నాలుగు నెలల తర్వాత ఓటీటీకి ఓపెన్ హైమర్.. స్ట్రీమింగ్ ఎక్కడో తెలుసా?
Published
Thu, Nov 9 2023 2:57 PM
క్రిస్టోఫర్ నోలన్ దర్శకత్వంలో తెరకెక్కించిన హాలీవుడ్ చిత్రం ఓపెన్ హైమర్. ఈ ఏడాది జూలైలో రిలీజైన ఈ మూవీ ప్రపంచవ్యాప్తంగా హిట్ టాక్ను సొంతం చేసుకుంది. ఈ హాలీవుడ్ మూవీ తాజాగా ఓటీటీకి వచ్చేందుకు సిద్ధమైంది. నవంబర్ 21 నుంచి అమెజాన్ ప్రైమ్లో స్ట్రీమింగ్ కానుంది. అయితే ఓటీటీ రిలీజ్కు మరో పది రోజులు ఉండగానే ఈ మూవీ ఆన్లైన్లో లీకైంది. గురువారం రోజే హెచ్డీ వర్షన్ ఆన్ లైన్లో దర్శనమివ్వడం ప్రస్తుతం హాట్టాపిక్గా మారింది. జూలై 21న థియేటర్లలోకి వచ్చిన ఈ మూవీ భారీగా కలెక్షన్స్ రాబట్టింది. ఈ ఏడాది హాలీవుడ్లో మూడో అత్యధిక వసూళ్లు సాధించిన చిత్రంగా నిలిచింది.
అణుబాంబును కనిపెట్టిన సైంటిస్ట్ ఓపెన్హైమర్ జీవితం ఆధారంగా క్రిస్టోఫర్ నోలన్ ఈ మూవీని తెరకెక్కించాడు. అణుబాంబును కనిపెట్టడంలో ఓపెన్హైపర్ ఎదురైన సంఘటనలను ఈ సినిమాలో చూపించారు. కాగా.. ఈ చిత్రంలో సిలియన్ మర్ఫీ, రాబర్ట్ డౌనీ జూనియర్, మాట్ డామన్ కీలక పాత్రలు పోషించారు.
Oppenheimer is yours to own on 4K, Blu-ray™, and Digital November 21. Christopher Nolan’s global blockbuster premieres at home with over 3 hours of special features. pic.twitter.com/qUJRCwPoUC