venkatesh

వెంకటేశ్‌–కల్యాణ్‌ రామ్‌ హీరోలుగా నటిస్తున్న చిత్రం ‘జనవరి 12 విడుదల’. ‘బావ బామ్మర్ది సౌజన్యంతో’ అనేది ట్యాగ్‌లైన్‌. అనిల్‌ రావిపూడి దర్శకత్వం వహిస్తున్న ఈ చిత్రంలో వెంకటేశ్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి హీరోయిన్లుగా నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో సాహు గార పాటి నిర్మిస్తున్నారు. ఈ మూవీ కొత్త షెడ్యూల్‌ని కజికిస్థాన్‌లో ప్రారంభించారు. \ఈ సందర్భంగా వెంకటేశ్, కల్యాణ్‌ రామ్, అనిల్‌ రావిపూడి ఉన్న వర్కింగ్‌ స్టిల్‌ని విడుదల చేశారు. ‘‘ఈ షెడ్యూల్‌లో స్టంట్‌ కొరియోగ్రాఫర్‌ రియల్‌ సతీష్‌ పర్యవేక్షణలో భారీ యాక్షన్‌ సీక్వెన్స్‌ షూట్‌లో వెంకటేశ్, కల్యాణ్‌ రామ్‌ పాల్గొన్నారు. ఈ యాక్షన్‌ ఎపిసోడ్‌ను భారీ స్థాయిలో రూపొందిస్తున్నాం.ఇద్దరు స్టార్‌ హీరోలు ఒకే యాక్షన్‌ బ్లాక్‌లో కనిపిస్తుండటంతో పాటు అనిల్‌ రావిపూడి ఈ సీక్వెన్స్‌ను పర్యవేక్షిస్తుండటంతో ఇది సినిమాలో ప్రధాన హైలైట్స్‌లో ఒకటిగా నిలుస్తుంది. అలాగే ఈ షెడ్యూల్‌లో వెంకటేశ్, కల్యాణ్‌ రామ్‌లపై ఓ గ్రాండ్‌ సాంగ్‌ను కూడా చిత్రీకరించనున్నాం. శేఖర్‌ మాస్టర్‌ కొరియోగ్రఫీ చేస్తారు’’ అని చిత్రయూనిట్‌ పేర్కొంది. ఈ మూవీ సంక్రాంతి కానుకగా జనవరి 12న విడుదల కానున్న విషయం తెలిసిందే.

వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన తాజా చిత్రం ఆదర్శ కుటుంబం. అక్టోబర్ 30న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద మిక్స్‌డ్‌ టాక్ తెచ్చుకుంది. అయినప్పటికీ కలెక్షన్ల పరంగా దూసుకెళ్తోంది. ఈ చిత్రంలో కేజీఎఫ్ బ్యూటీ శ్రీనిధి శెట్టి హీరోయిన్‌గా కనిపించింది.తాజాగా ఈ మూవీ కలెక్షన్లను మేకర్స్ ప్రకటించారు. ఈ మూవీ కేవలం మూడు రోజుల్లోనే రూ.75 కోట్లకు పైగా గ్రాస్ వసూళ్లు సాధించినట్లు వెల్లడించారు. ఈ మేరకు ప్రత్యేక పోస్టర్ పంచుకున్నారు. కాగా.. ఈ చిత్రంలో నివేదా పేతురాజ్, నారా రోహిత్ కీలక పాత్రల్లో నటించారు. #AadarshaKutumbam grosses 75CR+ worldwide in just 3 days! 🔥💥 The BLOCKBUSTER family entertainer continues to win hearts and receive phenomenal love from audiences everywhere! 😍❤️‍🔥 Book your tickets for #AK47 Now! 🎟️ https://t.co/VZv15xvgie 🎟️ https://t.co/H1aDsnYEcY Victory @VenkyMama #Trivikram @SrinidhiShetty7 @IamRohithNara @MusicThaman @Nivetha_Tweets @DimpleHayathi #UdbayBhirSandhu #YuvinaParthavi #RajaPrajwal #SRadhaKrishna @vamsi84 @dop007 @NavinNooli #AsPrakash @kevinkumarrrr @nikhilkoduru @haarikahassine @adityamusic— Haarika & Hassine Creations (@haarikahassine) November 2, 2026

విక్టరీ వెంకటేశ్‌ హీరోగా మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో తెరకెక్కిన చిత్రం ‘ఆదర్శ కుటుంబం’. అక్టోబర్‌ 30న ప్రేక్షకుల ముందుకు వచ్చిన ఈ సినిమా మిక్స్‌డ్‌ టాక్‌తో నడుస్తోంది. అయితే తాజాగా ఈ సినిమా మరో వివాదంలో చిక్కుకుంది. ఇందులో వాడిన ‘జిమ్‌ జిమ్‌తార’ పాటపై సింగర్‌ లక్ష్మి అభ్యంతరం వ్యక్తం చేశారు.అనుమతి లేకుండానేతన అనుమతి లేకుండానే ఈ పాటను సినిమాలో ఉపయోగించారని ఆమె సోషల్‌ మీడియా వేదికగా ఆగ్రహం వ్యక్తం చేశారు. కనీసం 10 సెకన్ల పాటను అయినా ఎవరి అనుమతితో సినిమాలో పెట్టుకున్నారని ప్రశ్నించారు. ఈ విషయంలో తనకు కానీ, ‘పర్ణశాల’ సినిమా బృందానికి కానీ డబ్బులు చెల్లించారా? అని నిలదీశారు. అంతేకాకుండా వెంటనే సినిమాలోని ఆ పాటను తొలగించాలని డిమాండ్‌ చేశారు. లేదంటే చట్టపరమైన చర్యలకు దిగుతామని హెచ్చరించారు. పల్లెటూళ్లలో పిచ్చోళ్లు ఎవరూ లేరని పేర్కొన్నారు. దీంతో ‘ఆదర్శ కుటుంబం’ సినిమాలో పాట వినియోగంపై కొత్త వివాదం తెరపైకి వచ్చింది.(ఇదీ చదవండి: ఓటీటీలో ‘ఆదర్శ కుటుంబం’.. స్ట్రీమింగ్‌ ఎప్పుడంటే?) Jim Jim thara original singer Lakshmi accuses Aadarsha Kutumbam music director of using that song in background with out taking rights. https://t.co/dBwmhV7dTI— idlebrain jeevi (@idlebrainjeevi) November 1, 2026

విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన తాజా చిత్రం ‘ఆదర్శ కుటుంబం’. అక్టోబర్ 30న ప్రేక్షకుల ముందుకు వచ్చిన ఈ సినిమా మిశ్రమ స్పందన సొంతం చేసుకుంది. కలెక్షన్లు కూడా పర్వాలేదనిపిస్తున్నాయి. అయితే ఇప్పుడీ సినిమా ఓటీటీలోకి ఎప్పుడొస్తుందని ఓటీటీ ప్రేక్షకులు ఆసక్తిగా ఎదురుచూస్తున్నారు.‘ఆదర్శ కుటుంబం’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్‌ఫ్లిక్స్ దక్కించుకుంది. ఈ సినిమా నెట్‌ఫ్లిక్స్‌లో వచ్చే నెల మొదటి వారంలో స్ట్రీమింగ్ కానుందని సమాచారం. అయితే ఓటీటీ విడుదల తేదీపై మాత్రం ఇంకా అధికారిక ప్రకటన వెలువడలేదు. దీంతో వెంకటేశ్ అభిమానులు డిజిటల్ ప్రీమియర్ కోసం ఎదురుచూస్తున్నారు.ఇదీ చదవండి: మరో వివాదంలో ఆదర్శ కుటుంబం.. మీరలా చూపించారేంటి త్రివిక్రమ్ సార్?)

'సంక్రాంతికి వస్తున్నాం' లాంటి సూపర్ హిట్ తర్వాత వెంకీమామ హీరోగా వచ్చిన లేటేస్ట్ మూవీ 'ఆదర్శ కుటుంబం-ఏకే47'. ఈ మూవీకి మాటల మాంత్రికుడు త్రివిక్రమ్ దర్శకత్వం వహిచారు. ఇప్పటికే రెండుసార్లు వాయిదా పడిన ఈ మూవీ ఎట్టకేలకు అక్టోబర్ 30న థియేటర్లలో రిలీజైంది. ఫ్యామిలీ ఎంటర్‌టైనర్‌గా వచ్చిన ఈ సినిమా ప్రస్తుతం బాక్సాఫీస్ వద్ద సందడి చేస్తోంది.అయితే ఈ మూవీ రిలీజ్‌ అయ్యాక వివాదం మొదలైంది. ఈ సినిమాలో జిమ్ జిమ్ తార సాంగ్ వాడారంటూ నిర్మాత మంచి వెంకట్ అభ్యంతరం వ్యక్తం చేశారు. హీరో వెంకటేశ్‌కి సంబంధించిన ఓ సన్నివేశంలో తమ సినిమా పాటని వినియోగించడం అన్యాయమని పేర్కొన్నారు. చిన్న సినిమాను బ‌తికించండని ఆవేద‌న వ్య‌క్తం చేశారు.తాజాగా ఈ సినిమా మరో వివాదానికి దారితీసింది. ఈ చిత్రంలో గల్ఫ్ దేశాల్లో నివసించే వారి భార్యలను నెగెటివ్‌గా చూపించడంపై ఓ నెటిజన్ అ‍భ్యంతరం వ్యక్తం చేశారు. ఈ మూవీలో హీరోయిన్ నివేదా పేతురాజ్‌ క్యారెక్టర్ అలా నెగెటివ్ కోణంలో చూపించడంపై ఫైరయ్యారు. త్రివిక్రమ్ లాంటి డైరెక్టర్ ఇలా చూపిస్తారనుకోలేదని అన్నారు. త్రివిక్రమ్‌పై అభిమానంతో సినిమాకు వెళ్తే ఈ సీన్ చూశాక నా గుండె పగిలినంత పనైందని నెటిజన్‌ మండిపడ్డారు. భర్తలు దుబాయ్ గల్ఫ్ దేశాల్లో దూరంగా ఉంటే భార్యలు తప్పు చేస్తారా సార్ అని త్రివిక్రమ్‌ను ప్రశ్నించారు. అయితే.. గతంలో చాలా సినిమాల్లో ఇలానే చూపించడం మనం చూస్తుంటాం.. కానీ త్రివిక్రమ్ సినిమాలో ఇలా చూపడంతో నెటిజన్ ‍ఆగ్రహం వ్యక్తం చేశాడు. View this post on Instagram A post shared by Naresh Boddu  (@naresh__boddu)

విక్టరీ వెంకటేశ్‌ హీరోగా మాటల మాంత్రికుడు త్రివిక్రమ్‌ దర్శకత్వంలో తెరకెక్కిన తాజా చిత్రం ‘ఆదర్శ కుటుంబం’. ఎన్నో అంచనాల మధ్య ఈ రోజు( అక్టోబర్‌ 30) ప్రేక్షకుల ముందుకు వచ్చింది. మిక్స్‌డ్‌ టాక్‌ సొంతం చేసుకుంది. అయితే ఈ చిత్రానికి సంబంధించిన ఓ విషయం ఇప్పుడు అభిమానులను నిరాశకు గురిచేస్తోంది.ఈ సినిమా నుంచి విడుదలైన పాటలు ప్రేక్షకులను పర్వాలేదనిపించాయి. ముఖ్యంగా ‘మాలా వచ్చా చూడు’ పాట మాత్రం అభిమానులను విశేషంగా ఆకట్టుకుంది. దీంతో ఈ పాటను వెండితెరపై చూడాలని ప్రేక్షకులు ఆసక్తిగా ఎదురుచూశారు. కానీ థియేటర్లలో సినిమా చూసిన వారికి నిరాశే ఎదురైంది. సినిమాలో ఈ పాటను తొలగించడంతో అభిమానులు అసంతృప్తి వ్యక్తం చేస్తున్నారు. ఎంతో నచ్చిన పాటను సినిమాలో ఎందుకు ఉంచలేదంటూ చర్చించుకుంటున్నారు.(ఇదీ చదవండి: ఆ వీడియోలు నావి కావు.. రూ.400 చెల్లించొద్దు: రితికా సింగ్)

టైటిల్‌:ఆదర్శ కుటుంబం – హౌస్ నెం. 47నటీనటులు:వెంకటేష్, శ్రీనిధి శెట్టి, నారా రోహిత్, నివేదా పేతురాజ్, యువినా, రాజ్ ప్రజ్వల్, రావు రమేష్, సత్య, బ్రహ్మాజీ, ఉదయ్‌బీర్ సంధు, వెన్నెల కిషోర్, రఘుబాబు తదితరులునిర్మాణ సంస్థ: హారిక అండ్ హాసిని క్రియేషన్స్నిర్మాత: ఎస్‌. రాధాకృష్ణ(చినబాబు)దర్శకత్వం: త్రివిక్రమ్‌ శ్రీనివాస్‌సంగీతం: తమన్‌సినిమాటోగ్రఫీ:రవి కె. చంద్రన్‌ఎడిటింగ్‌: నవీన్‌ నూలివిడుదల తేది: అక్టోబర్‌ 30, 2026వెంకటేశ్‌ అంటే ఫ్యామిలీ హీరో.. త్రివిక్రమ్‌ అంటే మాటల మాయాజాలం, కుటుంబ బంధాలు. ఈ ఇద్దరి కాంబినేషన్‌లో సినిమా వస్తుందంటే ప్రేక్షకుల్లో అంచనాలు సహజంగానే పెరుగుతాయి. అందుకే ‘ఆదర్శ కుటుంబం’పై మొదటి నుంచే ఆసక్తి నెలకొంది.ఇటీవల విడుదలైన టీజర్‌, ట్రైలర్‌తో ఆ ఆసక్తి మరింత పెరిగింది. దానికి తోడు ప్రమోషన్స్‌ కూడా బాగానే చేయడంతో ‘ఏకే 47’పై హైప్‌ క్రియేట్‌ అయింది. ఇలా భారీ అంచనాల మధ్య నేడు(అక్టోబర్‌ 30) ప్రేక్షకుల ముందుకు వచ్చిన ఈ చిత్రం ఎలా ఉంది? మరోసారి వెంకీ తనదైన కామెడీ, ఎమోషన్స్‌తో మెప్పించారా? త్రివిక్రమ్‌ తన మాటలతో మ్యాజిక్‌ చేశారా? ఈ ఇద్దరి కాంబినేషన్‌ ప్రేక్షకులకు ఎలాంటి అనుభూతిని అందించింది? రివ్యూలో చూద్దాం. కథ ఏంటంటే..చిట్టిబాబు(వెంకటేశ్‌) ప్రైవేటు ఎంప్లాయ్. భార్య స్వర్ణ(శ్రీనిధి శెట్టి) చిట్టీల వ్యాపారం పేరుతో అప్పులు చేస్తూ ఉంటుంది. అప్పు కట్టలేక ఇంటి నుంచి బయటకి రాదు. కాలేజీ చదువుతున్న కూతురు సంపూర్ణ (యువీనా) .. బైక్ మెకానిక్...ఆటో డ్రైవర్ లాంటి వాళ్ళతో ప్రేమలో పడుతూ..నాన్నకి తల నొప్పి తెప్పిస్తుంది. మరోవైపు కొడుకు శర్వ(రాజా ప్రజ్వల్‌)కు చదువు రాదు. గుండె సమస్యతో బాధ పడుతూ ఉంటాడు. ఆపరేషన్ కి రూ. 2 లక్షలు అవుతుంది అని డాక్టర్లు చెబుతారు. ఇలా ఆర్థిక ఇబ్బందులతో సతమతమవుతున్న చిట్టి బాబుకు ఉన్న ఉద్యోగం కూడా పోతుంది. అప్పులను ఎలా తీర్చాలి? అని బాధపడుతున్న సమయంలో రూ. 100 కోట్ల లాటరీ తగులుతుంది. ఆ డబ్బులు చేతికి రాకముందుకే చిట్టిబాబు ఫ్యామిలీ ఒక విల్లాకు షిఫ్ట్ అవుతుంది. రూ.వందకోట్లు వచ్చాయనే సంగతి తెలిసి హత్యలు చేసి ఉన్న డబ్బంతా తీసుకెళ్ళే బీహార్ గ్యాంగ్ చిట్టిబాబు ఇంటిని టార్గెట్ చేస్తుంది. కారు డ్రైవర్ గా, పని మనిషిగా చేరి డబ్బులు ఇంటిని వచ్చిన రాత్రి ఎటాక్ చేస్తారు. బిహార్ గ్యాంగ్ మంచి ఫ్యామిలీని కాపాడుకోవడానికి చిట్టిబాబు ఏం చేశాడు? అసలు అతని గతమేంటి? రూ.100 కోట్ల లాటరీ వెనుక ఉన్న అసలు విషయం ఏంటి? చిట్టి బాబు ఇంటిపై దాడికి వచ్చిన బిహారీ గ్యాంగ్ కనిపించకుండా పోవడానికి గల కారణం ఏంటి? ఎస్పీ (నారా రోహిత్) ఈ కేసును ఎలా డీల్ చేశాడు? అనేది తెలియాలంటే సినిమా చూడాల్సిందే. ఎలా ఉందంటే..?వెంకటేశ్‌ అంటేనే ఫ్యామిలీ ఎంటర్‌టైనర్‌ గుర్తొస్తుంది. అటు త్రివిక్రమ్‌ సినిమాల్లోనూ కుటుంబ బంధాలు, భావోద్వేగాలు, వినోదానికి ప్రత్యేక స్థానం ఉంటుంది. ఈ ఇద్దరి కలయికలో సినిమా వస్తుందంటే సహజంగానే ప్రేక్షకుల్లో అంచనాలు పెరుగుతాయి. అందుకు తగ్గట్టుగానే త్రివిక్రమ్‌ ‘ఆదర్శ కుటుంబం’తో ఫ్యామిలీ ఎంటర్‌టైనర్‌ను అందించే ప్రయత్నం చేశాడు. అయితే ఈసారి కుటుంబ కథకు కొంత క్రైమ్‌, యాక్షన్‌ జోడించి కొత్త కోణంలో కథను నడిపించాడు.ఈ సినిమా కోసం త్రివిక్రమ్‌ పూర్తిగా కొత్త ప్రపంచాన్ని సృష్టించే ప్రయత్నం చేయలేదు. మన చుట్టూ జరుగుతున్న సంఘటనలు, నిత్యం వార్తల్లో కనిపించే అంశాలనే కథకు ప్రధాన ఆధారంగా తీసుకున్నట్లు అనిపిస్తుంది. దీంతో కథలోని కొన్ని అంశాలు ప్రేక్షకులకు కొత్తగా అనిపించకపోవచ్చు. ఎందుకంటే ఇలాంటి సంఘటనలను ఇప్పటికే వార్తల్లోనూ, వాస్తవ జీవితంలోనూ చూస్తున్నాం.(ఇదీ చదవండి: ‘కిల్లర్‌’మూవీ రివ్యూ అండ్‌ రేటింగ్‌)అయితే వాస్తవ సంఘటనలకు దగ్గరగా ఉండే అంశాలను తీసుకోవడం మాత్రమే కథనానికి బలం కాదు. వాటిని ఆసక్తికరమైన కథగా మలచడం, పాత్రల మధ్య సంఘర్షణను బలంగా చూపించడం, భావోద్వేగాలను ప్రేక్షకులకు కనెక్ట్‌ చేయడం కూడా అంతే ముఖ్యం. ముఖ్యంగా కుటుంబ అనుబంధాలను ప్రధానంగా చూపించే కథలో క్రైమ్‌, యాక్షన్‌ అంశాలు సహజంగా ఇమిడితేనే అవి కథకు అదనపు బలంగా నిలుస్తాయి. లేదంటే అవి కథలో విడిగా కనిపించే ప్రమాదం ఉంది. వెంకటేశ్‌ ఇమేజ్‌కు సరిపోయే కుటుంబ నేపథ్యం, త్రివిక్రమ్‌కు అలవాటైన సంభాషణలు, వినోదాన్ని ఆశించే ప్రేక్షకులకు నచ్చే అంశాలు ఇందులో ఉన్నాయి. అయితే ఈ రెండు బలాలను ఉపయోగించుకొని కథను ఆసక్తికరంగా చెప్పడంలో మాత్రం త్రివిక్రమ్ కొంతవరకు మాత్రమే సఫలమయ్యాడు. సినిమా చూస్తున్నంతసేపు వెంకటేష్ దృశ్యం తో పాటు ఇటీవల వచ్చిన బ్లాస్ట్ జోన్ సినిమాలోని కొన్ని సన్నివేశాలు గుర్తొస్తాయి. ఫస్టాఫ్ అంతా త్రివిక్రమ్ మార్క్ కామెడీ, పంచ్ డైలాగ్స్‌తో సరదాగా సాగిపోతుంది. ఆయన సినిమాల్లో కనిపించే ఫన్నీ సంభాషణలు చాలావరకు ఇందులోనూ కనిపిస్తాయి. అయితే ఈసారి కామెడీతో పాటు క్రైమ్ ఎపిసోడ్స్‌కు కూడా ప్రాధాన్యత ఇచ్చారు. యాక్షన్ సన్నివేశాలు కథపై ఆసక్తిని పెంచుతాయి. సత్య కామెడీ నవ్వులు పూయిస్తుంది. ఇంటర్వెల్ ట్విస్ట్ ఆకట్టుకుంటుంది. అప్పటివరకు ఒక దారిలో వెళ్తున్న కథ ఒక్కసారిగా కొత్త మలుపు తీసుకోవడంతో సెకండాఫ్‌పై ఆసక్తి పెరుగుతుంది.ఫస్టాఫ్‌తో పోలిస్తే సెకండాఫ్ కాస్త నెమ్మదిగా సాగుతుంది. ట్విస్ట్ తెలిసిన తరువాత అంత అసక్తి గా అనిపించదు. అక్కడక్కడా వచ్చే ఫ్యామిలీ ఎమోషన్స్ కూడా ఆకట్టుకుంటాయి.చివరి పావు గంట ఆసక్తికరంగా సాగుతుంది. కథలో కొత్తదనం ఆశించకుండా క్రైమ్ థ్రిల్లర్ ఫ్యామిలీ ఎంటర్టైనర్ చూడాలనుకునే వాళ్లకు ఈ సినిమా నచ్చుతుంది ఎవరెలా చేశారంటే..మిడిల్‌ క్లాస్‌ భర్తగా నటించడం వెంకటేశ్‌కి కొత్తేమి కాదు.గతంలో చాలా సినిమాల్లోనూ ఈ తరహా పాత్రలు చేశాడు. అందుకే చిట్టిబాబు పాత్రను ఆయన అవలీలగా పోషించాడు. తనదైన కామెడీతో కొన్ని చోట్ల నవ్విచడంతో పాటు యాక్షన్‌ సీన్లు కూడా బాగానే చేశాడు. ఇక హీరో భార్యగా శ్రీనిధి శెట్టి బాగానే చేసింది. తెరపై చాలా అందంగాను నటించింది. చిట్టిబాబు కూతురు సంపూర్ణ యువీనా తన పాత్ర పరిధిమేర నటించింది. ఇక హీరో కొడుకు శర్వగా రజా ప్రజ్వల్‌ బాగా చెేశాడు. సత్య తెరపై కనిపించిన ప్రతిసారి నవ్వులు పూశాయి. పోలీసాఫీసర్‌గా నారా రోహిత్‌తో పాటు మిగిలిన నటీనటులు తమ పాత్రల పరిధిమేర నటించారు.సాంకేతికంగా సినిమా బాగుంది. తమన్‌ నేపథ్య సంగీతం ఈ సినిమాకు మరో ప్లస్‌ పాయింట్‌. తనదైన బీజీఎంతో సినిమా స్థాయిని పెంచేశాడు. పాటలు పర్వాలేదు. సినిమాటోగ్రఫీ బాగుంది. ప్రతి సీన్‌ తెరపై రిచ్‌గా కనిపించింది. ఎడిటింగ్‌ షార్ప్‌గానే ఉంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.

‘‘ఆదర్శ కుటుంబం’ సినిమాను త్రివిక్రమ్‌ అద్భుతంగా మలిచారు. ఈ సినిమా ఆడియన్స్‌ని ఏ మాత్రం నిరాశపరచకుండా ‘నువ్వు నాకు నచ్చావ్, మల్లీశ్వరి’ సినిమాల స్థాయిలో అలరిస్తుందని నమ్ముతున్నాం’’ అని హీరో వెంకటేశ్‌ తెలిపారు. త్రివిక్రమ్‌ శ్రీనివాస్‌ దర్శకత్వంలో వెంకటేశ్‌ హీరోగా నటించిన చిత్రం ‘ఆదర్శ కుటుంబం ‘హౌస్‌ నెం: 47’. శ్రీనిధీ శెట్టి, నివేదా పేతురాజ్‌ హీరోయిన్లుగా నటించారు. ఎస్‌. రాధాకృష్ణ (చినబాబు) నిర్మించిన ఈ సినిమా నేడు విడుదల అవుతోంది. గురువారం జరిగిన సమావేశంలో త్రివిక్రమ్‌ మాట్లాడుతూ– ‘‘ఆదర్శ కుటుంబం’ మీ అందరికీ నచ్చుతుందని, థియేటర్లలో చూసి ఆస్వాదించాలని కోరుకుంటున్నాను. ‘నువ్వు నాకు నచ్చావ్, మల్లీశ్వరి’ వంటి సినిమాల తర్వాత ఓ అద్భుతమైన కథతో రావాలనే ఇంత టైమ్‌ తీసుకుని ‘ఆదర్శ కుటుంబం’తో మీ ముందుకు వస్తున్నాం’’ అని చె΄్పారు. ‘‘ఎనిమిది పాటలతో జూక్‌ బాక్స్‌ రిలీజ్‌ చేశాం. అద్భుతమైన స్పందన లభిస్తోంది’’ అని తమన్‌ చె΄్పారు. ‘‘ఈ సినిమా అందరికీ నచ్చుతుందని నమ్ముతున్నాను’’ అని నారా రోహిత్‌ పేర్కొన్నారు.

విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన తొలి చిత్రం ‘ఆదర్శ కుటుంబం – హౌస్ నెం. 47’. గతంలో వెంకీ హీరోగా నటించిన పలు చిత్రాలకు త్రివిక్రమ్‌ కథ, మాటలు, స్క్రీన్‌ప్లే అందించాడు కానీ..దర్శకత్వం వహించలేదు. అందుకే వీరిద్దరి కాంబినేషన్‌లో సినిమా రావాలని సినీ ప్రేక్షకులు ఎప్పటి నుంచో కోరుకుంటున్నారు. ‍కానీ చాలా కాలం తర్వాత ఇప్పుడు ఆదర్శ కుటుంబం చిత్రంలో ప్రేక్షకుల ముందుకు రాబోతున్నారు. ఇందులో వెంకీకి జోడిగా శ్రీనిధి శెట్టి నటించింది. నివేతా పేతురాజ్‌, నారా రోహిత్ కీలక పాత్రలు పోషించారు. ఈ చిత్రం రేపు(అక్టోబర్ 30న) విడుదల కానుంది. రెండు రోజుల క్రితమే ఈ సినిమాకు సెన్సార్‌ పూర్తయింది. మరి సెన్సార్‌ రిపోర్ట్‌ ఎలా ఉంది? రన్‌ టైమ్‌ ఎంత? ఇప్పటివరకు ఈ సినిమాకు వచ్చిన టాక్‌ ఏంటి? ఓ లుక్కేద్దాం.సెన్సార్‌ బోర్డు ఈ సినిమాకు ఈ సినిమాకు యూ/ఏ సర్టిఫికేట్‌ జారీ చేసింది. అంటే 16 ఏళ్లకు పైబడిన వాళ్లు ఈ సినిమాను వీక్షించొచ్చు. మూవీ నిడివి 149 నిమిషాలు. అంటే రెండు గంట 29 నిమిషాలు అన్నమాట. ఇటీవల వచ్చిన పెద్ద సినిమాలతో పోలిస్తే ఇది డీసెంట్‌ నిడివి అని చెప్పొచ్చు. ఇక సెన్సార్‌ సభ్యుల నుంచి ఈ సినిమాకు పాజిటివ్‌ రియాక్షన్‌ వచ్చినట్లు సమాచారం. పెద్దగా కట్స్‌ ఏవి చెప్పలేదట. అంతేకాదు సినిమా మొత్తం బాగా ఎంజాయ్‌ చేశారట.(చదవండి: అందుకే శ్రీనిధి శెట్టి పాదాలకు దండం పెట్టా: త్రివిక్రమ్‌)ఈ మూవీ కథ విషయానికొస్తే.. చిట్టిబాబు(వెంకటేశ్‌) బ్యాంకు ఎంప్లాయ్‌. భార్య స్వర్ణ(శ్రీనిధి శెట్టి) చిట్టీల వ్యాపారం పేరుతో అప్పులు చేస్తూ ఉంటుంది. కూతురు సంపూర్ణ (యువీనా) ప్రతి సారి ప్రేమలో పడుతూ తండ్రికి ఇబ్బందులు తెచ్చిపెడుతుంది. మరోవైపు కొడుకు శర్వ(రాజా ప్రజ్వల్‌)కు చదువు రాదు. అల్లరి పనులు చేస్తూ చిట్టిబాబుకి తలనొప్పి తెప్పిస్తుంటాడు. ఇలా సాధారణ జీవితం గడుపుతున్న చిట్టిబాబు ప్యామిలీపై కొంతమంది అటాక్‌ చేస్తారు. ఈ కేసుని పోలీస్‌ ఆఫీసర్‌ దామోదర్‌ నాయుడు(నారా రోహిత్‌) ఇన్వెస్టిగేట్‌ చేస్తుంటాడు. ఈ క్రమంలో చిట్టిబాబు ఫ్యామిలీ విలాసవంతమైన బంగ్లాలోకి షిఫ్ట్‌ అవుతుంది. ఆ తర్వాత ఏం జరిగింది? అసలు చిట్టిబాబు ఫ్యామిలీపై దాడి చేసింది ఎవరు? ఎందుకు చేశారు? చిట్టిబాబు గతం ఏంటి? సమస్యల్లో కూరుకుపోయిన తన ఫ్యామిలీని రక్షించుకోవడానికి చిట్టిబాబు ఏం చేశాడు? అనేదే ఈ సినిమా కథ.(చదవండి: రామాయణ రిలీజ్‌.. పాకిస్తాన్‌లో సంబరాలు..!)వెంకటేశ్‌కి ఉన్న ఇమేజ్‌కి తగ్గట్లుగా త్రివిక్రమ్‌ మంచి ఫ్యామిలీ స్టోరీతో ఈ సినిమాను తీర్చిదిద్దాదు. కుటుంబ బంధాలు, వినోదం, భావోద్వేగాలతో పాటు క్రైమ్, యాక్షన్‌ని యాడ్‌ చేసి మంచి కమర్షియల్‌ కథగా ఈ చిత్రాన్ని తెరకెక్కించాడట. ఫస్టాఫ్‌ అంతా కామెడీగా సాగితే..సెకండాఫ్‌లో యాక్షన్‌ ఎలిమెంట్స్‌ ఎక్కువగా ఉంటాయట. ఇంటర్వెల్‌ ముందు వచ్చే ట్విస్టుతో కథ మొత్తం మారిపోతుందట. కథలో కొత్తదనం లేకున్నా.. ఎంటర్‌టైన్‌మెంట్‌కి మాత్రం కొదవ లేకుండా చేశారట. మరి అసలు టాక్‌ ఏంటనేది రిలీజ్‌ తర్వాతే తెలుస్తుంది. (చదవండి: 'బాగలేకపోతే వాళ్లే చెబుతారు'.. ఆదర్శ కుటుంబంపై వెంకీమామ)తాజాగా ఈ చిత్రం బృందం నిర్వహించిన మీడియా సమావేశంలో హీరో వెంకటేశ్‌ మాట్లాడుతూ.. ‘ఆదర్శ కుటుంబం’ సినిమాను మేము చాలా కొత్తగా ప్రయత్నించాము. త్రివిక్రమ్ ఈ సినిమాను అద్భుతంగా మలిచారు. థియేటర్లలో ప్రేక్షకులంతా గొప్ప అనుభూతిని పొందుతారు. ఈ సినిమా మిమ్మల్ని ఏ మాత్రం నిరాశపరచకుండా నువ్వు నాకు నచ్చావ్, మల్లీశ్వరి సినిమాల స్థాయిలో అలరిస్తుందని నమ్ముతున్నాము. మేము కొత్తగా ప్రయత్నించిన ఈ ఆసక్తికర కుటుంబ కథా చిత్రాన్ని ఆదరిస్తారని ఆశిస్తున్నాను’ అన్నారు. త్రివిక్రమ్ శ్రీనివాస్ మాట్లాడుతూ.. ‘నువ్వు నాకు నచ్చావ్, మల్లీశ్వరి సినిమాల తర్వాత ఓ అద్భుతమైన కథతో రావాలనే ఉద్దేశంతోనే ఇంత సమయం తీసుకోవడం జరిగింది’ అన్నారు.మొత్తానికి ఇప్పటివరకు అయితే ఈ సినిమాకు పాజిటివ్‌ టాకే వచ్చింది. మరి రిలీజ్‌ తర్వాత ప్రేక్షకుల రెస్పాన్స్‌ ఎలా ఉంటుందో చూడాలి. ఈ సినిమా ఒరిజినల్‌ రివ్యూ కోసం సాక్షి.కామ్‌ని ఫాలో అవ్వండి.

వెంకటేశ్- త్రివిక్రమ్ కాంబోలో వస్తోన్న లేటేస్ట్ ఫ్యామిలీ ఎంటర్‌టైనర్ ఆదర్శ కుటుంబం. ఇప్పటికే పలుసార్లు వాయిదా పడిన ఈ మూవీ ఎట్టకేలకు ఈ శుక్రవారం థియేటర్లలో సందడి చేయనుంది. ఈ చిత్రంలో కేజీఎఫ్ బ్యూటీ శ్రీనిధి శెట్టి హీరోయిన్‌గా మెప్పించనుంది. ఈ సందర్భంగా మూవీ టీమ్ ప్రెస్‌ మీట్ నిర్వహించారు. ఈ మీట్‌కు హాజరైన హీరో వెంకటేశ్ ఆసక్తికర కామెంట్స్ చేశారు.తాను 30 ఏళ్లుగా సినిమా ఇండస్ట్రీలో కొనసాగుతున్నాని వెంకటేశ్ తెలిపారు. దీనికి కారణం నాపై ప్రేక్షకులు చూపిస్తున్న ఆదరణ వల్లే ఇది సాధ్యమైందన్నారు. ప్రేక్షకులు ఎప్పుడూ సపోర్ట్ చేస్తూనే ఉన్నారని వెల్లడించారు. నా సినిమా బాగుంటే బాగుందని.. బాగోకపోతే బాగోలేదని చెబుతారని వెంకీమామ పేర్కొన్నారు. తనకు ఆడియన్స్‌ తీర్పే ఫైనల్‌ అని.. వాళ్లందరి ప్రేమాభిమానాలతోనే ఇండస్ట్రీలో 30 ఏళ్లుగా ముందుకు సాగుతున్నానని అన్నారు.ఇద్దరు హీరోయిన్స్, త్రివిక్రమ్‌తో కలిసి మూవీ చేస్తే హిట్‌ అవుతుందన్న సెంటిమెంట్‌ను మీరు నమ్ముతారా అని వెంకీని ప్రశ్నించారు. ఈ సారి కూడా మీకు కలిసొస్తుందని భావిస్తున్నారా? అని అడిగారు. దీనికి సమాధానమిస్తూ.. నేను ఇలాంటి వాటిని నమ్మనని.. ఆడియన్స్‌ ఏది డిసైడ్ చేస్తే అదే ఫైనల్ అని అన్నారు. ఇది ప్రేక్షకులే డిసైడ్ చేస్తారని వెంకటేశ్ ధీమా వ్యక్తం చేశారు. కాగా.. ఈ సినిమాకు ఎస్ఎస్ తమన్ సంగీతమందించారు.

వెంకీమామ, త్రివిక్రమ్ కాంబోలో వస్తోన్న లేటేస్ట్ ఫ్యామిలీ ఎంటర్‌టైనర్ ఆదర్శ కుటుంబం. ఈ చిత్రంలో కేజీఎఫ్ బ్యూటీ శ్రీనిధి శెట్టి హీరోయిన్‌గా నటించింది. ఇప్పటికే పలుసార్లు రిలీజ్ వాయిదా పడిన ఈ మూవీ ఎ‍ట్టకేలకు ఈనెల 30న థియేటర్లలో సందడి చేయనుంది. ఇప్పటికే ట్రైలర్ రిలీజ్ చేయగా ఆడియన్స్‌ను ఆకట్టుకుంది.తాజాగా ఈ మూవీ సెన్సార్ కూడా పూర్తి చేసుకుంది. ఈ సినిమాకు సెన్సార్‌ బోర్డు యూ/ఏ సర్టిఫికేట్ జారీ చేసింది. అంటే ఈ మూవీని చిన్నపిల్లలతో కలిసి ఫ్యామిలీ అందరూ చూసేయొచ్చు. అయితే కొన్ని అభ్యంతరకర పదాలను, ప్రముఖుల పేర్లను మ్యూట్ చేయాలని మేకర్స్‌కు సూచించింది. అంతేకాకుండా వయొలెన్స్ సీన్స్‌లో తీవ్రత తగ్గించాలని తెలిపింది. ఈ మూవీ దాదాపు రెండు గంటల 29 నిమిషాల రన్‌టైమ్‌తో థియేటర్లలో సందడి చేయనుంది. కాగా.. ఈ చిత్రంలో నివేదా పేతురాజ్‌, నారా రోహిత్‌ కీలక పాత్రలు పోషించారు.

సినిమా పెద్దదా.. చిన్నదా అన్నది కాదు, ప్రేక్షకుల్లో దానిపై ఎలాంటి ఆసక్తి ఉందన్నదే ముఖ్యం. భారీ కాంబినేషన్‌, పేరున్న హీరోలు, పేరున్న దర్శకులు.. ఇవన్నీ సినిమాపై అంచనాలను పెంచుతాయి. కానీ ఆ అంచనాలను ప్రేక్షకుల్లో ఆసక్తిగా మార్చడమే అసలు సవాల్‌. ఇప్పుడు తెలుగులో విడుదలకు సిద్ధమవుతున్న రెండు సినిమాల విషయంలో ఇదే చర్చ నడుస్తోంది. మరో రెండు రోజుల్లో(అక్టోబర్‌ 30) థియేటర్లలోకి రానున్న ఈ చిత్రాలపై ఇప్పటికీ ఆశించిన స్థాయిలో బజ్‌ కనిపించడం లేదు.విక్టరీ వెంకటేశ్‌, మాటల మాంత్రికుడు త్రివిక్రమ్‌ శ్రీనివాస్‌ కాంబినేషన్‌లో సినిమా అంటే ప్రేక్షకుల్లో సహజంగానే అంచనాలు ఉంటాయి. వెంకీ కామెడీ టైమింగ్‌, త్రివిక్రమ్‌ మార్క్‌ సంభాషణలు, కుటుంబ ప్రేక్షకులను ఆకట్టుకునే కథ.. ఈ అంశాలను దృష్టిలో పెట్టుకుని ‘ఆదర్శ కుటుంబం’పై మొదట్లో ఆసక్తి ఏర్పడింది. అయితే సినిమా విడుదల సమయం దగ్గరపడుతున్న కొద్దీ ఆ అంచనాలకు తగ్గట్టుగా హైప్‌ పెరగడం లేదు.ఇప్పటివరకు విడుదలైన ప్రచార చిత్రాలు ప్రేక్షకుల్లో పెద్దగా ఆసక్తిని రేకెత్తించలేకపోయాయి. ‘నారాయణమ్మ’, ‘మాలా’ పాటలు కూడా ఆశించిన స్థాయిలో రీచ్‌ సాధించలేదు. భారీ కాంబినేషన్‌ నుంచి సినిమా వస్తున్నప్పుడు పాటలు, పోస్టర్లు, గ్లింప్స్‌ ఇలా ప్రతి ప్రమోషనల్‌ కంటెంట్‌ చర్చకు దారితీయాలి. కానీ ‘ఆదర్శ కుటుంబం’ విషయంలో ఆ ప్రభావం అంతగా కనిపించడం లేదు.(చదవండి: శ్రీనిధి శెట్టి పాదాలకు నమస్కరించిన త్రివిక్రమ్‌.. అసలేం జరిగింది?)ట్రైలర్‌ విడుదలైన తర్వాత మాత్రం సినిమాపై కొంత ఆసక్తి పెరిగింది. బజ్‌ కూడా క్రియేట్‌ అయింది. అయితే త్రివిక్రమ్‌-వెంకీ కాంబినేషన్‌కి ఇప్పుడున్న బజ్‌ చాలా తక్కువనే చెప్పాలి. సినిమా విడుదల తర్వాత ప్రేక్షకుల స్పందన ఎలా ఉంటుందో చూడాలి.మరోవైపు విశ్వక్‌ సేన్‌ నటిస్తున్న ‘కల్ట్‌’ విషయంలోనూ దాదాపు ఇదే పరిస్థితి కనిపిస్తోంది. గత కొంతకాలంగా సరైన విజయాన్ని అందుకోవాలని చూస్తున్న విశ్వక్‌ సేన్‌కు ఈ సినిమా కీలకంగా మారింది. ఇలాంటి సమయంలో వస్తున్న సినిమాపై ప్రేక్షకుల్లో ఆసక్తి పెంచేందుకు ప్రమోషన్లు కీలక పాత్ర పోషించాలి. కానీ ‘కల్ట్‌’ ప్రచార కార్యక్రమాలు మాత్రం ఇప్పటివరకు భారీ స్థాయిలో హైప్‌ తీసుకురాలేకపోయాయి.ఈ సినిమా ట్రైలర్‌ ఒక వర్గం ప్రేక్షకులకు నచ్చింది. అయితే ట్రైలర్‌కు వచ్చిన స్పందన సినిమాపై భారీ అంచనాలు ఏర్పడే స్థాయిలోకి వెళ్లలేదు. సినిమా కాన్సెప్ట్‌, కథలోని ప్రత్యేకత, విశ్వక్‌ సేన్‌ పాత్ర వంటి అంశాలపై ప్రేక్షకుల్లో మరింత ఆసక్తి పెంచేలా ప్రచారం జరిగి ఉంటే పరిస్థితి మరోలా ఉండేదనే అభిప్రాయం ఉంది.అయితే బజ్‌ తక్కువగా ఉందని సినిమాలు ప్రేక్షకులను ఆకట్టుకోలేవని ముందుగానే నిర్ణయించలేం. కంటెంట్‌ బాగుంటే మౌత్‌ టాక్‌తో సినిమాలు పుంజుకునే అవకాశమూ ఉంటుంది. మరి ఈ రెండు సినిమాలు థియేటర్లలోకి వచ్చాక ప్రేక్షకుల దృష్టిని ఆకర్షిస్తాయా? లేక విడుదలకు ముందు కనిపించిన నిరాసక్తతే వసూళ్లపైనా ప్రభావం చూపిస్తుందా? తెలియాలంటే మరికొన్ని రోజులు వేచి చూడాల్సిందే.

సినిమా వేడుకల్లో హీరోహీరోయిన్ల ప్రసంగాలు, దర్శక నిర్మాతల వ్యాఖ్యలు, ఆసక్తికర సంఘటనలు ప్రేక్షకుల దృష్టిని ఆకర్షిస్తుంటాయి. తాజాగా ‘ఆదర్శ కుటుంబం’ ప్రీ రిలీజ్ ఈవెంట్‌లోనూ ఓ ఆసక్తికర ఘటన చోటుచేసుకుంది. ప్రముఖ దర్శకుడు త్రివిక్రమ్ శ్రీనివాస్, హీరోయిన్ శ్రీనిధి శెట్టి పాదాలకు నమస్కరించేందుకు ప్రయత్నించడం చర్చనీయాంశంగా మారింది. ఈ సంఘటనకు సంబంధించిన వీడియో ఇప్పుడు సోషల్ మీడియాలో వైరల్‌ అవుతోంది.అసలేం జరిగింది?వెంకటేశ్ హీరోగా నటిస్తున్న ‘ఆదర్శ కుటుంబం’ సినిమా ప్రీ రిలీజ్ ఈవెంట్‌ మంగళవారం హైదరాబాద్‌లో ఘనంగా జరిగింది. ఈ కార్యక్రమంలో పాల్గొన్న హీరోయిన్ శ్రీనిధి శెట్టి.. త్రివిక్రమ్‌కు నమస్కరించబోయింది. అయితే, అందుకు ప్రతిగా త్రివిక్రమ్ కూడా ముందుకు వంగి ఆమె పాదాలకు నమస్కరించేందుకు ప్రయత్నించాడు.సాధారణంగా సినిమా వేడుకల్లో సీనియర్ నటీనటులు, దర్శకులకు యువ నటీనటులు గౌరవ సూచకంగా నమస్కరించడం చూస్తుంటాం. కానీ, ఈ సందర్భంలో త్రివిక్రమ్ కూడా శ్రీనిధి శెట్టికి ప్రతిగా నమస్కరించేందుకు ప్రయత్నించడం ప్రత్యేకంగా నిలిచింది. దీంతో ఈ సంఘటనపై నెటిజన్లు తమ అభిప్రాయాలను వ్యక్తం చేస్తున్నారు.(చదవండి: తొలి షో పడ్డ 'రామాయణ'.. ట్విటర్ టాక్ ఏంటి?)ఈ ఘటనను కొందరు నెటిజన్లు పరస్పర గౌరవానికి నిదర్శనంగా అభివర్ణిస్తున్నారు. ఎదుటివారు చూపించే గౌరవాన్ని తిరిగి అందించడం మంచి సంస్కారమని అభిప్రాయపడుతున్నారు. హోదా, వయసు, స్థాయితో సంబంధం లేకుండా ఒకరికొకరు గౌరవం ఇచ్చుకోవడంలో తప్పేముందని ప్రశ్నిస్తున్నారు.మరికొందరు మాత్రం భిన్నంగా స్పందిస్తున్నారు. తెలుగు సినీ పరిశ్రమలో అగ్ర దర్శకుడిగా పేరున్న త్రివిక్రమ్.. తనకంటే వయసులో చిన్నదైన హీరోయిన్‌కు అలా నమస్కరించేందుకు ప్రయత్నించడం అవసరమా? అంటూ ప్రశ్నిస్తున్నారు. సాధారణంగా సీనియర్లకు జూనియర్లు గౌరవం ఇవ్వడం ఆనవాయితీగా ఉండే సినీ పరిశ్రమలో ఇలాంటి సంఘటన చర్చకు దారితీయడం సహజమేనని అంటున్నారు. మొత్తానికి ‘గురూజీ’ చేసిన పని ఇప్పుడు సోషల్‌ మీడియాలో హాట్‌ టాపిక్‌గా మారింది. ఇక ఆదర్శ కుటుంబం సినిమా విషయానికొస్తే.. త్రివిక్రమ్‌ దర్శకత్వం వహించిన ఈ చిత్రంలో శ్రీనిధీ శెట్టి, నివేదా పేతురాజ్‌ హీరోయిన్లుగా నటించారు. ఎస్‌. రాధాకృష్ణ (చినబాబు) నిర్మించిన ఈ సినిమా ఈ నెల 30న విడుదల కానుంది. #AadarshaKutumbam ప్రి రిలీజ్ ఈవెంట్ లో తన పాదాలకు హీరోయిన్ శ్రీనిధి శెట్టి నమస్కారం చేయబోతుంటే ప్రతిగా తనూ వొంగి ఆమె కాళ్లకు నమస్కారం చేసిన డైరెక్టర్ త్రివిక్రమ్. https://t.co/LjAbsOi0sw— Journalist Yagna (@yagnamurthy) October 28, 2026

‘‘ఏం జరిగినా నా ఫ్యామిలీతోనే ఉంటాను. కాపాడుకుంటాను... అదే ‘ఆదర్శ కుటుంబం’ కథాంశం. నా సినిమాలను కుటుంబంతో కలిసి వచ్చి ఆదరించారు... అలాగే ‘ఆదర్శ కుటుంబం’నీ ఆదరించాలని కోరుకుంటున్నా. ఉప్పల్‌ స్టేడియంలో మన క్రికెటర్లు సిక్సర్లు కొడుతున్నారు. ‘ఆదర్శ కుటుంబం’తో స్టేడియం బయట మనం సిక్సర్లు కొడతాం, సెంచరీలు కొడతాం’’ అని హీరో వెంకటేశ్‌ తెలిపారు. త్రివిక్రమ్‌ శ్రీనివాస్‌ దర్శకత్వంలో వెంకటేశ్‌ హీరోగా నటించిన చిత్రం ‘ఆదర్శ కుటుంబం ‘హౌస్‌ నెం: 47’. శ్రీనిధీ శెట్టి, నివేదా పేతురాజ్‌ హీరోయిన్లుగా నటించారు. ఎస్‌. రాధాకృష్ణ (చినబాబు) నిర్మించిన ఈ సినిమా ఈ నెల 30న విడుదల కానుంది. మంగళవారం జరిగిన ఈ చిత్రం ప్రీ రిలీజ్‌ ఈవెంట్‌లో వెంకటేశ్‌ మాట్లాడుతూ– ‘‘కామెడీతో పాటు థ్రిల్, సస్పెన్స్‌... ఇలా అన్ని భావోద్వేగాలతో ఒక అద్భుతమైన కథను త్రివిక్రమ్‌ తీసుకు రావడంతో సంతోషపడ్డాను. ‘రాజా, సూర్యవంశం, వసంతం’ వంటి ఫ్యామిలీ సినిమాలు చాలా చేశాను. ‘ప్రేమించుకుందాం రా, కలిసుందాం రా’ అన్నాను. ఇప్పుడు ‘ఆదర్శ కుటుంబం’ అంటున్నాను. ఇలాంటి అద్భుతమైన కథని ఎంచుకున్నందుకు చినబాబు, వంశీలకు థ్యాంక్స్‌’’ అని తెలిపారు. (చదవండి: రామాయణ' ప్రీమియర్స్.. తొలి రివ్యూ)త్రివిక్రమ్‌ మాట్లాడుతూ– ‘‘వెంకటేశ్‌గారి ‘పవిత్రబంధం’ సినిమాతో రచయితగా నా ప్రయాణం మొదలుపెట్టాను. ‘పెళ్లి చేసుకుందాం’ మూవీ టైమ్‌లో నేనెవరో తెలియకపోయినప్పటికీ నన్ను ప్రోత్సహించారాయన. ‘నువ్వు నాకు నచ్చావ్‌’ కథ చెప్పినప్పుడు ఈ సినిమా మనం చేస్తున్నాం అన్నారు. ఆ సినిమా నుంచి నా కెరీర్‌ మలుపు తిరిగింది.. ‘ఆదర్శ కుటుంబం’కి కూడా అదే ప్రోత్సాహం అందించారు. ఒక సామాన్యుడు తెగిస్తే ఎంతవరకు వెళతాడన్నదే ఈ చిత్రకథ. నేను కుటుంబ విలువలను, కథలను చెప్పడానికి ప్రయత్నిస్తాను. ఇక కుటుంబ కథా చిత్రాలకు కేరాఫ్‌ అడ్రస్‌ వెంకటేశ్‌గారు. ఫ్యామిలీ మూవీస్‌తో స్టార్‌ హీరో కావొచ్చని నిరూపించిన వారు ఎవరైనా ఉన్నారంటే ఆయన ఒక్కరే’’ అని చెప్పారు. రామజోగయ్య శాస్త్రి, శ్రీకృష్ణ తదితరులు పాల్గొన్నారు.

వెంకీమామ హీరోగా వస్తోన్న లేటేస్ట్ ఫ్యామిలీ ఎంటర్‌టైనర్ ఆదర్శ కుటుంబం. ఇప్పటికే పలు సార్లు వాయిదా పడిన ఈ సినిమా విడుదలకు సిద్ధమైంది. త్రివిక్రమ్ దర్శకత్వం వహించిన ఈ మూవీ ‍‍అక్టోబర్ 30న థియేటర్లలో రిలీజ్ కానుంది. ఈ నేపథ్యంలో హైదరాబాద్‌ ప్రీ రిలీజ్ ఈవెంట్‌ నిర్వహించారు. ఈ సందర్భంగా ఈవెంట్‌కు హాజరైన హీరో వెంకటేశ్ మాట్లాడారు.దాదాపు 25 ఏళ్ల తర్వాత మేమిద్దరం మళ్లీ కలిసి మీ ముందుకొస్తున్నామని వెంకటేశ్ అన్నారు. కామెడీతో పాటు అన్ని ఎలిమెంట్స్‌ ఈ మూవీలో ఉన్నాయని తెలిపారు. ఏకే47 మీకు తప్పకుండా నచ్చుతుందన్నారు. ఫ్యామిలీ ఎంటర్‌టైనర్‌ మూవీస్ చాలా చేశానని వెంకీమామ అన్నారు. ఏం జరిగినా నా ఫ్యామిలీ నేను కాపాడుకోవాలి.. అదే ఆదర్శ కుటుంబమని తెలిపారు. ఈ సినిమా తప్పకుండా మీకు నచ్చుతుందన్నారు. మన టీమిండియా బ్యాటర్లు అభిషేక్, శాంసన్, వైభవ్, నితీశ్, తిలక్ వర్మ సిక్సర్లు కొట్టడమే కాదు.. ఈ మూవీతో మేము కూడా స్టేడియం బయట సిక్సర్లు కొడతామని వెంకటేశ్ సరదాగా చెప్పారు. మా సినిమా ఆడినా.. ఆడకపోయినా.. బాగున్నా.. బాగాలేకపోయినా.. ప్రతి ఒక్కరు బాగుండాలని నేను ఉదయాన్నేఆ దేవుడిని కోరుకుంటానని వెంకీమామ వెల్లడించారు.

వెంకీమామ హీరోగా వస్తోన్న లేటేస్ట్ ఫ్యామిలీ ఎంటర్‌టైనర్ ఆదర్శ కుటుంబం. ఇప్పటికే పలు సార్లు వాయిదా పడిన ఈ సినిమా విడుదలకు సిద్ధమైంది. త్రివిక్రమ్ దర్శకత్వం వహించిన ఈ మూవీ ‍‍అక్టోబర్ 30న థియేటర్లలో రిలీజ్ కానుంది. ఈ నేపథ్యంలో హైదరాబాద్‌ ప్రీ రిలీజ్ ఈవెంట్‌ నిర్వహించారు. ఈ ఈవెంట్‌ను ప్రత్యక్ష ప్రసారం ద్వారా మీరు కూడా చూసేయండి.

‘ఆదర్శ కుటుంబం- ఏకే 47’ సినిమా టికెట్ ధరలను పెంచుకునేందుకు ఆంధ్రప్రదేశ్ ప్రభుత్వం అనుమతి ఇవ్వడంపై సీపీఐ నారాయణ తీవ్ర అభ్యంతరం వ్యక్తం చేశారు. భారీ బడ్జెట్ సినిమాల నిర్మాణం కోసం విలాసవంతంగా ఖర్చు చేసే నిర్మాతలు, ఆ భారాన్ని సామాన్య ప్రేక్షకులపై మోపడం ఎంతవరకు సమంజసమని ఆయన ప్రశ్నించారు. ఈ మేరకు ఆయన సీపీఐ తరపున ఒక ప్రకటన విడుదల చేశారు. ‘భారీ బడ్జెట్ సినిమాలు నిర్మించే నిర్మాతలకు, సినిమా నిర్మాణ వ్యయాన్ని సాకుగా చూపిస్తూ ప్రజలపై అదనపు ఆర్థిక భారం మోపే అధికారం ఎవరిచ్చారు? నిర్మాతలు పెట్టిన పెట్టుబడిని తిరిగి రాబట్టుకునే పేరుతో టికెట్ ధరలను పెంచుకునేందుకు అనుమతిస్తూ, సామాన్య ప్రేక్షకుల జేబులకు చిల్లు పెట్టే హక్కు రాష్ట్ర ప్రభుత్వానికి ఉందా? సినిమా నిర్మాణం అనేది ఒక వ్యాపారం. వ్యాపారంలో పెట్టుబడి పెట్టినప్పుడు లాభాలు వచ్చే అవకాశం ఉన్నట్లే, నష్టాలు వచ్చే పరిస్థితి కూడా ఉంటుంది. అలాంటప్పుడు నిర్మాతలు చేసిన ఖర్చులకు సామాన్య ప్రజలు ఎందుకు మూల్యం చెల్లించాలి? ‘ఆదర్శ కుటుంబం’ సినిమా టికెట్ ధరల పెంపు నిర్ణయాన్ని సీపీఐ తీవ్రంగా ఖండిస్తోంది’అని నారాయణ పేర్కొన్నారు. కాగా, త్రివిక్రమ్‌ దర్శకత్వంలో విక్టరీ వెంకటేశ్‌ హీరోగా నటించిన ఆదర్శ కుటుంబం చిత్రానికి టికెట్‌ రేట్ల పెంపుకు అనుమతి ఇస్తూ ఏపీ ప్రభుత్వం సోమవారం ఉత్తర్వులు జారీ చేసింది. మల్టీప్లెక్స్‌లలో టికెట్‌ ధరపై రూ.75 (జీఎస్టీతో కలిపి), సింగిల్‌ స్క్రీన్‌లో రూ.50 (జీఎస్టీతో కలిపి) పెంచుకునేందుకు ప్రభుత్వం అవకాశం ఇచ్చింది. అలాగే రోజుకు ఐదు షోలను కూడా ప్రదర్శించుకునే వెసులుబాటూ కల్పించింది. విడుదలైన రోజు నుంచి 10 రోజుల పాటు పెంచిన టికెట్‌ ధరలు అమల్లో ఉంటాయి.

‘‘నాకు గుర్తున్న గొప్ప జ్ఞాపకాలు నా కాలేజ్‌ టైమ్‌లో జరిగినవే. కాలేజ్‌ అంటే డిగ్రీ, ఉద్యోగం మాత్రమే కాదు... మంచి క్యారెక్టర్‌తో బయటకు రావాలి. మీ కాలేజ్‌ లైఫ్‌లోని ఈ నాలుగేళ్లు మీ లైఫ్‌ ట్రైలర్స్‌ను విజువలైజ్‌ చేసుకోండి. మీ కలను నిజం చేసుకోండి’’ అని వెంకటేశ్‌ అన్నారు. వెంకటేశ్‌ హీరోగా త్రివిక్రమ్‌ దర్శకత్వంలో రూపొందిన సినిమా ‘ఆదర్శకుటుంబం: హౌస్‌ నెం 47’. ఈ చిత్రంలో శ్రీనిధి శెట్టి హీరోయిన్‌గా నటించగా, నారా రోహిత్, నివేదా పేతురాజ్, యువినా, రాజ్‌ ప్రజ్వల్‌ ప్రధాన పాత్రల్లో నటించారు. త్రివిక్రమ్‌ దర్శకత్వంలో సూర్యదేవర రాధాకృష్ణ (ఎస్‌. చినబాబు) నిర్మించిన ఈ చిత్రం ఈ నెల 30న విడుదల కానుంది. ఈ సందర్భంగా ఈ చిత్రం ట్రైలర్‌ ఆవిష్కరణ వేడుక హైదరాబాద్‌లోని మల్లారెడ్డి విశ్వ విద్యాపీఠ్‌ కళాశాలలో నిర్వహించింది యూనిట్‌. ఈ వేడుకలో వెంకటేశ్‌ మాట్లాడుతూ –‘‘ఆదర్శ కుటుంబం’ ట్రైలర్‌ మీ అందరికీ నచ్చిందని ఆశిస్తున్నాను. మీ స్పందన చూస్తుంటే ఆనందంగా ఉంది’’ అని అన్నారు. (చదవండి: అదితీ సినీ కెరీర్ ముగిసిందా? ఓటీటీ సినిమాలే గతి!)త్రివిక్రమ్‌ మాట్లాడుతూ– ‘‘రొమాంటిక్‌ కామెడీ మూవీలా కాకుండా ప్రేక్షకులు ఊహించని డైరెక్షన్‌లో ఈ సినిమా ఉంటుంది. క్రైమ్‌ కామెడీ, డార్క్‌ కామెడీ ట్రై చేశాం. ఇలాంటి అంశాలతో సినిమా చేయడం నాకు, వెంకటేశ్‌గారికి కూడా కొత్త’’ అని అన్నారు. ‘‘మనం కాలేజీలో ఏం చదువుకున్నా లైఫ్‌ మనల్ని సర్‌ప్రైజ్‌ చేస్తూనే ఉంటుంది. అలానే మా సినిమాలోని ప్రతి సన్నివేశం ప్రేక్షకులను సర్‌ప్రైజ్‌ చేసేలా ఉంటుంది’’ అని శ్రీనిధి శెట్టి అన్నారు. ‘‘త్రివిక్రమ్‌గారి ట్రేడ్‌ మార్క్‌ ఫిల్మ్‌లా ఈ సినిమా ఉంటుంది’’ అని తమన్‌ తెలిపారు. ఈ కార్యక్రమంలో మల్లారెడ్డి విద్యా సంస్థల వైస్‌ చైర్మన్‌ ప్రీతి రెడ్డి పాల్గొన్నారు.

విక్టరీ వెంకటేశ్‌ హీరోగా త్రివిక్రమ్‌ దర్శకత్వంలో ఆయన నటిస్తున్న ఫ్యామిలీ యాక్షన్‌ ఎంటర్‌టైనర్‌ ‘ఆదర్శ కుటుంబం’. ఈ సినిమాలో శ్రీనిధి శెట్టి కథానాయికగా నటిస్తుండగా.. నివేదా పేతురాజ్‌ కీలక పాత్ర పోషిస్తున్నారు. తాజాగా ఈ చిత్రం నుంచి ‘మాల వచ్చా చూడు..’ అంటూ సాగే లిరికల్‌ వీడియోను చిత్రబృందం విడుదల చేసింది.‘నీ ఒంట్లో ఉంది కరెంటు.. వెలిగించవే నా ఫిలమెంట్‌’ అంటూ సాగే ఈ పాటలో వెంకటేశ్‌, నివేదా పేతురాజ్‌ మధ్య సన్నివేశాలు ఆకట్టుకునేలా ఉన్నాయి. తమన్‌ సంగీతం అందించిన ఈ పాటకు రామజోగయ్య శాస్త్రి సాహిత్యం అందించారు. ధనుంజయ సీపాన, రనైనా రెడ్డి, తమన్‌ కలిసి ఆలపించారు. ఎస్‌. రాధాకృష్ణ నిర్మిస్తున్న ఈ చిత్రంలో నారా రోహిత్‌, రావు రమేశ్‌ తదితరులు కీలక పాత్రలు పోషిస్తున్నారు. సినిమా విడుదల తేదీ రావాల్సి ఉంది.(ఇదీ చదవండి: మోహన్‌లాల్‌తోనే పుట్టినరోజు.. ఆ రెండు కోరికలు తీరకుండానే మృతి)

వెంకటేశ్-‍త్రివిక్రమ్ కాంబోలో తెరకెక్కించిన ఫ్యామిలీ ఎంటర్‌టైనర్ సినిమా 'ఆదర్శ కుటుంబం'. అక్టోబర్ 2న రావాల్సిన ఈ చిత్రం ఇప్పటికే రెండుసార్లు వాయిదా పడింది. దీంతో ఈ మూవీ ఎప్పుడు రిలీజవుతుందా అని అభిమానులు ఆసక్తిగా ఎదురు చూస్తున్నారు. రిలీజ్ డేట్ ఎప్పుడెప్పుడు ప్రకటిస్తారా అని ఆరా తీస్తున్నారు. ఈ నేపథ్యంలో నిర్మాత నాగవంశీ చేసిన కామెంట్స్ వైరల్‌గా మారాయి. ఆదర్శ కుటుంబం విడుదల తేదీ బాధ్యతలను వెంకటేశ్‌కే అప్పగించినట్లు తెలిపారు.వరుస వాయిదాలతో సతమతమవుతున్న ఈ సినిమా విడుదల తేదీపై నిర్మాత సూర్యదేవర నాగవంశీ పూర్తి క్లారిటీ ఇచ్చారు రజినీకాంత్ జైలర్ 2 ప్రెస్ మీట్‌లో ఆదర్శ కుటుంబం విడుదల గురించి మాట్లాడారు. ముందుగా అనుకున్నట్లుగానే అక్టోబర్ 30న థియేటర్లలోకి వస్తుందని పరోక్షంగా హింట్ ఇ‍చ్చారు. వరుస వాయిదాల పడడంతో తనపై తానే సెటైర్స్ వేసుకున్నారు.నాగవంశీ మాట్లాడుతూ..' గతంలో సినిమా వాయిదా వేసినప్పుడు అక్టోబర్ 30న వస్తున్నారా అని నన్ను మీడియా మిత్రులు అడిగారు. మీరు అనుకుంటున్న తేదీకే సినిమా రావడం ఖాయం.. కానీ ఈసారి తేదీని నేను అధికారికంగా ప్రకటించను. ఇప్పటికే రెండుసార్లు వాయిదా పడింది. మళ్లీ వాయిదా పడితే ఇక నన్ను జనాలు నమ్మరు. పైగా తంతారేమో" అంటూ ఆయన సరదా కామెంట్స్ చేశారు. వెంకటేశ్ హైదరాబాద్‌ రాగానే ట్రైలర్ లాంఛ్ ఈవెంట్‌ నిర్వహిస్తామని నాగవంశీ వివరించారు. వేదికపైనే వెంకటేశ్‌ రిలీజ్ తేదీని అధికారికంగా ప్రకటిస్తారని స్పష్టం చేశారు. ఈ ప్రకటనలో ఆదర్శ కుటుంబం మరోసారి వాయిదా పడదనే విషయం స్పష్టంగా అర్థమవుతోంది.

వెంకటేశ్- త్రివిక్రమ్ కాంబోలో వస్తోన్న లేటేస్ట్ మూవీ ఆదర్శకుటుంబం. ఈ మూవీ ఇప్పటికే రిలీజ్ కావాల్సి ఉన్నప్పటికీ వాయిదా పడింది. మొదట అక్టోబర్ 2న రిలీజ్ చేస్తామని ప్రకటించారు. ఆ తర్వాత 9న విడుదల చేస్తామని పోస్ట్‌పోన్ చేశారు. ఏమైందో తెలియదు కానీ మరోసారి ఏకే47 వాయిదా పడింది. దీంతో రిలీజ్ తేదీపై అభిమానుల్లో సస్పెన్స్ నెలకొంది.తాజాగ ఈ మూవీ రిలీజ్‌ డేట్‌పై మ్యూజిక్ డైరెక్టర్ తమన్ చేసిన పోస్ట్‌ వైరల్‌గా మారింది. అక్టోబర్‌ 30న ఈ సినిమా విడుదల కానున్నట్లు క్యాప్షన్‌ పెట్టారు. తర్వాత వెంటనే ఆ పోస్టును ఎడిట్‌ చేసి.. రిలీజ్ డేట్ స్థానంలో ఓ ఎమోజీని అడ్డుగా పెట్టారు. అప్పటికే ఈ పోస్ట్ వైరలైంది. దీంతో ఆదర్శ కుటుంబం ఈ నెల 30న థియేటర్లలో విడుదల కానుందని తెలుస్తోంది. అయితే దీనిపై అధికారిక ప్రకటన కోసం అభిమానులు ఆసక్తిగా ఎదురు చూస్తున్నారు. ఇటీవలే మూవీని వాయిదా వేసినట్లు ప్రకటించిన నిర్మాత నాగవంశీ.. విడుదల తేదీని ప్రకటిస్తామని తెలిపారు.AK-47 🧸 🔥🔥🔥🔥🔥🔥🏆🏆🏆❤️‍🔥❤️‍🔥❤️‍🔥 🗯️ - 10 - 2026 💪🏾 Venky Sir Trivik Sir it’s a SIXER SIR 🏆 https://t.co/xdxZlXoUdg— thaman S (@MusicThaman) October 6, 2026

ప్రముఖ చిత్ర దర్శకులు సింగీతం శ్రీనివాసరావు మరణం పట్ల సంతాపం వ్యక్తం చేశారు. ఆయన మరణం తనను తీవ్రంగా దుఃఖిస్తున్నట్లు ట్వీట్ చేశారు. ఆయన ఒక నిజమైన దార్శనికుడని.. నూతన ఆలోచనలను అన్వేషించడంలో తనకున్న ఊహాశక్తి, ధైర్యంతో భారతీయ సినిమాకు కొన్ని మరపురాని చిత్రాలను అందించారని కొనియాడారు. సినిమాకు ఆయన చేసిన సేవను అపారమైన గౌరవంతో, ఆప్యాయతతో ఎల్లప్పుడూ గుర్తుంచుకుంటామని మెగాస్టార్ చిరంజీవి పోస్ట్ చేశారు. ఈ సమయంలో ఆయన కుటుంబ సభ్యులకు, ఆత్మీయులకు ప్రగాఢ సానుభూతి తెలిపారు. మిమ్మల్ని మిస్ అవుతాము సింగీతం గారు..కానీ మీ చిత్రాలు తరతరాలకు స్ఫూర్తినిస్తూనే ఉంటాయని కొనియాడారు.హీరో వెంకటేశ్ సంతాపం..సింగీతం శ్రీనివాసరావు గారి మరణవార్త విని హృదయ విదారకంగా ఉందని హీరో వెంకటేశ్ అన్నారు. ఆయన పనితీరుకు ప్రతీకగా నిలిచినటువంటి జిజ్ఞాస, మౌలికత, ఉల్లాసం వంటి లక్షణాలతో సినిమాను ఆదరించిన దర్శకులు చాలా కొద్దిమందే ఉంటారని గుర్తు చేసుకున్నారు. సినిమాలోని మాయాజాలం, దానిలోని అవకాశాలపై నమ్మకాన్ని ఎన్నడూ కోల్పోని అరుదైన దర్శకుడని కొనియాడారు. తెలుగు సినిమా చరిత్రలో ఒక అసాధారణ అధ్యాయానికి ఇది నిజంగా ఒక ముగింపు అని అన్నారు. ఈ విషాద సమయంలో ఆయన కుటుంబ సభ్యులకు, స్నేహితులకు, ఆయనతో కలిసి పనిచేసే అదృష్టం పొందిన ప్రతి ఒక్కరికీ ప్రగాఢ సానుభూతి అంటూ పోస్ట్ చేశారు. సింగీతం గారు... శాంతిగా విశ్రమించండి, మీరు మాకు అందించిన చిత్రాల ద్వారా మిమ్మల్ని ఎల్లప్పుడూ గుర్తుంచుకుంటామని ట్వీట్‌లో రాసుకొచ్చారు. Deeply saddened by the passing of the legendary filmmaker ‘Singeetam Srinivasa Rao’ garu. A true visionary, his imagination and courage to explore new ideas gave Indian cinema some of its most unforgettable films. His contribution to cinema will always be remembered with immense respect and affection. His recent film ‘Sing Geetham’ was a beautiful testament to his undying passion for storytelling. At heart, he remained forever young, curious and eager to create. My heartfelt condolences to his family and loved ones. We will miss you, Singeetam garu. Your films will continue to speak to generations. Om Shanti 🙏— Chiranjeevi Konidela (@KChiruTweets) October 4, 2026 Heartbroken to hear about the passing of Singeetam Srinivasa Rao garu. Few filmmakers have embraced cinema with the kind of curiosity, originality and playfulness that defined his work. He was a rare filmmaker who never stopped believing in the magic and possibilities of cinema. It is truly the end of an extraordinary chapter in Telugu cinema. My deepest condolences to his family, friends and everyone who had the privilege of knowing and working with him. Rest in peace, Singeetam garu. You will always be remembered through the films you gave us. 🙏— Venkatesh Daggubati (@VenkyMama) October 4, 2026

వరుస విజయాలతో టాలీవుడ్‌లో తనకంటూ ప్రత్యేక గుర్తింపు తెచ్చుకున్న దర్శకుడు అనీల్ రావిపూడి. ఇప్పటివరకు ఆయన తన మార్క్ ఎంటర్టైన్మెంట్, కమర్షియల్ సినిమాలకే ఎక్కువగా ప్రాధాన్యం ఇచ్చారు. అయితే ఇప్పుడు ఆయన మరో కొత్త జానర్‌లోకి అడుగుపెట్టబోతున్నారనే వార్తలు వినిపిస్తున్నాయి.తాజాగా అనీల్ రావిపూడి యానిమేషన్ నేపథ్యంలో రామాయణం కథతో ఓ ప్రాజెక్ట్ తెరకెక్కించేందుకు ప్లాన్ చేస్తున్నారనే రూమర్స్ ప్రస్తుతం వైరల్ అవుతున్నాయి. అయితే దీనిపై ఇంకా ఎలాంటి అధికారిక ప్రకటన రాలేదు. అయితే ఇది ఒకింత ఆశ్చర్యకరమైన విషయమే. కానీ కేవలం కామెడీ చిత్రాలు మాత్రమే కాకుండా సాలిడ్ సీరియస్ సబ్జెక్ట్‌లు కూడా తాను చేయగలరని భగవంత్ కేసరి సినిమాతో ఆయన ఆల్రెడీ ప్రూవ్ చేశారు. ఈ కొత్త ప్రాజెక్ట్‌పై మరింత క్లారిటీ రావాలంటే అధికారిక ప్రకటన కోసం వేచి చూడాల్సిందే.మరోవైపు వెంకటేశ్, కల్యాణ్‌ రామ్‌ హీరోలుగా నటిస్తున్న ‘జనవరి 12 విడుదల’ సినిమా చిత్రీకరణతో ప్రస్తుతం అనిల్‌ రావిపూడి బిజీగా ఉన్న సంగతి తెలిసిందే. ఈ చిత్రం 2027 సంక్రాంతికి విడుదల కానుంది.

సినిమా షూటింగ్స్‌ అంటే లోకల్‌లోనే కాదు... కథ డిమాండ్‌ చేస్తే దేశ విదేశాల్లోనూ చిత్రీకరణలు జరుగుతుంటాయి. అయితే టాలీవుడ్‌కి హార్ట్‌ ఆఫ్‌ ది సిటీగా చెప్పుకునే హైదరాబాద్‌లో మాత్రం ఎప్పుడూ సినిమాల షూటింగ్‌ల సందడి నెలకొంటుందని ప్రత్యేకించి చెప్పక్కర్లేదు. ప్రస్తుతం నాగార్జున, వెంకటేశ్, బాలకృష్ణ, ప్రభాస్, అల్లు అర్జున్, మహేశ్‌బాబు, రిషబ్‌ శెట్టి, గోపీచంద్, నితిన్, శర్వానంద్, శ్రీ విష్ణు వంటి హీరోల సినిమాల షూటింగ్స్‌ హైదరాబాద్‌తో పాటు పరిసర ప్రాంతాల్లో భలే జోరుగా జరుగుతున్నాయి. ఆ విశేషాలు ఏంటో చూద్దాం... అన్నపూర్ణలో కింగ్‌ టాలీవుడ్‌ స్టార్‌ హీరోల్లో ఒకరైన నాగార్జున నటిస్తున్న తాజా చిత్రం ‘కింగ్‌ 100’. ఈ సినిమాకి తమిళ దర్శకుడు రా. కార్తీక్‌ దర్శకత్వం వహిస్తున్నారు. ఈ మూవీలో నటి టబు కీలక పాత్ర పోషిస్తున్నారు. నాగార్జున ఈ చిత్రంలో హీరోగా నటించడంతో పాటు భారీ బడ్జెట్‌తో దీనిని నిర్మిస్తున్నారు కూడా! ప్రస్తుతం ఈ సినిమా రెగ్యులర్‌ షూటింగ్‌ భాగ్యనగరంలోని అన్నపూర్ణ స్టూడియోస్‌లో శరవేగంగా జరుగుతోంది. ఈ షెడ్యూల్‌లో నాగార్జునతోపాటు టబు కూడా పాల్గొంటున్నారు. వీరిద్దరిపై కీలకమైన సన్నివేశాలను చిత్రీకరిస్తున్నారట కార్తీక్‌. ఈ షెడ్యూల్‌ పూర్తయిన తర్వాత అక్టోబర్‌ 1 నుంచి హైదరాబాద్‌లోని అల్యూమినియం ఫ్యాక్టరీలో కొత్త షెడ్యూల్‌ జరగనుంది. అక్కడ యాక్షన్‌ సన్నివేశాలు చిత్రీకరించనున్నారని తెలుస్తోంది. యాక్షన్‌ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా రూపొందుతోన్న ‘కింగ్‌ 100’ నాగార్జున కెరీర్‌లో వందో చిత్రం కావడంతో ఇటు ఇండస్ట్రీలో అటు ప్రేక్షకుల్లో భారీ అంచనాలున్నాయి. ‘కింగ్‌ 100’ చిత్రం క్రిస్మస్‌ సందర్భంగా ఈ డిసెంబరు 24న ప్రపంచవ్యాప్తంగా విడుదల కానుంది. అజీజ్‌ నగర్‌లో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత హీరో వెంకటేశ్‌–డైరెక్టర్‌ అనిల్‌ రావిపూడి కాంబినేషన్‌లో తెరకెక్కుతోన్న చిత్రం ‘జనవరి 12 విడుదల’. (బావ బామ్మర్ది సౌజన్యంతో అన్నది ట్యాగ్‌లైన్‌). ఈ మూవీలో కల్యాణ్‌ రామ్‌ మరో హీరోగా నటిస్తున్నారు. ఈ చిత్రంలో వెంకటేశ్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి హీరోయిన్లుగా నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్‌ బ్యానర్‌పై సాహు గారపాటి నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో వెంకటేశ్, కల్యాణ్‌ రామ్‌తో పాటు హీరోయిన్లు, అలాగే చిత్రంలోని ప్రధాన తారాగణంపై కీలకమైన సన్నివేశాలు తెరకెక్కిస్తున్నారని సినీ వర్గాల భోగట్టా. అనిల్‌ రావిపూడి. పక్కా ఫ్యామిలీ ఎంటర్‌టైనర్‌గా రూపొందుతోన్న ఈ చిత్రం 2027 సంక్రాంతి సందర్భంగా జనవరి 12న విడుదల కానుంది. ఆర్‌ఎఫ్‌సీలో... బాలకృష్ణ హీరోగా గోపీచంద్‌ మలినేని దర్శకత్వంలో రూపొందుతోన్న చిత్రం ‘దాదా’. ఈ మూవీలో మంచు మనోజ్, కాజల్‌ అగర్వాల్‌ కీలక పాత్రల్లో నటిస్తున్నారు. ‘వీరసింహా రెడ్డి’ వంటి హిట్‌ మూవీ తర్వాత బాలకృష్ణ–గోపీచంద్‌ మలినేని కాంబినేషన్‌లో రూపొందుతోన్న చిత్రం ఇది. వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్నారు. ఈ మూవీ షూటింగ్‌ హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. బాలకృష్ణతో పాటు ఇతర ప్రధాన తారాగణంపై ముఖ్యమైన సన్నివేశాలను రూపొందిస్తున్నారట గోపీచంద్‌ మలినేని. ఈ సినిమా క్రిస్మస్‌ సందర్భంగా డిసెంబరు 24న ప్రేక్షకుల ముందుకు రానుంది. కోకాపేటలో... ప్రభాస్‌ హీరోగా నటిస్తున్న తాజా పాన్‌ ఇండియన్‌ మూవీ ‘ఫౌజి’. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్నారు. ఈ సినిమాలో ఇమాన్వీ హీరోయిన్‌గా నటిస్తున్నారు. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ఇతర కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ యెర్నేని, వై. రవిశంకర్‌ నిర్మిస్తున్నారు.ప్రస్తుతం ఈ మూవీ చిత్రీకరణ హైదరాబాద్‌ సమీపంలోని కోకాపేటలో జరుగుతోంది. ప్రభాస్‌తో పాటు ఇతర నటీనటులపై ముఖ్యమైన సన్నివేశాలను తెరకెక్కిస్తున్నారట హను రాఘవపూడి. ‘‘పీరియాడికల్‌ యాక్షన్‌ డ్రామాగా రూపొందుతోన్న చిత్రం ‘ఫౌజి’. తన కెరీర్‌లో ఇప్పటివరకు ఎప్పుడూ కనిపించని రగ్డ్, ఎమోషనల్‌ లుక్‌లో ప్రభాస్‌ కనిపించనున్నారు’’ అని చిత్రబృందం పేర్కొంది. పాన్‌ ఇండియా ప్రాజెక్ట్‌గా రూపొందుతోన్న ‘ఫౌజి’ సినిమా ఈ డిసెంబరు 3న విడుదల కానుండగా అనివార్య కారణాల వల్ల వాయిదా పడింది. రాకా యాక్షన్‌... ‘పుష్ప ది రైజ్, పుష్ప 2: ది రూల్‌’ వంటి బ్లాక్‌బస్టర్‌ మూవీస్‌ తర్వాత అల్లు అర్జున్‌ హీరోగా నటిస్తున్న తాజా చిత్రం ‘రాకా’. ఈ మూవీకి తమిళ దర్శకుడు అట్లీ దర్శకత్వం వహిస్తున్నారు. ఈ చిత్రంలో దీపికా పదుకోన్‌ కథానాయికగా నటిస్తున్నారు. సన్‌ పిక్చర్స్‌ బ్యానర్‌పై కళానిధి మారన్‌ నిర్మిస్తున్నారు. ప్రస్తుతం ఈ సినిమా షూటింగ్‌ భాగ్యనగరం సమీపంలోని ఆర్‌ఎఫ్‌సీలో జరుగుతోంది. అయితే ఈ షెడ్యూల్‌లో అల్లు అర్జున్‌ పాల్గొనడం లేదని తెలిసింది. ఇతర నటీనటులపై ముఖ్యమైన సన్నివేశాలను చిత్రీకరిస్తున్నారట అట్లీ. అక్టోబరులో అల్లు అర్జున్‌ ఈ చిత్రం షూట్‌లో జాయిన్‌ అవుతారని టాక్‌. ఆయనపై కీలకమైన ఓ భారీ యాక్షన్‌ సీక్వెన్స్‌ తెరకెక్కించనున్నారట దర్శకుడు. ఇదిలా ఉంటే... ఏప్రిల్‌ 8న అల్లు అర్జున్‌ పుట్టినరోజు సందర్భాన్ని పురస్కరించుకుని ‘రాకా’ అనే టైటిల్‌ను ఫిక్స్‌ చేసి, విడుదల చేసిన అల్లు అర్జున్‌ ఫస్ట్‌ లుక్‌ ట్రెండ్‌ అయింది. గుండు, వింత శరీరాకృతితో ఓ సరికొత్త అవతారంతో అందర్నీ ఆశ్చర్యపరిచారాయన. ఈ మూవీ 2027లో విడుదల కానుంది. శంకరపల్లిలో... గోపీచంద్‌ హీరోగా నటిస్తున్న తాజా చిత్రం ‘సింగ’. ఈ సినిమా ద్వారా ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ హీరోయిన్‌గా తెలుగులో అడుగుపెడుతున్నారు. ‘భలే మంచి రోజు, ఆనందో బ్రహ్మ, యాత్ర’ వంటి సినిమాలను నిర్మించిన 70ఎంఎం ఎంటర్‌టైన్‌మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి ‘సింగ’ మూవీని నిర్మిస్తున్నారు. హైదరాబాద్‌ సమీపంలోని శంకరపల్లిలో ఈ సినిమా షూటింగ్‌ శరవేగంగా జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలను తెరకెక్కిస్తున్నారట వెంకట్‌. ‘‘యాక్షన్‌ ఎంటర్‌టైనర్‌గా రూపొందుతోన్న చిత్రం ‘సింగ’. ఫైట్‌ మాస్టర్‌గా సక్సెస్‌ అందుకున్న వెంకట్‌కి దర్శకుడిగా ఇది తొలి చిత్రం అయినప్పటికీ ఎంతో అనుభవం ఉన్న డైరెక్టర్‌లా కథను తీర్చిదిద్దుతున్నారు. గోపీచంద్‌ను సరికొత్త పాత్రలో చూపించనున్నారాయన. అత్యున్నత నిర్మాణ విలువలు, భారీ స్థాయి సాంకేతిక ప్రమాణాలతో ఈ చిత్రాన్ని గ్రాండ్‌గా తెరకెక్కిస్తున్నాం. ప్రేక్షకులకు అద్భుతమైన అనుభూతిని అందించేందుకు రాజీ పడకుండా నిర్మిస్తున్నాం’’ అని చిత్రబృందం తెలిపింది. హనుమాన్‌ 2 ప్రశాంత్‌ వర్మ దర్శకత్వం వహించిన ‘హను–మాన్‌’ మూవీ పాన్‌ ఇండియా స్థాయిలో సూపర్‌ హిట్‌గా నిలిచిన సంగతి తెలిసిందే. తేజ సజ్జా, అమృతా అయ్యర్‌ జంటగా నటించారు. నిరంజన్‌ రెడ్డి నిర్మించిన ఈ మూవీ 2024 జనవరి 12న రిలీజైంది. చిన్న చిత్రంగా ప్రారంభమై, పాన్‌ ఇండియా స్థాయిలో సంచలనం సృష్టించిన హను–మా¯న్‌కి సీక్వెల్‌గా తెరకెక్కుతున్న తాజా చిత్రం ‘జై హనుమాన్‌’. ఈ మూవీలో ఆంజనేయ స్వామిగా ‘కాంతారా’ మూవీ ఫేమ్‌ రిషబ్‌ శెట్టి నటిస్తున్నారు.‘హను–మాన్‌’లో హనుమంతుగా నటించిన తేజ సజ్జా సీక్వెల్‌లోనూ అదే పాత్రలో కనిపించనున్నారు. ‘ప్రశాంత్‌ వర్మ సినిమాటిక్‌ యూనివర్స్‌’లో భాగంగా రూపొందుతున్న ఈ సినిమాని మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ భారీ బడ్జెట్‌తో నిర్మిస్తున్నారు. ప్రస్తుతం ఈ మూవీ షూటింగ్‌ హైదరాబాద్‌ సమీపంలోని ఆర్‌ఎప్‌సీలో శరవేగంగా జరుగుతోంది. శ్రీరాముడికి హనుమంతుడు ఇచ్చిన మాట ఏంటి? దాన్ని నిలబెట్టుకోవడానికి ఏం చేశాడు? అనే నేపథ్యంలో ‘జై హనుమాన్‌’ని రూపొందిస్తున్నారని సమాచారం. మొయినాబాద్‌లో... ‘నారీ నారీ నడుమ మురారి, బైకర్‌’ వంటి హిట్‌ మూవీస్‌తో ఫుల్‌ జోష్‌లో ఉన్న హీరో శర్వానంద్‌ నటిస్తున్న తాజా చిత్రం ‘జార్జ్‌ క్రిష్‌’. ఈ మూవీకి శ్రీను వైట్ల దర్శకత్వం వహిస్తున్నారు. ఈ సినిమాలో మానస వారణాసి హీరోయిన్‌గా నటిస్తున్నారు. ఏటీవీ సమర్పణలో అనిల్‌ సుంకర ఏకే ఎంటర్‌టైన్‌మెంట్స్‌ బ్యానర్‌పై రామబ్రహ్మం సుంకర నిర్మిస్తున్నారు. అజయ్‌ సుంకర సహ నిర్మాతగా వ్యవహరిస్తున్నారు.ఈ సినిమా ప్రస్తుతం భాగ్యనగరం సమీపంలోని మొయినాబాద్‌లో జరుగుతోంది. శర్వానంద్, మానస వారణాసితో పాటు ఇతర నటీనటులపై ముఖ్యమైన సీన్స్‌ తీస్తున్నారట శ్రీను వైట్ల. సంక్రాంతి సీజన్‌లో కంప్లీట్‌ ఫ్యామిలీ ఎంటర్‌టైనర్‌గా ఆడియన్స్‌ని అలరించనున్న ఈ సినిమా 2027 జనవరి 14న విడుదల కానుంది. శంకరపల్లిలో... సాయి దుర్గాతేజ్‌ హీరోగా నటిస్తున్న తాజా చిత్రం ‘ఎస్‌వైజీ’(సంబరాల ఏటిగట్టు). ఈ మూవీ ద్వారా రోహిత్‌ కేపీ దర్శకునిగా పరిచయమవుతున్నారు. ఐశ్వర్య లక్ష్మి హీరోయిన్‌గా నటిస్తున్న ఈ మూవీలో జగపతి బాబు, సాయి కుమార్, శ్రీకాంత్, అనన్య నాగళ్ల ఇతర పాత్రలు పోషిస్తున్నారు. ప్రైమ్‌షో ఎంటర్‌టైన్‌మెంట్‌పై ‘హను–మాన్‌’ వంటి విజయవంతమైన సినిమా తీసిన కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు. ఈ సినిమా షూటింగ్‌ తాజా షెడ్యూల్‌ హైదరాబాద్‌ సమీపంలోని శంకరపల్లిలో జరుగుతోంది. సాయి దుర్గాతేజ్‌తో పాటు కీలక తారాగణంపై పలు సన్నివేశాలు రూపొందిస్తున్నారట రోహిత్‌. ఈ మూవీ సంక్రాంతి సందర్భంగా జనవరి 12న ప్రేక్షకుల ముందుకు వస్తోంది. పైన పేర్కొన్న సినిమాలే కాదు... మరికొన్ని మూవీ షూటింగ్స్‌ కూడా హైదరాబాద్‌తో పాటు పరిసర ప్రాంతాల్లో జోరుగా హుషారుగా జరుగుతున్నాయి. శంషాబాద్‌లో... మహేశ్‌బాబు హీరోగా అంతర్జాతీయ స్థాయిలో రూపొందుతోన్న చిత్రం ‘వారణాసి’. ఎస్‌ఎస్‌ రాజమౌళి దర్శకత్వం వహిస్తున్న ఈ సినిమాలో నటి ప్రియాంకా చో్రపా, పృథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ మూవీ నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది.అయితే ఈ షెడ్యూల్‌లో మహేశ్‌బాబు పాల్గొనడం లేదు. ఎందుకంటే తన పాత్రకు సంబంధించిన షూటింగ్‌ని ఆయన ఇటీవల పూర్తి చేసిన సంగతి తెలిసిందే. మహేశ్‌ లేని సీన్స్‌ని తెరకెక్కిస్తున్నారట రాజమౌళి. ఈ చిత్రంలో శ్రీరాముడిగా, రుద్రుడి గా మహేశ్‌బాబు కనిపిస్తారు. ‘వారణాసి’ని అంతర్జాతీయ స్థాయిలో 120 దేశాల్లో విడుదల చేయనున్నట్లు ఇప్పటికే రాజమౌళి పేర్కొన్న సంగతి తెలిసిందే. అందుకు తగ్గట్టే ప్రమోషన్స్‌ కూడా నిర్వహిస్తున్నారు మేకర్స్‌. 2027 ఏప్రిల్‌ 7న ‘వారణాసి’ ప్రపంచవ్యాప్తంగా విడుదలకానుంది.అల్యూమినియం ఫ్యాక్టరీలో... కిరణ్‌ అబ్బవరం హీరోగా నటిస్తూ, తొలిసారి దర్శకత్వం వహిస్తున్న చిత్రం ‘కేఏ 13’(వర్కింగ్‌ టైటిల్‌). దేవిక భట్‌ హీరోయిన్‌గా నటిస్తున్న ఈ మూవీలో శరత్‌ కుమార్, సాయి కుమార్‌ ఇతర పాత్రలు పోషిస్తున్నారు. జాయ్‌ ఫిలింస్‌ బ్యానర్‌పై సుధాకర్‌ చాగంటి నిర్మిస్తున్నారు. ఈ మూవీ తాజా షెడ్యూల్‌ ప్రస్తుతం గచ్చిబౌలి సమీపంలోని అల్యూమినియం ఫ్యాక్టరీలో జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలు తెరకెక్కిస్తున్నారు కిరణ్‌. ‘ఎస్‌ఆర్‌ కళ్యాణమండపం’ సినిమాతో కథా రచయితగా తన ప్రతిభను నిరూపించుకున్న ఆయన, ‘కేఏ 13’ చిత్రానికి కథ, స్క్రీన్‌ప్లే, దర్శకత్వంతోపాటు హీరోగా నటిస్తుండటం విశేషం. అల్యూమినియం ఫ్యాక్టరీలో... నితిన్‌ హీరోగా నటిస్తున్న తాజా చిత్రం ‘అలియాస్‌ రుక్మిణీ’. మురళీ కాంత్‌ దేవాసోత్‌ రచన, దర్శకత్వంలో రూపొందుతోన్న ఈ సినిమాలో సాయి కుమార్, హర్షవర్ధన్‌ కీలక పాత్రలు పోషిస్తున్నారు. ఈ మూవీకి హీరో నాని సమర్పకుడిగా వ్యవహరిస్తున్నారు. యునానిమస్‌ ప్రొడక్షన్స్‌ బ్యానర్‌పై దీప్తి గంటా నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌ గచ్చిబౌలి సమీపంలోని అల్యూమినియం ఫ్యాక్టరీలో శరవేగంగా జరుగుతోంది. నితిన్, సాయి కుమార్, హర్ష వర్ధన్, ఇతర నటీనటులు పాల్గొనగా కీలక సన్నివేశాలు తెరకెక్కిస్తున్నారట మురళీ కాంత్‌. ‘‘కోర్ట్‌–స్టేట్‌ వర్సెస్‌ ఎ నోబడీ’ వంటి అద్భుత విజయం తర్వాత నాని సమర్పణలో యునానిమస్‌ ప్రొడక్షన్స్‌పై రూపొందుతున్న చిత్రం ‘అలియాస్‌ రుక్మిణీ’. తొట్ట తొలి చిత్రం ‘దండోరా’తోనే విమర్శకులను ఆకట్టుకున్న మురళీకాంత్‌ ఈ చిత్రానికి రచన, దర్శకత్వం వహిస్తున్నారు. ఒక ఆసక్తికరమైన కథతో కూడిన విలక్షణమైన ప్రపంచాన్ని ఆవిష్కరించేలా ఉంటుంది ఈ చిత్రం. ఈ సినిమాలో నితిన్‌ చాలా విలక్షణమైన పాత్రలో నటిస్తున్నారు’’ అని చిత్రబృందం తెలిపింది. ఫ్యామిలీ ప్యాక్‌... హీరో శ్రీ విష్ణు–డైరెక్టర్‌ రామ్‌ అబ్బరాజు కాంబినేషన్‌లో వచ్చిన ‘సామజవరగమన’ (2023) చిత్రం ఘన విజయం సాధించిన సంగతి తెలిసిందే. ఆ హిట్‌ మూవీ తర్వాత వీరి కాంబినేషన్‌లో రూపొందుతోన్న ద్వితీయ చిత్రం ‘ఫ్యామిలీ ప్యాక్‌’. ఈ సినిమాలో సాక్షి మధోల్కర్‌ హీరోయిన్ న్‌గా నటిస్తున్నారు. నరేష్‌ వీకే, అభిరామి, మురళీ శర్మ, అన్నపూర్ణమ్మ, వెన్నెల కిషోర్, సుదర్శన్, సత్య, రోహిణి, గెటప్‌ శ్రీను, మురళీధర్‌ గౌడ్, రఘుబాబు ఇతర పాత్రలు పోషిస్తున్నారు. మైత్రి మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మిస్తున్నారు. అనిల్‌ ఎర్నేని సహ నిర్మాతగా వ్యవహరిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. శ్రీ విష్ణుతో పాటు ఇతర నటీనటులపై కీలకమైన సీన్స్‌ తీస్తున్నారు రామ్‌ అబ్బరాజు. ఈ మూవీ 2027 సంక్రాంతికి విడుదల కానుంది.– డేరంగుల జగన్‌ మోహన్‌

వెంకటేశ్ హీరోగా నటించిన లేటేస్ట్ మూవీ ఆదర్శ కుటుంబం (ఏకే47). ఈ చిత్రానికి త్రివిక్రమ్ దర్శకత్వం వహించారు. గాంధీ జయంతికి రిలీజ్‌ కావాల్సిన ఈ మూవీ వాయిదా వేశారు. వచ్చేనెల 9న థియేటర్లలో విడుదల కానుంది. ఇప్పటికే విడుదలైన టీజర్‌, నారాయణమ్మ సాంగ్‌ మంచి హైప్‌ని క్రియేట్‌ చేశారు. దీనిలో భాగంగానే మూవీ ప్రమోషన్స్‌ కూడా ఇప్పటికే మొదలు పెట్టేశారు. ఈ సందర్భంగా డైరెక్టర్‌ త్రివిక్రమ్‌ చేసిన వ్యాఖ్యలు వైరల్‌ అవుతున్నాయి.మీ తండ్రి ఎలా ప్రవర్తించేవారు?యాంకర్‌ సుమ చదువు విషయంలో తండ్రి ఎలా ప్రవర్తించేవారు అని వెంకటేశ్‌కు అడిగిన ప్రశ్నకు త్రివిక్రమ్‌ బదులిస్తూ..‘ మా నాన్న గోడకేసి కొట్టేసేవారు. బహుశా ఇలా వెంకటేశ్‌కి జరగలేదేమో. మా నాన్న ఇవతల రూంలో కొడితే నేను అవతల రూంలో పడేవాడిని. అప్పట్లో ఆయన ఫుట్‌బాల్‌ ఆడుంటే ఇండియాకి మంచి పేరు వచ్చేదేమో’ అని చెప్తూ నవ్వులు పూయించారు. అంతేకాకుండా ఎన్టీఆర్‌తో తరువాత సినిమాపై అప్‌డేట్‌ అడగ్గా కచ్చితంగా ఉంటుందని.. ఇప్పటికే కథ రెడీ చేసినట్లు త్రివిక్రమ్‌ వెల్లడించారు. ఇదీ చదవండి: మహేశ్‌బాబు, కృష్ణ కలిసి ఫైట్‌ చేస్తే ఎలా ఉంటుదో తెలుసా..?#AK47 మా నాన్న గోడకేసి కొట్టేసేవారు...ఫుట్ బాల్ ఆడేసావారు-త్రివిక్రమ్ శ్రీనివాస్ pic.twitter.com/dtD9K4Zh84— devipriya (@sairaaj44) September 29, 2026

వెంకటేశ్‌–త్రివిక్రమ్‌ కాంబినేషన్‌లో తెరకెక్కిన చిత్రం ‘ఆదర్శ కుటుంబం’. అక్టోబర్‌ 9న ప్రేక్షకుల ముందుకు రానున్న ఈ సినిమాపై ఇప్పటికే ఆసక్తి నెలకొంది. ఇటీవల విడుదలైన టీజర్‌ ఆకట్టుకోగా.. తాజాగా చిత్రంలోని తొలి పాటను విడుదల చేశారు. ఈ సందర్భంగా హైదరాబాద్‌లో నిర్వహించిన కార్యక్రమంలో దర్శకుడు త్రివిక్రమ్‌ శ్రీనివాస్‌ హీరో వెంకటేశ్‌పై చేసిన వ్యాఖ్యలు వైరల్‌గా మారాయి. ‘కవి సమయం కాదు.. సంగీత సమయం. అందుకే ఎక్కువగా మాట్లాడను’ అంటూ తన ప్రసంగాన్ని ప్రారంభించిన త్రివిక్రమ్‌.. వెంకటేశ్‌ తన ఫెవరెట్‌ హీరో అని తెలిపారు.ఇదీ చదవండి: ముగ్గురు భామలతో వెంకీ డ్యాన్స్.. 'నారాయణమ్మ' సాంగ్ రిలీజ్వెంకటేశ్‌ నా ఫెవరెట్‌ హీరో..‘వెంకటేశ్‌ నా ఫెవరెట్‌ హీరో. ఇండస్ట్రీకి వచ్చిన కొత్తలో నేను పెన్ను పెట్టి రాసిన మొదటి డైలాగ్‌ ఆయన సినిమాకే. అదే ‘పవిత్ర బంధం’. నా జర్నీ ఆయనతోనే మొదలైంది. అందుకే నేను ఆయనకు ఎప్పటికీ కృతజ్ఞుడినే. నిజానికి అప్పట్లో నేను ఎవరో ఆయనకు తెలియదు. తర్వాత ‘నువ్వు నాకు నచ్చావ్‌’ సినిమా సమయంలో మళ్లీ నన్ను గుర్తు చేసుకున్నారు’ అని త్రివిక్రమ్‌ చెప్పారు.అలా తన సినీ ప్రయాణం వెంకటేశ్‌తోనే మొదలైందని గుర్తుచేసుకున్న ఆయన.. ఇప్పటికీ వెంకటేశ్‌ దగ్గర తనకు భయం ఉంటుందని చెప్పడం ఆసక్తికరంగా మారింది.‘ఎందుకో తెలియదు.. ఆయన దగ్గర నాకు భయం ఉంటుంది. బహుశా గౌరవంతో కూడిన ఇష్టం వల్ల వచ్చిన భయం అయి ఉంటుంది’ అంటూ త్రివిక్రమ్‌ చెప్పడంతో నవ్వులు పూశాయి. ఇదీ చదవండి: కేసీఆర్‌ది 4 నిమిషాలే.. థియేటర్‌లో దద్దరిల్లింది.. చూసుకోండి మరి..: కేటీఆర్‌

వెంకటేశ్ హీరోగా నటించిన లేటేస్ట్ మూవీ ఆదర్శ కుటుంబం (ఏకే47). ఈ చిత్రానికి త్రివిక్రమ్ దర్శకత్వం వహించారు. గాంధీ జయంతికి రిలీజ్‌ కావాల్సిన ఈ మూవీ వాయిదా వేశారు. వచ్చేనెల 9న థియేటర్లలో విడుదల కానుందని మేకర్స్ ప్రకటించారు.రిలీజ్ డేట్‌ ప్రకటించిన మేకర్స్ ప్రమోషన్స్‌తో ఫుల్ బిజీగా ఉన్నారు. చెప్పిన డేట్‌కే రిలీజ్‌ చేసేలా కనిపిస్తున్నారు. ప్రమోషన్లలో భాగంగానే ఈ రోజు ఫస్ట్ సింగిల్ విడుదల చేయనున్నారు. ఇప్పటికే రావాల్సిన ఈ సాంగ్‌ కూడా వాయిదా పడుతూ వస్తోంది. ఈ నేపథ్యంలోనే ఈ సినిమా మరోసారి వాయిదా పడనుందని సోషల్ మీడియాలో టాక్ వినిపిస్తోంది.కానీ ప్రమోషన్స్ జోరు చూస్తుంటే ఆదర్శ కుటుంబం వాయిదా పడేలా కనిపించడం లేదు. ఇప్పటికే ఓవర్సీస్ బుకింగ్‌లు కూడా ప్రారంభమయ్యాయి. ఇది సినిమా షెడ్యూల్ ప్రకారం థియేట్రికల్ విడుదల కానుందని స్పష్టంగా అర్థమవుతోంది. దీంతో మరోసారి ఆదర్శ కుటుంబం వాయిదా పడుతుందన్న వార్తల్లో ఎలాంటి నిజం లేదని తెలుస్తోంది. కాగా.. ఈ చిత్రంలో శ్రీనిధి శెట్టి, నివేదా పేతురాజ్, డింపుల్ హయాతి హీరోయిన్లుగా నటించారు. ఈ మూవీలో పూజిత పొన్నాడ, రావు రమేష్, సత్య కీలక పాత్రలు పోషించారు. ఈ సినిమాకు తమన్ సంగీతం అందిస్తున్నారు.

విక్టరీ వెంకటేశ్–త్రివిక్రమ్ కాంబినేషన్ అనగానే ఒకప్పుడు భారీ క్రేజ్ కనిపించింది. ఈ ఇద్దరి కాంబోలో సినిమా వస్తుందనే వార్తలతోనే సోషల్ మీడియాలో సందడి నెలకొంది. అప్పట్లో వచ్చిన ‘నువ్వు నాకు నచ్చావ్’, ‘మల్లీశ్వరి’ తరహాలో మరో సినిమా వస్తుందంటూ సినీ అభిమానులు భారీ అంచనాలు పెట్టుకున్నారు. అయితే ఇప్పుడు ‘ఆదర్శ కుటుంబం’ విడుదలకు మరో రెండు వారాలు మాత్రమే ఉంది. కానీ ప్రస్తుతం ఆ స్థాయి బజ్ మాత్రం కనిపించడం లేదనే చర్చ సోషల్ మీడియాలో మొదలైంది. ఈ సినిమా షూటింగ్ పూర్తయినా ప్రమోషన్స్ మాత్రం ఆశించిన స్థాయిలో లేవనే చెప్పాలి. ఇప్పటికే రావాల్సిన ఈ సినిమా పాటలు విడుదల కాలేదు. ట్రైలర్ కూడా ఇంకా రాలేదు. దీంతో సినిమాపై ఉండాల్సిన ఆసక్తి క్రమంగా తగ్గుతోందనే అభిప్రాయాలు వినిపిస్తున్నాయి.అయితే ఈ మధ్య కాలంలో భారీ అంచనాలతో వస్తున్న సినిమాలు వరుసగా నిరాశపరుస్తున్నాయి. ఈ నేపథ్యంలో కావాలనే ఈ సినిమాను లో-ప్రొఫైల్‌లో ఉంచుతున్నారా? లేక విడుదలకు ముందు ఒక్కసారిగా ప్రమోషన్స్ పెంచాలనే ఆలోచనలో ఉన్నారా? అనేది ప్రస్తుతం ఆసక్తికరంగా మారింది. మరోవైపు వెంకటేశ్–త్రివిక్రమ్ కాంబినేషన్‌కు సంబంధించిన కామన్ ఇంటర్వ్యూ కూడా ముందుగానే షూట్ చేసినట్టు వార్తలు వస్తున్నాయి. అయినప్పటికీ ఇప్పటివరకు ఈ చిత్రం నుంచి పెద్దగా అప్‌డేట్స్ లేకపోవడం చర్చనీయాంశంగా మారింది. ‘ఆదర్శ కుటుంబం’ రిలీజ్‌కు ఇంకా సరిగ్గా రెండు వారాలు మాత్రమే సమయం ఉంది. ఈ నేపథ్యంలో ఇకపై ప్రమోషన్స్ ఎలా ఉంటాయో, ఈ సినిమాపై బజ్‌ను మేకర్స్ ఎలా పెంచుతారో చూడాలి.

విక్టరీ వెంకటేష్ - త్రివిక్రమ్‌ కాంబోలో తెరకెక్కుతున్న తాజా చిత్రం ‘ఆదర్శ కుటుంబం..AK47’ . ఈ సినిమాలో శ్రీనిధి శెట్టి కథానాయికగా నటిస్తుండగా నారా రోహిత్ కీలక పాత్రలో నటిస్తున్నాడు. ఇప్పటికే ఈ చిత్రం నుంచి రిలీజైన పోస్టర్స్, గ్లిమ్స్ ప్రేక్షకులను విశేషంగా ఆకట్టుకున్నాయి. దసరా కానుకగా ఈ సినిమాను అక్టోబర్ 2 న రిలీజ్ చేయడానికి మేకర్స్ ముందుగానే ప్లాన్ చేశారు.దానికి తగ్గట్లుగానే రిలీజ్ డేట్ ని కూడా అనౌన్స్ చేశారు. కానీ ఇప్పుడు సడెన్‌గా విడుదల తేదిని మార్చేశారు. తొలుత ప్రకటించిన తేదీ కంటే వారం ఆలస్యంగా, ఈ చిత్రాన్ని అక్టోబర్ 9, 2026న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ వెల్లడించారు.ప్రేక్షకులకు సంపూర్ణ వినోదానుభూతిని అందించాలనే ఉద్దేశంతో చిత్ర విడుదలను వారం రోజుల పాటు వాయిదా వేసినట్లు చిత్రబృందం ప్రకటించింది. ఇటీవల విడుదలైన ఈ సినిమా టీజర్‌కు ప్రేక్షకుల నుంచి విశేష స్పందన లభించింది. మధ్యతరగతి కుటుంబ నేపథ్యంలో వెంకటేష్ పాత్రను పరిచయం చేస్తూ.. హాస్యం, భావోద్వేగాలు, యాక్షన్ అంశాలతో టీజర్ ఆకట్టుకుంది. ఈ నేపథ్యంలో సినిమాపై ప్రేక్షకుల్లో మరింత ఆసక్తి నెలకొంది. #AadarshaKutumbam will be taking a little more time to deliver the entertainment and experience we have promised you. The film will now release worldwide on 9th OCT ❤️We know the wait has been a little longer than expected and we sincerely apologise for the delay 🙏First… pic.twitter.com/ydePAw6ElS— Naga Vamsi (@vamsi84) September 22, 2026

సైమా అవార్డుల వేడుక (సౌత్‌ ఇండియన్‌ ఇంటర్‌నేషనల్‌ మూవీ అవార్డ్స్‌–2026) బెంగళూరులోని కోరమంగళ ఇండోర్‌ స్టేడియం వేదికగా ఈ నెల 12, 13 తేదీల్లో జరిగింది. తొలి రోజు తెలుగు, కన్నడ భాషల్లో ఉత్తమ ప్రతిభ కనబరిచిన నటీనటులు, సాంకేతిక నిపుణులకు అవార్డులను ప్రదానం చేయగా, రెండో రోజు తమిళ, మలయాళ భాషల చిత్రాల్లో ప్రతిభ చూపిన ఆర్టిస్టులు, టెక్నిషియన్స్‌కు అవార్డుల ప్రదానం జరిగింది. తెలుగులో ‘సంక్రాంతికి వస్తున్నాం’ (2025) సినిమా ఆరు విభాగాల్లో అవార్డులు సాధించింది. నాలుగు విభాగాల్లో ‘మిరాయ్‌’ సినిమాకు అవార్డులు లభించాయి. బెస్ట్‌ ఎంటర్‌టైనర్‌ అవార్డు వెంకటేశ్‌కి, ‘తండేల్‌’ సినిమాలోని నటన నాగచైతన్యకు బెస్ట్‌ యాక్టర్‌ అవార్డు తీసుకువస్తే, ‘మిరాయ్‌’ చిత్రానికిగానూ తేజ సజ్జాకు క్రిటిక్స్‌ బెస్ట్‌ యాక్టర్‌ అవార్డు లభించింది. ఉత్తమ చిత్రంగా ‘మిరాయ్‌’ నిలవగా, ఉత్తమ దర్శకుడి అవార్డును ‘సంక్రాంతికి వస్తున్నాం’ సినిమాకుగానూ అనిల్‌ రావిపూడి అందుకున్నారు. క్రిటిక్స్‌ బెస్ట్‌ యాక్ట్రస్‌ అవార్డు నటి ఐశ్వర్యా రాజేష్‌ (‘సంక్రాంతికి వస్తున్నాం’)కు లభించింది. 2025లో విడుదలైన దక్షిణాది సినిమాలకు అవార్డులను ప్రదానం చేశారు.

వెంకటేశ్ హీరోగా త్రివిక్రమ్ దర్శకత్వంలో తీస్తున్న సినిమా 'ఆదర్శ కుటుంబం'. శ్రీనిధి శెట్టి హీరోయిన్. తాజాగా టీజర్ విడుదల చేసి థియేటర్లలోకి వచ్చే విషయంలో క్లారిటీ ఇచ్చేశాడు. అక్టోబరు 02న ఈ మూవీ ప్రేక్షకుల ముందుకు రానుంది.టీజర్‌ విషయానికొస్తే.. కుటుంబ నేపథ్యంతో కూడిన వినోదం, యాక్షన్, చమత్కారమైన సంభాషణలతో ఆద్యంతం ఆకట్టుకునేలా ఉంది. మధ్యతరగతి కుటుంబం.. ఆ కుటుంబంలో చోటుచేసుకునే సరదా సంఘటనలు.. వాటి చుట్టూ అల్లుకున్న వినోదం.. ఇలా ‘ఆదర్శ కుటుంబం – AK47’ ప్రపంచాన్ని టీజర్ ఆసక్తికరంగా పరిచయం చేసింది. వెంకటేష్ తనదైన కామెడీ టైమింగ్‌తో అలరించగా, త్రివిక్రమ్ శ్రీనివాస్ మార్క్‌ చమత్కారమైన రచన, పదునైన సంభాషణలు ప్రత్యేక ఆకర్షణగా నిలిచాయి. అదే సమయంలో టీజర్‌లోని ఎనర్జిటిక్ యాక్షన్ సన్నివేశాలు సినిమాపై మరింత ఆసక్తిని పెంచుతున్నాయి.

సాక్షి, రాజమహేంద్రవరం: డాక్టర్‌ ప్రియాంక హత్య కేసులో పోలీసుల దర్యాప్తుపై నమ్మకం లేదని ఆమె తండ్రి వెంకటేశ్‌ ఆరోపించారు. శుక్రవారం రాజమహేంద్రవరంలో వైఎస్సార్‌ సీపీ ప్రచార కమిటీ నేతృత్వంలో నిర్వహించిన రౌండ్‌ టేబుల్‌ సమావేశంలో ఆయన మాట్లాడారు. ‘‘దర్యాప్తు కోసం స్పెషలాఫీసర్‌ను నియమించామని ప్రభుత్వం హడావుడి చేసింది. ఆయనేమో వారం పది రోజుల నుంచి సెలవులో ఉన్నారు. ఇలా అయితే దర్యాప్తు ఎలా ముందుకు సాగుతుంది’’ అని వెంకటేశ్‌ మండిపడ్డారు. తాము మూడు రోజులుగా వివరాలు సేకరిస్తుంటే, ఎవరూ సహకరించడం లేదన్నారు. స్వతంత్ర హాస్పిటల్, ప్రసాద్‌ ఐమ్యాక్స్‌ యాజమాన్యాలు సీసీ కెమెరాల ఫుటేజీ ఇచ్చేందుకు నిరాకరిస్తున్నాయని తెలిపారు. ‘పోలీసుల వద్ద ప్రత్యక్ష సాక్షుల వివరాలు లేవు. ఇలాగైతే నిందితులకు ఎప్పుడు శిక్ష పడుతుంది. నిందితులను మూడు రోజులపాటు రక్షించిన రాజకీయ నాయకులు, పోలీసులను కూడా శిక్షించాలి. రాష్ట్రంలో యువత గంజాయి మత్తులో అకృత్యాలకు పాల్పడుతున్నారు. రేయింబవళ్లూ కష్టపడి చదివి పీజీ సీటు సంపాదించుకున్న నా కుమార్తెను దారుణంగా హతమార్చారు. నా బిడ్డ డాక్టర్‌గా కొద్ది రోజుల్లో ఇంటికి వస్తుందనుకుంటే శవాన్ని పంపించారు’ అని ఆయన ఆందోళన వ్యక్తం చేశారు. తన బిడ్డకి జరిగినట్లు ఎవరికీ జరగకూడదని, ఏ తండ్రికీ కడుపుకోత రాకూడదని ఆవేదన వ్యక్తం చేశారు. సమాజానికి ప్రాణం తీసేవాళ్లు కావాలా? ప్రాణం పోసే వాళ్లు కావాలా? తమకు న్యాయం జరగకపోతే ఇలాంటి రాక్షసులు మరింతగా రెచ్చిపోతారని అన్నారు. కేసు దర్యాప్తు విషయంలో పోలీసు వ్యవస్థ పూర్తిగా నిందితులకు కొమ్ముకాస్తోందని ఆయన ఆరోపించారు.

వెంకటేష్, కల్యాణ్‌ రామ్‌ హీరోలుగా అనిల్‌ రావిపూడి దర్శకత్వంలో రూపొందుతున్న సినిమా ‘జనవరి 12 విడుదల’. కీర్తీ సురేష్, కృతీ శెట్టి హీరోయిన్స్‌గా నటిస్తున్నారు. అర్చన, జీ స్టూడియోస్, సురేష్‌ ప్రోడక్షన్స్‌ సమర్పణలో సాహు గార పాటి నిర్మిస్తున్నారు. ఈ సినిమా చిత్రీకరణ మైసూర్‌లో జరుగుతోందని తెలిసింది. వెంకటేశ్, కల్యాణ్‌ రామ్‌లతో పాటు ప్రధాన తారాగణం పాల్గొంటుండగా ఓ పాటను చిత్రీకరిస్తున్నారు మేకర్స్‌. అలాగే కొన్ని కీలక సన్నివేశాలను కూడా చిత్రీకరించడానికి ప్లాన్‌ చేస్తున్నారట అనిల్‌ రావిపూడి.

వెంకటేష్‌ హీరోగా త్రివిక్రమ్‌ దర్శకత్వంలో రూపొందుతున్న సినిమా ‘ఆదర్శ కుటుంబం హౌస్‌ నెం: 47 – ఏకే47’. ఈ చిత్రంలో శ్రీనిధి శెట్టి హీరోయిన్‌గా నటిస్తున్నారు. కాగా వెంకటేష్‌ హీరోగా నటించిన సూపర్‌హిట్‌ మూవీ ‘కూలీ నెం1’లోని పాపులర్‌ సాంగ్‌ ‘దండాలయ్యా ఉండ్రాళ్ళయ్యా దయుంచయ్యా దేవా’ను ‘ఆదర్శ కుటుంబం’ సినిమా కోసం రీమిక్స్‌ చేయాలనే ఆలోచనలో ఉన్నారని సమాచారం. ఒకవేళ ఈ పాటను రీమిక్స్‌ చేసినట్లయితే వెంకటేష్‌ అభిమానులకు మరోసారి ఫెస్టివల్‌ ఫీస్ట్‌ ఇచ్చినట్లు అవుతుందని చెప్పాచ్చు. మరి... వార్తల్లో ఉన్నట్లు ‘దండలయ్యా...’ని రీమిక్స్‌ చేస్తున్నారా? లేదా అనేది తెలియాలంటే కొంత కాలం ఆగాల్సిందే. హారిక అండ్‌ హాసిని క్రియేషన్స్‌పై ఎస్‌. రాధాకృష్ణ (చినబాబు) ఈ సినిమాను నిర్మిస్తున్నారు. ఈ ఏడాది అక్టోబరు 2న ఈ సినిమాను రిలీజ్‌ చేయనున్నట్లు గతంలో మేకర్స్‌ ప్రకటించారు. కానీ ఆ తేదీకి విడు దల కాకపోవచ్చని, అదే నెలలో 9 లేదా 16న విడుదలయ్యే అవకాశం ఉందనే ప్రచారం సాగుతోంది. అయితే ఈ విషయంపై అధికారిక సమాచారం అందాల్సి ఉంది.

విక్టరీ వెంకటేష్, మాటల మాంత్రికుడు, దర్శకుడు త్రివిక్రమ్ కాంబినేషన్‌లో తెరకెక్కుతున్న ‘ఆదర్శ కుటుంబం’పై భారీ అంచనాలున్నాయి. ఈ సినిమాలో వెంకీ నటించిన ‘కూలీ నంబర్ 1’లోని ఎవర్‌గ్రీన్ సాంగ్‌ ‘దండాలయ్యా ఉండ్రాలయ్యా’ పాటను రీమిక్స్ చేస్తున్నట్లు టాక్ వినిపిస్తోంది.ప్రతి ఏడాది వినాయక చవితి వేడుకల్లో వినిపించే ఎంతో ఫేమస్ అయిన ఈ పాటను కొత్త బీట్‌తో ప్రేక్షకుల ముందుకు తీసుకురానున్నారట. సంగీత దర్శకుడు తమన్ ఈ పాటను తనదైన స్టైల్‌లో సిద్ధం చేస్తున్నట్లు సమాచారం. అయితే ఈ సినిమాలో ఏ సందర్భంలో ఈ పాటను పెట్టారన్నది ఆసక్తికరంగా మారింది.శ్రీనిధి శెట్టి హీరోయిన్‌గా నటిస్తున్న ఈ చిత్రంలో నారా రోహిత్, రావు రమేష్, బ్రహ్మాజీ కీలక పాత్రల్లో కనిపించనున్నారు. హారిక అండ్ హాసిని క్రియేషన్స్‌పై రాధాకృష్ణ నిర్మిస్తున్న ఈ సినిమా అక్టోబర్ తొలి వారంలో విడుదల కానుంది.

తెలుగు చిత్ర పరిశ్రమకు సంక్రాంతి సీజన్‌ అంటే చాలా ప్రత్యేకం అని చెప్పాలి. తెలుగు లోగిళ్లలో ముగ్గుల పండగ వేళ విందూ వినోదాల్లో కొత్త సినిమాలది కూడా ఒక భాగమే. ఇండస్ట్రీకే కాదు... తెలుగు ప్రేక్షకులకు కూడా ముఖ్యమైన పండగ అంటే సంక్రాంతి. ఆ సమయంలో కుటుంబ సమేతంగా సినిమాలకు వెళ్లి సరదాగా ఎంజాయ్‌ చేస్తుంటారు ఆడియన్స్‌. ఈ టైమ్‌లో వచ్చే మూవీస్‌లో చాలా వరకు కమర్షియల్‌ సక్సెస్‌లు అందుకుంటాయి. అందుకే హీరోలు, దర్శక– నిర్మాతలందరూ తమ సినిమాలని సంక్రాంతి రేసులో ప్రేక్షకుల ముందుకి తీసుకు రావాలని ప్లాన్‌ చేస్తుంటారు. పైగా ఈ సమయంలో విడుదలయ్యే చిత్రాలకు మంచి వసూళ్లు రాబట్టుకోవచ్చన్నది మేకర్స్‌ ఆలోచన. పండగకి వచ్చే సినిమాల్లో ‘ఫలానా సినిమా’ బాగుందనే టాక్‌ వచ్చిందంటే ఇక బాక్సాఫీస్‌ వద్ద కలెక్షన్ల సునామీనే. అందుకే స్టార్‌ హీరోల దగ్గర నుంచి యువ హీరోల వరకూ సంక్రాంతి పోటీకి సై అంటుంటారు. 2027 సంక్రాంతి మరో నాలుగు నెలలు ఉండగానే పలు చిత్రాలు ఇప్పటికే విడుదల తేదీలను ఖరారు చేసుకున్నాయి. మరికొన్ని ప్రాజెక్టులు కూడా సంక్రాంతి రేసులో ఉండేందుకు ముస్తాబవుతున్నాయి. చిరంజీవి, వెంకటేశ్‌–కల్యాణ్‌ రామ్, రవితేజ, శర్వానంద్, సాయిదుర్గా తేజ్‌ వంటి హీరోలు ఈ సంక్రాంతికి ప్రేక్షకుల ముందుకు వచ్చేందుకు కర్చీఫ్‌ వేసేశారు. బాలకృష్ణ, నాగార్జున, రజనీకాంత్, సూర్య వంటి హీరోలు కూడా సంక్రాంతి పోటీలో నిలిచేందుకు సమాయత్తమవుతున్నారు. మరి... సంక్రాంతి బరిలో నిలిచిన, నిలవనున్న సినిమాలేంటో చూద్దాం. 13న కాకా రాక చిరంజీవి హీరోగా నటిస్తున్న తాజా చిత్రం ‘కాకా’. ‘వాల్తేరు వీరయ్య’ వంటి హిట్‌ ఫిల్మ్‌ తర్వాత హీరో చిరంజీవి, దర్శకుడు బాబీ (కేఎస్‌ రవీంద్ర) కాంబోలో రూపొందుతున్న సినిమా ‘కాకా’. ఈ చిత్రంలో నివేతా పేతురాజ్, అనశ్వరా రాజన్ , సునీల్, గెటప్‌ శ్రీను ఇతర పాత్రల్లో నటిస్తున్నారు. కేవీఎన్‌ ప్రోడక్షన్స్ పై వెంకట్‌ కె. నారాయణ నిర్మిస్తున్న ఈ సినిమాని సంక్రాంతి సందర్భంగా జనవరి 13న ప్రపంచవ్యాప్తంగా విడుదల చేయనున్నట్లు మేకర్స్‌ ప్రకటించిన సంగతి తెలిసిందే. ఆగస్టు 22న చిరంజీవి బర్త్‌ డే సందర్భంగా విడుదల చేసిన టైటిల్‌ గ్లింప్స్‌కి మంచి స్పందన వచ్చినట్లు యూనిట్‌ పేర్కొంది.‘‘తండ్రీ కూతుళ్ల ఎమోషన్ నేపథ్యంలో ‘కాకా’ కథనం సాగుతుంది. చిరంజీవి తన స్క్రీన్‌ ప్రెజెన్స్ తో మెస్మరైజ్‌ చేస్తారు. చిరంజీవిని రెండు విభిన్నమైన లుక్స్‌లో ప్రజెంట్‌ చేస్తున్నారు బాబీ. మిడిల్‌ క్లాస్‌ అవతార్‌లో చిరంజీవి చాలా సహజమైన చార్మ్‌తో, యంగ్‌ వెర్షన్ లో తన యాటిట్యూడ్, ఎనర్జీతో ఆకట్టుకుంటారు. సినిమాటోగ్రాఫర్‌ విజయ్‌ కార్తీక్‌ కన్నన్‌ తన డైనమిక్‌ విజువల్స్‌తో గ్లింప్స్‌ను మరింత ఆసక్తికరంగా మలిచారు.ఎస్‌. తమన్‌ అందించిన బ్యాక్‌గ్రౌండ్‌ స్కోర్‌ గ్లింప్స్‌ ఇంటెన్సిటీని మరింత పెంచింది. ‘గ్యాంగ్‌ లీడర్‌’ మూవీలోని ఐకానిక్‌ ‘గ్యాంగ్‌ గ్యాంగ్‌’ పాటను రీమిక్స్‌ చేసి ఉపయోగించడం నోస్టాల్జియాతో పాటు చిరంజీవి స్టైల్‌కు మరింత స్వాగ్‌ను జోడించింది. టైటిల్‌ గ్లింప్స్‌ తర్వాత ‘కాకా’ పై అంచనాలు పెరిగాయి’’ అని చిత్రయూనిట్‌ పేర్కొంది.జనవరి 12 విడుదల వెంకటేష్‌–కల్యాణ్‌ రామ్‌ హీరోలుగా ఓ మల్టీస్టారర్‌ మూవీ తెరకెక్కుతోన్న సంగతి తెలిసిందే. అనిల్‌ రావిపూడి దర్శకత్వం వహిస్తున్న ఈ చిత్రానికి ‘జనవరి 12 విడుదల’ అనే టైటిల్‌ని ఫిక్స్‌ చేశారు. ఈ సినిమాలో వెంకటేష్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి నటిస్తున్నారు. సురేష్‌ ప్రోడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్ బ్యానర్‌పై సాహు గారపాటి నిర్మిస్తున్నారు. ఈ మూవీకి ‘జనవరి 12 విడుదల’ (బావ బామ్మర్ది సౌజన్యంతో అన్నది ట్యాగ్‌లైన్‌) అనే టైటిల్‌ను ఖరారు చేసి, సినిమాని కూడా జనవరి 12 విడుదల చేయనున్నట్లు ఓ ఫన్నీ వీడియోను ఇటీవల రిలీజ్‌ చేసిన సంగతి తెలిసిందే.‘‘దగ్గుబాటి, నందమూరి కుటుంబాల నుంచి వచ్చిన స్టార్స్‌ని కలిపి ‘జనవరి 12 విడుదల’ చిత్రాన్ని ఒక క్లీన్, టిపికల్‌ ఎంటర్‌టైనర్‌గా అందరికీ కనెక్ట్‌ అయ్యే కథాంశంతో రూపొందిస్తున్నారు అనిల్‌ రావిపూడి. అనిల్‌ ట్రేడ్‌ మార్క్‌ స్టయిల్, హ్యూమర్, ఎమోషన్స్, ఎంటర్‌టైన్‌మెంట్‌తో రూపొందుతున్న ఈ సినిమా అన్ని వర్గాల ప్రేక్షకులతో కనెక్ట్‌ అయ్యే కంప్లీట్‌ ఎంటర్‌టైనర్‌గా ఉంటుంది.వెంకటేష్, కల్యాణ్‌ రామ్‌ ఫస్ట్‌ లుక్స్‌ ఇప్పటికే ఈ సినిమాపై ఆసక్తిని పెంచాయి. వెంకటేష్, కల్యాణ్‌ రామ్‌ మధ్య సినిమాలో ఉండే రిలేషన్ ను హైలెట్‌ చేస్తూ ‘బావ బామ్మర్ది సౌజన్యంతో’ అనే ఇంట్రెస్టింగ్‌ ట్యాగ్‌లైన్ ని పెట్టడం జరిగింది. మా సినిమా 2027 సంక్రాంతికి ఫెస్టివ్‌ ట్రీట్‌గా నిలవనుంది. జీవీ ప్రకాష్‌కుమార్‌ సంగీతం సినిమాకి అదనపు ఆకర్షణగా నిలుస్తుంది’’ అని మేకర్స్‌ పేర్కొన్నారు. దాగుడు మూతల దండాకోర్‌? ‘ఇరుముడి’ సినిమాతో బ్లాక్‌బస్టర్‌ అందుకున్న రవితేజ ఫుల్‌ జోష్‌లో ఉన్నారు. ఈ సక్సెస్‌ని ఎంజాయ్‌ చేస్తున్న ఆయన మరో ఆసక్తికరమైన ప్రాజెక్ట్‌కు సిద్ధమయ్యారు. రవితేజ హీరోగా నటించనున్న ఈ సినిమాకి హసిత్‌ గోలి దర్శకత్వం వహించనున్నారు. శ్రీ వెంకటేశ్వర క్రియేషన్స్ బ్యానర్‌పై ‘దిల్‌’ రాజు, శిరీష్‌ నిర్మించనున్న ఈ 64వ సినిమాకి ‘ఎస్‌వీసీ 64’ అనే వర్కింగ్‌ టైటిల్‌ని ఖరారు చేశారు. ఈ కొత్త ప్రాజెక్ట్‌ని మంగళవారం ప్రకటించారు మేకర్స్‌. అంతేకాదు... ఈ సినిమాని సంక్రాంతి కానుకగా జనవరి 14న ప్రపంచవ్యాప్తంగా థియేటర్లలోకి తీసుకురానున్నట్లు తెలి పారు.‘‘రవితేజ, హసిత్‌ గోలి కలిసి ఓ హార్డ్‌కోర్‌ ఎంటర్‌టైనర్‌ మూవీ చేయనున్నారు. తన ఎనర్జీ, కామెడీ టైమింగ్‌తో కమర్షియల్‌ ఎంటర్‌టైనర్లను రవితేజ మరో స్థాయికి తీసుకెళ్తే... వైవిధ్యమైన కథలు, హ్యూమర్‌తో హసిత్‌ గోలి తనకంటూ గుర్తింపు తెచ్చుకున్నారు. హసిత్‌ గోలి రూపొందించనున్న ఈ కామెడీ డ్రివెన్‌ కాన్సెప్ట్‌లో రవితేజ సరికొత్తగా కనిపిస్తారు. ఈ సంక్రాంతికి రవితేజ నుంచి రానున్న ఈ ఫుల్‌ లెంగ్త్‌ ఎంటర్‌టైనర్‌ ప్రేక్షకులను అలరించేలా ఉంటుంది. ఈ చిత్రానికి సంబంధించిన మిగతా నటీనటులు, సాంకేతిక నిపుణుల వివరాలను, టైటిల్‌ని త్వరలో వెల్లడిస్తాం’’ అని చిత్రబృందం తెలిపింది. ఇదిలా ఉంటే... ఈ చిత్రానికి ‘దాగుడు మూతల దండాకోర్‌’ అనే టైటిల్‌ని ఖరారు చేయనున్నారట మేకర్స్‌. 14న జార్జ్‌ క్రిష్‌ ‘నారి నారి నడుమ మురారి’, ‘బైకర్‌’ వంటి చిత్రాలతో వరుస విజయాలను అందుకున్న హీరో శర్వానంద్‌ తొలిసారిగా దర్శకుడు శ్రీను వైట్లతో కలిసి ఓ సినిమా చేస్తున్నారు. నిర్మాత అనిల్‌ సుంకర ఏటీవీ సమర్పణలో ఏకే ఎంటర్‌టైన్‌మెంట్స్‌ బ్యానర్‌పై రామబ్రహ్మం సుంకర ఈ చిత్రాన్ని నిర్మిస్తుండగా, అజయ్‌ సుంకర సహ నిర్మాతగా వ్యవహరిస్తున్నారు. ఈ నెల 16న ప్రారంభమైన ఈ సినిమాకి ‘జార్జ్‌ క్రిష్‌’ అనే టైటిల్‌ ఫిక్స్‌ చేయడంతో పాటు జనవరి 14 సంక్రాంతికి రిలీజ్‌ చేస్తున్నట్లు మేకర్స్‌ తెలి పారు. ‘‘పూర్తి స్థాయి కుటుంబ కథా చిత్రంగా రూపొందుతున్న సినిమా ‘జార్జ్‌ క్రిష్‌’.‘శతమానం భవతి, ఎక్స్‌ప్రెస్‌ రాజా, నారి నారి నడుమ మురారి’ వంటి చిత్రాలతో పండుగ సీజన్ లో గుర్తుండిపోయే విజయాలను అందుకున్న శర్వాకు సంక్రాంతి సెంటిమెంట్‌ చాలా ప్రత్యేకమైనది. ఆ సెంటిమెంట్‌ను కొనసాగిస్తూ ‘జార్జ్‌ క్రిష్‌’ చిత్రాన్ని సంక్రాంతి పండుగ సీజన్ లో విడుదల చేస్తున్నాం. సంక్రాంతి సీజన్‌లో శర్వాకు ఉన్న విజయ వంతమైన ట్రాక్‌ రికార్డ్, కుటుంబ ప్రేక్షకులను అలరించే చిత్రాలకు శ్రీను వైట్లకు ఉన్న పేరు, ఆసక్తిని రేకెత్తించేలా ఆకర్షణీయంగా రూపొందించిన టైటిల్‌... ఇలా వీటన్నింటితో ‘జార్జ్‌ క్రిష్‌’ పూర్తి స్థాయి పండగ వినోద చిత్రంగా రూపుదిద్దుకుంటోంది. ఈ చిత్రానికి కె.వి. గుహన్‌ సినిమాటోగ్రఫీ బాధ్యతలు నిర్వహిస్తుండగా, అనూప్‌ రూబెన్స్ సంగీతం సమకూరుస్తున్నారు’’ అన్నారు మేకర్స్‌. 8న మహాకాళి ‘హను–మాన్‌’ మూవీ ఫేమ్‌ డైరెక్టర్‌ ప్రశాంత్‌ వర్మ సినిమాటిక్‌ యూనివర్స్‌లో (పీవీసీయూ) భాగంగా రూపొందిన ఫీమేల్‌ సూపర్‌ హీరో సినిమా ‘మహాకాళి’. భూమిశెట్టి ప్రధాన పాత్రలో నటించిన ఈ సినిమాలో అక్షయ్‌ ఖన్నా, రోహిత్‌ సరాఫ్, శ్రియా రెడ్డి, ఖుష్బూ సుందర్, రాకేష్‌ బేడీ, సముద్ర ఖని, జితిన్‌ గులాటి, రజత్‌ కపూర్, మురళీ శర్మ, నార్, బబ్లూ పృథ్వీరాజ్‌ ఇతర లీడ్‌ రోల్స్‌లో నటించారు.ఈ మైథాలజీ సినిమాకు ప్రశాంత్‌ వర్మ కథ అందించగా, పూజ అపర్ణ కొల్లూరు దర్శకత్వం వహిస్తున్నారు. ఆర్కేడీ స్టూడియోస్‌ బ్యానర్‌పై ఆర్కే దుగ్గల్, రివాజ్‌ రమేష్‌ దుగ్గల్‌ నిర్మిస్తున్న ఈ మూవీని ప్రపంచవ్యాప్తంగా జనవరి 8న రిలీజ్‌ చేయనున్నట్లు చిత్రబృందం ప్రకటించింది. ‘‘మోస్ట్‌ అవైటెడ్‌ హిస్టారికల్‌ స్పెక్టకిల్‌ మూవీ ‘మహాకాళి’. ఈ చిత్రంలో శుక్రాచార్యుడిగా అక్షయ్‌ ఖన్నా పవర్‌ఫుల్‌ పాత్రలో నటిస్తున్నారు. ఇటీవల విడుదల చేసిన గ్లింప్స్‌కి సూపర్‌ రెస్పాన్స్‌ వస్తోంది. ఇప్పటికే ఆయన ఫస్ట్‌ లుక్‌పై ఏర్పడిన క్యూరియాసిటీని ఈ గ్లింప్స్‌ మరింత పెంచింది.ధర్మం, అధర్మం మధ్య జరిగే మహా సంగ్రామాన్ని ఈ గ్లింప్స్‌ ప్రజెంట్‌ చేస్తోంది. ఇది కేవలం మంచి–చెడు మధ్య జరిగే పోరాటం కాదని, ఓ ప్రపంచ భవిష్యత్తునే నిర్ణయించే స్థాయిలో యుద్ధం ఉండబోతుందనే ఆసక్తిని కలిగిస్తోంది. శ్రియా రెడ్డి కూడా పవర్‌ఫుల్‌ లుక్‌లో కనిపిస్తారు. ‘హను–మాన్‌’ మూవీతో పీవీసీయూకు బలమైన పునాది వేసిన ప్రశాంత్‌ వర్మ భారతీయ ఇతిహాసాలను మోడరన్‌ విజువల్‌ ట్రీట్‌మెంట్‌తో తెరపై ఆవిష్కరించే ప్రయత్నాన్ని ‘మహాకాళి’తో మరింత భారీ స్థాయికి తీసుకెళ్తున్నారు’’ అని మేకర్స్‌ పేర్కొన్నారు. 12న సంబరాలు సాయిదుర్గా తేజ్‌ హీరోగా నటించిన తాజా చిత్రం ‘ఎస్‌వైజీ’ (సంబరాల ఏటిగట్టు). ఈ సినిమా ద్వారా రోహిత్‌ కేపీ దర్శకునిగా పరిచయమవుతుండగా ఐశ్వర్య లక్ష్మి హీరోయిన్‌గా నటించారు. ఈ మూవీలో జగపతిబాబు, సాయి కుమార్, శ్రీకాంత్, అనన్య నాగళ్ల ఇతర పాత్రలు పోషించారు. ప్రైమ్‌షో ఎంటర్‌టైన్ మెంట్‌పై ‘హను–మాన్‌’ వంటి బ్లాక్‌బస్టర్‌ మూవీ తెరకెక్కించిన కె. నిరంజన్‌ రెడ్డి, చైతన్య రెడ్డి నిర్మించారు. ఇటీవలే షూటింగ్‌ పూర్తి చేసుకున్న ఈ సినిమాని జనవరి 12 రిలీజ్‌ చేయనున్నట్లు మేకర్స్‌ ప్రకటించారు.‘‘యాక్షన్‌ డ్రామాగా రూపొందిన చిత్రం ‘ఎస్‌వైజీ’ (సంబరాల ఏటిగట్టు)’. ఇందులో సాయిదుర్గా తేజ్‌ పవర్‌ఫుల్‌ పాత్రలో కనిపిస్తారు. బలమైన భావోద్వేగ అంశాలతో పాటు అద్భుతమైన దృశ్యాలు, ఉత్కంఠభరితమైన సన్నివేశాలను మేళవించి ఈ చిత్రాన్ని ఒక ప్రతిష్టాత్మక యాక్షన్‌ డ్రామాగా తీర్చిదిద్దారు దర్శకుడు రోహిత్‌ కేపీ. ‘అసుర ఆగమన’ గ్లింప్స్, ఇతర ప్రమోషనల్‌ కంటెంట్‌కి వచ్చిన అద్భుతమైన స్పందనతో ఈ చిత్రం ఇప్పటికే భారీ అంచనాలను రేకెత్తించింది. షూ టింగ్‌ విజయవంతంగా ముగియడంతో ఆడియన్స్‌కి గొప్ప సినిమాటిక్‌ అనుభూతిని అందించడానికి పోస్ట్‌ ప్రోడక్షన్‌పై దృష్టి పెట్టాం’’ అని చిత్ర నిర్మాతలు పేర్కొన్నారు.⇒ అక్కినేని నాగార్జున హీరోగా నటిస్తున్న తాజా చిత్రం ‘కింగ్‌ 100’. తన కెరీర్‌లో మైల్‌ స్టోన్‌ మూవీగా తెరకెక్కుతోన్న ఈ మూవీకి పా. రంజిత్‌ దర్శకత్వం వహిస్తున్నారు. ఈ సినిమాలో టబు కీలక పాత్ర పోషిస్తున్నారు. అన్నపూర్ణ స్టూడియోస్‌పై అక్కినేని నాగార్జున నిర్మిస్తున్నారు. ప్రస్తుతం చిత్రీకరణ జరుపుకుంటున్న ఈ సినిమా విడుదల ఎప్పుడు అనే విషయంపై చిత్రయూనిట్‌ నుంచి ఎలాంటి అధికారిక ప్రకటన రాలేదు.ఈ మూవీని డిసెంబరులో విడుదల చేయనున్నారనే టాక్‌ ఫిల్మ్‌నగర్‌ సర్కిర్స్‌లో వినిపించింది. అయితే డిసెంబరులో తన తనయుడు నాగచైతన్య హీరోగా నటిస్తున్న ‘వృషకర్మ’ సినిమా ప్రేక్షకుల ముందుకు వస్తే... సంక్రాంతికి ‘కింగ్‌ 100’ని విడుదల చేయాలన్నది మేకర్స్‌ ఆలోచన అట. పైగా సంక్రాంతి పండగ అంటే నాగార్జునకు బాగా కలిసి వస్తుందనే సెంటిమెంట్‌ కూడా ఉంది. జనవరి 14న రిలీజ్‌ డేట్‌ ఫిక్స్‌ చేసే అవకాశం ఉందనే ప్రచారం జరుగుతోంది. ⇒ బాలకృష్ణ హీరోగా గోపీచంద్‌ మలినేని దర్శకత్వంలో ఓ సినిమా రూపొందుతోన్న సంగతి తెలిసిందే. బాలకృష్ణ నటిస్తున్న ఈ 111వ సినిమాకి ‘ఎన్‌బీకే 111’ అనే వర్కింగ్‌ టైటిల్‌ని ఫిక్స్‌ చేశారు. ‘వీరసింహా రెడ్డి’ వంటి హిట్‌ మూవీ తర్వాత బాలకృష్ణ–గోపీచంద్‌ మలినేని కాంబినేషన్‌లో రూపొందుతోన్న ‘ఎన్‌బీకే 111’ చిత్రంలో మంచు మనోజ్‌ విలన్‌ పాత్రలో నటిస్తున్నారు. వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్న ఈ సినిమాని డిసెంబరులో రిలీజ్‌ చేయాలనుకున్నారు మేకర్స్‌. అయితే బాలకృష్ణకు బాగా కలిసొచ్చిన సంక్రాంతికి విడుదల చేస్తే బాగుంటుందనే ఆలోచనలో ఉందట చిత్రయూనిట్‌. ⇒ రజనీకాంత్‌ హీరోగా నటిస్తున్న తాజా చిత్రం ‘ధర్మన్ ’. ‘ది డెడ్లీ డాక్టర్‌’ అనేది ఉప శీర్షిక. అశ్వత్‌ మారిముత్తు దర్శకత్వం వహిస్తున్న ఈ సినిమాలో సిమ్రాన్, రాశీఖన్నా ఇతర పాత్రలు పోషిస్తున్నారు. రాజ్‌కమల్‌ ఫిల్మ్స్‌ ఇంటర్‌నేషనల్‌ పతాకంపై కమల్‌హాసన్, ఆర్‌. మహేంద్రన్‌ నిర్మిస్తున్నారు. ఈ సినిమా కొత్త షెడ్యూల్‌ సోమవారం హైదరాబాద్‌లో ప్రారంభమైన సంగతి తెలిసిందే. ప్రస్తుతం చిత్రీకరణ దశలో ఉన్న ‘ధర్మన్’ పొంగల్‌ (సంక్రాంతి) సందర్భంగా విడుదల కానుంది. 2027 పొంగల్‌కు రిలీజ్‌ చేస్తున్నామని పోస్టర్‌ కూడా రిలీజ్‌ చేశారు మేకర్స్‌. రజనీకాంత్‌ సినిమా అంటే తెలుగులోనూ రిలీజ్‌ కావడం ఖాయం. ఈ రకంగా ‘ధర్మన్‌’ కూడా సంక్రాంతికి తెలుగు తెరపై సందడి చేయనుంది. ⇒ ‘వీరభద్రుడు, విశ్వనాథ్‌ అండ్‌ సన్స్‌’ వంటి వరుస హిట్స్‌తో ఫుల్‌ జోష్‌లో ఉన్నారు హీరో సూర్య. ఆయన హీరోగా నటించిన 47వ చిత్రానికి ‘ఆవేశం’ మూవీ ఫేమ్‌ జిత్తు మాధవ్‌ డైరెక్టర్‌. ‘సూర్య 47’ అనే వర్కింగ్‌ టైటిల్‌తో రూపొందిన ఈ చిత్రంలో నజ్రియా, ‘ప్రేమలు’ ఫేమ్‌ నస్లీన్ ప్రధాన పాత్రల్లో నటించారు. ఈ చిత్రాన్ని హీరో సూర్య, ఆయన సతీమణి జ్యోతిక నిర్మించారు. ఈ సినిమాని పొంగల్‌కి (సంక్రాంతి) రిలీజ్‌ చేయాలనే ఆలోచనలో యూనిట్‌ ఉందని తెలిసింది. సూర్య చిత్రాలకు తెలుగులోనూ మంచి ఆదరణ ఉంటుంది. ఈ రకంగా ఈ మూవీ టాలీవుడ్‌లోనూ విడుదలవుతుందని ఊహించవచ్చు. – డేరంగుల జగన్‌ మోహన్‌

వెంకీమామ- అనిల్ రావిపూడి కాంబోలో వస్తోన్న మరో మూవీ జనవరి 12 విడుదల. ఇటీవలే ఈ సినిమా టైటిల్ అ‍నౌన్స్ చేశారు. డేట్‌తో మూవీ టైటిల్ ప్రకటించి మరింత క్యూరియాసిటీ పెంచేశారు. ఈ మూవీలో వెంకీతో పాటు కల్యాణ్‌రామ్ కూడా నటిస్తున్నారు. గతంలో వీరిద్దరి కాంబోలో వచ్చిన పటాస్‌ సూపర్‌హిట్‌గా నిలిచిన సంగతి తెలిసిందే. అనిల్ రావిపూడి మరోసారి మల్టీస్టారర్‌తో వచ్చే సంక్రాంతికి అలరించేందుకు రెడీ అయిపోయారు.తాజాగా ఈ ప్రాజెక్ట్‌కు సంబంధించిన ఓ ఆసక్తికర విషయం బయటకొచ్చింది. ఈ మూవీలో ఓ స్పెషల్‌ సాంగ్‌ ఉండనుందని తెలుస్తోంది. ఈ ప్రత్యేకమైన పాట కోసం మూవీ టీమ్ భారీగానే ప్లాన్ చేస్తోందట. ఈ సాంగ్ కోసం ఓ భారీ సెట్ సిద్ధం చేస్తున్నట్లు సమాచారం. ఈ సాంగ్‌లో విజువల్స్‌ అద్భుతంగా ఉండేలా ప్లాన్ చేస్తున్నారట. వచ్చేనెల మొదటి వారంలో ఈ పాట చిత్రీకరణ చేసేందుకు సన్నాహాలు చేస్తున్నట్లు తెలుస్తోంది. ఈ పాటలో హీరోలతో పాటు ఇద్దరు హీరోయిన్స్‌ స్టెప్పులతో అదరగొట్టనున్నారని టాక్.కాగా.. ఈ చిత్రంలో కీర్తి సురేశ్, కృతి శెట్టి హీరోయిన్స్‌గా నటిస్తున్నారు. ఈ మూవీని సాహు గారపాటి నిర్మిస్తున్నారు. ఈ చిత్రానికి జీవీ ప్రకాశ్ కుమార్ సంగీతమందిస్తున్నారు. ఈ ఏడాది నవంబర్‌ లోపే షూట్ పూర్తయ్యేలా అనిల్ రావిపూడి ప్లాన్ చేస్తున్నారు. ఈ మూవీ వచ్చే ఏడాది సంక్రాంతికి థియేటర్లలో సందడి చేయనుంది.

సాక్షి, అమరావతి: డాక్టర్‌ ప్రియాంక హత్యపై వైఎస్సార్‌సీపీ తరపున న్యాయ పోరాటం చేస్తామని ఆమె తల్లిదండ్రులకు వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డి భరోసా ఇచ్చారు. రాజమండ్రిలో దారుణ హత్యకు గురైన డాక్టర్‌ ప్రియాంక తల్లిదండ్రులు చంద్రమ్మ, వెంకటేష్‌ గురువారం తాడేపల్లిలోని వైఎస్సార్‌సీపీ కేంద్ర కార్యాలయంలో వైఎస్‌ జగన్‌ను కలిశారు. తమ బిడ్డ ఎంతో కష్టపడి మెరిట్‌లో రాజమండ్రి కళాశాలలో సీటు తెచ్చుకుందని, ఆమెను కిరాతకులు బలి తీసుకున్నారని వారు కన్నీటి పర్యంతమయ్యారు. నిందితులకు కఠిన శిక్ష పడేలా చూడాలని వారు వైఎస్‌ జగన్‌ను కోరారు. కుమార్తెను కోల్పోయి పుట్టెడు దుఃఖంలో ఉన్న ఆ తల్లిదండ్రులను వైఎస్‌ జగన్‌ ఓదార్చి, పార్టీ తరపున న్యాయ పోరాటం చేస్తామని భరోసా ఇచ్చారు.ఆ రాక్షసులకు మరణ శిక్ష పడే వరకు విశ్రమించం: ప్రియాంక తండ్రి వెంకటేష్‌తమ బిడ్డను చంపిన రాక్షసులకు మరణ శిక్ష పడేవరకు విశ్రమించబోమని డాక్టర్‌ ప్రియాంక తండ్రి వెంకటేష్‌ స్పష్టం చేశారు. వైఎస్‌ జగన్‌ను కలిసిన అనంతరం వైఎస్సార్‌సీపీ మాజీ ఎంపీలు మార్గాని భరత్, బుట్టా రేణుకతో కలిసి వెంకటేష్‌ విలేకరుల సమావేశంలో మాట్లాడారు. ‘ఆర్థిక స్థోమత లేకపోయినా రెక్కలు ముక్కలు చేసుకుని మా బిడ్డను డాక్టర్‌ను చేశాం. మా బిడ్డ కూడా కష్టపడి చదివింది. మెరిట్‌లో పీజీ సీటు వచ్చిందని రాజమండ్రికి పంపిస్తే.. రాక్షసుల్లా కారుతో గుద్ది గుద్ది చంపేశారు. ఈ నెల 2న ప్రియాంకకు పెళ్లిచూపులు జరిగాయి. 3న కాలేజీకి వెళ్లిన పాపను అదే రోజు రాత్రి పొట్టనబెట్టుకున్నారు. మేము ప్రాణాలతో ఉన్నా చనిపోయిన శవాలతో సమానం అయిపోయాం. ఆస్పత్రిలో చేర్చినప్పటి నుంచి మాకు సరైన సమాచారం ఇవ్వలేదు. ఎఫ్‌ఐఆర్‌ కాపీ కూడా ఇవ్వకుండా కేసును తొక్కిపెట్టే ప్రయత్నం చేశారు. నిందితులు మద్యం, గంజాయి మత్తులో ఉన్నారా లేదా అనే పరీక్షల వివరాలు కూడా బయటపెట్టలేదు. స్థానిక పోలీసులు, అధికారులపై మాకు ఏమాత్రం నమ్మకం లేదు. నిందితులను కాపాడేందుకు ప్రభుత్వం, పోలీసులు ప్రయత్నిస్తున్నారు. మా పాపను పొట్టనబెట్టుకున్న హంతకులకు ఉరిశిక్ష పడేవరకు మా పోరాటం ఆగదు. వాళ్లు తప్పించుకోలేరు. ఈ కేసును తక్షణమే సీబీఐకి అప్పగించి మా కుటుంబానికి న్యాయం చేయాలి. దీనిపై మేం హైకోర్టుకు కూడా వెళ్తాం. ఈరోజు మాజీ ముఖ్యమంత్రి వైఎస్‌ జగన్‌ని కలిశాం. చట్ట ప్రకారం వాళ్లకు శిక్షలు పడేలా చేస్తామని, బాధపడవద్దు అని వైఎస్‌ జగన్‌ మమ్మల్ని ఓదార్చి, మాకు ధైర్యం చెప్పారు.ప్రియాంక కుటుంబానికి న్యాయం జరిగే వరకు పోరాడతాం: మాజీ ఎంపీ బుట్టా రేణుకపలుకుబడి ఉన్న నిందితులను కాపాడాలని ప్రభుత్వ పెద్దలు చూస్తున్నారు. కిరాతకంగా హత్య చేసిన వారికి కఠిన శిక్షలు పడాలి. బాధిత చేనేత కుటుంబానికి పూర్తి న్యాయం జరిగే వరకు పోరాడతాం.నిందితులను కాపాడుతున్న అధికార పార్టీ పెద్దలు ఎవరు?: మాజీ ఎంపీ మార్గాని భరత్ఉద్దేశపూర్వకంగా కారును మూడుసార్లు డాక్టర్‌ ప్రియాంక తలపై నుంచి ఎక్కించి చంపేస్తే, దానిని ప్రభుత్వం, పోలీసులు సాధారణ యాక్సిడెంట్‌గా చిత్రీకరించే ప్రయత్నం చేశారు. ఇది ముమ్మాటికీ హత్యే. ఘటన జరిగిన రాత్రి కేవలం మాల్‌ దగ్గరి సీసీ ఫుటేజ్‌ మాత్రమే చూపించారు. మిగిలిన సిటీ సీసీ ఫుటేజీలను, నిందితుల కాల్‌ డేటా ఎందుకు బయటపెట్టడం లేదు? పైగా నిర్లక్ష్యపు డ్రైవింగ్‌ అంటూ కేసు నమోదు చేయడంలో ఆంతర్యమేంటి? నిందితులు మద్యం, డ్రగ్స్‌ సేవించిన విషయాన్ని ఎఫ్‌ఐఆర్‌లో ఎందుకు చేర్చలేదు? నిందితులను కాపాడుతున్న అధికార పార్టీ పెద్దలు ఎవరో తేల్చాలి. నిందితులతో పాటు వారికి కూడా కఠినమైన శిక్షలు పడాలి. ఈ కేసులో ఆరోపణలు ఎదుర్కొంటున్న సీఐ బాజీలాల్‌ను తక్షణమే సస్పెండ్‌ చేయాలి. ఇంత దారుణ ఘటన జరిగిన కాసేపటికే బాధ్యతగల డీఎస్పీ అదే మాల్‌లో సినిమాకి వెళ్లడం పోలీసుల నిర్లక్ష్యానికి నిదర్శనం. తక్షణమే ఈ కేసును సీబీఐకి అప్పగించకపోతే హైకోర్టును ఆశ్రయిస్తాం.

అనిల్ రావిపూడి ప్రమోషన్స్ అంటే మామూలుగా ఉండవు..తన సినిమాల ప్రచారంలోనూ కొత్తదనం చూపించే ఆయన.. తాజాగా మరోసారి తనదైన స్టైల్‌లో ప్రేక్షకులను ఆకట్టుకున్నారు. వెంకటేశ్‌, నందమూరి కల్యాణ్‌రామ్‌ కీలక పాత్రల్లో తెరకెక్కుతున్న సినిమాకు టైటిల్‌ ప్రకటించే విషయంలోనూ ఓ ఫన్నీ ఐడియాను తీసుకొచ్చారు. టైటిల్‌తో పాటు సినిమా విడుదల తేదీని కూడా ఒకేసారి రివీల్ చేసి ఆసక్తి పెంచారు.అనిల్‌ రావిపూడి దర్శకత్వంలో వెంకటేశ్‌, కల్యాణ్‌రామ్‌ హీరోలుగా ఓ సినిమా తెరకెక్కుతున్న సంగతి తెలిసిందే. కీర్తి సురేశ్‌, కృతి శెట్టి కథానాయికలుగా నటిస్తున్నారు. ఈ సినిమాలో వెంకటేశ్‌, కల్యాణ్‌రామ్‌ బావా బామ్మర్ది పాత్రల్లో కనిపించనున్నట్లు తెలుస్తోంది. దీంతో ఈ ఇద్దరి కాంబినేషన్‌లో వచ్చే ఫ్యామిలీ ఎంటర్‌టైనర్‌పై ఇప్పటికే మంచి ఆసక్తి నెలకొంది.తాజాగా చిత్రబృందం సినిమా టైటిల్‌ను అధికారికంగా ప్రకటించింది. ‘జనవరి 12 విడుదల’ అనే ఆసక్తికరమైన టైటిల్‌ను ఖరారు చేసింది. అంతేకాదు.. ‘బావ బామ్మర్ది సౌజన్యంతో’ అనే క్యాప్షన్‌ను కూడా జత చేసింది. టైటిల్‌ వినగానే ఇది సినిమా విడుదల తేదీ అనుకుంటే.. అదే సినిమా పేరుగా ఉండటం విశేషం.టైటిల్‌ ప్రకటన కోసం రూపొందించిన వీడియోలో వెంకటేశ్‌, కల్యాణ్‌రామ్‌, కీర్తి సురేశ్‌, కృతి శెట్టి.. అనిల్‌ రావిపూడిని సినిమా పేరేంటని అడుగుతారు. అందుకు ఆయన పదే పదే ‘జనవరి 12 విడుదల’ అని చెబుతుంటారు. తొలుత అది రిలీజ్‌ డేట్‌ అని భావించిన హీరోలు.. చివర్లో అదే సినిమా టైటిల్‌ అని తెలుసుకుని సరదాగా స్పందిస్తారు.టైటిల్‌ రివీల్‌ వీడియోలో దర్శకుడు అనిల్‌ రావిపూడి ప్రముఖ దర్శకుడు ఈవీవీ సత్యనారాయణకు ప్రత్యేకంగా నివాళి అర్పించారు. ఈవీవీ తెరకెక్కించిన ‘అప్పుల అప్పారావు’లోని కామెడీ సీక్వెన్స్‌ను గుర్తు చేసేలా వీడియోను రూపొందించారు. ఇలా తన కామెడీ మార్క్‌తో పాటు పాత తరం హాస్యాన్ని కలిపి టైటిల్‌ అనౌన్స్‌మెంట్‌ను కూడా ఓ ఎంటర్‌టైనింగ్‌ వీడియోగా మార్చారు.సంక్రాంతి బరిలో..‘జనవరి 12 విడుదల’ సినిమాను 2027 సంక్రాంతి కానుకగా జనవరి 12న ప్రేక్షకుల ముందుకు తీసుకురానున్నారు. అనిల్‌ రావిపూడి సినిమాలకు సంక్రాంతి సీజన్‌తో మంచి అనుబంధం ఉండటంతో ఈ చిత్రంపైనా అంచనాలు పెరుగుతున్నాయి. వెంకటేశ్‌, కల్యాణ్‌రామ్‌ కాంబినేషన్‌, అనిల్‌ రావిపూడి కామెడీ, ఫ్యామిలీ ఎమోషన్స్‌ ఈ సినిమాకు ప్రధాన ఆకర్షణగా నిలవనున్నాయి. ఈ చిత్రాన్ని షైన్‌ స్క్రీన్స్‌ బ్యానర్‌పై సాహు గారపాటి నిర్మిస్తున్నారు. సురేశ్‌ ప్రొడక్షన్స్‌, శ్రీమతి ఆర్చన, జీ స్టూడియోస్‌ సమర్పిస్తున్నాయి. జీవీ ప్రకాశ్‌ కుమార్‌ సంగీతం అందిస్తున్నారు. సమీర్‌ రెడ్డి సినిమాటోగ్రఫీ, తమ్మిరాజు ఎడిటింగ్‌ బాధ్యతలు నిర్వహిస్తున్నారు.

కొత్తదనం లేకుంటే ఎంత పెద్ద స్టార్‌ నటించిన ఆ చిత్రాన్ని ప్రేక్షకులు నిర్దాక్షింగా పక్కన పెట్టేస్తున్న పరిస్థితి. దీంతో ప్రముఖ స్టార్స్‌ కూడా తమ చిత్రాల్లో మంచి ప్యాడింగ్‌ ఉండేలా జాగ్రత్త పడుతున్నారు. ఇందుకు ఉదాహరణ నటుడు రజనీకాంత్‌. ఈయన జైలర్‌ చిత్రం నుంచి తనతో పాటూ ఇతర భాషలకు చెందిన స్టార్‌ హీరోలను అతిధి పాత్రల్లో నటిస్తున్నారు. తాజాగా మరో స్టార్‌ హీరో అజిత్‌ కూడా ఆయన బాటలోనే పయనించడానికి సిద్ధమవుతున్నట్లు ప్రచారం సామాజిక మాధ్యమాల్లో వైరలవుతోంది.గతేడాది గుడ్‌ బ్యాడ్‌ అగ్లీ వంటి కమర్షియల్‌ హిట్‌ చిత్రం తర్వాత అజిత్‌ తన దష్టిని కార్‌ రేస్‌ పోటీలపై మరలించారు. ఆ రంగంలో అంతర్జాతీయ స్థాయిలో పతకాలను గెలుచుకున్నారు. కాగా ఆ సన్నివేశాలను విజయ్‌ చిత్రంగా మలిశారు. జీవీ ప్రకాష్‌ కుమార్‌ సంగీతాన్ని అందిస్తున్న ఈ చిత్రం గ్లాడియేటర్స్‌ ఇన్‌ పర్చూట్‌ ఆఫ్‌ ఛాలెంజర్స్‌ పేరుతో త్వరలో తెరపైకి రావడానికి సిద్ధమవుతోంది. ఇలాంటి పరిస్థితుల్లో అజిత్‌ తన సతీమణి శాలినిని ప్రొడ్యూసర్‌గా పరిచయం చేస్తూ బ్రేవ్‌ హార్ట్స్‌ ప్రొడక్షన్‌ సంస్థను ప్రారంభించి డేర్‌ డెవిల్‌ అనే చిత్రాన్ని రూపొందించడానికి సిద్ధమయ్యారు.దీనికి గుడ్‌ బ్యాడ్‌ అగ్లీ చిత్రం ఫేమ్‌ ఆధిక్‌ రవిచంద్రన్‌ కథ, దర్శకత్వం బాధ్యతలను నిర్వహిస్తున్నారు. అనిరుద్‌ సంగీతాన్ని అందిస్తున్న ఈ చిత్రం సెప్టెంబర్‌లో సెట్స్‌‌ పైకి వెళ్లనున్నట్లు తెలుస్తోంది. ఈ చిత్ర షూటింగ్‌ ఒకే షెడ్యూల్లో పూర్తి చేయడానికి ప్రణాళికను సిద్ధం చేసినట్లు సమాచారం. ఇకపోతే పాన్‌ ఇండియా స్థాయిలో రూపొందబోతున్న ఇందులో టాలీవుడ్‌ స్టార్‌ నటుడు వెంకటేశ్.. మాలీవుడ్‌ స్టార్‌ మోహన్‌ లాల్‌ తీసుకోవాలని ప్రయత్నాలు జరుగుతున్నట్లు సోషల్ మీడియాలో ప్రచారం జరుగుతోంది. అయితే దీని గురించి అధికారికంగా ఎలాంటి ప్రకటన రాలేదు. ఇప్పుడుఈ టాపిక్ కోలీవుడ్‌లో ఆసక్తిగా మారింది.

వెంకీ మామ సినీ ఇండస్ట్రీలో అడుగుపెట్టి నాలుగు దశాబ్దాలు పూర్తయింది. కలియుగ పాండవులు మూవీతో వెండితెరపై అడుగుపెట్టిన వెంకటేశ్.. స్టార్ హీరోగా ఎదిగారు. టాలీవుడ్‌లో తనకంటూ ప్రత్యేక మార్క్ క్రియేట్ చేసుకున్నారు. యాక్షన్‌, లవ్‌తో పాటు కామెడీ జోనర్‌లో నటించారు. గతేడాది సంక్రాంతికి వస్తున్నాం మూవీతో హిట్ కొట్టిన వెంకీమామ.. ఈ ఏడాది మెగాస్టార్ మూవీలో మెప్పించారు.ప్రస్తుతం అనిల్ రావిపూడితో మరోసారి జతకట్టారు వెంకటేశ్. వీరద్దరి కాంబోలో వస్తోన్న మూవీ.. వచ్చే ఏడాది సంక్రాంతి కానుకగా థియేటర్లలో సందడి చేయనుంది. ఈ చిత్రంలో కల్యాణ్ రామ్ కూడా కీలక పాత్రలో నటిస్తున్నారు. నేటికి వెంకీ మామ సినిమాల్లోకి ఎంట్రీ ఇచ్చి 40 ఏళ్లు పూర్తయిన సందర్భంగా క్రేజీ అప్‌డేట్ ఇచ్చారు. ఈ చిత్రంలోని వెంకటేశ్ రోల్‌ను పరిచయం చేశారు. ఈ చిత్రంలో లెఫ్టినెంట్‌ కల్నల్ వెంకట్‌ రెడ్డిగా కనిపించనున్నారు. ఈ పోస్టర్‌ వెంకీ అభిమానులను విపరీతంగా ఆకట్టుకుంటోంది. 40 Glorious Years of our Victory @VenkyMama garu in TFI 😍😍😍It’s an absolute honour to celebrate this incredible milestone with a very special look from our film 🤗Meet our Lt colonel VENKAT REDDY🔥#VenkyAnil5 #NKRAR2 #40YearsOfVictoryVenkatesh pic.twitter.com/WcvkXFEuox— Anil Ravipudi (@AnilRavipudi) August 14, 2026

‘‘ఒక్కరోజులో మా భవిష్యత్తు కళ్లెదుటనే కుప్పకూలిపోయింది. డాక్టరుగా పుట్టిన గడ్డకు ఎంతో సేవ చేయాలని తపించిన మా కూతురిని మాకు లేకుండా చేశారు. తప్పతాగి .. రోడ్ల మీదకు వచ్చి, ఇతరుల బిడ్డలను పొట్టన పెట్టుకోకండి..’’ అంటూ పుట్టెడు దుఃఖంతో వేడుకుంటున్నారు డాక్టర్‌ ప్రియాంక తల్లిదండ్రులు వెంకటేష్, చంద్రమ్మ. రాజమండ్రి జీఎస్‌ఎల్‌ మెడికల్‌ కాలేజీలో పీజీ చదువుతున్న డాక్టర్‌ ప్రియాంక, మూడు రోజుల క్రితం మద్యం మత్తులో కారుతో ఉన్మాదులు ఆమె స్కూటర్‌ను ఢీకొట్టి, చేసిన వీరంగానికి బలైపోయింది. తెలుగు రాష్ట్రాల్లో ఈ ఘటన కలకలం రేపింది. తెలంగాణలోని గద్వాల్‌ జిల్లా అయిజ మండంలోని ఎక్లాస్‌పురంలో పుట్టి పెరిగిన పెరిగింది ప్రియాంక. దోషులకు శిక్ష పడాలని, సమాజంలో మార్పు రావాలని, ప్రభుత్వాలు తమ బిడ్డకు న్యాయం చేయాలని వెంకటేశ్, చంద్రమ్మలు ‘సాక్షి’తో తమ ఆవేదనను పంచుకున్నారు..చదువులో టాపర్‌గా ఉండే ప్రియాంక మెడిసిన్‌లో ర్యాంకు తెచ్చుకొని ఫ్రీ సీట్‌ సంపాదించింది.. మరికొన్నాళ్లలో పీజీ పూర్తి చేసి, వైద్యరంగంలో ప్రత్యేక గుర్తింపు తెచ్చుకోవాలనుకుంది. ‘‘కానీ ఆ కలలను కొందరు దుర్మార్గులు గద్దల్లా ఎత్తుకుపోయారు. మా అమ్మాయి మరణాన్ని ఇప్పటికీ జీర్ణించుకోలేకపోతున్నాం. ఎన్ని చేసినా మా అమ్మాయి తిరిగి రాదు. కానీ, వాళ్లను శిక్షిస్తేనే మా అమ్మాయికి న్యాయం జరుగుతుంది. పిల్లల భవిష్యత్తు బాగుండాలని తల్లిదండ్రులు ఎన్నో కష్టాలు పడతారు. ఉన్న ఊరును వదిలి, అయినవారందకీ దూరంగా పిల్లల చదువుల కోసం శ్రమిస్తాం. ఎంతో కష్టపడి బిడ్డలను చదివించుకుంటున్నాం. కానీ, కొందరు తమ తండ్రులకు, కుటుంబాలకు పలుకుబడి ఉందని, ఏం చేసినా చెల్లుతుందనే ఆలోచనల్లో ఉంటారు. తాగినవాళ్లు ఇంటిదగ్గర ఉండకుండా బయట పెద్ద పెద్ద కార్లు వేసుకొని షికార్లు చేస్తారు. డబ్బు, హోదా ఉందనే పొగరు, సంపన్నులకు శిక్షలు ఉండవనే ధైర్యం వారిది. రాజకీయ పలుకుబడి ఉందనే ధీమా వారిది. కొవ్వెక్కి చేసిన పనులకు తగిన శిక్ష పడాలి. ప్రాణాలను తీసే హక్కు మీకు ఎవరిచ్చారు. దోషులను కఠినంగా శిక్షించి, ఉరి తీయందే మా కడుపు మంట చల్లారదు’ అని తెలిపారు చంద్రమ్మ.చట్టపరంగా శిక్షించాల్సిందే..! వెంకటేష్‌ మాట్లాడుతూ –‘‘దోషులకు మరణ శిక్ష పడాల్సిందే. ఇలాంటి శిక్షలు అమలు చేస్తేనే సమాజంలో భయం అనేది ఉంటుంది. అప్పుడే మాలాంటి తల్లిదండ్రుల కడుపుకోతలు, ఆర్తనాదాలు ఉండవు. ఇంకా ఎంతమందికి ఇలాంటివి జరుగుతాయో. దోషులకు సరైన శిక్ష పడకపోతే ‘మేం ఏం చేసినా చెల్లుతుంది’ అని తేలిక భావనతో ఉంటారు. ఇలాంటి పోకిరీగాళ్లు ‘మాకు ఏమవుతుందిలే, మా దగ్గర డబ్బు ఉంది, పలుకుబడి ఉంది’ అనుకుంటారు. చట్టపరంగా కఠినంగా శిక్షిస్తే భయం ఉంటుంది. ఇలాంటి దోషులకు మరణశిక్ష , యావజ్జీవ కారాగార శిక్ష పడితేనే సమాజంలో కూడా మార్పు వస్తుంది. శిక్షలు కరెక్ట్‌గా అమలు అవ్వాలి. రాజకీయ ఒత్తిడి లేకుండా చూస్తాం అని పోలీసులు చెప్పారు. ప్రజలు కూడా ఇలాంటి అన్యాయాలు జరగడం సరికాదని పదే పదే చెబుతున్నారు. కరెక్ట్‌గా శిక్షలు పడితే సరే, లేదంటే మా గొంతు, మా కడుపుకోత, మా బాధ రాజమండ్రి వేదికగా పోరాటం చేస్తాం. మాకు న్యాయం జరగకపోతే మా ప్రాణాలు పోయేంతవరకు పోరాడుతూనే ఉంటాం. మాలాంటి ఎంతోమంది తల్లిదండ్రల మద్దతుతో అందరి ముం దుకు వస్తాం’’ అన్నారు వెంకటేష్‌.తీరని లోటు...తల్లితండ్రులు ఇద్దరూ తమ కూతురు గురించి వివరిస్తూ –‘‘మా ప్రియాంక ఎవరినీ నొప్పించేది కాదు. అందరితో కలివిడిగా ఉండేది. తొందరపడి ఎవరినీ ఎమీ అనేది కాదు. ప్రాపర్‌గా పనులు జరగాలి. ఒక మంచి డాక్టర్‌గా పేరు తెచ్చుకోవాలని ఉండేది. మా ఊరు నుంచి కానీ, మా కుటుంబంలో కానీ ఎవరూ డాక్టర్లు లేరు. అలాంటిది ప్రియాంక డాక్టర్‌ అయి ఆ పేరు నేను నిలబెడతా అనేది. కర్నూలు మెడికల్‌ కాలేజీలో ఫ్రీ సీటు వచ్చింది. పీజీ సీటు కూడా మంచి ర్యాంకుతో తెచ్చుకుంది. ఎక్కడా ఒక్క రిమార్క్‌ లేదు. చదువు చక్కగా సాగుతున్న సమయంలో, మరో రెండేళ్లలో స్పెషలిస్ట్‌గా బయటకు వచ్చేది. ఇలాంటి సమయంలో ఇలాంటి దారుణం జరిగింది. మా జీవితాంతం తీరని లోటు మిగిలింది. మాకు ఏ మాత్రం అన్యాయం జరుగుతుందని తెలిసినా ఊరుకోం. మా ప్రాణాలను పణంగా పెట్టి అయినా మా బిడ్డకు ఆత్మ శాంతి కలిగిస్తాం’’ అని తమ ఆవేదనను, ఆవేశాన్ని మన ముందు ఉంచారు వెంకటేష్, చంద్రమ్మలు. ఏ మాత్రం సహించం..మా కమ్యూనిటీలోనే డాక్టర్లు ఎవరూ లేరు. అమ్మాయిలను చదివించడం అనేది ఇప్పటి వరకు మా దగ్గర ఏ కుటుంబంలోనూ 28 ఏళ్లుగా లేదు. ఇరవై ఏళ్లు రాగానే పెళ్లి చేసి, అత్తారింటికి పంపించేస్తారు. అలాంటిది ప్రియాంకకు చదువు మీద ఉన్న శ్రద్ధతో ఆమె కలకే ప్రాముఖ్యం ఇచ్చాం. తను మా ఊరుకు పెళ్లి చూపులకని వచ్చి, తిరిగి కాలేజీకి వెళ్లిపోయింది. ఇంకో ఆర్నెల్లలో పెళ్లి అవుతుందని, అమ్మాయి జీవితం బాగుంటుందని ఎన్నో కలలు కన్నాం. ఊరు నుంచి వెళ్లిన ఒక్కరోజులోనే.. ‘మీ అమ్మాయి ప్రియాంకకు యాక్సిడెంట్‌ అయ్యింది, తీవ్ర రక్త స్రావం అవుతోంది’ అని ఫోన్‌ వచ్చింది. ఆ తర్వాత బ్రెయిన్‌ డెడ్‌ అయ్యిందని చెప్పారు. ఇన్నాళ్లూ తను పడిన కష్టానికి తగిన ఫలితం రాకుండానే దుర్మార్గులు మాకు దూరం చేశారు. తనకు సరైన న్యాయం జరగకపోతే ఏ మాత్రం సహించం. – చంద్రమ్మ, ప్రియాంక తల్లి– నిర్మలారెడ్డి, ఇన్‌పుట్స్‌ వాగు గడ్డ నరసింహారెడ్డి, సాక్షి, గద్వాల్‌

‘గుడ్‌ బ్యాడ్‌ అగ్లీ’ (2025) వంటి సూపర్‌ హిట్‌ సినిమా తర్వాత హీరో అజిత్, దర్శకుడు అధిక్‌ రవిచంద్రన్‌ కాంబినేషన్‌లో రూపొందుతున్న సినిమా ‘డేర్‌ డేవిల్‌’. అజిత్‌ కెరీర్‌లోని ఈ 64వ సినిమాను బ్రేవ్‌ హార్ట్స్‌ప్రోడక్షన్స్‌ పతాకంపై ఆయన భార్య షాలినీ అజిత్‌కుమార్‌ నిర్మించనుండటం విశేషం. ఈ సినిమా చిత్రీకరణను అతి త్వరలోనే ప్రారంభించాలనుకుంటున్నారు. ప్రస్తుతం ప్రీప్రోడక్షన్‌ పనులు జరుగుతున్నాయి. అలాగే ఈ సినిమాలోని నటీనటుల ఎంపికపై కూడా దృష్టి పెట్టారు దర్శకుడు అధిక్‌. ఈ నేపథ్యంలో ఈ సినిమాలోని ఓ కీలక పాత్రకు వెంకటేశ్‌ను సంప్రదించారట మేకర్స్‌. కథ నచ్చడం, పైగా కథను మలుపు తిప్పే పాత్ర కావడంతో ఈ సినిమా చేసేందుకు దాదాపు ఓకే చె΄్పారట వెంకటేశ్‌. అంతే కాదండోయ్‌... ఈ చిత్రంలోని మరో కీలక పాత్రలో మోహన్‌లాల్‌ నటించనున్నారనే ప్రచారం కూడా సాగుతోంది. అయితే ఈ అంశాలపై అధికారిక సమాచారం అందాల్సి ఉంది. అనిరుధ్‌ రవిచందర్‌ సంగీతం అందిస్తున్న ఈ సినిమా వచ్చే ఏడాది రిలీజ్‌ కానుంది. మరోవైపు ప్రస్తుతం త్రివిక్రమ్‌ దర్శకత్వంలోని ‘ఆదర్శ కుటుంబం–ఏకే 47’, అనిల్‌ రావిపూడి డైరెక్షన్‌లోని ‘బామ్మర్ది బాల్‌రెడ్డి’ (ప్రచారంలో ఉన్న టైటిల్‌) సినిమాల్లో వెంకటేశ్‌ హీరోగా నటిస్తున్న సంగతి తెలిసిందే. ‘ఆదర్శ కుటుంబం’ సినిమా అక్టోబరు 2న, అనిల్‌ రావిపూడి డైరెక్షన్‌లోని చిత్రం వచ్చే సంక్రాంతికి రిలీజ్‌ కానున్నాయి.

కంబాలచెరువు (రాజమహేంద్రవరం)/సాక్షి, హైదరాబాద్‌/సాక్షి, అమరావతి: ‘నా కుమార్తెను కావాలని కారుతో మూడుసార్లు ఢీకొట్టారు. అంతటితో ఆగకుండా తలపై నుంచి కారును పోనిచ్చారు. వాళ్లు మనుషుల రూపంలో ఉన్న మృగాలు. నా బిడ్డ చావుబతుకుల మధ్య కొట్టుమిట్టాడుతున్నా ప్రభుత్వం మాత్రం స్పందించడం లేదు. అయ్యా చంద్రబాబూ.. నీకు జాలిలేదా? అమ్మా అనితమ్మా.. నీకు ఆడ పిల్లల్లేరా? పవన్‌కళ్యాణ్‌.. నీకు మనసు లేదా?’ అంటూ మెడికో పీజీ డాక్టర్‌ ప్రియాంక తండ్రి వెంకటేష్‌ కన్నీటిపర్యంతమయ్యారు. ప్రియాంక కేసును రాజకీయ ఒత్తిళ్లతో తారుమారు చేస్తున్నా­రనే అనుమానంతో ఆదివారం రాజమహేంద్రవరంలోని ప్రకాశ్‌నగర్‌ పోలీస్‌స్టేషన్‌కు వచ్చిన ఆయన మీడియాతో మాట్లాడారు.ఘటన అనంతరం ప్రభుత్వం నుంచి తమకు ఎలాంటి సహకారం అందలేదని, ఆసుపత్రి ఖర్చుల విషయంలోనూ సాయం చేయలేదని ఆవేదన వ్యక్తం చేశారు. స్థానిక ఎమ్మెల్యే ఒకసారి ‘మీకు మేమున్నాం.. బాధపడకండి’ అంటూ ఫోన్‌ చేశారని, ఆ తర్వాత ఎలాంటి స్పందన లేదన్నారు. సీఎం చంద్రబాబు, ఉప ముఖ్యమంత్రి పవన్‌కళ్యాణ్, హోంమంత్రి అనిత, మంత్రి లోకేశ్‌ కనీసం స్పందించక పోవడంపై వెంకటేష్‌ ప్రశ్నలు సంధించారు. రాష్ట్ర వ్యాప్తంగా సంచలనం సృష్టించిన ఘటనపై ప్రభుత్వం ఎందుకు మౌనంగా ఉందని నిలదీశారు. ప్రియాంకను హైదరాబాద్‌కు తరలించి చికిత్స అందిస్తున్నామని, ఆమె ఆరోగ్యం పూర్తిగా క్షీణించిందని, అవయవాలు తీవ్రంగా దెబ్బతిన్నాయని తెలిపారు. ఆసుపత్రి యాజమాన్యంకు ఫోన్‌ చేసి అందుతున్న చికిత్సపై ఒక్కసారైనా ఫోన్‌ చేశారా? మెరుగైన సేవలు అందించండని ప్రభుత్వం నుంచి మెస్సేజైనా పెట్టారా? ప్రభుత్వం పని చేస్తుందో లేదో అర్థం కావడం లేదు. మూడు సార్లు కావాలనే కారుతో ఢీకొట్టి, ఆ తర్వాత తలపై నుంచి కారును పోనిచ్చారంటే చంపాలనే ఉద్దేశం స్పష్టంగా కనిపిస్తోందని అన్నారు. నిందితులు ఘటన తర్వాత కూడా సాధారణంగానే డ్రైవింగ్‌ చేసుకుంటూ వెళ్లారని ఆరోపించారు. చట్టాలపై ప్రజలకు నమ్మకం కలగాలంటే కఠినంగా అమలు చేయాలని, తమకు న్యాయం చేయాలని వెంకటేష్‌ వేడుకున్నారు. ‘ఇంత దారుణానికి పాల్పడిన మృగాలను కఠినంగా శిక్షించండి.. ఉరి తీయండి’ అంటూ కన్నీటితో విజ్ఞప్తి చేశారు.మా కడుపు కోతను అర్థం చేసుకోండి‘మా కుటుంబంలో మొదటి డాక్టర్‌ కాబోతోందని, ఎంతో మంచి పేరు వస్తుందని ఆశించాం. ఒకరు సక్సెస్‌ అయితే ఎంతో మందికి ఇన్‌స్ఫిరేషన్‌గా ఉంటుందని ఆశపడ్డాం. నాకు ముగ్గురూ అమ్మాయిలే. మీకు పెళ్లిళ్లు చేశాక మమ్మల్ని ఎవరు పట్టించుకుంటారని మాట్లాడినప్పుడు మొత్తం కుటుంబాన్ని నేను చూసుకుంటానని హామీ ఇచ్చింది ప్రియాంక. అలాంటి మెడికల్‌ పీజీ విద్యార్థిని అందమైన జీవితాన్ని చిదిమేశారు. మా కలల సౌధం కూల్చేశారు. మా కడుపు కోతను అర్థం చేసుకోండి. ఈ ఘటన మా కుటుంబానికి తీరని లోటు. మద్యం మత్తులో ఆడపిల్లను హత్య చేసిన వారు హాయిగా తిరగొచ్చా? చట్టాలపై భరోసా రావాలంటే సమాజంలో భయం కలిగేట్లు చేయండి’ అని వెంకటేశ్‌ కన్నీటిపర్యంతమయ్యారు. కీలక ఆధారాలు సేకరించాంవైద్య విద్యార్థిని ప్రియాంక కేసులో లోతైన దర్యాప్తు చేస్తున్నామని, ఇప్పటికే కీలక ఆధారాలు సేకరించి నిందితులిద్దరినీ అరెస్టు చేసినట్లు తూర్పుగోదావరి జిల్లా ఎస్పీ డి.నరసింహ కిశోర్‌ తెలిపారు. ఆదివారం జిల్లా పోలీసు కార్యాలయంలో ఆయన విలేకరుల సమావేశంలో కేసు వివరాలు వెల్లడించారు. ఈ నెల 3న రాత్రి స్వతంత్ర ఆసుపత్రి నుంచి సమాచారం రావడంతో పోలీసులు అక్కడికి వెళ్లగా ప్రియాంక వెంటిలేటర్‌పై ఉన్నట్లు తెలిపారు. ఆమె స్నేహితుడు ఉమేష్‌ నుంచి వివరాలు సేకరించి కేసు నమోదు చేశామన్నారు. మరుసటి రోజు సీసీటీవీ ఫుటేజీ పరిశీలించగా, ప్రియాంక ప్రయాణిస్తున్న బైక్‌ను కారుతో మూడుసార్లు ఢీకొట్టినట్లు గుర్తించామని చెప్పారు. దీంతో ఇది ప్రమాదం కాకుండా ఉద్దేశ పూర్వకంగా జరిగిన ఘటనగా కేసు నమోదు చేసి, ఈ నెల 6న నిందితులిద్దరినీ రిమాండ్‌కు పంపినట్లు తెలిపారు. నిందితుల నేర చరిత్రపైనా ఆరా తీశామన్నారు. కారు నంబర్‌ ప్లేట్లు తొలగించి డిక్కీలో పెట్టారని, మొదటి నిందితుడు దస్వంత్‌ కారులోనే నిద్రిస్తుండగా పట్టుకున్నామని చెప్పారు. దస్వంత్‌ చెన్నైలో బీటెక్‌ చేశాడని, విదేశాలకు వెళ్లేందుకు ప్రయత్నిస్తున్నాడని, రెండో నిందితుడు జోసెఫ్‌ ట్రాన్స్‌పోర్ట్‌ వ్యాపారం చేస్తున్నాడని తెలిపారు. ప్రియాంక మృతి చెందితే కేసును హత్య కేసుగా మారుస్తామని ఎస్పీ స్పష్టం చేశారు.ప్రియాంక మృతికి కారణమైన వారిపై కఠిన చర్యలు : సీఎం చంద్రబాబురాజమండ్రిలో ఈ నెల 3వ తేదీన ఇద్దరు యువకులు కారుతో ఢీకొట్టిన ఘటనలో పీజీ మెడికో ప్రియాంక ప్రాణాలు కోల్పోవడం బాధాకరం అని ముఖ్యమంత్రి చంద్రబాబు అన్నారు. ఎంతో భవిష్యత్‌ ఉన్న ఒక వైద్య విద్యార్థిని ప్రాణాలు కోల్పోవడం బాధాకరమని ఆవేదన వ్యక్తం చేశారు. ఈ ఘటనపై జిల్లా అధికారులతో ఆదివారం నిర్వహించిన టెలీకాన్ఫరెన్స్‌లో సీఎం మాట్లాడారు. ప్రియాంక మృతికి కారణమైన నిందితులు ఇప్పటికే అరెస్టై జైల్లో ఉన్నారని ఎస్పీ వివరించారు. నిర్లక్ష్యంతో నిండు ప్రాణం తీసిన వారిపై కఠిన సెక్షన్లతో శిక్షలు పడేలా చూడాలని, బాధిత కుటుంబానికి రూ.20 లక్షల ఆరి్థక సాయం అందించాలని సీఎం అధికారులను ఆదేశించారు.వారం రోజులు మృత్యువుతో పోరాడి రాజమహేంద్రవరంలో ఈ నెల 3వ తేదీన కారుతో మూడు సార్లు ఢీకొట్టి.. తలపై నుంచి ఎక్కించడంతో తీవ్ర గాయాలపాలైన మెడికో పీజీ డాక్టర్‌ ప్రియాంక (28) ఆదివారం మధ్యా­హ్నం 3 గంటలకు మృతి చెందినట్లు సికింద్రాబాద్‌ కిమ్స్‌ ఆసుపత్రి వైద్యులు ప్రక­టించారు. ప్రియాంక తల్లిదండ్రులు కర్నూ­లు నుంచి వెళ్లి జోగులాంబ గద్వాల జిల్లాలో ఉంటున్నారు. కర్నూలు మెడికల్‌ కాలేజీలో ఎంబీబీ­ఎస్‌ పూర్తి చేసిన ప్రియాంక రాజానగరంలోని జీఎస్‌ఎం మెడికల్‌ కళాశాలలో డెర్మటా­లజీ పీజీ మొదటి సంవత్సరం చదువుతోంది. ఘటన జరిగిన తర్వాత నుంచి ఆమెకు సికింద్రాబాద్‌ కిమ్స్‌ ఆసుపత్రిలో చికిత్స అందించారు. వారం రోజుల పాటు మృత్యువుతో పోరా­డిన ఆమె ఆదివారం తుదిశ్వాస విడిచారు.

సాక్షి, తూర్పుగోదావరి: చంద్రబాబు సర్కార్‌పై మెడికో ప్రియాంక తండ్రి వెంకటేష్‌ ఆగ్రహం వ్యక్తం చేశారు. ఆడపిల్ల అన్యాయమైపోతే మహిళా హోంమంత్రి మనసు కరగలేదా? అంటూ ప్రియాంక తండ్రి మండిపడ్డారు. రెక్కలు ముక్కలు చేసుకుని మా పాపను చదివించుకున్నాం. మా పాపను బతికించుకోవాలనే తపనలో ఉన్నాం. ప్రభుత్వం నుంచి ఇంతవరకు స్పందన లేదు. మా కడుపుకోత లోకేష్‌కు అర్థం కావడం లేదా?’’ అంటూ ప్రియాంక తండ్రి నిలదీశారు.‘‘ఆడపిల్లను చంపేసి హాయిగా తిరగొచ్చా.. మీ చట్టాలు సరిగా పనిచేస్తున్నాయా?. సీఎం చంద్రబాబు, డిప్యూటీ సీఎం పవన్‌ కనీసం స్పందించలేదు. విద్యాశాఖ మంత్రి లోకేష్‌ కూడా పట్టించుకోలేదు. ప్రతినెల హైదరాబాద్ వస్తారు కదా.. మా బిడ్డ పరిస్థితి తెలుసుకోరా?. కనీసం ఆసుపత్రిలో చికిత్స పొందుతున్న నా బిడ్డ పరిస్థితి గురించి తెలుసుకునే ప్రయత్నం చేయలేదు. రాష్ట్ర హోం మంత్రి గాని, జిల్లా అధికారులు గానీ ఇప్పటివరకు ఈ ఘటన గురించి మాట్లాడలేదు. నా బిడ్డ అవయవదానం చేసే ఆలోచన లేదు. బతికించుకునే ప్రయత్నమే చేస్తున్నాం’’ అని ప్రియాంక తండ్రి పేర్కొన్నారు.కాగా, రాజమండ్రిలో కారు ఢీకొన్న ఘటనలో తీవ్రంగా గాయపడి సికింద్రాబాద్‌ కిమ్స్‌ ఆస్పత్రిలో చికిత్స పొందుతున్న వైద్య విద్యార్థిని డాక్టర్‌ ప్రియాంక ఆరోగ్య పరిస్థితి విషమంగా ఉందని వైద్యులు తెలిపారు. కర్నూలుకు చెందిన ప్రియాంక తూర్పుగోదావరి జిల్లా రాజానగరంలోని జీఎస్‌ఎల్‌ వైద్య కళాశాలలో డెర్మటాలజీ విభాగంలో పీజీ మొదటి సంవత్సరం చదువుతోంది.ఈ నెల 3న రాజమండ్రిలో తోటి విద్యార్థినితో కలిసి సినిమా థియేటర్‌ నుంచి వస్తుండగా మద్యం మత్తులో ఉన్న దుష్యంత్, ఆండ్రూ విలియం జోసెఫ్‌లు కారును వేగంగా నడుపుతూ వచ్చి వీరి ద్విచక్ర వాహనాన్ని ఢీకొట్టారు. మరోసారి బలంగా ఢీకొట్టి ప్రియాంక మీద నుంచి కారు వెళ్లడంతో ఆమె తలకు తీవ్ర గాయమైంది. పరిస్థితి విషమించడంతో సికింద్రాబాద్‌ కిమ్స్‌ ఆస్పత్రికి తీసుకువచ్చారు. ప్రస్తుతం ఆమె పరిస్థితి అత్యంత విషమంగా ఉందని, గ్లాస్గో కోమా స్కేల్‌ (జీసీఎస్‌) తక్కువగా ఉండటంతో వెంటిలేటర్‌పై ఉంచి చికిత్స అందిస్తున్నట్లు కిమ్స్‌ వైద్యులు తెలిపారు.

తెలుగు చలనచిత్ర పరిశ్రమలో ప్రస్తుతం సినిమాల చిత్రీకరణలు భలే జోరుగా జరుగుతున్నాయి. కొన్ని చిత్రాల షూటింగ్స్‌ స్వదేశంలో జరుగుతుంటే మరికొన్ని చిత్రీకరణలు విదేశాల్లోనూ జరుగుతున్నాయి. అయితే ప్రస్తుతం హైదరాబాద్‌తో పాటు పరిసర ప్రాంతాల్లో పలు సినిమా చిత్రీకరణలతో ఆయా సెట్స్‌లో సందడి నెలకొంది. లోకల్‌లోనే షూటింగ్‌ కాబట్టి ఇంటి నుంచే షూటింగ్‌కి వెళ్లి సందడి సందడిగా షూటింగ్‌ చేస్తున్నారు స్టార్స్‌. ఇలా ‘కేరాఫ్‌ హైదరాబాద్‌’ అంటూ చిరంజీవి, వెంకటేష్, ప్రభాస్, మహేశ్‌బాబు, గోపీచంద్, నాని, విజయ్‌ దేవరకొండ, శ్రీవిష్ణు, సాయిదుర్గా తేజ్‌... తదితర హీరోలు తమ మూవీ షూటింగ్‌లో హుషారుగా పాల్గొంటున్నారు. ఆ విశేషాలేంటో చూద్దాం... ఆర్‌ఎఫ్‌సీలో... చిరంజీవి హీరోగా నటిస్తున్న తాజా చిత్రం ‘చిరుబాబీ 2’ (వర్కింగ్‌ టైటిల్‌). చిరంజీవి నటిస్తున్న 158వ సినిమా ఇది. బాబీ (కేఎస్‌ రవీంద్ర) దర్శకత్వం వహిస్తున్నారు. ‘వాల్తేరు వీరయ్య’ (2023) వంటి హిట్‌ మూవీ తర్వాత చిరంజీవి–బాబీ కొల్లి కాంబినేషన్‌లో రూపొందుతోన్న చిత్రమిది. ఈ సినిమాలో నివేత పేతురాజ్, అనశ్వరా రాజన్‌ ఇతర ముఖ్య పాత్రల్లో నటిస్తున్నారు. కేవీఎన్ ప్రోడక్షన్స్‌ పతాకంపై కేఎల్‌ నారాయణ నిర్మిస్తున్న ఈ సినిమా షూటింగ్‌ ప్రస్తుతం హైదరాబాద్‌ శివారులోని ఆర్‌ఎఫ్‌సీలో జరుగుతోంది. ఈ షెడ్యూల్‌లో చిరంజీవితో పాటు ఇతర తారాగణంపై కీలక సన్నివేశాలు తెరకెక్కిస్తున్నారట బాబీ.‘‘మాస్‌ యాక్షన్‌ ఎంటర్‌టైనర్స్‌ను గ్రాండ్‌గా తెరకెక్కించడంలో ప్రత్యేక గుర్తింపు సొంతం చేసుకున్న బాబీ కొల్లి ‘మెగా 158’లో చిరంజీవిని పవర్‌ఫుల్‌గా చూపించబోతున్నారు. చిరంజీవిని ఇప్పటివరకు చూడని అత్యంత ఫెరోషియస్‌ లుక్‌లో ప్రజెంట్‌ చేయడానికి ఆయన కృషి చేస్తున్నారు. ఈ సినిమా కోసం 12 గంటల పాటు వర్షంలో తెరకెక్కించిన ఓ ఫైట్‌ చిరంజీవి కెరీర్‌లో అత్యంత భారీ యాక్షన్‌ సన్నివేశాల్లో ఒకటిగా నిలవనుంది’’ అని చిత్రయూనిట్‌ పేర్కొంది. ఈ మూవీ 2027 సంక్రాంతికి ప్రేక్షకుల ముందుకు రానుందని తెలుస్తోంది. అజీజ్‌ నగర్‌లో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత హీరో వెంకటేష్‌–డైరెక్టర్‌ అనిల్‌ రావిపూడి కాంబినేషన్‌లో ఓ సినిమా రూపొందుతోన్న సంగతి తెలిసిందే. ఈ మూవీలో కల్యాణ్‌ రామ్‌ మరో హీరోగా నటిస్తున్నారు. వెంకటేశ్‌–కల్యాణ్‌ రామ్‌–అనిల్‌ రావిపూడి కాంబినేషన్‌లో రూపొందుతోన్న ఈ క్రేజీ మల్టీస్టారర్‌ మూవీకి ‘వెంకీఅనిల్‌ 5, ఎన్‌కేఆర్‌ఏఆర్‌2’ అన్నది వర్కింగ్‌ టైటిల్‌. ఈ చిత్రంలో వెంకటేష్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి హీరోయిన్లుగా నటిస్తున్నారు. సురేష్‌ ప్రోడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్ బ్యానర్‌పై సాహు గారపాటి నిర్మిస్తున్నారు.ఈ మూవీ షూటింగ్‌ హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో వెంకటేష్, కల్యాణ్‌ రామ్‌తో పాటు హీరోయిన్లు, అలాగే చిత్రంలోని నటీనటులు పాల్గొంటుండగా కీలక సీన్స్‌ తీస్తున్నారట అనిల్‌. ఫ్యామిలీ ఎంటర్‌టైనర్‌గా రూపొందుతోన్న ఈ చిత్రం 2027 సంక్రాంతికి విడుదల కానున్న విషయం తెలిసిందే. ఇదిలా ఉంటే... వెంకటేష్‌ హీరోగా నటించిన తాజా చిత్రం ‘ఆదర్శ కుటుంబం హౌస్‌ నెం: 47’. త్రివిక్రమ్‌ శ్రీనివాస్‌ దర్శకత్వం వహించిన ఈ మూవీలో శ్రీనిధీ శెట్టి హీరోయిన్ గా నటించారు. హారిక అండ్‌ హాసినీ క్రియేషన్స్‌ పతాకంపై ఎస్‌.రాధాకృష్ణ (చినబాబు) నిర్మించారు. ఫ్యామిలీ ఎంటర్‌టైనర్‌గా రూపొందిన ఈ చిత్రం అక్టోబరు 2న విడుదల కానుంది. కోకాపేటలో... ప్రభాస్‌ హీరోగా నటిస్తున్న తాజా పాన్‌ ఇండియన్‌ మూవీ ‘ఫౌజి’. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్నారు. ఈ సినిమాలో ఇమాన్వీ హీరోయిన్‌గా నటిస్తున్నారు. సీనియర్‌ నటీనటులు జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ఇతర కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ యెర్నేని, వై. రవిశంకర్‌ నిర్మిస్తున్నారు. ‘ఫౌజి’ షూటింగ్‌ ప్రస్తుతం హైదరాబాద్‌ సమీపంలోని కోకాపేటలో జరుగుతోంది. ప్రభాస్‌తో పాటు ఇతర నటీనటులపై ముఖ్యమైన సన్నివేశాలను తెరకెక్కిస్తున్నారట హను రాఘవపూడి.‘‘పీరియాడికల్‌ యాక్షన్ డ్రామాగా రూపొందుతోన్న చిత్రం ‘ఫౌజి’. ఈ సినిమాలో ఇప్పటివరకు ఎప్పుడూ కనిపించని రగ్డ్, ఎమోషనల్‌ లుక్‌లో ప్రభాస్‌ కనిపించనున్నారు. 2026లో అత్యంత భారీ పాన్‌ ఇండియా మూవీగా రూపొందుతోన్న ‘ఫౌజి’ బాక్సాఫీస్‌ వద్ద సంచలనం సృష్టిస్తుంది’’ అని చిత్రయూనిట్‌ పేర్కొంది. ఇదిలా ఉంటే... ఈ మూవీని ఈ డిసెంబరు 3న విడుదల చేయనున్నట్లు చిత్రబృందం ప్రకటించిన విషయం తెలిసిందే. కాగా ప్రభాస్‌ హీరోగా నటిస్తున్న మరో చిత్రం ‘స్పిరిట్‌’. సందీప్‌ రెడ్డి వంగా ఈ మూవీకి దర్శకత్వం వహిస్తున్నారు. శంషాబాద్‌లో... మహేశ్‌ బాబు హీరోగా అంతర్జాతీయ స్థాయిలో రూపొందుతోన్న చిత్రం ‘వారణాసి’. ప్రముఖ దర్శకుడు ఎస్‌ఎస్‌ రాజమౌళి తెరకెక్కిస్తున్నారు. ఈ సినిమాలో ప్రియాంకా చో్రపా, పృథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ చిత్రాన్ని నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది. ఈ మూవీ కోసం అక్కడ ప్రత్యేకంగా తీర్చిదిద్దిన సెట్‌లో మహేశ్‌ బాబుతో పాటు ప్రధాన తారాగణంపై కీలక సన్నివేశాలు తెరకెక్కిస్తున్నారు రాజమౌళి.ఈ సినిమా కోసం మహేశ్‌ బాబు ΄÷డవాటి హెయిర్‌ స్టైల్, గెడ్డంతో ప్రత్యేకంగా మేకోవర్‌ అయిన సంగతి తెలిసిందే. ఈ మూవీ నుంచి విడుదలైన గ్లింప్స్‌ ప్రేక్షకుల్లో అంచనాల్ని తారాస్థాయికి పెంచేసింది. ఈ విజువల్‌ వండర్‌ను చూడటానికి అంతర్జాతీయ స్థాయిలో సగటు సినీ ప్రేమికులు ఆసక్తిగా ఎదురు చూస్తున్నారు. ‘వారణాసి’ని అంతర్జాతీయ స్థాయిలో 120 దేశాల్లో విడుదల చేయనున్నట్లు రాజమౌళి పేర్కొన్న సంగతి తెలిసిందే. ఈ చిత్రంలో మహేశ్‌ బాబు శ్రీరాముడిగా, రుద్రుడిగా ద్విపాత్రాభినయం చేస్తున్నారు. 2027 ఏప్రిల్‌ 7న ‘వారణాసి’ సినిమా విడుదల కానుంది. అల్యూమినియం ఫ్యాక్టరీలో... గోపీచంద్‌ హీరోగా నటిస్తున్న తాజా చిత్రం ‘సింగ’. ఈ సినిమా ద్వారా ప్రముఖ ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ హీరోయిన్‌గా తెలుగులో అడుగుపెడుతున్నారు. 70ఎంఎం ఎంటర్‌టైన్ మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి నిర్మిస్తున్నారు. ఈ మూవీ షూటింగ్‌ ప్రస్తుతం గచ్చిబౌలిలోని అల్యూమినియం ఫ్యాక్టరీలో జరుగుతోంది.హీరో హీరోయిన్లతో పాటు ఇతర తారాగణంపై ఇంపార్టెంట్‌ సీన్స్‌ తీస్తున్నారట వెంకట్‌. జూన్‌ 12న గోపీచంద్‌ పుట్టినరోజు సందర్భంగా ‘సింగ’ టైటిల్‌ అనౌన్స్‌మెంట్‌తో పాటు ఆయన లుక్‌ను రివీల్‌ చేసింది యూనిట్‌. ‘‘యాక్షన్‌ ఎంటర్‌టైనర్‌గా రూపొందుతోన్న చిత్రం ‘సింగ’. ఫైట్‌ మాస్టర్‌గా సక్సెస్‌ అందుకున్న వెంకట్‌కి దర్శకుడిగా ఇది తొలి చిత్రం అయినప్పటికీ ఒక బలమైన స్క్రిప్ట్‌ను తయారు చేశారు. గోపీచంద్‌ను పూర్తి యాక్షన్, ఎమోషన్స్ కూడిన పాత్రలో చూపించనున్నారాయన. అత్యున్నత నిర్మాణ విలువలు, సాంకేతిక నైపుణ్యంతో కూడిన ‘సింగ’ సరికొత్త కథాంశాన్ని ప్రేక్షకులకు అందించనుంది’’ అని చిత్రయూనిట్‌ పేర్కొంది. ముచ్చింతల్‌లో... నాని హీరోగా నటిస్తున్న తాజా చిత్రం ‘ది ప్యారడైజ్‌’. శ్రీకాంత్‌ ఓదెల దర్శకత్వం వహిస్తున్నారు. ఈ మూవీలో కయాదు లోహర్‌ హీరోయిన్‌గా నటిస్తున్నారు. మంచు మోహన్ బాబు, రాఘవ్‌ జుయల్, సంపూర్ణేశ్‌ బాబు కీలక పాత్రలు పోషిస్తున్నారు. ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మిస్తున్నారు. ‘దసరా’ వంటి హిట్‌ మూవీ తర్వాత నాని, శ్రీకాంత్‌ ఓదెల, సుధాకర్‌ చెరుకూరి కాంబినేషన్‌లో తెరకెక్కుతోన్న చిత్రం ‘ది ప్యారడైజ్‌’. ఈ మూవీ షూటింగ్‌ ప్రస్తుతం శంషాబాద్‌ సమీపంలోని ముచ్చింతల్‌లో శరవేగంగా జరుగుతోంది. ఈ షెడ్యూల్‌లో నానితో పాటు ముఖ్యమైన నటీనటులపై కీలకమైన సన్నివేశాలు తెరకెక్కిస్తున్నారట శ్రీకాంత్‌ ఓదెల. పీరియాడిక్‌ యాక్షన్ డ్రామా, యాక్షన్‌ ఎంటర్‌టైనర్‌గా రూపొందుతోన్న ‘ది ప్యారడైజ్‌’లో జడల్‌ అనే శక్తిమంతమైన పాత్రలో నాని కనిపించనున్నారు. ఈ క్యారెక్టర్‌ ఆయన కెరీర్‌లో ప్రత్యేకమైనదిగా నిలుస్తుందని చిత్రయూనిట్‌ పేర్కొంది. ఈ సినిమాని తెలుగుతో పాటు హిందీ, తమిళ, కన్నడ, మలయాళ, బెంగాలీ, ఇంగ్లిష్, స్పానిష్‌ భాషల్లో ఈ నెల 21న విడుదల చేయనున్నట్లు చిత్రయూనిట్‌ ప్రకటించింది. అయితే ఆ తేదీకి విడుదల కాక పోవచ్చని, సెప్టెంబరు 24న రిలీజ్‌ అయ్యే అవకాశాలున్నాయని ఫిల్మ్‌నగర్‌ టాక్‌. గండిపేటలో... విజయ్‌ దేవరకొండ హీరోగా నటిస్తున్న తాజా చిత్రం ‘రణబాలి’. రాహుల్‌ సంకృత్యాన్‌ దర్శకత్వం వహిస్తున్నారు. ఈ మూవీలో రష్మిక మందన్నా హీరోయిన్‌గా నటిస్తున్నారు. ‘టాక్సీవాలా’ (2018) వంటి హిట్‌ మూవీ తర్వాత విజయ్‌ దేవరకొండ–రాహుల్‌ సంకృత్యాన్‌ కాంబినేషన్‌లో రూపొందుతోన్న ద్వితీయ చిత్రం ‘రణబాలి’. టీ సిరీస్‌ సమర్పణలో మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని గండిపేటలో జరుగుతోంది. విజయ్‌ దేవరకొండతో పాటు ఇతర ప్రధాన తారాగణంపై కీలక సన్నివేశాలను తెరకెక్కిస్తున్నారట దర్శకుడు. ‘‘19వ సెంచరీ నేపథ్యం కథతో రూపొందుతోన్న చిత్రం ‘రణబాలి’. 1854 నుంచి 1878 మధ్య బ్రిటిష్‌ పాలనా కాలంలో జరిగిన వాస్తవ చారిత్రక సంఘటనల ఆధారంగా ఈ కథ సాగుతుంది. ఈ మూవీలోని విజయ్‌ దేవరకొండ యాక్షన్‌ సీక్వెన్సులు ప్రేక్షకులను బాగా ఆకట్టుకుంటాయి’’ అని మేకర్స్‌ పేర్కొన్నారు. సెప్టెంబరు 11న ఈ సినిమా రిలీజ్‌ కానుంది. శంకరపల్లిలో... వైవిధ్యమైన చిత్రాలు, పాత్రలతో ప్రేక్షకుల్లో తనకంటూ ప్రత్యేకమైన గుర్తింపు సొంతం చేసుకున్నారు హీరో శ్రీ విష్ణు. ఆయన కథానాయకుడిగా నటిస్తున్న మరో వైవిధ్యమైన చిత్రానికి రామ్‌ అబ్బరాజు దర్శకత్వం వహిస్తున్నారు. వీరిద్దరి కాంబినేషన్‌లో వచ్చిన ‘సామజవరగమన’ (2023) చిత్రం ఘన విజయం సాధించింది. ఆ హిట్‌ మూవీ తర్వాత శ్రీ విష్ణు–రామ్‌ అబ్బరాజు కాంబోలో ద్వితీయ చిత్రం రూపొందుతోంది. ‘వెన్నెల’ కిశోర్, సుదర్శన్‌ కీలక పాత్రలు పోషిస్తున్నారు. మైత్రీ మూవీ మేకర్స్‌పై నవీన్‌ ఎర్నేని, వై. రవిశంకర్‌ నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. శ్రీ విష్ణుతో పాటు ఇతర నటీనటులపై కీలకమైన సీన్స్‌ తీస్తున్నారు రామ్‌ అబ్బరాజు. తొలి చిత్రంతో కడుపుబ్బా నవ్వించిన శ్రీ విష్ణు–రామ్‌ అబ్బరాజు కాంబినేషన్‌ రెండో సినిమాతో ఏ మేర నవ్వులు పంచనున్నారో వేచి చూడాలి. శంకరపల్లిలో... సాయి దుర్గాతేజ్‌ హీరోగా నటిస్తున్న తాజా చిత్రం ‘ఎస్‌వైజీ’ (సంబరాల ఏటిగట్టు). రోహిత్‌ కేపీ దర్శకునిగా పరిచయమవుతున్న ఈ సినిమాలో ఐశ్వర్య లక్ష్మి హీరోయిన్‌గా నటిస్తున్నారు. జగపతి బాబు, సాయి కుమార్, శ్రీకాంత్, అనన్య నాగళ్ల ఇతర పాత్రలు పోషిస్తున్నారు. ప్రైమ్‌షో ఎంటర్‌టైన్ మెంట్‌పై ‘హను–మాన్‌’ (2024) వంటి విజయవంతమైన సినిమా తీసిన కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు. ఈ సినిమా షూటింగ్‌ హైదరాబాద్‌ సమీపంలోని శంకరపల్లిలో జరుగుతోంది. ‘‘తన కెరీర్‌లోనే అత్యంత పవర్‌ఫుల్, ఇంటెన్స్ పాత్రలో కనిపించబోతున్నారు సాయి దుర్గాతేజ్‌. ఈ చిత్రాన్ని పవర్‌ఫుల్‌ కథనం, ఉత్కంఠ భరితమైన విజువల్స్, హై యాక్షన్‌ సన్నివేశాల మేళవింపుతో గ్రాండ్‌ యాక్షన్‌ డ్రామాగా రూపొందిస్తున్నారు రోహిత్‌. చివరి షెడ్యూల్‌ జరుగుతోంది. ఇది పూర్తయిన వెంటనే పోస్ట్‌ ప్రోడక్షన్‌ పనులను ప్రారంభిస్తాం. ఈ సినిమాని డిసెంబరులో విడుదల చేయనున్నాం’’ అని చిత్రబృందం పేర్కొంది. పైన పేర్కొన్న చిత్రాలే కాదు.. మరికొన్ని సినిమాల షూటింగ్స్‌ కూడా హైదరాబాద్‌తో పాటు పరిసర ్రపాంతాల్లో జరుగుతున్నాయి. – డేరంగుల జగన్‌ మోహన్‌

విక్టరీ వెంకటేశ్‌ హీరోగా త్రివిక్రమ్‌ దర్శకత్వంలో రూపొందుతున్న సినిమా ‘ఆదర్శ కుటుంబం హౌస్‌ నెం. 47’(AK 47). ఈ చిత్రంలో శ్రీనిధిశెట్టి, నారా రోహిత్‌, నివేతా పేతురాజ్‌, యువినా పార్థవి, రాజా ప్రజ్వల్ను ప్రధాన పాత్రలో నటిస్తున్నారు. ఇప్పటికే వెంకటేశ్‌, శ్రీనిధి శెట్టి పాత్రలను పరిచయం చేసిన మేకర్స్‌.. తాజాగా యువినా పార్థవి క్యారెక్టర్‌ని రివీల్‌ చేస్తూ ప్రత్యేక వీడియోని రిలీజ్‌ చేసింది. ఈ చిత్రంలో చిట్టిబాబుగా వెంకీ, స్వర్ణగా శ్రీనిధి నటిస్తున్నారు. చిట్టిబాబు, స్వర్ణ దంపతుల ముద్దుల కుమార్తె ‘సంపూర్ణ’ పాత్రలో బాలనటి యువినా పార్థవి నటిస్తోంది. అమాయకత్వం, చిలిపితనం, అల్లరితో నిండిన సంపూర్ణ పాత్ర చిట్టిబాబు జీవితంలో నవ్వులు పూయించడంతో పాటు, అనూహ్యమైన చిన్న చిన్న సంఘటనలకు కూడా కారణమవుతుంది. ఈ పాత్ర ప్రేక్షకులను విశేషంగా ఆకట్టుకునేలా ఉండనుందని చిత్ర బృందం తెలిపింది. ఈ చిత్రానికి ఎస్. థమన్ సంగీతం అందిస్తుండగా, రవి. కె. చంద్రన్ సినిమాటోగ్రఫీ, శ్రీకర్ ప్రసాద్ ఎడిటింగ్ బాధ్యతలు నిర్వహిస్తున్నారు. అక్టోబర్‌ 2న ఈ చిత్రం ప్రపంచ వ్యాప్తంగా రిలీజ్‌ కానుంది.

వెంకటేశ్‌ హీరోగా త్రివిక్రమ్‌ దర్శకత్వంలో రూపొందుతున్న ఫ్యామిలీ ఎంటర్‌టైనర్‌ ‘ఆదర్శ కుటుంబం హౌస్‌ నెం. 47’(AK 47). శ్రీనిధి శెట్టి, యువినా పార్థవి, రాజా ప్రజ్వల్‌, నారా రోహిత్‌, నివేతా పేతురాజ్‌ ఇతర ప్రధాన పాత్రల్లో నటిస్తున్నారు. హారిక అండ్‌ హాసినీ క్రియేషన్స్‌ పతాకంపై ఎస్‌. రాధాకృష్ణ నిర్మిస్తున్న ఈ చిత్రం అక్టోబర్‌ 2న విడుదల కానుంది. కాగా, ఈ చిత్రం ఇప్పటికే వెంకటేశ్‌ పాత్రను పరిచయం చేశారు. ఇందులో ఆయన చిట్టిబాబు అనే పాత్రలో ఆయన నటిస్తున్నారు. ఇక తాజాగా శ్రీనిధి శెట్టి పాత్రను పరిచయం చేశారు.‘ఇల్లాలే దేవత అని చెబుతూ.. ‘ఈ ఆడవాళ్లకి ఆటిట్యూడ్‌ తప్ప గ్రాటిట్యూడ్‌ ఉండదు బుజ్జిగారు. ఆదండి ఆడదంటే.. కనపడగానే పువ్వులాగా ఎలా నవ్వుతుందో చూడండి(పక్కింటి అమ్మాయిని చూపిస్తూ..). నా పెళ్లం ఉంది ఎందుకు..ఎప్పుడో పెళ్లి ఫోటోలో స్మైల్‌ ప్లీజ్‌ అంటే అప్పుడు నవ్వింది. మళ్లీ ఇప్పటిదాకా నవ్వలేదు. ఎప్పుడు మొహం ఇలా పెట్టుకుంటుంది’ అంటూ వెంకీ చెప్పే డైలాగులు నవ్వులు పూయిస్తున్నాయి. ఇందులో శ్రీనిధి..స్వర్ణగా నటిస్తోంది.‘చిట్టిబాబుకు భార్యగా, చిరునవ్వే చిరునామాగా ఉండే ఓ ఆప్యాయమైన మధ్యతరగతి ఇల్లాలిగా ఆమె పాత్ర ప్రేక్షకుల హృదయాలను హత్తుకోనుంది. చిట్టిబాబు–స్వర్ణల మధ్య ఉండే అనుబంధం, చిలిపి సంభాషణలు, అనురాగం, కుటుంబ విలువలు సినిమాకు మరింత ఆత్మను, ఆహ్లాదాన్ని అందించనున్నాయి’ అని మేకర్స్‌ తెలిపారు.

సూపర్‌ పవర్స్‌ లేని సూపర్‌ హీరో నాన్న. అయినా కుటుంబం కోసం సూపర్‌ కష్టాలను తట్టుకుని మరీ కుటుంబ సంక్షేమం కోసం తపన పడతాడు... ఒక్కోసారి తన ఇష్టాలను కూడా త్యాగం చేస్తాడు. బాధ్యతలనే ఇష్టంగా చేసుకుంటాడు. కుమారుడు, కుమార్తెల సంతోషమే తన ఆస్తిగా ఫీలవుతాడు. అందుకే ప్రతి కుటుంబానికి నాన్నే ఫ్యామిలీ స్టార్‌. ఇలా తండ్రి ఎమోషన్‌ గురించి ఎంత చెప్పినా తక్కువే. అందుకే... ఫాదర్‌ ఎమోషన్‌ నేపథ్యంలో వచ్చిన చాలా సినిమాలు బ్లాక్‌బస్టర్స్‌గా నిలిచాయి. ప్రస్తుతం ఈ జానర్‌లో మరికొన్ని సినిమాలు ప్రేక్షకుల ముందుకు రానున్నాయి. నేడు (ఆదివారం) నేషనల్‌ పేరెంట్స్‌ డే. ఈ సందర్భంగా తండ్రి ఎమోషన్‌తో రానున్న కొన్ని సినిమాలపై ఓ లుక్‌ వేయండి.గ్యాంగ్‌స్టర్‌ నాన్న కూతురు సంరక్షణ కోసం ఎంతకైనా తెగించే ఓ తండ్రి కథ వచ్చే సంక్రాంతికి థియేటర్స్‌లోకి వచ్చే అవకాశం ఉంది. ‘వాల్తేరు వీరయ్య’ వంటి హిట్‌ ఫిల్మ్‌ తర్వాత హీరో చిరంజీవి, దర్శకుడు బాబీ కాంబినేషన్‌లో రూపొందుతున్న సినిమా ‘మెగా 158’ (వర్కింగ్‌ టైటిల్‌). ఈ సినిమా ప్రధాన కథాంశం తండ్రీ కూతుళ్ల ఎమోషనే అని తెలిసింది. ఈ చిత్రంలో చిరంజీవి క్యారెక్టరైజేషన్‌లో డిఫరెంట్‌ షేడ్స్‌ ఉంటాయట.కొన్ని సీన్స్‌లో చిరంజీవి గ్యాంగ్‌స్టర్‌గా కనిపిస్తారని సమాచారం. అలాగే ఈ సినిమాలోని కొంత భాగం గోదావరి నేపథ్యంలో, మరికొంత భాగం కోల్‌కతా నేపథ్యంలో సాగుతుందని తెలిసింది. అలాగే ఈ చిత్రంలో తండ్రీ కూతుళ్ల పాత్రలో చిరంజీవి, మలయాళ నటి అనశ్వర రాజన్‌ నటిస్తున్నారని టాక్‌. నివేతా పేతురాజ్‌ మరో కీ రోల్‌ చేస్తున్నారు. చిరంజీవి భార్యగా నివేతా పేతురాజ్‌ కనిపిస్తారట. ప్రస్తుతం ఈ సినిమా షూటింగ్‌ శరవేగంగా జరుగుతోంది. వచ్చే సంక్రాంతి పండగకు రిలీజ్‌ చేయాలనే టార్గెట్‌తో చిత్రయూనిట్‌ షూటింగ్‌ చేస్తోందని తెలిసింది. కేవీఎన్‌ ప్రోడక్షన్స్‌ పతాకంపై వెంకట్‌ కె. నారాయణ ఈ సినిమాను నిర్మిస్తున్నారు.ఇటు క్లాస్‌... అటు మాస్‌ సమాజంలో వారిది ‘ఆదర్శ కుటుంబం’. కానీ తన ఫ్యామిలీ జోలికి వస్తే మాత్రం, ఈ కుటుంబం పెద్ద అయిన తండ్రి గన్‌ పడతాడు? తన కుటుంబ సభ్యుల చేత ఫైట్‌ చేయిస్తాడు. ఈ మాస్‌ ఫాదర్‌ డీటైల్స్‌ ఏంటో తెలుసుకోవాలంటే అక్టోబరు 2 వరకు ఆగాల్సిందే. వెంకటేశ్, శ్రీనిధి శెట్టి హీరో హీరోయిన్లుగా నటిస్తున్న సినిమా ‘ఆదర్శ కుటుంబం హౌస్‌ నెంబరు 47’ (ఏకే 47). ఈ చిత్రంలో నారా రోహిత్‌ కీలక పాత్రలో నటిస్తున్నారు. త్రివిక్రమ్‌ దర్శకత్వం వహిస్తున్న సినిమా ఇది. ప్రస్తుతం ఈ సినిమా చిత్రీకరణ శరవేగంగా జరుగుతోంది. ఈ చిత్రంలో ఫాదర్‌ రోల్‌ చేస్తున్నారు వెంకటేశ్‌. అలాగే వెంకటేశ్‌ క్యారెక్టరైజేషన్‌లో డిఫరెంట్‌ షేడ్స్‌ ఉంటాయి. క్లాస్‌గా ఉంటూనే తన కుటుంబం ఆపదలో ఉందంటే మాత్రం ఫైర్‌ అయి పోయే మాస్‌ ఫాదర్‌ రోల్‌ చేస్తున్నారట వెంకటేశ్‌. హారిక అండ్‌ హాసిని క్రియేషన్స్‌ పతాకంపై సూర్యదేవర రాధాకృష్ణ నిర్మిస్తున్న ఈ సినిమా అక్టోబరు 2న విడుదల కానుంది. మరోవైపు వెంకటేశ్‌ హీరోగా నటించిన హిట్‌ ఫిల్మ్స్‌ ‘నువ్వు నాకు నచ్చావ్, మల్లీశ్వరి’ చిత్రాలకు దర్శకుడు త్రివిక్రమ్‌ డైలాగ్స్‌ అందించారు. ఈ నేపథ్యంలో ఇప్పుడు త్రివిక్రమ్‌ దర్శకత్వంలో వెంకటేశ్‌ హీరోగా రానున్న ఈ సినిమాపై ప్రేక్షకుల్లో అంచనాలు ఉండటం సహజం.కూతురు కోసం... రవితేజ హీరోగా నటించిన తాజా సినిమా ‘ఇరుముడి’. ఈ సినిమాలో రవితేజ తండ్రి పాత్రలో నటించగా, ఆయన కుమార్తెగా బేబీ నక్షత్ర నటించారు. రవితేజ భార్యగా ప్రియా భవానీ శంకర్‌ నటించినట్లు తెలుస్తోంది. కాగా, ఈ సినిమా ప్రధాన కథాంశం తండ్రీ కూతుళ్ల ఎమోషన్‌ నేపథ్యంలో సాగుతుందని ఇటీవల విడుదలైన ఈ సినిమా టీజర్‌ స్పష్టం చేస్తోంది. ఏదో మానసిక బాధలో ఉన్న తండ్రిని మందు మానేయమని కూతురు రిక్వెస్ట్‌ చేయడం, కుమార్తె కోసం ఆ తండ్రి తనను తాను మార్చుకోవాలనుకోవడం, ఆ కుమార్తె రక్షణ కోసం తన ప్రాణాలనైనా లెక్క చేయని తండ్రి సాహసం... వంటి అంశాల నేపథ్యంలో ఈ ‘ఇరుముడి’ సినిమా కథనం సాగుతుందని టాక్‌. ఈ చిత్రంలో రవితేజ అయ్యప్ప స్వామి భక్తుడిగా కనిపిస్తారు. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తున్న ఈ సినిమా ఆగస్టు 21న విడుదల కానుంది. తండ్రి ఆదేశం తన తండ్రి లక్ష్యం కోసం రుద్ర ఓ సాహసోపేతమైన ప్రయాణం మొదలుపెట్టాడు. కాలానికి అతీతంగా ఖండాల మధ్య ప్రయాణం చేస్తున్నాడు. మరి... రుద్రకు అతని తండ్రి అప్పగించిన మిషన్‌ ఏంటి? తండ్రి కోసం రుద్ర ఏం చేశాడు? అన్న అంశాల నేపథ్యంలోనే ‘వారణాసి’ సినిమా కథనం రూపొందుతోందనే ప్రచారం ఫిల్మ్‌నగర్‌ సర్కిల్స్‌లో వినిపిస్తోంది. మహేశ్‌బాబు హీరోగా రాజమౌళి దర్శకత్వంలో అంతర్జాతీయ స్థాయిలో రూపొందుతున్న సినిమా ‘వారణాసి’. ఈ చిత్రంలో రుద్ర, శ్రీరాముడు... ఇలా రెండు విభిన్నమైన పాత్రల్లో నటిస్తున్నారు మహేశ్‌బాబు. మందాకినిగా ప్రియాంక చో్ర పా, కుంభగా పృథ్వీరాజ్‌ సుకుమారన్‌ నటిస్తున్నారు. మరో కీలక పాత్రలో ప్రకాశ్‌రాజ్‌ నటిస్తున్నారు. ఈ సినిమాలో సైన్స్‌ ఫిక్షన్, మైథలాజికల్, అడ్వెంచరస్‌ అంశాలు ఉన్నప్పటికీ ‘వారణాసి’ ప్రధాన కథాంశం తండ్రీ కొడుకుల అనుబంధమే అని ఇటీవల పారిస్‌లో జరిగిన కార్యక్రమంలో స్పష్టం చేశారు రాజమౌళి. దీంతో ‘వారణాసి’ సినిమా కథపై విభిన్న ప్రచారాలు తెరపైకి వచ్చాయి. పైన పేర్కొన్న కథాంశం కూడా ఫిల్మ్‌నగర్‌ సర్కిల్స్‌లో వినిపిస్తోంది. అంతేకాదు...ఈ చిత్రంలో మహేశ్‌బాబు తండ్రిగా ప్రకాశ్‌రాజ్‌ కనిపిస్తారని భోగట్టా. ప్రస్తుతం ఈ సినిమా చిత్రీకరణ హైదరాబాద్‌లో జరుగుతోంది. మహేశ్‌బాబు పాల్గొంటుండగా కీలకమైన యాక్షన్‌ సన్నివేశాల చిత్రీకరణ జరుగుతోందని సమాచారం. కేఎల్‌ నారాయణ, ఎస్‌ఎస్‌ కార్తికేయ నిర్మిస్తున్న ‘వారణాసి’ సినిమా ఏప్రిల్‌ 7న రిలీజ్‌ కానుంది.ఓ తండ్రి... ఇద్దరు కొడుకులు ఓ తండ్రి తన ఇద్దరు కొడుకుల కోసం ఎలాంటి త్యాగం చేశాడు? ఈ ఇద్దరు కొడుకులకు, తండ్రికి మధ్య దూరం ఎందుకు ఏర్పడింది? అనే అంశాల ఆధారంగా ‘రాకా’ సినిమా తెరకెక్కుతోందట. అల్లు అర్జున్‌ హీరోగా అట్లీ దర్శకత్వంలో రూపొందుతున్న ఫ్యాంటసీ యాక్షన్‌ డ్రామా ‘రాకా’. ఈ చిత్రంలో అల్లు అర్జున్‌ త్రి పాత్రాభినయం చేస్తున్నారనే ప్రచారం సాగుతోంది. తండ్రి, ఇద్దరు కొడుకులు... ఇలా మూడు పాత్రల్లోనూ అల్లు అర్జున్‌ కనిపిస్తారని ఫిల్మ్‌నగర్‌ భోగట్టా. ఈ తండ్రీ కొడుకుల మధ్య వచ్చే యాక్షన్‌ సన్నివేశాలతో పాటు కొన్ని ఎమోషనల్‌ సీన్స్‌ కూడా ఈ సినిమాలో హైలైట్‌గా ఉంటాయని సమాచారం. అంతే కాదండోయ్‌..‘రాకా’ సినిమాలో అల్లు అర్జున్‌ చేస్తున్న మూడు డిఫరెంట్‌ క్యారెక్టర్స్‌లో ఒక క్యారెక్టర్‌ విలన్‌ అని టాక్‌. ముంబైలో ప్రత్యేకంగా వేసిన సెట్స్‌లో ‘రాకా’ సినిమా చిత్రీకరణ జరుగుతోంది. మేజర్‌గా ఈ సెట్స్‌లోనే ఈ సినిమాను షూట్‌ చేస్తున్నారు అట్లీ అండ్‌ టీమ్‌. కాగా, ప్రస్తుతం ఫ్యామిలీతో కలిసి వెకేషన్‌లో భాగంగా ఆస్ట్రియాలో ఉన్నారు అల్లు అర్జున్‌. ఈ వెకేషన్‌ పూర్తి కాగానే, ముంబై చేరుకుని ‘రాకా’ చిత్రీకరణలో పాల్గొంటారు. ఈ సినిమా చిత్రీకరణను ఈ ఏడాదే పూర్తి చేయాలనుకుంటున్నారు. కానీ రిలీజ్‌ మాత్రం వచ్చే ఏడాది ఉంటుందట. ఎందుకంటే... ఈ చిత్రం కోసం ఓ ప్రత్యేకమైన ప్రపంచాన్నే సృష్టించారు దర్శకుడు అట్లీ. అందుకోసం చాలా వీఎఫ్‌ఎక్స్‌ పనులు చేయాల్సి ఉంది. ఈ కారణంగానే ‘రాకా’ సినిమా విడుదల వచ్చే ఏడాది ఉంటుంది. నటీమణులు దీపికా పదుకోన్, ఫెమినా జార్జ్, పంజాబీ నటి నైలా గ్రేవాల్‌ ఈ సినిమాలోని ఇతర కీలక పాత్రల్లో నటిస్తున్నారు. ఇంకా జాన్వీ కపూర్, రష్మిక మందన్నా, మృణాల్‌ ఠాకూర్‌ సైతం ఈ సినిమాలో భాగమయ్యారని బాలీవుడ్‌ సమాచారం. సన్‌ పిక్చర్స్‌ పతాకంపై కళానిధి మారన్‌ భారీ బడ్జెట్‌తో ఈ సినిమాను నిర్మిస్తున్నారు.తండ్రి హీరో... కొడుకు విలన్‌? ఏ తండ్రికైనా తన కొడుకే హీరో. కానీ ఓ తండ్రి పాలిట ఓ కొడుకు విలన్‌ అయ్యాడు. మరి... ఈ తండ్రీ కొడుకుల కహానీ ఏంటి? కొడుకు తనపై పెంచుకున్న ద్వేషాన్ని ప్రేమగా మార్చేందుకు ఓ తండ్రి ఎలాంటి సాహసోపేతమైన నిర్ణయాలు తీసుకున్నాడు? అన్న అంశాలతో ‘టాక్సిక్‌’ సినిమా రూపొందుతోందని సమాచారం. యశ్‌ ద్వి పాత్రాభినయం చేసిన ద్విభాషా (కన్నడ, ఇంగ్లిష్‌) చిత్రం ‘టాక్సిక్‌: ఏ ఫెయిరీ టెల్‌ ఫర్‌ గ్రోన్‌ అండ్‌ అప్స్‌’. గోవా నేపథ్యంలో సాగే ఈ పీరియాడికల్‌ యాక్షన్‌ డ్రామాలో రాయ, టాక్సిక్‌ అనే రెండు విభిన్నమైన పాత్రల్లో నటించారు యశ్‌.‘టాక్సిక్‌’ కథనం తండ్రీ కొడుకుల ప్రతీకారం, అనుబంధం నేపథ్యంలో సాగుతుందని, 1940–1970 నేపథ్యంలో ఈ సినిమా కథనం సాగుతుందని ఇటీవల ఓ ఇంటర్వ్యూలో యశ్‌ పేర్కొన్నారు. ఈ సినిమా ప్రధానాంశం తండ్రిపై కొడుకు ప్రతీకారమే అయినా, క్లైమాక్స్‌లో వీరిద్దరూ కలిసి మెయిన్‌ విలన్‌ను ఓ ఆటాడిస్తారట. మరి... ఈ సినిమా కథనం ఇలానే సాగుతుందా? అనే విషయంపై క్లారిటీ రావాలంటే మాత్రం ఆగస్టు 26 వరకు ఎదురు చూడాల్సిందే. ఎందుకంటే... ఈ సినిమా ఆ రోజే విడుదల కానుంది. ఈ సినిమా ట్రైలర్‌ను ఆగస్టు 8న రిలీజ్‌ చేసేందుకు మేకర్స్‌ సన్నాహాలు చేస్తున్నారనే ప్రచారం సాగుతోంది.ఇక ఈ చిత్రంలో గంగ పాత్రలో నయనతార, నాడియాగా కియారా అద్వానీ, రెబెక్కా రోల్‌లో తారా సుతారియా, మెలిస్సాగా రుక్మిణి వసంత్‌ నటించారు. ఈ చిత్ర దర్శకురాలు గీతూ మోహన్‌దాస్‌తో కలిసి ఈ సినిమాకు కథ అందించారు యశ్‌. కేవీఎన్‌ ప్రోడక్షన్స్, మాన్‌స్టర్‌ మైండ్‌ క్రియేషన్స్‌ పతాకాలపై వెంకట్‌ కె. నారాయణ, యశ్‌ ఈ సినిమాను నిర్మించారు. సంజయ్‌ విశ్వనాథ్‌ సూర్య హీరోగా నటించిన తాజా సినిమా ‘విశ్వనాథ్‌ అండ్‌ సన్స్‌’. టైటిల్‌లోనే ‘విశ్వనాథ్‌ అండ్‌ సన్స్‌’ ఉండటం, ఈ చిత్రంలో సంజయ్‌ విశ్వనాథ్‌ పాత్రలో సూర్య నటించారు. అలాగే ఈ సినిమా నుంచి విడుదలైన ఫస్ట్‌ లుక్స్‌ కూడా ఈ చిత్రంలో సూర్య చేసినది ఫాదర్‌ రోల్‌ అని స్పష్టం చేస్తున్నాయి. మరి... సంజయ్‌ విశ్వనాథ్‌గా తండ్రి పాత్రలో సూర్య ఎలా నటించారు? ఈ పాత్ర చుట్టూ అల్లుకున్న ఎమోషనల్‌ బాండింగ్స్‌ ఏంటి? అన్న అంశాలు తెలియాలంటే ఆగస్టు 15 వరకు ఎదురు చూడాల్సిందే. ఎందుకంటే... ఈ సినిమా ఆ రోజే విడుదల కానుంది. వెంకీ అట్లూరి దర్శకత్వంలో సూర్యదేవర నాగవంశీ, సాయి సౌజన్య నిర్మించారు. ఈ చిత్రంలో రాధికా శరత్‌ కుమార్, రవీనా టాండన్‌ కీలక పాత్రల్లో నటించగా, హీరోయిన్‌గా మమితా బైజు నటించారు. తాజాగా ఈ సినిమా నుంచి వెడ్డింగ్‌ సాంగ్‌ రిలీజ్‌ చేశారు.⇒ కార్తీ కెరీర్‌లోని సూపర్‌ హిట్‌ చిత్రాల్లో ‘ఖైదీ’ ఒకటి. ఈ సినిమాలో ఢిల్లీ పాత్రలో కార్తీ అద్భుతమైన నటన కనబరచారు. పదేళ్ల పాటు జైలు జీవితం గడిపి, తన కుమార్తె అముదను కలసుకునేందుకు ఢిల్లీ తిరిగి వస్తాడు. మరి... ఈ తండ్రీకూతుళ్ల కథ ఏంటి? ఢిల్లీ భార్యకు ఏం జరిగింది? డ్రగ్స్‌ మాఫియా నుంచి అముదకు పొంచి ఉన్న ప్రమాదాన్ని ఢిల్లీ ఏ విధంగా అడ్డుకుంటాడు? అన్న ఆసక్తికరమైన అంశాలను ‘ఖైదీ 2’ చిత్రంలో చూడాలి. డ్రీమ్‌ వారియర్‌ పిక్చర్స్‌ పతాకంపై ఏఆర్‌ ప్రభు, ఎస్‌.ఆర్‌. ప్రకాష్‌ ఈ సినిమాను నిర్మించనున్నారు. లోకేష్‌ కనగరాజ్‌ దర్శకత్వంలోని లోకేష్‌ సినిమాటిక్‌ యూనివర్స్‌లో భాగంగా రూపొందిన ‘ఖైదీ’ సినిమా సీక్వెల్‌ ‘ఖైదీ 2’ కూడా రానుంది. ప్రస్తుతం అల్లు అర్జున్‌తో సినిమా చేసే పనిలో ఉన్నారు లోకేష్‌. ఈ సినిమా పూర్తయిన తర్వాత ‘ఖైదీ 2’ సినిమా చిత్రీకరణను షురూ చేస్తారు కార్తీ, లోకేష్‌.⇒ మదర్‌ సెంటిమెంట్‌తో ‘బిచ్చగాడు’ సినిమా తీసి, బ్లాక్‌బస్టర్‌ అందుకున్నారు విజయ్‌ ఆంటోనీ. తాజాగా ఆయన ఫాదర్‌ సెంటిమెంట్‌తో చేస్తున్న సినిమా ‘నాన్న కుట్టి’. ప్రీతి అస్రాని, లిథన్య, భగవతి పెరుమాళ్, హరిప్రియ ఇసై, చిత్ర లక్ష్మణన్‌ ఈ సినిమాలోని ప్రధాన పాత్రల్లో నటిస్తున్నారు. ము. మారన్‌ దర్శకత్వంలో మీరా విజయ్‌ ఆంటోనీ ఈ సినిమాను నిర్మిస్తుండగా, రామాంజనేయులు జవ్వాజీ సహ–నిర్మాతగా వ్యవహరిస్తున్నారు. ఇటీవలే ఈ సినిమా ఫస్ట్‌ లుక్‌ను రిలీజ్‌ చేశారు. త్వరలోనే ఈ సినిమా రిలీజ్‌ డేట్‌ను ప్రకటించనున్నారు. ఇలా తండ్రి భావోద్వేగాలతో కూడిన సినిమాలు మరికొన్ని ఉన్నాయి. అలాగే తల్లి ఎమోషన్‌తో కూడిన సినిమాలు కూడా ఉన్నాయి. – ముసిమి శివాంజనేయులు

వెంకటేశ్, నందమూరి కల్యాణ్‌రామ్‌ హీరోలుగా అనిల్‌ రావిపూడి దర్శకత్వంలో రూపొందుతున్న ఫ్యామిలీ ఎంటర్‌టైనర్‌ ‘వెంకీఅనిల్‌ 5’ (వర్కింగ్‌ టైటిల్‌). రాయలసీమ నేపథ్యంలో రూపొందుతున్న ఈ చిత్రంలో వెంకటేశ్‌కు జోడీగా కీర్తి సురేష్, కల్యాణ్‌రామ్‌ సరసన కృతి శెట్టి నటిస్తున్నారు.అర్చన, జీ స్టూడియోస్, సురేష్‌ ప్రోడక్షన్స్‌ సమర్పణలో సాహు గారపాటి నిర్మిస్తున్న ఈ సినిమా వచ్చే ఏడాది సంక్రాంతి సందర్భంగా రిలీజ్‌ కానుంది. కాగా, ఈ సినిమా తొలి షెడ్యూల్‌ ముగిసిందని చిత్రబృందం పేర్కొంది. ‘‘తొలి షెడ్యూల్‌ చిత్రీకరణ కోసం హైదరాబాద్‌లో ప్రత్యేకంగా సెట్‌ను నిర్మించాం. ప్రధాన తారాగణం పాల్గొనగా టాకీ పార్ట్‌తో పాటు ఓ పాటను కూడా చిత్రీకరించాం. ఈ సన్నివేశాలు ఈ సినిమాకి హైలైట్‌గా ఉంటాయి’’ అని యూనిట్‌ పేర్కొంది. ఈ చిత్రానికి సంగీతం: జీవీ ప్రకాశ్‌కుమార్‌.

తెలుగు చలనచిత్ర పరిశ్రమలో.. ప్రత్యేకించి హైదరాబాద్‌లో తెలుగు చిత్రాల మూవీస్‌ షూటింగ్స్‌ సందడి జోరుగా హుషారుగా ఉంది. ప్రస్తుతం భాగ్యనగరంతో (హైదరాబాద్‌) పాటు పరిసర ప్రాంతాల్లో కొన్ని చిత్రాల షూటింగ్స్‌ జరుగుతున్నాయి. వెంకటేశ్, ప్రభాస్, మహేశ్‌బాబు, ఎన్టీఆర్, గోపీచంద్, నాని, విజయ్‌ దేవరకొండ, కల్యాణ్‌ రామ్, శ్రీ విష్ణు వంటి పలువురు హీరోలు హైదరాబాద్‌తో పాటు పరిసర ప్రాంతాల్లో తమ సినిమాల షూటింగ్‌లో జోరుగా హుషారుగా పాల్గొంటున్నారు. ఆ వివరాలు ఏంటో ఓ లుక్కేద్దాం...శంషాబాద్‌లో... ‘గుంటూరు కారం’ (2024) వంటి హిట్‌ మూవీ తర్వాత మహేశ్‌బాబు హీరోగా నటిస్తున్న తాజా చిత్రం ‘వారణాసి’. ‘ఆర్‌ఆర్‌ఆర్‌’ (2022) వంటి బ్లాక్‌బస్టర్‌ మూవీ తర్వాత ఎస్‌ఎస్‌ రాజమౌళి దర్శకత్వం వహిస్తున్న ప్రతిష్టాత్మక చిత్రమిది. దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ నిర్మిస్తున్నారు. ఈ మూవీలో మహేశ్‌బాబు రాముడిగా, రుద్రగా కనిపించనున్నారు. హీరోయిన్‌ ప్రియాంకా చోప్రా మందాకినిగా, మలయాళ హీరో పృథ్వీరాజ్‌ సుకుమారన్‌ కుంభ అనే ప్రతినాయకుడి పాత్ర పోషిస్తున్నారు.సైన్స్ ఫిక్షన్‌ ట్రావెల్‌ టైమ్‌ మైథలాజికల్‌ యాక్షన్‌ అడ్వెంచర్‌ మూవీగా ‘వారణాసి’ రూపొందుతోంది. ఇందులోని రామాయణం ఎపిసోడ్‌ సినిమాకి హైలైట్‌గా ఉంటుందట. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది. అక్కడ ప్రత్యేకంగా సెట్‌ వేయించారు. ఈ షెడ్యూల్‌లో మహేశ్‌బాబు లేకున్నప్పటికీ కీలక తారాగణంపై ఈ సెట్‌లో ముఖ్యమైన సన్నివేశాలను తెరకెక్కిస్తున్నారట రాజమౌళి.ఈ సినిమా చిత్రీకరణకు కాస్త బ్రేక్‌ రావడంతో కుటుంబంతో కలిసి విదేశాలకు వెకేషన్‌ వెళ్లిన మహేశ్‌బాబు తిరిగి హైదరాబాద్‌ వచ్చారు. ఈ నెల 16 నుంచి ఆయన ‘వారణాసి’ షూటింగ్‌లో పాల్గొంటారని తెలిసింది. ఈ చిత్రాన్ని 120 దేశాల్లో విడుదల చేయనున్నట్లు చిత్రయూనిట్‌ ఇప్పటికే ప్రకటించింది. మహేశ్‌బాబు–రాజమౌళి కాంబినేషన్‌లో అంతర్జాతీయ స్థాయిలో రూపొందుతున్న ‘వారణాసి’పై ఇటు ఇండస్ట్రీ వర్గాల్లో, అటు ప్రేక్షకుల్లో భారీ అంచనాలు నెలకొన్నాయి. 2027 ఏప్రిల్‌ 7న ‘వారణాసి’ ప్రేక్షకుల ముందుకు రానుంది. అటు మోకిలా... ఇటు శంకర్‌పల్లి హీరో వెంకటేష్‌ ఫుల్‌ స్వింగ్‌లో ఉన్నారు. ఇటు త్రివిక్రమ్‌ దర్శకత్వంలో ‘ఆదర్శ కుటుంబం’ సినిమా, అటు అనిల్‌ రావిపూడి డైరెక్షన్‌లో ఓ మూవీ... ఇలా రెండు సినిమాలతో బిజీ బిజీగా ఉన్నారాయన. వెంకటేష్‌–కల్యాణ్‌ రామ్‌ హీరోలుగా డైరెక్టర్‌ అనిల్‌ రావిపూడి ఓ మల్టీస్టారర్‌ మూవీ తెరకెక్కిస్తున్న సంగతి తెలిసిందే. వెంకటేష్‌–అనిల్‌ రావిపూడి కాంబినేషన్‌లో ఐదో సినిమాగా, కల్యాణ్‌ రామ్‌–అనిల్‌ రావిపూడి కాంబోలో రెండో సినిమాగా రూపొందుతోన్న ఈ సినిమాకి ‘వెంకీఅనిల్‌5, ఎన్‌కేఆర్‌ఏఆర్‌2’ అన్నది వర్కింగ్‌ టైటిల్‌.ఈ చిత్రంలో వెంకటేష్‌ సరసన కీర్తి సురేష్, కల్యాణ్‌ రామ్‌ సరసన కృతి శెట్టి హీరోయిన్లుగా నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్ బ్యానర్‌పై సాహు గారపాటి నిర్మిస్తున్నారు. ఈ మూవీ చిత్రీకరణ ప్రస్తుతం హైదరాబాద్‌ సమీపంలోని మోకిలాలో జరుగుతోంది. అక్కడ వేసిన ప్రత్యేకమైన భారీ సెట్‌లో జరుగుతున్న ఈ షెడ్యూల్‌లో వెంకటేష్, కల్యాణ్‌ రామ్, కీర్తి సురేష్, కృతి శెట్టితో పాటు ఇతర నటీనటులపై ముఖ్యమైన సన్నివేశాలను చిత్రీకరిస్తున్నారు. అనిల్‌ రావిపూడి శైలిలో వినోదాత్మకంగా ఈ మూవీ రూపొందుతోంది. ‘‘వెంకటేష్‌–కల్యాణ్‌ రామ్‌ మధ్య వచ్చే సన్నివేశాలు ఈ చిత్రానికి ప్రధాన ఆకర్షణగా నిలుస్తాయి. వీరిద్దరి ఆన్‌ స్క్రీన్‌ అనుబంధం ఆడియన్స్‌ని మెస్మరైజ్‌ చేస్తుంది.ఈ సినిమా నుంచి కల్యాణ్‌ రామ్‌ పుట్టినరోజు (జూలై 5న) సందర్భంగా విడుదల చేసిన ఆయన ఫస్ట్‌ లుక్‌ పోస్టర్‌కు మంచి స్పందన లభించింది. క్రేజీ మల్టీస్టారర్‌గా రూపొందుతున్న ఈ చిత్రాన్ని 2027 సంక్రాంతికి విడుదల చేయనున్నాం’’ అని చిత్రబృందం పేర్కొంది. ⇒ వెంకటేష్‌ హీరోగా నటిస్తున్న మరో చిత్రం ‘ఆదర్శ కుటుంబం’. ‘హౌస్‌ నెం: 47 (ఏకే 47)’ అనేది ఉపశీర్షిక. త్రివిక్రమ్‌ శ్రీనివాస్‌ దర్శకత్వం వహిస్తున్న ఈ సినిమాలో ‘కేజీఎఫ్, ‘హిట్‌ 3, తెలుసు కదా’ చిత్రాల ఫేమ్‌ శ్రీనిధి శెట్టి హీరోయిన్‌గా నటిస్తున్నారు. హారిక అండ్‌ హాసినీ క్రియేషన్స్‌ పతాకంపై ఎస్‌.రాధాకృష్ణ (చినబాబు) నిర్మిస్తున్నారు. ఫ్యామిలీ ఎంటర్‌టైనర్‌గా రూపొందుతోన్న ఈ సినిమా షూటింగ్‌ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. ఈ చిత్రం దసరా కానుకగా అక్టోబరు 2న విడుదల కానుంది.అల్యూమినియం ఫ్యాక్టరీలో... హీరో గోపీచంద్‌ కూడా స్పీడ్‌ పెంచారు. ఓ వైపు ‘సింగ’, మరోవైపు ‘భరతవర్ష’ మూవీస్‌తో బిజీగా ఉన్నారాయన. ఆయన హీరోగా నటిస్తున్న చిత్రాల్లో ‘సింగ’ ఒకటి. ఈ చిత్రం ద్వారా ప్రముఖ ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ హీరోయిన్‌గా తెలుగులో అడుగుపెడుతున్నారు. 70ఎంఎం ఎంటర్‌టైన్ మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి నిర్మిస్తున్నారు. యాక్షన్‌ ఎంటర్‌టైనర్‌గా రూపొందుతోన్న ఈ మూవీ షూటింగ్‌ ప్రస్తుతం గచ్చిబౌలిలోని అల్యూమినియం ఫ్యాక్టరీలో జరుగుతోంది.గోపీచంద్‌తో పాటు ఇతర తారాగణంపై కీలక సన్నివేశాలను తెరకెక్కిస్తున్నారు వెంకట్‌. జూన్‌ 12న గోపీచంద్‌ పుట్టినరోజు. ఈ సందర్భంగా ‘సింగ’ టైటిల్‌తో పాటు ఆయన లుక్‌ను యూనిట్‌ రివీల్‌ చేయగా అద్భుతమైన స్పందన వచ్చింది. ‘‘యాక్షన్‌ ఎంటర్‌టైనర్‌గా రూపొందుతోన్న చిత్రం ‘సింగ’. ఫైట్‌ మాస్టర్‌గా సక్సెస్‌ అందుకున్న వెంకట్‌.. గోపీచంద్‌ని ఎంత పవర్‌ఫుల్‌ మాస్‌ లుక్‌లో చూపించనున్నారో గ్లింప్స్‌తోనే చూపించాం.యాక్షన్, ఎమోషన్, డ్రామా కలగలిపిన పవర్‌ఫుల్‌ కథతో రూపొందుతోన్న ఈ సినిమాలో గోపీచంద్‌ను కొత్త కోణంలో చూపించనున్నారాయన. యాక్షన్‌ డైరెక్టర్‌ నుంచి దర్శకుడిగా వెంకట్‌ చేస్తున్న ఈ ప్రయాణంపై ఇప్పటికే భారీ అంచనాలు నెలకొన్నాయి ’’ అని చిత్రయూనిట్‌ పేర్కొంది. ఇదిలా ఉంటే... గోపీచంద్‌ హీరోగా నటిస్తున్న మరో చిత్రం ‘భరతవర్ష’. సంకల్ప్‌ రెడ్డి దర్శకత్వం వహిస్తున్న ఈ మూవీలో రీతూ వర్మ హీరోయిన్‌గా నటిస్తున్నారు. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాసా చిట్టూరి నిర్మిస్తున్నారు. అజీజ్‌ నగర్‌లో... హీరో ప్రభాస్‌ యమా జోరు మీద ఉన్నారు. వరుస పాన్‌ ఇండియన్‌ మూవీస్‌తో దూసుకెళుతున్నారాయన. ప్రభాస్‌ హీరోగా నటిస్తున్న ‘స్పిరిట్, ఫౌజీ, కల్కి 2’ వంటి సినిమాలు చిత్రీకరణలు జరుపుకుంటున్నాయి. ‘అర్జున్‌ రెడ్డి, కబీర్‌ సింగ్, యానిమల్‌’ చిత్రాల ఫేమ్‌ సందీప్‌ రెడ్డి వంగా దర్శకత్వంలో ప్రభాస్‌ కథానాయకుడిగా నటిస్తున్న చిత్రం ‘స్పిరిట్‌’. ‘యానిమల్‌’ మూవీ ఫేమ్‌ త్రిప్తి దిమ్రీ హీరోయిన్‌గా నటిస్తుండగా, బాలీవుడ్‌ నటుడు వివేక్‌ ఒబెరాయ్, ఐశ్వర్యా దేశాయ్‌ కీలక పాత్రలు పోషిస్తున్నారు.భద్రకాళి పిక్చర్స్, టి. సిరీస్‌ బ్యానర్స్‌పై భూషణ్‌ కుమార్, ప్రణయ్‌ రెడ్డి వంగా, క్రిషణ్‌ కుమార్, ప్రభాకర్‌ రెడ్డి వంగా నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో ప్రభాస్‌తో పాటు కీలక తారాగణం పాల్గొంటుండగా ముఖ్యమైన సన్నివేశాలను తెరకెక్కిస్తున్నారట సందీప్‌ రెడ్డి. ‘‘భారీ స్థాయిలో, అద్భుతమైన ఎమోషన్స్తో రూపొందుతోన్న ‘స్పిరిట్‌’ చిత్రం ప్రేక్షకులకు ఓ ఇంటెన్స్ సినిమాటిక్‌ ఎక్స్‌పీరియన్స్ని అందించేలా ఉంటుంది. ప్రపంచవ్యాప్తంగా ఉన్న ప్రేక్షకులను ఆకుట్టుకునేలా ఈ మూవీని రూపొందిస్తున్నాం. 2027 మార్చి 5న 8 భాషల్లో ఈ సినిమాని విడుదల చేస్తున్నాం’’ అని చిత్రబృందం పేర్కొంది. ⇒ ప్రభాస్‌ హీరోగా తెరకెక్కుతున్న మరో చిత్రం ‘ఫౌజీ’. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్న ఈ సినిమాలో ఇమాన్వీ హీరోయిన్‌గా నటిస్తున్నారు. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ ఎర్నేని, వై. రవిశంకర్‌ నిర్మిస్తున్నారు. పీరియాడికల్‌ యాక్షన్ డ్రామాగా రూపొందుతోన్న ‘ఫౌజీ’ షూటింగ్‌ ప్రస్తుతం ఆర్‌ఎఫ్‌సీలో జరుగుతోంది. తెలుగు, హిందీ, తమిళ, కన్నడ, మలయాళ, బెంగాలీ భాషల్లో దసరా పండగ సందర్భంగా అక్టోబరులో ‘ఫౌజీ’ సినిమా విడుదల కానుంది. ఆర్‌ఎఫ్‌సీలో... ‘దేవర’ వంటి బ్లాక్‌బస్టర్‌ మూవీ తర్వాత ఎన్టీఆర్‌ సోలో హీరోగా నటిస్తున్న తాజా చిత్రం ‘డ్రాగన్‌’. ‘కేజీఎఫ్‌ 1, కేజీఎఫ్‌ 2, సలార్‌’ వంటి హిట్‌ చిత్రాల తర్వాత డైరెక్టర్‌ ప్రశాంత్‌ నీల్‌ దర్శకత్వం వహిస్తున్న సినిమా ఇది. ఈ మూవీలో రుక్మిణీ వసంత్‌ హీరోయిన్‌గా నటిస్తున్నారు. అనిల్‌ కపూర్, బిజూ మీనన్ , ఖుష్బూ సుందర్, గురు సోమసుందరం, రాజీవ్‌ కనకాల, అశుతోష్‌ రాణా, అన్షుమన్‌ పుష్కర్, సిద్ధాంత్‌ గు΄్తా, ప్రభాస్‌ శ్రీను, శత్రు, శివ, భీమల్‌ జీత్‌ ఒబెరాయ్‌ తదితరులు ఇతర కీలక పాత్రలు పోషిస్తున్నారు.మైత్రీ మూవీ మేకర్స్, ఎన్టీఆర్‌ ఆర్ట్స్‌ బ్యానర్స్‌పై కల్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు పాన్ ఇండియా స్థాయిలో ఈ సినిమాని ప్రతిష్టాత్మకంగా నిర్మిస్తున్నారు. ఈ మూవీ షూటింగ్‌ హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. ఈ చిత్రం కోసం అక్కడ వేసిన ప్రత్యేకమైన సెట్‌లో ఎన్టీఆర్‌తో పాటు ఇతర ప్రధాన తారాగణంపై కీలక సన్నివేశాలను తెరకెక్కిస్తున్నారట ప్రశాంత్‌ నీల్‌. ఇప్పటివరకు చూడనటువంటి మాస్‌ లుక్‌లో ఎన్టీఆర్‌ని చూపించనున్నారట దర్శకుడు.ఈ మూవీలో ఓ లుక్‌లో సన్నగా కనిపించే ఆయన మరో లుక్‌లో కొంచెం బొద్దుగా కనిపిస్తారని తెలిసింది. మాస్‌ హీరో, మాస్‌ డైరెక్టర్‌ ఇమేజ్‌ ఉన్న ఎన్టీఆర్‌–ప్రశాంత్‌ నీల్‌ కాంబినేషన్‌లో రూపొందుతోన్న ‘డ్రాగన్‌’ మూవీపై ఇటు ట్రేడ్‌ వర్గాల్లో అటు ప్రేక్షకుల్లో ఫుల్‌ బజ్‌ నెలకొంది. ‘‘డ్రాగన్‌’ కథ గోల్డెన్‌ ట్రైయాంగిల్‌ ప్రాంతంలోని అంతర్జాతీయ అక్రమ వ్యాపారం నేపథ్యంలో సాగుతుంది. ఎన్టీఆర్‌ ఇందులో లూగర్‌ అనే పాత్రలో అఫ్ఘాన్‌ ట్రేడింగ్‌ కంపెనీకి చెందిన అస్సాసిన్‌–ఇన్‌–చీఫ్‌ అనే పాత్రలో కనిపిస్తారు’’ అని చిత్రబృందం పేర్కొంది. ఈ సినిమా తెలుగు, హిందీ, తమిళ, కన్నడ, మలయాళ భాషల్లో 2027 జూన్‌ 11న విడుదల కానున్న సంగతి తెలిసిందే. గండిపేటలో... విజయ్‌ దేవరకొండ హీరోగా ‘రణబాలి, రౌడీ జనార్థన’ వంటి సినిమాలు తెరకెక్కుతున్నాయి. ‘రణబాలి’ చిత్రానికి రాహుల్‌ సాంకృత్యాన్‌ దర్శకత్వం వహిస్తున్నారు. ‘టాక్సీవాలా’ (2018) వంటి హిట్‌ మూవీ తర్వాత విజయ్‌ దేవరకొండ–రాహుల్‌ సాంకృత్యాన్‌ కాంబినేషన్‌లో రూపొందుతోన్న ద్వితీయ చిత్రం ‘రణబాలి’. ఈ మూవీలో రష్మిక మందన్నా హీరోయిన్‌గా నటిస్తున్నారు. హాలీవుడ్‌ మూవీ ‘ది మమ్మీ’ ఫేమ్‌ ఆర్నాల్డ్‌ వోస్లూ కీలక పాత్ర పోషిస్తున్నారు. టీ సిరీస్‌ సమర్పణలో మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మిస్తున్న ఈ మూవీ షూటింగ్‌ హైదరాబాద్‌ సమీపంలోని గండిపేటలో జరుగుతోంది.విజయ్‌ దేవరకొండతో పాటు ఈ మూవీలోని ఇతర ప్రధాన తారాగణంపై ముఖ్యమైన సన్నివేశాల చిత్రీకరణ జరుపుతున్నారట రాహుల్‌. ‘‘19వ సెంచరీ నేపథ్యంలో 1854 నుంచి 1878 మధ్య బ్రిటిష్‌ పాలనా కాలంలో జరిగిన వాస్తవ చారిత్రక సంఘటనల ఆధారంగా ‘రణబాలి’ రూపొందుతోంది. విజయ్‌ దేవరకొండ బర్త్‌ డే (మే 9) సందర్భంగా రిలీజ్‌ చేసిన గ్లింప్స్‌లోని యాక్షన్‌ సీక్వెన్సులు మూవీ లవర్స్‌ను బాగా ఆకట్టుకున్నాయి.భారీ అంచనాలున్న మా సినిమాని సెప్టెంబరు 11న ప్రపంచవ్యాప్తంగా విడుదల చేయనున్నాం’’ అని చిత్రబృందం పేర్కొంది. కాగా విజయ్‌ దేవరకొండ హీరోగా నటిస్తున్న మరో చిత్రం ‘రౌడీ జనార్థన’. రవికిరణ్‌ కోలా ఈ మూవీకి దర్శకత్వం వహిస్తున్నారు. ఈ చిత్రంలో కీర్తీ సురేష్‌ హీరోయిన్ గా నటిస్తున్నారు. ‘దిల్‌’ రాజు, శిరీష్‌ నిర్మిస్తున్నారు. రూరల్‌ యాక్షన్ డ్రామాగా రూపొందుతోన్న ఈ సినిమా చిత్రీకరణ జరుపుకుంటోంది. డిసెంబరులో ‘రౌడీ జనార్థన’ మూవీ ప్రేక్షకుల ముందుకు రానుంది. శంకర్‌పల్లిలో... శ్రీ విష్ణు హీరోగా రెండు సినిమాలు సెట్స్‌పై ఉన్నాయి. వాటిలో ఒకటి ‘కామ్రేడ్‌ కళ్యాణ్‌’ కాగా మరో చిత్రానికి డైరెక్టర్‌ రామ్‌ అబ్బరాజు దర్శకత్వం వహిస్తున్నారు. శ్రీ విష్ణు–రామ్‌ అబ్బరాజులది హిట్‌ కాంబినేషన్‌. వీరిద్దరి కాంబోలో వచ్చిన తొలి చిత్రం ‘సామజవరగమన’ (2023) ఘన విజయం సాధించింది. ఆ మూవీ తర్వాత శ్రీ విష్ణు, రామ్‌ అబ్బరాజు కాంబినేషన్‌లో మరో సినిమా రూపొందుతోంది.మై త్రీ మూవీ మేకర్స్‌పై నవీన్‌ ఎర్నేని, యలమంచి రవిశంకర్‌ నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. శ్రీవిష్ణుతో పాటు ఇతర తారాగణంపై ముఖ్యమైన సన్నివేశాలను తెరకెక్కిస్తున్నారట రామ్‌ అబ్బరాజు. ఈ సినిమాకు ‘ఫ్యామిలీప్యాక్‌’ అనే టైటిల్‌ను పరిశీలిస్తున్నారట మేకర్స్‌.టైటిల్‌కు తగ్గట్టే ఈ మూవీలో కంప్లీట్‌ కామెడీతో పాటు ఎమోషన్స్ ఉంటాయని, కుటుంబ సభ్యులందరూ చూసేలా ఉంటుందని తెలుస్తోంది. ఇదిలా ఉంటే... శ్రీ విష్ణు హీరోగా నటిస్తున్న మరో చిత్రం ‘కామ్రేడ్‌ కళ్యాణ్‌’. జానకిరామ్‌ మారెళ్ల దర్శకుడు. ఈ మూవీలో మహిమా నంబియార్‌ హీరోయిన్‌. కోన వెంకట్‌ సమర్పణలో వెంకట కృష్ణ కర్నాటి, సీత కర్నాటి ఈ చిత్రాన్ని నిర్మిస్తున్నారు.పైన పేర్కొన్న సినిమాలే కాదు.. మరికొన్ని చిత్రాల షూటింగ్స్‌ కూడా హైదరాబాద్‌తో పాటు పరిసర ప్రాంతాల్లో జరుగుతున్నాయి. – డేరంగుల జగన్‌ మోహన్‌

సిద్దిపేట అర్బన్‌: తాను ప్రేమించిన అమ్మాయి కుటుంబ సభ్యులు వేరే వ్యక్తితో పెళ్లి చేస్తున్నారని, ఎలాగైనా పెళ్లిని ఆపాలనే ఉద్దేశంతో ఓ యువకుడు ఆ అమ్మాయి గ్రామంతో పాటు.. పెళ్లి చేసుకోబోయే అబ్బాయి గ్రామంలో పోస్టర్లు అంటించాడు. అభ్యంతకరమైన పోస్టర్లు అంటించి అమ్మాయి పరువు తీసేందుకు ప్రయత్నించిన ఆ యువకుడితో సహా ఆరుగురు నిందితులను పోలీసులు అరెస్ట్‌ చేసి రిమాండ్‌కు తరలించారు. ఈ మేరకు సిద్దిపేట ఏసీపీ రవీందర్‌రెడ్డి, సిద్దిపేట త్రీటౌన్‌ సీఐ టాటా లక్ష్మీబాబు వివరాలు వెల్లడించారు. దుబ్బాక మండలం పెద్దగుండవెళ్లి గ్రామానికి చెందిన దొడ్ల వెంకటేష్‌ (29) అర్బన్‌ మండలం ఎన్సాన్‌పల్లికి చెందిన ఓ యువతిని కొంతకాలంగా ప్రేమించాడు. యువతి తల్లిదండ్రులు రాజన్నసిరిసిల్ల జిల్లా తంగళ్లపల్లికి చెందిన ఓ యువకుడితో పెళ్లి నిశ్చయించారు. దీన్ని జీర్ణించుకోలేని యువకుడు వివాహం ఆగిపోవాలనే ఉద్దేశంతో యువతితో తనకు సన్నిహిత సంబంధం ఉన్నట్లు పోస్టర్లు సృష్టించాడు. ఆ అమ్మాయి గ్రామంతో పాటు పెళ్లి చేసుకోబోయే అబ్బాయి గ్రామంలో పోస్టర్లు అతికించాడు. ఈ విషయమై త్రీటౌన్‌లో ఫిర్యాదు చేయగా కేసు నమోదు చేసిన పోలీసులు నిందితులను అరెస్ట్‌ చేశారు. వారిని విచారించగా నేరం ఒప్పుకున్నారు. అరెస్ట్‌ చేసిన వారిలో ప్రధాన నిందితుడు దొడ్ల వెంకటేష్‌ సహా అతనికి సహకరించిన వన్నెల అశ్విత్‌కుమార్, బండి భానుప్రసాద్, రేఖ, బురుజుకింది ఈశ్వర్, రాజబోయిన నవీన్‌కుమార్‌ ఉన్నారు.

వెంకటేష్‌–కల్యాణ్‌ రామ్‌ హీరోలుగా డైరెక్టర్‌ అనిల్‌ రావిపూడి ఓ మల్టీస్టారర్‌ మూవీ తెరకెక్కిస్తున్న సంగతి తెలిసిందే. ఈ చిత్రంలో వెంకటేష్‌ సరసన కీర్తి సురేష్, కల్యాణ్‌ రామ్‌ సరసన కృతి శెట్టి నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో సాహు గారపాటి నిర్మిస్తున్నారు. కల్యాణ్‌ రామ్‌తో పాటు ఇతర నటీనటులపై ఇప్పటికే ఒక పాట చిత్రీకరించారు.తాజా షెడ్యూల్‌లో కల్యాణ్‌ రామ్, కీర్తీ సురేష్, కృతి శెట్టి పాల్గొంటుండగా వెంకటేష్‌ కూడా ఎంట్రీ ఇవ్వడంతో సందడి సందడిగా షూటింగ్‌ జరుగుతోంది. ‘‘భారీ సెట్‌లో కీలక సన్నివేశాలను చిత్రీకరిస్తున్నారు అనిల్‌ రావిపూడి. వెంకటేష్, కీర్తి సురేష్, కల్యాణ్‌ రామ్, కృతి శెట్టి పాల్గొంటున్నారు. వెంకటేష్, కల్యాణ్‌ రామ్‌ మధ్య వచ్చే సీన్స్‌ ఈ చిత్రానికి ప్రధాన ఆకర్షణగా నిలుస్తాయి. వీరిద్దరి ఆన్‌ స్క్రీన్‌ అనుబంధం అనిల్‌ రావిపూడి మార్క్‌ వినోదానికి చక్కగా సరిపోతుంది. ఈ చిత్రాన్ని 2027 సంక్రాంతికి రిలీజ్‌ చేస్తాం’’ అని యూనిట్‌ పేర్కొంది.

ఆనందంతో స్టెప్పులేస్తూ, సంప్రదాయబద్ధమైన లుక్‌లో కనిపించారు నందమూరి కల్యాణ్‌ రామ్‌. జూలై 5న ఈ హీరో బర్త్‌డే సందర్భంగా ఈ లుక్‌ని విడుదల చేసింది ‘వెంకీఅనిల్‌5/ఎన్‌కేఆర్‌ఏఆర్‌2’ (వర్కింగ్‌ టైటిల్‌) చిత్రబృందం. వెంకటేష్, కల్యాణ్‌ రామ్‌ కాంబినేషన్‌లో అనిల్‌ రావిపూడి దర్శకత్వంలో సురేష్‌ ప్రొడక్షన్స్, అర్చన, జీ స్టూడియోస్‌ సమర్పణలో సాహు గార పాటి ఈ చిత్రాన్ని నిర్మిస్తున్నారు.‘‘మంచి వినోదం, హృద యాన్ని హత్తుకునే భావోద్వేగాలతో కుటుంబ కథా చిత్రంగా అనిల్‌ రావిపూడి మార్క్‌తో ఈ చిత్రం రూపొందుతోంది’’ అని యూనిట్‌ పేర్కొంది. కాగా... తన ఫస్ట్‌ లుక్‌ని షేర్‌ చేయడానికి కల్యాణ్‌ రామ్‌ ఇన్‌స్టాగ్రామ్‌ అకౌంట్‌ ఆరంభించి, ‘అనిల్‌ రావిపూడి జోన్‌లో ఉండటం ఆనందంగా ఉంటుంది. సంక్రాంతి 2027కి ఒక భారీ ఎంటర్‌టైనర్‌కు సిద్ధంగా ఉండండి’’ అని పేర్కొన్నారు.

గతేడాది సంక్రాంతికి వస్తున్నాం ఎంతలా హిట్టయ్యిందో ప్రత్యేకంగా చెప్పనక్కర్లేదు. వెంకీమామ- అనిల్ రావిపూడి కాంబోలో వచ్చిన ఈ కామెడీ ఎంటర్‌టైనర్‌ బాక్సాఫీస్ వద్ద రూ.300 కోట్లకు పైగా వసూళ్లు సాధించింది. ఫ్యామిలీ ఆడియన్స్‌ను కడుపుబ్బా నవ్వించిన ఈ సినిమాలో ఐశ్వర్య రాజేశ్, మీనాక్షి చౌదరి హీరోయిన్లుగా ‍అలరించారు.ఇదంతా పక్కన పడితే ఈ మూవీతో అందరి కళ్లు తనవైపు తిప్పుకున్న చైల్డ్ ఆర్టిస్ట్ బుల్లిరాజు. సంక్రాంతికి వస్తున్నాం సినిమాతో ఎక్కడా లేని క్రేజ్ సంపాదించుకున్నాడు ఈ బుడ్డోడు. ఈ మూవీ తర్వాత రేవంత్ పేరు కాస్తా బుల్లిరాజుగా మారిపోయింది. ఆ తర్వాత ఈ ఏడాది రిలీజైన మెగాస్టార్ మూవీ మనశంకర వరప్రసాద్‌ చిత్రంతో బుల్లిరాజు మరోసారి అభిమానులను అలరించారు.ఇక ఇటీవలే వెంకీమామ- అనిల్ రావిపూడి కొత్త సినిమా షూటింగ్ అధికారికంగా ప్రారంభమైంది. ఈ మూవీ వచ్చే ఏడాది సంక్రాంతి బరిలో నిలవనుంది. ఈ చిత్రంలోనూ బుల్లిరాజు కీలక పాత్రలో కనిపించనున్నట్లు తెలుస్తోంది. వరుసగా ముచ్చటగా మూడోసారి అనిల్ రావిపూడి డైరెక్షన్‌లో మన బుల్లిరాజు సందడి చేయనున్నారు.స్టార్స్‌ హీరోల సినిమాల్లో ఛాన్స్‌ కొట్టేస్తోన్న ఈ బుడ్డోడు రెమ్యునరేషన్ గురించి టాక్ నెట్టింట వైరలవుతోంది. మన బుల్లిరాజు ఒక్క రోజుకు లక్ష రూపాయలు పారితోషికం తీసుకుంటున్నారని లేటేస్ట్ టాక్. దీంతో ఒక్క సినిమాతో మనోడి రేంజ్‌ ఎలా మారిపోయిందోనంటూ నెటిజన్స్ కామెంట్స్ చేస్తున్నారు.

పర్చూరు (చినగంజాం): విద్య, ఉద్యోగ రీత్యా బాపట్ల జిల్లా నుంచి అమెరికా వెళ్లిన ఓ యువ­కుడు శనివారం ఉదయం అమెరికాలో సంభవించిన భారీ వర్షాల కారణంగా వరదల్లో చిక్కుకొని గల్లంతయ్యాడు. బాపట్ల జిల్లా పర్చూరు మండలం దేవరపల్లి గ్రామానికి చెందిన దొప్పలపూడి రాంబాబు పెద్దకుమారుడు దొప్పలపూడి వెంకటేష్‌ (33) విదేశాల్లో విద్యనభ్యసించేందుకు గతంలో అమెరికా వెళ్లాడు. చదువు పూర్తి చేసుకొని అక్కడే ఉద్యోగం పొంది ఓక్లహామా సిటీలో ఉంటున్నాడు. అమెరికాలోని కాన్సాస్‌ వెల్లింగ్టన్‌కు వెళ్లిన వెంకటేష్‌ అక్కడ కురిసిన భారీ వర్షాల కారణంగా వరదల్లో చిక్కుకుని ప్రవాహానికి కొట్టుకొనిపోయాడు. అతడు గల్లంతయిన విషయం శనివారం రాత్రి తల్లిదండ్రులకు తెలిసింది.

సంక్రాంతికి హిట్ కొట్టే మన టాలీవుడ్ దర్శకుడు అనిల్ రావిపూడి. మరోసారి వెంకీమామతో జతకట్టారు. వీరిద్దరి కాంబోలో రానున్న మరో చిత్రం వచ్చే ఏడాది సంక్రాంతి బాక్సాఫీస్ వద్ద సందడి చేయనుంది. ఇటీవల పూజా కార్యక్రమాలతో ఈ మూవీ షూటింగ్‌ గ్రాండ్‌గా ప్రారంభమైంది. త్వరలోనే సెట్స్‌పైకి వెళ్లనున్న ఈ మూవీలో కల్యామ్ రామ్ కూడా నటిస్తున్నారు. కీర్తి సురేశ్, కృతి శెట్టి హీరోయిన్లుగా కనిపించనున్నారు. అయితే ఈ మూవీ ప్రారంభమైందో లేదో మూవీ యూనిట్‌కు కొత్త చిక్కులొస్తున్నాయి. అప్పుడే కొందరు కేటుగాళ్లు సోషల్ మీడియాలో మోసానికి తెరలేపారు. అనిల్ రావిపూడి- వెంకీ సినిమాలో ఛాన్స్ ఇప్పిస్తామంటూ కొత్త ప్రకటనలు ఇస్తున్నారు. సినిమా అవకాశాల పేరిట మోసం చేసేందుకు కేటుగాళ్లు సిద్ధమయ్యారు. ఈ నేపథ్యంలోనే మూవీ మేకర్స్ స్పందించారు.దీనిపై నిర్మాణ సంస్థ షైన్ స్క్రీన్స్ ప్రకటన విడుదల చేసింది. అవన్నీ ఫేక్‌ అంటూ కొట్టిపారేసింది. సోషల్ మీడియాలో వచ్చే ప్రకటనలు దయచేసి ఎవరూ కూడా అలాంటివీ నమ్మవద్దని ప్రకటనలో తెలిపింది. ఆ కాస్టింగ్ కాల్‌కు.. మా చిత్ర బృందానికి ఎలాంటి సంబంధం లేదని వెల్లడించింది. మా తరఫున కాస్టింగ్ పేరుతో సంప్రదించే వ్యక్తులకు మీ వ్యక్తిగత వివరాలు, ఫొటోలు, పత్రాలు, డబ్బులు ఇవ్వవద్దని విజ్ఞప్తి చేసింది. మా చిత్రానికి సంబంధించిన ఏవైనా అధికారిక కాస్టింగ్ ప్రకటనలు ఉంటే.. మా అధికారిక, ధ్రువీకరించిన సోషల్ మీడియా ఖాతాల ద్వారానే ప్రకటిస్తామని తెలిపింది. దయచేసి మోసగాళ్ల ఉచ్చులో పడకండని నిర్మాణ సంస్థ హెచ్చరించింది. ⚠️ FAKE CASTING ALERT ⚠️Any casting call currently being circulated in the name of #VenkyAnil5 - #NKRAR2 is FAKE and unauthorized.We urge aspiring artists and the general public not to fall prey to such scams.Any official casting-related announcements will be made only… pic.twitter.com/NlLunpq20k— Shine Screens (@Shine_Screens) June 22, 2026

రాయలసీమ నేపథ్యంలో ఇప్పటికే ఎన్నో సూపర్‌ హిట్‌ చిత్రాలు వచ్చాయి. ఇంకా ఎన్నో సినిమాలు చేయొచ్చంటూ రచయితలను–దర్శకులను ‘సీమ రమ్మంది... స్టోరీ ఉందంది’. ప్రస్తుతం నిర్మాణంలో ఉన్న, విడుదలకు సిద్ధమైన ‘రాయలసీమ’ బ్యాక్‌డ్రాప్‌ సినిమాలు కొన్ని ఉన్నాయి. ఆ చిత్రాల గురించి తెలుసుకుందాం.నవ్వుల కోలాటం వచ్చే సంక్రాంతికి థియేటర్స్‌లో నవ్వుల కోలాటం అంటున్నారు అనిల్‌ రావిపూడి. వెంకటేశ్, కల్యాణ్‌ రామ్‌ హీరోలుగా అనిల్‌ రావిపూడి దర్శకత్వంలో ‘వెంకీఅనిల్‌5 అండ్‌ ఎన్‌కేఆర్‌ఏఆర్‌2’ (వర్కింగ్‌ టైటిల్‌) అనే ఎంటర్‌టైనింగ్‌ సినిమా రూపొందుతున్న సంగతి తెలిసిందే. ఈ చిత్రంలో కీర్తి సురేష్, కృతి శెట్టి హీరోయిన్స్‌గా నటిస్తున్నారు. ఈ సినిమా రెగ్యులర్‌ షూట్‌ నేడు ఆరంభం కానుంది.‘కత్తిలాంటి ఐడియా’ అంటూ ఓ వినోదాత్మక కాన్సెప్ట్‌ వీడియోను ఆదివారం రిలీజ్‌ చేసి, ఈ చిత్రం రాయలసీమ నేపథ్యంలో సాగే ఫ్యామిలీ డ్రామాగా ఉంటుందని ఈ వీడియోతో స్పష్టం చేశారు అనిల్‌ రావిపూడి. ఈ చిత్రానికి ‘జనవరి 13న రిలీజ్, బామ్మర్ది బాల్‌రెడ్డి’ అనే టైటిల్స్‌ను పరిశీలిస్తున్నారనే ప్రచారం సాగుతోంది. జీ స్టూడియోస్, సురేష్‌ ప్రోడక్షన్స్, అర్చనల సమర్పణలో సాహు గారపాటి నిర్మిస్తున్న ఈ సినిమా వచ్చే సంక్రాంతికి రిలీజ్‌ కానుంది.ప్రేమ కోసం లెనిన్‌ ‘ప్రేమ కంటే హింసాత్మకమైన యుద్ధం మరొకటి లేదు’ అనే క్యాప్షన్‌తో ‘లెనిన్‌’ ప్రేక్షకుల ముందుకు రానుంది. తన ప్రేమ కోసం లెనిన్‌ ఏ స్థాయిలో పోరాటం చేస్తాడో ఈ క్యాప్షన్‌ స్పష్టం చేస్తోంది. రాయలసీమ బ్యాక్‌డ్రాప్‌లో ప్రేమ, కుటుంబం, రాజకీయ అంశాలతో రూరల్‌ యాక్షన్‌ డ్రామాగా ‘లెనిన్‌’ సినిమా రూపొందింది. ఈ చిత్రకథలో ‘ప్రేమ’ ప్రధానాంశంగా ఉంటుందని ఆ మధ్య విడుదలైన ‘సోల్‌ ఆఫ్‌ లెనిన్‌’ వీడియో కూడా స్పష్టం చేసింది.లెనిన్‌పాత్రలో అక్కినేని అఖిల్‌ హీరోగా, భాగ్యశ్రీ భోర్సే హీరోయిన్‌గా మురళీ కిశోర్‌ అబ్బూరు దర్శకత్వంలో నాగార్జున అక్కినేని, సూర్యదేవర నాగవంశీ నిర్మించిన చిత్రం ఇది. ఇప్పటివరకూ ఏ సినిమాలోనూ కనిపించనంత మాస్‌ లుక్‌లో ఈ చిత్రంలో అఖిల్‌ కనిపించనున్నారు. రాయలసీమ కుర్రాడిగా ఒదిగి΄ోవడానికి అఖిల్‌ చిత్తూరు యాసలో ప్రత్యేకంగా శిక్షణ తీసుకున్నారు. తనపాత్రకు డబ్బింగ్‌ కూడా చె΄్పారు. జూలై 10న ‘లెనిన్‌’ ప్రేక్షకుల ముందుకు రానుంది.యోధుడు రణబాలి అది 19వ శతాబ్దం... ముఖ్యంగా 1854 – 1878 మధ్యకాలం. బ్రిటిష్‌పాలనలో కరువు కాటకాలతో రాయలసీమ అల్లాడుతోంది. అప్పుడే జనాల్లోంచి ఓ యువకుడు ధైర్యంగా ముందుకు వచ్చాడు. బ్రిటిష్‌వారిపై ఆ యోధుడు తిరగబడ్డాడు. ఈ కథతో రూపొందుతున్న చిత్రం ‘రణబాలి’. ఇందులో యోధుడు రణబాలిపాత్రను విజయ్‌ దేవరకొండ, అతనికి జోడీగా జయమ్మపాత్రలో రష్మిక మందన్నా నటిస్తున్నారు.రాయలసీమ ప్రజలు చేసిన పోరాటాలు, తిరుగుబాట్ల ఆధారంగా దర్శకుడు రాహుల్‌ సాంకృత్యాయన్‌ ఈ సినిమాను తెరకెక్కిస్తున్నారు. ఈ సినిమా కోసం నాటి రాయలసీమ యాసలో శిక్షణ తీసుకోవడమే కాకుండా, గుర్రపు స్వారీలోనూ శిక్షణ పొందారు విజయ్‌ దేవరకొండ. ఈపాన్‌ ఇండియా చిత్రం సెప్టెంబర్‌ 11న రిలీజ్‌ కానుంది. నవీన్‌ యెర్నేని, వై. రవిశంకర్‌ ఈ చిత్రాన్ని నిర్మిస్తున్నారు. కొరియన్‌ దెయ్యం వరుణ్‌ తేజ్‌ హీరోగా నటించిన సినిమా ‘కొరియన్‌ కనకరాజు’. రితికా నాయక్‌ కథానాయికగా నటించారు. మేర్లపాక గాంధీ దర్శకత్వం వహించిన ఈ సినిమా రాయలసీమ నేపథ్యంలో సాగుతుంది. ముఖ్యంగా అనంతపురం బ్యాక్‌డ్రాప్‌లో ఉంటుంది. ఈ చిత్రంలో కనకరాజు అనేపాత్రలో వరుణ్‌ తేజ్‌ నటిస్తున్నారని తెలిసింది. ఓ కొరియన్‌ దెయ్యానికి, కనకరాజుకు మధ్య ఉన్న సంబంధం ఏంటి? అనేది మాత్రం సినిమాలో చూడాలి. యూవీ క్రియేషన్స్, ఫస్ట్‌ ఫ్రేమ్‌ ఎంటర్‌టైన్మెంట్స్‌ సంస్థలు ఈ సినిమాను నిర్మిస్తున్నాయి.మంగాపురంలో ప్రేమసూపర్‌స్టార్‌ కృష్ణ మనవడు, మహేశ్‌బాబు సోదరుడు రమేశ్‌బాబు కుమారుడు జయకృష్ణ ఘట్టమనేని హీరోగా పరిచయం అవుతున్న సినిమా ‘శ్రీనివాసా మంగాపురం’. రవీనాటాండన్‌ కుమార్తె రాషా తడానీ ఈ చిత్రంతో తెలుగు ఇండస్ట్రీకి వస్తున్నారు. అజయ్‌ భూపతి దర్శకత్వం వహించిన ఈ సినిమా ప్రధానంగా తిరుపతికి దగ్గర్లో ఉన్న గ్రామీణ ప్రాంతాల నేపథ్యంలో సాగుతుంది.ఈ విలేజ్‌ లవ్‌స్టోరీ సినిమాలో శ్రీనుపాత్రలో జయకృష్ణ, మంగపాత్రలో రాషా నటిం చారు. సి. అశ్వినీదత్‌ సమర్పణలో పి. కిరణ్‌ నిర్మించిన ఈ సినిమా జూలై 9న రిలీజ్‌ కానుంది. ఇంకా సాయిదుర్గా తేజ్‌ హీరోగా రోహిత్‌ కేపీ దర్శకత్వంలో కె. నిరంజన్‌రెడ్డి, చైతన్యరెడ్డి నిర్మిస్తున్న ‘సంబరాల ఏటిగట్టు’తోపాటు రాయలసీమ నేపథ్యంలో రానున్న చిత్రాలు మరికొన్ని ఉన్నాయి.

వెంకటేశ్, కల్యాణ్‌ రామ్‌ హీరోలుగా అనిల్‌ రావిపూడి దర్శకత్వంలో రూపొందనున్న సినిమా ‘వెంకీఅనిల్‌5 అండ్‌ ఎన్‌కేఆర్‌ఏఆర్‌ 2’ (వర్కింగ్‌ టైటిల్‌). ఈ చిత్రంలో వెంకటేశ్‌ సరసన కీర్తి సురేష్, కల్యాణ్‌ రామ్‌కు జోడీగా కృతి శెట్టి నటించనున్నారు. జీ స్టూడియోస్, అర్చన, సురేష్‌ ప్రొడక్షన్స్‌ సమర్పణలో సాహు గారపాటి నిర్మిస్తున్న ఈ సినిమా వచ్చే సంక్రాంతికి విడుదల కానుంది.గురువారం హైదరాబాద్‌లో ఈ సినిమా పూజా కార్యక్రమాలు జరిగాయి. ముహూర్తపు సన్నివేశానికి నిర్మాత డి. సురేష్‌బాబు కెమెరా స్విచ్చాన్‌ చేయగా, నిర్మాత అల్లు అరవింద్‌ క్లాప్‌ ఇచ్చారు. దర్శకుడు కె. రాఘవేంద్ర రావు గౌరవ దర్శకత్వం వహించారు. నిర్మాతలు ‘దిల్‌’ రాజు, శిరీష్‌ కలిసి నిర్మాత సాహు గారపాటికి స్క్రిప్ట్‌ అందించారు.‘‘దర్శకుడు అనిల్‌ రావిపూడి శైలితో కూడిన నాన్‌స్టాప్‌ నవ్వులు, వినోదంతో కూడిన సినిమా ఇది. వెంకటేశ్, కల్యాణ్‌ రామ్‌ల క్రేజీ కాంబినేషన్‌ ఈ సినిమాపై అంచనాలను పెంచింది. వచ్చే సంక్రాంతి పండగ సీజన్‌లో ప్రేక్షకులు ఆసక్తిగా ఎదురు చూసే ఎంటర్‌టైనింగ్‌ మూవీస్‌లో ఇది ఒకటిగా నిలుస్తుంది. అతి త్వరలోనే ఈ సినిమా రెగ్యులర్‌ షూటింగ్‌ని ఆరంభిస్తాం’’ అని యూనిట్‌ పేర్కొంది. ఈ చిత్రానికి సంగీతం: జీవీ ప్రకాష్‌కుమార్‌.

టాలీవుడ్‌లో పుకార్లకు కొదవలేదు. రోజూ ఏదో ఒక రూమర్ వినిపిస్తూనే ఉంటుంది. అందులో చాలా వరకు తప్పులే అవుతాయి. తాజాగా మూడు పెద్ద సినిమాలపై ప్రచారాలు మొదలయ్యాయి. వాటిపై దాదాపు ఒకేసారి క్లారిటీ కూడా వచ్చేసింది. గతంలో మగధీర, ఆర్ఆర్ఆర్ వంటి భారీ హిట్‌ సినిమాల తర్వాత రాజమౌళి- రామ్‌ చరణ్ కాంబినేషన్‌లో మరో సినిమా రాబోతోందనే ప్రచారం జోరుగా సాగుతోంది. అయితే రాజమౌళి సన్నిహిత వర్గాల ప్రకారం.. ప్రస్తుతం రాజమౌళి తదుపరి చేసే చిత్రంపై ఆలోచించే పరిస్థితిలో లేడట. సాధారణంగా తను చేస్తున్న సినిమా పూర్తయిన తర్వాతే కొత్త ప్రాజెక్ట్‌పై రాజమౌళి నిర్ణయం తీసుకుంటాడు. కాబట్టి మహేష్‌ బాబుతో వారణాసి సినిమా పూర్తయిన తర్వాతే ఆయన నెక్ట్స్ మూవీపై క్లారిటీ వచ్చే అవకాశం ఉంది. ఇక చరణ్‌తో సినిమా అనేది పూర్తిగా పుకారే. బింబిసార చిత్ర దర్శకుడు వశిష్ఠతో మెగాస్టార్‌ చిరంజీవి నటించిన విశ్వంభరపై కూడా ఓ కొత్త రూమర్ మొదలైంది. ప్రస్తుతం బాబి దర్శకత్వంలో చిరంజీవి చేస్తున్న సినిమా థియేటర్లలోకి వచ్చిన తర్వాతే విశ్వంభర విడుదల అవుతుందనే ప్రచారం జరిగింది. దాంతో విశ్వంభర టీమ్ సభ్యులు దీన్ని ఖండించారు. డేట్ ఫిక్స్ చేయనప్పటికీ ఈ ఏడాదిలోనే విశ్వంభర విడుదల అవుతుందని వారు స్పష్టత ఇచ్చారు. ఇక విక్టరీ వెంకటేష్ నటిస్తున్న ఆదర్శ కుటుంబం సినిమా కథ, స్క్రీన్‌ప్లేలో మార్పులు జరుగుతున్నాయని, ఈ ఏడాది విడుదలయ్యే అవకాశం లేదని ప్రచారం జరిగింది. ఈ సినిమాకి మాటల మాంత్రికుడు త్రివిక్రమ్ దర్శకుడు. అయితే ఈ సినిమా యూనిట్‌లో కొందరు వ్యక్తులు ఈ ఏడాదిలోనే ఈ చిత్రం రిలీజ్ అవుతుందని తెలిపారు.

వెంకీమామ- అనిల్ రావిపూడి కాంబోలో మరో చిత్రం రానుంది. ఇప్పటికే ఈ విషయాన్ని అఫీషియల్‌గా ప్రకటించారు. ఈ మూవీ కల్యాణ్ రామ్ కూడా నటిస్తున్నారు. ఈ చిత్రంలో కృతిశెట్టి, కీర్తి సురేశ్‌ను హీరోయిన్లుగా కనిపించనున్నారు. ఈ రోజే అధికారికంగా షూటింగ్ ప్రారంభమైంది. ఈ మూవీ షూటింగ్‌ లాంఛ్ చేయడానికి నిర్మాత అల్లు అరవింద్, దర్శకుడు రాఘవేంద్రరావు ముఖ్య అతిథులుగా హాజరయ్యారు. ముహుర్తపు షాట్‌కు అల్లు అరవింద్ క్లాప్ కొట్టారు.ఇదంతా బాగానే ఉన్నప్పటికీ ఫస్ట్ షాట్‌కి డైరెక్షన్ చేసిన రాఘవేంద్రరావు వ్యవహరించిన తీరు సోషల్ మీడియాలో ట్రోల్స్‌కు కారణమైంది. హీరోయిన్ కృతి శెట్టి భుజంపై తన చేయి పెట్టి మరి మాట్లాడుతూ కనిపించారు. దర్శకత్వం వరకు ఓకే కానీ.. యంగ్ హీరోయిన్‌ భుజంపై చేతులు వేయాల్సిన అవసరం ఏముందని నెటిజన్స్ ప్రశ్నిస్తున్నారు. దీంతో హీరోయిన్‌తో ఆయన వ్యవహరించిన తీరుపై నెట్టింట విమర్శలొస్తున్నాయి. ఏదేమైనా టాలీవుడ్‌ పేరున్న డైరెక్టర్‌ ఇలా వ్యవహరించడం సరికాదని సోషల్ మీడియా వేదికగా కామెంట్స్ చేస్తున్నారు. #VenkyAnil5 Begins🎬Venkatesh, Keerthy Suresh, Kalyan Ram, Kriti Shetty. pic.twitter.com/a9iSg28COA— Christopher Kanagaraj (@Chrissuccess) June 18, 2026

ప్రతి సంక్రాంతికి హిట్ కొట్టే టాలీవుడ్ అనిల్ రావిపూడి మాత్రమే. ఈ ఏడాది కూడా మనశంకర వరప్రసాద్‌గారు మూవీతో బ్లాకబస్టర్ తన ఖాతాలో వేసుకున్నారు. గతేడాది వెంకీమామతో హిట్‌ కొట్టిన అనిల్.. ఈసారి మెగాస్టార్‌తోనూ జతకట్టి సక్సెస్ అయ్యారు. అదే కాన్ఫిడెన్స్‌తో వెంకీమామతో మరోసారి జతకట్టారు. వీరిద్దరి కాంబోలో వస్తోన్న మూవీ వచ్చే ఏడాది సంక్రాంతికి మళ్లీ సందడి చేయనుంది.ఈ నేపథ్యంలోనే దీనికి సంబంధించిన ఓ క్రేజీ న్యూస్ వైరలవుతోంది. ఈ సినిమాకు టైటిల్ డిఫరెంట్‌గా ప్లాన్ చేస్తున్నట్లు తెలుస్తోంది. సంక్రాంతికి తగ్గట్టుగానే తన మూవీ టైటిల్‌ ఉండాలని అనిల్ రావిపూడి ఫిక్సయ్యారని టాక్. ఈ మూవీకి జనవరి 13 విడుదల అనే టైటిల్‌ పరిశీలిస్తున్నారని టాలీవుడ్ లేటేస్ట్ టాక్. ఈ టైటిల్‌ చూస్తుంటే అనిల్ రావిపూడి మార్క్ ఏంటో అర్థమవుతోంది. సంక్రాంతి తగ్గట్టుగానే ఈ మూవీకి టైటిల్‌ ఖరారు చేయడం ఖాయంగా కనిపిస్తోంది.కాగా.. ఈ మూవీలో కల్యాణ్ రామ్ కూడా నటిస్తున్నారు. ఈ మూవీ షూటింగ్‌ ఈనెలలోనే ప్రారంభం కానుంది. ఈ ఏడాది చివరికల్లా షూట్ కంప్లీట్ చేసి సంక్రాంతి బరిలో నిలవనున్నారు. ఈ చిత్రంలో కీర్తి సురేష్, కృతి శెట్టి హీరోయిన్స్‌గా నటిస్తున్నారు. ఈ సినిమాకు జీవీ ప్రకాశ్‌ కుమార్ సంగీతమందిస్తున్నారు.

ప్రతి సంక్రాంతికి హిట్ కొడుతున్న టాలీవుడ్ డైరెక్టర్‌ అనిల్ రావిపూడి. ఈ ఏడాది కూడా మనశంకరవరప్రసాద్‌గారు మూవీతో సూపర్ హిట్ అందుకున్నారు. చిరంజీవి- వెంకీతో కలిసి ఫుల్ ఎంటర్‌టైన్‌ చేశారు. వీరిద్దరి కాంబోలో బాగానే వర్కవుట్ అయింది. ఇద్దరు స్టార్స్‌ను తీసుకుని కామెడీ ఎంటర్‌టైనర్‌ తెరకెక్కించడం ఒక్క అనిల్ రావిపూడికే సాధ్యమని టాలీవుడ్ సినీ ప్రియులు అభిప్రాయం వ్యక్తం చేస్తున్నారు.వచ్చే ఏడాది సంక్రాంతికి కూడా మరోసారి టాలీవుడ్‌ ప్రేక్షకులను అలరించేందుకు సిద్ధమయ్యారు. సంక్రాంతికి వస్తున్నాం అంటూ వెంకీమామతో బ్లాక్‌బస్టర్‌ కొట్టిన అనిల్.. మరోసారి ఎంటర్‌టైన్ చేసేందుకు వచ్చేస్తున్నారు. వెంకీతో పాటు కల్యాణ్ రామ్ కూడా ఈ సినిమాలో నటిస్తున్నారు. ప్రస్తుతం ఈ మూవీ స్క్రిప్ట్ దాదాపు రెడీ అయిపోయింది. త్వరలోనే ఈ మూవీ సెట్స్‌ పైకి వెళ్లనుంది.ఈ నేపథ్యంలోనే అనిల్ రావిపూడి క్రేజీ అప్‌డేట్ ఇచ్చారు. ఈ చిత్రానికి జీవీ ప్రకాశ్‌కుమార్‌ను మ్యూజిక్ డైరెక్టర్‌గా ఎంచుకున్నారు. ఈ విషయాన్ని రోటీన్‌గా కాకుండా చాలా క్రేజీగా అనౌన్స్ చేశారు. వివాహ భోజనంబు చిత్రంలోని సుత్తి వీరభద్రరావు, బ్రహ్మానందం మధ్య బీచ్‌లో జరిగే ఓ సన్నివేశాన్ని రీక్రియేట్‌ చేశారు. ఈ వీడియో చాలా ఫన్నీగా ఆడియన్స్‌ను అలరిస్తోంది. ఆ సినిమాలో లాగే బీచ్‌లో జీవీ ప్రకాశ్‌ను ఇసుకలో పూడ్చి మరి మ్యూజిక్ కంపోజ్ చేయించారు. ఆ తర్వాత పాటల రచయితగా అనంత శ్రీరామ్ పని చేయనున్నట్లు వెల్లడించారు. ఈ మూవీ ఇంకా సెట్స్‌పైకి వెళ్లకముందే అప్‌డేట్స్‌తో అనిల్ రావిపూడి సరికొత్తగా దూసుకెళ్తున్నారు. దీంతో వెంకీ మామ ఫ్యాన్స్ ఫుల్ ఖుషీ అవుతున్నారు. I've always admired @gvprakash's ability to make music that connects instantly with audiences.👌🏻Thrilled to welcome him on board for #VenkyAnil5 - #NKRAnil2 🤗And we had a blast pulling off this fun concept...A big thank you to GV for trusting the idea, joining in… pic.twitter.com/AeAMx5hJbd— Anil Ravipudi (@AnilRavipudi) June 12, 2026

హమ్మయ్యా... వేసవి ముగుస్తోంది. ఇప్పటి వరకూ భగ భగమంటూ తన ప్రతాపం చూపించిన సూర్యుడు ఇప్పుడు కాస్త చల్లబడుతున్నాడు. ఎండల తీవ్రత కారణంగా ఇప్పటి వరకూ సినిమా చిత్రీకరణల్లో కాస్త ఆచి తూచి పా ల్గొన్న నటీనటులు ఇప్పుడు వేగం పెంచారు. ఈ నేపథ్యంలో తెలుగు చలన చిత్ర పరిశ్రమలో షూటింగ్స్‌ సందడి నెలకొంది.ప్రస్తుతం పలు సినిమాలు హైదరాబాద్‌తో పా టు పరిసరప్రాంతాల్లో చిత్రీకరణలు జరుపుకుంటున్నాయి. ఓ వైపు నాగార్జున, వెంకటేశ్, రవితేజ వంటి సీనియర్‌ హీరోలతో పా టు మరోవైపు ప్రభాస్, మహేశ్‌బాబు, ఎన్టీఆర్, గోపీచంద్, శ్రీవిష్ణు వంటి యంగ్‌ హీరోలు ప్రస్తుతం తమ సినిమాల చిత్రీకరణలతో బిజీ బిజీగా ఉన్నారు. ఎవరెవరు ఎక్కడెక్కడ ఏయే చిత్రాల షూటింగ్స్‌తో కూల్‌ కూల్‌గా... బిజీ బిజీగా ఉన్నారో చూద్దాం....అల్యూమినియం ఫ్యాక్టరీలో...అక్కినేని నాగార్జున హీరోగా నటించిన చిత్రం ‘నా సామి రంగా’. ఈ మూవీ 2024 సంక్రాంతి కానుకగా జనవరి 14న విడుదలైంది. 2025లో ఆయన హీరోగా మిస్‌ అయినప్పటికీ ‘కూలీ, కుబేర’ వంటి సినిమాల్లో కీలక పా త్రల్లో కనిపించారు. ఆయన హీరోగా నటిస్తున్న తాజా చిత్రం షూటింగ్‌ శరవేగంగా జరుగుతోంది. నాగార్జున కెరీర్‌లో వందో చిత్రంగా రూపొందుతోన్న ఈ సినిమాని తమిళ దర్శకుడు రా. కార్తీక్‌ తెరకెక్కిస్తున్నారు. తన సినీ ప్రయాణంలో ఓ మైలురాయిగా నిలవనున్న ఈ చిత్రాన్ని అన్నపూర్ణ స్టూడియోస్‌పై నాగార్జున స్వయంగా నిర్మిస్తున్నారు. ఈ మూవీలో సీనియర్‌ నటి టబు కూడా నటిస్తున్నారు.సాధారణంగా స్టార్‌ హీరోల సినిమాలంటే భారీ హడావుడి ఉంటుంది. కానీ, ఈ చిత్రం విషయంలో చిత్రబృందం చాలా గోప్యత పా టిస్తోంది. ఎలాంటి అధికారిక ప్రకటన, హడావుడి లేకుండానే చిత్రీకరణ జరుపుతున్నారు. ప్రస్తుతం ఈ సినిమా షూటింగ్‌ హైదరాబాద్‌లోని గచ్చిబౌలి సమీపంలో ఉన్న అల్యూమినియం ఫ్యాక్టరీలో జరుగుతోంది. నాగార్జునతో పా టు ఇతర నటీనటులపై కీలక సన్నివేశాలను చిత్రీకరిస్తున్నారట కార్తీక్‌. ఫ్యామిలీ ఎంటర్‌టైనర్, ఎమోషనల్‌ యాక్షన్‌ బ్యాక్‌డ్రాప్‌లో రూపొందుతోన్న ఈ సినిమాలో గతంలో ఎన్నడూ చూడని ఒక విభిన్నమైన లుక్‌లో నాగార్జున కనిపించనున్నారు.సినిమాలోని భావోద్వేగాలు ప్రేక్షకులను కట్టిపడేస్తాయట. ఆధునిక హాలీవుడ్‌ చిత్రాల్లో వాడే ‘డి–ఏజింగ్‌’ సాంకేతికతను ఈ సినిమా కోసం వాడుతున్నారు. దీని సాయంతో నాగార్జునను వెండితెరపై మళ్లీ 25 ఏళ్ల యువకుడిగా చూపించబోతున్నారు దర్శకుడు. తమ అభిమాన హీరోని ‘శివ’, ‘హలో బ్రదర్‌’ నాటి లుక్‌లో చూస్తామంటూ అక్కినేని అభిమానులు ఫుల్‌ ఖుషీ అవుతున్నారు. ఈ చిత్రాన్ని అన్ని వాణిజ్య అంశాలతో ప్రతిష్టాత్మకంగా తెరకెక్కిస్తున్నారట కార్తీక్‌. ‘నిన్నే పెళ్ళాడతా, ఆవిడా మా ఆవిడే’ వంటి సినిమాల తర్వాత నాగార్జున–టబు మళ్లీ కలిసి నటిస్తుండటంతో ఇటు ట్రేడ్‌ వర్గాల్లో అటు సినిమా ప్రేమికుల్లో ఈ మూవీపై క్రేజ్‌ పెరిగింది. ఇదిలా ఉంటే... ఈ సినిమాలో ముగ్గురు కథానాయికలు నటించనున్నారని టాక్‌. నాగార్జున కెరీర్‌లోనే వందో చిత్రంగా ఓ మైలురాయిగా రూపొందుతోన్న ఈ మూవీలో నాగార్జున తనయులు నాగచైతన్య, అఖిల్‌ అతిథి పా త్రల్లో మెరుస్తారనే టాక్‌ వినిపిస్తోంది. అయితే ఈ విషయంపై అధికారిక సమాచారం లేదు. ఈ మూవీ టైటిల్‌ విషయానికి వస్తే ‘కింగ్‌ 100, లాటరీ కింగ్, కింగ్‌ 100 నాటౌట్‌’ వంటి పేర్లు పరిశీలనలో ఉన్నట్లు ప్రచారం జరుగుతోంది.రాజేంద్ర నగర్‌లో... హీరో దగ్గుబాటి వెంకటేశ్‌ గత ఏడాది ‘సంక్రాంతికి వస్తున్నాం’ సినిమాతో బ్లాక్‌బస్టర్‌ అందుకున్నారు. అనిల్‌ రావిపూడి దర్శకత్వం వహించిన ఈ చిత్రం 2025 సంక్రాంతి సందర్భంగా జనవరి 14న రిలీజ్‌ అయింది. ఈ మూవీ ద్వారా రూ. 300 కోట్ల క్లబ్‌లోకి చేరారు వెంకటేశ్‌. ఈ మూవీ తర్వాత చిరంజీవి హీరోగా నటించిన ‘మన శంకర వరప్రసాద్‌గారు’ సినిమాలో కీలకమైన వెంకీ గౌడ పా త్రలో సందడి చేశారు వెంకటేశ్‌. ప్రస్తుతం ఆయన హీరోగా నటిస్తున్న చిత్రం ‘ఆదర్శ కుటుంబం హౌస్‌ నెం.47’ (ఏకే 47). ఈ మూవీకి త్రివిక్రమ్‌ దర్శకత్వం వహిస్తున్నారు.శ్రీనిధీ శెట్టి హీరోయిన్‌. హారిక అండ్‌ హాసినీ క్రియేషన్స్ పతాకంపై సూర్యదేవర రాధాకృష్ణ (చినబాబు) ఈ మూవీ నిర్మిస్తున్నారు. వెంకటేశ్‌ కెరీర్‌లో 77వ సినిమాగా తెరకెక్కుతోన్న చిత్రం ఇది. ఈ సినిమాలో వెంకటేశ్‌ మార్క్‌ కామెడీతో పా టు త్రివిక్రమ్‌ మార్క్‌ ఫ్యామిలీ ఎమోషన్స్, యాక్షన్‌ ఎలిమెంట్స్‌ పుష్కలంగా ఉన్నాయని తెలుస్తోంది. ఈ చిత్రానికి సంబంధించిన అత్యంత కీలకమైన క్లైమాక్స్‌ యాక్షన్‌ సన్నివేశాల చిత్రీకరణను విజయవంతంగా పూర్తి చేసిన చిత్రబృందం తాజా షెడ్యూల్‌లో నిమగ్నం అయింది. ఈ మూవీ ప్రస్తుతం హైదరాబాద్‌లోని రాజేంద్ర నగర్‌లో షూటింగ్‌ జరుపుకుంటోంది.వెంకటేశ్‌తో పా టు ఇతర తారాగణంపై ముఖ్యమైన సన్నివేశాలను తెరకెక్కిస్తున్నారట త్రివిక్రమ్‌. వెంకటేశ్‌ హీరోగా నటించిన ‘నువ్వు నాకు నచ్చావ్, మల్లీశ్వరి’ వంటి చిత్రాలకు రచయితగా పని చేసిన త్రివిక్రమ్‌... తొలిసారి ఆయన్ను డైరెక్ట్‌ చేస్తున్న మూవీ ‘ఆదర్శ కుటుంబం హౌస్‌ నెం.47’ సినిమాపై ఇటు ఇండస్ట్రీలో, అటు ప్రేక్షకుల్లో అంచనాలు భారీగా ఉన్నాయి. ఈ సినిమాతో మరో భారీ విజయాన్ని వెంకటేశ్‌ తన ఖాతాలో వేసుకుంటారని ట్రేడ్‌ వర్గాలు విశ్లేషిస్తున్నాయి. దసరా కానుకగా అక్టోబరు 16న ఈ చిత్రాన్ని విడుదల చేయాలనే సంకల్పంతో మేకర్స్‌ ఉన్నట్టు తెలిసింది. అయితే ఈ విషయంపై అధికారిక ప్రకటన రాలేదు. డబుల్‌ ధమాకా.... వరుస పా న్‌ ఇండియా ప్రాజెక్ట్స్‌తో జెట్‌ స్పీడ్‌లో దూసుకెళుతున్నారు హీరో ప్రభాస్‌. ఆయన ప్రస్తుతం ‘ఫౌజీ, స్పిరిట్‌’ చిత్రాల్లో నటిస్తున్నారు. ఈ రెండు సినిమాల షూటింగ్స్‌ ప్రస్తుతం హైదరాబాద్‌లోనే జరుగుతున్నాయి. ‘సీతా రామం’ మూవీ ఫేమ్‌ హను రాఘవపూడి దర్శకత్వం వహిస్తున్న ‘ఫౌజీ’ సినిమాలో ఇమాన్వీ హీరోయిన్‌. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్‌ ఎర్నేని, వై. రవిశంకర్‌ నిర్మిస్తున్నారు.ఈ మూవీలో జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ముఖ్యమైన పా త్రలుపోషిస్తున్నారు. పీరియాడికల్‌ యాక్షన్ డ్రామాగా రూపొందుతోన్న ‘ఫౌజీ’ మూవీ తాజా షెడ్యూల్‌ ప్రస్తుతం హైదరాబాద్‌లోని అల్యూమినియం ఫ్యాక్టరీలో జరుగుతోంది. ఈ షెడ్యూల్‌లో ప్రభాస్‌ పా ల్గొనకపోయినప్పటికీ ఇతర నటీనటులపై కీలక సన్నివేశాలను తెరకెక్కిస్తున్నారట హను రాఘవపూడి. తెలుగు, హిందీ, తమిళ, కన్నడ, మలయాళ, బెంగాలీ భాషల్లో దసరా పండుగ సందర్భంగా అక్టోబరులో ‘ఫౌజీ’ విడుదల కానుంది. ⇒ ప్రభాస్‌ కథానాయకుడిగా నటిస్తున్న మరో పా న్‌ ఇండియన్‌ మూవీ ‘స్పిరిట్‌’. ‘అర్జున్‌ రెడ్డి, కబీర్‌ సింగ్, యానిమల్‌’ చిత్రాల ఫేమ్‌ సందీప్‌ రెడ్డి వంగా ఈ మూవీని తెరకెక్కిస్తున్నారు. ‘యానిమల్‌’ మూవీ ఫేమ్‌ త్రిప్తీ దిమ్రీ హీరోయిన్‌. ప్రకాశ్‌రాజ్‌ కీలక పా త్రపోషిస్తున్నారు. భద్రకాళి పిక్చర్స్‌ ప్రోడక్షన్స్, టీ–సిరీస్‌ బ్యానర్స్‌పై ప్రణయ్‌ రెడ్డి వంగా, భూషణ్‌ కుమార్, క్రిషణ్‌ కుమార్‌ నిర్మిస్తున్నారు. యాక్షన్‌ ఎంటర్‌టైనర్‌గా రూపొందుతోన్న ‘స్పిరిట్‌’ చిత్రీకరణ ప్రస్తుతం హైదరాబాద్‌ పరిసరాల్లోని అజీజ్‌ నగర్‌లో జరుగుతోంది.ఈ షెడ్యూల్‌లో హీరో ప్రభాస్‌ పా ల్గొంటున్నారు. ఆయనతో పా టు ఇతర నటీనటులపై కీలక సన్నివేశాలను తీస్తున్నారట సందీప్‌ రెడ్డి వంగా. ‘‘స్పిరిట్‌’ చిత్రంలో తన కెరీర్‌లోనే మోస్ట్‌ ఇంటెన్స్ క్యారెక్టర్‌లో కనిపించబోతున్నారు ప్రభాస్‌. ఈ మూవీని తన మార్క్‌ యాక్షన్, ఎమోషన్స్తో అద్భుతమైన సినిమాటిక్‌ ఎక్స్‌పీరియన్స్ ఇచ్చేలా తీర్చిదిద్దుతున్నారు సందీప్‌ రెడ్డి. ఈ మూవీ తెలుగు, హిందీ, తమిళ్, మలయాళ, కన్నడతో పా టు చైనీస్, జపనీస్, కొరియన్‌ సహా మొత్తం 8 భాషల్లో 2027 మార్చి 5న విడుదల కానుంది’’ అని చిత్రయూనిట్‌ పేర్కొంది. శంషాబాద్‌లో... మహేశ్‌బాబు హీరోగా నటిస్తున్న తాజా పా న్‌ ఇండియన్‌ మూవీ ‘వారణాసి’. ఎస్‌ఎస్‌ రాజమౌళి దర్శకత్వం వహిస్తున్న ప్రతిష్టాత్మక చిత్రమిది. ఈ మూవీలో రాముడిగా, రుద్రగా కనిపించనున్నారు మహేశ్‌బాబు. మందాకినిగా ప్రియాంకా చోప్రా, కుంభ అనే ప్రతినాయకుడి పా త్రలో మలయాళ హీరో పృథ్వీరాజ్‌ సుకుమారన్‌ కనిపించనున్నారు. దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ నిర్మిస్తున్నారు.ఈ సినిమా షూటింగ్‌ ప్రస్తుతం హైదరాబాద్‌ సమీపంలోని శంషాబాద్‌లో శరవేగంగా జరుగుతోంది. అక్కడ ప్రత్యేకంగా వేసిన సెట్‌లో చిత్రీకరణ జరుపుతున్నారు రాజమౌళి. ఈ షెడ్యూల్‌లో మహేశ్‌బాబుతో పా టు కీలక తారాగణంపై ముఖ్యమైన సన్నివేశాలను తెరకెక్కిస్తున్నారు. ఈ మూవీ నుంచి ఇప్పటికే రిలీజైన క్యారెక్టర్‌పోస్టర్లు, టైటిల్‌ గ్లింప్స్‌కు అత్యద్భుతమైన స్పందన వచ్చిన విషయం తెలిసిందే. ‘వారణాసి’ సైన్స్ ఫిక్షన్‌ ట్రావెల్‌ టైమ్‌ మైథలాజికల్‌ యాక్షన్‌ అడ్వెంచర్‌ మూవీ. ఇందులో రామాయణం ఎపిసోడ్‌ ఉంటుందని ఇప్పటికే క్లారిటీ వచ్చింది కూడా.ఇదిలా ఉంటే... ఈ సినిమా స్టోరీ ఏంటనే విషయాన్ని రచయిత విజయేంద్ర ప్రసాద్‌ రివీల్‌ చేయడం చర్చనీయాంశం అయింది. ‘‘రాముడికి, కుంభ కర్ణుడికి మధ్య జరిగే యుద్ధం ‘వారణాసి’. టైటిల్‌ టీజర్‌లో కుంభ కర్ణుడు, రాముడు, ఆంజనేయుడి తోక, తోక మీద రథం కనిపించాయి కదా... ఈ ఎపిసోడ్‌ సినిమాలో అద్భుతంగా ఉంటుంది. ఇందులో ఒక 30 నిమిషాల సీక్వెన్స్ ఇండియాని షేక్‌ చేస్తుంది’’ అని విజయేంద్ర ప్రసాద్‌ తెలిపారు. ఈ చిత్రాన్ని 120 దేశాల్లో విడుదల చేయనున్నట్లు చిత్రయూనిట్‌ ప్రకటించిన సంగతి తెలిసిందే. ఈ సినిమా 2027 ఏప్రిల్‌ 7న విడుదల కానుంది. డ్రాగన్‌ టైమ్‌ ‘దేవర’ వంటి బ్లాక్‌బస్టర్‌ మూవీ తర్వాత ఎన్టీఆర్‌ సోలో హీరోగా నటిస్తున్న తాజా చిత్రం ‘డ్రాగన్‌’. ‘కేజీఎఫ్‌ 1, కేజీఎఫ్‌ 2, సలార్‌’ వంటి హిట్‌ చిత్రాల తర్వాత డైరెక్టర్‌ ప్రశాంత్‌ నీల్‌ దర్శకత్వం వహిస్తున్న సినిమా ఇది. ఈ మూవీలో రుక్మిణీ వసంత్‌ హీరోయిన్‌గా నటిస్తున్నారు. అనిల్‌ కపూర్, బిజూ మీనన్, ఖుష్బూ సుందర్, గురు సోమసుందరం, రాజీవ్‌ కనకాల, అశుతోష్‌ రానా, అన్షుమన్‌ పుష్కర్, సిద్ధాంత్‌ గు΄్తా, ప్రభాస్‌ శ్రీను, శత్రు, శివ, భిమల్‌ జీత్‌ ఒబెరాయ్‌ తదితరులు ఇతర కీలక పా త్రలుపోషిస్తున్నారు.మైత్రీ మూవీ మేకర్స్, ఎన్టీఆర్‌ ఆర్ట్స్‌ బ్యానర్స్‌పై కల్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు పా న్ ఇండియా స్థాయిలో ఈ సినిమాని ప్రతిష్టాత్మకంగా నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. అక్కడి స్టూడియోలో వేసిన ప్రత్యేకమైన సెట్‌లో ఎన్టీఆర్‌పై కీలక సన్నివేశాలను తెరకెక్కిస్తున్నారట ప్రశాంత్‌ నీల్‌. ఈ మూవీ కోసం ఎన్టీఆర్‌ ప్రత్యేకంగా మేకోవర్‌ అయిన సంగతి తెలిసిందే. మే 20న ఎన్టీఆర్‌ పుట్టినరోజుని పురస్కరించుకుని విడుదల చేసిన ‘డ్రాగన్‌’ టైటిల్‌ అనౌన్స్‌మెంట్, ఫస్ట్‌ గ్లింప్స్‌కి అద్భుతమైన స్పందన వచ్చింది.‘దేవుడు నాకు ఓ గొప్ప వరం ఇచ్చాడు... ట్రిగ్గర్‌ నొక్కగానే మర్చిపోవడం’, ‘నిద్రపోయినప్పుడు నా కల్లోకి నేను చంపిన వాళ్ల ముఖాలు రావు... మిగిలి ఉన్న శత్రువుల ముఖాలే కనబడతాయి.. ΄÷రపాటున కూడా నా కల్లోకి రావొద్దు’ అంటూ ఎన్టీఆర్‌ చెప్పే డైలాగులు ‘డ్రాగన్‌’ మూవీ గ్లింప్స్‌లో ఉన్నాయి. ‘‘డ్రాగన్‌’ కథ గోల్డెన్‌ ట్రైయాంగిల్‌ప్రాంతంలోని అంతర్జాతీయ అఫీమ్‌ (ఓపియం) అక్రమ వ్యాపారం నేపథ్యంలో సాగుతుంది. ఎన్టీఆర్‌ ఇందులో లూగర్‌ అనే పా త్రలో అఫ్గాన్‌ ట్రేడింగ్‌ కంపెనీకి చెందిన అస్సాసిన్‌–ఇన్‌–చీఫ్‌గా కనిపిస్తారు’’ అని యూనిట్‌ పేర్కొంది. ఈ సినిమా 2027 జూన్‌ 11న విడుదల కానుంది. నవ్వులు డబుల్‌ హీరో శ్రీ విష్ణు సినిమాలు ప్రేక్షకులకు సరికొత్త వినోదాన్ని పంచుతుంటాయి. ఆయన నుంచి వచ్చిన పలు సినిమాలు ఈ విషయాన్ని నిరూపించాయి. హీరో శ్రీవిష్ణు– డైరెక్టర్‌ రామ్‌ అబ్బరాజులది హిట్‌ కాంబినేషన్‌. వీరిద్దరి కలయికలో వచ్చిన తొలి చిత్రం ‘సామజ వరగమన’. 2023 జూన్‌ 28న విడుదలైన ఈ సినిమా ప్రేక్షకులకు పూర్తి వినోదం అందించడంతో పా టు బాక్సాఫీస్‌ వద్ద మంచి వసూళ్లు కూడా రాబట్టింది.‘సామజ వరగమన’ వంటి హిట్‌ మూవీ తర్వాత శ్రీ విష్ణు, రామ్‌ అబ్బరాజు కాంబినేషన్‌లో మరో సినిమా రూపొందుతోన్న సంగతి తెలిసిందే. మైత్రీ మూవీ మేకర్స్‌పై నవీన్‌ ఎర్నేని, యలమంచి రవిశంకర్‌ నిర్మిస్తున్నారు. ఈ సినిమాలో ‘వెన్నెల’ కిశోర్, సుదర్శన్‌ కీలక పా త్రలుపోషిస్తున్నారు. ఈ సినిమా షూటింగ్‌ హైదరాబాద్‌ సమీపంలోని శంకర్‌పల్లిలో జరుగుతోంది. శ్రీవిష్ణుతో పా టు ఇతర ప్రధాన తారాగణంపై ముఖ్యమైన సన్నివేశాలను చిత్రీకరిస్తున్నారు దర్శకుడు. ‘సామజ వరగమన’ చిత్రానికి మించి డబుల్‌ వినోదాన్ని అందించనున్నట్లు మేకర్స్‌ తెలిపారు.యాక్షన్‌... ఎమోషన్‌ గోపీచంద్‌ హీరోగా నటిస్తున్న తాజా చిత్రం ‘గోపీచంద్‌ 34’ (వర్కింగ్‌ టైటిల్‌). ఈ చిత్రం ద్వారా ప్రముఖ ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ ఈ మూవీ ద్వారా హీరోయిన్‌గా టాలీవుడ్‌కి ఎంట్రీ ఇస్తున్నారు. 70ఎంఎం ఎంటర్‌టైన్మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి ఈ సినిమాను నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌లోని అల్యూమినియం ఫ్యాక్టరీలో జరుగుతోంది. గోపీచంద్‌–అనార్కలితో పా టు ఇతర తారాగణంపై కీలకమైన సన్నివేశాలు తెరకెక్కిస్తున్నారట వెంకట్‌.‘‘గోపీచంద్‌ 34’ చిత్రం ద్వారా 70 ఎంఎం ఎంటర్‌టైన్మెంట్స్‌ సంస్థ అత్యున్నత నిర్మాణ విలువలు, సాంకేతిక నైపుణ్యంతో కూడిన ఒక సరికొత్త కథాంశాన్ని ప్రేక్షకులకు అందించనుంది. వి. వెంకట్‌కి దర్శకుడిగా ఇది తొలి చిత్రం అయినప్పటికీ ఒక బలమైన స్క్రిప్ట్‌ను రూపొందించారు. గోపీచంద్‌ను పూర్తి యాక్షన్, ఎమోషన్స్తో కూడిన పా త్రలో చూపిస్తున్నారు ఆయన. ఈ మూవీ తప్పకుండా ప్రేక్షకులకు సరికొత్త అనుభూతిని పంచుతుంది’’ అని చిత్రయూనిట్‌ పేర్కొంది. ఇదిలా ఉంటే.. గోపీచంద్‌ హీరోగా నటిస్తున్న మరో చిత్రం ‘భరత వర్ష’. సంకల్ప్‌ రెడ్డి దర్శకత్వం వహిస్తున్న ఈ సినిమాలో రీతూ వర్మ హీరోయిన్‌గా నటిస్తున్నారు. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాసా చిట్టూరి నిర్మిస్తున్నారు. హిస్టారికల్‌ నేపథ్యంలో ఈ మూవీ రూపొందుతోంది. అల్యూమినియం ఫ్యాక్టరీలో... రవితేజ హీరోగా నటిస్తున్న తాజా చిత్రం ‘ఇరుముడి’. ఆయన కెరీర్‌లో 77వ సినిమాగా రూపొందుతోన్న ఈ సినిమాకి ‘నిన్ను కోరి, మజిలీ, ఖుషి’ చిత్రాల ఫేమ్‌ శివ నిర్వాణ దర్శకత్వం వహిస్తున్నారు. ఈ మూవీలో ప్రియా భవానీ శంకర్‌ కథానాయికగా నటిస్తుండగా, రవితేజ కుమార్తె పా త్రలో బేబీ నక్షత్ర నటిస్తున్నారు. గుల్షన్‌ కుమార్, భూషణ్‌ కుమార్, టి. సిరీస్‌ ఫిల్మŠస్‌ సమర్పణలో మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మిస్తున్నారు. తండ్రీ కూతుళ్ల అనుబంధాలు, భావోద్వేగాలతో ముడిపడిన ఈ యాక్షన్ మూవీలో అయ్యప్ప స్వామి భక్తుడిగా కనిపించనున్నారు రవితేజ. ఈ మూవీ షూటింగ్‌ ప్రస్తుతం హైదరాబాద్‌లోని అల్యూమినియం ఫ్యాక్టరీలో జరుగుతోంది.రవితేజ, ప్రియా భవానీ శంకర్, బేబీ నక్షత్రతో పా టు సాయి కుమార్, అజయ్‌ ఘోష్, రమేష్‌ ఇందిర, స్వాసిక వంటి నటీనటులపై ముఖ్యమైన సన్నివేశాలను చిత్రీకరిస్తున్నారట శివ నిర్వాణ. ఈ నెల 3న విడుదలైన ఈ మూవీ గ్లింప్స్‌ సినిమాపై ఆసక్తిని పెంచింది. ‘‘ఇరుముడి’ చిత్రంలో యాక్షన్‌ ప్రధానంగా ఉన్నప్పటికీ అద్భుతమైన కథ ఉంది. అయ్యప్ప స్వామి, అయ్యప్ప మాల నేపథ్యంలో సాగే ఈ కథలో ఓ అందమైన కుటుంబం, ఫ్యామిలీ ఎమోషన్స్, తండ్రీ కూతుళ్ల మధ్య బాండింగ్‌... వంటి అంశాలు అద్భుతంగా ఉంటాయి. రవితేజ ఇంతకు ముందెన్నడూపోషించని విభిన్నమైన పా త్రను ‘ఇరుముడి’లోపోషిస్తున్నారు’’ అని చిత్రయూనిట్‌ తెలిపింది.– డేరంగుల జగన్‌ మోహన్‌

సినిమాలో కొత్తదనం లేక పోతే ప్రేక్షకులు థియేటర్స్‌కు రావడం లేదు. దీంతో హీరోలందరూ కొత్త కథల కోసం వెతుకులాట ప్రారంభించారు. ఒక్క కథను ఓకే చేయడం కోసం పదుల సంఖ్యలో కథలు వింటున్నారు. ఇటు దర్శకులు, రచయితలు కూడా తమ కలానికి మరింత పదును పెట్టి విభిన్నమైన కథలను సిద్ధం చేస్తున్నారు. దీంతో సరికొత్త కాంబినేషన్స్‌ పుట్టుకొస్తున్నాయి. మరి... ఏ హీరోకి ఏ దర్శకుడు కథ చె΄్పారు? ఏ దర్శకుడు ఏ హీరోను మెప్పించారు? తెలుగులో రాబోతున్న కొత్త కాంబినేషన్స్‌ ఏమిటి? అన్న విశేషాలపై ఓ లుక్‌ వేయండి.సంక్రాంతి తర్వాతే..! హీరో వెంకటేశ్‌ వరుస కథలు వింటున్నారు. యువ రచయిత నందు, తరుణ్‌ భాస్కర్‌ చెప్పిన కథలను ఆల్రెడీ విన్నారు వెంకటేశ్‌. అయితే ఈ కథలతో సినిమాలు చేయాలని ఆయన ఇంకా నిర్ణయం తీసుకోలేదని తెలిసింది. ఇదే స్పీడ్‌లో వెంకటేశ్‌ రీసెంట్‌గా మరో కథ విన్నారట. ‘బింబిసార’ చిత్రంతో దర్శకుడిగా తొలి విజయాన్ని అందుకుని, రెండో సినిమాయే చిరంజీవితో ‘విశ్వంభర’ తీసిన మల్లిడి వశిష్ట ఇటీవల వెంకటేశ్‌కు ఓ కథ వినిపించారట. ఈ సినిమా చేసేందుకు వెంకటేశ్‌ సుముఖంగానే ఉన్నట్లు తెలిసింది. అయితే ఇంకా తుది నిర్ణయం తీసుకోలేదట.ప్రస్తుతం త్రివిక్రమ్‌ దర్శకత్వం వహిస్తున్న ‘ఆదర్శ కుటుంబం హౌస్‌ నంబరు 47’ సినిమాలో హీరోగా నటిస్తూ, బిజీగా ఉన్నారు వెంకటేశ్‌. ఈ చిత్రాన్ని ఈ ఏడాదే రిలీజ్‌ చేయాలనుకుంటున్నారు. దీంతో ఈ సినిమా షూటింగ్‌ను త్వరితగతిన పూర్తి చేయాలనే సంక్పల్పంతో ఉన్నారట ఈ సీనియర్‌ హీరో. అలాగే ‘ఎఫ్‌ 2, ఎఫ్‌ 3, సంక్రాంతికి వస్తున్నాం’ ‘మన శంకర వర ప్రసాద్‌’ (ఇందులో చిరంజీవి హీరో) వంటి హిట్‌ చిత్రాలను తనకు అందించిన దర్శకుడు అనిల్‌ రావిపూడితో వెంకటేశ్‌ ఓ సినిమా చేస్తారు.వచ్చే సంక్రాంతికి ఈ సినిమా రిలీజ్‌ కానుంది. సో... వెంకీ ఇమ్మిడియట్‌ సినిమా ఇదే అవుతుంది. ఈ నెల 20 తర్వాత ఈ సినిమా రెగ్యులర్‌ షూటింగ్‌ ప్రారంభం అవుతుంది. ఈ చిత్రంలో కళ్యాణ్‌రామ్‌ మరో హీరోగా నటించనుండగా కీర్తీ సురేష్, కృతీశెట్టి హీరోయిన్స్‌గా నటిస్తారు. ఇక ఈ చిత్రానికి ‘జనవరి 13న విడుదల’ అనే ఓ క్రేజీ టైటిల్‌ను మేకర్స్‌ పరిశీలిస్తున్నారని తెలిసింది. ఇలా తన తర్వాతి ప్రాజెక్ట్‌ కూడా లైన్‌లో ఉండటంతో, వెంకీ తన తదుపరి సినిమాను సంక్రాంతి పండగ తర్వాతనే ఫైనలైజ్‌ చేయాలనే ఆలోచనలో ఉన్నారట. అయితే కథలు మాత్రం వింటున్నారు. ఈలోపు వెంకీని ఇంప్రెస్‌ చేసి, ఆయనతో సినిమా చేసే చాన్స్‌ను ఏ దర్శకుడు దక్కించుకుంటారో చూడాలి.నెక్ట్స్‌ ఎవరు? రాజమౌళి డైరెక్షన్‌లోని ‘వారణాసి’ చిత్రంతో మహేశ్‌బాబు ట్రావెల్‌ అవుతున్నారు. ఈ సినిమా వచ్చే ఏడాది ఏప్రిల్‌ 7న విడుదల కానుంది. ఈ సినిమాకు భారీ స్థాయిలో వీఎఫ్‌ఎక్స్‌ వర్క్స్‌ చేయాల్సి ఉంది. దీంతో అనుకున్నట్లుగానే ఏప్రిల్‌ 7నే సినిమాను రిలీజ్‌ చేయాలని, ఇది జరగాలంటే ఈ ఏడాది ఆగస్టులోపే షూటింగ్‌ను పూర్తి చేయాలనే ఆలోచనలో ఉన్నారట రాజమౌళి. ఇలా ‘వారణాసి’ సినిమా షూటింగ్‌ కాస్త అటూ ఇటూ అయినా ఈ ఏడాదే ఈ సినిమా షూటింగ్‌ నుంచి ఫ్రీ అవుతారు మహేశ్‌బాబు.కాగా, ఈ సినిమా తర్వాత పెద్దగా గ్యాప్‌ తీసుకోకూడదని మహేశ్‌బాబు అనుకుంటున్నారట. ఈ సినిమా రిలీజైన వెంటనే తన తదుపరి సినిమాను పట్టాలెక్కించాలనే ఆలోచనలో ఉన్నారట మహేశ్‌. ఇందుకు తగ్గట్లుగానే ఓ ప్రణాళికను సిద్ధం చేసుకుంటున్నారట. ఆల్రెడీ సందీప్‌ రెడ్డి వంగా, ప్రశాంత్‌ నీల్‌లతో పాటు బుచ్చిబాబు సానా చెప్పిన స్టోరీ లైన్స్‌ను మహేశ్‌బాబు విన్నారని సమాచారం. ‘వారణాసి’ సినిమా రిలీజైన తర్వాత ఏ దర్శకుడితో సినిమా చేయాలనే విషయంపై మహేశ్‌బాబు ఓ స్పష్టతకు వస్తారని ఫిల్మ్‌నగర్‌ సమాచారం. మోస్ట్‌లీ సందీప్‌ రెడ్డి వంగాతోనే మహేశ్‌బాబు సినిమా ఉండొచ్చని భోగట్టా.ముందు ఎవరు? హీరో రవితేజ కాస్త స్పీడ్‌ పెంచాలనుకుంటున్నారు. రవితేజ హీరోగా నటించిన తాజా సినిమా ‘ఇరుముడి’. ఈ సినిమా ఆగస్టులో రిలీజ్‌ కానుంది. అయితే ఈ సినిమా రిలీజ్‌కు ముందే తన నెక్ట్స్‌ సినిమాలను ఖరారు చేసుకోవాలని అనుకుంటున్నారట రవితేజ. ఇందులో భాగంగానే దర్శకుడు వివేక్‌ ఆత్రేయ, హసిత్‌ గోలి చెప్పిన కథలను రవితేజ విన్నారని తెలిసింది. ముందుగా హసిత్‌ గోలి కథ వినిపించారు. ఆ తర్వాత వివేక్‌ ఆత్రేయ చెప్పిన కథ విన్నారట రవితేజ.ఈ రెండు కథలకూ ఇంప్రెస్‌ అయినప్పటికీ ముందుగా వివేక్‌ ఆత్రేయ సినిమాను సెట్స్‌కు తీసుకువెళ్లాలని రవితేజ నిర్ణయించుకున్నారట. మైత్రీ మూవీ మేకర్స్‌ సంస్థ ఈ సినిమాను నిర్మించనుందని తెలిసింది. ఈ సినిమా ప్రారంభమైన మరికొన్ని రోజులకే హసిత్‌ గోలీ సినిమానూ సెట్స్‌పైకి తీసుకు వెళ్లాలని రవితేజ ΄్లాన్‌ చేస్తున్నారని తెలిసింది. ఇలా ఒకేసారి రెండు సినిమాల షూటింగ్స్‌ను సమాంతరంగా ముందుకు తీసుకువెళ్లాలని రవితేజ అనుకుంటున్నారట. ఈ రెండు సినిమాలూ వచ్చే ఏడాదే రిలీజ్‌ అవుతాయని ఊహించవచ్చు. ఇక రవితేజ హీరోగా హసిత్‌ గోలి డైరెక్షన్‌లోని సినిమాను ‘దిల్‌’ రాజు, శిరీష్‌ నిర్మిస్తారని ఫిల్మ్‌నగర్‌ సమాచారం. కాస్త సమయం ఉంది.. ‘ది ప్యారడైజ్‌’ ప్రపంచంలో తీరిక లేకుండా ఉన్నారు హీరో నాని. ‘దసరా’ వంటి హిట్‌ ఫిల్మ్‌ తర్వాత హీరో నాని, దర్శకుడు శ్రీకాంత్‌ ఓదెల కాంబినేషన్‌లో రూ΄÷ందుతున్న పీరియాడికల్‌ యాక్షన్‌ డ్రామా ‘ది ప్యారడైజ్‌’. ఈ సినిమా ఈ ఏడాది ఆగస్టులో రిలీజ్‌ కానుంది. ఈ సినిమా తర్వాత దర్శకుడు సుజిత్‌తో ‘బ్లడీ రొమియో’ అనే ఓ గ్యాంగ్‌స్టర్‌ డ్రామా సినిమా చేయనున్నారు నాని. ఇక రెండు సినిమాలు ఇలా ఉండగానే... నిర్మాతగా తనకు ‘కోర్టు’ సినిమా రూపంలో ఓ బ్లాక్‌బస్టర్‌ను అందించిన రామ్‌ జగదీష్‌ చెప్పిన కథను నాని ఓకే చేశారని తెలిసింది.కానీ ఈ కథలో నానీయే హీరోగా నటిస్తారా? లేక నిర్మాణ బాధ్యతల వరకే పరిమితం అవుతారా? అనేది చూడాలి. అలాగే ఇటీవల ‘బ్యాండ్‌ మేళం’ సినిమా తీసిన సతీష్‌ జవ్వాజి చెప్పిన కథను కూడా విన్నారు నాని. ఈ కథను ఆల్మోస్ట్‌ ఓకే చేశారు. అయితే ఈ కథలో తానే హీరోగా నటించాలని నాని భావిస్తున్నారని, కాక పోతే కథకు ఇంకాస్త మెరుగులు దిద్దాల్సిన అవసరం ఉందని సతీష్‌కు నాని సూచించారని ఫిల్మ్‌నగర్‌ భోగట్టా. ఇప్పటికే రెండు సినిమాలను ఖరారు చేసుకున్న నాని,మరో రెండు సినిమాల కథలను కూడా ఓకే చేశారు.మ్యూజికల్‌ లవ్‌స్టోరీ! ప్రస్తుతం ‘వృషకర్మ’ సినిమాతో నాగచైతన్య బిజీ బిజీ. ఈ సినిమా ఈ ఏడాదే రిలీజ్‌ కానుంది. ఇది నాగచైతన్య కెరీర్‌లో 24వ చిత్రం. దీంతో తన కెరీర్‌లోని 25వ సినిమాను లవ్‌ జానర్‌లో చేయాలా? లేక యాక్షన్‌ జానర్‌లో చేయాలా? అనే సందిగ్ధంలో ఉన్నారట నాగచైతన్య. ఈ క్రమంలోనే దర్శకుడు కొరటాల శివ, బోయపాటి శ్రీను, శివ నిర్వాణ, ‘బెదురులంక 2012’ ఫేమ్‌ క్లాక్స్‌ చెప్పిన కథలను విన్నారట నాగచైతన్య.అయితే రొటీన్‌ లవ్‌స్టోరీకీ కాస్త భిన్నంగా ఓ డిఫరెంట్‌ ప్రేమకథను చెప్పిన క్లాక్స్‌కు ముందుగా చాన్స్‌ ఇచ్చారని సమాచారం. ప్రజెంట్‌ ఈ కథకు సంబంధించిన తుది మెరుగులు దిద్దే పనిలో ఉన్నారట క్లాక్‌. ‘వృషకర్మ’ సినిమా రిలీజ్‌ తర్వాత, నాగచైతన్య 25వ సినిమాపై ఓ క్లారిటీ వచ్చే అవకాశం ఉందని తెలుస్తోంది. మరోవైపు ‘దూత’ వెబ్‌ సిరీస్‌ సెకండ్‌ సీజన్‌ ‘దూత చాప్టర్‌2’ షూటింగ్‌లోనూ త్వరలోనే పాల్గొనున్నారు నాగచైతన్య. విక్రమ్‌ కె. కుమార్‌ దర్శకత్వం వహిస్తున్న ఈ ‘దూత చాప్టర్‌ 2’తో తొలిసారిగా నిర్మాతగా మారారు నాగచైతన్య. ఈ సిరీస్‌కు శరత్‌మరార్‌ మరో నిర్మాత.రెండు సంవత్సరాల తర్వాత తొలి చిత్రం ‘ఉప్పెన’తో సూపర్‌ హిట్‌ అందుకున్నారు హీరో వైష్ణవ్‌ తేజ్‌. ఆ తర్వాత వైష్ణవ్‌ చేసిన సినిమాలేవీ బాక్సాఫీస్‌ వద్ద సరైన ఫలితాలను రాబట్ట లేక పోయాయి. వైష్ణవ్‌ గత చిత్రం ‘ఆది కేశవ’ 2023లో విడుదలైంది. ఆ తర్వాత మరో కొత్త సినిమా సైన్‌ చేయడానికి వైష్ణవ్‌ దాదాపు రెండు సంవత్సరాల సమయం తీసుకున్నారు. ఈ గ్యాప్‌లో వైష్ణవ్‌ ఎన్నో కథలు విన్నారని తెలిసింది. కానీ ఫైనల్‌గా సుధీర్‌బాబుతో ‘హంట్‌’ సినిమా తీసిన దర్శకుడు మహేశ్‌ సూరపనేని చెప్పిన కథ వైష్ణవ్‌ను ఇంప్రెస్‌ చేసిందట.ఒకేసారి రెండు సినిమాలు ప్రభాస్‌ హీరోగా నటిస్తున్న సినిమాలు కనీసం రెండు సెట్స్‌పై ఉంటున్నాయి. ఇప్పుడు కూడా ప్రభాస్‌ హీరోగా నటిస్తున్న ‘ఫౌజి, స్పిరిట్‌’ చిత్రాలు సెట్స్‌పై ఉన్నాయి. ఈ రెండు సినిమాల చిత్రీకరణ ఈ ఏడాదే పూర్తవుతుంది. ‘ఫౌజీ’ సినిమా రిలీజ్‌ను ఈ ఏడాదే అనుకుంటున్నారు. ‘స్పిరిట్‌’ సినిమాను వచ్చే మార్చి 5న రిలీజ్‌ చేయనున్నట్లు మేకర్స్‌ ఆల్రెడీ ప్రకటించారు. అయితే ఈ రెండు సినిమాలు పూర్తయిన వెంటనే... మరో రెండు సినిమాలను సమాంతరంగా సెట్స్‌పైకి తీసుకువెళ్లాలని ప్రభాస్‌ భావిస్తున్నారట. కన్నడ నిర్మాణ సంస్థ హోంబలే ఫిల్మ్స్‌తో ప్రభాస్‌ మూడు సినిమాలు చేయాల్సి ఉంది. వీటిలో ‘సలార్‌ 2’ ఒకటి అని తెలిసింది. అలాగే ప్రశాంత్‌ వర్మతో కూడా ప్రభాస్‌ ఓ మైథాలజీ సినిమా చేయాల్సి ఉంది. అయితే ప్రస్తుతం ఎన్టీఆర్‌ ‘డ్రాగన్‌’తో ప్రశాంత్‌ నీల్, రిషబ్‌ శెట్టితో ‘జై హనుమాన్‌’ చేస్తూ ప్రశాంత్‌ వర్మ బిజీగా ఉన్నారు. కానీ వచ్చే ఏడాదికి ఈ ఇద్దరు దర్శకులు కాస్త ఫ్రీ అవుతారు. మరి... ప్రభాస్‌ తర్వాతి రెండు సినిమాలకు ఈ ఇద్దరు దర్శకులే డైరెక్షన్‌ చేస్తారా? లేక మరో దర్శకుడి పేరు ఏదైనా సడన్‌గా తెరపైకి వచ్చి, కొత్త కాంబినేషన్‌ సెట్‌ అవు తుందా? అనేది చూడాలి. ఏదీ ఏమైనా తన తర్వాతి సినిమాలపై ప్రభాస్‌ ఓ క్లారిటీతో ఉన్నారని సమాచారం.అడవిలో పోరాటం ‘పెద్ది’ సినిమాతో ప్రేక్షకులను అలరించారు రామ్‌చరణ్‌. ఇక మెల్లిగా చరణ్‌ ఫ్యాన్స్‌ చర్చంతా ఆయన తర్వాతి సినిమాపైనే జరుగుతోంది. ‘రంగస్థ్థలం’ వంటి బ్లాక్‌బస్టర్‌ సినిమాను తనకు ఇచ్చిన సుకుమార్‌తో రామ్‌ చరణ్‌ తర్వాతి సినిమా ఉంటుంది. ఈ సినిమాను మైత్రీ మూవీ మేకర్స్, సుకుమార్‌ రైటింగ్స్‌ సంస్థలు నిర్మించనున్నాయి. ఈ ఏడాదే ఈ సినిమా సెట్స్‌కు వెళ్తుందని సమాచారం. అయితే ఇటీవల బాలీవుడ్‌ ప్రముఖ దర్శకుడు సంజయ్‌ లీలా భన్సాలీని ముంబైలో ఓ సందర్భంగా కలిశారట రామ్‌ చరణ్‌. దీంతో వీరి కాంబినేషన్‌లో సినిమా కన్ఫార్మ్‌ అనే టాక్‌ తెరపైకి వచ్చింది.అయితే ఇదొక పీరియాడికల్‌ జంగిల్‌ అడ్వెంచరస్‌ యాక్షన్‌ డ్రామా అని, ఈ సినిమాకు సంజయ్‌ లీలా భన్సాలీ దర్శకత్వం వహించరని, కేవలం నిర్మాణం వరకు మాత్రమే పరిమితం అవుతారనే వార్తలు బాలీవుడ్‌లో వినిపించాయి. అలాగే ఈ సినిమాకు తమిళ దర్శకుడు పీఎస్‌ మిత్రన్‌ దర్శకత్వం వహిస్తారనే టాక్‌ తెరపైకి వచ్చింది. మరోవైపు బాలీవుడ్‌లో ‘కిల్‌’ వంటి బ్లాక్‌బస్టర్‌ సినిమాతో హిట్‌ అందుకున్న దర్శకుడు నిఖిల్‌ నగేష్‌ భట్‌తోనూ ఓ సినిమా విషయమై రామ్‌చరణ్‌ చర్చలు జరిపారని టాక్‌. అయితే ఈ అంశాలపై పూర్తి స్థాయి అధికారిక ప్రకటన రావాల్సి ఉంది.– ముసిమి శివాంజనేయులు

​సాధారణంగా ఒక సంగీత దర్శకుడి చేతిలో రెండు మూడు ప్రాజెక్టులు ఉంటేనే గొప్ప విషయం. కానీ, తన అద్భుతమైన టాలెంట్‌తో ఏకంగా 8 సినిమాలకు ఒకేసారి సంగీతం అందిస్తూ సినీ పరిశ్రమలో సరికొత్త ఒరవడికి దారి తీస్తున్నారు ప్రముఖ సౌండ్ డిజైనర్, మ్యూజిక్ డైరెక్టర్ ఎస్.ఎస్. వెంకటేష్. ​గతంలో ఎన్నో చిత్రాలకు తన అద్భుతమైన సౌండ్ డిజైనింగ్‌తో ప్రాణం పోసి ప్రత్యేక గుర్తింపు తెచ్చుకున్న ఆయన.. ఇప్పుడు పూర్తిస్థాయి సంగీత దర్శకుడిగా తన సత్తా చాటుతున్నారు. ఒకేసారి విభిన్న జానర్స్‌లో తెరకెక్కుతున్న చిత్రాలకు ఆయన ట్యూన్స్ కంపోజ్ చేస్తుండటం విశేషం. ​ప్రస్తుతం ఆయన చేతిలో ​ది ఫైనల్ కాల్,​హనుమ,​అపరిచిత దారి,​చెట్టు మీద దెయ్యం నాకేం భయం,​నడికట్టు,​సువార్తపురం స్టూడెంట్స్(VS -1), ​స్పిరిట్,​ప్రేమ తీరం చిత్రాలు ఉన్నాయి.​బెస్ట్ అవుట్‌పుట్ ఇవ్వడమే నా లక్ష్యం ఈ అరుదైన లైనప్ పై సంగీత దర్శకుడు ఎస్.ఎస్. వెంకటేష్ ఆనందం వ్యక్తం చేశారు. ఆయన మాట్లాడుతూ.. "నాపై నమ్మకంతో ఏకకాలంలో ఇన్ని సినిమాలకు సంగీతం అందించే అవకాశం ఇచ్చిన ప్రతి ఒక్క దర్శక నిర్మాతకు నా హృదయపూర్వక ధన్యవాదాలు. చిన్న సినిమా, పెద్ద సినిమా అనే భేదం లేకుండా ప్రతి చిత్రానికీ 100% బెస్ట్ క్వాలిటీ అవుట్‌పుట్ ఇస్తాను. మంచి కంటెంట్, సినిమా మీద ప్యాషన్‌తో వచ్చే ప్రతి ఫిల్మ్ మేకర్‌కు మా స్టూడియో ఎల్లప్పుడూ స్వాగతం పలుకుతుంది. వారికి అత్యుత్తమ టోటల్ ఆడియోగ్రఫీ సేవలను అందిస్తాం" అని ఆయన భరోసా ఇచ్చారు.

ఉదయం షూటింగ్‌కి వెళ్లడం... రాత్రికి ఇంటికి చేరుకోవడం... ఇలా లోకల్‌లో షూటింగ్‌ చేసినప్పుడు స్టార్స్‌ ఇంటిని మిస్‌ అవ్వాల్సిన అవసరం లేదు. ప్రస్తుతం కొందరు స్టార్స్‌ అలా ఇంటిని మిస్‌ కాకుండా హైదరాబాద్‌లో జోరుగా హుషారుగా షూట్‌తో బిజీగా ఉంటున్నారు. ఆ స్టార్స్‌ ఏయే సినిమాల షూట్‌లో ఉన్నారో తెలుసుకుందాం.గండిపేటలో కింగ్‌తెలుగు చలనచిత్ర పరిశ్రమలోని అగ్ర హీరోల్లో నాగార్జున ఒకరు. తన కెరీర్‌లో 99 సినిమాలు పూర్తి చేసుకున్న ఆయన నటిస్తున్న తాజా చిత్రం ‘కింగ్‌ 100’. నాగార్జున ఫిల్మ్‌ జర్నీలో ఓ మైల్‌స్టోన్‌ మూవీగా రూపొందుతోంది. ఈ సినిమాకి తమిళ దర్శకుడు ఆర్‌.ఎ. కార్తీక్‌ దర్శకత్వం వహిస్తున్నారు. ఈ మూవీలో హీరోగా నటించడంతో పాటు తన అన్నపూర్ణ స్టూడియోస్‌పై నాగార్జున భారీ బడ్జెట్‌తో నిర్మిస్తున్నారు. యాక్షన్‌ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా రూపొందుతోన్న సినిమా ఇది. ప్రస్తుతం ఈ మూవీ రెగ్యులర్‌ షూటింగ్‌ హైదరాబాద్‌ సమీపంలోని గండిపేటలో జరుగుతోంది. ఈ షెడ్యూల్‌లో నాగార్జునతో పాటు నటి టబు పాల్గొంటున్నారు. వీరిద్దరిపై కీలక సన్నివేశాలను చిత్రీకరిస్తున్నారు కార్తీక్‌. –టబు కాంబినేషన్‌లో ‘నిన్నే పెళ్లాడతా’, ‘ఆవిడ మా ఆవిడే’ వంటి విజయవంతమైన చిత్రాలు వచ్చాయి. అదే విధంగా ‘సిసింద్రి’ సినిమాలోనూ వీరిద్దరూ ‘ఆటాడుకుందాం రా అందగాడా...’ పాటలో కనిపించిన సంగతి తెలిసిందే. ఇప్పుడు ‘కింగ్‌ 100’ మూవీ కోసం వీరిద్దరూ మరోసారి కలిసి నటిస్తున్నారు. వీరి రీ యూనియన్‌ మరోసారి ఆ మ్యాజిక్‌ను రిపీట్‌ చేయబోతోందని ఫిల్మ్‌నగర్‌ టాక్‌. నాగార్జున కెరీర్‌లో ఓ ల్యాండ్‌మార్క్‌గా రూపొందుతోన్న ఈ చిత్రాన్ని అన్ని వాణిజ్య అంశాలతో ప్రతిష్టాత్మకంగా తెరకెక్కిస్తున్నారట దర్శకుడు. నాగార్జున సినీ ప్రయాణానికి పర్ఫెక్ట్‌ సెలబ్రేషన్ గా ఈ ప్రాజెక్ట్‌ను భారీ స్థాయిలో తెరకెక్కిస్తున్నారట ఆయన. ఈ సినిమాని సంక్రాంతి కానుకగా 2027 జనవరికి విడుదల చేయనున్నారనే ప్రచారం జరుగుతోంది. జన్వాడలో...‘వీర సింహారెడ్డి’ సినిమా తర్వాత బాలకృష్ణ హీరోగా గోపీచంద్‌ మలినేని దర్శకత్వంలో రూపొందుతోన్న చిత్రం ‘ఎన్‌బీకే 111’ (వర్కింగ్‌ టైటిల్‌). ఈ చిత్రాన్ని వెంకట సతీశ్‌ కిలారు నిర్మిస్తున్నారు. ముంబయ్‌ నేపథ్యంలో సాగే స్టైలిష్‌ మాస్‌ యాక్షన్‌ఎంటర్‌టైనర్‌గా ఈ మూవీ కథ ఉంటుందని సమాచారం. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని జన్వాడలో ‘గుంటూరు కారం’ మూవీ సెట్‌లో జరుగుతోందని తెలిసింది.బాలకృష్ణతో పాటు ఇతర తారాగణంపై కొన్ని కీలక సన్నివేశాలను తెరకెక్కిస్తున్నారట గోపీచంద్‌ మలినేని. ఈ మూవీలో హీరోయిన్‌గా తొలుత నయనతార పేరు వినిపించింది. అయితే ఆ తర్వాత ఆమె స్థానంలో కాజల్‌ అగర్వాల్‌ నటించనున్నారనే వార్తలు హల్‌చల్‌ చేస్తున్నాయి. మరి... వీరిద్దరిలో ఎవరు ఫిక్స్‌ అవుతారు? లేదంటే మరో హీరోయిన్‌ ఖరారు అవుతారా? అనేది వేచి చూడలి. ఇదిలా ఉంటే... ‘ఎన్‌బీకే 111’లో ఓ స్పెషల్‌ సాంగ్‌లో బాలీవుడ్‌ బ్యూటీ నర్గీస్‌ ఫక్రీ చిందేయనున్నారని ఫిల్మ్‌నగర్‌ టాక్‌. హైదరాబాద్‌లోని ఓ స్టూడియోలో ప్రత్యేకంగా వేసిన సెట్‌లో ఈ పాటని చిత్రీకరించనున్నారట మేకర్స్‌.అన్నపూర్ణలో ఆదర్శ కుటుంబం‘సంక్రాంతికి వస్తున్నాం’ (2025) సినిమాతో తన కెరీర్‌లోనే బ్లాక్‌బస్టర్‌ హిట్‌ అందుకున్నారు వెంకటేశ్‌. అంతేకాదు... ఈ మూవీ ద్వారా రూ. 300కోట్ల వసూళ్ల క్లబ్‌లో చేరి, సరికొత్త రికార్డును సృష్టించారాయన. ఈ చిత్రం తర్వాత వెంకటేశ్‌ హీరోగా నటిస్తున్న తాజా సినిమా ‘ఆదర్శ కుటుంబం’. ‘హౌస్‌ నెం: 47 (ఏకే 47)’ అనేది ఉపశీర్షిక. త్రివిక్రమ్‌ శ్రీనివాస్‌ దర్శకత్వం వహిస్తున్న ఈ మూవీలో ‘కేజీఎఫ్, ‘హిట్‌ 3, తెలుసు కదా’ చిత్రాల ఫేమ్‌ శ్రీనిధీ శెట్టి హీరోయిన్‌గా నటిస్తున్నారు. హారిక అండ్‌ హాసినీ క్రియేషన్స్‌ పతాకంపై ఎస్‌. రాధాకృష్ణ (చినబాబు) నిర్మిస్తున్నారు. వెంకటేశ్‌ కెరీర్‌లో 77వ సినిమాగా తెరకెక్కుతోన్న ఈ మూవీ ఫ్యామిలీ ఎంటర్‌టైనర్‌గా రూపొందుతోంది. కుటుంబ ప్రేక్షకుల్లో వెంకటేశ్‌ ఇమేజ్‌కి తగ్గ అందమైన కుటుంబ కథాంశం నేపథ్యంలో ఈ మూవీని రూపొందిస్తున్నారట త్రివిక్రమ్‌. ఈ చిత్రం షూటింగ్‌ ప్రస్తుతం హైదరాబాద్‌లోని అన్నపూర్ణ సెవెన్‌ ఏకర్స్‌ స్టూడియోలో జరుగుతోంది. వెంకటేశ్‌తో పాటు ఇతర ముఖ్య తారాగణంపై కీలక సన్నివేశాలను తెరకెక్కిస్తున్నారట. ఈ చిత్రంలో మధ్యతరగతి వ్యక్తి పాత్రలో నటిస్తున్నారు వెంకటేశ్‌. వినోదం, భావోద్వేగాల కలయికలో రూపొందుతోన్న ఈ సినిమాలో వెంకటేశ్‌ మార్క్‌ కామెడీతో పాటు త్రివిక్రమ్‌ మార్క్‌ ఫ్యామిలీ ఎమోషన్స్, యాక్షన్‌ ఎలిమెంట్స్‌ ఉంటాయని ఫిల్మ్‌నగర్‌ టాక్‌. ఈ సినిమాకి సంబంధించి ఇటీవల హైదరాబాద్‌లో చిత్రీకరించిన ఓ హై ఓల్టేజ్‌ క్లైమాక్స్‌ ఫైట్‌ సినిమాకే హైలైట్‌గా నిలుస్తుందట. వెంకటేశ్‌ హీరోగా నటించిన పలు హిట్‌ సినిమాలకు మాటలు అందించిన త్రివిక్రమ్‌ ఇప్పుడు ఆయన హీరోగా తన దర్శకత్వంలో రూపొందుతోన్న ‘ఆదర్శ కుటుంబం’ సినిమాపై ఇటు ఇండస్ట్రీలో అటు ప్రేక్షకుల్లో మంచి అంచనాలు ఉన్నాయి.ఎస్‌. తమన్‌ సంగీతం అందిస్తున్న ఈ సినిమా ఈ ఏడాది దసరా కానుకగా ప్రేక్షకుల ముందుకు రానుందని తెలుస్తోంది. ఇదిలా ఉంటే... వెంకటేశ్‌–కల్యాణ్‌ రామ్‌ హీరోలుగా ఓ క్రేజీ మల్టీస్టారర్‌ మూవీ తెరకెక్కనున్న సంగతి తెలిసిందే. ఈ సినిమాకి అనిల్‌ రావిపూడి దర్శకుడు. ఈ సినిమాలో వెంకటేశ్‌కి జోడీగా కీర్తీ సురేష్‌ నటిస్తారు. అనిల్‌ రావిపూడి ట్రేడ్‌మార్క్‌ స్టయిల్, హ్యూమర్, ఎమోషన్‌, ఎంటర్‌టైన్‌మెంట్‌తో రూపొందనున్న ఈ సినిమా 2027 సంక్రాంతికి విడుదల కానుంది. గండిపేటలో వారణాసిమహేశ్‌బాబు హీరోగా తెరకెక్కుతోన్న చిత్రం ‘వారణాసి’. మహేశ్‌ హీరోగా నటిస్తున్న 29వ సినిమా ఇది. ‘ఆర్‌ఆర్‌ఆర్‌’ (2022) వంటి బ్లాక్‌బస్టర్‌ మూవీ తర్వాత ప్రముఖ దర్శకుడు ఎస్‌ఎస్‌ రాజమౌళి తెరకెక్కిస్తున్నారు. ఈ సినిమాలో బాలీవుడ్‌ నటి ప్రియాంకా చోప్రా, మలయాళ నటుడు పృథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ మూవీ నిర్మిస్తున్నారు. ఈ సినిమా కోసం మహేశ్‌బాబు పోడవాటి హెయిర్‌ స్టైల్, గెడ్డంతో ప్రత్యేకంగా మేకోవర్‌ అయిన సంగతి తెలిసిందే.ఇప్పటికే విడుదలైన ఆయన గెటప్స్‌కి అద్భుతమైన స్పందన వచ్చింది. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని గండిపేటలో జరుగుతోంది. ప్రత్యేకంగా వేసిన వారణాసి సెట్‌లో మహేశ్‌బాబుతో పాటు ప్రధాన తారాగణంపై ముఖ్యమైన సన్నివేశాలు చిత్రీకరిస్తున్నారట రాజమౌళి. మహేశ్‌బాబు, రాజమౌళి కాంబినేషన్‌లో రూపొందుతోన్న ఈ ఎపిక్‌ అడ్వెంచరస్‌ మూవీ కోసం ప్రేక్షకులు ఎంతో ఆసక్తిగా ఎదురు ఎదురు చూస్తున్నారు.‘వారణాసి’ని గ్లోబల్‌ స్థాయిలో ప్రేక్షకుల ముందుకు తీసుకొచ్చేందుకు రాజమౌళి సన్నాహాలు చేస్తున్న సంగతి తెలిసిందే. ఈ చిత్రం 120 దేశాల్లో విడుదల కానుంది. ఈ చిత్రంలో మహేశ్‌బాబు శ్రీరాముడిగా, రుద్రుడిగా ద్విపాత్రాభినయం చేస్తున్నారు. మహేశ్‌బాబు–రాజమౌళి కాంబినేషన్‌లో రూపొందుతున్న ‘వారణాసి’పై ఇటు ఇండస్ట్రీ వర్గాల్లో అటు ప్రేక్షకుల్లో భారీ అంచనాలు నెలకొన్నాయి. ఈ సినిమా 2027 ఏప్రిల్‌ 7 ప్రేక్షకుల ముందుకు వస్తోంది.ఆర్‌ఎఫ్‌సీలో... ప్రభాస్‌ వరుస పాన్‌ ఇండియన్‌ సినిమాలతో బిజీ బిజీగా ఉన్నారు. ఓ వైపు హను రాఘవపూడి దర్శకత్వంలో ‘ఫౌజీ’ మూవీ చేస్తున్న ఆయన మరోవైపు సందీప్‌ రెడ్డి వంగా దర్శకత్వంలో ‘స్పిరిట్‌’ చిత్రం చేస్తున్నారు. ఈ రెండు సినిమాల షూటింగ్స్‌లో సమాంతరంగా పాల్గొంటున్నారాయన. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్న తాజా చిత్రం ‘ఫౌజి’. ఈ సినిమాలో ప్రభాస్‌కి జోడీగా ఇమాన్వీ హీరోయిన్‌గా నటిస్తున్నారు.టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్న్‌ ఎర్నేని, వై. రవిశంకర్‌ నిర్మిస్తున్నారు. పీరియాడికల్‌ యాక్షన్‌ డ్రామాగా రూపొందుతోన్న ‘ఫౌజీ’ షూటింగ్‌ ప్రస్తుతం హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. ప్రభాస్‌తో పాటు కీలక తారాగణంపై ముఖ్య సన్నివేశాలను తెరకెక్కిస్తున్నారట హను రాఘవపూడి. ప్రభాస్‌ని ఇంతకు ముందు ఎన్నడూ చూడని పవర్‌ఫుల్‌ పాత్రలో చూపించబోతున్నారట. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ కీలక పాత్రలు పోషిస్తున్న ఈ మూవీని తెలుగు, హిందీ, తమిళ, కన్నడ, మలయాళ, బెంగాలీ భాషల్లో దసరా పండగ సందర్భంగా విడుదల చేయనున్నట్లు చిత్రబృందం ప్రకటించిన సంగతి తెలిసిందే.పీరియాడికల్‌ యాక్షన్‌‘దేవర’ వంటి హిట్‌ సినిమా తర్వాత ఎన్టీఆర్‌ హీరోగా నటిస్తున్న చిత్రం ‘ఎన్టీఆర్‌ నీల్‌’ (వర్కింగ్‌ టైటిల్‌). ‘కేజీఎఫ్, సలార్‌’ చిత్రాల ఫేమ్‌ ప్రశాంత్‌ నీల్‌ దర్శకత్వం వహిస్తున్నారు. ఈ చిత్రంలో రుక్మిణీ వసంత్‌ హీరోయిన్‌గా నటిస్తున్నారు. గుల్షన్‌ కుమార్, భూషణ్‌ కుమార్, టి. సిరీస్‌ ఫిల్మస్‌ సమర్పణలో మైత్రీ మూవీ మేకర్స్, ఎన్టీఆర్‌ ఆర్ట్స్‌ బ్యానర్స్‌పై కల్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు నిర్మిస్తున్నారు. ఈ చిత్రానికి ‘డ్రాగన్‌’ అనే టైటిల్‌ పరిశీలనలో ఉంది.పీరియాడికల్‌ యాక్షన్‌గా రూపొందుతోన్న ఈ సినిమా చిత్రీకరణ ప్రస్తుతం హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. ఈ షెడ్యూల్‌లో ఎన్టీఆర్‌తో పాటు ఇతర తారాగణంపై కొన్ని ముఖ్య సన్నివేశాలను తెరకెక్కిస్తున్నారట ప్రశాంత్‌ నీల్‌. కొంత టాకీ పార్టుతో పాటు ఓ యాక్షన్ సీక్వెన్స్‌ను చిత్రీకరిస్తున్నారట. ఈ సినిమా ప్రధాన కథకు ఇంటర్నేషనల్‌ టచ్‌ ఉంటుందని, ప్రధాన కథాంశం 1969 నేపథ్యంలో సాగుతుందని తెలిసింది. అంతేకాదు... ముఖ్యంగా కోల్‌కత్తా ప్రస్తావన ఉంటుందట.ఇప్పటి వరకు చూడనటువంటి మాస్‌ లుక్‌లో ఎన్టీఆర్‌ని చూపించనున్నారు ప్రశాంత్‌ నీల్‌. ఈ మూవీలో టు షేడ్స్‌లో కనిపించనున్నారట ఎన్టీఆర్‌. ఓ లుక్‌లో సన్నగా కనిపించే ఆయన మరో లుక్‌లో కొంచెం బొద్దుగా కనిపిస్తారని తెలిట. మాస్‌ హీరో, మాస్‌ డైరెక్టర్‌ ఇమేజ్‌ ఉన్న ఎన్టీఆర్‌–ప్రశాంత్‌ నీల్‌ కాంబినేషన్‌లో రూపొందుతోన్న ఈ సినిమాపై ఇటు ట్రేడ్‌ వర్గాలో,్ల అటు ప్రేక్షకుల్లో బజ్‌ నెలకొంది. ఈ సినిమా తెలుగు, హిందీ, తమిళ, కన్నడ, మలయాళ భాషల్లో 2027 జూన్‌ 11న విడుదల కానుంది. అజీజ్‌నగర్‌లో... గోపీచంద్‌ హీరోగా నటిస్తున్న తాజా చిత్రం ‘భరత వర్ష’. సంకల్ప్‌ రెడ్డి దర్శకత్వం వహిస్తున్న ఈ సినిమాలో రీతూ వర్మ హీరోయిన్‌గా నటిస్తున్నారు. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాసా చిట్టూరి నిర్మిస్తున్నారు. హిస్టారికల్‌ నేపథ్యంలో రూపొందుతోన్న ఈ సినిమా చిత్రీకరణ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో గోపీచంద్, రీతూ వర్మ, ఇతర నటీనటులపై ముఖ్య సన్నివేశాలను చిత్రీకరిస్తున్నారట సంకల్ప్‌ రెడ్డి. ‘‘హిస్టారికల్‌ నేపథ్యంలో భారీ స్థాయిలో రూపొందుతోన్న చిత్రం ‘భరత వర్ష’.గోపీచంద్‌ ఈ మూవీలో యోధుడి పాత్ర కోసం కంప్లీట్‌గా మేకోవర్‌ అయ్యారు. ఆయన ఫిజిక్, నటన, స్క్రీన్‌ ప్రెజెన్న్స్‌ అన్నీ కలిసి ఈ పాత్రను ఎంతో నిజాయితీగా కనిపించేలా చేస్తాయి. ఇది ఆయన గత చిత్రాల నుండి పూర్తిగా భిన్నమైన పాత్రగా నిలుస్తోంది. టెక్నికల్‌గా ఈ చిత్రాన్ని అత్యున్నత స్థాయిలో రూపొందిస్తున్నాం. ఈ సినిమాలో సత్యవతిగా రీతూ వర్మ నటిస్తున్నారు. ఇన్నోవేటివ్‌ కథనాలు, హై టెక్నికాల్టీకి పేరుగాంచిన సంకల్ప్‌ రెడ్డి... భారత చరిత్రలో వెలుగులోకి రాని ఒక శక్తివంతమైన అధ్యాయాన్ని ఈ మూవీ ద్వారా తెరపై ఆవిష్కరించబోతున్నారు’’ అని చిత్రయూనిట్‌ పేర్కొంది.ఈ చిత్రానికి అనుదీప్‌ దేవ్‌ సంగీతం అందిస్తున్నారు. ఇదిలా ఉంటే... గోపీచంద్‌ హీరోగా కొత్త సినిమా షురూ అయింది. ‘గోపీచంద్‌ 34’ అనే వర్కింగ్‌ టైటిల్‌తో రూపొందనున్న ఈ చిత్రం ద్వారా ప్రముఖ ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ ఈ చిత్రం ద్వారా హీరోయిన్‌గా తెలుగు చిత్రసీమలో అడుగుపెడుతున్నారు. 70ఎంఎం ఎంటర్‌టైన్‌మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి నిర్మిస్తున్న ఈ సినిమా ప్రారంభోత్సవం ఇటీవల హైదరాబాద్‌లో జరిగిన విషయం తెలిసిందే. ముచ్చింతల్‌లో... నాని హీరోగా శ్రీకాంత్‌ ఓదెల దర్శకత్వం వహించిన తొలి చిత్రం ‘దసరా’. కీర్తీ సురేష్‌ హీరోయిన్‌గా నటించిన ఈ చిత్రాన్ని ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మించారు. 2023 మార్చి 30న విడుదలైన ఈ మూవీ బ్లాక్‌బస్టర్‌ అందుకుంది. ‘దసరా’ వంటి హిట్‌ సినిమా తర్వాత హీరో నాని, డైరెక్టర్‌ శ్రీకాంత్‌ ఓదెల, నిర్మాత సుధాకర్‌ చెరుకూరి కాంబినేషన్‌లో తెరకెక్కుతోన్న తాజా చిత్రం ‘ది ప్యారడైజ్‌’. ఈ చిత్రంలో కయాదు లోహర్‌ హీరోయిన్‌గా నటిస్తున్నారు. మంచు మోహన్‌బాబు, రాఘవ్‌ జుయల్, సంపూర్ణేశ్‌ బాబు కీలక పాత్రలు పోషిస్తున్నారు.యాక్షన్‌ ఎంటర్‌టైనర్‌గా రూపొందుతోన్న ఈ సినిమా చిత్రీకరణ ప్రస్తుతం శంషాబాద్‌ సమీపంలోని ముచ్చింతల్‌లో జరుగుతోంది. ఈ షెడ్యూల్‌లో నానితో పాటు చిత్రంలోని ప్రధాన తారాగణం పాల్గొంటోంది. పీరియాడిక్‌ యాక్షన్‌ డ్రామాగా రూపొందుతోన్న ఈ చిత్రంలో జడల్‌ అనే శక్తిమంతమైన పాత్రలో నాని కనిపించనున్నారు. అనిరుధ్‌ రవిచందర్‌ సంగీతం అందిస్తున్న ఈ మూవీ నుంచి విడుదల చేసిన ‘ఆయా షేర్‌...’ పాటకి అద్భుతమైన స్పందన వచ్చింది. ఈ సినిమాని తెలుగుతో పాటు హిందీ, తమిళ, కన్నడ, మలయాళ, బెంగాలీ, ఇంగ్లిష్, స్పానిష్‌ భాషల్లో ఆగస్టు 21న విడుదల చేయనున్నట్లు మేకర్స్‌ ప్రకటించారు. యాక్షన్‌ డ్రామా శర్వానంద్‌ హీరోగా నటిస్తున్న తాజా చిత్రం ‘భోగి’. ‘ఎ బ్లడ్‌ ఫెస్ట్‌’ అన్నది ట్యాగ్‌లైన్‌. సంపత్‌ నంది దర్శకత్వం వహిస్తున్న ఈ సినిమాలో డింపుల్‌ హయతి, అనుపమా పరమేశ్వరన్‌ హీరోయిన్లుగా నటిస్తున్నారు. లక్ష్మీ రాధామోహన్‌ సమర్పణలో శ్రీ సత్యసాయి ఆర్ట్స్‌పై కేకే రాధామోహన్‌ నిర్మిస్తున్నారు. హై ఓల్టేజ్‌ పీడియాడిక్‌ యాక్షన్‌ డ్రామాగా రూపొందుతోన్న ‘భోగి’ షూటింగ్‌ ప్రస్తుతం శంషాబాద్‌ సమీపంలోని ముచ్చింతల్‌లో శగుతోంది.ఈ షెడ్యూల్‌లో శర్వానంద్‌పై ముఖ్యమైన సన్నివేశాలను చిత్రీకరిస్తున్నారట సంపత్‌ నంది. ఫిబ్రవరి 6న శర్వానంద్‌ బర్త్‌డే సందర్భంగా ‘భోగి’ నుంచి విడుదల చేసిన ఆయన బర్త్‌ డే పోస్టర్‌కి మంచి స్పందన వచ్చింది. ‘‘పీరియాడిక్‌ యాక్షన్‌ డ్రామాగా భారీ పాన్‌–ఇండియా మూవీగా ‘భోగి’ని రూపొందిస్తున్నాం. 1960లో ఉత్తర తెలంగాణ–మహారాష్ట్ర ప్రాంతం నేపథ్యంలో రూపొందిస్తున్న ఈ సినిమా షూటింగ్‌ ప్రస్తుతం శరవేగంగా కొనసాగుతోంది.ఈ చిత్రం శర్వానంద్‌ కెరీర్‌లో అత్యంత ప్రతిష్టాత్మకమైన వెంచర్‌లలో ఒకటిగా ఉంటుంది. ఈ చిత్రంలో శర్వానంద్‌ ఇప్పటివరకు కనిపించని రస్టిక్, ఇంటెన్న్స్‌ పాత్రలో ఆయన కనిపించనున్నారు. ఈ చిత్రానికి భీమ్స్‌ సిసిరోలియో అద్భుతమై సంగీతం అందించారు. ఆగస్టు 28న రక్షా బంధన్‌ సందర్భంగా ఈ సినిమాని తెలుగు, తమిళ, కన్నడ, మలయాళ, హిందీ భాషల్లో విడుదల చేయనున్నాం’’ అని చిత్రయూనిట్‌ పేర్కొంది. శంకర్‌పల్లిలో... హీరో శ్రీ విష్ణు, డైరెక్టర్‌ రామ్‌ అబ్బరాజులది హిట్‌ కాంబినేషన్‌. వీరిద్దరి కలయికలో వచ్చిన తొలి చిత్రం ‘సామజవరగమన’ 2023 జూన్‌ 28న విడుదలై థియేటర్లలో నవ్వులు కురిపించడంతో పాటు హిట్‌గా నిలిచింది. ‘సామజవరగమన’ వంటి హిట్‌ మూవీ తర్వాత శ్రీ విష్ణు, రామ్‌ అబ్బరాజు కాంబినేషన్‌లో మరో సినిమా రూపొందుతోన్న సంగతి తెలిసిందే. మైత్రీ మూవీ మేకర్స్‌పై నవీన్‌ ఎర్నేని, యలమంచి రవిశంకర్‌ నిర్మిస్తున్నారు.వీరిద్దరి కాంబినేషన్‌లో రాబోతున్న ఈ హిలేరియస్‌ కామెడీ డ్రామా షూటింగ్‌ హైదరాబాద్‌ సమీపంలోని శంకర్‌పల్లిలో జరుగుతోంది. శ్రీవిష్ణుతో పాటు ఇతర ప్రధాన తారాగణంపై ముఖ్యమైన సన్నివేశాలను రూపొందిస్తున్నారట రామ్‌ అబ్బరాజు. ఈ సినిమా ద్వారా ‘సామజవరగమన’ చిత్రాన్ని మించిన నవ్వులు పంచాలనే బలమైన ఆలోచనతో తెరకెక్కిస్తున్నారట రామ్‌ అబ్బరాజు. ఈ సినిమాలో ‘మోగ్లీ’ మూవీ ఫేమ్‌ సాక్షీ మదోల్కర్‌ కథానాయికగా నటించనున్నారని టాక్‌. ‘వెన్నెల’, సుదర్శన్‌ కీలక పాత్రలు పోషిస్తున్నారు. పైన పేర్కొన్న సినిమాలే కాదు.. మరికొన్ని చిత్రాలు కూడా హైదరాబాద్‌తో పాటు పరిసర ప్రాంతాల్లో చిత్రీకరణ జరుపుకుంటున్నాయి. – డేరంగుల జగన్‌ మోహన్‌

వెంకటేశ్‌ హీరోగా నటిస్తున్న తాజా చిత్రం ‘ఆదర్శ కుటుంబం’. ‘హౌస్‌ నెం: 47 (ఏకే 47)’ అనేది ఉపశీర్షిక. త్రివిక్రమ్‌ శ్రీనివాస్‌ దర్శకత్వం వహిస్తున్న ఈ మూవీలో ‘కేజీఎఫ్, హిట్‌ 3, తెలుసు కదా’ చిత్రాల ఫేమ్‌ శ్రీనిధీ శెట్టి హీరోయిన్‌గా నటిస్తున్నారు. ఎస్‌. రాధాకృష్ణ (చినబాబు) నిర్మిస్తున్నారు. ఈ సినిమాకి సంబంధించి ఓ హై ఓల్టేజ్‌ క్లైమాక్స్‌ యాక్షన్‌ ఎపిసోడ్‌ని హైదరాబాద్‌లో పూర్తి చేశారట మేకర్స్‌.ఫైట్‌ మాస్టర్‌ కెవిన్‌ కుమార్‌ ఆధ్వర్యంలో ఈ పోరాట సన్నివేశం తెరకెక్కించారట. వెంకటేశ్‌పై చిత్రీకరించిన ఈ పవర్‌ఫుల్‌ ఫైట్‌ మూవీ క్లైమాక్స్‌లో వస్తుందని సమాచారం. కుటుంబ కథా చిత్రంగా రూపొందుతోన్న ‘ఆదర్శ కుటుంబం’లో మధ్యతరగతి వ్యక్తి పాత్రలో నటిస్తున్నారు వెంకటేశ్‌. వినోదం, భావోద్వేగాల కలయికలో రూపొందుతోన్న ఈ సినిమా ఈ ఏడాదే రిలీజ్‌ కానుంది.

సంక్రాంతి టార్గెట్‌గా దర్శకుడు అనీల్ రావిపూడి మరో కొత్త సినిమాను ప్లాన్ చేస్తున్న విషయం తెలిసిందే. ఈ ప్రాజెక్ట్‌లో ఇప్పటికే వెంకటేశ్, కల్యాణ్‌రామ్ హీరోలుగా ఫిక్స్ అయ్యారు. ఇక హీరోయిన్‌ల ఎంపిక కూడా వేగంగా పూర్తి చేశారు. కల్యాణ్‌రామ్ సరసన కృతిశెట్టిని హీరోయిన్‌గా తీసుకున్న మేకర్స్, తాజాగా వెంకటేశ్ సరసన కీర్తి సురేష్‌ను లాక్ చేశారు. కీర్తి సురేష్ ఇప్పటివరకు యువ హీరోలతోనే ఎక్కువగా నటించింది. కానీ వెంకటేశ్ లాంటి సీనియర్‌ హీరో సరసన ఫుల్ లెంగ్త్ హీరోయిన్‌గా నటించడం ఆమె కెరీర్‌లో ఇదే తొలిసారి. ఈ కాంబినేషన్ ప్రేక్షకులకు కొత్తగా అనిపించే అవకాశం ఉంది. అనీల్ రావిపూడి హీరోయిన్లను ఒప్పించడంలో ప్రత్యేకత కలిగిన దర్శకుడు. ఇటీవల వచ్చిన 'మన శంకర వరప్రసాద్‌ గారు' చిత్రం కోసం నయనతారను ప్రచారానికి ఒప్పించారు. ఇప్పుడు కీర్తి సురేష్‌ను వెంకీ సరసన హీరోయిన్‌గా తీసుకోవడం అనీల్‌కు పెద్ద సవాల్ కాదు. జూన్ నుంచి ఈ సినిమా సెట్స్‌పైకి వెళ్లనుంది. ఈ గ్యాప్‌లో విజయ్ దేవరకొండతో చేస్తున్న రౌడీ జనార్థన సినిమాను పూర్తి చేసి, వెంటనే వెంకీతో కొత్త ప్రాజెక్ట్‌లో చేరనుంది కీర్తి. వచ్చే సంక్రాంతి రేసులో ఈ సినిమా ఎలా దూసుకెళ్తుందో చూడాలి.

ఖాజీపేట: ప్రేమోన్మాది చేతిలో ఓ బాలిక దారుణహత్యకు గురైంది. ఈ దుర్ఘటన వైఎస్సార్‌ కడప జిల్లా ఖాజీపేట మండలంలో శుక్రవారం జరిగింది. వైఎస్సార్‌ కడప జిల్లా ఖాజీపేట మండలం అగ్రహారం గ్రామంలో ఇళ్లూరు శ్రీనివాసులు, నాగమణి దంపతులకు ఇద్దరు కుమారులు, ఓ కుమార్తె రామకీర్తన (16) ఉన్నారు. కీర్తన ఖాజీపేటలోని మోడల్‌ స్కూల్‌లో ఇంటర్‌ ద్వితీయ సంవత్సరం చదివి ఇటీవలే పరీక్షలు రాసింది. ప్రస్తుతం ఇంటివద్దనే ఉంటుంది. శుక్రవారం ఉదయం కీర్తన తండ్రి శ్రీనివాసులు తన పెద్ద కుమారునితో కలిసి మైదుకూరుకు జీవాల కొనుగోలుకు వెళ్లాడు. తల్లి నాగమణి కూలి పనులకు వెళ్లారు. కీర్తన తమ్ముడు బడికి వెళ్లాడు. దీంతో కీర్తన ఒంటరిగా ఇంటి వద్ద ఉండడంతో ఆంజనేయ కొట్టాలు గ్రామానికి చెందిన ఆవుల వెంకటేష్‌ వచ్చి కొడవలితో గొంతుకోసి పరార­య్యాడు. ఆ తర్వాత ఇంటికి వచ్చిన తండ్రి, అతడి పెద్దకుమారుడు రక్తపుమడుగులో పడి ఉన్న రామకీర్తనను చూసి దిగ్భ్రాంతికి గురయ్యారు. అప్పటికి రామకీర్తన మాట్లాడు తుండడంతో విషయం తెలుసుకుని పోలీసు లకు సమాచారం ఇచ్చారు. కీర్తన గొంతు నుంచి రక్తస్రావం జరగకుండా టవల్‌ను చుట్టి ఆమెను చేతులతో ఎత్తుకుని ఆటో వరకు తీసుకెళ్లారు. అనంతరం కడపకు తీసుకెళ్తుండగా హైవేపైకి రాగానే 108 ఎదురవడంతో అందులో కడప రిమ్స్‌కు తరలించారు. అప్పటికే బాలిక మృతి చెందడంతో కుటుంబసభ్యులు శోక సముద్రంలో మునిగిపోయారు.ప్రేమోన్మాదమే హత్యకు కారణంఆవుల వెంకటేష్‌ రెండేళ్ల నుంచి ప్రేమ పేరుతో రామకీర్తన వెంటపడుతున్నాడు. ప్రేమించాలని వేధిస్తున్నాడు. పలుమార్లు బాలిక తండ్రితో మీ కూతురు ఇతరులతో ఫోన్‌ మాట్లాడుతోందంటూ ఫిర్యాదు చేశాడు. దీనికి ఆమె సంగతి మేం చూసుకుంటాం.. నీవు కలగజేసుకోవద్దని శ్రీనివాసులు వార్నింగ్‌ కూడా ఇచ్చాడు. ఈ నేపథ్యంలో రామకీర్తనపై కక్ష పెంచుకున్న వెంకటేష్‌ శుక్రవారం ఉదయం ఆమెతో ఫోన్‌లో మాట్లాడే యత్నం చేశాడు. బాలిక స్పందించక పోవడంతో ఆవేశంతో ఇంటికి వెళ్లి కొడవలితో గొంతు కోసి హత్య చేసి పరారయ్యాడు. పోలీసుల కాళ్లుపట్టుకున్న తల్లిదండ్రులు బాలిక హత్యతో శ్రీనివాసులు బంధువులు, గ్రామస్తులు కోపోద్రిక్తులయ్యారు. ఖాజీపేట పోలీస్‌స్టేసన్‌కు తరలివచ్చి నిందితుడిని వెంటనే అరెస్టు చేయాలని నినదించారు. పోలీసులతో వాగ్వాదానికి దిగారు. పోలీసుల తీరు సరిగా లేదని ఖాజీపేట బస్టాండ్‌ కూడలిలో రాస్తా్తరోకో చేశారు. విషయం తెలుసుకున్న పోలీసులు టౌన్‌లోకి వాహనాలు రాకుండా జాతీయరహదారి నుంచి ట్రాఫిక్‌ మళ్లించారు. దీంతో బాలిక బంధువులు జాతీయ రహదారి దిగ్బంధించారు. సుమారు మూడు గంటల పాటు జాతీయ రహదారిపై రాస్తా్తరోకో చేశారు. నిందితుడిని తక్షణం అరెస్టు చేసి కఠిన శిక్ష పడేలా చర్యలు తీసుకోవాలని భీష్మించారు. ఓ దశలో మైదుకూరు డీఎస్పీ వెంకటేశ్వర్లు, పోలీసు బలగాలు అక్కడికి చేరుకుని లాఠీచార్జీ చేసి ట్రాఫిక్‌ క్రమబద్ధీకరించేందుకు యత్నించారు. అయితే బాలిక తల్లిదండ్రులు తీవ్రంగా ప్రతిఘటించారు. రామకీర్తన తల్లిదండ్రులు, బంధువులు పోలీసుల కాళ్లు పట్టుకుని న్యాయం చేయాలని వేడుకున్నారు. నిందితుడిని అరెస్టు చేసి తప్పకుండా న్యాయం చేస్తామని దిశా డీఎస్పీ బాలస్వామిరెడ్డి హామీ ఇవ్వడంతో బాధితులు శాంతించారు. మాకు న్యాయం కావాలిమా ఇంటికే వచ్చి నా కూతురి గొంతుకోసి వెళ్లడం దారుణం. ఇంతటి ఘాతుకానికి పాల్పడిన వాడిని వదిలేదే లేదు. మాకు జరిగిన అన్యాయం మరో ఆడపిల్లకు జరగకూడదు. నిందితుడిని కఠినంగా శిక్షించాలి. ఉరిశిక్ష పడాలి. అంత వరకూ పోరాటం చేస్తూనే ఉంటాం. – శ్రీనివాసులు–నాగమణి, బాలిక తల్లిదండ్రులు

‘ఊరోళ్లంతా చందాలు ఏసుకొని ఈ శివరాత్రికి సతీష్‌కి కాసులు ఈయండి. ఈ ఊరికి టీవీ తీసుకొని వస్తాడు’ అనే డైలాగ్‌తో ‘తిమ్మరాజుపల్లి టీవీ’ ట్రైలర్‌ ఆరంభమైంది. సాయి తేజ్, వేద జలంధర్‌ హీరో హీరోయిన్లుగా వి. మునిరాజు దర్శకత్వం వహించిన చిత్రం ‘తిమ్మరాజుపల్లి టీవీ’. సుమైర స్టూడియోస్‌తో కలిసి కేఏ ప్రోడక్షన్స్‌ పై కిరణ్‌ అబ్బవరం నిర్మించిన ఈ సినిమా ఈ నెల 17న రిలీజ్‌ కానుంది. ఈ మూవీ ట్రైలర్‌ని హీరో వెంకటేశ్‌ విడుదల చేశారు.ఈ ట్రైలర్‌ లాంచ్‌ ప్రెస్‌మీట్‌లో కిరణ్‌ అబ్బవరం మాట్లాడుతూ– ‘‘తిమ్మరాజుపల్లి టీవీ’ ట్రైలర్‌ను రిలీజ్‌ చేసిన వెంకటేశ్‌గారికి థ్యాంక్స్‌. మా మూవీ ట్రైలర్, సాంగ్స్, కంటెంట్‌ చూడండి... మీకు నచ్చితేనే థియేటర్స్‌కు వెళ్లి మా టీమ్‌ని సపోర్ట్‌ చేయండి. ‘తిమ్మరాజు పల్లి’కి వస్తే మీ ఊరు, అప్పటి జ్ఞాపకాలు గుర్తుకు వస్తాయని గ్యారెంటీ ఇస్తున్నాను’’ అని తెలిపారు. వి. మునిరాజు మాట్లాడుతూ– ‘‘మా సినిమా ఒక మ్యూజియంలా ఉంటుంది. ఇందులో అంతరించిపోతున్న మన సంస్కృతి, జ్ఞాపకాలు, టీవీ గురించి ఉండే భావోద్వేగాలను చూస్తారు’’ అని పేర్కొన్నారు. ‘‘ట్రైలర్‌లో మీరు చూసిన కంటెంట్‌కి మించి సినిమాలో చూస్తారు. ఈ నెల 17న మీ పేరెంట్స్, గ్రాండ్‌ పేరెంట్స్‌తో మా సినిమా చూసేందుకు వెళ్లండి’’ అని వేద చెప్పారు. ‘‘మన లైఫ్‌లో చూసే స్వీట్‌ మెమొరీస్‌ ఈ చిత్రంలో ఉంటాయి’’ అన్నారు సాయి తేజ్‌.

గతేడాది సంక్రాంతికి బ్లాక్‌బస్టర్‌గా నిలిచిన ఫుల్ ఫ్యామీలీ కామెడీ ఎంటర్‌టైనర్ సంక్రాంతికి వస్తున్నాం. అనిల్ రావిపూడి- వెంకటేశ్ కాంబోలో వచ్చిన ఈ సినిమా సంక్రాంతి విన్నర్‌గా నిలిచింది. ఈ మూవీ బాక్సాఫీస్ వద్ద రూ.300 కోట్లకు పైగా వసూళ్లు సాధించింది. ఈ చిత్రంలో ఐశ్వర్య రాజేశ్, మీనాక్షి చౌదరి హీరోయిన్లుగా మెప్పించారు.తాజాగా ఈ మూవీ అరుదైన ఘనత సాధించింది. తాజాగా ప్రకటించిన ఇండియన్ నేషనల్ సినీ అకాడమీ(ఐఎన్‌సీఏ) అవార్డులకు ఎంపికైంది. బెస్ట్ డైరెక్టర్‌తో పాటు బెస్ట్ యాక్టర్ కామెడీ రోల్ విభాగంలో అవార్డులు కొల్లగొట్టింది. బెస్ట్ డైరెక్టర్‌గా అనిల్ రావిపూడి అవార్డ్ సొంతం చేసుకోగా.. కామెడీ రోల్ బెస్ట్ యాక్టర్‌గా రేవంత్(బుల్లిరాజు) దక్కించుకున్నారు. ఈ విషయాన్ని నిర్మాణ సంస్థ శ్రీ వెంకటేశ్వర క్రియేషన్స్ వెల్లడించింది. ప్రత్యేక పోస్టర్స్‌ను రిలీజ్ చేస్తూ గుడ్‌ న్యూస్‌ పంచుకుంది. ఐఎన్సీఏ అవార్డులు ప్ర‌క‌టించ‌డం ఇదే మొదటిసారి కావడం విశేషం. #SankranthikiVasthunam shines again on national stage 🌟'Hit Machine' @AnilRavipudi's directorial bags two prestigious honours at #INCA2026 🤩🏆#AnilRavipudi - Best Director#Revanth - Best Actor in a Comedy RoleVictory @VenkyMama @aishu_dil @Meenakshiioffl… pic.twitter.com/6meCSmPrRD— Sri Venkateswara Creations (@SVC_official) April 8, 2026

‘‘కొన్ని సినిమాలు ఆరంభించినప్పుడే ఒక మంచి అనుభూతి ఉంటుంది. ‘డెకాయిట్‌’ ఆరంభమైనప్పుడే సుప్రియ ఓ మంచి సినిమా తీస్తోందనే ఫీల్‌ ఇండస్ట్రీలో ఉంది. ఎందుకంటే తను చాలా ప్యాషనేట్‌. క్రమశిక్షణ ఉన్న టీమ్‌ని ఎంచుకుంది. అడివి శేష్‌ వరుస హిట్స్‌ కొడుతున్నాడు. మరిన్ని బ్లాక్‌బస్టర్‌ సినిమాల్లో నటించాలని కోరుకుంటున్నాను. ‘డెకాయిట్‌’ కూడా బ్లాక్‌బస్టర్‌ అవుతుంది... ఎలాంటి అనుమానం అక్కర్లేదు’’ అని హీరో వెంకటేశ్‌ చెప్పారు. అడివి శేష్‌ హీరోగా, మృణాల్‌ ఠాకూర్‌ హీరోయిన్‌గా నటించిన చిత్రం ‘డెకాయిట్‌’. షానియల్‌ డియో దర్శకత్వం వహించారు.అన్నపూర్ణ స్టూడియోస్‌ సమర్పణలో ఎస్‌ఎస్‌ క్రియేషన్స్‌పై సుప్రియ యార్లగడ్డ తెలుగు, హిందీ భాషల్లో నిర్మించారు. సునీల్‌ నారంగ్‌ సహ నిర్మాతగా వ్యవహరించిన ఈ సినిమా ఈ నెల 10న విడుదల కానుంది. ఈ సందర్భంగా మంగళవారం నిర్వహించిన ప్రీ రిలీజ్‌ ఈవెంట్‌కి ముఖ్య అతిథిగా హాజరైన వెంకటేశ్‌ మాట్లాడుతూ– ‘‘సుప్రియ కోసం ఇక్కడికి వచ్చాననుకుంటున్నారు.నిజాయతీగా చెప్పాలంటే నాకు ఇష్టమైన మా సురేంద్ర మామ (సుప్రియ తండ్రి)కోసం వచ్చాను. ఎస్‌ఎస్‌ క్రియేషన్స్‌పై సుప్రియ ఇలాంటి అద్భుతమైన సినిమా తీసినందుకు సంతోషంగా ఉంది. మృణాళ్‌ మంచి నటి. ఈ మూవీ ట్రైలర్‌ చూడగానే లవ్‌స్టోరీలోనే యాక్షన్, ఎమోష న్ అన్నీ ఉన్నాయని తెలిసిపోయింది. ఇలాంటి మంచి కథ ఎంచుకున్నందుకు గౌరవంగా ఉంది. యూనిట్‌కి ఆల్‌ ది వెరీ బెస్ట్‌’’ అని పేర్కొన్నారు. సుప్రియ మాట్లాడుతూ– ‘‘నాన్నగారి ఎస్‌ఎస్‌ క్రియేష న్్స బ్యానర్‌లో మంచి సినిమా తీయాలని ఎక్కడో మనసులో ఉంది. అందువల్లే ‘డెకాయిట్‌’ ఆరంభించాను. ఈ లోగోలో మా తాతగారి (ఏఎ న్ ఆర్‌) పంచె, మా నానమ్మ (అన్నపూర్ణ) కుంకుమ, పరిగెత్తే పాప, ముందు నడిపించే తాత... దాని వెనుక మా నాన్నగారు చేయించుకున్న మ్యూజిక్‌. ఇవన్నీ కూడగట్టి ఓ పదిహేను సెకన్లలో మా ఫ్యామిలీ కథ ఎలా చూపించుకోవాలా అనుకున్నాను. ‘డెకాయిట్‌’కి సైలెంట్‌గా ప్రోడ్యూస్‌ చేసి బ్యాక్‌బో న్ గా నిలిచిన మా అన్నయ్య సుమంత్‌కి థ్యాంక్స్‌’’ అని తెలిపారు.

దోసెలంటే ఇష్టపడని వారుండరు అంటే అతిశయోక్తి కాదేమో..!. అలాంటి దోసెలలో అత్యంత ఫేమస్‌ దోసె ఇది. కాసింత నూనె, మసాలా జోడిస్తే అబ్బో.. నోట్లో నీళ్లూరిపోవాల్సిందే. అలాంటి టేస్టీ.. టేస్టీ.. దోసెను దశాబ్దాలుగా అందిస్తోంది బెంగుళూరులోని ఓ ప్రముఖ రెస్టారెంట్‌. ఈ దోసె కోసం సామాన్యులు నుంచి సెలబ్రిటీల వరకు క్యూలు కడుతుంటారు. పైగా అదెలా తయారు చేస్తారనేది బయటకు పొక్కనివ్వకుండా కేర్‌ తీసుకుంటుందట ఆ రెస్టారెంట్‌. అంతలా పకడ్బందిగా తయారు చేసే ఆ దోసె మన టాలీవుడ్‌ హీరో మనసుని సైతం దోచుకుంది. మరి ఆ వంటకం విశిష్టత తదితరాల గురించి సవివరంగా చూద్దామా..!.బెంగళూరులోని అత్యంత ప్రసిద్ధ భోజనశాలలలో విద్యార్థి భవన్ ఒకటి. గాంధీ బజార్‌లోని రద్దీ వీధుల్లో ఉన్న దీనిని ఒక వారసత్వ ప్రదేశంగా చూస్తారు స్థానికులు. ఆహారం ద్వారా సంప్రదాయాన్ని పరిరక్షించడంలో పేరుగాంచిన ఈ రెస్టారెంట్‌ తరతరాలుగా వినియోగదారులను ఆకర్షిస్తూనే ఉంటుంది. సాంప్రదాయ దక్షిణ భారత వంటకాలను అందించడంలో మంచి పేరు సంపాదించుకుంది. ప్రత్యేకమైన బటర్‌ దోసె మెనూలో అత్యంత ప్రసిద్ధి చెందిన వంటకంగా నిలవడం విశేషం. View this post on Instagram A post shared by Humans of Bombay (@officialhumansofbombay)దోసె వెనుకున్న వారసత్వం..ఆ రెస్టారెంట్‌ని అరుణ్‌ కుమార్‌ అడిగా ఒక పకడ్బందీ ప్రణాళికగా తయారు చేస్తారట. ఈ వంటకం రుచి కోసం అక్కడ పాకనిపుణుల బృందం అవిశ్రాంతంగా పనిచేస్తుందట. ప్రత్యేకమైన కరకరలాడే ఈ ఆకృతి, బంగాళ దుంపల కూర, వెన్న సమపాళ్లలో ఉండేలా చూసుకుంటారట. ఇలాంటి దోసెలు రోజుకి సుమారు 1500 నుంచి 1800 దాక తయారు చేస్తారట. అత్యంత ప్రజాదరణ పొందిన వంటకంగా అక్కడ బాగా ఫేమస్‌ ఈ దోసె. ఈ రెస్టారెంట్‌ని 1943లో దక్షిణ కన్నడలో సాలిగ్రామానికి చెందని వెంకటరమణ ఉరల్‌ దీనిని స్థాపించారు. Honoured to host the ever-charming Mr. Venkatesh Daggubati @VenkyMama along with Mr. Rezwan Razack @indianbanknotes at Vidyarthi Bhavan for breakfast today!It was truly our pleasure to serve one of Tollywood’s finest!❤️ pic.twitter.com/zKQqJIcTrB— Vidyarthi Bhavan (@VidyarthiBhavan) March 29, 20261970వ దశకంలో, ఈ సంస్థ యాజమాన్యం అరుణ్ కుమార్ అడిగ తండ్రి అయిన రామకృష్ణ అడిగ నుంచి వారసత్వంగా బదిలీ అయ్యింది. ఆ కుటుంబికులు ఆ ప్రామాణికతను కాపాడుకునేలా వారసత్వాన్ని కొనసాగించడం విశేషం. ఇక ఇటీవల టాలీవుడ్‌ నటుడు హీరో వెంకటేశ్‌ కారణంగా మరోసారి ఈ దోసె, సదరు రెస్టారెంట్‌ గురించి నెట్టంట సంచలనంగా మారింది. రెస్టారెంట్‌ సోషల్‌ మీడియా పోస్ట్‌ ప్రకారం..నటుడు విక్టరీ వెంకటేశ్‌ సందడిగా ఉన్న ఈ రెస్టారెంట్‌ని సందర్శించిన దృశ్యాలు వైరల్‌ అయ్యాయి. వెంకటేశ్‌ అక్కడ బటర్‌ దోసెను చట్నీ తోపాటు ఆస్వాదిస్తూ కనిపించారు. దీంతోపాటు వడ, ఇడ్లీ సాంబార్‌ చట్నీలను కడా రుచి చూశారు. చివరగా కాఫీతో తన బ్రేక్‌ఫాస్ట్‌ని ముగించారు. ఇంకెదుకు ఆలస్యం అందుకు సంబంధించిన వీడియోపై మీరు ఓ లుక్కేయండి.(చదవండి: కంటెంట్‌ క్రియేటర్‌ అవ్వాలని రూ. 50 లక్షల వేతనం వదులుకుంది..! కట్‌చేస్తే..)

వెంకీమామ ఈ ఏడాది సంక్రాంతి పండుగకు అలరించారు. మెగాస్టార్ హీరోగా వచ్చిన మనశంకర వరప్రసాద్‌గారు మూవీతో అభిమానులను మెప్పించారు. అనిల్ రావిపూడి దర్శకత్వంలో వచ్చిన ఈ చిత్రం సంక్రాంతి సూపర్‌హిట్‌గా నిలిచింది. ఈ మూవీలో నయనతార హీరోయిన్‌గా కనిపించింది. గతేడాది అనిల్ రావిపూడి- వెంకీ కాంబోలో వచ్చిన సంక్రాంతికి వస్తున్నాం సైతం బ్లాక్‌బస్టర్‌ హిట్ కొట్టేసింది.తాజాగా వీరిద్దరు మరోసారి కలిసి పనిచేయనున్నారు. వచ్చే ఏడాది సంక్రాంతికి ఈ కాంబో రిపీట్ కానుంది. అయితే ఈసారి తన తొలి సినిమా హీరో కల్యాణ్‌రామ్ కూడా తీసుకొస్తున్నారు. ఈ ముగ్గురి క్రేజీ కాంబోలో రానున్న చిత్రాన్ని సాహు గారపాటి నిర్మిస్తున్నారు. ఇటీవలే శ్రీరామనవమి సందర్భంగా అప్‌డేట్ ఇ‍చ్చారు మేకర్స్. ఇక హీరోయిన్స్ ఎవరనేది త్వరలోనే క్లారిటీ రానుంది.ఇక సినిమా సంగతి పక్కనపెడితే విక్టరీ వెంకటేశ్‌ తాజాగా ఓ హోటల్‌లో సందడి చేశారు. సామాన్యుడిలాగే ‍‍హోటల్‌కు వెళ్లి టిఫిన్ చేశారు. బెంగళూరులోని విద్యార్థి భవన్‌ అనే హోటల్‌కు వెళ్లిన వీడియో సోషల్ మీడియాలో వైరల్‌గా మారింది. ఇది చూసిన నెటిజన్స్‌ క్రేజీ కామెంట్స్ చేస్తున్నారు. వెంకీమామ సింప్లీసిటీని తెగ మెచ్చుకుంటున్నారు. Honoured to host the ever-charming Mr. Venkatesh Daggubati @VenkyMama along with Mr. Rezwan Razack @indianbanknotes at Vidyarthi Bhavan for breakfast today!It was truly our pleasure to serve one of Tollywood’s finest!❤️ pic.twitter.com/zKQqJIcTrB— Vidyarthi Bhavan (@VidyarthiBhavan) March 29, 2026

వెంకటేశ్‌–కల్యాణ్‌ రామ్‌ హీరోలుగా ఓ క్రేజీ మల్టీస్టారర్‌ మూవీ తెరకెక్కనున్న సంగతి తెలిసిందే. ఈ సినిమాకి అనిల్‌ రావిపూడి దర్శకత్వం వహిస్తారు. ప్రస్తుతం ప్రీప్రొడక్షన్‌ పనులు జరుపుకుంటున్న ఈ సినిమాలో హీరోయిన్లు ఎవరు? అనే విషయంపై అధికారిక ప్రకటన రాలేదు. అయితే వెంకటేశ్‌–కల్యాణ్‌ రామ్‌లకు సరైన జోడీ కోసం అనిల్‌ రావిపూడి వేట మొదలెట్టారట. ఇందులో భాగంగా ఇద్దరు ముగ్గురు హీరోయిన్ల పేర్లు తెరపైకి వచ్చాయి. వెంకటేశ్‌కి జోడీగా ‘మహానటి’ మూవీ ఫేమ్‌ కీర్తీ సురేష్‌ నటించనున్నారనే వార్తలు నెట్టింట సందడి చేస్తున్నాయి. ఇప్పటివరకూ వెంకటేశ్‌–కీర్తీ సురేష్‌ కలిసి నటించలేదు. వీరి కాంబినేషన్‌ అయితే ప్రేక్షకులకు కొత్తగా ఉంటుందనే ఆలోచనతో ముందుకెళుతున్నారట అనిల్‌ రావిపూడి.ఇక కల్యాణ్‌ రామ్‌కి జోడీగా నటించనున్న హీరోయిన్ల జాబితాలో ప్రధానంగా ఇద్దరి పేర్లు వినిపిస్తున్నాయి. వారిలో కృతీ శెట్టి, కయాదు లోహర్‌ ఉన్నారు. ‘ఉప్పెన, శ్యామ్‌ సింగరాయ్, బంగార్రాజు’ వంటి పలు హిట్‌ సినిమాలతో ప్రేక్షకుల్లో గుర్తింపు సొంతం చేసుకున్న కృతీ శెట్టి పేరు బలంగా వినిపిస్తోంది. అలాగే ‘డ్రాగన్, అల్లూరి, ఫంకీ’ చిత్రాల ఫేమ్‌ కయాదు లోహర్‌ పేరు కూడా తెరపైకి వచ్చింది. మరి... వెంకటేశ్‌కి జోడీగా కీర్తి నటిస్తారా? లేదా? కల్యాణ్‌ రామ్‌కి జంటగా కృతీ, కయాదు లోహర్‌లలో ఎవరు ఫైనల్‌ అవుతారు? లేకుంటే మరో హీరోయిన్‌ ఫిక్స్‌ అవుతారా? అనే విషయాలపై స్పష్టత రావాలంటే అధికారిక ప్రకటన వచ్చే వరకు వేచి చూడాలి. ఈ సినిమా 2027 సంక్రాంతికి రిలీజ్‌ కానుంది.

టాలీవుడ్‌ హిట్‌ దర్శకుడు అనిల్‌ రావిపూడి కొత్త సినిమా త్వరలో సెట్స్‌పైకి వెళ్లనుంది. ఈ సంక్రాంతికి చిరంజీవి - వెంకటేశ్‌లతో కలిసి ‘మన శంకరవరప్రసాద్‌గారు’తో భారీ హిట్‌ కొట్టిన విషయం తెలిసిందే. అయితే, వచ్చే సంక్రాంతి కోసం ఆయన తెరకెక్కించబోయే సినిమాలో వెంకటేశ్‌ - నందమూరి కల్యాణ్‌రామ్‌ నటించనున్నారు. ఇప్పటికే ఈ సినిమా అధికారికంగా ప్రకటించారు. ప్రస్తుతం నటీనటుల ఎంపిక జరుగుతోంది. ఈ క్రమంలో హీరోయిన్‌గా కీర్తి సురేశ్‌ ఎంపికైనట్లు వార్తలు వచ్చాయి. తాజాగా రెండో హీరోయిన్‌ గురించి కూడా వైరల్‌ అవుతుంది.2027 సంక్రాంతికి వెంకటేశ్, కల్యాణ్‌రామ్‌ సందడి చేయనున్నారు. ఈ మూవీలో మరో హీరోయిన్‌గా కృతిశెట్టి(Krithi Shetty) పేరును ఫైనల్‌ చేసినట్లు సమాచారం. కల్యాణ్‌ రామ్‌కు జోడీగా ఆమె నటించనున్నట్లు తెలుస్తోంది. అయితే, ఈ విషయంపై అధికారికంగా ప్రకటన రాకపోయినప్పటికీ పలు కథనాలు వైరల్‌ అవుతున్నాయి. ఈ సమ్మర్‌ నుంచి షూటింగ్‌ ప్రారంభ కానున్నట్లు తెలుస్తోంది. త్వరలో పూర్తి వివరాలు అనిల్‌ రావిపూడి ప్రకటించనున్నారని సమాచారం.

వేసవి మొదలైపోయింది. ఎండలు కూడా అప్పుడే మండుతున్నాయ్‌. అయినా ఏమాత్రం లెక్క చేయకుండా షూటింగ్‌లతో బిబీ బిజీగా ఉంటున్నారు నటీనటులు. కొన్ని సినిమాలు ఇండోర్‌లో (స్టూడియోల్లో) షూటింగ్స్‌ జరుపుకుంటుండగా... మరికొన్ని మూవీస్‌ షూటింగ్స్‌ కోసం హైదరాబాద్‌ సమీపంలోని పలు ప్రాంతాల్లో ప్రత్యేకమైన సెట్స్‌ వేసి చిత్రీకరణలు జరుపుతున్నారు మేకర్స్‌.ప్రస్తుతం భాగ్యనగరంతో (హైదరాబాద్‌) పాటు పరిసర ప్రాంతాల్లో సినిమా షూటింగ్‌లు భలే జోరుగా సాగుతున్నాయి. నాగార్జున, వెంకటేశ్, రవితేజ, ప్రభాస్, రామ్‌చరణ్, నాని, గోపీచంద్, శర్వానంద్, అఖిల్‌ వంటి పలువురు హీరోలు హైదరాబాద్‌తో పాటు పరిసర ప్రాంతాల్లో తమ సినిమాల షూటింగ్‌లో హుషారుగా పాల్గొంటున్నారు. ఆ విశేషాలేంటో చూద్దాం...మూసరంబాగ్‌లో... నాగార్జున కెరీర్‌లో వందో చిత్రం షూటింగ్‌ శరవేగంగా జరుపుకుంటోంది. ఆయన ప్రయాణంలో ఓ మైలురాయిగా నిలవనున్న ఈ సినిమాని తమిళ దర్శకుడు కార్తీక్‌ తెరకెక్కిస్తున్నారు. అన్నపూర్ణ స్టూడియోస్‌పై నాగార్జున భారీ బడ్జెట్‌తో ఈ చిత్రం నిర్మిస్తున్నారు. ఫ్యామిలీ ఎంటర్‌టైనర్, యాక్షన్‌ బ్యాక్‌డ్రాప్‌లో రూపొందుతోన్న ఈ సినిమాకు ‘కింగ్‌ 100, కింగ్‌ 100 నాటౌట్‌’ వంటి టైటిల్స్‌ను మేకర్స్‌ పరిశీలిస్తున్నారనే టాక్‌ వినిపిస్తోంది. ఇటీవల కర్నాటకలోని మైసూర్‌ షెడ్యూల్‌ని పూర్తి చేసుకుని హైదరాబాద్‌ తిరిగొచ్చింది యూనిట్‌.ప్రస్తుతం ఈ మూవీ షూటింగ్‌ హైదరాబాద్‌లోని మూసరాంబాగ్‌లో జరుగుతోంది. నాగార్జునపై కీలక సన్నివేశాలను చిత్రీకరిస్తున్నారు కార్తీక్‌. నాగార్జున కెరీర్‌లో ఓ మైలురాయిగా రూపొందుతోన్న ఈ చిత్రాన్ని అన్ని వాణిజ్య అంశాలతో ప్రతిష్టాత్మకంగా తెరకెక్కిస్తున్నారట దర్శకుడు. ఈ చిత్రంలో ముగ్గురు హీరోయిన్లు ఉంటారని తెలుస్తోంది. కాగా ఈ మూవీలో సీనియర్‌ నటి టబు–నాగార్జున కలిసి నటిస్తున్నారు.ఇదిలా ఉంటే.. ఈ సినిమాలో నాగార్జున తనయులు నాగచైతన్య, అఖిల్‌ అతిథి పాత్రల్లో మెరవనున్నారని టాక్‌. అక్కినేని నాగేశ్వర రావు, నాగార్జున, నాగచైతన్య, అఖిల్‌ (గెస్ట్‌ అప్పీయరెన్స్‌) కలిసి ‘మనం’ సినిమాలో నటించిన విషయం తెలిసిందే. మరోసారి తండ్రీ కొడుకులు స్క్రీన్‌ షేర్‌ చేసుకోనున్నారనే వార్తలతో అక్కినేని ఫ్యాన్స్‌ ఫుల్‌ ఖుషీ అవుతున్నారు. ఈ వార్తలపై అధికారిక ప్రకటన రావాల్సి ఉంది. నాగార్జున నటిస్తున్న ఈ వందో చిత్రంపై ఇండస్ట్రీ వర్గాల్లో, ప్రేక్షకుల్లో, అక్కినేని అభిమానుల్లో చాలా ఆసక్తి నెలకొంది. అన్నపూర్ణలో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత వెంకటేశ్‌ హీరోగా నటిస్తున్న తాజా చిత్రం ‘ఆదర్శ కుటుంబం హౌస్‌ నెం. 47’. ఈ మూవీకి త్రివిక్రమ్‌ దర్శకత్వం వహిస్తున్నారు. హారిక అండ్‌ హాసినీ క్రియేషన్స్‌ పతాకంపై సూర్యదేవర రాధాకృష్ణ (చినబాబు) నిర్మిస్తున్నారు. ఫ్యామిలీ ఎంటర్‌టైనర్‌గా రూపొందుతోన్న ఈ సినిమా చిత్రీకరణ ప్రస్తుతం హైదరాబాద్‌లోని అన్నపూర్ణ స్టూడియోలో జరుగుతోంది. వెంకటేశ్‌తో పాటు ఇతర ముఖ్య తారాగణంపై కీలక సన్నివేశాలను తెరకెక్కిస్తున్నారట.వెంకటేశ్‌ ఇమేజ్‌కి తగ్గట్టు అద్భుతమైన కుటుంబ కథాంశం నేపథ్యంలో ఈ మూవీని రూపొందిస్తున్నారని తెలిసింది. ‘కేజీఎఫ్‌’ మూవీ ఫేమ్‌ శ్రీనిధీ శెట్టి హీరోయిన్‌గా నటిస్తున్నారు. అక్టోబరులో సినిమాని విడుదల చేయాలనే ఆలోచనలో ఉన్నారట మేకర్స్‌. ఈ చిత్రానికి ‘యానిమల్‌’ మూవీ ఫేమ్‌ హర్షవర్ధన్‌ రామేశ్వర్‌ సంగీతం అందిస్తున్నారు. ‘సంక్రాంతికి వస్తున్నాం’ వంటి బ్లాక్‌బస్టర్‌ మూవీ తర్వాత వెంకటేశ్‌ నటిస్తున్న ఈ సినిమాపై ఇండస్ట్రీలో, ప్రేక్షకుల్లో ఫుల్‌ క్రేజ్‌ నెలకొంది. శంకర్‌పల్లిలో ఇరుముడి... వరుస సినిమాలతో బిజీగా దూసుకెళుతున్నారు రవితేజ. ఆయన హీరోగా నటిస్తున్న తాజా చిత్రం ‘ఇరుముడి’. ఈ సినిమాకి శివ నిర్వాణ దర్శకుడు. ప్రియా భవానీ శంకర్‌ కథానాయికగా నటిస్తుండగా, రవితేజ కుమార్తె పాత్రను బేబీ నక్షత్ర పోషిస్తున్నారు. మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ నిర్మిస్తున్న ఈ చిత్రం షూటింగ్‌ ప్రస్తుతం శంకర్‌పల్లిలో జరుపుకుంటోంది.ఆధ్యాత్మిక ప్రాముఖ్యత నేపథ్యంలో రూపొందుతోన్న ఈ సినిమాలో అయ్యప్ప మాలధారిగా కనిపించనున్నారు రవితేజ. దర్శకుడు శివ నిర్వాణ పవర్‌ఫుల్‌ స్క్రిప్ట్‌ను రూపొందించారట. ‘‘రవితేజ మునుపెన్నడూ చేయని భిన్నమైన పాత్రని ‘ఇరుముడి’లో చేస్తున్నారు. ఈ సినిమా కోసం ఆయన పూర్తిగా మేకోవర్‌ అయ్యారు. ఇందులో తండ్రీకూతుళ్ల మధ్య వచ్చే బలమైన భావోద్వేగాలు ప్రేక్షకులను ఆకట్టుకుంటాయి’’ అని యూనిట్‌ పేర్కొంది. ఈ మూవీకి సంగీతం: జీవీ ప్రకాశ్‌కుమార్‌. ఆర్‌ఎఫ్‌సీలో... వరుస పాన్‌ ఇండియన్‌ సినిమాలతో దూసుకెళుతున్న ప్రభాస్‌ హీరోగా రూపొందుతోన్న తాజా చిత్రం ‘ఫౌజీ’. హను రాఘవపూడి దర్శకత్వం వహిస్తున్న ఈ సినిమాలో ఇమాన్వీ హీరోయిన్‌. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్‌ ఎర్నేని, వై. రవిశంకర్‌ నిర్మిస్తున్నారు.పీరియాడికల్‌ యాక్షన్‌ డ్రామాగా రూపొందుతోన్న ‘ఫౌజీ’ షూటింగ్‌ ప్రస్తుతం ఆర్‌ఎఫ్‌సీలో జరుగుతోంది. ఈ తాజా షెడ్యూల్‌లో ప్రభాస్‌ పాల్గొంటున్నారట. ఆయనపై ముఖ్య సన్నివేశాలను చిత్రీకరిస్తున్నారని తెలిసింది. ప్రభాస్‌ని ఇంతకు ముందు ఎప్పుడూ చూడని పవర్‌ఫుల్‌ పాత్రలో చూపించనున్నారట హను రాఘవపూడి. తెలుగు, హిందీ, తమిళ, కన్నడ, మలయాళ, బెంగాలీ భాషల్లో దసరా పండగకి ‘ఫౌజీ’ని గ్రాండ్‌గా విడుదల చేయనున్నట్లు ప్రకటించారు మేకర్స్‌. ఈ సినిమాకి విశాల్‌ చంద్రశేఖర్‌ సంగీతం అందిస్తున్నారు. శంకర్‌పల్లిలో కల్కి... ప్రభాస్‌ హీరోగా నాగ్‌ అశ్విన్‌ దర్శకత్వం వహించిన చిత్రం ‘కల్కి 2898 ఏడీ’. ఈ సినిమాలో అమితాబ్‌ బచ్చన్, కమల్‌హాసన్, దీపికా పదుకోన్, దిశా పటానీ ఇతర పాత్రలు పోషించారు. వైజయంతీ మూవీస్‌పై సి. అశ్వినీదత్‌ నిర్మించిన ఈ సినిమా 2024 జూన్‌ 27న విడుదలై బ్లాక్‌బస్టర్‌గా నిలిచింది. ఈ మూవీకి సీక్వెల్‌గా ‘కల్కి 2898 ఏడీ 2’ తెరకెక్కుతోన్న సంగతి తెలిసిందే. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది.‘కల్కి 2898 ఏడీ’లో అశ్వద్ధామ పాత్రలో నటించిన అమితాబ్‌ బచ్చన్, సుప్రీమ్‌ యాస్కిన్‌ పాత్ర చేసిన కమల్‌హాసన్‌ ఈ షెడ్యూల్‌లో పాల్గొంటున్నారు. తొలి భాగంలో అమితాబ్, కమల్‌కి ఎలాంటి కాంబినేషన్‌ సీన్స్‌ లేవు. కానీ, ‘కల్కి 2898 ఏడీ 2’లో మాత్రం వీరిద్దరి కాంబినేషన్‌లో వచ్చే సన్నివేశాలు చాలా కీలకం అట. ఈ నేపథ్యంలోనే శంకర్‌పల్లిలో వేసిన ప్రత్యేక సెట్‌లో ప్రస్తుతం అమితాబ్, కమల్‌ కలయికలో వచ్చే సన్నివేశాలను తెరకెక్కిస్తున్నారట. అజీజ్‌ నగర్‌లో... రామ్‌చరణ్‌ హీరోగా నటిస్తున్న తాజా పాన్‌ ఇండియన్‌ ఫిల్మ్‌ ‘పెద్ది’. బుచ్చిబాబు సానా ఈ మూవీకి దర్శకత్వం వహిస్తున్నారు. మైత్రీ మూవీ మేకర్స్, సుకుమార్‌ రైటింగ్స్‌ సమర్పణలో వృద్ధి సినిమాస్‌పై వెంకట సతీష్‌ కిలారు నిర్మిస్తున్నారు. ఈ చిత్రంలో రామ్‌చరణ్‌కి జోడీగా జాన్వీ కపూర్‌ నటిస్తున్నారు. ఈ మూవీలో జగపతిబాబు, శివ రాజ్‌కుమార్, దివ్యేందు శర్మ, బొమన్‌ ఇరానీ కీలక పాత్రలు పోషిస్తున్నారు. విలేజ్‌ స్పోర్ట్స్‌ డ్రామాగా రూపొందుతోన్న ఈ సినిమా తాజా షెడ్యూల్‌ రెండు చోట్ల జరుగుతోంది.హైదరాబాద్‌లో సమీపంలోని అజీజ్‌ నగర్‌లో, అదే విధంగా గచ్చిబౌలి సమీపంలోని అల్యూమినియం ఫ్యాక్టరీలో రెండు యూనిట్లతో ఈ మూవీ షూటింగ్‌ జరుపుతున్నారు మేకర్స్‌. అజీజ్‌ నగర్‌లో రామ్‌చరణ్‌పై కీలక సన్నివేశాలను చిత్రీకరిస్తున్నారట. అదే విధంగా అల్యూమినియం ఫ్యాక్టరీలో సినిమాలోని ముఖ్య తారాగణంపైనా పలు సీన్స్‌ తీస్తున్నారట. మార్చి 27న రామ్‌చరణ్‌ బర్త్‌ డే సందర్భంగా ఈ సినిమాని విడుదల చేయనున్నట్లు యూనిట్‌ తొలుత ప్రకటించింది. అయితే ఆ తేదీకి వాయిదా పడి ఏప్రిల్‌ 30కి ఫిక్స్‌ అయింది. ఈ మూవీకి సంగీతం: ఏఆర్‌ రెహమాన్‌. ముచ్చింతల్‌లో... నాని హీరోగా శ్రీకాంత్‌ ఓదెల దర్శకత్వం వహించిన తొలి చిత్రం ‘దసరా’. ఈ మూవీని ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మించారు. 2023 మార్చి 30న విడుదలైన ఈ మూవీ బ్లాక్‌బస్టర్‌ అందుకుంది. ‘దసరా’ వంటి హిట్‌ మూవీ తర్వాత హీరో నాని, డైరెక్టర్‌ శ్రీకాంత్‌ ఓదెల, నిర్మాత సుధాకర్‌ చెరుకూరి కాంబినేషన్‌లో తెరకెక్కుతోన్న తాజా చిత్రం ‘ది ప్యారడైజ్‌’. సుధాకర్‌ చెరుకూరి నిర్మిస్తున్నారు. ఈ మూవీలో మంచు మోహన్‌బాబు, రాఘవ్‌ జుయల్‌ కీలక పాత్రలు పోషిస్తున్నారు. యాక్షన్‌ ఎంటర్‌టైనర్‌గా రూపొందుతోన్న ఈ సినిమా చిత్రీకరణ ప్రస్తుతం శంషాబాద్‌ సమీపంలోని ముచ్చింతల్‌లో జరుగుతోంది.ఈ షెడ్యూల్‌లో నానీతో పాటు చిత్రంలోని ప్రధాన తారాగణం పాల్గొంటోంది. పీరియాడిక్‌ యాక్షన్‌ డ్రామాగా రూపొందుతోన్న ఈ చిత్రంలో జడల్‌ అనే మాస్‌ పాత్రలో నాని కనిపించనున్నారు. ఈ సినిమాని తెలుగుతో పాటు హిందీ, తమిళ, కన్నడ, మలయాళ, బెంగాలీ, ఇంగ్లిష్, స్పానిష్‌ భాషల్లో ఈ నెల 26న విడుదల చేయనున్నట్లు యూనిట్‌ తొలుత ప్రకటించిన సంగతి తెలిసిందే. అయితే రిలీజ్‌ పోస్ట్‌పోన్‌ అయింది. ఫైనల్‌గా ఆగస్టు 21న విడుదల చేయనున్నట్లు మేకర్స్‌ ప్రకటించారు. ఈ చిత్రానికి సంగీతం: అనిరుధ్‌. అజీజ్‌ నగర్‌లో... గోపీచంద్‌ హీరోగా నటిస్తున్న తాజా చిత్రం ‘గోపీచంద్‌ 33’ (వర్కింగ్‌ టైటిల్‌). సంకల్ప్‌ రెడ్డి దర్శకత్వం వహిస్తున్నారు. ఈ మూవీలో రీతూ వర్మ హీరోయిన్‌గా నటిస్తున్నారు. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాసా చిట్టూరి నిర్మిస్తున్నారు. హిస్టారికల్‌ నేపథ్యంలో రూపొందుతోన్న ఈ సినిమా చిత్రీకరణ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో గోపీచంద్, రీతూ వర్మ, ఇతర నటీనటులపై ముఖ్య సన్నివేశాలను చిత్రీకస్తున్నారట. ‘‘హిస్టారికల్‌ నేపథ్యంలో భారీ స్థాయిలో రూపొందుతోన్న చిత్రం ‘గోపీచంద్‌ 33’.ఈ సినిమాలో గోపీచంద్‌ ఇప్పటివరకు చేయని సరికొత్త పాత్రలో కనిపించబోతున్నారు. ఈ క్యారెక్టర్‌ కోసం ఆయన పూర్తిగా మేకోవర్‌ అయ్యారు. గోపీచంద్‌ కెరీర్‌లోనే అత్యంత భారీ చిత్రాల్లో ఒకటిగా ఈ మూవీ రూపొందుతోంది. ఈ సినిమాలో సత్యవతిగా రీతూ వర్మ అద్భుతంగా నటిస్తున్నారు. భారత చరిత్రలో వెలుగులోకి రాని ఒక శక్తివంతమైన అధ్యాయాన్ని ఈ మూవీ ద్వారా ఆవిష్కరించబోతున్నారు సంకల్ప్‌ రెడ్డి. ఈ చిత్రం విజువల్‌ వండర్‌గా ఉంటుంది. ప్రస్తుతం ఈ సినిమా షూటింగ్‌ చివరి దశకు చేరుకుంది. మరోవైపు పోస్ట్‌ ప్రోడక్షన్‌ పనులు కూడా కొనసాగుతున్నాయి’’ అని చిత్రయూనిట్‌ పేర్కొంది. ఈ మూవీకి అనుదీప్‌ దేవ్‌ సంగీతం అందిస్తున్నారు.అన్నపూర్ణలో లెనిన్‌... అఖిల్‌ హీరోగా నటిస్తున్న తాజా చిత్రం ‘లెనిన్‌’. ‘వినరో భాగ్యము విష్ణుకథ’ చిత్ర దర్శకుడు మురళీ కిశోర్‌ అబ్బూరు దర్శకత్వం వహిస్తున్నారు. ఈ సినిమాలో భాగ్యశ్రీ బోర్సే హీరోయిన్‌గా నటిస్తున్నారు. అన్నపూర్ణ స్టూడియోస్‌ సమర్పణలో మనం ఎంటర్‌ప్రైజెస్‌ ఎల్‌ఎల్‌పీ, సితార ఎంటర్‌టైన్‌మెంట్స్‌ పతాకాలపై నాగార్జున, నాగవంశీ ఈ సినిమాను నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌లోని అన్నపూర్ణ 7ఎకర్స్‌ స్టూడియోలో చిత్రీకరణ జరుగుతోంది.అఖిల్, భాగ్యశ్రీ బోర్సేలతో పాటు చిత్రంలోని ప్రధాన తారగణంపై ముఖ్యమైన సన్నివేశాలను తెరకెక్కిస్తున్నారట మురళీ కిశోర్‌. రాయలసీమ నేపథ్యంలో సాగే రొమాంటిక్‌ యాక్షన్‌ డ్రామాగా ఈ సినిమా రూపొందుతోంది. ఈ చిత్రం కోసం పొడవాటి జుట్టు, గెడ్డంతో ఫుల్‌ మాస్‌ లుక్‌లోకి మారిపోయారు అఖిల్‌. ఈ సినిమా నుంచి ఇప్పటికే విడుదలైన టైటిల్‌ గ్లింప్స్‌కి మంచి స్పందన వచ్చింది. అదే విధంగా ఎస్‌ఎస్‌ తమన్‌ సంగీతం అందించిన ఈ సినిమా నుంచి ‘వారెవా వారెవా...’ అంటూ సాగే లిరికల్‌ సాంగ్‌ను విడుదల చేయగా మంచి రెస్పాన్స్‌ దక్కింది. చిత్రీకరణ చివరి దశకు చేరుకున్న ‘లెనిన్‌’ ఈ వేసవిలో విడుదల కానుంది. ముచ్చింతల్‌లో భోగి శర్వానంద్‌ హీరోగా నటిస్తున్న తాజా చిత్రం ‘భోగి’. ‘ఎ బ్లడ్‌ ఫెస్ట్‌’ అన్నది ట్యాగ్‌లైన్‌. సంపత్‌ నంది దర్శకత్వం వహిస్తున్న ఈ సినిమాలో డింపుల్‌ హయతి, అనుపమా పరమేశ్వరన్‌ హీరోయిన్లుగా నటిస్తున్నారు. లక్ష్మీ రాధామోహన్‌ సమర్పణలో శ్రీ సత్యసాయి ఆర్ట్స్‌పై కేకే రాధామోహన్‌ నిర్మిస్తున్నారు. హై ఓల్టేజ్‌ పీడియాడిక్‌ యాక్షన్‌ డ్రామాగా రూపొందుతోన్న ‘భోగి’ షూటింగ్‌ ప్రస్తుతం శంషాబాద్‌ సమీపంలోని ముచ్చింతల్‌లో జరుగుతోంది. ఈ షెడ్యూల్‌లో శర్వానంద్‌పై ముఖ్యమైన సన్నివేశాలను రూపొందిస్తున్నారట సంపత్‌ నంది.ఫిబ్రవరి 6న శర్వానంద్‌ బర్త్‌డే సందర్భంగా ‘భోగి’ నుంచి విడుదల చేసిన ఆయన బర్త్‌ డే పోస్టర్‌కి మంచి స్పందన వచ్చింది. ‘‘భారీ పాన్‌–ఇండియన్‌ పీరియాడిక్‌ మూవీగా ‘భోగి’ని రూపొందిస్తున్నాం. 1960లో ఉత్తర తెలంగాణ–మహారాష్ట్ర ప్రాంతం నేపథ్యంలో రూపొందుతున్న ఈ సినిమా షూటింగ్‌ ప్రస్తుతం శరవేగంగా కొనసాగుతోంది. ఈ చిత్రం శర్వానంద్‌ కెరీర్‌లో ప్రతిష్టాత్మకమైన వెంచర్‌లలో ఒకటిగా ఉంటుంది. ఈ చిత్రంలో శర్వానంద్‌ ఇప్పటివరకు కనిపించని రస్టిక్, ఇంటెన్స్‌ పాత్రలో కనిపించనున్నారు. ఆగస్టు 28న రక్షా బంధన్‌ సందర్భంగా ఈ సినిమాని తెలుగు, తమిళ, కన్నడ, మలయాళ, హిందీ భాషల్లో విడుదల చేయనున్నాం’’ అని చిత్రయూనిట్‌ పేర్కొంది. ఈ చిత్రానికి సంగీతం: భీమ్స్‌ సిసిరోలియో. తుక్కుగూడలో... ‘విరూపాక్ష’, ‘బ్రో’ వంటి హిట్‌ సినిమాల తర్వాత సాయిదుర్గా తేజ్‌ హీరోగా నటిస్తున్న తాజా చిత్రం ‘ఎస్‌వైజీ’ (సంబరాల ఏటిగట్టు). ఈ సినిమా ద్వారా రోహిత్‌ కేపీ దర్శకునిగా పరిచయమవుతున్నారు. ఈ సినిమాలో ఐశ్వర్యా లక్ష్మి హీరోయిన్‌గా నటిస్తున్నారు. ప్రైమ్‌షో ఎంటర్‌టైన్‌మెంట్‌పై ‘హను–మాన్‌’ (2024) వంటి బ్లాక్‌బస్టర్‌ మూవీ తెరకెక్కించిన కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు.ప్రస్తుతం ఈ సినిమా షూటింగ్‌ హైదరాబాద్‌ సమీపంలోని తుక్కుగూడలో జరుగుతోంది. ఈ చిత్రం కోసం ప్రత్యేకంగా తీర్చిదిద్దిన సెట్‌లో సాయిదుర్గా తేజ్‌తో పాటు ప్రధాన తారాగణంపై ముఖ్యమైన సీన్స్‌ తీస్తున్నారు రోహిత్‌. ఈ సినిమా 2025 సెప్టెంబరు 25న తెలుగుతో పాటు తమిళ, కన్నడ, మలయాళ, హిందీ భాషల్లో విడుదల కావాల్సి ఉన్నప్పటికీ వాయిదా పడింది. అయితే కొత్త రిలీజ్‌ డేట్‌ని మాత్రం మేకర్స్‌ ప్రకటించ లేదు. పైన పేర్కొన్నటువంటి సినిమాలే కాదు. మరికొన్ని సినిమాలు కూడా హైదరాబాద్‌లో, పరిసర ప్రాంతాల్లో షూటింగ్‌ జరుపుకుంటున్నాయి. – డేరంగుల జగన్‌ మోహన్‌

ఫిల్మ్‌ ఇండస్ట్రీలో ఒక్కోసారి ఒక్కో ట్రెండ్‌ కనిపిస్తుంటుంది. ఇటీవల పాన్‌ ఇండియా ట్రెండ్‌ కనిపించింది. పాన్‌ వరల్డ్‌ (భారతీయ భాషలతో పాటు విదేశీ భాషల్లోనూ సినిమా రిలీజ్‌ కావడం) ట్రెండ్‌ కూడా ఊపందుకుంది. ఇప్పుడు మల్టీస్టారర్‌ మూవీ ట్రెండ్‌ మరోసారి ఊపందుకుంది. ఇలా ఏ కథ ఏయే స్టార్స్‌ని కలిపింది? ఆ సినిమాల విశేషాలపై ఓ లుక్‌ వేయండి...కాకాజీతో మోహన్‌లాల్‌ మల్టీస్టారర్‌ మూవీస్‌ చేయడానికి చిరంజీవి సిద్ధంగా ఉన్నట్లు తెలుస్తోంది. ‘వాల్తేరు వీరయ్య’ సినిమాలో చిరంజీవి హీరోగా నటించగా, ఇందులో రవితేజ కీలక పాత్రలో నటించారు. బాబీ డైరెక్ట్‌ చేసిన ఈ సినిమా సూపర్‌ హిట్‌గా నిలిచింది. ఈ ఏడాది చిరంజీవి హీరోగా నటించిన ‘మన శంకరవరప్రసాద్‌గారు’ బ్లాక్‌బస్టర్‌గా నిలిచింది. ఇందులో వెంకటేశ్‌ ఓ కీ రోల్‌ చేశారు. అనిల్‌ రావిపూడి డైరెక్ట్‌ చేసిన సినిమా ఇది. ఇలా కథలో స్కోప్‌ ఉంటే చిరంజీవి సినిమాలో మరో స్టార్‌ హీరో కూడా నటిస్తున్నారు. మరోసారి ఈ అవకాశం ఉన్నట్లుగా తెలిసింది.‘వాల్తేరు వీరయ్య’ వంటి హిట్‌ ఫిల్మ్‌ తర్వాత చిరంజీవి, దర్శకుడు బాబీ కాంబోలో ఓ సినిమా రానుంది. పక్కా మాస్‌ కమర్షియల్‌ ఎంటర్టైనర్‌గా రానున్న ఈ సినిమాలో కథ రీత్యా మరో హీరోకు చాన్స్‌ ఉందని తెలిసింది. ఈ రోల్‌లో తొలుత ఓ తెలుగు హీరోను అనుకున్నప్పటికీ ఫైనల్‌గా మలయాళ నటుడు మోహన్‌లాల్‌ ఫైనలైజ్‌ అయ్యారని ఫిల్మ్‌నగర్‌ సమాచారం. తండ్రీకూతుళ్ల ఎమోషనల్‌ డ్రామాగా రూపొందనున్న ఈ సినిమాలో చిరంజీవి భార్య పాత్రలో ప్రియమణి, చిరంజీవి కుమార్తెగా అనస్వరా రాజన్‌ కనిపిస్తారని తెలిసింది. ఇక మోహన్‌లాల్‌ పోలీస్‌ ఆఫీసర్‌ రోల్‌లో నటిస్తారని టాక్‌.చిరంజీవి వంటి స్టార్‌ హీరో, తెలుగు ప్రేక్షకులకు సుపరిచితులైన మోహన్‌లాల్‌ ఒకే ఫ్రేమ్‌లో కనిపిస్తే ఆడియన్స్‌ కచ్చితంగా ఆ సినిమాను ఎంజాయ్‌ చేస్తారని చెప్పవచ్చు. ఇక ఈ సినిమా చిత్రీకరణను ఈ ఏడాది మార్చిలోనే స్టార్ట్‌ చేయాలనుకున్నారు. కానీ ఇటీవల చిరంజీవి భుజానికి చిన్న సర్జరీ జరిగిన నేపథ్యంలో సినిమా చిత్రీకరణను ఈ నెల ఆరంభించడంలేదట.ఏప్రిల్‌లోనే ఈ సినిమా చిత్రీకరణను స్టార్ట్‌ చేసి, వచ్చే సంక్రాంతికి రిలీజ్‌ చేయాలని మేకర్స్‌ ΄్లాన్‌ చేస్తున్నారని తెలిసింది. కెవీఎన్‌ ప్రోడక్షన్స్‌ పతాకంపై వెంకట్‌ కె. నారాయణ ఈ సినిమాను నిర్మించనున్నారు. ఈ చిత్రానికి సంగీత దర్శకుడిగా తొలుత ఏఆర్‌ రెహమాన్‌ పేరు వినిపించినప్పటికీ ఇటీవల తమన్‌ పేరు తెరపైకి వచ్చింది. అలాగే ఈ సినిమాకు ‘కాకా, కాకాజీ’ అనే టైటిల్‌ను పరిశీలిస్తున్నారని టాక్‌. అయితే ఈ విషయాలపై అధికారిక ప్రకటన రావాల్సి ఉంది. సంక్రాంతి సోగ్గాళ్ళు ‘మనం’ సినిమాలో నాగార్జున, నాగచైతన్య కలిసి నటించారు. ఈ చిత్రం క్లైమాక్స్‌లో అఖిల్‌ కూడా కనిపించారు. అలా ఒకే ఫ్రేమ్‌లో నాగార్జున, నాగచైతన్య, అఖిల్‌ కనిపించగానే అక్కినేని అభిమానులు ఫుల్‌ హ్యాపీ ఫీలయ్యారు. అలాంటిది ఒకే సినిమాలో ఫుల్‌ లెంగ్త్‌ రోల్స్‌లో నాగార్జున, నాగచైతన్య, అఖిల్‌ కలిసి నటిస్తే అక్కినేని ఫ్యాన్స్‌కు అంతకుమించిన ఆనందం ఏముంటుంది. ఇదంతా సాధ్యమయ్యే సానుకూల పరిస్థితులు కనిపిస్తున్నాయి. కల్యాణ్‌ కృష్ణ దర్శకత్వం వహిస్తున్న ‘సోగ్గాడే చిన్ని నాయనా’ ఫ్రాంచైజీ నుంచి మూడో భాగం రానుందని తెలిసింది.తొలి భాగంలో నాగార్జున హీరోగా నటించగా, మలి భాగంలో నాగార్జున–నాగచైతన్య కలిసి నటించారు. లేటెస్ట్‌ మూవీలో నాగార్జున–నాగచైతన్య–అఖిల్‌ కలిసి హీరోలుగా నటించనున్నారని తెలిసింది. ‘వాసివాడి తస్సాదియ్యా.. వచ్చే 15 జనవరి 2027 సంక్రాంతికి సోగ్గాళ్ళు వస్తే పండగ ఇంకా కలర్‌ఫుల్‌గా ఉంటాది కదా... డేట్‌ మార్క్‌ చేసుకోండి’’ అని ఫిబ్రవరి 9న అన్నపూర్ణ స్టూడియో సంస్థ ‘ఎక్స్‌’లో పోస్ట్‌ చేసింది. ఇది... ‘సోగ్గాడే చిన్ని నాయనా’ సినిమా ఫ్రాంచైజీలోని థర్డ్‌ పార్ట్‌ మూవీకి సంబంధించినదే అని, ఈ సినిమా వచ్చే సంక్రాంతికి రిలీజ్‌ అవుతుందనే ప్రచారం తెరపైకి వచ్చింది. అంతేకాదు... ఈ చిత్రంలో నాగార్జున–నాగచైతన్య–అఖిల్‌ కలిసి నటించనున్నారనే టాక్‌ కూడా తెరపైకి వచ్చింది.ప్రస్తుతం ఆర్‌కే కార్తీక్‌ డైరెక్షన్‌లో ‘కింగ్‌ 100’ అనే సినిమా చేస్తున్నారు నాగార్జున. ఇది నాగార్జున కెరీర్‌లోని వందో సినిమా. ఈ సినిమా చిత్రీకరణ పూర్తయిన తర్వాత ‘సోగ్గాడే చిన్నినాయనా’ ఫ్రాంచైజీలోని కొత్త సినిమా షూటింగ్‌లో నాగార్జున పాల్గొంటారని ఊహించవచ్చు. మరోవైపు ఇటీవల కాలంలో మల్టీస్టారర్‌ సినిమాలు చేసేందుకు నాగార్జున ఆసక్తి చూపిస్తున్నారు.రణ్‌బీర్‌ కపూర్‌ ‘బ్రహ్మాస్త్ర’, ధనుష్‌ ‘కుబేర’ చిత్రాల్లో నాగార్జున లీడ్‌ రోల్స్‌ చేశారు. అలాగే నాగార్జున మెయిన్‌ హీరోగా, అల్లరి నరేశ్, రాజ్‌ తరుణ్‌ ఇతర ప్రధాన పాత్రధారులుగా ‘నా సామి రంగ’ సినిమా వచ్చింది. ఇలా కథ నచ్చితే, మల్టీస్టారర్‌ సినిమాలు చేసేందుకు నాగార్జున సుముఖంగా ఉన్నట్లే తెలుస్తోంది. ఇక గతంలో వెంకటేశ్‌తో కలిసి ‘వెంకీ మామ’ చిత్రం చేశారు నాగచైతన్య. అలాగే ఆమిర్‌ ఖాన్‌ హీరోగా నటించిన ‘లాల్‌ సింగ్‌ చద్దా’ మూవీలో నాగచైతన్య ఓ కీ రోల్‌ చేసిన సంగతి గుర్తుంటే ఉంటుంది. బామ్మర్ది బాల్‌రెడ్డి టాలీవుడ్‌లో మల్టీస్టారర్‌ సినిమాలు చేయడంలో ముందు వరుసలో ఉంటారు హీరో వెంకటేశ్‌. ‘సీతమ్మ వాకిట్లో సిరిమల్లె చెట్టు’ (వెంకటేశ్‌–మహేశ్‌బాబు), ‘మసాల’ (వెంకటేశ్‌–రామ్‌), ‘గోపాల గోపాల’ (వెంకటేశ్‌–పవన్‌కల్యాణ్‌), ‘ఎఫ్‌ 2, ఎఫ్‌ 3’ (వెంకటేశ్‌–వరుణ్‌ తేజ్‌) వంటి చిత్రాలే ఇందుకు నిదర్శనం. ఇటీవల చిరంజీవి హీరోగా నటించిన ‘మన శంకరవరప్రసాద్‌గారు’ చిత్రంలో వెంకటేశ్‌ ఓ రోల్‌లో నటించిన సంగతి తెలిసిందే. తాజాగా మరో మల్టీస్టారర్‌ సినిమాకు గ్రీన్‌సిగ్నల్‌ ఇచ్చారు వెంకటేశ్‌. ‘ఎఫ్‌ 2, ఎఫ్‌ 3, సంక్రాంతికి వస్తున్నాం’ వంటి బ్లాక్‌బస్టర్‌ చిత్రాల తర్వాత హీరో వెంకటేశ్, దర్శకుడు అనిల్‌ రావిపూడి కాంబినేషన్‌లో మరో సినిమా రానుంది. ఈ చిత్రంలో కల్యాణ్‌రామ్‌ మరో హీరోగా నటించనున్నారు.ప్రస్తుతం ఈ సినిమా ప్రీ ప్రోడక్షన్‌ వర్క్స్‌ జరుగుతున్నాయి. స్క్రిప్ట్‌ ప్రిపరేషన్‌లో బిజీగా ఉన్నారు అనిల్‌ రావిపూడి. జూలైలో ఈ సినిమా షూట్‌ను స్టార్ట్‌ చేయాలనుకుంటున్నారు. వచ్చే ఏడాది సంక్రాంతికి రిలీజ్‌ చేయనున్నట్లుగా ఆల్రెడీ మేకర్స్‌ ప్రకటించారు. అయితే ఈ సినిమాను ఎవరు నిర్మించబోతున్నారనే విషయంపై ఇంకా క్లారిటీ రాలేదు. డి. సురేష్‌బాబు, సాహు గారపాటి వంటి నిర్మాతల పేర్లు తెరపైకి వచ్చాయి. అలాగే ఈ సినిమా బావా బామ్మర్దిల మధ్య నడిచే కథ అని, రాయలసీమ నేపథ్యంలో కథనం సాగుతుందని, ఈ చిత్రానికి ‘బామ్మర్ది బాల్‌రెడ్డి’ అనే టైటిల్‌ను అనుకుంటున్నారనే టాక్‌ తెరపైకి వచ్చింది. అంతేకాదు... ఈ సినిమాలో వెంకటేశ్‌ సరసన కీర్తీ సురేష్‌ హీరోయిన్‌గా నటిస్తారనే ప్రచారం సాగుతోంది. ఈ విషయాలపై అధికారిక ప్రకటన రావాల్సి ఉంది. ఏకే 47లో... వెంకటేశ్‌ హీరోగా త్రివిక్రమ్‌ దర్శకత్వంలో రూపొందుతున్న సినిమా ‘ఆదర్శ కుటుంబం హౌస్‌ నెంబరు 47 – ఏకే47’. వెంకటేశ్‌ కెరీర్‌లోని ఈ 77వ సినిమాలో శ్రీనిధి శెట్టి హీరోయిన్‌గా నటిస్తున్నారు. కాగా, ఈ చిత్రంలోని మరో కీలక పాత్రలో నారా రోహిత్‌ నటించనున్నారని సమాచారం. ఎస్‌. రాధాకృష్ణ నిర్మిస్తున్న ఈ సినిమా ఈ ఏడాదే థియేటర్స్‌లో రిలీజ్‌ కానుంది. ఎవరు హీరో? సూపర్‌ స్టార్‌ హీరోలు రజనీకాంత్, కమల్‌హాసన్‌ వారి కెరీర్‌ స్టార్టింగ్‌లో ‘ఆపూర్వ రాగంగళ్, మూండ్రు ముడిచ్చు, 16 వయదినిలే, నినైత్తాలే ఇనిక్కుమ్‌’ వంటి చిత్రాల్లో కలిసి నటించారు. వీరి కాంబినేషన్‌లో దాదాపు ఇరవై సినిమాలొచ్చాయి. కానీ ‘అలావుద్దీనుమ్‌ అద్భుత విళక్కుమ్‌’ చిత్రం తర్వాత రజనీకాంత్, కమల్‌హాసన్‌ కాంబోలో మరో సినిమా రాలేదు. ఆ సమయం ఇప్పుడు వచ్చింది. 47 సంవత్సరాల తర్వాత రజనీకాంత్, కమల్‌హాసన్‌ కలిసి ఓ మల్టీస్టారర్‌ సినిమా చేయనున్నారు. రజనీకాంత్‌ దర్శకుడిగా ‘జైలర్‌’ సినిమా తీసి, సూపర్‌ హిట్‌ సాధించి, మళ్లీ రజనీకాంత్‌తోనే ‘జైలర్‌ 2’ చిత్రాన్ని డైరెక్ట్‌ చేస్తున్న నెల్సన్‌ దిలీప్‌కుమార్‌ ఈ మల్టీస్టారర్‌ సినిమాకు దర్శకత్వం వహించనున్నారు.ఇటీవల ఈ సినిమా ప్రోమోను రిలీజ్‌ చేశారు మేకర్స్‌. ఈ ప్రోమోలో కమల్‌హాసన్, రజనీ కాంత్‌ ‘ఈ సినిమాలో ఎవరు హీరో’ అని దర్శకుడు నెల్సన్‌ను అడగటం, నెల్సన్‌ సైలెంట్‌గా ఉండటంతో ప్రోమో కంప్లీట్‌ కావడం చూశాం. అయితే రజనీకాంత్‌–కమల్‌హాసన్‌ లేటెస్ట్‌ కాంబో మూవీలో ఎవరు మెయిన్‌ హీరోగా నటిస్తారనే చర్చ కోలీవుడ్‌లో హాట్‌ టాపిక్‌గా మారింది. ఇక ఈ సినిమా గురించి ఇద్దరి హీరోల ఫ్యాన్స్‌ ఆసక్తిగా ఎదురు చూస్తున్నారు. ఈ సినిమాను రెడ్‌ జెయింట్‌ మూవీస్‌ సంస్థ నిర్మించనుంది. త్వరలోనే ఈ సినిమా చిత్రీకరణ ప్రారంభం కానుంది.వచ్చే ఏడాది వేసవి తర్వాత ఈ మూవీ రిలీజ్‌ కావొచ్చు. మరోవైపు రజనీకాంత్‌ కెరీర్‌లోని 173వ సినిమాను కమల్‌హాసన్‌ నిర్మిస్తున్నారు. సిబి చక్రవర్తి ఈ సినిమాకు దర్శకుడు. రజనీకాంత్‌ హీరోగా నటించనున్న ఈ చిత్రంలో కమల్‌హాసన్‌ ఓ గెస్ట్‌ రోల్‌ చేస్తారనే ప్రచారం జరుగుతోంది. ఇదే నిజమైతే... రజనీకాంత్‌–కమల్‌హాసన్‌ ఒకే ఫ్రేమ్‌లో ఉన్న సినిమాలు బ్యాక్‌ టు బ్యాక్‌ స్క్రీన్‌పైకి వస్తాయని ఊహించవచ్చు. పేట్రియాట్‌ 1980, 1990లలో మలయాళ స్టార్‌ హీరోలు మోహన్‌లాల్, మమ్ముట్టి కలిసి దాదాపు 50 సినిమాలు చేశారు. కానీ 2008లో వచ్చిన ‘ట్వంటీ:20’ చిత్రం తర్వాత మోహన్‌లాల్‌–మమ్ముట్టి కాంబినేషన్‌లో మరో సినిమా రావడానికి, వారి అభిమానులు 18 సంవత్సరాలు ఎదురుచూడాల్సి వచ్చింది. ‘ట్వంటీ:20’ మూవీ తర్వాత మోహన్‌లాల్, మమ్ముట్టి కలిసి ‘పేట్రియాట్‌’ అనే సినిమా చేస్తున్నారు. అలాగే ఈ చిత్రంలోనే ఫాహద్‌ ఫాజిల్, కుంచాకో బోబన్, నయనతార, రేవతి వంటి స్టార్‌ యాక్టర్స్‌ కూడా నటిస్తున్నారు.దేశభక్తి ప్రధానాంశంగా రూపొందుతున్న ఈ సినిమాలో మోహన్‌లాల్‌ మిలటరీ ఆఫీసర్‌ పాత్రలో నటిస్తుండగా, మమ్ముట్టి మిస్టరీ రోల్‌లో నటిస్తున్నట్లుగా టీజర్‌ స్పష్టం చేస్తోంది. మహేశ్‌ నారాయణన్‌ దర్శకత్వంలో ఈ సినిమాను ఆంటో జోసెఫ్, కేజీ అనిల్‌కుమార్‌ నిర్మిస్తున్నారు. ఈ చిత్రం ఈ ఏడాది ఏప్రిల్‌ 23న రిలీజ్‌ కానుంది. మరోవైపు ‘లూసీఫర్, లూసీఫర్‌ 2, బ్రో డాడీ’ వంటి సూపర్‌హిట్‌ చిత్రాల్లో మోహన్‌లాల్, పృథ్వీరాజ్‌ సుకుమారన్‌ కలిసి నటించిన సంగతి తెలిసిందే. ఈ ఇద్దరు స్టార్‌ యాక్టర్స్‌ మరోసారి స్క్రీన్‌ షేర్‌ చేసుకోనున్నారు.పృథ్వీరాజ్‌ సుకుమారన్‌ మెయిన్‌ లీడ్‌ రోల్‌ చేస్తున్న ‘ఖలీఫా’ చిత్రంలో మోహన్‌లాల్‌ ఓ కీలక పాత్ర పోషించనున్నారు. ఈ విషయం గురించి ఆల్రెడీ అధికారిక ప్రకటన వచ్చింది. కృతీ శెట్టి హీరోయిన్‌గా నటిస్తున్న ఈ సినిమాలో మలయాళ యువ హీరో టోవినో థామస్‌ మరో లీడ్‌ రోల్‌ చేస్తున్నారని మాలీవుడ్‌ సమాచారం. అరసన్‌ శింబు, విజయ్‌ సేతుపతి కలిసి నటిస్తున్న తమిళ సినిమా ‘అరసన్‌’. వెట్రిమారన్‌ ఈ సినిమాకు దర్శకత్వం వహిస్తుండగా కలైపులి ఎస్‌. థాను నిర్మిస్తున్నారు. ఆల్రెడీ ఈ సినిమా చిత్రీకరణ మొదలైంది. శింబు, విజయ్‌ సేతుపతి కాంబినేషన్‌లో కొన్ని సన్నివేశాల చిత్రీకరణ కూడా జరిగిందట. శింబు–విజయ్‌ సేతుపతిల కాంబోలో వస్తున్న ఈ సినిమాపై అంచనాలు ఉన్నాయి. నార్త్‌ చెన్నై బ్యాక్‌డ్రాప్‌లో సాగే పీరియాడికల్‌ గ్యాంగ్‌స్టర్‌ మూవీ ఇది. వచ్చే ఏడాది ఈ సినిమాను రిలీజ్‌ చేయాలనుకుంటున్నారు.ఒకే ఇండస్ట్రీలోని స్టార్‌ హీరోలు కలిసి మల్టీస్టారర్‌ మూవీస్‌ చేస్తున్న సినిమాలు కొన్ని ఉన్నాయి. అయితే పాన్‌ ఇండియా ట్రెండ్‌ వచ్చిన తర్వాత వివిధ ఫిల్మ్‌ ఇండస్ట్రీలకు చెందిన స్టార్‌ హీరోలు ఒకే సినిమాలో నటించే ధోరణి స్పష్టంగా కనిపిస్తోంది. ప్రభాస్‌ మెయిన్‌ హీరోగా చేస్తున్న ‘కల్కి 2898 ఏడీ’ ఫ్రాంచైజీలో బాలీవుడ్‌ నటుడు అమితాబ్‌ బచ్చన్, కోలీవుడ్‌ యాక్టర్‌ కమల్‌హాసన్‌ ఇతర మెయిన్‌ లీడ్‌ రోల్స్‌ చేస్తున్నారు. తెలుగు దర్శకుడు ప్రశాంత్‌ వర్మ నేతృత్వంలో ‘ప్రశాంత్‌ వర్మ సినిమాటిక్‌ యూనివర్స్‌’లోని లేటెస్ట్‌ మూవీ ‘జై హనుమాన్‌’.ఇందులో ‘కాంతార’ ఫేమ్‌ రిషబ్‌ శెట్టి హీరోగా నటిస్తున్నారు. కాగా ఈ మూవీలో టాలీవుడ్‌ హీరోలు ‘హను–మాన్‌’ ఫేమ్‌ యువ హీరో తేజ సజ్జా, రానా కీలక పాత్రల్లో నటిస్తున్నారని ఫిల్మ్‌నగర్‌ సమాచారం. టి సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తున్న ఈ చిత్ర ప్రారంభోత్సవం ఇటీవల హంపీలో జరిగిన తెలిసిందే. త్వరలోనే రెగ్యులర్‌ షూటింగ్‌ ఆరంభం కానుంది. ఈ తరహాలో క్రాస్‌ ఓవర్‌ మల్టీస్టారర్‌ సినిమాలు మరికొన్ని ఉన్నాయి.ఇంకా నిర్మాణంలో ఉన్న మల్టీస్టారర్‌ మూవీస్‌ మరికొన్ని ఉన్నాయి. – ముసిమి శివాంజనేయులు

ఈ ఏడాది సంక్రాంతికి బ్లాక్‌బస్టర్‌ హిట్ కొట్టిన డైరెక్టర్‌ అనిల్ రావిపూడి. ఏకంగా మెగాస్టార్‌తోనే మ్యాజిక్‌ క్రియేట్ చేశాడు. మనశంకర వరప్రసాద్‌గారు మూవీతో సూపర్ హిట్‌ తన ఖాతాలో వేసుకున్నారు. ఈ చిత్రంలో విక్టరీ వెంకటేశ్ అతిథి పాత్రలో మెరిశారు. ఈ మల్టీస్టారర్ మూవీ 2026 సంక్రాంతి విన్నర్‌గా నిలిచింది.అయితే ఈ సినిమా హిట్ తర్వాత అనిల్ రావిపూడి తన నెక్ట్స్‌ సినిమాను కూడా ప్రకటించారు. మరోసారి టాలీవుడ్ హీరో విక్టరీ వెంకటేశ్‌తో జతకట్టనున్నారు. గతేడాది సంక్రాంతికి వస్తున్నాం మూవీతో భారీ హిట్‌ కొట్టి వీరిద్దరు మరోసారి ప్రేక్షకుల ముందుకు రానున్నారు. తాజాగా ఈ విషయాన్ని డైరెక్టర్ అనిల్ ట్వీట్ చేశారు. మొదటి "వందకోట్ల బొమ్మ" కొట్టిన హీరో.. వెంకీమామతో.. "మొదటిసారి బొమ్మ" తీసే అవకాశం ఇచ్చిన హీరో నందమూరి కల్యాణ్‌రామ్‌తో కలిసి..2027 మొదటి పండగకి మీ ముందుకు వస్తున్నాం అంటూ అభిమానులకు సర్‌ప్రైజ్ ఇచ్చారు. ఈ క్రేజీ కాంబో మల్టీస్టారర్ మూవీ కోసం వెంకీమామ ఫ్యాన్స్‌ ఎంతో ఆసక్తిగా ఎదురు చూస్తున్నారు. ఈ సినిమాను వచ్చే ఏడాది సంక్రాంతికి ప్రేక్షకుల ముందుకు తీసుకురానున్నారు. Back again with my director @AnilRavipudi for #VenkyAnil5 🤗🤗🤗Every time we team up, it feels like coming back home full of fun, positivity, and pure entertainment! ❤️Glad to have @NANDAMURIKALYAN join this journey making it special for all of us.. పండగకి కలుద్దాం!!… https://t.co/mCqMXCW10x— Venkatesh Daggubati (@VenkyMama) February 26, 2026

టాలీవుడ్‌లో ప్రజెంట్‌ కథనాయికల కోసం సెర్చ్‌ జరుగుతోంది. అనౌన్స్‌ చేసిన సినిమాలు చాలానే ఉన్నాయి. కానీ ఈ కథానాయకుల సరసన నటించే కథానాయికలు ఎవరు? అనే విషయాలపై స్పష్టత రావడం లేదు. కానీ ఫలానా హీరో సినిమాలో ఫలానా హీరోయిన్‌ ‘ఇన్‌’ అయ్యారనే వార్తలు గట్టిగానే వినిపిస్తున్నాయి. ఆ వివరాలపై ఓ లుక్‌ వేయండి.తండ్రీ కూతుళ్ల అనుబంధం అన్నదమ్ముల అనుబంధం కథాంశంగా చిరంజీవి హీరోగా నటించి, బాబీ దర్శకత్వం వహించిన ‘వాల్తేరు వీరయ్య’ సినిమా 2023 సంక్రాంతికి విడుదలై, హిట్‌గా నిలిచింది. మళ్లీ చిరంజీవి హీరోగా బాబీ డైరెక్షన్‌లో ఓ సినిమా రానుంది. కేవీఎన్‌ప్రోడక్షన్స్‌ పతాకంపై వెంకట్‌ కె. నారాయణ ఈ సినిమాను నిర్మించనున్నారు. మార్చి మొదటి వారంలో ఈ సినిమా ప్రారంభోత్సవం జరుగుతుందని, ఈ ఏడాది మేలో రెగ్యులర్‌ షూటింగ్‌ ప్రారంభం అవుతుందని ఫిల్మ్‌నగర్‌ సమాచారం. అలాగే ఈ సినిమా వచ్చే ఏడాది సంక్రాంతికి రిలీజ్‌ అయ్యేలా షూట్‌ ప్లాన్‌ చేస్తున్నారట దర్శకుడు బాబీ. ప్రస్తుతం ఈ సినిమా ప్రీ ప్రోడక్షన్‌ వర్క్స్‌ జరుగుతున్నాయి. అలాగే నటీనటుల ఎంపికపై కూడా దృష్టి పెట్టారట బాబీ. ఈ సినిమా కథాంశం ప్రధానంగా తండ్రీకూతుళ్ల అనుబంధం నేపథ్యంలో సాగుతుందని తెలిసింది. కాగా ఈ సినిమాలోని హీరోయిన్‌ పాత్రకు ప్రియమణిని ఎంపిక చేశారట మేకర్స్‌. అలాగే చిరంజీవి కుమార్తె పాత్ర కోసం సారా అర్జున్, కృతీశెట్టి, అనస్వరా రాజన్, ప్రీతీ ముకుందన్‌ వంటి యువ హీరోయిన్ల పేర్లు వినిపిస్తున్నాయి. కానీ ప్రీతీ ముకుందన్‌ ముందు వరసలో ఉన్నారట. మరి... ఈ చిత్రంలో చిరంజీవి భార్యామణిగా ప్రియమణి, ఆయన కుమార్తెగా ప్రీతీ ముకుందన్‌ పేర్లు ఖరారు అవుతాయా? లెట్స్‌ వెయిట్‌ అండ్‌ సీ.నాలుగోసారి... ‘వీరసింహారెడ్డి’ వంటి హిట్‌ ఫిల్మ్‌ తర్వాత బాలకృష్ణ, గోపీచంద్‌ మలినేనిల కాంబినేషన్‌లో మరో సినిమా రానుంది. బాలకృష్ణ కెరీర్‌లోని 111వ సినిమా ఇది. తొలుత ఈ సినిమాకు ఓ భారీ హిస్టారికల్‌ బ్యాక్‌డ్రాప్‌ కథ అనుకున్నారు. ఇందులో నయనతారను హీరోయిన్‌గా అనుకున్నారు. అధికారిక ప్రకటన కూడా వచ్చింది. అయితే కొన్ని కారణాల వల్ల ఈ హిస్టారికల్‌ కథను కాస్త పక్కన పెట్టి, ఓ పక్కా మాస్‌ కమర్షియల్‌ సినిమా కథను ఫైనలైజ్‌ చేశారట. త్వరలోనే ఈ సినిమా చిత్రీకరణ ప్రారంభం కానుంది. అయితే ఈ సినిమాలోని హీరోయిన్‌ పాత్రకు మాత్రం నయనతారనే ఫిక్స్‌ చేయాలని మేకర్స్‌ భావిస్తున్నారట. ఈ విషయంపై త్వరలోనే ప్రకటన రానుందనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. ‘సింహా, శ్రీరామరాజ్యం, జై సింహా’ వంటి చిత్రాల తర్వాత బాలకృష్ణ–నయనతార జోడీ నాలుగోసారి రిపీట్‌ అవుతుందా? వేచి చూడాలి.వెంకీ సరసన కీర్తి ?సంక్రాంతి పండక్కి ఫ్యామిలీ ఎంటర్‌టైనర్‌ సినిమాలను ప్రేక్షకుల ముందుకు తెచ్చి, బ్లాక్‌బస్టర్‌ హిట్స్‌ అందుకుంటున్నారు దర్శకుడు అనిల్‌ రావిపూడి. ఈ ఏడాది సంక్రాంతికి చిరంజీవితో అనిల్‌ రావిపూడి చేసిన ‘మన శంకరవరప్రసాద్‌గారు’ సినిమా విడుదలై, బ్లాక్‌బస్టర్‌గా నిలిచింది. ఈ సక్సెస్‌ జోష్‌లో తన తర్వాతి సినిమా రిలీజ్‌ను సంక్రాంతికే ఫిక్స్‌ చేశారు అనిల్‌ రావిపూడి. వరుస హిట్స్‌ సాధిస్తుండటంతో అనిల్‌ రావిపూడి తర్వాతి సినిమాపై అంచనాలు మరింత ఎక్కువయ్యాయి. ‘ఎఫ్‌ 2, ఎఫ్‌ 3, సంక్రాంతికి వస్తున్నాం’ వంటి సినిమాల తర్వాత వెంకటేశ్‌తో అనిల్‌ రావిపూడి మరో సినిమా చేయనున్నారని, ఈ సినిమాయే 2027 సంక్రాంతికి రిలీజ్‌ అవుతుందనే టాక్‌ వినిపిస్తోంది. అలాగే ఈ సినిమాకు ‘బామ్మర్ది బాల్‌రెడ్డి’ అనే టైటిల్‌ కూడా పరిశీలనలో ఉందనే ప్రచారం జరుగుతోంది. వీటితో పాటు ఈ చిత్రంలో కీర్తీ సురేష్, పూజా హెగ్డే హీరోయిన్స్‌గా నటించనున్నారనే టాక్‌ వినిపించింది. మరి... వెంకటేశ్‌ సరసన కీర్తీ సురేష్‌ తొలిసారి హీరోయిన్‌గా కనిపిస్తారా? వేచి చూడాలి. దీపిక ప్లేస్‌లో సాయి పల్లవి? హీరో ప్రభాస్, దర్శకుడు నాగ్‌ అశ్విన్‌ కాంబినేషన్‌లో రూ పోందుతున్న సైంటిఫిక్‌ అండ్‌ మైథలాజికల్‌ యాక్షన్‌ అడ్వెంచరస్‌ సినిమా ‘కల్కి 2898 ఏడీ’. నాగ్‌ అశ్విన్‌ ‘కల్కి సినిమాటిక్‌ యూనివర్స్‌’లో భాగంగా వచ్చిన తొలి భాగం ‘కల్కి 2898 ఏడీ’ సినిమాలో ప్రభాస్‌ హీరోగా నటించగా, అమితాబ్‌ బచ్చన్, దీపికా పదుకోన్, కమల్‌హాసన్‌ ఇతర ప్రధాన పాత్రల్లో నటించారు. 2024 జూన్‌ 27న విడుదలైన ఈ సినిమా దాదాపు రూ.1200 కోట్లు కలెక్ట్‌ చేసి, బ్లాక్‌బస్టర్‌ హిట్‌గా నిలిచింది. ‘కల్కి సినిమాటిక్‌ యూనివర్స్‌’లో భాగంగా ‘కల్కి 2’ (కల్కి 2898 ఏడీ 2) సినిమా రానుంది.ఈ మూవీ చిత్రీకరణ మొదలైంది. అమితాబ్‌ బచ్చన్‌–కమల్‌ హాసన్‌ పాల్గొంటుండగా కీలక సన్నివేశాలను చిత్రీకరిస్తున్నారు. వచ్చే నెల ప్రభాస్‌ కూడా ఈ షూట్‌లో పాల్గొంటారు. అయితే దీపికా పదుకోన్‌ మాత్రం ఇక ఈ ‘కల్కి2898 ఏడీ’ సినిమా ఫ్రాంచైజీలో కనిపించరు. కొన్ని కారణాల వల్ల ఈ సినిమాలో దీపిక నటించడం లేదని మేకర్స్‌ అధికారికంగా ప్రకటించారు. దీంతో ‘కల్కి2898 ఏడీ’ సినిమాలో దీపిక పోషించిన సుమతి పాత్రను ఎవరు చేస్తారనే చర్చ టాలీవుడ్‌లో జరుగుతోంది. దీపిక ప్లేస్‌లో సాయిపల్లవి ఫైనలైజ్‌ అయ్యారని సమాచారం. త్వరలోనే ఈ విషయంపై అధికారిక ప్రకటన రానుందని టాక్‌.రామ్‌చరణ్‌కు జోడీగా... ‘రంగస్థలం’ వంటి బ్లాక్‌బస్టర్‌ సినిమా తర్వాత హీరో రామ్‌చరణ్, దర్శకుడు సుకుమార్‌ కాంబినేషన్‌లో మరో సినిమా రానుంది. ఆల్రెడీ ఈ సినిమాను అధికారికంగా ప్రకటించారు. సుకుమార్‌ అండ్‌ టీమ్‌ స్క్రిప్ట్‌ వర్క్‌ చేస్తున్నారు. ఈ సినిమా కథ గురించి హీరో రామ్‌చరణ్, దర్శకుడు సుకుమార్‌ల మధ్య ఇప్పటికే పలుమార్లు చర్చలు జరిగాయి. ఈ మూవీ ప్రీప్రోడక్షన్‌ వర్క్స్‌ కూడా శరవేగంగా జరుగుతున్నాయి. కాగా, ఈ సినిమా చిత్రీకరణను ఈ ఏడాదే ప్రారంభించాలని సుకుమార్‌ అండ్‌ టీమ్‌ ప్లాన్‌ చేస్తోంది. ఈ సినిమాలోని హీరోయిన్‌ పాత్రలో నటించనున్నారంటూ సమంత, రష్మికా మందన్నా వంటి తారల పేర్లు తెరపైకి వచ్చాయి.తాజాగా హీరోయిన్‌ కృతీ సనన్‌ పేరు ఫిల్మ్‌నగర్‌ సర్కిల్స్‌లో వినిపిస్తోంది. మహేశ్‌ బాబు ‘వన్‌: నేనొక్కడినే’ తో తెలుగుకి పరిచయం అయిన కృతీ సనన్, ఆ తర్వాత నాగచైతన్య ‘దోచెయ్‌’, ప్రభాస్‌ ‘ఆదిపురుష్‌’ వంటి సినిమాల్లో నటించారు. మరి... రామ్‌చరణ్‌ సరసన కూడా ఈ బ్యూటీ కనిపిస్తారా? అన్న ప్రశ్నకు సమాధానం దొరకాలంటే మరికొంత సమయం వేచి ఉండక తప్పదు. సుకుమార్‌ రైటింగ్స్, మైత్రీ మూవీ మేకర్స్‌ పతాకాలపై నవీన్‌ ఎర్నేని, వై. రవిశంకర్‌ ఈ సినిమాను నిర్మించనున్నారు.రోమియో కోసం యానిమల్‌ బ్యూటీ నాని హీరోగా సుజిత్‌ డైరెక్షన్‌లో రానున్న లవ్‌ అండ్‌ యాక్షన్‌ ఎంటర్‌టైనర్‌ సినిమా ‘బ్లడీ రోమియో’. ‘శ్యామ్‌ సింగరాయ్‌’ వంటి హిట్‌ ఫిల్మ్‌ తర్వాత నానీతో వెంకట్‌ బోయనపల్లి నిర్మిస్తున్న సినిమా ఇది. త్వరలోనే ఈ సినిమా రెగ్యులర్‌ షూటింగ్‌ స్టార్ట్‌ కానుంది. కాగా ఈ సినిమాలోని హీరోయిన్‌ పాత్రలో ఇంకా ఎవరూ అఫీషియల్‌గా కన్ఫార్మ్‌ కాలేదు. జాన్వీ కపూర్, శ్రద్ధా కపూర్‌ వంటి హీరోయిన్ల పేర్లు ఇటీవల వినిపించాయి. కానీ తాజాగా ‘యానిమల్‌’ మూవీ ఫేమ్‌ త్రిప్తి దిమ్రి పేరు తెరపైకి వచ్చింది. ‘బ్లడీ రోమియో’ టీమ్‌ త్రిప్తితో సంప్రదింపులు జరుపుతోందని, ఈ సినిమాలో ఆమె హీరోయిన్‌గా కన్ఫార్మ్‌ కావొచ్చని తెలిసింది. నాని–త్రిప్తి జోడీగా ఇప్పటివరకు కలిసి నటించలేదనే విషయం తెలిసిందే. మరోవైపు ప్రస్తుతం నాని ‘ది ΄్యారడైజ్‌’ సినిమా చేస్తున్నారు. బ్లాక్‌బస్టర్‌ మూవీ ‘దసరా’ తర్వాత నాని, దర్శకుడు శ్రీకాంత్‌ ఓదెల కాంబినేషన్‌లో ఈ సినిమా రూ పోందుతోంది. మోహన్‌బాబు, సంపూర్ణేష్‌బాబు, రాఘవ్‌ జూయల్‌ ఈ సినిమాలోని ఇతర ప్రధాన పాత్రల్లో నటిస్తున్నారు. కాగా, ఈ సినిమాలోని హీరోయిన్‌ పాత్రలో కయాదు లోహర్‌ నటిస్తున్నారని తెలిసింది. సుధాకర్‌ చెరుకూరి నిర్మిస్తున్న ఈ మూవీ ఆగస్టు 21న రిలీజ్‌ కానుంది.శర్వా సరసన.. ఇటీవలే ‘నారీ నారీ నడుమ మురారీ’తో సూపర్‌హిట్‌ అందుకున్నారు శర్వానంద్‌. ప్రస్తుతం ‘భోగి’ సినిమా చిత్రీకరణతో బిజీగా ఉన్నారు శర్వా. అలాగే దర్శకుడు శ్రీను వైట్లతో ఓ ఫ్యామిలీ ఎంటర్‌టైనర్‌ మూవీ చేయనున్నారు శర్వా. ‘నారీ నారీ నడుమ మురారీ’ సినిమా సక్సెస్‌ మీట్‌లో ఈ సినిమాను ప్రకటించారు. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ ఈ సినిమాను నిర్మించనున్నారు. కాగా, ఈ చిత్రంలోని హీరోయిన్‌ పాత్రకు ఆషికా రంగనాథ్‌ను ఎంపిక చేశారట మేకర్స్‌. ఈ సినిమా వచ్చే సంక్రాంతికి విడుదల కానుంది.గ్రీన్‌ సిగ్నల్‌? హీరోగా కార్తీ తెలుగులో ఓ స్ట్రయిట్‌ ఫిల్మ్‌ చేయనున్నారని తెలిసింది. ఈ సినిమాను సితార ఎంటర్‌టైన్‌మెంట్స్‌ బ్యానర్‌లో నాగవంశీ నిర్మించనున్నారట. ‘మ్యాడ్, మ్యాడ్‌ 2’ చిత్రాల తర్వాత దర్శకుడు కల్యాణ్‌ శంకర్‌ ఓ ఫ్యామిలీ ఎంటర్‌టైనర్‌ స్టోరీని రెడీ చేశారట. ఈ కథ కార్తీకి నచ్చిందని, దీంతో సినిమా చేసేందుకు ఒప్పుకున్నారని టాక్‌. అంతేకాదు... ఈ సినిమాలోని హీరోయిన్‌ పాత్రకు మేకర్స్‌ మీనాక్షీ చౌదరిని సంప్రదించారని భోగట్టా. సితార సంస్థ నుంచి వచ్చిన ‘లక్కీ భాస్కర్, అనగనగ ఒకరాజు’ వంటి హిట్‌ సినిమాల్లో హీరోయిన్‌గా నటించారు మీనాక్షీ చౌదరి. ఇప్పుడు ఈ సంస్థ కార్తీతో నిర్మించాలనుకుంటున్న సినిమాలో మీనాక్షి భాగమవుతారా? వేచి చూడాల్సిందే. ఇలా ఫలానా హీరో సినిమాలో ఫలానా హీరోయిన్‌ నటించనున్నారంటూ వార్తల్లో ఉన్న కాంబినేషన్స్‌ మరికొన్ని ఉన్నాయి.ఫలనా సినిమాలో ఫలనా హీరోయిన్‌ చేయనున్నారనే వార్తలు కోలీవుడ్‌లోనూ గట్టిగానే వినిపిస్తున్నాయి. రజనీకాంత్‌ హీరోగా సిబి చక్రవర్తి దర్శకత్వంలో కమల్‌హాసన్‌ ఓ సినిమా నిర్మించనున్నారు. ఈ ఫ్యామిలీ ఎంటర్‌టైనర్‌ సినిమా చిత్రీకరణ ఈ ఏడాది ఏప్రిల్‌లో ప్రారంభం కానుంది. ఈ సినిమాలోని హీరోయిన్‌ పాత్ర కోసం మేకర్స్‌ పూజా హెగ్డే, ప్రియాంకా అరుల్‌ మోహన్‌ వంటి తారల పేర్లను పరిశీలిస్తున్నారనే టాక్‌ కోలీవుడ్‌లో వినిపిస్తోంది. ఇక ‘గుడ్‌ బ్యాడ్‌ అగ్లీ’ వంటి బ్లాక్‌బస్టర్‌ మూవీ అనంతరం హీరో అజిత్‌– దర్శకుడు రవి కె. చంద్రన్‌ కాంబినేషన్‌లో మరో సినిమా రానుంది. ఈ చిత్రంలో హీరోయిన్‌గా శ్రీలీల పేరు వినిపిస్తోంది. శింబు కొత్త సినిమా ‘అరసన్‌’లో హీరోయిన్‌గా సమంత, కయాదు లోహర్‌ వంటి హీరోయిన్ల పేర్లు తెరపైకి వచ్చాయి. ఇంకా దర్శక–నటుడు ప్రదీప్‌ రంగనాథన్‌ ఓ సైన్స్‌ ఫిక్షన్‌ కథను రెడీ చేశారు. ఈ సినిమాలో ఇద్దరు కథనాయికలకు చోటు ఉందట. శ్రీలీల, మీనాక్షీ చౌదరి ఈ సినిమాలో నటించనున్నారనే పుకార్లు కోలీవుడ్‌లో వినిపిస్తున్నాయి. అయితే ఈ వివరాలపై అధికారిక సమాచారం అందాల్సి ఉంది. – ముసిమి శివాంజనేయులు

మెగాస్టార్ చిరంజీవి హీరోగా, నయనతార హీరోయిన్‌గా, వెంకటేశ్ కీలక పాత్రలో నటించిన “మన శంకర వరప్రసాద్ గారు” చిత్రం ఈ సంక్రాంతి కానుకగా థియేటర్స్‌లో విడుదలై భారీ విజయాన్ని సాధించిన విషయం తెలిసిందే. అనీల్ రావిపూడి దర్శకత్వంలో తెరకెక్కిన ఈ చిత్రం రీజనల్ ఇండస్ట్రీ హిట్‌గా నిలిచింది. థియేటర్స్‌ రన్ విజయవంతమైన తర్వాత ఓటిటి ప్లాట్‌ఫారమ్‌లో కూడా ఈ సినిమా రికార్డు బ్రేకింగ్ రెస్పాన్స్ అందుకుంది. అయితే ఇప్పుడు బుల్లితెరపై వరల్డ్ టెలివిజన్ ప్రీమియర్‌కి సిద్ధమైంది. జీ తెలుగు వారు ఈ ఫిబ్రవరి 28న సాయంత్రం 5:30 కి ప్రసారం కానున్నట్టుగా కన్ఫర్మ్ చేశారు. జీ సంస్థ ఈ చిత్రానికి స్ట్రీమింగ్ హక్కులతో పాటు శాటిలైట్ హక్కులు కూడా సొంతం చేసుకుంది. మరి ఈ సినిమా బుల్లితెరపై ఎలాంటి రికార్డులు సెట్ చేస్తుందో చూడాలి. ఇక ఈ సినిమాకి భీమ్స్ సంగీతం అందించగా సాహు గారపాటి, సుష్మిత కొణిదెల నిర్మాణం వహించారు.

సినీ ఇండస్ట్రీలో తీవ్ర విషాదం నెలకొంది. ప్రముఖ సంగీత దర్శకుడు ఎస్పీ వెంకటేశ్ ఇవాళ కన్నుమూశారు. గుండె పోటు రావడంతో తుదిశ్వాస విడిచారు. ఈ విషయం తెలుసుకున్న మలయాళ సినీ ప్రముఖులు, రాజకీయ నాయకులు సంతాపం వ్యక్తం చేశారు. దశాబ్దాలుగా మలయాళ సినిమా ఇండస్ట్రీలో మ్యూజిక్ డైరెక్టర్‌గా రాణించారు. ఆయన మృతిపట్ల కేరళ సీఎం పినరయి విజయన్ సంతాపం తెలిపారు. ఆయన మరణం కేరళ సినీ ఇండస్ట్రీకి తీరని లోటు అని అభివర్ణించారు1980- 1990లలో మలయాళ సినిమాకు వెంకటేశ్ సంగీత దర్శకుడిగా పనిచేశారు. మలయాళ సినిమా రంగంలో అత్యంత ప్రభావవంతమైన మ్యూజిక్ డైరెక్టర్లలో ఎస్‌పీ వెంకటేశ్ ఒకరు. మలయాళ సినీ ఇండస్ట్రీలో దశాబ్దాల పాటు కొనసాగారు. 1980వ దశకంలో అత్యంత ఫేమస్ అయ్యారు. తన సూపర్ హిట్‌ పాటలతో, సినిమాల భావోద్వేగ లోతును పెంచే శక్తివంతమైన నేపథ్య సంగీతానికి కేరాఫ్ అడ్రస్‌గా మారారు. రాజవింటే మకన్, జానీ వాకర్, పైతృకం, సోపానం, హైవే వంటి అనేక సూపర్ హిట్ చిత్రాలకు వెంకటేశ్ సంగీతం అందించారు.

మెగాస్టార్ చిరంజీవి ఈ సంక్రాంతికి ఘన విజయాన్ని అందుకున్నారు. ఇప్పుడు ఆయన తదుపరి చిత్రం బాబీ దర్శకత్వంలో రూపుదిద్దుకోనుంది. మార్చిలో షూటింగ్ ప్రారంభించే అవకాశం ఉన్నప్పటికీ, విడుదలను నేరుగా 2027 సంక్రాంతికి లక్ష్యంగా పెట్టుకున్నారని సమాచారం. ఈ చిత్రంలో మలయాళ సూపర్ స్టార్ మోహన్ లాల్ పవర్‌ఫుల్‌ పోలీస్ పాత్రలో కనిపించనున్నారు. చిరంజీవి సరసన ప్రియమణి భార్య పాత్రలో నటించనున్నారు. కూతురి పాత్రకు కీర్తి సురేష్‌ను పరిశీలిస్తున్నారు. కానీ మరో ఆప్షన్ కూడా పరిశీలనలో ఉంది. ఇంత పెద్ద స్టార్ కాస్ట్ ఉండటంతో షూటింగ్ షెడ్యూల్ ప్లానింగ్ కొంత ఆలస్యమయ్యే అవకాశం ఉంది. జనవరిలో మన శంకర వరప్రసాద్ విడుదల కాగా, జూలైలో విశ్వంభర థియేటర్లలోకి రానుంది. ఈ రెండు సినిమాల మధ్య కనీసం ఆరు నెలల గ్యాప్ ఉండేలా ప్లాన్ చేశారు. 2027 సంక్రాంతికి బరిలో దింపాలని చూస్తున్నారు. అయితే అదే సంక్రాంతికి వెంకటేష్, అనిల్ రావిపుడి కాంబినేషన్ సినిమా ఉంది. బాలయ్య చిత్రం కూడా వచ్చే అవకాశం ఉంది. ఇక నాగార్జున కూడా రంగంలోకి దిగితే 2027 సంక్రాంతి సీనియర్ల సంక్రాంతి అయిపోతుంది. ప్రస్తుతాకి ఇవన్నీ అధికారికంగా ప్రకటించలేదు కానీ వచ్చే సంక్రాంతికి మాత్రం సీనియర్ల మద్య పోటీ ఉండే అవకాశం ఉంది.

‘సంక్రాంతికి వస్తున్నాం’ వంటి బ్లాక్‌ బస్టర్‌ మూవీ తర్వాత వెంకటేశ్‌ హీరోగా నటిస్తున్న తాజా చిత్రం ‘ఆదర్శ కుటుంబం’. ‘హౌస్‌ నెం: 47’ (ఏకే 47) అనేది ఉపశీర్షిక. త్రివిక్రమ్‌ శ్రీనివాస్‌ దర్శకత్వంలో ఎస్‌. రాధాకృష్ణ (చినబాబు) నిర్మిస్తున్న ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. సికింద్రాబాద్‌ సమీపంలోని పరేడ్‌ గ్రౌండ్స్‌ మెట్రో స్టేషన్‌లో వెంకటేశ్‌పై కీలక సన్నివేశాలను చిత్రీకరిస్తున్నారు. ఈ షూటింగ్‌కి సంబంధించిన వీడియోలు వైరల్‌గా మారాయి. ‘‘కుటుంబ కథా చిత్రంగా రూపొందుతోన్న సినిమా ‘ఆదర్శ కుటుంబం’.ఈ చిత్రంలో మధ్యతరగతి వ్యక్తి పాత్రలో నటిస్తున్నారు వెంకటేశ్‌. ఈ మూవీ నుంచి రిలీజ్‌ చేసిన ఆయన ఫస్ట్‌ లుక్‌పోస్టర్‌కి మంచి స్పందన వచ్చింది. వెంకటేశ్‌ హీరోగా నటించిన ‘నువ్వు నాకు నచ్చావ్, మల్లీశ్వరి’ చిత్రాలకు త్రివిక్రమ్‌ కథ అందించడంతో పాటు డైలాగులు రాశారు. అలాగే ‘వాసు’ సినిమాకి మాటలు రాశారు. అయితే దర్శకుడిగా మాత్రం వెంకటేశ్‌తో ఆయన తెరకెక్కిస్తున్న తొలి చిత్రం ‘ఆదర్శ కుటుంబం’. వినోదం, భావోద్వేగాల కలయికలో రూపొందుతోన్న ఈ సినిమా ఈ ఏడాది ప్రేక్షకుల ముందుకు రానుంది’’ అని చిత్రయూనిట్‌ పేర్కొంది.

తూర్పు గోదావరి జిల్లా: ఆనందం అంతలోనే ఆవిరి అయ్యింది.. సరదాగా సాగిపోతున్న ప్రయాణంలో విషాదం అలముకుంది.. కడియం మండలం వేమగిరి శివారులో జాతీయ రహదారిపై సోమవారం జరిగిన రోడ్డు ప్రమాదంలో భర్త మృతి చెందగా, భార్య, కుమార్తెలు స్వల్ప గాయాలతో బయట పడ్డారు. పోలీసుల కథనం ప్రకారం.. రావులపాలెం మండలం కేదారిశెట్టిపల్లి గ్రామానికి చెందిన చిట్టూరి వెంకటేష్‌ (36) రాజమహేంద్రవరంలోని టాటా మోటార్స్‌లో పనిచేస్తున్నాడు. తన కుటుంబంతో కలసి కడియం మండలం వేమగిరిలో నివాసం ఉంటున్నాడు.అయితే సోమవారం సెలవురోజు కావడంతో భార్య కల్పన, ఇద్దరు కుమార్తెలను తీసుకుని రావులపాలెంలోని బంధువుల ఇంటికి మోటారు సైకిల్‌పై బయలు దేరారు. వేమగిరి సమీపానికి వచ్చేసరికి అక్కడి ఒక నర్సరీ వద్ద నుంచి హైవేపైకి ఎటువంటి సిగ్నల్స్‌ ఇవ్వకుండా ఒక కారు వేగంగా వచ్చి, వీరు ప్రయాణిస్తున్న మోటారు సైకిల్‌ను ఢీకొంది. దీంతో వెంకటేష్‌, భార్యా పిల్లలతో రోడ్డుపై పడిపోయాడు. ఈ ప్రమాదంలో వెంకటేష్‌ తల బలమైన గాయాలు కావడంతో అతడు అక్కడికక్కడే మృతి చెందాడు. భార్య కల్పన, తొమ్మిదేళ్ల పెద్ద కుమార్తె లోహతాశ్రీ, ఏడాదిన్నర వయసుగల చిన్న కుమార్తె సౌర్యశ్రీలు స్వల్ప గాయాలతో బయటపడ్డారు. బంధువులు ఇంటికి వెళ్లేందుకు ఆనందంగా బయలు దేరిన వారు కొద్దిసేపటికే ప్రమాదం బారిన పడి, వెంకటేష్‌ అక్కడిక్కడే మృతి చెందడంతో స్థానికంగా తీవ్ర విషయం నెలకొంది. భార్య, కుటుంబ సభ్యులు మృతదేహం వద్ద కన్నీరు మున్నీరుగా విలపించారు. కాగా కడియం పోలీస్‌ స్టేషన్‌ సిబ్బంది ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం రాజమహేంద్రవరం ప్రభుత్వ ఆసుపత్రికి తరలించారు. ప్రమాదానికి కారణమైన కారును స్వాధీనం చేసుకుని, డ్రైవర్‌ను అదుపులోకి తీసుకున్నారు. మృతుడి కుటుంబ సభ్యుల ఫిర్యాదు మేరకు ఇన్‌చార్జి ఇన్‌స్పెక్టర్‌ నాగేశ్వరరావు పర్యవేక్షణలో ఎస్‌ఐ లక్ష్మీప్రసన్న కేసు నమోదు చేసి దర్యాప్తు చేస్తున్నారు.

మా తమ్ముళ్లు జెమ్స్‌ అని చిరంజీవి ఓ సినిమాలో డైలాగ్‌ చెప్తాడు. చిరంజీవి, వెంకటేశ్‌, నాగార్జునను ఒకేచోట చూసినప్పుడు అభిమానుల నోట కూడా ఇదే డైలాగ్‌ వస్తుంది. మా ముగ్గురు హీరోలు జెమ్స్‌ అని గొప్పగా చెప్పుకుంటారు. దశాబ్దాల తరబడి కొనసాగుతున్న స్నేహం వారిది.స్టార్‌ హీరోలు ఒకేచోటఎప్పుడు తారసపడ్డా ఆత్మీయంగా పలకరించుకుంటారు. ఆప్యాయంగా మాట్లాడుకుంటారు. ముగ్గురి ముఖాల్లోనూ వారికి తెలియకుండానే ఓ చిరునవ్వు కనిపిస్తుంది. తాజాగా ఈ స్టార్‌ హీరోలు మరోసారి కలిశారు. మేఘా సంస్థ అధినేత కృష్ణారెడ్డి ఇంట్లో ఓ పార్టీ జరగ్గా దానికి ఈ ముగ్గురూ హాజరయ్యారు. వీరితో డాక్టర్‌ గురవారెడ్డి ఓ ఫోటో దిగారు. దాన్ని సోషల్‌ మీడియాలో షేర్‌ చేయగా నెట్టింట వైరల్‌గా మారింది. అదిరిపోయిన సంక్రాంతిఇది చూసిన అభిమానులు వీళ్లు అప్పటికీ.. ఇప్పటికీ.. యంగ్‌గానే కనిపిస్తున్నారని కామెంట్లు చేస్తున్నారు. చిరంజీవి ఇటీవలే సంక్రాంతి పండక్కి 'మన శంకర వరప్రసాద్‌గారు' సినిమాతో బ్లాక్‌బస్టర్‌ కొట్టాడు. అనిల్‌ రావిపూడి దర్శకత్వం వహించిన ఈ మూవీలో వెంకటేశ్‌ కీలక పాత్రలో నటించాడు. నయనతార కథానాయికగా నటించింది. ఈ చిత్రం ఇప్పటికే రూ.300 కోట్లు దాటేసింది.చదవండి: చిరంజీవి, వెంకటేశ్‌ల ఏంటీ బాసూ సంగతి.. పాట రిలీజ్‌

చిరంజీవి- వెంకటేశ్‌ ఇద్దరూ కలిసి అదిరిపోయే రేంజ్‌లో తొలిసారి స్టెప్పులు వేశారు.​ సంక్రాంతి కానుకగా విడుదలైన మన శంకరవరప్రసాద్‌ గారు మూవీలో వారు నటించిన విషయం తెలిసిందే. దర్శకుడు అనిల్‌ రావిపూడి తెరకెక్కించిన ఈ మూవీ నుంచి తాజాగా 'అదిపోద్ది సంక్రాంతి' వీడియో సాంగ్‌ను విడుదల చేశారు. ఇందులో చిరు, వెంకీ పోటీపడి స్టెప్పులు వేశారు. భీమ్స్‌ సంగీతం అందించగా.. కాసర్ల శ్యామ్‌ పాటను రాశారు. నకాశ్‌ అజీజ్‌, విశాల్‌ దడ్లానీ ఆలపించారు. ఫుల్‌ జోష్‌ తెప్పించే సాంగ్‌ను మీరూ చూసేయండి.

చిరంజీవి- వెంకటేశ్‌ కాంబినేషన్‌లో విడుదలైన చిత్రం మన శంకర వరప్రసాద్‌ గారు.. తాజాగా ఈ మూవీ రూ. 300 కోట్ల క్లబ్‌లో చేరింది. దర్శకుడు అనిల్‌ రావిపూడి తెరకెక్కించిన ఈ మూవీని సాహు గారపాటి, సుస్మిత కొణిదెల నిర్మించారు. సంక్రాంతి రేసులో భారీ విజయం అందుకున్న ఈ మూవీలో వెంకటేశ్‌ పాత్ర చాలా కీలకంగానే ఉంటుంది. దీంతో ఆయన రెమ్యునరేషన్‌ గురించి నెటిజన్లు ఆరా తీస్తున్నారు. ఈ కమ్రంలోనే నిర్మాత సుస్మిత కొణిదెల ఒక క్లారిటీ ఇచ్చారు.మన శంకర వరప్రసాద్‌ గారు మూవీ కోసం వెంకటేష్‌ రెమ్యునరేషన్‌ రూ. 10 కోట్లు పైమాటేనని చాలా కథనాలు వచ్చాయి. అదేం కాదు చిరు మీద ప్రేమతో తను చాలా తక్కువ మొత్తంలో పారితోషికం తీసుకున్నట్లు మరికొందరు తెలిపారు. దీనిపై సుస్మిత అసలు విషయం చెప్పారు. అయితే, ఆమె కూడా తెలివిగా నంబర్స్‌ రూపంలో వెంకీ రెమ్యునరేషన్‌ గురించి చెప్పలేదు. కానీ, వెంకటేశ్‌ గారు తమ ఫ్యామిలీ మెంబర్‌ లాంటి వ్యక్తి అని సుస్మిత చెప్పారు. అందుకే రెమ్యునరేషన్‌ విషయంలో తమ మధ్య డిబేట్‌ ఏం జరగలేదన్నారు. ఆయనకు ఎంత ఇవ్వాలన్నా తమకు ఆనందమేనని చెప్పారు. ఆయన ఈ ప్రాజెక్ట్‌లో ఉండటం చాలా విలువైనదని ఆమె గుర్తుచేసుకున్నారు. స్క్రీన్‌పై వెంకీ గారు కనిపించిన దగ్గర నుంచి ప్రేక్షకులు మరింతగా కనెక్ట్‌ అయ్యారని తెలిపారు. అందుకే ఆయన ఆడిగిన రెమ్యునరేషన్‌ ఇచ్చామని సుస్మిత చెప్పారు. డబ్బు కోసం కాకుండా.. కేవలం తన అభిమానులతో పాటు మూవీ ప్రేక్షకుల ఎంటర్టైన్మెంట్ కోసం వెంకీ నటించారని తెలుస్తోంది.

‘దృశ్యం’ సినిమాలకున్న క్రేజ్‌ గురించి ప్రత్యేకించి చెప్పక్కర్లేదు. మలయాళ, తెలుగు, హిందీ భాషల్లో ‘దృశ్యం, దృశ్యం 2’ చిత్రాలు ఇప్పటికే విడుదలై ఘన విజయం సాధించిన సంగతి తెలిసిందే. ఈ సిరీస్‌ లో రానున్న మూడో చిత్రం ‘దృశ్యం 3’. తెలుగులో వెంకటేశ్‌ హీరోగా శ్రీప్రియ దర్శకత్వం వహించిన ‘దృశ్యం’ (2014), వెంకటేశ్‌ హీరోగా జీతూ జోసెఫ్‌ డైరెక్షన్‌లో రూపొందిన ‘దృశ్యం 2’ (2021) సినిమాలు హిట్‌గా నిలిచాయి. ఈ ఫ్రాంచైజీలో మలయాళం, హిందీ భాషల్లో ‘దృశ్యం 3’ చిత్రీకరణలు జరుపుకుంటున్నాయి. అయితే తెలుగు లో ‘దృశ్యం 3’ పట్టాలెక్కుతుందా? లేదా అని కొద్ది రోజులుగా వార్తలు చక్కర్లు కొడుతున్నాయి. నిర్మాత, హీరో వెంకటేశ్‌ సోదరుడు సురేష్‌బాబు ఇచ్చిన అప్‌డేట్‌తో ఈ వార్తలకు ఫుల్‌స్టాప్‌ పడినట్లయింది. శోభిత ధూళిపాళ్ల లీడ్‌ రోల్‌లో శరణ్‌ కొప్పిశెట్టి దర్శకత్వం వహించిన చిత్రం ‘చీకటిలో..’. సురేష్‌ ప్రొడక్షన్‌ బ్యానర్‌పై డి. సురేష్‌బాబు నిర్మించిన ఈ మూవీ అమెజాన్‌ ప్రైమ్‌ వీడియోలో ఈ నెల 23 నుంచి స్ట్రీమింగ్‌ కానుంది. ఈ మూవీ ప్రమోషన్స్‌లో పాల్గొన్న సురేష్‌బాబు ‘దృశ్యం 3’ షూట్‌కి ముహూర్తం ఫిక్స్‌ చేసినట్లు స్పష్టత ఇచ్చారు. ‘‘దృశ్యం 3’ సినిమాలోనూ వెంకటేశ్‌ హీరోగా నటిస్తారు. ఈ చిత్రం అక్టోబరులో సెట్స్‌పైకి వెళుతుంది’’ అని చెప్పారు. అయితే దర్శకుడి పేరు మాత్రం చెప్పలేదు ఆయన. ఇదిలా ఉంటే... ప్రస్తుతం త్రివిక్రమ్‌ దర్శకత్వంలో ‘ఆదర్శ కుటుంబం హౌస్‌ నెం. 47’ అనే సినిమాలో నటిస్తున్నారు వెంకటేశ్‌. హారిక అండ్‌ హాసినీ క్రియేషన్స్‌ పతాకంపై సూర్యదేవర రాధాకృష్ణ (చినబాబు) నిర్మిస్తున్న ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. ఈ మూవీ షూట్‌ పూర్తయ్యాక ‘దృశ్యం 3’ చిత్రీకరణలో పాల్గొంటారు వెంకటేశ్‌.

ఓ వైపు నూతన సంవత్సరం జోరు. మరోవైపు చిత్ర పరిశ్రమలో సినిమాల విడుదలకు అతి పెద్ద పండగలా భావించే సంక్రాంతి సందడి... ఈ సంక్రాంతికి విడుదలైన ప్రభాస్‌ ‘ది రాజా సాబ్‌’, చిరంజీవి ‘మన శంకర వరప్రసాద్‌గారు’, రవితేజ ‘భర్త మహాశయులకు విజ్ఞప్తి’, నవీన్‌ పొలిశెట్టి ‘అనగనగా ఒకరాజు’, శర్వానంద్‌ ‘నారీ నారీ నడుమ మురారి’ వంటి సినిమాలన్నీ ప్రేక్షకులను అలరించాయి. బాక్సాఫీస్‌ వద్ద భారీ వసూళ్లతో దూసుకెళుతున్నాయి. థియేటర్లలో సంక్రాంతి పండగ సందడి ఇంకా కనిపిస్తోంది.ఈ పండగకి చిన్న విరామం తీసుకున్న మన హీరోలు సంక్రాంతి ముగియగానే ‘షూటింగ్‌ పోదాం చలో చలో’ అంటూ సెట్స్‌లో వాలిపోయారు. తమ సినిమాల చిత్రీకరణలతో బిజీ బిజీగా ఉంటున్నారు. కొందరు హీరోలు విదేశాల్లో తమ మూవీ షూటింగ్స్‌లో జాయిన్‌ కాగా... వెంకటేశ్, మహేశ్‌ బాబు, ఎన్టీఆర్, రామ్‌చరణ్, నాని, విజయ్‌ దేవరకొండ, సాయిదుర్గా తేజ్‌ వంటి పలువురు హైదరాబాద్‌తో పాటు పరిసర ప్రాంతాల్లో జోరుగా హుషారుగా షూటింగ్‌లో పాల్గొంటున్నారు. ఆ వివరాలేంటో ఓ లుక్కేద్దాం.... వెంకటేశ్‌ బేగంపేటలో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత వెంకటేశ్‌ హీరోగా నటిస్తున్న తాజా చిత్రం ‘ఆదర్శ కుటుంబం హౌస్‌ నెం.47’. తెలుగు చిత్ర పరిశ్రమలో తనదైన చిత్రాలతో ప్రేక్షకులను అలరిస్తూ, సక్సెస్‌పుల్‌ డైరెక్టర్‌గా పేరు సం పాదించుకున్న త్రివిక్రమ్‌ ఈ మూవీకి దర్శకత్వం వహిస్తున్నారు. హారిక అండ్‌ హాసినీ క్రియేషన్స్ పతాకంపై సూర్యదేవర రాధాకృష్ణ (చినబాబు) నిర్మిస్తున్నారు. వెంకటేశ్‌ కెరీర్‌లో 77వ సినిమాగా తెరకెక్కుతోన్న ఈ మూవీ ఫ్యామిలీ ఎంటర్‌టైనర్‌గా రూపొందుతోంది. ఈ సినిమా షూటింగ్‌ ప్రస్తుతం హైదరాబాద్‌లోని బేగంపేట చిరాగ్‌ పోర్ట్‌లో జరుగుతోంది.వెంకటేశ్‌తో పాటు ఇతర ముఖ్య తారాగణంపై కీలక సన్నివేశాలను తెరకెక్కిస్తున్నారట త్రివిక్రమ్‌. వెంకటేశ్‌ హీరోగా నటించిన హిట్‌ మూవీ ‘నువ్వు నాకు నచ్చావ్, మళ్లీశ్వరి’ కి త్రివిక్రమ్‌ మాటలు అందించిన సంగతి తెలిసిందే. ఆ మూవీస్‌ హిట్‌గా నిలిచాయి. ఇప్పుడు వెంకటేశ్‌ హీరోగా త్రివిక్రమ్‌ తెరకెక్కిస్తున్న చిత్రం ‘ఆదర్శ కుటుంబం హౌస్‌ నెం.47’. ఫ్యామిలీ హీరోగా వెంకటేశ్‌కి ఉన్న ఇమేజ్, చక్కిలిగింతలు పెట్టే హాస్యం, హృదయాన్ని హత్తుకునే భావోద్వేగాల మేళవింపుతో కుటుంబ బంధాలను, విలువలను తెలియజేసే చిత్రాలను తెరకెక్కించడంలో త్రివిక్రమ్‌ దిట్ట. వీరిద్దరి కలయికలో వస్తున్న ఈ చిత్రంపై ఇటు ఇండస్ట్రీలో అటు ప్రేక్షకుల్లో అంచనాలు భారీ స్థాయిలో ఉన్నాయి.మహేశ్‌బాబు గండిపేటలో... ‘గుంటూరు కారం’ (2024) వంటి హిట్‌ మూవీ తర్వాత మహేశ్‌బాబు హీరోగా నటిస్తున్న తాజా చిత్రం ‘వారణాసి’. ‘ఆర్‌ఆర్‌ఆర్‌’ (2022) వంటి బ్లాక్‌బస్టర్‌ మూవీ తర్వాత ఎస్‌ఎస్‌ రాజమౌళి దర్శకత్వం వహిస్తున్న ఈ ప్రతిష్టాత్మక చిత్రంలో ప్రియాంకా చో్ర పా హీరోయిన్‌గా నటిస్తున్నారు. మలయాళ హీరో పృథ్వీరాజ్‌ సుకుమారన్‌ కరడుగట్టిన, కమాండింగ్‌ ప్రతినాయకుడు కుంభ పాత్రలో కనిపించనున్నారు. ఇప్పటికే విడుదలైన ఆయన లుక్‌కి మంచి స్పందన వచ్చింది. దుర్గా ఆర్ట్స్‌ బ్యానర్‌పై కేఎల్‌ నారాయణ, ఎస్‌ఎస్‌ కార్తికేయ ఈ సినిమాని నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌ సమీపంలోని గండిపేటలో జరుగుతోంది.అక్కడ ప్రత్యేకంగా వేసిన వారణాసి సెట్‌లో ఈ మూవీ చిత్రీకరణ జరుపుతున్నారట రాజమౌళి. ఈ షెడ్యూల్‌లో మహేశ్‌బాబుతో పాటు ప్రధాన తారాగణంపై ముఖ్యమైన సన్నివేశాలు తెరకెక్కిస్తున్నారని సమాచారం. ఈ సినిమా కోసం మహేశ్‌బాబు పొడవాటి హెయిర్‌ స్టైల్, గెడ్డంతో ప్రత్యేకంగా మేకోవర్‌ అయిన సంగతి తెలిసిందే. మహేశ్‌బాబు, రాజమౌళి కలిసి చేస్తున్న ఎపిక్‌ అడ్వెంచర్‌ మూవీ ‘వారణాసి’ కోసం ప్రేక్షకులు ఎంతో ఆసక్తిగా ఎదురు ఎదురుచూస్తున్నారు. గత నవంబరులో హైదరాబాద్‌లో నిర్వహించిన ‘వారణాసి’ గ్లోబల్‌ ట్రాటర్‌ ఈవెంట్‌ సోషల్‌ మీడియాను షేక్‌ చేయడంతో పాటు ప్రపంచవ్యాప్తంగా ఈ సినిమాపై అంచనాలు తారస్థాయికి చేరేలా చేసింది.ఈ చిత్రాన్ని 120 దేశాల్లో విడుదల చేయనున్నట్లు చిత్రయూనిట్‌ ప్రకటించిన సంగతి తెలిసిందే. ఈ మూవీని హాలీవుడ్‌కి ఏ మాత్రం తగ్గని అంతర్జాతీయ ప్రమాణాలతో తీర్చిదిద్దుతున్నారట రాజమౌళి. ఈ సినిమాని 2027 వేసవిలో విడుదల చేస్తామని మేకర్స్‌ ఇప్పటికే ప్రకటించిన సంగతి తెలిసిందే. అయితే పక్కా డేట్‌ విషయంలో మాత్రం ఇంకా సస్పెన్స్ కొనసాగుతోంది. ఈ అప్‌డేట్‌ కోసం వేచి చూస్తున్న అభిమానులకు త్వరలోనే ఒక తీపి కబురు అందనుందని ఫిల్మ్‌నగర్‌ టాక్‌.‘వారణాసి’ విడుదల తేదీని ఈ ఏడాది శ్రీరామ నవమి (మార్చి 26న) సందర్భంగా ప్రకటించాలని చిత్ర యూనిట్‌ భావిస్తోందని తెలుస్తోంది. ఈ సినిమాపై మహేశ్‌బాబు ఎంతో నమ్మకంతో ఉన్నారు. ‘‘వారణాసి’ నా కలల ్ర పాజెక్ట్‌. జీవితంలో ఒక్కసారి వచ్చే అవకాశం ఇది. దీని కోసం ఎంత కష్టపడాలో అంతా కష్టపడతాను. ఈ సినిమా విడుదలైనప్పుడు దేశమంతా గర్వపడుతుంది’’ అంటూ గ్లోబల్‌ ట్రాటర్‌ ఈవెంట్‌లో మహేశ్‌బాబు మాట్లాడిన మాటల్ని బట్టి చూస్తే సినిమా ఏ స్థాయిలో ఉండబోతోందో తెలుస్తోంది. ఎన్టీఆర్‌ ఆర్‌ఎఫ్‌సీలో... ‘దేవర’ వంటి బ్లాక్‌బస్టర్‌ మూవీ తర్వాత ఎన్టీఆర్‌ హీరోగా నటిస్తున్న తాజా చిత్రం ‘ఎన్టీఆర్‌ నీల్‌’ (వర్కింగ్‌ టైటిల్‌). ‘కేజీఎఫ్‌ 1, కేజీఎఫ్‌ 2, సలార్‌’ వంటి హిట్‌ చిత్రాల తర్వాత డైరెక్టర్‌ ప్రశాంత్‌ నీల్‌ తెరకెక్కిస్తున్న సినిమా ఇది. ఈ మూవీలో రుక్మిణీ వసంత్‌ హీరోయిన్‌గా, బాలీవుడ్‌ నటుడు అనిల్‌ కపూర్‌ కీలక పాత్రలో నటిస్తున్నారు. మైత్రీ మూవీ మేకర్స్, ఎన్టీఆర్‌ ఆర్ట్స్‌ బ్యానర్స్‌పై కల్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు పాన్‌ ఇండియా స్థాయిలో ఈ సినిమాని నిర్మిస్తున్నారు.పీరియాడికల్‌ యాక్షన్‌ డ్రామాగా రూపొందుతోన్న ఈ చిత్రానికి ‘డ్రాగన్‌ ’ అనే టైటిల్‌ పరిశీలనలో ఉందని ఫిల్మ్‌నగర్‌ టాక్‌. ఇదిలా ఉంటే... ప్రస్తుతం ఈ సినిమా చిత్రీకరణ హైదరాబాద్‌ సమీపంలోని ఆర్‌ఎఫ్‌సీలో శరవేగంగా జరుగుతోంది. అక్కడి స్టూడియోలో వేసిన ప్రత్యేకమైన సెట్‌లో ఎన్టీఆర్‌పై కీలక సన్నివేశాలను తెరకెక్కిస్తున్నారట ప్రశాంత్‌ నీల్‌. ఈ సెట్‌లోనే జరిగిన గత షెడ్యూల్స్‌లో ఓ నైట్‌ సాంగ్‌ని, ఓ యాక్షన్‌ సీక్వెన్స్ను కూడా చిత్రీకరించారని తెలిసింది. ప్రస్తుత షెడ్యూల్‌లో ఎన్టీఆర్‌పై కొన్ని కీలక సన్నివేశాల చిత్రీకరణ జరగనుందని సమాచారం. ఈ షెడ్యూల్‌ జనవరి ఆఖరు వరకు సాగుతుందట. ఈ చిత్రానికి సంబంధించిన ప్రతిదీ టాక్‌ ఆఫ్‌ ది ఇండస్ట్రీగా మారుతోంది. మూడువేల మంది జూనియర్‌ ఆర్టిస్టులతో చిత్రీకరించిన ఓ భారీ యాక్షన్‌ ఎపిసోడ్, అలాగే సుమారు 2000 మందితో తెరకెక్కించిన ఓ పాట... సుమారు పదిహేను కోట్ల రూ పాయలతో వేసిన ఎన్టీఆర్‌ ఇంటి సెట్‌... ఇలా అన్నీ హైలెట్‌గా మారాయి. ఈ చిత్రం ఈ ఏడాది జూన్‌ 25న పాన్‌ ఇండియా స్థాయిలో విడుదల కానుంది. ఈ సినిమాకు ‘కేజీఎఫ్, సలార్, మార్కో’ చిత్రాల ఫేమ్‌ రవి బస్రూర్‌ సంగీతం అందిస్తున్నారు. రామ్‌చరణ్‌ అజీజ్‌నగర్‌లో... రామ్‌చరణ్‌ హీరోగా నటిస్తున్న తాజా పాన్‌ ఇండియన్‌ ఫిల్మ్‌ ‘పెద్ది’. తొలి సినిమా ‘ఉప్పెన’తో (2021) బ్లాక్‌బస్టర్‌ అందుకున్న బుచ్చిబాబు సానా ఈ మూవీకి దర్శకత్వం వహిస్తున్నారు. మైత్రీ మూవీ మేకర్స్, సుకుమార్‌ రైటింగ్స్‌ సమర్పణలో వృద్ధి సినిమాస్‌పై వెంకట సతీష్‌ కిలారు నిర్మిస్తున్నారు. ఈ చిత్రంలో రామ్‌చరణ్‌కి జోడీగా జాన్వీ కపూర్‌ నటిస్తున్నారు. జగపతిబాబు, శివ రాజ్‌కుమార్, దివ్యేందు శర్మ, బొమన్‌ ఇరానీ కీలక పాత్రలు పోషిస్తున్నారు. విలేజ్‌ స్పోర్ట్స్‌ డ్రామాగా రూపొందుతోన్న ఈ సినిమా తాజా షెడ్యూల్‌ హైదరాబాద్‌లో సమీపంలోని అజీజ్‌ నగర్‌లో జరుగుతోంది.రామ్‌ చరణ్‌తో పాటు ముఖ్య తారాగణంపై కీలక సన్నివేశాలను చిత్రీకరిస్తున్నారట బుచ్చిబాబు. ‘రంగస్థలం’ (2018) వంటి బ్లాక్‌బస్టర్‌ మూవీ తర్వాత ‘పెద్ది’ చిత్రంలోనూ ఫుల్‌ మాస్‌ లుక్‌లో కనిపించనున్నారు రామ్‌చరణ్‌. ఆట కూలీ అనే కొత్త కాన్సెప్ట్‌ను ఈ సినిమా ద్వారా తెలుగు ఆడియన్స్‌కు పరిచయం చేయబోతున్నారు దర్శకుడు. వింటేజ్‌ స్పోర్ట్స్‌ డ్రామాగా రూపొందుతున్న ఈ మూవీలో చరణ్‌ చేస్తున్న క్యారెక్టర్‌ తన కెరీర్‌లోనే ఇంట్రస్టింగ్‌ అని టాక్‌.రామ్‌ చరణ్‌ పుట్టినరోజు సందర్భంగా ఈ ఏడాది మార్చి 27న ఈ సినిమాని విడుదల చేయనున్నట్లు చిత్రబృందం ప్రకటించిన సంగతి తెలిసిందే. అందుకు తగ్గట్టే షూటింగ్‌ శరవేగంగా సాగుతోందని టాక్‌. అయితే ఓ వైపు షూటింగ్‌ జరగుతుండటం, మరోవైపు పోస్ట్‌ ప్రోడక్షన్‌ వర్క్స్‌ జరుగుతుండటంతో అనుకున్న సమయానికి సినిమా ప్రేక్షకుల ముందుకు రాకపోవచ్చనే ప్రచారం ఫిల్మ్‌నగర్‌లో జరుగుతోంది. కానీ ముందుగా ప్రకటించిన మార్చి 27నే ‘పెద్ది’ విడుదలవుతుందని తాజాగా ఓ ఇంటర్వ్యూలో స్పష్టం చేశారు రామ్‌చరణ్‌. ఏఆర్‌ రెహమాన్‌ సంగీతం అందించిన ఈ సినిమా నుంచి ఇప్పటికే విడుదలైన ‘చికిరి చికిరి...’ పాట 200 మిలియన్లకు పైగా వ్యూస్‌ సాధించినట్లు చిత్రబృందం ప్రకటించిన సంగతి తెలిసిందే. విజయ్‌ దేవరకొండ గండిపేటలో... విజయ్‌ దేవరకొండ హీరోగా నటిస్తున్న తాజా చిత్రం ‘రౌడీ జనార్థన’. ‘రాజావారు రాణిగారు’ (2019) సినిమాతో దర్శకుడిగా తన ప్రతిభని నిరూపించుకున్న రవికిరణ్‌ కోలా ఈ మూవీకి దర్శకత్వం వహిస్తున్నారు. ఈ చిత్రంలో కీర్తీ సురేష్‌ హీరోయిన్‌ గా నటిస్తున్నారు. ‘దిల్‌’ రాజు, శిరీష్‌ నిర్మిస్తున్నారు. రూరల్‌ యాక్షన్‌ డ్రామాగా రూపొందుతోంది. ఈ మూవీ చిత్రీకరణ ప్రస్తుతం హైదరాబాద్‌ సమీపంలోని గండిపేటలో జరుగుతోంది. విజయ్‌ దేవరకొండ, కీర్తీ సురేష్‌లపై ముఖ్యమైన సన్నివేశాలను తెరకెక్కిస్తున్నారట రవికిరణ్‌ కోలా. ‘‘రౌడీ జనార్థన’ కథ 1980 దశకం నేపథ్యంలో సాగుతుంది. ఔట్‌ అండ్‌ ఔట్‌ మాస్‌ క్యారెక్టర్‌లో విజయ్‌ కనిపించబోతున్నారు. ఈ మూవీ కోసం విజయ్‌ తొలిసారిగా ఈస్ట్‌ గోదావరి యాసలో డైలాగులు చెబుతున్నారు. ఇప్పటివరకు ఇంత మాస్, బ్లడ్‌ షెడ్‌ ఉన్న క్యారెక్టర్‌ని ఆయన చేయలేదు’’ అని చిత్రబృందం పేర్కొంది. ఈ ఏడాది డిసెంబరులో ‘రౌడీ జనార్థన’ విడుదల కానుంది. సాయిదుర్గాతేజ్‌ తుక్కుగూడలో..‘విరూ పాక్ష’, ‘బ్రో’ వంటి హిట్‌ సినిమాల తర్వాత సాయిదుర్గా తేజ్‌ నటిస్తున్న తాజా చిత్రం ‘ఎస్‌వైజీ’ (సంబరాల ఏటిగట్టు). ఈ సినిమా ద్వారా రోహిత్‌ కేపీ దర్శకునిగా పరిచయమవుతున్నారు. ఈ చిత్రంలో ఐశ్వర్యా లక్ష్మి హీరోయిన్‌గా నటిస్తున్నారు. జగపతిబాబు, సాయికుమార్, శ్రీకాంత్, అనన్య నాగళ్ల కీలక పాత్రలు పోషిస్తున్నారు. ప్రైమ్‌షో ఎంటర్‌టైన్‌ మెంట్‌పై ‘హను–మాన్‌’ (2024) చిత్రంతో పాన్‌ ఇండియన్‌ హిట్‌ అందుకున్న కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు.ఈ చిత్రం తెలుగు, తమిళ, హిందీ, కన్నడ, మలయాళ భాషల్లో పాన్‌ ఇండియా స్థాయిలో రిలీజ్‌ కానుంది. ఇదిలా ఉంటే... ఈ సినిమా షూటింగ్‌ ప్రస్తుతం హైదరాబాద్‌ సమీపంలోని తుక్కుగూడలో జరుగుతోంది. అక్కడ ప్రత్యేకంగా వేసిన సెట్‌లో లాంగ్‌ షెడ్యూల్‌ జరుపుతున్నారు మేకర్స్‌. ఈ షెడ్యూల్‌లో సాయిదుర్గా తేజ్‌తో పాటు ప్రధాన తారాగణంపై కీలక సన్నివేశాలను చిత్రీకరిస్తున్నారు దర్శకుడు.ఈ మూవీ షూటింగ్‌ పూర్తి కాకపోవడంతో ఇప్పటికే పలుమార్లు విడుదల వాయిదా పడుతూ వస్తోంది. సాయిదుర్గా తేజ్‌ పుట్టినరోజు సందర్భంగా 2025 అక్టోబరు 15న ‘అసుర ఆగమన’ పేరుతో నిర్వహించిన కార్యక్రమంలో ఈ మూవీ గ్లింప్స్‌ను విడుదల చేశారు. ఈ సినిమాలో తన పాత్ర కోసం సాయిదుర్గా తేజ్‌ కండలు తిరిగిన దేహంతో, గుబురు గెడ్డంతో ఫుల్‌గా మేకోవర్‌ అయ్యారు. ఈ మూవీకి బి.అజనీష్‌ లోకనాథ్‌ సంగీతం అందిస్తున్నారు. నాని ముచ్చింతల్‌లో.. నాని హీరోగా శ్రీకాంత్‌ ఓదెల దర్శకత్వం వహించిన తొలి చిత్రం ‘దసరా’. కీర్తీ సురేష్‌ హీరోయిన్‌గా నటించిన ఈ మూవీని ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మించారు. 2023 మార్చి 30న విడుదలైన ఈ మూవీ ఘనవిజయం సాధించింది. ‘దసరా’ వంటి హిట్‌ మూవీ తర్వాత హీరో నాని, డైరెక్టర్‌ శ్రీకాంత్‌ ఓదెల, నిర్మాత సుధాకర్‌ చెరుకూరి కాంబినేషన్‌లో తెరకెక్కుతోన్న తాజా చిత్రం ‘ది ప్యారడైజ్‌’. ఎస్‌ఎల్‌వీ సినిమాస్‌పై సుధాకర్‌ చెరుకూరి నిర్మిస్తున్నారు. ఈ మూవీలో మంచు మోహన్‌ బాబు, రాఘవ్‌ జుయల్‌ కీలక పాత్రలు పోషిస్తున్నారు.యాక్షన్‌ ఎంటర్‌టైనర్‌గా రూపొందుతోన్న ఈ సినిమా చిత్రీకరణ ప్రస్తుతం శంషాబాద్‌ సమీపంలోని ముచ్చింతల్‌లో శరవేగంగా జరుగుతోంది. ప్రత్యేకంగా వేసిన సెట్స్‌లో జరుగుతున్న ఈ షెడ్యూల్‌లో నానితో పాటు చిత్రంలోని ప్రధాన తారాగణం పాల్గొంటోంది. ఈ సన్నివేశాలు ఈ సినిమాకి ప్రత్యేక ఆకర్షణగా నిలుస్తాయట. జనవరి నెలాఖరు వరకు ఈ షెడ్యూల్‌ కొనసాగే అవకాశముందని తెలిసింది. పీరియాడిక్‌ యాక్షన్‌ డ్రామాగా రూపొందుతోన్న ఈ చిత్రంలో జడల్‌ అనే శక్తిమంతమైన పాత్రలో నాని కనిపించనున్నారు. ఇప్పటికే విడుదల చేసిన స్టిల్‌లో నాని రెండు జడలు వేసుకుని, పక్కా మాస్‌ లుక్‌లో కనిపించగా అద్భుతమైన స్పందన వచ్చింది.నాని లుక్, స్టోరీ, టేకింగ్‌... ఇలా ప్రతిదీ వైవిధ్యంగా ఉండేలా తెరకెక్కిస్తున్నారట శ్రీకాంత్‌ ఓదెల. ఈ సినిమాని తెలుగుతో పాటు హిందీ, తమిళ, కన్నడ, మలయాళ, బెంగాలీ, ఇంగ్లిష్, స్పానిష్‌ భాషల్లో ఈ ఏడాది మార్చి 26న విడుదల చేయనున్నట్లు చిత్రయూనిట్‌ ఇప్పటికే ప్రకటించింది. అయితే మార్చి 27న రామ్‌చరణ్‌ హీరోగా నటిస్తున్న ‘పెద్ది’ సినిమా విడుదలవుతుండటంతో డేట్స్‌ క్లాష్‌ అయ్యే అవకాశం ఉన్నందువల్ల ఈ మూవీ రిలీజ్‌ ఉండకపోవచ్చనే వార్తలు సోషల్‌ మీడియాలో వినిపిస్తున్నాయి.ఈ విషయాలపై చిత్ర నిర్మాత సుధాకర్‌ చెరుకూరి స్పష్టత ఇచ్చారు. ‘‘ది ప్యారడైజ్‌’ చిత్రీకరణ 60 శాతం పూర్తయింది. సినిమాకి సంబంధించిన కీలకమైన సన్నివేశాలన్నింటినీ పూర్తి చేశాం. పాటలు, ఫైట్స్‌ దాదాపు పూర్తయ్యాయి. అయితే టాకీ పార్ట్‌ మాత్రమే పూర్తవ్వాల్సి ఉంది. అది కూడా వీలైనంత త్వరలో పూర్తి చేస్తాం. అయితే ‘పెద్ది’ సినిమాతో పోటీ పడి మా ‘ది ప్యారడైజ్‌’ని విడుదల చేయం. రెండు సినిమాలను ఒకేసారి రిలీజ్‌ చేయకుండా వేర్వేరు తేదీల్లో రిలీజ్‌ చేసే ΄్లాన్‌ చేసే ఆలోచన కూడా ఉంది’’ అని సుధాకర్‌ చెరుకూరి తెలి పారు. ఈ చిత్రానికి అనిరుధ్‌ సంగీతం అందిస్తున్నారు. పైన పేర్కొన్న సినిమాలే కాదు... మరికొన్ని చిన్న, పెద్ద సినిమాలు కూడా హైదరాబాద్‌లో, పరిసర ప్రాంతాల్లో చిత్రీకరణ జరుపుకుంటున్నాయి. – డేరంగుల జగన్‌ మోహన్‌

టైటిల్‌: ‘మన శంకరవరప్రసాద్‌ గారు’నటీనటులు: చిరంజీవి, వెంకటేశ్‌, నయనతార, కేథరిన్‌ థ్రెసా, సచిన్‌ ఖేడ్కేర్‌, రఘుబాబు, అభినవ్‌ గోమఠం తదితరులునిర్మాణ సంస్థ:షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్నిర్మాతలు: సాహు గారపాటి, సుస్మిత కొణిదెలరచన-దర్శకత్వం: అనిల్‌ రావిపూడిసంగీతం: భీమ్స్‌ సిసిరోలియోసినిమాటోగ్రఫీ: సమీర్‌ రెడ్డిఎడిటర్‌: తమ్మిరాజువిడుదల తేది: జనవరి 12, 2026ఈ సంక్రాంతికి బరిలోకి దిగిన రెండో పుంజు ‘మన శంకరవరప్రసాద్‌ గారు’. ‘భోళా శంకర్’ లాంటి డిజాస్టర్‌ తర్వాత రెండేళ్ల గ్యాప్‌ తీసుకొని చిరంజీవి ఈ చిత్రంలో ప్రేక్షకుల ముందుకు వచ్చాడు. ఇప్పటికే ఈ చిత్రం నుంచి విడుదలైన పాటలు, ట్రైలర్‌కు ప్రేక్షకుల నుంచి భారీ స్పందన లభించింది. దానికి తోడు ప్రమోషన్స్‌ కూడా గట్టిగా చేయడంతో ఈ మూవీపై బజ్‌ క్రియేట్‌ అయింది. భారీ అంచనాల మధ్య నేడు(జనవరి 12) ఈ చిత్రం ప్రేక్షకుల ముందుకు వచ్చింది. మరి ఈ సినిమా థియేటర్లలో ప్రేక్షకులకు ఎలాంటి అనుభూతి అందించింది? చిరు ఖాతాలో భారీ హిట్‌ పడిందా లేదా? రివ్యూలో చూద్దాం. (Mana Shankara Vara Prasad Garu Movie Review)కథశంకరవరప్రసాద్‌(చిరంజీవి) నేషనల్‌ సెక్యూరిటీ ఆఫీసర్‌. ఆయన టీమ్‌(కేథరీన్‌, హర్ష వర్ధన్‌, అభినవ్‌ గోమఠం) కేంద్ర హోంమంత్రి నితీష్‌ శర్మ(శరత్‌ సక్సేనా) రక్షణ బాధ్యలతను చూస్తుంటుంది. వృత్తిపట్ల ఎంతో నిబద్ధతతో ఉండే శంకరవరప్రసాద్‌.. పర్సనల్‌ లైఫ్‌ని లీడ్‌ చేయడంలో మాత్రం ఫెయిల్‌ అవుతాడు. ఇద్దరు పిల్లలు పుట్టిన తర్వాత భార్య శశిరేఖ(నయనతార) అతనికి విడాకులు ఇచ్చి.. బడా వ్యాపారవేత్త అయిన తన తండ్రి జీవీఆర్‌(సచిన్‌ ఖేడ్కెర్‌) దగ్గరకు వెళ్తుంది. పిల్లలను కూడా చూపించపోవడంతో ఆరేళ్లుగా వరప్రసాద్‌ అదే బాధలో ఉంటాడు. ఈ విషయం తెలుసుకున్న మంత్రి నితీష్‌.. తనకున్న పలుకుబడితో బోర్డింగ్‌ స్కూల్‌లో చదువుతున్న తన పిల్లలకు పీఈటీ టీచర్‌గా వరప్రసాద్‌ని పంపిస్తాడు. తండ్రిపై ద్వేషం పెంచుకున్న పిల్లలకు వరప్రసాద్‌ ఎలా దగ్గరయ్యాడు? అసలు శశిరేఖ, వరప్రసాద్‌ విడిపోవడానికి గల కారణం ఏంటి? మైనింగ్‌ వ్యాపారవేత్త వెంకీ గౌడ(వెంకటేశ్‌), శశిరేఖకు మధ్య ఉన్న సంబంధం ఏంటి? చివరకు శశిరేఖ, వరప్రసాద్‌ మళ్లీ కలిశారా? లేదా? అనేది తెలియాలంటే సినిమా చూడాల్సిందే..ఎలా ఉందంటే..అనిల్‌ రావిపూడి సినిమాల్లో కథ పెద్దగా ఉండదు. ఆయన సినిమాలో కొత్తదనం, ట్విస్టులు, లాజిక్కుల గురించి వెతకడం అంటే.. ప్యూర్ వెజ్ రెస్టారెంట్‌కి వెళ్లి చికెన్‌ బిర్యానీ ఆర్డర్‌ ఇచ్చినట్టే ఉంటుంది. పాత కథతోనే ఫ్యామిలీ ఆడియన్స్‌ని థియేటర్స్‌కు రప్పించడం ఆయన స్టైల్‌. కథ-కథనం కంటే.. హీరోకి ఉన్న ప్లస్‌ పాయింట్స్‌ని ఎలా వాడుకోవాలనేదానిపైనే ఎక్కువ ఫోకస్‌ పెడతాడు. హీరోని ఎలా చూపిస్తే.. ఆడియన్స్‌ కనెక్ట్‌ అవుతారు? ఎక్కడ ఏ సీన్‌ పెడితే నవ్వుకుంటారు? అనేది అనిల్‌కి బాగా తెలుసు. ఇప్పటి వరకు ఆయన తీసిన సినిమాలన్నింటికీ ఇదే మ్యాజిక్‌ వర్కౌట్‌ అయింది. ఇప్పుడు మన శంకరవరప్రసాద్‌ గారు చిత్రానికి కూడా అనిల్‌ ఆ పనే చేశాడు. మెగాస్టార్‌ చిరంజీవి కామెడీ టైమింగ్‌ని గట్టిగా వాడుకొని.. ఫ్యాన్స్‌ ఆయన్ని తెరపై ఎలా చూడాలని కోరుకుంటున్నారో అలాగే చూపించాడు. అలా అని చిరులో ఉన్న మాస్‌ యాంగిల్‌ని పక్కన పెట్టలేదు. మధ్య మధ్యలో యాక్షన్‌ సీన్లను పెట్టి మాస్‌ లుక్‌ని కూడా చూపించాడు. అయితే ముందుగా చెప్పినట్లు ఈ సినిమాలో చెప్పుకోవడానికి కథే లేదు. కోపంలో విడాకులు తీసుకున్న భార్యను పొందేందుకు భర్త చేసిన ప్రయత్నమే ఈ సినిమా కథ. ఇక్కడ అనిల్‌ రావిపూడి చేసిన మ్యాజిక్‌ ఏంటంటే.. ఈ సింపుల్‌ లైన్‌కి చిరంజీవి మేనరిజాన్ని హైలెట్‌ చేసేలా సన్నివేశాలు అల్లుకోవడమే! ఈ మధ్య కాలంలో... ఇంకా చెప్పాలంటే రీఎంట్రీ తర్వాత చిరంజీవిని తెరపై ఇంత స్టైలిష్‌గా, ఇంత హుషారుగా ఎవరూ చూపించలేదు. ఈ రకంగా చూస్తే చిరంజీవి ఫ్యాన్స్‌కి ఇది స్పెషల్‌ చిత్రమే. అయితే కథగా చూస్తే మాత్రం మెగాస్టార్‌ చిరంజీవి స్థాయికి సరిపోలేదనే చెప్పాలి. ఒకానొక దశలో చిరంజీవిని చిన్న కమెడియన్‌లా చూపించారనే ఫీలింగ్‌ కలుగుతుంది.ఓ రౌడీ ముఠా.. హోం మంత్రికి వార్నింగ్‌ ఇచ్చే సీన్‌తో కథ ప్రారంభం అవుతుంది. చిరు ఎంట్రీ సీన్‌తోనే అనిల్‌ రావిపూడి తరహా కామెడీ ప్రారంభం అవుతుంది. హుక్‌ స్టెప్‌ సాంగ్‌ వరకు కథనం రొటీన్‌గానే సాగుతుంది. ఇక వరప్రసాద్‌ ఫ్లాష్‌బ్యాక్‌ ఎపిసోడ్‌ నుంచి అసలు కథ ప్రారంభం అవుతుంది. వరప్రసాద్‌- శశిరేఖల ప్రేమ.. పెళ్లి.. విడాకులకు దారీతీసిన సంఘటనలు అన్నీ నవ్వులు పూయిస్తాయి. స్కూల్‌ ఎపిసోడ్‌ స్టార్ట్‌ అయ్యాక కథనం కాస్త బోరింగ్‌గా సాగుతుంది. బుల్లిరాజా(రేవంత్‌) ఎంట్రీతో మళ్లీ నవ్వులు మొదలవుతాయి. ఇలా ప్రేక్షకుడికి బోర్‌ కొట్టకుండా ప్రతి పది నిమిషాలకు ఒక కామెడీ సీన్‌ని పెట్టి ఫస్టాఫ్ ముగించాడు. ఇక సెకండాఫ్‌ ప్రారంభంలో కథనం కాస్త నెమ్మదిగా సాగుతుంది. వీరేంద్ర పాండే పాత్ర ఎంట్రీతో మళ్లీ కథనం పుంజుకుంటుంది. కథతో సంబంధం లేకున్నా.. విడాకుల అంశంపై హీరో పాత్రతో ఓ మంచి సందేశం ఇప్పించాడు. అది కూడా కామెడీగానే చూపించినా.. సినిమా చూసిన ప్రేక్షకుడు కాస్త ఆలోచిస్తాడు. ఇక వెంకటేశ్‌ పాత్ర ఎంట్రీతో మళ్లీ నవ్వులు స్టార్ట్‌ అవుతాయి. వెంకీ గౌడగా వెంకటేశ్‌ ఎంట్రీ నుంచి కథనం పరుగులు పెడుతుంది. క్లైమాక్స్‌ రొటీన్‌గానే ఉంటుంది. సాధారణ సమయంలో రిలీజ్‌ అయితే ఫలితం ఎలా ఉండేదో తెలియదు కానీ.. సంక్రాంతి పండక్కి వచ్చి ‘మన శంకరవరప్రసాద్‌’ మంచి పనే చేశాడు. ముందుగా చెప్పినట్లుగా కొత్తదనం ఆశించకుండా, లాజిక్కులు వెతక్కుండా హాయిగా నవ్వుకోవడానికి అయితే ఈ సినిమా చూడొచ్చు. (Positives And Negatives Of Mana Shankara Vara Prasad Garu Movie)ఎవరెలా చేశారంటే.. ఈ సినిమాకు ప్రధాన బలం మెగాస్టార్‌ చిరంజీవినే. ఆయన లుక్స్‌, ఎక్స్‌ప్రెషన్స్‌, డైలాగులు.. ఇవన్నీ చూస్తే ఒకప్పటి మెగాస్టార్‌ మన కళ్లముందు కనిపిస్తాడు. ఒకవైపు తనదైన కామెడీ టైమింగ్‌తో ఆకట్టుకుంటూనే.. యాక్షన్‌ సీన్లను ఇరగదీశాడు. ఇక డ్యాన్స్‌ గురించి ప్రత్యేకంగా చెప్పనక్కర్లేదు. హుక్‌ స్టెప్‌ పాటకు ఆయన వేసిన స్టెప్పులకు థియేటర్స్‌లో విజిల్స్‌ వేయడం గ్యారెంటీ. శశిరేఖగా నయనతార తనదైన నటనతో ఆకట్టుకుంది. తెరపై అందంగా కనిపించింది. హీరో మామగారిగా సచిన్‌ ఖేడ్కర్‌ చక్కగా నటించాడు. వెంకీ గౌడ పాత్రలో వెంకటేశ్‌ ఒదిగిపోయాడు. చిరు-వెంకీ కాంబినేషన్‌లో వచ్చే సన్నివేశాలు ఫ్యాన్స్‌ని ఆకట్టుకుంటాయి. హీరో తల్లిగా జరీనా వాహబ్‌ తెరపై కనిపించేది కాసేపే అయినా.. నయనతారతో ఆమె చెప్పే సంభాషణలు ఆలోచింపజేస్తాయి. వరప్రసాద్‌ టీమ్‌ సభ్యులుగా నటించిన కేథరిన్‌, హర్షవర్ధన్‌, అభినవ్‌ గోమఠంతో పాటు మిగిలిన నటీనటులు కూడా తమ పాత్రల పరిధిమేరకు చక్కగా నటించారు. సాంకేతికంగా సినిమా చాలా బాగుంది. భీమ్స్‌ సంగీతం సినిమాకు మరో ప్రధాన బలం. మీసాల పిల్ల, హుక్ స్టెప్ సాంగ్‌ తెరపై మరింత ఆకట్టుకునేలా ఉన్నాయి. సినిమాటోగ్రఫీ చాలా బాగుంది.ఎడిటింగ్‌ పర్వాలేదు. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.- అంజి శెట్టె, సాక్షి వెబ్‌డెస్క్‌

తెలుగు సినిమా ఇండస్ట్రీలో దర్శకులు తమకంటూ ప్రత్యేకమైన సినిమాటిక్ యూనివర్స్‌లు సృష్టించుకోవడం కొత్తేమీ కాదు. ఒక సినిమాలో పాత హిట్ సినిమాల రిఫరెన్సులు, క్యారెక్టర్లు వాడుతూ ప్రేక్షకులకు కొత్త అనుభూతి ఇవ్వడం ఇప్పుడు ట్రెండ్‌గా మారిన విషయం తెలిసిందే. అలాంటి మరో యూనివర్స్ క్రియేట్ చేసే అవకాశం గురించి దర్శకుడు అనిల్ రావిపూడి తాజాగా స్పందించారు. చిరంజీవి, వెంకటేశ్ లాంటి ఇద్దరు స్టార్ హీరోలను ఒకే ఫ్రేమ్‌లో పెట్టి సినిమా తీసిన ఆయన, ఈ కాంబినేషన్‌తో యూనివర్స్ సృష్టించే ఆలోచన ఉందా అన్న ప్రశ్నకు సమాధానం ఇచ్చారు. సంక్రాంతికి వస్తున్నాం సినిమాలో వెంకటేశ్ పోలీస్ పాత్రలో కనిపించారు. కానీ చిరంజీవి సినిమాలో మాత్రం ఆయనను మైనింగ్ డాన్ వెంకీ గౌడగా చూపిస్తున్నట్టు అనిల్ రావిపూడి స్పష్టం చేశారు. అంటే ఈ రెండు సినిమాలు ఒకే యూనివర్స్‌లో లేవని ఆయన క్లారిటీ ఇచ్చారు. అయితే భవిష్యత్తులో వెంకటేశ్‌తో మరో సినిమా చేసే అవకాశం వస్తే మాత్రం అందులో తప్పకుండా చిరంజీవి క్యామియో పెట్టే ప్రయత్నం చేస్తాను. అప్పుడు తనకంటూ ప్రత్యేకమైన వరప్రసాద్ యూనివర్స్‌ను సృష్టిస్తానని ఆయన చెప్పారు. అంటే రాబోయే రోజుల్లో వెంకీ హీరోగా నటించే సినిమాలో చిరంజీవి శంకర వరప్రసాద్‌గా కనిపించే అవకాశం ఉందన్నమాట. ఈ ఆలోచన నిజంగా ప్రేక్షకులకు పెద్ద కిక్ ఇచ్చేలా ఉంది. అభిమానులు కూడా ఆ రోజు త్వరగా రావాలని కోరుకోవడంలో ఆశ్చర్యం లేదు.

మెగాస్టార్‌ చిరంజీవి నటించిన 'మన శంకర వరప్రసాద్‌గారు' ట్రైలర్‌ వచ్చేసింది. దర్శకుడు అనిల్‌ రావిపూడి తెరకెక్కించిన ఈ మూవీలో వెంకటేశ​్‌ ముఖ్యమైన పాత్రలో నటించారు. నయనతార హీరోయిన్‌. ఈ సంక్రాంతి కానుకగా జనవరి 12న ఈ చిత్రం ప్రపంచవ్యాప్తంగా విడుదల కానుంది. ఇప్పటికే వచ్చిన సాంగ్స్‌, పోస్టర్స్‌ ప్రేక్షకులను మెప్పించాయి. ఇప్పటివరకూ చూడని సరికొత్త చిరంజీవిని ఈ చిత్రంలో చూడబోతున్నారంటూ అనిల్‌ రావిపూడి చెప్పడంతో అభిమానుల్లో భారీ అంచనాలు పెరిగాయి.తాజాగా విడుదలైన ట్రైలర్‌ ప్రేక్షకులను మెప్పించేలా ఉంది. తనదైన మార్క్‌తో ఈ ట్రైలర్‌ను అనిల్‌ కట్‌ చేశారు. కామెడీ పంచ్‌లతో పాటు చిరంజీవి మెరుపులు కూడా చూడొచ్చు. కేవలం కామెడీ మాత్రమే కాకుండా చిరును ఫుల్‌ యాక్షన్‌ మోడ్‌లో కూడా చూపించినట్లు తెలుస్తోంది.

వెంకటేశ్ పట్నాలా స్వీయ దర్శకత్వంలో వస్తోన్న చిత్రం ఆల్పా రిడంప్షన్. తానే హీరోగా నటిస్తూ పట్నాలా ఫిల్మ్స్ బ్యానర్‌లో ఈ మూవీని నిర్మించారు. విభిన్న కథా చిత్రంగా ప్రేక్షకుల ముందుకు తీసుకొస్తున్నారు. యాక్షన్ అండ్ ఎమోషనల్ డ్రామాగా వస్తోన్న ఈ సినిమా అన్ని కార్యక్రమాలను పూర్తి చేసుకుని జనవరి 3న థియేటర్లలో విడుదల కానుంది.​ఈ చిత్రాన్ని సైకలాజికల్ యాక్షన్ డ్రామాగా రూపొందించినట్లు తెలుస్తోంది. ఇప్పటికే విడుదలైన ట్రైలర్ మూవీ కథేంటో ‍అర్థమవుతోంది. రెగ్యులర్ యాక్షన్ సినిమాలకు భిన్నంగా తెరకెక్కించారు. మనిషిలోని భావోద్వేగాలను, ప్రాయశ్చిత్తాన్ని చూపే సరికొత్త కథాంశంతో ప్రేక్షకుల ముందుకు తీసుకొస్తున్నారు. ఈ సినిమాకు భువన్, మార్టిన్ సంగీతమందించారు.

తెలుగు చలనచిత్ర పరిశ్రమలో అగ్ర హీరోలైన చిరంజీవి, వెంకటేశ్‌ కలిసి ఓ మాస్‌ సాంగ్‌లో చిందేశారు. మరి... వారి డ్యాన్స్‌లు ఏ రేంజ్‌లో ఉన్నాయో తెలియాలంటే ఈ నెల 30 వరకూ వేచి చూడాల్సిందే. చిరంజీవి హీరోగా నటించిన చిత్రం ‘మన శంకరవరప్రసాద్‌గారు’. ‘పండగకి వస్తున్నారు’ అన్నది ట్యాగ్‌లైన్‌. ఈ ఏడాది సంక్రాంతికి వెంకటేశ్‌ హీరోగా నటించిన ‘సంక్రాంతికి వస్తున్నాం’ మూవీతో బ్లాక్‌బస్టర్‌ అందుకున్న అనిల్‌ రావిపూడి ఈ మూవీకి దర్శకత్వం వహించారు. నయనతార హీరోయిన్‌గా నటించిన ఈ సినిమాలో హీరో వెంకటేశ్‌ ముఖ్యపాత్ర పోషించారు.అర్చన సమర్పణలో సాహు గార΄ాటి, సుష్మిత కొణిదెల నిర్మించారు. సంక్రాంతి సందర్భంగా ‘మన శంకరవరప్రసాద్‌గారు’ 2026 జనవరి 12న ప్రేక్షకుల ముందుకు రానుంది. భీమ్స్‌ సిసిరోలియో సంగీతం అందించిన ఈ మూవీ నుంచి ఇప్పటికే ‘మీసాల పిల్ల...’, ‘శశిరేఖ..’పాటలు విడుదలైన సంగతి తెలిసిందే. ఈ చిత్రం కోసం చిరంజీవి, వెంకటేశ్‌ ఓ మాస్‌ నంబర్‌కి డ్యాన్స్‌ చేశారు. ఈపాట ప్రోమోని నేడు రిలీజ్‌ చేసి, పూర్తిపాటని ఈ నెల 30న విడుదల చేయనున్నట్లు ప్రకటించి, ‘మెగా విక్టరీ మాస్‌ సాంగ్‌’ కమింగ్‌ అంటూ చిరంజీవి, వెంకటేశ్‌ డ్యాన్స్‌ చేస్తున్న పోస్టర్‌ని రిలీజ్‌ చేశారు మేకర్స్‌. ఈ చిత్రానికి కెమెరా: సమీర్‌ రెడ్డి.

వెంకటేశ్‌, ఆర్తి అగర్వాల్‌ హీరో, హీరోయిన్లుగా బ్లాక్‌ బస్టర్‌ మూవీ నువ్వు నాకు నచ్చావ్. ఈ చిత్రానికి కె విజయభాస్కర్‌ దర్శకత్వం వహించారు. ఈ సినిమాకు త్రివిక్రమ్‌ కథ, డైలాగ్స్‌ అందించగా.. స్రవంతి రవికిశోర్‌ నిర్మించారు. ఈ మూవీ 2001 సెప్టెంబర్‌ 6న విడుదలై సూపర్ హిట్‌గా నిలిచింది.దాదాపు 25 ఏళ్ల తర్వాత ఈ మూవీ మరోసారి ప్రేక్షకుల ముందుకు తీసుకొస్తున్నారు. ఈ చిత్రాన్ని జనవరి 1న 4కే వెర్షన్‌తో ప్రపంచవ్యాప్తగా రీ రిలీజ్‌ చేయనున్నారు. ఈ సందర్భంగా రీ రిలీజ్ ట్రైలర్‌ను మేకర్స్ విడుదల చేశారు. 4కె వర్షన్‌లో రిలీజైన ట్రైలర్ వెంకీ మామ ఫ్యాన్స్‌ను విపరీతంగా ఆకట్టుకుంటోంది.ఈ తెలుగు సినిమా చరిత్రలో ఓ మైలురాయిగా నిలిచిన చిత్రమని నిర్మాత రవికిశోర్‌ అన్నారు. నువ్వు నాకు నచ్చావ్‌. ఇది కేవలం రీ రిలీజ్‌ మాత్రమే కాదని.. నూతన సంవత్సరాన్ని కుటుంబంతో కలిసి నవ్వులు పూయిస్తూ ప్రారంభించడానికి ఇదే సరైన సమయమని అన్నారు.

పాన్‌ ఇండియా సినిమాకే కేరాఫ్‌గా మారింది టాలీవుడ్‌. ప్రభాస్‌, అల్లు అర్జున్‌, ఎన్టీఆర్‌, రామ్‌ చరణ్‌ లాంటి స్టార్‌ హీరోలతో పాటు తేజ సజ్జ, నిఖిల్‌ లాంటి కుర్ర హీరోలు కూడా వరుసగా పాన్‌ ఇండియా సినిమాలను రిలీజ్‌ చేస్తూ తమ పాపులారిటినీ పెంచుకుంటున్నారు. అదే జోష్‌లో మన సీనియర్‌ హీరోలు కూడా పాన్‌ ఇండియా మార్కెట్‌లో నిలబడాలని ప్రయత్నాలు చేశారు. కానీ అవేవి వర్కౌట్‌ అవ్వడం లేదు.మెగాస్టార్‌ చిరంజీవికి తెలుగు రాష్ట్రాలతో విపరీతమైన ఫ్యాన్‌ ఫాలోయింగ్‌ ఉంది. కొన్నేళ్ల పాటు సినిమాలను ఆపేసినా కూడా ఆయన మార్కెట్‌ చెక్కుచెదరలేదు. కానీ పాన్‌ ఇండియా మార్కెట్‌లో మాత్రం చిరంజీవి ఫ్లాప్‌ అవ్వాలి. గాడ్‌ ఫాదర్‌ చిత్రంతో పాన్‌ ఇండియాలో మార్కెట్‌లోకి అడుగుపెట్టాడు. ఆ చిత్రంలో సల్మాన్‌ ఖాన్‌ లాంటి బాలీవుడ్‌ హీరో నటించినా.. పాన్‌ ఇండియా బాక్సాఫీస్‌ వద్ద దరుణంగా బోల్తా పడింది. దీంతో చిరు పాన్‌ ఇండియా ప్రయత్నాలు వదిలేసి.. మళ్లీ లోకల్‌ చిత్రాలపైనే ఫోకస్‌ పెట్టాడు. సంక్రాంతికి రాబోతున్న ‘మనశంకర్‌ వరప్రసాద్‌ గారు’ పక్కా తెలుగు సినిమా. ఇక్కడ హిట్‌ అయితే చాలు..పాన్‌ ఇండియా అవసరం లేదనుకొని, అదే రేంజ్‌లో ప్రమోషన్స్‌ చేస్తున్నారు.ఇక బాలయ్య కూడా పాన్‌ ఇండియాపై ఫోకస్‌ చేశాడు. అఖండ 2తో పాన్‌ ఇండియా స్టార్‌ అయిపోవాలని గట్టి ప్రయత్నమే చేశాడు. కానీ చిరంజీవి కంటే దారుణమే ఎదురుదెబ్బ తగిలింది. అఖండ 2 కోసం ముంబై, చెన్నై లాంటి ప్రాంతాల్లో ప్రమోషన్స్‌ చేశాడు. హిందీతో డైలాగులు చెప్పి అలరించాడు. కానీ అవేవి థియేటర్స్‌కి రప్పించలేకపోయాయి. బాలీవుడ్‌లో అఖండ 2 అట్టర్‌ ఫ్లాప్‌ అయింది.ఇక వెంకటేశ్‌ కూడా పాన్‌ ఇండియా మార్కెట్‌లో రాణించాలని ‘సైంధవ్‌’తో ప్రయత్నించాడు. కానీ అది వర్కౌట్‌ అవ్వలేదు. ఆ తర్వాత ఆయన పూర్తిగా తెలుగు ప్రేక్షకులకు నచ్చే కథలపైనే ఫోకస్‌ పెట్టాడు.మనో సీనియర్‌ హీరో నాగార్జున కూడా అంతే. పాన్‌ ఇండియా పై ఆయనకు మోజే లేదు. సోలోగా రాణించాలనే ఆశే లేదు. కుబేర, కూలి, బ్రహ్మాస్త్ర లాంటి సినిమాలతో పాన్‌ ఇండియా ప్రేక్షకులను పలకరించాడు కానీ.. హీరోగా మాత్రం అలాంటి ప్రయత్నం చేయలేదు. ఇలా టాలీవుడ్‌ సీనియర్లంతా పాన్‌ ఇండియా మార్కెట్‌ వద్ద ఫ్లాప్‌ అవుతూనే ఉన్నారు. మరి భవిష్యత్తులో అయినా హిట్‌ కొడతారో చూడాలి.

వెంకటేశ్‌, ఆర్తి అగర్వాల్‌ హీరోహీరోయిన్లుగా కె విజయభాస్కర్‌ దర్శకత్వంలో రూపొందిన చిత్రం నువ్వు నాకు నచ్చావ్‌. త్రివిక్రమ్‌ కథ, డైలాగ్స్‌ అందించిన ఈ సినిమాను స్రవంతి రవికిశోర్‌ నిర్మించారు. ఈ మూవీ 2001 సెప్టెంబర్‌ 6న విడుదలై బ్లాక్‌బస్టర్‌ విజయాన్ని సాధించింది. ఈ చిత్రాన్ని జనవరి 1న 4కే వెర్షన్‌తో ప్రపంచవ్యాప్తగా రీరిలీజ్‌ చేయనున్నట్లుగా స్రవంతి రవికిశోర్‌ తెలిపారు. ఈ సందర్భంగా రవికిశోర్‌ మాట్లాడుతూ.. తెలుగు సినిమా చరిత్రలో ఓ మైలురాయిగా నిలిచిన చిత్రం నువ్వు నాకు నచ్చావ్‌. ఇది కేవలం రీరిలీజ్‌ కాదు, నూతన సంవత్సరాన్ని (2026 జనవరి 1) కుటుంబంతో కలిసి నవ్వులు పూయిస్తూ ప్రారంభించడానికి ఇదే సరైన సమయం అని చెప్పారు. A story that made generations smile and continues to touch hearts across ages! ❤️A True Masterpiece in Telugu cinema, #NuvvuNaakuNachav returns with a theatrical re-release on Jan 1st, 2026! A #Trivikram Writings.Overseas Release by @PrathyangiraUS @VenkyMama… pic.twitter.com/RvFCMZOa0j— Sri Sravanthi Movies (@SravanthiMovies) December 14, 2025

‘‘మై డియర్‌ వెంకీ జన్మదిన శుభాకాంక్షలు. నువ్వెక్కడ ఉన్నా నీ చుట్టూ పాజిటివిటీ పంచుతుంటావు. ‘మన శంకర వరప్రసాద్‌గారు’ షూటింగ్‌లో మనం గడిపిన ప్రతి క్షణాన్ని నేనెంతో మధురంగా గుర్తు చేసుకుంటాను’’ అని సోషల్‌ మీడియా వేదికగా వెంకటేశ్‌కి జన్మదిన శుభాకాంక్షలు తెలిపారు చిరంజీవి. డిసెంబరు 13 వెంకటేశ్‌ బర్త్‌ డే. ఈ సందర్భంగా శుభాకాంక్షలు తెలియజేసి, ‘మన శంకరవరప్రసాద్‌గారు’లో ఆయన చేసిన కీ రోల్‌ లుక్‌ని విడుదల చేసింది యూనిట్‌. ఈ చిత్రంలో వెంకటేశ్‌ సూపర్‌ స్టైలిష్‌ క్యారెక్టర్‌ చేశారని లుక్‌ స్పష్టం చేస్తోంది. చిరంజీవి హీరోగా అనిల్‌ రావిపూడి దర్శకత్వంలో అర్చన సమర్పణలో సాహు గారపాటి, సుస్మిత కొణిదెల నిర్మించిన చిత్రం ‘మన శంకర వరప్రసాద్‌గారు’. చిరంజీవి సరసన నయనతార హీరోయిన్‌గా నటించారు. ఈ చిత్రాన్ని ప్రపంచవ్యాప్తంగా జనవరి 12న రిలీజ్‌ చేయనున్నామని శనివారం నిర్వహించిన విడుదల తేదీ ప్రకటన వేడుకలో దర్శక–నిర్మాతలు పేర్కొన్నారు.

కథ రాసుకోవడంతో సినిమా అయిపోదు, అక్కడే అసలు కథ మొదలువుతుంది. ఆ కథలోని పాత్రల ఎంపిక దగ్గరే దర్శకనిర్మాతలు మల్లగుల్లాలు పడుతుంటారు. విక్టరీ వెంకటేశ్‌ "ప్రేమంటే ఇదే రా" సినిమా విషయంలో ఇదే జరిగింది. జయంత్‌ సి. పరంజీ దర్శకత్వం వహించిన ఈ మూవీ అప్పట్లో సూపర్‌ హిట్‌గా నిలిచింది.ఫస్ట్‌ ఛాయిస్‌ ఐశ్వర్యఇందులో వెంకీ సరసన బాలీవుడ్‌ హీరోయిన్‌ ప్రీతి జింటాను తీసుకున్నారు. అయితే ప్రీతి కంటే ముందు చాలామందినే సంప్రదించారు. ఆ విషయం గురించి జయంత్‌ ఇటీవల ఓ ఇంటర్వ్యూలో మాట్లాడుతూ.. ఈ సినిమాకు ఫస్ట్‌ ఐశ్వర్యరాయ్‌ను అనుకున్నాం. తనకు కథ బాగా నచ్చి డేట్స్‌ కూడా ఇచ్చింది. కానీ అప్పటికే తన రెండు సినిమాలు ఫ్లాప్‌ అయ్యాయి.స్క్రీన్‌ టెస్ట్‌ కూడా పూర్తిదీంతో ఆమె ఐరన్‌ లెగ్‌ అని పక్కన పెట్టాం. అలా తనను వద్దని వేరే హీరోయిన్స్‌ దగ్గరకు వెళ్లాం. అమీషా పటేల్‌, రేణూ దేశాయ్‌ను స్క్రీన్‌ టెస్ట్‌ చేశాం. భూమిక చావ్లా, రీమా సేన్‌.. ఇలా చాలామందిని అనుకున్నాం. ఇంకో మూడునాలుగురోజుల్లో ముహూర్తం ఉందనగా రామానాయుడు స్టూడియోలో ఒంటరిగా కూర్చుని.. ఎవర్ని హీరోయిన్‌గా తీసుకోవాలి? అని తల పట్టుకున్నాను. ఐదు నిమిషాల్లో హీరోయిన్‌ ఫిక్స్‌సరిగ్గా అప్పుడే అనిల్‌ కపూర్‌ వచ్చి పలకరించాడు. నా సమస్య చెప్పాను. ఓ వాణిజ్య ప్రకటనలో నటించిన ప్రీతి జింటాను తీసుకోమని సలహా ఇచ్చాడు. తర్వాతి రోజే తనతో మీటింగ్‌ ఏర్పాటు చేశాడు. ఆమెతో మాట్లాడిన ఐదు నిమిషాల్లోనే తనే నా మూవీ హీరోయిన్‌ అని ఫిక్సయ్యాను అని చెప్పాడు. అలా ప్రేమంటే ఇదే రా మూవీతో ప్రీతి జింటా తెలుగులో ఎంట్రీ ఇచ్చింది.రీరిలీజ్‌ వాయిదా1998లో విడుదలైన ఈ సినిమా మ్యూజికల్‌గా కూడా చాలా పెద్ద హిట్టయింది. రమణ గోగుల.. నైజాం బాబులు, నాలో ఉన్న ప్రేమ వంటి హిట్‌ సాంగ్స్‌ అందించారు. అన్నీ కలిసొస్తే నేడు (డిసెంబర్‌ 13న) ప్రేమంటే ఇదేరా రీరిలీజ్‌ అయ్యేది. కానీ, ప్రస్తుతానికి వాయిదా పడింది.చదవండి: ఈ ఏడాది పెళ్లి చేసుకున్న తారలు వీళ్లే

టాలీవుడ్ హీరో విక్టరీ వెంకటేశ్‌ బర్త్ డే సందర్భంగా సూపర్ హిట్ మూవీ ప్రేమంటే ఇదేరా రీ రిలీజ్ చేయనున్నట్లు ప్రకటించారు. డిసెంబర్ 13న వెంకీ మామ పుట్టినరోజు కావడంతో ఫ్యాన్స్‌కు అదే రోజు సర్‌ప్రైజ్ ఇచ్చేందుకు రెడీ అయ్యారు. ఇప్పటికే ప్రేమంటే ఇదేరా 4కె ట్రైలర్‌ను మేకర్స్‌ రిలీజ్ చేశారు.తాజాగా వెంకీ ఫ్యాన్స్‌కు బ్యాడ్ న్యూస్‌ చెప్పారు మేకర్స్. ఈ మూవీని డిసెంబర్ 13న రీ రిలీజ్ చేయడం లేదని ప్రకటించారు. కొత్త రిలీడ్‌ డేట్‌ను త్వరలోనే ప్రకటిస్తామని పోస్టర్‌ రిలీజ్ చేశారు. దీంతో బర్త్‌డే రోజు ఈ సినిమాను థియేటర్లలో చూడాలనుకున్న వెంకీమామ ఫ్యాన్స్‌ నిరాశకు గురవుతున్నారు. అఖండ-2 వాయిదా పడడం, చిన్న సినిమాలు రిలీజ్‌ ఉండడం వల్లే ఈ చిత్రం రీ రిలీజ్‌ వాయిదా వేసినట్లు తెలుస్తోంది.కాగా.. 1998లో వచ్చిన ఈ మూవీకి జయంత్ సి. పరాంజీ దర్శకత్వం వహించారు. ఈ ప్రేమకథా చిత్రంలో వెంకటేష్, ప్రీతి జింటా హీరో హీరోయిన్లుగా నటించారు. ఈ సినిమాకు రమణ గోగుల సంగీతం అందించారు. శ్రీ లక్ష్మి వెంకటేశ్వర ఆర్ట్ ఫిలిమ్స్ పతాకంపై బూరుగుపల్లి శివరామకృష్ణ, కె.అశోక్‌కుమార్ సంయుక్తంగా నిర్మించారు.#PremanteIdera re-release postponed!Stay tuned for new release date! #PremanteIderaReRelease #Tollywood #TeluguFilmNagar pic.twitter.com/qrXeoDrRAl— Telugu FilmNagar (@telugufilmnagar) December 10, 2025

మెగాస్టార్‌ చిరంజీవి, నయనతార కలిసి నటిస్తున్న సినిమా ‘మన శంకర వరప్రసాద్ గారు’.. సంక్రాంతికి కానుకగా ఈ చిత్రం విడుదల కానుంది. దర్శకుడు అనిల్‌ రావిపూడి తెరకెక్కిస్తున్న ఈ చిత్రంలో వెంకటేశ్‌ కీలక పాత్రలో కనిపించనున్నారు. భీమ్స్ సిసిరోలియో అందించిన సంగీతానికి ఫ్యాన్స్‌ ఫీదా అవుతున్నారు. ఇప్పటి వరకు విడుదలైన రెండు పాటలు నెట్టింట సందడి చేస్తున్నాయి. ప్రేక్షకుల నుంచి కూడా మంచి ఆదరణ వస్తుంది. అయితే, ఈ మూవీలో వెంకటేశ్‌కు ఎంత సమయం పాటు స్క్రీన్‌ స్పేష్‌ ఇచ్చారనేది దర్శకుడు క్లారిటీ ఇచ్చారు.దర్శకుడు అనిల్ రావిపూడి ఇటీవల ఒక ఇంటర్వ్యూలో వెంకటేష్ క్యామియో రోల్‌ గురించి ఆసక్తికరమైన విషయాన్ని వెల్లడించారు. 'ఈ మూవీలో ఒక ప్రధాన పాత్ర ఉందని చిరంజీవితో నేను చెప్పాను. దీంతో వెంకటేశ్‌ను ఎంపిక చేయాలని ఆయన పట్టుబట్టారు. ఆయన ఇమేజ్‌కు తగ్గకుండా ఆ పాత్ర కోసం మరింత లోతుగా పనిచేశాను. వెంకీ దాదాపు 20 నిమిషాల పాటు తెరపై కనిపిస్తారు. చిరంజీవి, వెంకటేశ్‌ కలిసి నటించిన క్లైమాక్స్ సీన్స్‌ అభిమానులను తప్పకుండా అలరిస్తాయి. వారిద్దరూ కలిసి చేసే డ్యాన్స్‌, పంచే కామెడీకి ఫిదా అవుతారు' అని పంచుకున్నారు.చిరంజీవి అంటే తనకు ఎంతో ఇష్టమని వెంకటేశ్‌ గతంలో పంచుకున్నారు. తన ఫేవరెట్‌ నటుడితో కలిసి పని చేయడం ఆనందంగా ఉందన్నారు. చిరంజీవి కూడా వెంకీపై ప్రశంసలు కురిపించారు. ఈ సినిమాలో కలిసి నటించినందుకు థాంక్స్‌ అంటూనే.. వెంకీ రాకతో ఈ చిత్రానికి ప్రత్యేకత తీసుకొచ్చారని చిరు పేర్కొన్నారు. వెంకీతో కలిసి వర్క్‌ చేసిన పది రోజులు ఎప్పటికీ గుర్తుండిపోతాయన్నారు. డిసెంబర్‌ 15 నుంచి ‘మన శంకర వరప్రసాద్ గారు’ ప్రమోషన్స్‌లలో దూకుడు పెంచనున్నారని తెలుస్తోంది. ఈ చిత్రాన్ని సాహు గారపాటి, సుష్మిత కొణిదెల నిర్మించారు.

టాలీవుడ్ హీరో విక్టరీ వెంకటేశ్ ఈ ఏడాది సంక్రాంతికి బ్లాక్‌బస్టర్‌ హిట్‌ను తన ఖాతాలో వేసుకున్నారు. అనిల్ రావిపూడి దర్శకత్వంలో వచ్చిన ఈ సినిమా సంక్రాంతి విన్నర్‌గా నిలిచింది. ఈ ఫ్యామిలీ ఎంటర్‌టైనర్‌ టాలీవుడ్‌ ఆడియన్స్‌ను అలరించింది. అయితే సంక్రాంతి వస్తున్నాం హిట్ తర్వాత వెంకీ మామ ఇటీవలే మరో మూవీని ప్రకటించారు. త్రివిక్రమ్ శ్రీనివాస్‌ డైరెక్షన్‌లో ఆయన నటిస్తున్నారు.మరోవైపు వచ్చే ఏడాది సంక్రాంతి సీజన్‌లోనూ వెంకీ మామ సందడి చేయనున్నారు. అనిల్ రావిపూడి-మెగాస్టార్ చిరంజీవి కాంబోలో వస్తోన్న ఫ్యామిలీ ఎంటర్‌టైనర్‌ చిత్రంలో కనిపించనున్నారు. ఈ మూవీలో ఓ కీలక పాత్రలో వెంకీమామ నటిస్తున్నారు. తాజాగా ఈ సినిమాకు షూటింగ్‌కు సంబంధించిన అప్‌డేట్‌ ఇచ్చారు హీరో వెంకటేశ్. మనశంకర వరప్రసాద్ చిత్రంలో నా పాత్ర షూటింగ్ ముగిసిందని ట్వీట్ చేశారు.వెంకటేశ్ తన ట్వీట్‌లో రాస్తూ..'మనశంకరవరప్రసాద్ మూవీ కోసం ఈరోజు నా పాత్రను ముగించా. ఇది ఎంతో అద్భుతమైన అనుభవం. నాకు ఇష్టమైన మెగాస్టార్‌తో కలిసి పనిచేయడం చాలా ఆనందంగా ఉంది. ఈ చిత్రం నాకు ఎన్నో అందమైన జ్ఞాపకాలను మిగిల్చింది. ఎన్నో రోజులుగా మెగాస్టార్ చిరంజీవితో స్క్రీన్ పంచుకోవాలనే కోరిక ఉండేది. చివరికీ ఈ ప్రత్యేక చిత్రం కోసం అనిల్ రావిపూడి మమ్మల్ని ఒకచోట చేర్చినందుకు చాలా సంతోషంగా ఉంది. 2026 సంక్రాంతిని మీ అందరితో థియేటర్లలో చూసేందుకు వేచి ఉండలేకపోతున్నా' అంటూ పోస్ట్ చేశారు. కాగా.. ఈ సినిమా వచ్చే ఏడాది సంక్రాంతి బాక్సాఫీస్ వద్ద పోటీపడనుంది.Wrapped up my part today for #ManaShankaraVaraPrasadGaru, and what an incredible experience it has been! Working with my favourite @KChiruTweets was an absolute joy and this film has left me with so many lovely memories. It was long overdue to share the screen with ‘Megastar… pic.twitter.com/KAzWcXGBeK— Venkatesh Daggubati (@VenkyMama) December 3, 2025

టాలీవుడ్ హీరో విక్టరీ వెంకటేశ్‌ (Venkatesh), మాటల మాంత్రికుడు త్రివిక్రమ్‌తో జతకట్టిన సంగతి తెలిసిందే. వీరిద్దరి కాంబోలో వస్తోన్న ఈ చిత్రంపై అభిమానుల్లో ఆసక్తి నెలకొంది. ఈ సినిమా టైటిల్‌పై టాలీవుడ్‌లో చర్చ మొదలైంది. ఈ మూవీలో కేజీఎఫ్ బ్యూటీ శ్రీనిధి శెట్టి హీరోయిన్‌గా కనిపించనుంది. ఈ విషయాన్ని మేకర్స్ ఇప్పటికే అనౌన్స్ చేశారు.అయితే మరోవైపు ఈ మూవీ టైటిల్‌పై కూడా టాలీవుడ్‌లో చర్చ నడుస్తోంది. సంక్రాంతికి వస్తున్నాం సూపర్ హిట్ తర్వాత వస్తోన్న సినిమా కావడంతో ఆడియన్స్‌లో విపరీతమైన ఆసక్తి నెలకొంది. ఈ మూవీ షూటింగ్‌ ఈ ఏడాది చివర్లో మొదలయ్యే అవకాశం ఉన్నట్లు తెలుస్తోంది. ఈ నేపథ్యంలో మూవీ టైటిల్‌పై సినీ ప్రియుల్లో చర్చ మొదలైంది.త్రివిక్రమ్ శ్రీనివాస్- వెంకటేశ్ మూవీకి టైటిల్‌ ఇప్పటికే ఖరారైనట్లు తెలుస్తోంది. 'బంధు మిత్రుల అభినందనలతో' అనే టైటిల్‌ను తెలుగు ఫిల్మ్ ఛాంబర్ ఆఫ్ కామర్స్‌లో రిజిస్టర్ చేసినట్లు సమాచారం. కాగా.. ఈ చిత్రం వెంకీ మామ కెరీర్‌లో 77వ సినిమాగా నిలవనుంది. ఈ సినిమా వెంకీతో త్రివిక్రమ్ దర్శకత్వం వహిస్తున్న తొలి చిత్రం కావడం విశేషం. గతంలో నువ్వు నాకు నచ్చవ్, వాసు, మల్లీశ్వరి వంటి చిత్రాలకు త్రివిక్రమ్ రచయితగా పనిచేశారు. ఈ మూవీని హరిక అండ్ హాసిని క్రియేషన్స్ బ్యానర్‌లో ఎస్. రాధాకృష్ణ నిర్మిస్తున్నారు.

చిరంజీవి, వెంకటేశ్‌ కలిసి చేస్తున్న సెలబ్రేషన్‌ సాంగ్‌ చిత్రీకరణ మొదలైంది. చిరంజీవి హీరోగా అనిల్‌ రావిపూడి దర్శకత్వంలో రూపొందుతున్న ఫ్యామిలీ ఎంటర్‌టైనర్‌ ‘మన శంకరవరప్రసాద్‌గారు’. ఈ చిత్రంలో నయనతార హీరోయిన్‌గా నటిస్తుండగా, వెంకటేశ్, క్యాథరిన్, వీటీవీ గణేశ్‌ ప్రధానపాత్రల్లో నటిస్తున్నారు. ప్రస్తుతం ఈ సినిమా చిత్రీకరణ హైదరాబాద్‌లో వేసిన ఓ సెట్‌లో జరుగుతోంది. చిరంజీవి, వెంకటేశ్‌తోపాటు 500 మందికి పైగా డ్యాన్సర్స్‌పాల్గొంటుండగా ఓ స్టైలిష్‌ మాస్‌ డ్యాన్స్‌ సాంగ్‌ షూట్‌ను ఆరంభించారు.సంగీతదర్శకుడు భీమ్స్‌ సిసిరోలియో స్వరపరచిన ఈపాటకు పొలకి విజయ్‌ కొరియోగ్రఫీ చేస్తున్నారు. ‘‘చిరంజీవి, వెంకటేశ్‌ కలిసి చేస్తున్న ఈపాట ఈ సంక్రాంతికి ప్రేక్షకులకు అసలు సిసలైన విందులా ఉంటుంది. అలాగే చిరంజీవి–నయనతారలపై చిత్రీకరించిన ఓ మెలోడియస్‌ రొమాంటిక్‌ సాంగ్‌ను త్వరలోనే రిలీజ్‌ చేస్తాం’’ అని యూనిట్‌ తెలిపింది. అర్చన సమర్పణలో సాహు గారపాటి, సుస్మిత కొణిదెల నిర్మిస్తున్న ఈ చిత్రం వచ్చే సంక్రాంతికి విడుదల కానుంది.

కుటుంబ కథా చిత్రాలకు ఎప్పుడూ తిరుగు ఉండదు. మంచి కథ, క్యాస్టింగ్, డైరెక్టర్‌ కుదిరితే ఆ ఫ్యామిలీ మూవీ సూపర్‌ హిట్‌ అవుతుంది. ఈ ఏడాది సంక్రాంతికి పండక్కి విడుదలైన ఫ్యామిలీ డ్రామా సినిమా పెద్ద చిత్రాల్లో ‘సంక్రాంతికి వస్తున్నాం’, చిన్న చిత్రాల్లో వేసవిలో ప్రేక్షకుల ముందుకు వచ్చిన ‘కోర్టు’ వంటి సినిమాలు బాక్సాఫీస్‌ వద్ద బ్లాక్‌బస్టర్స్‌గా నిలిచాయి. ఈ తరుణంలో ఫ్యామిలీ డ్రామా సినిమాలపై, కుటుంబ భావోద్వేగాలపై కొందరు స్టార్‌ హీరోలు ఫోకస్‌ పెట్టారు. మరి... ప్రస్తుతం కుటుంబ కథా చిత్రాలు చేస్తున్న టాలీవుడ్‌ ఫ్యామిలీ స్టార్స్‌పై మీరూ ఓ లుక్‌ వేయండి.రాజీ పడదామే... మాజీ ఇల్లాలా! శంకర వరప్రసాద్‌ ఇన్వెస్టిగేషన్‌ ఆఫీసర్‌. ఫుల్లీ వర్క్‌ మైండెడ్‌. దీంతో పర్సనల్‌ లైఫ్‌కి, వర్కింగ్‌ లైఫ్‌కి మధ్య బ్యాలెన్స్‌ తప్పిందట. మరి... ఈ రెంటినీ మళ్లీ శంకరవరప్రసాద్‌ ఎలా బ్యాలెన్స్‌ చేశాడు? అన్నది ‘మన శంకరవరప్రసాద్‌’ లో చూడొచ్చట. చిరంజీవి టైటిల్‌ రోల్‌ చేస్తున్న తాజా చిత్రం ‘మన శంకర వరప్రసాద్‌గారు’. ఈ చిత్రంలో నయనతార హీరోయిన్‌గా నటిస్తున్నారు. ఇన్వెస్టిగేషన్‌ డ్రామా, ఫ్యామిలీ ఎమోషన్స్‌ మిళితమైన సినిమాగా ‘మన శంకరవరప్రసాద్‌గారు’ సినిమా ఉండబోతోందని ఫిల్మ్‌నగర్‌ సమాచారం. ఈ సినిమాలో చిరంజీవి, నయనతార భార్యా భర్తలుగా నటిస్తున్నారు. ఇటీవల ఈ చిత్రం నుంచి ‘మీసాల పిల్ల’ అనే పాట విడుదలైంది. ఇందులో ‘రాజీ పడదామే మాజీ ఇల్లాలా’ అనే లిరిక్స్‌ ఉన్నాయి.దీన్నిబట్టి, ఈ చిత్రంలో భార్యాభర్తలుగా చిరంజీవి–నయనతారల మధ్య ఫ్యామిలీ గొడవలు, అలకలు ఉంటాయని అర్థం అవుతోంది. ఈ సన్నివేశాలు థియేటర్స్‌లో ఆడియన్స్‌కు వినోదాన్ని పంచుతాయని ఊహించవచ్చు. అనిల్‌ రావిపూడి దర్శకత్వం వహిస్తున్న ఈ సినిమాలో వెంకటేశ్, క్యాథరీన్‌ ఇతర ప్రధాన పాత్రల్లో నటిస్తు న్నారు. సాహు గారపాటి, సుస్మితా కొణిదెల నిర్మిస్తున్న ఈ చిత్రం వచ్చే సంక్రాంతి సందర్భంగా రిలీజ్‌ కానుంది. ఈ సినిమా సంగతి ఇలా ఉంచితే... చిరంజీవి హీరోగా నటించిన మరో సినిమా ‘విశ్వంభర’. ఈ సోషియో ఫ్యాంటసీ యాక్షన్‌ అడ్వెంచరస్‌ సినిమాలో ఫ్యామిలీ ఎమోషన్స్‌ మోతాదు కాస్త ఎక్కువగానే ఉంటుందని సమాచారం.ఈ సినిమాలో చిరంజీవికి ఐదుగురు సిస్టర్స్‌ ఉంటారని, ఇషా చావ్లా, రమ్య పసుపులేటి వంటి హీరోయిన్స్‌ చిరంజీవికి సిస్టర్స్‌గా నటించారని తెలిసింది. వశిష్ట దర్శకత్వం వహించిన ఈ చిత్రంలో త్రిష హీరోయిన్‌గా నటించగా, ఆషికా రంగనాథ్, కునాల్‌ కపూర్‌ ఇతర ప్రధాన పాత్రల్లో నటించారు. భారీ బడ్జెట్‌తో యూవీ క్రియేషన్స్‌ సంస్థ నిర్మించిన ఈ చిత్రం వచ్చే వేసవిలో రిలీజ్‌ కానున్నట్లుగా చిత్రయూనిట్‌ ఆల్రెడీ ప్రకటించిన సంగతి తెలిసిందే.అబ్బాయిగారు 60 ప్లస్‌ ‘నువ్వు నాకు నచ్చావ్, మల్లీశ్వరి’ చిత్రాలు వెంకటేశ్‌ కెరీర్‌లో ఎంతటి బ్లాక్‌బస్టర్‌గా నిలిచాయో ప్రత్యేకించి చెప్పక్కర్లేదు. అప్పట్లో ఈ రెండు సినిమాలకు రైటర్‌గా పని చేశారు ఇప్పటి స్టార్‌ డైరెక్టర్‌ త్రివిక్రమ్‌. ఇప్పుడు త్రివిక్రమ్‌ డైరెక్షన్‌లోనే వెంకటేశ్‌ హీరోగా ఓ సినిమా రానుంది. ఆల్రెడీ ఈ సినిమాను అధికారికంగా ప్రకటించారు. వెంకటేశ్‌ కెరీర్‌లోని ఈ 77వ చిత్రంలో శ్రీనిధి శెట్టి హీరోయిన్‌గా నటిస్తున్నారు. ఈ సినిమాలో మరో హీరోయిన్‌కు చాన్స్‌ ఉందని, త్వరలోనే ఈ హీరోయిన్‌ పేరు కూడా మేకర్స్‌ రివీల్‌ చేస్తారనే టాక్‌ వినిపిస్తోంది. అంతేకాదు... ‘నువ్వు నాకు నచ్చావ్, మల్లీశ్వరి’ చిత్రాల కథలు వైజాగ్‌ నేపథ్యంలో మొదలై, హైదరాబాద్‌కు షిఫ్ట్‌ అవుతాయి. వెంకటేశ్‌–త్రివిక్రమ్‌ తాజా చిత్రం కూడా వైజాగ్‌ నేపథ్యంలోనే ఉంటుందనే టాక్‌ తెరపైకి వచ్చింది.ఇంకా ఈ సినిమాకు ‘వెంకటరమణ, ఆనంద నిలయం, వెంకటరమణ కేరాఫ్‌ ఆనందనిలయం, అబ్బాయిగారు 60 ప్లస్‌’ అనే టైటిల్స్‌ కూడా తెరపైకి వచ్చాయి. త్వరలోనే ఈ సినిమా రెగ్యులర్‌ చిత్రీకరణ ప్రారంభం కానుందని, టైటిల్‌ను కూడా అతి త్వరలోనే రిలీజ్‌ చేసే ఆలోచనలో చిత్రయూనిట్‌ ఉందని ఫిల్మ్‌నగర్‌ సమాచారం. హారిక అండ్‌ హాసిని క్రియేషన్స్‌ పతాకంపై సూర్యదేవర రాధాకృష్ణ (చినబాబు) నిర్మించనున్న ఈ ఫ్యామిలీ డ్రామా వచ్చే వేసవిలో రిలీజ్‌ కానుంది.మరోవైపు ఇంటెన్స్‌ క్రైమ్‌ డ్రామా, ఫ్యామిలీ ఎమోషన్స్‌ మిక్స్‌ అయిన ‘దృశ్యం’ ఫ్రాంచైజీ నుంచి ఇప్పటికే ‘దృశ్యం, దృశ్యం 2’ చిత్రాలు రాగా, ఈ రెండు చిత్రాల్లోనూ వెంకటేశ్‌ హీరోగా నటించిన విషయం తెలిసిందే. అయితే ఈ ‘దృశ్యం’ ఫ్రాంచైజీ నుంచి ముచ్చటగా ‘దృశ్యం 3’ కూడా రానుందని ఇటీవల జరిగిన ఓ వేడుకలో వెంకటేశ్‌ కన్ఫార్మ్‌ చేశారు. అలాగే తాను, మీనా హీరో హీరోయిన్లుగా నటించనున్న విషయాన్ని కూడా వెంకటేశ్‌ చెప్పారు. ఇక ‘దృశ్యం 3’ మూవీ షూటింగ్‌ వచ్చే ఏడాది ఆరంభం కానున్నట్లుగా తెలిసింది.రామసత్యనారాయణ విజ్ఞప్తి! ‘నా జీవితంలోని ఇద్దరు ఆడాళ్లు నన్ను రెండు ప్రశ్నలు అడిగారు. సమాధానం కోసం చాలా ఆలోచించాను. గూగుల్‌... ఏఐ... జెమిని..చాట్‌జీపీటీ.. ఇలా అన్నింటినీ అడిగాను. మే బీ వాటికి పెళ్లి కాకపోవడం వల్ల నన్ను ఇంకా కన్ఫ్యూజ్‌ చేశాయి. అనుభవం ఉన్న మగాళ్ళని.., ముఖ్యంగా మొగుళ్ళని అడిగాను. ఆశ్చర్యపోయారే తప్ప ఆన్సర్‌ మాత్రం ఇవ్వలేకపోయారు. అలాంటి ప్రశ్న మిమ్మల్ని ఏ ఆడవాళ్లు ఆడగకూడదని, పెళ్లయిన వాళ్ళకి నాలాంటి పరిస్థితి ఎదురవకూడదని కోరుకుంటూ... మీ ఈ రామసత్యనారాయణ చెప్పేది ఏమిటంటే.. భర్త మహాశయులకు విజ్ఞప్తి’ వంటి డైలాగ్స్‌ రవితేజ కొత్త చిత్రం ‘భర్త మహాశయులకు విజ్ఞప్తి’ చిత్రంలోనివి. ఫ్యామిలీ ఎమోషన్స్‌కు పెద్ద పీట వేసే దర్శకుడు కిశోర్‌ తిరుమల ఈ సినిమాకు దర్శకత్వం వహిస్తున్నారు.రామసత్యనారాయణగా హీరో రవితేజ నటిస్తున్న ఈ సినిమాలో ఆషికా రంగనాథ్, డింపుల్‌ హయతి హీరో హీరోయిన్లుగా నటిస్తున్నారు. ఈ సినిమా చిత్రీకరణ తుది దశకు చేరుకుంది. ఇటీవల ఈ సినిమా టైటిల్‌ గ్లింప్స్‌ను మేకర్స్‌ విడుదల చేశారు. ఈ టైటిల్‌ గ్లింప్స్‌లోనే పైన పేర్కొన్న సంభాషణలు ఉన్నాయి. ఈ డైలాగ్స్‌ని బట్టి ‘భర్త మహాశయులకు విజ్ఞప్తి’ సినిమా పూర్తి స్థాయి ఫ్యామిలీ డ్రామాగా ఉండబోతోందని తెలుస్తోంది. ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి నిర్మిస్తున్న ఈ సినిమా వచ్చే ఏడాది సంక్రాంతి సందర్భంగా రిలీజ్‌ కానుంది. తాత–మనవడి కథ ప్రభాస్‌ హీరోగా నటిస్తున్న తాజా చిత్రాల్లో ‘ది రాజాసాబ్‌’ సినిమా ఒకటి. సోషియో ఫ్యాంటసీ హారర్‌ కామెడీ జానర్‌లో ప్రభాస్‌ హీరోగా నటిస్తున్న తొలి చిత్రం ఇది. ఇందులో మాళవికా మోహనన్, నిధీ అగర్వాల్, రిద్దీ కుమార్‌ హీరోయిన్లుగా నటిస్తున్నారు. సంజయ్‌ దత్‌ మరో కీలక పాత్రలో నటిస్తున్నారు. ఈ సినిమాలో ప్రభాస్, సంజయ్‌దత్‌ తాత–మనవడి పాత్రల్లో కనిపిస్తారని సమాచారం. అంతేకాదు...ఈ సినిమాలో కామెడీ, హారర్‌ ఎలిమెంట్స్‌తో పాటు ఫ్యామిలీ ఎమోషన్స్‌ బలంగానే ఉంటాయట.ఈ సినిమాలో వచ్చే ఫ్లాష్‌బ్యాక్‌ ఎపిసోడ్స్‌లో బలమైన ఫ్యామిలీ ఎమోషనల్‌ సీన్స్‌ను ప్రేక్షకులకు చూపించనున్నారట ఈ చిత్రదర్శకుడు మారుతి. ఇంకా... ఈ సినిమాలో ఓ ఘోస్ట్‌గా సంజయ్‌ దత్‌ కనిపిస్తారు. సెకండాఫ్‌లో ప్రభాస్‌ పాత్రను సంజయ్‌ దత్‌ ఆత్మ ఆవహిస్తుందని, ఈ సీన్స్‌ థియేటర్స్‌లో అదిరిపోతాయని టాక్‌. పీపుల్స్‌ మీడియా ఫ్యాక్టరీ పతాకంపై టీజీ విశ్వప్రసాద్‌ నిర్మిస్తున్న ‘ది రాజాసాబ్‌’ చిత్రం వచ్చే ఏడాది సంక్రాంతి పండగ సందర్భంగా జనవరి 9న రిలీజ్‌ కానుంది.విశ్వనాథన్‌ అండ్‌ సన్స్‌ ‘రంగ్‌ దే, లక్కీ భాస్కర్‌’ వంటి సూపర్‌హిట్‌ కుటుంబ కథా చిత్రాలకు దర్శకత్వం వహించిన వెంకీ అట్లూరి తాజాగా తనదైన మార్క్‌తో ఈ జానర్‌లోనే మరో మూవీ తీస్తున్నారు. ఈ చిత్రంలో సూర్య హీరోగా నటిస్తున్నారు. పూర్తి స్థాయి ఫ్యామిలీ డ్రామా సినిమా ఇది. మమితా బైజు హీరోయిన్‌గా నటిస్తున్న ఈ చిత్రంలో రాధికా శరత్‌కుమార్, రవీనా టాండన్‌ ఇతర ప్రధాన పాత్రల్లో నటిస్తున్నారు. ఇటీవలే యూరప్‌లో ఈ సినిమాకు సంబంధించిన ఓ భారీ షూటింగ్‌ షెడ్యూల్‌ను జరిపారు మేకర్స్‌. అంతేకాదు... ఈ సినిమాకు ‘విశ్వనాథన్‌ అండ్‌ సన్స్‌’ అనే టైటిల్‌ను పరిశీలిస్తున్నారని, త్వరలోనే ఈ సినిమా టైటిల్‌ గురించి అధికారిక ప్రకటన రానుందని తెలిసింది. సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మిస్తున్న ఈ చిత్రం వచ్చే వేసవిలో విడుదల కానుంది.మూడు తరాల కథ మోటర్‌ రేసింగ్‌ స్పోర్ట్స్‌ నేపథ్యంలో సాగే మల్టీ జనరేషన్‌ ఫ్యామిలీ డ్రామా ‘బైకర్‌’. 1990– 2000 మధ్య కాలంలో సాగే ఈ పీరియాడికల్‌ యాక్షన్‌ డ్రామాలో శర్వానంద్‌ హీరోగా నటించారు. ఈ సినిమా కథకు రేసింగ్‌ బ్యాక్‌డ్రాప్‌ ఉన్నప్పటికీ, మూడు తరాల ఫ్యామిలీ కథగా ‘బైకర్‌’ మూవీ ఉంటుంది. ఈ చిత్రంలో శర్వానంద్‌ డిఫరెంట్‌ గెటప్స్‌లో కనిపిస్తారని తెలిసింది. ఇందులో మాళవికా నాయర్‌ హీరోయిన్‌గా నటించగా, రాజశేఖర్, బ్రహ్మాజీ, అతుల్‌ కులకర్ణి ఇతర ప్రధాన పాత్రల్లో నటించారు. విక్రమ్‌ సమర్పణలో యూవీ క్రియేషన్స్‌ పతాకంపై వంశీ, ప్రమోద్‌ నిర్మించిన ఈ ‘బైకర్‌’ చిత్రం డిసెంబరు 6న రిలీజ్‌ కానుంది.మరోవైపు ఫ్యామిలీ డ్రామా నేపథ్యంలోనే శర్వానంద్‌ హీరోగా రూపోందుతున్న తాజా చిత్రం ‘నారీ నారీ నడము మురారి’. ఈ చిత్రంలో సంయుక్త, సాక్షీ వైద్య హీరోయిన్లుగా నటిస్తున్నారు. ‘సామజవరగమన’ ఫేమ్‌ రామ్‌ అబ్బరాజు దర్శకత్వంలో అనిల్‌ సుంకర ఏకే ఎంటర్‌టైన్‌మెంట్స్, అడ్వెంచర్స్‌ ఇంటర్‌నేషనల్‌ పతాకంపై రామబ్రహ్మం సుంకర నిర్మించారు. ఆల్రెడీ ఈ సినిమా చిత్రీకరణ పూర్తయింది. లవ్, ఫ్యామిలీ డ్రామా ప్రధాన అంశాలుగా ఈ చిత్రకథనం సాగుతుంది. వచ్చే సంక్రాంతి సందర్భంగా ఈ సినిమాను థియేటర్స్‌లో రిలీజ్‌ చేయనున్నట్లుగా మేకర్స్‌ ఆల్రెడీ ప్రకటించిన సంగతి తెలిసిందే.లెనిన్‌ అఖిల్‌ హీరోగా నటిస్తున్న తాజా సినిమా ‘లెనిన్‌’. ‘వినరో భాగ్యము విష్ణుకథ’ ఫేమ్‌ మురళీ కిశోర్‌ దర్శకత్వం వహిస్తున్నారు. అక్కినేని నాగార్జున, నాగవంశీ ఈ సినిమాను నిర్మిస్తున్నారు. ఆల్రెడీ ఈ సినిమా చిత్రీకరణ కూడా మొదలైంది. సగానికి పైగా ఈ సినిమా చిత్రీకరణ పూర్తయినట్లుగా తెలిసింది. రాయలసీమ నేపథ్యంలో సాగే ‘లెనిన్‌’ సినిమాలో లవ్‌స్టోరీతో పాటు బలమైన ఫ్యామిలీ భావోద్వేగాలు ఉండబోతున్నట్లుగా తెలిసింది. తండ్రీ–కొడుకుల భావోద్వేగంతో కూడిన ఓ ఎపిసోడ్‌ కూడా ఈ సినిమాలో ఉందని, ఈ సీన్స్‌ ఈ సినిమాకు హైలైట్‌గా ఉంటాయని టాక్‌. అయితే ఈ సినిమాలోని తండ్రి పాత్రలో ఎవరు యాక్ట్‌ చేస్తున్నారనే విషయంపై ఇంకా క్లారిటీ రాలేదు. ఈ సినిమాలో తొలుత హీరోయిన్‌గా శ్రీలీల కన్ఫార్మ్‌ అయ్యారు. కానీ కాల్షీట్స్‌ కేటాయింపుల్లో ఇబ్బందులు తలెత్తడం వల్ల ఈ ప్రాజెక్ట్‌ నుంచి శ్రీలీల తప్పుకున్నారని, ఆమె స్థానంలో భాగ్యశ్రీ బోర్సే హీరోయిన్‌గా నటిస్తున్నారని ఫిల్మ్‌నగర్‌ సమాచారం.ఫ్యామిలీ కథ వరుస సినిమాలతో బిజీగా ఉన్నారు హీరో కిరణ్‌ అబ్బవరం. కిరణ్‌ నటిస్తున్న తాజా చిత్రం ‘చెన్నై లవ్‌స్టోరీ’ రిలీజ్‌కు రెడీ అవుతోంది. కాగా, కుటుంబ కథా చిత్రాలను చక్కగా తెరకెక్కించే దర్శకుడు శ్రీకాంత్‌ అడ్డాల, ఇటీవల ఓ ఫ్యామిలీ స్టోరీని కిరణ్‌కు వినిపించారని, కథ నచ్చడంతో ఈ యువ హీరో కూడా ఈ సినిమా చేసేందుకు గ్రీన్‌ సిగ్నల్‌ ఇచ్చారని ఫిల్మ్‌నగర్‌ సమాచారం. ప్రస్తుతం ఈ సినిమా స్క్రిప్ట్‌కు శ్రీను వైట్ల మరిన్ని మెరుగులు దిద్దుతున్నారని, త్వరలోనే ఈ మూవీపై మేకర్స్‌ నుంచి ఓ ప్రకటన రానుందని తెలిసింది. ఇలా కుటుంబ కథలతో సినిమాలు చేస్తున్న తెలుగు హీరోలు మరి కొంతమంది ఉన్నారు. ఇంకొంతమంది హీరోలు ఈ ఫ్యామిలీ జానర్‌ సినిమాలు చేసేందుకు సిద్ధం అవుతున్నారు.

మాస్‌ డ్యాన్స్‌ చేయడానికి రెడీ అవుతున్నారట చిరంజీవి, వెంకటేశ్‌. ఈ స్టార్స్‌ ఇద్దరితో ఓ సెలబ్రేషన్‌ సాంగ్‌ ప్లాన్‌ చేస్తున్నారట అనిల్‌ రావిపూడి. చిరంజీవి హీరోగా అనిల్‌ రావిపూడి దర్శకత్వంలో రూపోందుతున్న చిత్రం ‘మన శంకరవరప్రసాద్‌గారు’. ఈ చిత్రంలో నయనతార హీరోయిన్‌గా, ముఖ్య పాత్రల్లో వెంకటేశ్, క్యాథరీన్, వీటీవీ గణేశ్‌ నటిస్తున్నారు.ఆల్రెడీ చిరంజీవి, వెంకటేశ్‌ కాంబినేషన్‌లో గత నెలాఖర్లో ఈ సినిమాలోని కీలక సన్నివేశాల చిత్రీకరణ జరిగింది. కాగా ఈ చిత్రంలో ఓ సెలబ్రేషన్‌ సాంగ్‌ ఉందని, ఈ పాటలో చిరంజీవి, వెంకటేశ్‌తో పాటు నయనతార, క్యాథరీన్‌ కూడా డ్యాన్స్‌ చేస్తారని టాక్‌. ఈ పాటను ఈ నెలాఖరున చిత్రీకరించడానికి ఏర్పాట్లు చేస్తున్నారట. అర్చన సమర్పణలో సాహు గారపాటి, సుస్మిత కొణిదెల నిర్మిస్తున్న ఈ చిత్రం వచ్చే సంక్రాంతి సందర్భంగా విడుదల కానుంది.