నువ్వు రాకపోతే నీ దగ్గరకు నేనే వస్తా: టీడీపీ ఎమ్మెల్యే వార్నింగ్‌

శ్రీకాకుళం: స్థానిక ఎన్నికల వేళ ఓ టీడీపీ ఎమ్మెల్యే బెదిరింపులకు దిగారు. అది కూడా లైన్‌మన్‌ను బెదిరిస్తూ తన చేతుల్లో పెట్టుకోవడానికి యత్నించారు. శ్రీకాకుళం ఎమ్మెల్యే గొండు శంకర్‌.. సింగవలస గ్రామానికి చెందిన లైన్‌మన్‌ రోహిణీ కుమార్‌కు ఫోన్‌ చేసి బెదిరింపులకు పాల్పడ్డారు. ఈ 10 రోజులు తాను చెప్పినట్లు వినకపోతే.. మిగతా 1100 రోజులు తనవి అంటూ బెదిరింపులకు పాల్పడ్డారు.ఇదేంటి అన్నా.. అని లైన్‌మన్‌ రోహిణి కుమార్‌ అడిగితే.. ‘ ఇది రాయి అన్న.. ఇది నాటు అన్న.. నాటు ఎమ్మెల్యే అన్న ఇది’ అంటూ హెచ్చరించారు. తాను ఇక్కడ లేనని లైన్‌మన్‌ చెప్పగా, తానే వస్తానంటూ సీరియస్‌ అయ్యారు. దాంతో ‘మీరు వద్దన్న.. నేను మీ దగ్గరకి వస్తా’ అంటూ ఆ లైన్‌మన్‌ చెప్పాడు. ‘ అయితే మరి రా’ అంటూ మరోసారి గట్టిగా హెచ్చరించారు ఎమ్మెల్యే గొండు శంకర్‌. ఎమ్మెల్యే గొండు శంకర్‌.. లైన్‌మన్‌ రోహిణీ కుమార్‌ వ్యాఖ్యలు ఇప్పుడు సోషల్‌ మీడియాలో వైరల్‌గా మారాయి.ఇది స్థానిక ఎన్నికల వేళ జరిగిన పరిణామం కాబట్టి.. ఇందులో ఏమైనా కుట్ర కోణం ఉందా అనే అనుమానాలు కూడా వ్యక్తమవుతున్నాయి. ఇదీ చదవండి: స్థానిక ఎన్నికల్లో నీచానికి ఒడిగడుతున్నారు: పేర్నినాని

మాక్‌ పార్లమెంట్‌.. ఎస్ఐఆర్‌ను తక్షణమే నిలిపివేయాలన్న మల్లికార్జున ఖర్గే

సాక్షి,ఢిల్లీ: సీఈసీ జ్ఞానేష్ కుమార్‌పై ఇండియా కూటమి పీపుల్స్ ఇంపీచ్‌మెంట్ నిర్వహించారు. కాంగ్రెస్ అధ్యక్షుడు మల్లికార్జున్ ఖర్గే నివాసంలో ఈ కార్యక్రమం జరిగింది. మాజీ లోక్‌సభ స్పీకర్ మీరా కుమార్ అధ్యక్షతన మాక్ పార్లమెంట్ నిర్వహించారు. ఈ కార్యక్రమానికి కాంగ్రెస్ అగ్రనేతలు‌ రాహుల్ గాంధీ, సోనియా గాంధీ, సీఎం రేవంత్ సహా పలువురు ఎంపీలు, విపక్ష నేతలు పాల్గొన్నారు.ఇందులో కాంగ్రెస్ జాతీయ అధ్యక్షుడు మల్లికార్జున ఖర్గే మాట్లాడుతూ.. దేశంలో ఓటు హక్కుకు తీవ్ర ముప్పు ఏర్పడిందని ఆందోళన వ్యక్తం చేశారు. ఓటు హక్కును కాపాడేందుకు ప్రతిపక్షాలన్నీ పోరాటం కొనసాగిస్తాయని ఆయన స్పష్టం చేశారు. రాజ్యాంగంలోని ఆర్టికల్ 326 కల్పించిన ఓటు హక్కును పరిరక్షించాల్సిన అవసరం అందరికీ ఉందన్నారు.ప్రధాని నరేంద్ర మోదీ, కేంద్ర హోంమంత్రి అమిత్ షా ఆదేశాల మేరకే ప్రధాన ఎన్నికల కమిషనర్ (సీఈసీ) జ్ఞానేశ్ కుమార్ పనిచేస్తున్నారని ఖర్గే తీవ్రంగా ఆరోపించారు. ఆయనను సీఈసీ పదవి నుంచి తొలగించాలని ఏడు నెలల క్రితమే ఉభయ సభల్లో 193 మంది ప్రతిపక్ష ఎంపీలు నోటీసులు ఇచ్చినట్లు ఆయన గుర్తుచేశారు.ప్రతిపక్ష పార్టీల ఓటర్ల పేర్లను తొలగించి అధికారాన్ని మళ్లీ వాళ్లే కొనసాగించేందుకు కుట్ర జరుగుతోందని ఆయన విమర్శించారు. అంతేకాదు 145 మంది ప్రతిపక్ష ఎంపీలను సస్పెండ్ చేసిన తర్వాతే సీఈసీకి సంబంధించిన చట్టాన్ని ఆమోదించారని ఖర్గే ఆరోపించారు.మహారాష్ట్ర అసెంబ్లీ ఎన్నికలకు ముందు 40 లక్షల మంది కొత్త ఓటర్లను చేర్చారని, ఎస్ఐఆర్ ప్రక్రియలో అంతకంటే ఐదు రెట్లు ఎక్కువ మంది ఓటర్ల పేర్లను తొలగించారని ఖర్గే పేర్కొన్నారు. ఓటర్లను చేర్చడం కంటే తొలగించడమే ఎస్ఐఆర్ లక్ష్యంగా మారిందని విమర్శిస్తూ, ఈ ప్రక్రియను తక్షణమే నిలిపివేయాలని డిమాండ్ చేశారు.ఓట్ల చోరీకి వ్యతిరేకంగా నిరసన తెలిపిన ప్రతిపక్ష ఎంపీలను నిర్బంధించడం, జంతర్ మంతర్ వద్ద ఆందోళనలకు అనుమతి నిరాకరించడం ప్రజాస్వామ్యానికి విరుద్ధమని అన్నారు. తమ నిరసనలను రామ్‌లీలా మైదాన్‌లో కొనసాగిస్తామని ప్రకటించారు.దళితులు, మహిళలు, పేదలు, అణగారిన వర్గాల ఓటు హక్కులను కాపాడటమే తమ పోరాట లక్ష్యమని ఖర్గే స్పష్టం చేశారు. ప్రజాస్వామ్య పరిరక్షణ కోసం అన్ని వర్గాల ప్రజలు ఉద్యమంలో భాగస్వాములు కావాలని పిలుపునిచ్చారు.ఇదీ చదవండి: ట్రంప్‌కు ఏమైంది? ర్యాలీలో కంటి సమస్య.. ఆరోగ్యంపై కలకలం

ఏపీలో 50 శాతం పోలింగ్‌ కేంద్రాల్లోనే సీసీ కెమెరాలు: ఎస్‌ఈసీ

విజయవాడ: స్థానిక సంస్థల ఎన్నికల ప్రక్రియలో భాగంగా రేపు(ఆదివారం, నవంబర్‌ 1వ తేదీ) జరిగే పోలింగ్‌కు సంబంధించి యాభై శాతం పోలింగ్‌ కేంద్రాల్లోనే రాష్ట్ర ఎన్నికల సంఘం(ఎస్‌ఈసీ) సీసీ కెమెరాలను ఏర్పాటు చేసింది. అన్ని పోలింగ్‌ కేంద్రాల్లోనూ సీసీ కెమెరాలు, వీడియో రికార్డింగ్‌లు ఉండాలని ఒకవైపు సుప్రీంకోర్టు ఆదేశించగా, అన్ని పోలింగ్‌ స్టేషన్లలో సీసీ కెమెరాలు ఏర్పాటు కష్టమని అంటోంది ఎస్‌ఈసీ. వైఎస్సార్‌సీపీ న్యాయపోరాటంలో భాగంగా సుప్రీంకోర్టు ఆదేశాలు జారీ చేసిన కొద్ది వ్యవధిలోనే ఎస్‌ఈసీ మీడియా ద్వారా ఓ ప్రకటన విడుదల చేసింది. అన్ని పోలింగ్‌ కేంద్రాల్లో సీసీ కెమెరాలు పెట్టలేమనే నిర్ణయాన్ని ఎస్‌ఈసీ అనిల్‌ చంద్ర పునెట స్పష్టం చేశారు. 5,737 పోలింగ్‌ స్టేషన్లలో 12 వేల కెమెరాలను ఏర్పాటు పెట్టినట్లు తెలిపారు. సీసీ కెమెరాల ఫుటేజ్‌ను భద్రపరుస్తామని పేర్కొన్నారు. ఇదీ చదవండి: ‘స్థానిక’ ఎన్నికలపై సుప్రీంకోర్టు కీలక ఆదేశాలు జారీ

స్థానిక ఎన్నికల్లో నీచానికి ఒడిగడుతున్నారు: పేర్నినాని

మచిలీపట్నం: పోలీస్‌ జులుంతో నీచానికి ఒడిగడుతున్నారని మాజీ మంత్రి పేర్నినాని చెప్పారు. ఎవరికీ ఊపిరి తీసుకునే అవకాశం కూడా ఇవ్వడం లేదని మండిపడ్డారు. ఏప్రిల్‌, మే నెలలో ఎందుకు ఎన్నికలు పెట్టలేదని ఆయన నిలదీశారు. శనివారం మచిలీపట్నంలో ఆయన మీడియా సమావేశంలో మాట్లాడారు.‘‘అరాచకాలు, దుర్మార్గాలతో అన్ని ఎన్నికల్లో గెలవాలని చూస్తున్నారు. తప్పుడు మార్గాల్లో గెలిచి బలంగా ఉన్నామని చూపించుకునే ప్రయత్నాలు చేస్తున్నారు. పైపై మేకప్‌లు ఎన్నాళ్లు ఉంటాయి? 2029లో ప్రజలు కచ్చితంగా చంద్రబాబు గాలి తీసేయడం ఖాయం. తప్పుడు మార్గాల్లో గెలిచి బలంగా ఉన్నామని చూపించుకునే ప్రయత్నాలు. చంద్రబాబు బుర్ర నిండా కుట్రలే. హైకోర్టు చంద్రబాబు ప్రభుత్వానికి గడ్డి పెట్టింది. గంట ముందే ఏజెంట్‌ నియామక పత్రాన్ని అందజేస్తే చాలని కోర్టు చెప్పింది.పోలింగ్‌ కేంద్రాలను ఆక్రమించుకునేందుకు పోలీసులను మోహరిస్తున్నారా? శ్రీకాకుళం నుంచి బాపట్ల వరకు వ్యవసాయం సర్వనాశనం అయ్యింది. కూటమి ప్రభుత్వం ఒక చెత్త ప్రభుత్వం. తుపాన్‌ వస్తుందని వారం ముందే హెచ్చరికలు వచ్చినా పట్టించుకోలేదు. ఇప్పటివరకు విద్యుత్‌ను పునరుద్ధరించలేదు. తప్పుడు పోకడలతో చంద్రబాబు ఎన్నికలకు వెళ్తున్నారు. చంద్రబాబు ఓటుకు రూ.2 వేలు పంపించారని టీడీపీ నేతలే చెబుతున్నారు.చిచ్చుపెట్టి చంద్రబాబు ఏం సాధిస్తారు?వైఎస్‌ జగన్‌మోహన్‌రెడ్డి కుటుంబంలో చిచ్చుపెట్టి చంద్రబాబు ఏం సాధిస్తారు? అని పేర్ని నాని అన్నారు. ‘‘యలహంక ఆస్తి వైఎస్‌ జగన్‌ అత్తగారు డాక్టర్‌ సుగుణమ్మది. 20 ఏళ్ల క్రితం జగన్‌ కంపెనీ ఆ స‍్థలాన్ని లీజుకు తీసుకుంది. కొనుగోలు వివరాలన్నీ డాక్యుమెంట్‌లో స్పష్టంగా ఉన్నాయి. ఈ నిర్మాణాల బిల్లులు, చార్జీలు కడుతున్నది జగన్‌ కంపెనీయే. లీజుకు తీసుకున్న స్థలంలో రెండు గెస్ట్‌ హౌస్‌లు కట్టారు. అధికారం కోసం ఎన్టీఆర్‌ ఇంట్లో చంద్రబాబు చిచ్చు పెట్టారు. వైఎస్‌ జగన్‌ కుటుంబంలో చిచ్చుపెట్టి చంద్రబాబు ఏం సాధిస్తారు? చంద్రబాబు తన తమ్ముడికి 10 పైసల వాటా అయినా ఇచ్చారా? చంద్రబాబు తన అక్కాచె‍ల్లెళ్లకు ఏమైనా ఆస్తి ఇచ్చారా?’’ అని అన్నారు.యలహంక ఆస్తిపై విషప్రచారం స్థానిక ఎన్నికల్లో ప్రజలకు చెప్పుకోవడానికి చంద్రబాబు వద్ద ఏమీ లేదని పేర్ని నాని అన్నారు. ‘‘ప్రజల మద్దతూ ఆయనకు లేదు. ఒకవైపు ఎన్నికల్లో ప్రజాస్వామ్యాన్ని ఖూనీ చేసే కుట్రలు. మరోవైపు వైఎస్‌ జగన్‌ విషప్రచారాల కోసం కుట్ర. నామినేషన్లు వేయనీయకుండా ప్రతిపక్షాన్ని అడ్డుకున్నారు. పోలింగ్‌ కేంద్రాల్లో ప్రతిపక్ష ఏజెంట్లు కూడా లేకుండా కుట్ర చేస్తున్నారు. పోలీసులు నుంచి ఏజెంట్లు క్లియరెన్స్‌ తీసుకోవడం ఎప్పుడైనా విన్నామా? ఈ కుట్రల నుంచి డైవర్షన్‌ కోసమే యలహంక ఆస్తిపాస్తులపై విషప్రచారం. చంద్రబాబుకు ఎప్పుడు అవసరమైతే అప్పుడు షర్మిల తెరపైకి వస్తున్నారు. చంద్రబాబు రాజకీయ ప్రయోజనాలు లక్ష్యంగా షర్మిల నడుచుకుంటున్నారు. చంద్రబాబు కుట్రలో భాగంగానే వైఎస్‌ జగన్‌పై తప్పుడు ప్రచారం. రేపు మున్సిపల్‌ ఎన్నికలున్నాయనగా, బెంగళూరు ఆస్తి తనదే అంటూ ట్వీట్‌ దీంట్లో భాగమే. భారతి తల్లిదండ్రులు గంగిరెడ్డి, సుగుణమ్మ ఇద్దరూ డాక్టర్లే. కడప, అనంతపురం జిల్లాలో మంచి పేరున్న డాక్టర్లు. ఆ రోజుల్లోనే వారికి మంచి ప్రాక్టీస్‌ ఉంది. తమ పిల్లలను అప్పట్లోనే బెంగళూరులో చదివించుకున్నారు. ఆ నేపథ్యంలోనే వాళ్లు బెంగళూరులో ప్రాపర్టీ కొనుగోలు చేశారు. దీనికి సంబంధించిన డాక‍్యుమెంట్లో చాలా స్పష్టంగా ఉంది. జగన్‌ కంపెనీ 20 ఏళ్ల కిందటే యలహంక స్థలాన్ని లీజుకు తీసుకుంది. లీజుకున్న తీసుకున్న స్థలంలో రెండు గెస్ట్‌హౌస్‌లు కట్టారు. షర్మిల బెంగళూరు వచ్చేటప్పుడు ఒక దాంట్లో ఉండమన్నారు. షర్మికు వైఎస్‌ జగన్‌ రాశారని చెప్తున్న MOUలో కూడా యలహంక ప్రాపర్టీ ప్రస్తావన లేదు కదా? తాజ్‌మహల్‌ చూసి నాదే అంటే ఇచ్చేస్తారా? భద్రతా కారణాలరీత్యా యలహంకలో పెళ్లి వేడుక వద్దని ముందే చెప్పారు. తన కుమార్తెల విషయంలో కూడా ఇలాంటి నిర్ణయమే తీసుకుంటానని చెప్పారు. అలా చెప్పిన తర్వాత కూడా అక్కడే పెళ్లి అంటూ షర్మిల పెళ్లికార్డులు కొట్టించడం వెనుక అర్థం ఏమిటి? కుమార్తె పెళ్లి వేదికగా వివాదాలు నడపడం సరైనదేనా? ఆ తర్వాత కూడా జగన్‌ లేఖ రాశారు కదా? హైదరాబాద్‌లో లోటస్‌పాండ్‌ ఇంటిని వాడుకోవాలని చెప్పారు. మరి ఆ అవకాశాన్ని షర్మిల ఎందుకు వినియోగించుకోలేదు? చంద్రబాబుకు ఎప్పుడు అవసరమైతే అప్పుడు ఏదోలా రచ్చ చేయడం, షర్మిలకు అలవాటుగా మారింది తద్వారా జగన్‌ను తగ్గించాలని చంద్రబాబు ప్రయత్నం. ముందుగా చంద్రబాబు తన గురించి తాను తెలుసుకోవాలి’’ అని పేర్ని నాని చెప్పారు.