Siddipet

ములుగు(గజ్వేల్‌)/గజ్వేల్‌: కొండపోచమ్మ సాగర్‌, మల్లన్నసాగర్‌ నిర్వాసితుల సమస్యలను పరిష్కరించేందుకు చర్యలు తీసుకుంటామని కలెక్టర్‌ కె.హైమావతి స్పష్టం చేశారు. అర్హులైన ప్రతీ ఒక్కరి కి ప్రభుత్వ నిబంధనల ప్రకారం న్యాయం జరిగేలా కృషి చేస్తానని స్పష్టం చేశారు. ములుగు మండలంలోని కొండపోచమ్మ సాగర్‌ మామిడ్యాల, బహిలంపూర్‌, తానెదారుపల్లి ఆర్‌అండ్‌ఆర్‌ కాలనీలు, గజ్వేల్‌–ప్రజ్ఞాపూర్‌ మున్సిపాలిటీ పరిధిలోని మల్లన్నసాగర్‌ నిర్వాసిత కాలనీలను కలెక్టర్‌ క్షేత్రస్థాయిలో పరిశీలించారు. ఈ సందర్భంగా నిర్వాసితులతో మాట్లాడి వారి సమస్యలను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ...ఆర్‌ అండ్‌ ఆర్‌ కాలనీల్లో పరిహారం, పునరావాసం, ప్యాకేజీలు, ఇళ్ల స్థలాలు చాలాకాలంగా పెండింగ్‌లో ఉన్నాయన్నారు. సంబంధిత శాఖల అధికారులతో సమీక్ష నిర్వహించి పెండింగ్‌ సమస్యలను గుర్తించి పరిష్కారానికి అవసరమైన ప్రతిపాదనలను ప్రభుత్వానికి పంపిస్తామని తెలిపారు. నిధులు మంజూరైన వెంటనే అర్హులకు అందేలా చర్యలు తీసుకుంటామని పేర్కొన్నారు. కొండపోచమ్మ సాగర్‌ ఆర్‌అండ్‌ఆర్‌ కాలనీలో చెరువు పక్కన చేపడుతున్న నిర్మాణాలను పరిశీలించిన కలెక్టర్‌ చెరువు ఎఫ్‌టీఎల్‌ హద్దులను నిర్ధారించాలని కలెక్టర్‌ ములుగు తహసీల్దార్‌ను ఆదేశించారు. కలెక్టర్‌ హైమావతి కొండపోచమ్మ సాగర్‌, మల్లన్నసాగర్‌ నిర్వాసితుల కాలనీలు పరిశీలన

అక్కన్నపేట(హుస్నాబాద్‌): ఆరోగ్యకరమైన ఆహారంలో చిరుధాన్యాలు ప్రత్యేకమైనవని వ్యవసాయ పరిశోధన అధిపతి డా.జి.సంతోశ్‌కుమార్‌ పేర్కొన్నారు. అక్కన్నపేట మండలం శ్రీరాంతండా గ్రామంలో శుక్రవారం వ్యవసాయ శాఖ ఆధ్వర్యంలో చిరుధాన్యాలు(పచ్చ జొన్న) పంపిణీ కార్యక్రమం నిర్వహించారు. ఈ సందర్భంగా ఆయన మాట్లాడుతూ...మన దేశంలో వ్యవసాయ సాగు విస్తీర్ణంలో దాదాపు 60% ప్రాంతంలో వర్షాధారంగా సేద్యం చేస్తున్నారన్నారు. వీటిలో తృణధాన్యాల సాగు 75% కాగా, దీనిలో ముతక తృణధాన్యాలైన జొన్న అధికంగా సాగవుతున్నాయన్నారు. చిరుధాన్యాల సాగు చాలా తక్కువ నీటి వసతి, తక్కువ పెట్టుబడి, తక్కువ వనరుల, తక్కువ రసాయన మందులతో కూడుకున్నదని చెప్పారు. ఆర్థిక, ఆహార, ఆరోగ్య భద్రతనిచ్చే చిరుధాన్యాల సాగుకు ప్రభుత్వం కూడా ప్రోత్సహిస్తుందని తెలిపారు. ప్రస్తుతం ఎల్‌నినో ప్రభావంతో వివిధ పంటలతో పోల్చుకున్నప్పుడు ఈ జొన్నపంట తక్కువ నీటి వసతితో అధిక ఆదాయం పొందవచ్చన్నారు. పీవైపీఎస్‌–2 (పాలెం పచ్చజొన్న–01)రకం వానాకాలం, యాసంగి కాలాల సాగుకు అనుకూలంగా ఉంటుందన్నారు. అలాగే వివిధ పంటలలో విత్తనోత్పత్తి గురించి రైతులకు అవగాహన కల్పించినట్లు తెలిపారు. కార్యక్రమంలో వ్యవసాయ శాస్త్రవేత్తలు డా.పల్లవి, డి.శ్వేత, ఎ.సరిత, సర్పంచుల ఫోరం మండలాధ్యక్షుడు బానోతు వెంకటేశ్‌ నాయక్‌, ఏఓ తస్లీమా సుల్తానా, ఏఈఓ కరంటోతు శ్రీలత, ఉప సర్పంచ్‌ భూక్య రాజునాయక్‌, రైతులు తదితరులు పాల్గొన్నారు.వ్యవసాయశాఖ ఆధ్వర్యంలో చిరుధాన్యాలు పంపిణీ

దుబ్బాకరూరల్‌: మండలంలోని కమ్మర్‌పల్లి గ్రామంలో బెల్ట్‌ షాపులు నిర్వహించకూడదని, మద్యపానం నిషేధించాలని గ్రామ పంచాయతీ ఆధ్వర్యంలో తీర్మానం చేశారు. సర్పంచ్‌ సుజాత మాట్లాడుతూ గ్రామంలో విచ్చలవిడిగా బెల్ట్‌ షాపులు నిర్వహించడం వల్ల కొంతమంది మద్యానికి బానిసై తమ జీవితాలను నాశనం చేసుకుంటున్నారన్నారు. వచ్చిన కూలీ డబ్బును మద్యానికి ఖర్చు చేయడంతో కుటుంబాలను పోషించలేక ఇబ్బందులు పడుతున్నారని ఆవేదన వ్యక్తం చేశారు. బెల్ట్‌ షాపులు నిర్వహించి మద్యం అమ్మితే రూ.లక్ష జరిమాన విధిస్తామని హెచ్చరించారు. మ్యదం విక్రయించినట్లు సమాచారం ఇచ్చిన వారికి రూ.10వేలు పారితోషికం అందజేస్తామని తెలిపారు.

హుస్నాబాద్‌: పచ్చని చెట్లు ప్రగతికి మెట్లు అనే నానుడితో గ్రామాలు, పట్టణాలు పచ్చదనం వెల్లివిరియాలనేది ప్రభుత్వ సంకల్పం. ఆ సంకల్పం రోజులు కూడా ఉండటం లేదు. మొక్కల లెక్క కాగితాలకే పరిమితమవుతున్నాయి. క్షేత్రస్థాయికి వెళితే మచ్చుకై నా మొక్కలు కనపడని పరిస్థితి. పట్టణాల్లో, గ్రామాల్లో ప్రత్యేకంగా నర్సరీలు ఏర్పాటు చేస్తున్నారు. వర్షాకాలంలో వచ్చిందంటే ఊరూరా మొక్కలు, ఇంటింటికీ మొక్కలు పంచుతూ పర్యావరణ పరిరక్షణకు నడుంబిగిస్తున్నారు. ఖాళీ ప్రదేశాల్లో, రహదారుల వెంబడి, ప్రభుత్వ పాఠశాలలు, కళాశాలల్లో మొక్కలు నాటుతున్నారు. లక్షల రూపాయలు వెచ్చించి మొక్కలు నాటుతున్నా, వాటిని సంరక్షించకపోవడంతో అనుకున్న లక్ష్యం నీరుగారుతున్న పరిస్థితి. 40 వేల మొక్కలు లక్ష్యం పట్టణంలో 40 వేల మొక్కలు నాటాలని అధికారులు నిర్దేశించారు. ఈ మొక్కలు బయటి ప్రాంతాల నుంచి తెచ్చేందుకు రూ.30 లక్షల టెండర్‌ను ఓ కాంట్రాక్టర్‌ దక్కించుకున్నాడు. ఈ నిధులతో మొక్కలు బయట నుంచి తేవడం, మొక్కలు నాటడం, రవాణా ఖర్చు, ట్రీగార్డ్స్‌ ఏర్పాటు చేయాల్సి ఉంటుంది. బయట నుంచి తెచ్చిన మొక్కలే కాకుండా నర్సరీ పెంచిన మొక్కలను కూడా పంపిణీ చేస్తున్నారు. అధికారుల లెక్కల ప్రకారం వార్డుల వారీగా 25వేలకు పైగా పూలు, పండ్ల మొక్కలు ఇంటింటికీ పంపిణీ చేసినట్లు చెబుతున్నారు. ఖాళీ ప్రదేశాల్లో, ప్రభుత్వ పాఠశాలల్లో మాత్రమే మొక్కల చుట్టూ ట్రీగార్డ్స్‌ ఏర్పాటు చేస్తున్నారు. పర్యవేక్షణ కరువు. నాటిన మొక్కలను కాపాడటంలో అందరూ నిర్లక్ష్యం వహిస్తున్నారు. మొక్కలు నాటిన తర్వాత పట్టణంలో చాలా వరకు రోడ్లకిరువైపులా విద్యుత్‌ వైర్ల కింద మొక్కలు నాటడం, మరోవైపు చెట్ల కొమ్మలు వైర్లను తాకుతున్నాయని విద్యుత్‌ అధికారులు పూర్తి తొలగించడం పరిపాటిగా మారుతోంది. వర్షాకాలం మినహా మిగతా సీజన్‌లో మొక్కల సంరక్షణపై శ్రద్ధ చూపకపోవడంతో అవి ఎండి పోతున్నాయి. మొక్కల చుట్టూ ట్రీగార్డ్స్‌ ఏర్పాటు చేయకపోవడంతో వాటిని పశువులు మేస్తున్నాయి. ఇలా ప్రజాధనాన్ని దుర్వినియోగం చేస్తున్నారు. మొక్కలపై కొరవడిన పర్యవేక్షణ ట్రీగార్డ్స్‌ను దొంగిలిస్తున్నారు మొక్కల రక్షణ కోసం ఏర్పాటు చేసిన ట్రీగార్డ్స్‌లను కొంతమంది దొంగిలిస్తున్నారు. ఇంటింటికీ ఎక్కువ మొక్కలు ఇవ్వాలని నిర్ణయించాం. ప్రతీ ఇంటికి పూలు, పండ్ల మొక్కలు ఎక్కువ మొత్తంలో పంపిణీ చేశాం. పరిమితి సంఖ్యలో పెద్ద మొక్కలను ఖాళీ ప్రదేశాలు, స్కూల్‌, కళాశాలల్లో నాటాం. ప్రతీ ఒక్కరు మొక్కను నాటడమే కాకుండా వాటిని కాపాడే బాధ్యతను తీసుకోవాలి. పర్యావరణ పరిరక్షణ అందరి బాధ్యత. – పృథ్వీ, మున్సిపల్‌ ఏఈ, హుస్నాబాద్‌ హుస్నాబాద్‌: హుస్నాబాద్‌ పట్టణంలోని మినీ స్టేడియంలో 07.07.2025న వన మహోత్సవం సందర్భంగా తమ తల్లుల పేరిట మంత్రులు వాకిటి శ్రీహరి, పొన్నం ప్రభాకర్‌, కలెక్టర్‌ హైమావతి కలిసి మొక్కలు నాటారు. ప్రస్తుతం వారు నాటిన మొక్కలు ఎండిపోయి, ట్రీగార్డులు పడిపోయిన పరిస్థితి నెలకొంది.

గజ్వేల్‌: నాణ్యమైన ప్రభుత్వ విద్య కోసం పోరాటం చేయాల్సిన తరుణం ఆసన్నమైందని విద్యా కమిషన్‌ మాజీ చైర్మన్‌ ఆకునూరి మురళి పేర్కొన్నారు. ‘ప్రైవేటు బడుల ఫీజుల నియంత్రణ–ప్రభుత్వ బడుల బలోపేతం’, ‘బడ్జెట్‌లో విద్యకు 18%’బడ్జెట్‌ కేటాయించాలనే డిమాండ్‌తో తెలంగాణ పీఫుల్స్‌ ఫ్రంట్‌(టీపీఎఫ్‌) ఆధ్వర్యంలో చేపట్టిన బస్సుయాత్ర శుక్రవారం గజ్వేల్‌కు చేరుకుంది. ఈ సందర్భంగా పట్టణంలోని టీపీటీఎఫ్‌(తెలంగాణ ప్రొగ్రెసివ్‌ టీచర్స్‌ ఫెడరేషన్‌) కార్యాలయంలో నిర్వహించిన రౌండ్‌టేబుల్‌ సమావేశంలో బస్సుయాత్రకు నేతృత్వం వహిస్తున్న ఆకునూరి మురళి మాట్లాడుతూ... తెలంగాణలో విద్యా వ్యవస్థ నేడు ఆందోళనకరమైన స్థితిలో ఉందన్నారు. ప్రైవేటు విద్యా సంస్థల ఫీజులపై నియంత్రణలేక ప్రజలు ఎంతో నష్టపోతున్నారని, రాజ్యాంగం విద్యను హక్కుగా చెబితే...నేడు మార్కెట్‌లో కొనుగోలు వస్తువుగా మారిందని ఆవేదన వ్యక్తం చేశారు. ప్రజా ఉద్యమాల ద్వారా ప్రభుత్వ విద్యను కాపాడుకోవాల్సిన పరిస్థితి దాపురించిందని వాపోయారు. రిటైర్డ్‌ ఐఏఎస్‌ అధికారి ఎంవీ రెడ్డి మాట్లాడుతూ... తెలంగాణలో 74శాతంమంది విద్యార్థులు ప్రైవేటు పాఠశాలల్లో చదువుకుంటున్నారని ఇది ప్రభుత్వ పాఠశాలలపై తగ్గుతున్న విశ్వాసాన్ని సూచిస్తోందని అభిప్రాయపడ్డారు. కార్యక్రమంలో డీబీఎఫ్‌ జాతీయ కార్యదర్శి పి.శంకర్‌, తెలంగాణ పీపుల్స్‌ ఫ్రంట్‌ కోర్‌ కమిటీ సభ్యులు కుమార్‌, టీపీటీఎఫ్‌ మాజీ రాష్ట్ర అధ్యక్షుడు రాంచంద్రం, యూటీఎఫ్‌ జిల్లా అధ్యక్షుడు వలీ అహ్మద్‌, టీపీటీఎఫ్‌ నాయకులు బీ.రాజులు, నరేందర్‌, జె.శ్రీనివాస్‌, నాగరాజు, విద్యాసాగర్‌, పి.ఎల్లయ్య, సీపీఐ నాయకులు దయానందరెడ్డి, రాజేశం, డీబీఎఫ్‌ రాష్ట్ర కార్యదర్శి ఏ.గొండస్వామి తదితరులు పాల్గొన్నారు. కాగా బస్సుయాత్ర గురువారం రాత్రి జగదేవ్‌పూర్‌ మండలం తిమ్మాపూర్‌ హైస్కూల్‌ ప్రాంగణానికి చేరుకుని...అక్కడే నిద్రించాల్సి ఉంది. కానీ విద్యాశాఖ అధికారులు అనుమతి నిరాకరించడంతో అదే గ్రామంలోని ప్రాథమిక పాఠశాల వరండాలో పడుకుని శుక్రవారం గజ్వేల్‌కు చేరుకున్నారు. విద్యా కమిషన్‌ మాజీ చైర్మన్‌ ఆకునూరి మురళి గజ్వేల్‌కు చేరుకున్న తెలంగాణ టీపీఎఫ్‌ బస్సు యాత్ర

గవర్నర్‌ చేతుల మీదుగా రూ.2 లక్షలు అందజేత నంగునూరు(సిద్దిపేట): పదో తరగతి పరీక్షలో సిద్దిపేట జిల్లా టాపర్‌గా నిలిచిన నర్మేట విద్యార్థి అమూల్యారెడ్డికి రాష్ట్ర గవర్నర్‌ శివప్రతాప్‌శుక్లా చేతుల మీదుగా నగదు బహుమతి అందజేశారు. నంగునూరు మండలం వెంకటాపూర్‌కు చెందిన రైతు మాధవరెడ్డి, లలిత కూతురు పదో తరగతిలో 587 మార్కులు సాధించింది. రాష్ట్రవ్యాప్తంగా పదవ తరగతి టాపర్లను సన్మానించిన విద్యార్థులకు గురువారం హైదరాబాద్‌లో శ్రీరా మ్‌ లైఫ్‌ ఇన్సూరెన్స్‌ ఆధ్వర్యంలో నగదు ప్రోత్సాహకాన్ని అందజేశారు. ఇందులోభాగంగా జిల్లా విద్యార్థి అమూల్యరెడ్డికి గవర్నర్‌ రూ.2 లక్షలు అందజేశారు. విద్యార్థి నగదు ప్రోత్సాహకాన్ని అందుకోవడం పట్ల తల్లిదండ్రులు, గ్రామస్తులు, పాఠశాల ఉపాధ్యాయులు హర్షం వ్యక్తం చేశారు. ఎంపీ రఘునందన్‌రావు గజ్వేల్‌: పండిట్‌ దీన్‌దయాళ్‌ ఉపాధ్యాయ్‌ సేవలు మరువలేనివని ఎంపీ రఘునందన్‌రావు కొనియాడారు. దీన్‌దయాళ్‌ జయంతి సందర్భంగా శుక్రవారం గజ్వేల్‌లోని అంబేడ్కర్‌ చౌరస్తా వద్ద ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా ఎంపీ మాట్లాడుతూ..సంఘ సంస్కర్త, ఆర్థికవేత్త దీన్‌దయాళ్‌ దేశాభివృద్ధికి తనదైన శైలిలో సేవలందించారన్నారు. కార్యక్రమంలో బీజేపీ జిల్లా అధ్యక్షుడు శంకర్‌, గజ్వేల్‌–ప్రజ్ఞాపూర్‌ మున్సిపల్‌ మాజీ చైర్మన్‌ గాడిపల్లి భాస్కర్‌, బీజేపీ పట్టణశాఖ అధ్యక్షుడు మనోహర్‌యాదవ్‌ తదితరులు పాల్గొన్నారు. హుస్నాబాద్‌: బాల వికాస సంస్థ ఆధ్వర్యంలో నడుస్తున్న వాటర్‌ ప్లాంట్లపై ప్రత్యేక దృష్టి సారించనున్నట్లు బాల వికాస వాటర్‌ ప్లాంట్‌ ఫెడరేషన్‌ (బీవీడబ్ల్యూపీఎఫ్‌) రాష్ట్ర అధ్యక్షుడు కేడం లింగమూర్తి తెలిపారు. హుస్నాబాద్‌ నియోజకవర్గంలో సంస్థ ఆధ్వర్యంలో నడుస్తున్న ప్లాంట్లను ఆయన శుక్రవారం సందర్శించారు. లింగమూర్తి మాట్లాడుతూ...యంత్ర పరికరాల లోపాలతో పని చేయని ప్లాంట్లను గుర్తించి, వాటికి త్వరిగతిన మరమ్మతులు చేపట్టి వినియోగంలోకి తీసుకురావాలన్నారు. అవసరమైన గ్రామాల్లో కొత్త ప్లాంట్ల ఏర్పాటుకు పరిశీలన చేస్తున్నట్లు చెప్పారు. హుస్నాబాద్‌: భావి తరాల కోసం వారసత్వ సంపదను పరిరక్షించుకోవాలని ప్రభుత్వ బాలుర జూనియర్‌ కళాశాల ప్రిన్సిపాల్‌ గంగాధర్‌ పేర్కొన్నారు. జిల్లా కేంద్రంలో టూరిజం శాఖ ఆధ్వర్యంలో ఈ నెల 22, 23వ తేదీల్లో నిర్వహించిన జిల్లా టూరిజం క్లబ్‌ పోటీల్లో తృతీయ బహుమతి పొందిన కళాశాల విద్యార్థులను అభినందించారు. హుస్నాబాద్‌ పరిసర ప్రాంతాల చారిత్రక, వారసత్వ కట్టడాలు, పర్యాటక ప్రదేశాలపై విద్యార్థులు వీడియో చిత్రీకరించినందుకు ఈ పోటీల్లో బహుమతి అందుకున్నారు.

శోభాయాత్రలో ఉత్సాహంగా భక్తులు..జిల్లా వ్యాప్తంగా గణేశ్‌ నిమజ్జనోత్సవం అత్యంత వైభవంగా ముగిసింది. 11 రోజుల పాటు విశేష పూజలందుకున్న ఏకదంతుడికి బై బై అంటూ గంగమ్మ ఒడికి చేర్చారు. మేళతాళాలు, డప్పు చప్పుళ్లు, యువత కేరింతలు, గణపతి బప్పా మోరియా అంటూ నినాదాల హోరు నడుమ ప్రత్యేక వాహనాలపై గణనాథులను ఊరేగింపుగా తీసుకెళ్లి నిమజ్జనం చేశారు. నిమజ్జనం వైపు తరలివెళ్లే వినాయక విగ్రహాలకు ఘన వీడ్కోలు పలుకుతూ అడుగడుగునా స్వాగత వేదికలను ఏర్పాటుచేశారు. శోభాయాత్రలు, స్వాగత వేదికల వద్దకు పలువురు రాజకీయ ప్రముఖులు విచ్చేసి గణనాథులను దర్శించుకున్నారు. – ప్రశాంత్‌నగర్‌(సిద్దిపేట)పల్లకీలో గణపయ్య..

ఖరీఫ్‌ నిల్వలపై మిల్లర్ల నిరాసక్తతమిల్లులో ధాన్యం బస్తాలుజిల్లాలో రా రైస్‌..పారాబాయిల్డ్‌ రైస్‌ మిల్లులు 150 ఉన్నాయి. కొంతకాలంగా ఖరీఫ్‌, రబీ సీజన్‌కు సంబంధించి ప్రభుత్వం రైతుల నుంచి సేకరించిన ధాన్యం మిల్లర్లకు అప్పగించారు. ఈ నేపథ్యంలో పెద్ద ఎత్తున ధాన్యం పక్కదారి పడుతోందని, అక్రమాలు చోటు చేసుకున్నాయని, సీఎంఆర్‌ బకాయిలు పేరుకుపోయిన ఆరోపణల నేపథ్యంలో ప్రభుత్వ తనిఖీలు జరిగాయి. ఈ నేపథ్యంలో మిల్లర్లు సమ్మె బాట పట్టారు. కేటాయింపులు వద్దని లేఖ! జిల్లాలో ఖరీఫ్‌ సీజన్‌లో సేకరించిన ధాన్యం కేటాయింపులు వద్దని జిల్లా రైస్‌మిల్‌ అసోసియేషన్‌ ఆధ్వర్యంలో జిల్లా ఉన్నతాధికారులకు వినతిపత్రాన్ని అందించే ఆలోచనలో ఉన్నట్లు తెలుస్తోంది. కొన్ని సీజన్లకు సంబంధించి ధాన్యం నిల్వలు అలాగే ఉన్నాయని, మిల్లింగ్‌ చేయడానికి స్థలం లేకపోవడం, నిల్వ సామర్థ్యం పూర్తిగా నిండిపోయిన దృష్ట్యా ధాన్యం నిలువ సమస్యగా ఉంటుందని ఖరీఫ్‌, 2026–27 సీజన్‌ కొత్త ధాన్యాన్ని జిల్లాలోని మిల్లులకు కేటాయించవద్దని కోరుతూ లేఖ రాయాలనే ఆలోచనలో ఉన్నట్లు సమాచారం. ప్రత్యామ్నాయ బాటలో యంత్రాంగం.. మరోవైపు ప్రభుత్వం ఖరీఫ్‌ సీజన్‌లో రైతుల నుంచి సేకరించే ధాన్యాన్ని నిల్వ చేసేందుకు జిల్లా యంత్రాంగం అనువైన గోదాముల అన్వేషణ దిశగా అడుగులు వేస్తోంది. ప్రభుత్వ, ప్రైవేటు గోదాములను గుర్తించే పనిలో నిమగ్నమైనట్టు సమాచారం. వ్యవసాయ మార్కెట్‌ యార్డులో గోదాములు, స్టేట్‌ వేర్‌ హౌసింగ్‌ కార్పొరేషన్‌, సహకార సంఘాలకు చెందిన గోదా ములతోపాటు అవసరమైన ప్రాంతాల్లో క్యాప్‌ గోదాముల ఏర్పాటు ఆలోచనలో యంత్రాంగం ఉంది.ఓ వైపు జిల్లాలో రైస్‌మిల్లులు మూత పడ్డాయి. మరోవైపు ఖరీఫ్‌ సీజన్‌ పంట మరికొద్ది రోజుల్లోనే చేతికి రానుంది. జిల్లాలో యంత్రాంగం ఖరీఫ్‌ ధాన్యం కొనుగోళ్లకు కసరత్తు చేస్తోంది. రైతుల నుంచి సేకరించిన ధాన్యం నిల్వ అంశంపై ఇటు మిల్లర్లు..అటు ప్రభుత్వాధికారులు అంతర్గతంగా సమాలోచనలు చేస్తున్నారు. సమ్మె నేపథ్యంలో జిల్లాలో మిల్లర్ల అసోసియేషన్‌ ఆధ్వర్యంలో ఖరీఫ్‌ 2026–27 ధాన్యం కేటాయింపులు చేయొద్దని విజ్ఞప్తి చేసే పనిలో ఉన్నట్లు తెలుస్తోంది. మరోవైపు రాష్ట్రంలో సమ్మె ప్రభావం దృష్టిలో పెట్టుకుని జిల్లాలో ప్రస్తుత ఖరీఫ్‌ ధాన్యం నిల్వల కోసం గోదాముల అన్వేషణలో యంత్రాంగం సమాలోచన చేస్తున్నట్లు సమాచారం. – సిద్దిపేటజోన్‌జిల్లాలో ప్రస్తుతం 5లక్షల మెట్రిక్‌ టన్నుల ధాన్యం నిల్వ ఉంది. ప్రస్తుతం గోదాముల్లో నిల్వ సామర్థ్యం పూర్తిగా నిండిపోయింది. దీంతో మిల్లు నిర్వహణ చాలా ఇబ్బందిగా ఉంటుంది. ఖరీఫ్‌ 2026–27 సీజన్‌ కొత్త ధాన్యం కేటాయింపులు వద్దని రెండు మూడు రోజుల్లో జిల్లా కలెక్టర్‌కు అసోసియేషన్‌ ఆధ్వర్యంలో వినతిపత్రాన్ని అందించనున్నాం. – కొమరవెల్లి చంద్రశేఖర్‌. జిల్లా రైస్‌ మిల్లర్ల అసోసియేషన్‌ అధ్యక్షుడుఅవసరమైతే క్యాప్‌ గోదాముల ఏర్పాటు ఆలోచనలో ఉన్నాం. జిల్లాలో ఖరీఫ్‌ సీజన్‌ ధాన్యం నిలువ విషయంలో ఎలాంటి ఇబ్బందులు లేకుండా జిల్లా కలెక్టర్‌ ఆధ్వర్యంలో ప్రత్యేక చర్యలు తీసుకోవడం జరుగుతుంది. మార్కెట్‌ కమిటీ గోదాములు, ఎస్‌డబ్ల్యూసీ గోదాములతోపాటు ప్రైవేటు గోదాముల గుర్తింపు ప్రక్రియ త్వరలోనే చేపడతాం. – తనూజ, జిల్లా పౌర సరఫరాల శాఖ అధికారి ప్రభుత్వానికి లేఖలు రాసే యోచనలో మిల్లర్లు ధాన్యం నిల్వల గోదాం అన్వేషణలో సర్కార్‌ ప్రత్యామ్నాయ బాటలో యంత్రాంగం

సిద్దిపేటకమాన్‌: ఇష్టపడి వివాహం చేసుకున్న వ్యక్తి వదిలి వెళ్లాడాన్న మానసిక వేదనతో ఓ ట్రాన్స్‌జెండర్‌ ఆత్మహత్య చేసుకుంది. ఈ ఘటన సిద్దిపేట పట్టణంలో చోటు చేసుకుంది. సిద్దిపేట వన్‌ టౌన్‌ సీఐ మహేందర్‌రెడ్డి తెలిపిన వివరాల ప్రకారం.. రంగారెడ్డి జిల్లా బాలాపూర్‌ మండలానికి చెందిన జెర్పాటి శివ (25) తనలో వచ్చిన జన్యుమార్పిడి వల్ల నాలుగేళ్ల క్రితం ట్రాన్స్‌జెండర్‌గా మారి సునందగా పేరు మార్చుకున్నారు. సిద్దిపేట పట్టణానికి వచ్చి స్థానిక లింగారెడ్డిపల్లి ఇందిరమ్మ కాలనీలో అద్దె ఇంట్లో నివాసం ఉంటున్నారు. ట్రాన్స్‌జెండర్లతో కలిసి జీవనాన్ని కొనసాగిస్తున్నారు. ఈ క్రమంలోనే సునందకు సిద్దిపేటకు చెందిన బత్తుల అజయ్‌కుమార్‌తో పరిచయం ఏర్పడి రెండున్నరేళ్ల క్రితం వివాహం చేసుకున్నారు. కొంత కాలం తర్వాత మనస్పర్థలు రావడంతో ఇద్దరు విడిపోతున్నట్లుగా ఈ నెల 21న బాండ్‌ పేపర్‌ రాసుకున్నారు. తాను పెళ్లి చేసుకున్న వ్యక్తి విడిపోతున్నాడనే బెంగతో సునంద మానసిక వేదనతో బుధవారం రాత్రి ఇంట్లో ఫ్యాన్‌కు ఉరి వేసుకుని ఆత్మహత్యకు పాల్పడింది. ఘటనపై మృతురాలి సోదరుడు మల్లేశ్‌ ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు. ఇదీ చదవండి : ఫోజు కొడితే తాట తీస్తా..

● కలెక్టర్‌ హైమావతి ● ఇందిరమ్మ ఇళ్ల ప్రగతిపై కలెక్టర్‌ సమీక్ష సిద్దిపేటరూరల్‌: ఇందిరమ్మ ఇళ్ల నిర్మాణ పనులు వేగవంతం చేసి, లక్ష్యాలను సకాలంలో పూర్తి చేయాలని కలెక్టర్‌ హైమావతి అధికారులను ఆదేశించారు. బుధవారం కలెక్టరేట్‌లోని కాన్ఫరెన్స్‌ హాలులో ఇందిరమ్మ ఇళ్ల నిర్మాణాల పురోగతిపై ఎంపీడీఓ, మున్సిపల్‌ కమిషనర్లు, గృహనిర్మాణ శాఖ ఇంజనీరింగ్‌ అధికారులతో కలెక్టర్‌ జూమ్‌ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ ఇందిరమ్మ ఇళ్ల రెండో విడతలో మంజూరైన లబ్ధిదారుల వివరాలను పూర్తి చేసి ఆ పత్రాలను కలెక్టరేట్‌కు పంపించాలన్నారు. ఆయా మండలాల వారీగా ప్రణాళిక ప్రకారం గెజిటెడ్‌ ఆఫీస్‌ వెరిఫికేషన్‌ పూర్తి చేయాలని, అలసత్వం ప్రదర్శిస్తే సహించేది లేదని హెచ్చరించారు. నిర్మాణ పనుల్లో ఎదురవుతున్న సమస్యలను లబ్ధిదారులతో మాట్లాడి వెంటనే పరిష్కరించాలని, నిర్మాణం ప్రారంభించని లబ్ధిదారులను ప్రోత్సహించి పనులు ప్రారంభించేలా చూడాలన్నారు. ప్రతిష్టాత్మకంగా చేపట్టిన ఇళ్ల పథకం ప్రతి లబ్ధిదారునికి సహాయం అఽందేలా అధికారులు సమన్వయంతో పనిచేయాలని ఆదేశించారు. కార్యక్రమంలో జిల్లా గృహనిర్మాణ శాఖ అధికారి భగవంత్‌ రావు, డీఈ తదితరులు పాల్గొన్నారు.

● రైతులకు ‘యాప్‌’సోపాలు.. ● సాంకేతిక సమస్యలతో సతమతం డివిజన్‌లో పంటల సాగు ఇలా.. పంట ఎకరాలు వరి 62,100 మక్క 3850 పత్తి 25,750 కంది 1728 ఇతర 850 మొత్తం 94,278 హుస్నాబాద్‌రూరల్‌: పల్లె రైతుకు యూరియా కష్టాలు వీడటంలేదు. ఎరువులు పక్కదారి పట్టవద్దని యాప్‌ తీసుకువస్తే గ్రామీణ రైతులకు సమస్యలు వచ్చి పడ్డాయి. నెట్‌ వర్క్‌ సమస్యతో యాప్‌లో ఎరువులను బుక్‌ చేయాలంటే కనీసం 10 నిమిషాల సమయం పడుతోంది. ఓటీపీని యాప్‌లో ఎంటర్‌ చేసే సమయానికే సాంకేతిక సమస్యలతో బుక్‌ కావడం లేదు. మరోవైపు 3 నిమిషాల్లోపే యూరియా నిల్వలు ఖాళీ అవుతున్నాయి. హుస్నాబాద్‌ డివిజన్‌లో కోహెడ, హుస్నాబాద్‌, బెజ్జంకి, అక్కన్నపేట మండలాల్లో 94,278 ఎకరాల్లో పంటలు సాగు చేశారు. డివిజన్‌లో ఇప్పటి వరకు 8,283 మెట్రిక్‌ టన్నుల యూరియాను రైతులకు అందించినట్లు వ్యవసాయ అధికారుల లెక్కలు చెబుతున్నాయి. ఒక్కో రైతు వరి పంట వేసింది మొదలు ఇప్పటి వరకు ఒక్క యూరియా బస్తా కూడా బుక్‌ చేసుకోలేని పరిస్థితి. కొందరు వ్యాపారులు బీనామి రైతుల పేర్లపై యాప్‌ బుక్‌ చేసి బస్తాలను ఇస్తున్నారు. పంటలు సాగు చేయని భూముల సర్వే నంబర్ల పై యాప్‌లో బస్తాలను బుక్‌ చేయడం వలన పంటలు సాగు చేసిన వారికి యూరియా దొరకడం లేదని రైతులు ఆవేదన వ్యక్తం చేస్తున్నారు. నెల దాటినా ఎరువు కరువే.. వరి పంటలకు నెల దాటినా ఎరువు వేద్దామంటే రైతులకు బస్తాలు అందక ఇబ్బందులు పడుతున్నారు. గ్రామాల వాట్సప్‌ గ్రూప్‌ల్లో రాత్రి వేళ యూరియా వస్తుందని పోస్టులు పెట్టగానే ఉదయమే రైతులు స్మార్టు ఫోన్లు పట్టుకొని ఎరువుల దుకాణం పరుగు తీయడం.. యూరియా లభించకపోవడంతో నిరాశతో ఇంటికి చేరడం నిత్యకృత్యంగా మారింది. పంటలకు సమయానికి ఎరువు వేయకపోతే పైరులో పెరుగుదల లోపించి దిగుబడులు తగ్గే అవకాశం ఉందని అవేదన వ్యక్తం చేస్తున్నారు. అధికారులు స్పందించి పల్లె రైతులకు యూరియా అందేలా చర్యలు తీసుకోవాలని కోరుతున్నారు.యూరియా పక్కదారి పట్టవద్దని, దుకాణాల వద్ద రైతులు క్యూలైన్లు కనిపించవద్దనే ఉద్దేశంతో ప్రభుత్వం యాప్‌ ద్వారా పంపిణీ చేస్తోంది. చాలా మంది యాప్‌ ద్వారానే యూరియా తీసుకెళ్తున్నారు. కొందరి రైతులకు ఇబ్బందులు ఉండవచ్చు. సాంకేతిక లోపం అనేది నెట్‌ వర్క్‌ సమస్య. –వీణారెడ్డి, ఏడీఏ, హుస్నాబాద్‌

● జిల్లా వైద్యాధికారి ధనరాజ్‌ ● ఘనంగా ఆయుర్వేద దినోత్సవం సిద్దిపేటజోన్‌: వైద్య విధానాలు, ఆరోగ్య పరిరక్షణలో ఆయుష్‌ది ముఖ్యమైన పాత్ర ఉందని జిల్లా వైద్యాధికారి డాక్టర్‌ ధనరాజ్‌ అన్నారు. జాతీయ ఆయుర్వేద దినోత్సవం సందర్భంగా బుధవారం స్థానిక స్వచ్ఛ బడిలో ఉచిత వైద్య శిబిరాన్ని ఆయన ప్రారంభించారు. ఆయన మాట్లాడుతూ..ఆయుష్‌ వైద్య విధానాలు, చికిత్స పద్ధతులను ప్రజలు సద్వినియోగం చేసుకోవాలని సూచించారు. మెరుగైన ఫలితాల కోసం అవసరమైన సందర్భంలో ఆయుష్‌ వైద్య సేవలు పొందాలని సూచించారు.. ప్రతి ఒక్కరూ తమ నిత్యజీవితంలో ఆధ్యాత్మికతను పెంపొందించేందుకు కృషి చేయాలని కోరారు. అంతకుముందు ప్రభుత్వ నర్సింగ్‌ కళాశాల ప్రిన్సిపాల్‌ ఇందిరా ఝాన్సీ మాట్లాడుతూ.... ఆయుష్‌ పట్ల ప్రజల్లో మరింత అవగాహన కల్పించాలన్నారు. ఈ సందర్భంగా నిర్వహించిన ఉచిత వైద్య శిబిరంలో ఆయుర్వేద, హోమియో, యునాని వైద్యులు వివిధ రకాల వ్యాధులకు పరీక్షలు నిర్వహించి ఉచితంగా మందులు అందచేశారు. కార్యక్రమంలో నోడల్‌ ఆఫీసర్‌ డాక్టర్‌ అనిల్‌ కుమార్‌, ఆయుష్‌ ఆసుపత్రి ఇంచార్జ్‌ సూపరింటెండెంట్‌ ఉమాదేవి, వైద్యులు గౌతమి ప్రియ, కేదారి,సంపత్‌ కుమార్‌, అజీజ్‌, మాజీ కౌన్సిలర్‌ దీప్తి, మెడికల్‌ సిబ్బంది తదితరులు పాల్గొన్నారు.

హుస్నాబాద్‌: విద్యార్థులకు ఏ సమస్య ఉన్నా చెప్పే హక్కు ఉందని, నేను మీకు గార్డియన్‌గా ఉండి పరిష్కరిస్తానని మంత్రి పొన్నం ప్రభాకర్‌ అన్నారు. బుధవారం హుస్నాబాద్‌ ఇంజనీరింగ్‌ కళాశాలను మంత్రి ఆకస్మిక తనిఖీ చేశారు. విద్యార్ధులతో ముఖాముఖి మాట్లాడి సమస్యలు తెలుసుకున్నారు. బాలుర హాస్టల్‌లో బాత్రూమ్స్‌, బస్సు రవాణా, లైబ్రరీ సమస్యలను పరిష్కరిస్తామని హామీ ఇచ్చారు. ఈ సందర్భంగా మంత్రి మాట్లాడుతూ హాస్టల్‌లో విద్యార్థులకు నాణ్యమైన, పరిశుభ్రమైన ఆహారం అందించాలన్నారు. విద్యార్థులతో కలిసి కమిటీ ఏర్పాటు చేసి భోజనం, వసతులపై వారి అభిప్రాయాలు తీసుకోవాలని ఆదేశించారు. విద్యతో పాటు క్రీడలు, సాంస్కృతిక కార్యక్రమాలు, వివిధ రకాల పోటీలు, ఇతర సహపాఠ్య కార్యక్రమాలు నిర్వహించాలన్నారు. విద్యార్థులు గంజాయి, డ్రగ్స్‌ వంటి దురలవాట్లకు దూరంగా ఉండాలన్నారు. కళాశాలలో ప్రతిభ కనబరిచే టాపర్లకు ల్యాప్‌టాప్‌లు అందిస్తామన్నారు. క్యాంపస్‌ సెలెక్షన్‌, ప్లేస్‌మెంట్స్‌ తీసుకువచ్చేందుకు చర్యలు చేపడతామన్నారు. ఉస్మానియా, కాకతీయ విశ్వవిద్యాలయాలకు చెందిన రిటైర్డ్‌ ప్రొఫెసర్లతో మోటివేషన్‌ క్లాస్‌లు నిర్వహించేలా చర్యలు తీసుకుంటామన్నారు. కార్యక్రమంలో శాతవాహన యూనివర్సిటీ వైస్‌ చాన్సలర్‌ ఉమేశ్‌ కుమార్‌, రిజిస్ట్రార్‌ సతీష్‌, ప్రిన్సిపాల్‌ తిరుపతి రెడ్డి, మాజీ గ్రంథాలయ సంస్థ చైర్మన్‌ కేడం లింగమూర్తి, అధ్యాపకులు ఉన్నారు. టాపర్లకు ల్యాప్‌టాప్‌లు అందిస్తా మంత్రి పొన్నం ప్రభాకర్‌ ఇంజనీరింగ్‌ కళాశాల విద్యార్థులతో ముఖాముఖి

వర్గల్‌(గజ్వేల్‌): సుప్రసిద్ధ నాచగిరి లక్ష్మీనృసింహ క్షేత్రంలో బుధవారం హుండీ కానుకలను లెక్కించారు. 84 రోజులలో వివిధ హుండీల ద్వారా ఆలయానికి రూ.16,71,537 ఆదాయం సమకూరింది. హుండీ లెక్కింపును దేవాదాయశాఖ ఇన్‌స్పెక్టర్‌ గురుభద్రమ్మ, ఆలయ ఈఓ బెల్లంకొండ రంగాచారి పర్యవేక్షించారు. భ్రమరాంబిక సేవాసమితి, శివకేశవ సేవాసమితి సభ్యులు, ఆలయ సిబ్బంది హుండీ కానుకల లెక్కింపులో పాల్గొన్నారు. బంగారువర్ణంలో నాచగిరి మిలమిల వర్గల్‌(గజ్వేల్‌): నాచగిరి శ్రీవారి గర్భాలయ ప్రాంగణం బంగారు తాపడం చేసిన నగధగలతో మెరిసిపోతోంది. హైదరాబాద్‌కు చెందిన యాసారం సంజీవచారి–రుక్మిణి దంపతులు గర్భగుడి ద్వారపాలకులైన జయవిజయులకు బంగారు తాపడం(కోటింగ్‌)తో తయారుచేయించిన కవచాలు, ఆభరణాలను బుధవారం ఆలయానికి బహూకరించారు. అదేరోజు వాటిని జయవిజయులకు అలంకరించారు. దీంతో బంగారు మిలమిలతో మెరిసిపోతున్న జయవిజయులు, గర్భద్వార ప్రాంగణం భక్తులను మంత్రముగ్ధులను చేస్తున్నది. సిద్దిపేటకమాన్‌: గణేశ్‌ నిమజ్జన ఉత్సవాల్లో భాగంగా జిల్లాలోని మద్యం దుకాణాలు మూసివేసి ఉంటాయని జిల్లా ఎకై ్సజ్‌ సూపరింటెండెంట్‌ సంతోష్‌, సీఐ రవి తెలిపారు. జిల్లాలోని మద్యం దుకాణాలు, బార్‌ అండ్‌ రెస్టారెంట్లు ఈ నెల 24న సాయంత్రం 6 గంటల నుంచి 26వ తేదీ ఉదయం 6గంటల వరకు మూసి ఉంటాయని తెలిపారు. నిబంధనలకు విరుద్దంగా మద్యం విక్రయాలు జరిపితే చట్టపరమైన చర్యలు తీసుకుంటామన్నారు. గజ్వేల్‌: అరుణోదయ విమలక్క 50ఏళ్ల పాటల ప్రస్థానాన్ని పురస్కరించుకొని ఈనెల 26 నుంచి 28వరకు హైదరాబాద్‌లో నిర్వహించనున్న ‘ప్రజా కళా జాతర’ కార్యక్రమాన్ని జయప్రదం చేయాలని ప్రజా సంఘాల నాయకులు రాంచంద్రం, సత్యనారాయణ, రాజులు, మల్లికార్జున్‌, కృష్ణ, సత్తయ్య, ఎల్లయ్య, చిన్ని కృష్ణ, నర్సింహ కోరారు. బుధవారం గజ్వేల్‌లో కరపత్రాలను ఆవిష్కరించారు. ఈ సందర్భంగా వారు మాట్లాడుతూ 52ఏళ్ల అరుణోదయ సాంస్కృతిక సమాఖ్యలో విమలక్క ప్రస్థానం గొప్పదని గుర్తు చేశారు. ఈ సందర్భంగా నిర్వహించనున్న ‘ప్రజాకళా జాతర’లో ఈనెల 26నుంచి 28వరకు 50పాటలు, 50 ప్రదర్శనలు ఉంటాయన్నారు.

సిద్దిపేటజోన్‌: ప్రతి ఒక్కరి జీవితంలో క్రీడలు ఒక భాగం కావాలని జిల్లా ట్రైనీ డిప్యూటీ కలెక్టర్‌ భవ్య పిలుపునిచ్చారు. మంగళవారం జిల్లా కేంద్రంలోని ప్రభుత్వ డిగ్రీ కళాశాల మైదానంలో జిల్లా పాఠశాల క్రీడా సమాఖ్య(ఎస్‌జీఎఫ్‌)ఆధ్వర్యంలో 70వ జిల్లా స్థాయి కబడ్డీ, ఖోఖో, వాలీబాల్‌ టోర్నీని ఆమె ప్రారంభించారు. ఈ సందర్భంగా భవ్య మాట్లాడుతూ.. క్రీడల వల్ల క్రమశిక్షణతో పాటు శారీరక మానసిక పునరుత్తేజం, నమ్మకం కలుగుతుందన్నా రు. ఆటలు భవిష్యత్తులో కూడా ఆడి అంతర్జాతీయ స్థాయికి ఎదగాలని ఆకాంక్షించారు. ఆరోగ్యమే మహాభాగ్యం అనే సూక్తికి అనుగుణంగా ఆటలు ఎంతో ముఖ్యమన్నారు. అదేవిధంగా కలిసి ఆటలు ఆడటంతో స్నేహభావం, నమ్మకం ఏర్పడుతుందన్నారు. జిల్లాకు మంచి పేరు తేవాలని, ఆటలో క్రీడా స్ఫూర్తితో ఉండాలని, గెలుపు ఓటములు సహజంగా తీసుకోవాలని సూచించారు. ఈ పోటీల్లో జిల్లాలోని వివిధ పాఠశాలలు విద్యార్థులు పాల్గొన్నారు. కార్యక్రమంలో జిల్లా విద్యాశాఖ అధికారి రమేష్‌, పంచాయతీ రాజ్‌ శాఖ అధికారి రవీందర్‌, జిల్లా క్రీడల యువజన శాఖ అధికారి వీరారెడ్డి, వివిధ క్రీడా సంఘాల ప్రతినిధులు, వ్యాయామ ఉపాధ్యాయులు తదితరులు పాల్గొన్నారు. ఎస్‌జీఎఫ్‌లో చోరీ పోలీస్‌ స్టేషన్‌లో ఫిర్యాదు సిద్దిపేటజోన్‌: జిల్లా పాఠశాల క్రీడా సమాఖ్య ఆఫీసులో చోరీ జరిగింది. ఆదివారం గుర్తు తెలి యని వ్యక్తులు స్టేడియం పరిసరాల్లో ఉన్న ఎస్‌జీఎఫ్‌ కార్యాలయం తాళం పగులకొట్టి బీరువాలో ఉన్న కాగితాలు దొంగిలించారు. ఇదే విషయాన్ని ఎస్‌జీఎఫ్‌ మాజీ సెక్రటరీ ఒకరు మంగళవారం వన్‌ టౌన్‌ పోలీసు స్టేషన్‌లో ఫిర్యాదు చేశారు. మరోవైపు జిల్లా కేంద్రంలో ప్రస్తుతం జరుగుతు న్న జిల్లా స్థాయి టోర్నీలో డిప్యుటేషన్‌ విధుల అంశంపై సోషల్‌ మీడియాలో జోరుగా ప్రచారం జరిగింది. ఎస్జీఎఫ్‌లో రెండు వర్గాల మధ్య ఉన్న ఆధిపత్య పోరులో భాగంగానే సంఘటనలు చోటుచేసుకునట్లు ప్రచారం జరుగుతోంది.

● వైద్యానికి రూ.1.20 కోట్లు ఖర్చు ● అయినా దక్కని ప్రాణం తొగుట(దుబ్బాక): తలసేమియా వ్యాధి బారిన పడిన చిన్నారిని దక్కించుకునేందుకు ఆ తల్లిదండ్రులు పడిన శ్రమ అంతాఇంతా కాదు.. రూ.1.20కోట్లు వెచ్చించినా చివరకు చిన్నారి ప్రాణం దక్కలేదు. వివరాలిలా ఉన్నాయి. మండల పరిధి ఘణపురానికి చెందిన రియాన్షిక (7) తలసేమియా వ్యాధితో చికిత్స పొందుతూ మంగళవారం మరణించింది. గ్రామానికి చెందిన శివంది లింగం, లాస్య దంపతులకు కుమారుడు రుషి (9), కూతురు రియాన్షిక ఉన్నారు. ఆరు నెలల క్రితం రియాన్షిక అస్వస్థతకు గురైంది. దీంతో సిద్దిపేటలోని ప్రైవేట్‌ ఆస్పత్రిలో చికిత్స కోసం వెళ్లారు. వైద్యులు తలసేమియా వ్యాధిగా నిర్ధారించారు. ఈ క్రమంలో మెరుగైన వైద్యం కోసం హైదరాబాద్‌కు తీసుకెళ్లారు. అక్కడ ఓ ప్రైవేట్‌ ఆస్పత్రిలో ఆరు నెలలుగా చికిత్స చేయించారు. ఎలాగైనా కూతురును బతికించుకునేందుకు పడరానిపాట్లు పడ్డారు. బంధువుల వద్ద అప్పుచేశారు. వైద్యం కోసం ఉన్న కొద్దిపాటి వ్యవసాయ భూమి అమ్మి విక్రయించి చికిత్స చేయించారు. రూ.1.20కోట్లు వరకు ఖర్చుచేశారు. అయినప్పటికీ ఫలితంలేకుండా పోయిందని తల్లిదండ్రులు ఆవేదన వ్యక్తంచేశారు. గ్రామంలో విషాదం నెలకొంది.

ప్రశాంత్‌నగర్‌(సిద్దిపేట): జిల్లా కేంద్రానికి చెందిన బాల సాహితీవేత్త గరిపెల్లి అశోక్‌కు చాంద్‌ సితారే పురస్కారం స్వీకరించినట్లు అక్షర సేద్యం ఫౌండేషన్‌ అధ్యక్షుడు భైతి దుర్గయ్య, బాలసాహితీవేత్త ఉండ్రా ళ్ల రాజేశం తెలిపారు. బాల సాహిత్య రంగంలో చేస్తున్న విశేష సేవకు గాను ఖమ్మం జిల్లా కేంద్రంలో చాంద్‌ సితారే సంస్థ బాలసాహిత్య పురస్కారం ప్రదానం చేసిందన్నారు. అశోక్‌కు చాంద్‌ సితారే బాలసాహిత్య పురస్కారం రావడంపై పలువురు కవులు అభినందించారు. చారిత్రక విశేషాలు తెలుసుకోవాలి నంగునూరు(సిద్దిపేట): చారిత్రక విశేషాలను తెలుసుకొని వాటిపై అవగాహన పెంచుకోవాలని చరిత్ర పరిశోధకుడు కొలిపాక శ్రీనివాస్‌ విద్యార్థులకు సూచించారు. పాఠశాల యూత్‌ టూరిజం క్లబ్‌ ఆధ్వర్యంలో మంగళవారం నంగునూరులోని జోకీరమ్మ బండపై ఉన్న వర్ధమాన మహావీరుని విగ్రహం, నాటి చరిత్రపై శ్రీనివాస్‌ అవగాహన కల్పించారు. తోకల కొండపై వెలసిన సీతారాముల ఆలయాన్ని సందర్శించి సహజ సిద్ధంగా ఏర్పడ్డ బావి, ఆలయ విశిష్టతను వివరించారు. కార్యక్రమంలో టూరిజం కోఆర్డినేటర్‌ రాంగోపాల్‌రెడ్డి, ఉపాధ్యాయులు పాల్గొన్నారు. డిప్యుటేషన్లు ఆపండి మద్దూరు(హుస్నాబాద్‌): దూల్మిట్టలోని ఉన్నత పాఠశాలలో గణితం, సాంఘిక శాస్త్ర ఉపాధ్యాయుల డిప్యుటేషన్లను ఆపాలని విద్యార్థులు, తల్లిదండ్రులు కోరారు. ఈ మేరకు జిల్లా విద్యా శాఖ కార్యాలయంలో వినతి పత్రం అందజేశారు. ఈ సందర్భంగా వారు మాట్లాడుతూ పాఠశాలలో పూర్తి స్థాయిలో ఉపాధ్యాయులు ఉండటంతో టెన్త్‌ పరీక్షల్లో నియోజకవర్గంలోనే మొదటి స్థానంలో నిలిచిందన్నారు. ఈ విద్యాసంవత్సరం మధ్యలో ఉపాధ్యాయులను డిప్యుటేషన్‌పై పంపిస్తే పిల్లల చదువుపై ప్రతికూల ప్రభావం పడే అవకాశం ఉందన్నారు. విద్యార్థుల భవిష్యత్‌ను దృష్టిలో ఉంచుకుని ఉపాధ్యాయుల డిప్యుటేషన్లను ఆపాలని వారు వినతి పత్రంలో పేర్కొన్నారు.

మహా అన్నదానం కొమురవెల్లి(సిద్దిపేట): మల్లన్న ఆలయంలో వినాయక ఉత్సవాల్లో భాగంగా మంగళవారం ప్రత్యేక పూజలు నిర్వహించారు. స్వామివారికి రుద్రాభిషేకం, అఖండ దీపపూజ, అగ్ని ప్రతిష్ఠ తదితర కార్యక్రమాలు నిర్వహించారు. అనంతరం తీర్థ ప్రసాదాలు అందించారు. మహా అన్నప్రసాదం చేశారు.చిన్నకోడూరు(సిద్దిపేట): ఆస్తి విషయమై వేధింపులు భరించలేక తండ్రిని కడతేర్చాడు ఓ కుమారుడు. మంగళవారం నిందితుడిని అరెస్టు చేసి రిమాండ్‌కు తరలించినట్లు సిద్దిపేట రూరల్‌ సీఐ విద్యాసాగర్‌ తెలిపారు. సీఐ తెలిపిన వివరాల ప్రకారం .. మండల పరిధిలోని ఇబ్రహీంనగర్‌ గ్రామానికి చెందిన సయ్యద్‌ హైదర్‌ కూలీ పనులు చేసుకుంటూ జీవనం సాగిస్తున్నాడు. కాగా సయ్యద్‌ హైదర్‌ తండ్రి సయ్యద్‌ కరీం కొంత కాలంగా మద్యానికి బానిసయ్యాడు. రోజు తాగి వచ్చి ఈ ఇల్లు నాది, నువ్వు ఇక్కడి నుండి వెళ్లిపో అంటూ కొడుకుతో గొడవ పడుతున్నాడు. తండ్రి గొడవలకు విసిగిపోయిన కుమారుడు తండ్రిని అడ్డు తొలగించుకోవాలని భావించాడు. ఈ క్రమంలో ఈ నెల 5న మధ్యాహ్నం వేళ ఇంట్లో ఒంటరిగా పడుకున్న తండ్రి తలపై సుత్తెతో బలంగా కొట్టి పరారయ్యాడు. మరో కుమారుడు గమనించి సిద్దిపేట ఆస్పత్రికి తరలించారు. అక్కడి నుంచి హైదరాబాద్‌ గాంధీకి తరలించారు. అక్కడ చికిత్స పొందుతూ ఈ నెల 12న మృతి చెందాడు. ఈ విషయమై కొడుకు సయ్యద్‌ హైదర్‌పై హత్యా కేసు నమోదు చేశారు. నిందితుడు పరారిలో ఉన్నాడు. మంగళవారం సయ్యద్‌ హైదర్‌ గ్రామంలోని ఇంటికి వచ్చడాని సమాచారం తెలుసుకున్న పోలీసులు అక్కడకు చేరుకుని నిందితున్ని అరెస్టు చేసి రిమాండ్‌కు తరలించారు. నిందితుడిని అదుపులోకి తీసుకున్న పోలీసులు

వర్షాకాలం సీజన్‌లో చాలా మంది జ్వరాల బారీన పడుతున్నారు. సిద్దిపేటలోని ప్రభుత్వ జనరల్‌ ఆస్పత్రిలో రోజు రోజుకు ఓపీ పెరుగుతోంది. జ్వరం, దగ్గు, జలుబుతో బాదపడుతున్న వారి సంఖ్య ఎక్కువగా ఉంది. జ్వరం, తలనొప్పితో రెండు నుంచి మూడు రోజులుగా బాధపడుతున్న వారికి రక్త పరీక్షలు నిర్వహిస్తున్నారు.తేదీ ఓపీ సంఖ్య ఈ నెల 22న 1,566 21న 1,588 19న 1,543 17న 1,586 16న 1,528 15న 1,635

● హుస్నాబాద్‌ ప్రగతిపై ప్రత్యేక దృష్టి ● మంత్రి పొన్నం ప్రభాకర్‌ హుస్నాబాద్‌: పట్టణాన్ని అన్ని రంగాల్లో అభివృద్ధి చేసేందుకు సమగ్ర ప్రణాళికతో ముందుకు వెళ్తున్నామని మంత్రి పొన్నం ప్రభాకర్‌ అన్నారు. మంగళవారం ఎల్లమ్మ చెరువు వద్ద వినాయక నిమజ్జన ఏర్పాట్లను పరిశీలించారు. చెరువు సుందరీకరణ పనులు, గ్లాస్‌ బ్రిడ్జిని పరిశీలించారు. ఈ సందర్భంగా మంత్రి పొన్నం ప్రభాకర్‌ మాట్లాడుతూ నిమజ్జన ప్రాంతంలో భద్రత, లైటింగ్‌, ట్రాఫిక్‌ నియంత్రణ, పారిశుద్ధ్యం, తాగునీరు వంటి అంశాలపై ప్రత్యేక దృష్టి సారించాలని అధికారులను ఆదేశించారు. ప్రజలకు ఉపాధి అవకాశాలు పెంచేందుకు కూరగాయల మార్కెట్‌, షాపింగ్‌ కాంప్లెక్స్‌, చిల్డ్రన్స్‌ పార్క్‌, ఇండస్ట్రీయల్‌ పార్క్‌, అర్బన్‌ ఫారెస్ట్‌ పార్క్‌ వంటి అభివృద్ధి పనులు చేపడుతున్నామని తెలిపారు. పల్లె చెరువు నుంచి ఎల్లమ్మ చెరువు వరకు నాలుగు లైన్ల రహదారి అనుమతి కోసం కృషి చేస్తున్నామని తెలిపారు.పట్టణంలో అనేక అభివృద్ది పనులు ముగింపు దశకు చేరుకున్నాయని, త్వరలోనే రాష్ట్ర పెద్దలను తీసుకువచ్చి ప్రజలకు అందుబాటులోకి తెస్తామన్నారు. హుస్నాబాద్‌లో రాష్ట్ర స్థాయి కబడ్డి పోటీలకు శిక్షణ పొందుతున్న జిల్లా జట్టు క్రీడాకారులకు జెర్సీలు అందజేశారు. అనంతరం పట్టణంలో వివిధ వినాయక మండపాలను సందర్శించారు. కార్యక్రమంలో మున్సిపల్‌ చైర్‌ పర్సన్‌ దండి లక్ష్మి, వైస్‌ చైర్‌ పర్సన్‌ చిత్తారి పద్మ, ఆర్డీఓ రామ్మూర్తి, మున్సిపల్‌ కమిషనర్‌ మల్లికార్జున్‌, ప్రజాప్రతినిధులు పాల్గొన్నారు.

● సీపీ రష్మీ పెరుమాళ్‌ ● జిల్లా వ్యాప్తంగా 3వేలకు పైగా విగ్రహాలు హుస్నాబాద్‌: గణేశ్‌ ఉత్సవాలు భక్తి, శాంతి, సోదరభావానికి ప్రతీకగా నిలుస్తాయని సీపీ రష్మీ పెరుమాళ్‌ అన్నారు. మంగళవారం పట్టణంలో నిమజ్జన బందోబస్తు పరిశీలనలో భాగంగా ఎల్లమ్మ చెరువు వద్ద ఏర్పాటు చేసిన నిమజ్జన పాయింట్‌ను క్షేత్ర స్థాయిలో పరిశీలించారు. ఎల్లమ్మ చెరువులో నూతనంగా నిర్మించిన గ్లాస్‌ బ్రిడ్జిని పరిశీలించి వివరాలు అడిగి తెలుసుకున్నారు. అనంతరం పట్టణంలోని పలు వినాయక మండపాళ్లను సందర్శించారు. ఈ సందర్భంగా సీపీ రష్మీ పెరుమాళ్‌ మాట్లాడుతూ జిల్లాలో మూడు వేలకు పైగా వినాయక విగ్రహాలను ప్రతిష్టించారని తెలిపారు. జిల్లా వ్యాప్తంగా గణేష్‌ నిమజ్జన కార్యక్రమాలు నిర్వహించనున్న నేపథ్యంలో అధికారులు ముందస్తు ఏర్పాట్లు పూర్తి చేయాలని అధికారులను ఆదేశించారు. శోభయాత్ర సమయంలో పట్టణంలో రద్దీ ఏర్పడకుండా వాహన రాకపోకలకు ఎలాంటి ఇబ్బందులు, ట్రాఫిక్‌ను క్రమబద్దీకరించాలని ఏసీపీ సదానందంపు ఆదేశించారు. ఎలాంటి డీజేలు లేకుండా భక్తి శ్రద్దలతో పండుగను జరుపుకోవాలని విజ్ఞప్తి చేశారు. కార్యక్రమంలో ఏసీపీ సదానందం, మున్సిపల్‌ కమిషనర్‌ మల్లికార్జున్‌, సీఐ శ్రీధర్‌, ఎస్సై లక్ష్మారెడ్డిలు ఉన్నారు.

● ఇప్పటి వరకు 60 కేసులు నమోదు ● గ్రామీణప్రాంతాల్లోనే అత్యధికం ● ఆందోళన చెందుతున్న జిల్లా వాసులు ప్రభుత్వ ఆస్పత్రిలో చికిత్స పొందుతున్న రోగులు జిల్లాలో డెంగీ పంజా విసురుతోంది. రోజురోజుకు కేసులు పెరుగుతుండటంతో బాధితులు ఆస్పత్రులకు క్యూ కడుతున్నారు. ఈ సీజన్‌లో ఇప్పటి వరకు 60 కేసులు నమోదు కావడం ఆందోళన కలిగిస్తోంది. జిల్లాలో కురుస్తున్న వర్షాలకు ఎక్కడికక్కడా నీటి నిల్వలు ఏర్పడ్డాయి. ఇందులో దోమలు వృద్ధి చెంది.. విష జ్వరాలు వ్యాప్తికి అవకాశాలు ఏర్పడుతున్నాయి. సాధారణ వ్యాధులతో పాటు డెంగీ భూతం భయపెడుతోంది. –సాక్షి, సిద్దిపేట/సిద్దిపేట కమాన్‌ వానాకాలం.. వ్యాధులకు అనువైన కాలం. వర్షాలు కురిసిన తర్వాత నీరు నిలిచి ఉండంతో వ్యాధులు విజృంభిస్తున్నాయి. పీహెచ్‌సీ, జిల్లా ఆస్పత్రి, జీజీహెచ్‌లకు, ప్రైవేట్‌ ఆస్పత్రులకు జ్వర పీడితుల తాకిడి పెరిగింది. ఈ సీజన్‌లో ఇప్పటి వరకు 60 డెంగీ కేసులు నమోదయ్యాయని ప్రభుత్వ వైద్యారోగ్య శాఖ గణాంకాలు చెబుతుండగా.. ప్రైవేట్‌ ఆస్పత్రుల్లో వీటి సంఖ్య లెక్కేలేదు. జ్వరం రాగానే స్థానికంగా ఉండే ఆర్‌ఎంపీలను సంప్రదిస్తున్నారు. ఆర్‌ఎంపీని సంప్రదించిన జ్వరం తగ్గకపోతే కొందరు ప్రభుత్వ, మరికొందరు ప్రైవేట్‌ ఆస్పత్రుల బాట పడుతున్నారు. వారంలో 22 కేసులు ఇప్పటి వరకు 60 డెంగీ కేసులు నమోదు కాగా ఈ వారం(ఈ నెల 15 నుంచి 22వరకు) 22 మంది డెంగీ బారీన పడ్డారు. ఎక్కువగా గ్రామీణ ప్రాంతాల్లోనే డెంగీ కేసులు నమోదు అవుతున్నాయి. మిర్జాపూర్‌ పీహెచ్‌సీలో 9, తిమ్మాపూర్‌లో 6, పుల్లూరులో 4, మిరుదొడ్డి రామక్కపేట, భూంపల్లి, రామవరం, మద్దూరులో మూడు చొప్పున కేసులు, మిగతా పీహెచ్‌సీలలో 26 కేసులు నమోదయ్యాయి. అలాగే ఈ ఏడాది ఇప్పటి వరకు 5,614 మందికి జ్వరాలు, 508 మందికి జలుబు, 810 మందికి దగ్గు బారీన పడ్డారు. జాగ్రత్తలు తప్పనిసరి

● కలెక్టర్‌ హైమావతి ● వీడియో కాన్ఫరెన్స్‌లో పాల్గొన్న కలెక్టర్‌సిద్దిపేటరూరల్‌: గౌరవెల్లి ప్రాజెక్టు డిస్ట్రిబ్యూటరీ కాలువల నిర్మాణ పనులు వేగంగా జరుగుతున్నాయని కలెక్టర్‌ కె. హైమావతి వీడియో కాన్ఫరెన్స్‌ ద్వారా మంత్రులు, ఉన్నతాధికారులకు తెలిపారు. సోమవారం రాష్ట్ర సచివాలయం నుంచి ఇరిగేషన్‌ ప్రాజెక్టులపై భారీనీటి పారుదల శాఖ మంత్రి ఉత్తమ్‌కుమార్‌రెడ్డి, రాష్ట్ర రవాణా, బీసీ సంక్షేమ శాఖ మంత్రి పొన్నంప్రభాకర్‌లు, ఉన్నతాధికారులతో కలిసి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. కలెక్టర్‌ మాట్లాడుతూ గౌరవెల్లి ప్రాజెక్టు డిస్ట్రిబ్యూటరీ కెనాల్‌ నిర్మాణం వేగంగా జరుగుతోందన్నారు. అదేవిధంగా తపాస్‌పల్లి రిజర్వాయర్‌లో పెండింగ్‌ భూసేకరణ ప్రక్రియ వేగంగా జరుగుతుందని తెలిపారు. కార్యక్రమంలో అదనపు కలెక్టర్‌ లక్ష్మికిరణ్‌, ఇరిగేషన్‌ అధికారులు తదితరులు పాల్గొన్నారు.

హుస్నాబాద్‌: యువత డ్రగ్స్‌కు బానిసై జీవితాలను నాశనం చేసుకోవద్దని డిస్ట్రిక్ట్‌ లీగల్‌ సర్వీసెస్‌ అథారిటీ సెక్రటరీ, జడ్జి సౌజన్య అన్నారు. ప్రభుత్వ డిగ్రీ కళాశాలలో సోమవారం న్యాయ విజ్ఞాన సదస్సు నిర్వహించారు. ఈ సందర్భంగా జడ్జి మాట్లాడుతూ ఎవరైనా డ్రగ్స్‌ వాడినా, కలిగి ఉన్నా, అమ్మినా సుమారు 6 నెలల నుంచి పదేళ్ల నాన్‌ బెయిలబుల్‌ జైలు శిక్షతో పాటు జరిమానా విధించే అవకాశం ఉందని తెలిపారు. బాగా చదువుకొని వివిధ రంగాలలో, వివిధ హోదాలలో స్థిరపడాలని సూచించారు. కార్యక్రమంలో హుస్నాబాద్‌ జడ్జి ప్రమిద, కళాశాల ప్రిన్సిపాల్‌ భిక్షపతి, అధ్యాపకులు బాలరాజు, కుమారస్వామి, విజయ, శ్రీనివాస్‌ తదితరులు ఉన్నారు. రూ.4.44 కోట్లు చెల్లించకుంటే ఆస్తుల జప్తు రైస్‌ మిల్లర్లకు తహసీల్దార్‌ కృష్ణమోహన్‌ హెచ్చరిక దుబ్బాకటౌన్‌: రాయపో ల్‌ మండలం రామారం లోని మహదేవ్‌ ఆగ్రో రైస్‌ ఇండస్ట్రీస్‌ యాజమాన్యం ప్రభుత్వ వరి ధాన్యం నిల్వలను దుర్వినియోగం చేయడంతో రూ.4,44,15,348 నష్టం వాటిల్లిందని తహసీల్దార్‌ కృష్ణమోహన్‌ తెలిపారు. సోమవారం ఆయన మాట్లాడుతూ.. ఈ మొత్తాన్ని ఏడు రోజుల్లోగా చెల్లించాలని సంబంధిత రైస్‌మిల్లు యజమానులకు నోటీసు జారీ చేశామన్నారు. ప్రభుత్వ ధాన్యం 12,708.90 క్వింటాళ్లు దుర్వినియోగమైనట్లు అధికారులు నిర్ధారించినట్లు దీంతో.. సంబంధిత రైస్‌ మిల్లర్లకు నోటీసులో ఇచ్చామన్నారు. నష్టపరిహారం మొత్తాన్ని నిర్ణీత గడువులోగా ప్రభుత్వానికి చెల్లించాలని ఆదేశించారు. గడువులోగా నష్టపరిహారం చెల్లించని పక్షంలో రెవెన్యూ రికవరీ (ఆర్‌ఆర్‌) చట్టం ప్రకారం చర్యలు తీసుకుంటామని హెచ్చరించారు. స్థిర, చరాస్తులను జప్తు చేసి, వేలం ద్వారా ప్రభుత్వ బకాయిలను రికవరీ చేస్తామని స్పష్టం చేశారు. ప్లాస్టిక్‌ రహితం.. అరిటాకులో భోజనం ఆదర్శంగా మైలారం సిద్ధివినాయక బృందం వర్గల్‌(గజ్వేల్‌): గణనాథుల నవరాత్రోత్సవాల సందర్భంగా అన్నదానాలు జోరందుకున్నా యి. అన్నదానం అనగానే ప్లాస్టిక్‌ పేపర్‌ ప్లేటులో భోజనం, ప్లాస్టిక్‌ గ్లాసులో నీళ్లు గుర్తుకొస్తాయి. ప్లాస్టిక్‌ వాడకం పర్యావరణానికి, మానవాళి ఆరోగ్యానికి హానికరమని తెలిసినా వాటి వాడకం తగ్గడం లేదు. కాని వర్గల్‌ మండలం మైలారంలోని సిద్ధివినాయక భక్త బృందం ప్లాస్టిక్‌ జోలికి వెళ్లకుండా అన్నదాన క్రతువు నిర్వహించి సమాజానికి సరికొత్త సందేశం పంచింది. వినాయక మండపం వద్ద చక్కగా టేబుళ్లు ఏర్పాటుచేసి, కుర్చీలు వేసి అరటి ఆకులలో భోజనం పెట్టారు. స్టీల్‌ గ్లాసులలో నీళ్లు ఏర్పాటుచేశారు. పదేళ్లుగా ప్రతి సంవత్సరం ఎకో ఫ్రెండ్లీ మట్టి వినాయక ప్రతిమను పూజిస్తున్నారు. తాము ఆచరిస్తూనే ‘పర్యావరణాన్ని కాపాడుకుందాం’ అంటూ సిద్ధివినాయక బృంద సభ్యులు పదుగురికి సందేశం పంచుతున్నారు. హెచ్‌ఏసీఏ సెంటర్‌తో మేలు ఎమ్మెల్సీ వంటేరు యాదవరెడ్డి కొండపాక(గజ్వేల్‌): ఎరువుల విక్రయాల్లో ఇబ్బందులు రాకుండా హెచ్‌ఏసీఏ సెంటర్‌ దోహదపడుతుందని ఎమ్మెల్సీ వంటేరు యాదవరెడ్డి అన్నారు. కుకునూరుపల్లి మండలంలోని రాయవరంలో సోమవారం హెచ్‌ఏసీఏ ఎరువుల విక్రయ సెంటర్‌ను ప్రారంభించారు. ఈ సందర్భంగా యాదవరెడ్డి మాట్లాడుతూ కాంగ్రెస్‌ ప్రభుత్వం ఎరువులను యాప్‌లలో బుకింగ్‌ చేసుకునే విధానాన్ని ప్రవేశపెట్టడంతో రైతులు తీవ్ర ఇబ్బందులు ఎదుర్కొంటున్నారన్నారు. రాయవరంలో అలాంటి ఇబ్బందులు తలెత్తకుండా చూసేందుకు హెచ్‌ఏసీఏ కేంద్రం ఉపయోగపడుతుందన్నారు. ఇలాంటి సెంటర్లు మండల వ్యాప్తంగా ఏర్పాటు అయ్యేలా కృషి చేస్తామన్నారు.

కిరణ్‌కుమార్‌ బీసీఐ సభ్యుడిగా బాధ్యతలు స్వీకరించడం చాలా సంతోషంగా ఉంది. ప్రముఖ క్రిమినల్‌ లాయర్‌గా ఉన్న ఆయన దేశంలోనే గొప్ప స్థాయికి చేరుకోవడం మాకు గర్వకారణంగా ఉంది. – బాల్తె వెంకటేశం, హసన్‌మీరాపూర్‌ శుభపరిణామం కిరణ్‌కుమార్‌ ఢిల్లీ స్థాయికి ఎదగడం శుభపరిణామం. తాను ఎంతో ఎత్తుకు ఎదిగినప్పటికీ గ్రామస్తులతో ఆప్యాయంగా ఉంటారు. గ్రామంలో పాఠశాల అభివృద్ధికి చాలా కృషి చేశారు. గ్రామంలో ప్రజలందరూ సంతోషం వ్యక్తం చేస్తున్నారు. – రమేశ్‌, గ్రామస్తుడు

బీజేపీ జిల్లా అధ్యక్షుడు బైరి శంకర్‌ అక్కన్నపేట(హుస్నాబాద్‌): మంత్రి పొన్నం ప్రభాకర్‌ అక్కన్నపేట మండలాన్ని పట్టించుకోవడంలేదని బీజేపీ జిల్లా అధ్యక్షుడు బైరి శంకర్‌ మండిపడ్డారు. అక్కన్నపేటలో సోమవారం పార్టీ మండలాధ్యక్షుడు రామంచ మహేందర్‌రెడ్డి నేతృత్యంలో మండల కార్యకర్గ సమావేశం నిర్వహించారు. ఈ సమావేశానికి ఆయన ముఖ్యఅతిథిగా పాల్గొని మాట్లాడారు. ప్రభుత్వ కార్యాలయాలకు సొంత భవనాలు నిర్మించకపోవడం మంత్రి నిబద్దతకు నిదర్శనమన్నారు. మండలం ఏర్పాటై సుమారుగా తొమ్మిదేళ్లు దాటుతున్నా ప్రభుత్వ కార్యాలయాలకు సొంత భవనాలు లేకపోవడం దురదృష్టకరమన్నారు. అలాగే గౌరవెల్లి, గండిపల్లి ప్రాజెక్టులు పూర్తిస్థాయిలో నిర్మించకపోవడంతో రైతులకు తీవ్రస్థాయి నష్టపోతున్నారన్నారు. కార్యక్రమంలో పార్టీ నాయకులు కోమటిరెడ్డి రాంగోపాల్‌రెడ్డి, ఖమ్మం వెంకటేశం, మాచర్ల కుమార్‌స్వామి, రజనీకర్‌రెడ్డి, జిల్లా కౌన్సిల్‌ సభ్యులు పాల్గొన్నారు.

ములుగు(గజ్వేల్‌): తెలంగాణ ఉద్యమ స్ఫూర్తిదాత, స్వాతంత్య్ర సమరయోధుడు, మాజీ మంత్రి కొండా లక్ష్మణ్‌ బాపూజీ సేవలు చిరస్మరణీయమని ఉద్యాన విశ్వవిద్యాలయం వీసీ రాజిరెడ్డి అన్నారు. బాపూజీ వర్ధంతిని పురస్కరించుకుని సోమవారం విశ్వవిద్యాలయంలో ఆయన చిత్రపటానికి పూలమాల వేసి నివాళులర్పించారు. ఆయన మాట్లాడుతూ తెలంగాణ ప్రజల హక్కులు, ఆత్మగౌరవం కోసం ఆయన చేసిన సేవలు నేటి తరానికి ఆదర్శప్రాయమని అన్నారు. కార్యక్రమంలో వర్సిటీ అధికారులు, సిబ్బంది, విద్యార్థులు పాల్గొన్నారు. అలాగే మండలంలోని వంటిమామిడిలో గజ్వేల్‌ రోటరీ క్లబ్‌ అధ్యక్షుడు కొక్కొండ సాయిరెడ్డి ఆధ్వర్యంలో కొండా లక్ష్మణ్‌ బాపూజీ వర్ధంతిని ఘనంగా నిర్వహించారు. క్లబ్‌ చైర్మన్లు కర్ణాకర్‌రెడ్డి, జగదీశ్వర్‌, కార్యదర్శి బాలకృష్ణ, కోశాధికారి కర్ణాకర్‌రెడ్డి, మాజీ అధ్యక్షుడు నరసింహారెడ్డి, బాబుగౌడ్‌, శ్రీనివాస్‌గౌడ్‌ తదితరులు పాల్గొన్నారు.

మంగళవారం శ్రీ 22 శ్రీ సెప్టెంబర్‌ శ్రీ 2026పక్క చిత్రంలో కనిపిస్తున్నది మద్దూరు మండలం లద్నూరు ప్రభుత్వ ఉన్నత పాఠశాల. ఇందులో 66 మంది విద్యార్థులున్నారు. సాంఘికశాస్త్రం ఉపాధ్యాయుడు సత్తయ్య ఫిబ్రవరిలో పదవీ విరమణ పొందారు. అప్పటి నుంచి ఇప్పటి వరకు సోషల్‌ సబ్జెక్ట్‌ టీచర్‌ లేకపోవడంతో విద్యార్థులు నష్టపోతున్నారు. చేసేదిలేక ఇతర సబ్జెక్ట్‌ ఉపాధ్యాయులే ఒక్కో తరగతికి సోషల్‌ను బోధిస్తున్నారు. సాంఘిక శాస్త్రంలో ఇంకా రెండు యూనిట్లు చెప్పాల్సి ఉంది. త్వరలో పరీక్షలు జరగనున్నాయి. విద్యార్థులు ఇబ్బంది పడవద్దన్న ఉద్దేశంతో సాంఘికశాస్త్రం విద్యార్థులకు బోధిస్తున్నామని తెలిపారు. ఈ పాఠశాలకు వారం రోజుల క్రితం జెడ్పీహెచ్‌ఎస్‌ దూల్మిట్ట నుంచి లద్నూరు పాఠశాలకు ఓ ఉపాధ్యాయుడిని సర్దుబాటు చేశారు. ఉత్తర్వుల్లో మూడు రోజుల్లో జాయిన్‌ కావాలని ఉన్నా.. ఇప్పటి జాయిన్‌ కాలేదు.

గజ్వేల్‌–ప్రజ్ఞాపూర్‌ మున్సిపాలిటీలో ముసలం మొదలైంది. పాలకవర్గం ఐక్యంగా ముందుకుసాగి.. చేసిన పని ఒక్కటీ లేకపోగా, వివాదాలు మాత్రం బోలెడన్నీ మూటగట్టుకుంది. ఇళ్ల నిర్మాణాల అనుమతులు, పనుల అడ్డగింత పేరిట పాలకవర్గ సభ్యుల మధ్య విభేదాలు భగ్గుమంటున్నాయి. ఒకరిపై మరొకరు తీవ్రమైన ఆరోపణలు చేసుకోవడం చర్చనీయాంశంగా మారుతోంది. – గజ్వేల్‌ మున్సిపాలిటీలోని 20వార్డుల్లో ఇండిపెండెంట్‌తో కలుపుకొని 12 స్థానాలను దక్కించుకున్న బీఆర్‌ఎస్‌.. చైర్‌పర్సన్‌, వైస్‌ చైర్‌పర్సన్‌ పీఠాలను కై వసం సంగతి తెల్సిందే. రెండు కీలకమైన పదవులు మహిళలను చేపట్టడం వల్ల సహజంగానే వారి పతుల పెత్తనం కొనసాగుతోంది. మహిళా కౌన్సిలర్లు ఉన్నా భర్తల పెత్తనం కొనసాగుతోంది. దూషణల పర్వమే.. ఇళ్ల నిర్మాణాల అనుమతులు, పనుల అడ్డగింత పేరిట పాలకవర్గ సభ్యులు మధ్య రచ్చ కొనసాగుతోంది. ఈ రచ్చ పరస్పరం దూషించుకోవడమే కాదు.. ఘర్షణకు పాల్పడే వాతావరణం నెలకొంది. ప్రధాన కౌన్సిలర్‌ భర్త, మరో కౌన్సిలర్‌ మధ్య ఇదే అంశంలో మున్సిపల్‌ కార్యాలయంలోనే ఇటీవల తీవ్రంగా గొడవపడటం పట్టణంలో చర్చనీయాంశంగా మారింది. ఇకపోతే పట్టణంలోని వక్ఫ్‌ స్థలాలు, ప్రభుత్వ భూముల్లో కొనసాగుతున్న అక్రమ నిర్మాణాలు, అనుమతిలేకుండా సాగుతున్న అదనపు నిర్మాణాల్లో అక్రమ వసూళ్లకు పాల్పడుతున్నారని కౌన్సిలర్లు ఒకరిపై మరొకరు తీవ్రంగా ఆరోపణలు చేసుకుంటున్నారు. తాము ఏదైనా పనిమీద మున్సిపల్‌ కార్యాలయానికి వస్తే సీసీ కెమెరాలతో నిఘా పెట్టి.. ఆ పనులు కాకుండా అపుతున్నారని ప్రధాన కౌన్సిలర్‌ భర్తపై కొందరు కౌన్సిలర్లు ఆరోపణలు చేస్తున్నారు. బీఆర్‌ఎస్‌ కౌన్సిలర్ల మధ్య వివాదం చిలికిచిలికి గాలి వానలా మారుతూ పార్టీ పెద్దలకు తలనొప్పిగా మారింది. ఈ నేపథ్యంలో మున్సిపల్‌ పాలకవర్గంలో సయోధ్య ఎప్పుడు కుదురుతుందో తెలియని పరిస్థితి నెలకొన్నది. గజ్వేల్‌–ప్రజ్ఞాపూర్‌ మున్సిపల్‌ పాలకవర్గంలో ముసలం ఎన్నో సమస్యలు...

● డీఆర్‌ఓ నాగరాజమ్మ ● వచ్చిన అర్జీలు 139 సిద్దిపేటరూరల్‌: జిల్లా వ్యాప్తంగా ప్రజలు అందించిన అర్జీలను అధికారులు పరిశీలించి వెంటనే పరిష్కరించాలని డీఆర్‌ఓ నాగరాజమ్మ అధికారులను ఆదేశించారు. సోమవారం కలెక్టరేట్‌లోని మీటింగ్‌ హాల్‌లో నిర్వహించిన ప్రజావాణిలో ప్రజలు అందించిన అర్జీలను స్వీకరించారు. ఈ సందర్భంగా ఆమె మాట్లాడుతూ అర్జీలు పునరావృతం కాకుండా వెంటవెంటనే పరిష్కరించాలన్నారు. వివిధ రకాల సమస్యల పరిష్కారం కోరుతూ మొత్తంగా 139 అర్జీలు వచ్చాయి. కార్యక్రమంలో ట్రైనీ డిప్యూటీ కలెక్టర్‌ భవ్య, ప్రత్యేక అదనపు కలెక్టర్‌ సుదర్శన్‌, జిల్లా అధికారులు తదితరులు పాల్గొన్నారు.

దుబ్బాకటౌన్‌: జాతీయ స్థాయి కరాటే పోటీల్లో దుబ్బాక పట్టణానికి చెందిన విద్యార్థులు సత్తాచాటారు. హైదరాబాద్‌ కాటేదాన్‌ స్పోర్ట్స్‌ కాంప్లెక్స్‌లో నాయకయమా షోటోకాన్‌ కరాటే అసోసియేషన్‌ ఆధ్వర్యంలో పోటీలు నిర్వహించారు. ఈ పోటీలకు దేశంలోని పలు రాష్ట్రాలకు చెందిన 2వేల మంది విద్యార్థులు పాల్గొన్నట్లు కరాటే మాస్టర్‌ శ్రీకాంత్‌ తెలిపారు. సోమవారం ఆయన మాట్లాడుతూ.. ఈ పోటీల్లో దుబ్బాక పట్టణానికి చెందిన విద్యార్థులు ఆరావ్‌, సర్వజ్ఞ, ప్రణవి, అఖిల్‌, రిస్విత, శిల్పిత, శ్రియన్స్‌ గోల్డ్‌ మెడల్స్‌ సాధించినట్లు తెలిపారు. ఈ సందర్భంగా విద్యార్థులను ఉపాధ్యాయులు, యువర్‌ స్పోర్ట్స్‌ కరాటే అకాడమీ తెలంగాణ ఫౌండర్‌ అండ్‌ డైరెక్టర్‌ కరాటే మాస్టర్‌ శ్రీకాంత్‌, రేంజుకి షోటోకాన్‌ స్పోర్ట్స్‌ కరాటే అకాడమీ ఇండియా వ్యవస్థాపకులు మాస్టర్‌ నగేశ్‌, జనరల్‌ సెక్రెటరీ నవీన్‌ కుమార్‌ అభినందించారు.

● డీఐఈఓ రవీందర్‌రెడ్డి ● ముగిసిన ఎస్‌జీఎఫ్‌ కబడ్డీ పోటీలు సిద్దిపేటఎడ్యుకేషన్‌: విద్యార్థుల్లో దాగి ఉన్న క్రీడా ప్రతిభను వెలికి తీసేందుకు ఎస్‌జీఎఫ్‌ పోటీలు చక్కని వేదికగా నిలుస్తున్నాయని జిల్లా ఇంటర్‌ విద్యాధికారి, ఎస్‌జీఎఫ్‌ అండర్‌ 19 జిల్లా చైర్మన్‌ రవీందర్‌రెడ్డి అన్నారు. నాలుగు రోజులుగా స్థానిక ప్రభుత్వ బాలుర జూనియర్‌ కళాశాల ఆవరణలో కొనసాగుతున్న అండర్‌ 19 ఎస్‌జీఎఫ్‌ బాలబాలికల కబడ్డీ పోటీలు సోమవారం ఉత్సాహభరిత వాతావరణంలో ముగిశాయి. కార్యక్రమానికి డీఐఈఓ ముఖ్యఅతిథిగా హాజరై మాట్లాడారు. మైదానంలో చూపించే ప్రతిభతో పాటు క్రమశిక్షణ, క్రీడా స్ఫూర్తి ముఖ్యమన్నారు. గెలుపు ఒక్కటే లక్ష్యం కాకుండా పోటీల ద్వారా అనుభవాన్ని, ఆత్మవిశ్వాసాన్ని పెంపొందించుకోవాలని క్రీడాకారులకు సూచించారు. జిల్లాలోని వివిధ జూనియర్‌ కళాశాలల నుంచి వచ్చిన బాలబాలికల జట్లు పోటీల్లో పాల్గొని తమ ప్రతిభను చాటాయి. క్రీడాకారులు పట్టుదలతో పోరాడటంతో పోటీలు ఆసక్తికరంగా సాగాయి. బాలికల విభాగంలో ఎంజేపీ చింతమడక జట్టు ప్రథమ స్థానంలో నిలవగా, ఎంజేపీ వర్గల్‌ జట్టు ద్వితీయ స్థానంలో నిలించింది. ఇక బాలుర విభాగంలో మద్దూర్‌ మోడల్‌ స్కూల్‌ జట్టు ప్రథమ స్థానంలో, చేర్యాల సోషల్‌ వెల్ఫేర్‌ రెసిడెన్సియల్‌ కళాశాల జట్టు ద్వితీయ స్థానంలో నిలిచింది. ఎస్‌జీఎఫ్‌ అండర్‌ 19 జిల్లా కార్యదర్శి మంతెన సమ్మయ్య, స్థానిక కళాశాల ప్రిన్సిపల్‌ ప్రమీలతో కలిసి గెలుపొందిన క్రీడాకారులకు బహుమతులను అందించారు. కార్యక్రమంలో కబడ్డీ కోచ్‌ వెంకటేష్‌, కళాశాల స్పోర్ట్స్‌ ఇన్‌చార్జి అశోక్‌, అధ్యాపకులు, వ్యాయామ ఉపాధ్యాయులు పాల్గొన్నారు.

కొండపాక(గజ్వేల్‌): మండలంలోని వెలికట్ట శివారులోని 271 సర్వేనంబరులో 327.09 ఎకరాల ప్రభుత్వ భూమి గుర్తింపు కోసం అధికారులు సోమవారం సర్వే పనులు చేపట్టారు. రాజీవ్‌ రహదారికి ఆనుకొని ఉన్న ప్రభుత్వ భూమి కొలతలు పారదర్శకంగా ఉండేందుకు గజ్వేల్‌ డివిజన్‌ రెవెన్యూ ఇన్‌స్పెక్టర్‌ వంశీ ఆధ్వర్యంలో 16 మంది సర్వేయర్ల బృందం కొలతలు వేసే పనులు చేపట్టారు. ఇటీవల ఈసర్వే నంబరులోని సుమారు 6 ఎకరాల పైచిలుకు భూమి ప్రభుత్వ నిబంధనలను ఉల్లంగించి ఇతరుల పేరిట పట్టా మార్పిడీలు చేశారన్న విషయమై అసెంబ్లీలో మంత్రి పొంగులేటి శ్రీనివాస్‌రెడ్డి ప్రస్తావించిన విషయం తెలిసిందే. ఈనేఫథ్యంలో సర్వేయర్లు బృందం 327.09 ఎకరాల ప్రభుత్వ భూమిని గుర్తించి హద్దులు పెట్టే పనులు మొదలు పెట్టారు. కార్యక్రమంలో సర్వేయర్ల బృందం, జీపీఓలు తదితరులు పాల్గొన్నారు.

హసన్‌మీరాపూర్‌లో సంబరాలుదుబ్బాక: బార్‌ కౌన్సిల్‌ ఆఫ్‌ ఇండియా (బీసీఐ)సభ్యుడిగా జి.కిరణ్‌కుమార్‌ సోమవారం ఢిల్లీలో బాధ్యతలు స్వీకరించడంతో స్థానికంగా సంబరాలు అంబరాన్నంటాయి. దుబ్బాక మండలం హసన్‌మీరాపూర్‌కు చెందిన బాలకిషన్‌రావు, రాధ దంపతుల కుమారుడు కిరణ్‌కుమార్‌ బీసీఐ సభ్యుడిగా బాధ్యతలు చేపట్టడటంతో గ్రామస్తులు హర్షం వ్యక్తం చేశారు. కిరణ్‌కుమార్‌ 25 ఏళ్లుగా హైదరాబాద్‌లో ప్రముఖ క్రిమినల్‌ లాయర్‌గా పనిచేస్తున్నారు. ఎంతో గొప్ప స్థాయిలో ఉన్నప్పటికీ కిరణ్‌కుమార్‌ గ్రామానికి వచ్చినప్పుడు అందరితో కలిసి ఆప్యాయంగా ఉండేవారని స్థానికులు తెలిపారు. గ్రామంలో పాఠశాల అభివృద్ధితో పాటు అనేక సేవా కార్యక్రమాలు చేపట్టారన్నారు. ఆయన బీసీఐ సభ్యుడిగా నియామకం కావడం తో గ్రామానికి ఢిల్లీ స్థాయిలో గుర్తింపు వచ్చిందని గ్రామస్తులు సంతోషం వ్యక్తం చేశారు.

సాక్షి, సిద్దిపేట: మర్కూక్‌ మండలం ఎర్రవల్లిలోని మాజీ సీఎం కేసీఆర్‌ ఫామ్‌హౌస్‌ పరిసరాల్లో భూముల సర్వే వేగంగా సాగుతోంది. కాగా, ఎర్రవల్లిలోని 325 సర్వే నంబర్‌లో ఉన్న అసైన్డ్‌ భూముల సర్వేకు ఆదివారం బ్రేక్‌ పడింది. ఆదివారం సెలవు కావడంతో అధికారులు సర్వే ప్రక్రియను నిలిపివేశారు. సోమవారం నుంచి దళిత రైతుల వారీగా భూములను సర్వే చేయనున్నట్లు అధికారులు వెల్లడించారు.ఇక, ఎర్రవల్లిలో 325 సర్వే నంబర్‌లో భూములు ఉన్న రైతులకు ఇప్పటికే అధికారులు నోటీసులు జారీ చేశారు. ఎర్రవల్లి గ్రామానికి చెందిన సుమారు 100 మంది రైతులకు నోటీసులు అందగా.. తమ భూములకు సంబంధించిన ఆధారాలతో సర్వేకు హాజరు కావాలని అధికారులు ఆదేశించారు. విడతల వారీగా మరో 100 మందికి పైగా రైతులకు కూడా నోటీసులు జారీ చేసే అవకాశం ఉన్నట్లు తెలుస్తోంది.మూడు రోజులుగా హద్దుల గుర్తింపుఇదిలా ఉండగా.. 325 సర్వే నంబర్‌ పరిధిలోని భూముల హద్దులను గుర్తించే ప్రక్రియను అధికారులు గత మూడు రోజులుగా చేపట్టారు. సర్వే నంబర్‌ పరిధిని పరిశీలించి బౌండరీలను మార్కింగ్‌ చేశారు. ఈ ప్రక్రియ పూర్తయిన తర్వాత రైతుల వారీగా భూముల వివరాలను నమోదు చేయనున్నారు. మొదట 325 సర్వే నంబర్‌కు సంబంధించి ఎంజాయ్‌మెంట్‌ సర్వేను(ఏ రైతు ఏ భూమిని అనుభవిస్తున్నారో/సాగు చేస్తున్నారో) పూర్తి చేయనున్నట్లు అధికారులు తెలిపారు. అనంతరం రైతుల వారీగా భూములను గుర్తించి సబ్‌ డివిజన్‌ చేయనున్నట్లు వెల్లడించారు. ఈ నేపథ్యంలో రేపటి నుంచి ప్రారంభమయ్యే రైతుల వారీ సర్వేలో సంబంధిత రైతులు తమ వద్ద ఉన్న భూ పత్రాలు, ఇతర ఆధారాలతో హాజరు కావాలని అధికారులు సూచించారు.388 ఎకరాల ప్రభుత్వ భూమిపై దృష్టి..ల్యాండ్‌ సర్వే అసిస్టెంట్‌ డైరెక్టర్‌ సుదర్శన్‌ ఆధ్వర్యంలో ఈ సర్వే కొనసాగుతోంది. గజ్వేల్, హుస్నాబాద్, కలెక్టరేట్‌ డివిజన్లకు చెందిన సర్వే విభాగం అధికారులు, మర్కూక్‌ ఆర్‌ఐ, మండల సర్వేయర్‌తోపాటు మరో ఏడుగురు సర్వేయర్లు, నలుగురు జీపీఓలు సర్వేలో పాల్గొంటున్నారు. బృందాలుగా విడిపోయి ఎర్రవల్లి ఫామ్‌హౌస్‌ పరిసరాల్లోని 325 సర్వే నంబర్‌లో ఉన్న 388 ఎకరాల ప్రభుత్వ భూమిపై ప్రధానంగా దృష్టి సారించారు. హద్దులు స్పష్టమవుతున్న నేపథ్యంలో రైతుల వారీగా నోటీసులు జారీ చేసి.. ఎవరి పేరుపై ఎంత భూమికి పట్టా ఉంది? ప్రస్తుతం ఎవరి సాగులో ఎంత ఉంది? క్షేత్రస్థాయిలో ఎంత భూమిని అనుభవిస్తున్నారు? వంటి వివరాలను సేకరిస్తున్నారు. రైతుల వారీగా లెక్కలు పూర్తయిన తర్వాత మొత్తం 388 ఎకరాల్లో సాగులో ఉన్న భూమి ఎంత? మిగిలిన భూమి ఎంత? అనే వివరాలను తేల్చనున్నారు. అదే సమయంలో ప్రభుత్వ భూమిలో మరేదైనా ఆక్రమణకు గురైందా? అనే అంశాన్ని కూడా సర్వే ద్వారా గుర్తించనున్నట్లు తెలిసింది. పూర్తి వివరాలను ఉన్నతాధికారులకు నివేదించనున్నట్లు సమాచారం.భూముల వద్దకు చేరుకున్న దళిత రైతులుసర్వే నేపథ్యంలో తమ భూముల పరిస్థితిపై ఆందోళన వ్యక్తం చేస్తూ పలువురు దళిత రైతులు భూముల వద్దకు చేరుకున్నారు. తమ భూములను ఇతరులకు కట్టబెట్టే ప్రయత్నాలు చేయొద్దని అధికారులను కోరారు. దశాబ్దాలుగా పెండింగ్‌లో ఉన్న పట్టాల పంపిణీని కూడా పూర్తి చేయాలని డిమాండ్‌ చేశారు. ఇదీ చదవండి:

● కలెక్టర్‌ హైమావతి ● క్యాంపు కార్యాలయంలోని ఫామ్‌పాండ్‌ సందర్శన సిద్దిపేటరూరల్‌: వర్షపు నీటిని సంరక్షించి, భూగర్భ జలాలను పెంపొందించడమే లక్ష్యంగా ప్రభుత్వం చేపట్టిన జలసిరి కార్యక్రమాన్ని జిల్లాలో సమర్థవంతగా అమలు చేయాలని కలెక్టర్‌ కె.హైమావతి పేర్కొన్నారు. కలెక్టర్‌ క్యాంపు కార్యాలయంలో జలసిరి పనుల్లో భాగంగా నిర్మించిన ఫామ్‌పాండ్‌, రూఫ్‌వాటర్‌ హార్వేస్టింగ్‌ స్ట్రక్చర్స్‌ను శనివారం కలెక్టర్‌ సందర్శించారు. ఈ సందర్భంగా మాట్లాడుతూ...గత 2 రోజులుగా కురుస్తున్న వర్షాలకు నీరు చేరి దాదాపు మూడు అడుగుల మేర నీరు ఫామ్‌పాండ్‌లో నిలించిందన్నారు. రూఫ్‌ వాటర్‌ హార్వెస్టింగ్‌ స్టక్చర్‌ దాదాపు పూర్తయిందని చెప్పా రు. ప్రతీ గ్రామంలోని ఇంటింటికీ ఇంకుడుగుంత, పంటకుంట, నీటి సంరక్షణ నిర్మాణాలు చేపట్టేలా చర్యలు తీసుకోవాలని సూచించారు. జిల్లాను నీటి సంరక్షణలో ఆదర్శంగా నిలపాలన్నారు. గెజిటెడ్‌ వెరిఫికేషన్‌ ప్రక్రియ పూర్తి చేయాలి రెండవ విడత ఇందిరమ్మ ఇళ్ల లబ్ధిదారుల గెజిటెడ్‌ వెరిఫికేషన్‌ ప్రక్రియను యుద్ధ ప్రాతిపదికన పూర్తిచేయాలని కలెక్టర్‌ కె.హైమావతి అధికారులను ఆదేశించారు. శనివారం కలెక్టరేట్‌లోని కాన్ఫరెన్స్‌హాల్‌లో ఇందిరమ్మ ఇళ్లు, జలసిరి పనులపై ఏంపీడీఓ, హౌసింగ్‌ ఇంజనీరింగ్‌ అధికారులతో కలెక్టర్‌ జూమ్‌ సమావేశం నిర్వహించారు.నీ సందర్భంగా కలెక్టర్‌ మాట్లాడుతూ...పరిశీలించిన పత్రాలను వెంటనే కలెక్టరేట్‌కు పంపించాలన్నారు. ఇందిరమ్మ ఇళ్ల నిర్మాణం వేగంగా పూర్తి చేసి ప్రారంభానికి సిద్ధం చేయాలని అధికారులను ఆదేశించారు. వీబీజీరామ్‌జీ పనుల్లో కూలీల సంఖ్యను పెంచితే చేపట్టిన పనులు పూర్తి చేసేందుకు ఆస్కారం ఉంటుందని సూచించారు. కార్యక్రమంలో డీఆర్డీఓ రమేశ్‌, హౌసింగ్‌ భగవంత్‌రావు, డీపీఓ రవీందర్‌ తదితరులు పాల్గొన్నారు. వైద్య సేవలపై నిర్లక్ష్యం తగదు కొండపాక(గజ్వేల్‌): వైద్య సేవలు అందించడంలో నిర్లక్ష్యం చేసే సిబ్బందిపై చర్యలు తప్పవని కలెక్టర్‌ హైమావతి హెచ్చరించారు. కొండపాకలోని ప్రాథమిక ఆరోగ్య కేంద్రాన్ని శనివారం ఆకస్మికంగా సందర్శించారు.ఈ సందర్భంగా కలెక్టర్‌ మాట్లాడుతూ వైద్య సిబ్బంది సమయ పాలన పాటించడం ముఖ్యమన్నారు. ఇటీవల కురుస్తున్న వర్షాలకు వ్యాధులు ప్రబల కుండా ఆయా గ్రామాల సిబ్బందిని అలర్ట్‌ చేయాలన్నారు. గ్రామాల్లో ప్రతీవారం డ్రై డే కార్యక్రమాలు నిర్వహించాలన్నారు. అంతకు ముందు మహాత్మా జ్యోతిబా పూలె బీసీ బాలుర గురుకుల పాఠశాలను సందర్శించారు. మధ్యాహ్న భోజనంలో మెనూ పాటిస్తున్నారా? లేదా విషయాన్ని పరిశీలించారు.

రూ.140 కోట్ల పనులకు టెండర్‌ దశలోనే నిలుపుదల ● మార్చిలో శంకుస్థాపన చేసిన సీఎం రేవంత్‌రెడ్డి ● ముగ్గురు కాంట్రాక్టర్లు బిడ్లు దాఖలు చేసినా.. రద్దు ● మరిన్ని కాలనీల్లో విస్తరించాలని పలువురు వినతులుసిద్దిపేట పట్టణంలో ఏళ్లుగా అసంపూర్తిగా ఉన్న భూగర్భ మురుగునీటి పారుదల వ్యవస్థ (యూజీడీ) పనులకు మరోసారి బ్రేక్‌ పడింది. పట్టణ మురుగునీటి సమస్యకు శాశ్వత పరిష్కారం చూపేందుకు సుమారు రూ.140 కోట్లతో చేపట్టేందుకు మార్చిలో నర్మెటలో సీఎం రేవంత్‌రెడ్డి శంకుస్థాపన చేశారు. దీంతో పనులు త్వరలోనే ప్రారంభమవుతాయని పట్టణ ప్రజలు ఆశించారు. ఇటీవల పనులకు టెండర్లు పిలవగా ముగ్గురు కాంట్రాక్టర్లు బిడ్లు దాఖలు చేసినట్లు సమాచారం. అయితే అధికార పార్టీనేతల సంబంధికులు టెండర్లు దాఖలు చేయలేదని ప్రక్రియను నిలిపివేయడం చర్చనీయాంశంగా మారింది. – సాక్షి, సిద్దిపేట సిద్దిపేట మున్సిపాలిటీలో అండర్‌ గ్రౌండ్‌ డ్రైనేజీ నిర్మాణం కోసం అమృత్‌ ఫేస్‌–1,2లతోపాటు టీయూడీఎఫ్‌డీసీ ద్వారా మొత్తం రూ 301.81కోట్లు మంజూరు కాగా 324 కిలోమీటర్ల పైప్‌లైన్‌ నిర్మాణం, రెండు ఎస్‌టీపీలను నిర్మించారు. అసంపూర్తిగా ఉన్న యూజీడీ నిర్మాణం కోసం యూఐడీఎఫ్‌ నుంచి రూ.140 కోట్లు మంజూరయ్యాయి. ఈ నిధులతో కొత్త కాలనీలలో, అలాగే పలు కాలనీల్లో వదిలేసిన ఎండింగ్‌ పాయింట్‌లను కొనసాగింపుగా 155 కిలోమీటర్ల పైప్‌లైన్‌, మూడు ఎస్‌టీపీలు నిర్మించాలని నిర్ణయించారు. యూజీడీ పనులకు సంబంధించి ఏప్రిల్‌, మే నెలలో అధికారులు టెండర్లు ఆహ్వానించారు. నిర్ణీత గడువులో ముగ్గురు కాంట్రాక్టర్లు టెండర్లు దాఖలు చేసినట్లు తెలిసింది. నిబంధనల ప్రకారం ప్రక్రియ ముందుకు సాగాల్సి ఉండగా..అనూహ్యంగా టెండర్‌ను రద్దు చేసినట్లు తెలిసింది. ‘రాజకీయ’ కారణాలపై చర్చ టెండర్‌ ప్రక్రియ నిలిచిపోవడానికి రాజకీయ కారణాలున్నాయనే చర్చ స్థానికంగా సాగుతోంది. ఇద్దరు మంత్రుల సంబంధికులు టెండర్లు దాఖలు చేయలేదనే కారణంతోనే ప్రక్రియను నిలిపివేశారన్న ఆరోపణలు వినిపిస్తున్నాయి. అధికార పార్టీ నేతల స్వంత లాభం కోసం ప్రజలను ఇబ్బందుల ను గురి చేస్తున్నారని పలువురు ఆరోపిస్తున్నారు. ప్రజలకు తప్పని నిరీక్షణ మురుగునీటి సమస్యతో ఇబ్బందులు ఎదుర్కొంటున్న పట్టణ ప్రజలకు యూజీడీ పూర్తయితే ఉపశమనం లభించే అవకాశం ఉంది. రూ.140 కోట్ల భారీ ప్రాజెక్టుకు శంకుస్థాపన జరిగి దాదాపు 6 నెలలు కావస్తున్నా పనులు ప్రారంభం కాకపోవడంతో ప్రజల్లో అసంతృప్తి వ్యక్తమవుతోంది. టెండర్‌ రద్దుకు కారణాలేమిటి? కొత్తగా ఎప్పుడు టెండర్లు పిలుస్తారు? ప్రాజెక్టులోకి చేర్చనున్న గ్రామాలెన్ని? అన్న అంశాలపై అధికారులు స్పష్టత ఇవ్వాల్సి ఉంది. ఇప్పటికై నా ఉన్నతాధికారులు ప్రత్యేక దృష్టి పెట్టి రాజకీయ ఒత్తిడులు పక్కన పెట్టి పనులకు సంబంధించిన టెండర్లు ఖరారు చేసి పనులు ప్రారంభించాలని కోరుతున్నారు.మరింత విస్తరించాలని వినతి యూజీడీని మరింత విస్తరించాలని పలువురు వినతి పత్రాలను అందజేశారు. ఏ కాలనీలు, గ్రామాలు కలిపితే త్వరలో ఇబ్బందులు రాకుండా ఉంటాయనే వివరాలతో ఈఎన్‌సీ కార్యాలయం నుంచి ప్రభుత్వానికి లేఖ రాశారు. అక్కడ అనుమతులు రాగానే రీ ఎస్టిమేషన్‌ వేసి టెండర్లను ఈఎన్‌సీ పిలువనున్నారు. –మధుసూదన్‌, ఈఈ, పబ్లిక్‌ హెల్త్‌ ఇంజనీరింగ్‌

సంగారెడ్డి జోన్‌/సంగారెడ్డి టౌన్‌: తెలంగాణ రాష్ట్ర రోడ్డు రవాణ సంస్థ(ఆర్టీసీ)లో గుర్తింపు సంఘం ఎన్నికల నిర్వహణకు నోటిఫికేషన్‌ విడుదల చేసింది. ఎనిమిదేళ్ల సుదీర్ఘకాలం తర్వాత ఆర్టీసీలో ఎన్నికల సందడి జరగనుంది. గత ప్రభుత్వ హయాంలో 2016 జూలై 19న చివరిసారిగా ఎన్నికలు జరిగాయి. 2018లో ఎన్నికలు జరగాల్సి ఉండగా అప్పటి ప్రభుత్వం నిర్వహించలేకపోయింది. ఆర్టీసీ గుర్తింపు సంఘం ఎన్నికల నిర్వహణతోపాటు డిమాండ్లను పరిష్కరించాలని కార్మిక సంఘం నాయకులు ఉద్యోగులు ఆందోళన చేపట్టారు. సమస్యలు పరిష్కరించటంతోపాటు ఎన్నికల నిర్వహణకు సానుకూలంగా స్పందించడంతో ఆందోళనను విరమించారు. ఇచ్చిన హామీ మేరకు గుర్తింపు సంఘం ఎన్నికల నిర్వహణకు సిద్ధమైంది. ఎన్నికలకు సిద్ధమవుతున్న సంఘాలు మెదక్‌ రీజియన్‌ పరిధిలో ఎన్నికల్లో పోటీ చేసేందుకు సంఘాలు సిద్ధమవుతున్నాయి. ఈ ఎన్నికల్లో గెలుపొందిన సంఘంతో ప్రభుత్వంతో చర్చలు జరుపుతుంది. ఎన్నికల్లో పోటీ చేసి గెలుపే లక్ష్యంగా ఆయా కార్మిక సంఘాల నేతలు పావులు కదుపుతున్నారు. 9 డిపోలు..1,922 మంది కార్మికులు(ఓటర్లు) మెదక్‌ రీజన్‌ పరిధిలో 9 డిపోలు ఉండగా 1,922 మంది కార్మికులు విధులు నిర్వహిస్తున్నారు. మెదక్‌ 265, ఖేడ్‌ 213, సంగారెడ్డి 353, సిద్దిపేట, జహీరాబాద్‌ 285, గజ్వేల్‌– ప్రజ్ఞాపూర్‌ 236, దుబ్బాక 129, నర్సాపూర్‌ 115 మంది కార్మికులు ఉండగా రీజనల్‌ కార్యాలయంలో 41మంది విధులు నిర్వహిస్తున్నారు. ఆర్టీసీ కార్మికులందరినీ ప్రభుత్వంలో విలీనం చేసి ప్రభుత్వ ఉద్యోగులుగా గుర్తించాలన్నదే ప్రధాన డిమాండ్‌. అదేవిధంగా ఇతర డిమాండ్లు సైతం ఉన్నాయి. ఎన్నికల షెడ్యూల్‌ ఇలా.. గుర్తింపు సంఘం ఎన్నికల ప్రక్రియ ఈ నెల 21 నుంచి ప్రారంభం కానుంది. 21న పోటీ చేయాలని కార్మికులు తమ సమ్మతి పత్రాలు సమర్పించాలి. 22న డిపో మేనేజర్లు డ్రాఫ్ట్‌ ఓటర్ల జాబితా అందజేసి 24 వరకు యూనియన్ల నుంచి అభ్యంతరాలను స్వీకరిస్తుంది. 25 తుది ఓటరు జాబితా ప్రకటిస్తుంది. 26 పోటీ చేసే యూనియన్లకు గుర్తులు కేటాయింపు, రిటర్నింగ్‌ అధికారికి తుది ఓటరు జాబితా సమర్పిస్తారు. 29న యూనియన్లకు డమ్మీ బ్యాలెట్‌ పేపర్లు పంపిణీ చేస్తారు. అక్టోబర్‌ 9న ఉదయం 5 గంటల నుంచి సాయంత్రం 6 గంటల వరకు పోలింగ్‌ నిర్వహిస్తారు. 14, 15 తేదీల్లో పోస్టల్‌ బ్యాలెట్‌ ఎన్నికలు నిర్వహించి 17న ఫలితాలను ప్రకటించనున్నారు. అక్టోబర్‌ 9న పోలింగ్‌..17న ఓట్ల లెక్కింపు ఎన్నికలకు సిద్ధమవుతున్న కార్మిక నేతలు షెడ్యూల్‌ ప్రకారం ఎన్నికల నిర్వహణ షెడ్యూల్‌ ప్రకారమే ఆర్టీసీలో గుర్తింపు సంఘం ఎన్నికలు జరుగుతాయి. ఈ నెల 21 నుంచి ప్రక్రియ మొదలవుతుంది. ఎన్నికలకు అన్ని ఏర్పాట్లు చేస్తున్నాం. మెదక్‌ రీజియన్‌ పరిధిలో ఉన్న ప్రతీ ఒక్కరు తమ ఓటు హక్కును సద్వినియోగం చేసుకోవాలి. –విజయ్‌ కుమార్‌, ఆర్టీసీ రీజినల్‌ మేనేజర్‌, మెదక్‌ రీజియన్‌

బీఆర్‌ఎస్‌ నాయకులకు ఏఎంసీ చైర్మన్లు యాదగిరి, మహేందర్‌ యాదవ్‌ సవాల్‌ ప్రశాంత్‌నగర్‌(సిద్దిపేట): ఎన్నికల అఫిడవిట్‌లో కంటే అధికంగా ఆస్తులు ఉంటే రాజీనామాకు సిద్ధమా అని నంగునూరు, చిన్నకోడూరు వ్యవసాయ మార్కెట్‌ కమిటీల చైర్మన్లు దేవులపల్లి యాదగిరి, మీసం మహేందర్‌ యాదవ్‌ బీఆర్‌ఎస్‌ నాయకులకు సవాల్‌ విసిరారు. జిల్లా కేంద్రంలో శనివారం నిర్వహించిన వ్యవసాయ మార్కెట్‌ కమిటీల చైర్మన్ల విలేకరుల సమావేశంలో వారు మాట్లాడుతూ..22ఏ భయంతో బీఆర్‌ఎస్‌ నాయకులు అసెంబ్లీకి రాకుండా బయట గందరగోళం నిర్వహించారన్నారు. అసెంబ్లీలో సీఎం రేవంత్‌రెడ్డి, మంత్రి పొంగులేటి శ్రీనివాస్‌రెడ్డిలకు భయపడి బీఆర్‌ఎస్‌ నాయకులు ఫామ్‌హౌస్‌లకే పరిమితమయ్యారని విమర్శించారు. పదేళ్ల బీఆర్‌ఎస్‌ పాలనలో అనేక అవినీతి, అక్రమాలు చేశారని ఆరోపించారు. ఎలాంటి భూమిలేదని చెప్పిన హరీశ్‌రావుకు ఇన్ని ఎకరాల భూమి ఎక్కడి నుంచి వచ్చిందో సమాధానం చెప్పాలన్నారు. ఉమ్మడి జిల్లావ్యాప్తంగా బీఆర్‌ఎస్‌ నాయకులు వేల ఎకరాల ప్రభుత్వ భూమిని తమ పేర పట్టా చేయించుకున్నారన్నారు. గతంలో కేసీఆర్‌కు సొంత ఇల్లు లేదని చెప్పిన కేటీఆర్‌ ఇప్పుడు వేల ఎకరాలు భూమి, ఖరీదైన ఫామ్‌హౌస్‌లు ఎక్కడి నుంచి వచ్చాయో వివరించాలన్నారు. రంగనాయక సాగర్‌ వద్ద 36 ఎకరాల భూమి ఎఫ్‌టీఎల్‌లోనే ఉందన్నారు. కాళేశ్వరం ప్రాజెక్టు వ్యయం రూ.30వేల కోట్ల నుంచి రూ.లక్షల కోట్లకు ఎలా పెరిగిందని ప్రశ్నించారు. హరీశ్‌రావు రంగనాయక సాగర్‌ నుంచి కన్నెపల్లి పంప్‌హౌస్‌ వద్దకు పాదయాత్ర చేయాలన్నారు. అప్పుడే బీఆర్‌ఎస్‌ నాయకులు చేసిన అవినీతి, అక్రమాలతో తెలంగాణ ఎంత నష్టపోయిందో తెలుస్తుందన్నారు.

సన్మానించిన ఆలయ కమిటీ సభ్యులు నంగునూరు(సిద్దిపేట): సిద్దిపేట జిల్లా నంగునూరు మండలం శ్రీరామ్‌ యూత్‌ ఆధ్వర్యంలో రాంపూర్‌లో నెలకొల్పిన వినాయక విగ్రహానికి శనివారం ముస్లిం దంపతులు ప్రత్యేక పూజలు చేసి మొక్కులు చెల్లించుకున్నారు. గ్రామానికి చెందిన ఎండీ గఫూర్‌ ఉత్సవ కమిటీ సభ్యుడిగా ఉంటూ ప్రతి యేట నవరాత్రి ఉత్సవాల్లో పాల్గొనేవారు. ప్రస్తుతం అతనికి వివాహం కావడంతో తన భార్య షబానాతో కలసి పూజలో పాల్గొన్నారు. అందరిలాగానే స్వామివారి మండపంలో కూర్చొని ఇంట్లో తయారు చేసిన లడ్డూ, పులిహోర, పండ్లను స్వామివారికి నైవేద్యంగా సమర్పించి భక్తులకు తీర్థప్రసాదాలు అందజేశారు. ఈ సందర్భంగా యూత్‌ సభ్యులు గఫూర్‌ దంపతులను శాలువాతో సత్కరించి ప్రసాదం అందజేశారు.

ఎంపీ రఘునందన్‌ రావు సిద్దిపేటజోన్‌: కాంగ్రెస్‌ ప్రభుత్వం మాటల్లో తప్ప చేసింది ఏమీ లేదని ఎంపీ రఘునందన్‌ రావు విమర్శించారు. శనివారం రాత్రి స్థానిక విపంచి ఆడిటోరియంలో తెలంగాణ ప్రాంత ఉపాధ్యాయ సంఘం(తపస్‌)ఆధ్వర్యంలో గురువందనం కార్యక్రమాన్ని నిర్వహించారు. ముఖ్యఅతిథిగా ఎంపీ హాజరై మాట్లాడుతూ.. గత ప్రభుత్వం 317జీఓ ద్వారా ఇబ్బందులు పెట్టిందని, అధికారంలోకి వచ్చిన తర్వాత జీఓ చేస్తామని కాంగ్రెస్‌ హామీ ఇచ్చి అమలులో విఫలమైందని ఆరోపించారు. కాంగ్రెస్‌ ప్రభుత్వం వెంటనే జీఓ 119 అమలు చేయాలని డిమాండ్‌ చేశారు. పీఆర్సీ అంశంపై సీఎం రేవంత్‌ రెడ్డి త్వరగా నిర్ణయించాలని సూచించారు. తపస్‌ పోరాటంలో తన వంతు పాత్ర ఉంటుందన్నారు. మిగతా అన్ని వృత్తుల కంటే భిన్నంగా ఉండేది ఉపాధ్యాయ వృత్తి అని పేర్కొన్నారు. ఈ సందర్భంగా జిల్లాలోని 80మంది ఉపాధ్యాయులను ఘనంగా సన్మానించారు.

వర్గల్‌(గజ్వేల్‌): ప్రసిద్ధ వర్గల్‌ విద్యాసరస్వతి క్షేత్రం శనివారం మూల మహోత్సవంతో అలరారింది. ఆలయ వ్యవస్థాపక చైర్మన్‌ చంద్రశేఖర సిద్ధాంతి పర్యవేక్షణలో తెల్లవారు జామున అర్చక వేదపండితులు మూలవిరాట్టుకు విశేష పంచామృతాభిషేకం చేశారు. అమ్మవారిని పట్టువస్త్రాలు, సర్వాభరణాలతో కమనీయంగా అలంకరించారు. భక్తజన సామూహిక లక్షపుష్పార్చన, యాగశాలలో చండీ హోమం, మహాపూర్ణాహుతి నిర్వహించారు.వస్త్రాలు పరిశీలించి.. ఆసక్తిగా తిలకించి దుబ్బాక: చేనేత సహకార సొసైటీని స్టడీ టూర్‌లో భాగంగా పట్టణంలోని పీఎంశ్రీ జెడ్పీజీహెచ్‌ఎస్‌ విద్యార్థినులు శనివారం సందర్శించారు. నేతన్నలు మగ్గాలపై నేస్తున్న రంగు రంగుల చీరలు, టవల్స్‌తో పాటు కండెలపై దారం చుట్టడం తదితర చేనేత కళలను ఆసక్తిగా తిలకించారు. ఈ సందర్భంగా వస్త్రాల తయారీ, నేతన్నల కష్టం, నైపుణ్యతను చేనేత సొసైటీ చైర్మన్‌ అంకం మధు విద్యార్థులకు వివరించారు. చేనేత కళలను కాపాడుకునేందుకు, భవిష్యత్‌ తరాలకు అందించేందుకు విద్యార్థులు కృషి చేయాలన్నారు. కార్యక్రమంలో హెచ్‌ఎం భూపాల్‌, ఉపాధ్యాయులు ఉన్నారు. ఆక్రమిత భూములను మాకివ్వండి అదనపు కలెక్టర్‌కు మల్లన్నసాగర్‌ నిర్వాసితుల వినతి గజ్వేల్‌రూరల్‌: రాజకీయ నాయకులు అక్రమించిన భూములను ముంపు గ్రామాల రైతులకు ఇచ్చేలా చర్యలు తీసుకోవాలని మల్లన్నసాగర్‌ ప్రాజెక్టు ముంపు గ్రామాల ప్రజలు ప్రభుత్వాన్ని కోరారు. ఈ సందర్భంగా శనివారం కలెక్టరేట్‌లో అదనపు కలెక్టర్‌ (రెవెన్యూ) లక్ష్మీకిరణ్‌కు వినతిపత్రం అందజేశారు. అనంతరం వారు మాట్లాడుతూ మల్లన్నసాగర్‌, కొండపోచమ్మ సాగర్‌, రంగనాయకసాగర్‌, గౌరవెల్లి రిజర్వాయర్ల సామర్థ్యాలను గత ప్రభుత్వంలో ఇష్టారీతిన పెంచి పరిహారాలు ఇవ్వకుండానే పోలీసులతో తమల్ని బయటకు పంపించివేశారని తెలిపారు. ముంపు బాధితులకు పరిహారాల కింద భూమికి భూమి ఇవ్వాలని పలుమార్లు వినతుల ద్వారా కోరామన్నారు. అక్రమంగా పొందిన భూములను తమకు ఇప్పించే విధంగా చూడాలని కోరుతున్నామన్నారు. అట్టహాసంగా అథ్లెటిక్స్‌ పోటీలుసిద్దిపేటజోన్‌: జిల్లా అథ్లెటిక్స్‌ అసోసియేషన్‌ ఆధ్వర్యంలో శనివారం జిల్లా కేంద్రంలో సెలక్షన్‌ ప్రక్రియ జరిగింది. అండర్‌ 14, 16, 18, 20 విభాగాల్లో బాలబాలికల, యువతీ యువకులకు ఎంపిక నిర్వహించారు. వివిధ అంశాల్లో పోటీలు, ఎంపిక జరిగింది. ఎంపికై న క్రీడాకారులు ఈనెల 26, 27 తేదీల్లో హన్మకొండలో జరిగే రాష్ట్ర స్థాయి అథ్లెటిక్స్‌ పోటీల్లో పాల్గొంటారు. సెలెక్షన్‌ ప్రక్రియను జిల్లా అసోసియేషన్‌ అధ్యక్షుడు పరమేశ్వర్‌, కార్యదర్శి వెంకట్‌ స్వామి పర్యవేక్షించారు. నిమజ్జన ఏర్పాట్ల పరిశీలనసిద్దిపేటజోన్‌: వినాయక నిమజ్జనం ఏర్పాట్లను శనివారం అధికారులు పరిశీలించారు. సిద్దిపే ట ఆర్డీఓ సదానందం, ఏసీపీ రవీందర్‌ రెడ్డి, మున్సిపల్‌ కమిషనర్‌ మల్లికార్జున్‌, తహసీల్దార్‌ హరికిరణ్‌లు క్షేత్ర స్థాయిలో పరిశీలించారు. ప్రజలకు ఎలాంటి ఇబ్బందులు లేకుండా చూడాలని సూచించారు. మౌలిక వసతుల ఏర్పాట్లు గూర్చి అరా తీశారు. కార్యక్రమంలో మున్సిపల్‌, పోలీసు శాఖ అధికారులు తదితరులు పాల్గొన్నారు.

వైద్య విద్యార్థికి మాజీ మంత్రి హరీశ్‌రావు సాయం సిద్దిపేటజోన్‌: ఎంబీబీఎస్‌ సీటు సాధించిన పేద విద్యార్థికి ఇచ్చిన మాట మేరకు శనివారం మాజీ మంత్రి హరీశ్‌రావు ఆర్థికసాయం అందించారు. జిల్లా కేంద్రానికి చెందిన అఖిల అనే పేద విద్యార్థి ఇటీవల నీట్‌ ర్యాంక్‌ సాధించింది. వైద్య విద్య కోసం అండగా ఉండాలని కోరుతూ తల్లిదండ్రులతో హరీశ్‌రావును కలవడంతో ప్రభుత్వ కళాశాలలో సీటు వచ్చాక ఐదేళ్ల ఫీజు బాధ్యత తనదేనని హామీ ఇచ్చారు. ఈ మేరకు శనివారం ఎమ్మెల్యే క్యాంపు కార్యాలయంలో అఖిలకు ఎమ్మెల్యే హరీశ్‌రావు మొదటి ఏడాది ఫీజు ఖర్చుల కోసం రూ.70వేలు ఆర్థికసాయం అందించారు. అనంతరం జిల్లా కేంద్రంలోని ప్రైమ్‌ గార్డెన్స్‌లో ట్రెస్మా ఆధ్వర్యంలో జరిగిన గురుపూజోత్సవంలో పాల్గొన్నారు. కార్యక్రమంలో మున్సిపల్‌ మాజీ చైర్మన్‌ రాజనర్స్‌, మార్కెట్‌ కమిటీ మాజీ చైర్మన్‌ వేణుగోపాల్‌రెడ్డి, ట్రెస్మా అధ్యక్షుడు భాస్కర్‌, మాజీ కౌన్సిలర్లు తదితరులు పాల్గొన్నారు.

చేర్యాల(సిద్దిపేట): మున్సిపల్‌ నూతన పాలకవర్గం కొలువుదీరిన నాటి నుంచి మున్సిపల్‌లో ఏం జరుగుతోందనే చర్చ మొదలైంది. అధికారులు, పాలకవర్గం మధ్య సమన్వయం లోపించడం వల్లే మున్సిపల్‌ పాలన గాడితప్పిందని విమర్శలు వెల్లువెత్తుతున్నాయి. సమన్వయ లోపం వల్లే తమ సమస్యలు పరిష్కారానికి నోచుకోవడం లేదని ప్రజలు ఆవేదన వ్యక్తం చేస్తున్నారు. నిబంధనలకు నీళ్లు అనుమతులు లేకుండా.. ఎలాంటి నిబంధనలు పాటించకుండా నిర్మాణాలు జరుగుతున్నాయని ఆరోపణలు వస్తున్నా అధికారులు, పాలకవర్గం స్పందించకపోవడంపై చర్చనీయాంశమైంది. నిబంధనలు ఉల్లంఘించిన నిర్మాణాలపై చర్యలు తీసుకోవాల్సిన అధికారులు కొన్నిసందర్భాల్లో మౌనం వహించడం, ఫిర్యాదు చేసినా చర్యలు తీసుకోవడం లేదని స్థానికులు వాపోతున్నారు. చర్చనీయాంశంగా ప్రహరీ నిర్మాణం ఇటీవల పట్టణ కేంద్రంలో చేపట్టిన ఓ ప్రహరీ నిర్మాణం చర్చనీయాంశంగా మారింది. నిబంధనలకు విరుద్ధంగా బీటీ రోడ్డు పక్కన నిర్మిస్తున్న ఒక భవనాన్ని మున్సిపల్‌ అధికారులు కూల్చివేశారు. కానీ కూల్చివేసిన చోట అదే రోజు తిరిగి ప్రహరీ నిర్మాణం చేపట్టారు. ఈ విషయాన్ని మున్సిపల్‌ అధికారులు, పాలకవర్గం పట్టించుకోకపోవడంపై తీవ్రవిమర్శలకు దారితీసింది. ఒక్కసారి అక్రమమని భావించి కూల్చిన గోడ తిరిగి అదేచోట ఎలా నిర్మిస్తారని? నిబంధనలకులోబడి చేసిన నిర్మాణాన్ని అధికారులు అవగాహన రాహిత్యంతో కూల్చివేశారా? అనే ప్రశ్నలు తలెత్తుతున్నాయి. ఈ విషయం సామాజిక మాధ్యమాల్లో వైరల్‌గా మారింది. పట్టణ కేంద్రంలోని నిర్మాణంలో ఉన్న బహుళ అంతస్తుల భవనాలపైనా విమర్శలు వెల్లువెత్తుతున్నాయి. ఎలాంటి అనుమతి తీసుకోకుండా, నిబంధనలు పాటించకుండా చేపడుతున్న నిర్మాణాలపై మున్సిపల్‌ అధికారులు, పాలకవర్గం ఏమీ పట్టనట్లు వ్యవహరిస్తున్నారన్న ఆరోపణలు వస్తున్నాయి. పాలకవర్గ సమావేశంలో ఈ విషయం చర్చకు రాగా సంబంధిత యజమానులకు నోటీసులు ఇస్తామని అధికారులు చెప్పినట్లు సమాచారం.కానరాని చర్యలు గత పాలకవర్గం సమయంలో అప్పటి అదనపు కలెక్టర్‌ ఆదేశాల మేరకు మున్సిపల్‌ అధికారులు అనుమతులు లేని పలు బహుళ అంతస్తులను కూల్చివేశారు. వాటి ఆనవాళ్లు ఇప్పటికీ పట్టణ కేంద్రంలో కనిపిస్తున్నాయి. ప్రస్తుత అధికారులు, పాలకవర్గం ఎలాంటి చర్యలు తీసుకోకపోవడంపై స్థానికులు అనుమానాలు వ్యక్తం చేస్తున్నారు. ఉన్నతాధికారులు చొరవ తీసుకోవాలి పట్టణంలో చేపట్టిన కొన్ని నిర్మాణాల విషయంలో అవినీతి జరిగిందన్న ఆరోపణలు వినిపిస్తున్న నేపథ్యంలో కలెక్టర్‌, సంబంధిత ఉన్నతాధికారులు చొరవ చూపి సమగ్ర విచారణ చేపట్టి బాధ్యులపై చర్యలు తీసుకోవాలని స్థానికులు కోరుతున్నారు.

తెలంగాణ: ట్రాక్టర్‌ ట్రాలీని ఆర్టీసీ బస్సు ఢీకొట్టడంతో పల్టీ కొట్టింది. దీంతో 25 మందికి గాయాలయ్యాయి. ఈ ఘటన సిద్దిపేట జిల్లా కొండపాక మండలంలోని తిమ్మారెడ్డిపల్లి శివారులో రాజీవ్‌ రహదారిపై శుక్రవారం రాత్రి చోటు చేసుకుంది.బిహార్‌కు చెందిన కూలీలు తిమ్మారెడ్డిపల్లి శివారులోని కోళ్ల ఫారంలో పని చేస్తున్నారు. కుకునూరుపల్లిలో కూరగాయల మార్కెట్‌కు ట్రాక్టర్‌ ట్రాలీలో వెళ్తున్నారు. హైదరాబాద్‌ నుంచి సిద్దిపేటకు వెళ్తున్న ఆర్టీసీ బస్సు ట్రాక్టర్‌ ట్రాలీని వెనక నుంచి బలంగా ఢీకొట్టడంతో ట్రాలీ పలీ్టకొట్టింది. కూలీలు ఎగిరి రోడ్డుపై పడిపోయారు. ట్రాలీలో ఉన్న 25 మందిలో ఆరుగురికి తీవ్ర, 19 మందికి స్వల్ప గాయాలయ్యాయి.బస్సులోని 10 మందికి గాయాలయ్యాయి. స్థానికులు క్షతగాత్రులను 108 అంబులెన్సులో సిద్దిపేట ప్రభుత్వాస్పత్రికి తరలించారు. కుకునూరుపల్లి ఎస్సై బాలకృష్ణ ఘటనాస్థలికి చేరుకొని ట్రాఫిక్‌ను క్లియర్‌ చేసి ప్రమాదానికి గల కారణాలను అడిగి తెలుసుకున్నారు. కేసు నమోదు చేశామన్నారు. కాగా, ఈ ఘటనపై మంత్రి పొన్నం ప్రభాకర్‌ ఆరా తీశారు. కలెక్టర్, పోలీస్‌ కమిషనర్, డిపో మేనేజర్‌కు ఫోన్‌ చేసి వివరాలను అడిగి తెలుసుకున్నారు. బాధితులకు మెరుగైన వైద్యం అందేలా చూడాలంటూ సూచించారు.ఇదీ చదవండి: తండ్రి మందలించాడని.. విద్యార్థి ఆత్మహత్య

సాక్షి, తెలంగాణ: మాజీ మంత్రి హరీశ్‌ రావు వ్యవసాయ క్షేత్రం, అతని మామ అయిన హన్మంతరావుకు చెందిన భూములను కాంగ్రెస్‌ పార్టీ ఎంపీల బృందం, ఎమ్మెల్సీలు శుక్రవారం పరిశీలించారు. హైదరాబాద్‌ నుంచి ప్రత్యేక బస్సులో సిద్దిపేట జిల్లా కొండపాక మండలం వెలికట్ట గ్రామంలో హరీశ్‌రావు మామ హన్మంత రావుకు చెందిన ఆరు ఎకరాల భూమిని, చిన్నకోడూరు మండలం రామంచలో హరీశ్‌రావుకు చెందిన 13ఎకరాలలో ఉన్న వ్యవసాయ క్షేత్ర పరిసర ప్రాంతాలను పరిశీలించారు.వెలికట్ట గ్రామంలో ఎక్స్‌సర్వీస్‌మెన్‌లకు చెందిన భూమిని హన్మంతరావుకు ఎలా మార్చారు? అని కొండపాక తహసీల్దార్‌ మల్లికార్జున్‌ను అడిగి తెలుసుకున్నారు. అలాగే చిన్నకోడూరు మండలం రామంచ గ్రామశివారులో 13 ఎకరాల విస్తీర్ణంలో ఉన్న హరీశ్‌రావు వ్యవసాయ క్షేత్రం భూమిని రంగనాయక సాగర్‌ రిజర్వాయర్‌కు కేటాయించే స్థలాన్ని తప్పించి కొనుగోలు చేశారా? అని ఆర్‌డీఓ సదానందంను అడిగి వివరాలు తెలుసుకున్నారు. ఆ భూము లకు సంబంధించిన మ్యాప్‌లు, వివిధ పత్రాలను అధికారులకు అందజేసి పరిశీలించాలని ఎంపీలు, ఎమ్మెల్సీ విజ్ఞప్తి చేశారు.అధికార దుర్వినియోగంతో పేరు మార్పిడి బీఆర్‌ఎస్‌ నేతల భూ వ్యవహారాలపై వాస్తవాలను ప్రజలకు తెలియజేయాలని వచ్చామని ఎంపీ చామల కిరణ్‌ కుమార్‌ రెడ్డి అన్నారు. కొండపాక మండలం వెలికట్ట గ్రామంలో ఎక్స్‌సర్వీస్‌మెన్‌లకు ఇచ్చిన 271 సర్వేనంబర్‌లోని భూమిలావాదేవీలు జరగవద్దని ఉన్నప్పటికీ 2010, 2011 సంవత్సరాలలో అక్రమంగా కొనుగోలు చేశారన్నారు.ఆ భూమికి ఎన్‌ఓసీ కలెక్టర్‌ ఇవ్వాల్సి ఉన్నా ఆర్డీఓ నుంచి తీసుకున్నారన్నారు. అసైన్డ్‌ భూమిని అధికార దుర్వినియోగం చేసి తమ పేరుమీద బదలాయించుకున్నారని ఆరోపించారు. 131 సర్వే నంబర్‌ భూమిని చూపించి భూమిని బదలాయించుకున్నారన్నారు. ఇప్పుడు ఎన్‌ఓసీ దొరికే పరిస్థితి లేదని, అసలు భూమిని కేటాయించినప్పుడు హద్దులు సైతం లేవని మండిపడ్డారు. హరీశ్‌రావు తీసుకున్న భూమి చుట్టూ సుడా పార్క్‌ను ఏర్పాటు చేశారన్నారు.బీఆర్‌ఎస్‌ నేతల భూదందాలు.. భూదందా ఫేస్‌–1లో ఎక్కడో ఉన్న భూమిని గోల్డ్‌ బిస్కెట్‌లాగా వాళ్ల మామకు హరీశ్‌ రావు అప్పగించారని ఎమ్మెల్సీ అద్దంకి దయాకర్‌ ఆరోపించారు. అసైన్డ్‌ భూమిని దళితులకు, ఎక్స్‌ సర్వీస్‌మెన్‌లకు ప్రభుత్వం ఇస్తే బీఆర్‌ఎస్‌ నేతలు భూదందా చేశారన్నారు. భూదందా ఫేస్‌–2లో రిజర్వాయర్‌లో భూమి కోల్పోతే ప్రభుత్వం పరిహారం రూ.6లక్షలు ఇస్తే.. హరీశ్‌ రావుకు రైతు రూ.2లక్షలకే ఎకరం ఎలా విక్రయిస్తాడు? బెదిరిస్తే ఇచ్చాడా? బ్లాక్‌మనీతో కొనుగోలు చేశారా? దీనిపై ఈడీ ఎంక్వైరీ చేయాల్సిన అవసరముందన్నారు. అధికార దుర్వినియోగానికి హరీశ్‌ రావు పాల్పడటం స్పష్టంగా కన్పిస్తోందన్నారు. బీఆర్‌ఎస్‌ నేతలు ఉద్యమం, అధికారంలోకి వచ్చిన తర్వాత భూ దందాలు చేశారని ఆరోపించారు. హరీశ్‌రావు మామకు చెందిన భూమి ఆరు ఎకరాలు ఆక్రమమని తేలిందని, ఈ భూమిని తెలంగాణ అమరవీరుల కుటుంబాలకు ఇవ్వాలని సీఎంను కోరుతున్నామన్నారు.సిద్దిపేటలో హరీశ్‌ అక్రమాలు చూపించాం...నేడు(శనివారం) జన్వాడకు పోయి కేటీఆర్‌ ఆక్రమాలను చూపిస్తామని, అలాగే రోజుకో ప్రాంతానికి వెళ్లి రోజుకో నాయకుడి అక్రమాలను బయట పెడుతామన్నారు. సందర్శించిన వారిలో ఎంపీలు మల్లు రవి, వేం నరేందర్‌ రెడ్డి, వంశీ, కడియం కావ్య, బలరాం నాయక్, సురేష్‌ షెట్కార్, అనిల్‌ కుమార్, రఘురాంరెడ్డి, ఎమ్మెల్సీ బల్మూరి వెంకట్, డీసీసీ అధ్యక్షురాలు ఆంక్షారెడ్డి, మాజీ ఎమ్మెల్యే నర్సారెడ్డిలతో పాటు కాంగ్రెస్‌ నాయకులు ఉన్నారు.ఇదీ చదవండి: వ్యవసాయ భూమిలో ఫామ్‌ హౌస్‌ లేదు: హరీశ్‌రావు

సాక్షి, తెలంగాణ: వ్యవసాయ భూమిలో ఫామ్‌ హౌస్‌ లేదని, కనీసం అందులో బాత్రూం కూడా లేదని, తనకు ఉన్న ఆస్తులన్నీ ప్రతి ఎన్నికల్లో పొందుపరిచే అఫిడవిట్‌లలో తెలిపానని బీఆర్‌ఎస్‌ ఎల్పీ డిప్యూటీ ఫ్లోర్‌ లీడర్‌ హరీశ్‌రావు స్పష్టం చేశారు. రంగనాయకసాగర్‌ రిజర్వాయర్‌ కోసం రైతులకు నవంబర్‌ 2016 పరిహారంను ప్రభుత్వం చెల్లించిందని, జూన్‌ 2018లో రిజర్వాయర్‌ పూర్తి అయిందని, ఆగస్టు 2018–2024 వరకు 11 డాక్యుమెంట్లలో 13 ఎకరాల భూమిని కొనుగోలు చేశానన్నారు.తన భూమి కొనుగోలులో ఒక్క చిన్న తప్పు ఉందని నిరూపించినా మొత్తం భూమి ని ప్రభుత్వానికే వదిలేస్తానని హరీశ్‌ ప్రకటించారు. శుక్రవారం కాంగ్రెస్‌ ఎంపీల పర్యటించిన నేపథ్యంలో సిద్దిపేటలోని క్యాంప్‌ కార్యాలయంలో «ఆయన విలేకరుల సమావేశాన్ని నిర్వహించారు. ఈ సందర్భంగా హరీశ్‌ మాట్లాడుతూ కాంగ్రెస్‌ ప్రభుత్వం డెవర్షన్‌ పాలిటిక్స్‌ చేస్తోందని, అందులో భాగమే తన వ్యవసాయ భూమి వద్దకు కాంగ్రెస్‌ ఎంపీల పర్య టన అని మండిపడ్డారు.సీఎం తమ్ముళ్ల, మంత్రి పొంగులేటి, ఆయన కొడుకు చేస్తున్న భూ దందాలను బీఆర్‌ఎస్‌ ఎండగట్టినందుకే తమపై ఎదురుదాడి చేస్తున్నారన్నారు. ఎంపీల బృందం వస్తే కడు పు నిండా భోజనం పెట్టి తీసుకువెళ్లి వ్యవసాయ క్షేత్రంను చూపిద్దామనుకున్నాని హరీశ్‌ చెప్పారు.ప్రభుత్వంలో ఉండి యాత్రలా?ప్రభుత్వాలు వాస్తవాలను దాచిపెట్టినప్పుడు ప్రతిపక్షాలు యాత్రలు చేసి నిజనిర్ధారణకు వెళ్తాయి కానీ అధికారంలో ఉండి ప్రభుత్వమే యాత్రలకు రావడం శోచనీయమన్నారు.కేసీఆర్‌ హయాంలో కాళేశ్వరంతో పాటు ఏడు ప్రాజెక్టులకు అనుమతులు రాగా...ఇప్పుడు ఆ ప్రాజెక్టుల అనుమతులను రద్దు చేయాలని కేంద్ర ప్రభుత్వం జీఆర్‌ఎంబీ ఎజెండాలో పెట్టిందన్నారు.ఆంధ్రప్రదేశ్‌ అక్రమంగా ప్రాజెక్టులు కడుతూ గోదావరి నీళ్లను ఎత్తుకుపోవాలని చూస్తుంటే కేంద్రంపై కాంగ్రెస్‌ ఎంపీలు దండయాత్ర చేయాలన్నారు. మెట్రో ఫేజ్‌–2కు, పాలమూరు ఎత్తిపోతల, సీతమ్మ సాగర్‌ ప్రాజెక్టులకు కేంద్రం అనుమతులు ఇవ్వడం లేదని, వీటి సాధన కోసం, రాష్ట్ర హక్కుల కోసం కలిసికట్టుగా కేంద్రంపై పోరాడాలి కానీ.. రాజకీయ కక్షసాధింపుల కోసం యాత్రలు చేయకూడద న్నారు.దళితులకు చెందిన 300 ఎకరాల భూమిని కేసీఆర్‌ కబ్జా చేయలేదని తేలితే సీఎం రేవంత్‌రెడ్డి, మంత్రులు రాజీనామా చేయడానికి సిద్ధంగా ఉన్నారా ? అని హరీశ్‌ సవాల్‌ విసిరారు. దళితుల భూమి కబ్జా చేసినట్లు తేలితే తామంతా రాజీనామా చేస్తామని, ఇందుకు మీరంతా సిద్ధమా? అని సీఎం, మంత్రులు, ఎమ్మెల్యేలకు హరీశ్‌రావు సవాల్‌ చేశారు.ఇదీ చదవండి: ఎల్‌నినోపై సమగ్ర వ్యూహం

సాక్షి, సిద్దిపేట: సిద్దిపేట జిల్లా ఎర్రవల్లి భూముల వ్యవహారం తెలంగాణ రాజకీయాల్లో మరోసారి హాట్‌టాపిక్‌గా మారింది. మాజీ సీఎం కేసీఆర్‌ ఫామ్‌హౌస్‌ పరిసరాల్లోని భూములపై రెవెన్యూ శాఖ విచారణను ముమ్మరం చేసింది. 388 ఎకరాల భూముల లెక్క తేల్చేందుకు అధికారులు రెండో రోజు రంగంలోకి దిగగా.. మరోవైపు కాంగ్రెస్‌ ఎంపీలు, ఎమ్మెల్సీలు సిద్దిపేటకు వెళ్లేందుకు సిద్ధమయ్యారు. దీంతో ఎర్రవల్లి నుంచి సిద్దిపేట వరకు రాజకీయ వేడి పెరిగింది.325 సర్వే నంబర్‌పై ఫోకస్‌..మర్కుక్‌ మండలం ఎర్రవల్లి శివారులోని వెంకటాపూర్‌, వరదరాజ్‌పూర్‌ గ్రామాల సరిహద్దుల్లో ఉన్న 325 సర్వే నంబర్‌ భూములపై రెవెన్యూ అధికారులు దృష్టి సారించారు. ఈ సర్వే నంబర్‌లోని సుమారు 388 ఎకరాల భూముల స్వభావం, విస్తీర్ణం, హద్దులను అధికారులు పరిశీలిస్తున్నారు. గురువారం మూడు గ్రామాల సరిహద్దులను గుర్తించి మార్కింగ్‌ చేసిన అధికారులు.. రెండో రోజు శాటిలైట్‌ మ్యాపింగ్‌ సహా అందుబాటులో ఉన్న రికార్డులతో భూముల విస్తీర్ణాన్ని నిర్ధారించే ప్రక్రియ చేపడుతున్నారు. రెవెన్యూ అధికారులు గత రికార్డులు, ప్రస్తుత రెవెన్యూ నమోదులను పోల్చి భూముల హక్కులు, స్వాధీనం, అసైన్డ్‌ భూముల వివరాలను పరిశీలిస్తున్నట్లు రిపోర్టులు పేర్కొంటున్నాయి.సిద్దిపేటకు కాంగ్రెస్‌ నేతలుఇదే సమయంలో తెలంగాణ కాంగ్రెస్‌ ఎంపీలు, ఎమ్మెల్సీలు సిద్దిపేట పర్యటనకు సిద్ధమయ్యారు. అసెంబ్లీ నుంచి ఉదయం 10 గంటలకు ఆర్టీసీ బస్సుల్లో బయలుదేరి నేరుగా సిద్దిపేట కలెక్టరేట్‌కు వెళ్లనున్నట్లు సమాచారం. మాజీ సీఎం కేసీఆర్‌ ఫామ్‌హౌస్‌ పరిసరాల్లోని అసైన్డ్‌ భూములపై సమగ్ర విచారణ జరపాలని జిల్లా కలెక్టర్‌, గజ్వేల్‌ ఆర్డీవోను కలిసి వినతిపత్రం ఇవ్వనున్నారు. అలాగే రంగనాయకసాగర్‌ వద్ద మాజీ మంత్రి హరీశ్‌రావుకు సంబంధించిన ఫామ్‌హౌస్‌ భూములపైనా విచారణ జరపాలని కాంగ్రెస్‌ నేతలు కలెక్టర్‌ను కోరనున్నట్లు తెలుస్తోంది. ఎర్రవల్లి 325 సర్వే నంబర్‌లోని 388 ఎకరాల భూములపై పూర్తి వివరాలను బయటకు తేవాలని వారు డిమాండ్‌ చేయనున్నారు. కాంగ్రెస్‌ ఎంపీలు ఎర్రవల్లి భూములపై సమగ్ర విచారణ జరుపుతామని ఇప్పటికే ప్రకటించారు.సీఎం భేటీ తర్వాతే క్లారిటీ..అయితే సిద్దిపేట పర్యటన విషయంలో కాంగ్రెస్‌ నేతల్లో చివరి నిమిషంలో కొంత సందిగ్ధత నెలకొన్నట్లు సమాచారం. అసెంబ్లీకి రెండు ఆర్టీసీ బస్సులు చేరుకోగా.. పర్యటనకు వెళ్లాలా? వద్దా? అన్న అంశంపై ముఖ్యమంత్రి రేవంత్‌రెడ్డితో ఎంపీలు భేటీ కానున్నారు. పర్యటన సమయంలో అనుకోని ఘటనలు చోటుచేసుకుంటే అసలు భూముల అంశం పక్కదారి పట్టే అవకాశం ఉందన్న ఆలోచనతో కాంగ్రెస్‌ పెద్దలు తుది నిర్ణయం తీసుకోనున్నట్లు తెలుస్తోంది. సీఎంతో ఎంపీల భేటీ తర్వాతే సిద్దిపేట పర్యటనపై పూర్తి స్పష్టత వచ్చే అవకాశం ఉంది. ఇదీ చదవండి: దానం నాగేందర్‌ అనర్హతపై నేడే హైకోర్టు తీర్పు..

సిద్దిపేటకమాన్‌: ప్రజా హక్కులను కాపాడడంలో పోలీసు శాఖ ఎల్లప్పుడూ ముందుంటుందని సీపీ రష్మీ పెరుమాళ్‌ తెలిపారు. తెలంగాణ ప్రజా పాలన దినోత్సవం సందర్భంగా సిద్దిపేట పోలీస్‌ కమిషనర్‌ కార్యాలయంలో గురువారం జాతీయ జెండాను ఆవిష్కరించి మాట్లాడారు. ఎంతో మంది పోరాటాలు, త్యాగాల వల్ల స్వాతంత్య్రం వచ్చిందన్నారు. స్వేచ్ఛ, స్వాతంత్య్రాలను కాపాడే బాధ్యత ఎక్కువగా పోలీసు వ్యవస్థపై ఉందన్నారు. కార్యక్రమంలో అడిషనల్‌ డీసీపీలు కుశాల్కర్‌, సుభాష్‌చంద్రబోస్‌, సీఐలు, ఆర్‌ఎస్‌ఐలు, సిబ్బంది తదితరులు పాల్గొన్నారు.

ఎంపీ రఘునందన్‌రావు ప్రశాంత్‌నగర్‌(సిద్దిపేట): దేశంలో కరోనా వ్యాపించిన నాటి నుంచి ప్రజలకు ఉచిత రేషన్‌ అందిస్తున్న ఘనత ప్రధాని మోదీకే దక్కుతుందని మెదక్‌ ఎంపీ రఘునందన్‌రావు అన్నారు. గురువారం జిల్లా కేంద్రంలో విశ్వకర్మ జయంతి సందర్భంగా ఆలయంలో ప్రత్యేక పూజలు నిర్వహించారు. అనంతరం ప్రధాని మోదీ జన్మదినం, 25 సంవత్సరాల ప్రజాసేవను పురస్కరించుకుని జిల్లా కేంద్రంలోని వెంకటేశ్వర ఆలయంలో ప్రత్యేక పూజలు చేశారు. అనంతరం ఆశీర్వాద దీపం వెలిగించారు. ఈ సందర్భంగా ఎంపీ మాట్లాడుతూ.. ప్రభుత్వ అధినేతగా ప్రజా జీవితంలో మోదీ 25 ఏళ్ల సుదీర్ఘ ప్రస్థానాన్ని విజయవంతంగా పూర్తి చేశారని తెలిపారు. డిజిటల్‌ గవర్నెన్స్‌, ఉచిత వ్యాక్సినేషన్‌, ఆయుష్మాన్‌ భారత్‌, పీఎం ఆవాస్‌ యోజన నిర్ణయాలతో అంతర్జాతీయ వేదికలపై భారతదేశ కీర్తిని పెంచేలా చేశారని కొనియాడారు. కార్యక్రమంలో బీజేపీ జిల్లా అధ్యక్షుడు బైరి శంకర్‌ ముదిరాజ్‌, బాసంగారి వెంకట్‌, కాసనిగొట్టు సంతోష్‌, విభీషణ్‌ రెడ్డి, తుంగ కనకయ్య, కొత్తపల్లి వేణుగోపాల్‌, గుండ్ల జనార్దన్‌, మీడియా ఇన్‌చార్జి గోనె మార్కండేయులు, పద్మ, ఉమా తదితరులు పాల్గొన్నారు.

● రాష్ట్ర బాలల హక్కుల సంరక్షణ కమిషన్‌ చైర్‌పర్సన్‌ సీతారెడ్డి ● కలెక్టరేట్‌లో ఘనంగా ప్రజాపాలన వేడుకలు సాక్షి, సిద్దిపేట: కాంగ్రెస్‌ ప్రభుత్వం అధికారంలోకి వచ్చిన తొలి రోజు నుంచే ప్రజా, రైతు సంక్షేమం, మహిళా సాధికారత, విద్య, వైద్యం, ఉపాధి, సామాజిక న్యాయం, మౌలిక వసతుల అభివృద్ధికి అత్యధిక ప్రాధాన్యతనిస్తూ ముందుకు సాగుతుందని రాష్ట్ర బాలల హక్కుల సంరక్షణ కమిషన్‌ చైర్‌పర్సన్‌ కొత్తకోట సీతారెడ్డి అన్నారు. గురువారం కలెక్టరేట్‌లో ప్రజాపాలన దినోత్సవంలో భాగంగా జాతీయ పతాకాన్ని ఆవిష్కరించి మాట్లాడారు. సెప్టెంబర్‌ 17 తెలంగాణ ప్రాంత నిజాం పాలన నుంచి విముక్తి పొంది ప్రజాస్వామ్య భారతదేశంలో అంతర్భాగమైన చారిత్రాత్మక రోజు అని తెలిపారు. రాష్ట్రంలో భారీ పెట్టుబడులను ఆకర్షించడం, విద్యా ఉద్యోగ అవకాశాలను విస్తరించడం, ప్రపంచస్థాయి మౌలిక సదుపాయాలకు బాటలు వేస్తుందన్నారు. రైజింగ్‌– 2047తో ముందుకు ప్రజల వద్దకు వెళ్లి సమస్యలను తెలుసుకుని, పరిష్కారం చూపే పాలన, పారదర్శకత, జవాబుదారీతనం, సుపరిపాలన, సామాజిక న్యాయం అనే నాలుగు ప్రధాన స్తంభాలపై ప్రజా ప్రభుత్వం పాలనను కొనసాగుతోందని స్పష్టం చేశారు. రాష్ట్రాన్ని భవిష్యత్తు తరాలకు ఆదర్శంగా తెలంగాణను తీర్చిదిద్దేందుకు తెలంగాణ రైజింగ్‌–2047 దార్శనిక ప్రణాళికను రూపొందించామని తెలిపారు. ప్రపంచ స్థాయి ప్రమాణాలతో గ్రామీణ తెలంగాణను బలోపేతం చేసేందుకు పల్లె ప్రాంతాల్లో ప్రపంచ స్థాయి ప్రమాణాలతో అభివృద్ధి సాధించాలని దశల వారీగా అమలు చేస్తుందన్నారు. ప్రతి గ్రామం, పట్టణం అభివృద్ధి చెందేలా ప్రజలకు చేరువైన పాలనను అందిస్తోందన్నారు. రాష్ట్ర ప్రభుత్వం ప్రతిష్టాత్మకంగా ప్రవేశపెట్టిన నూతన స్మార్ట్‌ కార్డును అర్హులందరికీ అందిస్తామన్నారు. ఈ 1000 రోజుల ప్రజాపాలనలో రాష్ట్ర ప్రగతితో పాటు జిల్లాలో అర్హులైన ప్రతిఒక్కరికీ పారదర్శకంగా, సమర్థవంతంగా అందించేందుకు జిల్లా యంత్రాంగం కృషి చేస్తోందని చెప్పారు. ప్రజల భాగస్వామ్యంతో జిల్లాను అభివృద్ధి, సంక్షేమ రంగాల్లో ఆదర్శంగా తీర్చిదిద్దేందుకు ప్రభుత్వం చర్యలు తీసుకుంటుందన్నారు. కార్యక్రమంలో కలెక్టర్‌ హైమవతి, రాష్ట్ర పద్మశాలి కార్పొరేషన్‌ చైర్మన్‌ గూడూరి శ్రీనివాస్‌, సీపీ రష్మీ పెరుమాళ్‌, అదనపు కలెక్టర్‌ లక్ష్మీ కిరణ్‌, అధికారులు తదితరులు పాల్గొన్నారు.

● డీఐఈఓ రవీందర్‌రెడ్డి ● జిల్లాస్థాయి బాలికల కబడ్డీ పోటీలు ప్రారంభం సిద్దిపేటఎడ్యుకేషన్‌: విద్యార్థుల శారీరక, మానసిక వికాసానికి క్రీడలు ఎంతగానో దోహదపడుతాయని జిల్లా ఇంటర్‌ విద్యాధికారి, ఎస్‌జీఎఫ్‌ అండర్‌ 19 జిల్లా చైర్మన్‌ రవీందర్‌రెడ్డి అన్నారు. జిల్లా కేంద్రంలోని ప్రభుత్వ జూనియర్‌ కళాశాల (కోఎడ్యుకేషన్‌)లో అండర్‌–19 ఎస్‌జీఎఫ్‌ జిల్లాస్థాయి బాలికల కబడ్డీ క్రీడా ఎంపిక పోటీలను జిల్లా ఆర్గనైజింగ్‌ సెక్రటరీ సమ్మయ్య, ప్రిన్సిపాల్‌ ప్రమీలతో కలిసి ప్రారంభించారు. ఈసందర్భంగా రవీందర్‌రెడ్డి మాట్లాడుతూ.. క్రీడలతో విద్యార్థుల్లో క్రమశిక్షణ, పట్టుదల, నాయకత్వ లక్షణాలు, జట్టు స్ఫూర్తి పెంపొందుతాయన్నారు. చదువుతో పాటు క్రీడల్లో రాణిస్తూ జిల్లా, రాష్ట్ర, జాతీయ స్థాయిలో మంచి పేరు తీసుకురావాలని క్రీడాకారులకు సూచించారు. అనంతరం పోటీలకు హాజరైన క్రీడాకారులను పరిచయం చేసుకున్నారు. వారితో ఆత్మీయంగా ముచ్చటించి క్రీడలపై ఆసక్తి, శిక్షణ తదితర వివరాలను అడిగి తెలుసుకున్నారు. జిల్లాలోని జూనియర్‌ కళాశాలలు, కేజీబీవీలు, మోడల్‌ స్కూల్స్‌, రెసిడెన్షియల్‌ పాఠశాలల బాలికల జట్లు పాల్గొని హోరాహోరీగా తలపడ్డాయి. కార్యక్రమంలో కబడ్డీ కోచ్‌ వెంకటేశ్‌, వ్యాయామ ఉపాధ్యాయులు దేవరాజు, శారద, నరేశ్‌, వెంకటసాయి, సంజీవ్‌ సంపత్‌ తదితరులు పాల్గొన్నారు.

సాక్షి, సిద్దిపేట: చేయూత పెన్షన్లకు దరఖాస్తులు వెల్లువెత్తాయి. జిల్లాలో ప్రస్తుతం వివిధ రకాల చేయూత పెన్షన్లు 1,81,915 ఉండగా రూ. 39,34,54,640 నగదును అందజేస్తున్నారు. ఆగస్టు 9వ తేదీ నుంచి ఈ నెల 16వ తేదీ వరకు కొత్త పెన్షన్ల కోసం ఆన్‌లైన్‌లో దరఖాస్తులను స్వీకరించారు. జిల్లాలో 14,477 మంది వివిధ రకాల పెన్షన్ల కోసం దరఖాస్తు చేసుకున్నారు. పరిశీలనకు అధికారుల నియామకం ఆన్‌లైన్‌లో వచ్చిన దరఖాస్తులను క్షేత్రస్థాయిలో పరిశీలించేందుకు 226 మంది అధికారులను నియమించారు. ఇప్పటికే గ్రామాలకు, పట్టణాల్లో వార్డులకు ప్రత్యేక అధికారులకు ఎంపిక చేసే బాధ్యతలను అప్పగించారు. ఈ నెల 25వ తేదీ వరకు క్షేత్రస్థాయిలో పరిశీలించనున్నారు. చేయూత ప్రత్యేక యాప్‌లో దరఖాస్తుల వివరాలతో పాటు లాగిన్‌లను అందించారు. క్షేత్ర స్థాయిలో పరిశీలన అనంతరం అర్హులను ఎంపిక చేసి ఎంపీడీఓ లాగిన్‌కు పంపించనున్నారు. గ్రామాలకు చెందినవి ఎంపీడీఓలు, పట్టణాలకు చెందినవి మున్సిపల్‌ కమిషనర్‌లు అమోదం తెలపనున్నారు. వచ్చే నెల నుంచి కొత్త పెన్షన్లు అందించే అవకాశం ఉంటుంది. జిల్లావ్యాప్తంగా 14వేల మంది దరఖాస్తు ప్రస్తుతం 1.81లక్షల పెన్షన్లు 25లోగా క్షేత్ర స్థాయిలో విచారణ

● వైరలవుతున్న వెయ్యేళ్లనాటి గణపతి విగ్రహం ● కళ్లకు కట్టినట్టుగా కనిపిస్తున్న రాష్ట్ర కూటుల చరిత్ర దుబ్బాకటౌన్‌: చాళుక్య కళారూపాలను తెలియజేసే కళా ఖండాలు రాయపోల్‌ మండల కేంద్రంలో పదిలంగా ఉన్నాయి. వినాయక చవితి నేపథ్యంలో వైరల్‌ అవుతున్న ప్రాచీన విగ్రహం సిద్దిపేట జిల్లా రాయపోల్‌ మండల కేంద్రంలోని భారీ ఏకశిలపై చెక్కిన గణపతి విగ్రహం ఎంతోకాలంగా పూజలందుకుంటోంది. రాయపోల్‌లోని గణపతి ఆలయ ప్రాంగణంలో ఉన్న శాసనం ఈ విగ్రహ చరిత్రకు కీలక ఆధారంగా భావిస్తున్నారు. శాసనంలో ప్రచురితమైన చారిత్రక వివరాల ప్రకారం..కల్యాణీ చాళుక్య చక్రవర్తి ఆహవనమల్ల మొదటి సోమేశ్వరుడి కాలానికి చెందిన శాసనంలో గణపతి విగ్రహానికి సంబంధించి క్రీ.శ.1048 నాటి ప్రస్తావన ఉన్నట్లు తెలుస్తోంది. దీంతో వినాయక చవితి నేపథ్యంలో ఈ ప్రాచీన విగ్రహం సోషల్‌ మీడియా వేదికగా తెగ వైరలవుతోంది. క్రీ.శ.1048 నాటి విగ్రహంగా నిర్ధారణ అప్పట్లో రాయపోల్‌ను ‘రావిప్రోలు’గా పిలిచేవారని గావుండ హువిన అనే రాజు కుమారుడు జువ్విరెడ్డి ఈ గణపతి విగ్రహాన్ని ప్రతిష్ఠించినట్లు చారిత్రక కథనాల్లో పేర్కొన్నారు. అయితే గణపతి విగ్రహం కాల నిర్ధారణ విషయంలో మరో ఆసక్తికరమైన అంశం ఉంది. విగ్రహ శిల్పశైలి, లలితాసన భంగిమ, నిర్మాణ లక్షణాలను పరిశీలించిన కొందరు చరిత్ర పరిశోధకులు ఇది 8–9వ శతాబ్దాల రాష్ట్రకూటుల కాలానికి చెందినదై ఉండవచ్చని అభిప్రాయపడుతున్నారు. అయితే శాసనంలో కనిపించే కాలం, శిల్పశైలిని బట్టి అంచనా వేసే కాలం మధ్య తేడా కనిపిస్తోంది. అందువల్ల విగ్రహాన్ని కచ్చితంగా క్రీ.శ.1048 నాటిదిగా నిర్ధారించడానికి ముందు శాసనాన్ని పురావస్తు, శాసన నిపుణులు అధికారికంగా పరిశీలించాల్సిన అవసరముంది. చరిత్ర గురించి తెల్పే శిలాశాసనంఈ రాతి గణపతి విగ్రహం ఐదడుగులకు పైగా ఎత్తులో ఉండటంతోపాటు లలితాసనంలో దర్శనమివ్వడం ప్రత్యేకతగా చెబుతున్నారు. ఆలయ పరిసరాల్లో చాళుక్య, రాష్ట్రకూటుల కాలానికి చెందినవిగా భావిస్తున్న మరికొన్ని శిల్పాలు, వీరగల్లులు కూడా ఉన్నట్లు పరిశోధకుల పరిశీలనలో వెల్లడైనట్లు సమాచారం. ప్రస్తుతం రాతి గణపతి ఉన్న ప్రాంతంలో ఆలయాన్ని నిర్మించి నిత్యపూజలు నిర్వహిస్తున్నారు.

చిన్నశంకరంపేట(మెదక్‌): 24 గంటల కరెంట్‌ దేవుడెరుగు, కనీసం 6 గంటల కూడా సరిగా రావడం లేదని మండలంలోని జంగరాయి రైతులు గురు వారం ఆందోళనకు దిగారు. సీఎం రేవంత్‌రెడ్డి దిష్టిబొమ్మను దహనం చేశారు. అనంతరం సబ్‌స్టేషన్‌ను ముట్టడించి సిబ్బందిని నిలదీశారు. వారు సరైన సమాధానం చెప్పకపోవడంతో గవ్వలపల్లి–వెల్దుర్తి రహదారిపై బైఠాయించారు. ఈసందర్భంగా వారు మాట్లాడుతూ.. ఉదయం 5 గంటల నుంచి సాయంత్రం 5 గంటల వరకు విద్యుత్‌ సరఫరా చేస్తున్నామని ప్రభుత్వం చెబుతున్నా, కోతలతో పంటలు ఎండిపోతున్నాయని ఆవేదన వ్యక్తం చేశారు. విషయం తెలుసుకున్న ఎస్‌ఐ శివానందం, తహసీల్దార్‌ మాలతి రైతుల వద్దకు చేరుకుని సముదాయించారు. విద్యుత్‌శాఖ అధికారులతో మాట్లాడి విద్యుత్‌ సరఫరాను మెరుగుపర్చాలని సూచించారు. ఇదే విషయం రైతులకు చెప్పి ఆందోళనను విరమింపజేశారు. నార్సింగిలో.. పాపన్నపేట(మెదక్‌): మండల శివారులోని నార్సింగి సబ్‌స్టేషన్‌ ఎదుట మెదక్‌– బొడ్మట్‌పల్లి రోడ్డుపై రైతులు రాస్తారోకోకు దిగారు. వ్యవసాయానికి 12 గంటలు ఇవ్వాల్సిన కరెంట్‌, కేవలం 8 నుంచి 9 గంటల పాటు ఇస్తున్నారని వాపోయారు. దీంతో పంటలు ఎండుతున్నాయని వాపోయారు. అధికారులు పట్టించుకోవడం లేదని మండిపడ్డారు. విషయం తెలుసుకున్న ఎస్సై శ్రీనివాస్‌గౌడ్‌ తన సిబ్బందితో వెళ్లి రైతులను సముదాయించారు.

ప్రశాంత్‌నగర్‌(సిద్దిపేట): జిల్లా కేంద్రంలోని ప్రభుత్వ బాలుర ఉన్నత పాఠశాలలో గురువారం జిల్లాస్థాయి సైన్స్‌ సెమినార్‌ నిర్వహించారు. ఇందులో భాగంగా జిల్లాలోని వివిధ పాఠశాలలకు చెందిన విద్యార్థులు సెమినార్‌లో పాల్గొన్నారు. జెడ్పీహెచ్‌ఎస్‌ ఘనపూర్‌ పాఠశాలకు చెందిన నిహారిక ప్రథమ స్థానం, టీజీఎంఎస్‌ లచ్చపేటకు చెందిన జమీల ద్వితీయ స్థానం, పీఎం శ్రీ జెడ్పీహెచ్‌ఎస్‌ దుబ్బాకకు చెందిన రేణు శ్రీ తృతీయ స్థానంలో నిలిచారు. అనంతరం విద్యార్థులకు సర్టిఫికెట్లు, బహుమతులు అందించారు. కార్యక్రమంలో జిల్లా సైన్స్‌ అధికారి రాజమౌళి, న్యాయ నిర్ణేతలు నరసింహారెడ్డి, భగవాన్‌ పాల్గొన్నారు. సిద్దిపేటజోన్‌: రైస్‌ మిల్లర్ల సమస్యలు పరిష్కరించాలని కోరుతూ గురువారం రైస్‌ మిల్లర్ల యజమానులు గురువారం పట్టణంలో నిరసన ర్యాలీ నిర్వహించి అనంతరం సిద్దిపేట ఆర్డీఓ కార్యాలయంలో వినతిపత్రాన్ని సమర్పించారు. ప్రభుత్వ వేధింపుల చర్యలు మాను కోవాలని డిమాండ్‌ చేశారు. బకాయిలు చెల్లించాలని, రవాణా చార్జీలు ఇవ్వాలని, నిల్వలో 15 నుంచి 20 శాతం తేడాలు ఉన్నా కేసులు నమోదు చేయవద్దు అని పలు అంశాలపై వినతిపత్రం అందజేశారు. ఈ కార్యక్రమంలో ఆయా రైస్‌ మిల్లర్ల యజమానులు పాల్గొన్నారు. దుబ్బాకటౌన్‌: 22–ఏ భూముల జాబితాలో ఉన్న భూముల సమస్యలను పరిష్కరించేందుకు ప్రభుత్వం తక్షణమే చర్యలు తీసుకోవాలని బీఆర్‌ఎస్‌ యువజన విభాగం రాష్ట్ర నాయకుడు అనుమాండ్ల రాజిరెడ్డి డిమాండ్‌ చేశారు. గురువారం రాయపోల్‌లో ఆయన మాట్లాడుతూ.. 22ఏ జాబితాలో భూములు ఉండటంతో రైతులు, భూ యజమానులు ఎదుర్కొంటున్న ఇబ్బందులను ప్రభుత్వం ప్రత్యేకంగా పరిశీలించాలని కోరారు. ఎన్నో సంవత్సరాలుగా భూములను సాగు చేసుకుంటూ, వాటిపై ఆధారపడి జీవిస్తున్న రైతులు 22ఏ జాబితా కారణంగా తీవ్ర ఇబ్బందులు ఎదుర్కొంటున్నారని వాపోయారు. భూముల రిజిస్ట్రేషన్లు, అమ్మకాలు, కొనుగోళ్లు, బ్యాంకు రుణాలు తదితర సమస్యలు ఎదురవుతున్నాయని ఆవేదన వ్యక్తం చేశారు. కార్యక్రమంలో బీఆర్‌ఎస్‌ మండల పార్టీ అధ్యక్షుడు వెంకటేశ్వర శర్మ, నాయకులు దయాకర్‌, భార్గవ్‌, తదితరులు పాల్గొన్నారు.

● కలెక్టర్‌ హైమావతి ● బాలికల గురుకుల పాఠశాలసందర్శన దుబ్బాకరూరల్‌: మండలంలోని రామక్కపేటలోని బాలికల గురుకుల పాఠశాలను కలెక్టర్‌ హైమావతి గురువారం సందర్శించారు. విద్యార్థులకు వడ్డిస్తున్న మధ్యాహ్న భోజనాన్ని పరిశీలించారు. వంటకాలను శుభ్రమైన కూరగాయలతో చేస్తున్నారా? లేదా అని విద్యార్థులను అడిగి తెలుసుకున్నారు. విద్యార్థులకు ఉదయం, సాయంత్రం వేళ మెనూ ప్రకారం స్నాక్స్‌ అందిస్తున్నారా లేదా అని తెలుసుకున్నారు. విద్యార్థులకు నాణ్యమైన భోజనం అందించక పోతే కఠిన చర్యలు తప్పవని అధికారులను హెచ్చరించారు. పాఠశాల ఆవరణాన్ని పరిశుభ్రంగా ఉంచాలన్నారు. పాఠశాలలో నెలకొన్న సమస్యలను విద్యార్థులు కలెక్టర్‌ దృష్టికి తీసుకెళ్లారు. వాటిని పరిశీలించి అవసరమైన చర్యలు తీసుకుంటామని తెలిపారు. కార్యక్రమంలో పాఠశాల సిబ్బంది తదితరులు పాల్గొన్నారు.

సాక్షి,సిద్దిపేట: ఎర్రవల్లిలోని బీఆర్ఎస్ అధినేత, మాజీ ముఖ్యమంత్రి కేసీఆర్ ఫాంహౌస్ భూములపై విచారణ వేగవంతమైంది. ఇందులో భాగంగా మరికాసేపట్లో రెవెన్యూ అధికారులు ఎర్రవల్లిలోని కేసీఆర్ ఫాంహౌస్‌ను సందర్శించనున్నారు. ఈ విచారణ నేపథ్యంలో కేసీఆర్‌కు రెవెన్యూ అధికారులు నోటీసులు జారీ చేసే అవకాశం ఉన్నట్లు తెలుస్తోంది.ఇప్పటికే మర్కుక్ రెవెన్యూ కార్యాలయంలో అధికారులు సంబంధిత ఫైళ్లు, రికార్డులను క్షుణ్ణంగా పరిశీలిస్తున్నారు. కేసీఆర్ ఫాంహౌస్ భూములపై సీఎం రేవంత్ రెడ్డి నిన్న విచారణకు ఆదేశించిన విషయం తెలిసిందే. ఈ క్రమంలో సిద్దిపేట కలెక్టర్ హైమావతి అధికారులతో సమావేశమై ఫాంహౌస్ భూములపై సమీక్ష నిర్వహించారు.మరోవైపు, శుక్రవారం సిద్దిపేటలో కాంగ్రెస్ ఎంపీలు పర్యటించనున్నారు. కబ్జా ఆరోపణలున్న భూమలను వారు పరిశీలించడంతో పాటు, రెవెన్యూ అధికారులతో సమావేశమై ప్రస్తుత పరిస్థితిపై చర్చించనున్నారు. ఈ పరిణామాలు రాజకీయంగా ప్రాధాన్యత సంతరించుకున్నాయి.

జిల్లా న్యాయసేవాధికార సంస్థ కార్యదర్శి కె.సౌజన్య సిద్దిపేటఅర్బన్‌: ప్రజలు తమ హక్కులు, బాధ్యతలు వంటి చట్టపరమైన అంశాలపై అవగాహన కలిగి ఉండాలని జిల్లా న్యాయ సేవాధికార సంస్థ కార్యదర్శి కె.సౌజన్య స్పష్టం చేశారు. సిద్దిపేట అర్బన్‌ మండలం మిట్టపల్లిలో చట్టాలపై బుధవారం అవగాహన కార్యక్రమం నిర్వహించారు. ఈ సందర్భంగా ఆమె మాట్లాడుతూ...రైతులు తమకు సంబంధించిన వివిధ చట్టాలు, ప్రభుత్వ సంక్షేమ పథకాలు, న్యాయ పరిరక్షణ, ఉచిత న్యాయ సహాయం గురించి తెలుసుకోవాలన్నారు. జిల్లా న్యాయ సేవాధికార సంస్థ ద్వారా అర్హులైన వారికి ఉచిత న్యాయ సహాయం అందుబాటులో ఉంటుందని తెలిపారు. కార్యక్రమంలో త్రీటౌన్‌ సీఐ లక్ష్మీబాబు, ఏఓ బి.శ్రీనాథ్‌ తదితరులు పాల్గొన్నారు.

రూ.2 వేలు మించితే ఎండీఆర్‌ 0.4శాతం చేతిలో నగదు అవసరం లేదు...బ్యాంకుకు వెళ్లాల్సిన పనిలేదు..క్యూలో నిలబడాల్సిన అవసరం అంతకన్నా లేదు. యూనిఫైడ్‌ పేమెంట్స్‌ ఇంటర్‌ఫేస్‌(యూపీఐ) ద్వారా మొబైల్‌లో రెండు క్లిక్‌లతో బిల్లులు, ఫీజులు చెల్లిస్తున్న రోజులివి. జిల్లావ్యాప్తంగా దాదాపు 70శాతం మంది యూపీఐ ద్వారానే అన్నింటికీ పేమెంట్‌లు చేస్తున్నారు. పెద్ద వ్యాపార సంస్థలకు రూ.2వేలకు మించి చెల్లింపులు జరిపితే చార్జీలు తప్పవని కేంద్ర ఆర్థిక శాఖ ప్రకటించింది. అయితే ఈ చార్జీలు వ్యాపార సంస్థలకే వర్తించనున్నాయి. వ్యాపార సంస్థ నుంచి ప్రభుత్వం వసూలు చేస్తుందని ప్రకటించినప్పటికీ చివరకు ఆ భారం వినియోగదారుల పైనే వేస్తారని ఆందోళన చెందుతున్నారు. – సాక్షి, సిద్దిపేట గతంలో ఇంటి నుంచి బయటకు వెళ్లే సమయంలో చేతిలో డబ్బులు, వాలెట్‌లో డబ్బులు ఉన్నాయో లేవో చూసుకుని బయట అడుగు పెట్టే వారు. అలాంటిది నోట్ల రద్దు అయినప్పటి నుంచి నగదు రహిత లావాదేవీలను ప్రభుత్వం ప్రోత్సహించింది. దీంతో ఇప్పుడు చేతిలో ఆండ్రాయిడ్‌ ఫోన్‌ ఉంటే సరిపోతుందని వాలెట్‌ లేకుండానే బయటకు వెళ్తున్నారు. కొన్ని రంగాల్లో రూ.2 వేలు దాటిన లావాదేవీలపై శాతంతో సంబంధం లేకుండా రూ.5లు స్థిర ఎండీఆర్‌ వసూలు చేయాలని నిర్ణయించారు. బీమా ప్రీమియం, వివిధ రకాల బిల్లులు, రైలు టికెట్లు, పెట్రోల్‌, డీజిల్‌ కొనుగోలుపై అక్టోబర్‌ 15వ తేదీ నుంచి చార్జీలు వసూలు చేస్తామని కేంద్రం ప్రకటించింది. కేంద్ర ఆర్థిక శాఖ ప్రకటనతో మళ్లీ నగదు రూపంలో చెల్లింపులకే మొగ్గు చూపే అవకాశాలున్నాయి. రూ1.19లక్షల కోట్లు జిల్లావ్యాప్తంగా 32 బ్యాంక్‌లకు చెందిన 165 శాఖలున్నాయి. 2.73లక్షల బ్యాంకుల ఖాతాలున్నాయి. 2025–26 సంవత్సరంలో 18.50లక్షల కోట్ల లావాదేవీలు జరగగా వీటి విలువ రూ.1.19లక్షల కోట్లు. ఏప్రిల్‌, మే, జూన్‌ 2026లో 7.85లక్షల లావాదేవీలు జరగగా వీటి విలువ రూ.30,234 కోట్లు. ఈ లెక్కల ప్రకారం చూస్తే దాదాపు 70శాతంకు పైగా ప్రజలు యూపీఐ ద్వారానే చెల్లింపులు చేస్తున్నారు. వ్యక్తిగత బదిలీలపై ఎలాంటి రుసుము వసూలు చేయమని ప్రకటించారు. పెద్ద వ్యాపార సంస్థలకు రూ.2వేలకు మించి చెల్లింపులు జరిపితే మర్చంట్‌ డిస్కౌంట్‌ రేట్‌(ఎండీఆర్‌) 0.4శాతం చార్జీలు వసూలు చేయనున్నారు. ఈ చార్జీలు వ్యాపారస్తుల నుంచి వసూలు చేస్తామని చెప్పినప్పటికీ అది చివరకు వినియోగదారుడిపైనే భారం పడుతుంది. ఇలా వినియోగదారుడిపై ప్రతి ఏడాది కోట్లాది రూపాయాలు ఆర్థిక భారం పడనుంది. 70 శాతం సర్వీసులు యూపీఐ పేమెంటే జిల్లావ్యాప్తంగా 5,99,242 విద్యుత్‌ కనెక్షన్లు ఉండగా అందులో గృహజ్యోతి, వ్యవసాయానికి ఉచిత విద్యుత్‌ పోగా మిగతా సర్వీసులకు ప్రతీ నెల బిల్లులను వసూలు చేస్తున్నారు. బిల్లులు చెల్లించే సర్వీసులలో మొత్తంగా 70 శాతం సర్వీసులు యూపీఐ ద్వారానే పేమెంట్‌ చేస్తున్నారు. దీనినిబట్టి చూస్తే చాలామంది యూపీఐని వినియోగిస్తున్నారని అర్థమవుతోంది. విద్యుత్‌ బిల్లులు ఆటో పే ఆప్షన్‌ పెట్టుకుంటే ఎండీఆర్‌ చార్జీలు ఏమీ పడవు. ఇలా ఆటో పే గృహ యజమానులకు అయితే బాగుంటుంది. అదే అద్దెకు ఉండే వారు ఆటో పే పెట్టుకోవడం వల్ల ఒక ఇంటి నుంచి మరో ఇంటికి అద్దెకి మారితే డబ్బులు పోయే ప్రమాదం ఉంటుంది. ఇలా వినియోగదారులు ఇబ్బంది పడే అవకాశాలున్నాయి. ఇంధనం సేల్స్‌లో 60 శాతానికి పైగా యూపీఐ పేమెంట్స్‌ జిల్లాలో పెట్రోల్‌ పంపులలో జరిగిన సేల్స్‌లలో దాదాపు 60 శాతానికి పైగా యూపీఐ ద్వారానే వినియోగదారులు చెల్లింపులు చేస్తున్నారు. హుస్నాబాద్‌ రోడ్‌లోని ఓ పెట్రోల్‌ పంప్‌లో 800 లీటర్ల పెట్రోల్‌, డీజిల్‌ను విక్రయించగా అందులో రూ.70 వేలు యూపీఐ ద్వారా చెల్లింపులు, మిగతా రూ.20 వేలు నగదు రూపంలో వినియోగదారుడు చెల్లించారు. ఇలా అన్ని పెట్రోల్‌ పంప్‌లలో ఎక్కువగా యూపీఐ ద్వారానే పేమెంట్‌లు జరుగుతున్నాయి. యూపీఐ పేమెంట్‌లపై చార్జీల వడ్డన విరమించుకోవాలని ప్రజలు కోరుతున్నారు.విద్యుత్తు బిల్లులు యూపీఐ పేమెంట్‌లు నెల మొత్తం యూపీఐతో పేమెంట్‌ డబ్బులు సర్వీసులు చేసిన సర్వీసులు జూన్‌–2026 1,63,429 1,08,803 రూ.14,44,51,699 జూలై–2026 1,65,240 1,08,570 రూ.12,03,95,073 ఆగస్టు–2026 1,56,433 1,06,670 రూ.9,75,73,636

పటాన్‌చెరు మండలం పెద్ద కంజర్ల నేరేడు చెరువు ఆరుగురు విద్యార్థులను బలి తీసుకుంది. వినాయకుడిని నిమజ్జనం చేసేందుకు చెరువులోకి దిగిన విద్యార్థుల్లో ఒకరు ఒక్కసారిగా మునిగిపోవడంతో.. అతడిని కాపాడేందుకు మరొకరు చేసిన ప్రయత్నం చివరకు ఆరు కుటుంబాల్లో తీరని విషాదాన్ని నింపింది. – సాక్షిప్రతినిధి, సంగారెడ్డి/పటాన్‌చెరు శిరీష చారిటబుల్‌ ట్రస్ట్‌కు చెందిన హాస్టల్‌ విద్యార్థులు సుమారు 20 మంది గణేశ్‌ నిమజ్జనం కోసం ఈ చెరువు వద్దకు వెళ్లారు. మొత్తం ఎనిమిది మంది విద్యార్థులు చెరువులోకి దిగారు. మిగిలిన వారంతా చెరువు గట్టున నిలబడ్డారు. కాస్త ముందుకు వెళ్లి వినాయకుడిని నిమజ్జం చేసే ప్రయత్నంలో ఒక్కసారిగా లోతు ఎక్కువ ఉండటంతో ఓ విద్యార్థి అదుపు తప్పి పడిపోయాడు.. అతడిని పట్టుకునే క్రమంలో మరొకరు.. ఇలా ఎనిమిది మందిలో ఆరుగురు విద్యార్థులు నీట మునిగారు. ఇద్దరు ఈత కొట్టుకుంటూ ఒడ్డుకు చేరారు. ఈ ఘటన జరిగిన ప్రదేశంలో చాలా సంవత్సరాలుగా నిమజ్జం చేస్తున్నారని స్థానికులు అంటున్నారు. అయితే ఊహించని విధంగా లోతు ఎక్కువగా ఉండటంతో ప్రమాదం జరిగిందని చెబుతున్నారు. మృతి చెందిన వారిలో నరసింహరాజ్‌(21), సుమంత్‌ రెడ్డి(17), గణేశ్‌(18), సిద్ధార్థ్‌ (17), శ్యామ్‌ కుమార్‌(17), ఉదయ్‌కుమార్‌(22) ఉన్నారు. విద్యార్థుల మృతదేహాలను పటాన్‌చెరులోని గ్లోబల్‌ ఆస్పత్రికి తరలించారు. ఈ ఘటనపై మంత్రులు పొన్నం ప్రభాకర్‌, దామోదర, మాజీ మంత్రి హ రీశ్‌ రావు త దితరులు తీవ్ర దిగ్భాంతి వ్యక్తం చేశారు. విద్యార్థుల మృతి తనను తీవ్రంగా కలిచివేసిందన్నారు. మృతుల కుటుంబాలకు సానుభూతి తెలిపారు. కాగా సంగారెడ్డి జిల్లాలో పోలీసుశాఖ వద్ద నమోదైన విగ్రహాల సంఖ్య సుమారు 3,525 ఉన్నట్లు ఆశాఖ వర్గాలు తెలిపాయి. నిమజ్జనం చేసే చెరువులు, కుంటలు 66 నమోదైనట్లు తెలిపారు. నిమజ్జనం సమయంలో జాగ్రత్తలు తీసుకోవాలని పోలీసులు సూచిస్తున్నారు. అడ్డగోలు మట్టి తవ్వకాల వల్లే చెరువు వద్ద జరిగిన సంఘటనలో చిన్నారులు మరింత లోతుగా వినాయకుడిని నిమజ్జనం చేయాలనే ఆలోచన వారి మునకకు కారణం అయి ఉంటుందని భావిస్తున్నా రు. అయితే చెరువుల్లో అడ్డగోలు మట్టి తవ్వకాల వల్లే గోతులు ప్రమాద భరితంగా మారుతున్నాయి. నియోజకవర్గంలోని అన్ని చెరువుల మట్టిని రాత్రికి రాత్రి గుట్టు చప్పుడు కాకుండా అమ్ముకుంటున్నారు. పర్యవసానంగా ప్రమాదకర గుంతలు ఏర్పడుతున్నాయి. చెరువులు, కుంటల వద్ద పోలీసులు, అధికారులు ఏర్పాటు చేసిన ప్రదేశాల్లోనే వినాయక విగ్రహాలను నిమజ్జనం చేయాలి. ఎక్కువ లోతు, ఉధృతంగా ప్రవాహం ఉన్న చెరువుల గురించి ముందే తెలుసుకోవాలి. అధికారులు ఏర్పాటు చేసిన కృత్రిమ కొలనులో చిన్న చిన్న విగ్రహాలను నిమజ్జనం చేయడం మంచిది. ర్యాంప్‌ గానీ, ప్లాట్‌ఫామ్‌ నుంచే విగ్రహాన్ని నీటిలోకి వదలాలి. భారీ, పెద్ద విగ్రహాలను తప్పనిసరిగా క్రేన్‌ సహాయంతో నిమజ్జనం చేయాలి. నదిలో ప్రవాహం ఎక్కువ ఉన్న ప్రాంతాలకు వెళ్లకూడదు. ఈత రానివారు, చిన్న పిల్లలు నీటిలోకి దిగకుండా పెద్దలు పర్యవేక్షించాలి. మద్యం సేవించి నిమజ్జనానికి రావడం, నీటిలో దిగడం అస్సలు చేయకూడదు. వినాయక శోభాయాత్ర సమయంలో విద్యుత్‌ తీగలు, రోడ్డు పక్కన ఉన్న ట్రాన్స్‌ఫార్మర్ల వద్ద అప్రమత్తంగా ఉండాలి. విగ్రహం ఎత్తు, బరువు బట్టి అవసరం మేరకు వ్యక్తులను, సహాయకులను అందుబాటులో ఉండేలా చూసు కోవాలి. పోలీసులు,అధికారుల సూచనలు తప్పకుండా పాటించాలి. – సాక్షిప్రతినిధి, సంగారెడ్డి

సిద్దిపేటఎడ్యుకేషన్‌: స్కూల్‌ గేమ్స్‌ ఫెడరేషన్‌(ఎస్‌జీఎఫ్‌) జిల్లా స్థాయి అండర్‌–19 క్రీడా పోటీలను ఈ నెల 17 నుంచి నిర్వహించనున్నారు. ఈ మేరకు అండర్‌–19 ఎస్‌జీఎఫ్‌ జిల్లా అధ్యక్షుడు బుధవారం రవీందర్‌రెడ్డి ఆర్గనైజింగ్‌ సెక్రటరీ ఎం.సమ్మయ్య, స్థానిక కళాశాల ప్రిన్సిపాల్‌ ప్రమీలతో కలిసి వివరాలను వెల్లడించారు. జిల్లా కేంద్రంలోని ప్రభుత్వ జూనియర్‌ కళాశాల(కో–ఎడ్యుకేషన్‌) ఆవరణ లో ఈ నెల 17, 18న అండర్‌ 19 విభాగంలో బాలికలకు కబడ్డీ ఎంపిక పోటీలను, బాలుర కు 19, 21న నిర్వహించనున్నట్లు చెప్పారు. ఇక ఖోఖో పోటీలను గజ్వేల్‌ ప్రభుత్వ బాలికల జూనియర్‌ కళాశాల ఆవరణలో ఈ నెల 25, 26న బాలికలకు, 28, 29న బాలురకు నిర్వహించనున్నట్లు చెప్పారు. ఈ నెల 29న చెస్‌ పోటీలను బాల, బాలికలకు గజ్వేల్‌ ప్రభుత్వ బాలికల జూనియర్‌ కళాశాల కాన్ఫరెన్స్‌ హాల్‌ లో నిర్వహించనున్నట్లు చెప్పారు. క్రీడాకారు లు సకాలంలో రిపోర్టు చేయాలని సూచించారు. మల్లన్న హుండీ ఆదాయం రూ.74.52 లక్షలుకొమురవెల్లి(సిద్దిపేట): కొమురవెల్లి మల్లికార్జున స్వామి వారి ఖజానాకు భక్తులు వేసిన కానుకలతో 63రోజుల్లో హుండీ ద్వారా రూ.74,52,087ల ఆదాయం వచ్చినట్లు ఆలయ కార్యనిర్వహణ అధికారి కట్ట సుధాకర్‌రెడ్డి తెలిపారు. బుధవారం స్వామి వారి ఆలయ ముఖ మండపంలో ఆలయంలోని హుండీలనూ ఆలయఈఓ, ిదేవాదాయ శాఖ సిద్దిపేట డివిజన్‌ ఇన్‌స్పెక్టర్‌ విజయలక్ష్మి ఆధ్వర్యంలో ఆలయ సిబ్బంది, శివరామకృష్ణ భజనమండలి సేవాసమితి సభ్యులు లెక్కించారు. ఈ సందర్భంగా నగదు రూ.74,52,087, మిశ్రమ బంగారం 32గ్రాములు, మిశ్రమ వెండి 3కిలోల 200గ్రాములు,విదేశి కరెన్సీ నోట్లు 31 వచ్చినట్లు ఆలయ అధికారులు తెలిపారు. కార్యక్రమంలో ఆలయ ఏఈఓ బుద్ది శ్రీనివాస్‌, పర్యవేక్షకులు చంద్రశేఖర్‌ పాల్గొన్నారు. ప్రజా కళాజాతరను విజయవంతం చేయండిసిద్దిపేటకమాన్‌: విమలక్క యాభై ఏళ్ల ప్రస్థానం సందర్భంగా ఈ నెల 26, 27, 28వ తేదీల్లో మూడు రోజుల పాటు జరగనున్న ప్రజా కళా జాతరను విజయవంతం చేయాలని ప్రజా సంఘాల ఉమ్మడి వేదిక రాష్ట్ర కన్వీనర్‌ సంతోష్‌ తెలిపారు. సిద్దిపేట ప్రెస్‌క్లబ్‌లో కార్యక్రమానికి సంబంధించిన పోస్టర్‌ను బుధవారం ఆవిష్కరించారు. ఈ సందర్భంగా సంతోశ్‌0 మాట్లాడుతూ..యాభై ఏళ్ల విమలక్క పాటల ప్రస్థానాన్ని ప్రజా కళా జాతరగా నిర్వహిస్తున్నట్లు తెలిపారు. కార్యక్రమంలో ఎల్లం, రమ, ప్రభాకర్‌, మల్లేశం, వేణు, నవీన్‌ తదితరులు పాల్గొన్నారు. కలెక్టరేట్‌లో ప్రజాపాలన వేడుకలుసిద్దిపేటరూరల్‌: తెలంగాణ ప్రజాపాలన దినోత్సవం సందర్భంగా జిల్లాకు ముఖ్యఅతిథిగా రాష్ట్ర బాలల హక్కుల రక్షణ కమిషన్‌ చైర్‌పర్సన్‌ను నియమిస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. ఈ మేరకు ముఖ్యఅతిథి కొత్తకోట సీత కలెక్టరేట్‌కు చేరుకుని 9.55 నిమిషాలకు జాతీయ పతాకాన్ని ఆవిష్కరించనున్నారు. ఇందుకోసం జిల్లా అధికారులు అన్ని ఏర్పాట్లు సిద్దం చేశారు.

బొడ్రాయి వద్ద రోడ్డు వెడల్పునకు అన్ని సంఘాలు ఏకగ్రీవ తీర్మానం దుబ్బాక: పట్టణంలో ఇటీవల ప్రతిష్ఠించిన బొడ్రాయి వద్ద వాహనాల రాకపోకలకు ఇబ్బందులు కలుగకుండా రోడ్డు వెడల్పు చేయాలని రాజకీయాలకతీతంగా అన్ని కుల సంఘాలు ఏకగ్రీవంగా తీర్మానించాయి. పట్టణంలోని బొడ్రాయి వద్ద హిందు,ముస్లిం కులపెద్దలు, పట్టణంలోని అన్ని కుల సంఘాల బాధ్యులు, మున్సిపల్‌ కౌన్సిలర్లు, పట్టణ ప్రముఖులు, అన్ని రాజకీయపార్టీల నాయకులు బుధవారం సమావేశమయ్యారు. ఈ సందర్భంగా బొడ్రాయి నడిరోడ్డుపై ఉండటంతో అక్కడ రోడ్డు వెడల్పు తక్కువగా ఉండటంతో పెద్ద వాహనాలు వెళ్లడం ఇబ్బందిగా తయారైంది. ఈ బొడ్రాయి నుంచే వినాయక విగ్రహాలు నిమజ్జనంకు తీసుకెళ్తారు. దీంతో వినాయక విగ్రహాలు వెళ్లేందుకు రోడ్డు ఇరుకుగా తయారైంది. ఇదే విషయమై సమావేశమైన అన్ని కుల మత సంఘాల బాధ్యులు ఇక్కడ రోడ్డును వెడల్పు చేయాలని తీర్మానించుకున్నారు. పట్టణాభివృద్ధికి రాజకీయాలకు, కుల మతాలకతీతంగా అందరూ ఏకతాటిపై నిలవడం పట్ల ప్రజలు సంతోషం వ్యక్తం చేస్తున్నారు.

యూపీఐ పేమెంట్‌లపై కొత్తగా చార్జీలు విధించడం అన్యాయం. కేంద్ర ప్రభుత్వం నగదు లావాదేవీలు తగ్గించి ఆన్‌లైన్‌ పేమెంట్‌లో ప్రోత్సహించి ఇప్పుడు కొత్తగా ఈ చార్జీల భారం మోపడం పేద సామాన్య మధ్యతరగతి వ్యాపారులు ప్రజలను ఇబ్బందుల గురి చేయడమే. ఈ చార్జీల భారం నిర్ణయాన్ని వెంటనే ఉపసంహరించుకోవాలి. వెంకట రాజశేఖర్‌రెడ్డి, ల్యాబ్‌ టెక్నీషియన్‌, దుబ్బాక మళ్లీ నగదు రూపంలో చెల్లింపులు చేస్తాం కేంద్ర ప్రభుత్వం కొత్తగా రూ.2వేలకు పైగా యూపీఐ లావాదేవీలపై చార్జీలు పెంచడం సరికాదు. ఇలా చార్జీలు వేయడం వలన వినియోగదారుడిపైనే అదనపు భారం పడుతుంది. ఇలా భారం మీద పడే బదులు మళ్లీ నగదు రూపంలో చెల్లింపులకే మొగ్గు చూపుతాం. దీంతో మళ్లీ ఏటీఎంలు, బ్యాంకుల్లో రద్దీ పెరుగుతుంది. పచ్చిమట్ల రవీందర్‌ గౌడ్‌, హుస్నాబాద్‌

బీజేపీ రాష్ట్ర అధికార ప్రతినిధి కప్పర ప్రసాద్‌ప్రశాంత్‌నగర్‌(సిద్దిపేట): ప్రధాని మోదీ జన్మదినం సందర్భంగా రాష్ట్రవ్యాప్తంగా ఆశీర్వాద దీపం వెలిగించనున్నట్లు బీజేపీ రాష్ట్ర అధికార ప్రతినిధి కప్పర ప్రసాద్‌ తెలిపారు. జిల్లా కేంద్రంలోని పార్టీ కార్యాలయంలో బుధవారం నిర్వహించిన సేవా సంకల్ప్‌ అభియాన్‌ కార్యక్రమం ఆయన పాల్గొని మాట్లాడారు. తెలంగాణలో బీజేపీ అధికారంలోకి రాగానే తెలంగాణ విమోచన దినోత్సవాన్ని అధికారకంగా నిర్వహిస్తామని తెలిపారు. కేంద్ర ప్రభుత్వం తెలంగాణ విమోచన దినోత్సవాన్ని నిర్వహించాలని గెజిట్‌ విడుదల చేసిన నాడు బీఆర్‌ఎస్‌, నేడు కాంగ్రెస్‌ పార్టీలు నిర్వహించకపోవడం శోచనీయమన్నారు. ఎంఐఎం పార్టీకి తొత్తులుగా బీఆర్‌ఎస్‌, కాంగ్రెస్‌ పార్టీలు వ్యవహరిస్తున్నాయని ఆరోపించారు. గురువారం హైదరాబాద్‌లోని పరేడ్‌గ్రౌండ్‌లో ఉపరాష్ట్రపతి ముఖ్య అతిథిగా విమోచన దినోత్సవాన్ని నిర్వహించనున్నట్లు తెలిపారు. మోదీ ప్రపంచస్థాయి నాయకుడన్నారు. బ్రిక్స్‌ నిర్వహణను ప్రపంచదేశాలు అభినందించాయన్నారు. జిల్లాలోని బీజేపీ నాయకులు, కార్యకర్తలు, మోదీ అభిమానులు, కేంద్ర పథక లబ్ధిదారులు, గురువారం సాయంత్రం ఇంటింటా ఆశీర్వాద దీపం వెలిగించాలన్నారు. గురువారం నుంచి అక్టోబర్‌ 17 వరకు ప్రత్యేక కార్యక్రమాలు నిర్వహించనున్నట్లు తెలిపారు. గురువారం ఒక్కరోజే తెలంగాణ విమోచనదినోత్సవం, విశ్వకర్మ జయంతి, మోదీ జన్మదినం కావడం విశేషమన్నారు.

సిద్దిపేటఅర్బన్‌: చిన్నకోడూరు మండలంలోని ఓ గ్రామంలో రైతు కొత్తగా బోరు వేసుకున్నాడు. బోరు కోసం విద్యుత్‌ కనెక్షన్‌ కావాలని సంబంధిత లైన్‌మెన్‌ను కలిశాడు. లైన్‌మెన్‌ ఎస్టిమేషన్‌ వేసి రూ.40 వేల వరకు ఖర్చవుతుందని చెప్పగా రైతు డబ్బులు ఇచ్చాడు. సిద్దిపేట అర్బన్‌ మండలంలోని ఓ గ్రామంలో నూతన ఇంటిని నిర్మించుకుంటున్న ఓ వ్యక్తి కరెంట్‌ కనెక్షన్‌ కోసం ఆ గ్రామ లైన్‌మెన్‌ను కలిస్తే అంచనా వేసి రూ.30 వేలు ఖర్చవుతుందని అంతా తానే చూసుకుంటానని చెప్పి డబ్బులు తీసుకున్నాడు. ఇలా అనేకమంది రైతులు, కొత్తగా ఇల్లు నిర్మించుకునే వారు నేరుగా విద్యుత్‌ శాఖ కార్యాలయానికి వెళ్లలేని వారు అధిక మొత్తం చెల్లించి మోసపోతున్నారు. రాష్ట్రం ప్రభుత్వం ఇటీవలే కొత్త విద్యుత్‌ పాలసీని అమలులోకి తెచ్చింది. దీని ప్రకారం వ్యవసాయ కనెక్షన్‌ కోసం రూ.9,125 చెల్లిస్తే ఒక కి.మీ వరకు విద్యుత్‌లైన్‌తోపాటు అవసరమైన పోల్స్‌ను ఉచితంగా విద్యుత్‌ శాఖ అందజేస్తుంది. 1 కి.మీ కంటే ఎక్కువ దూరం ఉంటే అంచనా వ్యయంతోపాటు అవసరమైన పోల్స్‌కు, వైర్‌కు డబ్బులు చెల్లించాల్సి ఉంటుంది. పాత పాలసీ ప్రకారం ఇదే కనెక్షన్‌కు రూ.4,950 చెల్లించేవారు. దీనికి మూడు పోల్స్‌, అవసరమైన వైర్‌ ఇచ్చేవారు. ఎక్కువ అవసరం ఉంటే ఎన్ని పోల్స్‌ అవసరం అవుతాయో దాని ప్రకారం డబ్బులు ఇచ్చి కనెక్షన్‌ తీసుకోవాల్సి ఉండేది. ఇలా మొత్తంగా రూ.40 వేల నుంచి రూ.50 వేల వరకు ఖర్చు వచ్చేది. నూతన గృహ విద్యుత్‌ కనెక్షన్‌ కోసం అయితే రూ.3,925 చెల్లిస్తే 1 కి.మీ లోపు విద్యుత్‌ కనెక్షన్‌ను ఇస్తారు. పాత పాలసీ ప్రకారం దీనికి దాదాపు రూ.20 వేల నుంచి రూ.30 వేల వరకు ఖర్చయ్యేది. అవగాహన లోపంతోనే దోపిడీ నూతన విద్యుత్‌ పాలసీ వల్ల రైతులకు, గృహ వినియోగదారులకు ఎంతో మేలు కలుగుతుంది. అలాంటి పాలసీపై ప్రజలకు అవగాహన కల్పించడంలో అధికారులు విఫలమవుతున్నారు. పాలసీ అమలులోకి వచ్చి దాదాపు ఏడాది దాటిపోయినా ఇప్పటివరకు గ్రామాలలో దీనిపై పూర్తి స్థాయిలో అవగాహన లేకపోవడం గమనార్హం. ఇప్పటికై నా అధికారులు నూతన విద్యుత్‌ పాలసీపై అవగాహన కల్పించాల్సిన అవసరం ఉంది. నూతన విద్యుత్‌ కనెక్షన్‌ కోసం రైతులు, గృహ వినియోగదారులు సిబ్బందికి డబ్బులు ఇవ్వవద్దు. నేరుగా విద్యుత్‌ శాఖ కార్యాలయంలో సంప్రదించి ఆన్‌లైన్‌లో డబ్బులు చెల్లించి అవసరమైన పత్రాలు అందిస్తే 1 కి.మీ వరకు ప్రభుత్వమే కనెక్షన్‌ను ఏర్పాటు చేస్తుంది. మా సిబ్బంది ఎవరైనా ఎక్కువ డబ్బులు వసూలు చేస్తున్నారని మా దృష్టికి తీసుకువస్తే చర్యలు తీసుకుంటాం. – రామచంద్రయ్య, డీఈ, సిద్దిపేట

● ఊరువాడలో విశేష పూజలు ● అంబరాన్నంటిన సంబురాలు గణపయ్యలు ఘనంగా మండపాలలో కొలువుదీరారు. జిల్లావ్యాప్తంగా సోమవారం పట్టణాలు, గ్రామలు, వాడవాడల్లో వినాయక ప్రతిమలను మండపాలలో భక్తులు భక్తిశ్రద్ధలతో ప్రతిష్ఠించారు. మండపాలను విద్యుత్‌ దీపాలతో అలంకరించారు. అనంతరం వేద పండితులతో గణపతి హోమాలు నిర్వహించి, ప్రత్యేక పూజలు చేశారు. స్వామివారికి వివిధ రకాల తీర్థప్రసాదాలు, నైవేద్యాలను సమర్పించారు. దీంతో జిల్లాలో గణపతి నామస్మరణ మార్మోగుతోంది. – ప్రశాంత్‌నగర్‌(సిద్దిపేట)

సిద్దిపేటజోన్‌: మోక్షగుండం విశ్వేశ్వరయ్య జయంతి (ఇంజనీర్స్‌ డే)ని మంగళవారం మున్సిపల్‌ కార్యాలయంలో ఘనంగా నిర్వహించారు. ఈ సందర్భంగా మున్సిపల్‌ కమిషనర్‌ మల్లికార్జున్‌ విశ్వేశ్వరయ్య చిత్ర పటానికి పూలమాలలు వేసి నివాళులర్పించారు. ఆయన చేసిన సేవలను కొనియాడారు. ఈ కార్యక్రమంలో మున్సిపల్‌ మేనేజర్‌ శ్రీనివాస్‌,తదితరులు పాల్గొన్నారు. మిషన్‌ భగీరథ హెడ్‌వర్క్స్‌ వద్ద.. గజ్వేల్‌రూరల్‌: మండల పరిధిలోని కోమటిబండ గుట్టపైగల మిషన్‌ భగీరథ హెడ్‌వర్క్స్‌ వద్ద మంగళవారం ఇంజినీర్స్‌డే వేడుకలను మంగళవారం నిర్వహించారు. ఈ సందర్భంగా మోక్షగుండం విశ్వేశ్వరయ్య విగ్రహానికి పూలమాల వేసిన అనంతరం లయన్స్‌ క్లబ్‌ ప్రతినిధులు రామ్‌ ఫణిధర్‌రావు, మల్లేశంగౌడ్‌, సత్యనారాయణలు డివిజన్‌ స్థాయి ఇంజీనర్లును సన్మానించారు. అనంతరం ఇంజినీర్ల సేవలను కొనియాడారు. కార్యక్రమంలో మిషన్‌ భగీరథ సీఈ రాంచందర్‌నాయక్‌, సిద్దిపేట ఎస్‌ఈ వెంకట్‌రెడ్డి, గజ్వేల్‌ ఈఈ శ్రీనివాస్‌, గజ్వేల్‌ డీఈ రాజు, కొండపాక డీఈ నాగార్జున, ఏఈఈలు శ్రీధర్‌, పవన్‌కుమార్‌, గౌతమ్‌, విశ్లేష్‌, వీణ, గాయత్రితో పాటు సిబ్బంది పాల్గొన్నారు.

హుస్నాబాద్‌: తెలంగాణ విమోచనను అడ్డుపెట్టుకొని కాంగ్రెస్‌, బీఆర్‌ఎస్‌ పార్టీలు ఓటు బ్యాంక్‌ రాజకీయాలకు పాల్పడుతున్నాయని బీజేపీ రాష్ట్ర నాయకుడు చాడ శ్రీనివాస్‌రెడ్డి అన్నారు. తెలంగాణ విమోచన దినోత్సవాన్ని అధికారికంగా నిర్వహించాలన్నారు. మంగళవారం ఆయన విలేకరులతో మాట్లాడుతూ సెప్టెంబర్‌ 17న తెలంగాణ విమోచన దినోత్సవాన్ని అధికారికంగా నిర్వహించాలని బీజేపీ 1997 నుంచి పోరాటం చేస్తోందన్నారు. తెలంగాణలో బీజేపీ అధికారంలోకి రాగానే తెలంగాణ విమోచన దినోత్సవాన్ని అధికారికంగా నిర్వహిస్తోందని తెలిపారు. తెలంగాణ విమోచన చరిత్రను పాఠ్యంశాల్లో చేర్చాలని డిమాండ్‌ చేశారు. కార్యక్రమంలో బీజేపీ జిల్లా ప్రధాన కార్యదర్శి ఖమ్మం వెంకటేశం, అసెంబ్లీ కన్వీనర్‌ లక్ష్మారెడ్డి, నాయకులు, వివిధ మండలాల అధ్యక్షులు పాల్గొన్నారు.

గజ్వేల్‌: టీపీసీసీ అధ్యక్షునిగా పదవీబాధ్యతలు చేపట్టి రెండేళ్లు పూర్తయిన సందర్భంగా మహేశ్‌కుమార్‌గౌడ్‌కు గజ్వేల్‌కు చెందిన టీపీసీసీ అధికార ప్రతినిధి బండారు శ్రీకాంత్‌రావు శుభాకాంక్షలు తెలిపారు. మంగళవారం హైదరాబాద్‌లో ఆయనను కలిసి పుష్పగుచ్ఛం అందజేశారు. మహేశ్‌కుమార్‌గౌడ్‌ నేతృత్వంలో పార్టీ విజయపథంలో నడుస్తున్నదని శ్రీకాంత్‌రావు చెప్పారు. హిందీ పురస్కారాల ప్రదానం చిన్నకోడూరు(సిద్దిపేట): జాతీయ హిందీ భాషా దినోత్సవాన్ని పురస్కరించుకుని మంగళవారం మండల పరిధిలోని అనంతసాగర్‌ ఉన్నత పాఠశాలలో హిందీ పధ్యపఠన విజేతలకు హిందీ పురస్కారాలు అందజేశారు. హిందీ ఉపాధ్యాయులు, కవి భైతి దుర్గయ్య సహకారంతో 45 పద్యాలు చదివిన ఇద్దరు విద్యార్థులకు హిందీ కవితారత్న, 30కి పైగా చదివిన ఐదుగురు విద్యార్థులకు హిందీ కవితా భూషణ్‌, 15కు పైగా చదివిని నలుగురు విద్యార్థులకు హిందీ కవితాశ్రీ పురస్కారాలు, బహుమతులు అందజేశారు. హిందీ చేతివ్రాత, జ్ఞాపక శక్తి పరీక్ష, ఉపన్యాసం, పాటల పోటీలు నిర్వహించి విజేతలకు బహుమతులు అందజేశారు. పేద కుటుంబానికి కార్మికుల అండ చిన్నకోడూరు(సిద్దిపేట): మండల పరిధిలోని మేడిపల్లిలో పేద భవన నిర్మాణ కార్మికుడు బాలయ్య అనారోగ్యంతో మృతి చెందాడు. విషయం తెలుసుకున్న కార్మిక సంఘం మండల అధ్యక్షులు చెరుకు నారాయణ మంగళవారం ఆ కుటుంబాన్ని పరామర్శించారు. రూ.10 వేలు ఆర్థిక సాయం, బియ్యం అందజేశారు. ఆ కుటుంబానికి అన్ని విధాల అండగా ఉంటామని భరోసా ఇచ్చారు. కార్మికులు తదితరులు ఉన్నారు. పారిశుద్ధ్యం మెరుగుకు చర్యలు దుబ్బాకటౌన్‌: మున్సిపల్‌ పరిధిలో మెరుగైన పారిశుద్ధ్యానికి అన్ని రకాల చర్యలు తీసుకుంటున్నట్లు, ప్రజలు సైతం తమ పరిసరాలను పరిశుభ్రంగా ఉంచుకోవాలని దుబ్బాక మున్సిపల్‌ కమిషనర్‌ మహేశ్‌ కుమార్‌ అన్నారు. మంగళవారం దుబ్బాక పట్టణంలోని రెండు పడక గదుల గృహ సముదాయంలో పారిశుద్ధ్యం పనులు చేపట్టారు. ఈ సందర్భంగా ఆయన మాట్లాడుతూ రోజూ చెత్తను పారిశుద్ధ్య వాహనాల్లో వేయాలని, ఇష్టారీతిన మురుగు కాల్వల్లో, బహిరంగ ప్రదేశాల్లో వేయరాదన్నారు. సీజనల్‌ వ్యాధులు వ్యాప్తి చెందకుండా బ్లీచింగ్‌, ఫాగింగ్‌ చేయిస్తామన్నారు. కార్యక్రమంలో మున్సిపల్‌ సిబ్బంది దిలీప్‌, అనిల్‌, విష్ణు తదితరులు ఉన్నారు. పీసీసీ సోషల్‌ మీడియా కార్యదర్శిగా డీవీ రావు బెజ్జంకి(సిద్దిపేట): టీపీసీసీ సోషల్‌ మీడియా కార్యదర్శిగా బెజ్జంకి మండల కేంద్రానికి చెందిన దోనె వెంకటేశ్వర్‌రావును నియమించినట్లు రాష్ట్ర చైర్మన్‌ నవీన్‌ సోమవారం ఒక ప్రకటనలో పేర్కొన్నారు. నూతన బాధ్యతలు చేపట్టిన వెంకటేశ్వర్‌రావును మంగళవారం సహకార సంఘం చైర్మన్‌ ఒగ్గు దామోదర్‌ ఘనంగా సన్మానించారు. క్రీడలతో ఆరోగ్యం

డివిజన్‌ వ్యవసాయాధికారి బాబూనాయక్‌కొండపాక(గజ్వేల్‌): నానో యూరియాలో నత్రజని పోషకం ఎక్కువ శాతం ఉంటుందని గజ్వేల్‌ డివిజన్‌ వ్యవసాయాధికారి బాబూనాయక్‌ పేర్కొన్నారు. కుకునూరుపల్లి మండలంలోని మేదినీపూర్‌ గ్రామంలోని పత్తి పంటలను మంగళవారం పరిశీలించారు. ఈ సందర్భంగా బాబూనాయక్‌ మాట్లాడుతూ.. సాధారణ యూరియా వాడకం కంటే నానో యూరియాను వాడటం వల్ల మొక్కలకు నత్రజని పోషకం ఎక్కువ శాతం అందుతుందన్నారు. నేల నీరు కలుషితం కాకుండా నానో యూరియా దోహదపడుతుందన్నారు. సాధారణ యూరియాను పంటలకు చల్లుకోవడం ద్వారా పోషకాలు వేరు భాగాల్లో నుంచి కొంత మేర ఆలస్యంగా మొక్కలకు అందుతాయన్నారు. కానీ నానో యూరియాను స్ప్రే చేసుకోవడం ద్వారా ఆకులపై పడటంతో పోషకాలు త్వరగా అందే అవకాశాలుంటాయని, ఈ విషయాన్ని రైతులు గమనించాలన్నారు. అంతకు ముందు నానో యూరియా లాభాలపై రైతు వేదికలో అవగాహన కల్పించారు. ఈ కార్యక్రమంలో ఏఓ గోవిందరాజు,ఎంపీఓ నాగభూషణం,ఏఈఓ రమ్యశ్రీ, రైతులు పాల్గొన్నారు.

గౌరవెల్లి ప్రాజెక్టు నుంచి నేరుగా హుస్నాబాద్‌కు తాగునీరు ● రోజూ సురక్షితమైన నీటి సరఫరా.. సర్వే పనులు ముమ్మరం ● 15న ప్రపంచ బ్యాంక్‌ అధికార ప్రతినిధుల బృందం పర్యటన హుస్నాబాద్‌: మున్సిపల్‌ పరిధిలోని పట్టణ ప్రజలకు ప్రతీరోజు తాగునీటిని అందించేందుకు కేంద్ర, రాష్ట్ర ప్రభుత్వాలు బృహత్తర నీటి పథకానికి శ్రీకారం చుట్టాయి. తాగునీటి వ్యవస్థను మరింత బలోపేతం చేసేందుకు ప్రణాళికలు సిద్ధం చేశారు. అర్బన్‌ చాలెంజ్‌ ఫండ్‌ కింద రూ.70 కోట్లతో ఈ ప్రాజెక్టును నిర్మించనున్నారు. గౌరవెల్లి ప్రాజెక్టు నుంచి నేరుగా హుస్నాబాద్‌ పట్టణ ప్రజలకు సురక్షితమైన నీటిని అందించేందుకు ఇరిగేషన్‌, మున్సిపల్‌ అధికారులు సర్వే పనులను ముమ్మరం చేశారు. హుస్నాబాద్‌ పట్టణ ప్రజలకు ప్రస్తుతం మహ్మదాపూర్‌ మిషన్‌ భగీరథ సంప్‌ నుంచి 2.7ఎంఎల్‌డీ నీటి సరఫరా చేస్తోంది. ఒక్కో వ్యక్తికి రోజు 135 ఎల్‌పీసీడీ (లీటర్స్‌ పర్‌ క్యాపిటా పర్‌ డే) నీటిని సరఫరా చేయాల్సి ఉంది. ప్రస్తుతం 80 ఎల్‌పీసీడీ నీటిని మాత్రమే సరఫరా చేస్తున్నారు. మిషన్‌ భగీరథ నీటిని రెండు రోజులకొకసారి మాత్రమే నీటి సరఫరా విడుదల కావడంతో పట్టణ ప్రజలు తాగునీటికి ఇబ్బందులు పడుతున్న పరిస్థితి. 40 ఏళ్ల వరకు నీటి అవసరాలు దృష్టిలో పెట్టుకుని.. హుస్నాబాద్‌ పట్టణంలో దాదాపు 6వేలకు పైగానే నల్లా కలెక్షన్లున్నాయి. దాదాపు 30వేలకు పైగా జనాభా ఉంది. త్వరలో హుస్నాబాద్‌ మున్సిపల్‌ పరిధిలోకి నాగారం, పోతారం(ఎస్‌), గాంధీనగర్‌, మాలపల్లి, పందిల్ల, మహ్మదాపూర్‌ వంటి గ్రామాలు విలీనం కానున్నాయి. ప్రస్తుతం ఉన్న తాగునీటి అవసరాలే కాకుండా దాదాపు 30 నుంచి 40 ఏళ్ల వరకు సరిపడే విధంగా తాగునీటి అవసరాలను దృష్టిలో పెట్టుకుని అందుకు తగ్గట్లుగా ప్రణాళికలు రూపొందిస్తున్నారు. అర్బన్‌ చాలెంజ్‌ ఫండ్‌ ద్వారా కేంద్ర ప్రభుత్వం 25% (రూ.17.50 కోట్లు), వరల్డ్‌ బ్యాంక్‌ ద్వారా (రూ.35కోట్లు), రాష్ట్ర ప్రభుత్వం, మున్సిపాలిటీ (రూ.17.50 కోట్లు) వాటా ధనంతో ప్రాజెక్టును నిర్మించాలని ప్రణాళికలు సిద్ధం చేశారు. తాగునీటికి ఇబ్బందులు ఉండవు గౌరవెల్లి రిజర్వాయర్‌ నుంచి నేరుగా హుస్నాబాద్‌ వరకు చేపట్టే తాగునీటి పథకం ద్వారా భవిష్యత్‌లో తాగునీటి ఇబ్బందులు ఉండవు. ఎండాకాలంతోపాటు ఏ కాలంలోనైనా ప్రతీ రోజు తాగునీరు సరఫరా చేసే అవకాశం ఉంటుంది. మిషన్‌ భగీరథ నీటి సరఫరా ఉన్నా లేకున్నా గౌరవెల్లి ద్వారా వచ్చే నీరు ఎల్లప్పుడు అందుబాటులో ఉంటుంది. ఈ పథకం హుస్నాబాద్‌కు అతి పెద్ద నీటి వనరుగా ఎంతో ఉపయోగంగా ఉంటుంది. –మల్లికార్జున్‌, మున్సిపల్‌ కమిషనర్‌, హుస్నాబాద్‌

తెలంగాణ రైస్‌ మిల్లు అసోసియేషన్‌ సమావేశం ప్రశాంత్‌నగర్‌(సిద్దిపేట): రాష్ట్ర వ్యాప్తంగా గత కొద్ది రోజులుగా కొనసాగుతున్న సోదాలు నిలిపివేయాలని తెలంగాణ రైస్‌ మిల్‌ అసోసియేషన్‌ సభ్యులు డిమాండ్‌ చేశారు. జిల్లా కేంద్రంలోని ఆర్యవైశ్య కన్వేన్షన్‌ హాల్‌లో శనివారం తెలంగాణ రైస్‌ మిల్‌ అసోసియేషన్‌ ఆధ్వర్యంలో నిర్వహించిన సమావేశానికి రాష్ట్రంలోని 33 జిల్లాల కార్యవర్గ సభ్యులు హాజరయ్యారు. ఈ సందర్భంగా వారు మాట్లాడుతూ...రాష్ట్రంలోని రైస్‌ మిల్లులకు వరి ధాన్యం కేటాయించకపోవడం దారుణమన్నారు. మూడు రోజులుగా కలెక్టర్‌, పట్టణాల్లో, జిల్లా కేంద్రాల్లో రైస్‌ మిల్లర్ల ఆధ్వర్యంలో నిరసన కార్యక్రమాలు నిర్వహిస్తున్నామని తెలిపారు. రైతులతోనే రైస్‌ మిల్లుల నిర్వహణ ముందుకు సాగుతుందని, రైతులు లేనిదే రైస్‌ మిల్లులు నిర్వహణ కష్టమన్నారు. 9.60కోట్ల మెట్రిక్‌ టన్నుల బియ్యం 2014 నుంచి 2024 వరకు రాష్ట్రంలో 9.70 కోట్ల మెట్రిక్‌ టన్నుల వరి ధాన్యం ప్రభుత్వం రైస్‌ మిల్లులకు ఇవ్వగా 9.60కోట్ల మెట్రిక్‌ టన్నుల బియ్యంను ప్రభుత్వానికి తిరిగి ఇచ్చామన్నారు. కొందరు మిల్లర్లు చేసిన అవినీతికి అందరిని ఇబ్బందులకు గురి చేయడం సరికాదన్నారు. అవినీతి పరులను రైస్‌ మిల్‌ అసోసియేషన్‌ నుంచి తొలగిస్తామని స్పష్టం చేశారు. ఈ ఏడాది 75లక్షల మెట్రిక్‌ టన్నుల వరిధాన్యం ఇవ్వగా 51లక్షల మెట్రిక్‌ టన్నుల బియ్యం అందించనున్నట్లు తెలిపారు. అందుకు గాను డిసెంబర్‌ 31 వరకు సమయం ఇవ్వాలన్నారు. రైస్‌ మిల్లర్‌లకు, రాష్ట్ర ప్రభుత్వానికి ఏర్పడిన ప్రతిష్ఠంభన తొలగాలంటే చర్చలు నిర్వహిస్తే 75% సమస్యలు పరిష్కారం అవుతాయన్నారు.

కలెక్టర్‌ ఆకస్మిక తనిఖీ బెజ్జంకి(సిద్దిపేట): మండల కేంద్రంలో శనివా రం కలెక్టర్‌ హైమావతి ఆకస్మికంగా పర్యటించారు. ప్రాథమిక ఆరోగ్య కేంద్రాన్ని తనిఖీ చేసి హాజరు, ఓపీ రిజిస్టర్లను పరిశీలించారు. 24 గంటలూ రోగులకు అందుబాటులో ఉండి సేవలందించాలని సూచించారు. సీజనల్‌ వ్యాధుల వివరాలను అడగి తెలుసుకున్నారు. శానిటేషన్‌ డ్రైవ్‌ చేపట్టి సీజనల్‌ వ్యాధులపై ప్రజలకు అవగాహన కల్పించాలని ఆదేశించారు. అనంతరం పీఎంశ్రీ మాడల్‌ స్కూల్‌ను తనిఖీ చేశారు. మధ్యాహ్న భోజన ప్రక్రియను పరిశీలించారు. కార్యక్రమంలో ఆస్పత్రి, మోడల్‌ స్కూల్‌ సిబ్బంది పాల్గొన్నారు. ఎడ్ల లక్ష్మీకి బాల సాహిత్య పురస్కారం ప్రశాంత్‌నగర్‌(సిద్దిపేట): బాల సాహిత్యంలో విశేష కృషి చేస్తున్నందుకు జిల్లా కేంద్రానికి చెందిన ఎడ్ల లక్ష్మీ జాతీయ బాల సాహిత్య పురస్కారం అందుకున్నారు. సిరిసిల్లలో రంగి నేని ట్రస్ట్‌ నిర్వహిస్తున్న పిల్లల పండుగలో భాగంగా నిర్వహించిన కార్యక్రమంలో ఎడ్ల లక్ష్మీ పురస్కారం అందుకున్నట్లు బాలసాహితీవేత్త ఉండ్రాళ్ల రాజేశం శనివారం తెలిపారు. కార్యక్రమంలో డాక్టర్‌ పత్తిపాక మోహన్‌, గరిపల్లి అశోక్‌, సిద్దిపేట బాలసాహితీవేత్తలు తదితరులు పాల్గొన్నారన్నారు. పాలనలో కాంగ్రెస్‌ ప్రభుత్వం విఫలం ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి గజ్వేల్‌: అబద్ధపు పునాదులపై ఏర్పడిన కాంగ్రెస్‌ ప్రభుత్వం అన్ని రంగాల్లో వైఫ్యల్యాలను చాటుకున్నదని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి మండిపడ్డారు. శనివారం వర్గల్‌ మండలం శేరిపల్లి గ్రామానికి చెందిన మాజీ ఎంపీటీసీ బోయిని కుమార్‌, బీజేపీ వార్డు సభ్యురాలు లావణ్య, కాంగ్రెస్‌ సీనియర్‌ నాయకుడు కనకయ్యలు బీఆర్‌ఎస్‌లో చేరారు. ఎమ్మెల్యే క్యాంపు కార్యాలయం ఆవరణలో ప్రతాప్‌రెడ్డి వారికి కండువా కప్పి పార్టీలోకి ఆహ్వానించారు. అనంతరం మాట్లాడుతూ కేసీఆర్‌ రాష్ట్రాన్ని అన్ని రంగాల్లో అగ్రభాగాన నిలబెడితే.. నేడు రేవంత్‌రెడ్డి ఆధోగతి పాలుచేస్తున్నారని ఆందోళన వ్యక్తం చేశారు. ఎన్నికల్లో ఇచ్చిన హామీలను గాలికొదిలేసిన కాంగ్రెస్‌ను ప్రజలు ఇక క్షమించరని చెప్పారు. కార్యక్రమంలో వర్గల్‌ మండల బీఆర్‌ఎస్‌ అధ్యక్షుడు వెంకట్‌రెడ్డి, శేరిపల్లి సర్పంచ్‌ పావని, బీఆర్‌ఎస్‌ జిల్లా యువజన విభాగం అధ్యక్షుడు నాగరాజు, వర్గల్‌ మాజీ సర్పంచ్‌ శ్రీనివాస్‌రెడ్డి తదితరులు పాల్గొన్నారు.

అక్కన్నపేట మండలం గౌరవెల్లి రిజర్వాయర్‌ నుంచి నేరుగా హుస్నాబాద్‌ పట్టణానికి తాగునీటి సరఫరా చేసేందుకు చేపట్టే ప్రాజెక్టు సర్వే పనులను ఇరిగేషన్‌, మున్సిపల్‌ అధికారులు ముమ్మరం చేశారు. ఈ నెల 15న వరల్డ్‌ బ్యాంక్‌ అధికారుల ప్రతినిధి బృంద సభ్యులు గౌరవెల్లి ప్రాజెక్టును సందర్శించనున్నారు. ప్రాజెక్టు తీరుతెన్నులు పరిశీలించి పలు సలహాలు, సూచనలు చేయనున్నారు. రిజర్వాయర్‌ వద్ద ఇంటెక్‌ వెల్‌ను ఏర్పాటు చేసి, నీటి సరఫరా కోసం ప్రత్యేకంగా విద్యుత్‌ మోటర్లను బిగించనున్నారు. ఎల్లమ్మ చెరువు సమీపంలోని సమ్మక్క సారలమ్మ గద్దెల వద్ద రూ.4 కోట్ల వ్యయంతో వాటర్‌ ట్రీట్‌మెంట్‌ కోస్ట్‌ను నిర్మిస్తారు. గౌరవెల్లి నుంచి హుస్నాబాద్‌ వరకు దాదాపు 6 కిలో మీటర్ల మేర పైపులైన్‌ నిర్మించి నేరుగా నీటి శుద్ధి కేంద్రానికి నీటిని తరలిస్తారు. శుద్ధి చేసిన నీటిని సిద్ధేశ్వరాలయం గుట్టపై ఏర్పాటు చేసిన అతి పెద్ద నీటి ట్యాంక్‌లోకి పంపిస్తారు. అక్కడి నుంచి మిగతా ట్యాంక్‌ల ద్వారా ప్రతీ రోజు ఇంటింటికీ నీటి సరఫరా చేస్తారు. ఈ ప్రాజెక్టు ద్వారా గౌరవెల్లి నుంచి రోజు 10 ఎంఎల్‌డీ అంటే కోటి లీటర్ల నీటిని హుస్నాబాద్‌కు తరలించే అవకాశం ఉంటుంది. సర్వే పనులు సకాలంలో పూర్తి చేస్తే వచ్చే నెలలో సీఎం రేవంత్‌రెడ్డి సిద్దిపేట జిల్లా పర్యటనలో భాగంగా తాగునీటి ప్రాజెక్టు నిర్మాణానికి శంకుస్థాపన చేసే అవకాశం ఉంటుందని విశ్వసనీయవర్గాల సమాచారం.

ఆదివారం శ్రీ 13 శ్రీ సెప్టెంబర్‌ శ్రీ 2026ఈసారి నిమజ్జనానికి నీళ్లేవీ? గణపతి నవరాత్రి ఉత్సవాల్లో భాగంగా పర్యావరణ పరిరక్షణకు చాలా మంది భక్తులు మట్టి వినాయక ప్రతిమలకు ప్రాధాన్యం ఇస్తున్నారు. మట్టి వినాయకులను ప్రతిష్ఠించి, పూజించే వారిని ‘సాక్షి’ ప్రోత్సహిస్తోంది.ఇందులో భాగంగా మట్టి వినాయకులను పూజించే భక్తులు సెల్ఫీ తీసుకుని ‘సాక్షి’కి పంపిస్తే, వారి ఫొటోలను ప్రచురించనున్నాం. వాట్సాప్‌ 8686960064కు పంపించండి మరి.. వినాయక చవితి పండుగ వచ్చే నాటికే చెరువులు, కుంటలు జలకళను సంతరించుకునేవి.. ఎల్‌నినో ప్రభావంతో ఈసారి పరిస్థితి అందుకు భిన్నంగా ఉంది. ప్రస్తుతం చెరువులు, వంకలు, వాగులు వెలవెలబోతున్నాయి. చాలా వరకు చెరువులు ఎండి, బీటలు వారగా, మరికొన్ని చోట్ల నీళ్లు అడుగంటాయి. వినాయక విగ్రహాల నిమజ్జనానికీ నీళ్లు లేని పరిస్థితి నెలకొంది. సోమవారం వినాయక చవితి పండుగను పురస్కరించుకుని జిల్లా వ్యాప్తంగా 3,250కి పైగావినాయక ప్రతిమలను ఏర్పాటు చేసేందుకు సిద్ధం చేశారు. నిమజ్జనాలకు చెరువుల్లో నీళ్లు చాలా తక్కువగా ఉండటంతో మండపాల నిర్వాహకులు ఆందోళన చెందుతున్నారు. – సాక్షి, సిద్దిపేట జిల్లా వ్యాప్తంగా ఇప్పటి వరకు సగటున 510 మిల్లీమీటర్ల వర్షం కురవాల్సి ఉండగా ఇప్పటి వరకు 452 మిల్లీమీటర్ల వర్షపాతం నమోదైంది. చాలా మండలాల్లో లోటు వర్షపాతమే నమోదైంది. జిల్లా వ్యాప్తంగా సగం చెరువుల్లో 25శాతం లోపే నీళ్లు ఉన్నాయి. ప్రతీ ఏడాది వినాయక చవితి సమయానికి చెరువులు నిండు కుండలా దర్శనమిచ్చేవి. జిల్లాలో 2,281 చెరువులుండగా అందులో 1,036 చెరువులో 25శాతం లోపు, 25 నుంచి 50శాతం లోపు 724 చెరువులు, 50 నుంచి 75శాతంలోపు 379 చెరువులు, 75 నుంచి 100శాతం వరకు 125 చెరువులు, 17 చెరువులు మత్తడి పోస్తున్నాయి. 25శాతంలోపు నీళ్లు ఉన్న చెరువులలో వినాయక నిమజ్జనం చేయడం కష్టంగా ఉండనుంది. వినాయక నిమజ్జనం వరకై నా వర్షాలు కురిసి చెరువులు నిండాలని భక్తులు కోరుకుంటున్నారు. 21 రకాల పత్రులకు ఇబ్బందే.. వినాయక చవితి సందర్భంగా 21 రకాల పత్రులతో పూజలు నిర్వహిస్తారు. ఈ సారి వర్షాలు తక్కువ కురవడంతో సంబంధించిన మొక్కలు, చెట్లు అంతగా పెరగలేదు. దీంతో వినాయక చవితి సందర్భంగా అవసరమైన అన్ని రకాల పత్రులలను సేకరించడం భక్తులకు కష్టంగా మారుతోంది. మట్టి గణపతికే ప్రాధాన్యం నవరాత్రులు ముగిసిన తర్వాత గణనాథుడిని నిమజ్జనం చేయడం ఆనవాయితీ, అయితే ప్లాస్టర్‌ ఆఫ్‌ పారిస్‌(పీఓపీ), రసాయన రంగులు అద్దిన విగ్రహాలను నీటిలో నిమజ్జనంచేయడం వల్ల జలవనరులు కలుషితమయ్యే ప్రమాదం ఉంది. పీఓపీ నీటిలో త్వరగా కరగకపోవడంతో పాటు, రసాయన రంగులతో నీటి నాణ్యత పై ప్రభావం చూపే అవకాశం ఉంటుంది. మట్టి వినాయక విగ్రహాలను ఏర్పాటు చేయడం, సహజ రంగులను వినియోగించడం ద్వారా పర్యావరణాన్ని కాపాడుకోవచ్చని పర్యావరణ వేత్తలు సూచిస్తున్నారు.ఈ ఫొటోలో కనిపిస్తున్నది కొండపాక మండలం కమ్మంపల్లి చెరువు. ఈ గ్రామంలో దాదాపు 8 వరకు గణపతి మండపాలున్నాయి. ఈ గ్రామ చెరువులో చాలా తక్కువగా నీళ్లు ఉన్నాయి. ఐదు ఫీట్ల గణపతి విగ్రహాన్ని నిమ జ్జనం చేస్తే మునిగే పరిస్థితి కనిపించడం లేదు. మట్టి గణపతిని పూజిద్దాం పర్యావరణాన్ని పరిరక్షిద్దాం.. మట్టి గణపతిని పూజిద్దాం.. పీఓపీ విగ్రహాలను నిమజ్జనం చేయడం వలన జలజీవరాశులు అంతరించిపోయే ప్రమాదం ఉంది. రసాయన రంగులను స్ప్రే చేయడంతో తయారు చేసే వారు లంగ్స్‌ సంబంధిత వ్యాధుల బారీన పడుతున్నారు. మట్టి గణపతికి సహజ రంగులను వినియోగించాలి. – డాక్టర్‌ డీఎన్‌. స్వామి, పర్యావరణ ప్రేమికుడు

● రేషన్‌ డీలర్లపై అధికారుల వత్తిడి సరికాదు ● రాష్ట్ర అసోసియేషన్‌ అధ్యక్షుడు నాయికోటి రాజుసిద్దిపేటజోన్‌: రాష్ట్ర ప్రభుత్వం ఎన్నికల మేనిఫెస్టోలో ఇచ్చిన హామీలను అమలు చేయాలని రాష్ట్ర రేషన్‌ డీలర్ల అసోసియేషన్‌ అధ్యక్షుడు నాయికోటి రాజు డిమాండ్‌ చేశారు. శనివారం జిల్లా కేంద్రంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. రాష్ట్రంలో సన్నబియ్యం పంపిణీ జరుగుతున్న నేపథ్యంలో 18నెలలుగా దొడ్డు బియ్యం రేషన్‌ దుకాణాల్లో నిల్వ ఉంచి అధికారులు ఇబ్బందులు పెడుతున్నట్లు ఆరోపించారు. బియ్యం వెనక్కి ఇవ్వని వారిపై కేసులు నమోదు చేస్తామని అధికారులు బెదిరింపు చర్యలకు పాల్పడడం తగదన్నారు. అధికారులు తమ వైఖరిని మార్చుకోవాలని సూచించారు. రేషన్‌ డీలర్లకు రెండవ కమిషన్‌ పేరిట రూ 300 చెల్లించాలని,అదేవిధంగా కార్పొరేషన్‌ పరిధిలో బకాయిలు ఉన్నా రూ 100 కోట్లను వాటిని వెంటనే చెల్లించాలని డిమాండ్‌ చేశారు. ఎన్నికల మ్యానిఫెస్టోలో ఇచ్చిన హామీ మేరకు తొమ్మిది రకాల నిత్యావసర వస్తువులు అందుబాటులోకి తేవాలన్నారు. సమస్యలపై సంఘటితంగా పోరాటం చేస్తామన్నారు. సమావేశంలో జిల్లా అసోసియేషన్‌ అధ్యక్షుడు నాగరాజు, ప్రతినిధులు ప్రభాకర్‌, శేఖర్‌, ప్రకాష్‌, తదితరులు పాల్గొన్నారు.

● జిల్లా ప్రధాన న్యాయమూర్తి సుదర్శన్‌ ● లోక్‌ అదాలత్‌లో దివ్యాంగులకు జాబ్‌ మేళా ● 30 మందికి ఉద్యోగాల కల్పన సిద్దిపేటకమాన్‌: లోక్‌ అదాలత్‌లో మొత్తం 7,613 కేసులు పరిష్కరించినట్లు జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి సుదర్శన్‌ తెలిపారు. సిద్దిపేట జిల్లా కోర్టు ఆవరణలో శనివారం జాతీయ లోక్‌ అదాలత్‌ నిర్వహించారు. దివ్యాంగులకు జాబ్‌ మేళా కార్యక్రమం నిర్వహించారు. ఈ సందర్భంగా జిల్లా ప్రధాన న్యాయమూర్తి మాట్లాడుతూ..సివిల్‌, క్రిమినల్‌, చెక్‌ బౌన్స్‌, రోడ్డు ప్రమాద కేసుల్లో రాజీ మార్గం ద్వారా లోక్‌ అదాలత్‌లో కేసులను పరిష్కరించుకోవడానికి ఇరు వర్గాలు ముందుకు రావాలన్నారు. దివ్యాంగుజన్‌ కౌశల్‌ వికాస్‌, దివ్యాంగుజన్‌ రోజ్‌గార్‌ సేతు కార్యక్రమాలపై అవగహన కల్పించి దివ్యాంగుల సంక్షేమ శాఖ, చేయూత పెన్షన్‌ కోసం దరఖాస్తులు స్వీకరించినట్లు తెలిపారు. గ్రామీణ అభివృద్ధి శాఖ, ఆర్‌సెటి ద్వారా శిక్షణ, ఉపాధి అవకాశాలు కల్పించే కార్యక్రమం ఏర్పాటు చేసినట్లు చెప్పారు. దివ్యాంగులకు జాబ్‌ మేళా ద్వారా 175మంది ఇంటర్వ్యూలకు హాజరుకాగా, వీరిలో 30మందికి ఉద్యోగ అవకాశాలు కల్పించినట్లు తెలిపారు. అనంతరం కోర్టు ఆవరణలో ఏర్పాటు చేసిన గ్రామీణ అభివృద్ధి శాఖ సంక్షేమ శాఖ, ఉపాధి కల్పన శాఖ, లీడ్‌ బ్యాంక్‌ స్టాళ్లను న్యాయమూర్తులు పరిశీలించారు. లోక్‌ అదాలత్‌లో పరిష్కరించిన కేసుల్లో 36 సివిల్‌, 7,549 క్రిమినల్‌, మోటారు ప్రమాద 28కేసులున్నాయని తెలిపారు. మోటారు వాహన ప్రమాద కేసుల్లో రూ.1,34,05,000 ఇప్పించినట్లు తెలిపారు. కార్యక్రమంలో అదనపు న్యాయమూర్తి జయప్రసా ద్‌, న్యాయ సేవాధికార సంస్థ కార్యదర్శి, న్యాయ మూర్తి సౌజన్య, జిల్ల వెల్ఫేర్‌ ఆఫీసర్‌ శారద, లీడ్‌ బ్యాంక్‌ మేనేజర్‌ హరిబాబు, జిల్లా ఎంప్లాయిమెంట్‌ అధికారి ప్రియాంక, బార్‌ అసోసియేషన్‌ అధ్యక్షు డు రమేష్‌బాబు, ఏసీపీ రవీందర్‌రెడ్డి, సీఐలు వాసుదేవరావు, మహేందర్‌రెడ్డి, మురళి, లక్ష్మీబాబు, న్యాయవాదులు, తదితరులు పాల్గొన్నారు.

● కలెక్టరేట్‌ ఎదుట రైస్‌మిల్లర్ల నిరసన ● జిల్లా రైస్‌మిల్లర్స్‌ అసోసియేషన్‌ అధ్యక్షుడు కొమురవెల్లి చంద్రశేఖర్‌ సిద్దిపేటరూరల్‌: ప్రభుత్వం గత మూడు పంటలకు సంబంధించిన ధాన్యాన్ని రైస్‌మిల్లులో నిల్వ ఉంచడం వల్ల తీవ్ర నష్టం వాటిల్లే అవకాశముందని వెంటనే ప్రభుత్వం నిల్వ ఉంచిన ధాన్యాన్ని కొనుగోలు చేయాలని జిల్లా రైస్‌మిల్లర్స్‌ అసోసియేషన్‌ అధ్యక్షుడు, కొమురవెల్లి చంద్రశేఖర్‌ ప్రభుత్వాన్ని డిమాండ్‌ చేశారు. జిల్లా రైస్‌మిల్లర్ల అసోసియేషన్‌ ఆధ్వర్యంలో ప్రభుత్వం నిల్వ ఉంచిన ధాన్యాన్ని తీసుకోవాలని కోరుతూ శుక్రవారం కలెక్టరేట్‌ ఎదుట నిరసన కార్యక్రమాన్ని చేపట్టారు. ఈ సందర్భంగా జిల్లా అధ్యక్షుడు చంద్రశేఖర్‌, రూరల్‌ అధ్యక్షుడు రాజు మాట్లాడుతూ... ప్రభుత్వం గత 3 పంటలకు సంబంధించి సుమారు రూ. 1500 కోట్ల విలువైన ధాన్యం నిల్వలున్నాయన్నారు. ఎక్కువ రోజులుగా నిల్వ ఉండటం వల్ల నాణ్యత దెబ్బతిని పాడవుతాయని ఆందోళన వ్యక్తం చేశారు. అధికారులు తనిఖీ చేస్తే నిల్వలు తక్కువగా ఉన్నట్లు చూపే పరిస్థితి ఏర్పడుతుందన్నారు. గత మూడేళ్ల క్రితం ఎఫ్‌సీఐ అధికారులు స్థలం కేటాయించినప్పటికీ అదే సీజన్‌లో డెలివరీ చేయలేకపోతున్నట్లు తెలిపారు. పాత ధాన్యాన్ని తీసుకున్న తర్వాతే కొత్త ధాన్యం కేటాయించాలని డిమాండ్‌ చేశారు.

● విద్యార్థుల్లో జాతీయభావం అవసరం ● ఎంపీ రఘునందన్‌ రావు సిద్దిపేటజోన్‌: సమాజంలో గురువులకు ఒక అత్యున్నత గౌరవ స్థానం ఉందని మెదక్‌ ఎంపీ రఘునందన్‌ రావు అన్నారు. శుక్రవారం టీటీసీ భవన్‌లో జిల్లా విద్యాశాఖ ఆధ్వర్యంలో ఉత్తమ ఉపాధ్యాయుల సన్మాన కార్యక్రమంలో ఆయన పాల్గొని మాట్లాడారు. విద్యార్థుల్లో జాతీయ భావం మరింత పెంపొందించేందుకు కృషి చేయాలని సూచించారు. వచ్చే తరానికి జనగణమన, వందేమాతరం గీతాల పట్ల పూర్తి స్థాయిలో అవగాహన కల్పించాలన్నారు. అవార్డులు, రివార్డులు ముఖ్యం కాదని, మీకు విద్యార్థులు ఇచ్చే గౌరవం పెద్ద పురస్కారమన్నారు. అవార్డులు అనేది మనిషికి ఉత్సహం, ప్రోత్సాహం అందిస్తుందన్నారు. అవార్డులు రానివారు నిరాశ పడొద్దని సూచించారు. తనకు ఉపాధ్యాయ వృత్తి అంటే చాలా గౌరవమని కొన్ని కారణాల వల్ల టీచర్‌ కాలేక పోయినట్లు పేర్కొన్నారు. ప్రభుత్వ పాఠశాలల్లో పేద విద్యార్థుల సంఖ్య ఎక్కువగా ఉంటుందని, వారికి నాణ్యమైన బోధన చేయాలన్నారు. ప్రభుత్వ విద్య పట్ల ప్రజల్లో నమ్మకం పెరిగేలా చూడాలన్నారు. ఉపాధ్యాయులను చూసి పిల్లలు నేర్చుకునే పరిస్థితి నెలకొందన్నారు. ఆచరించు.. బోధించు అనే నినాదంతో టీచర్లు ముందుకు సాగాలన్నారు. అన్ని రంగాల్లో వారు ఉపాధ్యాయులను ఆదర్శంగా తీసుకోవాలన్నారు. ప్రభుత్వ పాఠశాలల్లో విద్యా ప్రమాణాలు మెరుగు బాధ్యత టీచర్ల మీద ఉందన్నారు.అనంతరం కలెక్టర్‌ హైమావతి. పద్మశాలీ కార్పొరేషన్‌ చైర్మన్‌ శ్రీనివాస్‌లతో కలిసి ఉత్తమ ఉపాధ్యాయులను సన్మానించారు. ఈ కార్యక్రమంలో డీఈఓ రమేష్‌ తదితరులు పాల్గొన్నారు.

ఇంటర్మీడియెట్‌ జిల్లా అధికారి రవీందర్‌ రెడ్డి హుస్నాబాద్‌: ఈ విద్యా సంవత్సరం కూడా పరీక్షల్లో రాష్ట్ర స్థాయి ర్యాంకులు సాధించాలని ఇంటర్మీడియెట్‌ జిల్లా అధికారి రవీందర్‌ రెడ్డి అన్నారు. శుక్రవారం పట్టణంలోని ప్రభుత్వ బాలికలు, బాలుర జూనియర్‌ కళాశాలల్లో వేర్వేరుగా ఫ్రెషర్స్‌ డే కార్యక్రమం నిర్వహించారు. ఇంటర్మీడియెట్‌లో అత్యధిక మార్కులు సాధించిన విద్యార్థులకు నగదు బహుమతులు అందజేశారు. ఈ సందర్భంగా రవీందర్‌ రెడ్డి మాట్లా డుతూ విద్యార్థులు పట్టుదలతో చదివి ఉన్నత స్ధాయిలో స్థిరపడాలని సూచించారు. ఈ కార్యక్రమంలో మున్సిపల్‌ చైర్‌పర్సన్‌ లక్ష్మి, ప్రిన్సిపాల్స్‌ లలిత, గంగాధర్‌, అధ్యాపకులు పాల్గొన్నారు. కళాశాలల్లో మట్టి వినాయక ప్రతిమల పంపిణీ సిద్దిపేటఎడ్యుకేషన్‌: పర్యావరణ పరిరక్షణ అందరి బాధ్యత అని వక్తలు అన్నారు. సిద్దిపేట ప్రభుత్వ డిగ్రీ, పీజీ అటానమస్‌, ప్రభుత్వ మహిళా డిగ్రీ కళాశాలల్లో శుక్రవారం మట్టివినాయక ప్రతిమలను పంపిణీ చేశారు. ఈ సందర్భంగా ఆయా కళాశాలల ప్రిన్సిపాల్స్‌ డాక్టర్‌ సునీత, డాక్టర్‌ జీవన్‌కుమార్‌లు మాట్లాడారు. విద్యార్థినీ విద్యార్థులు పర్యావరణ పరిరక్షణపై అవగాహన పెంపొందించుకోవాలని సూచించారు. వినాయక చవితి పండుగ సందర్భంగా గ్రామాల్లో మట్టివిగ్రహాలను ఏర్పాటు చేసుకుని పూజించేలా ప్రజల్లో అవగాహన కల్పించాలన్నారు. రసాయనాలను కలిపి చేసిన విగ్రహాలతో గాలీ, నీరు, పర్యావరణ కాలుష్యం జరుగుతోందన్నారు. అనంతరం అందమైన ప్రతిమలను తయారు చేసిన విద్యార్థులకు జ్ఞాపికలను అందించారు. ఎన్‌ఎస్‌స్‌, ఏకోక్లబ్‌ల ఆధ్వర్యంలో నిర్వహించిన ఈ కార్యక్రమంలో వైస్‌ ప్రిన్సిపాల్స్‌ డాక్టర్‌ అయోధ్యరెడ్డి, డాక్టర్‌ శ్వేత, ఏకోక్లబ్‌ కన్వీనర్లు డాక్టర్‌ మధుసూదన్‌రెడ్డి, డాక్టర్‌ స్వప్న, ఎన్‌ఎస్‌ఎస్‌ ప్రొగ్రాం అధికారులు తదితరులు పాల్గొన్నారు. అక్కన్నపేట(హుస్నాబాద్‌): అక్కన్నపేట మండలం గౌరవెల్లి ప్రాజెక్టును శుక్రవారం ఇరిగేషన్‌ ఎస్‌ఈ పల్లెం రాజు, మున్సిపల్‌ అధికారులతో కలిసి పరిశీలించారు. ఈ సందర్భంగా ఆయన ప్రాజెక్టు నుంచి హుస్నాబాద్‌కు తాగునీటిని సులభంగా సరఫరా చేసేందుకు పంప్‌హౌస్‌ను ఏప్రాంతంలో ఏర్పాటు చేయాలనే అంశంపై అధికారులు క్షుణంగా పరిశీలించారు. ఈ సందర్భంగా నీటి సరఫరాకు అనువైన ప్రాంతాలను పరిశీలించి సాంకేతిక అంశాలపై చర్చించారు. కార్యక్రమంలో నీటిపారుదల శాఖ ఈఈ రాములునాయక్‌, హుస్నాబాద్‌ మున్సిపల్‌ కమిషనర్‌ మల్లికార్జున్‌లతో పాటు ఇరుగేషన్‌ శాఖ అధికారులు తదితరులు పాల్గొన్నారు. గజ్వేల్‌: క్రీడల్లో సత్తా చాటాలని గజ్వేల్‌–ప్రజ్ఞాపూర్‌ మున్సిపల్‌ చైర్‌పర్సన్‌ గంగిశెట్టి చందన పిలుపునిచ్చారు. శుక్రవారం పట్టణంలోని హౌసింగ్‌ బోర్డు మైదానంలో జిల్లా కబడ్డీ అసోసియేషన్‌ ఆధ్వర్యంలో రాష్ట్రస్థాయి కబడ్డీ పోటీల్లో పాల్గొనే జిల్లా జట్లను ఎంపిక చేశారు. కార్యక్రమాన్ని ప్రారంభించిన సందర్భంగా చందన మాట్లాడారు. నిరంతర సాధన ద్వారా క్రీడా పటిమను పెంపొందించుకోవాలన్నారు. ఈ సెలెక్షన్స్‌లో 450మంది క్రీడాకారులు పాల్గొన్నారు. కార్యక్రమంలో మున్సిపల్‌ వైస్‌ చైర్‌పర్సన్‌ పద్మాబాయి, సిద్దిపేట జిల్లా కబడ్డీ అసోసియేషన్‌ అధ్యక్షుడు ఎన్‌సీ సంతోష్‌, ప్రధాన కార్యదర్శి కుంటనోళ్ల శివకుమార్‌, జాతీయ యువజన అవార్డు గ్రహీత దేశబోయిని నర్సింలు తదితరులు పాల్గొన్నారు.

దుబ్బాక: పట్టణంలో బీఆర్‌ఎస్‌, కాంగ్రెస్‌ పార్టీల మాటల యుద్ధం తీవ్రస్థాయికి చేరుకుంది. కాంగ్రెస్‌ నాయకులు గురువారం ప్రెస్‌మీట్‌లో ఎమ్మెల్యే కొత్త ప్రభాకర్‌రెడ్డిపై తీవ్ర విమర్శలు చేశారు. దీంతో సోషల్‌ మీడియాలో ఎమ్మెల్యేపై అనుచిత వాఖ్యలు చేశారంటూ కాంగ్రెస్‌ జిల్లా అధికార ప్రతినిధి మచ్చ శ్రీనివాస్‌పై బీఆర్‌ఎస్‌ మున్సిపల్‌ అధ్యక్షుడు ఇల్లందుల శ్రీనివాస్‌, సీనియర్‌నాయకులు ఆస స్వామి శుక్రవారం పోలీస్‌స్టేషన్‌లో ఫిర్యాదు చేశారు. దీంతో మచ్చ శ్రీనివాస్‌ సైతం కాంగ్రెస్‌ నాయకులు కాల్వ నరేశ్‌, మల్లుగారి చంద్రారెడ్డి, శ్రీరాం నరేందర్‌, సత్తు శ్రీనివాస్‌రెడ్డి, ఆకుల భరత్‌, స్వామితో కలిసి తనను ఎమ్మెల్యే ప్రభాకర్‌రెడ్డి అనుచరులు బెదిరిస్తున్నారని, తనకు ప్రాణభయం ఉందంటూ పోలీస్‌స్టేషన్‌లో ఫిర్యాదు చేశారు. ఇరు పార్టీల మధ్య సోషల్‌ మీడియాలో సైతం జోరుగా విమర్శలు సాగుతున్నాయి. ఈ క్రమంలోనే ఏకంగా బీఆర్‌ఎస్‌, కాంగ్రెస్‌ నాయకులు పరస్పరం పోలీస్‌స్టేషన్‌లో ఫిర్యాదులు చేసుకోవడం నియోజకవర్గంలో చర్చనీయాంశమైంది.దుబ్బాక పోలీస్‌స్టేషన్‌లో పరస్పర ఫిర్యాదులు

కలెక్టర్‌ హైమావతి కొమురవెల్లి(సిద్దిపేట): మండలంలోని తపాస్‌పల్లి రిజర్వాయర్‌ నీటిని తాగునీటికి మాత్రమే వినియోగిస్తామని జిల్లా కలెక్టర్‌ హైమావతి స్పష్టం చేశారు. తపాస్‌పల్లి రిజర్వాయర్‌ను శుక్రవారం నీటి పారుదల శాఖ అధికారులతో కలసి క్షేత్రస్థాయిలో పరిశీలించారు. ఈ సందర్భంగా రిజర్వాయర్‌ పూర్తి నీటి సామర్థ్యం 0.3 టీఎంసీలు ఉండగా దేవాదుల వద్ద ఉన్న నీటి ప్రవాహాన్ని బట్టి 0.2 టీఎంసీలు మాత్రమే రిజర్వాయర్‌లో నిల్వ చేశామని, ప్రభుత్వ ఆదేశాల మేరకు కుడి, ఎడమ కాలువలోకి నీటి వదల్లేదని నీటి పారుదల శాఖ అధికారులు కలెక్టర్‌కు వివరించారు. అనంతరం కలెక్టర్‌ రైతులతో మాట్లాడుతూ...ఎల్‌నినో ప్రభావం, వర్షాభావ పరిస్థితుల వల్ల రిజర్వాయర్‌ నీటిని వ్యవసాయ రంగానికి కాకుండా వేసవిలో తాగునీటి అవసరాల కోసం వినియోగిస్తామని రైతులకు తెలిపారు. రిజర్వాయర్‌ నుంచి గౌరయపల్లి మీదుగా చేర్యాల మండలం కమలాయపల్లి వరకు కాలువను పరిశీలించారు. ఆమె వెంట తహసీల్దార్‌ దివ్య, ఎస్‌ఐ మహేశ్‌, నీటిపారుదల శాఖ అధికారులున్నారు. సిద్దిపేటరూరల్‌: కలెక్టరేట్‌ కార్యాలయం పక్కన గల ఎలక్ట్రానిక్‌ ఓటింగు మిషన్‌(ఈవీఎం) గోదాంను జిల్లా ఎన్నికల అధికారి, కలెక్టర్‌ కె. హైమావతి క్షేత్రస్థాయిలో శుక్రవారం సందర్శించారు. ఈ సందర్భంగా త్రైమాసిక పరిశీలనలో భాగంగా, గుర్తింపు పొందిన రాజకీయ పార్టీ ప్రతినిధులతో కలిసి ఈవీఎం గోదాంను ఓపెన్‌ చేసి సిద్దిపేట, గజ్వేల్‌, హుస్నాబాద్‌, దుబ్బాక నియోజకవర్గాల వారీగా మిషన్‌ లను, భద్రపరిచిన ద్వారాలను వాటికున్న సీల్‌ లను పరిశీలించారు. ఎలక్షన్‌ కమిషన్‌ ప్రకారం అన్ని భద్రత చర్యలు తీసుకుంటున్నామని రాజకీయ పార్టీ ప్రతినిధులకు కలెక్టర్‌ తెలిపారు.

యూఎఫ్‌ఐడీఎఫ్‌ పనుల్లో ప్రతిష్టంభన మున్సిపాలిటీల్లో యూఎఫ్‌ఐడీఎఫ్‌(అర్బన్‌ ఇన్‌ఫ్రాస్ట్రక్చర్‌ డెవలప్‌మెంట్‌ ఫండ్‌) పనుల వ్యవహారం మళ్లీ మొదటికొచ్చింది. టెండర్‌ ప్రక్రియలో జాప్యం, ఇతర కారణాలతో ఏడాదిగా ఈ పనులు ముందుకుసాగలేదు. తాజాగా టెండర్‌ పూర్తయినా... నిధులు ఎక్కడినుంచి వస్తాయోనని తెలిపే ‘హెడ్‌ ఆఫ్‌ అకౌంట్‌’పై స్పష్టత లేదనే కారణంతో పనులు ప్రారంభించలేమని కాంట్రాక్టర్లు చేతులెత్తేస్తున్నారు. పనులు జరిగిన చోట బిల్లులు రావడం లేదని...తాము కూడా ఇదే పరిస్థితి ఎదుర్కొంటామేమోనని జంకుతున్నారు. –గజ్వేల్‌ మౌలిక వసతుల కల్పనే లక్ష్యంగా యూఐడీఎఫ్‌ ద్వారా రాష్ట్రంలోని ప్రతీ మున్సిపాలిటీకి రూ.15కోట్ల చొప్పున నిధులను విడుదల చేశారు. జిల్లాలోని గజ్వేల్‌–ప్రజ్ఞాపూర్‌, సిద్దిపేట, హుస్నాబాద్‌, దుబ్బాక, చేర్యాల మున్సిపాలిటీలకు నిధులు మంజూరయ్యాయి. ఇందులోభాగంగానే సిద్దిపేట మున్సిపాలిటీలో పనులు కొనసాగుతున్నాయి. కానీ ఈ పనులకు నిధులు ఎక్కడి నుంచి వస్తాయనే విషయాన్ని తెలిపే ‘హెడ్‌ ఆఫ్‌ అకౌంట్‌’పై ఇప్పటికీ స్పష్టత రాలేదు. ఫలితంగా బిల్లుల చెల్లింపులు జరగడం లేదు. ఉమ్మడి మెదక్‌ జిల్లాలోని తూప్రాన్‌ మున్సిపాలిటీలోనూ ఈ పనులు జరిగాయి. కానీ బిల్లుల చెల్లింపుపై స్పష్టత లేదు. ఈ పరిస్థితి వల్ల జిల్లాలోని మిగతా మున్సిపాలిటీల్లో టెండర్లు దక్కించుకుని అగ్రిమెంట్‌ ప్రక్రియ పూర్తి చేసుకున్న కాంట్రాక్టర్లు తాము కూడా ఇదే రకమైన పరిస్థితిని ఎదుర్కుంటామనే భయంతో పనులు ప్రారంభించడానికి ముందుకు రావడం లేదు. ఒక రకంగా చెప్పాలంటే చేతులెత్తేశారు కూడా. మౌలిక వసతులు కరువై అవస్థలు జిల్లాలోని మున్సిపాలిటీల్లో పెరుగుతున్న జనాభా అవసరాలకనుగుణంగా మౌలిక వసతులు లేకపోవడం వల్ల అవస్థల మధ్య కాలం గడపాల్సి వస్తోంది. ఇదే క్రమంలో ఏడాది కిందట మంజూరైన యూఐడీఎఫ్‌ పనులు చేపడితే కొంతమేరకై నా సమస్యలు తీరుతాయని భావిస్తే పరిస్థితి అందుకు భిన్నంగా మారింది. గజ్వేల్‌–ప్రజ్ఞాపూర్‌ మున్సిపాలిటీలో యూఐడీఎఫ్‌ కింద ఇందిరాపార్కు చౌరస్తా సుందరీకరణకు రూ.కోటి, హౌజింగ్‌ బోర్డు మైదానంలోని చిల్డ్రన్స్‌ పార్కు ఆధునీకరణకు రూ.కోటి, సంగాపూర్‌ రోడ్డు వైపున కొత్త షాపింగ్‌ కాంప్లెక్స్‌ నిర్మాణానికి రూ.40లక్షలు, తూప్రాన్‌ రోడ్డువైపున వరద కాల్వల నిర్మాణానికి రూ.1.2కోట్లు, మిగతా నిధులను వివిధ వార్డుల్లో ప్రధానంగా సీసీ రోడ్లు, డ్రైనేజీలు, వరద కాల్వల నిర్మాణానికి ప్రతిపాదించారు. కానీ ఈ పనుల్లో కదలిక లేదు. దుబ్బాక, హుస్నాబాద్‌, చేర్యాల మున్సిపాలిటీల్లోనూ ఇదేరకంగా ప్రజలకు అత్యవసరమైన పనులను ప్రతిపాదించారు. కానీ పనులు ముందుకు సాగక...నిరాశే నెలకొంది.ఉన్నతాధికారుల దృష్టికి తీసుకెళ్తాం పట్టణాల్లో మెరుగైన వసతులే లక్ష్యంగా యూఐడీఎఫ్‌ కింద నిధులు వచ్చాయి. పనులు ప్రారంభించే అంశాన్ని ఉన్నతాధికారుల దృష్టికి తీసుకెళ్తాం. త్వరలోనే ఈ సమస్య పరిష్కారమయ్యేలా చూస్తాం. – గణేశ్‌రెడ్డి, గజ్వేల్‌–ప్రజ్ఞాపూర్‌ మున్సిపల్‌ కమిషనర్‌ ‘హెడ్‌ ఆఫ్‌ అకౌంట్‌’పై స్పష్టత కరువు బిల్లులు వస్తాయో రావోనని అనుమానం పనులు చేయలేమంటూ చేతులెత్తేసిన కాంట్రాక్టర్లు జిల్లాలోని మున్సిపాలిటీల్లో దుస్థితి

సాక్షి, సిద్దిపేట: వినాయక చవితి వేడుకల్లో విద్యుత్‌ భద్రత ఎంతో ముఖ్యమైందని మండలపాల నిర్వాహకులు విద్యుద్దీపాలతో అలంకరణలో తగు జాగ్రత్తలు తీసుకోవాలని విగ్రహాల ఏర్పాటు నుంచి నిమజ్జనం వరకు జాగ్రత్తలు పాటించాలని ఎస్‌పీడీసీఎల్‌ సిద్దిపేట జిల్లా ఎస్‌ఈ చంద్రశేఖర్‌ సూచించారు. గణపతి నవరాత్రి ఉత్సవాలు త్వరలో ప్రారంభం కానుండటంతో మండప నిర్వాహకులు పాటించాల్సిన సూచనలపై ఎస్‌ఈని శుక్రవారం ‘సాక్షి’ పలకరించింది. ఆయన మాటల్లోనే.... ఈసారి ఉచిత కరెంట్‌ రాష్ట్ర ప్రభుత్వం ఆదేశాల మేరకు ఈ ఏడాది సైతం వినాయక మండపాలకు ఉచితంగా విద్యుత్తును అందిస్తున్నాం. నాణ్యమైన, సరైన సామర్థ్యం కలిగిన ఎంసీబీ పరికరాలను ఏర్పాటు చేసుకోవాలి. దెబ్బతిన్న వైర్లను వినియోగించవద్దు. వర్షం పడినప్పుడు తడిసిన వైర్లు, విద్యుత్తు పరికరాలను తాకవద్దు. మండపాలకు సీరియల్‌ లైట్లు వేసినప్పుడు జాగ్రత్తలు పాటించాలి. విద్యుత్తు సిబ్బందికి వివరాలు చెప్పాలి వినాయక మండపం వద్ద ఎన్ని లైట్లు, మైక్‌ సెట్‌, ఇంకా వినియోగించే వాటి వివరాలు మండపం దగ్గరకు వచ్చే విద్యుత్‌ సిబ్బందికి చెప్పాలి. టీజీఎస్పీడీసీఎల్‌ ఆధ్వర్యంలో ససా యాప్‌లో వివరాలు నమోదు చేసి ఫొటో తీసుకుంటారు. విద్యుత్‌ లైన్ల కింద మండపాలు ఏర్పాటు చేయవద్దు. తీసుకొచ్చేప్పుడు.. నిమజ్జనానికి జాగ్రత్తలు పాటించాలి విగ్రహాలు మండపం వద్దకు తీసుకొచ్చేప్పుడు, నిమజ్జన సమయంలో తీసుకువెళ్లేటప్పుడు విద్యుత్‌ తీగల పట్ల జాగ్రత్తలు తీసుకోవాలి. స్తంభాల చుట్టూ ఇతర ప్రైవేట్‌ కేబుల్స్‌ కూడా ఉంటాయి. విద్యుత్తు తీగ నేరుగా తాకకపోయినా దగ్గరగా వెళ్లడం వల్ల విద్యుత్తు సరఫరా, ఇండక్షన్‌ కారణంగా ప్రమాదం సంభవించే అవకాశాలున్నాయి. విద్యుత్‌ లైన్లకు దూరంగా పండుగను సంతోషంగా జరుపుకోవాలి. ఏమైనా విద్యుత్‌ సమస్యలు ఉంటే నంబర్‌కు 1912 ఫోన్‌, 8712441912 నంబర్‌కు వాట్సప్‌ చేయవచ్చు. వెంటనే సంబంధిత విద్యుత్‌ సిబ్బంది స్పందించి సమస్యను పరిష్కరిస్తారు. వినాయక మండపాల వద్ద విద్యుత్‌ భద్రత ఎంతో ముఖ్యం మండపాల వద్దకు వచ్చే సిబ్బందికి వివరాలు చెప్పాలి విద్యుత్‌ సమస్యలుంటే ఈ నంబర్‌కు 8712441912 వాట్సప్‌ చేయండి ‘సాక్షి’తో టీజీఎస్పీడీసీఎల్‌ ఎస్‌ఈ చంద్రశేఖర్‌

సీపీ రష్మీ పెరుమాళ్‌ సిద్దిపేటకమాన్‌: జాతీయ లోక్‌ అదాలత్‌ ఈనెల 12న నిర్వహిస్తుండటంతో కక్షిదారులు నేరుగా న్యాయస్థానాన్ని సంప్రదించి రాజీ చేసుకోవచ్చని సీపీ రష్మీ పెరుమాళ్‌ తెలిపారు. ఈ సందర్భంగా ఆమె మాట్లాడుతూ రాజీ పడదగిన సివిల్‌, ఆస్తి కుటుంబ తగాదాలు, కుటుంబ పరమైన నిర్వహణ, రోడ్డు ప్రమాదాల కేసులు, డ్రంకెన్‌ డ్రైవ్‌, చెక్‌ బౌన్స్‌ కేసుల్లో కక్షిదారులు రాజీ చేసు కోవచ్చన్నారు. లోక్‌ అదాలత్‌ ద్వారా బాధితులకు సత్వర న్యాయం అందుతుందన్నారు. సీపీకి విత్తన గణపతి అందజేత గజ్వేల్‌: ‘గ్రీన్‌ ఇండియా ఛాలెంజ్‌’లో భాగంగా బుధవారం సిద్దిపేట సీపీ రష్మీపెరుమాళ్‌కు ఆ సంస్థ రాష్ట్ర కో–ఆర్డినేటర్‌ చెప్యాల రాజేశ్వర్‌రావు విత్తన గణపతిని అందజేశారు. విత్తన గణపతిని పూజించి, నేలలో నాటితే, దేవుడు మొక్కగా మారి ఆశీర్వదిస్తారని రాజేశ్వరరావు చెప్పారు. మాజీ రాజ్యసభ సభ్యుడు జోగినపల్లి సంతోష్‌కుమార్‌ మార్గదర్శనంలో ఈ కార్యక్రమాలను చేపడుతున్నట్లు తెలిపారు. కార్యక్రమంలో ‘గ్రీన్‌ ఇండియా ఛాలెంజ్‌’ గజ్వేల్‌ నియోజకవర్గ ఇన్‌చార్జి అనిల్‌ మొగిలి తదితరులు పాల్గొన్నారు. కొమురవెల్లి రైల్వేస్టేషన్‌లో అదనపు ప్లాట్‌ఫాం రూ. 40 కోట్లతో నిర్మాణం కొమురవెల్లి(సిద్దిపేట): కొమురవెల్లి మల్లన్న రైల్వేస్టేషన్‌లో రూ. 40 కోట్లతో అదనపు ప్లాట్‌ ఫాం నిర్మించనున్నట్లు దక్షిణమధ్య రైల్వే అధి కారి పద్మజ వెల్లడించారు. బుధవారం స్వామివారిని దర్శించుకుని ప్రత్యేక పూజలు నిర్వ హించారు. ఈ సందర్భంగా ఆలయ అర్చకు లు, అఽధికారులు స్వామి వారి దర్శనానికి వచ్చే భక్తుల కోసం మరో రెండు రైళ్లను పెంచాలని వినతిపత్రం అందించారు. ఆమె మాట్లాడుతూ మనోహరాబాద్‌ నుంచి కొత్తపల్లి వరకు చేపడుతున్న రైల్వే లైన్‌ పనులు పూర్తయితే టెంపుల్‌ కారిడార్‌ ఏర్పాటు అవుతుందన్నారు. 24 గంటలూ భక్తులకు రైల్వే సిబ్బంది స్టేషన్‌లో అందుబాటులో ఉండేలా ఏర్పాట్లు చేశామన్నారు. మల్బరీ సాగుతో సిరులు రాష్ట్ర పట్టు పరిశ్రమశాఖ జేడీ లత తొగుట(దుబ్బాక): మల్బరీ సాగు చేసిన రైతుల ఇంట సిరుల పంట పండుతుందని రాష్ట్ర పట్టు పరిశ్రమ శాఖ జాయింట్‌ డైరెక్టర్‌ లత అన్నారు. మండలంలోని పెద్దమాసాన్‌పల్లి రైతు వేదికలో ‘నాపట్టు.. నా అభిమానం’ కార్యక్రమంలో భాగంగా బుధవారం అవగాహ న సదస్సు నిర్వహించారు. ముఖ్య అతిథిగా జేడీ హాజరై మాట్లాడారు. పట్టుగూళ్లకు మార్కెట్‌లో మంచి డిమాండ్‌ ఉందన్నారు. మల్బరీ సాగు చేసిన రైతులకు ప్రభుత్వం అన్నివిధాల ప్రోత్సాహం అందిస్తుందన్నారు. ఎల్‌ని నో ప్రభావంతో వర్షాలు కురిసే పరిస్థితి లేనందన రైతులు సాగుకు ముందురావాలన్నారు. మిగితా పంటల మాదిరిగా పంట పెట్టుబడి ఖర్చులు అంతగా ఉండవన్నారు. మార్కెట్‌లో డిమాండ్‌ ఉన్న పంటలు సాగుచేసే దిశగా రైతులు ఆలోచించాలని ఆమె కోరారు. అనంతరం శాస్త్రవేత్తలు మల్లికార్జున్‌, రాఘవేంద్ర మల్బరీ సాగుపై రైతులకు ఆవగాహన కల్పించారు. కార్యక్రమంలో జిల్లా నోడల్‌ ఆఫీసర్‌ తిరుపతిరెడ్డి, జిల్లా అధికారి సామల ఐలయ్య, వివిధ మండలాల రైతులు పాల్గొన్నారు. తొలి రోజు యూజీసీ నెట్‌ ప్రశాంతంసిద్దిపేటఅర్బన్‌: ఇందూర్‌ ఇంజినీరింగ్‌ కళాశాలలో నిర్వహించిన యూజీసీ నెట్‌ (నేషనల్‌ ఎలిజిబిలిటి టెస్ట్‌) పరీక్ష తొలి రోజు ప్రశాంతంగా ముగిసింది. సీబీటీ విధానంలో నిర్వహించిన పరీక్షకు తొలి రోజు ఉదయం సెషన్‌కు 47 మందికి గాను 27 మంది హాజరయ్యారు. 20 మంది గైర్హాజరయ్యారు. మధ్యాహ్నం నిర్వహించిన రెండో సెషన్‌కు 37 మందికి గాను 32 మంది హాజరయ్యారు. కళాశాల ప్రిన్సిపాల్‌ డాక్టర్‌ వీపీ రాజు, అబ్జర్వర్‌ శ్రీకాంత్‌, టీసీఎస్‌ ఆఫీసర్‌ మహేష్‌బాబు పర్యవేక్షించారు.

మద్దూరు(హుస్నాబాద్‌): మండలంలోని లద్నూర్‌కు బస్సు సౌకర్యాన్ని కల్పించాలని డిమాండ్‌ చేస్తూ విద్యార్థులు రోడ్డెక్కారు. బుధవారం ఉపసర్పంచ్‌ బెడద శివకుమార్‌ ఆధ్వర్యంలో రోడ్డుపై బైఠాయించి ఆందోళ నిర్వహించారు. ఈ సందర్భంగా ఉపసర్పంచ్‌ మాట్లాడుతూ నిత్యం ఎంతోమంది విద్యార్థులు చదువుకునేందుకు జనగామ జిల్లా కేంద్రానికి వెళ్తుంటారని, బస్సు లేకపోవడం వల్ల విద్యకు దూరమవుతున్నారని తెలిపారు. ఆర్టీసి అధికారులు తక్షణమే స్పందించి విద్యార్థుల సౌకర్యార్థం ప్రత్యేకంగా బస్సు ఏర్పాటు చేయాలని డిమాండ్‌ చేశారు. కార్యక్రమంలో పీఏసీఎస్‌ వైస్‌చైర్మన్‌ ఇర్రి రాజిరెడ్డి, మాజీ సర్పంచ్‌ జీడికంటి సుదర్శన్‌, జీడికంటి సురేష్‌, రామడుగు బాలరాజు, నాయకులు, విద్యార్థులు తదితరులు పాల్గొన్నారు.

● వాణిజ్య పన్నుల శాఖ కార్యాలయం ● ప్రతి నెలా రూ.45 వేల అద్దె చెల్లింపు సాక్షి, సిద్దిపేట: ప్రభుత్వం అదేశించినా ఇంకా అద్దె భవనంలోనే సిద్దిపేట వాణిజ్య పన్నుల శాఖ కార్యాలయం కొనసాగుతోంది. అద్దె భవనాల్లో కొనసాగుతున్న కార్యాలయాలను ఈ ఏడాది జనవరి 30 లోగా ప్రభుత్వ భవనాల్లోకి తరలించాలని సర్కారు అదేశించింది. ప్రభుత్వ శాఖల జిల్లా కార్యాలయాలు చాలా వరకు కలెక్టరేట్‌లో కొనసాగుతు న్నాయి. మిగితా కొన్ని కార్యాలయాలను తరలించినా, వాణిజ్య పన్నుల శాఖ కార్యాలయం మాత్రం తరలించ లేదు. అద్దె ప్రతి నెల రూ.45 వేలు చెల్లిస్తున్నారు. ప్రభుత్వం పొదుపు మంత్రం పాటిస్తున్నా.. అధికారులు మాత్రం పట్టించుకోవడం లేదు. ఒక్క కార్యాలయానికే నెలకు రూ.45 వేల అద్దె చెల్లిస్తూ ఆదాయం వృథా చేస్తున్నారని పలువురు ఆరోపిస్తున్నారు. ఇప్పటికైనా ఉన్నతాధికారులు స్పందించి ప్రభుత్వ భవనంలోకి తరలించాలని ప్రజలు కోరుతున్నారు.

● పలు పాఠశాలల్లో వేడుకలు ప్రశాంత్‌నగర్‌(సిద్దిపేట): తెలంగాణ భాషా (మాండలిక) దినోత్సవాన్ని బుధవారం జిల్లావ్యాప్తంగా ప్రభుత్వ, ప్రైవేట్‌ విద్యాసంస్థల్లో ఘనంగా నిర్వహించారు. ముందుగా కాళోజీ నారాయణరావు చిత్రపటానికి పూలమాల వేసి ఘనంగా నివాళులర్పించారు. ఈసందర్భంగా విద్యార్థులు వివిధ రకాల తెలంగాణ మాండలికంకు సంబంధించిన ఉపన్యాసాలు, వ్యాసరచన పోటీలు, తెలంగాణ భాష గొప్పతనాన్ని తెలిపే సాంస్కృతిక కార్యక్రమాలు నిర్వహించారు. జిల్లా కేంద్రంలోని ప్రభుత్వ బాలికల ఉన్నత పాఠశాలలో బోనాల పాటలు, శ్రీ కృష్ణ దేవరాయ భువన విజయం నాటకం, సోది.. రకరకాల అద్భుతమైన కవితలు ప్రదర్శించారు. కాళోజీ తెలంగాణ మాండలికం అభివృద్ధికి చేసిన సేవలను కొనియాడారు. అనంతరం విజేతలకు బహుమతులు అందించారు.

ఎంపీ రఘునందన్‌ రావు మిరుదొడ్డి(దుబ్బాక): వ్యాయామంతోనే సకల ఆరోగ్యం సిద్ధిస్తుందని మెదక్‌ ఎంపీ రఘునందన్‌ రావు అన్నారు. మండల పరిధిలోని కాసులాబాద్‌లో బుధవారం ఓపెన్‌ జిమ్‌ను ప్రారంభించారు. అలాగే వివిధ కుల సంఘాల భవనాలకు శంకుస్థాపన చేశారు. ఈ సందర్భంగా ఆయన మాట్లాడుతూ పల్లెల్లో ప్రశాంత జీవనం గడపాలంటే ప్రతి ఒక్కరు ఆరోగ్య సూత్రాలను పాటించాలని సూచించారు. గ్రామాల అభివృద్ధికి ప్రతి ఒక్కరూ పార్టీలకతీతంగా పాటు పడాల్సిన అవసరం ఉందన్నారు. గ్రామాల్లో పెద్ద పెద్ద కాంట్రాక్టర్లు ఉన్నప్పటికీ అభివృద్ధిలో భాగస్వాములు కాకపోవడంతో రోడ్లు పురోగతి చెందడం లేదన్నారు. రోడ్లు మరమ్మతుకు చర్యలు తీసుకోవడం జరుగుతుందన్నారు. కార్యక్రమంలో బీజేపీ మండల అధ్యక్షుడు అమర్‌, సర్పంచ్‌ బాబాయ్‌, ఉప సర్పంచ్‌ రాజు, నాయకులు పాల్గొన్నారు.

● ఏఎంసీ చైర్మన్‌ విజయ మోహన్‌ ● సాదాసీదాగా వర్గల్‌ మండల పరిషత్‌ సమావేశం వర్గల్‌(గజ్వేల్‌): అధికారులు ప్రజలకు అందుబాటులో ఉండి సమస్యల పరిష్కారానికి కృషి చేయాలని మార్కెట్‌ కమిటీ చైర్మన్‌ విజయమోహన్‌ అన్నారు. బుధవారం మండల పరిషత్‌ కార్యాలయంలో నిర్వహించిన మండల సర్వసభ్య సమావేశానికి ఆమె ముఖ్యఅతిథిగా హాజరయ్యారు. సమావేశం సాదాసీదాగా కొనసాగింది. ఈ సందర్భంగా ఎంపీడీవో సురేష్‌ మాట్లాడుతూ ఎల్‌ నినో నేపథ్యంలో రైతులు తగు జాగ్రత్తలు తీసుకోవాలని, జలసిరి ద్వారా ఫామ్‌ పాండ్ల నిర్మాణం చేపట్టాలని సూచించారు. విద్యుత్‌ సంబంధ సమస్యలను సర్పంచ్‌లు సభ ద్వారా అధికారుల దృష్టికి తెచ్చారు. వాటి పరిష్కారానికి తగు చర్యలు చేపడతామని విద్యుత్‌ ఏఈ వాసుదేవరావు తెలిపారు. ఉద్యాన శాఖ ద్వారా వివిధ సబ్సిడీ పథకాలను రైతులు సద్వినియోగం చేసుకోవాలని ఉద్యాన విస్తరణ అధికారి సుధాకర్‌ రెడ్డి సభ్యులకు సూచించారు. సమావేశంలో గ్రామపంచాయతీ గ్రాంట్లు, మహిళా, శిశుసంక్షేమం, పశు పోషణ, జలసిరి పనులు తదితర అంశాలపై చర్చించారు.

సిద్దిపేటరూరల్‌: తెలంగాణ మాండలికంలో సామాజిక రచనలు చేస్తూ తెలంగాణ ప్రజలను సామాజికంగా మేల్కొలిపిన గొప్ప ప్రజాకవి కాళోజీ నారాయణరావు అని అదనపు కలెక్టర్‌ లక్ష్మికిరణ్‌ కొనియాడారు. బుధవారం కాళోజీ జయంతి సందర్భంగా కలెక్టరేట్‌లో ఆయన చిత్రపటానికి పూలమాల వేసి నివాళులర్పించారు. ఈసందర్భంగా అదనపు కలెక్టర్‌ మాట్లాడుతూ.. ప్రజాకవి కాళోజీ సేవలను గుర్తించిన ప్రభుత్వం ఆయనను పద్మవిభూషన్‌తో గౌరవించిందన్నారు. అదేవిధంగా రాష్ట్ర ప్రభుత్వం ఆయన పుట్టినరోజును తెలంగాణ భాషా దినోత్సవంగా ప్రకటించి ఆధికారికంగా జయంతి కార్యక్రమాన్ని నిర్వహిస్తూ భావితరాలకు స్ఫూర్తిని అందిస్తుందన్నారు. కార్యక్రమంలో ఎస్‌డీసీ సుదర్శన్‌రెడ్డి, బీసీ అభివృద్ధి శాఖ అధికారి హమీద్‌, డీసీఎస్‌ఓ తనూజ, కలెక్టరేట్‌ ఏఓ రాజ్‌కుమార్‌, జిల్లా అధికారులు పాల్గొన్నారు.

చేర్యాల(సిద్దిపేట): రాష్ట్రంలో పెడింగ్‌లో స్కాలర్‌షిప్‌, ఫీజు రీయింబర్స్‌మెంట్‌ బకాయిలు వెంటనే విడుదల చేయాలని బీజేపీ నాయకులు డిమాండ్‌ చేశారు. బుధవారం ఆ పార్టీ రాష్ట్ర అధ్యక్షుడు రామచందర్‌రావు పిలుపు మేరకు స్థానిక తహసీల్దార్‌ కార్యాలయం ఎదుట ఆందోళన నిర్వహించి కార్యాలయ సిబ్బందికి వినతి పత్రం అందించారు. కార్యక్రమంలో మండల అధ్యక్షుడు సంజీవులు, నాయకులు మహేందర్‌రెడ్డి, శశిదర్‌రెడ్డి, పాండు, సిద్ధారెడ్డి, సత్యవర్ధన్‌, చంద్రమౌళి, బాలరాజు, సందీప్‌, చంద్రశేఖర్‌చారి, రవి, లక్ష్మారెడ్డి, మనోజ్‌, ప్రవీణ్‌, రా ములు, మహేష్‌, రాజు, శ్రీకాంత్‌, భరత్‌ తదితరులు పాల్గొన్నారు. ఎన్‌ఎస్‌యూఐ జిల్లా అధ్యక్షుడిగా ప్రశాంత్‌ ప్రశాంత్‌నగర్‌(సిద్దిపేట): ఎన్‌ఎస్‌యూఐ జిల్లా అధ్యక్షుడిగా రాచకొండ ప్రశాంత్‌ను నియమిస్తూ రాష్ట్ర అధ్యక్షుడు వెంకటస్వామి బుధవారం ఉత్తర్వులు జారీ చేశారు.

క్రీడాకారులు ఖేలో ఇండియా, రాష్ట్రస్థాయి సబ్‌ జూనియర్‌, జూనియర్‌, సీనియర్‌ పోటీలు వచ్చే నెలలో హైదరాబాద్‌లో జరగనున్నాయి. దీంతో క్రీడాకారులు ప్రాక్టీస్‌ చేయడానికి ఇబ్బంది పడుతున్నారు. కోమటి చెరువు, రంగనాయక సాగర్‌లో ప్రాక్టీస్‌ చేస్తున్నారు. స్విమ్మింగ్‌ పూల్‌ను అందుబాటులోకి తీసుకువస్తే క్రీడాకారులకు ఎంతో ఉపయోగపడుతుంది. – గుండె ప్రవీణ్‌, ప్రధాన కార్యదర్శి, జిల్లా స్విమ్మింగ్‌ అసోసియేషన్‌ పరిశీలించి చర్యలు తీసుకుంటా సిద్దిపేటలో ఉన్న స్విమ్మింగ్‌ పూల్‌ను త్వరలో పరిశీలించి చర్యలు తీసుకుంటా. కలెక్టర్‌ అనుమతితో మరమ్మతులు చేయించి అందుబాటులోకి తీసుకవచ్చేందుకు కృషి చేస్తా. – మల్లికార్జున్‌, సిద్దిపేట మున్సిపల్‌ కమిషనర్‌

సిద్దిపేటజోన్‌: సర్‌ ప్రక్రియలో నిర్దేశించిన లక్ష్యం నిర్ణీత గడువులోగా పూర్తి చేయడానికి సమష్టిగా పనిచేయాలని సిద్దిపేట ఆర్డీఓ సదానందం సూచించా రు. బుధవారం వివిధ రాజకీయ పార్టీల ప్రతినిధు లు, అధికారులతో ఆయన సమీక్ష నిర్వహించారు. ఈ సందర్భంగా డివిజన్‌ పరిధిలో సర్‌ నోటీసుల జారీ ప్రక్రియ. డిక్లరేషన్‌ తదితర అంశాలపై అడిగి తెలుసుకున్నారు. త్వరితగతిన నోటీసులు పంపిణీ పూర్తి చేయాలని. అర్హులైన ఒక్క ఓటు పోకుండా చూడాలని సూచించారు. బూత్‌ లెవల్‌ ఆఫీసర్లకు ఆయా పార్టీల ప్రతినిధులు సహకారాన్ని అందించి సకాలంలో ప్రక్రియ జరిగేలా చూడాలని సూచించారు. మోహన్‌లాల్‌, మునీర్‌ పాల్గొన్నారు.

మున్సిపల్‌ అధికారుల నిర్లక్ష్యంతో సిద్దిపేటలోని స్విమ్మింగ్‌ పూల్‌ నిరుపయోగంగా మారింది. అంతర్జాతీయ స్థాయి ప్రమాణాలకు అనుగుణంగా నిర్మించినా నిరాధరణకు గురవుతోంది. ఏడాదిన్నరగా తెరుచుకోక కంపుకోడుతోంది. ఇప్పటికై నా ఉన్నతాధికారులు స్పందించి స్విమ్మింగ్‌ పూల్‌ను తెరిపించాలని క్రీడాకారులు, పట్టణ ప్రజలు కోరుతున్నారు. – సాక్షి, సిద్దిపేట 2016లో రూ. 5 కోట్ల వ్యయంతో 50 మీటర్ల పొడవు, 25 మీటర్ల వెడల్పుతో అంతర్జాతీయ స్థాయి ప్రమాణాలకు అనుగుణంగా మాజీ మంత్రి హరీశ్‌రావు ప్రత్యేక చొరవతో సిద్దిపేటమినీ స్టేడియానికి సమీపంలో స్విమ్మింగ్‌ పూల్‌ నిర్మించారు. అలాగే బేబీ స్విమ్మింగ్‌ పూల్‌ను సైతం నిర్మించారు. ప్రారంభంలో జాతీయ స్థాయి స్విమ్మింగ్‌ పోటీలు సైతం నిర్వహించారు. కరోనా కాలంలో కొన్ని రోజులు మూత పడినా.. కొన్ని రోజులు మున్సిపల్‌ ఆధ్వర్యంలో నిర్వహణ కొనసాగింది. తర్వాత జిల్లా యువజన క్రీడా శాఖ ఆధ్వర్యంలో నాలుగేళ్లు ప్రైవేట్‌ కాంట్రాక్టర్‌ కొనసాగించినా, గతేడాది ఏప్రిల్‌లో నిర్వహణ బాధ్యతలు మున్సిపాలిటీకి అప్పగించారు. ఇదిలాఉండగా గతంలో కాంట్రాక్ట్‌ పొందిన వారు డబ్బులు చెల్లించకపోయినా చర్యలు తీసుకోవడం గమనార్హం. క్రీడాకారులకు శిక్షణ కరువు సిమ్మింగ్‌ పూల్‌ నిర్వహణ కొరవడటంతో శిక్షణ తీసుకునే విద్యార్థులు, క్రీడాకారులు తీవ్ర ఇబ్బంది పడుతున్నారు. త్వరలో రాష్ట్రస్థాయి జూనియర్‌, సబ్‌ జూనియర్‌, సీనియర్‌ పోటీలు హైదరాబాద్‌లో జరగనున్నాయి. ఈ నేపథ్యంలో జిల్లాకు చెందిన క్రీడాకారులు పలువురు కోమటిచెరువు, రంగనాయకసాగర్‌, మరికొందరు హైదరాబాద్‌, వరంగల్‌, సంగారెడ్డిలలో శిక్షణ పొందుతున్నారు. ఆరు నెలలైనా అంతే! జిల్లా యువజన క్రీడల శాఖ నుంచి సిద్దిపేట మున్సిపాలిటీకి ఈ ఏడాది ఏప్రిల్‌లో కలెక్టర్‌ అప్పగించారు. మున్సిపాలిటీకి అప్పగించి ఆరు నెలలు అవుతున్నా ఇప్పటివరకు అటు వైపు అధికారులు చూడలేదు. గత వేసవిలో అందుబాటులోకి తీసుకవస్తారేమో అని పట్టణ వాసులు ఎంతో ఆశగా ఎదురుచూశారు. కానీ ఎలాంటి మరమ్మతులు చేపట్టలేదు. అధికారుల నిర్లక్ష్యం కారణంగా కోట్లు పెట్టి నిర్మించిన స్విమ్మింగ్‌ పూల్‌ నిరాధరణకు గురవుతోంది. ఇప్పటికై నా ఉన్నతాధికారులు స్పందించి అందుబాటులోకి తీసుకురావాలని క్రీడాకారులు, పట్టణ వాసులు కోరుతున్నారు. మూత పడిన స్విమ్మింగ్‌ పూల్‌ అద్దాలు పగిలి, డోర్లు లేకుండా.. దుర్వాసన.. చెత్త, గడ్డి ఏడాదిన్నరగా స్విమ్మింగ్‌ పూల్‌ను ఓపెన్‌ చేయకపోవడంతో దుర్వాసనతో కంపుకొడుతోంది. వర్షపు నీరు, చెత్త చెదారంతో నిండిపోయింది. ఎయిర్‌ బాల్స్‌ దండ అంతా తెగిపోయింది. మోటార్లను నిర్లక్ష్యంగా బయటనే పడేయడంతో పాడయ్యాయి. పూల్‌ ఆవరణలో గడ్డి ఏపుగా పెరిగింది. గత కొన్ని నెలలుగా విద్యుత్‌ బిల్లు బకాయి ఉంది. స్విమ్మింగ్‌ పూల్‌ చుట్టూ పక్కల నివాసం ఉండేవారు దోమలు, దుర్వాసనతో తీవ్ర ఇబ్బంది పడుతున్నారు.

ప్రశాంత్‌నగర్‌(సిద్దిపేట): ‘ఎన్నాళ్లీ కంపు’ అంటు ఈనెల 2న ‘సాక్షి’లో ప్రచురితమైన కథనానికి స్పందించిన మున్సిపల్‌ అధికారులు, సిబ్బంది మురుగును తొలగించారు. జిల్లా కేంద్రంలోని మారుతినగర్‌ వీధి నంబర్‌–1లో అండర్‌గ్రౌండ్‌ డ్రైనేజీ వ్యవస్థ సక్రమంగా లేకపోవడంతో కాలనీలో మురుగు నీరు నిలిచింది. దీంతో పాటుగా మ్యాన్‌ హోల్‌లో నుంచి మురుగు నీరు కాలనీలో విచ్చలవిడిగా ప్రవహించటంతో కాలనీ వాసులు తీవ్ర ఇబ్బందులు ఎదుర్కొన్నారు. ముఖ్యంగా దుర్వాసన, దోమలు, ఈగలతో పలువురు అనారోగ్యం బారినపడ్డారు. ఈక్రమంలో ‘సాక్షి’లో ప్రచురితమైన కథనంతో మున్సిపల్‌ అధికారులు, సిబ్బంది త్వరగా స్పందించి మురుగును తొలగించారు. దీంతో నేడు కాలనీ వాసులు ఇబ్బందులు లేకుండా హ్యాపీగా ఉంటున్నారు. ఈసందర్భంగా సాక్షికి ప్రత్యేక కృతజ్ఞతలు తెలిపారు.

● కలెక్టర్‌ హైమావతి ● గజ్వేల్‌లో అధికారులతో సమీక్ష గజ్వేల్‌: ట్రిపుల్‌ఆర్‌ (రీజినల్‌ రింగ్‌ రోడ్డు) భూ సేకరణను పూర్తి చేసి, భూములను నేషనల్‌ హైవే అథారిటీ(ఎన్‌హెచ్‌ఏఐ)కి అప్పగించాలని కలెక్టర్‌ హైమావతి ఆదేశించారు. బుధవారం గజ్వేల్‌ ఐఓసీ (ఇంటిగ్రేటెడ్‌ ఆఫీస్‌ కాంప్లెక్స్‌)లో ఎన్‌హెచ్‌ఏఐ, రెవెన్యూ అధికారులతో సమీక్ష నిర్వహించారు. ఈ సందర్భంగా ఆమె మాట్లాడుతూ భూసేకరణలో ఎదురయ్యే ఇబ్బందులను ఒక్కొక్కటిగా పరిష్కరించుకోవాలన్నారు. జిల్లాలోని జగదేవ్‌పూర్‌, మర్కూక్‌, గజ్వేల్‌, వర్గల్‌, రాయపోల్‌ మండలాల నుంచి ట్రిపుల్‌ఆర్‌ నిర్మాణం జరగనుందని, దీనివల్ల కలిగే ప్రయోజనాలను ప్రజలకు వివరించి, సహకారాన్ని కోరాలని చెప్పారు. భూసేకరణ పూర్తయిన ప్రాంతంలో డ్రోన్‌ సర్వే నిర్వహించి రైతులు ఎలాంటి పంటలు వేయకుండా స్వాధీనం చేసుకో వాలని తెలిపారు. ఈ ప్రక్రియలో రెవెన్యూ, ఎన్‌హెచ్‌ఏఐ అధికారులు సమన్వయంతో ముందుకుసాగాలన్నారు. ఇంకా ఈ సమీక్షలో గజ్వేల్‌ ఆర్‌డీఓ వీవీఎల్‌ చంద్రకళ, నేషనల్‌ హైవే అథారిటీ అధికారులు, తహసీల్దార్లు, సర్వేయర్లు పాల్గొన్నారు.

● ఏసీపీ ఆధ్వర్యంలో తనిఖీలు ● ఫామ్‌హౌస్‌కు వెళ్లకుండా బ్రేకులు వర్గల్‌(గజ్వేల్‌): ఫామ్‌హౌస్‌ ముట్టడి పిలుపు నేపథ్యంలో మంగళవారం వర్గల్‌ మండలం గౌరారం రాజీవ్‌రహదారిపై పాములపర్తి క్రాస్‌రోడ్డు వద్ద చెక్‌పోస్టు ఏర్పాటుచేశారు. సిద్దిపేట ట్రాఫిక్‌ ఏసీపీ సుమన్‌కుమార్‌ పర్యవేక్షణలో సీఐలు సత్యనారాయణ, వాసుదేవరావు, ఎస్‌ఐలు, పోలీసులు ఫామ్‌హౌజ్‌ వైపు వెళ్తున్న వాహనాలను తనిఖీచేశారు. అటువైపు వెళ్తున్న నాయకులను అదుపులోకి తీసుకుని గౌరారం, బేగంపేట, ములుగు పోలీస్‌స్టేషన్‌లకు తరలించారు.

ఎమ్మెల్యే కొత్త ప్రభాకర్‌రెడ్డి దుబ్బాక: ‘సీఎం రేవంత్‌రెడ్డి పోలీసులను అడ్డుపెట్టుకొని ఇష్టం వచ్చినట్లుగా వ్యవహరించడం మంచి పరిణామం కాదు. తెలంగాణ ప్రజలు అన్ని గమనిస్తున్నారు.. బీఆర్‌ఎస్‌ అధినేత కేసీఆర్‌ను టచ్‌ చేసి చూస్తే అర్థమవుతుందని’ ఎమ్మెల్యే కొత్త ప్రభాకర్‌రెడ్డి హెచ్చరించారు. మంగళవారం ఆయన ఫోన్‌ లో సాక్షితో మాట్లాడారు. బీఆర్‌ఎస్‌ ఎమ్మెల్యేలపై ఎంత కక్ష సాధింపు వైఖరిని అవలంబిస్తున్నారో తెలుస్తోందన్నారు. బీఆర్‌ఎస్‌ అధినేత కేసీఆర్‌పై ఇష్టం వచ్చినట్లు మాట్లాడడమే కాకుండా ఎర్రవెల్లిలోని ఫామ్‌ హౌస్‌కు ఉసిగొల్పడం సిగ్గు మాలిన చర్య అన్నారు. ఎర్రవల్లికి వెళ్తున్న బీఆర్‌ఎస్‌ ఎమ్మెల్యేలను మధ్యలోనే పోలీసులు అడ్డుకొని బలవంతంగా అరెస్టు చేసి పోలీస్‌స్టేషన్‌లలో నిర్బంధించడాన్ని తీవ్రంగా ఖండించారు. ఈ నియంత పాలనకు రోజులు దగ్గర పడ్డాయని హెచ్చరించారు.

తొగుట(దుబ్బాక): ప్రజా ప్రతినిధులు, అధికారులు సమన్వయంతో పనిచేయాలని మెదక్‌ ఎంపీ రఘునందన్‌రావు సూచించారు. మిరుదొడ్డి మండల ప్రజా పరిషత్‌ కార్యాలయంలో మంగళవారం సర్వసభ్య సమావేశం నిర్వహించారు. సమావేశానికి ముఖ్య అతిథిగా హాజరై మాట్లాడారు. గ్రామాల్లో నెలకొన్న సమస్యలను పర్పంచ్‌లు ఎంపీ దృష్టికి తీసుకువచ్చారు. అనంతరం ఎంపీ మాట్లాడుతూ గ్రామాల అభివృద్ధికి తనవంతు సహకారం అందిస్తానని హామీనిచ్చారు. ప్రజల సమస్యల పరిష్కారంలో అధికారులు నిర్లక్ష్యంగా వ్యవహరించవద్దని హెచ్చరించారు. సమావేశంలో వివిధ గ్రామాల సర్పంచ్‌లు, ఆయా శాఖల అధికారులు పాల్గొన్నారు. డీఏఈ స్వరూపరాణి చేర్యాల(సిద్దిపేట): ఎల్‌నినో ప్రభావం వల్ల వర్షాభావ పరిస్థితులపై ఎప్పటికప్పుడు అవగాహన కలిగి ఉండాలని డీఏఓ స్వరూపరాణి రైతులకు సూచించారు. మంగళవారం స్థానిక రైతు వేదికలో నిర్వహించిన అవగాహన కార్యక్రమంలో ఆమె పాల్గొని తీసుకోవాల్సిన జాగ్రత్తలపై వివరించారు. అలాగే ప్రతి మంగళవారం జరిగే వీడియో కాన్ఫరెన్స్‌ కార్యక్రమంలో రైతులు పాల్గొని నూతన విషయాలు తెలుసుకోవాలని సూచించారు. అనంతరం పలు పంటలను ఆమె స్వయంగా పరిశీలించారు. కార్యక్రమంలో ఏఓ అఫ్రోజ్‌, ఆత్మ చైర్మన్‌ తిరుపతి, ఏఈఓలు, రైతులు పాల్గొన్నారు. సిద్దిపేటజోన్‌: వికసిత్‌ భారత్‌ యంగ్‌ లీడర్స్‌ డైలాగ్‌ –2027 కోసం యువత నుంచి దరఖాస్తులు స్వీకరించనున్నట్లు జిల్లా యువజన అధికారి రంజిత్‌రెడ్డి ఒక ప్రకటనలో పేర్కొన్నారు. స్వామి వివేకానంద జయంతి సందర్భంగా జిల్లాలోని 15 ఏళ్ల నుంచి 29 ఏళ్లు ఉన్న వారు ఆన్‌లైన్‌ ద్వారా దరఖాస్తులు సమర్పించాలని సూచించారు. వికసిత్‌ భారత్‌ ఛాలెంజ్‌, డిజైన్‌ ఫర్‌ భారత్‌, హ్యాక్‌ ఫర్‌ సోషల్‌ కాజ్‌,యూత్‌ ఆంత్ర, యూత్‌ పార్లమెంట్‌ అనే అంశాల్లో పోటీలు ఉంటాయని తెలిపారు. ఎంపిక ప్రక్రియ డిజిటల్‌ క్విజ్‌, వ్యాస రచన, జిల్లా, రాష్ట్ర స్థాయి ప్రజెంటేషన్‌, గ్రాండ్‌ ఫినాలే వరకు అనేక దశల్లో కొనసాగుతుందన్నారు. ప్రశాంత్‌నగర్‌(సిద్దిపేట): హైదరాబాద్‌లో జరిగిన అలయన్స్‌ క్లబ్‌ సౌత్‌ మల్టీపుల్‌ సమావేశంలో సిద్దిపేట అలయెన్స్‌ క్లబ్‌కు 4 అవార్డులు వచ్చాయని అలయెన్స్‌ క్లబ్‌ సభ్యులు ఆత్మరాములు తెలిపారు. సిద్దిపేటలో అలయెన్స్‌ క్లబ్‌ ఆధ్వర్యంలో జిల్లాలో చేస్తున్న సేవ కార్యక్రమాలకు ఈ అవార్డులు వచ్చాయని తెలిపారు. ఈ అవార్డులతో తమ బాధ్యత మరింతగా పెరిగిందని వారు అన్నారు. చేర్యాల(సిద్దిపేట): కనీస వేతన సలహా బోర్డు పునర్వ్యవస్థీకరణలో ప్రధాన కార్మిక సంఘాలైన సీఐటీయూ, ఏటీయూసీ, ఐఎన్‌టీయూసీ ప్రాతినిధ్యం నిరాకరించడం దుర్మార్గమని సీఐటీయూ జిల్లా సహాయకార్యదర్శి శోభ అన్నారు. వెంటనే ఈ నిర్ణయాన్ని వెనక్కి తీసుకుని, అన్ని కార్మిక సంఘాలకు ప్రాతినిధ్యం కల్పించాలని డిమాండ్‌ చేశారు. మంగళవారం మున్సిపల్‌ కార్యాలయం ఎదుట నిరసన వ్యక్తం చేసి మాట్లాడారు. ఈ కార్యక్రమంలో సీఐటీయూ పట్టణ కన్వీనర్‌ భాస్కర్‌, మున్సిపల్‌ కార్మికులు పాల్గొన్నారు.

సిద్దిపేటకమాన్‌: పెండింగ్‌ బిల్లులు చెల్లించాల్సిందేనని, అప్పటి వరకు రైస్‌ మిల్లులకు తాళం వేస్తామని జిల్లా రైస్‌ మిల్లర్స్‌ అండ్‌ డీలర్స్‌ వెల్ఫేర్‌ అసోసియేషన్‌ అధ్యక్షుడు కొమురవెల్లి చంద్రశేఖర్‌, రూరల్‌ అధ్యక్షుడు చింత రాజు తెలిపారు. పట్టణంలో మంగళవారం వారు విలేకరులతో మాట్లాడారు. సివిల్‌ సప్లై నుంచి మిల్లింగ్‌ చార్జీలు, ట్రాన్స్‌పోర్ట్‌, ఇతర చార్జీలు రానందున మిల్లర్లు ఆర్థికంగా ఇబ్బందులు పడుతున్నారని ఆవేదన వ్యక్తం చేశారు. మూడేళ్ల నుంచి ఎఫ్‌సీఐ వారు స్థలం చూపెట్టకపోవడంతో అదే సీజన్‌లో డెలివరీ చేయలేక పోతున్నామని, దీంతో మిల్లులను డిఫాల్టర్లుగా చిత్రీకరించి 25శాతం ఫెనాల్టితో పాటు 12శాతం వడ్డీ విధిస్తున్నారన్నారు. కొద్ది రోజులుగా అధికారులు తనిఖీ చేస్తూ మిల్లర్లను ఇబ్బందులు పెడుతున్నారన్నారు. మిల్లింగ్‌ ప్రక్రియ నిలిపివేసి, మిల్లులు మూసి వేసి తాళాలు కలెక్టర్‌కు అప్పగించనున్నట్లు తెలిపారు. సమావేశంలో మిల్లర్స్‌ నాయకులు పాల్గొన్నారు. పెండింగ్‌ బిల్లులు చెల్లించాల్సిందే వచ్చే సీజన్‌లో ధాన్యం తీసుకోం రైస్‌ మిల్లర్స్‌ అసోసియేషన్‌ జిల్లా, రూరల్‌ అధ్యక్షులు కొమురవెల్లి చంద్రశేఖర్‌, చింత రాజు

ఉత్తమ ప్లానింగ్‌తోజీపీడీపీలో సిద్దిపేట అర్బన్‌ టాప్‌ ● 95 శాతం మార్కులు సాధించిన 12 గ్రామాలు సిద్దిపేటఅర్బన్‌: ప్రతి సంవత్సరం కేంద్ర, రాష్ట్ర ప్రభుత్వాలు బడ్జెట్‌ రూపొందించుకొని పార్లమెంట్‌లో, అసెంబ్లీలో ప్రవేశపెట్టడం మనం చూస్తూనే ఉంటాం. కానీ ప్రత్యేకంగా గ్రామ పంచాయతీలకు బడ్జెట్‌ రూపొందించడం అనే ప్రక్రియ ఇంత వరకు లేదు. కానీ బడ్జెట్‌ మాదిరిగానే గ్రామ పంచాయతీల సమగ్ర అభివృద్ధి కోసం గ్రామ పంచాయతీ డెవలప్‌మెంట్‌ ప్లాన్‌ (జీపీడీపీ) ను రూపొందించడానికి కేంద్ర ప్రభుత్వం చర్యలు చేపట్టింది. అందులో భాగంగానే ఇటీవల రూపొందించిన 2026–27 జీపీడీపీలో సిద్దిపేట అర్బన్‌ మండలంలోని ఆయా గ్రామ పంచాయతీలు అత్యుత్తమ ప్రతిభ కనబరిచాయి. జీపీడీపీలో భాగంగా గ్రామ ప్రజల అవసరాలు, మౌలిక వసతులు, పారిశుద్ధ్యం, తాగునీరు, పచ్చదనం, ఆరోగ్యం, విద్య, మహిళా, శిశు సంక్షేమం, సామాజిక భద్రత తదితర అంశాలను పరిగణనలోకి తీసుకొని ప్రజల భాగస్వామ్యంతో గ్రామ అభివృద్ధి ప్రణాళికను రూపొందించారు. నిర్దిష్ట ప్రణాళికతో పని చేసిన అధికారులు రాబోయే రోజుల్లో గ్రామాలలో ఎలాంటి అభివృద్ధి పనులు చేపట్టాల్సి ఉంది, ఏ ఏ పనులు పెండింగ్‌ లో ఉన్నాయి వాటిలో ప్రాధాన్యత క్రమంలో ఏ పనులను ముందు చేపట్టాలి, వాటి కోసం ఎంత నిధులు అవసరమవుతాయి, గ్రామంలో ప్రధాన మౌలిక వసతుల లేమి ఏంటి అనే విషయాలను గుర్తించి ఆ మేరకు కమిటీ నిర్ధిష్ట ప్రణాళిక రూపొందించింది. ఆ ప్రణాళికను కేంద్ర ప్రభుత్వం నిర్దేశించిన ప్రమాణాలకు అనుగుణంగా రూపొందించడంలో అధికారులు విజయవంతంగా పనిచేయడం వల్లనే ఇది సాధ్యమైంది. జీపీడీపీ కమిటీకి ఎంపీడీఓ అధ్యక్షుడిగా, ఎంపీఓ కన్వీనర్‌గా, 14 శాఖలకు చెందిన మండల స్థాయి అధికారులు సభ్యులుగా ఉన్నారు. ఒక్కో గ్రామానికి ఒక్కో అంశం గ్రామ పంచాయతీ అభివృద్ధి ప్రణాళికలో భాగంగా రూపొందించిన యాక్షన్‌ ప్లాన్‌లో అధికారులు ఒక్కో గ్రామానికి ఒక్కో ప్రత్యేకమైన అంశంను కేటాయించి ఆ అంశం వారీగా అభివృద్ధి ప్రణాళిక రూపొందించారు. 95 శాతం సగటు సాధించిన సిద్దిపేట అర్బన్‌ మండలంలోని 12 గ్రామ పంచాయతీలు జీపీడీపీలో పాల్గొనగా కనిష్టంగా 93 శాతం మార్కుల నుంచి గరిష్టంగా 98 శాతం మార్కులు సాధించాయి. మండల స్థాయిలో మొత్తంగా 1200 మార్కులకు గాను సిద్దిపేట అర్బన్‌ మండలం 1143 మార్కులు సాధించి 95 శాతం సగటుతో జిల్లాలో మొదటి స్థానంలో నిలిచింది. గ్రామాల వారీగా తడ్కపల్లి 98%, మందపల్లి 98%, మిట్టపల్లి 97%, బూరుగుపల్లి 96%, ఎన్సాన్‌పల్లి 96%, పాండవపురం 95%, కిష్ఠసాగర్‌ 95%, నాంచారుపల్లి 95%, ఎల్లుపల్లి 94%, బక్రిచెప్యాల 93%, పొన్నాల 93%, వెల్కటూరు 93 శాతం సాధించాయి.

జిల్లా కేంద్రంలోని టీటీడీ కల్యాణ మండపంలో మంగళవారం నిర్వహించిన సదరాని(దివ్యాంగుల వైకల్య నిర్ధ్దారణ పరీక్షల శిబిరం)కి అనూహ్య స్పందన లభించింది. వివిధ రకాల వైకల్య సమస్యలతో బాధపడుతున్న 290 మంది హాజరయ్యారు. వీరికి ఆర్థోపెడిక్‌, న్యూరో సర్జన్‌, రేడియాలిజిస్టులు పరీక్షలు నిర్వహించారు. రాష్ట్ర ప్రభుత్వం చేయూత ఆసరా పథకం దరఖాస్తులు ఆహ్వానిస్తున్న నేపథ్యంలో పెద్ద ఎత్తున దివ్యాంగులు తరలించారు. శిబిరాన్ని జిల్లా వైద్యాధికారి ధనరాజ్‌, అదనపు డీఆర్డీఓ సుధీర్‌లు పరిశీలించారు. –సిద్దిపేటజోన్‌

ప్రజల అవసరాలను గుర్తించి, ప్రణాళికా బద్ధంగా అభివృద్ధి కార్యక్రమాలను అమలు చేస్తూ స్వచ్ఛమైన, ఆరోగ్యవంతమైన, అభివృద్ధి చెందిన గ్రామాల నిర్మాణమే లక్ష్యంగా సిద్దిపేట అర్బన్‌ మండలం ముందుకు సాగుతోంది. ప్రణాళికను పకడ్బందీగా రూపొందించడంలో ప్రజలు, సర్పంచులు, పంచాయతీ కార్యదర్శులు, కంప్యూటర్‌ ఆపరేటర్లు, గ్రామ పంచాయతీ సిబ్బంది సహకారం ఎంతగానో తోడ్పడింది. ఇదే స్ఫూర్తితో జాతీయ స్థాయిలో మండలం మెరిసేలా కృషి చేస్తాం. – జోగం రాజు, ఎంపీఓ సిద్దిపేట అర్బన్‌

డప్పుకొడుతూ ఫాంహౌస్‌ ముట్టడికి వెళ్తున్న డీసీసీ అధ్యక్షురాలు ఆంక్షారెడ్డి మర్కూక్‌ వరదరాజుపూర్‌లో కాంగ్రెస్‌, బీసీఆర్‌ఎస్‌ నాయకుల మధ్య ఘర్షణ వాతావరణం.. అదుపుచేస్తున్న పోలీసులుకాంగ్రెస్‌, బీఆర్‌ఎస్‌ పోటాపోటీ ఆందోళన కార్యక్రమాలతో మంగళవారం గజ్వేల్‌ నియోజకవర్గం దద్దరిల్లింది. మాజీ సీఎం కేసీఆర్‌ ఫామ్‌హౌస్‌ను డప్పుచప్పుళ్లతో ముట్టడించడానికి కాంగ్రెస్‌, పోటీగా బీఆర్‌ఎస్‌ ఆందోళన కార్యక్రమాలను చేపట్టడంతో తీవ్ర ఉద్రిక్తత నెలకొంది. ఈ క్రమంలో వందలాది పోలీసులు మోహరించారు. కట్టడికి తీవ్రంగా శ్రమించారు. –గజ్వేల్‌ స్పీకర్‌ను ఉద్దేశించి బీఆర్‌ఎస్‌ ఎమ్మెల్సీ తాతా మధు చేసిన వ్యాఖ్యలపై మాదిగ, మాల సంఘాల జేఏసీతో కలిసి కాంగ్రెస్‌ వెయ్యి డప్పులతో ఫామ్‌హౌస్‌ ముట్టడికి పిలుపునిచ్చింది. ఈ నేపథ్యంలో గజ్వేల్‌ మాజీ ఎమ్మెల్యే తూంకుంట నర్సారెడ్డి, డీసీసీ అధ్యక్షురాలు ఆంక్షారెడ్డితోపాటు మాదిగ, మాల సంఘాల నాయకులు కేసీఆర్‌ ఫామ్‌హౌస్‌ సమీపంలోని వర్ధరాజపూర్‌కు చేరుకున్నారు. డప్పుచప్పుళ్లతో శివారువెంకటాపూర్‌ రోడ్డువైపు నుంచి ఫామ్‌హౌస్‌ వైపునకు దూసుకెళ్లే ప్రయత్నం చేశారు. అక్కడ భారీ సంఖ్యలో మోహరించి ఉన్న పోలీసులు అడ్డుకున్నారు. ఈ సందర్భంగా పోలీసులకు, బీఆర్‌ఎస్‌ నాయకులకు మధ్య తోపులాట జరగడంతో ఉద్రిక్తత నెలకొంది. తోపులాటలో నర్సారెడ్డికి గాయాలవడంతో అస్వస్థతకు గురయ్యారు. దీంతో ఆయనను అక్కడి నుంచి తరలించే ప్రయత్నం పోలీసుల చేయడంతో కాంగ్రెస్‌ కార్యకర్తలు వాహనానికి అడ్డుపడ్డారు. పోలీసులు వారికి పక్కకు తోసి అక్కడి నుంచి నర్సారెడ్డిని.. ముందుగా ప్రజ్ఞాపూర్‌ అతిథి ఆస్పత్రికి తరలించారు. ఇక్కడ ప్రాథమిక చికిత్స అనంతరం..హైదరాబాద్‌లోని నిమ్స్‌ ఆస్పత్రికి తరలించారు. నాలుగు రోడ్లలోనూ టెన్షన్‌.. కాంగ్రెస్‌ ఆందోళన కార్యక్రమాల నేపథ్యంలో కేసీఆర్‌ ఫామ్‌హౌస్‌కు వెళ్లే ఎర్రవల్లి, శివారువెంకటాపూర్‌, వర్దరాజపూర్‌, మర్కూక్‌, దామరకుంట దారుల్లో టెన్షన్‌ వాతావారణం నెలకొంది. ఈ దారులను అష్టదిగ్బంధనం చేయడానికి పోలీసులు తీవ్రంగా శ్రమించారు. ఐజీ చంద్రశేఖర్‌రెడ్డి, ఇతర పోలీసు ఉన్నతాధికారులు రష్మీపెరుమాళ్‌, జోయల్‌డేవిస్‌, అనురాధతోపాటు గతంలో ఇక్కడ పనిచేసిన వెళ్లిన ఏసీపీ స్థాయి, సీఐ, ఎస్‌ఐ స్థాయి అధికారులను రాష్ట్రం నలుమూలల నుంచి ఇక్కడికి రప్పించి ఆందోళన కార్యక్రమాలను కట్టడి చేయడానికి ప్రయత్నించారు. దామరకుంటలో కాంగ్రెస్‌ కార్యకర్తలు గ్రామానికి చెందిన బీఆర్‌ఎస్‌ మాజీ ఎంపీటీసీ కృష్ణ ఇంటిపైకి దూసుకెళ్లడం ఉద్రిక్తతను సృష్టించింది. ఈ సందర్భంగా ఆయన ఇంటిపైకి రాళ్ల రువ్వడమేకాకుండా దాడి చేయడంతోపాటు కృష్ణతోపాటు మరో ఇద్దరికి గాయాలయ్యాయి. దీంతో ఆగ్రహానికి గురైన బీఆర్‌ఎస్‌ కార్యకర్తలు సైతం రాళ్లు రువ్వడంతో పలువురు కాంగ్రెస్‌ నాయకుల కారు అద్ధాలు ధ్వంసమయ్యాయి. వర్ధరాజపూర్‌ వద్ద కాంగ్రెస్‌, బీఆర్‌ఎస్‌ వర్గాల తోపులాట చోటుచేసుకున్నది. బీఆర్‌ఎస్‌ నాయకులు సీఎం రేవంత్‌రెడ్డి దిష్టిబొమ్మను దహనం చేశారు. ఈ సందర్భంగా పరస్పర వ్యతిరేక నినాదాలు దద్దరిల్లాయి. ఈ సందర్భంగా ఒకరిపై, మరొకరు చెప్పులు, వాటర్‌బాటిళ్లను విసురుకున్నారు. ఈ సందర్భంగా చాలాసేపు ఉద్రిక్తత కొనసాగింది. కేసీఆర్‌ క్షమాపణ చెప్పాలి: నర్సారెడ్డి రాష్ట్రంలో బీఆర్‌ఎస్‌ నేతలు అరాచకం ప్రదర్శించడం వల్లే సమస్యలు వస్తున్నాయని గజ్వేల్‌ మాజీ ఎమ్మెల్యే తూంకుంట నర్సారెడ్డి మండిపడ్డారు. ఫామ్‌హౌస్‌ ముట్టడి సందర్భంగా గాయపడిన ఆయన విలేకరులతో మాట్లాడారు. అత్యున్నతమైన పదవిలో ఉన్న స్పీకర్‌ను ఇష్టానుసారంగా దూషించడమేకాకుండా, పోలీసులపైనే బీఆర్‌ఎస్‌ నేతలు దాడికి పాల్పడ్డారని ఆరోపించారు. ఈ సంఘటనపై కేసీఆర్‌ క్షమాపణ చెప్పాలని డిమాండ్‌ చేశారు. ప్రజాస్వామ్యాన్ని ఖూనీ చేస్తున్న కాంగ్రెస్‌ పోటాపోటీ ఆందోళనలతో తీవ్ర ఉద్రిక్తం దద్దరిల్లిన గజ్వేల్‌ నియోజకవర్గం వందలాదిగా పోలీసుల మోహరింపు గజ్వేల్‌ నియోజకవర్గ బీఆర్‌ఎస్‌ ఇన్‌ఛార్జి వంటేరు ప్రతాప్‌రెడ్డి కాంగ్రెస్‌ తీరుకు నిరసనగా బీఆర్‌ఎస్‌ ఆందోళన కార్యక్రమాలను నిర్వహించారు. గజ్వేల్‌ నియోజకవర్గ ఇన్‌చార్జి వంటేరు ప్రతాప్‌రెడ్డి పార్టీ శ్రేణులతో కలిసి సింగాయిపల్లి వద్ద రాజీవ్‌రహదారిపై రాస్తారోకో నిర్వహించడం ఉద్రిక్తతను సృష్టించింది. హుటాహుటినా పోలీసులు అక్కడికి చేరుకొని అరెస్ట్‌ చేసి అక్కడి నుంచి పంపించారు. కాగా మర్కూక్‌లో గజ్వేల్‌ మార్కెట్‌ కమిటీ మాజీ చైర్మన్‌ మాదాసు శ్రీనివాస్‌, మండల బీఆర్‌ఎస్‌ అధ్యక్షుడు కర్ణాకర్‌రెడ్డి, ఎంపీటీసీల ఫోరం మాజీ రాష్ట్ర వర్కింగ్‌ ప్రెసిడెంట్‌ దేవీ రవీందర్‌ తదితరులు నిర్వహించిన రైతు ధర్నా కూడా ఉద్రిక్తతకు దారితీసింది. ఈ సందర్భంగా పోలీసులు వారిని అరెస్ట్‌ చేశారు.

సాక్షి, సిద్ధిపేట: గజ్వేల్‌ నియోజకవర్గంలోని ఎర్రవెల్లిలో ఉద్రిక్త పరిస్థితులు నెలకొన్నాయి. తెలంగాణ స్పీకర్‌ గడ్డం ప్రసాద్‌పై బీఆర్‌ఎస్‌ ఎమ్మెల్సీ తాతా మధు వ్యాఖ్యల నేపథ్యంలో.. కాంగ్రెస్‌ ఎస్సీ సెల్‌ నిరసనలకు దిగింది. ఇవాళ మాజీ సీఎం కేసీఆర్‌ ఫామ్‌హౌజ్‌ ముట్టడికి పిలుపు ఇచ్చింది. ఈ నేపథ్యంలో 144 సెక్షన్‌ విధించి.. పోలీసులు భారీగా భద్రతను మోహరించారు. 144 సెక్షన్‌ అమల్లో ఉండటంతో కేసీఆర్‌ ఫామ్‌హౌజ్‌ వైపు ఎవరినీ అనుమతించడం లేదు. అటు వైపు అన్ని మార్గాలను బారికేడ్లతో మూసివేసి, చుట్టుపక్కల పోలీసు వాహనాలతో నిరంతరం పహారా కాస్తున్నారు. ఇటు మర్కుక్‌ పోలీస్‌స్టేషన్‌ వద్ద కూడా భారీగా బలగాలను మోహరించారు. ఆందోళనకారులను అదుపులోకి తీసుకునేందుకు డీసీఎంలను సైతం పోలీసులు సిద్ధంగా ఉంచారు. మరోవైపు ఎర్రవెల్లిలో ఏర్పాటు చేసిన బీఆర్‌ఎస్‌ ధర్నా శిబిరాన్ని పోలీసులు ఎత్తివేయడంతో అక్కడ మరింత ఉద్రిక్తత నెలకొంది.ఇదీ చదవండి: రేవంత్‌ సర్కార్‌పై హరీష్‌రావు ఫైర్‌

సాక్షి, హైదరాబాద్‌: బీఆర్‌ఎస్‌ ఎమ్మెల్సీలు తాతా మధు, నవీన్‌రెడ్డి అరెస్టులపై బీఆర్‌ఎస్‌ సీనియర్‌ నేత, మాజీ మంత్రి హరీష్‌రావు తీవ్రంగా స్పందించారు. రేవంత్‌రెడ్డి ఆదేశాలతోనే పోలీసులు తమ పార్టీ ప్రజాప్రతినిధులపై దాడులు చేసి, ఇప్పుడు వారినే అరెస్ట్‌ చేయడం దురదృష్టకరమని ఆరోపించారు. హైకోర్టు చెప్పినా పట్టించుకోకుండా కేసులు పెట్టి అరెస్టు చేయడం చట్టాన్ని, న్యాయస్థానాలను ధిక్కరించడమేనని మంగళవారం ఉదయం ఓ ట్వీట్‌ చేశారు.ప్రతిపక్షం అంటే ముఖ్యమంత్రి రేవంత్‌రెడ్డికి ఎందుకింత కక్ష అని ప్రశ్నించారు. బీఆర్‌ఎస్‌ ప్రజాప్రతినిధులు అసెంబ్లీకి రాకుండా చేసి ప్రజా సమస్యలు చర్చకు రాకుండా చేయడమే ప్రభుత్వ కుట్రా అని నిలదీశారు. 1000 రోజుల పాలన వైఫల్యాలు, 22ఏ భూముల వ్యవహారం, భూ కుంభకోణాలు, పాలిటెక్నిక్‌ విద్యార్థులు, రైతుల సమస్యలు సభలో చర్చకు వస్తాయనే భయంతోనే అరెస్టులు చేస్తున్నారా? అని ప్రశ్నించారు.“ఉల్టా చోర్ కొత్వాల్ కో డాంటే” అంటే.. తప్పు చేసినవాడే ఎదుటివారిని నిందించడం అని హరీష్‌రావు పేర్కొన్నారు. పోలీసులు తమపై దాడి చేసి, ఇప్పుడు తమ పార్టీ ఎమ్మెల్సీలనే అరెస్ట్‌ చేస్తున్నారని విమర్శిస్తూ.. “దొంగే పోలీసును మందలించినట్టుంది” అని ఆయన వ్యాఖ్యానించారు. తమ మహిళా ఎమ్మెల్యేల చీరలు లాగి, గొంతు పిసికిన వారిపై చర్యలు తీసుకోకుండా తమపైనే కేసులు, అరెస్టులు చేయడం ఏమిటని హరీష్‌రావు మండిపడ్డారు. బీఆర్‌ఎస్‌ ప్రజాప్రతినిధుల ఇళ్ల ముందు భారీగా పోలీసులను మోహరించడాన్ని కూడా తప్పుబట్టారు. ఖాకీలను ప్రైవేట్‌ సైన్యంగా వాడుకుంటూ హిట్లర్‌ పాలనను తలపిస్తున్నారని విమర్శించారు. ఇది ప్రజాపాలన కాదని, ప్రతిపక్ష గొంతు నొక్కే ఎమర్జెన్సీ రాజ్యమని వ్యాఖ్యానించారు. ‘ప్రశ్నిస్తే కేసు.. నిలదీస్తే అరెస్ట్‌.. ప్రజల సమస్యలపై మాట్లాడితే నిర్బంధం’ అంటూ ప్రభుత్వ తీరును దుయ్యబట్టారు. ఎన్ని అక్రమ కేసులు పెట్టినా బీఆర్‌ఎస్‌ గొంతుకను అణచలేరని, ప్రజా సమస్యలపై తమ పోరాటం ఆగదని స్పష్టం చేశారు.శాసన సభ్యులను, మండలి సభ్యులను సభలోకి రానివ్వకుండా రేవంత్ రెడ్డి ఆదేశాల మేరకు క్రూరంగా , కర్కశంగా గౌరవ శాసన సభ్యుల ను, మండలి సభ్యుల మీద దాడి చేసి సభా హక్కులను కబళించిన పోలీసులే నేడు ఉల్టా చోర్ కొత్వాల్ కో డాంటే అన్నట్లు గౌరవ మండలి సభ్యులు తాత మధు, నవీన్ రెడ్డి లను అరెస్ట్ చేయడం…— Harish Rao Thanneeru (@BRSHarish) September 8, 2026

బీఆర్‌ఎస్‌వీ నేతలు హుస్నాబాద్‌: జీవో 97 రద్దు చేయాలని బీఆర్‌ఎస్‌వీ నాయకులు ప్రభుత్వాన్ని డిమాండ్‌ చేశారు. విద్యార్థులతో కలిసి బీఆర్‌ఎస్‌ ఆధ్వర్యంలో సోమవారం ఆర్డీఓ రామ్మూర్తికి వినతి పత్రం ఇచ్చారు. ఈ సందర్భంగా బీఆర్‌ఎస్‌వీ రాష్ట్ర ప్రధాన కార్యదర్శి సూరంపల్లి పరశురామ్‌ మాట్లాడుతూ... ప్రభుత్వం తెచ్చి న జీవో 97వల్ల పాలిటెక్నిక్‌ విద్యార్థులు ఆందోళన చెందుతున్నారని తెలిపారు. విద్యార్థులకు భరోసా కల్పించి ఉన్నత చదువులను ప్రోత్సహించే విధంగా ప్రభుత్వ కార్యక్రమాలు కొనసాగించాలన్నారు. చీకటి జీవోలు తెచ్చి విద్యార్థులను ఇబ్బంది పెడితే బీఆర్‌ఎస్‌వీ చూస్తూ ఊరుకోదని హెచ్చరించారు. కార్యక్రమంలో బీఆర్‌ఎస్‌వీ, యూత్‌ నాయకులు అమర్‌, శ్యామ్‌, హరీశ్‌ తదితరులు పాల్గొన్నారు. ప్రశాంత్‌నగర్‌(సిద్దిపేట): ఖమ్మంలో జరుగుతున్న ఏబీవీపీ రాష్ట్ర కార్యవర్గ సమావేశాలలో జిల్లా కన్వీనర్‌గా ఫణీందర్‌ ఎన్నికయ్యారు. ఈ మేరకు ఏబీవీపీ జిల్లా నాయకులు సోమవారం మీడియాకు తెలిపారు. జిల్లాలో విద్యార్థుల సమస్యల పరిష్కారానికి నిరంతరం కృషి చేస్తానని ఫణీందర్‌ స్పష్టం చేశారు. రాష్ట్ర ఎస్సీ,ఎస్టీ కమిషన్‌ చైర్మన్‌ బక్కి వెంకటయ్య దుబ్బాకరూరల్‌: ప్రజలంతా సుఖసంతోషాలతో ఉండాలని రాష్ట్ర ఎస్సీ,ఎస్టీ కమీషన్‌ చైర్మన్‌ బక్కి వెంకటయ్య ఆకాంక్షించారు. శ్రావణమాసం ఆఖరి సోమవారం పురస్కరించుకుని అక్బర్‌పేట భూంపల్లి మండలం చౌదర్‌పల్లిలో శ్రీదుబ్బరాజేశ్వరస్వామి దేవాలయంలో ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ.. విస్తారంగా వర్షాలు కురిసి పాడిపంటలు సమృద్ధిగా పండాలని, రైతులు, ప్రజలంతా సుఖసంతోషాలతో ఉండాలని కోరుకున్నానన్నారు. కార్యక్రమంలో మున్సిపల్‌ వైస్‌ చైర్మన్‌ సులోచనస్వామి, ఆలయ పూజారి భాను తదితరులు పాల్గొన్నారు. సీఎంఆర్‌ఎఫ్‌ పేదలకు వరంటీపీసీసీ అధికార ప్రతినిధి బండారు శ్రీకాంత్‌రావు గజ్వేల్‌: సీఎంఆర్‌ఎఫ్‌ పేదలకు వరమని టీపీసీసీ రాష్ట్ర అధికార ప్రతినిధి బండారు శ్రీకాంత్‌రావు తెలిపారు. గజ్వేల్‌ మండలం జాలిగామలో అనారోగ్యంతో బాధపడుతున్న మహ్మద్‌ ఖాజాబేగంకు రూ.5లక్షల ఎల్‌ఓసీ సోమవారం అందజేశారు. ఈ సందర్భంగా శ్రీకాంత్‌రావు మాట్లాడుతూ...ఆర్థిక పరిస్థితులు చితికిపోయి మెరుగైన చికిత్స చేయించుకోలేని పేదలకు సీఎంఆర్‌ఎఫ్‌ ద్వారా అండగా నిలుస్తున్నామన్నారు. కార్యక్రమంలో నాచారం ట్రస్ట్‌బోర్డు డైరెక్టర్‌ నాయకం శ్రీనివాస్‌, కొండపోచమ్మ ఆలయ డైరెక్టర్‌ ఆనంద్‌, నాయకులు యాదగిరి, నవీన్‌గౌడ్‌, గోవింద్‌, మనోజ్‌కుమార్‌, నవీన్‌చారి తదితరులు పాల్గొన్నారు.

మాజీ మున్సిపల్‌ చైర్మన్‌ రాజనర్సు సిద్దిపేటఅర్బన్‌/సిద్దిపేటరూరల్‌: తెలంగాణలో సీఎం రేవంత్‌రెడ్డి నేతృత్వంలో రాక్షస పాలన సాగుతోందని సిద్దిపేట మాజీ మున్సిపల్‌ చైర్మన్‌ రాజనర్సు వ్యాఖ్యానించారు. సోమవారం శాసనసభ సమావేశాలకు వెళ్తున్న హరీశ్‌రావు, కేటీఆర్‌లతో పాటు పార్టీ ఎమ్మెల్యేలను పోలీసులు అడ్డుకుని అరెస్టు చేయడాన్ని నిరసిస్తూ పొన్నాల వద్ద రాజీవ్‌ రహదారిపై రాస్తారోకో నిర్వహించారు. ఈ సందర్భంగా వారు మాట్లాడుతూ.. హరీశ్‌రావు, కేటీఆర్‌, పార్టీ ఎమ్మెల్యేలపై పోలీసులు భౌతిక దాడులు చేయడం హేయమన్నారు. అనంతరం నాయకులు కలెక్టర్‌ వద్దకు చేరుకుని కొద్దిసేపు నిరసన వ్యక్తం చేసి ప్రజావాణిలో కలెక్టర్‌ కె.హైమావతికి వినతిపత్రాన్ని అందించారు. కార్యక్రమంలో బీఆర్‌ఎస్‌ పార్టీ సీనియర్‌ నాయకులు పాల్గొన్నారు.

● అయోమయంలో రైతులు ● ఒకవైపు వర్షాభావంమరోవైపు కరెంట్‌ కోతలు ● యూరియా కొరతతో ఇబ్బందులు ఒకవైపు వానలు లేక మరోవైపు కరెంట్‌ కోతలతో రైతులు సతమతమవుతున్నారు. ఇటీవల వర్షాలకు రైతులు ఎక్కువ విస్తీర్ణంలో వరి పంట సాగు చేయగా..గత ఇరవై రోజుల నుంచి వర్షాలు లేక పోవడంతో పంటలు ఎండిపోయే దశకు చేరుకుని పంటభూములు నెర్రెలు వారుతున్నాయి. కళ్ల ముందే పంటలు ఎండి పోతుండటంతో రైతన్నలు ఆందోళన చెందుతున్నారు. –దుబ్బాకరూరల్‌ ఎల్‌నినో ప్రభావంతో వర్షాకాల ప్రారంభంలో వర్షాలు సరిగ్గా కురవక పోవడంతో రైతులు పంట పొలాలను చదును చేసి నాట్లు కొంత ఆలస్యంగా వేశారు. మధ్యలో కొన్ని తుఫానుల కారణంగా పంట పొలాల్లో నీళ్లు నిలవడంతో ఎక్కువ విస్తీర్ణంలో రైతులు వరి నాట్లు వేశారు. వరి నాట్లు వేసి రెండు నెలలు అవుతున్నా వరి పంటలు ఏపుగా పెరిగే దశలోనే వర్షాలు కురవక పోవడంతో నీళ్లు అందక పంటలు నెర్రెలు వారి ఎండిపోయె దశకు చేరాయి. కరెంట్‌ కోతలు అదనం ప్రభుత్వం పంటల సాగుకు 12గంటలు కరెంట్‌ ఇస్తామంటూనే కోతలు విధిస్తోంది. ఒక్కో రోజు ఒక్కోవిధంగా కరెంట్‌ సరఫరా చేస్తున్నారు. ఉదయం ఆరు గంటల నుంచి సాయంత్రం ఆరు గంటల వరకు విద్యుత్‌ సరఫరా చేయాలి. రోజుకు పది, పదకొండు గంటలు మాత్రమే కరెంట్‌ సరఫరా చేస్తున్నారు. బ్రేక్‌ డౌన్లు, ఎల్‌సీల పేరుతో కరెంట్‌ కోతలు విధిస్తున్నారు. వచ్చే పన్నెండు గంటల్లో రోజుకు రెండు, మూడు గంటల కరెంట్‌ కోత విధిస్తున్నారు. దీంతో పంటలు సాగు రైతులకు కష్టంగా మారింది. పైపులతో పంటకు నీళ్లు వరి పంటలకు నీళ్లు అందకపోవడంతో రైతులు బోర్ల నుంచి పైపులు వేసి నీళ్లు అందిస్తున్నారు. రోజుకో మడికి పైపుల ద్వారా పంటలకు నీళ్లు పెడుతున్నారు. దీనికితోడు యాప్‌లో యూరియా బుక్‌కాక పోవడంతో రైతులు ఆందోళన చెందున్నారు.

● ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి ● గజ్వేల్‌లో విద్యార్థులతో కలిసి బీఆర్‌ఎస్‌ ధర్నా గజ్వేల్‌: ఫీజు రీయింబర్స్‌మెంట్‌ చెల్లించకపోవడంతోపాటు యువతకు ఇచ్చిన హామీలను విస్మరించిన ముఖ్యమంత్రి రేవంత్‌రెడ్డి తన పదవికి వెంటనే రాజీనామా చేయాలని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి డిమాండ్‌ చేశారు. కాంగ్రెస్‌ ప్రభుత్వం విద్యార్థులకిచ్చిన హామీలను అమలు చేయాలని డిమాండ్‌ చేస్తూ సోమవారం గజ్వేల్‌లో భారీ ర్యాలీ, ధర్నా నిర్వహించారు. ఈ సందర్భంగా ప్రతాప్‌రెడ్డి మాట్లాడుతూ..ఫీజు రీయింబర్స్‌మెంట్‌ రూ.12వేల కోట్లను ప్రభుత్వం బకాయిపెట్టడం వల్ల విద్యార్థుల చదువులు ఆగమయ్యే పరిస్థితి వచ్చిందన్నారు. అధికారంలోకి వచ్చిన మొదటి ఏడాదిలోనే 2లక్షల ఉద్యోగాలిస్తానని హామీ ఇచ్చిన రేవంత్‌రెడ్డి మాట తప్పారని మండిపడ్డారు. ‘యూత్‌ డిక్లరేషన్‌’అమలు చేయడంలోనూ ప్రభుత్వం నిర్లక్ష్యంగా వ్యవహరిస్తుందని విమర్శించారు. విద్యార్థులు, యువత పక్షాన పోరాటం ముమ్మరం చేస్తామని హెచ్చరించారు. కార్యక్రమంలో బీఆర్‌ఎస్‌ రాష్ట్ర కార్యదర్శి రాధాక్రిష్ణశర్మ, గజ్వేల్‌–ప్రజ్ఞాపూర్‌ మున్సిపల్‌ చైర్‌పర్సన్‌ చందన, మార్కెట్‌ కమిటీ మాజీ చైర్మన్‌ మాదాసు శ్రీనివాస్‌ తదితరులు పాల్గొన్నారు. ‘ప్రజావాణి’లో ఆర్‌డీఓకు ఫిర్యాదు గజ్వేల్‌లోని ఆర్‌డీఓ కార్యాలయంలో నిర్వహించిన ‘ప్రజావాణి’లో వంటేరు ప్రతాప్‌రెడ్డి ప్రభుత్వం ఎన్నికల మేనిఫెస్టోలో ఇచ్చి హామీలను అమలు చేయాలని డిమాండ్‌ చేస్తూ పార్టీ నేతలతో కలిసి స్థానిక ఆర్‌డీఓ వీవీఎల్‌ చంద్రకళకు ఫిర్యాదు చేశారు.

పంటల సాగుకు ప్రభుత్వం 24 గంటల కరెంట్‌ ఇవ్వాలి. 12 గంటల కరెంట్‌ ఇవ్వడం వలన వరి పంటలు పారడం లేదు. వర్షాలు లేక పోవడంతో పంటలు ఎండి పోతున్నాయి. పైపుల ద్వారా నీళ్లు పెట్టి పారిస్తున్నాం. –భద్రయ్య, రైతు యూరియా కొరతతో సతమతమవుతున్నాం. పంటలను యూరియా చల్లే సమయానికి యూరియా రావడం లేదు. ఏదో ఒక్క షాపుకు యూరియా వస్తే యాప్‌లో బుక్‌ చేయడంలో ఇబ్బందులు ఎదురవుతున్నాయి. యాప్‌లో సతాయిస్తుండటంతో యూరియా బుక్‌ కావడం లేదు. యూరియా యాప్‌ను తొలగించాలి. అందరికీ యూరియా అందేలా చూడాలి. –జోగయ్య, రైతు

ఒకప్పుడు ప్రైవేటు కళాశాలల వైపు మొగ్గు చూపిన విద్యార్థులు ఇప్పుడు ప్రభుత్వ జూనియర్‌ కళాశాలల్లో చేరేందుకు ఆసక్తి కనబరుస్తున్నారు. కళాశాలల్లో మౌలిక వసతుల కల్పన, ఆధునిక బోధనా పరికరాల ఏర్పాటు, విద్యార్థులు–తల్లిదండ్రులతో నిరంతర అనుసంధానం, ప్రభుత్వం కల్పిస్తున్న సౌకార్యలపై ప్రచారం వంటి చర్యలు ప్రవేశాల పెరుగుదలకు దోహదపడుతున్నాయి. గతేడాదికంటే ఈ సంవత్సరం 287 ప్రవేశాలు ప్రభుత్వ జూనియర్‌ కళాశాలలో పెరిగాయి. –సాక్షి, సిద్దిపేట జిల్లా వ్యాప్తంగా ఉన్న 20 ప్రభుత్వ జూనియర్‌ కళాశాలలను మరింత ఆకర్షణీయంగా తీర్చిదిద్దేందుకు రూ.2.67 కోట్లతో మౌలిక వసతుల అభివృద్ధి పనులు చేపట్టారు. ప్రతీ కళాశాలకు రెండు చొప్పున ఇంటిగ్రేటెడ్‌ ఫ్లాట్‌ ప్యానల్‌ బోర్డులు, ఇంటిగ్రేటెడ్‌ డిజిటల్‌ బోర్డులు అందించారు. డిజిటల్‌ విధానంలో పాఠ్యాంశాలను బోధించడం ద్వారా విద్యార్థులకు విషయాలను సులభంగా అర్థమయ్యేలా చేస్తున్నారు. 2025–26 విద్యా ఏడాదిలో మొదటి సంవత్సరంలో 2,986 మంది చేరగా, 2026–27లో 3,273 మంది ప్రవేశాలు పొందారు. ఏడాది వ్యవధిలోనే 287 మంది అదనంగా చేరడం ప్రభుత్వ జూనియర్‌ కళాశాలలపై పెరుగుతున్న నమ్మకానికి నిదర్శనంగా నిలుస్తోంది. నంగునూరు, ములుగు ప్రభుత్వ జూనియర్‌ కళాశాలలో గతం కంటే కొంత తక్కువగా ప్రవేశాలు జరిగాయి. రెండుసార్లు పేరెంట్‌ మీటింగ్‌లు విద్యార్థుల భవిష్యత్తుపై తల్లిదండ్రుల్లో విశ్వాసం పెంచేందుకు ప్రభుత్వ జూనియర్‌ కళాశాలల్లో రెండుసార్లు మెగా పేరెంట్‌ మీటింగ్‌లు నిర్వహించారు. కళాశాలల్లో అందుబాటులో ఉన్న బోధన, మౌలిక వసతులు, విద్యార్థులకు ప్రభుత్వం కల్పిస్తున్న అవకాశాలపై తల్లిదండ్రులకు వివరించారు. జిల్లాలోని ప్రభుత్వ ఉన్నత పాఠశాలలకు జూనియర్‌ కళాశాల అధ్యాపకులను నోడల్‌ అధికారులుగా నియమించారు. ఆయా పాఠశాలలకు వెళ్లి పదో తరగతి విద్యార్థులతో, వారి తల్లిదండ్రులతో నిరంతరం సంబంధాలు ఏర్పరచుకున్నారు. విజయగాథలే ‘వాల్‌ ఆఫ్‌ ఫేమ్‌’ ప్రభుత్వ జూనియర్‌ కళాశాలల్లో చదివి ఉన్నత స్థాయికి చేరుకున్న పూర్వ విద్యార్థుల వివరాలతో ప్రత్యేకంగా ‘వాల్‌ ఆఫ్‌ ఫేమ్‌’ఏర్పాటు చేశారు. గతంలో జిల్లాలోని ఆయా ప్రభుత్వ జూనియర్‌ కళాశాలల్లో చదివిన విద్యార్థులు ప్రస్తుతం ఏ రంగంలో, ఏ స్థాయిలో ఉన్నారో ఫ్లెక్సీల రూపంలో ప్రదర్శించారు. కళాశాలలను సందర్శించిన తల్లిదండ్రులు, విద్యార్థులు వీటిని ఆసక్తిగా పరిశీలించారు. ఇది కూడా ప్రవేశాల పెరుగుదలకు ఒక ప్రధాన కారణంగా మారింది. ఉన్నత విద్యకు భరోసా ప్రభుత్వ జూనియర్‌ కళాశాలల్లో చదివిన విద్యార్థులు ఇంజినీరింగ్‌, నీట్‌ వంటి ఉన్నత విద్యా కోర్సుల్లో సీట్లు సాధిస్తే వారికి వంద శాతం ఫీజు రీయింబర్స్‌మెంట్‌ సదుపాయం అందుబాటులో ఉంది. ఆర్థికంగా వెనుకబడిన కుటుంబాల విద్యార్థులకు ఇది పెద్ద భరోసాగా మారుతోంది. తక్కువ ఖర్చుతో ఇంటర్మీడియెట్‌ విద్యను పూర్తి చేసి, ఉన్నత విద్యలోనూ అవకాశాలు పొందవచ్చనే అంశం తల్లిదండ్రులను ప్రభుత్వ కళాశాలల వైపు ఆకర్షిస్తోంది. జిల్లాలో ప్రభుత్వ జూనియర్‌ కళాశాలలకు పెరుగుతున్న ఆదరణ ఈ ఏడాది ఇంటర్‌లో 287కు పెరిగిన ప్రవేశాలు పూర్వ విద్యార్థుల విజయగాథలే ‘వాల్‌ ఆఫ్‌ ఫేమ్‌’

బీజేపీ రాష్ట్ర నాయకులు బాలేష్‌గౌడ్‌ దుబ్బాక: కాంగ్రెస్‌ సర్కార్‌ పిరికితనానికి అక్రమ అరెస్టులే నిదర్శనమని బీజేపీ రాష్ట్ర నాయకులు అంబటి బాలేష్‌గౌడ్‌ వ్యాఖ్యానించారు. విద్యార్థుల వేల కోట్ల ఫీజు బకాయిలు ఎగ్గొట్టడాన్ని నిరసిస్తూ సోమవారం బీజేపీ తలపెట్టిన ఛలో అసెంబ్లీ కి వెళ్లనివ్వకుండా దుబ్బాకలో పోలీసులు బీజేపీ నాయకులను ముందస్తుగా అరెస్టు చేశారు. ఈ సందర్భంగా ఆయన మాట్లాడుతూ..రూ.15 వేల కోట్ల ఫీజు బకాయిలు ఎగ్గొట్టి 40 లక్షల మంది విద్యార్థుల భవిష్యత్తును రేవంత్‌ సర్కార్‌ కాలరాస్తుందన్నారు. కాంగ్రెస్‌ సర్కార్‌కు చిత్తశుద్ధి ఉంటే వెంటనే ఫీజు బకాయిలు విడుదల చేయాలని డిమాండ్‌ చేశారు. కాగా బాలేష్‌గౌడ్‌తోపాటు బీజేపీ దుబ్బాక మున్సిపల్‌ అధ్యక్షులు శ్రీకాంత్‌యాదవ్‌, ప్రవీణ్‌కుమార్‌, రమేశ్‌రెడ్డి, రమణారెడ్డి, నేహాల్‌గౌడ్‌, మనోజ్‌గౌడ్‌ తదితరులున్నారు.

కొమురవెల్లి(సిద్దిపేట): కొమురవెల్లి మల్లికార్జున స్వామి ఆలయంలో శ్రావణమాసం చివరి సోమ వారం సందర్భంగా ప్రత్యేక పూజలు నిర్వహించారు. ఈ సందర్భంగా ఉదయం నుంచి స్వామి వారికి అభిషేకాలు, నిత్యకల్యాణం, గంగా పూజ, మహాగణపతి పూజ, పంచామృత, ,రసపంచామృత, ఏకదశరుద్రాభిషేకం, సహస్ర బిల్వార్చన, పు ష్పార్చన, అన్నపూజ మహోత్సవం నిర్వహించారు. కార్యక్రమంలో ఆలయ ఏఈఓ బుద్ది శ్రీని వాస్‌, ప్రధానార్చకులు మహాదేవుని మల్లికార్జున్‌, ఆలయ అర్చకులు, ఉద్యోగులు తదితరులు పాల్గొన్నారు. అదేవిధంగా స్వామి వారిని ఆంధ్రప్రదేశ్‌ దేవాదాయ శాఖ డిప్యూటీ కమిషనర్‌ చంద్రశేఖర్‌ ఆజాద్‌ దర్శించుకుని ప్రత్యేక పూజలు నిర్వహించారు.

కలెక్టర్‌ హైమావతి సిద్దిపేటరూరల్‌: పర్యావరణ పరిరక్షణ మనందరి బాధ్యతని దీనిపై ప్రతి ఒక్కరూ అవగాహన కలిగి ఉండాలని కలెక్టర్‌ హైమావతి పేర్కొన్నారు. కలెక్టరేట్‌లో తెలంగాణ కాలుష్య నియంత్రణ మండలి రూపొందించిన పర్యావరణాన్ని పరిరక్షణకు సంబంధించిన పోస్టర్‌ను కలెక్టర్‌ ఆవిష్కరించారు. ఈ సందర్భంగా కలెక్టర్‌ మాట్లాడుతూ...ప్లాస్టర్‌ ఆఫ్‌ పారిస్‌తో చేసిన వినాయకులను పూజించడం వల్ల చెరువులు, కాలువలు కలుషితమవుతున్నాయని ఈ క్రమంలో మట్టి గణపతిని పూజించి పర్యావరణాన్ని పరిరక్షించాలన్నారు. ప్లాస్టిక్‌ కాలుష్యాన్ని తగ్గించడానికి ప్రతీ ఒక్కరు కృషి చేయాలన్నారు. కలెక్టర్‌ చేతుల మీదుగా అధికారిక దత్తత కలెక్టరేట్‌లో జిల్లా మహిళా శిశు సంక్షేమ శాఖ ఆధ్వర్యంలో తొమ్మిదేళ్ల బాలుడిని కరీంనగర్‌ జిల్లాకు చెందిన సింగిల్‌ పేరెంట్‌ మహిళకు కలెక్టర్‌ చేతుల మీదుగా అధికారికంగా దత్తత అందించారు. ఈ సందర్భంగా కలెక్టర్‌ మాట్లాడుతూ...బాబును బాగా చదివించాలని, అతడికి ఇష్టమైన రంగంలో ప్రోత్సాహమిస్తూ బాలుడి బంగారు భవిష్యత్‌కు బాటలు వేయాలన్నారు. జిల్లావ్యాప్తంగా పిల్లలు లేని దంపతులు దత్తత తీసుకోవాలనుకుంటే సిద్దిపేటలో గల శిశు గృహ, జిల్లా బాలల పరిరక్షణ విభాగం ద్వారా అధికారికంగా దరఖాస్తు చేసుకోవాలని సూచించారు. ప్రజావాణికి 70 దరఖాస్తులు కలెక్టరేట్‌లో నిర్వహించిన ప్రజావాణికి ప్రజల నుంచి 70 దరఖాస్తులు అందాయి. జిల్లాలోని వివిధ ప్రాంతాల నుంచి తమ సమస్యల పరిష్కారం కోసం ప్రజలు అందించిన అర్జీలను కలెక్టర్‌ హైమావతి స్వీకరించారు. ఈ సందర్భంగా కలెక్టర్‌ మాట్లాడుతూ ఆయా శాఖల్లో ప్రజావాణి పెండింగ్‌ దరఖాస్తులను వెంటనే పరిష్కరించాలన్నారు. కాగా, ప్రజావాణి కార్యక్రమానికి పలువురు జిల్లా అధికారులు ఆలస్యంగా హాజరుకావడంతో విషయాన్ని గమనించిన కలెక్టర్‌ హైమావతి సదరు జిల్లా అధికారులను ప్రజావాణి కార్యాలయం లోపలికి అనుమతించలేదు. దీంతో కొద్ది సేపు అదికారులు బయటనే వేచి ఉన్నారు.

అక్కన్నపేట(హుస్నాబాద్‌): గ్రామాల సమగ్రాభివృద్ధికి నిధులివ్వాలని కోరుతూ ఆదివారం అక్కన్నపేట మండలంలోని పలువురు సర్పంచులు రాష్ట్ర రవాణ, బీసీ సంక్షేమ శాఖ మంత్రి పొన్నం ప్రభాకర్‌కు మర్యాద పూర్వకంగా హైదరాబాద్‌లో కలిసి విన్నవించారు. ఈ సందర్భంగా సర్పంచుల ఫోరం మండలాధ్యక్షుడు బానోతు వెంకటేశ్‌ నాయక్‌ మాట్లాడుతూ..మండలంలో మొత్తం 38గ్రామాలు ఉండగా అందులో 06 గిరిజన తండాలు( శ్రీరాంతండా, చౌటకుంట, సేవాలాల్‌ మహారాజ్‌తండా, హాతీరాం అంబనాయక్‌తండా, దాసుతండా, కెప్టన్‌ చౌడుతండా)లు గ్రామాలుగా ఏర్పాటు కాగా, జీపీలో ఉన్న నిధులు విత్‌డ్రాలు కావడంలేదన్నారు. జీపీడీపి ప్లాన్‌ లేదని, జీపీలో ఉన్న నిధులు తీసుకునేందుకు అవకాశం కల్పించాలని విన్నవించినట్లు చెప్పారు. సర్పంచులుగా గెలిచినప్పటి నుంచి సుమారుగా తొమ్మిది నెలల కాలం వ్యవధిలో గ్రామా భివృద్ధిలో భాగంగా రూ.3లక్షల నుంచి రూ.5లక్షల వరకు ఖర్చు చేశామని తెలిపారు. ఖర్చు చేసిన డబ్బులు తీసుకునేందుకు ‘జీపీడీపీ’అడ్డంకిగా మారిందన్నారు. పైన పేర్కొన్న విషయాలపై మంత్రి పొన్నంతోపాటుగా పంచాయితీరాజ్‌ మంత్రి సీతక్క, పంచాయతీరాజ్‌ కమిషనర్‌ను కూడా కలిసి విన్నవించామని వివరించారు. మంత్రి పొన్నం ప్రభాకర్‌కు పలువురు సర్పంచుల వినతి

బెజ్జంకి(సిద్దిపేట)ః రూ.23 కోట్ల రూపాయల వేతనం తీసుకుంటూ అసెంబ్లీకి రాని ప్రతిపక్ష నేత కేసీఆర్‌ రాజీనామా చేయాలని కాంగ్రెస్‌ పార్టీ మండల అధ్యక్షుడు లింగాల శ్రీనివాస్‌ డిమాండ్‌ చేశారు. బెజ్జంకిలో ఆదివారం బీఆర్‌ఎస్‌, కేసీఆర్‌లకు వ్యతిరేకంగా నినాదాలు చేస్తూ ప్రధాన వీధుల గుండా భారీ ర్యాలీ నిర్వహించారు. దిష్టిబొమ్మ దహనానికి ప్రయత్నించారు. అనంతరం సహకార సంఘం చైర్మన్‌ దామోదర్‌, ఏఎంసీ చైర్మన్‌ కృష్ణలతో కలిసి ఆయన మట్లాడుతూ.. దళితుడు స్పీకర్‌గా ఉన్నాడని అసెంబ్లీకి రాని కేసీఆర్‌ దళితద్రోహని ఆరోపించారు. వెంటనే ఎమ్మెల్యే పదవికి రాజీనామా చేసి వేతనంగా తీసుకున్న రూ.23 కోట్లను సీఎం సహాయ నిధికి ఇవ్వాలని డిమాండ్‌ చేశారు. మానకొండూర్‌లో ఎమ్మెల్యే కవ్వంపల్లి సత్యనారాయణను విమర్శించడం సరికాదన్నారు. కార్యక్రమంలో ఆపార్టీ నాయకులు, సర్పంచ్‌లు రత్నాకర్‌రెడ్డి, శ్రీనివాస్‌రెడ్డి, సంపత్‌రెడ్డి, రమేశ్‌, సంతోశ్‌, రాములు,నర్సింగం, సందీప్‌, శరత్‌, తదితరులు పాల్గొన్నారు. బెజ్జంకిలో కాంగ్రెస్‌ నాయకుల భారీ ర్యాలీ

బెజ్జంకి(సిద్దిపేట): బీఆర్‌ఎస్‌, కాంగ్రెస్‌ల నిరసన కార్యక్రమాలతో ఆదివారం బెజ్జంకిలో స్వల్ప ఉద్రిక్తత చోటుచేసుకుంది. మండలంలో ధ్వంసమైన రోడ్లతో ప్రజలు అవస్థలు పడుతున్నా పట్టించుకోవడంలేదని బీఆర్‌ఎస్‌ ఆధ్వర్యంలో బెజ్జంకి అంబేడ్కర్‌ విగ్రహం వద్ద నిరసన కార్యక్రమం చేపట్టారు. అదే సమయంలో ప్రతిపక్ష నేతగా అసెంబ్లీకి రాకుండా రూ.23 కోట్ల వేతనం తీసుకున్న మాజీ సీఎం కేసీఆర్‌ రాజీనామా చేయాలని కోరుతూ కాంగ్రెస్‌ పార్టీ ఆధ్వర్యంలో ప్రధాన వీధుల గుండా ర్యాలీ నిర్వహించారు. అనంతరం అంబేడ్కర్‌ విగ్రహం వద్ద మాట్లాడుతూ.. బీఆర్‌ఎస్‌కు వ్యతిరేకంగా నినాదాలు చేస్తూ ప్రసంగించారు. కేసీఆర్‌ దిష్టిబొమ్మ దహనం చేయడానికి ప్రయత్నించగా అప్రమత్తమైన సిద్దిపేట రూరల్‌ సీఐ విద్యాసాగర్‌, ఎస్‌ఐ తిరుపతి అడ్డుకుని భగ్నం చేశారు. భారీ పోలీసు బందోబస్తు మధ్య ర్యాలీ ప్రశాంతంగా సాగింది. రోడ్ల కోసం బీఆర్‌ఎస్‌ నిరసన

గజ్వేల్‌: సమాజాభివృద్ధిలో ఉపాధ్యాయుల పాత్ర కీలకమని ఎంపీ రఘునందన్‌రావు అన్నారు. గజ్వేల్‌ మండలం రిమ్మనగూడలోని ఓ ప్రైవేటు కన్వెన్షన్‌లో టీఆర్‌ఎస్‌ఎంఏ(తెలంగాణ రికగ్నైజ్డ్‌ స్కూల్‌ మేనేజ్‌మెంట్‌ అసోసియేషన్‌) ఆధ్వర్యంలో నిర్వహించిన గురుపూజోత్సవ కార్యక్రమానికి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ...విద్యార్థుల భవిష్యత్‌ను తీర్చిదిద్దడంలో ఉపాధ్యాయులు తమదైన శైలిలో కృషి చేస్తున్నారని కొనియాడారు. ఉపాధ్యాయులంటే తనకెంతో గౌరవమని, వారి సమస్యల పరిష్కారానికి సహకారాన్ని అందిస్తానని చెప్పారు. ఎమ్మెల్సీ డాక్టర్‌ యాదవరెడ్డి మాట్లాడుతూ...ప్రైవేటు పాఠశాలలో యాజమాన్యాలు సంయుక్తంగా గురుపూజోత్సవ కార్యక్రమాన్ని ఏర్పాటు చేసి తమ సంస్థల్లో పనిచేస్తున్న ఉపాధ్యాయులను గౌరవించుకోవడం అభినందనీయమన్నారు. ఎంపీ రఘునందన్‌రావు టీఆర్‌ఎస్‌ఎంఏ ఆధ్వర్యంలో గురు పూజోత్సవం

ఇర్కోడ్‌ ఏటీసీ ప్రిన్సిపాల్‌ రామానుజ సిద్దిపేటరూరల్‌: ప్రభుత్వ అడ్వాన్డ్‌స్‌ టెక్నాలజీ సెంటర్‌ ఇర్కోడ్‌లో స్పాట్‌ అడ్మిషన్ల కోసం దరఖాస్తులు స్వీకరిస్తున్నట్లు ప్రిన్సిపాల్‌ ఎస్‌.రామానుజ ఆదివారం ఓ ప్రకటనలో వెల్లడించారు. పదవ తరగతి పాసై, పై చదువులు మధ్యలో ఆపేసిన వారు అర్హులని, ఎలాంటి వయో పరిమితి లేదని తెలిపారు. దరఖాస్తుదారులు ఈనెల 7వ తేదీ మధ్యాహ్నం 1 గంటలోపు www.iti.telangana. gov.inవెబ్‌సైట్‌లో దరఖాస్తు చేసుకోవాలని సూచించారు. మ్యానుఫ్యాక్చరింగ్‌ ప్రాసెస్‌ కంట్రోల్‌ అండ్‌ ఆటోమేషన్‌ 15 సీట్లు, ఇండస్ట్రియల్‌ రోబోటిక్స్‌ అండ్‌ డిజిటల్‌ మ్యానుఫ్యాక్చరింగ్‌ 11 సీట్లు, ఆర్టిసన్‌ యూజింగ్‌ అడ్వాన్స్‌ టూల్‌ 10 సీట్లు అందుబాటులో ఉన్నాయని, రెండు సంవత్సరాల అడ్వాన్స్‌ సీఎన్‌సీ మెషినింగ్‌ టెక్నీషన్‌ 2 సీట్లు, బేసిక్‌ డిజైనర్‌ అండ్‌ వర్చువల్‌ వెరిఫైర్‌ 19 సీట్లు అందుబాటులో ఉన్నట్లు తెలిపారు. పదవ తరగతి మెమో, బోనాఫైడ్‌, కుల ధ్రువీకరణపత్రం, ఈ మెయిల్‌ ఐడీ, ఫొటో, ఫోన్‌ నంబర్‌తో ఇర్కోడ్‌ ఏటీసీ కార్యాలయాన్ని సంప్రదించాలని తెలిపారు. వర్గల్‌కు ‘వైకుంఠ రథం’ వర్గల్‌(గజ్వేల్‌): తమ తండ్రి, దివంగత ఎల్లారెడ్డి జ్ఞాపకార్థం వర్గల్‌ మాజీ సర్పంచ్‌ తూంకుంట గోపాల్‌రెడ్డి గ్రామానికి వైకుంఠ రథాన్ని వితరణ చేశారు. మాజీ ఎమ్మెల్యే తూంకుంట నర్సారెడ్డి ఆదివారం రథపూజలో పాల్గొని గ్రామానికి అంకితం చేశారు. అనంతరం దాతను అభినందించారు. కార్యక్రమంలో మాజీ ఎంపీపీలు మోహన్‌, రంగారెడ్డి, ఉపసర్ప ంచ్‌ గోవర్ధన్‌రెడ్డి, కాంగ్రెస్‌ నాయకులు పాల్గొన్నారు.

గజ్వేల్‌–ప్రజ్ఞాపూర్‌ మున్సిపాలిటీలో 2020 జూన్‌లో ప్రారంభమైన యూజీడీ పనులు అంచనాలు పెరిగి...రూ.155కోట్లతో పూర్తి చేశారు. ఇందులోభాగంగానే 130కిలోమీటర్ల భూగర్భ మురుగునీటి పైప్‌లైన్‌ వ్యవస్థతోపాటు నాలుగు చోట్ల ఎస్‌టీపీ(సీవరేజీ ట్రీట్‌మెంట్‌ ప్లాంట్‌)ల నిర్మాణం చేపట్టారు. ఈ వ్యవస్థ గత మూడున్నరేళ్లుగా అందుబాటులోకి వచ్చింది. కానీ పనులు లోపభూయిష్టంగా సాగటం వల్ల పలు కాలనీల్లో నిర్మించిన పైప్‌లైన్లకు లీకేజీలేర్పడ్డాయి. మరోవైపు కొన్ని చోట్ల చాంబర్లు ధ్వంసమయ్యాయి. ఫలితంగా జనావాసాల్లోకి యూజీడీ మురుగునీరు పారుతోంది. ఎక్కడైనా యాజీడీ చాంబర్లు నిండితే..వాటిని క్లియర్‌ చేయాల్సిన జెట్టింగ్‌ యంత్రం ఈ మున్సిపాలిటీకి అందుబాటులో లేదు. రూ.155కోట్లతో పనులు చేపట్టిన కాంట్రాక్ట్‌ ఏజెన్సీకి రూ.30కోట్లకుపైగా బిల్లులు పెండింగ్‌లో ఉన్నాయి. ఈ సాకుతో సదరు కాంట్రాక్ట్‌ ఏజెన్సీ మున్సిపాలిటీకి జెట్టింగ్‌ యంత్రం సమకూర్చలేదు. ఫలితంగా యూజీడీ నిండినా, లీకేజీలేర్పడి క్లియర్‌ చేయాల్సి వస్తే...గతంలో సిద్దిపేట మున్సిపాలిటీ అధికారులను బతిమాలుకొని ఇక్కడికి జెట్టింగ్‌ యంత్రాన్ని తెప్పించుకునేవారు. అది కూడా కొన్ని గంటలు మాత్రమే వచ్చి వెళ్లేది. దీనివల్ల చాంబర్లు క్లియర్‌ కాక, రోడ్లపైనే దుర్గంధం పారేది. త్వరలోనే కొనుగోలు చేస్తాం పాలకవర్గ సభ్యుల మధ్య ఏకాభిప్రాయం కుదరటంతో జెట్టింగ్‌ యంత్రం కొనుగోలుకు మార్గం సుగమమైంది. త్వరలోనే కొత్త యంత్రం కొనుగోలు చేస్తాం. ఇందుకు సంబంధించి ఓ ఏజెన్సీని సంప్రదించాం. – గణేశ్‌రెడ్డి, గజ్వేల్‌–ప్రజ్ఞాపూర్‌ మున్సిపల్‌ కమిషనర్‌ పాలకవర్గ సభ్యుల మధ్య ఏకాభిప్రాయంలో ఆలస్యం నెలకొనడం..గజ్వేల్‌–ప్రజ్ఞాపూర్‌ మున్సిపాలిటీలో అదనపు భారాన్ని మోపుతోంది. ఇక్కడ రూ.155 కోట్ల వ్యయంతో యూజీడీ(అండర్‌ గ్రౌండ్‌ డ్రైనేజీ) పనులు పూర్తి చేసినా రూ.60లక్షలు ఖర్చుపెట్టి శుద్ధి యంత్రం సమకూర్చలేకపోయారు. రూ.30కోట్లకుపైగా బిల్లులు పెండింగ్‌లో ఉన్నాయనే కారణంతో ఈ యంత్రం కొనుగోలులో జాప్యం చేస్తున్నారు. ప్రస్తుతం కొన్ని నెలలుగా యూజీడీ నిర్వహణకు నెలకు రూ.2లక్షలు అద్దె చెల్లించాల్సి రావడం చర్చనీయాంశంగా మారుతోంది. ఈ వ్యవహారంపై ‘సాక్షి’ ఫోకస్‌ ఇది. –గజ్వేల్‌ ఏకాభిప్రాయంలో ఆలస్యంతో.. మున్సిపాలిటీపై భారం జెట్టింగ్‌ యంత్రంకు సంబంధించిన వాస్తవ పరిస్థితులన్నీ పాలకవర్గ సభ్యులకు తెలుసు. కొత్త యంత్రం కొనుగోలు చేస్తేనే సమస్యకు పరిష్కారం లభిస్తుందని, ఇది ప్రజారోగ్యానికి సంబంధించిన కీలకమైన విషయమని కూడా స్పష్టంగా తెలుసు. అయినా 14వ ఆర్థిక సంఘం నిధులతో రూ.60లక్షల వరకు వెచ్చించి సొంత జెట్టింగ్‌ కొనుగోలు విషయంలో ఏకాభిప్రాయానికి రాలేకపోయారు. ఎవరి ఎజెండా వారు అమలు చేశారు. జెట్టింగ్‌ యంత్రం కొత్తది ఎందుకు...? అని కొందరు కౌన్సిలర్లు, యంత్రం కొనుగోలు చేసే డబ్బులను వడ్డీకిచ్చి ఆ డబ్బులతో అద్దె చెల్లిస్తే సరిపోతుందని మరికొందరు వాదించారు. దీంతో సొంత యంత్రం కొనుగోలులో నెలల తరబడి జాప్యం నెలకొంది. ఈ మధ్యలో పట్టణంలో యూజీడీ సమస్యలు తలెత్తి...నెలల తరబడి నెలకు రూ.2లక్షల అద్దైపె జెట్టింగ్‌ యంత్రాన్ని తెచ్చుకోవాల్సి వస్తోంది. ఈ లెక్కన మార్చి నెల నుంచి ఇప్పటివరకు లక్షల్లో దీనికోసం వెచ్చించారు. ఇప్పటికే ఇంటి పన్నుల చెల్లింపుల్లో వెనుకబడి...2025–26ఏడాదికి సంబంధించి రూ.3కోట్ల వరకు 15వ ఆర్థిక సంఘం నిధులు రాక, ఆర్థిక కష్టాల్లో ఉన్న మున్సిపాలిటీకి ఈ పరిణామం గుదిబండగా మారింది. అద్దె చెల్లించేబదులు...కొత్త యంత్రం మేలు విషయాన్ని ముందుగానే గ్రహించి ఉంటే వృథా ఖర్చు తప్పేది. ఎట్టకేలకు ఇటీవల ఈ అంశంపై పాలకవర్గం ఏకాభిప్రాయానికి వచ్చింది. ఇప్పటికై నా త్వరలో జెట్టింగ్‌ యంత్రం తెప్పించి వృథాకు చెక్‌ పెట్టాల్సి ఉంది. ఈ ఒక్క అంశమే కాదు. ప్రజలకు పనికొచ్చే పనుల్లో పాలకవర్గ ఏకాభిప్రాయలోపం అనర్థాలను సృష్టిస్తోంది.కొనుగోలు కోసం ఏకాభిప్రాయంలో జాప్యం జెట్టింగ్‌ యంత్రం అద్దెకు రూ.2లక్షలు చెల్లించాల్సిన దుస్థితి సొంత జెట్టింగ్‌ యంత్రం కొనుగోలుతోనే సమస్యకు పరిష్కారం గజ్వేల్‌–ప్రజ్ఞాపూర్‌ మున్సిపాలిటీలో దుస్థితి

ఈ ప్రతిష్టాత్మక ప్రాజెక్ట్‌ కోసం యుద్ధప్రాతిపదికన స్థల సేకరణ పూర్తి చేయాలని అధికారులను మంత్రి పొన్నం ప్రభాకర్‌ ఆదేశించినప్పటికీ ఆచరణలో మాత్రం ప్రక్రియ ఇప్పటికీ మొదలుకాలేదని తెలిసింది. హైవేకు సమీపంలో అనువైన ప్రభుత్వ భూమిని గుర్తించడం దానికి సంబంధించిన నిధులు కేటాయింపుపై ఇంకా పూర్తిస్థాయిలో స్పష్టత రాలేదు. 4,827 ఎకరాల విస్తీర్ణం కలిగిన శనిగరం ప్రాజెక్టులో ఏటా భారీగా చేపల దిగుబడి వస్తున్నందున ఇక్కడ అత్యాధునిక హంగులతో కూడిన మార్కెట్‌ యార్డు నిర్మాణం త్వరితగతిన పూర్తి కావాల్సిన అవసరం ఉంది. దిగుబడి పెరుగుతోంది..మార్కెట్‌ ఎక్కడ? ప్రాజెక్ట్‌లో ఇప్పటికే 10లక్షల చేప పిల్లలు 4లక్షల రొయ్య పిల్లలను విడుదల చేసి దిగుబడి పెంచేందుకు చర్యలు తీసుకున్నారు. అయితే ఇవి పెద్దవయ్యక మత్స్యకారులు నష్టపోకుండా సరైన ధరకు అమ్ముకోవడానికి ఈ షిష్‌హబ్‌ సకాలంలో అందుబాటులోకి రావాల్సి ఉంది. మార్కెటింగ్‌ సదుపాయం, కోల్డ్‌స్టోరేజీల నిర్మాణం ఆలస్యమైతే మత్య్సకారులకు ఇబ్బందులు తప్పవని స్థానిక సంఘాల నాయకులు అభిప్రాయపడుతున్నారు. త్వరగా ప్రారంభించాలని విజ్ఞప్తి.. మత్స్యకారుల శ్రమకు తగిన ప్రతిఫలం దక్కాలనే ప్రభుత్వ ఉద్దేశం మంచిదైనప్పటికీ క్షేత్ర స్థాయిలో పనులను మరింత వేగవంతం చేయాలని ప్రజలు కోరుతున్నారు. కేవలం ప్రణాళికల రూపకల్పనకే పరిమితం కాకుండా తక్షణమే బడ్జెట్‌ నిధులు విడుదల చేసి ఈ ఫిష్‌హబ్‌ పనులను ప్రారంభించాలని తద్వారా ఈ ప్రాంత మత్స్యకారులకు త్వరగా ఉపాధి అవకాశాలు మెరుగుపడతాయని స్థానికులు విజ్ఞప్తి చేస్తున్నారు. శనిగరం ప్రాజెక్ట్‌ శనిగరం ప్రాజెక్ట్‌ పరిధిలోని మత్స్యకారుల ఆర్థికాభివృద్ధి కోసం ప్రభుత్వం ప్రతిపాదించిన ఫిష్‌హబ్‌ నిర్మాణ పనులు ఇంకా ప్రారంభం కాకపోవడంపై స్థానికంగా చర్చ జరుగుతోంది. రాజీవ్‌ రహదారికీ ఆనుకుని అత్యాధునిక హంగులతో భారీ విక్రయ కేంద్రం, కోల్డ్‌ స్టోరేజీలు ఏర్పాటు చేస్తానని మంత్రి పొన్నం ప్రభాకర్‌ ప్రకటించిన విషయం తెలిసిందే. అయితే ఈ ప్రకటన వెలువడి నెలలు గడుస్తున్నా క్షేత్రస్థాయిలో పనులు ఆశించిన స్థాయిలో ముందుకు సాగకపోవడంతో మత్స్యకారులు కొంత ఆందోళన నెలకొంది. –కోహెడరూరల్‌(హుస్నాబాద్‌) మంత్రి పొన్నం ప్రకటించిన మాస్టర్‌ప్లాన్‌ షిష్‌హబ్‌ ఏర్పాటుపై ఇంకారాని స్పష్టత క్షేత్రస్థాయిలో వేగవంతం కాని స్థలసేకరణ ప్రాజెక్టులో పెరిగిన చేపల దిగుబడి విక్రయ కేంద్రం కోసం ఎదురుచూపులు

బెజ్జంకి(సిద్దిపేట): ఆరుగ్యారంటీలు, 420 హామీలు నెరవేర్చని ముఖ్యమంత్రి రేవంత్‌రెడ్డి రాజీనామా చేయాలని మానకొండూర్‌ మాజీ ఎమ్మెల్యే రసమయి బాలకిషన్‌ డిమాండ్‌ చేశారు. బెజ్జంకిలో మండల పార్టీ అధ్యక్షుడు మహిపాల్‌రెడ్డి ఆధ్వర్యంలో రోడ్ల మరమ్మతు కోసం ఆదివారం ప్లకార్డులతో నిర్వహించిన నిరసన కార్యక్రమంలో ఆయన మాట్లాడుతూ..ప్రజా సమస్యలు పట్టించుకోకుండా వెయ్యి రోజుల్లో ఏంచేశారో చెప్పాలని డిమాండ్‌ చేశారు. సంస్కార హీనంగా మాట్లాడుతున్న మానకొండూర్‌ ఎమ్మెల్యే కవ్వంపల్లి సత్యనారాయణ నోరు అదుపులో పెట్టుకుని మాట్లాడాలని హెచ్చరించారు. ఉపాధ్యాయ వృత్తిని అగౌరవ పరిచినందుకు క్షమాపణ చెప్పాలన్నారు. కార్యక్రమంలో కరీంనగర్‌ జిల్లా అధ్యక్షుడు జీవీ రామకృష్ణారావు, రాజన్న సిరిసిల్ల జిల్లా మాజీ వైస్‌ చైర్మన్‌ సిద్దం వేణు, సర్పంచ్‌లు, నాయకులు శ్రీధర్‌, భీమయ్య, నిర్మల, కవిత, రాజయ్య, చంద్రకళ, లక్ష్మణ్‌, తిరుపతి, తిరుపతిరెడ్డి, శ్రీనివాస్‌గుప్త, వివిధ గ్రామాల నుంచి వచ్చిన నాయకులు పాల్గొన్నారు. మానకొండూర్‌ మాజీ ఎమ్మెల్యే రసమయి బాలకిషన్‌

రాష్ట్ర అధ్యక్షుడు బత్తుల చంద్రం ప్రశాంత్‌ నగర్‌(సిద్దిపేట): సకల జనులు సమ్మె చేసి సాధించుకున్న తెలంగాణలో రాజ్యాధికారం ఆధిపత్య కులాలదే అయిపోయిందని బీసీ, ఎస్సీ, ఎస్టీ, మైనారిటీ, ఆధిపత్యకులాల్లోని పేదల ఐక్యవేదిక రాష్ట్ర అధ్యక్షుడు బత్తుల చంద్రం అన్నారు. సిద్దిపేట జిల్లా కేంద్రంలోని పీఆర్‌టీయూ భవన్‌లో ఆదివారం ఐక్యవేదిక జిల్లా నూతన కార్యవర్గాన్ని ఎన్నుకున్నారు. జిల్లా అధ్యక్షుడిగా తెల్జీరు శ్రీనివాస్‌యాదవ్‌ ప్రమాణ స్వీకారం చేశారు. అనంతరం వారు మీడియాతో మాట్లాడారు. మా ఓట్లు మావాళ్లకే అనే నినాదంతో ఐక్యవేదిక పనిచేస్తుందన్నారు. బహుజనుల రాజ్యాధికారం సాధించే దిశగా ఐక్యవేదిక పోరాటం చేస్తుందని తెలిపారు. కొమురవెల్లి(సిద్దిపేట): కొమురవెల్లి రైల్వే స్టేషన్‌ నిర్వహణలో అధికారుల నిర్లక్ష్యం వీడటంలేదు. రైల్వే స్టేషన్‌ ప్రారంభోత్సవ సమయంలో స్టేషన్‌ ముందు ఏర్పాటు చేసిన వీధి దీపాల స్తంభాలు అడ్డుగా ఉన్నాయని తొలగించి పక్కకు పడవేశారు. కానీ ఇంతవరకు మళ్లీ తిరిగి బిగించకపోవడంపై ప్రయాణికులు మండిపడుతున్నారు. రాత్రి సమయంలో స్టేషన్‌ ఆవరణ చీకటిగా ఉంటుందని అటు వైపు వెళ్లాలన్నా భయపడుతున్నార ఆందోళన వ్యక్తం చేస్తున్నారు. ఇప్పటికై నా రైల్వే అధికారులు స్పందించి విద్యుత్‌ స్తంభాలను బిగించి లైట్లు అమర్చాలని కోరుతున్నారు. సిద్దిపేటజోన్‌: జిల్లా కేంద్రంలోని చంద్రమౌళి గార్డెన్స్‌లో ఆదివారం జిల్లా యోగా ఛాంపియన్‌ పోటీలు కనులవిందుగా సాగాయి. ట్రెడిషనల్‌, ఆర్టిస్టిక్‌, రిథమిక్‌, తదితర అంశాల్లో వయస్సుల వారీగా బాలబాలికలకు, మహిళలకు, పురుషులకు వేర్వేరుగా పోటీలు నిర్వహించారు. జిల్లాలోని వివిధ ప్రాంతాలకు చెందిన సుమారు 300 యోగ క్రీడాకారులు పాల్గొన్నారు. విజేతలకు బహుమతులు అందజేశారు. పోటీలను ప్రముఖ యోగ గురువు గణేశ్‌ రవికుమార్‌, సిద్దిపేట యోగాసనా అసోసియేషన్‌ అధ్యక్షుడు అశోక్‌, జిల్లా యోగ శిక్షకుడు సతీశ్‌ సంధ్యలు పర్యవేక్షించారు. అంతకుముందు జిల్లా యువజన క్రీడల శాఖ అధికారి వీరారెడ్డి, మెడికల్‌ కళాశాల ఆర్‌ఎంఓ సదానందం జ్యోతి ప్రజ్వలన చేసి సందేశమిచ్చారు. వర్గల్‌ క్షేత్రంలో భక్తుల సందడి వర్గల్‌(గజ్వేల్‌): వర్గల్‌ శ్రీవిద్యాసరస్వతీ క్షేత్రం ఆదివారం చిన్నారుల అక్షర స్వీకారాలతో అలరారింది. శ్రావణమాసం దశమి శుభకరమని తల్లిదండ్రులు తమ చిన్నారులకు క్షేత్రంలో అక్షరాభ్యాసాలు జరిపించారు. మరోవైపు శ్రావణ వేళ దైవదర్శనం కోసం భారీగా భక్తులు తరలివచ్చారు. కొండపైన సరస్వతి అమ్మవారిని, శంభులింగేశ్వరుడు, విఘ్నేశ్వరుడు, సుబ్రహ్మణ్యేశ్వరుడు, వెంకటేశ్వరుని, శనీశ్వరుని దర్శించుకున్నారు. తీర్థప్రసాదాలు స్వీకరించారు. బెజ్జంకి(సిద్దిపేట): కరీంగనర్‌లో ఆదివారం నిర్వహిస్తున్న ఏఐటీయూసీ రాష్ట్ర మహాసభలకు మండలం నుంచి సీపీఐ, ఏఐటీయూసీ నాయకులు తరలివెళ్లారు. సభలకు వెళ్లినవారిలో మండల కార్యదర్శి రూపేశ్‌, పరశురాములు, రాములు, వేణు, మహేశ్‌ తదితరులు పాల్గొన్నారు.

కొమురవెల్లి(సిద్దిపేట): కొమురవెల్లి మల్లికార్జునస్వామి ఆలయంలో ఆదివారం భక్తులు స్వామి వారిని దర్శించుకున్నారు. శ్రావణమాసంలో చివరి వారం కావడంతో ఆలయం భక్తులతో కిటకిటలాడింది. దీంతో ఆలయ పరిసరాలు మల్లన్న నామస్మరణతో మార్మోగాయి. క్షేత్రానికి చేరుకున్న భక్తులు స్వామి వారిని దర్శించుకోవడంతో పాటు అభిషేకాలు, పట్నాలు, అర్చన, ప్రత్యేక పూజలు, ఒడిబియ్యం, కేశఖండన, గంగిరేణు చెట్టుకు ముడుపులు కట్టడం లాంటి మొక్కులు చెల్లించుకున్నారు. కొంతమంది భక్తులు స్వామి వారి నిత్య కల్యాణంలో పాల్గొని కొండపైన ఉన్న రేణుక ఎల్లమ్మ అమ్మవారికి బోనం సమర్పించి వేడుకున్నారు. స్వామి వారిని రాష్ట్ర నీటి పారుదల ఉద్యోగుల సంఘం రాష్ట్ర అధ్యక్షుడు లక్ష్మణరావు, కరీంనగర్‌ నీటిపారుదల జిల్లా అధ్యక్షుడు గంగర రమేశ్‌ దర్శించుకుని ఆలయంలో ప్రత్యేక పూజలు నిర్వహించారు.

సిద్ధిపేట: రేపట్నుంచి(సోమవారం, సెప్టెంబర్‌ 07వ తేదీ) ప్రారంభం కానున్న అసెంబ్లీ సమావేశాల్లో తమ పార్టీ అనుసరించాల్సిన వ్యూహాలను ఖరారు చేసుకున్నామని బీఆర్‌ఎస్‌ సీనియర్‌ నేత, మాజీ మంత్రి హరీష్‌రావు స్పష్టం చేశారు. ఈరోజు ఎర్రవల్లి ఫామ్‌ హౌస్‌లో కేసీఆర్‌ అధ్యక్షతన జరిగిన బీఆర్‌ఎస్‌ఎల్పీ సమావేశం అనంతరం హరీష్‌ మీడియాతో మాట్లాడారు. అన్ని వర్గాలకు కాంగ్రెస్‌ నష్టం చేసిందని, ఆ పార్టీ ప్రజలకు చేసిన ద్రోహాల మీద అసెంబ్లీలో నిలదీస్తామన్నారు. ‘ఈ అసెంబ్లీ కనీసం నెల పెట్టాలని మేము బీఏసీలో డిమాండ్‌ చేయబోతున్నాం. కాంగ్రెస్ పార్టీ ద్రోహాల మీద నిలదీస్తాం. 22a అంశం పై కూడా ప్రభుత్వాన్ని నిలదీస్తాం. రాబోయే కొద్ది రోజుల్లో లక్షలాది మందితో కాళేశ్వరం ఎత్తిపోతల, రంగారెడ్డి ఎత్తిపోతల విషయంలో కేసీఆర్ ప్రత్యక్ష కార్యాచరణకు దిగనున్నారు. కేసీఆర్‌ గురించి మాట్లాడే నైతిక హక్కు మీకు లేదు. రాజీనామా చేయాల్సి వస్తే మీరే చేయాలి. అన్ని విషయాల్లో ఫెయిల్ అయిన మీరే రాజీనామా చేయాలి.ప్రధాన ప్రతిపక్ష నేతకు గౌరవం ఇవ్వడం లేదు. సీఎం బూతులు తిడుతున్న ఈ సభ కు కేసీఆర్ రావాల్సిన అవసరం లేదు అని అందరం ఎమ్మెల్యేం చెప్పాం. మీ తమ్ముడు కనీసం వార్డు మెంబర్ కూడా కాదు. ఆయనకు ఎందుకు గన్‌మెన్‌లను ఇచ్చి ఖర్చు పెడుతున్నారు. అసెంబ్లీ కనీసం నెలరోజులు జరగాలని మేము స్పీకర్ ను కోరుతాం.సభలో మాకు మాట్లాడే అవకాశం ఇవ్వాలని స్పీకర్‌ను అడుగుతాం. మాకు తగిన సమయం ఇవ్వకపోతే స్పీకర్‌పై అవిశ్వాస తీర్మానం పెట్టడానికి కూడా వెనకాడం’ అని హెచ్చరించారు.ఇదీ చదవండి:త్వరలో పాదయాత్ర చేస్తా: కేసీఆర్‌ కీలక ప్రకటన

సిద్దిపేటకమాన్‌: ఆరు గ్యారంటీలని చెప్పి ప్రజలను మోసం చేసిన రేవంత్‌రెడ్డి తక్షణం రాజీనామా చేయాలని మాజీ మంత్రి, ఎమ్మెల్యే హరీశ్‌రావు డిమాండ్‌ చేశారు. కాంగ్రెస్‌ ప్రభుత్వం వెయ్యి రోజుల పాలన వైఫల్యాలపై శనివారం బీఆర్‌ఎస్‌ విద్యార్థి విభాగం ఆధ్వర్యంలో నిర్వహించిన నిరసన కార్యక్రమంలో హరీశ్‌రావు పాల్గొని మాట్లాడారు. పాలిటెక్నిక్‌ విద్యార్థుల కోసం 97జీఓ రద్దు చేయాలని, ఫీజు రీయింబర్స్‌మెంట్‌, 2లక్షల ఉద్యోగాల సంగతిపై అసెంబ్లీలో నిలదీస్తానన్నారు. రైతు బీమా, ఫీజు రీయింబర్స్‌మెంట్‌, కల్యాణ లక్ష్మి, కేసీఆర్‌ కిట్‌ పథకాలు ఎక్కడ పోయాయని, కేసీఆర్‌ తెచ్చిన అన్ని స్కీమ్‌లు బంద్‌ చేశారన్నారు. సిద్దిపేట ప్రజల కోసం శిల్పారామం, రంగనాయక సాగర్‌ టూరిజం అభివృద్ధి చేస్తుంటే వాటి పనులను ఆపారన్నారు. విద్యార్థులపై కేసులు పెట్టడం కాదని, నాపై పెట్టుకోండని అన్నారు. బీఆర్‌ఎస్‌ పాలనలో రూ.20వేల కోట్లు ఫీజు రీయింబర్స్‌మెంట్‌ ఇచ్చి పిల్లలను ఇంజనీర్లు, డాక్టర్లు, ఫార్మసీ, లా తదితర కోర్సుల్లో చదివించిందని గుర్తు చేశారు. సీఎం రేవంత్‌రెడ్డి పాలిటెక్నిక్‌ విద్యను ప్రైవేటు పరం చేస్తున్నారన్నారు. జాబ్‌ క్యాలెండర్‌ కాస్తా ‘జాబ్‌ లెస్‌’ క్యాలెండర్‌ అయిపోయిందని రెండు లక్షల ఉద్యోగాలు ఇస్తానని, 16వేలు మాత్రమే ఇచ్చారన్నారు. ఏడు గంటల కరెంట్‌ కూడా వస్తలేదని వరిచేనులు ఎండిపోయి వ్యవసాయానికి ఇబ్బంది అవుతుందని రైతులు ఆవేదన వ్యక్తం చేస్తున్నారన్నారు. సమస్యలపై అసెంబ్లీలో పోరాడుతానన్నారు. కాగా నిరసన కార్యక్రమానికి విద్యార్థులు భారీ ఎత్తున తరలివచ్చారు. విద్యార్థులు హరీశ్‌రావుతో సెల్పీలు దిగడానికి పోటీ పడ్డారు. కార్యక్రమంలో మున్సిపల్‌ మాజీ చైర్మన్‌ కడవెర్గు రాజనర్సు, సుడా మాజీ చైర్మన్‌ మారెడ్డి రవిందర్‌రెడ్డి, పాల సాయిరాం, బీఆర్‌ఎస్‌, విద్యార్థి విభాగం నాయకులు, భారీ సంఖ్యలో విద్యార్థులు తదితరులు పాల్గొన్నారు.పాలిటెక్నిక్‌ విద్యార్థుల జీవితాలతో చెలగాటమా? 97జీఓ రద్దుకు అసెంబ్లీలో పోరాడుతా రైతు బీమా, కల్యాణలక్ష్మి, కేసీఆర్‌ కిట్‌ పథకాలు ఏమయ్యాయి? మాజీ మంత్రి హరీశ్‌రావు ఫైర్‌ నా టైమ్‌ వస్తే ఊరుకుంటానా..!సిద్దిపేటజోన్‌: ‘సీఎం రేవంత్‌ రెడ్డి.. మీకు సిద్దిపేట మీద ఎందుకు అంతా కోపం.. ప్రస్తుతం మీ టైమ్‌ నడుస్తోంది.. రెండేళ్లు ఆగితే మా టైమ్‌ వస్తుంది. అప్పుడు ఊరుకుంటానా.. వెటర్నరీ కళాశాలను తిరిగి వెనక్కి తీసుకొస్తా.. నా ప్రాణం ఉన్నంతవరకు ఇంకా సిద్దిపేట అభివృద్ధికి కృషి చేస్తూనే ఉంటా’నని మాజీ మంత్రి హరీశ్‌రావు అన్నారు. శనివారం సాయంత్రం స్థానిక విపంచి ఆడిటోరియంలో ప్రభుత్వ జూనియర్‌ కళాశాల విద్యార్థుల ప్రెషర్స్‌ డే సందర్భంగా నిర్వహించిన కార్యక్రమంలో ఆయన పాల్గొని మాట్లాడారు. నియోజకవర్గ ఎమ్మెల్యేగా విద్య, వైద్యం పరంగా అన్ని వసతులు కల్పించినట్లు తెలిపారు. సిద్దిపేటలో తన కోరిక మేరకు అప్పటి సీఎం కేసీఆర్‌ మెడికల్‌ కళాశాల మంజూరు చేసిన విషయాన్ని గుర్తు చేశారు.

గజ్వేల్‌: అసెంబ్లీకి వచ్చి ప్రజా సమస్యలపై నిర్వహించే చర్చలో పాల్గొంటారా? లేక తన పదవికి రాజీనామా చేస్తారో కేసీఆర్‌ తేల్చుకోవాలని రాష్ట్ర కార్మిక, ఉపాధికల్పన, పరిశ్రమలు, ఉమ్మడి మెదక్‌ జిల్లా ఇన్‌చార్జి మంత్రి వివేక్‌ అన్నారు. కేసీఆర్‌ తన పదవికి రాజీనామా చేయాలని డిమాండ్‌ చేస్తూ గజ్వేల్‌లో డీసీసీ అధ్యక్షురాలు తూంకుంట ఆంక్షారెడ్డి, మాజీ ఎమ్మెల్యే నర్సారెడ్డిల ఆధ్వర్యంలో శనివారం గజ్వేల్‌లో భారీ బైక్‌ ర్యాలీ నిర్వహించారు. ర్యాలీ అనంతరం నిర్వహించిన సభలో మంత్రి వివేక్‌ పాల్గొని ప్రసంగించారు. కాళేశ్వరం ప్రాజెక్ట్‌ బీఆర్‌ఎస్‌ అవినీతికి పరాకాష్టగా మారిందన్నారు. ఈ ప్రాజెక్ట్‌ నిర్మాణంలో రూ.1000కోట్ల క్విడ్‌ప్రోకు పాల్పడ్డారన్నారు. మరోవైపు ఫార్ములా వన్‌ రేసింగ్‌లోనూ అవినీతికి పాల్పడ్డారని ఆరోపించారు. బీఆర్‌ఎస్‌ పాలన పూర్తిగా అవినీతిమయంగా మారటం వల్లే ప్రజలు గద్దె దింపారని అన్నారు. ఓట్లేసి గెలిపించిన గజ్వేల్‌ ప్రజలను సైతం కేసీఆర్‌ మోసం చేశారని మండిపడ్డారు. అవీనితిని అడ్రస్‌గా మారిన కాళేశ్వరంపై సమగ్రంగా చర్చించడానికి ప్రభుత్వం సిద్ధంగా ఉందన్నారు. ఇప్పటికై నా ఈనెల 7నుంచి జరగనున్న అసెంబ్లీ సమావేశాలకు కేసీఆర్‌ హాజరై చర్చల్లో పాల్గొనాలని డిమాండ్‌ చేశారు. లేనిపక్షంలో పదవికి రాజీనామా చేయాలన్నారు. కాగా అభివృద్ధి, సంక్షేమంపై తమ ప్రభుత్వంపై ప్రత్యేక దృష్టి పెట్టిందన్నారు. గత బీఆర్‌ఎస్‌ సంక్షేమాన్ని విస్మరిస్తే...నేడు తమ ప్రభుత్వం పేదల సంక్షేమమే లక్ష్యంగా ముందుకుసాగుతోందన్నారు. అంతకుముందు గజ్వేల్‌ రింగు రోడ్డుపై కాంగ్రెస్‌ కార్యకర్తలనుద్దేశించి రాష్ట్ర ప్రభుత్వ సలహాదారు, సీనియర్‌ నేత వి.హన్మంతరావు మాట్లాడుతూ కేసీఆర్‌ ఇప్పటికై నా ఎర్రవల్లి ఫామ్‌హౌస్‌ వీడి.. అసెంబ్లీకి వచ్చి గజ్వేల్‌ ప్రజల సమస్యలను తీర్చాలని డిమాండ్‌ చేశారు. ఈ కార్యక్రమాల్లో డీసీసీబీ మాజీ చైర్మన్‌ చిట్టి దేవేందర్‌రెడ్డి, మాజీ కార్పొరేషన్‌ చైర్మన్లు ఎలక్షన్‌రెడ్డి, భూంరెడ్డి, ఏఎంసీ చైర్మన్లు నరేందర్‌రెడ్డి, శ్రీనివాస్‌రెడ్డి, విజయామెహన్‌, వైస్‌ చైర్మన్‌ సర్ధార్‌ఖాన్‌, టీపీసీసీ కార్యదర్శి నాయిని యాదగిరి, కాంగ్రెస్‌ ప్రచార కమీటీ కన్వీనర్‌ నిమ్మ రంగారెడ్డి తదితరులు పాల్గొన్నారు.గజ్వేల్‌ ప్రజలను మోసం చేస్తారా? ప్రతిపక్ష నేతగా కేసీఆర్‌ విఫలం కార్మిక శాఖ మంత్రి వివేక్‌ గజ్వేల్‌లో కాంగ్రెస్‌ శ్రేణుల భారీ ర్యాలీ

మాజీ సీఎం కేసీఆర్‌కు ఆహ్వానం మర్కుక్‌(గజ్వేల్‌): అంగడికిష్టాపూర్‌లో నూతనంగా నిర్మించిన దుర్గమ్మ ఆలయంలో సోమవారం విగ్రహ ప్రతిష్ఠ మహోత్సవానికి హాజరు కావాలని మాజీ ముఖ్యమంత్రి కేసీఆర్‌ను ఆహ్వానించారు. ఈ మేరకు బీఆర్‌ఎస్‌ నాయకులు శనివారం ఎర్రవల్లిలోని ఆయన వ్యవసాయ క్షేత్రంలో మర్యాదపూర్వకంగా కలిసి ఆహ్వాన పత్రికను అందజేశారు. ఈ విషయమై కేసీఆర్‌ సానుకూలంగా స్పందించినట్లు నాయకులు తెలిపారు. కేసీఆర్‌ను కలిసిన వారిలో అంగడికిష్టాపూర్‌ సర్పంచ్‌ కొండల్‌రెడ్డి, పార్టీ మండల అధ్యక్షుడు మర్కుక్‌ కరుణాకర్‌రెడ్డి, మాజీ ఎంపీపీ పాండుగౌడ్‌, మాజీ వైస్‌ ఎంపీపీ మంద బాల్‌రెడ్డి, నాయకులు తదితరులున్నారు. జిల్లా ప్రధాన న్యాయమూర్తి సుదర్శన్‌ సిద్దిపేటకమాన్‌: రాజీపడే కేసులను గుర్తించి సత్వరం పరిష్కారానికి చర్యలు తీసుకోవాలని జిల్లా ప్రధాన న్యాయమూర్తి సుదర్శన్‌ తెలిపారు. జిల్లా కోర్టులో పోలీసు అధికారులతో న్యాయమూర్తి శనివారం సమావేశం నిర్వహించారు. ఆయన మాట్లాడుతూ.. లోక్‌ అదాలత్‌లో రాజీ ద్వారా కేసులు పరిష్కరించడటం వల్ల కోర్టుల్లో పెండింగ్‌లో ఉన్న కేసుల సంఖ్య తగ్గడంతో పాటు కక్షిదారులకు సమయం, డబ్బు ఆదా అవుతాయన్నారు. సమావేశంలో న్యాయమూర్తులు జయప్రసాద్‌, సౌజన్య, ఏసీపీ రవీందర్‌రెడ్డి, సీఐలు పాల్గొన్నారు. చిన్నకోడూరు(సిద్దిపేట): విద్యుత్‌ కోతలు నివారించాలని డిమాండ్‌ చేస్తూ మండల పరిధిలోని మాచాపూర్‌ రైతులు శనివారం విద్యుత్‌ సబ్‌ స్టేషన్‌ ఎదుట ధర్నా నిర్వహించారు. త్రీఫేజ్‌ కరంట్‌ ఎప్పుడు వస్తుందో? ఎప్పుడు పోతుందో? తెలియడం లేదని రైతులు ఆరోపించారు. రోజుకు వ్యవసాయానికి 8 గంటల విద్యుత్‌ సరఫరా కావడం లేదని, లోవోల్టేజీతో బోరుమోటార్లు కాలిపోతున్నాయని రైతులు ఆవేదన వ్యక్తం చేశారు. విద్యుత్‌ కోతలతో పంటలు ఎండుతున్నాయని వాపోయారు. దుబ్బాక: విద్యారంగంలో విశిష్ట సేవలు అందిస్తూ..విద్యార్థుల అభ్యున్నతికి కృషిచేస్తున్న లచ్చపేట మోడల్‌ స్కూల్‌ పీజీటీ సివిక్స్‌ ఉపాధ్యాయులు రాదారి నాగరాజు ప్రతిష్టాత్మకమైన శిక్షా రత్న అవార్డు–2026కు ఎంపికయ్యారు. విద్య, బోధన, కెరీర్‌ మార్గనిర్దేశం, కోచింగ్‌, అకాడమి క్‌ లీడర్‌షిప్‌ రంగాల్లో అందిస్తున్న సేవలకు గాను నాగరాజు శిక్షా రత్న అవార్డు వరించింది. ఆదివారం హైదరబాద్‌లో అవార్డును ప్రదానం చేయనున్నారు. ఈ సందర్భంగా ఆయన మాట్లాడుతూ తనకు ఈ అవార్డు రావడంపై సంతోషం వ్యక్తం చేశారు. ఈ గుర్తింపు మరింత బాధ్యతను పెంచిందన్నారు. యూరియా కోసం దుబ్బాకరూరల్‌: మండలంలోని చీకోడ్‌ గ్రామంలో యూరియా కోసం రైతులు రోడ్డుపై బైఠాయించి ధర్నా చేశారు. యాప్‌లో ఇబ్బందులు ఉండటం వల్ల బుక్‌ కావడం లేదని ఆరోపించారు. యూరియా కొరత వలన పంటలు దెబ్బతినే పరిస్థితి ఏర్పడిందన్నారు. రైతులకు సకాలంలో యూరియా అందించాలని డిమాండ్‌ చేశారు.

గజ్వేల్‌: మాజీ సీఎం కేసీఆర్‌ దిష్టిబొమ్మను దహనం చేసిన డీసీసీ అధ్యక్షురాలు ఆంక్షారెడ్డి, మాజీ ఎమ్మెల్యే తూంకుంట నర్సారెడ్డితోపాటు వారి అనుచరులపై కేసు నమోదు చేయాలని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి డిమాండ్‌ చేశారు. ఈ మేరకు శనివారం గజ్వేల్‌ పోలీస్‌స్టేషన్‌లో ఫిర్యాదు అందజేశారు. ఈ సందర్భంగా ఆయన మాట్లాడుతూ తెలంగాణ రాష్ట్రాన్ని సాధించిన కేసీఆర్‌ను అగౌరవపరచడం సిగ్గుచేటన్నారు. గజ్వేల్‌లో కాంగ్రెస్‌ నేతల తీరు చూస్తుంటే వారు అధికారంలో ఉన్నారా? ప్రతిపక్షంలో ఉన్నారా? అర్థం కావడంలేదన్నారు. వారం రోజుల్లో కాంగ్రెస్‌ నేతలపై చట్టపరమైన చర్యలు తీసుకోకపోతే సీఎం రేవంత్‌రెడ్డి దిష్టిబొమ్మను దహనం చేస్తామని హెచ్చరించారు. కార్యక్రమంలో బీఆర్‌ఎస్‌ నాయకులు పాల్గొన్నారు.

దుబ్బాక: బీడీ కార్మికుల జీవనభృతి రూ.4,016 అమలుచేయకపోవడంపై అసెంబ్లీ సమావేశాల్లో మాట్లాడుతానని ఎమ్మెల్యే కొత్త ప్రభాకర్‌రెడ్డి అన్నారు. శనివారం సీఐటీయూ ఆధ్వర్యంలో బీడీ కార్మికులు ఎమ్మెల్యేను కలిసి వినతి పత్రం అందించారు. ఈ సందర్భంగా ఎమ్మెల్యే మాట్లాడుతూ రాష్ట్రంలో వ్యవసాయ రంగం తర్వాత అత్యధికంగా 7 లక్షల మందికి పైగా బీడీ పరిశ్రమపై ఆధారపడి కార్మికులు ఉపాధి పొందుతున్నారన్నారు. ఎన్నికల ముందు తాము అధికారంలోకి వస్తే రూ.4,016 జీవనభృతి ఇస్తామని చెప్పి మూడేళ్లు అవుతున్నా అమలుచేయక పోవడం దారుణమన్నారు. కార్యక్రమంలో తెలంగాణ బీడీ అండ్‌ సిగార్‌ వర్కర్స్‌ యూనియన్‌ జిల్లా ప్రధాన కార్యదర్శి జి.భాస్కర్‌,సీఐటీయూ నాయకులు తదితరులు ఉన్నారు. ఇదిలా ఉండగా..వచ్చే ఖరీఫ్‌ సీజన్‌ పంటకు సంబంధించి ధాన్యం కొనుగోలు ప్రక్రియ సజావుగా జరిగేలా ప్రభుత్వంపై ఒత్తిడి తీసుకురావాలని కోరుతూ శనివారం జిల్లా రూరల్‌ పారాబాయిల్డ్‌ రైస్‌మిల్లర్స్‌ అసోసియేషన్‌ అధ్యక్షుడు చింత రాజు, కూర వేణు ఎమ్మెల్యే కొత్త ప్రభాకర్‌రెడ్డిని కలిసి వినతి పత్రం అందించారు.ఎమ్మెల్యే కొత్త ప్రభాకర్‌రెడ్డి

ల్యాప్‌టాప్‌ మాయంపై ఆరా సిద్దిపేటజోన్‌: సిద్దిపేట బల్దియాలో ల్యాప్‌టాప్‌ల మాయంపై సాక్షిలో శుక్రవారం ప్రచురితమైన కథనానికి అధికారులు స్పందించారు. ఈ మేరకు మున్సిపల్‌ కమిషనర్‌ మల్లికార్జున్‌ అరా తీసినట్లు తెలిసింది. బదిలీపై వెళ్లిన మెప్మా అధికారి ఒకరు ల్యాప్‌ టాప్‌ సరెండర్‌ చేయలేదని నిర్ధారణకు వచ్చిన అధికారులు సదరు మెప్మా అధికారికి నోటీసు జారీ చేశారు. అదేవిధంగా మరో ల్యాప్‌టాప్‌ బల్దియాలో బీరువాలో భద్రంగా ఉన్నట్లు సమాచారం. ఏదిఏమైనా ల్యాప్‌ టాప్‌ గుట్టు రట్టు చేసేందుకు అధికారులు అడుగులు వేస్తున్నారు.

తిన్నగా నల్ల బజార్‌కు రేషన్‌ బియ్యంఆదివారం శ్రీ 6 శ్రీ సెప్టెంబర్‌ శ్రీ 2026జిల్లా వ్యాప్తంగా 3,36,869 రేషన్‌ కార్డులుండగా వీరికి 6,583 మెట్రిక్‌ టన్నుల బియ్యం ఉచితంగా లబ్ధిదారులకు పంపిణీ చేస్తున్నారు. ఒక్కో వ్యక్తికి నెలకు 6 కిలోల చొప్పున అందజేస్తున్నారు. ఆగస్టు నెలలో మూడు నెలలకు సంబంధించిన రేషన్‌ బియ్యం ప్రభుత్వం పంపిణీ చేసింది. గతంలో రేషన్‌ షాపుల ద్వారా దొడ్డు బియ్యం పంపిణీ చేయడంతో అందులో 70శాతానికి పైగా బ్లాక్‌ మార్కెట్‌కు చేరేవి. దీంతో 2023లో జరిగిన అసెంబ్లీ ఎన్నికల్లో అధికారంలోకి వచ్చిన కాంగ్రెస్‌ పార్టీ ఇచ్చిన హామీ మేరకు గతేడాది ఏప్రిల్‌ నెల నుంచి రేషన్‌ షాపుల ద్వారా సన్న బియ్యంను పంపిణీ చేస్తోంది. ఇంటింటికీ తిరుగుతూ.. రేషన్‌ బియ్యం కొనుగోలు చేసేందుకు రైస్‌ మిల్లర్లు ప్రత్యేక టీంలు ఏర్పాటు చేసుకున్నారు. ఇంటింటికి తిరిగి రేషన్‌ బియ్యం కొనుగోలు చేస్తున్నారు. కిలోకు రూ.15 నుంచి రూ18ల వరకు కొనుగోలు చేస్తున్నారు. సేకరించిన బియ్యాన్ని రైస్‌ మిల్లర్లకు రూ.25 నుంచి రూ.30లకు విక్రయిస్తున్నారు. సిద్దిపేట పట్టణంలో ఇంటిగ్రేటెడ్‌ మార్కెట్‌ సమీపంలో చైనా బజార్‌ కేంద్రంగా రోజు రేషన్‌ బియ్యం విక్రయాలు జోరుగా సాగుతున్నాయి. ఇలా రేషన్‌ బియ్యం ప్రతి నెలా లక్షలాది రూపాయలు లావాదేవీలు జరుగుతున్నాయి. చైనా బజార్‌లో రేషన్‌ బియ్యం దందా జరుగుతుందని రెవెన్యూ , పోలీసులకు తెలిసినప్పటికీ పట్టించుకోవడం లేదని తెలుస్తోంది. అలాగే జిల్లా సరిహద్దులైనా రాయపోలులో ఓ మిల్లు అడ్డగా రేషన్‌ దందా కొనసాగుతోంది. సీఎంఆర్‌ కింద అందించే బియ్యానికి బదులు రేషన్‌ బియ్యంనే అందజేస్తున్నారు. ఇప్పటికై నా ఉన్నత అధికారులు ప్రత్యేక దృష్టి పెట్టి రేషన్‌ అక్రమ దందాను కట్టడి చేయాలని ప్రజలు కోరుతున్నారు. దీనిపై డీఎస్‌ఓ తనూజను ఫోన్‌ సంప్రదించేందుకు ప్రయత్నం చేయగా ఫోన్‌ లిఫ్ట్‌ చేయలేదు. 30శాతానికి పైగా పక్కదారి సన్న బియ్యం చాలా మంది వినియోగదారులు సద్వినియోగం చేసుకుంటున్నప్పటికీ, కొందరు బయట విక్రయిస్తున్నారు. మొదట చాలా మంది సన్న బియ్యం విక్రయించకపోయినప్పటికీ బియ్యంలో 25శాతం వరకు నూకలు ఉండటం, అన్ని రకాల సన్నాలు మిక్స్‌డ్‌గా వస్తుండటంతో వాటిని 30శాతానికి పైగా వినియోగదారులు సద్వినియోగం చేసుకోవడం లేదు.పవర్‌ బ్యాంకులు మాయం కిలోకు రూ.15పైగా లబ్ధిదారుల నుంచి కొనుగోలు ఇంటింటికీ తిరిగి సేకరిస్తున్న టీంలు సిద్దిపేటలో చైనా బజార్‌ కేంద్రంగా రేషన్‌ దందా చోద్యం చూస్తున్న రెవెన్యూ, పౌరసరఫరాల అధికారులుఇటీవల జరిగిన ఘటనలు.. రాయపోల్‌ మండలం రామవరంలోని మహాలక్ష్మి రైస్‌ మిల్లులో 400 క్వింటాళ్ల పీడీఎస్‌ బియ్యాన్ని టాస్క్‌ఫోర్స్‌ పోలీసులు పట్టుకున్నారు. అక్రమంగా తరలిస్తున్న రేషన్‌ బియ్యాన్ని ఈ నెల 2న తెల్లవారు జామున పట్టుకున్నారు. ఆగస్టు 31న అక్బర్‌పేట భూంపల్లి మండలం చిట్టాపూర్‌ గ్రామ శివారులో ఉన్న బాలాజీ రైస్‌ మిల్లులో 188 క్వింటాళ్ల బియ్యాన్ని విజిలెన్స్‌ ఎన్‌ఫోర్స్‌మెంట్‌ అధికారులు స్వాధీనం చేసుకున్నారు. ఆగస్టు 30న నంగునూరు మండలం రామచంద్రపూర్‌లో మోతె సాయిలు రేకుల షెడ్డులో అక్రమంగా నిల్వ ఉన్న 150 క్వింటాళ్ల పీడీఎస్‌ బియ్యాన్ని రాజగోపాల్‌పేట పోలీసులు పట్టుకున్నారు.రేషన్‌ కార్డు లబ్ధిదారులకు సన్న బియ్యం పంపిణీ చేస్తే.. పేదోళ్ల కడుపు నింపిన వాళ్లమవుతామన్న ఉద్దేశంతో ప్రభుత్వం గతేడాది నుంచి పంపిణీ చేస్తోంది. గతంలో దొడ్డు బియ్యం చాలా వరకు తినకుండా బయట విక్రయించేవారు. దీనిని దృష్టిలో ఉంచుకుని ప్రభుత్వం సన్న బియ్యం పంపిణీ చేస్తున్నా దాదాపు 30శాతానికి పైగా జిల్లాలో పక్కదారి పడుతున్నాయి. పలువురు ఇంటింటికీ తిరుగుతూ ‘బియ్యం కొంటాం... ’ అంటూ మైకులు పెట్టుకుని బహిరంగంగా తిరుగుతూ వినియోగదారుల నుంచి సన్న బియ్యం కొనుగోలు చేస్తూ అక్రమ దందా నిర్వహిస్తున్నారు. అయినా పౌరసరఫరాలు, రెవెన్యూశాఖ అధికారులు పట్టనట్లు వ్యవహరిస్తుండటం గమనార్హం. – సాక్షి, సిద్దిపేట

ప్రశాంత్‌నగర్‌(సిద్దిపేట): ఉత్తమ ఉపాధ్యాయుల ఎంపికపై జాప్యం జరుగుతుండటంపై జిల్లాలో జోరుగా చర్చ జరుగుతోంది. ఉత్తమ ఉపాధ్యాయులను ఎంపిక చేసి వారికి అవార్డులు ఇవ్వడం ప్రతి ఏటా కొనసాగుతుంది. అయితే ఎంపిక సెప్టెంబర్‌ 5లోగా చేసి, ఉత్తమ ఉపాధ్యాయులను ప్రకటిస్తారు. కాని ఈసారి ఎంపికలో తీవ్ర జాప్యం నెలకొంది. ఇంతవరకు ఉత్తమ ఉపాధ్యాయుల ఎంపిక ప్రకటించకపోవడంతో ఉపాధ్యాయులు అసహనం వ్యక్తం చేస్తున్నారు. ప్రతి విద్యాసంవత్సరం జిల్లా వ్యాప్తంగా 52 మంది ఉత్తమ ఉపాధ్యాయులకు అవార్డులు ఇస్తున్నారు. అందుకు గాను జిల్లా వ్యాప్తంగా 100 వరకు దరఖాస్తులు వచ్చాయి. రాష్ట్ర వ్యాప్తంగా ఉత్తమ ఉపాధ్యాయుల ఎంపిక ప్రక్రియ పూర్తయ్యిందని, మన జిల్లాలో ఇంత వరకు ఎంపిక కాకపోవడంపై ఉపాధ్యాయులు అసహనం వ్యక్తం చేస్తున్నారు. సమాచారం ఇవ్వని అధికారులు జిల్లాలో రెగ్యులర్‌ డీఈఓ లేకపోవడంతో విద్యావ్యవస్థ పూర్తిగా గడితప్పిందనే విమర్శలు ఉన్నాయి. విద్యాశాఖకు సంబంధించిన ఎలాంటి సమాచారం కావాలన్నా ఎవరిని సంప్రదించాలో తెలియడం లేదని ఉపాధ్యాయులే వాపోతున్నారు. ఉత్తమ ఉపాధ్యాయుల ఎంపిక విషయమై విద్యాశాఖ అధికారులను ఫోన్‌లో సంప్రదించడానికి ప్రయత్నించగా అందుబాటులోకి రాలేదు.ఎంపికలో ఆలస్యం

వర్గల్‌(గజ్వేల్‌): ఒకే రోజు 1000 కొబ్బరి చెట్లు..మెగా హరితహారం కార్యక్రమానికి వర్గల్‌ మండలం శేరిపల్లి గ్రామం వేదికగా నిలిచింది. శనివారం థామ్సన్‌ రైటర్స్‌, మ్యాజిక్‌ బస్‌ స్వచ్ఛంద సంస్థ ఆధ్వర్యంలో గ్రామ పంచాయతీ సహకారంతో ఈ మెగా కార్యక్రమం జరిగింది. రోడ్డు ఇరువైపులా, పెద్దమ్మ గుడి, బీరప్ప గుడి, పోచమ్మ గుడి, దొడ్డి కొమురయ్య విగ్రహం దగ్గర, వైకుంఠధామం తదితర చోట్ల కొబ్బరిచెట్లు నాటే ఈ కార్యక్రమంలో సర్పంచ్‌ యెర్ర పావని, సంస్థ ప్రతినిధులు, గ్రామస్తులు భాగస్వాములయ్యారు. కొబ్బరిచెట్లు ఆదాయాన్ని, గ్రామ శోభను ఇనుమడింపజేస్తాయని ఈ సందర్భంగా సంస్థ ప్రతినిధులు పేర్కొన్నారు. శేరిపల్లిలో మెగా ప్లాంటేషన్‌ ఒకే రోజు 1000 కొబ్బరి మొక్కలు

కృష్ణాజన్మష్టమి వేడుకలను శుక్రవారం జిల్లా ప్రజలు అత్యంత భక్తి శ్రద్ధలతో వైభవంగా నిర్వహించారు. ఆలయాలలో భక్తులు ప్రత్యేక పూజలు చేపట్టారు. జిల్లా కేంద్రంలోని సుందర సత్సంగం, వేంకటేశ్వర, సంతోషిమాత తదితర ఆలయాల్లో ప్రత్యేక పూజ కార్యక్రమాలు నిర్వహించారు. ఉట్టి కొట్టేకార్యక్రమాలను చేపట్టారు. అనంతరం భక్తులకు తీర్థ ప్రసాదాలు, అన్నదానం చేశారు. దీంతో జిల్లా వ్యాప్తంగా ఆధ్యాత్మిక శోభ నెలకొంది. – ప్రశాంత్‌నగర్‌(సిద్దిపేట)మల్లన్న ఆలయంలో ..కొమురవెల్లి(సిద్దిపేట): మల్లికార్జున స్వామి ఆలయంలో శుక్రవారం కృష్ణాష్టమి వేడుకలు ఘనంగా నిర్వహించారు. పెద్ద పట్నం వేసి పూజలు చేశారు. ఆలయ ఒగ్గు పూజారులు శ్రీకృష్ణుడు, గొల్లబామ, రుక్మిణి వేషధారణలతో ఆలయ సంప్రాదాయం ప్రకారం ఉట్టి కొట్టారు. అనంతరం స్వామి వారిని పల్లకిలో ఊరేగించారు. పంచరంగులతో పట్నం వేసి బోనం సమర్పించి మల్లన్న కల్యాణం చేపట్టారు. స్వామి వారిని సీపీ రష్మీ పెరుమళ్‌ దర్శించుకుని ప్రత్యేక పూజలు నిర్వహించారు.

హుస్నాబాద్‌రూరల్‌: కాంగ్రెస్‌ ప్రభుత్వం హామీలను నెరవేర్చడంలో విఫలమైందని మాజీ ఎంపీ బోయినిపల్లి వినోద్‌కుమార్‌ అన్నారు. కాంగ్రెస్‌ వేయి రోజుల పాలన పై శుక్రవారం బీఆర్‌ఎస్‌ పందిల్లలో చేపట్టిన వంటవార్పు కార్యక్రమంలో పాల్గొని మాట్లాడారు. ప్రజలకు బాకీ పడిన పథకాలను అమలు చేసే వరకు బీఆర్‌ఎస్‌ నిరసన కార్యక్రమాలు చేపడుతోందన్నారు. కేసీఆర్‌ పాలనలో రైతు బంధు, రైతు బీమా పథకాలు రైతు కుటుంబాలను అదుకున్నాయని, కల్యాణ లక్ష్మి, షాదీముబారక్‌ పథకాలు పేదింటి అడపిల్లల పెళ్లిలకు అండగా నిలిచాయన్నారు. గౌరవెల్లి ప్రాజెక్టు నిర్మాణ ఆలోచన వైఎస్సార్‌దే అయినా కేసీఆర్‌ ప్రాజెక్టు సామర్థ్యం పెంచి 99 శాతం పనులు పూర్తి చేయించి గోదావరి నీళ్లు తెచ్చిన ఘనత కేసీఆర్‌కే దక్కుతుందన్నారు. మెట్ట ప్రాంతంలో లక్ష ఎకరాలకు సాగు నీరు అందించాలనే లక్ష్యంతో కేసీఆర్‌ ప్రాజెక్టు ఎత్తు పెంచి 8 టీఎంసీల నీటి నిల్వ ఉండేందుకు నిధులు విడుదల చేసి పనులు చేయిస్తే కాంగ్రెసోళ్లు కోర్టులో కేసులు వేయించి అడుగడుగున పనులకు అడ్డపడ్డారని ఆరోపించారు. స్థానిక మంత్రి పొన్నం ప్రభాకర్‌ పనులు ఎందుకు చేయించడం లేదని ప్రశ్నించారు. మాజీ ఎమ్మెల్యే సతీశ్‌కుమార్‌ మాట్లాడుతూ రైతులను కాంగ్రెస్‌ ప్రభుత్వం అడుగడుగునా దగా చేస్తోందని ఆరోపించారు. ఎరువులు లేక నిత్యం హుస్నాబాద్‌ చుట్టూ తిరగాల్సిన పరిస్థితి దాపురించదన్నారు. కార్యక్రమంలో హుస్నాబాద్‌, కోహెడ, అక్కన్నపేట, ఎల్కతుర్తి, సైదాపూర్‌, భీమదేవరపల్లి, చిగురుమామిడి మండల బిఆర్‌ఎస్‌ నాయకులు పాల్గొన్నారు. ప్రాజెక్టు సామర్థ్యం పెంచింది కేసీఆరే పనులను అడ్డుకుంటోంది కాంగ్రెసోళ్లే.. మాజీ ఎంపీ వినోద్‌కుమార్‌

నిరసన కార్యక్రమంలో పాల్గొన్న మహిళలునినాదాలు చేస్తున్న జెడ్పీ మాజీ చైర్‌పర్సన్‌ రోజాశర్మ తదితరులుసిద్దిపేటజోన్‌: ఎన్నికల్లో మహిళల ఓట్ల కోసం కల్లబొల్లి మాటలు చెప్పి అధికారంలోకి వచ్చిన కాంగ్రెస్‌ ప్రభుత్వం నిర్లక్ష్యంగా వ్యవహరిస్తోందని జెడ్పీ మాజీ చైర్‌పర్సన్‌ రోజాశర్మ అన్నారు. మహిళలు అంటే ఎందుకు ఇంత నిర్లక్ష్యమని ప్రశ్నించారు. శుక్రవారం జిల్లా కేంద్రంలో వేంకటేశ్వర దేవాలయం వద్ద కాంగ్రెస్‌ ప్రభుత్వ వెయ్యి రోజుల పాలన వైఫల్యాలను ఎండగడుతూ బీఆర్‌ఎస్‌ మహిళా విభాగం ఆధ్వర్యంలో వంటవార్పు నిరసన వ్యక్తం చేశారు. ఈ సందర్భంగా వారు మాట్లాడుతూ.. వెయ్యి రోజుల్లో కాంగ్రెస్‌ ప్రభుత్వం అన్ని వర్గాలను మోసం చేసిందని ఆరోపించారు. మహిళలకు రూ.2,500, ఆసరా పథకం పెంపు, కల్యాణ లక్ష్మి, షాదీముబారక్‌ ద్వారా తులం బంగారం, విద్యార్థులకు స్కూటీ.. ఇలా అన్నీ హామీలను విస్మరించారని అన్నారు. మరోవైపు కల్యాణ లక్ష్మి, షాదీ ముబారక్‌ పథకాన్ని రద్దు చేయాలని ప్రభుత్వం కుట్రలు చేస్తోందన్నారు. రాబోయే ఎన్నికల్లో మహిళలు అంతా ఒక్కటై కాంగ్రెస్‌ ప్రభుత్వానికి గుణపాఠం చెప్పాలని పిలుపునిచ్చారు. కార్యక్రమంలో మున్సిపల్‌ మాజీ చైర్‌పర్సన్‌ మంజుల, మాజీ ఎమ్మెల్సీ ఫారూఖ్‌, మున్సిపల్‌ మాజీ చైర్మన్‌ రాజనర్స్‌, మార్కెట్‌ కమిటీ మాజీ చైర్మన్‌లు వేణుగోపాల్‌ రెడ్డి, సాయిరాం, మున్సిపల్‌ మాజీ వైస్‌ చైర్మన్‌ కనకరాజు, మాజీ కౌన్సిలర్లు, నాయకులు తదితరులు పాల్గొన్నారు.కల్యాణలక్ష్మి రద్దు చేసే కుట్ర వచ్చే ఎన్నికల్లో గుణపాఠం తప్పదు జెడ్పీ మాజీ చైర్‌పర్సన్‌ రోజాశర్మ

గజ్వేల్‌రూరల్‌: మున్సిపాలిటీ పరిధిలోని ఆర్‌అండ్‌ఆర్‌ కాలనీలోగల మల్లన్నసాగర్‌ ప్రాజెక్టు ముంపు గ్రామాల బాధితులకు న్యాయం చేయాలని టీజేఎస్‌(తెలంగాణ జనసమితి) జిల్లా అధ్యక్షుడు నీరుడి స్వామి ప్రభుత్వాన్ని కోరారు. ఈ సందర్భంగా శుక్రవారం ముంపు (వేములఘట్‌, పల్లెపహాడ్‌, ఏటిగడ్డ కిష్టాపూర్‌, ఎర్రవల్లి)గ్రామాల్లో ఇంటింటి పర్యటన చేపట్టి సమస్యలు తెలుసుకున్నారు. అనంతరం స్వామి మాట్లాడుతూ పదేళ్లపాటు ముఖ్యమంత్రిగా ఉన్న కేసీఆర్‌ ప్రస్తుతం గజ్వేల్‌ ఎమ్మెల్యేగా ఉన్నప్పటికీ ముంపు గ్రామాలకు పూర్తి స్థాయిలో న్యాయం జరగలేదని ఆరోపించారు. ప్రభుత్వం ముంపు గ్రామాల ప్రజల సమస్యల పరిష్కారానికి ప్రత్యేక చొరవ చూపాలని, రైతులపై పెట్టిన కేసులను ఎత్తివేయాలన్నారు. అదే విధంగా ప్యాకేజీలు, పరిహారం అందని వారికి న్యాయం చేస్తూ ఉపాధి అవకాశాలను కల్పించాలని కోరారు. ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి గజ్వేల్‌: ముఖ్యమంత్రి రేవంత్‌రెడ్డి గజ్వేల్‌కు చేసిందేమీలేకపోగా, కేసీఆర్‌ హాయాంలో మంజూరైన రూ.180కోట్ల నిధులను రద్దు చేశారని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి ఆరోపించారు. శుక్రవారం గజ్వేల్‌లో ఏర్పాటుచేసిన విలేకరుల సమావేశంలో మాట్లాడుతూ కాంగ్రెస్‌ నేతలు కేసీఆర్‌ దిష్టిబొమ్మను దహనం చేసిన ఘటనపై తీవ్రంగా స్పందించారు. గజ్వేల్‌ కాంగ్రెస్‌ నేతలకు నిజంగా ఈ ప్రాంత అభివృద్ధిపై చిత్తశుద్ధి ఉంటే రేవంత్‌రెడ్డి దిష్టిబొమ్మను తగులబెట్టాలన్నారు. కేసీఆర్‌ గజ్వేల్‌ నియోజకవర్గాన్ని అభివృద్ధిలో అగ్రగామిగా నిలబెట్టారని చెప్పారు. జిల్లాకు ఒక ఇన్‌చార్జి మంత్రి, మరో మంత్రి ఉన్నా...ప్రయోజనం లేదన్నారు. గజ్వేల్‌ కాంగ్రెస్‌లో ఉన్న కుమ్ములాటలను ముందుగా సరిదిద్దుకొని...బీఆర్‌ఎస్‌ గురించి మాట్లాడాలన్నారు. సమావేశంలో మార్కెట్‌ కమిటీ మాజీ చైర్మన్‌ మాదాసు శ్రీనివాస్‌, మాజీ మున్సిపల్‌ చైర్మన్‌ ఎన్‌సీ రాజమౌళి, బీఆర్‌ఎస్‌ గజ్వేల్‌ పట్టణ శాఖ అధ్యక్షుడు నవాజ్‌మీరా, గజ్వేల్‌ మండల శాఖ అధ్యక్షుడు బెండె మధు, బీఆర్‌ఎస్‌ నేతలు గంగిశెట్టి రవి, నర్సింగరావు, మల్లేశం, మద్దూరి శ్రీనివాస్‌రెడ్డి పాల్గొన్నారు. టీన్జీఓ జిల్లా అధ్యక్షుడు పరమేశ్వర్‌ సిద్దిపేటజోన్‌: ఉద్యోగుల డిమాండ్లు న్యాయబద్ధమైనవి జిల్లా టీఎన్జీఓ అధ్యక్షుడు పరమేశ్వర్‌, కార్యదర్శి విక్రమ్‌రెడ్డి అన్నారు. రాష్ట్ర జేఏసీ ఇచ్చిన సెప్టెంబర్‌10 ఛలో హైదరాబాద్‌ సన్నాహక సమావేశం శుక్రవారం నిర్వహించారు. ఈ సందర్భంగా వారు మాట్లాడుతూ చలో హైదరాబాద్‌ కార్యక్రమానికి పెద్ద ఎత్తున తరలిరావాలని పిలుపునిచ్చారు. ఇది ఉద్యోగుల భవిష్యత్తు.. మన పిల్లల కోసం చేస్తున్న ఉద్యమం అని అన్నారు. ఈనెల10లోపు ఉద్యోగుల సమస్యలను పరిష్కరించాలని డిమాండ్‌ చేశారు. అసోసియేషన్‌ అధ్యక్షుడు సురేందర్‌ రెడ్డి, సత్యనారాయణ, సుకుమారీ, విజయ్‌భాస్కర్‌ జిల్లా కార్యవర్గ సభ్యులు పాల్గొన్నారు.

హుస్నాబాద్‌రూరల్‌: మండల పరిధి భల్లునాయక్‌తండాకు చెందిన గిరిజన విద్యార్థి లావుడ్య మనోజ్‌కుమార్‌ ఇండిగో ఎయిర్‌ సర్వీస్‌ పైలెట్‌గా ఎంపికయ్యారు. ఈ మేరకు శుక్రవారం గ్రామంలో సంతోషాలు వెల్లివిరిశాయి. తల్లిదండ్రులు లావుడ్య భిక్షపతి, గాయత్రి ఇద్దరు ప్రభుత్వ ఉపాధ్యాయులుగా విధులు నిర్వహిస్తున్నారు. వీరి కుమారుడు మనోజ్‌కుమార్‌ ఇంటర్మీడియెట్‌ పూర్తి చేసిన తర్వాత పైలెట్‌ శిక్షణ పొందారు. ఇటీవల పైలెట్‌ సెలక్షన్‌ ఇంటర్వ్యూలో మనోజ్‌కుమార్‌ ఎంపికై నట్లు తల్లిదండ్రులు తెలిపారు. ఎమ్మెల్సీ అంజిరెడ్డి రామచంద్రాపురం(పటాన్‌చెరు): 104 సిబ్బందిని ప్రభుత్వ ఉద్యోగులుగా గుర్తించాలని ఎమ్మెల్సీ అంజిరెడ్డి డిమాండ్‌ చేశారు. జిల్లా చెందిన 104 ఉద్యోగ సంఘం నాయకులు రామచంద్రాపురంలోని ఆయన నివాసంలో శుక్రవారం ఆయనను కలసి వినతిపత్రం అందజేశారు. ఈ సందర్భంగా అంజిరెడ్డి మాట్లాడుతూ..గత 18ఏళ్లుగా వైద్య ఆరోగ్య శాఖలో క్షేత్రస్థాయిలో సేవలు అందిస్తున్న 300మందిని వెంటనే ప్రభుత్వ ఉద్యోగులుగా గుర్తించాలన్నారు. డీఎంఈ పరిధిలోని ఫార్మసిస్టులు, ల్యాబ్‌ టెక్నీషియన్లుగా సేవలందిస్తున్నారని తెలిపారు.

సర్కారు బడిని బాగుచేసిన హెడ్‌మాస్టర్‌ బడిపిల్లల కోసం సొంత ఖర్చుతో ఆటో సౌకర్యం కొండపాక(గజ్వేల్‌): మండల పరిధి సిర్సనగండ్లలోని ప్రాథమిక పాఠశాల ప్రధానోపాధ్యాయుడు జయప్రకాశ్‌రెడ్డి ఆదర్శంగా నిలుస్తున్నారు. సర్కార్‌ బడిని సుందరంగా తీర్చిదిద్ది, విద్యార్థుల సంఖ్య పెంచుతూ.. సొంత ఖర్చుతో ఆటో సౌకర్యం కల్పించారు. విద్యార్థులు ఇంటి నుంచి పాఠశాలకు వచ్చేందుకు రెండు ఆటోలను ఏర్పాటు చేసి నెలకు రూ.20 వేల వరకు వెచ్చిస్తున్నారు. పాఠశాల ఆవరణలో ఆట వస్తువులు, విద్యార్థులకు క్రీడా దుస్తులు, స్వచ్చమైన తాగు నీటి ఆర్వో ప్లాంట్‌, బోధన సులువుగా అర్థం అయ్యేలా ఐఎఫ్‌బీ స్క్రీన్‌ ఎల్‌ఈడీ ప్యానల్‌, కంప్యూటర్‌, తరగతి గదుల్లో కార్పెట్లు, పాఠశాలలోని గధుల్లో అందమైన కలర్లు వేయడం వంటి వాటి కోసం ఇప్పటి వరకు సుమారు రూ. 10లక్షలను ఖర్చు చేశారు. బడి బాట కార్యక్రమంలో ఇంటింటికీ తిరుగుతూ ప్రైవేటు పాఠశాలలకు వెళ్లే సుమారు70 మంది విద్యార్థులను ప్రభుత్వ పాఠశాలలో చేర్పించారు. ప్రస్తుతం 182 మంది విద్యార్థులకు విద్యాభ్యాసం అందుతోంది. హెచ్‌ఎం చేస్తున్న కృషిని గ్రామస్తులు అభినందిస్తున్నారు.

చిన్నకోడూరు(సిద్దిపేట): కాంగ్రెస్‌ ప్రభుత్వం వెయ్యి రోజుల పాలన పూర్తిచేసుకున్న సందర్భంగా శుక్రవారం ఆ పార్టీ నాయకులు బైక్‌ ర్యాలీ నిర్వహించి సంబురాలు జరుపుకున్నారు. అల్లీపూర్‌ శివారులోని అనంతగిరి కట్టమైసమ్మ ఆలయం నుంచి చిన్నకోడూరు వరకు ర్యాలీ కొనసాగింది. ఏఎంసీ చైర్మన్‌ మీసం మహేందర్‌ మాట్లాడుతూ అసెంబ్లీకి రాకుండా జీతం తీసుకుంటున్న కేసీఆర్‌ తన పదవికి రాజీనామా చేయాలన్నారు. నాయకులు పంతం శ్రీనివాస్‌, రాజేశ్‌, హరిబాబు, చంద్రశేఖర్‌, చందు, లక్ష్మి, ప్రశాంత్‌ తదితరులు పాల్గొన్నారు. బహిరంగ చర్చకు సిద్ధం చేర్యాల(సిద్దిపేట): జనగామ నియోజకవర్గ ఇన్‌చార్జి కొమ్మూరి ప్రతాప్‌రెడ్డి ఆదేశాల మేరకు స్థానిక క్యాంపు కార్యాలయంలో నాలుగు మండలాల కాంగ్రెస్‌ నాయకులు విలేకరులతో మాట్లాడారు. బీఆర్‌ఎస్‌ పదేళ్ల పాలన, కాంగ్రెస్‌ మూడేళ్ల పాలనలో జరిగిన అభివృద్ధిపై బహిరంగ చర్చకు తాము సిద్ధమని సవాల్‌ విసిరారు. నేతలు మంజె మల్లేశం, మారేళ్ల భాస్కర్‌రెడ్డి, బండి శ్రీనివాస్‌గౌడ్‌, శ్రీకాంత్‌, ఆగంరెడ్డి, సంజీవయ్య పాల్గొన్నారు.

ఉపాధ్యాయుల గొప్పతనంపై విద్యార్థుల మనోభావాలు ● నేడు గురుపూజోత్సవం అక్షరాలు నేర్పడమే కాదు.. జీవితంలో ఎలా ఎదగాలో మార్గం చూపించే దిక్సూచి కూడా ఉపాధ్యాయుడే. తల్లిదండ్రుల తర్వాత పిల్లల జీవితాలపై అత్యధిక ప్రభావం చూపేది గురువులే. పాఠ్యపుస్తకాలకే పరిమితం కాకుండా మంచి నడవడిక, క్రమశిక్షణ, సమయపాలన, పెద్దలను గౌరవించడం వంటి జీవిత విలువలను తమ గురువులు నేర్పుతున్నారని విద్యార్థులు పేర్కొంటున్నారు. చదువులో వెనుకబడినప్పుడు ప్రత్యేకంగా సమయం కేటాయించి పాఠాలు చెప్పడం, తమలోని ప్రతిభను గుర్తించి ప్రోత్సహించడం, పోటీ పరీక్షలు, క్రీడలు, సాంస్కృతిక కార్యక్రమాల్లో ముందుకు సాగేలా ధైర్యం చెప్పడం వంటి ఎన్నో విషయాలను పిల్లలు గుర్తు చేసుకుంటున్నారు. నేడు గురు పూజోత్సవం సందర్భంగా తమకు ఇష్టమైన ఉపాధ్యాయులు, పొందిన ప్రయోజనాలు, నేర్చుకున్న పాఠాలను చిన్నారులు తమ మాటల్లో వివరించారు ఇలా.. – సాక్షి, సిద్దిపేటనంగునూరు(సిద్దిపేట): పాఠశాలలో నిర్వహించే కల్చరల్‌ కార్యక్రమాల్లో బాగా ప్రోత్సహించారు. జిల్లా స్థాయిలో మంచి ప్రతిభ కనబరిచేలా చేసి తీర్చిదిద్దారు. అలాగే నర్మెటలో అయిల్‌పామ్‌ ఫ్యాక్టరీ ప్రారంభోత్సవానికి వచ్చిన ముఖ్యమంత్రి రేవంత్‌ రెడ్డితో స్వయంగా మాట్లాడే అవకాశం కల్పించి నాలో స్ఫూర్తిని నింపారు. దీంతో నా ఫెవరెట్‌ టీచర్‌ అశోక్‌ అయ్యారు. అశోక్‌ సార్‌ మార్గదర్శకత్వంలో బాగా చదివి మంచి ఉద్యోగం సంపాదిస్తా. తల్లిదండ్రులకు గొప్ప పేరు తీసుకువస్తా. – గూడెపు కారుణ్య, పదో తరగతి, నర్మేట

గజ్వేల్‌: ప్రతిపక్షనేతగా విఫలమైన కేసీఆర్‌ తన పదవికి రాజీనామా చేయాలని మాజీ ఎమ్మెల్యే తూంకుంట నర్సారెడ్డి డిమాండ్‌ చేశారు. శుక్రవారం గజ్వేల్‌లోని అంబేడ్కర్‌ చౌరస్తా వద్ద చేస్తూ డీసీసీ అధ్యక్షురాలు ఆంక్షారెడ్డి, కాంగ్రెస్‌ శ్రేణులతో కలిసి కేసీఆర్‌ దిష్టిబొమ్మ దహనం కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ గజ్వేల్‌ ప్రజల సమస్యలను కేసీఆర్‌ ఏమాత్రం పట్టించుకోవడం లేదని ఆగ్రహం వ్యక్తం చేశారు. ఇక్కడున్న నేతలు కేసీఆర్‌ను ఇక్కడికి రప్పించి సమస్యల పరిష్కారానికి కృషి చేయాల్సిందిపోయి.. అవగాహనరాహిత్యంతో మాట్లాడుతున్నారని మండిపడ్డారు. పదేళ్లకాలంలో కేసీఆర్‌ ప్రజలకు చేసిందేమీ లేదన్నారు. బీఆర్‌ఎస్‌ హయాంలో ఒక్కటైన కొత్త రేషన్‌ కార్డు ఇవ్వలేదన్నారు. కాంగ్రెస్‌ అధికారంలోకి వచ్చాక, సంక్షేమాన్ని కొత్త పుంతలు తొక్కించిందన్నారు. అసెంబ్లీకి, నియోజకవర్గానికి రాని కేసీఆర్‌ ఇప్పటికై నా రాజీనామా చేస్తే...కొత్త వారు ఎన్నికై ప్రజల సమస్యల పరిష్కారానికి కృషి చేస్తారని చెప్పారు. కార్యక్రమంలో టీపీసీసీ కార్యదర్శి నాయిని యాదగిరి, నాయకులు పాల్గొన్నారు. మాజీ ఎమ్మెల్యే నర్సారెడ్డి గజ్వేల్‌లో కేసీఆర్‌ దిష్టిబొమ్మ దహనం

సిద్దిపేట అర్బన్‌(సిద్దిపేట): భౌతిక శాస్త్రం బోధించే ఉపాధ్యాయురాలు విజయలక్ష్మి నా ఫెవరేట్‌ టీచర్‌. ప్రతి అంశాన్ని అర్థమయ్యే విధంగా బోధిస్తారు. పాఠాలతో పాటు జీవితంలో ఎలా ఉండాలి, ఎలా కష్టపడాలి, తల్లిదండ్రులను బాగా చూసుకోవాలని, జీవితంలో ఏది ముఖ్యం అనే విషయాలన చెబుతూ మోటివేట్‌ చేస్తారు. – వెంకట సాయి, 9వ తరగతి, ఎల్లుపల్లిహెచ్‌ఎం జయప్రకాశ్‌రెడ్డి ఏర్పాటు చేసిన ఆటోలో వచ్చిన విద్యార్థులు వర్గల్‌(గజ్వేల్‌): నా పేరు వాంకార్‌ దత్త శ్రీపాద్‌. మాది వర్గల్‌ మండలం తున్కిఖాల్సా గ్రామం. ప్రాథమిక పాఠశాలలో ఐదో తరగతి ఇంగ్లిష్‌ మీడియం చదువుతున్న. పులి రాజు సార్‌ అంటే చాలా ఇష్టం. బయటకు తీసుకెళ్లి పొలాలు చూపుతో కార్యాలయాలు చూపుతూ అర్థమయ్యేలా పాఠాలు చెబుతారు. సారు చెప్పే పాఠాలు, సూచనలు, సలహాలు మా విద్యార్థులందరికీ ఎంతో ఇష్టం. నేను పాఠశాలలో పాడిన పాట జిల్లా స్థాయిలో ప్రశంసలు తెచ్చిపెట్టింది. అందుకు మా పులి రాజు సార్‌ ప్రోత్సాహమే కారణం.

చిన్నకోడూరు(సిద్దిపేట): చిన్నప్పటి నుంచి చదువుతో పాటు క్రీడలపై ఆసక్తి ఎక్కువ. ఇది గుర్తించిన ఫిజికల్‌ డైరెక్టర్‌ ప్రవీణ్‌ మెలకువలు నేర్పించారు. పీడీ నేర్పించే అంశాలను రోజూ సాయంత్రం సాధన చేస్తున్నా. వాలీబాల్‌లో ఇప్పటి వరకు మూడు సార్లు రాష్ట్ర స్థాయి పోటీల్లో పాల్గొని బహుమతులు గెలుపొందా. అలాగే జిల్లా స్థాయిలో అనేక సార్లు ప్రథమ బహుమతులు సాధించా. పీడీ ప్రవీణ్‌ ప్రోత్సాహంతో వాలీబాల్‌ క్రీడలో జాతీయ స్థాయిలో రాణిస్తా. జిల్లాకు గుర్తింపు తీసుకువస్తా. – కావటి అమూల్య, 9వ తరగతి, మోడల్‌ స్కూల్‌, ఇబ్రహీంనగర్‌

ప్రశాంత్‌నగర్‌(సిద్దిపేట): జిల్లా స్థాయి సబ్‌ జూనియర్‌ యోగాసన పోటీల ఎంపికలు ఈ నెల 7న నిర్వహించనున్నట్టు జిల్లా యోగా అసోసియేషన్‌ అధ్యక్షకార్యదర్శులు పెద్ది మనోహర్‌, గుడెపు మురళి కృష్ణ తెలిపారు. శుక్రవారం జిల్లా కేంద్రంలో వారు మాట్లాడుతూ జిల్లా కేంద్రంలోని ఉమాపార్థీవ కోటిలింగాల ఆలయ ఆవరణలోని /్ఞాన మందిరం లో జిల్లా స్థాయి పోటీలలలో రాణించిన యోగా క్రీడాకారులను రాష్ట్ర స్థాయికి ఎంపిక చేయనున్నట్లు తెలిపారు. ఈ పోటీలలో పాల్గొనే క్రీడాకారులు జనన ధ్రువీకరణ పత్రం, ఆధార్‌ కార్డుతో ఈ నెల 7న ఉదయం 9 గంటలకు హాజరుకావాలన్నారు. యోగా పోటీలలో పాల్గొనే క్రీడాకారులు తమ పేర్లను జిల్లా కార్యదర్శి మురళీకృష్ణను (8179250217, 9949453503) సంప్రదించి పేరు నమోదు చేసుకోవాలన్నారు.

డీఎంహెచ్‌ఓ డాక్టర్‌ ధనరాజ్‌ సిద్దిపేటకమాన్‌: జిల్లాలో అన్ని ఆరోగ్య కార్యక్రమాల్లో వంద శాతం లక్ష్యాలను సాధించేలా క్షేత్ర స్థాయిలో మరింత సమర్థవంతంగా పనిచేయాలని డీఎంహెచ్‌ఓ డాక్టర్‌ ధనరాజ్‌ తెలిపారు. సిద్దిపేట అర్బన్‌ నాసర్‌పూర ప్రాథమిక ఆరోగ్య కేంద్రాన్ని డీఎంహెచ్‌ఓ మంగళవారం ఆకస్మికంగా తనిఖీ నిర్వహించారు. పీహెచ్‌సీలోని ఫార్మసీ, మందుల నిల్వ గది, ల్యాబ్‌తో పాటు పలు రిజిస్టర్లను పరిశీలించారు. ఈ సందర్భంగా వైద్య సిబ్బందితో నిర్వహించిన సమావేశంలో ఆయన మాట్లాడుతూ.. ప్రాథమిక ఆరోగ్య కేంద్రంలో ఓపీ, ఐపీ సేవలను పెంచడంతో పాటు ఎన్‌సీడీ స్క్రీనింగ్‌, నమూనాల సేకరణ, ఆరోగ్య పరీక్షలను మరింత విస్తృతంగా నిర్వహించాలని వైద్యాధికారులు, సిబ్బందికి సూచించారు. రాష్ట్ర ఆరోగ్య కార్యక్రమాలకు సంబంధించిన రికార్డులను సక్రమంగా నిర్వహించాలని, అన్ని రకాల మందుల నిల్వలను ఎప్పటికప్పుడూ పరిశీలిస్తూ అవసరమైన స్టాక్‌ అందుబాటులో ఉండేలా చూసుకోవాలన్నారు. సీజనల్‌ వ్యాధులపై ప్రజలకు విస్తృతంగా అవగాహన కార్యక్రమాలు నిర్వహించాలన్నారు. కార్యక్రమంలో డాక్టర్‌ శ్రీకాంత్‌ యాదవ్‌, ఏఎన్‌ఎంలు, ఆశా కార్యకర్తలు తదితరులు పాల్గొన్నారు.