‘మా డాన్‌ షారుక్‌ ఖాన్‌... వేరే ఎవర్నీ ఊహించలేం’ అంటూ మంగళవారం పలువురు షారుక్‌ ఖాన్‌ అభిమానులు సోషల్‌ మీడియా వేదికగా పంచుకున్న అబిప్రాయాలు వైరల్‌ అవుతున్నాయి. ‘డాన్, డాన్‌ 2’ తర్వాత రానున్న ‘డాన్‌ 3’లో షారుక్‌ నటించరన్న వార్త గుప్పుమనడంతో ‘‘షారుక్‌ ప్లేస్‌లో వేరే డాన్‌ని చూడలేం’’ అంటున్నారు ఫ్యాన్స్‌. మంగళవారం ఫర్హాన్‌ అక్తర్‌ చెప్పీ చెప్పనట్లు సోషల్‌ మీడియా వేదికగా షేర్‌ చేసిన పోస్ట్‌తో ‘డాన్‌ 3’ అంశం పై చర్చ ఊపందుకుంది. ఆ వివరాల్లోకి వెళదాం..  హిందీ తెరపై డాన్‌ అంటే అమితాబ్‌ బచ్చన్‌ గుర్తొస్తారు. ఆయన టైటిల్‌ రోల్‌లో రూపొందిన ‘డాన్‌’ (1978) సూపర్‌ డూపర్‌ హిట్టయింది. చంద్ర బారోత్‌ దర్శకత్వం వహించిన ఈ చిత్రానికి అయిన బడ్జెట్‌ దాదాపు రూ 70  లక్షలు. కానీ వసూళ్లు రూ. 7 కోట్లు. అంటే.. పదింతల లాభం. డాన్‌గా అమితాబ్‌ యాక్షన్‌కి ప్రేక్షకులు ఫిదా అయ్యారు. ఇదే సినిమా తెలుగు రీమేక్‌ ‘యుగంధర్‌’ (1979)లో ఎన్టీఆర్, తమిళ రీమేక్‌ ‘బిల్లా’లో రజనీకాంత్‌ నటించారు. దక్షిణాదిన కూడా ఈ డాన్‌ సూపర్‌ హిట్‌.  ది చేజ్‌ బిగిన్స్‌ ఎగైన్‌  అమితాబ్‌ బచ్చన్‌ డాన్‌ క్యారెక్టర్‌ అద్భుతంగా చేయడంతో ఇక డాన్‌ క్యారెక్టర్‌ అంటే ఆయనే అని ఫిక్స్‌ అయ్యారు బాలీవుడ్‌ ప్రేక్షకులు. అలాంటి తరుణంలో ‘నేను ఉన్నాను’ అంటూ దాదాపు మూడు దశాబ్దాల తర్వాత షారుక్‌ ఖాన్‌ డాన్‌గా తెరపైకి వచ్చారు. షారుక్‌ డాన్‌ రోల్‌లో ఫర్హాన్‌ అక్తర్‌ దర్శకత్వంలో ‘డాన్‌: ది చేజ్‌ బిగిన్స్‌ ఎగైన్‌’ (2006) రూపొందింది. అమితాబ్‌ ‘డాన్‌’కి రీ బూట్‌ వెర్షన్‌లా ఫర్హాన్‌ ఈ చిత్రాన్ని తెరకెక్కించారు. 30 ఏళ్ల తర్వాత వస్తున్న సినిమా కాబట్టి ట్రెండ్‌ని దృష్టిలో పెట్టుకుని కథ తయారు చేయించారు. ఇక అమితాబ్‌ తర్వాతి తరంలో డాన్‌ అంటే షారుక్‌ అనేలా కింగ్‌ ఖాన్‌ అద్భుతంగా నటించారు. షారుక్‌ సరసన ప్రియాంకా చోప్రా నటించారు. సుమారు రూ. 40 కోట్ల బడ్జెట్‌తో రూపొందిన ‘డాన్‌’ దాదాపు రూ. 105 కోట్ల వసూళ్లు రాబట్టి, సంచలన విజయం సాధించింది. ది కింగ్‌ ఈజ్‌ బ్యాక్‌  సిల్వర్‌ స్క్రీన్‌పై ఒక పాత్ర హిట్టయితే ఆ క్యారెక్టర్‌ని మళ్లీ మళ్లీ చూడాలనుకుంటారు ప్రేక్షకులు. అమితాబ్‌ ‘డాన్‌’ తర్వాత మళ్లీ డాన్‌ క్యారెక్టర్‌ని చూడాలనుకున్నారు. షారుక్‌ ‘డాన్‌’గా వచ్చి, అలరించారు. ఈ హిట్‌ డాన్‌ని అలా వదిలేస్తే ఎలా? మళ్లీ ఈ పాత్ర చేయాలని షారుక్‌ అనుకున్నారు. డాన్‌ కోసం కథలు తయారు చేయించాలని ఫర్హాన్‌ కూడా ఫిక్స్‌ అయ్యారు. అలా ‘డాన్‌: ది కింగ్‌ ఈజ్‌ బ్యాక్‌’ అంటూ సెకండ్‌ వెర్షన్‌ ఆరంభించారు. ‘డాన్‌: ది చేజ్‌ బిగిన్స్‌ ఎగైన్‌’ విడుదలైన ఐదేళ్లకు ‘డాన్‌ 2’ (2011)ని వెండితెరపైకి వదిలారు. ఇందులోనూ షారుక్‌ సరసన ప్రియాంకా చోప్రా నటించారు. ‘డాన్‌: ది చేజ్‌ బిగిన్స్‌ ఎగైన్‌’కి రెండింతల బడ్జెట్‌.. అంటే దాదాపు రూ. 80 కోట్లతో రూ΄పొందించారు. సుమారు రూ. 200 కోట్ల వసూళ్లతో రీబూట్‌ వెర్షన్‌లో వచ్చిన ఈ రెండో ‘డాన్‌’ కూడా ఘనవిజయం సాధించింది. ఫస్ట్‌ వెర్షన్‌కి ఫర్హాన్‌ దర్శకత్వం వహించి, ఓ నిర్మాతగా వ్యవహరించారు. రెండో వెర్షన్‌కి కూడా ఫర్హాన్‌ ఈ రెండు బాధ్యతలు చేపట్టగా, షారుక్‌ నటించడంతో పాటు ఓ నిర్మాతగా వ్యవహరించారు.   ‘డాన్‌ 3’లో రణ్‌వీర్‌ సింగ్‌?  ప్రేక్షకులు, షారుక్‌ అభిమానులు డాన్‌ క్యారెక్టర్‌ని మరచిపోలేదు. షారుక్‌ కూడా డాన్‌ పాత్రతో అనుబంధం పెంచుకున్నారు. ఫర్హాన్‌కి కూడా ఆ పాత్ర అంటే మక్కువ. అందుకే 2011లో ‘డాన్‌ 2’ని రిలీజ్‌ చేసినప్పట్నుంచి ఇప్పటివరకూ ‘డాన్‌ 3’ గురించి ఏదో సందర్భంలో ఇద్దరూ మాట్లాడుతూ వచ్చారు. ‘డాన్‌ 3’ కచ్చితంగా ఉంటుందని ఫర్హాన్‌ చెప్పుకుంటూ వచ్చారు. త్వరలో మూడో వెర్షన్‌కి శ్రీకారం జరిగే అవకాశం ఉందని మంగళవారం ఫర్హాన్‌ సోషల్‌ మీడియా వేదికగా షేర్‌ చేసిన వీడియో స్పష్టం చేస్తోంది. ఆ వీడియోలో ‘3’ అంకె కనిపించడంతో పాటు బ్యాక్‌గ్రౌండ్‌లో ‘డాన్‌’ థీమ్‌ మ్యూజిక్‌ వినబడుతోంది. అలాగే కొత్త శకం ఆరంభం కాబోతోంది అని ఉంది. సో... ‘డాన్‌ 3’ రానుందని చాలామంది ఫిక్స్‌ అయ్యారు. అయితే ఫర్హాన్‌ నటీనటులను ప్రకటించలేదు. దాంతో ఒకవేళ షారుక్‌ ఖాన్‌ అని ఫిక్స్‌ అయ్యుంటే.. ప్రకటించి ఉండేవారు కదా అనే చర్చ మొదలైంది. అలాగే కొత్త డాన్‌గా రణ్‌వీర్‌ సింగ్‌ నటిస్తారనే వార్త ఎప్పట్నుంచో ప్రచారంలో ఉంది. సో.. థర్డ్‌ వెర్షన్‌లో నటించబోయేది రణ్‌వీరే అని షారుక్‌ ఫ్యాన్స్‌ ఫిక్స్‌ అయ్యారు. పైగా ‘కొత్త శకం ఆరంభం కాబోతోంది’ అన్నారు కాబట్టి హీరోని మార్చే ఆలోచనలో ఫర్హాన్‌ ఉన్నారని ఫ్యాన్స్‌ ఊహిస్తున్నారు. కొందరు ఫ్యాన్స్‌ ఫర్హాన్‌ మీద ఆగ్రహం వ్యక్తం చేస్తున్నారు. చేస్తే షారుక్‌ చేయాలి.. లేదా ఈ సిరీస్‌కి ఫుల్‌స్టాప్‌ పడాలన్నట్లుగా స్పందిస్తున్నారు. మరోవైపు రణ్‌వీర్‌ ఫ్యాన్స్‌ ఆనందం వ్యక్తం చేస్తున్నారు. మరి.. షారుక్‌ మళ్లీ డాన్‌గా కనిపిస్తారా లేక రణ్‌వీర్‌ తెర మీదకు వస్తారా? ఒకవేళ రణ్‌వీర్‌ వస్తే.. అప్పట్లో అమితాబ్‌కి దీటుగా నటించి, డాన్‌గా భేష్‌ అని షారుక్‌ అనిపించుకున్నట్లే రణ్‌వీర్‌ కూడా ప్రేక్షకుల మెప్పు ΄పొందగలుగుతారా? వేచి చూడాల్సిందే.


 కళాకారులను ప్రోత్సహించడానికి టి. సుబ్బిరామిరెడ్డి ఎప్పుడూ ముందుంటారు. ‘టి.సుబ్బిరామిరెడ్డి ఫౌండేషన్‌’ ద్వారా ప్రతి ఏటా ప్రతిభావంతులకు అవార్డులు ఇస్తుంటారు. ఈ వారంలో ఆయన రెండు వేడుకలు నిర్వహించనున్నారు. ఒకటి వైజాగ్‌లో, మరొకటి ముంబైలో. రెగ్యులర్‌ క్యారెక్టర్స్‌తో పాటు వెంకటేశ్వర స్వామి, శ్రీరాముడు, శివుడు.. ఇలా దేవుడి పాత్రల్లో అద్భుతమైన నటన కనబర్చిన సుమన్‌ని శుక్రవారం వైజాగ్‌లో జరగనున్న వేడుకలో ‘ఆధ్యాత్మిక నట ప్రవీణ’ బిరుదుతో సత్కరించనున్నారు. పలువురు సినీ, రాజకీయ రంగ ప్రముఖులు ఈ వేడుకలో పాల్గొననున్నారు.
 
 ప్రముఖ దర్శక–నిర్మాత యశ్‌ చోప్రా పేరు మీద అందిస్తున్న ‘యశ్‌చోప్రా నేషనల్‌ మెమోరియల్‌’ అవార్డును ఈసారి షారుక్‌ ఖాన్‌కు ఇవ్వను న్నారు. శనివారం ముంబైలో జరగనున్న ఈ వేడుకలో బాలీవుడ్‌ ప్రముఖులతో పాటు తెలుగు పరిశ్రమ నుంచి మోహన్‌బాబు, జయప్రద తదితరులు పాల్గొననున్నారు.


 దర్శకుడు సంజయ్ లీలా బన్సాలీ తాజా చిత్రం 'పద్మావతి'తో నిజజీవిత ప్రేమపక్షులైన దీపికా పదుకొనే, రణ్‌వీర్ సింగ్ మళ్లీ తెరపై  కనిపిస్తారని అందరూ భావించారు. బన్సాలీ దర్శకత్వంలో ఇప్పటికే ఈ జోడీ 'రామ్‌లీలా', 'బాజీరావు మస్తానీ' సినిమాల్లో నటించింది. ముచ్చటగా మూడోసారి వీరి కాంబినేషన్ మ్యాజిక్ చేస్తుందని అంతా భావించారు. అయితే, తాజా అప్‌డేట్‌ ప్రకారం ఈ ప్రతిష్టాత్మక ప్రాజెక్టు నుంచి రణ్‌వీర్‌ సింగ్‌ తప్పుకున్నాడంట. రణ్‌వీర్‌ సింగ్‌ స్థానంలో కింగ్‌ ఖాన్‌ షారుఖ్‌ ఖాన్‌ నటించే అవకాశముందని తాజాగా బాలీవుడ్‌ వర్గాలు చెప్తున్నాయి. 
  
 మేవాడ రాణి పద్మావతి జీవితకథ ఆధారంగా చారిత్రక ఇతివృత్తంతో తెరకెక్కుతున్న ఈ సినిమాలో పద్మావతిపై మనస్సుపడిన అల్లావుద్దీన్ ఖిల్జీ పాత్ర కీలకమైనది. ఈ పాత్రలో నటించేందుకు ముందే తనకు స్ర్కిప్ట్ కాపీ ఇవ్వాలని దర్శకుడిని రణ్‌వీర్ కోరాడట. దీంతో నొచ్చుకున్న బన్సాలీ అతనిని తప్పించి మరొకరిని తీసుకోవాలని భావిస్తున్నట్టు తెలుస్తోంది. ఈ రేసులో షారుఖ్‌ ఖాన్‌ ముందంజలో ఉన్నారని, ఆయన ఒప్పుకొంటే దీపిక సరసన ఈ ప్రతిష్టాత్మక సినిమాలో కింగ్‌ ఖాన్‌ కనిపిస్తారని చిత్ర వర్గాలు చెప్తున్నాయి.   
 
 ఇక పద్మావతి భర్తగా దీపిక సరసన షాహిద్ కపూర్ నటించనున్నారని సమాచారం.  పద్మావతి రాజా రావల్ రతన్‌సింగ్‌ పాత్రకు షాహిద్ సరిగ్గా సరిపోతారని దర్శకుడు బన్సాలీ భావించినట్టు బాలీవుడ్ వర్గాలు కథనం.


 ఓ ముస్లిం వ్యాపారవేత్త జీవితంలో చోటుచేసుకున్న సంఘటనల సమాహారంగా రూపొందుతోన్న ‘రాయిస్’ చిత్రంపై దాయాది దేశంలో అప్పుడే ఆంక్షలు మొదలయ్యాయి. షారూఖ్ ఖాన్ హీరోగా, పాకిస్థానీ నటి మహీరా ఖాన్ హీరోయిన్ నటిస్తోన్న ‘రాయిస్’ను పాకిస్థాన్ లోనూ అధికారికంగా విడుదల చేయాలని దర్శకనిర్మాతలు భావిస్తున్నారు. ఆ సినిమా పాటల ఆల్బమ్ లో నాటి బాలీవుడ్ హిట్ సాంగ్ ‘లైలా ఓ లైలా..’ రిమిక్స్ వెర్షన్ కూడా ఉంది. షారూఖ్, సన్నీ లియోన్ లపై చిత్రీకరించిన ఆ ఐటం పాటలో ‘మసాలా’ కాస్త ఘాటుగానే ఉంటుందట. అయితే పాక్ లో విడుదలయ్యే ‘రాయిస్’లో  ఆ ఒక్క పాటను మాత్రం కట్ చేయబోతున్నట్లు సమాచారం. (అప్పుడు చాలా భయమేసింది: సన్నీ లియోన్)  
 
 పాక్ లో పుట్టిపెరిగి, బాలీవుడ్ లో అరంగేట్రం చేస్తోన్న మహీరా ఖాన్ కు స్వదేశంలో ఉన్న ఆదరణతో వసూళ్లు రాబట్టవచ్చని ‘రాయిస్’ రూపకర్తల అభిప్రాయం. అయితే సన్నీ ఐటం నబంర్ పై మాత్రం పాకిస్థానీలు ఆగ్రహం వెలిబుచ్చే అవకాశం ఉందని, అందుకే ఆ పాటను తొలిగించి విడుదల చేయబోతున్నారని వార్తా సంస్థ‘ఏసియన్ ఏజ్’ పేర్కొంది. గౌరీఖాన్, రితేశ్ సిద్వానీ, ఫరాఖాన్ ల సంయుక్త నిర్మాణంలో రాహుల్ ధోలాకియా దర్శకత్వం వహించిన ‘రాయిస్’ 2017 జనవరి 26న విడుదలకానుంది. (నావి బెడ్ రూమ్ కళ్లు, అసలు అలసిపోవు: షారూఖ్)


 ఎలాంటి సినీ బ్యాక్ గ్రౌండ్ లేకుండా ఇండస్ట్రీలో అడుగుపెట్టి తక్కువ కాలంలోనే స్టార్ డమ్ సొంతం చేసుకున్న హీరోయిన్ అనుష్క శర్మ. అందానికి అభినయం కూడా తోడవడంతో అనతికాలంలోనే స్టార్ హీరోల సరసన నటించే అవకాశం కొట్టేసింది. అది కూడా బాలీవుడ్ ఖాన్ త్రయంతో నటించేసి మిగిలినవారికి గట్టి పోటీగా నిలిచింది.  షారుఖ్ సినిమా 'రబ్ నే బనాదీ జోడీ'తో ఇండస్ట్రీలోకి అడుగుపెట్టిన అనుష్క.. 'జబ్ తక్ హై జాన్' చిత్రంలో మరోసారి షారుఖ్తో కలిసి స్క్రీన్ మీద మెరిసింది.
 
 మిస్టర్ పర్ఫెక్ట్ ఆమీర్తో కలిసి 'పీకే' చిత్రంలో నటించి అందరినీ తనవైపు తిప్పుకుంది. ఇక ఎంతోమంది హీరోయిన్ల పేర్లు పరిశీలించిన తర్వాత సల్మాన్ ఖాన్ 'సుల్తాన్' లో నటించే అవకాశం అనుష్కను వరించింది. క్రీడాకారిణిగా మరోసారి ప్రేక్షకులను మెస్మరైజ్ చేయడానికి సిద్ధమైంది ఈ బ్యూటీ. ఈద్ కానుకగా సుల్తాన్ జూలై 6న విడుదల కానున్న క్రమంలో ఖాన్ త్రయంలో పనిచేసిన అనుభవాలను మీడియాతో పంచుకుంది అనుష్క.
 
 అతను ఎవరితోనైనా అంతే..
 సల్మాన్.. నిజాయితీకి మారు పేరంటూ కితాబిచ్చింది అనుష్క. సినిమా షూటింగ్ మొదలయ్యేవరకు సల్మాన్తో అంత పరిచయం లేదని, పరిచయం అయ్యాక అతనేంటో చాలా తెలుసుకున్నానని అంటోంది. సల్మాన్ ఎవరితోనైనా ఒకేలా ఉంటారని, చాలా కచ్చితంగా మాట్లాడుతారని.. మాటలు మార్చడంలాంటివి అస్సలు చేయరని చెప్పింది. ఆయనతో కలిసి పనిచేయడం సులువని కూడా చెబుతోంది.
 
 ఆ మనిషి మాయ చేసేస్తాడు..
 షారుఖ్ ఎవ్వరినైనా మాయ చేసేస్తాడట. చాలా మాట్లాడతాడు.. మాటలతోనే ఎదుటివారు సౌకర్యంగా ఫీల్ అయ్యేలా చేస్తాడు. తెలివైన వ్యక్తి కూడా. ఎదుటివారి భావాలను చెప్పకున్నా అర్థం చేసుకోగలగడం అతనికున్న క్వాలిటీ అంటోంది అనుష్క.
 
 చాలా వ్యూహాత్మకమైన వ్యక్తి..
 ఆమీర్.. చాలా వ్యూహాత్మకమైన వ్యక్తి అంటోంది అనుష్క. తనకేం కావాలో అది రాబట్టుకునే తెలివైన వ్యక్తి, మాటకారి. మంచి సినిమాలను ఎంచుకుంటాడు, సినిమాల స్థాయిని పెంచే నటుడు అంటూ చెప్పుకొచ్చింది అనుష్కా శర్మ.
  


 ముంబై: బాలీవుడ్ బాద్ షాను యువ హీరోయిన్ అలియా భట్ పొగడ్తల్లో ముంచెత్తింది. తనతో పాటు నటించిన హీరోల్లో షారూఖ్ ఖాన్‌ బెస్ట్ కో-స్టార్ అంటూ పొడిగేసింది. గౌరీ షిండే తెరకెక్కిస్తున్న సినిమా షారూఖ్ సరసన అలియా నటిస్తోంది. 'షారూఖ్ తో నేను నటిస్తున్న సినిమా షూటింగ్ మొదలైంది. నాకు చాలా గొప్పగా అనిపిస్తోంది. నేను చాలా నెర్వస్ గా ఫీలయ్యా.. డైలాగులు మర్చిపోకూడదని బాగా రిహార్సల్ చేశాం. నేను నటించిన హీరోల్లో షారూఖే బెస్ట్ కో-స్టార్' అని అలియా పేర్కొంది.
 
 నటన పట్ల ఆయనకు అంకితభావం మెండుగా ఉందని కితాబిచ్చింది. షారూఖ్, అలియా సినిమాకు ఇంకా టైటిల్ నిర్ణయించలేదు. కాగా, తాజా చిత్రం 'కపూర్ అండ్ సన్స్' ప్రమోషన్ లో అలియా బిజీగా ఉంది. ఇందులో తన పాత్ర కొత్తగా ఉంటుందని చెప్పింది. ఈ సినిమా మార్చి 18న విడుదల కానుంది.


 ఫ్యాన్ : టీజర్
 నిడివి : 1 ని. 03 సె.
 హిట్స్ : 23,71,302
  
  ‘దునియా కె సబ్‌సె బడే సూపర్‌స్టార్ కా సబ్‌సె బడా ఫ్యాన్’! షారుక్ నటిస్తున్న ‘ఫ్యాన్’ చిత్రం తొలి టీజర్ ఇది. బ్యాండ్ బాజా బారాత్ దర్శకుడు మనీష్ శర్మే మళ్లీ దర్శకత్వం వహిస్తున్న ‘ఫ్యాన్’లో షారుఖ్ ఖాన్ షారుక్ అభిమానిలా నటిస్తున్నారు. ముంైబె లోని తన ఇంటి బయట ఎదురు చూసే ఫ్యాన్స్ మొదలు, వివిధ దేశాలలో షారుఖ్‌ను కలుసుకున్న అభిమానుల దృశ్యమాలికే... ఈ టీజర్. చిత్రం విడుదల వచ్చే ఏడాది ఏప్రిల్.
  
  201 డేస్ ఆఫ్ ది
  ఎక్స్-ఫైల్స్
  నిడివి : 40 సె.
  హిట్స్ : 19,79,816
  
  ఎక్స్-ఫైల్స్ అభిమానులకు శుభవార్త! ఫాక్స్ చానెల్‌లో 2016 జనవరి 24 నుంచి ఆరు భాగాలుగా సరికొత్త ఎక్స్-ఫైల్స్ సీరిస్ మొదలవబోతోంది. అయితే అంతకన్నా శుభవార్త వేరొకటుంది. కొత్త సీరీస్‌కు కౌంట్ డౌన్‌గా.. ఇప్పటివరకు ప్రసారం అయిన మొత్తం 201 ఎక్స్- ఫైల్స్‌ని (సైన్, ఫిక్షన్, హారర్, డ్రామా) ఈ నెల 7వ తేదీ నుండి ఫాక్స్ వరుసగా వేసి చూపిస్తోంది. ఆ విషయం చెబుతూ ఫాక్స్ టీవీ గత వారం ఈ క్లిప్పింగ్‌ను విడుదల చేసింది.
  
  వెల్‌కమ్ బ్యాక్: ట్రైలర్
  నిడివి 3 ని. 42 సె.
  హిట్స్ : 16,32,808
  
  బాలీవుడ్ మూవీ ‘వెల్‌కమ్’కు ఎనిమిదేళ్ల తర్వాత సీక్వెల్‌గా వస్తున్న ‘వెల్‌కమ్ బ్యాక్’ మూవీ ట్రైలర్ ఇది. ‘ది ఫన్నీయెస్ట్ మాబ్ వెడ్డింగ్ ఆఫ్ ది ఇయర్’ అని ట్రైలర్ చూస్తే అర్థమవుతుంది. వెల్‌కమ్‌లోని నానా పటేకర్, అనిల్ కుమార్.. వెల్‌కమ్ బ్యాక్‌లోనూ కనిపిస్తారు. అయితే అక్షయ్‌కుమార్, కత్రీనాలకు బదులుగా సీక్వెల్‌లో జాన్ అబ్రహాం, శృతీహాసన్ కనువిందు చేస్తారు. వీరి లవ్‌స్టోరీని పాడు చేయడమే మాబ్ ధ్యేయం. చిత్రం విడుదల సెప్టెంబర్ 4.
  
  రంగబోతి
  నిడివి : 6 ని. 57 సె.
  హిట్స్ : 13,88,840
  
  ఎంటీవీలో ‘కోక్ స్టూడియో’ ప్రోగ్రామ్ కోసం గాయని సోనా మహాపాత్ర, సంగీతకారుడైన ఆమె భర్త రామ్ సంపత్ కలిసి రూపొందించిన ‘రంగబోతి’ పాట యూట్యూబ్ వీక్షకులను ఆకట్టుకుంటోంది. ఒడిషా జానపద గేయమైన రంగబోతిని ఇలా ఆధునికతతో తగలేయడం ఏమిటని సంస్కృతీ సంప్రదాయాల ప్రేమికులు కన్నెర్రచేసి పోలీసు కేసు పెట్టడం కూడా ఈ సాంగ్‌కి అమితమైన ప్రచారాన్ని తెచ్చిపెట్టింది. ఇందులోని సోనా మహాపాత్ర వాయిస్ మనల్ని అక్కడికక్కడ ఖైదు చేసేస్తుంది.
  
  మేరా నామ్ మేరీ : బ్రదర్స్
  నిడివి : 2 ని. 17 సె.
  ిహ ట్స్ : 9,83,500
  
  తీస్‌మార్‌ఖాన్‌లో ‘మై నేమీజ్ షీలా...’ అనే పాటను గుర్తుకు తెచ్చే ‘మే రా నామ్ మేరీ’ అనే పాటను మీరు ఈ వీడియోలో వీక్షించవచ్చు. షీలాకు ఏ మాత్రం తగ్గకుండా కరీనా కపూర్ ఇందులో (బ్రదర్స్ చిత్రంలో) ఆడారు, పాడారు, కిక్కెక్కించారు కూడా. అక్షయ్ కుమార్, సిద్థార్థ్ మల్హోత్రా నటిస్తున్న ఈ ఇండియన్ మార్షల్ యాక్షన్ డ్రామా ఫిల్మ్  ఆగస్టులో విడుదల కాబోతోంది. పాటలో కరీనాను కొంచెమే చూపించారు. మిగతా కొంచాన్ని సినిమాలో చూడ్డం తప్ప వేరే దారి లేదు.
  
  స్ప్లిట్స్‌విల్లా 8
  ఎపిసోడ్ 2
  నిడివి : 44 ని. 35 సె.
  హిట్స్ : 4,58,491
  
  ఎం.టి.వి.లో వస్తున్న ఇండియన్ రియాలిటీ షో.. స్ప్లిట్స్‌విల్లా. అమెరికన్ డేటింగ్ రియాలిటీ షో ‘ఫ్లేవర్ ఆఫ్ లవ్’ ప్రేరణతో తయారైన స్ప్లిట్స్‌విల్లా ప్రస్తుతం 8వ సీజన్‌లో ఉంది. అందులోని రెండో ఎపిసోడే ఇది. సన్నీ లియోన్ ఎంట్రీ ఇవ్వడంతో స్ప్లిట్స్‌విల్లా కొంచెం వేడెక్కిందనే చెప్పాలి.  ఈ షో అంతా బాయ్స్, గాళ్స్ చుట్టూ తిరుగుతుంది. వీళ్లంతా ఒక విల్లాలో స్పేస్ కోసం పోటీ పడుతుంటారు. చివరికి గెలిచిన ఒక అమ్మాయిని, అబ్బాయిని స్ప్లిట్స్‌విల్లా జంటగా ప్రకటిస్తారు.
  
  


 బాలీవుడ్ డాడీస్ తమ క్యూట్ కిడ్స్‌పై ప్రేమ కురిపిస్తున్నారు. అన్నీ మరిచిపోయి వారి లోకంలో వీరు విహరిస్తున్నారు. కుమారుడు అబ్‌రామ్ చిలిపి చేష్టలను ఎప్పటికప్పుడు ఫ్రెండ్స్ అండ్ ఫ్యాన్స్‌తో కింగ్ ఖాన్ షారూఖ్ షేర్ చేసుకొంటున్నాడు. గతంలో అక్షయ్‌కుమార్, అర్జున్‌రాంపాల్‌లు కూడా తమ పిల్లల గుర్తులను వీపుపై, చేతులపై టాటూలతో పదిలపరుచుకున్నారు. ఇప్పుడు కుర్ర హీరో ఇమ్రాన్‌ఖాన్ వంతు. అతని పది నెలల ముద్దులొలికే కూతురు ఇమరా చిట్టి చిట్టి పాదాలను తన ఛాతిపై ముద్రించుకున్నాడట!
 
 అదే... టాటూ వేయించుకున్నాడట! ఈ ఐడియా  తన తల్లిని చూసి తట్టినట్టుంది మనోడికి. ఆమె కూడా ఇమ్రాన్ చిన్ననాటి పాదాలను ఓ పేపర్‌పై వేయించి భద్రపరుచుకుందట! ‘నా తొలి సంతానం ఇమరా. ఈ తీపి జ్ఞాపకం ఎప్పటికీ నాకు గుర్తుండిపోవాలి. అందుకే ఈ పచ్చబొట్టు’ అంటూ ఓ ఆంగ్ల పత్రికతో చెప్పాడు ఇమ్రాన్.


 న్యూఢిల్లీ: అమెరికా అధ్యక్షుడు బరాక్ ఒబామా ప్రసంగంలో తన పేరు ప్రస్తావించినందుకు సంతోషంగా ఉందని బాలీవుడ్ బాద్షా షారుక్ ఖాన్ ఉప్పొంగిపోయారు. మంగళవారం షారుక్ ఈ మేరకు ట్వీట్ చేశారు.  
 
 ఒబామా ఈ రోజు ఉదయం సిరిఫోర్ట్ ఆడిటోరియంలో ప్రసంగిస్తూ.. షారుక్ ఖాన్ నటించిన దిల్వాలే దుల్హనియా లేజాయేంగే చిత్రం విజయాన్ని ప్రస్తావించారు. లింగ, మత వివక్ష గురించి ఒబామా మాట్లాడుతూ.. దిల్వాలే దుల్హనియా లేజాయేంగేలోని ఓ డైలాగ్ చెప్పారు. ఇంకా ప్రఖ్యాత క్రీడాకారుడు మిల్కాసింగ్, నోబెల్ శాంతి బహుమతి గ్రహీత కైలాష్ సత్యార్థి, స్వామి వివేకానంద తదితరుల గురించి మాట్లాడారు. ఈ నేపథ్యంలో షారుక్ ఒబామాకు కృతజ్ఞతలు తెలుపుతూ ట్వీట్ చేశారు. ఈ నేపథ్యంలో షారుక్ ఒబామాకు కృతజ్ఞతలు తెలుపుతూ ట్వీట్ చేశారు. ఒబామా మరోసారి భారత పర్యటనకు వచ్చినపుడు ఛయ్యా.. ఛయ్యా పాటకు డాన్స్ చేస్తానని ట్విట్టర్లో పేర్కొన్నారు. ఈ పాట షారుక్ నటించిన దిల్ సే చిత్రంలోనిది.


 ముంబై: బాలీవుడ్ కండల వీరుడు సల్మాన్ ఖాన్.. షారుక్ ఖాన్ను ప్రశంసల్లో ముంచెత్తాడు. బాలీవుడ్ కింగ్ షారుకే అంటూ సల్మాన్ కితాబిచ్చాడు. సల్మాన్ నటించిన తాజా చిత్రం కిక్ వంద కోట్ల రూపాయిలను వసూలు చేసింది. బాలీవుడ్లో వరుసగా ఏడు సినిమాల్లో వంద కోట్ల రూపాయిలు వసూలు చేసిన తొలి హీరోగా సల్మాన్ రికార్డు సృష్టించాడు.
 
 వరుసగా హిట్ సినిమాలతో బాలీవుడ్కు కొత్త కింగ్ అయ్యారా అన్న ప్రశ్నకు.. షారుక్ ఖాన్ను ఉద్దేశించి బాలీవుడ్ కింగ్ అతనే అని అన్నాడు. అతనితో తనకు ఎలాంటి విభేదాలు లేవని చెప్పాడు. బాలీవుడ్లో మీరు ఎన్నో స్థానంలో ఉన్నారు అన్న మరో ప్రశ్నకు.. తనకు నెంబర్ల గురించి ఆస్తకిలేదని సల్మాన్ సమాధానమిచ్చాడు.
  


 బాలీవుడ్ తారలంతా ఒకచోట చేరారంటే సాధారణంగా అదేదో అవార్డుల కార్యక్రమం అయి ఉండాలి. కానీ ముంబైలో శనివారం ఓ కబడ్డీ మ్యాచ్ కోసం బాలీవుడ్ దిగ్గజాలంతా ఒక చోట చేరారు. ప్రొ కబడ్డీ లీగ్ ప్రారంభం సందర్భంగా అమితాబ్, షారూఖ్, ఆమీర్ ఖాన్, అభిషేక్, ఐశ్వర్యరాయ్, జయాబచ్చన్, క్రికెట్ దిగ్గజం సచిన్‌తో పాటు ఆయన భార్య అంజలీ, టీనా అంబానీ... ఇలా హేమాహేమీలంతా వచ్చారు. అన్నట్లు ఈ మ్యాచ్‌లో అభిషేక్ జట్టు జైపూర్ పాంథర్స్... ముంబై జట్టు చేతిలో ఓడిపోయింది.
  
  


 జాతీయ అవార్డు గ్రహీత జానకీ విశ్వనాథన్ తొలిసారిగా హిందీలో తెరకెక్కిస్తున్న 'బక్రాపూర్' సినిమాలో ఓ మేకకు షారూఖ్ పెట్టారు. షారూఖ్ పేరు వినగానే బాలీవుడ్ బాద్ షా షారూఖ్ ఖాన్ గర్తుకు వస్తారు. కథకు అనుగుణంగానే తన సినిమాలో మేకకు షారూఖ్ పేరు పెట్టానని జానకీ విశ్వనాథన్ పీటీఐతో చెప్పారు. ఈ సినిమాలో కీలకమైన మేక పాత్రకు క్యాచీ టైటిల్ ఉండాలన్న ఉద్దేశంతో ఈ పేరు పెట్టినట్టు వివరించారు. తాను కేవలం షారూఖ్ అని మాత్రమే పేరు పెట్టానని స్పష్టం చేశారు.
 
 షారూఖ్ ఖాన్ అంటే తనకెంతో గౌరవమని చెప్పారు. అయితే ఆయనను తానెప్పడు కలవలేదని తెలిపారు. షారూఖ్ ఖాన్కు మంచి సెన్స్ ఆఫ్ హ్యూమర్ ఉందని ఆయనను ఇంటర్య్వూలు చూసి తెలుసుకన్నానని అన్నారు. గ్రామీణ భారతం నేపథ్యంలో సోషియో-పొలిటికల్ సైటర్గా 'బక్రాపూర్' తెరక్కిస్తున్నట్టు తెలిపారు. ఈ సినిమాకు స్క్రిప్ట్ అందించడంతో పాటు ఆమె దర్శకత్వం వహిస్తున్నారు. జానకీ విశ్వనాథన్ అంతకుముందు నాలుగు సినిమాలు తీశారు. ఇందులో మూడు తమిళ సినిమాలున్నాయి.