సాక్షి, చైన్నె: తాంబరంలో పట్టుబడ్డ రూ. 4 కోట్ల నగదు కేసులో బీజేపీ నేతలను విచారణ వలయంలోకి తీసుకురావాలని సీబీసీఐడీ నిర్ణయించింది. ఇందులో భాగంగా బీజేపీ రాష్ట్ర పార్టీకి చెందిన ఇద్దరు కీలక నేతలను తొలుత విచారించేందుకు రంగం సిద్ధం చేస్తోంది. ఎన్నికల వేళ తిరునల్వేలికి రైలులలో తరలిస్తున్న రూ. 4 కోట్లు నగదును తాంబరం రైల్వే స్టేషన్‌ వద్ద ఎన్నికల అధికారులు సీజ్‌ చేసిన విషయం తెలిసిందే. ఈ నగదును తరలిస్తున్న వ్యక్తులు తిరునల్వేలి బీజేపీ అభ్యర్థి నయనార్‌నాగేంద్రన్‌ సహాయకులు కావడంతో వివాదానికి దారి తీసింది. ఈకేసు తాంబరం పోలీసులు సీబీసీఐడీకి అప్పగించారు. దీంతో సీబీసీఐడీ అధికారులు విచారణను మొదలెట్టారు. పట్టుబడ్డ నిందితులు సతీష్‌, నవీన్‌, పెరుమాల్‌ వాంగ్మూలం ఆధారంగా నయనార్‌ నాగేంద్రన్‌ బంధువులు మురుగన్‌, ఆశై తంబిల వద్ద గత వారం రెండు రోజుల పాటు విచారించారు. ఇందులోకొన్ని ఆసక్తికర అంశాలు వెలుగులోకి వచ్చినట్టు సంకేతాలు వెలువడ్డాయి. ఎన్నికలలో పోటీలో ఉన్న అభ్యర్థికి బీజేపీ అధిష్టానం ఎన్నికల ఖర్చుగా ఆ మొత్తాన్ని పంపించినట్టు సమాచారం వెలుగులోకి వచ్చింది. దీంతో ఈకేసులో బీజేపీ నేతలను విచారణ వలయంలోకి తె చ్చేందుకు సిద్ధమయ్యారు. ముందుగా రాష్ట్ర బీజేపీ కోశాధికారి ఎస్‌ఆర్‌ శేఖర్‌ను, సీనియర్‌ నేత కేశవ వినాయగంను విచారించేందుకు సీబీసీఐడీ సిద్ధమవుతోన్నట్టు సంకేతాలు వెలువడ్డాయి. వీరికి సమన్లు జారీ చేసి విచారించేందుకు కసరత్తు చేపట్టారు. దీంతో ఈ కేసును ఎలాంటి మలుపు తిప్పనుందో వేచి చూడాల్సిందే.

తమిళసినిమా: సీనియర్‌ సినీ దర్శకుడు, నిర్మాత ఓం శక్తి జగదీశన్‌ (95) మంగళవారం చైన్నెలో కన్నుమూశారు. తమిళంలో మేల్‌మరువత్తూర్‌ ఆదిపరాశక్తి, సమయపురత్తాళే సాక్షి, మేల్‌మరువత్తూర్‌ అర్బుతంగళ్‌, బదుల్‌ సొల్వాళ్‌ భద్రకాళీ, కై కొడుప్పాళ్‌ కర్పకాంబాళ్‌ వంటి భక్తిరస చిత్రాలతో పాటు ఒరే తాయ్‌ ఒరే కులం, ఇవర్‌గళ్‌ ఇండియర్‌గళ్‌,దిశైమారియ పరవైగళ్‌ వంటి పలు సందేశాత్మక కథా చిత్రాలకు దర్శకత్వం ఈయన వహించారు. ఎంజీఆర్‌ హీరోగా నటించిన ఇదయఖని చిత్రానికి ఓం శక్తి జగదీశన్‌ మాటలను రాశారు. అదే విధంగా పలు చిత్రాలకు కథ, సంభాషణలను అందించారు. శివాజీగణేశన్‌ నటించిన చిరంజీవి చిత్రానికి కథ, మాటలు రాయడంతో పాటు ఈయనే నిర్మించారు. కాగా తమిళంతో పాటు తెలుగు,క న్నడం భాషల్లో వివిధ శాఖల్లో 100కు పైగా చిత్రాలకు పని చేసిన ఓం శక్తి జదీశన్‌కు గురుమూర్తి, రామచంద్రన్‌ అనే ఇద్దరు కొడుకులు ఉన్నారు. ఈయన మృతికి పలువురు సినీ ప్రముఖులు సంతాపం వ్యక్తం చేశారు. కాగా ఓం శక్తి జగదీశన్‌ పార్థీవ దేహానికి మంగళవారం సాయంత్రం స్థానిక పోరూర్‌లోని శ్మశాన వాటికలో అంత్యక్రియలు నిర్వహించారు.

● హైకోర్టు ఆగ్రహం సాక్షి, చైన్నె: పోలీసు సహకారం లేకుండా గంజాయి అమ్మకానికి అవకాశం లేదని మద్రాసు హైకోర్టు మధురై ధర్మాసనం ఆగ్రహం వ్యక్తం చేసింది. సమగ్ర వివరాలను దాఖలు చేయాలని మదురై జిల్లా ఎస్పీని ఆదేశించింది. ఓ కేసు విచారణ సందర్భంగా బుధవారం గంజాయి అక్రమ రవాణా, అమ్మకాలపై న్యాయమూర్తులు తీవ్ర వ్యాఖ్యలు చేశారు. పోలీసుల సహాయం లేకుండా గంజాయి వ్యాపారం జరగదని, ఈ విధంగా పరిస్థితులు ఉంటే ఎలా కట్టడి చేయగలరని ప్రశ్నించింది. గంజాయి విక్రయాలు, అక్రమ రవాణాకు సంబంధించి ఎన్ని కేసులు నమోదయ్యాయి?, ఇప్పటి వరకు అరెస్టు చేసిన వారి సమగ్ర వివరాలను సమర్పించాలని మదురై జిల్లా ఎస్పీ, హోంశాఖ కార్యదర్శి, డైరెక్టర్‌ ఆఫ్‌ నార్కోటిక్స్‌ కంట్రోల్‌ విభాగాలను ధర్మాసనం ఆదేశించింది.

కొరుక్కుపేట: జన్యు రుగ్మత అయిన తలసేమియాపై ప్రజల్లో అవగాహన కల్పించాల్సిన అవసరం ఉందని ప్రముఖ సినీనటి సుహాసినీ మణి రత్నం అన్నారు. చైన్నె తరమణిలోని వీహెచ్‌ఎస్‌ హాస్పిటల్లో తలసేమియా సంక్షేమ సంఘం, తామిరభరణి తలసేమియా సొసైటీ సంయుక్త ఆధ్వర్యంలో తలసేమియా దినోత్సవాన్ని బుధవారం ఘనంగా జరుపుకున్నారు. ఈ సందర్భంగా ఏర్పాటైన ప్రత్యేక సభలో ముఖ్యఅతిథిగా సుహాసిని పాల్గొని, ప్రసంగిస్తూ తలసేమియా బాధితులకు రక్తదానం చేసిగానీ, వ్యక్తిగానీ సభలో పాల్గొన్నానని సభికుల హర్షధ్వానాల మధ్య తెలిపారు. అపోలో హాస్పిటల్స్‌ క్యాన్సర్‌ సెంటర్‌ పీడియాట్రిక్‌ హెమటాలజిస్ట్‌ డాక్టర్‌ రేవతి రాజ్‌ మాట్లాడుతూ మహిళలు గర్భం దాల్చినప్పుడు చేసుకునే వైద్యపరీక్షల సమయంలోనే తలసేమియా పరీక్షలు కూడా చేసుకుంటే ఈ రుగ్మతను పూర్తిగా నిరోధించవచ్చని చెప్పా రు. ముందస్తు వైద్యపరీక్షల ద్వారానే తలసేమియాను నిరోధించగలమన్నారు. అలాగే తలసేమి యా బాధితులకు అవసరమైన రక్తం అందించేందుకు యువతీ యువకులు రక్తదానం చేయాలని విజ్ఞప్తి చేశారు. ప్రతినెలా 160 తలసేమియా బాధితులకు వీహెచ్‌ఎస్‌ హాస్పిటల్లో చికిత్సలందిస్తున్నామని, బాధిత చిన్నారుల తల్లిదండ్రులందరినీ స భ్యులుగా చేర్చి ప్రత్యేక సంఘాలు కూడా ఏర్పాటు చేశామని తెలిపారు. ఆ సంఘాల సభ్యులు తలసేమియా రోగులకు తగు సహాయ సహకారాలు, సూచనలు అందిస్తారని చెప్పారు.

సాక్షి, చైన్నె: చైన్నె వంటి నగరాలతో పాటు అర్బన్‌ ప్రాంతాల్లో ప్రభుత్వ బడుల వైపు కన్నా, ప్రైవేటు వైపు మొగ్గు చూపే తల్లిదండ్రులే అధికం. ముఖ్యంగా కార్పొరేట్‌ స్కూళ్ల ముందు అడ్మిషన్ల కోసం పడిగాపులు కాసే వారి సంఖ్య క్రమంగా పెరుగుతోంది. ఇక కార్పొరేషన్‌ బడులు అంటే చెట్ల కింద తరగతులు, పెచ్చులు ఉడిన గోడలు, అక్కడక్కడ విరిగిన రేకులు , అపరిశుభ్ర వాతావరణం...ఇలా అనేక విమర్శలు గుప్పించే వాళ్లూ ఉన్నారు. ఇలాంటి విమర్శలకు చెక్‌ పెట్టే విధంగా ఇటీవల ప్రభుత్వ బడులపై పాలకులు ప్రత్యేకంగా దృష్టి పెడుతున్నారు. కొన్ని ప్రాంతాలలో ప్రైవేటు సంస్థల భాగస్వామ్యం సహకారంతో ఆయా పాఠశాలలలోని కొన్ని తరగతులను స్మార్ట్‌గా మారుస్తున్నారు. అలాగే, పరిసరాలను పచ్చదనంతో నింపేపనులు శరవేగంగా చేపడుతున్నారు. చైన్నె తరహాలో.. చైన్నె కార్పొరేషన్‌ పరిధిలో 119 ప్రాథమిక, 92 మాధ్యమిక, 38 ఉన్నత, 32 మహోనత్న పాఠశాలు ఉన్నాయి. ఈ బడులలో 3.5 లక్షల మంది చదువుకునేందుకు అవకాశం ఉంది. ప్రైవేటుకు దీటుగా కార్పొరేషన్‌ బడులను తీర్చిదిద్దేందుకు చైన్నె కార్పొరేషన్‌ వర్గాలు కార్యాచరణ సిద్ధం చేసి అమలు చేస్తున్నాయి. పాఠశాల పరిసరాల సుందరీకరణ, తరగతి గదులు స్మార్ట్‌గానే కాకుండా ఇంటర్నెట్‌ సేవలు, తరగతి గదులలో ప్రత్యేక పెయింటింగ్స్‌, విద్యార్థులు కూర్చునేందుకు ప్రత్యేక చైర్స్‌ వంటివి చైన్నెలో ఏర్పాటు చేస్తున్నారు. కార్పొరేషన్‌ యంత్రాంగం చేపట్టిన పనులతో విద్యార్థుల సంఖ్య క్రమంగా పెరుగుతోంది. ఇదే తరహాలో రాష్ట్రవ్యాప్తంగా బడులను స్మార్ట్స్‌గా మార్చేందుకు ప్రభుత్వం కార్యాచరణ సిద్ధం చేసింది. డిజిటల్‌ యుగంలో విద్యార్థులు ఆన్‌లైన్‌ ద్వారా అన్ని రకాల సేవలను పొందుతున్న ఈ తరుణంలో అన్ని పాఠశాలలో ఆధునిక అంశాలకు అనుగుణంగా విద్యా బోధనకు సిద్ధమయ్యారు. అన్ని బడులను స్మార్ట్‌గా తీర్చిదిద్దేందుకు నిర్ణయించారు. ఇందులో భాగంగా అన్ని బడులలో 100 మెగా బైట్స్‌ వేగం కలిగిన ఇంటర్నెట్‌ సౌకర్యం కల్పించేందుకు బీఎస్‌ఎన్‌ఎల్‌తో కలిసి పాలకులు ముందుకు సాగనున్నారు. అన్ని బడులలో సూపర్‌ ఫాస్ట్‌ ఇంటర్నెట్‌.. అన్ని బడులనూ స్మార్ట్‌గా తీర్చిదిద్దడమే కాకుండా, డిజిటల్‌ యుగానికి తగ్గట్టుగా విద్యార్థులకు అన్ని రకాల విద్యా బోధనలు ఇంటర్నెట్‌ ద్వారా అందించేందుకు సిద్ధమయ్యారు. కీలక అంశాలు, ముఖ్యమైన పాఠ్యాంశాలను స్మార్ట్‌ బోర్డుల ద్వారా ఆన్‌లైన్‌ సేవలతో సవివరంగా విద్యార్థులకు తెలియజేయాలని నిర్ణయించారు. ఈనెలాఖరులోపు ఇంటర్నెట్‌ పనులను ముగించాలని లక్ష్యంగా పెట్టుకున్నారు. బీఎస్‌ఎన్‌ఎల్‌ ద్వారా 19,668 బడులలో కొత్తగా ఇంటర్నెట్‌ సేవలు కల్పించడం, మిగిలిన పాఠశాలలో వేగాన్ని పెంచేందుకు సిద్ధమయ్యారు. రాష్ట్రంలో ప్రభుత్వ ఉన్నత, మహోన్నత పాఠశాలలు 6,223 ఉన్నాయి. ఇందులో 5,907 బడులలో ఇంటర్నెట్‌ సేవలు ఉన్నాయి. 6,992 మాధ్యమిక పాఠశాలలో 3,267, అలాగే 24,338 ప్రాథమిక పాఠశాలలో 8,711 బడులలో ఇంటర్నెట్‌ సౌకర్యంతో స్మార్ట్‌ తరగతులు నిర్వహిస్తున్నారు. అయితే, ఈ సేవల స్పీడ్‌ మరీ తక్కువగా ఉండటంతో విద్యార్థులకు ఇబ్బందులు తప్పడం లేదు. దీంతో ఈ బడులలో 100 మెగా బైట్స్‌ స్పీడ్‌తో కూడిన ఇంటర్నెట్‌ సౌకర్యం కల్పించేందుకు చర్యలు చేపట్టారు. మిగిలిన 19,668 బడులలో కొత్తగా ఇంటర్నెట్‌ సేవలు, స్మార్ట్‌ ఏర్పాట్లను వేగవంతం చేసే విధంగా బుధవారం విద్యా శాఖ ఉత్తర్వులను జారీ చేసింది. విద్యార్థులకు ఆన్‌లైన్‌ పాఠాలు చైన్నెలోని స్మార్ట్‌ బడి