు పాస్‌పార్ట్‌ ఫొటోలను తప్పనిసరిగా పరీక్ష కేంద్రానికి తీసుకెళ్లాలి. ఆ ఫొటోలపై గెజిటెడ్‌ అధికారి సంతకం చేయించాలి. లేదంటే పరీక్షకు అనుమతించరు.  - పరీక్ష రాసే సమయంలో అభ్యర్థి ఏదైనా అవసరానికి ఓఎమ్మార్‌ షీట్‌పై వైట్‌నర్‌ లేదా ఏదైనా మార్కర్‌ వంటివి వాడితే ఏకంగా అనర్హులే అవుతారు. పరీక్ష హాల్‌లోకి బాల్‌ పాయింట్‌ పెన్‌ మినహా వైట్‌నర్, మార్కర్‌ వంటివి తీసుకొచ్చినట్టు గుర్తించినా వారిని అనర్హులుగా ప్రకటిస్తారు.   - అభ్యర్థులకు ఇచ్చే ఒరిజనల్‌ ఓఎమ్మార్‌ షీట్‌తో పాటు నకలు ఓఎమ్మార్‌ కూడా ఉంటుంది. వీటి మధ్యలో కార్బన్‌ పేపర్‌ ఉంటుంది. పరీక్ష ముగిసిన తరువాత అభ్యర్థులు ఒరిజనల్‌ షీట్‌ ఇన్విజిలేటర్‌కు ఇచ్చి.. నకలును ఇంటికి తీసుకెళ్లవచ్చు.   - సమయం పూర్తయ్యే వరకు అభ్యర్థులు పరీక్షా కేంద్రాన్ని విడిచి వెళ్లడానికి అనుమతించరు. ఎవరైనా అభ్యర్థి నిర్ధేశిత సమయానికంటే ముందుగా పరీక్ష కేంద్రాన్ని విడిచి వెళితే అనర్హులవుతారు.   - జెల్‌ పెన్‌ లేదా ఏ ఇతర రాత వస్తువులతో ఓఎంఆర్‌ షీట్‌పై ఏదైనా రాసినా జవాబు పత్రం చెల్లదు. 

న్యూఢిల్లీ: ఇకపై ప్రధాన రైల్వే స్టేషన్లు, బస్‌ డిపోల వద్ద ఉన్న స్టాళ్లు, ఎయిర్‌పోర్టులు, మాల్స్‌లో మట్టి కప్పుల్లో చాయ్‌ని ఆస్వాదించవచ్చు. ఈమేరకు కేంద్ర రవాణా మంత్రి నితిన్‌ గడ్కరీ.. రైల్వే మంత్రి పీయూష్‌ గోయల్‌కు లేఖ రాశారు. ప్రస్తుతం వారణాసి, రాయ్‌బరేలీ రెండు రైల్వే స్టేషన్లలో మాత్రమే కేటరర్లు ఈ మట్టి కప్పుల్లో చాయ్‌ను అందిస్తున్నారు. ‘సుమారు 100 రైల్వే స్టేషన్లలో, ఎయిర్‌పోర్టులు, రాష్ట్రాల్లోని బస్‌ డిపోల వద్ద ఉన్న టీ స్టాళ్లలో మట్టి కప్పుల్లోనే చాయ్‌ను అందించడాన్ని తప్పనిసరి చేయాలని గోయల్‌కు లేఖ రాశాను. దీంతో స్థానిక తయారీదారులకు మార్కెట్‌ లభించడంతో పాటు పర్యావరణానికి హాని కలిగించే పేపర్, ప్లాస్టిక్‌ల వాడకాన్ని నిషేధించినట్లవుతుందని వివరించారు. 

సాక్షి, హైదరాబాద్‌: ఆకలికి పేదా, గొప్పా, చిన్నా, పెద్దా అనే అంతరంలేదు. ఆకలిబాధ అందరికీ అనుభవమే.. ఈ నేపథ్యంలో ఆకలేస్తే అన్నంపెడతా.. అంటోంది ఫుడ్‌బ్యాంకు. హైదరాబాద్‌లో ఇలాంటి ఫుడ్‌బ్యాంకులు అన్నార్థులను అక్కున చేర్చుకుంటున్నాయి. ఆసుపత్రులు, రైల్వేస్టేషన్లు, ఇతర ముఖ్య కూడళ్లు.. ఇలా 35 ప్రదేశాల్లో ఆకుపచ్చ  ఫుడ్‌ ఫ్రిడ్జ్‌ (అన్నంపెట్టె)ల రూపంలో ఫుడ్‌బ్యాంకులను ఏర్పాటు చేశారు. ఆకలిగొన్నవారికి, ఆహారదాతలకు బ్రిడ్జ్‌లా ఈ ఫ్రిడ్జ్‌లు మారాయి. ఆహారం మిగిలిపోయిన చోటు నుంచి ఆకలిగా ఉన్నవారికి ఆహారాన్ని చేర్చడం, ఆహారం పాడు కాకుండా కూడా నిల్వ ఉంచడం ‘ఫీడ్‌ ద నీడ్‌’లక్ష్యం.   స్పందన బాగుంది..  కిమ్స్‌. నిమ్స్, నిలోఫర్, బసవతారకం క్యాన్సర్‌ ఆసుపత్రుల వద్ద ఏర్పాటు చేసిన ఫుడ్‌ బ్యాంక్‌లలో ఎక్కువగా ఆహారం జమ అవుతోంది. ఇక్కడ రోజు కు 40 మంది చక్కటి ఆహారాన్ని పొందగలుగుతున్నారని జీహెచ్‌ఎంసీ అధికారులు చెప్పారు. ఎన్‌జీవోల సహకారం ఉన్నచోట మాత్రమే ఫ్రిడ్జ్‌ను ఏ ర్పాటు చేశారు. అవి ఒక దివ్యాంగ వ్యక్తిని ఆ ఫ్రిడ్జ్‌ పర్యవేక్షణ, శుభ్రత కోసం నియమించి భోజనంతోపాటు రూ.6 నుంచి 7 వేల జీతం ఇస్తున్నాయి.   నీడి కాదు నీడ్‌ ..  నగరంలో 150 అన్నపూర్ణ సెంటర్లున్నాయి. అవి మధ్యాహ్నం వేళ మాత్రమే అందుబాటులో ఉన్నాయి. అయితే, ఫీడ్‌ ద నీడ్‌ ఫ్రిడ్జ్‌ వద్దకు ఏ వేళలో అయినా ఆటో, క్యాబ్‌ డ్రైవర్లు, ఆఫీస్‌ నుంచి ఆలస్యంగా ఇంటికెళ్లేవారు... ఇలా ఎవరైనా సరే ఆకలితో వస్తే ఇక్కడ ఏదో ఒకటి తినడానికి దొరుకుతుంది.   దాతల కోసం యాప్‌...  ఫీడ్‌ ద నీడ్‌ యాప్‌ను వారం క్రితం జీహెచ్‌ఎంసీ ప్రారంభించింది. ఇప్పటికీ 800 మందికి పైగా డౌన్‌లోడ్‌ చేసుకున్నారు. అయితే, ఇది ఆండ్రాయిడ్‌లో మాత్రమే అందుబాటులో ఉంది. ఐఫోన్‌కి వారం రోజుల్లో అప్‌గ్రేడ్‌ చేయనున్నారు. ఆహారం ఇవ్వాలనుకున్న దాతలు ఈ యాప్‌ ద్వారా తెలియ చేయవచ్చు. వెబ్‌సైట్‌లో ఫ్రిడ్జ్‌ లింక్‌లున్నాయి. ఫ్రిడ్జ్‌లు విరాళంగా అందించాలనుకునేవారు మున్సిపల్‌ కార్పొరేషన్‌ను సంప్రదించవచ్చు. ఎవరైనా ఈ ఫ్రిడ్జ్‌ల్లో నిల్వచేయవచ్చు  యాపిల్‌ హోం అనాథాశ్రమం వారు మొదటి ఫుడ్‌బ్యాంక్‌(రిఫ్రిజిరేటర్‌)ని శిల్పారామంలో ఏర్పాటు చేశారు. సమీప హోటళ్లలో జరిగే ఫంక్షన్లలో మిగిలిపోయే ఆహారాన్ని ఈ సేవసంస్థలకు తెలిపి అవసరం ఉన్నవారికి అందేలా చెయ్యవచ్చు. తిండి పదార్థాలను ఇవ్వాలనుకునేవారు నేరుగా వచ్చి ఈ ఫ్రిడ్జ్‌లో పెట్టవచ్చు. రాబిన్‌హుడ్‌ ఆర్మీ వాలంటీర్లు దాతలిచ్చే ఆహారాన్ని తీసుకెళ్లి ఆకలిగా ఉన్నవారికి అందజేస్తారు. వ్యక్తులు, సంస్థలు ఎవరైనా ఈ ఫ్రిడ్జ్‌ల్లో ఆహారపదార్థాలను నిల్వచేయవచ్చు.   100 ఫ్రిడ్జ్‌లు ఏర్పాటు చేస్తాం...  ఫిబ్రవరిలో ఫీడ్‌ ద నీడ్‌ కార్యక్రమాన్ని ప్రారంభించాం. ఈ కార్యక్రమంలో నీడి అని కాకుండా నీడ్‌ అని వాడాం. ఎవరికి ఆకలి అయితే వారు ఆహారాన్ని తీసుకుని తినవచ్చు. నగరంలో 35 ఫుడ్‌బ్యాంకులు ఏర్పాటు చేశాం. ఇన్ని ఫ్రిడ్జ్‌లు పెట్టిన ఘనత మన నగరానిదే. దుబాయ్‌ లాంటి నగరాల్లో 10 లోపే ఉన్నాయి. గత నెలలోనే ఈ ఫుడ్‌బ్యాంక్‌ల దగ్గర ఫుడ్‌ తీసుకున్నవారి సంఖ్య లక్ష దాటింది. చాలామంది దాతలు ఫ్రిడ్జ్‌ల ఏర్పాటుకు సహాయం చేస్తామని ముందుకొస్తున్నారు. ఈ ఏడాది చివరికల్లా 100 ఫ్రిడ్జ్‌లు ఏర్పాటు చెయ్యాలనే లక్ష్యంతో ఉన్నాం.   – హరిచందన, జోనల్‌ కమిషనర్, జీహెచ్‌ఎంసీ  

సాక్షి ప్రతినిధి, చెన్నై: బహిరంగ నేరాలను పోలీసులు అడ్డుకుంటారు. మరి వివాహేతర సంబంధాల నేపథ్యంలో చాటుమాటు ఘాతుకాలకు ఎవరు బాధ్యులని ప్రశ్నించుకోవాల్సిన పరిస్థితులు నెలకొన్నాయి. పోలీసుల రికార్డుల ఆధారంగా గడిచిన పదేళ్లలో తమిళనాడులోని 1,459 హత్యలు వివాహేతర సంబంధాల వల్లనే జరిగినట్లు స్పష్టమైంది. సేలం జిల్లాకు చెందిన ఒక గృహిణి కనిపించకుండాపోయిన తన 19 ఏళ్ల తన కుమార్తెను కోర్టులో ప్రవేశపెట్టేలా పోలీసులను ఆదేశించాలని కోరుతూ అడ్‌కొనర్వు పిటిషన్‌ను ఇటీవల దాఖలు చేసింది. పెళ్లయి, పిల్లలు కలిగిన తన మేనమామ లోకనాథన్‌తోనే ఆమె కుమార్తె వెళ్లిపోయినట్లు పోలీసుల విచారణలో తేలింది. అయితే యువతిని మాత్రం పోలీసులు పట్టుకోలేకపోయారు. సినీ నటీమణులు కనిపించకుండా పోతే నే గాలింపు చేస్తారా, సాధారణ యువతులను పట్టించుకోరా అని న్యాయమూర్తులు పోలీసులకు ప్రశ్నించారు. ఈ కేసు శుక్రవారం మరోసారి విచా రణకు వచ్చింది. కోర్టు ఆదేశాలతో చెన్నై లా అండ్‌ ఆర్డర్‌ ఐజీ ఒక పిటిషన్‌ దాఖలు చేశారు. గత పదేళ్లలో చెన్నైలో వివాహేతర సంబంధాల వల్ల 1,459 హత్యలు జరిగాయని ఆ పిటిషన్‌లో పేర్కొన్నారు. పదేళ్లు అంటే 3,650 రోజులు. 3,650 రోజుల్లో 1,459 హత్యలు అంటే రెండురోజులకో హత్య జరిగిందన్నమాట. ఈ హత్యలన్నీ వివాహేతర సంబంధాల నేపథ్యంలో జరిగిన వే కారణం గమనార్హం. యువత పెడదారి పట్టడానికి ఇంట ర్నెట్, సెల్‌ఫోన్లలో విచ్చలవిడిగా అందుబాటులో ఉన్న అశ్లీల వెబ్‌సైట్లే ప్రధాన కారణమని మద్రాసు హైకోర్టు న్యాయమూర్తులు కృపాకరన్, అబ్దుల్‌ ఖుద్దూస్‌ అవేదన వ్యక్తం చేశారు. ఐజీ కోర్టుకు సమర్పించిన వివరాలను పరిశీలించి కంగుతిన్న న్యాయమూర్తులు.. సమాజంలో పె చ్చుమీరిపోయిన వివాహేతర సంబంధాల సం స్కృతికి మూలకారణం అరచేతిలో (సెల్‌ఫోన్లు) అశ్లీల వెబ్‌సైట్లు అందుబాటులోకి రావడమేనని వ్యాఖ్యానించారు. కొన్ని సినిమాలు సైతం యువతను పెడదారి పట్టిస్తున్నాయని ఆక్షేపించారు. రైల్వేస్టేష్టన్లలో ‘మూడో కన్ను’ ప్రేమ కబుర్లు చెప్పుకునేందుకే రైల్వేస్టేషన్లకు చేరుకునే జంటలను ఉపేక్షించేది లేదని పోలీస్‌శాఖ హెచ్చరించింది. 136 రైల్వేస్టేషన్లలో ‘మూడో కన్ను’ ఏర్పాటుతో ప్రేమజంటలపై నిఘా పెడుతున్నామని పేర్కొంది. చెన్నై నగరం, శివార్లలోని పలు ప్రాంతాలను కలుపుతూ పయనించే లోకల్‌ రైళ్లలో రోజుకు 8 లక్షల మందికి పైగా ప్రయాణిస్తుంటారు. చెన్నై నగరంలోని మాంబళం, తాంబరం తదితర పలులోకల్‌ స్టేషన్లలో కొన్ని ఎక్స్‌ప్రెస్‌ రైళ్లు కూడా ఆగుతాయి. ఎక్స్‌ప్రెస్‌ రైళ్ల కోసం వేరే రైల్వే ట్రాక్‌ కూడా ఉంది. రైలు ప్రయాణికుల వసతి కోసం అనేక కుర్చీలను ఏర్పాటు చేసి ఉన్నారు. అయితే ఈ కుర్చీల్లో ప్రయాణికుల కంటే ప్రేమ జంటలే ఆక్రమించుకుని ఉంటారు. గంటల తరబడి ప్రేమ కబుర్లు చెప్పుకుంటూ కాలక్షేపం చేస్తుంటారు. ఇదే కోవలో చెన్నై నుంగంబాక్కం రైల్వేస్టేషన్‌లో 2016లో స్వాతి అనే ఐటీ ఉద్యోగిని ఒక యువకుడు ముచ్చట్లాడుకుంటున్నారు. ఇంతలో ఆగ్రహం చెందిన యువకుడు వేటకొడవలితో స్వాతిపై దాడిచేసి దారుణహత్య చేశాడు. అలాగే ఈరోడ్‌కు చెందిన తేన్‌మొళి అనే ప్రభుత్వ ఉద్యోగినిపై చెన్నై చెట్‌పట్‌ రైల్వేస్టేష్టన్‌లో పదిరోజుల క్రితం హత్యాయత్నం జరిగింది. ప్రస్తుతం ఆమె ఆసుపత్రిలో చికిత్స పొందుతుండగా రైలు కిందపడి ఆత్మహత్యాయత్నం చేసిన నిందితుడు ఈనెల 21వ తేదీన ప్రాణాలు విడిచాడు. చెన్నై లోకల్‌ రైల్వేస్టేషన్లలో ప్రేమజంటలు గంటల కొద్దీ బాతాఖాని కొట్టే దృశ్యాలను చూస్తున్న నగరవాసులు పోలీసులకు ఫిర్యాదు చేశారు. ప్రేమ కబుర్లు చెప్పుకునేందుకే రైల్వేస్టేషన్‌కు వచ్చే జంటలపై చర్యలు చేపడతామని పోలీసు శాఖ హెచ్చరించింది. ప్రేమ జంటలపై రైల్వే ప్రొటెక్షన్‌ ఫోర్సు పోలీసులు నిఘాపెట్టి ఎక్కువ సేపు కూర్చుని ఉంటే రైల్లో ఎక్కించడమో లేక స్టేషన్‌ నుంచి వెళ్లగొట్టడమో చేయాలని నిర్ణయించుకున్నారు. పోలీసుల ఆదేశాలను ధిక్కరించిన విద్యార్థులు, ఉద్యోగుల గుర్తింపు కార్డులను స్వాధీనం చేసుకుని కమిషనర్‌ కార్యాలయంలో అప్పగించాలని, సదరు విద్యాసంస్థలకు, కార్యాలయాలకు సమాచారం ఇవ్వాలని కింది స్థాయి పోలీసులకు ఆదేశాలందాయి. స్వాతి హత్య జరిగిన నుంగంబాక్కం రైల్వేస్టేషన్‌ సహా 82 స్టేషన్లలో సీసీ కెమెరాలు అమర్చారు. అలాగే చెన్నై చేట్‌పట్‌లో చోటుచేసుకున్న తాజా హత్యాయత్నం తరువాత ప్రేమజంటల కదలికలపై నిఘా పెట్టేందుకు మరో 136 రైల్వేస్టేషన్లలో సీసీ కెమెరాలను ఏర్పాటుచేయనున్నారు.

సాక్షి, హైదరాబాద్‌: ప్రయాణికులకు మరో సదుపాయాన్ని రైల్వే అందుబాటులోకి తెచ్చింది. బయలుదేరవలసిన స్టేషన్‌ (బోర్డింగ్‌ పాయింట్‌)ను ఇక నుంచి ఆన్‌లైన్‌లో మార్చుకోవచ్చు. ఇప్పటివరకు రైల్వేస్టేషన్‌ల్లో మాత్రమే బోర్డింగ్‌ పాయింట్‌ మార్చుకునేందుకు అవకాశం ఉండేది. ఇటీవల దీనిని ఆన్‌లైన్‌ పరిధిలోకి తెచ్చారు. దీంతో ప్రయాణికులు ట్రైన్‌ బయలుదేరే సమయానికి 24 గంటల ముందు ఐఆర్‌సీటీసీ వెబ్‌సైట్‌ ద్వారా బోర్డింగ్‌ పాయింట్‌ను మార్చుకోవచ్చు. అయితే ఇది నిర్ధారిత (కన్ఫర్మ్‌డ్‌) టికెట్లకు మాత్రమే వర్తిస్తుంది. వెయిటింగ్‌ లిస్టులో ఉన్న టికెట్లకు ఈ సదుపాయం ఉండదు. ఒకసారి బోర్డింగ్‌ పాయింట్‌ను మార్చుకున్న తరువాత తిరిగి అదే బోర్డింగ్‌ పాయింట్‌ నుంచి ప్రయాణం చేసేందుకు అవకాశం కూడా ఇవ్వరు. ఉదాహరణకు హైదరాబాద్‌ నుంచి తిరుపతికి వెళ్లేందుకు మొదట సికింద్రాబాద్‌ను బోర్డింగ్‌ పాయింట్‌గా ఎంపిక చేసుకొని తరువాత కాజీపేట్‌కు మార్చుకున్న వాళ్లు అక్కడే రైలు ఎక్కాల్సి ఉంటుంది. సికింద్రాబాద్‌లో ఎక్కేందుకు అవకాశం ఉండదు. బోర్డింగ్‌ పాయింట్‌ మార్పుతో సికింద్రాబాద్‌ నుంచి కాజీపేట్‌ వరకు (అప్పటికే చార్జీలు చెల్లించి ఉన్నప్పటికీ) ప్రయాణం చేసేందుకు అనుమతించరు. ఆ రెండు స్టేషన్‌ల మధ్య వెయిటింగ్‌ లిస్టులో ఉన్న ప్రయాణికులకు అవకాశాన్ని కల్పిస్తారు. దూరప్రాంతాలకు రాకపోకలు సాగించే ప్రయాణికులు బెర్తుల లభ్యతకు అనుగుణంగా బోర్డింగ్‌ను మార్చుకునేందుకు ఆన్‌లైన్‌ సదుపాయం ఒక వెసులుబాటు కల్పిస్తుందని దక్షిణమధ్య రైల్వే ఉన్నతాధికారి ఒకరు తెలిపారు. దక్షిణమధ్య రైల్వే నుంచి వివిధ ప్రాంతాలకు రాకపోకలు సాగించేప్రయాణికుల్లో సుమారు 10 శాతం నుంచి 12 శాతం వరకు ప్రతి రోజు బోర్డింగ్‌ పాయింట్‌ మార్పునకు దరఖాస్తు చేసుకుంటున్నారు. ఇప్పటి వరకు ఈ మార్పు సదుపాయం స్టేషన్‌లు, రిజర్వేషన్‌ కార్యాలయాల్లో మాత్రమే ఉండటంతో ప్రయాణికులకు ఇబ్బందిగానే ఉండేది. ఆన్‌లైన్‌ మార్పు వల్ల ఆ ఇబ్బంది తప్పినట్లైంది.  వెయిటింగ్‌లిస్టు ప్రయాణికులకు అవకాశం...  మరోవైపు నిర్ధారిత టికెట్లపైన బోర్డింగ్‌ పాయింట్‌ మార్చుకోవడంతో ఆ రెండు స్టేషన్‌ల మధ్య ప్రయాణం కోసం వెయిటింగ్‌లో ఉన్న వాళ్లకు అవకాశం లభిస్తుంది. వికల్ప్‌ పథకం కింద టికెట్లు బుక్‌ చేసుకొని వెయిటింగ్‌లో ఉన్న వాళ్లకు తాము బుక్‌ చేసుకున్న ట్రైన్‌లో బెర్తులు లభించకపోయినా ఆ తరువాత వచ్చే రైళ్లలో ఇలాంటి బోర్డింగ్‌ మార్పుతో బెర్తులు లభించే అవకాశం ఉంది. ఇది ఇటు నిర్ధారిత టిక్కెట్‌ ప్రయాణికులకు, అటు వెయిటింగ్‌ లిస్టు వారికి ప్రయోజనకరం. ఇప్పటికే ఈ సదుపాయం ఉన్నప్పటికీ ఆన్‌లైన్‌ సేవలను అందుబాటులోకి తేవడంతో ఎక్కువ మంది వినియోగించుకొనేందుకు అవకాశం ఉంటుందని అధికారులు వివరించారు.   

సాక్షి, కరీంనగర్‌క్రైం: కరీంనగర్, వరంగల్, జనగామా జిల్లాల్లో అమాయక ప్రజలకు మాయమాటలు చెప్పి.. మోసం చేస్తున్న సికింద్రాబాద్‌ చిలకలగూడకు చెందిన కొవ్వూరి రాజేశ్వర్‌రావు(45) ఊరాఫ్‌ కిరణ్‌రెడ్డి, సురేష్, రాజును కరీంనగర్‌ సీసీఎస్‌ పోలీసులు గురువారం అరెస్ట్‌ చూపారు. ఏసీపీ శ్రీనివాస్‌ వివరాల ప్రకారం.. కొవ్వూరి రాజేశ్వర్‌రావు హన్మకొండలోని అమరావతినగర్‌లో నివాసముంటున్నాడు. అమాయకులను మోసం చేయడమే వృత్తిగా ఎంచుకున్నాడు. ప్రధాన పట్టణాల్లోని ఆస్పత్రుల వద్ద మకాం వేసి అక్కడికి వచ్చే అమయకులకు, వృద్ధులకు సాయం చేస్తున్నట్లు నటించి వారివద్దనున్న బంగారం చోరీ చేస్తుంటాడు. రైల్వేస్టేషన్లు, ఆలయాల వద్ద మకాంవేసి తను దోషాల నివారణకు మార్గం చెప్తానని నమ్మిస్తాడు. తమవద్ద ఉన్న బంగారు ఆభరణాలు ఇమ్మని, వాటికి పూజలు చేస్తానని, ఈ లోపు కాళ్లుకడుక్కుని రమ్మని అక్కడినుంచి పరారవుతాడు. ఇంకా పలురకాల విద్యలు వచ్చని మోసం చేస్తున్నాడు. చోరీచేసిన బంగారు ఆభరణాలను ముణప్పురం, మూత్తుట్‌ వంటి ఫైనాన్స్‌ కంపెనీల్లో తాకట్టుపెట్టి వచ్చిన డబ్బులతో జల్సాలు చేస్తుంటాడు. ఇలా ఆరు నేరాలకు సంబంధించిన ఆభరణాలను హుజూరాబాద్‌లోని మణప్పురంలో, మూడు నేరాలకు సంబంధించిన ఆభరణాలను హన్మకొండ నయిమ్‌నగర్‌లో మణçప్పురంలో, మరోనేరానికి సంబంధించిన వాటిని నయిమ్‌నగర్‌ మూత్తుట్‌ మినీలో తాకట్టు పెట్టాడు. ఈ క్రమంలో పలువురు బాధితులు కరీంనగర్‌ సీపీ కమలాన్‌రెడ్డిని ఆశ్రయించారు. కేసును సీసీఎస్‌ పోలీసులకు అప్పగించారు. సీఐ కిరణ్, సైబర్‌క్రైం ఇన్‌చార్జి మురళి ఆధ్వర్యంలో ప్రత్యేక బృందాన్ని ఏర్పాటుచేశారు. పలు సీసీఫుటేసీలు పరిశీలించగా బాధితులు నిందితుడ్ని గుర్తించారు. సైబర్‌ ల్యాబ్‌ ద్వారా నిందితుడు రాజేశ్వర్‌రావుగా నిర్దారించుకున్నారు. గురువారం ఉదయం జమ్మికుంటలోని డాక్టర్‌స్ట్రీట్‌లో సంచరిస్తుండగా సీఐ కిరణ్, జమ్మికుంట సీఐ సృజన్‌కుమార్‌ ఆధ్వర్యంలో పట్టుకున్నారు. అతడినుంచి రూ.4 లక్షల విలువైన 13 తులాల బంగారం, 2 సెల్‌ఫోన్లు స్వాధీనం చేసుకున్నారు. కేసును ఛేదించిన సీసీఎస్‌ సీఐ కిరణ్, జమ్మికుంట సీఐ సృజన్‌రెడ్డి, సైబర్‌ ల్యాబ్‌ ఇన్‌చార్జి మురళి, సీసీఎస్‌ ఎస్సై కనుకయ్య, సిబ్బందిని సీపీ కమలాసన్‌రెడ్డి అభినందించి రివార్డు అందించారు.   

అది ఢిల్లీ రైల్వే స్టేషన్‌లో ఒక మూలగా ఉన్న గూడ్స్‌షెడ్‌ల ఆవరణ. ఆ డిసెంబర్‌ చలిలో ఒకామె వొణుకుతూ నడుస్తున్నది. ఒకప్పుడు ఆమె పేరు సద్రాన్‌. ఇప్పుడామె ముసలి సద్రాన్‌. ఆమె కళ్లు కూడా తడిగా ఉన్నాయి. ముక్కు కారుతున్నది. మిగిలి ఉన్న కొద్ది పళ్లూ చలికి కొట్టుకుంటున్నాయి. కాళ్లూ చేతులూ స్పర్శ పోగొట్టుకున్నాయి. దారి కనపడటం కోసం కళ్ల మీది చెమ్మను అప్పుడప్పుడూ తుడుచుకుంటున్నది. ఆమె కాళ్లనూ చలి తొలిచేస్తున్నది. అరిగిపోయిన చెప్పులు మట్టితోనూ గోనెసంచుల పీచుతోనూ నిండిపోయి ఉన్నాయి. ఆ స్థితిలోనే కాళ్లీడ్చుకుంటూ పరుగులాంటి నడకతో ముందుకెళుతున్నది. చేతిలో చిన్న సంచీ చిన్న పార ఉన్నాయి.ఆ రైల్వే ప్రాంతంలో శ్మశాన ప్రశాంతత నెలకొని ఉంది. చలిగాలి హోరు ఎక్కువగా ఉంది. ఆవరణ అసాధారణంగా ఖాళీగానూ భీతిగొలుపుతూనూ ఉంది. వినియోగంలో లేని వ్యాగన్ల నీడలో ఆమె నడుస్తున్నది. ‘కాసేపట్లో సూర్యోదయం అవుతుంది. యార్డులో ఒక్క పిట్ట కూడా లేదు. సాధారణంగా జరిగే ఇంజన్ల షంటింగు కూడా లేదు. చలి మనుషులందర్నీ ఇళ్లలోనికి నెట్టేసినట్టుంది. ఎవరూ చలిని ఎదిరించే సాహసం చెయ్యలేరు. కాని డ్యూటీల్లో ఉన్నవారు ఎలాగో నెట్టుకొస్తారు. వారికి తప్పదు. కాపలాదార్లు మందమైన చలికోట్లు వేసుకొని వ్యాగన్లలో కునికిపాట్లు పడుతూ ఉంటారు. నిజానికి వారు మేల్కొని ఉండి రైల్వే ఆస్తులను కాపాడటానికే ప్రభుత్వం జీతాలు ఇస్తున్నది. అయితే ఇంత చలిలో ఎవరు మాత్రం బయట తిరిగి అపాయం కొని తెచ్చుకుంటారు? ఎవరి సుఖం వారిది. ఒక్క నాకే సుఖసంతోషాలు లేవు. శాంతి లేదు. పూట గడవటానికి కొట్లాడవలసి వస్తున్నది. ఈ జీవితం మీద ఆశా లేదు, ఆసక్తీ లేదు. ఈ రైల్వే ఆవరణలోని బొగ్గుని ఊడ్చి సేకరిస్తూ నా యవ్వనమంతా వ్యర్థమైంది. ఇప్పుడు ముసిలినై జీవిత చరమాంకంలో ఉన్నాను. అయినా తిండి కోసం పాట్లు తప్పడం లేదు. ఇన్నేళ్ల బతుకులో రేపనేది ఎప్పుడూ ప్రశ్నార్థకమే.’’ఇలా తన ఆలోచనల్లో మునిగి ముసలి సద్రాన్‌ రైల్వే లైన్లని దాటుకుంటూ తడబడుతూ నడుస్తున్నది. కళ్లు మిరుమిట్లుగొలిపే విద్యుద్దీపాల కాంతిలో రైల్వే లైన్లు మెలికలు తిరిగిన పాముల్లా కనపడుతున్నాయి. ఆ పాములు నోర్లు తెరిచి ఆమెనే మింగడానికి సిద్ధంగా ఉన్నట్టున్నాయి. సద్రాన్‌ ఇక్కడ బొగ్గును దొంగిలించి బయట అమ్ముతూ జీవిక సాగిస్తుంది. బొగ్గుని సేకరించడం కోసం అనేక సంవత్సరాలుగా ఈ రైల్వే ఆవరణని ఊడుస్తున్నది. ఢిల్లీ రైల్వే స్టేషన్‌లోని ప్రతి అంగుళం ఆమెకు చిరపరిచితమే. పద్మవ్యూహంలా ఉండే ఈ లైన్లు ఎక్కడ కలుసుకుంటాయో, ఎక్కడ విడిపోతాయో, ఎక్కడ వొంపు తిరుగుతాయో ఆమెకు తెలుసు. స్విచ్చులు, కూపాలు, వ్యర్థాలు చేరే గోతులు ఎక్కడెక్కడ ఉన్నాయో ఆమెకు తెలుసు. బొగ్గుని పోగు చేస్తుండగా కాపలాదారు కంటపడితే దాక్కోవడం, తనతో పాటు బొగ్గుని దాచడం ఆమెకు తెలుసు. ఒకవేళ పట్టుబడిపోతే అతన్ని ఎలా మెప్పించి ఒప్పించాలో కూడా ఆమెకు తెలుసు. పై అధికారితో కూడా కబుర్లు చెప్పి మాయ చేయడం ఆమెకు తెలుసు. క్లీనర్లనీ, ఫిట్టర్లనీ ఎలా ప్రలోభపెట్టి తప్పించుకోవాలో ఆమెకు తెలుసు. బొగ్గు కోసం తన ప్రాణాల్ని పణంగా పెట్టిన రోజులు ఉన్నాయి. షంటింగ్‌ ఇంజన్‌ ముందు నుంచి మెలకువగా జారుకునేటప్పుడు ఇంజన్‌ కదిలిపోతే అంతే సంగతి. అయినా ఆమె ఆ వృత్తినే చేసింది. చేస్తున్నది. మరోపని చెయ్యడం ఆమెకు చేతకాదు.ముసలి సాద్రాన్‌ ఇలా తలపోస్తున్నది. ‘‘డబ్బుకు లొంగే జనంతో ఇబ్బంది లేదు. కాకపోగా వారికి సంతోషమే. ఒకటి రెండు అణాలు ముట్టజెప్పి బుట్ట నిండా బొగ్గుని మోసుకుపోవచ్చు. కొంతమందైతే ఆ బొగ్గు తామే మోసుకొచ్చి తనకు కావలసిన చోట వేసి వెళతారు. అలా డబ్బు తీసుకున్న వారే ఉత్తములు. వాళ్లెవరూ నన్ను ఇబ్బంది పెట్టరు. కాని నిజాయతీపరులతోనే చిక్కంతా. వారు నేను పోగు చేసిన బొగ్గంతా తీసుకుంటారు. లేకపోతే వారితో ఖాళీ కోచ్‌లోనికి రమ్మంటారు. కుక్కలు! తుచ్ఛులు! వారు తల్లుల్నీ, అక్కచెల్లెళ్లనీ, కూతుళ్లనీ వొదిలిపెట్టరేమో! నీచులు! వారికి వయసుతో పనిలేదు. అందంతో పనిలేదు. ఆడది అయితే చాలు. వారికి కావలసిందల్లా... ముసలి ఎముకలు పగిలిపోయినా వారికి పట్టదు. ముసలి స్త్రీలకు నరకం కనిపించినా వారికి సంబంధం లేదు. కేవలం నగదు తీసుకోకుండా శీలాన్ని హరించినవాడు నిజాయతీపరుడు! వీళ్లనే రైల్వే మెచ్చుకుని మెడల్స్‌ వేస్తుంది. ఏమైనా ఈ స్థితిలో నన్నెవరూ కన్నెత్తి చూడరు. కాకపోతే మోటాగానూ, అసభ్యంగానూ మాట్లాడతారు. బయటికి గెంటివేస్తారు..’’ముసలి సాద్రాన్‌ తన ఆలోచనల్లో మునిగిపోయి కళ్లను తుడుచుకున్నది. ముఖం మీది ముడుతలు మంచుతో గడ్డకట్టుకుపోయినట్టు అనిపించింది. ఆమె మళ్లీ పరధ్యానంలో పడిపోయింది. ‘ఒకప్పుడు నా యవ్వనాన్ని దాచుకునేదాన్ని. అప్పుడు ముసలితనం తొందరగా రావాలని కోరుకునేదాన్ని. యవ్వనం సుఖశాంతుల్ని ఇవ్వలేదు. కాని వృద్ధాప్యం ఇంకా బాధాకరమైనది. ఇప్పుడు అందరూ నన్ను వెక్కిరిస్తున్నారు. ముసలితనం ఒక శాపం. ధనం, యవ్వనం రెండూ సిగ్గుపడవలసినవి కావు. కాని ఇప్పుడు ఆ రెండూ నా వద్ద లేవు..’ సాద్రాన్‌ తన సంపాదనంతా తన కొడుకు బరాదాన్‌ అనారోగ్యం కోసం ఖర్చుపెట్టింది. భర్త చనిపోయిన తర్వాత వాడిని పెంచడానికి ఎన్నో ఇబ్బందులు పడింది. వాడికి ఏదో ఒక ఉద్యోగం ఇప్పించడానికి తన శరీరాన్ని అమ్ముకున్నది. చివరికి వాడి పెళ్లి చేసింది. వాడికొక పిల్లవాడు పుట్టాడు. ఆ పిల్లవాడే ఇప్పుడు తన సర్వస్వం. కాని బరాదాన్‌ పెళ్లి అనర్థదాయకమే అయింది. తెలియని వ్యాధితో మంచం పట్టాడు. ముసలి సాద్రాన్‌కు తన పెళ్లినాటి జ్ఞాపకాలు వెంటాడాయి. బరాదాన్‌ తండ్రి ఈమెని తన ఇంటికి తీసుకెళ్లాడు. ‘‘సాద్రాన్‌ సాద్రాన్‌’’ అన్న పిలుపు అతడి పెదవుల మీద ఉండేది. అదేపనిగా ఆమె వెంట తిరిగేవాడు. ఆమెని ఇంటి వద్ద వొదిలి డ్యూటీకి వెళ్లడానికీ ఇష్టపడేవాడు కాదు. ఏదో వంక పెట్టి ఇంటి వద్దనే ఉండిపోయేవాడు. ‘‘సాద్రాన్‌! మనిద్దరికీ నా జీతం సరిపోతుంది. మనం పోషించవలసిన వారెవరూ లేరు’’ అనేవాడు.‘‘మన ఇరుగుపొరుగు నవ్వుతున్నారు. అత్తమామలు లేరట. నేనే ఇంటికి రాణినట. నిన్ను ఇంట్లో కట్టి పడేస్తున్నానట’’ అనేది తను. ‘‘సాద్రాన్‌! ఎవరేమనుకున్నా నాకు లెక్కలేదు. నీ సంతోషమే నాక్కావాలి.ఎవరైనా సంతృప్తిగా జీవిస్తే వారు చూడలేరు’’ అనేవాడు. అలాంటి భర్త.. కొడుకు బరాదాన్‌ని ఇచ్చి చనిపోయాడు. అప్పటి నుంచీ తనకు కష్టాలు మొదలయ్యాయి.సాద్రాన్‌ నిట్టూర్చింది. ఒక్కసారిగా ఒక గాలి కెరటం రైల్వేయార్డులో ప్రవేశించింది. ఆమె ఆలోచనలకు భంగం కలిగించింది. విద్యుద్దీపాల కాంతి తీవ్రతలో ఆమె కళ్లు తెరిచి ఉంచలేకపోతున్నది. లైన్‌ స్విచ్చులకుఅడ్డంగా యాంత్రికంగా నడవసాగింది. చేతిని నుదుటిపై ఉంచి కళ్లకు చాటు పెట్టుకున్నది. ఒక దొంగలా చుట్టూ జాగ్రత్తగా గమనిస్తూ ముందుకు అడుగులేస్తున్నది. ఒక్కోసారి ఒక వ్యాగన్‌ నీడలోకి చేరిపోయి ఎవరూ తనను గమనించడం లేదని నిర్ధారించుకుంటున్నది. ఇప్పుడు ముసలి సాద్రాన్‌ బొగ్గు ముక్కల పోగుల్ని చేరుకున్నది. అవి ఆమెకు బంగారు బిస్కట్ల దొంతర్లలా కనపడుతున్నాయి. రెండు పోగుల బొగ్గు ముక్కలు తీసుకెళ్తే సరి. బరాదాన్‌ కోసం మందులు కొనగలదు. మనవడి కోసం బియ్యం కొనగలదు. తనకీ కోడలికీ చాలినంత జొన్నపిండి కొనగలదు.చలి కొరికేస్తున్నప్పటికీ ఒకటి మాత్రమే కాదు, రెండు బొగ్గు పోగుల్ని తీసుకెళ్లడానికి ఇదే అదనుగా భావించింది. రెండు పోగుల్ని కొట్టేస్తే చాలు చలికాలం గడిచిపోతుంది. ఆ తర్వాత పగటిపూట చిన్న బొగ్గుముక్కలు ఎప్పుడైనా ఏరుకోవచ్చు. బూడిద కుప్పల నుంచి బొగ్గు ముక్కల్ని ఏరుకుంటే ఎవరూ ఏమీ అనరు. అభ్యంతరపెట్టరు. ఆ బూడిద పోగుల నుంచి ముందుగా కొడుకు బరాదాన్, ఆపైన మనవడూ పైకి లేస్తున్నట్టు ఆమె ఊహించుకుంది.ఇల్లు గడవటం కష్టంగా ఉంది. బరాదాన్‌కు మందులు కావాలి. కొడలూ మనవడూ తనూ తినాలి. తనొక్కతే సంపాదించాలి. కోడల్ని ఇదే వ్యాపారం, ఇదే రొంపిలోకి దింపడం ఆమెకు ఇష్టం లేదు. ఈ నికృష్టమైన వృత్తి తనతోనే అంతం కావాలనుకున్నది.రెండు విడతల బొగ్గు తీసుకెళ్లడానికి రెండుసార్లు తిరగాలి. ఇదే సరైన సమయం. ఇటువంటి చలిలో చీకటిలో ఏ ఉద్యోగీ బయటకు రాడు. కాబట్టి రెండుసార్లు సులువుగా తిరగ్గలదు. ఆమె ఆలోచనలు పరిపరి విధాలుగా పోతున్నవి. ‘‘హిందుస్తాన్, పాకిస్తాన్, దేశం ఏదైతేనేం? పేదలకు బాధలు తప్పవు. ఒకప్పుడు హిందువులూ ముస్లిములూ ఎంతో సత్సంబంధాలు కలిగి ఉండేవారు. ఒకరికొకరు ప్రాణాలు ఇచ్చుకొనేవారు. ఇప్పుడు దేశం ముక్కలైన తర్వాత ఒకరి ప్రాణాలు ఒకరు తీసుకుంటున్నారు. కుర్బాన్‌ అలీషా విద్వేషాలకి బలి అయిపోయాడు. అతడే ఈరోజు బతికి ఉన్నట్లయితే నాకీ కష్టాలు ఉండేవి కావు. నాకోసం తన జీవితాన్ని ఇవ్వడానికి సిద్ధంగా ఉండేవాడు. అతడు ఉన్నంత కాలమూ నాకు డబ్బుకొరత ఉండేది కాదు. డ్రైవర్‌ నాథ్‌సింగ్‌ కూడా ఉండేవాడు. కానీ అతడు కుర్బాన్‌ అలీ ఉండగా తనని తాకడానికి సాహసించేవాడు కాదు. నాథ్‌సింగ్‌ ఇలా అనేవాడు. ‘‘కోడలా! నా మాట విను. అలీని పెళ్లి చేసుకో. ఇదే మంచి సమయం. నీ యవ్వనం, నీ అందం ఎల్లకాలమూ ఉండవు. మతం గురించి పట్టించుకోకుండా అతన్ని పెళ్లి చేసుకో.’’అందుకు నేనిలా అనేదాన్ని. ‘‘నాథ్‌సింగ్‌! ముస్లిముని పెళ్లి చేసుకొని నన్ను నేను మోసం చేసుకోవాలా?’’ అతడిలా అనేవాడు ‘‘మరి ఇది బాగుందా? అతడు ప్రతిరోజూ నిన్ను కోచ్‌లోకి తీసుకెళుతున్నాడు. ఈ సంగతి అందరికీ తెలుసు. ఇలా చాటుగా తిరగడానికి అడ్డురాని మతం పెళ్లికెందుకు అడ్డం? కొద్ది రోజుల తర్వాత అలీ కూడా నిన్ను పట్టించుకోడు. అప్పుడు పశ్చాత్తాపపడతావు.’’ఈ సంభాషణ తర్వాత దేశం విడిపోయింది. అలీని హిందువులే పొట్టన పెట్టుకున్నారు. నిజంగా తన పొట్టనూ కొట్టినట్టయింది.సాద్రాన్‌ గట్టిగా నిట్టూర్చింది. ఒక వాషింగ్‌లైను దాటుతుండగా ఆమె కాలు ఒక గోతిలో పడింది. అసహాయంగా ముందుకి తూలిపోయింది.మోకాలికి గట్టి దెబ్బ తగిలింది. పాదం కింది భాగంలో ఏదో లోహపు ముక్క గీసుకొనిపోయింది. చెప్పుల మీద నుంచే రక్తం కారడం కనపడింది. కదల్లేకపోతున్నది. బాధతో మూలుగుతున్నది.అలాగే పడి ఉన్న చోటే చనిపోతే నయమనిపించింది. కానీ ఏదో అదృశ్య శక్తి జీవితం మీద వ్యామోహం కలిగించింది. నెమ్మదిగా పాకుతూ రైల్వే ట్రాక్‌ రెండో వైపు చేరింది. అంతలోనే అతి వేగంగా ఆ ట్రాక్‌ పైనుంచే రైలు పరుగెత్తింది. అది తన మీదుగా వెళుతున్నట్లు అనిపించింది.ముసలి సాద్రాన్‌ నెమ్మదిగా లేచింది. పాదం తీవ్రంగా సలుపుతున్నది. కాస్త దూరంలో ఎవరో చలిమంట కాగుతున్నారు. అక్కడ దగ్గుతూ కూర్చున్న ముసలివాడిని గుర్తించింది. అతడు ఆమెకు తెలుసు. వెళితే వాడు తన పాత కథలన్నీ ఏకరువు పెడతాడు. చావుకు దగ్గరగా ఉన్నాడు కానీ సరసాలు మానడు. కాబట్టి ఆమె అటు వెళ్లడానికి ఇష్టపడలేదు.కనీసం ఒక విడత బొగ్గునైనా మోసుకెళ్లాలని భావించింది. ఆ పోగుల వద్దకు వెళ్లేసరికి ఏదో టార్చి కాంతి పడుతున్నట్టు గ్రహించింది. కొందరు కాపలాదార్లు టోపీలు సర్దుకుంటూ వినియోగంలో లేని కోచ్‌ నుంచి అటువైపే వస్తున్నారు. వారిని చూసి ఆమె వెనుతిరగక తప్పలేదు. గాయమైనా సరే వచ్చిన పని పూర్తి కానందుకు చింతించింది.  ముసలి సాద్రాన్‌ ఖాళీ చేతులతో గుడిసె చేరింది. ఆమెను చూసి కోడలు జోమన్‌ రెచ్చిపోయింది. ‘‘ఈ ముసిల్ది చావనైనా చావదు. తను సంపాదించలేదు. నన్ను బయటికి వెళ్లనివ్వదు. చీకటిపడ్డాక వెళ్లి ఇప్పుడు తిరిగొచ్చింది. అదీ ఖాళీ చేతుల్తో ఏడుస్తూ వచ్చింది. రాత్రంతా మంచి చలిమంట దగ్గర ఉండి హాయిగా తిరిగి వచ్చేసింది. నువ్వేమీ పని చెయ్యలేవని, ఇంటి వద్దనే ఉండమని చెప్పాను. నేను వెళ్తానని బొగ్గు తెస్తానని చెప్పాను. అయినా వినదు. చేతకాని గొప్పలకు పోతుంది. నన్ను ఇల్లు కదలనివ్వదు. నేనేదో ఐస్‌క్రీమునైతే నన్నెవరో తినేస్తారన్నట్టు భావిస్తుంది. ఈరోజు కుటుంబమంతా పస్తులుండాలి.’’సాద్రాన్‌ కోడలు జోమన్‌ అరుపులు విన్నది. ఏడ్చింది. కాని పైకి ఏమీ అనలేకపోయింది. ఒకవేళ ఏమైనా అన్నా కోడలు మరింత బిగ్గరగా అరిచి తిరగబడుతుందని ఆమెకి తెలుసు.‘‘రేపు నేనే వెళ్లి బొగ్గు తెస్తాను’’అన్నది జోమన్‌.సాద్రాన్‌ గట్టిగా వొద్దనలేదు. అంటే కారణాల్ని వివరించాలి. అది ఆమె చెయ్యలేదు. ‘‘రైల్వే యార్డు నుంచి బొగ్గు సేకరించడంలో కష్టాలు కోడలికి తెలియవు’’ అని తనలోనే అనుకున్నది. సాద్రాన్‌కు దెబ్బ తగిలిన కాలు నొప్పెడుతున్నది. ఒక గోనెసంచి ముక్క కట్టుకున్నది. ‘‘నా జీవితం ఎలాగూ నాశనమైంది. నా దుర్గతి కోడలికి రాకూడదు’’ అని పదే పదే అనుకున్నది.మరునాడు సాద్రాన్‌ నిద్రలేచింది. జోమన్‌ గుడిసెలో లేనట్టు కనుగొన్నది. ఖాళీ సంచి, పార కూడా లేవు. ఆమె హృదయం బాధగా మూలగడం మొదలుపెట్టింది. గుడిసె ద్వారం వద్దకు పరుగెత్తింది. ఒక తుపానువల్ల గుడిసె పెళ్లగించబడినట్టు వెయ్యి ముక్కలు చెక్కలైనట్టు అనిపించింది. ముసలామె గాఢాంధకారంలోనికి చూస్తూ ద్వారం వద్దనే కూలబడింది.తెలతెల్లవారుతుండగా జోమన్‌ తిరిగి వచ్చింది. గుడిసె ముందర సంచి నిండా బొగ్గు పెట్టింది. ఆ ఇద్దరూ స్త్రీలూ ఒకరి కళ్లలోనికి ఒకరు చూసుకున్నారు. ముసలి సాద్రాన్‌ చూపు కోడలి చెదిరిన జుత్తుపైనా, చినిగిన చొక్కాపైనా పడింది. అత్త తన పరిస్థితిని చదివేసిందని కోడలికి తెలిసిపోయింది. జోమన్‌ అపరాధభావంతో చూపును కిందకు దించుకుంది. కేవలం ఒక సంచిడు బొగ్గు కోసం తన కోడలు అమూల్యమైనదేదో కోల్పోయిందని ముసలామె గ్రహించింది. ఒక విధమైన వేదనతో కుప్పకూలిపోయింది. పంజాబీ మూలం : బూటా సింగ్‌ అనువాదం: టి.షణ్ముఖరావు 

సాక్షి, చెన్నై: ఉరుకుల పరుగుల పయనంలో కన్నుమూసి తెరిచేలోపే ఎన్నో ప్రాణాలు గాల్లో కలిసిపోతున్న కాలంలో బతుకుతున్నాం.. కానీ  ఒక్కక్షణం ఆ ప్రమాదం నుంచి బయటపడితే.. పునర్జన్మ లభిస్తే.. నిజంగా జీవితం విలువ ఏమిటో తెలిసి వస్తుంది. చెన్నైలోని ఎగ్‌మోర్‌ రైల్వే స్టేషన్‌లో సరిగ్గా ఇలాంటి సంఘటన ఒకటి చోటు చేసుకుంది. క్షణాల్లో  అప్రమత్తమైన ఆర్‌పీఎఫ్‌ సిబ్బంది ఒకరు ప్రయాణికుడిని మృత్యుముఖం నుంచి బయటపడేశారు. దీనికి సంబంధించిన వీడియో ఒకటి  వైరల్‌  అవుతోంది. కదులుతున్నరైలును అందుకునేందుకు అతడు ప్రయత్నిస్తున్నాడు. అంతే ప్రమాదాన్ని పసిగట్టిన ఆర్‌పీఎఫ్‌ ఉద్యోగి ఒకరు మెరుపువేగంతో కదిలి ఆ ప్రయాణికుడిని రక్షించారు. దీంతో తృటిలో ప్రాణపాయం నుంచి బయటపడ్డాడు. ఏ మాత్రం ఆలస్యమైనా ప్లాట్‌ఫాంకు, రైలుకు మధ్య పడి ప్రాణాలు పోవడం ఖాయం. జస్ట్‌ వాచ్‌ ది వీడియో..  అండ్‌ బీ ఎలర్ట్‌ #WATCH: Railway Protection Force (RPF) personnel saved a passenger's life by rescuing him from falling, while he was boarding a train at Egmore Railway Station's platform. The passenger didn't suffer any injury. #TamilNadu (12.11.18) pic.twitter.com/OdNDYMdu2y — ANI (@ANI) November 14, 2018

విశాఖసిటీ: సిటీ ఆఫ్‌ డెస్టినీగా పేరొందిన వైజాగ్‌ నగరం.. పల్లెకు పరుగులెడుతోంది. సంక్రాంతి తర్వాత తెలుగు ప్రజలు అత్యంత ప్రాధాన్యమిచ్చే దసరా పండగ సందర్భంగా సొంతూళ్లలో సరదాగా గడిపేందుకు పయనమవుతున్నారు. విశాఖకు వచ్చే వారికంటే నగరం నుంచి గ్రామాలకు వెళ్లేవారే అధికంగా ఉండటంతో ప్రయాణికులతో బస్టాండ్లు, రైల్వే స్టేషన్లు కిక్కిరిసిపోతున్నాయి. నగరానికి ఇతర జిల్లాల నుంచి లక్షలాది మంది ఉద్యోగ, వ్యాపార, ఉపాధి నిమిత్తం వచ్చి నివాసముంటున్నారు. పండగ సెలవులు రావడంతో పిల్లాపాపలతో సొంతూళ్లకు పయనమవుతున్నారు. ఉదయం నుంచి రాత్రి వరకూ నగరం నుంచి బయలుదేరి వెళ్లే బస్సులు, రైళ్లు కిక్కిరిసిపోతున్నాయి. ‘ప్రత్యేక’ ఏర్పాట్లు చేసినా... దసరా సందర్భంగా ఆర్టీసీ, రైల్వే అధికారులు రద్దీ దృష్ట్యా ప్రత్యేక సర్వీసులు నడుపుతున్నారు. దసరా సెలవులకు నగరం నుంచి దూర ప్రాంతాలకు వెళ్లే రెగ్యులర్‌ బస్సులకు ఎక్కువ డిమాండ్‌ ఉండటంతో ఆయా రూట్లలో ప్రత్యేక బస్సులు నడుపుతున్నారు. గత సంవత్పరంలో ఉన్న పండుగ రద్దీని దృష్టిలో పెట్టుకొని ప్రయాణికులకు ఎటువంటి అసౌకర్యం కలగకుండా ఉండే విధంగా ఈ ఏర్పాట్లు చేసినట్లు ఆర్టీసీ అధికారులు పేర్కొన్నారు. గత ఏడాది విశాఖ రీజియన్‌ నుంచి 416 అదనపు బస్సులు నడపగా.. ఈ ఏడాది విశాఖ రీజియన్‌ నుంచి రెగ్యులర్‌గా తిరిగే బస్సులతో పాటు అదనంగా 500 బస్సులతో విజయవాడ, హైదరాబాద్, బెంగళూరు, చెన్నై, అమలాపురం, నర్సాపురం, భీమవరం మొదలగు దూరప్రాంత బస్సులతో పాటు విజయనగరం, రాజాం, పాలకొండ, పార్వతీపురం, శ్రీకాకుళం, సోంపేట, ఇచ్ఛాపురం, కాకినాడ, రాజమండ్రి ప్రాంతాలకు కూడా ప్రత్యేక బస్సులు నడుపుతోంది. వీటితో పాటు ఇరుగు పొరుగు ప్రాంతాలైన నరసన్నపేట, టెక్కలి, పలాస తదితర ప్రాంతాలకు బస్సులు నడుపుతోంది. ఇదే మాదిరిగా ఈస్ట్‌ కోస్ట్‌ రైల్వే కూడా ప్రధాన ప్రాంతాలకు ప్రత్యేకరైళ్లు నడుపుతోంది. ఇటీవల తిత్లీ తుపాను కారణంగా శ్రీకాకుళం, విజయనగరం జిల్లాతో పాటు ఒడిషా రాష్ట్రంలోనూ రైల్వే ట్రాక్‌లు దెబ్బతినడంతో.. వాటిని పునరుద్ధరించేందుకు సమయం పట్టింది. దీంతో చాలా మంది బస్సులను ఆశ్రయించారు. అయినప్పటికీ దసరాకు ముందు మూడు రోజుల పాటు రద్దీని దృష్టిలో ఉంచుకొని రెండు ప్రత్యేక రైళ్లను నడుపుతోంది. ఓవైపు ప్రయాణికులు పెద్ద ఎత్తున ఉండటంతో రైళ్లు బస్సులు ఖాళీ ఉండటం లేదు. ముఖ్యంగా రైళ్లలోని జనరల్‌ బోగీల్లో అడుగు కూడా వెయ్యలేని పరిస్థితి ఉండటంతో ఫైన్లు కట్టి మరీ రిజర్వేషన్‌ బోగీల్లో ప్రయాణాలు చేస్తున్నారంటే డిమాండ్‌ ఎంతలా ఉందో అర్థమవుతోంది. ప్రైవేట్‌ బాదుడు ఇదిలా ఉండగా.. ప్రైవేట్‌ బస్సుల యాజమాన్యాలు పండగ చేసుకుంటున్నాయి. ఎలాగైనా దసరా పండగను ఊరిలో చేసుకోవాలనే ప్రజల తాపత్రయాన్ని, సెంటిమెంట్‌ను ప్రైవేటు బస్సులు తమకు అనుకూలంగా మలచుకుంటున్నాయి. ఆర్టీసీ, రైల్వే శాఖ బస్సులు ఏర్పాటు చేసినా.. డిమాండ్‌కు సరిపడా లేకపోవడంతో.. చాలా మంది ప్రైవేటు బస్సులను ఆశ్రయిస్తున్నారు. దీంతో సుదూర ప్రాంతాలకు వెళ్లే వారికి రెట్టింపు చార్జీలు వసూలు చేస్తున్నారు. ఉదాహారణకు సాధారణ రోజుల్లో హైదరాబాద్‌కు రూ.700 నుంచి రూ.900 వరకూ ఏసీ సర్వీసులకు టికెట్‌ వసూలు చేసిన ప్రైవేటు బస్సులు.. దసరా రద్దీని దృష్టిలో పెట్టుకొని ఏకంగా రూ.1800 నుంచి రూ.2000 వరకూ వసూలు చేస్తున్నారు. తప్పనిసరి పరిస్థితుల్లో ప్రజలు సైతం.. రెట్టింపు భారాన్ని మోస్తూ.. ఉసూరంటూ ఊళ్లకు వెళ్తున్నారు. 

సాక్షి, హైదరాబాద్‌ : రైల్వే స్టేషన్‌ల్లో ప్రయాణికుల సదుపాయాలు, మౌలిక వసతుల ఏర్పాటుకు రైల్వే శాఖ సహాయ మంత్రి రాజెన్‌ గోహేన్‌ పచ్చజెండా ఊపారు. సికింద్రాబాద్‌ రైల్వే స్టేషన్‌లో ఏర్పాటు చేసిన కార్యక్రమంలో ముఖ్యఅతిథిగా పాల్గొన్న ఆయన కరీంనగర్‌–లోకమాన్య తిలక్‌ టెర్మినల్‌ ముంబై (11206/11205) వీక్లీ ఎక్స్‌ప్రెస్‌ను జెండా ఊపి ప్రారంభించారు. ఇప్పటివరకు నిజామాబాద్‌–ముంబై మధ్య నడుస్తున్న ఈ ఎక్స్‌ప్రెస్‌.. ఇక నుంచి కరీంనగర్‌–లోకమాన్య తిలక్‌ టెర్మినల్‌ ముంబై వరకు రాకపోకలు సాగించనుంది. మల్కాజిగిరి రైల్వే స్టేషన్‌లో రైళ్ల రాకపోకల సమాచారాన్ని ఎప్పటికప్పుడు తెలియజేసే ఎలక్ట్రానిక్‌ గైడెన్స్‌ వ్యవస్థను ప్రారంభించారు. ఈ ఎలక్ట్రానిక్‌ వ్యవస్థ వల్ల ప్లాట్‌ఫారాలపై ఏ కోచ్‌ ఎక్కడ ఉంటుందో తెలుసుకోవచ్చు. రిమోట్‌ కంట్రోల్‌ ద్వారా హైదరాబాద్, సికింద్రాబాద్‌ జంట నగరాలతోపాటు, కాజీపేట, వరంగల్, కరీంనగర్, మంచిర్యాల తదితర చోట్ల సుమారు రూ.2వేల కోట్ల అంచనాలతో చేపట్టిన అభివృద్ధి పనులు, మౌలిక సదుపాయాలకు శంకుస్థాపన చేశారు. రూ.125 కోట్లతో పూర్తి చేసిన పలు సదుపాయాలను ప్రయాణికులకు అందుబాటులోకి తెచ్చా రు. కాజీపేట్‌–కొండపల్లి మధ్య 3వ రైలు మార్గానికి శంకుస్థాపన చేశారు. మంచిర్యాల–పెద్దంపేట మధ్య నిర్మించిన 3వ లైన్‌ను ప్రారంభించారు. సికింద్రాబాద్‌ రైల్వేస్టేషన్‌లో 6/7 ప్లాట్‌ఫాంపై ఒక లిఫ్టు నిర్మాణానికి, బేగంపేటలో రూ.1.5 కోట్లతో 3 లిఫ్టుల నిర్మాణానికి శంకుస్థాపన చేశారు. ఆర్ట్స్‌ కాలేజీ రైల్వే స్టేషన్‌లో 238 మీటర్‌ల నుంచి 330 మీటర్‌లకు పొడిగించిన 2 ప్లాట్‌ఫారాలను ప్రారంభించారు. లింగంపల్లి, కాజీపేట స్టేషన్లలో రూ.3 కోట్లతో చేపట్టనున్న 3 ఎస్కలేటర్ల నిర్మాణానికి శంకుస్థాపన చేశారు. బొల్లారం, వరంగల్‌ రైల్వే స్టేషన్ల పాదచారుల వంతెన నిర్మాణ పనులను ప్రారంభించారు. ఈ కార్యక్రమంలో ఎంపీలు మల్లారెడ్డి, బండారు దత్తాత్రేయ, దక్షిణ మధ్య రైల్వే జనరల్‌ మేనేజర్‌ వినోద్‌కుమార్‌ యాదవ్‌ పాల్గొన్నారు. తెలంగాణలో రైల్వేల అభివృద్ధికి ప్రాధాన్యత..  ఈ సందర్భంగా మంత్రి రాజెన్‌ మాట్లాడుతూ.. తెలంగాణలో కొత్త రైల్వే లైన్లు, మౌలిక సదుపాయాల కల్పనకు కేంద్రం అత్యధిక ప్రాధాన్యతనిస్తోందని పేర్కొన్నారు. దీర్ఘకాలంగా పెండింగ్‌లో ఉన్న అనేక ప్రాజెక్టులను ఈ నాలుగేళ్లలో పూర్తి చేసినట్లు తెలిపారు. కొత్త లైన్ల విస్తరణ, సదుపాయాలకు రూ.వేల కోట్లు వెచ్చించినట్లు చెప్పారు. ఈ ఏడాది సుమారు 50 కిలోమీటర్లకు పైగా కొత్తలైన్లు వేయడంతోపాటు, 76 కిలోమీటర్ల రైల్వే లైన్లను డబ్లింగ్‌ చేసినట్లు వివరించారు. మరో 345 కిలోమీటర్ల రైల్వే లైన్లను విద్యుదీకరించినట్లు పేర్కొన్నారు. రూ.106 కోట్లతో మంచిర్యాల–పెద్దంపేట మధ్య నిర్మించిన మూడో రైలు మార్గాన్ని ప్రారంభించడం సంతోషంగా ఉందన్నారు. దీనివల్ల సరుకు రవాణాకు ఈ మార్గంలో అవకాశాలు పెరుగుతాయని చెప్పారు. కాజీపేట–కొండపల్లి మధ్య రూ.1693.45 కోట్ల అంచనాలతో ప్రస్తుతం చేపట్టిన మూడో రైలు మార్గం వల్ల ప్రయాణికులకు అదనపు సదుపాయం అందుబాటులోకి రావడమే కాకుండా సరుకు రవాణాలో ఇతోధికమైన అభివృద్ధిని సాధించవచ్చని తెలిపారు. మల్కాజిగిరి స్టేషన్‌ అభివృద్ధికి చర్యలు చేపట్టాలని మల్కాజిగిరి ఎంపీ మల్లారెడ్డి మంత్రిని కోరారు. నిత్యం వేలాది మంది రాకపోకలు సాగించే ఈ స్టేషన్లో మౌలిక సదుపాయాలు ఇంకా విస్తరించాల్సి ఉందని అన్నారు. లాలాగూడ కేంద్రీయ రైల్వే ఆస్పత్రిని సూపర్‌ స్పెషాలిటీ ఆస్పత్రిగా అభివృద్ధి చేయాలని ఎంపీ బండారు దత్తాత్రేయ కోరారు. ఎంఎంటీఎస్‌ రెండో దశను సత్వరమే పూర్తి చేయాలని తెలిపారు. తెలంగాణ ప్రభుత్వం తగిన నిధులు కేటాయించకపోవడంతోనే ఈ ప్రాజెక్టు ముందుకు సాగడం లేదని, యాదాద్రి వరకు ఎంఎంటీఎస్‌ పొడిగించేందుకు ప్రభుత్వం చర్యలు చేపట్టాలని కోరారు. దక్షిణ మధ్య రైల్వేలో కాపలా లేని రైల్వే గేట్లను పూర్తిగా తొలగించనున్నట్లు జనరల్‌ మేనేజర్‌ వినోద్‌కుమార్‌ యాదవ్‌ తెలిపారు.   

బరంపురం: జిల్లా కేంద్రంలోని చత్రపూర్‌ రైల్వేస్టేషన్‌లో అనుమానాస్పద స్థితిలో ఓ మహిళా వైద్యురాలు శుక్రవారం మృతి చెందింది. రైల్వే పోలీసుల సమాచారంతో విషయం తెలుసుకున్న జీఆర్‌పీ సిబ్బంది సంఘటనా స్థలానికి చేరుకుని వైద్యురాలి మృతదేహాన్ని స్వాధీనం చేసుకున్నారు. కేసు నమోదు చేసి, పోస్టుమార్టం నిమిత్తం దగ్గర్లోని ఎంకేసీజీ మెడికల్‌ కళాశాల ఆస్పత్రికి తరలించారు. మహిళ మృతిపై పలు ఆసక్తికర విషయాలు బయటపడుతున్నప్పటికీ, ఆత్మహత్యకు పాల్పడి ఉండవచ్చని    పోలీసులు అనుమానం వ్యక్తం చేస్తున్నారు. అనంతరం మృతదేహాన్ని కుటుంబ సభ్యులకు అప్పగించారు.  వివరాలిలా ఉన్నాయి.. చత్రపూర్‌ రైల్వేస్టేషన్‌ సమీపంలోని తురాయి పట్టపూర్‌ గ్రామానికి చెందిన ఉపాధ్యాయుడు రఘునాథ్‌దాస్‌ కుమార్తె అర్చనాదాస్‌గా మృతురాలిని పోలీసులు గుర్తించారు. నాలుగేళ్ల క్రితం భువనేశ్వర్‌లోని గడిఖానా ప్రాంతానికి చెందిన వైద్యుడు అర్జున్‌దాస్‌తో ఆమెకు వివాహం జరిగింది. అర్చనాదాస్‌ భువనేశ్వర్‌లోని ఒక ప్రైవేట్‌ ఆసుపత్రిలో వైద్యురాలిగా విధులు నిర్వహిస్తోంది. కొన్నాళ్ల నుంచి భర్త అర్జున్‌దాస్‌తో ఏర్పడిన విభేదాల కారణంగా గంజాం జిల్లాలోని తురాయి పట్టపూర్‌ గ్రామంలో తండ్రి ఇంటి వద్ద ఉంటోంది. అర్చనాదాస్‌ మృతికి గల కారణాలను తెలుసుకునేందుకు పోలీసులు కేసు నమోదు చేసి, దర్యాప్తు చేస్తున్నారు.

సాక్షి, న్యూఢిల్లీ: పరిశుభ్ర రైల్వే స్టేషన్లకు ఏటా ఇచ్చే ‘స్వచ్ఛ్‌ రైల్, స్వచ్ఛ్‌ భారత్‌’ ర్యాంకుల జాబితాను రైల్వే మంత్రి పీయూష్‌ గోయల్‌ సోమ వారం విడుదల చేశారు. క్వాలిటీ కౌన్సిల్‌ ఆఫ్‌ ఇండియా నిర్వహించిన సర్వే ఆధారంగా ఈ జాబితా రూపొందించారు. విజయవాడ 4, సికింద్రాబాద్‌ 6, హైదరాబాద్‌ 8, విశాఖపట్నం పదో స్థానంలో నిలిచాయి. ‘ఏ’కేటగిరీ రైల్వే స్టేషన్ల జాబితాలో వరంగల్లు మూడో స్థానం(గతేడాది 8వ స్థానం) దక్కించుకుంది. నిజామాబాద్‌ 6, మంచిర్యాల 8వ స్థానంలో నిలిచాయి. ఇక, ఏ1 స్టేషన్ల కేటగిరీలో తిరుపతి రైల్వే స్టేషన్‌ మూడోస్థానం (గతేడాది 19వ స్థానం) దక్కించుకుంది. పరిశుభ్రత కలిగిన రైల్వే జోన్ల జాబితాలో దక్షిణ మధ్య రైల్వే రెండోస్థానం దక్కించుకుంది. ఈస్ట్‌ కోస్ట్‌ రైల్వే తర్వాతి స్థానంలో నిలిచింది.

సాక్షి, హైదరాబాద్‌: రాష్ట్ర రాజధాని హైదరాబాద్‌ నుంచి గజ్వేల్‌కు త్వరలోనే రైల్వే సదుపాయం అందుబాటులోకి రానుంది. మనోహరాబాద్‌–గజ్వేల్‌ మధ్య చేపట్టిన రైల్వే నిర్మాణ పనులు వేగంగా కొనసాగుతున్నాయి. ఈ ఏడాది చివరి నాటికి పనులు పూర్తి చేసి రైళ్లను పట్టాలెక్కించే దిశగా దక్షిణమధ్య రైల్వే కార్యాచరణ చేపట్టింది. దీంతో ఇప్పటి వరకు కేవలం రోడ్డు సదుపాయం మాత్రమే ఉన్న గజ్వేల్‌ ప్రజలకు త్వరలోనే రైలు కూత వినిపించనుంది. హైదరాబాద్‌ నుంచి గజ్వేల్‌ మధ్య ప్రతిరోజు రాకపోకలు సాగించే వేలాది మందికి ఇది ఎంతో ప్రయోజనకరం కానుంది. ఈ మార్గంలో ప్యాసింజర్‌ రైళ్లను కూడా నడపనున్నారు. తెలంగాణ ప్రభుత్వం ఎంతో ప్రతిష్టాత్మకంగా భావిస్తున్న 151 కిలోమీటర్ల పొడవైన మనోహరాబాద్‌–కొత్తపల్లి రైల్వేలైన్‌ నిర్మాణంలో మనోహరాబాద్‌ నుంచి గజ్వేల్‌ వరకు 32 కిలోమీటర్లను మొదటి దశ కింద చేపట్టారు. ఇందుకోసం కావలసిన భూమిని, ఇతర మౌలిక సదుపాయాలను రాష్ట్రప్రభుత్వం అందజేసింది. దీంతో పనుల్లో వేగం పెరిగింది. ఎట్టి పరిస్థితుల్లోనూ డిసెంబర్‌ నాటికి పూర్తి చేయాలని దక్షిణమధ్య రైల్వే లక్ష్యంగా పెట్టుకుంది. ప్రస్తుతం సికింద్రాబాద్, కాచిగూడ స్టేషన్ల నుంచి మనోహరాబాద్‌ వరకు డెమూ, మెమూ ప్యాసింజర్‌ రైళ్లు నడుస్తున్నాయి. మనోహరాబాద్‌ నుంచి గజ్వేల్‌ వరకు లైన్లు పూర్తయితే ఈ రైళ్లను అక్కడి వరకు పొడిగిస్తారు. జనవరి నుంచి మార్చి మధ్యలో అన్ని భద్రతా పరీక్షలను పూర్తి చేసుకొని గజ్వేల్‌ వరకు రైళ్లను నడపనున్నారు. అలాగే ఈ మార్గంలో ఎంఎంటీఎస్‌ రైళ్ల రాకపోకలకు కూడా మార్గం సుగమం కానుంది.   నాలుగు దశల్లో కొత్తపల్లి వరకు రైల్వేలైన్లు  ప్రస్తుతం హైదరాబాద్‌ నుంచి కరీంనగర్‌ వరకు నేరుగా రైల్వే సదుపాయం లేదు. ఈ క్రమంలో రాష్ట్రప్రభుత్వం మనోహరాబాద్‌–కొత్తపల్లి లైన్లను ప్రతిపాదించింది. దీనికి రైల్వేశాఖ నుంచి ఆమోదం లభించింది. మొత్తం రూ.1,160 కోట్ల అంచనాలతో చేపట్టిన ఈ ప్రాజెక్టు కోసం రాష్ట్ర ప్రభుత్వం భూమి, మౌలిక వసతులను ఉచితంగా అందజేయడంతో పాటు నిర్మాణ వ్యయంలో మూడో వంతు నిధులను అందజేస్తోంది. ఇప్పటి వరకు రెండు విడుతలుగా రూ.500 కోట్లను రాష్ట్రం విడుదల చేసింది. ఈ ప్రాజెక్టును మొత్తం 4 దశల్లో పూర్తి చేసేందుకు ప్రణాళికలను రూపొందించారు. మొదటి దశలో మనోహరాబాద్‌–గజ్వేల్‌ (32 కిలోమీటర్‌లు), రెండో దశలో గజ్వేల్‌– దుద్దెడ (33 కిలోమీటర్లు), మూడో దశ కింద దుద్దెడ–సిరిసిల్ల (48 కిలోమీటర్లు), నాలుగోదశలో సిరిసిల్ల– కొత్తపల్లి (38 కిలోమీటర్లు) మధ్య పనులను పూర్తి చేస్తారు. వచ్చే ఐదేళ్లలో ఈ ప్రాజెక్టును పూర్తి చేయనున్నారు.   కొత్తగా రెండు రైల్వేస్టేషన్లు  అటు రైల్వేశాఖ, ఇటు రాష్ట్రప్రభుత్వం సమన్వయంతో చేపట్టిన ఈ ప్రాజెక్టులో భాగంగా మనోహరాబాద్‌–గజ్వేల్‌ మధ్య నాచారం, ఈరానగర్‌లలో రెండు కొత్త రైల్వేస్టేషన్లను నిర్మిస్తున్నారు. ఇప్పటికే ట్రాక్‌ నిర్మాణ పనులు తుది దశకు చేరుకున్నాయి. 4 భారీ బ్రిడ్జీలు, మరో 43 చిన్న బ్రిడ్జీలను నిర్మిస్తున్నారు. మరో 2 అతి పెద్ద రోడ్డు ఓవర్‌ బ్రిడ్జీలు, 6 చిన్న ఆర్‌వోబీలను ఈ ప్రాజెక్టులో భాగంగా నిర్మిస్తున్నారు.  

న్యూఢిల్లీ : దేశీయ రైల్వే స్టేషన్లన్నీ వైఫై హంగులను సమకూర్చుకుంటున్నాయి. తాజాగా దేశవ్యాప్తంగా ఉన్న 700కి పైగా స్టేషన్లలో ఉచిత పబ్లిక్‌ వై-ఫై సర్వీసులను ఆఫర్‌ చేస్తున్నట్టు దేశీయ రైల్వే ప్రకటించింది. ఇది ప్రతి నెలా 80 లక్షల మంది ప్రజలను కవర్‌ చేయనుంది. టెక్‌ దిగ్గజం గూగుల్‌తో కలిసి, దేశీయ రైల్వే ఈ సర్వీసులను ఆఫర్‌ చేస్తోంది. ‘రైల్‌ టెల్‌, అన్‌కనెక్టెడ్‌ను కనెక్ట్‌ చేయాలని అంకిత భావంతో ఉంది. 700 ప్లస్‌ రైల్వే స్టేషన్లలో రైల్‌వైర్‌ హాట్‌స్పాట్‌లను అందుబాటులోకి తీసుకొచ్చాం. దీంతో నెలకు 80 లక్షల మంది ప్రజలకు ఈ ఉచిత వై-ఫై అనుభవాన్ని అందించనున్నాం’ అని దేశీయ రైల్వే టెలికాం సంస్థ రైల్‌టెల్‌ ట్వీట్‌ చేసింది. ఈ సర్వీసులను 30 నిమిషాల పాటు ఉచితంగా అందిస్తామని, ఒక్కో సెషన్‌పై సగటున 350 ఎంబీ డేటాను యూజర్లు వాడుకోవచ్చని తెలిపింది. నెలవారీ డేటా వినియోగం ఈ ఉచిత నెట్‌వర్క్‌పై 7000 టీబీలకు పైగా నమోదవుతుందని పేర్కొంది. ఈ సర్వీసులు ప్రస్తుతం 407 అర్బన్‌ రైల్వే స్టేషన్లు, 298 రూరల్‌ స్టేషన్లలలో అందుబాటులోకి తీసుకొస్తున్నారు. ఈ స్టేషన్లలో ఆంధ్రప్రదేశ్‌, అరుణాచల్‌ ప్రదేశ్‌, అస్సాం, బిహార్‌, చండీగఢ్‌‌, చత్తీస్‌గఢ్‌, ఢిల్లీ, గుజరాత్‌, గోవా, హర్యానా, హిమాచల్‌ప్రదేశ్‌, జమ్ము కశ్మీర్‌, జార్ఖాండ్‌, కర్నాటక, కేరళ, మధ్యప్రదేశ్‌, మహారాష్ట్ర, నాగాలాండ్‌, ఒడిశా, పంజాబ్‌, రాజస్తాన్‌, తెలంగాణ, త్రిపుర, తమిళనాడు, ఉత్తర ప్రదేశ్‌, ఉత్తరాఖండ్‌, పశ్చిమబెంగాల్‌లు ఉన్నాయి. 2016 జనవరిలో ముంబై నుంచి తొలుత ఈ సర్వీసులను దేశీయ రైల్వే ప్రారంభించింది. ఈ స్కీమ్‌ కింద లాంచ్‌ అయిన ఏడాదిలో 100 స్టేషన్లను కవర్‌ చేసింది. 6వేలకు పైగా స్టేషన్లలో ఈ ఉచిత వై-ఫై సర్వీసులను రైల్వే విస్తరిస్తుందని రైల్వే మంత్రి పీయూష్‌ గోయల్‌ చెప్పారు. 

సాక్షి, న్యూఢిల్లీ : ఇంటర్‌నెట్‌ దిగ్గజం గూగుల్‌ రైల్‌టెల్‌తో కలిసి దేశవ్యాప్తంగా 400 రైల్వే స్టేషన్లలో ఉచిత వైఫై సదుపాయాన్ని విజయవంతంగా అందుబాటులోకి తీసుకువచ్చింది. అస్సాంలోని దిబ్రూగర్‌లో ఉచిత వైఫై సౌకర్యాన్ని ప్రారంభించడం ద్వారా 400 స్టేషన్లలో ఈ ప్రాజెక్టు అందుబాటులోకి వచ్చినట్టయిందని అధికారులు తెలిపారు. లక్షలాది ప్రయాణీకులకు హైస్పీడ్‌ కనెక్టివిటీని అందుబాటులోకి తీసుకురావడం మరుపురాని అనుభవంగా గూగుల్‌ ఇండియా పార్టనర్‌షిప్స్‌ డైరెక్టర్‌ కే. సూరి పేర్కొన్నారు. 2016 జనవరిలో ఎంపిక చేసిన రైల్వే స్టేషన్లలో వైఫై కనెక్టివిటీ కార్యక్రమానికి ముంబై సెం‍ట్రల్‌ రైల్వే స్టేషన్‌తో శ్రీకారం చుట్టారు. రైల్‌టెల్‌ సమకూర్చిన మౌలిక వసతులతో గూగుల్‌ తన వైర్‌లెస్‌ ఇన్‌ఫ్రాస్ర్టక్చర్‌ను జోడించి ఈ భారీ ప్రాజెక్టును చేపట్టింది. 

తలమడుగు(బోథ్‌) : బోథ్‌ నియోజకవర్గంలో తలమడుగు, ఉండమ్‌ గ్రామంలో రైల్వే స్టేషన్లు ఉన్నాయి. ఈ రెండు స్టేషన్లు ప్యాసింజర్‌ రైళ్లకే పరిమితమయ్యాయి. ఇక్కడ ఎక్స్‌ప్రెస్‌ రైళ్లకు హాల్టింగ్‌ లేక ప్రయాణికులు తీవ్ర ఇబ్బందులకు ఎదుర్కొంటున్నారు. గతంలో తాంసీ, తలమడుగు మండల ప్రజల రావాణా సౌకర్యార్థ్థం రైలు ప్రయాణం మాత్రమే ఉండేది. ఉండమ్, తలమడుగు రైల్వే స్టేషన్లను పాలకులు పట్టించుకోక పోవడంతో స్టేషన్లలో కనీస వసతులు కరువయ్యాయి.  1976లో నుంచి అసౌకర్యాలే.. 1976లో తలమడుగు గ్రామం మీదుగా మహరాష్ట్ర కిన్వాట్‌ మీదుగా రైల్వే లైన్‌ ఏర్పాటు చేశారు. బోథ్‌ నియోజకవర్గంలో బోథ్, నేరడిగొండ, బజార్‌హత్నూర్, ఇచ్చోడ, గుడిహత్నుర్, సిరికొండ, బీంపూర్, తాంసీ, తలమడుగు, మండలాలు ఉన్నాయి. వాటిలో తలమడుగు రైల్వే స్టేషన్‌ మాత్రం తాంసీ, తలమడుగు, భీంపూర్, మండలాల ప్రజల సౌకర్యం కోసం ఏర్పాటు చేశారు. మూడు మండలాలకు చెందిన ప్రజలు తరచూ హైదరాబాద్‌తో పాటు మహారాష్ట్ర సుదూర ప్రాంతాలకు వెళ్తుంటారు. ఈస్టేషన్‌ మీదుగా దీక్షభూమి, పాట్నా, నాందేడ్‌ స్పెషల్, నందిగామ్, కృçష్ణ, సంత్రగాంచి, ఎక్స్‌ప్రెస్‌ రైళ్లు వెళ్తుంటాయి, కేవలం ప్యాసింజర్‌ రైళ్లు రెండు మాత్రమే ఇక్కడ అగుతాయి. బస్సు చార్జీలు ప్రయాణికులకు భారమవుతుండడంతో నిరుపేద, మధ్యతరతి ప్రజలు రైళ్లోనే ప్రయాణించేందుకు ఆసక్తి చూపుతున్నారు. కానీ ఇక్కడ ఎక్స్‌ప్రెస్‌ రైళ్లు ఆగకపోవడంతో దూరప్రాంతాలకు వెళ్లే వారు ఆర్థికంగా ఇబ్బందులు పడుతున్నారు.  పట్టించుకోని అధికారులు.. ఎక్స్‌ప్రెస్‌ రైళ్లు ఆపాలని, రైల్వే స్టేషన్లలో సౌకర్యాలు మెరుగుపర్చాలని గతంలో పలుమార్లు అధికారులకు, ప్రజాప్రతినిధులకు విన్నవించినా ఎవరూ పట్టించుకోలేదని స్థానికులు ఆవేదన వ్యక్తం చేస్తున్నారు. గతంలో ఆదిలాబాద్‌ ఎంపీ గోడం నగేశ్‌ తలమడుగులోని రైల్వే స్టేషన్‌ను పరిశీలించారు. తాగునీటి వసతి, ప్రాయాణికులు కూర్చోవడానికి ఎలాంటి సౌకర్యాలు లేవని స్థానికులు ఎంపీ దృష్టికి తీసుకెళ్లారు. ఎండాకాలం ఎండలో, వర్షాకాలంలో తడుస్తూ రైలు ప్రయాణం చేస్తున్నామని స్థానికులు వాపోతున్నారు. నిత్యం వందల సంఖ్యలో ప్రాయణికులు స్టేషన్‌ నుంచి ప్రాయాణం సాగిస్తున్నా అధికారులు వసతులు కల్పించడం లేదని స్థానికులు వాపోతున్నారు. ఎక్స్‌ప్రెస్‌ రైలు ఆపకపోవడంతో జిల్లా కేంద్రంలోని రైల్వే స్టేషన్‌కు వెళ్లి తిరిగి ఎక్స్‌ప్రెస్‌ రైలులో తలమడుగు, ఉండమ్, రైల్వే స్టేషన్ల మీదుగానే వెళ్తున్నామని ఆవేదన వ్యక్తం చేస్తున్నారు. దీంతో డబ్బులు, సమయం వృథా అవుతోందని స్థానికులు ఆవేదన చెందుతున్నారు. ఎంపీ గోడం నగేశ్‌ చొరవ తీసుకుని తలమడుగులో ఎక్స్‌ప్రెస్‌ రైళ్లు ఆపేలా చర్యలు తీసుకోవాలని, ఉండమ్, తలమడుగు రైల్వే స్టేషన్లలో కనీస వసతులు కల్పించాలని మండల ప్రజలు కోరుతున్నారు.  ఎక్స్‌ప్రెస్‌ రైళ్లు ఆపాలి తలమడుగు రైల్వే స్టేషన్‌లో ప్యాసింజర్‌ రైళ్లు మాత్రమే అపుతున్నారు. మిగతా రైళ్లు ఇక్కడ ఆపడం లేదు. దీంతో దూర ప్రాంతాలకు వెళ్లాలంటే ఆక్కడి నుంచి జిల్లా కేంద్రానికి వెళ్లి అక్కడి నుంచి వెళ్లాల్సి వస్తోంది. ఇక్కడ రైళ్లు నిలిపితే ఎలాంటి సమస్యలు ఉండవు. గతంలో నాందేడ్, నుంచి రైల్వే ఉన్నధికారులు వచ్చి పరిశీలించి వెళ్లారు తప్ప సమస్య పరిష్కారానికి చర్యలు తీసుకోలేదు.    – లింగాల రాజన్న, తలమడుగు కనీస సౌకర్యాలు కల్పించాలి రైల్వె స్టేషన్‌లో ప్రాయాణికులకు కూర్చోడానికి కుర్చీలు తాగేందుకు నీటి సౌకర్యం లేవు. దీంతో ఇక్కడకు వచ్చే ప్రయాణికులు ఇబ్బందులు పడుతున్నారు. ఎండ కాలంలో ఎండను, వర్షాకాలంలో వానను తట్టుకుని ప్రయాణం చేస్తున్నాం. రైల్వే స్టేషన్‌కు రావాలంటే రోడ్డు పూర్తిగా బురదమయంగా ఉంటుంది. బురదలోంచి నడిచి వస్తున్నాం. కనీసం తాగునీటి సౌకర్యం, కనీస సౌకర్యాలు కల్పించేలా అధికారులు చర్యలు తీసుకోవాలి.      – శరత్‌యాదవ్, తాంసీ 

న్యూఢిల్లీ: దేశవ్యాప్తంగా రైల్వేస్టేషన్ల లోపల, బయట శానిటరీ నాప్‌కిన్లతో పాటు కండోమ్స్‌ను అమ్మాలని రైల్వేశాఖ నిర్ణయించింది. రైల్వేస్టేషన్ల సమీపంలో నివసించే ప్రజల కోసం ఉచిత మరుగుదొడ్లను నిర్మించాలన్న ప్రతిపాదనకు ఓకే చెప్పింది. ఈ మేరకు అధికారులు రూపొందించిన ‘టాయిలెట్‌ పాలసీ’కి రైల్వే బోర్డు ఆమోదం తెలిపింది.  పరిసరాలను శుభ్రంగా ఉంచేందుకు రైల్వేస్టేషన్ల సమీపంలో మరుగుదొడ్లను నిర్మించాలని సూచించినట్లు రైల్వే ఉన్నతాధికారి ఒకరు తెలిపారు. రైల్వేస్టేషన్ల లోపల, బయట చౌకగా లభించే శానిటరీ నాప్‌కిన్లు, కండోమ్స్‌ అమ్మేందుకు కియోస్క్‌లను ఏర్పాటు చేయనున్నట్లు పేర్కొన్నారు. కార్పొరేట్‌ సామాజిక బాధ్యత(సీఎస్‌ఆర్‌) నిధి సాయంతో దేశవ్యాప్తంగా 8,500 రైల్వేస్టేషన్లలో వీటిని ఏర్పాటు చేస్తామన్నారు. 

ముంబై : దేశంలోని అత్యంత సుందరమైన రైల్వే స్టేషన్ల జాబితాను రైల్వే మంత్రిత్వ శాఖ విడుదల చేసింది. శుభ్రత, పారిశుద్ధ్యతా ప్రమాణాల ఆధారంగా రూపొందించిన ఈ జాబితాలో మహారాష్ట్రలోని చంద్రాపూర్‌, బల్లర్షా స్టేషన్లు ప్రథమ స్థానాన్ని పొందాయని రాష్ట్ర ఆర్థికశాఖ మంత్రి సుధీర్‌ ముంగటివార్‌ గురువారం తెలిపారు. తమ రాష్ట్రంలోని రెండు స్టేషన్లు సుందరమైన స్టేషన్లుగా ఎంపికైనందుకు రైల్వేశాఖ మంత్రి పీయూష్‌ గోయల్‌ తనను అభినందించారని సుధీర్‌ సంతోషం వ్య​క్తం చేశారు. చంద్రాపూర్‌ జిల్లాకు గార్డియన్‌ మినిస్టర్‌గా వ్యవహరిస్తున్న సుధీర్‌ మాట్లాడుతూ.. ఏడాది క్రితమే చంద్రాపూర్‌, బల్లర్షా స్టేషన్ల సుందరీకరణ పనులు చేపట్టామని పేర్కొన్నారు. ఇందుకోసం ప్రత్యేకంగా నాగ్‌పూర్‌ ప్రభుత్వ చిత్రకళా మహావిద్యాలయ నుంచి కళాకారులను పిలిపించామన్నారు. వీరి ప్రతిభతో.. బల్లర్షా ఫుటోవర్‌ బ్రిడ్జిపై చిత్రించిన పులి బొమ్మ ప్రస్తుతం సెల్ఫీ పాయింట్‌గా మారిందని ఆయన ఆనందం వ్యక్తం చేశారు. సుందరమైన రైల్వేస్టేషన్ల జాబితాలో కొన్ని.. 1. చంద్రాపూర్‌, బల్లార్షా(మహారాష్ట్ర) 2. మధుబని(బిహార్‌), మధురై(తమిళనాడు) మధుబని, బిహార్‌ మధురై, తమిళనాడు 3. గాంధీధామ్‌(గుజరాత్‌), సికింద్రాబాద్‌(తెలంగాణ), కోట(రాజస్థాన్‌) గాంధీధామ్‌(గుజరాత్‌) సికింద్రాబాద్‌(తెలంగాణ) కోట(రాజస్థాన్‌)

న్యూఢిల్లీ : అంతర్జాతీయ విమానశ్రయ స్థాయి హంగులతో భారత్‌లో రెండు రైల్వేస్టేషన్ల రూపురేఖలు మారబోతున్నాయి. కేవలం 9 నెలల్లో ఈ అద్భుతం కళ్ల ముందు ఆవిష్కృతం కాబోతోంది. దేశ రైల్వే వ్యవస్థకు కొత్త నిర్వచనాన్ని ఇచ్చే దిశగా మధ్యప్రదేశ్‌ రాజధాని భోపాల్‌లోని హబీబ్‌గంజ్‌, గుజరాత్‌లోని గాంధీనగర్‌ రైల్వేస్టేషన్లకు వందల కోట్ల రూపాయలు కేటాయించినట్లు ఇండియన్‌ రైల్వేస్‌ డెవలప్‌మెంట్‌ కార్పొరేషన్‌(ఐఆర్‌ఎస్‌డీసీ) ఎండీ, సీఈవో లోహియా చెప్పారు. హబీబ్‌గంజ్‌ స్టేషన్‌ నిర్మాణాన్ని ఈ ఏడాది డిసెంబర్‌కు, గాంధీనగర్‌ స్టేషన్‌ నిర్మాణాన్ని 2019 జనవరికి పూర్తి చేయనున్నట్లు వివరించారు. భారత ప్రభుత్వం స్టేషన్‌ రీ డెవలప్‌మెంట్‌ ప్రోగ్రామ్‌ కింద ఈ రెండు స్టేషన్లను అభివృద్ధి చేస్తున్నారు. ఈ ప్రోగ్రామ్‌ కోసం కేంద్ర ప్రభుత్వం లక్ష కోట్ల రూపాయలు కేటాయించింది. హబీబ్‌గంజ్‌ స్టేషన్‌ - సదుపాయాలు ఈ స్టేషన్‌లో కూర్చువడానికి అనువుగా ఉండే 600ల బెంచ్‌లు ఉంటాయని లోహియా చెప్పారు. విమానాశ్రయాల వలే టాయిలెట్స్‌, రిటైల్‌ ఏరియాస్‌(షాపులు, కేఫ్స్‌, ఫాస్ట్‌ పుడ్‌ సెంటర్స్‌), ఫ్రీ వైఫై వంటి సేవలు ఉంటాయి. లాంజెస్‌, వీడియో గేమ్‌ జోన్స్‌, వర్చువల్‌ మ్యూజియంలను కూడా ఏర్పాటు చేసే ఆలోచనలో భారతీయ రైల్వే ఉందని వివరించారు. హబీబ్‌గంజ్‌ రైల్వే స్టేషన్‌ బిల్డింగ్‌ రూపురేఖలు మారిపోయి ప్రపంచస్థాయి రైల్వేస్టేషన్‌గా అది కనిపించబోతోందని తెలిపారు. గాంధీనగర్‌ స్టేషన్‌ హబీబ్‌గంజ్‌ వలే గాంధీనగర్‌ స్టేషన్‌లో సదుపాయాలు ఉండనున్నాయి. ఈ స్టేషన్‌లో ఇప్పటికే 42 శాతం సివిల్‌ పనులు పూర్తి అయినట్లు లోహియా చెప్పారు. వచ్చే ఏడాది జనవరిలో ప్రధానమంత్రి నరేంద్ర మోదీ ఈ స్టేషన్‌ను ప్రారంభిస్తారని తెలిపారు. ఇక్కడ స్టేషన్‌ మాత్రమే కాకుండా 300 గదులు ఉండే 5 స్టార్‌ హోటల్‌ను కూడా నిర్మిస్తున్నారు. ఈ రెండు రైల్వేస్టేషన్లను ఐఆర్‌ఎస్‌డీసీ నిర్వహిస్తుందని లోహియా చెప్పుకొచ్చారు. వీటి నుంచి అత్యధికంగా ఆదాయం సాధించేందుకు ప్రయత్నిస్తామని తెలిపారు. హబీబ్‌గంజ్‌ స్టేషన్‌ నిర్వహణకు ఏడాదికి నాలుగు కోట్ల నుంచి ఐదు కోట్ల రూపాయలు అవుతుందని చెప్పారు. ఏడాదికి ఈ స్టేషన్‌ నుంచి వచ్చే ఆదాయం ఆరున్నర కోట్ల నుంచి ఏడు కోట్ల వరకూ ఉండొచ్చని అంచనా వేస్తున్నట్లు తెలిపారు.

ఆగండి ఆస్వాదించండి జీవితం ఎప్పుడు సంతృప్తికరంగా ఉంటుంది. మామూలుగానైతే రుచికరమైన భోజనం దొరికినప్పుడు. అదే భోజనం లేదా ఇంకేదైనా టేస్టీ ఫుడ్‌ను ప్రయాణం చేస్తూ మధ్య మధ్య రైల్వేస్టేషన్‌లలో దిగి తింటే? జీవితంలోని సంతృప్తికి ఆహ్లాదం కూడా తోడవుతుంది. సాధారణంగా ప్రదేశాలు చూడ్డానికి ప్రయాణాలు చేస్తాం. వీలైతే ఒకసారి మీరెప్పుడైనా కేవలం ఫుడ్‌ని తినడానికే జర్నీ చెయ్యండి. ఎక్కడికి అంటారా? ఇదిగో మెనూ. ఏ రైల్వే స్టేషన్‌లో ఏ ఫుడ్‌ ఐటమ్‌ అదిరిపోతుందో లిస్ట్‌ ఇస్తున్నాం. టిక్‌ పెట్టడం, టికెట్‌ బుక్‌ చేసుకోవడం మీ వంతు. కర్జాత్, మహారాష్ట్ర  వడాపావ్, బటాటా వడ. ఆ ఘుమఘుమలు ఎంత నోరూరిస్తాయో చెప్పలేం.  నసీరాబాద్, రాజస్తాన్‌ కచోరా. జెయింట్‌ కచోరా తీస్కోండి. క్రంచీగా, డెలీషియస్‌గా లాగించేయండి.  సురేంద్రనగర్, గుజరాత్‌ కామెల్‌ మిల్క్‌ టీ. ఒంటె పాల తేనీరు! లైఫ్‌లో ఒక్క సిప్‌ అయినా వెయ్యాల్సిందే.  మద్దూర్, కర్ణాటక మద్దూర్‌ వడ. చూడ్డానికి కుకీస్‌లా ఉంటాయి ఈ వడలు. ఒకటి తిని చూడండి. ఇంకోటి తినకుండా ఆగగలరేమో.. అదీ చూడండి.  కాలికట్, కేరళ కోళికోడ్‌ హల్వా. కొబ్బరి, డ్రై ఫ్రూట్స్, లోకల్‌ సుగంధ ద్రవ్యాలతో తయారయ్యే ఈ హల్వా మీకు ఈ భూమ్మీద ఇక్కడ కాక మరెక్కడా దొరకదు.  హౌరా, పశ్చిమ బెంగాల్‌ చికెన్‌ కట్‌లెట్‌. చిన్నవిగా ఉంటాయి. కరకరలాడతాయి. ఎంపిక చేసిన లేత చికెన్‌తో చేస్తారు కాబట్టి పీచు మిఠాయిల్లా నోట్లో కరిగిపోతాయి.  విజయవాడ, ఆంధ్రప్రదేశ్‌ దాల్‌ వడ. లోపల, బయట కూడా మృదువుగా ఉంటుంది. చట్నీ ఇస్తారు. ఉల్లిపాయ ముక్కలు వేస్తారు. కొరుక్కోడానికి ఒక మిరపకాయను కూడా పెడతారు. తింటే స్వర్గలోకాల వీక్షణే.  తండ్లా, యు.పి. ఆలూ టిక్కీ. వేడి వేడిగా, క్రిస్పీగా ఉంటాయి. అయితే ట్రైన్‌ ఇక్కడ ఎంతోసేపు ఆగదు. ఆలోపే కుమ్మేయాలి మరి.  జలంధర్, పంజాబ్‌ చోళే భతూరే. ఈ రూట్‌లో వెళ్తున్నప్పుడు ఈ స్టేషన్‌లో దిగి, ఈ ఐటమ్‌ను తినకపోతే.. మీరిక ప్రపంచమంతా తిరిగినా వృథానే. ప్రయాణం వృథా అని కాదు. లైఫ్‌ వృథా అని.  రత్లామ్, ఎం.పి. పోహ. ఉల్లిపాయలు తరిగి, ఫ్రెష్‌గా సర్వ్‌ చేస్తారు. చవక, ఆరోగ్యం కూడా. బ్రేక్‌ఫాస్ట్‌కి సూట్‌ అవుతుంది. 

అంతర్జాతీయ మహిళా దినోత్సవాన్ని పురస్కరించుకుని గురువారం నగరంలోని ప్రభుత్వ కార్యాలయాల్లో ప్రత్యేక కార్యక్రమాలు నిర్వహించారు. ఆర్టీఏ ఆధ్వర్యంలోమహిళలకు లైసెన్స్‌ క్యాంపులు ఏర్పాటు చేశారు.ఖైరతాబాద్‌ కార్యాలయానికి సేవల కోసం వచ్చిన మహిళతో రవాణాశాఖ ప్రిన్సిపల్‌ సెక్రెటరీ సునీల్‌ శర్మ క్యాంపును ప్రారంభించగా.. బేగంపేట్, విద్యానగర్‌ రైల్వేస్టేషన్లను మహిళా స్టేషన్లుగా దక్షిణమధ్య రైల్వే జీఎంవినోద్‌కుమార్‌ ప్రకటించారు. వీటిలో పనిచేసే సిబ్బంది అందరూ మహిళలే కావడం విశేషం. ఈ సందర్భంగాదశాబ్దానికి పైగా లోకోపైలట్‌గా సేవలందిస్తున్నసత్యవతిని జీఎం ప్రత్యేకంగా ప్రశంసించారు. సాక్షి, సిటీబ్యూరో: దక్షిణమధ్య రైల్వే ప్రతిష్టాత్మకంగా చేపట్టిన మహిళా రైల్వేస్టేషన్లు అంతర్జాతీయ మహిళా దినోత్సవం సందర్భంగా గురువారం  ప్రారంభమయ్యాయి. నగరంలోని బేగంపేట్, విద్యానగర్‌తో పాటు, గుంతకల్‌ డివిజన్‌లోని చంద్రగిరి, గుంటూరు డివిజన్‌లోని న్యూ గుంటూరు రైల్వేస్టేషన్లలో కూడా పూర్తిస్థాయి మహిళా ఉద్యోగులు, అధికారులు ఉన్న రైల్వేస్టేషన్లుగా జనరల్‌ మేనేజర్‌ వినోద్‌కుమార్‌ ప్రకటించారు. ఈ సందర్భంగా బేగంపేట్‌ మహిళా రైల్వేస్టేషన్‌లో ఏర్పాటు చేసిన  ప్రారంభోత్సవంలో ఆయన మాట్లాడుతూ.. రైల్వేస్టేషన్‌ నిర్వహణ బాధ్యతను పూర్తిగా మహిళలకే అప్పగించడం వల్ల విధి నిర్వహణలో వారు అంకితభావం, ఆత్మస్థైర్యంతో పని చేయగలరన్నారు. ప్రయాణికులకు మెరుగైన సదుపాయాలు కల్పించడంలో మహిళా ఉద్యోగుల కృషి ఉంటుదని ఆయన అన్నారు.  ప్రత్యేక సదుపాయాలు.. మహిళా ప్రయాణికులకు ప్రత్యేక సదుపాయాలు కల్పించడంలోనూ దక్షిణమధ్య రైల్వే ముందు వరుసలో ఉందని జీఎం వినోద్‌కుమార్‌ తెలిపారు. ప్రత్యేకంగా మహిళల కోసం వెయిటింగ్‌ హాళ్లు, తల్లులు పిల్లలకు పాలు పట్టేందుకు ప్రత్యేక సదుపాయాలు ఏర్పాటు చేసినట్లు చెప్పారు. కాచిగూడ, బేగంపేట్‌ తదితర రైల్వేస్టేషన్లలో శానిటరీ ప్యాడ్‌లను అందుబాటులో ఉంచామన్నారు. నగరంలోని అన్ని ఎంఎంటీఎస్, సబర్బన్‌ రైళ్లలో ఆర్‌పీఎఫ్‌ మహిళా భద్రతా సిబ్బందితో ‘నిర్భయ బృందాల’ను ఏర్పాటు చేసినట్లు గుర్తు చేశారు. సత్యవతికి అభినందన.. ఈ సందర్భంగా జీఎం.. లోకోపైలెట్‌ సత్యవతిని ప్రత్యేకంగా అభినందించారు. దశాబ్దానికి పైగా ఎంఎంటీఎస్‌ రైళ్లు నడుపుతున్న ఆమె సేవలను ప్రశంసించారు. సత్యవతి నడుపుతున్న ఎంఎంటీఎస్‌ ట్రైన్‌లోకి ఎక్కి ఆమెకు అంతర్జాతీయ మహిళా దినోత్సవ శుభాకాంక్షలు  తెలిపారు. ఈ కార్యక్రమంలో సికింద్రాబాద్‌ డివిజనల్‌ రైల్వే మేనేజర్‌ అమిత్‌ వర్ధన్, పలువురు అధికారులు పాల్గొన్నారు.  ఆర్టీఏలో లేడీస్‌ స్పెషల్‌ డే..:850 మందికి పైగా ఎల్‌ఎల్‌ఆర్‌లు సాక్షి, సిటీబ్యూరో: అంతర్జాతీయ మహిళా దినోత్సవం సందర్భంగా గురువారం నగరంలో ఆర్టీఏ నిర్వహించిన ‘లేడీస్‌ స్పెషల్‌ డే’కు అనూహ్య స్పందన లభించింది. ఈ సందర్భంగా ఏర్పాటు చేసిన ‘లెర్నింగ్‌ లైసెన్స్‌ మేళా’లో మహిళలు పెద్ద సంఖ్యలో పాల్గొని లైసెన్సులు తీసుకున్నారు.  ఖైరతాబాద్, సికింద్రాబాద్, బండ్లగూడ,  మెహదీపట్నం, ఉప్పల్, అత్తాపూర్, మేడ్చెల్, ఇబ్రహీంపట్నం.. అన్నిచోట్లా ప్రత్యేక కౌంటర్లు ఏర్పాటు చేసి సేవలు అందజేశారు. అన్ని ఆర్టీఏల్లో సుమారు 850 మందికి పైగా ఎల్‌ఎల్‌ఆర్‌ తీసుకున్నారు. ఖైరతాబాద్‌లోని ప్రధాన కార్యాలయంలో ఏర్పాటు చేసిన మేళాకు రవాణాశాఖ ప్రిన్సిపల్‌ సెక్రెటరీ సునీల్‌ శర్మ ముఖ్య అతిథిగా హాజరై మాట్లాడారు. వాహనం నడపాలంటే ప్రతి ఒక్కరు డ్రైవింగ్‌లో నైపుణ్యం సంపాదించాలని, విధిగా లైసెన్స్‌  తీసుకోవాలని సూచించారు. జేటీసీ పాండురంగ్‌ నాయక్‌ మాట్లాడుతూ.. మూడేళ్లుగా మహిళల కోసం ప్రత్యేక మేళాలు నిర్వహిస్తున్నామని, అన్ని చోట్ల మంచి స్పందన లభిస్తుందన్నారు. ఈ కార్యక్రమంలో ఖైరతాబాద్‌ ప్రాంతీయ రవాణా అధికారి సి.రమేష్, టీఎన్జీవోస్‌ రవాణాశాఖ ఉద్యోగుల సంఘం ప్రధాన కార్యదర్శి సామ్యూల్‌ పాల్‌ పాల్గొన్నారు. 

న్యూఢిల్లీ: అంతర్జాతీయ మహిళా దినోత్సవం మార్చి 8వ తేదీ నాటికి దేశ వ్యాప్తంగా ఉన్న 200 రైల్వే స్టేషన్లలో శానిటరీ న్యాప్కిన్‌ డిస్పెన్సర్లను ఏర్పాటు చేస్తున్నట్లు రైల్వే మంత్రి గోయెల్‌ తెలిపారు. ఢిల్లీలోని సరోజినీ నగర్‌ రైల్వే కాలనీ శానిటరీ న్యాప్కిన్‌ తయారీ కేంద్రం ‘దస్తక్‌’ను ఆయన సోమవారం సందర్శించారు. ఇక్కడ తయారయ్యే  ఆరు న్యాప్కిన్ల ప్యాక్‌ ధర రూ.22 మాత్రమేనన్నారు. మరోవైపు, తమ రాష్ట్రంలోని దాదాపు 17 లక్షల మంది బాలికలకు ఉచితంగా శానిటరీ ప్యాడ్స్‌ను అందజేయాలని ఒడిశా సర్కారు నిర్ణయించింది. ప్రభుత్వ, ఎయిడెడ్‌ పాఠశాలల్లో 6–12వ తరగతి బాలికలకు వీటిని ఇవ్వనున్నారు. ఇందుకు ఏడాదికి రూ.70 కోట్లు ఖర్చుకానుంది.

న్యూఢిల్లీ: ముంబై సహా దేశంలోని 19 రైల్వే స్టేషన్లకు ఉచితంగా డిజైన్లు ఇచ్చేందుకు ప్రముఖ వాస్తుశిల్పి, పద్మభూషణ్‌ గ్రహీత హఫీజ్‌ కాంట్రాక్టర్‌ సహా పలువురు ముందు కు వచ్చారని ఇండియర్‌ రైల్వే స్టేషన్స్‌ డెవలప్‌మెంట్‌ కార్పొరేషన్‌ లిమిటెడ్‌(ఐఆర్‌ఎస్‌డీసీ) ఎండీ, సీఈవో సంజీవ్‌ కుమార్‌ లోహియా వెల్లడించారు. దాదాపు 600 రైల్వే స్టేషన్లను మళ్లీ డిజైన్‌ చేసి, అభివృద్ధి చేయటానికి రైల్వేశాఖ సంకల్పించింది. రైల్వే పిలుపు మేరకు హఫీజ్‌ కాంట్రాక్టర్‌ సహా నలుగురు స్పందించారు. ఈయన రీడిౖ జెనింగ్‌ ఇవ్వటానికి సంసిద్ధత వ్యక్తం చేసిన వాటిలో ముంబై లోని దాదర్, పరేల్, వడా లా, బంద్రా, ఖర్‌ స్టేషన్లు ఉన్నాయని లోహి యా తెలిపారు. కాంట్రాక్టర్‌ ఇచ్చిన డిజైన్లపై తుది నిర్ణయం తీసుకోవాల్సి ఉందన్నారు. సరైన డిజైన్ల ఎంపిక కోసం 11 మందితో కూడిన ప్యానె ల్‌ను నియమించినట్లు వివరించారు.

తమ అభిమాన కథానాయకుడిని కలవాలని కొందరు.. అసాధ్యమని తెలియక హీరోలు కావాలని ఇంకొందరు.. అమ్మానాన్న మందలించారని మరికొందరు.. ఇంట్లో నుంచి కాలుబయట పెట్టి వీధిన పడుతున్నారు.. తిరిగి ఇంటికెళ్లలేక రోడ్డుమీదే బతికేస్తున్నారు.. మాదకద్రవ్యాలు సరఫరా చేసే ముఠాల చేతికి చిక్కి.. యాచక వృత్తిలోకి బలవంతంగా దించేవారికి దొరికి.. బంగారు భవిష్యత్తును చేజేతులా పాడుచేసుకుంటున్నారు!  సాక్షి, ముంబై: వీధిబాలల సంఖ్య రోజురోజుకూ పెరిగిపోతోంది. 2017లో ఒక్క ముంబై నగరంలోనే పోలీసులు దాదాపు 700 మంది వీధిబాలలను కాపాడారు. ఇంకా పోలీసులకు చిక్కకుండా రోడ్లపై తిరుగుతున్నవారు మరెందరో ఉన్నారు. వీరంతా అనాథలు కారని, రకరకాల కారణాలతో ఇంట్లో నుంచి బయటకు వచ్చినవారేనని పోలీసులు చెబుతున్నారు. రైల్వే ప్రొటెక్షన్‌ ఫోర్స్‌ పోలీసులు తెలిపిన వివరాల ప్రకారం.. అమ్మానాన్న మందలించారనే కోపంతో ఇంట్లో నుంచి బయటకు వచ్చి, ఎక్కడికి వెళ్లాలలో తెలియక రైల్వే ప్లాట్‌ఫామ్‌పైనే బతుకున్న 706 మంది చిన్నారులను 2017లో గుర్తించి, తిరిగి ఇంటికి పంపడమో, వసతి గృహాల్లో చేర్చడమో చేశారు.  ముంబై శివారు ప్రాంతాల్లోని రైల్వే స్టేషన్లలోనే 528 మందిని గుర్తించగా వారిలో 360 మంది బాలలు, 168 మంది బాలికలు ఉన్నారు. ఇక ముంబైలోని రైల్వే స్టేషన్లలో 178 మందిని గుర్తించగా వారిలో 115 బాలలు, 63 మంది బాలికలున్నారు. వీరంతా 13 నుంచి 18 ఏళ్లలోపు వయసు వారే ఉత్తరప్రదేశ్, రాజస్థాన్, గుజరాత్‌ రాష్ట్రాల నుంచి వచ్చినవారే ఎక్కువగా ఉన్నారట.    సమాచారం అందిస్తే సరి..  పిల్లలెవరైనా తప్పిపోతే వెంటనే అధికారులకు సమాచారం అందించాలని పోలీసులు సూచిస్తున్నారు. ఆధార్‌ నంబర్‌ వంటి వివరాల ఆధారంగా కూడా తల్లిదండ్రులను గుర్తిస్తున్నామని, అయితే చాలామంది పిల్లలు తిరిగి ఇంటికెళ్లేందుకు భయపడుతున్నారని, అలాంటి వారికి కౌన్సిలింగ్‌ ఇవ్వడం ద్వారా తిరిగి ఇంటికి పంపుతున్నామని చెబుతున్నారు.   దొరకనివారి పరిస్థితి...  రైల్వే పోలీసులు గుర్తించిన పిల్లలు ఎలాగోలా తల్లిదండ్రుల వద్దకు చేరడమో.. ఇష్టంలేనివారిని వసతిగృహాల్లో చేర్చడమో జరుగుతోంది. మరి మిగతావారి పరిస్థితి ఏంటి? దీనిపై ఆర్పీఎఫ్‌ డివిజినల్‌ సెక్యూరిటీ కమిషనర్‌ అనుప్‌కుమార్‌ మాట్లాడుతూ... చాలామంది పిల్లలపై మాదకద్రవ్యాల ముఠాలు, యాచకవృత్తిలోకి పిల్లల్ని దింపే ముఠాలు నిఘాపెట్టాయి. రైళ్లలో నుంచి ఒంటరిగా దిగే పిల్లలకు మాయమాటలు చెప్పి, తీసుకెళ్లి బలవంతంగా బాలకార్మికులుగా, యాచకులుగా, మాదకద్రవ్యాలు సరఫరా చేసేవారిగా మార్చేస్తున్నారు.   

సాక్షి, జనగామ: జిల్లా కేంద్రంలోని రైల్వే స్టేషన్‌ అభివృద్ధికి కేంద్ర ప్రభుత్వం మొండిచేయి చూపింది. బడ్జెట్‌లో ఎలాంటి నిధులను కేటాయించకపోవడంతో స్టేషన్‌లో సమస్యలు తీరేటట్లు లేవు. ముఖ్యమైన రైళ్ల హాల్టింగ్‌కు సైతం గ్రీన్‌సిగ్నల్‌ ఇవ్వలేదు. హైదరాబాద్‌ నుంచి కాజీపేట వరకు మూడో లైన్‌ ప్రతిపాదన కాగితాలకే పరిమితమైంది. జిల్లాలో 54 కిలోమీటర్ల మేర రైల్వే ట్రాక్‌ విస్తరించి ఉంది. జిల్లా కేంద్రంలోని జనగామ స్టేషన్‌తోపాటు, యశ్వంతాపూర్, స్టేషన్‌ఘన్‌పూర్, రఘునాథపల్లి, పెంబర్తి, నష్కల్‌ స్టేషన్లు ఉన్నాయి. రైల్వే ట్రాక్‌ దాటిపోవడానికి ఫుట్‌ఓవర్‌ బ్రిడ్డి లేకపోవడంతో ప్రయాణికులతోపాటు పట్టణవాసులు ఇక్కట్లు పడుతున్నారు. పట్టణాన్ని రైల్వే ట్రాక్‌ రెండు విభాగాలుగా విడదీస్తుంది. స్టేషన్‌కు ఇరువైపులా జనావాసాలున్నాయి. స్టేషన్‌ లోపలి నుంచే ఉన్న ఓవర్‌ బ్రిడ్జి నుంచి అటు ఇటు వెళ్లాల్సి వస్తోంది. అంతేకాకుండా టీసీ కంటపడకుండా వెళ్లాలి. లేకుంటే టికెట్‌ లేకుండా ప్రయాణించినట్లుగా అనుమానిస్తే మరింత చిక్కుల్లో పడే అవకాశాలున్నాయి. కనిపించని కోచ్‌ డిస్‌ప్లే .. చిన్న స్టేషన్లలో ఉన్న ఈ సౌకర్యం జిల్లా కేంద్రంలోని స్టేషన్‌లో లేకపోవడంతో ప్రయాణికులు ఇబ్బందులు పడుతున్నారు. కోచ్‌ డిస్‌ప్లేతో వచ్చిన రైలులో మనకు ఏ సీటు కేటాయించారో అదే ప్లాట్‌ఫాంపై నిలబడితే ఆగే రైలు అక్కడే ఆగుతుంది. డిస్‌ప్లే సౌకర్యం లేక పోవడంతో ఎక్కడ ప్లాట్‌ఫాంపై నిలబడినా మన సీటు ఎక్కడ బోగిలో ఉందో చూసుకోవడం కష్టతరంగా మారుతుంది. బ్రేకులు లేని రైళ్లు.. దూర ప్రాంతాల రైళ్లు ఇక్కడ ఆగడం లేదు. దశాబ్దాల నుంచి ముఖ్యమైన రైళ్లను ఆపాలని కోరుతున్నా పట్టించుకోవడం లేదు. విజయవాడకు వెళ్లే శాతవాహన , చైన్నెకి వెళ్లే చార్మినార్, భువనేశ్వర్, ముంబై వెళ్లే కోణార్క్, విశాఖపట్నం, షిర్డీ పోయే షిర్డీ ఎక్స్‌ప్రెస్‌ రైళ్లు ఆగకుండానే పోతున్నాయి.   మో‘డల్‌’ స్టేషన్‌.. 2010లో జనగామ స్టేషన్‌ను మోడల్‌ స్టేషన్‌గా ఎంపిక చేశారు. ప్రయాణికులకు కనీస సౌకర్యాలను కల్పించడం కోసం మోడల్‌ కింద ఎంపిక చేశారు. నిధులను కేటాయించక పోవడంతో స్టేషన్‌లో కనీస సౌకర్యాలు కరువయ్యాయి.   మూడో లైన్‌కు మోక్షమెప్పుడో? హైదరాబాద్‌ నుంచి కాజీపేట వరకు 155 కిలోమీటర్ల వరకు మూడో ట్రాక్‌ నిర్మాణం కోసం ప్రతిపాదనలు చేసి ప్రభుత్వానికి అందించారు. సుమారు రూ.600కోట్ల వ్యయం మూడో ట్రాక్‌ నిర్మాణానికి అవసరమని అంచనా వేశారు. కానీ, బడ్జెట్‌లో నిధులు కేటాయించకపోవడంతో ప్రయాణికులు అసహనం వ్యక్తం చేస్తున్నారు. ఇబ్బందులు పడుతున్నాం.. రోజు వేలాది మంది జనగామ స్టేషన్‌ నుంచి రైలు ప్రయాణం చేస్తున్నారు. ప్రయాణీకుల అవసరాలకు తగ్గట్టుగా సౌకర్యాలు కల్పించడం లేదు. మూడో లైన్‌కు నిధులు కేటాయించలేదు. –సాధిక్‌ అలీ, జనగామ

నెల్లూరు(సెంట్రల్‌): జిల్లాలోని పలు రైల్వేస్టేషన్లను రూ.60 కోట్లతో అభివృద్ధి చేసేందుకు నిధులు మంజూరు చేస్తామని దక్షిణ మధ్య రైల్వే జీఎం వినోద్‌కుమార్‌యాదవ్‌ చెప్పారు. సోమవారం ఆయన నెల్లూరులోని ప్రధాన రైల్వేస్టేషన్‌ను పరిశీలించారు. నెల్లూరు మెయిన్‌తోపా టు, సౌత్‌స్టేషన్, దక్షిణ మధ్య రైల్వే పరిధిలోని పలు రైల్వేస్టేషన్ల పరిస్థితిని స్థానిక అధికారులను అడిగి తెలుసుకున్నారు. అనంతరం నెల్లూరు ఎంపీ మేకపాటి రాజమోహన్‌రెడ్డి, కావలి, నెల్లూరునగర ఎమ్మెల్యేలు రామిరెడ్డి ప్రతాప్‌కుమార్‌రెడ్డి, పి.అనిల్‌కుమార్‌తో కలిసి విలేకరుల నిర్వహించారు. జీఎం మాట్లాడుతూ అభివృద్ధి పనులు కూడా ఆరు నెలల్లో పూర్తిచేసే విధంగా ప్రణాళిక సిద్ధం చేస్తున్నామని, అందుకు సం బంధిత ఇంజినీర్లు కూడా పరిశీలించారన్నారు. నెల్లూరు స్టేషన్‌లో తాగునీటి కొరత లేకుండా, ప్లాట్‌ఫాంల ఆధునికీకరణ వంటి పనులను వేగవంతం చేస్తామన్నారు. సౌత్‌స్టేషన్‌లో టాయిలెట్స్, షెడ్స్, ఫుట్‌ఓవర్‌ బ్రిడ్జి నిర్మాణాలు  ఇతరత్రా అభివృద్ధి పనులు చేస్తామన్నారు. వీటితోపాటు వైఫై సదుపాయం కూడా కల్పిస్తామన్నారు. నగరంలో పలు చోట్ల రైల్వే బాక్స్‌టైప్‌ అండర్‌ బ్రిడ్జిల నిర్మాణం చేపట్టాలనే డిమాండ్‌ తమ దృష్టికి వచ్చిందని, వాటిని పరిగణలోకి తీసుకుని స్థానిక కార్పొరేషన్‌ అనుమతితో చేస్తామన్నారు. నెల్లూరు ఎంపీ రాజమోహన్‌రెడ్డి రైల్వేస్టేషన్ల అభివృద్ధిపై పలుసార్లు తమకు వినతిపత్రాలు ఇచ్చారని, వాటిలో చాలా వరకు ప్రయాణికులకు ఉపయోగపడుతాయన్నారు. మేకపాటి చొరవ అభినందనీయమన్నారు. రైల్వే స్థలాల్లో వ్యాపార సముదాయాల నిర్మాణం ఎన్‌బీసీసీ సంస్థతోపాటు రైల్వే ల్యాండ్‌ సంస్థ సంయుక్తంగా రైల్వేకు సంబంధించిన స్థలాల్లో వ్యాపార సముదాయాలు నిర్మిస్తామని జీఎం వినోద్‌కుమార్‌ తెలిపారు. 65 వేల చదరపు అడుగుల్లో వ్యాపార సముదాయాలు నిర్మించి ప్రైవేట్, ప్రభుత్వ రంగాల సహకారంతో అభివృద్ధి చేస్తామన్నారు. రైల్వే ప్రయాణికులకు ఎంతో మేలుతో పాటు రైల్వేకు కూడా ఆదాయం వస్తుందన్నారు.  సౌత్‌స్టేషన్‌ పరిశీలన నెల్లూరు సౌత్‌స్టేషన్‌ను నెల్లూరు ఎంపీ మేకపాటి రాజమోహన్‌రెడ్డి, డీఆర్‌ఎం కలిసి పరిశీలించారు. అక్కడ అవసరమైన ఫుట్‌ఓవర్‌ బ్రిడ్జి నిర్మాణానికి శంకుస్థాపన చేశారు. ఎంపీ మాట్లాడుతూ ఈ ప్రాంతం రాకపోకలకు ఎంతో అనువుగా ఉండటంతో నిత్యం వందల మంది ప్రయాణికులు రాకపోకలు సాగిస్తుంటారన్నారు. వారికి అవరసనమై వాటిని కల్పించాల్సి న అవసరం ఉందన్నారు. సౌత్‌స్టేషన్‌లో ప్లాట్‌ఫాంపై దుర్గంధం వెదజల్లుతుందన్నారు. నెల్లూరు, కావలి స్టేషన్‌లో ప్రధాన రైళ్లను నిలిపే విధంగా చర్యలు తీసుకోవాలన్నారు. కావలి రైల్వేస్టేషన్‌ అభివృద్ధికి సహకరించండి కావలి  ప్రాంతం వ్యాపార కేంద్రమని, నాలుగు వరకు ఇంజినీరింగ్‌ కళాశాలల ఉన్నాయి అన్ని వర్గాల వారు కావలి రైల్వేస్టేషన్‌ నుంచి వివిధ పనుల నిమిత్తం రాకపోకలు సాగిస్తుంటారని కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి జీఎం వినోద్‌కుమార్‌ దృష్టికి తీసుకువచ్చారు. ఈ స్టేషన్‌లో ప్రధాన రైళ్లను నిలిపే విధంగా చర్యలు తీసుకోవాలన్నారు. ఫుట్‌ఓవర్‌ బ్రిడ్జి నిర్మాణం చేస్తే ప్రయాణికులకు మేలు జరుగుతుందన్నారు. – రామిరెడ్డి ప్రతాప్‌మకుమార్‌రెడ్డి, కావలి ఎమ్మెల్యే రైల్వే అండర్‌బ్రిడ్జి నిర్మించాలి  వెంకటేశ్వరపురం వద్ద గాంధీగిరిజన కాలనీ వద్ద ఫ్లైఓవర్‌ బ్రిడ్జి వల్ల స్థానిక ప్రజలు ఇబ్బందులు పడుతున్నారని, ఈ ప్రాంతంలో రైల్వే అండర్‌ బ్రిడ్జి నిర్మాణం చేస్తే ఎంతో బాగుంటుందని ఎమ్మెల్యే అనిల్‌కుమార్‌ జీఎం దృష్టికి తీసుకువచ్చారు. ఈ బ్రిడ్జి నిర్మాణం చేస్తే విద్యార్థులకు, చిరు వ్యాపారులకు ఉపయోగంతో పాటు ప్రమాదాలను కూడా నివారించవచ్చన్నారు. ప్రధానంగా రైల్వే స్థలాల్లో కొన్నేళ్ల నుంచి ఉన్న వారికి ప్రత్యామ్నాయాలు చూపించకుండా వారిని ఇబ్బందులు పెట్టవద్దని కోరారు. సానుకూలంగా స్పందించిన జీఎం మాట్లాడుతూ అండర్‌ బ్రిడ్జి నిర్మాణం స్థాని కార్పొరేషన్‌ నిధులతో చేయించుకోవాలని , అందుకు అనుమతులు తమ వద్ద నుంచి ఇస్తామని, రైల్వే స్థలాల్లో ఉన్న వారికి ప్రత్యామ్నాయం చూపించే వరకు ఇబ్బంది పెట్టవద్దని అధికారులను ఆదేశిస్తామన్నారు. కార్యక్రమంలో డిప్యూటీ మేయర్‌ ముక్కాల ద్వారకానాథ్, ఫ్లోర్‌లీడర్‌ పి.రూప్‌కుమార్‌ ఇతర కార్పొరేటర్లు నాయకులు పాల్గొన్నారు.  – అనిల్‌కుమార్‌ నగర ఎమ్మెల్యే

అందరూ మహిళలే. రైలుకు సిగ్నల్‌ ఇచ్చేది మహిళ, కౌంటర్‌లో టిక్కెట్‌ అమ్మేది మహిళ, రైల్లో టికెట్‌ చెక్‌ చేసేది మహిళ. ఒక్కమాటలో.. స్టేషన్‌మాస్టర్‌ నుంచి స్వీపర్‌ వరకు అందరూ మహిళలే. ఇదేమీ కాల్పనిక సన్నివేశం కాదు. రియల్‌లైఫ్‌లో మహిళలు సాధించిన ఘనత. లిమ్కా బుక్‌ ఆఫ్‌ రికార్ట్స్‌ నమోదు చేసిన మహిళా సాధికారత. ముంబై నగరంలో మాటుంగా రైల్వేస్టేషన్‌లో ఉద్యోగులంతా మహిళలే. ఆపరేషన్స్, కమర్షియల్‌ విభాగంలో పదిహేడు మంది, రైల్వే ప్రొటెక్షన్‌ ఫోర్స్‌లో ఆరుగురు, టికెట్‌ చెకింగ్‌కి ఎనిమిది మంది, ఇక అనౌన్సర్‌లు, పాయింట్‌ పర్సన్స్, ఇతర బాధ్యతలలో ఉన్నవారు మొత్తం కలిపి 41 మంది మహిళలు! సెంట్రల్‌ రైల్వేస్‌ జనరల్‌ మేనేజర్‌ డి.కె శర్మకు గత ఏడాది జూలైలో వచ్చిన వినూత్నమైన ఆలోచనకు ఆచరణ రూపమే ఈ అపూర్వ పరిణామం. నిబద్ధతగా ఉద్యోగం చేయడం నుంచి పరిశుభ్రత, ఇతర పనుల్లో కచ్చితంగా ఉండడం ఆడవాళ్లకు సహజమే. ఇతర ఒత్తిడిలేవీ లేకపోతే ఆడవాళ్లు అద్భుతాలు చేయగలరని, నిర్ణయాలు తీసుకోవడంలో సంఘటితంగా ఉండగలరనీ, చక్కటి పని వాతావరణాన్ని కల్పించడం ఆడవాళ్ల చేతుల్లోనే ఉందని జనరల్‌ మేనేజర్‌ శర్మకు ఉన్న నమ్మకాన్ని మహిళలంతా నిజమని నిరూపించారు. అందరూ మహిళలే ఉంటే మెరుగైన ఫలితాలు వస్తాయని, అనుకున్నదే తడవుగా ఆయన తీసుకున్న నిర్ణయం మంచి ఫలితాలను ఇస్తోందని, ఈ ఫార్ములాను కొనసాగిస్తామంటున్నారు పై అధికారులు. మరొక విశేషం ఏమిటంటే ఈ స్టేషన్‌ మాస్టర్‌ మమతా కులకర్ణి 1992లో ఇదే రైల్వేస్టేషన్‌లో అసిస్టెంట్‌ స్టేషన్‌ మేనేజర్‌గా ఉద్యోగంలో చేరారు. ఇప్పుడామె స్టేషన్‌ మాస్టర్‌. టీమ్‌ని నడిపించడంలో స్టేషన్‌ని మమతల కోవెలగా మార్చారు. అంతా బాగానే ఉంది కానీ, ఆ స్టేషన్‌కొచ్చే రైళ్లను నడిపేది మగవాళ్లేగా అని సెటైర్‌ వేసేవాళ్లు ఉండొచ్చు. అయితే ఉమన్‌ లోకోపైలట్‌లు ఇప్పుడు  చెప్పుకోదగ్గ సంఖ్యలో ఉన్నారు. ముంబైతో మొదలైన ఆ ట్రెండ్‌ హైదరాబాద్‌ మెట్రో వరకు విస్తరించింది కూడా.

భువనగిరి అర్బన్‌ (తెలంగాణ)  : ప్రేమజంట పురుగుల మందు తాగి ఆత్మహత్యాయత్నానికి పాల్పడింది. ఈ సంఘటన తెలంగాణలోని భువనగిరి  రైల్వేస్టేషన్‌లో మంగళవారం చోటుచేసుకుంది. స్థానికులు తెలిపిన వివరాల ప్రకారం పశ్చిమగోదావరి జిల్లా కాళ్ల మండలం కోపల్లె గ్రామానికి చెందిన యువకుడు ధనుంజయ్, మైనర్‌ బాలిక కొంతకాలంగా ప్రేమించుకుంటున్నారు. వీరిద్ద రూ పశ్చిమగోదావరి జిల్లా నుంచి హైదరాబాద్‌కు అక్కడి నుంచి భువనగిరికి బస్సులో వచ్చారు. భువనగిరి రైల్వేస్టేషన్‌కు చేరుకుని రైలు కింద పడి ఆత్మహత్యకు పాల్పడాలని భావించారు.  ధైర్యం చాలకపోవడంతో.. పురుగుల మందు తాగారు. తాము ఆత్మహత్య చేసుకుంటున్నట్టుగా ముందే బాలిక తన బంధువులకు ఫోన్‌ ద్వారా తెలియజేసింది. దీంతో బంధువులు వెంటనే బీబీనగర్‌ మండలంలోని రాఘవాపురంలోని పౌల్ట్రీఫామ్‌లో పనిచేస్తున్న పశ్చిమగోదావరి జిల్లాకు చెందిన వారికి సమాచారం అందించారు. వారు వెంటనే భువనగిరి రైల్వేస్టేషన్‌కు చేరుకున్నారు. రైల్వేస్టేషన్‌లోని ప్లాట్‌ఫామ్‌ కింద పడిపోయి ఉన్న వీరిద్దరినీ గుర్తించారు. వెంటనే చికిత్స కోసం భువనగిరి ఏరియా ఆస్పత్రికి తరలించారు. గాంధీ ఆస్పత్రికి తరలింపు మెరుగైన చికిత్స కోసం సికింద్రాబాద్‌లోని గాంధీ ఆస్పత్రికి తీసుకెళ్లారు. విష యం తెలుసుకున్న రైల్వే పోలీసులు గాం ధీ ఆస్పత్రికి వెళ్లి వివరాలను తెలుసుకున్నారు. ప్రస్తుతం వారు కోలుకుంటున్నట్టు బంధువులు తెలిపారు. ఆత్మహత్యాయత్నానికి గల కారణాలు తెలియరావాల్సి ఉంది. వ్యవసాయ పనులు చేసుకుంటూ జీవనం కాళ్ల: మండలంలోని కోపల్లె గ్రామానికి చెందిన పంపురెడ్డి ధనుంజయ్, అదే గ్రామానికి చెందిన మైనర్‌ బాలిక వ్యవసాయ పనులు చేస్తుంటారు. ధనుంజయ్‌ అత్తిలికి చెందినవాడు కాగా తల్లిదండ్రులు మరణించడంతో కోపల్లెలో తాత ఇం టి వద్ద ఉంటూ వ్యవసాయ పనులు చేస్తున్నాడు. ప్రేమికులిద్దరూ భువనగిరిలో ఆ త్మహత్యకు యత్నించడంతో స్థానికంగా కలకలం రేగింది. అయితే దీనిపై తమకు ఎటువంటి సమాచారం లేదని కాళ్ల పోలీసులు చెప్పారు.

వెల్లాయి అప్పన్‌ గుడిశెలోంచి కాలు బయటకు పెట్టాడో లేదో ఏడుపుల శబ్దం గుడిశె పైకప్పును తాకింది. ఒక్క ఆ గుడిశె నించే కాదు పక్కనే ఉన్న ‘అమ్మి’ని గుడిశెలో నించీ, ఆ వెనక వరసగా ఉన్న గుడిశెల్లోంచీ ఏడుపులు ఊరంతా వినపడ్డాయి. అప్పన్‌ కన్నూర్‌కు బయల్దేరాడు. తమ దగ్గర డబ్బు ఉండి ఉంటే ఊళ్లోవాళ్లంతా అప్పన్‌ వెంట వెళ్లి ఉండేవారే. ఊరంతటికీ బదులు వెల్లాయి అప్పన్‌ తానొక్కడే ప్రయాణం అయ్యాడు. చిట్టచివరి గుడిశె దాటి అప్పన్‌ కొండమీద నడవసాగాడు. వెనుక నించి వినవస్తున్న ఏడుపుల శబ్దం క్రమక్రమంగా వినిపించకుండా పోయింది. కొండ దిగి గడ్డి పొలాల మధ్య కాలిబాట వెంట నడక సాగించాడు అప్పన్‌. అప్పన్‌ భుజం మీద అన్నం మూట వేలాడుతున్నది. పలుచటి గుడ్డలో మూటకట్టిన అన్నం అప్పన్‌ భుజాన్ని తడుపుతున్నది. అప్పన్‌ భార్య అన్నం వండుతున్నంత సేపూ ఏడుస్తూనే వుంది. కన్నీళ్లు ఆమె అన్నంలో కలిపిన పుల్లటి పెరుగులో జారిపడుంటయి. రైల్వేస్టేషన్‌ నాలుగు మైళ్ల దూరాన ఉన్నది. ఆ దారంట కొంత దూరం నడిచాక ఎదురుగ్గా వస్తూ కనిపించాడు కుట్టిహాసన్‌. ‘వెల్లాయ్‌’ అంటూ ఆప్యాయంగా, గౌరవంగా పిలిచాడు కుట్టిహాసన్‌. ‘కుట్టిహాసన్‌’ అన్నాడు వెల్లాయి అప్పన్‌. అంతే! రెండే రెండు మాటలు. రెండు పేర్లు. కానీ అదొక సుదీర్ఘ సంభాషణ. అందులో దుఃఖమూ ఓదార్పూ ఉన్నవి! కుట్టిహాసన్‌ని దాటి ముందుకు నడిచాడు అప్పన్‌. ఉతకడానికి బట్టల మూటతో కనిపించింది నీలి. ఆమె గౌరవంగా పక్కకు అడుగువేసి నిలబడి అన్నది. ‘వెల్లాయి అప్పన్‌’ అని. ‘నీలీ’ అన్నాడు అప్పన్‌. అంతే! రెండే రెండు మాటలు. కానీ వాళ్ల మధ్య అదొక సుదీర్ఘ సంభాషణే. వెల్లాయి అప్పన్‌ ముందుకి సాగాడు. కాలిబాట ఓ బురద రోడ్డుమీదకి చేర్చింది. మైలురాయి కోసం చూస్తూ అలా నడుస్తూ రాళ్లూ రప్పలూ దాటి నదిలోకి దిగాడు. నదికి ఆ వైపున ఉన్నది రైల్వేస్టేషన్‌. అప్పన్‌ మొదట ఇసుకలో తర్వాత మొల లోతు నీళ్లలో నడిచాడు. మెరిసే వెండి రంగు చిరు చేపలు అప్పన్‌ కాలి పిక్కలని తాకుతూ ఈదుతూ పోసాగాయి. నది మధ్యకు చేరిన అప్పన్‌కి చుట్టూ ఉన్న నీళ్లను చూస్తుంటే తండ్రి తనకు ఈత నేర్పడం, తండ్రి పోయాక శవానికి తను స్నానం చేయించడం, కర్మకాండ జరిపించడం గుర్తొచ్చేయి. నది ఒడ్డుకి చేరి జ్ఞాపకాలతో బరువెక్కిన గుండెతో ముందుకు నడిచాడు అప్పన్‌. స్టేషన్‌కి చేరుకున్నాక జాగ్రత్తగా పైపంచెలో ఓ మూల గట్టిగా కట్టిన ముడి విప్పి టికెట్‌ డబ్బు తీసి యిస్తూ వెల్లాయి అప్పన్‌ ‘కన్నూరు’ అన్నాడు. కిటికీ వెనుక ఉన్న టికెట్లిచ్చేవాడు. టికెట్‌ బయటకు విసిరేశాడు. అస్తమిస్తున్న సూర్యుడ్ని చూస్తూ రైలుకోసం ఓపిగ్గా నిరీక్షిస్తూ బెంచిమీద కూర్చున్నాడు అప్పన్‌. దూరంగా కొబ్బరి తోటలో చీకట్లు ముసిరాయి. పక్షులు గూళ్లవైపు రెక్కలు ఎగరేస్తూ వెళ్లాయి. అప్పన్‌కి కొడుకు గుర్తుకు వచ్చాడు. వాడు ఎగిరే పక్షులవైపు ఎంత ఆశ్చర్యంగా చూసేవాడో గుర్తొచ్చింది. అప్పన్‌కి తను తన తండ్రి చిటికెన వేలు పట్టుకుని పొలాల వెంట నడవడమూ గుర్తుకొచ్చింది.వెల్లాయి అప్పన్‌కి అన్నం మూట విప్పాలని అనిపించలేదు. అన్నం కట్టిన పలుచటి గుడ్డమీద చేయి ఆనించి, అలాగే నిద్రపోయాడు. నిద్రలో కల వచ్చింది. కలలో కన్దున్ని కనిపించి ‘కొడుకా!’ అని బిగ్గరగా అరిచాడు. రైలు శబ్దం విని ఉలిక్కిపడి లేచి పంచె మూలన కట్టిన టికెట్టుని తడిమి చూసుకుని రైలుపెట్టె వైపు పరుగెత్తాడు. ఫస్ట్‌క్లాస్‌ ఎక్కొద్దంటే వెనక్కు పరుగెత్తాడు. రిజర్వు అంటే ఇంకా వెనక్కి పరుగెత్తాడు. ఇంకా... ఇంకా వెనక్కి పరుగెత్తాడు. వెల్లాయి అప్పన్‌ ఎక్కిన బోగీలో నిలబడ్డానికి కూడా చోటు లేకపోయింది. నిలబడాల్సిందే. ఈ రాత్రంతా నిలబడే వుంటా. ఈ రాత్రంతా నా కొడుకూ మేలుకునే ఉంటాడు అనుకున్నాడు. చాలాకాలం కిందట వెల్లాయి అప్పన్‌ ప్రయాణం చేశాడు. కానీ అది పగలు... ఇది రాత్రి... చీకటి సొరంగాల మధ్య పరుగెత్తింది రైలు.వెల్లాయి అప్పన్‌ కన్నూరు చేరేటప్పటికి పూర్తిగా తెల్లవారలేదు. భుజమ్మీద అన్నపు మూట తడితడిగా వేలాడుతున్నది. స్టేషన్‌ బయట ఉన్న జట్కా బళ్లవాళ్లు అప్పన్‌ని పట్టించుకోలేదు. అప్పన్‌ వాళ్లని జైలుకి దారి ఎటో చెప్పమని అడిగాడు. ‘పొద్దున్నే వీడెవడయ్యా జైలుకి దారి అడుగుతున్నాడు’ అంటూ నవ్వాడు ఒకడు. మరొకడు పెద్దాయనా ‘నువ్వెళ్లాల్సిన పనిలేదు. దొంగతనం చెయ్యి. వాళ్లే తీసుకెళ్తారు’ అన్నాడు. చివరికి ఒకడు దయ తలచి దారి చెప్పాడు. ఆకాశం తొలి కిరణాలతో వెలుగుతుంటే, కాకుల గుంపు కావు... కావు మంటుంటే జైలువైపు నడిచాడు అప్పన్‌. జైలు గేటు దగ్గర గార్డు అడిగాడు. ‘ఇంత పొద్దున్నే ఎందుకు వచ్చావు ముసలాయనా?’ అని. అప్పన్‌ చిన్నపిల్లవాడిలా అడుగు వెనక్కి వేసి పైపంచె ముడి విప్పి పసుపు రంగు కాగితం ముక్క అందిస్తూ ‘నా కొడుకు ఇక్కడ ఉన్నాడు’ అన్నాడు. ‘అయితే ఆఫీసు తెరిచేదాకా ఆగు’ అని నిర్లక్ష్యంగా అన్నవాడు... ఆ కాగితం పరీక్షగా చూశాక మెత్తబడ్డాడు. ‘రేపు... రేపే కదా...’ అన్నాడు జాలిపడుతూ. ‘నాకు తెలియదు. అందులో రాసుందట కదా.’ ‘అవును. రేపు ఉదయం అయిదింటికి.’ రాత్రంతా నిద్రపోకుండా ఉండి కొడుకు ఇంకా నిద్రలేచి ఉండడు. ఏం తింటాడు అనుకుంటున్న అప్పన్‌ చేయి అన్నం మూటను తాకింది. కొడుకా ఈ అన్నం మీ అమ్మ నాకోసం కట్టింది. దీన్ని ఇన్ని గంటలూ విప్పకుండా తీసుకువచ్చాను. ఇది తప్ప ఇంకేమీ ఇవ్వలేను అనుకున్నాడు. ఎండ క్రమంగా పెరిగింది. మూటలో అన్నం పాచిపోయింది. జైలు కార్యాలయం తెరుచుకుంది. టేబిళ్ల వెనక కూచున్నవాళ్లు పసుపుపచ్చ కాగితాలు తనిఖీ చేస్తున్నారు. బెంచీమీద ఎంతసేపు కూర్చున్నాడో తెలియలేదు అప్పన్‌కి. ఒక గార్డు వచ్చి అప్పన్‌ని జైలు లోపలికి తీసుకుపోయాడు. అక్కడంతా చల్లగా, తేమగా ఉంది. తాళం వేసున్న ఓ గదిలో ఊచల వెనుక ఉన్నాడు కందున్ని. అతను తండ్రివైపు ఎవరో కొత్తమనిషిని చూసినట్టు చూశాడు. అతని మెదడు ఇప్పుడు ఓదార్పును కూడా స్వీకరించే స్థితిలో లేదు. గార్డు తలుపు తెరిచి అప్పన్‌ని లోపలికి పంపించాడు. కొడుకుని కౌగిలించుకుందామని అప్పన్‌ ముందుకు వంగాడు. అప్పుడు కందున్ని వినేవాళ్ల చెవులు చీల్చివేసే కేక వేశాడు. అప్పన్‌ ‘కొడుకా’ అన్నాడు. కందున్ని ‘నాయనా’ అన్నాడు. రెండు మాటలే! ఈ రెండు మాటలతో ఆ తండ్రీకొడుకులు ఒకరి దుఃఖాన్ని ఒకరు పంచుకున్నారు. ‘కందున్నీ ఏం చేశావు?’ ‘నాకేమీ గుర్తులేదు.’ ‘చంపావా?’ ‘నాకేమీ గుర్తులేదు.’ ‘పోనీ. నువ్వు ఏదీ గుర్తు పెట్టుకోనవసరం లేదులే.’ కన్దున్ని మళ్లీ చెవులు చిల్లులు పడే కేకవేశాడు. ‘నాయనా... నన్ను ఉరి తీయనీయకు.’ పెద్దాయనా టైమయింది అన్నాడు గార్డు. అప్పన్‌ బయటకు వచ్చాడు. తలుపు మూసుకుంది. చిట్టచివరిసారి వెనక్కి తిరిగి చూశాడు అప్పన్‌. ఏదో ఓ ప్రయాణంలో తారసపడ్డ అపరిచితుడిలా కనిపించాడు కొడుకు. పరుగెడుతున్న రైలు కిటికీ ఊచల్లోంచి బయటకు చూస్తున్నవాడిలా ఉన్నాడు కొడుకు. వెల్లాయి అప్పన్‌ రోజంతా జైలు చుట్టూ తిరుగుతూనే ఉన్నాడు. సూర్యుడు పడమర వైపు నించి కిందకి దిగి పోసాగాడు. కొడుకు ఈ రాత్రి నిద్రపోతాడా అనుకున్నాడు అప్పన్‌. రాత్రి అయింది. మళ్లీ ఉదయం వైపు కాలం కదిలింది. గోడల లోపల కందున్ని ఇంకా బతికే ఉన్నాడు.తెల్లవారుతుంటే గార్డుల ఈలలు వినిపించాయి. ఆ శబ్దం మరణ సంకేతం అని అప్పన్‌కి తెలియలేదు. కానీ రైతుగా కచ్చితమైన ‘టైమ్‌’ని గుర్తుపట్టే జ్ఞానం ఉంది అప్పన్‌కి. మంత్రసాని దగ్గర్నించి పసిపాపను అందుకున్నట్టుగా గార్డుల దగ్గర్నుంచి కొడుకు శవాన్ని అందుకున్నాడు అప్పన్‌.‘పెద్దాయనా శవానికి సంస్కారం చేస్తావా?’ అన్నాడో గార్డు.‘నాకు తెలియదు.’‘శవాన్ని తీసుకుపోతావా?’‘అయ్యా! నా దగ్గర పైసా లేదు.’ఊరవతల, నిర్జన ప్రదేశంలో, రాబందులు ఆకాశంలో గిరికీలు కొడుతున్న చోట కొడుకు శవాన్ని బండిలో లాక్కువచ్చిన వాళ్లు గొయ్యి తవ్వి శవాన్ని అందులో ఉంచి మట్టి కప్పబోతున్నప్పుడు అప్పన్‌ తన అరచేతిని కొడుకు చల్లటి నుదుటి మీద ఉంచి దీవించాడు.వాళ్ల పారతో ఆఖరుసారి మట్టి పోసి గొయ్యిని పూడ్చి వేశాక సముద్ర తీరానికి వచ్చాడు అప్పన్‌. అతను ఇంతకుముందు సముద్రాన్ని చూడలేదు. అతని చేతులకి చల్లగా తగిలిందది. అప్పుడు. తనకు ప్రయాణంలో తినడానికి భార్య కట్టిచ్చిన అన్నపు మూట. అప్పన్‌ మూట విప్పాడు. అన్నాన్ని ఒడ్డున ఉన్న ఇసుక మీద చల్లాడు.సూర్యుడి వెలుగులో మెరుస్తున్న అన్నాన్ని చూసి తమకు నైవేద్యంగా పెట్టిన అన్నాన్ని తినడానికి వచ్చిన, చనిపోయినవాళ్ల ఆత్మల్లా కాకులు ఒకదాని వెంట ఒకటి కిందకి వాలాయి.  - మలయాళ మూలం: ఒ.వి. విజయన్‌ - అనువాదం: చింతపట్ల సుదర్శన్‌

సాక్షి, ముంబై : ఆకతాయిల వేధింపులు కంటపడితే మనకెందుకులే.. సమయం వృథా... అని కొందరు పక్కకెళ్లి పోతున్న  ఈ రోజుల్లో... ముంబైకి చెందిన దిపేష్‌ తంక్‌ చేస్తున్న పనిని మాత్రం అభినందించకుండా ఉండలేం. ఎందుకంటే రైల్వే రౌడీల భరతం పడుతున్న ఆయన ఇప్పుడు ముంబై హీరో అయిపోయాడు. ఇంతకీ ఆయన ఏం చేస్తున్నాడో చదవండి. సామాజిక వేత్త అయిన దిపేష్‌ తంక్‌ ఉదయాన్నే లేచి ముంబై రైళ్లు, రైల్వే స్టేషన్‌లలో సంచరిస్తూ కనిపిస్తుంటారు. ఎక్కడైనా ఆకతాయిలు అమ్మాయిలను వేధిస్తూ కనిపిస్తే చాలూ కాసేపు వారినే ఆయన తదేకంగా చూస్తుంటారు. ఆపై వారి దగ్గరి కెళ్లి ఆ చేష్టలను అడ్డుకుంటారు. ఈ గ్యాప్‌లోనే అసలు వ్యవహారం ఉంటుంది.  కళ్లద్దాలు పెట్టుకుని జేమ్స్ బాండ్ తరహాలో ఆయన  అక్కడి దృశ్యాలను చిత్రీకరిస్తుంటారు. ఇందుకోసం తన కళ్లజోడులో ఓ క్వాలిటీ కెమెరాను ఫిక్స్ చేసుకున్నారు. అమ్మాయిలను వేధించే వారిని మాత్రమే కాదు.. రైళ్ల నుంచి తిక్క చేష్టలు చేసే వారిని కూడా ఆయన చిత్రీకరిస్తుంటారు. వారిని అడ్డుకునే సమయంలో బుకాయిస్తే వాటిని సాక్ష్యాలుగా చూపిస్తారన్న మాట.  ఈ విధంగా 6 నెలలుగా ఈ వన్‌ మన్‌ ఆర్మీ మిషన్‌ ద్వారా సుమారు 140 మందిని సాక్ష్యాలతోసహా ఆయన పోలీసులకు పట్టించారు. ఈ క్రమంలో ఇప్పటివరకు బెదిరింపులు ఎదురు కాలేదా? అని ఆయన్ని అడిగితే.. జైలుకు వెళ్లి వచ్చిన కొందరు తనను చంపుతామని బెదిరించారని... మహిళలకు వేధింపులు ఆగేంతవరకు తాను ఎంత దూరమైన వెళ్తానని దిపేష్ చెబుతున్నారు. ఓవైపు సోషల్ మీడియా మొత్తం హర్వే వ్యవహారం తర్వాత మీటూ క్యాంపెయినింగ్‌తో నిండిపోయిన సమయంలో దీపేశ్‌ చేస్తున్న పనిపై పలువురు ప్రశంసలు కురిపిస్తున్నారు.

ట్రెయిన్‌ వచ్చి ప్లాట్‌ఫామ్‌పైన ఆగుతుంది. ఆ వెంటనే ప్రయాణికుల తోపులాట మొదలువుతుంది. ఒకరినొకరు తోసుకోవడం...తిట్టుకోవడం...కొట్టుకోవడం మామూలే.. ఎక్కడ చూసినా ఇదే సీన్‌.. జపాన్‌లోని రైల్వే స్టేషన్స్‌లో కూడా రద్దీ ఇలాగే ఉంటుంది. అక్కడ పీక్‌ అవర్స్‌లో ట్రెయిన్‌లోకి ఎక్కడం అంత ఈజీ కాదు.. మరి అప్పుడు వాళ్లేం చేస్తారు ?   టోక్యో...! జపాన్‌ రాజధాని.  ప్రపంచంలోనే అత్యధిక జనసాంద్రతగల నగరాల్లో ఇదొకటి. బుల్లెట్‌ ట్రెయిన్లు మొదటిసారిగా ప్రారంభించింది ఇక్కడే. అత్యాధునిక సాంకేతిక పరిజ్ఞానంతో పని చేస్తూ ప్రయాణికులకు, టూరిస్టులకు మెరుగైన సేవలందిస్తోంది ఇక్కడి రైల్వే వ్యవస్థ. జపాన్‌లో ప్రజలు ఎక్కువగా రైళ్లలోనే ప్రయాణిస్తారు. నిత్యం వందలాది ట్రెయిన్స్‌ ఒక్క నిమిషం కూడా ఆలస్యం లేకుండా పరుగులు పెడుతూ ఉంటాయి. ఎంత సాంకేతిక పరిజ్ఞానం ఉన్నా...ఎన్ని ట్రెయిన్స్‌ ఉన్నా... పీక్‌ అవర్స్‌లో ప్రయాణికుల రద్దీ విపరీతంగా ఉంటుంది. టోక్యో నుంచి వివిధ ప్రాంతాలకు వెళ్లే ఉద్యోగులతో ఉదయం, సాయంత్రం వేళల్లో టోక్యోలోని పలు  రైల్వే స్టేషన్‌లు కిటకిటలాడుతూ ఉంటాయి. మామూలుగా ప్రతి అయిదు నిమిషాలకు ఒక ట్రెయిన్ వస్తుంది. రద్దీ వేళల్లో రెండు మూడు నిమిషాలకే ఒక రైలు ప్లాట్‌ఫామ్‌ మీదకు వస్తుంది. అంటే గంటకు 24 ట్రెయిన్స్‌ నడుస్తూ ఉంటాయన్నమాట. ఇన్నేసి ట్రెయిన్స్‌ ఉన్నా రద్దీ వేళల్లో ప్రయాణికుల తాకిడి మామూలుగా ఉండదు. ప్లాట్‌ఫామ్‌పైకి వచ్చి ఆగిన రైలులోకి అడుగుపెట్టడం ప్రయాణికులకు కత్తి మీద సాములాంటిది. ఎదుటనున్నవారిని తోసుకుంటూ లోపలికి వెళ్లాల్సిందే. కంపార్ట్‌మెంట్‌లో పట్టినంత మంది పట్టగా మిగిలిన వాళ్లు డోర్ల వద్దే ఉండిపోతారు. కాలు పెట్టగలిగినంత స్థలం దొరికినా అదే అదృష్టం అనుకుని మెల్లిగా లోపలికి దూరిపోతారు. లోపలికి వెళ్లే స్థలం లేక డోర్ల వద్ద ప్రయాణికులు వేలాడుతూ ఉండడం వల్ల ట్రెయిన్‌ డోర్లు మూసుకోవు. ఏ ఒక్క డోరు పడకున్నా ట్రెయిన్‌ మూవ్‌ కాదు. ఇలాంటి సమయంలోనే పుషర్స్‌కు చేతినిండా పని దొరుకుతుంది. జపనీస్‌లో వీరిని ఓషియా అని పిలుస్తారు. వీరినే రైల్వే స్టేషన్‌ అటెండెంట్స్‌ అని కూడా అంటారు.  అటూ ఇటూ కాకుండా తలుపుల వద్ద వేలాడుతూ ఉన్న ప్యాసెంజర్స్‌ను బలవంతంగా లోపలికి నెట్టడమే వీరి పని. రద్దీ ఎక్కువగా ఉండే ఉదయం, సాయంకాలం వేళల్లో ఈ పుషర్స్‌కు చాలా పని ఉంటుంది. చేతులకు తెల్లటి గ్లౌవ్స్‌తో, రైల్వే యూనిఫామ్‌తో ప్లాట్‌ఫామ్‌పై విధులు నిర్వర్తిస్తూ ఉంటారు పుషర్స్‌. సాధారణంగా ఇక్కడి స్టూడెంట్స్‌ పుషర్స్‌గా ఉదయం, సాయంకాలం పార్ట్‌టైమ్‌ ఉద్యోగాలు చేస్తుంటారు.   ట్రెయిన్‌ ఆలస్యం కాకుండా ప్రయాణికులను లోపలికి తోస్తూ అటూఇటూ పరిగెడుతూ ఉంటారు పుషర్స్‌. ఎంత రద్దీ ఉన్నా ప్యాసెంజర్స్‌తో పుషర్స్‌ మర్యాదగా ప్రవర్తిస్తారు. డోర్లు పట్టడం లేదని అడ్డంగా ఉన్నవారిని బయటకు లాగెయ్యడం.. మహిళలను అసభ్యంగా తాకడం లాంటి పనులు చేయరు. పదండి...పదండి...అంటూ వీలైనంత ఎక్కువ మందిని ట్రెయిన్‌లోకి తోసెయ్యడమే వారి కర్తవ్యం.

రైల్వేస్టేషన్‌ (విజయవాడ): రైల్వే సిబ్బంది అప్రమత్తంగా వ్యవహరించడంతో రెండు రైళ్లకు పెనుప్రమాదం తప్పింది. విజయవాడ రైల్వే స్టేషన్‌ మేనేజర్‌ సీహెచ్‌ సురేష్‌ తెలిపిన వివరాల ప్రకారం.. గురువారం ఉదయం 6వ నంబర్‌ ప్లాట్‌ఫాంపైకి వచ్చిన ధన్‌బాద్‌– అలెప్పీ ఎక్స్‌ప్రెస్‌ (13351)లోని జనరల్‌ బోగీ కింద చక్రం స్ప్రింగ్‌ విరిగిపోవడాన్ని గమనించిన పాయింట్స్‌మెన్‌ వెంటనే రైల్వే అధికారులు, సాంకేతిక సిబ్బందికి సమాచారం అందించారు. అప్రమత్తమైన సిబ్బంది మరో బోగీని మార్చి ఉదయం 9.20 గంటలకు పంపించారు. అలాగే గురువారం రాత్రి విజయవా డ రైల్వేస్టేషన్‌లోని 7వ నంబర్‌ ప్లాట్‌ఫాంపైకి పూరి– ఓఖా ద్వారకా ఎక్స్‌ప్రెస్‌ (18402)లోని స్లీపర్‌ బోగీకి కూడా చక్రం స్ప్రింగ్‌ విరిగిపోవడాన్ని గమనించిన పాయింట్స్‌మెన్‌ వెంటనే మరొక బోగీని అమర్చి రైలును సురక్షితంగా పంపించారు. పెనుప్రమాదం నుంచి తప్పించి రైళ్లను సురక్షితంగా పంపిన రైల్వే అధికారులకు ప్రయాణికులు కృతజ్ఞతలు తెలిపారు.


 - రైళ్లలో తూతూ మంత్రంగా గస్తీ 
 - మహిళా ప్రయాణికులకు భద్రత కరువు 
 - అవగాహన లేక అక్కరకురాని టోల్‌ఫ్రీ నంబర్లు 
  
 సాక్షి, హైదరాబాద్‌: రైళ్లు, రైల్వే స్టేషన్లు పోకిరీలకు అడ్డాగా మారాయి. ప్రయాణికుల భద్రత గాల్లో దీపమయింది. అత్యవసర పరిస్థితుల్లో సేవలందించేందుకు ప్రవేశపెట్టిన టోల్‌ఫ్రీ నంబర్, మొబైల్‌ అప్లికేషన్లపై అవగాహన కరువై ప్రయోజనం లేకుండా పోతున్నాయి. ఇటీవల మిలీనియం, చెన్నై ఎగ్మోర్‌ ఎక్స్‌ప్రెస్‌ల్లో వరుసగా చోటుచేసుకున్న సంఘటనలు మహిళా ప్రయాణికుల భద్రతను ప్రశ్నార్థకం చేశాయి. మిలీనియం ఎక్స్‌ప్రెస్‌లో చెన్నై నుంచి విజయవాడ వెళుతున్న ముగ్గురు మహిళా సాఫ్ట్‌వేర్‌ ఇంజనీర్లను పోకిరీలు వేధించిన సంఘటన ఇటీవల సంచలనం సృష్టించింది.
 
 పోకిరీల వేధింపులు భరించలేక ఆ ముగ్గురిలో ఒక మహిళ సింగరాయకొండ స్టేషన్‌ వద్ద రైల్లో నుంచి దూకి గాయాలపాలైంది. పోకిరీల బారి నుంచి రక్షణ కోసం వారు చేసిన ప్రయత్నాలన్నీ విఫల మయ్యాయి. ప్రత్యేకంగా ఏర్పాటు చేసిన టోల్‌ఫ్రీ నంబర్, మొబైల్‌ యాప్‌లపై అవగాహన లేకపోవ డంతో అవి అక్కరకు రాలేదు. మరో ఘటనలో... చెన్నై నుంచి కాచిగూడకు వచ్చిన ఎగ్మోర్‌ ఎక్స్‌ప్రెస్‌లోని కొందరు మహిళల మంగళసూత్రాలు అపహరణకు గురయ్యాయి. పట్టపగలే ఇలాంటి అకృత్యాలు జరగడం మహిళా ప్రయాణికులకు రైల్లో ఎంత భద్రత ఉందో అర్థమవుతోంది. ఈ రెండు ఘటనల్లోనూ ఆర్‌పీఎఫ్‌ సిబ్బంది నేరస్తులను పట్టుకున్నప్పటికీ.. ముందస్తు భద్రత మాత్రం లేకుండాపోయింది. 
  
 అటకెక్కిన ‘రిస్తా’... 
 రిస్తా (రైల్వే ఇంటరాక్టివ్‌ సెక్యూరిటీ సొల్యూషన్‌ ఫర్‌ ట్రావెలర్స్‌ అసిస్టెన్స్‌) యాప్‌ను ఎంఎంటీఎస్‌ రైళ్లలో మహిళా ప్రయాణికుల భద్రత కోసం ప్రవేశపెట్టారు. ఈ యాప్‌లో ‘హెల్ప్‌’బటన్‌ నొక్కి, తమ ఫిర్యాదు వివరాలు ఎస్సెమ్మెస్‌ చేస్తే.. సికింద్రాబాద్‌లోని ఆర్‌పీఎఫ్‌ కంట్రోలింగ్‌ కేంద్రం తగిన భద్రతా చర్యలను చేపడుతుంది. నిర్భయ ఉదంతం నేపథ్యంలో ప్రవేశపెట్టిన ఈ యాప్‌ మూణ్ణాళ్ల ముచ్చటగానే మిగిలింది. 182 నంబర్‌ అందుబాటులోకి రావడంతో ప్రారంభించిన ఏడాది లోపే ఈ యాప్‌ను నిలిపివేశారు. 
  
 సదుపాయాలున్నా... 
 ప్రయాణ సమయంలో ఎదురయ్యే సమస్యలు, భద్రతాపరమైన అంశాలపై ఫిర్యాదు కోసం మరో టోల్‌ఫ్రీ నంబర్‌ కూడా రైల్వే తీసుకొచ్చింది. దక్షిణ మధ్య రైల్వే నిర్వహిస్తున్న ఈ టోల్‌ఫ్రీ నంబర్‌ 8121281212కు ప్రయాణికులు ఎస్సెమ్మెస్‌ రూపంలో ఫిర్యాదు చేయవచ్చు. వైద్యం, ఆహారం, బోగీ పరిశుభ్రతకు సంబంధించి 138 నంబర్‌ అందు బాటులో ఉంది. వీటి గురించి అతి కొద్ది మందికే అవగాహన ఉంది. సింగరాయ కొండ వద్ద మిలీనియం ఎక్స్‌ప్రెస్‌లో నుంచి దూకిన మహిళ ఉదంతంలోనూ ఈ నంబర్లపై అవగాహన లేకపోవడం కూడా ఒక కారణమని ఆర్‌పీఎఫ్‌ ఉన్నతాధికారి ఒకరు ‘సాక్షి’కి తెలిపారు. రైల్లో వారు 182కు కాకుండా 100కు డయల్‌ చేశారు. దీంతో సరైన స్పందన లభించలేదు.
  
 రాత్రి వేళల్లోనే గస్తీ... 
 హైదరాబాద్, సికింద్రాబాద్, కాచిగూడ స్టేషన్ల నుంచి రోజూ సుమారు 150 ఎక్స్‌ప్రెస్‌ రైళ్లు, మరో 100కు పైగా ప్యాసింజర్‌ రైళ్లు వివిధ ప్రాంతాలకు రాకపోకలు సాగిస్తాయి. ఇవి కాకుండా 121 ఎంఎంటీఎస్‌ సర్వీసులు సిటీలో అందుబాటులో ఉన్నాయి. రోజుకు 3.5 లక్షల మంది రైళ్లలో ప్రయాణిస్తున్నారు. ఈ రైళ్లలో సగానికి పైగా పగటిపూట బయలుదేరేవే. కానీ రైల్వే భద్రతా వ్యవస్థ ఎక్కువ శాతం రాత్రి వేళలకే పరిమితమైంది. పగటిపూట భద్రతా సిబ్బంది రైల్వేస్టేషన్లకే పరిమితమవుతోంది. దీంతో పోకిరీలు, దొంగలు, అసాంఘిక శక్తులు పగటిపూట రైళ్లలో తమ ప్రతాపాన్ని చూపుతున్నారు.
 
 ఆర్‌పీఎఫ్, జీఆర్‌పీ పోలీసులు మచ్చుకైనా కనిపించడంలేదు. ఇక 2015లో మహిళా ప్రయాణికుల భద్రత కోసం రైల్వే శాఖ 182 టోల్‌ఫ్రీ నంబర్‌ను ప్రవేశపెట్టింది. ఈ నంబర్‌కు ఫిర్యాదు చేస్తే... సమీపంలోని డివిజినల్‌ కార్యాలయం వెంటనే ఆర్‌పీఎఫ్‌ను అప్రమత్తం చేస్తుంది. అయితే దీనిపై సరైన ప్రచారం లేకపోవడంతో ఈ సేవలు అధిక శాతం మంది ప్రయాణికులు ఉపయోగించుకోలేకపోతున్నారు.


 అన్ని ప్రధాన స్టేషన్లలో ఏర్పాటు.. ఒక్క సికింద్రాబాద్‌లోనే వంద కెమెరాలు
 
 సాక్షి, హైదరాబాద్‌: రైల్వే స్టేషన్లను పూర్తిగా సీసీ కెమెరాల నిఘాలోకి తేవాలని కేంద్రప్రభుత్వం నిర్ణయించింది. ఈ మేరకు రైల్వే శాఖను ఆదేశించటంతో యుద్ధప్రాతిపదికన అన్ని ముఖ్యమైన రైల్వే స్టేషన్లలో సీసీ కెమెరాలు ఏర్పాటు చేసేందుకు సన్నాహాలు చేస్తోంది. ఇందుకోసం దేశవ్యాప్తంగా 980 స్టేషన్లను ఎంపిక చేశారు. దక్షిణ మధ్య రైల్వే పరిధిలో తొలుత 50 స్టేషన్లలో వీటిని ఏర్పాటు చేయబోతున్నారు. ప్రస్తుతం ప్రధాన స్టేషన్లలో మాత్రమే సీసీ కెమెరాలున్నాయి. మిగతా చోట్ల లేవు. దీంతో నేరాలు జరిగినప్పుడు దర్యాప్తునకు విఘాతం కలుగుతోంది. రైల్వే స్టేషన్లలో మహిళలపై వేధింపులు కూడా తీవ్రమయ్యాయి.
 
 ఇటీవల తమిళనాడులో రైల్వే ఫ్లాట్‌ఫాంపైనే ఓ యువతి హత్యకు గురైంది. ఉగ్రవాదులు కూడా రైళ్లలో ప్రయాణించడం సురక్షితంగా భావిస్తున్నారు. దోపిడీ దొంగల ఆగడాలకు లెక్కేలేదు. ఈ నేపథ్యంలో రైల్వే స్టేషన్లు ఆగంతకులకు అడ్డాలుగా ఉండరాదన్న ఉద్దేశంతో వాటిని సీసీ కెమెరాల నిఘాలోకి తెచ్చి ఎప్పటికప్పుడు పర్యవేక్షించేలా ఏర్పాట్లు చేయాలని కేంద్రం ఆదేశించింది. వీటి ఏర్పాటుకు ‘నిర్భయ నిధి’ నుంచి డబ్బులు విడుదల చేయనున్నట్టు ప్రకటించింది. దీంతో రూ. 500 కోట్లతో వీటిని ఏర్పాటు చేయాలని రైల్వే శాఖ నిర్ణయించింది. దక్షిణ మధ్య రైల్వే పరిధిలో 50 ప్రధాన పట్టణాల్లోని రైల్వే స్టేషన్లలో తొలి విడతలో వీటిని ఏర్పాటు చేయనున్నట్టు తెలిసింది. ప్లాట్‌ఫామ్‌లు, వేచి ఉండే ప్రాంతాలు, పార్కింగ్, లోనికి వచ్చే అన్ని మార్గాల్లో వీటిని ఏర్పాటు చేస్తారు.
 
 సికింద్రాబాద్‌ స్టేషన్‌లో కొత్తగా వంద కెమెరాలు
 దేశంలోనే పరిశుభ్రమైన రెండో స్టేషన్‌గా తాజాగా గుర్తింపు పొందిన సికింద్రాబాద్‌ స్టేషన్‌ పూర్తిగా సీసీ కెమెరాల నిఘాలోకి వెళ్లనుంది. ప్రస్తుతం స్టేషన్‌లోని వివిధ ప్రాంతాల్లో 86 సీసీ కెమెరాలున్నాయి. నిత్యం అత్యంత రద్దీగా ఉండే ఈ స్టేషన్‌ మరింత భద్రంగా ఉండాలంటే వీటి సంఖ్య పెంచాలని నిర్ణయించారు. ఈ మేరకు ఇటీవల రైల్వే బోర్డుకు ప్రతిపాదన కూడా పంపారు. దీంతో ఈ ఒక్క స్టేషన్‌ పరిసరాల్లోనే కొత్తగా వంద కెమెరాలు ఏర్పాటు చేయాలని నిర్ణయించారు. దీంతోపాటు కాచిగూడ, నాంపల్లి స్టేషన్లలో కూడా వాటిని ఏర్పాటు చేస్తారు.   లోనికి వచ్చే మార్గాలు సహా అన్ని విభాగాల్లో వాటిని ఏర్పాటు చేస్తారు.
 
 ఆ కెమెరాలు రికార్డు చేసే దృశ్యాలను ఎప్పటికప్పుడు పరిశీలించేందుకు ప్రత్యేక గదిని ఏర్పాటు చేస్తారు. అందులో టీవీలపై దృశ్యాలను నిరంతరం రైల్వే పోలీసులు పరిశీలిస్తూ తదనుగుణంగా చర్యలు తీసుకుంటారు. ముఖ్యంగా అనుమానితులపై దృష్టి సారిస్తారు. సికింద్రాబాద్‌కు పరిశుభ్ర స్టేషన్‌గా గుర్తింపు వచ్చిన నేపథ్యంలో భవిష్యత్తులోనూ స్వచ్ఛంగా ఉంచేందుకు సీసీ కెమెరాలను వినియోగించుకోవాలని అధికారులు నిర్ణయించారు. పరిశుభ్రతను పర్యవేక్షించాల్సిన సిబ్బంది పనితీరును ఈ కెమెరాల ద్వారా పరిశీలిస్తారు. ఎంఎంటీఎస్‌ స్టేషన్లను కూడా వీటి పరిధిలోకి తెస్తారు.


 తల్లిదండ్రులు చేరదీయకపోయినా.. చుట్టుపక్కల వారు దరిచేరనివ్వకపోయినా.. సమాజం దూరం పెట్టినా ఆ ‘మగవ’లు తెగువతో బతుకుతుంటారు. ‘అర్ధనారీ’మణులుగా అవస్థలు పడుతూ.. అర్థం చేసుకుని ఆదరించే వారిని చల్లగా ఉండమని దిష్టి తీస్తుంటారు. చీదరింపులు ఎదురైనా తమ స్వప్న లోకంలో బతుకుతూ కష్టాలకు ఎదురీదుతుంటారు. తాము కలలగన్న ప్రపంచం కోసం కన్నీళ్లను దిగమింగే హిజ్రాల జీవితాల్ని ఓసారి పరికిస్తే..
 
 పాలకొల్లు అర్బన్‌ : ప్రాణం లేని ఓ శరీరం ఆరుబయట ఉంటుంది. ఓ దుర్మార్గానికి ఆ శరీరం బలైపోయింది. చుట్టూ ప్రాణం ఉన్న మానవ శరీరాలు ఏడుస్తూ ఉంటాయి. దేవుడా.. ఏమిటీ బతుకు.. ఛీ పాడు జన్మ ... మళ్లీ ఇలాంటి జన్మలో మమ్మల్ని పుట్టించకు అంటూ కన్నీళ్లు పెడుతూ.. ప్రాణం లేని శరీరాన్ని చెప్పుతో కొట్టడంతో ప్రేక్షకుల నుంచి చప్పట్లు మారుమోగిపోగాయి. ఇది థియేటర్‌ ఆఫ్‌ ఆర్ట్స్‌ హైదరాబాద్‌ యువకులు ప్రదర్శించిన ‘శాపగ్రస్తులు’ నాటకంలో ఓ సన్నివేశం. హిజ్రాలను కూడా మనుషులుగా చూడండి. హార్మోన్ల ప్రభావంతో జన్మించిన వాళ్లను మానవతా ధృక్పథంతో ఆదరించాలే తప్ప సమాజంలో వాళ్లను చిన్నచూపు చూడకూడదు.  వాళ్ల మీద అత్యాచారాలు, అరాచకాలు చేయకూడదు. వారిని కూడా సమాజంలో స్త్రీ, పురుషులతో సమానంగా చూడండి. మనుషులుగా గుర్తించండి అనే ఇతివృత్తంతో ప్రదర్శించిన ఆ నాటకం 2007లో రాష్ట్ర ప్రభుత్వ నంది అవార్డును అందుకుంది.
 
 అది నాటకం.. కానీ హిజ్రాల జీవితాలను తెరచి చూస్తే వినోదం కన్నా విషాదం వారి బతుకులో ఎక్కువ.  వాళ్లూ మనుషులే.. మనలాగే వారు పుట్టారు అని ఆలోచించేవారు బహు తక్కువ. హార్మోన్ల అసమతుల్యత వల్ల అర్ధనారులుగా పుట్టి సమాజంలో చిన్నచూపునకు లోనవుతున్నవారు. వారు కూడా పెద్ద పెద్ద కుటుంబాల నుంచి వచ్చినవారే. అమ్మానాన్న, అన్నాతమ్ముళ్లు, అక్కా చెల్లెళ్ల మధ్య ప్రేమానురాగాలతో పెరిగినవారే. వయసు పెరిగే కొద్దీ ఆడవారి లక్షణాలు శరీరంలో వృద్ధి చెందడం.. ఆడవారిలా అలంకరించుకోవడం.. చీర కట్టుకోవడం.. జడ వేసుకోవడం.. తలలో పువ్వులు పెట్టుకోవడం వంటి లక్షణాలు వారిలో పుట్టే సహజ లక్షణాలు.
 
 ప్రత్యేక కుటుంబం వీరిది
 హిజ్రాగా మారిన వ్యక్తికి ప్రత్యేక కుటుంబం ఏర్పాటవుతుంది. అప్పటికే హిజ్రాగా మారిన వ్యక్తులు ఆసరాగా నిలుస్తారు. అత్త, అమ్మ, అక్క, చెల్లి వరుసలతో వీరి కుటుంబం ఏర్పాటవుతుంది. హిజ్రాలు ఎవరైనా చనిపోతే మృతదేహాన్ని ఖననం చేయడం వీరి ఆచారం. హిజ్రాగా మారిన వ్యక్తిని హిందూ శ్మశాన వాటికలో ఖననం చేస్తారు. అత్త చనిపోతే కోడలు ముండమోస్తుంది. బొట్టు తీయడం, గాజులు పగులగొట్టడం, తెల్లచీర కట్టుకోవడం వంటి ఆచారాలను కోడలు చేస్తుంది. 41వ రోజు ఛాలిష్మా (దినం) చేస్తారు. హిజ్రాగా మారినప్పుడు ఏవిధంగా పూజలు చేస్తారో అదే విధంగా చనిపోయినప్పుడు కూడా 41వ రోజున ఛాలిష్మా నిర్వహించడం వీరి ఆనవాయితీ. అన్నట్టు వీరికి ఒక సంఘం ఉంది. ప్రతినెలా సంఘ సమావేశం ఉంటుంది. ఆ సమావేశంలో సంఘం దృష్టికి వచ్చిన సమస్యలు చర్చించి జరిమానా విధిస్తారు.  
 
 భిక్షాటనే ప్రధాన వృత్తి
 రైల్వేస్టేషన్లు, బస్టాండ్లు, మార్కెట్లు, షాపుల వద్ద వీరు భిక్షాటన చేస్తూ జీవనోపాధి పొందుతున్నారు. అడపాదడపా ఉత్సవాలు, ఊరేగింపులు, జాతర మహోత్సవాల్లో వీరు ప్రత్యేక నృత్య ప్రదర్శనలిస్తూ ఉపాధి పొందుతున్నారు.
 
 41 రోజుల దీక్ష
 హిజ్రాగా మారిన వ్యక్తి 41 రోజులు దీక్ష చేస్తారు. కేవలం చపాతి, డికాషన్‌ ఆహారంగా ఇస్తారు. 11వ రోజు, 21వ రోజు, 31వ రోజు ప్రత్యేకంగా స్నానాలు చేయిస్తారు. 40వ రోజు అర్ధరాత్రి 12 గంటలకు ఆటాపాట చేపడతారు. తెల్లవారుజామున 3 గంటలకు స్నానాల రేవుకు తీసుకువెళ్లి అక్కడ స్నానం చేయించి 41వ రోజు జల్సా చేస్తారు. వారి వారి స్తోమతను బట్టి చుట్టుపక్కల ఉన్న హిజ్రాలను పిలుచుకుని భోజనాలు పెడతారు. వచ్చిన హిజ్రాలు కానుకల రూపంలో సొమ్ములు చదివించే ఆనవాయితీ వీరిలో కూడా ఉంది.  
 
 దసరాలో దీక్ష
 దసరా 9 రోజులు కనకదుర్గమ్మ దీక్ష చేపడతారు. ఎర్రని చీర ధరించి, నెత్తిమీద కుండ.. అందులో వేపాకులు వేస్తారు. మెడలో నిమ్మకాయల దండతో ధరించి భిక్షాటన చేస్తారు. కుండలో వచ్చిన డబ్బుల్లో సగం పేదల భోజనాల కోసం ఖర్చుచేస్తారు. మిగిలిన సొమ్మును హిజ్రాలంతా పంచుకుంటారు.
 
 ఉపవాసం
 వారంలో రెండు రోజులు మంగళ, శుక్రవారాలు ఉపవాసాలు చేస్తారు. ఆ రోజు అన్నం తినరు. కేవలం టిఫిన్‌తో కాలక్షేపం చేస్తారు. అలాగే కొంతమంది వారంలో మూడు రోజు ఉపవాసాలు ఉంటారు.  
 
 జిల్లా నలుమూలలా..
 జిల్లాలోని ప్రతి నియోజకవర్గంలో హిజ్రాలు ఉన్నారు. వీరికి ఎన్నికల సంఘం ఇతరుల విభాగంలో ఓటు హక్కు కల్పించింది. అత్యధికంగా భీమవరం పట్టణంలో 103 మంది, ఆచంటలో ఒకరు ఓటర్లుగా నమోదయ్యారు. ఏలూరు, చింతలపూడిలోనూ చెప్పుకోదగిన సంఖ్యలోనే హిజ్రాలు ఉన్నారు.
 
 బట్టల వ్యాపారం చేసుకుంటున్నా
 నా వయస్సు 55. మాది భీమవరం దగ్గరలోని పల్లెటూరు. 8వ తరగతి చదువుతుండగా కుటుంబాన్ని  వదిలి వచ్చేశా. అమ్మానాన్న కాలం చేశారు. బంధువులు వదిలేశారు. ఇంటి స్థలం. అర ఎకరం కుటుంబ సభ్యులకు వదిలేశా. ఇప్పటికి సుమారు 40 ఏళ్ల నుంచి ఒంటరిగా జీవిస్తున్నా. ఆరగురు కూతుళ్లను చేరదీశా. వీరిలో ముగ్గురు చనిపోయారు. ముగ్గురున్నారు. ఒకరు ఆగ్రా, మరొకరు పంజాబ్, ఇంకొకరు దిల్‌బార్‌లో ఉన్నారు. ప్రస్తుతం బట్టల వ్యాపారం చేసుకుంటూ ఉపాధి పొందుతున్నా. ప్రత్యేకంగా ఆటో కట్టించుకుని బట్టలు ఇంటింటికీ తిరిగి విక్రయించుకుని వచ్చే లాభంతో బతుకుతున్నా. ప్రభుత్వం ఏదైనా రుణం ఇప్పిస్తే బట్టల వ్యాపారం అభివృద్ధి చేసుకుంటా.
  – కుమారి, పాలకొల్లు
 
 భిక్షాటన చేస్తున్నా..
 మాది నంద్యాల. నా పేరు వినోద్‌కుమార్‌ గౌడ్‌. డిగ్రీ మొదటి సంవత్సరం చదువుతుండగా ఇంటి నుంచి బయటకు వచ్చేశా. హిజ్రాగా మారిన తరువాత నా కుటుంబ సభ్యులు నన్ను ఇంటికి రానిచ్చేవారు కాదు. ప్రస్తుతం బాగానే చూసుకుంటున్నారు. రైళ్లలో భిక్షాటన చేసుకుని ఉపాధి పొందుతున్నా. ఉత్సవాలకు డాన్స్‌ చేస్తా. నైట్‌ డాన్స్‌ చేస్తే రూ.2 వేలు నుంచి రూ.3 వేల వరకు వస్తుంది. నేను సంపాదించిన దాంట్లోంచి కొంత సేవా కార్యక్రమాలకు కేటాయిస్తున్నా. నంద్యాలలోనే అనాథలు, వృద్ధులు, వికలాంగుల సంస్థలు ఉన్నాయి. అక్కడకు పోయి వారికి భోజనాలు, బట్టలకు డబ్బులిస్తుంటా.
 – వినీత, హిజ్రా
 
 దిష్టి తీస్తే శుభం
 ఇంటికి, వ్యవసాయ భూమికి, షాపులకు హిజ్రాలతో దిష్టి తీయిస్తే మంచిదనే నమ్మకం ఉంది. ఇంటికి పట్టిన శని దోషం పోతుందని.. వ్యవసాయ భూమిలో పంటలు బాగా పండుతాయని.. వ్యాపారం బాగా వృద్ధి చెందుతుందని నమ్ముతారు. అందుకే హిజ్రాలు షాపుల్లోకి వస్తే పదో, ఇరవయ్యో ఇచ్చి పంపిస్తుంటారు.
 
 అసభ్యంగా మాట్లాడతారు
 నలభై ఏళ్ల నుంచి ఎన్నో అవమానాలు పడుతున్నా. ఆటో ఎక్కితే మా పక్కన ఆడవాళ్లు కూర్చోరు. మగవాళ్లు అసభ్యంగా మాట్లాడతారు. ఎక్కడికైనా వెళ్లాలంటే ప్రత్యేకంగా ఆటో కట్టించుకుని వెళతాం. ప్రభుత్వం మాలాంటి వారికోసం ప్రత్యేక రాయితీలు కల్పించాలి.
 – రామతులసిæ, భీమవరం
 
 రూ.2 లక్షలతో వేషం మారిపోతుంది
 ఇలాంటి లక్షణాలతో పుట్టిన వారు యుక్త వయసు రాగానే కుటుంబానికి దూరమైపోతున్నారు. సమాజంలో ఒక ప్రత్యేక జాతిగా పిలవబడుతున్నారు. దీనికోసం ముంబయ్, ఢిల్లీ, పూణే వంటి మహానగరాలకు వలస పోతున్నారు. అక్కడ సుమారు రూ.2 లక్షల ఖర్చుతో మగ శరీరాన్ని చంపేసుకుంటున్నారు. ఆడవారిలా మారేందుకు కొన్ని ఇంజెక్షన్‌లు చేయించుకుంటున్నారు. శరీరంలోని హార్మోన్లను వృద్ధి చేసుకుని కొత్త అవతారంతో సమాజంలోకి మూడో మనిషిగా అవతారం ఎత్తుతున్నారు.
 
 కుటుంబ భారం నాపైనే..
 మాది భీమవరం పట్టణానికి చేర్చి ఉన్న పల్లెటూరు. 9వ తరగతి చదువుతుండగా ఇంటి నుంచి వచ్చేశా. హిజ్రాగా మారి 13 ఏళ్లయ్యింది. అమ్మ, నాన్నలు చనిపోయారు. అవిటి అక్క, అమ్మమ్మ, తాతయ్య ఉన్నారు. వారి పోషణ నాపై ఉంది. అద్దె ఇల్లు. కరెంట్‌ లేదు. చాలాహీనంగా బతుకుతున్నా. భిక్షాటన చేసిన సొమ్ములో సగంపైగా శరీర అలంకరణకు సరిపోతుంది. రోజంతా భిక్షాటన చేసినా రూ.200 నుంచి రూ.300కు మించి రాదు.
 – పూజిత, భీమవరం
 
 అమ్మాయిగానే ఊహించుకున్నా..
 చిన్నప్పట్నుంచి అమ్మాయిగానే పెరిగా. అబ్బాయిని అని ఏనాడూ అనుకోలేదు. పూజిత అమ్మ నన్ను చేరదీసింది. తను నాకు స్కూల్‌లో పరిచయం. తను, నేను ఒకే పాఠశాలలో చదివాం. ఇప్పటికి హిజ్రాగా మారి ఆరేళ్లయ్యింది. స్లిమ్‌గా ఉండడానికి సంపాదించిన సొమ్ములో కొంత పోతుంది. అమ్మ (పూజిత) నన్ను సాకుతోంది. ఏ అవసరం ఉన్నా అమ్మే చూసుకుంటుంది.
 – సురేఖ, భీమవరం
 
 డిమాండ్స్‌
 ♦ హిజ్రాలకు ఓటరు జాబితాలో చోటిచ్చారు. కానీ ఉభయ తెలుగు రాష్ట్రాల్లో ఎన్నికల్లో పోటీ చేసే హక్కు కల్పించలేదు
 
 ♦  డ్వాక్రా మహిళలకు ఇస్తున్న మాదిరిగానే బ్యాంకులు రుణాలివ్వాలి
 
 ♦  ఇళ్లస్థలాలు కేటాయించి ప్రభుత్వమే పక్కా గృహాలు నిర్మించాలి
 
 ♦  విద్య, ఉద్యోగాల్లో దివ్యాంగులు మాదిరిగా ప్రత్యేక రిజర్వేషన్‌ కల్పించాలి
 
 ♦  భిక్షాటన చేసుకునే సమయంలో వారికి పోలీసులు ఎలాంటి ఆటంకాలు కలిగించకూడదు
 నృత్య ప్రదర్శనలు ఇచ్చే
 
 ♦  సమయంలోనూ పోలీసులు ఎలాంటి ఆంక్షలు విధించకూడదు అని హిజ్రాలు విజ్ఞప్తి చేస్తున్నారు.  


 మహానగరం సంక్రాంతి బాట పట్టింది. భాగ్యనగర వాసులు పెద్ద సంఖ్యలో సొంత ఊళ్లకు తరలి వెళ్లారు.గురువారం కూడా రైళ్లు, బస్సులు  కిక్కిరిశాయి. టికెట్లు దొరకనివారు కార్లు, ద్విచక్ర వాహనాలపై బయలుదేరారు. అరకొర రైళ్లు, బస్సుల్లో అదనపు చార్జీల మోత, ప్రైవేట్‌ బస్సుల రెట్టింపు దోపిడీ ప్రయాణాన్ని భారంగా చేశాయి.
 
 జనరల్‌ బోగీల్లో, ప్యాసింజర్‌ రైళ్లలో  బయలుదేరిన ప్రయాణికులు రద్దీతో ఇబ్బందులకు గురయ్యారు. ఎంజీబీఎస్, జూబ్లీ బస్‌స్టేషన్లు, సికింద్రాబాద్, కాచిగూడ, నాంపల్లి రైల్వేస్టేషన్లుకిటకిటలాడాయి. నగర శివార్లలోని ప్రధాన కూడళ్లలోనూ భారీ ఎత్తున వాహనాలు, ప్రయాణికుల రద్దీ నెలకొంది. పండుగ సందర్భంగా ఈ నాలుగైదు రోజుల్లో సుమారు 15 లక్షల మంది సొంత ఊళ్లకు తరలి వెళ్లినట్లుఅంచనా. –సాక్షి, సిటీబ్యూరో
  


 ఖాళీగా అవసరం లేకుండా అలా పడిఉన్న రైల్వే స్టేషన్లను పెళ్లి మండపాలుగా మార్చితే ఎంత బాగుంటుంది. ఇలాంటి ఐడియాతోనే రైల్వే శాఖ మంత్రి సురేష్ ప్రభు ముందుకొచ్చారు. ఖాళీగా పడిఉన్న రైల్వే స్టేషన్లను వేరే ప్రాంతాలకు తరలించే బదులు వాటిని పెళ్లి వేడులకు, ఇతర గ్రాండ్ ఈవెంట్లకు వాడాలని నిర్ణయించారు. వెడ్డింగ్ ఫంక్షన్లకు, ఇతర ఈవెంట్లకు రైల్వే స్టేషన్లను అద్దెకివ్వాలని రైల్వేశాఖ ప్రతిపాదించింది. గత నెల న్యూఢిల్లీలో జరిగిన రైల్ వికాస్ శివిర్ మీటింగ్లో ఈ అద్భుతమైన ఆలోచనను ఎంపికచేశారు.
  
 రవాణా వ్యవస్థలో అత్యంత ప్రముఖమైన పాత్ర వహిస్తున్న రైల్వే కార్యకాలపాల అభివృద్ధికి వినూత్నమైన ఆలోచనలతో ముందుకు రావాలని ప్రధాని మోదీ ఈ మీటింగ్లో అధికారులకు పిలుపునిచ్చారు. రైల్వే అభివృద్ధికి రోడ్ మ్యాప్ చేయాలని ఆదేశించారు. దీనిపై ఇంకా తుది నిర్ణయం తీసుకోవాల్సి ఉందని రైల్వే బోర్డు అడ్వయిజర్ అలోక్ రాజన్ తెలిపారు. 
  
  


 సాక్షి, సిటీబ్యూరో: నగరంలోని  ప్రధాన రైల్వేస్టేషన్‌లు, ఎంఎంటీఎస్‌ స్టేషన్‌లలో నగదు రహిత సేవలు మంగళవారం నుంచి అందుబాటులోకి వచ్చాయి. అన్ని రకాల క్రెడిట్, డెబిట్, రూపీ  కార్డుల ద్వారా రైల్వే రిజర్వేషన్‌ టిక్కెట్‌లు పొందేందుకు  దక్షిణమధ్య రైల్వే పరిధిలో మొత్తం 109 పాయింట్‌ ఆఫ్‌ సేల్‌ మిషన్‌లు (స్వైప్‌ మిషన్‌లను) సోమవారం ఏర్పాటు చేసిన సంగతి తెలిసిందే. నగరంలో 30 స్టేషన్‌లలో ఈ సదుపాయాన్ని కల్పించారు. సికింద్రాబాద్, నాంపల్లి, బేగంపేట్, కాచిగూడ రైల్వేస్టేషన్‌లతో పాటు లింగంపల్లి, చందానగర్, హఫీజ్‌పేట్, హైటెక్‌సిటీ, బోరబండ, భరత్‌నగర్, ఫతేనగర్, నేచర్‌క్యూర్‌ హాస్పిటల్, సంజీవయ్యపార్కు, జేమ్స్‌ స్ట్రీట్, సీతాఫల్‌మండి, ఆర్ట్స్‌ కాలేజ్, జామై ఉస్మానియా, విద్యానగర్, మలక్‌పేట్, డబీర్‌పురా, యాకుత్‌పురా, ఉప్పుగూడ, ఫలక్‌నుమా, లక్డికాఫూల్, ఖైరతాబాద్, నెక్లెస్‌రోడ్డు స్టేషన్‌లలో  ప్రయాణికులు నగదు రహిత సేవలను వినియోగించుకోవచ్చు. అలాగే హై కోర్టు, తెలంగాణ అసెంబ్లీ, మెహిదీపట్నం, మౌలాలీ జోనల్‌ రైల్వే ట్రైనింగ్‌ ఇన్‌స్టిట్యూట్‌లోని ప్యాసింజర్‌ రిజర్వేషన్‌ కౌంటర్‌లలో కూడా ఈ మిషన్‌లను ఏర్పాటు చేశారు.


 ముంబై: ముంబై నగరంలోని ముఖ్యమైన ప్రభుత్వ ఆస్పత్రులు, రైల్వే స్టేషన్‌లలో నోట్ల మార్పిడి కౌంటర్లు ప్రారంభం కానున్నాయి. పాత పెద్ద నోట్లు రద్దు కావడంతో చిల్లర కోసం నగర ప్రజలు పడుతున్న పాట్లను దృష్టిలో ఉంచుకుని చిల్లర మార్పిడి కౌంటర్లను ఏర్పాటు చేసేందుకు బ్యాంకులకు స్థలం కేటాయించాల్సిందిగా రాష్ట్ర ప్రభుత్వం రైల్వే, ప్రభుత్వ ఆస్పత్రులను కోరింది. ఇందుకు సంబంధించిన అధికారులతో హోం శాఖ చర్చించింది.
 కౌంటర్ల ఏర్పాటుకు సహకారం అందించాల్సిందిగా ప్రభుత్వం బ్యాంక్ ఆఫ్ మహారాష్ట్రను కోరింది. కాగా, కౌంటర్లకు స్ధలం కేటాయించేందుకు ఆసుపత్రులు సిద్ధమవగా, రైల్వే స్టేషన్ల వద్ద కౌంటర్ల ఏర్పాటులో సందిగ్ధం నెలకొంది. ఇప్పటివరకూ ఈ విషయమై రైల్వే శాఖ నుంచి మహారాష్ట్ర ప్రభుత్వానికి ఎలాంటి సమాచారం రాకపోవడమే ఇందుకు కారణమని తెలుస్తోంది.


 ♦ దసరా సర్వీసులతో రైల్వేకు రూ.8 కోట్లు...
 ♦ ఆర్టీసీకి రూ.1.25 కోట్లు
  సాక్షి, హైదరాబాద్: దసరా రద్దీ రవాణా సంస్థలకు కాసుల వర్షం కురిపించింది. దక్షిణమధ్య రైల్వేకు సుమారు రూ.8 కోట్లు, ఆర్టీసీకి రూ.1.25 కోట్ల ఆదాయం వచ్చింది. ఆర్టీసీ ఆక్యుపెన్సీ సైతం భారీగా పెరిగింది. గతేడాది దసరా సందర్భంగా 82 శాతం ఉన్న ఆక్యుపెన్సీ ఈసారి 94 శాతానికి చేరింది. 3,500 రెగ్యులర్ బస్సులకు అదనంగా 3,060 బస్సులు నడిపింది.
 మరోవైపు  రైళ్లలోనూ ఆక్యుపెన్సీ వంద శాతం దాటింది. ఎక్స్‌ప్రెస్‌లే కాకుండా ప్యాసింజర్లు సైతం ప్రయాణికులతో పోటెత్తాయి. హైదరాబాద్, సికింద్రాబాద్‌ల నుంచి రోజూ నడిచే వందకు పైగా ప్రధాన రైళ్లతో పాటు దసరా సందర్భంగా మరో 52 రైళ్లు అదనంగా నడిపారు. దక్షిణమధ్య రైల్వే జోన్ పరిధిలో మొత్తం 150 రైళ్లు అదనంగా వేశారు. గత ఏడాది దాదాపు 12 లక్షల మంది సొంతూళ్లకు తరలివెళ్లగా... ఈ దసరాకు ఆ సంఖ్య 15 లక్షల వరకు ఉందని అంచనా.
  తిరుగు ప్రయాణంలోనూ రద్దీ...
 దసరా సెలవులు ముగించుకొని తిరిగి నగరానికి వచ్చే ప్రయాణికులతో గురువారం రైల్వే స్టేషన్లు, బస్ స్టాండ్లు రద్దీగా కనిపించాయి. గౌతమి, నారాయణాద్రి, గరీబ్థ్,్ర చార్మినార్ ఎక్స్‌ప్రెస్, పుష్‌ఫుల్ తదితర రైళ్లు ఆలస్యంగా నడిచాయి.


 సొంతూళ్లకు వెళ్లేవారితో కిటకిట
 సాక్షి, హైదరాబాద్: దసరా పండగ సెలవులు... ఆపై వారాంతం కలిసి రావడంతో సొంతూళ్లకు వెళ్లేవారితో నగరంలోని రైల్వే స్టేషన్లు, బస్టాండ్లు కిక్కిరిసిపోయాయి. రైళ్లు, బస్సులు ప్రయాణికులతో కిటకిటలాడాయి. దీంతో మహాత్మాగాంధీ బస్ స్టేషన్, నగరంలోని పలు ప్రాంతాల నుంచి ప్రధాన మార్గాల్లో రెగ్యులర్‌గా నడిచే 1,500 సర్వీసులకు తోడు శనివారం మరో 60 బస్సులను ఆర్టీసీ అధికారులు అదనంగా ఏర్పాటు చేశారు. ముఖ్యంగా కూకట్‌పల్లి హౌసింగ్‌బోర్డు కాలనీ, ఎల్‌బీనగర్, ఉప్పల్ తదితర శివారు ప్రాంతాల్లో రద్దీ అధికంగా కనిపించింది.
 
 ఖమ్మం, విజయవాడ, గుంటూరు, వరంగల్ మార్గాల్లో ప్రయాణికులు పెద్ద సంఖ్యలో పయనమయ్యారు.  25 వేల మంది: సికింద్రాబాద్ రైల్వే స్టేషన్ నుంచి శనివారం ఒక్కరోజే అదనంగా 25 వేల మంది సొంతూళ్లకు తరలివెళ్లినట్టు రైల్వే అధికారులు తెలిపారు. ఇక్కడి నుంచి రోజుకు సుమారు 2లక్షల మంది రాకపోకలు సాగిస్తారు. పండగ రద్దీని దృష్టిలో ఉంచుకొని వివిధ మార్గాల్లో దక్షిణమధ్య రైల్వే 60కి పైగా  ప్రత్యేక రైళ్లను ఏర్పాటు చేసింది. కాగా, నగరంలో ట్రాఫిక్ రద్దీ దృష్ట్యా దసరా స్పెషల్ బస్సులను వీలైనంత వరకు నగర శివార్ల నుంచే నడిపేందుకు ఏర్పాట్లు చేసినట్లు ఆర్టీసీ హైదరాబాద్ ఎగ్జిక్యూటివ్ డెరైక్టర్ వేణు తెలిపారు.
 
 మొత్తం 3,060 ప్రత్యేక బస్సులను నడిపేందుకు ప్రణాళికలను సిద్ధం చేశామన్నారు. 58 మంది ఉన్నతాధికారులు, 250 మంది ఉద్యోగులను బస్సుల నిర్వహణ కోసం ప్రత్యేకంగా నియమించామన్నారు. ఎంజీబీఎస్, జూబ్లీ, దిల్‌సుఖ్‌నగర్ వంటి ప్రధాన బస్ స్టేషన్ల నుంచే కాకుండా... బీహెచ్‌ఈఎల్, కేపీహెచ్‌బీ, జీడిమెట్ల, ఈసీఐఎల్, ఎల్‌బీనగర్, ఆరాంఘర్ చౌరస్తా, ఉప్పల్  రింగ్‌రోడ్డుల నుంచి  ప్రత్యేక బస్సులు నడుపుతారు. ఈ నెల 5 నుంచి 10 వరకు విజయవాడ, విశాఖ, నెల్లూరు, తిరుపతి, బెంగళూర్, పునె, ముంబై, చెన్నై తదితర ప్రాంతాలకు అవసరాన్నిబట్టి ప్రత్యేక బస్సులను అందుబాటులో ఉంచుతారు.


 సాక్షి,సిటీబ్యూరో: కృష్ణా పుష్కరాలు ఈనెల 23తో ముగియనున్నాయి. ఈ నేపథ్యంలో శనివారం నగరం నుంచి పెద్ద సంఖ్యలో ప్రజలు పవిత్ర స్నానాలకు తరలివెళ్లారు. బస్‌ స్టేషన్లు, రైల్వేస్టేషన్లలో ప్రయాణికులు పోటెత్తారు. ఆదివారం సెలవు దినం కావడంతో చాలామంది శనివారం సాయంత్రమే నగరంలో వివిధ ప్రాంతాల నుంచి తెలుగు రాష్ట్రాల్లోని పుష్కర ఘాట్లకు తరలి Ðð ళ్లారు. గుంటూరు, విజయవాడ మీదుగా వెళ్లే  రెగ్యులర్‌ రైళ్లు, పుష్కర ప్రత్యేక రైళ్లు ప్రయాణికులతో కిక్కిరిసాయి.
 
 నేడు వివిధ రూట్లలో స్పెషల్‌ రైళ్లు..
 పుష్కరాల రద్దీని దృష్టిలో ఉంచుకొని ఆదివారం రాత్రి  11.50 గంటలకు సికింద్రాబాద్‌ నుంచి  పుష్కరం స్పెషల్‌ ట్రైన్‌ బయలు దేరనుంది. ఇది విజయవాడ సమీపంలోని కృష్ణా కెనాల్‌ జంక్షన్‌ వరకు వెళ్తుంది. అలాగే ఉదయం 5.30 గంటలకు ఇంటర్‌ సిటీ, ఉదయం 5.40కి నాంపల్లి స్టేషన్‌ నుంచి గుంటూరుకు పుష్కరం స్పెషల్‌ ట్రైన్‌ బయలు దేరతాయి.
 ఉదయం 6.15 కు సికింద్రాబాద్‌ నుంచి రాయచూర్‌ దగ్గర ఉన్న కృష్ణా రైల్వేస్టేషన్‌కు మరో పుష్కరం స్పెషల్‌ నడుస్తుంది. ఉదయం 11–12 గంటల మధ్య సికింద్రాబాద్, కాచిగూడ స్టేషన్ల నుంచి గద్వాల్‌కు డెమూ ప్యాసింజర్‌ రైళ్లు బయలు దేరనున్నాయి. రెగ్యులర్‌ జన్మభూమి, ఇంటర్‌సిటీ, తదితర ఎక్స్‌ప్రెస్‌ రైళ్లతో పాటు ఆదివారం రాత్రి 11.30కు సికింద్రాబాద్‌ నుంచి కాకినాడకు మరో పుష్కరం ట్రైన్‌ నడుపుతున్నారు.
 
 300కు పైగా ప్రత్యేక బస్సులు..
 హైదరాబాద్‌ నుంచి విజయవాడ మీదుగా వెళ్లే 93 రెగ్యులర్‌ బస్సులతో పాటు శనివారం మరో 50 బస్సులు అదనంగా బయలుదేరాయి. ఇవి కాకుండా నాగార్జునసాగర్, బీచుపల్లి, శ్రీశైలం, వాడపల్లి, తదితర ప్రాంతాలకు 250 బస్సులు నడిపారు. నగరం నుంచి రెగ్యులర్‌ బస్సులకు కాకుండా పుష్కరాల ప్రారరంభం నుంచి 1065 బస్సులు నడుపుతున్నారు.  వీటికి అదనంగా శనివారం 350 బస్సులను పెంచారు. ఆదివారం మరిన్ని ఎక్స్‌ప్రెస్, సూపర్‌ లగ్జరీ, ఏసీ బస్సులు అదనపు బస్సులు నడిపేందుకు అర్టీసీ అధికారులు ఏర్పాట్లు చేస్తున్నారు.


 సాక్షి, సిటీబ్యూరో: కృష్ణా పుష్కరాలకు సిటీవాసులు భారీగా తరలి వెళ్తున్నారు. వరుస సెలవులతో  శుక్రవారం బస్సులు, రైళ్లు  కిక్కిరిసాయి. సికింద్రాబాద్, నాంపల్లి, కాచిగూడ రైల్వేస్టేషన్‌లు, మహాత్మాగాంధీ, జూబ్లీ బస్‌స్టేషన్‌ల నుంచి నగరవాసులు పెద్ద సంఖ్యలో తరలి వెళ్లారు. విజయవాడ వైపు వెళ్లే రైళ్లన్నీ ప్రయాణికులతో నిండిపోయాయి. విజయవాడకు వెళ్లే బస్సులు సైతం కిటకిటలాడాయి. ప్రతి రోజు నగరం నుంచి బయలుదేరే 93 రెగ్యులర్‌ బస్సులతో పాటు మరో 130 బస్సులను అదనంగా నడిపారు. మరోవైపు బీచుపల్లి, శ్రీశైలం, నాగార్జునసాగర్‌ ఘాట్‌లకు సైతం  భక్తులు తరలి వెళ్లారు. జంటనగరాల నుంచి ప్రతి రోజు సుమారు 40 రైళ్లు విజయవాడ మీదుగా  రాకపోకలు సాగిస్తాయి.
 పుష్కరాల రద్దీని దృష్టిలో ఉంచుకొని హైదరాబాద్‌ నుంచి విజయవాడ, కాకినాడ, గద్వాల్‌ తదితర ప్రాంతాలకు ప్రత్యేక రైళ్లను ఏర్పాటు చేశారు. విజయవాడ మీదుగా వెళ్లే అన్ని రైళ్లలోనూ  శుక్రవారం భారీ రద్దీ కనిపించింది. సికింద్రాబాద్‌ స్టేషన్‌లో వేలాది మంది ప్రయాణికులు రైళ్ల కోసం పడిగాపులు కాశారు.  రిజర్వుడ్‌ బోగీల్లో బెర్తులు లభించని వాళ్లు జనరల్‌ బోగీల్లో  బయలుదేరారు. దీంతో సాధారణ బోగీలు  సైతం పరిమితికి మించిన ప్రయాణికులతో  నిండిపోయాయి. పుష్కర స్పెషల్‌ రైళ్లకు మల్కాజిగిరి రైల్వేస్టేషన్‌లో సబర్బన్‌ ట్రైన్‌ అండ్‌ బస్‌ ట్రావెలర్స్‌ అసోసియేషన్‌ వారు స్వాగతం పలికారు. అనంతరం భక్తులు సంతోషంగా పుష్కర స్నానాలు ఆచరించి రావాలని కోరుతూ వీడ్కోలు చెప్పారు.
 
 250 ప్రత్యేక బస్సులు ...
 రైళ్లతో పాటు ఆర్టీసీ బస్సులు, ప్రైవేట్‌ బస్సులు, సొంత వాహనాల్లోనూ  జనం  తరలి వెళ్లారు. హైదరాబాద్‌ నుంచి  విజయవాడకు  130  ప్రత్యేక బస్సులు  బయలుదేరాయి. శ్రీశైలం,నాగార్జునసాగర్, బీచుపల్లి, వాడపల్లి, తదితర ప్రాంతాలకు మరో  120 బస్సులు ఏర్పాటు చేశారు.  వివిధ ప్రాంతాలకు రెగ్యులర్‌గా రాకపోకలు సాగించే  1500  ఎక్స్‌ప్రెస్, సూపర్‌లగ్జరీ , ఏసీ బస్సులకు  ఇవి అదనం. ప్రయాణికుల రద్దీకి అనుగుణంగా బస్సులను  అందుబాటులోకి  తెచ్చారు. మరోవైపు  తాము ఆశించిన స్థాయి రద్దీ కనిపించలేదని, విజయవాడ వైపు వెళ్లిన ప్రయాణికుల్లో ఎక్కువ శాతం వరుస సెలవులను దృష్టిలో ఉంచుకొని వెళ్లిన వాళ్లేనని, పుష్కరాల రద్దీ  మొదటి రోజు సాధారణంగానే ఉందని ఆర్టీసీ అధికారులు తెలిపారు.
 
 ‘పుష్కర’ యాప్స్‌...
 గాజులరామారం: పుష్కరాలకు వచ్చే భక్తుల సౌకర్యార్థం గూగూల్‌ ప్లే స్టోర్‌లో కొన్ని యాప్స్‌ అందుబాటులో ఉన్నాయి. ఈ యాప్స్‌లో పుష్కర్‌ ఘాట్స్‌కు ఎలా వెళ్లాలో తెలిపే రూట్‌ మ్యాప్స్‌ చక్కగా రూపొందించారు. ఆయా ఘాట్ల వద్ద పార్కింగ్‌ స్థలాల వివరాలు, అత్యవసర సమయాలలో చేయాల్సిన నంబర్లకు ఒన్‌టచ్‌ బటన్‌ల సదుపాయం తదితరాలు వివరంగా ఉన్నాయి.
 టీఎస్‌ కృష్ణ పుష్కరాలు 2016
 
 ఈ యాప్‌ను తెలంగాణ పొల్యూషన్‌ కంట్రోల్‌ బోర్డు వారు రూపొందిం చారు. దీన్ని గూగూల్‌ ప్లే స్టోర్‌ నుంచి ఉచితంగా డౌన్‌లోడ్‌ చేసుకొవచ్చు. అనంతరం స్క్రీన్‌పై ‘చెక్‌ వాటర్‌ క్వాలిటీ ఆఫ్‌ పుష్కర్‌ ఘాట్స్‌’ ఆప్షన్‌పై క్లిక్‌ చేయాలి. తెలంగాణలో ఉన్న ముఖ్యమైన పుష్కర ఘాట్‌ల లొకేషన్‌లు మ్యాప్‌లో కనిపిస్తాయి. ఇక్కడ మనం ఎక్కడ సెలక్ట్‌ చేస్తే అక్కడ స్క్రీన్‌పై అదేరోజుకు సంబంధించిన వాటర్‌ రిపోర్ట్‌ ప్రత్యక్షమవుతుంది.
 
 ఎంబీఎన్‌ఆర్‌ కృష్ణ పుష్కరాలు 2016
 మహబూబ్‌నగర్‌ జిల్లాలో ఉన్న పుష్కర ఘాట్‌ల పూర్తి వివరాలు ఈ యాప్‌లో పొందుపర్చారు. ఘాట్‌ ఆప్షన్స్‌కు వెళ్లి మనకు కావాల్సిన ఘాట్‌ బటన్‌ను క్లిక్‌ చేయాలి. వెంటనే ఘాట్‌ లొకేషన్‌ రూట్, అక్కడ దర్శనీయ స్థలాలు, సౌకర్యాలు, హోటల్స్, వాతావరణం వివరాలు తెలుస్తాయి.  అదేవిదంగా ఈ యాప్‌లో ఎస్‌ఓఎస్‌ ఆప్షన్‌ ఉన్నది. ప్రమాదకర పరిస్థితుల్లో ఇది ఉపయోగపడుతుంది. ఈ ఆప్షన్‌లో పోలీస్, మెడికల్, మహబూబ్‌నగర్‌ కంట్రోల్‌ రూం నంబర్‌ బటన్లు ఉంటాయి. అనౌన్స్‌మెంట్‌ ఆప్షన్‌లో ఘాట్‌ల వద్ద పరిస్థితిని ఎప్పటికప్పుడు అప్‌డేట్‌ చేస్తారు.
 
 ‘కృష్ణా’ బాటిళ్లకు భలే డిమాండ్‌
 సాక్షి, సిటీబ్యూరో: తెలంగాణ, ఆంధ్రప్రదేశ్‌ తపాలా శాఖ ఆధ్వర్యంలో అందిస్తున్న ‘కృష్ణా పుష్కర జలం‘ బాటిళ్లకు డిమాండ్‌ పెరిగింది. జాతీయ, అంతర్జాతీయ స్థాయి నుంచి సైతం అనూహ్య స్పందన లభించింది. మొత్తం మీద పోస్టల్‌ శాఖ నిర్దేశించిన లక్ష్యానికి మించి బాటిల్స్‌ కోసం ఆర్డర్లు బుక్‌ అయ్యాయి. గోదావరి పుష్కరాల్లో ‘గాడ్‌ జల్‌’ పేరిట కోటి రూపాయల మేర ఆదాయాన్ని గడించిన స్ఫూర్తితో కృష్ణా పుష్కర జలాలను కూడా పోస్టల్‌ శాఖ ద్వారా అందిస్తున్నారు. తెలంగాణ, ఏపీ సర్కిల్స్‌లో కలిపి సుమారు మూడున్నర లక్షల బాటిళ్లు విక్రయించేందుకు లక్ష్యాన్ని నిర్దేశించింది. ఒక్కో బాటిల్‌ (అర లీటర్‌) ధర రూ.30 గా నిర్ణయించి, దీని కోసం జూలై మొదటి వారం నుంచి ఈ నెల 5 వ తేదీ వరకు ఆన్‌లైన్, ఆఫ్‌లైన్‌ బుకింగ్‌ ద్వారా ఆర్డర్లు స్వీకరించింది.
 
 3.91 లక్షల బాటిల్స్‌కు డిమాండ్‌
 పోస్టల్‌ శాఖకు కృష్ణా పుష్కర జలం సరఫరా కోసం లక్ష్యాన్ని మించి 3.91 లక్షలకు పైగా బాటిల్స్‌కు ఆర్డర్లు వచ్చాయి. విజయవాడ రీజియన్‌లో 1.72 లక్షల బాటిల్స్, విశాఖపట్నం రీజియన్‌లో 92 వేల బాటిల్స్, కర్నూల్‌లో 6,300, హైదరాబాద్‌ రీజియన్‌లో 32,786, హైదరాబాద్‌ సిటీలో మూడు వేల బాటిల్స్‌ సరఫరా కోసం ఆన్‌లైన్‌లో ఆర్డర్లు వచ్చాయి.


 సాక్షి, సిటీబ్యూరో: ఆరాంఘర్‌ చౌరస్తా. ప్రతి రోజు వేలాది మంది రాకపోకలు సాగించే అతిపెద్ద కూడలి. హైదరాబాద్‌ నుంచి శంషాబాద్‌  అంతర్జాతీయ విమానాశ్రయానికి వెళ్లాలన్నా, మహబూబ్‌నగర్, కర్నూలు,  కడప వైపు వెళ్లాలన్నా  ఈ  కూడలి మీదుగా వెళ్లాల్సిందే. నగరం నుంచి  మహబూబ్‌నగర్‌ వైపు రాయలసీమ వైపు వెళ్లే రైళ్లన్నీ ఆ రైల్వేమార్గంలోనే వెళ్తాయి. కానీ ఆరాంఘర్‌ చౌరస్తా నుంచి రైలుమార్గంలో వెళ్లాలనుకొనేవాళ్లకు మాత్రం ఆ అవకాశం లేదు. అక్కడికి  ఒకటిన్నర, రెండు కిలోమీటర్ల దూరంలో ఉన్న శివరాంపల్లి, బుద్వేల్‌ రైల్వేస్టేషన్లకు వెళ్లాలి. ఊళ్లకు దూరంగా, ప్రజల రాకపోకలకు  ఏ మాత్రం సంబంధం లేకుండా విసిరేసినట్లు ఉన్న ఆ రెండు రైల్వే స్టేషన్లు అక్కడ ఉన్నా లేనట్లే.
 ప్రతి రోజూ వేలాది మంది నడిచే కూడలిలో  రైల్వేస్టేషన్‌ లేకపోవడంవల్ల నిత్యం ఆ మార్గంలో ఎంఎంటీఎస్, ప్యాసింజర్‌ రైళ్లు నడిచినా ఎలాంటి ప్రయోజనం లేకుండాపోయింది. ఆరాంఘర్‌చౌరస్తాలో రైల్వే సదుపాయాలను ఏర్పాటు చేయడం వల్ల వేలాది మందికి  ప్రయోజనం కలగడమే  కాకుండా ఆ మార్గంలో సబర్బన్‌ రైల్వే వ్యవస్థ ఎంతో బలోపేతమవుతుంది.  రైల్వేకు ఆదాయం కూడా  పెరుగుతుంది.  దక్షిణమధ్య రైల్వే  చొరవ, రాష్ట్రప్రభుత్వ సహకారం  ఏకమైతే  ఆరాంఘర్‌ చౌరస్తా  అతి పెద్ద  ప్రయాణికుల హబ్‌గా మారేందుకు అవకాశం ఉంది.
 
 రెండెకరాల భూమి చాలు...
 ఎంఎంటీఎస్‌ రైళ్లు, ప్యాసింజర్‌ రైళ్లు ఆరాంఘర్‌ చౌరస్తా మీదుగా రాకపోకలు సాగించేందుకు స్టేషన్‌ నిర్మాణానికి  కేవలం  2 ఎకరాల స్థలం చాలు. ప్రస్తుతం అక్కడ  ప్రభుత్వ భూమి  కూడా  అందుబాటులో ఉంది. ఆ  భూమిలో కొంత  స్టేషన్‌ కోసం కేటాయించవచ్చు. అందుకు ప్రతిగా నిరుపయోగంగా ఉన్న బుద్వేల్, శివరాంపల్లి స్టేషన్‌ స్థలాలను ప్రభుత్వం ఇతర అవసరాలకు వినియోగించుకోవచ్చు. ఆరాంఘర్‌ చౌరస్తాలో రైల్వేస్టేషన్‌ ఏర్పాటు చేయడం వల్ల  దూరప్రాంతాలకు వెళ్లే  ప్రయాణికులు ప్రధాన స్టేషన్‌లకు వెళ్లాల్సిన అవసరం తప్పుతుంది. ఆర్టీసీ, ప్రైవేట్‌ బస్సులు, క్యాబ్‌లు, తదితర  వాహనాల కంటే  తక్కువ చార్జీల్లో  రాకపోకలు సాగిస్తారు.
 
 
 సికింద్రాబాద్‌ కేంద్రంగా ఇటు బొల్లారం, మేడ్చల్, మనోహరాబాద్‌  వైపు, అటు ఉందానగర్‌ వైపు దక్షిణమధ్య రైల్వే సబర్బన్‌ రైల్వే వ్యవస్థను ఏర్పాటు చేసింది. ఈ రెండు మార్గాల్లో ఎంఎంటీఎస్‌ రైళ్లు, డెమో రైళ్లు రాకపోకలు సాగిస్తాయి. సికింద్రాబాద్‌ నుంచి ఫలక్‌నుమా వరకు ఎంఎంటీఎస్‌ రైళ్లు నడుస్తుండగా  అక్కడి  నుంచి  ఉందానగర్‌ డెమో రైళ్లు నడుస్తున్నాయి. ఆరాంఘర్‌ నుంచి ట్రైన్‌లో  మహబూబ్‌నగర్‌ వెళ్లాలనుకొనే  ప్రజలు  శివరాంపల్లి రైల్వేస్టేçÙన్‌కు వెళ్లాలి. నగరానికి రావాలంటే బుద్వేల్‌ స్టేషన్‌ నుంచి ఎంఎంటీఎస్‌ రైళ్లలో వెళ్లాల్సి ఉంటుంది. కానీ ఈ రెండు స్టేషన్లు  ఆరాంఘర్‌కు  1 నుంచి  2 కిలోమీటర్‌ల దూరంలో ఉండడం, రోడ్డు సదుపాయం కూడా లేకపోవడంతో ప్రయాణికులు ఈ స్టేషన్ల మీదుగా రాకపోకలు సాగించేందుకు వెనుకడుగువేస్తారు. శంషాబాద్‌ నుంచి ఆరాంఘర్‌కు వచ్చేవాళ్లు ఈ స్టేషన్‌లలో దిగి నడుచుకుంటూ  రావలసిందే.  ఏ రకంగా చూసినా పెద్దగా  ప్రయోజనం లేకపోవడంతో శివరాంపల్లి, బుద్వేల్‌ స్టేషన్లు ప్రయాణికుల ఆదరణకు నోచక అలంకాప్రాయంగానే ఉండిపోయాయి. దీంతో ఆ  మార్గంలో నడిచే  ఎంఎంటీఎస్,డెమో రైళ్లన్నీ ఖాళీ డబ్బాలతోనే  రాకపోకలు  సాగిస్తాయి.


 చార్మినార్ (హైదరాబాద్) : పాతబస్తీలోని రైల్వేస్టేషన్లు పోకిరీలకు కేరాఫ్ అడ్రస్‌గా మారుతున్నాయి. పాతబస్తీ పరిధిలో మలక్‌పేట్ రైల్వేస్టేషన్‌తోపాటు డబీర్‌పురా, యాకుత్‌పురా, ఉప్పు గూడ, ఫలక్‌నుమా రైల్వే స్టేషన్లున్నాయి. వీటిలో కొన్నింటిని అసాంఘిక శక్తులు తమ అడ్డాలుగా మార్చుకుంటుండగా.. అల్లర చిల్లరగా తిరిగే జులాయిలు మరికొన్నింటిని తమకు అనుకూలంగా వాడుకుంటున్నారు. మహిళలు ఒంటరిగా రైల్వే స్టేషన్లకు వెళ్లడానికి జంకుతున్నారు. డబీర్‌పురా, యాకుత్‌పురా, ఉప్పుగూడ, ఫలక్‌నుమా ప్లాట్ ఫారంలకు సమీపంలో కొద్దిదూరం వరకు చెట్ల పొదలు నిండి ఉండడంతో వీటిని అసాంఘిక శక్తులు తమకు అనుకూలంగా మార్చుకుంటున్నారు.
 
 వైట్నర్ల బెడద...
 పాతబస్తీ రైల్వే స్టేషన్లలో వైట్నర్‌ల బెడద ఎక్కువైంది. ఇంక్ ఎరేసర్ (వైట్నర్)ను మత్తు మందుగా వాడే చిన్నారులు, యువకులు రైల్వే స్టేషన్లలో తిష్ట వేసి తమ ఇష్టానుసారంగా వ్యవహరిస్తున్నారు. ఇళ్లల్లో పనికి వెళుతున్నమంటూ చెబుతూ బయటికొచ్చే వైట్నర్‌లు రోజంతా మత్తులో జోగుతుంటారు. వైట్నర్ మత్తులో అసాంఘిక కార్యకలాపాలకు పాల్పడుతున్నారు. జేబులు కత్తిరిస్తూ జల్సా చేస్తున్నారు. అడ్డుకుంటే దాడులకు పాల్పడుతున్నారు. రైల్వే స్టేషన్లలో వీరి ఆగడాలను అరికట్టాల్సిన అవసరం ఉందని రైల్వే ప్రయాణికులు కోరుతున్నారు. వైట్నర్ల బెడద ఎక్కువ కావడంతో ప్రయాణికులు భయాందోళనలకు గురవుతున్నారు.
 
 రైల్వే ప్రమాదాలంటూ హత్యలు...
 హత్యలు చేసి రైల్వే ప్రమాదాలుగా చిత్రీకరిస్తున్నారనే అనుమానాలున్నాయి. పాతకక్షలు, దాడులు, హత్యలు చేసిన అనంతరం దుండగులు రైల్వే ట్రాక్‌లను వాడుకుంటున్నారు. ఎక్కడో హత్యలు చేసి పాతబస్తీ రైల్వే ట్రాక్‌లపై పడేసి పారిపోతున్నారు. ఆయా హత్య కేసుల నుంచి తప్పించు కునేందుకు హంతకులు వీటిని వినియోగించుకుంటున్నారు. హత్యలు చేసి రైల్వే ప్రమాదాలుగా చిత్రీకరిస్తున్న సంఘటనలున్నాయి. గతంలో ఎన్నో మృతదేహాలు పాతబస్తీ రైల్వే స్టేషన్లకు సమీపంలోని చెట్ల పొదల్లో లభించిన సంఘటనలున్నాయి.
 
 యధేచ్ఛగా గుడుంబా రవాణా...
 పాతబస్తీలోని రైల్వే స్టేషన్లలో స్థానిక పోలీసుల నిఘా కరువవడంతో గుడుంబా రవాణా యధేచ్ఛగా కొనసాగుతోంది. రైల్వే పోలీసుల తనిఖీలు లేకపోవడంతో అక్రమ గుడుంబా రవాణాకు పాతబస్తీ రైల్వే స్టేషన్లు అనుకూలంగా మారాయి. రైల్వే, సివిల్ పోలీసులు ఏదైనా సంఘటన జరిగినప్పుడు మాత్రమే స్పందిస్తున్నారని... ఆపై పట్టించుకోవడం లేదని స్థానికులు ఆవేదన వ్యక్తం చేస్తున్నారు.


 న్యూఢిల్లీ: ఆదాయాన్ని పెంచుకునే ఆలోచనల్లో భాగంగా రైల్వే స్టేషన్లలో తయారయ్యే చెత్తను అమ్మకానికి పెట్టాలని రైల్వే శాఖ యోచిస్తోంది. రైల్వే స్టేషన్ల నుంచి కిలోకు రూ. 1.50 చొప్పున చెత్తను కొనుగోలు చేసేందుకు ఒక వేస్ట్ మేనేజ్‌మెంట్ గ్రూప్ ముందుకు వచ్చిందని రైల్వే శాఖ ఉన్నతాధికారి ఒకరు గురువారం వెల్లడించారు. తొలి దశలో అమృతసర్, అంబాలా, ఛత్రపతి శివాజీ టెర్మినస్ - ముంబైతోపాటు తదితర 12 స్టేషన్లలో చెత్తను సేకరిస్తామని ఆ సంస్థ పేర్కొందన్నారు. చెత్త సేకరణ, రవాణా, నిర్వహణ.. తదితర విధులు ఆ సంస్థవేనన్నారు. దీనివల్ల రైల్వేకు ఆదాయం సమకూరడంతో పాటు, స్టేషన్ల పరిశుభ్రత కూడా సాధ్యమవుతుందన్నారు.


 - ధృవీకరించిన రైల్వేశాఖ గణాంకాలు
 
 న్యూఢిల్లీ: 2014 ఏడాదితో పోల్చితే 2015లో రైళ్లు, రైల్వే స్టేషన్లలో దొంగతనాలు, చోరీలు పెరిగాయని రైల్వేశాఖ ధృవీకరించింది. 2014లో 16,798 దొంగతనాల కేసులు నమోదవగా, 2015లో ఆ సంఖ్య 21,688కు పెరిగింది. ఈ ఏడాది ఫిబ్రవరి వరకు అందిన సమాచారం ప్రకారం.. రైళ్లు, ప్లాట్‌ఫాంలపై ప్రయాణికుల లగేజీలు, బ్యాగుల చోరీ కేసులు 3,583 నమోదయ్యాయని రైల్వే మంత్రిత్వశాఖ గణాంకాలు చెబుతున్నాయి.
 
 నడుస్తున్న రైళ్లలో దొంగతనాల కేసులు ఈ ఏడాది 2489 నమోదవగా, ప్లాట్‌ఫాంలపై చోటు చేసుకున్న దొంగతనాల కేసులు 1094గా నమోదయ్యాయి.  నేరాల నియంత్రణ, కేసుల నమోదు, పరిశోధన, శాంతిభద్రతల పరిరక్షణ బాధ్యత రాష్ట్ర ప్రభుత్వాల బాధ్యతేనని రైల్వే మంత్రిత్వశాఖ సీనియర్ అధికారి ఒకరు పేర్కొన్నారు. ఈ దొంగతనాలు నియంత్రించేందుకు రైల్వే శాఖ ఆర్పీఎఫ్ సిబ్బందిని నియమించింది.


 బెంగళూరు: దేశంలోని 400 రైల్వే స్టేషన్లలో మరో నాలుగు నెలల్లో  గూగుల్ ఉచితంగా 'వైఫై' సౌకర్యాన్ని కల్పించనుంది. భారతీయ రైల్వేల కొలాబరేషన్‌తో 'ప్రాజెక్ట్ నీలగిరి' పేరిట హైస్పీడ్ వైఫై సౌకర్యాన్ని కల్పించనున్నట్టు ఇక్కడి గూగుల్ వర్గాలు తెలిపాయి. ప్రస్తుతం అమెరికాలో అమలు చేస్తున్న 'గూగుల్ ఫైబర్ ప్రాజెక్ట్' ఎంతో ప్రజాధరణ పొందిందని, అలాంటి ప్రాజెక్టునే భారత రైల్వేలలో ప్రాజెక్ట్ నీలగిరి పేరిట అమలు చేయాలని భారతీయ రైల్వే, గూగుల్ మధ్య అవగాహన కుదురినట్టు ఆ వర్గాల ద్వారా తెల్సింది.
 
 రైల్వే స్టేషన్లలో వైఫై ద్వారా ఇంటర్నెట్ యాక్సెస్ పొందే ప్రయాణికులకు తొలి 34 నిమిషాలపాటు హైస్పీడ్ యూక్సెస్ ఉంటుందని, ఆ తర్వాత స్పీడ్ తగ్గుతుందని గూగుల్ వర్గాలు తెలిపాయి. అయినప్పటికీ నెట్ సౌకర్యం 24 గంటలపాటు ఉచితంగానే కొనసాగుతుందని స్పష్టం చేశాయి. దేశంలో వైఫై సౌకర్యం కల్పించాల్సిన 400 రైల్వే స్టేసన్లను ఎంపిక చేయాల్సిన బాధ్యత భారతీయ రైల్వేదే. నాలుగు నెలల్లో ఈ ప్రాజెక్టు అమల్లోకి వస్తుంది. ప్రధాన మంత్రి నరేంద్ర మోదీ చెబుతున్న డిజిటల్ ఇండియా స్కీమ్‌లో భాగంగా ఈ ప్రాజెక్టును తీసుకొస్తున్నారా, లేదా అన్నది, ప్రాజెక్టు కింద భారతీయ రైల్వే గూగుల్‌కు ప్యాకేజీ కింద ఎంత సొమ్ము చెల్లించేది తదితర వివరాలు వెలుగులోకి రాలేదు.


 న్యూఢిల్లీ: ఇక భారత రైల్వే స్టేషన్లు జపాన్లోని రైల్వే స్టేషన్లను తలపించనున్నాయి. దేశవ్యాప్తంగా మొత్తం 400 రైల్వే స్టేషన్లను తమ దేశ రైల్వే స్టేషన్ల మాదిరిగా ఆధునీకరించేందుకు జపాన్ ముందుకొచ్చింది. ఇందుకోసం దాదాపు 140 బిలియన్లు వ్యయాన్ని పెట్టుబడులు పెట్టి ఆధునీకీకరణకు అవసరమైన పరిశ్రమలను ఏర్పాటుచేయనుంది. త్వరలోనే ఈ మేరకు జపాన్ నుంచి ప్రత్యేక బృందం వచ్చి అందుకోసం ఉన్న అవకాశాలపై అధ్యయనం చేయనుంది.
 
 ప్రస్తుతం కేంద్ర రైల్వే మంత్రి సురేశ్ ప్రభు జపాన్ పర్యటనలో ఉన్నారు. ఆయన ఇప్పటికే జపాన్ ప్రధాని షింజో అబే, ఉప ప్రధాని, ఆర్థికమత్రి థారో అసోతో ఉన్నత స్థాయి సమావేశం నిర్వహించారు. ఇందులో ప్రధానంగా భారత్కు చెందిన ప్రజా రవాణా సంస్థలపైన 140 బిలియన్ల పెట్టుబడులు పెట్టాలని అనుకుంటున్నట్లు అబే స్పష్టం చేసినట్లు తెలిసింది. దీంతోపాటు రైలు ప్రమాదాలను కూడా పూర్తిగా నిలువరించే సహాయం కూడా చేస్తామని ఆయన హామీ ఇచ్చినట్లు సమాచారం.


 రైల్వేస్టేషన్.. క్లాక్‌టవర్.. మోండా మార్కెట్.. నటరాజ్, సంగీత్ థియేటర్లు.. ఇవన్నీ బోనాలకు కేరాఫ్‌గా ఉన్న లష్కర్ ల్యాండ్‌మార్క్స్. వీటికి పోటీగా.. క్లాక్‌టవర్ నీడ పడే దూరంలో ఠీవీగా నిల్చున్నదే గార్డెన్ రెస్టారెంట్. నిన్నటి వరకూ గర్‌మా గరమ్ ఇరానీ చాయ్ ఇచ్చిన ఆ అడ్డాలో ఇక చాయ్ సిప్ చేయలేం.. బిర్యానీ రుచి చూడలేం.. సరదాగా కాసేపూ కబుర్లాడుకోలేం. 63 ఏళ్లుగా
  సిటీవాసుల ఆర్డర్లను తు.చ తప్పకుండా పాటించిన ఆ రెస్టారెంట్.. ఇక మీదట కనిపించదు.
  ..:: చీకోటి శ్రీనివాస్, సికింద్రాబాద్
  
  సికింద్రాబాద్ రైల్వేస్టేషన్ సమీపంలో ఉన్న క్లాక్‌టవర్‌ను 1897లో నిర్మించారు. ఈ నిర్మాణానికి చుట్టూరా పదెకరాల స్థలంలో ఉద్యానవనాన్ని ఏర్పాటు చేశారు అప్పటి బ్రిటిష్ పాలకులు. ఈ గార్డెన్ విరబూసిన 55 ఏళ్లకు అంటే 1952లో అక్కడ ఓ రెస్టారెంట్ మొదలైంది. నగరానికి వలస వచ్చిన ఇరానీలు దీన్ని నెలకొల్పారు. దానికి గార్డెన్ రెస్టారెంట్‌గా నామకరణం చేశారు.
  
  ఈ 63 ఏళ్ల  అభివృద్ధిలో ఆ పదెకరాల ఉద్యానవనం చిన్నబోయింది. క్లాక్‌టవర్‌లో కాలం ఆగిపోయింది. ఈ పరిణామాలకు సాక్షిగా నిలుస్తూ ఇన్నాళ్లూ పాయ్‌రోటీ, చాయ్ బిస్కెట్ అందించిన గార్డెన్ రెస్టారెంట్ కూడా కనుమరుగవుతోంది. నగరమంతా పరుచుకుంటున్న మెట్రో మార్గంలో ఈ రెస్టారెంట్ ఉన్న ప్రాంతం పిల్లర్‌గా మారుతోంది. ఇప్పటికే క్లాక్‌టవర్ పరిసర ప్రాంతాల భవనాలను నేలమట్టం చేసిన అధికారులు నేడో రేపో చరిత్రాత్మక గార్డెన్ రెస్టారెంట్ భవనాన్ని కూల్చివేసేందుకు రంగం సిద్ధం చేస్తున్నారు.
  
  ప్రముఖుల రాకపోకలు..
  గార్డెన్ ఘుమఘుమలు ఆ ప్రాంతంలో నివసించే సాధారణ కూలీల నుంచి వివిధ రంగాల్లోని అగ్రగణ్యులకు కూడా చిరపరిచితమే. సుప్రసిద్ధ చిత్రకళాకారుడు ఎంఎఫ్ హుస్సేన్ నగరానికి వచ్చిన ప్రతిసారీ గార్డెన్‌లో చాయ్ సిప్ చేశాకే వేరే కార్యక్రమాలకు వెళ్లేవార ని చెబుతుంటారు.
  
  
  ‘హుస్సేన్‌జీ బేగంపేట విమానాశ్రయంలో దిగి.. అట్నుంచి నేరుగా మా రెస్టారెంట్‌కు వచ్చి.. ఇక్కడ టీ టేస్ట్ చేశాకే..  మరెక్కడికైనా వెళ్లేవార’ని రెస్టారెంట్ నిర్వాహకుడు చెబుతున్నారు. ఆయనే కాదు హుస్సేన్ తను అమితంగా అభిమానించే సుప్రసిద్ధ నటి మాధురీ దీక్షిత్‌కు సైతం గార్డెన్‌ను చూపించారని ఆయన ఆనందంగా తెలిపారు. జింఖానా గ్రౌండ్స్‌లో రంజీ ట్రోఫి జరిగిన పుడు క్రికెటర్లు సైతం ఇక్కడి బిర్యానీ ఆవురావురుమంటూ ఆరగించేవారు. రంజాన్ సీజన్‌లో వీరు తయారు చేసే హలీమ్ కోసం ఎస్‌డీ రోడ్‌లో ట్రాఫిక్ జామ్ అయ్యేది.
  
  నేడు చివరి ఆత్మీయ విందు
  నగరవాసులతో ఇంతలా పెనవేసుకున్న బంధం తీరనుంది. రెస్టారెంట్ కూల్చివేతను అడ్డుకునేందుకు కోర్టును ఆశ్రయించినా ఫలితం దక్కలేదు. ఆరు దశాబ్దాలకు పైగా పలువురితో అనుబంధం పెంచుకున్న గార్డెన్ యాజమాన్యం పలువురు ఆత్మీయులకు ఈ రోజు (శనివారం) విందు ఏర్పాటు చేసింది. ఇప్పటికే పలువురు కస్టమర్లు, వివిధ విభాగాల అధికారులు, మీడియా ప్రతినిధులకు లాస్ట్ బిర్యానీ ఆరగించి, లాస్ట్ చాయ్‌సిప్ చేసి వెళ్లాల్సిందిగా ఆహ్వానాలు పంపింది. హాజరయ్యే ప్రతినిధులకు అత్మీయంగా విందు ఇచ్చి.. భారమైన హృదయంతో వీడ్కోలు తీసుకునేందుకు రెస్టారెంట్ యాజమాన్యం గుండెను గట్టిచేసుకునే పనిలో ఉంది. ఆదివారం నుంచి మూతపడనున్న గార్డెన్ రెస్టారెంట్.. మరికొద్ది రోజుల్లోనే కనుమరుగుకానుంది.
  
  సగం జీవితం ఇక్కడే..
  నాకు 18 ఏళ్లున్నప్పుడు ఇక్కడ సర్వర్‌గా జాయిన్ అయ్యాను. పెళ్లయింది. నా పిల్లల పెళ్లిళ్లు కూడా ఇక్కడ పని చేస్తూనే చేశా. నాకిప్పుడు 50 ఏళ్లు. 32 ఏళ్లు నా కుటుంబానికి అండగా ఉన్న గార్డెన్.. ఇక ఉండదంటే తట్టుకోలేకపోతున్నాను.
  - శ్రీరంగ్, గార్డెన్ సర్వర్
  
  ఉద్యోగంలో చేరినప్పటి నుంచి
  సికింద్రాబాద్ కోర్టులో 1980లో ఉద్యోగంలో చేరాను. కోర్డుకు వచ్చిన ప్రతి రోజూ ఏదో టైమ్‌లో ఇక్కడికి రావాల్సిందే. ఫ్రెండ్స్‌తో కలసి   ముచ్చట్లు పెట్టడం.. ఛాయ్ తాగడం ఎప్పటికీ మరచిపోలేను. స్పెషల్ డేస్‌లో బిర్యానీ కూడా ఇక్కడే లాగించేవాళ్లం. ఇకపై ఛాయ్, బిర్యానీ కోసం మరోచోటికి వెళ్లాలంటేనే బాధగా ఉంది.
  - శ్రీనివాస్, కోర్టు ఉద్యోగి
  


 ఫుట్‌ఓవర్ బ్రిడ్జి లేక శివనగర్‌వాసుల తిప్పలు
 కానరాని డిస్‌ప్లేబోర్డులు, టీవీలు
 నేడు వరంగల్ రైల్వే స్టేషన్‌కు జీఎం రాక
  
 ఎంతో ఆదాయం సమకూర్చుతున్నా పలు రైల్వేస్టేషన్లను సమస్యలు పట్టిపీడిస్తున్నాయి. ప్రయాణికులకు ఇక్కట్లు తప్పడం లేదు. ఫుట్ ఓవర్ బ్రిడ్జిల ఏర్పాటు ఆవశ్యకత ఎక్కువగా కన్పిస్తోంది. కానీ ఈ దిశగా చర్యలు శూన్యం. ప్లాట్‌ఫాంలు కూడా నిర్మించాల్సి ఉన్నా పట్టించుకున్న నాథుడు లేడు.  కొన్నిచోట్ల నిధులు మంజూరైనా పనులు జరగని పరిస్థితి. నేడు జిల్లాలోని పలు రైల్వేస్టేషన్లను దక్షిణ మధ్య రైల్వే జీఎం శ్రీవాత్సవ సందర్శించనున్నారు. తమ కష్టాలను ఇప్పటికైనా పట్టించుకోవాలని ప్రయాణికులు కోరుతున్నారు.  
  
 మట్టెవాడ: నిత్యం వందలాది రైళ్ల రాకపోకలు.. వేలాది మంది ప్రయాణికులతో రద్దీగా ఉండే వరంగల్ రైల్వేస్టేషన్‌లో వసతులు కరువయ్యూరుు.  శివనగర్ వైపు ఫుట్ ఓవర్ బ్రిడ్జి లేదు.  వరంగల్ బస్టాండుకు వచ్చే వారికి రైల్వేస్టేషన్‌లో  టీటీఈలు తరచూ ఫైన్‌లు కూడా రాస్తున్నారు.  కొత్తగా ఫుట్ ఓవర్ బ్రిడ్జి నిర్మాణం సాధ్యం కాకుంటే రైల్వే ప్లాట్ ఫాం-1 నుంచి 3 వరకు ఉన్న ఫుట్ ఓవర్ బ్రిడ్జిని శివనగర్, వరంగల్ బస్టేషన్ వరకు పొడిగించే అవకాశాన్ని పరిశీలించాలని విజ్ఞప్తి చేస్తున్నారు. రైల్వే స్టేషన్‌లో ప్రయాణికులకు ఏ రైలు ఎన్నిగంటలకు వస్తుందో.. ఏరైలు బోగీ ఎక్కడ ఆగుతుందో తెలియక తికమకపడుతున్నారు. వీటి వివరాలుండే డిస్‌ప్లే బోర్డులు రెండేళ్లుగా కన్పించడం లేదు.టీవీలూ లేవు, సరిపడా మంది టీటీఈలు వరంగల్ స్టేషన్‌లో లేరు.
 
 రైల్వే స్టేషన్‌కు భద్రత కూడా కరువైంది. స్టేషన్‌కు వచ్చే ప్రయూణికులు ప్రధాన ద్వారం నుంచి వచ్చి టికెట్ తీసుకుని ప్లాట్ ఫాంకు వెళ్లాలి. అలాగే రైలు నుంచి దిగిన ప్రయూణికులు స్టేషన్‌లోని ఎగ్జిట్ గేటు నుంచి బయటకు వెళ్తారు. కానీఇక్కడ మాత్రం స్టేషన్‌కు అటు శివనగర్ వైపు, ఇటు వరంగల్ వైపు ఎన్నోదారులున్నాయి.
  
 చింతలపల్లి, డోర్నకల్‌లోనూ..
 
 సంగెం: చింతలపల్లి రైల్వేస్టేషన్‌ను రైల్వే జీఎం శ్రీవాస్తవ్ శుక్రవారం సందర్శించనున్నారు. స్టేషన్‌ను గతంలో మోడల్ రైల్వేస్టేషన్‌గా ప్రకటించారు. ఆ స్థాయికి తగ్గట్లు అభివృద్ధి చేయడం లేదు. స్టేషన్‌లో ఫుట్‌ఓవర్ బ్రిడ్జి నిర్మించాలని, తాగునీటి సమస్యను పరిష్కరించాలని ప్రయూణికులు కోరుతున్నారు. సంగెం-చింతలపల్లి మధ్య ఉన్న 67 గేట్ వద్ద ప్లైఓవర్ బ్రిడ్జి నిర్మాణం, స్టేషన్ సమీపంలోని 66వ గేట్‌కు దూరంగా క్యాబిన్ ఉండడంతో ఇబ్బందులు ఎదురవుతున్నాయని, గేట్ పక్కనే క్యాబిన్‌ను నిర్మించాలని కోరుతున్నారు. చింతలపల్లి స్టేషన్‌లో గోల్కొండ, కృష్ణా ఎక్స్‌ప్రెస్‌లను ఆపాలని పరిసర గ్రామాల ప్రజలు కోరుతున్నారు.  డోర్నకల్: డోర్నకల్ రైల్వే స్టేషన్‌నూ జీఎం శుక్రవారం సందర్శించారు. చిల్డ్రన్‌‌స పార్‌‌క, కమ్యూనిటీహాల్‌ను ప్రారంభిస్తారు.
  
  


 సాక్షి, ముంబై: రైలు ప్రమాదాల్లో గాయపడిన వారిని సకాల ంలో ఆస్పత్రులకు చేరవేసేందుకు నగరంలోని 14 రైల్వే స్టేషన్లకు సమీపంలో ఉన్న మైదానాల్లో హెలిప్యాడ్లు నిర్మించేందుకు రాష్ట్ర ప్రభుత్వం తాత్కాలికంగా అనుమతినిచ్చింది. కాగా హెలిప్యాడ్లుగా మైదానాలను వినియోగించేందుకు నిమయ, నిబంధనాల్లో స్వల్ప మార్పులు చేయాల్సి ఉంటుందని నగరాభివృద్థి శాఖ స్పష్టం చేసింది. దీనిపై దాఖలైన ప్రజా ప్రయోజనాల వ్యాజ్యం (పిల్)పై న్యాయయూర్తులు అభయ్ ఓక్, అజయ్ గడ్కరిల బెంచి విచారణ జరిపింది. దీంతో రైల్వే ప్రతిపాదనకు రాష్ట్ర ప్రభుత్వం తాత్కాలికంగా అనుమతినిచ్చింది.
 
 కాగా 14 మైదానాల్లో అత్యధిక శాతం పిల్లలు ఆడుకునేవి, పాఠశాలలకు చెందిన క్రీడా మైదానాలు ఉన్నాయి. ఇందులో హెలిప్యాడ్లు నిర్మించకూడదు. వాటిని ఆడుకునేందుకు మినహా ఇతర పనులకు వినియోగించరాదు. దీంతో హెలిప్యాడ్లు నిర్మించేందుకు అవసరమైన నియమ, నిబంధనాల్లో మార్పులు చేస్తామని నగరాభివృద్థి శాఖ సహాయక కార్యదర్శి రాజన్ కోప్ అఫిడవిట్‌లో స్పష్టం చేశారు. అత్యవసర వ్యవస్థగా పేర్కొంటూ ఆ మైదానాల్లో హెలిప్యాడ్లు నిర్మించవచ్చని ఆయన అన్నారు. ఈ ప్రక్రియ త్వరలో పూర్తిచేస్తామని స్పష్టం చేశారు. రైలు ప్రమాదంలో తీవ్రంగా గాయపడిన వారిని సకాలంలో ఆస్పత్రులకు చేరవేయకపోవడంవల్ల విలువైన ప్రాణాలు మధ్యలోనే హరీ మంటున్నాయి.
 
 నగరంలో ఏ రహదారిపై చూసినా ట్రాఫిక్ జాం కనిపిస్తోంది. ఇలాంటి సందర్భంలో అంబులెన్స్‌లు కూడా ముందుకు కదలలేని స్థితిలో ఉన్నాయి. బాధితులకు సకాలంలో వైద్య సేవలు అందకపోవడంవల్ల ప్రాణాలు గాలిలో కలిసిపోతున్నాయి. దీంతో హెలికాప్టర్ల అంశం తెరమీదకు వచ్చింది. కొన్ని ప్రధాన రైల్వే స్టేషన్ల బయట హెలికాప్టర్లు రాకపోకలు సాగించే ందుకు అవసరమైన హెలిప్యాడ్లు నిర్మించాలని ప్రభుత్వం సంకల్పించింది. వీటి ద్వారా బాధితులను వెంటనే ఆస్పత్రులకు చేరవేయవచ్చని ప్రభుత్వం భావించింది. అప్పటి నుంచి స్థలం వేటలో పడింది. కాని నియమ, నిబంధనలు అడ్డురావడంతో ఇంతకాలం ఆ ప్రతిపాదనకు తుదిరూపం రాలేదు. కాగా, ఇప్పుడు తాత్కాలిక అనుమతి లభించడంతో ఇకపై ైరె లు ప్రమాదాల్లో మృతుల సంఖ్య సగానికి తగ్గే అవకాశముందని రైల్వే వర్గాలు పేర్కొంటున్నాయి.


 సీనియర్ కమర్షియల్ మేనేజర్ శ్రీరాములు
 గిద్దలూరు : రైల్వేస్టేషన్ రోజు వారీ ఆదాయం పెరిగితేనే గిద్దలూరు మీదుగా అదనపు రైళ్లను నడపగలమని సీనియర్ కమర్షియల్ మేనేజర్ శ్రీరాములు చెప్పారు. స్థానిక రైల్వేస్టేషన్‌ను ఆయన ఆదివారం తనిఖీ చేశారు. పరిసరాలను పరిశీలించిన ఆయన.. స్టేషన్‌లోని అన్ని ప్రదేశాలను పరిశుభ్రంగా ఉంచుకోవాలని అధికారులకు సూచించారు. రికార్డులను తనిఖీ చేసి టికెట్ల ద్వారా ఎంత ఆదాయం వస్తోందని ఆరా తీశారు. అక్టోబర్ నెలలో తక్కువ ఆదాయం రావడానికి గల కారణాలను అధికారులను అడిగి తెలుసుకున్నారు. గత నెలలో రూ.17.60 లక్షల ఆదాయంరాగా, ఈ నెలలో ప్రస్తుతానికి రూ.13.87 లక్షలు వచ్చినట్లు శ్రీరాములు గుర్తించారు.
 
 ఇలా ప్రతి నెలా ఆదాయం తగ్గుతుంటే అదనపు బోగీలు, రైళ్లు నడపడం ఎలా సాధ్యమవుతుందని ప్రశ్నిం చారు. గిద్దలూరు ప్రాంతంలో ఎక్కువ మంది ఆర్మీలో ఉద్యోగం చేస్తున్నారని, గరీభ్థ్ ్రరైలును ఇక్కడ ఆగేలా చర్యలు తీసుకోవాలని విలేకరులు కోరగా కనీసం వెయ్యి కిలోమీటర్లు ప్రయాణించేందుకు టికెట్లు అమ్ముడుపోతేనే ఆ రైలును ఇక్కడ ఆపుతామని చెప్పారు. ఎక్కువ మంది ప్రయాణికులు రైళ్లలో ప్రయాణించేలా చర్యలు తీసుకుంటే అదనపు సౌకర్యాలు కల్పించేందుకు అవకాశం ఉంటుందన్నారు. వివిధ రాష్ట్రాలకు వెళ్లే వారు గిద్దలూరులోనే పూర్తిస్థాయి టిక్కెట్ తీసుకోవాలని సూచించారు.
 
 ఇప్పటికే నడుస్తున్న రైళ్లలో అదనపు బోగీలు ఏర్పాటు చేయాలనే ఆలోచన ఉందని, బోగీలు సిద్ధం కావాల్సి ఉందని, త్వరలోనే ఆ ప్రక్రియ పూర్తవుతుందని తెలి పారు. యడవల్లి రైల్వేస్టేషన్‌లో టిక్కెట్లు ఇచ్చేందుకు చొరవ చూపాలని కోరగా అక్కడ ఎంతమేర ఆదాయం వస్తుందో పరిశీలించి నివేదిక ప్రకారం టిక్కెట్లు ఇచ్చేలా చూస్తామని హామీ ఇచ్చారు. స్టేషన్‌లో రిజర్వేషన్ కౌంటర్ ఎక్కువ సమయం పనిచేసేలా చూడాలని, చాలా మంది నంద్యాల వెళ్లి రిజర్వేషన్ చేయించుకుంటున్నారని, రైల్వే విచారణ కోసం ఫోన్ చేస్తే సిబ్బంది ఫోన్ తీసి సమాధానం చెప్పడం లేదని విలేకర్లు ఆయన దృష్టికి తీసుకెళ్లగా సిబ్బందితో మాట్లాడి చర్యలు తీసుకుంటానని హామీ ఇచ్చారు. స్టేషన్‌లో గంటకొట్టే వద్ద ఉన్న బూజు, దుమ్మును గమనించిన శ్రీరాములు.. స్టేషన్ మాస్టర్ శర్మపై ఆగ్రహం వ్యక్తం చేశారు. స్టేషన్‌ను పరిశుభ్రంగా ఉంచుకోవాలని తెలియదా అని ప్రశ్నించారు. ఆయనతో పాటు పలువురు టిక్కెట్ కలెక్టర్లు, స్క్వాడ్ అధికారులు ఉన్నారు.


 సాక్షి, రాజమండ్రి : హుదూద్ తుపాను ప్రభావంతో జిల్లాలో రవాణా స్తంభించింది. జిల్లా మీదుగా వెళ్లే 23 రైళ్లను రద్దు చేయడంతో రైల్వే స్టేషన్లు నిర్మానుష్యంగా మారాయి.  శనివారం రాత్రి హైదరాబాద్, చెన్నైల నుంచి బయలుదేరిన సర్కార్, గౌతమి ఎక్స్‌ప్రెస్ రైళ్లను మాత్రమే ఆదివారం కాకినాడ వరకూ అనుమతించారు. ఆదివారం విశాఖ-విజయవాడ మధ్యలో రైళ్లన్నీ రద్దయ్యాయి. రాజమండ్రి నుంచి విజయవాడ, భీమవరం వైపు వెళ్లే ప్యాసింజర్ రైళ్లు మాత్రమే తిప్పారు. శని, ఆదివారాల్లో 200 మంది తమ రిజర్వేషన్లను రద్దు చేసుకున్నారని, వారికి రూ. లక్ష మేరకు చెల్లించినట్టు రాజమండ్రి స్టేషన్ మేనేజర్ బి. సుబ్రహ్మణ్య శాస్త్రి తెలిపారు. రైళ్లు రద్దుకావడం వల్ల మరో రూ. రెండు లక్షల మేరకు రైల్వేకు నష్టం వాటిల్లి ఉండవచ్చంటున్నారు.  
  
  ఆర్టీసీకి రూ. 25 లక్షల నష్టం  
  తుపాను ప్రభావం వల్ల బస్సులను నడపకపోవడం వల్ల ఆదివారం సాయంత్రం వరకూ జిల్లాలో ఆర్టీసీకి రూ. 25 లక్షలు నష్టం వాటిల్లిందని అధికారులు చెప్పారు. విశాఖపట్నం, శ్రీకాకుళం, విజయనగరం, పార్వతీపురం ప్రాంతాలకు వెళ్లే సుమారు 100 సర్వీసులను ఆర్టీసీ రద్దు చేసింది. కాగా తుని వరకూ అన్ని ప్యాసింజర్ సర్వీసులు యథావిధిగా తిప్పినట్టు అధికారులు చెప్పారు.
  
  నిలిచిన వాణిజ్య రవాణా
  తూర్పు విశాఖ సరిహద్దుల్లో 16వ నెంబరు జాతీయ రహదారిపై వాహనాల రాకపోకలను అధికారులు నిషేధించడంతో విజయవాడ- విశాఖ మధ్యలో రూ. కోట్ల విలువైన సరుకు రవాణా నిలిచి పోయింది. తుని నుంచి విశాఖవైపునకు వాహనాలు పూర్తిగా నిషేధించారు.   రాజమండ్రి నుంచి హైదరాబాద్ విమాన సర్వీసులను రద్దు చేశారు.
  
  నేడు విశాఖ వైపు నుండి వచ్చే రైళ్లు రద్దు
  రాజమండ్రిసిటీ : విశాఖ వైపు నుంచి వచ్చే పలు రైళ్లను సోమవారం రద్దు చేసినట్టు రైల్వే అధికారులు తెలిపారు. ఆదివారం రద్దు అయిన రైళ్లు అన్నీ సోమవారం కూడా నడవవన్నారు. విజయవాడ -విశాఖపట్నం మధ్య నడిచే రత్నాచల్ ఎక్స్‌ప్రెస్‌ను రాజమండ్రి లేదా సామర్లకోట వరకూ నడిపేందుకు సన్నాహాలు చేస్తున్నారు. వాతావరణం సక్రమంగా ఉంటే ఆది వారం రద్దు చేసిన ఆర్టీసీ బస్సులను నడుపు తామని ట్రాఫిక్‌మేనేజర్ వరప్రసాద్ తెలిపారు.
  


  కాలిబాటలు.. గుడి మెట్లు.. ఓవర్ బ్రిడ్జిల దిగువన.. రైల్వేస్టేషన్లు, బస్టాండ్‌లలో.. బతుకు పడమటి పొద్దున చావు కోసం నిరీక్షించే వృద్ధులెందరో కనిపిస్తుం టారు. వీరంతా వయసులో ఉన్నప్పుడు తమ జవసత్వాలను వినియోగించి ఏదో రూపంలో సమాజ గమనానికి తమ వంతు సహకారం అందించిన వారే. తమ పొట్ట తాము పోసుకున్నవారే. జీవన సంధ్యలో రోజు గడవటం వారికి గగనమైంది. అవసరాలను తీర్చే ఆత్మీయతకు దూరమయ్యారు. అయిన వారికి భారమయ్యారు. తమ రెక్కల కష్టంతో రక్తాన్ని చెమటగా మార్చి.. పెంచి పోషించిన బిడ్డలే నిరాదరించగా, ఆత్మగౌరవాన్ని తాకట్టు పెట్టి యాచిస్తూ తమంతట తాము చావలేక మృత్యువు కరుణించే క్షణాల కోసం నిరీక్షించే వృద్ధుల సంఖ్య నానాటికీ పెరిగిపోతోంది. కని, పెంచిన తల్లిదండ్రులకు చరమాంకంలో ఇంత బువ్వ పెట్టి పసిపిల్లల్లా సాకాల్సిన కొడుకులు, కూతుళ్లు కర్కశ హృదయులుగా మారడానికి పేదరికమే ప్రధాన కారణమన్నది ఎవరూ కాదనలేని వాస్తవం. అయితే పేదలందరూ కన్న ారిని ఇలా రోడ్ల పాలు చేయకపోవచ్చు. అలా అని స్థోమత ఉండీ వృద్ధులను వృథా జీవులుగా పరిగణించేవారూ లేకపోలేదు.
  
  సంపన్నులైన వృద్ధు లు సొమ్ము చెల్లించి వృద్ధాశ్రమాలకు వెళ్తున్నారు. మరి పేదరికంలో మగ్గుతున్న వృద్ధుల మాటేమిటి? వీరు నేడు నిస్సహాయులుగా మారిపోవచ్చు. వారంతా ఒకప్పుడు సమాజ గమనానికి తమ శక్తిని ధారపోసి నేటి జీవితానికి పునాదులు నిర్మించిన వారనే నిజాన్ని గుర్తించి వృద్ధులను గౌరవించాల్సిన బాధ్యత వారి బిడ్డలపైనే కాదు సమాజంపైనా ఉంది. ఈ బాధ్యత పాలకులపై మరీ ఎక్కువ. చంద్రబాబు సర్కారు ఇటువంటి సమాజ బాధ్యతనే నెత్తిన వేసుకున్నామని ఘనంగా ప్రకటించింది. అన్ని అసెంబ్లీ నియోజకవర్గాల్లో ఒక్కొక్కటి చొప్పున వృద్ధుల శరణాలయాలు నిర్మించాలని తలపోసింది. చంద్రబాబు మూడునెలల కిందట జిల్లా పర్యటనకు వచ్చినప్పుడు ఈ మేరకు ప్రకటన చేశారు. ఆ తరువాత విధివిధానాల ప్రకటన రాలేదు. కానీ గనులు, మహిళా, శిశు సంక్షేమ, మౌలిక సదుపాయాల కల్పన శాఖ మంత్రి పీతల సుజాత ఇటీవలే ఈ శరణాలయాల విషయం ప్రస్తావించారు. కానీ ఎప్పుడు.. ఎక్కడ.. ఎలా అనేది స్పష్టం చేయలేదు. అన్ని నియోజకవర్గాల్లోనూ గెలిపించిన సెంటిమెంట్‌తో మన జిల్లాలోనే ఈ ప్రకటన చేసినట్టుగానే ఈ వృద్ధుల శరణాలయాల ఏర్పాటు కూడా ఈ జిల్లా నుంచే మొదలైతే బాగుంటుందని అధికార పార్టీ వర్గాలూ అంటున్నాయి. మంత్రిగా పీతల సుజాత అరుునా పట్టించుకుని వృద్ధాశ్రమాల నిర్మాణాన్ని వీలైనంత త్వరగా కార్యాచరణలోకి తీసుకు రావాలన్నదే అందరి ఆకాంక్ష.
  
  సీసీల సిల్లీ పనులు
  ఎక్కడో మీవంటి కోటికొక్కరు తప్పించి పొగడ్తలకు పడిపోనివారెవరు.. అంటూ ఓ మందిమాగధ స్త్రోత్రం ప్రతి నిత్యం మహారాజా వారిని పడగొట్టేదట. సరిగ్గా ఇలానే జిల్లాలోని పలువురు ముఖ్యనేతలు, అధికారుల వద్ద సీసీలు, పీఏలుగా పని చేస్తున్న వారు ఆయా ప్రముఖులను పొగడ్తలతో ముంచెత్తుతూ.. ప్రజలతో మీరెందుకు మాట్లాడటం.. మేం చూసుకుంటాం కదా.. అని వారికి అందరినీ దూరం చేస్తున్నారట. జిల్లాలోని ఓ కీలక అధికారి వద్ద సీసీగా పనిచేస్తున్న ఒకాయన ప్రజలతో సదరు అధికారికి నేరుగా సంబంధాలు లేకుండా అడ్డుగోడగా నిలుస్తున్నారన్న వాదనలు ఉన్నాయి. జిల్లా కేంద్రంలో ఉండే అధికారి ఎప్పుడు అందుబాటులో ఉంటారో తెలియక మారుమూల ప్రాంతాల నుంచి వచ్చే వారు సీసీకి ఫోన్ చేసి వివరాలు తెలుసుకుని వస్తుండటం రివాజు. ఎప్పుడో ఒకసారి ఆ అధికారి అయినా నేరుగా ఫోన్లో అందుబాటులోకి వస్తారేమో కానీ.. సదరు సీసీ మాత్రం కనీసం ఫోన్ కూడా తీయలేనంతగా ఎప్పుడూ బీజీనేననట. అదేమంటే అధికారి వెంటే ఉంటాను కాబట్టి ఫోన్లు తీయడం లేదని చెబుతుంటారు. అధికారి కోసం ఈయనకు చేస్తే ఫోన్ తీయరు. మరి ఈయన కోసం ఎవరికి చేయాలి. బహుశా.. సీసీకి ఇంకో సీసీ కావాలేమో. - జి.ఉమాకాంత్, సాక్షి ప్రతినిధి, ఏలూరు
  


  సాక్షి, ముంబై: నగరంలోని లోకల్ రైల్వేస్టేషన్లలో ఇకపై ఎవరైనా ఉమ్మితే.. వారే శుభ్రం చేయాల్సి ఉంటుంది. గాంధీ జయంతి సందర్భంగా అక్టోబర్ రెండు నుంచి ఈ పద్ధతిని అమలుచేయాలని రైల్వే అధికారులు నిర్ణయించుకున్నారు. సాధారణంగా రైలు ఎక్కేందుకు వచ్చే ప్రయాణికులు పాన్ మసాలా తదితర పదార్థాలను తింటూ స్టేషన్ ఆవరణలోనే ఎక్కడపడితే అక్కడ ఉమ్మేస్తుంటారు. దీంతో రైల్వే సిబ్బందిపై పనిభారం పడుతోంది. దీంతో ఇకపై ఎవరైనా రైల్వే ఆవరణలో ఉమ్మినట్లు కనిపిస్తే వారితోనే దాన్ని శుభ్రం చేయించాలని రైల్వే అధికారులు నిర్ణయించారు. అంతేకాక వారికి తగిన జరిమానా కూడా విధించనున్నారు. ప్రస్తుతం రైల్వే స్టేషన్‌ను అపరిశుభ్రం చేసే వారికి స్టేషన్ మాస్టర్ రూ.500 వరకు జరిమానా విధిస్తున్నారు.
  
  ఇకపై ఈ నిబంధనను మరింత కట్టుదిట్టంగా అమలుచేయనున్నట్లు వెస్టర్న్ రైల్వే డివిజినల్ రైల్వే మేనేజర్ (ముంబై) శైలేంద్ర కుమార్ తెలిపారు. పరిశుభ్రత విషయంలో సిబ్బందికి పని భారం నానాటికీ పెరిగిపోతోం ది. వీరు ప్రస్తుతం రైల్వే ఆవరణలో పడివేసిన చెత్తను పోగు చేస్తున్నారు. అంతేకాకుండా ఫుట్ ఓవర్ బ్రిడ్జి,  ప్లాట్‌ఫాంపై ప్రయాణికులు ఉమ్మివేసిన పాన్‌మసాలా ఇతరత్రా వాటిని కూడా శుభ్రం చేయాల్సి వస్తోంది. రోజురోజుకు స్టేషన్లలో పెరుగుతున్న రద్దీ కారణంగా పారి శుద్ధ్య సిబ్బందిపై విపరీతమైన పనిభారం పడుతోంది. కాగా, స్టేషన్‌లో ఉమ్మివేస్తే శుభ్రం చేయడం ఎంత కష్టమో ప్రయాణికులకు ప్రత్యక్షంగా తెలియజేసేందుకే ఈ కార్యక్రమానికి శ్రీకారం చుట్టనున్నట్లు శైలేంద్ర తెలిపారు. ముందుగా దీన్ని చిన్న స్టేషన్లలో ప్రయోగాత్మకంగా చేపడతామని ఆయన చెప్పారు. ఈ ప్రక్రియతో ప్రజలకు నిరసనలకు దిగే అవకాశముందని సెంట్రల్ రైల్వే డివిజినల్ మేనేజర్ (ముంబై) ముఖేష్ నిగమ్ అభిప్రాయపడ్డారు.
  


 సాక్షి,సిటీబ్యూరో: ప్రయాణికులకు రైల్వే స్టేషన్లలో మెరుగైన సదుపాయాలు కల్పించేందుకు ఈ ఆర్ధిక సంవత్సరం చర్యలు చేపట్టినట్టు దక్షిణమధ్య రైల్వే హైదరాబాద్ డివిజనల్ మేనేజర్ రాకేష్ అరోన్ తెలిపారు. బుధవారం సికింద్రాబాద్‌లోని డివిజన్ కార్యాలయంలో జరిగిన 55వ రైల్వే వినియోగదారుల కన్సల్టేటివ్ కమిటీ సమావేశంలో ఆయన చైర్మన్ హోదాలో పాల్గొని ప్రసంగించారు.
 
 కాచిగూడ స్టేషన్‌లో ఏసీ విశ్రాంతి గది ఏర్పాటుతో పాటు, స్టేషన్ టిక్కెట్ బుకింగ్ సేవక్‌లను కూడా నియమించినట్టు చెప్పారు. ఇప్పటికే  కాచిగూడ, కర్నూల్ సిటీ స్టేషన్లలో ఎస్కలేటర్లు ఏర్పాటయ్యాయని, మరికొన్ని చోట్ల పనులు జరుగుతున్నాయన్నారు. ఎంఎంటీఎస్ రెండో దశ పనులు కూడా ప్రారంభమయ్యాయని ఆయన గుర్తు చేశారు. సమావేశంలో సీనియర్ డివిజనల్ కమర్షియల్ మేనేజర్ సూర్య చంద్రరావు, అదనపు డివిజనల్ రైల్వే మేనేజర్ బి.ఎస్.కె.రాజ్‌కుమార్, కమిటీ సభ్యులు నూర్ తదితరులు పాల్గొన్నారు.
  
 వాహనదారులూ జాగ్రత్త..
  
 కాపలా లేని రైల్వే గేట్ల వద్ద పాదచారులు, వాహనదారులు జాగ్రత్తలు పాటించాలని రాకేష్ అరోన్ సూచించారు. ఇలాంటి గేట్ల వద్ద ఇప్పటికే వివిధ రూపాల్లో అవగాహన కార్యక్రమాలు నిర్వహించి, హెచ్చరిక బోర్డులు ఏర్పాటు చేశామన్నారు. కాపలా లేని గేట్లపై కన్సల్టేటివ్ క మిటీ సభ్యులు ప్రజల్లో అవగాహన కల్పించాలని కోరారు.
  
 నిబంధనలు అతిక్రమించిన వారికి జరిమానా
  
 మౌలాలి రైల్వేగేట్ వద్ద ఈనెల 5న చేపట్టిన తనిఖీల్లో నిబంధనలు అతిక్రమించి గేటు దాటిన వాహనదారులకు జరిమానా విధించినట్లు సీపీఆర్వో సాంబశివరావు తెలిపారు. సికింద్రాబాద్ డివిజన్ అదనపు రైల్వే మేనేజర్ బి.సింగయ్య నేతృత్వంలో ఆర్‌పీఎఫ్ అధికారులు, సిబ్బంది ఈ తనిఖీలు చేపట్టారన్నారు. ఇందులో 15 మందిపై కేసులు నమోదు చేయగా, మరో 16 మందికి రైల్వే కోర్టు ఆదేశాల మేరకు రూ.800 చొప్పున జరిమానా విధించామన్నారు.
  


 ఖమ్మం: ‘సొంత ఊరిలో సర్వే చేయించుకుంటే మంచిదటా.. ఎక్కడ ఉన్నా సర్వే రోజు మాత్రం మన ఊరికి వెళ్దాం..  మంచైనా, చెడైనా మన ఊరికే పోదాం...’ అంటూ వివిధ ప్రాంతాల్లో ఉంటున్న జిల్లా ప్రజలు గత  మూడు రోజులుగా సొంత ప్రాంతాలకు పయనమయ్యారు. తెలంగాణ రాష్ట్రం నుంచే కాకుండా గుజరాత్, ఆంధ్రప్రదేశ్, ముంబై, చెన్నై, బెంగళూరు తదితర ప్రాంతాలకు ఉద్యోగాలు, ఇతర పనుల నిమిత్తం వెళ్లిన ప్రజలు ఇంటిబాట పట్టారు.
 
  సర్వే కోసం స్వగ్రామాలకు...
  తెలంగాణ ప్రభుత్వం ప్రతిష్టాత్మకంగా నిర్వహిస్తున్న కుటుంబ సమగ్ర సర్వే కోసం రాష్ట్రంలోని వివిధ ప్రాంతాలతో పాటు, దేశ నలుమూలల ఉన్న ప్రజలు స్వగ్రామాలకు తరలివస్తున్నారు. ‘సర్వే రోజు స్వగ్రామంలో ఉండండి.. నేను కూడా ఆ రోజు మా ఊళ్లోనే ఉంటా’ అంటూ స్వయంగా ముఖ్యమంత్రి కేసీఆర్ ప్రకటించడం, సర్వే అవశ్యకతను వివరిస్తూ రాష్ట్ర, జిల్లా యంత్రాంగం, స్వచ్ఛంద సంస్థలు, రాజకీయ పక్షాలు ముమ్మరంగా ప్రచారం చేశాయి.
 
 మూడు రోజులు ముందు నుంచే సర్వేలు నిర్వహించి ఇళ్లకు స్టిక్కర్లు అంటించారు. పాఠశాలలకు సెలవులు ప్రకటించారు. ఈ నేపథ్యంలో సర్వే రోజు వివరాలు నమోదు చేసుకోకుంటే ఎక్కడ ఇబ్బందులు పడతామోనని ప్రజలు సుదూర ప్రాంతాల నుంచి ఇళ్లకు వస్తున్నారు. ఇప్పటికే తెలంగాణలో బోనాల పండుగ, రాకీ పండుగలకు వచ్చిన వారు సర్వే ముగిసిన తర్వాతే వెళ్లేందుకు ఇక్కడే ఉండిపోయారు.
 
  రైల్వే స్టేషన్‌లు, బస్టాండ్‌ల్లో రద్దీ..
  స్వగ్రామాలకు ప్రజలు రాక సందర్భంగా బస్టాండ్లు, రైల్వే స్టేషన్‌లు కిటకిటలాడుతున్నాయి. హైదరాబాద్, విజయవాడ, వరంగల్‌తోపాటు ఇతర రాష్ట్రాల్లో ఉన్న వారు స్వగ్రామాలకు వెళ్లేందుకు ఖమ్మం, కొత్తగూడెం, భద్రాచలం, మణుగూరు, ఇల్లెందు, సత్తుపల్లి, మధిర ప్రాంతాల్లో దిగి మారుమూల గ్రామాలకు వెళ్లాల్సి ఉంది. దీంతో ఆయా ప్రాంతాల్లోని బస్టాండ్లు, రైల్వే స్టేషన్‌లలో రద్దీ పెరిగింది.
 
  మంగళవారం సర్వం బంద్ చేస్తామని అధికారులు ప్రకటించడం, మధ్యలో ఆదివారం రావడంతో శనివారం నుంచి ప్రజలు స్వగ్రామాలకు బయలుదేరారు. సర్వే పుణ్యమా అని జిల్లాలోని ఆరు ఆర్టీసీ బస్‌డిపోల పరిధిలో ఆర్టీసీకి, రైల్వే శాఖకు ఆదాయం పెరిగింది. మామూలుగా ప్రతీ రోజు ఆర్టీసీకి సరాసరి రూ. 70 లక్షల ఆదాయం లభిస్తుండగా గత మూడు రోజులుగా కోటి రూపాయలకు పైగా వస్తోందని అధికారులు చెబుతున్నారు. అలాగే రైల్వే శాఖకు రోజుకు రూ. 5లక్షల ఆదాయం ఉండగా మూడు రోజులుగా అది రూ. 10లక్షలు దాటింది.
 
  పల్లెల్లో  పండుగ  వాతావరణం..
  పండుగలకు, ఇతర కార్యక్రమాలు తప్ప కుటుంబ సభ్యులు ఒకేసారి స్వగ్రామాలకు రారు. కానీ ఈ సర్వే పుణ్యమాని ఎక్కడెక్కడో ఉంటున్న కుటుంబ సభ్యులు అంతా  ఒకేసారి సొంత ఇళ్లకు రావడంతో పల్లెల్లో పండుగ వాతావరణం నెలకొంది. సుదూర ప్రాంతాల నుంచి వచ్చే చిన్ననాటి స్నేహితులు, బంధువులు, వారి పిల్లలతో సందడి నెలకొంది. అదీ కూడా ఆఫీసులు, కార్యాలయాలు, పిల్లల పాఠశాలలకు సెలవులు రావడంతో ఏం చక్కా.. గ్రామాలకు వచ్చి ఆనందంగా గడుపుతున్నారు. 


 పాలమూరు : ఈనెల 19న రాష్ట్ర ప్రభుత్వం అత్యంత ప్రతిష్టాత్మకంగా చేపట్టిన సమగ్రసర్వే కోసం ఉపాధి కోసం ఇతర ప్రాంతాలకు వెళ్లినవారు  తమసొంత గ్రామాలకు చేరుకుంటున్నారు. దీంతో పల్లెల్లో పండుగ వాతావరణం నెలకొంది. జిల్లాలో 10లక్షలు కుటుంబాలు ఉన్నాయి. ప్రతి గ్రామం నుంచి కనీసం ఐదొందల నుంచి వెయ్యిమంది వరకు వలస వెళ్లినవారు ఉన్నారు. ఉపాధికోసం ఇతర ప్రాంతాలకు వెళ్లినవారు, ప్రభుత్వ, ప్రైవేట్ ఉద్యోగాలు చేస్తున్న వారు దాదాపు 17 లక్షల మంది మనజిల్లాకు వచ్చే అవకాశం ఉంది.
  
 సర్వేపై అందరిలోనూ అయోమయం నెలకొంది. వివిధ జిల్లాల నుంచి బతుకుదెరువు కోసం వచ్చి తాత్కాలిక నివాసం ఏర్పాటు చేసుకున్న వారు అయోమయంలో పడ్డారు. ఆ రోజు ఇక్కడుండాలా? సొతూరికి వెళ్లిపోవాలా? అనేదానిపై ఎటూ నిర్ధారించుకోలేక సతమతం అవుతున్నారు. ఆగస్టు 19 సమీపిస్తుండటంతో జిల్లా ప్రజల్లో ఆందోళన పెరుగుతోంది. ఉపాధికోసం సుదూర ప్రాంతాలకు వెళ్లిన వారంతా తమ ఊళ్లకు చేరుకుంటున్నారు. దీంతో శనివారం, ఆదివారం జిల్లాకు హైదరాబాద్, ముంబై, పూణె నుంచి బస్సులు, రైళ్లలో ప్రయాణికులు కిక్కిరిసివస్తున్నారు. దీంతో బస్టాండ్లు, రైల్వేస్టేషన్లు జనంతో రద్దీగా కనిపిస్తున్నాయి.
    
 అడ్డాకుల మండలం నిజాలాపూర్‌లో 2658 మంది జనాభా ఉండగా.. ఇందులో 1600 మంది వరకు గ్రామంలో ఉండగా, మిగిలిన వారంతా జీవనోపాధి కోసం వలసవెళ్లారు. వారిలో 80శాతం మంది హైదరాబాద్‌లో భవననిర్మాణ రంగంలో పనిచేస్తున్నారు. ఇతరులు బెంగళూర్, మహారాష్ట్ర ప్రాంతాలకు వలస వెళ్లారు. సర్వేకోసం వారంతా ఇళ్లకు చేరుకుంటున్నారు.
    
 ఖిల్లా ఘనపురం మండలం తిర్మలాయపల్లి.. గ్రామ పంచాయతీతోపాటు రోడ్డుమీది తండా, మొగుళ్లకుంట తండా పరిధిలో మొత్తం 1720 జనాభా ఉండగా.. ఇందులో 850మంది వలసవెళ్లారు. వీరిలోముంబై, పూణె, హైదరాబాద్, ఇతర ప్రాంతాలకు వలసవెళ్లినవారే ఉన్నారు.నవాబుపేట మండలం పుట్టోనిపల్లితండాలో 800 జనాభా ఉండగా.. 80 శాతం మంది ముం బై, పూణెకు ఉపాధి కోసం వెళ్లారు. వారిలో ఎ క్కువ మంది సర్వే కోసం ఇంటికి వస్తుండగా.. కొంతమంది ఆర్థిక ఇబ్బందుల కారణంగా వచ్చేందుకు సుముఖత చూపడం లేదు.
  
 చూపాల్సిన పత్రాలివే..
 సర్వేకు సంబంధించి 20 రకాల పత్రాలను అందుబాటులో ఉంచుకోవాలని అధికారులు సూచిస్తున్నారు. యజమాని పేరు, కుటుంబసభ్యుల వివరాలు, కులం, గ్యాస్ కనెక్షన్, బ్యాంకు/తపాలా ఖాతా, ఉద్యోగి వివరాలు, నెల జీతం, పింఛను పుస్తకం, ఆధార్ కార్డు సంఖ్యలు, విత్యుత్తు మీటరు సంఖ్య, వికలాంగుల ధ్రువీకరణ పత్రాలు (సదరం), దీర్ఘకాలిక వ్యాధులు, వ్యవసాయ భూమి వివరాలు, పశుసంపద, కుటుంబ చరాస్తులు, తాత్కాలిక సంచార కుటుంబ వివరాలు, ఇతర రాష్ట్రాల నుంచి వచ్చి ఇక్కడ ఉంటున్న వారి వివరాలు, ఓటరు కార్డు (18 ఏళ్లు నిడినవారు) చూపాలని కోరుతున్నారు.
  
 హైదరాబాద్ నుంచి వచ్చా
 నేను హైదరాబాద్‌లో పని చేస్తున్నాను. ఈనెల 19న గ్రామంలో సర్వే ఉందని తెలిసి కుటుంబంతో సహ ఆదివారమే మా ఊరికి వచ్చాను. మాకు తెలిసిన వారు చాలా మంది ఇంకా రావాల్సి ఉంది. ఖర్చుల భారంతో కొందరు రావడానికి ఆలోచిస్తున్నారు.
  - పి.వెంకటేష్, నిజాలాపూర్, అడ్డాకుల(మం)


  అన్నానగర్:సెంట్రల్ రైల్వే స్టేషన్-ఎగ్మూరు రైల్వే స్టేషన్లలో వృద్ధులు, వికలాంగులకు నిర్దేశించిన బ్యాటరీ కార్ల నిర్వహణ అస్తవ్యస్తంగా మారింది. వీటిని ఇతర వ్యా పారాలకు వాడుకోవడంతో పలువురు ఇబ్బందులు ఎదుర్కోవాల్సి వస్తోంది. ఈ మేరకు దీనిపై ప్రయాణికుల నుంచి ఫిర్యాదులు అందుతున్నాయి. వృద్ధులూ - వికలాంగులను నిర్దేశిత ప్లాట్‌ఫాంలైన రైళ్ల వద్దకు చేర్చడానికి స్టేషన్ అధికారులు ఈ కార్లను ఏర్పాటు చేశారు. నిస్సహాయ ప్రయాణికులు ఈ బ్యాటరీ కార్ల సేవ కోసం డబ్బు చెల్లించాల్సి వస్తోంది. మనిషికి రూ.10 నుంచి రూ.15 ఇస్తేనే బ్యాటరీ కార్ల ఆపరేటర్ వారిని ప్లాట్‌ఫాంలపైకి చేరుస్తున్నారు. డబ్బు ఇచ్చేందుకు నిరాకరిస్తే వాణిజ్య పార్శిల్స్‌ను ఈ కార్లపై ఉంచుకొని డబ్బు సంపాదించుకుంటున్నారని ప్రయాణికులు ఆరోపిస్తున్నారు.
  
  కొందరు ప్రయాణికులు స్టేషన్ మాస్టర్‌కు ఫిర్యాదులు ఇస్తే సదరు అధికారులు బ్యాటరీ కారు ఆపరేటర్‌ను ప్రశ్నించడానికి వచ్చినపుడు కారులో బ్యాటరీ డౌన్‌లో ఉందనో లేక ఇతర సాంకేతిక లోపాలో చెప్పి ఆపరేటర్లు తప్పించుకుంటున్నారు. సెంట్రల్ రైల్వే స్టేషన్లో మొత్తం 11 ప్లాట్‌ఫారాలుండగా కేవలం 3 బ్యాటరీ కార్లను మాత్రమే నడుపుతున్నారు. ఎగ్మూరు స్టేషన్లలో ఆరు ప్లాట్‌ఫారాలకు ఒకే కారు వినియోగంలో ఉంది. ఇతర రాష్ట్రాలూ - జిల్లాల నుంచి వైద్య పరీక్షల కోసం చెన్నైకు రోజూ కనీసం వంద నుంచి 250 వరకు వృద్ధులూ, వికలాంగులు వస్తుంటారు. ఈ నేపథ్యంలో బ్యాటరీ కార్ల ఆపరేటర్ల వైఖరి వారిని తీవ్రమైన ఇబ్బందులకు గురిచేస్తోంది. మెట్లు దిగి ప్లాట్‌ఫారాలు మారాల్సివస్తే ఈ బ్యాటరీ కార్ల ఆపరేటర్లు ఏ మాత్రం సాయం చేయడం లేదు.
  
  కేవలం మెట్ల వద్దనే వారిని దింపేసి ‘మీ చావు మీరు చావండి’ అని చెప్పి జారుకుంటున్నారు. ఈ సమస్యను త్వరలోనే పరిష్కరిస్తామని రైల్వే అధికారులు హామీ ఇచ్చి రెండు నెలలు దాటుతున్నా ఈ దిశగా ఇంతవరకు ఎలాంటి చర్యలు చేపట్ట లేదు. వృద్ధులూ - వికలాంగుల సమస్యకు రైల్వే వద్ద సత్వర పరిష్కార మార్గాలున్నా వాటిని అమలుపర్చడంలో ఎందుకు జాప్యం వహిస్తున్నారో అర్థం కావడం లేదని బాధితులు వాపోతున్నారు. ప్లాట్‌ఫాంకూ - ప్లాట్ ఫాంకు మధ్య రిమూవబుల్ లింక్ ట్రాకులను వేసి బ్యాటరీ కార్ల సేవలను అన్ని ప్లాట్‌ఫాంలపై నున్న వృద్ధులకూ - ప్రయాణికులకు అందించే ప్రయత్నంలో ఉన్నామని నిర్వాహకులు తెలిపారు. 45 రోజుల వ్యవధిలో ఈ సమస్యను పరిష్కరిస్తామని వారు హామీను ఇచ్చారు.
  


 - రైల్వే స్టేషన్లలో సౌకర్యాలపై ఆరా
 - భద్రతా చర్యలు సరిగా లేవని అధికారులపై ఆగ్రహం
 - సాధారణ బోగిలో ప్రయాణించిన రైల్వే మంత్రి
  సాక్షి, బెంగళూరు : రాష్ట్రంలోని రైల్వే స్టేషన్లలో ఉన్న మౌలిక సదుపాయాలు, భద్రతా చర్యలను పర్యవేక్షించడానికి కేంద్ర రైల్వేశాఖ మంత్రి సదానందగౌడ ఆదివారం సుడిగాలి పర్యటన చేశారు. అధికారులతో పాటు ప్రయాణికులను కలుసుకుని సదుపాయాల కల్పన పట్ల ఆరాతీశారు. ఆదివారం ఉదయమే బెంగళూరులోని కంటోన్మెంట్ రైల్వే స్టేషన్‌కు వెళ్లి అక్కడ చేపట్టాల్సిన పనులు, అందుకు అవసరమైన ప్రణాళిక, నిధులు తదితర విషయాలను అధికారులను అడిగి తెలుసుకున్నారు. రైల్వేస్టేషన్‌ను శుభ్రంగా ఉంచాలని సూచించారు.
 
 అక్కడి నుంచి సిటీరైల్వే స్టేషన్‌కు వెళ్లి అక్కడి ఫ్లాట్‌ఫారం, శౌచాలయాలు, ప్రయాణికుల విశ్రాంతి గదులను పరిశీలించారు. అక్కడే ఉన్న హోటల్స్‌కు వెళ్లి అక్కడి ఆహార పదార్థాలను రుచి చూశారు. కొంతమంది ప్రయాణికులతో స్వయంగా మాట్లాడి సౌకర్యాల పట్ల ఆరా తీశారు. చాలా మంది రైల్వే స్టేషన్‌లో దొరుకుతున్న ఆహారం రుచిగా ఉండటం లేదని, నాణ్యతా ప్రమాణాలు తక్కువగా ఉంటున్నాయని ఫిర్యాదు చేశారు. అదే విధంగా టికెట్ల కోసం ప్రయాణికులు వేచి ఉండకుండా అదనపు కౌంటర్లు ఏర్పాటు చేయాలని అధికారులకు సూచించారు.
 
 అక్కడి నుంచి ఆయన సాధారణ ప్రయాణికుడిలా రైలులో  చెన్నపట్టణ, మండ్య మీదుగా మైసూరు చేరుకున్నారు. ఆయా రైల్వే స్టేషన్‌లో ఆగి అక్కడి మౌలిక సదుపాయాలను పరిశీలించారు. అనంతరం మైసూరులో రైల్వే అధికారులతో సమీక్ష సమావేశం జరిపారు. మైసూరు-బెంగళూరు-చెన్నై మధ్య ఈ ఏడాది హైస్పీడ్ రైలును అందుబాటులోకి తీసుకురావాలని ఇందుకు సంబంధించిన పనులు వెంటనే ప్రారంభించాలని అధికారులను కేంద్ర మంత్రి సదానందగౌడ ఆదేశించారు.
  


 కడప అర్బన్:  ఎర్రచందనం స్మగ్లింగ్ నివారణకు జిల్లా యంత్రాంగం పకడ్బందీ వ్యూహం రచిస్తుండటంతో స్మగ్లర్లు రూటు మార్చారు. జిల్లాలోని శేషాచలం అడవుల్లోకి చేరుకునేందుకు వీరు పాత మార్గాన్ని వదిలేసి కొత్త మార్గం ఎంచుకున్నారు. గతంలో వీరు చెన్నై నుంచి తిరుపతి, రేణిగుంట, రైల్వేకోడూరు, రాజంపేట, కడప ప్రాంతాలకు ప్యాసింజర్, వెంకటాద్రి, రాయలసీమ, ఎగ్మోర్ రైళ్ల ద్వారా వచ్చేవారు.
  
  రైల్వేస్టేషన్లలో పోలీసు నిఘా పెరగడంతో చాలామంది ఎర్రచందనం కూలీలు అరెస్టై చిత్తూరు, కడప, నెల్లూరు కారాగారాల్లో ఉన్నారు. పోలీసు, అటవీ శాఖ సిబ్బంది దృష్టి తమపై ఉం దని భావించిన ఎర్రచందనం కూలీలు ప్రస్తుతం తమిళనాడు నుంచి బెంగళూరు వెళ్లి అక్కడినుంచి గుంతకల్లు మీదుగా కడపకు చేరుకుంటున్నారు. అక్కడి నుంచి నుంచి శేషాచలం అటవీ ప్రాంతంలోకి నడుచుకుంటూ లేదా వాహనాల్లో వెళుతున్నారు.
  
  కడప రిమ్స్ పరిసర ప్రాంతాల నుంచి వీరు అడవుల్లోకి ప్రవేశించి అక్కడి నుంచి ఆయా ప్రదేశాలకు చేరుకుంటున్నట్లు సమాచారం. కూలీలకు స్థానిక స్మగ్లర్లు భోజనం వండుకునేందుకు అవసరమైన సామగ్రిని సరఫరా చేస్తున్నారు. కడప అటవీ రేంజ్ పరిధిలోని రిమ్స్ పరిసర ప్రాంతాల్లో కొందరు యువకులు ఇటీవల వాటర్ ప్యాకెట్లను అడవిలోకి తీసుకెళ్తూ అటవీ సిబ్బందికి తారసపడ్డారు.
  
   అటవీ సిబ్బంది వారిని ప్రశ్నించాల్సింది పోయి తమ బీటు పరిధి కాదంటూ పట్టించుకోలేదని తెలిసింది. దీంతో ఆ యువకులు వాటర్ ప్యాకెట్లు, సరుకులు ఎంచక్కా అటవీప్రాంతంలోకి తరలించేశారు. స్థానిక స్మగ్లర్లు ఎర్రచందనం కూలీలకు  రోజుకు రూ. 500 నుంచి రూ.1000 కూలీగా ఇస్తుండటంతో తమిళనాడు ప్రాంతం నుంచి కూలీలు పెద్ద సంఖ్యలో ఇక్కడికి వ స్తున్నట్లు తెలుస్తోంది.
  
  పీడీ యాక్టులు, ఎన్‌కౌంటర్‌కు
  బెదరని కూలీలు
  జిల్లాలో పేరుమోసిన ఎర్రచందనం స్మగ్లర్ మైదుకూరుకు చెందిన జాండ్లవరం శ్రీనివాసులు నాయుడు అలియా స్ డాన్‌శీనుపై పోలీసులు పీడీయాక్టు నమోదు చేసి  రాజమండ్రి జైలుకు తరలించారు.
  
  అలాగే ఒంటిమిట్టకు చెందిన అంతర్‌రాష్ట్ర స్మగ్లర్ ఖాదర్‌వలీ అలియా స్ నందలూరు బాషాపై జిల్లా కలెక్టర్ ఆదేశాల మేరకు పోలీసులు పీడీయాక్టు నమోదు చేసి తాజాగా రాజమండ్రి సెంట్రల్ జైలుకు తరలించారు. గత వారంలో రైల్వేకోడూరు పరిధిలోని బాలుపల్లె రేంజ్‌లో తమిళ కూలీ పోలీసు కాల్పుల్లో మృతి చెందాడు. అయినప్పటికీ వీరు ఏమాత్రం బెదరకుండా తమిళనాడు నుంచి బెంగళూరు, అక్కడి నుంచి గుంతకల్లు మీదుగా కడపకు చేరుకొని అక్కడి నుంచి శేషాచలం అడవుల్లోకి వెళ్లిపోతున్నారు.
  
  బేస్ క్యాంపుల ద్వారా కూంబింగ్ ఎక్కడ ?
  జిల్లాలోని కడప, రాజంపేట, ప్రొద్దుటూరు అటవీ డివిజన్ల పరిధిలో వివిధ రేంజ్‌లలో అటవీ శాఖ ఉద్యోగులకు ఇటీవల జిల్లా కలెక్టర్ కోన శశిధర్, ఎస్పీ జివిజి అశోక్‌కుమార్, డీఎఫ్‌ఓల చేతుల మీదుగా బోర్‌పంప్-12 రకానికి చెందిన తుపాకులను పంపిణీ చేశారు. అటవీ సిబ్బందికి సహాయంగా ఒక కంపెనీలో మూడు ప్లటూన్ల ఏఆర్ సిబ్బందిని నియమించారు. ఎర్రచందనం స్మగ్లింగ్ నివారణకు ఇప్పటికే 45 బేస్ క్యాంపులు ఏర్పాటుచేశారు. బేస్‌క్యాంపులు కొన్ని దట్టమైన అటవీ ప్రాంతాలలో ఉన్నాయి. బేస్ క్యాంపుల ద్వారా అడవుల్లో కూంబింగ్ నిర్విహ ంచాల్సి ఉంది. అటవీ సిబ్బంది ఇన్‌ఫార్మర్ వ్యవస్థను ఏర్పాటు చేసుకుని వారి ద్వారా పొందిన సమాచారాన్ని పోలీసులకు చేరవేయాల్సి ఉంటుంది. కానీ అటవీ సిబ్బంది ఆ దిశగా ప్రయత్నం చేయకపోవడంతో స్మగ్లర్లు అడవుల్లో స్థావరాలు ఏర్పాటు చేసుకుని యథేచ్ఛగా ఎర్రచందనం చెట్లను నరికివేస్తున్నారనే విమర్శలున్నాయి. స్మగ్లర్ల ఏరివేతకు పోలీసు, అటవీ సిబ్బంది సమన్వయంతో చర్యలు చేపట్టాల్సిన అవసరం ఉంది.
  


 రైలు ఇంకా రావాల్సి ఉంటుంది. అందుకు దాదాపు అరగంటకు పైగా సమయం ఉంటుంది. ఈలోపు అక్కడున్న టీవీలో ఏదో మంచి సినిమాపాట వస్తుంటుంది. సరేకదాని దానివైపు మనం తదేకంగా చూస్తుంటే.. ఇంతలో మన పక్కనే నిలబడి టీవీ చూస్తున్నట్లే చూస్తూ జేబులు కొట్టేసే గ్యాంగులు కోకొల్లలు. అలాగే, టికెట్ కౌంటర్ వద్ద రద్దీగా ఉన్నప్పుడు కూడా జేబులు కొట్టేయడం, ఒక టికెట్ కూడా అవసరం లేకపోయినా కొనేసి బయట బ్లాక్లో అమ్ముకోవడం లాంటివి చేసే గ్యాంగులకు కూడా కొదవలేదు. ఇప్పుడు ఇలాంటివాళ్ల ఆట కట్టించడానికి రైల్వే స్టేషన్లలో మూడో కన్ను వచ్చేస్తోంది. స్టేషన్ల ఆవరణలోను, ప్లాట్ఫారాలపైన సీసీ కెమెరాలను ఏర్పాటు చేస్తున్నారు. హైదరాబాద్, సికింద్రాబాద్, విజయవాడ లాంటి పెద్ద నగరాల్లో ఇప్పటికే ఇవి ఉన్నా.. భీమవరం లాంటి పట్టణాల్లో కూడా ఇప్పుడు ఇవి వచ్చేస్తున్నాయి. భీమవరం టౌన్ రైల్వేస్టేషన్లో శనివారం నాడు ఈ సీసీ కెమెరాలను తొలిసారిగా ఏర్పాటుచేసి, వాటి పనితీరును పరిశీలించారు.
 
 ఇకపై గట్టి నిఘా
 ఇటీవల రైల్వే స్టేషన్లు, రైళ్లలో దోపిడీలు ఎక్కువకావడంతో రైల్వే అధికారులు అప్రమత్తమయ్యారు. రైల్వేస్టేషన్లలో గట్టి నిఘా పెట్టనున్నారు. ఇందులో భాగంగా సీసీ కెమెరాలు కీలకపాత్ర పోషించనున్నాయి. సీసీ కెమెరాల ఆధారంగా స్టేషన్లలో నేరాల సంఖ్యను గణనీయంగా తగ్గించవచ్చనేది రైల్వే అధికారుల ఆలోచన. స్టేషన్లలో అనుమానాస్పదంగా తిరుగుతున్న వ్యక్తులను గుర్తించి, వారిని అదుపులోకి తీసుకునే వీలుంటుంది.
 
 పలు కెమెరాల ఏర్పాటు
 భీమవరం టౌన్ రైల్వేస్టేషన్‌లోని ప్రధాన ద్వారం వద్ద, రిజర్వేషన్, టికెట్ కౌంటర్లు, ఫ్లాట్‌ఫారాలపై సీసీ కెమెరాలను ఏర్పాటు చేశారు. ఇటీవల తత్కాల్ టికెట్లను బ్లాక్‌లో అమ్ముకునేందుకు కొంతమంది ముఠాగా తయారయ్యారు. నిత్యం క్యూలైన్‌లో కొందరిని నిలిపి, వారి ద్వారా టికెట్లు తీసుకుని ఎక్కువ ధరకు బయట వ్యక్తులకు ముఠా సభ్యులు విక్రయిస్తున్నారు. సీసీ కెమెరాల ఏర్పాటుతో ఇటువంటి చర్య లకు అడ్డుకట్ట పడే అవకాశముంది.


  సాక్షి, ముంబై: లోకల్‌తోపాటు దూరప్రాంతాల రైళ్లలో ప్రాణాంతక విన్యాసాలు చేయడం కొందరు యువతకు నిత్యకృత్యంగా మారడంపై గవర్నమెంట్ రైల్వే పోలీసులు (జీఆర్పీ) తీవ్ర ఆందోళన వ్యక్తం చేస్తున్నారు. బోగీలపై ప్రయాణించడం, ప్రవేశద్వారానికి వేలాడుతూ విన్యాసాలు చేయడం, తిరిగే ఫ్యాన్లలో వేళ్లు పెట్టడం వంటివి లోకల్‌రైళ్లలో సర్వసాధారణంగా మారాయి. బోగీలపై ప్రయాణించిన వారిలో పలువురు మరణించడం, గాయపడడం తెలిసిందే. ఇలాంటి దుస్సాహసాలు చేయవద్దని రైల్వే అధికారులు ప్రతినిత్యం అనౌన్స్‌మెంట్ల ద్వారా విజ్ఞప్తులు చేస్తున్నా ఆకతాయిలు పట్టించుకోవడం లేదు.
  
 వీరి చేష్టలు సహ ప్రయాణికులకు భయం పుట్టిస్తున్నాయి. ఇలాంటి ప్రమాదకర విన్యాసాలు చేస్తున్న వారిలో అత్యధికులు యువకులేనని జీఆర్పీ పోలీసులు చెబుతున్నారు. ప్రమాదకర విన్యాసాల నిరోధానికి ప్రత్యేక డ్రైవ్‌ను చేపట్టామని ప్రకటించారు. బోగీల్లో ప్రాంణాంతక విన్యాసాలు చేస్తూ గత నెల 500 మంది జీఆర్పీకి చిక్కారు. కౌన్సెలింగ్ వల్ల పెద్దగా ఫలితాలు రాకపోవడంతో పోలీసులు మరో తరహా ప్రయత్నం మొదలుపెట్టారు. తప్పు చేసిన యువకుల తల్లిదండ్రులను పిలిపించి కౌన్సెలింగ్ ఇస్తున్నారు. ఈ ఏడాది జనవరి, ఏప్రిల్ మధ్య కాలంలో ప్రాంణాంతక విన్యాసాలు చేసిన 618 మందిని పశ్చిమరైల్వే ఆర్పీఎఫ్ పోలీసులు పట్టుకున్నారు.
  
 ఇదే కాలంలో సెంట్రల్ రైల్వేలోని బండ్లలో ప్రాణాంతక విన్యాసాలు చేసిన 1,208 మందిని పట్టుకున్నారు. విన్యాసాలు వికటించి చాలా మంది యువకులు ప్రాణాలు కోల్పోయిన సందర్భాలు ఎన్నో ఉన్నాయని ఆర్పీఎఫ్ సీనియర్ అధికారి ఒకరు అన్నారు. ఈ పనులు చేస్తున్న వారిలో అత్యధికులు 14 ఏళ్ల నుంచి 22 ఏళ్ల వయస్సు గల వారేనని తేలింది. ముంబై సెంట్రల్ సీనియర్ రైల్వే పోలీస్ రాజేంద్ర త్రివేది ఈ సందర్భంగా మాట్లాడుతూ.. రైళ్లలో విన్యాసాలు చేస్తున్న వారిపై నిఘా ఉంచాల్సిందిగా తమ సిబ్బందిని ఆదేశించామన్నారు. ‘వీరిని పట్టుకోవడం వల్ల ప్రయోజనం కనిపించడం లేదు.
  
 తిరిగి ప్రాణాంతక విన్యాసాలు చేస్తూనే ఉన్నారు. అందుకే వీళ్ల తల్లిదండ్రులను రైల్వే స్టేషన్లకే పిలిపించి కౌన్సెలింగ్ ఇస్తున్నాం. విన్యాసాలు చేయడం ద్వారా యువకులు ఏ విధంగా మరణించడం..తీవ్ర గాయాలపాలైన వీడియోలను తల్లిదండ్రులకు చూపించి అవగాహన కల్పిస్తున్నాం. ఫలితంగా సదరు తల్లిదండ్రులు పిల్లలను మందలించే అవకాశం ఉంటుంది. దీంతో యువకులు కూడా తిరిగి విన్యాసాలు చేయకుండా ఉంటారు’ అని త్రివేది వివరించారు. ప్రాణాంతక విన్యాసాలు చేస్తున్న వారిని పట్టుకోవడం కోసం తరచూ తనిఖీలు నిర్వహిస్తూనే ఉంటామని చెప్పారు.


 సాక్షి, సిటీబ్యూరో : సొంత ఊళ్లలో ఓటు హక్కును వినియోగించుకొనేందుకు మూడు రోజులుగా సీమాంధ్రకు తరలివెళ్తున్న ప్రయాణికుల రద్దీ మంగళవారం తారాస్థాయికి చేరుకుంది. బుధవారం ఎన్నికలు కావడంతో నగరవాసులు భారీ సంఖ్యలో బయలుదేరారు. దీంతో నగరంలోని రైల్వేస్టేషన్‌లు, బస్‌స్టేషన్‌లు కిటకిటలాడాయి. సికింద్రాబాద్ రైల్వేస్టేషన్‌లో ప్రయాణికుల రద్దీని నియంత్రించేందుకు ప్రత్యేకంగా బందోబస్తును ఏర్పాటు చేశారు.
 
 బస్సులు, రైళ్లలోనే కాకుండా లక్షలాది మంది ప్రజలు సొంత వాహనాలు, ట్యాక్సీల్లో బయలుదేరి వెళ్లారు. మూడు రోజులుగా చార్జీలు రెట్టింపు చేసిన ప్రైవేట్ ఆపరేటర్లు మంగళవారం కూడా దోపిడీ కొనసాగించారు. అయితే పోటీలో ఉన్న అభ్యర్థులే ప్రయాణ చార్జీలను భరిస్తుండడంతో ప్రయాణికులు చార్జీలు రెట్టింపయినా లెక్క చేయకుండా బయలుదేరారు. మంగళవారం ఒక్క రోజే సుమారు ఐదు లక్షల మంది బయలుదేరినట్లు అంచనా.
  
 కిక్కిరిసిన ఎంజీబీఎస్ ...
  
 మహాత్మాగాంధీ బస్‌స్టేషన్ ప్రయాణికులతో కిక్కిరిసింది. రోజూ నడిచే 850 దూరప్రాంత బస్సులతో పాటు, మంగళవారం మరో 700 బస్సులను అదనంగా ఏర్పాటు చేశారు. విశాఖ, విజయవాడ, గుంటూరు, ఒంగోలు, కర్నూలు, కడప, నె ల్లూరు, తిరుపతి తదితర ప్రాంతాలకు ప్రయాణికులు బయలుదేరి వెళ్లారు. ప్రైవేట్ బస్సులు సైతం కిటకిటలాడాయి. కూకట్‌పల్లిహౌసింగ్‌బోర్డు, అమీర్‌పేట్, లక్డీకాపూల్, కోఠి, అబిడ్స్, దిల్‌సుఖ్‌నగర్, వనస్థలిపురం, తదితర ప్రాంతాల నుంచి ప్రైవేట్  బస్సులు బయలుదేరాయి.  
  
 ప్రయాణికుల ధర్నా..
  
 సికింద్రాబాద్ నుంచి రాష్ట్రవ్యాప్తంగా పలు ప్రాంతాలకు వెళ్లే ప్రధాన ఎక్స్‌ప్రెస్‌ల వద్ద గందరగోళం నెలకొంది. వెయిటింగ్ లిస్టు ప్రయాణికులు, రిజర్వేషన్ నిర్ధరణకాని వాళ్లు, జనరల్ బోగీ ప్రయాణికుల నుంచి తీవ్రమైన ఒత్తిడి రావడంతో వారిని స్లీపర్‌క్లాస్ బోగీల్లోకి అనుమతించారు. దీంతో అప్పటికే స్లీపర్‌క్లాస్‌లో రిజర్వేషన్లు చేసుకున్న ప్రయాణికులు ఆందోళనకు గురయ్యారు. సాధారణ ప్రయాణికులంతా బోగీల్లోకి ఎక్కేయగా రిజర్వేషన్ ప్రయాణికులు ప్లాట్‌ఫామ్‌పైనే ఉండిపోవలసి వచ్చింది.
 
 విశాఖకు వెళ్లవలసిన జన్మభూమి ఎక్స్‌ప్రెస్‌లో ఇలాంటి పరిస్థితే చోటుచేసుకుంది. కొంతమంది టీసీలు ప్రయాణికుల వద్ద అదనపు డబ్బులు తీసుకొని ఎస్-6 బోగీలోకి సాధారణ ప్రయాణికులను ఎక్కించడంతో 30 మందికి పైగా రిజర్వేషన్ ప్రయాణికులు స్టేషన్ మేనేజర్ కార్యాలయం వద్ద ధర్నాకు దిగారు. దీంతో మరో రైలులో వారిని విశాఖకు పంపించేందుకు అధికారులు ఏర్పాట్లు చేశారు.
 
 ఎంజీబీఎస్ వద్ద ప్రయాణికుల అభిప్రాయాలు..
 
 ఓటు వేసేందుకు వచ్చా..
  నేను మహారాష్ట్ర ఉద్దిర్‌లో వ్యాపారం చేస్తున్నా. ఎన్నికల్లో ఓటు వేసేందుకు వ్యాపారాన్ని మానుకుని మా స్వస్థలమైన చిత్తూరు జిల్లా కలకడ మండలం, కోన గ్రామానికి వెళ్తున్నా.          - నాగస్వామి నాయక్
  
 బంధువులతో కలిసి..
 పదేళ్ల క్రితం రాజమండ్రి నుంచి నగరానికి వచ్చి రంగారెడ్డి జిల్లా యమన్‌నగర్‌లో చిరు వ్యాపారం చేసుకుంటూ జీవిస్తున్నాం. ఎన్నికల్లో ఓటు వేసేందుకు మా బంధువులతో కలిసి రాజమండ్రికి వెళ్తున్నా.         - ఎండపల్లి వీరవేణి
  
 పనిమానేసి వెళ్తున్నా..
 కొన్నేళ్ల క్రితం నగరానికి వచ్చి శంషాబాద్‌లో భవన నిర్మాణ కాంట్రాక్టర్‌గా పనిచేస్తున్నా. మా స్వస్థలమైన కావలి (నెల్లూరు జిల్లా) లో ఓటు వేసేందుకు పనిమానేసి వెళ్తున్నా.                      - శ్రీనివాస్, శంషాబాద్
  


 రైళ్లలో సరిహద్దు మద్యం రాకుండా పకడ్బందీ చర్యలు
  రవాణాదారులపై నిఘా
  
  మంచిర్యాల అర్బన్, న్యూస్‌లైన్ :  సార్వత్రిక, స్థానిక ఎన్నికల నేపథ్యంలో మద్యం అక్రమ రవాణాపై ఆ శాఖ అధికారులు దృష్టి సారించారు. జిల్లాలోకి అక్రమంగా మద్యం రాకుండా గట్టి నిఘా పెట్టారు. ముఖ్యంగా రైలు మార్గం ద్వారా వచ్చే మద్యంపై డేగ కళ్లు ఉంచారు. ఇక నుంచి రైల్వేస్టేషన్లలో తనిఖీలు ముమ్మరం చేయనున్నారు.
  
  ఎన్నికల్లో మద్యం ప్రధాన భూమిక పోషిస్తుందనే ఆరోపణలు రావడంతో ఎన్నికల కమిషన్ చర్యలు చేపట్టింది. దీనికి అరికట్టేందుకు వ్యూహాత్మకంగా వ్యవహరించాలని అధికారులను ఆదేశించింది. ఎన్నికల కమిషన్ నిబంధనల ప్రకారం నిర్ధేశిత మద్యాన్ని మాత్రమే దుకాణాలకు సరఫరా చేస్తున్నారు. కోరినంత మద్యం ఇవ్వడానికి ఎన్నికల నియమావళి ప్రతిబంధకంగా మారింది. దీంతో జిల్లాలో మద్యం కొరత ఏర్పడింది. అయితే ఎన్నికల్లో మద్యం అనివార్యం కావడంతో కొందరు వ్యాపారులు అడ్డదారుల్లో మద్యం రవాణాకు రంగం సిద్ధం చేశారు.
  
   సరిహద్దున ఉన్న మహారాష్ట్ర నుంచి మద్యం దిగుమతికి ఎత్తులు వేస్తున్నారు. రహదారి మార్గంలో పోలీసులు, మద్య నిషేధశాఖ అధికారుల తనిఖీలు ముమ్మర ంగా ఉండడంతో రైలు మార్గాన్ని ఎంచుకున్నారు. రైలులో నిఘా అంతగా లేకపోవడంతో మద్యం రవాణా సులభతరం అవుతుందని భావిస్తున్నారు. 1995లో మద్యపాన నిషేధం అమల్లో ఉండగా రైలు మార్గం ద్వారానే మద్యం అక్రమ రవాణా జరిగింది.
  
   ఇప్పుడు ఎన్నికల సందర్భంగా కూడా వ్యాపారులు అదే మార్గాన్ని అనుసరిస్తున్నారు. మంచిర్యాల, కాగజ్‌నగర్, బెల్లంపల్లి రైల్వేస్టేషన్‌లలో ఉత్తరం నుంచి దక్షిణ ప్రాంతానికి వెళ్లే అనేక రైళ్లు నిలుస్తాయి. రైల్వే పోలీసుల నిఘా పెద్దగా లేకపోవడంతో అక్రమ వ్యాపారులు రైలును నమ్ముకున్నారు. పెద్ద ఎత్తున వ్యాపారం చేసి లాభాలు గడించాలనే యత్నంలో ఉన్నారు.
  
  
  చెక్ పెడతారిలా..
  అక్రమ వ్యాపారుల ఎత్తులను చిత్తు చేయడానికి  మద్య నిషేధ శాఖ అధికారులు సన్నద్ధమయ్యారు. రైలు మార్గం ద్వారా మద్యం రవాణాను నిరోధించడానికి నిఘా తీవ్రతరం చేశారు. అన్ని రైల్వే స్టేషన్‌లలో తనిఖీలు ముమ్మరంగా చేపట్టాలని నిర్ణయించారు. నిన్నటి వరకు సిబ్బంది కొరతతో కొట్టుమిట్టాడిన మద్య నిషేధశాఖకు ప్రస్తుతం సిబ్బంది కొరత తీరింది. మంచిర్యాల, ఆసిఫాబాద్, లక్సెట్టిపేట, బెల్లంపల్లి, చెన్నూర్, కాగజ్‌నగర్ ఎక్సైజ్ స్టేషన్‌లలో 7గురు సీఐలు, 16 మంది ఎస్సైలు, 22 మంది హెడ్ కానిస్టేబుల్‌లు, 70 మంది కానిస్టేబుల్‌లు ఉన్నారు. తగినంతా సిబ్బంది ఉండడంతో రైల్వేస్టేషన్‌లలో నిఘా పెంచాలని నిర్ణయించారు.
  
  ఆదివారం నుంచి సిబ్బందికి రైల్వేస్టేషన్‌లలో విధులు వేయనున్నారు.  మహారాష్ట్ర వైపు నుంచి వచ్చే తూర్పు ప్రాంతాలను రైల్వే స్టేషన్‌లలో నిలిచే రైలు నుంచి దిగే అనుమానిత ప్రయాణికులను క్షుణ్ణంగా తనిఖీ చేసిన తర్వాతే వెళ్లనివ్వాలని సిబ్బందికి మద్య నిషేధ శాఖ పర్యవేక్షకుడు శ్రీనివాస్ ఆదేశించారు. దీంతో రైలు మార్గం నుంచి మద్యం అక్రమంగా రవాణా చేయాలని ఆశించిన అక్రమ మార్కులకు చెక్‌పడనుంది. ఏ మేరకు అక్రమ రవాణాను అధికారులు నియంత్రిస్తారనేది చర్చనీయాంశంగా మారింది.
  
  అక్రమ మద్యాన్ని అడ్డుకుంటాం
  ఎన్నికల సందర్భంగా అక్రమంగా మద్యం రవాణా చేయకుండా నిఘా కట్టుదిట్టం చేస్తున్నాం. సిబ్బంది కొరత తీరింది. నిఘా పెంచడానికి అన్ని ఏర్పాట్లు చేశాం.  అక్రమ వ్యాపారుల మార్గాలను నిరోధించి తీరుతాం. ఇప్పటికే గుడుంబా, అక్రమ మద్యం అమ్మకాలపై దృష్టి సారించాం. రైల్వేస్టేషన్‌లను లక్ష్యంగా చేసుకున్నాం. మహారాష్ట్ర నుంచి మద్యం రవాణా కాకుండా చూస్తాం.
  
  ఇప్పటికే 265 కేసులు నమోదు చేశాం. అందులో 3,768 నాటుసారా, 1,21, 450 గుడుంబా తయారీకి ఉపయోగించే బెల్లం పానకం, 10 అనధికారంగా మద్యం అమ్ముతున్న దుకాణాలపై కేసు, 40 బీర్లు, 245 మద్యం సీసాలు, 65 కిలోల నల్లబెల్లం, 142 దేశీదారు బాటిళ్లను స్వాధీనం చేసుకున్నాం.
  - శ్రీనివాస్, మద్య నిషేధశాఖ పర్యవేక్షకుడు, మంచిర్యాల
  
  


 విశాఖ రూరల్, న్యూస్‌లైన్ : పల్స్ పోలియో కార్యక్రమం విజయవంతానికి అధికారులు, క్షేత్ర సిబ్బంది చిత్తశుద్ధితో పనిచేయాలని జా యింట్ కలెక్టర్ ప్రవీణ్‌కుమార్ సూచించారు. జేసీ క్యాంపు కార్యాలయంలో పోలియో చుక్కల కార్యక్రమం సమన్వయ సమావేశం బుధవారం నిర్వహించారు. ఆయన మాట్లాడుతూ కార్యక్రమానికి అంగన్‌వాడీ, ఆశ కార్యకర్తలు ఎక్కువ బాధ్యత వహించాలని తెలిపారు. హైరిస్క్ ప్రాంతాలను గుర్తించి ఇంటింటా తిరిగి పోలి యో చుక్కలు వేయాలని ఆదేశించారు.
 
 అంతకు ముందు డీఎంహెచ్‌ఓ డాక్టర్ శ్యామలదేవి పోలియో చుక్కల కార్యక్రమ నిర్వహణ, ముందస్తు ఏర్పాట్లను జేసీకి వివరించారు. జిల్లాలో అయిదేళ్లలోపు 4,26,213 మంది చిన్నారులను గుర్తించామని తెలిపారు. 14,486 మంది వేక్సినేటర్లు, 367 మంది సూపర్‌వైజర్లు, 102 మొబైల్ టీమ్ లు ఈ కార్యక్రమంలో పనిచేస్తున్నారని తెలిపారు. 23న ఆదివారం కావడంతో ఆ రోజు పాఠశాలలను తెరిచి ఉంచాలని కోరామని, ఉపాధ్యాయుల సహకారం కూడా తీసుకుంటున్నామన్నారు.
 
 రైల్వేస్టేషన్లు, బస్‌కాంప్లెక్సులు, జిల్లాలో ఆ రోజు జరిగే జాతర, సంతల్లో ప్రత్యేక బృందాలను ఏర్పాటు చేశామన్నారు. సమావేశంలో డీఈఓ లింగేశ్వరరెడ్డి, జీవీఎంసీ సీనియర్ మెడికల్ ఆఫీసర్ డాక్టర్ మురళీమోహన్, వైద్య ఆరోగ్య శాఖ ఆర్‌డీ డాక్టర్ సోమరాజు, డిప్యూటీ డీఎంహెచ్‌ఓ డాక్టర్ వసుంధర, జిల్లా ఇమ్యునైజేషన్ అధికారిణి డాక్టర్ కె.విజయలక్ష్మి, ఆర్టీసీ అధికారి కె.వి.వి.ప్రసాద్ పాల్గొన్నారు.
  
 విదేశాలకు వెళ్లి వచ్చేవారికి ప్రత్యేక వ్యాక్సీన్లు
  
 విశాఖపట్నం  : విదేశాలకు తరచుగా రాకపోకలు సాగించే ప్రయాణికుల పిల్లలకు ప్రత్యేక పోలియో వ్యాక్సీన్‌ను తప్పని సరిగా వేయించాలని జిల్లా ఇమ్యునైజేషన్ అధికారి డాక్టర్ విజయలక్ష్మి ఒక ప్రకటనలో తెలిపారు. ముఖ్యంగా పొరుగున ఉన్న ఆఫ్ఘనిస్తాన్, పాకిస్తాన్, నైజీరియా, సోమాలియా, కెన్యా, సిరియా, ఇథియోపియా దేశాలకు రాకపోకలు సాగించే ప్రయాణికుల పిల్లల కోసం ఈ కేంద్రాన్ని ఏర్పాటు చేశామని ప్రకటించారు. పెదవాల్తేరులోని పోలమాంబ గుడి ఎదురుగా ఉన్న జిల్లా కోల్డ్ ఛైన్ కాంప్లెక్స్‌లో ఈ కేంద్రం ఉంటుందన్నారు.
  


 ప్రతీసారి జిల్లావాసులను ఊరిస్తూ ఉసూరుమనిపిస్తున్న రైల్వే బడ్జెట్‌కోసం ఈ సారి వేయికళ్లతో ఎదురుచూస్తున్నారు. రైల్వే బడ్జెట్‌కు ముందు జిల్లా ఎంపీలు భారీ ప్రతిపాదనలు పెట్టడం.. తీరా బడ్జెట్లో వాటికి ఆమోదం లభించకపోవడం ఏటా జరుగుతున్న తంతే. ఫలితంగా దశాబ్దాకాలంగా రైల్వేరంగం జిల్లాలో ఆశించినంతగా అభివృద్ధి జరగడం లేదు. యూపీఏ-2 ప్రభుత్వ చిట్టచివరి బడ్జెట్‌లోనైనా జిల్లాకు న్యాయం జరుగుతుందా? రైల్వేశాఖ మంత్రి మల్లికార్జున ఖర్గే ప్రవేశపెట్టనున్న బడ్జెట్‌లో జిల్లా ఎంపీల ప్రతిపాదనలు కార్యరూపం దాలుస్తాయా? లేదా? అనే ఉత్కంఠ నెలకొంది.
  
  సాక్షి, కరీంనగర్ : జిల్లాలోని ప్రధాన రైల్వేస్టేషన్లలో సౌకర్యాలపై అధికారులు శ్రద్ధ చూపడం లేదు. కరీంనగర్ రైల్వేస్టే షన్‌ను ఆదర్శ స్టేషన్‌గా ప్రకటించినా భారీ ఆదాయాలను సమకూరుస్తున్న స్టేషన్లలో కూడా ప్రయాణికులకు కనీస వసతులు కల్పించడం లేదు. రామగుండం రైల్వేస్టేషన్‌లో రెండో వైపు కూడా టికెట్ కౌంటర్ ఏర్పాటు చేయాల్సి ఉంది.
  
  నాలుగు కొత్త రైలుమార్గాల కోసం జి ల్లా ప్రజలు,ప్రజాప్రతినిధులు దశాబ్దాలుగా ఎదురుచూస్తున్నా మోక్షం లభించడం లేదు. కొత్తపల్లి నుంచి మనోహరాబాద్, కరీంనగర్ నుంచి హైదరాబాద్, కరీం నగర్ నుంచి హసన్‌పర్తి, రామగుండం నుంచి మణుగూరు లైన్ల కోసం ఏటా ప్రతిపాదనలు చేస్తూనే ఉన్నా రు. జిల్లానుంచి ప్రాతినిథ్యం వహిస్తున్న ముగ్గురు లోకసభ సభ్యులు పొన్నం ప్రభాకర్, జి.వివేక్, మధుయాష్కీలు ఇప్పటికే రైల్వే బోర్డుకు తమ ప్రతిపాదనలు అందించారు. బుధవారం లోకసభలో రైల్వేశాఖ మంత్రి ఖర్గే ప్రవేశపెట్టనున్న బడ్జెట్‌లో తమ ప్రతిపాదనలకు గ్రీన్‌సిగ్నల్ లభిస్తుందని వీరు విశ్వాసాన్ని ప్రకటిస్తున్నారు.
  
  కొత్తపల్లి- మనోహరాబాద్ లైను ఏర్పాటు చేయాలని టీఆర్‌ఎస్ అధ్యక్షుడు కె.చంద్రశేఖర్‌రావు ఇక్కడనుంచి ఎంపీగా ప్రాతినిథ్యం వహించినప్పటి నుంచి ప్రతిపాదిస్తున్నా ఫలితం లేదు. దక్షిణ, ఉత్తర భారతాలను జిల్లా మీదుగా వెళ్తున్న రైలుమార్గం కలుపుతున్నా జిల్లాకు రాష్ట్ర రాజధానికి మాత్రం రైలు లింకు లేదు. ఈ లోటు తీర్చడం వల్ల ప్రయాణికులకు, వాణిజ్య రంగానికి మేలు కలగడమే కాకుండా రైల్వేకు కూడా ఆదాయం సమకూరే అవకాశం ఉంది. ఈ రైలు మార్గాన్ని చేపడితే సిరిసిల్ల, సిద్దిపేట ప్రజలకు కూడా రైలు అందుబాటులోకి వస్తుంది. జిల్లా కేంద్రం నుంచి రాజధానికి ప్రయాణదూరం తగ్గుతుంది.
 
  హైదరాబాద్ లైనుతోపాటు కరీంనగర్ నుంచి హసన్‌పర్తి వరకు కొత్త లై ను వేయాలని ఎంపీ  పొన్నం ప్రభాకర్ ప్రతిపాదించారు. దీనివల్ల జిల్లా వాసులకు  రైల్వే కనెక్టివిటీ మెరుగవుతుంది.
  
  రామగుండం, మణుగూరు లైను కోసం పెద్దపల్లి ఎంపీ వివేక్ ప్రయత్నాలు చేస్తున్నారు. మణుగూరు రైలు మార్గానికి 1982లోనే రూ.650 కోట్లతో ప్రతిపాదనలు తయారు చేశారు. అప్పటి నుంచి ఈ లైను గురించి పట్టించుకున్నవారే లేరు.  2010లో ఈ ప్రతిపాదనను రైల్వేమంత్రి దృష్టికి వివేక్ తీసుకుపోగా సర్వే నిర్వహిస్తామని హామీ ఇచ్చారు. నాలుగేళ్లుగా ఇదే తంతు సాగుతోంది.
  
  పెద్దపల్లి-నిజామాబాద్ రైలు మార్గాన్ని త్వరితంగా పూర్తి చేయాలని ముగ్గురు ఎంపీలు గట్టిగానే ప్రయత్నాలు చేస్తున్నా ఫలితం కనిపించడం లేదు. 1992లో అప్పటి ప్రధాని అయిన జిల్లావాసి పీవీ నర్సింహారావు చేతుల మీదుగా మొదలైన పెద్దపల్లి-నిజామాబాద్ రైలుమార్గం పనులు ఎడతెగకుండా సాగుతున్నాయి. మూడు దశల్లో పెద్దపల్లి నుంచి నిజామాబాద్ జిల్లా మోర్తాడ్ వరకు పనులు పూర్తయ్యాయి.
  
  గత బడ్జెట్‌లోనే పనులు పూర్తి చేస్తామని ప్రకటించినా కార్యరూపం దాల్చలేదు. 1992లో రూ.400 కోట్ల అంచనా వ్యయంతో ప్రారంభించగా ప్రతీ బడ్జెట్‌లో అరకొర నిధుల కేటాయింపుతో జాప్యం జరిగింది. మొత్తం 178 కిలోమీటర్ల ఈ మార్గం జిల్లాలో 122 కిలోమీటర్లు, నిజామాబాద్ జిల్లాలో 56 కిలోమీటర్లు ఉంటుంది. ఇప్పుడు అంచనా వ్యయం రెట్టింపయింది. ఇప్పటికే రూ.560 కోట్లు ఖర్చు చేయగా మరో రూ.385 కోట్లు అవసరమని అంచనా వేశారు.
  
  ఎంపీల ప్రతిపాదనలు ఇవీ..    పొన్నం ప్రభాకర్
   కరీంనగర్ నుంచి మోర్తాడ్ వరకు రైలు మార్గం పూర్తయినందున కరీంనగర్, మెట్‌పల్లి మధ్య పుష్‌పుల్ రైలు నడపాలి.  కరీంనగర్ నుంచి వరంగల్‌కు రైలు.  కరీంనగర్ మండలం తీగలగుట్టపల్లి, హుజూరాబాద్ సమీపంలోని ఉప్పల్ వద్ద  ఓవర్‌బ్రిడ్జీల నిర్మాణం.  కరీంనగర్ - హసన్‌పర్తి కొత్త రైలుమార్గం   కరీంనగర్, పెద్దపల్లి రైల్వేలైను విద్యుదీకరణ  వేములవాడలో రిజర్వేషన్ కౌంటర్ ఏర్పాటు.
  
  వివేక్
  మణుగూరు-రామగుండం కొత్తలైనుకు నిధులుపెద్దపల్లిలో ఏపీ ఎక్స్‌ప్రెస్ నిలుపుదల.
  
  మధుయాష్కీ
  పెద్దపల్లి-నిజామాబాద్ రైలుమార్గం పూర్తికి అవసరమైన నిధులు మంజూరు
  


 
 మో‘డల్’ రైల్వేస్టేషన్
 
  బాపట్ల, న్యూస్‌లైన్ :  బాపట్ల రైల్వేస్టేషన్ మెడల్ స్టేషన్‌గా చెబుతున్నప్పటికీ అభివృద్ధికి ఆమడదూరంలో ఉంది. ఈ స్టేషన్ ఆదాయంలో మెండుగా ఉన్నప్పటికీ సౌకర్యాలు కల్పనలో నామమాత్రంగా ఉంది. ఈ ప్రాంత అభివృద్ధి కోసం చేసిన ప్రయత్నాలు, ప్రతిపాదనలు కాగితాలకే పరిమితయ్యాయి. 
 
   బాపట్ల- నిజాంపట్నం- రేపల్లె మధ్యలో కొత్త రైల్వే లైను ఏర్పాటుకు ప్రతిపాదనలు చేసి మూడేళ్లయినా ఇంతవరకు కార్యరూపం దాల్చలేదు.
 
   స్టేషన్‌లో మొదటి ప్లాట్‌ఫాం నుంచి రెండో ప్లాట్‌ఫాంకు వెళ్లే బ్రిడ్జి శిథిలావస్థకు చేరిందని ఎన్నిసార్లు ప్రతిపాదించిన ఫలితంలేదు. వృద్ధులకు లిఫ్టు సౌకర్యాం ఏర్పాటు చేస్తామని చెప్పి పట్టించుకోలేదు. 
 
   విజయవాడ వైపు వెళ్లే లైనుకు క్రాసింగ్ ఇచ్చేందుకు ప్లాట్‌ఫాం లేకపోవటంతో అప్పికట్ల వె ళ్లి అక్కడ క్రాసింగ్ ఇవ్వాల్సివస్తుంది.
 
   ధాన్యం పండించే ప్రాంతం కావటంతో ధాన్యాన్ని లోడింగ్ చేసేందుకు ప్రత్యేక ప్లాట్ ఫాం నిర్మించాలని ఎన్నోసార్లు ప్రతిపాదించినప్పటి కీ ఫలితం లేదు.
 
   మొదటి ఫాంలో రిజర్వేషన్ బోగీలు సూచించే బోర్డులు లేవు.
 
   రైలుపేట, ఉప్పరపాలెం నుంచి వచ్చే ప్రయాణికుల కోసం నిర్మించిన బ్రిడ్జి వద్ద దిగేందుకు ప్రయాణీకులు తీవ్ర ఇబ్బందులు పడుతున్నారు. 
 
   స్టూవర్టుపురం రైల్వేస్టేషన్ వద్ద ప్లాట్‌ఫాంలు నిర్మించాలని ప్రయాణికులు ఎన్నిసార్లు కోరినా ఫలితం లేకుండా పోయింది.
 
  
 
   ఆదాయం ఘనం.. అభివృద్ధి శూన్యం
 
  తెనాలిరూరల్, న్యూస్‌లైన్ : విజయవాడ-చెన్నై రైలు మార్గంలో ప్రధాన రైల్వే జంక్షన్లలో తెనాలి ఒకటి. దక్షిణమధ్య రైల్వే డివిజనులో విజయవాడ తర్వాత ప్రాముఖ్యత కలిగినది తెనాలి జంక్షన్. విజయవాడ, చెన్నై, గుంటూరు, రేపల్లె మార్గాలనుంచి రోజూ 83 రైళ్లు ప్రయాణిస్తుంటాయి. వీటిలో 63 ఎక్స్‌ప్రెస్, 20 ప్యాసింజర్ రైళ్లు ఉన్నాయి. ప్రయాణికుల టికెట్లు, పార్సిల్ కార్యాలయం, మొక్కజొన్న ఎగుమతుల ద్వారా రైల్వేస్టేషను ఆదాయం ఏడాదికి రూ.18 కోట్లపై మాటే. అయినా సౌకర్యాలు పెరగకపోవడంపై ప్రయాణికుల్లో నిరసన వ్యక్తమవుతూనే ఉంది.
 
   తెనాలి-రేపల్లె రైలుమార్గం ఆధునికీకరణ దశాబ్దాల తరబడి నలుగుతోంది. పల్నాడు ఎక్స్‌ప్రెస్ తెనాలికి పొడిగింపు, హైదరాబాద్‌కు నేరుగా తెనాలి నుంచి ఎక్స్‌ప్రెస్ రైలు, కేరళ ఎక్స్‌ప్రెస్ హాల్టింగ్ డిమాండ్లు ఆచరణకు నోచుకోలేదు. 
 
   ఫస్ట్ ప్లాట్‌ఫాంపైన అప్పర్ క్లాస్ వెయిటింగ్ హాల్స్ నిర్మాణం, రెండో రిజర్వేషన్ కౌంటరు ఏర్పాటు వంటి ప్రయాణికుల కోర్కెలు నెరవేరడం లేదు.
 
   జన్మభూమి ఎక్స్‌ప్రెస్ రెండు వైపుల్నుంచి తెనాలికి చేరేసరికి కిక్కిరిసివుంటోంది. దూరం నుంచి వస్తున్నందున ఆలస్యం అనివార్యమవుతోంది. జన్మభూమి ఎక్స్‌ప్రెస్‌ను విశాఖపట్నం-తెనాలి, తెనాలి-సికింద్రాబాద్‌గా విభజించి నడపాలని ప్రయాణికులు కోరుతున్నారు.
 
    పల్నాడు ఎక్స్‌ప్రెస్.. తెనాలి ప్రాంతవాసులకుఅందని ద్రాక్షగానే మిగిలింది. గుంటూరు ఎంపీ రాయపాటి సాంబశివరావు.. 2009 ఎన్నికల ప్రచార సమయంలో రైలును పొడిగిస్తామని హామీనిచ్చినా, ఇప్పటికీ నెరవేరలేదు. సూపర్‌ఫాస్ట్ కేరళ ఎక్స్‌ప్రెస్, గోరఖ్‌పూర్-కొచ్చిన్ ఎక్స్‌ప్రెస్‌లకు తెనాలిలో స్టాపింగ్ కల్పించాలని ప్రయాణికులు ఎంతో కాలంగా కోరుతున్నారు. 
 
   గుంటూరు-తెనాలి డబ్లింగ్ పనులు ఇంకా ప్రారంభం కాలేదు. గత బడ్జెట్‌లో దీని కోసం రూ.28.60 కోట్లను కేటాయించారు. పనులు త్వరలోనే ప్రారంభిస్తామని అధికారులు చెప్పారు. అయినా ఇప్పటికీ ఎక్కడ వేసిన గొంగళి అక్కడే అన్న చందంగా ఉంది. 
 
  
 
    అన్నీ సమస్యలే..
 
  నరసరావుపేట టౌన్, న్యూస్‌లైన్: ఆదర్శ రైల్వేస్టేషన్‌గా చెబుతున్న నరసరావుపేట రైల్వేస్టేషన్ ఎన్నో సమస్యలు ఉన్నాయి.  పట్టణంలోని శృంగేరిశంకరమఠం వద్ద రెండోగేటు వద్ద నిత్యం ట్రాఫిక్ సమస్య జఠిలంగా మారింది. ఈ గేటు వద్ద రైల్వే అండర్ బ్రిడ్జి(ఆర్‌యూబీ) నిర్మాణం చేపడతామంటూ అనేక ఏళ్లుగా చెబుతున్నప్పటికీ ఆచరణకు నోచుకోలేదు. 
 
   నరసరావుపేట నియోజకవర్గ ప్రజలు రైలు మార్గం ద్వారా హైదరాబాదు వెళ్లాలంటే పిడుగురాళ్ళ, సత్తెనపల్లి రైల్వేస్టేషన్‌కు వె ళ్లి రైలు ఎక్కాల్సిన పరిస్థితి ఉంది. పిడుగురాళ్ళ నుంచి నరసరావుపేటకు రైల్వేమార్గం ఏర్పాటుకు కృషి చేస్తున్నామని ఎంపీలు  చెబుతూ వస్తున్నారే గానీ అమలు చేయడంలేదు. 
 
   గతంలో నరసరావుపేట నుంచి గుంటూరు, తెనాలి, విజయవాడకు షెడ్యూల్ రైలు ఏర్పాటు చేస్తామని అధికారులు చెప్పినప్పటికీ ఆ దశగా ప్రయత్నాలు జరగలేదు.
 
   రైల్వేస్టేషన్‌లో సమస్యలు తిష్ట వేసుకున్నాయి. రెండో ప్లాట్‌ఫాం వద్ద ఏర్పాటు చేసిన కుళాయిల్లో మంచినీరు రాకపోవడంతో ప్రజలు తీవ్ర ఇబ్బందులు పడుతున్నారు. ప్రకాష్‌నగర్ వైపు నివశించే ప్రజలకు స్టేషన్‌కు వెళ్లే మార్గంలేకపోవడంతో చుట్టూ తిరిగి వెళ్ళాల్సి వస్తోంది. 
 
  
 
   సౌకర్యాలు శూన్యం..
 
  పిడుగురాళ్ల, న్యూస్‌లైన్ : ఆదాయం ఘనం... సౌకర్యాలు శూన్యం అన్నచందంగా ఉంది పిడుగురాళ్ల రైల్వేస్టేషన్ పరిస్థితి. రోజుకు లక్ష రూపాయల ఆదాయం వస్తున్న ఈ స్టేషన్‌ను సౌకర్యాల లేమి వేధిస్తోంది. ఇక్కడి ప్రధాన సమస్యలివీ..
 
   కాకినాడ-ముంబై, ముంబై-కాకినాడ లోకమాన్య తిలక్ ఎక్స్‌ప్రెస్‌కు ఇక్కడ హాల్ట్‌లేదు. అలాగే కాకినాడ-భావనగర్, భావనగర్-కాకినాడ ఎక్స్‌ప్రెస్‌కు కూడా హాల్ట్ కల్పించాలని ప్రయాణికులు కోరుతున్నారు. 
 
   రెండు ప్లాట్‌ఫాంలున్న పిడుగురాళ్ల రైల్వేస్టేషన్‌కు వాటర్ ఓవర్‌హెడ్ ట్యాంకు లేకపోవటంతో నీటిసమస్య తీవ్రంగా ఉంది. కేవలం ఒకటో నంబరు ప్లాట్‌ఫాంపై కొంతమేరమాత్రమే నీటిసౌకర్యం ఉంది. రెండుప్లాట్‌ఫాంలకు వాటర్‌పైపులైను వేసినప్పటికీ ఓవర్‌హెడ్‌ట్యాంకు లేకపోవటంతో అవి నిరుపయోగంగా మారాయి. 
 
   స్టేషన్‌కు ప్రహరీగోడ లేకపోవటంతో రాత్రివేళలో చోరీలు జరుగుతున్నాయి.  
 
   బెంచీలు, కుర్చీలు స్వల్పంగా మాత్రమే ఉండటంతో ప్రయాణికులు ఎంతసమయమైనా నిలబడే వేచిచూడాల్సి వస్తుంది. ఫస్ట్‌క్లాస్ వెయిటింగ్‌హాలులోనూ ఇదే పరిస్థితి
 
   ఏ నంబరు బోగీ ఎక్కడ ఆగుతుందో సూచించే బోర్డులు లేకపోవటంతో ప్రయాణికులు ఉరుకులు పరుగులు పెట్టాల్సి వస్తోంది. 
 
   స్లీపర్‌క్లాస్ ప్రయాణికులకు ఒక చిన్న వెయిటింగ్ హాలుమాత్రమే ఉంది. మరో వెయిటింగ్ హాలు ఏర్పాటుచేయాల్సిన అవసరం ఉంది. 
 
   పిడుగురాళ్ల-కాచిగూడ పుష్‌పుల్ రైలును మధ్య ప్లాట్‌ఫాంపై నిలుపుతుండటంతో ప్రయాణికులు ఎక్కేందుకు, దిగేందుకు నానా ఇబ్బందులకు గురవుతున్నారు.
 
   రాత్రివేళలో ప్రత్యేకంగా బుకింగ్ క్లర్క్ లేకపోవటంతో అన్నిపనులు స్టేషన్‌మాస్టరే చూసుకోవాల్సి వస్తోంది.
 
  
 
  


 రైల్వే స్టేషన్లలో సౌకర్యాల కల్పన జీవిత కాలం లేటు రైళ్ల హాల్టుల కోసం ప్రయాణికుల నిరీక్షణ 
  రైల్వే స్టేషన్లలో సదుపాయాల కల్పన.. కొత్త రైళ్ల మంజూరు.. పాత రైళ్లకు కొత్త హాల్టులు ఇవ్వడంలోనూ తాము జీవితకాలం లేటేనని నిరూపిస్తున్నారు రైల్వే శాఖ ఉన్నతాధికారులు. ఏలూరు-కొవ్వూరు మధ్య మెయిన్‌లైన్ వెంబడి గల రైల్వే స్టేషన్లలో సమస్యలు కూత పెడుతున్నాయి. ప్రతి బడ్జెట్‌లోనూ జిల్లా వాసులను ఊరిస్తూ.. చివరకు నిరాశపరిచే  కొవ్వూరు-భద్రాచలం, కోటిపల్లి-కోనసీమ రైల్వే లైన్ల సంగతి అటుంచితే... అనుమతులొచ్చినా.. నిధులు మంజూరైనా.. విజయవాడ-భీమవరం-నిడదవోలు బ్రాంచి లైన్ డబ్లింగ్ పనులు నత్తనడకన సాగుతున్నాయి. దక్షిణ మధ్య రైల్వే జనరల్ మేనేజర్ ప్రదీప్‌కుమార్ శ్రీవాత్సవ గురువారం జిల్లాలోని  స్టేషన్లను పరిశీలించనున్న నేపథ్యంలో జిల్లాలో రైల్వే పరిస్థితులపై ఫోకస్
  
  తాడేపల్లిగూడెం,న్యూస్‌లైన్ : జిల్లా నడిబొడ్డున ఉన్న తాడేపల్లిగూడెం రైల్వే స్టేషన్‌కు జిల్లా కేంద్రం ఏలూరు స్టేషన్‌తో సమానంగా ప్రయాణికుల ద్వారా ఆదాయం వస్తోంది.  బియ్యం, ఎరువులు, ఉల్లిపాయల రవాణా ద్వారా  ఈ స్టేషన్ నుంచి రైల్వేస్‌కు అదనపు ఆదాయం సమకూరుతోంది. స్టేషన్ ఏ గ్రేడ్‌లో ఉన్నా సౌకర్యాలు డీ గ్రేడులో ఉన్నాయి. ఇటీవల కంటితుడుపుగా నాలుగు రైళ్లకు హాల్టు కల్పించారు.ప్రధాన సమస్యలు పరిష్కారం కాలేదు.
  
  సౌకర్యాలు మృగ్యం 
  స్టేషన్‌లోని ఒకటి, రెండు ఫ్లాట్ ఫారాలకు లిప్టు సౌకర్యం కల్పించాలని ఎన్నో ఏళ్లుగా ప్రయాణికులు కోరుతున్నారు. ఇక్కడ ఏర్పాటు చేయాల్సిన లిఫ్టు ప్రతిపాదనను చీరాల తరలించుకుపోయారు. ఒకటో ప్లాట్ ఫారం నుంచి రెండో  ప్లాట్ ఫాం వరకు ఉన్న పుట్ బ్రిడ్జిని మూడోనంబరు ప్లాట్ ఫాం వరకు విస్తరించాలనేది మరో డిమాండ్. రైలు పట్టాలు దాటేందుకు చిన్న వంతెన వరకు ఉన్న కాలిబాట ఓవర్ బ్రిడ్డిని ఏలూరు రోడ్డుకు కలపాలనేది ఎప్పటి నుంచే చేస్తున్న విజ్ఞప్తి. రెండో టికెట్ కౌంటర్ ఏర్పాటు కలగా మారింది. ఏర్పాటుకు అనుకూలంగా ఉన్న ఇరిగేషన్ స్దలం వాటర్ బ్యాంక్ కారణంగా ఇచ్చే అవకాశాలు కనిపించడంలేదు. దీంతో ఏలూరు రోడ్డులో ఉన్న చినవంతెన సమీపంలో ఏలూరులో మాదిరిగా టికెట్ కౌంటర్ ఏర్పాటు చేసే అవకాశాలను పరిశీలించాలని ప్రయాణికులు కోరుతున్నారు. దీంతో పాటు ప్రస్తుతం ఉన్న రిజర్వేషన్ టికెట్ కౌంటర్‌ను ఉదయం 8 గంటల నుంచి రాత్రి 8 గంటల వరకు పనిచేసేలా చర్యలు తీసుకోవాలనేది మరో డిమాండ్. రోజూ వేలాది మంది ఈ స్టేషన్ ద్వారా ప్రయాణిస్తున్నా మంచి నీటి సౌకర్యం మాత్రం మృగ్యం. మునిసిపల్ వాటర్ సుదపాయం కల్పించాలని దశాబ్దాలుగా ఉన్న డిమాండ్‌కు కదలిక లేదు. బోరు వాటరు ఇస్తున్నా పైపు లైన్లు పాడైపోయి ఈ స్టేషన్‌లో నీరు కావాలంటే దొరకని దుస్థితి.
  
  హాల్టులు కావాలి..
  కాకినాడ నుంచి భావనగర్ మధ్య ప్రతి గురువారం  నడిచే రైలు(17204)కు ఇక్కడ హాల్టు కావాలని కోరుతున్నారు. జిల్లాలోని మార్వాడి కుటుంబాలకు, గుజరాత్‌తో వ్యాపార కార్యకలాపాలు సాగించే వారికి అహ్మదాబాద్ వెళ్లటానికి ఈ రైలు ఉపకరిస్తుంది. విశాఖపట్నం-నిజాముద్దీన్ ఎక్స్‌ప్రెస్(స్వర్ణజయంతి-12803-804)కు, దిబ్రూఘర్ -కన్యాకుమారి వివేక్ ఎక్స్‌ప్రెస్‌కు హాల్టులు కోరుతున్నారు.  శబరిమలై వెళ్లేవారికి ఉపయుక్తంగా ఉండే విశాఖపట్నం-కొల్లాం  త్రివేండ్రం ఎక్స్‌ప్రెస్(18567) కు హాల్టు కావాలంటున్నారు. ఈ రైలుకు విశాఖ నుంచి 16.30 కిలో మీటర్ల దూరంలో ఉన్న దువ్వాడ, అక్కడి నుంచి 40 కిలోమీటర్ల దూరంలో ఉన్న యలమంచిలిలో హాల్టులు ఇచ్చారు కానీ, పశ్చిమగోదావరి జిల్లాలో ప్రధాన రైల్వే స్టేషన్‌గా ఉన్న ఇక్కడ మాత్రం హాల్టు కల్పించలేదు. 
  
  పేరుకే పెద్దస్టేషన్
  ఏలూరు, న్యూస్‌లైన్ : పెద్ద స్టేషన్‌గా పిలువబడే ఏలూరు రైల్వేస్టేషన్‌లో సౌకర్యాల కల్పన మిథ్యగానే మారింది. రోజూ 80 రైళ్లు స్టేషన్ మీదుగా రాకపోకలు సాగిస్తున్నాయి. రైళ్లలో వివిధ వస్తువుల ఎగుమతులు, ప్రయాణీకుల చార్జీల ద్వారా ఏడాదికి రూ. ఆరున్నర కోట్ల ఆదాయం వస్తోంది. స్టేషన్లో  పారిశుధ్య పరిస్థితులు అధ్వానం. మంచినీరు సక్రమంగా లేక వేలాదిమంది ప్రయాణికులు వాటర్ బాటిల్స్‌పైనే ఆధారపడుతున్నారు. పెద్ద రైల్వేస్టేషన్‌లో పురుషులు, స్త్రీలకు వేరుగా టికెట్ కౌంటర్లు లేక ఇబ్బందులు ఎదురవుతున్నాయి.
  
  పవర్‌పేటలో అన్నీ కరువే
  నగరానికి నడిబొడ్డున ఉన్న పవర్‌పేట రైల్వేస్టేషన్‌లో వసతులు లోపించాయి. ఇక్కడ టికెట్ కౌంటర్ ఒకటే ఉండటంతో ప్రయాణీకుల  తోపులాటలు సర్వసాధారణం. ప్లాట్‌ఫారంపై టాయిలెట్స్ లేక అవస్థలు పడుతున్నారు. రైల్వే భద్రతా సిబ్బంది ఇద్దరు మాత్రమే ఉన్నారు. రాత్రివేళ ప్లాట్‌ఫారమ్స్‌పై లైట్లు వెలగక ప్రయాణీకులు బిక్కుబిక్కుమంటూ అర్ధరాత్రి రాయగడ పాసింజర్ కోసం ఎదురు చూస్తూంటారు. తాగునీటి సదుపాయం కూడా లేదు.
  
  రక్షణ కరువు
  ఏలూరు పవర్‌పేట, శ్రీనివాస థియేటర్ మధ్య 8 ఏళ్ల క్రితం అండర్ పాస్ నిర్మిం చారు. అండర్‌పాస్ పైన పట్టాలు దాటుతూ పలువురు మృత్యువాత పడ్డారు. డీసీసీబీ కార్యాలయం ఎదురుగా రైల్వే రక్షణ గోడ లేకపోవటంతో పట్టాలపై నుంచి రాకపోకలు సాగిస్తూ  మృత్యువాతపడుతున్నారు.
  
  మందగించిన ఎగుమతులు
  గతంలో ఏలూరు స్టేషన్ నుంచి నిమ్మకాయలు, చేపలను ఇతర ప్రాంతాలకు ఎగుమతి చేసేవారు. ఇప్పుడు టన్ను మించి ఉంటేనే రైలు ర్యాక్‌లు ఏర్పాటు చేస్తున్నారు. ఈ కారణంగా వ్యాపారులు తీవ్ర ఇబ్బందులు ఎదుర్కొంటున్నారు. దీంతో ఏటా రూ.కోటిన్నరపైనే ఈ స్టేషన్ నుంచి రైల్వేలు ఆదాయం కోల్పోతున్నాయని అంచనా. 
  
  ముఖ్యమైన రైళ్లకు నో హాల్ట్
  జిల్లా కేంద్రమైన ఏలూరు పెద రైల్వేస్టేషన్‌లో  సూపర్‌ఫాస్ట్, వీక్లీ ఎక్స్‌ప్రెస్‌లు సుమారు 20 రైళ్ల ఆగే పరిస్థితి లేదు. కోరమాండల్, గౌహతి, కరియ-యశ్వంత్‌పూర్ ఎక్స్‌ప్రెస్‌లకూ హాల్ట్ లేదు. ప్లాట్‌ఫారాల సంఖ్య పెంచకపోవడం విమర్శలకు తావిస్తోంది. ఒక లో నంబరు ప్లాట్‌ఫారం ట్రాక్‌పై గూడ్స్‌రైళ్ళను మళ్లిస్తున్నారు. 2, 3 ప్లాట్‌ఫారాలపై ప్రయాణీకుల బళ్లు ఆగుతున్నాయి. ప్రయాణీకులు ఫుట్ పాత్ బ్రిడ్జి ఎక్కి 2, 3 ప్లాట్‌ఫారాలకు వెళ్లాల్సి వస్తోంది. దీనికి ప్రత్యామ్నాయంగా ఎస్కలేటర్లు ఏర్పాటు చేయాలన్న డిమాండ్‌ను పట్టించుకునేవారే కరువయ్యారు.  
  


 సాక్షి, సిటీబ్యూరో/హైదరాబాద్/శంషాబాద్ న్యూస్‌లైన్: పండగ ప్రయాణికులతో హైదరాబాద్ నగరంలోని బస్టాండ్లు, రైల్వే స్టేషన్లు శుక్రవారం కిటకిటలాడాయి. నుంచునే చోటు దొరికితే చాలు ప్రయాణం చేసేద్దామనే ఆత్రం ప్రయాణికుల్లో కనబడింది. సికింద్రాబాద్, నాంపల్లి,కాచిగూడ రైల్వేస్టేషన్లనుంచి సాధారణ రోజుల్లో 58 ఎక్స్‌ప్రెస్ రైళ్లు, వందకు పైగా ప్యాసింజర్‌లు వివిధ ప్రాంతాలకు వెళ్తాయి. సంక్రాంతి రద్దీని తట్టుకునేందుకు దక్షిణ మధ్య రైల్వే ఈ ఏడాది 43 ప్రత్యేక రైళ్లతోపాటు రెగ్యులర్ రైళ్లలో అదనపు బోగీలను ఏర్పాటు చేశారు. సాధారణ రోజుల్లో కంటే రైళ్లలో అదనంగా ఒక్క శుక్రవారమే లక్ష మందికి పైగా వివిధ ప్రాంతాలకు వెళ్లారు. మరోవైపు ఆర్టీసీ శుక్రవారం 1725 బస్సులను ప్రయాణికుల కోసం సిద్ధం చేసింది. సాధారణ రోజుల్లో కంటే 50 శాతం ఎక్కువ మంది ఆర్టీసీ బస్సుల్లో ప్రయాణిస్తారని అంచనా.
 
  రైలు ప్రయాణం నరకమే
  రెగ్యులర్ రైళ్లలో టికె ట్లు నెల క్రితమే అయిపోగా.. ప్రత్యేక రైళ్లు ఏమాత్రం సరిపోక ప్రయాణం నరకాన్ని తలపిస్తోంది. ప్రత్యేక రైళ్ల టికెట్లు దళారులు బ్లాక్ చేయటంతో ప్రయాణికులు పడుతున్న పాట్లు అన్నీఇన్నీ కావు. అయితే ఒకపక్క ప్రత్యేక రైళ్ల సంఖ్య పెంచడానికి బోగీల కొరత తీవ్రంగా ఉండగా.. మరోపక్క ఉన్న రెండు లైన్లలో ఎక్కువ రైళ్లను తిప్పడానికి అవకాశం లేకుండా ఉంది. ఆ లైన్లలో అదనంగా రైళ్లు నడిపితే సిగ్నలింగ్ వ్యవస్థ దెబ్బతినే ఆస్కారం ఉండడంతో రైళ్ల సంఖ్య పెంచేందుకు కూడా ఉన్నతాధికారులు అనుమతించటం లేదు. ఇక రైళ్ల రాకపోకలపై స్పష్టమైన సమాచారం లేక శుక్రవారంప్రయాణికులు తీవ్ర ఇబ్బందులకు గురయ్యారు. ఏ రైలు ఏ ప్లాట్‌ఫామ్‌పైకి ఏ సమయానికి వస్తుందో తెలియక వివిధ స్టేషన్లలో గందరగోళం నెలకొంది.
  
  జనరల్ బోగీలకు తాకిడి ఎక్కువగా ఉండడంతో సీట్లు దొరకక చిన్న పిల్లలు, మహిళలు, వృద్ధులు తీవ్రంగా ఇబ్బంది పడ్డారు. రైళ్ల కోసం గంటలకొద్దీ వేచి ఉంటున్న ప్రయాణికులు అది రాగానే ఒక్కసారిగా ఎగబడుతుండటంతో తొక్కిసలాట జరుగుతోంది. పోలీసులు ఉన్నా నియంత్రించడం కష్టమవుతోంది. ఇక సీట్లను ఆక్రమిస్తున్న దళారులు రూ.100 నుంచి రూ.200 చొప్పున అమ్ముకుంటున్నారు. తత్కాల్ టికెట్ల కోసం తెల్లవారుజామునే క్యూలలో నిలబడుతున్నా ఆ టికెట్లను దళారులు కాజేస్తుండటంతో కౌంటర్ తెరిచిన కొద్ది సేపటికే వెయిటింగ్ లిస్ట్ కనబడుతోంది.
  
   కొండెక్కిన చార్జీలు..
  పండగ ప్రయాణికులను బస్సులు చార్జీలతో బాదేస్తున్నాయి. ఆర్టీసీ ప్రత్యేక బస్సుల్లో 50 శాతం చార్జీలు అదనంగా వసూలు చేస్తుంటే.. ప్రైవేట్ ట్రావెల్స్ మాత్రం అవకాశం బట్టి రెట్టింపు నుంచి మూడురెట్లుకు పైగా దోచేస్తున్నాయి. పండగ సీజన్‌ను దృష్టిలో ఉంచుకుని రద్దీ రూట్లలో ఆర్టీసీ 4,960 ప్రత్యేక బస్సులు నడపడానికి ఏర్పాట్లు చేసింది. అయితే వ్యాపార ధోరణితో వ్యవహరిస్తూ ఆ ప్రత్యేక బస్సుల్లో అదనపు చార్జీలు వసూలు చేస్తోంది. విజయవాడ, వైజాగ్, గుంటూరు రూట్లలో మూడు రెట్లకు పైగా చార్జీలు వసూలు చేస్తుండగా.. రాజమండ్రి, కాకినాడ రూట్లలో రెట్టింపు పైగా గుంజేస్తున్నాయి. సంక్రాంతి పండగ, వైకుంఠ ఏకాదశి పుణ్యతిధితో విమానయాన చార్జీలు కూడా రెండు రెట్లు పెంచేశారు.


 సాక్షి, కరీంనగర్ : రైల్వేరంగానికి సంబంధించి ఉత్తర, దక్షిణ ప్రాంతాలను కలుపుతున్నప్పటికీ జిల్లాలో మాత్రం ప్రగతి కనిపించడంలేదు. జిల్లా మీదుగా కన్యాకుమారి, న్యూఢిల్లీ రైలుమార్గం వెళ్తున్నా జిల్లాకేంద్రానికి, రాష్ట్ర రాజధానికి మధ్య రైలు మార్గం లేదు. ప్రతిసారీ ఎంపీలు ఇస్తున్న ప్రతిపాదనలు పూర్తిస్థాయిలో ఆమోదం పొందటంలేదు. కొత్తమార్గాలకు సంబంధించిన ప్రతిపాదనలు సర్వేల దశ దాటడం ఆమోదం పొందటంలేదు. కొత్తమార్గాలకు సంబంధించిన ప్రతిపాదనలు సర్వేల దశ దాటడంలేదు.
  
  ప్రధాన రైల్వేస్టేషన్లలోనూ కనీస సౌకర్యాలు అందుబాటులోకి రావడంలేదు.  రెండు దశాబ్దాలు గడిచినా పెద్దపల్లి రైలు మార్గం గమ్యానికి చేరుకోలేకపోయింది.  కరీంనగర్ నుంచి హైదరాబాద్, కరీంనగర్ నుంచి హసన్‌పర్తి, రామగుండం నుంచి మణుగూరు లైన్ల కోసం ప్రతి బడ్జెట్‌కు ముందు ప్రజాప్రతినిధులు విన్నవిస్తున్నారు. కొత్తపల్లి- మనోహరాబాద్ లైను ఏర్పాటు చేయాలని కేసీఆర్ ఇక్కడ నుంచి ఎంపీగా ప్రాతినిధ్యం వహించినప్పటినుంచి కోరుతున్నా ఫలితం లేదు. నిజామాబాద్ రైలు మార్గాన్ని త్వరితంగా పూర్తి చేయాలని ముగ్గురు ఎంపీలు ప్రతిసారీ రైల్వేశాఖ మంత్రులను కలిసి కోరుతున్నా పనులు నత్తనడకన  సాగుతున్నాయి. ఎంపీలు చేస్తున్న కొత్త ప్రతిపాదనలు  రైల్వేశాఖకు గణనీయమైన ఆదాయం సమకూర్చిపెట్టేవే అయినా, వీటిని ఉన్నతాధికారులు పట్టించుకోవడం లేదు.
  
  2010లో ఎంపి వివేక్ మణుగూరు ప్రతిపాదనను రైల్వేమంత్రి దృష్టికి తీసుకుపోగా సర్వే నిర్వహిస్తామని హామీ ఇచ్చారు. నాలుగేళ్లుగా ఇదే తంతు సాగుతుంది. స్వయానా ప్రధాని శంకుస్థాపన చేసిన పెద్దపల్లి, నిజామాబాద్ రైలుమార్గం పూర్తికాలేదు. నిజామాబాద్ జిల్లా మోర్తాడ్ వరకు పనులు పూర్తయినా అక్కడ నుంచి ముందుకు సాగడంలేదు.   మొత్తం 178 కిలోమీటర్లున్న ఈ మార్గం జిల్లాలో 122 కిలోమీటర్లు, నిజామాబాద్ జిల్లాలో 56 కిలోమీటర్ల పొడవుంది. తీవ్ర జాప్యం వల్ల అంచనా వ్యయం రెట్టింపయ్యింది. ఇప్పటికే 560 కోట్లు ఖర్చు చేయగా మరో 385 కోట్లు అవసరమని అంచనా వేశారు.  భూసేకరణలో ఇబ్బందులతో పాటు సకాలంలో నిధులు అందక అలస్యమవుతుంది. ఈ ఏడాదయినా రైల్వే బడ్జెట్‌లో జిల్లాకు ప్రాధాన్యం దక్కేలా ఎంపీలు ప్రయత్నించాలని భావిస్తున్నారు.
  


 గుర్గావ్: రైల్వే స్టేషన్లలో సోలార్ వెలుగులు విరజిమ్మనున్నాయి. ఇప్పటిదాకా స్టేషన్లలోని విద్యుద్దీపాల కోసం సంప్రదాయ ఇంధన వనరులను ఉపయోగించి ఉత్పత్తి చేస్తున్న విద్యుత్తునే వినియోగిస్తున్నారు. మొట్టమొదటిసారిగా సంప్రదాయేతర ఇంధన వనరులతో తయారు చేసిన విద్యుత్తుతో గుర్గావ్ రైల్వే స్టేషన్ వెలిగిపోనుంది. సౌరశక్తిని ఉపయోగించి విద్యుత్తును ఉత్పత్తి చేసేందుకు ఇక్కడ ఏర్పాటు చేసిన 24 కేవీ పవర్ ప్లాంట్‌కు కేంద్ర రైల్వేశాఖ సహాయ మంత్రి అధిర్ రంజన్ శంకుస్థాపన చేశారు. ఇక్కడ ఉత్పత్తి ప్రారంభమైన తర్వాత గుర్గావ్ రైల్వే స్టేషన్ పూర్తిగా సోలార్ విద్యుత్ ఆధారంగానే పనిచేస్తుందని రంజన్ తెలిపారు. 
  
 ఆయన మాట్లాడుతూ... ‘సంప్రదాయేతర ఇంధన వనరులపై దృష్టిసారించాల్సిన సమయమిది. కనీసం స్టేషన్లలో విద్యుద్దీపాలు వెలిగేందుకైనా సౌరవిద్యుత్‌ను ఉపయోగించుకోవాలి. ఆ ఉద్దేశంతోనే రైల్ ఇండియా టెక్నికల్ అండ్ ఎకనామిక్ సర్వీస్(ఆర్‌ఐటీఈఎస్) చొరవ తీసుకొని ఈ ప్రాజెక్టుతో ముందుకొచ్చింది. 2020 నాటికి  20,000 మెగావాట్ల సౌరవిద్యుత్తును ఉత్పత్తి చేయడం లక్ష్యంగా ఆర్‌ఐటీఈఎస్ ప్రణాళికలు సిద్ధం చేస్తోంద’న్నారు. ఆర్‌ఐటీఈఎస్ చీఫ్ మేనేజింగ్ డెరైక్టర్ రాజీవ్ మల్హోత్రా మాట్లాడుతూ.. ప్రయోగాత్మకంగా ప్రారంభిస్తున్న ఈ విద్యుత్ కేంద్రం సంప్రదాయేతర   ఇంధన వనరుల వినియోగంలో ఓ మైలురాయి అవుతుందన్నారు. ఇకపై గుర్గావ్ రైల్వే స్టేషన్లో సిగ్నలింగ్ వ్యవస్థలో ఎటువంటి సమస్యలు తలెత్తవన్నారు. 
  
 సోలార్ విద్యుత్‌ను వినియోగించుకోవడం ద్వారా సంప్రదాయేతర ఇంధన వనరులు వృథాకాకుండా చూడడమేకాదు అద్భుతమైన సాంకేతిక పరిజ్ఞానాన్ని అమల్లోకి తెచ్చినవారమవుతామన్నారు. ఇండియన్ రైల్వే, ఢిల్లీ సర్కిల్ డీఆర్‌ఎం ఏకే సచన్ మాట్లాడుతూ.. స్టేషన్‌లోని రెండో నంబర్ ప్లాట్‌ఫారమ్‌పై ఓ షెల్టర్‌ను ఏర్పాటు చేస్తామని, అక్కడి నుంచి స్టేషన్ మొత్తానికి సోలార్ విద్యుత్‌ను సరఫరా చేస్తామన్నారు. దీంతో స్టేషన్ మొత్తం సోలార్ వెలుగులతో వెలిగిపోతుందన్నారు.
  


  ‘మీరు ప్రయాణించాల్సిన రైలు అనివార్య కారణాల వల్ల రెండు గంటలు ఆలస్యంగా నడుస్తోంది..’ అంటూ తర్వాతి స్టేషన్ వాళ్లకు అనౌన్స్‌మెంట్ ఇచ్చి... తీరికగా పట్టాల మీద నుంచి ఆవును పక్కకు తప్పించే పనిలో పడ్డారు ఆ స్టేషన్ అధికారులు. ఇంగ్లండ్‌లోని సోమర్సెట్‌లోని ఒక రైల్వేస్టేషన్‌లో ఈ పరిస్థితి చోటు చేసుకుంది. ఆ పట్టాలపై రైలు గంటకు 80 మైళ్ల వేగంతో వెళ్లడానికి అవకాశం ఉంది. అయితే స్టేషన్‌లో రైలు ఆగి ఉండగానే ఒక ఆవు పట్టాలపై తచ్చాడుతున్నట్లు అధికారులు గుర్తించారు. దీంతో రైలు ముందుకు సాగలేని పరిస్థితి.
 
  ఆ ఆవు పట్టాలు దాటి పక్కకు వెళితేనే రైలుకు గ్రీన్‌సిగ్నల్ ఇవ్వాలని స్థానిక అధికారులు నిర్ణయించారు. అయితే అప్పటికే ఆవు బెదిరిపోయి ఉంది. పట్టాల నుంచి పక్కకు వెళ్లడానికి దానికి అవకాశం కూడా లేదు. దాన్ని పక్కకు తప్పించడానికి అధికారులు రంగంలోకి దిగడంతో మొత్తం వ్యవహారం గందరగోళమైంది. ఎట్టకేలకు ఓ రెండుగంటలు గడిచాక ఆవు రైలుకు గ్రీన్ సిగ్నల్ ఇచ్చింది. పట్టాలు దిగి పొలాల బాట పట్టింది. రైలు ముందుకు కదిలింది. ఈ రెండు గంటల సమయం వృథా అయినప్పటికీ... ప్రయాణికులు ఆవును ఉద్వేగంతో గమనించారు.
 
 మరికొందరు అక్కడి నుంచే ట్విటర్ అప్‌డేట్స్ ఇవ్వసాగారు. తాము ప్రయాణిస్తున్న రైలుకు ఒక ఆవు అడ్డంకిగా మారిందని రన్నింగ్ కామెంటరీ చెప్పసాగారు. అయితే ఒక్కసారి రైలు కదిలి... వేగం పుంజుకున్న తర్వాత ఆవును గమనించి ఉంటే చేయగలిగిందేమీ ఉండేది కాదనీ... ఆవును ముందుగానే గమనించడంతో రెండు గంటల సేపు సమయం వృథా అయినా... దాని ప్రాణాలను కాపాడగలిగామని రైల్వే అధికారులు సంతృప్తి వ్యక్తం చేశారు.
  


 సాక్షి, ముంబై: నగరంలో నిరంతరం ప్రయాణికులతో రద్దీగా ఉండే  రైల్వే స్టేషన్లను ఆధునీకరణ చేసే దిశగా రైల్వే శాఖ, రాష్ట్ర ప్రభుత్వం ఆలోచిస్తున్నాయి. ఈ రద్దీ రైల్వే స్టేషన్లను ఆధునీకీకరణ పనులు చేపట్టేందుకు ముంబై రైల్వే వికాస్ కార్పొరేషన్ (ఎంఆర్వీసీ) ఆలోచిస్తోంది. తొలి విడతగా దాదర్, కుర్లా, బోరివలి రైల్వే స్టేషన్లను ఆధునీకరించనున్నారు. తరువాతి దశలో అంధేరి, కళ్యాణ్, ఠాణే స్టేషన్లలో కూడా పనలు చేపడతారు. కార్పొరేషన్ ఈ ప్రతిపాదనలపై త్వరలోనే రైల్వే సీనియర్ అధికారులతో చర్చించనుంది. రైల్వే స్టేషన్లను ఆధునీకరణ చేపట్టే విషయంలో  రాష్ట్రప్రభుత్వం, రైల్వే శాఖ కూడా ఆసక్తి చూపుతున్నాయని  అధికారి ఒకరు వెల్లడించారు.
  
  ఈ అభివృద్ధి పనుల నిర్వహణకు ప్రపంచ బ్యాంక్ నుంచి నిధులు సేకరించనున్నట్ల ఎంఆర్వీసీ మేనేజింగ్ డెరైక్టర్ రాకేష్ సక్సేనా తెలిపారు. ఠాణేలో ఏర్పాటు చేసిన ఎస్కలేటర్‌కు వచ్చే స్పందనను పరిగణనలోకి తీసుకొని ప్రతి ప్లాట్‌ఫాంపై ఎస్కలేటర్లను ఏర్పాటు చేయడానికి ఎంఆర్‌వీసీ ఆలోచిస్తోంది. అంతేకాకుండా రైల్వే స్టేషన్లలోని ఫుట్ ఓవర్ బ్రిడ్జిలను ఒకదానితో ఒకటి అనుసంధానం చేసి, రైలు దిగిన ప్రయాణికులు నేరుగా రైల్వే స్టేషన్ బయట బస్టాండ్, ఆటో స్టాండ్ వరకు వెళ్లే విధంగా వీలు కల్పించనున్నట్లు రాకేష్ సక్సేనా తెలిపారు. ప్లాట్‌ఫాంలను కేవలం ప్రయాణికుల వరకు పరిమితం చేయాలని ఆలోచిస్తున్నామని ఆయన తెలిపారు. ఫుడ్ స్టాల్స్, టికెట్ కౌంటర్లు, కార్యాలయాలు, బుక్ స్టాల్స్, మరుగుదొడ్లు తదితరాలను మరో చోటికి మార్చనున్నట్లు వివరించారు. ప్లాట్‌ఫాం పైన డెక్ నిర్మించి దానిపైకి ఈ స్టాల్స్‌ను తరలించనున్నట్లు ఆయనన్నారు.
  
  అయితే ఈ రైల్వే స్టేషన్లలో రోజురోజుకు రద్దీ పెరిగి పోతుండడంతో ప్లాట్‌ఫాంలపై ఎలాంటి స్టాల్స్‌ను ఏర్పాటు చేయకుండా కేవలం ప్రయాణికులకే పరిమితం చేయడంతో ప్రయాణికులకు కూడా సౌకర్యవంతంగా ఉంటుందనీ భావిస్తున్నామన్నారు. ఈవిధంగా అయితే ప్రయాణికులు ఇబ్బందులు లేకుండా వేగంగా రాకపోకలు జరిపే అవకాశం ఉంటుందని వివరించారు. పెరుగుతున్న రద్దీతో ఇప్పటికే నగరంలోని  రైల్వే స్టేషన్లు ఇరుకుగా మారాయి. దీని వలన స్థలాభావం ఏర్పడి ప్రయాణికులు తీవ్ర ఇబ్బందులు ఎదుర్కొంటున్నారు. దీంతోపాటు నగరంలోని రైల్వే స్టేషన్లలో ఎక్కువ భాగం వంద సంవత్సరాల పురాతనమైనవి. వీటి ఆధునీకరణ చేపట్టాల్సిన అవసరం ఉంది. ఆయా స్టేషన్లను బట్టి వాటికి తగిన నమూనాలను రూపొందించి ఆధునీకరిస్తామని ఎంఆర్‌వీసీ అధికారి పేర్కొన్నారు.