చెన్నై సూప‌ర్ కింగ్స్ స్టార్ ఆల్‌రౌండ‌ర్, న్యూజిలాండ్ క్రికెటర్ డారిల్ మిచెల్ త‌న మంచి మ‌నుసును చాటుకున్నాడు. ఐపీఎల్‌-2024లో ధ‌ర్మ‌శాల వేదిక‌గా మే5న పంజాబ్ కింగ్స్‌తో జ‌రిగిన మ్యాచ్‌లో 28 ప‌రుగుల తేడాతో సీఎస్‌కే విజ‌యం సాధించిన సంగ‌తి తెలిసిందే. అయితే ఈ మ్యాచ్ ఆరంభానికి ముందు మిచెల్ బౌండ‌రీ లైన్‌ నెట్స్‌లో తీవ్రంగా శ్ర‌మించాడు. మిచిల్ ఫుల్ షాట్ ఆడ‌గా.. బంతి ప్ర‌మాద‌శాత్తూ స్టాండ్స్‌లో ఉన్న అభిమానికి తాకింది. వెంట‌నే ప‌క్క సీట్‌లో ప‌డిపోయాడు. ఈ క్ర‌మంలో అత‌డి చేతిలో ఉన్న ఐ ఫోన్ గ్లాస్ సైతం బ్రేక్ అయింది. అదృష్టవశాత్తూ ఆ అభిమానికి ఎటువంటి గాయం కాలేదు. కానీ అతడి ఫోన్ మాత్రం పాడైపోయింది. ఇది చూసిన మిచెల్ అత‌డికి క్ష‌మ‌ప‌ణలు తెలిపాడు. అంతేకాకుండా తర్వాత అతడికి వద్ద తన బ్యాటింగ్‌కు గ్లౌవ్స్‌ను మిచెల్ గిఫ్ట్‌గా ఇచ్చాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఇది చూసిన నెటిజన్లు శెభాష్ మిచెల్ అంటూ కామెంట్లు చేస్తున్నారు. సీఎస్‌కే త‌మ తదుప‌రి మ్యాచ్‌లో అహ్మ‌దాబాద్ వేదిక‌గా మే 10న అహ్మ‌దాబాద్ వేదిక‌గా గుజ‌రాత్ టైటాన్స్‌తో త‌ల‌ప‌డ‌నుంది. A guy got hurt and broke his iPhone during practice!!!Daz gave him his Gloves as a reward!!!💛👊🏻⭐️😎 pic.twitter.com/NkfAGp8Zph— AnishCSK💛 (@TheAnishh) May 7, 2024

పంజాబ్‌ కింగ్స్‌తో మ్యాచ్‌లో చెన్నై సూపర్‌ కింగ్స్‌ స్టార్‌ మహేంద్ర సింగ్‌ ధోని వ్యవహరించిన తీరును అభిమానులను ఆశ్చర్యపరిచింది. ధోని వంటి దిగ్గజ ఆటగాడి నుంచి ఇలాంటి ప్రవర్తన ఊహించలేదంటూ ఫ్యాన్స్‌తో పాటు ఇర్ఫాన్‌ పఠాన్‌ వంటి మాజీ క్రికెటర్లు పెదవి విరుస్తున్నారు.అసలేం జరిగిందంటే.. ఐపీఎల్‌-2024లో భాగంగా చెన్నై బుధవారం పంజాబ్‌ కింగ్స్‌తో తలపడిన విషయం తెలిసిందే. చెపాక్‌ వేదికగా జరిగిన ఈ మ్యాచ్‌లో టాస్‌ గెలిచిన పంజాబ్‌ .. చెన్నైని తొలుత బ్యాటింగ్‌కు ఆహ్వానించింది.ఈ క్రమంలో నిర్ణీత 20 ఓవర్లలో ఏడు వికెట్ల నష్టానికి చెన్నై జట్టు 162 పరుగులు చేసింది. అయితే, పంజాబ్‌ అలవోకగా లక్ష్యాన్ని ఛేదించింది. కేవలం మూడు వికెట్లు కోల్పోయి 17.5 ఓవర్లలోనే టార్గెట్‌ పూర్తి చేసి.. ఏడు వికెట్ల తేడాతో చెన్నైని చిత్తు చేసింది.ఇదిలా ఉంటే.. చెన్నై ఇన్నింగ్స్‌ ఆఖరి ఓవర్లో హైడ్రామా చోటు చేసుకుంది. ఆ సమయంలో... ఏడో స్థానంలో బ్యాటింగ్‌కు ధోనికి.. ఎనిమిదో నంబర్‌ బ్యాటర్‌ డారిల్‌ మిచెల్‌ మరో ఎండ్‌ నుంచి సహకారం అందించాడు.అనూహ్య రీతిలో మిచెల్‌ను వెనక్కి పంపిఅయితే, చివరి ఓవర్‌ మూడో బంతికి అర్ష్‌దీప్‌ బౌలింగ్‌లో ధోని షాట్‌ ఆడటానికి ప్రయత్నించి విఫలమయ్యాడు. అయితే, సింగిల్‌కు ఆస్కారం ఉన్న నేపథ్యంలో డారిల్‌ మిచెల్‌ పరుగు తీసి ధోని ఉన్న ఎండ్‌కు చేరుకున్నాడు.కానీ సింగిల్‌ తీసేందకు సిద్ధంగా లేని ధోని అనూహ్య రీతిలో మిచెల్‌ను వెనక్కి పంపించాడు. దీంతో వేగంగా కదిలిన మిచెల్‌ ఎట్టకేలకు సరైన సమయంలో క్రీజులోకి చేరుకోవడంతో రనౌట్‌ ప్రమాదం నుంచి తప్పించుకున్నాడు.ఆ తర్వాతి బంతికి సిక్స్‌ కొట్టిన ధోని.. ఆఖరి బంతికి రనౌట్‌గా వెనుదిరిగాడు. ఇందుకు సంబంధించిన దృశ్యాలు నెట్టింట వైరల్‌గా మారాయి. ఈ నేపథ్యంలో భారత మాజీ ఆల్‌రౌండర్ ఇర్ఫాన్‌ పఠాన్‌ ఘాటుగా స్పందించాడు.ధోని అలా చేయడం సరికాదు‘‘ఎంఎస్‌ ధోనికి భారీ అభిమాన గణం ఉందన్న విషయం గురించే అందరూ మాట్లాడుకుంటారు. అతడు కొట్టిన సిక్స్‌ గురించి కూడా మాట్లాడతారు. కానీ.. టీమ్‌ గేమ్‌లో ధోని ఇలా సింగిల్‌కు నిరాకరించకుండా ఉండాల్సింది.ఎదుట ఉన్న వ్యక్తి కూడా అంతర్జాతీయ స్థాయి ఆటగాడే. అతడు ఒకవేళ బౌలర్‌ అయి ఉంటే ధోని చేసిన పని సబబుగానే ఉండేది. కానీ... రవీంద్ర జడేజా, డారిల్‌ మిచెల్‌ లాంటి ఆటగాళ్లు ఉన్నపుడు అలా చేయడం సరికాదు’’ అని ఇర్ఫాన్‌ పఠాన్‌ ధోని చర్యను తప్పుబట్టాడు.‌చదవండి: గిల్‌ విఫలమైనా చోటు.. అతడికి అన్యాయం: బీసీసీఐపై మండిపడ్డ దిగ్గజం MS Dhoni denied to run 👀Daryl Mitchell literally ran 2 Runs 😅Next Ball, MS hits a huge SIX 👏If this has been done by Virat Kohli or Rohit Sharma, then people start calling them Selfish 😳What's your take on this 🤔 #CSKvPBKS #CSKvsPBKS #SRHvsRR pic.twitter.com/ElvrInMDaI— Richard Kettleborough (@RichKettle07) May 2, 2024

ఐపీఎల్‌ 2024 సీజన్‌లో భాగంగా సన్‌రైజర్స్‌తో నిన్న (ఏప్రిల్‌ 28) జరిగిన మ్యాచ్‌లో సీఎస్‌కే ఆటగాడు డారిల్‌ మిచెల్‌ అరుదైన ఘనత సాధించాడు. ఈ మ్యాచ్‌లో ఏకంగా ఐదు క్యాచ్‌లు పట్టిన మిచెల్‌.. ఓ ఐపీఎల్‌ ఇన్నింగ్స్‌లో అత్యధిక క్యాచ్‌లు పట్టిన రెండో నాన్‌ వికెట్‌కీపర్‌గా రికార్డుల్లోకెక్కాడు. 2021 సీజన్‌లో మొహమ్మద్‌ నబీ (సన్‌రైజర్స్‌).. ముంబై ఇండియన్స్‌తో జరిగిన మ్యాచ్‌లో తొలిసారి (ఓ ఇన్నింగ్స్‌లో) ఐదు క్యాచ్‌ల ఘనత సాధించాడు. వికెట్‌కీపర్లలో కుమార సంగక్కర ప్రస్తుతం కనుమరుగైన డెక్కన్‌ ఛార్జర్స్‌ తరఫున గతంలో ఈ ఫీట్‌ను సాధించాడు. 2011 సీజన్‌లో సంగక్కర ఆర్సీబీతో జరిగిన మ్యాచ్‌లో ఐదు క్యాచ్‌ల ప్రదర్శన నమోదు చేశాడు. 5 catches in an IPL match:Mohammad Nabi vs MI, Abu Dhabi, 2021Daryl Mitchell vs SRH, Chennai, 2024 pic.twitter.com/2QfcuZt1vl— CricTracker (@Cricketracker) April 28, 2024 మ్యాచ్‌ విషయానికొస్తే.. ఈ మ్యాచ్‌లో డారిల్‌ మిచెల్‌ తొలుత బ్యాట్‌తో రాణించి (52), ఆతర్వాత ఫీల్డ్‌లో చెలరేగిపోయాడు. ఈ మ్యాచ్‌లో మిచెల్‌ ఎస్‌ఆర్‌హెచ్‌ విధ్వంసకర ఆటగాళ్లను ఔట్‌ చేయడంలో భాగమయ్యాడు. మిచెల్‌.. ట్రవిస్‌ హెడ్‌, అభిషేక్‌ శర్మ, క్లాసెన్‌, కమిన్స్‌, షాబాజ్‌ అహ్మద్‌ క్యాచ్‌లు పట్టాడు. ఈ మ్యాచ్‌లో మిచెల్‌తో పాటు రుతురాజ్‌ గైక్వాడ్‌ (54 బంతుల్లో 98) కూడా చెలరేగడంతో సన్‌రైజర్స్‌పై సీఎస్‌కే 78 పరుగుల భారీ తేడాతో ఘన విజయం సాధించింది. తొలుత బ్యాటింగ్‌ చేసిన సీఎస్‌కే.. రుతురాజ్‌, డారిల్‌ మిచెల్‌ చెలరేగడంతో నిర్ణీత ఓవర్లలో 3 వికెట్ల నష్టానికి 212 పరుగులు చేసింది. భువనేశ్వర్‌, నటరాజన్‌, ఉనద్కత్‌ తలో వికెట్‌ పడగొట్టారు.భారీ లక్ష్య ఛేదనలో చేతులెత్తేసిన సన్‌రైజర్స్‌.. 18.5 ఓవర్లలో 134 పరుగులకే కుప్పకూలి దారుణ ఓటమిని మూటగట్టుకుంది. తుషార్‌ దేశ్‌ పాండే (3-0-27-4), ముస్తాఫిజుర్‌ (2.5-0-19-2), పతిరణ (2-0-17-2), రవీంద్ర జడేజా (4-0-22-1), శార్దూల్‌ ఠాకూర్‌ (4-0-27-1) సన్‌రైజర్స్‌ పతనాన్ని శాశించారు. సన్‌రైజర్స్‌ ఇన్నింగ్స్‌లో 32 పరుగులు చేసిన మార్క్రమ్‌ టాప్‌ స్కోరర్‌గా నిలిచాడు. ట్రవిస్‌ హెడ్‌ (13), అభిషేక్‌ శర్మ (15), నితీశ్‌ రెడ్డి (15), క్లాసెన్‌ (20), అబ్దుల్‌ సమద్‌ (19) రెండంకెల స్కోర్లు చేశారు. ఈ గెలుపుతో సీఎస్‌కే మూడో స్థానానికి ఎగబాకగా.. ఆ స్థానంలో ఉండిన సన్‌రైజర్స్‌ నాలుగో స్థానానికి పడిపోయింది.

దక్షిణాఫ్రికాతో రెండో టెస్టుకు ముందు న్యూజిలాండ్‌కు ఊహించని షాక్‌ తగిలింది. స్టార్‌ ఆల్‌రౌండర్‌ డార్లీ మిచెల్‌ గాయం కారణంగా సఫారీలతో రెండో టెస్టుకు దూరమయ్యాడు. ప్రాక్టీస్‌ సెష‌న్‌లో మిచెల్ కాలి బొటన వేలికి గాయ‌మైంది. అయితే అతడి గాయం తీవ్రమైనది కావడంతో రెండో టెస్టుకు జట్టు మేనెజ్‌మెంట్‌ విశ్రాంతి ఇచ్చింది. ఈ క్రమంలో అతడి స్ధానాన్ని బౌలింగ్‌ ఆల్‌రౌండర్‌ విల్ ఓ'రూర్క్‌తో న్యూజిలాండ్‌ క్రికెట్‌ భర్తీ చేసింది. కాగా మిచెల్‌ తన గాయం నుంచి కోలుకోవడానికి దాదాపు నాలుగు వారాల సమయం పట్టనున్నట్లు తెలుస్తోంది. ఈ క్రమంలో స్వదేశంలో ఆసీస్‌తో జరిగే టీ20 సిరీస్‌కు కూడా మిచెల్‌ దూరమయ్యే ఛాన్స్‌ ఉంది. ఇక ఇదే విషయంపై బ్లాక్‌ క్యాప్స్‌ హెడ్‌కోచ్ గ్యారీ స్టీడ్ మాట్లాడుతూ.. మిచెల్‌ మూడు ఫార్మాట్లలో మా జట్టు కీలక ఆటగాడు. అతడు గాయం పడటం మా దురదృష్టం. అయితే రాబోయే సిరీస్‌లను దృష్టిలో పెట్టుకుని అతడిని రిహాబిలిటేష‌న్‌కు పంపించాం. త‌ర్వాతి మ్యాచుల‌కు అత‌డు పూర్తిగా కోలుకుంటాడ‌ని ఆశిస్తున్నామని పేర్కొన్నాడు. కాగా ఐపీఎల్‌కు ముందు మిచెల్‌ గాయం చెన్నై సూపర్‌ కింగ్స్‌ను ఆందోళన కలిగిస్తోంది. గతేడాది జరిగిన ఐపీఎల్‌ మినీ వేలంలో మిచెల్‌ను రూ. 14 కోట్లకు సీఎస్‌కే కొనుగోలు చేసింది. అయితే ఐపీఎల్‌ సమయానికి మిచెల్‌ కోలుకునే ఛాన్స్‌ ఉంది. చదవండి: SA20 2024: హెన్రిస్‌ క్లాసెన్‌ విధ్వంసం.. కేవలం 30 బంత్లులో! వీడియో వైరల్‌

New Zealand vs Pakistan, 4th T20I: న్యూజిలాండ్‌ పర్యటనలో పాకిస్తాన్‌ వైఫల్యాల పరంపర కొనసాగుతోంది. ఇప్పటికే ఆతిథ్య జట్టుకు సిరీస్‌ సమర్పించుకున్న షాహిన్‌ ఆఫ్రిది బృందం.. నాలుగో టీ20లోనూ ఓటమి పాలైంది. శుక్రవారం జరిగిన మ్యాచ్‌లో ఏడు వికెట్ల తేడాతో ఓడి మరో పరాభవం మూటగట్టుకుంది. క్రైస్ట్‌చర్చ్‌ వేదికగా టాస్‌ ఓడిన పాకిస్తాన్‌.. న్యూజిలాండ్‌ ఆహ్వానం మేరకు తొలుత బ్యాటింగ్‌ చేసింది. ఓపెనర్‌ సయీమ్‌ ఆయుబ్‌(1) ఆదిలోనే అవుట్‌ కాగా.. వన్‌డౌన్‌ బ్యాటర్‌ బాబర్‌ ఆజం(19), ఆ తర్వాతి స్థానాల్లో బ్యాటింగ్‌ చేసిన ఫఖర్‌ జమాన్‌(9), షాహిజాదా ఫర్హాన్(1), ఇఫ్తికర్‌ అహ్మద్‌ (10) పూర్తిగా విఫలమయ్యారు. ఇలా ఓవైపు వరుసగా వికెట్లు పడుతున్నా మరో ఓపెనింగ్‌ బ్యాటర్‌ మహ్మద్‌ రిజ్వాన్‌ మాత్రం అద్భుత ఇన్నింగ్స్‌తో ఆకట్టుకున్నాడు. 63 బంతులు ఎదుర్కొన్న ఈ వికెట్‌ కీపర్‌ బ్యాటర్‌ ఆరు ఫోర్లు, రెండు సిక్స్‌ల సాయంతో 90 పరుగులతో ఆఖరి వరకు అజేయంగా నిలిచాడు. రిజ్వాన్‌కు తోడు మహ్మద్‌ నవాజ్‌(9 బంతుల్లో 23 రన్స్‌- నాటౌట్‌) మెరుపు ఇన్నింగ్స్‌ ఆడటంతో నిర్ణీత 20 ఓవర్లలో పాకిస్తాన్‌ 5 వికెట్ల నష్టానికి 158 పరుగులు చేసింది. ఇక లక్ష్య ఛేదనకు దిగిన న్యూజిలాండ్‌కు పాక్‌ కెప్టెన్‌ షాహిన్‌ ఆఫ్రిది ఆరంభంలోనే షాకిచ్చాడు. కివస్‌ టాపార్డర్‌ను కకావికలం చేశాడు. ఈ ఫాస్ట్‌బౌలర్‌ ధాటికి ఓపెనర్లు ఫిన్‌ అలెన్‌ 8, టిమ్‌ సెఫార్ట్‌ 0 వచ్చీ రాగానే మైదానం వీడగా.. విల్‌ యంగ్‌ 4 పరుగులు చేసి పెవిలియన్‌ చేరాడు. దీంతో పాకిస్తాన్‌కు శుభారంభం లభించింది. కానీ.. డారిల్‌ మిచెల్‌, గ్లెన్‌ ఫిలిప్స్‌ వచ్చిన తర్వాత ఒక్కసారిగా మ్యాచ్‌ స్వరూపమే మారిపోయింది. వీరిద్దరు తుపాన్‌ ఇన్నింగ్స్‌ కారణంగా పాకిస్తాన్‌కు మరోసారి ఘోర అవమానం తప్పలేదు.  డారిల్‌ మిచెల్‌ 44 బంతుల్లో 72 పరుగులు(7 ఫోర్లు, 2 సిక్స్‌లు), గ్లెన్‌ ఫిలిప్స్‌ 52 బంతుల్లో 70 పరుగుల(5 ఫోర్లు, 3 సిక్సర్లు)తో అజేయంగా నిలిచి న్యూజిలాండ్‌ను విజయతీరాలకు చేర్చారు. వీరిద్దరి అద్భుత ఇన్నింగ్స్‌ కారణంగా కివీస్‌ 18.1 ఓవర్లలోనే కేవలం మూడు వికెట్లు నష్టపోయి లక్ష్యాన్ని ఛేదించింది.  దీంతో ఐదు మ్యాచ్‌ల సిరీస్‌లో 4-0తో ఆధిక్యంలోకి వెళ్లింది. క్లీన్‌ స్వీప్‌ లక్ష్యంగా ఆఖరి మ్యాచ్‌లో బరిలోకి దిగనుంది. ఇక పాక్‌తో నాలుగో టీ20లో ఆకట్టుకునే ప్రదర్శన చేసిన డారిల్‌ మిచెల్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.  Victory in Christchurch! #NZvPAK pic.twitter.com/5PZKPIzemF — BLACKCAPS (@BLACKCAPS) January 19, 2024

న్యూజిలాండ్‌ పర్యటనను పాకిస్తాన్‌ పరాజయంతో ప్రారంభించింది. ఐదు టీ20ల సిరీస్‌లో భాగంగా తొలి మ్యాచ్‌లో ఆతిథ్య జట్టు చేతిలో ఓడిపోయింది. అక్లాండ్‌ వేదికగా శుక్రవారం నాటి మ్యాచ్‌లో టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఓపెనర్‌ డెవాన్‌ కాన్వేను డకౌట్‌ చేసి శుభారంభం అందుకుంది. అయితే, మరో ఓపెనర్‌ ఫిన్‌ అలెన్‌(35), వన్‌డౌన్‌ బ్యాటర్‌, కెప్టెన్‌ విలియమ్సన్‌(57) ఆ ఆనందాన్ని ఎక్కువసేపు నిలవనీయలేదు. ఇక నాలుగో నంబర్‌లో బ్యాటింగ్‌కు దిగిన డారిల్‌ మిచెల్‌ ఆకాశమే హద్దుగా చెలరేగుతూ పాక్‌ బౌలర్లకు చుక్కలు చూపించాడు. కొరకరాని కొయ్యలా మారి విధ్వంసకర ఇన్నింగ్స్‌తో విరుచుకుపడ్డాడు. కేవలం 27 బంతుల్లోనే 61 పరుగులు  సాధించాడు. మిగిలిన వాళ్లలో మార్క్‌ చాప్‌మప్‌ 26(11 బంతుల్లో) రన్స్‌తో రాణించాడు. బ్యాటర్లంతా రాణించడంతో న్యూజిలాండ్‌ నిర్ణీత 20 ఓవర్లలో 8 వికెట్ల నష్టానికి 226 పరుగుల భారీ స్కోరు చేసింది. ఇక లక్ష్య ఛేదనకు దిగిన పాకిస్తాన్‌ ఇన్నింగ్స్‌లో బాబర్‌ ఆజం ఒక్క హాఫ్‌ సెంచరీ మార్కు అందుకున్నాడు. ఈ వన్‌డౌన్‌ బ్యాటర్‌ మొత్తంగా 35 బంతులు ఎదుర్కొని 57 పరుగులు సాధించాడు. మిగతా వాళ్లలో ఓపెనర్లు సయీమ్‌ ఆయుబ్‌(27), మహ్మద్‌ రిజ్వాన్‌(25), ఇఫ్తికర్‌ అహ్మద్‌(24) మాత్రమే 20 అంకెల స్కోరు చేశారు. రిజ్వాన్‌, ఇఫ్తికర్‌ రూపంలో కీలక వికెట్లు తీసిన టిమ్‌ సౌతీ.. అబ్బాస్‌ ఆఫ్రిది(1), హారిస్‌ రవూఫ్‌(0)లను త్వరత్వరగా పెవిలియన్‌కు పంపాడు. మొత్తంగా నాలుగు వికెట్లు ఖాతాలో వేసుకుని పాక్‌ను కోలుకోని దెబ్బకొట్టాడు. మిగతా వాళ్లలో ఆడం మిల్నే రెండు, బెన్‌ సియర్స్‌ రెండు, ఇష్‌ సోధి ఒక వికెట్‌ దక్కించుకున్నారు. కివీస్‌ బౌలర్ల విజృంభణతో 18 ఓవర్లలో 180 పరుగులకు ఆలౌట్‌ అయిన పాకిస్తాన్‌ 46 పరుగుల తేడాతో ఓటమి పాలైంది. ఇక పాకిస్తాన్‌ కెప్టెన్‌గా ఆ జట్టు ప్రధాన పేసర్‌ షాహిన్‌ ఆఫ్రిది ఇదే తొలి మ్యాచ్‌. ఈ మ్యాచ్‌లో అతడు బౌలర్‌గా, సారథిగానూ విఫలమయ్యాడు. నాలుగు ఓవర్ల కోటాలో 46 పరుగులిచ్చి మూడు వికెట్లు తీసిన ఆఫ్రిది.. కెప్టెన్‌గా అరంగేట్ర మ్యాచ్‌లో ఓటమిని చవిచూశాడు. మరోవైపు.. కివీస్‌ను గెలిపించిన డారిల్‌ మిచెల్‌కు ‘ప్లేయర్‌ ఆఫ్‌ ది’ మ్యాచ్‌ అవార్డు దక్కింది.

ఐదు మ్యాచ్‌ల సిరీస్‌లో భాగంగా ఆక్లాండ్‌ వేదికగా పాకిస్తాన్‌తో జరుగుతున్న తొలి టీ20లో న్యూజిలాండ్‌ భారీ స్కోర్‌ చేసింది. డారిల్‌ మిచెల్‌ విధ్వంసకర ఇన్నింగ్స్‌ (27 బంతుల్లో 61; 4 ఫోర్లు, 4 సిక్సర్లు) ఆడి కివీస్‌ భారీ స్కోర్‌ చేయడంలో కీలకపాత్ర పోషించగా.. 417 రోజుల తర్వాత టీ20 మ్యాచ్‌ ఆడుతున్న కెప్టెన్‌ కేన్‌ విలియమ్సన్‌ బాధ్యతాయుతమైన హాఫ్‌ సెంచరీతో (57) రాణించాడు. ఇన్నింగ్స్‌ ఆరంభంలో ఫిన్‌ అలెన్‌ (15 బంతుల్లో 34; 3 ఫోర్లు, 3 సిక్సర్లు), ఆఖర్లో మార్క్‌ చాప్‌మన్‌ (11 బంతుల్లో 26; 2 ఫోర్లు, 2 సిక్సర్లు) కూడా మెరుపు ఇన్నింగ్స్‌తో విరుచుకుపడటంతో తొలుత బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 8 వికెట్ల నష్టానికి 226 పరుగుల భారీ స్కోర్‌ చేసింది. కివీస్‌ ఇన్నింగ్స్‌లో డెవాన్‌ కాన్వే, ఐష్‌ సోధి డకౌట్లు కాగా.. గ్లెన్‌ ఫిలిప్స్‌ 19, ఆడమ్‌ మిల్నే 10 పరుగులు చేశారు. మ్యాట్‌ హెన్రీ 0, టిమ్‌ సౌథీ 6 పరుగులతో అజేయంగా నిలిచారు. డారిల్‌ మిచెల్‌ క్రీజ్‌లో ఉన్న సమయంలో కివీస్‌ 250కి పైగా పరుగులు చేసేలా కనిపించింది. అయితే అతను ఔటైన తర్వాత వచ్చిన బ్యాటర్లు ఎవ్వరూ మెరుపు ఇన్నింగ్స్‌లు ఆడకపోవడంలో కివీస్‌ 226 పరుగులతో సరిపెట్టుకుంది. పాక్‌ బౌలర్లలో షాహీన్‌ అఫ్రిది (4-0-46-3), ఆమిర్‌ జమాల్‌ (4-0-56-0), ఉసామా మిర్‌లను (4-0-51-0) కివీస్‌ బ్యాటర్లు ఆటాడుకున్నారు. ముఖ్యంగా షాహీన్‌ అఫ్రిది, ఉసామా మిర్‌లకు చుక్కలు చూపించారు. కివీస్‌ ఓపెనర్‌ ఫిన్‌ అలెన్‌.. షాహీన్‌ అఫ్రిది వేసిన ఇన్నింగ్స్‌ మూడో ఓవర్‌లో 2 సిక్స్‌లు, 3 బౌండరీల సాయంతో ఏకంగా 24 పరుగులు పిండుకున్నాడు. పాకిస్తాన్‌ను అబ్బాస్‌ అఫ్రిది (4-0-34-3), హరీస్‌ రౌఫ్‌ (4-0-34-2) కాపాడారు. వీరిద్దరు కాస్త పొదుపుగా బౌలింగ్‌ చేయడమే కాకుండా వికెట్లు కూడా తీశారు.

ఐసీసీ వన్డే క్రికెటర్‌ ఆఫ్‌ ది ఇయర్‌ 2023 నామినీస్‌ జాబితాను ఇవాళ (జనవరి 4) ప్రకటించింది. అవార్డు రేసులో ఏకంగా ముగ్గురు టీమిండియా ఆటగాళ్లు ఉండటం విశేషం. ఇటీవల ముగిసిన వన్డే వరల్డ్‌కప్‌లో అద్బుత ప్రదర్శన కనబర్చిన విరాట్‌ కోహ్లి, మొహమ్మద్‌ షమీతో పాటు గతేడంతా  వన్డేల్లో అద్భుతంగా రాణించిన శుభ్‌మన్‌ గిల్‌ ఈ ప్రతిష్టాత్మక ఐసీసీ అవార్డు కోసం పోటీపడనున్నారు. వీరితో పాటు న్యూజిలాండ్‌ ఆటగాడు డారిల్‌ మిచెల్‌ రేసులో నిలిచాడు. మిచెల్‌ సైతం గతేడంతా వన్డేల్లో అద్భుతంగా రాణించడంతో పాటు వరల్డ్‌కప్‌ 2023లోనూ చెలరేగిపోయాడు.  కాగా, ఐసీసీ నిన్న మెన్స్‌ టీ20 ప్లేయర్‌ ఆఫ్‌ ద ఇయర్‌ (2023), మెన్స్‌ ఎమర్జింగ్‌ ప్లేయర్‌ ఆఫ్‌ ది ఇయర్‌ (2023) అవార్డుల కోసం నామినీస్‌ జాబితాను ప్రకటించింది. టీ20 ప్లేయర్‌ ఆఫ్‌ ద ఇయర్‌ అవార్డు రేసులో టీమిండియా విధ్వంసకర ఆటగాడు సూర్యకుమార్‌ యాదవ్‌తో పాటు జింబాబ్వే ఆటగాడు సికందర్ రజా, న్యూజిలాండ్‌ ఆటగాడు మార్క్‌ చాప్‌మన్‌, ఉగాండ ఆటగాడు అల్పేశ్‌ రామ్‌జనీ ఉండగా.. ఎమర్జింగ్‌ ప్లేయర్‌ ఆఫ్‌ ది ఇయర్‌ అవార్డు రేసులో టీమిండియా అప్‌కమింగ్‌ స్టార్‌ యశస్వి జైస్వాల్‌తో పాటు న్యూజిలాండ్‌ ఆటగాడు రచిన్‌ రవీంద్ర, సౌతాఫ్రికా పేసర్‌ గెరాల్డ్‌ కొయెట్జీ, శ్రీలంక పేసర్‌ దిల్షన్‌ మధుషంక నిలిచారు. గతేడాది ఆయా విభాగాల్లో ప్రదర్శన ఆధారంగా ఐసీసీ నామినీస్‌ జాబితాను ఎంపిక చేసింది.

చెన్నై సూపర్‌ కింగ్స్‌పై ఆ జట్టు హెడ్‌ కోచ్‌ స్టీఫెన్‌ ఫ్లెమింగ్‌ ప్రభావం భారీగా ఉన్నట్లు ఇవాళ జరిగిన ఐపీఎల్‌ వేలం తర్వాత స్పష్టంగా తెలుస్తుంది. న్యూజిలాండ్‌ మాజీ కెప్టెన్‌, కోచ్‌ అయిన ఫ్లెమింగ్‌ సీఎస్‌కే కోచింగ్‌ బాధ్యతలు చేపట్టాక ఆ జట్టుపై తన మార్కు ప్రభావం చూపిస్తున్నాడు. ఇప్పటికే డెవాన్‌ కాన్వే (కోటి), మిచెల్‌ సాంట్నర్‌ (1.9 కోట్లు) లాంటి కివీస్‌ ఆటగాళ్లను పంచన చేర్చుకున్న ఫ్లెమింగ్‌.. ఇవాళ జరిగిన వేలంలో మరో ఇద్దరు కివీస్‌ ఆటగాళ్లను జట్టులో చేర్చుకుని సీఎస్‌కేపై బ్లాక్‌ క్యాప్స్‌ మార్కు స్పష్టంగా కనిపించేలా చేశాడు. ఇవాళ జరిగిన వేలంలో సీఎస్‌కే మేనేజ్‌మెంట్‌ డారిల్‌ మిచెల్‌ను 14 కోట్ల రికార్డు ధరకు కొనుగోలు చేయగా.. వన్డే వరల్డ్‌కప్‌ హీరో రచిన్‌ రవీంద్రను 1.8 కోట్లకు సొంతం చేసుకుంది. ఈ ఇద్దరితో పాటు సీఎస్‌కే ఇవాల్టి వేలంలో మరో భారీ కొనుగోలు చేసింది. ఆ జట్టు యాజమాన్యం శార్దూల్‌ ఠాకూర్‌ను 4 కోట్లకు సొంతం చేసుకుంది.  చెన్నై సూపర్ కింగ్స్: ఎంఎస్‌ ధోని (కెప్టెన్‌), మొయిన్ అలీ, దీపక్ చాహర్, డెవాన్ కాన్వే, తుషార్ దేశ్‌పాండే, శివమ్ దూబే, రుతురాజ్ గైక్వాడ్, రాజవర్ధన్ హంగర్గేకర్, రవీంద్ర జడేజా, అజయ్ మండల్, ముఖేష్ చౌదరి, మతీషా పతిరణ, అజింక్య రహానే, షేక్ రషీద్, మిచెల్ సాంట్నర్, సిమర్జీత్ సింగ్, నిశాంత్ సింధు, ప్రశాంత్ సోలంకి, మహేశ్ తీక్షణ ఐపీఎల్‌ 2024 వేలంలో కొనుగోలు చేసిన ఆటగాళ్లు:  డారిల్‌ మిచెల్‌ (14 కోట్లు), రచిన​ రవీంద్ర (1.8 కోట్లు), శార్దూల్‌ ఠాకూర్‌ (4 కోట్లు)  

సిల్హెట్ వేదికగా బంగ్లాదేశ్‌తో జరగుతున్న తొలి టెస్టులో న్యూజిలాండ్‌ ఓటమి అంచున నిలిచింది. 332 పరుగుల లక్ష్యంతో బరిలోకి దిగిన న్యూజిలాండ్‌.. నాలుగో రోజు ఆటముగిసే సమయానికి 7 వికెట్ల నష్టానికి 113 పరుగులు మాత్రమే చేసింది. కివీస్‌ విజయానికి ఇంకా 219 పరుగులు అవసరమ్వగా.. బంగ్లా విజయానికి కేవలం 3 వికెట్ల దూరంలో నిలిచింది. ప్రస్తుతం క్రీజులో న్యూజిలాండ్‌ బ్యాటర్లు డార్లీ మిచెల్‌(44), ఇష్‌ సోధి(7) పరుగులతో ఉన్నారు. తొలి టెస్టులో కివీస్‌ ఓటమి నుంచి గట్టుఎక్కాలంటే ఏవైనా అద్బుతాలు జరిగాలి. కాగా సెకెండ్‌ ఇన్సింగ్స్‌లో బంగ్లా స్పిన్‌వలలో కివీస్‌ బ్యాటర్లు చిక్కుకున్నారు. బంగ్లా స్పిన్నర్‌ తైజుల్‌ ఇస్లాం 4 వికెట్లతో కివీస్‌ను కోలుకోలేని దెబ్బకొట్టాడు. తైజుల్‌ ఇస్లాంతో పాటు షార్‌ఫుల్‌ ఇస్లాం, మెహాది హసన్‌, నయీం హసన్‌ తలా వికెట్‌ సాధించారు. అంతకుముందు బంగ్లాదేశ్‌ తమ సెకెండ్‌ ఇన్నింగ్స్‌లో 338 పరుగులకు ఆలౌటైంది. బంగ్లా బ్యాటర్లలో కెప్టెన్‌ షాంటో(105) సెంచరీతో మెరిశాడు. న్యూజిలాండ్‌ బౌలర్లలో ఆజాజ్‌ పటేల్‌ 4 వికెట్లు, ఇష్‌ సోధి రెండు వికెట్లు సాధించారు. అదే విధంగా బంగ్లాదేశ్‌ తమ తొలి ఇన్నింగ్స్‌లో 310 పరుగులకు ఆలౌట్‌ కాగా.. న్యూజిలాండ్‌ 317 పరుగులు మాత్రమే చేసింది. చదవండి: VHT 2023: దినేష్‌ కార్తీక్‌ విధ్వంసం.. 13 ఫోర్లు, 4 సిక్స్‌లతో! అయినా పాపం

వన్డే వరల్డ్‌కప్‌-2023లో భారీ సిక్సర్‌ నమోదైంది. వాంఖడే వేదికగా టీమిండియాతో సెమీఫైనల్లో న్యూజిలాండ్‌ ఆటగాడు డార్లీ మిచెల్‌ ఓ భారీ సిక్సర్‌ కొట్టాడు. కివీస్‌  ఇన్నింగ్స్‌ 27 ఓవర్‌లో జడేజా వేసిన ఐదో బంతిని లాంగాన్‌ మీదగా భారీ సిక్సర్‌ బాదాడు. అతను కొట్టిన షాట్‌కి బంతి 107 మీటర్ల దూరం వెళ్లింది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా ఇప్పటివరకు ఈ రికార్డు  టీమిండియా ఆటగాడు శ్రేయస్‌ అయ్యర్‌ పేరిట ఉండేది. ఈ టోర్నీలో భాగంగా శ్రీలంకతో జరిగిన మ్యాచ్‌లో అయ్యర్‌ 106 మీటర్ల సిక్స్‌ కొట్టాడు. తాజా మ్యాచ్‌తో శ్రేయస్‌ రికార్డును మిచెల్‌ బ్రేక్‌ చేశాడు. అదే విధంగా మరో అరుదైన రికార్డును కూడా మిచెల్‌ తన ఖాతాలో వేసుకున్నాడు. వన్డే వరల్డ్‌కప్‌ సింగిల్‌ ఎడిషన్‌లో అత్యధిక సిక్స్‌లు కొట్టిన న్యూజిలాండ్‌ ఆటగాడిగా మిచెల్‌ నిలిచాడు. మిచెల్‌ ఈ ఏడాది వరల్డ్‌కప్‌లో 18 సిక్స్‌లు కొట్టాడు. అంతకు ఈ రికార్డు కివీస్ మాజీ కెప్టెన్‌ బ్రాండెన్‌ మెకెల్లమ్‌(17) పేరిట ఉండేది. చదవండి: CWC 2023: హృదయాన్ని తాకావు.. నా రికార్డు బ్రేక్‌ చేయడం సంతోషం: సచిన్‌ ట్వీట్‌ వైరల్‌ View this post on Instagram A post shared by ICC (@icc)

వన్డే ప్రపంచకప్‌-2023లో భాగంగా హైదరాబాద్‌ వేదికగా నెదర్లాండ్స్‌తో జరిగిన మ్యాచ్‌లో న్యూజిలాండ్‌ 99 పరుగుల తేడాతో ఘన విజయం సాధించిన సంగతి తెలిసిందే. అయితే ఈ మ్యాచ్‌ సందర్భంగా ఓ ఆసక్తికర సన్నివేశం చోటు చేసుకుంది. న్యూజిలాండ్‌ బ్యాటర్‌ డార్లీ మిచెల్‌కు డచ్‌ బౌలర్‌ పాల్ వాన్ మీకెరెన్ చేతులు జోడించి మరీ నమస్కారం పెట్టాడు. అసలేం జరిగిందంటే? కివీస్‌ ఇన్నింగ్స్‌ 39 ఓవర్‌ వేసిన పాల్ వాన్ మీకెరెన్ బౌలింగ్‌లో రెండో బంతికి మిచెల్‌ స్ట్రైట్‌ డ్రైవ్‌ షాట్‌ ఆడాడు. ఈ క్రమంలో బంతి నేరుగా వెళ్లి నాన్‌ స్ట్రైక్‌లోని స్టంప్స్‌ను గిరాటేసింది. అంతకంటే ముందు వాన్ మీకెరెన్‌ కాలికి బలంగా తాకిండేది. కానీ మీకెరెన్‌ ఆఖరి నిమిషంలో తన కాలిని వెనుక్కితీసుకోవడంతో పెను ప్రమాదం తప్పింది. లేదంటే భారీ గాయం అయిండేది. అయితే సెకన్ల వ్యవధిలో ప్రమాదం నుంచి తప్పించుకున్న వాన్ మీకెరెన్.. చేతులను జోడించి, వంగి మరీ దండం పెట్టాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. న్యూజిలాండ్‌ తమ తదుపరి మ్యాచ్‌లో ఆక్టోబర్‌ 13న బంగ్లాదేశ్‌తో తలపడనుండగా.. నెదర్లాండ్స్‌ ఆక్టోబర్‌ 17న దక్షిణాఫ్రికాతో ఆడనుంది. చదవండి: ODI WC 2023: చరిత్ర సృష్టించిన మెండిస్‌.. వన్డే ప్రపంచకప్‌లో ఫాస్టెస్ట్‌ సెంచరీ! View this post on Instagram A post shared by ICC (@icc)

New Zealand vs Sri Lanka, 1st Test: న్యూజిలాండ్‌ గడ్డ మీద కివీస్‌ను ఓడించడం అంత తేలికేమీ కాదు! టీమిండియాతో ఫైనల్‌ రేసులో ముందంజ వేయాలని శ్రీలంక ఉవ్విళ్లూరుతోంది! పటిష్ట కివీస్‌ను 2-0తో వైట్‌వాష్‌ చేయడం సాధ్యమమ్యే పనేనా!? లంకేయులు మరీ ఎక్కువగా ఆశపడుతున్నారేమో! న్యూజిలాండ్‌ పర్యటన నేపథ్యంలో లంక జట్టు గురించి వినిపించిన మాటలు!  న్యూజిలాండ్‌లో న్యూజిలాండ్‌ను ఓడించడం కఠినతరమే కానీ అసాధ్యం కాదు! లంక ఆల్‌రౌండర్‌ ఏంజెలో మాథ్యూస్‌ ఒక్కడిలోనే కాదు దిముత్‌ కరుణరత్నె బృందం అందరిలోనూ అదే ఆత్మవిశ్వాసం..  అందుకు తగ్గట్లే తొలి టెస్టులో కివీస్‌ను అల్లల్లాడించింది శ్రీలంక జట్టు.. ఆఖరి బంతి వరకు అసాధారణ పోరాటం కనబరిచింది.. అయితే, అదృష్టం మాత్రం కివీస్‌ వైపు ఉంది. కేన్‌ విలియమ్సన్‌ అద్భుత డైవ్‌తో నరాలు తెగే ఉత్కంఠ రేపిన మ్యాచ్‌లో చివరి బంతికి న్యూజిలాండ్‌కు విజయం అందించాడు. ఆశలు ఆవిరి దీంతో డబ్ల్యూటీసీ ఫైనల్‌ రేసులో నిలవాలన్న లంక ఆశలు ఆవిరైపోయాయి. వెరసి ఆస్ట్రేలియాతో బోర్డర్‌- గావస్కర్‌ ట్రోఫీ-2023లో ఆఖరి టెస్టు ఫలితం తేలకముందే టీమిండియా ఫైనల్‌కు దూసుకెళ్లింది. ఈ నేపథ్యంలో అభిమానులు భారత జట్టుకు శుభాకాంక్షలు చెబుతూనే శ్రీలంక అద్భుత పోరాటాన్ని ప్రశంసించకుండా ఉండలేకపోతున్నారు.   ఓడించినంత పనిచేశారు ‘‘దేశం తీవ్ర సంక్షోభంలో మునిగిపోయిన వేళ ధైర్యంగా ముందడుగు వేసి ఆసియా కప్‌ గెలిచారు. ఇప్పుడు డబ్ల్యూటీసీ ఫైనల్‌ చేరేందుకు న్యూజిలాండ్‌ గడ్డపై అసాధారణ పోరాటం చేశారు. కివీస్‌తో తొలి టెస్టులో తృటిలో గెలుపు చేజారింది. అంతమాత్రాన చిన్నబుచ్చుకోవాల్సిన అవసరం లేదు. ఆటలో గెలుపోటములు సహజం. విజయం కోసం ఆఖరి బంతి వరకు మీరు పోరాడిన తీరు మాత్రం ఎప్పటికీ గుర్తుండిపోతుంది. టెస్టు క్రికెట్‌లో అసలైన మజా అందించారు’’ అంటూ లంక ఆటగాళ్లను కొనియాడుతున్నారు. ‘‘ఓడినా మనసులు గెలిచారు.. మరేం పర్లేదు’’ అంటూ నిరాశలో మునిగిపోయిన కరుణరత్నె బృందానికి సోషల్‌ మీడియా వేదికగా సానుభూతి ప్రకటిస్తున్నారు. కేన్‌ మామ వల్లే కాగా మార్చి 9-13 వరకు క్రైస్ట్‌చర్చ్‌లో జరిగిన తొలి టెస్టులో శ్రీలంక న్యూజిలాండ్‌ చేతిలో 2 వికెట్ల తేడాతో ఓటమిపాలైంది. లంక తొలి ఇన్నింగ్స్‌లో వన్‌డౌన్‌ బ్యాటర్‌ కుశాల్‌ మెండిస్‌ 87 పరుగులతో రాణించగా..  రెండో ఇన్నింగ్స్‌లో ఏంజెలో మాథ్యూస్‌ సెంచరీతో మెరిశాడు. ఇరు జట్ల మధ్య విజయం దోబూచులాడిన వేళ న్యూజిలాండ్‌ మాజీ సారథి కేన్‌ విలియమ్సన్‌ 121 పరుగులతో ఆఖరి వరకు అజేయంగా నిలిచి జట్టును విజయతీరాలకు చేర్చాడు. ఇక ఆటను ఐదో రోజు వరకు తీసుకువచ్చిన మరో సెంచరీ వీరుడు డారిల్‌ మిచెల్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. ఇరు జట్ల మధ్య మార్చి 17 నుంచి రెండో టెస్టు ఆరంభం కానుంది. చదవండి: Axar Patel: బుమ్రా రికార్డు బద్దలు.. చరిత్ర సృష్టించిన అక్షర్‌! అశ్విన్‌కూ సాధ్యం కానిది.. Kane Williamson: 75 ఏళ్ల తర్వాత ఇదే తొలిసారి.. న్యూజిలాండ్‌ అత్యంత అరుదైన రికార్డు! వారెవ్వా కేన్‌ మామ BGT 2023: గత నాలుగు సిరీస్‌ల్లో ఆసీస్‌కు ఇదే గతి..! Test cricket, you beauty! ❤️#WTC23 | #NZvSL pic.twitter.com/7l7Yjmzraz — ICC (@ICC) March 13, 2023

క్రైస్ట్‌చర్చ్‌: శ్రీలంకతో జరుగుతున్న తొలి టెస్టులో న్యూజిలాండ్‌ అనూహ్యంగా స్వల్ప ఆధిక్యం అందుకుంది. ఓవర్‌నైట్‌ స్కోరు 162/5తో ఆట కొనసాగించిన కివీస్‌ తమ తొలి ఇన్నింగ్స్‌లో 373 పరుగులకు ఆలౌటైంది. ఫలితంగా ఆ జట్టుకు 18 పరుగుల ఆధిక్యం దక్కింది. డరైల్‌ మిచెల్‌ (193 బంతుల్లో 102; 6 ఫోర్లు, 2 సిక్స్‌లు) సెంచరీ సాధించగా, మాట్‌ హెన్రీ (75 బంతుల్లో 72; 10 ఫోర్లు, 3 సిక్స్‌లు) దూకుడుగా ఆడాడు. అసిత ఫెర్నాండో 4 వికెట్లు పడగొట్టగా, లహిరు కుమారకు 3 వికెట్లు దక్కాయి. అనంతరం శ్రీలంక మూడో రోజు ఆట ముగిసే సమయానికి రెండో ఇన్నింగ్స్‌లో 3 వికెట్లు కోల్పోయి 83 పరుగులు చేసింది. ఏంజెలో మాథ్యూస్‌ (20 బ్యాటింగ్‌), ప్రభాత్‌ జయసూర్య (2 బ్యాటింగ్‌) క్రీజ్‌లో ఉన్నారు. ప్రస్తుతం లంక 65 పరుగులు మాత్రమే ముందంజలో ఉన్న నేపథ్యంలో మ్యాచ్‌ ఆసక్తికర స్థితికి చేరింది. 

లక్నో వేదికగా న్యూజిలాండ్‌తో జరిగిన రెండో టీ20లో 6 వికెట్ల తేడాతో టీమిండియా విజయం సాధించింది. దీంతో మూడు టీ20ల సిరీస్‌ 1-1 సమమైంది. ఇక ఇది ఇలా ఉండగా.. ఈ మ్యాచ్‌లో భారత స్పిన్నర్‌ కుల్దీప్‌ యాదవ్‌ సంచలన బంతితో మెరిశాడు. న్యూజిలాండ్‌ బ్యాటర్‌ డారిల్‌ మిచెల్‌ను కుల్దీప్‌ ఔట్‌ చేసిన విధానం మ్యాచ్‌ మొత్తానికే హైలెట్‌గా నిలిచింది. మిచిల్‌ను ఓ అద్భుతమైన బంతితో కుల్దీప్‌ క్లీన్‌ బౌల్డ్‌ చేశాడు. ఏం జరిగిందంటే? టాస్‌ గెలిచి బ్యాటింగ్‌ దిగిన కివీస్‌ ఆది నుంచే భారత స్పిన్నర్లు ఎదుర్కొవడానికి ఇబ్బంది పడింది. తొలి నాలుగు వికెట్లు కూడా స్పిన్నర్లకే దక్కాయి. వరుస క్రమంలో వికెట్లు కోల్పోయి కష్టాల్లో పడ్డ న్యూజిలాండ్‌ను మిచెల్‌.. మరో బ్యాటర్‌ చాప్‌మాన్‌తో కలిసి అదుకునే ప్రయత్నం చేశాడు. ఇదే సమయంలో కుల్దీప్‌ యాదవ్‌.. మిచెల్‌ను ఔట్‌ చేసి కివీస్‌ను కోలుకోలేని దెబ్బ కొట్టాడు. న్యూజిలాండ్‌ ఇన్నింగ్స్‌ 10 ఓవర్‌లో కుల్దీప్‌ యాదవ్‌ వేసిన ఓ మిస్టరీ బంతికి మిచెల్‌ దగ్గర సమాధానం లేకుండాపోయింది. ఆఫ్ స్టంప్ వెలుపల బంతి ఒక్క సారిగా టర్న్‌ అయ్యి స్టంప్స్‌ను గిరాటేసింది. ఇది చూసిన మిచెల్‌ ఒక్క సారిగా షాక్‌కు గురయ్యాడు. కుల్దీప్‌ దెబ్బకు కేవలం 8 పరుగులు మాత్రమే చేసిన మిచెల్‌ నిరాశతో పెవిలియన్‌కు చేరాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. చదవండి: T20 WC: 2005 వరల్డ్‌కప్‌ టైమ్‌లో పుట్టినోళ్లు! ఒక్కొక్కరిది ఒక్కో కథ.. కుల్దీప్‌ కోచ్‌ దత్తత తీసుకున్న ఆ అమ్మాయి.. How about that for a ball! 👍 👍@imkuldeep18 bowled an absolute beaut to dismiss Daryl Mitchell 👏 👏 #TeamIndia | #INDvNZ | @mastercardindia Watch 🎥 🔽 pic.twitter.com/EpgXWYC2XE — BCCI (@BCCI) January 29, 2023

టీమిండియా స్పిన్నర్‌ వాషింగ్టన్‌ సుందర్‌ రాంచీ వేదికగా జరిగిన తొలి టి20లో ఆల్‌రౌండ్‌ ప్రదర్శనతో ఆకట్టుకున్నాడు. ముందు బౌలింగ్‌లో రెండు కీలక వికెట్లతో పాటు స్టన్నింగ్‌ క్యాచ్‌తో మెరిసిన సుందర్‌.. ఆ తర్వాత బ్యాటింగ్‌లో అర్థసెంచరీతో రాణించాడు. 177 పరుగుల లక్ష్యంతో బరిలోకి దిగిన టీమిండియా 151 పరుగులు చేయగలిగిదంటే అదంతా సుందర్‌ చలవే. మధ్యలో సూర్యకుమార్‌, పాండ్యాలు ఇన్నింగ్స్‌ను గాడిన పెట్టినప్పటికి స్వల్ప వ్యవధిలో ఇద్దరు ఔటవ్వడం టీమిండియాను దెబ్బతీసింది. ఆ తర్వాత టీమిండియాను నడిపించే బాధ్యతను భుజానికెత్తుకున్న సుందర్‌  28 బంతుల్లోనే అర్థశతకం సాధించాడు. కానీ చివర్లో రన్‌రేట్‌ పెరిగిపోవడం.. చేయాల్సిన పరుగులు ఎక్కువగా ఉండడంతో టీమిండియాకు ఓటమి తప్పలేదు. భారత్‌ ఓడినా సుందర్‌ మాత్రం తన ప్రదర్శనతో అభిమానులను ఆకట్టుకున్నాడు. మ్యాచ్‌ అనంతరం సుందర్‌ మీడియాతో మాట్లాడాడు. '' నా ప్రదర్శనపై సంతృప్తిగా ఉన్నా జట్టు ఓటమి బాధ కలిగించింది. అయినా ఇది ఒక మ్యాచ్‌ మాత్రమే. ఓడినప్పుడు భావోద్వేగాలు తారాస్థాయిలో ఉండడం సహజం. ఐపీఎల్‌ సమయంలో జట్టులో ఉన్న ఆటగాళ్లు చాలా వికెట్లు తీశారు.. బ్యాటర్లు పరుగులు రాబట్టారు. కానీ కివీస్‌తో టి20 మ్యాచ్‌లో రాణించలేకపోయాం'' అని చెప్పుకొచ్చాడు. రాహుల్‌ త్రిపాఠి అయితే సుందర్‌ సమాధానంతో ఏకీభవించని ఒక జర్నలిస్ట్‌ తిక్క ప్రశ్న వేశాడు. ''మ్యాచ్‌లో ఓడిపోయారు.. టాపార్డర్‌ ఏమైనా మార్చాల్సిన అవసరం ఉంటుందా'' అని ప్రశ్నించాడు. అయితే సుందర్‌ తనదైన శైలిలో సమాధానం ఇచ్చాడు. ''నిజంగా టాపార్డర్‌ మార్చాల్సిన అవసరం ఉందంటారా.. ఒక్క విషయం చెబతున్నా..  రెస్టారెంట్‌ నుంచి మనకు కావాల్సిన ఫెవరెట్‌ బిర్యానీ రాకపోతే.. మళ్లీ సదరు రెస్టారెంట్‌కు పూర్తిగా వెళ్లడం మానేస్తారా చెప్పండి. ఇది అలాంటిదే.. ఇది కేవలం ఒక మ్యాచ్‌. రోజులో ముగిసేపోయే మ్యాచ్‌లో ఏదో ఒక జట్టు మాత్రమే నెగ్గుతుంది. ఇరుజట్లు కలిపి ఒకేసారి 22 మంది ఆటగాళ్లు ఒకే రకమైన ప్రదర్శన కనబరచలేరు. రాయ్‌పూర్‌లో జరిగిన వన్డేలో న్యూజిలాండ్‌ 108 పరుగులకే ఆలౌట్‌ కావడం గమనించండి. ఒక్క మ్యాచ్‌కే టాపార్డర్‌ మార్చాలనడం కరెక్ట్‌ కాదు'' అని పేర్కొన్నాడు. ఇక అర్ష్‌దీప్‌ సింగ్‌, ఉమ్రాన్‌ మాలిక్‌లకు సుందర్‌ మద్దతు తెలిపాడు. ''అర్ష్‌దీప్‌ సింగ్‌ టీమిండియాతో పాటు ఐపీఎల్‌లోనూ చాలా వికెట్లు తీశాడు. మేం కూడా మనుషులమే. మాకు ఆడాలని ఉంటుంది. ప్రత్యర్థి జట్టు బలంగా ఉన్నప్పుడు ఆరోజు వాళ్లదే ఆట అయినప్పుడు ఎవరు ఏం చేయలేరు. 4 ఓవర్లలో 51 పరుగులిచ్చినప్పటికి వికెట్‌ తీశాడు. వచ్చే మ్యాచ్‌లో అర్ష్‌దీప్‌ నుంచి మంచి ప్రదర్శన వచ్చే అవకాశం ఉంది.'' అంటూ వెల్లడించాడు. ''గంటకు 150 కిమీ వేగంతో బంతులు విసరడం ఉమ్రాన్‌ మాలిక్‌ ప్రత్యకం. అతనిలో ఉన్న నైపుణ్యం అదే.. ఏదైనా ఎక్స్‌ ఫ్యాక్టర్‌ కావొచ్చు.. అతన్ని ప్రోత్సహించాల్సిందే . భారత్‌ లాంటి పిచ్‌లపై ఉమ్రాన్‌ మాలిక్‌ లాంటి బౌలర్‌ సేవలు అవసరం. ఒక్క మ్యాచ్‌లో విఫలమైనంత మాత్రానా తక్కువ అంచనా వేయాల్సిన అవసరం లేదు. కొంత సహనం, ఓర్పు వహించాల్సిందే. మ్యాచ్‌ ఓడిపోయాం.. దానినే పట్టుకొని వేళాడితే కుదరదు.. ముందుకు వెళ్లాల్సిందే.'' అంటూ వివరించాడు. ''డారిల్‌ మిచెల్‌ ప్రదర్శన మా నుంచి మ్యాచ్‌ను లాగేసుకుంది. ఒక దశలో న్యూజిలాండ్‌ను కట్టడి చేసినట్లే అనిపించినా.. డారిల్‌ మిచెల్‌ అద్బుత బ్యాటింగ్‌తో మెరిశాడు. కఠినంగా ఉన్న పిచ్‌పై 30 బంతుల్లో 59 పరుగులు చేసి న్యూజిలాండ్‌ మంచి స్కోరు సాధించడానికి తోడ్పడ్డాడు.'' అంటూ పేర్కొన్నాడు. ఇక ఇరుజట్ల మధ్య రెండో టి20 లక్నో వేదికగా ఆదివారం(జనవరి 29న) జరగనుంది. చదవండి: ఆర్థిక సంక్షోభం.. పాక్‌ క్రికెటర్‌కు మంత్రి పదవి 'కోహ్లి స్థానాన్ని అప్పగించాం.. ఇలాగేనా ఔటయ్యేది'

India vs New Zealand, 1st T20I: టీమిండియాతో వన్డే సిరీస్‌లో ఘోర పరాభవం పాలైన న్యూజిలాండ్‌ టీ20 సిరీస్‌లో మాత్రం శుభారంభం చేసింది. రాంచి వేదికగా శుక్రవారం జరిగిన తొలి మ్యాచ్‌లో 21 పరుగులతో జయకేతనం ఎగురవేసింది. తద్వారా మిచెల్‌ సాంట్నర్‌ బృందం మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది.  మా ఓటమికి కారణం అదే కివీస్‌ ఆలౌరౌండ్‌ ప్రతిభతో విజయం సాధించగా.. టీమిండియా స్థాయికి తగ్గ ప్రదర్శన చేయలేక పరాజయం పాలైంది. ఈ నేపథ్యంలో మ్యాచ్‌ అనంతరం భారత కెప్టెన్‌ హార్దిక్‌ పాండ్యా మాట్లాడుతూ.. తమ ఓటమికి గల కారణాలు విశ్లేషించాడు.  ‘‘రాంచి వికెట్‌ ఇలా ఉంటుందని ఎవరూ ఊహించి ఉండరు. ఇరు జట్లకు ఇది ఆశ్చర్యం కలిగించే విషయమే.  అయితే, న్యూజిలాండ్‌ మాకంటే మెరుగ్గా ఆడింది. అందుకే అనుకున్న ఫలితం రాబట్టగలిగింది. నిజానికి కొత్త బంతి అనుకోని రీతిలో టర్న్‌ అవడం మమ్మల్ని ఆశ్చర్యానికి గురి చేసింది. నేను, సూర్య బ్యాటింగ్‌ చేస్తున్నప్పుడు వికెట్‌ కాస్త మెరుగైంది. ఏదేమైనా ఈ వికెట్‌పై ప్రత్యర్థిని 176- 177 వరకు పరుగులు చేయనివ్వడం సరికాదు.  మా బౌలింగ్‌ వైఫల్యం కారణంగానే ఇలా జరిగింది. 20-25 పరుగులు ఎక్కువగానే ఇచ్చుకున్నాం. మా జట్టులో యువకులే ఎక్కువ. ఈ ఓటమి నుంచి కచ్చితంగా పాఠాలు నేర్చుకుంటాం’’ అని పాండ్యా చెప్పుకొచ్చాడు. సుందర్‌ సూపర్‌ ఇక వాషింగ్టన్‌ సుందర్‌ ఆట తీరు గురించి ప్రస్తావిస్తూ.. ‘‘ఈరోజు న్యూజిలాండ్‌పై తను బౌలింగ్, బ్యాటింగ్‌, ఫీల్డింగ్‌ చేసిన విధానం అమోఘం. మాకు ఇలాంటి వాళ్లే కావాలి. వాషింగ్టన్‌ సుందర్‌ లాంటి ఆటగాడు జట్టులో ఉంటే మా ఆత్మవిశ్వాసం రెట్టింపు అవుతుంది’’ అంటూ హార్దిక్‌ ప్రశంసలు కురిపించాడు.  అదరగొట్టిన సుందర్‌ కాగా కివీస్‌తో తొలి టీ20లో 4 ఓవర్ల బౌలింగ్‌లో 22 పరుగులు మాత్రమే ఇచ్చిన వాషీ 2 వికెట్లు పడగొట్టాడు. లక్ష్య ఛేదనలో సూర్య(47), పాండ్యా(21) మినహా మిగతా వాళ్లంతా చేతులెత్తేసిన వేళ అర్ధ శతకంతో రాణించాడు. 28 బంతుల్లో 5 ఫోర్లు, 3 సిక్సర్ల సాయంతో వాషింగ్టన్‌ సుందర్‌ 50 పరుగులు సాధించాడు.  ఇండియా వర్సెస్‌ న్యూజిలాండ్‌ తొలి టీ20 మ్యాచ్‌ స్కోర్లు ►న్యూజిలాండ్‌- 176/6 (20) ►ఇండియా- 155/9 (20) ►ప్లేయర్‌ ఆఫ్‌ ది మ్యాచ్‌: డారిల్‌ మిచెల్‌30 బంతుల్లో 59 పరుగులు- నాటౌట్‌ చదవండి: T20 WC Ind Vs Eng: ఆసీస్‌పై ఇంగ్లండ్‌ విజయం.. ఫైనల్లో టీమిండియాతో పోరు! చరిత్రకు అడుగు దూరంలో భారత్‌.. Ranji Trophy: ముంబై- మహారాష్ట్ర మ్యాచ్‌ డ్రా.. క్వార్టర్‌ ఫైనల్లో ఆంధ్ర

రాంచీ: ధోని ఇలాకాలో న్యూజిలాండ్‌ గెలుపు పండగ చేసుకుంది. మొదటి టి20లో 21 పరుగులతో గెలిచిన కివీస్‌ భారత పర్యటనలో తొలి విజయాన్ని సాధించింది. ‘ఆల్‌రౌండ్‌ షో’తో టీమిండియా జోరుకు బ్రేకులేసింది. ముందుగా కివీస్‌ 20 ఓవర్లలో 6 వికెట్లకు 176 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ డరైల్‌ మిచెల్‌ (30 బంతుల్లో 59 నాటౌట్‌; 3 ఫోర్లు, 5 సిక్సర్లు), డెవాన్‌ కాన్వే (35 బంతుల్లో 52; 7 ఫోర్లు, 1 సిక్స్‌) రాణించారు. వాషింగ్టన్‌ సుందర్‌ 2 వికెట్లు తీశాడు. తర్వాత భారత్‌ 20 ఓవర్లలో 9 వికెట్లకు 155     పరుగులే చేసి ఓడిపోయింది. సుందర్‌ (28 బంతుల్లో 50; 5 ఫోర్లు, 3 సిక్స్‌లు) భారత ఇన్నింగ్స్‌లో టాప్‌ స్కోరర్‌గా నిలిచాడు. సూర్యకుమార్‌ యాదవ్‌ (34 బంతుల్లో 47; 6 ఫోర్లు, 2 సిక్స్‌లు) రాణించాడు. కివీస్‌ బౌలర్లలో బ్రేస్‌వెల్, సాన్‌ట్నర్, ఫెర్గూసన్‌ తలా 2 వికెట్లు తీశారు. రెండో టి20 రేపు లక్నోలో జరుగుతుంది. మిచెల్‌ మెరుపులు అలెన్‌ (23 బంతుల్లో 35; 4 ఫోర్లు, 2 సిక్స్‌లు), చాప్‌మన్‌ (0)... ఇలా వాషింగ్టన్‌ సుందర్‌ స్పిన్‌ ఉచ్చులో పడిన కివీస్‌ను కాన్వే ఆదుకున్నాడు. ఫిలిప్స్‌ (17; 1 ఫోర్‌)తో కలిసి జట్టు స్కోరును 100 దాటించాడు. 31 బంతుల్లో (7 ఫోర్లు, 1 సిక్స్‌) ఫిఫ్టీ పూర్తిచేసుకున్న కాన్వేను అర్‌‡్షదీప్‌ అవుట్‌ చేశాడు. ఆ తర్వాత మిచెల్‌ ఆఖరిదాకా ఉండి మెరిపించిన మెరుపులతో న్యూజిలాండ్‌ మంచి స్కోరు చేసింది. 26 బంతుల్లో (2 ఫోర్లు, 5 సిక్సర్లు) మిచెల్‌ అర్ధ  సెంచరీ సాధించాడు. అర్‌‡్షదీప్‌ వేసిన చివరి ఓవర్‌ లో మిచెల్‌ ఏకంగా 27 పరుగులు (6 (నోబాల్‌), 6, 6, 4, 0, 2, 2) సాధించడం విశేషం.     చెత్త షాట్లతో... కష్టసాధ్యమైన లక్ష్యం ముందుంటే భారత టాపార్డర్‌ నిర్లక్ష్యంగా వికెట్లను పారేసుకుంది. ఇషాన్‌ కిషన్‌ (4), త్రిపాఠి (0), గిల్‌ (7) చెత్త షాట్లతో అవుటవ్వడంతో జట్టు 15/3 స్కోరు వద్ద కష్టాల పాలైంది. ఈ దశలో ‘టి20 సూపర్‌ బ్యాటర్‌’ సూర్యకుమార్, కెప్టెన్‌ హార్దిక్‌ పాండ్యా (20 బంతుల్లో 21; 1 ఫోర్, 1 సిక్స్‌) కాసేపు బాధ్యతగా ఆడటంతో ఆశలు రేగాయి. నాలుగో వికెట్‌కు 68 జతయ్యాక వరుస ఓవర్లలో సూర్య, పాండ్యా అవుట్‌ కావడంతో... అప్పటికింకా భారత్‌ 100 పరుగులైనా చేయకపోవడంతో ఓటమి ఖాయమైంది. అయితే సుందర్‌ (25 బంతుల్లో ఫిఫ్టీ; 5 ఫోర్లు, 3 సిక్స్‌లు) మెరుపులతో భారత్‌ 150 మార్క్‌ దాటింది. అతి‘సుందర్‌’ క్యాచ్‌ ఇన్నింగ్స్‌ ఐదో ఓవర్లో వాషింగ్టన్‌ సుందర్‌ స్పిన్‌తో మాయ చేశాడు. క్యాచ్‌తో మంత్రముగ్ధం చేశాడు. రెండో బంతికి దంచేస్తున్న అలెన్‌ను సూర్య క్యాచ్‌తో పెవిలియన్‌ పంపాడు. ఆఖరి బంతికి చాప్‌మన్‌ డిఫెన్స్‌ ఆడే ప్రయత్నం చేశాడు. అక్కడే లేచిన బంతి నేలకు తాకుతుండగా... సుందర్‌ కుడివైపునకు డైవ్‌ చేస్తూ ఒంటిచేత్తో రిటర్న్‌ క్యాచ్‌ పట్టాడు. దీంతో స్టేడియం హోరెత్తింది. బ్యాటింగ్‌లోనూ సుందర్‌ మెరుపు ఫిఫ్టీ సాధించాడు. కానీ అతని ‘ఆల్‌రౌండ్‌ షో’ భారత ఓటమితో చిన్నబోయింది.   స్కోరు వివరాలు న్యూజిలాండ్‌ ఇన్నింగ్స్‌: అలెన్‌ (సి) సూర్య (బి) సుందర్‌ 35; కాన్వే (సి) హుడా (బి) అర్‌‡్షదీప్‌ 52; చాప్‌మన్‌ (సి అండ్‌ బి) సుందర్‌ 0; ఫిలిప్స్‌ (సి) సూర్య (బి) కుల్దీప్‌ 17; మిచెల్‌ (నాటౌట్‌) 59; బ్రేస్‌వెల్‌ (రనౌట్‌) 1; సాన్‌ట్నర్‌ (సి) త్రిపాఠి (బి) మావి 7; ఇష్‌ సోధి (నాటౌట్‌) 0; ఎక్స్‌ట్రాలు 5; మొత్తం (20 ఓవర్లలో 6 వికెట్లకు) 176. వికెట్ల పతనం: 1–43, 2–43, 3–103, 4–139, 5–140, 6–149. బౌలింగ్‌: పాండ్యా 3–0–33–0, అర్‌‡్షదీప్‌ 4–0–51–1, సుందర్‌ 4–0–22–2, దీపక్‌ 2–0– 14–0, ఉమ్రాన్‌ 1–0–16–0, కుల్దీప్‌ 4–0–20–1, శివమ్‌ మావి 2–0–19–1. భారత్‌ ఇన్నింగ్స్‌: గిల్‌ (సి) అలెన్‌ (బి) సాన్‌ట్నర్‌ 7; ఇషాన్‌ (బి) బ్రేస్‌వెల్‌ 4; త్రిపాఠి (సి) కాన్వే (బి) డఫీ 0; సూర్య (సి) అలెన్‌ (బి) సోధి 47; పాండ్యా (సి అండ్‌ బి) బ్రేస్‌వెల్‌ 21; సుందర్‌ (సి) డఫీ (బి) ఫెర్గూసన్‌ 50; హుడా (స్టంప్డ్‌) కాన్వే (బి) సాన్‌ట్నర్‌ 10; మావి (రనౌట్‌) 2; కుల్దీప్‌ (సి) కాన్వే (బి) ఫెర్గూసన్‌ 0; అర్‌‡్షదీప్‌ (నాటౌట్‌) 0; ఉమ్రాన్‌ (నాటౌట్‌) 4; ఎక్స్‌ట్రాలు 10; మొత్తం (20 ఓవర్లలో 9 వికెట్లకు) 155. వికెట్ల పతనం: 1–10, 2–11, 3–15, 4–83, 5–89, 6–111, 7– 115, 8–127, 9–151. బౌలింగ్‌: డఫీ 3–0– 27– 1, బ్రేస్‌వెల్‌ 4– 0–31–2, సాన్‌ట్నర్‌ 4–1–11 –2, ఫెర్గూసన్‌ 4–1– 33–2, సోధి 3–0–30–1, టిక్నర్‌ 2–0–23–0. 

న్యూజిలాండ్‌తో తొలి టి20లో టీమిండియా బౌలర్‌ అర్ష్‌దీప్‌ సింగ్‌ చెత్త బౌలింగ్‌ ప్రదర్శన కనబరిచాడు. 4 ఓవర్లు వేసిన అర్ష్‌దీప్‌ ఒక్క వికెట్‌ మాత్రమే తీసి 51 పరుగులు సమర్పించుకున్నాడు. ఇక చివరి ఓవర్లో డారిల్‌ మిచెల్‌ అర్ష్‌దీప్‌కు చుక్కుల చూపించాడు. అతను వేసిన ఒకే ఓవర్లో 27 పరుగులు పిండుకున్నాడు. ఓవర్‌ తొలి బంతినే అర్ష్‌దీప్‌ నోబాల్‌ వేయగా డారిల్‌ మిచెల్‌ సిక్సర్‌ బాదాడు.  ఆ తర్వాత బంతిని డీప్‌ బాక్‌వర్డ్‌ స్క్వేర్‌లెగ్‌ దిశగా బాదాడు.  ఇక ఓవర్‌ రెండో బంతిని లాంగాన్‌ దిశగా కొట్టి హ్యాట్రిక్‌ సిక్సర్లు పూర్తి చేశాడు. అప్పటికే 18 పరుగులు రావడంతో అర్ష్‌దీప్‌ ఒత్తిడితో మూడో బంతి వేయగా.. మిచెల్‌ దానిని ఫోర్‌గా మలిచాడు. ఆ తర్వాత నాలుగు పరుగులు రావడంతో మొత్తంగా 27 పరుగులు వచ్చాయి. ఇన్నింగ్స్‌ 19వ ఓవర్లో 149గా ఉన్న స్కోరు 20 ఓవర్లు ముగిసేసరికి 177గా మారిపోయింది. ఈ నేపథ్యంలో అర్ష్‌దీప్‌ సింగ్‌ తన పేరిట ఒక చెత్త రికార్డు లిఖించుకున్నాడు. టి20ల్లో అత్యధిక నోబాల్స్‌ వేసిన బౌలర్‌గా నిలిచాడు. అర్ష్‌దీప్‌ 22 మ్యాచ్‌ల్లో 14 నోబాల్స్‌తో తొలి స్థానంలో ఉండగా.. ఆ తర్వాత హసన్‌ అలీ 11 నోబాల్స్‌ (50 మ్యాచ్‌లు) , కీమో పాల్‌ 11 నో బాల్స్‌(23 మ్యాచ్‌లు), ఒషోన్‌ థామస్‌ 11 నోబాల్స్‌(20 మ్యాచ్‌లు) ఉన్నారు. దీంతో అభిమానులు అర్ష్‌దీప్‌ను ట్రోల్‌ చేస్తూ సోషల్‌ మీడియాలో కామెంట్స్‌ చేశారు.  An unwanted record for Arshdeep Singh 🏏#ArshdeepSingh #INDvSL #HardikPandya pic.twitter.com/yheCYMZkMS — 100MB (@100MasterBlastr) January 6, 2023 27 RUNS off the final over! Daryl Mitchell's quick-fire 50 takes New Zealand to a fine total 🔥 #INDvNZ — ESPNcricinfo (@ESPNcricinfo) January 27, 2023 Arshdeep latest suspense insta story should be pic.twitter.com/2meiZP04Rr — memes_hallabol (@memes_hallabol) January 27, 2023 Well played pajii 51 of just 24 Balls at the strike rate of 212🔥🔥🥵#INDVsNZT20 #arshdeepsingh pic.twitter.com/UlBnc9KjQ1 — Hamxa (@hamxaalyani) January 27, 2023 Arshdeep Singh in the last few matches.#ArshdeepSingh #INDvNZ pic.twitter.com/b0KGykRiho — Drink Cricket 🏏 (@Abdullah__Neaz) January 27, 2023 చదవండి: స్టన్నింగ్‌ క్యాచ్‌తో మెరిసిన సుందర్‌..

రాంచీ వేదికగా టీమిండియాతో జరుగుతున్న తొలి టి20లో న్యూజిలాండ్‌ జట్టు నిర్ణీత 20 ఓవర్లలో ఆరు వికెట్ల నష్టానికి 176 పరుగులు చేసింది. డారిల్‌ మిచెల్‌(30 బంతుల్లో 59,3 ఫోర్లు, 5 సిక్సర్లు) ఆఖర్లో మెరుపులు మెరిపించగా.. కాన్వే(52 పరుగులు) రాణించాడు. టీమిండియా బౌలర్లలో వాషింగ్టన్‌ సుందర్‌ 2 వికెట్లు పడగొట్టగా.. అర్ష్‌దీప్‌ సింగ్‌, కుల్దీప్‌ యాదవ్‌, శివమ్‌ మావిలు తలా ఒక వికెట్‌ తీశారు. అయితే ఆరంభంలో టీమిండియా బౌలర్లు కట్టుదిట్టంగా బంతులు వేయడంతో కివీస్‌ బ్యాటర్లు పరుగులు రాబట్టలేకపోయారు. అయితే 10 ఓవర్లు ముగిసిన తర్వాత న్యూజిలాండ్‌ బ్యాటింగ్‌ గాడిలో పడింది. కాన్వే అర్థశతకంతో రాణించగా.. అతనికి అండగా గ్లెన్‌ పిలిప్స్‌(17) నిలిచాడు. ఇక ఇన్నింగ్స్‌ చివరి ఓవర్ అర్ష్‌దీప్‌ వేయగా.. డారిల్‌ మిచెల్‌ 27 పరుగులు పిండుకున్నాడు. ఓవర్‌లో మూడు సిక్సర్లు, ఒక ఫోర్‌ వచ్చాయి.   

టి20 ప్రపంచకప్‌లో భాగంగా పాకిస్తాన్‌తో సెమీఫైనల్‌ మ్యాచ్‌లో న్యూజిలాండ్‌ బ్యాటర్‌ డారిల్‌ మిచెల్‌ అర్థశతకంతో మెరిశాడు. డారిల్‌ మిచెల్‌ అర్థశతకంతో మెరిశాడు అంటే న్యూజిలాండ్‌​ కచ్చితంగా ఫైనల్‌ వెళుతుంది అని అభిమానులు పేర్కొంటున్నారు. మిచెల్‌ సెమీస్‌లో అర్థసెంచరీ వెనుక ఒక చిన్న కథ దాగుంది. అదేంటంటే గతేడాది జరిగిన టి20 ప్రపంచకప్‌లోనూ ఇంగ్లండ్‌తో ఆడిన సెమీఫైనల్లో డారిల్‌ మిచెల్‌ అర్థశతకంతో మెరిశాడు. ఆ మ్యాచ్‌లో 72 పరుగులతో నాటౌట్‌గా నిలిచిన మిచెల్‌ కివీస్‌ను దగ్గరుండి గెలిపించాడు. దీంతో కివీస్‌ ఫైనల్లో అడుగుపెట్టింది. ఇప్పుడు కూడా మిచెల్‌ అర్థసెంచరీ చేశాడు. దీంతో అదే సెంటిమెంట్‌ రిపీట్‌ అవుతుందని కొందరు ఫ్యాన్స్‌ పేర్కొన్నారు.  ఈ విషయం పక్కనబెడితే.. డారిల్‌ మిచెల్‌ మాత్రం టి20 ప్రపంచకప్‌లో ఒక అరుదైన రికార్డు అందుకున్నాడు. టి20 ప్రపంచకప్‌ సెమీఫైనల్స్‌లో రెండు అర్థసెంచరీలు సాధించిన మూడో బ్యాటర్‌గా మిచెల్‌ నిలిచాడు. గతేడాది టి20 ప్రపంచకప్‌లో ఇంగ్లండ్‌పై 72 పరుగులు నాటౌట్‌.. తాజా వరల్డ్‌కప్‌లో పాకిస్తాన్‌తో సెమీస్‌లో 53 పరుగులతో నాటౌట్‌గా నిలిచాడు. ఇంతకముందు టీమిండియా నుంచి విరాట్‌ కోహ్లి 2014లో సౌతాఫ్రికాతో జరిగిన సెమీస్‌లో 72 నాటౌట్‌, ఆ తర్వాత 2016 టి20 వరల్డ్‌కప్‌లో వెస్టిండీస్‌పై 89 నాటౌట్‌ చేశాడు. ఇక క్రిస్‌ గేల్‌ 2009లో శ్రీలంకతో సెమీస్‌లో 63 నాటౌట్‌, 2012లో ఆస్ట్రేలియాపై 75 నాటౌట్‌ రెండు అర్థసెంచరీలు సాధించాడు. చదవండి: ఐదు మ్యాచ్‌లుగా ఒక్క వికెట్‌ లేదు.. ఒక్క రనౌట్‌తో

ICC Mens T20 World Cup 2022 - New Zealand vs Pakistan: టీ20 ప్రపంచకప్‌-2022 తొలి సెమీ ఫైనల్లో పాకిస్తాన్‌తో మ్యాచ్‌లో న్యూజిలాండ్‌ గౌరవప్రదమైన స్కోరు చేయగలిగింది. సిడ్నీ మ్యాచ్‌లో టాస్‌ గెలిచిన కివీస్‌ తొలుత బ్యాటింగ్‌ ఎంచుకుంది. అయితే, పాక్‌ స్టార్‌ పేసర్‌ తొలి ఓవర్లోనే బ్లాక్‌ క్యాప్స్‌కు షాకిచ్చాడు. మూడో బంతికే ఓపెనర్‌ ఫిన్‌ అలెన్‌ను పెవిలియన్‌కు పంపాడు. ఆదిలోనే షాక్‌ వికెట్ల ముందు అతడిని దొరకబచ్చుకున్న ఆఫ్రిది తొలి వికెట్‌ తన ఖాతాలో వేసుకున్నాడు. 4 పరుగులు మాత్రమే చేసిన అలెన్‌ ఎల్బీడబ్ల్యూగా వెనుదిరగడంతో ఆరంభంలోనే కివీస్‌ వికెట్‌ కోల్పోయింది. ఈ క్రమంలో మరో ఓపెనర్‌ డెవాన్‌ కాన్వే, వన్‌డౌన్‌ బ్యాటర్‌, కెప్టెన్‌ కేన్‌ విలియమ్సన్‌ ఇన్నింగ్స్‌ చక్కదిద్దే ప్రయత్నం చేశారు.  కాన్వే 21 పరుగులతో నిలకడగా ఆడుతున్నట్లు కనిపించగా.. షాదాబ్‌ ఖాన్‌ అతడిని రనౌట్‌ చేయడంతో కివీస్‌ రెండో వికెట్‌ కోల్పోయింది. ఇక 42 బంతుల్లో 46 పరుగులు చేసిన విలియమ్సన్‌ను షాహిన్‌ ఆఫ్రిది అవుట్‌ చేశాడు.  వాళ్లిద్దరు రాణించారు కాబట్టే గ్లెన్‌ ఫిలిప్స్‌ 6 పరుగులకే పెవిలియన్‌ చేరగా.. ఐదో స్థానంలో వచ్చిన డారిల్‌ మిచెల్‌ 35 బంతుల్లో 53 పరుగులతో ఆఖరి వరకు అజేయంగా నిలిచాడు. మరో ఎండ్‌లో అతడికి సహకరించిన జేమ్స్‌ నీషమ్‌ 12 బంతుల్లో 16 పరుగులతో నాటౌట్‌గా నిలిచాడు. విలియమ్సన్‌, మిచెల్‌ ఇన్నింగ్స్‌తో నిర్ణీత 20 ఓవర్లలో 4 వికెట్ల నష్టానికి న్యూజిలాండ్‌ 152 పరుగులు చేయగలిగింది. దీంతో నెటిజన్లు.. ‘‘మిచెల్‌, విలియమ్సన్‌ రాణించారు కాబట్టి సరిపోయింది. లేదంటే కివీస్‌ పరిస్థితి మరింత ఘోరంగా తయారయ్యేది’’ అంటూ కామెంట్లు చేస్తున్నారు.  కివీస్‌ స్కోరు: 152-4 టాప్‌ స్కోరర్‌: డారిల్‌ మిచెల్‌ (35 బంతుల్లో 3 ఫోర్లు, ఒక సిక్సర్‌ సాయంతో 53 పరుగులు) చదవండి: .. ఒక్క రనౌట్‌తో

టీ20 ప్రపంచకప్‌-2022లో న్యూజిలాండ్‌ మరో కీలక పోరుకు సిద్దమైంది. ఆక్టోబర్‌ 29(శనివారం) సిడ్నీ వేదికగా శ్రీలంకతో కివీస్‌ తలపడనుంది. అయితే ఈ మ్యాచ్‌కు ముందు న్యూజిలాండ్‌కు ఓ గుడ్‌ న్యూస్‌ అందింది. గాయం కారణంగా ఆస్ట్రేలియాతో తొలి మ్యాచ్‌కు దూరమైన కివీస్‌ స్టార్‌ ఆల్‌ రౌండర్‌ డార్లీ మిచిల్‌ ప్రస్తుతం పూర్తి ఫిట్‌నెస్‌ సాధించినట్లు తెలుస్తోంది. ఈ విషయాన్ని న్యూజిలాండ్‌ వెటరన్‌ పేసర్‌  టిమ్ సౌథీ కూడా దృవీకరించాడు.  "కొన్ని రోజుల కిందట గాయ పడ్డ మిచిల్‌ ఇప్పుడు పూర్తి ఫిట్‌నెస్‌ సాధించాడు. మిచిల్‌ శ్రీలంకతో మ్యాచ్‌కు జట్టు సెలక్షన్‌కు అందుబాటులో ఉంటాడు. మార్క్ చాప్‌మన్‌ స్థానంలో డారిల్‌ జట్టులోకి రానున్నాడు. మిచిల్‌ మా జట్టులో కీలక సభ్యుడు. అతడు గతంలో మా జట్టు విజయాల్లో కీలక పాత్ర పోషించాడు. ఈ మెగా ఈవెంట్‌లో కూడా డారిల్‌ తన స్థాయికి తగ్గట్టు రాణిస్తాడని అశిస్తున్నాను" అని సౌథీ పేర్కొన్నాడు. కాగా గతేడాది ప్రపంచకప్‌లో న్యూజిలాండ్‌ ఫైనల్‌కు చేరడంలో మిచిల్‌ది కీలక పాత్ర. ఇక పాయింట్ల పట్టికలో గ్రూప్‌-1 నుంచి న్యూజిలాండ్‌ 3 పాయింట్లతో తొలి స్థానంలో ఉంది. కాగా ఆఫ్గానిస్తాన్‌తో మ్యాచ్‌ రద్దు కావడంతో కివీస్‌ ఖాతాలో ఒక్క పాయింట్‌ చేరింది. చదవండి: Mohammad Wasim Jr: పరుగు కోసం రూల్స్‌ మరిచాడు.. పాక్ బ్యాటర్‌ తప్పిదం

T20 World Cup 2022- Aus Vs NZ: టీ20 ప్రపంచకప్‌-2022 టోర్నీలో తమ ఆరంభ మ్యాచ్‌కు ముందు న్యూజిలాండ్‌కు గట్టి ఎదురుదెబ్బ తగిలింది. స్టార్‌ ఆల్‌రౌండర్‌ డారిల్‌ మిచెల్‌ గాయం కారణంగా ఆస్ట్రేలియాతో మ్యాచ్‌కు దూరమయ్యాడు. ఈ విషయాన్ని కివీస్‌ కెప్టెన్‌ కేన్‌ విలియమ్సన్‌ ధ్రువీకరించాడు. వరల్డ్‌కప్‌-2022 సూపర్‌ 12 దశ ఆరంభ మ్యాచ్‌లో డిఫెండింగ్‌ చాంపియన్‌ ఆసీస్‌- గతేడాది రన్నరప్‌ న్యూజిలాండ్‌ తలపడనున్న విషయం తెలిసిందే. సిడ్నీ క్రికెట్‌ గ్రౌండ్‌ వేదికగా శనివారం(అక్టోబరు 22) ఇరు జట్లు పోటీపడనున్నాయి. ఈ నేపథ్యంలో ప్రెస్‌ కాన్ఫరెన్స్‌లో న్యూజిలాండ్‌ కెప్టెన్‌ కేన్‌ విలియమ్సన్‌ మాట్లాడుతూ.. డారిల్‌ మిచెల్‌ గాయం గురించి అప్‌డేట్‌ ఇచ్చాడు. డారిల్‌ దూరం ఈ మేరకు.. ‘‘డారిల్‌ ఇంకా అందుబాటులోకి రాలేదు. అయితే, జట్టులో మిగతా వాళ్లంతా ఫిట్‌గా ఉన్నారు’’ అని పేర్కొన్నాడు. కాగా స్వదేశంలో పాకిస్తాన్‌, బంగ్లాదేశ్‌లతో ట్రై సిరీస్‌కు ముందు డారిల్‌ మిచెల్‌ చేతి వేలికి గాయమైంది. దీంతో ఆ సిరీస్‌కు దూరమైన అతడు.. ఇప్పుడు కీలక మ్యాచ్‌ కూడా ఆడలేకపోతున్నాడు. ఇక గత ప్రపంచకప్‌ ఈవెంట్‌లో ఇంగ్లండ్‌తో మ్యాచ్‌లో అదరగొట్టిన ఈ 31 ఏళ్ల ఆల్‌రౌండర్‌.. సెమీస్‌లో ప్లేయర్‌ ఆఫ్‌ ది మ్యాచ్‌గా నిలిచాడు.  ఆరోజు దురదృష్టవశాత్తూ ఇదిలా ఉంటే.. గత ప్రపంచకప్‌ ఫైనల్‌ నాటి జ్ఞాపకాలను కేన్‌ విలియమ్సన్‌ ప్రెస్‌ కాన్ఫరెన్స్‌ సందర్భంగా గుర్తు చేసుకున్నాడు. ‘‘ఆరోజు మ్యాచ్‌ గొప్పగా సాగింది. అయితే, దురదృష్టవశాత్తూ మేము ఓడిపోయాం. ఆస్ట్రేలియా అద్భుత ప్రదర్శన కనబరిచింది. ఇక రేపటితో అసలైన టోర్నీ మొదలుకాబోతోంది. మ్యాచ్‌ ఆరంభం నుంచే పట్టు బిగించడం ముఖ్యం. ఆస్ట్రేలియాతో మొదటి మ్యాచ్‌ ఆడటం చాలెంజింగ్‌గా ఉంటుంది’’ అని కేన్‌ విలియమ్సన్‌ అన్నాడు. ఇక ఆస్ట్రేలియా గడ్డపై తమ రికార్డు గురించి ప్రస్తావిస్తూ.. ‘‘మేము ఆ విషయాల గురించి పెద్దగా పట్టించుకోము. ఆస్ట్రేలియా ఎంతో పటిష్టమైన జట్టు. మాకు గట్టిపోటీనిస్తుంది. అయితే, అన్నిసార్లు పరిస్థితులు ఒకేలా ఉండవు’’ అని పేర్కొన్నాడు. కాగా 2009 తర్వాత కివీస్.. ఆసీస్‌లో ఏ ఫార్మాట్‌లోనూ ఒక్క మ్యాచ్‌ కూడా గెలవలేదు. చదవండి: T20 WC 2022- Ind Vs Pak: ‘అలా అయితే అక్టోబరు 23న ఇండియాతో పాక్‌ మ్యాచ్‌ ఆడదు’