‘దేశాభివృద్ధి, ప్రజా శ్రేయస్సే బీజేపీ లక్ష్యం. ఇందుకనుగుణంగానే కేంద్రంలోని నరేంద్రమోదీ ప్రభుత్వం పనిచేస్తోంది. పదేళ్ల పాలనలో భారత్‌ను విశ్వగురుగా నిలిపారు. దేశ భవిష్యత్‌ కోసం కేంద్రం తీసుకున్న విప్లవాత్మక నిర్ణయాలు, అమలు చేసిన పలు కార్యక్రమాలు ప్రజల్లో చైతన్యం నింపడమే కాకుండా.. మోదీపై అభిమానం మరింత పెరిగేలా చేశాయి. ప్రజల కోసమే పనిచేస్తాననే మహబూబ్‌నగర్‌ ప్రజల నమ్మకమే నన్ను విజయతీరాలకు చేరుస్తుంది. లోక్‌సభ ఎన్నికల్లో దేశంలో మోదీ, పాలమూరులో అరుణమ్మ గ్యారంటీ.’ అని బీజేపీ మహబూబ్‌నగర్‌ ఎంపీ అభ్యర్థి డీకే అరుణ ధీమా వ్యక్తం చేశారు. ‘బీజేపీకిప్రధానమంత్రి అభ్యర్థి మోదీ ఉన్నారు.. కాంగ్రెస్‌కు ప్రధానమంత్రి అభ్యర్థి ఎవరు? ఇప్పట్లో కేంద్రంలో ఆ పార్టీ వచ్చే అవకాశమే లేదు.’ అని విమర్శలు గుప్పించారు. పార్లమెంట్‌ ఎన్నికల నేపథ్యంలో ‘సాక్షి’ ఇంటర్వ్యూలో డీకే అరుణ చెప్పిన వివరాలు ఆమె మాటల్లోనే.. – సాక్షి ప్రతినిధి, మహబూబ్‌నగర్‌

మహబూబ్‌నగర్‌ న్యూటౌన్‌: లోక్‌సభ ఎన్నికలను పురస్కరించుకొని మహబూబ్‌నగర్‌ పార్లమెంట్‌ నియోజకవర్గం నుంచి పోటీ చేస్తున్న అభ్యర్థుల ఖర్చుల వివరాలను మూడో విడత తనిఖీలో భాగంగా వ్యయ పరిశీలకులు వరుణ్‌ రంగస్వామి తనిఖీ చేశారు. గురువారం కలెక్టరేట్‌లో అభ్యర్థుల ఖర్చుల వివరాలపై ఎన్నికల వ్యయ పరిశీలకులు, నోడల్‌ టీం, 7 అసెంబ్లీ నియోజకవర్గాలు, సహాయ వ్యయ అధికారులతో అభ్యర్థుల వ్యయ ఏజెంట్లు, బ్యాంక్‌ అకౌంట్‌ పాస్‌ పుస్తకం, బ్యాంక్‌ స్టేట్‌మెంట్లు, ఎన్నికల వ్యయ చెల్లింపులు, ఓచర్లు, ఏ, బీ, సీ వ్యయ రిజిష్టర్లను క్షుణ్ణంగా పరిశీలించారు.

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో గురువారం చేపట్టిన క్యాంపస్‌ సెలక్షన్స్‌లో 34 మంది ఎంపికయ్యారు. ఈ మేరకు అన్నపూర్ణ ఫైనాన్స్‌ ఆధ్వర్యంలో సెలక్షన్స్‌ చేపట్టగా అందులో ఎంబీఏ, ఎంకాం విద్యార్థులు పాల్గొన్నారు. అనంతరం ఏర్పాటు చేసిన కార్యక్రమంలో ప్లేస్‌మెంట్‌ అధికారి అర్జున్‌కుమార్‌ మాట్లాడుతూ పీయూ విద్యార్థులు అన్ని సెలక్షన్స్‌లో పూర్తిస్థాయి ప్రతిభ కనబరుస్తున్నారని చెప్పారు. ఎంపికల్లో ఒకేసారి 34 మంది ఉద్యోగాలు సాధించడం గొప్ప విషయం అని, ఎంపికై న వారికి త్వరలోనే వీసీ సమక్షలో అపాయింట్‌మెంట్‌ లెటర్స్‌ ఇస్తామన్నారు. కార్యక్రమంలో ప్రిన్సిపాల్‌ చంద్రకిరణ్‌, సంస్థ ప్రతినిధులు తదితరులు పాల్గొన్నారు.

ఆర్టికల్‌ 370 రద్దు, అయోధ్యలో రామమందిర నిర్మాణం, బలరాముడి విగ్రహ ప్రతిష్ఠాపన, కోవిడ్‌ మహమ్మారి కట్టడికి తీసుకున్న చర్యలు, విదేశాలకు సైతం కరోనా వ్యాక్సిన్లు అందజేయడం, భారత్‌లో జీ–20 సదస్సు నిర్వహణ ఇలా కేంద్రంలోని బీజేపీ ప్రభుత్వం చేపట్టిన పలు విప్లవాత్మక కార్యక్రమాలు ప్రజలను మోదీకి, పార్టీకి దగ్గర చేశాయి. ప్రచారం నిమిత్తం ఏ గ్రామానికి, పట్టణానికి వెళ్లినా అన్ని వర్గాల ప్రజలు బ్రహ్మరథం పడుతున్నారు. మోదీ చరిష్మా నాకు కలిసి వస్తుంది. ప్రజలకు సేవ చేస్తాననే ప్రజల్లో నాపైన ఉన్న నమ్మకం నన్ను గెలిపిస్తుంది. కేంద్రంలో మోదీ, మహబూబ్‌నగర్‌ పార్లమెంట్‌లో నన్ను గెలిపించాలని ప్రజలు ఇదివరకే నిర్ణయం తీసుకున్నారు.

మహబూబ్‌నగర్‌ న్యూటౌన్‌: మహబూబ్‌నగర్‌ పార్లమెంట్‌ నియోజకవర్గానికి ఈ నెల 13న జరగనున్న పోలింగ్‌కు అన్ని ఏర్పాట్లు పూర్తి చేయాలని జిల్లా రిటర్నింగ్‌ అధికారి, కలెక్టర్‌ రవినాయక్‌ అన్నారు. గురువారం కలెక్టరేట్‌ నుంచి వెబెక్స్‌ ద్వారా పోలింగ్‌ ఏర్పాట్లపై 7 అసెంబ్లీ నియోజకవర్గాల ఏఆర్‌ఓలు, నోడల్‌ అధికారులు, మున్సిపల్‌ కమిషనర్లు, ఎంపీడీఓలు, తహసీల్దార్లతో సమీక్షించారు. పోలింగ్‌ కేంద్రం భవనానికి డోర్స్‌, కిటికీలు, కుర్చీలు, బయట టెంట్‌, తాగునీరు తదితరు సౌకర్యాలు ఏర్పాటు చేయాలని సూచించారు. ఫర్నిచర్‌ వర్కింగ్‌ కండిషన్‌లో ఉండాలన్నారు. అధిక ఉష్ణోగ్రతలు ఉన్నందున ఎన్నికల కమిషన్‌ ఆదేశాల ప్రకారం టెంట్‌, తాగునీరు సౌకర్యం తప్పనిసరిగా కల్పించాలన్నారు. ప్రతి పోలింగ్‌ కేంద్రంలో లైటింగ్‌ సౌకర్యం ఉండేలా చూడాలన్నారు. సెక్టార్‌ అధికారులు పోలింగ్‌ కేంద్రంలో గ్యాప్‌లు ఉంటే తహసీల్దార్‌, ఏఆర్‌ఓలకు రిపోర్ట్‌ చేయాలన్నారు. క్రిటికల్‌ పోలింగ్‌ కేంద్రాల్లోనూ వందశాతం వెబ్‌ క్యాస్టింగ్‌, పోలింగ్‌ కేంద్రంలో కెమెరాలు సరైన విధంగా ఏర్పాటు చేయాలన్నారు. ప్రతి పోలింగ్‌ కేంద్రం వద్ద వైద్యాధికారి, పారా మెడికల్‌ సిబ్బందితో ప్రథమ చికిత్స కిట్టు, ఓఆర్‌ఎస్‌ పాకెట్లు అందుబాటులో ఉంచాలని, ఓటరు సహాయ కేంద్రం ఏర్పాటు చేయాలని సూచించారు. ప్రతి నియోజకవర్గంలో 5 మోడల్‌ పోలింగ్‌ కేంద్రాలు, మహిళల కోసం 5 పోలింగ్‌ కేంద్రాలు, పీడబ్ల్యూడీ కోసం ఒక పోలింగ్‌ కేంద్రం, యువత కోసం ఒక పోలింగ్‌ కేంద్రం ఏర్పాటు చేయాలన్నారు. విధులు నిర్వహించే సిబ్బంది, పోలీస్‌, వెబ్‌ కాస్టింగ్‌ సిబ్బందికి భోజన ఏర్పాట్లు చేయాలని సంబంధిత నోడల్‌ అధికారిని ఆదేశించారు. సాక్ష్యం ఆప్‌లో దరఖాస్తు చేసుకున్న వృద్ధులు, దివ్యాంగ ఓటర్లకు వీల్‌చైర్‌, సహాయకులు, రవాణా సౌకర్యం కల్పించాలన్నారు. ఓటరు జాబితా మార్క్‌డ్‌, వర్కింగ్‌ కాపీలు సిద్ధంగా ఉంచాలన్నారు. డీఆర్‌సీ కేంద్రాల్లో అన్ని ఏర్పాట్లు చేయాలని, డిస్ట్రిబ్యూషన్‌, రిసెప్షన్‌ కేంద్రాల్లో జనరేటర్‌, వాటర్‌ ప్రూఫ్‌ టెంట్‌ ఏర్పాటు చేయాలని అన్నారు. పోలింగ్‌కు ముందు రోజు సాయుధ ఎస్కార్ట్‌తో ఈవీఎం, సామగ్రి తరలించాలని, పోలింగ్‌ అనంతరం రిసెప్షన్‌ సెంటర్‌కు తరలించి భద్రపరచాలన్నారు. డిస్ట్రిబ్యూషన్‌ సెంటర్‌లో అగ్నిమాపక వాహనం, కౌంటింగ్‌ కేంద్రాల్లో కూడా సిద్ధంగా ఉంచాలని చెప్పారు. సమావేశంలో అదనపు కలెక్టర్‌ శివేంద్ర ప్రతాప్‌, డీఆర్‌ఓ రవికుమార్‌ తదితరులు పాల్గొన్నారు.