ఆదిలాబాద్‌టౌన్‌: ఉరేసుకుని యువకుడు ఆత్మహత్యకు పాల్పడిన ఘటన జిల్లా కేంద్రంలో చోటు చేసుకుంది. పోలీసులు, మృతుని కుటుంబ సభ్యులు తెలిపిన వివరాల ప్రకారం సిరికొండ మండల కేంద్రానికి చెందిన లింగన్న–రుకుంబాయి దంపతులకు ఇద్దరు కుమారులు, కుమార్తె సంతానం. 2011లో గణేశ్‌ నిమజ్జనం సందర్భంగా ఒక కుమారుడు వాగులో మునిగి చనిపోయాడు. మరో కుమారుడు కోలాపురి నవీన్‌ (27) జిల్లా కేంద్రంలోని ఓ ఆర్థోపెడిక్‌ వైద్యుడి వద్ద పనిచేస్తున్నాడు. కై లాస్‌నగర్‌లోని గెజిటెడ్‌ ఉద్యోగుల సంఘ భవనంలో మరో మిత్రుడితో కలిసి అక్కడే ఉంటున్నాడు. పార్లమెంట్‌ ఎన్నికల నేపథ్యంలో ఓటు వేసేందుకు తన స్నేహితుడితో కలిసి స్వగ్రామం సిరికొండకు వెళ్లాడు. ఓటు వేసిన అనంతరం స్నేహితుడు అక్కడే ఉండిపోగా నవీన్‌ జిల్లా కేంద్రానికి తిరిగి వచ్చాడు. మంగళవారం ఉదయం మరో స్నేహితుడు గెజిటెడ్‌ సంఘ భవనానికి టిఫిన్‌ చేసేందుకు వెళ్లి చూడగా తలుపులు తెరిచి ఉన్నాయి. లోనికి వెళ్లి చూడగా ఫ్యాన్‌కు వేలాడుతూ ఉండడంతో పోలీసులు, కుటుంబ సభ్యులకు సమాచారం అందించాడు. చేతికొచ్చిన ఇద్దరు కుమారులు మృతి చెందడంతో ఆ కుటుంబ సభ్యులు కన్నీరుమున్నీరయ్యారు. తోడుగా ఉంటారనుకున్న కుమారులు కానరాని లోకాలకు వెళ్లడంతో వారు రోదించిన తీరు అందర్నీ కలచివేసింది. మృతుని కుటుంబ సభ్యుల ఫిర్యాదు మేరకు వన్‌టౌన్‌ పోలీసులు కేసు నమోదు చేసి దర్యాప్తు జరుపుతున్నారు.

దొంగ ఓట్లు వేశారని ఫిర్యాదు ఖానాపూర్‌: మండలంలోని సుర్జాపూర్‌ మాజీ సర్పంచ్‌ సునీత–లింబాజీ దంపతులు రెండు చోట్ల ఓట్లు వేశారని మంగళవారం గ్రామస్తులతో పాటు కాంగ్రెస్‌ పార్టీ నాయకులు తహసీల్దార్‌ కార్యాలయంలో ఫిర్యాదు చేశారు. మేడంపల్లి పోలింగ్‌ కేంద్రంతో పాటు సుర్జాపూర్‌ పోలింగ్‌ కేంద్రంలో వేర్వేరుగా దొంగ ఓట్లు వేశారని ఫిర్యాదులో పేర్కొన్నారు. దీనిపై సంబంధిత సెక్టోరల్‌ అధికారికి సైతం పోలింగ్‌ ముగియకముందే ఫిర్యాదు చేశామన్నారు. ప్రజాస్వామ్యాన్ని అపహాస్యం చేసేలా వ్యవహరించిన సర్పంచ్‌ దంపతులపై విచారణ చేసి చర్యలు తీసుకోవాలని డిమాండ్‌ చేశారు. అనంతరం పోలీస్‌ స్టేషన్‌లో ఫిర్యాదు చేశారు. ఈ కార్యక్రమంలో కాంగ్రెస్‌ మండలాధ్యక్షుడు దయానంద్‌, మేడంపల్లి మాజీ సర్పంచ్‌ గుగ్లావత్‌ రాజేందర్‌నాయక్‌, పీఏసీఎస్‌ మాజీ చైర్మన్‌ ఆకుల వెంకాగౌడ్‌, మాజీ ఉపసర్పంచ్‌లు జంగిలి శంకర్‌, మంగ్లారపు సత్యనారాయణ, నాయకులు సంతోష్‌, మల్లేశ్‌, దేవోజీ, రవి, లక్ష్మణ్‌, శివ్‌లాల్‌, ప్రశాంత్‌, రంజిత్‌, సురేందర్‌, విలాస్‌, వినేశ్‌, గణేశ్‌, నరేశ్‌ పాల్గొన్నారు. ఆటో బోల్తా.. ముగ్గురికి గాయాలుబెజ్జూర్‌: ఆటో బోల్తా పడి ముగ్గురికి గాయాలైన సంఘటన మండలంలో చోటు చేసుకుంది. స్థానికులు తెలిపిన వివరాల ప్రకారం.. బెజ్జూర్‌ మండలంలోని కృష్ణపెళ్లి గ్రామానికి చెందిన ఆటో మంగళవారం మహారాష్ట్ర నుంచి ప్రయాణికులతో బెజ్జూర్‌కు వస్తుండగా కోయపల్లి–నాగపెళ్లి గ్రామాల మధ్య అదుపుతప్పి బోల్తా పడింది. దీంతో ఆటోలో ఉన్న ఎలుకపెల్లి గ్రామానికి చెందిన గోలేటి జానాబాయికి తీవ్రంగా సోనా బాల, హరీష్‌బాలకు స్వల్పంగా గాయాలయ్యాయి. క్షతగాత్రులను చికిత్స నిమిత్తం బెజ్జూర్‌ ప్రాథమిక ఆరోగ్య కేంద్రానికి తరలించారు. అక్కడి నుంచి మెరుగైన వైద్యం కోసం కాగజ్‌నగర్‌ ఆస్పత్రికి తరలించారు.

ఆసిఫాబాద్‌అర్బన్‌: ప్రభుత్వ పాఠశాలల్లోని వి ద్యార్థులకు ఏటా రాష్ట్ర ప్రభుత్వం ఉచితంగా పా ఠ్యపుస్తకాలు పంపిణీ చేస్తోంది. 2024– 25 విద్యా సంవత్సరానికి సంబంధించిన పుస్తకాలను పాఠశాలల పునఃప్రారంభం సమయంలోనే అందించేందుకు విద్యాశాఖ చర్యలు చేపట్టింది. ఇందులో భాగంగా విడతల వారీగా జిల్లాలకు అవసరమైన పుస్తకాలు పంపిణీ చేస్తోంది. కుమురంభీం ఆసిఫాబాద్‌ జిల్లాకు మొదటివిడతగా వచ్చిన పు స్తకాలను జిల్లా కేంద్రంలోని గోదాంలో భద్రపరిచారు. ఆలస్యమైతే ఒత్తిడికొన్నేళ్లుగా సకాలంలో పాఠ్యపుస్తకాలు రాకపోవడం, వచ్చినవి కూడా విద్యార్థులకు సరిపోకపోవడంతో విద్యార్థులు ఇబ్బందులు ఎదుర్కొంటున్నారు. కరోనా సమయంలో కూడా పుస్తకాలు అందించడంలో తీవ్ర జాప్యం జరిగింది. పుస్తకాలు సకాలంలో అందకపోతే చిన్నారులతోపాటు సిలబస్‌ పూర్తి చేయాలనే ఒత్తిడి టీచర్లపైనా ఉంటుంది. పాఠశాలల పునఃప్రారంభం రోజే అన్ని తరగతుల టెక్స్‌బుక్స్‌ అందిస్తే ఉపయోగం ఉంటుందని ఉపాధ్యాయులు చెబుతున్నారు. దీంతో 2024– 25 విద్యా సంవత్సరానికి సంబంధించి పుస్తకాల పంపిణీ ప్రక్రియను మే నెలలోనే ప్రారంభించారు. జూన్‌లో బడులు తెరుకునే నాటిని పూర్తిస్థాయిలో అందించేందుకు ప్రణాళికలు రూపొందించారు. జిల్లాకు చేరుకున్న పుస్తకాలను ఆసిఫాబాద్‌ పట్టణంలోని తెలంగాణ మోడల్‌ స్కూల్‌లోని గోదాంలో భద్రపరుస్తున్నారు. మరోవైపు విద్యార్థులకు స్కూల్‌ యూనిఫాం కుట్టు బాధ్యతలను మహిళా సంఘాలకు అప్పగించిన విషయం తెలిసిందే. యూనిఫాంలను సైతం విద్యార్థులకు సకాలంలో అందించేందుకు చర్యలు తీసుకుంటున్నారు. 4.78 లక్షల పుస్తకాలు అవసరంజిల్లా ప్రభుత్వం అన్ని యాజమాన్యాల కింద పని చేస్తున్న పాఠశాలలు మొత్తం 1076 ఉన్నాయి. ఇందులో పదో తరగతి వరకు దాదాపు 64,141 మంది విద్యార్థులు చదువుకుంటున్నారు. ఏప్రిల్‌ 24 నుంచి స్కూళ్లకు వేసవి సెలవులు ప్రకటించగా.. జూన్‌ 13న బడులు పునఃప్రారంభమవుతాయి. విద్యా సంవత్సరం ప్రారంభమైతే కొత్త అడ్మిషన్లతో విద్యార్థుల సంఖ్య మరింత పెరిగే అవకాశం ఉంది. విద్యార్థుల సంఖ్యకు అనుగుణంగా జిల్లాకు మొత్తం 4,78,076 పాఠ్యపుస్తకాలు అవసరమవుతాయని జిల్లా విద్యాశాఖ అధికారులు నివేదికలు సమర్పించారు. ప్రస్తుతానికి మొదటి విడతగా 1,57,760 పుస్తకాలు, 70 వేల నోట్‌బుక్స్‌ జిల్లాకు చేరుకున్నాయి. 50 శాతానికి పైగా పుస్తకాలు జిల్లాకు చేరుకున్న తర్వాత డీఈవో ఆదేశాలతో ఎమ్మార్సీ కార్యాలయాలకు తరలిస్తారు. అక్కడి నుంచి మండలాల్లో పాఠశాలలకు ప్రధానోపాధ్యాయులు తీసుకెళ్లాల్సి ఉంటుంది. కాగా.. ప్రతీ పాఠ్యపుస్తకంలో పార్ట్‌ 1, 2 అని రెండు భాగాలుగా ముద్రిస్తున్నారు. ఓ వైపు ఇంగ్లిష్‌, మరోవైపు తెలుగు మీడియంలో పాఠ్యాంశాలు ఉండేలా పుస్తకాలు ముద్రించారు. గోదాంలో భద్రపరుస్తున్నాం జిల్లాకు 1,57,760 పుస్తకాలతోపాటు 70వేల నోట్‌బుక్స్‌ చేరుకున్నాయి. వీటిని జిల్లా కేంద్రంలోని గోదాంలో భద్రపరుస్తున్నాం. ప్రస్తుతానికి పార్ట్‌– 1 పుస్తకాలు రాగా.. పార్ట్‌– 2కు సంబంధించినవి సెప్టెంబర్‌లో వస్తాయి. గోదాం నుంచి మండలాలకు, అక్కడి నుంచి పాఠశాలలకు సరఫరా చేస్తాం. విద్యార్థులకు సకాలంలో పుస్తకాలు అందితే వారిపై ఎలాంటి ఒత్తిడి ఉండదు. విద్యార్థులకు బడుల పునఃప్రారంభం రోజు పుస్తకాలు అందించేందుకు ఏర్పాట్లు చేస్తున్నాం. పుస్తకాలు పక్కదారి పట్టకుండా అన్ని జాగ్రత్తలు తీసుకుంటాం. – రాథోడ్‌ ప్రకాశ్‌, టెక్స్‌బుక్స్‌ మేనేజర్‌ ఆసిఫాబాద్‌ విడతలవారీగా జిల్లాకు సరఫరా ఇప్పటికే గోదాంకు చేరిన 1,57,760 పుస్తకాలు సకాలంలో విద్యార్థులకు అందించేందుకు విద్యాశాఖ కసరత్తు

కార్పొరేట్‌ కళాశాలల్లో ఇంటర్‌ ప్రవేశాలు ఆసిఫాబాద్‌రూరల్‌: కార్పొరేట్‌ కళాశాలల్లో ఇంటర్మీడియెట్‌ ప్రవేశాల కోసం దరఖాస్తులు ఆహ్వానిస్తున్నట్లు జిల్లా షెడ్యూల్డ్‌ కులాల అభివృద్ధి శాఖ అధికారి సజీవన్‌ మంగళవారం ఒక ప్రకటనలో తెలిపారు. ప్రభుత్వ పాఠశాలల్లో పదో తరగతి చదివి 7.0 జీపీఏకు పైన సాధించిన ఎస్సీ, ఎస్టీ, బీసీ, మైనార్టీ వర్గాలకు చెందిన దివ్యాంగులు అర్హులని పేర్కొన్నారు. విద్యార్థులు ఈ నెల 30 లోగా http s://telanganaepass.cgg.gov.in వెబ్‌సైట్‌లో దరఖాస్తు చేసుకోవాలని సూచించారు. ఇంటర్‌తోపాటు ఎంసెట్‌ కోచింగ్‌ ఉంటుందని, ఆసక్తి గల విద్యార్థులు సద్వినియో గం చేసుకోవాలని సూచించారు. జైనూర్‌లో 144 సెక్షన్‌ జైనూర్‌(ఆసిఫాబాద్‌): జైనూర్‌లో రెండు వర్గాల మధ్య ఘర్షణ జరిగిన నేపథ్యంలో పోలీసులు మంగళవారం మండల కేంద్రంలో 144 సెక్షన్‌ అమలు చేశారు. ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యల్లో భాగంగా భారీ బందోబస్తు ఏర్పాటు చేశారు. వ్యాపారులు సైతం సంపూర్ణ బంద్‌ పాటించి శాంతి భద్రతలకు సహకరించారు. డీఎస్పీ సదయ్య, సీఐ అంజయ్య, ఎస్సైలు మధుకర్‌, సందీప్‌కుమార్‌ తదితరులు శాంతిభద్రతలను పర్యవేక్షించారు. ‘ఉపాధ్యాయులపై లాఠీచార్జి సరికాదు’ ఆసిఫాబాద్‌రూరల్‌: ఉపాధ్యాయులపై లాఠీ చార్జి సరికాదని, నిబంధనల ప్రకారం అలవె న్స్‌లు చెల్లించాలన్నందుకు పోలీసుల ద్వారా బలప్రయోగం చేయడాన్ని తీవ్రంగా ఖండిస్తున్నామని యూటీఎఫ్‌ జిల్లా అధ్యక్షురాలు శాంతికుమారి మంగళవారం ఒక ప్రకటనలో పే ర్కొన్నారు. ఎన్నికల విధుల్లో పాల్గొన్న ఉద్యోగులకు నిబంధనల ప్రకారం రెమ్యూనరేషన్‌ చెల్లించాలని అడిగినందుకు నారాయణఖేడ్‌ జిల్లాలో ఉపాధ్యాయులపై ఆర్డీవో లాఠీచార్జి చేయించారని ఆరోపించారు. సదరు ఆర్డీవో పై వెంటనే చర్యలు తీసుకోవాలని డిమాండ్‌ చేశారు. ప్రాణాలను సైతం లెక్కచేయకుండా విధులు నిర్వర్తించిన వారిపై దాడి చేయడం ఎంతవరకు న్యాయమని ప్రశ్నించారు.

ఆసిఫాబాద్‌అర్బన్‌: జిల్లా కేంద్రంలోని శివాజీ భవనంలో మంగళవారం ఛతప్రతి శివాజీ మహరాజ్‌ కుమారుడు శంబాజీ మహరాజ్‌ జయంతి వేడుకలు ఆరె సంఘం ఆధ్వర్యంలో ఘనంగా నిర్వహించారు. శంబాజీ మహరాజ్‌ చిత్రపటానికి పూలమాలలు వేశారు. సంఘం నాయకులు మాట్లాడుతూ శివాజీ తర్వాత ఆయన వారసుడిగా శంబాజీ మరాఠా సా మ్రాజ్యాన్ని సుభిక్షంగా పాలించారని కొని యాడారు. కార్యక్రమంలో రాష్ట్ర ఉపాధ్యక్షు డు దాదారాం, జిల్లా ఉపాధ్యక్షుడు బిక్కాజీ, నాయకులు మారుతి, దిలీప్‌, ప్రశాంత్‌, గెడేకర్‌ సంతోష్‌, మనోహర్‌, పోశన్న, శ్రీనివాస్‌ తదితరులు పాల్గొన్నారు.