ఐకాన్ ‍స్టార్ అల్లు అర్జున్, అను మెహతా, శివబాలాజీ ప్రధాన పాత్రలో నటించిన చిత్రం ఆర్య. సుకుమార్‌ డైరెక్షన్‌లో వచ్చిన ఈ చిత్రం బాక్సాఫీస్ వద్ద బ్లాక్‌ బస్టర్‌ హిట్‌గా నిలిచింది. మే 7, 2004లో థియేటర్లలో సందడి చేసిన ఈ చిత్రం రిలీజై ఇప్పటికీ 20 ఏళ్లు పూర్తి చేసుకుంది. ఈ సందర్భంగా బన్నీ ఈ సినిమాను గుర్తు చేసుకున్నారు. ఆర్య కేవలం సినిమా మాత్రమే కాదు.. నా కెరీర్‌ను మలుపు తిప్పిన క్షణం అంటూ అల్లు అర్జున్‌ ట్వీట్ చేశారు. అయితే తాజాగా ఆర్య మూవీ 20 ఏళ్లు పూర్తి చేసుకున్న సందర్భంగా సెలబ్రేషన్స్ నిర్వహించారు. హైదరాబాద్‌లో జరిగిన ఈవెంట్‌కు టాలీవుడ్‌ ప్రమఖులు హాజరయ్యారు.అయితే ఈ సినిమాలో ఐటమ్ సాంగ్‌ సినీ ప్రియులను ఓ ఊపు ఊపేసిన సంగతి తెలిసిందే. 'అ అంటే అమలాపురం.. ఆ అంటే ఆహాపురం' ఓ రేంజ్‌లో అలరించింది. ఇప్పటికీ ఈ సాంగ్‌కు క్రేజ్‌ తగ్గలేదు. అయితే ఈ పాటకు డ్యాన్స్‌ చేసిన అభినయశ్రీ అందరికీ గుండెల్లో చోటు దక్కించుకుంది. తాజా ఈవెంట్‌కు హాజరైన ఆమె మరోసారి తన స్టెప్పులను అందరికీ పరిచయం చేసింది. అ అంటే అమలాపురం అంటూ డ్యాన్స్‌తో అదరగొట్టింది. 20 ఏళ్లయినా అదే స్టైల్‌తో డ్యాన్స్‌ చేసి అలరించింది. దీనికి సంబంధించిన వీడియో నెట్టింట తెగ వైరలవుతోంది. #TFNExclusive: Talented Abinaya Satish Kumar grooves to ‘Aa Ante Amalapuram’ song at #20YearsForArya celebrations event!💃🔥#AlluArjun #Arya #TeluguFilmNagar pic.twitter.com/sPuRjK4wN5— Telugu FilmNagar (@telugufilmnagar) May 8, 2024

బిగ్‌బాస్‌ తనకి అన్యాయం చేశాడంటూ ఆవేదన వ్యక్తం చేస్తోంది నటి అభినయ శ్రీ. బిగ్‌బిస్‌ 6వ సీజన్‌లో ఆమె హౌజ్‌లో అడుగుపెట్టిన సంగతి తెలిసిందే. రెండో వారం నామినేషన్లో భాగంగా అందరిక కంటే తక్కువ ఓట్లు వచ్చిన షానీ, అభినయలు ఎలిమినేట్‌ అయ్యి బయటకు వచ్చారు. హౌజ్‌లో ఉన్నప్పుడు, బయటకు వచ్చాక కూడా షానీ వాయిస్‌ పెద్దగా ఎక్కడ వినిపించడం లేదు. చదవండి: లారెన్స్‌ షాకింగ్‌ ప్రకటన.. ‘ఇకపై నేనే నమస్కరిస్తా’ కానీ, అభినయ మాత్రం బయటకు వచ్చాక బిగ్‌బాస్‌ షోపై విరుచుకుపడుతోంది. బిగ్‌బాస్‌ అంటే అంతా మోసమంటూ తీవ్ర అసహనం వ్యక్తం చేస్తోంది. బయటకు వచ్చిన అనంతరం ఓ యూట్యూబ్‌ చానల్‌తో ముచ్చటించిన ఆమె ఈ సందర్భంగా మాట్లాడుతూ.. హౌజ్‌లో తను బెస్ట్‌ అవ్వకపోయినా ఎఫర్ట్స్‌ మాత్రం పెట్టానంది. తాను ఆడలేదంటే అసలు ఒప్పుకోనని, హౌజ్‌లో అందరితో మాట్లాడుతూ వారితో కలిసిపోయానని చెప్పింది. ‘మొదటి రోజు నుంచే బిగ్‌బాస్‌ స్క్రీన్‌పై నన్ను అసలు చూపించలేదు. అలాగే 24 అవర్స్‌ షోలో కూడా నన్ను చూపించలేదు చదవండి: రూ. 750 అద్దె ఇంట్లో నివాసం, సీనియర్‌ నటి దీనస్థితి.. మంత్రి పరామర్శ . ఈ విషయం నాకు మా అమ్మ, నా స్నేహితులు చెబితే తెలిసింది. బయటకు వచ్చాక చూసుకుంటే నాకు ఏస్థాయిలో బిగ్‌బాస్‌లో అన్యాయం జరిగిందో అర్థమైంది. దీని ద్వారా నేనేంటో ప్రూవ్‌ చేసుకుని ఇండస్ట్రీ రీఎంట్రీ ఇద్దామని ఆశలతో వచ్చిన నాకు బిగ్‌బాస్‌ పెద్దగా ఉపయోగపడలేదు’ అంటూ అభినయ వాపోయింది. ఇక బిగ్‌బాస్‌ 2 వారాలకి గాను తనకి బిగ్‌బాస్‌ నుంచి రూ. 5 లక్షలు అందినట్లు వార్తలు వస్తుండగా ఆమె వాటిని కొట్టిపారేసింది. తనది అంత పెద్ద మొత్తం పారితోషకం కాదని, బిగ్‌బాస్‌ తనకు రూ. 5 లక్షలు ఇచ్చాడని వస్తున్న వార్తల్లో నిజం లేదని స్పష్టం చేసింది. 

బిగ్‌బాస్‌ కంటెస్టెంట్స్‌కి శనివారం అంతా గట్టిగా క్లాస్‌ పీకిన నాగార్జున..ఆదివారం మాత్రం వారితో చాలా సరదాగా గడిపాడు. సండే అంటే బిగ్‌బాస్‌ ఇంట్లో ఫండే. అందుకు తగ్గట్టే సరదాగేమ్స్‌తో పాటు తమన్నా సందడితో ఆదివారం ఎపిసోడ్‌ ఫుల్‌ ఎంటర్‌టైనింగ్‌గా సాగింది. చివరల్లో ఒకరిని ఎలిమినేట్‌ చేసి అందరిని ఏడిపించాడు బిగ్‌బాస్‌. మరి ఆ ఎలిమినేట్‌ అయిన కంటెస్టెంట్‌ ఎవరు? తమన్నా తీసుకొచ్చిన కానుక ఎవరికి దక్కింది? తదితర విషయాలు నేటి ఎపిసోడ్‌లో తెలుసుకుందాం. తమన్నా లెటెస్ట్‌ మూవీ బబ్లీ బౌన్సర్‌ ప్రమోషన్స్‌లో భాగంగా బిగ్‌బాస్‌ హౌస్‌లోకి వెళ్లింది. ఆమె చేతికి ఒక కానుక ఇచ్చి ఇంట్లోకి పంపాడు నాగార్జున. ఆ కానుక కేవలం ఇంట్లో ఉన్న మగవాళ్లకు మాత్రమే అని చెప్పడంతో లేడి కంటెస్టెంట్స్‌ అంతా ‘అన్యాయం సర్‌.. మీరే అలా చెప్తే ఎలా? లాస్ట్‌ వీక్‌ కూడా మగవాళ్లే గెలిచారు’ అని అన్నారు. అది న్యాయమో అన్యాయమో కాసేపయ్యాక మీకే చెప్తానంటూ.. మగవాళ్లను, ఆడవాళ్లను వేరు వేరు టీమ్‌గా కూర్చోబెట్టాడు నాగ్‌. తర్వాత తమన్నాని పరిచయం చేశాడు. బాయ్స్‌ అంతా లేడి కంటెస్టెంట్స్‌లో ఎవరు బౌన్సర్‌ కావాలనుకుంటున్నారో చెప్పి వారి చేతికి బ్యాండ్‌ కట్టాలని చెప్పాడు. దీంతో ఒక్కక్కరు తమకు నచ్చిన కంటెస్టెంట్స్‌కి బ్యాండ్‌ కట్టారు. ఆదిరెడ్డి వెళ్లి గీతుకు బ్యాండ్‌ కట్టాడు. ‘గీతు దగ్గర బాడీ లేదు కానీ ఆమె మాటలు నాకు బౌన్సర్‌లా పని చెస్తాయి’అని ఆదిరెడ్డి చెప్పాడు. తర్వాత బాలాదిత్య వెళ్లి గీతూకే బ్యాండ్‌ కట్టాడు. బిగ్‌బాస్‌ నుంచి తనను కాపాడానికే గీతూని బౌన్సర్‌లా ఎంచుకున్నానని చెప్పాడు. ఇక అర్జున్‌ కల్యాణ్‌ తన చాయిస్‌గా శ్రీసత్యను ఎంచుకున్నట్లు చెప్పగానే.. ఆడియన్స్‌ అంతా గట్టిగా ఈళలు వేశారు. వారిని చూసి ఏంటి ఇంత స్పందన అని నాగ్‌ అడగ్గా..‘వారి మధ్య ఏడో ఉంది అని ఓ యువతి చెప్పడంతో అందరూ గట్టిగా నవ్వారు.‘అదేం లేదు సర్‌.. మేం జస్ట్‌ ఫ్రెండ్స్‌ మాత్రమే’అని అర్జున్‌ అన్నాడు. ఇక శ్రీహాన్‌ తన బౌన్సర్‌గా ఆరోహిని ఎంచుకున్నాడు. ఇలా హౌస్‌లోని 10 మంది మగవాళ్లు.. తమకు నచ్చిన వాళ్లకి బ్యాండ్‌ కట్టారు. అత్యధికంగా బ్యాండ్స్‌ దక్కించుకున్న గీతూని లేడి బౌన్సర్‌గా ప్రకటించాడు నాగార్జున. ఇక తమన్నా దగ్గర ఉన్న కానుకను ఎవరి ఇవ్వాలో అనేది ఆమెనే డిసైడ్‌​  చేసుకోమన్నాడు. ఆమె మాత్రం రోహిత్‌, రేవంత్‌, అర్జున్‌, సూర్యలను ఎంచుకుంది. ఆ నలుగురు తమన్నాను ఇప్రెస్‌ చేయాలని నాగ్‌ సూచించగా..రేవంత్‌ పాటతో, సూర్య మిమిక్రీతో ఇంప్రెస్‌ చేస్తే.. రోహిత్‌, అర్జున్‌ తమ మాటలను తమన్నాను పొగిడేశారు. వీరిలో నుంచి రోహిత్‌, అర్జున్‌లను నాగ్‌ పక్కకి పెట్టాడు. తర్వాత రేవంత్‌, సూర్యలో సూర్యకి తన కానుక అందించింది తమన్నా. తర్వాత గీతూ సేవ్‌ అయినట్లు ప్రకటించాడు నాగార్జున. తర్వాత ఇంటి సభ్యులకు రెండు టీమ్‌లుగా విభజించాడు. వారితో పాటను గుర్తించే గేమ్‌ ఆడించాడు. ఆ తర్వాత ఫైమా, రేవంత్, రాజశేఖర్‌, మెరీనా అండ్‌ మెరీనాలను సేవ్‌ చేశాడు. ఇక చివరగా ఆదిరెడ్డి, అభినయ శ్రీ మిగలగా..వారిలో అభినయశ్రీ ఎలిమినేట్‌ అయినట్లు నాగార్జున ప్రకటించాడు.  స్టేజ్ మీదకు వచ్చిన అభినయ.. ఇంత త్వరగా నా ఆడియెన్స్ నన్ను బయటకు పంపిస్తారు అని అనుకోలేదని ఎమోషనల్‌ అయింది. అనంతరం ఆమెకు నాగ్ ఓ టాస్క్ ఇస్తాడు. ఇంట్లో హానెస్ట్‌గా ఉన్న ఐదుగురు, హానెస్ట్‌గా లేని ఐదుగురి పేర్లు చెప్పమని అడిగాడు.హానెస్ట్.. కేటగిరీలో ఫైమా, చంటి, శ్రీ సత్య, బాలాదిత్య, సూర్యల పేర్లను చెప్పి, డిస్ హానెస్ట్ కేటగిరీలో అయితే ఒక్క రేవంత్ పేరు మాత్రమే చెప్పింది. ఆట మధ్యలో పర్సనల్ విషయాలు చెబుతాడు.. అది నాకు నచ్చలేదు.. నువ్ కన్నింగ్‌లా అనిపిస్తున్నావ్ అని ఆయన మొహం మీదే చెప్పాను.. అంటూ అభినయ అంటుంది. 

లీకుల వీరుల ముందు మళ్లీ బిగ్‌బాస్‌ ఓడాడు. ఎలిమినేషన్‌ ప్రక్రియను చాలా సీక్రెట్‌గా ఉంచాలనుకున్న బిగ్‌బాస్‌ ప్లాన్‌ వర్కౌట్‌ కాలేదు. లీకుల వీరులు చెప్పినట్లుగానే ఈ వారం బిగ్‌బాస్‌ ఇంటి నుంచి ఎవరూ బయటకు వెళ్లలేదు. నామినేషన్‌లో ఉన్న ఏడుగురిని సేవ్‌ అయ్యారు.  సండే అంటే ఫన్‌డే. ఆటలు.. పాటలు.. మధ్యలో ఎలిమినేషన్‌ అంటూ ఆదివారం ఎపిసోడ్‌ని మొదలు పెట్టాడు నాగార్జున. చెప్పినట్లుగానే ఇంటి సభ్యులతో వెరైటీ గేమ్స్‌ ఆడించారు. ముందుగా ‘ఎవరికి ఎంత తెలుసు’ అనే ఆట ఆడించాడు. ఇందులో భాగంగా ఇంటి సభ్యుల గురించి ప్రశ్నలు  అడిగాడు.  ‘శ్రీహాన్‌ హౌజ్‌లో మొదట ఏ ప్లేస్‌కు వెళ్లాడు’.? ‘ఆర్‌జే సూర్య ఎంత మందిని మిమిక్రీ చేయగలడు.? శ్రీసత్య శరీరంపై ఎన్ని టాటులు ఉన్నాయి? లాంటి ఫన్నీ క్వశ్చన్‌ అండ్‌ ఆన్సర్‌తో ఈ గేమ్‌ ముగిసింది. అయితే ఈ గేమ్‌లో ఎక్కువ ప్రశ్నలకు జవాబు చెప్పి బాలాదిత్య ‘స్టార్‌ ఆఫ్‌ ది వీక్‌’గా నిలిచాడు. అంతేకాదు బిగ్‌బాస్‌ నుంచి ప్రత్యేకమైన బహుమతిని కూడా పొందాడు. ఇక నామినేషన్‌లో ఉన్న ఐదుగురి చెతికి ఓ బ్యాటిన్‌ ఇచ్చి అది ఓపెన్‌ చేయమని చెప్పాడు హోస్ట్‌ నాగార్జున. అందులో బ్లూ కలర్‌ వస్తే సేఫ్‌ అని చెప్పగా.. అభినయశ్రీ, రేవంత్‌, ఆరోహి, ఫైమా, ఇనయాలలో ఫైమా సేవ్‌ అయింది.    ఆ తర్వాత హౌస్‌మేట్స్‌తో ‘ఐటమ్‌ నంబర్’గేమ్‌ ఆడించాడు. హోస్ట్‌ నాగార్జున ఓ వస్తువును చూపిస్తే.. ఆ వస్తువుతో వచ్చే పాట ఏంటో కంటెస్టెంట్స్‌ గెస్‌ చేయాలి. ఇందుకుగాను ఇంటి సభ్యుల్ని  ఏ, బీ అనే టీమ్‌లుగా విభజించాడు. ఏ టీమ్‌లో చంటి, శ్రీసత్య, రేవంత్‌,నేహా, అభినయ, అర్జున్‌, మెరీనా అండ్‌ రోహిత్‌, కీర్తి, షానీ, ఇనయా  ఉండగా.. మిగతావాళ్లు బీ టీమ్‌లో ఉన్నారు. ఈ ఆటలో మొదటి నుంచి ముందంజలో ఉన్న ఏ టీమ్‌ సభ్యలు విజయం సాధించారు. ఇక గేమ్‌ మధ్యలో రేవంత్‌ సేవ్‌ అయినట్లు వెల్లడించారు. ఇక చివరగా నామినేషల్‌లో ఉన్న ఆరోహి, ఇనయా, అభినయ శ్రీను నిలబెట్టి.. వారిపై ఏదైనా కంప్లైట్స్‌ ఉంటే చెప్పండి అని మిగిలిన కంటెస్టెంట్స్‌ని అడిగాడు నాగార్జున. అప్పుడు ఒక్కొక్కరు లేచి వారిపై తమకున్న కంప్లైంట్‌ ఏంటో వివరించారు. అయితే ఇందులో  ఎక్కువమంది(14) ఇనయా సుల్తానాపైనే కంప్లైంట్‌ చేశారు. దీంతో ఇనయా బెడ్‌రూమ్‌లోకి కాసేపు ఏడ్చింది. మిగిలన సభ్యులు ఆమెను ఓదార్చి తీసుకొచ్చారు. అనంతరం ఆరోహిని సేవ్‌ అయినట్లు ప్రకటించారు. ఇక చివరగా అభినయశ్రీ, ఇనయా సుల్తానాను గార్డెన్‌ ఏరియాలో ఉన్న సుత్తిని ఎత్తాలని చెప్పాడు నాగార్జున. ఇద్దరిలో ఎవరు సుత్తిని ఎత్తగలరో వారే సేఫ్‌ అవుతారని చెప్పాడు. అయితే అనూహ్యంగా ఇద్దరు తమ దగ్గర ఉన్న సుత్తిని ఎత్తారు. దీంతో ఇద్దరు సేవ్‌ అయినట్లు నాగార్జున ప్రకటించారు. హౌస్‌లోకి వచ్చి వారమే అవుతుంది. ఇప్పుడిప్పుడే అందరూ సెటిల్‌ అవుతున్నారు. అందుకే ఈ వారం ఎలిమినేష్‌ లేదు అని నాగార్జున చెప్పడంతో కంటెస్టెంట్స్‌ అంతా హ్యాపీగా ఫీలయ్యారు.