లేడీ సూపర్‌ స్టార్‌ నయనతార గురించి పరిచయం అక్కర్లేదు. సౌత్‌లో స్టార్‌ హీరోయిన్‌గా తనకంటూ ప్రత్యేక గుర్తింపు తెచ్చుకుంది. గతేడాది షారుక్ సరసన జవాన్‌తో బాలీవుడ్‌లోనూ ఎంట్రీ ఇ‍చ్చింది.

ఇలా కెరీర్‌పరంగా దూసుకెళ్తున్న నయన్‌.. పర్సనల్‌ లైఫ్‌పై గతంలో ఓ రూమర్‌ నెట్టింట చక్కర్లు కొట్టింది. ప్రేమించి పెళ్లి చేసుకున్న నయనతార, విఘ్నేష్‌ శివన్‌ జంట విడిపోతున్నట్లు కొన్నాళ్ల క్రితం వార్తలు వచ్చాయి.

దీంతో ఆ వార్తలు చెక్‌ పెట్టేందుకు నయనతార వరుసగా భర్తతో కలిసి దిగిన పోటోలను ఇన్‌స్టాలో షేర్‌ చేస్తూ వస్తోంది.

తాజాగా నయన్‌ భర్తతో కలిసి మరో ఫోటో షూట్‌ చేసి.. ఆ ఫోటోలను ఇన్‌స్టాగ్రామ్‌లో షేర్‌ చేసింది. అందులో విఘ్నేష్ వైట్ షర్ట్, పంచా కట్టుకుంటే.. నయనతార చీరలో మెరిసింది.

నయనతార, విఘ్నేష్ ఇద్దరూ ఒకరినొకరు కౌగిలించుకొని, ఆకాశంవైపు చూస్తున్నట్లుగా పోజులిచ్చారు.

నయనతార, విఘ్నేష్ 8 ఏళ్లుగా ప్రేమించి పెళ్లి చేసుకున్నారు. సరోగసీ ద్వారా కవల పిల్లలకు జన్మనిచ్చారు.