దుబ్బాక: ప్రభుత్వం పేదలకు అన్ని రకాల వైద్యసేవలు అందించేందుకు చర్యలు తీసుకుంటోందని వైద్య విధాన పరిషత్‌ కమిషనర్‌ డాక్టర్‌ అజయ్‌కుమార్‌ అన్నారు. బుధవారం దుబ్బాక ప్రభుత్వ ఆస్పత్రిని ఆకస్మికంగా తనిఖీ చేశారు. ఆస్పత్రిలోని అన్ని వార్డులను కలియ తిరిగారు. రోగులతో మాట్లాడి అందుతున్న వైద్యసేవలపై ఆరా తీశారు. అనంతరం రికార్డులను పరిశీలించారు. ఈ సందర్భంగా ఆయన మాట్లాడుతూ ప్రజలకు వైద్యపరంగా ఎలాంటి ఇబ్బందులు కలగకుండా మెరుగైన వైద్యసేవలు అందించేందుకు కృషి చేస్తున్నట్లు తెలిపారు. ఆస్పత్రుల్లో వైద్యులు, సిబ్బంది, మందుల కొరత లేకుండా అన్ని సౌకర్యాలున్నట్లు తెలిపారు. దుబ్బాక ఆస్పత్రి సేవలు భేష్‌ దుబ్బాక ఆస్పత్రిలో కార్పొరేట్‌కు దీటుగా సేవలు అందుతుండటం అభినందనీయమని కమిషనర్‌ అజయ్‌కుమార్‌ అన్నారు. అరుదైన ఆపరేషన్లు చేస్తూ ప్రాణాలు కాపాడుతున్న వైద్యులను, సిబ్బందిని కమిషనర్‌ ప్రత్యేకంగా అభినందించారు. ఆస్పత్రి సూపరింటెండెంట్‌ హేమరాజ్‌సింగ్‌ను వైద్యసేవలతో పాటు సౌకర్యాలు తదితర విషయాలను అడిగి తెలుసుకున్నారు. ఆస్పత్రి అభివృద్దికి కృషి చేస్తానన్నారు. రోగులకు మెరుగైన వైద్యం అందించాలి రాష్ట్ర వైద్య విధాన పరిషత్‌ కమిషనర్‌ అజయ్‌కుమార్‌ దుబ్బాక ప్రభుత్వ ఆస్పత్రి ఆకస్మిక తనిఖీ

కొండపాక(గజ్వేల్‌): క్రీడలు స్నేహభావాన్ని పెంపొందిస్తాయని డీసీసీబీ చైర్మన్‌ చిట్టి దేవేందర్‌రెడ్డి అన్నారు. కొండపాకలోని బాలుర ఉన్నత పాఠశాల ఆవరణలో బుధవారం ఎస్‌జీఎఫ్‌ ఆధ్వర్యంలో జోనల్‌ స్థాయి బాక్సింగ్‌ టోర్నమెంట్‌ ప్రారంభించారు. ఈ సందర్భంగా దేవేందర్‌రెడ్డి మాట్లాడుతూ ప్రాథమిక పాఠశాల స్థాయి నుంచి విద్యార్థుల్లో క్రీడా స్ఫూర్తి నింపాలన్నారు. క్రీడల్లో అత్యుత్తమ ప్రతిభ కనబర్చిన అండర్‌ 14, 17 బాలుర, బాలికల విభాగంలో విద్యార్థులను ఎంపిక చేసి బహుమతులను అందజేశారు. కార్యక్రమంలో డీఈఓ శ్రీనివాస్‌రెడ్డి, ఎస్‌జీఎఫ్‌ కార్యదర్శి సౌందర్య, ఎంఈఓ శ్రీనివాస్‌రెడ్డి, వీఎంఆర్‌ ఫౌండేషన్‌ చైర్మన్‌ వంగ మహేందర్‌రెడ్డి, ఫిజికల్‌ డైరెక్టర్‌ భాస్కర్‌రెడ్డి, వివిధ ప్రాంతాల క్రీడాకారులు తదితరులు పాల్గొన్నారు.డీసీసీబీ చైర్మన్‌ చిట్టి దేవేందర్‌రెడ్డి

సిద్దిపేటరూరల్‌: జిల్లా ఆయిల్‌పాం అడ్డాగా మారాలని, సాగు పెరిగేలా రైతులను చైతన్యపరచాలని కలెక్టర్‌ మనుచౌదరి వ్యవసాయ, హార్టికల్చర్‌, ఆయిల్‌ ఫెడ్‌ అధికారులను ఆదేశించారు. బుధవారం కలెక్టరేట్‌లోని మీటింగ్‌ హాల్‌లో ఆయిల్‌ పామ్‌ సాగుపై అధికారులకు శిక్షణ కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలో ఆయిల్‌పామ్‌ సాగుకు అనేకమైన అనుకూల అంశాలున్నాయన్నారు. సాగుతో వరుసగా అధిక ఆదాయం పొందడమే కాకుండా అంతర పంటల ద్వారా అదనపు ఆదాయం పొందవచ్చన్నారు. నంగునూరు మండలం నర్మెట్టలో ఆయిల్‌పామ్‌ ఫ్యాక్టరీ నిర్మాణం వేగంగా జరుగుతున్నందున మార్కెటింగ్‌ సౌకర్యం కూడా సులభం అవుతుందన్నారు. రైతులతో సమావేశాలు నిర్వహించి, కలిగే ప్రయోజనాలను వివరించి ఆయిల్‌పాం పంటలు వేసేలా ప్రోత్సహించాన్నారు. టార్గెట్‌ కు అనుగుణంగా ఆయిల్‌ పాం మొక్కలను నాటించాలన్నారు. ఈ విషయంలో నిర్లక్ష్యం వహించే అధికారులపై చర్యలు తీసుకుంటామన్నారు. కొనుగోలు కేంద్రాలను విజిట్‌ చేయండి వరిధాన్యం కొనుగోలు కేంద్రాలను వ్యవసాయ అధికారులు రెగ్యులర్‌ గా విజిట్‌ చేసి సమస్యలుంటే తన దృష్టికి తీసుకురావాలని కలెక్టర్‌ తెలిపారు. ధాన్యం కొనుగోలులో రైతులకు ఇబ్బంది లేకుండా చూడాలన్నారు. హార్వెస్టర్‌ తో వరిధాన్యాన్ని కోసేటప్పుడు తాలు అక్కడే పోయేలా హార్వెస్టర్‌లో బ్లోయర్‌ వేయించాలన్నారు. కార్యక్రమంలో అదనపు కలెక్టర్‌ అబ్దుల్‌ హమీద్‌, హార్టికల్చర్‌ అధికారి సువర్ణ, వ్యవసాయ అధికారి రాధిక, ఏడీఏలు, మండల వ్యవసాయ అధికారులు, వ్యవసాయ విస్తరణ అధికారులు తదితరులు పాల్గొన్నారు. సాగుపై రైతులను చైతన్యపరచాలి కలెక్టర్‌ మిక్కిలినేని మనుచౌదరి వ్యవసాయ, హార్టికల్చర్‌, ఆయిల్‌ ఫెడ్‌ అధికారులకు దిశానిర్దేశం

కోహెడరూరల్‌(హుస్నాబాద్‌): రంగనాయక్‌ సాగర్‌ ప్రాజెక్టు ఎల్‌డీ 6 కెనాల్‌తో మండలంలోని బస్వాపూర్‌, పోరెడ్డిపల్లితో పాటు పలు గ్రామాలకు ఎంతో లబ్ధి చేకూరుతుందని ఆర్డీఓ రామ్మూర్తి అన్నారు. కెనాల్‌ కింద భూమి కోల్పోతున్న రైతులతో బుధవారం బస్వాపూర్‌లో గ్రామ సభ నిర్వహించారు. ఈ సందర్భంగా ఆర్డీఓ మాట్లాడుతూ ప్రాజెక్టు కెనాల్‌ కింద 43 ఎకరాల భూమి కోల్పోతున్నట్లు తెలిపారు. రైతులందరూ సహకరిస్తే ఈ ప్రాంతానికి త్వరలోనే సాగు నీరు అందుతుందన్నారు. కార్యక్రమంలో హుస్నాబాద్‌ ఏసీపీ సతీష్‌, ఆర్‌ఐ గడ్డం సురేందర్‌, సర్వేయర్‌ శ్రీనివాస్‌, కార్యదర్శి సదానంద తదితరులు పాల్గొన్నారు.

సిద్దిపేటకమాన్‌: ప్రయాణికుల సురక్షితం, భద్రత కోసం అభయ యాప్‌ ఉపయోగ పడుతుందని సీపీ అనురాధ తెలిపారు. పోలీసు కమిషనరేట్‌లో అభయ యాప్‌ను బుధవారం ఏసీపీ మధుతో కలిసి ప్రారంభించారు. అనంతరం ఆటో డ్రైవర్లకు అభయ యాప్‌ స్టిక్కర్లను అందజేశారు. ఈ సందర్భంగా ఆమె మాట్లాడుతూ.. ప్రయాణికులు, మహిళల రక్షణ కోసం ఆటో డ్రైవర్లకు అభయ యాప్‌ క్యూఆర్‌ కోడ్‌, పేపర్లను అందజేశామన్నారు. జిల్లాలో ఇప్పటి వరకు 1,250 ఆటోలకు అభయ యాప్‌ స్టిక్కర్లను వేశామన్నారు. మిగతా ఆటోలకు త్వరలో పూర్తి చేయాలని అధికారులకు సూచించారు. జిల్లాలోని ప్రతి ఆటోకు క్యూఆర్‌ కోడ్‌ అతికించాలని సూచించారు. స్టిక్కర్లను ఆటోలో డ్రైవర్‌ సీటు వెనుక భాగంలో ఏర్పాటు చేయాలని, ఆటోలో సురక్షితంగా ప్రయాణిస్తున్నాననే నమ్మకం ప్రయాణికులకు కలిగించాల్సిన బాధ్యత డ్రైవర్లపై ఉందన్నారు.

సిద్దిపేటరూరల్‌: ప్రజలందరికీ స్వచ్ఛమైన తాగునీరు, పరిశుభ్రమైన పరిసరాలను అందించడంలో పారిశుద్ధ్య కమిటీలు చురుగ్గా వ్యవహరించాలని కలెక్టర్‌ మనుచౌదరి అన్నారు. బుధవారం కలెక్టరేట్‌లో పారిశుద్ధ్య మిషన్‌ కమిటీ సమావేశాన్ని కలెక్టర్‌ అధ్యక్షతన నిర్వహించారు. కలెక్టర్‌ మాట్లాడుతూ ఇంటింటికీ భగీరథ మంచి నీటిని అందిస్తున్నామన్నారు. వ్యక్తిగత, కమ్యూనిటీ టాయిలెట్స్‌ నిర్మించి బహిరంగ మల, మూత్ర విసర్జన రహిత జిల్లాగా మార్చాలన్నారు. పారిశుద్ధ్య పనులను అంకిత భావంతో నిర్వహిస్తున్న కార్మికులను శాలువాతో సన్మానించారు.

ప్రశాంత్‌నగర్‌(సిద్దిపేట): రాష్ట్ర మైనారిటీస్‌ స్టడీ సర్కిల్‌ ఆధ్వర్యంలో అభ్యర్థులకు ఉచితంగా కోచింగ్‌ ఇవ్వనున్నట్లు జిల్లా మైనార్టీ సంక్షేమశాఖ అధికారి షేక్‌ అహ్మద్‌ బుధవారం ఒక ప్రకటనలో పేర్కొన్నారు. విదేశాల్లో చదువుకోవాలనుకునే అభ్యర్థుల నుంచి దరఖాస్తులను ఆహ్వానిస్తున్నట్లు తెలిపారు. ముస్లిం, క్రిస్టియన్‌, సిక్కు, జైన్‌, బౌద్ధ, పార్సి అభ్యర్థుల నుంచి దరఖాస్తులు ఆహ్వానిస్తున్నామన్నారు. ఆసక్తి కల్గిన అభ్యర్థులు ఈ నెల 30వరకు దరఖాస్తు చేసుకోవాలన్నారు. పూర్తి వివరాలకు రాష్ట్ర మైనార్టీ స్టడీ సర్కిల్‌ కార్యాలయం (040– 23236112)లో, జిల్లా మైనార్టీ సంక్షేమశాఖ కార్యాలయంలో సంప్రదించాలన్నారు. 18ఏళ్ల లోపు పిల్లలు బడిలోనే ఉండాలిజిల్లా న్యాయమూర్తి స్వాతిరెడ్డి సిద్దిపేటకమాన్‌: పద్దెనిమిదేళ్ల లోపు పిల్లలు బడిలోనే ఉండాలని, పనిలో పెట్టుకోకూడదని, అలా చేస్తే చట్టరీత్యా నేరమని జిల్లా న్యాయసేవాధికార సంస్థ సెక్రటరీ, న్యాయమూర్తి స్వాతిరెడ్డి తెలిపారు. జిల్లా లీగల్‌ సర్వీసెస్‌ అథారిటీ ఆధ్వర్యంలో సిద్దిపేట ప్రభుత్వ జనరల్‌ ఆస్పత్రిలో బుధవారం న్యాయ విజ్ఞాన సదస్సు నిర్వహించారు. జిల్లా న్యాయ సేవాధికార సంస్థ ఆధ్వర్యంలో ఫ్రీ లీగల్‌ ఎయిడ్‌ సర్వీసెస్‌ పోస్టర్‌ను అతికించారు. ఈ సందర్భంగా స్వాతిరెడ్డి మాట్లాడుతూ..న్యాయపరమైన సలహాలు, సందేహాల కోసం 15100 టోల్‌ ఫ్రీ హెల్ప్‌లైన్‌ నంబర్‌కు ఫోన్‌ చేయాలని తెలిపారు. కార్యక్రమంలో ఆస్పత్రి ఇన్‌చార్జి సూపరింటెండెంట్‌ డాక్టర్‌ సురేష్‌బాబు, రేడియాలజీ విభాగ హెచ్‌ఓడీ డాక్టర్‌ శాంతి, ఆర్‌ఎంఓలు డాక్టర్‌ జ్యోతి, డాక్టర్‌ సదానందం, వైద్యులు, సిబ్బంది తదితరులు పాల్గొన్నారు. ఆర్టీసీ కార్మిక సంఘాలపై ఆంక్షలు ఎత్తివేయండిసిద్దిపేటకమాన్‌: ఆర్టీసీ కార్మిక సంఘాలపై విధించిన ఆంక్షలు ఎత్తివేయాలని, తక్షణమే గుర్తింపు సంఘం ఎన్నికలు నిర్వహించాలని సీఐటీయూ నాయకులు డిమాండ్‌ చేశారు. ఈ మేరకు సీఐటీయూ ఆధ్వర్యంలో సిద్దిపేట ఆర్టీసీ డిపో ఎదుట బుధవారం ధర్నా నిర్వహించారు. ఈ సందర్భంగా వారు మాట్లాడుతూ ఆర్టీసీ కార్మికులపై పనిభారం, ఒత్తిడి పెరిగిందన్నారు. ఎన్నికల సమయంలో కాంగ్రెస్‌ పార్టీ ఆర్టీసీలో యూనియన్‌ కార్యకలాపాలకు అనుమతిస్తామని హామీ ఇచ్చిందన్నారు. కానీ ఇప్పటికీ హామీలు నెరవేర్చలేదన్నారు. ఆర్టీసీ కార్మికులకు అండగా రాష్ట్ర కార్మిక వర్గం నిలబడాలని సీఐటీయూ పిలుపునిస్తుందన్నారు. కార్యక్రమంలో గోపాలస్వామి, శశిధర్‌, శిరీష, రవికుమార్‌, భాస్కర్‌, సుధాకర్‌, ప్రభాకర్‌, శ్రావణ్‌ తదితరులు పాల్గొన్నారు. అగ్రీ డాక్టర్స్‌ కమిటీ కార్యవర్గం కొండపాక(గజ్వేల్‌): జిల్లా అగ్రీ డాక్టర్స్‌ అసోసియేషన్‌ నూతన కార్యవర్గాన్ని బుధవారం ఏకగ్రీవంగా ఎన్నుకున్నారు. మండల పరిధి దుద్దెడలోని రైతు వేదిక భవనంలో బుధవారం ఈ కార్యక్రమం నిర్వహించారు. జిల్లా యూనియన్‌ గౌరవ చైర్మన్‌గా రాధిక, అధ్యక్షుడు మల్లేశం, ప్రధాన కార్యదర్శి శివరామకృష్ణ, అసోసియేట్‌ ప్రెసిడెంట్‌ మల్లయ్య, వైస్‌ ప్రెసిడెంట్‌ అప్రోజ్‌, ఆర్గనైజింగ్‌ సెక్రటరీ హరిణి, ట్రెజర్‌ నరేశ్‌, మహిళా కార్యదర్శి ప్రగతి, కల్చరల్‌ కార్యదర్శి వసంతరావు, పబ్లిసిటీ కార్యదర్శి సత్యాన్వేశ్‌, సభ్యులు ప్రకాశ్‌, శైలజలను ఎన్నుకున్నారు. ఎన్నికల నిర్వాహకుడిగా అనిల్‌ కుమార్‌ వ్యవహరించారు. కార్యాక్రమంలో వ్యవసాయ శాఖ అధికారులు పాల్గొన్నారు.

ప్లాట్లలో ఏర్పాటు చేయని నంబర్లు, పెరిగిన పిచ్చి మొక్కలుమట్టికుప్పలు.. రాళ్లు.. పిచ్చి మొక్కలతో సుడా టౌన్‌ షిప్‌ అధ్వానంగా తయారైంది. దీంతో ప్లాట్లు కొనుగోలు చేసేందుకు ఎవరూ ముందుకు రావడంలేదు. ఇప్పటి వరకు మూడు సార్లు వేలం పాట నిర్వహించినా 27 ప్లాట్లే విక్రయించారు. ఇంకా 79 ప్లాట్లు మిగిలి ఉన్నాయి. మరోవైపు టౌన్‌షిప్‌లో పనులు అసంపూర్తిగా ఉండటం.. రియల్‌ ఎస్టేట్‌ రంగం కుదేలు కావడం కూడా ఎవరూ ఆసక్తి చూపడంలేదన్న చర్చ జరుగుతోంది. సాక్షి, సిద్దిపేట: గత ప్రభుత్వం 9 డిసెంబర్‌ 2022న విడుదల చేసిన జీఓ (234) ప్రకారం సిద్దిపేట పట్టణ శివారు మిట్టపల్లి సమీపంలో 14 ఎకరాల అసైన్డ్‌ భూములను సుడా సేకరించింది. రాష్ట్రంలోనే తొలిసారిగా అసైన్డ్‌ ల్యాండ్‌ పూలింగ్‌తో లే అవుట్‌ చేశారు. భూమిని పూర్తి చదును చేయగా అందులో 67,760 గజాల భూమి ఉంది. ప్రధాన రోడ్డు 60ఫీట్లు, అంతర్గత రోడ్లు 33ఫీట్లతో నిర్మించారు. రోడ్లకు 23,909 గజాలు, పార్కులకు 6,099 గజాలు, ఇతర మౌలిక సదుపాయలకు 2,392 గజాలు కేటాయించారు. 35,360 గజాల స్థలం మిగలగా అందులో 161 ప్లాట్లను విభజించారు. అందులో 10 మంది రైతులకు 55 ప్లాట్లను సుమారుగా 10,861 గజాల భూమిని అందించగా 101 ప్లాట్లలో 24,499 గజాల స్థలం సుడాకు మిగిలింది. వీటిని వేలం పాట ద్వారా ప్లాట్లను విక్రయిస్తున్నారు. మూడు మార్లు వేలం.. సుడా ఆధ్వర్యంలో ఏర్పాటు చేసిన మోడల్‌ టౌన్‌ షిప్‌లో మూడు మార్లు వేలం నిర్వహించగా 27 ప్లాట్లను కొనుగోలు చేశారు. గత సంవత్సరం మే 29, 30 తేదీల్లో వేలం పాట నిర్వహించగా 17 మంది దక్కించుకున్నారు. అందులో ఇప్పటి వరకు 13 మంది మాత్రమే పూర్తిగా డబ్బులు చెల్లించి రిజిస్ట్రేషన్‌ చేయించుకున్నారు. ఇంకా నలుగురు మొత్తం డబ్బులు చెల్లించకపోవడంతో వారికి రిజిస్ట్రేషన్‌ను సుడా చేయలేదు. సుడా టౌన్‌ షిప్‌లో ప్లాట్లలో మట్టికుప్పలుసర్కారీ పాట తగ్గింపు కొనుగోలు దారుల నుంచి స్పందన లేకపోవడంతో సర్కారీ పాట రూ.8,500 నుంచి రూ.5,500లకు తగ్గించారు. ప్లాట్ల ధరను తగ్గించినా కొనుగోలు దారుల నుంచి స్పందన కరువైంది. ఈ నెల 11, 20వ తేదీన మరో మారు వేలం పాటను నిర్వహించారు. ఈ నెల 11న ఏడుగురు, 20న నిర్వహించిన వేలం పాటలో ముగ్గురు కొనుగోలు చేశారు. గతంలో కొనుగోలు చేసిన వారికి సైతం గజం స్థలంకు రూ.5,500 విక్రయించాలని నిర్ణయించగా మిగతా డబ్బులు తిరిగి చెల్లిస్తున్నారు.అధ్వానంగా సుడా టౌన్‌ షిప్‌ ఇలా ఉంటే ప్లాట్లు కొనేదెలా? మూడు సార్లు వేలం వేసినా 27 ప్లాట్లే విక్రయం ఆసక్తిచూపని కొనుగోలు దారులువిస్తృతంగా ప్రచారం చేస్తాం రియల్‌ ఎస్టేట్‌ రంగం ఇప్పుడు డౌన్‌గా ఉంది. అందుకే కొనుగోలు దారులు ముందుకు రాలేదు. గజం ధరను సైతం తగ్గించాం. త్వరలో విస్తృతంగా ప్రచారం చేపిస్తాం. టౌన్‌ షిప్‌లో సైతం పూర్తి స్థాయిలో పనులు చేయిస్తాం. అశ్రిత్‌ కుమార్‌, వైస్‌ చైర్మన్‌, సుడా

ఇబ్బందులు ఎదురైతే ఫిర్యాదు చేయండి ఆటోలో ప్రయాణిస్తున్న సమయంలో మహిళలకు ఇబ్బందులు ఎదురైతే తమ సెల్‌ఫోన్‌ నుంచి క్యూఆర్‌ కోడ్‌ను స్కాన్‌ చేస్తే ఆటో పూర్తి వివరాలు పోలీసులకు తెలుస్తాయన్నారు. దీంతో ఘటనా స్థలానికి పోలీసులు వెంటనే వెళ్లడానికి అవకాశం ఉంటుందన్నారు. ఆటో డ్రైవర్‌ ప్రయాణికులతో అసభ్యంగా ప్రవర్తించినా, ఈవ్‌ టీజింగ్‌, ర్యాష్‌ డ్రైవింగ్‌, హిట్‌ అండ్‌ రన్‌, డ్రంకెన్‌ డ్రైవ్‌ వంటివి చేసినా ఈ యాప్‌ ద్వారా ఫిర్యాదు చేయవచ్చన్నారు. అభయ యాప్‌ (రూ.50)తో డ్రైవర్లకు రోడ్డు ప్రయాదంలో మరణిస్తే రూ.లక్ష ఇన్సూరెన్స్‌ వర్తిస్తుందని తెలిపారు. అభయ యాప్‌ రూపకర్త అభిచరణ్‌, ఆటో డ్రైవర్లను సీపీ అభినందించారు. ఆటోలలో పరిమితికి మించి ప్రయాణికులతో ప్రయాణించకూడదని ఆటో డ్రైవర్లకు సీపీ సూచించారు. కార్యక్రమంలో ఏసీపీ మధు, ఎస్‌బీ ఇన్‌స్పెక్టర్‌ శ్రీధర్‌గౌడ్‌, వన్‌ టౌన్‌ సీఐ వాసుదేవరావు, రూరల్‌ సీఐ శ్రీనివాస్‌, ట్రాఫిక్‌ సీఐ ప్రవీణ్‌కుమార్‌, సిబ్బంది తదితరులు పాల్గొన్నారు.

ప్రశాంత్‌నగర్‌(సిద్దిపేట): పోటీ పరీక్షల అభ్యర్థులు గ్రంథాలయాలను సద్వినియోగం చేసుకోవాలని జిల్లా ఆడిట్‌ అధికారి జయశ్రీ అన్నారు. మంగళవారం జిల్లా గ్రంథాలయంలో నిర్వహించిన ముగ్గుల పోటీల్లో జయశ్రీ పాల్గొని మాట్లాడారు. తాను 24 ఏళ్లుగా ఉపాధ్యాయ వృత్తిలో కొనసాగి, గ్రూప్స్‌ రాసి జిల్లా ఆడిట్‌ ఆఫీసర్‌ గా నియమితులైనట్లు తెలిపారు. పోటీ పరీక్షల అభ్యర్థులు, విద్యార్థులు గ్రంథాలయాలను సద్వినియోగం చేసుకొని, భవిష్యత్తులో మంచి ఉన్నత స్థానాలకు చేరుకోవాలన్నారు. అనంతరం జిల్లా ఆడిట్‌ అధికారిని గ్రంథాలయ ఉద్యోగులు, సిబ్బంది ఘనంగా సన్మానించారు.

సాక్షి, సిద్దిపేట: మత్స్యకారులకు చేయూతను అందించేందుకు ఉచిత చేప పిల్లల పంపిణీ కార్యక్రమాన్ని ప్రభుత్వం చేపడుతోంది. ఈ ఏడాది పంపిణీ చేసేందుకు మత్స్య శాఖ కాంట్రాక్టర్ల నుంచి టెండర్లు ఆహ్వానించారు. మొదటి సారి జూలై 23వ తేదీ వరకు టెండర్లు ఆహ్వానించగా ఎవరు ముందుకు రాలేదు. దీంతో గడువును ఆగస్టు 2వ తేదీ వరకు పొడిగించారు. అయినప్పటికీ ఎవరు ముందుకు రాకపోవడంతో మళ్లీ ఆగస్టు 13వ తేదీ వరకు పొడిగించారు. ఇద్దరు కాంట్రాక్టర్లు ముందుకురాగా వారికి చేప పిల్లల ఫాం లేకపోవడంతో వారు అనర్హులయ్యారు.ఇతర జిల్లాల్లో పంపిణీ చేస్తున్న కాంట్రాక్టర్‌ లక్ష్మీనరసింహ ఫిష్‌ సీడ్‌ సప్లయర్స్‌కు జిల్లాకు సరఫరా చేసే బాధ్యతలు సైతం అప్పగించారు. సుమారు 6 లక్షల వరకు చేప పిల్లలను పంపిణీ చేసి.. సీడ్‌ లేదని సరఫరా చేయలేను అని చెప్పారు. దీంతో మరో కాంట్రాక్టర్‌ సూర్య అయ్యప్పకు అప్పగించారు. అతను ఇప్పటి వరకు 6.34లక్షల చేప పిల్లలు మాత్రమే సరఫరా చేశారు. రెండోసారి నియమించిన కాంట్రాక్టర్‌ పంపిణీ చేయడం లేదని ఇటీవల డైరెక్టర్‌ ఆఫ్‌ ఫిషరీస్‌కు జిల్లా మత్స్యశాఖ అధికారి లేఖను రాశారు. మరో కాంట్రాక్టర్‌ను నియమించాలని లేఖలో పేర్కొన్నారు.

హుస్నాబాద్‌: ప్రాజెక్టులు, ఇండస్ట్రియల్‌ ఏర్పాటుకు కావాల్సిన భూ సేకరణ విషయంలో రైతులు సహకరించాలని, నిర్బంధాలు, దౌర్జన్యాలు ఉండవని మంత్రి పొన్నం ప్రభాకర్‌ స్పష్టం చేశారు. హుస్నాబాద్‌ విశాల సహకార పరపతి సంఘం నూతన కార్యాలయం భవనం, 1200 మెట్రిక్‌ టన్నుల సామర్థ్యం గల నూతనంగా నిర్మించిన గోదాంను మంగళవారం మంత్రి ప్రారంభించారు. సంఘం వ్యవస్థాపకుడు, మాజీ ఎమ్మెల్యే బొప్పరాజు లక్ష్మీకాంతారావు విగ్రహాన్ని ఆవిష్కరించారు. అనంతరం ఏర్పాటు చేసిన సమావేశంలో మంత్రి మాట్లాడుతూ లక్ష్మీకాంతారావు సేవలు భావితరాలకు ఆదర్శంగా నిలుస్తాయన్నారు. హుస్నాబాద్‌ సహకార సంఘాన్ని అనేక రకాలుగా అభివృద్ధి చేస్తామన్నారు. సంఘం ఆధ్వర్యంలో రైస్‌మిల్లు, విత్తనోత్పత్తి కేంద్రం ఏర్పాటుకు కృషి చేస్తానన్నారు. ఈ సంఘం ద్వారా రూ.504 కోట్లు రుణ మాఫీ జరిగిందని, ఇంకా 204 మందికి రుణ మాఫీ జరగాల్సి ఉందని తెలిపారు. చౌటపల్లిలో వ్యవసాయాధారిత పరిశ్రమలు గౌరవెల్లి ప్రాజెక్టుకు సంబంధించిన కాలువల నిర్మాణాలకు భూ సేకరణ కోసం అధికారులు గ్రామ సభలు నిర్వహించి రైతుల అభిప్రాయాలు తెలుసుకుంటున్నారని మంత్రి పొన్నం ప్రభాకర్‌ తెలిపారు. గౌరవెల్లి, గండిపెల్లి ప్రాజెక్టులను నింపి ఈ ప్రాంతాన్ని సస్యశ్యామలం చేద్దామన్నారు. కాలువల కోసం రైతులు సహకరించాలన్నారు. కాలువల డిజైన్‌ చేసింది తాము కాదని, ఇంజనీర్ల సూచనల ద్వారానే కాలువల అలైన్మెంట్‌ జరుగుతుందన్నారు. పారిశ్రామిక కారిడార్‌ తీసుకువచ్చి ఉద్యోగ అవకాశాలు కల్పిస్తామన్నారు. కాలుష్యాన్ని వెదజల్లె పరిశ్రమలు కాకుండా వ్యవసాయాధారిత పరిశ్రమలు ఏర్పాటు చేస్తామని మంత్రి తెలిపారు. కార్యక్రమంలో మాజీ ఎమ్మెల్యే ప్రవీణ్‌ రెడ్డి, కరీంనగర్‌ జిల్లా సహకార సంఘం అధ్యక్షుడు కొండూరి రవీందర్‌, తెలంగాణ కో ఆపరేటివ్‌ యూనియన్‌ అధ్యక్షుడు మోహన్‌రెడ్డి, అదనపు కలెక్టర్‌ అబ్దుల్‌ హమీద్‌, జిల్లా గ్రంథాలయ సంస్థ చైర్మన్‌ కేడం లింగమూర్తి, సింగిల్‌ విండో చైర్మన్‌ బొలిశెట్టి శివయ్య, మున్సిపల్‌ చైర్‌ పర్సన్‌ రజిత పాల్గొన్నారు. నిర్బంధాలు, దౌర్జన్యాలు ఉండవు పరిశ్రమలకు రైతులు సహకరించాలి సహకార సంఘాల అభివృద్ధికి కృషి మంత్రి పొన్నం ప్రభాకర్‌

గజ్వేల్‌: ధాన్యం కొనుగోళ్లలో ఎలాంటి అక్రమాలు సహించబోమని పౌరసరఫరాల శాఖ కమిషనర్‌ డీఎస్‌ చౌహాన్‌ అన్నారు. ఇప్పటి వరకు రాష్ట్రవ్యాప్తంగా 14లక్షల మెట్రిక్‌ టన్నులకుపైగా ధాన్యాన్ని సేకరించామన్నారు. రెండుమూడ్రోజుల్లో రైతులకు చెల్లింపులు జరిగేలా చర్యలు తీసుకుంటున్నట్లు తెలిపారు. మంగళవారం గజ్వేల్‌ మార్కెట్‌ యార్డులో సహకార సంఘం ఆధ్వర్యంలో నిర్వహిస్తున్న ధాన్యం కొనుగోలు కేంద్రాన్ని కలెక్టర్‌ మనుచౌదరితో కలిసి ఆకస్మికంగా తనిఖీ చేశారు. సందర్భంగా కొనుగోలు కేంద్రం నిర్వాహకుడు బాబుతో మాట్లాడారు. కేంద్రం నిర్వాహణ తీరుపై సంతృప్తి వ్యక్తం చేశారు. అంతేకాకుండా ధాన్యం అమ్ముకోవడానికి కేంద్రానికి వచ్చిన ముట్రాజ్‌పల్లి రైతు రాయగిరి యాదగిరితో మాట్లాడారు. తేమశాతం చూసుకొని, జల్లి పట్టుకొని ధాన్యం తీసుకొచ్చానని చెప్పడంతో కమిషర్‌ సంతోషం వ్యక్తం చేశారు. ఆ రైతుకున్న అవగాహనను అభినందిస్తూ శాలువాతో సన్మానించారు. అనంతరం మాట్లాడుతూ కొనుగోలు కేంద్రాల్లో రైతులకు ఎలాంటి ఇబ్బందులు రాకుండా చూస్తున్నామని చెప్పారు. సన్నరకం వడ్లకు రూ.500 బోనస్‌ కూడా వేస్తున్నామని, ఇప్పటికే రూ.15కోట్ల చెల్లింపులు జరిగాయన్నారు. ధాన్యాన్ని దళారులకు అమ్ముకోవద్దు కొండపాక(గజ్వేల్‌): ధాన్యాన్ని దళారులకు అమ్ముకొని నష్టపోవద్దని పౌరసరఫరాల శాఖ కమిషనర్‌ డీఎస్‌ చౌహాన్‌ అన్నారు. దుద్దెడలో వరి ధాన్యం కొనుగోలు కేంద్రాన్ని ఆకస్మికంగా సందర్శించారు. అలాగే ధాన్యం తీసుకువచ్చిన రైతులతో అడిగి సమస్యలు తెలుసుకున్నారు. 14లక్షల మెట్రిక్‌ టన్నులకుపైగా ధాన్యం సేకరణ రెండు, మూడ్రోజుల్లోనే రైతులకు చెల్లింపులు పౌరసరఫరాల శాఖ కమిషనర్‌ డీఎస్‌ చౌహాన్‌ గజ్వేల్‌లో కొనుగోలు కేంద్రం పరిశీలనధాన్యం కొనుగోళ్లపై సమీక్షసిద్దిపేటరూరల్‌: కలెక్టరేట్‌లో కలెక్టర్‌ మనుచౌదరితో కలిసి డీఎస్‌ చౌహాన్‌ వరిధాన్యం కొనుగోలుపై సమీక్షించారు. జిల్లాలో 4 లక్షల మెట్రిక్‌ టన్నుల వరిధాన్యం కొనుగోలు కేంద్రాలకు వచ్చే అవకాశం ఉందన్నారు. ఇప్పటివరకు రూ.171 కోట్ల 56 లక్షల విలువైన 73,947 మెట్రిక్‌ టన్నుల వరిధాన్యం కొనుగోలు చేసినట్లు తెలిపారు. ప్రచార వాహనం ప్రారంభం... ప్రజా పాలన– ప్రజా విజయోత్సవాల సందర్భంగా రూపొందించిన ప్రజా పాలన కళాయాత్ర వాహనాలను మంగళవారం డీఎస్‌. చౌహన్‌ కలెక్టర్‌తో కలిసి ప్రారంభించారు. కార్యక్రమంలో డీపీఆర్‌ రవికుమార్‌, డీపీఆర్‌ఓ కార్యాలయ సిబ్బంది పాల్గొన్నారు.

సిద్దిపేట ఎడ్యుకేషన్‌: ప్రభుత్వ డిగ్రీ కళాశాల సిద్దిపేట (స్వయం ప్రతిపత్తి)లో పీజీ కోర్సులకు స్పాట్‌ అడ్మిషన్లు నిర్వహిస్తున్నారు. ఎమ్మెస్సీ బాటని, జువాలజీ, ఆర్గానిక్‌ కెమిస్ట్రీ, మైక్రోబయాలజీ, కంప్యూటర్‌ సైన్స్‌, ఎం.కామ్‌, ఎంఏ తెలుగు, హిస్టరీ, ఎకనామిక్స్‌, పొలిటికల్‌ సైన్స్‌ విభాగాలలోని ిపీజీ కోర్సులలో మిగిలిన సీట్లకు ఈ నెల 22న స్పాట్‌ అడ్మిషన్లు నిర్వహిస్తున్నట్లు కళాశాల ప్రిన్సిపల్‌ డాక్టర్‌ సునీత, పీజీ కోఆర్డినేటర్‌ డాక్టర్‌ అయోధ్యలు మంగళవారం ఒక ప్రకటనలో పేర్కొన్నారు. డిగ్రీలో 50 శాతం మార్కులతో ఉత్తీర్ణులైన అభ్యర్థులు దరఖాస్తు చేసుకోవచ్చన్నారు. ఈ నెల 22న స్పాట్‌ అడ్మిషన్లకు హాజరయ్యే విద్యార్థులు ఒరిజినల్‌ ధ్రువపత్రాలతో సంప్రదించాలన్నారు. మధుమేహ వ్యాధి నియంత్రణ మనచేతుల్లోనే..సిద్దిపేట ఎడ్యుకేషన్‌: రోజువారి దినచర్యలతో మధుమేహ వ్యాఽధిని నియంత్రించవచ్చని ప్రభుత్వ వైద్య కళాశాల అసోసియేట్‌ ప్రొఫెసర్‌ డాక్టర్‌ దేశం అన్నారు. మంగళవారం జిల్లా కేంద్రంలోని ప్రభుత్వ డిగ్రీ కళాశాలలో జాతీయ సేవా పథకం (ఎన్‌ఎస్‌ఎస్‌), వైద్య కళాశాల కమ్యూనిటీ మెడిసిన్‌ విభాగాల ఆధ్వర్యంలో మధుమేహం వ్యాధి పై అవగాహన కార్యక్రమం నిర్వహించారు. ఈ కార్యక్రమానికి హాజరైన ప్రొఫెసర్‌ దేశం మాట్లాడుతూ వంశపారంపర్యంగా, ఆహారపు అలవాట్ల ద్వారా మధుమేహ వ్యాధి వచ్చే అవకాశం ఉందన్నారు. ప్రపంచ వ్యాప్తంగా అనేక మంది మధుమేహం బారీన పడుతున్నారన్నారు. మధుమేహ వ్యాధి గ్రస్తులు రిఫైండ్‌ ఆహార పదార్థాలు, ఉడికించిన దుంపలు తినకూడదని సూచించారు. సరైన మందులు, దినచర్యలో మార్పులు తీసుకురావడం ద్వారా మధుమేహ వ్యాధిని నియంత్రించుకోవచ్చని తెలిపారు. ఈ కార్యక్రమంలో ప్రభుత్వ డిగ్రీ కళాశాల ప్రిన్సిపాల్‌ డాక్టర్‌ సునీత, మెడికల్‌ కళాశాల అసిస్టెంట్‌ ప్రొఫెసర్‌ స్నేహిక, మెడిసిన్‌ విద్యార్థులు, ఎన్‌ఎస్‌ఎస్‌ ప్రోగ్రాం అధికారులు తదితరులు పాల్గొన్నారు. అలరించిన శతావధానంప్రశాంత్‌నగర్‌(సిద్దిపేట): అవధానాలతో పద్య, విద్య అభివృద్ధి చెందుతుందని, ప్రముఖ కవి, పండితులు దోర్బల ప్రభాకరశర్మ అన్నారు. సిద్దిపేట హరిహర రెసిడెన్సిలోని శ్రీలలితా చంద్రమౌళీశ్వర ఆలయ వార్షికోత్సవం మంగళవారం అత్యంత వైభవంగా కొనసాగింది. ఈ సందర్భంగా పండరి రాధాకృష్ణమూర్తి ఆధ్వర్యంలో నిర్వహించిన శతావధానం అలరించింది. ముఖ్య అతిథిగా హాజరైన పండితులు దోర్బల ప్రభాకరశర్మ మాట్లాడుతూ పద్యం రసనైవేద్యం అన్నారు. పద్య కవిత్వం మధురంగా ఉంటుందన్నారు. కార్యక్రమంలో ఉమాపతి రామ శర్మ, ఉజ్జయిని మహాకాళేశ్వరరావు, వరుకోలు లక్ష్మయ్య, భ్రమరాంబిక, బిట్టు బాబు, కట్టా రంజిత్‌ కుమార్‌, తాటికొండ శివ కుమార శర్మ , చొప్పదండి సుధాకర్‌, వైభవి మొదలైన పృచ్చకులు పాల్గొన్నారు. ఆరుబయట చెత్తవేస్తే జరిమానా సిద్దిపేటజోన్‌: స్వచ్ఛ సిద్దిపేట మనందరి లక్ష్యమని, ప్రతి ఒక్కరూ సహకారం అందించాలని మున్సిపల్‌ కమిషనర్‌ అశ్రిత్‌ కుమార్‌ సూచించారు. మంగళవారం పట్టణంలో ఆకస్మిక తనిఖీలు నిర్వహించారు. ఈ సందర్భంగా ప్రభుత్వ జిల్లా ఆస్పత్రిలో చెత్తను వేరుచేసి ఇవ్వకుండా అంతా కలిపి ఇవ్వడంతో ఆయన ఆగ్రహం వ్యక్తంచేశారు. ఆస్పత్రికి రూ.50 వేలు జరిమానా విధించారు. ఈ సందర్భంగా ఆయన మాట్లాడుతూ.. పట్టణంలో తడి, పొడి, హానికర చెత్త అని మూడు రకాలుగా విభజన చేసి పారిశుద్ధ్య కార్మికులకు, చెత్త సేకరణ వాహనాలకు ఇవ్వాలని సూచించారు. ఆరుబయట చెత్తే వేస్తే జరిమానా తప్పదన్నారు. రెండు సార్లు ఆస్పత్రి అధికారులను హెచ్చరించినా మార్పు రాలేదని దీనితో జరిమానా విధించాల్సి వచ్చిందన్నారు. అంతకుముందు మైత్రి వనంలోని పిల్లల పార్క్‌ పరిశీలించి మరమ్మతులు చేయాలని సూచించారు. మొక్కలకు ప్రతి రోజు నీరు పట్టాలని సిబ్బందికి సూచించారు. ఆయన వెంట మున్సిపల్‌ అధికారులు, సిబ్బంది పాల్గొన్నారు.

కోహెడరూరల్‌(హుస్నాబాద్‌): గౌరవెల్లి ప్రాజెక్టులో భూములు కోల్పోయిన రైతులకు ఎలా పరిహారం చెల్లించమో అలాగే కెనాల్‌లో భూములు కోల్పోతున్న వారికీ మార్కెట్‌ విలువకు మూడింతల పరిహారం అందిస్తున్నట్లు ఆర్డీవో రామ్మూర్తి అన్నారు. మండలంలోని కూరెళ్ల గ్రామంలో గౌరవెళ్లి ప్రాజెక్టు కెనాల్‌ కాలువ భూసేకరణ కోసం రైతులతో సమావేశం నిర్వహించారు. ఈ సందర్భంగా ఆయన మాట్లాడుతూ కూరెళ్ల గ్రామ పరిధిలో 11ఎకారల 30గుంటల భూమి అవసరం ఉందన్నారు. భూసేకరణకు ప్రతి రైతు సహకరించాలని కోరారు. కార్యక్రమంలో భూసేకరణ డీటీ అరవింద్‌, ఆర్‌ఐ ఎల్లయ్య, ఇరిగేషన్‌ ఈఈ తదితరులు పాల్గొన్నారు.ముంపునకు గురవుతున్న రైతులతో ఆర్డీఓ రామ్మూర్తి

గజ్వేల్‌: ఇందిరాగాంధీ జయంతి వేడుకల్లోనూ కాంగ్రెస్‌ గ్రూపు విభేదాలు మరోసారి బయటపడ్డాయి. మంగళవారం డీసీసీ అధ్యక్షుడు నర్సారెడ్డి ఆధ్వర్యంలో ముందుగా పార్టీ శ్రేణులు పట్టణంలో ఇందిరాగాంధీ విగ్రహానికి పూలమాలలు వేసి నివాళులర్పించారు. ఈ సందర్భంగా అన్నదానం కార్యక్రమాన్ని నిర్వహించారు. ఇందులో మార్కెట్‌ కమిటీ చైర్మన్‌ నరేందర్‌రెడ్డి, మున్సిపల్‌ మాజీ చైర్మన్‌ గాడిపల్లి భాస్కర్‌, మార్కెట్‌ కమిటీ వైస్‌ చైర్మన్‌ సర్ధార్‌ఖాన్‌తోపాటు ఇతర ముఖ్య నేతలు పాల్గొన్నారు. కాగా అసమ్మతి నేత బండారు శ్రీకాంత్‌రావు సైతం తన వర్గంతో ఇందిరాగాంధీ విగ్రహానికి నివాళులర్పించడంతోపాటు ప్రభుత్వాసుపత్రిలో రోగులకు పండ్లు పంపిణీ చేశారు.రెండు గ్రూపులుగా ఇందిరాగాంధీ జయంతి వేడుకలు

టెండర్లకు స్పందన కరువు ● మూడుసార్లు గడువు పొడిగించినా స్పందన నిల్‌ ● 1,715 చెరువుల్లో 2.21కోట్ల చేపపిల్లల పంపిణీకి నిర్ణయం ● నగదు ఇస్తేనే మేలంటున్న మత్స్యకారులుమత్స్యకారులకు చేప పిల్లల పంపిణీ కార్యక్రమం ముందుకు సాగడంలేదు. పంపిణీ చేసేందుకు ముందుకు వచ్చిన కాంట్రాక్టర్లు ఒక్కొక్కరుగా చేతులెత్తేస్తుండటమే ఇందుకు కారణం. గత ప్రభుత్వం ఉచితంగా చేప పిల్లల పంపిణీ కార్యక్రమానికి శ్రీకారం చుట్టింది. ఈ ఏడాది సైతం 1,715 చెరువుల్లో చేప పిల్లలను వదిలేందుకు 2.21కోట్ల చేప పిల్లలను పంపిణీ చేయాలని మత్స్యశాఖ నిర్ణయించింది. గత నెలలో పంపిణీ కార్యక్రమం ప్రారంభించారు. మధ్యలోనే కాంట్రాక్టర్లు చేప పిల్లలు పంపిణీ చేయలేం అని వెళ్లిపోతున్నారు. ఇదిలాఉంటే చేప పిల్లలకు బదులుగా నగదును అందజేయాలని పలువురు మత్స్యకారులు కోరుతున్నారు.నగదు ఇవ్వాలి చేప పిల్లలు వదిలేందుకు అదను దాటిపోయిందని పలువురు మత్స్యకారులు చెబుతున్నారు. తమ సొంత డబ్బులతో ప్రైవేట్‌ ఫిష్‌ ఫాంలో కొనుగోలు చేసి పెంచుతున్నామని తెలిపారు. ప్రతి ఏడాది అక్టోబర్‌ మొదటి వారంలోనే చేప పిల్లల పంపిణీ పూర్తయ్యేది. నవంబర్‌ 19వ తేదీ వచ్చినా ఇప్పటి వరకు పంపిణీ ఐదు శాతం మాత్రమే జరిగింది. సదరు కాంట్రాక్టర్లపై చర్యలు తీసుకుని పంపిణీ చేయని చెరువులకు సంబంధించి నగదును సొసైటీలకు అందించాలని మత్స్యకారులు కోరుతున్నారు.ఇంకా 2.08 కోట్ల చేప పిల్లలు.. గత ఏడాది 4.41కోట్ల చేప పిల్లలను ఉచితంగా పంపిణీ చేశారు. ఈ సారి ప్రభుత్వం కోత పెట్టి 2.21కోట్ల చేప పిల్లలు మాత్రమే పంపిణీ చేయాలని నిర్ణయించింది. అందులో 35 నుంచి 40ఎంఎం చేప పిల్లలు 84.35లక్షలు, 80 నుంచి 100ఎంఎం 1,31,92,000 పంపిణీ చేయాలనుకున్నారు. కానీ ఇప్పటి వరకు 25 చెరువుల్లో 12.34లక్షల చేప పిల్లలను మాత్రమే వదిలారు. ఇంకా సుమారుగా 2.08 కోట్ల చేప పిల్లలను పంపిణీ చేయాల్సి ఉంది.

సిద్దిపేటకమాన్‌: కాంగ్రెస్‌ ప్రభుత్వం ఎన్నికల సమయంలో దివ్యాంగులకు ఇచ్చిన హామీలను వెంటనే అమలు చేయాలని హక్కుల జాతీయ వేదిక రాష్ట్ర అధ్యక్షుడు మల్లికార్జున్‌ డిమాండ్‌ చేశారు. సిద్దిపేట ప్రెస్‌క్లబ్‌లో సోమవారం నిర్వహించిన సమావేశంలో ఆయన మాట్లాడుతూ.. దివ్యాంగులకు పెన్షన్‌ రూ.6వేలకు పెంచి, ఉచిత ప్రయాణ సౌకర్యం కల్పించాలన్నారు. జిల్లా నూతన అధ్యక్షుడిగా నరసింహ, జిల్లా ఇన్‌చార్జి పర్సన్‌గా ఆంజనేయులును నిమమించినట్లు తెలిపారు. కార్యక్రమంలో శ్రీనివాస్‌, దుర్గయ్య, బాలకృష్ణ, అనిల్‌, బాను తదితరులు పాల్గొన్నారు.

ఇండస్ట్రియల్‌ పార్క్‌కు ఒప్పుకుంటున్నాం● కలెక్టర్‌ మనుచౌదరిని కలిసిన రైతులు ● 55ఎకరాల భూముల పట్టాపాస్‌ పుస్తకాలు అందజేతఅక్కన్నపేట(హుస్నాబాద్‌): ఇండస్ట్రియల్‌ పార్క్‌ నిర్మాణానికి పచ్చ జెండా పడినట్లే. అక్కన్నపేట మండలం చౌటపల్లి క్రాసింగ్‌ వద్ద ఇండస్ట్రియల్‌ పార్క్‌ నిర్మాణానికి తాము ఒప్పుకుంటున్నామని, మా భూములు తీసుకోవాలని రైతులు కోరారు. ఈ మేరకు సోమవారం కలెక్టర్‌ మనుచౌదరిని కలిశారు. ఈ సందర్భంగా సుమారు 55ఎకరాలకు సంబంధించిన పట్టాపాస్‌ పుస్తకాల జిరాక్స్‌ ప్రతులను కలెక్టర్‌కు అందజేశారు. అనంతరం వారు మాట్లాడుతూ ఇండస్ట్రీ ఏర్పాటుకు తాము వ్యతిరేకం కాదని, భూములకు నష్టపరిహారం చెల్లించాలన్నారు. అదేవిధంగా ఉపాధి అవకాశాలను కల్పించాలని కోరారు. ఇంకా 28ఎకరాలే...ఈ చౌటపల్లి క్రాసింగ్‌ వద్ద సర్వే నంబర్‌ 312లో దాదాపు 83ఎకరాల ప్రభుత్వ భూమి ఉంది. కానీ ఈ భూమిని గతంలో పేదలకు అసైన్డ్‌ చేసి పంపిణీ చేశారు. ఈ భూములన్నీ హుస్నాబాద్‌ నుంచి అక్కన్నపేటకు వెళ్లే ప్రధాన రహదారికి ఆనుకొని ఉంటాయి. మరికొద్ది రోజుల్లో ఈ ప్రధాన రహదారి నాలుగు లేన్లుగా మారనున్నది. ఇండస్ట్రియల్‌ పార్కు నిర్మాణంలో భాగంగా సర్వేకు వచ్చిన రెవెన్యూ అధికారులను అడ్డుకున్న రైతులే ఇప్పుడు స్వచ్ఛందంగా ముందుకు రావడం విశేషం. దీంతో ఇండస్ట్రీయల్‌ పార్క్‌ నిర్మాణానికి అడుగులు పడ్డాయి. ఇంకా సుమారు 28ఎకరాలే కావాల్సి ఉంది.

సిద్దిపేటకమాన్‌: నిబంధనలకు విరుద్ధంగా నిర్వహిస్తున్న ప్రైవేటు ఆస్పత్రులు, పాలిక్లినిక్‌ సెంటర్లపై చర్యలు తప్పవని డీఎంహెచ్‌ఓ డాక్టర్‌ పల్వన్‌కుమార్‌ హెచ్చరించారు. సిద్దిపేట పట్టణంలోని పలు ప్రైవేటు ఆసుపత్రులు, పాలి క్లినిక్‌ సెంటర్‌లను వైద్యారోగ్యశాఖ అధికారులు సోమవారం తనిఖీలు నిర్వహించారు. నిబంధనలు పాటించని గురు సాయి కంటి ఆసుపత్రి, నిరామయ, బజరంగ్‌ పాలి క్లినిక్‌, మారుతి పాలి క్లినిక్‌లను సీజ్‌ చేశారు. ఈ సందర్భంగా డీఎంహెచ్‌ఓ మాట్లాడుతూ.. ఆస్ప త్రుల సమాచారం, రిజిస్ట్రేషన్‌, వసతులు, ధరల పట్టక ప్రదర్శన, రెన్యువల్‌ వంటి ఇతర అన్ని రకాల వివరాలు హెచ్‌ఐఎంఎస్‌ పోర్టల్‌లో నమోదు చేయా లన్నారు. నిబంధనలకు విరుద్ధంగా నిర్వహించే వాటిపై చర్యలు తప్పవన్నారు. ఆస్పత్రుల రికార్డులు, పేషెంట్ల కేషీట్ల పూర్తి వివరాలు అప్‌డేట్‌ చేయాలని సూచించారు. ఆస్పత్రుల పేర్లు, డాక్టర్‌ పేరు మార్చినా జిల్లా వైద్యారోగ్యశాఖ డీఆర్‌ఏ ద్వారా అనుమతి పొందాలన్నారు. కార్యక్రమంలో డాక్టర్‌ ఆనంద్‌, డాక్టర్‌ శ్రీనివాస్‌, డాక్టర్‌ శ్రీకళ, డాక్టర్‌ అరుణ్‌కుమార్‌ తదితరులు పాల్గొన్నారు. నిబంధనలు పాటించాల్సిందే లేదంటే చర్యలు తప్పవు డీఎంహెచ్‌ఓ డాక్టర్‌ పల్వన్‌కుమార్‌

హుస్నాబాద్‌రూరల్‌: జాతీయ ఉపాధిహామీ పథకంలో భాగంగా 2023–24 సంవత్సరానికి మండలంలో రూ.3.11 కోట్ల పనులు చేపట్టారు. దీనిపై సోమవారం మండల పరిషత్‌ ఆవరణలో ప్రజావేదిక నిర్వహించి పనుల ఆడిట్‌పై చర్చించారు. ఈ సందర్భంగా డీఆర్‌డీఓ బాలకిషన్‌ మాట్లాడుతూ మండలంలోని 17 గ్రామాల్లో వ్యవసాయ అనుబంధ పనులు చేయడంతో పాటు నీటి నిల్వకు ఫారంపాండ్‌లు తవ్వించడం వలన నీటి ఊటలను పెంచుతుందని అన్నారు. గ్రామాల్లో చేపట్టిన పనులను ఆడిట్‌ బృందాలు క్షేత్ర స్థాయిలో పరిశీలించినప్పుడు కొన్ని లోపాలు వెలుగు చూసినట్లు చెప్పారు. ఒకరికి బదులు మరొకరు పనులు చేయడం, పశువుల పాకల విస్తీరణం లేకపోవడం లాంటి లోపాలను గుర్తించి నివేదించారు. అడిట్‌ బృందాలు ఇచ్చిన నివేదికలతో సిబ్బందితో చర్చించి రూ.50 వేల పనుల పై వివరణ కోరమన్నారు. తప్పులు మళ్లీ చేయకుండా జాగ్రత్తలు తీసుకోవాలని ఎంపీడీఓ, ఏపీఓలకు సూచించారు. గ్రామాల్లోని కూలీలకు పనులు కల్పించే విధంగా ప్రణాళికలను రూపొందించి పనులు చేయించాలని చెప్పారు. కూలీలకు వెంటనే బిల్లులు చెల్లించుటకు చర్యలు తీసుకోవాలన్నారు. వ్యవసాయ, గ్రామాల అభివృద్ధి పనులను గుర్తించి కూలీల చేత చేయించాలన్నారు. ఈ ప్రజావేదికలో ఎంపీడీఓ వేణుగోపాల్‌రెడ్డి, ఎంపీఓ రమేశ్‌, ఏపీఓ పద్మ, సీసీ పర్షరాములు తదితరులు పాల్గొన్నారు. అదనపు డీఆర్‌డీఓ బాలకిషన్‌ ఉపాధిహామీ పనులపై ప్రజావేదిక

జగదేవ్‌పూర్‌(గజ్వేల్‌): గ్రామాభివృద్ధి, సామాజిక కార్యక్రమాలు చేపడుతున్న జగదేవ్‌పూర్‌ పీస్‌ స్వచ్ఛంద సంస్థ డైరెక్టర్‌ నిమ్మయ్య జాతీయ అవార్డు అందుకున్నారు. హైదరాబాద్‌లోని బిర్లా ఆడిటోరియంలో పాన్‌ ఇండియా కార్యక్రమం నిర్వహించారు. ముఫై ఏళ్లుగా పీస్‌ సంస్థ చేస్తున్న సేవలను గుర్తించి పాన్‌ ఇండియా నేషనల్‌ అవార్డును ఎమ్మెల్సీ కోదండరాం, ప్రముఖ కవి గజల్‌ శ్రీనివాస్‌ చేతుల మీదుగా అందుకున్నారు. ఈ సందర్భంగా నిమ్మయ్య మాట్లాడుతూ నేషనల్‌ అవార్డు రావడం చాలా ఆనందంగా ఉందన్నారు. మరింత బాధ్యత పెంచిందన్నారు. గ్రామాభివృద్ధికి కృషి, సామాజిక కార్యక్రమాలు చేయడం సంస్థ లక్ష్యమన్నారు. గుణాత్మకమైన విద్యను అందించాలిజిల్లా సెక్టోరియల్‌ అధికారి నర్సింహులు దౌల్తాబాద్‌(దుబ్బాక): విద్యార్థులకు గుణాత్మకమైన విద్యను అందించడానికి ఉపాధ్యాయులు కృషి చేయాలని జిల్లా సెక్టోరియల్‌ అధికారి నర్సింహులు అన్నారు. మండల పరిధిలోని దౌల్తాబాద్‌, ముబారస్‌పూర్‌లోని ఎంజేపీ బాలికల రెసిడెన్సియల్‌ పాఠశాలలను సోమవారం ఆయన సందర్శించారు. రికార్డులను, విద్యార్థుల సమాచారాన్ని పరిశీలించారు. ఈ సందర్భంగా ఆయన మాట్లాడుతూ... విద్యార్థుల సమాచారాన్ని ఆన్‌లైన్‌లో పొందుపర్చడంలో ఉపాధ్యాయులు కీలకంగా వ్యవహరించాలని సూచించారు. విద్యార్థులు అత్యుత్తమ ఫలితాలను సాధించడానికి ఉపాధ్యాయులు ప్రత్యేక ప్రణాళికలను తయారు చేసి విద్యాబోధన చేయాలని కోరారు. కార్యక్రమంలో ఎంఈఓ గజ్జెల కనకరాజు, హెచ్‌ఎంలు ప్రకాశం, అప్జల్‌ హుస్సేన్‌, దుర్గా ప్రసాద్‌, సీఆర్పీలు, ఎమ్మార్సీలు తదితరులు పాల్గొన్నారు. దోమల నియంత్రణకు ఆయిల్‌ బాల్స్‌మిరుదొడ్డి(దుబ్బాక): దోమల నివారణకు ఆయిల్‌బాల్స్‌ వేసే కార్యక్రమాన్ని మిరుదొడ్డి గ్రామ పంచాయతీ కార్మికులు ప్రారంభించారు. ఆయిల్‌ బాల్స్‌ను తయారు చేసి మురుగు కాలువల్లో వేస్తున్నారు. చిన్న చిన్న గోనె సంచుల్లో చెక్క పొట్టును నింపి బాల్స్‌లా తయారు చేస్తున్నారు. అలా తయారైన బాల్స్‌ను కిరోసిన్‌లో తడుపుతున్నారు. వాటిని ప్రధాన మురుగు కాలువల్లో అక్కడక్కడా వేస్తున్నారు. దీంతో దోమలు వృద్ధిచెందకుండా పూర్తిగా నిర్మూలించవచ్చని పంచాయతీ కార్యదర్శి ఫహీం తెలిపారు. కాంగ్రెస్‌ అధికార ప్రతినిధిగా బుచ్చిరెడ్డిసిద్దిపేటజోన్‌: కాంగ్రెస్‌ పార్టీ జిల్లా అధికార ప్రతినిధిగా ముత్యాల బుచ్చిరెడ్డి నియమితులయ్యారు. ఈ మేరకు సోమవారం డీసీసీ అధ్యక్షుడు నర్సారెడ్డి ఒక ప్రకటన విడుదల చేశారు. జిల్లా అధ్యక్షుడి నుంచి నియామక పత్రాన్ని అందుకున్న బుచ్చిరెడ్డి మాట్లాడుతూ కాంగ్రెస్‌ పార్టీ బలోపేతానికి శక్తివంచన లేకుండా పనిచేస్తానన్నారు. తన నియామకానికి సహకరించిన జిల్లా ఇన్‌చార్జ్‌ మంత్రి కొండా సురేఖ, మంత్రి పొన్నం ప్రభాకర్‌ గౌడ్‌, జిల్లా అధ్యక్షుడు నర్సారెడ్డి, సిద్దిపేట, దుబ్బాక నియోజకవర్గాల పార్టీ ఇన్‌చార్జిలు హరికృష్ణ , శ్రీనివాస్‌రెడ్డిలకు కృతజ్ఞతలు తెలియజేశారు.

సిద్దిపేట పట్టణంలోని ప్రధాన రహదారిపై ప్రమాదం పొంచి ఉంది. రోడ్డుపై కొన్ని చెట్లు ప్రమాదకరంగా ఒరిగి ఉన్నా.. ఇనుప రేలింగ్‌ విరిగినా మున్సిపల్‌ అధికారులు పట్టనట్లు వ్యవహరిస్తున్నారన్న ఆరోపణలు వినిపిస్తున్నాయి. పర్యవేక్షణ సైతం లోపించిందని అంటున్నారు. ఎప్పుడు ఏం జరుగుతుందోనన్న భయంతో వాహనదారులు బిక్కుబిక్కుమంటూ ప్రయాణం సాగిస్తున్నారు. ప్రమాదాలు చోటుచేసుకోకముందే అధికారులు చర్యలు చేపట్టాలని స్థానికులు, ప్రయాణికులు కోరుతున్నారు. –సాక్షి స్టాఫ్‌ ఫొటోగ్రాఫర్‌, సిద్దిపేటరోడ్డుపైకి వరిగిన చెట్టు

సిద్దిపేటఅర్బన్‌: టీజీపీఎస్సీ ఆధ్వర్యంలో నిర్వహించిన గ్రూపు 3 పరీక్షలు ప్రశాంతంగా ముగిశాయి. రెండు రోజుల పాటు జిల్లా కేంద్రంలోని 37 కేంద్రాలలో పరీక్ష నిర్వహించారు. కేంద్రాల వద్ద పోలీస్‌ శాఖ పటిష్ట బందోబస్తు నిర్వహించింది. నిమిషం నిబంధనతో అఽభ్యర్థులు సమయానికి ముందే పరీక్ష కేంద్రానికి చేరుకున్నారు. సోమవారం జరిగిన పరీక్షకు 13,401 మంది అభ్యర్థులకు 7,349 మంది హాజరయ్యారు. పరీక్ష కేంద్రాలను అదనపు కలెక్టర్‌ అబ్దుల్‌ హమీద్‌ సందర్శించి పరీక్ష తీరును పరిశీలించారు. గ్రూపు–3 పరీక్ష ప్రశాంతంగా జరిగిందని, పటిష్ట బందోబస్తు ఏర్పాటు చేసిన పోలీస్‌ శాఖకు, సహకరించిన ఇతర అధికారులకు అభినందనలు తెలిపారు.రెండో రోజూ హాజరు సగమే..

● నత్తనడకన జాతీయ రహదారి పనులు ● ముందుకు సాగని మెదక్‌– సిద్దిపేట– ఎల్కతుర్తి రహదారి నిర్మాణం ● వాహనదారులకు తప్పని తిప్పలు ● త్వరగా పూర్తిచేయాలంటూ వినతులుమెదక్‌– సిద్దిపేట– ఎల్కతుర్తి జాతీయ రహదారి పనులు నత్తనడకన సాగుతున్నాయి. దీంతో వాహనదారులు తీవ్ర ఇబ్బందులు ఎదుర్కొంటున్నారు. రోడ్డు పనులు ఇలాగే సాగితే మరో రెండేళ్లు పట్టే అవకాశం ఉందని స్థానికులు, వాహనదారులు ఆవేదన వ్యక్తం చేస్తున్నారు. ఇప్పటికై నా అధికారులు ప్రత్యేక దృష్టిసారించి పనులు త్వరగా పూర్తిచేసేలా కృషి చేయాలని వారు కోరుతున్నారు. సాక్షి, సిద్దిపేట: మెదక్‌– సిద్దిపేట– ఎల్కతుర్తి (765డీజీ) జాతీయ రహదారి పనులను 2022లో వర్చువల్‌ ద్వారా ప్రధాని మోదీ శంకుస్థాపన చేశారు. 133.61 కిలోమీటర్ల రోడ్డు నిర్మాణం కోసం రూ.1,461కోట్లను కేంద్ర ప్రభుత్వం మంజూరు చేసింది. ఇందుకు రెండు ప్యాకేజీలుగా జాతీయ రహదారుల శాఖ విభజించింది. అందులో మొదటి ప్యాకేజీ మెదక్‌ నుంచి సిద్దిపేట.. 69.97కిలో మీటర్లకు రూ.882కోట్లు, రెండో ప్యాకేజీ సిద్దిపేట నుంచి హన్మకొండ జిల్లా ఎల్కతుర్తి వరకు 63.64 కిలోమీటర్లకు రూ.579 కోట్లను కేటాయించారు. ఏడాదిన్నరగా సాగుతున్న పనులు రోడ్డు విస్తరణ పనులు ఏడాదిన్నరగా సాగుతున్నాయి. గ్రామాలు, పట్టణాల దగ్గర 8 నుంచి 10మీటర్ల వెడల్పుతో విస్తరణ పనులు జరుగుతున్నాయి. పందిళ్ల సమీపంలో టోల్‌ ప్లాజా ఏర్పాటు చేయాలని నిర్ణయించారు. దీనికి సంబంధించిన 400 ఫీట్ల వెడల్పు స్థల సేకరణ ఇంకా చేపట్టలేదు. అలాగే ఆరెపల్లి నుంచి కోహెడ వరకు 1.3 కిలో మీటర్లు రోడ్డు ఎక్కువగా మలుపులున్నాయి. ఎలాంటి మలుపులు లేకుండా చేసేందుకు ఇంకా స్థల సేకరణ చేపట్టాలి. అలాగే హుస్నాబాద్‌ పట్టణంలో విస్తరణ పనులు జరుగుతున్నాయి. గతంలో కురిసిన భారీ వర్షాలకు బ్రిడ్జిల నిర్మాణం పూర్తి కాకపోవడంతో తాత్కాలిక రోడ్డు నిర్మాణం చేయడంతో అది కోట్టుకపోయి వాహనాల రాకపోకలు వారం రోజుల పాటు నిలిచిపోయాయి. దీంతో ఆయా గ్రామాల ప్రజలు తీవ్ర ఇబ్బందులు పడ్డారు. వాహనాలు రాకపోకలు సాగిస్తుంటే విపరీతంగా దుమ్ము లేస్తుండటంతో ఇబ్బందులు అన్నీఇన్నీకావు. పనులు నెమ్మదిగా సాగుతుండటంతో మరో రెండేళ్లు పట్టే అవకాశం ఉందని వాహనదారులు వాపోతున్నారు.పలువురు మృత్యువాత రోడ్డు విస్తరణ సందర్భంగా నిబంధనలు పాటించకపోవడంతో వాహనదారులు ప్రమాదాలబారిన పడుతున్నారు. రోడ్డు నిర్మాణం కోసం తీసిన గుంతలవద్ద ఎలాంటి హెచ్చరిక బోర్డులు ఏర్పాటు చేయకపోవడంతో కొందరు మృత్యువాత, మరికొందరు తీవ్రగాయాల పాలవుతున్నారు. ఇప్పటికై నా అధికారులు స్పందించి రోడ్డు నిర్మాణం పనులు త్వరగా పూర్తయ్యే విధంగా కృషి చేయాలని కోరుతున్నారు.మార్చిలోగా పూర్తిచేస్తాం మెదక్‌– సిద్దిపేట– ఎల్కతుర్తి రోడ్డు పనులు మార్చిలోగా పూర్తయ్యేందకు కృషి చేస్తాం. క్రాసింగ్‌లు లేకుండా ఉండేందుకు, టోల్‌ప్లాజా కోసం కొంత స్థల సేకరణ చేయాల్సి ఉంది. ఇందుకోసం ప్రతిపాదనలు పంపిస్తున్నాం. ఆలస్యం కాకుండా చూస్తాం –కృష్ణారెడ్డి, ఈఈ, జాతీయ రహదారులు