India vs England, 3rd Test: రాజ్‌కోట్‌ వేదికగా టీమిండియా- ఇంగ్లండ్‌ మధ్య మూడో టెస్ట్‌ మ్యాచ్‌కు రంగం సిద్ధమైంది. ఈ మ్యాచ్‌లో టాస్‌ గెలిచిన టీమిండియా కెప్టెన్‌ రోహిత్‌ శర్మ బ్యాటింగ్‌ ఎంచుకున్నాడు. ఇక, ఈ టెస్టులో టీమిండియా తరఫున సర్ఫరాజ్‌ ఖాన్‌, వికెట్‌ కీపర్‌ ధృవ్‌ జూరెల్‌కు అవకాశం కల్పించడంతో వీరిద్దరూ భారత్‌ తరఫున అంతర్జాతీయ క్రికెట్‌లో అరగ్రేటం చేశారు. ఇక ఇంగ్లండ్‌ ఒక మార్పుతో బరిలోకి దిగుతోంది. యువ స్పిన్నర్‌ షోయబ్‌ బషీర్‌ స్థానంలో వెటరన్‌ పేసర్‌ మార్క్‌ వుడ్‌ తుదిజట్టులోకి వచ్చాడు. ఈ మ్యాచ్‌లో ఇంగ్లండ్‌ ఇద్దరు పేసర్లు జేమ్స్‌ ఆండర్సన్‌, మార్క్‌ వుడ్‌లను ఆడించనుంది. కాగా ఐదు మ్యాచ్‌ల సిరీస్‌లో ఇంగ్లండ్‌ హైదరాబాద్‌ టెస్టులో.. టీమిండియా విశాఖపట్నం టెస్టులో గెలిచాయి. ఇరు జట్లు 1-1తో సమంగా ఉన్నాయి. తుది జట్ల వివరాలు..  టీమిండియా: యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పాటీదార్‌, సర్ఫరాజ్ ఖాన్, రవీంద్ర జడేజా, ధృవ్ జురెల్(వికెట్‌ కీపర్‌), రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్ ఇంగ్లండ్: జాక్ క్రాలీ, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్ట్లీ, మార్క్ వుడ్, జేమ్స్ ఆండర్సన్

హైదరాబాద్‌ వేదికగా ఇంగ్లండ్‌తో జరుగుతున్న తొలి టెస్టులో టీమిండియా ఆల్‌రౌండర్‌ రవీంద్ర జడేజా అదరగొడుతున్నాడు. తొలి ఇన్నింగ్స్‌లో ఆల్‌రౌండ్‌ ప్రదర్శన కనబరిచిన జడ్డూ.. రెండో ఇన్నింగ్స్‌లో సైతం తన స్పిన్‌ మయాజాలాన్ని ప్రదర్శించాడు. ఇంగ్లండ్‌ బ్యాటర్‌ జానీ బెయిర్‌ స్టోను సంచలన బంతితో జడేజా బోల్తా కొట్టించాడు. ఇంగ్లండ్‌ సెకెండ్‌ ఇన్నింగ్స్‌ 28 ఓవర్‌లో జడేజా.. బెయిర్‌ స్టోకు అద్బుతమైన డెలివరీని సంధించాడు. జడ్డూ వేసిన బంతిని బెయిర్‌ స్టో వెనుక్కి వదిలేయాలని నిర్ణయించుకున్నాడు. అయితే మిడిల్‌లో పడిన బంతి మాత్రం అనూహ్యంగా టర్న్‌ అయ్యి ఆఫ్‌ స్టంప్‌ను గిరాటేసింది. దీంతో బెయిర్‌ స్టో షాక్‌కు గురయ్యాడు. ఇందుకు సంబంధించిన వీడియో సోషల్‌ మీడియాలో వైరల్‌ మారింది. కాగా ఈ మ్యాచ్‌ తొలి ఇన్నింగ్స్‌లో జడ్డూ 87 పరుగులతో పాటు మూడు కీలక వికెట్లు పడగొట్టాడు. ఇక ఈ మ్యాచ్‌లో  ఇంగ్లండ్‌పై టీమిండియా అధిపత్యం చెలాయిస్తోంది. తొలి ఇన్నింగ్స్‌లో భారత జట్టు 436 పరుగులకు ఆలౌటైంది. భారత్‌కు మొదటి ఇన్నింగ్స్‌లో 190 పరుగుల ఆధిక్యం లభించింది. అనంతరం  రెండో ఇన్నింగ్స్‌ను ప్రారంభించిన ఇంగ్లండ్‌ 61 ఓవర్లకు 5 వికెట్లు కోల్పోయి 245 పరుగులు చేసింది. pic.twitter.com/PbWQuJr9Jc — Sitaraman (@Sitaraman112971) January 27, 2024

భారత్‌-ఇంగ్లండ్‌ జట్ల మధ్య ఐదు మ్యాచ్‌ల టెస్ట్‌ సిరీస్‌లో భాగంగా హైదరాబాద్‌ వేదికగా గురువారం నుంచి తొలి టెస్ట్‌ ప్రారంభంకానుంది. ఈ మ్యాచ్‌ కోసం హైదరాబాద్‌ క్రికెట్‌ అసోసియేషన్‌ అధికారులు ఇప్పటికే అన్ని ఏర్పాట్లు పూర్తి చేశారు. ఇరు జట్ల ఆటగాళ్లు ప్రాక్టీస్‌లో నిమగ్నమై ఉన్నారు. ఐదేళ్ల తర్వాత జరుగుతున్న టెస్ట్‌ మ్యాచ్‌ కావడంతో హైదరాబాద్‌ నగర వాసులు ఈ మ్యాచ్‌ చూసేందుకు ఎంతో ఆసక్తిగా ఎదురుచూస్తున్నారు. ఉప్పల్‌ మైదానంలో టీమిండియాకు ఘనమైన ట్రాక్‌ రికార్డు ఉంది.  పరుగుల వరద...వికెట్ల జాతర.. ఉప్పల్‌ స్టేడియంలో జరిగిన ఐదు టెస్టులు అభిమానులకు పసందైన క్రికెట్‌ అందించాయి. ఒకవైపు పరుగుల వరద  పారడంతో పాటు వికెట్ల జాతర కూడా కనిపించింది. ఈ వేదికపై తొలిసారిగా 2010 నవంబర్‌ 12 నుంచి 16 వరకు భారత్, న్యూజిలాండ్‌ జట్ల మధ్య తొలి టెస్టు జరిగింది. అయితే ఈ టెస్టు ‘డ్రా’గా ముగిసింది. ఆ మ్యాచ్‌లో న్యూజిలాండ్‌ తొలి ఇన్నింగ్స్‌లో 117.3 ఓవర్లలో 350 పరుగులకు ఆలౌటైంది. టిమ్‌ మెకింటోష్‌ (102; 10 ఫోర్లు, 1 సిక్స్‌) సెంచరీ చేశాడు. భారత బౌలర్లలో జహీర్‌ ఖాన్, హర్భజన్‌ సింగ్‌ నాలుగేసి వికెట్లు తీశారు. ధోని కెపె్టన్సీలో భారత జట్టు తొలి ఇన్నింగ్స్‌లో 143.4 ఓవర్లలో 472 పరుగులకు ఆలౌటైంది. హర్భజన్‌ సింగ్‌ (111 నాటౌట్‌; 7 ఫోర్లు, 7 సిక్స్‌లు) అజేయ సెంచరీతో అదరగొట్టి అందర్నీ ఆశ్చర్యపరిచాడు. 122 పరుగులతో వెనుకబడి రెండో ఇన్నింగ్స్‌ ప్రారంభించిన న్యూజిలాండ్‌ జట్టును ఓపెనర్‌ బ్రెండన్‌ మెకల్లమ్‌ (225; 22 ఫోర్లు, 4 సిక్స్‌లు) డబుల్‌ సెంచరీతో ఆదుకున్నాడు. న్యూజిలాండ్‌ 135 ఓవర్లలో 8 వికెట్లు కోల్పోయి 448 పరుగులు చేసి భారత జట్టుకు 327 పరుగుల విజయలక్ష్యాన్ని నిర్దేశించింది. భారత జట్టు రెండో ఇన్నింగ్స్‌లో 17 ఓవర్లలో వికెట్‌ నష్టపోకుండా 68 పరుగులు చేసింది.  అశ్విన్‌ మాయాజాలం..  2012 ఆగస్టు 23 నుంచి 26 వరకు ఉప్పల్‌ స్టేడియంలో న్యూజిలాండ్‌ జట్టుతో భారత జట్టు రెండో టెస్టు ఆడింది. స్పిన్నర్‌ రవిచంద్రన్‌ అశి్వన్‌ (6/31, 6/54) మ్యాచ్‌ మొత్తంలో 12 వికెట్లు తీసి భారతజట్టు ఇన్నింగ్స్‌ 115 పరుగుల తేడాతో గెలుపొందడంలో కీలకపాత్ర పోషించాడు. ముందుగా భారత్‌ తొలి ఇన్నింగ్స్‌లో 134.3 ఓవర్లలో 438 పరుగులకు ఆలౌటైంది. చతేశ్వర్‌ పుజారా (159; 19 ఫోర్లు, 1 సిక్స్‌) భారీ సెంచరీ చేశాడు. అనంతరం న్యూజిలాండ్‌ తొలి ఇన్నింగ్స్‌లో 61.3 ఓవర్లలో 159 పరుగులకు ఆలౌటైంది. ఫాలోఆన్‌ ఆడిన న్యూజిలాండ్‌ రెండో ఇన్నింగ్స్‌లో 79.5 ఓవర్లలో 164 పరుగులకే ఆలౌటై ఓడిపోయింది.  పుజారా ధమాకా..  2013 మార్చి 2 నుంచి 5 వరకు భారత్, ఆ్రస్టేలియా జట్ల మధ్య ఈ వేదికపై మూడో టెస్టు జరిగింది. ఈ మ్యాచ్‌లో టీమిండియా ఇన్నింగ్స్‌ 135 పరుగుల తేడాతో గెలిచింది. ముందుగా ఆస్ట్రేలియా తొలి ఇన్నింగ్స్‌ను 9 వికెట్లకు 237 పరుగులవద్ద డిక్లేర్‌ చేసింది. భువనేశ్వర్, రవీంద్ర జడేజా మూడేసి వికెట్లు తీశారు. అనంతరం భారత జట్టు తొలి ఇన్నింగ్స్‌లో 154.1 ఓవర్లలో 503 పరుగులకు ఆలౌటైంది. చతేశ్వర్‌ పుజారా (204; 30 ఫోర్లు, 1 సిక్స్‌) డబుల్‌ సెంచరీ... మురళీ విజయ్‌ (167; 23 ఫోర్లు, 2 సిక్స్‌లు) సెంచరీ సాధించారు. 266 పరుగులతో వెనుకబడిన రెండో ఇన్నింగ్స్‌ ప్రారంభించిన ఆ్రస్టేలియా అశి్వన్‌ (5/63), రవీంద్ర జడేజా (3/33) దెబ్బకు 67 ఓవర్లలో 131 పరుగులకే ఆలౌటై ఓడిపోయింది.  కోహ్లి కేక.. 2017 ఫిబ్రవరి 9 నుంచి 13 వరకు భారత్, బంగ్లాదేశ్‌ జట్ల మధ్య ఈ వేదికపై నాలుగో టెస్టు జరిగింది. ఈ మ్యాచ్‌లో భారత్‌ 208 పరుగుల తేడాతో ఘనవిజయం సాధించింది. విరాట్‌ కోహ్లి (204; 24 ఫోర్లు) డబుల్‌ సెంచరీ... మురళీ విజయ్‌ (108; 12 ఫోర్లు, 1 సిక్స్‌), వృద్ధిమాన్‌ సాహా (106 నాటౌట్‌; 7 ఫోర్లు, 2 సిక్స్‌లు) సెంచరీలు సాధించారు. దాంతో భారత్‌ తొలి ఇన్నింగ్స్‌ను 166 ఓవర్లలో 6 వికెట్లకు 687 పరుగులవద్ద డిక్లేర్‌ చేసింది. అనంతరం బంగ్లాదేశ్‌ తొలి ఇన్నింగ్స్‌లో 127.5 ఓవర్లలో 388 పరుగులకు ఆలౌటైంది. 299 పరుగుల తొలి ఇన్నింగ్స్‌ ఆధిక్యం పొందిన భారత్‌ రెండో ఇన్నింగ్స్‌ను 4 వికెట్లకు 159 పరుగుల వద్ద డిక్లేర్‌ చేసి బంగ్లాదేశ్‌కు 459 పరుగుల విజయలక్ష్యాన్ని నిర్దేశించింది. బంగ్లాదేశ్‌ రెండో ఇన్నింగ్స్‌లో 100.3 ఓవర్లలో 250 పరుగులకు ఆలౌటై ఓడిపోయింది. అశ్విన్‌ (4/73), జడేజా (4/78) బంగ్లాదేశ్‌ను దెబ్బ కొట్టారు.  పది వికెట్లతో విజయం.. 2018 అక్టోబర్‌ 12 నుంచి 14 వరకు భారత్, వెస్టిండీస్‌ జట్ల మధ్య ఈ వేదికపై ఐదో టెస్టు జరిగింది. ఈ మ్యాచ్‌లో భారత్‌ 10 వికెట్లతో ఘనవిజయం నమోదు చేసింది. ముందుగా విండీస్‌ తొలి ఇన్నింగ్స్‌లో 311 పరుగులకు ఆలౌటైంది. ఉమేశ్‌ యాదవ్‌ 6 వికెట్లు పడగొట్టాడు. అనంతరం భారత్‌ తొలి ఇన్నింగ్స్‌లో 367 పరుగులకు ఆలౌటైంది. రిషభ్‌ పంత్‌ (92), అజింక్య రహానే (80), పృథ్వీ షా (70) అర్ధ సెంచరీలు చేశారు. 56 పరుగులతో వెనుకబడి రెండో ఇన్నింగ్స్‌ ప్రారంభించిన వెస్టిండీస్‌ 127 పరుగులకే కుప్పకూలింది. ఉమేశ్‌ యాదవ్‌ (4/45), అశి్వన్‌ (2/24), జడేజా (3/12) విండీస్‌ను కట్టడి చేశారు. అనంతరం విండీస్‌ నిర్దేశించిన 72 పరుగుల లక్ష్యాన్ని భారత్‌ వికెట్‌ కోల్పోకుండా ఛేదించి గెలిచింది.    

ఇంగ్లండ్‌తో జరిగిన ఐదో టెస్టులో టీమిండియా 7 వికెట్ల తేడాతో ఓటమి పాలైంది. దాంతో ఐదు మ్యాచ్‌ల సిరీస్‌ 2-2లో సమమైంది. కాగా 378 పరుగుల లక్ష్యంతో బరిలోకి దిగిన ఇంగ్లండ్‌ కేవలం మూడు వికెట్లు మాత్రమే కోల్పోయి చేధించింది. ఇంగ్లండ్‌ విజయంలో బెయిర్‌ స్టో(114), రూట్‌(142) పరుగులతో కీలక పాత్ర పోషించారు. అయితే రెండో ఇన్నింగ్స్‌లో బౌలింగ్‌, బ్యాటింగ్‌లోనే కాకుండా ఫీల్డింగ్‌లోనూ భారత్‌ తీవ్రంగా నిరాశ పరిచింది. ఇంగ్లండ్‌ విజయంలో హీరోగా నిలిచిన జానీ బెయిర్‌ స్టో ఇచ్చిన ఈజీ క్యాచ్‌ను.. సెకెండ్‌ స్లిప్‌లో హనుమా విహారి జారవిడిచాడు. ఈ తప్పిదానికి భారత్‌ మూల్యం చెల్లించుకోవాల్సి వచ్చింది. 14 పరుగుల వ్యక్తిగత  స్కోర్‌ వద్ద బతికిపోయిన బెయిర్‌ స్టో.. ఏకంగా సెంచరీతో చెలరేగాడు. ఇక సులభమైన క్యాచ్‌ విడిచి పెట్టిన విహారిపై భారత అభిమానులు మండిపడుతున్నారు. ట్విటర్‌ వేదికగా విమర్శల వర్షం కురిపిస్తున్నారు. "ఎంత పనిచేశావు  విహారి.. క్యాచ్‌ పట్టి ఉంటే మ్యాచ్‌ ఫలితం మరో విధంగా ఉండేది" అని నెటిజన్లు కామెంట్ చేస్తున్నారు. ఇండియా వర్సెస్‌ ఇంగ్లండ్‌ ఐదో టెస్టు స్కోర్ వివరాలు.. టీమిండియా తొలి ఇన్నింగ్స్‌: 416 ఆలౌట్‌ ఇంగ్లండ్‌ తొలి ఇన్నింగ్స్‌: 284 ఆలౌట్‌ టీమిండియా రెండో ఇన్నింగ్స్‌: 245 ఆలౌట్‌ ఇంగ్లండ్‌ రెండో ఇన్నింగ్స్‌: 378/3 ఫలితం: భారత్‌పై ఇంగ్లండ్‌ 7 వికెట్ల తేడాతో ఘన విజయం చదవండి: IND Vs ENG 5th Test: భారత్‌పై ఇంగ్లండ్‌ సూపర్ విక్టరీ.. సిరీస్‌ సమం Hanuma vihari dropped catch of Jonny bairstow. #hanumavihari #Vihari dropped catch of #JonnyBairstow #INDvsENG #INDvENG pic.twitter.com/YVp40t0zNs — Shribabu Gupta (@ShribabuG) July 5, 2022

టెస్టు క్రికెట్‌లో టీమిండియాపై ఇంగ్లండ్‌ సరికొత్త రికార్డు సృష్టించింది. టెస్టుల్లో భారత్‌పై అత్యధిక పరుగుల లక్ష్యాన్ని  చేధించిన జట్టుగా ఇంగ్లండ్ రికార్డులక్కెంది. ఎడ్జ్‌బాస్టన్‌ వేదికగా టీమిండియాతో జరిగిన ఐదో టెస్టులో 378 పరుగుల లక్ష్యాన్ని ఇంగ్లండ్‌ ఛేదించింది. తద్వారా ఈ అరుదైన ఘనతను ఇంగ్లండ్‌ తన ఖాతాలో వేసుకుంది. అంతకుముందు 1977లో పెర్త్‌ వేదికగా భారత్‌తో జరిగిన టెస్టు మ్యాచ్‌లో 339 పరుగుల టార్గెట్‌ను ఆస్ట్రేలియా చేధించింది. ఇప్పటి వరకు అత్యధికం కాగా.. తాజా మ్యాచ్‌తో ఆసీస్‌ రికార్డును ఇంగ్లండ్‌ బ్రేక్‌ చేసింది. ఇక మ్యాచ్‌ విషయానికి వస్తే.. భారత్‌పై ఇంగ్లండ్‌ 7 వికెట్ల తేడాతో విజయం సాధించింది. 378 పరుగుల లక్ష్యంతో బరిలోకి దిగిన ఇంగ్లండ్‌ మూడు వికెట్లు కోల్పోయి ఛేదించింది. ఇం‍గ్లండ్‌ బ్యాటర్లలో బెయిర్‌ స్టో(114), రూట్‌(142) పరుగులతో రాణించారు. కాగా ఈ విజయంతో ఐదు మ్యాచ్‌ల సిరీస్‌ను 2-2తో ఇంగ్లండ్‌ సమం చేసింది. ఇండియా వర్సెస్‌ ఇంగ్లండ్‌ ఐదో టెస్టు స్కోర్ వివరాలు.. టీమిండియా తొలి ఇన్నింగ్స్‌: 416 ఆలౌట్‌ ఇంగ్లండ్‌ తొలి ఇన్నింగ్స్‌: 284 ఆలౌట్‌ టీమిండియా రెండో ఇన్నింగ్స్‌: 245 ఆలౌట్‌ ఇంగ్లండ్‌ రెండో ఇన్నింగ్స్‌: 378/3 ఫలితం: భారత్‌పై ఇంగ్లండ్‌ 7 వికెట్ల తేడాతో ఘన విజయం చదవండి: IND Vs ENG 5th Test: భారత్‌పై ఇంగ్లండ్‌ సూపర్ విక్టరీ.. సిరీస్‌ సమం

ఎడ్డ్‌బాస్టన్‌ వేదికగా భారత్‌తో జరిగిన ఐదో టెస్టులో ఇంగ్లండ్‌ 7 వికెట్ల తేడాతో  ఘన విజయం సాధించింది. దాంతో ఐదు మ్యాచ్‌ల టెస్టు సిరీస్‌ను ఇంగ్లండ్‌ 2-2తో సమం చేసింది. గతేడాది జరిగిన నాలుగు టెస్టుల్లో భారత్‌ రెండు, ఇంగ్లండ్‌ ఒక్క మ్యాచ్‌లో విజయం సాధించగా.. మరో మ్యాచ్‌ డ్రా ముగిసింది. ఇక  378 పరుగుల లక్ష్యంతో బరిలోకి దిగిన ఇంగ్లండ్‌ కేవలం మూడు వికెట్లు మాత్రమే కోల్పోయి చేధించింది. ఇంగ్లండ్‌ బ్యాటరల్లో జానీ బెయిర్‌స్టో(114), జో రూట్‌ (142) సెంచరీలతో చెలరేగారు. ఈ మ్యాచ్ రెండు ఇన్నింగ్స్‌లోనూ బెయిర్‌స్టో సెంచరీలు సాధించాడు. ఇక తొలి ఇన్నింగ్స్‌లో అదరగొట్టిన భారత బౌలర్లు రెండో ఇన్నింగ్స్‌లో పూర్తిగా తెలిపోయారు. కెప్టెన్‌ బుమ్రా తప్ప మిగితా బౌలర్లు ఒక్క వికెట్‌ కూడా సాధించలేకపోయారు. అంతకుముందు తొలి ఇన్నింగ్స్‌లో భారత్‌ 416 పరుగులకు ఆలౌటైంది. భారత బ్యాటర్లలో పంత్‌(146), జడేజా అద్భుతమైన సెంచరీలు సాధించారు. అనంతరం బ్యాటింగ్‌కు దిగిన ఇంగ్లండ్‌ తొలి ఇన్నింగ్స్‌లో 284 పరుగులకే కుప్పకూలింది. ఇంగ్లండ్‌ ఇన్నింగ్స్‌లో బెయిర్‌ స్టో(106) తప్ప మిగితా బ్యాటర్లు ఎవరూ రాణించలేదు. భారత బౌలర్లలో సిరాజ్‌ నాలుగు, బుమ్రా మూడు, షమీ రెండు వికెట్లు సాధించారు. ఇక తొలి ఇన్నింగ్స్‌లో లభించిన 132 పరుగల అధిక్యంతో రెండో ఇన్నింగ్స్‌ను ప్రారంభించిన భారత్‌ 245 పరుగులకే ఆలౌటైంది. భారత్‌ రెండో ఇన్నింగ్స్‌లో పుజారా(66),పంత్‌(57) పరుగులతో రాణించారు. ఇంగ్లండ్‌ బౌలర్లలో కెప్టెన్‌ స్టోక్స్‌ నాలుగు వికెట్లతో అదరగొట్టగా.. బ్రాడ్‌, పాట్స్‌ తలా రెండు, అండర్సన్‌,జాక్‌ లీచ్‌ చెరో వికెట్‌ సాధించారు. ఇండియా వర్సెస్‌ ఇంగ్లండ్‌ ఐదో టెస్టు స్కోర్ వివరాలు.. టీమిండియా తొలి ఇన్నింగ్స్‌: 416 ఆలౌట్‌ ఇంగ్లండ్‌ తొలి ఇన్నింగ్స్‌: 284 ఆలౌట్‌ టీమిండియా రెండో ఇన్నింగ్స్‌: 245 ఆలౌట్‌ ఇంగ్లండ్‌ రెండో ఇన్నింగ్స్‌: 378/3 ఫలితం: భారత్‌పై ఇంగ్లండ్‌ 7 వికెట్ల తేడాతో ఘన విజయం This team. This way of playing. Simply irresistible ❤️ Scorecard/Clips: https://t.co/jKoipF4U01 🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/Phl1BNkGol — England Cricket (@englandcricket) July 5, 2022

Update: ఐదో టెస్టులో భారత్‌పై ఇంగ్లండ్‌ 7 వికెట్ల తేడాతో ఘన విజయం సాధించింది. 378 పరుగులు లక్ష్యంతో బరిలోకి దిగిన ఇంగ్లండ్‌ మూడు వికెట్లు కోల్పోయి ఛేదించింది.  ఇంగ్లండ్‌ బ్యాటరల్లో జానీ బెయిర్‌స్టో(114), జో రూట్‌ (142) సెంచరీలతో చెలరేగారు. సిరీస్‌2-2తో సమమైంది. ఎడ్డ్‌బాస్టన్‌ వేదికగా ఇంగ్లండ్‌తో జరుగుతోన్న ఐదో టెస్టులో టీమిండియా ఓటమి దిశగా అడుగులు వేస్తోంది. 378 పరుగులు లక్ష్యంతో బరిలోకి దిగిన ఇంగ్లండ్‌ నాలుగో రోజు ఆట మగిసే సమయానికి మూడు వికెట్లు కోల్పోయి 259 పరుగులు చేసింది. ఇంగ్లండ్‌ విజయానికి మరో 119 పరుగుల దూరంలో నిలిచింది. అయితే 378 పరుగుల లక్ష్యాన్ని ఢిపెండ్‌ చేయడంలో భారత్‌ విఫలమైతే.. ఓటమికి టీమిండియా బ్యాటర్లే పూర్తి బాధ్యత వహించాల్సి ఉంటుందని భారత మాజీ క్రికెటర్ ఆకాశ్ చోప్రా అభిప్రాయపడ్డాడు. "ఈ మ్యాచ్‌లో భారత బ్యాటర్లు పూర్తిగా విఫలమయ్యారు. తొలి ఇన్నింగ్స్‌లో పంత్‌, జడేజా, రెండో ఇన్నింగ్స్‌లో పుజారా,పంత్‌ తప్ప మిగితా బ్యాటర్లు ఎవరూ రాణించలేదు. టెస్టుల్లో ఎక్కువ మంది బ్యాటర్లు రాణించకపోతే.. ప్రత్యర్ధి జట్టుపై అధిపత్యం చెలాయించాలేం. ఒక వేళ ఈ మ్యాచ్‌లో భారత్‌ ఓటమి చెందితే.. పూర్తి బాధ్యతే బ్యాటర్లదే. ఇక ఈ టెస్టులో పంత్‌ తన పని తాను చేసుకుపోయాడు. అతడు రెండో ఇన్నింగ్స్‌లో అనఅవసరమైన షాట్‌కు ప్రయత్నించి తన వికెట్‌ను కోల్పోయాడని చాలా మంది అభిప్రాయపడుతున్నారు. కానీ పరిస్థితులను బట్టి పంత్‌ రివర్స్‌ స్వీప్‌ షాట్‌ ఆడాడాని భావిస్తున్నాను" అని యూట్యూబ్‌ ఛానల్‌లో ఆకాశ్ చోప్రా పేర్కొన్నాడు. చదవండి: IND VS ENG 5th Test Day 5: భారత అభిమానులను కలవరపెడుతున్న పంత్‌ ట్రాక్‌ రికార్డు

ఐదో టెస్టులో ఇంగ్లండ్‌ ఘన విజయం ఎడ్డ్‌బాస్టన్‌ వేదికగా భారత్‌తో జరిగిన రీషెడ్యూల్డ్‌ ఐదో టెస్టులో ఇంగ్లండ్‌ 7 వికెట్ల తేడాతో  ఘన విజయం సాధించింది. . దాంతో ఐదు మ్యాచ్‌ల టెస్టు సిరీస్‌ 2-2తో సమమైంది. గతేడాది జరిగిన నాలుగు టెస్టుల్లో భారత్‌ రెండు, ఇంగ్లండ్‌ ఒక్క మ్యాచ్‌లో విజయం సాధించగా.. మరో మ్యాచ్‌ డ్రా ముగిసింది. 378 పరుగుల లక్ష్యంతో బరిలోకి దిగిన ఇంగ్లండ్‌ కేవలం మూడు వికెట్లు కోల్పోయి చేధించింది. ఇంగ్లండ్‌ బ్యాటర్లలో జానీ బెయిర్‌స్టో(114), జో రూట్‌ (142) సెంచరీలతో చెలరేగారు. జానీ బెయిర్‌ స్టో సెంచరీ.. తొలి ఇన్నింగ్స్‌లో శతకంతో జట్టును అదుకున్న జానీ బెయిర్‌ స్టో.. రెండో ఇన్నింగ్‌లోనూ సెంచరీతో మెరిశాడు. 126 బంతుల్లో బెయిర్‌ స్టో సెంచరీను పూర్తి చేశాడు. ఇక ఇంగ్లండ్‌ విజయానికి 21 పరుగులు కావాలి. క్రీజులో బెయిర్‌ స్టో(100), రూట్‌(135) పరుగులతో ఉన్నారు. 69 ఓవర్లకు ఇంగ్లండ్‌ స్కోర్‌: 325/3 69 ఓవర్లకు ముగిసే  సరికి ఇంగ్లండ్‌ మూడు వికెట్లు కోల్పోయి 325 పరుగులు చేసింది. క్రీజులో రూట్‌(113),  బెయిర్‌ స్టో(92) పరుగులతో ఉన్నారు. ఇంగ్లండ్‌ విజయానికి 53 పరుగులు కావాలి. జో రూట్‌ సెంచరీ..  ఇంగ్లండ్‌ స్టార్‌ బ్యాటర్‌ జోరూట్‌ సెంచరీతో చెలరేగాడు. 137 బంతుల్లో రూట్‌ సెంచరీ సాధించాడు (14 ఫోర్లు). ఇక విజయానికి ఇంగ్లండ్‌ మరింత చేరువైంది. గెలుపుకు కేవలం 59 పరుగుల దూరంలో ఇంగ్లండ్‌ నిలిచింది. 63 ఓవర్లకు స్కోర్‌: 298/3 63 ఓవర్లు ముగిసే సరికి ఇంగ్లండ్‌ 298 పరుగులు చేసింది. ఇంకా ఇంగ్లండ్‌ విజయానికి 80 పరుగులు ‍కావాలి. జులో జానీ బెయిర్ స్టో(92), జోరూట్(87) పరుగులతో ఉన్నారు. గెలుపు దిశగా ఇంగ్లండ్‌.. 59 ఓవర్లకు స్కోర్‌: 271/3 ఐదో రోజు ఆటను ప్రారంభించిన ఇంగ్లండ్‌ 59 ఓవర్లు ముగిసే సరికి మూడు వికెట్లు నష్టానికి 271 పరుగులు చేసింది. ఇంకా ఇంగ్లండ్‌ విజయానికి 107 పరుగులు ‍కావాలి. జులో జానీ బెయిర్ స్టో(83), జోరూట్(78) పరుగులతో ఉన్నారు. ఐదో రోజు ఆట ప్రారంభం ఎడ్జ్‌బాస్టన్‌ వేదికగా భారత్‌తో జరుగుతోన్న ఐదో టెస్టు అఖరి రోజు ఆటను ఇంగ్లండ్‌ ప్రారం‍భించింది. 378 పరుగుల లక్ష్యంతో బరిలోకి దిగిన ఇంగ్లండ్‌ నాలుగో రోజు ఆట ముగిసే సమయానికి  మూడు వికెట్లు కోల్పోయి 259 పరుగులు చేసింది. ఇంగ్లండ్‌ విజయానికి మరో 119 పరుగుల దూరంలో నిలిచింది. క్రీజులో జానీ బెయిర్ స్టో(72), జోరూట్(76 ) పరుగులతో ఉన్నారు. ఇక భారత్‌ విజయం సాధించాలంటే బౌలర్లు ఏదైనా అద్భుతం చేయాల్సిందే.

టెస్టుల్లో ఇంగ్లండ్‌పై టీమిండియా స్టాండింగ్‌ కెప్టెన్‌, పేస్‌ గుర్రం జస్ప్రీత్‌ బుమ్రా సరికొత్త చరిత్ర సృష్టించాడు. కరోనా కారణంగా గతేడాది ఇంగ్లండ్‌తో వాయిదా పడిన ఐదో టెస్టు ఎడ్డ్‌బాస్టన్‌ వేదికగా జరుగుతోన్న సంగతి తెలిసిందే. అయితే ఈ టెస్టు సిరీస్‌లో ఇప్పటి వరకు 23 వికెట్లు పడగొట్టిన బుమ్రా.. ఇంగ్లండ్‌తో ఒకే సిరీస్‌లో అత్యధిక వికెట్లు పడగొట్టిన భారత పేసర్‌గా రికార్డులకెక్కాడు. అంతకుముందు 1981-82 ఇంగ్లండ్‌ సిరీస్‌లో భారత దిగ్గజం కపిల్‌ దేవ్‌ ఇంగ్లండ్‌పై 22 వికెట్లు పడగొట్టాడు. ఇప్పటి వరకు ఇదే అత్యధికం కాగా.. తాజా సిరీస్‌లో కపిల్‌ దేవ్‌ రికార్డును బుమ్రా బద్దలు కొట్టాడు. ఇక 14 వికెట్లు పడగొట్టి భువనేశ్వర్‌ కుమార్‌ మూడో స్థానంలో కొనసాగుతున్నాడు. చదవండి: ICC Player Of Month Nominations: ప్లేయర్‌ ఆఫ్‌ మంత్‌ అవార్డు రేసులో ఉన్న క్రికెటర్లు వీరే

టెస్టు క్రికెట్‌లో రిషబ్‌ పంత్‌ అరుదైన రికార్డు సాధించాడు. ఇంగ్లండ్‌తో జరుగుతోన్న ఐదో టెస్టులో సెంచరీతో చెలరేగిన పంత్‌.. రెండో ఇన్నింగ్స్‌లో అర్ధసెంచరీతో మెరిశాడు. తద్వారా ఒకే టెస్టులో సెంచరీ, అర్ద సెంచరీ సాధించిన రెండో భారత వికెట్‌ కీపర్‌గా పంత్‌ రికార్డులకెక్కాడు. ఈ మ్యాచ్‌లో పంత్‌ తొలి ఇన్నింగ్స్‌లో 146 పరుగులు చేయగా, రెండో ఇన్నింగ్స్‌లో 57 పరుగులు సాధించాడు. That's another half-century for @RishabhPant17 👏👏#TeamIndia now leads by 316 runs. Live - https://t.co/LL20D1K7si #ENGvIND pic.twitter.com/xXA2WLJcHF — BCCI (@BCCI) July 4, 2022 ఇక అంతకుముందు 1973లో భారత మాజీ వికెట్‌ కీపర్‌ ఫరోఖ్ ఇంజనీర్ ఇంగ్లండ్‌పై రెండు ఇన్నింగ్స్‌లలో వరుసగా సెంచరీ, హాప్‌ సెంచరీ సాధించాడు. అతడు తొలి ఇన్నింగ్స్‌లో 121 పరుగులు చేయగా, రెండో ఇన్నింగ్స్‌లో 66 పరుగులు చేశాడు. అదే విధంగా ఒకే టెస్టులో అ‍త్యధిక పరుగులు చేసిన మూడో భారత వికెట్‌ కీపర్‌గా పంత్‌(203) నిలిచాడు. 230 పరుగులతో బుద్ధి కుందరన్ తొలి స్ధానంలో ఉండగా, ఎంస్ ధోని 224 పరగులతో రెండో స్థానంలో ఉన్నాడు. చదవండి: Virat Kohli Vs Jonny Bairstow: కావాలని రెచ్చగొడితే ఇదిగో ఇలాగే ఉంటది మరి?

ఇంగ్లండ్‌తో జరుగుతోన్న ఐదో టెస్టు తొలి ఇన్నింగ్స్‌లో అదరగొట్టిన టీమిండియా ఆటగాళ్లు రిషబ్‌ పంత్‌, రవీంద్ర జడేజాపై దక్షిణాఫ్రికా దిగ్గజం ఏబీ డివిలియర్స్‌ ప్రశంసల వర్షం కురిపించాడు. ఈ టెస్టు తొలి ఇన్నింగ్స్‌లో కేవలం 98 పరుగులకే 5 వికెట్లు కోల్పోయి కష్టాల్లో పడిన భారత జట్టును పంత్‌, జడేజా అద్భుతమైన ఇన్నింగ్స్‌తో అదుకున్న సంగతి తెలిసిం‍దే. వీరిద్దరూ ఆరో వికెట్‌కు 222 పరుగుల రికార్డు బాగస్వామ్యం నెలకొల్పారు. పంత్‌ 146 పరుగులు సాధించగా, జడేజా 104 పరుగులు చేశాడు. "నేను ఇంటి వద్ద లేకపోవడంతో అద్భుతమైన మ్యాచ్‌ను వీక్షించలేకపోయాను. కానీ హైలెట్స్‌ను మాత్రం మిస్ కాకుండా చూశాను. ఈ మ్యాచ్‌లో బౌలర్లపై ఎదురుదాడికి దిగి పంత్‌, జడేజా రికార్డు భాగస్వామ్యం నమోదు చేశారు. నేను టెస్టు క్రికెట్‌లో చూసిన అత్యత్తుమ భాగస్వామ్యం" ఇదే అని ట్విటర్‌లో డివిలియర్స్‌ పేర్కొన్నాడు. ఇక టీమిండియా తొలి ఇన్నింగ్స్‌లో  416 పరుగులకు ఆలౌట్‌ అయింది. అనంతరం బ్యాటింగ్‌కు దిగిన ఇంగ్లండ్‌ తొలి ఇన్నింగ్స్‌లో  284 పరుగులకే కుప్పకూలింది. ఇంగ్లండ్‌ బ్యాటర్లలో  జానీ బెయిర్‌ స్టో(106 పరుగులు) తప్ప మిగితా బ్యాటర్ల అంతా విఫలమయ్యారు. చదవండి: Ind Vs Eng: 257 పరుగుల ఆధిక్యం.. ఇంగ్లండ్‌కు కష్టమే.. టీమిండియాదే విజయం: ఇంగ్లండ్‌ మాజీ కెప్టెన్‌ Haven’t been home and missed most of the Cricket action. Finished watching the highlights now. That counterattack partnership from @RishabhPant17 and @imjadeja is right up there with the best I’ve ever seen in Test Cricket! — AB de Villiers (@ABdeVilliers17) July 4, 2022

కష్టాల్లో టీమిండియా రూట్, బెయిర్‌స్టో భారీ భాగస్వామ్యం నెలకొల్పడం విజయంపై ఆశలు పెట్టుకున్న టీమిండియాకు షాక్‌ తగలిలేలా ఉంది. నాలుగోరోజు ఆటముగిసే సమయానికి 57 ఓవర్లు ఆడిన ఇంగ్లండ్‌ 259/3 తో నిలిచింది. రూట్ 76 (112), బెయిర్‌స్టో 72 (87) పరుగులతో క్రీజులో ఉన్నారు. 42 ఓవర్లకు ఇంగ్లండ్‌ స్కోర్‌: 181/3 42 ఓవర్లు ముగిసే సరికి ఇంగ్లండ్‌ మూడు వికెట్ల నష్టానికి 181 పరుగులు చేసింది. క్రీజులో జో రూట్‌(47),బెయిర్‌ స్టో(25) పరుగులతో ఉన్నారు. 38 ఓవర్లకు ఇంగ్లండ్‌ స్కోర్‌: 157/3 38 ఓవర్లు ముగిసే సరికి ఇంగ్లండ్‌ మూడు వికెట్ల నష్టానికి 157 పరుగులు చేసింది. క్రీజులో జో రూట్‌(30),బెయిర్‌ స్టో(18) పరుగులతో ఉన్నారు. 26 ఓవర్లకు ఇంగ్లండ్‌ స్కోర్‌: 114/3 ఇంగ్లండ్‌ వరుస క్రమంలో రెండు వికెట్లు కోల్పోయింది. బుమ్రా బౌలింగ్‌లో పోప్‌ డకౌట్‌ కాగా, లీస్‌(56) రనౌట్‌ అయ్యాడు.  26 ఓవర్లు ముగిసే సరికి ఇంగ్లండ్‌ మూడు వికెట్ల నష్టానికి 114 పరుగులు చేసింది. క్రీజులో రూట్‌, బెయిర్‌ స్టో‍ ఉన్నారు. తొలి వికెట్‌ కోల్పోయిన ఇంగ్లండ్‌ 107 పరుగుల వద్ద ఇంగ్లండ్‌ తొలి వికెట్‌ కోల్పోయింది. 46 పరుగులు చేసిన క్రాలే.. బుమ్రా బౌలింగ్‌లో క్లీన్‌ బౌల్డయ్యాడు.   దూకుడుగా ఆడుతోన్న ఇంగ్లండ్‌.. 18 ఓవర్లకు 90 పరుగులు 378 పరుగుల విజయ లక్ష్యంతో బరిలోకి దిగిన ఇంగ్లండ్‌ దూకుడుగా ఆడుతోంది. 18 ఓవర్లు ముగిసే సరికి ఇంగ్లండ్‌ వికెట్‌ నష్టపోకుండా 90 పరుగులు చేసింది. క్రీజులో  లీస్‌(53),క్రాలీ(36) పరుగులతో ఉన్నారు 9 ఓవర్లకు ఇంగ్లండ్‌ స్కోర్‌: 53/0 9 ఓవర్లు మగిసే సరికి ఇంగ్లండ్‌ వికెట్‌ నష్టపోకుండా 53 పరుగులు చేసింది. క్రీజులో లీస్‌(27),క్రాలీ(21) పరుగులతో ఉన్నారు 3 ఓవర్లకు ఇంగ్లండ్‌ స్కోర్‌: 18/0 378 పరుగుల విజయ లక్ష్యంతో బరిలోకి దిగిన ఇంగ్లండ్‌ మూడు ఓవర్లు ముగిసే సరికి 18 పరుగులు చేసింది. క్రీజులో లీస్‌(17),క్రాలీ(1) పరుగులతో ఉన్నారు 245 పరుగులకు భారత్‌ ఆలౌట్‌.. ఇంగ్లండ్‌ టార్గెట్‌ 378 ఇంగ్లండ్‌తో జరుగుతోన్న ఐదో టెస్టు రెండో ఇన్నింగ్స్‌లో టీమిండియా 245 పరుగులకు ఆలౌటైంది. భారత ఘిన​ఇన్నింగ్స్‌లో పుజారా(66), పంత్‌(57) తప్ప మిగితా బ్యాటర్లు విఫలమయ్యారు. ఇంగ్లండ్‌ బౌలర్లలో స్టోక్స్‌ నాలుగు వికెట్లు, పాట్స్‌, బ్రాడ్‌ చెరో రెండు వికెట్లు, అండర్సన్‌, లీచ్‌ తలా వికెట్‌ సాధించారు. ఇక తొలి ఇన్నింగ్స్‌లో లభించిన 132 పరుగులతో కలిపి టీమిండియా ఓవరాల్‌గా 377 పరుగల అధిక్యం సాధించింది. ఇంగ్లండ్‌ విజయ లక్ష్యం 378 పరుగులు. తొమ్మిదో వికెట్‌ కోల్పోయిన భారత్‌ 236 పరుగుల వద్ద భారత్‌ తొమ్మిదో వికెట్‌ కోల్పోయింది. 23 పరుగులు చేసిన జడేజా.. స్టోక్స్‌ బౌలింగ్‌లొ క్లీన్‌ బౌల్డయ్యాడు. ఎనిమిదో వికెట్‌ కోల్పోయిన భారత్‌ 230 పరుగుల వద్ద టీమిండియా ఎనిమిదో వికెట్‌ కోల్పోయింది. షమీ(13) స్టోక్స్‌ బౌలింగ్‌లో పెవిలియన్‌కు చేరాడు. క్రీజులో జడేజా, బుమ్రా ఉన్నారు. లంచ్‌ బ్రేక్‌.. టీమిండియా స్కోర్‌: 229/7 లంచ్‌ విరామానికి టీమిండియా ఏడు వికెట్లు కోల్పోయి 229 పరుగులు చేసింది. క్రీజులో జడేజా(17),షమీ(13) పరుగులతో ఉన్నారు ఏడో వికెట్‌ కోల్పోయిన భారత్‌ టీమిండియా వరుస క్రమంలో వికెట్లు కోల్పోతోంది. 4 పరుగులు చేసిన శార్థూల్‌ ఠాకూర్‌.. పాట్స్‌ బౌలింగ్‌లో ఔటయ్యాడు. క్రీజులో షమీ, జడేజా ఉన్నారు. 67 ఓవర్లకు భారత్‌ స్కోర్‌: 203/6 67 ఓవర్లు ముగిసే సరికి టీమిండియా ఆరు వికెట్ల నష్టానికి 203 పరుగులు చేసింది. క్రీజులో జడేజా(8),శార్థూల్‌ ఠాకూర్‌(1) ఉన్నారు. ఆరో వికెట్‌ కోల్పోయిన భారత్‌.. పంత్‌ ఔట్‌ 198 పరుగుల వద్ద టీమిండియా ఆరో వికెట్‌ కోల్పోయింది. 57 పరుగులు చేసిన పంత్‌.. జాక్‌ లీచ్ బౌలింగ్‌లో ఔటయ్యాడు. క్రీజులోకి శార్థూల్‌ ఠాకూర్‌ వచ్చాడు. ఐదో వికెట్‌ కోల్పోయిన భారత్‌.. అయ్యర్‌ ఔట్‌ తొలి ఇన్నింగ్స్‌లో విఫలమైన శ్రేయస్‌ అయ్యర్‌.. రెండో ఇన్నింగ్స్‌లో కూడా నామమాత్రపు స్కోర్‌కే పరిమితమయ్యాడు. 26 బంతుల్లో 19 పరుగులు చేసిన అయ్యర్‌, పాట్స్‌ బౌలింగ్‌లో పెవిలియన్‌కు చేరాడు. 59.2 ఓవర్లకు భారత్‌ స్కోర్‌: 186/4 58 ఓవర్లు భారత్‌ స్కోర్‌: 178/4 58 ఓవర్లు ముగిసేసరికి భారత్‌ నాలుగు వికెట్ల నష్టానికి 178 పరుగులు చేసింది. క్రీజులో పంత్‌(46),శ్రేయస్‌ అయ్యర్‌(18) పరుగులతో ఉన్నారు. నాలుగో వికెట్‌ కోల్పోయిన టీమిండియా 153 పరుగుల వద్ద టీమిండియా నాలుగో వికెట్‌ కోల్పోయింది. 66 పరుగులు చేసిన ఛతేశ్వర్‌ పుజారా.. బ్రాడ్‌ బౌలింగ్‌లో ఔటయ్యాడు. క్రీజులోకి శ్రేయస్‌ అయ్యర్‌ వచ్చాడు. 52 ఓవర్లకు టీమిండియా స్కోర్‌: 152/3 నాలుగో రోజు ఆటను ప్రారంభించిన టీమిండియా నిలకడగా ఆడుతోంది. 52 ఓవర్లు ముగిసే సరికి భారత్‌ మూడు వికెట్లు నష్టానికి 152 పరుగులు చేసింది. క్రీజులో పుజారా(66),పంత్‌(38) పరుగులతో ఉన్నారు. 47 ఓవర్లకు టీమిండియా స్కోర్‌: 131/3 47 ఓవర్లు ముగిసే సరికి టీమిండియా మూడు వికెట్ట నష్టానికి 131 పరుగులు చేసింది. క్రీజులో పుజారా(53),పంత్‌(31) పరుగులతో ఉన్నారు, సమయం 15:00 Pm: 125/3 ఓవర్‌నైట్‌ స్కోర్‌తో నాలుగో రోజు ఆటను టీమిండియా ప్రారంభించింది. క్రీజులో పుజారా(50),పంత్‌(30) పరుగులతో ఉన్నారు,3

ఎడ్జ్‌బాస్టన్‌ వేదికగా ఇంగ్లండ్‌తో జరుగుతోన్న ఐదో టెస్టులో టీమిండియా స్టాండ్‌ ఇన్‌ కెప్టెన్‌  జస్ప్రీత్ బుమ్రా అదరగొడుతున్నాడు. బ్యాటింగ్‌లో కేవలం 16 బంతుల్లోనే 31 పరుగులు చేసిన బుమ్రా... బౌలింగ్‌లో మూడు కీలక  వికెట్లు పడగొట్టి ఇంగ్లండ్‌ను దెబ్బతీశాడు. ఈ క్రమంలో బుమ్రాపై మాజీ ఆటగాళ్లు, అభిమానులు ప్రశంసల వర్షం కురిపిస్తున్నారు. తాజాగా ఈ జాబితాలో టీమిండియా మాజీ పేసర్‌ అజిత్‌ అగార్కర్ కూడా చేరాడు. కెప్టెన్‌గా బమ్రా బ్యాటింగ్‌‌, బౌలింగ్‌లో అద్భుతంగా రాణించడాని అగార్కర్ కొనియాడాడు. "ఇదే సిరీస్‌లో లార్డ్స్ టెస్టులో బుమ్రా, షమీ భాగస్వామ్యమే భారత్‌ను గెలిపించింది. ఈ మ్యాచ్‌లో స్టువర్ట్ బ్రాడ్ మెరుగ్గా బౌలింగ్‌ చేయడంలో విఫలమయ్యాడు. దానిని జస్ప్రీత్ చక్కగా అందిపుచ్చుకున్నాడు. ప్రస్తుతం బుమ్రాకు వైట్‌ బాల్‌ క్రికెట్‌ కంటే టెస్టు క్రికెట్‌ ఆడడం సులభంగా"ఉన్నట్టు ఉంది అని అగార్కర్ పేర్కొన్నాడు. తొలి ఇన్నింగ్స్‌లో 416 పరుగులకు ఆలౌటైంది. ఇక రెండో రోజు ఆట ముగిసే సమయానికి ఇంగ్లండ్‌ తమ తొలి ఇన్నింగ్స్‌లో 5 వికెట్ల నష్టానికి 84 పరుగులు చేసింది.  చదవండి: ENG vs IND: 19 ఏళ్ల రికార్డు బద్దలు కొట్టిన బుమ్రా.. అభినందించిన బ్రియాన్‌ లారా

టెస్టు‍ల్లో తన రికార్డు బద్దలు కొట్టిన టీమిండియా స్టాండింగ్‌ కెప్టెన్‌ జస్ప్రీత్‌ బుమ్రాను వెస్టిండీస్‌ దిగ్గజం బ్రియాన్‌ లారా అభినందించాడు. ఎడ్జ్‌బాస్టన్‌ వేదికగా ఇంగ్లండ్‌తో జరుగుతోన్న ఐదో టెస్టులో 84 ఓవర్‌ వేసిన స్టువర్ట్ బ్రాడ్ బౌలింగ్‌లో బుమ్రా ఏకంగా 29 పరుగులు రాబట్టాడు. తద్వారా టెస్టు క్రికెట్‌లో ఒకే ఓవర్‌లో అత్యధిక పరుగులు సాధించిన ఆటగాడిగా బుమ్రా ప్రపంచ రికార్డు సాధించాడు. కాగా అంతకుమందు 2003లో జొహన్నెస్‌బర్గ్‌లో దక్షిణాఫ్రికా బౌలర్‌ ఆర్.పీటర్సన్ బౌలింగ్‌లో బ్రియన్‌ లారా 28 పరుగులు రాబట్టాడు. ఇప్పుడు బుమ్రా దాదాపు 19 ఏళ్ల లారా రికార్డు బద్దలు కొట్టాడు. “టెస్ట్‌లలో ఒకే ఓవర్‌లో అత్యధిక పరుగుల రికార్డును బద్దలు కొట్టినందుకు అభినందనలు. అద్భుతంగా ఆడావు బుమ్రా" అంటూ లారా ట్వీట్‌ చేశాడు. ఇక మ్యాచ్‌ విషయానకి వస్తే.. టీమిండియా తొలి ఇన్నింగ్స్‌లో 416 పరుగులకు ఆలౌటైంది. పంత్‌(146),రవీంద్ర జడేజా(104) పరుగులతో రాణించారు. ఇక రెండో రోజు ఆట ముగిసే సమయానికి ఇంగ్లండ్‌ తమ తొలి ఇన్నింగ్స్‌లో 5 వికెట్ల నష్టానికి 84 పరుగులు చేసింది. జో రూట్‌ (31) టాప్‌ స్కోరర్‌గా నిలవగా...ప్రస్తుతం బెయిర్‌స్టో (12 బ్యాటింగ్‌), స్టోక్స్‌ (0 బ్యాటింగ్‌) క్రీజ్‌లో ఉన్నారు. Join me in congratulating the young @Jaspritbumrah93 on breaking the record of Most Runs in a Single Over in Tests. Well done!🏆#icctestchampionship #testcricket #recordbreaker pic.twitter.com/bVMrpd6p1V — Brian Lara (@BrianLara) July 2, 2022

టెస్టు క్రికెట్‌లో టీమిండియా ఆటగాడు, స్టాండింగ్‌ కెప్టెన్‌ జస్ప్రీత్‌ బుమ్రా ప్రపంచ రికార్డు నెలకొల్పాడు. టెస్టుల్లో ఒకే ఓవర్‌లో అత్యధిక పరుగులు సాధించిన ఆటగాడిగా బుమ్రా రికార్డులకెక్కాడు. ఇంగ్లండ్‌తో జరుగుతోన్న ఐదో టెస్టులో 84 ఓవర్‌ వేసిన స్టువర్ట్‌ బ్రాడ్‌ బౌలింగ్‌లో ఏకంగా బుమ్రా 29 పరుగులు రాబట్టాడు. తద్వారా ఈ అరుదైన ఘనతను బుమ్రా తన పేరిట లిఖించుకున్నాడు. ఇక ఓవరాల్‌గా ఈ ఓవర్‌లో బ్రాడ్‌ ఆరు ఎక్స్‌ట్రాలతో కలిపి 35 పరుగులు సమర్పించుకున్నాడు. అంతకుమందు 2003లో జొహన్నెస్‌బర్గ్‌లో దక్షిణాఫ్రికా బౌలర్‌ ఆర్.పీటర్సన్ బౌలింగ్‌లో వెస్టిండీస్‌ దిగ్గజం బ్రియన్‌ లారా 28 పరుగులు రాబట్టాడు. ఇప్పుడు వరకు అదే ప్రపంచ రికార్డు కాగా.. ఇప్పుడు బుమ్రా 29 పరుగులు సాధించి లారా రికార్డును బద్దలు కొట్టాడు. ఇక తొలి ఇన్నింగ్స్‌లో టీమిండియా 416 పరుగులకు ఆలౌటైంది. భారత ఇన్నిం‍గ్స్‌లో రిషబ్‌ పంత్‌(146), జడేజా(104) పరుగులతో రాణించారు. ఇక ఇంగ్లండ్‌ బౌలర్లలో జేమ్స్‌ అండర్సన్‌ 5 వికెట్లు, పొట్స్‌ 2 వికెట్లు,బ్రాడ్‌,రూట్‌,స్టోక్స్‌ తలా వికెట్‌ సాధించారు. చదవండి: ENG vs IND: టెస్టుల్లో జడేజా అరుదైన ఫీట్‌.. నాలుగో భారత ఆటగాడిగా..! BOOM BOOM BUMRAH IS ON FIRE WITH THE BAT 🔥🔥 3️⃣5️⃣ runs came from that Broad over 👉🏼 The most expensive over in the history of Test cricket 🤯 Tune in to Sony Six (ENG), Sony Ten 3 (HIN) & Sony Ten 4 (TAM/TEL) - https://t.co/tsfQJW6cGi#ENGvINDLIVEonSonySportsNetwork #ENGvIND pic.twitter.com/Hm1M2O8wM1 — Sony Sports Network (@SonySportsNetwk) July 2, 2022

టెస్టు క్రికెట్‌ చరిత్రలోనే అత్యంత చెత్త రికార్డును ఇంగ్లండ్‌ బౌలర్‌ స్టువర్ట్‌ బ్రాడ్‌ నమోదు చేశాడు. టెస్టుల్లో ఒకే ఓవర్‌లో అత్యధిక పరుగులు ఇచ్చిన బౌలర్‌గా బ్రాడ్‌ నిలిచాడు. ఎడ్జ్‌బాస్టన్‌ వేదికగా టీమిండియాతో జరుగుతోన్న ఐదో టెస్టులో 84 ఓవర్‌ వేసిన బ్రాడ్‌.. ఏకంగా 35 పరుగులు సమర్పించుకుని ఈ చెత్త రికార్డును తన ఖాతాలో వేసుకున్నాడు. ఈ ఓవర్‌లో టీమిండియా కెప్టెన్‌ జస్ప్రీత్ బుమ్రా 29 పరుగుల రాబట్టగా, 6 పరుగులు ఎక్స్‌ట్రాల రూపంలో వచ్చాయి. అంతకు ముందు 2003లో దక్షిణాఫ్రికా బౌలర్‌ ఆర్‌ పీటర్సన్‌ ఒకే ఓవర్‌లో 28 పరుగులు ఇచ్చాడు. ఇప్పడు బ్రాడ్‌ 35 పరుగులు ఇచ్చిఈ చెత్త రికార్డును తన పేరిట లిఖించికున్నాడు. ఇక మ్యాచ్‌ విషయానికి వస్తే.. తొలి ఇన్నింగ్స్‌లో టీమిండియా 416 పరుగులకు ఆలౌటైంది. భారత ఇన్నిం‍గ్స్‌లో రిషబ్‌ పంత్‌(146), జడేజా(104) పరుగులతో రాణించారు. ఇక ఇంగ్లండ్‌ బౌలర్లలో జేమ్స్‌ అండర్సన్‌ 5 వికెట్లు, పొట్స్‌ 2 వికెట్లు,బ్రాడ్‌,రూట్‌,స్టోక్స్‌ తలా వికెట్‌ సాధించారు. చదవండి: ENG vs IND: టెస్టుల్లో జడేజా అరుదైన ఫీట్‌.. నాలుగో భారత ఆటగాడిగా..! #Bumrah The most expensive over in Test cricket history - Jasprit Bumrah remember the name…#JaspritBumrah #Bumrah#StuartBroad #ENGvsIND#INDvsENG #ENGvIND#ViratKohli #RishabhPant pic.twitter.com/LvbPTqf0ZV — ARPITA ARYA (@ARPITAARYA) July 2, 2022

టీమిండియా, ఇంగ్లండ్‌ల మధ్య జరుగుతున్న టెస్టు మ్యాచ్‌లో రెండోరోజు ఆట ముగిసింది. ఆట ముగిసే సమయానికి ఇంగ్లండ్‌ 27 ఓవర్లలో 5 వికెట్ల నష్టానికి 84 పరుగులు చేసింది. బెయిర్‌ స్టో 12, బెన్‌ స్టోక్స్‌(0) క్రీజులో ఉన్నారు. టీమిండియా బౌలర్లలో బుమ్రా 3, షమీ ఒక వికెట్‌ తీశాడు. కాగా తొలి ఇన్నింగ్స్‌లో టీమిండియా 416 పరుగులకు ఆలౌట్‌ కాగా.. ఇంగ్లండ్‌ ఇంకా 332 పరుగులు వెనుకబడి ఉంది. ►24 ఓవర్లు ముగిసే సరికి ఇంగ్లండ్‌ 4 వికెట్ల నష్టానికి 79 పరుగులు చేసింది. బెయిర్‌ స్టో 11, జాక్‌ లీచ్‌ సున్నా పరుగులతో క్రీజులో​ ఉన్నారు. ►15 ఓవర్లు ముగిసే సరికి ఇంగ్లండ్‌ మూడు వికెట్లు కోల్పోయి 60 పరుగులు చేసింది. క్రీజులో రూట్‌, బెయిర్‌స్టో ఉన్నారు. ►8 ఓవర్లు ముగిసే సరికి ఇంగ్లండ్‌ రెండు వికెట్లు కోల్పోయి 39 పరుగులు చేసింది. క్రీజులో రూట్‌, పోప్‌ ఉన్నారు 6 ఓవర్లకు ఇంగ్లండ్‌ స్కోర్‌: 30/2 6 ఓవర్లు ముగిసే సరికి ఇంగ్లండ్‌ రెండు వికెట్లు కోల్పోయి 30 పరుగులు చేసింది. క్రీజులో రూట్‌, పోప్‌ ఉన్నారు రెండో వికెట్‌ కోల్పోయిన ఇంగ్లండ్‌ 27 పరుగుల వద్ద ఇంగ్లండ్‌ రెండో వికెట్‌ కోల్పోయింది. 9 పరుగులు చేసిన జాక్‌ క్రాలీ.. జస్ప్రీత్‌ బుమ్రా బౌలింగ్‌లో శుబ్‌మాన్‌ గిల్‌కు క్యాచ్‌ ఇచ్చి పెవిలియన్‌కు చేరాడు. రెండో రోజు ఆటకు వరుణుడు ఆటంకం ఇంగ్లండ్‌-భారత్‌ రెండో రోజు ఆటకు వర్షం కలిగించింది. ఆట నిలిచిపోయే సమయానికి ఇంగ్లండ్‌ వికెట్‌ కోల్పోయి 16 పరుగులు చేసింది. క్రీజులో జాక్‌ క్రాలీ, పోప్‌ ఉన్నారు. తొలి వికెట్‌ను కోల్పోయిన ఇంగ్లండ్‌ తొలి ఇన్నింగ్స్‌ను ఆరంభించిన ఇంగ్లండ్‌ 16 పరుగుల వద్ద తొలి వికెట్‌ కోల్పోయింది. 6 పరుగులు చేసిన లీస్‌ బుమ్రా బౌలింగ్‌లో క్లీన్‌ బౌల్డయ్యాడు.  భారత్‌ 416 పరుగులకు ఆలౌట్‌ ఇంగ్లండ్‌తో జరుగుతోన్న ఐదో టెస్టు తొలి ఇన్నింగ్స్‌లో టీమిండియా 416 పరుగులకు ఆలౌటైంది. టీమిండియా బ్యాటర్లలో రిషబ్‌ పంత్‌(146), జడేజా(104) పరుగులతో రాణించారు. అఖరిలో కెప్టెన్‌ బుమ్రా మెరుపు ఇన్నింగ్స్‌ ఆడాడు. కేవలం 16 బంతుల్లో 31పరుగులు సాధించాడు. ఇక ఇంగ్లండ్‌ బౌలర్లలో జేమ్స్‌ అండర్సన్‌ 5 వికెట్లు, పొట్స్‌ 2 వికెట్లు,బ్రాడ్‌,రూట్‌,స్టోక్స్‌ తలా వికెట్‌ సాధించారు. తొమ్మిదో వికెట్‌ కోల్పోయిన భారత్‌.. జడేజా ఔట్‌ 375 పరుగుల వద్ద టీమిండియా తొమ్మిదో వికెట్‌ కోల్పోయింది. 104 పరుగులు చేసిన రవీంద్ర జడేజా.. అండర్సన్‌ బౌలింగ్‌లో క్లీన్‌ బౌల్డయ్యాడు. ఎనిమిదో వికెట్‌ కోల్పోయిన భారత్‌ 371 పరుగులు వద్ద భారత్‌ ఎనిమిదో వికెట్‌ కోల్పోయింది. 16 పరుగులు చేసిన షమీ.. బ్రాడ్‌ బౌలింగ్‌లో ఔటయ్యాడు. క్రీజులోకి కెప్టెన్‌ బుమ్రా వచ్చాడు. సెంచరీతో చెలరేగిన జడేజా.. టీమిండియా ఆల్‌ రౌండర్‌ రవీంద్ర జడేజా సెంచరీతో చెలరేగాడు. 183 బంతుల్లో జడేజా సెంచరీ సాధించాడు. 79 ఓవర్ల ముగిసేసరికి టీమిండియా 7 వికెట్ల నష్టానికి 371 పరుగులు చేసింది. క్రీజులో జడేజా, షమీ ఉన్నారు. 77 ఓవర్లకు టీమిండియా స్కోర్‌: 357/7 77 ఓవర్లు ముగిసే సరికి టీమిండియా 7 వికెట్ల నష్టానికి 351 పరుగులు చేసిం‍ది. క్రీజులో జడేజా(87),షమీ(9) పరుగులతో ఉన్నారు. రెండో రోజు ఆటను ప్రారంభించిన భారత్‌ 338/7 ఓవర్‌నైట్‌ స్కోర్‌తో టీమిండియా రెండో రోజు ఆటను ప్రారంభించింది. క్రీజులో రవీంద్ర జడేజా(83),షమీ ఉన్నారు.

ఎడ్జ్‌బాస్టన్‌ వేదికగా ఇంగ్లండ్‌తో జరుగుతోన్న తొలి టెస్టులో టీమిండియా వికెట్‌ కీపర్‌ రిషబ్‌ పంత్‌ అద్భుతమైన ఇన్నింగ్స్‌తో జట్టును అదుకున్న సంగతి తెలిసిందే. ఈ మ్యాచ్‌లో 111 బంతుల్లో 146 పరుగులు సాధించి పంత్‌ కీలక ఇన్నింగ్స్‌ ఆడాడు. ఇక వరల్డ్‌ క్లాస్‌ ఇన్నింగ్స్‌ ఆడిన పంత్‌పై ఇంగ్లండ్‌ అసిస్టెంట్ కోచ్ పాల్ కాలింగ్‌వుడ్ ప్రశంసల వర్షం కురిపించాడు. "టెస్టు క్రికెట్‌ చరిత్రలో ఇది ఒక గొప్ప రోజు. ఈ మ్యాచ్‌లో పంత్‌ ఆడిన విధానానికి హ్యాట్స్ ఆఫ్. పంత్‌ ప్రపంచ స్థాయి ఆటగాడు. అటువంటి ఆటగాళ్లకు వ్యతిరేకంగా ఆడేటప్పుడు చాలా జాగ్రత్తగా ఉండాలి. మేము న్యూజిలాండ్‌పై మూడు మ్యాచ్‌ల్లోనూ పై చేయి సాధించాము. కానీ ఇక్కడ తొలి రోజే టీమిండియా మాపై అదిపత్యం చెలాయించింది. టీమిండియా నుంచి గట్టి పోటీ ఉంటుంది అని మెకల్లమ్‌ ముందే చెప్పాడు. తొలి రోజు మా బౌలర్లు కూడా అద్బుతంగా రాణించారు. తొలుత 30-40 ఓవర్లలో భారత్‌ను బాగానే కట్టడం చేశాం. కానీ తర్వాత పిచ్‌ బ్యాటర్లకు అనుకూలించడంతో భారత్‌ మాపై చేయి సాధించింది" అని కాలింగ్‌వుడ్ పేర్కొన్నాడు. చదవండి: India Vs England-Rishabh Pant: అద్భుతమైన షాట్లు.. నువ్వో సూపర్‌స్టార్‌: పంత్‌పై ప్రశంసల జల్లు

ఇంగ్లండ్‌తో ఎడ్జ్‌బస్టన్‌ వేదికగా జరుగుతోన్న ఐదో టెస్టులో టీమిండియా వికెట్‌ కీపర్‌ రిషబ్‌ పంత్‌ రికార్డుల మోత మోగించాడు. ఈ మ్యాచ్‌లో కేవలం 89 బంతుల్లోనే సెంచరీ చేసిన పంత్‌ సరికొత్త చరిత్ర సృష్టించాడు. టెస్టుల్లో ఫాస్టస్ట్‌ సెంచరీ సాధించిన భారత వికెట్‌ కీపర్‌గా పంత్‌ రికార్డుల కెక్కాడు. అంతకు ముందు ఈ రికార్డు భారత మాజీ కెప్టెన్‌ ఎంస్‌ ధోని పేరిట ఉండేది. 2006లో పాకిస్తాన్‌తో జరిగిన టెస్టులో ధోని 93 బంతుల్లో సెంచరీ సాధించాడు. ఇక టాస్‌ ఓడి బ్యాటింగ్‌ దిగిన టీమిండియా 98 పరుగులకే 5 వికెట్లు కోల్పోయి కష్టాల్లో పడింది. ఆ సమయంలో పంత్‌ తన విరోచిత ఇన్నింగ్స్‌తో జట్టును అదుకున్నాడు. ప్రత్యర్ధి జట్టు బౌలర్లపై పంత్‌ ఎదురుదాడికి దిగాడు. ముఖ్యంగా ఇంగ్లండ్‌ స్పిన్నర్‌ జాక్‌ లీచ్‌ను పంత్‌ టార్గెట్‌ చేశాడు. ఈ క్రమంలో పంత్‌ టెస్టుల్లో ఐదో శతకం నమోదు చేశాడు. ఇక రవీంద్ర జడేజాతో కలిసి పంత్‌ ఆరో వికెట్‌కు 222 పరుగుల భాగస్వామ్యాన్ని నెలకొల్పాడు. అయితే ఇన్నింగ్స్‌ 67 ఓవర్‌ వేసిన రూట్‌ బౌలింగ్‌లో భారీ షాట్‌కు ప్రయత్నించి తన వికెట్‌ను కొల్పోయాడు. ఈ మ్యాచ్‌లో పంత్‌ 111 బంతుల్లో 146 పరుగులు సాధించాడు. అతడి ఇన్నింగ్స్‌లో 19 ఫోర్లు,4 సిక్స్‌లు ఉన్నాయి. ఇక తొలి రోజు ఆట ముగిసే సమయానికి టీమిండియా 7 వికెట్లు కోల్పోయి  338 పరుగులు చేసింది. క్రీజులో జడేజా(83),షమీ ఉన్నారు. కాగా ఈ మ్యాచ్‌లో అద్భుతమైన ఇన్నింగ్స్‌ ఆడిన పంత్‌ మరి కొన్ని రికార్డులను తన పేరిట లిఖించుకున్నాడు. అవి ఏంటో పరిశీలిద్దాం. ►89 బం‍తుల్లో సెంచరీ సాధించిన పంత్‌.. టెస్టుల్లో ఫాస్టెస్ట్‌ సెంచరీ చేసిన భారత వికెట్‌ కీపర్‌గా నిలిచాడు. ►విదేశాల్లో ఒకే ఏడాదిలో రెండు సెంచరీలో సాధించిన తొలి వికెట్‌ కీపర్‌ కూడా పంత్‌ కావడం విశేషం. ►టెస్టు క్రికెట్ చరిత్రలో 2000 పరుగులు పూర్తి చేసిన అతి పిన్న వయస్కుడైన వికెట్‌ కీపర్‌గా పంత్‌ నిలిచాడు. ►ఎడ్జ్‌బాస్టన్‌లో అత్యంత వేగవంతమైన టెస్టు సెంచరీని సాధించిన ఆటగాడిగా పంత్‌ రికార్డులకెక్కాడు. ►ఇంగ్లండ్ గడ్డపై రెండవ వేగవంతమైన టెస్ట్ సెంచరీ చేసిన భారత ఆటగాడిగా ఘనత సాధించాడు. ►2018లో టెస్టు అరంగేట్రం చేసినప్పటి నుంచి పంత్ ఇప్పుడు ఐదు సెంచరీలు సాధించాడు. ఈ వ్యవధిలో మరే ఇతర వికెట్ కీపర్ కూడా మూడు కంటే ఎక్కువ సెంచరీలు సాధించ లేదు. చదవండి: India Vs England-Rishabh Pant: అద్భుతమైన షాట్లు.. నువ్వో సూపర్‌స్టార్‌: పంత్‌పై ప్రశంసల జల్లు Rishabh Pant, you beauty! 🤩💯 Is there a more exciting Test cricketer in the modern game?! 🔥 Tune in to Sony Six (ENG), Sony Ten 3 (HIN) & Sony Ten 4 (TAM/TEL) - (https://t.co/tsfQJW6cGi)#ENGvINDLIVEonSonySportsNetwork #ENGvIND pic.twitter.com/Qvn3eDYw9Z — Sony Sports Network (@SonySportsNetwk) July 1, 2022

కరోనా కారణంగా గతేడాది వాయిదా పడిన భారత్‌-ఇంగ్లండ్‌ మధ్య నిర్ణయాత్మక ఐదో టెస్టు ఎడ్జ్‌బస్టన్‌ వేదికగా శుక్రవారం(జూలై1) ప్రారంభం కానుంది. ఈ టెస్టుకు టీమిండియా కెప్టెన్‌ రోహిత్‌ శర్మ దూరం కావడంతో.. భారత సారథ్య పగ్గాలు పేస్‌ బౌలర్‌ జస్ప్రీత్‌ బుమ్రా చేపట్టాడు. ఇక ఈ మ్యాచ్‌లో స్టార్ ఆల్ రౌండర్ రవీంద్ర జడేజాకు విశ్రాంతి ఇచ్చి, శార్థూల్‌ ఠాకూర్‌, రవిచంద్ర అశ్విన్‌ను తుది జట్టులోకి తీసుకోవాలని భారత మాజీ ఓపెనర్ ఆకాష్ చోప్రా సూచించాడు. జట్టులోకి  శార్దూల్ ఠాకూర్‌,  అశ్విన్‌లను ఎందుకు తీసుకోవాలో తన యూట్యూబ్‌ ఛానల్‌లో చోప్రా వివరించాడు. "ఈ మ్యాచ్‌లో శార్దూల్ ఠాకూర్, అశ్విన్‌కు భారత తుది జట్టులో చోటు దక్కాలి అని నేను భావిస్తున్నాను. ఇంగ్లండ్‌ పిచ్‌లు ఎక్కువగా పేసర్లకు అనుకూలిస్తాయి. కాబట్టి జడేజాకు ఈ మ్యాచ్‌లో విశ్రాంతి ఇస్తే బాగుంటుంది. ఒక వేళ భారత్‌ తొలుత బ్యాటింగ్‌ చేస్తే షమీ, బుమ్రా, సిరాజ్‌ల పేస్ త్రయంతో బరిలోకి దిగాలి.  అక్కడ పరిస్థితుల బట్టి ఉమశ్‌ యాదవ్‌ను కూడా పరిగణలోకి తీసుకోవాలి. గతేడాది ఇంగ్లండ్‌ బ్యాటింగ్‌ లైనప్‌ బలహీనంగా ఉంది. ఒక్క జో రూట్‌ తప్ప మిగితా ఆటగాళ్లు ఎవరూ అంతగా రాణించలేదు. అయితే ఈ ఏడాది మాత్రం ఇంగ్లండ్‌ ఆటగాళ్లు అద్భుతమైన ఫామ్‌లో ఉన్నారు. కాబట్టి అత్యుత్తమ బౌలింగ్‌ ఎటాక్‌తో బరిలోకి దిగాలి, లేదంటే భారత్‌కు గెలవడం కష్టమే అని చోప్రా యూట్యూబ్‌ ఛానల్‌లో పేర్కొన్నాడు.  చదవండి: SL vs AUS: ఆస్ట్రేలియాతో తొలి టెస్టు.. శ్రీలంక స్టార్ ఆల్ రౌండర్‌కు కొవిడ్‌ పాజిటివ్‌..!

టీమిండియా వెటరన్‌ ఆటగాడు  చతేశ్వర్‌ పుజారాపై భారత మాజీ క్రికెటర్ హర్భజన్ సింగ్ ప్రశంసల వర్షం కురిపించాడు. అతడు చాలా సార్లు భారత జట్టును గెలిపించాడని, అయినప్పటికీ అతడి ఇన్నింగ్స్‌లకు తగిన గుర్తింపు రాలేదని హర్భజన్ అభిప్రాయపడ్డాడు. అదే విధంగా అందరూ ఐపీఎల్‌లో ఆడుతున్నప్పడు.. పుజారా మాత్రం ఇంగ్లండ్‌ కౌంటీల్లో అడి తన ఫామ్‌ను తిరిగి పొందాడని అతడు కొనియాడాడు. ఇక శుక్రవారం ఇంగ్లండ్‌తో జరగనున్న ఐదో టెస్టుకు కెప్టెన్‌ రోహిత్‌ శర్మ దూరం కావడంతో టీమిండియా ఇన్నింగ్స్‌ను పుజారా ఆరంభించే అవకాశం ఉంది. "పుజారాకు ఇంగ్లండ్‌ పరిస్థితుల్లో ఎక్కువగా ఆడిన అనుభవం ఉంది. కౌంటీ క్రికెట్‌లో బౌలర్ల కంటే అంతర్జాతీయ క్రికెట్‌లో బౌలర్లు మెరుగ్గా ఉండవచ్చని మీరు భావించవచ్చు. కానీ కౌంటీ క్రికెట్‌లో కూడా ఒకరిద్దరు అంతర్జాతీయ బౌలర్లు ఉంటారు. కౌంటీ క్రికెట్‌లో ఆడి పుజారా తన ఫామ్‌ను తిరిగి పొందాడు. అతడు ఎప్పడూ భారత జట్టుకు తనవంతు సహకారం అందిస్తాడు. ఇక మేము ఆస్ట్రేలియా పర్యటనకు వెళ్లినప్పుడు పుజారా అంతగా రాణిస్తాడని ఎవరూ ఊహించలేదు. విదేశాల్లో పర్యటించేటప్పుడు భారత తరపున పుజారా అద్భుతంగా ఆడుతాడు. ఇంగ్లండ్‌ వంటి బౌన్సీ పిచ్‌లపై పుజారాకు పరుగులు సాధించే సత్తా ఉంది. ఇంగ్లండ్‌లో పుజారా కంటే ఎవరూ మెరుగ్గా రాణించలేరు" అని హర్భజన్ సింగ్ పేర్కొన్నాడు. ఇక ఈ ఏడాది కౌంటీల్లో ఐదు ‍టెస్టు మ్యాచ్‌లు ఆడిన పుజారా 700 పరుగులు సాధించాడు. చదవండి: SL vs Aus1st Test: శ్రీలంకతో తొలి టెస్టు.. ఆస్ట్రేలియా స్కోర్‌: 313/8