సాక్షి, హైదరాబాద్‌: వచ్చే అసెంబ్లీ ఎన్నికల్లో బీజేపీ టికెట్‌ కోసం గురువారం 333 దరఖాస్తులు అందినట్లు పార్టీవర్గాల సమాచారం. ఎన్నికల్లో పోటీకి ఉత్సాహపడుతున్నవారి నుంచి బుధవారం వరకు 666 దరఖాస్తులు అందగా, నాలుగోరోజు కూడా కలిపి మొత్తంగా 999 దరఖాస్తులు కమిటీకి చేరినట్టు అయింది. గురువారం పార్టీ కార్యాలయంలో దరఖాస్తులు సమర్పించినవారిలో మాజీ ఎమ్మెల్యే ఒంటేరు జైపాల్, అధికార ప్రతినిధి జె.సంగప్ప, కీర్తిరెడ్డి, వీరపనేని పద్మ, పాండు తదితరులు ఉన్నారు. ఈ నెల 4వ తేదీ నుంచి దరఖాస్తులు స్వీకరిస్తుండగా, వివిధ ప్రాంతాలు, నియోజకవర్గాలకు చెందిన నాయకులు దరఖాస్తులు సమర్పించి టికెట్‌ వస్తుందా లేదా అన్న దానిపై అదృష్టాన్ని పరీక్షించుకుంటున్నారు. అయితే వీరిలో మెజారిటీ ‘నాన్‌ సీరియస్‌’అభ్యర్థులే ఉన్నారని పార్టీ నాయకులు అంచనా వేస్తున్నారు. తెలంగాణ శాసనసభ ఎన్నికల్లో పోటీచేయాలని అనుకునే నేతలంతా వారి వారి సీనియారిటీ, స్థానికంగా బలం, పార్టీలో పేరు ప్రఖ్యాతులు, ప్రజల్లో పలుకుబడి వంటి వాటితో సంబంధం లేకుండా దరఖాస్తులు సమర్పించవచ్చని బీజేపీ రాష్ట్ర ఎన్నికల ఇన్‌చార్జి ప్రకాష్‌ జవదేకర్‌ తాజాగా స్పష్టం చేసిన విషయం తెలిసిందే. ఈ నేపథ్యంలో పెద్దా, చిన్నా అనే తేడా లేకుండా వచ్చే ఎన్నికల్లో పోటీ చేయాలని భావించే ముఖ్యనేతలంతా రాబోయే మూడురోజుల్లో మరీ ముఖ్యంగా, వచ్చే శని, ఆదివారాల్లో తాము పోటీచేసే స్థానాలకు దరఖాస్తులు అందజేయనున్నట్టు పార్టీవర్గాల సమాచారం. దీంతో ఎవరెవరు ఎక్కడి నుంచి పోటీచేస్తారనే దానిపైనా స్పష్టత వస్తుందని నాయకులు అంచనా వేస్తున్నారు.  

సాక్షిప్రతినిధి, వరంగల్‌: ఉమ్మడి వరంగల్‌లో జనగామ మినహా 11 నియోజకవర్గాలకు బీఆర్‌ఎస్‌ అధిష్టానం ప్రకటించిన అభ్యర్థులు ప్రచార బరిలోకి దిగారు. బీఆర్‌ఎస్‌ అభ్యర్థులను ఢీకొట్టగల అభ్యర్థులను బరిలోకి దింపే దిశగా కాంగ్రెస్‌, బీజేపీలు కసరత్తు చేస్తున్నాయి. కాంగ్రెస్‌ పార్టీ అభ్యర్థుల ఎంపిక కోసం అధిష్టానం చేపట్టిన దరఖాస్తుల స్వీకరణ ప్రక్రియ ఈనెల 25న ముగిసింది. ఆదరఖాస్తులు టీపీసీసీ నుంచి సీడబ్ల్యూసీ, పార్టీ ఎన్నికల నిర్వహణ కమిటీలకు చేరాయి. ఎమ్మెల్యే ప్రవాస్‌ యోజన పేరిట బీజేపీ ఉమ్మడి జిల్లాలోని అన్ని నియోజకవర్గాల్లో సమావేశాలు నిర్వహిస్తోంది. కేంద్ర మంత్రులు, బీజేపీ ఎమ్మెల్యేలు ముఖ్య అతిథులుగా పాల్గొంటున్నారు. అయితే ఇప్పటికే బీఆర్‌ఎస్‌ 11 నియోజకవర్గాలకు అభ్యర్థులను ప్రకటించిన నేపథ్యంలో కాంగ్రెస్‌, బీజేపీలు సైతం అభ్యర్థుల ఎంపికపై దృష్టి సారించాయి. ఇదే సమయంలో ఇతర పార్టీల నుంచి చేరికలను ప్రోత్సహిస్తున్నాయి. ఎత్తులు, పైఎత్తులు.. పోటాపోటీ కార్యక్రమాలతో మూడు పార్టీల్లో రాజకీయాలు వేడెక్కాయి. తొలి జాబితాలో చోటెవ్వరికీ.. కాంగ్రెస్‌ ఆశావహుల్లో ఉత్కంఠ కాంగ్రెస్‌ అధిష్టానం దూకుడు చూస్తే ఈనెలాఖరు లేదా వచ్చే నెల మొదటి వారంలో తొలి జాబితాను విడుదల చేసే అవకాశం ఉందని పార్టీ వర్గాలు చెబుతున్నాయి. ఈప్రక్రియలో భాగంగానే ఆయా నియోజకవర్గాల నుంచి పోటీ చేయాలనుకుంటున్న ఆశావహుల నుంచి ఈనెల 18 నుంచి 25 వరకు దరఖాస్తులు స్వీకరించారు. ములుగు, భూపాలపల్లి మినహా అన్ని నియోజకవర్గాల నుంచి ఆశావహులు పోటాపోటీగా దరఖాస్తు చేసుకున్నారు. ములు గు సిట్టింగ్‌ ఎమ్మెల్యే ధనసరి సీతక్క (అనసూయ), భూపాలపల్లి గండ్ర సత్యనారాయణకు ఖరారు కాగా.. నర్సంపేటకు దొంతి మాధవరెడ్డి ఫైనల్‌ అంటున్నారు. మిగతా చోట్ల ఆశావహుల్లో ఉత్కంఠ నెలకొంది. ఎక్కువ మంది దరఖాస్తు చేసుకున్న చోట ముగ్గురి పేర్లను పరిశీలనలోకి తీసుకోనున్నారనే చర్చ ఆ పార్టీ వర్గాల్లో సాగుతోంది. వరంగల్‌ తూర్పు నుంచి కొండా సురేఖ, ఎర్రబెల్లి స్వర్ణ, డాక్ట ర్‌ కత్తి వెంకటస్వామిగౌడ్‌, వరంగల్‌ పశ్చిమకు నాయిని రాజేందర్‌రెడ్డి, జంగా రాఘవరెడ్డి, కట్ల శ్రీనివాస్‌ పేర్లు పరిశీలనలో ఉన్నట్లు సమాచారం. జనగామలో కొమ్మూరి ప్రతాప్‌రెడ్డి, పొన్నాల లక్ష్మయ్య మధ్య నువ్వా నేనా? అనే రీతిలో ఉంది. పాలకుర్తి నుంచి దాదాపుగా అనుమాండ్ల ఝూన్సీ రెడ్డికి ఖాయమంటున్నా... బండి సుధాకర్‌, డాక్టర్‌ లక్ష్మీనారాయణ నాయక్‌ల పేర్లు పరిశీలనలో ఉన్నా యి. పరకాలలో ఇనుగాల వెంకట్రామిరెడ్డి, కొండా మురళిలో ఒకరికి.. మహబూబాబాద్‌ నుంచి పోరిక బలరాంనాయక్‌, బెల్లయ్యనాయక్‌, డాక్టర్‌ మురళి నాయక్‌లలో ఒకరికి అవకాశం దక్కవచ్చంటున్నా రు. స్టేషన్‌ఘన్‌పూర్‌కు దొమ్మాటి సాంబయ్య, ఇందిర,డాక్టర్‌ బి.కృష్ణ పేర్లు పరిశీలనలో ఉన్న ట్లు పార్టీవర్గాల సమాచారం. డోర్నకల్‌ నుంచి జా టోత్‌ రాంచంద్రు నాయక్‌, మాలోత్‌ నెహ్రూ నాయ క్‌, నూనావత్‌ భూపాల్‌నాయక్‌, వర్ధన్నపేటకు నమిండ్ల శ్రీనివాస్‌, కేఆర్‌.నాగరాజు, బక్క జడ్సన్‌, సిరిసిల్ల రాజయ్య పేర్లపై చర్చ జరుగుతోంది. సెప్టెంబర్‌ 17 తర్వాత కమల దళం గతంలో ఎన్నడూ లేని విధంగా బీజేపీ నాయకులు సీట్ల కోసం పోటీ పడుతున్నారు. రాజకీయాలకు అంటీముట్టనట్లున్న డాక్టర్లు, కాంట్రాక్టర్లు అసెంబ్లీ ఎన్నికల్లో పోటీ చేసేందుకు ఆపార్టీ తీర్థం పుచ్చుకుంటున్నారు. అయితే బీజేపీ అధిష్టానం మాత్రం సెప్టెంబర్‌ 17 తర్వాతే అభ్యర్థుల మొదటి జాబితా ప్రకటన ఉంటుందని ఇప్పటికే స్పష్టం చేసింది. దీంతో ఆశావహ నేతలంతా హైదరాబాద్‌, ఢిల్లీ నేతలతో టచ్‌లోకి వెళ్లి లాబీయింగ్‌ చేస్తున్నారు. మహబూబాబాద్‌, వరంగల్‌ తూర్పు, వరంగల్‌ పశ్చిమ, పరకాల, భూపాలపల్లిలో ఆ పార్టీకి బలం ఉంది. 2018 ఎన్నికల్లో ఈనియోజకవర్గాల్లో ఆపార్టీ అభ్యర్థులు ఓటమి పాలైనా ఓట్లు రాబట్టుకున్నారు. ఇప్పుడు ఆ స్థానాల నుంచి అభ్యర్థులుగా బరిలో నిలిచేందుకు చాలా మంది పోటీ పడుతున్నారు. 12 నియోజకవర్గాల నుంచి అభ్యర్థులను పెట్టనున్న బీజేపీ అధిష్టానం దీటైన వ్యక్తుల కోసం ఆరా తీస్తుండగా.. ఎన్నికల సమయం సమీపిస్తున్నా కొద్దీ బీజేపీలో టికెట్ల పోరు ముదురుతోంది. వరంగల్‌ తూర్పు నుంచి ఎర్రబెల్లి ప్రదీప్‌రావు, కుసుమ సతీశ్‌, గంట రవికుమార్‌, వన్నాల వెంకటరమణ, వరంగల్‌ పశ్చిమకు మాజీ ఎమ్మెల్యే మార్తినేని ధర్మారావు, ఏనుగుల రాకేశ్‌రెడ్డి, రావు పద్మ పోటాపోటీగా ప్రయత్నాలు చేస్తున్నారు. స్టేషన్‌ ఘన్‌పూర్‌ నుంచి మాజీ మంత్రి డాక్టర్‌ జి.విజయరామారావు, మహబూబాబాద్‌ నుంచి జాటోత్‌ హుస్సేన్‌నాయక్‌, భూపాలపల్లి నుంచి చందుపట్ల కీర్తిరెడ్డి, నర్సంపేట, వర్ధన్నపేట నుంచి మాజీ ఎమ్మెల్యేలు రేవూరి ప్రకాశ్‌రెడ్డి, కొండేటి శ్రీధర్‌ పేర్లున్నాయి. జనగామకు ఆరుట్ల దశమంతరెడ్డి, ముక్కెర తిరుపతిరెడ్డి, బేజాటి బీరప్ప, ప్రేమలతారెడ్డి, ములుగు నుంచి అజ్మీరా కృష్ణవేణి నాయక్‌, భూక్యా రాజునాయక్‌, తాటి కృష్ణ, భూక్యా జవహర్‌లాల్‌ టికెట్‌ ఆశిస్తున్నారు. పరకాల నుంచి మాజీ ఎమ్మెల్యే మొలుగూరి భిక్షపతి, డాక్టర్‌ పెసరు విజయచందర్‌ రెడ్డి పేర్లుండగా.. 27న పార్టీలో చేరిన డాక్టర్‌ కాళీప్రసాద్‌ పేరు ప్రముఖంగా పరిశీలనలో ఉన్నట్లు పార్టీవర్గాల సమాచారం.

హీరో ప‌వ‌న్ క‌ల్యాణ్ కెరీర్‌లో మైలురాయిగా చెప్పుకోద‌గ్గ చిత్రాల్లో తొలిప్రేమ ఒక‌టి. తొంభై ద‌శ‌కంలో ఈ సినిమా ఓ ట్రెండ్ సెట్ట‌ర్. ప‌వ‌న్ క‌ల్యాణ్‌ను యూత్‌కి బాగా క‌నెక్ట్ చేసింది ఈ చిత్రం. అమాయ‌క‌మైన ప్రేమికుడిగా, ప్రియురాలికి త‌న ప్రేమ విష‌యం చెప్పేందుకు తాప‌త్ర‌య‌ప‌డే యువ‌కుడి పాత్ర‌లో ప‌వ‌న్ న‌ట‌న అంద‌రినీ క‌ట్టిప‌డేసింది. హీరోయిన్‌గా కీర్తి రెడ్డి చేసిన మ్యాజిక్ అంతా ఇంతా కాదు. అందం, అభినయంతో కుర్రకారును ఆకట్టుకున్న కీర్తి తక్కువ కాలంలోనే స్టార్‌ హీరోయిన్‌ ఎదిగింది. నటిగా రాణిస్తున్న క్రమంలో సడెన్‌గా ఇండస్ట్రీకి దూరమైంది. ప్రస్తుతం ఆమె ఎక్కడ ఉంది, ఏం చేస్తుందనేది పెద్దగా ఎవరికి తెలియదు. అయితే తొలిప్రేమ సినిమా వచ్చి దాదాపు 25 ఏళ్లు అవుతున్న సందర్భంగా కీర్తి రెడ్డి గురించి సినీ ప్రియులు ఆరా తీస్తున్నారు. ఈ క్రమంతో ఆమెకు సంబంధించిన లేటెస్ట్‌ ఫొటోలు, ఆసక్తికర విషయాలు సోషల్‌ మీడియాలో చక్కర్లు కొడుతున్నాయి. తొలిప్రేమ తర్వాత తెలుగు, హిందీ, తమిళ్‌లో పలు చిత్రాలు చేసిన కీర్తి అక్కినేని హీరో సుమంత్‌ను ప్రేమ వివాహం చేసుకున్న సంగతి తెలిసిందే.  అయితే వారి దాంపత్య జీవితం ఎక్కువ కాలం నిలవలేదు. పెళ్లి చేసుకున్న ఏడాదికే విడాకులు తీసుకుని సుమంత్‌తో విడిపోయింది. ఆ తర్వాత కీర్తి సినిమాలకు దూరమైంది. పెళ్లి తర్వాత ఆమెకు అవకాశాలు రాకపోవడంతో పూర్తిగా నటనకు గుడ్‌బై చెప్పింది. అనంతరం ఓ ఎన్‌ఆర్‌ఐని రెండో పెళ్లి చేసుకున్న కీర్తి ప్రస్తుతం భర్తతో కలిసి ఆమెరికాలో స్థిరపడింది. ఈ జంటకు ఇద్దరు పిల్లలు. ప్రస్తుతం హౌజ్‌ వైఫ్‌గా లైఫ్‌ లీడ్‌ చేస్తున్న కీర్తి ఇటీవల ఇండియాలో జరిగిన బంధువుల ఫంక్షన్‌లో మెరిసింది. ఈ వేడుకలో సమంత స్నేహితురాలు, ఫిట్‌నెస్‌ ట్రైనర్‌ శిల్పారెడ్డితో కలిసి దిగిన ఫొటోను తన ఇన్‌స్టాగ్రామ్‌లో షేర్‌ చేసింది. దీంతో కీర్తిరెడ్డి లేటెస్ట్‌ ఫొటో బయటకు వచ్చింది. ఇప్పటికే కీర్తి అలాగే ఉందని, పెళ్లై ఇద్దరు పిల్లలకు తల్లైన కీర్తి అందం ఏమాత్రం తరగలేదంటూ ఆమె ఫ్యాన్స్‌ కామెంట్స్‌ చేస్తున్నారు. అంతేకాదు మళ్లి సినిమాల్లో నటించొచ్చు కదా అంటూ అభిమానులు తమ కోరిక బయటపెడుతున్నారు.  View this post on Instagram A post shared by Keerthi Reddy (@actorkeerthireddy) చదవండి:  పెళ్లి చేసుకున్న ‘నేనింతే’ హీరోయిన్‌, వరుడు ఎవరంటే! ఓర్వలేక నా బిజినెస్‌పై కుట్ర చేస్తు‍న్నారు: కిరాక్‌ ఆర్పీ

అక్కినేని వారి ఇంట పెళ్లిబాజాలు మోగబోతున్నాయి. అక్కినేని మేనల్లుడు, హీరో సుమంత్‌ త్వరలోనే రెండో పెళ్లి చేసుకోబోతున్నాడు. తన కుటుంబానికి అత్యంత సన్నిహితురాలైన పవిత్ర అనే యువతి మెడలో ఆయన మూడుముళ్లు వేయనున్నారట. ఇరు కుటుంబపెద్దలు, అత్యంత సన్నిహితుల సమక్షంలో వీరి పెళ్లి జరగనుంది. ఇప్పటికే పెళ్లి పనులు కూడా మొదలు పెట్టేశారట. వెడ్డింగ్‌ కార్డులు కూడా పంచి పెట్టినట్లు తెలుస్తోంది. ఈ మేరకు సుమంత్‌‌-పవిత్రలకు సంబంధించిన ఓ పెళ్లి కార్డు సోషల్‌ మీడియాలో వైరల్‌ అయింది. ఈ పెళ్లి కార్డులను SP(సుమంత్‌-పవిత్ర) అనే అక్షరాలను హైలైట్‌ చేస్తూ తీర్చిదిద్దారు. సుమంత్ పెళ్లి ఎప్పుడు, ఎక్కడ అనేది మాత్రం తెలియరాలేదు. అయితే త్వరలోనే సుమంత్ మీడియా ముఖంగా తన పెళ్లి గురించి అధికారికంగా వెల్లడించే అవకాశం ఉంది. కాగా, సుమంత్‌కు హీరోయిన్‌ కీర్తిరెడ్డితో గతంలోనే వివాహమైన విషయం తెలిసిందే. కొన్నేళ్ల పాటు వారిద్దరి దాంపత్య జీవితం కొనసాగింది. వ్యక్తిగత విభేదాలు రావడంతో సుమంత్, కీర్తీ రెడ్డి విడిపోయారు. ఆ తర్వాత కీర్తీ రెడ్డి రెండో వివాహం చేసుకొని బెంగళూరులో స్థిరపడ్డారు. కానీ సుమంత్ మాత్రం ఒంటరిగానే జీవితం గడుపుతున్నారు. ఇక సినిమా విషయాలకొస్తే.. అక్కినేని నాగేశ్వరరావు మనవడిగా, అక్కినేని నాగార్జున మేనల్లుడిగా చిత్ర పరిశ్రమకి పరిచయమైన సుమంత్‌.. హీరోయిజం, మాస్‌ మసాల అంశాలను పక్కనబెట్టి విభిన్న కథలు ఎంచుకుంటూ టాలీవుడ్‌లో తనకంటూ ఓ ప్రత్యేకమైన గుర్తింపును సంపాదించుకున్నాడు. ‘స్నేహమంటే ఇదేరా’, ‘సత్యం’, ‘గోదావరి’, ‘గోల్కోండ హైస్కూల్‌’ చిత్రాలతో నటుడిగా మంచి గుర్తింపు తెచ్చుకున్నారు. ఈ క్రమంలోనే వరుస పరాజయాల అనంతరం ‘మళ్లీరావా’ సినిమాతో సుమంత్‌ పాజిటివ్‌ టాక్‌ అందుకున్నారు. ప్రస్తుతం ఆయన ‘అనగనగా ఒక రౌడీ’లోచిత్రంలో నటిస్తున్నారు.

గత కొంతకాలంగా సినీ ఇండస్ట్రీలో వరుస విషాదాలు చోటుచేసుకుంటున్నాయి, సెలబ్రిటీలు, వారి కుటుంబ సభ్యులు మృత్యువాతపడుతున్నారు. కొంతమందిని కరోనా బలితీసుకుంటే మరికొంత మంది అనారోగ్యంతో కన్నుమూస్తున్నారు. తాజాగా.. పవన్‌ కల్యాణ్‌ ‘తొలిప్రేమ’ సినిమాలో నటించిన నటి కీర్తి రెడ్డి ఇంట్లో తీవ్ర విషాదం నెలకొంది. ఆమె బాబాయ్‌, టీఆర్‌ఎస్‌ నాయకుడు  కేశ్‌పల్లి (గడ్డం) ఆనందరెడ్డి(60) శుక్రవారం ఉదయం గుండెపోటుతో మరణించారు. గుండెనొప్పితో హైదరాబాద్‌లోని ఓ ప్రైవేట్ హాస్పిట్‌లో అడ్మిట్‌ అయిన కొంత సమయానికే ఆయన తుదిశ్వాస విడిచారు. ఆనందరెడ్డి నిజామాబాద్ మాజీ ఎంపీ కేశ్‌పల్లి గంగారెడ్డి తనయుడు. మొదట యూత్ లీడర్‌గా పని చేసిన ఆయన.. 2014లో నిజామాబాద్ రూరల్ అసెంబ్లీ నియోజకవర్గం నుంచి బీజేపీ తరపున పోటీ చేసి ఓడిపోయారు. ఆ తర్వాత 2018 ఎన్నికల ముందు టీఆర్‌ఎస్‌లో చేరారు. కాగా కీర్తిరెడ్డికి 2004లో హీరో సుమంత్‌తో వివాహం జరగ్గా 2006లో ఈ జంట విడాకులు తీసుకున్నారు. అనంతరం కీర్తి మరో పెళ్లి చేసుకొని బెంగుళూరులో స్థిరపడ్డారు. ఇక తన బాబాయ్‌ మరణవార్త విని ఆమె హైదరాబాద్‌కు బయలుదేరినట్లు తెలుస్తోంది. చదవండి:  బాలయ్యను చూసి ఆశ్చర్యపోయా : ప్రగ్యా జైస్వాల్ ఆ హీరోయిన్స్‌తో పోలుస్తూ నన్ను అవమానించేవారు: హీరోయిన్‌

సాక్షి, దుబ్బాక‌: ప్రముఖ అంతర్జాతీయ పత్రిక ఫోర్బ్స్‌ ప్రచురించే ప్రతిభాశీలుర జాబితాలో తెలంగాణకు చెందిన కీర్తిరెడ్డికి చోటు లభించింది.  30 ఏళ్ల లోపు ఉండి ఉన్నతంగా రాణిస్తున్న 30 మందితో ఫోర్బ్స్‌ పత్రిక ఈ జాబితాను ప్రచురిస్తుంటుంది. ఈసారి ఆ జాబితాలో సిద్దిపేట జిల్లా దుబ్బాక మండలం పోతారం ముద్దుబిడ్డ కొత్త కీర్తిరెడ్డి నిలిచారు. 24 ఏళ్ల వయసులోనే ఈ ఘనత సాధించిన కీర్తిరెడ్డి మెదక్‌ ఎంపీ కొత్త ప్రభాకర్‌రెడ్డి కూతురు. చిన్ననాటి నుంచే వినూత్న ఆలోచనలతో ముందుకు వెళ్లే కీర్తిరెడ్డి.. కరోనా వ్యాక్సిన్‌ నిల్వకు సంబంధించిన కంపెనీని నిర్వహిస్తున్నారు. తాజాగా ఫోర్బ్స్‌ పత్రిక ప్రతినిధులు హైదరాబాద్‌లోని ఆమె కంపెనీని పరిశీలించి ఈ విషయంలో చేస్తున్న కృషికి గుర్తింపుగా 30 ఏళ్లలోపు అత్యంత ప్రతిభాశీలుర జాబితాలో చోటు కల్పించారు.  చిన్ననాటి నుంచే చురుగ్గా..  కీర్తిరెడ్డి చిన్ననాటి నుంచే చురుకైన విద్యార్థిగా గుర్తింపు తెచ్చుకున్నారు. పదో తరగతి వరకు హైదరాబాద్‌ పబ్లిక్‌ స్కూల్, ఇంటర్‌ చిరెక్‌ కళాశాలలో చదివింది. సెయింట్‌ ఫ్రాన్సిస్‌ కళాశాల నుంచి బీబీఎం పట్టా పొందారు. అలాగే ఆమె ‘లండన్‌ స్కూల్‌ ఆఫ్‌ ఎకనామిక్స్‌ అండ్‌ పొలిటికల్‌ సైన్స్‌ మేనేజ్‌మెంట్‌’లో గ్లోబల్‌ మాస్టర్‌ పట్టాను పొందారు. ప్రస్తుతం ఆమె స్టాట్విగ్‌ అనే బ్లాక్‌ చైన్‌ సాంకేతికత ఆధారిత వ్యాక్సిన్‌ సరఫరా నిర్వహణ ఫ్లాట్‌ ఫాం కంపెనీకి సహ వ్యవస్థాపకురాలు (సీఓఓ)గా వ్యవహరిస్తున్నారు. వ్యాక్సిన్లు, ఆహారం వృథాను అరికట్టేందుకు అవసరమైన వ్యవస్థను బలోపేతం చేయడమే లక్ష్యంగా పనిచేస్తున్నారు.  పలువురి ప్రశంసలు  స్వతహాగా ఏదైనా కంపెనీని స్థాపించాలన్న ఆలోచనతో ఆమె హైదరాబాద్‌లో స్టాట్విగ్‌ అనే వ్యాక్సిన్‌ సరఫరా, నిర్వహణ ఫ్లాట్‌ ఫాం కంపెనీని ఏర్పాటు చేశారు. కోవిడ్‌ వ్యాక్సిన్‌ను ఎలా నిల్వ చేయాలి.. ఎంత ఉష్ణోగ్రతల్లో ఉంచాలి.. నాణ్యతా ప్రమాణాలు, నిర్దేశిత ప్రదేశాలకు వ్యాక్సిన్‌ సరఫరా కోసం తీసుకోవాల్సిన జాగ్రత్తలు మొదలైన అంశాల్లో ఆమె ప్రతిభను ఫోర్బ్స్‌ పత్రిక గుర్తించింది. కాగా, తన కూతురు ప్రఖ్యాత ఫోర్బ్స్‌ పత్రిక ప్రకటించిన అత్యంత ప్రతిభాశీలుర జాబితాలో నిలవడం సంతోషంగా ఉందని ఎంపీ కొత్త ప్రభాకర్‌ రెడ్డి ‘సాక్షి’కి తెలిపారు. అలాగే ఆర్థిక శాఖ మంత్రి హరీశ్‌రావు, పలువురు ఎంపీలు, మంత్రులు, ఎమ్మెల్యేలు, రాజకీయ ప్రముఖులు కీర్తిరెడ్డిని అభినందించారు.  

సాక్షి, హైదరాబాద్‌:  శిల్పా రెడ్డి.. సామాన్యులకు పెద్దగా పరిచయం లేకున్నా.. ఫ్యాషన్‌ ప్రియులు, సినీ అభిమానులు ఆమె పేరు వింటే టక్కున గుర్తుపడతారు. నటి కీర్తిరెడ్డి (అర్జున్‌ చిత్రంలో మహేష్‌ బాబు సోదరి), నటుడు సామ్రాట్‌ల సోదరి శిల్పా రెడ్డి. అయితే మోడల్‌గా, న్యూట్రిషనిస్ట్‌గా‌, ఫ్యాషన్‌ డిజైనర్‌గా తనకంటూ ఓ గుర్తింపు తెచ్చుకున్నారు. ఈ క్రమంలో కొద్ది రోజుల క్రితం ఆమెకు కరోనా పాజిటివ్‌గా తేలింది. రెండు వారాల క్రితం ఓ ఫ్యామిలీ ఫ్రెండ్‌ శిల్పా రెడ్డి ఇంటికి వచ్చారు. ఆ తర్వాత ఐదు రోజులకు తనకు, తన భర్తకు కరోనా పాజిటివ్‌గా తేలినట్లు ఆమె వెల్లడించారు. అయితే తమలో కరోనా లక్షణాలేవి కనిపించలేదని పేర్కొన్నారు. పాజిటివ్‌గా తేలడంతో భర్త, ఆమె ఇంట్లోనే క్వారంటైన్‌లో ఉండి చికిత్స తీసుక్నుట్లు వెల్లడించారు. ఈ సందర్భంగా అభిమానుల కోసం శిల్పారెడ్డి ఓ వీడియో షేర్‌ చేశారు. ఎవరికైనా.. ఎప్పుడైనా కరోనా సోకవచ్చని.. దాని గురించి టెన్షన్‌ పడకుండా.. మన శరీరంలో రోగ నిరోధక శక్తిని పెంపొందించుకునేందుకు ప్రయత్నించాలని తెలిపారు. కరోనా బారిన పడకుండా ఉండేందుకు ఆమె పలు సూచనలు చేశారు. ఆ వివరాలు.. ప్రతి ఒక్కరు రోజు ఆహారం ద్వారా కానీ.. టాబెట్ల రూపంలో కాని 1000 మిల్లిగ్రాముల  సీ విటమిన్‌.. 100 మిల్లిగ్రాముల జింక్  (రాత్రి) ఒక ప్రోబయోటిక్ క్యాప్సూల్ తీసుకోవాలని తెలిపారు. శరీరానికి అవసరమైన డీ విటమిన్ సరిగ్గా అందుతుంది లేనిది చెక్‌ చేసుకోవాలన్నారు. ఉదయం శరీరానికి సూర్యరశ్మి తగిలేలా చూసుకోవాలని,  శరీరాన్ని తేమగా ఉంచడం కోసం తగినన్ని నీళ్లు తాగాలని తెలిపారు. అలానే గోరువెచ్చని లేదా గది ఉష్ణోగ్రత ఉన్న నీటిలో కొన్ని పుదీనా ఆకులు లేదా తులసితో పాటు ఒక చిటికెడు పసుపు కలుపుకుని గొంతును తరచుగా పుక్కిలించాలన్నారు. దాంతో పాటు రెండు మిరియాలు నూరి.. చిటికెడు పసుపు కలిపి చేసిన ఉండలను ప్రతి రోజు రెండు తీసుకోవాలన్నారు. చల్లని పదార్థాలు, కూల్‌డ్రింక్స్‌కు దూరంగా ఉండాలని తెలిపారు. తరచుగా ముక్కు, గొంతును శుభ్రపర్చుకోవాలన్నారు.(అక్కడ కరోనా 20 ఏళ్లపాటు జీవించి ఉండగలదు!) ప్రతి రోజు మేల్కొన్న తర్వాత, నిద్రపోయే ముందు రెండుసార్లు ఆవిరి తీసుకోవాలని శిల్పారెడ్డి తెలిపారు. ముక్కు ద్వారా 20- 25 సార్లు, నోటి ద్వారా 20-25 సార్లు శ్వాస తీసుకోవాలన్నారు. ప్రతిరోజు తప్పక వ్యాయామం చేయాలి. ప్రాణాయామం చేయడం తప్పనిసరి అన్నారు. ఉదయాన్నే చిరుధాన్యాలను ఆహారంలో భాగం చేసుకుంటే మేలన్నారు. చేతులను సబ్బుతో క్రమం తప్పకుండా శుభ్రం చేసుకోవాలన్నారు. ఇంటిలో తయారయిన తేలికపాటి ఆహారాన్ని తీసుకోవడం మంచిదన్నారు. ఆహారంలో చక్కెరను పూర్తిగా లేదా మీకు వీలైనంత వరకు మానుకుంటే మంచిదన్నారు. సూర్యుడితో పాటు మన దిన చర్య సాగాలని తెలిపారు. ప్రస్తుతం వాతావరణం మారినందున ఫ్లూ షాట్ తీసుకోవడం మంచిది అన్నారు. దగ్గు, జలుబు వచ్చినప్పుడు ఆందోళన పడకుండా డాక్టర్‌ని సంప్రదించి ఫ్లూ షాట్లు తీసుకోవచ్చన్నారు. పెద్దలు, పిల్లలకు వేర్వేరు మోతాదులో డాక్టర్‌ సిఫారసు మేరకు వాడవచ్చని తెలిపారు.(రూ.350కే కరోనా పరీక్షలు!) అలానే కరోనా వైరస్‌ బారిన పడకుండా ఉండటం కోసం 5 వెల్లుల్లి రెబ్బలు 7 లేదా 8 లవంగాలు 15 తులసి ఆకులు  1 టీస్పూన్ అజ్వైన్ 5 పుదీనా ఆకులు 10 నల్ల మిరియాలు తీసుకుని చూర్ణం చేసి 6 కప్పుల నీటికి కలపి.. 3 కప్పుల నీరు మిగిలేవరకు మరగబెట్టాలి. ప్రతిరోజూ ఈ నీటిని కొద్దిగా తీసుకోవాలని తెలిపారు.   View this post on Instagram Please share the info if you find this useful. Every day drill that you must start doing to keep your body Prepared and to an extent boost immunity .. -1000 mg - C vitamin - -100 mg - zinc -(at night ) -One probiotic capsule -Check your D vitamin levels and maintain the Need a number - Get some sunlight on your body . -Hydrate yourself well -Drink only warm water or room temperature water with some mint leaves or Tulsi With a pinch of turmeric .Helps you wash down your throat frequently. -You can also have warm turmeric shots With two pinches of pepper -Avoid cold beverages and anything with ice Keep your nose and throat clean. -Take steam twice a day Morning after you wake up and before sleeping .Breathe through your nose 20- 25 times, Breathe through your mouth 20-25 times .. -Indulge in some physical activity(Available on YouTube for beginners ) -Spend 10 minutes for breathing exercises (pranayama)Plenty simple ones available on YouTube -Meditate with a guided meditation tape(Best is to start with ISHA KRIYA ( Available on YouTube in different languages) Or CHIT SHAKTHI meditations on YouTube - it is tried and tested by me .. but the choice is yours) -Sanitise your hands regularly and wash them regularly With soap -Eat clean light home-made food Which is easy on the system -Avoid sugary food Completely or as much as you can -Sleep early wake up early -Make sure your body clock is in sync with the sun -It is a good idea to take a flu shot since the weather has changed. I checked with my doctor and he gave us a go ahead to take flu shots to avoid panic even when you get a common cold or cough - (INFLUVAC) Inactivated influenza vaccine by - Abbot India lent -There are different doses for adults and children I strongly recommend to get the influenza shot if you have elders at home but again you must consider checking with your family doctor. -There is a natural concoctions that you can have. *Preventing Coronavirus* -5 bulbs garlic -7 or 8 cloves -15 Tulsi leaves (OR 20 Basil leaves) -1 Teaspoon Ajwain -5 mint leaves -10 black pepper Crush all above and add 6 cups of water. Boil down to 3 cups. After Every day drill that you must start doing to keep you A post shared by SHILPA REDDY (@shilpareddy.official) on Jun 21, 2020 at 8:27pm PDT

న్యూఢిల్లీ: సాఫ్ట్‌ బ్యాంకు 100 బిలియన్‌ డాలర్ల విజన్‌ ఫండ్‌ నిర్వహణ బాధ్యతలను ఫేస్‌బుక్‌ నుంచి తీసుకుంటున్న కీర్తిగారెడ్డికి అప్పగిస్తోంది. విశేషమేమిటంటే సాఫ్ట్‌బ్యాంకు ఓ మహిళను ఈ బాధ్యతల కోసం ఎంపిక చేయటం ఇదే తొలిసారి. ప్రపంచవ్యాప్తంగా టెక్నాలజీ పెట్టుబడులకు సంబంధించి సాఫ్ట్‌బ్యాంకు గ్రూపు పరిధిలో 12 ఫండ్స్‌ ఉన్నాయి. ‘‘సాఫ్ట్‌బ్యాంకు ఇన్వెస్ట్‌మెంట్‌ అడ్వైజర్స్‌లో కీర్తిగారెడ్డి చేరారు. ప్రపంచవ్యాప్తంగా అతిపెద్ద ఫండ్‌ను ఆమె నిర్వహిస్తారు. సీనియర్‌ మేనేజింగ్‌ డైరెక్టర్‌ దీప్‌ నిషార్‌తో కలసి పనిచేస్తారు’’ అని సాఫ్ట్‌బ్యాంకు ప్రతినిధి తెలియజేశారు.  కీర్తిగారెడ్డి భారత్, అమెరికాల్లో ఫేస్‌బుక్‌ కోసం పనిచేశారు. స్టాండర్డ్‌ బిజినెస్‌ స్కూల్‌ ఆఫ్‌ మేనేజ్‌మెంట్‌ బోర్డులోనూ పనిచేస్తున్నారు. సాఫ్ట్‌బ్యాంకు విజన్‌ ఫండ్‌కు ఉబెర్‌ టెక్నాలజీస్, వివర్క్, చైనాకు చెందిన దీదీ చుక్సింగ్‌ తదితర బడా సంస్థల్లో వాటాలున్నాయి. విజన్‌ ఫండ్‌ పార్ట్‌నర్లలో అందరూ మగవారే ఉండడంపై గత సెప్టెంబర్‌లో సాఫ్ట్‌బ్యాంకు వ్యవస్థాపకుడు మసయోషి సన్‌ ఓ ప్రశ్న ఎదుర్కొన్నారు. అయితే, తనకు ఎవరి పట్లా వివక్ష లేదని ఆ సందర్భంలోనే  స్పష్టం చేశారు.  

సాక్షి, మొగుళ్లపల్లి: కేంద్ర ప్రభుత్వం రాష్ట్ర అభివృద్ధికి నిధులు మంజూరుచేస్తే తెలంగాణ సీఎం కేసీఆర్‌ సోకులు పడుతున్నాడు.. ఎన్నికల ముందు ఇచ్చిన హామీల అమలులో పూర్తిగా విఫలమయ్యాడని బీజేపీ ప్రచార ఇన్‌చార్జి, జాతీయ నాయకుడు పరిపూర్ణానందస్వామి విమర్శించారు. భూపాలపల్లి నియోజకవర్గ పరిధి మొగుళ్లపల్లి మండల కేంద్రంలోని సమ్మక్క–సారలమ్మ గద్దెల సమీపాన బీజేపీ ఎమ్మెల్యే అభ్యర్థి చందుపట్ల కీర్తిరెడ్డి అధ్యక్షతన గురువారం నిర్వహించిన ధర్మస్థాపన యాత్ర బహిరంగసభలో ఆయన మాట్లాడారు. పోరాడి సాధించుకున్న తెలంగాణలో నాలుగు వేలమందికి పైగా రైతులు ఆత్మహత్య చేసుకోవడం బాధాకరమని, రైతు బంధు పథకం భూస్వాములకు మాత్రమే లాభం చేకూర్చిందన్నారు. కేసీఆర్‌ అబ ద్దాల కోరు.. లక్ష ఉద్యోగాలన్నాడు.. దళితున్ని ముఖ్యమంత్రిని చేస్తానన్నాడు.. పేదలకు డబుల్‌ బెడ్రూంలు ఇస్తానని చెప్పాడు.. దళితులకు మూడెకరాల భూమి పంపిణీ చేస్తానన్నాడు.. ఇందులో ఏఒక్కటీ అమలు చేయలేదని ధ్వజమెత్తారు. నిల్వబడ్జెట్‌ ఉన్న రాష్ట్రాన్ని అప్పులమయంగా తయారు చేశాడని, అవినీతిలో తెలంగాణను దేశంలోనే మొదటి స్థానంలో నిలిపారని ఆరోపించారు. రాష్ట్రంలో అమలయ్యే పథకాల్లో కేంద్రం వాటే సింహభాగం ఉందని చెప్పారు. దేశ ప్రధాని మోదీ ప్రజలందరూ ఆరోగ్యంగా ఉండాలనే ఉద్ధేశంతో ఆయుష్మాన్‌భారత్‌ పథకాన్ని ప్రవేశపెడితే తెలంగాణ ప్రభుత్వం అమలు చేయడం లేదని ఆరోపించారు. తెలంగాణ అభివృద్ధి చెందాలంటే బీజేపీ గెలుపు చారిత్రక అవసరమని పేర్కొన్నా రు. అధికారంలోకి రాగానే ఆరు నెలలలోపు ఏక కాలంలో రైతులకు రూ.2లక్షల రుణమాఫీ చేయడంతోపాటు లక్షాఉద్యోగాలు కల్పిస్తామని చెప్పా రు. రాష్ట్రంలో 70 స్థానాల్లో తమ పార్టీ జెండా ఎగుర వేసి మోదీకి కానుకగా ఇస్తామని చెప్పారు. మహాకూటమి కాదు.. అది దొంగల కూటమి అని పరిపూర్ణానంద అన్నారు. పార్టీ రాష్ట్ర కార్యవర్గ సభ్యుడు చదువు రాంచంద్రారెడ్డి, మాజీ ఎంపీ చందుపట్ల జంగారెడ్డి, సత్యపాల్‌రెడ్డి, ఎమ్మెల్సీలు రఘునందన్‌రావు, మాధవ్, వెదిరె శ్రీరాం, రాష్ట్ర నాయకులు నరహరి వేణుగోపాల్‌రెడ్డి, మాజీ ఎమ్మెల్యే ఒంటేరు జయపాల్, జిల్లా అధ్యక్షుడు వెన్నంపల్లి పాపయ్య, జిల్లా ప్రధాన కార్యదర్శి కన్నెం యుగంధర్, భూపాపల్లి మునిసిపల్‌ వైస్‌ చైర్మన్‌ ఎరుకల గణపతి, పార్టీ మండల అధ్యక్షుడు మోరె రవీందర్‌రెడ్డి, బీపేవైఎం జిల్లా అధ్యక్షుడు ఉద్దమూరి మహేష్, జిల్లా నాయకులు చెవ్వ శేషగి రి, కుమ్మరి లచ్చమ్మసారయ్య, కేతిపెల్లి శీరిషతిరుపతిరెడ్డి, ప్రసాధ్‌రావు తదితరులు పాల్గొన్నారు. గత పాలకులు దోచుకుతిన్నారు.. గత పాలకులు నియోజకవర్గాన్ని దోసుకుతిన్నారు. కాంగ్రెస్, టీఆర్‌ఎస్‌ నీచరాజకీయాలు చేస్తున్నాయి. మొగుళ్లపల్లి పెద్దవాగులో చుక్క నీరు లేదుకానీ.. ఆయా పార్టీల నాయకుల గోదాముల్లో మద్యం ఏరులై పరుతోంది. 2009లో రమణారెడ్డి గెలించి పెట్రోలు పంపులు, భూకబ్జాలు అవినీతికి పాల్పడి ఆ తర్వాత ఎన్నికల్లో ఓడిపోయాడు. నియోజకవర్గంలో బీజేపీకి వస్తున్న ఆదరణ చూసి రమణారెడ్డికి చెమటలు పుడుతున్నాయి. టీఆర్‌ఎస్‌ ప్రభుత్వం అమలు చేస్తున్న పథకాల్లో కేంద్ర వాటనే ఎక్కువగా ఉంది. ఆ పార్టీ చెప్పే మాటలకు మోసపోకుండా బీజేపీని గెలిపించాలి. ఆదరిస్తే అందరికి అందుబాటుతో ఉండి అవినీతి లేని పాలనను అందిస్తాను. – బీజేపీ భూపాలపల్లి అభ్యర్థి చందుపట్ల కీర్తిరెడ్డి  


 ఒంటిపై కిరోసిన్ పోసుకొని పోలీసులను ఆశ్రయించిన ప్రేమికులు
  
 రసూల్‌పురా: ప్రేమ పెళ్లి చేసుకున్న ఓ జంట పెద్దలకు భయపడి  ఒంటిపై కిరోసిన్ పోసుకుని పోలీసులను అశ్రయించింది. బోయిన్‌పల్లి పోలీస్‌స్టేషన్ వద్ద శుక్రవారం ఈ సంఘటన జరిగింది. పోలీసులు తెలిపిన మేరకు.. బోయిన్‌పల్లి ఆర్యసమాజ్ వద్ద నివాసముండే కీర్తిరెడ్డి, బాపూజీనగర్‌కు చెందిన భవానిశంకర్ (22) కొన్నేళ్లుగా ప్రేమించుకుంటున్నారు. నాలుగు రోజుల క్రితం కీర్తిరెడ్డి మేజర్ కావడంతో కూకట్‌పల్లిలోని  ఆర్యసమాజ్‌లో ఈ నెల 21న వివాహం చేసుకున్నారు.
 
 
 రెండు రోజుల క్రితం బోయిన్‌పల్లి పోలీసుల వద్దకు వచ్చి పెళ్లి విషయం చెప్పారు. అయితే కీర్తిరెడ్డి తల్లిదండ్రుల కోరిక మేరకు మాట్లాడేందుకు వారిని శుక్రవారం పీఎస్‌కు పిలిపించారు. రెండు రోజులుగా బెదిరింపుకాల్స్ చేస్తుండడం, పోలీసులు రమ్మని చెప్పడంతో స్టేషన్ వద్దకు చేరుకునే ముందే ఒంటిపై కిరోసిన్ పోసుకుని చేరుకున్నారు. దీంతో పోలీసులు వారికి కౌన్సెలింగ్ చేసి పంపించారు.


 
 ముంబై: యశ్ రాజ్ బ్యానర్ లో షారూఖ్ నటించిన సూపర్ హిట్ సినిమా 'చక్ దే ఇండియా' గుర్తుందికదా! అందులో కోమల్ చౌహాన్ గా టామ్ బాయ్ తరహా పాత్రలో ఇరగదీసిన చిత్రాశ్రీ రావత్ 'చక్ దే' తర్వాత ఒకటిరెండు సినిమాల్లో మాత్రమే కనిపించింది. నిజజీవితంలోనూ హాకీ క్రీడాకారిణి అయిన చిత్రాశ్రీ సినిమాల్లోకి వచ్చి, ఆ తర్వాత బుల్లితెర నటిగా తనదైన ప్రయాణం కొనసాగిస్తోంది. మళ్లీ వెండి తెరపై మెరవాలనుకుంటోన్న ఈ ఉత్తరాఖండ్ చిన్నది ఇటీవలే తన కొత్తలుక్ ఫొటోలను ఇన్ స్టాగ్రామ్ లో పెట్టింది.
 
 అప్పుడలా.. ఇప్పుడిలా..
 అప్పట్లో ప్రొవోగ్ దగ్గర్నుంచి ఫేమస్ బ్రాండ్లన్నిటికీ అంబాసిడరైన బాలీవుడ్ హీరో ఫర్దీన్ ఖాన్ ఇప్పుడు గుర్తుపట్టలేనంత లావెక్కారు. జంగల్, ప్యార్ తూనే క్యా కియా, నో ఎంట్రీ సినిమాలతో ఓ ఊపు ఊపి, 2010లో విడుదలైన 'దూల్హా మిల్ గయా' తరువాత తెరమరుగైపోయిన ఫర్దీన్ క్రమంగా లావెక్కుతూ.. అభిమానులు గుర్తుపట్టలేనంతలా మారిపోయాడు. ప్రస్తుతం బరువుతగ్గించుకునేపనిలో బిజీగా ఉన్నాడు.
 
 చిక్కబడ్డ చక్కనమ్మ!
 చేసింది కొన్ని సినిమాలే అయినా చాలా మందికి చాలాకాలం గుర్తిండిపోయే నటీమణుల్లో కీర్తిరెడ్డి ఒకరు. 'తొలిప్రేమ'తో టాలీవుడ్ ని, 'తేరా జాదూ చల్ గయా', 'ప్యార్ ఇష్క్ మొహబ్బత్' లాంటి సినిమాలతో బాలీవుడ్ ని ఊపేసిన ఈ తెలుగు హీరోయిన్ ప్రస్తుతం అమెరికాలో సెటిలై ఓ బాబుకు జన్మనిచ్చింది. గతేడాది కజిన్ రిసెప్షన్ కోసం ఇండియా వచ్చినప్పటి ఫొటో ఇది. 2004లో సుమంత్ ను పెళ్లిచేసుకుని, పడక విడాకులు తీసుకున్న సంగతి తెలిసిందే. కీర్తి అప్పటి రూపానికి, ఇప్పటి ఫొటోతో పోలిక ఎలా ఉందో చూడండి.
 
 బుల్లెతెర ఎంట్రీకి రంగం సిద్ధం
 మాచీస్, జోష్.. లెక్కకు మిక్కిలి సినిమాల్లో నటించి భారీగా మహిళా అభిమానులకు సొంతం చేసుకున్న చంద్రచూడ్ సింగ్ సినిమా అవకాశాలు రాక(లేక) పోవడంతో బుల్లితెరపై ఎంట్రీ ఇచ్చేందుకు సిద్ధమయ్యాడు. ఆమేరకు తన ఆహార్యాన్ని పూర్తిగా మార్చుకున్నాడు. కొత్తలుక్ బాగుందని అభిమానులు కామెంట్లు చేస్తున్నారు.