'కేరాఫ్ కంచరపాలెం' సినిమాతో గుర్తింపు తెచ్చుకున్న నటుడు.. చిరంజీవి, పవన్ కల్యాణ్ సినిమాలపై ఆసక్తికర వ్యాఖ్యలు చేశాడు. వీటి వల్ల తనకు అన్యాయం జరిగిందని పరోక్షంగా ఆవేదన వ్యక్తం చేశాడు. షూటింగ్ జరిగిన తర్వాత కూడా తన సీన్స్ ఎందుకు తీసేశారో అర్థం కాలేదని అన్నాడు. ఈ విషయంలో చాలా బాధపడ్డానని కూడా చెప్పుకొచ్చాడు. ప్రస్తుతం ఈ కామెంట్స్ హాట్ టాపిక్‌గా మారిపోయాయి.(ఇదీ చదవండి: వీడియో: గుడిలో సింపుల్‌గా పెళ్లి చేసుకున్న యంగ్ హీరోయిన్)వైజాగ్‌కి చెందిన కిశోర్ కుమార్.. 'కేరాఫ్ కంచరపాలెం'తో నటుడిగా మారాడు. ఈ సినిమాలో వినాయకుడి బొమ్మలు చేసే మూగవాడిగా నటించింది ఇతడే. ఈ చిత్రం తర్వాత పలు చిత్రాల్లో సహాయ పాత్రలు చేశాడు. రవితేజ 'టైగర్ నాగేశ్వరరావు'లో కీలక పాత్రలో కనిపించి ఆకట్టుకున్నాడు. అయితే చిరు 'ఆచార్య', పవన్ 'భీమ్లా నాయక్' చిత్రాల విషయంలో తనకు అన్యాయం జరిగిందని తాజాగా ఓ ఇంటర్వ్యూలో చెప్పుకొచ్చాడు. 'ఆచార్య సినిమా కోసం 20 రోజులు షూటింగ్‌లో పాల్గొన్నాను. బాగా చేశానని చిరంజీవి కూడా మెచ్చుకున్నారు. భుజంపై చేయివేసి మరీ మాట్లాడేవారు. తీరా మూవీ విడుదలయ్యాక నా సీన్స్ కనిపించలేదు. ఎడిటింగ్‌లో తీసేశారు. 'భీమ్లా నాయక్' కోసం ఓ రోజు షూటింగ్‌కి వెళ్లాను. మధ్య గ్యాప్ వచ్చింది. తర్వాత నా బదులు వేరే నటుడిని ఆ పాత్ర కోసం తీసుకున్నారు. ఎందుకలా చేశారో అర్థం కాలేదు. ఈ విషయాల్లో చాలా బాధపడ్డాను' అని నటుడు కిశోర్ కుమార్ చెప్పుకొచ్చాడు.(ఇదీ చదవండి: పవన్‌ విద్యార్హతపై పూటకో మాట.. పిఠాపురం నామినేషన్‌లో తేటతెల్లం)

మలయాళ చిత్రసీమలో ప్రముఖ నటుడు వినోద్ థామస్ (47) మరణించారు. ఆయన అనుమానాస్పదంగా మరణించినట్లు తెలుస్తోంది.  మలయాళంలో పాపులర్‌ సినిమా 'అయ్యప్పనుమ్ కోషియుమ్'లో ఆయన ప్రత్యేక పాత్రలో కనిపించాడు. ఇదే సినిమాను తెలుగులో పవన్‌ కల్యాణ్‌ భీమ్లా నాయక్ పేరుతో రీమేక్‌ చేశాడు. గత రాత్రి (నవంబర్ 18) కేరళలోని కొట్టాయం జిల్లా బంబడి ప్రాంతంలోని ఓ హోటల్ పార్కింగ్ వద్ద చాలా సమయం నుంచి అనుమానాస్పదంగా ఒక కారు ఆగి ఉంది. దానిని గమనించిన హోటల్‌ సిబ్బంది. కారు వద్దకు వెళ్లి డోర్‌ ఓపెన్‌ చేయగా అందులో మృత దేహం కనిపించింది. వెంటనే డోర్‌ క్లోజ్‌ చేసి వారు  పోలీసులకు సమాచారం ఇచ్చారు.  ఈ మేరకు పోలీసులు వెంటనే రంగంలోకి దిగారు. వారు కారును పరిశీలించి ఆ మృతదేహాన్ని దగ్గరలో ఉన్న ప్రభుత్వ ఆస్పత్రికి తరలించారు. పోలీసుల ప్రాథమిక విచారణలో అతడు మలయాళ నటుడు వినోద్ థామస్ అని తేలింది. ‘అయ్యప్పనుమ్ కోషి’, ‘నాతోలి ఏరు ఒకిత మీనాళ్ల’ చిత్రాల్లో ప్రధాన పాత్రల్లో నటించడం గమనార్హం.  ఈ సంఘటనతో మలయాళ చిత్ర పరిశ్రమ తీవ్ర దిగ్భ్రాంతికి గురైంది.వినోద్‌ థామస్‌ను పరీక్షించిన వైద్యులు మృతి చెందినట్లు ప్రకటించారు. మరణానికి ఖచ్చితమైన కారణం ఇంకా తెలియరాలేదు. అలాగే వినోద్ థామస్ మృతదేహాన్ని పోస్టుమార్టం నిమిత్తం కుటుంబసభ్యులకు అప్పగించారు.ఈ కేసులో వినోద్ థామస్ మృతిపై పోలీసులు పలు కోణాల్లో ముమ్మరంగా విచారణ జరుపుతున్నారు. 

ఒకప్పుడు ఏమో ఇప్పుడు పెళ్లి-విడాకుల వ్యవహారం మరీ సాధారణమైపోయింది. సామాన్యుల సంగత కాస్త పక్కనబెడితే నటీనటులు చాలామంది గ్రాండ్‌గా పెళ్లి చేసుకుంటున్నారు. చప్పుడు చేయకుండా విడిపోతున్నారు. ఈ మధ్య కాలంలో మెగాడాటర్ నిహారిక విషయంలో అలానే జరిగింది. ఇప్పుడు మరో తెలుగు నటి కూడా విడాకులు తీసుకోనుందా అనే సందేహాం వస్తోంది.  (ఇదీ చదవండి: బిగ్‌బాస్‌ 7: ఊహించని సర్‌ప్రైజ్‌.. హౌస్‌లోకి కొత్త కంటెస్టెంట్లు!) షార్ట్ ఫిల్మ్స్‌తో గుర్తింపు తెచ్చుకున్న నటి మౌనిక రెడ్డి. 'సూర్య' వెబ్ సిరీస్‌తో బాగా పాపులర్ అయింది. 'భీమ్లా నాయక్'తోపాటు పలు సినిమాల్లోనూ సహాయ పాత్రలు చేసింది. అలానే కొన్నాళ్లుగా సందీప్ అనే వ్యక్తితో ఈమె రిలేషన్‌లో ఉంది. అలా మనసులు కలిసిన తర్వాత గతేడాది డిసెంబరులో గోవాలో డెస్టినేషన్ వెడ్డింగ్ చేసుకున్నారు. అయితే తన పెళ్లి టైంలో మౌనిక చాలా ఎగ్జైట్ అవుతున్న వీడియో అప్పట్లో చాలా పాపులర్ అయింది. అంతా బాగానే ఉందనుకునే టైంలో తాజాగా ఈమె.. పెళ్లి ఫొటోలు అన్నింటినీ ఇన్ స్టాలో డిలీట్ చేసింది. అలానే భర్త సందీప్ ని కూడా అన్ ఫాలో చేసింది. దీంతో వీళ్లిద్దరి బంధం బ్రేక్ అయిందా అనే రూమర్స్ వస్తున్నాయి. ప్రస్తుతానికి దీని గురించి ఎలా ఇన్ఫర్మేషన్ లేనప్పటికీ త్వరలో క్లారిటీ వచ్చే అవకాశముంది.  (ఇదీ చదవండి: బిగ్‌బాస్‌ 7 షోలోకి ప్రభాస్ హీరోయిన్‌!) View this post on Instagram A post shared by Mounika Reddy (@monie_kaaa)

బాలనటిగానే సినీ రంగప్రవేశం చేసిన నిత్యామీనన్‌ హీరోయిన్‌గా మాత్రం 2006లో కథానాయకిగా కన్నడ చిత్రం ద్వారా పరిచయం అయ్యారు. మలయాళం, తమిళం, తెలుగు భాషల్లో నటిస్తూ బహుభాషా నటిగా నిత్యామీనన్‌కు మంచి గుర్తింపు ఉంది. చిత్రపరిశ్రమలో హీరోయిన్‌గా మాత్రమే కాకుండా సింగర్‌గా కూడా తనకంటూ ప్రత్యేకతను చాటుకుంది. కానీ ఇప్పుడు ఆమెకు అంతగా సినిమా అవకాశాలు లేవనే చెప్పవచ్చు. దీంతో ఇక పెళ్లి చేసుకోమని తన కుటుంబ సభ్యులు తెలుపుతున్నారట.   (ఇదీ చదవండి; బిగ్‌ బాస్‌లోకి ఆ స్టార్‌ హీరో, హీరోయిన్‌.. ఆఖరి క్షణంలో అదిరిపోయే ట్విస్ట్‌) అంతేకాకుండా తనకు 35 ఏళ్లు వచ్చాయని ఇక పెళ్లి చేసుకోవడం మంచిదని వారు సలహా ఇచ్చారట. దీంతో ఆమె తన చిన్ననాటి స్నేహితుడు అయిన ఓ మలయాళ స్టార్ హీరోని పెళ్లి చేసుకోబోతుందని శాండిల్‌వుడ్‌లో ప్రచారం జరుగుతుంది. గతంలో కూడా నిత్యామీనన్‌ పెళ్లి విషయంపై చాలా వార్తలే వచ్చాయి. కానీ వాటిని ఆమె వెంటనే కొట్టిపారేసేది కూడా.  కానీ ఈసారి మలయాళీ ఇండస్ట్రీలో మాత్రం నిత్యామీనన్ పెళ్లి వార్త బాగానే వైరల్‌ అవుతుంది. అంతే కాకుండా అక్కడి సినీ ఇండస్ట్రీకి చెందిన వారు కూడా ఇది నిజమేనని తెలుపుతున్నారట. (ఇదీ చదవండి: అనుష్కతో హగ్స్‌.. ఆసక్తికరమైన వ్యాఖ్యలు చేసిన నవీన్‌) ఆమె పెళ్లి మాత్రం ప్రముఖ హీరోతోనే జరుగుతుందంటూనే పేరు మాత్రం వారు రివీల్‌ చేయడం లేదట. గతంలో తన పెళ్లి విషయంపై ఎక్కడైనా చిన్న కామెంట్‌ వచ్చినా వెంటనే రియాక్ట్‌ అయ్యే నిత్యా ఈసారి ఎలాంటి స్టేట్‌మెంట్‌ ఇవ్వకపోవడంతో తన పెళ్లి వార్త నిజమేనని, త్వరలో ఆమె అధికారికంగా ప్రకటిస్తారని పలువురు నెటిజన్లు కామెంట్లు చేస్తున్నారు. ఏదేమైనా నిత్యామీనన్ పెళ్లి వార్త  సోషల్ మీడియాలో మరోసారి భారీగా ట్రెండ్‌ అవుతుంది. 

వెండితెరపై నటించాలని చాలా మందికి ఉండొచ్చు. కానీ, ఆ అవకాశం అందరికీ రాదు. కొంత మందికి అనుకోకుండానే రావచ్చు. కానీ యూట్యూబ్‌ వచ్చిన తర్వాత టాలెంట్‌ ఉన్నవాళ్లని అవకాశాలు వెతుక్కుంటూ వస్తున్నాయి. షార్ట్‌ ఫిల్మ్స్, వెబ్‌ సిరీస్‌లతో వెండితెర  చాన్స్‌లూ కొట్టేస్తున్నారు. అలా వచ్చిన నటే మౌనికా రెడ్డి.. ► మౌనికారెడ్డి వైజాగ్‌లో ఇంజినీరింగ్‌ పూర్తి చేసింది. సాఫ్ట్‌వేర్‌ కంపెనీలో హెచ్‌ఆర్‌గా  పని చేస్తూనే నటనపై ఉన్న మక్కువతో సినిమా అవకాశాల కోసం ప్రయత్నించింది. ► ఓవైపు  సిల్వర్‌ స్క్రీన్‌ చాన్స్‌ కోసం వేచి చూస్తూనే ఇంకోవైపు షార్ట్‌ ఫిలిమ్స్‌లో నటించడం మొదలు పెట్టింది . ‘అమ్మాయి క్యూట్, అబ్బాయి నాటు’ అనే సిరీస్‌తో అప్పుగారిలా అలరించి, మంచి క్రేజ్‌  సంపాదించుకుంది.  ► బిగ్‌బాస్‌ ఫేమ్‌ షణ్ముఖ్‌ జశ్వంత్‌తో కలసి నటించిన ‘సూర్య’ అనే వెబ్‌ సిరీస్‌ సక్సెస్‌తో  సినిమా ఆఫర్లూ రావడం ప్రారంభమయ్యాయి. ► పవన్‌ కల్యాణ్‌ ‘భీమ్లా నాయక్‌’ చిత్రంలో లేడీ కానిస్టేబుల్‌గా నటించింది. ‘ఓరి దేవుడా!’ సినిమాలోనూ ఓ పాత్ర పోషించింది.  ► ఇప్పుడు.. ఇటు సినిమాలు.. అటు షార్ట్‌ ఫిల్మ్స్‌ , వెబ్‌ సిరీస్‌ చేస్తూ ఫుల్‌ బిజీగా ఉంది మౌనిక రెడ్డి.  ►  ఈ మధ్యనే  పెళ్లి చేసుకొని కాస్త గ్యాప్‌ తీసుకుంది. ►  మిగతా ప్రొఫెషన్స్‌లాగే యాక్టింగ్‌ కూడా ఒక ప్రొఫెషనే. అందుకే సక్సెస్‌ని పెద్దగా తల తలకెక్కించుకోను అంటుంది మౌనికా రెడ్డి.

భీమ్లా నాయక్, బింబిసార చిత్రాలతో క్రేజ్ సంపాందించుకున్న బ్యూటీ సంయుక్త మీనన్. ఈ భామ కోసం టాలీవుడ్‌లో వరుస ఆపర్లు క్యూ కడుతున్నాయి. ఈ కేరళ కుట్టి మలయాళం, తమిళం, కన్నడలోనూ నటిగా మంచి గుర్తింపు తెచ్చుకుంది. టాలీవుడ్‌లో తాజాగా కళ్యాణ్ రామ్ బింబిసార మూవీతో సక్సెస్‌ అందుకుంది. సోషియో ఫాంటసీ టైమ్ ట్రావెల్ నేపథ్యంలో తెరకెక్కిన బింబిసార బాక్సాఫీస్ వద్ద ఘనవిజయం సాధించింది. పవన్‌ కల్యాణ్ సినిమా భీమ్లా నాయక్‌లో రానాకు జోడిగా నటించింది ఈ అమ్మడు.  (చదవండి: ‘భీమ్లా నాయక్‌’ టీంపై అలిగిన హీరోయిన్లు?, సంయుక్త మీనన్‌ క్లారిటీ)  ‘బింబిసార’ నందమూరి కల్యాణ్‌రామ్ కెరీర్‌లో అత్యధిక వసూళ్లు సాధించిన సినిమాగా నిలిచింది.  ఈ సినిమాలో ఆమె పాత్రకు అంతగా ప్రాధాన్యత లేకున్నా.. ఈ భామకు హిట్‌ టాక్ సెంటిమెంట్‌ కలిసి రావడంతో టాలీవుడ్ దర్శక, నిర్మాతలు మొగ్గు చూపుతున్నారు.  తెలుగులో మొదట కల్యాణ్ రామ్ బింబిసారలో ఛాన్స్ రాగా.. ఆ సినిమా ఆలస్యం కావడంతో  ‘భీమ్లా నాయక్’తో ఎంట్రీ ఇచ్చింది. 2016లో మలయాళం మూవీ ‘పాప్ కార్న్' సినిమాతో హీరోయిన్‌గా ఎంట్రీ ఇచ్చింది. ఆ చిత్రంలో అంజనా పాత్రకు ఆమెకు మంచి పేరు తీసుకొచ్చింది. ఆ తర్వాత తమిళంలో ‘కలరి’ మూవీతో అభిమానులను పలకరించింది. ఈ సినిమా తర్వాత మలయాళంలో ‘లిల్లీ’ అనే సినిమాలో ప్రధాన పాత్రలో నటించింది.  

Pawan Kalyan Bheemla Nayak Movie Elevation: పవర్‌స్టార్‌ పవన్‌ కల్యాణ్‌, రానా ముఖ్య పాత్రల్లో నటించిన భీమ్లా నాయక్‌ ఫిబ్రవరి 25న విడుదలై విజయం సాధించింది. సాగర్‌ కె చంద్ర దర్శకత్వం వహించిన ఈ మూవీకి మాటల మాంత్రికుడు త్రివిక్రమ్‌ శ్రీనివాస్‌ డైలాగ్స్, స్క్రీన్‌ ప్లే అందించారు. మ్యూజిక్‌ డైరెక్టర్ తమన్‌ సంగీతం అందించిన భీమ్లా నాయక్‌.. మలయాళ చిత్రం అయ్యప్పనుమ్‌ కోషీయమ్‌కు రీమేక్‌గా వచ్చింది. ఇప్పుడు భీమ్లా నాయక్‌ ఓటీటీ ప్లాట్‌ఫామ్‌ డిస్నీ+హాట్‌స్టార్‌లో స్ట్రీమింగ్‌ అవుతున్న సంగతి తెలిసిందే. మార్చి 24 నుంచి స్ట్రీమింగ్‌ అవుతున్న భీమ్లానాయక్‌ మంచి టాక్ తెచ్చుకుంటుంది.  ఈ సందర్భంగా డిస్నీ+హాట్‌స్టార్‌తో కలిసి పవర్‌స్టార్‌ అభిమానులు ఓ వినూత్నమైన ఎలివేషన్‌ కార్యక్రమాన్ని హైదరాబాద్‌లోని నెక్లెస్‌రోడ్‌లో ఏర్పాటుచేశారు. మార్చి 25 సాయంత్రం జరిగిన ఈ కార్యక్రమంలో 300 మందికి పైగా పవర్‌స్టార్‌ పవన్‌కళ్యాణ్‌ అభిమానులు పాల్గొన్నారు. ‘భీమ్లానాయక్‌’ సినిమాలో ఏ విధంగా అయితే పవన్‌ కల్యాణ్‌ జీపుపై కూర్చుంటాడో అదే తరహాలో జీపుపై పవన్‌ కటౌట్‌ను ఆవిష్కరించారు. ఓ క్రేన్‌కు వేలాడదీసిన ఈ జీపు నెక్లెస్‌ రోడ్‌లో అన్ని వైపులా కనిపించేలా చేయడంతో పాటుగా పవన్‌ కళ్యాణ్‌ సినిమాల్లోని పాటలతో  వీక్షకులలో ఆసక్తిని రేకిత్తించారు. 

పవన్​ కల్యాణ్​, రానా దగ్గుబాటి ప్రధాన పాత్రల్లో నటించిన సినిమా 'భీమ్లా నాయక్‌'. మలయాళ సూపర్‌ హిట్‌ మూవీ అయ్యప్పనుమ్ కోశియుమ్ రీమేక్‌గా తెరకెక్కిన ఈ సినిమాను యంగ్ డైరెక్టర్ సాగర్ కే చంద్ర తెరకెక్కించారు. డైరెక్టర్ త్రివిక్రమ్ మాటలు, స్క్రీన్ ప్లే అందించారు. సితార ఎంటర్టైన్మెంట్స్ బ్యానర్‌లో సూర్యదేవర నాగవంశీ నిర్మించారు. గత నెల 25న ప్రేక్షకుల ముందుకు వచ్చిన భీమ్లా నాయక్‌ సరిగ్గా నెల రోజులకు ఓటీటీ సందడి చేసేందుకు రెడీ అయిన సంగతి తెలిసిందే. మార్చి 25న ఈ మూవీ డిస్నీప్లస్‌ హాట్‌స్టార్‌తో పాటు ఆహాలో స్ట్రీమింగ్‌ కానున్నట్లు ఇప్పటికే అధికారిక ప్రకటన వచ్చింది. చదవండి: షాకింగ్‌: నయనతార, ఆమె ప్రియుడు విఘ్నేశ్‌ శివన్‌పై కేసు Surprise! Surprise! Bheemla Nayak kasta jaldi ostunnadu... 24 hours early on 24th! Get ready?#BheemlaNayakOnHotstar@PawanKalyan @RanaDaggubati @DisneyPlusHS #Trivikram @saagar_chandrak @MenenNithya @iamsamyuktha_ @MusicThaman @NavinNooli @dop007 @vamsi84 pic.twitter.com/mUeXTxfhKl — DisneyPlus Hotstar (@DisneyPlusHSTel) March 22, 2022 ఇదిలా ఉంటే ఈ మూవీ ఓటీటీ స్ట్రీమింగ్‌పై తాజా అప్‌డేట్‌ వచ్చింది. ఇప్పుడు భీమ్లా నాయక్‌ను ఒక రోజు ముందుగానే స్ట్రీమింగ్‌ చేయనున్నట్టు ఆహా అధికారిక ప్రకటన ఇచ్చింది. మార్చి 25న ఆర్‌ఆర్‌ఆర్‌ విడుదల కాబోతోన్న నేపథ్యంలో మార్చి 24న భీమ్లా నాయక్‌ను స్ట్రీమింగ్ చేయనున్నామంటూ ఆహా వెల్లడించింది. అలాగే హాట్‌స్టార్‌ కూడా మార్చి 24న స్ట్రీమింగ్‌ చేయనున్నట్టు స్పష్టం చేసింది. ఈ చిత్రంలో పవన్‌కు జోడీగా నిత్యామీనన్‌, రానాకు జోడీగా సంయుక్తా మీనన్‌ నటించిన సంగతి తెలిసిందే. చదవండి: భార్యతో స్టార్‌ హీరో రొమాంటిక్‌ డేట్‌, ఫస్ట్‌టైం పబ్లిక్‌గా.. All Power Star @PawanKalyan fans, your wish is our command!🤗 #BheemlaNayak will stream in 4K with Dolby 5.1 on aha!💥💥💥 #ahaLaBheemla from tomorrow midnight. @Ranadaggubati #Trivikram @saagar_chandrak @MusicThaman @MenenNithya @iamsamyuktha_ @dop007 @vamsi84 @sitharaents pic.twitter.com/VEK1tSNScB — ahavideoin (@ahavideoIN) March 22, 2022

పుష్ప, శ్యామ్‌ సింగరాయ్‌, భీమ్లా నాయక్‌, రాధేశ్యామ్‌ చిత్రాలతో సినీ లవర్స్‌ పండుగ చేసుకున్నారు. మళ్లీ ఇప్పుడు ఆ పండుగను కొనసాగించే సమయం వచ్చేసింది. థియేటర్లలో ఒకే ఒక్క భారీ చిత్రం విడుదల కానుండగా.. ఓటీటీల్లో బడా చిత్రాలు సందడి చేయనున్నాయి. వారంలో ఒక స్టార్‌ హీరో సినిమా వస్తుందంటేనే ఆ సందడి మాములుగా ఉండదు. అలాంటిది థియేటర్‌లో, ఓటీటీల్లో నలుగురు స్టార్ హీరోల సినిమాలు వస్తున్నాయంటే ఆ ఉత్సాహం అంతకుమించి అన్నట్టుగానే ఉంటుంది. అయితే ఒక మల్టీ స్టారర్‌ చిత్రం థియేటర్లలో దుమ్ము లేపడానికి సిద్ధంగా ఉంటే రెండు బ్లాక్‌ బస్టర్‌ చిత్రాలు ఓటీటీల్లో అదరగొట్టనున్నాయి.  1. రౌద్రం.. రణం.. రుధిరం మెగా పవర్‌ స్టార్ రామ్‌ చరణ్, యంగ్‌ టైగర్‌ జూనియర్ ఎన్టీఆర్‌ వంటి ఇద్దరు అగ్ర హీరోలతో ఓటమెరుగని దర్శక ధీరుడు రాజమౌళి తెరకెక్కించిన చిత్రం 'ఆర్‌ఆర్ఆర్'. ఈ సినిమాపై అంచనాలు ఏ విధంగా ఉన్నాయో ప్రత్యేకంగా చెప్పనవసరం లేదు. హిస్టారికల్‌ ఫిక్షనల్‌ యాక్షన్‌ థ్రిల్లర్‌గా రూపొందిన ఈ మూవీ ఎన్నో వాయిదాల తర్వాత ఎట్టకేలకు మార్చి 25న ప్రపంచవ్యాప్తంగా ప్రేక్షకుల ముందుకు రానుంది. సుమారు రూ. 400 కోట్ల బడ్జెట్‌తో తెరకెక్కిన 'ఆర్ఆర్ఆర్' మూవీ బీజీఎం తెలుగు రాష్ట్రాల్లో మారుమోగనుంది.  2. భీమ్లా నాయక్‌ పవర్‌ స్టార్ పవన్‌ కల్యాణ్‌, రానా ప్రధాన పాత్రల్లో ఫిబ్రవరి 25న విడుదలైన చిత్రం 'భీమ్లా నాయక్‌'. ఈ మూవీకి సాగర్ కె. చంద్ర దర్శకత్వం వహించగా స్క్రీన్‌ ప్లే, సంభాషణలు మాటల మాంత్రికుడు త్రివిక్రమ్ రాశారు. థియేటర్లలో అలరించిన ఈ చిత్రం ఇప్పుడు ఓటీటీ ప్లాట్‌ఫామ్‌లో సందడి చేయనుంది. ప్రముఖ ఓటీటీ సంస్థలు ఆహా, డిస్నీ ప్లస్‌ హాట్‌స్టార్‌లలో మార్చి 25 నుంచి 'భీమ్లా నాయక్‌' స్ట్రీమింగ్‌ కానుంది.  3. వలిమై కోలీవుడ్ స్టార్ హీరో అజిత్ కథానాయకుడిగా ఫిబ్రవరి 24న రిలీజైన మూవీ 'వలిమై'. హెచ్. వినోద్‌ తెరకెక్కించిన ఈ చిత్రంలో టాలీవుడ్‌ యంగ్‌  హీరో కార్తికేయ విలన్‌గా నటించి మెప్పించాడు. యాక్షన్‌ థ్రిల్లర్‌గా హిట్‌ కొట్టన 'వలిమై' కూడా మార్చి 25 నుంచి ప్రముఖ ఓటీటీ వేదికా 'జీ5'లో ప్రదర్శితం కానుంది. థియేటర్‌లో ఆర్‌ఆర్ఆర్, ఓటీటీల్లో భీమ్లా నాయక్, వలిమై సినిమాలతో మూవీ లవర్స్‌కు బంపర్‌ ట్రీట్‌ అందనుంది.  ఓటీటీల్లో రిలీజయ్యే మరికొన్ని సినిమాలు: నెట్‌ఫ్లిక్స్ 1. బ్రిడ్జిటన్‌ (వెబ్ సిరీస్‌), మార్చి 25 అమెజాన్‌ ప్రైమ్ 2. డ్యూన్‌, మార్చి 25 డిస్నీ ప్లస్‌ హాట్‌స్టార్ 3. పారలెల్స్‌, మార్చి 23

Bheemla Nayak OTT Release Date: పవర్​ స్టార్ పవన్​ కల్యాణ్​, రానా దగ్గుబాటి ప్రధాన పాత్రల్లో నటించిన సినిమా 'భీమ్లా నాయక్‌'. మలయాళ సూపర్‌ హిట్‌ మూవీ అయ్యప్పనుమ్ కోశియుమ్ రీమేక్‌గా తెరకెక్కిన ఈ సినిమాను యంగ్ డైరెక్టర్ సాగర్ కే చంద్ర తెరకెక్కించారు. డైరెక్టర్ త్రివిక్రమ్ మాటలు, స్క్రీన్ ప్లే అందించారు. సితార ఎంటర్టైన్మెంట్స్ బ్యానర్‌లో సూర్యదేవర నాగవంశీ నిర్మించారు. ఈ చిత్రంలో పవన్‌కు జోడీగా నిత్యామీనన్‌, రానాకు జోడీగా సంయుక్తా మీనన్‌ నటించిన సంగతి తెలిసిందే. కాగా ఈ సినిమా అభిమానులకు చిత్ర బృందం మరో గుడ్‌న్యూస్‌ చెప్పింది.  గత నెల 25న విడుదలైన భీమ్లా నాయక్ సరిగ్గా నెల రోజుల తర్వాత ఓటీటీలో రిలీజ్‌ కానున్నట్లు అఫీషియల్‌గా ప్రకటించారు. మార్చి25న ఈ సినిమాను ఒకేసారి డిస్నీ+ హాట్‌స్టార్‌తో పాటు ఆహాలో రిలీజ్‌ చేయనున్నారు. ఇదే విషయాన్ని ట్విట్టర్‌లో అధికారికంగా ప్రకటించారు. కాగా మార్చి 25న ప్రపంచ వ్యాప్తంగా ఆర్‌ఆర్‌ఆర్‌ చిత్రం ప్రేక్షకుల ముందుకు రానుంది. అదే రోజు భీమ్లా నాయక్‌ సైతం ఓటీటీలో విడుదల కానుంది.    Vastunnadu #BheemlaNayakOnHotstar. Get ready for the ultimate battle of duty and power from 25th March. https://t.co/WpAm1tEKJc@PawanKalyan @RanaDaggubati #Trivikram @saagar_chandrak @MenenNithya @iamsamyuktha_ @MusicThaman @NavinNooli @dop007 @vamsi84 @DisneyPlusHSTel pic.twitter.com/8XDb7f27Ir — DisneyPlus Hotstar Telugu (@DisneyPlusHSTel) March 17, 2022 Next friday ee time ki, power storm mee intiki vachesthundhi. dates mark cheskondi, calendar kaaliga unchukondi. #ahaLaBheemla from March25 nundi 🔥🔥#ahaLaBheemlaFromMarch25@pawankalyan @RanaDaggubati #Trivikram @saagar_chandrak @SitharaEnts @MenenNithya @MusicThaman pic.twitter.com/eO0lEuKnZm — aha on Duty (@ahavideoIN) March 17, 2022

Sai Rajesh Strong Counter To Netizen Tweet On Trivikram: మాటల మాంత్రికుడు త్రివిక్రమ్‌ శ్రీనివాస్‌ డైలాగ్స్‌ గురించి ఏ తెలుగు ప్రేక్షకుడికి ప్రత్యేకంగా చెప్పాల్సిన అవసరం లేదు. సినిమాల్లో ఆయన రాసిన డైలాగ్‌లు ఆడియెన్స్‌ చెవుల్లో ఎప్పటికీ మారుమోగుతూనే ఉంటాయి. అనేకమందిని ఆలోచింపజేస్తాయి. తెలుగు మాటలు, తెలుగు పదాలు, తెలుగు భాష అంటే అమితమైన గౌరవం, ఇష్టం. స్టేజీపైనా కానీ ఇంటర్వ్యూల్లో కానీ ఆయన చెప్పే మాటలు ఆచరించేలా ఉంటాయి. హీరోలకు, హీరోయిన్లకు అభిమానులు ఉండటం కామన్‌. కానీ డైరెక్టర్‌లకు, వారి డైలాగ్‌లకు సైతం ఫ్యాన్స్‌ ఉంటారని చెప్పిన అతి కొద్దిమంది దర్శకుల్లో త్రివిక్రమ్‌ ఒకరు.  ఇక ఇటీవలే పవర్‌ స్టార్‌ పవన్  కళ్యాణ్‌ నటించిన 'భీమ్లా నాయక్‌' సినిమాకు స్క్రీన్‌ ప్లే, డైలాగ్స్‌ అందించి హిట్‌ కొట్టారు త్రివిక్రమ్‌. ఈ సినిమా గురించి ఆపాదిస్తూ త్రివిక్రమ్‌పై తాజాగా ఓ ట్వీట్‌ వైరల్ అవుతోంది. ''అల వైకుంఠపురంలో మూవీ తర్వాత త్రివిక్రమ్‌ ఏ చిత్రానికి దర్శకత్వం చేయలేదు.. కానీ రెండేళ్లలో డైలాగ్స్‌ రాసి రూ. 50 కోట్లు సంపాదించాడు'' అంటూ ఒక వెబ్‌సైట్‌ వార్త రాసింది. ఈ న్యూస్‌కు ఒక నెటిజన్‌ తనదైన శైలీలో రిప్లై ఇస్తూ 'ఇదిరా లైఫ్‌ అంటే..' అంటూ రాసుకొచ్చాడు. ఈ ట్వీట్‌కు డైరెక్టర్‌ సాయి రాజేష్‌ స్ట్రాంగ్‌ కౌంటర్‌ ఇచ్చాడు. 'రూ. 1500లతో రూమ్‌ షేర్‌ చేసుకుని, 50కిపైగా మూవీస్‌కి ఘోస్ట్ రైటర్‌గా పనిచేసి, మొదటి బ్రేక్ కోసం పదేళ్లు ఎదురుచూసిన అతనికి ఇది ఊరికే రాదు' అని సమాధానమిచ్చాడు. దీంతో ఈ ట్వీట్‌ ప్రస్తుతం నెట్టింట తెగ వైరల్‌ అవుతోంది. 

Samyuktha Menon Disappointed With Bheemla Nayak: పవన్‌ కల్యాణ్‌, రానా దగ్గుబాటిల మల్టీస్టారర్‌ చిత్రం భీమ్లా నాయక్‌ మంచి హిట్‌టాక్‌ తెచ్చుకుంది. ఇదిలా ఉంటే ఈ మూవీ హీరోయిన్లు అయిన నిత్యా మీనన్‌, సంయుక్త మీనన్‌లు భీమ్లా నాయక్‌పై మూతి ముడుచుకున్నట్లు జోరుగా ప్రచారం జరుగుతున్న సంగతి తెలిసిందే. దీనికి కారణంగా సినిమా నిడివి తగ్గించేందుకు పాటలతో పాటు హీరోయిన్ల సన్నిశాల్లో కోతలు విధించడం. చదవండి: బాలీవుడ్‌పై నటి భాగ్యశ్రీ షాకింగ్‌ కామెంట్స్‌.. ఎంతో మంది సంగీత ప్రియుల ఆదరణ పొందిన ‘అంత ఇష్టం ఏందయ్యా..’ సాంగ్‌తో పాటు పలు సన్నివేశాలను చిత్ర బృందం తొలగించిన సంగతి తెలిసిందే. యూట్యూబ్‌లో ఎంతోమందిని ఆకట్టుకున్న తన పాటను తొలగించడంపై నిత్యా మీనన్‌ హర్ట్‌ అయ్యిందని, అందుకే ప్రీరిలీజ్‌ ఈవెంట్‌కు రాలేదని వార్తలు వినిపించగా.. రిలీజ్‌ అనంతరం తన సీన్లను తొలగించడంపై సంయుక్త మీనన్ సైతం చిత్రం బృందంపై కోపంతో ఉన్నట్లు చర్చించుకుంటున్నారు. ఈ నేపథ్యంలో తాజాగా ఈ వార్తలపై స్పందించింది సంయుక్త మీనన్‌. చదవండి: సమంతపై జిమ్‌ ట్రైనర్‌ జునైద్‌ ఆసక్తికర వ్యాఖ్యలు ‘అవును నేను చాలా హర్ట్ అయ్యాననే మాట నిజమే. అయితే నా పాత్ర గురించి కాదు .. దాని నిడివి గురించి కాదు. ఈ సినిమాను రెండోసారి థియేటర్లో చూద్దామనుకుంటే ఇంతవరకూ టిక్కెట్ దొరకలేదు .. అందుకు’ అంటూ చమత్కరించింది. తన కామెంట్స్‌ విన్న నెటిజన్లు సీన్స్‌ తొలగిస్తే ఎవరూ బాధపడకుండా ఉంటారని, కానీ ఆమె నిజం ఒప్పుకోవడం లేదంటూ కామెంట్స్‌ చేస్తున్నారు. ఇక నిత్యా మీనన్‌ మాత్రం తన పాట, సన్నివేశాలను తొలగించడం పట్ల మూవీ యూనిట్‌పై తీవ్ర అసహనంతో ఉందని, అందుకే ఆమె భీమ్లా నాయక్‌ సంబంధించిన ఏ ఈవెంట్‌లోను పాల్గొనడం లేదంటూ సినీ వర్గాలు నుంచి సమాచారం. ఈ మూవీ పవన్‌ కల్యాన్‌ భార్య నిత్యా మీనన్‌ నటించగా.. రానా భార్య సంయుక్తి మీనన్‌ కనిపించింది.

‘సినిమా వాతావరణంలో పుట్టిన నాకు ఏం చేసినా కొత్తగా ఉండాలనుకుంటాను. అందరిలా ఉండకూడదు అనేది నా తత్వం. తెర మీద కొత్తదనం చూడటానికే నేను థియేటరకి వెళ్తాను. థియేటర్‌లో కొత్తగా చూసింది... అంతకంటే కొత్తగా నేను చేయాలనుకుంటా. ఇప్పటి వరకూ అదే దారిలో వెళ్తున్నా.  విభిన్న పాత్రలతో ప్రేక్షకులను మెప్పించాలనే యాక్టర్‌ అయ్యాను’అన్నారు రానా దగ్గుబాటి. పవన్‌ కల్యాణ్, రానా కాంబినేషన్‌లో సాగర్‌ కె.చంద్ర దర్శకత్వంలో సూర్యదేవర నాగవంశీ నిర్మించిన ‘భీమ్లా నాయక్‌’ ఫిబ్రవరి 25న విడుదలైంది. ఈ సందర్భంగా రానా బుధవారం విలేకరులతో మాట్లాడుతూ.. ‘అసలు హీరో అంటే ఏంటి? అనేది ఈ సినిమాతో నేర్చుకున్నా. సినిమాలో మధ్యలో పాటలు, ఫైటులు ఎందుకు అనుకుంటాను. పాటలొస్తే కథ నుంచి బయటకు వచ్చేస్తాను. ఎందుకో వాటికి సింక్‌ అవ్వలేను. మాస్‌ సినిమా చేయాలని అందరూ చెబుతుంటే ఎందుకా అనుకునేవాడిని. అవి సినిమాకు ఎంత అవసరమో భీమ్లా నాయక్‌ చూశాక తెలిసింది. అయ్యప్పనుమ్‌ కోషియుమ్‌ కల్ట్‌ సినిమా. దానిని ఈ తరహాకు మార్పులు చేయాలంటే నటించే హీరోను బట్టే ఉంటుంది. ఈ సినిమాలో నేను చేసిన డ్యాని పాత్ర చూసి నాన్న చాలా సంతృప్తి చెందారు. ఆయన అలా చెప్పడం చాలా అరుదుగా జరుగుతుంది. ‘బాహుబలి’ తర్వాత మళ్లీ ఈ సినిమాకే చాలా గొప్పగా చెప్పారు. ఏదో ఒక రోజు పాటలు, ఫైటులు లేకుండా టాకీతోనే సినిమా తీసి హిట్‌ కొడతా అని మా నాన్నతో చెబుతుంటా. అలాంటి ప్రయత్నం చేస్తా. ఇకపై అవుట్‌ అండ్‌ అవుట్‌ కమర్షియల్‌ సినిమాలు చేస్తాను. సోషల్‌ మీడియాలో దాని గురించే చర్చ నడుస్తోంది. అలాంటి చిత్రాలు చేయాలని నాకూ ఇప్పుడే తెలిసింది’అన్నారు.

పవన్‌ కల్యాణ్‌-రానా దగ్గుబాటి మల్టీస్టారర్‌ చిత్రం భీమ్లా నాయక్‌ వివాదంలో చిక్కుకుంది. ఈ మూవీలోని పలు సన్నివేశాలపై కుమ్మర శాలివాహన సేవా సంఘం రాష్ట్ర అధ్యక్షకులు డాక్టర్‌ మానేపల్లి వీవీఎస్‌ఎన్‌ మూర్తి అభ్యంతరం వ్యక్తం చేశారు. వెంటనే ఆ సన్నివేశాలని తొలిగించాలని ఆయన డిమాండ్‌ చేశారు.  ఈ మేరకు గుంటూరు అర్బన్‌ ఎస్పీ ఆరిఫ్‌ హఫీజ్‌కు ఆయన ఫిర్యాదు చేశారు. వివరాల్లొకి వెళితే.. భీమ్లా నాయక్‌ మూవీలో రానా-పవన్‌ కల్యాణ్‌ల మధ్య చిత్రీకరించిన ఫైటింగ్‌ సీన్‌లో ఓ చోట కుమ్మరులు పవిత్రంగా భావించే సారెను రానా కాలితో తన్నారు. ఇది  తమ వర్గాన్ని అవమానించేలా ఉందని మానేపల్లి వీవీఎస్‌ఎన్‌ మూర్తి మీడియాకు తెలిపారు.  ఈ సందర్భంగా ఆయన మాట్లాడుతూ.. ‘ఈ ఫైటింగ్‌ సన్నివేశంలో రానా కుమ్మరి చక్రాన్ని(సారె) కాలితో తన్ని దానితో పవన్‌పై దాడి చేసినట్లు చూపించారు. మేము  కుమ్మరి చక్రాన్ని ఎంతో పవిత్రంగా భావిస్తాం. అలాంటి సారెను కాలితో తన్నినట్లు చూపించడం మమ్మల్ని కించపరచడమే కాదు.. కుమ్మరుల మనోభావాలను దెబ్బతీసే విధంగా ఉంది’ అని ఆయన అన్నారు. అంతేకాదు ఈ సన్నివేశాన్ని వెంటనే  మూవీ నుంచి తొలిగించేలా చర్యలు తీసుకోవాలన్నారు. ఈ సినిమా హీరోలు పవన్‌ కల్యాణ్‌, రానా, దర్శక-నిర్మాలు సాగర్‌ కే చంద్ర, సూర్య దేవర నాగవంశీలపై చర్యలు తీసుకోవాలని కోరారు. అంతేకాదు కుమ్మర శాలివాహనులను అవమానపరిచిన పవన్‌ కల్యాణ్‌ కుమ్మర శాలివాహనులకు బహిరంగ క్షమాపణ చెప్పాలని డిమాండ్‌ చేశారు. 

‘‘అయ్యారే’కి డైరెక్షన్‌ చేస్తున్నప్పుడు సినిమా తీయాలనే తపన తప్ప నాకు ఇంకేం తెలీదు. ‘అప్పట్లో ఒకడుండేవాడు’కి  పరిచయాలు పెరిగాయి, కొంత అవగాహన వచ్చింది. ఆ సినిమా ఒక అడుగు ముందుకెళ్లేలా చేసింది. ‘భీమ్లా నాయక్‌’ నన్ను మరో మెట్టు ఎక్కించింది. ఈ మూడు సినిమాలు నాకు మంచే చేశాయి’’ అని సాగర్‌ కె. చంద్ర అన్నారు. పవన్‌ కల్యాణ్, రానా కాంబినేషన్‌లో సాగర్‌ కె.చంద్ర దర్శకత్వంలో సూర్యదేవర నాగవంశీ నిర్మించిన ‘భీమ్లా నాయక్‌’ ఫిబ్రవరి 25న విడుదలైంది. ఈ సందర్భంగా సాగర్‌ కె.చంద్ర విలేకరులతో మాట్లాడుతూ.. ‘‘ఫస్ట్‌లాక్‌ డౌన్‌ సమయంలో నిర్మాత నాగవంశీగారు ఫోన్‌ చేసి ‘అయ్యప్పనుమ్‌ కోషియుమ్‌’ చూడమనడంతో చూశా. ఈ సినిమా రీమేక్‌ చేయాలనుకుంటున్నాం.. నీకు ఆసక్తి ఉందా? అనగానే ఓకే చెప్పాను. ఆ తర్వాత త్రివిక్రమ్‌గారితో జర్నీ మొదలైంది. ఆ తర్వాత పవన్‌ కల్యాణ్, రానాగార్లు రావడంతో మరింత ఎగై్జటింగ్‌గా ముందుకెళ్లాం. ఈ సినిమా వల్ల వచ్చిన పేరు, గుర్తింపుతో హ్యాపీ. ‘భీమ్లానాయక్‌’ని త్వరలో హిందీలోనూ రిలీజ్‌ చేయడానికి సన్నాహాలు చేస్తున్నారు. నా తర్వాతి సినిమా రీమేక్‌ కాకుండా స్ట్రైట్‌ మూవీ చేస్తా.‘భీమ్లానాయక్‌’ కి ముందు వరుణ్‌ తేజ్‌తో 14రీల్స్‌ ప్లస్‌ బ్యానర్‌లో ఓ సినిమా ప్రక టించారు. బడ్జెట్‌ అనుకున్నదానికంటే ఎక్కువ అవడంతో ఆగింది.. ఆ కథతోనే సినిమా చేస్తానా? కొత్త కథతోనా? చూడాలి’’ అన్నారు. 

సాక్షి, అమరావతి: రాష్ట్రంలో ఎవరి సినిమాకైనా సీఎం వైఎస్‌ జగన్‌మోహన్‌రెడ్డి ఒకే విధానాన్ని అమలు చేస్తారని పౌరసరఫరాల శాఖ మంత్రి కొడాలి వెంకటేశ్వరరావు(నాని) స్పష్టం చేశారు. సీఎం జగ న్‌ మిత్రుడు నాగార్జున నటించిన బంగార్రాజు, పుష్ప, అఖండ సినిమాలకు వర్తింపజేసిన నిబంధనలనే భీమ్లా నాయక్‌కు అమలు చేస్తున్నామన్నారు. చంద్రబాబు, రామోజీరావు, లింగమనేని రమేష్‌ లాంటి తోడేళ్ల ఉచ్చులో ఇరుక్కుని చిరంజీవిని త క్కువ చేసేలా వ్యవహరించవద్దని పవన్‌ కల్యాణ్‌కు హితవు పలికారు. గత ఎన్నికల్లో ఒంటరిగా పోటీ చేసిన వైఎస్‌ జగన్‌మోహన్‌రెడ్డి 50 శాతానికిపైగా ఓ ట్లతో 151 శాసనసభ, 22 లోక్‌సభ స్థానాలను సా ధించారని, 2024లోనూ ఒంటరిగానే బరిలోకి దిగి రికార్డు విజయాన్ని సాధిస్తారని స్పష్టం చేశారు. ఆదివారం తాడేపల్లిలోని వైఎస్సార్‌సీపీ కేంద్ర కార్యాలయంలో కొడాలి నాని  మాట్లాడారు.  జనం జేబులు గుల్ల సినిమా టికెట్ల ధరలను ఇష్టానుసారంగా పెంచి విక్రయిస్తుంటే చంద్రబాబు హయాంలో కమిటీని నియమించకుండా కళ్లు మూసుకుని కూర్చున్నారు. ఫిబ్రవరి 23న జీవో ఇస్తామని, పవన్‌ సినిమా విడుదల చేసుకోవాలని మేం చెప్పలేదు. సీఎం జగన్‌ సినీ పరిశ్రమ బాగుండాలని కోరుకుంటారు. భీమ్లా నాయక్‌ సినిమాను తొక్కేస్తున్నారంటూ చంద్రబాబు, ఓ వర్గం మీడియా చేస్తున్న ప్రచారంలో నిజం లేదు. వివాదాలకు తావు లేకుండా జీవో ఇవ్వాలని ప్రభుత్వం భావిస్తోంది. మంత్రి గౌతమ్‌రెడ్డి హఠాన్మరణంతో కొంత ఆలస్యమవుతోంది. పవన్‌ కళ్యాణ్‌కు ఇప్పటికే రెమ్యూనరేషన్‌ అందింది. సినిమా వల్ల నష్టపోతే ప్రొడ్యూసర్, డిస్ట్రిబ్యూటర్లే నష్టపోతారు. బ్లాక్‌లో టికెట్ల విక్రయాలు, ప్రజలను లూటీ చేయడాన్ని ఒప్పుకోం.   నమ్మితే మళ్లీ మోసగిస్తారు...  చంద్రబాబు సీఎం కావాలని ఆరాటపడే కొందరు వ్యక్తులు పవన్‌ కళ్యాణ్‌ శ్రేయోభిలాషులుగా నటిస్తూ తప్పుదోవ పట్టిస్తున్నారు. వారిని నమ్ముకుని ముందుకు పోతే 2024లో కూడా చంద్రబాబు మోసం చేస్తారు. మీరు ఓడిపోయే 25 లేదంటే 30 సీట్లు ఇస్తారు. చంద్రబాబును నమ్ముకుంటే కుక్కతోక పట్టుకుని గోదారి ఈదినట్లే. ఎన్టీఆర్‌ వారసులను తొక్కేశారు. స్వార్థ రాజకీయాల కోసం వాడుకుని వదిలేశారు. చిరంజీవిని సీఎం జగన్‌ గౌరవించారు..  చిరంజీవి తన ఇంట్లో పనివాళ్లు మొదలుకుని పరిశ్రమలో అందరినీ గౌరవిస్తారు. చివరకు తన తమ్ముడు పవన్‌ కళ్యాణ్‌ వచ్చినా లేచి రిసీవ్‌ చేసుకుంటారు. ఆయన్ను సీఎం జగన్‌ అవమానించినట్లు ఓ వర్గం మీడియా దుష్ప్రచారం చేస్తోంది. సీఎం జగన్‌కు తన అన్న చిరంజీవి వంగి వంగి నమస్కారం పెట్టారని పవన్‌ కళ్యాణ్‌ అనడం హేయం. సీఎం జగన్‌ ఇంటి గుమ్మం వద్ద నిలుచుని చిరంజీవిని సాదరంగా ఆహ్వానించారు. చిరంజీవితో కలసి భోజనం చేశారు. భారతమ్మ స్వయంగా వడ్డించారని చిరంజీవే చెప్పారు. చంద్రబాబు లాంటి తోడేళ్ల మాయలో పడి చిరంజీవిని తక్కువ చేయొద్దు.   చిక్కుకున్న విద్యార్థులకు శుభాకాంక్షలా?  చంద్రబాబు ఓ 420.. సీపీఐ నారాయణ ఓ వింత జంతువు. వైఎస్‌ వివేకా హత్యలో సీఎం జగన్‌ కుటుంబం ప్రమేయముందని నోటికొచ్చినట్లు మాట్లాడుతున్నారు. ఉక్రెయిన్‌లో చిక్కుకుని అవస్థలు ఎదుర్కొంటున్న విద్యార్థులకు చంద్రబాబు శుభాకాంక్షలు చెప్పడం ఆయన మతిస్థిమితం కోల్పోయారనేందుకు నిదర్శనం. భారతి సిమెంట్‌.. హెరిటేజ్‌పై చర్చకు సిద్ధమా? సాగునీటి ప్రాజెక్టులు, పేదల ఇళ్లు, నాడు–నేడు ద్వారా పాఠశాలలు, ఆసుపత్రుల ఆధునికీకరణ తదితరాలకు రూ.235కే బ్యాగ్‌ చొప్పున కొన్ని లక్షల టన్నులను భారతి సిమెంట్‌ సంస్థ సరఫరా చేసింది. చంద్రబాబు ఏ రోజైనా హెరిటేజ్‌ ద్వారా ఒక్క రూపాయైనా తక్కువకు సరఫరా చేశారా? చంద్రన్న కానుక పేరుతో నాసిరకం నెయ్యిని అంటగట్టి కమీషన్లు వసూలు చేసుకున్న ఘనత ఆయనదే. ఈ అంశంపై చర్చకు సిద్ధమా? రాష్ట్రంలో బీజేపీ నేతలు టీడీపీ బీ–టీమ్‌లా వ్యవహరిస్తున్నారు. 

సాక్షి, విజయవాడ: భీమ్లా నాయక్‌ అట్టర్‌ ఫ్లాప్‌ అయ్యిందని.. వైఫల్యాన్ని ప్రభుత్వంపై రుద్దేందుకే చంద్రబాబు, పవన్‌కల్యాణ్‌ డ్రామాలాడుతున్నారని రాష్ట్ర దేవాదాయ శాఖ మంత్రి వెల్లంపల్లి శ్రీనివాస్ మండిపడ్డారు. ఆదివారం ఆయన మీడియాతో మాట్లాడుతూ, బ్లాక్‌ టికెట్లు అమ్ముకుని కొంతైనా బయటపడాలని చూస్తున్నారన్నారు. అఖండ సినిమా టైంలో ఉన్న జీవోనే ఇప్పటికీ అమల్లో ఉందన్నారు. ఫ్లాప్‌ సినిమాకు చంద్రబాబు మార్కెటింగ్‌ చేస్తున్నారని మంత్రి వెల్లంపల్లి శ్రీనివాస్‌ ఎద్దేవా చేశారు. చదవండి: అలాంటి వ్యక్తిని సొంత తమ్ముడే అవమానిస్తాడా?’

సాక్షి, అమరావతి: ముఖ్యమంత్రి వైఎస్‌ జగన్‌మోహన్‌రెడ్డిపై ఎల్లో మీడియా దుష్ప్రచారం చేస్తోందని రాష్ట్ర పౌరసరఫరాల శాఖ మంత్రి కొడాలి నాని మండిపడ్డారు. ఆదివారం ఆయన తాడేపల్లిలోని వైఎస్సార్‌సీపీ కేంద్ర కార్యాలయంలో మీడియా సమావేశంలో మాట్లాడుతూ, భీమ్లా నాయక్‌ సినిమాను తొక్కేశారంటూ తప్పుడు ప్రచారం చేస్తున్నారని నిప్పులు చెరిగారు. రాష్ట్రంలో 151  సీట్లు గెలిచి అధికారంలోకి వచ్చిన సీఎం జగన్‌.. ప్రజా సంక్షేమం కోసమే పనిచేస్తున్నారన్నారు. కుల, మత విద్వేషాలను రెచ్చగొట్టేందుకు చంద్రబాబు ప్రయత్నిస్తున్నారని దుయ్యబట్టారు. చదవండి: నేను రాను.. మీరు వెళ్లండి ‘‘భీమ్లా నాయక్‌ సినిమాకు కొత్తగా ఏమీ షరతులు పెట్టలేదు. పుష్ప, అఖండ సినిమాలకు కూడా ఇవే నిబంధనలు ఉన్నాయి. ఎవరి సినిమా అయినా ప్రభుత్వానికి ఒక్కటే. బ్లాక్‌టిక్కెట్ల పేరుతో దోచుకుందాము అనుకుంటే కుదరదు. సినిమాకో నిబంధనలు విధించే ప్రభుత్వం మాది కాదు. సీఎం జగన్‌ ప్రజల కోసం ఆలోచించే వ్యక్తి అని’’ కొడాలి నాని అన్నారు. చంద్రబాబు కోసం ఎల్లో మీడియా.. సీఎం వైఎస్‌ జగన్‌పై విష ప్రచారం చేస్తోంది. టిక్కెట్‌ ధరలకు సంబంధించి తుది నిర్ణయం తీసుకుంటామని మంత్రి కొడాలి నాని అన్నారు. ‘‘చిరంజీవిని సీఎం జగన్‌ ఎంతో గౌరవిస్తారు. చిరంజీవిని కుటుంబ సమేతంగా ఆహ్వానించింది గుర్తులేదా. పరిశ్రమ సమస్యలపై చర్చించేందుకు సీఎం.. చిరంజీవిని ఆహ్వానించారు. సీఎం జగన్‌ దగ్గర చిరంజీవి విన్నపాన్ని ఉద్దేశించి పవన్‌ వ్యాఖ్యలు సరికావు. పిల్లల్లో పిల్లాడిగా, పెద్దల్లో పెద్దవాడి ఉంటారు చిరంజీవి. అలాంటి వ్యక్తిని చంద్రబాబు కోసం సొంత తమ్ముడే అవమానిస్తాడా?. చంద్రబాబు ఉచ్చులో పడొద్దని పవన్‌కల్యాణ్‌ను కోరుతున్నా. సీఎం జగన్‌పై ఇష్టమొచ్చినట్లు మాట్లాడితే సహించం. ప్రజల ఆశీస్సులతో 2024లోనూ జగన్‌ సీఎం అవుతారు. వ్యక్తులను వాడుకుని వదిలేయడంలో చంద్రబాబు దిట్ట. బాబు ఉచ్చులో పడి చిరంజీవిని అవమానించొద్దని పవన్‌కు చెబుతున్నా. సీపీఐ నారాయణ పనికిమాలిన విమర్శలు చేస్తున్నారని’’ మంత్రి మండిపడ్డారు. ‘‘ఎన్టీఆర్‌ వారసులను తొక్కేయాలని చూసింది చంద్రబాబే. మళ్లీ ఎన్నికల కోసం ఎన్టీఆర్‌ వారసులనే వాడుకున్నారు. భారతీ సిమెంట్‌పై చంద్రబాబుతో చర్చకు సిద్ధం. మీ హెరిటేజ్‌ గురించి చర్చించేందుకు మీరు సిద్ధమా’’ అంటూ మంత్రి కొడాలి నాని సవాల్‌ విసిరారు.

Bheemla Nayak Success meet: ‘‘మలయాళ ‘అయ్యప్పనుమ్‌ కోషియుమ్‌’లో కథ కోషి (తెలుగులో రానా చేసిన పాత్ర) వైపు నుంచి చెప్పబడింది. ఈ కథను తెలుగులో భీమ్లా నాయక్‌ వైపు తీసుకురావడానికి ఎలా బ్యాలెన్స్‌ చేయాలన్నది ఈ సినిమా రీమేక్‌ అనుకున్నప్పుడు మాకు ఎదురైన తొలి సవాల్‌. కథను ఎలా మార్చాలనే విషయంపై చాలా చర్చించాం’’ అని త్రివిక్రమ్‌ అన్నారు. పవన్‌ కల్యాణ్‌–రానా కాంబినేషన్‌లో సాగర్‌.కె చంద్ర దర్శకత్వంలో తెరకెక్కిన చిత్రం ‘భీమ్లా నాయక్‌’. సూర్యదేవర నాగవంశీ నిర్మించిన ఈ సినిమా శుక్రవారం విడుదలైంది. ఈ సందర్భంగా శనివారం హైదరాబాద్‌లో పవర్‌ఫుల్‌ సక్సెస్‌ మీట్‌ నిర్వహించారు. ఈ చిత్రానికి మాటలు, స్క్రీన్‌ప్లే అందించిన త్రివిక్రమ్‌ మాట్లాడుతూ– ‘‘కోవిడ్‌ సమయంలో పవన్, రానా భయం లేకుండా జనాల మధ్య రిస్క్‌ చేసి పనిచేశారు. 600 మందితో సాంగ్‌ షూట్‌ చేయడం సాధారణ విషయం కాదు. మూడు రోజుల్లో గణేశ్‌ మాస్టర్‌ ఈ పాటను పూర్తి చేశాడు’’ అన్నారు. ‘‘భీమ్లా నాయక్‌’ సక్సెస్‌ రీసౌండ్‌కి కారణం త్రివిక్రమ్‌గారి ఆలోచనే’’ అన్నారు సాగర్‌ కె. చంద్ర. పాటల రచయితలు రామజోగయ్య శాస్త్రి, కాసర్లశ్యామ్‌ తదితరులు మాట్లాడారు. 

టైటిల్‌ : భీమ్లా నాయక్‌ నటీనటులు : పవన్‌ కల్యాణ్‌, రానా, నిత్యా మీనన్‌,సంయుక్త మీనన్‌, మురళీ శర్మ తదితరులు  నిర్మాణ సంస్థ : సితార ఎంటర్టైన్మెంట్స్  నిర్మాత: సూర్యదేవర నాగవంశీ దర్శకత్వం :సాగర్‌ కె చంద్ర సంగీతం : తమన్‌ సినిమాటోగ్రఫీ : రవి కె. చంద్రన్‌ ఎడిటర్‌: నవీన్‌ నూలి విడుదల తేది : ఫిబ్రవరి 25, 2022 ‘వకీల్‌ సాబ్‌’ మూవీ తర్వాత పవన్‌ కల్యాణ్‌ నటించిన తాజా చిత్రం ‘భీమ్లా నాయక్‌’. మరో కీలక పాత్రలో యంగ్‌ హీరో రానా నటించారు. ఈ చిత్రానికి సాగర్ కె చంద్ర దర్శకత్వం వహించగా.. మాటల మాంత్రికుడు త్రివిక్రమ్ శ్రీనివాస్ డైలాగ్స్‌, స్క్రీన్‌ ప్లే అందించారు. మలయాళంలో ఘన విజయం సాధించిన అయ్యప్పనుమ్‌ కొషియుమ్‌ మూవీకి రీమేక్‌గా తెరకెక్కిన ఈ చిత్రంలో నిత్యా మీనన్‌, సంయుక్త మీనన్ లు హీరోయిన్లుగా నటించారు. కరోనా కారణంగా పలుమార్లు వాయిదా పడిన ఈ చిత్రం.. ఎట్టకేలకు ఈ శుక్రవారం(ఫిబ్రవరి 25) ప్రేక్షకుల ముందుకు వచ్చింది. మరి ఈ చిత్రం ప్రేక్షకులను ఏ మేరకు ఆకట్టుకుంది? రివ్యూలో చూద్దాం.   భీమ్లా నాయక్‌ కథేంటంటే..? భీమ్లా నాయక్‌(పవన్‌ కల్యాణ్‌).. కర్నూలు జిలా హఠకేశ్వర్‌ మండలం పోలీస్టేషన్‌లో నిజాయితిపరుడైన ఎస్సై. డేనియల్‌ శేఖర్‌ ఓ రిటైర్డ్‌ ఆర్మీ ఆఫీసర్‌. అతని తండ్రి(సముద్ర ఖని) వరంగల్‌  మాజీ ఎంపీ. రాజకీయ పలుకుబడి ఉన్న డేనియల్‌ శేఖర్‌ ఓ రోజు రాత్రి పీకల దాకా తాగి, అడవి గుండా వెళ్తూ మద్యం బాటిళ్లతో పోలీసులకు చిక్కుతాడు. ఈ సందర్భంగా డేనియల్‌కు, పోలీసుకు వాగ్వాదం జరుగుంది. పోలీసులపై దాడి చేసిన డేనియల్‌ను అక్కడే విధులు నిర్వహిస్తున్న భీమ్లా నాయక్‌ అరెస్ట్‌ చేస్తాడు. దీంతో డేనియల్‌ అహం దెబ్బతింటుంది. తనను అరెస్ట్‌ చేసిన భీమ్లా నాయక్‌ని ఎలాగైనా దెబ్బ కొట్టాలని భావిస్తాడు. ఆయన చేసిన కుట్రలో భాగంగా భీమ్లా నాయక్‌ ఉద్యోగం పోతుంది. అంతేకాదు అతని భార్య సుగుణ(నిత్యా మీనన్‌) కూడా అరెస్ట్‌ కావాల్సి వస్తోంది. అసలు భీమ్లా నాయక్‌ ఉద్యోగం ఎందుకు పోయింది? తన ప్రతీకారం తీర్చుకునే క్రమంలో డేనియల్‌ శేఖర్‌ ఎలాంటి తప్పులు చేశాడు? సస్పెండ్‌ అయిన తర్వాత భీమ్లా నాయక్‌ ఎలాంటి నిర్ణయాలు తీసుకున్నాడు? అహంకారి అయిన మాజీ సైనికాధికారికి, ఆత్మ గౌరవం ఉన్న పోలీసు అధికారికి మధ్య జరిగిన పోరులో ఎవరు విజయం సాధించారు? భీమ్లా నాయక్‌ నుంచి డేనియల్‌ శేఖర్‌ని ఆయన భార్య (సంయుక్త మీనన్‌)ఎలా రక్షించుకుంది? అనేదే మిగతా కథ. ఎవరెలా చేశారంటే..? నిజాయితీపరుడైన ఎస్సై భీమ్లా నాయక్‌ పాత్రలో పవన్‌ ఒదిగిపోయాడు. ఇక బాగా పొగరు ఉన్న రాజకీయ నేత, రిటైర్డ్‌ ఆర్మీ అధికారి డేనియల్‌ శేఖర్‌గా రానా అద్భుత నటనను కనబరిచాడు. రాజకీయ అండదండలు ఉన్న వ్యక్తి ఏవిధంగా అయితే యాటిట్యూడ్‌ చూపిస్తాడో.. అచ్చం అలానే రానా తెరపై కనిపించాడు. ఈగో దెబ్బతింటే.. ఎంతకైనా తెగించే పాత్ర తనది. ప్రతి సీన్‌లో పవన్‌ కల్యాణ్‌తో పోటాపోటీగా నటించాడు. ఇక భీమ్లా నాయక్‌ భార్య సుగుణ పాత్రలో నిత్యా మీనన్‌ పరకాయ ప్రవేశం చేసింది. మాతృకతో పోలిస్తే.. ఇందులో సుగుణ పాత్రకు స్క్రీన్‌ స్పెస్‌ ఎక్కువ. అంతేకాదు కొన్ని కీలక సన్నివేశాలు కూడా ఆమె పాత్రకు అతికించారు. డేనియల్‌ శేకర్‌ భార్యగా సంయుక్త మీనన్‌ పర్వాలేదనిపించింది. సీఐ కోదండరాంగా మురళీ శర్మ, బార్‌ ఓనర్‌ నాగరాజుగా రావు రమేశ్‌, డేనియల్‌ శేఖర్‌ తండ్రి, మాజీ ఎంపీగా సముద్ర ఖని తదితరులు తమ పాత్రల పరిధిమేర నటించారు.  ఎలా ఉందంటే..? మలయాళం బ్లాక్‌ బస్టర్‌ మూవీ ‘అయ్యప్పనుమ్‌ కొషియుమ్‌’ రీమేక్‌ మూవీయే ‘భీమ్లా నాయక్‌’. ఇద్దరు బలమైన వ్యక్తుల అహం దెబ్బ తింటే ఎలాంటి పరిణామాలు చోటు చేసుకుంటాయనేదే ‘అయ్యప్పనుమ్‌ కొషియుమ్‌’మూవీ స్టోరీ. ఇదే కథను తీసుకొని, కొన్ని మార్పులు చేసి ‘భీమ్లా నాయక్‌’ చిత్రాన్ని తెరకెక్కించారు. అయితే వాటిలో కొన్ని సినిమాకు అనుకూలంగా మారగా, కొన్ని ప్రతికూలంగా మారాయి. ముఖ్యంగా కొన్ని యాక్షన్స్‌ సీన్స్‌ అయితే అతిగా అనిపిస్తాయి. అలాగే సెకండాఫ్‌లో వచ్చే ప్లాష్‌ బ్యాక్‌ స్టోరీ అతికించినట్లుగా అనిపిస్తుంది. మాతృకలో మాదిరే పవన్‌, రానా పాత్రలను పరిచయం చేసిన దర్శకుడు.. వారి నేపథ్యాన్ని మాత్రం మరింత బలంగా చూపించారు. తండాకు సంబంధించిన సీన్స్‌, హీరో ప్లాష్‌బ్యాక్‌ సీన్స్‌..మాతృకలో ఉండవు. రావు రమేశ్‌ కామెడీ పంచులు, నిత్యామీనన్‌ సరదా సన్నివేశాలతో ఫస్టాఫ్‌ అంతా ఫీల్‌గుడ్‌గా సాగుతుంది. భీమ్లా నాయక్‌ సస్పెండ్‌తో ఫస్టాఫ్‌ ముగుస్తుంది. ఇక సెకండాఫ్‌లో ఓరిజినల్‌ కథలో చాలా మార్పులు చేశారు. పవన్‌, రానాల మధ్య వచ్చే ప్రతి సన్నివేశం ఆసక్తికరంగా ఉంటుంది. ఇరువురి మధ్య వచ్చే డైలాగ్స్‌ కూడా ఆకట్టుకుంటాయి. అదేసమయంలో కొన్ని యాక్షన్‌ సీన్స్‌లో డోస్‌ ఎక్కువైందనే ఫీలింగ్‌ కలుగుతోంది. క్లైమాక్స్‌లో వచ్చే యాక్షన్‌ సీన్‌ అయితే కాస్త సిల్లీగా అనిపించినా.. ట్విస్ట్‌ మాత్రం ఆకట్టుకుంటుంది. త్రివిక్రమ్‌ డైలాగ్స్‌, స్క్రీన్‌ ప్లే బాగుంది. ఈ సినిమాకు మరో ప్రధాన బలం తమన్‌ సంగీతం. పాటలతో పాటు చక్కటి నేపథ్య సంగీతాన్ని అందించాడు. రవి కె. చంద్రన్‌ సినిమాటోగ్రఫి బాగుంది. అడవి అందాలను తెరపై చక్కగా చూపించాడు. నవీన్‌ నూలి ఎడిటింగ్‌ క్రిస్పీగా ఉంది. నిర్మాణ విలువలు సినిమా స్థాయికి తగినట్లుగా ఉన్నాయి. 

Bheemla Nayak Movie Twitter Review: పవర్‌ స్టార్‌ పవన్‌ కల్యాణ్‌, రానా దగ్గబాటి హీరోలుగా సాగర్‌ కె. చంద్ర దర్శకత్వంలో రూపొందిన చిత్రం ‘భీమ్లా నాయక్‌’.మలయాళం మూవీ అయ్యప్పనుమ్‌ కొషియుమ్‌ రీమేక్‌గా తెరకెక్కిన ఈ చిత్రానికి  మాటల మాంత్రికుడు త్రివిక్రమ్‌ శ్రీనివాస్‌ ఈ సినిమాకు డైలాగ్స్, స్క్రీన్‌ ప్లే అందించారు. మలయాళంలో పృథ్వీ రాజ్ సుకుమారన్, బిజూ మీనన్ చేసిన పాత్రలను తెలుగులో పవన్ కళ్యాన్, రానా చేశారు. మాతృకతో పోలిస్తే ఈ సినిమాలో పవన్‌  కల్యాణ్‌ ఇమేజ్‌కి తగినట్లుగా చాలా మార్పులు చేశారు. అహంకారి అయిన సైనికాధికారికి, ఆత్మ గౌరవం ఉన్న పోలీసు అధికారికి మధ్య జరిగిన స్టోరీనే ‘భీమ్లా నాయక్‌’. ఇప్పటికే విడుదలైన పోస్టర్లు,పాటలు, ట్రైలర్‌ సినిమాపై భారీ హైప్ క్రియేట్‌ చేశాయి.భారీ అంచనాల మధ్య శుక్రవారం (ఫిబ్రవరి 25)‘భీమ్లా నాయక్‌’ ప్రేక్షకుల ముందుకు వచ్చింది. ఇప్పటికే  పలు చోట్ల ప్రీమియర్‌ షోస్‌ పడడంతో ఈ సినిమాను చూసిన ప్రేక్షకులు సోషల్ మీడియా వేదికగా తమ అభిప్రాయాలను తెలుపుతున్నారు.‘భీమ్లా నాయక్‌ ’కథేంటి? పవన్‌, రానా నటన ఎలా ఉంది? ఈ మూవీ ఏ మేరకు ప్రేక్షకులను ఆకట్టుకుంటోంది...తదితర విషయాలను ట్విటర్‌ వేదికగా చర్చిస్తున్నారు. అవేంటో చూద్దాం.  One word Review of #BheemlaNayak Trivikram + Teddy 🔥🔥🔥 Ah Dialogues uu ah BGM uuu ..... !! Mana Powerstar ki HIT vachindhi royi — SVP🔔 (@Uuudhay1882) February 25, 2022 ‘భీమ్లా నాయక్‌’గా పవన్‌ నటన బాగుందని నెటిజన్స్‌ కామెంట్‌ చేస్తున్నారు. త్రివిక్రమ్‌ డైలాగ్స్‌, స్క్రీన్‌ప్లే బాగుందని చెబుతున్నారు. ఫస్టాఫ్‌ బాగుందని, సెకండాఫ్‌ కాస్త నెమ్మదిగా సాగుతుందని కామెంట్‌ చేస్తున్నారు. క్లైమాక్స్‌ అంతగా బాలేదని కొంతమంది కామెంట్‌ చేస్తుండగా, చివరి 30 నిమిషాలు అదిరిపోయిందని చెబుతున్నారు. First half over ,Mark my words guys, No one can such high like Pawan. So far the best of Pawan . #BheemlaNaayak #BheemlaNayakMania Fan in you never allow you to sit. Every scene is excellent. @MusicThaman Thanks for the music . 🔥 — krishna chandaka (@kmnaidu) February 25, 2022 #OneWordReview#BheemlaNayak “ఎంటర్‌టైనర్” ఇది పూర్తి ఎంటర్‌టైనర్ ప్యాకేజీ, లేదా మీరు చెప్పగలరు, పూర్తి #PawanKalyan షో. వెళ్లి ఆనందించండి 3.5 ⭐ /5 — MB or AA CULTS🔔 (@SVP61633780) February 25, 2022 Blockbuster report from all over world wide ilanti talk vini enni years ayindo 💥💥💥#BheemlaNayakMania — Thirupal (@ThalariThirupal) February 24, 2022 #BheemlaNayak 1st half was ok but 2 awaited songs were spoiled 2nd half a changed flashback works in favor to movie but climax twist spoils Essense of egotistical characteristics in PK missing. But Rana brought it out good Screenplay is good by Trivi. Bgm is ok @MusicThaman — Anna Yaaru 🐯🌊 (@EV9999_Tarak) February 25, 2022 Completed 1st half Good 1st half. Bgm 🥵🔥 Songs🔥 Dailogues🔥🥵🥵🥵#BheemlaNayakEuphoria #BheemlaNayak pic.twitter.com/s07pwvVUwW — Yash SP (@SPYaswanth) February 25, 2022 #BheemlaNayakReview 🔥 pure mass stuff 🤟 bomma blockbuster roii💯 Final verdict - PANDAGA mundhe ochesindi🙌 #BheemlaNayakOn25thFeb #BheemlaNayakMania #BheemlaNayakOnFeb25th pic.twitter.com/xEoalKEtwg — Nani Naanna (@naanna_nani) February 25, 2022 #BheemlaNayak Good first half Lala song and BGM @MusicThaman 👌👌👌 @RanaDaggubati attitude Alladinchav bro PK fans ki feast title song Picturization bale — KiRRRan Sai NTRRR (@kiransai413) February 25, 2022 Hard core fans eee cinema ni digest chesukoleka potunaru ….below average 🎥but Rana did well #BheemlaNayak pic.twitter.com/LTOF88XAlA — Vinay-Balayya -Tarak 🥁 (@VinayKu54989477) February 25, 2022

పవన్‌ కల్యాణ్‌, రానా దగ్గుబాటి మల్టీస్టారర్లుగా నటించిన చిత్రం 'భీమ్లా నాయక్‌'. రేపు(ఫిబ్రవరి 25)న ఈ సినిమా రిలీజ్‌ కానుంది. ఈ నేపథ్యంలో హైదరాబాద్‌లో నిర్వహించిన ప్రీ రిలీజ్‌ ఈవెంట్‌ విజయవంతం అయ్యింది. అయితే ఈవెంట్‌ మొత్తంలో డైరెక్టర్‌ త్రివిక్రమ్‌ శ్రీనివాస్‌ స్పీచ్‌ లేకపోవడం ఇప్పుడు హాట్‌టాపిక్‌గా మారింది. అసలు ఆయన ఫంక్షన్‌కి వచ్చారా లేదా అన్న సందేహం కూడా ఫ్యాన్స్‌లో మిగిలిపోయింది. పవన్‌ సినిమా ఫంక్షన్‌కు అన్నీ తానై ముందుండి నడిపించే త్రివిక్రమ్‌ ఈ సినిమా విషయంలో మాత్రం బ్యాక్‌ స్టేజ్‌కే ఎందుకు పరిమితం అయ్యారన్నది ఇప్పడు చర్చనీయాంశమైంది. దీనికి పలు కారణాలు వినిపిస్తున్నాయి. రీసెంట్‌గా సోషల్‌ మీడియాలో లీక్‌ అయిన బండ్ల గణేష్‌ ఆడియో కాల్‌తో త్రివిక్రమ్‌ అప్‌సెట్‌ అయ్యారని, దీనివల్లే త్రివిక్రమ్ ప్రీరిలీజ్ ఈవెంట్‌లో మాట్లాడలేదని టాక్‌ వినిపిస్తోంది. మరోవైపు ఈ సినిమా మొదలు పెట్టినప్పటి నుంచి త్రివిక్రమ్‌ పేరే హైలైట్‌ అవుతూ వచ్చింది. నిజానికి యంగ్ ఫిల్మ్ మేకర్ సాగర్ కే  చంద్ర ఈ సినిమాకు దర్శకత్వం వహించాడు. కానీ సోషల్‌ మీడియాలోనూ త్రివిక్రమ్‌ పేరు ఎక్కువగా వినిపిస్తుండటంతో ఈవెంట్‌లో ఎలాంటి హడావిడి లేకుండా కావాలనే బ్యాక్‌ స్టేజ్‌కి పరిమితం అయ్యారని టాలీవుడ్‌ సర్కిల్లో చక్కర్లు కొడుతుంది. చదవండి: త్రివిక్రమ్‌పై సంచలన వ్యాఖ్యలు.. ఆడియో లీక్‌పై స్పందించిన బండ్లగణేష్‌