కేకేఆర్‌ స్టార్‌ ఆల్‌రౌండర్‌ మొయిన్‌ అలీ సంచలన నిర్ణయం తీసుకున్నాడు. ఫ్రాంచైజీ తనను వదిలించుకోవడంతో ఐపీఎల్‌ మొత్తానికే గుడ్‌బై చెప్పేశాడు. తదుపరి సీజన్‌ వేలంలోనూ తన పేరు కూడా నమోదు చేసుకోలేదు.కేకేఆర్‌ వద్దనుకోవడంతో మనస్థాపం చెందినట్లున్న మొయిన్‌ పాకిస్తాన్‌ సూపర్‌ లీగ్‌ ఆడేందుకు సిద్దమయ్యాడు. ఈమేరకు తన ఇన్‌స్టా ఖాతాలో ఓ పోస్ట్‌ చేశాడు. పీఎస్‌ఎల్‌ 2026కి అందుబాటులో ఉంటానని స్పష్టం చేశాడు.మొయిన్‌ ఐదేళ్ల తర్వాత పాకిస్తాన్‌ సూపర్‌ లీగ్‌లో ఆడనున్నాడు. 2020లో చివరిగా అతను ముల్తాన్‌ సుల్తాన్స్‌ ఫ్రాంచైజీకి ఆడాడు.కాగా, ఐపీఎల్‌ 2026కు ముందు కేకేఆర్‌ మొయిన్‌తో పాటు చాలామంది స్టార్‌ ఆటగాళ్లను వదిలేసింది. ఆ ఫ్రాంచైజీ విడుదల చేసిన ఆటగాళ్లలో టీ20 దిగ్గజం ఆండ్రీ రసెల్‌ కూడా ఉన్నాడు.రసెల్‌తో పాటు గత సీజన్‌ వేలంలో రూ. 23.75 కోట్ల రికార్డు ధర దక్కించుకున్న వెంకటేష్‌ అయ్యర్‌ను సైతం కేకేఆర్‌ వదిలేసింది. వీరితో పాటు టీ20 స్పెషలిస్ట్‌లు అయిన డికాక్‌, స్పెన్సర్‌ జాన్సన్‌, నోర్జే, రహ్మానుల్లా గుర్బాజ్‌ను కూడా వేలానికి వదిలేసింది.దిగ్గజాన్నే వదిలేసింది, మొయిన్‌ ఎంత..?మొయిన్‌ను కేకేఆర్‌ వదిలేయడంలో పెద్ద ఆశ్చర్యమేమీ లేదు. వయసు పైబడటంతో అతను ఆశించిన స్థాయిలో రాణించలేకపోతున్నాడు. గత సీజన్‌లో అతను లభించిన అడపాదడపా అవకాశాలను పెద్దగా సద్వినయోగం చేసుకోలేకపోయాడు. రసెల్‌ లాంటి దిగ్గజాన్నే సైతం వదులుకున్న కేకేఆర్‌కు మొయిన్‌ను సాగనంపడం పెద్ద సమస్యేమీ కాలేదు.

ఐపీఎల్‌-2026 సీజన్‌కు ముందు కోల్‌కతా నైట్ రైడర్స్ (KKR) కీలక నిర్ణయం తీసుకుంది. తమ జట్టు హెడ్ కోచ్‌గా భారత మాజీ క్రికెటర్ అభిషేక్ నాయర్‌ను కేకేఆర్ నియమించింది. ఈ విషయాన్ని కేకేఆర్ సీఈవో వెంకీ మైసూర్ ధ్రువీకరించారు.గత సీజన్‌లో హెడ్‌కోచ్‌గా పనిచేసిన చంద్రకాంత్ పండిట్ స్థానాన్ని నాయర్ భర్తీ చేయనున్నాడు. "అభిషేక్ నాయర్ 2018 నుంచి కేకేఆర్ సెటాప్‌లో భాగంగా ఉన్నాడు. ఎంతో మంది మా ఆటగాళ్లను అభిషేక్ తీర్చిదిద్దాడు. హెడ్ కోచ్‌గా అతడు మా జట్టును విజయ పథంలో నడిపిస్తాడని ఆశిస్తున్నామని" వెంకీ మైసూర్ ఓ ప్రకటనలో పేర్కొన్నారు.కాగా నాయర్ 2018 నుంచి కేకేఆర్ బ్యాక్ రూమ్ స్టాఫ్‌లో భాగంగా ఉన్నాడు. అంతకుముందు కేకేఆర్ అకాడమీలో యువ ఆటగాళ్లను తాయారు చేయడంలో అతడు కీలక పాత్ర పోషించాడు.నాయర్‌కు కోచ్‌గా అపారమైన అనుభవం ఉంది. భారత జట్టు సహాయక కోచ్‌గా కూడా నాయర్ పనిచేశాడు. న్యూజిలాండ్ చేతిలో వైట్‌వాష్ కారణంగా అసిస్టెంట్ కోచ్‌లపై వేటు వేయాలని బీసీసీఐ నిర్ణయం తీసుకుంది. దీంతో నాయర్ తన పదవి నుంచి వైదొలగాల్సి వచ్చింది. ఆ తర్వాత ఐపీఎల్‌-2025లో కేకేఆర్‌ అసిస్టెంట్ కోచ్‌గా జాయిన్‌ అయ్యాడు. ఇప్పుడు కేకేఆర్‌ జట్టు ప్రధాన కోచ్‌గా కూడా అతడు బాధ్యతలు నిర్వర్తించనున్నాడు. కాగా నాయ‌ర్ ఇటీవ‌లే డబ్ల్యూపీఎల్ జట్టు యూపీ వారియర్స్ హెడ్ కోచ్‌గా కూడా ఎంపిక‌య్యాడు.

ఐపీఎల్ 2025లో నిరాశజనక ప్రదర్శన తర్వాత కోల్‌కతా నైట్‌రైడర్స్ (KKR) తమ ప్రధాన కోచ్ చంద్రకాంత్ పండిట్‌ను తప్పించింది. తాజాగా పండిట్‌ స్థానాన్ని మాజీ ముంబై ఆల్‌రౌండర్ అభిషేక్ నాయర్‌తో (Abhishek Nayar) భర్తీ చేసినట్లు తెలుస్తుంది. ఫ్రాంచైజీ నిర్ణయాన్ని గత వారం నాయర్‌కు తెలియజేసినట్టు సమాచారం. దీనిపై త్వరలో అధికారిక ప్రకటన వెలువడే అవకాశం ఉంది.నాయర్ గతంలో కేకేఆర్‌ అకాడమీకి కీలకంగా పనిచేశాడు. ఆటగాళ్లను తీర్చిదిద్దడంలో, వారి ప్రతిభను వెలికితీయడంలో అతని పాత్ర ముఖ్యమైంది. గత సంవత్సరం సహాయక సిబ్బందిగా కేకేఆర్‌లో చేరిన నాయర్, ఇప్పుడు ప్రధాన కోచ్‌గా బాధ్యతలు చేపట్టనున్నాడు.42 ఏళ్ల నాయర్, ఇటీవల మహిళల ఐపీఎల్‌లో (WPL) యూపీ వారియర్జ్‌కు (UP Warriorz) హెడ్‌ కోచ్‌గా పనిచేశాడు. అతని కోచింగ్ శైలి వ్యక్తిగతంగా ఆటగాళ్లను ఫిట్‌నెస్, ఫామ్ పరంగా తిరిగి పుంజుకునేలా చేస్తుంది. నాయర్‌ ఇటీవలే టీమిండియా స్టార్‌ బ్యాటర్‌ రోహిత్ శర్మలో (Rohit Sharma) ఊహించిన ఫిట్‌నెస్‌ పరివర్తను తీసుకొచ్చాడు. నాయర్‌ సహకారంతో రోహిత్‌ ఏకంగా 10 కిలోల బరువు తగ్గి స్లిమ్‌గా తయారయ్యాడు. నాయర్‌ రోహిత్‌కు మంచి మిత్రుడు కూడా. నాయర్‌ రోహిత్‌కు మాత్రమే కాకుండా కేఎల్‌ రాహుల్‌ తదితర ఆటగాళ్లకు కూడా ఫిట్‌నెస్‌ గురుగా ఉన్నాడు.వ్యక్తిగత కోచ్‌గా, ఫిట్‌నెస్‌ గురుగా మంచి పేరున్న నాయర్‌ టీమిండియా అసిస్టెంట్‌ కోచ్‌గా మాత్రం రాణించలేకపోయాడు. ఇటీవలే బీసీసీఐ అతన్ని ఆ పదవి నుంచి తప్పించింది. టీమిండియా హెడ్‌ కోచ్‌గా గంభీర్‌ నియమితుడయ్యాక నాయర్‌ను ప్రత్యేకంగా తన బృందంలో చేర్చుకున్నాడు. అయితే జట్టు వైఫల్యాల కారణంగా నాయర్‌ ఎంతో కాలం భారత సహాయ కోచ్‌గా ఉండలేకపోయాడు.ఇదిలా ఉంటే, గత సీజన్‌లో కేకేఆర్‌ పేలవ ప్రదర్శన చేసింది. 14 మ్యాచ్‌ల్లో కేవలం 5 విజయాలు మాత్రమే సాధించి, ప్లేఆఫ్స్‌కు చేరలేకపోయింది. తదుపరి సీజన్‌లో కేకేఆర్‌ నాయర్‌పై భారీ ఆశలు పెట్టుకుంది. కేకేఆర్‌ హెడ్‌ కోచ్‌ పదవిపై అధికారిక ప్రకటన వచ్చాక నాయర్‌ యూపీ వారియర్జ్‌ కోచ్‌గా కూడా కొనసాగుతాడా లేదా అన్నది ఆసక్తికరంగా మారింది.చదవండి: చెలరేగిన ఇంగ్లండ్‌ బౌలర్లు.. స్వల్ప స్కోర్‌కే కుప్పకూలిన న్యూజిలాండ్‌

ఆసియా కప్‌ కోసం ఎంపిక చేసిన భారత జట్టులో చోటు దక్కకపోవడం, ఆతర్వాత అర్హుడైన అభిమన్యు ఈశ్వరన్‌ ఉన్నా ఆస్ట్రేలియా-ఏతో సిరీస్‌కు ఇండియా-ఏ కెప్టెన్‌గా ఎంపిక కావడం వంటి అంశాల ద్వారా టీమిండియా మిడిలార్డర్‌ ఆటగాడు శ్రేయస్‌ అయ్యర్‌ ఇటీవల వార్తల్లో నిలిచాడు.అయ్యర్‌ను ఆసియా కప్‌కు ఎంపిక చేయకపోవడంపై సోషల్‌మీడియాలో పెద్ద రచ్చే జరిగింది. తాజా ఐపీఎల్‌ సీజన్‌లో అద్భుతమైన ఫామ్‌లో ఉన్నా అయ్యర్‌ను ఎందుకు ఎంపిక చేయలేదని చాలామంది సెలెక్టర్లను నిలదీశారు. ఈ రచ్చ కొనసాగుతుండగానే శ్రేయస్‌ను ఆస్ట్రేలియా-ఏ సిరీస్‌కు భారత-ఏ కెప్టెన్‌గా నియమించడం, ఆతర్వాత అతను దులీప్‌ ట్రోఫీ మ్యాచ్‌లో విఫలం (2 ఇన్నింగ్స్‌ల్లో 37 పరుగులు) కావడం జరిగిపోయాయి.తాజాగా అయ్యర్‌ మరో అంశానికి సంబంధించి వార్తల్లోకెక్కాడు. తన మాజీ ఐపీఎల్‌ జట్టు కేకేఆర్‌పై సంచలన వ్యాఖ్యలు చేసి ఐపీఎల్‌ అభిమానులకు కావాల్సిన మసాలా అందించాడు. 2024 సీజన్‌లో కేకేఆర్‌ను ఛాంపియన్‌గా నిలబెట్టిన అయ్యర్‌.. 2025 సీజన్‌కు ముందు పంజాబ్‌ కింగ్స్‌కు మారాడు. వేలంలో పంజాబ్‌ అయ్యర్‌కు రికార్దు ధర ( ₹26.75 కోట్లు) చెల్లించి సొంతం చేసుకుంది.తాజా సీజన్‌లో కెప్టెన్‌గా, ఆటగాడిగా అద్బుతంగా రాణించి పంజాబ్‌ కింగ్స్‌ను కూడా ఫైనల్‌కు చేర్చిన అయ్యర్‌.. ఐపీఎల్‌లో విజయవంతమైన కెప్టెన్లలో ఒకడిగా కీర్తించబడుతున్నాడు. ఇంత వరకు అంతా బాగానే ఉంది. అయ్యర్‌ పెద్ద కారణాలేమీ లేకుండానే కేకేఆర్‌ను వీడాడని అంతా అనుకున్నారు.అయితే అయ్యర్‌ కేకేఆర్‌ను వీడటం వెనుక పెద్ద మతలబే ఉందని అతని తాజా వ్యాఖ్యల ద్వారా బయటపడింది. ఓ ఇంటర్వ్యూలో అయ్యర్‌ కేకేఆర్‌పై చాన్నాళ్లుగా మనసులో పెట్టుకున్న అసంతృప్తిని వెల్లగక్కాడు.GQ ఇంటర్వ్యూలో అయ్యర్‌ మాట్లాడుతూ.. నేను ఒక ఆటగాడిగా, నాయకుడిగా చాలా ఇవ్వగలను. కానీ గౌరవం లభిస్తేనే అది సాధ్యమవుతుంది. పంజాబ్‌ జట్టులో నాకు పూర్తి మద్దతు, నిర్ణయాల్లో భాగస్వామ్యం లభించింది. కోచ్‌లు, మేనేజ్‌మెంట్‌, ఆటగాళ్లు నా మాట వినేందుకు సిద్ధంగా ఉంటారు అంటూ కేకేఆర్‌లో తనకు గౌరవం లభించలేదన్న విషయాన్ని తేటతెల్లం చేశాడు.పంజాబ్‌లో నేను ప్రతి మీటింగ్‌లో, నిర్ణయాల్లో, స్ట్రాటజీలో భాగమయ్యాను. ఇది నాకు చాలా ఇష్టం. కేకేఆర్‌లో నేను చర్చల్లో ఉన్నా, పూర్తిగా మిక్స్‌లో లేను. నేను ఈ స్థాయికి రావడానికి చాలా కష్టపడ్డాను అంటూ కేకేఆర్‌లో తనకు పూర్తి స్వేచ్ఛ లేకుండిదన్న విషయాన్ని బయటపెట్టాడు.అయ్యర్‌ మాటల్ని బట్టి చూస్తే.. కేకేఆర్‌లో నాయకత్వ హక్కులపై పరిమితి, నిర్ణయాల్లో భాగస్వామ్యం లేకుండిదన్న విషయం స్పష్టంగా తెలుస్తోంది. అయ్యర్‌ మాటల్లో గంభీర్‌ కారణంగా తనకు స్వేచ్చ లేకుండా పోయిందన్న విషయం కూడా తెలుస్తుంది. శ్రేయస్‌ కేకేఆర్‌ను ఛాంపియన్‌గా నిలిపిన సీజన్‌లో గంభీర్‌ ఆ ఫ్రాంచైజీ మెంటార్‌గా ఉన్నాడు. కేకేఆర్‌లో గంభీర్‌ మాటకు తిరుగుండేది కాదు. గంభీర్‌ అతి జోక్యం వల్ల అయ్యర్‌ తప్పక ఇబ్బంది పడి ఉంటాడన్నది చాలామంది భావన. మొత్తంగా అయ్యర్‌ కేకేఆర్‌ను ఉద్దేశిస్తూ చేసిన వ్యాఖ్యలు ఐపీఎల్‌ వర్గాల్లో హాట్‌ టాపిక్‌గా మారాయి.

గత ఐదేళ్లుగా దేశ ఆరోగ్య పరిరక్షణ (హెల్త్‌కేర్‌) రంగంలో భారీ మార్పులు చోటు చేసుకుంటున్నాయి. ప్రధానంగా గ్లోబల్‌ పీఈ సంస్థలు దేశీ ఆసుపత్రుల చైన్‌లో భారీ పెట్టుబడులకు తెరతీస్తున్నాయి. ఫలితంగా ప్రయివేట్‌ రంగంలోని పలు ఆసుపత్రుల పగ్గాలు టెమాసెక్, బ్లాక్‌స్టోన్‌ తదితర పీఈ దిగ్గజాల చేతికి చిక్కుతున్నాయి. వివరాలు చూద్దాం..దేశీయంగా ప్రయివేట్‌ ఆసుపత్రుల రంగంలో ప్రపంచ ప్రయివేట్‌ ఈక్విటీ (పీఈ) దిగ్గజాల ఆధిపత్యానికి తెరలేచింది. గత కొన్నేళ్లుగా టెమాసెక్‌ హోల్డింగ్స్, బ్లాక్‌స్టోన్, సీవీసీ క్యాపిటల్, కేకేఆర్‌ తదితర గ్లోబల్‌ దిగ్గజాలు పలు ప్రయివేట్‌ ఆసుపత్రుల చైన్‌లను దేశీయంగా సొంతం చేసుకుంటూ వస్తున్నాయి. మరికొన్నింటిలో మైనారిటీ వాటాలను కొనుగోలు చేస్తున్నాయి. ఇందుకు భారీ స్థాయిలో పెట్టుబడులు వెచ్చిస్తున్నాయి. ఫలితంగా సహ్యాద్రి, మణిపాల్, కేర్, స్టెర్లింగ్‌ తదితర సుప్రసిద్ధ ఆసుపత్రులు పీఈ సంస్థల పరమవుతున్నాయి. వెరసి 80 బిలియన్‌ డాలర్ల విలువైన దేశీ హెల్త్‌కేర్‌ రంగంలో కన్సాలిడేషన్‌కు దారి చూపుతున్నాయి. గతంలో పబ్లిక్‌ సంస్థలు, కుటుంబ ట్రస్ట్‌ల నిర్వహణలో కార్యకలాపాలు కొనసాగించిన పలు ఆసుపత్రులు ప్రస్తుతం పీఈ దిగ్గజాల కనుసన్నలలో సర్వీసులు అందిస్తున్నాయి. తద్వారా దేశీయంగా ప్రయివేట్‌ ఆసుపత్రులు కుటుంబ యాజమాన్య పరిస్థితుల నుంచి పీఈ సంస్థల నిర్వహణలోకి చేరుతున్నాయి. కోవిడ్‌–19 తదుపరి కరోనా మహమ్మారి తదుపరి దేశీ హెల్త్‌కేర్‌ రంగంపై గ్లోబల్‌ పీఈ దిగ్గజాలకు ఆసక్తి పెరిగినట్లు పరిశ్రమ వర్గాలు పేర్కొన్నాయి. దీంతో సింగపూర్‌ సంస్థ టెమాసెక్, యూఎస్‌ సంస్థ టీపీజీ, కేకేఆర్‌ భారీ పెట్టుబడులకు తెరతీశాయి. మణిపాల్, మ్యాక్స్‌ హాస్పిటల్‌ చైన్‌లో వాటాలు కొనుగోలు చేశాయి. నిజానికి 2007లోనే హైదరాబాద్‌ దిగ్గజం అపోలో హాస్పిటల్స్‌లో యూకే సంస్థ ఎపాక్స్‌ పార్ట్‌నర్స్‌ పెట్టుబడులు చేపట్టింది. అయితే సాధారణంగా హెల్త్‌కేర్‌ రంగంలో మూడు నుంచి ఐదేళ్ల కాలపరిమితితో పీఈ సంస్థలు పెట్టుబడులకు ఆసక్తి చూపుతాయని మ్యాక్స్‌ హెల్త్‌కేర్‌ సీఎండీ అభయ్‌ సోయి పేర్కొన్నారు. ఈ కాలంలో పెట్టుబడుల ద్వారా ఆర్థిక చేయూతను అందిస్తాయని, మౌలిక సదుపాయాల వృద్ధికి వీలుంటుందని తెలియజేశారు. తదుపరి కార్పొరేట్స్‌ లేదా యాజమాన్య వ్యక్తులకు నిర్వహణను అప్పగిస్తాయని వివరించారు. 2019లో కేకేఆర్‌తో కలిసి మ్యాక్స్‌ హెల్త్‌కేర్‌లో నియంత్రిత వాటాను కొనుగోలు చేసినట్లు వెల్లడించారు. పెట్టుబడుల దన్ను పీఈ సంస్థల కారణంగా వృద్ధికి అవసరమైన పెట్టుబడులు, సుపరిపాలన, నిర్వహణ సామర్థ్యం, సర్వీసులలో నాణ్యత మెరుగుపడతాయని గ్రాంట్‌ థార్న్‌టన్‌ భారత్‌ నిపుణులు భానుప్రకాష్‌ కల్మాత్‌ ఎస్‌జే పేర్కొన్నారు. ఆసుపత్రుల విస్తరణకూ వీలు చిక్కుతుందని తెలియజేశారు. ప్రస్తుతం దేశీ హెల్త్‌కేర్‌ రంగంలో సుమారు 20 పీఈ దిగ్గజాలు యాక్టివ్‌గా ఉన్నట్లు తెలియజేశారు. ఏ ఇతర రంగంతో పోల్చినా ఇది అధికమని వెల్లడించారు. ఈ నేపథ్యంలో దేశీయంగా గత దశాబ్ద కాలంలో కార్పొరేట్‌ హాస్పిటల్‌ చైన్‌ల రిటర్న్‌ ఆన్‌ ఇన్వెస్ట్‌మెంట్‌(ఆర్‌వోఐ) మెరుగుపడినట్లు క్వాడ్రా క్యాపిటల్‌ పార్ట్‌నర్‌ సునీల్‌ ఠాకూర్‌ పేర్కొన్నారు. సమర్ధ వినియోగం, బెడ్‌లపై పెరిగిన ఆదాయం, ఉత్తమ వ్యయ నియంత్రణ ఇందుకు దోహదపడినట్లు వివరించారు. విస్తరణకు వీలు తొలి దశలో దేశీయంగా ఆసుపత్రులను ప్రభుత్వాలు లేదా కుటుంబ యాజమాన్య నిర్వహణలో సేవలు అందిస్తుండేవి. తదుపరి దశలో ప్రయివేట్‌ కార్పొరేట్‌ ఆసుపత్రులు ఊపిరిపోసుకుంటూ వచ్చినట్లు పరిశ్రమ వర్గాలు తెలియజేశాయి. ప్రస్తుతం యూఎస్‌ తరహాలో పీఈ దిగ్గజాల హవా కనిపిస్తున్నట్లు పేర్కొన్నాయి. యూఎస్‌లో ప్రయివేట్‌గా లేదా సంస్థాగత నిర్వహణలో హెల్త్‌ సర్వీసులు సమకూర్చుతుంటాయని తెలియజేశాయి. అయితే యూకేలో నేషనల్‌ హెల్త్‌ సర్వీస్‌ పేరుతో ప్రభుత్వ అజమాయిషీలోనే హెల్త్‌కేర్‌ రంగ నిర్వహణ ఉంటుందని వెల్లడించాయి. కాగా.. గత కొన్నేళ్లలో దేశీయంగా ప్రయివేట్‌ ఆసుపత్రులను పీఈ దిగ్గజాలు హస్తగతం చేసుకుంటూ వచ్చినట్లు పీడబ్ల్యూసీ ఇండియా అడ్వయిజరీ నిపుణులు సుజయ్‌ శెట్టి పేర్కొన్నారు. దీంతో మరింత మందికి ఆరోగ్య పరిరక్షణా సేవలు అందుబాటులోకి వచ్చే వీలున్నట్లు తెలియజేశారు. అంతేకాకుండా తగిన పెట్టుబడులు, మౌలిక సదుపాయాలు, వృత్తి నైపుణ్యం వంటి సానుకూలతలకు దారి ఏర్పడనున్నట్లు వివరించారు. దేశీయంగా ఆదాయాలతోపాటు.. లైఫ్‌స్టైల్‌తరహా వ్యాధులు పెరగడం, ఆరోగ్య పరిరక్షణపట్ల మెరుగైన అవగాహన వంటి అంశాలు హెల్త్‌కేర్‌ సర్వీసులకు డిమాండును పెంచుతున్నట్లు తెలియజేశారు. నిజానికి దేశీయంగా ఆసుపత్రులలో తగినన్ని పడకలు, క్రిటికల్‌ కేర్‌ సేవల కొరత ఉన్నట్లు వెల్లడించారు.– సాక్షి, బిజినెస్‌ డెస్క్‌

కేకేఆర్‌ ఆల్‌రౌండర్‌ రమన్‌దీప్‌ సింగ్‌ బుచ్చిబాబు టోర్నీలో చెలరేగిపోయాడు. ఈ టోర్నీలో పంజాబ్‌కు ఆడుతున్న అతను.. హైదరాబాద్‌తో జరుగుతున్న మ్యాచ్‌లో విధ్వంసకర శతకంతో విరుచుకుపడ్డాడు. 95 బంతుల్లో సెంచరీ పూర్తి చేసుకొని, 101 బంతుల్లో 111 పరుగులు చేసి ఔటయ్యాడు.రమన్‌దీప్‌ శతక్కొట్టడంతో ఈ మ్యాచ్‌లో పంజాబ్‌ భారీ స్కోర్‌ చేసింది. ఈ ఇన్నింగ్స్‌లో రమన్‌దీప్‌ వీలు చిక్కినప్పుడల్లా భారీ షాట్లు ఆడి స్కోర్‌ బోర్డును పరుగులు పెట్టించాడు. పరిమిత ఓవర్ల ఆటగాడిగా ముద్రపడిన రమన్‌దీప్‌.. మల్టీ డే ఫార్మాట్‌లోనూ సత్తా చాటి ఆ ముద్రను చెరిపేసుకున్నాడు.భారత క్రికెట్‌లో అరుదుగా కనిపించే సీమ్‌ బౌలింగ్‌ ఆల్‌రౌండర్లలో రమన్‌దీప్‌ ఒకడు. పవర్‌ హిట్టింగ్‌కు పేరుగాంచిన ఇతను భారత్‌ తరఫున 2 టీ20లు ఆడాడు. దేశవాలీ క్రికెట్‌లో మెరుపులు కారణంగా రమన్‌దీప్‌కు ఐపీఎల్‌ అవకాశం దక్కింది. ఇతన్ని కేకేఆర్‌ యాజమాన్యం గత సీజన్‌కు ముందు రూ. 4 కోట్లకు రీటైన్‌ చేసుకొని అందరినీ ఆశ్చర్యపరిచింది.అయితే రమన్‌దీప్‌ యాజమాన్యం తనపై పెట్టుకున్న నమ్మకాన్ని వమ్ము చేశాడు. బ్యాట్‌తో, బంతితో ఏమాత్రం ప్రభావం చూపించలేకపోయాడు. ఈ విషయంలో రమన్‌దీప్‌ను నిందించడం కంటే మేనేజ్‌మెంటే అతన్ని సరిగ్గా వినియోగించుకోలేదని చెప్పాలి. అవకాశం ఇచ్చిన అరకొర మ్యాచ్‌ల్లో లోయర్‌ ఆర్డర్‌లో బ్యాటింగ్‌కు పంపింది. బౌలింగ్‌లో అస్సలు వినియోగించుకోలేదు. తాజా ప్రదర్శనతో రమన్‌దీప్‌ కేకేఆర్‌ యాజమాన్యానికి సవాల్‌ విసిరాడు. తన సేవలను సరిగ్గా వినియోగించుకోవాలని పరోక్ష హెచ్చరిక చేశాడు.ఇదిలా ఉంటే, బుచ్చిబాబు టోర్నీలో టీమిండియా ఆటగాళ్ల హవా కొనసాగుతుంది. నిన్న ముంబై తరఫున సర్ఫరాజ్‌ ఖాన్‌ సెంచరీతో చెలరేగగా.. ఇవాళ మహారాష్ట్ర తరఫున పృథ్వీ షా, పంజాబ్‌ తరఫున రమన్‌దీప్‌ సింగ్‌ సెంచరీలతో కదంతొక్కారు.

యూపీ టీ20 లీగ్‌లో టీమిండియా యువ బౌలర్‌, కేకేఆర్‌ మాజీ మీడియం పేసర్‌ శివమ్‌ మావి విధ్వంసం సృష్టించాడు. ఎనిమిదో స్థానంలో బ్యాటింగ్‌కు దిగి మెరుపులు మెరిపించాడు. ఈ లీగ్‌లో కాశీ రుద్రాస్‌కు ఆడుతున్న మావి.. గోరఖ్‌పూర్‌ లయన్స్‌తో జరిగిన మ్యాచ్‌లో కేవలం 19 బంతుల్లోనే హాఫ్‌ సెంచరీ బాదాడు. ఇందులో 6 సిక్సర్లు ఉన్నాయి. ఈ ఇన్నింగ్స్‌లో మొత్తం 21 బంతులు ఎదుర్కొన్న మావి 54 పరుగులు చేసి ఔటయ్యాడు.ఎనిమిదో వికెట్‌కు మావి శివ సింగ్‌తో (17 బంతుల్లో 34 నాటౌట్‌; 4 సిక్సర్లు) కలిసి 87 పరుగులు జోడించాడు. మావి, శివ సింగ్‌ ఇన్నింగ్స్‌ చివర్లో సుడిగాలి ఇన్నింగ్స్‌లు ఆడటంతో రుద్రాస్‌ జట్టు నిర్ణీత 20 ఓవర్లలో 8 వికెట్ల నష్టానికి 176 పరుగులు చేసింది. ఈ జట్టు తరఫున కెప్టెన్‌ కరణ్‌ శర్మ (39), యశోవర్దన్‌ సింగ్‌ (23) కూడా ఓ మోస్తరు స్కోర్లు చేశారు. గోరఖ్‌పూర్‌ బౌలర్లలో అబ్దుల్‌ రెహ్మాన్‌ 3, శివమ్‌ శర్మ 2, ప్రిన్స్‌ యాదవ్‌, వాసు వట్స్‌, విజయ్‌ యాదవ్‌ తలో వికెట్‌ తీశాడు.అనంతరం మావి బౌలింగ్‌లోనూ రాణించాడు. 3.1 ఓవర్లలో 24 పరుగులిచ్చి 3 వికెట్లు తీశాడు. మావి ఆల్‌రౌండ్‌ షోతో చెలరేగడంతో రుద్రాస్‌ గోరఖ్‌పూర్‌ జట్టుపై 50 పరుగుల తేడాతో గెలుపొందింది. మావితో పాటు అటల్‌ బిహారీ రాయ్‌ (4-0-13-3), కార్తీక్‌ యాదవ్‌ (3-0-14-2), సునీల్‌ కుమార్‌ (3-0-25-1) కూడా సత్తా చాటడంతో గోరఖ్‌పూర్‌ జట్టు 19.1 ఓవర్లలో 126 పరుగులకే టపా కట్టేసింది. గోరఖ్‌పూర్‌ తరఫున ప్రిన్స్‌ యాదవ్‌ (29 బంతుల్లో 49; 4 ఫోర్లు, 4 సిక్సర్లు), కెప్టెన్‌ ఆకాశ్‌దీప్‌ నాథ్‌ (34) పోరాటం చేశారు. అయితే అప్పటికే ఆ జట్టు ఓటమి ఖరారైపోయింది. ఆల్‌రౌండ్‌ ప్రదర్శనతో ఇరగదీసిన మావికి ప్లేయర్‌ ఆఫ్‌ ద మ్యాచ్‌ అవార్డు లభించింది.26 ఏళ్ల మావిని 2018 ఐపీఎల్‌ సీజన్‌లో కేకేఆర్‌ రూ. 3 కోట్ల రికార్డు ధర చెల్లించి సొంతం చేసుకుంది. మావి కేకేఆర్‌ తరఫున 32 మ్యాచ్‌లు ఆడి 30 వికెట్లు తీశాడు. అనంతరం 2024 సీజన్‌ మెగా వేలంలో మావిని లక్నో సూపర్‌ జెయింట్స్‌ ఊహించని ధర (రూ. 6.4 కోట్లు) వెచ్చించి కొనుగోలు చేసింది. అయితే ఆ సీజన్‌ ప్రారంభానికి ముందే అతను పక్కటెముకల గాయంతో వైదొలిగాడు.ఐపీఎల్‌ ప్రదర్శనల కారణంగా మావికి 2023లో టీమిండియా నుంచి పిలుపు వచ్చింది. అరంగేట్రం టీ20లోనే అతను 4 వికెట్ల ప్రదర్శనతో చెలరేగి సత్తా చాటాడు. అయితే ఆతర్వాత మ్యాచ్‌ల్లో రాణించలేకపోవడంతో మావి అంతర్జాతీయ టీ20 కెరీర్‌కు 6 మ్యాచ్‌లతోనే బ్రేక్‌ పడింది.

కేఎస్‌సీఏ మహారాజా టీ20 టోర్నీలో కేకేఆర్‌ ఆటగాడు లవ్‌నిత్‌ సిసోడియా చెలరేగిపోయాడు. ఈ టోర్నీలో గుల్బర్గా మిస్టిక్స్‌కు ఆడుతున్న అతు.. నిన్న (ఆగస్ట్‌ 16) శివమొగ్గ లయన్స్‌తో జరిగిన మ్యాచ్‌లో విధ్వంసకర అర్ద శతకం బాదాడు. ఫలితంగా అతని జట్టు 10 వికెట్ల తేడాతో ఘన విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన లయన్స్‌.. 15.5 ఓవర్లు ముగిసే సమయానికి 5 వికెట్ల నష్టానికి 127 పరుగులు చేసింది. ఈ దశలో వర్షం మొదలై మ్యాచ్‌కు ఆటంకం కలిగించింది. దీంతో లయన్స్‌ ఇన్నింగ్స్‌ను ఆక్కడే ఆపేసి, వీజేడి పద్దతి ప్రకారం గుల్బర్గా లక్ష్యాన్ని 9 ఓవర్లలో 93 పరుగులకు కుదించారు.LUVNITH SISODIA MAGIC IN MAHARAJA TROPHY...!!!- Chasing 92 runs from 9 overs, Luvnith 58*(24) & Nikin Jose 34*(15) madness in the chase for Gulbarga Mystics. 🤯👌pic.twitter.com/qRKcJ0rz5O— Johns. (@CricCrazyJohns) August 16, 2025వర్షం​ తగ్గాక ఛేదన మొదలుపెట్టిన గుల్బర్గా కళ్లు మూసి తెరిచేలోగా విజయతీరాలకు చేరింది. ఓపెనర్‌ సిసోడియా మెరుపు ఇన్నింగ్స్‌ (24 బంతుల్లో 5 ఫోర్లు, 4 సిక్సర్ల సాయంతో 58 పరుగులు) ఆడి తన జట్టును గెలిపించాడు. అతనికి మరో ఓపెనర్‌ నికిన్‌ జోస్‌ (15 బంతుల్లో 34 నాటౌట్‌; 5 ఫోర్లు, సిక్స్‌) సహకరించాడు.వీరిద్దరి ధాటికి గుల్బర్గా 5.3 ఓవర్లలోనే లక్ష్యాన్ని చేరుకుంది. సిసోడియా, జోస్‌ జోడీ లయన్స్‌ బౌలర్‌ విధ్వత్‌ కావేరప్ప బౌలింగ్‌ను చీల్చి చెండింది. అతను వేసిన 2 ఓవర్లలోనే ఏకంగా 40 పరుగులు పిండుకుంది.అంతకుముందు ధృవ్‌ ప్రభాకర్‌ (44) రాణించడంతో లయన్స్‌ ఆ మాత్రం స్కోరైనా చేయగలిగింది. తుషార్‌ సింగ్‌ (22), నిహాల్‌ ఉల్లాల్‌ (17), అనిరుద్దా జోషి (15 నాటౌట్‌), హార్దిక్‌ రాజ్‌ (15 నాటౌట్‌) ఓ మోస్తరు స్కోర్లు చేశారు. గుల్బర్గా బౌలర్లలో శశి కుమార్‌ 2, విజయ్‌ కుమార్‌ వైశాక్‌, మోనిశ్‌ రెడ్డి తలో వికెట్‌ తీశారు.కేకేఆర్‌ యాజమాన్యానికి సవాల్‌కర్ణాటకకు 25 ఏళ్ల లవ్‌నిత్‌ సిసోడియాను (లెఫ్ట్‌ హ్యాండర్‌) ఐపీఎల్‌ 2025 మెగా వేలంలో కేకేఆర్‌ 30 లక్షలకు సొంతం చేసుకుంది. అయితే ఆ సీజన్‌లో సిసోడియాకు ఒక్క మ్యాచ్‌ ఆడే అవకాశం కూడా దక్కలేదు. సిసోడియా మెరుపు బ్యాటింగ్‌తో పాటు వికెట్‌కీపింగ్‌ కూడా చేయగలడు. ఈ సీజన్‌ మహారాజా ట్రోఫీలో సిసోడియా ప్రదర్శనలను కేకేఆర్‌ యాజమాన్యం పరిశీలిస్తూ ఉంటుంది. ఈ ప్రదర్శనలతో సిసోడియా కేకేఆర్‌ యాజమాన్యానికి సవాల్‌ విసురుతున్నాడు. సిసోడియా ఇదే ప్రదర్శనలను కొనసాగిస్తే వచ్చే ఐపీఎల్‌ సీజన్‌లో అరంగేట్రం చేసే అవకాశం దక్కవచ్చు.

ఐపీఎల్‌ ఫ్రాంచైజీ అయిన కోల్‌కతా నైట్‌రైడర్స్‌కు సంబంధించి బ్రేకింగ్‌ న్యూస్‌ వస్తుంది. తమ ఫ్రాంచైజీ నుంచి హెడ్‌ కోచ్‌ చంద్రకాంత్‌ పండిట్‌ తప్పుకున్నాడని కేకేఆర్‌ యాజమాన్యం ట్విటర్‌ వేదికగా ప్రకటించింది.పండిట్ కొత్త అవకాశాలను అన్వేషించాలని నిర్ణయించుకున్నారు. ఇకపై అతను కోల్‌కతా నైట్ రైడర్స్ ప్రధాన కోచ్‌గా కొనసాగరు. అతని అమూల్యమైన సహాయ సహకారాలకు కృతజ్ఞతలు. 2024 ఎడిషన్‌లో కేకేఆర్‌ను ఛాంపియన్‌గా నిలపడంలో కీలకపాత్ర పోషించడంతో పాటు బలమైన, దృఢమైన జట్టును నిర్మించడంలో సహాయపడినందుకు అతనికి ధన్యవాదాలు. అతని నాయకత్వం మరియు క్రమశిక్షణ జట్టుపై శాశ్వత ప్రభావాన్ని చూపాయి. భవిష్యత్తు కోసం అతనికి శుభాకాంక్షలు తెలియజేస్తున్నాము అంటూ కేకేఆర్‌ యాజమాన్యం తమ ట్విటర్‌ మెసేజ్‌లో పేర్కొంది.కాగా, పండిట్‌ 2024 ఎడిషన్‌లో శ్రేయస్‌ అయ్యర్‌ నేతృత్వంలో కేకేఆర్‌ను ఛాంపియన్‌గా నిలబెట్టడంతో కీలకపాత్ర పోషించాడు. అయితే గత సీజన్‌లో అతని ఆథ్వర్యంలో కేకేఆర్‌ పేలవ ప్రదర్శనలు చేసి ఎనిమిదో స్థానంలో (14 మ్యాచ్‌ల్లో కేవలం 5 విజయాలు) నిలిచింది. అప్పటి నుంచి కేకేఆర్‌ యాజమాన్యం పండిట్‌పై అసంతృప్తిగా ఉంది. తాజాగా పండిట్‌ హెడ్‌ కోచ్‌ పదవి నుంచి తప్పుకున్నట్లు యాజమాన్యమే ముందుగా ప్రకటన చేసింది.పండిట్‌ 2022 ఆగస్ట్‌లో కేకేఆర్‌ హెడ్‌ కోచ్‌గా ఎంపికయ్యాడు. నాటి కోచ్‌ బ్రెండన్‌ మెక్‌కల్లమ్‌ ఇంగ్లండ్‌ టెస్ట్‌ జట్టు ప్రధాన కోచ్‌ ఎంపిక​ కావడంతో కేకేఆర్‌ హెడ్‌ కోచ్‌ పదవికి రాజీనామా చేశాడు. పండిట్‌ ఆధ్వర్యంలో కేకేఆర్‌ 3 సీజన్లలో 42 మ్యాచ్‌లు ఆడి 22 మ్యాచ్‌ల్లో గెలిచి, 18 మ్యాచ్‌ల్లో ఓడింది. 2 మ్యాచ్‌ల్లో ఫలితం రాలేదు.బౌలింగ్‌ కోచ్‌ కూడా తప్పుకున్నాడు..కేకేఆర్‌ యాజమాన్యం హెడ్‌ కోచ్‌ చంద్రకాంత్‌ పండిట్‌తో పాటు బౌలింగ్‌ కోచ్‌ భరత్‌ అరుణ్‌ కూడా తప్పించినట్లు తెలుస్తుంది. భరత్‌ అరుణ్‌ త్వరలో చెన్నై సూపర్‌కింగ్స్‌ బౌలింగ్‌ కోచ్‌గా జాయిన్‌ అవుతాడని సమాచారం. అరుణ్‌ 2014-2021 వరకు టీమిండియా బౌలింగ్‌ కోచ్‌గా అందరికీ సుపరిచితుడు.

గ్లోబల్ ప్రైవేట్ ఈక్విటీ సంస్థ కేకేఆర్ అండ్ కో ఇంక్ భారతదేశ రియల్ ఎస్టేట్ రంగంపై దృష్టి సారించింది. అభివృద్ధి చెందుతున్న ఈ మార్కెట్‌లో భారత్‌ను వ్యూహాత్మక పెట్టుబడికి గమ్యస్థానంగా గుర్తించినట్లు కేకేఆర్ తెలిపింది. వేగంగా అభివృద్ధి చెందుతున్న స్థిరాస్తి రంగంలో పెరుగుతున్న ఆసక్తిని ఇది హైలైట్‌ చేస్తుంది.ప్రపంచ అస్థిరతల మధ్య కూడా దేశ ఆర్థిక అభివృద్ధి, విధానాలు, వినియోగదారుల ఆసక్తి మెరుగ్గాఉందని ఎత్తిచూపుతూ, ఎమర్జింగ్‌ మార్కెట్లలో భారత్ వ్యూహాత్మకంగా నిలుస్తుందని సంస్థ పేర్కొంది. రూపాయిలో స్వల్ప క్షీణతను కేకేఆర్ అంచనా వేసినప్పటికీ, దీన్ని సమర్థవంతంగా ఎదుర్కోవచ్చని తెలిపింది. మార్చి 2025 నాటికి ప్రపంచ వ్యాప్తంగా కేకేఆర్‌ 664 బిలియన్ డాలర్ల విలువైన ఆస్తులను నిర్వహిస్తోంది. రియల్టీ పరంగా చైనాలో కల్లోల పరిస్థితులున్నాయని, యూరప్‌లోని కొన్ని ప్రాంతాల్లో స్తబ్దత నెలకొందని కంపెనీ చెప్పింది. భారత్‌లో పరిస్థితులు అందుకు భిన్నంగా ఉన్నాయని తెలిపింది.ఇదీ చదవండి: భారత్‌లోకి యూఎస్‌ జన్యుమార్పిడి పంటలు ఎంట్రీ?భారతదేశం, జపాన్, ఆగ్నేయాసియాతో సహా ఆసియా రియల్ ఎస్టేట్ మార్కెట్లలో అభివృద్ధికి అవకాశాలను చూస్తున్నామని కేకేఆర్‌ తాజా సమీక్షలో పేర్కొంది. నిర్మాణాత్మక వృద్ధి, మార్కెట్ ఒడిదుడుకులు కలిసే ఆసియా రియల్ ఎస్టేట్‌ను అధిక రాబడికి అవకాశంగా చూస్తున్నట్లు తెలిపింది. ఈ-కామర్స్ వృద్ధి, డేటా సెంటర్ల విస్తరణ, సప్లై చెయిన్‌ ఆధునీకరణ వంటి విస్తృత అంశాలకు అనుగుణంగా లాజిస్టిక్స్, డిజిటల్ ఇన్‌ఫ్రాస్ట్రక్చర్‌ను భారత్‌లో ఆకర్షణీయ విభాగాలుగా గుర్తించినట్లు కూడా పేర్కొంది.

ఐపీఎల్‌ 2025 సీజన్‌ ముగిసి కొద్ది రోజులు కూడా గడవకముందే తదుపరి సీజన్‌పై చర్చ మొదలైంది. పలానా ఆటగాడు పలానా ఫ్రాంచైజీకి మారతాడు, పలానా ఫ్రాంచైజీ కెప్టెన్‌ను మారుస్తుందని అభిమానులు చర్చించుకుంటున్నారు. ఈ చర్చల్లో ట్రేడింగ్‌ విండో అందరి దృష్టిని ఆకర్శిస్తుంది. ప్రస్తుతం రాజస్థాన్‌ రాయల్స్‌ కెప్టెన్‌గా ఉన్న సంజూ శాంసన్‌ను చెన్నై సూపర్‌ కింగ్స్‌ ట్రేడింగ్‌ విండో ఆప్షన్‌ ద్వారా చేజిక్కించుకోనుందని ప్రచారం జరుగుతుంది. ఈ అంశంపై సంజూ శాంసన్‌ కానీ, ఇరు ఫ్రాంచైజీలు కానీ ఎలాంటి ప్రకటన చేయలేదు. అయినా సంజూ సీఎస్‌కే చేరతాడంటూ సోషల్‌మీడియా కోడై కూస్తుంది.సంజూకు సంబంధించి తాజాగా మరో ప్రచారం మొదలైంది. ఈ కేరలైట్‌ వచ్చే సీజన్‌లో కేకేఆర్‌కు ఆడబోతున్నాడని నెటిజన్లు చర్చించుకుంటున్నారు. ఈ ప్రచారానికి కేకేఆర్‌ స్కౌటింగ్‌ హెడ్‌ బిజూ జార్జ్‌ బీజం వేశాడు. బిజూ తాజాగా తన ఇన్‌స్టా ఖాతాలో ఓ పోస్ట్‌ చేశాడు. ఇందులో సంజూ అతను చాలాకాలం క్రితం కలిసి దిగిన ఫోటో ఉంది. ఈ ఫోటోకు బిజూ "కొన్ని జ్ఞాపకాలు ప్రత్యేకమైనవి" అంటూ క్యాప్షన్‌ ఇచ్చాడు. ఇది చూసి నెటిజన్లు సంజూ కోసం కేకేఆర్‌ పావులు కదుపుతుందని ప్రచారం మొదలుపెట్టారు.వాస్తవానికి కేకేఆర్‌కు వచ్చే సీజన్‌ కోసం వికెట్‌కీపర్‌తో పాటు కెప్టెన్‌ అవసరం ఉంది. సంజూ శాంసన్‌ ఈ రెండు పాత్రలను న్యాయం చేస్తాడని ఆ ఫ్రాంచైజీ యాజమాన్యం తప్పక భావించవచ్చు. గత సీజన్‌లో కేకేఆర్‌ అజింక్య రహానే కెప్టెన్సీలో చాలా ఇబ్బంది పడింది. దీంతో శాంసన్‌ లాంటి విజవంతమైన నాయకుడు తమ కష్టాలు తీరుస్తాడని కేకేఆర్‌ అనుకోవడంలో తప్పులేదు. ఎలాగూ ట్రేడింగ్‌ విండో ఆప్షన్‌ ఉంది కాబట్టి కేకేఆర్‌ శాంసన్‌ కోసం ఎంత డబ్బైనా వెచ్చించవచ్చు. ఏం జరుగుందో తెలియాలంటే మరి కొద్ది రోజుల వెయిట్‌ చేయాల్సిందే.కాగా, సంజూ శాంసన్‌ 2013లో రాజస్థాన్‌ రాయల్స్‌తో తన జర్నీని ప్రారంభించాడు. అతి కొద్ది కాలంలో శాంసన్‌ రాయల్స్‌లో కీలక ఆటగాడిగా మారిపోయాడు. మధ్యలో రాజస్థాన్‌ రాయల్స్‌ సస్పెండ్‌ కావడంతో శాంసన్‌ రెండేళ్ల పాటు ఢిల్లీ డేర్‌ డెవిల్స్‌కు మారాడు. 2018లో అతని తిరిగి రాయల్స్‌ గూటికి చేరాడు. 2021 సీజన్‌లో శాంసన్‌ రాయల్స్‌ కెప్టెన్సీని చేపట్టాడు. అతని సారథ్యంలో రాయల్స్‌ 2022 సీజన్‌లో ఫైనల్‌కు చేరింది. తాజాగా ముగిసిన సీజన్‌లో శాంసన్‌ గాయం కారణంగా పెద్దగా కనిపించలేదు. అతని స్థానంలో రియాన్‌ పరాగ్‌ మెజార్టీ మ్యాచ్‌ల్లో కెప్టెన్సీ చేశాడు. ఈ సీజన్‌లో రాయల్స్‌ చాలావరకు గెలవాల్సిన మ్యాచ్‌ల్లో ఓటమిపాలై ప్లే ఆఫ్స్‌కు కూడా చేరలేకపోయింది.రికార్డు ధరసంజూ శాంసన్‌ ఐపీఎల్‌ తర్వాత ఖాళీగా ఉన్నాడు. ఇటీవల జరిగిన కేరళ క్రికెట్‌ లీగ్‌ వేలంలో సంజూ రికార్డు ధరకు అమ్ముడుపోయాడు. కొచ్చి బ్లూ టైగర్స్‌ ఫ్రాంచైజీ సంజూను రూ. 26.8 లక్షలకు సొంతం చేసుకుంది. కేరళ క్రికెట్‌ లీగ్‌ చరిత్రలో ఇదే భారీ డీల్‌.

యశవంతపుర(కర్ణాటక): బెంగళూరు చిన్నస్వామి స్టేడియంలో ఆర్సీబీ, కేకేఆర్ మధ్య జరిగే ఐపీఎల్ మ్యాచ్ సందర్భంగా ఓ వీడియో కలకలం రేపింది. మ్యాచ్ జరిగే సమయం లో పిచ్‌లోకి చొరబడి విరాట్ కోహ్లికి హగ్ చేస్తానంటూ శరణ్ అనే వ్యక్తి ఇన్స్టాలో వీడియో పోస్ట్ చేశారు. అది వైరల్ అవు తుండగానే బెంగళూరు కబ్బన్ పార్క్ పోలీసులు శరణ్‌ అదుపులోకి తీసుకున్నారు. ఇన్‌స్టాలో లైక్స్, వీవ్స్ కోసం ఈ విధంగా వ్యవహరించినట్లు విచారణలో తేలిందని పోలీసులు తెలిపారు.

ప్రస్తుత ఐపీఎల్‌ సీజన్‌లో తమ ప్రస్తానాన్ని ముగించిన డిఫెండింగ్‌ ఛాంపియన్‌ కేకేఆర్‌ తాజాగా ఓ అప్‌డేట్‌తో ముందుకొచ్చింది. లీగ్‌ పునఃప్రారంభం తర్వాత తిరిగి రాని విండీస్‌ బ్యాటర్‌ రోవ్‌మన్‌ పావెల్‌కు (గాయం) ప్రత్యామ్నాయంగా మధ్యప్రదేశ్‌ మిస్టరీ స్పిన్నర్‌ శివమ్‌ శుక్లాను ఎంపిక చేసుకుంది. శుక్లా ఈ సీజన్‌లో కేకేఆర్‌ ఆడబోయే చివరి మ్యాచ్‌కు (మే 25న సన్‌రైజర్స్‌తో) అందుబాటులో ఉంటాడు. 29 ఏళ్ల శివమ్‌ శక్లా ఈ సీజన్‌లో సన్‌రైజర్స్‌ నెట్‌ బౌలర్‌గా వ్యవహరించాడు. 🚨 The mystery spinner from MP is a Knight now! Shivam Shukla replaces Rovman Powell for the remainder of the #TATAIPL2025 pic.twitter.com/usUoOnFzLG— KolkataKnightRiders (@KKRiders) May 18, 2025అక్కడ అతను ముత్తయ్య మురళీథరన్‌ ఆథ్వర్యంలో రాటు దేలాడు. కేకేఆర్‌.. సన్‌రైజర్స్‌తో ఆడబోయే తమ చివరి మ్యాచ్‌ కోసం వారి అస్త్రాన్నే (శివమ్‌ శుక్లా) ప్రయోగించనుంది. కుడి చేతి వాటం లెగ్‌ స్పిన్‌ బౌలర్‌ అయిన శుక్లా ఇటీవల జరిగిన మధ్యప్రదేశ్‌ టీ20 లీగ్‌లో అత్యధిక వికెట్లు తీసిన బౌలర్‌గా అవతరించాడు. శుక్లా సన్‌రైజర్స్‌ ప్రాక్టీస్‌ సెషన్స్‌లో అభిషేక్‌ శర్మ వికెట్‌ తీసి ప్రాచుర్యంలోకి వచ్చాడు. తదుపరి సీజన్‌ దృష్ట్యా కేకేఆర్‌ శుక్లాను ఎంపిక చేసుకున్నట్లు తెలుస్తుంది.Shivam Shukla the mystery spinner who plays for MP in domestic under Rajat’s Captaincy. SRH picked him as Net bowler as he took Abhishek’s wicket in 1st over in practice game.Kudos to RCB’s scouting 🙏 https://t.co/artzL8rOPP pic.twitter.com/0l2hBdqUaR— Fearless🦁 (@ViratTheLegend) March 19, 2025ఇదిలా ఉంటే, ఐపీఎల్‌ 2025 పునఃప్రారంభం తర్వాత నిన్న (మే 17) జరగాల్సిన ఆర్సీబీ, కేకేఆర్‌ మ్యాచ్‌ వర్షం​ కారణంగా రద్దైంది. దీంతో ఇరు జట్లకు చెరో పాయింట్‌ లభించగా.. ఆర్సీబీ పాయింట్ల పట్టికలో అగ్రస్థానానికి ఎగబాకి ప్లే ఆఫ్స్‌కు మరింత చేరువైంది. తప్పక గెలవాల్సిన మ్యాచ్‌ రద్దు కావడంతో కేకేఆర్‌ ప్లే ఆఫ్స్‌ రేసు నుంచి నిష్క్రమించింది. ప్రస్తుతం ప్లే ఆఫ్స్‌ రేసులో ఆరు జట్లు (ఆర్సీబీ (17), గుజరాత్‌ (16), పంజాబ్‌ (15), ముంబై (14), ఢిల్లీ (13), లక్నో (10)) మాత్రమే మిగిలాయి. సీఎస్‌కే, రాజస్థాన్‌, సన్‌రైజర్స్‌ ఇదివరకే ప్లే ఆఫ్స్‌ రేసు నుంచి నిష్క్రమించాయి.ఇవాల్టి మ్యాచ్‌ల విషయానికొస్తే.. ఆదివారం (మే 18) ఐపీఎల్‌ 2025లో డబుల్‌ హెడర్‌ మ్యాచ్‌లు జరుగనున్నాయి. సువాయ్‌ మాన్‌సింగ్‌ స్టేడియం (జైపూర్‌) వేదికగా మధ్యాహ్నం జరగాల్సిన మ్యాచ్‌లో రాజస్థాన్‌, పంజాబ్‌ తలపడనున్నాయి. రాత్రి ఢిల్లీలోని అరుణ్‌ జైట్లీ స్టేడియంలో గుజరాత్‌తో ఢిల్లీ క్యాపిటల్స్‌ అమీతుమీ తేల్చుకోనుంది.

భారత్‌, పాక్‌ మధ్య యుద్దం కారణంగా వారం వాయిదా పడిన ఐపీఎల్‌ 2025 రేపు (మే 17) జరుగబోయే కేకేఆర్‌, ఆర్సీబీ మ్యాచ్‌తో పునఃప్రారంభం కానుంది. అయితే లీగ్‌ పునఃప్రారంభానికి వరుణుడు అడ్డుపడేలా ఉన్నాడు. రేపటి మ్యాచ్‌కు వేదిక అయిన బెంగళూరులో నిన్నటి నుండి వర్షం​ జోరుగా కురుస్తుంది. రేపు మ్యాచ్‌ జరిగే సమయంలో కూడా ఉరుములతో కూడిన భారీ వర్షం​ కురిసే అవకాశం ఉందని వాతావరణ శాఖ హెచ్చరించింది. మరోవారం రోజులు బెంగళూరులో ఇదే వాతావరణం కొనసాగనున్నట్లు తెలుస్తుంది. రేపటి మ్యాచ్‌ కోసం కేకేఆర్‌, ఆర్సీబీ జట్లు ఇదివరకే బెంగళూరుకు చేరుకున్నాయి. వర్షం కారణంగా ఇరు జట్ల ప్రాక్టీస్‌ సెషన్లు రద్దయ్యాయి. ఆటగాళ్లు డ్రెస్సింగ్‌ రూమ్‌లకు పరిమితమయ్యారు. Tim David enjoying the Bengaluru rain. 😂🔥 pic.twitter.com/nOKhZhHukO— Johns. (@CricCrazyJohns) May 16, 2025వర్షంలో ఎంజాయ్‌ చేసిన టిమ్‌నిన్న బెంగళూరులోని చిన్నస్వామి స్టేడియంలో వర్షం​ కురుస్తుండగా ఆ జట్టు ఆటగాడు టిమ్‌ డేవిడ్‌ చేసిన విన్యాసాలు సోషల్‌మీడియాలో వైరలవుతున్నాయి. టిమ్‌ షర్ట్‌ లేకుండా వర్షంలో తడుస్తూ తెగ ఎంజాయ్‌ చేశాడు.కొన్ని ఓవర్లైనా జరుగుందిచిన్నస్వామి స్టేడియంలో అత్యాధునిక డ్రైనేజీ వ్యవస్థ ఉండటంతో భారీ వర్షం కురిసినా రేపటి మ్యాచ్‌ కొన్ని ఓవర్ల పాటైనా జరిగే అవకాశం ఉన్నట్లు తెలుస్తుంది.పూర్తిగా రద్దైతే..వర్షం కారణంగా రేపు జరగాల్సిన కేకేఆర్‌, ఆర్సీబీ మ్యాచ్‌ పూర్తిగా రద్దైతే ఇరు జట్లకు చెరో పాయింట్‌ లభిస్తుంది. దీంతో ఆర్సీబీ ప్లే ఆఫ్స్‌ బెర్త్‌ ఖరారు చేసుకుంటుంది. కేకేఆర్‌ ప్లే ఆఫ్స్‌ రేసు నుంచి నిష్క్రమిస్తుంది. ప్రస్తుతం పాయింట్ల పట్టికలో రెండో స్థానంలో ఉన్న ఆర్సీబీ మరో పాయింట్‌ లభించినా టాప్‌ ప్లేస్‌కు ఎగబాకుతుంది. కేకేఆర్‌ విషయానికొస్తే.. ఇప్పటికే అనధికారికంగా ప్లే ఆఫ్స్‌ రేసు నుంచి నిష్క్రమించిన ఆ జట్టు రేపటి మ్యాచ్‌ రద్దైతే అధికారికంగా ప్లే ఆఫ్స్‌ రేసు నుంచి వైదొలుగుతుంది.పాటిదార్‌, హాజిల్‌వుడ్‌ దూరంరేపటి మ్యాచ్‌కు ఆర్సీబీ కెప్టెన్‌ రజత్‌ పాటిదార్‌ దూరం కానున్నాడని తెలుస్తుంది. లీగ్‌ వాయిదాకు ముందే గాయపడిన అతను ఇంకా కోలుకోలేదని సమాచారం​. పాటిదార్‌ స్థానంలో రేపటి మ్యాచ్‌లో జితేశ్‌ శర్మ ఆర్సీబీకి సారథ్యం వహించవచ్చు. మరోవైపు భారత్‌, పాక్‌ మధ్య యుద్దం కారణంగా స్వదేశానికి వెళ్లిన ఆ జట్టు స్టార్‌ పేసర్‌ జోష్‌ హాజిల్‌వుడ్‌ కూడా రేపటి మ్యాచ్‌కు అందుబాటులో ఉండడని తెలుస్తుంది. హాజిల్‌వుడ్‌ లీగ్‌ తదుపరి లెగ్‌ ఆడేందుకు అంగీకారం తెలిపినప్పటికీ.. భారత్‌కు ఇంకా తిరిగి రావాల్సి ఉంది.

కేకేఆర్‌ స్పిన్నర్‌ వరుణ్‌ చక్రవర్తి ఖాతాలో భారీ రికార్డు చేరింది. నిన్న (మే 7) సీఎస్‌కేతో జరిగిన మ్యాచ్‌లో రెండు వికెట్లు తీసిన వరుణ్‌.. ఐపీఎల్‌లో అత్యంత వేగంగా (మ్యాచ్‌ల ప్రకారం) 100 వికెట్ల మైలురాయిని తాకిన స్పిన్నర్‌గా అమిత్‌ మిశ్రా, రషీద్‌ ఖాన్‌ సరసన నిలిచాడు. వరుణ్‌, మిశ్రా, రషీద్‌ తలో 83 మ్యాచ్‌ల్లో ఈ ఘనత సాధించారు. ఐపీఎల్‌లో అత్యధిక వికెట్ల వీరుడు యుజ్వేంద్ర చహల్‌కు 100 వికెట్లు తీసేందుకు 84 మ్యాచ్‌లు అవసరం కాగా.. ఐపీఎల్‌లో నాలుగో అత్యధిక వికెట్ల వీరుడు సునీల్‌ నరైన్‌కు 86 మ్యాచ్‌లు అవసరమయ్యాయి.ఓవరాల్‌గా (స్పిన్నర్లు, పేసర్లు కలుపుకుని) ఐపీఎల్‌లో అత్యంత వేగంగా 100 వికెట్లు తీసిన బౌలర్ల జాబితాలో వరుణ్‌ నాలుగో స్థానంలో ఉన్నాడు. వరుణ్‌, మిశ్రా, రషీద్‌తో పాటు ఆశిష్‌ నెహ్రా కూడా 83 మ్యాచ్‌ల్లోనే 100 వికెట్ల మైలురాయిని చేరుకున్నాడు. ఓవరాల్‌గా అత్యంత వేగంగా 100 ఐపీఎల్‌ వికెట్లు తీసిన రికార్డు కగిసో రబాడ పేరిట ఉంది. రబాడ కేవలం 64 మ్యాచ్‌ల్లోనే 100 వికెట్ల మైలురాయిని తాకాడు. రబాడ తర్వాత లసిత్‌ మలింగ (70 మ్యాచ్‌లు), హర్షల్‌ పటేల్‌ (81), భువనేశ్వర్‌ కుమార్‌ (81) అత్యంత వేగంగా ఈ మైలురాయిని తాకారు.ఐపీఎల్ చరిత్రలో అత్యంత వేగంగా 100 వికెట్లు సాధించిన బౌలర్లు కగిసో రబడ - 64 మ్యాచ్‌లు లసిత్ మలింగ - 70 మ్యాచ్‌లుహర్షల్ పటేల్, భువనేశ్వర్ కుమార్ - 81 మ్యాచ్‌లువరుణ్ చకరవర్తి, ఆశిష్ నెహ్రా, రషీద్ ఖాన్, అమిత్ మిశ్రా - 83 మ్యాచ్‌లుమ్యాచ్‌ విషయానికొస్తే.. ఈ మ్యాచ్‌లో కేకేఆర్‌పై సీఎస్‌కే 2 వికెట్ల తేడాతో గెలుపొందింది. ఓ మోస్తరు స్కోర్‌ను (180) కాపాడుకునే క్రమంలో వరుణ్‌ చక్రవర్తి అద్భుతంగా బౌలింగ్‌ చేశాడు. తన కోటా 4 ఓవర్లలో కేవలం 18 పరుగులు మాత్రమే ఇచ్చి 2 కీలక వికెట్లు (జడేజా, బ్రెవిస్‌) తీశాడు. ఈ మ్యాచ్‌లో వరుణ్‌తో పాటు సునీల్‌ నరైన్‌ (4-0-28-0) కూడా రాణించినా కేకేఆర్‌ లక్ష్యాన్ని కాపాడుకోలేకపోయింది. ఇన్నింగ్స్‌ 11వ ఓవర్‌లో వైభవ్‌ అరోరా ఏకంగా 30 పరుగులు సమర్పించుకుని కేకేఆర్‌ ఓటమికి ‍ప్రధాన కారకుడయ్యాడు. వైభవ్‌ 3 వికెట్లు తీసినా 3 ఓవర్లలో ఏకంగా 48 పరుగులు సమర్పించుకున్నాడు. వైభవ్‌ వేసిన 11వ ఓవర్‌లో డెవాల్డ్‌ బ్రెవిస్‌ తాండవం చేశాడు. మూడు సిక్సర్లు, మూడు బౌండరీలు బాది అప్పటిదాకా కేకేఆర్‌ చేతుల్లో ఉన్న మ్యాచ్‌ను సీఎస్‌కే వైపు తిప్పాడు. బ్రెవిస్‌ ఔటయ్యాక శివమ్‌ దూబే (45), ధోని (17 నాటౌట్‌) ఎంతో సంయమనంతో బ్యాటింగ్‌ చేసి సీఎస్‌కేకు సీజన్‌లో మూడో విజయాన్ని అందించారు.

ఐపీఎల్‌ 2025లో భాగంగా ఇవాళ (మే 7) జరిగిన మ్యాచ్‌లో కేకేఆర్‌పై సీఎస్‌కే 2 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన కేకేఆర్‌ నిర్ణీత 20 ఓవర్లలో 6 వికెట్ల నష్టానికి 179 పరుగులు చేసింది. నూర్‌ అహ్మద్‌ 4 వికెట్లు తీసి కేకేఆర్‌ను దెబ్బేశాడు. అన్షుల్‌ కంబోజ్‌, జడేజా తలో వికెట్‌ తీశారు. కేకేఆర్‌ ఇన్నింగ్స్‌లో రహానే (48), మనీశ్‌ పాండే (36 నాటౌట్‌), రసెల్‌ (38) ఓ మోస్తరు స్కోర్లు చేశారు.అనంతరం 180 పరుగుల లక్ష్యాన్ని ఛేదించేందుకు బరిలోకి దిగిన సీఎస్‌కే 60 పరుగులకే సగం​ వికెట్లు కోల్పోయి కష్టాల్లో పడినప్పటికీ.. డెవాల్డ్‌ బ్రెవిస్‌ (52) విధ్వంసకర ఇన్నింగ్స్‌తో తన జట్టును తిరిగి గెలుపు ట్రాక్‌లో పెట్టాడు. మధ్యలో దూబే (45) బాధ్యతాయుతంగా ఆడి సీఎస్‌కే విజయతీరాలవైపు మళ్లించాడు. ఆఖరి ఓవర్‌లో 8 పరుగులు అవసరమైన తరుణంలో అప్పటిదాకా కామ్‌గా ఉన్న ధోని (17 నాటౌట్‌) సిక్సర్‌ కొట్టి సీఎస్‌కేకు గెలుపుకు చేరువ చేశాడు. నాలుగో బంతికి కంబోజ్‌ బౌండరీ కొట్టి మ్యాచ్‌ను ముగించాడు. ఈ గెలుపు వల్ల సీఎస్‌కేకు ఒరిగేది ఏమీ లేనప్పటికీ కేకేఆర్‌ ప్లే ఆఫ్స్‌ అవకాశాలను దెబ్బకొట్టింది. బ్రెవిస్‌ విధ్వంసం​.. ఒకే ఓవర్‌లో 30 పరుగులువైభవ్‌ అరోరా వేసిన 11వ ఓవర్‌లో డెవాల్డ్‌ బ్రెవిస్‌ శివాలెత్తిపోయాడు. 3 ఫోర్లు, 3 సిక్సర్లు సహా 30 పిండుకున్నాడు. ఈ ఒక్క ఓవర్‌తో మ్యాచ్‌ స్వరూపమే మారిపోయింది. అప్పటి వరకు ఓటమి ఖాయమనుకున్న సీఎస్‌కే ఒక్కసారిగా గెలుపు ట్రాక్‌లోకి వచ్చింది.బ్రెవిస్‌ 20 బంతుల్లో 50 పరుగులు పూర్తి చేశాడు.

ఐపీఎల్‌ 2025లో భాగంగా కేకేఆర్‌, సీఎస్‌కే మధ్య ఇవాళ (మే 7) జరుగుతున్న మ్యాచ్‌లో అజింక్య రహానే ఓ అరుదైన మైలురాయిని తాకాడు. ఈ మ్యాచ్‌లో 33 బంతుల్లో 4 ఫోర్లు, 2 సిక్సర్ల సాయంతో 48 పరుగులు చేసి ఔటైన రహానే.. ఐపీఎల్‌లో 5000 పరుగులు పూర్తి చేసుకున్నాడు. తద్వారా క్యాష్‌ రిచ్‌ లీగ్‌లో ఈ ఘనత సాధించిన ఏడో భారత ఆటగాడిగా, ఓవరాల్‌గా తొమ్మిదో ప్లేయర్‌గా రికార్డుల్లోకెక్కాడు. రహానే తన 197 ఐపీఎల్‌ ఇన్నింగ్స్‌లో ఈ ఘనత సాధించాడు. రహానేకు ముందు విరాట్‌ కోహ్లి (8509), రోహిత్‌ శర్మ (6928), శిఖర్‌ ధవన్‌ (6769), డేవిడ్‌ వార్నర్‌ (6565), సురేశ్‌ రైనా (5528), ఎంఎస్‌ ధోని (5406), ఏబీ డివిలియర్స్‌ (5162), కేఎల్‌ రాహుల్‌ (5064) ఐపీఎల్‌లో 5000 పరుగుల మార్కును అధిగమించారు. మ్యాచ్ విషయానికొస్తే.. టాస్‌ గెలిచి తొలుత బ్యాటింగ్‌ చేస్తున్న కేకేఆర్‌ 15 ఓవర్లలో 4 వికెట్ల నష్టానికి 124 పరుగులు చేసింది. రహ్మనుల్లా గుర్బాజ్‌ 11, సునీల్‌ నరైన్‌ 26, రహానే 48, రఘువంశీ 1 పరుగు చేసి ఔట్‌ కాగా.. రసెల్‌ 17, రసెల్‌ 18 పరుగులతో క్రీజ్‌లో ఉన్నారు. సీఎస్‌కే బౌలర్లలో నూర్‌ అహ్మద్‌ 2, అన్షుల్‌ కంబోజ్‌, రవీంద్ర జడేజా తలో వికెట్‌ తీశారు.కాగా, ఈ మ్యాచ్‌ కోసం కేకేఆర్‌ ఓ మార్పు చేసింది. వెంకటేశ్‌ అయ్యర్‌ స్థానంలో మనీశ్‌ పాండే తుది జట్టులోకి వచ్చాడు. మరోవైపు సీఎస్‌కే ఈ మ్యాచ్‌లో ప్రయోగాల బాట పట్టింది. ఉర్విల్‌ పటేల్‌, డెవాన్‌ కాన్వే, అశ్విన్‌ తుది జట్టులోకి వచ్చారు.ఈ సీజన్‌లో సీఎస్‌కే కథ ముగిసిన విషయం తెలిసిందే. ఆ జట్టు ఇప్పటికే ప్లే ఆఫ్స్‌ రేసు నుంచి నిష్క్రమించింది. ప్రస్తుతం ఆ జట్టు పాయింట్ల పట్టికలో చివరి స్థానంలో ఉంది. ఈ సీజన్‌లో ఆడిన 11 మ్యాచ్‌ల్లో రెండే విజయాలు సాధించింది.కేకేఆర్‌ విషయానికొస్తే.. ఈ జట్టు ప్లే ఆఫ్స్‌ బెర్త్‌ కోసం ఇంకా పోటీలో ఉంది. ప్రస్తుతం ఆ జట్టు పాయింట్ల పట్టికలో ఆరో స్థానంలో ఉంది. ఇప్పటివరకు ఆడిన 11 మ్యాచ్‌ల్లో 5 విజయాలతో 11 పాయింట్లు సాధించింది. ఓ మ్యాచ్‌ వర్షం కారణంగా రద్దు కావడంతో ఓ పాయింట్‌ వచ్చింది. కేకేఆర్‌ ఈ మ్యాచ్‌తో కలుపుకుని ఆడాల్సిన మూడు మ్యాచ్‌ల్లో గెలిస్తే ప్లే ఆఫ్స్‌ రేసులో ఉంటుంది.తుది జట్లు..కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(w), సునీల్ నరైన్, అజింక్యా రహానే(c), అంగ్క్రిష్ రఘువంశీ, మనీష్ పాండే, ఆండ్రీ రస్సెల్, రింకు సింగ్, మొయిన్ అలీ, రమణదీప్ సింగ్, వైభవ్ అరోరా, వరుణ్ చకరవర్తిఇంపాక్ట్ సబ్స్: హర్షిత్ రాణా, అనుకుల్ రాయ్, లువ్నిత్ సిసోడియా, అన్రిచ్ నోర్ట్జే, మయాంక్ మార్కండేచెన్నై సూపర్ కింగ్స్ (ప్లేయింగ్ XI): ఆయుష్ మ్హత్రే, ఉర్విల్ పటేల్, డెవాన్ కాన్వే, రవీంద్ర జడేజా, డెవాల్డ్ బ్రీవిస్, రవిచంద్రన్ అశ్విన్, MS ధోని(w/c), అన్షుల్ కాంబోజ్, నూర్ అహ్మద్, ఖలీల్ అహ్మద్, మతీషా పతిరానాఇంపాక్ట్ సబ్స్: శివమ్ దూబే, కమలేష్ నాగర్కోటి, రామకృష్ణ ఘోష్, జామీ ఓవర్టన్, దీపక్ హుడా

కేకేఆర్‌పై సీఎస్‌కే విజయం​ఐపీఎల్‌ 2025లో భాగంగా ఇవాళ (మే 7) జరిగిన మ్యాచ్‌లో కేకేఆర్‌పై సీఎస్‌కే 2 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన కేకేఆర్‌ నిర్ణీత 20 ఓవర్లలో 6 వికెట్ల నష్టానికి 179 పరుగులు చేసింది. నూర్‌ అహ్మద్‌ 4 వికెట్లు తీసి కేకేఆర్‌ను దెబ్బేశాడు. అన్షుల్‌ కంబోజ్‌, జడేజా తలో వికెట్‌ తీశారు. కేకేఆర్‌ ఇన్నింగ్స్‌లో రహానే (48), మనీశ్‌ పాండే (36 నాటౌట్‌), రసెల్‌ (38) ఓ మోస్తరు స్కోర్లు చేశారు.అనంతరం 180 పరుగుల లక్ష్యాన్ని ఛేదించేందుకు బరిలోకి దిగిన సీఎస్‌కే 60 పరుగులకే సగం​ వికెట్లు కోల్పోయి కష్టాల్లో పడినప్పటికీ.. డెవాల్డ్‌ బ్రెవిస్‌ (52) విధ్వంసకర ఇన్నింగ్స్‌తో తన జట్టును తిరిగి గెలుపు ట్రాక్‌లో పెట్టాడు. మధ్యలో దూబే (45) బాధ్యతాయుతంగా ఆడి సీఎస్‌కే విజయతీరాలవైపు మళ్లించాడు. ఆఖరి ఓవర్‌లో 8 పరుగులు అవసరమైన తరుణంలో అప్పటిదాకా కామ్‌గా ఉన్న ధోని (17 నాటౌట్‌) సిక్సర్‌ కొట్టి సీఎస్‌కేకు గెలుపుకు చేరువ చేశాడు. నాలుగో బంతికి కంబోజ్‌ బౌండరీ కొట్టి మ్యాచ్‌ను ముగించాడు. ఈ గెలుపు వల్ల సీఎస్‌కేకు ఒరిగేది ఏమీ లేనప్పటికీ కేకేఆర్‌ ప్లే ఆఫ్స్‌ అవకాశాలను దెబ్బకొట్టింది. సీఎస్‌కే గెలవాలంటే 30 బంతుల్లో 40 పరుగులు చేయాలి15 ఓవర్ల తర్వాత సీఎస్‌కే స్కోర్‌ 140/6గా ఉంది. ధోని (3), దూబే (24) క్రీజ్‌లో ఉన్నారు. ఆరో వికెట్‌ కోల్పోయిన సీఎస్‌కే12.1వ ఓవర్‌- 11వ ఓవర్‌లో 30 పరుగులు రాబట్టిన బ్రెవిస్‌ వరుణ్‌ చక్రవర్తి బౌలింగ్‌లో రింకూ సింగ్‌కు క్యాచ్‌ ఇచ్చి ఔటయ్యాడు. బ్రెవిస్‌ విధ్వంసం​.. ఒకే ఓవర్‌లో 30 పరుగులువైభవ్‌ అరోరా వేసిన 11వ ఓవర్‌లో డెవాల్డ్‌ బ్రెవిస్‌ శివాలెత్తిపోయాడు. 3 ఫోర్లు, 3 సిక్సర్లు సహా 30 పిండుకున్నాడు. ఈ ఒక్క ఓవర్‌తో మ్యాచ్‌ స్వరూపమే మారిపోయింది. అప్పటి వరకు ఓటమి ఖాయమనుకున్న సీఎస్‌కే ఒక్కసారిగా గెలుపు ట్రాక్‌లోకి వచ్చింది. 11 ఓవర్ల తర్వాత సీఎస్‌కే స్కోర్‌ 123/5గా ఉంది. బ్రెవిస్‌ 20 బంతుల్లో 50 పరుగులు పూర్తి చేశాడు. దూబే 12 పరుగులతో క్రీజ్‌లో ఉన్నాడు. 60 పరుగులకే సగం వికెట్లు కోల్పోయిన సీఎస్‌కే5.2వ ఓవర్‌- సీఎస్‌కే 60 పరుగులకే సగం వికెట్లు కోల్పోయి కష్టాల్లో పడింది. వరుణ్‌ చక్రవర్తి బౌలింగ్‌లో రవీంద్ర జడేజా (19) క్లీన్‌ బౌల్డయ్యాడు. నాలుగో వికెట్‌ కోల్పోయిన సీఎస్‌కే4.6వ ఓవర్‌- 56 పరుగుల వద్ద సీఎస్‌కే నాలుగో వికెట్‌ కోల్పోయింది. హర్షిత్‌ రాణా బౌలింగ్‌లో రఘువంశీకి క్యాచ్‌ ఇచ్చి అశ్విన్‌ (8) ఔటయ్యాడు.టార్గెట్‌ 180.. 37 పరుగులకే 3 వికెట్లు కోల్పోయిన సీఎస్‌కే180 పరుగుల లక్ష్య ఛేదనలో సీఎస్‌కే 37 పరుగులకే 3 వికెట్లు కోల్పోయింది. ఆయుశ్‌ మాత్రే, డెవాన్‌ కాన్వే డకౌట్‌ కాగా.. ఉర్విల్‌ పటేల్‌ 31 పరుగులకు ఔటయ్యారు. అశ్విన్‌ (4), జడేజా క్రీజ్‌లో ఉన్నారు. 3 ఓవర్ల తర్వాత సీఎస్‌కే స్కోర్‌ 37/3గా ఉంది. కేకేఆర్‌ బౌలర్లలో వైభవ్‌ అరోరా, మొయిన్‌ అలీ, హర్షిత్‌ రాణా తలో వికెట్‌ తీశారు. నామమాత్రపు స్కోర్‌కే పరిమితమైన కేకేఆర్‌టాస్‌ గెలిచి తొలుత బ్యాటింగ్‌ చేసిన కేకేఆర్‌ నామమాత్రపు స్కోర్‌కు పరిమితమైంది. ఆ జట్టు నిర్ణీత 20 ఓవర్లలో 6 వికెట్ల నష్టానికి 179 పరుగులు చేసింది. నూర్‌ అహ్మద్‌ 4 వికెట్లు తీసి కేకేఆర్‌ను దెబ్బేశాడు. అన్షుల్‌ కంబోజ్‌, జడేజా తలో వికెట్‌ తీశారు. కేకేఆర్‌ ఇన్నింగ్స్‌లో రహానే (48), మనీశ్‌ పాండే (36 నాటౌట్‌), రసెల్‌ (38) ఓ మోస్తరు స్కోర్లు చేశారు. ఐదో వికెట్‌ కోల్పోయిన కేకేఆర్‌.. రసెల్‌ ఔట్‌16.6వ ఓవర్‌- 149 పరుగుల వద్ద కేకేఆర్‌ ఐదో వికెట్‌ కోల్పోయింది. డేంజరెస్‌గా కనిపిస్తున్న ఆండ్రీ రసెల్‌ (38) నూర్‌ అహ్మద్‌ బౌలింగ్‌లో బ్రెవిస్‌కు క్యాచ్‌ ఇచ్చి ఔటయ్యాడు. 15 ఓవర్ల తర్వాత కేకేఆర్‌ స్కోర్‌ 124/4రసెల్‌ 18, మనీశ్‌ పాండే 17 పరుగులతో క్రీజ్‌లో ఉన్నారు.నాలుగో వికెట్‌ కోల్పోయిన కేకేఆర్‌.. రహానే ఔట్‌12.2వ ఓవర్‌- 103 పరుగుల వద్ద కేకేఆర్‌ నాలుగో వికెట్‌ కోల్పోయింది. జడేజా బౌలింగ్‌లో కాన్వేకు క్యాచ్‌ ఇచ్చి రహానే (48) ఔటయ్యాడు. 12 ఓవర్ల తర్వాత కేకేఆర్‌ స్కోర్‌ 101/3రహానే (31 బంతుల్లో 46; 4 ఫోర్లు, 2 సిక్సర్లు), మనీశ్‌ పాండే (13 బంతుల్లో 14) క్రీజ్‌లో ఉన్నారు. మూడో వికెట్‌ కోల్పోయిన కేకేఆర్‌నూర్‌ అహ్మద్‌ వేసిన ఇన్నింగ్స్‌ 8వ ఓవర్‌లో కేకేఆర్‌ రెండు వికెట్లు కోల్పోయింది. తొలి బంతికి నరైన్‌ ఔట్‌ కాగా.. నాలుగో బంతికి రఘువంశీ (1) పెవిలియన్‌కు చేరాడు. నరైన్‌ను స్టంపౌట్‌ చేసిన ధోని, రఘువంశీ క్యాచ్‌ కూడా పట్టుకున్నాడు. 8 ఓవర్ల తర్వాత కేకేఆర్‌ స్కోర్‌ 73/3గా ఉంది. రహానే (32), మనీశ్‌ పాండే (1) క్రీజ్‌లో ఉన్నారు. రెండో వికెట్‌ కోల్పోయిన కేకేఆర్‌టాస్‌ గెలిచి బ్యాటింగ్‌ ఎంచుకున్న కేకేఆర్‌ ధాటిగా ఆడుతుంది. 7 ఓవర్లలో ఆ జట్టు వికెట్‌ నష్టానికి 69 పరుగులు చేసింది.8వ ఓవర్‌ తొలి బంతికి నూర్‌ అహ్మద్‌ బౌలింగ్‌లో సునీల్‌ నరైన్‌ (26) స్టంపౌటయ్యాడు. టాస్‌ గెలిచి బ్యాటింగ్‌ ఎంచుకున్న కేకేఆర్‌ఐపీఎల్‌ 2025లో భాగంగా ఇవాళ (మే 7) జరుగుతున్న మ్యాచ్‌లో కేకేఆర్‌, సీఎస్‌కే తలపడుతున్నాయి. ఈడెన్‌ గార్డెన్స్‌ వేదికగా జరుగుతున్న ఈ మ్యాచ్‌లో కేకేఆర్‌ టాస్‌ గెలిచి బ్యాటింగ్‌ ఎంచుకుంది. ఈ మ్యాచ్‌ కోసం కేకేఆర్‌ ఓ మార్పు చేసింది. వెంకటేశ్‌ అయ్యర్‌ స్థానంలో మనీశ్‌ పాండే తుది జట్టులోకి వచ్చాడు. మరోవైపు సీఎస్‌కే ఈ మ్యాచ్‌లో ప్రయోగాల బాట పట్టింది. ఉర్విల్‌ పటేల్‌, డెవాన్‌ కాన్వే, అశ్విన్‌ తుది జట్టులోకి వచ్చారు.ఈ సీజన్‌లో సీఎస్‌కే కథ ముగిసిన విషయం తెలిసిందే. ఆ జట్టు ఇప్పటికే ప్లే ఆఫ్స్‌ రేసు నుంచి నిష్క్రమించింది. ప్రస్తుతం ఆ జట్టు పాయింట్ల పట్టికలో చివరి స్థానంలో ఉంది. ఈ సీజన్‌లో ఆడిన 11 మ్యాచ్‌ల్లో రెండే విజయాలు సాధించింది.కేకేఆర్‌ విషయానికొస్తే.. ఈ జట్టు ప్లే ఆఫ్స్‌ బెర్త్‌ కోసం ఇంకా పోటీలో ఉంది. ప్రస్తుతం ఆ జట్టు పాయింట్ల పట్టికలో ఆరో స్థానంలో ఉంది. ఇప్పటివరకు ఆడిన 11 మ్యాచ్‌ల్లో 5 విజయాలతో 11 పాయింట్లు సాధించింది. ఓ మ్యాచ్‌ వర్షం కారణంగా రద్దు కావడంతో ఓ పాయింట్‌ వచ్చింది. కేకేఆర్‌ ఈ మ్యాచ్‌తో కలుపుకుని ఆడాల్సిన మూడు మ్యాచ్‌ల్లో గెలిస్తే ప్లే ఆఫ్స్‌ రేసులో ఉంటుంది.తుది జట్లు..కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(w), సునీల్ నరైన్, అజింక్యా రహానే(c), అంగ్క్రిష్ రఘువంశీ, మనీష్ పాండే, ఆండ్రీ రస్సెల్, రింకు సింగ్, మొయిన్ అలీ, రమణదీప్ సింగ్, వైభవ్ అరోరా, వరుణ్ చకరవర్తిఇంపాక్ట్ సబ్స్: హర్షిత్ రాణా, అనుకుల్ రాయ్, లువ్నిత్ సిసోడియా, అన్రిచ్ నోర్ట్జే, మయాంక్ మార్కండేచెన్నై సూపర్ కింగ్స్ (ప్లేయింగ్ XI): ఆయుష్ మ్హత్రే, ఉర్విల్ పటేల్, డెవాన్ కాన్వే, రవీంద్ర జడేజా, డెవాల్డ్ బ్రీవిస్, రవిచంద్రన్ అశ్విన్, MS ధోని(w/c), అన్షుల్ కాంబోజ్, నూర్ అహ్మద్, ఖలీల్ అహ్మద్, మతీషా పతిరానాఇంపాక్ట్ సబ్స్: శివమ్ దూబే, కమలేష్ నాగర్కోటి, రామకృష్ణ ఘోష్, జామీ ఓవర్టన్, దీపక్ హుడా

పొట్టి క్రికెట్‌లో విండీస్‌ దిగ్గజ ఆల్‌రౌండర్‌ సునీల్‌ నరైన్‌ మరో భారీ రికార్డును సొంతం చేసుకున్నాడు. ఈ ఫార్మాట్‌లో ఓ జట్టు తరఫున అత్యధిక వికెట్లు తీసిన బౌలర్‌గా చరిత్ర సృష్టించాడు. ఈ రికార్డును నరైన్‌ ఇంగ్లండ్‌ బౌలర్‌ సమిత్‌ పటేల్‌తో షేర్‌ చేసుకున్నాడు. సమిత్‌ ఇంగ్లండ్‌ దేశవాలీ క్రికెట్‌లో నాటింగ్హమ్‌షైర్‌ తరఫున 208 వికెట్లు తీయగా.. నరైన్‌ ఐపీఎల్‌లో కేకేఆర్‌ తరఫున అన్నే వికెట్లు తీశాడు. ఐపీఎల్‌ 2025లో భాగంగా ఢిల్లీ క్యాపిటల్స్‌తో జరిగిన మ్యాచ్‌లో నరైన్‌ ఈ ఘనత సాధించాడు. ఈ మ్యాచ్‌లో నరైన్‌ 3 కీలక వికెట్లు తీసి కేకేఆర్‌ను గెలిపించాడు. ఈ మ్యాచ్‌లో నరైన్‌ బ్యాటర్‌గా, ఫీల్డర్‌గా కూడా రాణించాడు. తొలుత బ్యాటింగ్‌లో మెరుపు ఇన్నింగ్స్‌ (16 బంతుల్లో 27; 2 ఫోర్లు, 2 సిక్సర్లు) ఆడి, ఆతర్వాత ఫీల్డింగ్‌లో ఓ క్యాచ్‌ సహా, ఓ అద్భుతమైన రనౌట్‌ చేశాడు. ఈ మ్యాచ్‌లో ప్రదర్శనకు గానూ నరైన్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.టీ20ల్లో ఓ జట్టు తరఫున అత్యధిక వికెట్లు తీసిన టాప్‌-5 బౌలర్లుసునీల్‌ నరైన్‌- 208 (కేకేఆర్‌)సమిత్‌ పటేల్‌- 208 (నాటింగ్హమ్‌షైర్‌)క్రిస్‌ వుడ్‌- 199 (హ్యాంప్‌షైర్‌)లసిత్‌ మలింగ- 195 (ముంబై ఇండియన్స్‌)డేవిడ్‌ పెయిన్‌- 193 (గ్లోసెస్టర్‌షైర్‌)కాగా, నిన్న (ఏప్రిల్‌ 29) అరుణ్‌ జైట్లీ స్టేడియం వేదికగా మ్యాచ్‌లో సునీల్‌ నరైన్‌ ఆల్‌రౌండ్‌ షోతో అదరగొట్టడంతో ఢిల్లీ క్యాపిటల్స్‌పై కేకేఆర్‌ 14 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌ నిర్ణీత ఓవర్లలో 9 వికెట్ల నష్టానికి 204 పరుగులు చేసింది. ఈ మ్యాచ్‌లో కేకేఆర్‌కు సుడిగాలి ప్రారంభం లభించినప్పటికీ ఆతర్వాత చప్పబడి నామమాత్రపు స్కోర్‌తోనే సరిపెట్టుకుంది. కేకేఆర్ ఇన్నింగ్స్‌లో గుర్భాజ్‌ 26, నరైన్‌ 27, రహానే 26, రఘువంశీ 44, వెంకటేశ్‌ అయ్యర్‌ 7, రింకూ సింగ్‌ 36, రసెల్‌ 17, పావెల్‌ 5, అనుకూల్‌ రాయ్‌ 0 పరుగులకు ఔటయ్యారు. ఢిల్లీ బౌలర్లలో స్టార్క్‌ 3, విప్రాజ్‌, అక్షర్‌ తలో 2, చమీరా ఓ వికెట్‌ పడగొట్టారు.అనంతరం 205 పరుగుల లక్ష్యాన్ని ఛేదించేందుకు బరిలోకి దిగిన ఢిల్లీ ఓ దశలో సునాయాసంగా గెలిచేలా కనిపించినప్పటికీ.. నరైన్‌ మ్యాజిక్‌ చేయడంతో నిర్ణీత ఓవర్లలో 9 వికెట్ల నష్టానికి 190 పరుగులకే పరిమితమై ఓటమిపాలైంది. డుప్లెసిస్‌ (62), అక్షర్‌ పటేల్‌ (43), విప్రాజ్‌ నిగమ్‌ (38) పోరాడినా ఫలితం లేకుండా పోయింది. ఇన్నింగ్స్‌ 14వ ఓవర్‌లో నరైన్‌ అక్షర్‌, స్టబ్స్‌కు ఔట్‌ చేసి ఢిల్లీని దెబ్బకొట్టాడు. ఆ మరుసటి ఓవర్‌లోనే డుప్లెసిస్‌కు కూడా పెవిలియన్‌కు పంపి గెలుపు బాటలో నడుస్తున్న ఢిల్లీని ఒక్కసారిగా డిఫెన్స్‌లో పడేశాడు. ఈ దశలో వరుణ్‌ చక్రవర్తి కూడా చెలరేగి అశుతోష్‌ శర్మ (7), స్టార్క్‌ను (0) ఔట్‌ చేశాడు. ఆఖర్లో విప్రాజ్‌ ఢిల్లీని గెలిపించే ప్రయత్నం చేసినప్పటికీ రసెల్‌ ఓ అద్బుతమైన బంతితో అతన్ని క్లీన్‌ బౌల్డ్‌ చేశాడు. కేకేఆర్‌ బౌలర్లలో నరైన్‌ 3, వరుణ్‌ 2, అనుకూల్‌ రాయ్‌, వైభవ్‌ అరోరా, రసెల్‌ తలో వికెట్‌ తీశారు. ఈ గెలుపుతో కేకేఆర్‌ ప్లే ఆఫ్స్‌ ఆశలను సజీవంగా ఉంచుకుంది. ఢిల్లీ వరుసగా రెండో పరాజయాన్ని మూటగట్టుకుని ప్లే ఆఫ్స్‌ అవకాశాలను చేజేతులా సంక్లిష్టం చేసుకుంది.

టీమిండియా అసిస్టెంట్‌ కోచ్‌ అభిషేక్‌ నాయర్‌ ఐపీఎల్‌ 2025 సీజన్‌ కోసం డిఫెండింగ్‌ ఛాంపియన్‌ కేకేఆర్‌తో జతకట్టాడు. నాయర్‌ టీమిండియా అసిస్టెంట్‌ కోచ్‌గా ఎంపిక కాకముందు (గత సీజన్‌లో) కేకేఆర్‌ సపోర్టింగ్‌ స్టాఫ్‌లో సభ్యుడిగా ఉన్నాడు. టీమిండియా పదవి ఊడటం​ ఖాయమని తెలిసాక నాయర్‌ మళ్లీ కేకేఆర్‌లో చేరిపోయాడు. నాయర్‌ను తిరిగి తమ సహాయక బృందంలోకి ఆహ్వానిస్తున్నామని కేకేఆర్‌ యాజమాన్యం అధికారికంగా వెల్లడించింది.నాయర్‌ గతేడాది జులైలో టీమిండియా అసిస్టెంట్‌ కోచ్‌గా ఎంపికయ్యాడు. అతని పదవీకాలం ఈ ఏడాది జులైతో ముగుస్తుంది. బీసీసీఐ నాయర్‌ కాంట్రాక్ట్ పునరుద్ధరించకూడదని నిర్ణయించింది. దీంతో నాయర్‌ తన పదవీకాలం మరో మూడు నెలలు ఉండగానే టీమిండియా పదవికి గుడ్‌బై చెప్పి తన పాత జట్టు కేకేఆర్‌లో చేరిపోయాడు. నాయర్‌తో పాటు టీమిండియా ఫీల్డింగ్‌ కోచ్‌ దిలీప్‌, స్ట్రెంగ్త్‌ అండ్‌ కండిషనింగ్‌ కోచ్‌ సోహమ్‌ దేశాయ్‌ కాంట్రాక్ట్‌లను కూడా పునరుద్ధరించకూడదని బీసీసీఐ నిర్ణయించింది.కాగా, గత ఐపీఎల్‌ సీజన్‌లో కేకేఆర్‌ ఛాంపియన్‌గా నిలవడంలో అభిషేక్‌ నాయర్‌ కీలకపాత్ర పోషించాడు. అయితే కేకేఆర్‌ పరిస్థితి ఈ సీజన్‌లో భిన్నంగా కనిపిస్తుంది. ప్రస్తుతం ఆ జట్టు 7 మ్యాచ్‌ల్లో కేవలం మూడే విజయాలు సాధించి పాయింట్ల పట్టికలో ఆరో స్థానంలో ఉంది. నాయర్‌ చేరికతో కేకేఆర్‌ ఆటతీరులో మార్పు వస్తుందేమో చూడాలి. ప్రస్తుతం ఢిల్లీ, పంజాబ్‌ టేబుల్‌ టాపర్లుగా కొనసాగుతున్నాయి.

ఐపీఎల్‌ 2025 సీజన్‌లో భాగంగా వాంఖడే మైదానం వేదికగా నిన్న (ఏప్రిల్‌ 17) జరిగిన మ్యాచ్‌లో సన్‌రైజర్స్‌ హైదరాబాద్‌పై ముంబై ఇండియన్స్‌ 4 వికెట్ల తేడాతో గెలుపొందింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో 5 వికెట్లు కోల్పోయి 162 పరుగులు మాత్రమే చేయగలిగింది. హార్దిక్‌ పాండ్యా వేసిన చివరి ఓవర్‌లో మూడు సిక్సర్లు (2 ఆనికేత్‌, కమిన్స్‌ ఒకటి) సహా 22 పరుగులు, అంతకుముందు దీపక్‌ చాహర్‌ వేసిన ఇన్నింగ్స్‌ 18వ ఓవర్‌లో రెండు సిక్సర్లు, 2 ఫోర్లు సహా 21 పరుగులు రావడంతో సన్‌రైజర్స్‌ ఈ మాత్రం స్కోరైనా చేయగలిగింది. సన్‌రైజర్స్‌ ఇన్నింగ్స్‌లో అభిషేక్‌ 40, ట్రవిస్‌ హెడ్‌ 28, ఇషాన్‌ కిషన్‌ 2, నితీశ్‌ కుమార్‌ రెడ్డి 19, క్లాసెన్‌ 37, అనికేత్‌ 18 (నాటౌట్‌), కమిన్స్‌ 8 (నాటౌట్‌) పరుగులు చేశారు. ముంబై బౌలర్లలో విల్‌ జాక్స్‌ 2, బౌల్ట్‌, బుమ్రా, హార్దిక్‌ తలో వికెట్‌ పడగొట్టారు.అనంతరం 163 పరుగుల లక్ష్యాన్ని ఛేదించేందుకు బరిలోకి దిగిన ముంబై మరో 11 బంతులు మిగిలుండగానే విజయతీరాలకు చేరింది. ముంబై ఇన్నింగ్స్‌లో రికెల్టన్‌ 31, రోహిత్‌ శర్మ 26, విల్‌ జాక్స్‌ 36, సూర్యకుమార్ యాదవ్‌ 26, హార్దిక్‌‌ 21, తిలక్‌ 17 (నాటౌట్‌) పరుగులు చేశారు. సన్‌రైజర్స్‌ బౌలర్లలో కమిన్స్‌ 3, ఎషాన్‌ మలింగ 2, హర్షల్‌ పటేల్‌ ఓ వికెట్‌ పడగొట్టారు. తొలుత బంతితో, ఆతర్వాత బ్యాట్‌తో రాణించిన విల్‌ జాక్స్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.చరిత్ర సృష్టించిన ముంబై ఇండియన్స్‌ఎస్‌ఆర్‌హెచ్‌పై గెలుపుతో ముంబై ఇండియన్స్‌ చరిత్ర సృష్టించింది. ఓ వేదికపై ఛేజింగ్‌లో అత్యధిక విజయాలు సాధించిన జట్టుగా రికార్డు నెలకొల్పింది. వాంఖడే మైదానంలో ముంబై 29 సార్లు (47 మ్యాచ్‌ల్లో) లక్ష్యాలను ఛేదిస్తూ విజయాలు సాధించింది. ఈ రికార్డు సాధించే క్రమంలో ముంబై కేకేఆర్‌ను అధిగమించింది. కేకేఆర్‌ ఈడెన్‌ గార్డెన్స్‌లో 28 సార్లు (40 మ్యాచ్‌ల్లో) లక్ష్యాలను ఛేదిస్తూ విజయాలు సాధించింది.ఐపీఎల్‌లో ఓ వేదికపై ఛేజింగ్ చేస్తూ అత్యధిక విజయాలు సాధించిన జట్లు..ముంబై ఇండియన్స్‌- వాంఖడే స్టేడియం- 29 విజయాలు (47 మ్యాచ్‌లు)కేకేఆర్‌- ఈడెన్‌ గార్డెన్స్‌- 28 (40)రాజస్థాన్‌ రాయల్స్‌- సువాయ్‌ మాన్‌ సింగ్‌ స్టేడియం- 24 (31)ఆర్సీబీ- చిన్నస్వామి స్టేడియం- 21 (41)సన్‌రైజర్స్‌ హైదరాబాద్‌- ఉప్పల్‌ స్టేడియం- 21 (32)సీఎస్‌కే- చెపాక్‌ స్టేడియం- 20 (31)

ఐపీఎల్‌ 2025లో ఇవాళ (ఏప్రిల్‌ 15) బిగ్‌ ఫైట్‌ జరుగనుంది. చండీఘడ్‌ వేదికగా పంజాబ్‌, కేకేఆర్‌ కత్తులు దూసుకోనున్నాయి. ఈ రెండు జట్లు చివరి సారి తలపడినప్పుడు పరుగుల వరద పారింది. 2024 సీజన్‌లో భాగంగా ఈడెన్‌ గార్డెన్స్ వేదికగా జరిగిన మ్యాచ్‌లో కేకేఆర్‌ నిర్దేశించిన 262 పరుగుల అతి భారీ లక్ష్యాన్ని పంజాబ్‌ మరో ఎనిమిది బంతులు మిగిలుండగానే ఛేదించి చరిత్ర సృష్టించింది. ఐపీఎల్‌ చరిత్రలోనే ఇది భారీ ఛేదన.ఆ మ్యాచ్‌లో తొలుత బ్యాటింగ్‌ చేసిన కేకేఆర్‌.. ఫిల్‌ సాల్ట్‌ (37 బంతుల్లో 75; 6 ఫోర్లు, 6 సిక్సర్లు), సునీల్‌ నరైన్‌ (32 బంతుల్లో 71; 9 ఫోర్లు, 4 సిక్సర్లు), వెంకటేశ్‌ అయ్యర్‌ (23 బంతుల్లో 39; 3 ఫోర్లు, 2 సిక్సర్లు), శ్రేయస్‌ అయ్యర్‌ (10 బంతుల్లో 28; ఫోర్‌, 3 సిక్సర్లు), రసెల్‌ (12 బంతుల్లో 24; 2 ఫోర్లు, 2 సిక్సర్లు) విధ్వంసం​ సృష్టించడంతో నిర్ణీత 20 ఓవర్లలో 6 వికెట్ల నష్టానికి 261 పరుగులు చేసింది.అనంతరం దాదాపుగా అసాధ్యమైన లక్ష్యాన్ని ఛేదించేందుకు బరిలోకి దిగిన పంజాబ్‌.. జానీ బెయిర్‌స్టో విధ్వంసకర శతకంతో (48 బంతుల్లో 108 నాటౌట్‌; 8 ఫోర్లు, 9 సిక్సర్లు) విరుచుకుపడటంతో 18.4 ఓవర్లలో 2 వికెట్లు కోల్పోయి విజయతీరాలకు చేరింది. పంజాబ్‌ ఆటగాళ్లలో బెయిర్‌స్టోతో పాటు ప్రభ్‌సిమ్రన్‌ సింగ్‌ (24 బంతుల్లో 54; 4 ఫోర్లు, 5 సిక్సర్లు), రిలీ రొస్సో (16 బంతుల్లో 26; ఫోర్‌, 2 సిక్సర్లు), శశాంక్‌ సింగ్‌ (28 బంతుల్లో 68 నాటౌట్‌; 2 ఫోర్లు, 8 సిక్సర్లు) విశ్వరూపం ప్రదర్శించారు.నేటి మ్యాచ్‌లో అదే తరహాలో పరుగుల వరద పారాలని అభిమానులు ఆశిస్తున్నారు. పంజాబ్‌కు గత మ్యాచ్‌ తరహాలోనే బీభత్సం సృష్టించే అవకాశం ఉన్నా, కేకేఆర్‌ కాస్త మెత్తబడినట్లనిపిస్తుంది. ఈ సీజన్‌లోనూ కేకేఆర్‌లో అదే ఆటగాళ్లు (శ్రేయస్‌ మినహా) కనిపిస్తున్నా, ఎందుకో పంజాబ్‌ కంటే కాస్త బలహీనంగా కనిపిస్తుంది. పంజాబ్‌, కేకేఆర్‌ ఐపీఎల్‌లో ఇప్పటివరకు 33 మ్యాచ్‌ల్లో తలపడగా.. కేకేఆర్‌ 21, పంజాబ్‌ 12 మ్యాచ్‌ల్లో గెలిచాయి. ఇటీవలకాలంలో ఈ ఇరు జట్లు తలపడినప్పుడు చెరో సారి విజయం పలకరించింది. చివరిసారి పంజాబ్‌ గెలవగా, అంతకుముందు కేకేఆర్‌, దానికి ముందు పంజాబ్‌ గెలిచాయి. నేటి మ్యాచ్‌లో పంజాబ్‌ తమ స్టార్‌ బౌలర్‌ ఫెర్గూసన్‌ సేవలు కోల్పోయింది. గత మ్యాచ్‌లో గాయం కారణంగా ఫెర్గూసన్‌ సీజన్‌ మొత్తానికే దూరమయ్యాడు. ఫెర్గూసన్‌ లేని కారణంగా పంజాబ్‌ గత మ్యాచ్‌లో (సన్‌రైజర్స్‌) 246 పరుగుల అతి భారీ లక్ష్యాన్ని కూడా డిఫెండ్‌ చేసుకోలేకపోయింది. ప్రస్తుత సీజన్‌లో కేకేఆర్‌ పరిస్థితి అంతంతమాత్రంగా ఉంది. విధ్వంసకర బ్యాటర్లు సునీల్‌ నరైన్‌, రసెల్‌, రింకూ సింగ్‌, వెంకటేశ్‌ అయ్యర్‌ పెద్దగా ఫామ్‌లో లేరు. ఈ సీజన్‌లో కేకేఆర్‌ బౌలర్ల ప్రదర్శనతో నెట్టుకొస్తుంది. పంజాబ్‌ విషయానికొస్తే.. ఈ సీజన్‌లో ఆ జట్టు బ్యాటింగ్‌ విభాగంలో అతి భయానకంగా కనిపిస్తుంది. ఇప్పటికే అన్‌క్యాప్డ్ ప్లేయర్‌ ప్రియాన్ష్‌ ఆర్య విధ్వంసకర సెంచరీ బాదగా.. కెప్టెన్‌ శ్రేయస్‌ అయ్యర్‌ మంచి ఫామ్‌లో ఉన్నాడు.తుది జట్లు (అంచనా)..పంజాబ్‌: ప్రియాన్ష్‌ ఆర్య, ప్రభ్‌సిమ్రాన్ సింగ్ (వికెట్‌కీపర్‌), శ్రేయాస్ అయ్యర్ (కెప్టెన్‌), మార్కస్ స్టోయినిస్, నెహాల్ వధేరా, గ్లెన్ మాక్స్‌వెల్, శశాంక్ సింగ్, అజ్మతుల్లా ఒమర్జాయ్, మార్కో జాన్సెన్, అర్ష్‌దీప్ సింగ్, యుజ్వేంద్ర చాహల్, వైషాక్ విజయ్‌కుమార్కేకేఆర్‌: సునీల్ నరైన్, క్వింటన్ డి కాక్ (వికెట్‌కీపర్‌), అజింక్యా రహానే (కెప్టెన్‌), అంగ్క్రిష్ రఘువంశీ, వెంకటేష్ అయ్యర్, రింకు సింగ్, ఆండ్రీ రస్సెల్, రమణదీప్ సింగ్, హర్షిత్ రాణా, స్పెన్సర్ జాన్సన్/మొయిన్ అలీ, వరుణ్ చక్రవర్తి, వైభవ్ అరోరా

కోల్‌కతాలోని ఈడెన్‌ గార్డెన్స్‌ మైదానం ఐపీఎల్‌లో కేకేఆర్‌ ఫ్రాంచైజీకి సొంత మైదానమన్న విషయం తెలిసిందే. అయితే ఈ సీజన్‌లో ఆ జట్టుకు హోం అడ్వాంటేజ్‌ అన్నదే లేకుండా పోయింది. ఇక్కడ ఆడిన మూడు మ్యాచ్‌ల్లో ఓడింది. దీనికి కారణం అక్కడి పిచ్‌ అని కేకేఆర్‌ సారధి అజింక్య రహానే బహిరంగంగా అసంతృప్తిని వ్యక్తం చేశాడు. పిచ్‌ను స్పిన్‌కు అనుకూలంగా మార్చమని ఈడెన్‌ క్యూరేటర్ సుజన్‌ ముఖర్జీని ఎన్ని సార్లు అడిగినా పట్టించుకోవడం లేదని అ​న్నాడు.తాజాగా ఈడెన్‌లో కేకేఆర్‌ లక్నో సూపర్ జెయింట్స్ చేతిలో నాలుగు పరుగుల స్వల్ప తేడాతో ఓడిపోయింది. ఈ ఓటమికి కూడా పిచ్చే కారణమని రహానే సహా కేకేఆర్‌ యాజమాన్యం భావిస్తుంది. ఈ ఓటమి తర్వాత కేకేఆర్‌కు చెందిన ఓ కీలక అధికారి బెంగాల్ క్రికెట్ అసోసియేషన్‌ (CAB) సభ్యులతో భేటీ అయ్యారు. ఈ భేటీలో పిచ్‌పై తీవ్ర స్థాయిలో చర్చ జరిగినట్లు తెలుస్తుంది. ఈ సందర్భంగా సదరు కేకేఆర్‌ అధికారి ఓ క్యాబ్‌ సభ్యుడితో వ్యంగ్యంగా చర్చించినట్లు తెలుస్తుంది.ముదురుతున్న వివాదంబెంగాలీ వార్తా పత్రిక సంగ్బాద్ ప్రతిదిన్ నివేదిక ప్రకారం.. ఈడెన్‌ పిచ్‌పై క్యూరేటర్‌ సుజన్‌ ముఖర్జీ, కేకేఆర్‌ యాజమాన్యం మధ్య వివాదం ముదురుతున్నట్లు తెలుస్తుంది. లక్నో చేతిలో ఓటమి అనంతరం ఓ కేకేఆర్‌ అధికారి ఈడెన్‌ పిచ్‌ క్యూరేటర్‌ను ఉద్దేశిస్తూ.. అతడికి ప్లేయర్‌ ఆఫ్‌ ద మ్యాచ్‌ అవార్డు ఇవ్వాల్సిందని వ్యంగ్యంగా అన్నట్లు సమాచారం.లక్నోతో మ్యాచ్‌ అనంతరం కేకేఆర్‌ సారధి రహానే కూడా క్యూరేటర్‌ సుజన్‌ ముఖర్జీని టార్గెట్‌ చేసే ప్రయత్నం​ చేశాడు. అయితే వివాదం పెద్దమవడం ఇష్టం లేక వదిలిపెట్టినట్లున్నాడు. సుజన్‌ ఇదివరకే మీడియా ప్రచారం పొందారని రహానే ఆ సందర్భంగా అన్నాడు.పిచ్‌ విషయాన్ని పక్కన పెడితే.. ఈ సీజన్‌లో డిఫెండింగ్‌ ఛాంపియన్‌గా బరిలోకి దిగిన కేకేఆర్‌ ఇప్పటివరకు ఆడిన 5 మ్యాచ్‌ల్లో మూడింట ఓడి పాయింట్ల పట్టికలో ఆరో స్థానంలో ఉంది. కేకేఆర్‌ ఓడిన మూడు మ్యాచ్‌లు హోం గ్రౌండ్‌ ఈడెన్‌లో ఓడినవే కావడం విశేషం. కేకేఆర్‌ తమ తదుపరి మ్యాచ్‌లో రేపు (ఏప్రిల్‌ 11) సీఎస్‌కేను ఢీకొట్టనుంది. ఈ మ్యాచ్‌ చెన్నైలోని చెపాక్‌ స్టేడియంలో జరుగనుంది.సీఎస్‌కేతో మ్యాచ్‌కు కేకేఆర్‌ జట్టు (అంచనా)..డికాక్‌ (వికెట్‌కీపర్‌), సునీల్‌ నరైన్‌, అజింక్య రహానే (కెప్టెన్‌), వెంకటేశ్‌ అయ్యర్‌, రమణ్‌దీప్‌ సింగ్‌, రఘువంశీ, రసెల్‌, రింకూ సింగ్‌, హర్షిత్‌ రాణా, స్పెన్సన్‌ జాన్సన్‌, వైభవ్‌ అరోరా, వరుణ్‌ చక్రవర్తి

గత ఐపీఎల్‌ సీజన్‌లో ఫ్లయింగ్‌ కిస్‌ సెలబ్రేషన్స్‌ ద్వారా బాగా పాపులరై ఏకంగా టీమిండియాలో స్థానం సంపాధించిన కేకేఆర్‌ పేసర్‌ హర్షిత్‌ రాణా ఈ సీజన్‌లో మళ్లీ తన ఓవరాక్షన్‌ను మొదలు పెట్టాడు. ఈడెన్‌ గార్డెన్స్‌ వేదికగా లక్నో సూపర్‌ జెయింట్స్‌తో ఇవాళ (ఏప్రిల్‌ 8) జరుగుతున్న మ్యాచ్‌లో రాణా మరోసారి అతి సంబరాలు చేసుకున్నాడు. లక్నో ఓపెనర్‌ ఎయిడెన్‌ మార్క్రమ్‌ను క్లీన్‌ బౌల్డ్‌ చేసిన ఆనందంలో 'బయటికి వెళ్లు' అన్నట్లుగా సైగ చేశాడు. ఈ అతి కారణంగా రాణా ఐపీఎల్‌ గవర్నింగ్‌ కౌన్సిల్‌ నుంచి జరిమానా ఎదుర్కోవాల్సి వస్తుంది. ఐపీఎల్‌ కోడ్‌ ఆఫ్‌ కాండక్డ్‌లోని ఆర్టికల్‌ 2.5 నిబంధన ఉల్లంఘన కిందికి ఇది వస్తుంది.ఈ నిబంధన ప్రకారం ఓ ఆటగాడు మరో ఆటగాడిని అవమానించే రీతిలో భాషను లేదా సంజ్ఞలను చేయకూడదు. ఔటైన బ్యాటర్‌ని ఉద్దేశిస్తూ అతిగా సెలబ్రేట్ చేసుకోవడం కూడా ఈ నిబంధన ఉల్లంఘన కింది​కి వస్తుంది. ప్రస్తుత ఐపీఎల్‌ సీజన్‌లో లక్నో స్పిన్నర్‌ దిగ్వేష్‌ రాఠీ కూడా రాణా తరహాలోనే అతి సంబరాలు చేసుకుని ఐపీఎల్‌ గవర్నింగ్‌ కౌన్సిల్‌ ఆగ్రహానికి (జరిమానా) గురయ్యాడు. దిగ్వేష్‌ వరుసగా రెండు మ్యాచ్‌ల్లో నోట్‌ బుక్‌ సంబరాలు చేసుకోవడాన్ని ఐపీఎల్‌ గవర్నింగ్‌ కౌన్సిల్‌ సీరియస్‌గా తీసుకుంది.ఇదిలా ఉంటే, లక్నోతో జరుగుతున్న మ్యాచ్‌లో టాస్‌ గెలిచి తొలుత బౌలింగ్‌ చేసిన కేకేఆర్‌ భారీగా పరుగులు సమర్పించుకుంది. రాణా సహా ప్రతి కేకేఆర్‌ బౌలర్‌ను లక్నో బ్యాటర్లు ఉతికి ఆరేశారు. రాణా 2 వికెట్లు తీసినా తన కోటా 4 ఓవర్లలో ఏకంగా 51 పరుగులు సమర్పించుకున్నాడు. లక్నో బ్యాటర్లు మార్ష్‌ (48 బంతుల్లో 81; 6 ఫోర్లు, 5 సిక్సర్లు), పూరన్‌ (36 బంతుల్లో 87; 7 ఫోర్లు, 8 సిక్సర్లు) విధ్వంసం సృష్టించడంతో ఆ జట్టు నిర్ణీత 20 ఓవర్లలో 3 వికెట్ల నష్టానికి 238 పరుగులు చేసింది. లక్నో బ్యాటర్లలో మార్క్రమ్‌ (28 బంతుల్లో 47; 4 ఫోర్లు, 2 సిక్సర్లు) కూడా సత్తా చాటాడు.అనంతరం భారీ లక్ష్య ఛేదనకు దిగిన కేకేఆర్‌కు కూడా ఏమాత్రం తగ్గడం లేదు. ఆ జట్టు కూడా లక్నో స్కోర్‌కు ధీటుగా జవాబిస్తుంది. 10 ఓవర్లలో ఆ జట్టు ఏకంగా 129 పరుగులు (2 వికెట్ల నష్టానికి) చేసింది. రహానే (47), వెంకటేశ్‌ అయ్యర్‌ (24) క్రీజ్‌లో ఉన్నారు.

ఐపీఎల్‌ 2025లో ఇవాళ (ఏప్రిల్‌ 8) రెండు మ్యాచ్‌లు జరుగనున్నాయి. మధ్యాహ్నం జరిగే మ్యాచ్‌లో కేకేఆర్‌, లక్నో సూపర్‌ జెయింట్స్‌ తలపడనుండగా.. రాత్రి మ్యాచ్‌లో పంజాబ్‌, సీఎస్‌కే ఢీకొట్టనున్నాయి. మధ్యాహ్నం మ్యాచ్‌ కేకేఆర్‌ హోం గ్రౌండ్‌ ఈడెన్‌ గార్డెన్స్‌లో జరుగనుండగా.. రాత్రి మ్యాచ్‌ పంజాబ్‌ హోం గ్రౌండ్‌ ముల్లన్‌పూర్‌ స్టేడియంలో జరుగనుంది.వారం మధ్యలో ఎందుకంటే..?తొలుత ప్రకటించిన షెడ్యూల్‌ ప్రకారం ఇవాళ డబుల్‌ హెడర్‌ మ్యాచ్‌లు లేవు. అయితే ఏప్రిల్‌ 6న జరగాల్సిన కేకేఆర్‌, లక్నో మ్యాచ్‌ను నేటి మధ్యాహ్నానికి వాయిదా వేశారు. ఆ రోజు శ్రీరామనవమి కావడంతో కోల్‌కతా పోలీసులు మ్యాచ్‌కు భద్రతా ఏర్పాట్లు చేయలేమని చెప్పారు. దీంతో బెంగాల్‌ క్రికెట్‌ అసోసియేషన్‌ మ్యాచ్‌ను వాయిదా వేయాలని ఐపీఎల్‌ గవర్నింగ్‌ కౌన్సిల్‌ మరియు బీసీసీఐని కోరింది. దీంతో కేకేఆర్‌, లక్నో మ్యాచ్‌ నేటి మధ్యాహ్నానికి వాయిదా పడింది.ప్రస్తుతం కేకేఆర్‌, లక్నో పాయింట్ల పట్టికలో ఐదు, ఆరు స్థానాల్లో ఉన్నాయి. ఇరు జట్లు ఇప్పటివరకు తలో 4 మ్యాచ్‌లు ఆడి రెండింట గెలిచి, రెండిట ఓడాయి. ఐపీఎల్‌లో ఇరు జట్లు ఇప్పటివరుకు ఐదు మ్యాచ్‌ల్లో తలపడగా.. లక్నో 3, కేకేఆర్‌ 2 మ్యాచ్‌ల్లో గెలుపొందాయి.తుది జట్లు (అంచనా)..కేకేఆర్‌: క్వింటన్ డికాక్/రహ్మానుల్లా గుర్బాజ్ (వికెట్‌కీపర్‌), సునీల్ నరైన్, అజింక్య రహానే (కెప్టెన్‌), అంగ్క్రిష్ రఘువంశీ, వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, మొయిన్ అలీ, హర్షిత్ రాణా, వరుణ్ చక్రవర్తి, వైభవ్ అరోరాలక్నో: మిచెల్ మార్ష్, ఎయిడెన్ మార్క్రమ్, నికోలస్ పూరన్, రిషబ్ పంత్ (కెప్టెన్‌/వికెట్‌కీపర్‌), ఆయుష్ బదోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, అవేష్ ఖాన్, దిగ్వేష్ రాఠి, రవి బిష్ణోయ్రాత్రి మ్యాచ్‌ విషయానికొస్తే.. ఈ సీజన్‌లో దుమ్మురేపుతున్న పంజాబ్‌ వరుస పరాజయాలతో చతికిలపడ్డ సీఎస్‌కేతో తలపడనుంది. పంజాబ్‌ ఈ సీజన్‌లో ఇప్పటివరకు ఆడిన 3 మ్యాచ్‌ల్లో రెండింట విజయాలు సాధించి పాయింట్ల పట్టికలో నాలుగో స్థానంలో ఉండగా.. సీఎస్‌కే నాలుగింట మూడు ఓడి చివరి నుంచి రెండో స్థానంలో ఉంది.ఐపీఎల్‌లో ఇరు జట్లు ఇప్పటివరకు 30 మ్యాచ్‌ల్లో తలపడగా.. సీఎస్‌కే 16, పంజాబ్‌ 14 మ్యాచ్‌ల్లో గెలిచాయి. 2022 సీజన్‌ నుంచి జరిగిన ఐదు మ్యాచ్‌ల్లో నాలుగు మ్యాచ్‌లు పంజాబే గెలిచింది.తుది జట్లు (అంచనా)..పంజాబ్‌: ప్రియాంష్ ఆర్య, ప్రభ్‌సిమ్రాన్ సింగ్ (వికెట్‌కీపర్‌), శ్రేయస్ అయ్యర్ (కెప్టెన్‌), మార్కస్ స్టోయినిస్, నెహాల్ వధేరా, గ్లెన్ మాక్స్‌వెల్, శశాంక్ సింగ్, హర్‌ప్రీత్ బ్రార్, మార్కో జాన్సెన్, అర్ష్‌దీప్ సింగ్, లాకీ ఫెర్గూసన్, యుజ్వేంద్ర చాహల్సీఎస్‌కే: రుతురాజ్ గైక్వాడ్ (కెప్టెన్‌), డెవాన్ కాన్వే, రచిన్ రవీంద్ర, విజయ్ శంకర్, శివమ్ దూబే, రవీంద్ర జడేజా, ధోని (వికెట్‌కీపర్‌), రవిచంద్రన్ అశ్విన్, నూర్ అహ్మద్, ముఖేష్ చౌదరి/అన్షుల్ కాంబోజ్, ఖలీల్ అహ్మద్, మతీష పతిరణ

ఐపీఎల్‌ 2025 సీజన్‌లో భాగంగా కేకేఆర్‌తో ఇవాళ (ఏప్రిల్‌ 2) జరుగబోయే మ్యాచ్‌కు ముందు సన్‌రైజర్స్‌ హైదరాబాద్‌కు భారీ షాక్‌ తగిలినట్లు తెలుస్తుంది. ఆ జట్టు నయా సిక్స్‌ హిట్టింగ్‌ మెషీన్‌ అనికేత్‌ వర్మ నిన్న ప్రాక్టీస్‌ సందర్భంగా గాయపడ్డాడని సమాచారం. నెట్స్‌లో ప్రాక్టీస్‌ చేస్తుండగా.. ఓ బౌలర్‌ వేసిన బంతి అనికేత్‌ కాలి బొటన వేలుకు బలంగా తాకిందని తెలుస్తుంది. నొప్పితో విలవిలలాడిపోయిన అనికేత్‌ పిచ్‌పై కుప్పకూలాడని ప్రచారం జరుగుతుంది. ప్రాక్టీస్‌ సాగుతుండగా అనికేత్‌ మైదానాన్ని వీడుతున్న దృశ్యాలు సోషల్‌మీడియాలో వైరలవుతున్నాయి. అనికేత్‌ గాయం విషయమై సన్‌రైజర్స్‌ యాజమాన్యం నుంచి ఎలాంటి అధికారిక ప్రకటన రాలేదు.కాగా, ప్రస్తుత సీజన్‌తోనే ఐపీఎల్‌ అరంగేట్రం చేసిన 23 ఏళ్ల అనికేత్‌.. తొలి మ్యాచ్‌ నుంచే మెప్పిస్తూ వచ్చాడు. ఐపీఎల్‌ కెరీర్‌లో ఎదుర్కొన్న తొలి బంతినే (రాజస్థాన్‌ రాయల్స్‌పై) సిక్సర్‌గా మలిచిన అనికేత్‌.. అతి తక్కువ వ్యవధిలోనే భారీ హిట్టర్‌గా పేరు గడించాడు. తన రెండో మ్యాచ్‌లో లక్నోపై 5 భారీ సిక్సర్లు బాదిన అనికేత్‌.. ఆతర్వాత ఢిల్లీతో జరిగిన మ్యాచ్‌లో మరింత చెలరేగిపోయాడు. ఈ మ్యాచ్‌లో సహచర బ్యాటర్లంతా విఫలం కాగా.. అనికేత్‌ ఒంటరి పోరాటం చేసి మెరుపు అర్ద సెంచరీ (41 బంతుల్లో 5 ఫోర్లు, 6 సిక్సర్ల సాయంతో 74 పరుగులు) చేశాడు. 3 మ్యాచ్‌ల్లోనే 12 భారీ సిక్సర్లు బాదిన అనికేత్‌ నేడు కేకేఆర్‌తో జరిగే మ్యాచ్‌కు దూరమైతే సన్‌రైజర్స్‌కు ఇబ్బందులు తప్పవు.కాగా, ఈ సీజన్‌లో అంతంతమాత్రంగా కనిపిస్తున్న సన్‌రైజర్స్‌, కేకేఆర్‌ గత సీజన్‌ ఫైనల్లో చివరిసారిగా తలపడ్డాయి. ఆ మ్యాచ్‌లో కేకేఆర్‌ సన్‌రైజర్స్‌ను ఓడించి ఛాంపియన్‌గా నిలిచింది. ఐపీఎల్‌లో సన్‌రైజర్స్‌, కేకేఆర్‌ ఇప్పటివరకు 28 మ్యాచ్‌ల్లో తలపడగా.. కేకేఆర్‌ 18, సన్‌రైజర్స్‌ 9 మ్యాచ్‌ల్లో గెలుపొందాయి. ఓ మ్యాచ్‌ టైగా ముగిసింది.ఈ సీజన్‌లో ఇరు జట్లు ఇప్పటివరకు తలో మూడు మ్యాచ్‌లు ఆడి ఒక్కో మ్యాచ్‌లో మాత్రమే గెలుపొందాయి. సన్‌రైజర్స్‌ తమ తొలి మ్యాచ్‌లో రాజస్థాన్‌ రాయల్స్‌ను ఓడించి.. ఆతర్వాత వరుసగా లక్నో, ఢిల్లీ క్యాపిటల్స్‌ చేతుల్లో ఓడింది. కేకేఆర్‌ విషయానికొస్తే.. డిఫెండింగ్‌ ఛాంపియన్‌ హెదాలో బరిలోకి దిగిన ఈ జట్టు సీజన్‌ తొలి మ్యాచ్‌లో ఆర్సీబీ చేతిలో చిత్తై, ఆతర్వాతి మ్యాచ్‌లో రాజస్థాన్‌ రాయల్స్‌పై గెలుపొందింది. చివరిగా ముంబైతో జరిగిన మ్యాచ్‌లో కేకేఆర్‌ మరో ఓటమిని మూటగట్టుకుంది.ఈ సీజన్‌లో సన్‌రైజర్స్‌ కేకేఆర్‌ కంటే పటిష్టంగా కనిపిస్తున్నప్పటికీ.. భారీ హైప్‌ కారణంగా అంచనాలను అందుకోలేకపోతుంది. కేకేఆర్ విషయానికొస్తే.. ఈ జట్టులో స్టార్‌ ఆటగాళ్లు ఉన్నా ఫామ్‌ లేమితో సతమతమవుతున్నారు.

ఐపీఎల్‌ 2025లో భాగంగా నిన్న (మార్చి 31) వాంఖడేలో జరిగిన మ్యాచ్‌లో డిఫెండింగ్‌ ఛాంపియన్‌ కేకేఆర్‌ ముంబై ఇండియన్స్‌ చేతిలో ఘోర పరాజయాన్ని ఎదుర్కొంది. ఈ ఓటమితో కేకేఆర్‌ పలు చెత్త రికార్డులు మూటగట్టుకుంది. ఐపీఎల్‌లో ఓ జట్టు (ముంబై ఇండియన్స్‌) చేతిలో అత్యధిక పరాజయాలు ఎదుర్కొన్న జట్టుగా తమ పేరిటే ఉన్న చెత్త రికార్డును మరింత మెరుగుపర్చుకుంది. తాజా ఓటమితో ముంబై ఇండియన్స్‌ చేతిలో కేకేఆర్‌ పరాజయాల సంఖ్య 24కు చేరింది. ఐపీఎల్‌లో ఏ జట్టూ ఓ జట్టు చేతిలో ఇన్ని మ్యాచ్‌లు ఓడిపోలేదు. కేకేఆర్‌ తర్వాత ఈ చెత్త రికార్డు ఆర్సీబీ, పంజాబ్‌ కింగ్స్‌ పేరిట ఉంది. ఆర్సీబీ సీఎస్‌కే చేతిలో.. పంజాబ్‌ కేకేఆర్‌ చేతిలో తలో 21 మ్యాచ్‌లు ఓడిపోయాయి.ఐపీఎల్‌లో ఓ జట్టు చేతిలో అత్యధిక పరాజయాలు ఎదుర్కొన్న జట్లు..కేకేఆర్‌- 24 ముంబై ఇండియన్స్‌ చేతిలోఆర్సీబీ- 21 సీఎస్‌కే చేతిలోపంజాబ్‌- 21 కేకేఆర్‌ చేతిలోసీఎస్‌కే- 20 ముంబై ఇండియన్స్‌ చేతిలోఆర్సీబీ- 20 కేకేఆర్‌ చేతిలోనిన్నటి ఓటమితో కేకేఆర్‌ మరో చెత్త రికార్డు కూడా తమ ఖాతాలో వేసుకుంది. ఐపీఎల్‌లో ఓ వేదికపై ఓ జట్టు చేతిలో అత్యధిక పరాజయాలు ఎదుర్కొన్న జట్టుగా నిలిచింది. కేకేఆర్‌ వాంఖడే స్టేడియంలో ముంబై ఇండియన్స్‌ చేతిలో అత్యధికంగా 10 పరాజయాలు ఎదుర్కొంది. ఓ వేదికపై ఓ జట్టు చేతిలో అత్యధిక పరాజయాలు ఎదుర్కొన్న జట్ల జాబితాలో పంజాబ్‌, ఆర్సీబీ, ఢిల్లీ కేకేఆర్‌ తర్వాతి స్థానాల్లో ఉన్నాయి.ఐపీఎల్‌లో ఓ వేదికపై ఓ జట్టు చేతిలో అత్యధిక పరాజయాలు ఎదుర్కొన్న జట్లు..కేకేఆర్‌- 10 వాంఖడే స్టేడియంలో ముంబై ఇండియన్స్‌ చేతిలోపంజాబ్‌-9 ఈడెన్‌ గార్డెన్స్‌లో కేకేఆర్‌ చేతిలోఆర్సీబీ- 8 వాంఖడే స్టేడియంలో ముంబై ఇండియన్స్‌ చేతిలోఆర్సీబీ- 8 చిన్నస్వామి స్టేడియంలో ముంబై ఇండియన్స్‌ చేతిలోఆర్సీబీ- 8 చెపాక్‌ స్టేడియంలో సీఎస్‌కే చేతిలోఢిల్లీ- 8 ఈడెన్‌ గార్డెన్స్‌లో కేకేఆర్‌ చేతిలోమ్యాచ్‌ విషయానికొస్తే.. ముంబై ఇండియన్స్‌ చేతిలో కేకేఆర్‌ 8 వికెట్ల తేడాతో ఘోర పరాజయం ఎదుర్కొంది. టాస్‌ గెలిచి తొలుత బౌలింగ్‌ చేసిన ముంబై ఇండియన్స్‌.. అరంగేట్రం పేసర్‌ అశ్వనీ కుమార్‌ (3-0-24-4) చెలరేగడంతో కేకేఆర్‌ను 116 పరుగులకే కుప్పకూల్చింది. కేకేఆర్‌ను మట్టికరిపించడంలో ముంబై బౌలర్లు దీపక్‌ చాహర్‌ (2-0-19-2), బౌల్ట్‌ (4-0-23-1), హార్దిక్‌ పాండ్యా (2-0-10-1), విజ్ఞేశ్‌ పుతుర్‌ (2-0-21-1), సాంట్నర్‌ (3.2-0-17-1) తలో చేయి వేశారు.కేకేఆర్‌ ఇన్నింగ్స్‌లో రఘువంశీ (26) టాప్‌ స్కోరర్‌ కాగా.. రమణ్‌దీప్‌ (22), మనీశ్‌ పాండే (19), రింకూ సింగ్‌ (17), రహానే (11) రెండంకెల స్కోర్లు చేశారు. డికాక్‌ (1), సునీల్‌ నరైన్‌ (0), వెంకటేశ్‌ అయ్యర్‌ (3), రసెల్‌ (5) దారుణంగా విఫలమయ్యారు.అనంతరం స్వల్ప లక్ష్య ఛేదనకు దిగిన ముంబై ఇండియన్స్‌.. ర్యాన్‌ రికెల్టన్‌ (41 బంతుల్లో 62 నాటౌట్‌; 4 ఫోర్లు, 5 సిక్సర్లు), సూర్యకుమార్‌ (9 బంతుల్లో 27 నాటౌట్‌; 3 ఫోర్లు, 2 సిక్సర్లు) సత్తా చాటడంతో 12.5 ఓవర్లలో 2 వికెట్లు కోల్పోయి విజయతీరాలకు చేరింది. కేకేఆర్‌ బౌలర్లలో ఆండ్రీ రసెల్‌కు 2 వికెట్లు దక్కాయి. ఈ సీజన్‌లో రెండు వరుస పరాజయాల తర్వాత ముంబై ఇండియన్స్‌కు లభించిన తొలి విజయం ఇది. కేకేఆర్‌ విషయానికొస్తే.. ఈ జట్టుకు ఈ సీజన్‌లో ఇది రెండో పరాజయం. తొలి మ్యాచ్‌లో ఆర్సీబీ చేతిలో ఓడిన ఈ జట్టు.. ఆతర్వాతి మ్యాచ్‌లో రాజస్థాన్‌ రాయల్స్‌పై విజయం సాధించి, తాజాగా ముంబై ఇండియన్స్‌ చేతిలో ఓడింది.

ప్రస్తుత ఐపీఎల్‌ సీజన్‌లో ముంబై ఇండియన్స్‌ ఎట్టకేలకు బోణీ కొట్టింది. నిన్న (మార్చి 31) సొంత మైదానంలో కేకేఆర్‌తో జరిగిన మ్యాచ్‌లో 8 వికెట్ల తేడాతో ఘన విజయం సాధించింది. తొలి రెండు మ్యాచ్‌ల్లో సీఎస్‌కే, గుజరాత్‌ చేతుల్లో ఘోరంగా ఓడిన ఎంఐ.. కేకేఆర్‌తో మ్యాచ్‌లో అనూహ్యంగా పుంజుకుని సంతృప్తి పొందే విజయం సాధించింది. ఈ మ్యాచ్‌లో ముంబై గెలుపులో అరంగేట్రం పేసర్‌ అశ్వనీ కుమార్‌ కీలకపాత్ర పోషించాడు. అశ్వనీ 3 ఓవర్లలో 24 పరుగులిచ్చి 4 వికెట్లు పడగొట్టాడు. అశ్వనీతో పాటు దీపక్‌ చాహర్‌ (2-0-19-2), బౌల్ట్‌ (4-0-23-1), హార్దిక్‌ పాండ్యా (2-0-10-1), విజ్ఞేశ్‌ పుతుర్‌ (2-0-21-1), సాంట్నర్‌ (3.2-0-17-1) కూడా రాణించడంతో టాస్‌ గెలిచి తొలుత బౌలింగ్‌ చేసిన ముంబై కేకేఆర్‌ను 116 పరుగులకే కుప్పకూల్చింది.కేకేఆర్‌ ఇన్నింగ్స్‌లో ఒక్కరు కూడా రాణించలేకపోయారు. రఘువంశీ చేసిన 26 పరుగులే (16 బంతుల్లో) అత్యధికం. ఆఖర్లో రమణ్‌దీప్‌ (12 బంతుల్లో 22) బ్యాట్‌ ఝులిపించడంతో కేకేఆర్‌ అతి కష్టం మీద 100 పరుగుల మార్కును దాటింది. కేకేఆర్‌ ఇన్నింగ్స్‌లో రఘువంశీ, రమణ్‌దీప్‌తో పాటు మనీశ్‌ పాండే (19), రింకూ సింగ్‌ (17), రహానే (11) మాత్రమే రెండంకెల స్కోర్లు చేయగలిగారు. గత మ్యాచ్‌లో (రాజస్థాన్‌) సత్తా చాటిన డికాక్‌ ఈ మ్యాచ్‌లో తేలిపోయాడు. సునీల్‌ నరైన్‌ డకౌటయ్యాడు. కోట్టు పెట్టి కొన్న వెంకటేశ్‌ అయ్యర్‌ (3) తుస్సుమనిపించాడు. విధ్వంసకర వీరుడు రసెల్‌ (11 బంతుల్లో 5) విఫలమయ్యాడు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన ముంబై ఇండియన్స్‌ ఆడుతూపాడుతూ విజయం సాధించింది. తొలి రెండు మ్యాచ్‌ల్లో విఫలమైన ర్యాన్‌ రికెల్టన్‌ (41 బంతుల్లో 62 నాటౌట్‌; 4 ఫోర్లు, 5 సిక్సర్లు) ఈ మ్యాచ్‌లో సత్తా చాటాడు. సూర్యకుమార్‌ (9 బంతుల్లో 27 నాటౌట్‌; 3 ఫోర్లు, 2 సిక్సర్లు) తన సహజ శైలిలో విధ్వంసం సృష్టించాడు. రోహిత్‌ శర్మ (12 బంతుల్లో 13) పేలవ ప్రదర్శన కొనసాగగా.. విల్‌ జాక్స్‌ (17 బంతుల్లో 16) నిరాశపరిచాడు. ముంబై 12.5 ఓవర్లలో 2 వికెట్లు కోల్పోయి లక్ష్యాన్ని చేరుకుంది. కేకేఆర్‌ బౌలర్లలో ఆండ్రీ రసెల్‌కు 2 వికెట్లు దక్కాయి.మ్యాచ్‌ అనంతరం ముంబై కెప్టెన్‌ హార్దిక్‌ పాండ్యా మాట్లాడుతూ ఇలా అన్నాడు. ఈ గెలుపు సంతృప్తికరంగా ఉంది. హోం గ్రౌండ్‌లో గెలవడం మరింత ప్రత్యేకం. సమిష్టిగా రాణించాం​. ప్రతి ఒక్కరు గెలుపులో భాగమయ్యారు. వికెట్ మేము ఊహించిన దానికంటే ఎక్కువగానే మాకు అనుకూలించింది. అశ్వనీ కూమార్‌ అద్భుతంగా బౌలింగ్‌ చేశాడు. పిచ్‌ను పరిశీలించాక అశ్వనీ తన సహజ శైలిలో బౌలింగ్‌ చేసినా సత్ఫలితాలు వస్తాయని అనుకున్నాము. అదే జరిగింది. అశ్వనీ లాంటి ఆణిముత్యాన్ని వెలికి తీసినందుకు మా స్కౌట్స్‌ను అభినంధించాలి. ముంబై ఇండియన్స్‌ స్కౌట్స్‌ దేశం నలుమూలలా తిరిగి విజ్ఞేశ్‌ పుతుర్‌, అశ్వనీ కుమార్‌ లాంటి టాలెంటెడ్‌ కిడ్స్‌ను ఎంపిక చేశారు. ప్రాక్టీస్‌ సమయంలోనే అశ్వనీలోని టాలెంట్‌ను గమనించాము. అతని బౌలింగ్‌లో ప్రత్యేకమైన లేట్‌ స్వింగ్‌ ఉంది. పైగా అతను లెఫ్ట్‌ హ్యాండర్‌. అశ్వనీ తీసిన రసెల్‌ వికెట్‌ చాలా కీలకం. అతడు డికాక్‌ క్యాచ్‌ను అందుకున్న తీరు కూడా అద్భుతం. ఓ ఫాస్ట్ బౌలర్ అంత ఎత్తుకు ఎగిరి క్యాచ్‌ పట్టడం ఆషామాషీ కాదు. ముందు చెప్పినట్లు, సమిష్టిగా రాణించడం శుభసూచకం.

డిఫెండింగ్‌ ఛాంపియన్‌ హోదాలో బరిలోకి దిగిన కేకేఆర్‌ ప్రస్తుత ఐపీఎల్‌ సీజన్‌లో స్థాయికి తగ్గట్టుగా ఆడటం లేదు. ఇప్పటివరకు ఆడిన మూడు మ్యాచ్‌ల్లో రెండింట ఓటమిపాలైంది. తొలి మ్యాచ్‌లో ఆర్సీబీ చేతిలో చావుదెబ్బ తిన్న ఆ జట్టు.. ఆతర్వాతి మ్యాచ్‌లో రాజస్థాన్‌ రాయల్స్‌పై ఏకపక్ష విజయం సాధించి ఊపిరి పీల్చుకుంది. తాజాగా నిన్న (మార్చి 31) ముంబై ఇండియన్స్‌తో జరిగిన మ్యాచ్‌లో ఘోర పరాజయాన్ని ఎదుర్కొని సీజన్‌లో రెండో ఓటమిని మూటగట్టుకుంది.ఈ మ్యాచ్‌లో కేకేఆర్‌ బ్యాటింగ్‌లో ఘోరంగా విఫలమైంది. ముంబై ఇండియన్స్‌ అరంగేట్రం పేసర్‌ అశ్వనీ కుమార్‌ (3-0-24-4) ధాటికి 116 పరుగులకే కుప్పకూలింది. కేకేఆర్‌ ఇన్నింగ్స్‌లో ఒక్కరు కూడా రాణించలేదు. అంగ్‌క్రిష్‌ రఘువంశీ చేసిన 26 పరుగులే అత్యధికం. ఆఖర్లో రమణ్‌దీప్‌ సింగ్‌ (12 బంతుల్లో 22; ఫోర్‌, 2 సిక్సర్లు) బ్యాట్‌ ఝులిపించకపోయుంటే 100 పరుగులు కూడా వచ్చేవి కాదు. రఘువంశీ, రమణ్‌దీప్‌తో పాటు మనీశ్‌ పాండే (19), రింకూ సింగ్‌ (17), రహానే (11) మాత్రమే రెండంకెల స్కోర్లు చేయగలిగారు. డికాక్‌ (1), నరైన్‌ (0), వెంకటేశ్‌ అయ్యర్‌ (3), ఆండ్రీ రసెల్‌ (5) దారుణంగా విఫలమయ్యారు. ముంబై బౌలర్లలో అశ్వనీ కుమార్‌తో పాటు దీపక్‌ చాహర్‌ (2-0-19-2), బౌల్ట్‌ (4-0-23-1), హార్దిక్‌ పాండ్యా (2-0-10-1), విజ్ఞేశ్‌ పుతుర్‌ (2-0-21-1), సాంట్నర్‌ (3.2-0-17-1) కూడా సత్తా చాటారు.అనంతరం స్వల్ప లక్ష్య ఛేదనుకు దిగిన ముంబై ఇండియన్స్‌ సునాయాసంగా విజయం సాధించింది. తొలి రెండు మ్యాచ్‌ల్లో విఫలమైన ర్యాన్‌ రికెల్టన్‌ (41 బంతుల్లో 62 నాటౌట్‌; 4 ఫోర్లు, 5 సిక్సర్లు) ఈ మ్యాచ్‌లో సత్తా చాటాడు. సూర్యకుమార్‌ (9 బంతుల్లో 27 నాటౌట్‌; 3 ఫోర్లు, 2 సిక్సర్లు) తన సహజ శైలిలో విధ్వంసం సృష్టించాడు. రోహిత్‌ శర్మ (12 బంతుల్లో 13) పేలవ ప్రదర్శన కొనసాగగా.. విల్‌ జాక్స్‌ (17 బంతుల్లో 16) నిరాశపరిచాడు. మొత్తంగా ముంబై 12.5 ఓవర్లలో 2 వికెట్లు కోల్పోయి లక్ష్యాన్ని చేరుకుంది. కేకేఆర్‌ బౌలర్లలో ఆండ్రీ రసెల్‌కు 2 వికెట్లు దక్కాయి.మ్యాచ్‌ అనంతరం లూజింగ్‌ కెప్టెన్‌ అజింక్య రహానే ఇలా అన్నాడు. సమిష్టిగా బ్యాటింగ్‌లో విఫలమయ్యాం. టాస్‌లో చెప్పినట్లుగానే ఈ వికెట్‌ బ్యాటింగ్ చేయడానికి బాగుంది. 180-190 పరుగులు చేసుంటే మంచి స్కోర్‌ అయ్యుండేది. వికెట్‌పై మంచి బౌన్స్ కూడా ఉంది. కొన్నిసార్లు బౌన్స్‌ను, పేస్‌ను ఉపయోగించుకోవాల్సి ఉంటుంది. ఈ ఆట నుండి చాలా వేగంగా నేర్చుకోవాలి. బంతితో కూడా పెద్దగా రాణించలేకపోయాము. బౌలర్లు శక్తి మేరకు ప్రయత్నించారు కానీ, బోర్డుపై ఓ మోస్తరు స్కోరైనా లేదు. వరుస విరామాల్లో వికెట్లు కోల్పోయాము. పవర్‌ప్లేలో నాలుగు వికెట్లు కోల్పోయాక కోలుకోవడం కష్టం. మంచి భాగస్వామ్యాలు కొనసాగుండాల్సింది. చివరి వరకు ఓ బ్యాటర్‌ క్రీజ్‌లో ఉండటం అవసరం.

ఐపీఎల్‌ 2025 సీజన్‌లో భాగంగా నిన్న (మార్చి 31) కేకేఆర్‌, ముంబై ఇండియన్స్‌ తలపడ్డాయి. వాంఖడేలో జరిగిన ఈ మ్యాచ్‌లో ముంబై ఇండియన్స్‌ 8 వికెట్ల తేడాతో ఘన విజయం సాధించింది. ఈ సీజన్‌లో ముంబైకి ఇది తొలి విజయం. ఈ మ్యాచ్‌లో ముంబై ఇండియన్స్‌ అరంగేట్రం పేసర్‌ అశ్వనీ కుమార్‌ అద్భుత ప్రదర్శన చేశాడు. 3 ఓవర్లలో 24 పరుగులు మాత్రమే ఇచ్చి ఏకంగా 4 వికెట్లు పడగొట్టాడు. అశ్వనీ విజృంభణకు తోడు దీపక్‌ చాహర్‌ (2-0-19-2), బౌల్ట్‌ (4-0-23-1), హార్దిక్‌ పాండ్యా (2-0-10-1), విజ్ఞేశ్‌ పుతుర్‌ (2-0-21-1), సాంట్నర్‌ (3.2-0-17-1) కూడా రాణించడంతో టాస్‌ గెలిచి తొలుత బౌలింగ్‌ చేసిన ముంబై కేకేఆర్‌ను 116 పరుగులకే కుప్పకూల్చింది. కేకేఆర్‌ బ్యాటర్లు అశ్వనీ కుమార్‌ సహా మిగతా ముంబై బౌలర్లను ఎదుర్కొనేందుకు ఆపసోపాలు పడ్డారు. ఆ జట్టు ఇన్నింగ్స్‌లో ఒక్కరు కూడా చెప్పుకోదగ్గ స్కోర్‌ చేయలేకపోయారు. రఘువంశీ చేసిన 26 పరుగులే (16 బంతుల్లో) అత్యధికం. ఆఖర్లో రమణ్‌దీప్‌ (12 బంతుల్లో 22) బ్యాట్‌ ఝులిపించడంతో కేకేఆర్‌ అతి కష్టం మీద 100 పరుగుల మార్కును దాటింది. కేకేఆర్‌ ఇన్నింగ్స్‌లో రఘువంశీ, రమణ్‌దీప్‌తో పాటు మనీశ్‌ పాండే (19), రింకూ సింగ్‌ (17), రహానే (11) మాత్రమే రెండంకెల స్కోర్లు చేయగలిగారు. గత మ్యాచ్‌లో (రాజస్థాన్‌) సత్తా చాటిన డికాక్‌ ఈ మ్యాచ్‌లో తేలిపోయాడు. సునీల్‌ నరైన్‌ డకౌటయ్యాడు. కోట్టు పెట్టి కొన్న వెంకటేశ్‌ అయ్యర్‌ (3) తుస్సుమనిపించాడు. విధ్వంసకర వీరుడు రసెల్‌ (11 బంతుల్లో 5) విఫలమయ్యాడు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన ముంబై ఇండియన్స్‌.. ఆడుతూపాడుతూ విజయం సాధించింది. తొలి రెండు మ్యాచ్‌ల్లో విఫలమైన ర్యాన్‌ రికెల్టన్‌ (41 బంతుల్లో 62 నాటౌట్‌; 4 ఫోర్లు, 5 సిక్సర్లు) ఈ మ్యాచ్‌లో సత్తా చాటాడు. సూర్యకుమార్‌ (9 బంతుల్లో 27 నాటౌట్‌; 3 ఫోర్లు, 2 సిక్సర్లు) తన సహజ శైలిలో విధ్వంసం సృష్టించాడు. రోహిత్‌ శర్మ (12 బంతుల్లో 13) పేలవ ప్రదర్శన కొనసాగగా.. విల్‌ జాక్స్‌ (17 బంతుల్లో 16) నిరాశపరిచాడు. ముంబై 12.5 ఓవర్లలో 2 వికెట్లు కోల్పోయి లక్ష్యాన్ని చేరుకుంది. కేకేఆర్‌ బౌలర్లలో ఆండ్రీ రసెల్‌కు 2 వికెట్లు దక్కాయి.కాగా, ఈ మ్యాచ్‌లో ఘోరంగా విఫలమైన కేకేఆర్‌ బ్యాటర్లపై సర్వత్రా విమర్శలు వస్తున్నాయి. రూ. 23.75 కోట్ల భారీ మొత్తం పెట్టి కొన్న వైస్‌ కెప్టెన్‌ వెంకటేశ్‌ అయ్యర్‌ను కేకేఆర్‌ అభిమానులే టార్గెట్‌ చేస్తున్నారు. ఫ్రాంచైజీ నమ్మకాన్ని వమ్ము చేశాడని కామెంట్లు చేస్తున్నారు. భారీ మొత్తం పెట్టి కొనుగోలు చేయడంతో వైస్‌ కెప్టెన్సీ అప్పగిస్తే ఇదేనా నువ్వు చేసేదంటూ మండిపడుతున్నారు. ఈ మ్యాచ్‌లో9 బంతులు ఎదుర్కొన్న అయ్యర్‌ కేవలం 3 పరుగులు మాత్రమే చేశాడు. ఈ సీజన్‌ తొలి మ్యాచ్‌లోనూ అయ్యర్‌ విఫలమయ్యాడు. ఆర్సీబీపై కేవలం​ 6 పరుగులు (7 బంతుల్లో) మాత్రమే చేశాడు. ఆల్‌రౌండర్‌గా పని కొనస్తాడనుకుంటే అస్సలు బౌలింగే చేయడం లేదు. పైగా ఈ సీజన్‌కు ముందు కెప్టెన్సీ కూడా కావాలని మారాని చేశాడు. చెత్త ప్రదర్శనలతో అయ్యర్‌ ప్రస్తుతం కేకేఆర్‌ అభిమానులకు టార్గెట్‌గా మారాడు. నీ కంటే కొత్తగా వచ్చిన కుర్రాళ్లు అనికేత్‌ వర్మ (సన్‌రైజర్స్‌), విప్రాజ్‌ నిగమ్‌ (ఢిల్లీ) చాలా మేలని కామెంట్లు చేస్తున్నారు. నీపై పెట్టిన పెట్టుబడి దండగ అని అంటున్నారు. ఇంత దానికి కెప్టెన్సీ కూడా కావాలా అని ప్రశ్నిస్తున్నారు. పనిలో పనిగా రింకూ సింగ్‌, ఆండ్రీ రసెల్‌ను కూడా ఏకి పారేస్తున్నారు. వీరిపై పెట్టిన పెట్టుబడి కూడా బూడిదలో పోసిన పన్నీరే అని అంటున్నారు. ఈ సీజన్‌కు ముందు రింకూను 13 కోట్లకు, రసెల్‌ను 12 కోట్లకు కేకేఆర్‌ రీటైన్‌ చేసుకున్న విషయం తెలిసిందే. అయ్యర్‌ ఐపీఎల్‌ చరిత్రలోనే నాలుగో కాస్ట్లీ ప్లేయర్‌ అన్న విషయం కూడా తెలిసిందే. మొత్తంగా తొలి 3 మ్యాచ్‌ల్లో రెండింట పరాజయాలు ఎదుర్కోవడంతో కేకేఆర్‌ అభిమానులు డిఫెండింగ్‌ ఛాంపియన్స్‌ అని చెప్పుకునేందుకు కూడా సిగ్గు పడుతున్నారు.

న్యూఢిల్లీ: ఓపెన్‌ మార్కెట్‌ లావాదేవీల ద్వారా కంపెనీ ప్రమోటర్, గ్లోబల్‌ ఇన్వెస్ట్‌మెంట్‌ సంస్థ కేకేఆర్‌ తాజాగా జేబీ కెమికల్స్‌ అండ్‌ ఫార్మాస్యూటికల్స్‌లో 5.8 శాతం వాటా విక్రయించింది. బల్క్‌డీల్‌ గణాంకాల ప్రకారం వీటి విలువ రూ. 1,460 కోట్లు. అనుబంధ సంస్థ టౌ ఇన్వెస్ట్‌మెంట్స్‌ ద్వారా ఒక్కో షేరుకి రూ. 1,625 సగటు ధరలో 89.83 లక్షలకుపైగా షేర్లను అమ్మివేసింది.ఈ లావాదేవీ తదుపరి కేకేఆర్‌ వాటా 53.66 శాతం నుంచి 47.88 శాతానికి క్షీణించింది. కొటక్‌ మహీంద్రా ఎంఎఫ్‌ రూ. 200 కోట్లు వెచ్చించి 0.8 శాతం వాటాకు సమానమైన 12.3 లక్షల షేర్లు కొనుగోలు చేసింది. ఈ నేపథ్యంలో జేబీ కెమికల్స్‌ షేరు ఎన్‌ఎస్‌ఈలో 6.2% పతనమై రూ. 1,604 వద్ద ముగిసింది.

ఐపీఎల్‌ 2025 షెడ్యూల్‌లో స్వల్ప మార్పు చోటు చేసుకుంది. ఏప్రిల్‌ 6న (ఆదివారం​) ఈడెన్‌ గార్డెన్స్‌ వేదికగా కేకేఆర్‌, లక్నో సూపర్‌ జెయింట్స్‌ మధ్య జరగాల్సిన మ్యాచ్‌ ఏప్రిల్‌ 8కి వాయిదా పడింది. ఏప్రిల్‌ 8న (మంగళవారం​) ఈ మ్యాచ్‌ అదే వేదికగా మధ్యాహ్నం 3:30 గంటలకు ప్రారంభమవుతుంది. బెంగాల్‌ క్రికెట్‌ అసోసియేషన్‌ (CAB) కోల్‌కతా పోలీసుల విజ్ఞప్తి మేరకు బీసీసీఐ షెడ్యూల్‌ను సవరించింది. ఏప్రిల్‌ 6న శ్రీ రామ నవమి కావడంతో కోల్‌కతాలో ఉ‍త్సవాలు ఘనంగా జరుగుతాయి. అదే రోజు మ్యాచ్‌ జరుగనుండటంతో కోల్‌కతా పోలీసులకు మ్యాచ్‌ భద్రతా ఏర్పాట్లు చేయడం​ కష్టమవుతుంది. ఈ నేపథ్యంలో మ్యాచ్‌ తేదీని వాయిదా వేయాలని క్యాబ్‌, కోల్‌కతా పోలిసులు బీసీసీఐని కోరారు. వారి అభ్యర్ధన మేరకు బీసీసీఐ షెడ్యూల్‌ను మార్చింది. కేకేఆర్‌, లక్నో మ్యాచ్‌ వాయిదా పడిన విషయాన్ని బీసీసీఐ నిన్న అధికారికంగా ప్రకటించింది. ఈ మ్యాచ్‌ మినహా మిగతా షెడ్యూల్‌లో ఎలాంటి మార్పులుండవని స్పష్టం చేసింది.ముందుగా ప్రకటించిన షెడ్యూల్‌ ప్రకారం ఏప్రిల్‌ 6న రెండు మ్యాచ్‌లు జరగాల్సి ఉన్నాయి. కేకేఆర్‌, లక్నో మ్యాచ్‌ మధ్యాహ్నం షెడ్యూలై ఉండగా.. అదే రోజు రాత్రి (7:30) సన్‌రైజర్స్‌, గుజరాత్‌ మ్యాచ్‌ హైదరాబాద్‌లో జరగాల్సి ఉంది. సవరించిన షెడ్యూల్‌ ప్రకారం కేకేఆర్‌, లక్నో మ్యాచ్‌ వాయిదా పడగా.. గుజరాత్‌, సన్‌రైజర్స్‌ మ్యాచ్‌ యధాతథంగా జరుగనుంది. సవరించిన షెడ్యూల్‌ ప్రకారం ఏప్రిల్‌ 8న రెండు మ్యాచ్‌లు జరుగనున్నాయి. మధ్యాహ్నం కేకేఆర్‌, లక్నో మ్యాచ్‌ జరుగనుండగా.. రాత్రి (7:30) చండీఘడ్‌లో పంజాబ్‌, సీఎస్‌కే ఢీకొంటాయి.ఇదిలా ఉంటే, ఐపీఎల్‌లో ఇవాళ (మార్చి 29) అహ్మదాబాద్‌ వేదికగా ముంబై, గుజరాత్‌ తలపడనున్నాయి. ఈ సీజన్‌లో ఇరు జట్లకు ఇది రెండో మ్యాచ్‌. ఇరు జట్లు తమతమ తొలి మ్యాచ్‌ల్లో పరాజయాలు ఎదుర్కొన్నాయి. ముంబై సీఎస్‌కే చేతిలో.. గుజరాత్‌ పంజాబ్‌ చేతిలో భంగపడ్డాయి. నేటి మ్యాచ్‌లో ఎలాగైనా గెలిచి బోణీ కొట్టాలని ఇరు జట్లు పట్టుదలగా ఉన్నాయి. ఇప్పటివరకు జరిగిన మ్యాచ్‌ల్లో అత్యంత సఫలమైన జట్టుగా ఆర్సీబీ ఉంది. ఈ జట్టు ఇప్పటివరకు ఆడిన రెండు మ్యాచ్‌ల్లో విజయాలు సాధించి, పాయింట్ల పట్టికలో అగ్రస్థానంలో ఉంది.

కేకేఆర్‌ తరఫున తన రెండో మ్యాచ్‌లోనే క్వింటన్‌ డికాక్‌ ఓ భారీ రికార్డు సాధించాడు. నిన్న (మార్చి 26) రాజస్థాన్‌ రాయల్స్‌తో జరిగిన మ్యాచ్‌లో 61 బంతుల్లో 97 పరుగులు చేసిన అతడు.. కేకేఆర్‌ తరఫున విజయవంతమైన ఛేదనల్లో అత్యధిక స్కోర్‌ చేసిన ఆటగాడిగా రికార్డు నెలకొల్పాడు. గతంలో ఈ రికార్డు మనీశ్‌ పాండే పేరిట ఉండేది. మనీశ్‌ 2014 సీజన్‌ ఫైనల్లో పంజాబ్‌పై 94 పరుగులు చేశాడు.విజయవంతమైన లక్ష్య ఛేదనల్లో కేకేఆర్‌ తరఫున అత్యధిక వ్యక్తిగత స్కోర్లు97* - క్వింటన్ డికాక్ vs RR, గౌహతి, 202594 - మనీశ్‌ పాండే vs PBKS, బెంగళూరు, 2014 ఫైనల్93* - క్రిస్ లిన్ vs GL, రాజ్‌కోట్, 201792 - మన్వీందర్ బిస్లా vs CSK, చెన్నై, 201390* - గౌతమ్ గంభీర్ vs SRH, హైదరాబాద్, 2016కాగా, రాయల్స్‌తో జరిగిన నిన్నటి మ్యాచ్‌లో డికాక్‌ మ్యాచ్‌ విన్నింగ్‌ ఇన్నింగ్స్‌ ఆడి కేకేఆర్‌ను ఒంటిచేత్తో గెలిపించాడు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన రాయల్స్‌.. కేకేఆర్‌ బౌలర్లు మొయిన్‌ అలీ (4-0-23-2), వరుణ్‌ చక్రవర్తి (4-0-17-2), హర్షిత్‌ రాణా (4-0-36-2), వైభవ్‌ అరోరా (4-0-33-2) చెలరేగడంతో నిర్ణీత ఓవర్లలో 9 వికెట్ల నష్టానికి 151 పరుగులు మాత్రమే చేయగలిగింది. రాయల్స్‌ బ్యాటర్లలో ధృవ్‌ జురెల్‌ (33) టాప్‌ స్కోరర్‌గా కాగా.. జైస్వాల్‌ 29, రియాన్‌ పరాగ్‌ 25, సంజూ శాంసన్‌ 13, జోఫ్రా ఆర్చర్‌ 16 పరుగులు చేశారు. మిగతా బ్యాటర్లంతా సింగిల్‌ డిజిట్‌ స్కోర్లకు పరిమితమయ్యారు.అనంతరం స్వల్ప లక్ష్య ఛేదనలో డికాక్‌ బాధ్యతాయుతంగా ఆడి కేకేఆర్‌ను గెలిపించాడు. 61 బంతుల్లో 8 ఫోర్లు, 6 సిక్సర్ల సాయంతో 97 పరుగులు చేసి అజేయంగా నిలిచాడు. కెప్టెన్‌ రహానే (18), రఘువంశీ (22 నాటౌట్‌) సహకారంతో కేకేఆర్‌ను విజయతీరాలకు చేర్చాడు. కేకేఆర్‌ మరో 15 బంతులు మిగిలుండగానే 2 వికెట్లు కోల్పోయి లక్ష్యాన్ని చేరుకుంది. తద్వారా 8 వికెట్ల తేడాతో గెలుపొందింది. ఈ మ్యాచ్‌లో డికాక్‌ ప్లేయర్‌ ఆఫ్‌ ద మ్యాచ్‌ అవార్డు అందుకున్నాడు. గత సీజన్‌లో లక్నోకు ఆడిన డికాక్‌.. కేకేఆర్‌ తరఫున ఆడిన తొలి మ్యాచ్‌లో ప్రభావం​ చూపనప్పటికీ.. రెండో మ్యాచ్‌లో సత్తా చాటాడు. ఐపీఎల్‌లో ఇప్పటివరకు నాలుగు ఫ్రాంచైజీలకు (ఢిల్లీ, ముంబై, లక్నో, ఢిల్లీ) ఆడిన డికాక్‌.. నాలుగింటి తరఫున ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్నాడు. ఐపీఎల్‌ చరిత్రలో నాలుగు ఫ్రాంచైజీల తరఫున ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్న ఏకైక ప్లేయర్‌ డికాకే.

ధనాధన్‌ బ్యాటింగ్‌ విన్యాసాలతో తొలి ఐదు రోజులు జోరుగా సాగిన ఐపీఎల్‌ 2025 ఆరో రోజు చప్పబడింది. గౌహతి వేదికగా కేకేఆర్‌, రాజస్థాన్‌ రాయల్స్‌ మధ్య నిన్న (మార్చి 26) జరిగిన మ్యాచ్‌ పేలగా సాగింది. ఛేదనలో కేకేఆర్‌ ఓపెనర్‌ డికాక్‌ (61 బంతుల్లో 97 నాటౌట్‌; 8 ఫోర్లు, 6 సిక్సర్లు) భారీ ఇన్నింగ్స్‌ ఆడినా మ్యాచ్‌లో అంత మజా రాలేదు. మ్యాచ్‌ ఏకపక్షంగా సాగడంతో అభిమానులు బోర్‌ ఫీలయ్యారు. మ్యాచ్‌ ఇంత చప్పగా సాగడానికి పిచ్‌తో పాటు గౌహతిలో వాతావరణం కారణం. పిచ్‌ నుండి బ్యాటర్లకు పెద్దగా సహకారం లభించలేదు. రెండో ఇన్నింగ్స్‌లో మంచు ప్రభావం చూపింది. మొత్తంగా రాయల్స్‌ నిర్దేశించిన స్వల్ప లక్ష్యాన్ని కేకేఆర్‌ సునాయాసంగా ఛేదించింది.టాస్‌ ఓడి తొలుత బ్యాటింగ్‌ చేసిన రాయల్స్‌.. కేకేఆర్‌ బౌలర్లు రెచ్చిపోవడంతో అతి కష్టం మీద 151 పరుగులు చేసింది (9 వికెట్ల నష్టానికి). మొయిన్‌ అలీ (4-0-23-2), వరుణ్‌ చక్రవర్తి (4-0-17-2), హర్షిత్‌ రాణా (4-0-36-2), వైభవ్‌ అరోరా (4-0-33-2) రాయల్స్‌ బ్యాటర్లను బాగా కట్టడి చేశారు. స్పిన్నర్లు మొయిన్‌ అలీ, వరుణ్‌ చక్రవర్తి ఆదిలోనే వికెట్లు తీసి రాయల్స్‌పై ఒత్తిడి తెచ్చారు. ఓ దశలో రాయల్స్‌ కనీసం 120 పరుగులైనా చేస్తుందా అనిపించింది. ఎలాగో ముక్కిమూలిగి చివరికి 150 పరుగుల మార్కును తాకగలిగింది. రాయల్స్‌ బ్యాటర్లలో ధృవ్‌ జురెల్‌ (33) టాప్‌ స్కోరర్‌గా కాగా.. జైస్వాల్‌ 29, రియాన్‌ పరాగ్‌ 25, సంజూ శాంసన్‌ 13, జోఫ్రా ఆర్చర్‌ 16 పరుగులు చేశారు.అనంతరం స్వల్ప లక్ష్య ఛేదనలో కేకేఆర్‌ కూడా నిదానంగా ఇన్నింగ్స్‌ ప్రారంభించింది. పవర్‌ ప్లేలో ఆ జట్టు 41 పరుగులు మాత్రమే చేసిన ఓపెనర్‌గా వచ్చిన మొయిన్‌ అలీ (12 బంతుల్లో 5) వికెట్‌ కోల్పోయింది. అయితే మరో ఓపెనర్‌ డికాక్‌ బాధ్యతాయుతంగా ఆడి, కెప్టెన్‌ రహానే (18), రఘువంశీ (22 నాటౌట్‌) సహకారంతో కేకేఆర్‌ను విజయతీరాలకు చేర్చాడు. కేకేఆర్‌ మరో 15 బంతులు మిగిలుండగానే 2 వికెట్లు కోల్పోయి లక్ష్యాన్ని చేరుకుని 8 వికెట్ల తేడాతో గెలుపొందింది. సెకెండ్‌ ఇన్నింగ్స్‌లో (కేకేఆర్‌ బ్యాటింగ్‌ చేస్తుండగా) మంచు ప్రభావం కారణంగా రాయల్స్‌ బౌలర్లు పెద్దగా ప్రభావం చూపలేకపోయారు. ఆ జట్టు తరఫున హసరంగ ఒక్కడే వికెట్‌ (రహానే) తీయగలిగాడు. మొయిన్‌ అలీ రనౌటయ్యాడు.మ్యాచ్‌ అనంతరం విన్నింగ్‌ కెప్టెన్‌ అజింక్య రహానే మాట్లాడుతూ ఇలా అన్నాడు. తొలి ఆరు ఓవర్లలో మేము బాగా బౌలింగ్ చేసాము. మిడిల్ ఓవర్లు కూడా కీలకమైనవే. స్పిన్నర్లు పరిస్థితులను నియంత్రించిన విధానం బాగుంది. మొయిన్ తనకు లభించిన అవకాశాన్ని సద్వినియోగం చేసుకున్నాడు. అతను చాలా బాగా బౌలింగ్ చేశాడు. ఆటగాళ్లు నిర్భయంగా ఆడాలని కోరుకునే ఫార్మాట్ ఇది. వారికి స్వేచ్ఛ ఇవ్వాలనుకుంటున్నాము.క్రెడిట్ మా బౌలింగ్ యూనిట్‌కు దక్కుతుంది. వారు ప్రతి బంతికి వికెట్‌ తీయాలనే ప్రయత్నం చేశారు. ముఖ్యంగా మొయిన్. మొయిన్‌ ఓ నాణ్యమైన ఆల్‌రౌండర్‌. గతంలో కూడా అతను ఓపెనింగ్ చేశాడు. బ్యాట్‌తో అతను ఆశించిన సఫలత సాధించలేకపోయినా.. బంతితో రాణించిన విధానం పట్ల సంతోషంగా ఉంది. ప్రతి మ్యాచ్‌లో ఏదో ఒక కొత్త విషయం నేర్చుకోవడానికి అవకాశం ఉంటుంది. కాగా, డిఫెండింగ్‌ ఛాంపియన్‌ అయిన కేకేఆర్‌ సీజన్‌ ఆరంభ మ్యాచ్‌లో ఆర్సీబీ చేతిలో భంగపడ్డ విషయం తెలిసిందే. కేకేఆర్‌ నెక్స్ట్‌ మ్యాచ్‌లో ముంబై ఇండియన్స్‌ను ఢీకొటుంది. ఈ మ్యాచ్‌ మార్చి 31న వాంఖడేలో జరుగనుంది.

ఆర్సీబీతో జరిగిన సీజన్‌ ఓపెనర్‌లో (IPL 2025) డిఫెండింగ్‌ ఛాంపియన​్‌ కేకేఆర్‌ ఓటమి చవి చూసింది. సొంత మైదానంలో (ఈడెన్‌ గార్డెన్స్‌) జరిగిన మ్యాచ్‌ అయినా కేకేఆర్‌కు పరాభవం తప్పలేదు. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. నరైన్‌ (26 బంతుల్లో 44; 5 ఫోర్లు, 3 సిక్సర్లు), రహానే (31 బంతుల్లో 56; 6 ఫోర్లు, 3 సిక్సర్లు) మెరుపు ఇన్నింగ్స్‌లతో విరుచుకుపడటంతో భారీ స్కోర్‌ చేసేలా కనిపించింది. అయితే 10 ఓవర్‌ తర్వాత సీన్‌ ఒక్కసారిగా మారిపోయింది. మూడు బంతుల వ్యవధిలో నరైన్‌, రహానే ఔటయ్యారు. దీంతో పరుగులు రావడం చాలా కష్టమైంది. ఈ దశలో ఆర్సీబీ స్పిన్నర్లు రెచ్చిపోయారు. పొదుపుగా బౌలింగ్‌ చేయడంతో పాటు క్రమం తప్పకుండా వికెట్లు తీశారు. ఫలితంగా 200 దాటుతుందనుకున్న కేకేఆర్‌ స్కోర్‌ 174 పరుగులకే పరిమితమైంది. ఛేదనలో ఆర్సీబీకి ఫిల్‌ సాల్ట్‌ (31 బంతుల్లో 56; 9 ఫోర్లు, 2 సిక్సర్లు), విరాట్‌ కోహ్లి (36 బంతుల్లో 59 నాటౌట్‌; 4 ఫోర్లు, 3 సిక్సర్లు) మెరుపు ఆరంభాన్నందించారు. వీరిద్దరూ పవర్‌ ప్లేలో 80 పరుగులు చేసి కేకేఆర్‌ చేతిలో నుంచి మ్యాచ్‌ను అప్పుడే లాగేసుకున్నారు. సాల్ట్‌, కోహ్లితో పాటు పాటిదార్‌ (16 బంతుల్లో 34; 5 ఫోర్లు, సిక్స్‌) కూడా మెరుపు ఇన్నింగ్స్‌ ఆడటంతో ఆర్సీబీ మరో 22 బంతులు మిగిలుండగానే విజయతీరాలకు చేరింది. ఆర్సీబీ గెలుపులో బౌలర్లు ప్రధాన పాత్ర పోషించారు. ప్లేయర్‌ ఆఫ్‌ ద మ్యాచ్‌ కృనాల్‌ పాండ్యా అద్భుతంగా బౌలింగ్‌ చేసి 4 ఓవర్లలో 29 పరుగులిచ్చి 3 వికెట్లు తీశాడు. హాజిల్‌వుడ్‌ సామర్థ్యం మేరకు రాణించి 4 ఓవర్లలో 22 పరుగులిచ్చి 2 వికెట్లు పడగొట్టాడు. యశ్‌ దయాల్‌ (3-0-25-1) పర్వాలేదనిపించాడు. సుయాశ్‌ శర్మ, రసిక్‌ సలామ్‌ తలో వికెట్‌ తీసినా ధారాళంగా పరుగులు సమర్పించుకున్నారు.ఓటమి అనంతరం కేకేఆర్‌ కెప్టెన్‌ రహానే ఇలా అన్నాడు. 13వ ఓవర్ వరకు మంచి స్కోర్‌ సాధిస్తామని అనుకున్నాను. కానీ ఆ దశలో వికెట్లు కోల్పోవడంతో తామనుకున్నది జరగలేదు. వరుస క్రమాల్లో వికెట్లు కోల్పోవడం​ తమ జోరుకు అడ్డుకట్ట వేసింది. నా తర్వాత (ఇన్నింగ్స్‌లో) వచ్చిన బ్యాటర్లు వారి శక్తి మేరకు ప్రయత్నించినప్పటికీ వర్కౌట్ కాలేదు. నేను, వెంకీ (అయ్యర్‌) బ్యాటింగ్ చేస్తున్నప్పుడు 200-210 పరుగులు సాధించవచ్చని చర్చించుకున్నాం. కానీ వరుస వికెట్లు తమ జోరును నీరుగార్చాయి. పవర్‌ ప్లేలో సాల్ట్‌, కోహ్లి అద్భుతంగా ఆడారు. అప్పుడే మ్యాచ్‌ మా నుంచి చేజారింది. మంచు కూడా వారి గెలుపుకు సహకరించింది. 200 పైబడిన స్కోర్‌ చేసుంటే పరిస్థితి వేరేలా ఉండేది. ఓవరాల్‌గా క్రెడిట్‌ ఆర్సీబీ ఆటగాళ్లకు దక్కుతుంది. కీలక దశలో తమను కట్టడి చేయడంతో పాటు పవర్‌ ప్లేలో వారి బ్యాటింగ్‌ అద్భుతంగా ఉండింది. ఈ మ్యాచ్‌ గురించి ఇంకా డిస్కస్‌ చేయాలని అనుకోవడం లేదు. కొన్ని అంశాల్లో మెరుగ్గా రాణించేందుకు ప్రయత్నిస్తామని తెలిపాడు. కాగా, కేకేఆర్‌ కెప్టెన్‌గా రహానేకు ఇది తొలి మ్యాచ్‌. తొలి మ్యాచ్‌లోనే ఓటమితో రహానే కాసింత నిరాశకు లోనైనట్లు కనిపించాడు. వ్యక్తిగతంగా అతను రాణించినా కేకేఆర్‌కు అది వర్కౌట్‌ కాలేదు. ఈ మ్యాచ్‌లో కేకేఆర్‌ బౌలింగ్‌ చాలా బలహీనంగా కనిపించింది. ఆర్సీబీ బ్యాటర్ల ముందు వారు తేలిపోయారు. ముఖ్యంగా వారి జట్టులో ఒక్క అనుభవజ్ఞుడైన పేసర్‌ కూడా లేడు. ఈ లోటు కొట్టొచ్చినట్లు కనిపించింది. గత సీజన్‌లో కేకేఆర్‌ విజయాల్లో పేసర్లు ప్రధాన పాత్ర పోషించారు. కానీ ఈ సీజన్‌లో ఆ జట్టు పేసర్లను కాకుండా స్పిన్నర్లనే ఎక్కువ నమ్ముకుంది. మరి స్పిన్నర్లు కేకేఆర్‌ను టైటిల్‌ నిలబెట్టుకునేలా చేస్తారో లేదో వేచి చూడాలి.కాగా, ఈ సీజన్‌లో కేకేఆర్‌ తమ తదుపరి మ్యాచ్‌ను మార్చి 26న ఆడుతుంది. గౌహతి వేదికగా నాడు జరిగే మ్యాచ్‌లో కేకేఆర్‌ రాజస్థాన్‌ రాయల్స్‌ను ఢీకొంటుంది.

క్రికెట్ ప్రేమికులందరూ ఎదురు చూస్తున్న.. ఇండియన్ ప్రీమియర్ లీగ్ 2025 (IPL 2025) ప్రారంభం కానుంది. మొదటి మ్యాచ్ కోల్‌కతా నైట్‌రైడర్స్ (KKR), రాయల్ చాలెంజర్స్ బెంగళూరు (RCB) మధ్య జరగనుంది. ఐపీఎల్ కేవలం క్రికెట్ అభిమానులను మాత్రమే కాకుండా.. అన్ని రంగలవారిని ఆకర్షిస్తోంది. ఆటకు అందం తోడైతే.. ఆ కిక్కే వేరు. ఐపీఎల్ అంటే ప్రీతి జింటా, కావ్య మారన్ పేర్లు మాత్రమే కాదు.. ఇప్పుడు 'జాహ్నవి మెహతా' (Jahnavi Mehta) పేరు కూడా ఎక్కువగా వినిపిస్తోంది. ఇంతకీ ఈమె ఎవరు?, ఈమె నెట్‍వర్త్ ఎంత? అనే వివరాలను ఈ కథనంలో వివరంగా తెలుసుకుందాం.ఎవరీ జాహ్నవి మెహతా?జాహ్నవి మెహతా తల్లి ప్రముఖ నటి 'జూహి చావ్లా', తండ్రి ఫేమస్ బిజినెస్ మ్యాన్ 'జయ్ మెహతా'. అయితే 24 ఏళ్ల వయసులోనే జాహ్నవి ఐపీఎల్ వేలంపాటలతో సహా ప్రధాన కార్యక్రమాల్లో పాల్గొంటూ సుపరిచితురాలుగా మారింది. ముఖ్యంగా ఈమె తన తండ్రి సహ యాజమాన్యంలోని కోల్‌కతా నైట్ రైడర్స్ ఐపీఎల్ ఫ్రాంచైజీలో ఎక్కువగా పాల్గొంటోంది. 2025 వేలానికి హాజరై, జట్టుతో తన సంబంధాన్ని.. కేకేఆర్ కార్యకలాపాల నిర్వహణలో ఆమె పాత్రను మరింత పటిష్టం చేసుకుంది.క్రికెట్ అంటే కేవలం వ్యాపారం మాత్రమే కాదు, జాహ్నవికి ఇష్టం కూడా. ఈ కారణంగానే ఈమె కేకేఆర్ జట్టును ఫాలో అవుతూ వచ్చింది. కోల్‌కతా నైట్ రైడర్స్ ఐపీఎల్ ఫ్రాంచైజీలో భాగస్వామిగా ఉన్న షారుఖ్ ఖాన్ పిల్లలు సుహాన్ ఖాన్, ఆర్యన్ ఖాన్ ఇప్పటికి కూడా కేకేఆర్ జట్టు బాధ్యతలలోకి నేరుగా ప్రవేశించలేదు. కానీ జాహ్నవి మాత్రం తన తెలివితేటలతో.. కేకేఆర్ జట్టుకు సంబంధించిన కీలక వ్యవహారాలను చూసుకుంటోంది.నెట్‍వర్త్ ఎంతంటే?జాహ్నవి స్కూల్‌ చదువు ఇంగ్లండ్‌లోనే అక్కడి చాటర్‌ హౌస్‌ స్కూల్లో సాగింది. అంతకుముందు ముంబైలోని ధీరూబాయి అంబానీ ఇంటర్నేషనల్‌ స్కూల్లో చదివింది. కొలంబియా యూనివర్శిటీ నుంచి గ్రాడ్యుయేషన్‌ పూర్తి జాహ్నవి మెహతా.. వేలకోట్ల సామ్రాజ్యానికి వారసురాలు. ఈమె ఆస్తి ఏకంగా రూ.4,000 కోట్ల కంటే ఎక్కువ అని తెలుస్తోంది. ఈమె తండ్రి జయ్ మెహతా.. తన మామ నాంజీ కాళిదాస్ మెహతా స్థాపించిన బహుళజాతి సమ్మేళన సంస్థ అయిన మెహతా గ్రూప్ చైర్మన్. ఈ సంస్థ ప్యాకేజింగ్, హార్టికల్చర్, సిమెంట్, నిర్మాణ సామగ్రి వంటి విభిన్న రంగాల కలయిక.మెహతా గ్రూప్ ఒక్క భారతదేశంలో మాత్రమే కాకుండా.. కెనడా, ఉగాండా, కెన్యా, యునైటెడ్ స్టేట్స్ వంటి దేశాలలో కూడా విస్తరించి ఉంది. ఈ కంపెనీ గత కొంత కాలంగా గణనీయమైన అభివృద్ధి చెందుతూనే ఉంది. జూహి చావ్లా ప్రపంచంలోనే అత్యంత సంపన్నురాలైన హీరోయిన్.ఇదీ చదవండి: వారానికి 70 గంటల పని: మొదటిసారి స్పందించిన సుధామూర్తి

ఐపీఎల్‌ 2025 సీజన్‌ తొలి మ్యాచ్‌కు వరుణుడు అడ్డు తగిలేలా ఉన్నాడు. కేకేఆర్‌, ఆర్సీబీ మధ్య రేపు (మార్చి 22) జరగాల్సిన మ్యాచ్‌ వర్షం​ కారణంగా రద్దయ్యే అవకాశముందని తెలుస్తుంది. రేపు మ్యాచ్‌ జరిగే సమయానికి (రాత్రి 7:30 గంటలకు) వర్షం పడే అవకాశాలు 90 శాతం ఉన్నాయని వాతావరణ నివేదికలు ఇదివరకే స్పష్టం చేశాయి. దీన్ని నిజం చేస్తూ ఇవాల్టి నుంచే వర్షం మొదలైంది. NO RAIN pleaseeee!!!!pic.twitter.com/YgfkvBSfx0— CricTracker (@Cricketracker) March 21, 2025ఇవాళ రాత్రి 8 గంటల ప్రాంతంలో కోల్‌కతాలోని ఈడెన్‌ గార్డన్స్‌ మైదానంలో వర్షం కురుస్తూ ఉండింది. ఇవాల్టి పరిస్థితి చూసి రేపటి మ్యాచ్‌ జరిగేనా అని క్రికెట్‌ అభిమానులు ఆందోళన చెందుతున్నారు. మ్యాచ్‌ సమయానికి వర్షం​ తగ్గిపోవాలని దేవుడిని వేడుకుంటున్నారు. ఐపీఎల్‌ కోసం​ క్రికెట్‌ అభిమానులు చాలాకాలంగా కళ్లకు వత్తులు పెట్టుకుని ఎదురుచూస్తున్నారు. ఈ పరిస్థితుల్లో సీజన్‌ ఆరంభ మ్యాచ్‌ రద్దైతే వారి బాధ వర్ణణాతీతం.మరోవైపు రేపటి మ్యాచ్‌కు ముందు ఈడెన్‌గార్డెన్స్‌లో ఐపీఎల్‌-18వ సీజ‌న్‌ ప్రారంభోత్సవాన్ని ఘ‌నంగా నిర్వహించాలని బీసీసీఐ ప్లాన్ చేస్తోంది. ఈ ఓపెనింగ్ సెర్మనీ దాదాపుగా రద్దయ్యే సూచనలు కనిపిస్తున్నాయి.ఇదిలా ఉంటే, డిఫెండింగ్‌ ఛాంపియన్‌ అయిన కేకేఆర్‌ సొంత మైదానంలో జరిగే తొలి మ్యాచ్‌ విజయం సాధించి సీజన్‌ను ఘనంగా ప్రారంభించాలని ప్లాన్‌ చేసింది. అయితే వారి ఆశలు వర్షార్పణం అయ్యేలా కనిపిస్తున్నాయి. ఈ సీజన్‌లో కేకేఆర్‌ కొత్త కెప్టెన్‌ ఆజింక్య రహానే సారథ్యంలో బరిలోకి దిగనుంది. గత సీజన్‌లో కేకేఆర్‌కు టైటిల్‌ అందించిన శ్రేయస్‌ అయ్యర్‌ ఈ సీజన్‌లో పంజాబ్‌ కింగ్స్‌కు వెళ్లాడు. ఆర్సీబీ విషయానికొస్తే.. ఈ జట్టు ప్రతి ఏడాది లాగే ఈసారి కూడా 'ఈ సాలా కప్‌ నమ్మదే' అనుకుంటూ ఉంది. అయితే వీరి ఆశలకు వర్షం ఆదిలోనే బ్రేకులు వేసేలా ఉంది. ఈ సీజన్‌లో ఆర్సీబీ కూడా కొత్త కెప్టెన్‌తో బరిలోకి దిగుతుంది. రజత్‌ పాటిదార్‌ ఆర్సీబీ నూతన నాయకుడిగా నియమితుడయ్యాడు.ఆర్సీబీ జట్టు..రజత్‌ పాటిదార్‌ (కెప్టెన్‌), విరాట్‌ కోహ్లి, దేవ్‌దత్‌ పడిక్కల్‌, టిమ్‌ డేవిడ్‌, స్వస్తిక్‌ చికారా, కృనాల్‌ పాండ్యా, మనోజ్‌ భాండగే, రొమారియో షెపర్డ్‌, స్వప్నిల్‌ సింగ్‌, లియామ్‌ లివింగ్‌స్టోన్‌, జేకబ్‌ బేతెల్‌, మోహిత్‌ రతీ, ఫిలిప్‌ సాల్ట్‌, జితేశ్‌ శర్మ, జోష్‌ హాజిల్‌వుడ్‌, భువనేశ్వర్‌ కుమార్‌, లుంగి ఎంగిడి, రసిఖ్‌ సలాం​ ధార్‌, సుయాశ్‌ శర్మ, యశ్‌ దయాల్‌, నువాన్‌ తుషార, అభినందన్‌ సింగ్‌కేకేఆర్‌ జట్టు..అజింక్య రహానే (కెప్టెన్‌), మనీశ్‌ పాండే, రింకూ సింగ్‌, రోవ్‌మన్‌ పావెల్‌, అంగ్‌క్రిష్‌ రఘువంశీ, అనుకుల్‌ రాయ్‌, రమన్‌దీప్‌ సింగ్‌, వెంకటేశ్‌ అయ్యర్‌, మొయిన్‌ అలీ, సునీల్‌ నరైన్‌, ఆండ్రీ రసెల్‌, క్వింటన్‌ డికాక్‌, రహ్మానుల్లా గుర్బాజ్‌, లవ్‌నిత్‌ సిసోడియా, వరుణ్‌ చక్రవర్తి, మయాంక్‌ మార్కండే, వైభవ్‌ అరోరార, హర్షిత్‌ రాణా, అన్రిచ్‌ నోర్జే, చేతన్‌ సకారియా, స్పెన్సర్‌ జాన్సన్‌

ఐపీఎల్‌ 2025 ప్రారంభానికి ముందు డిఫెండింగ్‌ ఛాంపియన్‌ కోల్‌కతా నైట్‌రైడర్స్‌కు (కేకేఆర్‌) భారీ షాక్‌ తగిలింది. గాయం కారణంగా ఆ జట్టు స్టార్‌ పేసర్‌ ఉమ్రాన్‌ మాలిక్‌ సీజన్‌ మొత్తనికి దూరమ్యాడు. దీంతో అతనికి రీ ప్లేస్‌మెంట్‌గా 27 ఏళ్ల లెఫ్ట్‌ ఆర్మ్‌ మీడియం పేసర్‌ చేతన్‌ సకారియాను ఎంపిక చేసుకుంది కేకేఆర్‌ మేనేజ్‌మెంట్‌. మాలిక్‌ను కేకేఆర్‌ ఈ సీజన్‌ మెగా వేలంలో రూ. 75 లక్షలకు దక్కించుకుంది. మాలిక్‌ కేకేఆర్‌ తరఫున ఒక్క మ్యాచ్‌ కూడా ఆడకుండానే వైదొలిగాడు. జమ్మూ కశ్మీర్‌ ఎక్స్‌ప్రెస్‌గా ప్రసిద్ది చెందిన మాలిక్‌ 2021లో సన్‌రైజర్స్‌ తరఫున అరంగేట్రం చేసి గత సీజన్‌ వరకు అదే జట్టుకు ఆడాడు. మూడు సీజన్లలో అద్బుతమైన ప్రదర్శనలు చేసిన మాలిక్‌.. ఎస్‌ఆర్‌హెచ్‌ తరఫున 26 మ్యాచ్‌లు ఆడి 29 వికెట్లు తీశాడు. ఈ ప్రదర్శనల కారణంగా మాలిక్‌ టీమిండియాలో కూడా చోటు దక్కించుకున్నాడు. రైట్‌ ఆర్మ్‌ ఫాస్ట్‌ బౌలర్‌ అయిన మాలిక్‌ భారత్‌ తరఫున 10 వన్డేలు, 8 టీ20లు ఆడి 24 వికెట్లు తీశాడు. సకారియా విషయానికొస్తే.. గుజరాత్‌లో పుట్టి దేశవాలీ క్రికెట్‌లో సౌరాష్ట్రకు ఆడే సకారియా గత సీజన్‌లో కేకేఆర్‌తో పాటే ఉన్నాడు. అయితే ఆ సీజన్‌లో అతనికి ఒక్క మ్యాచ్‌ కూడా ఆడే అవకాశం రాలేదు. 2021లో ఢిల్లీ క్యాపిటల్స్‌ తరఫున ఐపీఎల్‌ అరంగేట్రం చేసిన సకారియా ఆతర్వాత రెండు సీజన్ల పాటు (2022, 2023) రాజస్థాన్‌ రాయల్స్‌కు ఆడాడు. సకారియా తన ఐపీఎల్‌ కెరీర్‌లో 19 మ్యాచ్‌లు ఆడి 8.43 ఎకానమీతో 20 వికెట్లు తీశాడు. ఐపీఎల్‌ ప్రదర్శనల కారణంగా సకారియా భారత జట్టుకు ఆడే అవకాశం కూడా దక్కించుకున్నాడు. 2021లో టీమిండియా తరఫున అరంగేట్రం చేసిన సకారియా ఓ వన్డే, 2 టీ20లు ఆడి 3 వికెట్లు తీశాడు. ఓవరాల్‌గా 46 టీ20లు ఆడిన సకారియా 65 వికెట్లు పడగొట్టాడు. ప్రస్తుతం కేకేఆర్‌ సకారియాను రూ. 75 లక్షల బేస్‌ ధరకు దక్కించుకుంది.ఇదిలా ఉంటే, ఐపీఎల్‌ 2025లో కేకేఆర్‌ ప్రయాణం సీజన్‌ ఆరంభ మ్యాచ్‌తోనే మొదలవుతుంది. మార్చి 22న జరిగే మ్యాచ్‌లో కేకేఆర్‌ ఆర్సీబీని ఢీకొంటుంది. ఈ సీజన్‌లో కేకేఆర్‌కు కొత్త కెప్టెన్‌ వచ్చాడు. గత సీజన్‌లో టైటిల్‌ అందించిన శ్రేయస్‌ అయ్యర్‌ పంజాబ్‌ కింగ్స్‌ను వెళ్లడంతో కేకేఆర్‌ మేనేజ్‌మెంట్‌ అజింక్య రహానేను నూతన కెప్టెన్‌గా ఎంపిక చేసుకుంది. రహానేకు డిప్యూటీగా (వైస్‌ కెప్టెన్‌) వెంకటేశ్‌ అయ్యర్‌ ఎంపికయ్యాడు.2025 ఐపీఎల్‌ సీజన్‌ కోసం కేకేఆర్‌ జట్టు..అజింక్య రహానే (కెప్టెన్‌), వెంకటేశ్‌ అయ్యర్‌ (వైస్‌ కెప్టెన్‌), మనీశ్‌ పాండే, రింకూ సింగ్‌, రోవ్‌మన్‌ పావెల్‌, అంగ్‌క్రిష్‌ రఘువంశీ, అనుకూల్‌ రాయ్‌, మొయిన్‌ అలీ, రమన్‌దీప్‌ సింగ్‌, సునీల్‌ నరైన్‌, ఆండ్రీ రసెల్‌, క్వింటన్‌ డికాక్‌, లవ్‌నిత్‌ సిసోడియా, రహ్మానుల్లా గుర్బాజ్‌, వరుణ్‌ చక్రవర్తి, వైభవ్‌ అరోరా, అన్రిచ్‌ నోర్జే, ఉమ్రాన్‌ మాలిక్‌, మయాంక్‌ మార్కండే, హర్షిత్‌ రాణా, స్పెన్సర్‌ జాన్సన్‌

ఐపీఎల్‌ 2025 సీజన్‌ ప్రారంభానికి ముందు కేకేఆర్‌ స్టార్‌ బ్యాటర్‌ రింకూ సింగ్‌ ఫామ్‌లోకి వచ్చాడు. నిన్న (మార్చి 15) జరిగిన కేకేఆర్‌ ఇన్‌ట్రా స్క్వాడ్‌ మ్యాచ్‌లో చెలరేగిపోయాడు. బౌండరీలు, సిక్సర్లతో విరుచుకుపడి విధ్వంసం సృష్టించాడు. ఈ మ్యాచ్‌లో రింకూ 33 బంతులు ఎదుర్కొని 77 పరుగులతో అజేయంగా నిలిచాడు. ఫలితంగా అతను ప్రాతినిథ్యం వహించిన టీమ్‌ పర్పుల్‌ టీమ్‌ గోల్డ్‌పై విజయం సాధించింది.ఐపీఎల్‌ ప్రారంభానికి మరి కొద్ది రోజుల సమయం మాత్రమే ఉండటంతో అన్ని ఫ్రాంచైజీలు ప్రాక్టీస్‌ను ముమ్మరం చేశాయి. ఇంట్రా స్క్కాడ్‌ మ్యాచ్‌లు ఆడుతూ బిజీగా గడుపుతున్నాయి. ఈ క్రమంలో డిఫెండింగ్‌ ఛాంపియన్‌ కేకేఆర్‌ కూడా ఇన్‌ట్రా స్క్వాడ్‌ మ్యాచ్‌లు ఆడుతుంది. నిన్న జరిగిన మ్యాచ్‌లో కేకేఆర్‌ రెండు టీమ్‌లుగా విడిపోయి ప్రాక్టీస్‌ మ్యాచ్‌ ఆడింది. టీమ్‌ పర్పుల్‌కు అజింక్య రహానే.. టీమ్‌ గోల్డ్‌కు వెంకటేశ్‌ అయ్యర్‌ సారథ్యం వహించారు.ఈ మ్యాచ్‌లో తొలుత బ్యాటింగ్‌ చేసిన టీమ్‌ గోల్డ్‌ నిర్ణీత 20 ఓవర్లలో 4 వికెట్ల నష్టానికి 215 పరుగులు చేసింది. వెంకటేశ్‌ అయ్యర్‌ (61) మెరుపు అర్ద సెంచరీతో సత్తా చాటాడు. లవ్నిత్‌ సిసోడియా 46 పరుగులతో రాణించాడు.అనంతరం 216 పరుగుల లక్ష్యాన్ని ఛేదించేం​దుకు బరిలోకి దిగిన టీమ్‌ పర్పుల్‌.. రింకూ సింగ్‌ చెలరేగడంతో 15.5 ఓవర్లలోనే విజయతీరాలకు చేరింది. ప్రాక్టీస్‌ మ్యాచ్‌ కావడంతో విజయం సాధించాక కూడా మ్యాచ్‌ను కొనసాగించారు. రెండో లక్ష్యంగా టీమ్‌ పర్పుల్‌కు 250 పరుగుల లక్ష్యాన్ని నిర్దేశించారు. ఈ లక్ష్యాన్ని కూడా టీమ్‌ పర్పుల్‌ మరో 13 బంతులు మిగిలుండగానే ఛేదించింది. మరో లక్ష్యంగా టీమ్‌ పర్పుల్‌కు 280 పరుగుల లక్ష్యాన్ని నిర్దేశించారు. అయితే ఈసారి టీమ్‌ పర్పుల్‌ 280 పరుగుల లక్ష్యానికి 2 పరుగుల దూరంలో నిలిచిపోయింది. నిర్ణీత ఓవర్లలో టీమ్‌ పర్పుల్‌ 5 వికెట్ల నష్టానికి 277 పరుగులు చేసింది. టీమ్‌ పర్పుల్‌ ఇన్నింగ్స్‌లో రింకూ సింగ్‌తో పాటు ఆండ్రీ రసెల్‌ (64 నాటౌట్‌), క్వింటన్‌ డికాక్‌ (52) చెలరేగిపోయారు.ఇదిలా ఉంటే, ఐపీఎల్‌-2025 సీజన్‌లో కేకేఆర్‌ జర్నీ లీగ్‌ ఆరంభ రోజున (మార్చి 22) ఆర్సీబీతో జరిగే మ్యాచ్‌తో మొదలవుతుంది. ఈ మ్యాచ్‌ కేకేఆర్‌ హెం గ్రౌండ్‌ అయిన ఈడెన్‌ గార్డెన్స్‌లో జరుగుతుంది. గత సీజన్‌ ఫైనల్లో శ్రేయస్‌ అయ్యర్‌ నేతృత్వంలోని కేకేఆర్‌ సన్‌నైజర్స్‌ హైదరాబాద్‌ను చిత్తుగా ఓడించి, తమ మూడో ఐపీఎల్‌ టైటిల్‌ను సొంతం చేసుకుంది. గత సీజన్‌ తర్వాత శ్రేయస్‌ అయ్యర్‌ కేకేఆర్‌ను విడిచిపెట్టాడు. మెగా వేలంలో శ్రేయస్‌ను పంజాబ్‌ కొనుగోలు చేసింది. శ్రేయస్‌ను ఆ జట్టు కెప్టెన్‌గా కూడా ఎంపిక చేసింది. శ్రేయస్‌ వీడటంతో కేకేఆర్‌కు కెప్టెన్‌ ఎంపిక​ అనివార్యమైంది. మెగా వేలంలో బేస్‌ ధర రూ. 1.5 కోట్లకు కొనుగోలు చేసిన అజింక్య రహానేను కేకేఆర్‌ కెప్టెన్‌గా ఎంపిక చేసింది. అతనికి డిప్యూటీగా (వైస్‌ కెప్టెన్‌) వెంకటేశ్‌ అయ్యర్‌ను నియమించింది. తొలుత వెంకటేశ్‌ అయ్యర్‌నే కేకేఆర్‌ కెప్టెన్‌గా ఎంపిక చేస్తారని ప్రచారం​ జరిగింది. అయితే చివరి నిమిషంలో రహానే ఎంట్రీ ఇచ్చి కెప్టెన్సీని ఎగరేసుకుపోయాడు. మెగా వేలంలో రహానేను కేకేఆర్‌ తొలుత పట్టించుకోలేదు. అమ్ముడుపోని ఆటగాళ్ల రౌండ్‌లో రహానేను కేకేఆర్‌ దక్కించుకుంది.2025 ఐపీఎల్‌ సీజన్‌ కోసం కేకేఆర్‌ జట్టు..అజింక్య రహానే (కెప్టెన్‌), వెంకటేశ్‌ అయ్యర్‌ (వైస్‌ కెప్టెన్‌), మనీశ్‌ పాండే, రింకూ సింగ్‌, రోవ్‌మన్‌ పావెల్‌, అంగ్‌క్రిష్‌ రఘువంశీ, అనుకూల్‌ రాయ్‌, మొయిన్‌ అలీ, రమన్‌దీప్‌ సింగ్‌, సునీల్‌ నరైన్‌, ఆండ్రీ రసెల్‌, క్వింటన్‌ డికాక్‌, లవ్‌నిత్‌ సిసోడియా, రహ్మానుల్లా గుర్బాజ్‌, వరుణ్‌ చక్రవర్తి, వైభవ్‌ అరోరా, అన్రిచ్‌ నోర్జే, ఉమ్రాన్‌ మాలిక్‌, మయాంక్‌ మార్కండే, హర్షిత్‌ రాణా, స్పెన్సర్‌ జాన్సన్‌

ఐపీఎల్‌ 2025 సీజన్‌ కోసం ఏకంగా 23.75 కోట్లు పెట్టి కొనుకున్న వెంకటేశ్‌ అయ్యర్‌ను కెప్టెన్‌గా ఎంపిక చేయకపోవడంపై కేకేఆర్‌ సీఈవో వెంకీ మైసూర్‌ వివరణ ఇచ్చాడు. అయ్యర్‌ ఇంకా పరిణితి సాధించాల్సి ఉందని అన్నాడు. అయ్యర్‌ కెప్టెన్‌ మెటీరియలే అయినప్పటికీ.. అత్యున్నత బాధ్యతలు చేపట్టేందుకు అతనికి ఇంకా సమయం ఉందని తెలిపాడు. ఐపీఎల్‌ 2025 సీజన్‌ కోసం కేకేఆర్‌ వెంకటేశ్‌ అయ్యర్‌ను కాదని అజింక్య రహానేను ఎంపిక చేసిన విషయం తెలిసిందే. రహానేను కేకేఆర్‌ కేవలం రూ. 1.5 కోట్ల బేస్‌ ధరకు సొంతం చేసుకుంది. అందులోనూ ఓసారి అమ్ముడుపోకుండా, రెండోసారి వేలానికి వచ్చినప్పుడు దక్కించుకుంది. రహానేను కేకేఆర్‌ చివరి నిమిషంలో ప్లాన్‌ చేసుకుంది. అయినా కెప్టెన్సీని కట్టబెట్టింది. రహానే గతంలో ఓసారి కేకేఆర్‌కు ప్రాతినిథ్యం వహించాడు. 2022 సీజన్‌లో 7 మ్యాచ్‌లు ఆడాడు. 2024 సీజన్‌ టైటిల్‌ విన్నింగ్‌ కెప్టెన్‌ శ్రేయస్‌ అయ్యర్‌ నిష్క్రమణ తర్వాత కేకేఆర్‌కు కెప్టెన్‌ ఎంపిక అనివార్యమైంది. తొలుత కెప్టెన్సీ రేసులో వెంకటేశ్‌ అయ్యర్‌ పేరు బలంగా వినిపించింది. ఈ విషయంపై అయ్యర్‌ బహిరంగంగా తన ఇష్టాన్ని వ్యక్తం చేశాడు. అంతిమంగా అయ్యర్‌ను రహానే డిప్యూటీగా (వైస్‌ కెప్టెన్‌) ఎంపిక చేశాడు. అయ్యర్‌.. రహానే అండర్‌లో కెప్టెన్సీ మెళకువలు నేర్చుకోవడంతో పాటు అనుభవం గడిస్తాడని కేకేఆర్‌ యాజమాన్యం భావిస్తుంది. అయ్యర్‌ను కేకేఆర్‌ ఫ్యూచర్‌ కెప్టెన్‌గా అనుకుంటుంది.మెగా వేలం తర్వాత కేకేఆర్‌ యాజమాన్యం వెంకటేశ్‌ అయ్యర్‌ను కెప్టెన్‌ చేయకపోవడంతో అభిమానులు ఆశ్చర్యపోయారు. అయితే రహానేను కెప్టెన్‌గా చేయడంతో కామ్‌ అయిపోయారు. అయ్యర్‌ 2021 నుంచి ఫ్రాంచైజీకి నమ్మకస్తుడిగా ఉండటంతో పాటు ఫ్రాంచైజీలో ప్రతి ఒక్కరితో మంచి సంబంధాలు కలిగి ఉన్నాడు. ఈ నేపథ్యంలో అతను కెప్టెన్‌ కావడం ఖాయమని అంతా భావించారు. అయితే కేకేఆర్‌ సీఈవో వెంకీ మైసూర్‌ చివరి నిమిషంలో రహానేను తెరపైకి తెచ్చాడు. అనుభవం, ఒత్తిడిలో ప్రశాంతంగా వ్యవహరించగలిగే తత్వం రహానే ఎంపికకు ప్రధాన కారణాలని వెంకీ మైసూర్‌ చెప్పుకొచ్చాడు. జట్టును సమన్వయం చేసుకోవడం, మీడియాను అడ్రెస్‌ చేయడం, ఆఫ్‌ ద ఫీల్డ్‌ సంక్లిష్టతలను మేనేజ్‌ చేయడం లాంటి ఛాలెంజింగ్‌ విధులు నిర్వహించాలంటే రహానే లాంటి నాయకుడు తమకు అవసరమని మైసూర్‌ అభిప్రాయపడ్డాడు. ఐపీఎల్‌ లాంటి టోర్నీల్లో కెప్టెన్సీ అంటే కేవలం మైదానంలో తీసుకునే నిర్ణయాలు మాత్రమే కాదు, అనుభవంతో వచ్చే చాలా విషయాలు ఉంటాయని తెలిపాడు. అయ్యర్‌కు ఇవన్నీ వంటబట్టేందుకు సమయం పడుతుందని, అంతవరకు అతను రహానే అండర్‌లో ఈ విషయాలన్నీ నేర్చుకుంటాడని చెప్పుకొచ్చాడు.36 ఏళ్ల రహానే 2008లో లీగ్‌ ప్రారంభమైనప్పటి నుండి 17 సీజన్లలో వివిధ జట్లకు ప్రాతినిత్యం వహించాడు. 185 ఐపీఎల్ మ్యాచ్‌లు, 195 అంతర్జాతీయ ప్రదర్శనలు, టీమిండియా తరపున, దేశీయ క్రికెట్‌లో ముంబై తరపున, ఐపీఎల్‌లో వివిధ ఫ్రాంచైజీల తరపున కెప్టెన్సీ బాధ్యతలు నిర్వర్తించడం వంటి అంశాలు కేకేఆర్‌ కెప్టెన్‌గా ఎంపిక కావడానికి రహానేకు ఉన్న యోగ్యతలని తెలిపాడు. ఆటగాడిగా కూడా రహానే పట్ల మైసూర్‌ సంతృప్తి వ్యక్తం చేశాడు. ఐపీఎల్‌-2025లో అతను చెలరేగుతాడని విశ్వాసం వ్యక్తం చేశాడు.

ఐపీఎల్‌ 2025 సీజన్‌కు ముందు కేకేఆర్‌కు గుడ్‌ న్యూస్‌ అందింది. ఆ జట్టు వెటరన్‌ ఆటగాడు అజింక్య రహానే సయ్యద్‌ ముస్తాక్‌ అలీ టీ20 టోర్నీలో అరివీర భయంకరమైన ఫామ్‌లో ఉన్నాడు. తాజాగా బరోడాతో జరిగిన సెమీఫైనల్లో రెండు పరుగుల తేడాతో సెంచరీ మిస్‌ చేసుకున్నాడు. ఈ టోర్నీలో రహానే గత ఆరు మ్యాచ్‌ల్లో ఐదు హాఫ్‌ సెంచరీలు చేశాడు.మహారాష్ట్రతో జరిగిన గ్రూప్‌ స్టేజీ మ్యాచ్‌లో రహానే పరుగుల ప్రవాహం మొదలైంది. ఆ మ్యాచ్‌లో అతను 34 బంతుల్లో 52 పరుగుల చేశాడు. ఆతర్వాత కేరళతో జరిగిన మ్యాచ్‌లో 35 బంతుల్లో 68 పరుగులు చేశాడు. అనంతరం సర్వీసెస్‌తో జరిగిన మ్యాచ్‌లో 18 బంతుల్లో 22 పరుగులు చేశాడు.రహానే విశ్వరూపం ఆంధ్రతో జరిగిన చివరి గ్రూప్‌ స్టేజీ మ్యాచ్‌తో మొదలైంది. ఈ మ్యాచ్‌లో రహానే 53 బంతుల్లో 95 పరుగులు చేశాడు. అనంతరం విదర్భతో జరిగిన క్వార్టర్‌ ఫైనల్‌ మ్యాచ్‌లో 45 బంతుల్లో 84 పరుగులు చేశాడు. తాజాగా బరోడాతో జరిగిన సెమీస్‌లో 57 బంతుల్లో 98 పరుగులు చేసి తృటిలో సెంచరీ చేసే అవకాశాన్ని చేజార్చుకున్నాడు.ప్రస్తుత సీజన్‌లో (సయ్యద్‌ ముస్తాక్‌ అలీ టోర్నీ) రహానే లీడింగ్‌ రన్‌ స్కోరర్‌గా కొనసాగుతున్నాడు. ఈ సీజన్‌లో రహానే 8 మ్యాచ్‌లు ఆడి 172 స్ట్రయిక్‌ రేట్‌తో 366 పరుగులు చేశాడు. బరోడాతో జరిగిన సెమీస్‌లో రహానే రఫ్ఫాడించడంతో ముంబై 6 వికెట్ల తేడాతో ఘన విజయం సాధించింది. తద్వారా ఫైనల్‌కు చేరింది.మ్యాచ్‌ విషయానికొస్తే.. తొలుత బ్యాటింగ్‌ చేసిన బరోడా నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. శాశ్వత్‌ రావత్‌ (33), కృనాల్‌ పాండ్యా (30), శివాలిక్‌ శర్మ (26 నాటౌట్‌), అథీత్‌ సేథ్‌ (22) ఓ మోస్తరు స్కోర్లు చేశారు. హార్దిక్‌ పాండ్యా 5 పరుగులకే ఔటై నిరాశపరిచాడు.159 పరుగుల ఓ మోస్తరు లక్ష్యాన్ని ఛేదించేందుకు బరిలోకి దిగిన ముంబై.. రహానే మెరుపు ఇన్నింగ్స్‌తో విరుచుకుపడటంతో 17.2 ఓవర్లలో 4 వికెట్లు కోల్పోయి విజయతీరాలకు చేరింది. రహానేకు జతగా శ్రేయస్‌ అయ్యర్‌ (46) కూడా కాసేపు మెరుపు మెరిపించాడు. ఇవాళ సాయంత్రం 4:30 గంటలకు ఢిల్లీ, మధ్యప్రదేశ్‌ మధ్య రెండో సెమీఫైనల్‌ జరుగనుంది. ఈ మ్యాచ్‌లో గెలిచిన జట్టు డిసెంబర్‌ 15న జరిగే అంతిమ పోరులో ముంబైతో తలపడనుంది. కాగా, ఇటీవల ముగిసిన ఐపీఎల్‌ 2025 మెగా వేలంలో అజింక్య రహానేను కోల్‌కతా నైట్‌రైడర్స్‌ జట్టు రూ.1.5 కోట్ల బేస్‌ ధరకు సొంతం చేసుకుంది.

కేకేఆర్‌ ప్రామిసింగ్‌ ఆల్‌రౌండర్‌ వెంకటేశ్‌ అయ్యర్‌ త్వరలోనే డాక్టర్‌ కానున్నాడు. 2018లో ఎంబీఏ పూర్తి చేసిన అయ్యర్‌.. త్వరలోనే ఫైనాన్స్‌లో పీహెచ్‌డీ పూర్తి చేసి డాక్టర్‌ వెంకటేశ్‌ అయ్యర్‌గా పిలిపించుకుంటానంటున్నాడు. ఇటీవల జరిగిన ఓ ఇంటర్వ్యూలో అయ్యర్‌ ఈ విషయాన్ని వెల్లడించాడు.ఇంటర్వ్యూ సందర్భంగా అయ్యర్‌ మాట్లాడుతూ.. ఓ క్రికెటర్ 60 సంవత్సరాల వరకు క్రికెట్‌ ఆడలేడు. అయితే విద్య మాత్రం చనిపోయేంతవరకూ మనతోనే ఉంటుంది. బాగా చదువుకుంటే మైదానంలోనూ, నిజ జీవితంలోనూ సరైన నిర్ణయాలు తీసుకోవచ్చు. యువ క్రికెటర్లు చదువుకు కూడా సమ ప్రాధాన్యత ఇవ్వాలని సూచిస్తానని అన్నాడు.కాగా, వెంకటేశ్‌ అయ్యర్‌కు ఎంబీఏ పూర్తి చేసిన తర్వాత బెంగళూరులోని ఓ ప్రముఖ కంపెనీలో ఉద్యోగం​ వచ్చింది. అయితే అయ్యర్‌ క్రికెట్‌ కోసం ఆ ఉద్యోగాన్ని తిరస్కరించాడు. ఇటీవల జరిగిన ఐపీఎల్ మెగా వేలంలో వెంకటేశ్ అయ్యర్‌ను డిఫెండింగ్‌ ఛాంపియన్‌ కోల్‌కతా నైట్‌రైడర్స్ రూ.23.75 కోట్లకు సొంతం చేసుకున్న విషయం తెలిసిందే.కెప్టెన్సీ రేసులో అయ్యర్‌ఐపీఎల్‌ 2024లో కేకేఆర్‌ను ఛాంపియన్‌గా నిలబెట్టడంలో వెంకటేశ్‌ అయ్యర్‌ కీలకపాత్ర పోషించాడు. అయినా మెగా వేలానికి ముందు కేకేఆర్‌ అతన్ని రిలీజ్‌ చేసింది. అయితే మెగా వేలంలో కేకేఆర్‌ ఊహించని విధంగా అయ్యర్‌పై భారీ మొత్తం వెచ్చింది తిరిగి సొంతం చేసుకుంది. శ్రేయస్‌ అయ్యర్‌ కేకేఆర్‌ను వీడటంతో ప్రస్తుతం ఆ ఫ్రాంచైజీ కెప్టెన్‌ పోస్ట్‌ ఖాళీగా ఉంది. వచ్చే సీజన్‌ కోసం కేకేఆర్‌ కెప్టెన్సీ రేసులో వెంకటేశ్‌ అయ్యర్‌ కూడా ఉన్నట్లు తెలుస్తుంది. అయ్యర్‌ నాలుగు సీజన్ల పాటు కేకేఆర్‌తో ఉన్నాడు.మరోవైపు కేకేఆర్‌ కెప్టెన్సీ కోసం అయ్యర్‌తో పాటు అజింక్య రహానే కూడా పోటీ పడుతున్నట్లు తెలుస్తుంది. మెగా వేలంలో కేకేఆర్‌ రహానేను 1.5 కోట్లకు సొంతం చేసుకుంది. కెప్టెన్సీ కట్టబెట్టేందుకే కేకేఆర్‌ యాజమాన్యం రహానే తీసుకున్నట్లు వార్తలు వస్తున్నాయి. రహానేకు కెప్టెన్‌గా మంచి ట్రాక్‌ రికార్డు ఉంది. 2020-21 బోర్డర్‌ గవాస్కర్ ట్రోఫీలో రహానే టీమిండియాను విజయవంతంగా ముందుండి నడిపించాడు. దేశవాలీ క్రికెట్‌లోనూ రహానే ముంబై జట్టును విజయవంతంగా ముందుండి నడిపిస్తున్నాడు.

అబుదాబీ టీ10 లీగ్‌లో కేకేఆర్‌ ఆటగాడు రహ్మానుల్లా గుర్బాజ్‌ విధ్వంసం సృష్టించాడు. ఈ టోర్నీలో యూపీ నవాబ్స్‌కు నాయకత్వం వహిస్తున్న గుర్బాజ్‌ (ఆఫ్ఘనిస్తాన్‌).. డెక్కన్‌ గ్లాడియేటర్స్‌తో జరిగిన మ్యాచ్‌లో కేవలం 21 బంతుల్లో 3 ఫోర్లు, 5 సిక్సర్ల సాయంతో 52 పరుగులు చేశాడు. ఫలితంగా యూపీ నవాబ్స్‌.. విధ్వంసకర వీరులతో నిండిన గ్లాడియేటర్స్‌పై 7 వికెట్ల తేడాతో గెలుపొందింది.ఈ మ్యాచ్‌లో తొలుత బ్యాటింగ్‌ చేసిన గ్లాడియేటర్స్‌ నిర్ణీత 10 ఓవర్లలో 9 వికెట్ల నష్టానికి 112 పరుగులు చేసింది. ధనాధన్‌ వీరులు టామ్‌ కొహ్లెర్‌ కాడ్‌మోర్‌ (22), రిలీ రొస్సో (10), నికోలస్‌ పూరన్‌ (8), జోస్‌ బట్లర్‌ (30), మార్కస్‌ స్టోయినిస్‌ (0), డేవిడ్‌ వీస్‌ (29), ఆజమ​్‌ ఖాన్‌ (2) తక్కువ స్కోర్లకే ఔటయ్యారు. నవాబ్స్‌ బౌలర్లలో ఆదిల్‌ రషీద్‌ 2 ఓవర్లలో కేవలం 6 పరుగులిచ్చి 3 వికెట్లు తీశాడు. బినుర ఫెర్నాండో 2 ఓవర్లలో 18 పరుగులిచ్చి 3 వికెట్లు పడగొట్టాడు. తైమాల్‌ మిల్స్‌ 2, అఖిలేశ్‌ ఓ వికెట్‌ దక్కించుకున్నారు.113 పరుగుల లక్ష్యాన్ని ఛేదించేందుకు బరిలోకి దిగిన నవాబ్స్‌ 8.3 ఓవర్లలో 3 వికెట్లు కోల్పోయి విజయతీరాలకు చేరింది. ఓపెనర్లు రహ్మానుల్లా గుర్బాజ్‌ (52), ఆవిష్క ఫెర్నాండో (34) నవాబ్స్ విజయానికి గట్టి పునాది వేశారు. ఆండ్రీ ఫ్లెచర్‌ 7, డేవిడ్‌ మలాన్‌ 6, ఓడియన్‌ స్మిత్‌ 8 పరుగులు చేశారు. గ్లాడియేటర్స్‌ బౌలర్లలో రిచర్డ్‌ గ్లీసన్‌, స్టోయినిస్‌, ఇబ్రార్‌ అహ్మద్‌లకు తలో వికెట్‌ దక్కింది. ప్రస్తుత ఎడిషన్‌లో నవాబ్స్‌కు ఇది రెండో విజయం. గ్లాడియేటర్స్‌కు తొలి ఓటమి. కాగా, రెండు రోజుల కిందట జరిగిన ఐపీఎల్‌ 2025 మెగా వేలంలో కేకేఆర్‌ ఫ్రాంచైజీ గుర్బాజ్‌ను 2 కోట్ల బేస్‌ ధరకు తిరిగి సొంతం చేసుకుంది.

ఐపీఎల్‌ ఫ్రాంచైజీలు అక్టోబర్‌ 31న తాము రీటైన్‌ చేసుకున్న ఆటగాళ్ల జాబితాను ప్రకటించాయి. ఈ జాబితాలో చాలామంది స్టార్‌ ఆటగాళ్ల పేర్లు మిస్‌ అయ్యాయి. డిఫెండింగ్‌ ఛాంపియన్‌ అయిన కేకేఆర్‌ రింకూ సింగ్‌ (రూ. 13 కోట్లు), వరుణ్‌ చక్రవర్తి (రూ. 12 కోట్లు), సునీల్‌ నరైన్‌ (రూ. 12 కోట్లు), ఆండ్రీ రసెల్‌ (రూ. 12 కోట్లు), హర్షిత్‌ రాణా (రూ. 4 కోట్లు), రమన్‌దీప్‌ సింగ్‌ను (రూ. 4 కోట్లు) అట్టిపెట్టుకుని.. కెప్టెన్‌ శ్రేయస్‌ అయ్యర్‌ సహా మిగతా ఆటగాళ్లనంతా వేలానికి వదిలేసింది.కేకేఆర్‌ రిటైన్‌ చేసుకున్న జాబితాలో తమ పేర్లు లేకపోవడంతో మిచెల్‌ స్టార్క్‌, వెంకటేశ్‌ అయ్యర్‌ లాంటి ఆటగాళ్లు మనసు నొచ్చుకున్నారు. వెంకటేశ్‌ అయ్యర్‌ తన మనసులోని మాటను సోషల్‌మీడియాలో షేర్‌ చేసుకున్నాడు. కేకేఆర్‌ వదిలిపెట్టిన తర్వాత జరుగుతున్న తొలి రంజీ మ్యాచ్‌లో వెంకటేశ్‌ అయ్యర్‌ తన ప్రతాపాన్ని చూపాడు. రంజీల్లో మధ్యప్రదేశ్‌కు ఆడే వెంకటేశ్‌ అయ్యర్‌.. బీహార్‌తో జరుగుతున్న మ్యాచ్‌లో 113 బంతుల్లో 11 ఫోర్లు, 4 సిక్సర్ల సాయంతో 118 పరుగులు చేసి అజేయంగా నిలిచాడు.కేకేఆర్‌ తనను వదిలేసిందన్న కోపమో ఏమో కానీ ఈ మ్యాచ్‌లో వెంకటేశ్‌ అయ్యర్‌ చాలా పట్టుదలగా ఆడి సెంచరీ చేశాడు. ఈ సెంచరీతో వెంకటేశ్‌ అయ్యర్‌ ఐపీఎల్‌ ఫ్రాంచైజీలకు కూడా సవాలు విసిరాడు. తానెంత విలువైన ఆటగాడినో అన్న విషయాన్ని వెంకటేశ్‌ అయ్యర్‌ ఫ్రాంచైజీలకు తెలియజేశాడు.మరోవైపు కేకేఆర్‌ వదిలేసిన మరో అయ్యర్‌ కూడా ఇవాళ శతకొట్టాడు. కేకేఆర్‌ మాజీ కెప్టెన్‌ శ్రేయస్‌ అయ్యర్‌.. ఒడిషాతో జరుగుతున్న మ్యాచ్‌లో 164 బంతుల్లో 18 ఫోర్లు, 4 సిక్సర్ల సాయంతో 152 పరుగులు చేసి అజేయంగా నిలిచాడు. ప్రస్తుత రంజీ సీజన్‌లో శ్రేయస్‌కు ఇది వరుసగా రెండో సెంచరీ కావడం విశేషం. తాజా ప్రదర్శనల నేపథ్యంలో ఐపీఎల్‌ 2025 మెగా వేలంలో శ్రేయస్‌కు మాంచి గిరాకీ ఏర్పడే అవకాశం ఉంది.

ఐపీఎల్‌-2025 సీజన్‌ కోసం ఆటగాళ్ల రిటెన్షన్‌ జాబితాల సమర్పణకు మరికొద్ది గంటల సమయం మాత్రమే ఉంది. అక్టోబర్‌ 31లోగా ఫ్రాంచైజీలన్నీ తాము అట్టిపెట్టుకునే ఆటగాళ్ల వివరాలను సమర్పించాలి. అన్ని ఫ్రాంచైజీలు ఇప్పటికే తాము రిటైన్‌ చేసుకునే ఆటగాళ్లపై ఓ క్లారిటీ కలిగి ఉన్నాయి.ఒక్కో ఫ్రాంచైజీ ఆరుగురు ఆటగాళ్లను రిటైన్ చేసుకోవచ్చు. ఇందులో గరిష్టంగా అయిదుగురు క్యాప్డ్ ప్లేయర్లు, ఇద్దరు అన్‌క్యాప్డ్ ప్లేయర్లకు అవకాశం ఉంటుంది. రిటైన్ చేసుకునే క్యాప్డ్‌ ప్లేయర్లకు ఛాయిస్‌ ప్రకారం​ వరుసగా 18, 14, 11 కోట్లు ఇవ్వాల్సి ఉంటుంది. రిటైన్‌ చేసుకునే అన్‌క్యాప్డ్ ప్లేయర్‌కు 4 కోట్లు పారితోషికం చెల్లించాల్సి ఉంటుంది. ఐపీఎల్‌-2025 వేలం నవంబర్‌ 25 లేదా 26 తేదీల్లో రియాద్‌లో జరగవచ్చు.శ్రేయస్‌తో కేకేఆర్‌ కటీఫ్‌..?కేకేఆర్‌ విషయానికొస్తే.. ఈ ఫ్రాంచైజీ కూడా తమ రిటెన్షన్‌ జాబితాను సిద్దం చేసుకున్నట్లు తెలుస్తుంది. అయితే కేకేఆర్‌ ఈసారి కెప్టెన్‌ పేరు లేకుండానే ముందుకు సాగనున్నట్లు సమాచారం. శ్రేయస్‌ అయ్యర్‌ సారథ్యంలో కేకేఆర్‌ గత సీజన్‌ టైటిల్‌ గెలిచినప్పటికీ.. ఈసారి అతన్ని రిటైన్‌ చేసుకునేందుకు ఫ్రాంచైజీ యాజమాన్యం ఆసక్తి కనబర్చడం లేదని తెలుస్తుంది. రిటెన్షన్‌ జాబితా సమర్పణకు మరికొద్ది గంటలు సమయమే ఉన్నా ఇప్పటికీ ఫ్రాంచైజీ మేనేజ్‌మెంట్‌ శ్రేయస్‌ను సంప్రదించలేదట. దీన్ని బట్టి చూస్తే కేకేఆర్‌ శ్రేయస్‌కు కటీఫ్‌ చెప్పడం ఖాయమని తెలుస్తుంది.ఇదిలా ఉంటే, శ్రేయస్‌ కోసం సొంత ఫ్రాంచైజీ ఆసక్తి కనబర్చనప్పటికీ.. మిగతా ఫ్రాంచైజీలు ఎగబడుతున్నట్లు తెలుస్తుంది. ఒకవేళ శ్రేయస్‌ వేలానికి వస్తే ఇతన్ని దక్కించుకోవడం కోసం మూడు, నాలుగు ఫ్రాంచైజీలు తీవ్రంగా కసరత్తు చేస్తున్నాయట. కెప్టెన్‌గా శ్రేయస్‌కు మంచి ట్రాక్‌ రికార్డు ఉండటంతో ఇతన్ని కెప్టెన్‌గా చేసేందుకు పలు ఫ్రాంచైజీలు ప్రణాళికలు సిద్దం చేసుకున్నాయని సమాచారం.కేకేఆర్‌ రిటైన్‌ చేసుకునే అవకాశం ఉన్న ఆటగాళ్లు..సునీల్‌ నరైన్‌ఆండ్రీ రసెల్‌ఫిలిప్‌ సాల్ట్‌రింకూ సింగ్‌

విండీస్‌ దిగ్గజం డ్వేన్‌ బ్రావో క్రికెట్‌లోని అన్ని ఫార్మాట్‌లకు రిటైర్మెంట్‌ ప్రకటించిన విషయం తెలిసిందే. కరీబియన్‌ ప్రీమియర్‌ లీగ్‌-2024లో సెప్టెంబర్‌ 24న సెయింట్‌ లూసియా కింగ్స్‌తో జరిగిన మ్యాచ్‌ బ్రావో కెరీర్‌లో చివరి మ్యాచ్‌. ఈ మ్యాచ్‌లో బ్రావో రిటైర్డ్‌ హర్ట్‌గా వెనుదిరిగాడు. మ్యాచ్‌ అనంతరం బ్రావో తీవ్ర భావోద్వేగానికి లోనయ్యాడు. ఉబికి వస్తున్న బాధను ఆపుకోలేక కన్నీటిపర్యంతమయ్యాడు. బ్రావో కన్నీరు పెట్టుకున్న దృశ్యాలు సోషల్‌మీడియాలో వైరలవుతున్నాయి. Champion Dwayne Bravo announces his retirement from all formats of cricket.Know more: https://t.co/ljuWjTsGQS— CricTracker (@Cricketracker) September 27, 20242021లో అంతర్జాతీయ క్రికెట్‌కు వీడ్కోలు పలికిన బ్రావో.. వెస్టిండీస్‌ టీ20 ప్రపంచకప్‌ గెలిచిన రెండు సందర్భాల్లో (2012, 2016) ఆ జట్టులో కీలక సభ్యుడిగా ఉన్నాడు. బ్రావో పొట్టి క్రికెట్‌లో అత్యధిక వికెట్లు తీసిన బౌలర్‌గా కొనసాగుతున్నాడు. బ్రావో తన టీ20 కెరీర్‌లో 582 మ్యాచ్‌లు ఆడి 631 వికెట్లు పడగొట్టాడు. బ్రావో తాజాగా ఐపీఎల్‌లో కేకేఆర్‌ ఫ్రాంచైజీ మెంటార్‌గా ఎంపికయ్యాడు. ఐపీఎల్‌ 2025 నుంచి బ్రావో కేకేఆర్‌ మెంటార్‌గా వ్యవహరిస్తాడు. కాగా, 40 ఏళ్ల బ్రావో 2004లో తన అంతర్జాతీయ కెరీర్‌ మొదలుపెట్టాడు. నాటి నుంచి 2021 వరకు అతను విండీస్‌ జాతీయ జట్టుకు సేవలందించాడు. ఈ మధ్యలో 40 టెస్ట్‌లు, 164 వన్డేలు, 91 టీ20లు ఆడాడు. బౌలింగ్‌ ఆల్‌రౌండర్‌ అయిన బ్రావో తన అంతర్జాతీయ కెరీర్‌లో 6300 పైచిలుకు పరుగులు సాధించి, 363 వికెట్లు పడగొట్టాడు. బ్రావో 2008 నుంచి 2022 వరకు వివిధ ఫ్రాంచైజీల తరఫున ఐపీఎల్‌లో ఆడాడు. క్యాష్‌ రిచ్‌ లీగ్‌లో బ్రావో 161 మ్యాచ్‌లు ఆడి 1560 పరుగులు చేసి 183 వికెట్లు తీశాడు. చదవండి: భారత్‌తో టెస్ట్‌ మ్యాచ్‌.. బంగ్లాదేశ్‌ వీరాభిమానిపై దాడి.. ఆసుపత్రికి తరలింపు

టీమిండియా హెడ్‌ కోచ్‌గా గౌతమ్‌ గంభీర్‌ పేరు దాదాపుగా ఖరారైన నేపథ్యంలో ఐపీఎల్‌ డిఫెండింగ్‌ ఛాంపియన్స్‌ కోల్‌కతా నైట్‌రైడర్స్‌ కొత్త మెంటార్‌ అన్వేషణలో పడింది. తమ జట్టుకు మెంటార్‌గా వ్యవహరించాలని కేకేఆర్‌ టీమిండియా తాజా మాజీ హెడ్‌ కోచ్‌ రాహుల్‌ ద్రవిడ్‌ను కోరినట్లు తెలుస్తుంది. ఇందుకు ద్రవిడ్‌ సైతం సుముఖ​త వ్యక్తం చేశాడని సమాచారం. ఒకవేళ ఈ డీల్‌ కుదిరితే ద్రవిడ్‌ వచ్చే సీజన్‌ (2025) నుంచి కేకేఆర్‌ మెంటార్‌గా వ్యవహరిస్తాడు.మరోవైపు టీమిండియా హెడ్‌ కోచ్‌గా గౌతమ్‌ గంభీర్‌ పేరు అధికారికంగా ప్రకటించడమే తరువాయి. హెడ్‌ కోచ్‌ పదవి విషయంలో గంభీర్‌-బీసీసీఐ మధ్య ఏకాభిప్రాయం కుదిరిందని సమాచారం​. గంభీర్‌ తన సహాయ సిబ్బందిని ఎంచుకునే విషయంలోనూ బీసీసీఐ పూర్తి స్వేచ్ఛనిచ్చినట్లు తెలుస్తుంది. గంభీర్‌ సక్సెస్‌ఫుల్‌ బ్యాటర్‌ కావడంతో తనే బ్యాటింగ్‌ కోచ్‌గా కూడా వ్యవహరించే అవకాశం ఉంది. గంభీర్‌ తనకు ఇష్టం వచ్చిన వారికి బౌలింగ్‌, ఫీల్డింగ్‌ కోచ్‌లుగా ఎంచుకోవచ్చు.టీమిండియా ఫీల్డింగ్‌ కోచ్‌ రేసులో దక్షిణాఫ్రికా మాజీ ఆటగాడు, దిగ్గజ ఫీల్డర్‌ జాంటీ రోడ్స్‌ పేరు ప్రధానంగా వినిపిస్తుంది. బౌలింగ్‌ కోచ్‌గా ఎవరుంటారనే విషయంపై క్లారిటీ రావాల్సి ఉంది. మరో రెండు రోజుల్లో టీమిండియా హెడ్‌ కోచ్‌గా గంభీర్‌ పేరును అధికారికంగా ప్రకటించే అవకాశం ఉంది. గంభీర్‌ టీమిండియా హెడ్‌ కోచ్‌గా బాధ్యతలు చేపడితే కేకేఆర్‌ మెంటార్షిప్‌ను వదులుకోవాల్సి ఉంటుంది. అప్పుడు ద్రవిడ్‌ కేకేఆర్‌ మెంటార్‌గా బాధ్యతలు చేపట్టే అవకాశం ఉంది. కాగా, టీమిండియా హెడ్‌ కోచ్‌గా రాహుల్‌ ద్రవిడ్‌ పదవీకాలం టీ20 వరల్డ్‌కప్‌ 2024తో ముగిసిన విషయం తెలిసిందే.

ఐపీఎల్‌ 2024 సీజన్‌ టైటిల్‌ గెలిచాక సొంత పట్టణం అంబాలకు (హర్యానా) విచ్చేసిన కేకేఆర్‌ స్టార్‌ పేసర్‌ వైభవ్‌ అరోరాకు ఘన స్వాగతం లభించింది. వైభవ్‌ను అతని​ సన్నిహితులు, అభిమానులు, అంబాల వాసులు డప్పు వాయిద్యాల మధ్య పూల మాలలు వేసి ఘనంగా సత్కరించారు. ఈ సందర్భంగా వైభవ్‌తో ఫోటోలు దిగేందుకు జనాలు ఎగబడ్డారు. అనంతరం వైభవ్‌ ఓపెన్‌ టాప్‌ జీపులో ర్యాలీగా వెళ్లాడు. దీనికి సంబంధించిన వీడియో నెట్టింట వైరలవుతుంది. ఐపీఎల్‌ 2024 సీజన్‌ ముగిసి వారం రోజులు పూర్తయినా జనాలు ఇంకా అదే మూడ్‌లో ఉన్నారు. 27 ఏళ్ల వైభవ్‌ ఈ ఐపీఎల్‌ సీజన్‌లో అద్భుతమైన ప్రదర్శనలతో చెలరేగాడు. వైభవ్‌ ఈ సీజన్‌లో 10 మ్యాచ్‌ల్లో 11 వికెట్లు తీసి కేకేఆర్‌ విజయంలో ప్రధానపాత్ర పోషించాడు. Vaibhav Arora gets a hero's welcome to his hometown after IPL win. 🏆pic.twitter.com/PhWOMk76Y6— Mufaddal Vohra (@mufaddal_vohra) June 1, 2024రైట్‌ ఆర్మ్‌ ఫాస్ట్‌ బౌలర్‌ అయిన వైభవ్‌.. సహచరుడు హర్షిత్‌ రాణా, మిచెల్‌ స్టార్క్‌లతో కలిసి కేకేఆర్‌ పేస్‌ అటాక్‌ను లీడ్‌ చేశాడు. లోయర్‌ ఆర్డర్‌లో ఉపయోగకర బ్యాటర్‌ కూడా అయిన వైభవ్‌ను కేకేఆర్‌ ఈ సీజన్‌ వేలంలో 60 లక్షలకు సొంతం చేసుకుంది. వైభవ్‌ ఇప్పటివరకు 21 ఐపీఎల్‌ మ్యాచ్‌లు ఆడి 19 వికెట్లు పడగొట్టాడు. వైభవ్‌ దేశవాలీ క్రికెట్‌లో హిమాచల్‌ ప్రదేశ్‌కు ప్రాతినిథ్యం వహిస్తాడు. 2021లో ఐపీఎల్‌ అరంగేట్రం చేసిన వైభవ్‌ ఆ సీజన్‌లో కేకేఆర్‌కు ఆడి ఆతర్వాతి సీజన్‌లో (2022) పంజాబ్‌ కింగ్స్‌కు ప్రాతినిథ్యం వహించాడు. ఈ సీజన్‌లో వైభవ్‌ తిరిగి కేకేఆర్‌ పంచన చేరాడు. ఈ సీజన్‌లో వైభవ్‌కు చాలా పాపులారిటీ వచ్చింది. సన్‌రైజర్స్‌తో జరిగిన ఫైనల్లో వైభవ్‌ 3 ఓవర్లలో 24 పరుగులిచ్చి అత్యంత కీలకమైన ట్రవిస్‌ హెడ్‌ వికెట్‌ తీశాడు. ఈ సీజన్‌ ప్రదర్శనల కారణంగా కేకేఆర్‌ తదుపరి సీజన్‌లోనూ ఇతన్ని రీటెయిన్‌ చేసుకునే అవకాశం ఉంది.

ఐపీఎల్‌ 2024 సీజన్‌లో కోల్‌కతా నైట్‌రైడర్స్‌ ఛాంపియన్‌గా అవతరించింది. నిన్న జరిగిన ఫైనల్లో ఈ జట్టు సన్‌రైజర్స్‌పై 8 వికెట్ల తేడాతో ఘన విజయం సాధించి, మూడో ఐపీఎల్‌ టైటిల్‌ను సొంతం చేసుకుంది. అంతిమ సమరంలో మిచెల్‌ స్టార్క్‌ (3-0-14-2), వెంకటేశ్‌ అయ్యర్‌ (26 బంతుల్లో 52 నాటౌట్‌; 4 ఫోర్లు, 3 సిక్సర్లు) ఆరెంజ్‌ ఆర్మీని చెడుగుడు ఆడుకున్నారు. వీరికి రసెల్‌ (2.3-0-19-3), హర్షిత్‌ రాణా (4-1-24-2), సునీల్‌ నరైన్‌ (4-0-16-1), వరుణ్‌ చక్రవర్తి (2-0-9-1), రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కూడా తోడవ్వడంతో కేకేఆర్‌ సునాయాస విజయం సాధించింది.క్వాలిఫయర్‌ మ్యాచ్‌లోనూ వీరిద్దరే.. నిన్నటి ఫైనల్లో సన్‌రైజర్స్‌ను డామేజ్‌ చేసిన స్టార్క్‌, వెంకటేశ్‌ అయ్యర్‌లు ఇదే సన్‌రైజర్స్‌ను క్వాలిఫయర్‌-1లోనూ ముప్పుతిప్పలు పెట్టారు. నాటి మ్యాచ్‌లోనూ స్టార్క్‌ అద్భుతమైన గణాంకాలు (4-0-34-3) నమోదు చేసి ప్లేయర్‌ ఆఫ్‌ ద మ్యాచ్‌ అవార్డుకు ఎంపిక కాగా.. వెంకటేశ్‌ అయ్యర్‌ సైతం ఫైనల్లోలానే మెరుపు ఇన్నింగ్స్‌తో (28 బంతుల్లో 51 నాటౌట్‌) విరుచుకుపడ్డాడు. ఈ ఇద్దరు పోటీపడి మరీ సన్‌రైజర్స్‌పై దండయాత్ర చేసి వారికి టైటిల్‌ దక్కకుండా చేశారు.సీజన్‌ ఆరంభ మ్యాచ్‌ల్లో పెద్దగా ప్రభావం చూపలేకపోయిన స్టార్క్‌ కీలకమైన ప్లే ఆఫ్స్‌లో ఫామ్‌లోని వచ్చి కేకేఆర్‌ పాలిట గెలుపు గుర్రంగా మారగా.. వెంకటేశ్‌ అయ్యర్‌ సీజన్‌ స్టార్టింగ్‌ నుంచి ఓ మోస్తరు ప్రదర్శనలతో అలరించాడు. ప్లే ఆఫ్స్‌లో తిరుగులేని అయ్యర్‌.. నిన్నటి ఫైనల్‌తో వెంకటేశ్‌ అయ్యర్‌ ప్లే ఆఫ్స్‌ హీరో అని మరోసారి నిరూపించుకున్నాడు. అయ్యర్‌కు ప్లే ఆఫ్స్‌లో ఇది వరుసగా నాలుగో హాఫ్‌ సెంచరీ (55, 50, 51*, 52*). ఐపీఎల్‌ ప్లే ఆఫ్స్‌లో అత్యధిక హాఫ్‌ సెంచరీలు సాధించిన ఘనత మిస్టర్‌ ఐపీఎల్‌ సురేశ్‌ రైనాకు దక్కుతుంది. రైనా ప్లే ఆఫ్స్‌లో ఏడు 50కి పైగా స్కోర్లు సాధించాడు.ఫైనల్స్‌ విషయానికొస్తే.. ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకున్న సన్‌రైజర్స్‌.. ప్లేయర్‌ ఆఫ్‌ ద మ్యాచ్‌ మిచెల్‌ స్టార్క్‌ ధాటికి 18.3 ఓవర్లలో కేవలం 113 పరుగులకే కుప్పకూలింది. సన్‌రైజర్స్‌ ఇన్నింగ్స్‌లో కమిన్స్‌ (24) టాప్‌ స్కోరర్‌గా నిలువగా.. మెరుపు వీరులు అభిషేక్‌ శర్మ (2), ట్రివిస్‌ హెడ్‌ (0) దారుణంగా విఫలమయ్యారు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన కేకేఆర్‌.. వెంకటేశ్‌ అయ్యర్‌ అజేయమైన మెరుపు అర్దశతకంతో విరుచుకుపడటంతో కేవలం 10.3 ఓవర్లలోనే విజయతీరాలకు చేరింది. రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కీలకమైన ఇన్నింగ్స్‌ ఆడగా.. భీకర ఫామ్‌లో ఉన్న సునీల్‌ నరైన్‌ 6 పరుగులు మాత్రమే చేసి ఔటయ్యాడు. ఎస్‌ఆర్‌హెచ్‌ బౌలర్లలో కమిన్స్‌, షాబాజ్‌ అహ్మద్‌లకు తలో వికెట్‌ దక్కింది.

ఐపీఎల్-2024 టైటిల్‌ను కోల్‌కతా నైట్ రైడర్స్ జట్టు చేజిక్కించుకుంది. 10 ఏళ్ల తర్వాత ట్రోఫీని గెల్చుకోడంతో కేకేఆర్‌ కో-ఫౌండర్‌ షారుఖ్ ఖాన్ భావోద్వేగానికి లోనయ్యాడు. ఈ సందర్భంగా మైదానంలో ఒక ఆసక్తికర సన్నివేశం చోటు చేసుకుంది. దీనికి సంబంధించిన విజువల్స్‌నెట్టింట​ తెగ సందడి చేస్తున్నాయి.An emotional moment between #ShahRukhKhan and #SuhanaKhan after marvelous victory of #KKRpic.twitter.com/yO6nBBgvo1— Suhana Khan (@SuhanaKhanClub) May 26, 2024ఫైనల్‌ మ్యాచ్‌ను ప్రత్యక్షంగా వీక్షించిన షారుఖ్‌ ప్యామిలీ, పదేళ్ల సుదీర్ఘ విరామం తర్వాత టైటిల్‌ను అందుకున్న ఆనంద క్షణాల్లో మునిగి తేలాయి. ఈ సందర్భంగా షారుఖ్‌ ముద్దుల తనయ సుహానా ఖాన్‌ పరుగున వచ్చి ‘‘మీరు సంతోషంగా ఉన్నారా’’అడిగింది. దీంతో సూపర్ స్టార్ ఆమెను గట్టిగా కౌగిలించుకున్నాడు. ఈ తండ్రీ- కూతుళ్ల ఆనంద క్షణాలు అటు ఫ్యాన్స్‌ను, ఇటు నెటిజనులు సంతోషంలో ముంచేశాయి.Suhana asking Shah “Are you happy” and the way AbRam and Aryan came to hug their papa @iamsrk … I can’t help my tears 😭💜pic.twitter.com/VjCxU5Nwsz— Samina ✨ (@SRKsSamina_) May 26, 2024ఆ తరువాత కాసేపటికే షారుఖ్ చిన్న కుమారుడు అబ్రామ్, తండ్రీ-కూతురు ద్వయం పరస్వరం గట్టిగా కౌగిలించుకుని భావోద్వేగానికి లోనయ్యారు. ఇంతలోనే పెద్ద కుమారుడు ఆర్యన్, హగ్గింగ్ ఫెస్ట్‌లో చేరి పోవడం విశేషం. అంతేకాదు చివరి పరుగుతో వెంకేటేష్ అయ్యర్ విజయాన్ని అందించడంతో బాలీవుడ్‌ రొమాన్స్ కింగ్ తన భార్య గౌరీ నుదిటిపై ముద్దు పెట్టుకుని తన ఆనందాన్ని వ్యక్తం చేశాడు. దీంతో ,ఇద్దరూ ఆనంద క్షణాల్లో మునిగి తేలిన దృశ్యాలు వైరల్‌ అయ్యాయి. కాగా ఆదివారం రాత్రి జరిగిన ఫైనల్స్‌లో సన్‌రైజర్స్ హైదరాబాద్ జట్టు కేకేఆర్‌ చేతిలో ఘోర పరాజయం పాలైంది. తొలుత బ్యాటింగ్ చేసిన సన్‌రైజర్స్ జట్టు కేవలం 113 పరుగులకే ఆలౌట్ అయ్యింది. కోల్‌కతా ఈ టార్గెట్‌ను కేవలం 10.3 ఓవర్లలోనే ముగించి ఐపీఎల్ ట్రోఫీని గెలుచుకుంది. వెంకటేష్ అయ్యర్ విన్నింగ్ షాట్‌తో 2012, 2014 తర్వాత ముచ్చటగా మూడోసారి ట్రోఫీని ముద్దాడింది. దీంతో ముంబై ఇండియన్స్, చెన్నై సూపర్ కింగ్స్ తర్వాత అత్యధిక సార్లు ట్రోఫీని గెలిచిన జట్టుగా కోల్‌కతా నిలిచింది. దీంతో షారుఖ్ ఖాన్‌ ఎమోషనల్ అయ్యాడు.

కేకేఆర్‌ ఆల్‌రౌండర్‌ సునీల్‌ నరైన్‌ ఎవరికీ సాధ్యంకాని అత్యంత అరుదైన ఘనతను సాధించాడు. 17 ఏళ్ల ఐపీఎల్‌ చరిత్రలో మూడు సార్లు అత్యంత విలువైన ఆటగాడి అవార్డు (MVP) అందుకున్న ఏకైక ఆటగాడిగా రికార్డుల్లోకెక్కాడు. 2012.. తన డెబ్యూ సీజన్‌లో తొలిసారి ఈ అవార్డు అందుకున్న నరైన్‌.. 2018 సీజన్‌లో.. తాజాగా 2024 సీజన్‌లో అత్యంత విలువైన ఆటగాడి అవార్డును సొంతం చేసుకున్నాడు. ఈ సీజన్‌లో 14 మ్యాచ్‌ల్లో 488 పరుగులు చేసి 17 వికెట్లు పడగొట్టిన నరైన్‌.. 2018 సీజన్‌లో 357 పరుగులు, 17 వికెట్లు.. 2012 సీజన్‌లో 24 వికెట్లు పడగొట్టాడు.ఈ సీజన్‌లో మెంటార్‌ గంభీర్‌ చొరవతో ఓపెనర్‌గా ప్రమోషన్‌ పొందిన నరైన్‌.. సుడిగాలి ఇన్నింగ్స్‌లతో విరుచుకుపడ్డాడు. ఈ సీజన్‌లో నరైన్‌ బ్యాట్‌ నుంచి సెంచరీ, 3 అర్దసెంచరీలు జాలువారాయి. సీజన్‌ అత్యధిక పరుగులు చేసిన ఆటగాళ్ల జాబితాలో నరైన్‌ తొమ్మిదో స్థానంలో నిలిచాడు. ఈ సీజన్‌లో నరైన్‌ బౌలింగ్‌లోనూ సత్తా చాటాడు. 14 మ్యాచ్‌ల్లో 17 వికెట్లు తీసి సీజన్‌లో అత్యధిక వికెట్లు తీసిన బౌలర్ల జాబితాలో 11వ స్థానంలో నిలిచాడు.ఇదిలా ఉంటే, కేకేఆర్‌ ఐపీఎల్‌లో తమ మూడో టైటిల్‌ను సొంతం చేసుకుంది. నిన్న (మే 26) జరిగిన 2024 సీజన్‌ ఫైనల్లో ఈ జట్టు సన్‌రైజర్స్‌ హైదరాబాద్‌ను 8 వికెట్ల తేడాతో చిత్తు చేసి పదేళ్ల తర్వాత మరోసారి ఛాంపియన్‌గా అవతరించింది.టాస్‌ గెలిచి తొలుత బ్యాటింగ్‌ ఎంచుకున్న సన్‌రైజర్స్‌.. ప్లేయర్‌ ఆఫ్‌ ద మ్యాచ్‌ మిచెల్‌ స్టార్క్‌ (3-0-14-2, 2 క్యాచ్‌లు) ధాటికి 18.3 ఓవర్లలో కేవలం 113 పరుగులకే కుప్పకూలింది. సన్‌రైజర్స్‌ ఇన్నింగ్స్‌లో కమిన్స్‌ (24) టాప్‌ స్కోరర్‌గా నిలువగా.. మెరుపు వీరులు అభిషేక్‌ శర్మ (2), ట్రివిస్‌ హెడ్‌ (0) దారుణంగా విఫలమయ్యారు. కమిన్స్‌ కాకుండా మార్క్రమ్‌ (20), నితీశ్‌ రెడ్డి (13), క్లాసెన్‌ (16) మాత్రమే రెండంకెల స్కోర్లు చేశారు. కేకేఆర్‌ బౌలర్లలో స్టార్క్‌తో పాటు రసెల్‌ (2.3-0-19-3), హర్షిత్‌ రాణా (4-1-24-2), సునీల్‌ నరైన్‌ (4-0-16-1), వరుణ్‌ చక్రవర్తి (2-0-9-1) ఇరగదీశారు. వైభవ్‌ అరోరా ఓ వికెట్‌ పడగొట్టాడు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన కేకేఆర్‌.. వెంకటేశ్‌ అయ్యర్‌ అజేయమైన మెరుపు అర్దశతకంతో (26 బంతుల్లో 52; 4 ఫోర్లు, 3 సిక్సర్లు) విరుచుకుపడటంతో కేవలం 10.3 ఓవర్లలోనే విజయతీరాలకు చేరింది. రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కీలకమైన ఇన్నింగ్స్‌ ఆడగా.. భీకర ఫామ్‌లో ఉన్న సునీల్‌ నరైన్‌ 6 పరుగులు మాత్రమే చేసి ఔటయ్యాడు. వెంకటేశ్‌ అయ్యర్‌తో పాటు కెప్టెన్‌ శ్రేయస్‌ అయ్యర్‌ (6) అజేయంగా నిలిచి కేకేఆర్‌కు చిరస్మరణీయ విజయాన్ని అందించాడు. ఎస్‌ఆర్‌హెచ్‌ బౌలర్లలో కమిన్స్‌, షాబాజ్‌ అహ్మద్‌లకు తలో వికెట్‌ దక్కింది.

ఐపీఎల్‌ 2024 సీజన్‌లో కోల్‌కతా నైట్‌రైడర్స్‌ విజేతగా ఆవిర్భవించింది. నిన్న (మే 26) జరిగిన ఫైనల్లో ఈ జట్టు సన్‌రైజర్స్‌ హైదరాబాద్‌ను 8 వికెట్ల తేడాతో చిత్తు చేసి మూడోసారి టైటిల్‌ను ఎగరేసుకుపోయింది. ఈ సీజన్‌లో ఆధ్యాంతం అద్భుత విజయాలు సాధించిన కేకేఆర్‌ ఫైనల్‌ మ్యాచ్‌లోనూ అన్ని రంగాల్లో సత్తా చాటి పదేళ్ల తర్వాత మరోసారి ఐపీఎల్‌ కిరీటాన్ని సొంతం చేసుకుంది.Shreyas Iyer handed the Trophy to Rinku Singh for celebration.- The Leader. 👌 pic.twitter.com/V8Pb55ZPQX— Johns. (@CricCrazyJohns) May 26, 2024ఆటగాళ్లతో సమానమైపాత్ర..ఈ సీజన్‌లో కేకేఆర్‌ విజయాల్లో ఆటగాళ్ల పాత్ర ఎంత ఉందో జట్టు మెంటార్‌ గౌతమ్‌ గంభీర్‌ పాత్ర కూడా అంతే ఉంది. ఈ సీజన్‌తోనే కేకేఆర్‌ మెంటార్‌గా బాధ్యతలు చేపట్టిన గంభీర్‌.. ఆ జట్టు సాధించిన ప్రతి విజయంలోనూ తనదైన ముద్ర వేశాడు.Third most successful IPL franchise in league history - KKR. pic.twitter.com/bYnKkbujXi— Johns. (@CricCrazyJohns) May 26, 2024పేరుకు తగ్గట్టుగానే గంభీరంగా..ఆన్‌ ఫీల్డ్‌ అయినా.. ఆఫ్‌ ద ఫీల్డ్‌ అయినా గంభీరంగా కనిపించే గంభీర్‌ పేరుకు తగ్గట్టుగానే కేకేఆర్‌ విజయాల్లో గంభీరమైన పాత్ర పోషించాడు. గంభీర్‌ తనకు మాత్రమే సాధ్యమైన సాహసోపేతమైన నిర్ణయాలతో కేకేఆర్‌ను గెలుపుబాట పట్టించాడు. గంభీర్‌ ఆధ్వర్యంలో కేకేఆర్‌ ఈ సీజన్‌లో కేవలం మూడు మ్యాచ్‌ల్లో మాత్రమే ఓడింది. Gautam Gambhir with IPL Trophy. ❤️ pic.twitter.com/LI2HLwEpiH— Johns. (@CricCrazyJohns) May 26, 2024నరైన్‌ సక్సెస్‌ వెనుక కూడా గంభీరుడే..సునీల్‌ నరైన్‌కు ఓపెనర్‌గా ప్రమోషన్‌ ఇచ్చి సత్ఫలితాలు రాబట్టిన ఘనత గంభీర్‌దే. అలాగే ఫైనల్స్‌ హీరో మిచెల్‌ స్టార్క్‌ను దక్కించుకోవడంలోనూ గంభీరే ప్రధానపాత్ర పోషించాడని అంతా అంటారు. యువ పేసర్లు హర్షిత్‌ రాణా, వైభవ్‌ అరోరాలను ప్రోత్సాహించడంలోనూ.. వెటరన్‌ ఆండ్రీ రసెల్‌ను వెనకేసుకురావడంలోనూ గంభీర్‌దే ప్రధానమైన పాత్ర. SUNIL NARINE - The MVP of IPL 2024. Greatest of KKR...!!!!! pic.twitter.com/1IBdxl1qRk— Johns. (@CricCrazyJohns) May 26, 2024శ్రేయస్‌ను వెన్నుతట్టి.. వెంకటేశ్‌పై విశ్వాసముంచి..శ్రేయస్‌ అయ్యర్‌, వెంకటేశ్‌ అయ్యర్‌లపై విశ్వాసముంచి వారి నుంచి సత్ఫలితాలు రాబట్టిన ఘనత కూడా గంభీర్‌కే దక్కుతుంది. రింకూ సింగ్‌, రమన్‌దీప్‌ సింగ్‌, వరుణ్‌ చక్రవర్తి లాంటి లోకల్‌ టాలెంట్‌లకు కూడా గంభీర్‌ అండగా నిలిచాడు. ఇలా ఏరకంగా చూసుకున్నా కేకేఆర్‌కు పూర్వవైభవం దక్కడంలో గంభీర్‌ పాత్ర ప్రధానమైందనడంలో ఎలాంటి సందేహాం లేదు.KKR players taking Gautam Gambhir in their shoulders. 👌 pic.twitter.com/XspysKKbiM— Johns. (@CricCrazyJohns) May 26, 2024సొంత అభిమానులచే ఛీత్కారాలు ఎదుర్కొన్న స్థాయి నుంచి..గడిచిన ఆరు సీజన్లలో పేలవ ప్రదర్శనతో సొంత అభిమానల నుంచి ఛీత్కారాలు ఎదుర్కొన్న కేకేఆర్‌.. గంభీర్‌ రాకతో ఒక్కసారిగా నూతనోత్సాహాన్ని అందుకుని టైటిల్‌ ఎగరేసుకుపోయింది.షారుఖ్‌ పట్టుబట్టి మరీ..కేకేఆర్‌ సహ యజమాని షారుఖ్‌ ఖాన్‌ ఈ సీజన్‌ కోసం గంభీర్‌ను పట్టుబట్టి మరీ ఒప్పించి లక్నో సూపర్‌ జెయింట్స్‌ నుంచి పిలిపించుకున్నాడు. మెంటార్‌గా గంభీర్‌కు కేకేఆర్‌ కొత్తేమో కానీ ఆటగాడిగా, కెప్టెన్‌గా గంభీర్‌ కేకేఆర్‌ అభిమానులకు సుపరిచితుడు. ఈ సీజన్‌లో మెంటార్‌గా కేకేఆర్‌ను ఛాంపియన్‌గా నిలిపిన గంభీర్‌.. 2012, 2014 సీజన్లలో కెప్టెన్‌గా కేకేఆర్‌కు టైటిల్స్‌ అందించాడు. Gautam Gambhir & King of Indian Cinema Shah Rukh Khan with IPL Trophy 💜- The Frame for KKR legacy. pic.twitter.com/pfrFw9prKe— Johns. (@CricCrazyJohns) May 27, 2024కేకేఆర్‌ కెప్టెన్‌గా గంభీర్‌ ప్రస్తానం దీనితోనే ఆగిపోలేదు. గంభీర్‌ నేతృత్వంలో కేకేఆర్‌ 2016, 2017 సీజన్లలోనే ప్లే ఆఫ్స్‌కు అర్హత సాధించింది. దీనికి ముందు 2011 సీజన్‌లోనూ గంభీర్‌ సారథ్యంలో కేకేఆర్‌ ప్లే ఆఫ్స్‌కు చేరింది. కేకేఆర్‌ కెప్టెన్‌గా ఏడు సీజన్ల పాటు కొనసాగిన గంభీర్‌ ఈ జట్టును రెండుసార్లు ఛాంపియన్‌గా.. మూడు సీజన్లలో ప్లే ఆఫ్స్‌కు.. రెండు సీజన్లలో (2013, 2015) లీగ్‌ దశ వరకు విజయవంతంగా నడిపించాడు. తాజాగా మెంటార్‌గా బాధ్యతలు చేపట్టి తన ఆధ్వర్యంలో మూడోసారి కేకేఆర్‌ను ఛాంపియన్‌గా నిలిపాడు. Shah Rukh Khan kissing Gautam Gambhir 💜- SRK brings back Gambhir again and he has written a great comeback story. pic.twitter.com/gcAjm1S2Bh— Johns. (@CricCrazyJohns) May 26, 2024షారుఖ్‌ విశ్వాసాన్ని నిలుపుకున్నాడు..కేకేఆర్‌ బాస్‌ షారుఖ్‌కు తనపై అపార విశ్వాసమున్నట్లు గంభీరే స్వయంగా పలు సందర్భాల్లో చెప్పాడు. ఈ నమ్మకాన్ని నిలుపుకుంటూ గంభీర్‌ పదేళ్ల తర్వాత తిరిగొచ్చి కేకేఆర్‌కు టైటిల్‌ను అందించాడు. తాజాగా కేకేఆర్‌ టైటిల్‌ గెలిచిన అనంతరం షారుఖ్‌ ఖాన్‌ గంభీర్‌ నుదిటిపై ముద్దు పెట్టుకుంటూ భావోద్వేగానికి లోనయ్యాడు. దీనికి సంబంధించిన చిత్రాలు నెట్టింట హల్‌చల్‌ చేస్తున్నాయి.

కోల్‌కత్తా: ఐపీఎల్‌-17(2024)లో విజేతగా నిలిచిన కోల్‌కత్తా నైట్‌రైడర్‌ జట్టును పశ్చిమ బెంగాల్‌ ముఖ్యమంత్రి మమతా బెనర్జీ అభినందించారు. ఈ ఐపీఎల్‌ సీజన్‌లో రికార్డులు బద్దలు కొట్టినందుకు ప్లేయర్స్‌కు వ్యక్తిగతంగా అభినందనలు తెలిపారు.కాగా, మమతా బెనర్జీ ట్విట్టర్‌ వేదికగా..‘కోల్‌కతా నైట్ రైడర్స్ విజయంతో బెంగాల్ అంతటా సంబరాలు మిన్నంటాయి. ఈ ఐపీఎల్‌ సీజన్‌లో రికార్డు బద్దలు కొట్టినందుకు ఆటగాళ్లు, సహాయక సిబ్బంది, ఫ్రాంచైజీని వ్యక్తిగతంగా అభినందించాలనుకుంటున్నాను. రాబోయే సంవత్సరాల్లో మరిన్ని అద్భుత విజయాలు సాధించాలని కోరుకుంటున్నాను’ అంటూ కామెంట్స్‌ చేశారు. Kolkata Knight Riders' win has brought about an air of celebration all across Bengal.I would like to personally congratulate the players, the support staff and the franchise for their record breaking performance in this season of the IPL.Wishing for more such enchanting…— Mamata Banerjee (@MamataOfficial) May 26, 2024 ఇక, ఐపీఎల్‌-17 సీజన్‌లో కేకేఆర్‌ అద్భుత ఆటతీరును కనబరిచింది. సీజన్‌ ప్రారంభం నాటి నుంచి దూకుడుగా ఆడుతూ టేబుట్‌ టాపర్‌గా నిలిచింది. చివరగా ఫైనల్‌గా సన్‌రైజర్స్‌ హైదరాబాద్‌ను తక్కువ స్కోరుకే కట్టడి చేసి 114 లక్ష్యాన్ని కేవలం పదో ఓవర్‌లోనే పూర్తి చేసింది. కాగా, ఈ సీజన్‌లో ప్లేయర్‌ ఆఫ్‌ ది టోర్నమెంట్‌గా కేకేఆర్‌ ఆల్‌రౌండర్‌ సునీల్‌ నరైన్‌ నిలిచాడు. ICYMI! That special run to glory 💫💜Recap the #Final on @StarSportsIndia and @JioCinema 💻📱#TATAIPL | #KKRvSRH | #TheFinalCall pic.twitter.com/qUDfUFHpka— IndianPremierLeague (@IPL) May 26, 2024 📽️ 𝗥𝗔𝗪 𝗥𝗘𝗔𝗖𝗧𝗜𝗢𝗡𝗦Moments of pure joy, happiness, jubilation, and happy tears 🥹 What it feels to win the #TATAIPL Final 💜Scorecard ▶️ https://t.co/lCK6AJCdH9#KKRvSRH | #Final | #TheFinalCall | @KKRiders pic.twitter.com/987TCaksZz— IndianPremierLeague (@IPL) May 26, 2024

ఐపీఎల్‌ 2024 సీజన్‌లో కోల్‌కతా నైట్‌రైడర్స్‌ విజేతగా ఆవిర్భవించింది. నిన్న (మే 26) జరిగిన ఫైనల్లో ఈ జట్టు సన్‌రైజర్స్‌ను 8 వికెట్ల తేడాతో చిత్తుగా ఓడించి మూడోసారి టైటిల్‌ను ఎగరేసుకుపోయింది.అంతిమ సమరంలో మిచెల్‌ స్టార్క్‌ అద్భుతంగా రాణించి కేకేఆర్‌ను పదేళ్ల తర్వాత మరోసారి ఛాంపియన్‌గా నిలబెట్టాడు. ఫైనల్లో స్టార్క్‌ 3 ఓవర్లలో కేవలం 14 పరుగులు మాత్రమే ఇచ్చి రెండు కీలకమైన వికెట్లు, రెండు క్యాచ్‌లు పట్టాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.ఐపీఎల్‌ చరిత్రలో నాకౌట్‌ మ్యాచ్‌ల్లో ఒకటి కంటే ఎక్కువ ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్న ఆటగాడిగా స్టార్క్‌ చరిత్ర సృష్టించాడు. స్టార్క్‌ సన్‌రైజర్స్‌తోనే జరిగిన తొలి క్వాలిఫయర్‌లోనూ ప్లేయర్‌ ఆఫ్‌ ద మ్యాచ్‌గా (4-0-34-3) నిలిచాడు.సీజన్‌ ఆరంభంలో దారుణంగా విఫలమైన స్టార్క్‌ అత్యంత కీలకమైన నాకౌట్‌ మ్యాచ్‌ల్లో అద్భుతంగా రాణించి కేకేఆర్‌కు పదేళ్ల తర్వాత మరోసారి టైటిల్‌ను అందించాడు. ఓవరాల్‌గా చూస్తే ఈ సీజన్‌లో స్టార్క్‌ సన్‌రైజర్స్‌ పాలిట విలన్‌గా దాపురించాడు.మరోసారి కలిసొచ్చిన 'M'ఇదిలా ఉంటే, ఐపీఎల్‌ ఫైనల్స్‌లో కేకేఆర్‌కు 'M' అక్షరం మరోసారి కలిసొచ్చింది. కేకేఆర్‌ ఐపీఎల్‌ టైటిల్స్‌ గెలిచిన మూడు సందర్భాల్లో ఈ అక్షరంతో పేరు మొదలయ్యే ఆటగాళ్లే ఆ జట్టు పాలిట గెలుపు గుర్రాలయ్యారు. MMM2012లో మన్విందర్‌ బిస్లా, 2014లో మనీశ్‌ పాండే, తాజాగా మిచెల్‌ స్టార్క్‌ ఫైనల్స్‌లో ప్లేయర్‌ ఆఫ్‌ ద మ్యాచ్‌లుగా నిలిచి కేకేఆర్‌కు టైటిల్స్‌ అందించారు. దీన్ని బట్టి చూస్తే ఐపీఎల్‌ ఫైనల్స్‌లో కేకేఆర్‌కు M అక్షరం సెంటిమెంట్‌ బాగా అచ్చొచ్చిందని స్పష్టమవుతుంది.మ్యాచ్‌ విషయానికొస్తే.. ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకున్న సన్‌రైజర్స్‌ మిచెల్‌ స్టార్క్‌ ధాటికి 18.3 ఓవర్లలో కేవలం 113 పరుగులకే కుప్పకూలింది. ఆ జట్టు ఇన్నింగ్స్‌లో కెప్టెన్‌ కమిన్స్‌ (24) టాప్‌ స్కోరర్‌గా నిలిచాడు. మెరుపు వీరులు, ఓపెనర్లు అభిషేక్‌ శర్మ (2), ట్రివిస్‌ హెడ్‌ (0) సింగిల్‌ డిజిట్‌ స్కోర్లకే వెనుదిరిగారు. కమిన్స్‌ కాకుండా మార్క్రమ్‌ (20), నితీశ్‌ రెడ్డి (13), క్లాసెన్‌ (16) మాత్రమే రెండంకెల స్కోర్లు చేశారు. కేకేఆర్‌ బౌలర్లలో స్టార్క్‌తో పాటు రసెల్‌ (2.3-0-19-3), హర్షిత్‌ రాణా (4-1-24-2), సునీల్‌ నరైన్‌ (4-0-16-1), వరుణ్‌ చక్రవర్తి (2-0-9-1) ఇరగదీశారు. వైభవ్‌ అరోరా ఓ వికెట్‌ పడగొట్టాడు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన కేకేఆర్‌.. వెంకటేశ్‌ అయ్యర్‌ అజేయమైన మెరుపు అర్దశతకంతో (26 బంతుల్లో 52; 4 ఫోర్లు, 3 సిక్సర్లు) విరుచుకుపడటంతో కేవలం 10.3 ఓవర్లలోనే విజయతీరాలకు చేరింది. రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కీలకమైన ఇన్నింగ్స్‌ ఆడగా.. భీకర ఫామ్‌లో ఉన్న సునీల్‌ నరైన్‌ 6 పరుగులు మాత్రమే చేసి ఔటయ్యాడు. వెంకటేశ్‌ అయ్యర్‌తో పాటు కెప్టెన్‌ శ్రేయస్‌ అయ్యర్‌ (6) అజేయంగా నిలిచి కేకేఆర్‌కు పదేళ్ల తర్వాత మరో టైటిల్‌ను అందించాడు. ఎస్‌ఆర్‌హెచ్‌ బౌలర్లలో కమిన్స్‌, షాబాజ్‌ అహ్మద్‌లకు తలో వికెట్‌ దక్కింది. సిరీస్‌ ఆధ్యాంతం బ్యాట్‌తో (14 మ్యాచ్‌ల్లో 488 పరుగులు), బంతితో (17 వికెట్లు) మాయ చేసిన సునీల్‌ నరైన్‌కు ప్లేయర్‌ ఆఫ్‌ ద సిరీస్‌ అవార్డు లభించింది.

చెన్నైలోని చెపాక్‌ స్టేడియం వేదికగా నిన్న (మే 26) జరిగిన ఐపీఎల్‌ 2024 సీజన్‌ ఫైనల్లో కోల్‌కతా నైట్‌రైడర్స్‌ విజేతగా ఆవిర్భవించింది. తుది సమరంలో కేకేఆర్‌.. సన్‌రైజర్స్‌ హైదరాబాద్‌ను 8 వికెట్ల తేడాతో చిత్తు చేసి మూడోసారి టైటిల్‌ను కైవసం చేసుకుంది. ఫైనల్లో సన్‌రైజర్స్‌ తమ ప్రధాన బలమైన బ్యాటింగ్‌లో దారుణంగా విఫలమై ఘోర పరాభవాన్ని మూటగట్టుకుంది. నమ్మకాన్ని వమ్ము చేయని స్టార్క్‌కేకేఆర్‌ పేసర్‌, ఐపీఎల్‌ చరిత్రలోనే అత్యంత ఖరీదైన ఆటగాడు మిచెల్‌ స్టార్క్‌ తనపై యాజమాన్యం పెట్టుకున్న నమ్మకాన్ని వమ్ము చేయకుండా తనకు లభించిన ధరకు న్యాయం​ చేశాడు. అంతిమ సమరంలో స్టార్క్‌ అద్భుతంగా బౌలింగ్‌ చేసి సన్‌రైజర్స్‌కు గుండెకోత మిగిల్చాడు. అతను 3 ఓవర్లలో కేవలం 14 పరుగులు మాత్రమే ఇచ్చి రెండు కీలకమైన వికెట్లు, రెండు క్యాచ్‌లు పట్టాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు. ఐపీఎల్‌ చరిత్రలో తొలి ఆటగాడుఐపీఎల్‌ చరిత్రలో నాకౌట్‌ మ్యాచ్‌ల్లో ఒకటి కంటే ఎక్కువ ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్న ఆటగాడిగా స్టార్క్‌ చరిత్ర సృష్టించాడు. స్టార్క్‌ సన్‌రైజర్స్‌తోనే జరిగిన తొలి క్వాలిఫయర్‌లోనూ ప్లేయర్‌ ఆఫ్‌ ద మ్యాచ్‌గా (4-0-34-3) నిలిచాడు. సీజన్‌ ఆరంభంలో దారుణంగా విఫలమైన స్టార్క్‌ అత్యంత కీలకమైన నాకౌట్‌ మ్యాచ్‌ల్లో అద్భుతంగా రాణించి కేకేఆర్‌కు పదేళ్ల తర్వాత మరోసారి టైటిల్‌ను అందించాడు. ఓవరాల్‌గా చూస్తే ఈ సీజన్‌లో స్టార్క్‌ సన్‌రైజర్స్‌ పాలిట విలన్‌లా దాపురించాడు.మ్యాచ్‌ విషయానికొస్తే.. టాస్‌ గెలిచి అత్యుత్సాహంగా తొలుత బ్యాటింగ్‌ ఎంచుకున్న సన్‌రైజర్స్‌ నిర్ణీత ఓవర్లైనా కూడా ఆడకుండానే (18.3 ఓవర్లు) 113 పరుగులకు చాపచుట్టేసింది. ఆ జట్టు ఇన్నింగ్స్‌లో కెప్టెన్‌ కమిన్స్‌ (24) టాప్‌ స్కోరర్‌గా నిలిచాడు. మెరుపు వీరులు, ఓపెనర్లు అభిషేక్‌ శర్మ (2), ట్రివిస్‌ హెడ్‌ (0) దారుణంగా నిరాశపరిచారు. కమిన్స్‌ కాకుండా మార్క్రమ్‌ (20), నితీశ్‌ రెడ్డి (13), క్లాసెన్‌ (16) మాత్రమే రెండంకెల స్కోర్లు చేశారు. కేకేఆర్‌ బౌలర్లలో స్టార్క్‌తో పాటు రసెల్‌ (2.3-0-19-3), హర్షిత్‌ రాణా (4-1-24-2), సునీల్‌ నరైన్‌ (4-0-16-1), వరుణ్‌ చక్రవర్తి (2-0-9-1) ఇరగదీశారు. వైభవ్‌ అరోరా ఓ వికెట్‌ పడగొట్టాడు.The winning by Celebration by Kolkata Knight Riders after winning the third IPL title. 🏆 pic.twitter.com/OgQBi87Kzt— Johns. (@CricCrazyJohns) May 26, 2024ఆడుతూ పాడుతూ..అనంతరం స్వల్ప లక్ష్యాన్ని ఛేదించేందుకు బరిలోకి దిగిన కేకేఆర్‌.. వెంకటేశ్‌ అయ్యర్‌ అజేయమైన మెరుపు అర్దశతకంతో (26 బంతుల్లో 52; 4 ఫోర్లు, 3 సిక్సర్లు) విరుచుకుపడటంతో కేవలం 10.3 ఓవర్లలోనే ఆడుతూ పాడుతూ విజయతీరాలకు చేరింది. రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కీలకమైన ఇన్నింగ్స్‌ ఆడగా.. భీకర ఫామ్‌లో ఉన్న సునీల్‌ నరైన్‌ 6 పరుగులు మాత్రమే చేసి ఔటయ్యాడు. వెంకటేశ్‌ అయ్యర్‌తో పాటు కెప్టెన్‌ శ్రేయస్‌ అయ్యర్‌ (6) అజేయంగా నిలిచి కేకేఆర్‌కు పదేళ్ల తర్వాత మరో టైటిల్‌ను అందించాడు. ఎస్‌ఆర్‌హెచ్‌ బౌలర్లలో కమిన్స్‌, షాబాజ్‌ అహ్మద్‌లకు తలో వికెట్‌ దక్కింది. గత సీజన్‌లో టేబుల్‌ చివర్లో ఉండిన సన్‌రైజర్స్‌ ఈ సీజన్‌లో రన్నరప్‌గా నిలవడం ఆ జట్టు అభిమానులకు ఊరట కలిగించే అంశం. సిరీస్‌ ఆధ్యాంతం బ్యాట్‌తో (14 మ్యాచ్‌ల్లో 488 పరుగులు) ఇరగదీసి, బంతితో (17 వికెట్లు) మాయ చేసిన సునీల్‌ నరైన్‌కు ప్లేయర్‌ ఆఫ్‌ ద సిరీస్‌ అవార్డు లభించింది.

ఐపీఎల్‌ 2024 సీజన్‌ ఫైనల్‌ ఇవాళ (మే 26) రాత్రి 7:30 గంటలకు ప్రారంభంకానున్న విషయం తెలిసిందే. చెన్నైలోని చెపాక్‌ స్టేడియం వేదికగా కేకేఆర్‌.. సన్‌రైజర్స్‌ అమీతుమీ తేల్చుకోనున్నాయి. ఈ ఫైనల్‌ మ్యాచ్‌ నేపథ్యంలో పలు ఆసక్తికర అంశాలు తెరపైకి వస్తున్నాయి. అందులో తొలి సీజన్‌లోనే టైటిల్‌ కైవసం​ చేసుకున్న కెప్టెన్ల విషయం అందరి దృష్టిని ఆకర్శిస్తుంది. కేవలం ముగ్గురు మాత్రమే..16 ఏళ్ల ఐపీఎల్‌ చరిత్రలో ఇప్పటివరకే కేవలం ముగ్గురు కెప్టెన్లు మాత్రమే తొలి సీజన్‌లోనే టైటిల్‌ గెలిచారు. తొట్ట తొలి సీజన్‌లో (2008) షేన్‌ వార్న్‌ (రాజస్థాన్‌ రాయల్స్‌), 2013 సీజన్‌లో రోహిత్‌ శర్మ (ముంబై ఇండియన్స్‌), 2022 సీజన్‌లో హార్దిక్‌ పాండ్యా (గుజరాత్‌ టైటాన్స్‌) ఐపీఎల్‌ టైటిల్‌ గెలిచారు. ప్రస్తుత సీజన్‌ ఫైనల్లో తలపడుతున్న పాట్‌ కమిన్స్‌ కూడా కెప్టెన్‌ ఇదే తొలి సీజన్‌ కావడంతో అతనిపై భారీ అంచనాలు నెలకొన్నాయి. కెప్టెన్‌గా పాట్‌ ట్రాక్‌ రికార్డు చూస్తే వార్న్‌, రోహిత్‌, హార్దిక్‌ సరసన చేరడం ఖాయంగా కనిపిస్తుంది. మరి నేటి ఫైనల్లో కమిన్స్‌ ఏం చేస్తాడో వేచి చూడాలి. కేవలం బ్యాటింగ్‌ను నమ్ముకున్న సన్‌రైజర్స్‌.. అన్ని విభాగాల్లో సత్తా చాటుతున్న కేకేఆర్‌ను ఏమేరకు నిలువరిస్తుందో మరికొద్ది గంటల్లో తేలిపోనుంది. అలా చూస్తే కేకేఆర్‌దే టైటిల్‌..గత ఆరు సీజన్లలో క్వాలిఫయర్‌-1లో గెలిచిన జట్టే టైటిల్‌ గెలుస్తుంది. ఈ సెంటిమెంట్‌నే కేకేఆర్‌ కొనసాగిస్తుందో లేక సన్‌రైజర్స్‌ సెంటిమెంట్‌ను బ్రేక్‌ చేస్తుందో చూడాలి. ఈ ఏడాది సన్‌రైజర్స్‌ మరో టైటిల్‌ గెలుస్తుందా..?మరోవైపు సన్‌రైజర్స్‌కు ఈ ఏడాది బాగా కలిసొచ్చినట్లు కనిపిస్తుంది. ఈ ఫ్రాంచైజీ ఈ ఏడాది సౌతాఫ్రికా టీ20 లీగ్‌ గెలిచి అదే జోరును ఐపీఎల్‌లోనూ కొనసాగిస్తుంది. ఫైనల్లో హాట్‌ ఫేవరెట్‌ కేకేఆరే అయినప్పటికీ.. కమిన్స్‌ కెప్టెన్సీ సామర్థ్యం, బ్యాటర్ల విధ్వంసంపై ఆరెంజ్‌ ఆర్మీ అభిమానులు గంపెడాశలు పెట్టుకున్నారు. ఎస్‌ఆర్‌హెచ్‌ అభిమానులు అంచనాలు నిజమైతే ఐపీఎల్‌ టైటిల్‌ గెలిచిన నాలుగో ఆసీస్‌ ఆటగాడిగా కమిన్స్‌ రికార్డు బుక్కుల్లోకెక్కుతాడు. కేకేఆర్‌కు చెపాక్‌ స్పెషల్‌..మరోవైపు చెపాక్‌ మైదానంతో కేకేఆర్‌కు ప్రత్యేక అనుబంధం ఉంది. 12 ఏళ్ల క్రితం కేకేఆర్‌ ఇక్కడే తమ తొలి ఐపీఎల్‌ టైటిల్‌ నెగ్గింది. కేకేఆర్‌ చెపాక్‌ సెంటిమెంట్‌ కూడా తమకు వర్కౌట్‌ అవుతుందని అశిస్తుంది. ఈ సీజన్‌లో సన్‌రైజర్స్‌తో ఆడిన రెండు మ్యాచ్‌ల్లోనూ విజయం తమనే వరించడంపై కూడా కేకేఆర్‌ ధీమాగా ఉంది. ఫైనల్లో మరోసారి ఎస్‌ఆర్‌హెచ్‌ను మట్టికరిపించి ఈ సీజన్‌లో హ్యాట్రిక్‌ విక్టరీ నమోదు చేస్తామని కేకేఆర్‌ ధీమాగా ఉంది.

ఐపీఎల్‌ 2024 సీజన్‌ చివరి అంకానికి చేరుకుంది. కేకేఆర్‌, సన్‌రైజర్స్‌ మధ్య నేడు (మే 26) జరుగబోయే ఫైనల్‌తో ఐపీఎల్‌ 17వ సీజన్‌ విజేత ఎవరో తేలిపోనుంది. ఈ సీజన్‌ గత సీజన్లకు భిన్నంగా సాగింది. బ్యాటింగ్‌కు సంబంధించి ఆల్‌టైమ్‌ రికార్డులు బద్దలుకావడంతో పాటు పలు సంచలన బౌలింగ్‌ ప్రదర్శనలు నమోదయ్యాయి. చెరి ఐదసార్లు ఛాంపియన్లైన ముంబై, సీఎస్‌కే ఈ సీజన్‌లో ప్లే ఆఫ్స్‌కు కూడా చేరకుండానే నిష్క్రమించాయి. దిగ్గజ కెప్టెన్లు రోహిత్‌, ధోని లేకుండా జరుగుతున్న ఐదో ఐపీఎల్‌ ఫైనల్‌ ఇది.ఐపీఎల్‌ 2024 ఫైనల్‌ నేపథ్యంలో ఇప్పటివరకు జరిగిన 16 సీజన్లలో విజేతలు, రన్నరప్‌లపై ఓ లుక్కేద్దాం. ఇప్పటివరకు జరిగిన 16 ఫైనల్స్‌లో సీఎస్‌కే (2010, 2011, 2018, 2021, 2023), ముంబై (2013, 2015, 2017, 2019, 2020) చెరి ఐదుసార్లు టైటిల్‌ కైవసం చేసుకోగా.. కేకేఆర్‌ రెండు (2012, 2014), సన్‌రైజర్స్‌ (2016), రాజస్థాన్‌ రాయల్స్‌ (2008), గుజరాత్‌ టైటాన్స్‌ (2022), డెక్కన్‌ ఛార్జర్స్‌ (2009) తలో సారి టైటిల్‌ నెగ్గాయి. అత్యధికసార్లు రన్నరప్‌గా నిలిచిన ఘనత సీఎస్‌కేకు దక్కింది. సీఎస్‌కే ఐదుసార్లు (2008, 2012, 2013, 2015, 2019) ఫైనల్లో ఓటమిపాలైంది.ఆతర్వాత ఆర్సీబీ మూడు సార్లు (2009, 2011, 2016).. ముంబై ఇండియన్స్‌ (2010), కేకేఆర్‌ (2021), సన్‌రైజర్స్‌ (2018), రాజస్థాన్‌ రాయల్స్‌ (2022), గుజరాత్‌ టైటాన్స్‌ (2023), పంజాబ్‌ కింగ్స్‌ (2014), ఢిల్లీ క్యాపిటల్స్‌ (2020), రైజింగ్‌ పూణే సూపర్‌ జెయింట్స్‌ (2017) తలో సారి రన్నరప్‌గా నిలిచాయి.సీజన్ల వారీగా విజేతలు, రన్నరప్స్‌..2008- రాజస్థాన్‌ రాయల్స్‌ (విజేత), సీఎస్‌కే (రన్నరప్‌)2009- డెక్కన్‌ ఛార్జర్స్‌‌ (విజేత), ఆర్సీబీ (రన్నరప్‌)2010- సీఎస్‌కే‌ (విజేత), ముంబై ఇండియన్స్‌ (రన్నరప్‌)2011- సీఎస్‌కే‌ (విజేత), ఆర్సీబీ‌ (రన్నరప్‌)2012- కేకేఆర్‌‌ (విజేత), సీఎస్‌కే (రన్నరప్‌)2013- ముంబై‌ (విజేత), సీఎస్‌కే‌ (రన్నరప్‌)2014- కేకేఆర్‌‌ (విజేత), పంజాబ్‌‌ (రన్నరప్‌)2015- ముంబై (విజేత), సీఎస్‌కే (రన్నరప్‌)2016- సన్‌రైజర్స్‌ (విజేత), ఆర్సీబీ (రన్నరప్‌)2017- ముంబై‌ (విజేత), పూణే (రన్నరప్‌)2018- సీఎస్‌కే‌ (విజేత), సన్‌రైజర్స్‌‌ (రన్నరప్‌)2019- ముంబై‌ (విజేత), సీఎస్‌కే (రన్నరప్‌)2020- ముంబై‌ (విజేత), ఢిల్లీ (రన్నరప్‌)2021- సీఎస్‌కే‌ (విజేత), కేకేఆర్‌‌ (రన్నరప్‌)2022- గుజరాత్‌‌ (విజేత), రాజస్థాన్‌‌ (రన్నరప్‌)2023- సీఎస్‌కే‌ (విజేత), గుజరాత్‌‌ (రన్నరప్‌)

ఐపీఎల్‌– 2024లో తుది సమరానికి రంగం సిద్ధమైంది. 65 రోజులు, 73 మ్యాచ్‌ల తర్వాత ఐపీఎల్‌–17 విజేతను తేల్చే మ్యాచ్‌కు ఆదివారం చెన్నై వేదికవుతోంది. హైదరాబాద్‌ క్రికెట్‌ ఫ్యాన్స్‌కు ఆనందాన్ని పంచుతూ ఫైనల్‌ చేరిన సన్‌రైజర్స్‌ టీమ్‌ ఆఖరి పంచ్‌ ఇవ్వాలని పట్టుదలగా ఉంది. తొలి క్వాలిఫయర్‌లో తమను దెబ్బ తీసిన కోల్‌కతా నైట్‌రైడర్స్‌ ఇప్పుడు మళ్లీ ప్రత్యర్థి రూపంలో ఎదురుగా ఉంది. గత మ్యాచ్‌కు ప్రతీకారం తీర్చుకుంటూ రైజర్స్‌ చెలరేగితే రెండోసారి లీగ్‌ చాంపియన్‌గా సగర్వంగా నిలవవచ్చు. 2016లో ఆఖరిసారిగా టైటిల్‌ సాధించిన హైదరాబాద్‌ 2018లో ఫైనల్‌ చేరి తుది మెట్టుపై తడబడింది. 2012, 2014లలో ఐపీఎల్‌ గెలుచుకున్న కోల్‌కతా ఇప్పుడు మూడోసారి ట్రోఫీపై గురి పెట్టింది. మ్యాచ్‌ చెన్నైలో జరుగుతుండడంతో మన నగర అభిమానుల మనసంతా అక్కడే ఉందనేది వాస్తవం. హైదరాబాద్‌ గెలిస్తే సారథిగా మన నగరానికి టైటిల్‌ అందించిన మూడో ఆస్ట్రేలియన్‌గా కమిన్స్‌ నిలుస్తాడు. సాక్షి, హైదరాబాద్: ఐపీఎల్‌ ఫైనల్‌ ఆదివారం చెన్నైలో జరుగుతున్నప్పటికీ మన నగరంలోనే జరుగుతున్నంత కోలాహలం నెలకొంది. దీని కోసం నగరంలోని రెస్టారెంట్లు లైవ్‌ స్క్రీనింగ్‌ ప్రత్యేక వంటకాల ద్వారా ఈ మెగా ఈవెంట్‌కు సిద్ధమవుతున్నాయి. పలు పబ్స్, లాంజ్‌లు.. క్రికెట్‌ థీమ్‌ అలంకరణతో ఆకట్టుకుంటున్నాయి. మన సొంత జట్టు ఫైనల్‌కు చేరడంతో మరింత ఆసక్తికరంగా మారిన ఈ మ్యాచ్‌ నగరవాసులను ఉర్రూతలూగించనుంది. దీంతో ఎంట్రీ ఫీజు కనీసం రూ.500 నుంచి ప్రారంభించి ఆపై ధరలో విభిన్న రకాల ఆకర్షణలతో క్రికెట్‌ అభిమానుల్ని లైవ్‌ ఏర్పాట్లతో ఆహా్వనిస్తున్నారు. గచ్చిబౌలిలోని ముస్టాంగ్‌ టెర్రస్‌ లాంజ్‌లో ఏకంగా 3 స్క్రీన్స్‌ ఏర్పాటు చేశారు. జూబ్లీహిల్స్‌లోని ఎయిర్‌లైవ్‌లో 2 స్క్రీన్స్, మాదాపూర్‌లోని రష్‌ స్పోర్ట్స్‌ బార్‌ అండ్‌ బౌలింగ్‌ సెంటర్‌లో పెద్ద స్క్రీన్, కార్ఖానాలోని ద బార్‌ నెక్ట్స్‌ డోర్‌లో 2 బిగ్‌ స్క్రీన్స్‌తోపాటు చిన్నపాటి టీవీలు కూడా పూర్తిగా ఐపీఎల్‌ సందడికి సిద్ధమయ్యాయి. నగరంలోని పబ్స్, బార్స్, రెస్టారెంట్స్‌తో పాటు సికింద్రాబాద్‌ క్లబ్, జింఖానా క్లబ్, ఫిలింనగర్‌ క్లబ్‌.. వంటి సంపన్నులకు చెందిన క్లబ్స్‌ కూడా ప్రత్యేక ఏర్పాట్లతో సభ్యులను ఆహా్వనిస్తున్నాయి. మాల్స్, మలీ్టఫ్లెక్స్‌లూ, కెఫెలు సైతం స్క్రీన్స్‌ ఏర్పాటులో పోటీ పడుతున్నాయి. పలు గేటెడ్‌ కమ్యూనిటీల్లోనూ ప్రత్యేక స్క్రీన్లను ఏర్పాటు చేశారు.

కేకేఆర్‌ బృందానికి చేదు అనుభవం ఎదురైంది. ఎల్‌ఎస్‌జీతో మ్యాచ్‌ ముగించుకుని కోల్‌కతాకు బయల్దేరిన వీరికి ప్రతికూల వాతావరణ పరిస్థితులు తీవ్ర ఇబ్బందులు కలిగించాయి.Travel update: KKR's charter flight from Lucknow to Kolkata diverted to Guwahati due to bad weather ⛈️Flight currently standing at the Guwahati Airport tarmac. More updates soon pic.twitter.com/XFPTHgM2FJ— KolkataKnightRiders (@KKRiders) May 6, 2024రెండు సార్లు వీరు ప్రయాణిస్తున్న చార్టర్‌ విమానం దారి మళ్లింపునకు గురైంది. నిన్న సాయంత్రం నుంచి కేకేఆర్‌ బృందం గాల్లో అటూ ఇటూ చక్కర్లు కొడుతుంది. పలు ట్విస్ట్‌ల అనంతరం ఇవాళ (మే 7) తెల్లవారుజామున కేకేఆర్‌ టీమ్‌ వారణాసిలో ల్యాండైంది.Update at 1:20 AM: Flight diverted to Varanasi after another failed attempt at landing in Kolkata due to bad weather. Current status: At the Lal Bahadur Shastri International airport tarmac— KolkataKnightRiders (@KKRiders) May 6, 2024పూర్తి వివరాల్లోకి వెళితే.. కేకేఆర్‌ టీమ్‌ మే 5న ఎల్‌ఎస్‌జీతో మ్యాచ్‌ ముగించుకుని నిన్న (మే 6) సాయంత్రం 5:45కు లక్నో నుంచి కోల్‌కతాకు బయల్దేరింది. వీరు రాత్రి 7:25 గంటలకంతా కోల్‌కతాలో ల్యాండ్‌ కావాల్సి ఉండింది.అయితే నిన్న సాయంత్రం నుంచి కోల్‌కతాలో భారీ వర్షాలు కురుస్తుండటంతో కేకేఆర్‌ బృందం సేఫ్‌గా ల్యాండింగ్‌ కావడానికి కుదర్లేదు. రాత్రి 8:45 వరకు వీరు గాల్లోనే చక్కర్లు కొట్టారు. 8:46కు వీరి విమానం గౌహతికి డైవర్ట్‌ అయినట్లు మెసేజ్‌ వచ్చింది. 9:30 ఆ మధ్యలో వీరు గౌహతిలో ల్యాండ్‌ అయ్యారు.ఎయిర్‌పోర్ట్‌లోనే ఉన్న కేకేఆర్‌ బృందానికి రాత్రి 9:43 గంటలకు మరో మెసేజ్‌ వచ్చింది. కోల్‌కతాలో ల్యాండ్‌ అవ్వడానికి క్లియరెన్స్‌ వచ్చింది. రాత్రి 11 గంటల్లోపు అక్కడ ల్యాండవుతామన్నది ఆ మెసేజ్‌ సారాంశం.అయితే కేకేఆర్‌ బృందానికి ఈసారి కూడా చుక్కెదురైంది. కోల్‌కతాలో మరోసారి వాతావరణం అనుకూలించకపోవడంతో అక్కడ ల్యాండింగ్‌ కుదర్లేదు. దీంతో వీరు గాల్లోనే యూ టర్న్‌ తీసుకుని ఇవాళ తెల్లవారుజామున వారణాసికి చేరుకున్నారు. ఉదయం 3 గంటల ప్రాంతలో కేకేఆర్‌ టీమ్‌ వారణాసిలోని తాజ్‌ హోటల్‌లో దిగినట్లు కేకేఆర్‌ యాజమాన్యం ట్విటర్‌ వేదికగా వెల్లడించింది. ఇవాళ (మే 8) మధ్యాహ్నం 1:15 గంటలకు వీరు మరోసారి కోల్‌కతాలో ల్యాండ్‌ అయ్యేందుకు ప్రయత్నిస్తారు. మరి ఈసారైనా విజయవంతంగా ల్యాండ్‌ అవుతారో లేదో వేచి చూడాలి.ఇదిలా ఉంటే, కేకేఆర్‌ టీమ్‌ మొన్న లక్నోతో జరిగిన మ్యాచ్‌లో 98 పరుగుల తేడాతో గెలుపొంది పాయింట్ల పట్టికలో అగ్రస్థానానికి ఎగబాకింది. ఈ సీజన్‌లో ఈ జట్టు ఇంకా మూడు మ్యాచ్‌లు ఆడాల్సి ఉంది. మే 11న ముంబైతో.. 13న గుజరాత్‌.. 19న రాజస్థాన్‌ రాయల్స్‌తో తలపడాల్సి ఉంది. కేకేఆర్‌ టీమ్‌ ఇప్పటికే ప్లే ఆఫ్స్‌ బెర్త్‌పై కర్చీఫ్‌ వేసుకుని కూర్చుంది. ఈ జట్టుతో పాటు రాయల్స్‌కు కూడా ప్లే ఆఫ్స్‌కు క్లియరెన్స్‌ సాధించింది.

ఐపీఎల్‌ చరిత్రలోనే అత్యద్భుతమైన క్యాచ్‌కు నిన్నటి (మే 5) కేకేఆర్‌-లక్నో మ్యాచ్‌ వేదికైంది. ఈ మ్యాచ్‌లో కేకేఆర్‌ ఆటగాడు రమన్‌దీప్‌ సింగ్‌ నమ్మశక్యంకాని రీతిలో అద్భుతమైన రన్నింగ్‌ క్యాచ్‌ అందుకున్నాడు. మిచెల్‌ స్టార్క్‌ బౌలింగ్‌లో అర్శిన్‌ కులకర్ణి ఆడిన షాట్‌ బ్యాట్‌ ఎడ్జ్‌ తీసుకుని గాల్లో చాలాసేపు ప్రయాణించగా.. ఈ క్యాచ్‌ను అందుకునేందుకు రమన్‌దీప్‌ సింగ్‌ పెద్ద విన్యాసమే చేశాడు. తాను ఫీల్డింగ్‌ చేసే డైరెక్షన్‌ నుంచి వెనక్కు పరిగెడుతూ అద్భుతమైన డైవింగ్‌ క్యాచ్‌ పట్టాడు. నమ్మశక్యం కాని ఈ విన్యాసానికి ప్రతి ఒక్కరు ముగ్దులైపోయారు. బ్యాటర్‌ అర్శిన్‌ చాలాసేపు ఈ విషయాన్ని నమ్మలేకపోయాడు. క్యాచ్‌ అనంతరం రమన్‌దీప్‌ను సహచరులు అభినందనలతో ముంచెత్తారు. బౌలర్‌ స్టార్క్‌, పక్కనే ఫీల్డింగ్‌ చేస్తున్న రసెల్‌ రమన్‌దీప్‌పై ప్రత్యేక ప్రశంసలు కురిపించారు. ఈ క్యాచ్‌కు సంబంధించిన వీడియో నెట్టింట సందడి చేస్తుంది.RAMANDEEP SINGH WITH ONE OF THE GREATEST CATCHES OF IPL HISTORY. 🤯🔥pic.twitter.com/xFiqHssmzV— Mufaddal Vohra (@mufaddal_vohra) May 5, 2024 ఈ మ్యాచ్‌లో రమన్‌దీప్‌ బ్యాటింగ్‌లోనూ సత్తా చాటాడు. ఇన్నింగ్స్‌ ఆఖర్లో వచ్చి సుడిగాలి ఇన్నింగ్స్‌ (6 బంతుల్లో 25 నాటౌట్‌; ఫోర్‌, 3 సిక్సర్లు) ఆడి ఆకట్టుకున్నాడు. రమన్‌దీప్‌తో పాటు సునీల్‌ నరైన్‌ (39 బంతుల్లో 81; 6 ఫోర్లు, 7 సిక్సర్లు; 4-0-22-1), హర్షిత్‌ రాణా (3.1-0-24-3), వరుణ్‌ చక్రవర్తి (3-0-30-3), రసెల్‌ (2-0-17-2) చెలరేగడంతో ఈ మ్యాచ్‌లో కేకేఆర్‌ లక్నోను 98 పరుగుల తేడాతో చిత్తు చేసింది. ఈ గెలుపుతో కేకేఆర్‌ పాయింట్ల పట్టికలో రాజస్థాన్‌ను కిందకు నెట్టి అగ్రస్థానానికి ఎగబాకింది.కేకేఆర్‌ ఇన్నింగ్స్‌లో నరైన్‌, రమన్‌దీప్‌లతో పాటు ఫిలిప్‌ సాల్ట్‌ (14 బంతుల్లో 32; 5 ఫోర్లు, సిక్స్‌), రఘువంశీ (32), శ్రేయస్‌ అయ్యర్‌ (23) రాణించారు. లక్నో బౌలర్లలో నవీన్‌ ఉల్‌ హక్‌ 3, యశ్‌ ఠాకూర్‌, రవి బిష్ణోయ్‌, యుద్‌వీర్‌ సింగ్‌ తలో వికెట్‌ పడగొట్టారు.అనంతరం​ భారీ లక్ష్యాన్ని ఛేదించేందుకు బరిలోకి దిగిన లక్నో.. కేకేఆర్‌ బౌలర్ల ధాటికి 16.1 ఓవర్లలో 137 పరుగులకే చాపచుట్టేసింది. లక్నో ఇన్నింగ్స్‌లో స్టోయినిస్‌ (36) టాప్‌ స్కోరర్‌గా నిలిచాడు.

ఐపీఎల్‌లో ఇవాళ డబుల్‌ హెడర్‌ మ్యాచ్‌లు జరుగనున్నాయి. మధ్యాహ్నం జరిగే మ్యాచ్‌లో పంజాబ్‌, చెన్నై సూపర్‌ కింగ్స్‌.. రాత్రి మ్యాచ్‌లో లక్నో, కేకేఆర్‌ తలపడనున్నాయి. మధ్యాహ్నం మ్యాచ్‌కు ధర్మశాల మైదానం వేదిక కానుండగా.. రాత్రి మ్యాచ్‌ లక్నో హోం గ్రౌండ్‌ అటల్‌ బిహారీ స్టేడియంలో జరుగనుంది.పంజాబ్‌, సీఎస్‌కే మ్యాచ్‌ విషయానికొస్తే.. ప్లే ఆఫ్స్‌ రేసులో నిలవాలంటే సీఎస్‌కే ఈ మ్యాచ్‌లో తప్పనిసరిగా గెలవాల్సి ఉంది. చెన్నై ఈ సీజన్‌లో ఇప్పటివరకు ఆడిన 10 మ్యాచ్‌ల్లో ఐదు విజయాలు సాధించి, పాయింట్ల పట్టికలో ఐదో స్థానంలో ఉంది. ఈ మ్యాచ్‌తో కలిపి చెన్నై మరో నాలుగు మ్యాచ్‌లు ఆడాల్సి ఉంది. ఇతర జట్లతో పోటీ లేకుండా ప్లే ఆఫ్స్‌ రేసులో నిలవాలంటే చెన్నై ఇకపై ఆడబోయే అన్ని మ్యాచ్‌ల్లో గెలవాల్సి ఉంటుంది. చెన్నై మే 10న గుజరాత్‌, 12న రాజస్థాన్‌ రాయల్స్‌, 18న ఆర్సీబీతో తలపడాల్సి ఉంది.పంజాబ్‌ విషయానికొస్తే.. ఈ జట్టు ఇప్పటివరకు ఆడిన 10 మ్యాచ్‌ల్లో కేవలం నాలుగే విజయాలు సాధించి, ప్లే ఆఫ్స్‌ అవకాశాలను సంక్లిష్టం చేసుకుంది. పంజాబ్‌ ఈ మ్యాచ్‌తో పాటు తదుపరి ఆడబోయే మూడు మ్యాచ్‌ల్లో గెలిచినా ప్లే ఆఫ్స్‌ బెర్త్‌ దక్కుతుందని చెప్పలేని పరిస్థితి ఉంది. టెక్నికల్‌గా పంజాబ్‌ ప్లే ఆఫ్స్‌ రేసులో ఉన్నప్పటికీ అనధికారికంగా కష్టమే అని చెప్పాలి. తదుపరి మ్యాచ్‌ల్లో పంజాబ్‌.. ఆర్సీబీ (మే 9), రాజస్థాన్‌ రాయల్స్‌ (మే 15), సన్‌రైజర్స్‌ (మే 19) జట్లను ఢీకొట్టాల్సి ఉంది.హెడ్‌ టు హెడ్‌ రికార్డులను పరిశీలిస్తే.. ఇరు జట్లు ఇప్పటివరకు 29 మ్యాచ్‌ల్లో ఎదురెదురుపడగా.. సీఎస్‌కే 15, పంజాబ్‌ 14 మ్యాచ్‌ల్లో విజయాలు సాధించాయి. ఇరు జట్లు ఇదే సీజన్‌లో చివరిసారిగా తలపడ్డాయి. మే 1న జరిగిన ఆ మ్యాచ్‌లో పంజాబ్‌ సీఎస్‌కే 7 వికెట్ల తేడాతో ఘన విజయం సాధించింది.తుది జట్లు (అంచనా)..పంజాబ్‌: జానీ బెయిర్‌స్టో, ప్రభ్‌సిమ్రన్ సింగ్, రిలీ రోసోవ్, సామ్ కర్రన్ (కెప్టెన్‌), జితేష్ శర్మ (వికెట్‌కీపర్‌), శశాంక్ సింగ్, అశుతోష్ శర్మ, హర్‌ప్రీత్ బ్రార్, కగిసో రబాడ, హర్షల్ పటేల్, రాహుల్ చాహర్. [ఇంపాక్ట్ ప్లేయర్: అర్ష్దీప్ సింగ్].సీఎస్‌కే: అజింక్య రహానే, రుతురాజ్ గైక్వాడ్ (కెప్టెన్‌), డారిల్ మిచెల్, మొయిన్ అలీ, శివమ్ దూబే, రవీంద్ర జడేజా, ఎంఎస్ ధోని, సమీర్ రిజ్వీ, శార్దూల్ ఠాకూర్, రిచర్డ్ గ్లీసన్, తుషార్ దేశ్‌పాండే. [ఇంపాక్ట్ సబ్: మతీష పతిరణ]లక్నో-కేకేఆర్‌ మ్యాచ్‌ విషచయానికొస్తే.. ఇరు జట్లు ప్లే ఆఫ్స్‌ రేసులో దూసుకుపోతున్నాయి. కేకేఆర్‌ ఇప్పటివరకు ఆడిన 10 మ్యాచ్‌ల్లో ఏడింట గెలిచి పాయింట్ల పట్టికలో రెండో స్థానంలో ఉండగా.. లక్నో 10లో 6 మ్యాచ్‌లు గెలిచి మూడో స్థానంలో కొనసాగుతుంది. కేకేఆర్‌ తదుపరి ఆడబోయే నాలుగు మ్యాచ్‌ల్లో మరో రెండు మ్యాచ్‌లు గెలిచినా ప్లే ఆ‍ఫ్స్‌కు అర్హత సాధించనుండగా.. లక్నో నాలుగులో కనీసం మూడు మ్యాచ్‌లైనా గెలిస్తే ఫ్లే ఆఫ్స్‌ బెర్త్‌ కన్ఫర్మ్‌ చేసుకుంటుంది. లక్నో నాలుగులో మూడింట గెలిస్తే ఇతర జట్ల జయాపజయాలతో పని లేకుండా సేఫ్‌గా ఫైనల్‌ ఫోర్‌కు చేరుకుంటుంది.కేకేఆర్‌ తమ తదుపరి మ్యాచ్‌ల్లో ముంబై ఇండియన్స్‌ (మే 11), గుజరాత్‌ (మే 13), రాజస్థాన్‌ రాయల్స్‌తో (మే 19) తలపడాల్సి ఉండగా.. లక్నో సన్‌రైజర్స్‌ (మే 8), ఢిల్లీ (మే 14), ముంబై ఇండియన్స్‌ (మే 17) జట్లను ఢీకొట్టాల్సి ఉంది. హెడ్‌ టు హెడ్‌ రికార్డులను పరిశీలిస్తే.. లక్నోపై కేకేఆర్‌ స్పష్టమైన ఆధిక్యత ప్రదర్శించినట్లు తెలుస్తుంది. ఇరు జట్లు ఇప్పటివరకు 4 మ్యాచ్‌ల్లో ఎదురెదురుపడగా.. కేకేఆర్‌ 3, లక్నో ఒక మ్యాచ్‌లో గెలుపొందాయి. ఇరు జట్ల మధ్య చివరసారిగా జరిగిన మ్యాచ్‌లో కూడా కేకేఆరే పైచేయి సాధించింది. ఏప్రిల్‌ 14న జరిగిన ఆ మ్యాచ్‌లో కేకేఆర్‌ 8 వికెట్ల తేడాతో లక్నోను చిత్తు చేసింది.తుది జట్లు (అంచనా)..లక్నో: కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బదోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, యశ్ ఠాకూర్కేకేఆర్‌: ఫిలిప్ సాల్ట్ (వికెట్‌కీపర్‌), సునీల్ నరైన్, శ్రేయస్ అయ్యర్ (కెప్టెన్‌), వెంకటేష్ అయ్యర్, రింకు సింగ్, ఆండ్రీ రస్సెల్, రమణదీప్ సింగ్, మిచెల్ స్టార్క్, హర్షిత్ రాణా, వైభవ్ అరోరా, వరుణ్ చక్రవర్తి

కేకేఆర్‌ స్టార్‌ బౌలర్‌ హర్షిత్‌ రాణాకు భారీ షాక్‌ తగిలింది. నిన్న (ఏప్రిల్‌ 29) ఢిల్లీ క్యాపిటల్స్‌తో మ్యాచ్‌ సందర్భంగా కోడ్‌ ఉల్లంఘనకు పాల్పడినందుకుగాను అతని మ్యాచ్‌ ఫీజ్‌లో 100 శాతం కోత విధించబడింది. ప్రస్తుత సీజన్‌లో రాణా రెండోసారి కోడ్‌ ఉల్లంఘనకు పాల్పడటంతో అతనిపై ఓ మ్యాచ్‌ నిషేధం కూడా పడింది. ఢిల్లీతో మ్యాచ్‌ సందర్భంగా ఆ జట్టు బ్యాటర్‌ అభిషేక్‌ పోరెల్‌ పట్ల అసభ్యకరంగా ప్రవర్తించినందుకు రాణాపై కఠిన చర్యలు తీసుకున్నారు. అభిషేక్‌ ఔటైన తర్వాత రాణా శృతిమించిన సంబురాలు (అభిషేక్‌ను డగౌట్‌ వైపు వెళ్లాలని కోపంగా ఆదేశించాడు) చేసుకుని తగిన మూల్యం చెల్లించుకున్నాడు. రాణా కొద్ది రోజుల కిందట ​కూడా ఇలాగే ప్రవర్తించి జరిమానాను ఎదుర్కొన్నాడు. సన్‌రైజర్స్‌తో జరిగిన మ్యాచ్‌లో మయాంక్‌ అగర్వాల్‌ను ఔట్‌ చేశాక ఓవరాక్షన్‌ (ఫ్లయింగ్‌ కిస్‌ ఇస్తూ కోపంగా చూశాడు) చేశాడు. అందుకు మ్యాచ్‌ ఫీజ్‌లో 60 శాతం జరిమానాను ఎదుర్కొన్నాడు. ఢిల్లీతో మ్యాచ్‌లో రాణా అతి చేసినా బౌలింగ్‌లో ఆట్టున్నాడు. 4 ఓవర్లలో 28 పరుగులు మాత్రమే ఇచ్చి 2 వికెట్లు పడగొట్టాడు. ఈ మ్యాచ్‌లో కేకేఆర్‌ ఢిల్లీపై 7 వికెట్ల తేడాతో ఘన విజయం సాధించింది. తొలుత బ్యాటింగ్‌ చేసిన ఢిల్లీ నిర్ణీత ఓవర్లలో 9 వికెట్ల నష్టానికి 153 పరుగులు మాత్రమే చేయగా.. కేకేఆర్‌ 16.3 ఓవర్లలోనే లక్ష్యాన్ని ఛేదించి, ఈ సీజన్‌లో ఆరో విజయాన్ని నమోదు చేసింది. ఫిలిప్‌ సాల్ట్‌ (68) మెరుపు ఇన్నింగ్స్‌ ఆడి కేకేఆర్‌ గెలుపులో కీలకపాత్ర పోషించాడు. అంతకుముందు కేకేఆర్‌ బౌలర్లు చెలరేగడంతో ఢిల్లీ స్వల్ప స్కోర్‌కే పరిమితమైంది. కుల్దీప్‌ యాదవ్‌ (35 నాటౌట్‌) ఆ జట్టులో టాప్‌ స్కోరర్‌గా నిలిచాడు. వరుణ్‌ చక్రవర్తి 4 ఓవర్లలో 16 పరుగులు మాత్రమే ఇచ్చి 3 వికెట్లు తీశాడు. హర్షిత్‌ రాణా, వైభవ్‌ అరోరా తలో 2 వికెట్లు, స్టార్క్‌, నరైన్‌ చెరో వికెట్‌ పడగొట్టారు.

ఐపీఎల్‌ 2024లో భాగంగా ఇవాళ (ఏప్రిల్‌ 29) జరుగబోయే మ్యాచ్‌లో ఢిల్లీ క్యాపిటల్స్‌ కేకేఆర్‌ను ఢీకొట్టనుంది. కేకేఆర్‌ హోం గ్రౌండ్‌ అయిన ఈడెన్‌ గార్డెన్స్‌లో రాత్రి 7:30 గంటలకు ఈ మ్యాచ్‌ ప్రారంభంకానుంది. ఈ సీజన్‌లో కేకేఆర్‌ ఇప్పటివరకు ఆడిన 8 మ్యాచ్‌ల్లో 5 విజయాలతో పాయింట్ల పట్టికలో రెండో స్థానంలో ఉండగా.. ఇప్పుడిప్పుడే విజయాల బాటపట్టిన ఢిల్లీ 10 మ్యాచ్‌ల్లో 5 విజయాలతో ఆరో స్థానంలో నిలిచింది. ఐపీఎల్‌లో ఇరు జట్లు ఇప్పటివరకు 32 మ్యాచ్‌ల్లో ఎదురెదురుపడగా.. కేకేఆర్‌ 17, ఢిల్లీ 15 మ్యాచ్‌ల్లో విజయాలు సాధించాయి. ప్లే ఆఫ్స్‌కు చేరాలంటే రెండు జట్లకు ఈ మ్యాచ్‌ అత్యంత కీలకంగా మారింది. కేకేఆర్‌ గత మ్యాచ్‌లో అతి భారీ స్కోర్‌ (261/6) చేసి కూడా పంజాబ్‌ చేతిలో భంగపడగా.. ఢిల్లీ తమ చివరి మ్యాచ్‌ల్లో నాలుగింట గెలిచి కేకేఆర్‌ కంటే ఎక్కువ ఉత్సాహంగా ఉంది. ఇరు జట్లు ఇదే సీజన్‌లో తలపడిన సందర్భంలో కేకేఆర్‌ ఐపీఎల్‌ చరిత్రలోనే రెండో అత్యధిక స్కోర్‌ నమోదు చేసింది. ఏప్రిల్‌3న విశాఖ స్టేడియంలో జరిగిన మ్యాచ్‌లో కేకేఆర్‌ 7 వికెట్ల నష్టానికి 272 పరుగుల అతి భారీ స్కోర్‌ చేసింది. భారీ లక్ష్య ఛేదనలో చేతులెత్తేసిన ఢిల్లీ 166 పరుగులకే కుప్పకూలి 106 పరుగుల తేడాతో ఓటమిపాలైంది. ఈ మ్యాచ్‌లో విధ్వంసకర ఆటగాడు, ఢిల్లీ ఓపెనర్‌ జేక్‌ ఫ్రేసర్‌పై అందరి కళ్లు ఉన్నాయి. ఫ్రేసర్‌ ముంబైతో ఆడిన గత మ్యాచ్‌లో మ్యాడ్‌ మ్యాన్‌లా రెచ్చిపోయి 27 బంతుల్లో 84 పరుగులు చేశాడు.తుది జట్లు (అంచనా)..కోల్‌కతా నైట్ రైడర్స్: సునీల్ నరైన్, ఫిల్ సాల్ట్, అంగ్క్రిష్ రఘువంశీ, శ్రేయస్ అయ్యర్, వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, హర్షిత్ రాణా, దుష్మంత చమీర, వరుణ్ చక్రవర్తి, వైభవ్‌ అరోరా (ఇంపాక్ట్‌ ప్లేయర్‌)ఢిల్లీ: జేక్ ఫ్రేసర్-మెక్‌గుర్క్, అభిషేక్ పోరెల్, షాయ్ హోప్, రిషబ్ పంత్, ట్రిస్టన్ స్టబ్స్, కుమార్ కుషాగ్రా, అక్షర్ పటేల్, కుల్దీప్ యాదవ్, అన్రిచ్ నోర్ట్జే, ఖలీల్ అహ్మద్, ముఖేష్ కుమార్, రసిఖ్‌ సలాం​ (ఇంపాక్ట్‌ ప్లేయర్‌)

బ్యాటర్ల హవా కొనసాగుతున్న ప్రస్తుత ఐపీఎల్‌ సీజన్‌లో పంజాబ్‌ బౌలర్లు ఎవరికీ సాధ్యంకాని ఘనతను సొంతం చేసుకున్నారు. ఈ సీజన్‌లో ఇప్పటివరకు (41 మ్యాచ్‌లు) జరిగిన మ్యాచ్‌ల్లో పంజాబ్‌ ఒక్కటే ఒక్కసారి కూడా ‍ప్రత్యర్దిని 200 పరుగులు చేయనీయలేదు. ఈ సీజన్‌లో పంజాబ్‌ బౌలింగ్ యావరేజ్‌ 24.94గా ఉంది. ఏ జట్టుకు ఈ సీజన్‌లో ఇంత తక్కువ బౌలింగ్‌ సగటు లేదు. పంజాబ్‌ తర్వాత కేకేఆర్‌కు అత్యల్ప బౌలింగ్‌ సగటు (25.47) ఉంది. పంజాబ్‌ ఈ సీజన్‌లో అత్యధికంగా 199 పరుగులు ప్రత్యర్దికి సమర్పించుకుంది. ఇలా రెండు సందర్భాల్లో జరిగింది. ఇదిలా ఉంటే, పంజాబ్‌ ఇవాళ (ఏప్రిల్‌ 26) పటిష్టమైన కేకేఆర్‌ను వారి సొంత మైదానంలో ఢీకొట్టనుంది. ఈ మ్యాచ్‌లో టాస్‌ గెలిచిన పంజాబ్‌ బౌలింగ్‌ ఎంచుకుంది. ఈ మ్యాచ్‌ పంజాబ్‌కు చాలా కీలకంగా పరిగణించబడుతుంది. ఈ మ్యాచ్‌లో గెలిస్తేనే పంజాబ్‌ ప్లే ఆఫ్స్‌ లెక్కల్లో ఉంటుంది. లేకపోతే మరో సీజన్‌లో ఈ జట్టు టైటిల్‌ లేకుండా రిక్త హస్తాలతో వైదొలగాల్సి ఉంటుంది. పంజాబ్‌ ఈ సీజన్‌లో ఇప్పటివరకు ఆడిన 8 మ్యాచ్‌ల్లో కేవలం రెండే విజయాలతో పాయింట్ల పట్టికలో తొమ్మిదో స్థానంలో ఉంది. మరోవైపు కేకేఆర్‌ ఏడింట ఐదు మ్యాచ్‌లు గెలిచి రెండో స్థానంలో ఉంది. ఈ సీజన్‌లో కేకేఆర్‌ అంచనాలకు తగ్గట్టు రాణిస్తూ మూడో టైటిల్‌ దిశగా అడుగులు వేస్తుంది.ఇరు జట్ల మధ్య హెడ్‌ టు హెడ్‌ రికార్డులను పరిశీలిస్తే.. పంజాబ్‌పై కేకేఆర్‌కు స్పష్టమైన ఆధిక్యత ప్రదర్శిస్తూ వచ్చింది. ఈ రెండు జట్లు ఇప్పటివరకు 32 మ్యాచ్‌ల్లో తలపడగా.. కేకేఆర్‌ 21, పంజాబ్‌ 11 మ్యాచ్‌ల్లో గెలుపొందాయి.తుది జట్లు..కోల్‌కతా నైట్ రైడర్స్: ఫిలిప్ సాల్ట్ (వికెట్‌కీపర్‌), సునీల్ నరైన్, అంగ్క్రిష్ రఘువంశీ, శ్రేయస్ అయ్యర్ (కెప్టెన్‌), వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, దుష్మంత చమీర, వరుణ్ చకరవర్తి, హర్షిత్ రాణాపంజాబ్ కింగ్స్: జానీ బెయిర్‌స్టో, సామ్ కర్రన్(కెప్టెన్‌), రిలీ రోసోవ్, జితేష్ శర్మ(వికెట్‌కీపర్‌), శశాంక్ సింగ్, అశుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబడ, రాహుల్ చాహర్, అర్ష్‌దీప్ సింగ్

ఐపీఎల్‌ 2024 సీజన్‌లో ఇవాళ (ఏప్రిల్‌ 26) మరో ఆసక్తికర సమరం జరుగనుంది. పాయింట్ల పట్టికలో చివరి నుంచి రెండో స్థానంలో ఉన్న పంజాబ్‌ కింగ్స్‌.. టేబుల్‌ సెకెండ్‌ టాపర్‌ అయిన కేకేఆర్‌ను వారి సొంత మైదానమైన ఈడెన్‌ గార్డెన్స్‌లో ఢీకొట్టనుంది. రాత్రి 7:30 గంటలకు ప్రారంభమయ్యే ఈ మ్యాచ్‌ పంజాబ్‌కు చాలా కీలకం కానుంది. ఈ మ్యాచ్‌లో గెలిస్తేనే పంజాబ్‌ ప్లే ఆఫ్స్‌ లెక్కల్లో ఉంటుంది.లేకపోతే మరో సీజన్‌లో టైటిల్‌ లేకుండా రిక్త హస్తాలతో వైదొలగాల్సి ఉంటుంది. పంజాబ్‌ ఈ సీజన్‌లో ఇప్పటివరకు ఆడిన 8 మ్యాచ్‌ల్లో కేవలం రెండే విజయాలతో పాయింట్ల పట్టికలో తొమ్మిదో స్థానంలో ఉంది. మరోవైపు కేకేఆర్‌ ఏడింట ఐదు మ్యాచ్‌లు గెలిచి రెండో స్థానంలో ఉంది. ఈ సీజన్‌లో కేకేఆర్‌ అంచనాలకు తగ్గట్టు రాణిస్తూ మూడో టైటిల్‌ దిశగా అడుగులు వేస్తుంది.హెడ్‌ టు హెడ్‌ రికార్డులను పరిశీలిస్తే.. పంజాబ్‌పై కేకేఆర్‌ స్పష్టమైన ఆధిక్యత ప్రదర్శిస్తూ వచ్చింది. ఈ రెండు జట్లు ఇప్పటివరకు 32 మ్యాచ్‌ల్లో తలపడగా.. కేకేఆర్‌ 21, పంజాబ్‌ 11 మ్యాచ్‌ల్లో గెలుపొందాయి.బలాబలాల విషయానికొస్తే.. పంజాబ్‌తో పోలిస్తే కేకేఆర్‌ అన్ని విభాగాల్లో పటిష్టంగా ఉంది. ఐపీఎల్‌ చరిత్రలో అత్యధిక ధర పెట్టి సొంతం చేసుకున్న మిచెల్‌ స్టార్క్‌ మినహా కేకేఆర్‌కు పెద్ద సమస్యలేమీ లేవు. స్టార్క్ ఈ సీజన్‌లో ఇప్పటివరకు ఆడిన అన్ని మ్యాచ్‌ల్లో తేలిపోయాడు. వికెట్లు తీయకపోగా.. ధారాళంగా పరుగులు సమర్పించుకున్నాడు. నరైన్‌, రసెల్‌తో పాటు కుర్ర బౌలర్లు రాణిస్తుండటంతో స్టార్క్‌ వైఫల్యాలు హైలైట్‌ కావడం లేదు.పంజాబ్‌తో నేటి మ్యాచ్‌లో స్టార్క్‌ పక్కకు కూర్చోవాల్సి రావచ్చు. అతను ఆర్సీబీ గత మ్యాచ్‌ సందర్భంగా గాయపడ్డాడు (వేలికి). స్టార్క్‌ గత రెండు రోజులుగా ప్రాక్టీస్‌ సెషన్స్‌లోనూ కనబడలేదు. దీన్ని బట్టి చూస్తే.. పంజాబ్‌తో మ్యాచ్‌లో అతను ఆడకపోవచ్చని తెలుస్తుంది.పంజాబ్‌ విషయానికొస్తే.. ఈ జట్టు మిడిలార్డర్‌ బ్యాటర్లు శశాంక్ సింగ్, అశుతోష్ శర్మపై అందరి చూపు ఉంది. ఈ సీజన్‌లో ఈ ఇద్దరు అద్భుతమైన పోరాటాలతో పంజాబ్‌ ఆడిన ప్రతి మ్యాచ్‌ను రక్తి కట్టించారు. వీరిద్దరి నుంచి అభిమానులు మరోసారి సంచలన ఇన్నింగ్స్‌లు ఆశిస్తున్నారు. వీరిద్దరు మినహా ఈ సీజన్‌లో పంజాబ్‌కు చెప్పుకోదగ్గ ప్రదర్శనలేమీ లేవు. ఈ మ్యాచ్‌లో పంజాబ్‌ రెగ్యులర్‌ కెప్టెన్‌ శిఖర్‌ ధవన్‌ రీఎంట్రీ ఇవ్వనున్నట్లు తెలుస్తుంది. గాయం కారణంగా గత కొన్ని మ్యాచ్‌లకు దూరంగా శిఖర్‌ తాజాగా జరిగిన ప్రాక్టీస్‌ సెషన్స్‌లో యాక్టివ్‌గా కనిపించాడు. దీన్ని బట్టి అతని రీఎంట్రీ ఖాయమని తేలిపోయింది. నేటి మ్యాచ్‌లో స్టార్క్‌ ఆడకపోతే అతడి స్థానంలో దుష్మంత చమీర ఆడే అవకాశం ఉంది. తుది జట్లు (అంచనా)..కేకేఆర్‌: ఫిల్ సాల్ట్ (వికెట్‌కీపర్‌), సునీల్ నరైన్, అంగ్క్రిష్ రఘువంశీ, శ్రేయస్ అయ్యర్ (కెప్టెన్‌), రింకూ సింగ్, ఆండ్రీ రస్సెల్, రమణదీప్ సింగ్, మిచెల్ స్టార్క్/దుష్మంత చమీర, వరుణ్ చక్రవర్తి, హర్షిత్ రాణా, సుయాష్ శర్మ. [ఇంపాక్ట్ ప్లేయర్: వెంకటేష్ అయ్యర్]పంజాబ్‌: శిఖర్ ధవన్ (కెప్టెన్‌), జానీ బెయిర్‌స్టో, ప్రభ్‌సిమ్రన్ సింగ్, సామ్ కర్రన్, జితేష్ శర్మ (వికెట్‌కీపర్‌), లియామ్ లివింగ్‌స్టోన్, శశాంక్ సింగ్, అశుతోష్ శర్మ, హర్‌ప్రీత్ బ్రార్, కగిసో రబాడ, హర్షల్ పటేల్. [ఇంపాక్ట్ ప్లేయర్: అర్ష్‌దీప్ సింగ్]

విండీస్‌ వెటరన్‌ ఆల్‌రౌండర్‌ సునీల్‌ నరైన్‌ టీ20 వరల్డ్‌కప్‌తో అంతర్జాతీయ క్రికెట్‌లోకి రీఎంట్రీ ఇస్తాడని గతకొంతకాలంగా ప్రచారం జరుగుతుంది. ఈ ప్రచారంపై నరైన్‌ తాజాగా స్పందించాడు. అంతర్జాతీయ క్రికెట్‌లోకి తిరిగి రావడం అసాధ్యమని స్పష్టం చేశాడు. రీఎంట్రీకి డోర్లు మూసుకుపోయాయని అన్నాడు. ఇటీవలికాలంలో తన ప్రదర్శనలు సంతృప్తినిచ్చాయని తెలిపాడు. టీ20 వరల్డ్‌కప్‌ ఆడాలనే అభిమానుల ప్రతిపాదనను గౌరవిస్తానని అన్నాడు. అయితే అందుకు ఓకే మాత్రం చెప్పలేనని వివరించాడు. వరల్డ్‌కప్‌ ఆడే విండీస్‌ జట్టుకు తన సంపూర్ణ మద్దతు ఉంటుందని.. విండీస్‌ వీరులు మరో టైటిల్‌కు అర్హులేనంటూ ఆల్‌ ది బెస్ట్‌ చెప్పాడు. నరైన్‌ టీ20 వరల్డ్‌కప్‌లో ఆడటంపై బహిరంగ ప్రకటన చేయడంతో విండీస్‌ క్రికెట్‌ బోర్డు ఓ అంచనాకు వచ్చింది. నరైన్‌ను టీ20 వరల్డ్‌కప్‌లో ఆడాలని ఒప్పించేందుకు తాను గతకొంతకాలంగా తీవ్రంగా ప్రయత్నిస్తున్నానని విండీస్‌ టీ20 జట్టు కెప్టెన్‌ రోవ్‌మన్‌ పావెల్‌ ఇటీవల వెల్లడించిన విషయం తెలిసిందే.  ఇదిలా ఉంటే, నరైన్‌ ప్రస్తుత ఐపీఎల్‌ సీజన్‌లో బంతితో పాటు బ్యాట్‌తోనూ అదరగొడుతున్నాడు. రాజస్థాన్‌ రాయల్స్‌తో జరిగిన మ్యాచ్‌లో నరైన్‌ మెరపు శతకంతో (56 బంతుల్లో 109) విరుచుకుపడ్డాడు. ఈ సీజన్‌లో నరైన్‌ 7 మ్యాచ్‌ల్లో సెంచరీ, ఓ హాఫ్‌ సెంచరీ సాయంతో 286 పరుగులు చేశాడు. 9 వికెట్లు కూడా పడగొట్టాడు. ఈ సీజన్‌లో కేకేఆర్‌ సాధించిన విజయాల్లో నరైన్‌ అత్యంత ముఖ్యమైన పాత్ర పోషించాడు. నరైన్‌ ఈ సీజన్‌లోనే రెండు ప్లేయర్‌ ఆఫ్‌ ద మ్యాచ్‌ అవార్డులు అందుకున్నాడు. నరైన్‌ ఓపెనర్‌గా బరిలోకి దిగుతున్నప్పటి నుంచి అతని ఫేట్‌ మారిపోయింది. ఓపెనర్‌గా అతను స్వేచ్ఛగా షాట్లు ఆడుతూ భారీ స్కోర్లు చేస్తున్నాడు. నరైన్‌ను ఓపెనర్‌గా పంపడం కేకేఆర్‌ మెంటార్‌ గౌతమ్‌ గంభీర్‌ ప్రతిపాదన. గతంలోనూ గంభీర్‌ నరైన్‌ను ఓపెనర్‌గా పంపి సత్ఫలితాలు సాధించాడు. 35 ఏళ్ల నరైన్‌ 2019లో చివరిసారిగా వెస్టిండీస్‌కు ఆడాడు. అతను 2023లో తన రిటైర్మెంట్‌ నిర్ణయాన్ని ప్రకటించాడు. తాజా బ్యాటింగ్‌ ఫామ్‌ నేపథ్యంలో నరైన్‌ రిటైర్మెంట్‌ నిర్ణయాన్ని వెనక్కు తీసుకోవాలని ఒత్తిళ్లు పెరుగుతున్నాయి. ఈ ఏడాది టీ20 వరల్డ్‌కప్‌ కోసం చాలామంది వెటరన్‌ క్రికెటర్లు రిటైర్మెంట్‌ నిర్ణయాలను వెనక్కు తీసుకున్నారు. పాక్‌ ఆటగాళ్లు ఇమాద్‌ వసీం, మొహహ్మద్‌ ఆమిర్‌ టీ20 వరల్డ్‌కప్‌ కోసం యూ టర్న్‌ తీసుకున్నారు.  

క్రికెట్‌ పండుగ ఇండియన్‌ ప్రీమియర్‌ లీగ్‌కు నేటితో 16 ఏళ్లు పూర్తయ్యాయి. ఇవాళ (ఏప్రిల్‌ 18) క్యాష్‌ రిచ్‌ లీగ్‌ 17వ వసంతంలోకి అడుగు పెట్టింది. ఈ సందర్భాన్ని పురస్కరించుకుని ఐపీఎల్‌ మేనేజ్‌మెంట్‌ ఓ పోస్టర్‌ను రిలీజ్‌ చేసి గతాన్ని గుర్తు చేసుకుంది. మీ ఫేవరెట్‌ ఐపీఎల్‌ జ్ఞాపకాన్ని కూడా షేర్‌ చేసుకోండని క్యాప్షన్‌ జోడించింది. దీంతో చాలామంది ఐపీఎల్‌ అభిమానులు తమ తీపి జ్ఞాపకాలను నెమరు వేసుకుంటున్నారు.  IPL's poster on Completed "17 Years of IPL". - The Biggest Cricket Event...!!!! ⭐ pic.twitter.com/oXgkvRf0dP — CricketMAN2 (@ImTanujSingh) April 18, 2024 ఈ నేపథ్యంలో ఓ నెటిజన్‌ ఓ ఆసక్తికర ప్రశ్నను సంధించాడు. ఐపీఎల్‌ అరంగేట్రం మ్యాచ్‌లో ఆడిన వారు ప్రస్తుతం ఎంత మంది ఇప్పటికీ ఆడుతున్నారని అడిగాడు. దీనికి చాలామంది తమకు తెలిసిన సమాధానాలు చెప్పారు. సమాధానం రివీల్‌ చేయకముందు మీకు తెలిసిన సమాధాన్ని మీరు కూడా షేర్‌ చేయండి.  17 YEARS OF THE IPL...!!! 💥 The greatest league in the world started on this day in 2008. 🇮🇳 pic.twitter.com/BPApcjBkOL — Mufaddal Vohra (@mufaddal_vohra) April 18, 2024 సమాధానం విషయానికొస్తే.. ఐపీఎల్‌ తొలి మ్యాచ్‌ బెంగళూరులోని చిన్నస్వామి స్టేడియం వేదికగా ఆర్సీబీ, కేకేఆర్‌ జట్ల మధ్య జరిగింది. ఈ మ్యాచ్‌లో కేకేఆర్‌ తరఫున ఆడిన వృద్దిమాన్‌ సాహా, ఇషాంత్‌ శర్మ ప్రస్తుతం గుజరాత్‌, ఢిల్లీ జట్లకు ప్రాతినిధ్యం వహిస్తున్నారు. ఈ మ్యాచ్‌లో ఆర్సీబీకి ఆడిన విరాట్‌ కోహ్లి ఇప్పుడు కూడా అదే జట్టుకు ప్రాతినిధ్యం వహిస్తున్నాడు. ఐపీఎల్‌ తొలి మ్యాచ్‌ ఆడిన ఈ ముగ్గురు మాత్రమే ఐపీఎల్‌లో ఇంకా కొనసాగుతున్నారు. ఇక్కడ ఆసక్తికరమైన మరో విషయం ఏంటంటే.. ఐపీఎల్‌ చరిత్రలో విరాట్‌ ఒక్కడే నాటి నుంచి నేటి వరకు ఒకే జట్టుకు ఆడుతూ ఎవరికీ సాధ్యంకాని ఘనతను సొంతం చేసుకున్నాడు.   నాటి మ్యాచ్‌ విషయానికొస్తే.. బ్రెండన్‌ మెక్‌కల్లమ్‌ శివాలెత్తిపోవడంతో (73 బంతుల్లో 158; 10 ఫోర్లు, 13 సిక్సర్లు) కేకేఆర్‌ 140 పరుగల భారీ తేడాతో ఆర్సీబీపై విజయం సాధించింది. తొలుత బ్యాటింగ్‌ చేసిన కేకేఆర్‌ నిర్ణీత ఓవరల్లో 3 వికెట్ల నష్టానికి 222 పరుగులు చేసింది. కేకేఆర్‌ ఇన్నింగ్స్‌లో  మెక్‌కల్లమ్‌ ఒక్కడే సింహ భాగం స్కోర్‌ చేశాడు. సౌరవ్‌ గంగూలీ 10, రికీ పాంటింగ్‌ 20, డేవిడ్‌ హస్సీ 12, మొహమ్మద్‌ హఫీజ్‌ 5 (నాటౌట్‌) పరుగులు చేశారు.ఆర్సీబీ బౌలర్లలో జహీర్‌ ఖాన్‌, ఆష్లే నోఫ్కే, జాక్‌ కలిస్‌ తలో వికెట్‌ పడగొట్టారు.  భారీ లక్ష్యాన్ని ఛేదించేందుకు బరిలోకి దిగిన ఆర్సీబీ.. ఆశోక్‌ దిండా (3-0-9-2), ఇషాంత్‌ శర్మ (3-0-7-1), అజిత్‌ అగార్కర్‌ (4-0-25-3), సౌరవ్‌ గంగూలీ (4-0-21-2), లక్ష్మీ రతన్‌ శుక్లా (1.1-0-12-1) ధాటికి 15.1 ఓవర్లలో 82 పరుగులకే కుప్పకూలింది. ఆర్సీబీ ఇన్నింగ్స్‌లో ఒకే ఒక్కరు (ప్రవీణ్‌ కుమార్‌ (18 నాటౌట్‌)) రెండంకెల స్కోర్‌ చేశారు. ద్రవిడ్‌ 2, వసీం జాఫర్‌ 6, విరాట్‌ కోహ్లి 1, జాక్‌ కలిస్‌ 8, కెమరూన్‌ వైట్‌ 6, మార్క్‌ బౌచర్‌ 7, బాసిల్‌ థంపి 0, నోఫ్కే 9, జహీర్‌ ఖాన్‌ 3, సునీల్‌ జోషి 3 పరుగులు చేసి ఔటయ్యారు. వికెట్‌ కీపర్‌గా వృద్దిమాన్‌ సాహా కలిస్‌ క్యాచ్‌ అందుకున్నాడు. 

ఐపీఎల్‌ 2024.. ఇప్పటి వరకు ఆడిన ఆరు మ్యాచ్‌లలో చేసిన పరుగులు 276.. పడగొట్టిన వికెట్లు ఏడు(7/165).. కోల్‌కతా నైట్‌ రైడర్స్‌ స్పిన్‌ ఆల్‌రౌండర్‌ సునిల్‌ నరైన్‌ నమోదు చేసిన గణాంకాలివి. రాజస్తాన్‌ రాయల్స్‌తో మంగళవారం నాటి మ్యాచ్‌లో 35 ఏళ్ల ఈ వెస్టిండీస్‌ ఆటగాడు కుర్రాళ్ల కళ్లు చెదిరే రీతిలో అద్బుతమైన షాట్లతో అలరించాడు. మొత్తంగా 56 బంతులు ఎదుర్కొని 13 ఫోర్లు, 6 సిక్స్‌ల సాయంతో 109 పరుగులు చేశాడు.  ఓపెనర్‌గా ఇరగదీస్తున్నాడు విధ్వంసకర శతకంతో విరుచుకుపడి తన ఆటలో పస తగ్గలేదని మరోసారి నిరూపించాడు. కేకేఆర్‌కు దొరికిన విలువైన ఆస్తి అంటూ నీరాజనాలు అందుకుంటున్నాడు ఈ లెఫ్టాండ్‌ బ్యాటర్‌.  𝐍𝐚𝐫𝐢𝐧𝐞, naam toh suna hi hoga 😉 He scores his maiden 💯 in T20s at the iconic Eden Gardens 🏟️#KKRvRR #TATAIPL #IPLonJioCinema #SunilNarine | @KKRiders pic.twitter.com/TKFSFsc3Lp — JioCinema (@JioCinema) April 16, 2024 కేవలం పరుగుల తీయడానికే పరిమితం కాని ఈ రైటార్మ్‌ స్పిన్నర్‌.. రెండు వికెట్లు పడగొట్టాడు. అలాగే ఓ క్యాచ్‌ కూడా అందుకున్నాడు. తద్వారా ఐపీఎల్‌ మ్యాచ్‌లో సెంచరీ చేయడంతో పాటు క్యాచ్‌, వికెట్లు తీసిన తొలి ఆటగాడిగా చరిత్రకెక్కాడు.   12 నెలలుగా ప్రయత్నిస్తూనే ఉన్నా ఇక ఈ వెటరన్‌ ఆల్‌రౌండర్‌ ప్రతిభకు వెస్టిండీస్‌ కెప్టెన్‌, రాజస్తాన్‌ రాయల్స్‌ హిట్టర్‌ రోవ్‌మన్‌ పావెల్‌ కూడా ఫిదా అయ్యాడు. నరైన్‌ను ఎలాగైనా ఒప్పించి ఈసారి వరల్డ్‌కప్‌లో ఆడించే ప్రయత్నం చేస్తామంటున్నాడు. కేకేఆర్‌పై రాజస్తాన్‌ విజయంలో తన వంతు పాత్ర పోషించిన పావెల్‌ మ్యాచ్‌ అనంతరం మాట్లాడుతూ.. ‘‘గత 12 నెలలుగా నేను నరైన్‌ చెవిలో జోరీగలా మొత్తుకుంటూనే ఉన్నాను. రిటైర్మెంట్‌ వెనక్కి తీసుకోమని అడుగుతున్నాను. కానీ అతడు ఏదో దాస్తున్నాడు. ఎవరితోనూ తన మనసులోని భావాలు పంచుకోవడం లేదు. ఈ విషయం గురించి ఇప్పటికే కీరన్‌ పొలార్డ్‌, డ్వేన్‌ బ్రావో, నికోలస్‌ పూరన్‌లతో చర్చించాను.ప్రపంచకప్‌ జట్టు ఎంపిక కంటే ముందే వీళ్లు అతడి మనసులో ఏముందో కనిపెట్టగలరనే అనుకుంటున్నా’’ అని పేర్కొన్నాడు.  విండీస్‌లో ఈసారి వరల్డ్‌కప్‌ జూన్‌ 1 నుంచి వెస్టిండీస్‌- అమెరికా వేదికగా మొదలుకానున్న టీ20 ప్రపంచకప్‌-2024లో సునిల్‌ నరైన్‌ ఆడించడమే తన లక్ష్యమని రోవ్‌మన్‌ పావెల్‌ ఈ సందర్భంగా ఈఎస్‌పీఎన్‌క్రిక్‌ఇన్ఫోతో చెప్పుకొచ్చాడు. ఇక కేకేఆర్‌తో మ్యాచ్‌లో పావెల్‌ 13 బంతుల్లో 26 పరుగులు చేసి నరైన్‌ బౌలింగ్‌లో బౌల్డ్‌ కావడం విశేషం. ఇదిలా ఉంటే.. ఈ మ్యాచ్‌లో 29 బంతుల్లో అర్ధ శతకం పూర్తి చేసుకున్న నరైన్‌.. మరో 20 బంతుల్లోనే వంద పరుగుల మార్కు అందుకున్నాడు.  2023లో రిటైర్‌ అయిన నరైన్‌ 2012, 2014 టీ20 ప్రపంచకప్‌ టోర్నీల్లో వెస్టిండీస్‌ తరఫున బరిలోకి దిగిన సునిల్‌ నరైన్‌.. 2019 నుంచి జాతీయ జట్టుకు దూరమయ్యాడు. ఈ క్రమంలో.. 2023లో అంతర్జాతీయ క్రికెట్‌కు వీడ్కోలు పలికాడు. అయితే ఫ్రాంఛైజీ క్రికెట్‌లో మాత్రం ఈ స్పిన్‌ బౌలింగ్‌ ఆల్‌రౌండర్‌ అద్భుతమైన ప్రదర్శనలతో ఆకట్టుకుంటున్నాడు. చదవండి: #T20WorldCup2024: రోహిత్‌తో ద్రవిడ్‌, అగార్కర్‌ చర్చలు.. హార్దిక్‌ పాండ్యాకు నో ఛాన్స్‌! var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌ 2024 సీజన్‌లో ఇవాళ (ఏప్రిల్‌ 16) మరో బిగ్‌ ఫైట్‌ జరుగనుంది. పటిష్టమైన, పాయింట్ల పట్టికలో తొలి రెండు స్థానాల్లో ఉన్న రాజస్థాన్‌, కేకేఆర్‌ జట్లు కోల్‌కతాలోని ఈడెన్‌ గార్డెన్స్‌లో కత్తులు దూసుకోనున్నాయి. రాత్రి 7:30 గంటలకు ప్రారంభమయ్యే ఈ మ్యాచ్‌లో పరుగుల వరద పారడం ఖాయమని విశ్లేషకులు అంటున్నారు. ఈడెన్‌ గార్డెన్స్‌ పిచ్‌ బ్యాటర్లకు అనుకూలించనుండటంతో నేటి మ్యాచ్‌లో బ్యాటర్లు చెలరేగే అవకాశం ఉందని అంచనా. ఈ సీజన్‌లో ఆరు మ్యాచ్‌లో ఐదింట గెలిచిన రాజస్థాన్‌ పాయింట్ల పట్టికలో అగ్రస్థానంలో కొనసాగుతుండగా.. ఐదింట నాలుగు మ్యాచ్‌ల్లో గెలిచిన కేకేఆర్‌ రెండో స్థానంలో ఉంది.  హెడ్‌ టు హెడ్‌ రికార్డులను పరిశీలిస్తే.. ఇరు జట్లు గతంలో 27 సార్లు ఎదురెదురుపడగా కేకేఆర్‌ 14, రాయల్స్‌ 13 మ్యాచ్‌ల్లో విజయాలు సాధించాయి. ఈ రెండు జట్ల మధ్య ఎప్పుడు మ్యాచ్‌ జరిగినా నెక్‌ టు నెక్‌ ఫైట్‌ ఉంటుంది. ఈడెన్‌ గార్డెన్స్‌ విషయానికొస్తే.. ఈ మైదానంలో రాయల్స్‌పై కేకేఆర్‌దే పైచేయిగా ఉంది. ఇక్కడ ఇరు జట్లు 9 మ్యాచ్‌ల్లో తలపడగా.. కేకేఆర్‌ 6, రాయల్స్‌ 3 మ్యాచ్‌ల్లో విజయాలు సాధించాయి. ప్రస్తుత సీజన్‌లో ఇరు జట్ల బలాబలాలపై లుక్కేస్తే.. రెండు జట్లు అన్ని విభాగాల్లో సమతూకంగా కనిపిస్తున్నాయి. ఇరు జట్లలో ఒకటి తక్కువ ఒకటి ఎక్కువ అని అంచనా వేయడానికి వీల్లేదు. బ్యాటింగ్‌, బౌలింగ్‌, ఫీల్డింగ్‌ విభాగాల్లో అంత పర్ఫెక్ట్‌గా ఉన్నాయి ఇరు జట్లు.  కేకేఆర్ బ్యాటింగ్‌లో ఫిలిప్‌ సాల్ట్‌, సునీల్‌ నరైన్‌, రఘువంశీ, శ్రేయస్‌ అయ్యర్‌, రింకూ సింగ్‌, రసెల్‌ లాంటి విధ్వంసకర వీరులు ఉండగా.. రాయల్స్‌ బ్యాటింగ్‌ లైనప్‌లో యశస్వి జైస్వాల్‌, జోస్‌ బట్లర్‌, సంజూ శాంసన్‌, రియాన్‌ పరాగ్‌, హెట్‌మైర్‌, రోవ్‌మన్‌ పావెల్‌ లాంటి మెరుపు వీరులు ఉన్నారు.  బౌలింగ్‌ విభాగం విషయానికొస్తే.. కేకేఆర్‌లో స్టార్క్‌, హర్షిత్‌ రాణా, వైభవ్‌ అరోరా లాంటి స్టార్‌ పేసర్లు ఉండగా.. రాయల్స్‌లో ట్రెంట్‌ బౌల్ట్‌, చహల్‌, అశ్విన్‌ లాంటి మ్యాచ్‌ విన్నర్లు ఉన్నారు. బ్యాటింగ్‌, బౌలింగ్‌ విభాగాల్లో ఇరు జట్లు సమతూకంగా ఉండటంతో నేటి మ్యాచ్‌లో పైచేయి ఎవరిదని చెప్పడం​ చాలా కష్టం.

లక్నో సూపర్‌ జెయింట్స్‌తో ఇవాళ (ఏప్రిల్‌ 14) జరుగుతున్న మ్యాచ్‌లో కేకేఆర్‌ ఆటగాడు రమణ్‌దీప్‌ సింగ్‌ కళ్లు చెదిరే క్యాచ్‌ పట్టాడు. మిచెల్‌ స్టార్క్‌ బౌలింగ్‌లో దీపక్‌ హుడా (8) కొట్టిన షాట్‌ను రమణ్‌దీప్‌ డైవ్‌ చేస్తూ అద్భుతమైన క్యాచ్‌ను అందుకున్నాడు. ఈ క్యాచ్‌కు సంబంధించిన వీడియో నెట్టింట వైరలవుతుంది. Ramandeep Singh. 🦅pic.twitter.com/3mhPdFNAJc — Mufaddal Vohra (@mufaddal_vohra) April 14, 2024 కాగా, కోల్‌కతాలోని ఈడెన్‌ గార్డెన్స్‌ వేదికగా జరుగుతున్న మ్యాచ్‌లో లక్నో సూపర్‌ జెయింట్స్‌ టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌కు దిగింది. ఆచితూచి ఇన్నింగ్స్‌ ప్రారంభించిన లక్నో 13 ఓవర్లు ముగిసే సమయానికి 4 వికెట్లు కోల్పోయి 99 పరుగులు చేసింది. డికాక్‌ (10), కేఎల్‌ రాహుల్‌ (39), దీపక్‌ హుడా (8), స్టోయినిస్‌ (10) ఔట్‌ కాగా.. బదోని (27), పూరన్‌ (2) క్రీజ్‌లో ఉన్నారు. స్టార్క్‌, వైభవ్‌ అరోరా, వరుణ్‌ చక్రవర్తి, ఆండ్రీ రసెల్‌ తలో వికెట్‌ పడగొట్టారు.  ప్రస్తుత సీజన్‌లో లక్నో హ్యాట్రిక్‌ విజయాలు సాధించి (5 మ్యాచ్‌ల్లో 3 విజయాలు) పాయింట్ల పట్టికలో నాలుగో స్థానంలో కొనసాగుతుండగా.. 4 మ్యాచ్‌ల్లో 3 విజయాలతో కేకేఆర్‌ రెండో స్థానంలో ఉంది. హ్యాట్రిక్‌ విజయాల అనంతరం కేకేఆర్, లక్నో‌ ఇటీవలే ఓ ఓటమిని ఎదుర్కొన్నాయి. కేకేఆర్‌ తమ చివరి మ్యాచ్‌లో సీఎస్‌కే చేతిలో ఓడగా.. లక్నో తాజాగా ఢిల్లీ చేతిలో పరాభవం ఎదుర్కొంది. హెడ్‌ టు హెడ్‌ ఫైట్‌ల విషయానికొస్తే.. ఈ ఇరు జట్లు ఇప్పటివరకు 3 మ్యాచ్‌ల్లో ఎదురెదురుపడగా.. మూడు సందర్భాల్లో లక్నోనే విజయం వరించింది.

సాల్ట్ ఊచ‌కోత‌.. ల‌క్నోపై కేకేఆర్ విజ‌యం ఐపీఎల్‌-2024లో కోల్‌కతా నైట్‌రైడర్స్‌ మరో అద్భుత విజయాన్ని నమోదు చేసింది. ఈడెన్‌ గార్డెన్స్‌ వేదికగా లక్నో సూపర్‌ జెయింట్స్‌తో మ్యాచ్‌లో 8 వికెట్ల తేడాతో కేకేఆర్‌ విజయం సాధించింది. 162 పరుగుల లక్ష్యాన్ని కేకేఆర్‌.. కేవలం రెండు వికెట్లు కోల్పోయి 15.4 ఓవర్లలో చేధించింది. కేకేఆర్‌ బ్యాటర్లలో ఫిల్‌ సాల్ట్‌ విధ్వంసం సృష్టించాడు. 47 బంతులు ఎదుర్కొన్న సాల్ట్‌.. 14 ఫోర్లు, 3 సిక్స్‌లతో 89 పరుగులు చేసి ఆజేయంగా నిలిచాడు. అతడితో పాటు కేకేఆర్‌ కెప్టెన్‌ శ్రేయస్‌ అయ్యర్‌ 38 పరుగులతో ఆజేయంగా నిలిచాడు. లక్నో బౌలర్లలో మొహ్షిన్‌ ఖాన్‌ ఒక్కడే రెండు వికెట్లు పడగొట్టాడు. 12 ఓవర్లకు కేకేఆర్‌ స్కోర్‌: 113/2 12 ఓవర్లు ముగిసే సరికి కేకేఆర్‌ రెండు వికెట్ల నష్టానికి 113 పరుగులు చేసింది. క్రీజులో సాల్ట్‌(57), శ్రేయస్‌ అయ్యర్‌(25) పరుగులతో ఉన్నారు. 8 ఓవర్లకు కేకేఆర్‌ స్కోర్‌: 80/2 8 ఓవర్లు ముగిసే సరికి కోల్‌కతా 2 వికెట్ల నష్టానికి 79 పరుగులు చేసింది. క్రీజులో శ్రేయస్‌ అయ్యర్‌(11), ఫిల్‌ సాల్ట్‌(42) పరుగులతో ఉన్నారు. కేకేఆర్ రెండో వికెట్ డౌన్‌..  44 ప‌రుగుల వ‌ద్ద కేకేఆర్ రెండో వికెట్ కోల్పోయింది. 7 ప‌రుగులు చేసిన రఘువంశీ.. మోహ్షిన్ ఖాన్ బౌలింగ్‌లో ఔట‌య్యాడు. 6 ఓవ‌ర్ల‌కు కోల్‌క‌తా స్కోర్‌: 58/2. క్రీజులో ఫిల్ సాల్ట్‌(30), శ్రేయస్‌ అయ్యర్‌(5) ప‌రుగుల‌తో ఉన్నారు. కేకేఆర్ తొలి వికెట్ డౌన్‌.. న‌రైన్ ఔట్‌ 22 ప‌రుగుల వ‌ద్ద కేకేఆర్ తొలి వికెట్ కోల్పోయింది.  6 ప‌రుగులు చేసిన సునీల్ న‌రైన్‌.. మోహ్షిన్ ఖాన్ బౌలింగ్‌లో ఔట‌య్యాడు. 3 ఓవ‌ర్ల‌కు కోల్‌క‌తా స్కోర్‌: 42/1. క్రీజులో ఫిల్ సాల్ట్‌(19), ర‌ఘు వంశీ(7) ప‌రుగుల‌తో ఉన్నారు. నామమాత్రపు స్కోర్‌కే పరిమితమైన లక్నో టాస్‌ ఓడి తొలుత బ్యాటింగ్‌ చేసిన లక్నో నామమాత్రపు స్కోర్‌కే పరిమితమైంది. ఆ జట్టు నిర్ణీత ఓవర్లలో 7 వికెట్ల నష్టానికి 161 పరుగులు చేసింది. ఆఖర్లో పూరన్‌ (45 నాటౌట్‌) బ్యాట్‌ను ఝులిపించడంతో లక్నో ఈ మాత్రం స్కోరైనా చేయగలిగింది. రాహుల్‌ (39), బదోని (29) ఓ మోస్తరు​ స్కోర్లు చేయగా.. డికాక్‌ (10), స్టోయినిస్‌ (10), దీపక్‌ హుడా (8) తక్కువ స్కోర్‌కే ఔటయ్యారు. స్టార్క్‌ 3 వికెట్లతో చెలరేగగా.. వైభవ్‌ అరోరా, సునీల్‌ నరైన్‌, వరుణ్‌ చక్రవర్తి, రసెల్‌ తలో వికెట్‌ తీశారు. ఐదో వికెట్‌ కోల్పోయిన లక్నో 14.4వ ఓవర్‌: 111 పరుగుల వద్ద లక్నో ఐదో వికెట్‌ కోల్పోయింది. సునీల్‌ నరైన్‌ బౌలింగ్‌లో రఘువంశీకి క్యాచ్‌ ఇచ్చి ఆయుశ్‌ బదోని (29) ఔటయ్యాడు.  పూరన్‌ (10), కృనాల్‌ పాండ్యా క్రీజ్‌లో ఉన్నారు. డేంజరస్‌ స్టోయినిస్‌ ఔట్‌ 11.4వ ఓవర్‌: 95 పరుగుల వద్ద లక్నో నాలుగో వికెట్‌ కోల్పోయింది. వరుణ్‌ చక్రవర్తి బౌలింగ్‌లో వికెట్‌కీపర్‌ సాల్ట్‌కు క్యాచ్‌ ఇచ్చి స్టోయినిస్‌ (10) ఔటయ్యాడు. మూడో వికెట్‌ కోల్పోయిన లక్నో.. రాహుల్‌ ఔట్‌ 10.2వ ఓవర్‌: 78 పరుగుల వద్ద లక్నో మూడో వికెట్‌ కోల్పోయింది. రసెల్‌ బౌలింగ్‌లో సిక్సర్‌ బాదిన తర్వాతి బంతికే కేఎల్‌ రాహుల్‌ (39) ఔటయ్యాడు. రమన్‌దీప్‌కు క్యాచ్‌ ఇచ్చి రాహుల్‌ పెవిలియన్‌కు చేరాడు.బదోని (18), స్టోయినిస్‌ (8) క్రీజ్‌లో ఉన్నారు.  రమణ్‌దీప్‌ సూపర్‌ క్యాచ్‌.. హుడా ఔట్‌ 4.4వ ఓవర్‌: 39 పరుగుల వద్ద మిచెల్‌ స్టార్క్‌ బౌలింగ్‌లో రమణ్‌దీప్‌ సింగ్‌ సూపర్‌ క్యాచ్‌ పట్టడంతో దీపక్‌ హుడా (8) పెవిలియన్‌కు చేరాడు. 5 ఓవర్ల తర్వాత లక్నో స్కోర్‌ 39/2గా ఉంది. రాహుల్‌ (18), బదోని క్రీజ్‌లో ఉన్నారు. తొలి వికెట్‌ కోల్పోయిన లక్నో 1.5వ ఓవర్‌: 19 పరుగుల వద్ద లక్నో తొలి వికెట్‌ కోల్పోయింది.వైభవ్‌ అరోరా బౌలింగ్‌లో సునీల్‌ నరైన్‌కు క్యాచ్‌ ఇచ్చి క్వింటన్‌ డికాక​్‌ (10) ఔటయ్యాడు. రాహుల్‌కు (7) జతగా దీపక్‌ హుడా క్రీజ్‌లోకి వచ్చాడు. ఐపీఎల్‌లో ఇవాళ (ఏప్రిల్‌ 14) రెండు ఆసక్తికర సమరాలు జరుగనున్నాయి. మధ్యాహ్నం 3:30 గంటలకు ప్రారంభమయ్యే మ్యాచ్‌లో కేకేఆర్‌తో లక్నో సూపర్‌ జెయింట్స్‌ తలపడనుండగా.. రాత్రి 7:30 గంటలకు ప్రారంభమయ్యే మ్యాచ్‌లో సీఎస్‌కే, ముంబై ఇండియన్స్‌ అమీతుమీ తేల్చుకోనున్నాయి. మధ్యాహ్నం మ్యాచ్‌కు కోల్‌కతాలోని ఈడెన్‌ గార్డెన్స్‌ వేదిక కానుండగా.. రాత్రి మ్యాచ్‌ ముంబైలోని వాంఖడేలో జరుగనుంది. టాస్‌ గెలిచి బౌలింగ్‌ ఎంచుకున్న కేకేఆర్‌.. లక్నోతో జరుగుతున్న మ్యాచ్‌లో కేకేఆర్‌ టాస్‌ గెలిచి బౌలింగ్‌ ఎంచుకుంది. ఈ సీజన్‌లో హ్యాట్రిక్‌ విజయాలతో జోరుమీదున్న లక్నో.. 5 మ్యాచ్‌ల్లో 3 విజయాలతో పాయింట్ల పట్టికలో నాలుగో స్థానంలో కొనసాగుతుండగా.. 4 మ్యాచ్‌ల్లో 3 విజయాలతో కేకేఆర్‌ రెండో స్థానంలో ఉంది. హ్యాట్రిక్‌ విజయాల అనంతరం కేకేఆర్‌ ఇటీవలే ఒక్క ఓటమిని ఎదుర్కొంది. కేకేఆర్‌ తమ చివరి మ్యాచ్‌లో సీఎస్‌కే చేతిలో ఓటమిపాలై సీజన్‌ తొలి ఓటమిని చవిచూసింది. హెడ్‌ టు హెడ్‌ ఫైట్‌ల విషయానికొస్తే.. ఈ ఇరు జట్లు ఇప్పటివరకు 3 మ్యాచ్‌ల్లో ఎదురెదురుపడగా.. మూడు సందర్భాల్లో లక్నోనే విజయం వరించింది.  తుది జట్లు.. లక్నో సూపర్ జెయింట్స్: క్వింటన్ డికాక్, కేఎల్ రాహుల్ (కెప్టెన్‌/వికెట్‌కీపర్‌), దీపక్ హుడా, ఆయుష్ బదోని, మార్కస్ స్టోయినిస్, నికోలస్ పూరన్, కృనాల్ పాండ్యా, రవి బిష్ణోయ్, మొహిసిన్ ఖాన్, షమార్ జోసఫ్, యశ్ ఠాకూర్ లక్నో సూపర్ జెయింట్స్ ఇంపాక్ట్ సబ్స్: అర్షద్ ఖాన్, ప్రేరక్ మన్కడ్, ఎం సిద్ధార్థ్, అమిత్ మిశ్రా, కె గౌతమ్‌ కోల్‌కతా నైట్ రైడర్స్: ఫిలిప్ సాల్ట్(వికెట్‌కీపర్‌), సునీల్ నరైన్, వెంకటేష్ అయ్యర్, శ్రేయస్ అయ్యర్(కెప్టెన్‌), అంగ్క్రిష్ రఘువంశీ, ఆండ్రీ రస్సెల్, రమణదీప్ సింగ్, మిచెల్ స్టార్క్, హర్షిత్ రాణా, వైభవ్ అరోరా, వరుణ్ చక్రవర్తి కోల్‌కతా నైట్ రైడర్స్ సబ్‌లు: సుయాష్ శర్మ, అనుకుల్ రాయ్, మనీష్ పాండే, రహ్మానుల్లా గుర్బాజ్, రింకూ సింగ్

ఐపీఎల్‌లో ఇవాళ (ఏప్రిల్‌ 14) రెండు ఆసక్తికర సమరాలు జరుగనున్నాయి. మధ్యాహ్నం 3:30 గంటలకు ప్రారంభమయ్యే మ్యాచ్‌లో కేకేఆర్‌తో లక్నో సూపర్‌ జెయింట్స్‌ తలపడనుండగా.. రాత్రి 7:30 గంటలకు ప్రారంభమయ్యే మ్యాచ్‌లో సీఎస్‌కే, ముంబై ఇండియన్స్‌ అమీతుమీ తేల్చుకోనున్నాయి. మధ్యాహ్నం మ్యాచ్‌కు కోల్‌కతాలోని ఈడెన్‌ గార్డెన్స్‌ వేదిక కానుండగా.. రాత్రి మ్యాచ్‌ ముంబైలోని వాంఖడేలో జరుగనుంది. మధ్యాహ్నం మ్యాచ్‌ విషయానికొస్తే.. హ్యాట్రిక్‌ విజయాలతో జోరుమీదున్న లక్నో.. పటిష్టమైన కేకేఆర్‌ను వారి సొంత మైదానంలో ఢీకొట్టబోతుంది. ప్రస్తుతం లక్నో 5 మ్యాచ్‌ల్లో 3 విజయాలతో పాయింట్ల పట్టికలో నాలుగో స్థానంలో కొనసాగుతుండగా.. 4 మ్యాచ్‌ల్లో 3 విజయాలతో కేకేఆర్‌ రెండో స్థానంలో ఉంది. హ్యాట్రిక్‌ విజయాల అనంతరం కేకేఆర్‌ ఇటీవలే ఓ ఓటమిని ఎదుర్కొంది. కేకేఆర్‌ తమ చివరి మ్యాచ్‌లో సీఎస్‌కే చేతిలో పరాజయంపాలైంది. హెడ్‌ టు హెడ్‌ ఫైట్‌ల విషయానికొస్తే.. ఐపీఎల్‌లో ఇరు జట్లు ఇప్పటివరకు 3 మ్యాచ్‌ల్లో ఎదురెదురుపడగా.. మూడు సందర్భాల్లో లక్నోనే విజయం వరించింది.  ముంబై, సీఎస్‌కే మ్యాచ్‌ విషయానికొస్తే.. ఈ మ్యాచ్‌ను అభిమానులు క్రికెట్‌ ఎల్‌ క్లాసికోగా (సమవుజ్జీల సమరం) పిలుస్తారు. ప్రస్తుత సీజన్‌లో ముంబై ఇండియన్స్‌ రెండు వరుస విజయాలతో ఇప్పుడిప్పుడే గాడిలో పడుతుండగా.. చెన్నై సూపర్‌ కింగ్స్‌ ఆల్‌రెడీ తమ జైత్రయాత్రను స్టార్ట్‌ చేసింది. 5 మ్యాచ్‌ల్లో 3 విజయాలతో సీఎస్‌కే పాయింట్ల పట్టికలో మూడో స్థానంలో ఉండగా.. ముంబై 5 మ్యాచ్‌ల్లో 2 విజయాలతో ఏడో స్థానంలో కొనసాగుతుంది. హెడ్‌ టు హెడ్‌ ఫైట్స్‌ విషయానికొస్తే.. ఇరు జట్లు మధ్య ఇప్పటివరకు  36 మ్యాచ్‌లు జరగగా ముంబై 20, సీఎస్‌కే 16 మ్యాచ్‌ల్లో విజయాలు సాధించాయి.

ప్రముఖ కమెడియన్‌ కపిల్‌ శర్మ హోస్ట్‌ చేసిన ద గ్రేట్‌ ఇండియన్‌ కపిల్‌ షోలో టీమిండియా కెప్టెన్‌ రోహిత్‌ శర్మ, కేకేఆర్‌ కెప్టెన్‌ శ్రేయస్‌ అయ్యర్‌ కలిసి పాల్గొన్న విషయం తెలిసిందే. ఈ కార్యక్రమంలో హిట్‌మ్యాన్‌, శ్రేయస్‌ అభిమానులకు తెలియని చాలా విషయాలను షేర్‌ చేసుకున్నారు. కపిల్‌ శర్మ ప్రశ్నలు అడుగుండగా.. వీరిద్దరు తమదైన శైలిలో సమాధానాలు చెబుతూ నవ్వులు పూయించారు. ఆధ్యాంతం ఉల్లాసభరింతగా సాగిన ఈ షో నెట్‌ఫ్లిక్స్‌లో స్ట్రీమ్‌ అవుతుంది.  ఆ అమ్మాయి మెసేజ్‌ కోసం ఎదురుచూశాను.. స్టేడియంలో మహిళా అభిమానులపై కెమెరామెన్‌ల ఫోకస్‌ అనే అంశంపై చర్చ జరుగుతుండగా శ్రేయస్‌ మాట్లాడుతూ ఇలా అన్నాడు. నా తొలి ఐపీఎల్‌ సీజన్‌లో ఓ అందమైన అమ్మాయిని చూశాను. స్టాండ్స్‌లో కూర్చుకున్న ఆ అమ్మాయివైపు చేయి ఊపుతూ హలో చెప్పాను. ఆ సమయంలో ఫేస్‌బుక్‌ చాలా పాపులర్‌గా ఉండేది. అందులో ఆ అమ్మాయి రిప్లై ఇస్తుందేమో అని చాలా ఎదురుచూశానని శ్రేయస్‌ తన తొలి క్రష్‌ గురించి చెప్పుకొచ్చాడు. శ్రేయస్‌ ఈ విషయం గురించి చెప్పగానే షోకు హాజరైన వారంతా ఓకొడుతూ సౌండ్‌లు చేశారు. ఇదే షోలో శ్రేయస్‌ మరిన్ని విషయాలు కూడా పంచుకున్నాడు. తన ఆరాధ్య క్రికెటర్‌ రోహిత్‌ శర్మ అని, అతను టీమిండియా కెప్టెన్‌ అయినందుకు ఈ మాట చెప్పడం​ లేదని  అన్నాడు. సహచరులతో రోహిత్‌ చాలా నాటు స్టయిల్‌లో మాట్లాడతాడని శ్రేయస్‌ చెప్పగా.. రోహిత్‌ కూడా శ్రేయస్‌పై ఇదే కంప్లైంట్‌ చేశాడు.  ఇదిలా ఉంటే రోహిత్‌, శ్రేయస్‌ ప్రస్తుతం ఐపీఎల్‌ 2024తో బిజీగా ఉన్న విషయం తెలిసిందే. ఈ సీజన్‌లో రోహిత్‌ ప్రాతినిథ్యం వహిస్తున్న ముంబై ఇండియన్స్‌ నాలుగు మ్యాచ్‌ల్లో ఒకే ఒక​ విజయంతో పాయింట్ల పట్టికలో ఎనిమిదో స్థానంలో ఉండగా..  శ్రేయస్‌ నాయకత్వంలోని కేకేఆర్‌ 4 మ్యాచ్‌ల్లో 3 విజయాలతో రెండో స్థానంలో నిలిచింది. 

ఇండియన్‌ ప్రీమియర్‌ లీగ్‌లో ఎవరికీ సాధ్యం కాని ఘనతను సీఎస్‌కే ఆల్‌రౌండర్‌ రవీంద్ర జడేజా సాధించాడు. 17 ఏళ్ల క్యాష్‌ రిచ్‌ లీగ్‌ చరిత్రలో 1000 పరుగులు సాధించి, 100 వికెట్లు పడగొట్టి, 100 క్యాచ్‌లు పట్టుకున్న తొలి ఆటగాడిగా చరిత్ర సృష్టించాడు. ఐపీఎల్‌ 2024లో భాగంగా కేకేఆర్‌తో నిన్న (ఏప్రిల్‌ 8) జరిగిన మ్యాచ్‌లో శ్రేయస్‌ అయ్యర్‌ క్యాచ్‌ పట్టడం ద్వారా జడ్డూ క్యాష్‌ రిచ్‌ లీగ్‌లో 100 క్యాచ్‌ల మైలురాయిని తాకాడు. 231 మ్యాచ్‌ల ఐపీఎల్‌ కెరీర్‌లో జడేజా 2776 పరుగులు చేసి 156 వికెట్లు పడగొట్టాడు. జడ్డూ ఖాతాలో రెండు అర్దసెంచరీలు, ఓ ఐదు వికెట్ల ఘనత ఉంది. కేకేఆర్‌తో మ్యాచ్‌లో శ్రేయస్‌ క్యాచ్‌తో పాటు ఫిలిప్‌ సాల్ట్‌ క్యాచ్‌ కూడా పట్టుకున్న జడేజా.. బౌలింగ్‌లో ఆకాశమే హద్దుగా చెలరేగి 4 ఓవర్లలో కేవలం 18 పరుగులు మాత్రమే ఇచ్చి 3 వికెట్లు పడగొట్టాడు. బౌలింగ్‌లో, ఫీల్డింగ్‌లో అద్భుత ప్రదర్శనలకు గాను జడేజాకు ప్లేయర్‌ ఆఫ్‌ ద మ్యాచ్‌ అవార్డు లభించింది.  ఐపీఎల్‌లో సీఎస్‌కే తరఫున జడేజాకు ఇది 15వ ప్లేయర్‌ ఆఫ్‌ ద మ్యాచ్‌ అవార్డు. ఈ అవార్డుతో జడ్డూ సీఎస్‌కే తరఫున అత్యధిక ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్న ఆటగాడిగా ధోని సరసన చేరాడు. ఐపీఎల్‌లో ధోని సైతం సీఎస్‌కే తరఫున 15 ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్నాడు. కాగా, నిన్నటి మ్యాచ్‌లో కేకేఆర్‌పై సీఎస్‌కే 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. రవీంద్ర జడేజా (4-0-18-3), తుషార్‌ దేశ్‌పాండే (4-0-33-3), ముస్తాఫిజుర్‌ (4-0-22-2), తీక్షణ (4-0-28-1) దెబ్బకు నిర్ణీత ఓవర్లలో 9 వికెట్ల నష్టానికి 137 పరుగులు మాత్రమే చేయగలిగింది. విధ్వంసకర వీరులున్న కేకేఆర్‌ ఈ మ్యాచ్‌లో తేలిపోయింది. సాల్ట్‌ (0), వెంకటేశ్‌ అయ్యర్‌ (3), రింకూ సింగ్‌ (9), రసెల్‌ (10) తస్సుమనిపించారు. నరైన్‌ (27), రఘువంశీ (24), శ్రేయస్‌ అయ్యర్‌ (34) నామమాత్రపు స్కోర్లు చేశారు.  అనంతరం స్వల్ప లక్ష్యాన్ని ఛేదించేందుకు బరిలోకి దిగిన సీఎస్‌కేను రుతురాజ్‌ (67 నాటౌట్‌) కెప్టెన్సీ ఇన్నింగ్స్‌ ఆడి గెలిపించాడు. రచిన్‌ రవీంద్ర 15, డారిల్‌ మిచెల్‌ 25, శివమ్‌ దూబే 28 పరుగులు (18 బంతుల్లో ఫోర్‌, 3 సిక్సర్లు) చేసి ఔట్‌ కాగా.. ధోని ఒక్క పరుగు చేసి నాటౌట్‌గా మిగిలాడు. కేకేఆర్‌ బౌలర్లలో వైభవ్‌ అరోరా 2 వికెట్లు పడగొట్టగా.. నరైన్‌ ఓ వికెట్‌ దక్కించుకున్నాడు. ఈ గెలుపుతో సీఎస్‌కే మరో రెండు పాయింట్లు ఖాతాలో వేసుకుని పాయింట్ల పట్టికలో నాలుగో స్థానంలో నిలిచింది. సీజన్‌ తొలి ఓటమిని మూటగట్టుకున్న కేకేఆర్‌ రెండో స్థానంలో ఉంది.

చెన్నైలోని చెపాక్‌ స్టేడియంలో కేకేఆర్‌తో నిన్న (ఏప్రిల్‌ 8) జరిగిన మ్యాచ్‌ సందర్భంగా ఓ ఆసక్తికర సన్నివేశం చోటు చేసుకుంది. సీఎస్‌కే స్టార్‌ ఆల్‌రౌండర్‌ రవీంద్ర జడేజా సొంత అభిమానులనే ఆటపట్టించాడు. సీఎస్‌కే లక్ష్యాన్ని ఛేదిస్తుండగా.. జడ్డూ ధోని కంటే ముందే బ్యాటింగ్‌కు దిగుతున్నట్లు ప్రాంక్‌ చేసి ఫ్యాన్స్‌ను టీజ్‌ చేశాడు. సీఎస్‌కే గెలుపు ఖరారైన దశలో శివమ్‌ దూబే ఔట్‌ కాగా.. ఆ దశలో ధోని బ్యాటింగ్‌కు దిగాల్సి ఉంది. అయితే జడ్డూ ధోని కంటే ముందే బరిలోకి దిగుతున్నట్లు నటించి అభిమానులను టీజ్‌ చేశాడు. కొంత దూరం వెళ్లి అభిమానులు కేకలు పెట్టడంతో జడ్డూ తిరిగి వెనక్కు వెళ్లిపోయాడు. అనంతరం​ ధోని బరిలోకి దిగి జట్టును విజయతీరాలకు చేర్చడంలో భాగమయ్యాడు. జడ్డూ సరదాగా చేసిన ఈ పని నవ్వులు పూయించింది. స్టేడియంలో ఉన్నవారంతా కాసేపు తనివితీరా నవ్వుకున్నారు. దీనికి సంబంధించిన వీడియో నెట్టింట హల్‌చల్‌ చేస్తుంది.  Ravindra Jadeja teased the Chepauk crowd by coming ahead of MS Dhoni then going back. 🤣 - This is amazing!! ❤️👌 pic.twitter.com/KPp4FewM17 — Mufaddal Vohra (@mufaddal_vohra) April 9, 2024 ఇదిలా ఉంటే, నిన్నటి మ్యాచ్‌లో కేకేఆర్‌పై సీఎస్‌కే 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. రవీంద్ర జడేజా (4-0-18-3), తుషార్‌ దేశ్‌పాండే (4-0-33-3), ముస్తాఫిజుర్‌ (4-0-22-2), తీక్షణ (4-0-28-1) దెబ్బకు నిర్ణీత ఓవర్లలో 9 వికెట్ల నష్టానికి 137 పరుగులు మాత్రమే చేయగలిగింది. విధ్వంసకర వీరులున్న కేకేఆర్‌ ఈ మ్యాచ్‌లో తేలిపోయింది. సాల్ట్‌ (0), వెంకటేశ్‌ అయ్యర్‌ (3), రింకూ సింగ్‌ (9), రసెల్‌ (10) తస్సుమనిపించారు. నరైన్‌ (27), రఘువంశీ (24), శ్రేయస్‌ అయ్యర్‌ (34) నామమాత్రపు స్కోర్లు చేశారు.  We thought it was a Prank by Jadeja but it was a Prank from Thala to Fans. Look How all Teammates enjoying it 😂💛 pic.twitter.com/YrzQbP7WNV — 🎰 (@StanMSD) April 9, 2024 స్వల్ప లక్ష్యాన్ని ఛేదించేందుకు బరిలోకి దిగిన సీఎస్‌కేను రుతురాజ్‌ (67 నాటౌట్‌) కెప్టెన్సీ ఇన్నింగ్స్‌ ఆడి గెలిపించాడు. రచిన్‌ రవీంద్ర 15, డారిల్‌ మిచెల్‌ 25, శివమ్‌ దూబే 28 పరుగులు (18 బంతుల్లో ఫోర్‌, 3 సిక్సర్లు) చేసి ఔట్‌ కాగా.. ధోని ఒక్క పరుగు చేసి నాటౌట్‌గా మిగిలాడు. కేకేఆర్‌ బౌలర్లలో వైభవ్‌ అరోరా 2 వికెట్లు పడగొట్టగా.. నరైన్‌ ఓ వికెట్‌ దక్కించుకున్నాడు. 

ఐపీఎల్‌-2024లో తొలి రెండు మ్యాచ్‌లలో గెలుపొందిన డిఫెండింగ్‌ చాంపియన్‌ చెన్నై సూపర్‌ కింగ్స్‌.. ఆ తర్వాత రెండు మ్యాచ్‌లలో ఓటమిపాలైంది. విశాఖపట్నంలో ఢిల్లీ క్యాపిటల్స్‌, హైదరాబాద్‌లో సన్‌రైజర్స్‌ చేతిలో పరాజయాలు చవిచూసింది. ఫలితంగా నాలుగు పాయింట్ల వద్ద నిలిచిపోయి పట్టికలో ప్రస్తుతం నాలుగో స్థానంలో ఉంది. ఈ నేపథ్యంలో సోమవారం నాటి మ్యాచ్‌లో కోల్‌కతా నైట్‌ రైడర్స్‌పై గెలుపొంది తిరిగి విజయాల బాట పట్టాలని పట్టుదలగా ఉంది. ఇందుకోసం సీఎస్‌కే ఆటగాళ్లు పూర్తి స్థాయిలో సన్నద్ధమవుతున్నారు. ఈ నేపథ్యంలో అభిమానులకు కనువిందు చేసే ఓ వీడియోను షేర్‌ చేసింది చెన్నై ఫ్రాంఛైజీ. ఇందులో మహేంద్ర సింగ్‌ ధోని సిక్సర్ల వర్షం కురిపించడం చూడవచ్చు. నెట్‌ ప్రాక్టీస్‌లో భాగంగా బ్యాటింగ్‌ చేసిన ధోని ఫుల్‌ జోష్‌లో కనిపించాడు. ఉత్సాహంగా బంతులు ఎదుర్కొంటూ భారీ షాట్లు బాదాడు. ఈ నేపథ్యంలో సొంత మైదానంలో తలా కేకేఆర్‌ బౌలర్లకు చుక్కలు చూపించడం ఖాయమని అభిమానులు ఫిక్సయిపోతున్నారు. కాగా చెన్నైలోని చెపాక్‌ వేదికగా సీఎస్‌కే- కేకేఆర్‌ మధ్య రాత్రి ఏడున్నర గంటలకు మ్యాచ్‌ ఆరంభం కానుంది. ఇక ఇప్పటి వరకు ఇరు జట్లు ఇరవై ఎనిమిదిసార్లు ముఖాముఖి పోటీపడగా.. చెన్నై 18సార్లు గెలుపొందింది. చెపాక్‌లో పదిసార్లు ఎదురుపడగా ఏకంగా ఏడుసార్లు విజయం సాధించింది. ఓవరాల్‌గా కేకేఆర్‌పై చెన్నైదే పైచేయి! తుదిజట్ల అంచనా సీఎస్‌కే రచిన్ రవీంద్ర, రుతురాజ్ గైక్వాడ్(కెప్టెన్‌), అజింక్య రహానె, శివమ్ దూబే, డారిల్ మిచెల్, రవీంద్ర జడేజా, సమీర్ రిజ్వీ/ మిచెల్ శాంట్నర్, ఎంఎస్ ధోని, దీపక్ చహర్, తుషార్ దేశ్ పాండే, మహీష్ తీక్షణ [ఇంపాక్ట్ సబ్‌స్టిట్యూట్‌: ముఖేష్ చౌదరి]  కేకేఆర్‌ సునీల్ నరైన్, ఫిల్ సాల్ట్, అంగ్‌క్రిష్‌ రఘువంశీ, శ్రేయస్ అయ్యర్, వెంకటేష్ అయ్యర్, రింకు సింగ్, ఆండ్రీ రస్సెల్, రమణ్‌దీప్‌ సింగ్, మిచెల్ స్టార్క్, హర్షిత్ రాణా, వరుణ్ చక్రవర్తి [ఇంపాక్ట్ సబ్‌స్టిట్యూట్‌: సుయాష్ శర్మ]. చదవండి: ముఖం మాడ్చుకున్న రోహిత్‌: పాండ్యాను హత్తుకుంటూనే సీరియస్‌ 📍Chennai Sound 🔛🎙️ 𝙅𝙪𝙨𝙩 𝙈𝙎 𝘿𝙝𝙤𝙣𝙞 𝙩𝙝𝙞𝙣𝙜𝙨 😎#TATAIPL | #CSKvKKR pic.twitter.com/7CPnrl9Ysa — IndianPremierLeague (@IPL) April 8, 2024

టీమిండియా దిగ్గజ కెప్టెన్‌, చెన్నై సూపర్‌ కింగ్స్‌ స్టార్‌ మహేంద్ర సింగ్‌ ధోనిపై మాజీ ఓపెనర్‌ గౌతం గంభీర్‌ ప్రశంసలు కురిపించాడు. భారత జట్టు కెప్టెన్‌గా ధోని సాధించిన ఘనతలను అందుకోవడం ఇక ముందు ఎవరికీ సాధ్యం కాదనడంలో సందేహం లేదన్నాడు. టీమిండియా కెప్టెన్‌గా ఎవరెన్ని విజయాలు సాధించినా ధోని మూడు ఐసీసీ ట్రోఫీల ముందు దిగదుడుపేనని గంభీర్‌ చెప్పుకొచ్చాడు. ఐపీఎల్‌-2024లో భాగంగా కోల్‌కతా నైట్‌ రైడర్స్‌(కేకేఆర్‌)- చెన్నై సూపర్‌ కింగ్స్‌(సీఎస్‌కే) మధ్య సోమవారం మ్యాచ్‌ జరుగనుంది. ఈ నేపథ్యంలో కేకేఆర్‌ మాజీ కెప్టెన్‌, ప్రస్తుత మెంటార్‌ గౌతం గంభీర్‌ ఆసక్తికర వ్యాఖ్యలు చేశాడు. సీఎస్‌కేతో పోరును తాను ఎల్లప్పుడూ ఆస్వాదిస్తానని పేర్కొన్నాడు. అప్పుడు కెప్టెన్‌గా.. ఇప్పుడు మెంటార్‌గా ఇందులో ఎటువంటి మార్పులేదన్నాడు. సీఎస్‌కేపై పైచేయి సాధించాలనే పట్టుదలతో ఉన్నామని తెలిపాడు. var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); ఇక ధోని గురించి ప్రస్తావనకు రాగా.. ‘‘నేను ఈ మ్యాచ్‌ గెలవాలనే కోరుకుంటున్నాను. నేనే కాదు.. నా స్థానంలో ధోని ఉన్నా తన జట్టే గెలవాలని కోరుకుంటాడు. స్నేహితులుగా ఒకరిపట్ల ఒకరికి గౌరవం ఉంది. అంతమాత్రాన పోటీ పడటంలో ఎవరూ తగ్గరు కదా!.. ఏదేమైనా టీమిండియా కెప్టెన్‌గా ధోని మాదిరి మరెవరూ విజయవంతం కాలేదన్నది నిజం. మూడు ఐసీసీ ట్రోఫీలు గెలవడం మామూలు విషయం కాదు. కొంతమంది భారత కెప్టెన్లు విదేశాల్లో చారిత్రక విజయాలు సాధించవచ్చు.. మరికొందరు టెస్టు మ్యాచ్‌లలో గెలిపించవచ్చు. అయినా మూడు ఐసీసీ ట్రోఫీల కంటే అవేమీ పెద్దవి కావు’’ అని గంభీర్‌.. ధోని నాయకత్వ నైపుణ్యాలను కొనియాడాడు. కాగా ధోని కెప్టెన్సీలో టీ20 వరల్డ్‌కప్‌-2007, వన్డే ప్రపంచకప్‌-2011 గెలిచిన భారత జట్టులో గంభీర్‌ సభ్యుడన్న విషయం తెలిసిందే. పొట్టి ఫార్మాట్‌ ఫైనల్లో 75, వన్డే ఫార్మాట్‌ ఫైనల్లో 97 పరుగులు చేసి ఈ ట్రోఫీలు గెలవడంలో గంభీర్‌ కీలక పాత్ర పోషించాడు.  అయితే, ఎల్లప్పుడూ ధోనిని ఏదో రకంగా విమర్శించే ఈ కేకేఆర్‌ మెంటార్‌ ఈసారి ప్రశంసల వర్షం కురిపించడం విశేషం. కాగా కేకేఆర్‌ సారథిగా సీఎస్‌కేతో 11సార్లు పోటీపడ్డ గంభీర్‌ ఐదుసార్లు గెలిచాడు. 2012 ఫైనల్లో సీఎస్‌కేను ఓడించి టైటిల్‌ గెలిచాడు కూడా! View this post on Instagram A post shared by Star Sports India (@starsportsindia)

17 ఏళ్ల ఐపీఎల్‌ చరిత్రలో కోల్‌కతా నైట్‌రైడర్స్‌ తొలిసారి సీజన్‌ తొలి మూడు మ్యాచ్‌ల్లో వరుస విజయాలు సాధించి రికార్డుల్లోకెక్కింది. నిన్న ఢిల్లీ క్యాపిటల్స్‌పై బంపర్‌ విక్టరీతో కేకేఆర్‌ ఈ ఘనత సాధించింది. గతంలో ఏ సీజన్‌లోనూ కేకేఆర్‌ సీజన్‌ తొలి మూడు మ్యాచ్‌ల్లో వరుస విజయాలు సాధించలేదు. ప్రస్తుత సీజన్‌లో కేకేఆర్‌ హ్యాట్రిక్‌ విజయాలు సాధించి పాయింట్ల పట్టికలో అగ్రస్థానంలో నిలిచింది. కేకేఆర్‌..  సన్‌రైజర్స్‌, ఆర్సీబీ, ఢిల్లీపై వరుస విజయాలు సాధించి అజేయ జట్టుగా కొనసాగుతుంది. ఈ సీజన్‌లో సన్‌రైజర్స్‌తో ఆడిన తొలి మ్యాచ్‌లో 4 పరుగుల స్వల్ప తేడాతో బయటపడిన కేకేఆర్‌.. ఆతర్వాత ఆర్సీబీ (7 వికెట్ల తేడాతో), ఢిల్లీపై (106 పరుగుల తేడాతో) ఘన విజయాలు సాధించింది. ఈ సీజన్‌లో అన్ని విభాగాల్లో అత్యంత పటిష్టంగా కనిపిస్తున్న కేకేఆర్‌.. ఆర్సీబీ, ఢిల్లీలను వారి సొంత మైదానాల్లో ఓడించి శభాష్‌ అనిపించుకుంది. ప్రస్తుత సీజన్‌లో కేకేఆర్‌.. శ్రేయస్‌ అయ్యర్‌ సారధ్యంలో, గంభీర్‌ మెంటార్షిప్‌లో, చంద్రకాంత్‌ పండిట్‌ శిక్షణలో టైటిల్‌ రేసులో దూసుకుపోతుంది. ఐపీఎల్‌ అరంగేట్రం నుంచి కొనసాగుతున్న కేకేఆర్‌.. రెండు సార్లు (2012, 2014) ఛాంపియన్‌గా, ఓ సారి రన్నరప్‌గా (2021) నిలిచింది. గౌతమ్‌ గంభీర్‌ (‍ప్రస్తుత మెంటార్‌) కేకేఆర్‌ను రెండుసార్లు ఛాంపియన్‌గా నిలబెట్టాడు. 2021 సీజన్‌లో కేకేఆర్‌ రన్నరప్‌గా నిలిచినప్పుడు ఆ జట్టుకు ఇయాన్‌ మోర్గాన్‌ నాయకత్వం వహించాడు. కేకేఆర్‌ ఛాంపియన్స్‌ లీగ్‌లోనూ ఓసారి రన్నరప్‌గా (2014) నిలిచింది.  కాగా, ఢిల్లీ క్యాపిటల్స్‌తో నిన్న జరిగిన మ్యాచ్‌లో కేకేఆర్‌ భారీ విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. సునీల్‌ నరైన్‌ (39 బంతుల్లో 85; 7 ఫోర్లు, 7 సిక్సర్లు), రఘువంశీ (27 బంతుల్లో 54; 5 ఫోర్లు, 3 సిక్సర్లు), ఆండ్రీ రసెల్‌ (19 బంతుల్లో 41; 4 ఫోర్లు, 3 సిక్సర్లు), శ్రేయస్‌ అయ్యర్‌ (11 బంతుల్లో 18; 2 సిక్సర్లు), రింకూ సింగ్‌ (8 బంతుల్లో 26; ఫోర్‌, 3 సిక్సర్లు) విధ్వంసం సృష్టించడంతో నిర్ణీత ఓవర్లలో 7 వికెట్ల నష్టానికి 272 పరుగుల చేసింది. ఐపీఎల్‌ ఇది రెండో అతి భారీ స్కోర్‌. ఇదే సీజన్‌లో ముంబై ఇండియన్స్‌పై సన్‌రైజర్స్‌ చేసిన స్కోర్‌ (277/3) ఐపీఎల్‌ చరిత్రలోనే అత్యధిక స్కోర్‌గా ఉంది.  అనంతరం భారీ లక్ష్యాన్ని ఛేదించేందుకు బరిలో​కి దిగిన ఢిల్లీ.. 17.2 ఓవర్లలో 166 పరుగులకే చాపచుట్టేసి, 106 పరుగుల తేడాతో ఓటమిపాలైంది. రిషబ్‌ పంత్‌ (55), ట్రిస్టన్‌ స్టబ్స్‌ (54) ఓటమి ఖరారైన దశలో బ్యాట్‌ను ఝులిపించారు. వీరిద్దరు మినహా ఢిల్లీ ఆటగాళ్లంతా చేతులెత్తేశారు. వార్నర్‌ (18), పృథ్వీ షా (10) రెండంకెంల స్కోర్లు చేయగా.. మార్ష్‌, పోరెల్‌, అక్షర్‌ డకౌట్లయ్యారు. కేకేఆర్‌ బౌలర్లలో వైభవ్‌ అరోరా, వరుణ్‌ చక్రవర్తి అద్భుతంగా బౌల్‌ చేసి చెరి 3 వికెట్లు పడగొట్టారు. స్టార్క్‌ 2, రసెల్‌, నరైన్‌ తలో వికెట్‌ దక్కించుకున్నారు. 

ఐపీఎల్‌ 2024లో భాగంగా ఢిల్లీ క్యాపిటల్స్‌తో నిన్న (ఏప్రిల్‌ 3) జరిగిన మ్యాచ్‌లో కేకేఆర్‌ 106 పరుగుల తేడాతో ఘన విజయం సాధించింది. సునీల్‌ నరైన్‌ (39 బంతుల్లో 85; 7 ఫోర్లు, 7 సిక్సర్లు) విధ్వంసకర ఇన్నింగ్స్‌ ఆడి కేకేఆర్‌ విజయంలో కీలకపాత్ర పోషించాడు. ఫలితంగా అతనికి ప్లేయర్‌ ఆఫ్‌ ద మ్యాచ్‌ అవార్డు దక్కింది. నరైన్‌ కేకేఆర్‌ తరఫున ఈ అవార్డు అందుకోవడం ఇది 14వసారి.  కేకేఆర్‌ తరఫున అత్యధిక ప్లేయర్‌ ఆఫ్‌ ద మ్యాచ్‌ అవార్డులు అందుకున్న రికార్డు ఆండ్రీ రసెల్‌ (14) పేరిట ఉండగా.. నిన్నటి మ్యాచ్‌తో నరైన్‌ రసెల్‌ రికార్డును సమం చేశాడు. రసెల్‌, నరైన్‌ ఐపీఎల్‌లో అత్యధిక ప్లేయర్‌ ఆఫ్‌ ద మ్యాచ్‌ అవార్డులు అందుకున్న ఆటగాళ్ల జాబితాలో 10, 11 స్థానాల్లో ఉన్నారు.  ఐపీఎల్‌లో అత్యధిక ప్లేయర్‌ ఆఫ్‌ ద మ్యాచ్‌ అవార్డుల రికార్డు ఏబీ డివిలియర్స్‌ పేరిట ఉంది. ఏబీడి ఢిల్లీ డేర్‌డెవిల్స్‌, ఆర్సీబీ తరఫున 25 ప్లేయర్‌ ఆఫ్‌ ద మ్యాచ్‌ అవార్డులు అందుకున్నాడు. ఏబీడీ తర్వాత క్రిస్‌ గేల్‌ (22), రోహిత్‌ శర్మ (19), డేవిడ్‌ వార్నర్‌ (18), ఎంఎస్‌ ధోని (17), విరాట్‌ కోహ్లి (17), షేన్‌ వాట్సన్‌ (16), యూసఫ్‌ పఠాన్‌ (16) అత్యధిక ప్లేయర్‌ ఆఫ్‌ ద మ్యాచ్‌ అవార్డులు అందుకున్న ఆటగాళ్ల జాబితాలో ఉన్నారు. రసెల్‌, నరైన్‌తో సమానంగా సురేశ్‌ రైనా, కీరన్‌ పోలార్డ్‌ కూడా 14 ప్లేయర్‌ ఆఫ్‌ ద మ్యాచ్‌ అవార్డులు అందుకున్నారు.  కాగా, ఢిల్లీతో మ్యాచ్‌లో నరైన్‌తో పాటు యువ ఆటగాడు రఘువంశీ (27 బంతుల్లో 54; 5 ఫోర్లు, 3 సిక్సర్లు), ఆండ్రీ రసెల్‌ (19 బంతుల్లో 41; 4 ఫోర్లు, 3 సిక్సర్లు), శ్రేయస్‌ అయ్యర్‌ (11 బంతుల్లో 18; 2 సిక్సర్లు), రింకూ సింగ్‌ (8 బంతుల్లో 26; ఫోర్‌, 3 సిక్సర్లు) రెచ్చిపోవడంతో కేకేఆర్‌ నిర్ణీత ఓవర్లలో 7 వికెట్ల నష్టానికి 272 పరుగుల భారీ స్కోర్‌ చేసింది. ఐపీఎల్ చరిత్రలో‌ ఇది రెండో భారీ స్కోర్‌. ఇదే సీజన్‌లో ముంబై ఇండియన్స్‌పై సన్‌రైజర్స్‌ చేసిన స్కోర్‌ (277/3) ఐపీఎల్‌ చరిత్రలోనే అత్యధిక స్కోర్‌గా ఉంది.  273 పరుగుల భారీ లక్ష్యాన్నిఛేదించేందుకు బరిలో​కి దిగిన ఢిల్లీ.. 17.2 ఓవర్లలో 166 పరుగులకే చాపచుట్టేసి, ఘోర పరాభవాన్ని మూటగట్టుకుంది. రిషబ్‌ పంత్‌ (55), ట్రిస్టన్‌ స్టబ్స్‌ (54) ఓటమి ఖరారైన దశలో బ్యాట్‌ను ఝులిపించారు. వీరిద్దరు మినహా ఢిల్లీ ఆటగాళ్లంతా చేతులెత్తేశారు. వార్నర్‌ (18), పృథ్వీ షా (10) రెండంకెంల స్కోర్లు చేయగా.. మార్ష్‌, పోరెల్‌, అక్షర్‌ డకౌట్లయ్యారు. కేకేఆర్‌ బౌలర్లలో వైభవ్‌ అరోరా, వరుణ్‌ చక్రవర్తి అద్భుతంగా బౌల్‌ చేసి చెరి 3 వికెట్లు పడగొట్టారు. స్టార్క్‌ 2, రసెల్‌, నరైన్‌ తలో వికెట్‌ దక్కించుకున్నారు. ఈ గెలుపుతో కేకేఆర్‌ హ్యాట్రిక్‌ విజయాలు సొంతం చేసుకుని పాయింట్ల పట్టికలో అగ్రస్థానానికి దూసుకెళ్లగా.. ఢిల్లీ తాజా ఓటమితో పాయింట్ల పట్టికలో తొమ్మిదో స్థానానికి పడిపోయింది.   

ఢిల్లీ క్యాపిటల్స్‌ వెటరన్‌ పేసర్‌ ఇషాంత్‌ శర్మ కళ్లు చెదిరే యార్కర్‌ను సంధించాడు. కేకేఆర్‌తో ఇవాళ (ఏప్రిల్‌ 3) జరుగుతున్న మ్యాచ్‌లో ఇషాంత్‌ సూపర్‌ డెలివరీని బౌల్‌ చేశాడు. ఇషాంత్‌ యార్కర్‌ దెబ్బకు బ్యాటర్‌ ఆండ్రీ రసెల్‌ ఫ్యూజులు ఎగిరిపోయాయి. సెకెన్ల వ్యవధిలో బంతి వికెట్లను గిరాటు వేయడంతో రసెల్‌ నిర్ఘాంతపోయాడు.    ఇషాంత్‌ యార్కర్‌కు సమాధానం చెప్పలేని రసెల్‌ బంతిని అడ్డుకునే క్రమంలో బొక్కబోర్లా పడ్డాడు. ఈ బంతిని సంధించినందుకుగాను రసెల్‌ ఇషాంత్‌ను అభినందించకుండా ఉండలేకపోయాడు. కిందపడి లేవగానే చప్పట్లతో అభినందించాడు. ఇషాంత్‌ సూపర్‌ యార్కర్‌కు సంబంధించిన వీడియో నెట్టింట వైరలవుతుంది.  ISHANT SHARMA WITH A BALL OF IPL 2024...!!! 🤯 pic.twitter.com/9O015ZzlwZ — Mufaddal Vohra (@mufaddal_vohra) April 3, 2024 ఇషాంత్‌ రసెల్‌ను ఔట్‌ చేసిన సందర్భం కూడా చాలా కీలకమైంది. ఆఖరి ఓవర్‌ తొలి బంతికి.. అప్పటికే రసెల్‌  (19 బంతుల్లో 41; 4 ఫోర్లు, 3 సిక్సర్లు) శివాలెత్తిపోయి ఉన్నాడు. ఆ సమయంలో ఇషాంత్‌ అద్భుతమైన యార్కర్‌తో రసెల్‌ను బోల్తా కొట్టించాడు. ఆ బంతికి రసెల్‌ ఔట్‌ కాకపోయి ఉండివుంటే, కేకేఆర్‌ ఐపీఎల్‌ చరిత్రలోనే అత్యంత భారీ స్కోర్‌ నమోదు చేసి ఉండేది. లేటు వయసులో ఇషాంత్‌ ప్రదర్శన​కు అభిమానులు ఫిదా అవుతున్నారు. ఈ మ్యాచ్‌లో అతను ధారాళంగా పరుగులు సమర్పించుకున్నప్పటికీ రెండు వికెట్లు పడగొట్టాడు.   కాగా, ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. సునీల్‌ నరైన్‌ (39 బంతుల్లో 85; 7 ఫోర్లు, 7 సిక్సర్లు), రఘువంశీ (27 బంతుల్లో 54; 5 ఫోర్లు, 3 సిక్సర్లు), ఆండ్రీ రసెల్‌, శ్రేయస్‌ అయ్యర్‌ (11 బంతుల్లో 18; 2 సిక్సర్లు), రింకూ సింగ్‌ (8 బంతుల్లో 26; ఫోర్‌, 3 సిక్సర్లు) చెలరేగడంతో నిర్ణీత ఓవర్లలో 7 వికెట్ల నష్టానికి 272 పరుగుల చేసింది. ఐపీఎల్‌ చరిత్రలో ఇది రెండో భారీ స్కోర్‌. ఇదే సీజన్‌లో ముంబై ఇండియన్స్‌పై సన్‌రైజర్స్‌ చేసిన స్కోర్‌ (277/3) ఐపీఎల్‌ చరిత్రలోనే అత్యధిక స్కోర్‌గా ఉంది. ఓ సీజన్‌లో 250పైగా స్కోర్లు రెండు సార్లు నమోదు కావడం 17 ఏళ్ల ఐపీఎల్‌ చరిత్రలో ఇదే మొదటిసారి. 

ఐపీఎల్‌ 2024లో భాగంగా ఢిల్లీ క్యాపిటల్స్‌తో ఇవాళ (ఏప్రిల్‌ 3) జరుగుతున్న మ్యాచ్‌లో కేకేఆర్‌ బ్యాటర్లు వీరంగం సృష్టించారు. టాపార్డర్‌ బ్యాటర్లు పోటాపోటీపడి విధ్వంసం సృష్టించారు. ఫలితంగా ఐపీఎల్‌ చరిత్రలోనే రెండో అతి భారీ స్కోర్‌ నమోదైంది.  ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన కేకేఆర్‌.. సునీల్‌ నరైన్‌ (39 బంతుల్లో 85; 7 ఫోర్లు, 7 సిక్సర్లు), రఘువంశీ (27 బంతుల్లో 54; 5 ఫోర్లు, 3 సిక్సర్లు), ఆండ్రీ రసెల్‌ (19 బంతుల్లో 41; 4 ఫోర్లు, 3 సిక్సర్లు), శ్రేయస్‌ అయ్యర్‌ (11 బంతుల్లో 18; 2 సిక్సర్లు), రింకూ సింగ్‌ (8 బంతుల్లో 26; ఫోర్‌, 3 సిక్సర్లు) ఆకాశమే హద్దుగా చెలరేగిపోవడంతో నిర్ణీత ఓవర్లలో 7 వికెట్ల నష్టానికి 272 పరుగుల చేసింది. ఐపీఎల్‌లో ఇది రెండో అతి భారీ స్కోర్‌. ఇదే సీజన్‌లో ముంబై ఇండియన్స్‌పై సన్‌రైజర్స్‌ చేసిన స్కోర్‌ (277/3) ఐపీఎల్‌ చరిత్రలోనే అత్యధిక స్కోర్‌గా ఉంది. ఓ సీజన్‌లో 250పైగా స్కోర్లు రెండు సార్లు నమోదు కావడం 17 ఏళ్ల ఐపీఎల్‌ చరిత్రలో ఇదే మొదటిసారి.  ఐపీఎల్‌ చరిత్రలో టాప్‌-5 అత్యధిక స్కోర్లు.. సన్‌రైజర్స్‌ హైదరాబాద్‌ (277/3): 2024 సీజన్‌లో ముంబై ఇండియన్స్‌పై కోల్‌కతా నైట్‌రైడర్స్‌ (266/6): 2024 సీజన్‌లో ఢిల్లీ క్యాపిటల్స్‌పై రాయల్‌ ఛాలెంజర్స్‌ బెంగళూరు (263/5): 2013 సీజన్‌లో పూణే వారియర్స్‌పై లక్నో సూపర్‌ జెయింట్స్‌ (257/5): 2023 సీజన్‌లో పంజాబ్‌ కింగ్స్‌పై రాయల్‌ ఛాలెంజర్స్‌ బెంగళూరు (248/3): 2016 సీజన్‌లో గుజరాత్‌ లయన్స్‌పై

ఐపీఎల్‌ 2024లో భాగంగా ఢిల్లీ క్యాపిటల్స్‌తో ఇవాళ (ఏప్రిల్‌ 3) జరుగుతున్న మ్యాచ్‌లో కేకేఆర్‌ యువ బ్యాటర్‌ అంగ్క్రిష్ రఘువంశీ విధ్వంసం సృష్టించాడు. కేవలం 25 బంతుల్లోనే హాఫ్‌ సెంచరీ పూర్తి చేశాడు. తద్వారా కేకేఆర్‌ తరఫున శుభ్‌మన్‌ గిల్‌ తర్వాత అత్యంత పిన్న వయసులో హాఫ్‌ సెంచరీ చేసిన ఆటగాడిగా రికార్డుల్లోకెక్కాడు. శుభ్‌మన్‌ 18 ఏళ్ల 237 రోజుల వయసులో (2018 సీజన్‌) సీఎస్‌కేపై హాఫ్‌ సెంచరీ చేయగా.. రఘువంశీ 18 ఏళ్ల 303 రోజుల వయసులో ఢిల్లీ క్యాపిటల్స్‌పై అర్దసెంచరీ సాధించాడు. రఘువంశీకి ఐపీఎల్‌లో ఇది తొలి ఇన్నింగ్స్‌ కావడం విశేషం.  Innovative! Maiden IPL Fifty for Angkrish Raghuvanshi ✨ Head to @JioCinema and @StarSportsIndia to watch the match LIVE#TATAIPL | #DCvKKR pic.twitter.com/72oQQZIDbd — IndianPremierLeague (@IPL) April 3, 2024 ఈ ఇన్నింగ్స్‌కు ముందు అతను ఓ మ్యాచ్‌ ఆడినా అందులో బ్యాటింగ్‌ చేసే అవకాశం రాలేదు. కేకేఆర్‌ తరఫున అరంగేట్రం ఇన్నింగ్స్‌లో ఆరో అత్యధిక స్కోర్‌ చేసిన ఆటగాడిగానూ రఘువంశీ రికార్డుల్లోకెక్కాడు. ఈ ఇన్నింగ్స్‌లో మొత్తం 27 బంతులు ఎదుర్కొన్న రఘువంశీ 5 ఫోర్లు, 3 సిక్సర్ల సాయంతో 54 పరుగులు చేసి ఔటయ్యాడు. ఈ మ్యాచ్‌లో రఘువంశీతో పాటు సునీల్‌ నరైన్‌ సైతం విధ్వంసం సృష్టించాడు. నరైన్‌ కేవలం 39 బంతుల్లో 7 ఫోర్లు, 7 సిక్సర్ల సాయంతో 85 పరుగులు చేశాడు. వీరిద్దరి ఊచకోత ధాటికి ఢిల్లీ బౌలర్లు వణికిపోయారు. వీరిద్దరు ఔటయ్యాక రసెల్‌ భారీ షాట్లు ఆడటం మొదలుపెట్టాడు. రసెల్‌ 15 బంతుల్లో 4 ఫోర్లు, 3 సిక్సర్ల సాయంతో 38 పరుగులు చేసి క్రీజ్‌లో కొనసాగుతున్నాడు. అతనికి జతగా శ్రేయస్‌ అయ్యర్‌ (12) ఉన్నాడు. నరైన్‌, రఘువంశీ, రసెల్‌ ధాటికి కేకేఆర్‌ 16వ ఓవర్‌లోనే 200 పరుగుల మార్కును దాటింది. ఐపీఎల్‌ చరిత్రలో ఇది మూడో వేగవంతమై 200. 17 ఓవర్ల తర్వాత కేకేఆర్‌ స్కోర్‌ 224/3గా ఉంది.   ఈ మ్యాచ్‌లో కేకేఆర్‌ టాస్‌ గెలిచి తొలుత బ్యాటింగ్‌ ఎంచుకుంది. ఐదో ఓవర్‌లో ఫిలిప్‌ సాల్ట్‌ (18) ఔటయ్యాడు. నోర్జే బౌలింగ్‌లో ట్రిస్టన్‌ స్టబ్స్‌కు క్యాచ్‌ ఇచ్చి సాల్ట్‌ పెవిలియన్‌కు చేరాడు. కాగా, ప్రస్తుత సీజన్‌లో ఆడిన రెండు మ్యాచ్‌ల్లో విజయాలు సాధించి, పాయింట్ల పట్టికలో రెండో స్థానంలో ఉన్న కేకేఆర్‌ మరో విజయం సాధించే దిశగా అడుగులు వేస్తుంది. అండర్‌-19 వరల్డ్‌కప్‌ హీరో.. 18 ఏళ్ల రఘువంశీ భారత అండర్‌-19 జట్టు వరల్డ్‌కప్‌ గెలిచిన జట్టులో సభ్యుడు. 2022 వరల్డ్‌కప్‌ ఎడిషన్‌లో రఘువంశీ భారత్‌ తరఫున లీడింగ్‌ రన్‌స్కోరర్‌గా ఉన్నాడు. 

ఢిల్లీ క్యాపిటల్స్‌తో ఇవాళ (ఏప్రిల్‌ 3) జరుగుతున్న మ్యాచ్‌లో కేకేఆర్‌ ఓపెనర్‌ సునీల్‌ నరైన్‌ శివాలెత్తిపోయాడు. కేవలం 21 బంతుల్లోనే 6 ఫోర్లు, 4 సిక్సర్ల సాయంతో హాఫ్‌ సెంచరీ పూర్తి చేశాడు. నరైన్‌ విధ్వంసం ధాటికి కేకేఆర్‌ 9 ఓవర్లలో వికెట్‌ నష్టానికి 126 పరుగులు చేసింది. నరైన్‌కు జతగా యువ ఆటగాడు రఘువంశీ (14  బంతుల్లో 31; 4 ఫోర్లు, సిక్స్‌) క్రీజ్‌లో ఉన్నాడు. రఘువంశీ కూడా చెలరేగి ఆడుతున్నాడు. హాఫ్‌ సెంచరీ తర్వాత కూడా నరైన్‌ దూకుడు కొనసాగుతుంది. Sunil Narine is in some form! 🔥 pic.twitter.com/326qICPqWl — Mufaddal Vohra (@mufaddal_vohra) April 3, 2024 నరైన్‌ 28 బంతుల్లో 6 ఫోర్లు, 6 సిక్సర్ల సాయంతో 68 పరుగులతో అజేయంగా కొనసాగుతున్నాడు. నరైన్‌ ఇషాంత్‌ శర్మ, రసిక్‌ సలామ్‌ అక్షర్‌ పటేల్‌లకు చుక్కలు చూపించాడు. ఇషాంత్‌ వేసిన నాలుగో ఓవర్‌లో మూడు సిక్సర్లు సహా 26 పరుగులు పిండుకున్న నరైన్‌.. రసిర్‌ వేసిన 6వ ఓవర్‌లో మూడు ఫోర్ల సాయంతో 18, అక్షర్‌ వేసిన 8వ ఓవర్‌లో 2 సిక్సర్ల సాయంతో 19 పరుగులు రాబట్టాడు. THE DESTRUCTION OF SUNIL NARINE...!!!!- He smashed 6,6,4,0,6,4 in an over against Ishant Sharma..!!! 🔥 pic.twitter.com/i9vkivM2NH— CricketMAN2 (@ImTanujSingh) April 3, 2024 ఈ మ్యాచ్‌లో కేకేఆర్‌ టాస్‌ గెలిచి తొలుత బ్యాటింగ్‌ ఎంచుకుంది. ఐదో ఓవర్‌లో ఫిలిప్‌ సాల్ట్‌ (18) ఔటయ్యాడు. నోర్జే బౌలింగ్‌లో ట్రిస్టన్‌ స్టబ్స్‌కు క్యాచ్‌ ఇచ్చి సాల్ట్‌ పెవిలియన్‌కు చేరాడు. ప్రస్తుత సీజన్‌లో ఆడిన రెండు మ్యాచ్‌ల్లో విజయాలు సాధించి, పాయింట్ల పట్టికలో రెండో స్థానంలో ఉన్న కేకేఆర్‌ మరో విజయం సాధించే దిశగా అడుగులు వేస్తుంది.

ఐపీఎల్‌ 2024 వేలంలో అత్యధిక ధర (24.75 కోట్లతో కేకేఆర్‌ సొంతం చేసుకుంది) పలికి, లీగ్‌ చరిత్రలోనే అత్యంత ఖరీదైన ఆటగాడిగా రికార్డుల్లోకెక్కిన ఆసీస్‌ పేస్‌ గన్‌ మిచెల్‌ స్టార్క్‌.. ప్రస్తుత ఐపీఎల్‌ సీజన్‌లో పేలవ ప్రదర్శనలతో నిరాశపరుస్తున్నాడు. భారీ అంచనాల నడుమ ఈ సీజన్‌ బరిలోకి దిగిన స్టార్క్‌ ఇప్పటివరకు ఆడిన 2 మ్యాచ్‌ల్లో ఒక్క వికెట్ కూడా తీయకుండా ఏకంగా 100 పరుగులు సమర్పించుకున్నాడు.  సన్‌రైజర్స్‌తో జరిగిన తొలి మ్యాచ్‌లో 4 ఓవర్లలో 53 పరుగులిచ్చిన స్టార్క్‌.. ఆర్సీబీతో జరిగిన మ్యాచ్‌లో 4 ఓవర్లు బౌల్‌ చేసి 47 పరుగులు సమర్పించుకున్నాడు. జట్టులోని కుర్ర బౌలర్లు సత్తా చాటుతుంటే కోట్లు కుమ్మరించి కొనుక్కున స్టార్క్‌ తేలిపోతుండటంతో కేకేఆర్‌ యాజమాన్యం అసంతృప్తిగా ఉంది.  స్టార్క్‌తో పాటు కేకేఆర్‌ బౌలింగ్‌ అటాక్‌ను ప్రారంభిస్తున్న 22 ఏళ్ల యువ పేసర్‌ హర్షిత్‌ రాణా సన్‌రైజర్స్‌తో జరిగిన మ్యాచ్‌లో 3 వికెట్లు, ఆర్సీబీతో జరిగిన మ్యాచ్‌లో 2 వికెట్లు తీసి ఔరా అనిపిస్తే.. స్టార్క్‌ మాత్రం తనపై పెట్టిన డబ్బుకు కనీస న్యాయం కూడా చేయలేక ఉసూరుమనిపిస్తున్నాడు. స్టార్క్‌పై పెట్టిన పెట్టుబడిలో కనీసం ఒకటో వంతు (20 లక్షలు) కూడా లభించని రాణా ఆకాశమే హద్దుగా చెలరేగిపోతుంటే.. స్టార్క్‌ మాత్రం కోట్లు జేబులో వేసుకుని దిక్కులు చూస్తున్నాడు. మరో పక్క తన సహచరుడు, సన్‌రైజర్స్‌ కెప్టెన్‌ పాట్‌ కమిన్స్‌ తనపై పెట్టుకున్న అంచనాలకు న్యాయం చేస్తుంటే స్టార్క్‌ మాత్రం కేకేఆర్‌ అభిమానులకు, యాజమాన్యానికి గుండు సున్నా చూపిస్తున్నాడు. తొలి రెండు మ్యాచ్‌ల్లో కేకేఆర్‌ ఎలాగోలా గెలిచింది కాబట్టి సరిపోయింది. లేకుంటే స్టార్క్‌పై విమర్శల పర్వం మొదలయ్యేది. ఇప్పటికైనా స్టార్క్‌ మొద్దు నిద్రను వీడి రాణించాలని కేకేఆర్‌ అభిమానులు కోరుకుంటున్నారు.  కాగా, ప్రస్తుత సీజన్‌లో కేకేఆర్‌ ఇప్పటివరకు ఆడిన రెండు మ్యాచ్‌ల్లో విజయాలు సాధించి, పాయింట్ల పట్టికలో రెండో స్థానంలో కొనసాగుతుంది. కేకేఆర్‌.. ఏప్రిల్‌ 3న జరిగే తమ తదుపరి మ్యాచ్‌లో ఢిల్లీ క్యాపిటల్స్‌తో తలపడనుంది. నేటి మ్యాచ్‌ల విషయానికొస్తే.. ఇవాళ డబుల్‌ హెడర్‌ మ్యాచ్‌లు జరుగనున్నాయి. మధ్యాహ్నం జరిగే మ్యాచ్‌లో గుజరాత్‌ తమ సొంత మైదానంలో సన్‌రైజర్స్‌ను ఎదుర్కోనుండగా.. విశాఖలో జరిగే రాత్రి మ్యాచ్‌లో ఢిల్లీ, సీఎస్‌కే జట్లు తలడనున్నాయి.   

టీమిండియా స్టార్ బ్యాటర్  విరాట్ కోహ్లి, మాజీ క్రికెటర్ గౌతం గంభీర్ మధ్య గత కొంత కాలంగా వైరం నడుస్తున్న సంగతి తెలిసిందే. అయితే ఇదంతా ఒక‌ప్పుడు. ఇప్పుడు వారిద్ద‌రూ క‌లిసిపోయారు. అవును మీరు విన్న‌ది నిజ‌మే. ఐపీఎల్‌-2024లో భాగంగా చిన్న‌స్వామి స్టేడియం వేదిక‌గా ఆర్సీబీ, కేకేఆర్ జ‌ట్లు త‌ల‌ప‌డుతున్నాయి.  ఈ మ్యాచ్‌ స్ట్రాటజిక్ టైమ్‌లో గౌతం గంభీర్, కోహ్లి ఇద్ద‌రూ ఒకరినొకరు అప్యాయంగా ప‌లక‌రించుకుంటూ హగ్ చేసుకున్నారు.  దీంతో వారిద్ద‌రి మ‌ధ్య 11 ఏళ్ల‌గా కొనసాగుతున్న వైరానికి తెర‌ప‌డింది. ఇందుకు సంబంధించిన ఫోటోలు సోష‌ల్ మీడియా వైరల్ అవుతున్నాయి. ఇది చూసిన నెటిజ‌న్లు త‌మ అభిమాన క్రికెట‌ర్ల‌పై ప్ర‌శంస‌ల వ‌ర్షం కురిపిస్తున్నారు. క్రికెట్ జెంటిల్మెన్ గేమ్ అని, ఎప్పుడు మీ ఇద్ద‌రూ ఇలానే క‌లిసి ఉండాల‌ని ఫ్యాన్స్ కామెంట్లు చేస్తున్నారు. ఈ మ్యాచ్‌లో కోహ్లి ఆర్సీబీకి ప్రాతినిథ్యం వ‌హిస్తుండ‌గా.. గౌతం గంభీర్ కేకేఆర్ మెంటార్‌గా వ్య‌వ‌హ‌రిస్తున్నాడు. కాగా తొలిసారిగా 2013 ఐపీఎల్ సీజన్‌లో కేకేఆర్- ఆర్‌సీబీ మ్యాచ్‌లో విరాట్ కోహ్లి, గౌతమ్ గంభీర్ మధ్య గొడవ జరిగింది. ఆ త‌ర్వాత 2015 ఐపీఎల్ సీజన్‌లో మ‌ళ్లీ విరాట్‌, గౌతీ మ‌ధ్య వాగ్వాదం చోటుచేసుకుంది. ఆ మ్యాచ్‌లో కేకేఆర్‌పై ఆర్‌సీబీ గెలిచిన తర్వాత విరాట్ కోహ్లీ అరుస్తూ సెలబ్రేట్ చేసుకున్నాడు. దీన్ని తట్టుకోలేకపోయిన గౌతమ్ గంభీర్, డగౌట్‌లో కూర్చీని తన్ని, ఫైన్ కూడా కట్టాడు. అనంత‌రం 2023 ఐపీఎల్ సీజన్‌లో మరోసారి విరాట్ , గంభీర్‌ మధ్య తీవ్ర వాగ్వాదం చోటు చేసుకుంది. న‌వీన్ ఉల్ హాక్‌-కోహ్లి మ‌ధ్య గొడ‌వ జ‌ర‌గ‌గా.. అందులో గంభీర్ జోస్యం చేసుకోవ‌డంతో ఆ గొడ‌వ మరింత తీవ్ర‌మైంది. అయితే మ‌ళ్లీ ఏడాది త‌ర్వాత ఇద్ద‌రూ ఒకే మైదానంలో ఉండ‌డంతో అంద‌రి క‌ళ్లు ఈ మ్యాచ్‌పైనే ఉన్ను. కానీ  అంద‌రి ఊహల‌ను త‌ల‌కిందులు చేస్తూ ఇద్ద‌రూ మంచి మిత్రులయ్యారు. They hugged 😭😭😭 Gautam gambhir said sorry to king kohli for everything he spoke against him. I think the only controversy which will last this season is Hardik vs Rohit 😂#RCBvsKKR #IPL2024 #ViratKohli #GautamGambhir Maxwell pic.twitter.com/G0pZpGsOOb — RanaJi🏹 (@RanaTells) March 29, 2024

ఐపీఎల్‌ 2024లో భాగంగా ఆర్సీబీతో ఇవాళ (మార్చి 29) జరుగబోయే మ్యాచ్‌తో కేకేఆర్‌ స్పిన్‌ బౌలింగ్‌ ఆల్‌రౌండర్‌ సునీల్‌ నరైన్‌ చరిత్ర సృష్టించనున్నాడు. ఈ మ్యాచ్‌తో నరైన్‌ టీ20ల్లో 500 మ్యాచ్‌ల మైలురాయిని తాకబోతున్నాడు. ప్రపంచ క్రికెట్‌లో కేవలం ముగ్గురు​ మాత్రమే నరైన్‌కు ముందు ఈ మైలురాయిని తాకారు. వీరిలో కీరన్‌ పోలార్డ్‌ అందరికంటే ఎక్కువగా 660 మ్యాచ్‌లు ఆడగా.. డ్వేన్‌ బ్రావో 573, షోయబ్‌ మాలిక్‌ 542 మ్యాచ్‌లు ఆడారు. టీ20ల్లో అత్యంత అరుదైన క్లబ్‌లో చేరబోతున్న నరైన్‌.. ఈ ఫార్మాట్‌లో ఇప్పటివరకు 499 మ్యాచ్‌లు ఆడి 536 వికెట్లు పడగొట్టాడు. బ్యాటింగ్‌లో 3736 పరుగులు చేశాడు. 2011లో టీ20 ఫార్మాట్‌లోకి ఎంట్రీ ఇచ్చిన నరైన్‌ చాలా రికార్డుల్లో భాగంగా ఉన్నాడు.  టీ20ల్లో అత్యధిక మెయిడిన్లు (30) వేసిన బౌలర్‌గా.. టీ20ల్లో మూడో అత్యధిక వికెట్‌ టేకర్‌గా (536).. కనీసం 2000 బంతులు బౌల్‌ చేసిన వారిలో రెండో అత్యధిక ఎకానమీ రేట్‌ (6.10) కలిగిన బౌలర్‌గా..  పవర్‌ ప్లేల్లో నాలుగో అత్యుత్తమ స్ట్రయిక్‌రేట్ (155.05) కలిగిన బ్యాటర్‌గా.. టీ20ల్లో అత్యధిక టైటిళ్లలో (10) భాగమైన నాలుగో ఆటగాడిగా పలు రికార్డుల్లో తన పేరును లిఖించుకున్నాడు.  మ్యాచ్‌ విషయానికొస్తే.. రాయల్‌ ఛాలెంజర్స్‌ బెంగళూరు తమ సొంత మైదానమైన చిన్నస్వామి స్టేడియంలో ఇవాళ కోల్‌కతా నైట్‌రైడర్స్‌తో తలపడనుంది. రాత్రి 7:30 గంటలకు ప్రారంభమయ్యే ఈ మ్యాచ్‌లో ఇరు జట్లు గెలుపు కోసం కొదమ సింహాల్లా పోరాడనున్నాయి. కేకేఆర్ తమ తొలి మ్యాచ్‌లో సన్‌రైజర్స్‌ను మట్టికరిపించి జోష్‌లో ఉండగా.. ఆర్సీబీ తమ చివరి మ్యాచ్‌లో (రెండోది) పంజాబ్‌ కింగ్స్‌కు షాకిచ్చి నూతనోత్సాహంతో ఉరకలేస్తుంది.   

ఐపీఎల్‌ 2024లో భాగంగా ఇవాళ (మార్చి 29) మరో క్లాసీ మ్యాచ్‌ జరుగనుంది. రాయల్‌ ఛాలెంజర్స్‌ బెంగళూరు తమ సొంత మైదానమైన చిన్నస్వామి స్టేడియంలో కోల్‌కతా నైట్‌రైడర్స్‌తో తలపడనుంది. రాత్రి 7:30 గంటలకు ప్రారంభమయ్యే ఈ మ్యాచ్‌లో ఇరు జట్లు గెలుపు కోసం కొదమ సింహాల్లా పోరాడే అవకాశం ఉంది. కేకేఆర్ తమ తొలి మ్యాచ్‌లో సన్‌రైజర్స్‌ను మట్టికరిపించి జోష్‌లో ఉంటే.. ఆర్సీబీ తమ చివరి మ్యాచ్‌లో (రెండోది) పంజాబ్‌ కింగ్స్‌కు షాకిచ్చి నూతనోత్సాహంతో ఉరకలేస్తుంది. ఇవాల్టి మ్యాచ్‌కు ముందు ఓ సెంటిమెంట్‌ అందరి దృష్టిని ఆకర్శిస్తుంది. ప్రస్తుత సీజన్‌లో ఇప్పటివరకు జరిగిన తొమ్మిది మ్యాచ్‌ల్లో హోం గ్రౌండ్‌లో ఆడిన జట్లే విజయాలు సాధించాయి.  చెన్నైలో జరిగిన తొలి మ్యాచ్‌లో సీఎస్‌కే (ఆర్సీబీపై విజయం), చంఢీఘడ్‌లో జరిగిన రెండో మ్యాచ్‌లో పంజాబ్‌ (ఢిల్లీ క్యాపిటల్స్‌పై),  కోల్‌కతాలో జరిగిన మూడో మ్యాచ్‌లో కేకేఆర్‌ (సన్‌రైజర్స్‌పై), జైపూర్‌లో జరిగిన నాలుగో మ్యాచ్‌లో రాజస్థాన్‌ (లక్నోపై),  అహ్మదాబాద్‌లో ముంబైపై గుజరాత్‌, బెంగళూరులో పంజాబ్‌ కింగ్స్‌పై ఆర్సీబీ, చెన్నైలో గుజరాత్‌పై సీఎస్‌కే, హైదరాబాద్‌లో  ముంబైపై సన్‌రైజర్స్‌, జైపూర్‌లో నిన్న జరిగిన తొమ్మిదో మ్యాచ్‌లో ఢిల్లీ క్యాపిటల్స్‌పై రాజస్థాన్‌ రాయల్స్‌ విజయాలు సాధించాయి. ఈ నేపథ్యంలో ఆర్సీబీ హోం గ్రౌండ్‌లో విజయం సాధించి సెంటిమెంట్‌ కొనసాగిస్తుందా.. లేక కేకేఆర్‌కు దాసోహమై సెంటిమెంట్‌ను బ్రేక్‌ చేస్తుందా అన్నది ఆసక్తికరంగా మారింది.  గత రికార్డులను పరిశీలిస్తే.. ఆర్సీబీ, కేకేఆర్‌ మధ్య ఇప్పటివరకు 32 మ్యాచ్‌లు జరగగా కేకేఆర్‌ 18, ఆర్సీబీ 14 మ్యాచ్‌ల్లో విజయాలు సాధించాయి. బలాబలాల విషయానికొస్తే.. ఇరు జట్లు బ్యాటింగ్‌లో సమతూకంగా కనిపిస్తున్నప్పటికీ.. కేకేఆర్‌కు బ్యాటింగ్‌ డెప్త్‌ కాస్త ఎక్కువేనని చెప్పాలి. ఆ జట్టులో ఎనిమిదో నంబర్‌ వరకు బ్యాటింగ్‌ చేసే వాళ్లు ఉన్నారు. ఆర్సీబీ విషయానికొస్తే పరిస్థితి అలా లేదు. విరాట్‌, డుప్లెసిస్‌, మ్యాక్సీ ఔటైతే ఆ జట్టు పరిస్థితి అగమ్యగోచరంగా ఉంటుంది. బౌలింగ్‌లోనూ ఆర్సీబీతో పోలిస్తే కేకేఆర్‌ మెరుగ్గానే ఉందని చెప్పాలి. ఐపీఎల్‌ కాస్ట్‌లీ ప్లేయర్‌ మిచెల్‌ స్టార్క్‌ నాయకత్వంలో కేకేఆర్‌ బౌలింగ్‌ లైనప్‌ పటిష్టంగా కనిపిస్తుంది. సన్‌రైజర్స్‌తో మ్యాచ్‌లో హర్షిత్‌ రాణా ఇరగదీశాడు. రసెల్‌ బ్యాట్‌తో పాటు బంతితోనూ చెలరేగాడు. నరైన్‌ అద్భుతంగా బౌలింగ్‌ చేశాడు. స్టార్క్‌, వరుణ్‌ చక్రవర్తి ధారాళంగా పరుగులు సమర్పించుకున్నప్పటికీ పరిస్థితి రిపీట్‌ కాదని అనిపిస్తుంది. ఆర్సీబీ విషయానికొస్తే.. ముందుగా ఈ జట్టులో చెప్పుకోదగ్గ బౌలర్‌ లేడు. కేవలం బ్యాటింగ్‌పైనే ఆ జట్టు ఆధార పడింది. సిరాజ్‌, అల్జరీ జోసఫ్‌, యశ్‌ దయాల్‌, గ్రీన్‌ లాంటి పేసర్లు ఉన్నా వారి నుంచి గొప్ప ప్రదర్శనలు ఆశించలేని పరిస్థితి ఉంది. స్పిన్నర్లు కర్ణ్‌ శర్మ, మయాంక్‌ డాగర్‌, మ్యాక్సీ అడపాదడపా రాణిస్తుంటారు. మొత్తంగా చూస్తే.. ఆర్సీబీ కంటే కేకేఆర్‌కే విజయావకాశాలు ఎక్కువగా ఉన్నాయి.

ఐపీఎల్‌ 2024లో భాగంగా కోల్‌కతా వేదికగా కేకేఆర్‌తో నిన్న జరిగిన మ్యాచ్‌లో సన్‌రైజర్స్‌ హైదరాబాద్‌ 4 పరుగుల తేడాతో ఓటమిపాలైంది. భారీ స్కోర్లు నమోదైన ఈ మ్యాచ్‌ చివరి బంతి వరకు హోరాహోరీగా సాగింది. తొలుత బ్యాటింగ్‌ చేసిన కేకేఆర్‌.. ఫిలిప్‌ సాల్ట్‌ (40 బంతుల్లో 54; 3 ఫోర్లు, 3 సిక్సర్లు), రసెల్‌ (25 బంతుల్లో 64 నాటౌట్‌; 3 ఫోర్లు, 7 సిక్సర్లు) అర్దసెంచరీలతో విరుచుకుపడటంతో నిర్ణీత ఓవర్లలో 7 వికెట్ల నష్టానికి 208 పరుగులు చేయగా.. ఛేదనలో హెన్రిచ్‌ క్లాసెన్‌ (29 బంతుల్లో 63; 8 సిక్సర్లు) విధ్వంసం సృష్టించినప్పటికీ సన్‌రైజర్స్‌ లక్ష్యాన్ని చేరుకోలేకపోయింది.  Day 1 of asking @JioCinema why we can't have #KavyaMaran on a separate hero cam feed during the live stream on #SRH matchday!? pic.twitter.com/QkzCPdvMkR — Saurav Shrivastava 🇮🇳 (@SaySaurav) March 23, 2024 చివరి ఓవర్‌లో 13 పరుగులు అవసరం కాగా.. హర్షిత్‌ రాణా (4-0-33-3) కట్టుదిట్టంగా బౌలింగ్‌ చేసి సన్‌రైజర్స్‌ గెలుపును అడ్డుకున్నాడు. అప్పటికే శివాలెత్తిపోయిన క్లాసెన్‌ వికెట్‌తో పాటు షాబాజ్‌ అహ్మద్‌ను పెవిలియన్‌కు పంపాడు. ఆఖరి ఓవర్‌ తొలి బంతికే క్లాసెన్‌ సిక్సర్‌ బాదినప్పటికీ.. సన్‌రైజర్స్‌ మిగిలిన ఐదు బంతుల్లో 7 పరుగులు చేయలేక ఓటమిపాలైంది. క్లాసెన్‌ సిక్సర్‌ బాదాక (19.1వ ఓవర్‌) వీఐపీ స్టాండ్స్‌లో ఉన్న సన్‌రైజర్స్‌ యజమాని కావ్య మారన్‌ ఆనందంతో గంతులేసింది. Kavya Maran's reactions in 20th over. 19.1. 19.5. pic.twitter.com/oybUIk9LhL — CricketMAN2 (@ImTanujSingh) March 23, 2024 అయితే ఈ సంతోషం ఆమెకు ఎంతో సేపు నిలబడలేదు. 20వ ఓవర్‌ ఐదో బంతికి క్లాసెన్‌ ఔట్‌ కావడంతో కావ్య ముఖం​ ఒక్కసారిగా మారిపోయింది. అప్పటిదాకా నవ్వుతూ జాలీగా కనిపించిన ఆమె ఒక్కసారిగా ఢీలా పడిపోయింది. సుయాష్‌ శర్మ అద్భుతమైన క్యాచ్‌ (క్లాసెన్‌) పట్టి కావ్య ముఖంలో చిరునవ్వును మాయం చేశాడు. నాలుగు బంతుల వ్యవధిలో కావ్య ముఖంలో వచ్చిన మార్పులకు సంబంధించిన ఫోటోలను ఓ నెటిజన్‌ నెట్టింట షేర్‌ చేయగా అవి వైరలవుతున్నాయి.   

ఐపీఎల్‌ 2024లో భాగంగా సన్‌రైజర్స్‌ హైదరాబాద్‌తో నిన్న జరిగిన మ్యాచ్‌లో కేకేఆర్‌ విధ్వంసకర ఆటగాడు ఆండ్రీ రసెల్‌ ఓ భారీ రికార్డును సొంతం చేసుకున్నాడు. ఈ మ్యాచ్‌లో సిక్సర్ల సునామీ (25 బంతుల్లో 64 నాటౌట్‌; 3 ఫోర్లు, 7 సిక్సర్లు)  సృష్టించిన రసెల్‌.. ఐపీఎల్‌లో అత్యంత వేగంగా 200 సిక్సర్లను (1322 బంతుల్లో) పూర్తి చేసుకున్న ఆటగాడిగా రికార్డుల్లోకెక్కాడు. రసెల్‌కు ముందు ఈ రికార్డు క్రిస్‌ గేల్‌ (1811 బంతుల్లో) పేరిట ఉండేది. రసెల్‌, గేల్‌ తర్వాత అత్యంత వేగంగా 200 సిక్సర్లు పూర్తి చేసిన ఘనత కీరన్‌ పోలార్డ్‌కు (2055) దక్కింది. ఈ జాబితాలో టాప్‌-3 ఆటగాళ్లు విండీస్‌ వీరులే కావడం విశేషం. ఈ మ్యాచ్‌తో సిక్సర్ల సంఖ్యను 202కు పెంచుకున్న రసెల్‌.. క్యాష్‌ రిచ్‌ లీగ్‌లో 200 సిక్సర్ల మైలురాయిని తాకిన తొమ్మిదో క్రికెటర్‌గా రికార్డుల్లోకెక్కాడు. రసెల్‌కు ముందు గేల్‌ (357), రోహిత్‌ శర్మ (257), ఏబీ డివిలియర్స్‌ (251), ధోని (239), విరాట్‌ కోహ్లి (235), వార్నర్‌ (228), పోలార్డ్‌ (223), రైనా (203) ఈ మార్కును తాకిన వారిలో ఉన్నారు.  కాగా, సన్‌రైజర్స్‌తో నిన్న జరిగిన మ్యాచ్‌లో కేకేఆర్‌ 4 పరుగుల తేడాతో గెలుపొందింది. చివరి బంతి వరకు ఉత్కంఠగా సాగిన ఈ మ్యాచ్‌లో రసెల్‌ బ్యాటింగ్‌ విన్యాసాలకు హర్షిత్‌ రాణా అద్భుతమైన బౌలింగ్‌ (4-0-33-3) తోడు కావడంతో కేకేఆర్‌ చిరస్మరణీయ విజయం సాధించింది. భారీ లక్ష్య ఛేదనలో సన్‌రైజర్స్‌కు చివరి ఓవర్‌లో 13 పరుగులు అవసరం కాగా.. రాణా అద్భుతంగా బౌలింగ్‌ చేసి కేవలం ఎనిమిది పరుగులు మాత్రమే ఇచ్చాడు. అలాగే కీలకమైన క్లాసెన్‌ వికెట్‌తో పాటు షాబాజ్‌ అహ్మద్ వికెట్లు పడగొట్టి కేకేఆర్‌ను గెలిపించాడు. ఆఖరి ఓవర్‌ తొలి బంతికే క్లాసెన్‌ సిక్సర్‌ బాదినప్పటికీ.. సన్‌రైజర్స్‌ మిగిలిన ఐదు బంతుల్లో 7 పరుగులు చేయలేక ఓటమిపాలైంది.  తొలుత బ్యాటింగ్‌ చేసిన కేకేఆర్‌.. సాల్ట్‌ (54), రసెల్‌ (64) అర్దసెంచరీలతో విరుచుకుపడటంతో నిర్ణీత ఓవర్లలో 7 వికెట్ల నష్టానికి 208 పరుగులు చేయగా.. ఛేదనలో క్లాసెన్‌ (63; 8 సిక్సర్లు) విధ్వంసం సృష్టించినప్పటికీ సన్‌రైజర్స్‌ గెలవలేకపోయింది. ఆ జట్టు నిర్ణీత ఓవర్లలో 7 వికెట్లు కోల్పోయి 204 పరుగులకే పరిమితమై ఓటమిపాలైంది. సన్‌రైజర్స్‌ ఈ మ్యాచ్‌ చేజార్చుకున్నప్పటికీ.. క్లాసెన్‌ విధ్వంసకర ఇన్నింగ్స్‌తో అభిమానుల మనసుల్ని దోచుకున్నాడు.   

కేకేఆర్‌ పేస్‌ సంచలనం హర్షిత్‌ రాణా తాను చేసిన ఓవరాక్షన్‌కు తగిన మూల్యం చెల్లించుకున్నాడు. సన్‌రైజర్స్‌తో నిన్న జరిగిన మ్యాచ్‌లో అద్భుతంగా బౌలింగ్‌ చేసిన రాణా.. మయాంక్‌ అగర్వాల్‌ను ఔట్‌ చేసిన అనంతరం కోపంగా ఫ్లయింగ్‌ కిస్‌ ఇస్తూ సెండాఫ్‌ ఇచ్చాడు. A flying kiss by Harshit Rana to Mayank Agarwal as a send off.pic.twitter.com/LVkQYKmisZ — Mufaddal Vohra (@mufaddal_vohra) March 23, 2024 ఈ అతి చేష్ఠలను తీవ్రంగా పరిగణించిన మ్యాచ్‌ రిఫరీ మను నయ్యర్‌ రాణా మ్యాచ్‌ ఫీజ్‌లో 60 శాతం కోత విధించాడు. ఇదే మ్యాచ్‌లో రాణా హెన్రిచ్‌ క్లాసెన్‌ పట్ల కూడా దురుసుగా ప్రవర్తించాడు. ఈ రెండింటినీ పరిగణలోకి తీసుకున్న​ రిఫరీ ఐపీఎల్‌ కోడ్‌ ఆఫ్‌ కాండక్ట్‌ ఆర్టికల్‌ 2.5 నిబంధన ఉల్లంఘన కింద జరిమానా విధించాడు.   Harshit Rana fined 60% of his match fees for giving Mayank Agarwal a send off. pic.twitter.com/kTXDBOXUtB — Mufaddal Vohra (@mufaddal_vohra) March 24, 2024 కాగా, నిన్నటి మ్యాచ్‌లో సన్‌రైజర్స్‌ గెలుపుకు చివరి ఓవర్‌లో 13 పరుగులు కావాల్సి ఉండగా రాణా అద్భుతంగా బౌలింగ్‌ చేశాడు. షాబాజ్‌ అహ్మద్‌తో పాటు అప్పటికే శివాలెత్తిపోయిన ఉన్న క్లాసెన్‌ను ఔట్‌ చేసి కేకేఆర్‌ను గెలిపించాడు. ఓవర్‌ తొలి బంతికే క్లాసెన్‌ సిక్సర్‌ బాదినప్పటికీ.. సన్‌రైజర్స్‌ మిగిలిన ఐదు బంతుల్లో 7 పరుగులు చేయలేక ఓటమిపాలైంది. ఈ మ్యాచ్‌లో 4 ఓవర్లు వేసిన రాణా 33 పరుగులిచ్చి 3 కీలక వికెట్లు పడగొట్టాడు.  HARSHIT RANA, THE HERO OF KKR. SRH needed 13 in 6 balls - 6 on the first ball then 1,W,1,W,0 to win it for KKR. 🤯 pic.twitter.com/oXlzpAEJLV — Mufaddal Vohra (@mufaddal_vohra) March 23, 2024 ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. సాల్ట్‌ (54; 3 ఫోర్లు, 3 సిక్సర్లు), రసెల్‌ (64; 3 ఫోర్లు, 7 సిక్సర్లు) అర్దసెంచరీలతో విరుచుకుపడటంతో నిర్ణీత ఓవర్లలో 7 వికెట్ల నష్టానికి 208 పరుగులు చేయగా.. ఛేదనలో క్లాసెన్‌ (63; 8 సిక్సర్లు) చెలరేగినప్పటికీ సన్‌రైజర్స్‌ 4 పరుగుల తేడాతో ఓటమిపాలైంది. సన్‌రైజర్స్‌ ఈ మ్యాచ్‌ చేజార్చుకున్నప్పటికీ.. క్లాసెన్‌ విధ్వంసకర ఇన్నింగ్స్‌తో అభిమానుల మనసుల్ని దోచుకున్నాడు.   

ఐపీఎల్‌ 2024 సీజన్‌లో ప్రారంభమైన రెండో రోజు అదిరిపోయే మ్యాచ్‌ను అందించింది. ఈడెన్‌ గార్డెన్స్‌ వేదికగా సన్‌రైజర్స్‌ హైదరాబాద్‌, కోల్‌కతా నైట్‌రైడర్స్‌ మధ్య నిన్న (రాత్రి 7:30 గంటలకు) జరిగిన మ్యాచ్‌ ఆఖరి బంతి వరకు నరాలు తెగే ఉత్కంఠ నడుమ సాగింది.  భారీ లక్ష్య ఛేదనలో ఆఖరి ఓవర్‌లో 13 పరుగులు చేయాల్సి ఉండగా.. హెన్రిచ్‌ క్లాసెన్‌ తొలి బంతికే సిక్సర్‌ బాది సన్‌రైజర్స్‌ శిబిరంలో గెలుపుపై ధీమా పెంచగా.. కేకేఆర్‌ ఆటగాళ్లు హర్షిత్‌ రాణా, సుయాష్‌ శర్మ ఆ ఆనందాన్ని వారికి ఎంతో సేపు నిలబడనీయలేదు. చివరి ఓవర్‌ బౌలింగ్‌ చేసిన రాణా వైవిధ్యమైన బంతులు సంధించి సన్‌రైజర్స్‌ గెలుపుకు అడ్డుకోగా.. సుయాష్‌ శర్మ కీలక దశలో (2 బంతుల్లో 5 పరుగులు) మెరుపు క్యాచ్‌ (క్లాసెన్‌) పట్టి ఆరెంజ్‌ ఆర్మీ చేతుల్లో నుంచి మ్యాచ్‌ లాగేసుకున్నాడు. ONE OF THE GREATEST CATCHES IN IPL HISTORY...!!! - Take a bow, Suyash Sharma. 🫡pic.twitter.com/CAq18gb8EO — Johns. (@CricCrazyJohns) March 23, 2024 సుయాష్‌ ఆ క్యాచ్‌ మిస్‌ చేసి ఉంటే బౌండరీ లభించి సన్‌రైజర్స్‌ సునాయాసంగా మ్యాచ్‌ గెలిచేది. ఒకవేళ ఆ క్యాచ్‌ డ్రాప్‌ అయ్యి, పరుగు రాకపోయినా అప్పటికే శివాలెత్తి ఉన్న క్లాసెన్‌ ఆఖరి బంతికి సిక్సర్‌ బాది సన్‌రైజర్స్‌ను గెలిపించేవాడు. సుయాష్‌ అందుకున్న ఈ అద్భుతమైన రన్నింగ్‌ ‍క్యాచ్‌కు సంబంధించిన వీడియో ప్రస్తుతం నెట్టింట హల్‌చల్‌ చేస్తుంది. క్యాచెస్‌ విన్‌ మ్యాచెస్‌ అని ఇందుకే అంటారంటూ నెటిజన్లు కామెంట్లు చేస్తున్నారు.  కాగా, ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. సాల్ట్‌ (54), రసెల్‌ (64) అర్దసెంచరీలతో రాణించడంతో నిర్ణీత ఓవర్లలో 7 వికెట్ల నష్టానికి 208 పరుగులు చేసింది. ఆఖర్లో రసెల్‌ 7 సిక్సర్లు, 3 బౌండరీలతో విరుచుకుపడి కేకేఆర్‌ 200 పరుగుల మార్కును దాటేందుకు దోహదపడ్డాడు. చివర్లో రమన్‌దీప్‌ సింగ్‌ (35; ఫోర్‌, 4 సిక్సర్లు), రింకూ సింగ్‌ (23; 3 ఫోర్లు) కూడా మెరుపు ఇన్నింగ్స్‌లు ఆడారు. సన్‌రైజర్స్‌ బౌలర్లలో నటరాజన్‌ 3 వికెట్లు పడగొట్టగా.. మయాంక్‌ మార్కండే 2, కమిన్స్‌ ఓ వికెట్‌ దక్కించుకున్నారు.  అనంతరం 209 పరుగుల భారీ లక్ష్యాన్ని ఛేదించేందుకు బరిలోకి దిగిన సన్‌రైజర్స్‌.. ఆదిలో తడబడినప్పటికీ గెలుపు అంచుల వరకు వచ్చి ఓటమిపాలైంది. క్లాసెన్‌ మెరుపు ఇన్నింగ్స్‌తో (29 బంతుల్లో 63; 8 సిక్సర్లు) మ్యాచ్‌ రూపురేఖల్నే మార్చేశాడు. అయితే గెలుపుకు 5 పరుగులు కావాల్సిన తరుణంలో అతడు ఔట్‌ కావడంతో మ్యాచ్‌ ఒక్కసారిగా కేకేఆర్‌పైపు మలుపు తిరిగింది. ఆ జట్టు నిర్ణీత ఓవర్లు పూర్తయ్యేసరికి 7 వికెట్ల నష్టానికి 204 పరుగులు చేసి లక్ష్యానికి 5 పరుగుల దూరంలో నిలిచిపోయింది. సన్‌రైజర్స్‌ ఓపెనర్లు మయాంక్‌ అగర్వాల్‌ (32), అభిషేక్‌ శర్మ (32) ఓ మోస్తరు స్కోర్లతో శుభారంభాన్ని అందించగా.. వన్‌డౌన్‌ బ్యాటర్‌ రాహుల్‌ త్రిపాఠి జిడ్డు బ్యాటింగ్‌తో (20 బంతుల్లో 20) సన్‌రైజర్స్‌ ఓటమి​కి పరోక్ష కారకుడయ్యాడు. సన్‌రైజర్స్‌ ఈ మ్యాచ్‌ చేజార్చుకున్నప్పటికీ.. క్లాసెన్‌ తమ విధ్వంసకర ఇన్నింగ్స్‌తో అభిమానుల మనసుల్ని దోచుకున్నాడు. 

ఐపీఎల్‌ చరిత్రలోనే అత్యంత ఖరీదైన ఆటగాడు మిచెల్‌ స్టార్క్‌ కోల్‌కతా నైట్‌రైడర్స్‌ క్యాంప్‌లో కొత్త జోష్‌ నింపుతున్నాడు. ఐపీఎల్‌ 2024 ప్రారంభానికి మరి కొద్ది గంటల సమయం మాత్రమే ఉన్న నేపథ్యంలో అన్ని జట్లతో పాటు కేకేఆర్‌ కూడా ప్రాక్టీస​ ముమ్మరం చేసింది. కేకేఆర్‌ విషయానికొస్తే.. స్టార్క్‌ ఆ జట్టుకు తరుపుముక్కగా పరిగణించబడుతున్నాడు. ప్రాక్టీస్‌ సెషన్స్‌లో స్టార్క్‌ పేట్రేగిపోతున్నాడు. Mitchell Starc in Purple😍pic.twitter.com/yBDau2M436 — CricTracker (@Cricketracker) March 20, 2024 నిప్పులు చెరిగే బంతుల సంధిస్తూ సహచరులను తెగ ఇబ్బంది పెడుతున్నాడు. తాజాగా స్టార్క్‌ సహచర ఆటగాడిని ఎల్బీడబ్ల్యూ చేసే వీడియో ఒకటి నెట్టింట వైరలవుతుంది. ఇందులో స్టార్క్‌ మెరుపు వేగంతో బంతిని సంధిస్తూ కనిపించాడు. సహజంగానే మెరుపు వీరుడిగా పేరున్న స్టార్క్‌ ఇంత భారీ మొత్తం తనపై పెట్టుబడి పెట్టడంతో ఇంకాస్త విజృంభించే అవకాశం ఉంది. Pure cinema! 🤌 pic.twitter.com/u1vR0Wvq2r — KolkataKnightRiders (@KKRiders) March 19, 2024 కేకేఆర్‌ యాజమాన్యం స్టార్క్‌పై భారీ ఆశలు పెట్టుకుంది. గంభీర్‌ మెంటార్షిప్‌లో కేకేఆర్‌ కొత్త రక్తంతో ఉరకేలుస్తుంది. ఈసారి ఎలాగైనా మూడో ఐపీఎల్‌ టైటిల్‌ సాధించాలని ఆ జట్టు యాజమాన్యం కంకణం కట్టుకు కూర్చుంది. ఐపీఎల్‌ 2024 వేలంలో కేకేఆర్‌ స్టార్క్‌ను 24.75 కోట్లకు సొంతం చేసుకున్న విషయం తెలిసిం‍దే. All about the 𝐊𝐧𝐢𝐠𝐡𝐭 kind of hustle! 🔥 pic.twitter.com/9aJNIpJUtN — KolkataKnightRiders (@KKRiders) March 20, 2024 ఇదిలా ఉంటే, ఐపీఎల్‌ 17వ ఎడిషన్‌ మార్చి 22 నుంచి ప్రారంభం కానున్న విషయం తెలిసిందే. చెన్నైలోని చిదంబరం స్టేడియం (చెపాక్‌) వేదికగా జరిగే సీజన్‌ తొలి మ్యాచ్‌లో డిఫెండింగ్‌ ఛాంపియన్స్‌ చెన్నై సూపర్‌ కింగ్స్‌.. ఆర్సీబీతో తలపడుతుంది. కేకేఆర్‌ తమ తొలి మ్యాచ్‌ను మార్చి 23న ఆడనుంది. ఈడెన్‌ గార్డెన్స్‌లో జరిగే ఈ మ్యాచ్‌లో కేకేఆర్‌.. ఆరెంజ్‌ ఆర్మీను ఢీకొట్టనుంది. ఈ మ్యాచ్‌ రాత్రి 7:30 గంటలకు ప్రారంభంకానుంది. తొలి విడదలో ప్రకటించిన షెడ్యూల్‌ వరకు కేకేఆర్‌ మార్చి 29, ఏప్రిల్‌ 3న మరో రెండు మ్యాచ్‌లు ఆడనుంది. 29న జరిగే తొలి మ్యాచ్‌లో ఆర్సీబీతో (బెంగళూరు), 2న జరిగే మరో మ్యాచ్‌లో ఢిల్లీ క్యాపిటల్స్‌తో (విశాఖ) కేకేఆర్‌ తలపడనుంది. Chalo shuru karte hai! 🗓 pic.twitter.com/i2l0M9dP8x — KolkataKnightRiders (@KKRiders) February 22, 2024 కోల్‌కతా నైట్ రైడర్స్ పూర్తి జట్టు: శ్రేయస్ అయ్యర్ (కెప్టెన్‌), నితీష్ రాణా, రింకూ సింగ్, రహ్మానుల్లా గుర్బాజ్, ఫిల్ సాల్ట్, సునీల్ నరైన్, సుయాష్ శర్మ, అనుకూల్ రాయ్, ఆండ్రీ రస్సెల్, వెంకటేష్ అయ్యర్, హర్షిత్ రాణా, వైభవ్ అరోరా, వరుణ్ చక్రవర్తి, కేఎస్ భరత్,  చేతన్ సకారియా, మిచెల్ స్టార్క్, అంగ్క్రిష్ రఘువంశీ, రమణదీప్ సింగ్, షెర్ఫానే రూథర్‌ఫోర్డ్, మనీష్ పాండే, ముజీబ్ ఉర్ రెహమాన్, దుష్మంత చమీరా, సాకిబ్ హుస్సేన్.  గాయపడిన/ఉపసంహరించుకున్న ఆటగాళ్ళు: జాసన్ రాయ్, గుస్ అట్కిన్సన్.

అభిమానులు ఆసక్తిగా ఎదురుచూస్తున్న మెగా క్రికెట్‌ సమరానికి సమయం ఆసన్నమైంది. చెపాక్‌ వేదికగా మార్చి 22న ఐపీఎల్‌ పదిహేడో ఎడిషన్‌ మొదలుకానుంది. డిఫెండింగ్‌ చాంపియన్‌ చెన్నై సూపర్‌ కింగ్స్‌- రాయల్‌ చాలెంజర్స్‌ బెంగళూరు పోరుతో 2024 సీజన్‌కు తెరలేవనుంది. ఇక దేశంలో లోక్‌సభ ఎన్నికల నేపథ్యంలో తొలి 17 రోజులకు సంబంధించిన షెడ్యూల్‌ మాత్రమే విడుదలైన విషయం తెలిసిందే. ఇందులో భాగంగా 21 మ్యాచ్‌లు నిర్వహించనున్నట్లు నిర్వాహకులు ఇప్పటికే తెలిపారు. ఈ నేపథ్యంలో ఏ రోజు ఏ మ్యాచ్‌?.. వేదికలు, మ్యాచ్‌ ఆరంభ సమయం, జట్లు తదితర వివరాలు తెలుసుకుందాం! ఐపీఎల్‌-2024 తొలి దఫా షెడ్యూల్‌లో 21 మ్యాచ్‌లు.. ఏయే వేదికల్లో అంటే!‌  ►మార్చి 22- చెన్నై సూపర్‌ కింగ్స్‌(సీఎస్‌కే- CSK) వర్సెస్‌ రాయల్‌ చాలెంజర్స్‌ బెంగళూరు(ఆర్సీబీ- RCB)- చెన్నై ►మార్చి 23- పంజాబ్‌ కింగ్స్‌(పీబీకేఎస్‌- PBKS)వర్సెస్‌  ఢిల్లీ క్యాపిటల్స్‌(డీసీ- DC)- మొహాలీ(మధ్యాహ్నం) ►మార్చి 23- కోల్‌కతా నైట్‌ రైడర్స్‌(కేకేఆర్‌) వర్సెస్‌  సన్‌రైజర్స్‌ హైదరాబాద్‌(ఎస్‌ఆర్‌హెచ్‌)- కోల్‌కతా(రాత్రి) ►మార్చి 24- రాజస్తాన్‌ రాయల్స్‌(ఆర్‌ఆర్‌) వర్సెస్‌  లక్నో సూపర్‌ జెయింట్స్‌(ఎల్‌ఎస్‌జీ)- జైపూర్‌(మధ్యాహ్నం)  ►మార్చి 24- గుజరాత్‌ టైటాన్స్‌(జీటీ-GT) వర్సెస్‌ ముంబై ఇండియన్స్‌(ఎంఐ- MI)- అహ్మదాబాద్‌(రాత్రి) ►మార్చి 25- ఆర్సీబీ- పంజాబ్‌ కింగ్స్‌- బెంగళూరు ►మార్చి 26- సీఎస్‌కే- గుజరాత్‌ టైటాన్స్‌- చెన్నై ►మార్చి 27- సన్‌రైజర్స్‌- ముంబై- హైదరాబాద్‌ ►మార్చి 28- రాజస్తాన్‌- ఢిల్లీ- జైపూర్‌ ►మార్చి 29- ఆర్సీబీ- కేకేఆర్‌- బెంగళూరు ►మార్చి 30- లక్నో- పంజాబ్‌- లక్నోలో ►మార్చి 31- గుజరాత్‌- సన్‌రైజర్స్‌- అహ్మదాబాద్‌(మధ్యాహ్నం) ►మార్చి 31- ఢిల్లీ- సీఎస్‌కే- వైజాగ్‌ ►ఏప్రిల్‌ 1- ముంబై- రాజస్తాన్‌- ముంబై ►ఏప్రిల్‌ 2- ఆర్సీబీ- లక్నో- బెంగళూరు ►ఏప్రిల్‌ 3- ఢిల్లీ- కేకేఆర్‌- వైజాగ్‌ ►ఏప్రిల్‌ 4- గుజరాత్‌- పంజాబ్‌- అహ్మదాబాద్‌ ►ఏప్రిల్‌ 5- సన్‌రైజర్స్‌- సీఎస్‌కే- హైదరాబాద్‌ ►ఏప్రిల్‌ 6- రాజస్తాన్‌- ఆర్సీబీ- జైపూర్‌ ►ఏప్రిల్‌ 7- ముంబై- ఢిల్లీ- ముంబై ►ఏప్రిల్‌ 7- లక్నో- గుజరాత్‌- లక్నో. నోట్‌: మార్చి 23, 24, 31, ఏప్రిల్‌7న డబుల్‌ హెడర్‌ మ్యాచ్‌లు..  భారత కాలమానం ప్రకారం మధ్యాహ్నం జరిగే మ్యాచ్‌లు 3.30కి, రాత్రి జరిగే మ్యాచ్‌లు 7.30కి ఆరంభమవుతాయి.  స్టార్‌ స్పోర్ట్స్‌(టెలివిజన్‌), జియో సినిమా(డిజిటల్‌)లో ప్రత్యక్ష ప్రసారం. ఐపీఎల్‌-2024 తొలి దఫా మ్యాచ్‌లు జరిగే వేదికలు చెన్నై, మొహాలి, కోల్‌కతా, జైపూర్‌, అహ్మదాబాద్‌, బెంగళూరు, హైదరాబాద్‌, లక్నో, వైజాగ్‌, ముంబై. తొలి దఫా షెడ్యూల్‌లో ఢిల్లీ క్యాపిటల్స్‌కు వైజాగ్‌ హోం గ్రౌండ్‌గా ఉంటుంది. IPL 2024లో పాల్గొనే పది జట్ల వివరాలు చెన్నై సూపర్ కింగ్స్:  ఎంఎస్ ధోని (కెప్టెన్‌), మొయిన్ అలీ, దీపక్ చహర్, తుషార్ దేశ్‌పాండే, శివమ్ దూబే, రుతురాజ్ గైక్వాడ్, రాజవర్ధన్ హంగర్గేకర్, రవీంద్ర జడేజా, అజయ్ మండల్, ముఖేష్ చౌదరి, అజింక్య రహానే, షేక్ రషీద్, మిచెల్ సాంట్నర్, సిమర్‌జీత్ సింగ్‌, నిశాంత్‌ సింధు, ప్రశాంత్ సోలంకి, మహీశ్ తీక్షణ, రచిన్ రవీంద్ర, శార్దూల్ ఠాకూర్, డారిల్ మిచెల్, సమీర్ రిజ్వీ, ముస్తాఫిజుర్ రెహమాన్, అవనీష్ రావు అరవెల్లి.  ►గాయపడిన ఆటగాళ్ళు: డెవాన్ కాన్వే, మతీష పతిరణ. ముంబై ఇండియన్స్‌ హార్దిక్ పాండ్యా (కెప్టెన్‌), రోహిత్ శర్మ, డెవాల్డ్ బ్రెవిస్, సూర్యకుమార్ యాదవ్, ఇషాన్ కిషన్, నంబూరి తిలక్ వర్మ, టిమ్ డేవిడ్, విష్ణు వినోద్, అర్జున్ టెండూల్కర్, షామ్స్ ములానీ, నేహాల్ వధేరా, జస్‌ప్రీత్‌ బుమ్రా, కుమార్ కార్తికేయ, పీయూష్ చావ్లా, ఆకాష్ మధ్వల్ , ల్యూక్ వుడ్, రొమారియో షెపర్డ్, గెరాల్డ్ కోయెట్జీ, శ్రేయాస్ గోపాల్, నువాన్ తుషార, నమన్ ధీర్, అన్షుల్ కాంబోజ్, మొహమ్మద్ నబీ, శివాలిక్ శర్మ.  ►గాయపడిన/ఉపసంహరించుకున్న ఆటగాళ్లు: జాసన్ బెహ్రెన్‌డార్ఫ్, దిల్షాన్ మధుశాంక. రాయల్ ఛాలెంజర్స్ బెంగళూరు ఫాఫ్ డు ప్లెసిస్ (కెప్టెన్‌), గ్లెన్ మాక్స్‌వెల్, విరాట్ కోహ్లి, రజత్ పాటీదార్, అనూజ్ రావత్, దినేష్ కార్తీక్, సుయాష్ ప్రభుదేశాయి, విల్ జాక్స్, మహిపాల్ లామ్రోర్, కర్ణ్ శర్మ, మనోజ్ భాండాగే, మయాంక్ దాగర్, విజయ్‌కుమార్ వైశాక్, ఆకాశ్ దీప్, మహ్మద్ సిరాజ్, రీస్ టోప్లీ, హిమాన్షు శర్మ, రాజన్ కుమార్, కామెరాన్ గ్రీన్, అల్జారీ జోసెఫ్, యష్ దయాల్, టామ్ కరాన్, లాకీ ఫెర్గూసన్, స్వప్నిల్ సింగ్, సౌరవ్ చౌహాన్. కోల్‌కతా నైట్ రైడర్స్ శ్రేయస్ అయ్యర్ (కెప్టెన్‌), నితీష్ రాణా, రింకూ సింగ్, రహ్మానుల్లా గుర్బాజ్, ఫిల్ సాల్ట్, సునీల్ నరైన్, సుయాష్ శర్మ, అనుకూల్ రాయ్, ఆండ్రీ రస్సెల్, వెంకటేష్ అయ్యర్, హర్షిత్ రాణా, వైభవ్ అరోరా, వరుణ్ చక్రవర్తి, కేఎస్ భరత్,  చేతన్ సకారియా, మిచెల్ స్టార్క్, అంగ్క్రిష్ రఘువంశీ, రమణదీప్ సింగ్, షెర్ఫానే రూథర్‌ఫోర్డ్, మనీష్ పాండే, ముజీబ్ ఉర్ రెహమాన్, దుష్మంత చమీరా, సాకిబ్ హుస్సేన్.  ►గాయపడిన/ఉపసంహరించుకున్న ఆటగాళ్ళు: జాసన్ రాయ్, గుస్ అట్కిన్సన్. గుజరాత్ టైటాన్స్ శుభమన్ గిల్ (కెప్టెన్‌), డేవిడ్ మిల్లర్, మాథ్యూ వేడ్, వృద్ధిమాన్ సాహా, కేన్ విలియమ్సన్, అభినవ్ మనోహర్, బి. సాయి సుదర్శన్, దర్శన్ నల్కండే, విజయ్ శంకర్, జయంత్ యాదవ్, రాహుల్ తెవాటియా, నూర్ అహ్మద్, సాయి కిషోర్, రషీద్ ఖాన్, జాషువా లిటిల్, మోహిత్ శర్మ, అజ్మతుల్లా ఒమర్జాయ్, ఉమేష్ యాదవ్, షారుక్ ఖాన్, సుశాంత్ మిశ్రా, కార్తీక్ త్యాగి, మానవ్ సుతార్, స్పెన్సర్ జాన్సన్.  ►గాయపడిన/ఉపసంహరించుకున్న ఆటగాళ్లు: మహ్మద్ షమీ, రాబిన్ మింజ్. లక్నో సూపర్ జెయింట్స్ కేఎల్ రాహుల్ (కెప్టెన్‌), క్వింటన్ డి కాక్, నికోలస్ పూరన్, ఆయుష్ బదోని, కైల్ మేయర్స్, మార్కస్ స్టోయినిస్, దీపక్ హుడా, దేవదత్ పడిక్కల్, రవి బిష్ణోయ్, నవీన్-ఉల్-హక్, కృనాల్ పాండ్యా, యుధ్వీర్ సింగ్, ప్రేరక్ మన్కడ్‌, యశ్ ఠాకూర్, అమిత్ మిశ్రా, షమర్ జోసెఫ్, మయాంక్ యాదవ్, మొహ్సిన్ ఖాన్, కె. గౌతం, శివమ్ మావి, అర్షిన్ కులకర్ణి, ఎం. సిద్ధార్థ్, ఆష్టన్ టర్నర్, డేవిడ్ విల్లీ, మొమ్మద్. అర్షద్ ఖాన్.  ►గాయపడిన/ఉపసంహరించుకున్న ఆటగాళ్ళు: మార్క్ వుడ్. రాజస్థాన్ రాయల్స్ సంజు శాంసన్ (కెప్టెన్‌), జోస్ బట్లర్, షిమ్రాన్ హెట్మెయర్, యశస్వి జైస్వాల్, ధ్రువ్ జురెల్, రియాన్ పరాగ్, డొనోవన్ ఫెరీరా, కునాల్ రాథోడ్, రవిచంద్రన్ అశ్విన్, కుల్దీప్ సేన్, నవదీప్ సైనీ, సందీప్ శర్మ, ట్రెంట్ బౌల్ట్, యజువేంద్ర చహల్, ఆడం జంపా, ఆవేష్ ఖాన్, రోవ్‌మన్ పావెల్, శుభమ్ దూబే, టామ్ కోహ్లర్-కాడ్‌మోర్, అబిద్ ముస్తాక్, నండ్రే బర్గర్.  ►గాయపడిన/ఉపసంహరించుకున్న ఆటగాళ్లు: ప్రసిద్ధ్ కృష్ణ. ఢిల్లీ క్యాపిటల్స్  రిషబ్ పంత్ (కెప్టెన్‌), ప్రవీణ్ దూబే, డేవిడ్ వార్నర్, విక్కీ ఓస్త్వాల్, పృథ్వీ షా, అన్రిచ్ నోర్జే, అభిషేక్ పోరెల్, కుల్దీప్ యాదవ్, అక్షర్ పటేల్, జేక్ ఫ్రేజర్-మెక్‌గర్క్, లలిత్ యాదవ్, ఖలీల్ అహ్మద్, మిచెల్ మార్ష్‌, ఇషాంత్ శర్మ, యష్ ధుల్, ముఖేష్ కుమార్, ట్రిస్టన్ స్టబ్స్, రికీ భుయ్, కుమార్ కుషాగ్రా, రసిఖ్ దార్, ఝే రిచర్డ్‌సన్, సుమిత్ కుమార్, షాయ్ హోప్, స్వస్తిక్ చికార.  ►గాయపడిన/ఉపసంహరించుకున్న ఆటగాళ్లు: హ్యారీ బ్రూక్, లుంగి ఎన్‌గిడి. పంజాబ్ కింగ్స్  శిఖర్ ధావన్ (కెప్టెన్‌), మాథ్యూ షార్ట్, ప్రభ్‌సిమ్రాన్ సింగ్, జితేష్ శర్మ, సికందర్ రజా, రిషి ధావన్, లియామ్ లివింగ్‌స్టోన్, అథర్వ తైడే, అర్ష్‌దీప్ సింగ్, నాథన్ ఎల్లిస్, సామ్ కరాన్, కగిసో రబడ, హర్‌ప్రీత్ బ్రార్, రాహుల్ చహర్, హర్‌ప్రీత్ భట్యా , విద్వత్ కవేరప్ప, శివమ్ సింగ్, హర్షల్ పటేల్, క్రిస్ వోక్స్, అశుతోష్ శర్మ, విశ్వనాథ్ ప్రతాప్ సింగ్, శశాంక్ సింగ్, తనయ్ త్యాగరాజన్, ప్రిన్స్ చౌదరి, రిలీ రోసౌవ్. సన్‌రైజర్స్ హైదరాబాద్  పాట్ కమిన్స్(కెప్టెన్‌), అబ్దుల్ సమద్, అభిషేక్ శర్మ, ఐడెన్ మార్క్రమ్, మార్కో జాన్సెన్, రాహుల్ త్రిపాఠి, వాషింగ్టన్ సుందర్, గ్లెన్ ఫిలిప్స్, సన్వీర్ సింగ్, హెన్రిచ్ క్లాసెన్, భువనేశ్వర్ కుమార్, మయాంక్ అగర్వాల్, టి. నటరాజన్, అన్మోల్‌ప్రీత్ సింగ్, మయాంక్ మార్కండే, ఉపేంద్ర, ఉపేంద్ర సింగ్ యాదవ్, ఉమ్రాన్ మాలిక్, నితీష్ కుమార్ రెడ్డి, ఫజల్హక్ ఫరూకీ, షాబాజ్ అహ్మద్, ట్రావిస్ హెడ్, వనిందు హసరంగా, జయదేవ్ ఉనాద్కట్‌, ఆకాష్ సింగ్, ఝాతావేద్ సుబ్రమణ్యన్. చదవండి: SRH: రెండుసార్లు చాంపియన్‌గా నిలబెడితే ఇలా చేస్తారా? షాకయ్యా

ఆఫ్ఘనిస్తాన్‌ యువ ఓపెనర్‌, ఆ జట్టు వికెట్‌కీపర్‌ బ్యాటర్‌ రహ్మానుల్లా గుర్భాజ్‌ తన వన్డే కెరీర్‌లో దూసుకుపోతున్నాడు. ఐపీఎల్‌లో కేకేఆర్‌కు ఆడుతున్న ఈ 22 ఏళ్ల విధ్వంసకర బ్యాటర్‌.. తన 39 మ్యాచ్‌ల కెరీర్‌లో ఆరో శతకం సాధించాడు. ఇంత స్వల్ప కెరీర్‌లో ఇన్ని సెంచరీలు సాధించడమంటే ఆషామాషీ విషయం కాదు. గుర్బాజ్‌ కెరీర్‌లో ఈ ఆరు శతకాలతో పాటు నాలుగు అర్దశతకాలు కూడా ఉన్నాయి. pic.twitter.com/J3sHi6z0OD— CricTracker (@Cricketracker) March 7, 2024 మూడు మ్యాచ్‌ల సిరీస్‌లో భాగంగా షార్జా వేదికగా ఐర్లాండ్‌తో జరుగుతున్న తొలి వన్డేలో గుర్బాజ్‌ మెరుపు సెంచరీతో విరుచుకుపడ్డాడు. ఈ మ్యాచ్‌లో 117 బంతులు ఎదుర్కొన్న గుర్బాజ్‌ 8 ఫోర్లు, 6 సిక్సర్ల సాయంతో 121 పరుగులు చేశాడు. గుర్బాజ్‌తో పాటు మరో ఓపెనర్‌ ఇబ్రహీం జద్రాన్‌ (60), వెటరన్‌ మొహ్మద్‌ నబీ (40), కెప్టెన్‌ షాహిది (50 నాటౌట్‌) రాణించడంతో తొలుత బ్యాటింగ్‌ చేసిన ఆఫ్ఘనిస్తాన్‌ నిర్ణీత 50 ఓవర్లలో 5 వికెట్ల నష్టానికి 310 పరుగుల భారీ స్కోర్‌ చేసింది. ఐర్లాండ్‌ బౌలర్లలో థియో వాన్‌ వోర్కోమ్‌ 3 వికెట్లు పడగొట్టగా.. హ్యూమ్‌, క్రెయిగ్‌ యంగ్‌ తలో వికెట్‌ దక్కించుకున్నారు. ఈ మ్యాచ్‌కు ముందు ఐర్లాండ్‌తో జరిగిన ఏకైక టెస్ట్‌ మ్యాచ్‌లో వారికంటే పటిష్టమైన ఆఫ్ఘనిస్తాన్‌కు పరాభవం ఎదురైంది. ఆ మ్యాచ్‌లో ఐర్లాండ్‌ 6 వికెట్ల తేడాతో ఆఫ్ఘనిస్తాన్‌ను మట్టికరిపి​ంచింది.   

ఐపీఎల్‌ 2024 సీజన్‌ కోసం కోల్‌కతా నైట్‌రైడర్స్‌ శ్రీలంక స్పీడ్‌స్టర్‌ దుష్మంత చమీరాను జట్టులోకి తీసుకుంది. గాయపడిన ఇంగ్లండ్‌ బౌలర్‌ గస్‌ అట్కిన్సన్‌కు ప్రత్యామ్నాయంగా చమీరాను ఎంపిక చేసుకున్నట్లు కేకేఆర్‌ మేనేజ్‌మెంట్‌ వెల్లడించింది. చమీరా రూ. 50 లక్షల రిజర్వ్‌ ప్రైజ్‌తో కేకేఆర్‌తో జతకట్టనున్నాడు. చమీరా 2018, 2021, 2022 సీజన్లలో రాజస్థాన్‌ రాయల్స్‌, రాయల్‌ ఛాలెంజర్స్‌ బెంగళూరు, లక్నో సూపర్‌ జెయింట్స్‌ ఫ్రాంచైజీలకు ప్రాతినిథ్యం వహించాడు. ఐపీఎల్‌ కెరీర్‌లో మొత్తం 12 మ్యాచ్‌లు ఆడిన చమీరా 9 వికెట్లు పడగొట్టాడు.  చమీరా అంతర్జాతీయ కెరీర్‌ విషయానికొస్తే.. ఈ 32 ఏళ్ల ఫాస్ట్‌ బౌలర్‌ శ్రీలంక తరఫున 12 టెస్ట్‌లు, 52 వన్డేలు, 55 టీ20లు ఆడి ఓవరాల్‌గా 143 వికెట్లు పడగొట్టాడు. చమీరా ఇటీవల స్వదేశంలో ఆఫ్ఘనిస్తాన్‌తో జరిగిన వన్డే సిరీస్‌లో లంక జట్టుకు ప్రాతినిథ్యం వహించాడు. ప్రస్తుతం చమీరాకు వన్డే ఫార్మాట్‌లో మాత్రమే అవకాశాలు వస్తున్నాయి. గట్కిన్సన్‌ విషయానికొస్తే.. ఈ ఇంగ్లండ్‌ పేసర్‌ను 2024 సీజన్‌ వేలంలో కేకేఆర్‌ యాజమాన్యం బేస్‌ ధర కోటి రూపాయలకు దక్కించుకుంది.  ఐపీఎల్‌ 2024 కోసం కేకేఆర్‌ జట్టు.. శ్రేయస్ అయ్యర్ (కెప్టెన్‌),నితీష్ రాణా, రింకూ సింగ్, రహ్మానుల్లా గుర్బాజ్, జేసన్ రాయ్, సునీల్ నరైన్, సుయాష్ శర్మ, అనుకూల్ రాయ్, ఆండ్రీ రస్సెల్, వెంకటేష్ అయ్యర్, హర్షిత్ రాణా, వైభవ్ అరోరా, వరుణ్ చక్రవర్తి, కేఎస్ భరత్, చేతన్ సకారియ , అంగ్క్రిష్ రఘువంశీ, రమణదీప్ సింగ్, షెర్ఫాన్‌ రూథర్‌ఫోర్డ్, మనీష్ పాండే, ముజీబ్ ఉర్ రెహమాన్, దుష్మంత చమీరా (గుస్ అట్కిన్సన్ రీప్లేస్‌మెంట్‌), సాకిబ్ హుస్సేన్

రంజీ ట్రోఫీ 2024 సీజన్‌లో మరో ట్రిపుల్‌ సెంచరీ నమోదైంది. తొలుత అరుణాచల్‌ ప్రదేశ్‌తో జరిగిన మ్యాచ్‌లో హైదరాబాద్‌ ఆటగాడు తన్మయ్‌ అగర్వాల్‌ ఫాస్టెస్ట్‌ ట్రిపుల్‌ సెంచరీతో విరుచుకుపడగా.. తాజాగా చండీఘడ్‌తో జరుగుతున్న మ్యాచ్‌లో తమిళనాడు ఓపెనర్‌, కేకేఆర్‌ ఆటగాడు ఎన్‌ జగదీశన్‌ త్రిశతకంతో (321) కదం తొక్కాడు. జగదీశన్‌కు తోడు ప్రదోశ్‌ పాల్‌ (105), బాబా ఇంద్రజిత్‌ (123) శతకాలతో రాణించడంతో తమిళనాడు తొలి ఇన్నింగ్స్‌లో 4 వికెట్ల నష్టానికి 610 పరుగులు చేసి ఇన్నింగ్స్‌ను డిక్లేర్‌ చేసింది. అంతకుముందు బౌలింగ్‌లోనూ తమిళనాడు బౌలర్లు రెచ్చిపోయారు. సాయికిషోర్‌ (3/31), వారియర్‌ (3/28), అజిత్‌ రామ్‌ (2/6), కుల్దీప్‌ సేన్‌ (1/34) ధాటికి చండీఘడ్‌ తొలి ఇన్నింగ్స్‌లో 111 పరుగులకే కుప్పకూలింది. చండీఘడ్‌ ఇన్నింగ్స్‌లో కునాల్‌ మహాజన్‌ (28) టాప్‌ స్కోరర్‌గా నిలిచాడు. తొలి ఇన్నింగ్స్‌ పేలవ ప్రదర్శనతో ఓటమిని ఖరారు చేసుకున్న చండీఘడ్‌.. సెకెండ్‌ ఇన్నింగ్స్‌లోనూ చెత్తగా ఆడుతుంది. మూడో రోజు తొలి సెషన్‌ సమయానికి ఆ జట్టు 2 వికెట్ల నష్టానికి 37 పరుగులు చేసింది. ఆ జట్టు తమిళనాడు తొలి ఇన్నింగ్స్‌ స్కోర్‌కు ఇంకా 462 పరుగులు వెనుకంజలో ఉంది. సాయికిషోర్‌ (2/15) చండీఘడ్‌ను మరోసారి దెబ్బకొట్టాడు. మయాంక్‌ సిద్దూ  (4), కునాల్‌ మహాజన్‌ (3) క్రీజ్‌లో ఉన్నారు. కాగా, జగదీశన్‌ ఐపీఎల్‌లో గత సీజన్‌ వరకు చెన్నై సూపర్‌ కింగ్స్‌కు ఆడాడు. 2024 సీజన్‌ వేలంలో జగదీశన్‌ను కేకేఆర్‌ సొంతం చేసుకుంది.

Afghanistan Cricket Board (ACB) Impose Ban: స్టార్‌ బౌలర్లు నవీన్‌ ఉల్‌ హక్‌, ఫజల్‌హక్‌ ఫారూకీ, ముజీబ్‌ ఉర్‌ రహ్మమాన్‌లకు ఊహించని షాకిచ్చింది అఫ్గనిస్తాన్‌ క్రికెట్‌ బోర్డు. విదేశీ లీగ్‌లలో రెండేళ్ల పాటు ఆడకూడకుండా నిషేధం విధించింది.  అంతేగాకుండా.. ఈ ముగ్గురి సెంట్రల్‌ కాంట్రాక్టుల విషయంలో ఆచితూచి నిర్ణయం తీసుకుంటామని ప్రకటించింది. నవీన్‌, ఫారూకీ, ముజీబ్‌.. జాతీయ జట్టును కాదని ఫ్రాంఛైజీ క్రికెట్‌కు ప్రాధాన్యం ఇవ్వాలనుకుంటున్న కారణంగా ఈ మేరకు ఏసీబీ కఠిన నిర్ణయం తీసుకుంది.  ఈ విషయాన్ని లోతుగా పరిశీలించేందుకు విచారణ కమిటీని కూడా నియమించింది. ఒకవేళ జాతీయ జట్టు ప్రయోజనాలకు భంగం కలిగించే విధంగా వ్యవహరించారని తేలితే నవీన్‌, ఫారూకీ, ముజీబ్‌ సెంట్రల్‌ కాంట్రాక్టులను ఏడాది పాటు రద్దు చేసేందుకు సిద్ధమైనట్లు ఏసీబీ తెలిపింది. ఐపీఎల్‌ జట్లకు ఎదురుదెబ్బ అఫ్గన్‌ బోర్డు నిర్ణయం కారణంగా ఐపీఎల్‌ ఫ్రాంఛైజీలు కోల్‌కతా నైట్‌ రైడర్స్‌, లక్నో సూపర్‌ జెయింట్స్‌, సన్‌రైజర్స్‌ హైదరాబాద్‌కు ఎదురుదెబ్బ తగిలే అవకాశం ఉంది. కాగా ఐపీఎల్‌-2024 మినీ వేలంలో భాగంగా రైటార్మ్‌ స్పిన్నర్‌ ముజీబ్‌ ఉర్‌ రహ్మాన్‌ను కేకేఆర్‌.. రూ. 2 కోట్ల కనీస ధరకు అతడిని కొనుగోలు చేసింది. మరోవైపు.. ఐపీఎల్‌-2023 సందర్భంగా రూ. 50 లక్షలకు పేసర్‌ నవీన్‌ ఉల్‌ హక్‌ను సొంతం చేసుకున్న లక్నో.. 2024 వేలానికి ముందు అతడిని రిటైన్‌ చేసుకుంది. 2023 సీజన్‌లో నవీన్‌.. మొత్తంగా 11 వికెట్లు పడగొట్టి జట్టు విజయాల్లో తన వంతు పాత్ర పోషించాడు.  ఇక సీమర్‌ ఫజల్‌హక్‌ ఫారూకీని ఎస్‌ఆర్‌హెచ్‌ రూ. 50 లక్షలు వెచ్చించి రిటైన్‌ చేసుకుంది. పదహారో ఎడిషన్‌లో అతడు ఏడు మ్యాచ్‌లు ఆడి ఆరు వికెట్లు కూల్చాడు.  దేశానికి ఆడే ఉద్దేశం లేదా? వేటు తప్పదు సౌతాఫ్రికా స్టార్‌ వికెట్‌ కీపర్‌ బ్యాటర్‌ క్వింటన్‌ డికాక్‌, న్యూజిలాండ్‌ పేసర్‌ ట్రెంట్‌ బౌల్ట్‌ వంటి చాలా మంది క్రికెటర్లు దేశానికి కాదని ఫ్రాంఛైజీ క్రికెట్‌కే ప్రాధాన్యం ఇస్తున్నారు. తాజాగా అఫ్గన్‌ బౌలర్లు నవీన్, ఫారూఖీ, ముజీబ్‌ కూడా ఈ జాబితాలో చేరాలని భావించారు. ఈ నేపథ్యంలో అఫ్గనిస్తాన్‌ క్రికెట్‌ బోర్డు కఠిన చర్యలకు ఉపక్రమించింది. ‘‘ముగ్గురు జాతీయ క్రికెటర్ల సెంట్రల్‌ కాంట్రాక్టులు, విదేశీ లీగ్‌లలో ఆడే విషయంపై ఏసీబీ నిబంధనలు విధించాలని నిర్ణయించింది. నో ఆబ్జక్షన్‌ లెటర్‌ ఇచ్చేదే లేదు వచ్చే ఏడాది వారికి సెంట్రల్‌ కాంట్రాక్టులు ఇవ్వాలా లేదా అన్నది తర్వాత నిర్ణయిస్తాం. ముజీబ్‌ ఉర్‌ రహ్మాన్‌, ఫజల్‌హక్‌ ఫారూకీ, నవీన్‌ ఉల్‌ హక్‌ మురీద్‌ వార్షిక కాంట్రాక్టులు వదులుకుని ఫ్రాంఛైజీ క్రికెట్‌ ఆడాలని నిర్ణయించుకున్నట్లు తెలిసింది. వరల్డ్‌కప్‌-2023లో మెరుగైన ప్రదర్శన అయితే, విదేశీ లీగ్‌లలో ఆడేందుకు నిరభ్యంతర పత్రం ఇచ్చేందుకు బోర్డు నిరాకరిస్తోంది. ఫ్రాంఛైజీ క్రికెట్‌ ఆడకుండా రెండేళ్ల పాటు వాళ్లపై నిషేధం విధిస్తున్నాం’’ అని అఫ్గన్‌ బోర్డు ప్రకటన విడుదల చేసింది. కాగా వన్డే వరల్డ్‌కప్‌-2023లో అండర్‌డాగ్‌గా బరిలోకి దిగిన అఫ్గనిస్తాన్‌ అంచనాలకు మించి రాణించింది. డిఫెండింగ్‌ చాంపియన్‌ ఇంగ్లండ్‌, పాకిస్తాన్‌ వంటి పటిష్ట జట్లను మట్టికరిపించి సంచలన విజయాలు నమోదు చేసి ఒకానొక సందర్భంలో సెమీస్‌ రేసులోనూ నిలిచింది. ఇలాంటి తరుణంలో అంతర్జాతీయ క్రికెట్‌లో తమదైన ముద్ర వేస్తున్న సమయంలో కీలక ఆటగాళ్లు ఇలా ఫ్రాంఛైజీ క్రికెట్‌కు ప్రాధాన్యం ఇవ్వడాన్ని ఏసీబీ తీవ్రంగా పరిగణించి కఠిన చర్యలు తీసుకునేందుకు సిద్ధమైంది.   చదవండి: Rohit Sharma On His T20 Career: నాకూ ఆడాలనే ఉంది.. టీ20 కెరీర్‌పై రోహిత్‌ శర్మ క్లారిటీ!

వచ్చే సీజన్‌లో ఐపీఎల్‌ ఆల్‌టైమ్‌ హైయ్యెస్ట్‌ పెయిడ్‌ ప్లేయర్‌ మిచెల్‌ స్టార్క్‌ వేయబోయే ఒక్కో బంతి విలువ 7 లక్షలకు పైమాటే ఉంటుంది. ఖచ్చితంగా చెప్పాలంటే 2024 సీజన్‌లో స్టార్క్‌ వేయబోయే ఒక్కో బంతి విలువ 7 లక్షల 36 వేల 607 రూపాయలు. లీగ్‌ క్రికెట్‌ చరిత్రలోనే ఇది కనీవినీ ఎరుగని మొత్తం. ఏ బౌలర్‌ కలలోనూ ఇంత మొత్తాన్ని ఊహించి ఉండడు.  అయితే స్టార్క్‌కు ఇంత మొత్తం లభించాలంటే అతన్ని కొనుగోలు చేసిన కేకేఆర్‌ ప్లే ఆఫ్స్‌కు ముందే నిష్క్రమించాల్సి ఉంటుంది. ఒకవేళ కేకేఆర్‌ ప్లే ఆఫ్స్‌ దశ దాటి ఫైనల్స్‌కు చేరితే స్టార్క్‌కు లభించే మొత్తంలో కోత పడుతుంది. వచ్చే సీజన్‌లో కేకేఆర్‌ ఫైనల్స్‌కు చేరే క్రమంలో దాదాపుగా 16 మ్యాచ్‌లు ఆడాల్సి వస్తుంది. స్టార్క్‌ 16 మ్యాచ్‌లు ఆడాల్సి వస్తే ఒక్కో బంతికి లభించే మొత్తం 6.44 లక్షలకు తగ్గిపోతుంది.  కాగా, దుబాయ్‌లోని కోకోకోలా ఎరినాలో ఇవాళ (డిసెంబర్‌ 19) జరిగిన ఐపీఎల్‌ 2024 వేలంలో కోల్‌కతా నైట్‌రైడర్స్‌ జట్టు మిచెల్‌ స్టార్క్‌ను 24 కోట్ల 75 లక్షల భారీ మొత్తానికి కొనుగోలు చేసింది. ఐపీఎల్‌ చరిత్రలో ఓ ఆటగాడికి లభించే అత్యధిక ధర ఇదే. స్టార్క్‌కు ఇంత భారీ ధర దక్కక ముందు అతని సహచరుడు, ఆసీస్‌ కెప్టెన్‌ పాట్‌ కమిన్స్‌కు కూడా ఇంచుమించు ఈ స్థాయి ధరనే లభించింది. కమిన్స్‌ను సన్‌రైజర్స్‌ హైదరాబాద్‌ 20 కోట్ల 50 లక్షలకు కొనుగోలు చేసింది. ఈ వేలానికి ముందు వరకు ఐపీఎల్‌ ఆల్‌టైమ్‌ అత్యధిర ధర 18.5 కోట్లుగా ఉండింది. గత సీజన్‌లో పంజాబ్‌ కింగ్స్‌ ఇంగ్లండ్‌ ఆటగాడు సామ్‌ కర్రన్‌ను ఈ రికార్డు ధరకు కొనుగోలు చేసింది.

విజయ్‌ హజారే ట్రోఫీ 2023లో తమిళనాడు బౌలర్‌, ఐపీఎల్‌ మిస్టరీ స్పిన్నర్‌ (కోల్‌కతా నైట్‌రైడర్స్‌) వరుణ్‌ చక్రవర్తి చెలరేగిపోయాడు. నాగాలాండ్‌తో ఇవాళ (డిసెంబర్‌ 5) జరుగుతున్న మ్యాచ్‌లో అతను ఐదు వికెట్ల ప్రదర్శనతో అదరగొట్టాడు. వరుణ్‌ స్పిన్‌ మాయాజాలం ధాటికి నాగాలాండ్‌ 19.4 ఓవర్లలో 69 పరుగులకే కుప్పకూలింది. ఈ మ్యాచ్‌లో ఐదు ఓవర్లు వేసిన వరుణ్‌.. 3 మెయిడిన్లు వేసి కేవలం 9 పరుగులు మాత్రమే ఇచ్చి ఐదు వికెట్లు పడగొట్టాడు. Varun Chakravarthy took 5 wickets for 9 runs against Nagaland...!!!! - he has taken 14 wickets from just 6 games in Vijay Hazare 2023. pic.twitter.com/Ex5PI2XRpB — Johns. (@CricCrazyJohns) December 5, 2023 ప్రస్తుత సీజన్‌లో మంచి ఫామ్‌లో ఉన్న వరుణ్‌.. ఇప్పటివరకు జరిగిన 6 మ్యాచ్‌ల్లో 14 వికెట్లు తీసి టోర్నీ లీడింగ్‌ వికెట్‌టేకర్ల జాబితాలో ఐదో స్థానంలో నిలిచాడు. వరుణ్‌తో పాటు రవిశ్రీనివాసన్‌ సాయి కిషోర్‌ (5.4-0-21-3), సందీప్‌ వారియర్‌ (6-1-21-1), టి నటరాజన్‌ (3-0-15-1) కూడా రాణించడంతో నాగాలాండ్‌ ఇన్నింగ్స్‌ పేకమేడలా కూలింది. ఆ జట్టులో కేవలం ఇద్దరు మాత్రమే రెండంకెల స్కోర్లు చేశారు. సుమిత్‌ కుమార్‌ 20, జాషువ ఒజుకుమ్‌ 13 పరుగులు చేశారు. ఎక్స్‌ట్రాల రూపంలో లభించిన పరుగులు (15) నాగాలండ్‌ ఇన్నింగ్స్‌లో రెండో అత్యధిక స్కోర్‌ కావడం విశేషం. గ్రూప్‌-ఈలో ఇప్పటికే ఆడిన 5 మ్యాచ్‌ల్లో ఐదు పరాజయాలు ఎదుర్కొన్న నాగాలాండ్‌ మరో ఓటమి దిశగా సాగుతుంది. 

సయ్యద్‌ ముస్తాక్‌ అలీ ట్రోఫీ 2023లో టీమిండియా యువ చిచ్చరపిడుగు రింకూ సింగ్‌ విధ్వంసం సృష్టించాడు. పంజాబ్‌తో ఇవాళ (నవంబర్‌ 2) జరుగుతున్న క్వార్టర్‌ఫైనల్‌-1లో రింకూ ఆకాశమే హద్దుగా చెలరేగిపోయాడు. కేవలం 33 బంతుల్లో4 ఫోర్లు, 6 సిక్సర్ల సాయంతో అజేయమైన 77 పరుగులు చేశాడు. రింకూ విధ్వంసం ధాటికి పంజాబ్‌ ఆఖరి రెండు ఓవర్లలో 39 పరుగులు సమర్పించుకుంది. ఆఖరి ఓవర్లో రింకూ టీమిండియా సహచరుడు అర్షదీప్‌ సింగ్‌ను టార్గెట్‌ చేశాడు. ఈ ఓవర్లో రింకూ 3 సిక్సర్ల సాయంతో 23 పరుగులు పిండుకున్నాడు. రింకూ విధ్వంసం ధాటికి తొలుత బ్యాటింగ్‌ చేసిన ఉత్తర్‌ప్రదేశ్‌ నిర్ణీత 20 ఓవర్లలో 3 వికెట్ల నష్టానికి 169 పరుగులు చేసింది. రింకూతో పాటు సమీర్‌ రిజ్వి (29 బంతుల్లో 42 నాటౌట్‌; ఫోర్‌, 4 సిక్సర్లు) రాణించాడు. యూపీ ఇన్నింగ్స్‌లో గోస్వామి (16), కరణ్‌ శర్మ (14), నితీశ్‌ రాణా (17) తక్కువ స్కోర్లకే ఔటైనా సమీర్‌ అండతో రింకూ చెలరేగిపోయాడు. పంజాబ్‌ ఇన్నింగ్స్‌లో సిద్దార్థ్‌ కౌల్‌, హర్ప్రీత్‌ బ్రార్‌ తలో వికెట్‌ పడగొట్టగా.. నితీశ్‌ రాణా రనౌటయ్యాడు.  అనంతరం 170 పరుగుల లక్ష్యాన్ని ఛేదించేందుకు బరిలోకి దిగిన పంజాబ్‌ 12 ఓవర్లలో 3 వికెట్లు కోల్పోయి 81 పరుగులు చేసింది. అన్మోల్‌ప్రీత్‌ సింగ్‌ (42 నాటౌట్‌), నేహల్‌ వధేరా (21 నాటౌట్‌) క్రీజ్‌లో ఉన్నారు. పంజాబ్‌ ఇన్నింగ్స్‌లో అభిషేక్‌ శర్మ (12), ప్రభసిమ్రన్‌ సింగ్‌ (0), మన్‌దీప్‌ సింగ్‌ (1) నిరాశపరచగా.. అన్మోల్‌ప్రీత్‌, నేహల్‌ జట్టును గెలిపించేందుకు ప్రయత్నిస్తున్నారు. యూపీ బౌలర్లలో భువనేశ్వర్‌ కుమార్‌ పొదుపుగా (2 ఓవర్లలో 3 పరుగులు) బౌలింగ్‌ చేయడంతో పాటు 2 వికెట్లు పడగొట్టాడు. మోహిసిన్‌ ఖాన్‌కు మరో వికెట్‌ దక్కింది.

కోల్‌కతా నైట్‌రైడర్స్‌ బౌలర్‌ సుయాశ్‌ శర్మ.. సయ్యద్‌ ముస్తాక్‌ అలీ టోర్నీ 2023లో ఢిల్లీ తరఫున తన అరంగేట్రం మ్యాచ్‌లోనే చెలరేగిపోయాడు. మధ్యప్రదేశ్‌తో ఇవాళ (అక్టోబర్‌ 17) జరుగుతున్న మ్యాచ్‌లో నాలుగు ఓవర్లు వేసిన సుయాశ్‌.. కేవలం 13 పరుగులు మాత్రమే ఇచ్చి ఐదు వికెట్లు పడగొట్టాడు. ఈ మ్యాచ్‌లో సుయాశ్‌తో పాటు ఇషాంత్‌ శర్మ (4-0-29-2), హర్షిత్‌ రాణా (4-0-22-2) కూడా రాణించడంతో ఢిల్లీ టీమ్‌ మధ్యప్రదేశ్‌ను 115 పరుగులకు (9 వికెట్ల నష్టానికి) కట్టడి చేసింది.  ఈ మ్యాచ్‌లో మధ్యప్రదేశ్‌ టాస్‌ గెలిచి తొలుత బ్యాటింగ్‌ ఎంచుకోగా.. ఒక్కరు కూడా పెద్ద స్కోర్లు చేయలేకపోయారు. సుయాశ్‌.. మధ్యప్రదేశ్‌ పతనాన్ని శాసించాడు. గుర్తింపు కలిగిన ఆటగాళ్లు వెంకటేశ్‌ అయ్యర్‌ (2), రజత్‌ పాటిదార్‌ (7) నిరాశపర్చగా.. శుభమ్‌ శర్మ (10), సాగర్‌ సోలంకి (13), రాకేశ్‌ ఠాకూర్‌ (15), రాహుల్‌ బాథమ్‌ (32), అర్షద్‌ ఖాన్‌ (12) రెండంకెల స్కోర్లు చేశారు.  అనంతరం బ్యాటింగ్‌కు దిగిన ఢిల్లీ విజయం దిశగా సాగుతుంది. ఆ జట్టు 14 ఓవర్లలో 3 వికెట్లు కోల్పోయి 76 పరుగులు చేసింది. ప్రియాంశ్‌ ఆర్య (22), అనూజ్‌ రావత్‌ (23), యశ్‌ ధుల్‌ (0) ఔట్‌ కాగా.. అయుశ్‌ బదోని (20), హిమ్మత్‌ సింగ్‌ (9) క్రీజ్‌లో ఉన్నారు.  కాగా, ఢిల్లీ బౌలర్‌ సుయాశ్‌ శర్మ ఈ ఏడాది ఐపీఎల్‌తో క్యాష్‌ రిచ్‌ లీగ్‌లోకి ఎంట్రీ ఇచ్చిన విషయం తెలిసిందే. ఈ సీజన్‌లో 11 మ్యాచ్‌లు ఆడిన సుయాశ్‌ 8.23 సగటున 10 వికెట్లు పడగొట్టాడు.

న్యూఢిల్లీ: ప్రయివేట్‌ రంగ సంస్థ రిలయన్స్‌ రిటైల్‌ వెంచర్స్‌లో గ్లోబల్‌ ఇన్వెస్ట్‌మెంట్‌ సంస్థ కేకేఆర్‌ దాదాపు రూ. 2,070 కోట్లు ఇన్వెస్ట్‌ చేసింది. ఇందుకుగాను కేకేఆర్‌కు 1,71,58,752 ఈక్విటీ షేర్లను జారీ చేసినట్లు రిలయన్స్‌ రిటైల్‌ వెల్లడించింది. దీంతో రిలయన్స్‌ రిటైల్‌లో కేకేఆర్‌ వాటా 1.17 శాతం నుంచి 1.42 శాతానికి బలపడింది. ఈ నెల మొదట్లో అనుబంధ రిటైల్‌ సంస్థలో కేకేఆర్‌ ఇన్వెస్ట్‌ చేయనున్నట్లు రిలయన్స్‌ ఇండస్ట్రీస్‌(ఆర్‌ఐఎల్‌) పేర్కొన్న సంగతి తెలిసిందే. 1976లో ఏర్పాటైన కేకేఆర్‌ 2023 జూన్‌కల్లా 519 బిలియన్‌ డాలర్ల విలువైన నిర్వహణలోని ఆస్తులను కలిగి ఉంది. కాగా.. ఈ నెల మొదట్లోనే ఆర్‌ఐఎల్‌ ఖతార్‌ ఇన్వెస్ట్‌మెంట్‌ అథారిటీ(క్యూఐఏ) నుంచి రూ. 8,278 కోట్ల పెట్టుబడులను అందుకుంది. తద్వారా రిలయన్స్‌ రిటైల్‌ వెంచర్స్‌లో 1 శాతం వాటాను సొంతం చేసుకుంది. ఇక 2020లో వివిధ గ్లోబల్‌ పీఈ సంస్థలకు 10.09 శాతం వాటాను విక్రయించడం ద్వారా రూ. 47,265 కోట్లను సమకూర్చుకోవడం ప్రస్తావించదగ్గ విషయం!

KKR invests Reliance Retail రిలయన్స్ ఇండస్ట్రీస్ లిమిటెడ్ పూర్తి-యాజమాన్య అనుబంధ సంస్థ రిలయన్స్ రిటైల్ వెంచర్స్ లిమిటెడ్  భారీ పెట్టుబడులను సాధించింది.  గ్లోబల్ ఇన్వెస్ట్‌మెంట్ సంస్థ అమెరికాకు,చెందిన  KKR,  రిలయన్స్‌రీటైల్‌  వాటాను1.42 శాతానికి పెంచుకోనుంది. ఇందుకుగాను రిలయన్స్‌ రీటైల్లో రూ. 2,070 కోట్లు పెట్టుబడి పెట్టనుంది. దీంతో రిలయన్స్‌ రీటైల్‌ ప్రీ-మనీ ఈక్విటీ విలువ రూ. 8.36 లక్షల కోట్లకు చేరిందని కంపెనీ సోమవారం ప్రకటించింది.  దీంతో ఈక్విటీ విలువ పరంగా దేశంలోని మొదటి నాలుగు కంపెనీలలో ఒకటిగా నిలిచింది. గత నెలలో ముఖేష్ అంబానీ రిటైల్ సామ్రాజ్యంలో ఖతార్ ఇన్వెస్ట్‌మెంట్ అథారిటీ ఒక బిలియన్  డాలర్ల  పెట్టుబడితరువాత ఈ ఒప్పందం జరిగడం విశేషం.  న్యూయార్క్ ప్రధాన కార్యాలయంగా పనిచేస్తున్న ప్రైవేట్ ఈక్విటీ సంస్థ KKR  రిలయన్స్ రిటైల్‌లో 2020లో ఆర్‌ఆర్‌విఎల్‌లో 1.28 శాతం వాటాల కొనుగోలు ద్వారా రూ. 5,550 కోట్ల పెట్టుబడి పెట్టిన సంగతి తెలిసిందే. ప్రస్తుత  కొనుగోలుతో  మొత్తం ఈక్విటీ వాటా పూర్తిగా పలచన ప్రాతిపదికన 1.42శాతానికి పెరిగింది. 2020లో వివిధ గ్లోబల్ ఇన్వెస్టర్ల నుండి మొత్తం రూ. 47,265 కోట్ల నిధుల సమీకరించింది. దీంతో పాటు  KKR రిలయన్స్ ఇండస్ట్రీస్ లిమిటెడ్ టెలికాం యూనిట్ అయిన జియో ప్లాట్‌ఫారమ్‌ల లిమిటెడ్‌లో కూడా పెట్టుబడిదారుగా ఉంది. (జీ20 సమ్మిట్‌: దాదాపు రూ. 400కోట్లు నష్టం, వ్యాపారుల ఆందోళన) 1976లో స్థాపించబడిన, KKR జూన్ 30, 2023 నాటికి  సుమారు 519 బిలియన్ల  డాలర్లు ఆస్తులను కలిగి ఉంది.  కేకేర్‌ ఫాలోఅన్‌ పెట్టుబడులపై రిలయన్స్ రిటైల్ వెంచర్స్ లిమిటెడ్ డైరెక్టర్ ఇషా ముఖేష్ అంబానీ, ఇటు రిలయన్స్‌తో భాగస్వామ్యంపై KKR సహ-CEO జో బే ఈ డీల్‌పై  సంతోషం ప్రకటించారు. భారతదేశంలో నిజమైన కార్పొరేట్ లీడర్, ఇన్నోవేటర్‌.  ఈ బృందంతో భాగస్వామ్యాన్ని కొనసాగించే  అవకాశం లభించడం సంతోషమని కెకెఆర్‌లోని ఆసియా పసిఫిక్ ప్రైవేట్ ఈక్విటీ హెడ్ గౌరవ్ ట్రెహాన్ పేర్కొన్నారు.  (విమానంలో వెర్రి వేషాలు, నిద్ర నటించిన మహిళ ఏం చేసిందంటే?)

టీమిండియా క్రికెటర్‌, ఐపీఎల్‌-2023లో కేకేఆర్‌ ఫ్రాంచైజీ కెప్టెన్‌ (తాత్కాలిక), దేశవాలీ క్రికెట్‌లో ఢిల్లీ క్రికెట్‌ జట్టు కీలక సభ్యుడైన 29 ఏళ్ల నితీశ్‌ రాణా సంచలన నిర్ణయం తీసుకున్నాడు. తన సొంత రాష్ట్ర క్రికెట్‌ అసోసియేషన్‌ అయిన ఢిల్లీ అండ్‌ డిస్ట్రిక్‌ అసోసియేషన్‌తో (DDCA) దశాబ్దకాలానికి పైగా ఉన్న అనుబంధాన్ని తెంచుకున్నాడు. తదుపరి దేశవాలీ సీజన్‌ నుంచి ఉత్తర్‌ప్రదేశ్‌ క్రికెట్‌ అసోసియేషన్‌ (UPCA)తో జతకట్టేందుకు నిర్ణయించుకున్నాడు. ఈ మేరకు అతనికి ఇవాళ (ఆగస్ట్‌ 21) DDCA నుంచి NOC కూడా లభించింది. దీంతో రాణాకు ఢిల్లీ క్రికెట్‌ అసోసియేషన్‌తో అధికారికంగా అనుబంధం తెగిపోయినట్లైంది. త్వరలో ప్రారంభంకానున్న UPT20 Leagueతో రాణా యూపీ క్రికెట్‌ అసోసియేషన్‌తో జతకట్టనున్నాడు. ఈ లీగ్‌ ఇనాగురల్‌ సీజన్‌లో రాణా నోయిడా సూపర్‌ కింగ్స్‌కు ప్రాతినిథ్యం వహించనున్నాడు.  Onto the next chapter. https://t.co/Zz1VyZKysA — Nitish Rana (@NitishRana_27) August 20, 2023 టీమిండియా తరఫున ఓ వన్డే, 2 టీ20లు ఆడిన రాణా.. 2011లో ఢిల్లీ తరఫున అరంగేట్రం చేసి 40కి పైగా ఫస్ట్‌ క్లాస్‌ మ్యాచ్‌లు, 50కి పైగా లిస్ట్‌-ఏ మ్యాచ్‌లు, 100కి పైగా టీ20లు  ఆడాడు. రాణా తన దేశవాలీ కెరీర్‌లో మొత్తంగా 9 సెంచరీలు, 46 అర్ధసెంచరీలు సాధించాడు. ఢిల్లీ క్రికెట్‌ అసోసియేషన్‌తో బంధం తెంచుకున్న తర్వాత రాణా ఉద్వేగంతో ఓ ట్వీట్‌ చేశాడు. ఆన్‌ టు ద నెక్స్ట్‌ చాప్టర్‌ అని క్యాప్షన్‌ జోడిండి DDCAతో ఉండిన అనుబంధాన్ని నెమరువేసుకున్నాడు. ఈ ట్వీట్‌లో అతను DDCAలో తనకు సహకరించిన ప్లేయర్స్‌, నాన్‌ ప్లేయర్స్‌ అందరికీ ధన్యవాదాలు తెలిపాడు. కాగా, రాణా గత ఐపీఎల్‌ సీజన్‌లో శ్రేయస్‌ అయ్యర్‌ గైర్హాజరీలో కేకేఆర్‌కు సారధిగా వ్యవహరించిన విషయం తెలిసిందే.

ఫ్రాంచైజీ క్రికెట్‌లో కోల్‌కతా నైట్‌రైడర్స్‌ అనుబంధ జట్ల పేలవ ప్రదర్శన కొనసాగుతుంది. గతేడాది కరీబియన్‌ ప్రీమియర్‌ లీగ్‌లో (సీపీఎల్‌) మొదలైన నైట్‌రైడర్స్‌ వైఫల్యాల పరంపర.. అమెరికా వేదికగా ప్రస్తుతం జరుగుతున్న మేజర్‌ లీగ్‌ క్రికెట్‌లోనూ (ఎంఎల్‌సీ) కంటిన్యూ అవుతుంది. 2022 సీపీఎల్‌ను ఆఖరి స్థానంతో ముగించిన ట్రిన్‌బాగో నైట్‌రైడర్స్‌.. ఆతర్వాత జరిగిన ఇంటర్నేషనల్‌ టీ20 లీగ్‌లోనూ (ఐఎల్‌టీ20) చివరాఖరి స్థానంలోనే (అబుదాబీ నైట్‌రైడర్స్‌) నిలిచింది. అనంతరం జరిగిన ఐపీఎల్‌-2023లో కాస్త పర్వాలేదనిపించిన కోల్‌కతా నైట్‌రైడర్స్‌ (7వ స్థానం).. ప్రస్తుతం జరుగుతున్న ఎంఎల్‌సీలో మరోసారి తమకెంతో అచ్చొచ్చిన ఆఖరి స్థానంలో (లాస్‌ ఏంజెలెస్‌ నైట్‌రైడర్స్‌) నిలిచి, లీగ్‌ దశలోనే పోటీ నుంచి నిష్క్రమించింది. సునీల్‌ నరైన్‌ సారధ్యంలో ఎంఎల్‌సీలో మొత్తం 5 మ్యాచ్‌లు ఆడిన నైట్‌రైడర్స్‌ వరుసగా నాలుగు మ్యాచ్‌ల్లో ఓటమిపాలై, టేబుల్‌ టాపర్‌ సియాటిల్‌ ఆర్కాస్‌తో జరిగిన ఆఖరి మ్యాచ్‌లో విజయం సాధించింది. ఈ మ్యాచ్‌లో కూడా నైట్‌రైడర్స్‌ అతికష్టం మీద నెగ్గింది. రిలీ రొస్సో (38 బంతుల్లో 78 నాటౌట్‌; 3 ఫోర్లు, 7 సిక్సర్లు) ఆకాశమే హద్దుగా చెలరేగడంతో నైట్‌రైడర్స్‌ ఈ మ్యాచ్‌లో గెలవగలిగింది. 6 జట్లు పాల్గొన్న ఎంఎల్‌సీ-2023 సీజన్‌ను ఆఖరి స్థానంతో ముగించింది. కాగా, నైట్‌రైడర్స్‌ గ్రూప్‌ ఆఫ్‌ ఫ్రాంచైజెస్‌ను బాలీవుడ్‌ బాద్‌షా షారుక్‌ ఖాన్‌, నటి జూహి​ చావ్లా, వ్యాపారవేత్త జై మెహతా, రెడ్‌ చిల్లీస్‌ ఎంటర్‌టైన్‌మెంట్‌  సంయుక్తంగా నిర్వహిస్తున్న విషయం తెలిసిందే. జట్టు నిండా విధ్వంసకర ఆటగాళ్లే, అయినా..! లీగ్‌ క్రికెట్‌లో నైట్‌రైడర్స్‌ ఫ్రాంచైజీల ప్రస్తానాన్ని గమనిస్తే, అన్ని జట్లలో ప్రపంచంలోని విధ్వంసకర ఆటగాళ్లు మెజారిటీ శాతం ఉన్నారు. కరీబియన్‌ ప్రీమియర్‌ లీగ్‌ దగ్గర నుంచి ప్రస్తుతం జరుగుతున్న మేజర్‌ లీగ్‌ క్రికెట్‌ వరకు అన్ని నైట్‌రైడర్స్‌ ఫ్రాంచైజీల్లో భారీ హిట్టర్లు ఉన్నారు.  సీపీఎల్‌లో ట్రిన్‌బాగో నైట్‌రైడర్స్‌లో కీరన్‌ పోలార్డ్‌, మార్టిన్‌ గప్తిల్‌, సునీల్‌ నరైన్‌, నికోలస్‌ పూరన్‌, డ్వేన్‌ బ్రేవో, రిలీ రొస్సో, ఆండ్రీ రసెల్‌ ఉండగా..  ఐపీఎల్‌లో నితీశ్‌ రాణా, రింకూ సింగ్‌, జేసన్‌ రాయ్‌, వెంకటేశ్‌ అయ్యర్‌, ఆండ్రీ రసెల్‌, సునీల్‌ నరైన్‌, రహ్మానుల్లా గుర్భాజ్‌, జాన్సన్‌ చార్లెస్‌, శార్దూల్‌ ఠాకూర్‌ తదితరులు ఉన్నారు.  ఇంటర్నేషనల్‌ టీ20 లీగ్‌ విషయానికొస్తే.. ఈ జట్టులో సునీల్‌ నరైన్‌, కొలిన్‌ ఇంగ్రామ్‌, బ్రాండన్‌ కింగ్‌, ఆండ్రీ రసెల్‌ లాంటి హార్డ్‌ హిట్టర్లు ఉండగా.. మేజర్‌ లీగ్‌ క్రికెట్‌లో జేసన్‌ రాయ్‌, రిలీ రొస్సో, మార్టిన్‌ గప్తిల్‌, ఆండ్రీ రసెల్‌, సునీల్‌ నరైన్‌ తదితరులు నైట్‌రైడర్స్‌ జట్టులో ఉన్నారు.  ప్రతి నైట్‌రైడర్స్‌ ఫ్రాంచైజీలో ఈ స్థాయిలో మ్యాచ్‌ విన్నర్లు ఉన్నప్పటికీ ఈ ఫ్రాంచైజీ ఏ లీగ్‌లోనూ ఛాంపియన్‌ కాలేకపోతుంది. కనీసం టాప్‌ జట్లలో ఒకటిగా కూడా నిలువలేకపోతుంది. ఐపీఎల్‌లో రెండుసార్లు విజేతగా నిలిచిన నైట్‌రైడర్స్‌ ఆ తర్వాత ఏ లీగ్‌లోనూ ఆ స్థాయిలో రాణించలేకపోతుంది. దీంతో నైట్‌రైడర్స్‌  ఫ్యాన్స్‌ తెగ హర్టై పోతున్నారు. మరో పక్క ఇదే ఫ్రాంచైజీ క్రికెట్‌లో సూపర్‌ కింగ్స్‌ జట్లు మాత్రం దూసుకుపోతున్నాయి. ఈ లీగ్‌లో అయినా ఆ జట్టు మినిమం గ్యారెంటీగా మారింది. ప్రస్తుతం జరుగుతున్న ఎంఎల్‌సీలోనూ ఆ జట్టు ప్లే ఆఫ్స్‌కు అర్హత సాధించింది.  

దేశవాలీ వన్డే టోర్నీ దియోదర్‌ ట్రోఫీ-2023 ఇవాల్టి (జులై 24) నుంచి ప్రారంభమైంది. టోర్నీలో భాగంగా ఇవాళ జరిగిన తొలి మ్యాచ్‌లో ఈస్ట్‌ జోన్‌-సెంట్రల్‌ జోన్‌ జట్లు తలపడ్డాయి. ఈ మ్యాచ్‌లో ఈస్ట్‌ జోన్‌ 6 వికెట్ల తేడాతో విజయం సాధించింది.  తేలిపోయిన వెంకటేశ్‌ అయ్యర్‌.. రెచ్చిపోయిన రింకూ సింగ్‌ తొలుత బ్యాటింగ్‌ చేసిన సెంట్రల్‌ జోన్‌ నిర్ణీత 50 ఓవర్లు ఆడి 207 పరుగులకు ఆలౌటైంది. కెప్టెన్‌ వెంకటేశ్‌ అయ్యర్‌ (8) సహా టాపార్డర్‌ అంతా విఫలం కాగా.. శివమ్‌ చౌదరీ (22), కర్ణ శర్మ (32) సహకారంతో రింకూ సింగ్‌ (63 బంతుల్లో 54; ఫోర్‌, 2 సిక్సర్లు) జట్టును ఆదుకున్నాడు.  కష్ట సమయంలో బరిలోకి దిగిన రింకూ సింగ్‌.. శివమ్‌ చౌదరీ, కర్ణ శర్మలతో చెరో 50 ప్లస్‌ భాగస్వామ్యాలు నెలకొల్పి స్కోర్‌ 200 దాటేలా చేశాడు. అనంతరం ఆరో వికెట్‌గా రింకూ వెనుదిరగడంతో సెంట్రల్‌ జోన్‌ పతనం ఆరంభమైంది. ఆ జట్టు మరో 31 పరుగులు  జోడించి ఆఖరి 4 వికెట్లు కోల్పోయింది. ఈస్ట్‌ జోన్‌ బౌలర్లలో మురసింగ్‌, ఆకాశ్‌ దీప్‌, షాబాజ్‌ అహ్మద్‌ తలో 3 వికెట్లు పడగొట్టగా... ఉత్కర్ష్‌ సింగ్‌ ఓ వికెట్‌ దక్కించుకున్నాడు. రాణించిన ఉ‍త్కర్ష్‌ సింగ్‌.. ఈస్ట్‌ జోన్‌ సునాయాస విజయం అనంతరం 208 పరుగుల లక్ష్యాన్ని ఛేదించేందుకు బరిలోకి దిగిన ఈస్ట్‌ జోన్‌.. అభిమన్యు ఈశ్వరన్‌ (38), ఉ‍త్కర్ష్‌ సింగ్‌ (89), సుభ్రాన్షు్‌ సేనాపతి (33 నాటౌట్‌) రాణించడంతో 46.1 ఓవర్లలో 4 వికెట్లు కోల్పోయి సునాయాసంగా గెలుపొందింది. సెంట్రల్‌ జోన్‌ బౌలర్లలో కర్ణ్‌ శర్మ 3 వికెట్లు పడగొట్టగా.. అదిత్య సర్వటే ఓ వికెట్‌ దక్కించుకున్నాడు. కాగా, ఇటీవల ముగిసిన ఐపీఎల్‌ 2023లో సత్తా చాటిన (కేకేఆర్‌ తరఫున 14 మ్యాచ్‌ల్లో 59.25 సగటున 149.52 స్ట్రయిక్‌రేట్‌తో 474 పరుగులు) రింకూ సింగ్‌.. ఆసియా క్రీడల్లో టీమిండియాకు ప్రాతినిధ్యం వహించే ఛాన్స్‌ కొట్టేసిన విషయం తెలిసిందే. గత ఐపీఎల్‌లో గుజరాత్‌ టైటాన్స్‌తో జరిగిన మ్యాచ్‌లో ఆఖరి ఓవర్‌లో వరుసగా ఐదు సిక్సర్లు బాదిన రింకూ రాత్రికిరాత్రి హీరో అయిపోయాడు. అదే ఫామ్‌ను రింకూ ప్రస్తుతం దేశవాలీ టోర్నీల్లోనూ కొనసాగిస్తున్నాడు.

మేజర్‌ లీగ్‌ క్రికెట్‌ సీజన్‌ 2023లో లాస్‌ ఏంజెలెస్‌ నైట్‌ రైడర్స్‌ తొలి విజయం నమోదు చేసింది. నిన్న (జులై 23) సీయాటిల్‌ ఆర్కాస్‌తో జరిగిన మ్యాచ్‌లో ఆ జట్టు 2 వికెట్ల తేడాతో గెలుపొందింది. రిలీ రొస్సో (38 బంతుల్లో 78 నాటౌట్‌; 3 ఫోర్లు, 7 సిక్సర్లు) అజేయమైన మెరుపు హాఫ్‌ సెంచరీతో విరుచుకుపడి నైట్‌ రైడర్స్‌ను విజయతీరాలకు చేర్చాడు. రొస్సోకు ఆండ్రీ రసెల్‌ (29 బంతుల్లో 37; 4 ఫోర్లు, 2 సిక్సర్లు) సహకరించాడు. ఫలితంగా నైట్‌ రైడర్స్‌.. ఆర్కాస్‌ నిర్ధేశించిన 171 పరుగుల లక్ష్యాన్ని 8 వికెట్లు కోల్పోయి మరో 5 బంతులు మిగిలుండగానే ఛేదించింది.  One of the innings of the tournament 👏 Rilee Rossouw wins the Player of the Match award for his impressive 7️⃣8️⃣* (3️⃣8️⃣)#MLC2023 pic.twitter.com/WQhNFWn3UH — Major League Cricket (@MLCricket) July 23, 2023 ఈ మ్యాచ్‌లో తొలుత బ్యాటింగ్‌ చేసిన ఆర్కాస్‌.. షెహన్‌ జయసూర్య (45 బంతుల్లో 60 నాటౌట్‌; 7 ఫోర్లు, సిక్స్‌) అర్ధసెంచరీతో రాణించడంతో నిర్ణీత 20 ఓవర్లలో 6 వికెట్ల నష్టానికి 170 పరుగులు చేసింది. స్టార్‌ బ్యాటర్‌ డికాక్‌ (10) విఫలం కాగా.. నౌమన్‌ అన్వర్‌ (32; 5 ఫోర్లు), క్లాసెన్‌ (13 బంతుల్లో 25; 3 ఫోర్లు, సిక్స్‌) పర్వాలేదనిపించాడు. నైట్‌ రైడర్స్‌ బౌలర్లలో ఆడమ్‌ జంపా 2 వికెట్లు పడగొట్టగా.. స్పెన్సర్‌ జాన్సన్‌, ఆండ్రీ రసెల్‌, వాన్‌ షాల్విక్‌, కెప్టెన్‌ సునీల్‌ నరైన్‌ తలో వికెట్‌ దక్కించుకున్నారు. అనంతరం 171 పరుగుల లక్ష్యాన్ని ఛేదించేందుకు బరిలోకి దిగిన నైట్‌ రైడర్స్‌కు మంచి ఆరంభం లభించనప్పటికీ.. రొస్సో, రసెల్‌ ఆ జట్టును గెలిపించారు. 8 పరుగులకే 3 వికెట్లు కోల్పోయిన దశలో బరిలోకి దిగిన రొస్సో ఆఖరి వరకు క్రీజ్‌లో నిలబడి నైట్‌ రైడర్స్‌కు సీజన్‌ తొలి విజయాన్ని అందించాడు. నైట్‌ రైడర్స్‌ ఇన్నింగ్స్‌లో జేసన్‌ రాయ్‌ (2), జస్కరన్‌ మల్హోత్రా (2), గజానంద్‌ సింగ్‌ (3),సునీల్‌ నరైన్‌ (8) విఫలం కాగా.. సైఫ్‌ దర్బార్‌ (10), వాన్‌ షాల్విక్‌ (12), ఆడమ్‌ జంపా (12) రెండంకెల స్కోర్లు చేశారు. ఆర్కాస్‌ బౌలర్లలో కెమరాన్‌ గానన్‌ 3 వికెట్లతో రాణించగా.. ఆండ్రూ టై 2, ఇమాద్‌ వసీం, కెప్టెన్‌ వేన్‌ పార్నెల్‌, హర్మీత్‌ సింగ్‌ తలో వికెట్‌ పడగొట్టారు.

టీమిండియా మాజీ క్రికెటర్‌ గౌతమ్‌ గంభీర్‌ ఐపీఎల్‌లో లక్నో సూపర్‌జెయింట్స్‌కు మెంటార్‌గా ఉన్న సంగతి తెలిసిందే. కాగా ఈ ఏడాదితో లక్నో సూపర్‌ జెయింట్స్‌ కోచ్‌ ఆండీ ప్లవర్‌ సహా సిబ్బందితో ఉన్న రెండేళ్ల కాంట్రాక్ట్‌ ముగియనుంది. కేఎల్‌ రాహుల్‌ సారధ్యంలోని లక్నో సూపర్‌ జెయింట్స్‌ కొత్త కోచ్‌వైపు దిశగా అడుగులు వేస్తోంది. ఇప్పటికే ఆసీస్‌ మాజీ క్రికెటర్‌ జస్టిన్‌ లాంగర్‌ను కోచ్‌ పదవికి సంప్రదించినట్లు సమాచారం. మెంటార్‌గా ఉన్న గౌతమ్‌ గంభీర్‌ను కూడా లక్నో కంటిన్యూ చేయాలనుకోవడం లేదు. దీంతో గౌతమ్‌ గంభీర్‌ను వచ్చే ఐపీఎల్‌లో కొత్త జట్టుతో చూసే అవకాశం ఉంది. ఈ నేపథ్యంలో కెప్టెన్‌గా రెండుసార్లు ఐపీఎల్‌ టైటిల్‌ అందించిన కోల్‌కతా నైట్‌రైడర్స్‌(కేకేఆర్‌) జట్టుకు బ్యాటింగ్‌ కోచ్‌ లేదా మెంటార్‌గా వెళ్లే అవకాశం ఉన్నట్లు వార్తలు వస్తున్నాయి. ఈ విషయం తెలుసుకున్న కేకేఆర్‌ ఫ్యాన్స్‌ సంతోషంలో మునిగిపోయారు. గౌతమ్‌ గంభీర్‌ కేకేఆర్‌కు తిరిగి రానున్నాడన్న విషయంలో ఎంత నిజముందో తెలియదు కానీ గంభీర్‌ సేవలు ఇప్పుడు కేకేఆర్‌కు చాలా అవసరమని ఫ్యాన్స్‌ అభిప్రాయపడుతున్నారు. గంభీర్‌ తిరిగి వస్తున్నాడన్న విషయాన్ని ఫ్యాన్స్‌ ట్విటర్‌ వేదికగా ట్వీట్ల వర్షం కురిపించారు. ఇక గాయం కారణంగా ఈ ఏడాది ఐపీఎల్‌ సీజన్‌కు రెగ్యులర్‌ కెప్టెన్‌ శ్రేయాస్‌ అయ్యర్‌ దూరంగా ఉన్న సంగతి తెలిసిందే. నితీశ్‌ రానా సారధ్యంలోని కేకేఆర్‌ జట్టు మోస్తరు ప్రదర్శన మాత్రమే చేసింది. 2021లో రన్నరప్‌గా నిలిచిన కేకేఆర్‌ రెండు సీజన్లుగా లీగ్‌ దశకే పరిమితమయింది. ఒకవేళ గౌతమ్‌ గంభీర్‌ మెంటార్‌గా వస్తే కేకేఆర్‌ ఆటతీరు మారిపోయే అవకాశం ఉంది. ఇక శ్రేయాస్‌ అయ్యర్‌ కూడా గంభీర్‌తో కలిసి పనిచేయడానికి ఎంతో ఆసక్తి చూపిస్తున్నట్లు తెలుస్తోంది. ఇక ఐపీఎల్‌ ఆరంభంలో ఢిల్లీ డేర్‌డెవిల్స్‌కు ఆడిన గౌతమ్‌ గంభీర్‌ ఆ తర్వాత కేకేఆర్‌ తరపున ఆడాడు. 2011లో రూ.11 కోట్లతో కేకేఆర్‌లో జాయిన్‌ అయిన మరుసటి ఏడాది అంటే 2012లో చాంపియన్‌గా నిలిపాడు. ఆ తర్వాత 2014లోనూ అతని కెప్టెన్సీలోనే కేకేఆర్‌ రెండోసారి చాంపియన్‌గా నిలిచింది. దాదాపు ఏడు సంవత్సరాల పాటు కేకేఆర్‌కు కొనసాగిన గౌతమ్‌ గంభీర్‌ 2018లో ఢిల్లీ క్యాపిటల్స్‌కు మారాడు. ఆ తర్వాత ఆటకు వీడ్కోలు పలికి 2021లో లక్నో సూపర్‌జెయింట్స్‌కు మెంటార్‌గా వచ్చాడు.కేఎల్‌ రాహుల్‌, కృనాల్‌ పాండ్యాల నేతృత్వంలో, ఆండీ ఫ్లవర్‌ ఆధ్వర్యంలో ఎల్‌ఎస్‌జీ గత రెండు సీజన్లలో ఓ మోస్తరు ప్రదర్శనలతో పర్వాలేదనిపించింది. ఈ రెండు సీజన్లలో ఆ జట్టు మూడో స్థానంలో నిలిచింది.  The news is true. 🚨🚨 The time has come for Shreyas Iyer and Gautam Gambhir era. 🔥💯#GautamGambhir #ShreyasIyer pic.twitter.com/CCm54h1Iz3 — 🤶 (@hrathod__) July 10, 2023 Sare KKR fans bas yahi chahte hain. GG in KKR. Make it happen #GautamGambhir pic.twitter.com/eLHrGj4TXP — Piyush Prakash (@real_piyush) July 10, 2023 Is it true. Is Gautam Gambhir really coming back home? #GautamGambhir pic.twitter.com/xH5PxsgjW4 — Sandeep kishore 🇮🇳 (@sandeepkishore_) July 10, 2023 Mentor and Batting coach for KKR in 2024 🥹💜#GautamGambhir #EoinMorgan pic.twitter.com/MOQbaqO55A — BAZ fOrEvEr ♥️ (@Baz_42_) July 10, 2023 చదవండి: TNPL 2023: మరో 'రింకూ సింగ్‌'.. తమిళనాడు ప్రీమియర్‌ లీగ్‌లో సంచలనం

ఐపీఎల్‌ 2023లో అద్భుత ప్రదర్శన కనబర్చిన కేకేఆర్‌ బ్యాటర్‌ రింకూ సింగ్‌కు విండీస్‌తో టీ20 సిరీస్‌కు భారత జట్టులో చోటు ఖాయమని మీడియా మొత్తం కోడై కూసిన విషయం తెలిసిందే. అయితే మీడియా కథనాలను కాని, రింకూ సింగ్‌ ప్రదర్శనను కాని పరిగణలోకి తీసుకోని భారత సెలెక్షన్‌​ కమిటీ అతనికి మొండిచేయి చూపించింది. అతని స్థానంలో మిడిలార్డర్‌ బ్యాటర్‌ కోటాలో తిలక్‌ వర్మకు చోటు కల్పించింది. మరో మిడిలార్డర్‌ బ్యాటర్‌గా వికెట్‌కీపర్‌ కమ్‌ బ్యాటర్‌ సంజూ శాంసన్‌కు అవకాశం ఇచ్చింది. ఐపీఎల్‌లో రింకూతో సరిసాటిగా రాణించిన యశస్వి జైస్వాల్‌ని కూడా ఎంపిక చేసింది. If Rinku Singh doesn't play for India, it's Indias Loss!! Keep Going @rinkusingh235 🦁pic.twitter.com/mahZ9pdMAB — KKR Bhakt 🇮🇳 ™ (@KKRSince2011) July 5, 2023 యువకులకు మెరుగైన అవకాశాలు కల్పిస్తామని ఊదరగొట్టే భారత సెలెక్టర్లు, సీనియర్ల గైర్హాజరీలోనూ రింకూ సింగ్‌ లాంటి టాలెంటెడ్‌ ఆటగాడికి చోటు కల్పించకపోవడంపై అభిమానులు మండిపడుతున్నారు. రింకూను.. మరో సంజూ శాంసన్‌లా (అవకాశాలు ఇవ్వకుండా) తయారు చేస్తారంటూ కామెంట్లు చేస్తున్నారు. రింకూ సూపర్‌ ఫామ్‌లో ఉన్నప్పుడు అవకాశం ఇవ్వలేదంటూ సెలెక్టర్లపై దుమ్మెత్తిపోస్తున్నారు. Rinku Singh is the most loved cricketer at the moment. Everyone is angry about his exclusion. pic.twitter.com/jkqRALYPK1 — R A T N I S H (@LoyalSachinFan) July 5, 2023 పాపం​ రింకూ.. అంటూ సోషల్‌మీడియా వేదికగా సానుభూతి చూపిస్తున్నారు. రింకూను ఎంపిక చేయకపోవడం టీమిండియాకే నష్టమని అభిప్రాయపడుతున్నారు. మరికొందరు భారత క్రికెట్‌లో ఇది సర్వసాధారణమని.. సెలెక్టర్లు టాలెంటెడ్‌ యువతకు అవకాశాలు ఇస్తే ఆశ్చర్యపోవాలి కాని, ఇలా జరిగితే పెద్ద విశేషమేమి కాదంటున్నారు. రింకూను ఎంపిక చేయకపోవడంపై అతని ఐపీఎల్‌ జట్టు కేకేఆర్‌ కూడా స్పందించింది. Justice for Rinku Singh 💔😞#WIvIND #RinkuSingh pic.twitter.com/6GRHR62sGx — Shreyas Aryan (@Ariyen34) July 5, 2023 Knowing BCCI, you might see Rinku Singh getting picked in Tests before the T20I side. — Silly Point (@FarziCricketer) July 5, 2023 రింకూ స్లిప్‌లో క్యాచ్‌ పడుతున్న ఓ వీడియోను పోస్ట్‌ చేస్తూ.. నథింగ్‌ స్లిప్పింగ్‌ థ్రూ అంటూ కామెంట్‌ చేసింది. కాగా, 25 ఏళ్ల రింకూ సింగ్‌ (ఉత్తర్‌ప్రదేశ్‌) ఇటీవల ముగిసిన ఐపీఎల్‌లో పలు చిరస్మరణీయ ఇన్నింగ్స్‌లు ఆడి తన జట్టును గెలిపించిన విషయం తెలిసిందే. ఈ సీజన్‌లో రింకూ 14 మ్యాచ్‌లు ఆడి 59.25 సగటున 149.53 స్ట్రయిక్‌రేట్‌తో 474 పరుగులు సాధించాడు. ఇందులో 4 అర్ధసెంచరీలు ఉన్నాయి. ఇదే సీజన్‌లో గుజరాత్‌ టైటాన్స్‌తో జరిగిన మ్యాచ్‌లో రింకూ ఆడిన ఇన్నింగ్స్‌ (యశ్‌ దయాల్‌వేసిన ఆఖరి ఓవర్‌లో వరుసగా 5 సిక్సర్లు) సగటు క్రికెట్‌ అభిమాని ఎప్పటికీ మరచిపోలేడు. History created by Rinku Singh. What a finish. pic.twitter.com/NDAiGjQVoI — Johns. (@CricCrazyJohns) April 9, 2023 విండీస్‌తో టి20 సిరీస్‌కు భారత జట్టు: ఇషాన్ కిషన్ (వికెట్‌ కీపర్‌), శుబ్‌మన్‌ గిల్, యశస్వి జైస్వాల్, తిలక్ వర్మ, సూర్య కుమార్ యాదవ్ (వైస్‌ కెప్టెన్‌), సంజు శాంసన్ (వికెట్‌ కీపర్‌), హార్దిక్ పాండ్యా (కెప్టెన్‌), అక్షర్ పటేల్, యుజ్వేంద్ర చాహల్, కుల్దీప్ యాదవ్, రవి బిష్ణోయ్, అర్ష్దీప్ సింగ్, ఉమ్రాన్ మాలిక్, అవేష్ ఖాన్, ముఖేష్ కుమార్.

దులీప్‌ ట్రోఫీ 2023లో ఐపీఎల్‌ ఆటగాళ్ల నుంచి మిశ్రమ ఫలితాలు వచ్చాయి. ఓ మాజీ ఆటగాడు సెంచరీతో కదంతొక్కితే.. మరొకరు అంచనాలకు తగ్గట్టుగా రాణించలేకపోయారు. సీఎస్‌కే మాజీ ఆటగాడు,  నార్త్‌ జోన్‌ ఓపెనర్‌ ధృవ్‌ షోరే సెంచరీతో కదంతొక్కగా.. 2023 సీజన్‌ కేకేఆర్‌ స్టార్‌, సెంట్రల్‌ జోన్‌ ఆటగాడు రింకూ సింగ్‌ (38) ఓ మోస్తరు స్కోర్‌కే పరిమితమయ్యాడు. బెంగళూరు: భారత క్రికెట్‌ దేశవాళీ సీజన్‌ 2023–2024 దులీప్‌ ట్రోఫీ మ్యాచ్‌లతో బుధవారం మొదలైంది. చిన్నస్వామి స్టేడియంలో నార్త్‌ ఈస్ట్‌ జోన్‌తో ప్రారంభమైన క్వార్టర్‌ ఫైనల్లో తొలి రోజు ఆట ముగిసే సమయానికి నార్త్‌ జోన్‌ తొలి ఇన్నింగ్స్‌లో భారీ స్కోరు దిశగా సాగుతోంది. 90 ఓవర్లు ఆడిన నార్త్‌ జోన్‌ 6 వికెట్లు కోల్పోయి 306 పరుగులు చేసింది. ఓపెనర్‌ ధ్రువ్‌ షోరే (211 బంతుల్లో 136; 22 ఫోర్లు) సెంచరీ సాధించాడు. నిశాంత్‌ సింధు (113 బంతుల్లో 76 బ్యాటింగ్‌; 9 ఫోర్లు, 2 సిక్స్‌లు), పుల్కిత్‌ నారంగ్‌ (23 బ్యాటింగ్‌; 3 ఫోర్లు) క్రీజులో ఉన్నారు.  సెంట్రల్‌ జోన్‌ 182 ఆలౌట్‌  ఆలూర్‌లో ఈస్ట్‌ జోన్‌ జట్టుతో జరుగుతున్న మరో క్వార్టర్‌ ఫైనల్లో సెంట్రల్‌ జోన్‌ జట్టు తొలి ఇన్నింగ్స్‌లో 71.4 ఓవర్లలో 182 పరుగులకు ఆలౌటైంది. ఐపీఎల్‌ స్టార్‌ రింకూ సింగ్‌ (38; 6 ఫోర్లు) టాప్‌ స్కోరర్‌గా నిలిచాడు. ఈస్ట్‌ జోన్‌ బౌలర్‌ మణిశంకర్‌ మురాసింగ్‌ 42 పరుగులిచ్చి 5 వికెట్లు తీశాడు. అనంతరం తొలి ఇన్నింగ్స్‌ ప్రారంభించిన ఈస్ట్‌ జోన్‌ ఆట ముగిసే సమయానికి 2 వికెట్లు కోల్పోయి 32 పరుగులు సాధించింది.    

టీమిండియా మాజీ కెప్టెన్‌, చెన్నై సూపర్‌ కింగ్స్‌ ప్రస్తుత సారధి మహేంద్రసింగ్‌ ధోని ఆఫ్ఘనిస్తాన్‌ ఆటగాడు, ఐపీఎల్‌లో కోల్‌కతా నైట్‌రైడర్స్‌ వికెట్‌ కీపర్‌ రహ్మానుల్లా గుర్భాజ్‌కు ఓ బహుమతి పంపాడు. ధోని తాను సంతకం చేసిన సీఎస్‌కే జెర్సీని గుర్భాజ్‌కు గిఫ్ట్‌గా ఇచ్చాడు. ఈ విషయాన్ని గుర్భాజ్‌ తన ఇన్‌స్టా ఖాతా ద్వారా వెల్లడించాడు. ధోని పంపిన గిఫ్ట్‌ను పట్టుకుని ఫోటోకు పోజిస్తూ.. తాను అడిగిన బహుమతిని పంపినందుకు ధోనికి కృతజ్ఞతలు తెలిపాడు. భారత్‌ నుంచి ఈ గిఫ్ట్‌ పంపినందుకు థ్యాంక్స్‌ మాహీ సర్‌ అని ఇన్‌స్టా పేజీలో రాసుకొచ్చాడు.  కాగా, ఐపీఎల్‌ 2023లో కేకేఆర్‌కు ప్రాతినిధ్యం వహించిన గుర్భాజ్‌.. ఆ సీజన్‌ ప్రారంభానికి ముందు తనకు ధోనితో కలిసి లేక ధోనికి ప్రత్యర్ధిగా ఆడాలని కోరిక ఉందని తెలిపాడు. ఆ సీజన్‌లోనే గుర్భాజ్‌ కోరిక తీరింది. గుర్భాజ్‌ టీమ్‌ కేకేఆర్‌.. సీఎస్‌కేతో ఓ మ్యాచ్‌ ఆడింది. అయితే ఆ మ్యాచ్‌లో గుర్భాజ్‌ విఫలమయ్యాడు. 4 బంతుల్లో కేవలం ఒక్క పరుగు మాత్రమే చేసి ఔటయ్యాడు. ఈ మ్యాచ్‌లో విఫలమైనా గుర్భాజ్‌ ఐపీఎల్‌ 2023 సీజన్‌ మొత్తంలో ఓ మోస్తరుగా రాణించాడు. ఈ సీజన్‌లో 11 మ్యాచ్‌లు ఆడిన గుర్భాజ్‌.. 20.64 సగటున, 133.53 స్ట్రయిక్‌ రేట్‌తో 227 పరుగులు చేశాడు. గుర్భాజ్ ఈ సీజన్‌లో వికెట్ల వెనుక కూడా అద్భుతమైన ప్రదర్శనలు చేశాడు. పంజాబ్‌ కింగ్స్‌తో జరిగిన మ్యాచ్‌లో అద్భుతమైన డైవింగ్‌ క్యాచ్‌ అందుకుని అందరి ప్రశంసలు అందుకున్నాడు. ఈ క్యాచ్‌తో జనాలు గుర్భాజ్‌ను ధోనితో పోల్చడం మొదలుపెట్టారు. మెరుపు ఇన్నింగ్స్‌లు ఆడటం, వికెట్ల వెనుక చురుకుగా ఉండటంతో ఆఫ్ఘన్‌ అభిమానులు గుర్భాజ్‌ను ఆఫ్ఘన్‌ కా ధోని అని పిలుచుకుంటారు. ఇదిలా ఉంటే, తన అభిమానించే వారికి సంతకం చేసిన జెర్సీ పంపించడం ధోనికి అలవాటే. 2022లో పాక్‌ ఫాస్ట్‌ బౌలర్‌ హరీస్‌ రౌఫ్‌కు కూడా ధోని ఇలాగే సైన్డ్‌ జెర్సీని బహుమతిగా పంపాడు.   

ఐపీఎల్‌ 16వ సీజన్‌లో కేకేఆర్‌ బ్యాటర్‌ రింకూ సింగ్‌ నిస్సందేహంగా ఒక సంచలనం. డెత్‌ ఓవర్లలో అతను చూపిస్తున్న తెగువ బహుశా ఈ మధ్య కాలంలో పెద్దగా చూసింది లేదు. సీజన్‌ ఆరంభంలో గుజరాత్‌ టైటాన్స్‌ బౌలర్‌ యష్‌ దయాల్‌ వేసిన ఆఖరి ఓవర్లో ఐదు బంతుల్లో ఐదు సిక్సర్ల బాది రింకూ సింగ్‌ హీరో అయిపోయాడు. కేకేఆర్‌కు సంచలన విజయం కట్టబెట్టి డెత్‌ ఓవర్ల కింగ్‌ అనిపించుకున్నాడు. తాజాగా శనివారం లీగ్‌ చివరి అంకంలో లక్నో సూపర్‌జెయింట్స్‌తో మ్యాచ్‌లో దాదాపు కేకేఆర్‌ను గెలిపించినంత పని చేశాడు. 2 ఓవర్లలో కేకేఆర్‌ విజయానికి 40 పరుగులు అవసరమైన దశలో తనలోని హిట్టర్‌ను మళ్లీ నిద్రలేపాడు రింకూ సింగ్‌. డెత్‌ ఓవర్లు అనగానే రింకూ సింగ్‌కు ఎక్కడలేని ధైర్యం వస్తోంది.మాములుగా అయితే డెత్‌ ఓవర్లలో.. కొండంత లక్ష్యం ఉంటే ఏ బ్యాటర్‌ అయినా ఒత్తిడిలో పడతాడు. కానీ రింకూ సింగ్‌ దీనికి పూర్తి రివర్స్‌లా ఉన్నాడు. డెత్‌ ఓవర్లు అనగానే చాలు పూనకం వచ్చినట్లు చెలరేగిపోతున్నాడు. ఒక్క పరుగుతో కేకేఆర్‌ ఓడిపోవచ్చు.. కానీ రింకూ సింగ్‌ తన సంచలన ఇన్నింగ్స్‌తో అభిమానుల మనసులు మరోసారి దోచుకున్నాడు.  రింకూ సింగ్‌ లాంటి నిఖార్సైన ఫినిషర్‌ అవసరం టీమిండియాకు ఇప్పుడు చాలా ఉంది.  ఈ సీజన్‌లో 14 మ్యాచ్‌లాడిన రింకూ సింగ్‌ ఫినిషర్‌గా వచ్చి 149 స్ట్రైక్‌రేట్‌తో 374 పరుగులు చేయడం విశేషం. అతని ఖాతాలో నాలుగు అర్థసెంరీలు ఉన్నాయి. తన బ్యాటింగ్‌తో దుమ్మురేపిన రింకూ సింగ్‌ను త్వరలో టీమిండియాలో చూడడం ఖాయంగా కనిపిస్తోంది. Rinku Singh hain inka naam🙌, namumkin nahin inke liye koi kaam 🤩 #KKRvLSG #IPLonJioCinema #TATAIPL #EveryGameMatters | @KKRiders pic.twitter.com/2YbgkciPW5 — JioCinema (@JioCinema) May 20, 2023 The whole LSG team congratulated Rinku Singh. Rinku Singh is the hero! pic.twitter.com/ipvLCF5XZg — Mufaddal Vohra (@mufaddal_vohra) May 20, 2023 చదవండి: ప్లేఆఫ్‌ ముంగిట ధోని ఫిట్‌నెస్‌పై హస్సీ కీలక వ్యాఖ్యలు

కేకేఆర్‌తో జరిగిన ఉత్కంఠపోరులో లక్నో సూపర్‌జెయింట్స్‌ ఒక్క పరుగు తేడాతో విజయం సాధించింది. 177 పరుగుల టార్గెట్‌తో బరిలోకి దిగిన కేకేఆర్‌ నిర్ణీత 20 ఓవర్లలో ఏడు వికెట్ల నష్టానికి 175 పరుగులు చేసింది. రింకూ సింగ్‌ 33 బంతుల్లో 67 పరుగులు నాటౌట్‌ మరోసారి సంచలన ఇన్నింగ్స్‌తో మెరిసినప్పటికి కేకేఆర్‌ను గెలిపించలేకపోయాడు. జేసన్‌ రాయ్‌ 45 పరుగులు చేశాడు. యష్‌ ఠాకూర్‌, రవి బిష్ణోయి చెరో రెండు వికెట్లు తీయగా.. కృష్ణప్ప గౌతమ్‌, కృనాల్‌ పాండ్యాలు చెరొక వికెట్‌ తీశారు. టార్గెట్‌ 177..120 పరుగుల వద్ద ఐదో వికెట్‌ డౌన్‌ లక్నోతో మ్యాచ్‌లో కేకేఆర్‌ 120 పరుగుల వద్ద ఐదో వికెట్‌ కోల్పోయింది. ఏడు పరుగులు చేసిన రసెల్‌ రవి బిష్ణోయి బౌలింగ్‌లో క్లీన్‌బౌల్డ్‌ అయ్యాడు.  11 ఓవర్లలో కేకేఆర్‌ 88/3 11 ఓవర్లు ముగిసేసరికి కేకేఆర్‌ మూడు వికెట్ల నష్టానికి 88 పరుగులు చేసింది. గుర్బాజ్‌ 6, రింకూ సింగ్‌ 3 పరుగులతో ఆడుతున్నారు. అంతకముందు 8 పరుగులు చేసిన నితీశ్‌ రానా రవి బిష్ణోయి బౌలింగ్‌లో వెనుదిరగ్గా.. జేసన్‌రాయ్‌(45 పరుగులు) కృనాల్‌ పాండ్యా బౌలింగ్‌లో క్లీన్‌బౌల్డ్‌ అయ్యాడు. 6 ఓవర్లలో కేకేఆర్‌ 61/1 177 పరుగుల లక్ష్యంతో బరిలోకి దిగిన కేకేఆర్‌ ఆరు ఓవర్లలో వికెట్‌ నష్టానికి 61 పరుగులు చేసింది. 24 పరుగులు చేసిన వెంకటేశ్‌ అయ్యర్‌ కృష్ణప్ప గౌతమ్‌ బౌలింగ్‌లో క్యాచ్‌ ఔట్‌గా వెనుదిరిగాడు. జేసన్‌రాయ్‌ 36 పరుగులతో ఆడుతున్నాడు. రాణించిన పూరన్‌.. కేకేఆర్‌ టార్గెట్‌ 177 కేకేఆర్‌తో మ్యాచ్‌లో లక్నో సూపర్‌జెయింట్స్‌ నిర్ణీత 20 ఓవర్లలో 8 వికెట్ల నష్టానికి 176 పరుగులు చేసింది. ఒక దశలో 73 పరుగులకే ఐదు వికెట్లు కోల్పోయిన దశలో  నికోలస్‌ పూరన్‌(30 బంతుల్లో 58 పరుగులు), ఆయుష్‌ బదోని(21 బంతుల్లో 25 పరుగులు) ఆరో వికెట్‌కు 74 పరుగులు జోడించారు.  కేకేఆర్‌ బౌలర్లలో శార్దూల్‌ ఠాకూర్‌, సునీల్‌ నరైన్‌, వైభవ్‌ అరోరాలు తలా రెండు వికెట్లు తీయా.. హర్షిత్‌ రానా, వరుణ్‌ చక్రవర్తి చెరొక వికెట్‌ తీశారు. 17 ఓవర్లలో లక్నో 133/5 17 ఓవర్లు ముగిసేసరికి లక్నో సూపర్‌జెయింట్స్‌ ఐదు వికెట్ల నష్టానికి 133 పరుగులు చేసింది. నికోలస్‌ పూరన్‌ 44, ఆయుష్‌ బదోని 14 పరుగులతో ఆడుతున్నారు. 73 పరుగులకే ఐదు వికెట్లు.. కష్టాల్లో లక్నో కచ్చితంగా గెలవాల్సిన మ్యాచ్‌లో లక్నో సూపర్‌జెయింట్స్‌ తడబడుతోంది. 73 పరుగులకే ఐదు వికెట్లు కోల్పోయి కష్టాల్లో పడింది. 28 పరుగులు చేసిన డికాక్‌ వరుణ్‌ చక్రవర్తి బౌలింగ్‌లో రస్సెల్‌కు క్యాచ్‌ ఇచ్చి వెనుదిరిగాడు. మూడో వికెట్‌ కోల్పోయిన లక్నో.. 8 ఓవర్లలో 58/3 8 ఓవర్లు ముగిసేసరికి లక్నో సూపర్‌జెయింట్స్‌ మూడు వికెట్ల నష్టానికి 58 పరుగులు చేసింది. క్వింటన్‌ డికాక్‌ 24, కృనాల్‌ పాండ్యా క్రీజులో ఉన్నారు. ఆరు ఓవర్లలో లక్నో 54/1 ఆరు ఓవర్లు ముగిసేసరికి లక్నో సూపర్‌ జెయింట్స్‌ వికెట్‌ నష్టానికి 54 పరుగులు చేసింది. ప్రేరక్‌ మన్కడ్‌ 26, క్వింటన్‌ డికాక్‌ 20 పరుగులతో ఆడుతున్నారు. 4 ఓవర్లలో లక్నో సూపర్‌జెయింట్స్‌ 27/1 4 ఓవర్లు ముగిసేసరికి లక్నో సూపర్‌జెయింట్స్‌ వికెట్‌ నష్టానికి 27 పరుగుఉల చేసింది. క్వింటన్‌ డికాక్‌ 19, ప్రేరక్‌ మన్కడ్‌ 4 పరుగులతో ఆడుతున్నారు. అంతకముందు మూడు పరుగులు చేసిన కరణ్‌ శర్మ హర్షిత్‌ రానా బౌలింగ్‌లో క్యాచ్‌ఔట్‌గా వెనుదిరిగాడు, టాస్‌ గెలిచి బౌలింగ్‌ ఎంచుకున్న కేకేఆర్‌ ఐపీఎల్‌ 16వ సీజన్‌లో శనివారం డబుల్‌ హెడర్‌లో భాగంగా కోల్‌కతా వేదికగా 68వ మ్యాచ్‌లో కేకేఆర్‌, లక్నో సూపర్‌జెయింట్స్‌ తలపడుతున్నాయి. టాస్‌ గెలిచిన కేకేఆర్‌ బౌలింగ్‌ ఎంచుకుంది. లక్నో సూపర్ జెయింట్స్ (ప్లేయింగ్ XI): క్వింటన్ డి కాక్(వికెట్‌ కీపర్‌), కరణ్ శర్మ, ప్రేరక్ మన్కడ్, మార్కస్ స్టోయినిస్, నికోలస్ పూరన్, కృనాల్ పాండ్యా(కెప్టెన్‌), ఆయుష్ బదోని, కృష్ణప్ప గౌతమ్, రవి బిష్ణోయ్, నవీన్-ఉల్-హక్, మొహ్సిన్ ఖాన్ కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(వికెట్‌ కీపర్‌), జాసన్ రాయ్, వెంకటేష్ అయ్యర్, నితీష్ రాణా(కెప్టెన్‌), ఆండ్రీ రస్సెల్, రింకూ సింగ్, శార్దూల్ ఠాకూర్, సునీల్ నరైన్, వైభవ్ అరోరా, హర్షిత్ రాణా, వరుణ్ చకరవర్తి ప్లేఆఫ్‌ చేరే అవకాశాలు కేకేఆర్‌కు తక్కువగా ఉన్నప్పటికి లక్నోను ఓడిస్తే రేసులో ఉంటుంది.. ఒకవేళ లక్నో గెలిస్తే మాత్రం 17 పాయింట్లతో ప్లేఆఫ్‌కు వెళ్లే అవకాశాలు ఉంటాయి. ఇప్పటికే ఢిల్లీ క్యాపిటల్స్‌తో జరిగిన మ్యాచ్‌ను గెలిచిన సీఎస్‌కే రెండో జ​ట్టుగా ప్లేఆఫ్‌కు క్వాలిఫై అయింది.

ఐపీఎల్‌ 16వ సీజన్‌లో సీఎస్‌కే మ్యాచ్‌ ఎక్కడా జరిగినా అభిమానులు పోటెత్తుతున్నారు. ధోని బ్యాటింగ్‌ కోసమని ప్రత్యేకంగా చెప్పనవసరం లేదు.  కేవలం ధోని ఆట చూడడం కోసమే అయితే పర్వాలేదు.. కానీ అతను మాట్లాడేటప్పుడు కూడా అదే గోల వినిపిస్తే కాస్త ఇబ్బందిగా అనిపిస్తుంది. తాజాగా ధోనికి అభిమానుల వల్ల ఇదే ఇబ్బంది ఎదురైంది.  ఆదివారం సొంతగ్రౌండ్‌ చెన్నే వేదికగా కేకేఆర్‌తో జరిగిన మ్యాచ్‌లో సీఎస్‌కే ఆరు వికెట్ల తేడాతో పరాజయం పాలైంది. మ్యాచ్‌ ఓడిపోయినా సీఎస్‌కే అభిమానుల్లో జోష్‌ మాత్రం తగ్గలేదు. పోస్ట్‌ మ్యాచ్‌ అనంతరం ఓటమికి కారణాలు చెప్పడానికి ధోని వచ్చాడు. కానీ చెపాక్‌ స్టేడియం ధోని నామస్మరణతో మార్మోగిపోవడంతో కామెంటేటర్‌ అడిగిన ప్రశ్న ధోనికి అర్థం కాలేదు. రెండోసారి అడిగినా అదే పరిస్థితి. ఏం అడిగాడో అర్థం కాక ధోని వినిపించలేదు అని సైగ చేశాడు. మూడోసారి ప్రశ్న అడగబోతుండగా.. మరోసారి అభిమానులు గోల చేశారు. అరె మీ లొల్లి సల్లగుండ అనుకున్నాడో ఏమో.. కిందకు వంగిన ధోని కుర్చీలో ఉన్న మానిటర్‌ దగ్గరికి వెళ్లి సౌండ్‌ పెంచుకొని ప్రశ్న వినాల్సి వచ్చింది. ఇక ధోని మాట్లాడుతూ.. ఈరోజు మ్యాచ్‌ మాకు కలిసిరాలేదు. బ్యాటింగ్‌లో విఫలమయ్యాం. పవర్‌ప్లేలో సరిగ్గా పరుగులు చేయలేకపోయాం. ఇక శివమ్‌ దూబే బ్యాటింగ్‌తో నేను చాలా సంతోషంగా ఉన్నా. అతని నుంచి మేం ఏం ఆశిస్తున్నామో అది చక్కగా నెరవేరుస్తున్నాడు. స్కోరు తక్కువగా ఉంది కాబట్టి బౌలర్లను తప్పుబట్టలేం. ప్లేఆఫ్‌కు వెళతామన్న నమ్మకం ఉంది. అంటూ చెప్పుకొచ్చాడు.

ఐపీఎల్‌ 16వ సీజన్‌లో సీఎస్‌కే ఆడే ప్రతీ మ్యాచ్‌కు అభిమానులు పోటెత్తుతున్నారు. ఎందుకనేది ఈ పాటికే మీకు అర్థమయి ఉండాలి. కేవలం ఎంఎస్‌ ధోని కోసమే.  అలాంటి ధోని బ్యాటింగ్‌కు వచ్చి ఒక్క బంతి ఆడినా చాలు అన్నట్లుగా అభిమానులు తపించిపోతున్నారు. ధోని బ్యాటింగ్‌ కోసం ఎంతలా ఎదురుచూస్తున్నారన్నది తాజాగా మరోసారి కనిపించింది.  ఆదివారం కేకేఆర్‌తో మ్యాచ్‌ సందర్భంగా తొలి ఇన్నింగ్స్‌లో జడేజా 20 పరుగులు చేసి వైభవ్‌ అరోరా బౌలింగ్‌లో క్యాచ్‌ ఔట్‌ అయ్యాడు. అప్పటికే సీఎస్‌కే ఇన్నింగ్స్‌కు కేవలం రెండు బంతులు మాత్రమే మిగిలి ఉన్నాయి. సాధారణంగా తాము మద్దతిస్తున్న జట్టు బ్యాటర్‌ ఔట్‌ అయితే బాధపడడం చూస్తాం. కానీ ఇక్కడ సీన్‌ రివర్స్‌ అయింది. Photo: IPL Twitter జడేజా ఔట్‌ కాగానే స్టేడియం మొత్తం హోరెత్తిపోయింది. కారణం జడ్డూ ఔట్‌ అయితేనే ధోని ఎంట్రీ ఇస్తాడు కాబట్టి. ఇక ధోని గ్రౌండ్‌లోకి అడుగుపెట్టే సమయంలో స్టేడియం మొత్తం ధోని నామసర్మణతో మార్మోగిపోయింది. అయితే ధోని ఒక నోబాల్‌ సహా ఫ్రీహిట్‌ వచ్చినప్పటికి రెండు పరుగులు మాత్రమే చేయగలిగాడు.  Cue the awesome noise as Thala enters Chepauk 🥳 #CSKvKKR #TATAIPL #IPL2023 #IPLonJioCinema #EveryGameMatters | @ChennaiIPL pic.twitter.com/Z7iB1EihcT — JioCinema (@JioCinema) May 14, 2023 చదవండి: శివమ్‌ దూబే సిక్సర్‌ దెబ్బ.. కేకేఆర్‌ చీర్‌గర్ల్స్‌ అబ్బ!

ఐపీఎల్‌ 16వ సీజన్‌లో భాగంగా కేకేఆర్‌, సీఎస్‌కే మధ్య మ్యాచ్‌లో ఒక ఆసక్తికర ఘటన చోటుచేసుకుంది. సీఎస్‌కే ఇన్నింగ్స్‌ సమయంలో శివమ్‌ దూబే కొట్టిన సిక్సర్‌ కేకేఆర్‌ చీర్‌గర్ల్స్‌ను తాకడం ఆసక్తి కలిగించింది. ఇన్నింగ్స్‌ 12వ ఓవర్లో సుయాశ్‌ శర్మ వేసిన ఐదో బంతిని దూబే ఎక్స్‌ట్రా కవర్స్‌ మీదుగా భారీ సిక్సర్‌ కొట్టాడు. అక్కడే కేకేఆర్‌ చీర్‌గర్ల్స్‌ కూర్చొని ఉండగా వారి వద్దకే నేరుగా బంతి వెళ్లింది. బంతి వెళ్లి ఒక చీర్‌గర్ల్‌కు తాకింది. పాపం బంతి స్పీడుగా వచ్చి తగలడంతో నొప్పితో విలవిల్లాలాడిన చీర్‌గర్ల్‌ బంతి తగిలిన చోట రాసుకోవడం కనిపించింది. ఆ తర్వాత చీర్‌గర్ల్స్‌ మధ్య నవ్వులు విరపూశాయి. దీనికి సంబంధించిన ఫోటోలు సోషల్‌ మీడియాలో వైరల్‌గా మారాయి. Kolkata Knight Riders Cheerleaders are in shock after Shivam Dube hits a six near them😂 📸: Jio Cinema #CSKvKKR #KKRvCSK #IPL2023 #TATAIPL2023 #T20Cricket #CricketNews #Cheerleaders #KKR #KolkataKnightRiders pic.twitter.com/gqnQEDD2Uh — SportsTiger (@The_SportsTiger) May 14, 2023 చదవండి: ధోనిని గుర్తుకుతెచ్చిన అనూజ్‌ రావత్‌.. అశ్విన్‌ డైమండ్‌ డక్‌

IPL 2023: CSK Vs KKR Match Live Updates: రింకూ సింగ్‌ ఫిఫ్టీ.. 16 ఓవర్లలో 126/3 కేకేఆర్‌ సంచలనం రింకూ సింగ్‌ సూపర్‌ ఫిఫ్టీతో మెరిశాడు. 39 బంతుల్లో అర్థసెంచరీ సాధించిన రింకూ సింగ్‌ ఇ‍న్నింగ్స్‌లో 4 ఫోర్లు, మూడు సిక్సర్లు ఉన్నాయి. సీఎస్‌కేతో మ్యాచ్‌లో 145 పరుగుల టార్గెట్‌తో బరిలోకి దిగిన కేకేఆర్‌ విజయానికి చేరువైంది. 16 ఓవర్లలో మూడు వికెట్ల నష్టానికి 126 పరుగులు చేసింది. కేకేఆర్‌ విజయానికి 24 బంతుల్లో 19 పరుగులు కావాలి. 11 ఓవ​ర్లలో కేకేఆర్‌ 75/3 11 ఓవర్లు ముగిసేసరికి కేకేఆర్‌ మూడు వికెట్ల నష్టానికి 75 పరుగులు చేసింది. నితీశ్‌ రానా 20, రింకూ సింగ్‌ 29 పరుగులతో ఆడుతున్నారు. 6 ఓవర్లలో కేకేఆర్‌ 46/3 ఆరు ఓవర్లు ముగిసేసరికి కేకేఆర్‌ మూడు వికెట్ల నష్టానికి 46 పరుగులు చేసింది. నితీశ్‌ రానా 9 పరుగులు, రింకూ సింగ్‌ 12 పరుగులతో ఆడుతున్నారు. 3 ఓవర్లలో కేకేఆర్‌ 22/2 మూడు ఓవర్లు ముగిసేసరికి రెండు వికెట్ల నష్టానికి 22 పరుగులు చేసింది. వెంకటేశ్‌ అయ్యర్‌ 9, నితీశ్‌ రానా సున్నా పరుగులతో ఆడుతున్నారు. రాణించిన కేకేఆర్‌ బౌలర్లు.. సీఎస్‌కే 20 ఓవర్లలో 144/6 కేకేఆర్‌తో మ్యాచ్‌లో సీఎస్‌కే నిర్ణీత 20 ఓవర్లలో ఆరు వికెట్ల నష్టానికి 144 పరుగులు చేసింది. బౌలర్ల కట్టుదిట్టంగా బంతులు వేయడంతో సీఎస్‌కే బ్యాటర్లు పరుగులు చేయలేకపోయారు. దీంతో సాధారణ స్కోరుకే పరిమితమైంది. శివమ్‌ దూబే 34 బంతుల్లో 48 పరుగులతో నాటౌట్‌గా నిలవగా.. కాన్వే 30, జడేజా 20 పరుగులు చేశారు. కేకేఆర్‌ బౌలర్లలో వరుణ్‌ చక్రవర్తి, సునీల్‌ నరైన్‌లు చెరో రెండు వికెట్లు తీయగా.. వైభవ్‌ అరోరా, శార్దూల్‌ ఠాకూర్‌లు ఒక్కో వికెట్‌ తీశారు. 16 ఓవర్లలో సీఎస్‌కే 99/5 16 ఓవర్లు ముగిసేసరికి సీఎస్‌కే ఐదు వికెట్ల నష్టానికి 99 పరుగులు చేసింది. శివమ్‌ దూబే 24, రవీంద్ర జడేజా ఏడు పరుగులతో ఆడుతున్నారు. 72 పరుగులకే ఐదు వికెట్లు.. కష్టాల్లో సీఎస్‌కే కేకేఆర్‌తో మ్యాచ్‌లో సీఎస్‌కే తడబడుతోంది. 72 పరుగులకే ఐదు వికెట్లు కోల్పోయి కష్టాల్లో పడింది. ఒక్క పరుగు మాత్రమే చేసిన మొయిన్‌ అలీ నరైన్‌ బౌలింగ్‌లో క్లీన్‌బౌల్డ్‌ అయ్యాడు. రహానే(16)ఔట్‌.. 9 ఓవర్లలో సీఎస్‌కే 65/2 రహానే(16) రూపంలో సీఎస్‌కే రెండో వికెట్‌ కోల్పోయింది. వరుణ్‌ చక్రవర్తి బౌలింగ్‌లో భారీ షాట్‌కు యత్నించిన రహానే జేసన్‌ రాయ్‌కు క్యాచ్‌ ఇచ్చి వెనుదిరిగాడు. ప్రస్తుతం సీఎస్‌కే 9 ఓవర్లలో రెండు వికెట్ల నష్టానికి 65 పరుగులు చేసింది. కాన్వే 30, అంబటి రాయుడు 2 పరుగులతో ఆడుతున్నారు. 6 ఓవరల్లో సీఎస్‌కే వికెట్‌ నష్టానికి 52 పరుగులు చేసింది. కాన్వే 23, రహానే 12 పరుగులతో ఆడుతున్నారు. తొలి వికెట్‌ కోల్పోయిన సీఎస్‌కే.. 5 ఓవర్లలో 48/1 17 పరుగులు చేసిన రుతురాజ్‌ గైక్వాడ్‌ వరుణ్‌ చక్రవర్తి బౌలింగ్‌లో వైభవ్‌ అరోరాకు క్యాచ్‌ ఇచ్చి వెనుదిరగడంతో సీఎస్‌కే తొలి వికెట్‌ కోల్పోయింది. ప్రస్తుతం ఐదు ఓవర్లలో వికెట్‌ నష్టానికి 48 పరుగులు చేసింది. రహానే 11, కాన్వే 22 పరుగులతో ఆడుతున్నారు. టాస్‌ గెలిచి బ్యాటింగ్‌ ఎంచుకున్న సీఎస్‌కే ఐపీఎల్‌ 16వ సీజన్‌లో భాగంగా ఆదివారం చెన్నై వేదికగా సీఎస్‌కే, కేకేఆర్‌ తలపడుతున్నాయి. టాస్‌ గెలిచిన సీఎస్‌కే బ్యాటింగ్‌ ఎంచుకుంది. చెన్నై సూపర్ కింగ్స్ (ప్లేయింగ్ XI): ఎంఎస్‌ ధోని(వికెట్‌ కీపర్‌/కెప్టెన్‌),రుతురాజ్ గైక్వాడ్, డెవాన్ కాన్వే, అజింక్యా రహానే, అంబటి రాయుడు, శివమ్ దూబే, మొయిన్ అలీ, రవీంద్ర జడేజా,  దీపక్ చాహర్, తుషార్ దేశ్‌పాండే, మహేశ్ తీక్షణ కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(వికెట్‌కీపర్‌), జాసన్ రాయ్, నితీష్ రాణా(కెప్టెన్‌), ఆండ్రీ రస్సెల్, రింకూ సింగ్, శార్దూల్ ఠాకూర్, సునీల్ నరైన్, వైభవ్ అరోరా, హర్షిత్ రాణా, సుయాష్ శర్మ, వరుణ్ చక్రవర్తి Thala wins the toss & elects to bat first in #CSKvKKR!#IPLonJioCinema #TATAIPL #IPL2023 | @ChennaiIPL pic.twitter.com/CRRXnNPPIh — JioCinema (@JioCinema) May 14, 2023 వరుస విజయాలతో సీఎస్‌కే పాయింట్ల పట్టికలో రెండో స్థానంలో కొనసాగుతుండగా.. ఓటములతో డీలా పడిన కేకేఆర్‌ పాయింట్ల పట్టికలో ఎనిమిదో స్థానంలో ఉంది. ఇరుజట్లు గతంలో 37 సార్లు తలపడగా సీఎస్‌కే 18 సార్లు, కేకేఆర్‌ 19 సార్లు మ్యాచ్‌లు నెగ్గాయి.