● అవసరమైతేనే బయటకు వెళ్లాలి ● మార్చి నుంచే మండుతున్న ఎండలు ● వడదెబ్బకు గురైతే వెంటనే చికిత్స తీసుకోవాలి ● వృద్ధులు, పిల్లలు జాగ్రత్తలు పాటించాలి ● ‘సాక్షి’తో డీఎంహెచ్‌వో రజిత సిరిసిల్లటౌన్‌: ‘ఈసారి మార్చి ఆరంభం నుంచే ఎండలు దంచికొడుతున్నాయి. పెరుగుతున్న ఉష్ణోగ్రతలతో అనారోగ్య సమస్యలు ఎక్కువయ్యే అవకాశం ఉంది. ఇప్పటినుంచి జూన్‌ మాసం ప్రథమార్థం వరకు సూర్యతాపం కొనసాగే అవకాశం ఉంది. ఈనేపథ్యంలో ప్రజలు తగినంత నీటిని తీసుకుంటూ, శరీర ఉష్ణోగ్రతలు పెరగకుండా చూసుకోవాలి’ అని డీఎంహెచ్‌వో డాక్టర్‌ రజిత పేర్కొన్నారు. వేసవిలో ఎదురయ్యే అనారోగ్య సమస్యలు, తీసుకోవాల్సిన జాగ్రత్తలపై మంగళవారం ‘సాక్షి’కి వివరించారు. శరీర ఉష్ణోగ్రత పెరిగితే.. ఎండలు ఎక్కువైనప్పుడు శరీర ఉష్ణోగ్రత అధికంగా పెరుగుతుంది. దీంతో శరీరంలో నీరు బాగా పోవడం వల్ల డీహైడ్రేషన్‌ (నిర్జలీకరణ)తో పాటుగా జీర్ణకోశ సంబంధిత వ్యాధులు, విరేచనాలు, గుండెలయలో మార్పులు, రక్తపోటు(బీపీ)లో హెచ్చుతగ్గులు, మూత్రపిండాల్లో రాళ్లు, మూత్రనాళ సమస్యలు, వేడి దద్దుర్లు(హీట్‌ ర్యాషెస్‌) వచ్చే అవకాశం ఉంటుంది. తగినంత ఆక్సిజన్‌ అవసరం వేసవిలో సాధారణంగా మూత్రపిండాల్లో రాళ్ల సమస్య ఎక్కువగా ఉంటుంది. శరీరానికి సరిపడా నీరు తాగకపోవడంతో పాటు, గాలిలో తేమశాతం తక్కువగా ఉండి శరీరం నుంచి బయటకు ఎక్కువగా విసర్జిస్తుంది. దీంతో పలురకాల సమస్యలు వస్తాయి. మన శరీరంలో కండరాలకు తగిన ఆక్సిజన్‌ అవసరం. ఉష్ణోగ్రతల ప్రభావంతో శరీరంలో నీరు తగ్గినప్పుడు కండరాలు పట్టేస్తాయి. కండరాలకు శరీరం నుంచి తగిన ఆక్సిజన్‌ అందనప్పుడు ఇతర మార్గంలో అవసరాలు తీర్చుకునే క్రమంలో ల్యాక్టిక్‌ యాసిడ్‌ ఉత్పత్తి చేస్తాయి. దీంతో కిడ్నీలపై ప్రభావం చూపి ఫెయిల్‌ అయ్యే అవకాశం ఉంటుంది. నీళ్ల విరేచనాలతో కూడా కిడ్నీలు పాడవడానికి అవకాశం ఉంటుంది. దీర్ఘకాలిక రోగులు జాగ్రత్తగా ఉండాలి బీపీ వంటి దీర్ఘకాలిక వ్యాధిగ్రస్తులు జాగ్రత్తగా ఉండాలి. అవసరమైతే డాక్టర్‌ను సంప్రదించి వారి సూచనలను పాటించాలి. వేసవిలో వచ్చే అనేక అనారోగ్య సమస్యలకు తలనొప్పి తొలి హెచ్చరికగా భావించాలి. వెంటనే తగ్గకుంటే డాక్టర్‌ను సంప్రదించాలి. ఈకాలంలో ఒత్తిడి, నిద్రలేమి, చికాకు, ఉత్సాహం తగ్గడం, నీరసించిపోవడం వంటి లక్షణాలు చాలా మందిలో కనిపిస్తాయి. సాధారణ నీరు.. వ్యాయామం వేసవిలో అతిచల్లని నీటిని అస్సలు తాగొద్దు. అతిగా వ్యాయామం కూడా చేయడం సరికాదు. తగిన విరామంతో సరిపడా నీరు తీసుకుంటూ వ్యాయామం చేయాలి. ఇక చల్లని నీటితో స్నానం చేయడం, శరీర భాగాలను కడుక్కోవడం సరికాదు. ఎండల్లో తిరిగొచ్చిన వారు ఒక్కసారిగా చల్లని నీటిని తాగితే.. స్నానం చేస్తే రక్తనాళాలు కుచించుకుపోయే అవకాశం ఉంటుంది. దీంతో గుండెపోటుకు గురయ్యే అవకాశాలుంటాయి. కాబట్టి ఎండ నుంచి వచ్చిన వారు సాధారణ నీరు తాగడం శ్రేయస్కరం. చల్లని నీరు, రసాలు తీసుకోవడంతో గొంతు నొప్పి, ఇతర సమస్యలు వస్తాయని గుర్తుంచుకోవాలి. జాగ్రత్తలు.. రోజూ ఎండలో కాకుండా నీడ ప్రదేశాల్లో ఉండేందుకు ప్రాధాన్యం ఇన్నాలి. శరీర ఉష్ణోగ్రతలు పెరగకుండా నీరు తాగాలి. ద్రవపదార్థాలు ఎక్కువ తీసుకోవాలి. సీ విటమిన్‌ పుష్కలంగా ఉండే పదార్థాలు, మజ్జిగ, ఓఆర్‌ఎస్‌ వంటివి తీసుకోవాలి. ఇక కాటన్‌, పలుచటి వస్త్రాలు ధరించడం మంచిది. పనికి వెళ్లిన వారు ఏకధాటిగా ఎండలో ఉండకుండా మధ్యలో విరామం ఇవ్వాలి. మండుటెండలకు బయటకు వెళ్లకుండా ఉండటం శ్రేయస్కరం. ముఖ్యంగా వృద్ధులు, చిన్నపిల్లలను జాగ్రత్తగా చూసుకోవాలి. వేసవిలో ఆహార పదార్థాలు త్వరగా చెడిపోతుంటాయి. వాటిని తీసుకుంటే అనారోగ్యాన్ని పొందడం ఖాయం. తాజా ఆహారమే తీసుకోవాలి. వడదెబ్బకు గురైతే తీసుకోవాల్సిన జాగ్రత్తలు వడదెబ్బకు గురైన వ్యక్తులను చల్ల ని ప్రదేశాల్లో ఉంచాలి. సాల్టెడ్‌ బటర్‌ మిల్క్‌ లేదా గ్లూకోజ్‌ వాటర్‌తో పాటు పుష్కలంగా నీటిని తీసుకోవాలి. వడదెబ్బతో బాధపడుతున్న వ్యక్తులను చల్లటి నీటితో స్పాంజ్‌ చేయాలి. అయినా మెరుగుదల కనపడకపోతే వెంటనే ఆసుపత్రికి తరలించాలి. అర్హత గల వైద్యుడితో చికిత్స పొందాలి. అన్ని ప్రభుత్వ ఆస్పత్రులలో ఉచితంగా మెరుగైన వైద్యసేవలు పొందవచ్చు.

● వార్షిక రుణ ప్రణాళిక విడుదల చేసిన కలెక్టర్‌ సందీప్‌కుమార్‌ ఝా సిరిసిల్ల: జిల్లా వార్షిక రుణ ప్రణాళికను కలెక్టర్‌ సందీప్‌కుమార్‌ ఝా మంగళవారం కలెక్టరేట్‌లో విడుదల చేశారు. వచ్చే ఆర్థిక సంవత్సరంలో వార్షిక రు ణ ప్రణాళికను నాబార్డు అంచనాల మేరకు రూ. 3,948.01 కోట్లుగా నిర్ధారించారు. జాతీయ వ్యవసాయ, గ్రామీణాభివృద్ధి బ్యాంకు(నాబార్డు) జిల్లాలోని బ్యాంకులకు ఈ ఏడాది రూ.3,203 కోట్ల రు ణ సాయాన్ని అందించాలని లక్ష్యంగా నిర్దేశించింది. గతేడాది లక్ష్యంతో పోల్చితే ఇది 23 శాతం అ ధికమని వార్షిక నివేదికలో పేర్కొన్నారు. 2025–26 సంవత్సరానికి సంబంధించి పొటెన్షి యల్‌ లింక్డ్‌ క్రెడిట్‌ ప్లాన్‌(పీఎల్‌పీ)ను విడుదల చే శారు. ఇందులో అగ్రభాగం వ్యవసాయ రంగానికి రూ.3,189.07 కోట్లు కేటాయించగా, సూక్ష్మ, చి న్న, మధ్య తరహా పరిశ్రమలకు రూ. 612.30కోట్లు, ఎగుమతుల రంగానికి రూ. 3.20కోట్లు, విద్యా రుణాలకు రూ.28.0కోట్లు, గృహనిర్మాణాలకు రూ.40.04 కోట్లు, సామాజిక మౌ లిక సదుపాయాలకు రూ.10.80 కోట్లు, పునరుత్పాదక ఇంధన రంగానికి రూ.31.10 కోట్లు ఇతర రంగాలకు కలిపి రూ.33.50 కోట్ల రుణాలను అందించి జిల్లా ఆర్థికాభివృద్ధికి బాటలు వేయాలని ఆ కాంక్షించారు. కార్యక్రమంలో నాబార్డు జిల్లా అభివృద్ధి మేనేజర్‌ ఎం.దిలీప్‌ చంద్ర, డీఆర్‌డీవో బి.శేషాద్రి, లీడ్‌ జిల్లా మేనేజర్‌ టీఎన్‌ మల్లికార్జునరావు, జిల్లా సహకార అధికారి రామకృష్ణ పాల్గొన్నారు. ఆరోగ్యంపై శ్రద్ధవహించాలి సిరిసిల్ల: ఉత్తమ బోధనతో పాటు విద్యార్థుల ఆ రోగ్యం ఎంతో ముఖ్యమని కలెక్టర్‌ సందీప్‌కుమార్‌ ఝా అన్నారు. పట్టణంలోని మహాత్మా జ్యోతి బాపూలే బాలికల గురుకులాన్ని మంగళవారం సందర్శించారు. మెనూ ప్రకారం భోజనం అందిస్తున్నారా లేదా అనే వివరాలను తెలుసుకున్నారు. ఏమైనా ఇబ్బందులు ఉంటే తనకు తెలియజేయాలని విద్యార్థులకు సూచించారు. ఇంటర్‌, పదో తరగతి పబ్లిక్‌ పరీక్షలకు సన్నద్ధమవుతున్న విద్యార్థులతో మాట్లాడి పరీక్షలు ఎలా రాస్తున్నారు అని అడిగారు. విద్యార్థులతో నిత్యం సాధన చేయించాలని ఉపాధ్యాయులను ఆదేశించారు. ఈ సందర్భంగా దృష్టి లోపం ఉన్న విద్యార్థులకు కంటి అద్దాలు పంపిణీ చేశారు. జిల్లాలో 338 మంది విద్యార్థులకు కంటి అద్దాలను పంపిణీ చేశామని డీఎంహెచ్‌వో రజిత వివరించారు. కంటి ఆపరేషన్‌ అవసరమైన వారిని హైదరాబాద్‌ సరోజినీదేవి ఆస్పత్రికి పంపించామని పేర్కొన్నారు. జిల్లా ఇమ్యూనైజేషన్‌ అధికారి డా.సంపత్‌కుమార్‌, ఆర్‌బీఎస్‌కే. ప్రోగ్రాం ఆఫీసర్‌ డా.నయీంజహాన్‌ షేక్‌, మెడికల్‌ ఆఫీసర్‌ కృష్ణవేణి తదితరులు ఉన్నారు.

● ఈనెలాఖరు వరకు గడువు ● 42,942 ఎల్‌ఆర్‌ఎస్‌ దరఖాస్తులు ● ఫీజులో 25 శాతం రాయితీ ● ప్రాసెస్‌లో 34,229 అర్జీలుముస్తాబాద్‌(సిరిసిల్ల): అనధికార లేఅవుట్లు, అనుమతులు లేని ప్లాట్ల క్రమబద్ధీకరణకు స్పందన లభించడం లేదని తెలుస్తోంది. ప్రభుత్వం ఏడాదిగా ఎల్‌ఆర్‌ఎస్‌ అర్జీలను క్రమబద్ధీకరించేందుకు చేపట్టిన ప్రక్రియ అనుకున్న స్థాయిలో ముందుకుసాగడం లేదు. దీంతో ప్రభుత్వం ఈనెల 31లోగా పాట్ల క్రమబద్ధీకరణకు గడువు విధించింది. గడువులోగా ఫీజులు చెల్లించిన వారికి 25శాతం రాయితీ ప్రకటించింది. దీనిపై ప్లాట్ల యజమానుల నుంచి ఎలాంటి స్పందన వస్తుందో చూడాలి. దరఖాస్తుల వడబోత జిల్లాలో గత ప్రభుత్వం ఎల్‌ఆర్‌ఎస్‌కు దరఖాస్తులు ఆహ్వానించగా రూ.వెయ్యి చెల్లించినవారు 42,942 మంది ఉన్నారు. వీరి పూర్తి వివరాలను ప్రస్తుతం అధికారులు వడబోసి అందరికీ సమాచారం అందించారు. అందులోంచి 34,229 దరఖాస్తులకు ప్రాసెస్‌ మొదలు పెట్టారు. వీరి ప్లాట్లను రెగ్యులర్‌ చేసేందుకు ఫీజు చెల్లించేలా గ్రామపంచాయతీ కార్యదర్శి, మున్సిపల్‌ అధికారులకు ఆదేశాలు ఇచ్చారు. ఈమేరకు లేఅవుట్‌ స్థలాలను కొనుగోలు చేసిన వారికి సిబ్బంది, ఉద్యోగులు ఫోన్‌లో సమాచారం ఇస్తున్నారు. 25 శాతం రాయితీతో ప్లాట్లను క్రమబద్ధీకరించుకోవాలని చెబుతున్నారు. 2020లో చేసుకున్న దరఖాస్తుదారులు తమ ప్లాట్లను విక్రయించినా, రిజిస్ట్రేషన్‌ సమయంలో ఎల్‌ఆర్‌ఎస్‌ ఫీజు చెల్లించినా సరిపోతుందనే అవకాశం ఇచ్చారు. దీనిపై సందేహాల నివృత్తికి టోల్‌ఫ్రీ నంబర్‌ 18002331495 ఏర్పాటు చేశారు. క్రమబద్ధీకరణపై నిఘా ఎల్‌ఆర్‌ఎల్‌లో వచ్చిన దరఖాస్తులపై అధికారులు ఆచితూచి అనుమతులు ఇస్తున్నారు. చెరువులు, కుంటలకు 200 మీటర్లలోపు ఉన్న వాటిని రెగ్యులర్‌ చేయరు. అలాగే బఫర్‌జోన్‌, ఎఫ్‌టీఎల్‌, నీటివనరులు, వాగులు, నదుల వద్ద ఉన్న ప్లాట్లను క్రమబద్ధీకరించే సమయంలో పూర్తిస్థాయి విచారణ చేస్తున్నారు. జిల్లాలో ఉన్న లేఅవుట్లలో ఎన్ని డీటీసీపీ అనుమతులు పొందాయో తెలుసుకుంటున్నారు. స్థలాల క్రమబద్ధీకరణ పారదర్శకంగా చేపట్టేందుకు జిల్లా కలెక్టర్‌ ఇప్పటికే పలుమార్లు సమీక్షలు చేశారు. మున్సిపల్‌, పంచాయతీ అధికారులకు స్పష్టమైన ఆదేశాలు జారీచేశారు. ప్రస్తుతం రెగ్యులర్‌ చేసే ప్లాట్ల వివరాలకు సంబంధించి ఫీజు ఎంత మేరకు నిర్ణయించారో తెలుసుకునేందుకు, స్థలాల యజమానులు తమ ఫోన్‌ నంబర్లతో మీసేవలో విచారణ చేస్తే ఎంతమేరకు ప్రభుత్వం ఫీజు విధించిందో తెలుసుకోవచ్చు. రెగ్యులర్‌ కాని ప్లాట్లతో పాట్లే ఎల్‌ఆర్‌ఎస్‌ ద్వారా క్రమబద్ధీకరించుకోని స్థలాల యజమానులు భవిష్యత్‌లో ఇబ్బందులు ఎదుర్కొనే అవకాశం ఉంది. అధికారులు సూచించిన విధంగా ఆన్‌లైన్‌లో వచ్చే ఫీజును చెల్లించని పక్షంలో, భవిష్యత్‌లో అక్కడ నిర్మాణాలకు అనుమతులు లభించవు. క్రమబద్ధీకరించని స్థలాల్లో ఎలాంటి రిజిస్ట్రేషన్లకు, నిర్మాణాలకు అనుమతులు ఉండబోవు. జిల్లాలో ప్రస్తుతం 8,713 దరఖాస్తులు వివిధ దశల్లో పెండింగ్‌లో ఉన్నాయని అధికారులు పేర్కొంటున్నారు. యజమానులపై భారం సమాచారం ఇస్తున్నాం ముస్తాబాద్‌లో 757 ఎల్‌ఆర్‌ఎస్‌ దరఖాస్తులు వచ్చాయి. అందరికీ సమాచారం ఇస్తున్నాం. పంచాయతీలోనే ప్రత్యేక కౌంటర్‌ ఏర్పాటు చేశాం. అప్పటికప్పుడే నిర్మాణాలకు అనుమతులు ఇస్తాం. – రమేశ్‌, ముస్తాబాద్‌ మేజర్‌ పంచాయతీ ఈవో వ్యాపారులపై చర్యలు తీసుకోవాలి డీటీసీపీ అనుమతులు లేకుండా ప్లాట్లు విక్రయించిన రియల్‌ ఎస్టేట్‌ వ్యాపారులపై చర్యలు తీసుకోవాలి. క్రమబద్ధీకరణకు 25 శాతం రాయితీ ఇవ్వడం మంచిదే. భవిష్యత్‌లో ప్లాట్ల వ్యాపారాలపై మరింత కఠినంగా వ్యవహరిస్తే సామన్యులకు నష్టం జరుగదు. – లింగం, ముస్తాబాద్‌ ప్లాటు కొనుగోలు చేసిన యజమానులు ఎల్‌ఆర్‌ఎస్‌ క్రమబద్ధీకరణతో భారం మోసే పరిస్థితులు వచ్చాయి. అక్రమ లేఅవుట్లు వేసిన వారి వద్ద ఎలాంటి విచారణ చేయకుండా, ముఖ్యంగా డీటీసీపీ అనుమతులు ఉన్నాయో, లేదో చూసుకోకుండా ప్లాట్లు కొని పాట్లు పడుతున్నారు. రియల్‌ వ్యాపారులు, వెంచర్ల యజమానులు ఎల్‌ఆర్‌ఎస్‌ ఫీజు చెల్లింపులు చేసే పరిస్థితుల్లో లేరు. వారు బాగానే ఉన్న, ప్లాట్లు కొన్న తామే ఇబ్బందులు పడే పరిస్థితి వచ్చిందని వాపోతున్నారు. 150 గజాల స్థలం ఉన్న వారికి సుమారు రూ.20వేల నుంచి రూ.25వేల వరకు ఫీజు వస్తుందని భావిస్తున్నారు. ప్రభుత్వ ఆదాయానికి క్రమబద్ధీకరణ ఒక మార్గం కాగా, ప్లాట్లు కొన్నవారే అంతిమంగా నష్టపోతున్నారు.

వేములవాడ: వేములవాడ కోర్టులో నెలకొన్న న్యాయవాదుల సమస్యలను పరిష్కరించాలని బార్‌ అసోసియేషన్‌ అధ్యక్షుడు గుడిసె సదానందం ఆధ్వర్యంలో న్యాయవాదులు రాజన్న సిరిసిల్ల జిల్లా ఫోర్ట్‌ పోలియో జడ్జి నామవరపు రాజేశ్వరరావును మంగళవారం హైకోర్టులో కలిసి వినతిపత్రం సమర్పించారు. ఈ సందర్భంగా సదానందం మాట్లాడుతూ, వేములవాడకు అడిషనల్‌ కోర్టు మంజూరు చేయాలని, తదితర సమస్యలపై జడ్జికి వివరించినట్లు తెలిపారు. బార్‌ అసోసియేషన్‌ ప్రధాన కార్యదర్శి రజనీకాంత్‌, న్యాయవాదులు నక్క దివాకర్‌, పంపరి శంకర్‌, గుజ్జే మనోహర్‌ ఉన్నారు. వివరాలు పక్కాగా నమోదు చేయాలి సిరిసిల్ల: రికార్డుల్లో స్కానింగ్‌ వివరాలు పక్కాగా నమోదు చేయాలని పోగ్రాం ఆఫీసర్‌ డాక్టర్‌ సంపత్‌కుమార్‌ అన్నారు. స్పెషల్‌డ్రైవ్‌లో భాగంగా మంగళవారం జిల్లా కేంద్రంలోని ప్రైవేటు ఆస్పత్రుల్లో తనిఖీలు చేపట్టారు. పీసీపీఎన్‌డీటీ చట్టం ప్రకారం లింగనిర్ధారణ పరీక్షలు చేయడం నేరమని స్పష్టం చేశారు. స్కానింగ్‌ సెంటర్లలో రికార్డులను పరిశీలించారు. తనిఖీల్లో డాక్టర్లు రాజ్‌కుమార్‌, శీలాశిరీష, హెచ్‌ఈ బాలయ్య, ఉమెన్‌ వెల్ఫేర్‌ దేవిక, మహేశ్‌ తదితరులు పాల్గొన్నారు. దరఖాస్తుల ఆహ్వానంసిరిసిల్లకల్చరల్‌: ప్రధానమంత్రి ఇంటర్న్‌షిప్‌ పథకం రెండో విడతలో దరఖాస్తు చేసుకునే గడువు ఈ నెల 31 వరకు పెంచుతూ ప్రభుత్వం ఉత్తర్వులు జారీ చేసింది. ఇంటర్న్‌షిప్‌నకు ఎంపికై న విద్యార్థులకు ప్రతి నెలా రూ.5వేల భత్యం అందజేస్తారని పరిశ్రమల శాఖ సంచాలకుడు డాక్టర్‌ జి.మల్సూర్‌ తెలిపారు. ఏడాది పాటు సాగే ఇంటర్న్‌షిప్‌లో ఆరునెలల పాటు ఉద్యోగ శిక్షణ ఉంటుందన్నారు. 21 నుంచి 24 ఏళ్ల వయస్సు, పదో తరగతి, ఇంటర్‌, ఐటీఐ, డిప్లొమా, డిగ్రీ వంటి విద్యార్హతలు ఉండి, వార్షికాదాయం రూ.8లక్షల లోపు ఉన్నవారు దరఖాస్తుకు అర్హులుగా పేర్కొన్నారు. pminternship. mca. gov. in అభ్యర్థులు తమ వివరాలు పొందుపరచాలని, మరిన్ని వివరాలకు టోల్‌ ఫ్రీ 18001 16090 నంబర్‌కు డయల్‌ చేయాలని సూచించారు. విద్యారంగానికి నిధులు కేటాయించాలిసిరిసిల్లటౌన్‌: రాష్ట్ర ప్రభుత్వం బడ్జెట్‌లో విద్యారంగానికి 30శాతం నిధులు కేటాయించాలని విద్యార్థి సంఘాల నాయకులు డిమాండ్‌ చేశారు. మంగళవారం జిల్లా కేంద్రంలో రౌండ్‌టేబుల్‌ సమావేశం నిర్వహించగా వక్తలు మాట్లాడారు. కాంగ్రెస్‌ అధికారంలోకి వచ్చి ఏడాది గడుస్తున్నా విద్యారంగంలో నెలకొన్న సమస్యలు పరిష్కరించడంలో విఫలమైందన్నారు. వచ్చే అసెంబ్లీ సమావేశాల్లో పెండింగ్‌ స్కాలర్షిప్‌, ఫీజు రీయింబర్స్‌మెంట్‌ విడుదల చేయాలని పేర్కొన్నారు. ప్రభుత్వ జూనియర్‌ కళాశాలల్లో మధ్యాహ్న భోజనం అమలుచేసి ఖాళీగా ఉన్న లెక్చరర్‌ పోస్టులు భర్తీ చేయాలన్నారు. లేకుంటే సమస్యల పరిష్కారం కోసం అన్ని సంఘాల ఆధ్వర్యంలో ఉద్యమిస్తామని తెలిపారు. ఎస్‌ఎఫ్‌ఐ జిల్లా అధ్యక్షుడు గుండెల్లి కళ్యాణ్‌కుమార్‌, యూటీఎఫ్‌ జిల్లా అధ్యక్షుడు పర్కాల రవీందర్‌, జన విజ్ఞాన వేదిక జిల్లా అధ్యక్షుడు సంపత్‌కుమార్‌, డీవైఎఫ్‌ఐ జిల్లా కార్యదర్శి మల్లారపు అరుణ్‌కుమార్‌, కేవీపీఎస్‌ జిల్లా కార్యదర్శి ఎర్రవెల్లి నాగరాజు, ఐ ద్వా జిల్లా కార్యదర్శి జవ్వాజి విమల, సీఐ టీయూ జిల్లా ఉపాధ్యక్షుడు ముశం రమేశ్‌, మల్లారపు ప్రశాంత్‌, జాలపల్లి మనోజ్‌కుమార్‌, గర్‌ల్స్‌ కన్వీనర్‌ సంజన, సాయిభరత్‌, శ్రీధర్‌, తల్లిదండ్రుల సంఘం నాయకులు సత్యం, రవి, తదితరులు పాల్గొన్నారు.

రాజన్న: తెలంగాణ రాష్ట్రంలో పెను విషాదం చోటుచేసుకుంది. లిఫ్ట్ ప్రమాదంలో కమాండెంట్ మృతి చెందారు. ఈ సంఘటన ఇవాళ ఉదయం చోటుచేసుకుంది. ఈ సంఘటన వివరాలు ఇలా ఉన్నాయి. సిరిసిల్ల జిల్లాలో 17 బెటాలియన్ కమాండెంట్ గా పనిచేస్తున్న గంగారం మరణించడం జరిగింది. నిన్న ఓ అపార్ట్మెంట్లో డిన్నర్ కు వెళ్లాడు గంగారం. ఈ తరుణంలోనే లిఫ్ట్ వచ్చిందనుకొని డోర్ ఓపెన్ చేశాడు గంగారం.అయితే ఒక్కసారిగా గ్రౌండ్ ఫ్లోర్ లో.. కమాండెంట్ గంగారం పడిపోయాడు. దీంతో తీవ్ర గాయాలతో ఆసుపత్రిలో చేరాడు గంగారం. అయితే ఆయన పరిస్థితి విషమించడంతో మృతి చెందినట్లు గంట తర్వాత ప్రకటించారు వైద్యులు. ఈ సంఘటన ఇప్పుడు తెలంగాణ రాష్ట్రంలో కలకలం రేపుతోంది. ఇక ఈ సంఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. కేటీఆర్‌ సంతాపంతెలంగాణ సచివాలయ మాజీ సీఎస్ఓ, సిరిసిల్ల బెటాలియన్ కమాండెంట్ తోట గంగారాం మృతి పట్ల బీఆర్ఎస్ వర్కింగ్ ప్రెసిడెంట్, స్థానిక ఎమ్మెల్యే కేటీఆర్ సంతాపం తెలియజేశారు. గంగారాం కుటుంబ సభ్యులకు ప్రగాఢ సానుభూతి ప్రకటించారు. పోలీసు శాఖకు ఉన్నతంగా సేవలందిస్తున్న గంగారాం ప్రమాదవశాత్తు జరిగిన లిప్టు ప్రమాదంలో మరణించడం బాధాకరమని అన్నారాయన.

సిరిసిల్ల: జిల్లా పంచాయతీ అధికారి(డీపీవో)గా షర్ఫుద్దీన్‌ను నియమిస్తూ రాష్ట్ర ప్రభుత్వం ఉత్తర్వులు జారీచేసింది. హన్మకొండ జిల్లా పరకాల డీఎల్‌పీవోగా పనిచేస్తున్న ఫర్ఫుద్దీన్‌ను పదోన్నతిపై డీపీవోగా నియమించింది. గతంలో సిరిసిల్ల డీపీవోగా ఎ.రవీందర్‌ను ప్రభుత్వం నియమించింది. ఆయన స్థానంలో డీపీవోగా షర్ఫుద్దీన్‌ను నియమిస్తూ ఉత్తర్వులు జారీ చేసింది. ఈమేరకు కలెక్టర్‌ సందీప్‌కుమార్‌ ఝాను సోమవారం కలిసి విధుల్లో చేరారు. చెక్‌పోస్టుల ఏర్పాటుతో ఏఎంసీకి ఆదాయం ● పోతుగల్‌ ఏఎంసీ చైర్‌పర్సన్‌ రాణిముస్తాబాద్‌(సిరిసిల్ల): మార్కెట్‌ కమిటీ చెక్‌పోస్టుల ఏర్పాటుతో పోతుగల్‌ ఏఎంసీకి వచ్చే ఆదాయం పెరుగుతుందని చైర్‌పర్సన్‌ తలారి రాణి అభిప్రాయపడ్డారు. పోతుగల్‌ ఏఎంసీ కార్యవర్గ సమావేశం సోమవారం నిర్వహించారు. రాణి మాట్లాడుతూ ముస్తాబాద్‌లో శాశ్వతంగా చెక్‌పోస్టు ఏర్పాటుకు పంచాయతీ సహకారం తీసుకోవాలని సూచించారు. రైస్‌మిల్లుల యజమానులతో చర్చించి ఫీజులు వచ్చేలా అధికారులు కృషి చేయాలన్నారు. ఆవునూర్‌లో కొత్తగా చెక్‌పోస్టు ఏర్పాటు చేయాలని సూచించారు. గోదాం నిర్మాణానికి తీర్మానించారు. వైస్‌చైర్మన్‌ వెల్ముల రాంరెడ్డి, డైరెక్టర్లు కొమురయ్య, క్యారం రాజు, శంకర్‌, ప్రతాప్‌రెడ్డి, బుచ్చయ్య, రాజయ్య, సారగొండ రాంరెడ్డి, యాదగిరిరెడ్డి, మున్నా, కార్యదర్శి హరినాథ్‌, నిషాంత్‌ పాల్గొన్నారు. పల్లె దవాఖానాలో వైద్యసేవలు ప్రారంభం ఇల్లంతకుంట(మానకొండూర్‌): మండల కేంద్రంలోని ప్రాథమిక ఆరోగ్య కేంద్రం సేవలు పల్లె దవాఖానాకు మార్పిడి చేస్తున్నట్టు జిల్లా వైద్యాధికారి రజిత తెలిపారు. స్థానిక పీహెచ్‌సీని పల్లె దవాఖానాలోకి సోమవారం మార్చారు. ఈ సందర్భంగా డీఎంహెచ్‌వో రజిత మాట్లాడుతూ 50 పడకల ఆస్పత్రి సేవలు అమలులోకి వచ్చే వరకు పల్లె దవాఖానాలో ప్రాథమిక ఆరోగ్య కేంద్రం సేవలు అందుతాయని తెలిపారు. పెద్దలింగాపురంలోని పీహెచ్‌సీలో వైద్యసేవలు అందుతాయని తెలిపారు. జిల్లా వైద్యాధికారులు ప్రేమ్‌, సంపత్‌, ఇల్లంతకుంట పీహెచ్‌సీ డాక్టర్‌ జీవనజ్యోతి, హెచ్‌ఈవో వెంకటరమణ తదితరులు పాల్గొన్నారు. జాతీయ పవర్‌లిఫ్టింగ్‌ చాంపియన్‌గా నేహా సిరిసిల్లటౌన్‌: జాతీయ పవర్‌లిఫ్టింగ్‌లో సిరిసిల్లకు చెందిన నేహా చాంపియన్‌గా నిలిచారు. ఈనెల 8, 9 తేదీల్లో హైదరాబాద్‌లో జరిగిన పవర్‌లిఫ్టింగ్‌ ఇండియా పోటీల్లో పాల్గొన్నారు. పోటీల్లో ఓవరాల్‌ గోల్డ్‌ మెడల్‌ సాధించినట్లు ఆమె తెలిపారు. కోచ్‌లు శేఖర్‌, సత్య, నిఖిల్‌కు కృతజ్ఞతలు తెలిపారు. ఐఐహెచ్‌టీలో ప్రవేశాలకు దరఖాస్తులు ఆహ్వానం● చేనేత, జౌళిశాఖ ఏడీ రాఘవరావుసిరిసిల్ల: రాష్ట్రంలో కొత్తగా ప్రవేశపెట్టిన ఇండియన్‌ ఇనిస్టిట్యూట్‌ ఆఫ్‌ హ్యాండ్లూమ్‌ టెక్నాలజీ(ఐఐహెచ్‌టీ) కోర్సులో ప్రవేశాలకు దరఖాస్తులు ఆహ్వానిస్తున్నట్లు జిల్లా చేనేత, జౌళిశాఖ సహాయ సంచాలకులు జి.రాఘవరావు సోమవారం తెలిపారు. ఐఐహెచ్‌టీలో ఫస్టియర్‌(2025–2026)లో ప్రవేశానికి 60 సీట్లు ఉన్నాయని వివరించారు. మూడేళ్ల(ఆరు సెమిస్టర్ల) కోర్సులో ప్రవేశానికి పదోతరగతి ఉత్తీర్ణులు, 2025 జూలై 1 నాటికి 23 ఏళ్లు నిండిన వారు అర్హులని తెలిపారు. ఎస్సీ, ఎస్టీలకు 25 ఏళ్ల వయసు వరకు అనుమతిస్తారని పేర్కొన్నారు. ఆసక్తి గల వారు 2025 ఏప్రిల్‌ మొదటి వారంలోగా హైదరాబాద్‌లోని శ్రీపొట్టి శ్రీరాములు తెలుగు యూనివర్సిటీలో దరఖాస్తులు సమర్పించాలని తెలిపారు. వివరాలకు హిమజకుమార్‌ 90300 79242లో సంప్రదించాలని సూచించారు.

మనీరాణులు!● మండల మహిళా సమాఖ్యలకు 47 బస్సులు ● బస్సుల కొనుగోలుకు రూ.14.10 కోట్లు మంజూరు ● ఉమ్మడి జిల్లాలో అత్యధికంగా జగిత్యాలకే 15 వాహనాలు ● ఏడేళ్లపాటు సమాఖ్యలకు ప్రతీనెల రూ.77వేలు చెల్లించనున్న ఆర్టీసీ ● ఈ ఆదాయంతో సోలార్‌ ప్లాంట్లు, ఇతర ప్రత్యామ్నాయ వ్యాపారాలు ● ప్రభుత్వ నిర్ణయంతో ఆత్మవిశ్వాసం పెరిగిందంటున్న మహిళలుసాక్షిప్రతినిధి,కరీంనగర్‌: మహిళలు.. మహారాణులు.. అన్నమాట అక్షరాల నిజం కానుంది. అతివలను కోటీశ్వరులను చేయాలన్న రాష్ట్ర ప్రభుత్వ సంకల్పంలో మరో ముందుడుగు పడింది. ప్రభుత్వం ప్రోత్సహిస్తే.. మరింతగా ఎదుగుతామని ధీమాగా ఉన్నారు. ప్రభుత్వం అందజేసిన ఆర్టీసీ బస్సుల ద్వారా సమకూరే ఆదాయంతో మరిన్ని కొత్త స్టార్టప్‌లు, వ్యాపారాలు మొదలుపెడతామని ఆత్మవిశ్వాసం వ్యక్తం చేస్తున్నారు. అంతర్జాతీయ మహిళా దినోత్సవం సందర్భంగా.. ప్రభుత్వం రాష్ట్రవ్యాప్తంగా దాదాపుగా 20కి పైగా మండల మహిళా సమాఖ్యలకు బస్సులను అందజేసింది. ఇందులో ఉమ్మడి కరీంనగర్‌ జిల్లాకు చెందినవే ఐదు సమాఖ్యలు ఉండటం గమనార్హం. జగిత్యాల జిల్లా ధర్మపురి మండలం శ్రీ చైతన్య సమాఖ్య, కరీంనగర్‌ జిల్లా చిగురుమామిడి మండలం ఉదయలక్ష్మి సమాఖ్య, సైదాపూర్‌ మండలం సంతోషిమాత సమాఖ్య, పెద్దపల్లి జిల్లా ముత్తారానికి చెందిన రుద్రమ సమాఖ్య, రాజన్న సిరిసిల్ల జిల్లాకు చెందిన అభ్యుదయ సమాఖ్యలు తొలివిడతలో బస్సులు పొందాయి. ఉమ్మడి జిల్లాకు 47 బస్సులు.. వాస్తవానికి రాష్ట్రవ్యాప్తంగా 150 మండల మహిళాసమాఖ్యలకు ప్రభుత్వం ఆర్టీసీ బస్సులు ఇచ్చేందుకు ఎంపిక చేసింది. అందులో ఉమ్మడి కరీంనగర్‌ జిల్లాకు 47 బస్సులు కేటాయించింది. పెద్దపల్లి జిల్లాలో 9, రాజన్న సిరిసిల్లలో 9, కరీంనగర్‌ 14, జగిత్యాల 15 సమాఖ్యలు ఉన్నాయి. నేషనల్‌ రూరల్‌ లైవ్లీ హుడ్‌ మిషన్‌ (ఎన్‌.ఆర్‌.ఎల్‌.ఎం) పథకంలో భాగంగా కేంద్రం మహిళా సమాఖ్యలకు ఆర్థిక సాయం చేయనుంది. ఈ మేరకు రూ.30 లక్షలు ఈపథకం ద్వారా, మహిళా సమాఖ్య నిధుల నుంచి మరో రూ.6 లక్షలు కలిపి మొత్తం రూ.36 లక్షలు వెచ్చించి ఆర్టీసీ (పల్లె వెలుగు) బస్సులు కొంటారు. 47 బస్సులకు కలిపి రూ.14.10 కోట్ల వరకు నిధులను ప్రభుత్వం మంజూరు చేసేందుకు సిద్ధంగా ఉంది. ఈ బస్సుల ఆర్సీ బుక్‌లో మహిళా సమాఖ్య పేరు మీదే రిజిస్ట్రేషన్‌ చూపిస్తారు. సమాఖ్యలతో జరిగిన ఒప్పంద మేరకు నిర్వహణ అంతా ఆర్టీసీ చూసుకుంటుంది. ఏడేళ్లపాటు నెలనెలా రూ. 77,220 చొప్పున మొత్తం రూ.64 లక్షలవరకు ఆయా సమాఖ్యలకు ఆర్టీసీ చెల్లిస్తుంది. ఇది ఇటు ఆర్టీసీకి, అటు మహిళా సమాఖ్యలకు లాభదాయకంగా ఉండనుంది.

● ప్రజాసమస్యలపై నిర్లక్ష్యం చేయొద్దు ● కలెక్టర్‌ సందీప్‌కుమార్‌ ఝా ● 153 దరఖాస్తుల స్వీకరణసిరిసిల్లటౌన్‌: ప్రజావాణి అర్జీలను వెంటనే పరిష్కరించాలని జిల్లా అధికారులకు కలెక్టర్‌ సందీప్‌కుమార్‌ ఝా సూచించారు. కలెక్టరేట్‌లో సోమవారం నిర్వహించిన ప్రజావాణిలో దరఖాస్తులు స్వీకరించిన అనంతరం మాట్లాడారు. ప్రజాసమస్యలపై నిర్లక్ష్యం చేస్తే కఠిన చర్యలు తీసుకుంటామని హెచ్చరించారు. వివిధ సమస్యలపై 153 దరఖాస్తులు వచ్చాయి. అత్యధికంగా రెవెన్యూకు 62 అర్జీలు వచ్చాయి. సిరిసిల్ల ఇన్‌చార్జి ఆర్డీవో రాధాబాయ్‌, డీఆర్డీవో శేషాద్రి తదితరులు పాల్గొన్నారు. వయోధికుల చట్టాలపై అవగాహన అవసరంవయోధికుల పోషణ, సంక్షేమచట్టాలపై పౌరులు, సీనియర్‌ సిటిజెన్స్‌కు అవగాహన అవసరమని కలెక్టర్‌ పేర్కొన్నారు. తెలంగాణ ఆల్‌ సీనియర్‌ సిటిజెన్స్‌ అసోసియేషన్‌ జిల్లా శాఖ ఆధ్వర్యంలో వయోధికుల చట్టంలోని అంశాలను తెలుగులో ముద్రించిన కరపత్రాలను ఆవిష్కరించారు. అసోసియేషన్‌ అధ్యక్షుడు చేపూరి బుచ్చయ్య, జిల్లా ప్రధాన కార్యదర్శి డాక్టర్‌ జనపాల శంకరయ్య, ఇన్‌చార్జి ఆర్డీవో రాధాబాయి, సాంఘిక సంక్షేమ జిల్లా అధికారి లక్ష్మీరాజం, మున్సిపల్‌ కమిషనర్‌ సమ్మయ్య, సంఘం బాధ్యులు దొంత దేవదాసు, అంకారపు జ్ఞానోబా, వికృతి ముత్తయ్య, ముకుందం పాల్గొన్నారు. అట్రాసిటీ కేసులలో పరిహారం పంపిణీ సిరిసిల్ల: జిల్లాలో అట్రాసిటీ కేసులలో పరిహారాన్ని బాధితులకు పంపిణీ చేసినట్లు కలెక్టర్‌ సందీప్‌కుమార్‌ ఝా తెలిపారు. జిల్లాలో నమోదైన కేసుల ఆధారంగా ఎస్సీ, ఎస్టీలు 46 మంది బాధితులకు రూ.36.87లక్షలు వారి ఖాతాల్లో జమచేసినట్లు వివరించారు. ముస్తాబాద్‌ మండలంలో మూడు, కోనరావుపేటలో ఆరు, వేములవాడ అర్బన్‌, రూరల్‌ మండలాల్లో 12, సిరిసిల్ల మండలంలో ఐదు, చందుర్తిలో మూడు, బోయినపల్లిలో నాలుగు, తంగళ్లపల్లి మండలంలో ఐదు, గంభీరావుపేటలో రెండు, ఎల్లారెడ్డిపేటలో రెండు, ఇల్లంతకుంట మండలంలో మూడు, జగిత్యాల జిల్లాలో ఒకరికి పరిహారం సొమ్మును వారి బ్యాంకు ఖాతాల్లో జమ చేసినట్లు కలెక్టర్‌ వివరించారు.చెరువులు నింపాలి వేములవాడ రూరల్‌ మండలం వట్టెంల గ్రామంలోని దొంపిచెరువు, పామిరెడ్డి చెరువులను డీ6, డీ7 కెనాల్‌ ద్వారా నింపాలి. ప్రస్తుతం చెరువుల్లో నీళ్లు లేక రైతులు ఇబ్బందులు పడుతున్నారు. ఎండాకాలంలో నీటికష్టాలు పెరిగే అవకాశం ఉంది. అధికారులు స్పందించాలి. – గుడిసె విష్ణువర్ధన్‌, వట్టెంల

ఇల్లంతకుంట(మానకొండూర్‌): ఇల్లంతకుంట మండలం అనంతగిరిలోని అన్నపూర్ణ ప్రాజెక్టులో నీటి నిల్వలు తగ్గిపోవడంతో గతంలో ముంపునకు గురైన ఇళ్లు, ఇతర నిర్మాణాలు పైకి తేలాయి. నిర్వాసితులు తమ ఇళ్లను చూసి గత జ్ఞాపకాలను గుర్తు తెచ్చుకుంటున్నారు. కూలిన ఇళ్లు, పైకప్పులు లేని గోడలను చూసి పలువురు కళ్లు చెమర్చుతున్నాయి. అయితే ఇదే సమయంలో ప్రాజెక్టులో నీరు అడుగంటుతుండడంతో సమీప గ్రామాల్లోని రైతులు ఆందోళన చెందుతున్నారు. తమ పంటపొలాలు ఎండిపోయే ప్రమాదం ఉందని బెంబేలెత్తిపోతున్నారు. ప్రస్తుతం అన్నపూర్ణ ప్రాజెక్టులో 1.3 టీఎంసీ నీరు మాత్రమే ఉంది.

● వంద శాతం లక్ష్యంగా ముందుకు.. ● పన్ను వసూలులో ప్రణాళికతో ముందుకు.. ● సిరిసిల్లలో 82 శాతం.. వేములవాడలో 72 శాతం వసూలు సిరిసిల్లటౌన్‌/వేములవాడ: పన్నుల వసూళ్లలో అగ్రస్థానమే లక్ష్యంగా సిరిసిల్ల, వేములవాడ మున్సిపాలిటీలు ముందుకెళ్తున్నాయి. గత ఎనిమిదేళ్లుగా రాష్ట్రస్థాయిలో సిరిసిల్ల బల్దియా అగ్రస్థానం సాధించిన విషయం తెలిసిందే. అదే స్ఫూర్తితో మున్సిపల్‌ అధికారులు స్పెషల్‌ డ్రైవ్స్‌ చేపడుతున్నారు. వేములవాడలోనూ వందశాతం లక్ష్యంగా అధికారులు క్షేత్రస్థాయిలో వసూళ్లు చేస్తున్నారు. ఇప్పటికే సిరిసిల్లలో 82 శాతం, వేములవాడలో 72 శాతం పన్నులు వసూలు చేసిన అధికారులు ఈనెలాఖరులోగా వంద శాతం చేరుకోవాలనే ప్రణాళికతో ముందుకెళ్తున్నారు. లక్ష్యం రూ.6.32కోట్లు వసూలు రూ.5.18కోట్లు సిరిసిల్ల మున్సిపల్‌కు సంబంధించిన పన్నుల వసూళ్లపై అధికారులు ప్రత్యేక శ్రద్ధ వహించారు. కలెక్టర్‌ ప్రత్యేకాధికారిగా ఉన్న తరుణంలో ఆయన సూచనలతో గత ఆర్థిక సంవత్సరాల్లో సాధించిన నూరుశాతం పన్నుల వసూళ్లకు ప్రాధాన్యతనిస్తున్నారు. మున్సిపల్‌లో లోటు బడ్జెట్‌ తీర్చడంతోపాటు గతకీర్తిని కొనసాగించడమే లక్ష్యంగా ప్రైవేటు ఆస్తుల పన్నుల వసూలుకు చర్యలు తీసుకుంటుంది. సిరిసిల్ల పట్టణంలో నివాసగృహాల పన్ను వసూలుకు మున్సిపల్‌ అధికారులు రెండు నెలలుగా క్షేత్రస్థాయిలో చర్యలు తీసుకుంటున్నారు. రెసిడెన్షియల్‌, నాన్‌రెసిడెన్షియల్‌, ఇతర ఆస్తులకు సంబంధించిన పన్నులు రూ.6.32కోట్లు ఉండగా ఇప్పటికే రూ.5.18 కోట్లు సుమారుగా 82 శాతం వసూలయ్యాయి. ఆదాయంపై వినూత్న విధానాలు బల్దియా ఆదాయవనరుల పెంపుపై అధికారులు దృష్టి సారించారు. పరిశుభ్ర పట్టణంగా కీర్తిపొందిన సిరిసిల్ల వీధుల్లో చెత్తను వేయడం నిషేధించారు. నిబంధన ఉల్లంఘిస్తే భారీగా జరిమానాలు విధిస్తున్నారు. ప్రతీ దుకాణం నుంచి తడి, పొడి చెత్తను సేకరించేందుకు విధిగా ఒక్కో దుకాణదారుడి నుంచి రూ.300 వరకు యూజర్‌ చార్జీలు వసూలు చేస్తున్నారు. ఇక మున్సిపల్‌ ఆస్తులు ఆక్రమించడం అంటే రోడ్డుపై టేలాలు వేయడం, వ్యాపారాలు చేయడం, ఫుట్‌పాత్‌లు ఆక్రమించడం తదితర అంశాలపై కూడా నిత్యం దాడులు చేస్తూ ఆదాయం పెంచారు. గృహాల పన్నులే కాకుండా ట్రేడ్‌లైసెన్సులు, తాగునీరు తదితర పన్నులు పూర్తిస్థాయిలో వసూలు చేసేలా ప్రణాళికతో ముందుకుసాగుతున్నారు. 39 వార్డులు..14 బృందాలు పన్నుల వసూలుకు 39 వార్డుల్లో 14 మంది బిల్‌కలెక్టర్లతో గ్రూపులను ఏర్పాటు చేశారు. వీరి తో పాటు ఒక వార్డు ఆఫీసర్‌, ఒక సూపర్‌వైజర్‌తో పాటు అవసరమైన వార్డుల్లో మరికొంత మంది సిబ్బంది గ్రూపులుగా ఏర్పడి నిత్యం ఉదయం, సాయంత్రం వేళల్లో పన్నులు వసూలు చేస్తున్నారు. పట్టణంలో రెసిడెన్షియల్‌ 18,113, నాన్‌రెసిడెన్షియల్‌ 2,569, ఇతర ఆస్తులు 2,805 మొత్తంగా 23,487 ఉన్నాయి. పన్నుల వసూళ్లకు మున్సిపల్‌ కమిషనర్‌ ఎస్‌.సమ్మయ్య నేతృత్వంలో సిబ్బంది ఫిబ్రవరి నుంచే కార్యాచరణ చేపట్టారు. అభివృద్ధి.. పన్నుల చెల్లింపు అభివృద్ధిలో రాష్ట్ర స్థాయిలోనే ముందంజలో సిరిసిల్ల ఖ్యాతి గడించింది. అన్నివార్డుల్లో రోడ్లు, మోరీల నిర్మాణం, ఎల్‌ఈడీ వీధిదీపాలు, ప్రధాన రోడ్లవెంట పచ్చదనంతో పట్టణం అభివృద్ధి సాధించింది. పట్టణాన్ని చూడగానే ఆహా అనిపించే డివైడర్లు, మానేరుతీరంలో బతుకమ్మ ఘాట్‌, మ్యూజికల్‌ ఫౌంటేయిన్‌, పట్టణం దశదిశలా ఏర్పాటైన పార్కులతో సిరిసిల్ల మహానగరాలకు తీసిపోని విధంగా ఆవిర్భవించింది. దీంతో ప్రజలు కూడా తమవంతుగా పన్నుల వసూళ్లలో బల్దియాకు దన్నుగా నిలుస్తున్నారు. వేములవాడలో 72 శాతం వసూలు వేములవాడ మున్సిపల్‌ అధికారులు మున్సిపల్‌ ఆస్తిపన్నుల వసూళ్లపై స్పెషల్‌ డ్రైవ్‌ చేపడుతున్నారు. ఈ ఆర్థిక సంవత్సం మార్చి 31తో ముగియనుండటంతో ఆస్తిపన్ను వసూలుపై అధికారులు దృష్టిపెట్టారు. వేములవాడ మున్సిపల్‌, విలీన గ్రామాలు కలిపి 28 వార్డులు ఉన్నాయి. ప్రతీ వార్డులో ప్రతి రోజు అధికారులు ఆస్తిపన్ను వసూలు చేస్తున్నారు. ఈ ఆస్తి పన్నుల వసూళ్ల కోసం 5 ప్రత్యేక టీమ్‌లు ఏర్పాటు చేసినట్లు అధికారులు తెలిపారు. 72 శాతం వసూలు వేములవాడ మున్సిపాలిటీలో ఇప్పటి వరకు 72 శాతం ఆస్తిపన్ను వసూలు చేసినట్లు అధికారులు తెలిపారు. రూ.4.32 కోట్లు లక్ష్యం కాగా.. రూ.3.11కోట్లు వసూలు చేశారు. ఇంకా రూ.1.21కోట్లు వసూలు చేయాల్సి ఉంది. వేములవాడ రాజన్న ఆలయం నుంచి ఆస్తి పన్ను రూ.1.09కోట్లు వసూలు చేశారు. ఇప్పటి వరకు మున్సిపల్‌ ఆస్తి పన్నుల ద్వారా వచ్చిన ఆదాయం రూ.4.20 కోట్లు వసూలయ్యాయి. మిగతా ఆస్తిపన్నులు ఈనెలాఖరు వరకు పూర్తిస్థాయిలో వసూలు చేసేందుకు అధికారులు ముందుకెళ్తున్నారు. జిల్లాలో ఆస్తులు ఇలా.. ఆస్తి సిరిసిల్ల వేములవాడ గృహాలు 18,113 11,371 కమర్షియల్‌ 2,569 2,266 ఇతరాలు 2,805 1,052 రాష్ట్ర ప్రభుత్వ ఆస్తులు 45 207 కేంద్ర ప్రభుత్వ ఆస్తులు – 01 మొత్తం ఆస్తులు 23,532 14,897మొదటి స్థానం సాధిస్తాం పన్నుల వసూళ్లలో కలెక్టర్‌ ఆదేశాలు, సూచనలతో ఆదర్శ విధానాలు అవలంబిస్తున్నాం. ఇప్పటికే రాష్ట్రంలోనే మూడో స్థానంలో ఉన్నాం. నెలాఖరు వరకు నూరుశాతం వసూళ్లు చేసి నంబర్‌ వన్‌ స్థానాన్ని సాధిస్తాం. డీఈఈ, ఏఈలు, టీపీవో, టీపీబీవో, ఆర్‌ఐ, ఆర్‌వోలు, బిల్‌కలెక్టర్లు ఇలా 39 మంది నిత్యం పన్నులు వసూలు చేస్తున్నారు. – ఎస్‌.సమ్మయ్య, మున్సిపల్‌ కమిషనర్‌, సిరిసిల్ల వందశాతం పూర్తి చేస్తాం వేములవాడ మున్సిపల్‌లో ఆస్తిపన్ను స్పెషల్‌డ్రైవ్‌ ఏర్పాటు చేసి పన్నుల కోసం ప్రత్యేకాధికారులను కేటాయించి 72 శాతం ఆస్తి పన్ను వసూలు చేశాం. మార్చి నెలాఖరు వరకు వందశాతం ఆస్తిపన్ను వసూలు చేస్తాం. – అన్వేశ్‌, వేములవాడ మున్సిపల్‌ కమిషనర్‌

సిరిసిల్లక్రైం: తాను రోడ్డు నిబంధనలు అతిక్రమించకుండానే తన ఫోన్‌కు మెస్సేజ్‌ రావడంతో కంగుతిన్నాడు సిరిసిల్లకు చెందిన వ్యక్తి. తన బైక్‌ నంబర్‌ను మరో వాహనదారుడు తన బండికి వేసుకొని ఇష్టారీతిగా తిరుగుతుండడంతో జరిమానాల మీద జరిమానాలు వచ్చి పడుతుండడంతో అసలు యజమాని లబోదిబోమంటున్నాడు. సిరిసిల్ల పట్టణానికి చెందిన మోబిన్‌ తన వాహనాన్ని భార్య పేరిట రిజిస్ట్రేషన్‌ చేసుకున్నాడు. శనివారం తన బైక్‌ నిబంధనలు అతిక్రమించినట్లు ట్రాఫిక్‌ చలాన్‌ వచ్చింది. దీన్ని ఓపెన్‌ చేసి చూడగా తంగళ్లపల్లి మండలం తాడూరు ఎక్స్‌ రోడ్‌ వద్ద హెల్మెట్‌ లేకపోవడంతో చలాన్‌ విధించినట్లు మెసేజ్‌ ఉంది. అసలు తాను అక్కడికి వెళ్లలేదని తన వాహనం పల్సర్‌ 150 సీసీ కాగా.. చలాన్‌ వచ్చిన వాహనం పల్సర్‌ 220 సీసీ అని పేర్కొన్నారు. పోకిరీలు కావాలని తన బైక్‌ నంబర్‌ను వారి వాహనానికి బిగించుకొని జిల్లాలో తిరుగుతున్నారని పేర్కొన్నాడు. ఇలాంటి వాటిపై అధికారులు దృష్టి పెట్టాలని కోరుతున్నాడు.

సిరిసిల్ల: జిల్లాలో అనధికార లే–అవుట్‌ల క్రమబద్ధీకరణకు రాష్ట్ర ప్రభుత్వం కల్పించిన అవకాశాన్ని సద్వినియోగం చేసుకోవాలని కలెక్టర్‌ సందీప్‌కుమార్‌ ఝా శనివారం తెలిపారు. ఎల్‌ఆర్‌ఎస్‌–2020లో వచ్చిన దరఖాస్తులను క్రబద్ధీకరించుకోవాలని పేర్కొన్నారు. ఎల్‌ఆర్‌ఎస్‌ ప్రక్రియను సులభతరం చేసేందుకు ప్రభుత్వం కొన్ని కొత్త నిర్ణయాలు తీసుకున్నట్లు తెలిపారు. ఎల్‌ఆర్‌ఎస్‌ ప్లాట్‌ రిజిస్ట్రేషన్‌ సమయంలో రుసుం చెల్లించి క్రమబద్ధీకరణ చేసుకోవచ్చన్నారు. ఈనెల 31 వరకు క్రమబద్ధీకరణ చేసుకుంటే చెల్లించాల్సిన రుసుంలో 25 శాతం రాయితీ ఉంటుందని తెలిపారు. జిల్లాలో 42,942 దరఖాస్తులు రాగా.. 34,229 ప్రాజెస్‌ అయ్యాయని, మిగిలిన దరఖాస్తులు వివిధ దశల్లో పెండింగ్‌లో ఉన్నాయని కలెక్టర్‌ వివరించారు. 2020లో దరఖాస్తు చేసుకున్న వారు తమ ప్లాటును రెగ్యులరైజ్‌ చేసుకోవాలని కోరారు. ఎల్‌ఆర్‌ఎస్‌పై అనుమానాల నివృత్తికి టోల్‌ఫ్రీ 18002331495 నంబర్‌ను ఏర్పాటు చేసినట్లు తెలిపారు. కలెక్టర్‌ సందీప్‌కుమార్‌ ఝా అనధికార లే అవుట్‌ల క్రమబద్ధీకరణకు అవకాశం

ఎల్లారెడ్డిపేట(సిరిసిల్ల): జిల్లాలో ఇసుక కొరత తీవ్రంగా ఉంది. నిత్యం పల్లెల్లో ఇసుక కయ్యం జరుగుతోంది. గతంలో స్థానిక అవసరాలకు మానేరు శివారు గ్రామాలకు అక్కడి నుంచే ఇసుక తీసుకెళ్లేందుకు అధికారులు అనుమతులు ఇచ్చేవారు. ప్రస్తుతం జిల్లావ్యాప్తంగా మండలానికో ఇసుకరీచ్‌ మాత్రమే అనుమతించడంతో ఇతర గ్రామాలకు ఇసుక దొరకడం లేదు. అంతేకాకుండా ఇసుక రీచ్‌ ఉన్న గ్రామంలోని రైతులు తమ బోర్లు, వ్యవసాయబావులు ఎండిపోతున్నాయని ఆందోళనలు చేస్తున్నారు. ఇటీవల పలు మండలాల్లో ఇసుక ట్రాక్టర్లను అడ్డుకుంటున్నారు. ఇసుక దొరక్క చాలా నిర్మాణాలు అర్ధంతరంగా నిలిచిపోతున్నాయి. ప్రభుత్వ అభివృద్ధి పనులకు సైతం ఇసుక కొరత వేధిస్తోంది. ఒకప్పుడు ట్రాక్టర్‌ లోడ్‌కు రూ.2500 ఉండగా, ప్రస్తుతం రూ.5వేలు పలుకుతోంది. ఇసుక బంగారంతో సమానం కావడం ఇళ్లు నిర్మించుకునే సామన్యులకు భారంగా మారింది. గతంలో ఇలా.. జిల్లాలో గతంలో స్థానిక అవసరాల కోసం సమీపంలోని వనరుల నుంచి ఇసుక తోడేందుకు రెవెన్యూ అధికారులు అనుమతులు ఇచ్చారు. ఆ సమయంలో జిల్లాలో సుమారు 40 చోట్ల ఇసుక తవ్వుకునేందుకు అవకాశం ఉండేది. ఆయా ప్రాంతాల నుంచి ఇసుక తరలింపునకు అధికారికంగా రెవెన్యూ అధికారులు అనుమతులు ఇచ్చేవారు. ఎల్లారెడ్డిపేట మండలం నారాయణపూర్‌, రాగట్లపల్లి, వెంకటాపూర్‌, బండలింగంపల్లి, వీర్నపల్లి మూలవాగు, కోనరావుపేట మండలం బావుసాయిపేట, మామిడిపల్లి రీచ్‌ల నుంచి ఇతర గ్రామాలకు తెచ్చుకునేవారు. తంగళ్లపల్లి మండలం తంగళ్లపల్లి, గండిలచ్చపేట వద్ద మానేరువాగు, నక్కవాగుల నుంచి అనుమమతులతోనే ఇసుక తోడేవారు. ముస్తాబాద్‌ మండలం ఆవునూర్‌, రామలక్ష్మణపల్లి, తుర్కపల్లి మానేరువాగు నుంచి ఇసుక తీసుకెళ్లేవారు. వేములవాడ, వేములవాడరూరల్‌ సమీప మూలవాగులో ఇసుకరీచ్‌ నుంచి సరఫరా అయ్యేది. అంతటా ఆందోళనలు జిల్లాలోని పలు ఇసుకరీచ్‌ల వద్ద స్థానిక గ్రామస్తులు, రైతులు ట్రాక్టర్లను అడ్డుకుంటున్నారు. తమ గ్రామంలోని ట్రాక్టర్లకే అనుమతులు ఇవ్వాలని, ఇతర గ్రామాల ట్రాక్టర్లకు ఇసుక తీసుకెళ్లేందుకు అనుమతులు ఇవ్వవద్దని రైతులు, గ్రామస్తులు ఆందోళనలు చేస్తున్నారు. ఎల్లారెడ్డిపేట మండలం వెంకటాపూర్‌లోని ఇసుక రీచ్‌కు ఇతర గ్రామాల ట్రాక్టర్లను రావద్దంటూ ఆ గ్రామస్తులు శుక్రవారం అడ్డుకున్నారు. ముస్తాబాద్‌ మండలంలోని ఆవునూర్‌ రీచ్‌ వద్ద సైతం ఇదే పరిస్థితి ఉంది. అయితే వీటి వెనుక స్థానిక ఇసుక వ్యాపారుల హస్తం ఉన్నట్లు తెలుస్తోంది. ఆందోళనలు ఇలాగే కొనసాగితే మండలంలోని ఇతర గ్రామాలకు ఇసుక దొరకని పరిస్థితులు ఎదురవుతాయి. ఇప్పటికే ఇసుక కొరతతో జిల్లాలోని నూతన భవన నిర్మాణాలు మందకొడిగా సాగుతున్నాయి. మండలంలో అధికారికంగా ఉన్న రీచ్‌ నుంచే ఇసుక సరఫరా జరుగుతుంది. కలెక్టర్‌ ఆదేశాల ప్రకారం ఎల్లారెడ్డిపేట మండల వ్యాప్తంగా ఉన్న గ్రామాలకు వెంకటాపూర్‌ ఇసుక రీచ్‌ నుంచే ఇసుక తరలించేందుకు అనుమతులు ఇస్తున్నాం. ఇసుక ట్రాక్టర్లను ఎవరూ అడ్డుకోవద్దు. ఎవరైనా అడ్డుకుంటే చట్టరీత్య చర్యలు తీసుకుంటాం. – సత్యనారాయణ, డిప్యూటీ తహసీల్దార్‌, ఎల్లారెడ్డిపేట

● ట్రయల్‌రన్‌కు ఫిష్‌ఇన్‌ కంపెనీ సన్నాహాలు ● తొలిదశలో 10 కేజెస్‌ ● విజయవంతమైతే పూర్తిస్థాయి యూనిట్లు ● మూడు కంపెనీలకు 367 ఎకరాలు బోయినపల్లి(చొప్పదండి): మత్స్యసంపద అభివృద్ధిలో భాగంగా ప్రభుత్వం తీసుకుంటున్న చర్యల్లో మిడ్‌మానేరులో ప్రైవేట్‌ కంపెనీల ఆధ్వర్యంలో చేపల పెంపకానికి చర్యలు తీసుకుంటున్నారు. మిడ్‌మానేరు బ్యాక్‌వాటర్‌లో అధునాతన టెక్నాలజీతో అమెరికా ఫిష్‌ఇన్‌ కంపెనీ కేజెస్‌తో(పంజరం వలల ద్వారా) ఫిష్‌ కల్చర్‌ అభివృద్ధికి బాటలు వేసేందుకు సన్నాహాలు చేస్తోంది. మిడ్‌మానేరు బ్యాక్‌వాటర్‌ ఎడ్జ్‌లో కేజ్‌కల్చర్‌ విధానంలో చేపల పెంపకం చేపట్టేందుకు ట్రయల్‌రన్‌ పనులు చేపడుతున్నారు. ఇది సక్సెస్‌ అయితే పూర్తిస్థాయిలో ఏర్పాటుకు చర్యలు తీసుకునేందుకు ప్రణాళికలు సిద్ధం చేశారు. 367 ఎకరాలలో.. రాజన్నసిరిసిల్ల జిల్లా తంగళ్లపల్లి మండలం చీర్లవంచ బ్యాక్‌వాటర్‌లో కేజెస్‌ ఏర్పాటు చేస్తున్నారు. గత బీఆర్‌ఎస్‌ ప్రభుత్వ హయాంలో మిడ్‌మానేరు బ్యాక్‌వాటర్‌లో ఫిష్‌ఇన్‌ కంపెనీకి కేజ్‌ కల్చర్‌ ద్వారా చేపల పెంపకానికి అనుమతులు ఇచ్చారు. మూడు కంపెనీలకు దాదాపు 367 ఎకరాలు భూమిని సేకరించారు. గత బీఆర్‌ఎస్‌ ప్రభుత్వం 33 ఏళ్లపాటు కేజ్‌కల్చర్‌ విధానానికి అనుమతులు ఇచ్చింది. కాగా ప్రస్తుత కాంగ్రెస్‌ ప్రభుత్వం పదేళ్లకు కుదించిననట్లు సమాచారం. పది పంజరం వలలతో ట్రయల్‌ రన్‌ అమెరికా ఫిష్‌ఇన్‌ కంపెనీ 600 కేజెస్‌ ఏర్పాటుకు ప్రభుత్వం నుంచి అనుమతులు పొందింది. మొదటిషిఫ్టులో 300 కేజేస్‌ ఏర్పాటు చేసి చేపలు పెంచనున్నారు. ఇందులో భాగంగా 10 కేజేస్‌తో ట్రయల్‌రన్‌ చేయాలని ఫిష్‌ఇన్‌ కంపెనీ భావిస్తున్నట్లు మత్స్యశాఖ అధికారులు తెలిపారు. ఏడాది పాటు 10 పంజరం వలలతో చేపలు పెంపకం చేపట్టి అందులో సక్సెస్‌ అయితే తదుపరి పూర్తి స్థాయిలో కేజ్‌ కల్చర్‌ విధానం అమలు చేయాలని ఆయా కంపెనీలు భావిస్తున్నట్లు సమాచారం. తిలాపియా చేపల పెంపకం కేజ్‌కల్చర్‌ విధానంలో తిలాపియా చేపల పెంపకం చేపట్టాలని అనుమతులు పొందిన ఫిష్‌ఇన్‌ కంపెనీ భావిస్తోంది. ఈరకం చేపలు ఆరు నెలల్లో బ్రీడింగ్‌ ఉంటుందని చెబుతున్నారు. అందుకే ఈ రకం చేపను ఎంచుకున్నట్లు సమాచారం. తిలాపియా చేపల పెంపకం కోసం మిడ్‌మానేరు బ్యాక్‌వాటర్‌ చివరిలో చీర్లవంచ పరిసరాల్లో కేజెస్‌ ఏర్పాటు చేస్తున్నారు. ఫీడ్‌ కన్వర్షన్‌ రేషియో(ఎఫ్‌సీఆర్‌) ద్వారా చేపల పెంకంతో తమకు ఎంత లాభం వస్తుందోననే విషయం ట్రయల్‌రన్‌ పెంపకం ద్వారా తెలియనుంది. చేపలు ఒకటి, రెండు కిలోలు తీసుకుని ఒక కిలో బరువు ఎదిగితే అప్పుడు కంపెనీకి తగిన లాభం దక్కుతుంది. ఈ రకంగా ఫీడ్‌ తీసుకుని చేప బరువు పెరిగితే మరిన్ని రకాల యూనిట్లు పెట్టడానికి కంపెనీకి ఆస్కారం ఉంటుందని చెబుతున్నారు. ట్రయల్‌రన్‌ పనులు జరుగుతున్నాయి మిడ్‌మానేరు బ్యాక్‌వాటర్‌ చివరిలో చీర్లవంచ పరిసరాల్లో అమెరికా ఫిష్‌ఇన్‌ కంపెనీ కేజ్‌ కల్చర్‌ ద్వారా చేపల పెంపకం చేపట్టే పనులకు గత ప్రభుత్వ హయాంలో అనుమతులు పొందింది. ఇందులో భాగంగా కేజ్‌కల్చర్‌ ఏర్పాటుకు ట్రయల్‌రన్‌ పనులు చేసుకుంటున్నారు. మొదట ఏడాది కాలంలో 10 కేజెస్‌ ఏర్పాటుతో తిలాపియా చేపలు పెంచనున్నారు. అందుకు సంబంధించిన పనులు చేస్తున్నారు. – సౌజన్య, జిల్లా మత్స్యశాఖ అధికారి, సిరిసిల్ల

● బీజేపీ జిల్లా అధ్యక్షుడు రెడ్డబోయిన గోపి వీర్నపల్లి(సిరిసిల్ల): కాళేశ్వరం ప్రాజెక్ట్‌ 9వ ప్యాకేజీ పనులు రాష్ట్ర ప్రభుత్వం పూర్తి చేసే వరకు పోరాడుతామని బీజేపీ జిల్లా అధ్యక్షుడు రెడ్డబోయిన గోపి పేర్కొన్నారు. గత ప్రభుత్వం 9వ ప్యాకేజీ పూర్తి చేయకుండానే 11వ ప్యాకేజీకి నిధులు తీసుకెళ్లిందని ఆగ్రహం వ్యక్తం చేశారు. మండలంలోని మద్దిమల్లలో 9వ ప్యాకేజీ పనులు పూర్తికాక ఎండిపోయిన రాయినిచెరువును శనివారం పరిశీలించి మాట్లాడారు. రాయినిచెరువు ఎండిపోవడంతో ఆయకట్టు పంటలు ఎండిపోతున్నాయన్నారు. మల్కపేట రిజర్వాయర్‌ నుంచి రాయినిచెరువుకు రావలసిన పైపులైన్‌ పనులను కంచర్ల అటవీ ప్రాంతంలో ఎందుకు నిలిపివేశారని ప్రశ్నించారు. పీసీసీ ప్రెసిడెంట్‌ హోదాలో జిల్లాలో పర్యటించిన సమయంలో రేవంత్‌రెడ్డి ఇచ్చిన 9వ ప్యాకేజీ పనులు పూర్తి చేస్తామన్న హామీని అధికారంలోకి వచ్చి ఏడాది గడుస్తున్నా ఎందుకు పూర్తి చేయడం లేదన్నారు. అనంతరం మద్దిమల్ల, రంగంపేటల్లో మహిళా దినోత్సవంలో పాల్గొన్నారు. ముదిరాజ్‌ సంఘం జిల్లా ఉపాధ్యక్షుడు పంబాల దేవరాజు, బీజేపీ వీర్నపల్లి, ఎల్లారెడ్డిపేట మండలాల అధ్యక్షులు లక్పతినాయక్‌, పొన్నాల తిరుపతిరెడ్డి, ప్రధాన కార్యదర్శులు పిట్ల నాగరాజు, చందుపట్ల లక్ష్మారెడ్డి తదితరులు పాల్గొన్నారు. ఆరో రోజుకు రైతుల రిలే నిరాహార దీక్షలు ఇల్లంతకుంట(మానకొండూర్‌): పెద్దలింగాపూర్‌లో రైతులు చేపట్టిన రిలే నిరాహారదీక్షలు శనివారం ఆరో రోజుకు చేరాయి. రంగనాయకసాగర్‌ నుంచి ప్రారంభమైన ఎల్‌ఎం 6 కెనాల్‌ అసంపూర్తి పనులు పూర్తి చేయాలని రైతులు రిలే నిరాహార దీక్షలు చేస్తున్నారు. వ్యవసాయపనులు చూసుకొని ఉదయం 9 గంటల వరకు దీక్ష శిబిరానికి రావడం సాయంత్రం మళ్లీ పొలం వద్దకు వెళ్లి పనులు చూసుకుంటున్నారు. శిబిరంలో పెద్దలింగాపూర్‌, రామోజీపేట, చిక్కుడువానిపల్లి, ఎడ్లోనికుంట రైతులు పాల్గొన్నారు. బ్లూకోల్ట్స్‌ విధులు నిర్వర్తించిన మహిళా పోలీసులు బోయినపల్లి(వేములవాడ): అంతర్జాతీయ మహిళా దినోత్సవం సందర్భంగా మండలంలోని పలు గ్రామాల్లో స్థానిక మహిళా పోలీసులు పింకిల్‌యాదవ్‌, సహన శనివారం బ్లూకోల్ట్స్‌ విధులు నిర్వర్తించారు. పలు గ్రామాల్లో వారు తిరుగుతూ మహిళలతో మాట్లాడారు. మహిళలు ఎదుర్కొంటున్న సమస్యలు తెలుసుకున్నారు. బీసీ సాధికారత సాధిస్తాం ● జిల్లా వర్కింగ్‌ ప్రెసిడెంట్‌ బాలయ్య సిరిసిల్లటౌన్‌: బీసీ సాధికారిత సాధించే వరకు పోరాడుతామని బీసీ సాధికారత సంఘం జిల్లా వర్కింగ్‌ ప్రెసిడెంట్‌ గాజుల బాలయ్య పేర్కొన్నారు. సిరిసిల్లలో శనివారం నిర్వహించిన సమావేశంలో మాట్లాడారు. బీసీల సాధికారతతోనే వెనుకబడినవర్గాలు రాణిస్తారన్నారు. శాంతినగర్‌లోని కార్యాలయ ప్రారంభోత్సవం సోమవారం నిర్వహించనున్నట్లు తెలిపారు. ఈ కార్యక్రమానికి బీసీ జిల్లా, మండల నాయకులు హాజరుకావాలని కోరారు. కార్యక్రమంలో తీగల శేఖర్‌గౌడ్‌, గోశిక శ్రీనివాస్‌, గుజ్జె శివరాం, అన్నారపు వేణుగోపాల్‌ తదితరులు పాల్గొన్నారు.

వేములవాడ: మహిళలు ఆర్థిక స్వావలంబన సాధించుకోవాలని వేములవాడ జడ్జి జ్యోతిర్మయి కోరా రు. అంతర్జాతీయ మహిళా దినోత్సవం సందర్భంగా కోర్టుహాలులో శనివారం మహిళా న్యాయవాదులతో కలిసి కేక్‌ కట్‌ చేశారు. జడ్జి మాట్లాడుతూ బాలికలు చదువులపై ఆసక్తి పెంచుకుని అన్ని రంగాల్లో ముందుండాలని సూచించారు. మహిళలు ఆర్థికాభివృద్ధి సాధించినప్పుడే ఎవరిపై ఆధారపడాల్సిన అవసరం ఉండబోదన్నారు. మహిళా న్యాయవాదులు అన్నపూర్ణ, సుజాత, నయీమానాసరి, పద్మ, సరిత, పావని, కోర్టు సిబ్బంది జయ, జగ్మాదాదేవి, జోష్న, కవిత, లత ఉన్నారు. ● వేములవాడ జడ్జి జ్యోతిర్మయి

ఇల్లంతకుంట(మానకొండూర్‌): రబీలో వేసిన పంటలు ఎండిపోకుండా గొలుసుకట్టు చెరువుల్లో నీరు నింపాలని ఇంజినీరింగ్‌ అధికారులకు మానకొండూర్‌ ఎమ్మెల్యే కవ్వంపల్లి సత్యనారాయణ కోరారు. ఇల్లంతకుంట మండల పరిషత్‌లో శనివారం ఇరిగేషన్‌ అధికారులతో సమావేశమయ్యారు. ఎమ్మెల్యే మాట్లాడుతూ అన్నపూర్ణ, మిడ్‌మానేరు ప్రాజెక్టుల నుంచి విడుదలయ్యే నీటితో ఇల్లంతకుంట, గన్నేరువరం, బెజ్జంకి మండలాల్లోని గొలుసుకట్టు చెరువులను నింపాలని ఆదేశించారు. గత ప్రభుత్వం నిర్లక్ష్యంతో అసంపూర్తిగా వదిలిపెట్టిన దాచారం, బోటిమీదిపల్లి, రామాజీపేట, పెద్దలింగాపూర్‌ గ్రామాల కాల్వ పనులు పూర్తి చేసేందుకు అంచనాలు సిద్ధం చేయాలని సూచించారు. అన్నపూర్ణ ప్రాజెక్టు డీఈ దేవేందర్‌, ఏఈ సమరసేన, రంగనాయకసాగర్‌ ప్రాజెక్టు డీఈ సీతారామరాజు, ఆర్డీవో రాధాబాయి, తహసీల్దార్‌ ఎంఏ ఫరూక్‌, కాంగ్రెస్‌ మండలాధ్యక్షుడు రాఘవరెడ్డి, మాజీ ఎంపీపీ గుడిసె ఐలయ్య తదితరులు పాల్గొన్నారు. పెద్దలింగాపూర్‌ కాల్వ పనులకు అంచనాలు సిద్ధం చేయండి మానకొండూర్‌ ఎమ్మెల్యే కవ్వంపల్లి సత్యనారాయణ

పెద్దపల్లిరూరల్‌: సమాజంలో వేగంగా వస్తున్న మార్పులకు తగ్గట్టు సాంకేతిక రంగంలోనూ ప్రతిభ, నైపుణ్యాలతో ముందుంటున్నారు. వాస్తవానికి పురుషులకంటే మహిళల్లోనే మానసిక స్థైర్యం ఎక్కువ. పాతికేళ్ల పాటు పుట్టింట్లో ఉండి, పెళ్లి తర్వాత మెట్టినింట్లో తనకు అంతగా పరిచయం లేనివారి నడుమ ధైర్యంగా జీవించగలుగుతుంది. చదువులో రాణిస్తున్న మహిళలకు న్యాయవ్యవస్థలో ఉద్యోగాలు కల్పించడంలో ప్రాధాన్యత ఉంటుంది. ప్రస్తుత కాలంలో ఆర్థికావసరాలు పెరిగిపోయాయి. ఇటీవలి కాలంలో పెళ్లి అయిన కొన్నాళ్లకే విడాకుల వరకు వస్తున్నాయి. మానసిక ఒత్తిళ్లకు లోనై కొందరు ఆత్మహత్యలకు పాల్పడుతున్నారు. మహిళలకు కౌన్సెలింగ్‌ ఇచ్చి మార్పు తెచ్చేందుకు యత్నిస్తున్నాం. – కె.స్వప్నరాణి, జిల్లా న్యాయసేవాధికారసంస్థ కార్యదర్శి, పెద్దపల్లి

26బొగ్గుగనిలో సీ్త్ర శక్తిగోదావరిఖని(రామగుండం): సింగరేణికి సీ్త్ర శక్తి తోడైంది. ఇప్పటివరకు పురుష రంగానికే పరిమతమైన సింగరేణి మైనింగ్‌లో మహిళలు అడుగీడారు. తెలంగాణ ఏర్పాటు తర్వాత వారసత్వ ఉద్యోగాల పునరుద్ధరణతో మహిళలకు సింగరేణి ఉపాధి అవకాశాలను మరింత పెంచింది. కేవలం కార్యాలయాల్లోనే కాకుండా భూగర్భ గనుల్లో పనిచేసే ఇంజినీర్లు, అండర్‌ మేనేజర్లుగా పెద్ద సంఖ్యలో మహిళలు చేరారు. ప్రస్తుతం సంస్థలో 201 మంది అధికారిణులుగా 1,794 మంది మహిళా ఉద్యోగులుగా పనిచేస్తున్నారు. మహిళలకు ప్రత్యేకంగా రెండు గనులు ఏర్పాటు చేయాలని యాజమాన్యం భావిస్తోంది. సంస్థలో తొలి మహిళా రెస్క్యూ బ్రిగేడియర్‌గా కొత్తగూడెం పీవీకే–5గనికి చెందిన అండర్‌మేనేజర్‌ అంబటి మౌనిక ఎంపికై ంది. ఇండస్ట్రియల్‌ రిలేషన్స్‌అండ్‌ పర్సనల్‌ మేనేజ్‌మెంట్‌ జీఎంగా సింగరేణి చరిత్రలోనే తొలిసారి మహిళా అధికారి కవితనాయుడు సమర్థవంతంగా రాణిస్తున్నారు. ఎగ్జిక్యూటివ్‌ ఎస్టాబ్లీష్మెంట్‌– సీఎస్సార్‌ జీఎంగా తొలిసారి మరో మహిళా నికోలస్‌ బెనడిక్ట్‌, సంస్థలో కీలక బాధ్యతలు నిర్వహించే కంపెనీ సెక్రటరీగా సునీతాదేవి, న్యాయ విభాగం బాధ్యతలను డిప్యూటీ జీఎం హోదాలో శిరీషరెడ్డి, చీఫ్‌ మెడికల్‌ ఆఫీసర్‌గా డాక్టర్‌ సుజాత విధులు నిర్వర్తిస్తున్నారు.

● రామగుండం సీపీగా అంబర్‌ కిశోర్‌ ఝా ● కరీంనగర్‌ సీపీగా గౌస్‌ ఆలం ● సిరిసిల్ల ఎస్పీగా గిటే మహేశ్‌సాక్షిప్రతినిధి,కరీంనగర్‌: ఉమ్మడి కరీంనగర్‌ జిల్లాలో ముగ్గురు ఐపీఎస్‌లను బదిలీచేస్తూ రాష్ట్ర ప్రభుత్వం ఆదేశాలు జారీ చేసింది. రామగుండం పోలీస్‌ కమిషనర్‌గా అంబర్‌కిశోర్‌ఝాను నియమించింది. రామగుండం సీపీగా పనిచేస్తున్న శ్రీనివాసులును సీఐడీ ఐజీగా బదిలీచేశారు. కరీంనగర్‌ సీపీగా గౌస్‌ ఆలంను నియమించగా, ఇక్కడ పనిచేస్తున్న అభిషేక్‌ మహంతిని తెలంగాణ క్యాడర్‌ నుంచి రిలీవ్‌ చేశారు. సిరిసిల్ల ఎస్పీగా మహేశ్‌బాబాసాహెబ్‌ను నియమించారు. ఇక్కడ పనిచేస్తున్న అఖిల్‌మహాజన్‌ను ఆదిలాబాద్‌ ఎస్పీగా బదిలీ చేశారు. వెయిటింగ్‌లో ఉన్న పెద్దపల్లి డీసీపీగా పి.కరుణాకర్‌ను నియమించారు. పెద్దపల్లి డీసీపీగా పనిచేస్తున్న చేతన హైదరాబాద్‌లోని ఉమెన్‌ సేఫ్టీ వింగ్‌కు బదిలీఅయ్యారు. అంబర్‌ కిశోర్‌ ఝా 2009 ఐపీఎస్‌ బ్యాచ్‌కు చెందిన అంబర్‌ కిశోర్‌ ఝా 2011లో మొదటగా ఉమ్మడి ఆదిలాబాద్‌ ఏఎస్పీగాను 2012 వరంగల్‌ ఓఎస్డీ, అదనపు ఎస్పీగా పనిచేయడంతో పాటు 2014లో వరంగల్‌ ఎస్పీగా పనిచేశారు. తెలంగాణ ఏర్పాటు ఆవిర్భావం తర్వాత భద్రాద్రి కొత్తగూడెం తొలి ఎస్పీగా బాధ్యతలు నిర్వర్తించారు. 2018లో హైదరాబాద్‌ సౌత్‌ జోన్‌ డీసీపీగా, ఇదే సంవత్సరంలో కేంద్ర సర్వీసుల్లో విధులు నిర్వహించారు. 2013 అక్టోబరులో వరంగల్‌ కమిషనర్‌గా పనిచేశారు. గౌస్‌ ఆలం.. 2017 ఐపీఎస్‌ బ్యాచ్‌కు చెందిన అధికారి. ఆదిలాబాద్‌ ఎస్పీగా పనిచేస్తున్నారు. ఇప్పుడు కరీంనగర్‌ సీపీగా బాధ్యతలు చేపట్టనున్నారు. గతంలో ములుగు ఎస్పీగా పనిచేశారు. అంతకుముందు అక్కడే ఓఎస్‌డీగా విధులు నిర్వర్తించారు. కాగా.. అంతకుముందు ఏటూరునాగారంలో అడిషనల్‌ ఎస్పీగా పనిచేశారు. ఈయన బిహార్‌ రాష్ట్రంలోని గయాకు చెందినవారు. ఐఐటీ ముంబాయ్‌లో గ్రాడ్యుయేట్‌ పట్టా పొందారు. గిటే మహేశ్‌ 2020 బ్యాచ్‌కు చెందిన గిటే మహేశ్‌ అహ్మదాబాద్‌ వాసి. తల్లిదండ్రులు కౌలు రైతులు. అగ్రికల్చర్‌ గ్రాడ్యుయేట్‌ అయిన మహేశ్‌ది పేద కుటుంబమైనా.. కష్టపడి చదివి.. ఐపీఎస్‌ సాధించారు. తెలంగాణకు కేడర్‌కు కేటాయించాక.. కరీంనగర్‌లో ట్రైనీగా విధులు నిర్వహించారు. చొప్పదండి ఎస్‌ హెచ్‌వోగా ఆరునెలలపాటు పనిచేశారు. ప్రస్తుతం ములుగు ఓఎస్డీగా ఈయనకు సిరిసిల్ల ఎస్పీగా బాధ్యతలు అప్పగించారు.

గంగాధర(చొప్పదండి): కడుపులో ఉన్నది ఆడపిల్ల అని తెలియగానే భ్రూణహత్యలు. పెళ్లికెదిగిన ఆడబిడ్డ భారమవుతుందని తల్లిదండ్రుల ఆవేదనలు. ఊరంతా చందాలు వేసుకొని ఓ ఆడబిడ్డ పెళ్ల్లి చేసిన సంఘటన.. ఓ యువకుడిని ఆలోచింపజేశాయి. మా ఊరి మహాలక్ష్మి ఫౌండేషన్‌ ఏర్పాటు కు పునాది వేశాయి. కరీంనగర్‌ జిల్లా గంగాధర మండలం కొండాయిపల్లికి చెందిన రేండ్ల శ్రీనివాస్‌–పద్మ దంపతులు తమ గ్రామంలోని ఆడపిల్లలకు అండగా నిలిచేందుకు ఏడేళ్ల క్రితం మా ఊరి మహాలక్ష్మి ఫౌండేషన్‌ ఏర్పాటు చేశారు. గ్రామంలో జన్మించిన ప్రతీ ఆడ బిడ్డ పేరుమీద ఫౌండేషన్‌ తరఫున రూ.5,116, తల్లిదండ్రుల నుంచి రూ.5,000 సేకరించి సుకన్య సమృద్ధి యోజనలో ఫిక్స్‌డ్‌ డిపాజిట్‌ చేస్తున్నారు. గ్రామంలో ఇప్పటివరకు 54 మంది ఆడపిల్లల పేరిట డిపాజిట్‌ చేశారు. రాష్ట్రవ్యాప్తంగా తండ్రిని కోల్పోయిన కుటుంబాలకు దాతల సహకారంతో ఆర్థికంగా అండగా నిలుస్తున్నా రు. ఏడాదిగా ఆడపిల్లల పెళ్లికి కానుకలు అందిస్తున్నారు.

కరీంనగర్‌స్పోర్ట్స్‌: పెద్దపల్లి జిల్లా ఎలిగేడు మండలం సుల్తాన్‌పూర్‌ గ్రామానికి చెందిన టి.చికిత విలువిద్య(ఆర్చరీ)లో అంతర్జాతీయస్థాయిలో రాణిస్తోంది. చిన్న వయస్సులోనే వరల్డ్‌కప్‌లో పాల్గొంటూ పతకాల పంట పండిస్తోంది. ప్రస్తుతం పంజాబ్‌లోని సోనీపట్‌లో శిక్షణ పొందుతోంది.చికిత తండ్రి శ్రీనివాస్‌రావు రైతు. తల్లి శ్రీలత గృహిణి. మార్చి తొలివారంలో బ్యాంకాక్‌లో జరిగిన ఏషియన్‌ గేమ్స్‌లో కాంస్యం సాధించింది. ఏప్రిల్‌లో ఫ్లోరిడాలో జరగనున్న వరల్డ్‌కప్‌ స్టేజ్‌–1, మేలో చైనాలో జరిగే వరల్డ్‌కప్‌ స్టేజ్‌– 2 పోటీలకు సిద్ధమవుతోంది. ఒలింపిక్స్‌లో భారత్‌కు పతకం సాధిస్తానని చెబుతోంది.

లేదు 91ఉమ్మడి జిల్లాలోని పలువురు మహిళలు ఇంటా, బయట, ఆఫీసుల్లో ఎదుర్కొంటున్న సమస్యలపై మహిళా దినోత్సవం సందర్భంగా ‘సాక్షి’ సర్వే నిర్వహించగా.. సుమారు 100 మంది వెల్లడించిన అభిప్రాయాలు ఇలా..1మీ ఇంట్లో ఆడ–మగ వివక్ష ఉందా?చెప్పలేను 072అవును 04పనిచేస్తున్న కళాశాల, పని ప్రదేశంలో వివక్ష ఎదుర్కొంటున్నారా?లేదు 7818చెప్పలేను3బస్టాప్‌ 33మీరు ఎక్కువగా ఇబ్బంది పడుతున్న ప్రదేశం?కళాశాల/ ఆఫీసు 08సెల్‌ఫోన్‌లో వచ్చే మెసేజ్‌లు59●4తెలియని వారు 14మిమ్మల్ని ఇబ్బంది పెడుతున్న వారిలో అత్యధికులు ఎవరు?తెలిసిన వారే 275అవును 27ప్రభుత్వ, ప్రైవేటురంగాల్లో ఉద్యోగరీత్యా మహిళగా ఇబ్బందులు తలెత్తుతున్నాయా?లేదు 47

అన్నింటా ఘనత‘సాక్షి’ గెస్ట్‌ ఎడిటర్‌గా వేములవాడ ఏఎస్పీ శేషాద్రినిరెడ్డి ● ఉమెన్స్‌డే కథనాలను పరిశీలించి ఫైనల్‌ చేసిన ఏఎస్పీ ● కథనాల పరిశీలన.. ఎంపికపై పలు సూచనలు ● పత్రిక సిబ్బంది కృషి అభినందనీయమన్న ఐపీఎస్‌ఆడపిల్ల పుట్టిందంటే భయపడే రోజులు పోయాయి. ఇప్పుడు ఆడపిల్లను మహాలక్ష్మిగా కొలుస్తున్నారు. ఊర్లో.. అమ్మాయి పుడితే లక్ష్మీ వచ్చిందంటున్నారు. ఆమె ఒక తల్లి.. కూతురు.. సోదరి.. భార్య.. వీటన్నింటికీ మించి పోరాట యోధురాలు. ఆమె పుట్టుక ఆనందం. ఆమె ఓపికకు వందనం. ఆమె లేనిదే జననం లేదు. ఆమె లేనిదే జీవితం లేదు.. ఈ ప్రపంచానికి మనుగడే లేదు. అన్నింటా ఆమే.. అదే ఇప్పుడు ఆమె లక్ష్యం. చదువులో అగ్రస్థానంలో నిలుస్తూ.. అవకాశాలను అందిపుచ్చుకుంటోంది. ఆవకాయ పెట్టడం నుంచి యుద్ధ విమానాలు నడిపే వరకు అన్నింటా నారీ శక్తి కనిపిస్తోంది. కుటుంబానికి తోడుగా నిలుస్తూ.. కష్టాల్లో ఉన్న బతుకుబండిని లాగుతోంది. ఆమె ఆకాశంలో సగం కాదు.. ఇప్పుడు ఆమే ఆకాశం. అంతర్జాతీయ మహిళా దినోత్సవాన్ని పురస్కరించుకొని ప్రత్యేక కథనాలు.పత్రికా సిబ్బంది శ్రమ తెలిసిందిఅంతర్జాతీయ మహిళాదినోత్సవం సందర్భంగా గెస్ట్‌ ఎడిటర్‌గా కరీంనగర్‌ సాక్షి యూనిట్‌ కార్యాలయానికి రావడం సంతోషంగా ఉంది. మనం ఉదయం చదివే దినపత్రికల కోసం 24 గంటలపాటు ఎన్నివ్యవస్థలు పనిచేస్తాయన్న విషయం ఈ రోజు ప్రత్యక్షంగా చూసే వీలుకలిగింది. వార్తల ఎడిటింగ్‌, ప్రాధాన్యం, పేజీనేషన్‌, ప్రాసెసింగ్‌, ప్రింటింగ్‌ తదితర అంశాలపై సిబ్బంది పడుతున్న శ్రమ వెలకట్టలేనిది. ఈరోజు స్వయంగా వార్తలను ఎంపిక చేయడం, ఎడిటింగ్‌ చేయడం ప్రత్యేక అనుభూతి కలిగించింది. ఈ అవకాశం ఇచ్చిన సాక్షికి ప్రత్యేక ధన్యవాదాలు. మరోసారి సాక్షి పాఠకులకు అంతర్జాతీయ మహిళా దినోత్సవ శుభాకాంక్షలు. – శేషాద్రినిరెడ్డి, ఏఎస్పీ, వేములవాడ

సిరిసిల్ల: సిరిసిల్ల కార్మికవాడల్లో ఏ గడప తట్టినా.. కష్టాలు, కన్నీళ్లు. 2008లో వరుస ఆత్మహత్యలతో కార్మికక్షేత్రం తల్లడిల్లింది. అప్పటి ముఖ్యమంత్రి డాక్టర్‌ వైఎస్‌.రాజశేఖరరెడ్డి అప్పటి ఉమ్మడి కరీంనగర్‌ కలెక్టర్‌ సందీప్‌కుమార్‌ సుల్తానియా సిరిసిల్లలో ఉండే విధంగా ఆదేశించారు. ఆత్మహత్యలు ఆగాలని స్పష్టం చేశారు. ఆర్డీవో ఆఫీస్‌ లోనే మకాం వేసిన కలెక్టర్‌ ఆత్మహత్యలకు కారణాలను అన్వేషించారు. పేదరికం, పనిఒత్తిడి, మానసికవేదన, అప్పులేనని నిర్ధారించారు. వారిలో ధైర్యం నింపేందుకు ఓ నలుగురు మహిళలను నియమించారు. వారు క్షేత్రస్థాయిలో ఇల్లిల్లు తిరుగుతూ బాధల్లో ఉన్న కార్మికులకు భరోసా కల్పించాలని స్పష్టం చేశారు. ఆ నలుగురే రాపెల్లి లత, బూర శ్రీమతి, వేముల అన్నపూర్ణ, కొండ ఉమ. వీరిని చేనేత జౌళిశాఖ ద్వారా నియమించారు. నిత్యం కార్మికవాడల్లో తిరుగుతూ కౌన్సెలింగ్‌ నిర్వహించారు. 16 ఏళ్లుగా సిరిసిల్ల వస్త్ర పరిశ్రమలో పనిచేసేవారికి ఆ నలుగురు అండగా నిలిచారు. కార్మికవాడలైన బీ.వై.నగర్‌, సుందరయ్యనగర్‌, తారకరామనగర్‌, ఇందిరానగర్‌, పద్మనగర్‌, గణేష్‌నగర్‌, నెహ్రూనగర్‌, శాంతినగర్‌, ప్రగతినగర్‌లోని కార్మికుల ఇళ్లకు వెళ్తూ వారి కష్టసుఖాలు తెలుసుకోవడవం, కౌన్సిలింగ్‌కు ఏర్పాట్లు చేయడం వీరివిధి. సైకాలజిస్ట్‌ పున్నంచందర్‌తో కలిసి మనోవిసాకాన్ని కలిగించేందుకు అనేక సదస్సులు నిర్వహించారు. అర్హులైన నేతకార్మికులకు అంత్యోదయ కార్డులు, పెన్షన్లు, రేషన్‌ కార్డులు, నేతన్నలకు బీమా పథకాలను ఇప్పించడం, వైద్యం చేయించడం వంటి సామాజిక సేవలో ఆ నలుగురు ముందుకు సాగుతున్నారు.

ఇల్లంతకుంట/కరీంనగర్‌ స్పోర్ట్స్‌ : చిన్ననాటి నుంచి క్రికెట్‌పై మక్కువ పెంచుకొని జాతీయస్థాయి పోటీల్లో సత్తాచాటుతోంది కట్ట శ్రీవల్లిరెడ్డి. ఇల్లంతకుంట మండలం వంతడుపుల గ్రామానికి చెందిన కట్ట లక్ష్మారెడ్డి– ఉమ దంపతుల చిన్న కూతురు శ్రీవల్లిరెడ్డి మూడో తరగతి నుంచి క్రికెట్‌పై ఆసక్తి పెంచుకుంది. కూతురు ఇష్టం మేరకు లక్ష్మారెడ్డి హైదరాబాద్‌లో ప్రత్యేక కోచింగ్‌ ఇప్పించగా, పాస్ట్‌ బౌలింగ్‌లో మెలకువలు నేర్చుకుంది. 2019లో మధ్యప్రదేశ్‌లో జరిగిన జాతీయస్థాయి పాఠశాల క్రీడా ఫెడరేషన్‌ క్రికెట్‌ పోటీల్లో ప్రతిభ కనబరిచింది. 2022లో పూణెలో నిర్వహించిన అండర్‌– 19 బాలికల క్రికెట్‌ పోటీల్లో హెచ్‌సీఏ తరఫున పాల్గొంది. ఈ జనవరిలో త్రివేండ్రంలో నిర్వహించిన బీసీసీఐ ఉమెన్స్‌ అండర్‌–19 వన్డే ట్రోఫీలో, 2024 డిసెంబర్‌లో అహ్మదాబాద్‌లో నిర్వహించిన సీనియర్‌ ఉమెన్‌ వన్డే టోర్నీలో హైదరాబాద్‌ తరఫున ప్రాతినిఽథ్యం వహించింది. కాగా.. శ్రీవల్లి కోసం తన తండ్రి ఊరు వదిలి కరీంనగర్‌, హైదరాబాద్‌లో ఉంటున్నారు.

● ఎల్‌ఆర్‌ఎస్‌ను ప్రణాళిక బద్ధంగా అమలు చేయాలి ● కలెక్టర్‌ సందీప్‌కుమార్‌ ఝాసిరిసిల్ల: నిరుద్యోగ యువతకు ఉపాధి కల్పించేలా కార్యాచరణ అమలు చేయాలని కలెక్టర్‌ సందీప్‌కుమార్‌ ఝా ఆదేశించారు. కలెక్టరేట్‌లో జిల్లాస్థాయి స్కిల్‌ కమిటీ సమావేశం జరిగింది. నిరుద్యోగులకు అవసరమైన నైపుణ్య శిక్షణ ఇచ్చి ఉపాధి అవకాశాలు పెంచాలన్నారు. కలెక్టర్‌ చైర్మన్‌గా 16 మంది జిల్లా స్థాయి అధికారులతో కూడిన జిల్లా స్థాయి స్కిల్‌ కమిటీని ఏర్పాటు చేసినట్లు తెలిపా రు. భవన నిర్మాణం, ప్రభుత్వ, ప్రైవేటు రంగాల్లో అవకాశాలను జిల్లా యువతకు వివరిస్తూ ఉపాధి కల్పనకు ప్రణాళికతో ముందుకుసాగాలన్నారు. పెన్షన్లు రుణాలకు జమచేస్తే క్రిమినల్‌ కేసు ప్రభుత్వ లక్ష్యాల సాధనలో బ్యాంకర్లు తోడ్పాటు అందించాలని కలెక్టర్‌ సందీప్‌కుమార్‌ ఝా కోరారు. బ్యాంకర్ల సమావేశంలో మాట్లాడుతూ సామాజిక పింఛన్లను కొన్ని బ్యాంకులు రుణాల కింద జమ చేసుకుంటున్నట్లు తెలిసిందని, పెన్షన్లను రుణాల కిందికి జమ చేస్తే క్రిమినల్‌ కేసులు నమోదు చేస్తామన్నారు. రూ.1,519కోట్లు పంట రుణాలు లక్ష్యం కాగా.. డిసెంబరు నాటికి రూ.808కోట్లు పంపిణీ చేసినట్లు వెల్లడించారు. ఎల్‌ఆర్‌ఎస్‌ దరఖాస్తులను పరిష్కరించాలి పెండింగ్‌ ఎల్‌ఆర్‌ఎస్‌ దరఖాస్తులను ఈనెలాఖరిలోగా పరిష్కరించాలని సూచించారు. 42,942 దరఖాస్తులు 2020లో రాగా 23,515 ఆమోదించామని, 1,230 తిరస్కరించినట్లు తెలిపారు. అధికారుల బృందం దరఖాస్తులు పరిశీలించి అర్హత ఉన్న వాటిని పరిష్కరించాలన్నారు. సమావేశాల్లో జిల్లా ఉపాధి కల్పనాధికారి రాఘవేందర్‌, డీఆర్‌డీవో శేషాద్రి, పరిశ్రమలశాఖ జీఎం హన్మంతు, డీఏవో అఫ్జల్‌ బేగం, ఎల్‌డీఎం మల్లికార్జున్‌, ఎస్సీ, బీసీ సంక్షేమాధికారులు జనార్దన్‌, రాజమనోహర్‌, లీడ్‌ బ్యాంకు మేనేజర్‌ టీఎన్‌ మల్లికార్జున్‌రావు, యూబీఐ రీజినల్‌ హెడ్‌ అపర్ణరెడ్డి, ఆర్‌బీఐ ఎల్‌డీవోవీ సాయితేజ్‌రెడ్డి, డీటీసీపీ అన్సార్‌, కమిషనర్లు సమ్మయ్య, అన్వేశ్‌ పాల్గొన్నారు.

సప్తగిరికాలనీ(కరీంనగర్‌): సివిల్స్‌ కొట్టాలన్న కూతురు లక్ష్యానికి వెన్నంటే నిలిచింది ఆ తల్లి.. ఒకసారి ఫెయిలైనా.. రెండోసారి సాధించకున్నా.. సరే అమ్మా అధైర్యపడకూ అంటూ వెన్ను తట్టింది. నువ్వు సాధించగలవు అంటూ ప్రోత్సహించింది. నాలుగోసారి ప్రయత్నంలో ఆ కూతురు ఐఏఎస్‌ సాధించగా.. ఆ సక్సెస్‌లో తన తల్లి కీలకమంటోందా కూతురు. కరీంనగర్‌లోని విద్యానగర్‌కు చెందిన కొలనుపాక సహన 2023 బ్యాచ్‌ సివిల్‌ సర్వీసెస్‌కు ఎంపికై ంది. తన తల్లి గీత ఇచ్చిన స్ఫూర్తే ఇందుకు కారణమని చెబుతోంది. సహన హైదరాబాద్‌లో ఇంజినీరింగ్‌ పూర్తి చేసింది. ఏడాదిపాటు ఢిల్లీలో యూపీఎస్సీ కోచింగ్‌ తీసుకుంది. తరువాత స్థానికంగానే సివిల్స్‌కు సన్నద్ధమైంది. నాలుగో ప్రయత్నంలో తన లక్ష్యాన్ని సాధించింది. 739వ ర్యాంకు సాధించి ప్రస్తుతం శిక్షణలో ఉంది.తల్లి గీతతో కూతురు సహన

కరీంనగర్‌రూరల్‌: సాధారణంగా మహిళలు బల్లి కనిపిస్తేనే అమ్మో అంటారు. అయితే ఇందుకు భిన్నంగా ఓ మహిళ ఎలాంటి భయం లేకుండా పాములు పట్టడమే వృత్తిగా ఎంచుకుంది. కరీంనగర్‌ శివారు తీగలగుట్టపల్లిలోని చంద్రపురికాలనీకి చెందిన షేక్‌ సయిదా భర్త ఖాజామియా 15ఏళ్లక్రితం డెంగీతో చనిపోయాడు. కుటుంబపోషణ కోసం పాములు పడుతోంది. చిన్నప్పుడు తండ్రి సయ్యద్‌బాబా వద్ద నేర్చుకున్న పాములను పట్టడమే వృత్తిగా మార్చుకుంది. తమ ప్రాంతంలో పాము వచ్చిందని ఎవరైనా ఫోన్‌చేస్తే రాత్రి పగలు లేకుండా అక్కడికి చేరుకుంటోంది. పాములు పట్టినందుకు వారు ఇచ్చే డబ్బులతో కుటుంబాన్ని పోషించుకుంటోంది. పట్టుకున్న పాములను అటవీ శాఖ అధికారులకు అప్పగించడం, లేదా అటవీప్రాంతంలో విడిచిపెట్టడం చేస్తోంది. సయిదా ప్రస్తుతం అద్దెఇంట్లో ఉంటోంది. పాముకాటుకు గురైతే తన కుటుంబ పరిస్థితి ఏంటని ఆవేదనవ్యక్తం చేస్తోంది. ప్రభుత్వం ఆదుకునేందుకు సాయం చేయాలని కోరుతోంది.

వేములవాడ: దైవకార్యంలో మేము సైతం అంటూ మహిళలు ముందుకు సాగుతున్నారు. సొంత ఖర్చులతో వేములవాడకు చేరుకుని హుండీ లెక్కింపులో, భక్తుల సేవలో తరిస్తున్నారు. ఒక్క ఫోన్‌కాల్‌ చేస్తే చాలు సొంత ఖర్చులతో రాజన్న సన్నిధికి చేరుకుని సేవలందిస్తున్నారు. ఇందులో ప్రధానంగా శ్రీలలితా సేవా ట్రస్టు, శివరామకృష్ణ భజన మండలి, శ్రీరాజరాజేశ్వరి సేవా సమితి సభ్యులు దశాబ్దానికిపైగా రాజన్న సేవలో తరిస్తున్నారు. ప్రతీసారి జరిగే హుండీ లెక్కింపుతో పాటు అన్ని పర్వదినాలు, రద్దీ రోజుల్లోనూ వీరు స్వచ్ఛందంగా సేవలందిస్తున్నారు. ఉమ్మడి కరీంనగర్‌ జిల్లాతోపాటు పొరుగు జిల్లాల నుంచి వందల సంఖ్యలో సేవా సమితి సభ్యులు వస్తుంటారు. గురువారం నాటి హుండీ కౌంటింగ్‌లో సుమారు 550మంది మహిళలు పాల్గొన్నారు. ‘మహిళలు ఆలయంలో అందిస్తున్న సేవలు అమూల్యమైనవి. వారి సేవలకు కృతజ్ఞతగా మధ్యాహ్న భోజనం, రెండు లడ్డూలు, స్వామి వారి దర్శనం కల్పిస్తున్నాం’. అని ఈవో కొప్పుల వినోద్‌రెడ్డి పేర్కొన్నారు.

యైటింక్లయిన్‌కాలనీ(రామగుండం): రామగుండం కార్పొరేషన్‌ యైటింక్లయిన్‌కాలనీకి చెందిన పింగిళి కృష్ణారెడ్డి–స్వర్ణలత దంపతులకు ఇద్దరు కూతుర్లు. కృష్ణారెడ్డి జేఎన్‌టీయూ కళాశాలలో ఫిజికల్‌ డైరెక్టర్‌. ఆడపిల్లలనే భావనలేకుండా తన కూతుళ్లను పురుషులు దీటుగా చదువుతో పాటు క్రీడల్లో రాణించేలా తీర్చిదిద్దారు. పెద్ద కూతు రు స్మిగ్ధ స్థానికంగా 10వ తరగతి, ఇంటర్‌, హైదరాబాద్‌లో బీటెక్‌(మెకానికల్‌) పూర్తి చేసింది. అమెరికాలో ఎమ్మెస్సీ చేసి ప్రస్తుతం హెచ్‌1బీ వీసా మీద సాఫ్ట్‌వేర్‌ ఉద్యోగం చేస్తోంది. చిన్న కూతురు స్నిగ్ధ స్థానికంగా పది, ఇంటర్‌, ఫామ్‌ డీ పూర్తి చేసి డాక్టర్‌ పట్టా పొందింది. అమెరికాలో ఎమ్మెస్సీ చేసి సాఫ్ట్‌వేర్‌ ఉద్యోగం చేస్తోంది.

విద్యానగర్‌(కరీంనగర్‌): ఠాకూర్‌ అశ్విని అలియస్‌ ఆశాది కరీంనగర్‌లోని భగత్‌నగర్‌. నగరంలోని డైలీ మార్కెట్‌, వేంకటేశ్వరస్వామి గుడి వద్ద ఫుట్‌పాత్‌పై సీజనల్‌ వ్యాపారం చేస్తుంది. మట్టికుండలు, దీపాల ప్రమిదలు, రంగుల ముగ్గులు, పచ్చడి జాడీలు, దీపాల వత్తులు అమ్ముతుంది. రెండేళ్ల క్రితం వ్యాపార అభివృద్ధి కోసం తొలిసారిగా ఆమె అమ్మే వస్తువుల గురించి రీల్‌ చేసి ఇన్‌స్టాగ్రామ్‌లో పోస్ట్‌ చేయగా వేల సంఖ్యలో వ్యూస్‌ వచ్చాయి. దీంతో మరిన్ని రీల్స్‌ చేసి పోస్ట్‌ చేసింది. వాటికి కూడా ఆశించిన దానికన్నా ఎక్కువగా స్పందన రావడంతో సినిమా పాటలు, జానపద గేయాలు, భక్తి, రొమాంటిక్‌, ప్రేమ, ఎడబాటు తదితర అంశాలపై రీల్స్‌ చేయడం మొదలు పెట్టగా వాటికి కూడా లక్షల్లో వ్యూస్‌ రావడం, ఆరో తరగతి వరకే చదివిన ఆశాకు భర్త, కుటుంబ సభ్యుల ప్రోత్సాహం తోడవడంతో రీల్స్‌పై మక్కువ పెంచుకుంది. రెండేళ్లలో 600 వరకు రీల్స్‌ చేసింది. ‘ఇన్‌స్టాగ్రామ్‌లో నా రీల్స్‌ చూసిన డైరెక్టర్లు చాలా మంది వారి సినిమాల్లో అడిగారు. కీ రోల్‌ పాత్రలు వస్తే తప్పకుండా చిన్న, పెద్ద సినిమాల్లో చేస్తాను’ అని ఠాకూర్‌ అశ్విని వెల్లడించింది. సిరిసిల్లక్రైం: మహిళలు, విద్యార్థులకు రక్షణ కల్పించేందుకు రాష్ట్రంలో ఎక్కడాలేని విధంగా రాజన్న సిరిసిల్ల జిల్లా పోలీస్‌ అధికారులు పోలీస్‌ అక్క పేరిట జిల్లాలోని ప్రతీ పోలీస్‌ స్టేషన్‌లో ఒక మహిళా కానిస్టేబుల్‌ను కేటాయించారు. 2024 డిసెంబర్‌లో ప్రారంభమైన ఈ కార్యక్రమంలో విద్యార్థులు, మహిళలను మమేకం చేస్తూ ఎస్పీ అఖిల్‌ మహాజన్‌ సరికొత్త ఒరవడికి శ్రీకారం చుట్టారు. వేధింపులకు గురైతే బాధితులు ఇంట్లో మనిషి మాదిరిగా పోలీస్‌ అక్కకు చెప్పుకునేలా విధివిధానాలు ఖరారు చేశారు. పోలీస్‌ అక్క కార్యక్రమం ప్రారంభించినప్పటి నుంచి దాదాపు 220 అవగాహన కార్యక్రమాలను నిర్వహించిన పోలీసులు నాలుగు ఫిర్యాదులు స్వీకరించారు. అందులో మూడు ఈ–పెట్టి కేసులు ఒక ఎఫ్‌ఐఆర్‌ నమోదు చేసినట్లు అధికారిక గణంకాలు ఉన్నాయి.బాధితులకు అండగా ‘పోలీస్‌ అక్క’

చిన్న హోటల్‌.. పెద్ద బాధ్యత ఊరిపై మమకారం.. సేవకు శ్రీకారంరామగిరి(మంథని): ఊరిపై మమకారంతో సామాజిక సేవకు శ్రీకారం చుట్టారు రేండ్ల శారద. మండలంలోని కల్వచర్ల గ్రామానికి చెందిన శారద వ్యవసాయ కుటుంబంలో జన్మించారు. అదే గ్రామానికి చెందిన రేండ్ల కుమార్‌స్వామితో వివాహం జరిగింది. మహిళల నిరుద్యోగ సమస్య, ఆర్థిక ఇబ్బందులను చూసి సమాజానికి ఎంతో కొంత సేవ చేయాలని భర్త సహకరంతో ఆర్‌ఎస్‌కే ఆపన్న హస్తం ఏర్పాటు చేశారు. దాని ద్వారా గ్రామంలోని మహిళలకు ఉచితంగా పరికరాలు అందించారు. మహిళలకు కుట్లు–అల్లికలు, బ్యూటిషియన్‌, కుట్టు మిషన్‌ తదితర కోర్సుల్లో శిక్షణ ఇస్తున్నారు. న్యాక్‌ సంస్థ ద్వారా సొంత ఖర్చులతో సర్టిఫికెట్స్‌ను అందించారు. ఒక్కో విడతలో సుమారు 40 మందికి మూడు నెలల పాటు శిక్షణ అందిస్తున్నారు. ‘ఇప్పటి వరకు నాలుగు బ్యాచ్‌లు పూర్తి చేశాం. ప్రస్తుతం ఐదో బ్యాచ్‌ కొనసాగుతుంది. నా భర్త సహకారంతో సేవ చేయడం తృప్తిగా ఉంది’.అని శారద వెల్లడించారు. మెట్‌పల్లిరూరల్‌(కోరుట్ల): మెట్‌పల్లి మండలం ఆత్మనగర్‌కు చెందిన బట్టు సుశీల చిన్న హోటల్‌ నడిపిస్తూ తన కుమారుల్ని ఉన్నతులుగా తీర్చిదిద్దింది. సుశీల, భర్త గంగరాజు గ్రామంలో హోటల్‌ నడిపించేవారు. 16 ఏళ్ల క్రితం గంగరాజు గుండెపోటుతో మృతిచెందాడు. వీరికి ఇద్దరు కుమారులు, ఇద్దరు కూతుళ్లు. అతడు చనిపోయిన సమయంలో పిల్లలంతా చిన్నవారే. అప్పటి నుంచి సుశీల నలుగురు పిల్లల బాధ్యతను మోసింది. ప్రస్తుతం పెద్దకుమారుడు సుమన్‌ ఆర్మీలో పనిచేస్తుండగా, చిన్న కొడుకు రంజిత్‌ సాఫ్ట్‌వేర్‌ ఉద్యోగం చేస్తున్నాడు. ఇద్దరు కూతుళ్ల వివాహం చేసింది.

సిరిసిల్ల: స్కానింగ్‌ సెంటర్లలో చేసే స్కానింగ్‌ల వివరాలు ఆన్‌లైన్‌లో నమోదు చేయాలని ప్రోగ్రాం ఆఫీసర్‌, హెచ్‌ఎన్‌ ఇన్‌చార్జి సంపత్‌కుమార్‌ కోరారు. కుటుంబ ఆరోగ్యశాఖ కమిషనర్‌ ఆదేశాలతో సిరిసిల్లలోని పలు స్కానింగ్‌ సెంట ర్లను శుక్రవారం తనిఖీ చేశారు. లింగ నిర్ధారణ నిషేధిత చట్టం(పీసీపీఎన్‌డీటీ) ప్రత్యేక తనిఖీల్లో భాగంగా ఆకస్మిక తనిఖీలు చేపట్టారు. సంపత్‌కుమార్‌ మాట్లాడుతూ స్కానింగ్‌ వివరాలను రికార్డుల్లో నమోదు చేయడంతోపాటు ఆన్‌లైన్‌లోనూ నమోదు చేయాలన్నారు. డిప్యూటీ డెమో డాక్టర్‌ రాజ్‌కుమార్‌, డీహెచ్‌ఈడబ్ల్యూ రోజా, పోలీస్‌ కానిస్టేబుల్‌ శ్రీలత, హెచ్‌ఈ బాలయ్య, డేటా ఎంట్రీ ఆపరేటర్‌ మహేశ్‌ పాల్గొన్నారు.

గంభీరావుపేట(సిరిసిల్ల): గంభీరావుపేట మండల కేంద్రంలోని సింగసముద్రం నాలా(పెద్ద కాలువ) ఆయకట్టు భూములకు సాగునీరందించాలని డిమాండ్‌ చేస్తూ రైతులు, నాయకులు శుక్రవారం రోడ్డెక్కారు. సిద్దిపేట, కామారెడ్డి ప్రధాన రహదారిపై బైఠాయించారు. దాదాపు వెయ్యి ఎకరాలకు సాగునీరందక పొలాలు ఎండిపోతున్నాయని, పశువులకు తాగునీరు కూడా అందడం లేదని రైతులు వాపోయారు. నర్మాల ఎగువమానేరు ప్రాజెక్టు ద్వారా పెద్ద కాలువకు నీరు విడుదల చేసి పంట పొలాలను కాపాడాలని కోరారు. వీరి ఆందోళనకు బీజేపీ నాయకులు మద్దతు తెలిపారు. ఎస్సై శ్రీకాంత్‌ రైతులతో మాట్లాడి ఆందోళన విరమింపజేశారు. ఆఫీస్‌ సబార్డినేట్‌ సస్పెన్షన్‌ఇల్లంతకుంట(మానకొండూర్‌): మండలంలోని గాలిపెల్లి పశువైద్య కేంద్రం ఆఫీస్‌ సబార్డినేట్‌ కె.దేవమ్మను శుక్రవారం సస్పెండ్‌ చేస్తూ జిల్లా పశువైద్యాధికారి రవీందర్‌రెడ్డి ఉత్తర్వులు జారీ చేశారు. దేవమ్మ గతేడాది జూన్‌లో ముందస్తు రిటైర్మెంట్‌ కోసం మెడికల్‌ సర్టిఫికెట్లతో జిల్లా కార్యాలయంలో దరఖాస్తు చేసుకుంది. లివర్‌కు సంబంధించిన వ్యాధితో బాధపడుతున్నట్టు మెడికల్‌ సర్టిఫికెట్లు జతపరిచింది. దీనిపై జిల్లా అధికారులు విచారించగా దేవమ్మ దరఖాస్తు చేసుకున్న సర్టిఫికెట్స్‌ మోసపూరితమైనవని తేలింది. కలెక్టర్‌ ఆదేశాలతో జిల్లా పశువైద్యాధికారి దేవమ్మను సస్పెండ్‌ చేస్తూ ఉత్తర్వులు జారీ చేశారు.

● గేదైపె దాడి ● పాదముద్రలు గుర్తించిన రైతులు వేములవాడరూరల్‌: వేములవాడరూరల్‌ మండలం ఫాజుల్‌నగర్‌ ఫారెస్టు ప్రాంతంలో పులి సంచరిస్తున్న ఆనవాళ్లు బయటపడ్డాయి. ఫాజుల్‌నగర్‌ శివారులో ఓ గేదైపె పులి దాడిచేసిన ఆనవాళ్లు, దాని పాదముద్రలు రైతులు గుర్తించారు. గత మూడు రోజులుగా ఈ ప్రాంతంలో పులి తిరుగుతున్నట్లు రైతులకు సమాచారం వచ్చింది. ఫారెస్టు అధికారులు ఈ ప్రాంతంలో గాలిస్తున్నా పులి ఆనవాళ్లు గుర్తించలేదు. రెండు రోజుల క్రితం ఫాజుల్‌నగర్‌కు చెందిన ఉప్పరి నారాయణ అనే రైతు గేదైపె పులి దాడిచేయడం, దాని పాదముద్రలు బయటపడడంతో పులి తిరుగుతున్నట్లు రైతులు గుర్తించారు. దీంతో రైతులు పొలాల వద్దకు వెళ్లేందుకు భయపడుతున్నారు. ఫారెస్టు అధికారులు పులి తిరుగుతున్నట్లు ఎలాంటి ప్రకటన చేయకపోవడంతో ఫాజుల్‌నగర్‌, నూకలమర్రి, నమిలిగుండుపల్లి, వట్టెంల ప్రాంతాల రైతులు ఆందోళన చెందుతున్నారు. ఈ విషయంపై ఎఫ్‌ఆర్‌వో ఖలీలొద్దీన్‌ను వివరణ కోరగా పూర్తి సమాచారం రేపటి వరకు చెబుతామని దాటవేశారు. ఎల్‌ఆర్‌ఎస్‌ను సద్వినియోగం చేసుకోవాలి ● సిరిసిల్ల మున్సిపల్‌ కమిషనర్‌ సమ్మయ్య సిరిసిల్లటౌన్‌: ఎల్‌ఆర్‌ఎస్‌కు 2020లో రూ.వేయి చెల్లించి దరఖాస్తు చేసుకున్న వారు 25 శాతం రాయితీలో ప్లాట్లను రెగ్యులరైజ్‌ చేసుకోవాలని సిరిసిల్ల మున్సిపల్‌ కమిషనర్‌ ఎస్‌.సమ్మయ్య తెలిపారు. ఈమేరకు శుక్రవారం ప్రకటన విడుదల చేశారు. ఈనెల 31లోపు ఎల్‌ఆర్‌ఎస్‌ ఫీజు చెల్లించిన వారికి 25 శాతం రాయితీ ప్రకటించినట్లు పేర్కొన్నారు. ఈ అవకాశాన్ని సద్వినియోగం చేసుకోవాలని కోరారు.

సాక్షిప్రతినిధి, కరీంనగర్‌: మహిళలను కోటీశ్వరులను చేయాలన్న లక్ష్యంతో రాష్ట్ర ప్రభుత్వం చేపట్టిన ప్రణాళికలు కార్యరూపం దాల్చనున్నాయి. మహిళా సమాఖ్యలకు ఆర్టీసీ బస్సులు కేటాయించడం ద్వారా వారిని ఆర్థికంగా పరిపుష్టం చేయాలన్న లక్ష్యాన్ని నెరవేర్చేందుకు అడుగులు పడుతున్నాయి. అందులో భాగంగా రాష్ట్ర వ్యాప్తంగా 20 మండల మహిళా సమాఖ్యలను ఎంపిక చేశారు. ఈ జాబితాలో ఉమ్మడి కరీంనగర్‌ జిల్లాకు చెందిన ఐదు మండల మహిళా సమాఖ్యలకు అవకాశం దక్కడం గమనార్హం. శనివారం రవాణామంత్రి పొన్నం ప్రభాకర్‌, సీ్త్ర శిశుసంక్షేమ శాఖ మంత్రి సీతక్క ఆధ్వర్యంలో సమాఖ్యలకు బస్సులు కేటాయించనున్నారు. ఎన్‌ఆర్‌ఎల్‌ఎం సాయంతో.. నేషనల్‌ రూరల్‌ లైవ్లీహుడ్‌ మిషన్‌(ఎన్‌ఆర్‌ఎల్‌ఎం) పథకంలో భాగంగా కేంద్రం మహిళా సమాఖ్యలకు ఆర్థిక సాయం చేయనుంది. ఈ మేరకు రూ.30 లక్షలు ఈ పథకం ద్వారా, మహిళా సమాఖ్య నిధుల నుంచి మరో రూ.6 లక్షలు కలిపి మొత్తం రూ.36 లక్షలు వెచ్చించి ఆర్టీసీ (పల్లెవెలుగు) బస్సులు కొంటారు. ఈ బస్సుల ఆర్సీ బుక్‌లో మహిళా సమాఖ్య పేరుమీదే రిజిస్ట్రేషన్‌ చూపిస్తారు. వీటి నిర్వహణ ఆర్టీసీ చూసుకుంటుంది. నెలనెలా రూ.77,220 చొప్పున ఆయా సమాఖ్యలకు ఆర్టీసీ చెల్లిస్తుంది. ఎంపికై న సంఘాలివే.. వాస్తవానికి రాష్ట్రవ్యాప్తంగా 150 మండల మహిళా సమాఖ్యలకు ప్రభుత్వం బస్సులు ఇచ్చేందుకు ఎంపిక చేసింది. అందులో పెద్దపల్లి జిల్లాలో 9, రాజన్నసిరిసిల్లకు 9, కరీంనగర్‌ 14, జగిత్యాల 15 సమాఖ్యలు ఉన్నాయి. ఇందులో శనివారం జగిత్యాల జిల్లా ధర్మపురి మండలం శ్రీచైతన్య సమాఖ్య, కరీంనగర్‌ జిల్లా చిగురుమామిడి మండలం ఉదయలక్ష్మి సమాఖ్య, సైదాపూర్‌ మండలం సంతోషిమాతా సమాఖ్య, పెద్దపల్లి జిల్లా ముత్తారానికి చెందిన రుద్రమ సమాఖ్య, రాజన్నసిరిసిల్ల జిల్లాకు చెందిన అభ్యుదయ సమాఖ్యలు మంత్రుల చేతులమీదుగా కొత్త బస్సులు అందుకోనున్నాయి.

● వేములవాడ ఏఎస్పీ శేషాద్రినిరెడ్డి సిరిసిల్లటౌన్‌: పురుషులకు ధీటుగా మహిళలు అన్ని రంగాల్లో రాణించాలని వేములవాడ ఏఎస్పీ శేషాద్రినిరెడ్డి పేర్కొన్నారు. బీజేపీ మహిళా మోర్చా ఆధ్వర్యంలో శుక్రవారం సిరిసిల్లలో నిర్వహించిన మహిళా దినోత్సవానికి హాజరై మాట్లాడారు. ప్రభుత్వం మహిళల కోసం అందిస్తున్న సంక్షేమ పథకాలను సద్వినియోగం చేసుకోవాలన్నారు. అనంతరం కేక్‌ కోసి సంబరాలు జరిపారు. బీజేపీ జిల్లా అధ్యక్షుడు రెడ్డబోయిన గోపి, డాక్టర్‌ తడక రవళి, మాజీ జెడ్పీటీసీ పల్లం అన్నపూర్ణ, ఎక్స్‌ ఎంపీపీ సంకినేని లక్ష్మి, మాధవి, జయశ్రీ, భవిత, లావణ్య, సుస్మిత పాల్గొన్నారు. రాష్ట్రస్థాయి జిజ్ఞాస పోటీల్లో ప్రతిభవేములవాడఅర్బన్‌: అగ్రహారం ప్ర భుత్వ డిగ్రీ కళాశాల అర్థశాస్త్రం విద్యార్థులు రాష్ట్రస్థాయి జిజ్ఞాస పోటీల్లో ప్ర తిభ కనబర్చినట్లు ప్రిన్సిపాల్‌ శంకర్‌ తెలిపారు. విద్యార్థులు జాషువ, విష్ణు, గంగసాయి, అక్షయ్‌, వినయ్‌లు ‘ఇంపాక్ట్‌ ఆఫ్‌ గూడ్స్‌ అండ్‌ సర్వీసెస్‌ టాక్స్‌ ఆన్‌ బయింగ్‌ బిహేవియర్‌ ఆర్‌ కన్జ్యూమర్‌ ఎ స్టడీ ఇన్‌ డిస్ట్రిక్ట్‌’ అనే అంశంపై రూపొందించిన స్టడీ ప్రాజెక్ట్‌ రాష్ట్ర స్థాయి పోటీలకు ఎంపికై నట్లు తెలిపారు. విద్యార్థులకు ప్రశంసాపత్రాలు అందజేశారు. అధ్యాపకులు శకుంతల, వైస్‌ ప్రిన్సిపాల్‌ లావణ్య, కృష్ణప్రసాద్‌, శోభారాణి, శ్రీధర్‌రావు అభినందించారు.

బోయినపల్లి(చొప్పదండి): బోయినపల్లి మండలంలో మహిళా అధికారులు, ఉద్యోగులు అధికంగా ఉన్నారు. రెవెన్యూ, మండల పరిషత్‌, ఐకేపీ, ఉపాధిహామీ, వైద్య, వ్యవసాయ శాఖల్లో కొలువు దీరారు. ఎంపీడీఓగా భీమ జయశీల, డెప్యూటీ తహసీల్దార్‌గా దివ్యజ్యోతి, మండల వ్యవసాయ అధికారిగా కె.ప్రణిత, ఈజీఎస్‌ ఏపీవోగా వనం సబిత, ఐకేపీ ఏపీఎంగా జయసుధ, విలాసాగర్‌, కొదురుపాక పీహెచ్‌సీల్లో వైద్యులుగా అనిత, రేణుప్రియాంక.. ఇలా పలు విభాగాల్లో మహిళలే ఎక్కువ సంఖ్యలో ఉన్నారు. అంకిత భావంతో విధులు పంచాయతీరాజ్‌ శాఖలో వీడీవో, పంచాయతీ కార్యదర్శి, ఈఓపీఆర్డీగా పని చేసి ఇప్పుడు ఎంపీడీవోగా విధులు నిర్వహిస్తున్నా. వివిధ మండలాల్లో ప్రజలతో మమేకమై అనేక అభివృద్ధి పనుల్లో పాలు పంచుకోవడం ఎంతో సంతృప్తినిచ్చిది. – బీమా జయశీల, ఎంపీడీవో, బోయినపల్లి వ్యవసాయంపై మక్కువ వ్యవసాయ అధికారిగా అనేక మండలాల్లో రైతులకు ఎన్నో సలహాలు, సూచనలు ఇచ్చిన. పని చేసిన ప్రతీ చోట క్షేత్రస్థాయిలో పంట పొలాలు సందర్శించి రైతుల సాధక బాధకలు గుర్తించడం సంతృప్తినిస్తోంది. – కె.ప్రణిత, ఎంఏవో, బోయినపల్లి

● జెడ్పీ సీఈవోకు పీఆర్‌ ఉద్యోగుల సంఘం వినతి సిరిసిల్ల: మండల పరిషత్‌లోని పంచాయతీరాజ్‌ పోస్టుల్లో వీఆర్‌వోలకు అవకాశం కల్పించవద్దని తెలంగాణ పంచాయతీరాజ్‌ ఉద్యోగుల సంఘం ఉమ్మడి కరీంనగర్‌ జిల్లా అధ్యక్షుడు ప్రవీణ్‌రావు కోరారు. ఈమేరకు జెడ్పీ సీఈవో వినోద్‌కుమార్‌కు గురువారం వినతిపత్రం ఇచ్చారు. వేములవాడరూరల్‌, రుద్రంగి మండల పరిషత్‌లలో వీఆర్‌వోలను జూనియర్‌ అసిస్టెంట్లుగా నియమించకుండా.. సూపరిటెండెంట్‌ పోస్టుల్లో నియమించారని పేర్కొన్నారు. ఈ విధానంతో పంచాయతీరాజ్‌శాఖలో పనిచేసే సీనియర్‌ అసిస్టెంట్లకు పదోన్నతుల విషయంలో అన్యాయం జరుగుతుందని ఆవేదన వ్యక్తం చేశారు. మహిళా అధికారులు, సిబ్బందిని సన్మానించారు. పీఆర్‌ ఉద్యోగుల సంఘం నాయకులు రాజిరెడ్డి, రమణ, రమేశ్‌, పాపారావు ఉన్నారు.

ఇల్లంతకుంట(మానకొండూర్‌): ప్రభుత్వం నిధులు మంజూరు చేయగానే అసంపూర్తి కాలువ పనులు ప్రారంభిస్తామని.. దీక్ష విరమించాలని రంగనాయక సాగర్‌ ప్రాజెక్టు డీఈ సీతారామ్‌, డీటీ సత్యనారాయణ, ఆర్‌ఐ షఫీ రైతులను కోరారు. రైతులు దీక్ష చేస్తున్న శిబిరాన్ని గురువారం సందర్శించి మాట్లాడారు. ఎమ్మెల్యే లేదా ఉన్నతాధికారులు వచ్చి హామీ ఇస్తేనే దీక్ష విరమిస్తామని రైతులు స్పష్టం చేయడంతో అధికారులు వెనుదిరిగారు. కాల్వ పనులు ప్రారంభించాలి రంగనాయక సాగర్‌ ప్రాజెక్టు ఎల్‌ఎం–6 కెనాల్‌ పనులు ప్రారంభించకుంటే రైతులతో కలిసి ఉద్యమిస్తామని సీపీఎం జిల్లా కార్యదర్శి మూషం రమేశ్‌ హెచ్చరించారు. పెద్దలింగాపూర్‌లో రైతులు చేపట్టిన దీక్ష శిబిరాన్ని బుధవారం సందర్శించి సంఘీభావం తెలిపారు. రైతులకు చెల్లించాల్సిన రూ.3కోట్లు విడుదల చేసి, కాల్వ పనులు ప్రారంభించాలని కోరారు. సీపీఎం నాయకులు గన్నారం నర్సయ్య, జవ్వాజి విమల, రైతులు కరికె నవీన్‌, గాదె మధుసూదన్‌, అమ్ముల అశోక్‌, పయ్యావుల బాలయ్య పాల్గొన్నారు.

సిరిసిల్ల: మహిళలు అన్ని రంగాల్లో రాణించాలని జిల్లా సంక్షేమాధికారి లక్ష్మీరాజం కోరారు. కలెక్టరేట్‌లో గురువారం మహిళ, శిశు సంక్షేమ శాఖ ఆధ్వర్యంలో అంతర్జాతీయ మహిళా దినోత్సవాన్ని నిర్వహించారు. లక్ష్మీరాజం మాట్లాడుతూ మహిళలకు సమానమైన హక్కులతోపాటు ప్రత్యేకమైన చట్టాలను కూడా ప్రభుత్వం కల్పిస్తుందని తెలిపారు. గృహహింస నిరోధక చట్టం, పనిప్రదేశాల్లో లైంగిక వేధింపుల నివారణ చట్టం, నిర్భయచట్టం అమలు చేస్తున్న విషయాన్ని వివరించారు. ఏ సందర్భంలోనైనా లైంగిక, మానసిక, శారీరక, ఆర్థిక వేధింపులను ఎదుర్కొంటే టోల్‌ఫ్రీ నంబర్‌ 181 ద్వారా వైద్యం, న్యాయం, పోలీస్‌ కౌన్సెలింగ్‌, షెల్టర్‌ సహాయాలు కోరవచ్చని వివరించారు. ఐసీడీఎస్‌ సూపర్‌వైజర్‌ నిర్మలదేవి, మహిళా సాధికారత కేంద్రం కోఆర్డినేటర్‌ రోజా, సఖీ ఇన్‌చార్జి విజయ, సిరిసిల్ల ఆర్డీవో రాధాబాయ్‌, జిల్లా వ్యవసాయ అధికారి అఫ్జల్‌ బేగం, మిషన్‌ భగీరథ ఈఈ జానకి, గెజిటెడ్‌ ఉద్యోగుల సంఘం జిల్లా అధ్యక్షుడు సమరసేన, జిల్లా ఉద్యోగుల సంఘం అధ్యక్షుడు రవీందర్‌రెడ్డి, డీఆర్‌డీవో శేషాద్రి, మహిళా అధికారులు పాల్గొన్నారు. అంతకుముందు సఖీ కేంద్రం ఆధ్వర్యంలో నర్సింగ్‌ కాలేజీలో అవగాహన సదస్సు నిర్వహించారు. ● జిల్లా సంక్షేమాధికారి లక్ష్మీరాజం

సిరిసిల్ల: జాతీయ డెంటిస్ట్‌ డే సందర్భంగా సిరిసిల్లలో గురువారం దంతవైద్యులు ర్యాలీ నిర్వహించారు. సిరిసిల్ల అంబేడ్కర్‌ సర్కిల్‌ నుంచి బతుకమ్మ ఘాట్‌ వరకు 2కే రన్‌, వాకింగ్‌ చేశారు. నోటి ఆరోగ్యంపై ప్రజల్లో అవగాహన కల్పించేందుకు ఈ కార్యక్రమాన్ని నిర్వహించినట్లు ఇండియన్‌ డెంటిస్ట్‌ అసోసియేషన్‌(ఐడీఏ) జిల్లా అధ్యక్షుడు డాక్టర్‌ పిన్నా రాజు తెలిపారు. ఐడీఏ జిల్లా ప్రధాన కార్యదర్శి వైద్యులు ఎస్‌.సతీశ్‌కుమార్‌, డి.శ్యాంసుందర్‌రెడ్డి, దంతవైద్యులు విజయ్‌, రాజేందర్‌, కె.గోపి, సత్య, అన్వేశ్‌, సీహెచ్‌.సంతోష్‌, పూర్ణచందర్‌, శివరామకృష్ణ, ఎ.సంతోష్‌, కీర్తి, ప్రియ, స్నేహ, గీత, ఆకాంక్ష, సంధ్య, రమ్య, లావణ్య, ఎం.రాజేందర్‌, నరేశ్‌, శ్రవంతి, బ్రహ్మం తదితరులు పాల్గొన్నారు.

● ఎమ్మెల్సీ ఓటమిపై కాంగ్రెస్‌లో మొదలైన అంతర్మథనం ● చొప్పదండి, వేములవాడ, సిరిసిల్ల, జగిత్యాలలో ప్రతికూలం ● పెద్దపల్లి జిల్లాలోనే హస్తం పార్టీకి మెజారిటీ ● కరీంనగర్‌లో అసెంబ్లీ, పార్లమెంట్‌, ఎమ్మెల్సీల్లో వరుస ఓటమి ● కొంపముంచిన చెల్లని ఓట్లు, సమన్వయ లోపాలు ● పార్టీలో లోపాలపై ముఖ్యమంత్రికి త్వరలో నివేదిక ● నాటి సీఎం తరహాలోనే నేటి సీఎం వ్యాఖ్యలు చేటు చేశాయా?ఎక్కడెక్కడ బలహీనం అంటే? వాస్తవానికి కాంగ్రెస్‌ పార్టీ అభ్యర్థిగా ఆల్ఫోర్స్‌ విద్యా సంస్థల అధినేతను ఎంపిక చేయడం లోకల్‌ పలువురు నాయకులకు నచ్చలేదు. కీలకమైన కరీంనగర్‌ నుంచి మరో నాయకుడు ఎదగడం తమ పార్టీలోనే ముగ్గురు ముఖ్యనేతలకు ఇష్టం లేదని ఓటమి అనంతరం నరేందర్‌రెడ్డి వర్గం ఆరోపిస్తోంది. గెలవగానే ఆయనకు మంత్రి పదవి వస్తుందన్న ప్రచారంతో కొందరు ముఖ్యనాయకులు పార్టీ ఎన్ని కల ప్రచారంలో అంటీ ముట్టనట్టుగా వ్యహరించారన్న ఆరోపణలు ఉన్నాయి. అందుకే, ఉమ్మడి మెదక్‌ జిల్లాతోపాటు కరీంనగర్‌ జిల్లాలో పలు చోట్ల కాంగ్రెస్‌కు తక్కువ ఓట్లు పడ్డాయి. ముఖ్యంగా కరీంనగర్‌, చొప్పదండి, వేములవాడ, సిరిసిల్ల, జగి త్యాల, ధర్మపురి, మానకొండూర్‌లో తక్కువ ఓట్లు వచ్చాయని సాక్షాత్తూ నరేందర్‌రెడ్డి వర్గం ఆరోపిస్తోంది. అదే సమయంలో పెద్దపల్లి జిల్లాలోని పెద్దపల్లి, మంథని, రామగుండంలో కాంగ్రెస్‌ పార్టీ తిరుగులేని మెజారిటీ సాధించింది. ఈ మొత్తం వ్యవహారంపై త్వరలోనే ముఖ్యమంత్రికి ఒక నివేదిక ఇచ్చేందుకు నరేందర్‌రెడ్డి సిద్ధమవుతున్నారు. సాక్షి ప్రతినిధి, కరీంనగర్‌: కరీంనగర్‌– మెదక్‌– నిజామాబాద్‌– ఆదిలాబాద్‌ గ్రాడ్యుయేట్‌ ఎమ్మెల్సీ ఓటమి కాంగ్రెస్‌ పార్టీలో భారీ కుదుపునకే దారి తీస్తోంది. పార్టీలో సమన్వయ లోపాలు, అనైక్యత, పరస్పర సహకారం కొరవడటం తదితర వైఫల్యాలు ఎమ్మెల్సీ ఎన్నికల సాక్షిగా మరోసారి బయటపడ్డాయి. 2023లో అసెంబ్లీ, 2024లో పార్లమెంటు, 2025లో ఎమ్మెల్సీ గ్రాడ్యుయేట్‌ ఇలా ఏడాదిన్నర కాలంలో కరీంనగర్‌లో కాంగ్రెస్‌ వరుసగా ఓడింది. కానీ, ఈసారి ఓటమిపై పార్టీలో ప్రత్యేకమైన చర్చ నడుస్తోంది. వాస్తవానికి 15 జిల్లాలు, 42 నియోజకవర్గాలలోని గ్రాడ్యుయేట్ల కోసం ఎన్నిక జరిగినా.. ప్రచారం, నామినేషన్‌, రాజకీయం అంతా కరీంనగర్‌ కేంద్రంగానే జరిగింది. ఈసారి కాంగ్రెస్‌ అభ్యర్థికి మద్దతుగా సీఎం, ఉమ్మడి జిల్లా మంత్రులు, ఇన్‌చార్జి మంత్రులతో కలిసి భారీ బహిరంగ సభ నిర్వహించడం, సిట్టింగ్‌ సీట్లో ఓటమిపై మునుపెన్నడూ లేని చర్చ నడుస్తోంది. చెల్లని ఓట్లు, సమన్వయ లోపాలు వాస్తవానికి నరేందర్‌రెడ్డికి తన ప్రత్యర్థి అంజిరెడ్డి(బీజేపీ)కన్నా కేవలం 5,106వేల ఓట్లు తక్కువగా వచ్చాయి. అదే సమయంలో 28,686 ఓట్లు చెల్లనివి వచ్చాయి. ఈ ఓట్లలో దాదాపు 16వేల ఓట్లు నరేందర్‌రెడ్డికే పడడం దురదృష్టకరం. అందులోనూ ఆరువేలకుపైగా ఓట్లు కేవలం అంకె ముందు సున్నా వేయడం వల్ల చెల్లకుండా పోవడం కాంగ్రెస్‌ పార్టీకి తీవ్ర నష్టం కలిగించింది. అదే సమయంలో బీజేపీ జిల్లా, మండలం, గ్రామం, బూత్‌లెవల్‌వరకు పోల్‌ మేనేజ్మెంట్‌ను పకడ్బందీగా నిర్వహించింది. ప్రతీ 25మందికి ఒక ఇన్‌చార్జిని నియమించి, ఓటర్లను తమవైపు తిప్పుకోవడంలో క్యాడర్‌ సఫలీకృతమయ్యారు. అదే సమయంలో కాంగ్రెస్‌ పార్టీ నాయకుల మధ్య సమన్వయలోపం, ఆధిపత్య పోరు, పోల్‌ మేనేజ్మెంట్‌ వైఫల్యాల కారణంగా ఓటరును ప్రసన్నం చేసుకోవడంలో దెబ్బతిన్నారు. కొందరు కాంగ్రెస్‌ పార్టీ లీడర్లు బీఎస్పీ అభ్యర్థికి ఓట్లు వేయించడం కూడా తమకు ప్రతికూలంగా మారిందని నరేందర్‌రెడ్డి వర్గం ఆరోపిస్తుండటం గమనార్హం. నాడు కేసీఆర్‌.. నేడు రేవంత్‌ కరీంనగర్‌ ఉద్యమాలకు, భావోద్వేగాలకు నిలయమైన జిల్లా. ఈ ప్రాంత ఓటర్లు విలక్షణ తీర్పులనివ్వడంలో పరిపాటి. అందుకే, 2018 అసెంబ్లీ ఎన్నికలు, స్థానిక సంస్థల్లో తిరుగులేని విజయాన్ని అందుకుని మంచి జోరు మీదున్న బీఆర్‌ఎస్‌కు మొదటి ఎదురుదెబ్బ కరీంనగర్‌లోనే తగిలింది. 2019 గ్రాడ్యుయేట్‌ ఎన్నికలో కాంగ్రెస్‌ అభ్యర్థి జీవన్‌రెడ్డిని గెలిపించి బీఆర్‌ఎస్‌కే కాదు.. రాష్ట్ర రాజకీయాలకే కరీంనగర్‌ ఓటర్లు షాక్‌ ఇచ్చారు. ఇటీవల నరేందర్‌రెడ్డి కోసం కాంగ్రెస్‌ పార్టీ నిర్వహించిన సభలో సీఎం రేవంత్‌ ఈ ఎమ్మెల్సీ గెలవకపోయినా.. తమకు వచ్చే నష్టమేమీ లేదని వ్యాఖ్యానించడం ఆ వెంటనే ఎన్నికల్లో సిట్టింగ్‌ ఎమ్మెల్సీ స్థానాన్ని కోల్పోవడం చర్చానీయాంశంగా మారాయి. 2019 పార్లమెంటు ఎన్నికల సమయంలో అప్పటి సీఎం కేసీఆర్‌ బీజేపీని ఉద్దేశించి.. హిందూగాళ్లు.. బొందుగాళ్లు అన్న మాట వాడటం.. ఆ పార్టీ పరాజయంలో కీలకంగా పనిచేసిన విషయాన్ని కరీంనగర్‌ ప్రజలు గుర్తుచేసుకుంటున్నారు.

● పెండింగ్‌ పనులు పూర్తి చేయండి ● జిల్లా కలెక్టర్‌ సందీప్‌కుమార్‌ ఝా ● రహదారులు, భవనాల శాఖ పనుల పురోగతిపై సమీక్ష సిరిసిల్ల: జిల్లాలోని రోడ్లు, భవనాల నిర్మాణాలను వేగంగా పూర్తి చేయాలని, పెండింగ్‌లో ఉన్న నిర్మాణ పనులు త్వరగా పూర్తి చేయాలని కలెక్టర్‌ సందీప్‌కుమార్‌ ఝా కోరారు. కలెక్టరేట్‌లో గురువారం ఆర్‌అండ్‌బీ ఇంజినీర్లతో సమీక్షించారు. కలెక్టర్‌ మాట్లాడుతూ జిల్లాలో రోడ్లు, భవనాల శాఖ పరిధిలో 12 రోడ్లు, 8 భవనాలు(వైద్య కళాశాలతో) ఏడు బ్రిడ్జిల నిర్మాణ పనులు జరుగుతున్నాయన్నారు. రోడ్డు భవనాల శాఖ పరిధిలో పెండింగ్‌ రహదారి పనులు చేపట్టి త్వరగా పూర్తి చేయాలని కలెక్టర్‌ సూచించారు. నిర్మాణ పనులకు సంబంధించి బిల్లుల చెల్లింపు ఏదైనా తాత్సారం ఉంటే వివరాలు అందించాలని, ప్రభుత్వానికి లేఖ రాసి బిల్లుల చెల్లింపు త్వరగా జరిగేలా చర్యలు తీసుకుంటామన్నారు. జిల్లాలో జరుగుతున్న ప్రతి రోడ్డు నిర్మాణ స్థితిగతుల గురించి వివరాలు తెలుసుకున్న కలెక్టర్‌ వాటిని వేగవంతంగా పూర్తి చేసేందుకు చేపట్టాల్సిన చర్యల పలు సూచనలు చేశారు. ప్రజలకు అందుబాటులోకి వచ్చే రోడ్డు పనులు ప్రాధాన్యతతో చేపట్టి పూర్తి చేయాలన్నారు. రోడ్డు నిర్మాణ పనులకు ఎక్కడా ఇసుక సమస్య రాకుండా చర్యలు తీసుకోవాలని, నాణ్యత ప్రామాణాలతో చేపట్టాలని అన్నారు. వీర్నపల్లి దగ్గర పాఠశాల సమీపంలో సీసీరోడ్డు నిర్మాణానికి అవసరమైన ఇసుక కేటాయించాలని కలెక్టర్‌ సంబంధిత తహసీల్దార్‌ను ఫోన్‌లో ఆదేశించారు. ఎన్నికల కోడ్‌ కూడా ముగిసిందని అవసరమైన ప్రతిపాదనలు తయారు చేసి పనులు జరిగేలా చూడాలని కలెక్టర్‌ తెలిపారు. డీఎంఎఫ్‌టీ పరిధిలో పెండింగ్‌ బిల్లుల వివరాలు సమర్పించాలని, వెంటనే చెల్లించనున్నట్లు తెలిపారు. రూ.166 కోట్లతో చేపట్టిన వైద్య కళాశాల పనులు పురోగతిలో ఉన్నాయని వీటిని నిర్ధిష్ట సమయంలో పూర్తి చేయాలని కలెక్టర్‌ తెలిపారు. వేములవాడ ఆలయ అభివృద్ధి పనులు, అన్నదానసత్రం, వీర్నపల్లి వద్ద ప్రాథమిక ఆరోగ్య కేంద్రం, ముస్తాబాద్‌ మండలంలో తహసీల్దార్‌ ఆఫీస్‌ నిర్మాణం, కోర్టు భవనాల పనుల టెండర్‌ త్వరగా పూర్తయ్యేలా చర్యలు తీసుకోవాలని సూచించారు. ఆర్‌అండ్‌బీ ఈఈ వెంకటరమణయ్య, డీఈఈలు శాంతయ్య, కిరణ్‌కుమార్‌ సంబంధిత అధికారులు పాల్గొన్నారు.

వేములవాడఅర్బన్‌: వేములవాడ మండలం అగ్రహారం ప్రభుత్వ డిగ్రీ కళాశాల రసాయనశాస్త్రం విద్యార్థులు కళాశాల విద్యాశాఖ నిర్వహించిన రాష్ట్రస్థాయి జిజ్ఞాస స్టూడెంట్‌ స్టడీ ప్రాజెక్టుల్లో ప్రతిభ కనబర్చినట్లు కళాశాల ప్రిన్సిపాల్‌ శంకర్‌ తెలిపారు. విద్యార్థులు కిరణ్మయి, సిద్ధార్థ, వెంకట్‌, లావణ్య, శివాణి ‘ఎనాలసిస్‌ ఆఫ్‌ ఫైటో కెమికల్స్‌ ఇన్‌ సమ్‌ వెజిటబుల్స్‌ అండ్‌ ప్రూట్స్‌’ అనే అంశంపై రూపొందించిన స్టడీప్రాజెక్ట్‌ రాష్ట్రస్థాయి పోటీలకు ఎంపికై నట్లు తెలిపారు. హైదరాబాద్‌లోని రీసెర్చ్‌ రూసా సెంటర్‌లో విద్యార్థులు పవర్‌పాయింట్‌ ప్రజెంటేషన్‌ ద్వారా సమర్పించారు. అధ్యాపకులు కరుణ, వైస్‌ప్రిన్సిపాల్‌ లావణ్య, కృష్ణప్రసాద్‌, శోభారాణి ఉన్నారు.

సిరిసిల్ల: ఎల్లారెడ్డిపేట మండలం గొల్లపల్లి పశువైద్యశాలలో లైవ్‌స్టాక్‌ అధికారిగా పనిచేస్తున్న కె.కొమురయ్యను సస్పెండ్‌ చేస్తూ కలెక్టర్‌ సందీప్‌కుమార్‌ ఝా గురువారం ఆదేశాలు జారీ చేశారు. 2024 జనవరి 19న మెడికల్‌ ఇన్‌వాలిడేషన్‌ కోసం దరఖాస్తు చేసుకుని కరీంనగర్‌ సన్‌షైన్‌ హాస్పిటల్‌ పేరిట నకిలీ వైద్యసర్టిఫికెట్లు సృష్టించిన కొమురయ్యపై విచారణ చేపట్టి విధుల నుంచి తప్పించారు. 2017 నుంచి గొల్లపల్లి పశువైద్యశాలలో లైవ్‌స్టాక్‌ అధి కారిగా కొమురయ్య పనిచేయడం లేదు. లెటర్‌హెడ్‌, స్టాంప్స్‌, డాక్టర్‌ సంతకాలను సైతం ఫోర్జరీ చేసినట్లు విచారణలో తేలింది. నకిలీ వైద్యపత్రాలను సృష్టించిన కొమురయ్యపై ఎల్లారెడ్డిపేట పోలీస్‌స్టేషన్‌లో కేసు నమోదు చేయడంతోపాటు సస్పెండ్‌ చేసినట్లు కలెక్టర్‌ తన ఆదేశాల్లో పేర్కొన్నారు. ఆది శ్రీనివాస్‌పై వ్యాఖ్యలు అర్థరహితం ● మహిళ కాంగ్రెస్‌ జిల్లా అధ్యక్షురాలు వనిత సిరిసిల్లటౌన్‌: ప్రభుత్వ విప్‌ ఆది శ్రీనివాస్‌పై బీఆర్‌ఎస్‌ నాయకులు చేస్తున్న వ్యాఖ్యలు అర్థరహితమని మహిళా కాంగ్రెస్‌ జిల్లా అధ్యక్షురాలు కాముని వనిత పేర్కొన్నారు. సిరిసిల్లలో గురువారం విలేకరులతో మాట్లాడారు. గతంలో వేములవాడ ఎమ్మెల్యే జర్మనీలో ఉండేవాడని ప్రజల కష్టసుఖాలను గాలికొదిలేశారన్నారు. కానీ ఆది శ్రీనివాస్‌ నిత్యం ప్రజల్లో ఉంటున్నారన్నారు. కేసీఆర్‌ ఫామ్‌హౌస్‌ దగ్గరికి వెళ్లి ఎండిపోయిన కెనాల్‌ను చూపించి ఇది వేములవాడలోనే ఉందనడం శోచనీయమన్నారు. అధికారం పోయిందన్న బాధలో బీఆర్‌ఎస్‌ నేతలు ఏం మాట్లాడుతున్నారో వారికే అర్థం కావడం లేదని విమర్శించారు. కార్మికులకు కనీస వేతనాలివ్వాలి ● సీఐటీయూ జిల్లా కార్యదర్శి కోడం రమణ సిరిసిల్లటౌన్‌: కార్మికులకు కనీస వేతనాలు అందించాలని సీఐటీయూ జిల్లా కార్యదర్శి కోడం రమణ కోరారు. ఈమేరకు గురువారం కలెక్టరేట్‌ ఏవోకు వినతిపత్రం అందించి మాట్లాడారు. ప్రభుత్వం విడుదల చేసిన కనీస వేతనాల జీవోల డ్రాఫ్టులను సవరించి, కనీస వేతనం రూ.26వేలు నిర్ణయించాలని డిమాండ్‌ చేశారు. ప్రతీ ఐదేళ్లకోసారి కనీస వేతనాలను సవరించాల్సి ఉండగా 12 ఏళ్లుగా పెంచడం లేదన్నారు. నాయకులు జిందం కమలాకర్‌, బెజుగం సురేష్‌, బత్తుల రమేశ్‌ పాల్గొన్నారు. నీటి చౌర్యంపై చర్యలు తీసుకోవాలి సిరిసిల్లటౌన్‌: చంద్రవంక ప్రాజెక్టులో అక్రమంగా మోటార్లు బిగించి జరుగుతున్న నీటిచౌర్యంపై చర్యలు తీసుకోవాలని ముదిరాజ్‌ కులస్తులు కోరారు. తంగళ్లపల్లి మండలం అంకుసాపూర్‌ ముదిరాజ్‌ సంఘం ఆధ్వర్యంలో గురువారం కలెక్టరేట్‌లో అధికారికి వినతిపత్రం అందజేసి మాట్లాడారు. గతంలోనే సెస్‌ అధికారులకు ఫిర్యాదు చేస్తే వారు మోటార్లు తొలగించారని, అయినా నీటిచౌర్యం ఆగడం లేదన్నారు. వెంటనే వారిపై కఠిన చర్యలు తీసుకోవాలని కోరారు. సంఘం ప్రతినిధులు కనకయ్య, అంజయ్య, లక్ష్మణ్‌, శ్రీనివాస్‌ తదితరులు పాల్గొన్నారు. ఎల్‌ఎండీకి నీటి విడుదలఎల్‌ఎండీకి వెళ్తున్న నీరు బోయినపల్లి(చొప్పదండి): మిడ్‌మానేరు ప్రాజెక్టు నుంచి ఎల్‌ఎండీకి నీటి విడుదల కొనసాగుతోంది. ఎల్‌ఎండీకి 2,500, కుడి కాలువకు 550, ప్యాకేజీ–9 మల్కపేటకు 350, ఎడమ కాలువకు 5 క్యూసెక్కుల మేర నీరు విడుదల చేశారు. మిడ్‌మానేరు ప్రాజెక్టులో 14.87 టీఎంసీల మేర నీరు నిల్వ ఉంది.

కమలంలో జోష్‌.. హస్తంలో నైరాశ్యం! సాక్షిప్రతినిధి,కరీంనగర్‌/సాక్షి,పెద్దపల్లి: కరీంనగర్‌–ఆదిలాబాద్‌–నిజామాబాద్‌– మెదక్‌ పట్టభద్రుల ఎమ్మెల్సీ ఎన్నికల్లో బీజేపీ అభ్యర్థి చిన్నమైల్‌ అంజిరెడ్డి విజయం సాధించారు. మూ డు రోజుల పాటు ఉత్కంఠగా సాగిన ఓట్ల లెక్కింపులో ఎలిమినేషన్‌ రౌండ్స్‌తో బీజేపీ అభ్యర్థి గెలుపు ఖ రారైంది. రెండో ప్రాధాన్యత ఓట్ల లెక్కింపు తర్వాత కూడా గెలుపునకు సరిపడా కోటా ఓట్లు రాకపోయినా బీజేపీ అభ్యర్థి అంజిరెడ్డికి అత్యధిక ఓట్లు రావడంతో విజేతగా ప్రకటించారు. చివరి వరకు హోరా హోరీగా పోరాడిన కాంగ్రెస్‌ అభ్యర్థి స్వల్ప ఓట్ల తేడాతో ఓటమి పాలయ్యారు. ఎమ్మెల్సీ ఎన్నికల్లో కమలం పార్టీ విజయం సాధించటంతో పార్టీ శ్రేణులు సంబరాల్లో మునిగిపోయారు. సుదీర్ఘంగా సాగిన కౌంటింగ్‌ పట్టభద్రుల ఎమ్మెల్సీ ఎన్నిక ఫిబ్రవరి 27న జరగ్గా, మార్చి 3న కౌంటింగ్‌ ప్రారంభించారు. మూడు రోజులపాటు నిర్విరామంగా మూడు షిప్ట్‌ల్లో 800 మంది కౌంటింగ్‌ సిబ్బంది కరీంనగర్‌లోని అంబేడ్కర్‌ స్టేడియంలో 21 టేబుళ్లపై లెక్కింపు ప్రక్రియను చేపట్టారు. సోమవారం ఉదయం 8 గంటలకు కౌంటింగ్‌ ప్రారంభించిన అధికారులు, మంగళవారం మధ్యాహ్నం వరకు చెల్లని ఓట్లను వడపోసి, కట్టలు కట్టారు. మంగళవారం రాత్రి నుంచి మొదటి ప్రాధాన్యత ఓట్లను కౌంటింగ్‌ ప్రారంభించి, బుధవారం ఉదయం 8.30 గంటల నుంచి ఎలిమినేషన్‌ రౌండ్స్‌ను ప్రారంభించారు. ఎలిమినేషన్‌ రౌండ్స్‌లో బరిలో ఉన్న 54 మందిలో తక్కువ ఓట్లు కలిగి ఉన్న వారిని ఒక్కొక్కరిగా తొలగిస్తూ, వారికి వచ్చిన ద్వితీయ ప్రాధాన్యత ఓట్లును మిగిలిన అభ్యర్థులకు పంచుతూ కౌంటింగ్‌ ప్రక్రియను మూడు రోజులపాటు సుదీర్ఘంగా కొనసాగించారు. ముగ్గురికే 92.52శాతం ఓట్లు ఎమ్మెల్సీ ఎన్నికల బరిలో 56 మంది అభ్యర్థులు నిలిచారు. ప్రధానంగా కాంగ్రెస్‌, బీజేపీ, బీఎస్పీ అభ్యర్థుల మధ్య త్రిముఖ పోటీ నెలకొంది. చెల్లుబాటు అయిన ఓట్లల్లో 92.52శాతం (2,06,659) మొదటి ప్రాధాన్యత ఓట్లు ఈ ముగ్గురికే వచ్చాయి. మిగిలిన 53 మంది ఇండిపెండెంట్‌ అభ్యర్థులు కేవలం 16,684 ఓట్లు మాత్రమే సాధించారు. రెండో ప్రాధాన్యత ఓట్లలో సైతం బీజేపీదే హవా నిర్ధారిత కోటా ఓట్ల కోసం అభ్యర్థుల ఎలిమినేషన్‌ ప్రక్రియను చేపట్టగా అందులో సైతం బీజేపీ అభ్యర్థి ఆధిక్యం చూపారు. తొలుత 53 మందిని ఎలిమినేషన్‌ చేసి రెండో ప్రాధాన్యత ఓట్లు లెక్కించగా బీజేపీ అభ్యర్థికి 78,635 ఓట్లు, కాంగ్రెస్‌కి 73,644 ఓట్లు, బీఎస్పీకి 63,972 ఓట్లు వచ్చాయి. 53 మందిని ఎలిమినేషన్‌ చేసినా.. కోటా ఓట్లను ఎవరు సాధించకపోవడంతో మూడో స్థానంలోని బీఎస్పీ అభ్యర్థి ప్రసన్నహరికృష్ణను ఎలిమినేట్‌ చేశారు. అతనికి వచ్చిన ఓట్లలో రెండో ప్రాధాన్యత ఓట్లను లెక్కించారు. దీంతో బీజేపీ, కాంగ్రెస్‌ అభ్యర్థుల్లో తీవ్ర ఉత్కంఠ నెలకొంది. ప్రసన్నహరికృష్ణను ఎలిమినేషన్‌ చేసిన అనంతరం బీజేపీ అభ్యర్థికి 98,637 ఓట్లు, కాంగ్రెస్‌ అభ్యర్థికి 93,531 ఓట్లు వచ్చాయి. మొత్తంగా కాంగ్రెస్‌ అభ్యర్థి కన్నా 5,106 ఓట్ల ఆధిక్యంలో ఉండటంతో బీజేపీ అభ్యర్థికి విజయం వరించింది. చివరకు బీఎస్పీ అభ్యర్థికి పోలైన ఓట్లలో చాలా మంది రెండో ప్రాధాన్యత ఓటును బీజేపీకే వేయడంతో కమలం పార్టీకే విజయం దక్కింది. గ్రాడ్యుయేట్‌లోనూ బీజేపీ హవా అధిక ఓట్లతో గెలిచిన అంజిరెడ్డి మూడురోజులు సాగిన ఎమ్మెల్సీ కౌంటింగ్‌ ముగ్గురికే 92.52శాతం ఓట్లు పకడ్బందీ ప్లాన్‌తో బీజేపీ సక్సెస్‌ సమన్వయం, సహకారం లేక కాంగ్రెస్‌ డీలా పోల్‌ మేనేజ్‌మెంట్‌లో బీఎస్పీ విఫలం ఎమ్మెల్సీ ఎన్నికల ఫలితాలపై పార్టీల అంతర్మథనం సాక్షిప్రతినిధి,కరీంనగర్‌: రెండు ఎమ్మెల్సీలను ఎగరేసుకుపోయిన కమలం పార్టీ కేడర్‌లో జోష్‌ నెలకొంది. అధికారంలో ఉండీ.. గ్రాడ్యుయేట్స్‌ ఎమ్మెల్సీని దక్కించుకోకపోయినందుకు కాంగ్రెస్‌ పార్టీలో నైరాశ్యం నెలకొంది. కేవలం డబ్బు ప్రభావంతోనే తాము ఓడిపోయామని బీఎస్పీ భావిస్తోంది. మొత్తానికి పోల్‌ మేనేజ్‌మెంట్‌లో బీజేపీ అనుసరించిన విధానాలే తమను గెలిపించాయని బీజేపీతోపాటు ఎన్నికల విశ్లేషకులు భావిస్తున్నారు. ఈ విషయంలో కాంగ్రెస్‌, బీఎస్పీ లు విఫలమయ్యాయని ఆయా పార్టీల్లో ప్రచారం మొదలైంది. బరిలో లేకున్నా.. అధికార కాంగ్రెస్‌ ఓటమిపై కారు పార్టీ నేతలు హర్షం వ్యక్తం చేస్తున్నారు. ఆ పార్టీ విధానాలు, వైఫల్యాలే వారిని ఓడించాయని వ్యాఖ్యానిస్తున్నారు. మొత్తంగా ఈ ఫలితాలు కమలంలో జోష్‌ను నింపాయి. బీజేపీ ఈ విషయంలో ఆది నుంచీ పకడ్బందీ ప్రణాళికతో ముందుకు సాగింది. నియోజకవర్గం, మండలం, డివిజన్‌, గ్రామాల వారీగా పచ్చాస్‌ ప్రభారీలను నియమించి ప్రతీ 25 మందికి ఒక ఇన్‌చార్జిని కేటాయించింది. వారు ప్రతీ ఓటరును రోజూ కలవడం, అధికార పార్టీ వైఫల్యాలను ఎత్తిచూపుతూ పట్టభద్రులు, నిరుద్యోగులు, టీచర్స్‌ కోసం తాము చేసిన పోరాటాన్ని వివరిస్తూ ఓటర్లకు చేరువయ్యారు. దీనికితోడు కరీంనగర్‌ ఎంపీ, కేంద్ర సహాయ మంత్రి బండి సంజయ్‌ పూర్తిస్థాయిలో ప్రచారం చేయడం అభ్యర్థులకు బాగా కలిసి వచ్చిందని పార్టీ నేతలు అభిప్రాయపడుతున్నారు. కాంగ్రెస్‌ పార్టీ కేడర్‌ పూర్తిస్థాయిలో నరేందర్‌రెడ్డికి సహకరించలేదన్న విమర్శలు ఉన్నాయి. పెద్దపల్లి జిల్లా నాయకులు ఈ విషయంలో తమకు సహకరించినట్లుగా మిగిలిన మూడు జిల్లాల నాయకులు సహకరించలేదని నరేందర్‌రెడ్డి వర్గం అంతర్గత సంభాషణల్లో ఆవేదన వ్యక్తం చేస్తున్నారు. కరీంనగర్‌ నుంచి నరేందర్‌రెడ్డి ఎమ్మెల్సీగా గెలిస్తే.. కాంగ్రెస్‌లోని ముగ్గురు కీలక నేతలకు పోటీగా ఎదుగుతాడ న్న ఆందోళనతో వారెవరూ సహకరించలేదని మండిపడుతున్నారు. దీంతోపాటు బీఎస్పీ అభ్యర్థి ప్రసన్న హరికృష్ణకు కాంగ్రెస్‌లోని కొందరు నేతలు మద్దతిచ్చారని, బీఆర్‌ఎస్‌ పార్టీ కూడా లోపాయికారిగా సహకరించిందని ఆరోపిస్తున్నారు. ఇటీవల కరీంనగర్‌ సభలో సీఎం కూడా ఈ సీటు ఓడిపోతే తమకేం నష్టం లేదని వ్యాఖ్యానించడం తమకు చేటు చేసిందంటున్నారు. అంతేకాకుండా చెల్లకుండా పోయిన సుమారు 28 వేల ఓట్లలో దాదాపు 15 వేలకుపైగా ఓట్లు నరేందర్‌రెడ్డివే కావడం తమ కొంపముంచాయని విశ్లేషిస్తున్నారు.

● ఇప్పుడు ఇష్టం వచ్చినట్లు మాట్లాడుతున్నారు ● బీఆర్‌ఎస్‌ నాయకులపై ప్రభుత్వ విప్‌ ఆది శ్రీనివాస్‌కోనరావుపేట(వేములవాడ): బీఆర్‌ఎస్‌ పదేళ్ల పాలనలో ఒక్క గ్రామానికి కూడా చుక్క నీరివ్వలేదని ప్రభుత్వ విప్‌, ఎమ్మెల్యే ఆది శ్రీనివాస్‌ విమర్శించారు. మండలంలోని మల్కపేట రిజర్వాయర్‌ను బుధవారం సందర్శించారు. మిడ్‌మానేర్‌ నుంచి మల్కపేట రిజర్వాయర్‌లో చేరుతున్న నీటిని పరిశీ లించి మాట్లాడారు. బీఆర్‌ఎస్‌ నాయకులు మతిభ్రమించి మాట్లాడుతున్నారన్నారు. ఎమ్మెల్యే కేటీఆర్‌ ఇంకా రైతులను మభ్యపెట్టాలని చెబుతున్న అభూత కల్పన కథలను మానుకోవాలని హితవు పలికారు. మీ పదేళ్లలో మల్కపేట రిజర్వాయర్‌ నుంచి సిరిసిల్ల పరిధిలోని అల్మాస్‌పూర్‌ కాలువ వరకు ఒక్క గ్రామానికై నా చుక్క నీరు తీసుకెళ్లారా.. అని కేటీఆర్‌ను ప్రశ్నించారు. పొలాలు ఎండిపోతున్నాయని సీఎం రేవంత్‌రెడ్డి, మంత్రి ఉత్తమ్‌కుమార్‌రెడ్డితో మాట్లాడితే నీళ్లు కాల్వల ద్వారా వస్తున్నాయని స్పష్టం చేశారు. కేటీఆర్‌ రైతులపై కపట ప్రేమ ప్రదర్శించడం మానుకోవాలని సూచించారు. వేములవాడ నియోజకవర్గంలో లేని కాలువను ఎండకొడుతున్నారని సోషల్‌మీడియాలో ప్రచారం చేసి రైతులను తప్పుదోవ పట్టిస్తున్నారని ఆగ్రహం వ్యక్తం చేశారు. జిల్లాలోని అన్ని ప్రాంతాల్లోని కాల్వల్లో నీరు వస్తుందని తెలిపారు. కాంగ్రెస్‌ మండలాధ్యక్షుడు షేక్‌ ఫిరోజ్‌పాషా, కిసాన్‌సెల్‌ జిల్లా అధ్యక్షుడు కేతిరెడ్డి జగన్మోహన్‌రెడ్డి, ఏఎంసీ చైర్మన్‌ ఎల్లయ్య తదితరులు పాల్గొన్నారు.

● జిల్లా సంక్షేమాధికారి లక్ష్మీరాజంసిరిసిల్ల: అంగన్‌వాడీ కేంద్రాలను పరిశుభ్రంగా ఉంచుతూ.. పిల్లలకు పౌష్ఠికాహారం అందించాలని జిల్లా సంక్షేమాధికారి లక్ష్మీరాజం కోరారు. సిరిసిల్ల మండల పరిధిలోని అంగన్‌వాడీ ఆయాలతో బుధవారం సమావేశమయ్యారు. కేంద్రాలకు వచ్చే పిల్లలను ఆయాలు శ్రద్ధగా చూసుకోవాలని, గర్భిణులు, బాలింతలకు రుచికరమైన వంటలు పెట్టాలని కోరారు. పిల్లలకు గుడ్‌ టచ్‌, బ్యాడ్‌ టచ్‌పై అవగాహన కల్పించాలని సూచించారు. సీడీపీవో ఉమారాణి, సఖీ జిల్లా కోఆర్డినేటర్‌ రోజా, సెక్టార్‌ సూపర్‌వైజర్లు దివ్య, సుస్మిత పాల్గొన్నారు. బీడీ కార్మికులపై సర్కార్‌ శీతకన్నుసిరిసిల్లటౌన్‌: అధికారం చేపట్టి ఏడాది గడుస్తున్నా కాంగ్రెస్‌ సర్కారు బీడీ కార్మికులపై శీతకన్ను వీడ డం లేదని బీడీవర్కర్స్‌ యూనియన్‌ జిల్లా గౌరవ అధ్యక్షుడు మూశం రమేశ్‌ కోరారు. సిరిసిల్లలోని పార్టీ ఆఫీసులో బుధవారం నిర్వహించిన సమావేశంలో మాట్లాడారు. రూ.4వేల పెన్షన్‌ సాధన, వెయ్యి బీడీలకు రూ.500 కూలీ కోసం పోరాటానికి సిద్ధం కావాలన్నారు. నాయకులు సూరం పద్మ, దాసరి రూప, బెజిగం సురేశ్‌, జిందం కమలాకర్‌, రైసా బేగం, సబ్బని శాంతమ్మ, కొక్కుల యశోద, బోడ శోభ, పద్మ పాల్గొన్నారు.

సిరిసిల్ల: వేములవాడ ఐసీడీఎస్‌ ప్రాజెక్టు ఆఫీస్‌ బోర్డుపై అక్షరాలు కనిపించకుండా పోయాయని, ఆఫీస్‌ బోర్డు మసకబారిపోయిందంటూ ‘ఇది ఏ ఆఫీస్‌’ శీర్షికన బుధవారం ‘సాక్షి’లో ప్రచురితమై న కథనానికి జిల్లా సంక్షేమాధికారి లక్ష్మీరాజం స్పందించారు. ఎండలు, వర్షాలతో బోర్డు కనిపించడం లేదన్నారు. దాని స్థానంలో కొత్తబోర్డు ఏర్పాటు చేయాలని వేములవాడ ప్రా జెక్టు ఆఫీస్‌ అధికారులను ఆదేశించిన ట్లు లక్ష్మీరాజం వివరించారు. త్వరలో నే ఐసీడీఎస్‌ ఆఫీస్‌కు కొత్తబోర్డును అమర్చుతామని స్పష్టం చేశారు. ‘సాక్షి’ కథనంతో ఐడీసీఎస్‌ జిల్లా అధికారులు స్పందించి ఆదేశాలు జారీ చేయడం విశేషం.

● కలెక్టర్‌ ఆకస్మిక తనిఖీ ● 132 మంది గైర్హాజరుసిరిసిల్ల ఎడ్యుకేషన్‌: జిల్లాలోని ఇంటర్మీడియెట్‌ ఫస్టియర్‌ పరీక్షలు తొలిరోజు బుధవారం ప్రశాంతంగా ముగిశాయి. కలెక్టర్‌ సందీప్‌కుమార్‌ ఝా జిల్లా కేంద్రంలోని ప్రభుత్వ జూనియర్‌ కళాశాల, సహస్ర, సాయిశ్రీ జూనియర్‌ కళాశాలల్లోని పరీక్ష కేంద్రాలను తనిఖీ చేశారు. సీసీ కెమెరాల పనితీరు తెలుసుకున్నారు. తొలిరోజు 132 మంది విద్యార్థులు గైర్హాజరయ్యారు. జనరల్‌ 3,470, ఒకేషనల్‌ విద్యార్థులు 462 మంది విద్యార్థులు హాజరుకాగా... జనరల్‌ 81, ఒకేషనల్‌ 51 మంది గైర్హాజరయ్యారు.

● ఉచిత న్యాయ సేవలు వినియోగించుకోవాలి ● సీనియర్‌ సివిల్‌ జడ్జి, లీగల్‌సెల్‌ సెక్రటరీ రాధికాజైశ్వాల్‌సిరిసిల్లటౌన్‌: మహిళా సంరక్షణకు గల చట్టాలను ప్రతి ఒక్కరు తెలుసుకోవాలని సిరిసిల్ల సీనియర్‌ సివిల్‌జడ్జి, లీగల్‌సెల్‌ జిల్లా సెక్రటరీ రాధికాజైశ్వాల్‌ పేర్కొన్నారు. మహిళా దినోత్సవం సందర్భంగా సిరిసిల్ల మున్సిపల్‌ కార్యాలయంలో పారిశుధ్య కార్మికులకు మహిళా చట్టాలపై అవగాహన కల్పించారు. మహిళా చట్టాలపై ప్రతీ ఒక్కరు అవగాహన కలిగి ఉండాలన్నారు. ఈ సందర్భంగా మహిళా కా ర్మికులను సన్మానించి మెమొంటోలు అందజేశా రు. ఈనెల 8న జరిగే జాతీయ లోక్‌ అదాలత్‌ను సద్వి నియోగం చేసుకోవాలని కోరారు. మున్సిపల్‌ కమి షనర్‌ ఎస్‌.సమ్మయ్య, లోక్‌ అదాలత్‌ మెంబర్‌ చింతోజు భాస్కర్‌, బార్‌ అసోసియేషన్‌ సెక్రటరీ వెంకట్‌, న్యాయవాదులు ఆడెపు వేణు పాల్గొన్నారు.

సిరిసిల్లక్రైం: మహిళలు తమపై జరుగుతున్న వేధింపులపై జిల్లా షీటీమ్‌కు నిర్భయంగా ఫిర్యాదు చేయాలని ఎస్పీ అఖిల్‌మహాజన్‌ కోరారు. సిరిసిల్లలో బుధవారం విలేకరులతో మాట్లాడారు. రెండు నెలల్లో పోకిరీలపై ఐదు ఈ–పెట్టి కేసులు, మూడు ఎఫ్‌ఐఆర్‌లు నమోదు చేసినట్లు వెల్లడించారు. గుడ్‌టచ్‌, బ్యాడ్‌టచ్‌, సామాజిక మాధ్యమాల్లో వేధింపులు, చదువుకునే, పనిచేసే ప్రాంతాల్లో వెకిలిచేష్టలు చేస్తున్న వారి వివరాలను షీటీమ్‌కు అందించాలని కోరారు. తక్షణ సహాయం కోసం డయల్‌ 100, జిల్లా షీటీమ్‌ 87126 56425లో ఫిర్యాదు చేయాలని సూచించారు. జౌళిశాఖ ఏడీగా రాఘవరావు సిరిసిల్ల: జిల్లా చేనేత, జౌళిశాఖ సహాయ సంచాలకులుగా రాఘవరావు నియమితులయ్యారు. కరీంనగర్‌లో పనిచేస్తున్న రాఘవరావును సిరిసిల్ల జిల్లాకు ఏడీగా బదిలీ చేయగా.. సిరిసిల్లలో పనిచేస్తున్న ఏడీ మిట్టకోల సాగర్‌ను సిద్దిపేట జిల్లాకు బదిలీ చేశారు. రాఘవరావుకు గతంలో జిల్లాలో ఏడీవోగా, డీవోగా పనిచేసిన అనుభవం ఉంది. ఆకస్మికంగా ఏడీ సాగర్‌ను బదిలీ చేస్తూ రాఘవరావును నియమించడం వస్త్రోత్పత్తి రంగంలో చర్చనీయాంశమైంది. రైతుల సమస్యలు పట్టవా ● బీజేపీ జిల్లా అధ్యక్షుడు రెడ్డబోయిన గోపి ఇల్లంతకుంట(మానకొండూర్‌): మూడు రోజులుగా రైతులు రిలే నిరాహారదీక్ష చేస్తున్నా పాలకులకు, అధికారులు పట్టించుకోకపోవడం శోచనీయమని బీజేపీ జిల్లా అధ్యక్షుడు రెడ్డబోయిన గోపి ఆగ్రహం వ్యక్తం చేశారు. మండలంలోని పెద్దలింగాపూర్‌లో రంగనాయకసాగర్‌ ప్రాజెక్టు ఎల్‌ఎం–6 కెనాల్‌ పూర్తిచేయాలని రైతులు చేపట్టిన రిలేనిరాహార దీక్ష శిబిరాన్ని బుధవారం సందర్శించి, సంఘీభావం తెలిపారు. కాలువ పూర్తయితే 9,500 ఎకరాల ఆయకట్టుకు సాగునీరు లభిస్తుందన్నారు. మూడు రోజులుగా తొమ్మిది గ్రామాల రైతులు రిలే నిరాహార దీక్షలు చేస్తుంటే స్థానిక ఎమ్మెల్యే కన్నెత్తి చూడకపోవడం శోచనీయమన్నారు. అసంపూర్తిగా ఉన్న 2 కిలోమీటర్ల కాలువ పనులు పూర్తి చేసి పొలాలకు సాగునీరందించాలని కోరారు. తంగళ్లపల్లి, ఇల్లంతకుంట మండలాల అధ్యక్షులు శ్రీధర్‌రావు, భూమల్ల అనిల్‌కుమార్‌, రైతులు కరికె నవీన్‌, అమ్ముల అశోక్‌, పయ్యావుల బాలయ్య, కేశవేణి కొమురయ్య, రవి, స్వామి, మల్లేశం, అమరేందర్‌రెడ్డి పాల్గొన్నారు. వ్యాధి నిరోధక టీకాలు తీసుకోవాలి ● జిల్లా ఇమ్యూనైజేషన్‌ అధికారి సంపత్‌ బోయినపల్లి(చొప్పదండి): చిన్నారులకు సరైన సమయంలో వ్యాధి నిరోధక టీకాలు ఇప్పించాలని జిల్లా ఇమ్యూనైజేషన్‌ అధికారి సంపత్‌ కోరారు. మండలంలోని కోరెం ఆరోగ్య ఉపకేంద్రంలో ఇమ్యూనైజేషన్‌ క్యాంపును బుధవారం తనిఖీ చేశారు. వ్యాక్సినేషన్‌పై పిల్లల తల్లిదండ్రులకు అవగాహన కల్పించాలని ఏఎన్‌ఎం, ఆశకార్యకర్తలకు సూచించారు. ఏఎన్‌ఎం శ్యామల తదితరులు ఉన్నారు. ప్రభుత్వ వైద్య కళాశాలలో ఖాళీ పోస్టుల భర్తీసిరిసిల్ల: జిల్లా మెడికల్‌ కాలేజీలో ఖాళీగా ఉన్న పోస్టులను భర్తీ చేసేందుకు ప్రభుత్వం అనుమతించిందని కళాశాల ప్రిన్సిపాల్‌ లక్ష్మీరాజం బుధవారం తెలిపారు. ప్రభుత్వ వైద్య విద్య సంచాలకులు తాత్కాలిక, కాంట్రాక్ట్‌ పద్ధతిన సివిల్‌ అసిస్టెంట్‌ సర్జన్స్‌(సీఏఎస్‌) పోస్టులను భర్తీ చేసేందుకు అనుమతించారని వివరించారు. ఆసక్తి గల అభ్యర్థులు కాలేజీ వెబ్‌సైట్‌లో అప్లికేషన్‌ ఫారం డౌన్‌లోడ్‌ చేసుకొని పూర్తి వివరాలతో ఈనెల 9లోగా దరఖాస్తు చేసుకోవాలని కోరారు.

సిరిసిల్ల: పసిపిల్లలకు ఆట పాటలతో అక్షరాలను పరిచయం చేయాల్సిన ఇంటిగ్రేటెడ్‌ చైల్డ్‌ డెవలప్‌మెంట్‌ స్కీం (ఐసీడీఎస్‌) ప్రాజెక్టు ఆఫీస్‌ ముందు బోర్డుపై అక్షరాలు కనిపిస్తే.. ఒట్టు అన్నట్లుగా ఉంది. వేములవాడ డివిజన్‌ కేంద్రం చెక్కపల్లి రోడ్డులోని ఓ అద్దె ఇంట్లో ఈ ఐసీడీఎస్‌ ప్రాజెక్టు కొనసాగుతుంది. ఆఫీస్‌లో వసతులు ఎలా ఉన్నా.. ఇది ప్రాజెక్టు ఆఫీస్‌ అని గుర్తించేలా బోర్డు లేక పోవడం గమనార్హం. గెజిటెడ్‌ అధికారి విధులు నిర్వహించే ఈ ఆఫీస్‌ నిర్వహణ ఎలా ఉందో బోర్డు చూస్తే ఇట్టే తెలిసిపోతుంది. ఉన్నతాధికారులు స్పందించి కనీసం ‘ఐడీసీఎస్‌’ అనే అక్షరాలు కనిపించేలా బోర్డు ఏర్పాటు చేస్తే ఆఫీస్‌కు వచ్చే సామాన్యులకు ఇది ఆఫీసే అనే నమ్మకం కలుగుతుంది.

● కేటీఆర్‌ డిమాండ్‌తో కదిలిన యంత్రాంగంసిరిసిల్ల: సిరిసిల్ల ఎమ్మెల్యే కేటీఆర్‌ ఆదివారం ఎల్లారెడ్డిపేట మండలం దేవుడిగుట్ట తండాలో ఎండిన వరి పొలాలను పరిశీలించి రైతులతో మాట్లాడారు. రైతుల బాధలు విన్న కేటీఆర్‌ 48 గంటల్లో మధ్యమానేరు నుంచి మల్కపేటకు నీటిని పంపింగ్‌ చేసి, మల్కపేట నుంచి ఎల్లారెడ్డిపేట మండలానికి సాగునీరు విడుదల చేయాలని డిమాండ్‌ చేశారు. దీంతో ప్రభుత్వం స్పందించి మంగళవారం కలెక్టర్‌ సందీప్‌కుమార్‌ ఝా మల్కపేట పంపుహౌజ్‌ను సందర్శించి నీటి పంపింగ్‌ను ప్రారంభించారు. మధ్యమానేరు నుంచి 0.5 టీఎంసీ నీటిని పంపింగ్‌ చేసి ఎల్లారెడ్డిపేట మండలం మైసమ్మ చెరువు, గంభీరావుపేట మండలం సింగసముద్రంకు కాల్వ ద్వారా పంపించనున్నారు. ఇప్పటికే కాల్వల్లోని మట్టిని తొలగించి శుభ్రం చేయించారు. కేటీఆర్‌ 48 గంటల గడువు విధించడంతోనే మల్కపేటకు మధ్యమానేరు నీటి పంపింగ్‌ మొదలైందని బీఆర్‌ఎస్‌ వర్గాలు పేర్కొంటుండగా.. ప్రభుత్వమే రైతుల పొలాలను కాపాడేందుకు ముందుకు వచ్చి నీటిని విడుదల చేసిందని అధికార పార్టీ నేతలు స్పష్టం చేస్తున్నారు. ఏది ఏమైనా ఎండిన పొలాలకు సాగు నీరు చేరడం విశేషం.

సిరిసిల్లటౌన్‌: భారతీయ కిసాన్‌ సంఘ్‌ ఆవిర్భావ దినోత్సవాన్ని మంగళవారం జిల్లా కేంద్రంలోని గాంధీనగర్‌లో ఘనంగా నిర్వహించారు. సంఘ్‌ జిల్లా అధ్యక్షుడు పులి లక్ష్మీపతిగౌడ్‌ ఆధ్వర్యంలో భగవాన్‌ బలరాం చిత్రపటానికి పూలమాల వేసి జెండా ఆవిష్కరించారు. భారతీయ కిసాన్‌ సంఘ్‌ నిరంతరం రైతుల పక్షాన ఉంటూ సేవలు అందిస్తున్నట్లు వెల్లడించారు. రైతులకు గిట్టుబాటు ధర, నాణ్యమైన విద్యుత్‌, యూరియా సరఫరా చేయాలని కోరారు. జిల్లా కార్యదర్శి బియాంకార్‌ శ్రీని వాస్‌, సభ్యులు చిప్ప దేవదాస్‌, గణేశ్‌, శ్రీ రాములు, సారయ్య, పోశెట్టి, శ్రీనివాస్‌ పాల్గొన్నారు.

కోనరావుపేట(వేములవాడ): కోనరావుపేట మండలం మల్కపేట రిజర్వాయర్‌ నుంచి ఎల్లారెడ్డిపేట మండలం మైసమ్మ చెరువు, సింగసముద్రం చెరువులకు నీటిని తరలిస్తామని కలెక్టర్‌ సందీప్‌కుమార్‌ ఝా పేర్కొన్నారు. మంగళవారం మల్కపేట రిజ ర్వాయర్‌ను సందర్శించారు. రిజర్వాయర్‌లో నీటి నిల్వపై నీటి పారుదల శాఖ అధికారి అమరేందర్‌రెడ్డిని ఆరా తీయగా, మంగళవారం నాటికి 0.75 టీఎంసీల డెడ్‌ స్టోరేజ్‌ నీరు నిల్వ ఉందని ఆయన వివరించారు. ఈ సందర్భంగా కలెక్టర్‌ మాట్లాడుతూ, బోయినపల్లి మండలం మిడ్‌మానేర్‌ నుంచి మల్కపేట రిజర్వాయర్‌కు 0.5 టీఎంసీల నీటి విడుదలకు ఉన్నతాధికారులతో మాట్లాడుతున్నట్లు తెలిపారు. కలెక్టర్‌ వెంట ఈఈ కిషోర్‌, డీఈఈ సత్యనారాయణ, శ్రీనివాస్‌, వినోద్‌ తదితరులు ఉన్నారు. కాగా మిడ్‌మానేరు నుంచి నీటి పంపింగ్‌ ప్రక్రియ మంగళవారం సాయంత్రం మొదలైంది. నీటి విడుదల కోసం మంత్రి ఉత్తమ్‌కుమార్‌రెడ్డితో విప్‌ ఆది శ్రీనివాస్‌, కాంగ్రెస్‌ సిరిసిల్ల ఇన్‌చార్జి కేకే మహేందర్‌రెడ్డి మాట్లాడారు. రోజుకు 0.1 టీఎంసీ చొప్పున 5 రోజుల పాటు పంపింగ్‌ కొనసానుంది. హర్షం వ్యక్తం చేస్తున్న రైతులు ఎలారెడ్డిపేట(సిరిసిల్ల): మల్కపేట రిజర్వాయర్‌ నుంచి ఎల్లారెడ్డిపేట మండలానికి నీటివిడుదలతో రైతులు హర్షం వ్యక్తం చేస్తున్నారు. ఈ ప్రాంతంలో సాగునీరు అందక పంటలు ఎండిపోతున్నట్లు సీఎం రేవంత్‌రెడ్డి, మంత్రి ఉత్తంకుమార్‌రెడ్డి దృష్టికి కాంగ్రెస్‌ నియోజకవర్గ ఇన్‌చార్జి కేకే మహేందర్‌రెడ్డి తీసుకుపోవడంతో నీటిని విడుదల చేసినట్లు బ్లాక్‌ కాంగ్రెస్‌ అధ్యక్షుడు దొమ్మాటి నర్సయ్య తెలిపారు. కాగా నీటి విడుదల విషయంలో మాజీ మంత్రి కేటీఆర్‌ కూడా సంబంధిత అధికారులతో మాట్లాడారు. నీటి విడుదలతో రైతులు సంతోషంగా ఉన్నారు. కలెక్టర్‌ సందీప్‌కుమార్‌ఝా

● నేటి నుంచి ఇంటర్మీడియట్‌ పరీక్షలు ● అన్ని ఏర్పాట్లు చేసిన అధికారులుసిరిసిల్లఎడ్యుకేషన్‌: జిల్లాలో బుధవారం నుంచి జరిగే ఇంటర్మీడియట్‌ పరీక్షల నిర్వహణకు అధికారులు అన్ని ఏర్పాట్లు చేశా రు. ఏడాదిపాటు పుస్తకాలతో కుస్తీ పట్టిన విద్యార్థులు తమ భవితవ్యాన్ని తేల్చుకోబోతున్నారు. అయితే ఇదే సమయంలో టెన్షన్‌ పడొద్దని.. ఆహారం.. ఆరోగ్యంపై దృష్టి పెట్టాలని నిపుణులు సూచిస్తున్నారు. సీసీ కెమెరాలు ఉంటాయన్న భయం మనసులో పెట్టుకోవద్దని.. అన్ని పరీక్షల మాదిరిగానే వీటిని తీసుకుంటే ఎలాంటి ఆందోళన ఉండదంటున్నారు. 9,310 మంది విద్యార్థులు ఈనెల 5 నుంచి 25 వరకు జరిగే పరీక్షలకు జిల్లాలో ఫస్టియర్‌లో 5,065, సెకండియర్‌లో 4,245 మంది విద్యార్థులకు హాజరుకానున్నారు. 16 పరీక్ష కేంద్రాలు ఏర్పాటు చేశారు. విద్యార్థులకు తాగునీరు ఇతర సదుపాయాలు కల్పించినట్లు ఇంటర్మీడియట్‌ విద్యాశాఖ అధికారులు వెల్లడించారు. సీసీ కెమెరాలు.. తనిఖీ బృందాలు ఈసారి కేంద్రాల్లో సీసీ కెమెరాలు బిగించారు. పరీక్ష సమయంలో ఎలాంటి మాల్‌ ప్రాక్టీస్‌కు అవకాశం లేకుండా ఉండేందుకు ఉన్నతాధికారుల ఆదేశాలతో తనిఖీ బృందాలు సైతం కేంద్రాల్లో తనిఖీ చేయనున్నాయి. జిల్లాలో 16 కేంద్రాల్లో 16 మంది సీఎస్‌లు, 16 మంది డీవోలు, ఐదుగురు అడిషనల్‌ సీఎస్‌లు, ఫ్లయింగ్‌ స్క్వాడ్‌ బృందాలను నియమించారు. ఫ్లయింగ్‌ స్క్వాడ్‌ టీమ్‌లో తహసీల్దార్‌, జూనియర్‌ లెక్చరర్‌, ఆర్‌ఎస్‌ఐ ఉంటారు. జిల్లా కమిటీలో ఇంటర్మీడియట్‌ జిల్లా విద్యాధికారి, సీనియర్‌ ప్రిన్సిపాల్‌, సీనియర్‌ లెక్చరర్‌ పర్యవేక్షిస్తారు. ప్రతి పరీక్షా కేంద్రంలో సిట్టింగ్‌ స్క్వాడ్స్‌గా ఇద్దరు జూనియర్‌ లెక్చరర్లు తనిఖీలు చేస్తారు. భయం వద్దు ఇంటర్‌ పరీక్షల నిర్వహణ పారదర్శకంగా ఉండేందుకు ఈసారి పరీక్ష కేంద్రాల్లో సీసీ కెమెరాలు ఏర్పాటు చేశారు. దీనిపై విద్యార్థులు ఆందోళన చెందాల్సిన అవసరం లేదు. పరీక్ష కేంద్రాన్ని తెలిపేలా క్యూఆర్‌ కోడ్‌ డైరెక్షన్‌ కోసం హాల్‌టికెట్‌పై ముద్రించి ఉంది. దీంతో విద్యార్థులు కేంద్రానికి సకాలంలో చేరేందుకు అవకాశం ఉంటుంది. విద్యార్థులు పరీక్షలకు సకాలంలో వెళ్లి సక్సెస్‌ అవుతామని దృఢ నమ్మకంతో ముందుకెళ్లాలి. – వై.శ్రీనివాస్‌, జిల్లా ఇంటర్మీడియట్‌ అధికారి ఆహారం, నిద్రపై దృష్టిపెట్టాలి విద్యార్థులు పరీక్షల సమయంలో చదవడంతో పాటు నిద్రకు సమయం కేటాయించడం మంచిది. రోజువారి ఆహారం మాదిరి కాకుండా త్వరగా జీర్ణం అయ్యే ఆహారాన్ని తీసుకోవాలి. జంక్‌ ఫుడ్‌కు దూరంగా ఉండాలి. – డాక్టర్‌ సురేంద్రబాబు, పిల్లల వైద్య నిపుణుడు, సిరిసిల్ల ఈ జాగ్రత్తలు తీసుకోవాలి.. పరీక్షల సమయంలో రాత్రి పొద్దుపోయే వరకు చదవకూడదు. తగినంత నిద్ర పోవాలి. టీవీ, మొబైల్‌లకు దూరంగా ఉండాలి. త్వరగా జీర్ణమయ్యే ఆహార పదార్థాలు, పండ్లు, రసాలు తీసుకోవడం మంచిది. పరీక్ష కేంద్రానికి వెళ్లే వరకు చదువుతూ ఉండొద్దు. పరీక్ష రాసేందుకు అవసరమైన హాల్‌టికెక్‌, పెన్నులు, పెన్సిళ్లు సమకూర్చుకోవాలి. ఎలాంటి భయాందోళన చెందొద్దు. కేంద్రానికి కనీసం గంట ముందు చేరుకోవాలి. ఒక పరీక్ష రాసి ఇంటికొచ్చిన తర్వాత దాని గురించే చర్చించవద్దు. మరుసటి రోజు పరీక్షపై దృష్టి పెట్టాలి.

సిరిసిల్ల: స్థూలకాయంతో అనేక అనారోగ్య సమస్యలు ఉత్పన్నమవుతాయని ఇండియన్‌ మెడికల్‌ అసోసియేషన్‌(ఐఎంఏ) జిల్లా అధ్యక్షుడు డాక్టర్‌ నాగుమల్ల శ్రీనివాస్‌ అన్నారు. మంగళవారం ప్రపంచ స్థూలకాయ(ఒబేసిటీ) దినోత్సవం సందర్భంగా జిల్లా కేంద్రంలో ర్యాలీ నిర్వహించారు. ఈ సందర్భంగా ఆయన మాట్లాడుతూ, స్థూలకాయం మూలంగా డయాబెటీస్‌, బీపీ, కీళ్లనొప్పులు, క్యాన్సర్‌ వంటి వ్యాధులు వచ్చే ప్రమాదం ఉందన్నారు. ప్ర జల్లో అవగాహన కల్పించేందుకు ర్యాలీ నిర్వహించామన్నారు. మితంగా తింటూ, నిత్య వ్యా యామంతో ఆరోగ్యంగా ఉండాలని కోరారు. ఐఎంఏ మహిళా విభాగం అధ్యక్షురాలు డాక్టర్‌ పి.లీలా శిరీష మాట్లాడుతూ, స్థూలకాయంతో మహిళల్లో అనేక సమస్యలు ఉంటాయని, వ్యా యామం చేస్తూ ఒబేసిటీకి దూరంగా ఉండాలన్నారు. ఐఎంఏ జిల్లా కార్యదర్శి డాక్టర్‌ అభినయ్‌, వైద్యులు ఎం.మధు, సాయి, రంజిత్‌, మురళీధర్‌రావు, శోభారాణి, పత్తిపాక అరుణ, మెడికల్‌ కాలేజీ విద్యార్థులు పాల్గొన్నారు. 8న జాబ్‌ మేళాసిరిసిల్లకల్చరల్‌: అంతర్జాతీయ మహిళా దినోత్సవం సందర్భంగా ప్రదీప్తి ఫౌండేషన్‌ ఆధ్వర్యంలో బ్యాంకింగ్‌ ఉద్యోగాలకు జాబ్‌మేళా నిర్వహించనున్నట్లు రిక్రూట్‌మెంట్‌ హెడ్‌ వినయ్‌ తెలిపారు. హెచ్‌డీఎఫ్‌సీ, యాక్సిస్‌ బ్యాంక్‌ శాఖల్లో ఖాళీగా ఉన్న బిజినెస్‌ డెవలప్‌మెంట్‌ ఎగ్జిక్యూటివ్‌ పోస్టులు భర్తీ చేస్తామన్నారు. స్థానిక వాసవీనగర్‌లోని మహతి మహిళా డిగ్రీ కళాశాల ప్రాంగణంలో నిర్వహించే మేళ్లాకు డిగ్రీ ఉత్తీర్ణులై 30 ఏళ్ల లోపు వయసు గల మహిళలు హాజరుకావచ్చని పేర్కొన్నారు. ఎంపికై న మహిళలకు శిక్షణనిచ్చి నియామకాలు జరుపుతామని, ఏడాదికి రూ.2.25 లక్షల నుంచి 2.8లక్షల ప్యాకేజీ లభిస్తుందన్నారు. అర్హత, ఆసక్తి గలవారు విద్యార్హతల ధృవపత్రాల జిరాక్స్‌ ప్రతులు, ఆధార్‌కార్డుతో ఉదయం 10 గంటలకు హాజరు కావాలన్నారు. పూర్తి వివరాలకు 81067 64653, 98855 35991 నంబర్లలో సంప్రదించాలని సూచించారు. బీజేపీ సంబరాలుసిరిసిల్లటౌన్‌: ఉపాధ్యాయ ఎమ్మెల్సీ ఎన్నికల్లో బీజేపీ అభ్యర్థి విజయం సాధించడంతో ఆపార్టీ శ్రేణులు సంబరాలు చేసుకున్నారు. జిల్లా కేంద్రంలోని అంబేడ్కర్‌ చౌరస్తాలో మంగళవారం టపాసులు పేల్చి, స్వీట్లు పంపిణీ చేశారు. ఈసందర్భంగా బీజేపీ జిల్లా అధ్యక్షుడు రెడ్డబోయిన గోపి మాట్లాడుతూ, ప్రజలు బీజేపీకి మద్దతుగా నిలవడంపై కృతజ్ఞతలు తెలిపారు. మున్సిపల్‌ మాజీ చైర్మన్‌ ఆడెపు రవీందర్‌, బర్కం లక్ష్మీయాదవ్‌, నాగుల శ్రీనివాస్‌, బొల్గం నాగరాజుగౌడ్‌, రాజాసింగ్‌, మ్యాన రాంప్రసాద్‌ తదితరులు పాల్గొన్నారు. రేపు హుండీ లెక్కింపువేములవాడ: మహాశివరాత్రి జాతర సందర్భంగా వేములవాడ రాజన్నకు హుండీలలో వేసిన కట్నాలు, కానుకల లెక్కింపును ఈనెల 6న ఉ దయం 8 గంటల నుంచి ప్రారంభించనున్నట్లు ఈవో కొప్పుల వినోద్‌రెడ్డి మంగళవారం పేర్కొన్నారు. ఆలయ అధికారులు, సిబ్బంది, భద్రతా సిబ్బంది, స్వచ్ఛంద సంస్థల ప్రతినిధులు హాజరుకావాలని ఉత్తర్వులు వెలువరించారు. మున్సిపల్‌ కార్మికులను పర్మినెంట్‌ చేయాలిసిరిసిల్లటౌన్‌: రాష్ట్ర ప్రభుత్వం ఇచ్చిన హామీ ప్రకారం మున్సిపల్‌ కార్మికులను పర్మినెంట్‌ చేయాలని సీఐటీయూ జిల్లా కార్యదర్శి కోడం రమణ కోరారు. మంగళవారం కార్మికులతో కలిసి సిరిసిల్ల మున్సిపల్‌ ఎదుట ధర్నా చేపట్టి మాట్లాడారు. కనీస వేతనం రూ.26 వేలు అందించాలని, పీఎఫ్‌, పీఆర్‌సీ సమస్యలు పరిష్కరించాలని డిమాండ్‌ చేశారు. పట్టణాలను పరిశుభ్రంగా ఉంచడం కోసం తమ ఆరోగ్యాలను సైతం లెక్కచేయకుండా సేవలందిస్తున్న కార్మికులను ప్రభుత్వం పట్టించుకోవడం లేదని మండిపడ్డారు. వారం లోపు సమస్యలు పరిష్కరించకుంటే కార్మికులందరూ పనులు బంద్‌ చేసి సమ్మెకు వెళ్లడానికి సిద్ధంగా ఉన్నారని హెచ్చరించారు. కార్యక్రమంలో నాయకులు సుల్తాన్‌ నర్సయ్య, కాసారపు శంకర్‌, రాజయ్య, బాలయ్య, దేవరాజు, భారతవ్వ, బాబా కిషన్‌, లక్ష్మి, నర్సవ్వ, మల్లేశం, దేవయ్య, సురేశ్‌, శ్రీనివాస్‌, నరేశ్‌, రాజు, మమత, శంకర్‌ తదితరులు పాల్గొన్నారు.

బుధవారం శ్రీ 5 శ్రీ మార్చి శ్రీ 2025తేలని ఫలితంసాక్షి,పెద్దపల్లి: ఉమ్మడి కరీంనగర్‌– ఆదిలాబాద్‌– మెదక్‌– నిజా మాబాద్‌ పట్టభద్రుల ఎమ్మెల్సీ ఫలితం ఉత్కంఠ రేపుతోంది. మంగళవారం అర్ధరాత్రి వరకు జరిగిన కౌంటింగ్‌లో బీజీపీ, కాంగ్రెస్‌, బీఎస్పీ అభ్యర్థులు పోటాపోటీగా ఓట్లు సాధించారు. ఎవరూ నేరుగా కోటా ఓట్లు చేరుకునే అవకాశాలు కనిపించడం లేదు. మొదటి ప్రాధాన్యత ఓట్లతో ఫలితం తేలకపోవడంతో రెండో ప్రాధాన్యత ఓట్లపై ఆసక్తి నెల కొంది. మొత్తం చెల్లుబాటైన ఓట్ల లెక్కింపు పూర్తయ్యాక ఎలిమినేషన్‌ ప్రక్రియ ద్వారా ఫలితం తేలనుంది. దీంతో ట్రయాంగిల్‌గా సాగుతున్న ఎమ్మెల్సీ ఎన్నికల పోరు సర్వత్రా ఆసక్తి రేపుతోంది. త్రిముఖ పోటీ.. పట్టభద్రుల ఎమ్మెల్సీగా 56 మంది అభ్యర్థులు పోటీపడినా.. ప్రధానంగా బీజేపీ అభ్యర్థి అంజిరెడ్డి, కాంగ్రెస్‌ అభ్యర్థి నరేందర్‌రెడ్డి, బీఎస్పీ అభ్యర్థి ప్రసన్న హరికృష్ణ విస్తృత ప్రచారం చేశారు. దానికి అనుగుణంగానే ఈ ముగ్గురికి పోటాపోటీగా ఓట్లు వచ్చాయి. 6వ రౌండ్‌ పూర్తయ్యే సమయానికి బీజేపీ, కాంగ్రెస్‌, బీఎస్పీ అభ్యర్థులు ముగ్గురు సుమారు లక్ష ఓట్లు, బరిలో నిలిచిన 53 మంది కలిపి కేవలం 10వేల లోపు ఓట్లు మాత్రమే సాధించారు. దీంతో మూడోస్థానంలో నిలిచే అభ్యర్థి ఎవరనేదానిపై ఎమ్మెల్సీ ఫలితం ఆధారపడి ఉంటుందని రాజకీయ విశ్లేషకులు అంచనా వేస్తున్నారు. ఎవరికీ దక్కని విన్నింగ్‌ కోటా ఓట్లు పోస్టల్‌ ఓట్లతో కలిసి మొత్తం 2,52,100 ఓట్లు పోలవగా, అందులో సుమారు 28 వేల ఓట్లు చెల్లనివిగా అధికారులు నిర్ధారించారు. చెల్లనిఓట్లు పోగా మిగిలిన 2,24,000 ఓట్లలో సగం ఓట్లు.. అంటే.. 1,12,001 (సుమారు) ఓట్లను విన్నింగ్‌ కోటా ఓట్లుగా నిర్ధారించారు. పోటీలో ఉన్న ఒక్కో అభ్యర్థి నేరుగా కోటా ఓట్లను సాధించే పరిస్థితి కానరావడం లేదు. దీంతో తక్కువ ఓట్లు వచ్చిన అభ్యర్థులను ఎలిమినేషన్‌ చేస్తూ రెండోప్రాధాన్యత ఓట్ల లెక్కింపుతో ఫలితం తేలనుంది. ఈ ప్రక్రియ పూర్తిచేసి ఫలితం తేలేందుకు బుధవారం రాత్రి వరకూ సమయం పట్టే అవకాశం ఉందని అభ్యర్థులు అంచనా వేస్తున్నారు. ప్రతీ రౌండ్‌లో బీజేపీకే ఆధిక్యం మొత్తం 21 టేబుళ్ల ద్వారా 12 రౌండల్లో ఓట్ల లెక్కింపు ప్రక్రియ కొనసాగిస్తున్నారు. మొదటి రౌండ్‌లో బీజేపీ అభ్యర్థికి కాంగ్రెస్‌ అభ్యర్థిపై 36 ఓట్ల మెజార్టీ వచ్చింది. రెండోరౌండ్‌లో 1,457 ఓట్ల మెజార్టీ, మూడోరౌండ్‌లో 3,005 ఓట్లు, నాలుగో రౌండ్‌లో 1,263 ఓట్లు, ఐదోరౌండ్‌లో 1,381 ఓట్ల మెజార్టీ వచ్చింది. 6వ రౌండ్లో కాంగ్రెస్‌ అభ్యర్థి నరేందర్‌రెడ్డి బీజేపీ అభ్యర్థిపై 211 ఓట్ల మెజార్టీ సాధించారు. మొత్తంగా మంగళవారం అర్ధరాత్రి 12 గంటల వరకు 45,401 ఓట్లు సాధించి, ప్రత్యర్థులపై 6,931 ఓట్ల మెజార్టీతో అంజిరెడ్డి ముందంజలో ఉన్నారు. 38,470 ఓట్లతో నరేందర్‌రెడ్డి సెకండ్‌ ప్లేస్‌లో, 3,1481 ఓట్లతో ప్రసన్నహరికృష్ణ మూడోస్థానంలో నిలిచారు. మందకొడిగా సాగుతున్న కౌంటింగ్‌ ప్రక్రియకు తోడు పోటాపోటీగా అభ్యర్థులు ఓట్లు సాధిస్తుండటంతో రౌండ్‌ రౌండ్‌కూ ఉత్కంఠ పెరుగుతోంది. రెండోప్రాధాన్యత ఓట్లపైనే బీజేపీ, కాంగ్రెస్‌ అభ్యర్థులు ఆశలు పెట్టుకున్నారు. న్యూస్‌రీల్‌ ‘గ్రాడ్యుయేట్‌’ పోటీ త్రిముఖం కోటా ఓట్ల మార్కును చేరుకోని అభ్యర్థులు ఎలిమినేషన్‌ ప్రక్రియతోనే తేలనున్న ఎమ్మెల్సీ ఫలితం ప్రస్తుతం ఆధిక్యంలో బీజేపీ అభ్యర్థి అంజిరెడ్డికౌంటింగ్‌ వివరాలు మొత్తం ఓట్లు(పోస్టల్‌ ఓట్లతో కలిపి): 2,52,100 చెల్లని ఓట్లు : 28,000(11.01శాతం) చెల్లుబాటైనవి : 2,24,000 విన్నింగ్‌ కోటా ఓట్లు : 1,12,001(సుమారు) బరిలో నిలిచిన అభ్యర్థులు : 56

ఈ విద్యార్థి పేరు శివరాత్రి ప్రశాంత్‌. వేములవాడరూరల్‌ మండలం ఫాజుల్‌నగర్‌కు చెందిన ఇతను స్థానిక జెడ్పీ హైస్కూల్‌లో పదోతరగతి చదువుతున్నాడు. ప్రశాంత్‌ నాన్న ఆంజనేయులు చనిపోయాడు. అమ్మ అమృత కూలీ పని చేస్తుంది. ఉపాధ్యాయులు బోర్డుపై ఏదైనా రాస్తే ప్రశాంత్‌కు కనిపించడం లేదు. దీంతో చదువులో వెనకబడిపోతున్నాడు. ఇతను వేములవాడ రూరల్‌ మండలం వట్టెంలకు చెందిన ఆకాశ్‌. స్థానిక జెడ్పీ హైస్కూల్‌లో 9వ తరగతి చదువుతున్నాడు. అమ్మానాన్నలు వసంత, శంకర్‌ వ్యవసాయం చేస్తారు. ఆకాశ్‌ పుస్తకం చదువుతుంటే కళ్లలో నీళ్లు వచ్చి అక్షరాలు కనిపించడం లేదు. ప్రైవేటు ఆస్పత్రికి వెళ్లి కంటి పరీక్షలు చేయించే ఆర్థిక స్థోమత తల్లిదండ్రులకు లేదు. వేములవాడ ప్రాంతీయ ఆస్పత్రికి వచ్చిన వీరంతా ప్రభుత్వ స్కూళ్లలో చదువుకునే బాలికలు. వీరిలో కొందరికి కంటి సమస్యలు ఉన్నాయి. పూర్తిస్థాయి పరీక్షల కోసం వేములవాడ ప్రభుత్వ ఆస్పత్రికి వచ్చారు. వీరికి రాష్ట్రీయ బాల స్వస్థ్య కార్యక్రమం(ఆర్‌బీఎస్‌కే)లో పరీక్షలు నిర్వహిస్తున్నారు. ఇలా జిల్లావ్యాప్తంగా ఇప్పటి వరకు 2,464 మంది పిల్ల లకు పరీక్షలు చేయగా, 1,456 మంది పిల్లల్లో కంటి సమస్యలు ఉన్నట్లు నిర్ధారించారు.సిరిసిల్ల: ప్రభుత్వ స్కూళ్లు, హాస్టళ్లు, గురుకులాల్లో చదివే పిల్లలకు జిల్లా కేంద్రంలోని ప్రభుత్వ జనరల్‌ ఆస్పత్రి, వేములవాడ ప్రాంతీయ ఆస్పత్రుల్లో కంటి పరీక్షలు నిర్వహిస్తున్నారు. కంప్యూటర్‌ సాయంతో దృష్టిలోపాలను గుర్తించి చిన్నచిన్న సమస్యలు ఉన్నవారికి ఉచితంగా కంటి అద్దాలు, మందులు అందిస్తున్నారు. సమస్య తీవ్రత ఎక్కువగా ఉంటే కంటి ఆపరేషన్ల కోసం హైదరాబాద్‌లోని సరోజినీదేవి కంటి ఆస్పత్రికి సిపార్సు చేస్తున్నారు. ఆర్థికంగా ఉన్నవారు సిరిసిల్లలోని ఎన్‌వీ ప్రసాద్‌ కంటి ఆస్పత్రిలో ఆపరేషన్‌ చేయించుకుంటున్నారు. కాగా, 15 ఏళ్లలోపు పిల్లల్లో కంటి సమస్యలు ఎక్కువగా రావడం ఆందోళన కలిగిస్తుంది. సెల్‌ ఫోన్‌, టీవీల ప్రభావం నిత్యజీవనంలో సెల్‌ఫోన్‌ భాగమైంది. ఈనేపథ్యంలో పిల్లలు గంటల తరబడి ఫోన్‌, టీవీలకు అతుక్కుపోవడంతో కంటి రెటీనాపై ప్రభావం పడి చూపు మందగిస్తుంది. కంటికి సంబంధించి అనేక సమస్యలు సెల్‌ఫోన్‌ చూడడం వల్ల వస్తున్నట్లు కంటి వైద్యనిపుణులు చెబుతున్నారు. టీవీలు, సెల్‌ఫోన్‌లకు దూరంగా ఉన్న పిల్లల్లో పోషకాహార లోపాలతో కంటి జబ్బులు వస్తున్నట్లు గుర్తించారు. ప్రభుత్వ స్కూళ్లలో చదివే పిల్లలు మధ్యతరగతి, పేదవర్గాలు కావడంతో వారిలో దృష్టిలోపాలను గుర్తించి ప్రైవేటుగా వైద్యం చేయించే ఆర్థిక స్థోమత వారిలో ఉండడం లేదు. ఫలితంగా పిల్లలు కళ్ల వెంట నీరు కారుతున్నా, దగ్గరి చూపు లేకపోయినా.. దూరం చూపు మందగించినా.. తరగతి గదిలో బ్లాక్‌బోర్డు కనిపించపోచయినా.. చదువులో వెనకబడుతూ ఉజ్వల భవిష్యత్‌ను కోల్పోతున్నారు. ఇలాంటి పిల్లల కోసం జిల్లా వ్యాప్తంగా ఆర్‌బీఎస్‌కే పథకంలో కంటి పరీక్షలు చేయడంతో వారిలో దృష్టిలోపాలు వెలుగుచూస్తున్నాయి. కళ్ల వెంట నీళ్లు.. కనిపించని బోర్డులు పిల్లలకు కంటి సమస్యలు పరీక్షల్లో వెల్లడవుతున్న దృష్టిలోపాలుపరీక్షలు కొనసాగుతున్నాయి జిల్లా వ్యాప్తంగా షెడ్యూల్‌ ప్రకారం పిల్లలకు కంటి పరీక్షలు కొనసాగుతున్నాయి. ఇప్పటి వరకు 2,464 మంది విద్యార్థులకు పరీక్షలు చేశాం. అందులో 37 మందికి ఆపరేషన్లు అవసరమని హైదరాబాద్‌ సరో జినీదేవి కంటి ఆస్పత్రికి రెఫర్‌ చేశాం. జిల్లాలో పూర్తి స్థాయిలో కంటి పరీక్షలు చేస్తాం. – డాక్టర్‌ నయీమ్‌జహాన్‌షేక్‌, ఆర్‌బీఎస్‌కే జిల్లా కో ఆర్డినేటర్‌

● తొలి ప్రాధాన్యంలోనే గెలిచిన మల్క కొమురయ్య ● కొనసాగుతున్న గ్రాడ్యుయేట్‌ ఓటర్ల వడబోత ● నేటి మధ్యాహ్నానికి మొదలవనున్న లెక్కింపు ● మందకొడి లెక్కింపుపై అభ్యర్థుల మండిపాటు ● ఆర్వో, సిబ్బంది పనితీరుపై ఈసీకి సర్దార్‌ ఫిర్యాదు ● మల్క కొమురయ్యను అభినందించిన బండి సంజయ్‌ ● ఈ తీర్పు టీచర్లకు, మోదీకి అంకితమన్న కేంద్ర సహాయ మంత్రిసాక్షిప్రతినిధి,కరీంనగర్‌: కరీంనగర్‌–మెదక్‌–ఆదిలాబాద్‌–నిజామాబాద్‌ టీచర్‌ నియోజవర్గం కమలం వశమైంది. ముందు నుంచి అనుకున్నట్లుగా మల్క కొమురయ్య టీచర్‌ ఎమ్మెల్సీ స్థానాన్ని ఎగరేసుకుపోయారు. తొలిప్రాధాన్యం ఓట్లతోనే కొమురయ్య గెలవడం విశేషం. నల్గొండ టీచర్‌ ఎన్నికల ఫలితాలు సాయంత్రానికే వచ్చేసినా.. కరీంనగర్‌ టీచర్‌ ఎన్నికల లెక్కింపు సాయంత్రానికి మొదలవడం గమనార్హం. అయినా కేవలం కౌంటింగ్‌ ప్రారంభించిన రెండు గంటల్లోనే ఫలితం తేలడం గమనార్హం. టీచర్‌ ఎమ్మెల్సీ స్థానంలో మొత్తం 27,088 ఓట్లకు గాను 25,041 ఓట్లు పోల్‌ అవగా.. అందులో 24,144 చెల్లుబాటు అయ్యాయి. కాగా 897 చెల్లలేదు. దీంతో గెలుపు కోటా ఓట్లు 12,073గా నిర్ధారించారు. బీజేపీ అభ్యర్థి మల్క కొమురయ్యకు 12,959, వంగ మహేందర్‌రెడ్డికి 7,182, అశోక్‌కుమార్‌కు 2,621, కూర రఘోత్తంరెడ్డికి 428 ఓట్లు వచ్చాయి. గెలుపు కోటాను బీజేపీ అభ్యర్థి కొమురయ్య చేరుకున్నారు. దీంతో తొలిరౌండ్‌లోనే బీజేపీ మొదటి ప్రాధాన్యం ఓట్లతో గెలిచినట్లయింది. గతంలో పీఆర్‌టీయూ బలపరిచిన కూర రఘోత్తంరెడ్డి విజయం సాధించగా, ఈసారి టీచర్‌ సంఘాలు కాకుండా జాతీయ పార్టీ అయిన బీజేపీ పోటీ చేసి గెలవడం చర్చానీయాంశంగా మారింది. కొనసాగుతున్న గ్రాడ్యుయేట్‌ వడబోత.. సోమవారం ఉదయం నుంచి గ్రాడ్యుయేట్‌ ఓట్ల వడపోత కొనసాగుతూనే ఉంది. ఉదయం 8 గంటలకు మొదలు పెట్టిన ఎన్నికల లెక్కింపు, చెల్లని, చెల్లిన ఓటర్ల విభజనపై రాత్రి 9గంటలు దాటేవరకు ఎలాంటి ప్రకటనా చేయలేదు. దీంతో రకరకాల ప్రచారాలు మొదలవడంతో రాత్రి ప్రకటించారు. అప్పటి వరకూ దాదాపు లక్ష ఓట్లను వడబోయగా అందులో 92,000 చెల్లుబాటు అయ్యాయని, 8,000 ఓట్లు చెల్లలేదని, మిగిలిన 1.5 లక్షల ఓట్ల వడబోత మంగళవారం మధ్యాహ్నం వరకు పూర్తవుతుందని అధికారులు ప్రకటించారు. మధ్యాహ్నం లెక్కింపు మొదలైనా.. తొలి ప్రాధాన్యంలో కోటా ఓట్లు రాకపోతే ఎలిమినేషన్‌ ప్రక్రియ మొదలవుతుందని వివరించారు. అందులో కోటా ఓట్లు చేరుకునే వరకు ఎలిమినేషన్‌ రౌండ్లు కొనసాగుతాయి. ఆర్వో, సిబ్బందిపై మండిపాటు గ్రాడ్యుయేట్‌, టీచర్లకు పోటీ పడిన పలు పార్టీల, స్వతంత్ర అభ్యర్థులు రిటర్నింగ్‌ ఆఫీసర్‌ (ఆర్వో), లెక్కింపు సిబ్బందిపై మండిపడ్డారు. లెక్కింపు ప్రక్రియ మందకొడిగా సాగడంపై ఆగ్రహం వ్యక్తం చేశారు. సాయంత్రానికి నల్లగొండ టీచర్‌ ఎమ్మెల్సీ ఫలితం కొలిక్కి వచ్చినా.. కరీంనగర్‌ కౌంటింగ్‌ కేంద్రం నుంచి టీచర్‌, గ్రాడ్యుయేట్‌ స్థానాలకు సంబంధించి ఎలాంటి సమాచారం బయటికి రాకపోవడంపై తీవ్రంగా మండిపడ్డారు. పోలైన ఓట్లలో కొందరు 01, 02 అని వేసిన వారి ఓట్లు పరిగణనలోకి తీసుకోవాలని కాంగ్రెస్‌ అభ్యర్థి నరేందర్‌రెడ్డి ఆర్వోకు వినతిపత్రం ఇచ్చారు. కౌంటింగ్‌ నిర్వహణ సరిగా లేదని, ఓట్లలో జంబ్లింగ్‌ విధానం పాటించలేదని, బూత్‌ల (పలిమెల బూత్‌) వివరాల్లో గోప్యత పాటించకుండా బయటికి వెల్లడించారని ఆరోపిస్తూ ఆర్వోపై ఈసీకి ఫిర్యాదు చేసినట్లు మాజీ మేయర్‌ రవీందర్‌సింగ్‌ తెలిపారు. వీరితోపాటు అభ్యర్థులు విక్రంరెడ్డి, సిలివేరు శ్రీకాంత్‌ తదితరులు ఆర్వో తీరుపై మండిపడ్డారు. కౌంటింగ్‌లో పారదర్శకత లేదని, వెంటనే ఎన్నికలు రద్దు చేయాలని నినాదాలు చేశారు. అలాగే టీచర్స్‌ ఎమ్మెల్సీకి పోలైన ఓట్ల విషయంలోనూ గందరగోళం నెలకొందని ఆరోపణలు వస్తున్నాయి. పోలింగ్‌ రోజు రాత్రి 24,895 ఓట్లు వచ్చాయని, మరునాడు శుక్రవారం 24,968 మంది ఓటేశారని, తాజాగా సోమవారం మొత్తంగా 25,041 ఓట్లు పోలయ్యాయని వెల్లడించడంపై అభ్యర్థులు మండిపడుతున్నారు. బండి అభినందనలురాత్రి 10.20 గంటల సమయంలో కేంద్ర హోంశాఖ సహాయ మంత్రి బండి సంజయ్‌ కౌంటింగ్‌ సెంటర్‌ వద్దకు వచ్చి మల్క కొమురయ్యను అభినందించారు. ఇది చారిత్రక విజయమని, ఈ తీర్పు టీచర్లకు, మోదీకి అంకితమని కేంద్ర సహాయ మంత్రి వ్యాఖ్యానించారు. ఎన్నికల్లో ప్రజలు చెంపపెట్టులాంటి తీర్పునిచ్చారని పేర్కొన్నారు. ఈ సందర్భంగా మల్క కొమురయ్య, ఎమ్మెల్యే పాయల్‌ శంకర్‌, మాజీ ఎమ్మెల్యే ఎన్వీఎస్‌ఎస్‌ ప్రభాకర్‌, మాజీ మేయర్‌ సునీల్‌రావు, బీజేపీ కరీంనగర్‌ జిల్లా అధ్యక్షుడు కృష్ణారెడ్డి, రాష్ట్ర అధికార ప్రతినిధి జె.సంగప్ప, తపస్‌ రాష్ట్ర అధ్యక్షుడు హనుమంతరావుతో కలిసి మీడియాతో మాట్లాడారు. ‘చారిత్రాత్మక తీర్పునిచ్చిన ఉపాధ్యాయులందరికీ వందనాలు. ఇది మామూలు విజయం కాదు. 5,900 ఓట్ల తేడాతో మల్క కొమురయ్య భారీ విజయం సాధించారు. ప్రధానమంత్రి నరేంద్రమోదీ పట్ల నమ్మకం, భరోసా ఉంది. దేశవ్యాప్తంగా మేధావి వర్గమంతా మోదీపై నమ్మకంతో ఉన్నారు. ఇటీవల బడ్జెట్‌లో ఉద్యోగులకు రూ.12.75 లక్షల వరకు పన్ను మినహాయింపు ఇవ్వడంపై తీర్పు ఇచ్చారు. ఈ తీర్పుతో బీజేపీ కార్యకర్తల్లో ధైర్యం వచ్చింది. నాడు కేసీఆర్‌ మూర్ఖత్వపు పాలనకు వ్యతిరేకంగా టీచర్‌ ఎమ్మెల్సీగా ఏవీఎన్‌ రెడ్డిని గెలిపించారు. 317 జీవోపై బీజేపీ కార్యకర్తలు చేసిన పోరాటాలు, లాఠీచార్జ్‌ గుర్తుంచుకుని ఈనాడు మల్క కొమురయ్యను గెలిపించారు. తపస్‌ అంటే చిన్న సంస్థ అని హేళన చేసిన వారందరి చెంప చెళ్లుమన్పించేలా తీర్పు ఇచ్చారు’ అని అన్నారు.

● ప్రజావాణి అర్జీలు త్వరగా పరిష్కరించండి ● వివిధ సమస్యలపై 108 దరఖాస్తులు ● స్వీకరించిన కలెక్టర్‌ సందీప్‌కుమార్‌ ఝాసిరిసిల్లటౌన్‌: ప్రజావాణికి వచ్చే అర్జీలపై అధికారులు నిర్లక్ష్యం వీడాలని కలెక్టర్‌ సందీప్‌కుమార్‌ ఝా సూచించారు. ఎప్పటికప్పుడు పరిష్కరించేందుకు చర్యలు తీసుకోవాలన్నారు. కలెక్టరేట్‌లో సోమవారం నిర్వహించిన ప్రజావాణిలో దరఖాస్తులు స్వీకరించారు. జిల్లావ్యాప్తంగా అధికారులు ప్రజాసమస్యలపై స్పందిస్తూ సత్వరమే పరిష్కరించాలని ఆదేశించారు. నిర్లక్ష్యం చేస్తే వేటు తప్పదని హెచ్చరించారు. ప్రజావాణికి అన్ని మండలాల నుంచి వచ్చిన ఽబాధితులు 108 అర్జీలు అందించారు. రెవెన్యూకు 45, సిరిసిల్ల మున్సిపల్‌ 14, జిల్లా సంక్షేమ, ఉపాధి కల్పన, ఎస్‌డీసీకి 6 చొప్పున, విద్యాశాఖకు 5, ఎస్పీ ఆఫీస్‌కు 4, నీటిపారుదల, వ్యవసాయ, ఎంపీడీవో తంగళ్లపల్లికి 3 చొప్పున, డీఆర్‌డీవో, రిజిస్టర్‌, సెస్‌కు 2 చొప్పున, సర్వే, ఆర్‌అండ్‌బీ, జిల్లా పౌరసరఫరాలు, సీపీవో డీపీవో, హ్యాండ్లూమ్స్‌ అండ్‌ టెక్స్‌టైల్స్‌, ఎస్సీ కార్పొరేషన్‌కు ఒకటి చొప్పున వచ్చాయి. జిల్లా పంచాయతీ అధికారి శేషాద్రి, ఆయా శాఖల ఉన్నతాధికారులు పాల్గొన్నారు. దివ్యాంగులకు పరికరాల అందజేత కలెక్టర్‌ సందీప్‌కుమార్‌ ఝా ఆదేశాలతో ఇద్దరు దివ్యాంగులకు పరికరాలు అందజేశారు. ఎల్లారెడ్డిపేట మండలం గొల్లపల్లికి చెందిన దాసరి పవన్‌ పుట్టుకతోనే నడవలేని స్థితిలో ఉన్నాడు. వీల్‌చైర్‌ ఇప్పించాలని పవన్‌, మ్యానువల్‌ ట్రై సైకిల్‌ ఇప్పించాలని వేములవాడలోని సాయినగర్‌కు చెందిన లేదేళ్ల రమేశ్‌లు విన్నవించారు. కలెక్టర్‌ ఆదేశాలతో దాసరి పవన్‌కు వీల్‌చైర్‌, లేదేళ్ల రమేశ్‌కు మ్యానువల్‌ ట్రై సైకిల్‌, సంక కర్ర జిల్లా సంక్షేమాధికారి లక్ష్మీరాజం అందజేశారు.

● అన్నదాతల ఎదురుచూపులు ● వడ్డీభారంతో ఆందోళన ● జిల్లాలో 61,740 మంది రైతులు ● రూ.808.46కోట్ల పంట రుణాలు ● రూ.24.24 కోట్ల రిబేట్‌ బకాయిముస్తాబాద్‌(సిరిసిల్ల): పంట రుణాలపై వచ్చే వడ్డీ రాయితీపై స్పష్టత కరువైంది. వానాకాలం సీజన్‌ ముగిసినా రుణాల రిబేట్‌ రాకపోవడంతో రైతులు ఆందోళన చెందుతున్నారు. యాసంగి పంటకాలం ముగుస్తున్న క్రమంలో వానాకాలం పంట రుణాల రిబేట్‌ బ్యాంక్‌ ఖాతాల్లోకి జమకావడం లేదని అన్నదాతలు వాపోతున్నారు. క్రమం తప్పకుండా పంట రుణాల వడ్డీ చెల్లిస్తున్న రైతులకు రావాల్సిన రిబేట్‌ను ఎందుకు ఇవ్వడం లేదనే ప్రశ్న తలెత్తుతోంది. కేంద్ర ప్రభుత్వం ఏటా రైతుల పంట రుణాలపై 3 శాతం రిబేట్‌ను అందిస్తోంది. రాష్ట్ర ప్రభుత్వం 4శాతం రిబేట్‌ను ఇవ్వాల్సి ఉంటుంది. కేంద్ర ప్రభుత్వం ఏటా రిబేట్‌ను జమచేస్తుండగా, రాష్ట్ర ప్రభుత్వం గత పదేళ్లుగా రిబేట్‌ను ఇవ్వడం లేదు. కేంద్రంపైనే రైతుల ఆశలు రైతులు తీసుకున్న పంట రుణాలపై ఏటా కేంద్ర ప్రభుత్వం 3 శాతం రాయితీ ఇస్తుండగా, రాష్ట్ర ప్రభుత్వం 4 శాతం మొత్తంగా 7శాతం రాయితీ కల్పించాలి. కేంద్ర ప్రభుత్వం గతేడాది వరకు 3 శాతం రాయితీని రైతుల ఖాతాల్లో జమచేసింది. రాష్ట్ర ప్రభుత్వం పదేళ్లుగా రిబేట్‌ను జమ చేయడం లేదు. రూ.24.24 కోట్ల రిబేట్‌ బకాయి జిల్లాలో 61,740 మంది రైతులకు రూ.808.46 కోట్ల పంట రుణాలు అందించారు. ఇందులో కేంద్రం 3 శాతం రిబేట్‌గా రూ.24.24 కోట్లు బకాయిపడింది. జిల్లాలో పంట రుణాలు పొందిన 61,740 మంది రైతుల్లో తొంభై శాతం మంది రెగ్యులర్‌గా వడ్డీ చెల్లించినవారే. క్రమం తప్పకుండా వడ్డీ చెల్లించి, రుణాలు రెన్యూవల్‌ చేసుకున్న రైతులకై నా రిబేట్‌ వర్తింపచేయాలని కోరుతున్నారు. దీర్ఘకాలిక రుణాలపై కోత పదేళ్ల క్రితం వరకు సహకార సంఘాల్లో దీర్ఘకాలిక రుణాలు తీసుకున్న రైతులకు 6 శాతం రిబేట్‌ను వారి ఖాతాల్లో జమచేసేవారు. ఇప్పుడు ఆ పరిస్థితి లేదు. స్వల్పకాలిక పంటరుణాలకే రిబేట్‌ను పదేళ్లుగా అందించలేదు. ఇక దీర్ఘకాలిక రుణాలపై రిబేట్‌ ఆశలు పెట్టుకోవడం అత్యాశే అవుతుందని రైతులు భావిస్తున్నారు. స్వల్పకాలిక రుణాలపై డిసెంబర్‌ వరకు రైతులు వడ్డీని చెల్లించి ఉన్నారు. కేంద్రం కూడా ఆలోగానే రిబేట్‌ను జమ చేయాల్సి ఉంది. పంట రుణాలు ఇలా.. రుణాలు పొందిన రైతులు : 61,740 రుణాల మొత్తం : రూ.808.46 కోట్లు రావాల్సిన రిబేట్‌: రూ.24.24 కోట్లుఇది ముస్తాబాద్‌లోని ప్రాథమిక వ్యవసాయ సహకార సంఘం. ఈ సహకార సంఘంలో 755 మంది రైతులు రూ.8.80కోట్ల పంట రుణాలు పొందారు. రైతులు తీసుకున్న పంట రుణాలలో 3 శాతం చొప్పున రిబేట్‌ రావాల్సి ఉంది. అయితే ఇప్పటి వరకు ఏ రైతుకు రిబేట్‌ జమకాలేదు. ముస్తాబాద్‌ సింగిల్‌విండో పరిధిలోని రైతులకు దాదాపు రూ.24 లక్షల రిబేట్‌ రావాల్సి ఉంది. ఇది ఒక్క ముస్తాబాద్‌ సహకార సంఘంలోని సమస్యే కాదు. జిల్లాలోని 23 సహకార సంఘాలు, 50 వాణిజ్య బ్యాంకుల్లో రైతులు ఎదుర్కొంటున్న సమస్య.

సిరిసిల్ల: జిల్లా కోర్టులో ఈనెల 8న లోక్‌ అదా లత్‌ నిర్వహిస్తున్నామని జిల్లా ప్రధాన న్యాయమూర్తి ఎన్‌.ప్రేమలత సోమవారం తెలిపారు. కక్షిదారులు సివిల్‌, క్రిమినల్‌ కేసులను లోక్‌అదాలత్‌లో పరిష్కరించుకోవాలని కోరారు.కాల్వ పనులు పూర్తి చేయండి చందుర్తి(వేములవాడ): పంటలను కాపాడేందుకు ఎల్లంపల్లి ఎత్తిపోతల పథకంలో భూమిని కోల్పోయిన రైతుకు నష్టపరిహారం చెల్లించి, అసంపూర్తిగా మిగిలిన డిస్ట్రీబ్యూటరీ కాలువ పనులు పూర్తిచేయాలని చందుర్తి మండల రైతు సంక్షేమ సంఘం నాయకులు కోరారు. ఈమేరకు కలెక్టరేట్‌లో నిర్వహించిన ప్రజావాణి, చందుర్తి తహసీల్దార్‌, భూసేకరణ విభాగాల స్పెషల్‌ డిప్యూటీ కలెక్టర్‌కు సో మవారం వినతిపత్రాలు అందించారు. వారు మాట్లాడుతూ మండల కేంద్రంలోని 450 రిజ ర్వాయర్‌ ట్యాంకు అనుసంధానం డిస్ట్రిబ్యూటరీ కాలువ పనులు 132 సర్వేనంబర్‌లో నుంచి వెళ్తున్నాయని, ఆ రైతుకు పరిహారం చెల్లించాలని కోరారు. ఆ సంఘం అధ్యక్షుడు చిలుక పెంటయ్య, బత్తుల కమలాకర్‌, మర్రి రాజు, లక్కర్సు మహేశ్‌, తిరుపతి, గంగాధర్‌, లక్కర్సు రాజేశం, మల్లేశం పాల్గొన్నారు. రంగనాయకసాగర్‌ కాల్వను పరిశీలించిన అధికారులు తంగళ్లపల్లి(సిరిసిల్ల): జక్కాపూర్‌ రంగనాయకసాగర్‌ కాలువను ఎస్‌ఈ రవీందర్‌, అధి కారులు రైతులతో కలిసి సోమవారం పరిశీలించారు. కాలువ ద్వారా నీరు రాకపోవడంతో పంట పొలాలు ఎండిపోతున్నాయని అధికారులకు రైతులు వివరించారు. స్పందించిన అధికారులు నీటిని విడుదల చేస్తామని హామీ ఇచ్చారు. మాట్ల మధు, విజయేందర్‌, సతీశ్‌, రాజేశ్వర్‌ తదితరులు ఉన్నారు. మానేరు నీరు వదలండి ముస్తాబాద్‌(సిరిసిల్ల): ఎగువ మానేరు నీరు వదిలి పంటలను కాపాడాలని ముస్తాబాద్‌లో రైతులు, బీఆర్‌ఎస్‌ నాయకులు సోమవారం నిరసన చేపట్టారు. మానేరు కెనాల్‌ డిస్ట్రిబ్యూటరీ–20 వద్ద ఆందోళన చేపట్టి మాట్లాడారు. నాయకులు శీలం స్వామి, మనోహర్‌, బాలెల్లు, బాలరాజు, దేవయ్య, రాజు, శంకరయ్య, ఎల్లయ్య, పెద్దులు, శ్రీను, పర్శరాములు, చంద్రం, రాజయ్య పాల్గొన్నారు. ఇప్పటికైనా పంటలకు నీరందించకపోతే ఆందోళనలు చేస్తామని హెచ్చరించారు. హక్కుదార్లను భిక్షకులు చేశారు● సిరిసిల్ల కాంగ్రెస్‌ ఇన్‌చార్జి కేకే మహేందర్‌రెడ్డిసిరిసిల్లటౌన్‌: కాళేశ్వరం ప్రాజెక్టు ద్వారా జిల్లాలోని ఆయకట్టు రైతులను హక్కుదార్లుగా కాకుండా మాజీ మంత్రి కేటీఆర్‌ భిక్షకులుగా మార్చారని కాంగ్రెస్‌ ఇన్‌చార్జి కేకే మహేంందర్‌రెడ్డి మండిపడ్డారు. సిరిసిల్లలోని తన నివాసంలో సోమవారం ప్రెస్‌మీట్‌లో మాట్లాడారు. పదేళ్లుగా సిరిసిల్ల ప్రాంతంలో రైతుల సమస్యలు విన్న పాపాన పోని కేటీఆర్‌.. ఇటీవల జిల్లాలో పర్యటించి వారిపై లేనిపోని ప్రేమను ఒలకబోయడం విడ్డూరంగా ఉందన్నారు. జిల్లా రైతులకు ప్రయోజనం కలిగించే 9, 10, 11, 12వ ప్యాకేజీ పనులు ఎందుకు పూర్తి చేయలేదో కేటీఆర్‌ జవాబు చెప్పాలని డిమాండ్‌ చేశారు. రూ.312కోట్లు కేటాయిస్తే 1.6లక్షల ఎకరాలను సస్యశ్యామలం చేసే అవకాశం ఉండేదన్నారు. ‘కేసీఆర్‌ అంటే కాళేశ్వరం కరెప్షన్‌ రావు’ అంటూ ఎద్దేవా చేశారు. రూ.లక్ష కోట్లతో కట్టిన కాళేశ్వరం ఇప్పుడు కూలేశ్వరంగా ఉందని విమర్శించారు. చెక్‌డ్యాంలు, కాళేశ్వరం ప్రాజెక్టు కూలిపోవడం వారి అక్రమాలకు సాక్ష్యాలుగా నిలిచాయన్నారు. కాంగ్రెస్‌ పట్టణాధ్యక్షుడు చొప్పదండి ప్రకాశ్‌, గడ్డం నర్సయ్య, కాముని వనిత, కల్లూరి చందన, ఆడెపు చంద్రకళ, బైరినేని రాము, యెల్లె లక్ష్మీనారాయణ, వంతడ్పుల రాము పాల్గొన్నారు.

● కలెక్టర్‌ సందీప్‌ కుమార్‌ ఝాసిరిసిల్ల: దివ్యాంగులకు యూడీఐడీ(యూనిక్‌ డిసేబులిటీ గుర్తింపు కార్డులు) జారీ చేయాలని కలెక్టర్‌ సందీప్‌కుమార్‌ ఝా కోరారు. కలెక్టరేట్‌లో సోమవారం అధికారులతో యూడీఐడీ కార్డుల జారీపై సమీక్షించారు. కలెక్టర్‌ మాట్లాడుతూ దివ్యాంగులకు సదరం సర్టిఫికెట్లకు బదులుగా యూనిక్‌ డిసేబులిటీ గుర్తింపుకార్డులను ఇవ్వాలన్నారు. దివ్యాంగులకు వైద్యులు ధ్రువీకరించిన వైకల్యశాతంతో కూడిన సదరన్‌ సర్టిఫికెట్‌, పూర్తి వివరాలు జనరేట్‌ పోర్టల్‌లో నమోదు చేయాలని సూచించారు. దృష్టి, కుష్టి వ్యాధిగ్రస్తులు, వినికిడి, అంగవైకల్యం, మానసిక వైకల్యం గల వారికి వైకల్య శాతాన్ని పరిశీలించి(యూడీఐడీ) కార్డులు జారీ చేయాల్సి ఉంటుందని స్పష్టం చేశారు. కొత్తగా కార్డుల కోసం మీసేవలో దరఖాస్తు చేసుకోవాలని, సదరం సర్టిఫికెట్‌ ఉన్నవారికి జిల్లా గ్రామీణ అభివృద్ధి శాఖ అధికారి ద్వారా యూడీఐడీ జనరేట్‌ చేస్తారని వివరించారు. ఆస్పత్రిలో యూడీఐడీ నిర్ధారణ కోసం అవసరమైన వైద్యులను, పరికరాలు ఉండేలా చూడాలన్నారు. డీఆర్‌డీవో శేషాద్రి, జిల్లా సంక్షేమ అధికారి లక్ష్మీరాజం, సిరిసిల్ల ప్రభుత్వ జనరల్‌ హాస్పిటల్‌ పర్యవేక్షకులు డాక్టర్‌ లక్ష్మీనారాయణ, వేములవాడ ఏరియా ఆసుపత్రి పర్యవేక్షకులు డాక్టర్‌ పి.పెంచలయ్య పాల్గొన్నారు.

గంభీరావుపేట(సిరిసిల్ల): ఏళ్లుగా ఎదుర్కొంటున్న సమస్య ఈసారైనా పరిష్కారమవుతుందన్న ఆశలు సన్నగిల్లుతున్నాయి. ప్రతీ వానాకాలంలో గంభీరావుపేట–లింగన్నపేట గ్రామాల మధ్య చిన్నపాటి వర్షానికి రాకపోకలు నిలిచిపోయేవి. ఈ సమస్యను పరిష్కరించేందుకు రెండేళ్ల క్రితం రూ.10కోట్లతో ప్రారంభించిన హైలెవల్‌ వంతెన పనులు ఇంకా పూర్తికాలేదు. వానాకాలం మొదలయ్యే నాటికి పనులు పూర్తికావడం అనుమానంగానే ఉంది. మళ్లీ వాగు ప్రవాహానికి రాకపోకలు నిలిచి ప్రయాణికులకు కష్టాలు తప్పేలా లేవు. ఇంకా పనులు ప్రారంభదశలోనే ఉన్నాయి. లోలెవల్‌ వంతెనతో ఏటా కష్టాలు గంభీరావుపేట–లింగన్నపేట గ్రామాల మధ్య గల మానేరువాగుపై ఏళ్ల క్రితం లోలెవల్‌ వంతెన నిర్మించారు. వాగు ప్రవహిస్తే రాకపోకలు నిలిచిపోయేవి. దీంతో కామారెడ్డి నుంచి గంభీరావుపేట మీదుగా లింగన్నపేట, కొత్తపల్లి, ముస్తాబాద్‌ మండలం, సిద్దిపేట వైపు వెళ్లే ప్రయాణికులు ఇబ్బంది పడేవారు. వీరంతా సిరిసిల్ల మీదుగా ఇబ్బంది పడుతూ వెళ్లేవారు. లింగన్నపేట, ముచ్చర్ల, కొత్తపల్లి, కోళ్లమద్ది, శ్రీగాథ, రాజుపేట గ్రామాలతోపాటు పక్క మండలాల నుంచి ప్రజలు ఉద్యోగం, ఉన్నత చదువుల కోసం గంభీరావుపేటకు వస్తుంటారు. ఏటా వానాకాలంలో వీరికి ప్రయాణ కష్టాలు తప్పడం లేదు. ఈ కష్టాలకు చెక్‌ పెట్టేందుకు రెండేళ్ల క్రితం అప్పటి మంత్రి, స్థానిక ఎమ్మెల్యే కేటీఆర్‌ చొరవతో హైలెవల్‌ వంతెన నిర్మాణానికి రూ.10కోట్లు మంజూరయ్యాయి. పాత బ్రిడ్జి కూల్చివేసి, పక్కకు మట్టి రోడ్డు పోసి హైలెవల్‌ వంతెన పనులు ప్రారంభించారు. పనుల్లో తీవ్ర జాప్యంతో నత్తకే నవ్వొచ్చేలా ఉంది.పనులు జరుగుతున్నాయి గంభీరావుపేట–లింగన్నపేట గ్రామాల మధ్య మానేరు వాగుపై హైలెవల్‌ వంతెన నిర్మాణ పనులు ఫుట్టింగ్‌ స్థాయిలో ఉన్నాయి. పనుల్లో వేగం పెంచడానికి చర్యలు తీసుకుంటున్నాం. నిర్ణీత గడువులోగా పనులు పూర్తి కావడానికి కృషి చేస్తున్నాం. – నరేందర్‌, ఆర్‌అండ్‌బీ ఏఈ, గంభీరావుపేట

● ప్రభుత్వ ఆస్పత్రిపై నమ్మకాన్ని నిలబెట్టుకోవాలి ● కలెక్టర్‌ సందీప్‌కుమార్‌ ఝాసిరిసిల్ల: విధి నిర్వహణలో వైద్యులు నిర్లక్ష్యం చేయొద్దని కలెక్టర్‌ సందీప్‌కుమార్‌ అన్నారు. జి ల్లా కేంద్రంలోని జనరల్‌ ఆస్పత్రిని ఆదివారం ఆకస్మికంగా తనిఖీ చేశారు. ఆస్పత్రిలోని ఎమర్జెన్సీ, జనరల్‌, ప్రసూతి, ఆర్థో, పీడియాట్రిక్‌, సర్జి కల్‌ వార్డులు, ఇతర విభాగాలను పరిశీలించారు. రోస్టర్‌ విధానంలో ఎంతమంది వైద్యులు విధులు నిర్వహిస్తున్నారు? ఇబ్బందులున్నాయా? అ ని వైద్యులు, సిబ్బందిని అడిగి తెలుసుకున్నారు. వార్డులో ఎంతమంది పేషెంట్లు ఉన్నారు? వారికి ఏ విధమైన వైద్య సేవలు అందిస్తున్నారు అని ఆరా తీశారు. ప్రభుత్వ ఆస్పత్రులపై నమ్మకంతో రోగులు సుదూర ప్రాంతాల నుంచి వస్తారని, వారికి అన్ని రకాలుగా భరోసా కల్పించి మెరుగైన వైద్యం అందించడం వైద్యులు, సిబ్బంది కర్తవ్యమని గుర్తు చేశారు. ప్రభుత్వ వైద్యంపై నమ్మకం కలిగించాలని అన్నారు. లివర్‌ సమస్యతో బాధపడుతున్న ఒక రోగికి వైద్యం అందించినా మెరుగుపడలేదని కుటుంబసభ్యులు కలెక్టర్‌ దృష్టికి తీసుకవచ్చారు. స్పందించిన కలెక్టర్‌ ఆయన ఆరోగ్య పరిస్థితి గురించి వైద్యులను అడిగి తెలుసుకున్నారు. అవసరమైతే హైదరాబా ద్‌ పంపించి మెరుగైన వైద్యం అందించేలా చూ డాలన్నారు. నిత్యం పర్యవేక్షించాలని ఆసుపత్రి పర్యవేక్షకులు లక్ష్మీనారాయణను కలెక్టర్‌ ఫోన్‌లో కోరారు. శ్రీపాదరావు సేవలు మరువలేనివి మాజీ స్పీకర్‌ శ్రీపాదరావు సేవలు మరువలేనివని కలెక్టర్‌ సందీప్‌ కుమార్‌ ఝా కొనియాడారు. శ్రీపాదరావు జయంతి సందర్భంగా కలెక్టరేట్‌లో శ్రీపాదరావు చిత్రపటానికి పూలమాలలు వేసి నివాళి అర్పించారు. జెడ్పీ సీఈవో వినోద్‌కుమార్‌, జిల్లా క్రీడల అధికారి ఆజ్మీరా రాందాస్‌, ఎల్‌డీఎం మల్లికార్జున్‌, బీసీ వెల్ఫేర్‌ అధికారి రామ్మోహన్‌రావు తదితరులు పాల్గొన్నారు. చదువుతోనే ఉన్నత శిఖరాలు ఎల్లారెడ్డిపేట(సిరిసిల్ల): జీవితంలో ఉన్నత శిఖరాలు అధిరోహించాలంటే చదువే ఆయుధమని కలెక్టర్‌ సందీప్‌కుమార్‌ ఝా అన్నారు. నిత్య సాధనతో మెరుగైన ఫలితాలు సాధించవచ్చన్నారు. ఎల్లారెడ్డిపేట మండలంలోని దుమాల ఏకలవ్య విద్యాలయాన్ని ఆదివారం ఆకస్మికంగా తనిఖీ చేశారు. స్టోర్‌రూమ్‌, వంటసామగ్రి, తరగతి గదులను పరిశీలించారు. విద్యార్థులను పలు సబ్జెక్టుల్లో ప్రశ్నలు అడిగి సమాధానాలు రాబట్టారు. ఈ సందర్భంగా విద్యార్థులకు పాఠం చెప్పారు. విద్యార్థులకు కల్పిస్తున్న డైనింగ్‌హాల్‌, టాయిలెట్స్‌, గ్రౌండ్‌, ఇతర వసతులను పరిశీలించారు.

● కేసీఆర్‌ అంటే కాళేశ్వరం.. కాంగ్రెస్‌ అంటే శనేశ్వరం ● బీఆర్‌ఎస్‌ వర్కింగ్‌ ప్రెసిడెంట్‌, సిరిసిల్ల ఎమ్మెల్యే కేటీఆర్‌ఎల్లారెడ్డిపేట(సిరిసిల్ల): ఇది కాలం తెచ్చిన కరువు కాదని.. కాంగ్రెస్‌ తెచ్చిన కరువు అని.. కేసీఆర్‌పై ద్వేషంతోనే కాళేశ్వరం నుంచి నీళ్లు తెచ్చుకోకుండా కరువు సృష్టిస్తున్నారని బీఆర్‌ఎస్‌ వర్కింగ్‌ ప్రెసిడెంట్‌, సిరిసిల్ల ఎమ్మెల్యే కేటీఆర్‌ ఆగ్రహం వ్యక్తం చేశారు. ఎల్లారెడ్డిపేట మండలంలోని దేవునిగుట్టతండాలో ఎండిన పంట పొ లాలను ఆదివారం పరిశీలించారు. ఈ సందర్భంగా పలువురు గిరిజన రైతులు తమ పంటపొలా లు ఎండిపోతున్నాయని, నీళ్లు విడుదల చేయించి కాపాడాలని వేడుకున్నారు. వారి ఆవేదనలు విన్న కేటీఆర్‌ విలేకరులతో మాట్లాడారు. కేసీ ఆర్‌పై ద్వేషంతోనే మేడిగడ్డలో చిన్న పర్రె ఏర్పడితే అక్కడి నుంచి 15 నెలలుగా నీళ్లు తెచ్చుకో కుండా కాంగ్రెస్‌ ప్రభుత్వం కరువు సృష్టించింద ని విమర్శించారు. జిల్లాతోపాటు రాష్ట్రవ్యాప్తంగా పంటలు ఎండిపోతున్నాయని ఆవేదన వ్యక్తం చేశారు. గతంలో కేసీఆర్‌ ప్రభుత్వ హయాంలో ఎర్రటి ఎండల్లోనూ కాళేశ్వరం నీటితో మిడ్‌మానేర్‌, అప్పర్‌మానేర్‌ నింపిన విషయాన్ని గుర్తు చేశా రు. జిల్లాలోని వాగులు, చెరువులు నింపి రైతుల ను కాపాడుకున్న ప్రభుత్వం తమదని అన్నారు. మంత్రితో మాట్లాడిన.. మంత్రి ఉత్తమ్‌కుమార్‌రెడ్డి, ఈఎన్‌సీ అనిల్‌కుమార్‌లతో ఈరోజు మాట్లాడినట్లు కేటీఆర్‌ తెలి పారు. రాబోయే 48 గంటల్లో నీరు విడిచిపెట్టాలని కోరామని అన్నారు. రెండు రోజుల్లో నీటిని విడుదల చేయకపోతే మంత్రి చాంబర్‌ ఎదుట భైఠాయిస్తామని తెలిపారు. కేసీఆర్‌ మీద కోసం ఉంటే మాతో కొట్లాడాలి కానీ రైతులను ఆగం చేయడం ఎంతమాత్రం మంచిది కాదన్నా రు. ఇప్పటికే 450 మంది రైతులను రేవంత్‌రెడ్డి ప్రభుత్వం పొట్టనపెట్టుకుందన్నారు. కేటీఆర్‌ వెంట బీఆర్‌ఎస్‌ జిల్లా అధ్యక్షుడు తోట ఆగయ్య, మాజీ జెడ్పీటీసీ చీటి లక్ష్మణ్‌రావు, పీఏసీఎస్‌ చైర్మన్‌ కృష్ణారెడ్డి, బీఆర్‌ఎస్‌ మండల అధ్యక్షుడు కృష్ణహరి, నాయకులు అందె సుభా్‌శ్‌, కొండ రమేశ్‌, నరసింహారెడ్డి, కిషన్‌, నమిలికొండ శ్రీనివాస్‌, దేవరాజు తదితరులు ఉన్నారు. రైతు కుటుంబానికి అండగా ఉంటాం ముస్తాబాద్‌: రైతులు ఎవరూ ఆత్మస్థైర్యం కొల్పోవద్దని ఆత్మహత్య చేసుకున్న రైతు కుటుంబానికి అండగా ఉంటానని బీఆర్‌ఎస్‌ వర్కింగ్‌ ప్రెసిడెంట్‌, సిరిసిల్ల ఎమ్మెల్యే కేటీఆర్‌ అన్నారు. ముస్తాబాద్‌ మండలం పోతుగల్‌కు చెందిన జెల్ల దేవ య్య రైతు పురుగుల మందు తాగి ఆత్మహత్యకు పాల్పడగా, బాధిత రైతు కుటుంబాన్ని ఆదివా రం పరామర్శించారు. బీఆర్‌ఎస్‌ పార్టీ తరఫున రూ.2లక్షలు అందజేశారు. ప్రభుత్వ పరంగా దేవయ్య కుటుంబానికి వచ్చే పథకాలు వర్తింపజేసేలా అధికారులతో మాట్లాడుతానని తెలిపారు.

సబ్‌ పార్సిల్‌ ఓట్లు కీలకం● చెల్లుబాటు ఓట్లలో సగం మెజారిటీ సాధిస్తేనే విజయం ● లేకపోతే అభ్యర్థుల ఎలిమినేషన్‌ ప్రక్రియ మొదలు ● ప్రతిరౌండ్‌లోనూ ఎగ్జాస్టెడ్‌, సబ్‌ పార్సిల్‌ ఓట్లు కీలకం ● ఎలిమినేటెడ్‌ అభ్యర్థి తొలి ప్రాధాన్య ఓట్లు తీసివేత ● మిగిలిన సబ్‌ పార్సిల్‌ ఓట్లు అభ్యర్థులకు బదిలీ ● విజయంపై స్పష్టత వచ్చేవరకూ కొనసాగనున్న కౌంటింగ్‌ ● సాయంత్రానికి ‘టీచర్‌’ ఫలితం.. పట్టభద్రుల ఫలితానికి రెండు రోజులు?సాక్షి ప్రతినిధి, కరీంనగర్‌: కరీంనగర్‌ – మెదక్‌ – నిజామాబాద్‌– ఆదిలాబాద్‌ జిల్లాల గ్రాడ్యుయేట్‌, టీచర్‌ స్థానాలకు ఎన్నికల లెక్కింపు ప్రక్రియ సోమవారం మొదలు కానుంది. కరీంనగర్‌లోని అంబేడ్కర్‌ ఇండోర్‌ స్టేడియంలో ఓట్ల లెక్కింపు ప్రక్రియ చేపట్టనున్నారు. ఉదయం 8 గంటలకు గ్రాడ్యుయేట్‌, టీచర్‌ నియోజకవర్గాలకు లెక్కింపు జరగనుంది. ఇందుకోసం మొత్తం 35 టేబుళ్లు వినియోగించనున్నారు. ఇందులో 21 పట్టభద్రుల ఓట్ల కోసం, 14 టేబుళ్లు ఉపాధ్యాయుల ఓట్ల కోసం కేటాయించారు. ఒక్కో టేబుల్‌ వద్ద నలుగురు సిబ్బంది విధులు నిర్వర్తించనున్నారు. వీరిలో ఒక మైక్రోఅబ్జర్వర్‌, ఒక సూపర్‌వైజర్‌, ఇద్దరు లెక్కింపు అసిస్టెంట్లు ఉంటారు. వీరందరికీ శనివారం కలెక్టరేట్‌ ఆడిటోరియంలో సంబంధిత అధికారులు శిక్షణ ఇచ్చారు. లెక్కింపు కోసం మొత్తం 800 మంది సిబ్బందిని వినియోగించనున్నారు. ఇందులో 20 శాతం రిజర్వ్‌ సిబ్బందిని నియమించారు. ఆదివారం మాక్‌ కౌంటింగ్‌ను ఎన్నికల అధికారులు చేపట్టారు. ఈ ప్రక్రియను కరీంనగర్‌ కలెక్టర్‌ పమేలా సత్పతి పరిశీలించారు. ఫార్ములా ఆధారంగా కోటా నిర్ధారణ పట్టభద్రుల ఎమ్మెల్సీ ఎన్నికల్లో చెల్లుబాటయ్యే ఓట్లలో 50 శాతానికి పైగా ఓట్లు సాధించిన వ్యక్తిని విజేతగా ప్రకటిస్తారు. ఎమ్మెల్సీ ఓట్ల లెక్కింపులో ముందుగా కోటాను నిర్ధారించాల్సి ఉంటుంది. పోలైన ఓట్లలో చెల్లని ఓట్లను తీసేసి చెల్లుబాటయ్యే ఓట్ల లెక్క తేలుస్తారు. మొత్తం చెల్లబాటయ్యే ఓట్లలో 50 శాతం లెక్కగడతారు. 50శాతానికంటే ఒక్క ఓటు ఎక్కువగా సాధించిన అభ్యర్థిని విజేతగా ప్రకటిస్తారు. ముందుగా ఓట్లను కట్టలు కడతారు. ఆ తర్వాత పోటీలో ఉన్న అభ్యర్థుల ఒక్కొక్కరికి ఒక డబ్బా కేటాయించి వారు పొందిన ఓట్లను ఆ డబ్బాల్లో వేస్తారు. ఆ తర్వాత అభ్యర్థి సాధించిన ఓట్లను లెక్కగడతారు. సాధారణ ఎన్నికల్లో ఎక్కువ ఓట్లు సాధించిన అభ్యర్థి విజయం సాధించినట్లు ప్రకటిస్తారు. కానీ.. ఎమ్మెల్సీ ఓట్ల లెక్కింపు కాస్త భిన్నంగా ఉంటుంది. ఇందుకోసం ఒక ఫార్ములా వాడతారు. అదేంటంటే.. కోటా = మొత్తం చెల్లుబాటు అయిన ఓట్లు డివైడెడ్‌బై సీట్ల సంఖ్య ప్లస్‌ వన్‌ ఓల్‌ ప్లస్‌ వన్‌ అన్న సూత్రం ఆధారంగా ఓట్ల లెక్కింపు చేపడతారు. (ఉదాహరణకు: మొత్తం రెండు వేల ఓట్లు పోలైతే వాటిలో 1800 ఓట్లు చెల్లుబాటు ఐతే 901 ఓట్లు సాధించిన వ్యక్తి విజయం సాధిస్తారు.) తొలుత తొలి ప్రాధాన్యం ఓట్లను అభ్యర్థుల వారీగా పంచుతారు. మొదటి ప్రాధాన్యత ఓట్ల లెక్కింపు తర్వాత ఏ అభ్యర్థి 901 ఓట్ల కోటాను చేరుకోకపోతే ఆప్పుడు రెండో రౌండ్‌కు లెక్కింపు ప్రక్రియ వెళ్తుంది. ● రెండో రౌండ్‌ అంటే ఎలిమినేషన్‌ ప్రక్రియ ప్రారంభమవుతుంది. తొలి రౌండ్‌లో అందరి కంటే తక్కువ ఓట్లు సాధించిన వ్యక్తిని రెండో రౌండ్‌లో తప్పిస్తారు. ఇక్కడ ఓటింగ్‌ సరళిని ఒకసారి గుర్తు చేసుకోవాలి. ఈ ఎన్నికల్లో రెండు రకాలుగా ఓట్లను విభజిస్తారు. ఓటర్లు రెండు రకాలుగా ఓట్లు వేస్తారు. ఒకటి కేవలం తొలి ప్రాధాన్యం ఓట్లు మాత్రమే వేసేవారు. ఒకటి కంటే ఎక్కువ ప్రాధాన్యాలు ఇచ్చేవారు. తొలిరౌండ్‌లో తక్కువ ఓట్లు వచ్చిన వ్యక్తికి తొలి ప్రాధాన్యం మాత్రమే వచ్చిన ఓట్లను ఎగ్జాస్టెడ్‌ ఓట్లుగా పరిగణించి వాటిని తప్పిస్తారు. మిగిలిన రెండో రౌండ్‌ ప్రాధాన్యం ఓట్లను (సబ్‌ పార్సిల్‌ ఓట్లు) అభ్యర్థులకు పంచుతారు. అలా ఫార్ములా ప్రకారం.. ఏ రౌండ్‌లో అయితే చెల్లుబాటు అయిన ఓట్లలో ఒక అభ్యర్థికి సగం ఓట్లు వచ్చేంత వరకు రౌండ్లు (ఎలిమినేషన్‌) ప్రక్రియ సాగుతుంది. అప్పుడే విజేతను ప్రకటిస్తారు. లెక్కింపు గణాంకాలువేదిక: అంబేడ్కర్‌ స్టేడియం, కరీంనగర్‌ గ్రాడ్యుయేట్స్‌ పోలైన ఓట్లు : 2,50,106 టీచర్స్‌లో పోలైన ఓట్లు: 24,895 మొత్తం టేబుళ్లు: 35 పట్టభద్రుల టేబుళ్లు : 21 టీచర్ల టేబుళ్లు : 14 లెక్కింపు సిబ్బంది: 800 రిజర్వ్‌ స్టాఫ్‌: 20 శాతంఎలా లెక్కిస్తారంటే? కరీంనగర్‌– మెదక్‌– ఆదిలాబాద్‌– నిజామాబాద్‌ జిల్లాల టీచర్స్‌, ఒక గ్రాడ్యుయేట్‌ స్థానానికి ఎన్నికలు నిర్వహించారు. గ్రాడ్యుయేట్‌ స్థానంలో మొత్తం 3,55,159 మంది ఓటర్లుండగా.. గతనెల 27న జరిగిన ఎన్నికల్లో 2,50,106 మంది (70.42 శాతం) తమ ఓటు హక్కు వినియోగించుకున్నారు. టీచర్‌ నియోజకవర్గంలో మొత్తం 27,088 ఓట్లు ఉండగా.. 24,895 మంది (91.90 శాతం) తమ ఓటు హక్కు వినియోగించుకున్నారు. తక్కువ ఓట్లు ఉన్న నేపథ్యంలో టీచర్‌ స్థానం ఫలితం సాయంత్రానికి వెలువడనుంది. అధిక ఓటర్లున్న గ్రాడ్యుయేట్‌ స్థానం కనీసం రెండు రోజులు పడుతుందని అంచనా వేస్తున్నారు. ఒక్కో సందర్భంలో మూడో రోజుకు చేరినా ఆశ్చర్యం లేదని అధికారులు అభిప్రాయపడుతున్నారు.400 మంది పోలీసుల బందోబస్తు కరీంనగర్‌క్రైం: ఎమ్మెల్సీ ఓట్ల లెక్కింపునకు సోమవారం 400 మంది పోలీసులు బందోబస్తు నిర్వహించనున్నారు. అంబేడ్కర్‌ స్టేడియంలో జరిగే ఈ ప్రక్రియలో ఒక అడిషనల్‌ డీసీపీ, ఆరుగురు ఏసీపీలు, 18 మంది ఇన్‌స్పెక్టర్లు, 30 మంది ఎస్సైలతో పాటు పోలీసు సిబ్బంది పాల్గొననున్నారు. ఓట్ల లెక్కింపు సందర్భంగా కౌటింగ్‌ సిబ్బంది, ఇతర సిబ్బంది, మీడియా ప్రతినిధులు అంబేడ్కర్‌ స్టేడియంలోని గేట్‌ నంబర్‌– 1 నుంచి ప్రవేశించి నిర్దేశించబడిన ప్రదేశంలో వారి వాహనాలను పార్కింగ్‌ చేసుకోవాలి. గేట్‌ నంబర్‌– 4 ద్వారా అంబేడ్కర్‌ ఇండోర్‌ స్టేడియంలో ఏర్పాటు చేసిన కౌంటింగ్‌ హాలులోకి అనుమతించబడునని పోలీసులు తెలిపారు. కౌంటింగ్‌ ఏజెంట్లుగా వచ్చే వారికి కరీంనగర్‌ కలెక్టరేట్‌ గేట్‌ నంబర్‌– 2 ద్వారా అనుమతి ఉంటుందని పేర్కొన్నారు.

వేసవి కాలం ప్రారంభంలోనే భూగర్భ జలాలు అడుగంటి మండలంలోని పంట పొలాలు ఎండిపోతున్నాయి. పంటలు ఎండిపోతుండటంతో పశువులకు మేతగా వదిలేస్తున్నారు. సూరమ్మ ప్రాజెక్టులో నీటిని తొలగించడంతోనే ఈ పరిస్థితి ఏర్పడిందని రైతన్నలు ఆవేదన వ్యక్తం చేస్తున్నారు. పైనున్న నాగారం, అచ్చయ్య కుంట చెరువులను గోదావరి నీటితో నింపి ఉంటే భూగర్భ జలాలు అడుగంటేవి కాదని అన్నదాతలు అంటున్నారు. ఇప్పటికై నా అధికారులు, ప్రజాప్రతినిధులు స్పందించి గోదావరి నీటిని రుద్రంగి అచ్చయ్యకుంట, నాగారం చెరువుల్లో నింపాలని వేడుకుంటున్నారు. – రుద్రంగి(వేములవాడ)

సాక్షి, రాజన్న సిరిసిల్ల జిల్లా: ఎల్లారెడ్డిపేట మండలం దేవునిగుట్ట తాండాలో సాగు నీరందక ఎండిపోతున్న పంటలను మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్‌ పరిశీలించారు. అనంతరం ఆయన మీడియాతో మాట్లాడుతూ.. కేసీఆర్ ఉన్నప్పుడు కాళేశ్వరం నుంచి నీళ్లు వస్తాయన్న ఆశతో వరి పంట వేసుకున్నారు. కేసీఆర్‌పై కోపంతో కాళేశ్వరం నుంచి కుట్రపూరితంగా రేవంత్‌ నీళ్లు ఇవ్వకుండా చేస్తున్నారంటూ వ్యాఖ్యానించారు.‘‘దేవునిగుట్ట తండాలో వరి నాట్లు వేసుకున్నారు. రుణమాఫీ కాలేదు, రైతుబంధు రాలేదు. కాలం తెచ్చిన కరువు కాదిది.. రేవంత్ తెచ్చిన కరువు. గత ప్రభుత్వంలో అప్పర్ మానేర్ నింపి ఎర్రటి ఎండలో నీళ్లు ఇచ్చిన ఘనత బీఆర్ఎస్ ప్రభుత్వానిది. ఇప్పటికైనా ప్రభుత్వం బుద్ధి తెచ్చుకుని రైతులకు సాగునీరు ఇచ్చి ఆదుకోవాలి. మల్కపేట రిజర్వాయర్‌కు నీళ్లు విడుదల చేసి రైతులకు నీళ్లు ఇవ్వాలి. ఒక వేళ నీళ్లు ఇవ్వకపోతే రాష్ట్ర వ్యాప్తంగా పెద్ద ఎత్తున ఆందోళనలకు దిగుతాం’’ అని కేటీఆర్‌ హెచ్చరించారు.

సిరిసిల్ల: జిల్లా రైతులు పండించిన శనగల పంటను మద్దతు ధరకు కొనుగోలు చేయాలని కలెక్టర్‌ సందీప్‌కుమార్‌ ఝా ఆదేశించారు. కలెక్టరేట్‌లో శనగల కొనుగోలుపై సమీక్షించారు. జిల్లాలో 175 ఎకరాల్లో శనగపంట సాగైందని, 1,347 క్వింటాళ్ల దిగుబడి వస్తుందని కలెక్టర్‌ వివరించారు. బోయినపల్లి, చందుర్తి, కోనరావుపేట, రుద్రంగి మండలాల్లోని సింగిల్‌విండోలు, డీసీఎంఎస్‌ కేంద్రాల ద్వారా శనగలు కొనుగోలు చేయాలని కోరారు. క్వింటాలు శనగలకు రూ.5,650 మద్దతు ధర చెల్లించాలని సూచించారు. తేమకొలిచే యంత్రాలు, టార్ఫాలిన్‌ కవర్లు, వెయింగ్‌ మిషన్లు, గన్నీ బ్యాగులను అందుబాటులో ఉంచాలన్నారు. శనగల నిల్వకు గోదాములు గుర్తించాలన్నారు. జిల్లా మార్క్‌ఫెడ్‌ అధికారి హబీబ్‌, జిల్లా మార్కెటింగ్‌ అధికారి ప్రకాశ్‌, జిల్లా వ్యవసాయాధికారి అబ్జల్‌ బేగం, డీసీవో రామకృష్ణ, డీఎస్‌వో వసంతలక్ష్మి, పౌరసరఫరాల జిల్లా మేనేజర్‌ రజిత పాల్గొన్నారు. సోలార్‌ ప్లాంట్లకు స్థలాలు గుర్తించండి ప్రధానమంత్రి కుసుం పథకం కింద సోలార్‌ విద్యుత్‌ ప్లాంట్ల ఏర్పాటుకు స్థలాలను గుర్తించాలని పంచాయతీరాజ్‌ కార్యదర్శి దివ్య దేవరాజన్‌ కోరారు. హైదరాబాద్‌ నుంచి వీడియో కాన్ఫరెన్స్‌లో మాట్లాడారు. మహిళా సంఘాల ద్వారా నడిపేలా చిన్న చిన్న సోలార్‌ విద్యుత్‌ ప్లాంట్ల ఏర్పాటుకు ప్రణాళికాబద్ధంగా పనిచేయాలని సూచించారు. డీఆర్‌డీవో శేషాద్రి, జిల్లా సంక్షేమాధికారి లక్ష్మీరాజం, ఆస్పత్రి పర్యవేక్షకులు లక్ష్మీరాజం, పి.పెంచలయ్య పాల్గొన్నారు. క్వింటాలు మద్దతు ధర రూ.5,650 కలెక్టర్‌ సందీప్‌ కుమార్‌ ఝా

● ఈతతో ఆరోగ్యానికి ఊతం ● పలు వ్యాధులకు ఔషధం ● చిన్నారుల్లో పెరుగుతున్న ఆసక్తి ● సమ్మర్‌కు ముందే కొలనుల్లో సందడి ● ఎండలు ముదిరితే.. మరింత రద్దీకరీంనగర్‌స్పోర్ట్స్‌/కరీంనగర్‌ టౌన్‌: ఈత.. ఆరోగ్యానికి ఊతం. శరీరానికి చక్కటి వ్యాయామం. ఈత నేర్చుకుంటే ఎన్నో ఉపయోగాలు. దీంతో చాలామంది తల్లిదండ్రులు సమ్మర్‌ వచ్చిందే చాలు తమ పిల్లలను సమీపంలోని కొలనులు, చెరువులు, బావు ల వద్దకు తీసుకెళ్లి ఈత నేర్పిస్తున్నారు. ఆదరణ పెరుగుతుండడంతో కొన్ని కార్పొరేట్‌ పాఠశాలల్లో ఈత కొలనులు అందుబాటులో ఉంచి శిక్షణ ఇస్తున్నాయి. పలు ప్రభుత్వ మైదానాల్లోని స్విమ్మింగ్‌పూల్స్‌లోనూ ఈత నేర్పిస్తున్నారు. సమ్మర్‌ సమీపిస్తోంది. ఎండలు ముదురుతుండడంతో ఉపశమనం కోసం ఈతకు వెళ్తున్నారు. పలు స్విమ్మిగ్‌పూల్స్‌లో ఇప్పుడే సందడి కనిపిస్తుండగా.. మరో పక్షం రోజుల తరువాత అన్ని ప్రాంతాల్లోని కొలనులు ఈత నేర్చుకునేందుకు వచ్చేవారితో నిండిపోనున్నాయి. ఈ సందర్భంగా ఈత.. రకాలు.. ఉపయోగాలు.. జాగ్రత్తతో ప్రత్యేక కథనం.ఉమ్మడి జిల్లాలో స్విమ్మింగ్‌ పూల్స్‌జిల్లా ప్రభుత్వ ప్రైవేటు కరీంనగర్‌ 02 05 జగిత్యాల 01 01 పెద్దపల్లి 02 06 సిరిసిల్ల 01 05

సిరిసిల్ల: బీఆర్‌ఎస్‌ వర్కింగ్‌ ప్రెసిడెంట్‌, ఎమ్మెల్యే కె.తారక రామారావు ఆదివారం సిరిసిల్లలో పర్యటించనున్నారు. కేటీఆర్‌ పర్యటన వివరాలు వ్యక్తిగత సహాయకుడు మహేందర్‌రెడ్డి శనివారం వెల్లడించారు. ఇటీవల జైలుకు వెళ్లివచ్చిన తంగళ్లపల్లి మండలం జిల్లెల్లకు చెందిన రైతు అబ్బాడి రాజిరెడ్డిని, సిరిసిల్లలో టీస్టాల్‌ను కోల్పోయిన బత్తుల శ్రీనివాస్‌ను పరామర్శిస్తారు. మరణించిన బీఆర్‌ఎస్‌ నాయకులు కాసర్ల మల్లేశం, బుర్ర శంకరయ్య కుటుంబాలను పరామర్శిస్తారు. ఎల్లారెడ్డిపేట మండలంలో ఎండిపోయిన పంటపొలాలను పరిశీలించనున్నారు. రైతులతో మాట్లాడుతారు. ముస్తాబాద్‌ మండలం పోత్గల్‌లో అప్పుల బాధతో ఆత్మహత్యకు పాల్పడిన రైతు జెల్ల దేవయ్య కుటుంబాన్ని పరామర్శించనున్నారు. నీటి మళ్లింపును అడ్డుకున్న అధికారులుఎల్లారెడ్డిపేట(సిరిసిల్ల): మండలంలోని రాచర్లబొప్పాపూర్‌–రాచర్లగొల్లపల్లి శివారులోని జక్కుల చెరువు నుంచి ఓ రైతు అక్రమంగా నీటి మళ్లించగా రైతుల ఫిర్యాదుతో శనివారం అధికారులు అడ్డుకున్నారు. రాచర్లబొప్పాపూర్‌కు చెందిన రైతు వరుస బాలయ్య జక్కుల చెరువు కాల్వలకు రెండు మోటార్లు పెట్టి తన బావిలోకి నీటిని మళ్లించాడు. గమనించిన ఆయకట్టు రైతులు బాలయ్యను నిలదీయగా దురుసుగా ప్రవర్తించాడు. ఈ విషయాన్ని నీటి సంఘం చైర్మన్‌ గోగూరి శ్రీనివాస్‌రెడ్డి, మర్రి శ్రీనివాస్‌రెడ్డి, దాసరి గణేష్‌ ఏఈ భాస్కర్‌రెడ్డి దృష్టికి తీసుకెళ్లారు. ఏఈ క్షేత్రస్థాయిలో పరిశీలించి జక్కుల చెరువు కాలువల నుంచి నీటి మళ్లింపును నిలిపివేశారు.

● అబ్జర్వేషన్‌ తర్వాతే ఇంటికి పంపించాలి ● జిల్లా వైద్యాధికారి రజితసిరిసిల్ల: ఐదేళ్లలోపు పిల్లలకు వ్యాధి నిరోధక టీకాలు వేసిన తర్వాత రెండు గంటలపాటు అబ్జర్వేషన్‌లో ఉంచుకోవాలని జిల్లా వైద్యాధికారి ఎస్‌.రజిత కోరారు. సిరిసిల్లలోని సుందరయ్యనగర్‌ పట్టణ ఆరోగ్య కేంద్రాన్ని, బీవైనగర్‌, శివనగర్‌, ప్రగతినగర్‌లో వ్యాధి నిరోధక టీకాల కేంద్రాలను శనివారం తనిఖీ చేశారు. పిల్లలకు వేస్తున్న వ్యాక్సినేషన్‌ తీరును పరిశీలించారు. డీఎంహెచ్‌వో మాట్లాడుతూ పిల్లలకు టీకాలు వేసిన తర్వాత కనీసం రెండు గంటలపాటు వారి ఆరోగ్య పరిస్థితిని పరిశీలించాలని సూచించారు. ఏమైనా ప్రతికూల పరిస్థితులు ఎదురైతే వెంటనే ప్రాథమిక ఆరోగ్య కేంద్రానికి, జిల్లా జనరల్‌ ఆస్పత్రికి తరలించి చికిత్స చేయించాలన్నారు. ఆస్పత్రి రికార్డులను, వ్యాక్సిన్‌ నిల్వలను పరిశీలించారు. డాక్టర్‌ సాహితి, వైద్య సిబ్బంది పాల్గొన్నారు.

● పొట్టకొచ్చిన పొలం నీళ్లకేడ్చింది ● 35వేల ఎకరాల్లో ఎండిన పొలాలు ● జిల్లాలో అడుగంటిన ఊటలు ● ఎల్లారెడ్డిపేటలో 15.62మీటర్లకు పడిపోయిన నీటిమట్టం ● నేడు పొలాలను పరిశీలించనున్న బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌వ్యవసాయ స్వరూపం వ్యవసాయ కనెక్షన్లు : 74,754 వరి సాగు : 1,77,042.28 ఎకరాలు బోర్లు : 41,104 (చాలా బోర్లు ఎండిపోయాయి) బావులు : 28,124 (ఎక్కువ బావులు వట్టిపోయాయి) రైతులు : 84,109ఇది ఎల్లారెడ్డిపేట మండలం తిమ్మాపూర్‌ శివారులోని వరి పొలం. బోరు ఎత్తిపోవడంతో నీరు అందక మొత్తం ఎండిపోయింది. దీంతో ఆ పొలంలో స్థానిక గొర్రెలకాపరులు ఇలా జీవాలను మేపుతున్నారు. పొలం పశువులకు మేతగా మారడంతో అన్నదాతలు కన్నీటి పర్యంతమవుతున్నారు. ఇలా జిల్లా వ్యాప్తంగా 20 శాతం మేరకు వరి పొలాలు ఎండిపోయాయి. దాదాపు 35వేల ఎకరాల్లో పంట పూర్తిగా చేతికందకుండా పోయింది. మరో పక్షం రోజుల్లో మరిన్ని పొలాలు ఎండిపోయే ప్రమాదం ఉందని రైతులు ఆవేదన వ్యక్తం చేస్తున్నారు.

ముస్తాబాద్‌(సిరిసిల్ల): ముస్తాబాద్‌ మండల కేంద్రంలోని పొలాలకు ఈ యాసంగికి సాగునీటిని అందించాలని తహసీల్దార్‌ సురేశ్‌కు రైతులు శనివారం విన్నవించారు. ఎగువ మానేరు నీటిని కెనాల్‌ డిస్ట్రిబ్యూటరీ–18 వరకు మాత్రమే అందిస్తున్నారని, దీంతో 19, 20 డిస్ట్రిబ్యూటరీల కింద ఉన్న వెయ్యి ఎకరాలకు నీరు అందడం లేదని ఆవేదన వ్యక్తం చేశారు. తెర్లుమద్ది, సేవాలాల్‌తండాకు మానేరు కెనాల్‌ ద్వారా వారానికి రెండుసార్లు విడుదల చేస్తున్న అధికారులు.. ముస్తాబాద్‌ను ఎందుకు విస్మరిస్తున్నారో చెప్పాలని కోరారు. రైతులు బాలెల్లు, శీలం స్వామి, శ్రీనివాస్‌, బాలయ్య, పర్శరాములు, ఎల్లం, రాములు పాల్గొన్నారు. సింగసముద్రానికి నీరందించాలి ● బీజేపీ జిల్లా అధ్యక్షుడు రెడ్డబోయిన గోపిసిరిసిల్లటౌన్‌: ఎండాకాలాన్ని దృష్టిలో ఉంచుకుని పంటలు ఎండకముందే సింగసముద్రానికి మల్కపేట రిజర్వాయర్‌ నుంచి నీరందించాలని బీజేపీ జిల్లా అధ్యక్షుడు రెడ్డబోయిన గోపి డిమాండ్‌ చేశారు. ఎల్లారెడ్డిపేట మండలంలోని ఆయకట్టు భూములకు సాగునీరు ఇబ్బందులు రానీయద్దంటూ శనివారం కలెక్టరేట్‌ ఎదుట నిరసన తెలిపారు. ఆయన మాట్లాడుతూ ఎల్లారెడ్డిపేట మండలంలోని అక్కపెల్లి, బుగ్గరాజేశ్వరతండా, అల్మాస్‌పూర్‌, కిష్టనాయక్‌తండా, రాజన్నపేట, బాకుర్‌పల్లితండాల్లో రైతులు సాగునీటికి ఇబ్బందులు పడుతున్నారన్నారు. మిడ్‌మానేరు నుంచి మల్కపేటకు నీటిని పంపింగ్‌ చేసి సింగసముద్రానికి నీరు వచ్చేలా చూడాలని కోరారు. ఇల్లంతకుంట మండలం రైతుల కోసం రంగనాయకసాగర్‌ నుంచి బోడుమీదపల్లి, నర్సింహులపల్లి వరకు వదరకాల్వ పనులు పూర్తిచేయాలని కోరారు. ఆడెపు రవీందర్‌, నాగుల శ్రీనివాస్‌, మ్యాన రాంప్రసాద్‌ తదితరులు పాల్గొన్నారు. పెండింగ్‌ స్కాలర్‌షిప్స్‌ విడుదల చేయండి ● ఎస్‌ఎఫ్‌ఐ జిల్లా అధ్యక్షుడు కల్యాణ్‌కుమార్‌గంభీరావుపేట(సిరిసిల్ల): పెండింగ్‌ స్కాలర్‌షిప్స్‌ విడుదల చేయాలని కోరుతూ ఎస్‌ఎఫ్‌ఐ నాయకులు శనివారం గంభీరావుపేటలో నిరసన తెలిపారు. ఎస్‌ఎఫ్‌ఐ జిల్లా అధ్యక్షుడు కల్యాణ్‌కుమార్‌ మాట్లాడుతూ రాష్ట్రంలో మద్యానికి మంత్రి ఉన్నారని, విద్యకు మాత్రం మంత్రి లేరన్నారు. రాష్ట్ర ప్రభుత్వం విద్యారంగంపై చిన్న చూపు చూస్తోందని ఆవేదన వ్యక్తం చేశారు. జూనియర్‌ కాలేజీల్లో మధ్యాహ్న భోజనం అమలు చేయాలని డిమాండ్‌ చేశారు. అరుణ్‌, ఈశ్వర్‌, మనిస్వాంత్‌, అజయ్‌, నిఖిల్‌ పాల్గొన్నారు. బాలికలను రక్షిద్దాం.. చదివిద్దాం ఇల్లంతకుంట(మానకొండూర్‌): ఇల్లంతకుంట మండలం పెద్దలింగాపురం అంగన్‌వాడీ సెక్టార్‌ సమావేశంలో జిల్లా మహిళా సాధికారిత కేంద్రం బేటి బచావో బేటి పడావో కార్యక్రమం శనివారం నిర్వహించారు. జెండర్‌ స్పెషలిస్ట్‌ దేవిక మాట్లాడుతూ బాలికలను వివక్ష, దాడుల నుంచి రక్షించుకోవాలని కోరారు. సీడీపీవో ఉమారాణి, సూపర్‌వైజర్‌ సూర్యకళ పాల్గొన్నారు.

సిరిసిల్ల: యాసంగి సీజన్‌ అన్నదాతలను కన్నీరు పెట్టిస్తోంది. అడుగంటిన భూగర్భ జలాలతో పొలాలు పారడం లేదు. వ్యవసాయబావులు, బోరుబావులు ఎత్తిపోవడంతో పంటపొలాలు ఎండిపోతున్నాయి. సాధారణ వర్షాల కంటే ఎక్కువే కురవడంతో చెరువులు, కుంటల్లో నీళ్లు ఉన్నాయన్న ఆశతో రైతులు యాసంగిలో వరిపంటను ఎక్కువగా సాగు చేశారు. అయితే పంట పొట్టకొచ్చేదశలో నీరందక పూర్తిగా ఎండిపోతుండడంతో కర్షకులు కన్నీరుపెట్టుకుంటున్నారు. జిల్లాలో అడుగంటిన భూగర్భజలాలు.. ఎండుతున్న పంటలపై ‘సాక్షి’ గ్రౌండ్‌రిపోర్టు.పడిపోతున్న భూగర్భజలాలుజిల్లాలో 1,77,042 ఎకరాల్లో వరిపంటను సాగైంది. వరి సాగు విస్తీర్ణం పెరగడంతో భూగర్భ జలాలు ఒక్కసారిగా పడిపోయి పొలాలు ఎండిపోతున్నాయి. ఎల్లారెడ్డిపేట మండలంలో అత్యధిక లోతుకు 15.62 మీటర్లకు భూగర్భజలాలు పడిపోయాయి. గతేడాది కాళేశ్వరం ప్రాజెక్టులో భాగంగా గోదావరి జలాలను ఎత్తిపోశారు. ఈ ఏడాది ఎత్తిపోతల ఊసే లేకపోవడంతో జిల్లాకు గోదావరి జలాలు కరువయ్యాయి. బోయినపల్లి మండలం మధ్యమానేరు జలాశయంలో 16.19 టీఎంసీల నీరు నిల్వ ఉంది. ఇల్లంతకుంట మండలం అనంతగిరి అన్నపూర్ణ ప్రాజెక్టులో పెద్దగా నీరు నిల్వ లేదు. గంభీరావుపేట ఎగువమానేరులోకి గోదావరి జలాలు పూర్తిస్థాయిలో రాలేదు. కోనరావుపేట మండలం నిమ్మపల్లి మూలవాగులోనూ నీటి మట్టం తగ్గింది. మల్కపేట రిజర్వాయర్‌లో ఒక్క టీఎంసీ నీరు ఉంది. జిల్లాలో బావులు, బోర్ల ద్వారా నీటి వినియోగం పెరిగి భూగర్భ జలాలు పడిపోయాయి. మండుతున్న ఎండలకు బోర్లు ఎత్తిపోతున్నాయి. పంటలను కాపాడుకునేందుకు రైతులు మళ్లీ బోర్లు వేస్తూ భగీరథ ప్రయత్నాలు చేస్తున్నారు.

మండలం 2024 ఫిబ్రవరి 2025 ఫిబ్రవరి బోయినపల్లి 6.57 7.21 చందుర్తి 5.48 5.23 గంభీరావుపేట 9.65 11.59 ఇల్లంతకుంట 8.58 5.90 కోనరావుపేట 9.87 9.72 ముస్తాబాద్‌ 14.23 9.79 రుద్రంగి 6.09 5.31 సిరిసిల్ల 12.71 11.65 తంగళ్లపల్లి 10.92 7.87 వీర్నపల్లి 14.57 13.45 వేములవాడరూరల్‌ 5.85 4.77 వేములవాడఅర్బన్‌ 13.58 13.18 ఎల్లారెడ్డిపేట 12.42 15.62 జిల్లా సగటు 10.61 9.28

● ఈత కొట్టడం వల్ల చక్కటి నిద్ర పడుతుంది. జీర్ణవ్యవస్థ మెరుగుపడి ఆకలి వేస్తుంది. రక్తపోటు, షుగర్‌ నియంత్రణలో ఉంటాయి. గుండె, ఊపిరితిత్తులు, రక్తప్రసరణ, మూత్రపిండాల పనితీరు మెరుగుపడుతుంది. ● ఆస్తమా ఉన్నవారు, సర్జరీ అయినవారు, చర్మవ్యాధులతో బాధపడుతున్నవారు, అవయవ మార్పిడి చేసుకున్న వారు ఈతకు దూరంగా ఉండాలి. ● కొత్తగా ఈత నేర్చుకునేవారు లోతైన ప్రదేశాలకు వెళ్లకూడదు. ట్యూబ్‌, బుర్రకాయ, వాటర్‌ ప్లాస్టిక్‌క్యాన్లతో పెద్దవారి పర్యవేక్షణలో ఈత నేర్చుకోవాలి. ● ప్రత్యేక శిక్షణ పొందిన స్విమ్మర్ల వద్ద ఈత నేర్చుకోవాలి. బావులు, చెరువులు, కుంటల వద్దకు పిల్లలను ఒంటరిగా పంపొద్దు. 3ఫీట్లలోతు నీటిలో ఈత నేర్పడం ఉత్తమం. పూర్తిగా నేర్చుకున్నాక 8ఫీట్ల లోతులో ఈదొచ్చు.

సిరిసిల్లటౌన్‌: కాంగ్రెస్‌, బీఆర్‌ఎస్‌లు రాజకీయాలు పక్కనబెట్టి ప్రజా సమస్యల పరిష్కారంపై దృష్టి పెట్టాలని సీపీఎం జిల్లా కార్యదర్శి మూశం రమేశ్‌ కోరారు. స్థానిక పార్టీ ఆఫీసులో శనివారం ప్రెస్‌మీట్‌లో మాట్లాడారు. కాంగ్రెస్‌ ఎన్నికల్లో ఇచ్చిన ఆరు హామీలు పూర్తిస్థాయిలో అమలు కావడం లేదన్నారు. గత బీఆర్‌ఎస్‌ ప్రభుత్వం పదేళ్లలో పేదలకు కొత్త రేషన్‌కార్డులను ఇచ్చిన పాపాన పోలేదని, ఇప్పుడు కాంగ్రెస్‌ ప్రభుత్వం కూడా కాలయాపన చేస్తోందన్నారు. అర్హులకు ఇందిరమ్మ ఇళ్లు మంజూరు చేయాలని కోరారు.

● లీడ్‌ బ్యాంక్‌ మేనేజర్‌ మల్లికార్జున్‌రావు ● అపెరల్‌పార్క్‌లో ఆర్థిక అవగాహన సదస్సు సిరిసిల్ల: ఆర్థిక క్రమశిక్షణ పాటిస్తే అభివృద్ధి సాధ్యమవుతుందని జిల్లా లీడ్‌ బ్యాంక్‌ మేనేజర్‌ మల్లికార్జున్‌రావు పేర్కొన్నారు. లీడ్‌ బ్యాంక్‌ ఆధ్వర్యంలో ఆర్థిక వారోత్సవాల్లో భాగంగా సిరిసిల్ల శివారులోని అపెరల్‌ పార్క్‌ గార్మెంట్‌ యూనిట్‌లో శుక్రవారం అవగాహన సదస్సు నిర్వహించారు. ఆయన మాట్లాడుతూ ప్రతి నెలా వచ్చే వేతనాలను సరైన విధంగా ఖర్చు చేయాలన్నారు. అనవసరపు ఖర్చుల జోలికి వెళ్లవద్దని సూచించారు. ఖర్చులు పోను మిగిలే డబ్బులను ప్రభుత్వ సెక్యూరిటీల్లో డిపాజిట్‌ చేయాలని తెలిపారు. బ్యాంకుల నుంచి తీసుకునే రుణాల ఈఎంఐలు క్రమం తప్పకుండా చెల్లించాలన్నారు. సోషల్‌, ఇతర మీడియాల్లో వచ్చే ఆర్థిక ప్రకటనలు నమ్మి పెట్టుబడి పెట్టవద్దని కోరారు. లీడ్‌ బ్యాంక్‌ కౌన్సిలర్‌ వెంకటరమణ, గ్రీన్‌ నీడిల్‌ సీనియర్‌ హెచ్‌ఆర్‌ మేనేజర్‌ ఫణికుమార్‌, హెచ్‌ఆర్‌ కుమార్‌ తదితరులు పాల్గొన్నారు.

● రైతుల పక్షాన పోరాడుతాం ● బీఆర్‌ఎస్‌ జిల్లా అధ్యక్షుడు తోట ఆగయ్య ● ఎండిన పొలాలు, కాలువల పరిశీలనఎల్లారెడ్డిపేట(సిరిసిల్ల): మల్కపేట కాల్వ పరివాహక రైతులు కాల్వ నీళ్ల కోసం చేసే పోరాటానికి మద్దతుగా ఉంటామని, రైతుల పక్షాన ఎలాంటి ఉద్యమాలకై నా సిద్ధమని బీఆర్‌ఎస్‌ జిల్లా అధ్యక్షుడు తోట ఆగయ్య పేర్కొన్నారు. ఆగయ్య ఆధ్వర్యంలో బీఆర్‌ఎస్‌ నాయకులు ఎల్లారెడ్డిపేట మండలం దేవునిగుట్టతండా, రాజన్నపేటలో ఎండిన పంట పొలాలు, కాల్వలను శుక్రవారం పరిశీలించారు. ఆగయ్య మాట్లాడుతూ గత 15 రోజులుగా భూగర్భ జలాలు అడుగంటి బోర్‌ బావుల్లో నీరు లేక అరిగోస పడుతున్నారన్నారు. ఎండుతున్న పొలాన్ని చూడలేక పశువులకు మేతగా వదులుతున్న దుస్థితి నెలకొందని ఆవేదన వ్యక్తం చేశారు. వెంటనే మిడ్‌మానేరు నీటిని మల్కపేటకు పంపింగ్‌ చేసి రైతులను ఆదుకోవాలని డిమాండ్‌ చేశారు. బీఆర్‌ఎస్‌ మండల అధ్యక్షుడు వరుస కృష్ణహరి, సింగిల్‌విండో చైర్మన్‌ గుండారపు కృష్ణారెడ్డి, నాయకులు అందె సుభాష్‌, కొండ రమేశ్‌గౌడ్‌, నమిలికొండ శ్రీనివాస్‌, గుగులోతు పెంటయ్య, అజ్మీరా రాజునాయక్‌, అజ్మీరా తిరుపతినాయక్‌, భూక్య ప్రభునాయక్‌, ధరావత్‌ కల్యాణ్‌ తదితరులు పాల్గొన్నారు.

వేములవాడ: శ్రీరాజరాజేశ్వరస్వామి దేవస్థానంలో ఈనెల 16 నుంచి 20 వరకు బ్రహ్మోత్సవాల నిర్వహణకు ఆలయ అధికారులు సన్నాహాలు ప్రారంభించారు. మహాశివరాత్రి మహోత్సవాలు ముగిసిన తర్వాత శివకల్యాణోత్సవం వైభవంగా జరుపుకోవడం ఆనవాయితీ. ఈనెల 12న కామదహనం, మూడు రోజులపాటు డోలోత్సవాలు వైభవంగా నిర్వహిస్తారు. 17న ఉదయం పార్వతీరాజరాజేశ్వరస్వామి కల్యాణోత్సవం నిర్వహించనున్నట్లు అర్చకులు తెలిపారు. 19న రథోత్సవం, 20న త్రిశూలయాత్ర, పూర్ణాహుతి, ఏకాదశవరణములతో ఉత్సవాలు సమాప్తమవుతాయని వివరించారు. వేములవాడలో స్మార్థవైదిక పద్ధతిలో.. రాష్ట్రంలోని అన్ని శైవక్షేత్రాల్లో ‘కారణాగమము’ అనుసరించి మహాశివరాత్రి పర్వదినం రోజునే కల్యాణోత్సవం, బ్రహ్మోత్సవాలు నిర్వహిస్తుంటారు. వేములవాడ శ్రీరాజరాజేశ్వరస్వామి దేవస్థానంలో మాత్రం ‘స్మార్థ వైదిక’ పద్ధతిని అనుసరించి మహాశివరాత్రి అనంతరం కామదహనం మరుసటి రోజున కల్యాణోత్సవం నిర్వహిస్తారు. మన్మథుడు బాణం సంధించి ఈశ్వరుడిని తపస్సును భంగం చేయడంతో కోపోద్రిక్తుడైన శివుడు తన త్రినేత్రంతో దహనం చేశాడని శాస్త్రాలు చెబుతుంటాయి. ఈ నేపథ్యంలోనే కామదహనం మరుసటి రోజు కల్యాణం నిర్వహించుకుంటున్నట్లు అర్చకులు తెలిపారు.

● జిల్లా వైద్యాధికారి ఎస్‌.రజిత సిరిసిల్ల: నిబంధనలు పాటించని స్కానింగ్‌ సెంటర్లపై చర్యలు తీసుకుంటామని జిల్లా వైద్యాధికారి ఎస్‌.రజిత హెచ్చరించారు. జిల్లా పీసీపీఎన్‌డీటీ సలహా కమిటీ సమావేశాన్ని వైద్య, ఆరోగ్యశాఖ ఆఫీస్‌లో శుక్రవారం నిర్వహించారు. డీఎంహెచ్‌వో మాట్లాడుతూ గర్భస్థ లింగనిర్ధారణ నేరమన్నారు. ప్రతీ స్కానింగ్‌ సెంటర్‌లో రేడియాలజిస్ట్‌ పేరు నమోదు చేయాలని సూచించారు. నిబంధనలకు విరుద్ధంగా స్కానింగ్‌లు చేస్తే చట్టపర చర్యలు తీసుకుంటామన్నారు. జిల్లా ప్రభుత్వ ఆస్పత్రి పర్యవేక్షకులు డాక్టర్‌ లక్ష్మీనారాయణ, పీవోఎంఎస్‌ఎన్‌ డాక్టర్‌ అంజలి ఆల్ఫ్రెడ్‌, డీజీవో శోభారాణి, మా నేరు స్వచ్ఛంద సంస్థ అధ్యక్షుడు డాక్టర్‌ చింతోజ్‌ భాస్కర్‌, లీగల్‌ అడ్వయిజర్‌ శాంతి ప్రకాశ్‌ శుక్లా, ఝాన్సీలక్ష్మి, హెచ్‌ఈ బాలయ్య పాల్గొన్నారు.

● జేవీవీ బాధ్యుడు రామరాజు సిరిసిల్లకల్చరల్‌: మానవ నాగరికతకు మూ లం శాసీ్త్రయ జ్ఞానమేనని పలువురు వక్తలు పేర్కొన్నారు. జాతీయ వైజ్ఞానిక దినోత్సవం నేపథ్యంలో పట్టణంలోని ప్రభుత్వ ఉన్నత పాఠశాలలో శుక్రవారం నిర్వహించిన సైన్స్‌ ఎగ్జిబిషన్‌, వర్క్‌షాప్‌కు జనవిజ్ఞాన వేదిక బాధ్యుడు సి.రామరాజు, సంపత్‌కుమార్‌, పాఠశాల హెచ్‌ఎం చకినాల శ్రీనివాస్‌ తదితరులు హాజరయ్యారు. వక్తలు మాట్లాడుతూ శాసీ్త్రయ దృక్పథం పెంచుకోవడం ద్వారా నూతన ఆలోచన ధోరణితోపాటు ప్రశ్నించే స్వభావం అలవడుతుందన్నారు. అగస్త్య ఇంటర్నేషనల్‌ సహకారంతో రూపొందించిన సైన్స్‌ ఎగ్జిబిట్లు ఆకట్టుకున్నాయి. ఉపాధ్యాయులు తూముల తిరుపతి, రాజ గోపాల్‌రెడ్డి, బైరి రవీందర్‌, వడాల రవీందర్‌, రమాదేవి, శకుంతల, డేవిడ్‌సన్‌, రాజేశం, దేవేందర్‌, ఉపేందర్‌, అనిల్‌, రాజు పాల్గొన్నారు. దేశనేతలను గౌరవించుకోవాలి సిరిసిల్లటౌన్‌: దేశ నాయకులను పౌర సమాజం గౌరవించుకోవాలని మాలమహానాడు జాతీయ కార్యదర్శి రాగుల రాములు కోరారు. సిరిసిల్ల ప్రెస్‌క్లబ్‌లో శుక్రవారం ప్రెస్‌మీట్లో మాట్లాడారు. ఢిల్లీ అసెంబ్లీలో భారత రాజ్యాంగ నిర్మాత అంబేడ్కర్‌, భగత్‌సింగ్‌ల చిత్రపటాలను తీసివేయడాన్ని ఖండించారు. వెంటనే వారి చిత్రపటాలను ఏర్పాటు చేయాలని కోరారు. సీపీఐ జిల్లా కార్యదర్శి గుంటి వేణు, సంజీవయ్య యువజన సంఘం అధ్యక్షుడు కొంపల్లి విజయకుమార్‌, నాయకులు పండుగ రవి, శేఖర్‌, బాబు, బాలు పాల్గొన్నారు. సమయపాలన పాటించాలి ● సీడీపీవో ఉమారాణి ఇల్లంతకుంట(మానకొండూర్‌): అంగన్‌వాడీ టీచర్లు సమాచానికి విధులకు హాజరుకావాలని సీడీపీవో ఉమారాణి సూచించారు. ఇల్లంతకుంట, కందికట్కూర్‌ సెక్టార్ల్ల పరిధిలోని అంగన్‌వాడీ టీచర్ల సమావేశాన్ని శుక్రవారం మండల కేంద్రంలో నిర్వహించారు. అంగన్‌వాడీ టీచర్లు చేయాల్సిన పనులు సకాలంలో ఆన్‌లైన్‌లో పూర్తి చేయాలన్నారు. మహిళా సాధికారిత జెండర్‌ స్పెషలిస్ట్‌ దేవిక మాట్లాడుతూ అంగన్‌వాడీ టీచర్లకు, విద్యార్థులకు గుడ్‌టచ్‌, బ్యాడ్‌టచ్‌ల గురించి వివరించారు. బీసీ రాజు, సూపర్‌వైజర్లు సూర్యకళ, చంద్రకళ, అంగన్వాడీలు అరుణ, విజయలక్ష్మి, బాబాయ్‌ తదితరులు పాల్గొన్నారు.

సిరిసిల్ల: ప్రభుత్వం ఇచ్చిన వస్త్రోత్పత్తి ఆర్డర్ల లక్ష్యాన్ని సకాలంలో సాధించి, బట్టను అప్పగించాలని చేనేత, జౌళిశాఖ ప్రిన్సిపల్‌ సెక్రటరీ శైలజా రామయ్యర్‌ కోరారు. కలెక్టరేట్‌లో శుక్రవారం కలెక్టర్‌ సందీప్‌కుమార్‌ ఝాతో కలిసి వస్త్రపరిశ్రమ యజమానులు, ఆసాములు, కార్మికులు, టెక్స్‌టైల్‌ పార్క్‌లోని పరిశ్రమల యజమానులతో సమీక్షించారు. శైలజా రామయ్యర్‌ మాట్లాడుతూ సిరిసిల్ల వస్త్రపరిశ్రమకు ఆరు నెలలపాటు ఉపాధి కల్పించడం ప్రభుత్వ లక్ష్యమన్నారు. మిగతా రోజుల్లో ప్రైవేట్‌ మార్కెట్‌ నుంచి ఆర్డర్లు పొందాలని, వస్త్రమార్కెట్‌కు అనుగుణంగా వస్త్రాలను తయారు చేయాలని సూచించారు. తొలి విడతగా మహిళాశక్తి చీరలకు 2.12 కోట్ల మీటర్ల వస్త్రోత్పత్తి ఆర్డర్లు అందించిందని, ఇవి కాకుండా ఎస్సీ, ఎస్టీ, బీసీ, మైనార్టీ సంక్షేమ శాఖలు, సమగ్ర శిక్ష అభియాన్‌ వస్త్రోత్పత్తి ఆర్డర్లు ఇచ్చినట్లు వివరించారు. వస్త్రోత్పత్తి ఆర్డర్లలో 50 శాతం మార్చి 15లోగా బట్టను అందించాలని శైలజా రామయ్యార్‌ ఆదేశించారు. అర్హులకు బ్యాంకు రుణాలు యజమానులు, ఆసాములు, కార్మికుల్లో అర్హులకు బ్యాంకుల ద్వారా రుణాలు అందించేలా చర్యలు తీసుకుంటామని తెలిపారు. బకాయిలను త్వరలోనే అందజేస్తామని ప్రకటించారు. ‘సెస్‌’ విద్యుత్‌ బ్యాక్‌ బిల్లింగ్‌ అంశాన్ని రాష్ట్ర ప్రభుత్వం దృష్టికి తీసుకెళ్తామని స్పష్టం చేశారు. వస్త్రపరిశ్రమకు సంబంధించిన సమస్యలపై చేనేత, జౌళిశాఖ మంత్రి తుమ్మల నాగేశ్వరరావు ఇటీవల సమీక్షించారని గుర్తు చేశారు. వస్త్రపరిశ్రమ బాధ్యులకు ఏమైనా ఇబ్బందులు ఉంటే రాతపూర్వకంగా తమ దృష్టికి తీసుకొస్తే పరిష్కరిస్తామని భరోసా ఇచ్చారు. ఆర్డర్లు సకాలంలో పూర్తిచేస్తే మరిన్ని ఆర్డర్లు వస్తాయని తెలిపారు. యార్న్‌ బ్యాంక్‌ నుంచి ముడిసరుకు పంపిణీలో ఇబ్బందులు త్వరలోనే పరిష్కరిస్తామని తెలిపా రు. టెస్కో ఇన్‌చార్జి జీఎం రఘునందన్‌, టెస్కో ఏడీ సందీప్‌జోషి గౌతమ్‌, సిరిసిల్ల జౌళిశాఖ ఏడీ సాగర్‌, పాలిస్టర్‌ అసోసియేషన్‌ అధ్యక్షుడు ఆడెపు భాస్కర్‌, వస్త్రోత్పత్తిదారులు జేఏసీ అధ్యక్షుడు తాటిపాముల దామోదర్‌ పాల్గొన్నారు. సమస్యలు పరిష్కరించండి సిరిసిల్లటౌన్‌: వస్త్రపరిశ్రమలోని నేతకార్మికుల ఉపాధి, సబ్సిడీ తదితర సమస్యలు పరిష్కరించాలని పవర్‌లూమ్స్‌ వర్కర్స్‌ అసోసియేషన్‌ జిల్లా అధ్యక్షుడు కోడం రమణ కోరారు. ఈమేరకు చేనేత, జౌళి శాఖ కమిషనర్‌ శైలజా రామయ్యర్‌ను కలిసి వినతిపత్రం అందజేశారు. అనంతరం మీడియాతో మాట్లాడారు. టెక్స్‌టైల్‌ పార్కులో మూతబడ్డ పరిశ్రమలను తెరిపించాలని కోరారు. కార్మికుల ఉపాధి, సబ్సిడీ, వర్కర్‌ టు ఓనర్‌, త్రిప్టు సమస్యలపై వినతిపత్రం అందించినట్లు వెల్లడించారు. సీఐటీయూ పవర్‌లూమ్‌ వర్కర్స్‌ యూనియన్‌ నాయకులు నక్క దేవదాస్‌, బెజుగం సురేష్‌, బాస శ్రీధర్‌, స్వర్గం శేఖర్‌ పాల్గొన్నారు. 15లోగా 50 శాతం వస్త్రాలు అందించాలి ఆరు నెలలపాటు నేతన్నలకు ఉపాధి అర్హులకు బ్యాంకు రుణాలు చేనేత, జౌళిశాఖ ప్రిన్సిపల్‌ సెక్రటరీ శైలజా రామయ్యర్‌

● ఫైరింజిన్లు చేరేలోపే ఆస్తి బుగ్గి ● జిల్లాలో రెండే ఫైర్‌స్టేషన్‌లు ● మూడో స్టేషన్‌ కోసం డిమాండ్‌ మానవ తప్పిదాలతో ప్రమాదాలు సహజంగా జరిగే అగ్ని ప్రమాదాలు చాలా తక్కువ. మానవ తప్పిదాలతో జరుగుతున్న ప్రమాదాలే అధికంగా ఉంటున్నాయి. ఇందులో సిగరెట్స్‌ తాగి అజాగ్రత్తగా పడేయడంతోనే అడవులు, ఇళ్లకు నిప్పు అంటుకున్న సందర్భాలు అనేకం. ఇలాంటి చిన్నపొరపాట్లు ధన, ప్రాణాలకు నష్టం వాటిల్లుతుంది. – సీహెచ్‌ నరేందర్‌, ఎస్‌ఎఫ్‌వో, సిరిసిల్లజాగ్రత్తలు పాటించాలి వేసవిలో తరచూ అగ్ని ప్రమాదాలు జరిగే అవకాశం ఉంటుంది. ఇంట్లో పూజ నుంచి వంటగదిలోని ప్రతీ అంశాన్ని జాగ్రత్తగా చూసుకోవాలి. ఇంటి నిర్మాణ సమయంలో కాలనీల్లోకి అగ్నిమాపక వాహనాలు వచ్చేలా రోడ్లు ఉండేలా చూసుకోవాలి. సిగరెట్లు తాగి రోడ్డుపైన, గడ్డివాములు ఉన్న ప్రాంతంలో నిర్లక్ష్యంగా పారేయొద్దు. వీటి ద్వారా ప్రమాదాలు జరిగే అవకాశం ఉంది. – అనిల్‌, స్టేషన్‌ ఫైర్‌ ఆఫీసర్‌, వేములవాడసిరిసిల్లక్రైం: జిల్లాలో చిన్నపాటి అగ్నిప్రమాదాలకే ఆస్తులు బుగ్గిపాలవుతున్నాయి.ఫిబ్రవరిలోనే ఎండలు మండిపోతున్నాయి. ఏప్రిల్‌, మే నెలల్లో పరిస్థితులు ఎలా ఉంటాయోనని ప్రజలు ఆందోళన చెందుతున్నారు. 13 మండలాలు, రెండు మున్సిపాలిటీలకు కలిపి రెండు ఫైర్‌స్టేషన్లు ఉన్నాయి. జిల్లాలోని శివారు మండలాల్లో అగ్నిప్రమాదాలు జరిగితే అగ్నిమాపక వాహనాలు అక్కడికి వెళ్లేలోపే ఆస్తులు కాలిపోతున్నాయి. ఈనేపథ్యంలో మూడో ఫైర్‌స్టేషన్‌ ఏర్పాటు చేయాలన్న డిమాండ్‌ ఉంది. 90 ప్రమాదాలు..రూ.4కోట్ల నష్టం ఏడాదికాలంలో సిరిసిల్ల స్టేషన్‌ పరిధిలో 51 అగ్ని ప్రమాదాల్లో రూ.3.50 కోట్ల ధన నష్టం జరిగింది. రూ.3 కోట్ల వరకు ఆస్తిని కాపాడారు. వేములవాడ పరిధిలో 39 ప్రమాదాల్లో రూ.27.26లక్షల ఆస్తి నష్టం జరిగింది. రూ.1.62 కోట్ల ఆస్తిని కాపాడారు. మూడో స్టేషన్‌ కోసం డిమాండ్‌ జిల్లాలో సిరిసిల్ల, వేములవాడ పట్టణాల్లో రెండు ఫైర్‌స్టేషన్లు ఉన్నాయి. వేములవాడ నియోజకవర్గంలోని ఏ మండలంలో అగ్ని ప్రమాదం జరిగినా వేములవాడలోని ఫైర్‌స్టేషన్‌కు సమాచారం వస్తుంటుంది. ఇక్కడి నుంచి వాహనం చందుర్తి, రుద్రంగి మండలాల్లోని చివరి గ్రామాలకు చేరుకునేలోపు ఆస్తులు కాలి బూడిదవుతున్నాయి. ఇదే పరిస్థితి సిరిసిల్ల నియోజకవర్గంలోని ఇల్లంతకుంట, గంభీ రావుపేట, వీర్నపల్లి మండలాల్లోనూ ఉంది. ఈక్రమంలోనే జిల్లాలో మూడో ఫైర్‌స్టేషన్‌ ఏర్పాటు చేయాలన్న డిమాండ్‌ జిల్లా ప్రజల నుంచి ఉంది. ఏళ్లుగా ఈ డిమాండ్‌ నెరవేరడం లేదు. ఇప్పటికైనా ఫైర్‌స్టేషన్‌ ఏర్పాటు చేయాలని కోరుతున్నారు. అత్యవసర నంబర్లు తక్షణ సహాయం : 101 సిరిసిల్ల ఫైర్‌స్టేషన్‌ : 87126 99259 వేములవాడ ఫైర్‌స్టేషన్‌ : 87126 99260ఇది జిల్లా కేంద్రంలోని అంబికానగర్‌లో గత వారం జరిగిన అగ్నిప్రమాదం. ఇళ్ల మధ్యలో ఉన్న ముళ్లపొదల్లో ఒక్కసారిగా మంటలు లేచాయి. స్థానికులు ఫైర్‌ సిబ్బందికి సమాచారం అందించగా ఘటన స్థలానికి చేరుకుని మంటలను ఆర్పివేయడంతో పెనుప్రమాదం తప్పింది. జిల్లా కేంద్రం కావడంతో నిమిషాల్లో ఫైర్‌ సిబ్బంది చేరుకోగలిగారు. అదే జిల్లా శివారు మండలాలు గంభీరావుపేట, వీర్నపల్లి, ఇల్లంతకుంట, చందుర్తి, రుద్రంగి మండలాల్లో అగ్ని ప్రమాదాలు జరిగితే ఫైర్‌ సిబ్బంది అక్కడికి చేరుకునేలోగానే ఆస్తులు కాలిపోతున్నాయి.

● కలెక్టర్‌ సందీప్‌కుమార్‌ ఝాసిరిసిల్ల: జిల్లాలో ఇంటర్‌ పరీక్షలకు పకడ్బందీగా ఏర్పాట్లు చేయాలని కలెక్టర్‌ సందీప్‌కుమార్‌ ఝా కోరారు. జిల్లా ఎస్పీ అఖిల్‌ మహాజన్‌తో కలిసి శుక్రవారం సమీక్షించారు. ఈనెల 5 నుంచి నిర్వహించే ఇంటర్‌ పరీక్షల సిబ్బంది శిక్షణ పూర్తయిందని తెలిపారు. విద్యుత్‌ సరఫరాలో అంతరాయం లేకుండా చూడాలని, ఆర్టీసీ బస్సులు నడపాలని ఆదేశించారు. ఫస్టియర్‌లో 5,065, సెకండియర్‌లో 4,245 మంది విద్యార్తుల కోసం 16 సెంటర్లు ఏర్పాట్లు చేసినట్లు తెలిపారు. ఎల్‌ఆర్‌ఎల్‌ 25 శాతం రాయితీ జిల్లాలో ఎల్‌ఆర్‌ఎస్‌కు 42,942 దరఖాస్తులు వచ్చాయని, అందులో 27,170 ప్రాసెస్‌ కాగా, 15,772 దరఖాస్తులు పెండింగ్‌లో ఉన్నట్లు వివరించారు. గడువులోగా ఎల్‌ఆర్‌ఎస్‌ చేసుకుంటే.. 25 శాతం రుసుంలో రాయితీ వర్తిస్తుందని తెలిపారు. జిల్లా ఇంటర్మీడియట్‌ అధికారి శ్రీనివాస్‌, ఆర్డీవోలు రాజేశ్వర్‌, రాధాబాయి తదితరులు పాల్గొన్నారు.

ఎల్లారెడ్డిపేట(సిరిసిల్ల): ఆకురాలే కాలంలో అడవులకు ఆపద పొంచి ఉంది. ప్రమాదవశాత్తు నిప్పు అంటుకుంటే పచ్చని చెట్లు కాలిపోయే ప్రమాదం ఉంది. ఏటా ఫైర్‌లైన్ల ఏర్పాటుకు ప్రభుత్వం నిధులు కేటాయించడంతో కూలీలను నియమించుకొని పనులు చేపట్టేవారు. కానీ ఈ సంవత్సరం ప్రభుత్వం నిధులు కేటాయించకపోవడంతో ఫైర్‌లైన్ల పనులు మొదలుకాలేవు. ఇప్పటికే జిల్లాలోని అటవీ లో అక్కడక్కడ అగ్నిప్రమాదాలు జరుగుతున్నాయి. జిల్లాలో 180 కిలోమీటర్ల మేర ఫైర్‌లైన్లను ఏర్పాటు చేయాలని లక్ష్యంగా పెట్టుకోగా ఇప్పటి వరకు పనులు ముందుకుసాగలేవు. నిధుల లేమితో ఈ వేసవిలో ఫైర్‌లైన్‌లు ఏర్పాటు చేయడం సాధ్యం కాదని అధికారులు పేర్కొంటున్నారు. దీంతో అడవికి గడ్డుకాలమే అంటూ ఆందోళన వ్యక్తం చేస్తున్నారు. 27 హెక్టార్లలో అటవీ విస్తీర్ణం జిల్లాలోని 27 వేల హెక్టార్లలో అటవీ విస్తరించి ఉంది. ఎల్లారెడ్డిపేట, కోనరావుపేట, గంభీరావుపేట, వీర్నపల్లి, చందుర్తి, రుద్రంగి, ఇల్లంతకుంట మండలాల్లో అత్యధికంగా అడవి విస్తరించి ఉంది. జిల్లాలోని వివిధ ప్రాంతాల్లో విస్తరించి ఉన్న అడవుల్లో వన్యప్రాణులు ఆవాసాలుగా చేసుకుని జీవనం సాగిస్తుంటాయి. ముఖ్యంగా దుప్పులు, చిరుతపులులు, అడవి పందులు, కుందేళ్లు, జింకలు, మనుబోతులు, ముళ్లపందులతోపాటు నెమళ్లు వంటి అరుదైన జీవజాతులు సంచరిస్తుంటాయి. ఈక్రమంలో గత అనుభవాలను దృష్టిలో పెట్టుకుంటే రోడ్ల వెంట ప్రయాణించే ఆకతాయిలతోపాటు అడవిలో పశువులు, గొర్రెలకాపరులు చుట్ట తాగుతున్న క్రమంలో దాని నుంచి నిప్పు రవ్వలు పడి అడవులు దహించుకుపోయిన సందర్భాలు అనేకం ఉన్నాయి. ఆకతాయిలైతే ఏకంగా అటవీకి నిప్పు పెట్టగా, పెద్ద ఎత్తున మంటలు వ్యాపించి విలువైన వృక్ష సంపదకు ఆపరా నష్టం కలుగుతోంది. ఈక్రమంలో అడవిలో ఊహించని నష్టం జరుగకుండా అధికారులు ముందుగానే ఫైర్‌లైన్‌లను ఏర్పాటు చేస్తే మంటలను విస్తరించకుండా కట్టడి చేసే అవకాశాలున్నాయి. లక్ష్యం ఇదే.. జిల్లాలోని సిరిసిల్ల, వేములవాడ రేంజ్‌ల పరిధిలో 12 సెక్షన్‌లు, 44 బీట్‌లలో కలిపి 27 హెక్టార్‌ల అటవీ ఉంది. జిల్లా అడవి జగిత్యాల, కామారెడ్డి, నిజామాబాద్‌, సిద్దిపేట జిల్లాల్లోని అడవులతో కలసి ఉంటాయి. ఇవన్నీ ప్రధానంగా ఆకురాల్చే అడవులు కావడంతో వేసవిలో మంటలు చెలరేగకుండా ఏటా వేసవిలో ఫైర్‌లైన్లను ఏర్పాటు చేస్తుంటారు. డబ్బా ఆకారంలో 100 మీటర్ల చొప్పున ఫైర్‌లైన్లు ఏర్పాటు చేస్తారు. ఒకవేళ మంటలు అంటుకున్న అక్కడికే పరిమితమై అడవికి వ్యాప్తి చెందకుండా ఫైర్‌లైన్లు నిరోధిస్తాయి. ఈచిత్రంలో వీర్నపల్లి మండలం కంచర్ల శివారులో అడవికి మంటలు వ్యాపించి విలువైన చెట్లు కాలిపోతున్నాయి. ముందస్తుగా అధికారులు ఫైర్‌లైన్లను ఏర్పాటు చేయకపోవడంతోనే ఫారెస్ట్‌లో అగ్ని ప్రమాదాలు జరుగుతున్నాయి. గతంలో అడవిలో ఏర్పాటు చేసే ఫైర్‌లైన్లతో రక్షణ ఉండేది. వేసవి ప్రారంభమైనప్పటికీ నిధుల లేమితో ఈసారి అధికారులు ఫైర్‌లైన్లను ఏర్పాటు చేయలేకపోయారు. నిధులు ఉంటే కూలీలను నియమించుకొని ఫైర్‌లైన్లు ఏర్పాటు చేసేవారు. ప్రస్తుతం ఆ పరిస్థితులు లేవు. అడవుల రక్షణపై ప్రజలకు అవగాహన కల్పించి చేతులు దులుపుకుంటున్నారు. నిధులు కేటాయించలేదు జిల్లాలో రెండు రేంజ్‌ల పరిధిలో 27 హెక్టార్‌లకు పైగా అడవి విస్తరించి ఉంది. అడవులకు నష్టం జరగకుండా ఫైర్‌లైన్‌లను ఏర్పాటు చేయాలి. కానీ ప్రభుత్వం నిధులు కేటాయించలేదు. దీంతో పనులు మొదలుపెట్టలేదు. ఇప్పటి వరకు నిధులు రాని కారణంగా గ్రామీణులకు అడవుల రక్షణపై అవగాహన కల్పిస్తున్నాం. మంటలు వ్యాపిస్తే తమకు సమాచారం అందించాలి. ప్రభుత్వం నుంచి నిధులు వస్తే ఫైర్‌లైన్లు ఏర్పాటు చేస్తాం. – శ్రీహరి ప్రసాద్‌, ఎఫ్‌ఆర్వో, సిరిసిల్ల

సిరిసిల్లటౌన్‌: అత్యవసర పరిస్థితుల్లో వాత్సల్య ఫౌండేషన్‌ యువకులు రక్తదానం చేశారు. స్థానిక లీలశిరీష హాస్పిటల్‌లో వేములవాడ సమీపంలోని నూకలమర్రికి చెందిన గర్భిణీ సుంకపాక అనిత ‘బీ పాజిటివ్‌’ బ్లడ్‌ అవసరం ఏర్పడింది. అనిత కుటుంబ సభ్యులు వాత్సల్య ఫౌండేషన్‌ను సంప్రదించగా మాట్ల బాలరాజ్‌ జిల్లెల్ల నుంచి వచ్చి రక్తదానం చేశారు. వాత్సల్య ఫౌండేషన్‌ వ్యవస్థాపకులు ఆకా రపు సుధాకర్‌, లింగంపల్లి కిరణ్‌కుమార్‌, మధు, ప్రేమ్‌, బ్లడ్‌బ్యాంక్‌ ఇన్‌చార్జి రవీందర్‌ పాల్గొన్నారు. ఘనంగా బద్దిపోచమ్మ బోనాలు రుద్రంగి(వేములవాడ): మానాలలో శుక్రవారం బద్దిపోచమ్మ బోనాలు కనులపండువగా నిర్వహించారు. ఇంటికో బోనం చొప్పున మహిళలు తరలివచ్చి మొక్కులు చెల్లించుకున్నారు.

● ప్రభుత్వ విప్‌ ఆది శ్రీనివాస్‌చందుర్తి/వేములవాడఅర్బన్‌: ఎమ్మెల్సీ ఎన్నికల్లో పట్టభద్రులు కాంగ్రెస్‌ వైపే ఉన్నారని ప్రభుత్వ విప్‌ ఆది శ్రీనివాస్‌ పేర్కొన్నారు. చందుర్తి, వేములవాడఅర్బన్‌ మండలాల్లో గురువారం ఎమ్మెల్సీ ఎన్నికల సరళిని పరిశీలించి, కాంగ్రెస్‌ అభ్యర్థికి ఓటు వేయాలని కోరారు. ఈ సందర్భంగా ఆది శ్రీనివాస్‌ మాట్లాడుతూ కాంగ్రెస్‌ 14 నెలల పాలనలో చేపట్టిన సంక్షేమ పథకాలు, అభివృద్ధికి మద్దతు ఇస్తున్నారన్నారు. నూతన విద్యావిధానంలో భాగంగా రాష్ట్రంలో స్కిల్‌, స్పోర్ట్స్‌ యూనివర్శిటీలు ఏర్పాటు చేసిన విషయాన్ని గుర్తు చేశారు. ప్రభుత్వం అమలు చేస్తున్న సంక్షేమ పథకాలే కాంగ్రెస్‌ అభ్యర్థిని గెలిపిస్తాయని ధీమా వ్యక్తం చేశారు. ఈ కార్యక్రమంలో పార్టీ చందుర్తి మండలాధ్యక్షుడు చింతపంటి రామస్వామి, వేములవాడ పట్టణాధ్యక్షుడు చంద్రగిరి శ్రీనివాస్‌, నాయకులు బొజ్జ మల్లేశం, నాగం కుమార్‌, పుల్కం రాజు, కనికరపు రాకేశ్‌, పిల్లి కనకయ్య, సాగరం వెంకటస్వామి, అజయ్‌ పాల్గొన్నారు. ముమ్మర పారిశుధ్య పనులు వేములవాడ: ఆధ్యాత్మిక క్షేత్రం వేములవాడలో గురువారం మహాశివరాత్రి ఉత్సవాలు ముగియడంతో పారిశుధ్య సిబ్బంది విధుల్లో నిమగ్నమయ్యారు. మహాశివరాత్రి ఉత్సవాలు మొదలైన 25వ తేదీ నుంచే మున్సిపల్‌ ఆధ్వర్యంలో పారిశుధ్య సిబ్బందికి మూడు షిఫ్టుల్లో విధులు కేటాయించారు. ఉత్సవాల సమయంలో పట్టణంలో పరిశుభ్రతను కాపాడిన సిబ్బంది.. అదే స్ఫూర్తితో ముందుకెళ్తున్నారు. భక్తులు అధిక సంఖ్యలో ఉత్సవాలకు తరలిరావడంతో పట్టణంలో చాలా ప్రాంతాల్లో పారిశుధ్య పనులు చేపడుతున్నారు. గుడి చెరువు ప్రాంతం, జాతరగ్రౌండ్‌లో పేరుకుపోయిన చెత్తను తొలగిస్తున్నారు. బద్దిపోచమ్మగుడి, భీమన్నగుడి, మెయిన్‌రోడ్డు తదితర ప్రాంతాల్లో పేరుకుపోయిన చెత్తను ఎత్తి ట్రాక్టర్ల ద్వారా డంప్‌యార్డుకు తరలిస్తున్నారు. పారిశుధ్య సిబ్బంది పనితీరుని మున్సిపల్‌ కమిషనర్‌ అన్వేశ్‌ గురువారం పరిశీలించారు. రాజన్న సేవలో డీఈవోవేములవాడ: జిల్లా విద్యాధికారిగా బాధ్యతలు స్వీకరించిన జనార్దన్‌రావు గురువారం వేములవాడ రాజన్నను దర్శించుకున్నారు. ఆలయ అధికారులు ప్రత్యేక దర్శనం అవకాశం కల్పించారు. స్వామి వారి దర్శనానంతరం ఆశీర్వచన మండపంలో బ్రాహ్మణులు ఆశీర్వదించి రాజన్న ప్రసాదం అందజేశారు. డీఈవో వెంట మధు మహేశ్‌, మందిరం రఘు, పోగుల ధనుంజయ్‌ పాల్గొన్నారు. కుక్కల హల్‌చల్‌● 22 మందిపై దాడి వేములవాడ: వేములవాడ పట్టణంలోని సాయినగర్‌లో పిచ్చికుక్కలు స్వైరవిహారం చేస్తున్నాయి. దారిన వెళ్లే వారిపై విరుచుకుపడుతున్నాయి. మహాశివరాత్రి పర్వదినం సందర్భంగా పూజా కార్యక్రమాలకు వెళ్తున్న మహిళలు, వృద్ధులు, చిన్నారులపై దాడులు చేశాయి. బుధవారం ఒకే రోజు 22 మందిని కరిచినట్లు కాలనీవాసి హన్మండ్లు తెలిపారు. గాయపడిన వారు స్థానిక ఏరియా ఆస్పత్రిలో చికిత్స పొందినట్లు చెప్పారు. కుక్కల బారి నుంచి రక్షించాలని కాలనీవాసులు కోరుతున్నారు.

సప్తగిరికాలనీ(కరీంనగర్‌)/గంగాధర(చొప్పదండి): పొలంలో విత్తనాలు విత్తడం అంటే అన్నదాతలకు ఎంతో శ్రమతో కూడుకున్న పని. యంత్రాలతో విత్తనాలు విత్తడం ఆర్థికభారంతో కూడుకుంది. దీంతో రైతులకు ఇరువిధాలుగా ఇబ్బందులు ఎదురవుతోందని గ్రహించి, తన మేథస్సుతో సీడ్‌ విత్తే షూ తయారు చేసింది ప్రభుత్వ పాఠశాలకు చెందిన విద్యార్థిని. కరీంనగర్‌ జిల్లా గంగాధర మండలం గర్షకుర్తి జెడ్పీస్కూల్‌లో 9వ తరగతి చదువుతున్న ఎం.రితిక సైన్స్‌ ఉపాధ్యాయుడు జగదీశ్వర్‌రెడ్డి సహకారంతో రైతుల కోసం సీడ్‌ విత్తే షూ తయారు చేసింది. 2023–24 సంవత్సరానికి గానూ మహబూబ్‌నగర్‌ జిల్లాలోని జడ్చర్లలో జరిగిన రాష్ట్రస్థాయి ఇన్‌స్పైర్‌ మనక్‌లో ప్రదర్శించి, జాతీయస్థాయి ఇన్‌స్పైర్‌ మనక్‌కు ఎంపికై ంది. ‘విత్తన షూ వేసుకుని అడుగు పెట్టినపుడు ఒత్తిడి మెషిన్‌ లివర్‌పై పడుతుంది. లివర్‌ షూ విత్తనాల చాంబర్‌ నుంచి విత్తన విడుదలకు స్థలాన్ని ఇస్తుంది. ఇది నాజిల్‌తో జత చేయబడుతుంది. నాజిల్‌ మట్టిలోకి డ్రిల్‌ చేస్తుంది. స్ప్రింగ్‌ల శక్తితో విత్తనాన్ని వదులుతుంది. మరో అటాచ్‌మెంట్‌ రబ్బరు మట్టి డిస్టర్బర్‌ విత్తనాన్ని కప్పడానికి రంధ్రం వైపుల నుంచి మట్టిని వదులుతుంది. మొక్కజొన్న, సోయాబిన్‌, ఆవాలు, పప్పులు, వేరుశనగ పంటలు విత్తడానికి ఇది అనుకూలం. చిన్న, సన్నకారు రైతులకు ఇది సహాయకారిగా ఉంటుంది’ అని రితిక వివరించింది. ●– వివరాలు 8లోu

కోనరావుపేట(వేములవాడ): కోనరావుపేట మండలం మామిడిపల్లి మహాదేవ ఆలయం, మల్కపేట శివాలయాల్లో గురువారం శివకల్యాణం కనులపండువగా నిర్వహించారు. కల్యాణ మహోత్సవానికి భారీ సంఖ్యలో భక్తులు హాజరయ్యారు. ఉత్సవ విగ్రహాలను కల్యాణ వేదికపై ఆశీనులు చేసి అర్చకులు వివాహ వేడుకను అంగరంగ వైభవంగా జరిపారు. వేదపండితులు తిరునహరి కృష్ణస్వామి, కోచకంటి హరిశర్మ ఆధ్వర్యంలో కల్యాణ వేడుకలు కమనీయంగా కొనసాగాయి. ఈ వేడుకలకు డెయిరీ చైర్మన్‌ చల్మెడ రాజేశ్వరరావు, మాజీ సర్పంచ్‌ పన్నాల విజయ తదితరులు హాజరయ్యారు. ఈ సందర్భంగా భక్తులకు అన్నదానం చేశారు.

సైన్స్‌.. జీవితంలో ఒకభాగం.. పొద్దున నిద్రలేచినప్పటి నుంచి వేసే ప్రతీ అడుగులో.. చేసే ప్రతి పనిలో సైన్స్‌ దాగి ఉంటుంది. సైన్స్‌ అంటేనే అద్భుతం.. సంచలనాత్మక ఆవిష్కరణలకు నిలయం. మారుతున్న టెక్నాలజీ నేపథ్యంలో స్కూళ్లలో చదివే పిల్లల నుంచి శాస్త్రవేత్తల వరకు నిత్యం ఏదో ఒక అంశంలో ఆవిష్కరణలపై కసరత్తు చేస్తున్నారు. ఇలా ఉమ్మడి కరీంనగర్‌ జిల్లా నుంచి చాలా మంది బాల మేథావులు పుట్టుకొస్తున్నారు. కేంద్ర, రాష్ట్ర ప్రభుత్వాలు సైన్స్‌ఫేర్‌, ఇన్‌స్పైర్‌ మనక్‌ కార్యక్రమాలు నిర్వహిస్తుండగా.. ప్రభుత్వ, ప్రయివేటు పాఠశాలల నుంచి చాలా మంది రాష్ట్ర, జాతీయస్థాయిలో రాణిస్తున్నారు. 28 ఫిబ్రవరి 1928న భారతీయ భౌతిక శాస్త్రవేత్త సర్‌ సీవీ.రామన్‌.. రామన్‌ ప్రభావాన్ని కనుగొన్నందుకు గుర్తుగా ఏటా ఫిబ్రవరి 28న జాతీయ సైన్స్‌ దినోత్సవాన్ని జరుపుకుంటారు. అతని ఆవిష్కరణకు 1930లో భౌతిక శాస్త్రంలో నోబెల్‌ బహుమతి లభించింది. నేడు సైన్స్‌డే సందర్భంగా ఉమ్మడి జిల్లాలోని పలువురు బాలమేథావుల ఆవిష్కరణలపై ప్రత్యేక కథనం.

● గిరిజన గ్రామాల్లో బాధితులు ● నమోదవుతున్న కేసులు ● ఆందోళన చెందుతున్న తల్లిదండ్రులువీర్నపల్లి(సిరిసిల్ల): గిరిజన గ్రామాల్లోనూ గంజా యి బాధితులు ఉన్నారు. సాధారణంగా అటవిని ఆనుకుని ఉన్న గ్రామాల్లో గంజాయి సాగు చేసి మైదాన ప్రాంతంలో వ్యాపారం చేసేవారు. ప్రస్తుతం పరిస్థితులు రివర్స్‌ అయ్యాయి. కొన్నేళ్లుగా పోలీసులు తీసుకుంటున్న చర్యలతో పల్లెల్లో గంజాయి సాగు నిలిచింది. అయితే గిరిజన గ్రామాల్లోని యువత ఇతర ప్రాంతాల నుంచి వస్తున్న గంజాయికి బానిసలుగా మారారు. మత్తు కోసం రవాణా చేస్తూ పట్టుబడి జైలుపాలవుతున్నారు. ఈ సంఘటనలు తల్లిదండ్రులను ఆందోళనకు గురిచేస్తున్నాయి. గ్రామశివారులే అడ్డాలు వీర్నపల్లి మండలంలోని శివారు ప్రాంతాలే గంజాయి అడ్డాలుగా మారాయి. చీకటి పడితే శివారు ప్రాంతాలకు చేరుకొని మత్తులో చిత్తవుతున్నారు. పోలీసులు పెట్రోలింగ్‌ చేసినా వీరి ఆగడాలకు అడ్డులేకుండా పోతుంది. స్నేహితులకు అలవాటు చేస్తూ ● లాల్‌సింగ్‌తండాకు చెందిన యువకుడు హైదరాబాద్‌లో పనిచేస్తూ గంజాయికి అలవాటుపడ్డాడు. గ్రామానికి వచ్చినప్పుడు తన స్నేహితులకు సైతం ఆ మత్తును అలవాటు చేశాడు. ఈ విషయం తెలుసుకున్న ఎస్సై ఈనెల 16న ఆ ముగ్గురిని పట్టుకొని కేసు నమోదు చేశారు. ● లాల్‌సింగ్‌తండావాగు శివారు, గర్జనపల్లి లోని పల్లెప్రకృతివనాలే గంజాయి స్థావరాలు. ● మండలంలోని కంచర్ల శివారులో 2023, అక్టోబర్‌లో వాహన తనిఖీలు చేస్తుండగా బైక్‌పై వస్తున్న ఇద్దరిని అదుపులోకి తీసుకుని తనిఖీ చేశారు. వారి వద్ద 500 గ్రాముల గంజాయి లభించింది. పట్టుపడితే కటకటాలే.. నిషేధిత మత్తుపదార్థాలు గంజాయితో పట్టుపడితే కచ్చితంగా కటకటాలకు వెళ్లాల్సిందేనని పోలీసు అధికారులు వెల్లడిస్తున్నారు. ఇప్పటికే పలువురు యువకులు పట్టుబడి చేయాలి జైలు జీవితం గడుపుతున్నారు. పిల్లలు ఏం చేస్తున్నారు, ఎవరితో స్నేహం చేస్తున్నారనే విషయాలను గమనించాలని పోలీస్‌ అధికారులు సూచిస్తున్నారు. ఇప్పటికే గంజాయికి అలవాటు పడి ఉంటే జిల్లా కేంద్రంలోని డీ–ఆడిక్షన్‌ సెంటర్‌కు పంపించాలని తెలుపుతున్నారు.యువతపై నిఘా మండలంలోని అనుమానితులపై నిఘా పెట్టాం. కొందరు యువత చదువుకొని ఉద్యోగ వేటలో ఉంటే.. మరికొందరు మత్తు పదార్థాలకు బానిసలుగా మారుతున్నారు. తల్లిదండ్రులు కూడా తమ పిల్లలు ఏం చేస్తున్నారు అనే బాధ్యతలు మర్చిపోతున్నారు. గ్రామాల్లో ఆకతాయిలు అల్లర్లు చేస్తే డయల్‌ 100కు ఫోన్‌ చేసి తెలపాలి. – ఎల్లయ్యగౌడ్‌, ఎస్సై, వీర్నపల్లి

సిరిసిల్ల: ఎండలు మండుతుండడంతో పట్టభద్రులు ఎండలో నిల్చొని ఓట్లు వేసేందుకు ఇబ్బందులు పడ్డారు. పోలింగ్‌ కేంద్రాల్లో టెంట్లు ఏర్పాటు చేయడంలో అధికారులు విఫలమయ్యారు. గురువారం ఉదయం 8 గంటలకు పోలింగ్‌ మందకొడిగా ప్రా రంభమైంది. మధ్యాహ్నం తరువాత ఓటర్ల రాక పెరగడంతో పోలింగ్‌ కేంద్రాల్లో నిరీక్షించాల్సి వచ్చింది. కోనరావుపేటలోని పోలింగ్‌ కేంద్రంలో ఎండలోనే ఓటర్లు నిరీక్షించారు. జిల్లా వ్యాప్తంగా చాలా కేంద్రాలో ఇలాంటి పరిస్థితులు ఉన్నాయి. సాయంత్రం 4 గంటల వరకు కేంద్రానికి వచ్చిన వారికి ఓటుహక్కు వినియోగించుకునే అవకాశం కల్పించారు. బీఎస్పీ అభ్యర్థి ప్రసన్న హరికృష్ణ సొంత మండలం బోయినపల్లిలో ఓటుహక్కు వినియోగించుకోగా.. బీఆర్‌ఎస్‌ జిల్లా అధ్యక్షుడు తోట ఆగయ్య ఎల్లారెడ్డిపేటలో, ముస్తాబాద్‌లో కాంగ్రెస్‌ పార్టీ నాయకుడు కేకే మహేందర్‌రెడ్డి ఓట్లు వేశారు. పర్యవేక్షించిన కలెక్టర్‌, ఎస్పీలు పోలింగ్‌ కేంద్రాలను కలెక్టర్‌ సందీప్‌ కుమార్‌ఝా, ఎస్పీ అఖిల్‌మహాజన్‌లు పరిశీలించారు. సిరిసిల్ల పట్టణం కుసుమ రామయ్య జెడ్పీ హైస్కూల్‌, గీతానగర్‌ జెడ్పీ హైస్కూల్‌, కోనరావుపేట, వీర్నపల్లి, గంభీరావుపేట, ఎల్లారెడ్డిపేట, ముస్తాబాద్‌ మండల కేంద్రాల్లో పోలింగ్‌ సరళిని పరిశీలించారు. పోలింగ్‌ కేంద్రాల వద్ద ప్రధాన పార్టీలు కాంగ్రెస్‌, బీజేపీలు పార్టీ అభ్యర్థుల కోసం ప్రచారం చేశారు. ప్రధాన పార్టీల అభ్యర్థులకు ఏజెంట్లు ఉండగా.. స్వతంత్ర అభ్యర్థులకు ఏజెంట్లు ఎవరూ లేరు.

వేములవాడ: మహాశివరాత్రి జాతర ముగిసింది. ముల్లెమూటలు.. పిల్లపాపలతో భక్తులు ఇంటికి తిరుగుప్రయాణమయ్యారు. మూడు రోజులుగా వేములవాడ రాజన్న ఆలయంలో అంగరంగ వైభవంగా జరిగిన మహాశివరాత్రి జాతర ఉత్సవాలు గురువారం ప్రశాంతంగా ముగిసాయి. కోడెమొక్కులు, తలనీలాల సమర్పణ, నిలువెత్తు బెల్లం పంపిణీ, గండదీపంలో నూనెమొక్కులు చెల్లించుకున్నారు. రాజరాజేశ్వరస్వామిని దర్శించుకున్న భక్తులు జాగరణ ముగియడంతో గురువారం బద్దిపోచమ్మకు బోనాలు సమర్పించుకున్నారు. కల్లుసాక పోసి... పట్నాల మొక్కులు చెల్లించుకున్నారు. గుడి చెరువు ఖాళీ ప్రదేశంలో ఏర్పాటు చేసిన శివార్చన వద్ద దాదాపు 40వేల మంది భక్తులు సాంస్కృతిక కార్యక్రమాలు చూస్తూ జాగరణ పూర్తి చేశారు. రాష్ట్ర సాంస్కృతికశాఖ డైరెక్టర్‌ మామిడి హరికృష్ణ, ప్రభుత్వవిప్‌ ఆది శ్రీనివాస్‌, ఈవో కొప్పుల వినోద్‌రెడ్డి, ఈఈ రాజేశ్‌ తదితరులు పాల్గొన్నారు. మహాజాతర సందర్భంగా బుధ, గురువారాల్లో దాదాపు 4 లక్షలకు పైగా భక్తులు రాజన్నను దర్శించుకున్నారు. ఫ్రీ పాస్‌లు రద్దు చేశారు. రెండు రోజుల్లో రూ.కోటికిపైగా ఆదాయం సమకూరినట్లు ఆలయ అకౌంట్స్‌ అధికారులు తెలిపారు. మహాజాతర ఉత్సవాలకు హాజరైన లక్షలాది మంది భక్తులకు సరిపడా లడ్డూ ప్రసాదాలు, పులిహోర తయారుచేసిన సిబ్బందికి ఆలయ ఈవో వినోద్‌రెడ్డి కృతజ్ఞతలు తెలిపారు. సిబ్బందిని కలిసి సేవలను కొనియాడారు. ఏఈవో శ్రవణ్‌, ప్రొటోకాల్‌ ఏఈవో అశోక్‌కుమార్‌, పర్యవేక్షకులు శ్రీకాంత్‌చారి, సీనియర్‌ అసిస్టెంట్లు ఎడ్ల శివసాయి, పురాణం వంశమోహనశర్మ, జూనియర్‌ అసిస్టెంట్‌ సింహాచారి తదితరులు ఉన్నారు. సహకరించిన వారికి కృతజ్ఞతలు మూడు రోజులుగా నిర్వహించిన మహాశివరాత్రి జాతర విజయవంతం కావడానికి కృషి చేసిన అన్ని శాఖల అధికారులు, ఉద్యోగులు, ఆలయ సిబ్బందికి ఆలయ ఈవో కొప్పుల వినోద్‌రెడ్డి గురువారం కృతజ్ఞతలు తెలిపారు. అనంతరం ఆలయ ఉద్యోగుల సంఘం నాయకులు ఈవో, ఏఈవో అశోక్‌లను శాలువాతో సత్కరించారు. ముగిసిన మహాశివరాత్రి ఉత్సవాలు కొనసాగుతున్న భక్తుల రద్దీ బద్దిపోచమ్మకు బోనం మొక్కులు రెండు రోజుల్లో రూ.కోటికిపైగా ఆదాయం

● ఎమ్మెల్సీ ఎన్నికల్లో పెరిగిన చైతన్యం ● 2019తో పోలిస్తే మెరుగుపడిన పోలింగ్‌ ● 11.39 శాతం పెరిగిన పట్టభద్రులు, 8.36శాతం పెరిగిన టీచర్లు ● మూడో తేదీన లెక్కింపు, ఏర్పాట్లు ముమ్మరం ● విజయావకాశాలపై మొదలైన ఆన్‌లైన్‌ సర్వేలుసాక్షిప్రతినిధి,కరీంనగర్‌: ఉమ్మడి కరీంనగర్‌– మెదక్‌– ఆదిలాబాద్‌– నిజామాబాద్‌ జిల్లాల గ్రాడ్యుయేట్‌, టీచర్‌ నియోజకవర్గాల ఎమ్మెల్సీ ఎన్నికల్లో ఈసారి ఓటింగ్‌శాతం పెరిగింది. ఎన్నికల సంఘం చేసిన ప్రచారం, అభ్యర్థులు చేపట్టిన ఓటింగ్‌ నమోదు పోలింగ్‌శాతం పెరుగుదలకు దోహదం చేసింది. గురువారం నాలుగు పాత జిల్లా(కొత్త 15 జిల్లాలు)లు, 42నియోజకవర్గాల్లోని 773 పోలింగ్‌ కేంద్రాల్లో ఎలాంటి అవాంఛనీయ ఘటనలు జరగకుండా ఎన్నికలు ప్రశాంతంగా ముగిశాయి. పట్టభద్రుల ఎమ్మెల్సీస్థానంలో 3,55,159 ఓట్లు ఉండగా.. 70.42శాతం పోలింగ్‌ నమోదైంది. ఉపాధ్యా య ఎమ్మెల్సీ స్థానంలో 27,088 మంది ఓటర్లు ఉండగా 91.90 శాతం పోలింగ్‌ నమోదైంది. గతంతో పోలిస్తే ఈసారి పట్టభద్రుల్లో 11.39శాతం, టీచర్లలో 8.36 శాతం పోలింగ్‌ మెరుగైంది. పట్టభద్రుల ఎమ్మెల్సీ బరిలో ఉన్న 56మంది, ఉపాధ్యాయ ఎమ్మెల్సీ పోటీలో నిలిచిన 15మంది భవితవ్యం ఇప్పుడు బ్యాలెట్‌ బాక్సుల్లో నిక్షిప్తమై ఉంది. బ్యాలెట్‌ బాక్సులు కరీంనగర్‌లోని అంబేడ్కర్‌ స్టేడియంలోని స్ట్రాంగ్‌రూముల్లో భద్రపరచగా.. మార్చి మూడో తేదీన ఓట్ల లెక్కింపునకు ఏర్పాట్లు ముమ్మరం చేశారు. పోలింగ్‌ ముగిసిన నేపథ్యంలో విజయావకాశాలపై ఆన్‌లైన్‌ సర్వేలు జోరందుకున్నాయి. ప్రతికూలతతో తగ్గిన ఓటింగ్‌.. వాస్తవానికి ఈసారి పోలింగ్‌ ఇంకా పెరగాల్సి ఉన్నా.. పలు ప్రతికూలతల వల్ల అది సాధ్యం కాలేదు. టీచర్లకు ప్రభుత్వం స్పెషల్‌ క్యాజువల్‌ లీవు పేరిట రోజు మొత్తం సెలవు ఇచ్చింది. కానీ, విద్యాశాఖ, ప్రైవేటు యాజమాన్యాలు కాలడ్డం పెట్టాయి. ప్రభుత్వ స్కూళ్ల ఉపాధ్యాయులకు సగంరోజు, ప్రైవేటు వారికి గంట మాత్రమే అనుమతించారు. వాస్తవానికి టీచర్లు గ్రాడ్యుయేట్‌, టీచర్‌ రెండు ఓట్లు వేయాల్సి ఉంటుంది. కానీ, సమయాభావం, సెలవు దొరక్కపోవడంతో వారిలో అధికశాతం ఒక్క ఓటుకే పరిమితమయ్యారు. దీనికితోడు ముందు రోజు రాత్రి శివరాత్రి జాగారం కావడం పలువురు పుణ్యక్షేత్రాలకు వెళ్లారు. ఇక హైదరాబాద్‌, తదితర నగరాలకు వలసవెళ్లిన గ్రాడ్యుయేట్లు, టీచర్లకు ఇక్కడ ఓటు ఉన్నా.. సెలవు దొరక్క, చార్జీల భారం వల్ల రాలేకపోయారు. ఓటేసిన కలెక్టర్‌.. 3వ తేదీన లెక్కింపు కరీంనగర్‌లోని ఎమ్మెల్సీ ఎన్నికల పోలింగ్‌స్టేషన్లను ఎన్నికల రిటర్నింగ్‌ అధికారి, కరీంనగర్‌ కలెక్టర్‌ పమేలా సత్పతి సందర్శించారు. ముకరంపురలోని ప్రభుత్వ ప్రాథమిక పాఠశాలలో ఆమె తన గ్రాడ్యుయేట్‌ ఓటుహక్కును వినియోగించుకున్నారు. ఇదే పోలింగ్‌ కేంద్రంలో అడిషనల్‌ కలెక్టర్‌ ప్రఫుల్‌ దేశాయ్‌ ఓటు వేశారు. మార్చి 3వ తేదీన ఎమ్మెల్సీ ఓట్ల లెక్కింపు నిర్వహించనున్నారు. కరీంనగర్‌లోని బీఆర్‌ అంబేడ్కర్‌ ఇండోర్‌ స్టేడియంలో లెక్కింపు కోసం ఏర్పాట్లు చేపడుతున్నారు. పటిష్టమైన బందోబస్తు మధ్య లెక్కింపు జరగనుంది. కొత్త 15 జిల్లాల నుంచి గురువారం అర్ధరాత్రి వరకు బ్యాలెట్‌ బాక్సులు స్ట్రాంగ్‌ రూములకు చేరుకున్నాయి. పోలింగ్‌ ముగిసిన మరుక్షణమే ఆన్‌లైన్‌లో ఎగ్జిట్‌పోల్‌ కోసం అభిప్రాయ సేకరణ ప్రారంభించారు. ఫోన్లలో ఐవీఆర్‌ పద్ధతిలో, నేరుగా, సోషల్‌మీడియా లేదా ఆన్‌లైన్‌లో అభిప్రాయాలు సేకరించడం మొదలు పెట్టారు. గ్రాడ్యుయేట్‌ స్థానంలో పోలింగ్‌ ఇలా.. ఏడాది మొత్తం ఓట్లు పోలింగ్‌శాతం 2019 1,95,581 59.03శాతం 2025 3,55,159 70.42శాతంటీచర్‌ స్థానంలో ఏడాది మొత్తం ఓట్లు పోలింగ్‌శాతం 2019 23,160 83.54 శాతం 2025 27,088 91.90 శాతంపట్టుభద్రుల ఎమ్మెల్సీ పోలింగ్‌ వివరాలు జిల్లా మొత్తం పోలైన శాతం ఓట్లు ఓట్లు జగిత్యాల 35,281 24,862 70.47 పెద్దపల్లి 31,037 21,259 68.50 కరీంనగర్‌ 71,545 46,247 64.64 రాజన్న సిరిసిల్ల 22,397 15,394 68.73ఉపాధ్యాయ ఎమ్మెల్సీ పోలింగ్‌ వివరాలు జిల్లా మొత్తం పోలైన శాతం ఓట్లు ఓట్లు జగిత్యాల 1,769 1,635 92.43 పెద్దపల్లి 1,111 1,049 94.42 కరీంనగర్‌ 4,305 3,871 89.92 రాజన్న సిరిసిల్ల 950 899 94.63

● వేములవాడలో వైభవంగా మహాశివరాత్రి వేడుకలు ● రాజన్నను దర్శించుకున్న 4 లక్షల మంది భక్తులు ● మారుమోగిన శివనామస్మరణ ● 48 గంటలు నిరంతరం దర్శనాలు ● అలరించిన శివార్చన వేములవాడ: ఓం నమఃశివాయ.. శంభో శంకర.. హరహర మహాదేవ.. నామస్మరణలతో వేములవాడ మారుమోగింది. ఆధ్యాత్మిక పట్టణం.. దక్షిణ కాశీ వేములవాడలో మహాశివరాత్రి వేడుకలు అంగరంగ వైభవంగా కొనసాగుతున్నాయి. బుధవారం నాడు రాజరాజేశ్వరస్వామిని దాదాపు 4 లక్షల మంది భక్తులు దర్శించుకున్నారు. దర్శనానికి 4 గంటల సమయం పట్టింది. శివదీక్షాపరులతో ఆలయ ప్రాంగణం గంధవర్ణశోభితమైంది. మహాలింగార్చ న వైభవోపేతంగా సాగింది. నిరంతరం లఘు దర్శనాలు కొనసాగాయి. మహాశివరాత్రి సందర్భంగా ఆర్జిత సేవలు రద్దు చేశారు. గురువారం అర్ధరాత్రి వరకు ఆలయాన్ని తెరిచే ఉంచుతున్నట్లు ఈవో వినోద్‌రెడ్డి తెలిపారు. క్యూలైన్లలో సొమ్మసిల్లి పడిపోయిన భక్తులను ఆలయ ఆవరణలోని ప్రథమ చికిత్స కేంద్రాలకు తరలించారు. లింగోద్భవ సమయంలో శ్రీస్వామి వారికి మహాన్యాస పూర్వక ఏకాదశ రుద్రాభిషేకం ఘనంగా నిర్వహించారు. ఆలయ వసతి గదులు విధులకు హాజరైన ఉద్యోగులకు కేటాయించడంతో భక్తులు చలవపందిళ్ల కిందే సేదతీరారు. మంత్రి పొన్నం ప్రభాకర్‌, కలెక్టర్‌ సందీప్‌కుమార్‌ ఝా, ఎస్పీ అఖిల్‌ మహాజన్‌లు రాజన్నకు ప్రత్యేక పూజలు చేశారు. ఏర్పాట్లను ప్రభుత్వ విప్‌ ఆది శ్రీనివాస్‌, కలెక్టర్‌ సందీప్‌కుమార్‌ ఝా, ఎస్పీ అఖిల్‌ మహాజన్‌, ఈవో వినోద్‌రెడ్డి, అడిషనల్‌ ఎస్పీ చంద్రయ్య, ఆర్డీవో రాజేశ్వర్‌, తహసీల్దారు మహేశ్‌ పరిశీలించారు. జాతరకు వచ్చిన భక్తులకు ఎస్‌బీఐ బ్యాంకు 15 వేల మజ్జిగ ప్యాకెట్లను పంపిణీ చేసినట్లు స్థానిక బ్రాంచ్‌ చీఫ్‌ మేనేజర్‌ సంపత్‌ తెలిపారు. వైభవంగా సామూహిక మహాలింగార్చన సామూహిక మహాలింగార్చన వైభవంగా జరిగింది. కల్యాణ మండపంలో అర్చక బృందం మహాలింగార్చన రెండు గంటలపాటు సాగింది. మట్టితో చేసిన 366 మృత్తికలు, పిండితో చేసిన 366 జ్యోతులను లింగాకారంలో పేర్చి, అభిషేకం చేశారు. అలరించిన ప్రత్యేక కార్యక్రమాలు ● సాయంత్రం 4 గంటలకు శివస్వాముల రాజన్నను దర్శించుకున్నారు. ● సాయంత్రం 6 గంటలకు అనువంశిక అర్చకులు మహాలింగార్చన నిర్వహించారు. ● సాయంత్రం 6 గంటల నుంచి నిరంతరాయంగా శివార్చన సాంస్కృతిక కార్యక్రమాలు జరిగాయి.

● పీసీసీ చీఫ్‌ మహేశ్‌కుమార్‌ గౌడ్‌ కరీంనగర్‌ కార్పొరేషన్‌: పట్టభద్రుల ఎమ్మెల్సీ ఎన్నికల్లో గెలుపు కాంగ్రెస్‌దేనని పీసీసీ అధ్యక్షుడు మహేశ్‌కుమార్‌గౌడ్‌ అన్నారు. బుధవారం పట్టభద్రుల ఎమ్మెల్సీ ఎన్నికకు సంబంధించి నాలుగు ఉమ్మడి జిల్లాలు ఆదిలాబాద్‌, నిజామాబాద్‌, మెదక్‌, కరీంనగర్‌ల్లోని పార్టీ మండల అధ్యక్షులతో జూమ్‌ మీటింగ్‌ నిర్వహించారు. పట్టభద్రుల ఎమ్మెల్సీ ఎన్నికల్లో గెలుపునకు సంబంధించి మండల అధ్యక్షులకు ఆయన దిశానిర్దేశం చేశారు. ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి గెలుపునకు కార్యకర్తలను సమాయత్తం చేయాలని పిలుపునిచ్చారు. రోజంతా అభ్యర్థుల ఫోన్‌ కాల్స్‌ ● వాట్సాప్‌ గ్రూపుల్లో మేస్సేజ్‌లు కోరుట్ల: ఎమ్మెల్సీ అభ్యర్థులు బుధవారం రోజంతా తమకే ఓటు వేయాలంటూ ఓటర్లకు ఫోన్‌ చేశారు. ఒక అభ్యర్థి కాల్‌ ముగియగానే మరొకరు ఫోన్‌ చేయడంతో వారు విసిగిపోయారు. ఒకరిద్దరు అభ్యర్థులైతే తాము గెలిస్తే ఏం చేస్తామో ఏకంగా 5 నిమిషాలపాటు చెప్పడంతో ఓటర్లు ఇబ్బంది పడ్డారు. ఫోన్‌ కాల్స్‌ ఎత్తడం మానేశారు. వాట్సాప్‌ గ్రూపుల్లో లెక్కలేనన్ని మెస్సేజ్‌లు వచ్చాయి. జాతీయ పోటీలకు రణధీర్‌కరీంనగర్‌స్పోర్ట్స్‌: బిహార్‌ రాష్ట్రంలోని పాట్నలో మార్చి 10నుంచి 12వ తేదీ వరకు జరగనున్న 20వ జాతీయస్థాయి యూత్‌ అథ్లెటిక్స్‌ చాంపియన్‌షిప్‌ పోటీలకు కరీంనగర్‌లోని ప్రభుత్వ సవరన్‌ పాఠశాలకు చెందిన విద్యార్థి రణధీర్‌చరణ్‌ ఎంపికయ్యాడు. ఈ నెల 18,19వ తేదీల్లో హైదరాబాద్‌లో జరిగిన రాష్ట్రస్థాయి పోటీల్లో ఐదు కిలో మీటర్ల రేస్‌వాక్‌లో డి.రణధీర్‌ చరణ్‌ బంగారు పతకం సాధించి జాతీయ పోటీలకు ఎంపికయ్యాడు. ఉమ్మడి జిల్లా నుంచి రణధీర్‌ ఒక్కడే జాతీయ పోటీల్లో పాల్గొనడం విశేషం.

వీణవంక: కరీంనగర్‌ జిల్లా వీణవంక మండలం ఎల్బాక గ్రామానికి చెందిన కాంగ్రెస్‌ కార్యకర్త నల్లగోని వీరయ్యగౌడ్‌ ప్రయాగ్‌రాజ్‌ వెళ్లివస్తూ.. గుండెపోటుతో చనిపోయాడు. గ్రామస్తులు తెలిపిన వివరాల ప్రకారం.. నల్ల గోని వీరయ్యగౌడ్‌ ఐదు రోజుల క్రితం తన కుటుంబసభ్యులతో కలిసి ప్రయాగ్‌రాజ్‌ కుంభమేళా పుణ్యస్నానాలకు వెళ్లాడు. తిరిగి వస్తున్న క్రమంలో మంగళవారం రాత్రి నిజామాబాద్‌ జిల్లాకు చేరుకున్న క్రమంలో వీరయ్య గౌడ్‌కు గుండెపోటు వచ్చింది. కుటుంబసభ్యులు సమీపంలోని ఆస్పత్రికి తరలించగా అప్పటికే చనిపోయాడు. మృతునికి భార్య, కూతురు, కుమారుడు ఉన్నారు. వీరయ్య గౌడ్‌ కుటుంబాన్ని కాంగ్రెస్‌ పార్టీ హుజూరాబాద్‌ నియోజకవర్గ ఇన్‌చార్జి వొడితెల ప్రణవ్‌ బుధవారం పరామర్శించారు. పార్టీ తరఫున ఆదుకుంటామని హామీ ఇచ్చారు. ఎమ్మెల్సీ బల్మూరి వెంకట్‌ వీరయ్య గౌడ్‌ అంత్యక్రియల్లో పాల్గొని పాడె మోశారు. గుండెపోటుతో కాంగ్రెస్‌ కార్యకర్త మృతి

● ప్రభుత్వవిప్‌ ఆది శ్రీనివాస్‌ వేములవాడ: బీఆర్‌ఎస్‌ పదేళ్ల పాలనలో రాజ న్న గుడికి చేసిందేమి లేదని, పైపెచ్చు తమ హయాంలోనే ఆలయ అభివృద్ధి జరిగిందని ఎమ్మెల్సీ కవిత మాట్లాడటం హాస్యాస్పదమని ప్రభుత్వవిప్‌ ఆది శ్రీనివాస్‌ పేర్కొన్నారు. వేములవాడ రాజన్నను బుధవారం దర్శించుకున్న కవిత మాట్లాడిన తీరుపై ఆయన ఇలా స్పందించారు. కేసీఆర్‌ తన లగ్గం ఇక్కడే అయ్యిందని ప్రగల్భాలు పలికి, రాజన్న ఆలయానికి ఏటా రూ.100 కోట్లు ఇస్తానని రాజన్న భక్తులను మోసం చేశారన్నారు. ఒక్క బడ్జెట్లో కూడా రూపాయి కేటాయించలేదన్నా రు. మేం ఎక్కడ కూడా బడ్జెట్‌లో నిధులు కేట యిస్తామని చెప్పకుండా బడ్జెట్లో రూ. 50కోట్లు కేటాయించామన్నారు. కవిత ఎవరో చెప్పిన స్క్రిప్ట్‌ చదివి వెళ్లారన్నారు. మహాశివరాత్రి వచ్చిందంటే రంగు రంగు బ్రోచర్లతో రాజన్న భక్తులను మోసం చేశారే తప్ప చేసిందేమీ లేదన్నారు. తిప్పాపూర్‌ మూడవ బ్రిడ్జి నిర్మాణనికి భూసేకరణ చేయలేదన్నారు. రాజన్న భక్తుడిగా తాము ఆలయ అభివృద్ధికి కృషి చేస్తున్నాన ని, ప్రజా ప్రభుత్వంలో రేవంత్‌రెడ్డి చొరవతో రాజన్న ఆలయ అభివృద్ధి రూ.75కోట్లు కేటా యించామన్నారు. రూ.47 కోట్లతో వేములవా డలో రోడ్లు విస్తరణ చేపడుతున్నామన్నారు. ఎన్నికలకు పటిష్ట బందోబస్తు ● ఎస్పీ అఖిల్‌ మహాజన్‌ సిరిసిల్లక్రైం: ఎమ్మెల్సీ ఎన్నికలు ప్రశాంత వాతావరణంలో జరిగేందుకు అవసరమైన బందోబస్తును ఏర్పాటు చేసినట్లు ఎస్పీ అఖిల్‌మహాజన్‌ బుధవారం తెలిపారు. ప్రశాంత వాతావరణంలో ఎన్నికల నిర్వహణకు అధికా రులు, సిబ్బంది కృషి చేయాలని సూచించారు. ఉపాధ్యాయ, పట్టభద్రుల ఎన్నికల సందర్భంగా 200 మంది పోలీసులతో బందోబస్తు చేపడుతున్నట్లు పేర్కొన్నారు. జిల్లాలోని 41 పోలింగ్‌ కేంద్రాల్లో 23,347 మంది ఓటర్లు ఓటుహక్కును వినియోగించుకోనున్నట్లు తెలిపారు. ఎవరైనా గొడవలు సృష్టించాలని చూస్తే కఠిన చర్యలు తీసుకుంటామని హెచ్చరించారు.

● కలెక్టర్‌ సందీప్‌కుమార్‌ ఝా సిరిసిల్ల: ప్రలోభాలకు లొంగకుండా ఎమ్మెల్సీ ఎన్నికల్లో ఓటుహక్కు వినియోగించుకోవాలని జిల్లా ఎన్నికల అధికారి, కలెక్టర్‌ సందీప్‌కుమార్‌ ఝా కోరారు. కరీంనగర్‌, ఆదిలాబాద్‌, నిజామాబాద్‌, మెదక్‌ ఉమ్మడి జిల్లాల పట్టభద్రులు, ఉపాధ్యాయుల ఎమ్మెల్సీ స్థానాలకు గురువారం జరిగే ఎన్నికలకు సర్వం సిద్ధం చేసినట్లు పేర్కొన్నారు. సిరిసిల్లలోని ప్రభుత్వ జూనియర్‌ కళాశాల మైదానంలో బుధవారం పోలింగ్‌ సామగ్రిని పంపిణీ చేశారు. పర్యవేక్షించిన కలెక్టర్‌ మాట్లాడారు. జిల్లాలో ఎన్నికల నిర్వహణకు 41 పోలింగ్‌ కేంద్రాలను ఏర్పాటు చేసి 181 మంది ఎన్నికల సిబ్బందిని నియమించారు. పోలింగ్‌ కేంద్రాలకు చేరిన సిబ్బంది జిల్లాలో ఐదు రూట్లు, ఐదు జోన్లను ఏర్పాటు చేశారు. జంబో పోలింగ్‌ బాక్స్‌లను పోలింగ్‌కేంద్రాలకు తరలించారు. వేములవాడ ఆర్డీవో రాజేశ్వర్‌, సిరిసిల్ల ఇన్‌చార్జి ఆర్డీవో రాధాభాయి ఆధ్వర్యంలో పోలింగ్‌ సామగ్రిని పంపిణీ చేశారు. గ్రాడ్యుయేట్‌ ఎమ్మెల్సీ ఎన్నిక కోసం జంబో పోలింగ్‌ బాక్స్‌లు, టీచర్ల ఎన్నిక కోసం రెగ్యులర్‌ పోలింగ్‌ బాక్స్‌లు వినియోగిస్తున్నారు. సిరిసిల్ల, వేములవాడ మున్సిపల్‌ కమిషనర్లు సమ్మయ్య, అన్వేశ్‌, పోలింగ్‌ సిబ్బంది పాల్గొన్నారు.

● పట్టభద్రుల, ఉపాధ్యాయ ఎమ్మెల్సీ ఎన్నికలకు సర్వం సిద్ధం ● నాలుగు ఉమ్మడి జిల్లాల్లో 773 పోలింగ్‌ కేంద్రాలు ● గ్రాడ్యుయేట్స్‌ 499, టీచర్స్‌ 274, ఉమ్మడిగా 93 పోలింగ్‌ కేంద్రాలు ● ఉదయం 8 నుంచి సాయంత్రం 4 గంటల వరకు పోలింగ్‌ ● పట్టభద్రుల బరిలో 56మంది, ఉపాధ్యాయ పోటీలో 15 మంది ● అత్యధిక ఓటర్లతో కరీంనగర్‌ జిల్లాలో 103 పోలింగ్‌ కేంద్రాలు ● 12 రకాల గుర్తింపు కార్డులతో ఓటేసేందుకు అనుమతి – వచ్చే నెల 3న కౌంటింగ్‌సాక్షిప్రతినిధి, కరీంనగర్‌: ఉమ్మడి కరీంనగర్‌, ఆదిలాబాద్‌, మెదక్‌, నిజామాబాద్‌ జిల్లాల గ్రాడ్యుయేట్‌, టీచర్స్‌ నియోజవర్గాల ఎన్నికలకు సర్వం సిద్ధమైంది. మొత్తం 15 జిల్లాలు 42 నియోజకవర్గాల్లో ఏర్పాట్లు పూర్తి చేశారు. కరీంనగర్‌ కేంద్రంగా జరుగుతున్న ఈ ఎన్నికలకు కలెక్టర్‌ పమేలా సత్పతి రిటర్నింగ్‌ ఆఫీసర్‌గా వ్యవహరించనున్నారు. బుధవారం ఉదయమే డిస్ట్రిబ్యూషన్‌ కేంద్రాల నుంచి పోలింగ్‌ సామగ్రితో సిబ్బంది, పోలీసులు వారికి కేటాయించిన పోలింగ్‌ స్టేషన్లకు చేరారు. నోటిఫికేషన్‌ విడుదలైన నాటినుంచి హోరాహోరీ ప్రచారం నిర్వహించిన అభ్యర్థులు బుధవారం పోల్‌ మేనేజ్‌మెంట్‌పై దృష్టిసారించారు. ఓటర్లను ఆకట్టుకునే ప్రయత్నాలు చేశారు. ఉమ్మడి కరీంనగర్‌, ఆదిలాబాద్‌, మెదక్‌, నిజామాబాద్‌లో మొత్తం 773 పోలింగ్‌ కేంద్రాలు ఏర్పాటు చేసినట్లు ఆర్వో పమేలా సత్పతి తెలిపారు. గ్రాడ్యుయేట్స్‌ కోసం 499, టీచర్స్‌ కోసం 274, ఉమ్మడిగా 93 పోలింగ్‌ కేంద్రాలు ఉన్నాయన్నారు. అత్యధిక ఓటర్లతో కరీంనగర్‌ జిల్లా 103 పోలింగ్‌ కేంద్రాలు కలిగి ఉంది. ఉదయం 8 నుంచి సాయంత్రం 4 గంటల వరకు పోలింగ్‌ ఉంటుందని, ఓటరు కార్డుతో సహా 12 రకాల గుర్తింపు కార్డులతో ఓటు వేయవచ్చని తెలిపారు. ఈ పట్టభద్రుల బరిలో 56 మంది, ఉపాధ్యాయ పోటీలో 15 మంది ఉన్నారు. కేంద్రాలకు చేరిన ఎన్నికల సామగ్రి ఎమ్మెల్సీ ఎన్నికల్లో విధులు నిర్వహించే పోలింగ్‌ సిబ్బంది బ్యాలెట్‌ బాక్సులు, పేపర్లు ఇతర సామగ్రితో డిస్ట్రిబ్యూషన్‌ కేంద్రాల నుంచి ప్రత్యేక బస్సుల్లో పోలింగ్‌ కేంద్రాలకు తరలివెళ్లారు. ప్రతీ పోలింగ్‌ స్టేషన్‌కు ఒక ప్రిసైడింగ్‌ ఆఫీసర్‌, అదనపు ప్రిసైడింగ్‌ ఆఫీసర్‌, మరో ఉద్యోగితోపాటు భద్రతకు పోలీసులను కేటాయించారు. వీరంతా గురువారం ఉదయం 6.30 గంటలకు పోలింగ్‌ నిర్వహణకు ఏర్పాట్లు ప్రారంభిస్తారు. 7 గంటలకు ఏజెంట్ల సమక్షంలో మాక్‌పోలింగ్‌ నిర్వహిస్తారు. ప్రతీ కేంద్రం వద్ద వెబ్‌కాస్టింగ్‌తోపాటు సీసీ కెమెరాలతో నిఘాను ఏర్పాటు చేశారు. పోలింగ్‌కేంద్రాల వద్ద 144 సెక్షన్‌ అమలులో ఉంటున్నందున కేంద్రానికి 100 మీటర్ల పరిధిలో ఎవరూ ఉండకూడదని పోలీసులు సూచించారు. పోలింగ్‌ అనంతరం సిబ్బంది బ్యాలెట్‌ బాక్సులను సీజ్‌ చేసి కరీంనగర్‌లోని అంబేడ్కర్‌ ఇండోర్‌ స్టేడియంలో ఏర్పాటు చేసిన స్ట్రాంగ్‌రూంకు తరలిస్తారు. మొత్తం 15 జిల్లాల్లోని 271 మండలాల నుంచి బ్యాలెట్‌ బాక్సులు శుక్రవారం ఉదయంలోపు ఇక్కడికి చేరనున్నాయి. పట్టభద్రుల ఎమ్మెల్సీ బరిలో 56 మంది.. 3,55,159 ఓట్లు పట్టభద్రుల ఎమ్మెల్సీ ఎన్నికల్లో బీజేపీ నుంచి అంజిరెడ్డి, కాంగ్రెస్‌ నుంచి నరేందర్‌రెడ్డి, బీఎస్పీ నుంచి ప్రసన్న హరికృష్ణతో కలిపి మొత్తం 56మంది పోటీ పడుతున్నారు. 3,55,159 మంది ఓటర్లు 499 పోలింగ్‌ కేంద్రాల్లో తమ ఓటుహక్కును వినియోగించుకోనున్నారు. ఉమ్మడి కరీంనగర్‌ వ్యాప్తంగా 1,60,260 మంది పట్టభద్రులు, 200 పోలింగ్‌ కేంద్రాల్లో ఓటేయనున్నారు. టీచర్స్‌ బరిలో 15 మంది.. 27,088 ఓటర్లు ఉపాధ్యాయ ఎమ్మెల్సీ ఎన్నికల బరిలో బీజేపీ అభ్యర్థి మల్క కొమురయ్య, పీఆర్‌టీయూ అభ్యర్థి వంగ మహేందర్‌రెడ్డి, టీపీటీఎఫ్‌, యూటీఎఫ్‌, యూఎస్‌పీసీ మద్దతుతో వై.అశోక్‌కుమార్‌, ఎస్‌టీయూ, సీపీఎస్‌ల నుంచి కూర రఘోత్తంరెడ్డిలతో కలిపి 15 మంది ఉన్నారు. 274 పోలింగ్‌ కేంద్రాల్లో 27,088 మంది ఓటు వేయనున్నారు. ఉమ్మడి కరీంనగర్‌లో 8,135 మంది 65 పోలింగ్‌ కేంద్రాల్లో ఓటుహక్కు వినియోగించుకోనున్నారు.

● సరైన నాయకుడిని ఎన్నుకుందాం ● సిద్ధమంటున్న పట్టభద్రులు, ఉపాధ్యాయులు ● నేటి ఎమ్మెల్సీ ఎన్నికలకు సిద్ధంసప్తగిరికాలనీ(కరీంనగర్‌): సమాజంలో మార్పు తీసుకొచ్చే సత్తా యువతకే ఉంటుంది. యువతను సన్మార్గంలో నడిపించే శక్తి ఉపాధ్యాయులకు ఉంటుంది. యువత, ఉపాధ్యాయులు కలిసి ఓటుహక్కు అనే బ్రహ్మాస్త్రాన్ని సక్రమంగా వినియోగించుకుంటే.. ఒక నికార్సయిన ప్రజాప్రతినిధిని ఎన్నుకునే అవకాశం ఉంటుంది. పెద్దల సభలో పట్టభద్రులు, ఉపాధ్యాయుల సమస్యలపై గళమెత్తే గొంతును కూర్చోబెట్టే సమయం వచ్చింది. ఈ నెల 27న(నేడు) కరీంనగర్‌, మెదక్‌, నిజామాబాద్‌, ఆదిలాబాద్‌ జిల్లాల పట్టభద్రుల, ఉపాధ్యాయుల ఎమ్మెల్సీ ఎన్నికలు జరుగనున్నాయి. గతంలో ఎన్నడూ లేనంతగా ఈసారి జరుగనున్న పట్టభద్రుల ఎమ్మెల్సీకి 3.5లక్షలకు పైగా, ఉపాధ్యాయ ఎమ్మెల్సీకి సుమారు 27వేల మందికి పైగా ఓటుహక్కు నమోదు చేసుకున్నారు. ఓటరుగా నమోదు చేసుకోవడమే కాదు.. నేడు జరిగే ఓటింగ్‌లో పాల్గొని.. ప్రలోభాలకు లొంగకుండా మంచి అభ్యర్థులను ఎన్నుకునేందుకు సమాయత్తం కావాలి. ఈ క్రమంలో పదండి ఓటేద్దాం.. ఎమ్మెల్సీ ఎన్నికల్లో సత్తాచాటుదాం అంటున్నారు.. పలువురు పట్టభద్రులు.. ప్రయివేటు ఉపాధ్యాయులు.!!

ఓదెల(పెద్దపల్లి): హఠాత్తుగా గుండెపోటుకు గురైన భక్తుడికి సీపీఆర్‌ చేసి ప్రాణాలు కాపాడారు ఎస్సై రమేశ్‌. పెద్దపల్లి జిల్లా ఓదెల శ్రీమల్లికార్జునస్వామి సన్నిధిలో బుధవారం ఈ ఘటన చోటుచేసుకుంది. వివరాలు.. కరీంనగర్‌ జిల్లా వీణవంక మండలం చల్లూరు గ్రామానికి చెందిన భక్తుడు ఒరుసు శ్రీనివాస్‌ మహాశివరాత్రి సందర్భంగా బుధవారం ఓదెల శ్రీమల్లికార్జునస్వామి దర్శనం కోసం తరలివచ్చాడు. స్వామివారి దర్శనం చేసుకుంటుండగా హఠాత్తుగా గుండెపోటుకు గురై కుప్పకూలిపోయాడు. అక్కడే విధులు నిర్వర్తిస్తున్న పొత్కపల్లి ఎస్సై దికొండ రమేశ్‌ వెంటనే సీపీఆర్‌ చేశారు. దీతో భక్తుడు స్పృహలోకి రావడంతో ఓ వాహనంలో స్థానిక ఆస్పత్రికి తరలించారు. అక్కడ ప్రాథమిక చికిత్స చేసి కరీంనగర్‌లోని ఆస్పత్రికి తరలించారు. పండుగపూట తమ కుమారుడు ఆపదకు గురైతే.. ఎస్సై దేవుడిలా ప్రాణాలు కాపాడారని శ్రీనివాస్‌ కుటుంబసభ్యులు కృతజ్ఞతలు తెలిపారు. ఎస్సైని పలువురు భక్తులు, స్థానికులు అభినందించారు.

● సరైన నాయకుడిని ఎన్నుకుందాం ● సిద్ధమంటున్న పట్టభద్రులు, ఉపాధ్యాయులు ● నేటి ఎమ్మెల్సీ ఎన్నికలకు సిద్ధంసప్తగిరికాలనీ(కరీంనగర్‌): సమాజంలో మార్పు తీసుకొచ్చే సత్తా యువతకే ఉంటుంది. యువతను సన్మార్గంలో నడిపించే శక్తి ఉపాధ్యాయులకు ఉంటుంది. యువత, ఉపాధ్యాయులు కలిసి ఓటుహక్కు అనే బ్రహ్మాస్త్రాన్ని సక్రమంగా వినియోగించుకుంటే.. ఒక నికార్సయిన ప్రజాప్రతినిధిని ఎన్నుకునే అవకాశం ఉంటుంది. పెద్దల సభలో పట్టభద్రులు, ఉపాధ్యాయుల సమస్యలపై గళమెత్తే గొంతును కూర్చోబెట్టే సమయం వచ్చింది. ఈ నెల 27న(నేడు) కరీంనగర్‌, మెదక్‌, నిజామాబాద్‌, ఆదిలాబాద్‌ జిల్లాల పట్టభద్రుల, ఉపాధ్యాయుల ఎమ్మెల్సీ ఎన్నికలు జరుగనున్నాయి. గతంలో ఎన్నడూ లేనంతగా ఈసారి జరుగనున్న పట్టభద్రుల ఎమ్మెల్సీకి 3.5లక్షలకు పైగా, ఉపాధ్యాయ ఎమ్మెల్సీకి సుమారు 27వేల మందికి పైగా ఓటుహక్కు నమోదు చేసుకున్నారు. ఓటరుగా నమోదు చేసుకోవడమే కాదు.. నేడు జరిగే ఓటింగ్‌లో పాల్గొని.. ప్రలోభాలకు లొంగకుండా మంచి అభ్యర్థులను ఎన్నుకునేందుకు సమాయత్తం కావాలి. ఈ క్రమంలో పదండి ఓటేద్దాం.. ఎమ్మెల్సీ ఎన్నికల్లో సత్తాచాటుదాం అంటున్నారు.. పలువురు పట్టభద్రులు.. ప్రయివేటు ఉపాధ్యాయులు.!!

చందుర్తి(వేములవాడ): చందుర్తి మండల కేంద్రంతోపాటు తిమ్మాపూర్‌కు చెందిన ఐదుగురిపై బుధవారం పిచ్చికుక్కలు దాడి చేశాయి. తిమ్మాపూర్‌కు చెందిన ఎడ్ల సత్తయ్య(52), చందుర్తికి చెందిన పవన్‌సాయి(11), రోషణ్‌(7), దీక్షిత(5), దాసరి అమృత(65)లపై దాడి చేసి తీవ్రంగా గాయపర్చాయి. వీరికి చందుర్తి పీహెచ్‌సీలో చికిత్స చేసి వేములవాడ ఆస్పత్రికి తరలించారు. సీతారాంపూర్‌ గ్రామంలో నలుగురికి.. చిగురుమామిడి: చిగురుమామిడి మండలం సీతారాంపూర్‌ గ్రామంలో పిచ్చికుక్కదాడిలో నలుగురు గాయపడ్డారు. మంగళవారం రాత్రి రోడ్డు వెంట వెళ్తున్న హన్మాండ్ల జయ్‌పాల్‌రెడ్డి, నారాయణపురం భాగ్య, ముసాపురి శ్రీనివాస్‌, బొట్ల శిరీష, బొట్ల చంద్రయ్యలపై పిచ్చికుక్క దాడిచేసింది. నారాయణపురం సమ్మయ్య, చామకూర ప్రకాశ్‌రెడ్డికి చెందిన పశువులపై దాడి చేసింది. బాధితులు బుధవారం చిగురుమామిడి ప్రాథమిక ఆరోగ్యకేంద్రానికి వెళ్లి చికిత్స చేయించుకున్నారు.

కోరుట్ల రూరల్‌: మండలంలోని చిన్నమెట్‌పల్లికి చెందిన మోత్కూరి సంజయ్‌(19) ఆత్మహత్య చేసుకున్నాడు. పోలీసుల కథనం ప్రకారం.. మోత్కూరి వెంకటేశం–లత దంపతులకు ఇద్దరు కుమారులున్నారు. చిన్న కొడుకు సంజయ్‌ కల్లూర్‌ మోడల్‌ స్కూల్లో ఇంటర్‌ చదివాడు. గతేడాది జరిగిన ద్వితీయ సంవత్సరం పరీక్షల్లో ఫెయిలయ్యాడు. అప్పటినుంచి మనోవేదనకు గురవుతున్నాడు. అయితే, ఈసారి కూడా ఫెయిలవుతానేమోనని భయపడ్డాడు. బుధవారం శివరాత్రి కావడంతో తల్లిదండ్రులు గుడికి బయలుదేరారు. వారికి తాను తర్వాత వస్తానని చెప్పి, ఇంట్లోనే ఉరేసుకున్నాడు. సంఘటన స్థలాన్ని పోలీసులు పరిశీలించారు. మృతుడి తండ్రి వెంకటేశ్‌ ఫిర్యాదు మేరకు కేసు దర్యాప్తు చేస్తున్నట్లు పేర్కొన్నారు. ఇంటర్‌ విద్యార్థి ఆత్మహత్య శివరాత్రి రోజు చిన్నమెట్‌పల్లిలో విషాదం

నిత్యం ప్రజలకు అందుబాటులో ఉంటూ ప్రజల సమస్యలను తన సమస్యలుగా భావించే నిస్వార్థపరులను ఈ ఎన్నికల్లో ఎన్నుకోవాలి. స్వార్థం లేకుండా అభివృద్ధి ధ్యేయంగా పనిచేసే వారిని గెలిపించండి. గెలిచిన అభ్యర్థులు తాను ఇచ్చిన హామీలు నెరవేర్చే నాయకులను ఎన్నుకోండి. – ఆమని మాట తప్పనివారికి ఎన్నికల సమయంలో ఇచ్చిన హామీలకు కట్టుబడి వాటిని అమలు చేసే విషయంలో మాట తప్పని వారికి ఓటు వేయాలి. ఓట్ల కోసం అమలు చేయలేని హామీలను గుప్పిస్తున్న వారికి ఓటువేసే ముందు నేటి యువత ఆలోచించాలి. అభివృద్ధికి, సంక్షేమానికి ప్రాధాన్యత ఇచ్చిన వారిని ఎన్నుకోవాలి. – టి.కార్తీక్‌

పట్టభద్రుల, ఉపాధ్యాయుల సమస్యలను పరిష్కరించేవారికే ఓటేయండి. ఎన్నికల్లో గెలిచిన అభ్యర్థులు అందుబాటులో ఉంటూ సమస్యలను తెలుసుకుంటూ పరిష్కారానికి కృషి చేస్తారో వారిని ఎన్నుకోండి. ఓటును నోటుతో కొనాలన్నది నేటి రాజకీయం. ఓటు వజ్రాయుధం, నోటుకు ఆశపడకుండా ఓటేయాలి. – పి.మాధురి ఓటుతో బుద్ధి చెప్పాలి నిస్వార్థంతో పనిచేసే వ్యక్తికే ఓటేయ్యాలి. తన కుటుంబం, బంధుప్రీతి అనే భావన ఉండకూడదు. పట్టభద్రులంతా తన కుటుంబంగానే భావించాలి. పదవులు పొందే అవకాశం వచ్చిందని, పట్టభద్రుల బాగోగులు పట్టించుకోకుండా ధనార్జనే ధ్యేయంగా స్వార్థంతో పనిచేసే వారికి ఓటుతో బుద్ధి చెప్పాలి. – బత్తిని వేణు

● పల్లెల్లో కిష్కిందకాండ ● గూనపెంకలను పీకి పడేస్తున్న కోతులు ● వానరమంద దాడులతో పలువురికి గాయాలు ● మంకీఫుడ్‌ కోర్టు నిర్వహణపై నిర్లక్ష్యంఎల్లారెడ్డిపేట(సిరిసిల్ల): గూనపెంకులు పగులుతున్నాయి. జామచెట్లు, కొబ్బరిచెట్లు విరిగిపోతున్నాయి. అడ్డుగా పోతే మీదికొచ్చి దాడులు చేస్తున్నాయి. ఏమాత్రం ఏమరపాటుగా ఉన్నా ఇల్లు గుల్లచేస్తున్నాయి. రాజన్నసిరిసిల్ల జిల్లాలోని పల్లెల్లో నిత్యం కోతుల దాడులతో పల్లెజనం భీతిల్లుతున్నారు. వానరసైన్యాన్ని కట్టడి చేయడం తెలియక ఆందోళన చెందుతున్నారు. జిల్లాలో కోతులు సృష్టిస్తున్న కిష్కిందకాండపై స్పెషల్‌ ఫోకస్‌.. సూర్యోదయంతోనే దాడి కోతుల సమస్య జిల్లా వ్యాప్తంగా ఉంది. సూర్యోదయంతోనే ఇళ్లపై దాడిచేస్తున్న కోతులను వెల్లగొట్టేందుకు గ్రామస్తులు ఇబ్బందులు పడుతున్నారు. ఇళ్ల పక్కన పెంచుకున్న కూరగాయల చెట్లను పీకేయడం, జామకాయలు కొరికేయడం, పెంకుటిళ్లపైన గూనపెంకులు తొలగిస్తున్నాయి. పెంకుటిళ్లలో నివసించే వారు రానున్న వర్షాకాలంలో తమ ఇళ్లు ఉంటాయా? వర్షాలకు కూలుతాయోనని భయాందోళన చెందుతున్నారు. ఇప్పటికే కొందరు తమ పాత ఇళ్లను కూలగొట్టి భవంతులు కట్టుకునేందుకు ముగ్గు పోసుకుంటున్నారు. భయాందోళనలో గ్రామస్తులు ఎల్లారెడ్డిపేట, ముస్తాబాద్‌, గంభీరావుపేట, వీర్నపల్లి మండలాల్లో కోతుల దాడిలో పలువురు గాయపడ్డారు. ఎల్లారెడ్డిపేట మండలం రాచర్లబొప్పాపూర్‌లో కోతులు దాడి చేస్తున్నాయనే భయంతో ఓ వృద్ధురాలు పరుగెత్తి ఇంటి ముందు ఉన్న తాగునీటి బావిలో పడే త్రుటిలో ప్రాణాపాయంతో బయటపడింది. మండలంలోని నారాయణపూర్‌, బండలింగంపల్లి, ఎల్లారెడ్డిపేట మండల కేంద్రాల్లో కోతుల దాడుల్లో పలువురు గాయపడ్డారు. స్వచ్ఛందంగా ముందుకొస్తున్న మాజీ ప్రజాప్రతినిధులు రాచర్లబొప్పాపూర్‌ మాజీ సర్పంచ్‌ కొండాపురం బాల్‌రెడ్డి తన సొంత ఖర్చులు రూ.4లక్షలు వెచ్చించి ఈనెలలోనే కోతులను పట్టే వారిని ఏడాదిపాటు కాంట్రాక్ట్‌ కుదుర్చుకున్నారు. గ్రామంలో కోతులు కనిపించకుండా చూసే బాధ్యత వారిదే. వీరు ఏడాదిపాటు గ్రామంలో కోతులు కనిపిస్తే పట్టుకొని అటవీప్రాంతంలో వదిలేస్తుంటారు. దీంతో రాచర్లబొప్పాపూర్‌లో ప్రస్తుతం కోతుల బెడద లేదు. ఈ గ్రామాన్ని స్ఫూర్తిగా తీసుకొని ముస్తాబాద్‌, ఎల్లారెడ్డిపేట మండలాల్లోని పలు గ్రామాల్లో దాతలు డబ్బులు పోగుచేసి కోతులను పట్టించే వారిని తీసుకొస్తున్నారు. ప్రస్తుతం జిల్లాలో కోతుల చేష్టలతో వేగలేక పల్లెజనం కోతులను వెల్లగొట్టేందుకు ఎంతైనా ఖర్చు చేసేందుకు ముందుకొస్తున్నారు. ఇప్పటికే పలు గ్రామాల్లో కోతుల బెడద నివారణకు కొండెంగలను తీసుకొచ్చి గ్రామంలో తింపుతున్నారు. దీంతో పాక్షికంగా వీటి సమస్య పరిష్కారమైనా మళ్లీ మరుసటి రోజే ఇళ్లపై చేరి కిష్కిందకాండ సృష్టిస్తున్నాయి.ఇది ఎల్లారెడ్డిపేట మండలం నారాయణపూర్‌లోని ఇళ్లపై కోతుల మంద. సూర్యోదయానికి ముందే ఎక్కడి నుంచి వస్తున్నాయో తెలియదు కానీ.. హఠాత్తుగా పది నుంచి ఇరువై వరకు కోతుల మంద ఇళ్లపై దాడి చేస్తున్నాయి. గూనపెంకులు పగులగొడుతూ.. ఇళ్లలోకి దూరి నిత్యావసర సరుకులను ఎత్తుకెళ్తున్నాయి. అంతేకాకుండా ఇంటిని చిందరవందర చేస్తున్నాయి. కోతులను ఎల్లగొట్టేందుకే ఇంటిలో ఒకరు ఉదయం కనీసం రెండు గంటలు వెచ్చించాల్సి వస్తోంది. ఎండిపోయిన చెట్లు ఎల్లారెడ్డిపేట మండలం రాచర్లతిమ్మాపూర్‌ పరిధిలోని బాకూర్‌పల్లి తండాలోని మంకీ ఫుడ్‌కోర్టు. గత బీఆర్‌ఎస్‌ ప్రభుత్వ హయాంలో కోతులను ఊళ్లలో నుంచి తరిమేందుకు వీటిని ఏర్పాటు చేశారు. అయితే నిర్వహణ సరిగ్గా లేక చెట్లు ఎండిపోయాయి. ఫలితంగా కోతులకు అటవీ ప్రాంతంలో ఆహారం దొరక్కపోవడంతో గ్రామాలపై దాడులు చేస్తున్నాయి. జిల్లాలోని గతంలో ఏర్పాటు చేసిన మంకీ ఫుడ్‌కోర్టుల్లో చెట్లు ఎండిపోయి, కనీసం పచ్చదనం కూడా కరువైంది. తంగళ్లపల్లి మండలంలోని కస్బెకట్కూర్‌లోని మంకీ ఫుడ్‌కోర్టు వర్షానికి వచ్చిన వరదలకు కొట్టుకుపోయి ఆనవాళ్లు కూడా లేవు. ఇబ్బంది చూడలేక.. గ్రామంలో కోతులు సృష్టిస్తున్న ఇబ్బందులు అనేకం ఉన్నాయి. గ్రామస్తులు నిత్యం పడుతున్న కష్టాలను చూడలేక నేనే సొంతంగా రూ.4లక్షలు ఖర్చు చేసి కోతులను పట్టేవారిని మాట్లాడిన. ఏడాదిపాటు గ్రామంలో కోతులు పట్టే బాధ్యత వారికి అప్పగించిన. అప్పటి నుంచి మా ఊరిలో కోతుల బెడద తగ్గింది. – కొండాపురం బాల్‌రెడ్డి, రాచర్లబొప్పాపూర్‌ మాజీ సర్పంచ్‌ప్రభుత్వ ఆదేశాలు ఏమి లేవు కోతుల నివారణ చర్యలపై ప్రభుత్వం నుంచి ఎలాంటి ఆదేశాలు లేవు. మండలంలోని చాలా గ్రామాల్లో గ్రామస్తులే స్వచ్ఛందంగా ముందుకొచ్చి కోతులను పట్టే వారిని మాట్లాడుకుంటున్నారు. పల్లెల్లో కోతుల సమస్య ఉన్నట్లు మా దృష్టికి వచ్చింది. కొన్ని గ్రామాల్లో కొండెంగలను కొనుగోలు చేసి కోతులను తరుముతున్నారు. – సత్తయ్య, ఎంపీడీవో, ఎల్లారెడ్డిపేట

నేను ప్రైవేటు ఉపాధ్యాయుడిని. టీచర్స్‌ ఎమ్మెల్సీ ఎన్నికల్లో తొలిసారి ఓటేయబోతున్నా. చాలా సంతోషంగా ఉంది. రోజు చాలా వాయిస్‌కాల్స్‌ వచ్చాయి. అభ్యర్థులు తక్కువ సంఖ్యలో ఉన్నారు. ప్రైవేటు ఉపాధ్యాయుల సమస్యలు పరిస్కరించే వారికే నా ఓటు. ప్రతీ ఒక్కరు ఓటును వినియోగించుకోవాలి. – నవక్రాంత్‌రెడ్డి గోడు విన్న వారికే తొలిసారి ప్రభుత్వం ప్రైవేటు ఉపాధ్యాయులకు, అధ్యాపకులకు ఓటుహక్కు కల్పించింది. మా గోడు చెప్పుకునే అవకాశం దక్కింది. ఇన్ని సంవత్సరాలు మమ్ముల్ని ఎవరూ పట్టించుకోలేదు. చాలీచాలనీ జీతాలతో నానా తంటాలు పడుతున్న మాకు దారి చూపించే వారికే నా ఓటు. – వి.తిరుపతిరావు అవగాహన ఉన్నవారికి ఈ సారి ఎమ్మెల్సీ ఎన్నికల్లో తీవ్రమైన పోటీ నెలకొంది. బరిలో ఉన్న అభ్యర్థి ఎవరైనా.. పట్టభద్రుల ఎమ్మెల్సీ నియోజకవర్గంపై పూర్తిస్థాయిలో అవగాహన ఉన్న వారికి ఓటేయ్యాలి. నిత్యం అందుబాటులో ఉంటూ.. సమస్యలు పరిష్కరించేవారిని ఎన్నుకోవాలి. ప్రజలతో మమేకమైనవారికే నా ఓటు. – డి. శ్రీనివాస్‌ సమస్యలపై స్పందించే వారికే సమస్యలపై స్పందించి, పరిష్కరించే వారికే నా ఓటు. గెలిచిన అభ్యర్థులు ప్రజలకు అందుబాటులో ఉంటూ వారి సమస్యలను పరిష్కరించాలి. ఓటును నోటుతో కొనాలన్నది నేటి రాజకీయం. మన ఓటు వజ్రాయుధం లాంటిది. నోటుకు ఆశపడకుండా ఓటు వేసే విధంగా సిద్ధం కండి. – అనూప్‌ కుమార్‌

గన్నేరువరం: మండలంలోని జంగపల్లి గ్రామానికి చెందిన ముత్యం ధర్మయ్యగౌడ్‌(59) ప్రమాదవశాత్తు తాడిచెట్టు నుంచి పడి మృతి చెందాడు. ఎస్సై తాండ్ర నరేశ్‌ వివరాల ప్రకారం.. ధర్మయ్యగౌడ్‌ కొత్త తాటిచెట్లను కల్లు కోసం సిద్ధం చేసేందుకు జంగపల్లి– పీచుపల్లి గ్రామాల మధ్య ఉన్న తాటివనానికి వెళ్లాడు. తాటిచెట్టు సగం వరకు ఎక్కగా.. ప్రమాదవశాత్తు జారి కిందపడి మృతి చెందాడు. భార్య విజయ ఫిర్యాదుతో కేసు నమోదు చేశారు. రోడ్డు ప్రమాదంలో వ్యక్తి..కమాన్‌పూర్‌(మంథని): జూలపల్లి గ్రామంలో మంగళవారం రాత్రి జరిగిన రోడ్డు ప్రమాదంలో అదే గ్రామానికి చెందిన బొడ్డుపల్లి రాజమల్లు(51) మృతి చెందాడు. రాజమల్లు సైకిల్‌పై ఇసీ్త్ర చేసిన దుస్తువులను యజమానికి ఇవ్వడానికి వెళ్తుండగా మూలమలుపు వద్ద ఎదురుగా వచ్చిన టాటాఏస్‌ ట్రాలీ ఢీకొంది. ఈప్రమాదంలో రాజమల్లుకు తీవ్రగాయాలు కావడంతో కుటుంబ సభ్యులు గోదావరిఖనిలోని ఓ ప్రైవేటు ఆస్పత్రికి తీసుకెళ్లారు. పరిస్థితి విషమించడంతో కరీంనగర్‌లోని మరో ఆస్పత్రికి తీసుకెళ్లగా అప్పటికే మృతి చెందాడని వైద్యులు నిర్ధారించారు. మృతుడి కుమారుడు బొడ్డుపల్లి పూర్ణచందర్‌ ఇచ్చిన ఫిర్యాదు మేరకు ఎస్సై ప్రసాద్‌ కేసు నమోదు చేసుకున్నారు. అనుమానాస్పద స్థితిలో వ్యక్తి..సిరిసిల్లక్రైం: సిరిసిల్ల పట్టణంలోని విజయలక్ష్మి పారాబాయిల్డ్‌ రైస్‌మిల్లు వెనుక భాగంలో గుర్తుతెలియని వ్యక్తి(36) మృతిచెంది ఉన్నాడు. సిరిసిల్ల టౌన్‌ సీఐ కృష్ణ తెలిపిన వివరాలు. రైస్‌మిల్లు వెనుకభాగంలో మృతదేహాన్ని గమనించిన స్థానికులు సమాచారం ఇచ్చినట్లు తెలిపారు. సంఘటన స్థలంలో పరిశీలించగా హత్య చేసినట్లుగా అనుమానాలు ఉన్నాయని పేర్కొన్నారు. తలపై బలంగా బాధడంతోనే మృతిచెందినట్లు పోలీసులు అంచనాకు వచ్చినట్లు సమాచారం. మృతుడి వివరాలు తెలియలేదన్నారు. మహిళ మెడలోంచి పుస్తెలతాడు చోరీవేములవాడఅర్బన్‌: రాజన్న దర్శనానికి కాలినడకన వస్తున్న భక్తురాలి మెడలోంచి పుస్తెలతాడును గుర్తు తెలియని వ్యక్తి లాక్కెళ్లాడు. వివరాలు వేములవాడటౌన్‌ సీఐ వీరప్రసాద్‌ తెలిపారు. సిరిసిల్ల శివారులోని చంద్రపేటకు చెందిన మంజుల రాజన్న దర్శనానికి మంగళవారం రాత్రి కాలినడకన నడుచుకుంటూ వస్తోంది. వేములవాడ–సిరిసిల్ల ప్రధాన రహదారిలోని గుర్రవానిపల్లి, నందికమాన్‌ మధ్యలో గుర్తుతెలియని వ్యక్తి ఆమె మెడలోంచి మూడున్నర తులాల బంగారు పుస్తెలతాడు లాక్కెళ్లాడు. బాధితురాలి ఫిర్యాదుతో కేసు నమోదు చేసి దర్యాప్తు చేస్తున్నారు. ద్విచక్ర వాహనం చోరీ జగిత్యాలక్రైం: జగిత్యాల పట్టణ శివారులోని బుడిగజంగాలకాలనీలో మంగళవారం రాత్రి గుర్తుతెలియని దొంగలు ద్విచక్ర వాహనాన్ని ఎత్తుకెళ్లారు. ట్రాలీ ఆటోలో వచ్చి అపహరించారు. బాధితుడి ఫిర్యాదు మేరకు కేసు నమోదు చేసినట్లు పట్టణ పోలీసులు తెలిపారు.

కరీంనగర్‌స్పోర్ట్స్‌: సికింద్రాబాద్‌ జింఖానా మైదానంలో మాస్టర్‌ గేమ్స్‌ ఫెడరేషన్‌ ఆధ్వర్యంలో బుధవారం జరిగిన రాష్ట్రస్థాయి మాస్టర్‌ అథ్లెటిక్స్‌ చాంపియన్‌షిప్‌ పోటీల్లో కరీంనగర్‌ జిల్లాకు చెందిన తల్లీకూతుళళ్లు ప్రతిభ కనబరిచారు. తల్లి మేరీ స్టెల్లా 50 ఏళ్ల పైన వయసు విభాగంలో జావెలీన్‌ త్రో, షాట్‌పుట్‌ పోటీల్లో బంగారు, 100 మీటర్ల రన్నింగ్‌లో రజత పతకం సాధించింది. కూతురు షీలా స్మృతి 30 ఏళ్ల పైన వయసు విభాగంలో 100 మీటర్ల రన్నింగ్‌లో రజత, 200 మీటర్ల రన్నింగ్‌లో కాంస్య పతకాలు గెలిచింది. తల్లీకూతురు ఏప్రిల్‌లో జరగనున్న జాతీయస్థాయి పోటీలకు ఎంపికయ్యారు. వీరిని సంఘం రాష్ట్ర కార్యదర్శి రామారావు, రుబేన్‌ మార్క్‌, సుధీర్‌, దేవదానం, డేనియల్‌, సుదర్శన్‌, జాన్సన్‌ తదితరులు అభినందించారు.

కరీంనగర్‌రూరల్‌: కేంద్ర, రాష్ట్ర ప్రభుత్వాలు ప్రజారోగ్యం, పారిశుధ్యానికి ప్రాధాన్యమిస్తూ.. ఇంటింటికి మరుగుదొడ్లు మంజూరు చేస్తున్నాయి. గతంలో కేంద్ర ప్రభుత్వం స్వచ్ఛభారత్‌ మిషన్‌ ద్వారా ఎంపిక చేసిన గ్రామాల్లో మరుగుదొడ్ల నిర్మాణాన్ని చేపట్టింది. మూడేళ్ల క్రితం ప్రతీ గ్రామంలో మరుగుదొడ్లు నిర్మించి బహిరంగ మలవిసర్జన రహిత(ఓడీఎఫ్‌)గ్రామాలుగా ప్రకటించింది. అనంతరం వ్యక్తిగత మరుగుదొడ్ల మంజూరు నిలిచిపోయింది. గ్రామాల్లో కుటుంబాలతోపాటు గృహ నిర్మాణాల సంఖ్య పెరిగిపోయాయి. మరుగుదొడ్లు లేకపోవడంతో సమస్య మళ్లీ రావడంతో అధికారులు స్వచ్ఛభారత్‌ మిషన్‌లో తిరిగి గ్రామాల్లో మరుగుదొడ్ల నిర్మాణాలను చేపట్టారు. జిల్లాకు మొదటి విడతలో 100 మంజూరు స్వచ్ఛభారత్‌ మిషన్‌ పథకంలో భాగంగా జిల్లాలోని 15 మండలాల్లోని గ్రామాలకు మొదటి విడతగా 100 మరుగుదొడ్లను మంజూరు చేశారు. ఆయా గ్రామాల్లో సగానికిపైగా నిర్మాణాలు పూర్తయ్యాయి. మరుగుదొడ్డి నిర్మించినట్లయితే రెండు విడతలో లబ్ధిదారులకు రూ.12వేలు మంజూరు చేస్తారు. ప్రస్తుతం పట్టభద్రులు, టీచర్‌ ఎమ్మెల్సీ ఎన్నికల కోడ్‌తో రెండో విడత మరుగుదొడ్లు మంజూరు కాలేదు. కోడ్‌ ముగిసిన అనంతరం మరుగుదొడ్లు మంజూరవుతాయని స్వచ్ఛభారత్‌ మిషన్‌ అధికారులు పేర్కొంటున్నారు. మరుగుదొడ్లు లేనివాళ్లు దరఖాస్తు చేసుకోవాలని సూచించారు. మంజూరు ఇలా కొత్తగా ఇండ్లు నిర్మించుకున్న వాళ్లు వ్యక్తిగత మరుగుదొడ్డి కోసం సంబంధిత గ్రామ పంచాయతీ కార్యదర్శికి దరఖాస్తు చేసుకోవాల్సి ఉంటుంది. దరఖాస్తులను గ్రామసభల్లో చదివిన అనంతరం అర్హులను ఎంపిక చేసి తీర్మాణం చేసి మండల పరిషత్తు కార్యాలయంలో అందిస్తారు. ఎంపీడీవో ద్వారా జిల్లా గ్రామీణాభివృద్ధి సంస్ధకు చేరిన అనంతరం ఆన్‌లైన్‌ నమోదు చేస్తారు. పరిశీలన అనంతరం వ్యక్తిగత మరుగుదొడ్లను మంజూరు చేస్తారు. వ్యక్తిగత మరుగుదొడ్లు మంజూరు జిల్లాకు మొదటి విడతలో 100 యూనిట్లు

సాక్షిప్రతినిధి,కరీంనగర్‌: విధినిర్వహణలో ముక్కుసూటిగా వ్యహరించే రాజన్నసిరిసిల్ల జిల్లా కలెక్టర్‌ సందీప్‌కుమార్‌ ఝా కొన్నిరోజులుగా వార్తల్లో వ్యక్తిగా నిలుస్తున్నారు. భూకబ్జాలు, అనుమతిలేని వాణిజ్య సముదాయాలు, వ్యాపారాలపై ఉక్కుపాదం మోపుతున్నారు. ఇందులో వింతేమీలేదు. అయితే.. బాధితులంతా తాము కేటీఆర్‌ అనుచరులం, బీఆర్‌ఎస్‌ నాయకులం కాబట్టే తమపై కక్షపూరితంగా వ్యవహరిస్తున్నారని ఆరోపిస్తున్నారు. ఇటీవల కేటీఆర్‌ సిరిసిల్లకు వచ్చిన సందర్భంగా కలెక్టర్‌ను సన్నాసి.. ఆయన కాంగ్రెస్‌ పార్టీ కార్యకర్తలా వ్యవహరిస్తున్నాడని వ్యాఖ్యానించారు. అప్పటి నుంచి తమపై కలెక్టర్‌ దాడులు చేయిస్తున్నాడని కేటీఆర్‌ అనుచరులు ఆరోపిస్తుండగా..తనపని తానుచేసుకుంటున్నానే తప్ప.. ఎలాంటి ప్రతీకారాలకు వెళ్లాల్సిన అవసరం లేదని కలెక్టర్‌ సమాధానమిస్తున్నారు. అయితే ఈ వ్యవహారమంతా ఇప్పుడు రాజ కీయరంగు పులుముకుంటోంది. కలెక్టర్‌ సందీప్‌కుమార్‌ఝాపై చర్యలు తీసుకోవాలంటూ తాజాగా బీఆర్‌ఎస్‌ నాయకులు సీఎస్‌ శాంతికుమారిని కలవడంతో వివాదం అందరి దృష్టిని ఆకర్షించింది.కేటీఆర్‌ అనుచరులు ఏమంటున్నారు? టీస్టాల్‌ వద్ద కేటీఆర్‌ బొమ్మ ఉన్న కారణంగా ఈనెల 19న దాన్ని తరలించారు. టీస్టాల్‌ యజమానికి బత్తుల శ్రీనివాస్‌పై ఎన్నికల కోడ్‌ ఉల్లంఘన కేసు పెట్టారు. కేవలం తమనాయకుడి బొమ్మ పెట్టుకున్నాడన్న అక్కసుతో బీదవాడిపై ప్రతాపం చూపించారని కార్యకర్తలు ఆవేదన వ్యక్తం చేశారు. కరీంనగర్‌ డెయిరీకి అనుబంధంగా ఉన్న రాజన్నసిరిసిల్ల జిల్లా అగ్రహారంలోని పాలశీతలీకరణ కేంద్రాన్ని ఇటీవల కలెక్టర్‌ సీజ్‌ చేయించారు. విషయం తెలుసుకున్న పాడిరైతులు ఆందోళనకు దిగారు. డెయిరీ నిర్వాహకులు బీఆర్‌ఎస్‌, కేటీఆర్‌కు మద్దతుదారులన్న కారణంతోనే సీజ్‌చేశారని ఆరోపించారు. కలెక్టర్‌ తీరుపై తంగళ్లపల్లి మండలం జిల్లెల్ల గ్రామానికి చెందిన అనిల్‌రెడ్డి (గతంలో కేఏపాల్‌ మీద దాడిచేసిన వ్యక్తి) సందీప్‌కుమార్‌ ఝా మీద కేసులున్నాయని సోషల్‌ మీడియాలో అభ్యంతరకర పోస్టులు పెట్టాడు. అతను పోలీసులకు చిక్కకపోవడంతో అతని చిన్నాన్న అబ్బాడి రాజిరెడ్డి 30 గుంటల స్థలం కబ్జాచేశాడని పోలీసులు అరెస్టు చేశారు. రాజిరెడ్డి మూగవాడన్న కనికరం లేకుండా పట్టుకుపోయారని ఆవేదన వ్యక్తం చేశారు. 2008 డీఎస్సీ ఉపాధ్యాయుల నియామకాల్లో నిబంధనలకు తూట్లు పొడిచారు. కౌన్సెలింగ్‌ లేకుండానే కలెక్టర్‌ అపాయింట్మెంట్‌ ఆర్డర్స్‌ ఇచ్చాడు. నిబంధలనకు విరుద్ధమని చెప్పిన డీఈవోను కలెక్టర్‌ బెదిరించారు. ఉంటే ఉండు లేకుంటే లీవులో వెళ్లంటూ హెచ్చరించారు.ఆరోపణలపై కలెక్టర్‌ ఏమన్నారంటే.. సిరిసిల్లలో పబ్లిక్‌ ప్రాంతాన్ని టీస్టాల్‌ యజమాని ఆక్రమించి నడుపుతున్నాడు. పైగాఅతనికి ఎలాంటి ట్రేడ్‌ లైసెన్స్‌ లేదు. అతను ఎన్నికల నియమావళి ఉల్లంఘించాడని కలెక్టర్‌ సందీప్‌కుమార్‌ ఝా తెలిపారు. కరీంనగర్‌ డెయిరీకి అనుబంధంగా ఉన్న అగ్రహారం డెయిరీ లైసెన్స్‌ లేకుండా నడుస్తోంది. దా నికి ఫైర్‌ సేఫ్టీ లైసెన్స్‌, ల్యాండ్‌ కన్వర్షన్‌, బిల్డింగ్‌ పర్మిషన్‌, పర్యావరణ అనుమతులు లేవు. తంగళ్లపల్లి మండలం జిల్లెల్ల గ్రామంలో సర్వే నెంబరు 1,183లోని స్థలాన్ని రాజిరెడ్డికి ప్రభుత్వం అసైన్‌ చేయలేదు. 2018లో ప్రభుత్వ రికార్డులను ట్యాంపరింగ్‌ చేసి తనపేరిట మార్చుకున్నాడు. ఇది అవినీతి వ్యవహారం. వాస్తవానికి జగన్మోహన్‌రెడ్డి విధులపై అంకితభావం లేదు. నాకు తెలియకుండా డీఈవో ఆర్డర్స్‌ ఇచ్చారు. అదేంటని అడిగితే.. పైనుంచి ఆర్డర్స్‌ ఉన్నాయని సమాధానమిచ్చాడు. జిల్లా సర్వశిక్షాభియాన్‌ చైర్మన్‌గా నేను ఉండగా.. వ్యక్తిగత ఎజెండాతో పనిచేయడం, పైగా ఆ ఆదేశాలు నేను ఇచ్చానని ప్రచారం చేయడం ఎంతమేరకు సమంజసం?నిజాయితీకి దక్కిన బహుమానంనేను ఎవరినీ టార్గెట్‌ చేయలేదు. నాకెలాంటి రాజకీయ కక్షలేదు. అందరూ సమానమే. నాపని నేను చేసుకుంటూ పోతున్న. అవినీతి, అక్రమార్కుల విషయంలో అధికారులు కూడా వారిపని వారు చేసుకుంటూ పోతున్నారు. ఇంతకాలం వారికి ఎలాంటి ఆటంకాలు కలగలేదు. కానీ.. మేము అక్రమాలపై చర్యలు తీసుకుంటుంటే కొందరు దుబాయ్‌ వేదికగా సోషల్‌ మీడియాలో వ్యక్తిత్వ హననానికి పాల్పడుతున్నారు. ఇది నా నిజాయతీకి దక్కిన బహుమానం.– సందీప్‌కుమార్‌ ఝా,కలెక్టర్‌, రాజన్న సిరిసిల్ల

సుల్తానాబాద్‌రూరల్‌(పెద్దపల్లి): ప్రేమిస్తున్నాని ఓ బాలికను వేధిస్తున్న మియ్యాపూర్‌ గ్రామానికి చెందిన గోషిక కుమార్‌(23)కు ఫాస్ట్‌ట్రాక్‌ స్పెషల్‌ కోర్టు జడ్జి, సెషన్స్‌ జడ్జి శ్రీనివాస్‌రావు మంగళవారం 30 రోజుల జైలు శిక్షతో పాటు రూ.వెయ్యి జరిమానా విధించినట్లు ఎస్సై శ్రావణ్‌కుమార్‌ తెలిపారు. ఆయన కథనం ప్రకారం.. 2019 నవంబర్‌ 20న ఓ బాలికలను ప్రేమిస్తున్నా, తననూ ప్రేమించాలని, ఆ తర్వాత పెళ్లి చేసుకుంటాని వేధించాడు. తనను ప్రేమించకుంటే చంపుతానని బెదిరించాడు. దీంతో బాధితురాలి తండ్రి పోలీసుస్టేషన్‌లో ఫిర్యాదు చేశారు. విచారణ జరిపిన పోలీసులు కోర్టులో సాక్ష్యాధారాలు సమర్పించారు. వాదనలు విన్నంతరం నేరం రుజువు కావడంతో నిందితుడికి జైలు శిక్ష, జరిమానా విధించారు. మంథనిలో బోర్డు తిప్పేసిన నగల వ్యాపారి?మంథని: పట్టణంలోని ఓ నగల దుకాణదారు బోర్డు తిప్పేసి పరారైనట్లు చర్చ జోరుగా సాగుతోంది. దుకాణానికి తాళం వేసి కుటుంబం మొత్తం నాలుగు రోజులుగా కనిపించకుండా పోయిందని సమాచారం. వారి మొబైల్‌ఫోన్లు స్విచ్‌ ఆఫ్‌ చేసుకున్నట్లు తెలిసింది. దుకాణం తెరవకపపోవడం, ఫోన్లు పనిచేయకపోవడంతో వినియోగదారులు లబోదిబోమంటున్నారు. తమకు కుచ్చుటోపీ పెట్టి ఉడాయించారా? లేదా ఏదేవి అవసరం నిమిత్తం వెళ్లారా? అనేది తెలియాల్సి ఉంది. వివాహాలకు సంబంధించి ఆవభరణాల కోసం చాలా మంది దుకాణాదారుకు బంగారం ఇచ్చినట్లు తెలిసింది. అదేవిధంగా స్థానికుల వద్ద పెద్ద మొత్తంలో డబ్బు అప్పుగా తీసుకున్నట్లు సమాచారం. దుకాణాదారు పరారు కావడంతో వారంతా ఆందోళన చెందుతున్నారు. రోడ్డు ప్రమాదంలో వృద్ధుడి దుర్మరణంకోరుట్లరూరల్‌: మాదాపూర్‌కు చెందిన ముక్కెరాల చంద్రయ్య (70) మంగళవారం రోడ్డు ప్రమాదంలో మృతిచెందాడు. చంద్ర య్య సైకిల్‌పై వెంకటాపూ ర్‌ వెళ్లి తిరిగి మాదాపూర్‌ వస్తున్నాడు. అదే గ్రామానికి చెందిన అంజూ ట్రాక్టర్‌ నడుపుతూ వెంకటాపూర్‌ వైపు వెళ్తున్నాడు. కాకతీయ కాలువ డీ–40 మూలమలుపు వద్ద చంద్రయ్య ట్రాక్టర్‌ను ఢీకొట్టి రోడ్డు కింద పడిపోయాడు. తీవ్రంగా గాయపడిన ఆయన అక్కడికక్కడే మృతి చెందాడు. చంద్రయ్య కుటుంబానికి పరిహారం చెల్లించాలని డిమాండ్‌ చేస్తూ బంధువులు డ్రైవర్‌ అంజి ఇంటి ఎదుట ధర్నాకు దిగారు. స్థానిక నాయకులు సముదాయించి ధర్నాను విరమింప చేశారు. తండ్రి హత్య కేసులో యావజ్జీవం సుల్తానాబాద్‌రూరల్‌(పెద్దపల్లి): పూసాల గ్రా మానికి చెందిన తీగల రాజేశం(40) తన తండ్రి తీగల నర్సయ్యను హత్య చేశాడనే నేరం రుజు వు కావడంతో యావజ్జీవ శిక్షతోపాటు రూ.5 వేల జరిమానా విధిస్తూ ప్రిన్సిపల్‌ జిల్లా, సెస న్స్‌ జడ్జి శ్రీనివాస్‌రావు మంగళవారం తీర్పు ఇచ్చారు. ఎస్సై శ్రావణ్‌కుమార్‌ కథనం ప్రకారం.. జూలపల్లి మండలం కాచాపూర్‌ గ్రామానికి చెందిన నర్సయ్య కుటుంబం పూసాలలో నివాసం ఉంటోంది. రాజేశం 20ఏళ్ల క్రితం హ త్యాయత్నం కేసులో జైలుకు వెళ్లి వచ్చాడు. అ ప్పట్నుంచి తల్లిదండ్రులతోనే కలిసి ఉంటున్నా డు. ఈ క్రమంలో 2023 డిసెంబర్‌ 8న ఉద యం కొనుగోలు సెంటర్లో ధాన్యం అరబెట్టేందుకు పెద్దకొడుకు రాజేశం, చిన్నకోడలును రా వాలని తండ్రి నర్సయ్య పిలిచారు. రాజేశం సైకిల్‌పై అక్కడకు వెళ్లగా.. తాను పనిచేయనని సైకిల్‌పై వెళ్లిపోతున్నాడు. ఈ క్రమంలో తండ్రి సైకిల్‌ తాళం చెవి తీసకున్నాడు. ఆగ్రహించిన రాజేశం బలంగా నెట్టి వేయడంతో తండ్రికింద పడిపోయాడు. ఆ వెంటనే బండరాయితో తల పై మోదాడు. దీంతో నర్సయ్య మృతి చెందా డు. మృతుడి భార్య ఫిర్యాదు మేరకు కేసు నమోదు చేసుకొని విచారణ చేసిన పోలీసులు.. కోర్టులో సాక్ష్యాధారాలు సమర్పించారు. వేటగాళ్లపై అడవిపందుల దాడిచందుర్తి: అడవిపందుల దాడిలో వేటగాళ్లకు తీవ్రగాయాలయిన ఘటన చందుర్తి శివారులోని బోడగుట్ట ప్రాంతంలో మంగళవారం చో టు చేసుకుంది. జోగాపూర్‌ గ్రామానికి చెందిన సంచార జీవనం సాగించేవారితో అడవిపందు ల వేటకు వెళ్లారు. అప్పటికే వారికి పంది చిక్కగా, మరో దానికోసం వేటాడుతుండగా దాడిచేసింది. ఓ వ్యక్తికి తీవ్రగాయాలు కాగా, మరో వ్యక్తికి స్వల్పంగా గాయపడినట్లు సమాచారం.

● తరలివస్తున్న పల్లె భక్తులు ● రాజన్న సన్నిధిలోనే జాగారం ● నేటికీ నాటి సంప్రదాయమే..వేములవాడరూరల్‌: ఏమి లేని వేములవాడలో రాజన్న ఏమి చూసి నిలిచితివయ్యా రాజన్న అంటూ.. పల్లె భక్తులు నెత్తిన ముల్లె, సంకన పిల్లతో గ్రామీణ ప్రాంతాల నుంచి రాజన్న జాతరకు తరలివస్తున్నారు. పేదల పెన్నిధిగా నిరుపేదలకు అండగా పేరున్న బోళాశంకరుని సన్నిధానంలో శివరాత్రి రోజు జాగారం జరుపుకోవడం పల్లె, పట్టణ భక్తులకు ఆనవాయితీ. ఏటా ఎన్ని కష్టాలైనా భరించి రోడ్లపైన స్థలాల మీదనే జాగారం జరుపుకుని మూ డు రోజులు ఉండి తిరుగు ప్రయాణమవుతారు. నిరుపేదలకు ఆరు బయటనే విడిది రాజన్న సన్నిధికి వచ్చే భక్తులలో అత్యధిక శాతం శివరాత్రి రోజు గ్రామీణ ప్రాంత భక్తులు తరలివస్తారు. వీరికి ఎక్కడా ఆలయ వసతిగదులు దొరకవు. ఎక్కడ స్థలం దొరికితే అక్కడే విడిది చేసి జాగారాలు చేసుకుంటారు. ఉదయాన్నే స్వామివారికి నైవేద్యం వండుకుని భోజనం చేసి తిరుగు ప్రయాణం అవుతారు. నేటికీ నాటి సాంప్రదాయమే.. కోరుట్ల, నిజామాబాద్‌, ఆర్మూర్‌, ప్రాంతాల నుంచి వచ్చే భక్తులు రూరల్‌ మండలంలోని పోచెట్టిపల్లి వద్ద ఉన్న ధర్మగుండంలో స్నానాలు చేసి రాజన్న సన్నిధానానికి వస్తారు. కొన్నేళ్లుగా ఆ ప్రాంతం నుంచి ఎడ్ల బండ్లపై వచ్చే భక్తులు అక్కడ స్నానాల అనంతరం రాజన్న దర్శనం చేసుకోవడం ఆనవాయితీ. ఇప్పటికీ కొంత మంది భక్తులు అదే సాంప్రదాయాన్ని పాటిస్తున్నారు.

సిరిసిల్లటౌన్‌: ఓటమి భయంతోనే ఎమ్మెల్సీ ఎన్నికల్లో బీఆర్‌ఎస్‌ పార్టీ అభ్యర్థిని నిలుపలేదని కాంగ్రెస్‌ పార్టీ సిరిసిల్ల నియోజకవర్గం ఇన్‌చార్జి కేకే మహేందర్‌రెడ్డి అన్నారు. మంగళవారం సిరిసిల్లలోని తన నివాసంలో ఏర్పాటు చేసిన విలేకరుల సమావేశంలో మాట్లాడారు. రాష్ట్ర ప్రజలు కేసీఆర్‌ కావాలని కోరుకుంటున్నారని అంటున్న కేటీఆర్‌ ఎమ్మెల్సీ ఎన్నికల్లో అభ్యర్థిని ఎందుకు నిలబెట్టలేదో సమాధానం చెప్పాలని డిమాండ్‌ చేశారు. 27న జరుగనున్న ఎమ్మెల్సీ ఎన్నికల్లో కాంగ్రెస్‌ బలపర్చిన నరేందర్‌రెడ్డిని భారీ మెజార్టీతో గెలిపించాలని కోరారు. ఈ సమావేశంలో జిల్లా గ్రంథాలయ చైర్మన్‌ నాగుల సత్యనారాయణగౌడ్‌, కాంగ్రెస్‌ పట్టణ అధ్యక్షుడు చొప్పదండి ప్రకాశ్‌, సీనియర్‌ నాయకులు గడ్డం నరసయ్య, వెలుము ల స్వరూప, గోనె ఎల్లప్ప, కోడం అమర్నాథ్‌, గుండ్లపల్లి గౌతం, నేరెళ్ల శ్రీకాంత్‌ తదితరులు పాల్గొన్నారు.

జగిత్యాలక్రైం: మోసపూరిత విదేశీ నియామక సంస్థ చేతుల్లో మోసపోయిన కొడిమ్యాల మండలం చెప్యాలకు చెందిన వలస కార్మికుడు కడకుంట్ల శ్రీకాంత్‌ పలువురి సహాయంతో మంగళవారం స్వగ్రామం చేరాడు. శ్రీకాంత్‌ను 40 రోజల క్రితం జగిత్యాలకు చెందిన మ్యాన్‌పవర్‌ కన్సల్టెన్సీ ఎలక్ట్రిషీయన్‌ ఉద్యోగం ఇప్పిస్తామని హామీ ఇచ్చి దుబాయ్‌ పంపించింది. అక్కడికి చేరిన అనంతరం లేబర్‌ ఉద్యోగంలో చేర్పించారు. ఆ పని చేయబోనని శ్రీకాంత్‌ అనడంతో పాస్‌పోర్ట్‌ను స్వాధీనం చేసుకుని 7300 దిరమ్స్‌ (ఇండియా రూ.2లక్షలు) చెల్లించాలని కంపెనీ యాజమాన్యంతోపాటు, కేరళకు చెందిన ఓ ఏజెంట్‌ బెదిరింపులకు పాల్పడ్డారు. దీంతో ఆయన కుటుంబ సభ్యులు టీపీసీసీ ఎన్‌ఆర్‌ఐసెల్‌ కన్వీనర్‌ షేక్‌ చాంద్‌పాషాను ఆశ్రయించారు. ఆయన దుబాయ్‌లోని ఇండియన్‌ ఎంబసీకి సమాచారం అందించారు. స్పందించిన ఎంబసీ వారు కంపెనీ యాజమాన్యాన్ని మందలించడంతో శ్రీకాంత్‌ను స్వగ్రామానికి పంపించేందుకు నిరాకరించారు. దీంతో ఇండియన్‌ ఎంబసీ దుబాయ్‌ ప్రభుత్వాన్ని ఆశ్రయించింది. లేబర్‌ కోర్టు విచారణ జరపగా శ్రీకాంత్‌ కోర్టులో నెగ్గాడు. దీంతో కంపెనీ యాజమాన్యం ఫిర్యాదును కొట్టివేసి అతని పాస్‌పోర్టును శ్రీకాంత్‌కు అప్పగించడంతో మంగళవారం స్వగ్రామానికి చేరుకున్నాడు.

ఇల్లంతకుంట: రంగనాయకసాగర్‌ ప్రాజెక్ట్‌ అనుబంధ ఎల్‌ఎం –6(లెఫ్ట్‌ మైనర్‌) అసంపూర్తి కాలువ పనులు ప్రారంభించకుంటే మార్చి 3వ తేదీన నిరాహార దీక్ష చేస్తామని ప్రభావిత రైతులు హెచ్చరించారు. ఈమేరకు రంగనాయక సాగర్‌ ప్రాజెక్టు డీఈ సీతారాంను కలిసి వినతిపత్రం సమర్పించారు. రంగనాయక సాగర్‌ ప్రాజెక్టు డీఈ సీతారాం.. దాచారం శివారు నుంచి చిన్న లింగాపురం శివారు మధ్య ఒక కిలోమీటర్‌ మేర నిలిచిపోయిన ఎల్‌ఎం – 6 కాలువ పనుల స్థల పరిశీలన కోసం మంగళవారం వచ్చారు. సమాచారం అందుకున్న పెద్ద లింగాపురం, రామాజీపేట, చెక్కుడువానిపల్లి గ్రామాల రైతులు డీఈ వద్దకు వెళ్లారు. కాలువ పనులు ఎందుకు సాగడం లేదని నిలదీశారు. నీళ్లు అందక పంటలు ఎండిపోతున్నాయని ఆవేదన చెందారు. దీంతో ఆర్‌ఐ షఫీయుద్దీన్‌ను వెంటనే కాలువల వద్దకు రావాలని డీఈ ఆదేశించడంతో ఆయన ఘటనా స్థలానికి చేరుకున్నారు. అసంపూర్తి పనులు, భూముల గురించి వివరణ అడిగారు. అయితే, అవి తమ పరిధిలో లేదని ఆర్‌ఐ వివరించారు. అసంపూర్తి పనులతో ఏడుగురు రైతులకు రూ.1.30 కోట్ల చెల్లింపులు ఆగిపోయాయని పెద్దలింగాపురం రైతులు అంటున్నారు. కార్యక్రమంలో రైతులు అమ్ముల అశోక్‌, ఎలవేణి రమేశ్‌, కరికే నవీన్‌, కమటం రవి, జి.మల్లేశం, వీఆర్వో సింగారెడ్డి తదితరులు పాల్గొన్నారు. రంగనాయక సాగర్‌ ప్రాజెక్టు ఎల్‌ఎం– 6 కెనాల్‌ రైతుల హెచ్చరిక

డీఈవోగా జనార్దన్‌ రావుసిరిసిల్ల ఎడ్యుకేషన్‌: జిల్లా విద్యాధికారిగా జనార్దన్‌ రావుకు అదనపు బాధ్యతలు అప్పగిస్తూ రాష్ట్ర విద్యాశాఖ మంగళవారం ఉత్తర్వులు జారీ చేసింది. ఇటీవల డీఈవోగా జిల్లాకు వచ్చిన డైట్‌ లెక్చరర్‌ జగన్మోహన్‌రెడ్డి సెలవుపై వెళ్లడంతో జిల్లా విద్యాధికారి మార్పు జరిగినట్లుగా ఉత్తర్వుల్లో పేర్కొన్నారు. రంజాన్‌ పండుగ ఏర్పాట్లు చేయాలిసిరిసిల్లకల్చరల్‌: ముస్లింలకు పవిత్ర రంజాన్‌ మాసం ప్రారంభమైన నేపథ్యంలో పండుగ ఏర్పాట్లు చేయాలని జిల్లా మైనార్టీ అభివృద్ధి అధికారి ఎంఏ భారతి అన్నారు. మంగళవారం కలెక్టరేట్‌లో ఏర్పాటు చేసిన పీస్‌ కమిటీ సమావేశంలో మాట్లాడారు. మసీద్‌లు, ఈద్గాల పరిసరాలు పరిశుభ్రంగా ఉంచాలని, విద్యుత్‌, నీటి సౌకర్యానికి అంతరాయం లేకుండా చూడాలన్నారు. ట్రాఫిక్‌ సమస్యలు తలెత్తకుండా పోలీసులు తగిన చర్యలు తీసుకోవాలని సూచించారు. సహర్‌, ఇఫ్తార్‌ సమయాల్లో విద్యుత్‌ సరఫరాలో అంతరాయం కలగొద్దన్నారు. సమావేశంలో ఆర్డీవో రాధాబాయి, డీపీవో శేషాద్రి, మున్సిపల్‌ కమిషనర్‌ సమ్మయ్య, వేములవాడ కమిషనర్‌ అన్వేష్‌, పౌరసరఫరాల అధికారి పి.వసంతలక్ష్మి, డీఎస్పీ మురళీకృష్ణ, సెస్‌ అధికారి డి.అరవింద్‌చారి, తహసీల్దార్‌ ఉమారాణి, ముస్లిం మత పెద్దలు, కో ఆప్షన్‌ సభ్యులు పాల్గొన్నారు. జ్యోతినగర్‌(రామగుండం): ఉదయ సాహితీ తె లంగాణ రాష్ట్ర కార్యవర్గాన్ని ఆ సంస్థ అధ్యక్షుడు శ్రీదాస్యం లక్ష్మయ్య ప్రకటించారు. సంస్థ గౌరవ అధ్యక్షుడిగా దాస్యం సేనాధిపతి(కరీంనగర్‌), అ ధ్యక్షుడిగా శ్రీదాస్యం లక్ష్మయ్య(పెద్దపల్లి), ఉపాధ్యక్షులుగా ఎన్‌వీ రఘువీర్‌ ప్రతాప్‌(నల్గొండ), పోరెడ్డి రంగయ్య(ఆలేరు), పల్లేరు వీరాస్వామి(వరంగల్‌), ఎర్రం రాజారెడ్డి(కరీంనగర్‌), శ్రీపెరంబుదూరి లింబగిరి స్వామి(మెట్‌పల్లి), మహి ళా ఉపాధ్యక్షులుగా చీదేళ్ల సీతాలక్ష్మీ(హైదరాబాద్‌), రమాదేవి కులకర్ణి(హైదరాబాద్‌), మద్దెల సరోజన(జగిత్యాల), చిందం సునీత(కరీంనగర్‌), కటుకం కవిత(కోరుట్ల), ప్రధాన కార్యదర్శిగా వురిమళ్ల సునంద, సహాయ కా ర్యదర్శులుగా ఏడెల్లి రాములు(పెద్దపల్లి), గుడ్ల దొన సాయిచంద్రశేఖర్‌(హైదరాబాద్‌), మేరుగు అనురాధ(వరంగల్‌), రాజన్న(కరీంనగర్‌), కోశాధికారిగా వెంకటరమణాచార్యులు(హైదరాబాద్‌)ను నియమించారు.

జగిత్యాలక్రైం: జిల్లాకేంద్రంలోని గాంధీనగర్‌కు చెందిన బాలె తేజస్విని (32) చికిత్స పొందుతూ మంగళవారం మృతిచెందింది. పోలీసుల వివరాలు.. కరీంనగర్‌ జిల్లా రామడుగు మండలం వెదిరకు చెందిన మీసాల కాంతయ్య కూతురు తేజస్వినిని 2020లో గాంధీనగర్‌కు చెందిన బాలె సాయిరాజ్‌కు ఇచ్చి వివాహం చేశారు. వీరికి కూతురు (3) సంతానం. కొద్దికాలంగా తేజస్విని కడుపునొప్పితో బాధపడుతోంది. జనవరి 31న పురుగుల మందుతాగింది. గమనించిన కుటుంబసభ్యులు హైదరాబాద్‌లోని ఓ ప్రైవేటు ఆస్పత్రిలో చేర్పించారు. కొద్దిరోజుల క్రితం కరీంనగర్‌లోని ఓ ఆస్పత్రికి తీసుకొచ్చారు. వైద్యులు ప్రయత్నించినా లాభంలేకపోయింది. మృతురాలి తండ్రి మీసాల కాంతయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పట్టణ ఎస్సై మన్మథరావు తెలిపారు.

ఎల్లారెడ్డిపేట(సిరిసిల్ల): విద్యార్థులు పట్టుదలతో చదివి పరీక్షల్లో ఉత్తమ ఫలితాలు సాధించాలని జిల్లా ఇంటర్మీడియెట్‌ విద్యాధికారి వై.శ్రీనివాస్‌ అన్నారు. ఎల్లారెడ్డిపేట మండలం రాచర్లగొర్లపల్లి గ్రామ శివారులోని రాచర్ల జూనియర్‌ కళాశాలలో మంగళవారం నిర్వహించిన ఫ్రెషర్స్‌ డే వేడుకల్లో ముఖ్య అతిథిగా హాజరై మాట్లాడారు. రానున్న పరీక్షలకు ఇప్పటి నుంచే సంసిద్ధులు కావాలన్నారు. రాష్ట్ర, జిల్లాస్థాయిలో రాణించేందుకు మంచి మార్కులు సాధించాలని సూచించారు. గతేడాది కళాశాల నుంచి రాష్ట్ర, జిల్లా ర్యాంకులు సాధించిన విద్యార్థులు బహుమతులు అందజేశారు. విద్యార్థుల నృత్యాలు అలరించాయి. కళాశాల ప్రిన్సిపాల్‌ శైలజ, చైర్మన్‌ ఐత వెంకటేశ్వర్లు, డైరెక్టర్‌ ఏలూరి రాజయ్య, అధ్యాపకులు, విద్యార్థులు పాల్గొన్నారు. ప్రణాళికతో ఉత్తీర్ణత సాధించాలి కోనరావుపేట: విద్యార్థులు క్రమశిక్షణతో మంచి ఉత్తీర్ణత సాధించాలని జిల్లా ఇంటర్మీడియట్‌ విద్యాధికారి శ్రీనివాస్‌ అన్నారు. కోనరావుపేట ప్రభుత్వ జూనియర్‌ కళాశాలలో మంగళవారం నిర్వహించిన క్రీడా, సాంస్కృతిక దినోత్సవంలో పాల్గొని మాట్లాడారు. వార్షిక ఫలితాల్లో ప్రతిభ కనబర్చి కళాశాలకు గుర్తింపు తీసుకరావాలన్నారు. క్రీడల్లో ప్రతిభ కనబర్చిన విద్యార్థులకు బహుమతులు అందించారు. ప్రిన్సిపాల్‌ కేదారేశ్వర్‌, జిల్లా పరీక్షల కమిటీ సభ్యులు శరత్‌ తదితరులు పాల్గొన్నారు.

సిరిసిల్ల క్రైం/తంగళ్లపల్లి: ఉపాధ్యాయ, పట్టభద్రుల ఎమ్మెల్సీ ఎన్నికల సందర్భంగా ఎలాంటి అవాంఛనీయ సంఘటనలు జరుగకుండా స్వేచ్ఛాయుత వాతావరణంలో ఎన్నికలు జరిగేలా పోలీస్‌శాఖ పటిష్టమైన చర్యలు తీసుకున్నట్లు ఎస్పీ అఖిల్‌ మహాజన్‌ అన్నారు. సిరిసిల్ల, తంగళ్లపల్లి, చందుర్తి పోలీస్‌స్టేషన్ల పరిధిలోని పలు పోలింగ్‌ కేంద్రాలను మంగళవారం తనిఖీ చేసి కేంద్రాల వద్ద తీసుకోవాల్సిన భద్రత చర్యలపై అధికారులకు పలు సూచనలు చేశారు. జిల్లాలో ఏర్పాటు చేసిన 41 పోలింగ్‌ కేంద్రాల్లో 23,347 మంది ఓటర్లు తమ ఓటు హక్కును ప్రశాంత వాతావరణంలో వినియోగించుకునేందుకు 200 మంది పోలీస్‌ సిబ్బందితో పటిష్ట బందోస్తు ఏర్పాట్లు చేశామన్నారు. పర్యవేక్షణలో టౌన్‌ ఇన్‌స్పెక్టర్‌ కృష్ణ, రూరల్‌ సీఐ మొగిలి, చందుర్తి సీఐ వెంకటేశ్వర్లు, సిబ్బంది ఉన్నారు. ● ఎస్పీ అఖిల్‌ మహాజన్‌

● కలెక్టర్‌ సందీప్‌కుమార్‌ ఝాసిరిసిల్లకల్చరల్‌/కోనరావుపేట/చందుర్తి: శాసనమండలి ఎన్నికల పోలింగ్‌ను పకడ్బందీగా నిర్వహించాలని కలెక్టర్‌ సందీప్‌కుమార్‌ ఝా అధికారులను ఆదేశించారు. చందుర్తి, కోనరావుపేట, వేములవాడల్లో ఏర్పాటు చేసిన పోలింగ్‌ కేంద్రాలను మంగళవారం పరిశీలించారు. పోలింగ్‌ సక్రమంగా జరిగేందుకు సౌకర్యాలు కల్పించాలన్నారు. ప్రతీ ఓటర్‌కు ఓటరు స్లిప్‌ అందేలా జాగ్రత్త వహించాలని సూచించారు. ఓటర్లకు క్యూలైన్లు, ఏర్పాటు చేయాలని, వృద్ధులు, దివ్యాంగులు, గర్భిణులు ప్రాధాన్య క్రమంలో ఓటు వేసేలా చర్యలు తీసుకోవాలన్నారు. చివరి ఓటు వినియోగించుకున్నాక బ్యాలెట్‌ బాక్సులను నిబంధనల మేరకు సీల్‌ చేయాలని తెలిపారు. విధుల నిర్వహణలో అలసత్వం లేకుండా ప్రశాంతంగా ఓటింగ్‌ జరిగేలా జాగ్రత్తలు తీసుకోవాలన్నారు. ఆయన వెంట ఆర్డీవో రాజేశ్వర్‌రావు, తహసీల్దార్లు విజయ్‌ ప్రకాశ్‌రావు, మహేశ్‌, సుజాత, ఇతర అధికారులు ఉన్నారు. సామగ్రి పంపిణీ కేంద్రం పరిశీలన పట్టభద్రుల, టీచర్‌ ఎమ్మెల్సీ ఎన్నికల సామగ్రి పంపిణీ కేంద్రాన్ని మంగళవారం కలెక్టర్‌ సందీప్‌కుమార్‌ సందర్శించారు. కేంద్రాల వారీగా సామగ్రిని పంపిణీ చేసేందుకు కౌంటర్లు ఏర్పాట్లు చేయాలని సిబ్బందిని ఆదేశించారు. ఆయన వెంట ఆర్డీవోలు రాధాబాయి, రాజేశ్వర్‌, తహసీల్దార్లు ఉమారాణి,మహేశ్‌, కమిషనర్‌ సమ్మయ్య ఉన్నారు. రైతు కుటుంబానికి రూ.లక్ష తక్షణ సాయం ముస్తాబాద్‌ మండలం పోతుగల్‌లో అప్పుల బాధతో ఆత్మహత్య చేసుకున్న రైతు దేవయ్య కుటుంబానికి తక్షన సాయంగా ప్రభుత్వం నుంచి మంజూరైన రూ.లక్ష మంగళవారం అందజేశారు. ఆర్థిక అక్షరాస్యత పోస్టర్‌ ఆవిష్కరణ ఆర్థిక అక్షరాస్యతపై ప్రజలకు అవగాహన పెంచేందుకు రిజర్వ్‌ బ్యాంక్‌ ఆఫ్‌ ఇండియా రూపొందించిన పోస్టర్‌ను మంగళవారం కలెక్టర్‌ సందీప్‌కుమార్‌ ఝా ఆవిష్కరించారు. 28వరకు జరుగనున్న ఆర్థిక అక్షరాస్యత వారోత్సవాల నేపథ్యంలో కుటుంబ, దేశ ఆర్థికాభివృద్ధికి మహిళా సాధికారత కీలకమైందన్నారు. లీడ్‌ బ్యాంక్‌ మేనేజర్‌ టీఎన్‌ మల్లికార్జున్‌రావు, జిల్లా ముఖ్య ప్రణాళికా అధికారి పీబీ శ్రీనివాస్‌, పౌర సంబంధాల అధికారి వంగరి శ్రీధర్‌ తదితరులు పాల్గొన్నారు.

● ఎమ్మెల్సీ కోసం కాంగ్రెస్‌, బీజేపీ, బీఎస్‌పీ పోటాపోటీ సభలు ● సభలతో పార్టీ క్యాడర్లలో జోష్‌ ● గెలుపుపై ఎవరి ధీమా వారిదేసాక్షిప్రతినిధి,కరీంనగర్‌: ఎమ్మెల్సీ ఎన్నికల ప్రచారం పర్వం ముగిసింది. నిబంధనల మేరకు పోలింగ్‌కు 48 గంటల ముందు మంగళవారం సాయంత్రం 4 గంటల నుంచి సైలెంట్‌ మోడ్‌ అమలులోకి వచ్చింది. పట్టభద్రులు, ఉపాధ్యాయ ఎమ్మెల్సీ ఎన్నికల్లో గెలుపుపై ప్రధాన పార్టీలు, సంఘాలు ధీమాగా ఉన్నాయి. కాంగ్రెస్‌ పక్షాన సీఎం రేవంత్‌రెడ్డి, పీసీసీ అధ్యక్షుడు మహేశ్‌కుమార్‌గౌడ్‌, మంత్రులు, బీజేపీ తరఫున కేంద్ర మంత్రి బండి సంజయ్‌, బీఎస్‌పీ తరఫున బీసీ నేతలు నిర్వహించిన సభల సక్సెస్‌తో ఆయా క్యాడర్‌ జోష్‌లో ఉంది. ఉమ్మడి కరీంనగర్‌ కీలకం కరీంనగర్‌, ఆదిలాబాద్‌, నిజామాబాద్‌, మెదక్‌ పట్టభద్రుల, ఉపాధ్యాయ ఎమ్మెల్సీ ఎన్నికల్లో ఉమ్మడి కరీంనగర్‌ జిల్లా కీలకంగా మారింది. ఉమ్మడి జిల్లా ఓటర్లు ఎటు మొగ్గుతే వాళ్లు విజయం సాధించే అవకాశాలున్నాయి. పట్టభద్రుల నియోజకవర్గంలో మొత్తం 3 లక్షల 55 వేల 159 ఓట్లు ఉండగా, ఉమ్మడి కరీంనగర్‌ జిల్లా నుంచి 1 లక్షా 60 వేల 260 ఓట్లున్నాయి. అంటే ఎమ్మెల్సీ నియోజకవర్గానికి సంబంధించి దాదాపు సగం ఓట్లు ఉమ్మడి కరీంనగర్‌ జిల్లాలో ఉన్నాయి. దీంతో ఉమ్మడి కరీంనగర్‌ జిల్లా ఓటర్ల తీర్పుపైనే అభ్యర్థుల భవిత ఆధారపడి ఉంది. అలాగే ఉపాధ్యాయ ఎమ్మెల్సీకి సంబఽంధించి మొత్తం 27,088 ఓట్లు ఉండగా, ఉమ్మడి కరీంనగర్‌ జిల్లాలో 8,135 ఓట్లున్నాయి. ఇక్కడ కూడా ఉమ్మడి కరీంనగర్‌ జిల్లా గెలుపోటములను నిర్ణయించనుంది. గెలుపుపై ధీమా పట్టభద్రులకు సంబంధించి మొత్తం 56 మంది అభ్యర్థులు పోటీలో ఉండగా, బీజేపీ, కాంగ్రెస్‌, బీఎస్‌పీ అభ్యర్థుల నడుమ త్రిముఖ పోటీ నెలకొంది. అంజిరెడ్డి, నరేందర్‌రెడ్డి పార్టీల బలంపై, బీఎస్‌పీ అభ్యర్థి ప్రసన్న హరికృష్ణ బీసీ వాదంపై ఆశలు పెట్టుకున్నారు. సివిల్‌ సప్‌లై కార్పొరేషన్‌ మాజీ చైర్మన్‌ రవీందర్‌సింగ్‌, ట్రస్మా మాజీ అధ్యక్షుడు శేఖర్‌రావు విస్తృతంగా ప్రచారం నిర్వహించారు. ఉపాధ్యాయ ఎమ్మెల్సీకి సంబంధించి 15 మంది పోటీలో ఉండగా, బీజేపీ అభ్యర్థి మల్క కొమురయ్య, పీఆర్‌టీయూ అభ్యర్థి వంగ మహేందర్‌రెడ్డి, టీపీటీఎఫ్‌, యూటీఎఫ్‌, యూఎస్‌పీసీ మద్దతుతో వై.అశోక్‌కుమార్‌, ఎస్‌టీయూ, సీపీఎస్‌ల నుంచి పోటీలో ఉన్న కూర రఘోత్తంరెడ్డి నడుమ పోటీ నెలకొంది. ప్రచారసభలతో జోష్‌ గతంలో లేని విధంగా ఈ సారి ఎమ్మెల్సీ ఎన్నికల్లో ప్రచారం హోరెత్తింది. కాంగ్రెస్‌ అభ్యర్థికి మద్దతుగా ఏకంగా సీఎం రేవంత్‌రెడ్డి ప్రచార సభలు నిర్వహించి తమకు ఓటెందుకు వేయాలో వివరించే ప్రయత్నం చేశారు. సీఎంతో పాటు పీసీసీ అధ్యక్షుడు మహేశ్‌కుమార్‌గౌడ్‌, మంత్రులు దుద్దిళ్ల శ్రీధర్‌బాబు, పొన్నం ప్రభాకర్‌, ఎమ్మెల్యేలు, ఎమ్మెల్సీలు ప్రచార బాధ్యతలు నిర్వర్తించారు. అలాగే బీజేపీ అభ్యర్థులు అంజిరెడ్డి, కొమురయ్య గెలుపు బాధ్యతలను పూర్తిగా కేంద్ర హోంశాఖ సహాయ మంత్రి బండి సంజయ్‌ భుజానికెత్తుకొన్నారు. కామారెడ్డి, ఆదిలాబాద్‌ ఎమ్మెల్యేలు వెంకటరమణారెడ్డి, పాయల్‌ శంకర్‌ పాల్గొన్నారు. బీసీ వాదంతో బరిలోకి దిగిన బీఎస్‌పీ అభ్యర్థి ప్రసన్న హరికృష్ణకు మద్దతుగా బీసీ జేఏసీ రాష్ట్ర నేతలు, బీసీ సంఘాల నేతలు, ఓయూ జేఏసీ, కాంగ్రెస్‌ ఎమ్మెల్సీ తీన్‌మార్‌ మల్లన్న ప్రచారం నిర్వహించారు. సభల విజయవంతంతో క్యాడర్‌లో జోష్‌ నెలకొనడంతో పాటు, గెలుపుపై ధీమా పెరిగింది.

● క్రీడల విభాగంలో ఓవరాల్‌ చాంపియన్‌ షిప్‌ రాజేంద్రనగర్‌, ఉత్తర తెలంగాణ జట్టు ● విజేతలకు బహుమతులు ప్రదానంజగిత్యాల అగ్రికల్చర్‌: జగిత్యాల రూరల్‌ మండలం పొలాస వ్యవసాయ పరిశోధనా స్థానంలో మూడు రోజులుగా జరుగుతున్న అంతర్రాష్ట్ర క్రీడా, సాంస్కృతిక పోటీలు మంగళవారం ముగిశాయి. ఈ పోటీలకు వ్యవసాయ వర్సిటీ డీన్‌ ఆప్‌ అగ్రికల్చర్‌ డాక్టర్‌ కె. ఝాన్సీరాణి విజేతలకు బహుమతులు అందజేశారు. ఈ సందర్భంగా ఆమె మాట్లాడుతూ క్రీడలతో మానసికోల్లాసంతోపాటు స్నేహభావం పెంపొందుతుందన్నారు. వ్యవసాయ కళాశాల అసోసియేట్‌ డీన్‌ డాక్టర్‌ భారతీ నారాయణ్‌ భట్‌ మాట్లాడుతూ, రాష్ట్రస్థాయి వర్సిటీ క్రీడలకు పొలాస కళాశాల వేదిక కావడం అభినందనీయమన్నారు. వ్యవసాయ పరిశోధనా స్థానం డైరెక్టర్‌ డాక్టర్‌ శ్రీలత మాట్లాడుతూ పోటీల్లో పాల్గొడడం వల్ల క్రీడాకారుల్లో ఆత్మవిశ్వాసం పెరుగుతుందన్నారు. వ్యవసాయ వర్సిటీ క్రీడా పరిశీలకులు డాక్టర్‌ సురేశ్‌, వర్సిటీ నాన్‌ టీచింగ్‌ నాయకులు శ్రీనివాస్‌ యాదవ్‌, జయరామ్‌, కళాశాల స్టూడెంట్‌ ఆఫైర్‌ కన్వీనర్‌ డాక్టర్‌ మహేశ్‌ రెడ్డి, క్రీడా ఇన్‌చార్జి డాక్టర్‌ రత్నాకర్‌, వ్యవసాయ శాస్త్రవేత్తలు, ప్రొఫెసర్లు, నాన్‌ సిబ్బంది పాల్గొన్నారు. ఓవరాల్‌ చాంపియన్‌ షిప్‌ రాజేంద్రనగర్‌ జట్టు రాష్టస్థాయి క్రీడల విభాగంలో ఓవరాల్‌ చాంపియన్‌ షిప్‌ రాజేంద్రనగర్‌ జట్టు కై వసం చేసుకోగా, సాంస్కృతిక విభాగంలో ఓవరాల్‌ చాంపియన్‌ షిప్‌ను ఉ త్తర తెలంగాణ జట్టు కై వసం చేసుకుంది. క్రికెట్‌లో దక్షిణ తెలంగాణ, వాలీబాల్‌లో మధ్య తెలంగాణ, బాల్‌ బ్యాడ్మింటన్‌లో ఉత్తర తెలంగాణ, షటిల్‌ బ్యాడ్మింటన్‌లో రాజేంద్రనగర్‌, టేబుల్‌ టెన్నీస్‌లో రాజేంద్రనగర్‌, చెస్‌లో మధ్య తెలంగాణ, కార్యమ్‌లో మధ్య తెలంగాణ జట్లు విజయం సాధించాయి. వివిధ జోన్లకు చెందిన క్రీడాకారులు బహుమతులు అందుకున్నారు.

వేములవాడ: దక్షిణకాశీగా పేరొందిన వేములవాడ హరహర మహాదేవ నామస్మరణతో మారుమోగుతోంది. శివమాలధారులు, వివిధ ప్రాంతాల నుంచి వస్తున్న భక్తులతో ఆధ్యాత్మిక క్షేత్రం కిక్కిరిసిపోతోంది. వేములవాడలోని శ్రీరాజరాజేశ్వరస్వామి ఆలయంలో మహాశివరాత్రి వేడుకలు మంగళవారం నుంచి ఘనంగా ప్రారంభమయ్యాయి. మహాజాతరకు వరంగల్‌, సికింద్రాబాద్‌, ఖమ్మం, కరీంనగర్‌, మెదక్‌, హైదరాబాద్‌, రంగారెడ్డి, నిజామాబాద్‌, ఆదిలాబాద్‌ పాత జిల్లాల నుంచి భక్తులు తరలివస్తున్నారు. ఎక్కడ ఖాళీ స్థలం కనిపిస్తే అక్కడే గుడారాలు వేసుకుంటున్నారు. ధర్మగుండంలో స్నానాలు చేసిన భక్తులు రాజన్నను దర్శించుకుని కల్యాణకట్టలో తలనీలాలు సమర్పించుకొని కోడె మొక్కులు చెల్లించుకుంటున్నారు. గుడి ఆవరణలో జాగరణ కోసం ఏర్పాట్లు చేసుకుంటున్నారు. మహాశివరాత్రి పర్వదినం సందర్భంగా అర్జత సేవలు రద్దు చేసిన ఆలయ అధికారులు లఘు దర్శనలకు మాత్రమే అనుమతించారు. రూ.2.39 కోట్లతో జాతర ఏర్పాట్లు చేశారు. గుడి చెరువు ఖాళీ స్థలంలో సాంస్కృతిక శాఖ ఆధ్వర్యంలో శివార్చనలో భాగంగా 1,500 మంది కళాకారులతో ప్రత్యేక కార్యక్రమాలు నిర్వహిస్తున్నారు. గతంలో మాదిరి కాకుండా ఈ సారి పేయిడ్‌ పాస్‌లను అధికారులు జారీ చేశారు. పట్టణమంతా పోలీసుమయం కావడంతో భక్తులు, స్థానికులు పట్టణంలోకి వెళ్లేందుకు అవస్థలు పడాల్సి వచ్చింది. జాతరకు ఈసారి 4 లక్షల మంది భక్తులు హాజరవుతారని అంచనా వేస్తున్నారు. రాజన్నకు పట్టువస్త్రాల సమర్పణ స్వామి వారికి రాష్ట్ర ప్రభుత్వం పక్షాన రాష్ట్ర బీసీ సంక్షేమ, రవాణా శాఖ మంత్రి పొన్నం ప్రభాకర్‌, ప్రభుత్వ విప్‌ ఆది శ్రీనివాస్‌ పట్టువస్త్రాలు సమర్పించారు., టీటీడీ దేవస్థానం అర్చకులు సైతం పట్టువస్త్రాలు సమర్పించారు. తిరుమల తిరుపతి దేవస్థానం పక్షాన ఆలయ డిప్యూటీ ఈవో లోక్‌నాథ్‌ ఆధ్వర్యంలో అర్చకులు, ట్రస్టు సభ్యులు మంగళవారం రాత్రి రాజన్నకు పట్టువస్త్రాలు సమర్పించారు. ఆలయ అర్చకులు స్వస్థితో స్వాగతం పలుకగా, ఈవో కొప్పుల వినోద్‌రెడ్డి స్వాగతం పలికారు. శృంగేరి శారదాపీఠం పక్షాన రాధాకృష్ణశర్మ స్వామివారికి పట్టు వస్త్రాలతో పాటు రుద్రాక్షమాలను సమర్పించారు. జాతర ఏర్పాట్లు పరిశీలన జాతరలో ఏర్పాట్లను కలెక్టర్‌ సందీప్‌కుమార్‌ ఝా, ఎస్పీ అఖిల్‌ మహజన్‌లు మంగళవారం పరిశీలించారు. భక్తులకు మెరుగైన సేవలందించాలని అధికారులను ఆదేశించారు. విధులకు గైర్హాజరైతే కఠిన చర్యలు తప్పవని అన్నారు. వారి వెంట ఆర్డీవో రాజేశ్వర్‌, ఈవో వినోద్‌రెడ్డి, మున్సిపల్‌ కమిషనర్‌ అన్వేష్‌, వివిధ శాఖల అధికారులు ఉన్నారు. నిరంతరం అన్నదానం జాతర మహోత్సవాల్లో పాల్గొనే భక్తులు, పోలీసు, వివిధ శాఖల అధికారులు, సిబ్బందికి వాసవీ సేవా సమితి, మన చారిటబుల్‌ ట్రస్ట్‌ ఆధ్వర్యంలో ఏర్పాటు చేసిన అన్నదానంను ప్రభుత్వ విప్‌ ఆది శ్రీనివాస్‌ మంగళవారం ప్రారంభించారు. బుధ, గురు, శుక్రవారాలు మధ్యాహ్నం వరకు నిరంతరం కొనసాగుతుందని నిర్వాహకులు మోటూరి మధు, కొమ్మ నటరాజ్‌లు తెలిపారు బీజేపీ నాయకులు ప్రతాప రామకృష్ణ, ఉత్సవ కమిటీ సభ్యులు, పురప్రముఖులు పాల్గొన్నారు. ప్రత్యేక ఆరోగ్య కేంద్రాల ఏర్పాటు జాతరకు వచ్చే భక్తులకు ప్రత్యేకంగా ఏడు అత్యవసర ఆరోగ్య కేంద్రాలను ఏర్పాటు చేశారు. ఆరోగ్య కేంద్రాలను జిల్లా వైద్యాధికారి రజిత మంగళవారం పరిశీలించి భక్తులకు ఎలాంటి ఇబ్బంది తలెత్తినా వెంటనే ఆరోగ్య శాఖ సిబ్బంది స్పందించి వైద్య సేవలందించేందుకు అప్రమత్తంగా ఉండాలన్నారు. సరిపడా మందులు అందుబాటులో ఉన్నాయని, అత్యవసర వేళల్లో 108ను ఉపయోగించుకుని భక్తులకు మెరుగైన సేవలందించాలని సూచించారు. ఉచిత బస్సు సదుపాయం వేములవాడ అర్బన్‌: భక్తుల కోసం ఉచిత బస్సు సర్వీసులను ఏర్పాటు చేశారు. ఈ సేవలను మంగళవారం ప్రభుత్వ విప్‌ ఆది శ్రీనివాస్‌ ప్రారంభించారు. వేములవాడ ఆర్టీసీ బస్టాండ్‌ నుంచి రాజన్న గుడి చెరువు వరకు ప్రతీ 15 నిమిషాలకు ఒక బస్సు నడుస్తుందన్నారు. కార్యక్రమంలో రాజన్న ఆలయ ఈవో వినోద్‌రెడ్డి, ఆర్టీసీ డిపో మేనేజర్‌ శ్రీనివాస్‌, పార్టీ పట్టణ అధ్యక్షుడు శ్రీనివాస్‌, ఉత్సవ కమిటీ సభ్యులు తదితరులు పాల్గొన్నారు. సిబ్బంది అప్రమత్తంగా ఉండాలి వేములవాడరూరల్‌: జాతరలో విధులు నిర్వహించే సిబ్బంది అప్రమత్తంగా ఉండాలని జిల్లా అగ్నిమాపక అధికారి శ్రీనివాస్‌రెడ్డి అన్నారు. వేములవాడ ఫైర్‌స్టేషన్‌ కార్యాలయంలో వివిధ జిల్లాల నుంచి విధులకు వచ్చిన సిబ్బందికి పలు సూచనలు చేశారు. ఉత్సవాల్లో ఎలాంటి పొరపాట్లు జరగకుండా చూడాలన్నారు. ఆలయంలో నేడు జరిగే ఉత్సవాలు వేకువజామున 3.30 నుంచి 4 గంటల వరకు ఆలయ శుద్ధి, మంగళవాయిద్యాలు ఉదయం 4 నుంచి 4.25 వరకు సుప్రభాత సేవ సాయంత్రం 4 నుంచి 5.30 గంటల వరకు శివస్వాములకు ప్రత్యేక దర్శనం సాయంత్రం 6 నుంచి రాత్రి 8 గంటల వరకు స్వామివారి కల్యాణ మంటపంలో మహాలింగార్చన రాత్రి 11.35 నుంచి వేకువజాము 3.30 గంటల వరకు లింగోద్భవ కాలమందు మహాన్యాస పూర్వక ఏకాదశ రుద్రాభిషేకం వైభవంగా రాజన్న జాతర షురూ తరలివస్తున్న భక్తులు నేడు మహాశివరాత్రి వేడుకలు రూ.2.39 కోట్లతో ప్రత్యేక ఏర్పాట్లు గుడి చెరువులో శివార్చన పట్టువస్త్రాలు సమర్పించిన మంత్రి పొన్నం, విప్‌ ఆది, టీటీడీ అర్చకులు

● ఉత్తమ్‌కుమార్‌ రెడ్డికి కేటీఆర్‌ లేఖ సిరిసిల్లటౌన్‌: మల్కపేట రిజర్వాయర్‌ ద్వారా మిడ్‌మానేర్‌ నీటిని ఎత్తిపోసి సింగసముద్రాన్ని నింపాలని కోరుతూ నీటిపారుదల శాఖ మంత్రి ఉత్తమ్‌కుమార్‌రెడ్డికి బీఆర్‌ఎస్‌ వర్కింగ్‌ ప్రెసిడెంట్‌ కె.తారకరామారావు లేఖ రాశారు. బీఆర్‌ఎస్‌ హయాంలోనే మ ల్కపేట రిజర్వాయర్‌ ఎత్తిపోతల ట్రయల్‌రన్‌ కూడా పూర్తయిందని, ఎన్నికల కోడ్‌ రావడం వల్ల ప్రారంభోత్సవం చేయలేకపోయామని పేర్కొన్నారు. ఇప్పుడు మిడ్‌ మానేరులో 17 టీఎంసీల నీరు ఉన్నందున నీటిని ఎత్తి పోసి సింగసముద్రం పరిధిలోని 2వేల ఎకరాలకు సాగునీరందించాలని కోరారు. నీటి ద్వారా రాచర్ల బొప్పాపూర్‌, రాచర్ల గొల్లపల్లి, దేవునిగుట్ట తండా, రాచర్ల తిమ్మాపూర్‌, బాకూర్‌పల్లి తండా, రాజన్నపేట, కిష్టునాయక్‌ తండా, అక్కపల్లి, బుగ్గ రాజేశ్వర తండా, నారాయణపూర్‌, ఎల్లారెడ్డిపేట, కోరుట్లపేట, సముద్ర లింగాపూర్‌ రైతుల పంటలను కాపాడుకున్న వారమవుతామని విజ్ఞప్తి చేశారు.

సిరిసిల్లకల్చరల్‌: టీఎన్‌జీవోల సంఘం 80 వసంతాల వేడుకను జయప్రదం చేయాలని సంఘం రాష్ట్ర అధ్యక్షుడు రాష్ట జేఏసీ చైర్మన్‌ మారం జగదీశ్వర్‌ అన్నారు. మంగళవారం సిరిసిల్లలో ఏర్పాటు చేసిన సమావేశంలో మాట్లాడుతూ ప్రతినెలా 5వ తేదీలోపు వేతనాలు చెల్లిస్తున్న సీఎం రేవంత్‌రెడ్డికి ధన్యవాదాలు తెలిపారు. ఉద్యోగుల పెండింగ్‌ బిల్లులు, 317 జీవో బాధితులు, కారుణ్య నియామకాలు, పీఆర్‌సీ పెండింగ్‌ డీఏలను కూడా అదే వేగంతో క్లియర్‌ చేయాలని కోరారు. ఈ కార్యక్రమంలో సంఘం ప్రతినిధులు ఎలుసాని ప్రవీణ్‌కుమార్‌, గాజుల సుదర్శనం, సమర్‌సేన్‌ జయంత్‌, నాలుగో తరగతి ఉద్యోగుల సంఘం ప్రతినిధులు కుమార్‌స్వామి, జీవన్‌, ఎం శ్రీకాంత్‌, రియాజ్‌పాషా, తదితరులు పాల్గొన్నారు.

కోనరావుపేట: కళాశాల నుంచి వస్తూ అదృశ్యమైన విద్యార్థి ఆత్మహత్యకు పాల్పడినట్లు తెలిసింది. హైదరాబాద్‌లో రైలు కిందపడి మృతి చెందినట్లు తల్లిదండ్రులకు సమాచారం అందింది. గ్రామస్తులు తెలిపిన వివరాల ప్రకారం...మండలంలోని ధర్మారం గ్రామానికి చెందిన పొట్ల బాలమల్లు– మంజుల దంపతుల కుమారుడు రాకేశ్‌ (18)హైదరాబాద్‌లోని ఓ కళాశాలలో డిగ్రీ మొదటి సంవత్సరం చదువుతున్నాడు. మూడు రోజుల క్రితం ఇంటికి వస్తూ సిరిసిల్ల బస్టాండ్‌లోని ధర్మారం గ్రామానికి వెళ్తున్న ఆటోలో బ్యాగు పెట్టాడు. తర్వాత కనిపించకపోవడంతో తల్లిదండ్రులు సిరిసిల్ల పోలీస్‌స్టేషన్‌లో ఫిర్యాదు చేశారు. ఈ క్రమంలో రాకేశ్‌ హైదరాబాద్‌లోని కాచిగూడ రైల్వేస్టేషన్‌ సమీపంలో సూసైడ్‌ నోట్‌ రాసి రైలుకిందపడి ఆత్మహత్యకు పాల్పడినట్లు సమాచారం అందింది. అమ్మ, నాన్న క్షమించండి. నాకు బతకాలని లేదు. నా చావుకు కారణం ఎవరు కాదు అని సూసైడ్‌ నోట్‌లో అంది. పోలీసులు ఫోన్‌లో తల్లిదండ్రులకు సమాచారం అందించారు. రాకేశ్‌ మృతితో గ్రామంలో విషాదం నెలకొంది.

బుధవారం శ్రీ 26 శ్రీ ఫిబ్రవరి శ్రీ 2025● గతంలో కలెక్టర్‌ను సన్నాసి అన్న కేటీ రామారావు ● అప్పటి నుంచి తమను కలెక్టర్‌ టార్గెట్‌ చేశారంటున్న అనుచరులు ● కేటీఆర్‌ ఫ్లెక్సీతో ఉన్న టీస్టాల్‌ తరలింపు, యజమానిపై కేసు ● కలెక్టర్‌పై పోస్టులు పెట్టిన బీఆర్‌ఎస్‌ కార్యకర్త అనిల్‌పై కేసు ● అనిల్‌ దొరక్కపోవడంతో ఆయన బాబాయ్‌పై చర్యలు ● అగ్రహారం పాలకేంద్రం సీజ్‌తో రోడ్డెక్కిన రైతులు ● సీఎస్‌ శాంతకుమారి వరకు వెళ్లిన వ్యవహారం ● నిజాయతీగా పనిచేస్తే నిందలేస్తున్నారంటున్న కలెక్టర్‌సాక్షిప్రతినిధి,కరీంనగర్‌: విధినిర్వహణలో ముక్కుసూటిగా వ్యహరించే రాజన్నసిరిసిల్ల జిల్లా కలెక్టర్‌ సందీప్‌కుమార్‌ ఝా కొన్నిరోజులుగా వార్తల్లో వ్యక్తిగా నిలుస్తున్నారు. భూకబ్జాలు, అనుమతిలేని వాణిజ్య సముదాయాలు, వ్యాపారాలపై ఉక్కుపాదం మోపుతున్నారు. ఇందులో వింతేమీలేదు. అయి తే.. బాధితులంతా తాము కేటీఆర్‌ అనుచరులం, బీఆర్‌ఎస్‌ నాయకులం కాబట్టే తమపై కక్షపూరితంగా వ్యవహరిస్తున్నారని ఆరోపిస్తున్నారు. ఇటీవల కేటీఆర్‌ సిరిసిల్లకు వచ్చిన సందర్భంగా కలెక్టర్‌ను సన్నాసి.. ఆయన కాంగ్రెస్‌ పార్టీ కార్యకర్తలా వ్యవహరిస్తున్నాడని వ్యాఖ్యానించారు. అప్పటి నుంచి తమపై కలెక్టర్‌ దాడులు చేయిస్తున్నాడని కేటీఆర్‌ అనుచరులు ఆరోపిస్తుండగా..తనపని తానుచేసుకుంటున్నానే తప్ప.. ఎలాంటి ప్రతీకారాలకు వెళ్లాల్సిన అవసరం లేదని కలెక్టర్‌ సమాధానమిస్తున్నారు. అయితే ఈ వ్యవహారమంతా ఇప్పుడు రాజకీయరంగు పులుముకుంటోంది. కలెక్టర్‌ సందీప్‌కుమార్‌ఝాపై చర్యలు తీసుకోవాలంటూ తాజాగా బీఆర్‌ఎస్‌ నాయకులు సీఎస్‌ శాంతికుమారిని కలవడంతో వివాదం అందరి దృష్టిని ఆకర్షించింది. కేటీఆర్‌ అనుచరులు ఏమంటున్నారు? ● టీస్టాల్‌ వద్ద కేటీఆర్‌ బొమ్మ ఉన్న కారణంగా ఈనెల 19న దాన్ని తరలించారు. టీస్టాల్‌ యజమానికి బత్తుల శ్రీనివాస్‌పై ఎన్నికల కోడ్‌ ఉల్లంఘన కేసు పెట్టారు. కేవలం తమనాయకుడి బొమ్మ పెట్టుకున్నాడన్న అక్కసుతో బీదవాడిపై ప్రతాపం చూపించారని కార్యకర్తలు ఆవేదన వ్యక్తం చేశారు. ● కరీంనగర్‌ డెయిరీకి అనుబంధంగా ఉన్న రాజన్నసిరిసిల్ల జిల్లా అగ్రహారంలోని పాలశీతలీకరణ కేంద్రాన్ని ఇటీవల కలెక్టర్‌ సీజ్‌ చేయించారు. విషయం తెలుసుకున్న పాడిరైతులు ఆందోళనకు దిగారు. డెయిరీ నిర్వాహకులు బీఆర్‌ఎస్‌, కేటీఆర్‌కు మద్దతుదారులన్న కారణంతోనే సీజ్‌చేశారని ఆరోపించారు. ● కలెక్టర్‌ తీరుపై తంగళ్లపల్లి మండలం జిల్లెల్ల గ్రామానికి చెందిన అనిల్‌రెడ్డి (గతంలో కేఏపాల్‌ మీద దాడిచేసిన వ్యక్తి) సందీప్‌కుమార్‌ ఝా మీద కేసులున్నాయని సోషల్‌ మీడియాలో అభ్యంతరకర పోస్టులు పెట్టాడు. అతను పోలీసులకు చిక్కకపోవడంతో అతని చిన్నాన్న అబ్బాడి రాజిరెడ్డి 30 గుంటల స్థలం కబ్జాచేశాడని పోలీసులు అరెస్టు చేశారు. రాజిరెడ్డి మూగవాడన్న కనికరం లేకుండా పట్టుకుపోయారని ఆవేదన వ్యక్తం చేశారు. ● 2008 డీఎస్సీ ఉపాధ్యాయుల నియామకాల్లో నిబంధనలకు తూట్లు పొడిచారు. కౌన్సెలింగ్‌ లేకుండానే కలెక్టర్‌ అపాయింట్మెంట్‌ ఆర్డర్స్‌ ఇచ్చాడు. నిబంధలనకు విరుద్ధమని చెప్పిన డీఈవోను కలెక్టర్‌ బెదిరించారు. ఉంటే ఉండు లేకుంటే లీవులో వెళ్లంటూ హెచ్చరించారు. ఆరోపణలపై కలెక్టర్‌ ఏమన్నారంటే.. ● సిరిసిల్లలో పబ్లిక్‌ ప్రాంతాన్ని టీస్టాల్‌ యజమాని ఆక్రమించి నడుపుతున్నాడు. పైగాఅతనికి ఎలాంటి ట్రేడ్‌ లైసెన్స్‌ లేదు. అతను ఎన్నికల నియమావళి ఉల్లంఘించాడని కలెక్టర్‌ సందీప్‌కుమార్‌ ఝా తెలిపారు. ● కరీంనగర్‌ డెయిరీకి అనుబంధంగా ఉన్న అగ్రహారం డెయిరీ లైసెన్స్‌ లేకుండా నడుస్తోంది. దానికి ఫైర్‌ సేఫ్టీ లైసెన్స్‌, ల్యాండ్‌ కన్వర్షన్‌, బిల్డి ంగ్‌ పర్మిషన్‌, పర్యావరణ అనుమతులు లేవు. ● తంగళ్లపల్లి మండలం జిల్లెల్ల గ్రామంలో సర్వే నెంబరు 1,183లోని స్థలాన్ని రాజిరెడ్డికి ప్రభుత్వం అసైన్‌ చేయలేదు. 2018లో ప్రభుత్వ రికార్డులను టాంపరింగ్‌ చేసి తనపేరిట మార్చుకున్నాడు. ఇది అవినీతి వ్యవహారం ● వాస్తవానికి జగన్మోహన్‌రెడ్డి విధులపై అంకితభావం లేదు. నాకు తెలియకుండా డీఈవో ఆర్డర్స్‌ ఇచ్చారు. అదేంటని అడిగితే.. పైనుంచి ఆర్డర్స్‌ ఉన్నాయని సమాధానమిచ్చాడు. జిల్లా సర్వశిక్షాభియాన్‌ చైర్మన్‌గా నేను ఉండగా.. వ్యక్తిగత అజెండాలతో పనిచేయడం, పైగా ఆ ఆదేశాలు నేను ఇచ్చానని ప్రచారం చేయడం ఎంతమేరకు సమంజసం?

● ఎట్టకేలకు వివరాలు ఇచ్చిన గ్రామస్తులుఇల్లంతకుంట(మానకొండూర్‌): ఎట్టకేలకు మండలంలోని వెంకట్రావుపల్లి గ్రామస్తులు సమగ్ర కుటుంబ సర్వేలో పాల్గొన్నారు. తమ గ్రామ సరిహద్దు వివాదం నేపథ్యంలో నవంబర్‌లో నిర్వహించిన సర్వేలో వివరాలు ఇవ్వలేదు. ఇటీవల ఎమ్మెల్యే గ్రామస్తులతో సమావేశమై సరిహద్దుల విషయంలో సుస్పష్టమైన హామీ ఇవ్వడంతో సోమవారం నుంచి గ్రామంలో సమగ్ర కుటుంబ సర్వే నిర్వహిస్తున్నారు. సర్వేలో 19 మంది సెక్రటరీలు పాల్గొన్నారు. గ్రామంలో 285 కుటుంబాలలో 1,038 మంది ఉన్నారని ఎంపీడీవో శశికళ తెలిపారు. సర్వే పూర్తయిందని పేర్కొన్నారు. సర్వేలో పాల్గొనని వారికి ఈనెల 28 వరకు నమోదు చేసుకునేందుకు ప్రభుత్వం అవకాశం కల్పించిందని వివరించారు.

● ఓటేయాలంటే గుర్తింపుకార్డు తప్పనిసరి ● 27న సాయంత్రం 4గంటల వరకు పోలింగ్‌ ● నోడల్‌ అధికారి శ్రీనివాసాచారిసిరిసిల్లకల్చరల్‌: ఎమ్మెల్సీ ఎన్నికలు పారదర్శకంగా నిర్వహించాలని నోడల్‌ అధికారి, సీపీవో పీబీ శ్రీనివాసాచారి సూచించారు. కలెక్టరేట్‌లో ఎన్నికల విధులు కేటాయించిన ప్రిసైడింగ్‌ అధికారి, సహాయ ప్రిసైడింగ్‌ అధికారులు, ఓపీవోలు, సూక్ష్మ పరిశీలకులకు ఎన్నికల ప్రక్రియపై సోమవారం శిక్షణ ఏర్పాటు చేశారు. ఆయన మాట్లాడుతూ జిల్లాలో పట్టభద్రుల ఎమ్మెల్సీ ఎన్నికల కోసం 28 పోలింగ్‌ కేంద్రాలు, ఉపాధ్యాయ ఎమ్మెల్సీ ఎన్నికల కోసం 13 పోలింగ్‌ కేంద్రాలు ఏర్పాటు చేశామన్నారు. 27న ఉదయం 8 గంటలకు మొదలై సాయంత్రం 4 గంటల వరకు పోలింగ్‌ కొనసాగుతోందని తెలిపారు. ఒక రోజుముందుగానే పోలింగ్‌ డ్యూటీ అలాట్‌మెంట్‌ ఆర్డర్‌ తీసుకోవాలన్నారు. కేంద్రాలన్నీ సీసీ కెమెరాల నిఘాలో ఉండాలని, వృద్ధులు, దివ్యాంగులు, గర్భిణులు ప్రాధాన్య క్రమంలో ఓటు వేసేలా చర్యలు తీసుకోవాలని సూచించారు. ప్రభుత్వం జారీ చేసిన ఏదేని గుర్తింపుకార్డుతో వచ్చి ఓటుహక్కు వినియోగించుకోవాలని సూచించారు. ప్రతీ రెండు గంటలకోసారి పోలింగ్‌ వివరాలు ప్రకటించేలా సెక్టార్‌ అధికారులు బాధ్యత తీసుకోవాలని సూచించారు. శిక్షణలో 40 మంది ప్రిసైడింగ్‌ అధికారులు, 40 మంది సహాయ ప్రిసైడింగ్‌ అధికారులు, 88 మంది ఓపీవోలు, 15 మంది మైక్రో అబ్జర్వర్లు పాల్గొన్నారు. వేములవాడ ఆర్డీవో రాజేశ్వర్‌, మాస్టర్‌ ట్రెయినర్లు మహేందర్‌రెడ్డి, శ్రీధర్‌ పాల్గొన్నారు.

కరీంనగర్‌ కార్పొరేషన్‌: మెదక్‌– నిజామాబాద్‌– కరీంనగర్‌– ఆదిలాబాద్‌ పట్టభద్రుల, ఉపాధ్యాయ ఎమ్మెల్సీ ఎన్నికల పోలింగ్‌కు రెండు రోజుల ముందు సోమవారం కరీంనగర్‌లోని ఎస్సారార్‌ కళాశాల మైదానంలో ఏర్పాటు చేసిన పట్టభద్రుల సంకల్ప సభ సక్సెస్‌ కావడం కాంగ్రెస్‌ శ్రేణుల్లో జోష్‌ నింపింది. వేలాది మందిగా పట్టభద్రులు, కాంగ్రెస్‌ కార్యకర్తలు తరలిరాగా... నిరుద్యోగులు, ఉద్యోగులకు తాము చేసింది చెబుతూ, సీఎం రేవంత్‌రెడ్డి చేసిన ఆవేశపూరిత ప్రసంగం ఓటర్లపై ప్రభావం చూపుతుందనే ధీమాను హస్తం నేతలు వ్యక్తం చేశారు. సభకు పీసీసీ అధ్యక్షుడితో పాటు, జిల్లా మంత్రులు, ఇద్దరు ఇన్‌చార్జీ మంత్రులు, ఉమ్మడి జిల్లా ఎమ్మెల్యేలు, ఎమ్మెల్సీలు, పార్టీ ఇన్‌చార్జీలు తరలివచ్చారు. ఉద్యోగాలు కావాలంటే కాంగ్రెస్సే శరణ్యం రాష్ట్రంలో ఉద్యోగాలు కావాలంటే కాంగ్రెస్‌ పార్టీయే శరణ్యమని పీసీసీ అధ్యక్షుడు మహేష్‌కుమార్‌గౌడ్‌ స్పష్టం చేశారు. ఉద్యోగాలతో పాటు, అభివృద్ధి, సంక్షేమం కొనసాగాలంటే కాంగ్రెస్‌కు మద్దతివ్వాలన్నారు. 2004లో కరీంనగర్‌ గడ్డపై సోనియాగాంధీ చెప్పిన మాట ప్రకారం తెలంగాణ ఇచ్చిందని గుర్తు చేశారు. తెచ్చుకున్న తెలంగాణలో కేసీఆర్‌ ఇంటికి ఉద్యోగాలొచ్చాయి కానీ, ఎవరికీ ఉద్యోగాలు రాలేదన్నారు. కాంగ్రెస్‌ ప్రభుత్వం అధికారంలోకి వచ్చాక 56 వేల ఉద్యోగాలిచ్చామని, ఖాళీలన్నీ భర్తీ చేస్తామని అన్నారు. ఆర్థిక నిర్బంధం ఉన్నప్పటికీ, ఇచ్చిన మాట ప్రకారం ఒక్కోటిగా నెరవేరుస్తూ వస్తున్నామన్నారు. ఇన్ని పనులు చేస్తున్నా ఫామ్‌హౌస్‌లో పడుకొని ఆరు నెలలకోసారి లేచే వాళ్లు ఏదేదో మాట్లాడుతున్నారని విమర్శించారు. తాము 56 శాతం ఉన్నామని బీసీలు చెప్పుకొనేలా చేసింది కాంగ్రెస్‌ పార్టీ అన్నారు. బీసీ అయిన బండి సంజయ్‌ని బీజేపీ రాష్ట్ర అధ్యక్ష పదవి నుంచి తొలగిస్తే ఆ పార్టీలో ఎవరూ పట్టించుకోలేదన్నారు. ● జిల్లా ఇన్‌చార్జి మంత్రి ఉత్తమ్‌కుమార్‌రెడ్డి మాట్లాడుతూ పదేళ్ల తరువాత ఉపాధ్యాయులకు బదిలీలు, పదోన్నతులు కల్పించింది కాంగ్రెస్‌ ప్రభుత్వమేనన్నారు. 11 వేల ఉపాధ్యాయ పోస్టులను భర్తీ చేసామని తెలిపారు. ● ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు మాట్లాడుతూ ప్రైవేట్‌ రగంలో ఉద్యోగాలిచ్చేందుకు ఉమ్మడి జిల్లాలోని 13 నియోజకవర్గాల్లో నైపుణ్య కేంద్రాలను ఏర్పాటు చేస్తామన్నారు. ఉపాధి, ఉద్యోగాలకు ఈ కేంద్రాలు దోహదం చేస్తాయని తెలిపారు. పట్టభద్రుల బంగారు భవిష్యత్‌ కోసం తాము బాటలు వేస్తున్నామన్నారు. విద్యారంగానికి సేవలందించిన నరేందర్‌రెడ్డిని గెలిపించాలన్నారు. ● బీసీ సంక్షేమ, రవాణాశాఖ మంత్రి పొన్నం ప్రభాకర్‌ మాట్లాడుతూ బీఆర్‌ఎస్‌ ప్రభుత్వంలో ప్రశ్నించే గొంతుకగా జీవన్‌రెడ్డిని గెలిపించుకున్నామన్నారు. ఇప్పుడు సంధానకర్త అవసరమని, అందుకే నరేందర్‌రెడ్డికి ఓటు వేయాలన్నారు. 15 నెలల్లోనే ఇచ్చిన హామీలు నెరవేరుస్తున్న ప్రభుత్వానికి మద్దతునివ్వాలని కోరారు. ● మంత్రి సీతక్క మాట్లాడుతూ పనిచేసే ప్రభుత్వానికి మద్దతుగా నిలవాలన్నారు. ఎమ్మెల్సీ టి.జీవన్‌రెడ్డి మాట్లాడుతూ ఎమ్మెల్సీ ఎన్నిక ఆరు పార్లమెంట్‌, 42 అసెంబ్లీ నియోజకవర్గాలకు, రాష్ట్రంలో 40 శాతానికి విస్తరించి ఉందన్నారు. అందుకే ఇది ప్రతిష్టాత్మక ఎన్నిక అన్నారు. ● ఎమ్మెల్సీ కోదండరాం మాట్లాడుతూ రాష్ట్రంలో ఫోన్‌ట్యాపింగ్‌, నిఘాలు లేవని మొదటిసారి ప్రజాస్వామిక వాతావరణం కనిపిస్తోందన్నారు. వైఎస్‌ఆర్‌ తరువాత ఇంత పెద్ద ఎత్తున రుణమాఫీ ఇప్పుడే జరిగిందన్నారు. ● ఎమ్మెల్సీ అభ్యర్థి వూటుకూరి నరేందర్‌రెడ్డి మా ట్లాడుతూ సీఎం రేవంత్‌ పాలన ట్వంటీ ట్వంటీ మ్యాచ్‌ను తలపిస్తోందన్నారు. ప్రైవేట్‌ విద్యాసంస్థల్లో పనిచేసే వారికి ఉద్యోగ భద్రత కల్పిస్తానని, రూ.3 లక్షల భీమా వర్తింపచేస్తానన్నారు. ● కాగా దర్మపురికి కేటాయించిన నవోదయ విద్యాలయాన్ని ధర్మపురిలోనే ఏర్పాటు చేయాలని పలువురు సభలో ప్లకార్డులు ప్రదర్శించారు. ప్రభుత్వ విప్‌లు అడ్లూరి లక్ష్మణ్‌కుమార్‌, ఆది శ్రీనివాస్‌, ఎమ్మెల్యేలు కవ్వంపల్లి సత్యనారాయణ, చింతకుంట విజయరమణారావు, మేడిపల్లి సత్యం, మక్కాన్‌సింగ్‌ రాజ్‌ఠాకూర్‌, సంజయ్‌, ఎమ్మెల్సీ భానుప్రసాద్‌రావు, వి.రాజేందర్‌రావు, కోమటిరెడ్డి నరేందర్‌రెడ్డి, సత్తు మల్లేశం, మెనేని రోహిత్‌రావు, బొమ్మ శ్రీరాం, వొడితెల ప్రణవ్‌, కేకే మహేందర్‌రెడ్డి, సీపీఐ నాయకులు చాడవెంకటరెడ్డి, మర్రి వెంకటస్వామి పాల్గొన్నారు.‘కవ్వంపల్లి’ క్యాంపు ఆఫీసుకు సీఎం రేవంత్‌తిమ్మాపూర్‌: ఎమ్మెల్సీ ఎన్నికల ప్రచారం కోసం కరీనంగర్‌కు వచ్చిన సీఎం రేవంత్‌రెడ్డి సభ అనంతరం హైదరాబాద్‌కు రోడ్డు మార్గంలో బయల్దేరారు. ఈ క్రమంలో తిమ్మాపూర్‌ మండలం మహాత్మనగర్‌లోని మానకొండూర్‌ ఎమ్మెల్యే కవ్వపల్లి సత్యనారాయణ క్యాంపు కార్యాలయానికి వచ్చారు. సీఎంకు ఎమ్మెల్యేతో పాటు, పార్టీ మండల అధ్యక్షుడు మోరపల్లి రమణారెడ్డి స్వాగతం పలికారు. టీ తాగిన అనంతరం హైదరాబాద్‌ బయల్దేరి వెళ్లారు. సీఎం వెంట మంత్రులు ఉత్తం కుమార్‌డ్డి, పొన్నం ప్రభాకర్‌, శ్రీధర్‌బాబు ఉన్నారు.

వేములవాడ: భక్తులకు అసౌకర్యాలు కలగకుండా సౌకర్యాలు కల్పించాలని ప్రభుత్వ విప్‌ ఆది శ్రీని వాస్‌ అధికారులను ఆదేశించారు. వేములవాడలోని అన్నదానసత్రం, బద్దిపోచమ్మ ఆలయ ప నులు, తాగునీటి సౌకర్యం, జాతర పనులను ఉత్సవ కమిటీ సభ్యులతో కలిసి సోమవారం పరి శీలించారు. భక్తులు ప్రశాంత వాతావరణంలో మొక్కులు చెల్లించుకుని తిరిగి ఇంటికి చేరేలా చర్యలు తీసుకుంటున్నట్లు చెప్పారు. మహిళలకు ఉచిత బస్సు ప్రయాణంతో రద్దీ పెరిగే అవకాశాలున్నాయని, ఆమేరకు ఏర్పాట్లు పూర్తి చేయాలన్నారు. జలప్రసాదం వద్ద ఓపెన్‌ డ్రైన్‌ను పూడ్చాలని ఆదేశించారు. ఆలయ పరిసరాల్లో శానిటేషన్‌ ఎప్పటికప్పటికప్పుడు సరిచేయాలన్నారు.

వేములవాడ: ప్రశాంత వాతావరణంలో మహాశివరాత్రి జాతర నిర్వహించుకుందామని ఎస్పీ అఖిల్‌మహాజన్‌ కోరారు. నిబంధనల ప్రకా రం ఎమ్మెల్సీ ఎన్నికలు నిర్వహిద్దామన్నారు. స్థానిక పట్టణ ఠాణాలో సోమవారం సమావేశం నిర్వహించారు. ఈనెల 27న జరిగే ఎమ్మెల్సీ ఎన్నికల సమయంలో పోలీసు అధికారులు తీసుకోవలసిన చర్యల గురించి వివరించారు. పోలింగ్‌ ప్రక్రియ సజావుగా సాగేలా భద్రత చర్యలు తీసుకోవాలన్నారు. జిల్లాలో ఉపాధ్యాయ, పట్టభద్రుల పోలింగ్‌కు 41 పోలింగ్‌ కేంద్రాలు ఏర్పాటు చేసినట్లు తెలిపారు. జాతరకు పటిష్ట భద్రత మహాశివరాత్రి జాతరకు 1500 మంది పోలీ సులతో భద్రత ఏర్పాటు చేసినట్లు ఎస్పీ అఖిల్‌మహాజన్‌ తెలిపారు. భక్తులకు ఇబ్బందులు తలెత్తకుండా ప్రశాంత వాతావరణంలో రాజన్న దర్శనమయ్యేలా చూడాలన్నారు. అడిషనల్‌ ఎస్పీ చంద్రయ్య, డీఎస్పీ చంద్రశేఖర్‌రెడ్డి పాల్గొన్నారు.

● నేటి నుంచి వేములవాడలో మహాశివరాత్రి ఉత్సవాలు ● నేడు రాష్ట్ర ప్రభుత్వం తరఫున మంత్రి పొన్నం పట్టువస్త్రాల సమర్పణ ● మూడు రోజులు ముక్కోటి పండుగ ● 1500 మందితో బందోబస్తు వేములవాడ: హరహర మహాదేవ.. శంభో శంకర.. జై మహాదేవ్‌.. నామస్మరణతో వేములవాడ పురవీధులు మారుమోగనున్నాయి. పేదల దేవుడిగా పేరొందిన దక్షిణకాశీ వేములవాడలో నేటి నుంచి మూడు రోజులు మహాశివరాత్రి వేడుకలు వైభవంగా నిర్వహించనున్నారు. ఈ ఉత్సవాలకు రాష్ట్ర నలుమూలల నుంచే కాకుండా ఇతర రాష్ట్రాల నుంచి దాదాపు 4లక్షల వరకు భక్తులు వస్తారని అధికారుల అంచన. రూ.2.39కోట్లతో ఏర్పాట్లు చేశారు. ప్రత్యేక సాంస్కృతిక కార్యక్రమాల కోసం శివార్చన వేదికను సిద్ధం చేశారు. ఆలయాన్ని విద్యుత్‌ దీపాలతో అలంకరించారు. భక్తులకు స్వాగతం పలికేందుకు తోరణాలు, సీసీ కెమెరాల మధ్య భద్రతను పర్యవేక్షిస్తున్నారు. కోడె మొక్కులు ప్రత్యేకం భక్తుల కోరిన కోర్కెలు నెరవేరితే రాజన్నకు కోడెమొక్కు చెల్లించుకుంటారు. పాడిపంటలు బా గుండాలని మొక్కుకున్న రైతులు ఆలయానికి ని జకోడెలు సమర్పిస్తుంటారు. కల్యాణకట్టలో తలనీలాలు, బద్దిపోచమ్మకు బోనం మొక్కులు సమర్పించుకోవడం ఆనవాయితీ. ధర్మగుండం పక్కనే ఉన్న ప్రసాదాల కౌంటర్‌, దేవస్థానం దక్షిణ ద్వారం వద్ద, పూర్వపు ఆంధ్రాబ్యాంకులో, భీమేశ్వరాలయం వద్ద ప్రసాదాల కౌంటర్‌ ఏ ర్పాటు చేశారు. లడ్డూ రూ.20, పులిహోరా ప్యాకెట్‌ రూ.15 చొప్పున విక్రయిస్తారు. జాతర ప్రత్యేక పూజలు మహాశివరాత్రి జాతర సందర్భంగా ఈనెల 25 నుంచి నిరంతర దర్శనాలు అందుబాటులో ఉంటాయి. ధర్మదర్శనంతోపాటు రూ.300 వీఐపీ, రూ.50 స్పెషల్‌ దర్శనాలు, రూ.100 కోడెమొక్కులు, రూ.200 స్పెషల్‌ కోడెమొక్కు, రూ.100 శీఘ్రదర్శనం టికెట్లు అందుబాటులో ఉంచుతున్నారు. ఈనెల 25వ తేదీ రాత్రి 7.30 గంటలకు తిరుమల తిరుపతి దేవస్థానం తరఫున స్వామివారికి పట్టువస్త్రాలు సమర్పిస్తారు. రాత్రి 9.30 గంటలకు నిషిపూజ అనంతరం సర్వదర్శనం కొనసాగుతోంది. 26న ఉదయం 8 గంటలకు రాష్ట్ర ప్రభుత్వం తరఫున స్వా మి వారికి పట్టువస్త్రాలు అందజేస్తారు. సాయంత్రం 4 నుంచి 5.30 గంటల వరకు శివస్వాములకు, 6 నుంచి రాత్రి 8.30 గంటల వరకు అద్దాల మంటపంలో మహాలింగార్చన, రాత్రి 11.35 గంటల నుంచి వేకువజాము 3.30 గంటల వరకు లింగోద్భవ సమయంలో మహాన్యాసపూర్వక ఏకాదశ రుద్రాభిషేకం పూజలు నిర్వహిస్తారు. ఉచిత భోజనం..టిఫిన్‌..తాగునీరు మూడురోజులపాటు స్థానిక ట్రస్టుల ఆధ్వర్యంలో లక్ష్మీగణపతి కాంప్లెక్సులో ఉచితంగా భోజ నం, పార్వతీపురంలో అన్నదానసత్రంలో ఉచిత భోజనం, టిఫిన్‌ వసతి ఉంది. ఆరు రాజన్న జలప్రసాదాల సెంటర్లను ఏర్పాటు చేశారు. వంద వసతి గదులు, 3.90 లక్షల చదరపు మీటర్లలో చలువపందిళ్లు వేశారు. స్నానానికి 157 షవర్లు ఏర్పాటు చేశారు. ధర్మగుండంలోకి గోదావరి జలాలను పంపింగ్‌ చేస్తున్నారు. గత ఈతగాళ్లను అందుబాటులో పెట్టారు. భక్తుల కోసం 4 లక్షల లడ్డూలను సిద్ధం చేశారు. అతిథుల రాక.. ఈ వేడుకలకు రాష్ట్ర మంత్రులు పొన్నం ప్రభాకర్‌, కొండ సురేఖ, శ్రీధర్‌బాబు, ప్రభుత్వ విప్‌లు ఆది శ్రీనివాస్‌, అడ్లూరి లక్ష్మణ్‌కుమార్‌, కేంద్రమంత్రి బండి సంజయ్‌కుమార్‌లు మహాశివరాత్రి వేడుకలకు రానున్నారు. రాష్ట్ర స్థాయి అధికారులు రానున్నట్లు సమాచారం. నేడు పట్టువస్త్రాల సమర్పణశ్రీరాజరాజేశ్వరస్వామికి రాష్ట్ర ప్రభుత్వం తరఫున మంగళవారం సాయంత్రం 7 గంటలకు బీసీ సంక్షేమశాఖ మంత్రి పొన్నం ప్రభాకర్‌గౌడ్‌ పట్టువస్త్రాలు సమర్పిస్తారు. అనంతరం రాత్రి 8 గంటలకు సాంస్కృతిక, దేవాదాయశాఖలు సంయుక్తంగా నిర్వహిస్తున్న శివార్చన కార్యక్రమాన్ని ప్రారంభిస్తారు. ఇలా చేరుకోవాలి రోడ్డు మార్గంలోనే వేములవాడకు చేరుకోవాలి. హైదరాబాద్‌ నుంచి 150 కిలోమీటర్లు, ఉమ్మడి కరీంనగర్‌ జిల్లా కేంద్రం నుంచి 32 కిలోమీటర్లు దూరం రోడ్డుమార్గంలో చేరుకోవాలి. సికింద్రాబాద్‌ బస్టాండ్‌ నుంచి ప్రతీ ముప్పై నిమిషాలకో బస్సు, కరీంనగర్‌ నుంచి ప్రతీ పది నిమిషాలకో బస్సు సౌకర్యం ఉంది. స్థానికంగా తిప్పాపూర్‌ బస్టాండ్‌ నుంచి గుడి చెరువు వరకు 14 ఉచిత బస్సులు నడిపిస్తున్నారు.దర్శనీయ స్థలాలు వేములవాడ పరిసరాల్లో అనంతకోటి పద్మనాభస్వామి, భీమేశ్వరాలయం, బద్దిపోచమ్మ, నగరేశ్వరాలయం, కేదారీశ్వర, వేణుగోపాలస్వామి, నాంపల్లి గుట్టపై లక్ష్మీనర్సింహస్వామి, అగ్రహారం జోడాంజనేయ స్వామి ఆలయాలు ఉన్నాయి.అత్యవసర సేవల ఫోన్‌ నంబర్లు ఏఎస్పీ శేషాద్రినిరెడ్డి : 87126 56412 ఈవో వినోద్‌రెడ్డి : 94910 00743 వైద్యాధికారి రజిత : 70975 57119 ఆర్టీసీ డీఎం శ్రీనివాస్‌ : 99592 25926 టౌన్‌ సీఐ వీరప్రసాద్‌ : 87126 56413అత్యవసర సేవలు ఆలయం ఎదుట పోలీస్‌ కంట్రోల్‌రూమ్‌ను ఏర్పాటు చేశారు. నిరంతరం పోలీసు గస్తీ బృందాలను జిల్లా ఎస్పీ అఖిల్‌ మహాజన్‌ అందుబాటులో ఉంచారు. ఆలయం ముందున్న అమ్మవారి కాంప్లెక్స్‌లో తాత్కాలిక వైద్యశాల, పార్కింగ్‌ స్థలాలు, వసతి గదుల వద్ద నిరంతరం వైద్యసేవలు అందుబాటులో ఉంచుతున్నారు. వీటిని పర్యవేక్షించేందుకు ఒక స్పెషల్‌ ఆఫీసర్‌, 13 మంది నోడల్‌ ఆఫీసర్లను జిల్లా కలెక్టర్‌ సందీప్‌కుమార్‌ ఝా నియమించారు. వీటితోపాటుగా మొబైల్‌ అంబులెన్స్‌, ఫైర్‌ సేవలను అందుబాటులోకి తెచ్చారు. 1600 మంది పోలీసుల ఆధ్వర్యంలో బందోబస్తు ఏర్పాటు చేస్తున్నారు.

● జిల్లాలో పన్నులు చెల్లించని వాహనాలు 6వేలు ● ఇప్పటికే 74 కేసులు నమోదు చేశాం ● రూ.14.18లక్షలు వసూలయ్యాయి ● జిల్లా రవాణాశాఖ అధికారి వి.లక్ష్మణ్‌సిరిసిల్ల: రోడ్‌ ట్యాక్స్‌ వసూళ్లకు స్పెషల్‌డ్రైవ్‌ నిర్వహిస్తున్నామని జిల్లా రవాణాశాఖ అధికారి వి.లక్ష్మణ్‌ పేర్కొన్నారు. జిల్లాలో 6వేలకు పైగా వాహనాలు పన్నులు చెల్లించకుండా తిరుగుతున్నాయని, వాటిని పట్టుకునేందుకు తనిఖీలు చేపడుతున్నట్లు తెలిపారు. జిల్లాలో పన్నుల వసూళ్లకు, ఓవర్‌లోడ్‌తో వెళ్లే వాహనాలను కట్టడి చేసేందుకు రవాణాశాఖ తీసుకుంటున్న చర్యలను ‘సాక్షి’కి వివరించారు. 15 ఏళ్లు దాటితే రెన్యూవల్‌ చేసుకోవాలి జిల్లాలో 15 ఏళ్లు దాటిన వాహనాల రిజిస్ట్రేషన్‌ రెన్యూవల్‌ చేయించుకోవాలి. లేదంటే కేసులు నమోదు చేసి, జరిమానాలు విధిస్తాం. జిల్లాలో అన్ని వాహనాలు 1,48,382 ఉన్నాయి. ఇందులో అత్యధికంగా 1,02,879 బైకులు ఉన్నాయి. రెండో స్థానంలో కార్లు 13,545 ఉన్నాయి. ఏ వాహనమైన 15 ఏళ్లు దాటితే రిజిస్ట్రేషన్‌ రెన్యూవల్‌ చేయించుకోవాలి. రోడ్‌ ట్యాక్స్‌ చెల్లించని వాహనాలకు జరిమానాలు జిల్లాలో మూడు నెలలకోసారి చెల్లించాల్సిన రోడ్‌ ట్యాక్స్‌ను చెల్లించకుండా 6వేలకు పైగా వాహనాలు తిరుగుతున్నాయి. అత్యధికంగా కమర్షియల్‌ ట్రాక్టర్లు, వాటి ట్రాలీలు ఉన్నాయి. ఇప్పటికే 74 కేసులు నమోదు చేసి రూ.14.18లక్షలు ఫిబ్రవరిలోనే వసూలు చేశాం. వాహనదారులు గడువు దాటిన తర్వాత రోడ్‌ ట్యాక్స్‌ చెల్లిస్తే అదనంగా 50 శాతం జరిమానా వసూలు చేస్తారు. అదే మేం పట్టుకుని కేసు నమోదు చేస్తే.. 200 శాతం అదనంగా జరిమానా విధిస్తాం. వాహనదారులు సకాలంలో రోడ్‌ ట్యాక్స్‌ చెల్లించాలి. గడువు దాటితే అదనపు ఆర్థికభారం తప్పదు. ఓవర్‌లోడ్‌తో వెళ్తే కేసులు నమోదు జిల్లాలో సామర్థ్యానికి మించి ఓవర్‌లోడుతో వెళ్లే వాహనాలపై కేసులు నమోదు చేస్తాం. సామర్థ్యం మేరకు లోడును నింపుకుని వెళ్లాలి. జిల్లాలో ఫిట్‌నెస్‌ లేని వాహనాలు 12,700 ఉన్నాయి. వాటిని పట్టుకుని సీజ్‌ చేస్తాం. సకాలంలో ఫిట్‌నెస్‌ చేయించుకోవాలి. ప్రచారం చేస్తున్నాం జిల్లాలో రోడ్‌ ట్యాక్స్‌ వసూళ్లకు ప్రత్యేక డ్రైవ్‌ నిర్వహించడానికి ముందే తెలంగాణ సాంస్కృతిక సారథి కళాకారులతో జిల్లాలో ప్రచారం చేశాం. మంచి పాటలను రాయించి వాహనదారులకు అవగాహన కల్పించాం. మార్చి నెలాఖరులోగా పూర్తిస్థాయిలో రోడ్‌ ట్యాక్స్‌ వసూళ్లకు ప్రణాళికను రూపొందించాం. వాహనదారులు స్పందించి పన్నులు చెల్లించాలి.

ముస్తాబాద్‌(సిరిసిల్ల): ప్రభుత్వ పాఠశాలల్లో పనిచేస్తున్న స్వీపర్లు, స్కావెంజర్లను సర్కార్‌ ఆదుకోవాలని స్వీపర్లు, స్కావేంజర్ల సంఘం జిల్లా కన్వీనర్‌ మీసం లక్ష్మణ్‌యాదవ్‌ డిమాండ్‌ చేశారు. ఆదివారం గంభీరావుపేటలో నిర్వహించిన సమావేశంలో మాట్లాడారు. ఏడు నెలలుగా స్వీపర్లు, స్కావెంజర్ల వేతనాలను ప్రభుత్వం ఇవ్వడం లేదన్నారు. నెలకు రూ.20వేల వేతనాలు చెల్లించి, ఉద్యోగ భద్రత కల్పించాలన్నారు. సమావేశంలో సునీత, దేవయ్య, లచ్చవ్వ, వనిత, వెంకటేశ్‌, దేవయ్య, మల్లయ్య, రజిత, లత, నర్సవ్వ, రాజేశ్వరి, కొమురవ్వ, మల్లవ్వ ఉన్నారు.

సిరిసిల్లఎడ్యుకేషన్‌: ట్రైబల్‌ టీచర్స్‌ ఫెడరేషన్‌ జిల్లా నూతన కార్యవర్గాన్ని ఆదివారం ఏకగ్రీవంగా ఎన్నుకున్నారు. అధ్యక్షుడిగా అజ్మీర మదన్‌లాల్‌నాయక్‌, ప్రధాన కార్యదర్శి బిక్కునాయక్‌ ఏకగ్రీవంగా ఎన్నికయ్యారు. ఈసందర్భంగా ముఖ్య అతిథులుగా టీజీటీఎఫ్‌ రాష్ట్ర అధ్యక్షుడు ఇస్లావత లక్ష్మణ్‌ నాయక్‌, నాయకులు శర్మన్‌నాయక్‌ హాజరై మాట్లాడారు. గిరిజన ఉపాధ్యాయుల సర్వీసు, విద్యాపరమైన సమస్యల పరిష్కారానికి పోరాడే బహుజన ఎజెండా కలిగిన సంఘం తెలంగాణ స్టేట్‌ ట్రైబల్‌ టీచర్‌ ఫెడరేషన్‌ అని అన్నారు. సీపీఎస్‌ రద్దు చేయాలని, ఎస్సీ, ఎస్టీ ఉద్యోగుల పదోన్నతులకు అడ్డంకిగా ఉన్న అడక్వసి పదాన్ని తొలగించి న్యాయం చేయాలని డిమాండ్‌ చేశారు. జీవో నంబర్‌ 29 రద్దు చేయాలని కోరారు. నూతన కార్యవర్గంలో జిల్లా వర్కింగ్‌ ప్రెసిడెంట్‌ నునావత రాజు, జిల్లా సహ అధ్యక్షుడు బదనపురం రవి, జిల్లా కోశాధికారి భూక్య రాజు, మహిళా అధ్యక్షురాలు భూక్య శైలజ, ప్రధాన కార్యదర్శి కంది శిరీష, ఉపాధ్యక్షులు భూక్య తారాచంద్‌, లాకావత్‌ బన్నాజీ, ఇస్లావత్‌ భూపతి, భూక్య రమేశ్‌, నునవత్‌ సునీత, కార్యదర్శులు భూక్య రూప్‌సింగ్‌, అజ్మీర రఘుపతి, లాకావత్‌ రవి, గుగులోతు బాబు, భూక్యా మంజుల, ప్రచార కార్యదర్శి భూక్య సతీశ్‌ తదితరులు ఉన్నారు.

చందుర్తి(వేములవాడ): మండలంలోని మల్యాలలో ఐదురోజులుగా భగీరథ నీరు రంగుమారి సరఫరా కావడంతో గ్రామస్తులు ఆందోళన చెందుతున్నారు. గ్రామంలో తాగునీరు సరఫరా చేసేందుకు మంచి నీటి బావులు, బోర్లు, ట్యాంకులు ఉన్నా.. గ్రామపంచాయతీ సిబ్బంది తమకు మూడునెలలుగా వే తనాలు లేవని, బావులు గ్రామానికి దూరంగా ఉ న్నాయని, గ్రామానికి సంబంధించి నీరు సరఫరా చేయాలన్న చేయడం లేదు. ఐదురోజులు రంగు మారిననీరు సరఫరా కావడంతో వాటిని కాళ్లు, చే తులు కడుక్కునేందుకు కూడా గ్రామస్తులు సాహసించడం లేదు. అధికారులు స్పందించి స్వచ్ఛమైన భగీరథ నీరు సరఫరా చేయాలని, లేకుంట గ్రామంలోని బావులు, బోర్లను వినియోగించుకునేందుకు అనుమతి ఇవ్వాలని కోరుతున్నారు. ఈ విషయమై భగీరథ గ్రిడ్‌ ఏఈ అనిల్‌ను వివరణ కోరగా, మిడ్‌మానేరు నీటి తరలింపుతో రంగుమారిన నీళ్లు సరఫరా అవుతున్నాయని, సోమవారం నుంచి సమస్య ఉండదన్నారు. ఇదే పరిస్థితి ఉంటే లోకల్‌ నీటి ని వాడుకోవాలని చెబుతామని పేర్కొన్నారు.

● ఏఐసీసీ కార్యదర్శి విశ్వనాథన్‌ వేములవాడఅర్బన్‌: ఎమ్మెల్సీ ఎన్నికల్లో నరేందర్‌రెడ్డిని భారీ మెజార్టీతో గెలిపించాలని ఏఐసీసీ కార్యదర్శి విశ్వనాథన్‌ అన్నారు. ఆదివారం వేములవాడ అర్బన్‌ మండలం అగ్రహారం శ్రీ కన్వేక్షన్‌ హాల్‌లో పట్టుభద్రుల ఎమ్మెల్సీ ఎన్నికల సన్నాహాక సమావేశం నిర్వహించగా, మంత్రి పొన్నం ప్రభాకర్‌, విప్‌ ఆది శ్రీనివాస్‌ హాజరయ్యారు. ఈ సందర్భంగా విశ్వనాథన్‌ మాట్లాడుతూ, ఎమ్మెల్సీ ఎన్నికల్లో బీఆర్‌ఎస్‌ తమ అభ్యర్థి పెట్టకుండా బీజేపీకి మద్దతు ఇస్తుందన్నారు. మంత్రి పొన్నం మాట్లాడుతూ, ప్రతీ కాంగ్రెస్‌ కార్యకర్త బాధ్యత తీసుకొని పార్టీ గెలుపుకోసం కృషి చేయాలన్నారు. సోమవారం కరీంనగర్‌కు ముఖ్యమంత్రి రేవంత్‌రెడ్డి రానున్నారని, సభలో పట్టభద్రులు అందరూ పాల్గొనాలని కోరారు. విప్‌ ఆది శ్రీనివాస్‌ మాట్లాడుతూ, ముంపు గ్రామాల ప్రజలకు 4,696 ఇందిరమ్మ ఇళ్లు మంజూరు చేయడం జరిగిందని పేర్కొన్నారు. కాంగ్రెస్‌ ప్రభుత్వం వచ్చాక విద్యా వ్యవస్థలో చాల మార్పులు తీసుకువచ్చామని, పదేళ్లలో జరగని అభివృద్ధి కాంగ్రెస్‌ ఏడాది పాలనలో జరిగిందన్నారు. కార్యక్రమంలో కేకే మహేందర్‌ రెడ్డి, పీసీసీ ప్రధాన కార్యదర్శి మహేశ్‌, జిల్లా గ్రంథాలయ చైర్మన్‌ నాగుల సత్యనారాయణ పాల్గొన్నారు.

● పారిశుధ్యం లోపించకుండా చర్యలు ● మహాశివరాత్రికి ప్రత్యేక ప్రణాళిక ● వేములవాడ మున్సిపల్‌ కమిషనర్‌ అన్వేశ్‌వేములవాడఅర్బన్‌: దక్షిణకాశీగా ప్రసిద్ధి చెందిన వేములవాడ రాజన్న క్షేత్రంలో నిర్వహించే జరిగే మహాశివరాత్రి వేడుకల్లో పారిశుధ్యం లోపించకుండా ప్రణాళికతో ముందుకెళ్తామని వేములవాడ మున్సిపల్‌ కమిషనర్‌ అన్వేశ్‌ తెలిపారు. వేములవాడ మున్సిపల్‌తోపాటు ఇతర మున్సిపాలిటీల్లోని సిబ్బంది, అధికారులకు కూడా మహా శివరాత్రి విధులు కేటాయించినట్లు తెలిపారు. మహాశివరాత్రి జాతర ఈనెల 25, 26, 27 తేదీల్లో జరుగనుండగా మున్సిపల్‌ ఆధ్వర్యంలో తీసుకుంటున్న చర్యలపై ‘సాక్షి’ ఇంటర్వ్యూలో పలు విషయాలు వెల్లడించారు. ఆయన మాటల్లోనే..ఆధ్యాత్మిక క్షేత్రం వేములవాడలో మూడు రోజులపాటు జరిగే మహాశివరాత్రి వేడుకలకు ప్రత్యేక పారిశుధ్య చర్యలు తీసుకుంటున్నాం. పట్టణంలోని రహదారులను కూడా శుభ్రం చేయిస్తాం. మహాశివరాత్రి వేడుకలకు ఆలయం, పట్టణంలోని జాతరగ్రౌండ్‌ ప్రాంతాల్లో పారిశుధ్యం లోపించకుండా ఎప్పటికప్పుడు శుభ్రం చేయిస్తాం. పారిశుధ్య సిబ్బంది వసతి కోసం సినారె కళామందిర్‌ తీసుకున్నాం. పట్టణంలోని వీధుల్లో ఏర్పాటు చేసేందుకు 185 లైట్లు తెప్పించాం. డంపింగ్‌యార్డుకు తరలింపుమహాశివరాత్రి జాతరలోని చెత్తను వేములవాడ మండలం అగ్రహారం గుట్టల్లోని డంపింగ్‌యార్డుకు తరలిస్తాం. వేములవాడ మున్సిపల్‌ నుంచి చెత్త ఆటోలు 20, ట్రాక్టర్లు, ఇతర మున్సిపల్‌ నుంచి 8 ట్రాక్టర్లు, మరో నాలుగు ట్రాక్టర్లను ఎంగేజ్‌ తీసుకుంటున్నాం. చెత్తసేకరణకు 60 డ్రంబులు ఏర్పాటు చేస్తాం. రద్దీ ప్రాంతాల్లో ప్రతీ 30 మీటర్ల దూరంలో ఒక డస్ట్‌బిన్‌ ఏర్పాటు చేస్తాం. చెత్త సేకరణ ఈ నెల 24, 25, 26, 27, 28 తేదీల వరకు కొనసాగుతుంది. మహాశివరాత్రి ఉత్సవాలు ముగిసే వరకు ప్రత్యేక కార్యాచరణను అమలు చేస్తాం. 505 మంది పారిశుధ్య సిబ్బందివేములవాడ మున్సిపల్‌ నుంచి 101 మంది పారిశుధ్య సిబ్బందితోపాటు ఇతర మున్సిపాలిటీలు సిరిసిల్ల, కరీంనగర్‌, జగిత్యాల, మెట్‌పల్లి, కోరుట్ల, హుజూరాబాద్‌, రామగుండం, పెద్దపల్లి, సుల్తాన్‌బాద్‌ నుంచి శానిటేషన్‌ సిబ్బందిని రప్పిస్తున్నాం. పారిశుధ్య సిబ్బందిని 22 జోన్‌లుగా విభజించి.. 35 రూట్‌లను ఏర్పాటు చేశాం. ఒక్కో రూట్‌కు 3 షిఫ్ట్ట్‌లు, షిఫ్టున్టకు ఆరుగురు సిబ్బందిని కేటాయించాం. ఎక్కువ చెత్త ఉత్పత్తి అయ్యే జాతరగ్రౌండ్‌, గాజులబజార్‌, బద్దిపోచమ్మ ఏరియా, పార్వతీపురం, భీమేశ్వరసదన్‌, టాకీస్‌ రోడ్డులో పారిశుధ్య పనులపై ప్రత్యేక దృష్టి పెడతాం. ఈ ప్రాంతంలో చెత్తను వెంట వెంటనే తరలిస్తాం. ప్రత్యేక చర్యలు

సిరిసిల్లటౌన్‌: జిల్లా సమీకృత కార్యాలయ సముదాయము (కలెక్టరేట్‌)లో సోమవారం నిర్వహించే ప్రజావాణి కార్యక్రమాన్ని రద్దు చేస్తున్నట్లు కలెక్టర్‌ సందీప్‌కుమార్‌ ఝా ఆదివారం ప్రకటనలో తెలిపారు. జిల్లాలోని ప్రజలు వినతులు ఇవ్వడానికి కలెక్టరేట్‌కు రావద్దని విజ్ఞప్తి చేశారు. ఈనెల 27న ఎమ్మెల్సీ ఎన్నికల పోలింగ్‌, మహాశివరాత్రి జాతర నేపథ్యంలో అధికారులు క్షేత్రస్థాయిలో ఎన్నికలు, జాతర విధుల్లో ఉన్నందున ప్రజావాణి రద్దు చేస్తున్నట్లు తెలిపారు. ఈ విషయాన్ని జిల్లా ప్రజలు గమనించాలని పేర్కొన్నారు. మహాశివరాత్రి ఏర్పాట్లు పరిశీలనవేములవాడ: రాజన్న భక్తులకు శీఘ్ర దర్శనం కలిగేలా మహాశివరాత్రి జాతర ఏర్పాట్లు చేస్తున్నట్లు ప్రభుత్వ విప్‌ ఆది శ్రీనివాస్‌ పేర్కొన్నారు. ఆదివారం ఉత్సవ కమిటీ సభ్యులతో కలిసి ఆలయ పరిసరాలు, గుడిచెరువు వద్ద మైదానం, శివార్చన స్టేజ్‌, ధర్మగుండం, క్యూ లైన్లను పరిశీలించారు. భక్తుల రద్దీని దృష్టిలో పెట్టుకొని అన్ని ఏర్పాట్లు చేస్తున్నట్లు పేర్కొన్నారు. రాష్ట్రం నుంచే కాకుండా పొరుగు రాష్ట్రాల నుంచి లక్షలాది మంది జాతరకు తరలిరానున్న నేపథ్యంలో ఏర్పాట్లలో లోటుపాట్లు లేకుండా చూడాలన్నారు. బాధ్యతలు చేపట్టిన ఉత్సవ కమిటీవేములవాడ: రాజన్న ఆలయంలో మహాశివరాత్రి జాతరను విజయవంతంగా నిర్వహించేందుకు రాష్ట్ర ప్రభుత్వం ఫెస్టివల్‌ కమిటీని నియమించింది. ఈమేరకు ఆదివారం 29 మందితో కూడిన ఫెస్టివల్‌ కమిటీ సభ్యులు స్వామివారిని దర్శించుకొని బాధ్యతలు చేపట్టారు. అనంతరం ఈవో వినోద్‌రెడ్డి అధ్యక్షతన జరిగిన సమావేశంలో జాతర సౌకర్యాలు గురించి తెలుసుకున్నారు. కార్యక్రమంలో అనుముల చంద్రం, వడ్డేపల్లి వెంకటరమణ, కె.రాజిరెడ్డి, సి.విజయలక్ష్మి, సాగరం వెంకటస్వామి, పాత సత్యలక్ష్మి, కూరగాయల కొమురయ్య, సంద్రగిరి శ్రీనివాస్‌, నాంపల్లి శ్రీనివాస్‌, పులి రాంబాబు, తూము సంతోష్‌, వకులాభరణం శ్రీనివాస్‌, పిల్లి కనకయ్య, సంగ స్వామి, కేతిరెడ్డి జగన్మోహన్‌రెడ్డి, చేపూరి గంగయ్య, చింతపటి రామస్వామి, కాయతి నాగరాజు, తొట్ల అంజయ్య, ఏనుగు రమేశ్‌రెడ్డి, సింగిరెడ్డి నరేశ్‌రెడ్డి, ధర్న మల్లేశం, ఒలిమినేని నిత్యానందరావు, గొట్టే ప్రభాకర్‌, బుస్సా దశరథం, తాటికొండ పవన్‌, ముప్పిడి శ్రీధర్‌, సుగూరి లక్ష్మి, తోట లహరి పాల్గొన్నారు. అక్రమ అరెస్టులు సరికాదుసిరిసిల్లటౌన్‌: జిల్లాలో కాంగ్రెస్‌ నేతలు అధికారులతో చేపడుతున్న అక్రమ అరెస్టుల పర్వాన్ని ఆపాలని బీఆర్‌ఎస్‌ జిల్లా అధ్యక్షుడు తోట ఆగయ్య అన్నారు. ఆదివారం ప్రెస్‌క్లబ్‌లో మాట్లాడారు. బీఆర్‌ఎస్‌ నాయకులే కాకుండా ఓట్లేసిన వాళ్లు, తమ నేతల సంబంధీకులు, రైతులపై కక్షసాధింపు ధోరణికి దిగడం ఎంటని ప్రశ్నించారు. జిల్లాలో కాంగ్రెస్‌ ప్రధాన నేతల ఆగడాలు సరికాదని, సామాన్యులపై కర్కశంగా ప్రవర్తిస్తే తస్మాత్‌ జాగ్రత్త అని హెచ్చరించారు. ఎన్నికలకు ముందు ప్రజలకు ఇచ్చిన హామీలు నిలబెట్టుకునే చేతగాక సీఎం రేవంత్‌రెడ్డి బీఆర్‌ఎస్‌ పార్టీ పెద్దలపై అవాక్కులు మాట్లాడుతున్నారని విమర్శించారు. ప్రజలకు ఇచ్చిన హామీలు అమలు చేయకపోవడంతో ప్రభుత్వంపై వస్తున్న ప్రజావ్యతిరేకతను కప్పిపుచ్చుకోవడానికే కులగణన పేరుతో కాలక్షేపం చేస్తున్నారని విమర్శించారు. బీఆర్‌ఎస్‌ పట్టణ అధ్యక్షుడు జిందం చక్రపాణి, అర్బన్‌బ్యాంకు చైర్మన్‌ రాపెల్లి లక్ష్మీనారాయణ, ఆకునూరి శంకరయ్య, గుండ్లపెల్లి పూర్ణచందర్‌, కుంభాల మల్లారెడ్డి, ఎండీ సత్తార్‌ పాల్గొన్నారు.