ట్రంప్‌తో కలిసి రంగంలోకి దిగుతా: నెతన్యాహు

జెరూసలేం: ఇజ్రాయెల్ ఎన్నికల ఫలితాలపై ఉత్కంఠ కొనసాగుతున్న వేళ ఆ దేశ ప్రధాని బెంజమిన్ నెతన్యాహు కీలక వ్యాఖ్యలు చేశారు. ఎగ్జిట్ పోల్స్‌లో ఏ కూటమికీ స్పష్టమైన మెజారిటీ కనిపించకపోయినప్పటికీ.. తదుపరి ప్రభుత్వాన్ని ఏర్పాటు చేయగలమన్న ధీమాను వ్యక్తం చేశారు. ఇరాన్ ముప్పును శాశ్వతంగా తొలగించేందుకు ఇది చారిత్రక అవకాశమని పేర్కొన్నారు. అమెరికా అధ్యక్షుడు డొనాల్డ్ ట్రంప్‌తో కలిసి ఈ లక్ష్యాన్ని సాధిస్తామని ప్రకటించారు.ఎన్నికల అనంతరం జెరూసలెంలోని లికుడ్ పార్టీ ఎన్నికల ప్రధాన కార్యాలయంలో మద్దతుదారులను ఉద్దేశించి నెతన్యాహు మాట్లాడారు. ఇజ్రాయెల్‌కు బలమైన, జాతీయవాద ప్రభుత్వమే అవసరమని స్పష్టం చేశారు. అరబ్ పార్టీల మద్దతుపై ఆధారపడే ప్రభుత్వాన్ని ఏర్పాటు చేయడం దేశ భద్రతకు ప్రమాదకరమని వ్యాఖ్యానించారు. కొన్ని అరబ్ పార్టీలు హమాస్‌కు మద్దతు ఇస్తున్నాయని, ఇజ్రాయెల్ సైనికులను యుద్ధ నేరగాళ్లుగా అభివర్ణిస్తున్నాయని ఆరోపించారు. అందువల్ల అలాంటి పార్టీలపై ఆధారపడకూడదని పేర్కొన్నారు.మరోవైపు, ఎన్నికల ఎగ్జిట్ పోల్స్ మాత్రం హోరాహోరీ పోటీని సూచిస్తున్నాయి. పోల్స్టర్ డైరెక్ట్ పోల్స్ అంచనాల ప్రకారం.. నెతన్యాహు కూటమికి 55 స్థానాలు, గడి ఐసెన్‌కోట్ నేతృత్వంలోని ప్రతిపక్ష కూటమికి 49 స్థానాలు, అరబ్ పార్టీలకు 16 స్థానాలు లభించే అవకాశముంది. దీంతో ఏ కూటమికీ స్పష్టమైన మెజారిటీ దక్కనట్లుగా కనిపిస్తోంది. అక్టోబర్ 27న జరిగిన ఎన్నికల్లో రాత్రి 10 గంటల సమయానికి 77.7 శాతం పోలింగ్ నమోదైంది. హమాస్ నేతృత్వంలో 2023 అక్టోబర్ 7న గాజాలో యుద్ధం ప్రారంభమైన తర్వాత, ఇరాన్‌తో యుద్ధ పరిణామాల నేపథ్యంలో జరిగిన ఈ ఎన్నికలు ఇజ్రాయెల్ రాజకీయాల్లో కీలకంగా మారాయి. అయితే, ఎగ్జిట్ పోల్స్ అంచనాల మధ్య నెతన్యాహు తదుపరి ప్రభుత్వాన్ని ఎలా ఏర్పాటు చేస్తారన్నది ఆసక్తికరంగా మారింది.ఇదీ చదవండి: Israel: హంగ్‌ దిశగా ‘ఫలితాలు’.. నెతన్యాహుకు షాక్‌!

శ్రీనిధి శెట్టి కాళ్లు మొక్కబోయిన త్రివిక్రమ్‌.. అసలేం జరిగింది?

సినిమా వేడుకల్లో హీరోహీరోయిన్ల ప్రసంగాలు, దర్శక నిర్మాతల వ్యాఖ్యలు, ఆసక్తికర సంఘటనలు ప్రేక్షకుల దృష్టిని ఆకర్షిస్తుంటాయి. తాజాగా ‘ఆదర్శ కుటుంబం’ ప్రీ రిలీజ్ ఈవెంట్‌లోనూ ఓ ఆసక్తికర ఘటన చోటుచేసుకుంది. ప్రముఖ దర్శకుడు త్రివిక్రమ్ శ్రీనివాస్, హీరోయిన్ శ్రీనిధి శెట్టి పాదాలకు నమస్కరించేందుకు ప్రయత్నించడం చర్చనీయాంశంగా మారింది. ఈ సంఘటనకు సంబంధించిన వీడియో ఇప్పుడు సోషల్ మీడియాలో వైరల్‌ అవుతోంది.అసలేం జరిగింది?వెంకటేశ్ హీరోగా నటిస్తున్న ‘ఆదర్శ కుటుంబం’ సినిమా ప్రీ రిలీజ్ ఈవెంట్‌ మంగళవారం హైదరాబాద్‌లో ఘనంగా జరిగింది. ఈ కార్యక్రమంలో పాల్గొన్న హీరోయిన్ శ్రీనిధి శెట్టి.. త్రివిక్రమ్‌కు నమస్కరించబోయింది. అయితే, అందుకు ప్రతిగా త్రివిక్రమ్ కూడా ముందుకు వంగి ఆమె పాదాలకు నమస్కరించేందుకు ప్రయత్నించాడు.సాధారణంగా సినిమా వేడుకల్లో సీనియర్ నటీనటులు, దర్శకులకు యువ నటీనటులు గౌరవ సూచకంగా నమస్కరించడం చూస్తుంటాం. కానీ, ఈ సందర్భంలో త్రివిక్రమ్ కూడా శ్రీనిధి శెట్టికి ప్రతిగా నమస్కరించేందుకు ప్రయత్నించడం ప్రత్యేకంగా నిలిచింది. దీంతో ఈ సంఘటనపై నెటిజన్లు తమ అభిప్రాయాలను వ్యక్తం చేస్తున్నారు.(చదవండి: తొలి షో పడ్డ 'రామాయణ'.. ట్విటర్ టాక్ ఏంటి?)ఈ ఘటనను కొందరు నెటిజన్లు పరస్పర గౌరవానికి నిదర్శనంగా అభివర్ణిస్తున్నారు. ఎదుటివారు చూపించే గౌరవాన్ని తిరిగి అందించడం మంచి సంస్కారమని అభిప్రాయపడుతున్నారు. హోదా, వయసు, స్థాయితో సంబంధం లేకుండా ఒకరికొకరు గౌరవం ఇచ్చుకోవడంలో తప్పేముందని ప్రశ్నిస్తున్నారు.మరికొందరు మాత్రం భిన్నంగా స్పందిస్తున్నారు. తెలుగు సినీ పరిశ్రమలో అగ్ర దర్శకుడిగా పేరున్న త్రివిక్రమ్.. తనకంటే వయసులో చిన్నదైన హీరోయిన్‌కు అలా నమస్కరించేందుకు ప్రయత్నించడం అవసరమా? అంటూ ప్రశ్నిస్తున్నారు. సాధారణంగా సీనియర్లకు జూనియర్లు గౌరవం ఇవ్వడం ఆనవాయితీగా ఉండే సినీ పరిశ్రమలో ఇలాంటి సంఘటన చర్చకు దారితీయడం సహజమేనని అంటున్నారు. మొత్తానికి ‘గురూజీ’ చేసిన పని ఇప్పుడు సోషల్‌ మీడియాలో హాట్‌ టాపిక్‌గా మారింది. ఇక ఆదర్శ కుటుంబం సినిమా విషయానికొస్తే.. త్రివిక్రమ్‌ దర్శకత్వం వహించిన ఈ చిత్రంలో శ్రీనిధీ శెట్టి, నివేదా పేతురాజ్‌ హీరోయిన్లుగా నటించారు. ఎస్‌. రాధాకృష్ణ (చినబాబు) నిర్మించిన ఈ సినిమా ఈ నెల 30న విడుదల కానుంది. #AadarshaKutumbam ప్రి రిలీజ్ ఈవెంట్ లో తన పాదాలకు హీరోయిన్ శ్రీనిధి శెట్టి నమస్కారం చేయబోతుంటే ప్రతిగా తనూ వొంగి ఆమె కాళ్లకు నమస్కారం చేసిన డైరెక్టర్ త్రివిక్రమ్. https://t.co/LjAbsOi0sw— Journalist Yagna (@yagnamurthy) October 28, 2026

అర్నబ్‌ ఎఫెక్ట్‌.. ఆ జిల్లాలకు రెడ్‌ అలర్ట్‌

సాక్షి, కోనసీమ జిల్లా: యానాం-నరసాపురం మధ్య అర్నబ్‌ తుపాను తీరం దాటింది. తీరం దాటిన సమయంలో 125-130 కి.మీ వేగంతో పెను గాలులు వీస్తున్నాయి. ఉభయ గోదావరి జిల్లాల్లో మోస్తరు నుంచి భారీ వర్షాలు కురుస్తాయని వాతావరణ శాఖ వెల్లడించింది.తూర్పుగోదావరి, పశ్చిమగోదావరి, ఏలూరు, బాపట్ల, కృష్ణా, కాకినాడ, కోనసీమ, ఎన్టీఆర్ జిల్లాలకు రెడ్ అలర్ట్‌ను వాతావరణ శాఖ జారీ చేసింది. విజయనగరం, గుంటూరు, పల్నాడు, శ్రీకాకుళం, మన్యం జిల్లాలకు ఆరెంజ్ అలర్ట్ జారీ అయ్యింది. అతి తీవ్ర తుపాను నుంచి తీవ్ర తుపానుగా బలహీనపడిన ఆర్నబ్‌.. ఈ ఉదయం 8:30 గంటలకు తీవ్ర తుపానుగా మారినట్లు వాతావరణ శాఖ ప్రకటించింది.తెల్లవారుజామున 2 గంటల నుంచి ఉదయం 8 గంటల మధ్య తీరం దాటిన తుపాను.. యానాంకు నైరుతి దిశగా తీరాన్ని దాటింది. నర్సాపురానికి తూర్పు ఈశాన్యంగా 20 కిలోమీటర్ల దూరంలో తీరాన్ని దాటిన తుపాను కేంద్రం.. యానాంకు నైరుతిగా 40 కిలోమీటర్లు.. కాకినాడకు నైరుతిగా 60 కిలోమీటర్ల దూరంలో తుపాను కేంద్రం ఉండగా.. గరిష్ఠంగా గంటకు 150 కిలోమీటర్ల వేగంతో ఈదురుగాలులు వీచినట్లు వాతావరణ శాఖ తెలిపింది.తుపాను కేంద్ర ప్రాంతం పూర్తిగా భూభాగంలోకి ప్రవేశించడంతో తీరం దాటే ప్రక్రియ పూర్తయినట్లు వాతావరణ శాఖ ప్రకటించింది. తుపాను ప్రభావిత ప్రాంతాల్లో ప్రజలు అప్రమత్తంగా ఉండాలని అధికారులు సూచించారు.ఇదీ చదవండి: మహోగ్రరూపం.. విరుచుకుపడిన అర్నబ్‌(ఫొటోలు)

రూ. 20 కచోరి తిందామని ఆగితే.. రూ. 20 లక్షలు మాయం!

జైపూర్‌లో ఒక వ్యాపారికి ఊహించని విధంగా భారీ ఎదురు దెబ్బ తగిలింది. సాయంత్రం పూట ఆకలిగా ఉందని కచోరి తినడానికి వెళ్లి, భారీగా నగదు ఉన్న బ్యాగును కోల్పోయిన వైనం అతని నిర్లక్ష్యానికి నిలువెత్తు నిదర్శంగా నిలిచింది. సోమవారం సాయంత్రం నహర్‌గఢ్ పోలీస్ స్టేషన్ పరిధిలో జరిగిన ఈ ఘటన సీసీటీవీ కెమెరాల్లో రికార్డయింది. అసలు ఏమైంది అంటే...సోషల్ మీడియాలో వైరల్ అవుతున్న ఈ ఘటనకు సంబంధించిన వీడియోలో, చంపాలాల్ అనే వ్యాపారి కచోరీ తినడానికి తన స్కూటర్‌ను ఆపాడు. కనీస ముందు చూపు లేకుండా నగదు బ్యాగును స్కూటర్ ముందు భాగంలో ఉంచారు. స్కూటర్‌పై కూర్చుని హాయిగా కచోరీ తింటున్నారు. ఇదే అదనుగా భావించి, స్కూటర్‌పై వచ్చిన ఇద్దరు కేటుగాళ్లు అక్కడ పెట్టిన 20 లక్షల రూపాయల నగదున్న బ్యాగును ఎత్తుకెళ్లారు. అంతే నిమిషాల్లో అంత డబ్బు మాయమైపోయింది. ఇదీ చదవండి: ఏడేళ్లకే 12 భాషలు : కుమార్తె పెంపకంలో హీరోయిన్‌ స్పెషాల్టీ ఇదే!₹20 Kachori Costs Trader ₹20 Lakh: Businessman's Cash-Filled Bag Stolen in Seconds in Jaipur's Nahargarh, Shocking Theft Captured on CCTV. In a stunning daylight heist in Jaipur's Nahargarh police station limits, businessman Champalal suffered a catastrophic loss of ₹20 lakh while stopping to buy a ₹20 kachori. The victim had placed a bag stuffed with ₹20 lakh in cash on the footboard of his scooter before stepping aside to grab a quick snack. Within moments, an opportunist thief snatched the unattended cash bag and vanished into the crowded street. The entire theft was captured on nearby CCTV surveillance cameras. Following an immediate distress call, Jaipur Police enforced widespread city barricading and launched a targeted manhunt based on the footage to nab the accused and recover the looted cash. @jaipur_police— GarudEyeIntel | OSINT 🇮🇳 (@GarudEyeIntel) October 27, 2026 వెంటనే అప్రమత్తమైన , తన చేతిలో ఉన్న కచోరీని అలాగే పట్టుకుని చంపాలాల్ వారిని వెంబడించారు. స్థానికులు కూడా ఆయనకు తోడయ్యారు. అయినా ఫలితం లేకపోయింది. అప్పటికే వారిద్దరు తప్పించుకొని ఉడాయించారు. దీనివల్ల ఆ వ్యాపారికి తాను తిన్న కచోరీ ధర కంటే దాదాపు వెయ్యి రెట్లు ఎక్కువ నష్టం వాటిల్లింది. చంపాలాల్ ఇచ్చిన ఫిర్యాదు మేరకు నహర్‌గఢ్ పోలీస్ స్టేషన్‌లో కేసు నమోదు చేశారు. హెల్మెట్లు ధరించి ఉన్న ఆ ఇద్దరు వ్యక్తులను గుర్తించేందుకు పోలీసులు ఆ ప్రాంతంలోని సీసీటీవీ ఫుటేజీని పరిశీలిస్తున్నారు.ఇదీ చదవండి: జిమ్‌ ట్రైనర్‌తో లవ్‌.. భర్తపై హత్యాయత్నం : కట్‌ చేస్తే..!