వరంగల్: బాంబులతో వరంగల్‌ ఆర్టీసీ బస్టాండ్ పాత భవనాల కూల్చివేత జరుగుతుండగా.. బాంబుల మోతతో నగరం దద్దరిల్లింది. పెద్ద శబ్దాలకు చుట్టుపక్క ప్రజలు భయాందోళనకు గురయ్యారు. చిన్న తప్పిదం జరిగినా భారీ నష్టం వాటిళ్లే అవకాశం ఉందని ప్రజలు ఆందోళన వ్యక్తం చేశారు. అదే విధంగా కూతవేటు దూరంలో రైల్వే స్టేషన్ కూడా ఉండటం గమనార్హం.ఇక.. వరంగల్‌ ఆర్టీసీ బస్టాండ్ పాత భవనాల తొలగింపు పనులు చకచకా సాగుతున్నాయి. రూ.70 కోట్లతో అధునాతన బహుళ అంతస్తుల బస్‌స్టేషన్‌‌ నిర్మాణంలో భాగంగా సిటీ బస్‌స్టేషన్‌ను అర్ధరాత్రి ఒంటి గంట తర్వాత  బాంబుల (జిలెటిన్ స్టిక్స్)తో భవనాలను కూల్చి వేశారు. పురాతన భవనాలు దృఢంగా ఉండటంతో ఎక్స్‌కవేటర్లతో కూల్చడం సాధ్యం కాకపోవడంతో, కూల్చివేతలకు పేలుడు పదార్థాలు ఉపయోగించారు.

సాక్షి, హైదరాబాద్‌: ఆదాయానికి మించి ఆ­స్తులు కలిగి ఉన్నారనే ఆరోపణల నేపథ్యంలో సెంట్ర­ల్‌ క్రైమ్‌ స్టేషన్‌లో (సీసీ­ఎస్‌) ఏసీపీగా పని చేస్తున్న టీఎస్‌ ఉమామహేశ్వరరావును ఏసీబీ అరెస్ట్‌ చేసింది. ఈ నేపథ్యంలో ఆయన బాగోతాలు ఒక్కొక్కటిగా బయటకు వస్తున్నాయి. న్యాయం కోసం వెళ్లిన వారిని ఆయన తీవ్ర ఇబ్బందులకు గురిచేసినట్టు అధికారులు గుర్తించారు.ఇక, ఏసీపీ ఉమా మహేశ్వరరావు వ్యవహారశైలిపై కూడా గతంలోనే ఫిర్యాదులు వచ్చాయి. అతనిపై ఇప్పటికే మూడుసార్లు సస్పెన్షన్‌ వేటుగా పడింది. అయినా కూడా ఆయన తన తీరు మార్చుకోలేదు. అధికారాన్ని అడ్డుపెట్టుకుని సివిల్‌ కేసులను క్రిమినల్‌ కేసులుగా మార్చి లక్షల రూపాయలను కాజేశారు.సీసీఎస్‌లో బాధితులకు న్యాయం చేయాల్సిన హోదాలో ఉంటూ వారితోనే బేరసారాలాడారు. కాగా, ఓ ఎన్నారై ఫిర్యాదు చేయడానికి రావడంతో అతడిని సైతం బెదిరించి డబ్బులు దండుకున్న‍ట్టు అధికారులు గుర్తించారు. ఇక, తోటి సిబ్బందిని బూతులు తిడుతూ, అవహేళన, వారిపై అసహనం వ్యక్తం చేసిన సందర్భాలు చాలానే పోలీసులు చెబుతున్నారు. తన దగ్గరికి వచ్చిన ప్రతీ కేసులోనూ ఉమా మహేశ్వర రావు చేతివాటం చూపించినట్టు సమాచారం.  ఆదాయానికి మించి ఆ­స్తులు కలిగి ఉన్నారనే ఆరోపణల నేపథ్యంలో అవినీతి నిరోధక శాఖ (ఏసీబీ) అధికారులు ఆయన, ఆయన బంధువుల నివాసాలపై మంగళవారం దాడు­లు చేశారు. తెలంగాణ, ఏపీలోని ఉమా­మ­హేశ్వరావు ఇళ్లు, ఆయన బంధువులు, స్నే­హితుల ఇళ్లతో సహా మొత్తం 11 చోట్ల సోదా­లు నిర్వహించారు. తనిఖీల్లో నగదు, బంగారం, ఆస్తి పత్రాలతో పాటు రెండు బ్యాంకు లాక­ర్ల­ను గుర్తించినట్లు తెలిసింది.అక్రమ ఆస్తుల కూడబెట్టుకుని నగర శివారులో విలాసవంతమైన విల్లాలు కొనుగోలు చేశారు. శామీర్‌పేటలో విల్లా, ఘట్‌కేసర్‌లో ఐడు ప్లాట్స్‌ కొనుగోలు చేశారు. అంతేకాకుండా తన ఇంట్లో నగదు ఉంచకుండా.. తన అత్తామామల ఇంట్లోనే డబ్బును దాచిపెట్టారు. లావాదేవీల మొత్తం సమాచారాన్ని ఆయన ట్యాబ్‌లో స్టోర్‌ చేసుకున్నారు. ఇక, ఉమా మహేశ్వరరావు ఆస్తుల విలువ బహిరంగ మార్కెట్‌లో 50కోట్లకు వరకు ఉంటుందని అధికారులు చెబుతున్నారు. ఇక, తెలుగు రాష్ట్రాల్లో 17చోట్ల ఆస్తులను గుర్తించారు. సోదాల్లో భాగంగా ఇప్పటి వరకు రూ.38లక్షల నగదు, 60 తులాల బంగారం సీజ్‌. కాగా, కాసేపట్లో ఉమా మహేశ్వర్‌ను అధికారులు ఏసీబీ కోర్టులో హాజరుపర్చనున్నారు. 

సాక్షి, తిరుమల: తెలంగాణ ముఖ్యమంత్రి రేవంత్‌ రెడ్డి తిరుమల పర్యటనలో ఉన్నారు. ఈ సందర్భంగా రేవంత్‌ రెడ్డి.. తిరుమల శ్రీవారిని దర్శించుకున్నారు. వీఐపీ దర్శనంలో భాగంగా బుధవారం ఉదయం రేవంత్‌ రెడ్డి కుటుంబ సమేతంగా స్వామివారిని దర్శించుకున్నారు. కాగా, సీఎం రేవంత్‌ రెడ్డి ఈరోజు ఉదయం తిరుమల శ్రీవారిని కుటుంబ సమేతంగా దర్శించుకున్నారు. ఈ సందర్భంగా వారికి ఆలయాధికారులు స్వాగతం పలికి దర్శన ఏర్పాట్లు చేశారు. ఈ క్రమంలో తన మనవడు పుట్టు వెంట్రుకలు సమర్పించి మెక్కు చెల్లించుకొన్నారు. ఇక, ఆలయం ముందు మనవడిని భుజంపై ఎత్తుకొని ఫోటోలు దిగారు సీఎం రేవంత్‌.దర్శనానంతరం ఆలయం ముందు సీఎం రేవంత్‌ మీడియాతో మాట్లాడుతూ..‘ఏపీ సీఎంతో కలిసి సమస్యలు పరిష్కరించుకుని కలసికట్టుగా నడుస్తామన్నారు. రెండు రాష్ట్రాల అభివృద్ధికి ఒకరికి ఒకరు సహకరించుకోవాలని ఆకాంక్షించారు. తిరుమలలో తెలంగాణ ప్రభుత్వం తరఫున సత్రం, కళ్యాణ మండపం నిర్మిస్తామని ప్రకటించారు. శ్రీవారి సేవలో తెలంగాణ ప్రభుత్వ భాగస్వామ్యం కూడా తీసుకోవాలని ఏపీ సీఎంకు విజ్ఞప్తి చేస్తామన్నారు. తిరుమలలో రాజకీయాలు మాట్లాడకూడదని చెప్పారు. రైతాంగాన్ని ఆదుకుని దేశ సంపదను పెంచాలని తమ ఆలోచన అని తెలియజేశారు. #WATCH | Tirupati: Telangana CM Revanth Reddy alongwith his family members visits Tirumala Venkateswara Temple to offer prayers to Lord Balaji. pic.twitter.com/byzWZxL3EB— ANI (@ANI) May 22, 2024 

ఇది మామూలు ఆసుపత్రి కాదు..ఏ పట్టణంలోదో..పల్లెల్లోదో అంతకన్నా కాదు. సాక్ష్యాత్తు రాజధాని నగరం హైదరాబాద్‌లోని ప్రతిష్టాత్మక నిజామ్‌ వైద్య విజ్ఞాన సంస్థ (నిమ్స్‌). కానీ ఇక్కడి అక్యూట్‌ మెడికల్‌ కేర్‌ (ఏఎంసీ)సెంటర్‌లో ఏసీ పనిచేయడం లేదు. కనీసం ప్రత్యామ్నాయ ఏర్పాట్లు కూడా లేవు. దీంతో ‘ఏసీ పనిచేయడం లేదు..మీరే ఫ్యాన్లు తెచ్చుకోండి’ అంటూ ఆస్పత్రి సిబ్బంది రోగుల సంబందీకులకు సెలవిస్తున్నారు. వాస్తవానికి ప్రాణపాయ స్థితిలో ఉన్న రోగులకు అత్యంత వైద్య సంరక్షణ అందించేందుకు ఏఎంసీని వినియోగిస్తారు. కానీ ఇప్పుడు నిమ్స్‌ ఏఎంసీని చూస్తే జనరల్‌ వార్డుకన్నా అధ్వానంగా మారింది.  లక్డీకాపూల్‌: నిరుపేదలకు కార్పొరేట్‌ స్థాయి వైద్యసేవలను అందించే నిమ్స్‌ ఆస్పత్రిలో సేవలు పొందడం చాలా కష్టతరమైంది. పెరుగుతున్న రోగుల సంఖ్యకు అనుగుణంగా మెరుగైన సేవలు, సౌకర్యాలు కలి్పంచడంలో యాజమాన్యం విఫలమవుతోంది. ఇందుకు ఉదాహరణగా ఆస్పత్రిలోని ఏఎంసీ వార్డును పేర్కొనవచ్చు. వ్యాధి సమస్య తీవ్రరూపం దాలి్చన స్థితిలో రోగిని ఇక్కడకి తరలించి వైద్యసేవలను అందిస్తారు. వాస్తవానికి ఏఎంసీ సాధారణ వ్యాధులు(జనరల్‌ మెడిసిన్‌) విభాగానికి సంబంధించిన ఐసీయూ(అత్యవసర చికిత్సా కేంద్రం). ఇందులో రోగి ప్రాణపాయస్థితికి చేరినప్పడు వైద్యసేవలను అందిస్తారు.ముఖ్యంగా అన్‌ కంట్రోల్‌ డయాబెటిక్‌ సమస్యతో బాధపడుతున్న వారిని, డెంగ్యూ ఫీవర్, తీవ్రమైన స్థాయిలో రక్తాన్ని కోల్పోతున్న రోగులకు ఏఎంసీలో చికిత్స అందిస్తుంటారు. అదే విధంగా జ్వరంతో బాధపడుతున్న వాళ్లతో పాటు ఇతర మెడికల్‌ కండిషన్‌లో రోగులకు సైతం ఏఎంసీలో వైద్యసేవలను అందిస్తారు. ప్రస్తుతం ఈ వార్డులో 16 పడకలు అందుబాటులో ఉన్నాయి. అవన్నీ రోగులతో నిండుకున్నాయి. అయితే..అత్యంత కీలకమైన ఈ విభాగంలో ఏసీలు పని చేయకపోవడంతో రోగుల బాధలు వర్ణణాతీతం. ఇక్కడకి చికిత్స కోసం వచ్చే రోగులకు ముందు ఫ్యాన్‌ తెచ్చుకోవాలని అక్కడి వైద్య సిబ్బంది నేరుగా సూచించడం పరిపాటి. రెండు దశాబ్దాల నాటి ఏసీలు చెడిపోయాయి. దీంతో ఏఎంసీ దుస్థితి అధ్వాన్నంగా తయారైంది.  కాలం చెల్లిన ఏసీలు.. దాదాపు 15 ఏళ్ల నాటి ఏసీలే ఇప్పటికీ వినియోగిస్తుండడంతో అవి మొరాయిస్తున్నాయి. కనీసం రిపేరుకు స్పేర్‌ పార్ట్స్‌ కూడా దొరక్క వాటిని ఆపేస్తున్నారు. ఏఎంసీ వార్డులో కూడా ఇదే జరిగింది. కండెన్సర్లు దెబ్బతినడంతో ఏసీలు పని చేయడం మానేశాయి. మరొపక్క ఆస్పత్రిలో ఏసీ లోడ్‌ భారం కూడా విపరీతంగా పెరిగిందనే చెప్పాలి. ఆస్పత్రిలో ఒకప్పుడు 200 పడకల సామర్ధ్యం కలిగిన ఐసీయూ యూనిట్లు ఉండేవి. ప్రస్తుతం 500ల వరకు ఐసీయూ పడకలు రోగులకు అందుబాటులో ఉన్నాయి. దానికి తోడు వైద్య పరీక్షల్లో మరింత మెరుగైన సేవలను అందించే క్రమంలో అందుబాటులోకి తీసుకువచి్చన అత్యాధునికి వైద్య పరికరాలకు సైతం ఏసీల అవసరం ఉంది.మరమ్మతులు చేయిస్తాం.. ‘ఏఎంసీలో ఏసీలు పని చేయడం లేదు..రోగులే ఫ్యాన్లు తెచ్చకుంటున్నారు. ఇది నిజమే. ఆ ఏసీలను రిపేరు చేయాలంటే ఆ వార్డును ఖాళీ చేయాలి. అందులో ఉన్న రోగులను ఎక్కడికి షిప్ట్‌ చేయాలో తెలియడం లేదు. అందుకే సకాలంలో రిపేరు చేయించలేకపోతున్నాం. ఏఎంసీని పూర్తిగా ఆధునీకరించేందుకు దాతలు కూడా సిద్ధంగా ఉన్నారు. త్వరలో చర్యలు తీసుకుంటాం’ అని పేరు చెప్పడానికి ఇష్టపడని ఓ ఉన్నతాధికారి పేర్కొన్నారు.  హెచ్‌డీయూ లేదు..సాధారణంగా ఆస్పత్రిలో జనరల్‌ మెడిసిన్‌ విభాగానికి సంబంధించి ఏఎంసీతో పాటు హై డిఫెడెంట్‌ యూనిట్‌(హెచ్‌డీయూ)ను కూడా ఏర్పాటు చేయాలి. కానీ సూపర్‌ స్పెషాలిటీ ఆస్పత్రి, రిఫరల్‌ ఆస్పత్రిగా ఖ్యాతి చెందిన నిమ్స్‌లో హెచ్‌డీయూను విస్మరించారు. ఏఎంసీలో వైద్య సేవలకు అంతరాయం కలిగినప్పుడే కాకుండా వ్యాధి తీవ్రత మేరకు ఏంఎంసీపై భారం తగ్గించడానికి హెచ్‌డీయూ ఉపయుక్తంగా ఉంటుంది. ఒక విధంగా ఈ విభాగాన్ని ఏఎంసీ సపోరి్టంగ్‌ యూనిట్‌గా వినియోగిస్తారు. అలాంటి దాని విషయంలో యాజమాన్యం నిర్లక్ష్యం వహించింది. ఫలితంగా ప్రస్తుత పరిస్థితుల్లో రోగులు నానా అగచాట్లకు గురవుతున్నారు. ఏసీలు పని చేయని కారణంగా.. రోగులే సొంతంగా ఫ్యాన్లు తెచ్చుకుని వైద్యసేవలు పొందాల్సి వస్తోంది.    

నిజామాబాద్‌నాగారం: నగరంలోని వినాయక్‌నగర్‌ ప్రాంతంలో గత పదేళ్లుగా తరచుగా విద్యుత్‌ సరఫరాలో ఓవర్‌లోడ్‌ లేదంటే లోఓల్టేజ్‌ సమస్యతో ప్రజలు, వ్యాపారులు ఇబ్బందులు పడుతుండేవారు. గతేడాది సమస్య తీవ్రతరం కావడంతో ట్రాన్స్‌ కో–అధికారులు సమస్య పరిష్కారానికి కార్యాచరణ రూపొందించారు. ఈక్రమంలో నూతన ట్రాన్స్‌ఫార్మర్‌ను ఏర్పాటు చేసి, మంగళవారం అధికారులు ప్రారంభించారు. దీంతో నగరంలోని డీ–4సెక్షన్‌ (వినాయక్‌నగర్‌) సబ్‌స్టేషన్‌ పరిధిలో విద్యుత్‌ సమస్యకు పరిష్కారం లభించినట్లయింది. డీ–4 సెక్షన్‌లో 26వేల కనెక్షన్లు.. నగరంలోని డీ–4సెక్షన్‌(వినాయక్‌నగర్‌) అత్యంత ప్రాధాన్యత ఉంటుంది. ఈ సెక్షన్‌చాలా పెద్దది. ఇందులోనే గత నాలుగు సంవత్సరాల క్రితం డీ–7సెక్షన్‌(ఆర్యనగర్‌) ఏర్పడింది. ప్రస్తుతం సెక్షన్‌ పరిధిలో గృహాలు, వ్యాపార వాణిజ్య సంస్థలకు సంబంధించిన సర్వీస్‌ కనెక్షన్‌లు 26వేలకు పైగా ఉన్నాయి. వీటి పరిధిలో వినాయక్‌నగర్‌, శ్రీనగర్‌కాలనీ, గాయత్రినగర్‌, కోటగల్లీ, న్యాల్‌కల్‌రోడ్‌, చంద్రనగర్‌, 100ఫీట్ల రోడ్‌, ఓల్డ్‌ హౌసింగ్‌బోర్డు, పాటిగల్లీ, యాదగిరిబాగ్‌, గూడెం కాలనీ తదితర ఉన్నాయి. హైదరాబాద్‌రోడ్‌ కావడంతో వ్యాపారవాణిజ్య సంస్థలు ఏర్పడుతునే ఉన్నాయి. రోజురోజుకు కొత్త కనెక్షన్‌ల సంఖ్య పెరుగుతుంది. దీంతో లోడ్‌ సమస్య పెరుగుతుంది. తద్వారా ప్రస్తుతం ఉన్న సబ్‌స్టేషన్‌లో 8.0ఎంవీఏ పవర్‌ ట్రాన్స్‌ఫార్మర్‌పై లోడ్‌పెరుగుతూ వచ్చింది. గత ఏడాది నుంచి ఈ సమస్య మరింత అధికమైంది. దీంతో తరచుగా ఓవర్‌లోడ్‌, లేదంటే లో–వోల్టేజ్‌ సమస్యతో వినియోగదారులకు అంతరాయం ఏర్పడేది. మెరుగైన విద్యుత్‌ అందించడానికే.. వినియోగదారులకు విద్యుత్‌ సరఫరాలో కలుగుతున్న ఇబ్బందులను గుర్తించాం. మరింత మెరుగైనా సరఫరా ఇవ్వడానికి సీఎండీ వరుణ్‌రెడ్డి సార్‌ దృష్టికి సమస్యను తీసుకెళ్లాం. దీంతో 8కెపాసీటీతో ఉన్న పవర్‌ ట్రాన్స్‌ఫార్మర్‌ను 12.5కెపాసిటిగల ట్రాన్స్‌ఫార్మర్‌ను ఏర్పాటు చేశారు. మంగళవారం అధికారులు, సిబ్బంది అందరం కలిసి ప్రారంభించాం. వినియోగదారులకు మెరుగైనా సరఫరా ఇవ్వడానికి శ్రమిస్తున్నాం. – ఎమ్‌ శ్రీనివాస్‌రావు, ట్రాన్స్‌కో డివిజన్‌ ఇంజినీర్‌ నగరంలోని డీ–4 సెక్షన్‌ పరిధిలో నూతన ట్రాన్స్‌ఫార్మర్‌ ఏర్పాటు 8 కెపాసిటీ ట్రాన్స్‌ఫార్మర్‌ స్థానంలో 12.5 కెపాసిటీ ట్రాన్స్‌ఫార్మర్‌ బిగింపుకంపెనీ చరిత్రలో మొదటిసారి.. ఈ సబ్‌స్టేషన్‌లో 8.0 కెపాసిటి పవర్‌ ట్రాన్స్‌ఫార్మర్‌ ఉన్నా లోడ్‌ సరిపోయేది కాదు. ఈ విషయాన్ని ఏఈ నాగశార్వనీ గుర్తించి ఏడీఈ వీరేశం ద్వారా నిజామాబాద్‌ డివిజన్‌ డీఈ శ్రీనివాస్‌రావు దృష్టికి తీసుకెళ్లారు. గత రెండేళ్లుగా ఓవర్‌లోడ్‌, అక్కడక్కడ లో–ఓల్టేజ్‌ సమస్య ఎదురవుతుడటంతో నిజామాబాద్‌ డివిజన్‌ ఇంజినీర్‌ శ్రీనివాస్‌రావు, ఎస్‌ఈ రవీంధర్‌లు ప్రత్యేక శ్రద్ధతో సమస్య పరిష్కారానికి కార్యచరణ రూపొందించారు. సీఎండీ వరుణ్‌రెడ్డిని ఒప్పించి మరీ కంపెనీ చరిత్రలోనే మొట్టమొదటిసారి 12.5 పవర్‌ ట్రాన్స్‌ఫార్మర్‌ను మంగళవారం ఏ ర్పాటు చేయించి ప్రారంభించారు. దీంతో విద్యుత్‌ సమస్య పరిష్కారానికి అడుగులు పడ్డాయి. ప్రారంభోత్సవంలో ఎస్‌ఈ రవీంధర్‌, డీఈలు శ్రీనివాస్‌రావు, రాజేశ్వర్‌రావు, ఏడీఈలు వీరేశం, తోట రాజశేఖర్‌, ఏఈ, ఉద్యోగులు పాల్గొన్నారు.