ఎవర్‌గ్రీన్‌ సూపర్‌స్టార్‌గా రాణిస్తున్న నటుడు రజనీకాంత్‌. ఈయనకు దళపతి విజయ్‌ పోటీ అంటూ ఇటీవల ప్రచారం జరిగిన విషయం తెలిసిందే. ఈ ప్రచారంతో నటుడు రజనీకాంత్‌ లాల్‌ సలామ్‌ చిత్ర ఆడియో ఆవిష్కరణ వేదికపై గట్టిగానే కౌంటర్‌ ఇచ్చిన విషయం విధితమే. కాగా ఇప్పుడు విజయ్‌ రాజకీయ రంగ ప్రవేశం చేయడానికి పార్టీ పేరును కూడా ఖరారు చేసిన విషయం తెలిసిందే. దీంతో ఆయన ఒకటి రెండు చిత్రాలు చేసి నటనకు స్వస్తి పలకబోతున్నారనే ప్రచారం జోరుగా సాగుతోంది. దీంతో రజనీకాంత్‌ సూపర్‌స్టార్‌ పట్టానికి మరి కొంతకాలం ఎలాంటి ఢోకా ఉండబోదనేది కోలీవుడ్‌ వర్గాల్లో జరుగుతున్న చర్చ. ఈ విషయాన్ని పక్కన పెడితే రజనీకాంత్‌ వరుసగా చిత్రాలను చేసుకుంటూ పోతున్నారు. ఈయన ప్రస్తుతం జై భీమ్‌ చిత్ర ఫేమ్‌ జ్ఞానవేల్‌ దర్శకత్వంలో వేట్టైయాన్‌ చిత్రంలో నటిస్తున్నారు. దీని తరువాత లోకేష్‌ కనకరాజ్‌తో తన 171వ చిత్రంలో నటించడానికి సిద్ధమవుతున్నారు. కాగా ఇటీవల తన పెద్ద కూతురు ఐశ్వర్య దర్శకత్వం వహించిన లాల్‌ సలామ్‌ చిత్రంలో రజనీకాంత్‌ అతిథిగా పవర్‌ఫుల్‌ పాత్ర పోషించిన విషయం తెలిసిందే. ఈ శుక్రవారం ప్రేక్షకుల ముందుకు వచ్చిన ఈ చిత్రానికి..తొలి రోజే నెగెటివ్‌ టాక్‌ వచ్చింది. ఇదిలా ఉంటే పెద్ద కూతురు చిత్రంలో నటించిన రజనీకాంత్‌ తాజాగా ఆయన చిన్న కూతురు సౌందర్య దర్శకత్వం వహించనున్న చిత్రంలోనూ అతిథి పాత్రలో నటించడానికి పచ్చజెండా ఊపినట్లు సమాచారం. సౌందర్య ఇంతకు ముందే తన తండ్రి కథానాయకుడిగా కోచ్చడయాన్‌ అనే యానిమేషన్‌ చిత్రానికి దర్శకత్వం వహించిన విషయం తెలిసిందే. అయితే ఆ చిత్రం ఆశించిన విజయాన్ని అందుకోలేదు. కాగా తాజాగా సౌందర్య రజనీకాంత్‌ మరో చిత్రానికి దర్శకత్వం వహించడానికి సిద్ధమయ్యారు. రాఘవ లారెన్స్‌ కథానాయకుడిగా నటించిన వి.క్రియేషన్స్‌ పతాకంపై కలైపులి ఎస్‌.థాను నిర్మిస్తున్నారు. ఇందులో రజనీకాంత్‌ అతిథి పాత్రలో నటించడానికి గ్రీన్‌సిగ్నల్‌ ఇచ్చినట్లు, ఈ చిత్రానికి పది రోజులు కాల్‌షీట్స్‌ కూడా కేటాయించినట్లు సామాజిక మాధ్యమాల్లో ప్రచారం సాగుతోంది. అయితే దీని గురించి ఎలాంటి అధికారిక ప్రకటన ఇంకా వెలువడ లేదు.

నటుడిగా ఈ మధ్యే అర్ధ సెంచరీ పూర్తి చేశాడు ధనుష్‌. అయితే ధనుష్‌ కేవలం నటుడు మాత్రమే కాదు.. గేయ రచయిత, సింగర్‌, నిర్మాత, దర్శకుడు కూడా! 2017లో వచ్చిన పా పండి చిత్రంతో దర్శకుడిగా మారాడు ధనుష్‌. దాదాపు ఏడేళ్ల తర్వాత మళ్లీ మెగాఫోన్‌ పట్టాడు. తన 50వ సినిమాకు తనే దర్శకత్వం వహిస్తున్నాడు. అలాగే నిలవుక్కు ఎన్మెల్‌ ఎన్నడి కోబం సినిమాకు సైతం దర్శకుడిగా వ్యవహరిస్తున్నాడు. క్రిస్‌మస్‌ సందర్భంగా నిలవుక్కు ఎన్మెల్‌ ఎన్నడి కోబం సినిమా మోషన్‌ పోస్టర్‌ను ధనుష్‌ రిలీజ్‌ చేశాడు ధనుష్‌. ధనుష్‌ మూడో సినిమా! ఇందులో సినిమాలో నటించే తారాగణాన్ని పరిచయం చేశాడు. మాథ్యూ థామస్‌, పవిశ్‌, అనిఖా సురేంద్రన్‌, ప్రియ ప్రకాశ్‌ వారియర్‌, రమ్య రంగనాథన్‌, వెంకటేశ్‌ మీనన్‌, రబియా కీలక పాత్రల్లో నటిస్తున్నట్లు వీడియో ద్వారా స్పష్టం చేశారు. అయితే ఈ సినిమా ఇప్పటికిప్పుడు అనుకుని చేసింది కాదు! చాలా ఏళ్ల క్రితమే ఈ సినిమా కథ రాసుకున్నాడు ధనుష్‌. అంతేకాదు, ఈ చిత్రాన్ని తెరకెక్కించాల్సిన బాధ్యత నీదేనంటూ తన మరదలు సౌందర్య రజనీకాంత్‌(ధనుష్‌ భార్య ఐశ్వర్య సోదరి)కి దర్శకత్వ బాధ్యతలు అప్పగించాడు.  వీఐపీ 2 వల్ల సైడ్‌ అయిపోయిన ప్రాజెక్ట్‌ ఈ విషయాన్ని సౌందర్య గతంలో ఓ ఇంటర్వ్యూలో స్వయంగా వెల్లడించింది. 'నిలవుక్కు ఎన్మెల్‌ ఎన్నడి కోబం సినిమా కోసం ఎంతో కసరత్తులు చేశాను. ఈ సినిమాకు నటీనటులు కావలెనంటూ సోషల్‌ మీడియాలోనూ ప్రకటించాం. ధనుష్‌ ఈ స్క్రిప్ట్‌ చాలా బాగా రాశాడు. కానీ పలు కారణాల వల్ల ఈ సినిమాకు సరైనవాళ్లను ఎంచుకోలేకపోయాం. పైగా అదే సమయంలో వీఐపీ 2(రఘువరన్‌ బీటెక్‌ సీక్వెల్‌) గురించి చర్చలు జరగడంతో ఇది సైడ్‌ అయిపోయింది' అని చెప్పుకొచ్చింది. ప్రస్తుతం ఈ కామెంట్లు నెట్టింట వైరల్‌గా మారాయి. ఆమె చెప్పినట్లుగానే ధనుష్‌ 'వీఐపీ 2' సినిమాకు దర్శకురాలిగా వ్యవహరించింది. ఆ తర్వాత సినిమాలకు దూరంగా ఉంటూ వస్తోంది. ఇకపోతే ధనుష్‌- ఐశ్వర్య రజనీకాంత్‌ గతేడాది విడిపోయిన సంగతి తెలిసిందే! చదవండి: ఆర్థిక కష్టాల్లో కమెడియన్‌ కుటుంబం.. సాయం చేసిన విజయకాంత్‌!

సూపర్‌ స్టార్‌ రజనీకాంత్‌ కథానాయకుడిగా నటించిన జైలర్‌ సినిమా సంచలన విజయాన్ని సాధించిన విషయం తెలిసిందే. తర్వాత ఆయన పెద్ద కూతురు ఐశ్వర్య రజనీకాంత్‌ దర్శకత్వం వహిస్తున్న లాల్‌ సలామ్‌ చిత్రంలో ఆయన ముఖ్యపాత్రను పోషించారు. షూటింగ్‌ పూర్తిచేసుకున్న ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది. రజనీకాంత్‌ ప్రస్తుతం తన నెక్స్ట్‌ మూవీకి సిద్ధమవుతున్నారు. ఈ చిత్రానికి జైభీమ్‌ ఫేమ్‌ జ్ఞానవేల్‌ దర్శకత్వం వహించనున్నారు. లైకా ప్రొడక్షన్స్‌ సంస్థ నిర్మించనున్న ఈ చిత్రం త్వరలో సెట్‌పైకి వెళ్లనుంది. ఇదిలా ఉంటే రజనీకాంత్‌ రెండో కూతురు సౌందర్య వెబ్‌సిరీస్‌ను రూపొందించడానికి సిద్ధమయ్యారు. ఆమె ఇంతకుముందు తండ్రి రజనీకాంత్‌ కథానాయకుడిగా కోచ్చడైయాన్‌ అనే యానిమేషన్‌ చిత్రాన్ని, ధనుష్‌ కథానాయకుడిగా వేలై ఇల్లా పట్టాదారి–2 చిత్రాలకు దర్శకత్వం వహించారన్న విషయం తెలిసిందే. తాజాగా ఓటీటీ సంస్థ అమెజాన్‌ ప్రైమ్‌తో కలిసి ఒక వెబ్‌ సిరీస్‌ రూపొందిస్తున్నారు. దీనికి గ్యాంగ్స్‌ అనే టైటిల్‌ నిర్ణయించారు. నోవా అబ్రహం దర్శకత్వం వహిస్తున్న ఈ వెబ్‌ సీరీస్‌లో అశోక్‌సెల్వన్‌ కథానాయకుడిగా నటిస్తున్నారు. గురువారం చైన్నెలో ఈ వెబ్‌ సిరీస్‌ పూజాకార్యక్రమం జరిగింది. ఇందులో రజనీకాంత్‌ పాల్గొని ముహూర్తం షాట్‌కు క్లాప్‌కొట్టి యూనిట్‌కు శుభాకాంక్షలు తెలిపారు. My team and I are thrilled to get the blessings of “the one and only” today for our webseries 💥💥🙏🏻🙏🏻💥💥 thank you thalaivaaaa ⭐️⭐️⭐️⭐️ thank you Superstar ✨✨⚡️⚡️💫💫 thank you my dearest appa 🩵❤️🩵❤️🩵❤️ onwards & upwards 🙏🏻🙏🏻🙏🏻 gods and gurus grace !!!! @May6Ent pic.twitter.com/bp2WJOVQ40 — soundarya rajnikanth (@soundaryaarajni) September 7, 2023 చదవండి: ఈ హీరోల మల్టీ టాలెంట్‌ గురించి తెలుసా? అంత జరిగినా కూడా నేను వెనుకడుగు వేయలేదు: కృతిసనన్‌

సూపర్‌ స్టార్‌ రజనీకాంత్‌ ఇటీవల తన చిత్రాల వేగాన్ని పెంచుతున్నారు. గ్యాప్‌ లేకుండా చిత్రాలు చేస్తూ ఈతరం హీరలను మించిపోతున్నారు. ఏడుపదుల వయసులోనూ అవిశ్రాంతిగా నటిస్తున్న రజనీకాంత్‌ను చూసి సినీ వర్గాలు ఆశ్చర్యపోతున్నారు. ఇప్పటికే జైలర్‌ చిత్రంలో నటించారు. దీన్ని సన్‌ పిచ్చర్స్‌ పతాకంపై కళానిధి మారన్‌ నిర్మించారు. నెల్సన్‌ దర్శకత్వం వహించారు. ఇందులో జైలర్‌గా నటిస్తున్న రజినీకాంత్‌ రెండు గెటప్పుల్లో కనిపిస్తారా? లేక రెండు పాత్రల్లోనా అన్న సస్పెన్స్‌ కొనసాగుతోంది. షూటింగ్‌ పూర్తి చేసుకుని నిర్మాణాంతర కార్యక్రమాలను శరవేగంగా జరుపుకుంటోంది. ఆగస్టు 10వ తేదీన జైలర్‌ చిత్రం తెరపైకి రానుంది. (ఇదీ చదవండి: Drugs Case: ఆషూ రెడ్డి వీడియో విడుదల) ప్రస్తుతం రజనీకాంత్‌ తన కూతురు ఐశ్వర్య దర్శకత్వంలో నటిస్తున్న లాల్‌ సలాం చిత్రం షూటింగ్‌ కూడా చివరి దశకు చేరుకుంది. ఇప్పటికే ఈ చిత్రంలో రజనీకాంత్‌కు సంబంధించిన సన్నివేశాల చిత్రీకరణ పూర్తి అయినట్లు సమాచారం. ప్రస్తుతం ఈ చిత్రం షూటింగ్‌ పుదుచ్చేరిలో జరుగుతోంది. దీంతో రజినీకాంత్‌ తన 170వ చిత్రంలో నటించడానికి రెడీ అవుతున్నారన్నది తాజా సమాచారం. (ఇదీ చదవండి: ఆమెకు ఇష్టం లేకున్నా ఎలా పట్టుకుంటావ్‌.. నటుడిపై ట్రోల్స్‌) జైభీమ్‌ చిత్రం టీజే.జ్ఞానవేల్‌ దర్శకత్వం వహించనున్న ఈ చిత్రం యదార్థ సంఘటన ఆధారంగా రూపొందుతున్నట్టు సమాచారం. బోగస్‌ ఎన్‌కౌంటర్లకు వ్యతిరేకంగా సాగే ఈ చిత్రంలో రజనీకాంత్‌ పోలీస్‌ అధికారిగా నటించనున్నారు. ఈ చిత్ర షూటింగ్‌ జూలైలో ప్రారంభం కాబోతున్నట్లు తాజా సమాచారం. దీనికి సంబంధించి పూర్తి వివరాలతో అధికారిక ప్రకటన త్వరలో వెలువడే అవకాశం ఉంది. ఈ చిత్రం తర్వాత రజనీకాంత్‌ తన 171వ చిత్రాన్ని లోకేష్‌ కనకరాజ్‌ దర్శకత్వంలో నటించనున్నట్లు ఇప్పటికే ప్రచారం జరుగుతోంది.

కోలీవుడ్‌ సూపర్‌ స్టార్‌ రజనీకాంత్‌ పెద్ద కూతురు ఐశ్వర్య ఇంట్లో దొంగతనం జరిగిన విషయం మరువక ముందే రజనీ చిన్నకూతురు సౌందర్య ఇంట్లో చోరీ జరిగింది. తన ఎస్‌యూవీ కారు కీ కనిపించడం లేదంటూ సౌందర్య చెన్నైలోని తేనాంపేట పోలీసులకు ఫిర్యాదు చేసింది. ఓ ప్రైవేట్‌ కాలేజీలో జరిగిన ఫంక్షన్‌కు వెళ్లివచ్చేలోపు తన ఎస్‌యూవీ కారు కీ కనిపించకుండా పోయిందని ఫిర్యాదులో పేర్కొంది. కాగా మార్చి నెలలో ఐశ్వర్య రజనీకాంత్‌ తన ఇంట్లో రూ.60 లక్షల విలువైన నగలు చోరీకి గురయ్యాయని పోలీసులకు ఫిర్యాదు చేసిన విషయం తెలిసిందే! అవి తన పెళ్లి నగలని, వాటిని ఇంట్లోని లాకర్‌లో పెట్టినట్లు పేర్కొంది. ఫిబ్రవరి 10న లాకర్‌ తెరిచి చూస్తే ఆ నగలేవీ కనిపించలేదని తెలిపింది. తన ఇంట్లో పని చేసే ఈశ్వరి, లక్ష్మీ, డ్రైవర్‌ వెంకట్‌లపై అనుమానం ఉందని చెప్పింది. కేసు నమోదు చేసుకున్న పోలీసులు విచారణ చేపట్టగా ఐశ్వర్య అనుమానమే నిజమైంది. ఆమె ఇంట్లో పని చేసిన ఆ ముగ్గురే ఈ దొంగతనానికి తెగబడ్డారు. దొంగిలించిన ఆభరణాలను అమ్మి ఆ డబ్బుతో చెన్నైలో ఓ ఇల్లుతో పాటు ఖరీదైన వస్తువులు కొనుగోలు చేసినట్లు విచారణలో తేలింది. అంతేకాకుండా కొంతకాలంగా ఐశ్వర్య ఇంట్లోని విలువైన వస్తువులను సైతం దొంగిలిచినట్లు పోలీసులు గుర్తించి వారిని అరెస్ట్‌ చేశారు. చదవండి: ప్రభాస్‌ను ఆకాశానికెత్తేసిన కృతీ సనన్‌

రజనీకాంత్‌తో ‘2.0’,(2018) ‘దర్బార్‌’ (2020) వంటి చిత్రాలు తీసిన కోలీవుడ్‌ బడా నిర్మాణ సంస్థ లైకా ప్రొడక్షన్స్‌ రజనీతో మళ్లీ రెండు సినిమాలు కమిటైన సంగతి తెలిసిందే. ఈ చిత్రాల పూజా కార్యక్రమాలు ఈ నెల 5న చెన్నైలో జరగనున్నాయి. రజనీ కెరీర్‌లో 170, 171వ చిత్రాలుగా రూపొందనున్న ఈ సినిమాల దర్శకుల విషయంలో ఇంకా క్లారిటీ లేదు. సిబి చక్రవర్తి, దేసింగు పెరియస్వామి పేర్లు తెరపైకి వచ్చాయి. తాజాగా రజనీకాంత్‌ కుమార్తె, దర్శకురాలు ఐశ్వర్యా రజనీకాంత్‌ పేరు తెరపైకి వచ్చింది. రజనీకాంత్‌ 170వ సినిమాకు ఐశ్వర్య దర్శకత్వం వహించనున్నారని కోలీవుడ్‌ టాక్‌. కాగా ఐశ్వర్య ఇప్పటికే ‘3’(2012), ‘వేయ్‌ రాజా వేయ్‌’(2015) చిత్రాలను డైరెక్ట్‌ చేశారు.  ఇక తన రెండో కుమార్తె సౌందర్య దర్శకత్వంలో రజనీకాంత్‌ ‘కోచ్చడయాన్‌’ (2014) అనే సినిమా చేశారు.

సూపర్‌ స్టార్‌ రజనీకాంత్‌ రెండో కుమార్తె సౌందర్య రజనీకాంత్‌ ఇటీవల పండంటి మగబిడ్డకు జన్మినిచ్చిన సంగతి తెలిసిందే. తాను తల్లైన విషయాన్ని పంచుకుంటూ చిన్నారికి వీర్‌ రజనీకాంత్‌ వనంగమూడి అని పేరు పెట్టినట్లు వెల్లడించారు. సెప్టెంబర్‌ 20న తన పుట్టిన రోజు సందర్భంగా ఆమె ఓ పోస్ట్‌ షేర్‌ చేశారు. తనయుడు వీర్‌తో కలిసి ఉన్న ఫొటోను పంచుకున్నారు. ఇందులో సౌందర్య మెడలో పూలదండ వేసుకుని ఉండగా ఆమె వెనకాలే రజనీ నిలుచుని కనిపించారు. చదవండి: ఆర్‌ఆర్‌ఆర్‌పై బ్రిటిషర్ల విమర్శలు, రాజమౌళి స్ట్రాంగ్‌ కౌంటర్‌ ఇక తన పోస్ట్‌లో తండ్రిని ఉద్దేశిస్తూ ఆమె ఆసక్తికర వ్యాఖ్యలు చేశారు.  ‘నిన్న నా పుట్టిన రోజు సందర్భంగా నన్ను ఆశీర్వదిస్తూ శుభాకాంక్షలు తెలిపిన ప్రతి ఒక్కరికి ధన్యవాదాలు. ఈ సంవత్సరం దేవుడు నన్ను ఉత్తమమైన బహుమతితో దీవించాడు. అది నా పాప వీర్‌. అలాగే ఆ దేవుడు ఇచ్చిన మరో అద్భుతమైన వరం ఎప్పుడూ నా వెనకాల ఉంటుంది. ఆయనే నా ధైర్యం, బలం, ఆశీర్వాదం’ అంటూ సౌందర్య ఎమోషనల్‌ అయ్యారు.  చదవండి: ఆర్‌ఆర్‌ఆర్‌పై బ్రిటిషర్ల విమర్శలు, రాజమౌళి స్ట్రాంగ్‌ కౌంటర్‌ కాగా 2017లో మొదటి భర్త అశ్విన్‌ రామ్‌కుమార్‌ నుంచి విడాకులు తీసుకున్న సౌందర్య.. 2019లో నటుడు, వ్యాపారవేత్త విషగన్‌ వనంగమూడిని రెండో వివాహం చేసుకున్నారు. వీరిద్దరికి తొలి సంతానంగా ఇటీవల వీర్‌ జన్మించాడు. అయితే గ్రాఫిక్‌ డిజైనర్‌, నిర్మాతగా సౌందర్య కోలీవుడ్‌లో రాణిస్తున్నారు. ఓచెర్‌ పిక్చర్స్‌ ప్రొడక్షన్‌ సంస్థ ద్వారా పలు సినిమాలను తెరకెక్కిస్తున్న ఆమె తన తండ్రి రజనీకాంత్‌ విక్రమసింహ సినిమాతో దర్శకురాలిగా మారారు.  To every person who took time to wish me on my birthday yesterday 💜💜💜🥰🥰🥰🙏🏻🙏🏻🙏🏻THANK YOU SO SO SO MUCH.. . gods have blessed me with the best gift this year, my Veer papa 😇😘😘😇 And having this amazing gods child behind me always 💪🏻💪🏻💪🏻💪🏻😍😍😍 life is a true blessing!!! pic.twitter.com/9PuIVyyWgq — soundarya rajnikanth (@soundaryaarajni) September 21, 2022

సూపర్‌ స్టార్‌ రజనీకాంత్‌ మరోసారి తాతయ్య అయ్యారు. ఆయన రెండో కుమార్తె సౌందర్య రజనీకాంత్‌ రెండవసారి తల్లయ్యారు. ఆదివారం ఆమె పండంటి మగబిడ్డకు జన్మనిచ్చారు. ఈ విషయాన్ని స్వయంగా ఆమె సోషల్‌ మీడియా వేదికగా వెల్లడించారు. దేవుని దయ, మా తల్లిదండ్రుల ఆశీర్వాదాలతో వేద్‌ కృష్ణ తమ్ముడికి స్వాగతం పలుకుతున్నాం. ఆదివారం(సెప్టెంబర్‌ 11) వీర్‌ రజనీకాంత్‌ వనంగమూడి మా జీవితాల్లోకి వచ్చాడని మీతో పంచుకోవడం సంతోషంగా ఉంది’ అంటూ ఆమె శుభవార్త పంచుకున్నారు. చదవండి: కృష్ణంరాజు మొదటి భార్య ఎలా చనిపోయిందో తెలుసా? అంతేకాదు చిన్నారికి వీర్‌ రజనీకాంత్‌ వనంగమూడిగా పేరు పెట్టినట్లు ఈ సందర్భంగా ఆమె వెల్లడించారు. కాగా గ్రాఫిక్‌ డిజైనర్‌, నిర్మాతగా సౌందర్య కోలీవుడ్‌లో రాణిస్తున్నారు. ఓచెర్‌ పిక్చర్స్‌ ప్రొడక్షన్‌ సంస్థ ద్వారా పలు సినిమాలను తెరకెక్కిస్తున్న ఆమె తన తండ్రి రజనీకాంత్‌ విక్రమసింహ సినిమాతో దర్శకురాలిగా మారారు. 2017లో మొదటి భర్త అశ్విన్‌ రామ్‌కుమార్‌ నుంచి విడాకులు తీసుకున్న సౌందర్య.. 2019లో నటుడు, వ్యాపారవేత్త విషగన్‌ వనంగమూడిని రెండో వివాహం చేసుకున్నారు. తాజాగా వీరిద్దరికి తొలి సంతానంగా నిన్న(ఆదివారం) వీర్‌ జన్మించాడు.  With gods abundant grace and our parents blessings 🙏🏻😇Vishagan,Ved and I are thrilled to welcome Ved’s little brother 💙💙💙 VEER RAJINIKANTH VANANGAMUDI today 11/9/22 #Veer #Blessed 😇🥰thank you to our amazing doctors @sumana_manohar Dr.Srividya Seshadri @SeshadriSuresh3 🙏🏻 pic.twitter.com/a8tXbqmTxf — soundarya rajnikanth (@soundaryaarajni) September 11, 2022

Rajinikanth Two Daughters Marriage Life Ended In Divorce, Deets Inside: విడాకుల ప్రకటనతో హీరో ధనుష్‌- ఐశ్వర్యలు అభిమానులకు ఊహించని షాక్‌ ఇచ్చారు. 18 ఏళ్ల వైవాహిక బంధానికి ముగింపు పలుకుతూ సోషల్‌ మీడియా వేదికగా విడిపోతున్నట్లు ప్రకటించారు. కోలీవుడ్‌లో బ్యూటిఫుల్‌ కపూల్‌గా గుర్తింపుపొందిన ధనుష్‌, ఐశ్వర్యలు విడిపోవడం సినీ వర్గాలను దిగ్భ్రాంతికి గురి చేస్తుంది.. ఎంతో అన్యోన్యంగా ఉండే ఈ స్టార్‌ కపూల్‌.. విడాకులు తీసుకోవడం అభిమానుకులకు మింగుడుపడటం లేదు. ప్రేమించి పెళ్లి చేసుకున్న వీరు18 ఏళ్ల తర్వాత విడిపోవాలని ఎందుకు నిర్ణయించుకున్నారంటూ ఫ్యాన్స్‌ ఆవేదన వ్యక్తం చేస్తున్నారు. ఇదిలా ఉండగా ధనుష్‌- ఐశ్వర్యల విడాకుల ప్రకటనతో రజనీకాంత్‌ చిన్న కూతురు సౌందర్య విడాకుల అంశం​ కూడా మరోసారి తెరమీదకి వచ్చింది. అప్పట్లో సౌందర్య విడాకులు కోలీవుడ్‌ నాట సెన్సేషన్‌గా మారిన సంగతి తెలిసిందే. 2010లో అశ్విన్‌ అనే వ్యాపారవేత్తతో సౌందర్యకు వివాహం జరిగింది. వీరికి వేద్‌ కృష్ణ అనే బాబు కూడా ఉన్నాడు. అయితే మనస్పర్థల కారణంగా 2017లో ఈ జంట విడాకులు తీసుకుంది. అనంతరం రెండేళ్లకు నటుడు, బిజినెస్‌ మ్యాన్‌ విషగన్‌ వనంగముడిని పెళ్లాడింది. సూపర్‌స్టార్‌ రజనీకాంత్‌ సైతం ప్రేమించి పెళ్లిచేసుకున్నారు. ఇప్పటివరకు ఎలాంటి కలతలు లేకుండా సాఫీగానే సాగుతుంది వారి బంధం. కానీ రజనీ కూతుళ్లు మాత్రం వివాహ బంధాన్ని నిలబెట్టుకోలేకపోతున్నారని నెటిజన్లు కామెంట్లు చేస్తున్నారు. 

సాక్షి, చెన్నై: తన తండ్రి రజనీకాంత్‌కు తమిళంలో రాయడం రాదని సినీ దర్శకురాలు, రజనీకాంత్‌ కూతురు సౌందర్య రజనీకాంత్‌ విశాఖన్‌ అన్నారు. ఈమె సొంతంగా హూట్‌ అనే సామాజిక మాధ్యమాన్ని ప్రారంభించారు. సోమవారం చెన్నైలోని ఓ హోటల్లో జరిగిన కార్యక్రమంలో నటుడు రజనీకాంత్‌ ఆన్‌లైన్‌ ద్వారా దీనిని ఆవిష్కరించారు. ఈ సందర్భంగా సౌందర్య మాట్లా డుతూ.. తన తండ్రి ఓ సందర్భంలో ముఖ్యమైన విషయాన్ని వాయిస్‌ మెసేజ్‌ ద్వారా తనకు పంపించారన్నారు. చదవండి: ఈ హీరోయిన్‌ ఎవరో గుర్తుపట్టారా? అప్పట్లో దివ్య భారతిని మైమరిపించారు అప్పుడే హూట్‌ పేరుతో సామాజిక మాధ్యమాన్ని ప్రారంభించాలన్న ఆలోచన వచ్చిందన్నారు. ఇది ట్విట్టర్, ఫేస్‌బుక్‌ తరహాలో మరింత ఉన్నతమైన సేవలను ప్రజలకు అందిస్తుందని చెప్పారు. 15 జాతీయ భాషలు, 10 అంతర్జాతీయ భాషల్లో ఈ వాయిస్‌ హూట్‌ను ఉపయోగించుకోవచ్చని తెలిపారు. తన తండ్రి తమిళం, తెలుగు, కన్నడం, హిందీ తదితర భాషల్లో అనర్గళంగా మాట్లాడగలరని, అయితే తమిళంలో రాయడం సరిగా రాదని తెలిపారు. ఈ నిజం చెప్పడం వల్ల ప్రజల్లో ఆయనకు ఉన్న అభిమానం ఏ మాత్రం తగ్గదనే అభిప్రాయాన్ని వ్యక్తం చేశారు. చదవండి: ‘హరిహర వీరమల్లు’లో అకీరా?, తండ్రితో కలిసి పలు సీన్స్‌లో సందడి..

తమిళ నటుడు ధనుష్‌ ఉత్తమ నటుడిగా నేషనల్‌ అవార్డు అందుకున్న విషయం తెలిసిందే. తమిళ చిత్రం ‘అసురన్‌’లో ఆయన నటనకు గానూ ఉప​రాష్ట్రపతి వెంకయ్య నాయుడు చేతుల మీదుగా ఈ పురస్కారం అందుకున్నాడు. అయితే అదే రోజు సూపర్‌ స్టార్‌ రజనీకాంత్‌ని దాదా సాహెబ్‌ ఫాల్కే అవార్డుతో సత్కరించింది కేంద్ర ప్రభుత్వం. ఈ తరుణంలో ఇది వర్ణనాతీతమైన అనుభూతి అంటూ సోషల్‌ మీడియాలో తన సంతోషాన్ని వ్యక్తం చేశాడు ఈ హీరో. ధనుష్‌ ఇన్‌స్టాగ్రామ్‌లో తన మామ, స్టార్‌ రజనీతో కలిసి ఉన్న ఫోటోని షేర్‌ చేశాడు. దానికి.. ‘‘తలైవర్‌’ దాదాసాహెబ్‌ ఫాల్కే అందుకున్న అదే వేదికపై, అదే రోజు బెస్ట్‌ యాక్టర్‌గా అవార్డు అందుకోవడం వర్ణించడానికి మాటలు లేని అనుభూతి. ఇలాంటి గొప్ప బహుమతి ఇచ్చినందుకు జాతీయ అవార్డు జ్యూరీకి ధన్యవాదాలు. నాకు సపోర్టుగా నిలిచిన ప్రెస్‌, మీడియాకి కృతజ్ఞతలు’ అంటూ రాసుకొచ్చాడు. అలాగే ఈ నటుడు ఫ్యాన్స్‌ కోసం అంటూ మెడల్‌ పిక్‌ని సోషల్‌ మీడియాలో పోస్ట్‌ చేశాడు.  View this post on Instagram A post shared by Dhanush (@dhanushkraja) To my fans ❤️❤️❤️❤️❤️ pic.twitter.com/USEEJLRGFR — Dhanush (@dhanushkraja) October 25, 2021 అంతేకాకుండా ధనుష్‌ పోస్ట్‌కంటే ముందు, ఆయన భార్య తన తండ్రి, భర్త ఉన​ ఫోటోని ఇన్‌స్టాలో షేర్‌ చేసింది. రజనీకి కూతురిగా, ధనుష్‌కి భార్యగా ఉండడం గర్వంగా ఉందని తెలిపింది. అయితే ‘భోంస్లే’ చిత్రానికి గానూ మనోజ్‌ బాజ్‌పేయితో కలిసి ధనుష్‌ ఈ అవార్డు అందుకున్నాడు. ఇప్పటివరకు ఆయన నాలుగు జాతీయ అవార్డులు గెలుచుకున్నాడు. View this post on Instagram A post shared by Aishwaryaa R Dhanush (@aishwaryaa_r_dhanush) చదవండి: టాలీవుడ్‌పై ధనుష్‌ స్పెషల్‌ ఫోకస్‌.. మరో ఇద్దరితో చర్చలు!

Rajinikanth Meets Ravishankar: ఆధ్యాత్మిక గురువు రవిశంకర్‌తో సూపర్‌స్టార్‌ రజనీకాంత్‌ తన ఇద్దరు కుమార్తెలతో కలసి భేటీ అయ్యారు. రజనీకి ఆధ్యాత్మిక చింతన అధికం. ఆయన ప్రతి చిత్రం షూటింగ్‌ అనంతరం హిమాలయాలకు వెళ్లి కొన్ని రోజులు గడపడం ఆనవాయితీ. ఇటీవల శివ దర్శకత్వంలో సన్‌ పిక్చర్స్‌ సంస్థ నిర్మిస్తున్న అన్నాత్తై చిత్రాన్ని పూర్తి చేశారు. ఈ చిత్రాన్ని భారీ అంచనాల మధ్య దీపావళి సందర్భంగా తెరపైకి తీసుకురావడానికి నిర్మాతలు సన్నాహాలు చేస్తున్నారు. ఈ విషయాన్ని అటుంచితే నటుడు రజనీకాంత్‌ తన ఇద్దరు కూతుళ్లు ఐశ్వర్య ధనుష్, సౌందర్య రజనీకాంత్‌ కలిసి ఆధ్యాత్మిక గురువుతో భేటీ అవడం చర్చనీయాంశమైంది. రజనీకాంత్‌ రెండవ కూతురు సౌందర్య రజనీకాంత్‌ ఆదివారం తన ట్విట్టర్‌లో ఈ మేరకు చిత్రాలు పోస్ట్‌ చేశారు. ఇప్పుడవి సామాజిక మాధ్యమాల్లో వైరల్‌ అవుతున్నాయి. Renowned actor @rajinikanth, @soundaryaarajni, @ash_r_dhanush met Gurudev @SriSri Ravi Shankar. https://t.co/Kuxpcesdc4 — Office Of Gurudev (@OfficeOfGurudev) August 29, 2021 చదవండి : విజయకాంత్‌కు అనార్యోగం? చికిత్స కోసం అమెరికాకు..  Karthikeya 2: హీరోయిన్‌ ఎవరో తెలిసిపోయింది..

కరోనా బాధితులకు చేయూతనిచ్చేందుకు కోలీవుడ్‌ నడుంబిగించింది. ప్రస్తుతం దేశ వ్యాప్తంగా మహమ్మారి విలయతాండవం చేస్తున్న సంగతి తెలిసిందే. రోజరోజుకు లక్షల్లో కోవిడ్‌ కేసులు నమోదవుతున్నాయి. దీంతో సమయానికి బాధితులకు వైద్య సదుపాయం, ఆక్సిజన్‌ అందక మృత్యువాత పడుతున్నారు. ఇక బాధితులను రక్షించేందుకు ప్రభుత్వాలు, వైద్య సంస్థలు కృషి చేస్తున్నాయి. ఈ నేపథ్యంలో తమిళనాడు ప్రభుత్వానికి అండగా పలువురు సినీ ప్రముఖులు తరలివస్తున్నారు. తమవంతు సాయంగా కరోనా బాధితుల కోసం సీఎం సహాయ నిధికి భారీగా విరాళాలు ప్రకటిస్తున్నారు. ఇప్పటికే హీరో సూర్య, కార్తీ, వారి తండ్రి, సీనియర్‌ నటుడు శివ కుమార్లు కలిసి సీఎం స్టాలిన్‌కు కోటి రూపాయల చెక్‌ విరాళంగా అందించిన సంగతి తెలిసిందే. తాజాగా సూపర్‌ స్టార్‌ రజనీకాంత్‌ రెండవ కూతురు సౌందర్య రజనీకాంత్‌ సైతం విరాళం ఇచ్చింది. ఆమె భర్త విశాగన్‌ వనంగముడి, మామ ఎస్‌ఎస్‌ వనంగముడితో కలిసి శుక్రవారం సీఎం క్యాంపు కార్యాలయంలో ముఖ్యమంత్రి ఎంకే స్టాలిన్‌కు కోటి రూపాయల చెక్‌ను అందించింది. తమ ఫార్మా కంపెనీ అపెక్స్‌ లాబోరేటరీ నుంచి ఈ విరాళం అందించినట్లు ఆమె తెలిపింది. అనంతరం ఆమె భర్త విశాగన్‌ రాష్ట్రానికి కొత్త సీఎంగా ఎన్నికైన ఎంకే స్టాలిన్‌కు పుష్ప గుచ్చం ఇచ్చి శుభాకాంక్షలు తెలిపాడు. అంతేగాక హీరో అజిత్‌ సైతం రూ. 25 లక్షలు విరాళం ఇవ్వగా.. ప్రముఖ దర్శకుడు మురుగదాస్‌, హీరో ఉదయనిధి స్టాలిన్‌లు చేరో 25 లక్షల రూపాయలు విరాళంగా ఇచ్చారు.

సూపర్‌స్టార్‌ రజనీకాంత్‌ కుమార్తె సౌందర్యా రజనీకాంత్‌కు సోషల్‌ మీడియాలో చేదు అనుభవం ఎదురైంది. తన కుమారుడు వేద్‌తో కలిసి స్విమ్మింగ్‌పూల్‌లో ఉన్న ఫొటోను ఆమె షేర్‌ చేశారు. ఈ క్రమంలో..‘తమిళనాడు ప్రజలు నీటి కోసం అలమటిస్తుంటే మీరు మాత్రం ఇలా ఈతకొలనులో నీటిని వృథా చేస్తారా’ అంటూ నెటిజన్లు ట్రోలింగ్‌కు దిగారు. దీంతో సౌందర్య తన ఫొటోలను తొలగించారు. ఈ నేపథ్యంలో..‘ చిన్నతనం నుంచే పిల్లలకు శారీరక వ్యాయామం అవసరమనే విషయాన్ని చెప్పాలనే సదుద్దేశంతో ఆ ఫొటోను షేర్‌ చేశాను. ప్రస్తుతం మనం ఎదుర్కొంటున్న నీటి కొరత నేపథ్యంలో నా ట్రావెల్‌ డైరీలోని ఈ ఫొటోను తొలగించాను’ అని సౌందర్య వివరణ ఇచ్చారు. కాగా ఈ విషయంలో రజనీ అభిమానులు ఆమెకు అండగా నిలిచారు. ‘పాత ఫొటోతో మిమ్మల్ని ట్రోల్‌ చేస్తున్న వారిని పట్టించుకోకండి. నీటి కొరతతో ఇబ్బంది పడుతున్న వారికి తలైవా చేస్తున్న సహాయం వారికి కనిపించడం లేదు’ అంటూ ట్రోలర్స్‌కు కౌంటర్‌ ఇస్తున్నారు. ఇక సౌందర్య రజనీకాంత్‌ సోషల్‌ మీడియాలో యాక్టివ్‌గా ఉంటారన్న సంగతి తెలిసిందే. తన కుమారుడు వేద్‌కు సంబంధించిన ఫొటోలు తరచుగా ఆమె షేర్‌ చేస్తూ ఉంటారు. కాగా కొచ్చాడియాన్‌ మూవీతో డైరెక్టర్‌గా మారిన సౌందర్యా రజనీకాంత్‌ ఇటీవలె వ్యాపారవేత్త విశాగన్‌ను రెండో వివాహం చేసుకున్న సంగతి తెలిసిందే. Removed the pictures shared in good spirit from my #TravelDiaries considering the sensitivity around the current #WaterScarcity we are facing 🙏🏻. The throwback pics were to emphasise the importance for physical activities for children from a young age only 🙂🙏🏻 #LetsSaveWater — soundarya rajnikanth (@soundaryaarajni) June 30, 2019

సూపర్‌స్టార్‌ రజనీకాంత్‌ చిన్న కుమార్తె సౌందర్య ట్విటర్‌లో షేర్‌ చేసిన ఓ ఫొటో నెటిజన్లను విపరీతంగా ఆకర్షిస్తోంది. అచ్చం రజనీకాంత్‌లాగే పోజ్‌ పెట్టి నిల్చున్న ఆమె కుమారుడు వేద్‌ ఫొటోకు అభిమానులు ఫిదా అవుతున్నారు. కానీ ఆ ఫొటోకు సౌందర్య ఇచ్చిన క్యాప్షన్‌ మాత్రం మార్చాలని సూచిస్తున్నారు. అసలు విషయమేమిటంటే.. పేట సినిమాలోని రజనీ స్టైల్‌ను అనుకరిస్తూ నిల్చున్న వేద్‌ ఫొటోను పోస్ట్‌ చేసిన సౌందర్య... ‘ తాతలాగే మనుమడు!!!’ అంటూ క్యాప్షన్‌ జతచేశారు. ఈ క్రమంలో.. ‘ప్లీజ్‌ మేడమ్‌ రజనీ సార్‌ను తాత అనకండి. తలైవా ఎప్పుడూ నిత్య యవ్వనుడిలాగానే కనిపిస్తారు. అయితే ఒక విషయం వేద్‌ కూడా ఆయనలాగే సూపర్‌గా ఉన్నాడు. భవిష్యత్తులో రజనీ స్థాయికి ఎదుగుతాడు. ఇందులో సందేహం లేదు’ అంటూ అభిమానులు సరదాగా కామెంట్లు చేస్తున్నారు. కాగా రజనీ హీరోగా తెరకెక్కుతున్న తాజా సినిమా దర్బార్‌ సెట్లోనూ వేద్‌ సందడి చేసిన సంగతి తెలిసిందే. ఇక కొచ్చాడియాన్‌ మూవీతో డైరెక్టర్‌గా మారిన సౌందర్యా రజనీకాంత్‌ ఇటీవలె వ్యాపారవేత్త విశాగన్‌ను రెండో వివాహం చేసుకున్న సంగతి తెలిసిందే. చెన్నైలోని లీలా ప్యాలెస్‌లో అంగరంగ వైభవంగా జరిగిన ఈ వేడుకకు పలువురు రాజకీయ, సినీరంగ ప్రముఖులు హాజరయ్యారు. కాగా 2010లో వ్యాపారవేత్త అశ్విన్‌ రామ్‌కుమార్‌ను పెళ్లి చేసుకున్న సౌందర్యకు ఆయన ద్వారా వేద్‌ కృష్ణ అనే కుమారుడు కలిగాడు. Well ... 🤷🏻‍♀️🙌🏻❤️😍 like thatha like grandson !!! #RajinikanthLineage #VedNailsThathaPose #ProudMother pic.twitter.com/wUZepY7GRx — soundarya rajnikanth (@soundaryaarajni) June 25, 2019

తమిళ సూపర్‌స్టార్‌ రజనీకాంత్‌ కుమార్తె సౌందర్య, విశాగన్‌ వనంగముడిల వివాహం ఈ ఏడాది ఫిబ్రవరిలో జరిగిన విషయం తెలిసిందే. 2010లో అశ్విన్‌ అనే వ్యాపారవేత్తను వివాహం చేసుకున్న సౌందర్య ఆ తర్వాత నాలుగేళ్లకు విడాకులు తీసుకోవడం, వీరికి వేద్‌ అనే ఓ కుమారుడు ఉన్న విషయం గురించి ప్రత్యేకించి చెప్పక్కర్లేదు. తన రెండో వివాహ సమయంలో జరిగిన ఆసక్తికర సంఘటనలను ఓ తమిళ మ్యాగజీన్‌కు ఇచ్చిన ఇంటర్వ్యూలో పంచుకున్నారు సౌందర్య. ‘‘నా కుమారుడు వేద్‌కి ముందు విశాగన్‌ ఫొటో చూపించి.. ‘ఇదిగో మీ డాడీ’ అని చెప్పగానే సంబరపడిపోయాడు. తొలిసారే వేద్‌కి విశాగన్‌ నచ్చేశారు. వేద్‌ విషయంలో విశాగన్‌కి ఓపిక ఎక్కువ. పెళ్లి మండపంలో కూర్చున్నపుడు ముహూర్తం టైమ్‌కి వేద్‌ మండపానికి రాకపోవడంతో టెన్షన్‌ పడ్డాను. వేద్‌ వచ్చేవరకూ నేను తాళి కట్టనని విశాగన్‌ అన్నారు. అంతేకాదు.. పెళ్లికి ముందు ‘మీ అమ్మను పెళ్లి చేసుకోవడం నీకు ఇష్టమేనా?’ అని వేద్‌ దగ్గర విశాగన్‌ అనుమతి కూడా తీసుకున్నారు. దాని తాలూకు వీడియో కూడా నా వద్ద ఉంది. కానీ, అది వేద్‌కి 18 ఏళ్లు వచ్చేవరకూ ఎవరికీ చూపించను. విశాగన్‌ వద్ద ఉంటే వేద్‌ సురక్షితంగా ఉంటాడనే నమ్మకం నాకుంది. నాక్కావాల్సింది కూడా అదే’’ అని పేర్కొన్నారు సౌందర్యా రజనీకాంత్‌.

ఇలా పెళ్లయిందో లేదో అలా హనీమూన్‌ చెక్కేశారు సౌందర్యా రజనీకాంత్, విశాగన్‌. తమ విహారయాత్రలకు ఐస్‌ల్యాండ్‌ బెస్ట్‌ అనుకుని అక్కడకు వాలిపోయారు ఈ కొత్త దంపతులు. చల్ల చల్లని ప్రాంతంలో చిల్‌ అవుతూ ఆ మూమెంట్స్‌ తాలూకు ఫొటోలను సోషల్‌ మీడియాలో షేర్‌ చేశారు.

తలైవా రజనీకాంత్‌ చిన్న కుమార్తె సౌందర్యా రజనీకాంత్‌- వ్యాపారవేత్త విశాగన్‌ల వివాహం అంగరంగ వైభవంగా జరిగిన విషయం తెలిసిందే. చెన్నైలోని లీలా ప్యాలెస్‌లో జరిగిన ఈ వేడుకకు పలువురు రాజకీయ, సినీరంగ ప్రముఖులు హాజరై నూతన జంటను ఆశీర్వదించారు. కాగా వివాహానంతరం సౌందర్య సోషల్‌ మీడియాలో షేర్‌ చేసిన ఫొటోలు నెటిజన్లను విపరీతంగా ఆకర్షిస్తున్నాయి. సంగీత్‌ నాటి ఫొటోలను ట్విటర్‌లో పోస్ట్‌ చేసిన సౌందర్య... ‘ మాటలకు అందని సంతోషం! నా జీవితంలో ఉన్న అత్యంత ముఖ్యమైన ముగ్గురు వ్యక్తులు.. ప్రియమైన నాన్న.. నా ముద్దుల కుమారుడు.. ఇప్పుడు నువ్వే.. నా విశాగన్‌’ అంటూ క్యాప్షన్‌ జత చేశారు. వీటితో పాటుగా.. # మిస్టర్‌ అండ్‌ మిసెస్‌, #మేముఒక్కటే అనే హ్యాష్‌ ట్యాగ్‌తో భర్త, కుమారుడు, తండ్రితో కలిసి ఉన్న మరిన్ని ఫొటోలను షేర్‌ చేశారు. ఇక 2010లో వ్యాపారవేత్త అశ్విన్‌ రామ్‌కుమార్‌ను పెళ్లి చేసుకున్న సౌందర్య రెండున్నరేళ్ల క్రితం విడాకులు తీసుకున్నారు. వీరికి వేద్‌ కృష్ణ అనే కుమారుడు ఉన్నాడు. (ఫొటో గ్యాలరీ కోసం ఇక్కడ క్లిక్ చేయండి) Blessed & grateful beyond words !!!! The three most important men in my life ... my darling father ... my angel son ... and now you my Vishagan ❤️❤️❤️🙏🏻🙏🏻🙏🏻 pic.twitter.com/v7Ra32oiYe — soundarya rajnikanth (@soundaryaarajni) February 10, 2019 #Mr&Mrs #MyFamily #WeAreOne #VedVishaganSoundarya ❤️🙏🏻🤗😇🙌🏻👪😀♾ pic.twitter.com/W3XbTc8Msf — soundarya rajnikanth (@soundaryaarajni) February 11, 2019

సాక్షి, చెన్నై : సూపర్ స్టార్ రజనీకాంత్ రెండో కుమార్తె సౌందర్య వివాహం నటుడు వ్యాపారవేత్త విశాగన్‌తో సోమవారం ఘనంగా జరిగింది. మొదటి వివాహ రద్దు అనంతరం సౌందర్య ప్రేమించి పెద్దల సమ్మతితో విశాగన్‌ను వివాహం చేసుకుంది. చెన్నైలోని లీలా ప్యాలెస్ లో జరిగిన వివాహంలో రాష్ట్ర సీఎం పళణిసామి, డిప్యూటి సీఎం పన్నీరు సెల్వంతోపాటు పలువురు మంత్రులు చివిధ పార్టీల నేతలు హాజరై వధూవరులను ఆశీర్వదించారు. ఇక రజనీకాంత్ ఇంటి వివాహం‌ కావటంతో సినిమా ఇండస్ట్రీకి చెందిన అతిరథ మహారథులు హాజరై అభినందనలు తెలిపారు. రజనీకాంత్ స్నేహితుడు నటుడు మోహన్‌బాబు కుటుంబంతో కలిసి వివాహ వేడుకల్లో పాల్గొన్నారు. మూడు రోజులపాటు జరిగిన పెళ్లితంతులో సంగీత్, మెహింది అంటూ వివాహ వేడుకలు ఘనంగా జరిగాయి. ఈ వేడుకల్లో సూపర్‌స్టార్‌ వేసిన స్టెప్పులు సోషల్‌ మీడియాలో వైరల్‌ అయిన సంగతి తెలిసిందే. (ఫొటో గ్యాలరీ కోసం ఇక్కడ క్లిక్ చేయండి)

ఇండియన్‌ సూపర్‌స్టార్‌ రజనీకాంత్‌ డైలాగ్‌లకు, స్టైల్‌కు, స్టెప్పులకు ఎంత ఫేమస్సో తెలిసిందే. తెరపై తలైవా స్టెప్పులేసినా, డైలాగ్‌లు చెప్పినా.. టాప్‌ లేచి పోవాల్సిందే. రజినీ బయట ఫంక్షన్లో డ్యాన్సులు వేయడం చాలా అరుదు. అలాంటిది రజనీ డ్యాన్స్‌ చేస్తున్న ఓ వీడియో ప్రస్తుతం వైరల్‌ అవుతోంది. రజనీకాంత్‌ చిన్న కుమార్తె సౌందర్య రజనీకాంత్‌ వివాహ వేడుకలు అంగరంగ వైభవంగా జరుగుతున్న సంగతి తెలిసిందే. పెళ్లికి వచ్చిన అతిథులకు సీడ్‌ బాల్స్‌ను రిటర్న్‌ గిఫ్ట్‌గా ఇచ్చి అందర్నీ ఆశ్యర్యపరిచారు. సౌందర్య పెళ్లి వేడుకల్లో భాగంగా శనివారం సాయంత్రం రజనీ పోయస్‌ గార్డెన్‌లోని ఇంట్లో మెహిందీ కార్యక్రమాన్ని నిర్వహించారు. అందులో బంధుమిత్రులు ఆడి పాడి ఎంజాయ్‌ చేశారు. వారితో పాటు రజనీకాంత్‌ ఒకరిగా స్టెప్స్‌ వేశారు. ముత్తు చిత్రంలోని ఒరువన్‌ ఒరువన్‌ మొదలాలీ అనే పాటకు రజనీకాంత్‌ చిందులతో సందడి చేస్తుంటే అక్కడున్నవారంతా చూస్తూ ఉండిపోయారు. దటీజ్‌ రజనీకాంత్‌. ప్రస్తుతం దీనికి సంబంధించిన వీడియోలు నెట్టింట్లో హల్‌ చల్‌ చేస్తున్నాయి. రజనీ ప్రస్తుతం మురుగుదాస్‌తో ఓ చిత్రం చేసేందుకు రెడీ అయ్యారు.

రజనీకాంత్‌ చిన్న కుమార్తె సౌందర్యా రజనీ కాంత్‌ పెళ్లి సంబరాలు మొదలయ్యాయి. శుక్రవారం చెన్నైలోని రాఘవేంద్ర మండపంలో సన్నిహితులు, బంధువులకు గ్రాండ్‌ రిసెప్షన్‌ను ఏర్పాటు చేశారు రజనీ కుటుంబ సభ్యులు. ఈ రిసెప్షన్‌కు వచ్చిన అతిథులకు రిటర్న్‌ గిఫ్ట్‌గా సీడ్‌ బాల్‌ను అందించడం విశేషం.  ఫార్మా బిజినెస్‌మేన్‌ విశాగన్‌ వనంగాముడి, సౌందర్య రజనీకాంత్‌ వివాహం ఆదివారం జరగనుంది. సౌందర్యకు ఇది రెండో వివాహం. ఆల్రెడీ అశ్విన్‌ రామ్‌కుమార్‌ అనే పారిశ్రామికవేత్తను వివాహం చేసుకున్నారు. 2017లో విడాకులు తీసుకున్న వీళ్లకు వేద్‌ అనే కుమారుడు ఉన్నారు.  

చెన్నై: రజనీకాంత్‌ కుమార్తె సౌందర్యా రజనీకాంత్‌ వివాహ విందు శుక్రవారం ఘనంగా జరిగింది. విశాగన్‌ను ఫిబ్రవరి 11న సౌందర్య వివాహం చేసుకోబోతున్నారు. ఈ నేపథ్యంలో చెన్నైలోని రాఘవేంద్ర కళ్యాణ మండపంలో రజనీకాంత్‌ దంపతులు రిసెప్షన్‌ ఏర్పాటు చేశారు. ఈ వేడుకకు సన్నిహితులు మాత్రమే హాజరయ్యారు. సినీ, రాజకీయ ప్రముఖులు కనబడలేదు. సౌందర్య, విశాగన్‌.. ఇద్దరికీ ఇది రెండో వివాహం. గతంలో పారిశ్రామికవేత్త అశ్విన్‌ కుమార్‌ను వివాహం చేసుకున్న సౌందర్య 2016లో విడాకులు తీసుకున్నారు. వాళ్లకు వేద్‌ అనే కుమారుడు ఉన్నాడు. విశాగన్‌ కూడా తన భార్య నుంచి విడాకులు తీసుకున్నారు.