మంచిర్యాలటౌన్‌: పార్లమెంటు ఎన్నికల్లో భాగంగా మంచిర్యాల జిల్లా కేంద్రంలో పలువురు ప్రముఖులు, కుటుంబ సభ్యులు సోమవారం ఓటు హక్కు వినియోగించుకున్నారు. పెద్దపల్లి లోక్‌సభ కాంగ్రెస్‌ పార్టీ అభ్యర్థి గడ్డం వంశీకృష్ణ తన తల్లితో కలిసి స్థానిక జెడ్పీ బాలికల ఉన్నత పాఠశాలలో ఓటు వేశారు. మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు తన సతీమణి, డీసీసీ అధ్యక్షురాలు కొక్కిరాల సురేఖతో కలిసి ఓటేశారు. ఈ సందర్భంగా ఆయన మాట్లాడుతూ పెద్దపల్లి నియోజకవర్గంలో కాంగ్రెస్‌ పార్టీకి రెండు లక్షల మెజార్టీ వస్తుందని ధీమా వ్యక్తం చేశారు. అనంతరం చెన్నూర్‌ ఎమ్మెల్యే గడ్డం వివేక్‌వెంకటస్వామి ఎదురుగా రాగా, ఎన్నికల సరళిపై చర్చించారు. ● మంచిర్యాలలోని కార్మెల్‌ స్కూల్‌లో చెన్నూరు ఎమ్మెల్యే గడ్డం వివేక్‌ వెంకటస్వామి తన ఓటు హక్కును వినియోగించుకున్నారు. ● ఆర్‌బీహెచ్‌వీ ఉన్నత పాఠశాలలో మాజీ ఎమ్మెల్యే నడిపెల్లి దివాకర్‌రావు తన కుటుంబ సభ్యులతో కలిసి వచ్చి ఓటు వేశారు. ● కార్మెల్‌ స్కూల్‌లో బీజేపీ జిల్లా అధ్యక్షుడు రఘునాథ్‌ వెరబెల్లి తన ఓటు హక్కును వినియోగించుకున్నారు. ● ట్రినిటి ఉన్నత పాఠశాలలో బీజేపీ జిల్లా ప్రధాన కార్యదర్శి దుర్గం అశోక్‌ దంపతులు ఓటు హక్కు వినియోగించుకున్నారు. ● జిల్లా పరిషత్‌ చైర్‌పర్సన్‌ భాగ్యలక్ష్మి మందమర్రి మండలం ఆదిల్‌పేట్‌లో ఓటు వేశారు. ● పెద్దపెల్లి బీజేపీ అభ్యర్థి గోమాసే శ్రీనివాస్‌ మందమర్రి మండలం తిమ్మాపూర్‌లో తన కుటుంబసభ్యులతో కలిసి ఓటు హక్కు వినియోగించుకున్నారు.

మంచిర్యాలక్రైం: జిల్లాలో ఉదయం 7గంటల నుంచి సాయంత్రం 4గంటల వరకు ఓటు వేసే అవకాశాన్ని ఎన్నికల సంఘం కల్పించింది. మంచిర్యాలలో సాయంత్రం నాలుగు గంటల వరకు పోలింగ్‌ కేంద్రం వద్ద వరుసలో ఉన్న ఓటర్ల వద్ద ఓటర్‌ స్లిప్‌ ఎన్నికల సిబ్బంది తీసుకుని టోకెన్లు అందజేశారు. టొకెన్లు తీసుకున్న వారికి మాత్రమే ఓటు వేసే అవకాశాన్ని కల్పించారు. దీంతో సాయంత్రం 5గంటల వరకు ఓటింగ్‌ సాగింది. నాలుగు గంటల తర్వాత ఓటు వేసేందుకు పోలింగ్‌ కేంద్రానికి వచ్చిన వారిని వెనక్కి పంపించారు. దీంతో ఓటు వేయకుండా సుమారు వంద మంది ఓటర్లు జిల్లా కేంద్రంలోని మజీద్‌వాడలో 190, 191వ పోలింగ్‌ కేంద్రాల్లో వెనుదిరిగారు.

మంచిర్యాలక్రైం/చెన్నూర్‌/కోటపల్లి: జిల్లాలో లోక్‌సభ ఎన్నికల పోలింగ్‌ సందర్భంగా రామగుండం సీపీ శ్రీనివాసులు సోమవారం సుడిగాలి పర్యటన జరిపారు. జిల్లాలోని పోలీసు అధికారులతో సెట్‌ ద్వారా మాట్లాడుతూ అప్రమత్తం చేశారు. పోలింగ్‌ కేంద్రాలను సందర్శించి ఓటింగ్‌ సరళిని పరిశీలించారు. కోటపల్లి పోలీస్‌స్టేషన్‌ పరిధిలో మావోయిస్ట్‌ ప్రభావిత ప్రాంతమైన పంగిడి సోమారం పోలింగ్‌ కేంద్రాన్ని సందర్శించారు. చెన్నూర్‌, బెల్లంపల్లి, మంచిర్యాలలోని పోలింగ్‌ కేంద్రాలను పరిశీలించారు. కోటపల్లి మండలం రాపన్‌పల్లి అంతర్రాష్ట్ర సరిహద్దు వద్ద ఏర్పాటు చేసిన చెక్‌పోస్ట్‌ను సందర్శించి వివరాలు తెలుసుకున్నారు. ప్రతీ వాహనా న్ని తనిఖీ చేయాలని ఆదేశించారు. పోలింగ్‌ తర్వా త పోలింగ్‌ ఎన్నికల పరికరాలు కౌంటింగ్‌ కేంద్రాలకు తరలించే వరకు ప్రతీక్షణం అప్రమత్తంగా ఉండాలని ఆదేశించారు. మంచిర్యాలలోని ప్రభుత్వ బాలుర పాఠశాల పోలిగ్‌ కేంద్రం వద్ద ఆయన మాట్లాడారు. లోక్‌సభ ఎన్నికల ఓటింగ్‌ ఎలాంటి గొడవలు, సమస్యలు లేకుండా ప్రశాంతంగా ముగిసిందని తెలిపారు. ఏసీపీలు ప్రకాష్‌, వెంకటేశ్వర్లు, రవికుమార్‌, రాఘవేంద్రరావు, మల్లారెడ్డి, సీఐలు బన్సిలాల్‌, అశోక్‌, సుధాకర్‌ పాల్గొన్నారు.

● పోలింగ్‌ తగ్గడంతో టెన్షన్‌ సాక్షి ప్రతినిధి, మంచిర్యాల: లోక్‌సభ ఎన్నికల పోలింగ్‌ ముగియడంతో అభ్యర్థులు తమకు వచ్చే ఓట్లపై ఆరా తీస్తున్నారు. అసెంబ్లీ ఎన్ని కల కంటే భిన్నంగా లోక్‌సభ పోలింగ్‌ సరళి ఉండడంతో అభ్యర్థులు ఓట్లు ఎటు పడ్డాయోనని లెక్కలు తీస్తున్నారు. పోలింగ్‌ బూత్‌ల వా రీగా లెక్కలు వేస్తున్నారు. ఓటింగ్‌ తీరు, పట్ట ణాలు, గ్రామాలు, సింగరేణి ప్రాంతాల్లో ఎవరికి ఎలా ఓట్లు వేసి ఉంటారనేది అంచనాలు వేస్తున్నారు. పోలింగ్‌ ఏజెంట్లతోపాటు తమ నాయకులు, అనుచరగణం నుంచి వివరాలు సేకరిస్తున్నారు. గెలుస్తామా? ఓడుతామా? అంటూ విశ్లేషించుకుంటున్నారు. పెద్దపల్లి లోక్‌సభ పరిధిలోని ఏడు అసెంబ్లీ స్థానాల్లో మొత్తం 68.23శాతం ఓట్లు పోల్‌ అయ్యాయి. గత అసెంబ్లీ ఎన్నికలతో పోలిస్తే ఏడు సెగ్మెంట్లలోనూ ఓటింగ్‌ తగ్గింది. దీంతో తగ్గిన పోలింగ్‌ శాతం ఎవరికి మేలు చేస్తుందనే విశ్లేషణలు మొదలయ్యాయి. యువత, మహిళ, గ్రామీణ, పట్టణ, కార్మిక ఓటర్ల ఓట్లు ఎటు పడ్డాయని అభ్యర్థులు వివరాలు తీసుకుంటున్నారు. రెండు పార్టీల మధ్యే పోటీ? లోక్‌సభ పరిధిలో మొత్తం 42మంది అభ్యర్థులు బరిలో దిగగా, ఇందులో ప్రధాన పార్టీలైన కాంగ్రెస్‌, బీఆర్‌ఎస్‌, బీజేపీ ప్రతిష్టాత్మకంగా తీ సుకుని విజయం కోసం శ్రమించాయి. పోలింగ్‌ సరళిని బట్టి ప్రధానంగా రెండు జాతీయ పా ర్టీల మధ్యే ప్రధాన పోటీ నెలకొన్నట్లుగా రాజ కీయ వర్గాలు అంచనా వేస్తున్నాయి. ఈ క్రమంలో ఎవరిది పై చేయి అవుతుందోనని అభ్యర్థులతోపాటు సామాన్య ప్రజల్లోనూ ఆసక్తి నెలకొంది. ఫలితాలు జూన్‌ 4న వెల్లడి నేపథ్యంలో అప్పటి వరకు వేచి చూడాల్సి ఉంది.

రామకృష్ణాపూర్‌: ఓటు వేసిన కరీంనగర్‌ జుడీషియల్‌ మేజిస్ట్రేట్‌ ఆఫ్‌ ఫస్ట్‌క్లాస్‌ దామెర్ల ప్రీతిపెద్దపల్లి సెగ్మెంట్‌లో పోలింగ్‌ శాతం(రెండు గంటలకోసారి) నియోజకవర్గం ఓటర్లు 9.00 11.00 1.00 3.00 5.00 6.00 చెన్నూరు 1,93,778 9.49 26.35 45.45 58.65 68.00 68.13 బెల్లంపల్లి 1,76,514 12.12 30.52 50.42 63.00 70.53 70.96 మంచిర్యాల 2,78,738 10.49 24.87 41.40 52.97 59.78 59.78 ధర్మపురి 2,30,786 8.70 28.11 47.15 60.23 69.83 73.34 రామగుండం 2,19,723 7.64 21.46 38.78 47.10 55.18 61.59 మంథని 2,39,699 10.17 27.41 48.21 56.2 61.55 69.90 పెద్దపల్లి 2,57,192 9.24 25.57 44.40 55.6 64.80 71.34 మొత్తం 15,96,430 9.69 26.33 45.12 56.25 63.86 68.23దండేపల్లి: వెల్గనూర్‌లో యువతుల తొలి ఓటుసాక్షి ప్రతినిధి, మంచిర్యాల: జిల్లాలో లోక్‌సభ ఎన్నికల పోలింగ్‌ సోమవారం ప్రశాంతంగా ముగిసింది. ఓటరు తీర్పు ఈవీఎంల్లో నిక్షిప్తమైంది. ఉదయం ఏడు గంటల నుంచే ఓటర్లు పోలింగ్‌ కేంద్రాలకు చేరుకున్నారు. చాలాచోట్ల ఐదు నుంచి పది నిమిషాలు ఆలస్యంగా పోలింగ్‌ ప్రారంభమైంది. పలు చోట్ల ఈవీఎంలు మొరాయించగా.. అధికారులు అప్రమత్తమై పరిష్కరించారు. ఎన్నికల సంఘం జిల్లాను సమస్యాత్మక ప్రాంతంగా గుర్తించడంతో సాయంత్రం నాలుగు గంటల వరకే ఓటింగ్‌కు అవకాశం కల్పించారు. ఆ తర్వాత వచ్చిన వారిని అధికారులు వెనక్కి పంపించారు. అప్పటికే పోలింగ్‌ కేంద్రం పరిధిలో ఉన్న ఓటర్లకు మాత్రం ఓటు వేసేందుకు అవకాశం కల్పించారు. జిల్లా ఎన్నికల అధికారి, కలెక్టర్‌ బదావత్‌ సంతోష్‌, రామగుండం పోలీసు కమిషనర్‌ శ్రీనివాసులు పోలింగ్‌ కేంద్రాలను పరిశీలించారు. సిబ్బందికి ఎప్పటికప్పుడు సూచనలు చేశారు. బరిలో ఉన్న ప్రధాన పార్టీల అభ్యర్థులు సహా స్వతంత్రులు తమ ఓటు హక్కు వినియోగించుకున్నారు. మందకొడిగా మొదలై.. జిల్లాలో ఉదయం ఏడు గంటల నుంచే ఓటర్లు పోలింగ్‌ కేంద్రాలకు రావడం మొదలైనప్పటికీ పోలింగ్‌ మందకొడిగా సాగింది. క్రమంగా పుంజుకుంటూ సాయంత్రం 3గంటల వరకు పెరిగింది. నాలుగు గంటల వరకే సమయం ఉండడంతో కొన్ని చోట్ల ఆలస్యంగా వచ్చిన ఓటర్లకు అనుమతి నిరాకరించారు. జిల్లా కేంద్రంతోపాటు చెన్నూరు, మందమర్రి, బెల్లంపల్లి తదితర ప్రాంతాల్లో కొందరు సమయం ముగిశాక వచ్చి వెనుదిరిగారు. జిల్లాలో అసెంబ్లీ ఎన్నికల పోలింగ్‌తో పోల్చి చూస్తే ఈసారి తక్కువగానే నమోదైంది. జిల్లాలో 66.53శాతం పెద్దపల్లి లోక్‌సభ నియోజకవర్గం పరిధి జిల్లాలోని మూడు అసెంబ్లీ నియోజకవర్గాల్లో పోలింగ్‌ సమయం ముగిసే వరకు 66.53శాతం పోలింగ్‌ నమోదైంది. చెన్నూర్‌ నియోజకవర్గంలో 68శాతం, బెల్లంపల్లిలో 70.96, మంచిర్యాలలో 59.78శాతం నమోదయ్యాయి. జిల్లాలో అత్యల్పంగా మంచిర్యాల నియోజకవర్గంలో నమోదైంది. గత నవంబర్‌లో జరిగిన అసెంబ్లీ ఎన్నికల్లో బెల్లంపల్లి నియోజకవర్గంలో 81.19శాతం, చెన్నూరులో 80.07శాతం, మంచిర్యాలలో 69.16 శాతం నమోదు కాగా, ఈసారి పోలింగ్‌ మరింత తగ్గింది. మోడల్‌ పోలింగ్‌ కేంద్రాల్లోనూ ఓటింగ్‌ శాతం తక్కువగానే నమోదైంది. ఇక పెద్దపల్లి లోక్‌సభ పరిఽధిలో 68.23శాతమే పోలింగ్‌ నమోదైంది.బెల్లంపల్లిలో పోలైన ఓట్లు బెల్లంపల్లి: బెల్లంపల్లి నియోజకవర్గంలో 1,76,514 మంది ఓటర్లకు గాను 1,25,255 మంది ఓటు హక్కు వినియోగించుకున్నారు. వీరిలో 87,283 మంది పురుష ఓటర్లకు గాను 63,449 మంది, మహిళా ఓటర్లు 89,219 మందికి గాను 61,801 మంది, ఇతరులు 12మందికి గాను ఐదుగురు ఓటు హక్కు వినియోగించుకున్నారు. పోలింగ్‌ శాతం 70.96గా నమోదైనట్లు రాత్రి 11గంటల తర్వాత అధికారులు ప్రకటించారు.