భీమవరం: సార్వత్రిక ఎన్నికల ప్రచారానికి శనివారం సాయంత్రం 5 గంటలతో తెరపడనుంది. సోమవారం ఎన్నికల పోలింగ్‌ నేపథ్యంలో ప్రచారం ఇక ముగియనుంది. దాదాపు నెల రోజులుగా గ్రామాలు, పట్టణాల్లో ఆటోలు, వ్యాన్లు వంటి వాహనాలపై అభ్యర్థులు ఫ్లెక్సీలు, మైక్‌లతో పెద్ద ఎత్తున ప్రచారం చేశారు. ఐదేళ్లుగా ప్రభుత్వం చేపట్టిన అభివృద్ధి, సంక్షేమ కార్యక్రమాలను వివరిస్తూ వైఎస్సార్‌ సీపీ శ్రేణులు ప్రజలతో మమేకమయ్యారు. ఈ నేపథ్యంలో మార్చిలో ఎన్నికల షెడ్యూల్‌ విడుదల కావడంతో వైఎస్సార్‌సీపీ నాయకులు మరింతల దూకుడు పెంచారు. కూటమి కట్టిన టీడీపీ, బీజేపీ, జనసేన నాయకులు సీట్లు సర్దుబాటు, అభ్యర్థుల ఎంపికలో మీనమేషాలు లెక్కించడంతో ప్రచారంలో వెనుకబడిపోయారు. దీంతో కూటమి అభ్యర్థులు ప్రచార వాహనాల ద్వారా ప్రచారానికి ప్రాధాన్యమిచ్చారు. ఇంటింటికీ ఓట్లు అభ్యర్థించేందుకు సమయం లేకపోవడంతో వాహనాలపైనే ప్రచారం మమ అనిపించారు. బీజేపీ నరసాపురం పార్లమెంట్‌ అభ్యర్థి భూపతిరాజు శ్రీనివాసవర్మ నియోజకవర్గంలో కనీ సం సగం గ్రామాలను కూడా సందర్శించలే దని చెబుతున్నారు. మొత్తానికి వైఎస్సార్‌సీపీ అభ్యర్థులు ప్రచారంలో ముందంజలో నిలిచి గెలుపుపై ధీమా వ్యక్తం చేస్తున్నారు.

తణుకు అర్బన్‌ : ఏపీలోని పేద ప్రజలను చంద్రబాబు అనే దుష్టదరిద్రం పట్టిపీడిస్తోందని మంత్రి కారుమూరి వెంకట నాగేశ్వరరావు అన్నారు. పేదవర్గాలకు ఏ మంచి చేయాలన్నా వ్యవస్థలను మేనేజ్‌ చేసి అడ్డుకుంటున్న చంద్రబాబును రెండురోజుల్లో ప్రజలు బంగాళాఖాతంలో కలపనున్నారన్నారు. తణుకు మంత్రి క్యాంపు కార్యాలయంలో శుక్రవారం నిర్వహించిన విలేకరుల సమావేశంలో ఆయన మాట్లాడారు. అవ్వాతాతలకు వలంటీర్‌ వ్యవస్థ ద్వారా ఇంటి గుమ్మంలోకి తీసుకువచ్చి ఇచ్చే పింఛనును నిలిపివేశారని, గత ఐదేళ్లుగా అమల్లో ఉన్న విద్యాదీవెన, ఇన్‌పుట్‌ సబ్సిడీ, వైఎస్సార్‌ చేయూత వంటి పథకాల లబ్ధిని ఎన్నికల కోడ్‌ రాగానే చంద్రబాబు తన అనుయాయుల ద్వారా అడ్డుకున్నారని విమర్శించారు. తీరా ప్రభుత్వం పేదవర్గాలకు అందించే లబ్ధిని విడుదల చేసేందుకు అనుమతి ఇప్పించాలని హైకోర్టును ఆశ్రయించగా, శుక్రవారం రోజున రాష్ట్రంలో రూ.14వేల కోట్ల నిధులను లబ్ధిదారుల బ్యాంకు ఖాతాలకు జమచేసే విధంగా న్యాయస్థానం ఆదేశాలిచ్చినప్పటికీ మరల మరొక పిటిషన్‌ ద్వారా పంపిణీ చేయకూడదనే విధంగా అడ్డుకున్నారని విమర్శించారు. అవినీతి చక్రవర్తి అయిన చంద్రబాబు తన రాజకీయ జీవితంలో మొదటి నుంచి కేసుల్లో ఎలా స్టేలు తెచ్చుకోవాలి, పేదలకు అందే పథకాలను ఎలా నిలుపుదల చేయాలనే విషయంలో మాత్రం మాస్టర్‌ డిగ్రీ చేశారని ఎద్దేవా చేశారు. పేదలకందాల్సిన లబ్ధిని నిలుపుదల చేసిన చంద్రబాబు పేదవర్గాల ఆగ్రహానికి గురికాక తప్పదని మండిపడ్డారు. ఎన్నికల కోడ్‌ వచ్చిన తరువాత తెలంగాణలో పథకాల లబ్ధి పంపిణీలో ఎటువంటి ఆటంకం లేకుండా జరుగుతుండగా ఏపీలో మాత్రం చంద్రబాబు అనే దుష్ట్రగహం కారణంగా పేదలు ఇబ్బందులు పడుతున్నారని అన్నారు. పేదలను ఇబ్బందులు పాలుచేస్తున్న చంద్రబాబును కుప్పంలో కూడా ప్రజలు ఓడించేందుకు సిద్ధమయ్యారని స్పష్టం చేశారు. ప్రజలకు అందాల్సిన ప్రతి పైసాను ఎన్నికలు ముగిసిన తరువాత అయినా ముఖ్యమంత్రి వైఎస్‌ జగన్‌మోహన్‌రెడ్డి అందించేందుకు సిద్ధంగా ఉన్నారని అన్నారు. ప్రజలకు మంచి చేసే మనస్సు ముఖ్యమంత్రి వైఎస్‌ జగన్‌మోహన్‌రెడ్డికి ఉండగా, పేదవర్గాలను ఇబ్బందులు పాలుచేసి కార్పొరేట్‌ వ్యవస్థలకు దోచిపెట్టాలనే సంస్కృతి చంద్రబాబుదన్నారు. ప్రతి పథకాన్ని గుంటనక్కలా మాటేసి నిలుపుదల చేయిస్తున్న చంద్రబాబుకు ప్రజలు చుక్కలు చూపించేందుకు సిద్ధంగా ఉన్నారన్నారు. ఈ కార్యక్రమంలో ఏఎంసీ మాజీ చైర్మన్‌ చిట్టూరి శ్రీవెంకట సుబ్బారావు, వైఎస్సార్‌ సీపీ పట్టణ అద్యక్షుడు మంగెన సూర్య పాల్గొన్నారు. పేదలను ఇబ్బందులు పెట్టడమే బాబు నైజం ఈసారి కుప్పంలోనూ ఓడిపోవడం ఖాయం మంత్రి కారుమూరి నాగేశ్వరరావు మండిపాటు

బుట్టాయగూడెం: కూటమి నేతలు ఎన్ని కుట్రలు చేసినా ఈ ఎన్నికల్లో పోలవరం నియోజకవర్గంలో వైఎస్సార్‌సీపీ జెండా ఎగరడం ఖాయమని ఎమ్మెల్యే తెల్లం బాలరాజు అన్నారు. మండలంలోని దుద్దుకూరులో క్యాంప్‌ కార్యాలయం వద్ద ఆయన విలేకర్లతో మాట్లాడుతూ రాష్ట్రంలో సీఎం జగన్‌మోహన్‌రెడ్డిపై జరుగుతున్న కుట్రల మాదిరిగానే పోలవరం నియోజకవర్గంలో కూడా తనపై, తన భార్య ఎమ్మెల్యే అభ్యర్థి తెల్లం రాజ్యలక్ష్మిపై కూటమి నేతలు కుట్రలు, కుతంత్రాలు చేస్తున్నారని అన్నారు. అసత్య ఆరోపణలు చేస్తూ మానసికంగా కుంగదీసే ప్రయత్నం చేస్తున్నారన్నారు. ఈ నియోజకవర్గంలో ఎన్నికల సమయంలో ప్రతిసారీ తనను ఎదుర్కోలేక కుట్రలు, కుయుక్తులు పన్నుతూ బురదజల్లే ప్రయత్నం చేస్తున్నారని అన్నారు. 2004 ఎన్నికల్లో తాను ఎమ్మెల్యేగా గెలిచిన నాటి నుంచి ఏజెన్సీ ప్రాంత అభివృద్ధికి, గిరిజన, గిరిజనేతరుల మధ్య భూసమస్యల పరిష్కారానికి కృషి చేశానన్నారు. పోలవరంలో వైఎస్సార్‌ సీపీ గెలుపునకు సీఎం వైఎస్‌ జగన్‌ అమలు చేసిన సంక్షేమ పథకాలే తమకు శ్రీరామరక్ష అన్నారు. ఎమ్మెల్యే అభ్యర్థి తెల్లం రాజ్యలక్ష్మి, ఎంపీ అభ్యర్థి కారుమూరి సునీల్‌ను అఖండ మెజార్టీతో గెలిపించి సీఎంకు కానుకగా ఇస్తామని ఎమ్మెల్యే చెప్పారు. ఎమ్మెల్యే తెల్లం బాలరాజు

నిత్యాన్నదాన ట్రస్టుకు విరాళం ద్వారకాతిరుమల: శ్రీవారి నిత్యాన్నదాన పథకానికి న్యూఢిల్లీకి చెందిన పి.నాగ రఘురాం దంపతులు రూ.1,00,000 విరాళంగా అందజేశారు. స్వామిని దర్శించుకున్నారు. మట్టి మాఫియా.. రియల్‌ ఎస్టేట్‌ దందాలు.. బినామీ పేర్లతో కాంట్రాక్ట్‌లు.. వ్యాపారులపై బెదిరింపులు.. ఇవీ గత టీడీపీ పాలనలో తణుకులో మాజీ ఎమ్మెల్యే ఆరిమిల్లి రాధాకృష్ణ సాగించిన అరాచకాలు. నియోజకవర్గంలో ఏ పనులు జరగాలన్నా ఆయన కనుసన్నల్లోనే.. ఆయన బినామీ కాంట్రాక్టర్లే టెండర్లు దక్కించుకోవాలి.. పొరపాటున ఎవరైనా టెండర్‌ దాఖలు చేస్తే అంతే సంగతులు. నీరు–చెట్టు మొదలు మరుగుదొడ్ల నిర్మాణం వరకూ అవినీతికి లెక్కేలేదు. –సాక్షి ప్రతినిధి, ఏలూరు శనివారం శ్రీ 11 శ్రీ మే శ్రీ 2024తణుకులో 2014–19 కాలంలో ఎమ్మెల్యేగా పనిచేసిన ఆరిమిల్లి రాధాకృష్ణ అన్నింటిలో నంబర్‌వన్‌ అని, రాష్ట్రంలోనే నంబర్‌వన్‌ ఎమ్మెల్యే అంటూ చంద్రబాబు కితాబు ఇచ్చారు. బహుశా అవినీతిని ప్రామాణికంగా తీసుకుని నంబర్‌వన్‌ స్థానం ఇచ్చి ఉంటారని నియోజకవర్గంలో ప్రజలు వ్యంగ్యంగా అంటున్నారు. అప్పట్లో ఐదేళ్ల పాలనలో ల్యాండ్‌మార్క్‌ అభివృద్ధి అనేది లేకపోగా పెద్ద ఎత్తున పనులకు అనుమతులు తేవడం, ఏ ఒక్కటీ పూర్తి చేయకుండా భారీగా దండుకోవడమే ఆయన అజెండాగా సాగింది. సొంత సామాజికవర్గం వారికి ప్రాధాన్యమిస్తూ మిగిలిన వర్గాలను దూరంగా ఉంచారనే ఆరోపణలు ఉన్నాయి. పేదల భూములు ప్రైవేటుపరం చేసిన చరిత్ర ఉంది. అలాగే ఆయన హయాంలో జరిగిన అభివృద్ధి పనులు ఏమీ లేకపోవడంతో విమర్శలు, దూషణలు, నిందలకు ప్రాధాన్యమిస్తూ ఎన్నికల ప్రచారం సాగిస్తున్నారు. మళ్లీ అధికారం వస్తే సరికొత్త దోపిడీకి మార్గనిర్దేశం చేసేలా కేడర్‌కు దిశానిర్దేశం చేస్తుండటం విశేషం. వందల ఎకరాల్లో ‘రియల్‌’ దందా ఆరిమిల్లి రాధాకృష్ణ సొంత గ్రామం వేల్పూరు కేంద్రంగా వందల ఎకరాల్లో రియల్‌ ఎస్టేట్‌ దందా పతాక స్థాయిలో సాగింది. రిజర్వు సైట్లు లేకపోవడం, నిబంధనలకు విరుద్ధంగా రోడ్ల నిర్మాణం, మాస్టర్‌ ప్లాన్‌ గోల్‌మాల్‌ చేసి బాలాజీనగర్‌, విష్ణుప్రియనగర్‌, కామధేనునగర్‌లో సుమారు 500 ఎకరాల్లో వెంచర్లు ఏర్పాటుచేశారు. 30, 40 ఎకరాల మేర రిజర్వు సైట్‌ లేకుండా చేసి రూ.80 కోట్ల వరకు సొమ్ము చేసుకున్నట్లు ఆరోపణలు ఉన్నాయి. కావలిపురంలోని ప్రస్తుత జగనన్న కాలనీ లేఅవుట్‌ (11 ఎకరాల విస్తీర్ణం)ను గతంలో పేదల ఇళ్ల పట్టాల కోసం దివంగత వైఎస్సార్‌ హయాంలో మంజూరు చేస్తే దానిలో లెవిలింగ్‌ పనులకు ఆరిమిల్లి అనుమతులు తెప్పించి రెండు బిల్లులు పెట్టడంతో ఈ విషయం వివాదాస్పదమై ఆర్డీఓ విచారణతో నిలిచిపోయింది. వక్ఫ్‌ బోర్డు భూములపైనా.. ఇరగవరంలో సుమారు 40 ఎకరాల వక్ఫ్‌ బోర్డు భూములపైనా ఆరిమిల్లి ముఠా కన్ను పడింది. ముత్తావలీలు పూర్వంలో రైతులకు అమ్మేసిన భూమిని వక్ఫ్‌ బోర్డు ద్వారా స్వాధీనం చేసుకుని మట్టి దందాకు ప్లాన్‌ చేశారు. నిరసనలు, ఆందోళనలతో కోర్టుకెక్కడంతో ఈ వ్యవహారం పెండింగ్‌లో పడింది. అక్రమాలు అనేకం అత్తిలి ప్రాథమిక ఆరోగ్య కేంద్రం భవనంలో ఫిల్టర్‌ తవ్వకాల కోసం తీసిన మట్టిని అమ్ముకోవడం, ప్రాంగణాన్ని పూడ్చడానికి రూ.20 లక్షలకు బిల్లులు పెట్టి దండుకోవడం, నీరు–చెట్టులో దోపిడీ, ఉపాధి హామీ పథకంలో భాగంగా 77 కిలోమీటర్ల మేర రోడ్డుకిరువైపులా నాటిన ట్రీగార్డుల్లో లక్షల స్వాహా జరిగినట్లు ఆరోపణలు ఉన్నాయి. ఆరవల్లి గ్రామంలో పనులకు 20 శాతం కమీషన్‌ దండుకున్నారని, వేల్పూరులో మరుగుదొడ్ల నిర్మాణంలో అవినీతి జరిగినట్టు ఆరోపణలు ఉన్నాయి. అత్తిలి నుంచి గుమ్మంపాడు వరకు రూ.1.40 కోట్లతో 2.20 కిలోమీటర్ల మేర నిర్మించిన రోడ్డు ఆరు నెలలకే కోతకు గురైందంటే కమీషన్లు ఏ స్థాయిలో అందాయో అర్థం చేసుకోవచ్చు. పేదల భూమి కంపెనీ పరం ఆంధ్రా షుగర్స్‌ సమీపంలో 7.26 ఎకరాల కాల్వ మళ్లింపు భూమి ఉండగా దివంగత సీఎం వైఎస్సార్‌ పేదలకు ఇళ్ల పట్టాలు అందించాలని సంకల్పించారు. స్థానిక ఎమ్మెల్యే ప్రతిపాదనలు కూడా పంపారు. దీనిపై సదరు కంపెనీ కోర్టును ఆశ్రయించింది. తదనంతరం టీడీపీ అధికారంలోకి రాగానే ఈ భూమిని ఆంధ్రా షుగర్స్‌కు ఆరిమిల్లి భారీ వ్యవహారాలతో కట్టబెట్టారు. కౌన్సిల్‌ తీర్మానం చేసి భవిష్యత్‌లో ఇబ్బంది లేకుండా చేశారు. దీని విలువ సుమారు రూ.80 కోట్లకు పైనే ఉంటుంది. 400 మందికిపైగా దక్కాల్సిన భూమిని ఇలా కంపెనీకి ఆరిమిల్లి కట్టబెట్టారు. వైఎస్సార్‌సీపీలో చేరికలు సార్వత్రిక ఎన్నికల పోలింగ్‌కు సమయం దగ్గర పడుతున్న కొద్దీ వైఎస్సార్‌సీపీలోకి వలసలు జోరందుకున్నాయి. ఇతర పార్టీల నేతలు భారీగా వచ్చి చేరుతున్నారు. VIIIలో uపోలీసులు, మహిళలంటే చులకన పోలీసులు, మహిళలు అంటే ఆయనకు చులకన. కె.ఇల్లిందలపర్రులో ఇళ్ల స్థలాల సమస్య పై మహిళలు నిలదీయగా.. ఆయన ఆగ్రహానికి గురై మహిళలను ఛాతీభాగంపై చేతులు వేసి తోసుకుంటూ ముందుకువెళ్లారు. దీనిపై తీవ్రస్థాయిలో నిరసన వ్యక్తమైంది. ఇరగవ రం మండలంలో ఓ ఘర్షణ వివాదంలో టీడీ పీ కార్యకర్తలపై కేసు నమోదు చేశారనే కోపంతో ఎస్సై, స్టేషన్‌ రైటర్‌ను తన క్యాంపు కార్యా లయానికి పిలిపించి తీవ్రస్థాయిలో దూషించడంతో పాటు వారిని అవమానించేలా నేలపై బలవంతంగా కూర్చోబెట్టారు. ఈ ఘటన రా ష్ట్రవ్యాప్తంగా చర్చనీయాంశంగా మారింది. పోలీస్‌ సంఘాలు తీవ్ర ఆగ్రహం వ్యక్తం చే యడంతో ఆయనపై కేసు కూడా నమోదైంది. న్యూస్‌రీల్‌తణుకు.. తల్లడిల్లి.. ఐదేళ్ల పాలనలో విధ్వంసకాండ బినామీ కాంట్రాక్టర్ల పేరుతో దోపిడీ మట్టి మఫియాకు ఆయనే డాన్‌ రియల్‌ వెంచర్లలో భారీ అక్రమాలు మహిళలు, పోలీసులంటే చులకన ఆరిమిల్లి హయాంలో అభివృద్ధి శూన్యం ధాన్యంలో రూ.14 కోట్ల స్కామ్‌ ఐకేపీ కేంద్రాల్లో ధాన్యం కొనుగోళ్లలో టీడీపీ నేతలు ఆరిమిల్లి నేతృత్వంలో భారీ అవినీతికి పాల్పడ్డారు. ఇరగవరం మండలం కత్తవపాడులో జన్మభూమి కమిటీల లిస్టులో డ్వాక్రా మహిళల పేరుతో ధాన్యం కొనుగోలు చేసినట్టు బ్యాంకు ఖాతాలు సృష్టించి వారికి తెలియకుండా సొమ్ము చేసుకున్నారు. సుమారు రూ.14 కోట్ల మేర అవినీతి జరిగినట్లు నిర్ధారణ అయ్యింది. డ్వాక్రా మహిళల ఆందోళనతో ఈ వ్యవహారం వెలుగులోకి వచ్చింది. మట్టి మాఫియాకు డాన్‌ ఇరిగేషన్‌ పనులను అడ్డం పెట్టుకుని టీడీపీ మట్టిమాఫియా చెలరేగిపోయింది. డెల్టా ఆధునికీకరణ పనుల్లో భాగంగా గోస్తనీ, అత్తిలి కాల్వ, దువ్వ చానెల్‌కు మరమ్మతుల పేరుతో భారీగా దండుకున్నారు. దువ్వ–వయ్యేరు గట్టు నది ఇసుకను దోచుకుని రూ.100 కోట్లకుపైగా కూడబెట్టుకున్నారనే ఆరోపణలు ఉన్నాయి. ఇరగవరం, అత్తిలి మండలాల్లో సుమారు 4 వేల ఎకరాల్లో చెరువుల్లో నీరు–చెట్టు పథకం పేరుతో మట్టిని తవ్వి రియల్‌ ఎస్టేట్‌ వెంచర్లకు తరలించి భారీగా సొమ్ము చేసుకున్నారు. నరసాపురం కాల్వ గట్టును కూడా అడ్డగోలుగా తవ్వేసి మట్టి విక్రయించారు.

కామవరపుకోట: సార్వత్రిక ఎన్నికల నేపథ్యంలో కామవరపుకోట ఎన్నికల చెక్‌పోస్ట్‌ వద్ద వాహనాల తనిఖీల్లో భాగంగా శుక్రవారం ఓ వ్యక్తి నుంచి ఎటువంటి ఆధారాలు లేని రూ.2.60 లక్షల నగదును స్వాధీనం చేసుకున్నట్లు ఎన్నికల చెక్‌పోస్ట్‌ అధికారి మహమ్మద్‌ మోహిద్దీన్‌ చెప్పారు. ఈ నగదు గాలాయగూడెంకు చెందిన వ్యక్తి నుంచి స్వాధీనం చేసుకున్నట్లు తెలిపారు. నగదును ఫ్లయింగ్‌ స్క్వాడ్‌ ద్వారా ఏలూరు ట్రెజరీలో జమ చేస్తామన్నారు. నగదుకు సంబంధించిన తగిన ఆధారాలను చూపించినట్లయితే నగదును తిరిగి ఇస్తామన్నారు. తనిఖీల్లో పోలీసు సిబ్బంది కె.రమేష్‌, కె.రామకృష్ణ, సూర్యారావు, షేక్‌ నాగూర్‌, ఎం.నాగార్జున, వీడియో గ్రాఫర్లు వీరమల్ల మధు, సౌజన్‌ సాయి పాల్గొన్నారు. భీమడోలులో.. భీమడోలు : పోలసానిపల్లి వద్ద జాతీయ రహదారిపై శుక్రవారం నిర్వహించిన వాహన తనిఖీల్లో ఓ వ్యక్తి నుంచి రూ.లక్ష నగదును స్వాధీనం చేసుకున్నట్లు ఫ్‌లైయింగ్‌ స్క్వాడ్‌ అధికారి ఎ.మాధవరావు చెప్పారు. పూళ్ల గ్రామానికి చెందిన పచ్చా రవిసాగర్‌ తన కారులో ద్వారకాతిరుమల వైపు వెళుతుండగా అధికారుల తనిఖీలో ఎటువంటి ఆధారాలు లేని రూ.లక్ష నగదు తీసుకువెళుతున్నట్లు గుర్తించి స్వాధీనం చేసుకున్నారు. ఈ నగదును ట్రెజరీలో జమచేస్తామని చెప్పారు. ఏఎస్సై వెంకటేశ్వరరావు, కానిస్టేబుల్‌ రాజు తనిఖీల్లో పాల్గొన్నారు. మద్యం కలిగి ఉన్న వ్యక్తి అరెస్టు భీమవరం: భీమవరంలో అక్రమంగా మద్యం కలిగి ఉన్న ఓ వ్యక్తిని అరెస్టు చేసినట్లు వన్‌టౌన్‌ సీఐ అడబాల శ్రీను శుక్రవారం చెప్పారు. దీనికి సంబంధించిన వివరాలిలా ఉన్నాయి. పట్టణంలోని గాంధీనగర్‌కు చెందిన అరవ వెంకటేశ్వరరావు అక్రమంగా 10 బీరు, మద్యం సీసాలు కలిగి ఉండటంతో అతన్ని అదుపులోకి తీసుకుని, మద్యం స్వాధీనం చేసుకుని, కేసు నమోదు చేసినట్లు సీఐ శ్రీను చెప్పారు. రేషన్‌ బియ్యం పట్టివేత చాట్రాయి : అక్రమంగా తరలిస్తున్న రేషన్‌ బియ్యాన్ని పట్టుకున్నట్లు ఎస్సై స్వామి తెలిపారు. శుక్రవారం ఆయన విలేకరులతో మాట్లాడుతూ సమాచారం మేరకు మండలంలోని పర్వతాపురం గ్రామం వైపు వస్తున్న రేషన్‌ బియ్యం వ్యాన్‌ని పట్టుకున్నట్లు ఆయన చెప్పారు. అందులో ఉన్న సుమారు 3 టన్నుల రేషన్‌ బియ్యాన్ని స్వాధీనం చేసుకుని వ్యాన్‌ డ్రైవర్‌ నక్కా శివపై కేసు నమోదు చేసినట్లు ఆయన చెప్పారు. ఓటు హక్కు వినియోగంపై నేడు ముగ్గుల పోటీలు ఏలూరు (మెట్రో): ప్రజాస్వామ్యంలో ఓటుహక్కు వినియోగంపై కలెక్టర్‌ వె.ప్రసన్న వెంకటేష్‌ ఆదేశాల మేరకు మహిళలకు ముగ్గుల పోటీలు నిర్వహిస్తున్నట్లు స్వీప్‌ నోడల్‌ అధికారి, జిల్లా గ్రామ పంచాయతీ అధికారి తూతిక శ్రీనివాస విశ్వనాథ్‌ తెలిపారు. శుక్రవారం ఆయన మాట్లాడుతూ ఏలూరులోని సెయింట్‌ థెరిస్సా మహిళా డిగ్రీ కళాశాలలో ఉదయం 9 గంటల నుంచి 11 గంటల వరకు మహిళలకు ముగ్గుల పోటీలు నిర్వహిస్తున్నట్లు తెలిపారు. విజేతలకు ప్రథమ బహుమతిగా రూ.20 వేలు, ద్వితీయ, తృతీయ బహుమతులుగా రూ.15 వేలు, రూ.10 వేలు చొప్పున నగదును కలెక్టర్‌ ప్రసన్నవెంకటేష్‌ చేతుల మీదుగా అందజేస్తామని తెలిపారు.