చెన్నై: తమిళనాడు ముఖ్యమంత్రి ఎంకే స్టాలిన్‌కు రాష్ట్ర బీజేపీ విభాగం శుక్రవారం చైనా భాషలో జన్మదిన శుభాకాంక్షలు తెలిపింది. ‘బీజేపీ తమిళనాడు విభాగం గౌరవ ముఖ్యమంత్రి ఎంకే స్టాలిన్‌కు ఆయనకు ఇష్టమైన భాషలో జన్మదిన శుభాకాంక్షలు తెలుపుతోంది’అని ‘ఎక్స్‌’లో పేర్కొంది. అందులో ప్రధాని మోదీ, పార్టీ చీఫ్‌ నడ్డా, తమిళనాడు విభాగం అధ్యక్షుడు అన్నామలై చిత్రాలు, ఆపక్కనే స్టాలిన్‌ చిత్రం కింద చైనీస్‌ భాషలో ఒక సందేశం ఉంది. రాష్ట్రంలో ఇస్రో కాంప్లెక్స్‌ సముదాయం ప్రారంభం సందర్భంగా ఇటీవల డీఎంకే ప్రభుత్వం ఇచ్చిన ప్రకటనలో చైనా జెండా కనిపించడం వివాదం రేపింది. ఈ నేపథ్యంలోనే బీజేపీ ఈ మేరకు స్పందించడం విశేషం. అయితే, ఆ ప్రకటనలో పొరపాటున చైనా జెండా అచ్చయిందే తప్ప, ఉద్దేశపూ ర్వకంగా చేసింది కాదని ఆ ప్రకటన ఇచ్చిన మంత్రి రాధాకృష్ణన్‌ పేర్కొన్నారు.

మెగాస్టార్‌ చిరంజీవి సోషల్‌ మీడియాలో ఎంత యాక్టివ్‌గా ఉంటారో అందరికి తెలిసిందే. తన సినిమా అప్‌డేట్స్‌తో పాటు వ్యక్తిగత విషయాలను కూడా ఎప్పటికప్పుడు అభిమానులతో షేర్‌ చేసుకుంటాడు. తన కుటుంబంలో ఏదైన సంతోషకరమైన వార్త ఉన్నా కూడా దాన్ని ఫ్యాన్స్‌తో పంచుకుంటాడు. అప్పుడప్పుడు తనలో దాగి ఉన్న కవిని కూడా సోషల్‌ వీడియా వేదికగా బయటకు తీస్తుంటాడు. గతంలో ఆకాశం గురించి అద్భతమైన కవితను అందరిని ఆశ్చర్యపరిచాడు చిరంజీవి. ఇక తాజాగా తన భార్య పుట్టిన రోజు సందర్భంగా  ఓ ‘చిరు’కవిత రాసి శుభాకాంక్షలు తెలిపాడు.  నేడు(ఫిబ్రవరి 18) సురేఖ బర్త్‌డే. ఈ సందర్భంగా ఆమెకు బర్త్‌డే విషెస్‌ తెలియజేస్తూ.. ‘నా జీవన రేఖ..నా సౌభాగ్య రేఖ..నా భాగస్వామి సురేఖ !’అంటూ ఆమెకు  బర్త్‌డే విషెస్‌ తెలియజేశాడు.  మంచి ప్రాసతో కూడిన ఈ కవితకు నెటిజన్స్‌ ఫిదా అవుతున్నారు.  చిరంజీవి ప్రస్తుతం యూఎస్‌ ట్రిప్‌లో ఉన్నాడు. సురేఖ బర్త్‌డే సెలబ్రేషన్స్‌ కోసమే ఈ ట్రిప్‌ వేసినట్లు తెలుస్తోంది. సురేఖ-చిరుల వివాహం 1980 ఫిబ్రవరి 20న జరిగింది.  View this post on Instagram A post shared by Chiranjeevi Konidela (@chiranjeevikonidela)

సాక్షి, హైదరాబాద్‌:  తెలంగాణ అసెంబ్లీ సమావేశాల్లో ఇవాళ ఓ ఆసక్తికరమైన ఘటన చోటు చేసుకుంది. కాంగ్రెస్‌ ప్రభుత్వం ప్రవేశపెట్టిన ఇరిగేషన్‌ శ్వేత పత్రంపై అధికార-ప్రతిపక్షం నడుమ వాడీవేడిగా వాదనలు జరుగుతున్న టైంలో.. ముఖ్యమంత్రి ఎనుముల రేవంత్‌ రెడ్డి తన సీటులోంచి లేచారు.  మాజీ సీఎం కేసీఆర్‌కు శుభాకాంక్షలు తెలియజేశారు.  కేసీఆర్‌కు కాంగ్రెస్ పార్టీ తరపున పుట్టిన రోజు శుభాకాంక్షలు. ఆయన పూర్తి ఆయురారోగ్యంతో ఉండాలని కోరుకుంటున్నాం. అలాగే.. ప్రధాన ప్రతిపక్షనేతగా ఆయన ప్రభుత్వానికి సహకరిస్తూ తెలంగాణ పున్నర్మిణంలో.. రాష్ట్ర అభివృద్ధికి దోహదపడాలని కోరుకుంటున్నాం అని అన్నారాయన. కేసీఆర్‌ పూర్తిగా ఆరోగ్యంతో ఉండాలని.. ఆయన మరింత కాలం తెలంగాణ ప్రజలకు సేవలు అందించాలని తమ పార్టీ, ప్రభుత్వం కోరుకుంటున్నట్లు సీఎం రేవంత్ తెలిపారు.

సాక్షి, హైదరాబాద్‌: నేడు తెలంగాణ మాజీ ముఖ్యమంత్రి కల్వకుంట్ల చంద్రశేఖర్‌ రావు పుట్టినరోజు. ఈ నేపథ్యంలో కేసీఆర్‌కు పలువురు ప్రముఖులు, పార్టీ నేతలు జన్మదిన శుభాకాంక్షలు తెలుపుతున్నారు.  ట్విట్టర్‌ వేదికగా మాజీ మంత్రి హరీష్‌ రావు..‘తెలంగాణ స్పాప్నికుడు, స్వరాష్ట్ర సాధకుడు, సుపరిపాలకుడు, ఉద్యమ నేత కేసీఆర్. కారణజన్ముడుగా.. చిరస్మరణీయుడుగా, ప్రజల గుండెల్లో చిరకాలం నిలిచిపోయే మహనీయుడుగా ఆయన నిండు నూరేళ్లు వర్ధిల్లాలి. కేసీఆర్ గారికి హృదయ పూర్వక జన్మదిన శుభాకాంక్షలు’ అని ఫొటోలను షేర్‌ చేశారు.  తెలంగాణ స్పాప్నికుడు, స్వరాష్ట్ర సాధకుడు, సుపరిపాలకుడు, ఉద్యమ నేత కేసీఆర్ గారు. కారణజన్ముడుగా... చిరస్మరణీయుడుగా, ప్రజల గుండెల్లో చిరకాలం నిలిచిపోయే మహనీయుడుగా ఆయన నిండు నూరేళ్లు వర్ధిల్లాలి.. !! కేసీఆర్ గారికి హృదయ పూర్వక జన్మదిన శుభాకాంక్షలు💐#HappyBirthdayKCR pic.twitter.com/dtmgl6onqB — Harish Rao Thanneeru (@BRSHarish) February 17, 2024 ఎమ్మెల్సీ కవిత ట్విట్టర్‌లో..‘స్వయం పాలనే తెలంగాణకు శ్రీరామ రక్ష అని చాటి, అరవై ఏళ్ల స్వరాష్ట్ర ఆకాంక్షను సాకారం చేసి, తెలంగాణను దేశానికి రోల్ మోడల్‌గా తీర్చిదిద్దిన తెలంగాణ తల్లి ముద్దు బిడ్డ కేసీఆర్ గారికి జన్మదిన శుభాకాంక్షలు’ అంటూ కేసీఆర్‌ వీడియోను షేర్‌ చేశారు.  స్వయం పాలనే తెలంగాణకు శ్రీరామ రక్ష అని చాటి, అరవై ఏళ్ల స్వరాష్ట్ర ఆకాంక్షను సాకారం చేసి, తెలంగాణను దేశానికి రోల్ మోడల్ గా తీర్చిదిద్దిన తెలంగాణ తల్లి ముద్దు బిడ్డ కేసీఆర్ గారికి జన్మదిన శుభాకాంక్షలు#JaiKCR#JaiTelangana pic.twitter.com/GRA8yWQ7nO — Kavitha Kalvakuntla (@RaoKavitha) February 17, 2024 ఇక, బీఆర్‌ఎస్‌ నేతలు, మద్దతుదారులు కూడా కేసీఆర్‌కు శుభాకాంక్షలు తెలుపుతున్నారు. ఈ క్రమంలో కేసీఆర్‌కు సంబంధించిన స్పెషల్‌ వీడియోలను సోషల్‌ మీడియాలో షేర్‌ చేస్తున్నారు.  Happy birthday KCR! 🦁 pic.twitter.com/UdeBTKmgth — 7 (@Lillymogudu7) February 17, 2024 Wish you a very Happy Birthday KCR Sir♥️#HappBirthdayKCR pic.twitter.com/LBzZSK45MB — Akshay (@AkshayBRS) February 16, 2024 Happy Birthday KCR sir 💞#HappyBirthdayKCR pic.twitter.com/eGxgE63gI0 — Bathai Baba 🏴‍☠️ (@Aditya_BRS) February 17, 2024 నాకు రైతు అంటే ఇష్టం వ్యవసాయం అంటే ఇష్టం నీళ్లు అంటే ఇష్టం పాడిపంటల తెలంగాణ అంటే ఇష్టం ఇవన్నీ మాకు అందించిన బాపు #KCR గారు అంటే నాకు ప్రాణం❤️ బాపు కేసీఆర్ నా గుండెల్లోనే కాదు ఇక ఎప్పటికీ నాతోనే🙏#HappyBirthdayBapu pic.twitter.com/jdFdLcIHMX — Pavani Goud BRS (@PAVANIGOUD_BRS) February 16, 2024