పండు ఈగ ఉధృతి అకాల వర్షాలతో మామిడిలో పండు ఈగ ఉధృతి పెరిగే అవకాశం ఉందని, రాలిపోయిన పండ్లు నాశనం చేయాలని శాస్త్రవేత్తలు సూచిస్తున్నారు. 8లో uశాంతిభద్రతలకు ప్రాధాన్యం భీమవరం (ప్రకాశంచౌక్‌): జిల్లాలో శాంతిభద్రతలకు విఘాతం కలిగించే చర్యలను ఎట్టి పరిస్థితుల్లో ఉపేక్షించేది లేదని జిల్లా ఎన్నికల అధికారి, కలెక్టర్‌ సుమిత్‌ కుమార్‌ శనివారం ఒక ప్రకటనలో తెలిపారు. ప్రశాంత వాతావరణంలో ఎన్నికలు పూర్తి చేయడానికి రెవెన్యూ, పోలీస్‌ యంత్రాంగాలు, ఇతర శాఖలు నిరంతరం కృషి చేశాయన్నారు. స్థానిక విష్ణు కాలేజీలో నాలుగు నియోజకవర్గాలకు, ఎస్‌ఆర్‌కెఆర్‌ ఇంజినీరింగ్‌ కళాశాలలో మూడు నియోజకవర్గాలకు సంబంధించిన ఈవీఎంలను మూడంచెల భద్రత మధ్య కట్టుదిట్ట భద్రత మధ్య ఉంచామన్నారు. పోటీలో ఉన్న అభ్యర్థులు, వారి ఏజెంట్లు ఎప్పుడైనా స్ట్రాంగ్‌ రూంలను పరిశీలించుకోవడానికి అవకాశాన్ని కల్పించామన్నారు. పశ్చిమగోదావరి జిల్లాలో ఎక్కడా శాంతిభద్రతలకు విఘాతం కలగకుండా.. కట్టుదిట్టమైన చర్యలు తీసుకుంటున్నామని స్పష్టం చేశారు. ఎక్కడైనా హింసాత్మక సంఘటనలు జరిగితే తక్షణమే స్పందించి నియంత్రించేందుకు గట్టి చర్యలు చేపట్టామన్నారు. చెక్‌ పోస్టుల వద్ద నిఘాను కట్టుదిట్టం చేయాలని కలెక్టర్‌ ఆ ప్రకటనలో తెలిపారు.

ద్వారకాతిరువుల: నుదుటున కల్యాణ తిలకం.. బుగ్గన చుక్కలతో సర్వాభరణ భూషితుడైన శ్రీవారు పెండ్లి కుమారుడిగా, పద్మావతి, ఆండాళ్‌ అమ్మవార్లు పెండ్లి కుమార్తెలుగా శోభిల్లారు. ప్రముఖ పుణ్యక్షేత్రమైన ద్వారకాతిరుమలలో శ్రీవారి వైశాఖ మాస దివ్య బ్రహ్మోత్సవాలు శనివారం అట్టహాసంగా ప్రారంభమయ్యాయి. తొలుత శ్రీహరి కళాతోరణ వేదికపై ఆలయ ఈఓ వేండ్ర త్రినాథరావు జ్యోతి ప్రజ్వలన చేసి ఉత్సవాలను ప్రారంభించారు. అనంతరం స్వామివారి నిత్యకల్యాణ మండపంలో ప్రత్యేకంగా ఏర్పాటు చేసిన వేదికను సుగంధభరిత పుష్పమాలికలు, మామిడి తోరణలతో శోభాయమానంగా అలంకరించారు. అనంతరం వేదికపై ఏర్పాటు చేసిన రజిత సింహాసనంపై స్వామి, అమ్మవార్ల ఉత్సవ మూర్తులను వేంచేపు చేసి, పుష్పాలంకారాలు చేశారు. ఆ తరువాత మేళతాళాలు, మంగళ వాయిద్యాలు, అర్చకులు, పండితుల వేద మంత్రోచ్ఛరణల నడుమ పెండ్లి కుమారుడు, పెండ్లి కుమార్తెలను చేసే వేడుక నేత్రపర్వంగా జరిగింది. ఆలయ ఈఓ త్రినాథరావు దంపతులు స్వామి, అమ్మవార్లకు పూలు, పండ్లను సమర్పించి, పూజాధికాలు నిర్వహించారు. భక్తుల గోవింద నామస్మరణల నడుమ వైభవంగా జరిగిన ఈ వేడుక భక్తులకు కనువిందు చేసింది. శ్రీహరి కళాతోరణ వేదికపై నిర్వహించిన పలు సాంస్కృతిక కార్యక్రమాలు చూపరులను అలంకరించాయి. రాత్రి గజ వాహనంపై స్వామివారి తిరువీధి సేవ వైభవంగా జరిగింది. బ్రహ్మోత్సవాల తొలిరోజు స్వామివారు శ్రీ భూసమేత మహావిష్ణువు అలంకారంలో భక్తులకు దర్శనమిచ్చారు. శ్రీవారి దివ్య క్షేత్రం శనివారం భక్త జనులతో పోటెత్తింది. సుదూర ప్రాంతాల నుంచి వేలాదిగా భక్తులు ఆలయానికి తరలివచ్చారు. వైకుంఠం క్యూ కాంప్లెక్స్‌, దర్శనం క్యూలైన్లు నిండిపోయాయి. వైభవంగా శ్రీవారి బ్రహ్మోత్సవాలు ప్రారంభం అలరించిన సాంస్కృతిక కార్యక్రమాలు బ్రహ్మోత్సవాల్లో నేడు ఉదయం 7 గంటల నుంచి–భజన కార్యక్రమాలు ఉదయం 8 నుంచి–ఆధ్యాత్మిక నామ సంకీర్తన ఉదయం 9 నుంచి – సంగీత విభావరి ఉదయం 11 నుంచి–భరతనాట్య ప్రదర్శనలు సాయంత్రం 4 నుంచి – నాదస్వరకచేరి సాయంత్రం 5 నుంచి – హరికథ సాయంత్రం 6 నుంచి–భరతనాట్య ప్రదర్శనలు రాత్రి 8 నుంచి – సురభి నాటకం రాత్రి 8 నుంచి – అంకురార్పణ, రుత్విగ్వరణ, ధ్వజారోహణం రాత్రి 9 గంటల నుంచి – హంసవాహనంపై శ్రీవారికి తిరువీధి సేవ శ్రీవారి ప్రత్యేక అలంకారం : కాళీయమర్ధనం

భీమవరం: భీమవరం పట్టణంలోని ఎస్‌ఆర్‌కెఆర్‌ ఇంజినీరింగ్‌ కళాశాలలో ఈవీఎంలను భద్రపరిచిన స్ట్రాంగ్‌రూంలను ఎస్పీ వేజెండ్ల అజిత ఆకస్మికంగా తనిఖీ చేశారు. కళాశాల పరిసరాలు, పార్కింగ్‌ ప్రదేశాలను పరిశీలించిన అనంతరం సీసీ కెమెరాల పనితీరు, డ్యూటీ రికార్డులు స్వయంగా తనిఖీ చేసి విధులు నిర్వహిస్తున్న అధికారులు, సిబ్బందికి దిశా నిర్దేశం చేశారు. అనంతరం ఎస్పీ అజిత మాట్లాడుతూ కౌంటింగ్‌ ప్రక్రియ పూర్తయ్యేవరకు నిరంతరం అప్రమత్తంగా ఉండాలని ఎలాంటి అవాంఛనీయ సంఘటనలకు ఆస్కారం లేకుండా పటిష్ట భద్రత చర్యలు తీసుకోవాలన్నారు. కేంద్ర, రాష్ట్ర పోలీసు బలగాలతో ఏర్పాటు చేసిన పటిష్టమైన మూడంచెల భద్రతలో భాగంగా మొదటి అంచెలో కేంద్ర సాయుధ బలగాలు, రెండో అంచెలో ఆర్మ్‌డ్‌ రిజర్వ్‌ బలగాలు, మూడో అంచెలో స్థానిక సివిల్‌ పోలీసుల్ని ఏర్పాటు చేసినట్లు చెప్పారు. ఈవీఎం స్ట్రాంగ్‌ రూంలు, సెక్యూరిటీ, కారిడార్‌, సీల్డ్‌ వేసిన డోర్లను కవర్‌ చేసేలా ఏర్పాటు చేసిన సీసీ కెమెరాలను, కంట్రోల్‌ రూంకు అనుసంధానం చేసిన సీసీటీవీ కవరేజీతో సహా భద్రతా ఏర్పాట్ల పర్యవేక్షణకు గెజిటెడ్‌ అధికారులతో పాటు పోలీసు అధికారులు 24 గంటలు అప్రమత్తంగా ఉండాలన్నారు. స్ట్రాంగ్‌ రూం ఎంట్రన్స్‌ గేట్‌ పరిసరాలలోకి గుర్తింపు కార్డులు లేని వ్యక్తులను, ఇతరుల వాహనాలకు అనుమతించరాదని ఎస్పీ స్పష్టం చేశారు. ప్రశాంతంగా ఏపీ ఈఏపీ సెట్‌ భీమవరం: భీమవరం పట్టణంలోని మూడు ఇంజినీరింగ్‌ కళాశాలల్లో శనివారం జరిగిన ఏపీ ఈఏపీ సెట్‌ పరీక్ష ప్రశాంతంగా జరిగింది. ఎస్‌ఆర్‌కేఆర్‌ ఇంజనీరింగ్‌ కళాశాలలో ఉదయం జరిగిన పరీక్షకు 175 మందికి 168 మంది హాజరయ్యారు. డీఎన్నార్‌ కళాశాలలో 150 మందికి ఇద్దరు విద్యార్థులు గైర్హాజరు కాగా.. విష్ణు కళాశాలలోని పరీక్షకు 100 మందికి 97 మంది హాజరయ్యారు. 460 మంది హాజరు ఏలూరు (ఆర్‌ఆర్‌పేట): ఏపీ ఈఏపీ సెట్‌ పరీక్షల్లో భాగంగా శనివారం నగరంలోని వివిధ పరీక్షా కేంద్రాల్లో జరిగిన పరీక్షకు మొత్తం 460 మంది హాజరయ్యారు. ఉదయం 9 గంటల నుంచి మధ్యాహ్నం 12 గంటల వరకూ జరిగిన పరీక్షకు సిద్ధార్థ క్వెస్ట్‌ కాలేజ్‌లో 180 మందికి 174 మంది హాజరు కాగా ఆరుగురు గైర్హాజరయ్యారు. ఏలూరు ఇంజినీరింగ్‌ కళాశాలలో 132 మందికి 129 మంది హాజరు కాగా ముగ్గురు గైర్హాజరయ్యారు. సీఆర్‌ఆర్‌ ఇంజనీరింగ్‌ కళాశాలలో 160 మందికి 157 మంది హాజరు కాగా ముగ్గురు గైర్హాజరయ్యారు. మొత్తం మీద ఉదయం సెషన్‌లో 472 మందికి 460 మంది హాజరు కాగా 12 మంది గైర్హాజరయ్యారు. శనివారం మధ్యాహ్నం సెషన్‌లో ఏ పరీక్షా కేంద్రంలోనూ పరీక్ష నిర్వహించలేదు. రైళ్ల రద్దుతో ఇక్కట్లు పాలకొల్లు సెంట్రల్‌: నరసాపురం నుంచి గుంటూరు వరకూ వెళ్లే పాస్ట్‌ ప్యాసింజర్‌, డెమో రైళ్ల రద్దుతో పశ్చిమగోదావరి, తూర్పు గోదావరి జిల్లాల ప్రజలు ఇబ్బందులు ఎదుర్కొంటున్నారని విజయవాడ డివిజన్‌ రైల్వే డీఆర్‌యుసీసీ సభ్యుడు జక్కంపూడి కుమార్‌ విజయవాడ డీఆర్‌ఎంకు లేఖ రాశారు. తూర్పు గోదావరి జిల్లా ప్రజలతోపాటు నరసాపురం, పాలకొల్లు, భీమవరం, కై కలూరు, తణుకు, తాడేపల్లిగూడెం, నిడదవోలు, గుంటూరు, విజయవాడ ప్రాంతాలకు చెందిన ప్రజలు ఇబ్బందులకు గురవుతున్నారన్నారు. రద్దు చేసిన రైళ్లకు ప్రత్యామ్నాయ ఏర్పాట్లు చేయాలని కోరారు. 11వ తరగతిలో ప్రవేశానికి దరఖాస్తుల ఆహ్వానం బుట్టాయగూడెం: మండలంలోని ఇప్పలపాడు సమీపంలోని ఆంధ్రప్రదేశ్‌ గిరిజన సంక్షేమ ఏకలవ్య మోడల్‌ గురుకుల పాఠశాలలో 2024–25 విద్యా సంవత్సరానికి 11వ తరగతి(సీబీఎస్‌ఈ)లో వివిధ గ్రేడ్‌ల్లో (ఎంపీసీ, బైపీసీ, ఏఎస్‌పి)మిగిలిన ఖాళీలకు 10వ తరగతి ఉత్తీర్ణులైన విద్యార్థులు ఈ నెల 18 నుంచి 25 వరకూ దరఖాస్తు చేసుకోవాలని ప్రిన్సిపాల్‌ బి.అమృత్‌కుమార్‌ శనివారం ఒక ప్రకటనలో తెలిపారు.

సాక్షి ప్రతినిధి, ఏలూరు: రాష్ట్రంలో ఎన్నికలు ముగి శాయి. ఫలితాలు రావడానికి రెండు వారాలకు పైగా సమయం ఉండడంతో ఉమ్మడి పశ్చిమ గోదావరి జిల్లాలో బెట్టింగ్‌ బంగార్రాజులు రూ.కోట్లలో పందేలు కడుతూ రెచ్చిపోతున్నారు. సోషల్‌ మీడియాలో వస్తున్న సర్వేలు, ప్రచారంతో ముందూ వెనుకా ఆలోచించకుండా బెట్టింగులకు సై అంటున్నారు. గెలుపోటములు మొదలుకుని మెజార్టీలు, ఎక్కడ ఎవరు గెలుస్తారు.. ఇలా వీలున్న ప్రతిదానిపై పందేలకు తెరదీశారు. ఉమ్మడి జిల్లాలో భీమవరం, తాడేపల్లిగూడెం కేంద్రంగా గత నాలుగు రోజులుగా కోట్ల స్థాయిలో బెట్టింగులు కొనసాగుతున్నాయి. పొలిటికల్‌ బెట్టింగుల దెబ్బకు ఐపీఎల్‌ బెట్టింగ్‌ తెరమరుగైపోయింది. ఉండిలో స్వతంత్ర అభ్యర్థి ఓట్లపై పందేలు రెండు రోజుల క్రితం పెదతాడేపల్లిలో ఏ రాజకీయ పార్టీ ఏ ప్రభుత్వం ఏర్పాటు చేస్తుందనే దానిపై రూ. కోటి పందెం కాశారు. జంగారెడ్డిగూడెం, ద్వారకాతిరుమలలో రూ.50 లక్షల నుంచి రూ.3 కోట్ల వరకు పందేలు జరుగుతున్నాయి. మరో వారంలో బెట్టింగుల ఫీవర్‌ తారాస్థాయి చేరనుంది. ప్రధాన రాజకీయ పార్టీల్లో ద్వితీయ శ్రేణి నేతలంతా బెట్టింగులపైనే దృష్టి సారించారు. ఉండిలో మండల స్థాయి నేత ఒకరు అభ్యర్థి గెలుపుపై రూ.కోటి పందెం కట్టారు. అదే విధంగా ఉండిలో స్వతంత్ర అభ్యర్థి సాధించే ఓట్లపైనా పందేలు జోరుగా సాగుతున్నాయి. సాధారణంగా ప్రతి ఏటా ఐపీఎల్‌ సీజన్‌లో బెట్టింగులు భారీగా జరుగుతుంటాయి. మరో 9 రోజుల్లో ఐపీఎల్‌ ముగుస్తున్న క్రమంలో బెట్టింగ్‌ ఎక్కువగా ఉంటుంది. ఎన్నికల దెబ్బకు ఐపీఎల్‌ బెట్టింగుల జోరు తగ్గి పొలిటికల్‌ పందేలు పెరిగాయి. చింతలపూడి, పోలవరం, నూజివీడు తదితర ప్రాంతాల్లో తెలంగాణాలో ఏ పార్టీకి ఎన్ని ఎంపీ సీట్లు వస్తాయనే దానిపైనా పందేలు జరుగుతున్నాయి. సీట్లు, మెజార్టీలపై భారీగా పందేలు జిల్లాలో సార్వత్రిక ఎన్నికల పోలింగ్‌ ఈ నెల 13న ముగిసింది. ఏలూరు జిల్లాలో 84 శాతం, పశ్చిమగోదావరి జిల్లాలో 83 శాతం పోలింగ్‌ నమోదైంది. 2019 పోలింగ్‌తో పోల్చితే సగటున 1.5 శాతం పెరిగింది. అన్ని నియోజకవర్గాల్లోనూ ఎంతో కొంత పోలింగ్‌ పెరిగింది. ఏలూరులో 4 శాతం పెరిగింది. దేశ వ్యాప్తంగా ఎన్నికలు షెడ్యూల్‌ కొనసాగుతున్న క్రమంలో ఎగ్జిట్‌ పోల్స్‌ విడుదల చేయకూడదు. ఈ పరిణామాల క్రమంలో ఎవరికి వారు స్వీయ అంచనాలతో బెట్టింగులు జోరుగా వేస్తున్నారు. జిల్లాలో ఒక పార్టీకి ఇన్ని స్థానాలు వస్తాయని... నియోజకవర్గంలో ఆ పార్టీ అభ్యర్థే గెలుస్తాడని, ఇంత మెజార్టీ వస్తుందని పందేలు కాస్తున్నారు. ఉమ్మడి జిల్లాలో భీమవరం, తాడేపల్లిగూడెం, ఉండి నియోజకవర్గాలపై భారీగా బెట్టింగులు సాగుతున్నాయి. ప్రభుత్వ ఏర్పాటు, మంగళగిరి, పిఠాపురం, ఉండిలో గెలిచే అభ్యర్థులు, నియోజకవర్గాల్లో కీలకనేతల మెజార్టీలపై పందేలు కొనసాగుతున్నాయి. అది కూడా రూపాయికి రూపాయి ఇచ్చేలా కొన్ని పందేలు హాట్‌ ఫేవరేట్‌ పేరుతో రూపాయికి రూ. 1.25 నుంచి రెండు రూపాయలు ఇచ్చేలా పందేలు నిర్వహిస్తున్నారు. ఆన్‌లైన్‌లో కూడా పొలిటికల్‌ బెట్టింగులు జోరుగా సాగుతున్నాయి. ఇరుపక్షాలు మధ్యవర్తి దగ్గర బెట్టింగ్‌ మొత్తం కలిపి మధ్యవర్తికి 2 నుంచి 5 శాతం వరకు కమిషన్‌ ఇచ్చి పందేలు కడుతున్నారు.

భీమడోలు: పాఠశాలలు ప్రారంభం నాటికి ప్రతి విద్యార్థికి పాఠ్యపుస్తకాల్ని అందించాల్సిన బాధ్యత సంబంధిత అధికారులపై ఉందని విద్యాశాఖ ప్రిన్సిపల్‌ కార్యదర్శి ప్రవీణ్‌ ప్రకాశ్‌ అన్నారు. భీమడోలు, గుండుగొలను ఉన్నత పాఠశాలలను శనివారం ఆయన సందర్శించారు. భీమడోలు ఉన్నత పాఠశాలలో విద్యా కానుక స్టాక్‌ పాయింట్‌, డిజిటల్‌ విద్యావిధానం, నాడు నేడు పథకం పురోగతి, నూతన తరగతి గదుల పరిశీలన, పదో తరగతి ఫలితాలపై ఆయన సమీక్షించారు. భీమడోలు ఉన్నత పాఠశాలలోని స్టాక్‌ పాయింట్‌లో పాఠ్యపుస్తకాలను పరిశీలించారు. పాఠశాలలు తెరిచిన వారం రోజుల్లో ప్రతి విద్యార్థికి పుస్తకాలు అందించాలన్నారు. వేసవి సెలవుల్లో విద్యార్థులు చదువుకునేందుకు వీలుగా చిన్నారుల సెల్‌ఫోన్లుకు ఈ–బుక్‌ లింకులను పంపి, ఎంతమంది డౌన్‌లోడ్‌ చేస్తుంది వివరాలపై ఆరా తీశారు. భీమడోలు ఉన్నత పాఠశాలలో ప్రతి గదికి ఐఎఫ్‌ ప్యానళ్లు అందించాల్సి ఉండగా ఇంకా కొన్ని గదుల్లో ఏర్పాటు చేయకపోవడంపై సంబంధిత అఽధికారులను నిలదీశారు. భీమడోలు ఉన్నత పాఠశాలలో 163 మంది విద్యార్థులకు 110 మంది పాసయ్యారని హెచ్‌ఎం బి.శ్రీనివాసరావు చెప్పగా.. విద్యార్థుల జాబితాను పరిశీలించిన ఆయన 21 మంది విద్యార్థులే అఽత్యధిక మార్కులు పొందారని, మిగిలిన విద్యార్థులు ఉత్తీర్ణత తక్కువగా ఉందన్నారు. ఉపాధ్యాయులంతా నాణ్యమైన విద్యను అందిస్తే ఆశించిన ఫలితాలు సొంతమవుతాయన్నారు. గుండుగొలను జూనియర్‌ కళాశాలలో పదో తరగతి పాసైన 110 మందిలో విద్యార్థులంతా చేరారా? అని హెచ్‌ఎం గారపాటి సునీతను అడిగారు. 42 మంది విద్యార్థులే చేరేందుకు సముఖత వ్యక్తం చేశారని హెచ్‌ఎం సమాధానమిచ్చారు. మిగిలిన విద్యార్థులంతా ఏ గ్రూపుల్లో ఏ కళాశాలలో చేరింది హెచ్‌ఎం చెప్పకపోవడంతో అసహనం వ్యక్తం చేసారు. పాఠశాలలోని స్కావెంజర్ల వేతనాలు రెండు, మూడు రోజుల్లో బ్యాంకు ఖాతాల్లో జమ అవుతాయని ఆయన తెలిపారు. విద్యాశాఖ ప్రిన్సిపల్‌ సెక్రటరీ ప్రవీణ్‌ ప్రకాశ్‌