నిజామాబాద్‌ రూరల్‌: మండలంలోని మాధవనగర్‌, పాల్దా, ముత్తకుంట, గుండారం వ్యవసాయ సహకార సంఘాలలో శనివారం సబ్సిడీపై జీలుగా విత్తనాలు పంపిణీ చేశారు. ఈసందర్భంగా ఏవో జాదవ్‌ హీరా మాట్లాడుతూ.. రూరల్‌ మండల సహకార సంఘాల పరిఽధిలో ఉన్న సొసైటీ కార్యాలయాల్లో జీలుగా విత్తనాలు అందుబాటులో ఉన్నాయన్నారు. కావాల్సిన రైతులు ఆధార్‌ కార్డు, పట్టా పాసు పుస్తకం జిరాక్స్‌ తీసుకువచ్చి మండల విస్తీర్ణ అఽధికారి వద్ద నమోదు చేసుకొని, తీసుకు వెళ్లాలని తెలిపారు. 60శాతం సబ్సిడీపై 30 కిలోల బస్తా రూ.1116కు అందుబాటులో ఉన్నాయన్నారు, 2.5 ఎకరాలకు ఒక జీలుగు బస్తా మాత్రమే ఇవ్వబడుతుందన్నారు. ఒక రైతుకు గరిష్టంగా 3 బస్తాలు మాత్రమే ఇస్తామన్నారు. మాధవనగర్‌ చైర్మన్‌ నాగేఽశ్వర్‌రావు, సీఈవో వంశీకృష్ణ, ఏఈవో స్వాతి లత, రైతులు తదితులు పాల్గొన్నారు. మోపాల్‌: మండల కేంద్రంలోని మోపాల్‌ ప్రాథమిక సహకార సంఘం ఆధ్వర్యంలో శనివారం జీలుగ విత్తనాలను సొసైటీ చైర్మన్‌ గ్యానాజీ గంగారెడ్డి పంపిణీ చేశారు. డైరెక్టర్లు తిరుపతి, రాజశేఖర్‌ రెడ్డి, గంగారాం, సీఈవో సాయి చంద్‌, రైతులు సాయినాథ్‌ రెడ్డి, ఉదయ్‌, చిన్నారెడ్డి, భాస్కర్‌, భూమారెడ్డి, తదితరులు పాల్గొన్నారు. సిరికొండ: మండల కేంద్రంలోగల ప్రాథమిక వ్యవసాయ సహకార సంఘంలో రైతులకు రాయితీపై జీలుగ విత్తనాలను శనివారం పంపిణీ చేశారు. మండల వ్యవసాయ శాఖ అధికారి వెంకటేష్‌, సొసైటీ ప్రతినిధులు పాల్గొన్నారు.

వీరబ్రహ్మేంద్రస్వామి ఆరాధనోత్సవాలు డిచ్‌పల్లి: మండలంలోని ధర్మారం(బి)లోని వీరబ్రహ్మేంద్రస్వామి ఆలయంలో శనివా రం బ్రహ్మంగారి ఆరాధన ఉత్సవాన్ని ఘ నంగా నిర్వహించారు. ఈసందర్భంగా స్వా మివారికి ప్రత్యేక అభిషేకాలు, అర్చనలు, పూజలు నిర్వహించారు. సుహాసినులు కుంకుమార్చనలు నిర్వహించారు. అనంతరం భక్తులకు అన్నదానం ఏర్పాటు చేశారు. ఆల య ధర్మకర్త రావుల బ్రహ్మానందం, జంపా ని లక్ష్మీనారాయణ, రవిబాబు, నాగేశ్వరరా వు, భక్తులు తదితరులు పాల్గొన్నారు. ధర్పల్లి: మండలంలోని మైలారం గ్రామంలో విశ్వబ్రాహ్మణ కులస్తుల ఆధ్వర్యంలో శ నివారం పోతులూరి వీరబ్రహ్మేంద్రస్వామి ఆలయ వారోత్సవాలను ఘనంగా నిర్వహించారు. ఉదయం సుప్రభాత సేవ గణపతి పూజ కార్యక్రమాలను చేపట్టారు. అనంతరం స్వామివారి కల్యాణోత్సవం నిర్వహించారు. భక్తులు హోమం నిర్వహించి ప్రత్యేక పూజలను చేపట్టారు. భక్తులకు అన్నదానం చేపట్టారు. ఆలయ కమిటీ సభ్యులు గణేష్‌, భూమేష్‌ ,శేఖర్‌ సుభాష్‌, మురళి తదితరులు పాల్గొన్నారు. ఘనంగా బోనాల ఊరేగింపు ఇందల్వాయి: మండలంలోని సిర్నాపల్లి గ్రా మంలో పెద్దమ్మ ఆలయ ఉత్సవాల్లో భాగంగా శనివారం ముదిరాజ్‌ సంఘం ఆధ్వర్యంలో బోనాల ఊరేగింపు ఘనంగా నిర్వహించారు. ఈసందర్భంగా బోనాలను ఊరేగించి అమ్మవారికి సమర్పించారు. ప్రత్యేక పూజలు నిర్వహించి, మొక్కులు తీర్చుకున్నారు. ముదిరాజ్‌ సంఘ పెద్దలున్నారు. నిమిషంబికామాతకు ప్రత్యేక పూజలు ఖలీల్‌వాడి: నగరంలోని కోటగల్లీలో శనివారం నకషి సంఘం ఆధ్వర్యంలో నిమిషంబిక మాత జన్మదినం సందర్బంగా ప్రత్యేక పూజలు నిర్వహించారు. యజ్ఞయాగాదులు నిర్వహించి, భక్తులకు తీర్థప్రసాదం అందజేశారు. అనంతరం కోటగల్లీలో శోభాయాత్ర చేపట్టారు. కార్యక్రమంలో సంఘ ప్రతినిధులు తదితరులున్నారు.

నిజామాబాద్‌నాగారం: నగరంలో శనివారం ఆర్యవైశ్య సంఘం ఆధ్వర్యంలో వాసవి కన్యాకాపరమేశ్వరిమాత జయంతిని వైభవంగా నిర్వహించారు. ఈసందర్భంగా ఆర్యవైశ్య పట్టణ సంఘంలో కన్యాకాపరమేశ్వరి ఆలయ కమిటీ ఆధ్వర్యంలో డోలారోహన కార్యక్రమం నిర్వహించారు. కార్యక్రమానికి ముఖ్యఅతిథిగా అర్బన్‌ ఎమ్మెల్యే ధన్‌పాల్‌ సూర్యనారాయణగుప్తా కుటుంబ సమేతంగా హాజరై, ప్రత్యేక పూజలు నిర్వహించారు. ఎమ్మెల్యే మాట్లాడుతూ.. అమ్మ ఆశీర్వాదం ఉంటే అన్ని ఉన్నట్టే అని, అమ్మ ఆశీర్వాదంతో రామరాజ్య స్థాపన కూడా జరుగుతుందన్నారు. తాను ఎల్లప్పుడూ ఇందూర్‌ ప్రజలకు అండగా ఉంటానన్నారు. నిరుపేద ఆర్యవైశ్యులకు తన ట్రస్ట్‌ ద్వారా మరిన్ని సేవలు అందిస్తానని అన్నారు. అనంతరం ఆర్యవైశ్యులలో నిరుపేద వృద్దులకు, వికలాంగులకు నెలవారీ పెన్షన్‌ కింద తన ట్రస్ట్‌ ద్వారా నెలకు రూ.200 ఇస్తానని హామీ ఇస్తూ మొదటి నెలగా లబ్దిదారులకు పెన్షన్‌ ఇచ్చారు. అనంతరం ధన్‌పాల్‌ కుటుంబాన్ని వాసవి ఆలయ కమిటీ సభ్యులు సన్మానించారు. దొంతుల కాశీవిశ్వనాథంగుప్తా, కొండ నరేంధర్‌ గుప్తా, పెండ్యాల శ్రీనివాస్‌ గుప్తా, పాల్తి రవి కుమార్‌ గుప్తా, గాలి శ్రీనివాస్‌ గుప్తా, కొండ వీరశేఖర్‌ గుప్తా, ఆగమయ్య, ఎంసాని రవి, గజవాడ శ్రీనివాస్‌, ఇల్లెందుల ప్రభాకర్‌ పాల్గొన్నారు. సిరికొండ: మండలంలోని తాళ్లరామడుగు రామాలయం ఆవరణలో శనివారం ఆర్యవైశ్య సంఘం ఆధ్వర్యంలో వాసవి మాత జయంతి నిర్వహించారు. ఈసందర్భంగా భక్తులకు వాసవి మాత చిత్ర పటానికి పూలమాలలు వేసి పూజలు చేశారు. ఆర్య వైశ్య సంఘం మండలాధ్యక్షుడు మురళి, రామాలయ కమిటీ చైర్మన్‌ పురుషోత్తం, బూస రాజు, బచ్చు మారుతి పాల్గొన్నారు. ధర్పల్లి: మండల కేంద్రంలోవాసవి మాత జయంతి వేడుకలను ఆర్యవైశ్యులు శనివారం ఘనంగా జరుపుకున్నారు. మహిళలు అమ్మవారికి పల్లకీసేవ, పారాయణం, కుంకుమార్చన, ప్రత్యేక పూజలు నిర్వహించారు. ఆర్యవైశ్య సభ్యులు నూకల రాజయ్య, రాజశేఖర్‌, గంగాధర్‌, సిద్దేశ్వర, ప్రవీణ్‌, రాములు తదితరులు పాల్గొన్నారు. మోపాల్‌: మండలంలోని కులాస్‌పూర్‌ గ్రామంలో ఆర్యవైశ్యులు వాసవీమాతా జయంతిని శనివారం ఘనంగా నిర్వహించారు. ఈసందర్భంగా వాసవీమాతాకు మహిళలు ప్రత్యేక పూజలు చేశారు. అనంతరం సామూహిక కుంకుమార్చన నిర్వహించారు. ఆర్యవైశ్య సంఘ ప్రతినిధులు పాల్గొన్నారు.

నిజామాబాద్‌రూరల్‌: నగరంలోని ఒకటవ డివిజన్‌ పరిధిలోగల ఖానాపూర్‌లో డ్రెయినేజీలు అధ్వానంగా మారాయి. డ్రెయినేజీల చుట్టూ పిచ్చిమొక్కలు ఏపుగా పెరగడంతో మురుగునీరు పారకం నిలిచిపోయి, పరిసరాల్లో దుర్గంధం వెదజల్లుతోంది. దీంతో ప్రజలు నానా అవస్థలపాలవుతున్నారు. అయినా నాయకులు, స్థానిక కార్పొరేటర్లు పట్టించుకోకపోవడంతో తీవ్ర అసహనం వ్యక్తం చేస్తున్నారు. ఇదీ పరిస్థితి.. ఖానాపూర్‌కు ఆమ్లెట్‌ విలేజ్‌లుగా ఉన్న మహమ్మద్‌నగర్‌, వీరభద్రకాలనీ, విఠలేశ్వర నగర్‌లలో డ్రెయినేజీ వ్యవస్థ సరిగాలేదు. పారిశుధ్య కార్మికులు డ్రెయినేజీల్లో వ్యర్థాలను సకాలంలో తొలగించడం లేదని స్థానికులు పేర్కొంటున్నారు. అలాగే డ్రెయినేజీల్లో బండరాళ్లు పడటంతో నీటి ప్రవాహానికి అడ్డు వస్తోంది. దీంతో డ్రెయినేజీల్లో వ్యర్థాలు పేరుకపోయి, నీటి పారకం నిలిచిపోతుంది. అలాగే మురుగుకాలువల చుట్టూ పిచ్చిమొక్కలు ఏపుగా పెరిగిపోవడంతో డ్రెయినేజీలు కనబడటం లేదు. దీంతో ప్రజలు డ్రెయినేజీలను గమనించక అందులో పడిపోయే ప్రమాదం ఉంది. ఇప్పటికై నా పాలకులు అధికారులు స్పందించి డ్రెయినేజీల వద్ద ఏపుగా పెరిగిన పిచ్చి మొక్కలను తొలగించాలని, వ్యర్థాలను ఎప్పటికప్పుడు తీసివేయాలని ప్రజలు కోరుతున్నారు. ఖానాపూర్‌లో మురుగుకాలువల చుట్టూ పెరిగిన పిచ్చిమొక్కలు మురుగు నిలిచిపోవడంతో దుర్వాసనతో ప్రజల ఇబ్బందులు పట్టించుకోని అధికారులు సమస్యను పరిష్కరించాలి.. ఖానాపూర్‌తోపాటు గ్రామాని కి ఆమ్లెట్‌ విలేజ్‌లుగా ఉన్న వీ రభద్రకాలనీ, విఠలేశ్వర నగ ర్‌, మహ్మద్‌ నగర్‌లలో డ్రెయి నేజీలు అస్తవ్యస్తంగా ఉన్నా యి.అధికారులుస్పందించి డ్రె యినేజీలను నిర్మించాలి. –కోర్వ రాజేంద్ర ప్రసాద్‌, ఒకటో డివిజన్‌ కాంగ్రెస్‌ అధ్యక్షుడు, ఖనాపూర్‌

ఆర్మూర్‌: ఆర్మూర్‌ డివిజన్‌ పరిధిలో ఇటీవల పదో తరగతి ఫలితాల్లో ఉత్తమ మార్కులు సాధించిన విద్యార్థులకు శనివారం విశ్వకర్మ ఎంప్లాయిస్‌ వెల్ఫేర్‌ అసోసియేషన్‌ ఆధ్వర్యంలో ప్రొఫెసర్‌ జయశంకర్‌ ప్రతిభ పురస్కారాలతో సన్మానించారు. డివిజన్‌లోని 13 మండలాలకు చెందిన 35 మంది విశ్వకర్మ విద్యార్థులకు పురస్కారాలు అందించారు. ఆర్మూర్‌లో నిర్వహించిన కార్యక్రమానికి నిజామాబాద్‌ తహసీల్దార్‌ నాగార్జున, పెర్కిట్‌ మహిళ ప్రాంగణం అధికారిణి పద్మ, ముప్కాల్‌ ఎస్సై భాస్కరచారి ముఖ్య అతిథులుగా హాజరయ్యారు. వెవా ఆర్మూర్‌ డివిజన్‌ అధ్యక్షుడు గద్దె గంగాధర్‌, సభ్యులు వేల్పూర్‌ శ్రీనివాస్‌, సత్య నారాయణ, ఉప్పల నటరాజ్‌, రాజారాం, లక్ష్మీ నారాయణ, వెంకటరమణ, నాగరాజు, గంగాధర్‌, శివాజి, రవీంద్ర, శంకర్‌ పాల్గొన్నారు.