బళ్లారి రూరల్‌ : కుటుంబలో మహిళ విద్యావంతురాలైతే ఆ కుటుంబమంతా విద్యావంతులవుతారు. కుటుంబమంతా విద్యావంతులైతే సమాజానికి, తద్వారా దేశాభివృద్ధి చెందుతుందని విజయపుర అక్కమహాదేవి మహిళా విశ్వవిద్యాలయ వైస్‌ చాన్స్‌లర్‌ ప్రొఫెసర్‌ విజయ బి.కోరిశెట్టి తెలిపారు. ఉజ్జయిని పీఠాధిపతి శ్రీశ్రీశ్రీ 1008 జగద్గురు సిద్దలింగ దేశీకేంద్ర శివాచార్య భగవత్పాద మహాస్వామి సాన్నిధ్యంలో సోమవారం నగరంలోని ఏఎస్‌ఎం కళాశాల సువర్ణ మహోత్సవంలో ముఖ్యఅతిథిగా పాల్గొని మాట్లాడారు. వీరశైవ విద్యావర్థక సంఘం 1916లో ప్రారంభమైంది. వేలాది మందికి జ్ఞానాన్ని పంచి ఉత్తమ భవితను అందించింది. మహిళ విద్యా ఉన్నతికి అల్లం సుమంగళమ్మ మహిళా విద్యాలయాన్ని ఏర్పాటు చేసి వెనుక బడిన కళ్యాణ కర్ణాటక మహిళల అభివృద్ధికి తోడ్పడ్డారని తెలిపారు. అక్క మహాదేవి మహిళా విశ్వవిద్యాలయంలో ఏఎస్‌ఎం కళాశాల మంచి గుర్తింపు తెచ్చుకొందన్నారు. రాష్ట్రంలో 158 మహిళా విద్యాలయాలు ఉన్నట్లు తెలిపారు. మహిళా విశ్వవిద్యాలయం 2013లో విజయోత్సవాలను జరుపుకొన్నట్లు తెలిపారు. మరో అతిథి బెంగళూరు జయదేవ ఆసుపత్రి వైద్యురాలు డాక్టర్‌ విజయలక్ష్మి బాళెకుంద్రి మహిళల ఉన్నత విద్య గురించి మాట్లాడారు. ప్రముఖుడు అల్లం వీరభద్రప్ప, మేయర్‌ గాదెప్ప, గురు వామదేవ మహంత శివాచార్య మహాస్వామి, జగద్గురు సిద్దలింగ రాజ దేశికేంద్ర శివాచార్య భగవత్పాద మహాస్వామి, వీవీ సంఘం అధ్యక్షుడు డాక్టర్‌ కణేకల్‌ మహంతేశ్‌, ఉపాధ్యక్షుడు జానెకుంటె బసవరాజు, కోశాధికారి బైలువద్దిగేరి ఎర్రిస్వామి, ప్రముఖులు అల్లం ప్రమోద్‌, కళాశాల పాలక మండలి అధ్యక్షురాలు కాత్యాయిని మరిదేవయ్య, ప్రిన్సిపాళ్లు డాక్టర్‌ దూపం సతీష్‌, డాక్టర్‌ బి.గోవిందరాజులు, విద్యార్థులు, సంఘం సభ్యులు పాల్గొన్నారు. రాష్ట్రంలో 158 మహిళా విద్యాలయాలు ఉన్నాయి మహిళా వర్సిటీ వీసీ ప్రొఫెసర్‌ విజయ బి.కోరిశెట్టి

వందేమాతరం రెండే లైన్లు శివాజీనగర: అసెంబ్లీలో వందేమాతరం గీతాలాపన గురించి కాంగ్రెస్‌, బీజేపీల మధ్య ఘర్షణ జరిగి గందరగోళం నెలకొంది. సభ ప్రారంభంలో వందేమాతరం గీతాన్ని రెండు పంక్తులు పాడి ముగించారు. గీతాన్ని పూర్తిగా ఆలపించాలని బీజేపీ సభ్యులు పట్టుబట్టి, వారే పాడసాగారు. మరోవైపు స్పీకర్‌ జీ.ఎస్‌.పాటిల్‌ రాజ్యాంగ పీఠికను పఠించారు. ఆపై దివంగత ప్రముఖులకు సంతాపం ప్రకటించారు. బీజేపీ సభ్యులు భారత్‌ మాతాకీ జై అని నినాదాలు చేశారు. ఇవి ప్రత్యేక సమావేశాలు కాదు ఇవి ప్రత్యేక సమావేశాల, కొనసాగింపా అనే అంశంపై స్థాయీ ఉత్తర్వులు ఇవ్వాలని విధానసభలో బీజేపీ పక్ష నేత ఆర్‌.అశోక్‌ కోరారు. మంత్రి కృష్ణబైరేగౌడ తాను ఇవ్వబోననడంతో బీజేపీ సభ్యులు అడ్డుపడ్డారు. నిర్ణయం తీసుకోవాల్సింది స్పీకర్‌ కానీ మంత్రి కాదనడంతో వాగ్వాదం జరిగింది. దీనిని ప్రత్యేక సమావేశం అని ఎలా అంటారు? అలాగైతే అలా ఉత్తర్వులు ముద్రించిన వ్యక్తిని మందలించండి. ఇది సమావేశాలకు కొనసాగింపు మాత్రమే అని అశోక్‌ అన్నారు. చివరకు మంత్రి కృష్ణబైరేగౌడ లేచి.. ఇది నా తప్పే, ప్రత్యేక సమావేశంగా కాకుండా, ప్రత్యేక చర్చగా పరిగణించండి అని పేర్కొన్నారు. శివాజీనగర: పశ్చిమ కనుమల పరిరక్షణ గురించి కస్తూరి రంగన్‌ కమిటీ నివేదిక, రాష్ట్రంలో నెలకొన్న కరువు కాటకాలపై చర్చ కోసం సోమవారం అసెంబ్లీ సమావేశాలు ప్రారంభమయ్యాయి. 3 రోజులు సాగే సమావేశాల్లో తొలిరోజే పెద్దఎత్తున రభస చెలరేగింది. అధికార కాంగ్రెస్‌, ప్రతిపక్ష బీజేపీ నువ్వా నేనా అనుకుంటూ సమరానికి కాలు దువ్వాయి. కరువు తీవ్రంగా ఉంది: సీఎం డీకే మొదట సీఎం డీకే శివకుమార్‌ ప్రసంగిస్తూ రాష్ట్రంలో కరువు తీవ్రంగా ఉందని, 200 తాలూకాలు ఇబ్బందుల్లో ఉన్నాయన్నారు. పరిహార చర్యలను చేపడతామని తెలిపారు. బీజేపీ సభ్యులు మాట్లాడుతూ కరువు నివారణ చర్యలు కనిపించడం లేదని ధ్వజమెత్తారు. కస్తూరి నివేదికతో ఏకీభవించం: డీసీఎం డిప్యూటీ సీఎం జీ.పరమేశ్వర్‌ కస్తూరిరంగన్‌ నివేదిక గురించి మాట్లాడుతుండగా బీజేపీ సభ్యులు అడ్డుకోవడంతో స్పీకర్‌ సభను 10 నిమిషాల పాటు వాయిదా వేశారు. కస్తూరి రంగన్‌ నివేదికతో తాము ఏకీభవించడం లేదని రాష్ట్ర ప్రభుత్వం పలుమార్లు లేఖల ద్వారా కేంద్ర ప్రభుత్వానికి తేలియజేసిందని డీసీఎం చెప్పారు. కానీ కేంద్రం పదేపదే నోటిఫికేషన్లు జారీ చేస్తోందని, తాజా నోటిఫికేషన్‌ను కూడా రాష్ట్ర ప్రభుత్వం వ్యతిరేకించిందని చెప్పారు. సీఎం డీకే శివకుమార్‌ ఆ జిల్లాల రైతులు, ప్రజలు, నాయకులతో మాట్లాడారు, ఆ అంశాలపై సభలో సమగ్రంగా చర్చించాల్సిన అవసరం ఉందని పరమేశ్వర్‌ తెలిపారు. కస్తూరి రంగన్‌ నివేదికకు ప్రతిపక్షాలు అనుకూలంగా ఉన్నాయా? అనేది చెప్పాలని కోరారు. చెప్పకపోతే అనుకూలమే అనే సందేశం వెళ్తుందని అన్నారు. దీంతో బీజేపీ సభ్యులు తలోమాట అనడంతో కోలాహలం నెలకొంది.వాయిదా తీర్మానంపై మళ్లీ రభస కస్తూరి రంగన్‌ నివేదిక మీద బీజేపీ పక్ష నేత ఆర్‌.అశోక్‌ వాయిదా తీర్మానాన్ని ప్రవేశపెట్టబోగా, మంత్రి కృష్ణబైరేగౌడ ఆ తీర్మానం అవసరం లేదని అన్నారు. ఇప్పుడు ప్రత్యేక చర్చ జరుగుతోందని చెప్పగా, బీజేపీ సభ్యులు తీర్మానం కోసం భీష్మించారు. ప్రభుత్వమే నివేదికపై చర్చను 3 రోజులు కాదు, ఒక రోజుకు పరిమితం చేసిందని అశోక్‌ ఆరోపించారు.కస్తూరి రంగన్‌ నివేదికను ఆమోదించరాదంటూ శృంగేరిలో ప్రజల ర్యాలీ సోమవారం ఆరంభమైన విధానసభ సమావేశాలు అధికారులకు లంచాలు ఇవ్వాలా? శివాజీనగర: అధికారులకు గౌరవంగా డబ్బు ఇవ్వడం ఒక సద్గుణం అని వ్యాఖ్యానించి, అవినీతిని ప్రేరేపిస్తున్నారంటూ అబ్కారీ మంత్రి శివలింగేగౌడపై సామాజిక కార్యకర్త దినేష్‌ కల్లహళ్ళి గవర్నర్‌ థావర్‌చంద్‌ గెహ్లాట్‌కు ఫిర్యాదు చేశారు. మంత్రి అవినీతిని ప్రోత్సహిస్తున్నట్లుగా కనిపిస్తోంది, రాజ్యాంగంలోని వివిధ ఆర్టికళ్ల ప్రకారం లంచం ఇవ్వడం, తీసుకోవడం తీవ్ర నేరం, మంత్రి మాటలను తీవ్రంగా పరిశీలించాలని డిమాండ్‌ చేశారు. శివలింగేగౌడను మంత్రి పదవి నుంచి తొలగించాలని విన్నవించారు. వివాదం ఏమిటి? శనివారం సకలేశపురలో తహసీల్దార్‌ కార్యాలయంలో ప్రజా సేవా అభియానలో మంత్రి మాట్లాడుతూ పని చేసిన అధికారులను గౌరవించడం మీ విధి అని ప్రజలతో అన్నారు. కానీ బలవంతంగా డబ్బు తీసుకోకపోవడం వద్దని అన్నారు. మంత్రి మాటలతో అక్కడున్న ప్రజలు ఆగ్రహానికి గురై, మేము ఎందుకు అలా ఇవ్వాలి? వారికి జీతం వస్తోంది కదా? అని ప్రశ్నించారు. ఈ వీడియో వైరల్‌ కాగా, మంత్రి వ్యాఖ్యలు సోషల్‌ మీడియాలో విమర్శలకు గురయ్యాయి. నేనలా చెప్పలేదు: మంత్రి ఈ వివాదంపై మంత్రి శివలింగేగౌడ స్పందిస్తూ డబ్బు ఇవ్వమని నేరుగా చెప్పానా? అధికారులతో గౌరవంగా ప్రవర్తించాలి అని మాత్రమే చెప్పానన్నారు. తన మాటలను తప్పుగా అర్థం చేసుకున్నారని, అధికారులతో గొడవలకు దిగకపోవడమే గౌరవంగా ప్రవర్తించడమంటే అని వివరించారు. ప్రజలు పని పూర్తయ్యాక అధికారిని గౌరవంగా చూసి వెళ్లిపోవాలని నేను చెప్పాను. కానీ ఈ మాటలను మరో విధంగా అన్వయించుకున్నారని రుసరుసలాడారు. ఎవరికీ ఒక్క పైసా కూడా లంచం ఇవ్వవద్దని సూచించారు. ఈ విషయాన్ని ఇక్కడితో ముగించండి అని కోరారు. కస్తూరి రంగన్‌ నివేదికను వ్యతిరేకిస్తున్నట్లు సర్కారు ప్రకటన ప్రతిపక్ష వైఖరేమిటో చెప్పాలని డిమాండ్‌ ఇరుపక్షాల తీవ్ర వాగ్వాదం అసెంబ్లీ సమావేశాల ప్రారంభం అబ్కారీ మంత్రి శివలింగేగౌడ వ్యాఖ్యల దుమారం గవర్నర్‌కు సామాజిక కార్యకర్త ఫిర్యాదు

రాయచూరు రూరల్‌: మహిళల ఉజ్వల భవిష్యత్తుకు సహనం పునాది కావాలని కొప్పళ కవయిత్రి రాజేశ్వరి అభిప్రాయ పడ్డారు. నగరంలోని కన్నడ భవనంలో కసాప ఏర్పాటు చేసిన దత్తి ఉపన్యాస కార్యక్రమంలో అవార్డును అందుకుని ఆమె మాట్లాడారు. కవులు, సాహితీవేత్తల ప్రతిభకు తార్కాణంగా మహిళలు భవిష్యత్తును రూపొందించుకోవాలన్నారు. రంగణ్ణ, రావుతరావ్‌, రాజేంద్ర, వసంత్‌ కుమార్‌, మంజునాథ్‌, యశోద, దండెప్ప బిరాదార్‌లున్నారు. పేదలకు ఇళ్లు మంజూరు చేయరూ రాయచూరు రూరల్‌: రాష్ట్ర ప్రభుత్వ దేవరాజ్‌ అరసు మండలి, ప్రధానమంత్రి ఆవాస్‌ పథకంలో వెనుక బడిన వర్గాల శాఖ నుంచి మురికివాడల ప్రజలకు ఇళ్లు మంజూరు చేయాలని మురికి వాడల వేదిక డిమాండ్‌ చేసింది. సోమవారం సిటీ కార్పొరేషన్‌ కార్యాలయం వద్ద చేపట్టిన ఆందోళనలో సంచాలకుడు జనార్దన్‌ మాట్లాడారు. వీధి వ్యాపారస్తులు, కుష్టురోగులు, దివ్యాంగులు, సఫాయి కర్మచారులు, దేవదాసీ మహిళలు, వితంతువులు, పేదలు ఇళ్లు నిర్మించుకోడానికి రెండేళ్ల క్రితమే దరఖాస్తు చేసుకున్నా అధికారులు నిరక్ష్యం వహిస్తున్నారని ఆరోపించారు. ప్రభుత్వం వెంటనే స్పందించి ఇళ్లు మంజూరు చేయాలని కోరుతూ స్థానికాధికారికి వినతిపత్రం సమర్పించారు. పిల్లల భవిష్యత్తుకు టీచర్లు పునాది రాయచూరు రూరల్‌: పిల్లల ఉజ్వల భవిష్యత్తుకు ఉపాధ్యాయులు పునాది కావాలని రాయచూరు మహర్షి వాల్మీకి విశ్వ విద్యాలయం వైస్‌ చాన్సలర్‌ శివానంద పేర్కొన్నారు. పండిత సిద్దరామ జంబలదిన్ని రంగమందిరంలో సంకుల కలా సంస్థ ఏర్పాటు చేసిన ఉపాధ్యాయ దినోత్సవంలో మాట్లాడారు. విద్యా శాఖలో విధులు నిర్వహించే ఉపాధ్యాయులు పిల్లల సంక్షేమం కోసం పాటుపడాలన్నారు. ప్రతిభకు తార్కాణంగా విద్యార్థులు భవిష్యత్తును రూపొందించాలన్నారు. ఉత్తమ ఉపాధ్యాయులను సన్మానించారు. సతీష్‌, అనిత, సంస్థ అధ్యక్షుడు మారుతి, కార్యదర్శి రేఖ, శ్రీదేవి నాయక్‌, సర్కారీ ఉద్యోగుల సంఘం అధ్యక్షుడు కృష్ణ, బసవరాజ్‌, రాజశేఖర్‌, శివశంకర్‌లున్నారు. డిసెంబర్‌ 12, 13 తేదీల్లో బిదరి ఉత్సవాలు హుబ్లీ: బీదర్‌లోని డాక్టర్‌ చెన్నబసవ పట్టదేవరు జిల్లా రంగమందిరంలో డిసెంబర్‌ 12, 13 తేదీల్లో బిదరి ఉత్సవాలు, రాష్ట్రస్థాయి అవార్డుల ప్రదానోత్సవం ఏర్పాటు చేసినట్లు సాంస్కృతిక వేదిక అధ్యక్షురాలు రేఖా సవది తెలిపారు. సమావేశంలో తీసుకున్న నిర్ణయాలను సోమవారం ఆమె విలేకరులకు వివరించారు. గత కొన్నేళ్లుగా మాదిరిగానే ఈ ఏడాది కూడా కన్నడ సంస్కృతి శాఖ సహకారంతో ఉత్సవాలను నిర్వహిస్తున్నామన్నారు. సీనియర్‌ రచయిత్రి భారతీ వస్త్రద్‌, పుణ్యవతి నిసాది మాట్లాడుతూ బిదరి ఉత్సవాలు జిల్లాకే గర్వకారణమన్నారు. జిల్లా రంగమందిరంలో నిర్వహించడం శుభపరిణామం అన్నారు. విలేకరుల సంఘం జిల్లా అధ్యక్షుడు ఆనంద దేవప్ప తదితరులు పాల్గొన్నారు. కొండముచ్చు తోసేయడంతో వృద్ధురాలు మృతి సాక్షి,బళ్లారి: ఇంటి ముందు నిల్చున్న వృద్ధురాలిపై కొండముచ్చు దాడి చేసి తోసేయడంతో తలకు తీవ్ర గాయాలై మృతి చెందింది. కొప్పళ నగరంలోని నజమున్నీసా బేగం(91) అనే వృద్ధురాలు తన ఇంటి ముందు నిలబడి ఉండగా కొండముచ్చు ఉన్నఫళంగా దాడి చేసి వృద్ధురాలిని తోసేసింది. దీంతో కిందపడటంతో ఆమె తలకు తీవ్ర గాయాయలై మృతి చెందడంపై స్థానికులు తీవ్ర ఆగ్రహం వ్యక్తం చేశారు. నగరంలో పెద్ద సంఖ్యలో ఉన్న కోతుల బెడద నివారణకు అధికారులు తగిన చర్యలు తీసుకోవాలని డిమాండ్‌ చేశారు. కాంగ్రెస్‌ నకిలీ దేశభక్తి తేటతెల్లం హుబ్లీ: ప్రత్యేక అసెంబ్లీ సమావేశాల్లో సోమవారం చట్టాన్ని ఉల్లంఘిస్తూ, వందేమాతరం గీతాన్ని పూర్తిగా పాడకుండా కేవలం రెండు చరణాలే పాడి కాంగ్రెస్‌ తన నకిలీ దేశభక్తిని చాటుకుందని కేంద్ర మంత్రి ప్రహ్లాద్‌ జోషి దుయ్యబట్టారు. సోమవారం ఆయన ట్వీట్‌ చేశారు. జాతీయ గీతానికి దీని వల్ల అవమానం చేశారని ఆరోపించారు. దీంతో కాంగ్రెస్‌ దేశభక్తి బూటకమని తేలిపోయిందన్నారు. ఇది అత్యంత ఖండనీయమన్నారు. కాంగ్రెస్‌కు దేశభక్తి గీతాన్ని చూసి ఎందుకు ఇంత ద్వేషం అన్నారు.

సాక్షి,బళ్లారి: నగరంలోని ఐటీఐ కళాశాలలో ఈనెల 25 నుంచి మూడు రోజుల పాటు గృహ నిర్మాణాలకు సంబంధించి అన్ని వర్గాలకు అందుబాటులో ఉండేలా అన్ని రకాల గృహ నిర్మాణ సామగ్రిని ప్రదర్శిస్తున్నట్లు జిల్లా ఇంజనీర్స్‌ అండ్‌ కన్సల్టెంట్స్‌ బళ్లారి అసోసియేషన్‌, సివిల్‌ ఇంజనీర్స్‌ అసోసియేషన్‌ అధ్యక్షుడు సత్యనారాయణ పేర్కొన్నారు. ఆయన సోమవారం నగరంలో విలేకరులతో మాట్లాడారు. సర్‌ ఎం.విశ్వేశ్వరయ్య జయంతిని పురస్కరించుకుని నగరంలోని పెద్ద ఎత్తున కార్యక్రమం నిర్వహిస్తున్నామన్నారు. ఉదయం 10 నుంచి రాత్రి 9.30 గంటల వరకు ప్రదర్శన ఉంటుందన్నారు. ఇంటి నిర్మాణానికి ఉపయోగించే అన్ని రకాల సామగ్రిని ప్రదర్శిస్తారన్నారు. తక్కువ ధరకే ఇళ్లు ఎలా నిర్మించాలో ఇక్కడ తెలుసుకునేందుకు వీలవుతుందన్నారు. నగర వాసులు ప్రదర్శన వీక్షించి లబ్ధి పొందాలన్నారు. అసోసియేషన్‌ ప్రముఖులు శశిధర్‌, గజేంద్ర, రాకేష్‌, నిరంజన్‌, సుభాష్‌ తదితరులు పాల్గొన్నారు.

● బెంగళూరులో ఉపశమనంసోమవారం సాయంత్రం బెంగళూరులో మేఘాలువిధానసౌధ రోడ్డులో వర్షంలో గొడుగులతో విద్యార్థులు యశవంతపుర: బెంగళూరు నగరంలో సోమవారం కూడా వర్షం కురిసింది. మధ్యాహ్నం, మళ్లీ సాయంత్రం నుంచి అనేక చోట్ల వానలు పడ్డాయి. కొన్నినెలలుగా వర్షాలు లేక వేడితో వేసవి ఎండలను చవిచూసిన నగరం వానలతో చల్లగా మారింది. ఉదయం నుంచి భారీగా ఎండ కాచినా, మధ్యాహ్నం తరువాత ఆకాశం దట్టంగా మేఘావృతమైంది. వర్షం కురవడం బెంగళూరు ప్రజలను ఆనందపరిచింది. పలు కూడళ్లు, లోతట్టు ప్రాంతాల్లో నీరు నిలిచి వాహనదారులు ఇబ్బంది పడ్డారు.

యశవంతపుర: కారు, బైకు, వ్యాన్‌ను ఢీకొనడంతో ముగ్గురు చనిపోగా, ఏడుమంది గాయపడిన ఘటన కొడగు జిల్లా కుశాలనగర– మడికెరి రహదారిలో ఆనెకాడు వద్ద ఆదివారం రాత్రి జరిగింది. మృతులు అదే జిల్లాలోని 7వహొసకోటకు చెందిన ఎలక్ట్రిషియన్‌ రతన్‌ ఉణ్ణి (36), మిత్రుడు ఆదర్శ్‌ (26), బైకిస్టు అటవీశాఖ కాంట్రాక్టు ఉద్యోగి, స్థానికుడు కుమార్‌ (42)గా గుర్తించారు. కారులోని రతన్‌, ఆదర్శ్‌లు నిమజ్జనం చూసుకుని కారులో తిరిగి 7వ హొసకోటకు వెళుతున్నారు. ఓవర్‌టెక్‌ చేయబోయి అదుపుతప్పి ఎదురుగా వస్తున్న బైకును ఢీకొన్నారు, తరువాత మరో వ్యాన్‌ను ఢీకొనడంతో అన్ని వాహనాలు నుజ్జయ్యాయి. కారులోని ఇద్దరు, బైకిస్టు అక్కడే మరణించారు. వ్యాన్‌లోని 7 మంది గాయపడి కుశాలనగర ప్రైవేట్‌ ఆస్పత్రిలో చికిత్స చేశారు. వారి పరిస్థితి విషమంగా ఉండటంతో మైసూరు, మడికెరి ఆస్పత్రులకు తరలించినట్లు పోలీసులు తెలిపారు. ముగ్గురు దుర్మరణం కొడగు జిల్లాలో ప్రమాదం

కోలారు: తాలూకాతో పాటు జిల్లాలోని పలు ప్రాంతాల్లో కురిసిన వానలకు లోతట్టు ప్రాంతాలు, నీటికుంటల్లో నీరు నిలిచి రైతుల ముఖాల్లో మందహాసం కనిపిస్తోంది. ముంగారు వానలు సక్రమంగా కురవక తీవ్ర కరువు పరిస్థితులు ఏర్పడి పశువుల మేత కరువై పాడి పరిశ్రమ కూడా వెనుకబడుతున్న తరుణంలో కురిసిన ఈ వానలు రైతులను ఆనంద పరుస్తున్నాయి. ఈ వానలకు పచ్చిమేత మొలిచి పశువుల ఆహారానికి కొరత ఉండదని రైతులు, పాడి రైతులు ఆనంద పడుతున్నారు. బంగారుపేటె తాలూకాలో అధికంగా వర్షం కురిసింది. అర్థరాత్రి ప్రారంభమైన వాన తెల్లవారు జాము వరకు కురిసింది. దీని వల్ల బంగారుపేటె తాలూకాలోని మార్కండేయ జలాశయం, యరగోళు జలాశయం, కామసముద్రం వృషభావతి చెరువు, ముష్ట్రహళ్లి చెరువులకు నీరు చేరింది. ముంగారులో వానలు లేక వ్యవసాయ కార్యకలాపాలకు దూరంగా ఉన్న రైతులు ప్రస్తుతం ఉల్లి, జొన్నలు విత్తడానికి సిద్ధమవుతున్నారు. భారీ వానలకు బూదికోటె సమీపంలో రహదారిపై చెట్టు కొమ్మ విరిగి పడడంతో వాహన సంచారానికి అంతరాయం కలిగింది. దీంతో పోలీసులు చెట్టుకొమ్మను తొలగించి సంచారానికి అనుకూలం కల్పించారు. రాష్ట్ర వ్యాప్తంగా విస్తారంగా వానలు కురిసే అవకాశం ఉందని వాతావరణ శాఖ ప్రకటించడంతో రాష్ట్ర ప్రభుత్వం రాష్ట్రంలోని పలు జిల్లాలతో పాటు కోలారు జిల్లాలో కూడా ఎల్లో అలర్ట్‌ ప్రకటించింది.

బనశంకరి: వేతన పెంపుతో పాటు వివిధ డిమాండ్లు పరిష్కరించాలని 108 అంబులెన్స్‌ల ఉద్యోగులు రాష్ట్ర ప్రభుత్వానికి ఇచ్చిన 15 రోజుల గడువు సోమవారంతో ముగిసింది. కానీ ప్రభుత్వం నుంచి స్పందన రాకపోవడంతో ఉద్యోగుల్లో ఆగ్రహం వ్యక్తమైంది. మంగళవారం రాత్రి 8 గంటల తరువాత అంబులెన్స్‌లను పూర్తిగా నిలిపివేయాలని తీర్మానించారు. దీంతో 108 సేవలకు అంతరాయం ఏర్పడే అవకాశముంది. ఏటా వేతనం పెంచాలని, సీనియారిటీని చూడాలని, నెల నెలా 7వ తేదీలోగా జీతాలు వేయాలని, విధుల్లో మరణిస్తే రూ.50 లక్షల పరిహారం అందించాలని పలు డిమాండ్లు ప్రకటించారు.కుక్కపిల్లల కోసం వచ్చిన కొండచిలువ శివమొగ్గ: కుక్కపిల్లలను మింగడానికి వచ్చిన ఒక కొండచిలువ దొరికిపోయింది. శివమొగ్గ నగర శివార్లలోని కల్లగంగూర్‌లో జల్లి క్రషర్‌ దగ్గర ఓ ఇంటి వద్ద తల్లి కుక్క పిల్లలను పెట్టింది. ఆదివారం రాత్రి వాటిని స్వాహా చేయాలని ఓ కొండచిలువ వచ్చింది. దానిని చూసి తల్లి కుక్క గట్టిగా మొరగసాగింది. ఏమిటోనని వచ్చిన కార్మికులు కొండచిలువను చూశారు. వారి సమాచారం మేరకు స్నేక్‌ కిరణ్‌ చేరుకుని సుమారు 6 అడుగుల పొడవున్న ఆ కొండచిలువను పట్టుకున్నాడు. తరువాత దానిని దూరంగా వదిలివేశారు.

మైసూరు: ప్రపంచ ప్రఖ్యాత మైసూరు దసరా ఉత్సవాలపై రాష్ట్ర కాంగ్రెస్‌ ప్రభుత్వానికి, మైసూరు రాజ కుటుంబానికి మధ్య యుద్ధం మొదలైంది. దసరా సంబరాల గురించి ప్రభుత్వం తమకేమీ చెప్పడం లేదని రాజ వంశీకురాలు ప్రమోదాదేవి ఒడెయార్‌ ఆరోపించారు. ఆమె సోమవారం మైసూరు ప్యాలెస్‌ రాజభవనంలో మీడియా సమావేశం నిర్వహించారు. కరువు పరిస్థితుల్లో కూడా మైసూరు దసరాను ఘనంగా నిర్వహించాలని, మంచి వర్షాలు కురుస్తాయని, దేశానికి మేలు జరుగుతుందని ఆశిస్తూ దసరాను జరుపుకుందామని అన్నారు. మంగళూరుకు చెందిన కంబళ పోటీలను మైసూరు ఉత్సవాలలో ప్రత్యేకంగా నిర్వహించాల్సిన అవసరం ఉందా? అని ప్రభుత్వాన్ని ప్రశ్నించారు. ప్రభుత్వం సంప్రదించి ఉంటే, నేను నా అభిప్రాయాన్ని తెలియజేసేదాన్ని అని ఆమె అన్నారు. బంగారు గిడ్డంగి చోరీ కాలేదు రాజ కుటుంబం బంగారు గిడ్డంగిలో చోరీ జరిగిందన్నది అబద్ధం, బంగారు గిడ్డంగి సురక్షితంగా ఉంది అని ప్రమోదాదేవి తెలిపారు. బంగారు గిడ్డంగిని నేనే స్వయంగా మూసివేశానని, కొందరు వదంతులను వ్యాప్తి చేయడంతో తానే ఇలా చేశానని చెప్పారు. మైసూరు ప్యాలెస్‌లో ఘనంగా దసరా వేడుకలు జరుగుతాయన్నారు. అక్టోబర్‌ 5న రత్నఖచిత సింహాసన ప్రతిష్ఠాపన జరుగుతుందని వివరాలను తెలిపారు. చాముండి కొండపై భవనాలు పెరిగి ఆ కొండ ఒక పట్టణంలా మారుతోందని ఆమె తీవ్ర ఆందోళన వ్యక్తంచేశారు. సర్కారుకు రాజవంశీకురాలి ప్రశ్న

రాయచూరు రూరల్‌: జిల్లా కాంగ్రెస్‌ అధ్యక్షుడిగా శాంతప్ప పదవీ బాధ్యతలు చేపట్టారు. ఆదివారం జిల్లా కాంగ్రెస్‌ పార్టీ కార్యాలయంలో ఏర్పాటు చేసిన కార్యక్రమంలో అధ్యక్షుడు బసవరాజ్‌ పాటిల్‌ ఇటగి శాంతప్పకు బాధ్యతలు అప్పగించారు. 30 ఏళ్ల పాటు పార్టీకి చేసిన సేవలను గుర్తించి అధ్యక్ష పదవిని అప్పగించారన్నారు. పార్టీ కార్యకర్తల సహకారంతో పార్టీని గ్రామ స్థాయి నుంచి బలోపేతం చేసి పార్టీలో ఐక్యతను సాధిస్తామన్నారు. అమరేగౌడ, రుద్రప్ప, పంపనగౌడ, ఆంజనేయ, శివమూర్తి, నరసింహులున్నారు. సమగ్ర దర్యాప్తు కోసం ధర్నారాయచూరు రూరల్‌: జిల్లాలోని సిరవార తాలూకా హొక్రాణిలో దళిత యువతి అశ్వినిపై అత్యాచారానికి పాల్పడి హత్య చేసిన నిందితులను అరెస్ట్‌ చేసి, కేసును నిష్పక్షపాతంగా విచారణ చేపట్టాలని కన్నడ దళిత సేన సంఘాలు డిమాండ్‌ చేశాయి. సోమవారం అంబేడ్కర్‌ సర్కిల్‌ వద్ద చేపట్టిన ఆందోళనలో సంచాలకురాలు పద్మ మాట్లాడారు. అశ్విని మృతికి కారకులైన వారిపై చర్యలు చేపట్టాలని ఒత్తిడి చేశారు. ఇటీవల జిల్లాలో దళిత యువతులు, మహిళలపై అధకంగా జరుగుతున్న దాడులను నియంత్రించాలని కోరుతూ వినతిపత్రం సమర్పించారు. ఆయకట్టు భూములకు నీరు వదలండి రాయచూరు రూరల్‌: జిల్లాలో తుంగభద్ర ఎడమ కాలువల నుంచి ఆయకట్టు చివరి భూములకు నీరు వదలాలని డిమాండ్‌ చేస్తూ రాస్తారోకో చేపట్టారు. సోమవారం సింధనూరులో చేపట్టిన ఆందోళనలో మాజీ మంత్రి వెంకట్రావ్‌ నాడగౌడ, శాసన సభ్యుడు హంపనగౌడ బాదర్లి, మాజీ ఎంపీ కే.విరుపాక్షప్ప ఒత్తిడి చేశారు. తుంగభద్ర ఎడమ కాలువల్లో నీటి సామర్థ్యాన్ని తెలిపే గేజ్‌ నిర్వహణకు చర్యలు తీసుకోవాలన్నారు. 54వ నంబరు ఉప కాలువ కింది భాగంలో నీరు అందక పోవడంపై విరుచుకు పడ్డారు. 69 వేల ఎకరాలకు నీరందించాలంటే 389 క్యూసెక్కుల నీటిని విడుదల చేయాలన్నారు. కాలువపై అక్రమంగా వేసుకున్న పైపులను తొలగించాలని డిమాండ్‌ చేశారు. కొప్పళ జిల్లా ఇంచార్జి మంత్రి శివరాజ్‌ తంగడిగి కాలువ పైభాగంలో నీటిని కింది భాగానికి వదలకుండా అడ్డుకుంటున్నట్లు ఆరోపించారు. వర్షంలోనూ నిమజ్జనం కెలమంగలం: కెలమంగలం పట్టణ పంచాయతీలో ఏర్పాటు చేసిన వినాయక ప్రతిమల నిమజ్జనం ఆదివారం ఘనంగా సాగింది. హిందూ సంఘాల ఆధ్వర్యంలో ఉదయం నుంచి పట్టణంలో ఊరేగింపు నిర్వహించారు. సాయంత్రం నిమజ్జనానికి ముందే ఉరుములు, మెరుపులతో కూడిన వర్షం కురుస్తున్నా భక్తులు వెనకడుగు వేయలేదు. ఊరేగింపును కొనసాగించి గంగమ్మ ఒడిలో వదిలారు. డెంకణీకోట ఏడీఎస్పీ శంకర్‌ నేతృత్వంలో పోలీసులు బందోబస్తు ఏర్పాటు చేశారు.

రాయచూరు రూరల్‌: గ్రామీణ ప్రాంతాలకు విద్యుత్‌ సక్రమంగా సరఫరా చేయాలని కోరుతూ రాయచూరు రూరల్‌ మాజీ శాసన సభ్యుడు తిప్పరాజ్‌ హవల్దార్‌ రాయచూరు జెస్కాం కార్యాలయం వద్ద ఆందోళన చేపట్టిన రైతులతో కలిసి అధికారులను ముట్టడించిన ఘటన చోటు చేసుకుంది. సోమవారం అంబేడ్కర్‌ సర్కిల్‌ నుంచి ర్యాలీగా వెళ్లి జెస్కాం కార్యాలయాన్ని చేరుకుని ముట్టడించి 12 గంటల పాటు విద్యుత్‌ సరఫరాకు చర్యలు తీసుకోవాలన్నారు. గ్రామీణ ప్రాంతంలో విద్యుత్‌ సరఫరా లేక కరువు సహాయక పనులు చేపట్టక పోవడాన్ని ఖండించారు. కరువు నెలకొన్నందున రైతులకు రూ.50 వేలు పరిహారం అందించాలని, రైతులకు 12 గంటల పాటు విద్యుత్‌ సౌకర్యం కల్పించాలన్నారు. తుంగభద్ర ఎడమ కాలువ కింద ఉపకాలువలకు నేటికీ నీటిని విడుదలలో నిర్లక్ష్యం చేయడం తగదన్నారు. అనంతరం జిల్లాధికారి కార్యాలయం వరకు ర్యాలీగా వెళ్లి వినతిపత్రం సమర్పించారు. ఆందోళనలో మాజీ నేతలు శంకరప్ప, నిత్యానందరెడ్డి, కేశవరెడ్డి, అచ్యుతరెడ్డి, సిద్దనగౌడ, బండేష్‌, జగదీశ్‌ తదితరులు పాల్గొన్నారు.

శ్రీనివాసపురం: తాలూకాలోని నంబిహళ్లి గ్రామంలో ఉన్న సత్యమ్మ దేవి ఆలయంలో అమ్మవారికి సోమవారం దీపోత్సవం, విశేష పూల అలంకరణను వైభవంగా నిర్వహించారు. అర్చకులు దేవిప్రసాద్‌ నేతృత్వంలో విశేష పూజలు జరిగాయి. పెద్ద సంఖ్యలో మహిళలు తలపై దీపాలను మోసుకుని వచ్చి అమ్మవారికి సమర్పించారు. రైతు ఉసురుతీసిన కరువు మైసూరు: చామరాజనగర జిల్లా, గుండ్లుపేట తాలూకాలోని కల్లిగౌడనహళ్లి గ్రామంలో కరువు, అప్పుల భారం భరించలేక ఒక యువ రైతు గడ్డి మందు తాగి ఆత్మహత్య చేసుకున్నాడు. శివన్న, నాగమ్మల కుమారుడు మణికాంత్‌ (24) మృతుడు. తండ్రి ఫిర్యాదు మేరకు నా కుమారుడు పంటలు పండించడానికి వివిధ బ్యాంకుల నుంచి సుమారు రూ. 15–16 లక్షల రుణాలు తీసుకున్నాడు. పంటలు పండకపోవడంతో పాటు కరువు వల్ల బోరు ఎండిపోయింది, మానసిక క్షోభకు గురై గడ్డి మందు తాగి ఆత్మహత్య చేసుకున్నాడు అని పేర్కొన్నారు. ప్రభుత్వం రూ. 5 లక్షల పరిహారం ప్రకటించిందని తహసీల్దార్‌ తన్మయ్‌ తెలిపారు. బెయిలివ్వరూ.. ప్లీజ్‌ యశవంతపుర: చిత్రదుర్గ రేణుకాస్వామి హత్య కేసులో మొదటి నిందితురాలు, పరప్పన జైల్లో ఉన్న నటి పవిత్రగౌడ.. తల్లిదండ్రులు, కూతురి యోగక్షేమాలు చూసుకోవలసి ఉన్నందున బెయిల్‌ను మంజూరు చేయాలని కోర్టులో పిటిషన్‌ దాఖలు చేసింది. ప్రభుత్వ న్యాయవాది అభ్యంతరాలు చెప్పడంతో విచారణను కోర్టు వాయిదా వేసింది. ఈ హత్య కేసు విచారణ సాగుతున్న బెంగళూరు 59న సెషన్స్‌ కోర్టులో సోమవారం బెయిల్‌ అర్జీపై వాదనలు సాగాయి. నాపై వచ్చిన ఆరోపణలు అబద్ధం, అనారోగ్య సమస్యలున్నాయి, కుటుంబాన్ని చూసుకోవాలి అని పవిత్ర పేర్కొంది. నీటి కోసం రైతు గర్జన మైసూరు: కబిని రిజర్వాయర్‌ నుంచి పంట కాలువలకు తక్షణమే నీటిని విడుదల చేయాలని రైతులు కాడా కార్యాలయాన్ని ముట్టడించారు. రైతుల నిరసనకు తలొగ్గిన అధికారుల 27 నుంచి నీరిస్తామని హామీ ఇచ్చారు. కబిని డ్యాంఅచ్చుకట్టు పరిధిలోని రైతులు ర్యాలీగా తరలివచ్చారు. తమిళనాడుకు కావేరి నీటి సరఫరాను నిలిపివేయాలని ప్రభుత్వానికి వ్యతిరేకంగా నినాదాలు చేశారు. తమిళనాడు ముఖ్యమంత్రి సంతోషం కోసం రైతులను మోసం చేసి జలాశయాన్ని ఖాళీ చేసిందని దుయ్యబట్టారు. ఎస్‌ఈ రఘుమూర్తి రైతులతో మాట్లాడారు. కబినిలో తాగునీటికి మాత్రమే సరిపడే నీరుందని చెప్పడంతో రైతులు మండిపడ్డారు. కొంతసేపటికి మరోదఫా చర్చలు సాగాయి. 27 నుంచి నీటిని విడుదల చేస్తామని హామీ ఇవ్వడంతో ధర్నా విరమించారు. కేపీఎస్‌సీపై సిట్‌ దర్యాప్తు: హైకోర్టు బనశంకరి: కేపీఎస్‌సీ పశువైద్యాధికారుల ఉద్యోగాల కుంభకోణంపై హైకోర్టు సీనియర్‌ ఐపీఎస్‌ అధికారి అలోక్‌కుమార్‌ నేతృత్వంలో సిట్‌ను ఏర్పాటు చేసింది. దాఖలైన పిటిషన్లపై సోమవారం న్యాయమూర్తి జస్టిస్‌ ఎం.నాగప్రసన్న విచారించారు. అలోక్‌కుమార్‌ చీఫ్‌గా, అనుభవజ్ఞులైన అధికారులు దివ్యా గోపినాథ్‌, అనూప్‌శెట్టి, కుశాల్‌ చౌక్సీ, శర్మ మిశ్రా సభ్యులుగా సిట్‌ను ఏర్పాటు చేయాలని సర్కారును ఆదేశించారు. ఈ కేసులో ఈడీ అదికారులకు సహకారం అందించాలని జడ్జి ఆదేశించారు. ప్రస్తుతం ఈ కేసును సీఐడీ, ఈడీ దర్యాప్తు చేస్తున్నాయి. వందరోజుల్లో విచారణ జరిపి నివేదిక అందించాలి, ప్రతి నెలకు దర్యాప్తు పురోగతి నివేదిక ఇవ్వాలన్నారు. ఈ సిట్‌కు రాష్ట్ర ప్రభుత్వం ఎలాంటి అడ్డంకులు కల్పించరాదని సూచించారు.

ప్యాలెస్‌ ముందు పూల మొక్కల కనువిందు దసరా సంబరాల్లో మనోరంజన ప్రదర్శనలు (ఫైల్‌) మైసూరు: ప్రతిష్టాత్మక మైసూరు దసరా సంబరాలకు నగరం ముస్తాబవుతోంది. చారిత్రక కట్టడాలు, కూడళ్లలో సుందరీకరణ పనులు చకచకా సాగుతున్నాయి. ప్యాలెస్‌ పరిసరాల్లో పూల మొక్కల అమరిక సాగుతోంది. గోల్డ్‌ కార్డు టికెట్‌తో ఈ సౌలభ్యాలు మరోవైపు దసరా సందర్శకులకు సోమవారం నుంచి దసరా గోల్డ్‌ కార్డులు, సంగీత కచేరీలు, నృత్య వేడుకలు సహా వివిధ కార్యక్రమాల టికెట్ల అమ్మకాలను అధికారులు ప్రారంభించారు. ఆన్‌లైన్‌లోనూ కొనుగోలు చేయవచ్చు. దసరా గోల్డ్‌ కార్డు ధరను రూ.6,500గా నిర్ణయించారు. ఈ గోల్డ్‌ కార్డు ఉన్నవారు అన్ని కార్యక్రమాలకు మళ్లీ టికెట్‌ లేకుండా హాజరు కావచ్చు. మైసూరు ప్యాలెస్‌, జూ, చాముండి కొండలను ఒక్కసారి ఉచితంగా సందర్శించవచ్చు. ఇతర టికెట్ల వివరాలు ఇతర టికెట్ల విషయానికి వస్తే దసరా రోజున జంబూసవారీ ఏనుగుల ఊరేగింపును చూడడానికి టికెట్‌ ధర రూ.3,500. పంజీనా పరేడ్‌ను చూడాలంటే రూ.1,500 టికెట్‌ కొనాలి. డ్రోన్‌ షోను వీక్షించాలంటే రూ.1,000 టికెట్‌ ఉండాలి. ఒక టికెట్‌పై ఒక వ్యక్తికి అనుమతి ఉంటుందని జిల్లా కలెక్టర్‌ జి.లక్ష్మీ కాంతరెడ్డి తెలిపారు. చకచకా దసరా సుందరీకరణ పనులు ఉత్సవాల వీక్షణకు రూ.6500 ధరతో గోల్డ్‌ కార్డు టికెట్ల విక్రయాలు షురూ

రాయచూరు రూరల్‌: గ్రామీణ ప్రాంతాల్లోని పేద పిల్లలు ఉన్నత చదువుల కోసం పట్టణాలకు వస్తే విద్య అలవడుతుందని హాస్టల్‌లో ఉండి చదువుకునే విద్యార్థులు అసౌకర్యాల మధ్య సరైన వెలుతురు లేక చిరిగిన గోనె సంచులతో కిటికీలకు తెరలు కట్టిన ఉదంతం నగరంలో వెలుగు చూసింది. హాస్టల్‌కు సరైన తాగునీటి సౌకర్యం కల్పించలేదు. బిజినగేర రోడ్డులోని డాక్టర్‌ బీ.ఆర్‌.అంబేడ్కర్‌ హాస్టల్‌లో ఇంటర్‌, డిగ్రీ, వృత్తి విద్యా కోర్సులు చదివే 154 మంది విద్యార్థులకు, 54 గదులు కేటాయించారు. హాస్టల్‌ వార్డెన్‌ మహబూబ్‌ తనకేమీ సంబంధం లేదన్నట్లుగా వ్యవహరిస్తున్నారు. అటవీ ప్రాంతంలో కొండగుట్టలపై హాస్టల్‌ ఉంది. రాత్రి వేళ విద్యుత్‌ కోత విధిస్తే జనరేటర్‌ను ఉపయోగించడం లేదని విద్యార్థులు వాపోయారు. మరుగుదొడ్లు, స్నానపు గదులు శుభ్రం చేయకుండా అలాగే వదిలేశారు. సోలార్‌ ఉన్నా.. ఉపయోగం లేదన్నా.. హాస్టల్‌ పైభాగంలో సోలార్‌ విద్యుత్‌ సౌకర్యం ఉన్నా ఉపయోగించకుండా నిర్లక్ష్యంగా ఉన్నారు. విద్యుత్‌ పరికరాలకు సంబంధించిన వైర్లు బోర్డు నుంచి బయటకొచ్చినా, స్విచ్‌లు విరిగిపోయినా వాటికి మరమ్మతు పనులు చేపట్టకుండా వదిలేయడంతో ఏ సమయంలో విద్యుత్‌ వైర్లు షాక్‌ కొడతాయో అనే భయం విద్యార్థుల్లో నెలకొంది. గదులకు సరైన తలుపులు లేవు. విద్యుత్‌ బల్పులు అమర్చకుండా, ఫ్యాన్లు వేయకుండా వార్డెన్‌ నిర్లక్ష్యం వహిస్తున్నారు. మూడంతస్థుల భవనంలో వర్షపు నీరు వచ్చినా పట్టించుకోక పోవడంతో విద్యార్థులు ఇబ్బందులకు గురవుతున్నారు. ఈ విషయంలో నిమ్మకు నీరెత్తినట్లు వ్యవహరిస్తున్న సాంఘీక సంక్షేమ శాఖ జిల్లా, తాలూకా స్థాయి అధికారులు ఇకనైనా మేలుకోవాల్సి ఉంది. అస్తవ్యస్తంగా డాక్టర్‌ బీఆర్‌ అంబేడ్కర్‌ బాలుర హాస్టల్‌ అసౌకర్యాల మధ్య పేద గ్రామీణ విద్యార్థులు సతమతం

బెంగళూరు: ప్రభుత్వ కార్యాలయంలో పని చేయించుకోవాలంటే అధికారులకు డబ్బులు ఇవ్వాల్సిందేనా? విధులు నిర్వర్తించినందుకు ‘టిప్‌’ పేరుతో అధికారులకు నగదు ఇవ్వడం తప్పుకాదా? కర్ణాటక కాంగ్రెస్‌ మంత్రి కేఎం శివలింగే గౌడ వ్యాఖ్యలు ఇప్పుడు ఈ ప్రశ్నలనే తెరపైకి తెచ్చాయి. అధికారులు సకాలంలో ప్రజల పనులు పూర్తి చేస్తే వారికి ‘టిప్‌’ లేదా ‘గౌరవ ధనం’ ఇవ్వడంలో తప్పేమీ లేదన్నట్లుగా మంత్రి మాట్లాడటం తీవ్ర దుమారం రేపింది. మంత్రి మాటలపై ప్రజలు కార్యక్రమంలోనే అభ్యంతరం వ్యక్తం చేయడంతో కొద్దిసేపు వాగ్వాద వాతావరణం నెలకొంది. దీనికి సంబంధించిన వీడియో సోషల్‌ మీడియాలో వైరల్‌గా మారింది.హాసన్‌ జిల్లాలో నిర్వహించిన ప్రజా ఫిర్యాదుల కార్యక్రమంలో మంత్రి శివలింగే గౌడ అధికారుల పనితీరుపై మాట్లాడారు. ఈ సందర్భంగా అధికారులు ప్రజలకు సంబంధించిన పనులను సకాలంలో పూర్తి చేస్తే వారికి ‘టిప్‌’ ఇవ్వడంలో తప్పేమీ లేదన్న భావన వచ్చేలా వ్యాఖ్యలు చేశారు. ‘అధికారులు ప్రజల పని చేస్తే వారికి లంచం ఇవ్వడం ధర్మమే’ అన్నట్లుగా మంత్రి మాట్లాడినట్లు వీడియోలో వినిపిస్తోంది. మంత్రి వ్యాఖ్యలపై అక్కడే ఉన్న ఓ వ్యక్తి తీవ్ర అభ్యంతరం వ్యక్తం చేశారు. అధికారులు తమ విధులను నిర్వర్తించేందుకు ప్రజలు ఎందుకు లంచం ఇవ్వాలని ప్రశ్నించారు. మంత్రి వ్యాఖ్యలు లంచాలను ప్రోత్సహించేలా ఉన్నాయని ఆగ్రహం వ్యక్తం చేశారు. దీంతో కార్యక్రమంలో కొద్దిసేపు ఉద్రిక్త వాతావరణం నెలకొంది. మరికొందరు కూడా అభ్యంతరం వ్యక్తం చేయడంతో మంత్రి తన వ్యాఖ్యలను వివరిస్తూ వివరణ ఇచ్చారు.అధికారులు ప్రజల నుంచి బలవంతంగా డబ్బులు వసూలు చేయకూడదన్నదే తన ఉద్దేశమని మంత్రి చెప్పారు. నిజాయితీగా పనిచేసే అధికారులను గౌరవించాలనే ఉద్దేశంతోనే ‘టిప్‌’ గురించి ప్రస్తావించానని, తాను లంచాలను ప్రోత్సహించడం లేదని స్పష్టం చేశారు. పరిస్థితి తీవ్రతరం కాకుండా హాసన్‌ డిప్యూటీ కమిషనర్‌ కేఎస్‌ లతా కుమారి జోక్యం చేసుకుని ఆందోళన వ్యక్తం చేస్తున్న వారిని సముదాయించే ప్రయత్నం చేశారు.“Giving money to officials respectfully is a duty” - Karnataka Minister K.M. Shivalinge Gowda’s remark on citizens paying bribes to government officials triggers public outrage.Congress ruled India for decades, during which corruption became deeply entrenched.#Congress_Exposed pic.twitter.com/xeEghu15eK— Sanatan Prabhat (Kannada) (@Sanatan_Prabhat) September 20, 2026బీజేపీకి రాజకీయ అస్త్రం..మంత్రి వ్యాఖ్యలపై ప్రతిపక్ష బీజేపీ తీవ్రంగా స్పందించింది. వీడియోను సోషల్‌ మీడియాలో షేర్‌ చేస్తూ.. కాంగ్రెస్‌ ప్రభుత్వంలో లంచాల వ్యవహారం ఏ స్థాయిలో ఉందో మంత్రి మాటలే బయటపెట్టాయని ఆరోపించింది. సాధారణ ప్రజల జేబుల నుంచి డబ్బులు తీసుకోవడాన్ని సమర్థించే ప్రభుత్వానికి ప్రజలే తగిన సమాధానం చెబుతారని విమర్శించింది. బీజేపీ ఎమ్మెల్సీ సీటీ రవి కూడా మంత్రి వ్యాఖ్యలను తప్పుబట్టారు. లంచంగా కనీసం రూ.10 అడిగినా తనకు ఫిర్యాదు చేయాలని ముఖ్యమంత్రి డీకే శివకుమార్‌ గతంలో చెప్పిన విషయాన్ని గుర్తుచేశారు. అదే ప్రభుత్వానికి చెందిన మంత్రి ఇప్పుడు అధికారులకు ‘గౌరవంగా లంచం ఇవ్వండి’ అన్నట్లుగా మాట్లాడటం విరుద్ధంగా ఉంది. లంచం ఇవ్వడం లేదా తీసుకోవడం మీకు సహజంగా అనిపించవచ్చు.. కానీ కర్ణాటక ప్రజలకు కాదు అంటూ ఘాటు విమర్శలు గుప్పించారు.ఇదీ చదవండి: సర్‌ పేరుతో 7.8 కోట్ల ఓట్ల గల్లంతు

బందోబస్తు చేపట్టిన పోలీసులుఅభ్యర్థుల హాల్‌టికెట్లను తనిఖీ చేసి పంపుతున్న దృశ్యం సాక్షి, బళ్లారి: కర్ణాటక పరీక్ష ప్రాధికార సంస్థ ఆధ్వర్యంలో కర్ణాటక స్టేట్‌ రిజర్వ్‌ పోలీస్‌ (కేఎస్‌ఆర్‌పీ), కేఎస్‌ఐఎస్‌ఎఫ్‌, ఐఆర్‌బీ విభాగాల్లోని కానిస్టేబుల్‌ పోస్టుల భర్తీ కోసం ఆదివారం రాత పరీక్ష నిర్వహించారు. బళ్లారి నగర వ్యాప్తంగా వివిధ కళాశాలల్లో ఏర్పాటు చేసిన పరీక్ష కేంద్రాల వద్ద పోలీసులు పటిష్ట బందోబస్తు చేపట్టారు. ఉదయం 10:30 గంటల నుంచి 12 గంటల వరకు పరీక్ష జరిగింది. 23 పరీక్ష కేంద్రాల్లో 14,059 మంది అభ్యర్థులు పరీక్షకు హాజరయ్యారు. పరీక్ష కేంద్రాల్లో సీసీ కెమెరాలు ఏర్పాటు చేశారు. విద్యుత్‌ సరఫరా, మంచినీటి సదుపాయం కల్పించారు. ఎస్పీ సుమన్‌ పన్నేకర్‌ పరీక్ష కేంద్రాలను తనిఖీ చేసి, అవాఛనీయ ఘటనలు జరగకుండా చర్యలు తీసుకున్నారు.

● పోక్సో కేసు పెట్టారని అకృత్యం దొడ్డబళ్లాపురం: బెంగళూరు దక్షిణ జిల్లా ఎస్పీ కార్యాలయం కట్టడం 3వ అంతస్తు పై నుంచి దూకి పోక్సో కేసు నిందితుడు ఆత్మహత్య చేసుకున్నాడు. విజయనగరకు చెందిన శశిధర్‌ (49) మృతుడు. వివరాలు.. శశిధర్‌ చెన్నపట్టణ తాలూకాలోని ఎయిడెడ్‌ పాఠశాలలో 15 ఏళ్లుగా డ్రిల్‌ టీచర్‌గా పనిచేస్తున్నాడు. అయితే విద్యార్థినులను లైంగికంగా వేధించాడని ఫిర్యాదులు రావడంతో పోలీసులు శుక్రవారం అతనిపై పోక్సో కేసు నమోదు చేసి అరెస్టు చేశారు. ఆదివారంనాడు వైద్య పరీక్షలు చేయించిన మహిళా పోలీస్‌స్టేషన్‌ పోలీసులు వేలిముద్రలు తీసుకునేందుకు రామనగర ఎస్పీ కార్యాలయానికి తీసుకువచ్చారు. ఆ సమయంలో 3వ అంతస్తు నుంచి దూకాడు. తీవ్రంగా గాయపడ్డ అతడిని ఆస్పత్రికి తరలిస్తుండగా చనిపోయాడు. మృతదేహాన్ని ఆస్పత్రికి తరలించగా మృతుని కుటుంబ సభ్యులు, బంధువులు పోలీసులతో గొడవకు దిగారు. పాఠశాల ప్రిన్సిపాల్‌ కావాలనే కేసులు పెట్టించడం వల్ల ఆత్మహత్య చేసుకున్నాడని విలపించారు.

సాక్షి, బళ్లారి: 12 ఏళ్ల పరారీకి తెర పడింది. ఆరోగ్య పరీక్షల కోసం ఆస్పత్రికి వచ్చి పోలీసుల నుంచి తెలివిగా తప్పించుకుని తిరుగుతున్న ఖైదీని ఎట్టకేలకు అరెస్ట్‌ చేశారు. వివరాలు ఇలా.. బాగల్‌కోట జిల్లా ముధోల్‌కు చెందిన బసవరాజ్‌ పాటిల్‌ 2009లో హుంగుండ్‌ ప్రాంతంలో జరిగిన వ్యవసాయ అధికారి హత్య కేసులో నిందితుడు. ఈ కేసును విచారించిన న్యాయస్థానం అతడికి జీవిత ఖైదు విధించింది. 2014లో విజయపుర జిల్లా జైలులో ఉండగా అనారోగ్యం సాకుతో జిల్లాస్పత్రిలో చేరి చికిత్స పొందుతున్న సమయంలో పోలీసుల నుంచి తప్పించుకుని పరారయ్యాడు. దీనిపై విజయపుర గాంధీ చౌక్‌ పోలీస్‌ స్టేషన్‌లో కేసు నమోదైంది. అప్పటి నుంచి వేషం మార్చుకుంటూ 12 సంవత్సరాలుగా తప్పించుకుని తిరిగాడు. కుటుంబంతో సహా పాత పరిచయాలను కట్‌ చేశాడు. బెల్గాం జిల్లా బైలహోంగల్‌ తాలూకాలోని సిద్ధసముద్ర గ్రామానికి చేరుకున్నాడు. ఎవరూ గుర్తుపట్టకుండా గడ్డం, మీసాలు పెంచుకున్నాడు. రైతు అవతారం ఎత్తి ఆ గ్రామంలో పొలాన్ని లీజుకు తీసుకుని పనులు చేసుకుంటూ జీవనం సాగించాడు. ఈ క్రమంలో అక్కడ ఓ మహిళతో వివాహేతర సంబంధం కూడా పెట్టుకున్నాడు. విజయపుర జిల్లా పోలీసులు ఖైదీని పట్టుకునేందుకు ప్రత్యేకంగా ఓ టీం ఏర్పాటు చేశారు. ఆధునిక టెక్నాలజీ, ఫింగర్‌ ప్రింట్‌ సహాయంతో బసవరాజ్‌ పాటిల్‌ ఉన్న ప్రదేశాన్ని గుర్తించారు. సిద్ధసముద్ర గ్రామంలో ఉన్నట్లు గుర్తించి దాడి చేసి పట్టుకున్నారు. హత్య కేసులో తప్పించుకుని తిరుగుతున్న ఖైదీ అరెస్ట్‌

శివాజీనగర: సోమవారం నుంచి బుధవారం సాయంత్రం వరకు 3 రోజుల పాటు శాసనసభ ప్రత్యేక సమావేశాలు ప్రారంభం కానున్నాయి. ఈ సమావేశాల్లో పశ్చిమ కనుమల పరిరక్షణ కోసం కస్తూరిరంగన్‌ రూపొందించిన నివేదిక, రాష్ట్రంలో నెలకొన్న తీవ్ర కరువు పరిస్థితిపై చర్చిస్తారు. గత నెలలో జరిగిన 11 రోజుల వర్షాకాల సమావేశాలు అప్పటి మంత్రి నాగేంద్ర రాజీనామా కోరుతూ బీజేపీ తీవ్ర నిరసనలు చేయడంతో రసాభాసగా మారడం తెలిసిందే. రోజూ అసెంబ్లీలో రభస చెలరేగి చర్చలు జరగక్కుండా పోయాయి. అలా వర్షకాల సమావేశాల కార్యకలాపాలు ఏమాత్రం ఫలవంతం కాలేదు. ఈ నేపథ్యంలో ప్రధానమైన సమస్యలపై చర్చ కోసం 3 రోజులు అసెంబ్లీ జరపాలని సీఎం డీకే శివకుమార్‌ నిర్ణయించారు. డీకే సర్కారు వ్యూహం అసెంబ్లీలో కస్తూరి రంగన్‌ నివేదిక, కరువు పరిస్థితిపై మాత్రమే చర్చలు జరుగుతాయి. మరో అజెండా ఉండదని ప్రభుత్వం స్పష్టం చేసింది. కరువు రైతులను ఆదుకోవడం లేదని, తాగునీరు, విద్యుత్‌ సమస్యతో సహా పలు అంశాలను లేవనెత్తాలని ప్రతిపక్ష బీజేపీ, జేడీఎస్‌లు ఉవ్విళ్లూరుతున్నాయి. ప్రతిపక్షాల ను ఎదుర్కొనాలని సీఎం డీకే ఆధ్వర్యంలో మంత్రులు, కాంగ్రెస్‌ ఎమ్మెల్యేలు సంసిద్ధంగా ఉన్నారు. కస్తూరిరంగన్‌ నివేదిక మీద కేంద్ర ప్రభుత్వమే నోటిఫికేషన్‌ ఇచ్చిందని కాంగ్రెస్‌ పార్టీ బీజేపీ మీద దాడి చేసే అవకాశముంది.నివేదికపై మల్నాడులో ఆగ్రహజ్వాలలు పశ్చిమ కనుమలపై కస్తూరి రంగన్‌ నివేదికపై కేంద్ర ప్రభుత్వం నోటిఫికేషన్‌ జారీ చేసిన వెంటనే, రాష్ట్రంలో తీవ్ర వ్యతిరేకత వ్యక్తమవుతోంది. మల్నాడు ప్రాంత ప్రజలకు ఇది ప్రాణాంతకం అవుతుందని, రాష్ట్ర ప్రభుత్వం ఎట్టి పరిస్థితుల్లోనూ ఈ నివేదికను ఆమోదించకూడదని నిరసనలు మొదలయ్యాయి. 5 జిల్లాల్లోని పశ్చిమ కనుమలలో అక్రమంగా గ్రామాలు, వ్యవసాయ ప్రాంతాలు వెలిశాయని, వాటిని తొలగించాలని నివేదికలో సిఫార్సు చేయడం కలకలానికి కారణమైంది. శనివారం చిక్కమగళూరు జిల్లాలో సీఎం డీకేను ప్రజలు ముట్టడించడం తెలిసిందే. ఈ నేపథ్యంలో నివేదికను రాష్ట్ర ప్రభుత్వం తిరస్కరించవచ్చని తెలుస్తోంది.శివాజీనగర: పశ్చిమ కనుమల పరిరక్షణ– కస్తూరి రంగన్‌ నివేదిక గురించి ఎమ్మెల్యేలు, రైతులతో సహా అందరితో మాట్లాడాను. సోమవారం నుంచి అసెంబ్లీ సమావేశాల్లో ఈ అంశంపై చర్చిచి నిర్ణయం తీసుకుంటాం అని ముఖ్యమంత్రి డీ.కే.శివకుమార్‌ తెలిపారు. సీఎం ఆదివారం హాసన్‌ జిల్లా సకలేశపురలో పర్యటించారు. ఈ సందర్భంగా స్థానిక నేతలు, ప్రజలతో చర్చలు జరిపిన తరువాత మీడియాతో మాట్లాడారు. గతంలో సిద్దరామయ్య ప్రభుత్వంలో మేము కస్తూరి రంగన్‌ నివేదికను తిరస్కరించాము. కానీ కేంద్రం దానిని పరిగణించలేదు, నిర్ణయం తీసుకోవడానికి ఈ నెల 27వ తేదీ వరకు గడువిచ్చింది. అందువల్ల నేను ప్రజల సమస్యలను వినాలని వచ్చాను. శివమొగ్గ, కొడుగు, ఉడుపి, హాసన్‌, చిక్కమగళూరు జిల్లాల్లోని ఎమ్మెల్యేలు, రైతులు, అటవీ ప్రాంతాల సమీపంలో నివసిస్తున్న ప్రజలతో చర్చించి సమస్యలను విన్నాను. నివేదిక వల్ల తలెత్తే సమస్యల గురించి నాకు తెలిసింది. అసెంబ్లీ సమావేశాల్లో ఈ సమస్యలన్నింటిపై చర్చిస్తాం. ఆ తరువాత రైతులకు అనుకూలమైన మంచి నిర్ణయం తీసుకుంటామని ఆయన హామీ ఇచ్చారు. బీజేపీ రాజకీయాల వల్ల గత సమావేశంలో కరువు, కస్తూరి రంగన్‌ నివేదిక గురించి చర్చించలేకపోయామన్నారు. నేను బాధ్యతలు చేపట్టి కేవలం 100 రోజులే అయింది, బీజేపీ వాళ్లకున్నంత అనుభవం నాకు లేదు అని అన్నారు. ఈ సందర్భంగా ఆయన సకలేశపురలో ఆర్భాటంగా రోడ్‌ షో జరిపారు. నేటి నుంచి 3 రోజులు ప్రత్యేక సమావేశాలు కరువు, పశ్చిమ కనుమలు–కస్తూరి రంగన్‌ నివేదికపై చర్చ కాంగ్రెస్‌, బీజేపీ సంసిద్ధం నివేదికపై అసెంబ్లీలో చర్చిస్తాం హాసన్‌ జిల్లా పర్యటనలో సీఎం డీకే

● మినీ బస్సులో ఒకరి మృతి బనశంకరి: బైక్‌ వీలింగ్‌ చేసే అల్లరిమూకలకు ఓ అమాయకుడు బలికాగా ఐదుమంది గాయపడ్డారు. ఈ ఘటన ఆదివారం తెల్లవారుజామున బెంగళూరు జ్ఞానభారతి పోలీస్‌స్టేషన్‌ పరిధిలో జరిగింది. వివరాలు... లగ్గెరె నివాసి మనోజ్‌ (25) డెలివరీ బాయ్‌గా పనిచేస్తున్నాడు. ఐదుమంది స్నేహితులు ఆదివారం తెల్లవారుజామున డ్రైవర్‌ రవితో మినీ బస్సులో మైసూరు టూర్‌కి బయల్దేరారు. అన్నపూర్ణేశ్వరి నగర మహదేశ్వర ఆలయం వద్ద పోకిరీలు బైక్‌ వీలింగ్‌ చేస్తూ హఠాత్తుగా అడ్డు వచ్చారు. దీంతో మినీ బస్సు డ్రైవరు అదుపుతప్పి డివైడర్‌ ను దాటుకుని విద్యుత్‌ స్థంభాన్ని ఢీకొట్టాడు. డ్రైవరు పక్క సీట్లో కూర్చున్న మనోజ్‌ తీవ్రంగా గాయపడి చనిపోయాడు. డ్రైవరుతో సహా మిగతావారు గాయపడ్డారు. పోలీసులు సీసీ కెమెరాలను పరిశీలించి నిందితుల కోసం గాలిస్తున్నారు. ఓటరులారా.. చెక్‌ చేసుకోండిబనశంకరి: గ్రేటర్‌ బెంగళూరు అధికారులు సర్‌ జాగృతి అభియాన నిర్వహించారు. అర్హులైన ఓటర్లు పేర్లు ఉన్నాయో లేదో నూతన ఓటరు జాబితాలో తనిఖీ చేసుకోవాలని, లేని పక్షంలో పేర్లు నమోదుకు దరఖాస్తు చేయాలని మనవిచేశారు. ఈ కార్యక్రమంలో కమిషనర్‌ జగదీష్‌, అదనపు కమిషనర్‌ వెంకటాచలపతి తదితరులు పాల్గొన్నారు. బెంగళూరు దక్షిణ నగర పాలికేలో డొళ్లుకుణిత ద్వారా జాగృతి అభియాన నిర్వహించారు. కమిషనర్‌ కేఎన్‌.రమేశ్‌ అదనపు కమిషనర్‌ రాచప్ప పాల్గొన్నారు. రిజర్వు పోలీసు ఉద్యోగాలకు పరీక్షలు శివమొగ్గ: కేఎస్‌ఆర్‌పి పోలీస్‌ కానిస్టేబుల్‌, ఆర్‌పిసి కెకె కేడర్‌ కానిస్టేబుల్‌ పోస్టులకు రాత పరీక్ష ఆదివారం జరిగింది. జిల్లాలో శివమొగ్గ, భద్రావతిలోని వివిధ పరీక్షా కేంద్రాలలో 34 సెంటర్లలో సాగింది. 12 వేల మందికిపైగా అభ్యర్థులు హాజరయ్యారు. కేంద్రాల వద్ద కట్టుదిట్టమైన భద్రత చేపట్టారు. ప్రతి గదిలో సీసీ కెమెరాలను అమర్చారు. పరీక్షను చాలా విజయవంతంగా నిర్వహించినట్లు పోలీస్‌ శాఖ తెలిపింది. 2,314 పోస్టుల.. యశవంతపుర: రాష్ట్రంలో 2,314 రిజర్వు కానిస్టేబుల్స్‌ పోస్టులకు పరీక్ష ప్రశాంతంగా జరిగింది. 333 కేంద్రాలలో లక్ష 42 వేల మంది పరీక్ష రాశారు. గేట్ల వద్ద ప్రతి అభ్యర్థిని క్షుణ్ణంగా తనిఖీ చేశారు. ఉదయం 10:30 గంటలకు ప్రారంభమై మధ్యాహ్నం 3 గంటలకు ముగిశాయి. ఆ పేలుడు ప్రమాదం కాదా? దొడ్డబళ్లాపురం: బెళగావిలోని చవాట్‌ వీధిలో వినాయక చవితి రోజున ఒక ఇంట్లో ఫ్రిడ్జ్‌ పేలి అగ్నిప్రమాదం జరిగి తల్లిదండ్రులు, ముగ్గురు పిల్లలు, మరో మహిళ మృత్యువాత పడడం తెలిసింది. సీసీ కెమెరాల చిత్రాల్లో మరో సంగతి బయటపడింది. పేలుడుకు ముందు ఓ అపరిచితుడు బకెట్‌తో ఆ ఇంటి వద్దకు వచ్చి కాసేపటికి ఖాళీ బకెట్‌తో పరిగెత్తుకుంటూ వెళ్లిపోయాడు. అతనికి, ప్రమాదానికి ఏదైనా సంబంధం ఉందా అనే కోణంలో పోలీసులు దర్యాప్తు చేస్తున్నారు. ఎవరైనా కావాలనే పేలుడుకు పాల్పడి ఉంటారనే అనుమానాలు ఊపందుకున్నాయి.

హుబ్లీ: విజయపుర (బీజాపూర్‌) నగరంలో దర్గా రింగ్‌ రోడ్డులో ఈ విషాదకరమైన ఘటన జరిగింది. క్రేనుకు ఉరివేసుకున్న స్థితిలో ఓ యువకుడు అనుమానాస్పదంగా మృతి చెందాడు. మరణించిన యువకుడిని ఆకాష్‌ పాటిల్‌ (22) గా పోలీసులు గుర్తించారు. ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పరిశీలించారు. అయితే ఇది ఆత్మహత్యా లేక ఎవరైనా హత్య చేసి ఉరి వేశారా అనే కోణంలో పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు. హుబ్లీలో పేలిన గ్యాస్‌ సిలిండర్‌● కేఈబీ ఉద్యోగితో పాటు మరొకరు మృతి, మహిళకు తీవ్ర గాయాలు హుబ్లీ: పాత హుబ్లీ పరిధిలోని అయోధ్య నగర్‌లో ఘోరం చోటు చేసుకుంది. వంట గ్యాస్‌ సిలిండర్‌ పేలడంతో కేఈబీ ఉద్యోగితో పాటు మరొకరు మృతి చెందగా.. మరొకరికి తీవ్ర గాయాలయ్యాయి. ఈ ఘటన ఆదివారం తెల్లవారుజామున జరిగింది. ఇంట్లో గ్యాస్‌ లీక్‌ అయిన అనంతరం సిలిండర్‌ పేలినట్లు తెలిసింది. ఈ ప్రమాదంలో కేఈబీ ఉద్యోగి (44) అక్కడిక్కడే మృతి చెందాడు. తీవ్రంగా గాయపడిన మోహన్‌ లాల్‌ (40) ఆస్పత్రిలో చికిత్స పొందుతూ మృతి చెందాడు. సమన కలాల్‌ మహిళకు తీవ్ర గాయాలు కావడంతో హుబ్లీ కేఎంసీ ఆస్పత్రికి తరలించి చికిత్స అందిస్తున్నారు. సమాచారం అందుకున్న పాత హుబ్లీ పోలీసులు వెంటనే ఘటనా స్థలానికి చేరుకుని పరిశీలించారు. గ్యాస్‌ లీకేజీకి కచ్చితమైన కారణాలపై కేసు నమోదు చేసుకుని దర్యాప్తు చేస్తున్నారు. రేపు వృద్ధులకు క్రీడా పోటీలుహుబ్లీ: ప్రపంచ వృద్ధుల దినోత్సవాన్ని పురస్కరించుకుని ఈనెల 22వ తేదీన (మంగళవారం) ధార్వాడ ఆర్‌ఎన్‌ శెట్టి క్రీడా మైదానంలో వృద్ధులకు వివిధ క్రీడా పోటీలు నిర్వహించనున్నట్లు జిల్లా వృద్ధులు, వికలాంగుల సంక్షేమ శాఖ అధికారులు ఓ ప్రకటనలో తెలిపారు. వేగంగా నడవడం, బకెట్‌లో రింగులు వేయడం, మ్యూజికల్‌ చైర్స్‌, ఏకపాత్రాభినయం తదితర పోటీలు, వివిధ సాంస్కృతిక కార్యక్రమాలు ఏర్పాటు చేస్తామని వెల్లడించారు. నిబంధనలు ఉల్లంఘిస్తే చర్యలు రాయచూరు రూరల్‌: జిల్లా వ్యాప్తంగా వినాయక నిమజ్జనాన్ని ప్రశాంతంగా జరుపుకోవాలి. డీజే నిషేధించాలని జిల్లా అధికారి పూవిత అధికారులను ఆదేశించారు. ఆదివారం ప్రత్యేకంగా జిల్లా అధికారి కార్యాలయంలో ఏర్పాటు చేసిన సమావేశంలో ఆమె మాట్లాడారు. శనివారం ఇద్దరు పిల్లలు మృతి చెందడంపై విచారం వ్యక్తం చేశారు. గణపతుల నిమజ్జన విషయంలో అవాంఛనీయ ఘటనలు జరగకుండా చూసుకోవాలన్నారు. ప్రభుత్వం జారీ చేసిన నియమాలను గణేష్‌ మండళి సభ్యులు తప్పకుండా పాటించేలా పోలీస్‌ అధికారులు చర్యలు తీసుకోవాలని ఆదేశించారు. ఈ విషయంలో 8 మందిపై కేసులు నమోదు చేశామని తెలిపారు. కార్యక్రమంలో ఎస్పీ అరుణాంగ్శు గిరి, అదనపు ఎస్పీ హరీష్‌, ఏసీ హంపణ్ణ, నగర పాలక కమిషనర్‌ మల్లికార్జున, డీఎస్పీ శాంతవీర, తహసీల్దార్‌ సురేష్‌ వర్మ తదితరులు పాల్గొన్నారు. ఉదయమే నిమజ్జనం చేయాలిరాయచూరు రూరల్‌: జిల్లాలో ఉదయం పూట గణపతి విగ్రహాలను నిమజ్జనం చేయాలని మాజీ శాసన సభ్యుడు పాపారెడ్డి డిమాండ్‌ చేశారు. ఆదివారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. విగ్రహాల నిమజ్జనం సమయంలో ఎలాంటి అవాఛనీయ ఘటనలు జరగకుండా జిల్లా యంత్రాంగం చర్యలు తీసుకోవాలని సూచించారు. శనివారం జరిగిన దుర్ఘటనలో ఇద్దరు బాలురు దుర్మరణం చెందడంపై సంతాపం తెలిపారు. ప్రభుత్వం జారీ చేసిన నియమాలను గణేష్‌ మండలి సభ్యులు తప్పకుండా పాటించాలని కోరారు. డీజేకు పెట్టే డబ్బును ప్రతిభ కలిగిన పేద విద్యార్థుల చదువుకు ఉపయోగించాలని తెలిపారు.

దొడ్డబళ్లాపురం: షేర్ల ట్రేడింగ్‌ పేరుతో ఒక వ్యక్తి నుంచి రూ.93 లక్షలు కాజేసిన ముగ్గురు కేటుగాళ్లను బెంగళూరు సైబర్‌ కమాండ్‌ పోలీసులు అరెస్టు చేశారు. జార్ఖండ్‌కు చెందిన అమిత్‌ మిశ్రా, బెంగళూరువాసులు తౌసిఫ్‌, పరశురాంకు సంకెళ్లు పడ్డాయి. ముగ్గురూ కలిసి హరీష్‌ అనే వ్యక్తిని షేర్ల వ్యాపారం పేరుతో నమ్మించి రూ.93 లక్షలను తమ ఖాతాలకు బదిలీ చేసుకున్నారు. ఇందుకు మోసపూరిత ఏపీకే ఫైల్స్‌ను ఉపయోగించారు. ఆ డబ్బులను అమాయకుల ద్వారా తెరిచిన నకిలీ ఖాతాల్లో నిల్వ చేశారు. బాధితుని ఫిర్యాదు మేరకు పోలీసులు దర్యాప్తు చేసి గుట్టురట్టు చేశారు. నిందితుల నుంచి 6 మొబైళ్లు స్వాధీనం చేసుకోగా వాటిలో 507 మ్యూల్‌ అకౌంట్ల వివరాలున్నాయి. టెలిగ్రామ్‌, వాట్సాప్‌లలో గ్రూపులు ఏర్పాటు చేసి వాటి ద్వారా జనం నుంచి సేవా కార్యక్రమాల కోసమంటూ వివరాలు తీసుకుని మ్యూల్‌ ఖాతాలను తెరిచేవారు.

రాయచూరు రూరల్‌: వ్యక్తిగత విభేదాలను పక్కన పెట్టి జిల్లాలో కాంగ్రెస్‌ పార్టీ బలోపేతానికి అందరూ కృషి చేయాలని మాజీ మంత్రి బోసురాజ్‌ పిలుపునిచ్చారు. ఆదివారం గంజ్‌ కళ్యాణ మంటపంలో జిల్లా కాంగ్రెస్‌ కమిటీ నూతన అధ్యక్షుడి ప్రమాణ స్వీకార కార్యక్రమం నిర్వహించారు. రాయచూరు జిల్లా కాంగ్రెస్‌ నూతన అధ్యక్షుడిగా ఎంపికై న కె.శాంతప్ప బాధ్యతలు స్వీకరించారు. ఈ సందర్భంగా మాజీ మంత్రి బోసురాజ్‌ మాట్లాడుతూ.. రాష్ట్ర సర్కార్‌ కరువు సహాయక పనులు చేపట్టడం లేదని ఆరోిపణలు చేయడం తగదన్నారు. డిసెంబర్‌లో స్థానిక సంస్థల ఎన్నికల జరగనున్న నేపథ్యంలో కార్యకర్తల సహకారంతో గ్రామస్థాయి నుంచి పార్టీని బలోపేతం చేయాలని కోరారు. కార్యకర్తలు అందరూ సంఘటితం కావాలని తెలిపారు. భవిష్యత్తులో కేంద్రంలో కాంగ్రెస్‌ పార్టీ అధికారంలోకి వస్తుందని ధీమా వ్యక్తం చేశారు. నూతన అధ్యక్షుడు శాంతప్పకు మాజీ అధ్యక్షుడు బసవరాజ్‌ బాధ్యతలు అప్పగించారు. జిల్లాలో అసమ్మతి నాయకులను కలుపుకుని పార్టీని మరింత బలంగా తయారు చేస్తామని పేర్కొన్నారు. కార్యక్రమంలో శాసన సభ్యులు హంపయ్య నాయక్‌, హంపన గౌడ బాదర్లి, బసన గౌడ బాదర్లి, బసన గౌడ దద్దల్‌, వసంత కుమార్‌, మాజీ శాసన సభ్యులు హులిగేరి, శరణప్ప మట్టూరు, రామణ్ణ, సుఖాణి, రుద్రప్ప, అమరే గౌడ, జయన్న, నిర్మ, శ్రీదేవి నాయక్‌ తదితరులు పాల్గొన్నారు.

మైసూరు: తండ్రీ కొడుకులు మద్యానికి బానిసలు కావడంతో కుటుంబీకులు పునరావాస కేంద్రంలో చేర్పిస్తే ఒకరి ప్రాణమే పోయింది. మైసూరులోని అలనహళ్లి బెస్ట్‌ ఫ్యూచర్‌ ఫౌండేషన్‌ మద్య పునరావాస కేంద్రం యజమాని లోకేష్‌ను హత్య కేసులో అలనహళ్లి పోలీసులు అరెస్టు చేశారు. పునరావాస కేంద్రంలో ఉండే మనోజ్‌ రావు అనే యువకుడు అనుమానాస్పద పరిస్థితుల్లో మరణించాడు. సీసీ ఫుటేజీలో తేలిన నిజం వివరాలు.. గాయత్రీపురానికి చెందిన మనోజ్‌రావు (28), అతని తండ్రి రాజేంద్రరావులను ఆగస్టు 13న బెస్ట్‌ ఫ్యూచర్‌ ఫౌండేషన్‌ పునరావాస కేంద్రంలో చేర్పించారు. రక్తపోటు తగ్గిందని మనోజ్‌ను నిర్వాహకులు హడావుడిగా ఆసుపత్రిలో చేర్పించారు. అయితే, సెప్టెంబర్‌ 17 రాత్రి ఆసుపత్రిలో చనిపోయాడు. ఈ ఘటన తర్వాత, తల్లి, బంధువులు ఆ కేంద్రానికి వెళ్లి అక్కడి సీసీటీవీ ఫుటేజీని పరిశీలించారు. అక్కడి సిబ్బంది మనోజ్‌ను ఏదో కారణంతో కొట్టి హింసిస్తున్న దృశ్యాలు లభ్యం కావడంతో అక్కడే ధర్నా చేశారు. రాజేంద్ర రావు కళ్లెదుటే కుమారుడు మనోజ్‌ చేతులు, కాళ్లు కట్టేసి, నోట్లో గుడ్డ కుక్కి, మెడకు గుడ్డ కట్టి హింసిస్తున్నట్లు ఉంది. అప్పటినుంచి యజమాని లోకేష్‌ పరారీలో ఉన్నాడు. మృతుని బంధువు శివాజీరావు ఫిర్యాదు మేరకు పోలీసులు కేసు నమోదు చేసి, లోకేష్‌ను అరెస్టు చేశారు. కేంద్రంలో ఆశ్రయం పొందుతున్న 20 మందిని వారి కుటుంబాలకు అప్పగించి సీజ్‌ చేశారు. రిహాబ్‌ల పేర్లతో దందా కాగా బెంగళూరుతో సహా అనేక నగరాల్లో డ్రగ్స్‌, మద్యం వంటి దురలవాట్లను మాన్పించే పేరుతో అనేక ప్రైవేటు పునరావాస కేంద్రాలు (రిహాబ్‌లు) వెలిశాయి. వీటిలో భారీ మొత్తాల్లో ఫీజులను వసూలు చేస్తుంటారు. సిబ్బంది హింసాత్మకంగా ప్రవర్తిస్తుంటారని ఆరోపణలున్నాయి. వీటిపై ప్రభుత్వ పర్యవేక్షణ లేకపోవడంతో ఆడింది ఆటగా సాగుతోంది. మద్య వ్యసనపరున్ని కొట్టిచంపిన సిబ్బంది మైసూరులో కిరాతకం

సాక్షి, బళ్లారి: 18 సంవత్సరాలు నిండిన యువతీ, యువకులు ఓటరుగా నమోదు చేసుకోవాలని జిల్లా అధికారి నాగేంద్ర ప్రసాద్‌ పేర్కొన్నారు. ఆదివారం జిల్లా పరిపాలన యంత్రాంగం, జిల్లా పంచాయతీ ఆధ్వర్యంలో ఎస్‌సీసీ మైదానంలో మారథాన్‌ కార్యక్రమం నిర్వహించారు. ఓటరు జాబితాలో చేర్పించిన వారి పేర్లు లేకపోతే సంబంధిత అధికారులను సంప్రదించాలన్నారు. ప్రజా ప్రభుత్వ వ్యవస్థలో ఓటు అనే ఆయుధం ఎంతో కీలకం అన్నారు. అక్టోబర్‌ 1వ తేదీ నుంచి ఓటరు జాబితాలో తమ పేర్లు నమోదు చేసుకోవాలన్నారు. మారథాన్‌ నగర వాసులను ఆకట్టుకుంది. కార్యక్రమంలో జెడ్పీ సీఈఓ తదితరులు పాల్గొన్నారు.

రాయచూరు రూరల్‌: హిందూ ధర్మ రక్షణలో మఠాల కృషి అభినందనీయమని మాజీ మంత్రి శివన గౌడ నాయక్‌, గ్రామీణ మాజీ శాసన సభ్యుడు తిప్పరాజ్‌ కొనియాడారు. ఆదివారం కిల్లే బృహన్మఠంలో కోళంకి జీవైక్య గురుపాదేశ్వర జయంతి పర్వం, గురుపాదేశ్వర సద్శావన పాదయాత్ర నిర్వహించారు. కోళంకి జీవైక్య గురుపాదేశ్వర స్వామికి ప్రత్యేక పూజలు చేశారు. మఠం నుంచి ప్రారంభమైన సద్భావన పాదయాత్ర 8 కి.మీ. దూరంలోని కోళంకి వరకూ కొనసాగింది. పూర్వ కాలంలో కోళంకి జీవైక్య గురుపాదేశ్వర కరువు సమయంలో ప్రజల బాధలు తీర్చడానికి ఏడు రోజులు కొండలో తపస్సు చేసి వర్షాలు కురిపించారని కిల్లే బృహన్మఠాధిపతి శాంత మల్లశివాచార్యులు గుర్తు చేశారు. రోబోట్‌ ఏనుగు పాదయాత్రలో చేగుంట మఠాధీశులు క్షీరలింగ స్వామి, తండికేరి మఠాధీశుడు గంగాధర స్వామీజీ, సోమనాథ శివాచార్య, శంభు సోమనాథస్వామి, మాజీ మంత్రి బోసురాజ్‌, శాసన సభ్యులు శివరాజ్‌ పాటిల్‌, వసంత్‌ కుమార్‌, మాజీ నగర సభ సభ్యుడు దరూరు బసవరాజ్‌, వినయ్‌ కుమార్‌, శివ శంకర్‌, రేణుక, కేశవ మూర్తి, కేశవ రెడ్డి, పంపాపతి శాస్త్రి పాల్గొన్నారు.

రాయచూరు రూరల్‌: ఆపద సమయంలో తోటి మానవుడి ప్రాణాలు కాపాడేందుకు ప్రతి ఒక్కరూ రక్తదానానికి ముందుకు రావాలని భారతీయ వైద్య సంఘం మాజీ అధ్యక్షుడు డాక్టర్‌ రవి రాజేశ్వర్‌ పిలుపునిచ్చారు. ఆదివారం రాయచూరు నగరంలోని భారతీయ వైద్య సంఘ భవనంలో మాజీ నగరసభ ఉపాధ్యక్షుడు జయన్న జన్మదినం సందర్భంగా రక్తదాన శిబిరం నిర్వహించారు. ఇటీవల కాలంలో అత్యవసర పరిస్థితుల్లో రక్తం లభించక ఎందరో ప్రాణాలు కోల్పోతున్నారని ఆవేదన వ్యక్తం చేశారు. విపత్కర సమయంలో రక్తం అందించడం ప్రాణదానంతో సమానమనే విషయాన్ని ప్రతి ఒక్కరూ గుర్తించుకోవాలన్నారు. యువతీ యువకులు ఉత్సాహంగా పాల్గొని రక్తదానం చేశారు. కార్యక్రమంలో జాన్‌వెస్లి, శోభ, మ్యాదర్‌, సుధీర్‌, హఫీజుల్లా, రాజ్‌ కుమార్‌, ప్రభుత్వ ఉద్యోగుల సంఘం అధ్యక్షుడు కృష్ణ, మల్లిక, సత్యనారాయణ, నరసింహులు, భీమేష్‌ పాల్గొన్నారు. విద్యుత్‌ స్తంభాన్ని ఢీకొన్న కారు ● నలుగురికి గాయాలు రాయచూరు రూరల్‌: సిరవార తాలుకా కల్లూర్‌ వద్ద ఆదివారం విద్యుత్‌ స్తంభాన్ని కారు ఢీకొట్టింది. రాయచూరు నుంచి మాన్వి వైపు వెళ్తున్న సమయంలో ఈ ప్రమాదం జరిగింది. కారు ముందు భాగం దెబ్బతింది. ఈ ఘటనలో నలుగురికి గాయాలు కావడంతో వారిని చికిత్స నిమిత్తం రిమ్స్‌ ఆస్పత్రికి తరలించారు. గాయపడిన వారి వివరాలను పోలీసులు సేకరిస్తున్నారు. సిరవార పోలీసులు ఘటనా స్థలాన్ని పరిశీలించారు. ఈ మేరకు కేసు నమోదు చేసుకుని విచారిస్తున్నారు. పరామర్శ రాయచూరు రూరల్‌: నగరంలోని జహీరాబాద్‌ వద్ద ట్రాక్టర్‌లో వినాయకుడిని నిమజ్జనానికి తీసుకెళ్తున్న సమయంలో ప్రమాదవశాత్తూ ట్రాక్టర్‌ టైర్ల కిందపడి సుచిత్‌ కుమార్‌ (16), చరణ్‌ కుమార్‌ (14) మృతి చెందిన విషయం తెలిసిందే. ఆదివారం జిల్లా అధికారి పూవిత జహీరాబాద్‌కు వెళ్లి బాధిత కుటుంబాలను పరామర్శించారు. బాలుర మృతిపై విచారం వ్యక్తం చేశారు. మృతుల కుటుంబాలకు సర్కార్‌ నుంచి ఆర్థికసాయం అందేలా చర్యలు తీసుకుంటామని హామీ ఇచ్చారు. వినాయక విగ్రహాలను నిమజ్జనం చేసే సమయంలో జాగ్రత్తలు తీసుకోవాలని ప్రజలకు సూచించారు. కార్యక్రమంలో అధికారులు హంపణ్ణ, జుబీన్‌ మోహ పాత్రో, తహసీల్దార్‌ సురేష్‌ వర్మ, అదనపు ఎస్పీ హరీష్‌ పాల్గొన్నారు. కనీస వేతనాల కోసం నిరసన రాయచూరు రూరల్‌: రాష్ట్రంలోని వివిధ శాఖలు, కార్యాలయాల్లో విధులు నిర్వహిస్తున్న కాంట్రాక్ట్‌ కార్మికులకు కనీస వేతనాలు అందజేసి, సమస్యలు పరిష్కరించాలని కాంట్రాక్ట్‌ కార్మికుల సంఘం డిమాండ్‌ చేసింది. ఆదివారం దేవదుర్గ తపాల కార్యాలయం వద్ద ఆందోళన చేపట్టారు. ఈ సందర్భంగా ఆ సంఘం అధ్యక్షుడు నరహరి మాట్లాడారు. రాష్ట్ర సర్కార్‌ ఆధీనంలో విధులు నిర్వహించే కాంట్రాక్ట్‌ కార్మికులను ప్రభుత్వం పట్టించుకోవడం లేదని తెలిపారు. కనీస వేతనాలు అందించాలని కోరుతున్నా ఇప్పటి వరకూ చర్యలు తీసుకోలేదని మండిపడ్డారు. ఇప్పటికైనా సమస్యలు పరిష్కరించి, సౌలభ్యాలు సక్రమంగా అందేలా చూడాలని కోరుతూ రాష్ట్రపతికి పోస్టుకార్డులు పంపారు. రైతుల సంక్షేమమే సర్కార్‌ లక్ష్యంరాయచూరు రూరల్‌: రైతుల సంక్షేమమే సర్కార్‌ ప్రధాన లక్ష్యమని గ్రామీణ శాసన సభ్యుడు బసన గౌడ దద్దల్‌ తెలిపారు. ఆదివారం తన కార్యాలయంలో 15 మంది ఎస్టీలు, 12 మంది ఎస్సీ రైతులకు పంపు సెట్లు పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. గంగ కళ్యాణ పథకాన్ని రైతులు సద్వినియోగం చేసుకోవాలని సూచించారు. ఆర్థికంగా స్వావలంబన సాధించాలని పేర్కొన్నారు. నీటిని పొదుపుగా వాడుకుని, భూగర్భ జలాల పెంపునకు కృషి చేయాలని తెలిపారు.

మండ్య: ఓ మహిళ పని మీద ప్రభుత్వ కార్యాలయానికి వెళ్లగా అక్కడి ఉద్యోగి మాయమాటలు చెప్పి, బెదిరించి ఆమెను అన్ని విధాలా దోచుకున్నాడు. జ్యూస్‌లో మత్తు మందులు ఇచ్చి అత్యాచారం చేసి, ఆ తర్వాత వీడియో తీసి బ్లాక్‌మెయిల్‌ చేస్తున్నాడని బాధితురాలు ఫిర్యాదు చేయగా జిల్లాలో నాగమంగళ తాలూకాలో ఉద్యోగిని పోలీసులు అరెస్టు చేశారు. వివరాలు.. గొండెనహళ్లి సర్కిల్‌లో గ్రామ అకౌంటెంట్‌గా పనిచేస్తున్న మరిస్వామికి పొరుగు గ్రామానికి చెందిన మహిళ భూ సమస్యపై ఫిర్యాదుచేసింది. మాట్లాడడానికి తన ఇంటికి రావాలని అతను ఆమెను పిలిచాడు. పండ్లరసంలో మత్తుమందు కలిపివ్వడంతో మత్తులోకి జారుకుంది, ఆమైపె అఘాయిత్యం చేయడంతో పాటు వీడియో తీసి బ్లాక్‌మెయిల్‌ చేసేవాడని బాధితురాలు తెలిపింది. సెప్టెంబర్‌ 16న ఆరణి పంచాయతీలో ఎస్‌ఐఆర్‌ దరఖాస్తు కోసం వెళ్లగా అతను నా మెడలోని 40 గ్రాముల బంగారు గొలుసును, స్కూటర్‌ను లాక్కున్నాడని తెలిపింది. మరుసటి రోజున మరిస్వామి, మంజుల అనే మహిళ కలిసి తన భర్తను కొట్టి, చంపేస్తామని పదేపదే వేధిస్తున్నారని ఆరోపించింది. నిందితున్ని అరెస్టు చేసి కటకటాల్లోకి పంపారు. కడుపులోనే కవలల ఛిద్రం యశవంతపుర: కడుపు పండిన మహిళ పుట్టబోయే కవల పిల్లలను గుర్తుచేసుకుని మాతృత్వపు మధుర భావనల్లో తేలియాడేది. కానీ కిరాతక భర్త ఆమె కలలను చిదిమేశాడు. భర్త దాడిలో ఆమె కడుపులోని ఇద్దరు గర్భస్థ శిశువులు కన్నుమూశారు. ఈ దుర్ఘటన బెంగళూరులో కొత్తనూరు శబరినగరలో జరిగింది. తానియా, జాఫర్‌ దంపతుల మధ్య చిన్న గొడవ జరిగింది. కోపం పట్టలేని భర్త ఆరు నెలల గర్భంతో ఉన్న భార్యను కడుపుపై తన్నాడు. ఆ తాకిడికి కడుపులో పెరుగుతున్న కవలలు మృత్యువాత పడ్డారు. తీవ్ర కడుపునొప్పితో ఆస్పత్రిలో చేరగా వైద్యులు అబార్షన్‌ చేయడంతో ఆమె తల్లడిల్లిపోయింది. ఈ ఘటనలపై తానియా, జాఫర్‌ కుటుంబాలు పోలీసులకు ఫిర్యాదు చేశారు. పనిమీద వచ్చిన మహిళపై అఘాయిత్యం వీడియోలు తీసి వేధింపులు మండ్య జిల్లాలో విలేజ్‌ అకౌంటెంటు అరెస్టు

బళ్లారి అర్బన్‌: సహకార సంఘాల సహకారం, భాగస్వామ్యంతోనే సహకార ఉద్యమం విజయవంతంగా ముందుకు సాగుతోందని బళ్లారి సెంట్రల్‌ కో–ఆపరేటివ్‌ హోల్‌సేల్‌ అసోసియేషన్‌ (జనతా బజార్‌) అధ్యక్షురాలు పల్లడ మైత్రి అన్నారు. ఆదివారం నగరంలోని రాఘవ కళామందిరంలో జనతా బజార్‌ 71వ వార్షికోత్సవం సందర్భంగా సర్వసభ్య సమావేశం నిర్వహించారు. ఈ సందర్భంగా ఆమె మాట్లాడుతూ.. జనతా బజార్‌లో జరిగి వ్యాపార, లావాదేవీలను విస్తరించేందుకు ప్రయత్నాలు జరుగుతున్నాయని తెలిపారు. ఈ విషయంలో డైరెక్టర్లు, సిబ్బంది సభ్యుల సహకారం అభినందనీయమని కొనియాడారు. భవిష్యత్తులో జనతా బజార్‌ను మరింత విస్తరించేందుకు కృషి చేస్తామన్నారు. కార్యక్రమంలో మాజీ అధ్యక్షుడు నీలకంఠప్ప, పి.దానారెడ్డి, వీరశేఖర రెడ్డి తదితరులు పాల్గొన్నారు.

సాక్షి, బళ్లారి: ఎల్‌నీనో ప్రభావంతో రాష్‌ట్రంలో తీవ్ర వర్షాభావ పరిస్థితి నెలకొంది. కర్ణాటక, ఆంధ్రప్రదేశ్‌, తెలంగాణ రాష్ట్రాలకు తాగు, సాగు నీరు అందించే తుంగభద్ర డ్యాంలో రోజు రోజుకు నీటి నిల్వ తగ్గిపోతుండటంతో రైతులు ఆందోళన చెందుతున్నారు. ఈ ఏడాది ఆలస్యంగా డ్యాంలోకి నీరు చేరడంతో కాలువలకు కూడా నీరు ఆలస్యంగా విడుదల చేశారు. డ్యాంలో ప్రస్తుతం 80 టీఎంసీల నీరు మాత్రమే నిల్వ ఉంది. డ్యాం నుంచి రోజూ హెచ్‌ఎల్‌సీ, ఎల్‌ఎల్‌సీ, ఎల్‌బీఎంసీ తదితర కాలువకు ఒక టీఎంసీకి పైగా నీరు విడుదల చేస్తున్నారు. దీంతో డ్యాంలో నీటి నిల్వ క్రమేణా తగ్గిపోతోంది. ఇక వర్షాలు కురవకపోవడంతో ఇన్‌ఫ్లో కూడా జీరోస్థాయికి పడిపోయింది. డ్యాంలో ఉన్న నీటితోనే ఖరీఫ్‌లో సాగు చేసిన పంటలకు నీరు సర్దుబాటు చేయాల్సిన పరిస్థితి నెలకొనడంతో రైతులు పరిస్థితి ఆగమ్యగోచరంగా మారింది. డ్యాం కింద ప్రధానంగా వరి, మిర్చి, మొక్కజొన్న, పత్తి పంటలు సాగు చేశారు. సమస్యలపై ఇంజనీర్‌కు వినతి గత నెల 11వ తేదిన తుంగభద్ర సలహా సమితి ఆధ్వర్యంలో నిర్వహించిన సమావేశంలో అన్ని కాలువలకు 90 రోజుల పాటు అంటే నవంబర్‌ 21వ తేదీ వరకు నీరు విడుదల చేయాలని నిర్ణయించారు. అయితే డ్యాంలో ఇన్‌ఫ్లో పూర్తిగా పడిపోవడంతో ఉన్న నీటినే రోజూ విడుదల చేస్తున్నారు. డ్యాంలో నీటి నిల్వ తగ్గిపోతుండటంతో ఆదివారం తుంగభద్ర రైతు సంఘం అధ్యక్షుడు దరూరు పురుషోత్తం గౌడ నేతృత్వంలో రైతులు ప్రత్యేక సమావేశం నిర్వహించారు. పంటలు పూర్తి అయ్యే వరకు నీరు పొదుపుగా ఉపయోగించుకునేలా గట్టి చర్యలు తీసుకోవాలని నిర్ణయం తీసుకున్నారు. ఈ మేరకు కొప్పళ జిల్లా మునిరాబాద్‌లోని జలాశయం ప్రధాన ఇంజనీర్‌ మనోజ్‌ కుమార్‌ను కలిసి రైతులు ఎదుర్కొంటున్న సమస్యలు వివరించారు. పంటలను కాపాడుకునేందుకు రైతులు అష్టకష్టాలు పడుతున్నారని తెలిపారు. రోజు రోజుకు తగ్గుతున్న నీటి నిల్వ పడిపోయిన ఇన్‌ఫ్లో పంటలకు చివరి వరకూ నీరందేనా?

బొమ్మనహళ్లి: ఒంటరిగా నడుస్తున్న మహిళలను ఏమార్చి క్షణంలో బంగారు గొలుసు లాక్కొని పారిపోతున్న కిలాడీ పోలీసులకు చిక్కాడు. అతని వివరాలు తెలిసి వారే నోరెళ్లబెట్టారు. బుద్ధిగా ఉద్యోగం చేసుకోవాల్సిన పోస్టుమాస్టర్‌ సరదాగా ప్రారంభించిన చైన్‌ స్నాచింగ్‌ వ్యసనంగా మారినట్లు వివరించాడు. థార్‌ జీపులో తిరుగుతూ బెంగళూరు నగర జిల్లా పరిధిలోని ఆనేకల్‌ తాలూకాలోని గెరటిగనబెళే నివాసి జీవన్‌కుమార్‌ సిడి హొసకోట పోస్టాఫీసులో పోస్ట్‌మాస్టర్‌గా పనిచేస్తున్నాడు. కానీ మహిళల గొలుసులపై కన్నేశాడు. మహీంద్రా థార్‌ కారులో తిరుగుతూ ఒంటరిగా వెళ్లే మహిళలను చిరునామాలు అడిగేవాడు. తన బంధువులతో మాట్లాడాలంటూ తన మొబైల్‌ఫోన్‌ ఇస్తున్నట్లు హడావుడి చేసేవాడు, ఇంతలో వారి మెడలోని బంగారు గొలుసును లాక్కొని కారులో పారిపోయేవాడు. ఆనేకల్‌తో పాటు పొరుగునే తమిళనాడులోని తళి, హోసూరు, మత్తిగిరి ప్రాంతాల్లో జీవన్‌కుమార్‌ వరుసగా స్నాచింగ్‌లకు పాల్పడినట్లు చెబుతున్నారు. రెండు రోజుల్లోనే నలుగురు మహిళల గొలుసులు లాక్కెళ్లాడు. తళి పోలీసులు ఆనేకల్‌ పోలీసులతో కలిసి గాలించి పట్టుకున్నారు. అతని నుంచి థార్‌ జీపును, రూ. 10 లక్షల విలువైన బంగారు నగలను స్వాధీనం చేసుకున్నారు. కొట్టేసిన బంగారును అమ్మి జల్సాలు చేసేవాడు. జల్సాల కోసం పక్కదారి బెంగళూరుతో హోసూరు ప్రాంతంలోనూ చేతివాటం

అనైతిక బంధాలు, కాపురాల్లో కోపావేశాలకు విలువైన ప్రాణాలు బలవుతున్నాయి. దారితప్పి చివరకు రక్తపాతంతో ముగుస్తున్నాయి. ఫలితంగా ఎన్నో కుటుంబాలకు కన్నీరే మిగులుతోంది. ఈ పెడపోకడలు సామాజిక సమస్యగా పరిణమించాయి.కర్ణాటక: ముగ్గురు పిల్లల తల్లిని ఆమె ప్రియుడే గొంతుకోసి హతమార్చిన సంఘటన దావణగెరె సిటీ శేఖరప్ప నగరలో జరిగింది. నాగరత్న(45)ను నాగరాజు (36) హత్య చేశాడు. ఆమెకు ముగ్గురు పిల్లలు ఉన్నారు. నాగరాజుతో అక్రమ సంబంధం సాగుతోంది. ఆమె ఇంట్లో ఒంటరిగా ఉండగా చొరబడ్డ నాగరాజు కత్తితో హత్య చేశాడు. నాగరత్న ఆర్తనాదాలు విన్న స్థానికులు అక్కడకు చేరుకుని పరారవుతున్న నాగరాజును పట్టుకుని చెట్టుకు కట్టేసి చితకబాదారు. పోలీసులు నాగరాజును అదుపులోకి తీసుకున్నారు.ప్రియురాలి చేతిలో ప్రియుడు హతం దొడ్డబళ్లాపురం: ప్రియురాలి చేతిలో ప్రియుడు హత్యకు గురైన సంఘటన దావణగెరెలోని కేశవమూర్తి కాలనీలో జరిగింది. మంజప్ప (40)ను, ప్రేయసి షబీనా (38) చీరతో గొంతు బిగించి ప్రాణాలు తీసింది. మంజప్పకు భార్య, ఇద్దరు పిల్లలు ఉండగా విడాకులు తీసుకుని షబీనాతో జీవిస్తున్నాడు. శుక్రవారం రాత్రి మద్యం మత్తులో ఇద్దరూ గొడవకు దిగారు. దీంతో ఆమె ఏకంగా హత్య చేసింది. పోలీసులు నిందితురాలిని నిర్బంధించారు.భార్యను కడతేర్చి.. తానూ ఆత్మహత్య దొడ్డబళ్లాపురం: దొడ్డబళ్లాపురం పట్టణంలోని ఒక లాడ్జిలో భార్యను హత్య చేసి పరారైన కసాయి భర్త చివరకు ఆత్మహత్య చేసుకున్నాడు. దొడ్డ రూరల్‌ ఠాణా దగ్గర లాడ్జిలో భార్య విద్య (21)ను ఆమె ఐడెంటిటీ కార్డ్‌ ట్యాగ్‌తో గొంతు బిగించి హత్య చేసి పరారైన భర్త ఆనంద్‌ నాలుగు రోజుల నుంచి జాడ లేడు. సొంతూరైన గౌరిబిదనూరు తాలూకా ముదుగెరె చెరువు వద్ద మద్యం తాగి చెట్టుకు ఉరివేసుకుని చనిపోయాడు. బైక్, 2 మొబైళ్లు తదితరాలు అక్కడ ఉన్నాయి. గౌరిబిదనూరు గ్రామీణ పోలీసులు కేసు నమోదు చేసుకున్నారు.ఇద్దరు పిల్లలను బావిలోకి తోసేసింది బనశంకరి: కుటుంబ కలహాలతో కోపోద్రిక్తురాలైన మహిళ ఇద్దరు పిల్లలను బావిలోకి తోసేసిన ఘటన మంగళూరు వద్ద ఉప్పినంగడి పోలీస్‌స్టేషన్‌ పరిధిలో శనివారం జరిగింది. ఒకరు మృతిచెందగా మరో చిన్నారి తీవ్రంగా గాయపడింది. సినాన్, నూరున్నీషా దంపతుల మధ్య ఫోన్‌కాల్‌ గురించి రగడ మొదలైంది. నూరున్నీషా కోపం పట్టలేక తన మూడేళ్ల కుమారుడు, భర్త చెల్లెలి మూడేళ్లు కొడుకుని తీసుకెళ్లి ఇంటి వద్దనున్న బావిలోకి పడేసింది. స్థానికులు చూసి పిల్లలను బయటకు తీశారు. భర్త చెల్లి కుమారుడు చనిపోగా, సొంత కొడుకు తీవ్ర అస్వస్థత పాలయ్యాడు. అతనిని మంగళూరు ఆస్పత్రిలో చేరి్పంచారు. పోలీసులు ఆమెను అరెస్టు చేశారు.

మైసూరు: హెచ్‌ఐవి, ఎయిడ్స్‌ అవగాహన మాసంలో భాగంగా, జబ్బుల పరీక్షలు, చికిత్స గురించి ప్రజలలో అవగాహన కల్పించేందుకు శనివారం బైక్‌ ర్యాలీ నిర్వహించారు. కోట ఆంజనేయస్వామి ఆలయ ప్రాంగణం నుంచి ర్యాలీని జిల్లా ఆర్‌.సి.హెచ్‌. అధికారి డా. మహమ్మద్‌ అహ్మద్‌ జెండా ఊపి ప్రారంభించారు. వివిధ రహదారుల గుండా సాగి, నజర్‌బాద్‌లోని ఎన్‌పిసి. ఆసుపత్రికి చేరింది. వైద్య నిపుణులు, మెడికోలు పాల్గొన్నారు. కిరాతకుల అరెస్టుదొడ్డబళ్లాపురం: ఆస్తి గొడవలతో బెళగావి జిల్లా కిత్తూరు తాలూకా అవరాది గ్రామంలో తండ్రీ కుమార్తెను అతని సోదరులే దారుణంగా హత్య చేయడం తెలిసిందే. ఈ కేసులో బసప్ప, సంగప్ప, మడివాళప్ప అనే ముగ్గురిని పోలీసులు అరెస్టు చేశారు. రిటైర్డు జవాన్‌ రుద్రప్ప (67), కూతురు శశికళ (26) స్థానిక గ్రామ పంచాయితీ కార్యాలయంలో ఉండగా దుండగులు కత్తులతో నరికి చంపారు. పోలీసులు గాలించి పరారీలో ఉన్న నిందితులను అరెస్టు చేశారు. కామపిశాచికి 20 ఏళ్ల కారాగారం● మండ్య ఫాస్ట్‌ట్రాక్‌ కోర్టు కఠిన తీర్పు మండ్య: ముక్కుపచ్చలారని బాలికపై అఘాయిత్యానికి ఒడిగట్టిన కామపిశాచికి న్యాయస్థానం 20 ఏళ్ల కఠిన కారాగార శిక్ష, రూ. 1.10 లక్షల జరిమానా విధించింది. మండ్య తాలూకాలోని మోడ్జకనహళ్లి గ్రామానికి చెందిన నాగేశ్‌ (50) దోషి. వివరాలు.. ఓ బాలికపై కన్నేసిన నాగేశ్‌.. ఆమె గురించి సమాజంలో దుష్ప్రచారం చేస్తానని బెదిరించాడు. బలవంతంగా లైంగిక దాడికి పాల్పడసాగాడు. దీంతో అభాగ్యురాలు గర్భవతి అయింది. ఇది తెలిసి తల్లిదండ్రులు శివళ్లి పోలీస్‌ స్టేషన్‌లో ఫిర్యాదు చేయగా, కామాంధునిపై లైంగిక దాడి, పోక్సో కేసు నమోదు చేశారు. కెరగోడు సర్కిల్‌ ఇన్‌స్పెక్టర్‌ ఎం.మంజునాథ్‌ కోర్టులో చార్జిషీట్‌ సమ ర్పించారు. ఫాస్ట్‌ ట్రాక్‌ 2వ కోర్టు ప్రత్యేక న్యాయమూర్తి బి.దిలీప్‌కుమార్‌ విచారించారు. నేరం రుజువు కావడంతో ఏకంగా 20 ఏళ్ల కఠిన కారాగార శిక్ష, జరిమానా విధించారు. ప్రభుత్వ ప్రాసిక్యూటర్‌ హెబ్బకవాడి నాగరాజు వాదించారు.రైతు రుణ మాఫీకి కేంద్రం నిధులివ్వాలి: డీసీఎం తుమకూరు: రైతు రుణాలను మాఫీ చేసేందుకు కేంద్ర ప్రభుత్వం నిధులు ఇవ్వాలని ఉప ముఖ్యమంత్రి, రెవెన్యూ మంత్రి డా. జి. పరమేశ్వర అన్నారు. తుమకూరు జిల్లా కుణిగల్‌ తాలూకాలోని హుళియూర్‌ దుర్గలో శనివారం జరిగిన ప్రజా సేవా అభియాన్‌ సభలో ఆయన మాట్లాడారు. తమ ప్రభుత్వం తాగునీటికి అత్యంత ప్రాధాన్యత ఇస్తోందని చెప్పారు. కరువు కారణంగా రైతులు ఇబ్బందుల్లో ఉన్నారన్నారు. వారికి ఉపశమనం కల్పించాల్సిన అవసరం ఉందన్నారు. రాష్ట్ర ప్రభుత్వం ఇప్పటికే రైతుల రుణాలపై వడ్డీని మాఫీ చేసిందని, అయినప్పటికీ, పూర్తి రుణమాఫీ చేయాలని రైతు వర్గం నుంచి డిమాండ్‌ ఉంది. ఈ విషయమై కేంద్ర ప్రభుత్వానికి ఒక అభ్యర్థన కూడా సమర్పించినట్లు ఆయన తెలిపారు. డిసెంబర్‌ నాటికి ఐదు లక్షల ఇంటి స్థలాల పేదలకు పంపిణీ చేస్తామన్నారు.టూర్లలో అతి చేయొద్దు ● విద్యార్థులపై సర్కారు నియంత్రణ యశవంతపుర: ప్రభుత్వ, ప్రైవేటు కాలేజీ విద్యార్థులు విహారయాత్రలకు వెళ్లిన సమయంలో సెల్ఫీలు, వీడియోలు తీసుకోవడాన్ని రాష్ట్ర ప్రభుత్వం నిషేధించింది. కొండలు, వాగులు, నదులు వంటి చోట్ల ప్రమాదకరంగా సెల్ఫీలు తీసుకుంటూ అపాయాలకు గురికావడంతో ఈ నిర్ణయం తీసుకుంది. టూర్లకు వెళ్లాలంటే ముందు ప్రిన్సిపాల్స్‌ విద్యార్థులకు తగిన సూచనలు చేయాలి. సీనియర్‌ అధికారుల నుంచి అనుమతులతో పాటు తల్లిదండ్రుల నుంచి ఆమోదం తీసుకోవాలని ఉత్తర్వుల్లో తెలిపారు. విద్యార్థులను తప్పనిసరిగా ఉపాధ్యాయలు, అధ్యాపకులు పర్యవేక్షణ చేయాలని సూచించారు. అపాయకర ప్రాంతాల వద్దకు వెళ్లకుండా చూడాలని తెలిపారు.

రాయచూరు రూరల్‌: నగరంలోని వివిధ ప్రాంతాల్లో గంజాయి విక్రయిస్తున్న కేసులో ఇద్దరు నిందితులను అరెస్ట్‌ చేసినట్లు ఎస్పీ అరుణాంగ్శు గిరి వెల్లడించారు. శుక్రవారం సాయంత్రం ఎస్పీ తన కార్యాలయంలో విలేఖర్లతో మాట్లాడారు. అల్లమప్రభు కాలనీలో 1,810 గ్రాముల గంజాయిని స్వాధీనం చేసుకుని ఎల్‌బీఎ్‌స్‌ కాలనీకి చెందిన మహ్మద్‌ కై ఫ్‌(20), హుసేన్‌ బాషా(23) అనే ఇద్దరిని అరెస్ట్‌ చేశామన్నారు. ఎమ్మెల్యేలు భూమిపూజకే పరిమితమా?రాయచూరు రూరల్‌: జిల్లాలోని కాంగ్రెస్‌ పార్టీ శాసన సభ్యులు భూమిపూజకే పరిమితమా? అని రాయచూరు రూరల్‌ మాజీ శాసన సభ్యుడు తిప్పరాజ్‌ ఆరోపించారు. శనివారం పాత్రికేయుల భవనంలో ఏర్పాటు చేసిన విలేకరుల సమావేఽశంలో ఆయన మాట్లాడారు. గ్రామీణ ప్రాంతంలో విద్యుత్‌ సరఫరా లేక, కరువు సహాయక పనులు చేపట్టక పోవడాన్ని ఖండించారు. కరువు నెలకొన్నందున రైతులకు రూ.50 వేలు చొప్పున పరిహారం అందించాలని, రైతులకు 12 గంటల పాటు విద్యుత్‌ సౌకర్యాలు కల్పించాలన్నారు. తుంగభద్ర ఎడమ కాలువ కింద ఉపకాలువలకు నేటికీ నీటి విడుదలలో నిర్లక్ష్యం చేయడం తగదన్నారు. వీటన్నింటిని పక్కన పెట్టి భూమిపూజల పేరుతో నిధులు లేకున్నా పథకాలకు శ్రీకారం చుట్టడం భావ్యం కాదన్నారు. విలేకరుల సమావేఽశంలో నిత్యానందరెడ్డి, కేశవరెడ్డి, అచ్చుతరెడ్డి, సిద్దనగౌడ, బండేష్‌, జగదీశ్‌లున్నారు. రైతు స్నేహిగా సమాఖ్య కోలారు: ఎన్నో ఆటంకాలను అధిగమించి అరాభి కొత్తనూరు ప్రాథమిక వివిధోద్దేశ వ్యవసాయ గ్రామీణ సహకార సమాఖ్య మొదటి సంవత్సరంలోనే రూ.12 లక్షల రుణాలు అందించి రైతు స్నేహిగా సాగుతోందని కోలారు పాల ఉత్పత్తిదారుల సమాఖ్య డైరెక్టర్‌ డీ.నాగరాజప్ప చెప్పారు. అరాభికొత్తనూరు గ్రామంలోని సోమేశ్వర కల్యాణ మంటపంలో నిర్వహించిన సంఘం ప్రథమ సర్వ సభ్య సమావేశంలో పాల్గొని మాట్లాడారు. దింబ నాగరాజప్ప, దేవిక, తిమ్మయ్య, ఎం నాగేష్‌ తదితరులు పాల్గొన్నారు.

బనశంకరి: కర్ణాటక లోకసేవా కమిషన్‌ (కేపీఎస్‌సీ)లో 400కు పైగా పశువైద్యాధికారుల ఉద్యోగ కుంభకోణంలో కటకటాల్లో ఉన్న ప్రముఖ నిందితులు ఐఏఎస్‌ అధికారి జ్ఞానేంద్రకుమార్‌ గంగ్వార్‌, దళారీ బసవరాజ్‌ కన్నాళే మరింత చిక్కుల్లో పడిపోయారు. బెంగళూరు పరప్పన అగ్రహార జైలులో ఈడీ అధికారులు వారిద్దరినీ అరెస్ట్‌ చేశారు. గత నెలాఖరులో వీరిని సీఐడీ పోలీసులు అరెస్టు చేసి విచారించి, పరప్పనలో ఉంచడం తెలిసిందే. చకచకా పరిణామాలు ఇలా కేపీఎస్‌సీ స్కాంలో ఈడీ అధికారులు నెలరోజుల కిందట సోదాలు నిర్వహించారు. కారాగారంలో ఉన్న ఇద్దరినీ ఈడీ అధికారులు గత 3 రోజుల నుంచి ప్రశ్నించారు. కానీ నోరు మెదపకపోవడంతో వారు ఆగ్రహించారు. శుక్రవారం రాత్రి జైలులోనే అరెస్ట్‌చేసి శాంతినగరలోని ఈడీ ఆఫీసుకు తీసుకెళ్లారు. కోర్టులో హాజరుపరిచి తమ కస్టడీకి తీసుకున్నారు. ఈ స్కాంలో లోతుగా విచారణ చేపట్టనున్నట్లు ఈడీ వర్గాలు తెలిపాయి. ఐఏఎస్‌, దళారీ లింకులు ఐఏఎస్‌ జ్ఞానేంద్ర గత నెలలో స్కాం బయటపడగానే ఢిల్లీకి పరారయ్యాడు. ఉత్తరప్రదేశ్‌తో పాటు దేశవ్యాప్తంగా తిరగడానికి విమానాలకు రూ.11 లక్షలు ఖర్చు చేశాడు. 2024లో కేపీఎస్‌సీలో పరీక్షల కంట్రోలర్‌గా ఉన్న జ్ఞానేంద్రకుమార్‌కు పాత స్నేహితుడైన బసవరాజ కన్నాళే జత కలిశాడు. ఉద్యోగ నియామకాల్లో అక్రమాలకు ప్లాన్‌ చేశారు. పశువైద్యాధికారుల నియామకంతో పాటు ఇతర ఉద్యోగాల భర్తీలోనూ ఒప్పందం కుదుర్చుకుని, పశ్నాపత్రాల లీకేజీ, ఉద్యోగాల విక్రయం సాగించి కోట్లాది రూపాయలను వెనకేసుకున్నట్లు తీవ్ర ఆరోపణలున్నాయి. నగదు గురించి సీఐడీ ఆధారాలను సేకరించింది. కొరడా విదిల్చిన ఈడీ ఐఏఎస్‌ జ్ఞానేంద్ర, బ్రోకరు బసవరాజు అరెస్టు పరప్పన జైలు నుంచి తరలించిన ఈడీశాంత ఇంటిలో సీఐడీ సోదాలు కేపీఎస్‌సీ ఉద్యోగాల బాగోతంలో ప్రముఖ నిందితురాలు, కేపీఎస్‌సీ సభ్యురాలు శాంత హొసమనికి చెందిన దావణగెరె నివాసంపై సీఐడీ అధికారులు దాడి చేశారు. తరళుబాళు లేఔట్‌లో ఆమెకు సొంత ఇల్లు ఉంది. ఆ ఇంట్లో ముమ్మరంగా సోదాలు నిర్వహించారు. ఇంటి డోర్‌ లాక్‌చేసి ఉండటంతో బలవంతంగా తాళం తీసి ప్రవేశించారు. కుంభకోణం తాలూకు ఫైళ్లు, రికార్డులు, నగదు తదితరాల కోసం వెతికారు. ప్రతి గది, అల్మరా, బీరువాలు తదితరాలలో క్షుణ్ణంగా పరిశీలించారు. సుమారు 8 నెలల నుంచి ఇంట్లో ఎవరూ లేనట్లు తెలిసింది. దళారీ విదేశాలకు వెళ్లే యత్నం ఉద్యోగాల స్కాం గుట్టురట్టయిన తరువాత తుమకూరు యూనివర్శిటీ సిండికేట్‌ సభ్యుడైన బసవరాజ కన్నాళే భయపడిపోయాడు. తన ఆప్త రాజకీయనేతలు కూడా కాపాడలేరని గ్రహించి దేశం విడిచిపెట్టడానికి కుట్ర రూపొందించాడు. కజకిస్థాన్‌లో నెల పాటు మకాం పెట్టడానికి వీసా తీసుకున్నాడు, ఇంతలోనే అరెస్టు కావడంతో పథకాలు పారలేదు.

యథేచ్ఛగా జల చౌర్యం..రాయచూరు రూరల్‌: తుంగభద్ర ఎడమ కాలువ పైభాగంలో అక్రమ ఆయకట్టు సాగు అధికం కావడంతో రైతుల చివరి భూములకు నీరందక పోవడంతో జిల్లాలో లక్షలాది హెక్టార్లలో పంట నష్టం వాటిల్లే అవకాశం ఉంది. కాలువకు నెల రోజుల క్రితమే నీరు వదిలినా ఆయకట్టు చివరి భూములకు నీరందేలా నీటి గేజ్‌ నిర్వహణ సక్రమంగా చేపట్టడంలో అధికారులు జాగ్రత్తలు పాటించడం లేదు. దీంతో ఆయకట్టు చివరి భూములకు నీరందక పంటలు వాడుముఖం పట్టాయి. సిరవార, మటమారి, మస్కి, కవితాళ, రాయచూరు ప్రాంతాల్లో కంది, వరి, పత్తి, మిరప పంటల్లో రెండు లక్షల హెక్టార్లలో వరి, రాయచూరు, సిరవార తాలూకాల్లో 3 లక్షల హెక్టార్లలో పత్తి, లక్షన్నర హెక్టార్లలో మిరప పంటలను పండిస్తున్నారు. చివరి భూములకు నీటిని విడుదల చేస్తే పంటలు చేతికొచ్చే అవకాశముంది. కాలువకు ప్రతి రోజు 4,100 క్యూసెక్కుల నీరు విడుదల చేస్తున్నా పైభాగంలో చౌర్యం అవుతున్నాయని రైతులు ఆరోపిస్తున్నారు. నీటి గేజ్‌ సామర్థ్యం నిర్వహణలో అధికారుల నిర్లక్ష్యంతో పంటలకు నీటి లభ్యత కరువైంది. 0 మైల్‌ నుంచి కాలువపై 104వ మైలు వరకు నీరందాలి. 49వ మైల్‌ వద్ద రాజకీయ నాయకుల ప్రభావంతో నీరు ముందుకు ప్రవహించక అక్కడే నీటి చౌర్యం చేస్తున్నారు. 69వ మైల్‌ నుంచి 104వ మైల్‌ వరకు చివరి భూములకు నీరందడం గగన కుసుమమైంది. కాలువ పైభాగంలో అక్రమంగా ఏర్పాటు చేసిన పైపులు నీటి ప్రవాహం లేని ఎడమ కాలువ చివరి భాగం కాలువ పైభాగంలో పెరిగిన అక్రమ ఆయకట్టు ఎండుతున్న కంది, పత్తి, వరి, మిరప పంటలు

రాయచూరు రూరల్‌: గ్రామీణ ప్రాంతాల్లో ప్రజల దరికి ప్రభుత్వ సంక్షేమ పథకాల ద్వారా ప్రజల వద్దకు పాలనకు ప్రజల సహకారం అవసరమని గ్రామీణ శాసన సభ్యుడు బసనగౌడ దద్దల్‌ పేర్కొన్నారు. శనివారం రాయచూరు తాలూకా గిల్లేసూగూరు ప్రభుత్వ హైస్కూలు మైదానంలో ఏర్పాటు చేసిన ప్రజా సేవ పథకం కార్యక్రమంలో ప్రజల నుంచి ఫిర్యాదులను స్వీకరించిన అనంతరం ఆయన మాట్లాడారు. ప్రజల నుంచి వచ్చిన ఫిర్యాదులను త్వరితగతిన పరిష్కరించాలన్నారు. సమావేశంలో ఏసీ హంపణ్ణ, టీపీ ఈఓ చంద్రశేఖర్‌ పవార్‌, మహిళా శిశు సంక్షేమ శాఖాధికారి మంజునాథ్‌, ఆరోగ్య అధికారి యోగేష్‌లున్నారు.

హుబ్లీ: నగరంలోని గబ్బూరు వద్ద జాతీయ రహదారిలో రూ.700 కోట్లతో నిర్మించిన కేఎల్‌ఈ సంస్థ జగద్గురు గంగాధర స్వామి మూరుసావిర మఠం వైద్య కళాశాల, పరిశోధన కేంద్రం ఆస్పత్రిని కేంద్ర మంత్రి ప్రహ్లాద్‌ జోషి, ఆ స్వామీజీ శనివారం జాతికి అంకితం చేశారు. ఈ సందర్భంగా కేఎల్‌ఈ సంస్థ వైస్‌ ఛాన్సలర్‌ డాక్టర్‌ ప్రభాకర్‌ కోరే మాట్లాడుతూ మూరుసావిర మఠం ఆధ్వర్యంలో కేటాయించిన 23 ఎకరాల స్థలంలో వైద్య కళాశాల ఆస్పత్రి పరిశోధన కేంద్ర నిర్మించాం. మఠం పేరున సంస్థకు నామకరణం చేశాం. కేఎల్‌ఈ సంస్థ సమాజ సేవలో 110 ఏళ్ల పరంపరను కొనసాగిస్తోందని తెలిపారు.

దొడ్డబళ్లాపురం: తమ కుమారులు చదువుకుని జీవితంలో ఎదిగి చెట్టులా నీడనిస్తారని ఆశించిన తల్లిదండ్రుల కలలు కల్లలయ్యాయి. బెంగళూరులో యలహంక– రాజానుకుంట మార్గంలో బైక్‌ ప్రమాదంలో వచన్‌ (20), ప్రదీప్‌ (21) అనే ఇద్దరు ఇంజనీరింగ్‌ విద్యార్థులు దుర్మరణం చెందారు. శనివారం తెల్లవారుజామున 3 గంటల సమయంలో రాజానుకుంట జంక్షన్‌లో బుల్లెట్‌ బైక్‌పై వెళ్తున్న ఇద్దరు యువకులు బైక్‌ అదుపుతప్పి రోడ్డుపక్కన దుకాణం గోడకు వేగంగా ఢీకొన్నారు. తీవ్ర గాయాలతో అక్కడే మరణించారు. మృతులు సమీపంలోని కళాశాలలో ఇంజినీరింగ్‌ విద్యార్థులు. యలహంక ట్రాఫిక్‌ పోలీసులు కేసు నమోదు చేసుకున్నారు. సిటీలో యువకులు నైట్‌ ఔట్‌, జాలీరైడ్‌ పేర్లతో షికార్లకు వెళ్తూ ప్రమాదాలను కొని తెచ్చుకుంటున్నారు. భార్య కళ్ల ముందే రైతు.. మైసూరు: జిల్లాలోని నంజనగూడు తాలూకాలోని కుడ్లపుర గ్రామం సమీపంలో రెండు బైక్‌లు ఢీకొన్న ఘటనలో ఒక రైతు మరణించగా, భార్య తీవ్రంగా గాయపడింది. కవలందే హోబ్లీ, మల్లాహళ్లి గ్రామానికి చెందిన రైతు రమణాయక (45), భార్య గాయత్రి (39) పొలంలో నుంచి ఇంటికి బైక్‌లో వెళ్తున్నారు. ఎదురుగా వస్తున్న మరో ద్విచక్ర వాహనం వారిని ఢీకొనింది. దీంతో రైతు దుర్మరణం చెందాడు. యలహంకలో గోడను ఢీకొన్న బైక్‌.. ఇద్దరు బీటెక్‌ విద్యార్థుల మృతి

రాయచూరు రూరల్‌: జిల్లాలో జరిగిన దళితుల హత్య కేసులను సీఐడీకి అప్పగించాలని దళిత సంఘర్ష సమితి సంచాలకుడు ఎస్‌.మారెప్ప డిమాండ్‌ చేశారు. శనివారం పాత్రికేయుల భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. పాత కక్షలను మనస్సులో పెట్టుకుని దేవదుర్గ తాలూకా గబ్బూరు పోలీస్‌ స్టేషన్‌ పరిధిలోని హద్దినాళలో బీఎస్పీ, దళిత కార్యకర్త భూమానంద హత్య, కరడకల్‌లో రేణుక హత్య, సిరవార తాలూకా హొక్రాణిలో అశ్వినిపై హత్యాచారానికి పాల్పడిన ఘటనలో ప్రధాన నిందితులను అరెస్ట్‌ చేయాలని, ఈ కేసులను సీఐడీకి అప్పగించాలన్నారు. ఘటనలు జరిగి నెల రోజులు పైగా కావస్తున్నా రాష్ట్ర హోం మంత్రి ప్రియాంక్‌ ఖర్గే కనీసం జిల్లాలో పర్యటించి సాంత్వన పలకక పోవడం విడ్డూరంగా ఉందన్నారు. రవీంద్రనాథ్‌, విశ్వనాథ్‌, నరసింహులు, శివకుమార్‌, బేరి, అంబన్న, హేమరాజ్‌లున్నారు. సంక్షేమ పథకాలు ప్రజల దరి చేర్చండిరాయచూరు రూరల్‌: ప్రభుత్వ సంక్షేమ పథకాలను ప్రజల దరికి చేర్చాలని జిల్లాధికారిణి పూవిత సూచించారు.శ ఆమె శనివారం లింగసూగూరు ప్రభుత్వ జూనియర్‌ కళాశాల మైదానంలో ప్రజా సేవా పథకాన్ని ప్రారంభించి మాట్లాడారు. సర్కార్‌ మహిళలకు అమలు చేసిన శక్తి, గృహలక్ష్మి పథకాల లబ్ధిని పొందాలని అన్నారు. నెల నెలా రూ.2 వేలు మహిళల బ్యాంక్‌ ఖాతాల్లో జమ అవుతాయన్నారు. రాష్ట్ర ముఖ్యమంత్రి డీ.కే.శివకుమార్‌ ఆదేశాల మేరకు ప్రజల వద్దకు పాలనను అందించాలన్నారు. ప్రజల నుంచి వచ్చిన ఫిర్యాదులను త్వరితగతిన అధికారులు పరిష్కరించాలన్నారు. కార్యక్రమంలో జెడ్పీ సీఈఓ ఈశ్వర్‌ కుమార్‌, మహిళా శిశు సంక్షేమ శాఖాధికారిణి శరణమ్మ, జిల్లా ఆరోగ్య అధికారిణి నందితలున్నారు. డీసీసీ ఎస్టీ సెల్‌ అధ్యక్షురాలిగా మమత రాయచూరు రూరల్‌: రాయచూరు జిల్లా కాంగ్రెస్‌ పార్టీ ఎస్టీ సెల్‌ అధ్యక్షురాలిగా మమతను నియమిస్తూ రాష్ట్రాధ్యక్షుడు విజయ్‌ నాయక్‌ ఆదేశాలు వెలువరించారు. 15 ఏళ్ల పాటు పార్టీకి చేసిన సేవలను గుర్తించి అధ్యక్ష పదవిని కట్టబెట్టారు. డిసెంబర్‌లో జరగనున్న స్థానిక సంస్థల ఎన్నికల నాటికి కార్యకర్తల సహకారంతో గ్రామ స్థాయి నుంచి పార్టీని బలోపేతం చేయాలని రాష్ట్ర ప్రధాన కార్యదర్శి మదన్‌ పటేల్‌ సూచించారు. రుణాల్ని చెల్లిస్తేనే ప్రగతి కోలారు: రుణాల వసూళ్లలో పీఎల్‌డీ బ్యాంకు జిల్లాలోనే రెండవ స్థానంలో ఉంది, రైతులు తీసుకున్న రుణాలు తిరిగి చెల్లిస్తేనే అభివృద్ధి సాధ్యం అవుతుందని బ్యాంకు అధ్యక్షుడు కెందట్టి ఏ. శివకుమార్‌ తెలిపారు. శనివారం నగరంలోని టీ. చన్నయ్య రంగమందిరంలో పీఎల్‌డీ బ్యాంకు సర్వసభ్య సమావేశాన్ని ప్రారంభించి ఆయన మాట్లాడారు. బ్యాంకు ఉపాధ్యక్షుడు ఎం వెంకటరాం, డైరెక్టర్‌, విట్టప్పనహళ్లి డెయిరీ అధ్యక్షుడు వెంకటేష్‌, ఎన్‌ జీ బ్యాటప్ప తదితరులు పాల్గొన్నారు. చిరునామా అడిగినట్లు నటించి నగల చోరీ కెలమంగలం: చిరునామా అడిగినట్లు నటించి నగలు చోరీ చేసిన తపాలా ఉద్యోగిని తళి పోలీసులు అరెస్ట్‌ చేశారు. వివరాలు.. డెంకణీకోట తాలూకా తళి సమీపంలోని దొడ్డఉబ్బనూరు గ్రామానికి చెందిన భాగ్యమ్మ రెండు రోజుల క్రితం భర్తతో కలిసి ద్విచక్ర వాహనంలో వెళ్తుండగా.. నల్లకారులో వచ్చిన వ్యక్తి ఉబ్బనూరుకు వెళ్లేందుకు దారి అడిగాడు. కొత్తగా వచ్చిన వ్యక్తికి దారి తెలియక అడుగుతున్నాడని భావించిన భాగ్యమ్మ.. తాను అదే గ్రామానికి వెళ్తున్నా అని చెప్పి అతడి కారులో ఎక్కి కూర్చొంది. కొద్ది దూరం వెళ్లగానే ఆమె మెడలో ఉన్న 38 గ్రాముల బంగారు గొలుసును లాక్కొని పరారయ్యాడు. అలాగే ఉబ్బనూరు బస్టాప్‌ వద్ద నడుచుకుని వెళ్తున్న విజయమ్మ మెడలో ఉన్న 50 గ్రాముల బంగారు గొలుసు లాక్కొని ఉడాయించాడు. ఈ ఘటనలపై బాధిత మహిళలు తళి పోలీసులకు ఫిర్యాదు చేశారు. కేసు నమోదు చేసుకున్న పోలీసులు సీసీ కెమెరాల ఫుటేజీ ఆధారంగా నిందితుడిని అరెస్ట్‌ చేశారు. నిందితుడు ఆనేకల్‌ సమీపంలోని గేరెట్టిహళ్లి గ్రామానికి చెందిన జీవన్‌ కుమార్‌ అని విచారణలో తేలింది. హొసకోటె ప్రాంతంలోని తపాలా కార్యాలయంలో ఉద్యోగిగా పని చేస్తూ తరచూ దోపిడీలకు పాల్పడుతున్నట్లు ఒప్పుకున్నాడు.

హొసపేటె: గతంలో ప్రజలు తమ సమస్యలకు పరిష్కారం దొరుకుతుందనే ఆశ లేకుండా కార్యాలయాల చుట్టూ తిరిగే పరిస్థితి ఉండేది. దీనిని గ్రహించి ప్రభుత్వం ప్రతిష్టాత్మకమైన ప్రజాసేవ విభాగాన్ని ఏర్పాటు చేసింది. ఇక్కడ సమర్పించిన దరఖాస్తులను సకాలంలో పరిష్కరించాలి అని జిల్లా ఇన్‌చార్జి, మత్స్య, ఓడరేవులు, అంతర్గత జల రవాణా శాఖ మంత్రి కేఎస్‌.బసవంతప్ప సూచించారు. శనివారం హరపనహళ్లిలోని హొసపేటె రోడ్డులో ఉన్న డాక్టర్‌ బాబూ జగ్జీవన్‌ రామ్‌ భవన్‌లో జిల్లా, తాలూకా పరిపాలన యంత్రాంగం సంయుక్తంగా నిర్వహించిన కార్యక్రమాన్ని ప్రారంభించి ఆయన మాట్లాడారు. ప్రజాసేవ రాష్ట్ర ప్రభుత్వ ప్రతిష్టాత్మక ప్రాజెక్ట్‌ అని, ప్రజా సేవా విభాగం కింద నమోదైన ఫిర్యాదులను నిబంధనల ప్రకారం సక్రమంగా పరిశీలించి, సకాలంలో పరిష్కరించాలన్నారు. సమస్యలపై సంబంధిత అధికారులతో చర్చించి, తక్షణమే పరిష్కారాలు అందించాలని తెలిపారు. చట్టపరమైన చిక్కులు లేదా ఇతర లోపాలు ఉంటే వాటిని సరిదిద్దడానికి తగినంత సమయం ఇచ్చి, పరిష్కరించాలన్నారు. తక్షణమే పరిష్కరించలేని కేసుల్లో తదుపరి చర్యల గురించి తగిన సలహా, మార్గదర్శనం, స్పష్టమైన సమాచారం అందించాలని ఆయన అన్నారు. అధికారులు ప్రజల ఫిర్యాదులపై సానుకూలంగా స్పందించాలన్నారు. అలసత్వ అధికారులపై కఠిన చర్యలు ప్రజలను ఒక కార్యాలయం నుంచి మరో కార్యాలయానికి తిప్పడం లేదా దరఖాస్తులపై స్పందించని అధికారులపై కఠినమైన క్రమశిక్షణా చర్యలు తీసుకుంటామన్నారు. ఈ కార్యక్రమం ద్వారా తమ సమస్యలు పరిష్కారమయ్యాయనే సానుకూల సందేశం బాధిత ప్రజలకు చేరాలన్నారు. ప్రభుత్వమే స్వయంగా ప్రజల ఇంటి వద్దకే వెళ్లి వారి సమస్యలను విని, పరిష్కారం అందించే వాతావరణాన్ని సృష్టించడమే ఈ కార్యక్రమం లక్ష్యం అని ఆయన అన్నారు. ఈ సందర్భంగా జిల్లాధికారి కవిత ఎస్‌.మన్నికేరి తదితరులు పాల్గొన్నారు. ఫిర్యాదులను సత్వరం పరిష్కరించాలి జిల్లా ఇన్‌చార్జి మంత్రి బసవంతప్ప

హొసపేటె: నగర, పరిసర ప్రాంతాల్లో వివిధ శాఖల ఆధ్వర్యంలో చేపట్టిన పలు అభివృద్ధి పనులు, అలాగే ప్రారంభోత్సవానికి సిద్ధంగా ఉన్న పూర్తయిన పథకాలన్నింటినీ ఈనెల 29న ప్రజలకు అంకితం చేయనున్నట్లు ఎమ్మెల్యే హెచ్‌ఆర్‌.గవియప్ప తెలిపారు. నగరంలోని జిల్లాధికారి కార్యాలయ ఆడిటోరియంలో చేపట్టిన వివిధ శాఖల పురోగతిపై సమీక్ష సమావేశానికి అధ్యక్షత వహించి ఆయన మాట్లాడారు. జిల్లా ఇన్‌చార్జి, దేవదాయ, మత్స్య, ఓడరేవులు, అంతర్గత జల రవాణా శాఖ మంత్రి కేఎస్‌ బసవంతప్ప ప్రారంభోత్సవ కార్యక్రమంలో పాల్గొంటారు. పూర్తయిన అభివృద్ధి పథకాలివే.. నగరంలోని అంబేడ్కర్‌ సర్కిల్‌ సమీపంలో పర్యాటక శాఖ అందించిన రూ.5 కోట్ల గ్రాంటుతో వ్యవసాయ పర్యాటక గృహం, విద్యా శాఖ అతిథిగృహం, డీఎంఎఫ్‌ గ్రాంట్‌ కింద రూ.2 కోట్లతో హంపీ కన్నడ వర్సిటీ ఇండోర్‌ స్టేడియం నిర్మాణ పనులు పూర్తయ్యాయి. రూ.12 కోట్ల వ్యయంతో కూరగాయల మార్కెట్‌ ప్రాజెక్ట్‌ కూడా పూర్తయింది. రూ.10 కోట్లతో ఘన వ్యర్థాల నిర్వహణ కేంద్రం మహదేవపుర, కగ్గదాసపురల్లో 15వ ఆర్థిక సంఘం నిధుల కింద రూ.10 కోట్ల వ్యయంతో ఘన వ్యర్థాల నిర్వహణ కేంద్రాన్ని నిర్మించారు. రాష్ట్ర ప్రభుత్వ ప్రత్యేక గ్రాంటు కింద రూ.9 కోట్ల వ్యయంతో కబేళా నిర్మాణం పూర్తయింది. రూ.12 కోట్ల వ్యయంతో తాగునీటి సరఫరా వ్యవస్థ పునరుద్ధరణ, ఉన్నతీకరణ ప్రాజెక్టు కింద యూఎస్‌ఐక్యూఏ, నీటి శుద్ధి యూనిట్‌తో సహా ప్రస్తుత వ్యవస్థను ఉన్నతీకరించే పనులు చేపట్టారు. రూ.65 లక్షల వ్యయంతో ఆరోగ్య శాఖ ఆధ్వర్యంలో వ్యాక్సిన్‌ నిల్వ గది, జిల్లా ఆస్పత్రి నిర్మాణ పనులు పూర్తయ్యాయి. రాష్ట్ర ప్రభుత్వ గ్రాంటు కింద మహదేవపుర సమీపంలో సుమారు రూ.5 కోట్ల వ్యయంతో పోస్ట్‌–మెట్రిక్యులేషన్‌ బాలికల హాస్టల్‌ను నిర్మించారన్నారు. ఈ సందర్భంగా జిల్లాధికారిణి కవిత ఎస్‌.మన్నికేరి, అదనపు డిప్యూటీ కమిషనర్‌ పీఎన్‌ లోకేష్‌ తదితరులు హాజరయ్యారు. ఎమ్మెల్యే హెచ్‌ఆర్‌.గవియప్ప

రాయచూరు రూరల్‌: నగరంలో ప్రత్యేకంగా ఐదో రోజు గణపతులను నిమజ్జనం చేశారు. శుక్రవారం రాత్రి ఐదో రోజు వినాయకుల నిమజ్జనాలను భక్తిశ్రద్ధలతో చేశారు. శనివారం తెల్లవారు జామున జరిగిన ర్యాలీలో ఇద్దరు బాలురు ప్రాణాలను కోల్పోయారు. వీర సావర్కర్‌ వినాయకుడిని కాస్‌బావిలో నిమజ్జనం చేశారు. పోలీసులు గట్టి బందోబస్తును ఏర్పాటు చేశారు. నగరంలోని జహీరాబాద్‌ వద్ద ట్రాక్టర్‌లో వినాయకుడిని తీసుకెళుతున్న సమయంలో అనుకోకుండా ట్రాక్టర్‌ టైర్ల కింద పడి ఇద్దరు బాలురు మరణించారు. మృతులను సుచిత్‌ కుమార్‌(16), చరణ్‌ కుమార్‌ (14)లుగా పోలీసులు గుర్తించారు. ట్రాఫిక్‌ పోలీసులు కేసు నమోదు చేసుకుని దర్యాప్తు చేస్తున్నట్లు సీఐ ఉమేష్‌ కాంబ్లే తెలిపారు. డీజే శబ్ధంతో బాలికకు అస్వస్థత పోలీసులు డీజే శబ్దంతో ఊరేగింపును త్వరిత గతిన పూర్తి చేయాలని ఆదేశించినా గణపతి ట్రస్ట్‌ నిర్వాహకులు రాత్రి 7 గంటల నుంచి తెల్లవారు జాము వరకు మోగించడంతో అర్థ రాత్రి గోల్‌ మార్కెట్‌ నివాసి జైభీమ్‌ వల్లభ అనే చిన్నారి బాలిక ఆ శబ్ధానికి అస్వస్థతకు గురైందని జిల్లాధికారికి ఫిర్యాదు చేయడానికి వెళితే పోలీసులు కేసు స్వీకరణకు నిరాకరించారు. ఈ విషయంపై వీడియోలు వైరలయ్యాయి. ఇద్దరు బాలుర దుర్మరణం

సాక్షి,బళ్లారి: వినాయక చవితిని పురస్కరించుకుని నగరంలోని వివిధ వివిధ కాలనీలు, రోడ్లలో ఏర్పాటు చేసిన దాదాపు వెయ్యికి పైగా వినాయక విగ్రహాలను నిమజ్జనం చేశారు. కొన్ని కాలనీల్లో మూడు రోజుల పాటు పూజలు చేసి వినాయక నిమజ్జనం చేయగా, మరికొన్ని కాలనీల వాసులు ఐదు రోజుల పాటు ప్రత్యేక పూజలు నిర్వహించి శుక్రవారం రాత్రి పొద్దుపోయాక నిమజ్జనం చేశారు. రాత్రంగా నగర పురవీధుల గుండా వినాయక విగ్రహాలను ఘనంగా ఊరేగింపు చేపట్టారు. డీజేలు పెట్టుకుని భక్తి, సినిమాలకు సంబంధించిన పాటలకు నృత్యాలు, డ్యాన్స్‌లు చేస్తూ హోరెత్తించారు. ట్రాక్టర్లు, ఆటోలకు ఘనంగా విద్యుత్‌ దీపాలంకరణలు చేసుకుని, అందులో వినాయకులను కూర్చోబెట్టి ఊరేగించి నగర శివార్లలోని తుంగభద్ర కాలువల్లోకి నిమజ్జనం చేశారు. ఆయా కాలనీల వాసులు పెద్ద సంఖ్యలో జనం చేరి వినాయక విగ్రహాల ఊరేగింపును తిలకించారు. అనంతపురం రోడ్డులోని సెంటినరీ హాల్‌లో ఏర్పాటు చేసిన హిందూ మహాగణపతి మినహా దాదాపు అన్ని విగ్రహాల నిమజ్జనం పూర్తయింది. జిల్లా ఎస్పీ సుమన్‌ పన్నేకర్‌ నేతృత్వంలో గట్టి పోలీసు బందోబస్తు ఏర్పాటు చేశారు. వినూత్న గణేష్‌ విగ్రహాన్ని దర్శించిన ‘గాలి’ నగరంలోని దేవినగర్‌లో వినూత్న తరహాలో ఏర్పాటు చేసిన నరసింహస్వామి ఎత్తుకున్న గణేష్‌ విగ్రహం నగర వాసులను విశేషంగా ఆకట్టుకుంటోంది. గత ఐదు రోజుల నుంచి ప్రత్యేక పూజలు, సాంస్కృతిక కార్యక్రమాలు నిర్వహించారు. ఈనేపథ్యంలో మాజీ ఎమ్మెల్యే గాలి సోమశేఖరరెడ్డి కూడా శనివారం ఆ విగ్రహాన్ని దర్శించుకున్నారు. భీమలింగ, సోమశేఖర్‌, బాషా తదితరులు పాల్గొన్నారు. విజయనగరలో... హొసపేటె: భారీ పోలీసు భద్రత నడుమ విజయనగర జిల్లా వ్యాప్తంగా శుక్రవారం రాత్రి జరిగిన గణేష్‌ నిమజ్జన కార్యక్రమం 5వ రోజు చిన్నపాటి సంఘటనలు మినహా ప్రశాంతంగా ముగిసింది. జిల్లా కేంద్రమైన హొసపేటె నగరంతో సహా జిల్లా వ్యాప్తంగా శుక్రవారం సాయంత్రం నుంచి రాత్రి వరకు మొత్తం 674 గణేశ్‌ విగ్రహాలను నిమజ్జనం చేశారు. నగర పరిధిలో ప్రతిష్టించిన 124 గణేశ్‌ విగ్రహాలను నిమజ్జనానికి తరలించారు. సాయంత్రం నుంచి రాత్రి వరకు గణేశ్‌ విగ్రహాలను నగరంలోని ప్రధాన రహదారుల గుండా ఊరేగింపుగా తీసుకువెళ్లి నిమజ్జనం చేశారు. కొన్ని గణేశ్‌ విగ్రహాలను నగర ప్రధాన రహదారి గుండా రైల్వే స్టేషన్‌ రోడ్డులోని పవర్‌ కెనాల్‌లో నిమజ్జనం చేశారు. నగరంలోని చిత్తవాడిగి, సండూరు రోడ్‌, జంబునాథ రోడ్‌, బళ్లారి రోడ్‌, హరిహర రోడ్లలో ఉన్న హెచ్‌ఎల్‌సీలో నిమజ్జనం చేశారు. ఎమ్మెల్యే గవియప్ప పూజలు 5వ రోజు గణేష్‌ నిమజ్జనం నేపథ్యంలో ఎమ్మెల్యే హెచ్‌ఆర్‌.గవియప్ప శుక్రవారం రాత్రి ప్రధాన మసీదును సందర్శించి గణేష్‌ విగ్రహానికి హారతినిచ్చారు. మహిళలు, యువతీయువకులు, వృద్ధులు గణేష్‌ నిమజ్జన ఊరేగింపులో చేరి డీజే సంగీతానికి అనుగుణంగా చిందులు వేశారు. ఊరేగింపు జరుగుతున్న ప్రధాన రహదారిపై ఉన్న మసీదు సమీపంలో ఊరేగింపును వీక్షించడానికి పెద్ద సంఖ్యలో ప్రజలు గుమిగూడారు. జైజై గణేశా.. బైబై గణేశా హోరెత్తిన ఊరేగింపు సంబరాలు

బనశంకరి: రేవు నగరి మంగళూరులో శుక్రవారం కేబినెట్‌ సమావేశం జరిపిన సీఎం డీకే.శివకుమార్‌ శనివారం ఉదయం స్థానిక చేపల ఓడరేవులో ఆకస్మికంగా పర్యటించారు. రకరకాల చేపలను చూసి వాటి ధర వివరాలు తెలుసుకున్నారు. ఉదయం 6 గంటలకు కొందరు మంత్రులు, ఎమ్మెల్యేలతో కలిసి చేపల పడవల బందరుకు దారితీశారు. పడవలకు స్థలం కావాలి మత్య్సకారుల బోటులో ప్రయాణించి ఓడరేవులో చేపట్టాల్సిన అభివృద్ధి గురించి చర్చించారు. 200 బోట్లను నిలపడానికి సౌకర్యాలు ఉన్నాయి, ఫాల్గుణి, నేత్రావతి నదులు అరేబియా సముద్రంలో కలిసే సంగమంలో కొత్త డాక్‌లను చేస్తే ఎక్కువ పడవలను నిలపవచ్చని మత్స్యకార సంఘాల నేతలు విన్నవించారు. ఓడలు సజావుగా రాకపోకలు సాగించడానికి మార్కింగ్‌లు వేయాలని అధికారులకు సీఎం ఆదేశించారు. చేపల రేవులో కార్యకలాపాలు చాలా తక్కువగా ఉండడంపై సీఎం ఆశ్చర్యం వ్యక్తంచేశారు. కారణాలు ఏమిటనేది తనకు నివేదిక ఇవ్వాలని జిల్లా కలెక్టర్‌, నగర కమిషనర్‌ ను ఆదేశించారు. దీనికి అధికారులు కారణమైతే వారిని సస్పెండ్‌ చేస్తానన్నారు. కరావళి దేశ సంపద అని, దీనిని మనం కాపాడుకోవాలని తెలిపారు. కస్తూరి రంగన్‌ నివేదికపై త్వరలో అసెంబ్లీలో చర్చిస్తామని, ఈ ప్రాంత ప్రజల అభిప్రాయం సేకరిస్తామని తెలిపారు. ఆ తరువాత కేంద్ర నోటిఫికేషన్‌పై కఠిన నిర్ణయం తీసుకుంటామన్నారు. మంగళూరు రేవులో సీఎం డీకే ఆకస్మిక పర్యటన మత్స్య సంపద పరిశీలన

బళ్లారిటౌన్‌: నగరంలోని వాజ్‌పేయి లే అవుట్‌ వెనుక భాగంలోని శివసాయి టౌన్‌షిప్‌ నుంచి స్టాండర్డ్‌ ఇన్‌ఫ్రా వరకు వేసిన సీసీ రోడ్డు నిర్మాణం మూణ్నాళ్ల ముచ్చటగా మారింది. రోడ్లు వేసి నాలుగైదు నెలలు కూడా కాకముందే సీసీ రోడ్లు బీటలు వారడంతో స్థానికుల్లో అసంతృప్తి నెలకొంది. ఈ పనులను వర్ష పీడిత పథకంలో 2022లో ఆమోదం లభించింది. మూడేళ్లుగా పనులు చేయక పోగా నాలుగు నెలల క్రితం పనులు పూర్తి చేశారు. గ్రామీణ ఎమ్మెల్యే నాగేంద్ర చొరవతో ఈ రోడ్ల పనులకు నిధులు మంజూరు చేశారు. ఈ పనులను ల్యాండ్‌ ఆర్మీకి అప్పగించారు. అయితే రోడ్లలో అండర్‌ గ్రౌండ్‌ డ్రైనేజీ(యూజీడీ) పైప్‌లైన్‌ పనులను చేపట్టి చాంబర్లను రోడ్డు కన్నా ఎత్తులో పలు చోట్ల నిర్మించి వాహన రాకపోకలకు ఆటంకం కల్గించడంతో పాటు యూజీడీ పనులు అర్థంతరంగా నిలిచిపోవడంపై స్థానికులు ఆగ్రహం వ్యక్తం చేస్తున్నారు. దేవుడు వరమిచ్చినా పూజారి వరమివ్వలేదన్న చందంగా ఈ పనులు నాసిరకంగా పూర్తి చేయడంపై స్థానికులు అధికారులు, పాలకులు, కాంట్రాక్టర్‌ తీరును విమర్శిస్తున్నారు. కొన్ని నెలలకే రోడ్లు బీటలు వారిన వైనం రోడ్డు మధ్యలో ఎత్తుగా యూజీడీ చాంబర్లు

శివమొగ్గ: పశ్చిమ కనుమల సంరక్షణపై కస్తూరి రంగన్‌ నివేదికపై రైతులతో చర్చించేందుకు శనివారం తీర్థహళ్లి పట్టణంలో నిర్వహించిన ప్రభుత్వ కార్యక్రమంలో, వందేమాతరం గీతంలో రెండు చరణాలే పాడటంపై గందరగోళం తలెత్తింది. ఈ కార్యక్రమంలో ముఖ్యమంత్రి డీకే శివకుమార్‌తో పాటు పలువురు ప్రజాప్రతినిధులు, అధికారులు, కాంగ్రెస్‌–బీజేపీ కార్యకర్తలు పాల్గొన్నారు. వేదికపై ఉన్న బీజేపీ ఎమ్మెల్యే చన్నబసప్ప, గాయకులు వందేమాతరం గీతాన్ని కేవలం రెండు చరణాల్లో పాడడాన్ని వ్యతిరేకించారు. సాగర్‌ ఎమ్మెల్యే బేలూరు గోపాలకృష్ణ వెంటనే ఆయనను నిలదీశారు. దీంతో వేదికపై కొంతసేపు ఉద్రిక్త వాతావరణం నెలకొంది. కాంగ్రెస్‌ నాయకులందరూ వేదికపై చన్నబసప్పను చుట్టుముట్టి, ఆయన మాట్లాడకుండా అడ్డుకున్నారు. కాంగ్రెస్‌ కార్యకర్తలు చన్నబసప్పకు వ్యతిరేకంగా నినాదాలు చేశారు. ఈలోగా, కాంగ్రెస్‌ నాయకుడు హెచ్‌.సి.యోగీష్‌ వేదికపైకి వచ్చి సీఎం డీకేకి అనుకూలంగా నినాదాలు చేశారు. దీంతో మరింత సందోహం నెలకొంది. రెండే చరణాలపై బీజేపీ ఎమ్మెల్యే ఆగ్రహం

రాయచూరు రూరల్‌: కర్ణాటకలో అత్యంత హృదయ విదారకమైన ఘోరం వెలుగుచూసింది. పొలంలో ఓ వివాహిత హత్యకు గురికాగా మృతదేహంపై చిన్నారి విలపిస్తోంది. తన తల్లి ఎందుకు అలా పడి ఉందో తెలియక, పాల కోసం రోదిస్తూ ఉంది. రాయచూరు జిల్లా సింధనూరు తాలూకాలో ఆర్‌హెచ్‌ క్యాంపు సమీపంలో ఈ ఘటన జరిగింది. మృతురాలిని స్నేహ అమిత్‌ (26)గా గుర్తించారు. ఏడాదిన్నర కుమార్తె మేఘనను మృతదేహంపై పడుకోబెట్టి హంతకులు పరారయ్యారు. బాలిక ఏడుపుతో హత్య వెలుగులోకి వచ్చింది. స్నేహ తల, గొంతులో కత్తితో పొడిచి చంపినట్లు ఆనవాళ్లున్నాయి. సింధనూరు గ్రామీణ పోలీస్‌ స్టేషన్‌ సీఐ వినాయక్, డీఎస్పీ చంద్రశేఖర్‌ నాయక్‌ ఘటనాస్థలిని పరిశీలించారు. స్నేహకు అమిత్‌ అనే యువకుడితో 3 ఏళ్ల కిందట పెళ్లయినట్లు తెలుస్తోంది. అమిత్‌తో పాటు ఆమె స్నేహితుడు శుభం అనే అతడిని పోలీసులు అదుపులోకి తీసుకున్నట్లు తెలుస్తోంది. వీరు ఉత్తరాది నుంచి కూలి పనుల కోసం వలస వచ్చారని సమాచారం. వివాహేతర సంబంధమే హత్యకు దారి తీసినట్లు పోలీసులు అనుమానిస్తున్నారు.

కర్ణాటకలోని చిక్కబళ్లాపుర్ జిల్లాలో 7వ తరగతి విద్యార్థుల ప్రాథమిక అభ్యసన స్థాయిపై నిర్వహించిన పరీక్షల్లో ఆందోళనకర అంశాలు వెలుగుచూశాయి. కొంతమంది విద్యార్థులకు సాధారణ కన్నడ అక్షరాలు రాయడం, కూడికలు, తీసివేతలు చేయడం కూడా కష్టంగా ఉన్నట్లు గుర్తించారు. దీంతో 180 మంది ప్రభుత్వ పాఠశాల ఉపాధ్యాయులకు వివరణ కోరుతూ నోటీసులు జారీ చేశారు.చిక్కబళ్లాపుర్ నియోజకవర్గంలోని పలు ప్రభుత్వ ప్రాథమిక పాఠశాలలను ఎమ్మెల్యే ప్రదీప్ ఈశ్వర్ ఆకస్మికంగా తనిఖీ చేశారు. ఈ సందర్భంగా కొంతమంది 7వ తరగతి విద్యార్థులు సాధారణ గణిత సమస్యలను పరిష్కరించలేకపోవడం, కన్నడ అక్షరాలను రాయలేకపోవడం ఆయన దృష్టికి వచ్చింది. దీనిపై సెప్టెంబర్ 4న విద్యాశాఖ అధికారులకు లేఖ రాసి చర్యలు తీసుకోవాలని కోరారు.ఆ తర్వాత చిక్కబళ్లాపుర్ తాలూకాలోని ప్రభుత్వ, ఎయిడెడ్ ప్రాథమిక పాఠశాలల్లో 7వ తరగతి విద్యార్థుల సామర్థ్యాన్ని విద్యా సమన్వయకర్తలు, బ్లాక్ రిసోర్స్ పర్సన్స్, క్లస్టర్ రిసోర్స్ పర్సన్స్ పరీక్షించారు. ఆశించిన కనీస అభ్యసన స్థాయికి చాలా వెనుకబడిన విద్యార్థులను గుర్తించి, వారి పేర్లతో పాటు గత తరగతుల్లో వారికి బోధించిన ఉపాధ్యాయుల వివరాలను విద్యాశాఖకు అందించారు.సెప్టెంబర్ 15న చిక్కబళ్లాపుర్ బ్లాక్ ఎడ్యుకేషన్ ఆఫీసర్ కార్యాలయం నుంచి ఉపాధ్యాయులకు నోటీసులు జారీ అయ్యాయి. విద్యార్థులు ఆశించిన ప్రాథమిక అభ్యసన స్థాయిని ఎందుకు చేరుకోలేకపోయారో వివరణ ఇవ్వాలని అందులో కోరారు. నోటీసు అందుకున్న మూడు రోజుల్లో ఆధారాలతో కూడిన లిఖితపూర్వక సమాధానం ఇవ్వాలని ఆదేశించారు. సమాధానాలను పరిశీలించిన తర్వాత నిబంధనల ప్రకారం తదుపరి క్రమశిక్షణ చర్యలు తీసుకునే అవకాశం ఉందని పేర్కొన్నారు.ప్రభుత్వం విద్యార్థుల అభ్యసన ఫలితాలను మెరుగుపరిచేందుకు పలు పథకాలు అమలు చేస్తున్నప్పటికీ, నిర్ణీత సమయంలో అవసరమైన విద్యను అందించడంలో విఫలమైతే ఆ కార్యక్రమాల లక్ష్యాలు దెబ్బతింటాయని విద్యాశాఖ నోటీసులో పేర్కొంది. ఉపాధ్యాయుల వివరణల పరిశీలన అనంతరం తదుపరి చర్యలపై నిర్ణయం తీసుకోనున్నారు.

రాయచూర్‌: కర్ణాటకలోని రాయచూర్‌ జిల్లాలో దారుణ ఘటన చోటుచేసుకుంది. ఓ మహిళను రాళ్లతో కొట్టి హత్య చేసి.. అనంతరం ఆమె ఏడాదిన్నర వయసున్న కుమార్తెను మృతదేహంపై ఉంచి నిందితులు అక్కడి నుంచి వెళ్లిపోయారు. సింధనూరు సబ్‌ డివిజన్‌ పరిధిలోని ఆర్‌హెచ్‌ క్యాంప్‌-5లో ఈ ఘటన వెలుగుచూసింది. మృతురాలిని ఆర్‌హెచ్‌ క్యాంప్‌-4కు చెందిన స్నేహగా గుర్తించారు. గ్రామ శివారులోని ఓ పొలంలో ఆమె మృతదేహాన్ని గుర్తించారు.స్థానికులు అక్కడికి చేరుకునే సమయానికి.. ఆ చిన్నారి.. తల్లి మృతదేహాన్ని పట్టుకుని ఏడుస్తూ కనిపించింది. సమాచారం అందుకున్న సింధనూరు రూరల్‌ పోలీసులు ఘటనాస్థలానికి చేరుకుని దర్యాప్తు ప్రారంభించారు. పోలీసులు ఘటనాస్థలానికి చేరుకునే సమయానికి స్నేహ ఇంకా ఊపిరితోనే ఉంది. తీవ్ర గాయాలతో ఉన్న ఆమెను ఆస్పత్రికి తరలించగా.. చికిత్స పొందుతూ మృతి చెందింది.ఈ కేసులో ఇద్దరు అనుమానితులను పోలీసులు అదుపులోకి తీసుకున్నారు. వారిలో స్నేహ భర్త అమిత్, ఆమెతో వివాహేతర సంబంధం ఉన్నట్లు అనుమానిస్తున్న మరో వ్యక్తి శుభమ్ ఉన్నారు. అమిత్‌తో స్నేహకు నాలుగేళ్ల క్రితం వివాహం జరిగింది. గత నాలుగు నెలలుగా శుభమ్‌తో ఆమెకు వివాహేతర సంబంధం ఉన్నట్లు ప్రాథమిక దర్యాప్తులో తేలినట్లు సమాచారం. అసలు ఆమెను ఎవరు హత్య చేశారు? కారణమేంటి? అనే కోణాల్లో పోలీసులు ఆ ఇద్దరినీ విచారిస్తున్నారు.ఇదీ చదవండి: భార్యను లాడ్జికి తీసుకెళ్లి..

బళ్లారి రూరల్‌: వేతనాలు ఇవ్వకుంటే ఎలా బతకాలి? అని వేడి భోజన కార్మికులు ఆగ్రహం వ్యక్తం చేశారు. కర్ణాటక రాష్ట్ర సంయుక్త అక్షర దాసోహ కార్మిక సంఘం, ఏఐయుటీయుసీ ఆద్వర్యంలో శుక్రవారం జెడ్పీ కార్యాలయం ముందు ధర్నా చేపట్టారు. ఈ సందర్భంగా సంఘ జిల్లా ప్రముఖుడు జి.సురేశ్‌ మాట్లాడుతూ.. లక్షలాది మంది కార్మికుల జీవనం దుర్భరంగా మారిందని తెలిపారు. ఒంటరి మహిళలు, తల్లులు, కుటుంబ పోషణకు అష్టకష్టాలు పడుతున్నారన్నారు. రెండు నెలలుగా వేతనాలు ఇవ్వకపోవడంతో జీవనం కష్టంగా మారిందన్నారు. వేడి భోజన కార్మికుల వేతనాలు పెంచి ప్రధానోపాధ్యాయుల ఖాతాలో కాకుండా నేరుగా కార్మికుల ఖాతాలోనే వేతనాలు జమ చేయాలని కోరారు. ఏళ్ల తరబడి బాకీ ఉన్న కోడిగుడ్ల బకాయిలు వెంటనే చెల్లించాలని డిమాండ్‌ చేశారు. సమస్యలు పరిష్కరించి, వేతనాలు పెంచాలని సూచించారు. ప్రతిఘటనలో భాగంగా తాలూకా కార్యాలయం నుంచి జెడ్పీ కార్యాలయం వరకూ ర్యాలీ నిర్వహించారు. ఈ ప్రతిఘటనలో రాష్ట్రఅధ్యక్షలు ఎ.శాంత,కార్యదర్శి సంధ్యా పి.ఎస్‌.కార్మికులు పాల్గొన్నారు.

బళ్లారి రూరల్‌: అల్లం సుమంగళమ్మ స్మారక మహిళా కళాశాలలో ఈనెల 21 నుంచి రెండు రోజుల పాటు సువర్ణ మహోత్సవాలు నిర్వహిస్తామని వీవీ సంఘం కోశాధికారి బైలువద్దిగేరి ఎర్రిస్వామి తెలిపారు. శుక్రవారం వీవీ సంఘం పాలనా భవన్‌లో ఏర్పాటు చేసిన విలేకరుల సమావేశం నిర్వహించారు. కళాశాల పాలక మండలి అధ్యక్షుడు కాత్యాయిని మరిదేవయ్య మాట్లాడుతూ.. అల్లం సుమంగళమ్మ మహిళా స్మారక కళాశాల 1969లో కేవలం 164 మంది విద్యార్థులతో ప్రారంభించినట్లు తెలిపారు. ఇప్పుడు 2,500 మంది విద్యార్థులు విద్యాభ్యాసం చేస్తున్నట్లు పేర్కొన్నారు. ఉజ్జయిని సమర్థ సింహాసనాధీశుడు జగద్గురు సిద్దలింగ రాజదేశకేంద్ర శివాచార్య భగవత్పాద మహాస్వామి, ఎమ్మిగనూరు గురుమహంతర సంస్థాన పీఠాధిపతి, గురు వామదేవ మహంత శివాచార్య, బళ్లారి ఎంపీ తుకారాం తదితరులు అతిథులుగా హాజరవుతారని వెల్లడించారు. సమావేశంలో వీవీ సంఘం కార్యదర్శి యాల్పిమేటి పంపనగౌడ, జి.ఎం.పార్వతీశ, ప్రిన్సిపాల్‌ గోవిందరాజులు, దూపల సతీష్‌ పాల్గొన్నారు.

రాయచూరు రూరల్‌: పిల్లలకు ఉజ్వల భవిష్యత్తు అందించేందుకు ఉపాధ్యాయులు కృషి చేయాలని సేడం తాలూకా విద్యాశాఖ అధికారి మారుతి సూచించారు. శుక్రవారం యాదగిరి జిల్లా గురుమిట్కల్‌ తాలూకా మోతకపల్లిలోని ప్రభుత్వ ఉన్నత పాఠశాల (సర్కారీ హైస్కూల్‌) ఉపాధ్యాయులకు పురస్కారాలు ప్రదానం చేశారు. ఈ సందర్భంగా ఆయన మాట్లాడుతూ.. విధులు నిర్వహించే ప్రతి ఉపాధ్యాయుడు పిల్లల సంక్షేమం, విద్యాభివృద్ధి కోసం నిరంతరం పాటుపడాలని పిలుపునిచ్చారు. విద్యార్థులు కూడా చక్కగా చదువుకుని ఉన్నత స్థాయికి చేరుకోవాలన్నారు. అనంతరం ఉత్తమ ఉపాధ్యాయులను అవార్డులతో సన్మానించారు. కార్యక్రమంలో మహదేవప్ప, టీపీఈఓ సయ్యద్‌ పటేల్‌, అక్షర దాసోహ అధికారి ఉమాపతి రాజు, అరవింద్‌, అశోక్‌ రెడ్డి, సంతోష్‌ కుమార్‌, నారాయణ రెడ్డి, శివశరణప్ప, రాజేంద్ర కుమార్‌, మహబూబ్‌ చండ్రకి, బషీర్‌ అహ్మద్‌, చెన్నవీరయ్య, వెంకటేష్‌, నిర్మల తదితరులు పాల్గొన్నారు.

దొడ్డబళ్లాపురం: అధికార దుర్వినియోగం ఆరోపణల నేపథ్యంలో బాగలకోటె డీహెచ్‌ఓ డాక్టర్‌ రాజ్‌కుమార్‌ను ప్రభుత్వం సస్పెండ్‌ చేస్తూ ఆదేశాలు జారీ చేసింది. విధులకు సరిగా హాజరు కాకపోవడం, ప్రభుత్వ ఆదేశాలను నిర్లక్ష్యం చేయడం, అధికార దుర్వినియోగం, అనుచిత ప్రవర్తన, ముఖ్యంగా ప్రభుత్వ వైద్యాధికారిగా ఉన్న ఆయన కుమార్తె డాక్టర్‌ అంకితా యరగల్‌ విధులకు హాజరు కాకుండా ఎండీ చదువుతుండగా ఆమెకు వేతనాలు ఇచ్చినట్టు అనేక ఆరోపణలు రావడంతో ఆరోగ్య శాఖ కమిషనర్‌ గురుదత్త హెగ్డే సస్పెండ్‌ చేస్తూ ఆదేశాలు ఇచ్చారు. కన్నతల్లిని కడతేర్చిన కసాయిదొడ్డబళ్లాపురం: తాగిన మత్తులో ఒక కసాయి కుమారుడు కన్న తల్లిని కడతేర్చిన ఘటన దావణగెరె తాలూకా ఆరనేకల్లు గ్రామంలో వెలుగు చూసింది. ప్రేమ(60) అనే మహిళను ఆమె కుమారుడు ఆనంద్‌ హత్య చేశాడు. గురువారం రాత్రి పీకలదాకా మద్యం తాగి వచ్చిన ఆనంద్‌ తల్లితో గొడవపడి ఆమె తలను గోడకేసి కొట్టి చంపాడు. హదడి పోలీసులు కేసు నమోదు చేసుకుని నిందితుడిని అరెస్టు చేశారు. మహిళా టెక్కీ విషాదాంతం● వంతెనపై నుంచి అండర్‌పాస్‌లోకి దూసుకొచ్చిన కారు మండ్య: మండ్య జిల్లా కేంద్రం సమీపంలో జరిగిన ఘోర రోడ్డు ప్రమాదంలో ఒక మహిళ టెక్కీ మృతి చెందగా, మరో ఇద్దరు గాయపడ్డారు. బెంగళూరులోని ఆర్‌.ఆర్‌.నగర్‌కు చెందిన అంజన (32), హరీష్‌ దంపతులు సాఫ్ట్‌వేర్‌ ఇంజినీర్లుగా ఉన్నారు. బెంగళూరు, మైసూరులలో సొంతంగా సాఫ్ట్‌వేర్‌ కంపెనీలు నిర్వహిస్తున్నారు. ఈ నేపథ్యంలో, అంజన మైసూరులోని తన కంపెనీ ఉద్యోగి నితిన్‌, భర్తతో కలిసి కారులో ప్రయాణిస్తోంది. మండ్యకు ఐదు కిలోమీటర్ల దూరంలో ఉమ్మదహళ్లి గేట్‌ సమీపంలో కారు అదుపు తప్పి డివైడర్‌ను ఢీకొట్టి వంతెన పైనుంచి అండర్‌పాస్‌లోకి దూసుకెళ్లింది. కారు కిటికీ తెరుచుకోవడంతో వెనుక సీట్‌లో ఉన్న అంజన కింద పడిపోయింది. తల రోడ్డుకు తగలడంతో తీవ్రంగా రక్తస్రావమైంది. ఆమెను వెంటనే ఆసుపత్రికి తీసుకెళ్లడానికి ప్రయత్నించినా ఫలితం లేకపోయింది. గాయపడిన హరీష్‌, నితిన్‌ను మిమ్స్‌ ఆసుపత్రిలో చేర్పించారు. కేసు దర్యాప్తులో ఉంది. బాలుడి కిడ్నాప్‌.. హత్య దొడ్డబళ్లాపురం: బాలుడిని కిడ్నాప్‌ చేసి హత్యకు పాల్పడిన దారుణ సంఘటన బెంగళూరు చిక్కజాలలో చోటు చేసుకుంది. యలహంకలోని వినాయకనగర్‌లో బాలుడు ప్రజ్వల్‌(13) కుటుంబం నివాసం ఉంటటోంది. పక్కనే భాస్కర్‌రెడ్డి అనే వ్యక్తి కుటుంబం ఉంటోంది. రెండు కుటుంబాలూ ఆర్థికంగా బాగున్నాయి. ఒకరి ఇళ్లకు మరొకరు వెళ్లి పలకరించుకునేవారు. ప్రజ్వల్‌ తండ్రి మనోహర్‌ రియల్‌ ఎస్టేట్‌, ఫైనాన్స్‌ వ్యాపారం చేసేవాడు. ప్రజ్వల్‌కి కార్లంటే మోజు. ఈ విషయం తెలిసిన భాస్కర్‌ రెడ్డి ఈనెల 16న కారులో వెళ్లి గణపతి పండగకు టపాసులు తెద్దామని పిలుచుకెళ్లాడు. మద్యం మత్తులో ఉన్న భాస్కర్‌ రెడ్డి ప్రజ్వల్‌తో ఒక వీడియో తీయించి రూ.కోటి డబ్బు ఇవ్వాలని, లేకుంటే ప్రజ్వల్‌ను చంపేస్తానని ప్రజ్వల్‌ తండ్రిని బెదిరించాడు. భాస్కర్‌ రెడ్డికి కాల్‌ చేసి ఇలాంటి పనులు చేయవద్దని, వెంటనే ప్రజ్వల్‌ను తీసుకుని వచ్చేయాలని కోరారు. తక్షణం నిందితుడిని వెదకడానికి బయలుదేరారు. సిమెంట్‌ ఇటుకతో తలపై కొట్టి.. ప్లాన్‌ ఫ్లాప్‌ అయిందని భయపడ్డ భాస్కర్‌ రెడ్డి కారులోనే ప్రజ్వల్‌ను సిమెంట్‌ ఇటుకతో తలపై కొట్టి హత్య చేసి శవాన్ని కారు డిక్కీలో వేసుకుని ఆంధ్రప్రదేశ్‌కి పారిపోవాలని నిర్ణయించుకున్నాడు. ఈ ప్రయత్నంలో భాగంగా కారులో వేగంగా వెళ్తూ బళ్లారి రోడ్డులో ఇతర వాహనాలను ఢీకొన్నాడు. దీంతో వాహనదారులు అతడిని పట్టుకుని చితకబాదారు. పోలీసులు అక్కడకు చేరుకుని కారును పరిశీలించగా ప్రజ్వల్‌ మృతదేహం కనిపించింది. ప్రమాదంలో చనిపోయాడని నమ్మించాలని చూసినా పోలీసులు ప్రజ్వల్‌ తలపై అయిన బలమైన గాయం చూసి హత్యగా తేల్చారు. వెంటనే భాస్కర్‌ రెడ్డిని అరెస్టు చేశారు. అతనికి సహకరించిన ఏడుకొండలు అనే వ్యక్తి పరారీలో ఉన్నాడు. చిక్కజాల పోలీసులు కేసుదర్యాప్తు చేస్తున్నారు.

హోసూరు: ఎంఎస్‌ఎంఈ సంగమం లఘు ఉద్యోగ్‌ భారత్‌ తమిళనాడు సంస్థ ద్వారా చిన్న, సన్నకారు పరిశ్రమల్లో ఉత్పత్తి చేస్తున్న వస్తువుల ప్రదర్శనను హోసూరు ఎమ్మెల్యే పి.బాలకృష్ణారెడ్డి శుక్రవారం ప్రారంభించారు. హోసూరు పారిశ్రామికవాడ మూకొండపల్లిలోని హిల్స్‌ హోటల్‌లో రెండు రోజుల పాటు ప్రదర్శన కొనసాగుతుంది. ఈ సందర్భంగా ఎమ్మెల్యే మాట్లాడుతూ.. పారిశ్రామిక రంగంలో హోసూరు మహా నగరం ప్రపంచ స్థాయికి ఎదిగిందన్నారు. చిన్న, సన్నకారు పరిశ్రమల ప్రోత్సాహంతోనే పెద్ద పెద్ద పరిశ్రమలు ఆదరణ పొందుతున్నాయని గుర్తు చేశారు. ఎంఎస్‌ఎంఈ సంగమం ద్వారా ఉత్పత్తుల అమ్మకదారులు, కొనుగోలుదారులను ఒక తాటిపైకి తీసుకొచ్చి యువతకు ఉద్యోగ అవకాశాలు కల్పించడమే లక్ష్యమన్నారు. తమిళనాడు, పాండిచ్చేరి, కేరళ, కర్ణాటక, ఆంధ్ర, తెలంగాణా రాష్ట్రాలకు చెందిన చిన్న, సన్నకారు పరిశ్రమలు ఉత్పత్తి చేసిన వస్తువులను ప్రదర్శనలో ఉంచారు. హోసూరు, చుట్టుపక్కల ప్రాంతాల నుంచి తరలివచ్చిన వేలాది మంది ఈ ప్రదర్శనను తిలకించారు.

హొసపేటె: విజయనగర జిల్లా సమగ్రాభివృద్ధికి ప్రభుత్వం కట్టుబడి ఉందని జిల్లా ఇన్‌చార్జ్‌ మంత్రి కేఎస్‌.బసవంతప్ప తెలిపారు. శుక్రవారం జిల్లా స్టేడియంలో విజయనగర జిల్లా యంత్రాంగం ఆధ్వర్యంలో కళ్యాణ కర్ణాటక ఏకీకరణ దినోత్సవం నిర్వహించారు. ఈ సందర్భంగా మంత్రి మాట్లాడుతూ.. నిజాం నిరంకుశ, దౌర్జన్య పాలన నుంచి హైదరాబాద్‌కు స్వాతంత్య్రం వచ్చి 79 సంవత్సరాలు పూర్తయిన సందర్భంగా ఉత్సవాలు జరుపుకుంటున్నామన్నారు. 1947 ఆగస్టు 15న యావత్‌ దేశం బ్రిటిష్‌ పాలన నుంచి స్వాతంత్య్రం పొందినప్పటికీ నిజాం పాలనలో ఉన్న కల్బుర్గి, బీదర్‌, రాయచూర్‌, కొప్పల్‌, యాద్గిర్‌, బళ్లారి ప్రాంతాల ప్రజలకు స్వాతంత్య్రం లభించలేదని తెలిపారు. స్వామి రామానంద తీర్థ నాయకత్వంలో ఈ ప్రాంత ప్రజలు భారత యూనియన్‌లో విలీనం కావాలనే లక్ష్యంతో పోరాటం చేశారని పేర్కొన్నారు. ప్రాణాలను లెక్క చేయకుండా పోరాడిన స్వామి రామానంద తీర్థ, డాక్టర్‌ మేల్కోటే, అన్నదానయ్య పురాణిక్‌, ప్రభురాజ్‌ పాటిల్‌, శివమూర్తిస్వామ అలవంది, డాక్టర్‌.చర్చి, అలవంధర్‌, భీమాసేన రావు, శ్రీనివాసచార్‌, హనుమంతరావు తదితరుల త్యాగాలను స్మరించుకున్నారు.

రాయచూరు రూరల్‌: గణపతి ఉత్సవాలను మతాలకు అతీతంగా జరుపుకోవాలని కిల్లే బ్రహన్మఠం పీఠాధిపతి శాంతమల్ల శివాచార్యులు సూచించారు. శుక్రవారం నగరంలో కిల్లే మఠం వద్ద కేసరి గజానన యువక మండలి వారు ప్రతిష్టించిన గణపతికి పూజలు చేశారు. అనంతరం భక్తులకు ప్రసాదం పంపీణీ చేశారు.కార్యక్రమంలో నగర సభ మాజీ సభ్యులుడు దరూర్‌ బసవరాజ్‌, ప్రశాంతి, సత్యనారాయణ, సతీష్‌, కాశీ, దారాసింగ్‌, పురుషోత్తం ఇనాన్ని, గురుస్వామి, ఈరణ్ణ, నాగరాజ్‌, సంతోష్‌ తదితరులు పాల్గొన్నారు. తరగతుల బహిష్కరణ రాయచూరు రూరల్‌: లింగసూగూరు తాలూకా హట్టి పరిధిలోని ఒక ప్రైవేట్‌ పాఠశాల విద్యార్థులు శుక్రవారం తరగతులను బహిష్కరించి, పాఠశాల పాలక మండలికి వ్యతిరేకంగా ఆందోళన చేపట్టారు. గత కొంతకాలంగా పాఠశాలలో పని చేస్తున్న ఉపాధ్యాయులకు యాజమాన్యం వేతనాలు చెల్లించకపోవడంతో వారు విధులకు గైర్హాజరయ్యారు. పాఠాలు బోధించే వారు లేకపోవడంతో ఆగ్రహించిన విద్యార్థులు రోడ్డుపైకి వచ్చి నిరసన తెలిపారు. మేము వేలకు వేలు ఫీజులు, డొనేషన్లు చెల్లిస్తున్నప్పుడు ఉపాధ్యాయులకు జీతాలు ఎందుకు ఇవ్వడం లేదు? అని విద్యార్థులు యాజమాన్యాన్ని నిలదీశారు. పాఠాలు చెప్పే గురువులు లేకపోతే తమ భవిష్యత్తు ఏం కావాలని ఆవేదన వ్యక్తం చేశారు. తక్షణమే ఉపాధ్యాయులకు వేతనాలు చెల్లించి తరగతులకు వచ్చేలా చూడాలని కోరారు. వాహనం ఢీకొని కార్మికుడు మృతి హోసూరు: హోసూరు–బెంగళూరు జాతీయ రహదారిపై నడచి వెళ్తున్న కార్మికుడిని గుర్తు తెలియని వాహనం ఢీకొట్టింది. ఈ ఘటనలో బీహార్‌ వాసి మృతి చెందాడు. వివరాలు.. బీహర్‌కు చెందిన విజయ్‌ కుమార్‌ (35). హోసూరులో నివాసముంటూ భవన నిర్మాణ పనులు చేసుకుంటూ జీవనం సాగిస్తున్నాడు. గురువారం రాత్రి హోసూరు–బెంగళూరు జాతీయ రహదారిపై ముత్తుమారెమ్మ ఆలయం వద్ద నడుచుకుని వెళ్తుండగా.. ఆ మార్గంలో వచ్చిన గుర్తు తెలియని వాహనం ఢీకొట్టి వెళ్లిపోయింది. ఈ ప్రమాదంలో తీవ్రంగా గాయపడిన విజయ్‌ కుమార్‌ ఘటనా స్థలంలోనే మృతి చెందాడు. విషయం తెలుసుకున్న సిఫ్‌కాట్‌ పోలీసులు ఘటనా స్థలానికి చేరుకుని పరిశీలించారు. పోస్టుమార్టం నిమిత్తం మృతదేహాన్ని ఆస్పత్రికి తరలించారు. కేసు నమోదు చేసుకుని విచారణ జరుపుతున్నారు. నేడు గోకులాష్టమి కోలారు: ముళబాగిలు నగరం విరూపాక్షి రోడ్డులో ఉన్న గోకుల నగర్‌లో శ్రీ నందగోకుల యాదవ సంఘం ఆధ్వర్యంలో 34వ గోకులాష్టమి కార్యక్రమాన్ని శనివారం ఉదయం 10.30 గంటగలకు ఏర్పాటు చేసినట్లు తాలూకా యాదవ సంఘం అధ్యక్షుడు నాగమంగల శంకరప్ప తెలిపారు. చిత్రదుర్గ మూలమఠం యాదవ సంస్థాన శ్రీ మాదవ నంద స్వామీజి సాన్నిధ్యంలో కార్యక్రమం జరుగుతుందని, ఎమ్మెల్య సమృద్ధి మంజునాథ్‌ పాల్గొంటారన్నారు. సముదాయ మహిళలకు వడిబాలు కార్యక్రమం నిర్వహిస్తామన్నారు. ప్రజలు పెద్ద సంఖ్యలో పాల్గొనాలన్నారు. పాత్రికేయులకు త్వరలో ఇళ్ల స్థలాలు కోలారు: జిల్లాలో పాత్రికేయులకు త్వరలో ఇంటి స్థలాలు ఇచ్చేందుకు చర్యలు తీసుకుంటామని జిల్లా కలెక్టర్‌ రవికుమార్‌ హామీ ఇచ్చారు,. శుక్రవారం నగరంలోని పాత్రికేయుల భవనంలో ఆరెంజ్‌ ఆర్మి ట్రస్టు ద్వారా 50 మందికి పైగా పాత్రికేయులకు ఉచితంగా హెల్మెట్‌లను పంపిణీ చేసి మాట్లాడారు. సమాజంలో రాజ్యాంగ నాలుగవ అంగం అయిన పత్రికా రంగం అందిస్తున్న సేవలు శ్లాఘనీయమన్నారు. రైతులకు కరువు పరిహారంగా బీమా కంపెనీ నుంచి త్వరలో రూ.29 కోట్లు అందిస్తామన్నారు. కార్యక్రమంలో పాత్రికేయుల సహకార సంఘం అధ్యక్షుడు గణేష్‌, కోశాధికారి రాజేంద్రసింహ, అబ్బణిశంకర్‌ పాల్గొన్నారు.

హోసూరు: హోసూరు పారిశ్రామిక వాడలో తమిళనాడు ప్రభుత్వం నిషేధించిన గుట్కా ఉత్పత్తులను విక్రయిస్తున్న చిల్లర దుకాణాన్ని అధికారులు సీజ్‌ చేశారు. హోసూరు కార్పొరేషన్‌ పరిధిలో నిషేధిత గుట్కా ఉత్పత్తుల విక్రయాలు జోరుగా సాగుతున్నాయని ఆహారభద్రత శాఖ అధికారులకు ఫిర్యాదులు వచ్చాయి. ఆహారభద్రత శాఖ అధికారులు రవి, ప్రభాకరన్‌, శాంఇళంగో, హరి తదితరుల బృందం గురువారం సాయంత్రం పారిశ్రామికవాడ జూజువాడి, బేడరపల్లి ప్రాంతాల్లో ఆకస్మిక దాడి చేశారు. బేడరపల్లి ఎంజీఆర్‌ నగర్‌ ప్రాంతంలో రీఠారాయ్‌ నిర్వహిస్తున్న చిల్లర దుకాణంలో 40 కిలోల గుట్కా పట్టుబడింది. గుట్కాను స్వాధీనం చేసుకుని దుకాణాన్ని సీజ్‌ చేసి, రూ.25 వేల జరిమానా విధించారు.

బనశంకరి: పరప్పన అగ్రహార కేంద్ర జైలులో ఖైదీల్లో సత్ప్రవర్తన, పునర్వసతి కల్పించే ఉద్దేశంతో అత్యంత కీలక పథకం అమల్లోకి తీసుకువచ్చింది. జైలులో విచారణ ఖైదీలు స్వావలంబన కోసం ప్రారంభించిన నవసంకల్ప బేకరీని రాష్ట్ర జైళ్ల శాఖ డీజీపీ అలోక్‌కుమార్‌ అధికారికంగా శుక్రవారం ప్రారంభించారు. బేకరీ ఉత్పత్తులను ప్రజలకు అందించే నవసంకల్ప బేకరీ ఆన్‌ వీల్స్‌ అనే ప్రత్యేక సంచార వాహనాన్ని కూడా ప్రారంభించారు. ఈ వినూత్న ప్రణాళికలో జైలుశిక్ష అనుభవిస్తున్న విచారణ ఖైదీలకు నాణ్యతతో తయారు చేయడం గురించి వృత్తిపరమైన శిక్షణ ఇస్తారు. శిక్షణ విజయవంతంగా పూర్తి చేసిన ఖైదీలకు అధికారికంగా సర్టిఫికెట్లు అందజేశారు. నగరంలోని ప్రముఖ ప్రదేశాల్లో విక్రయం నవసంకల్ప బేకరీ ఆన్‌వీల్స్‌ ట్రాఫిక్‌ వాహనాల ద్వారా బెంగళూరు నగరంలో ప్రముఖ న్యాయస్థానాల ప్రాంగణాలు, ప్రజలు రద్దీ ఎక్కువగా ఉండే ప్రముఖ బస్‌స్టేషన్లలో విక్రయిస్తారు. ఈ ప్రాజెక్టు జైలు నుంచి విడుదలైన తరువాత ఖైదీలు నేరం నుంచి విముక్తులై సమాజవాహినిలో స్వావలంబన జీవితం సాగించడానికి దోహదపడుతుంది. దీంతో పాటు అవసరమైన ఉత్పత్తుల విక్రయం ద్వారా వచ్చే ఆదాయం ప్రభుత్వ ఖజానాకు ఆసరాగా ఉంటుంది. ఖైదీల పునర్వసతి చరిత్రలోనే నవసంకల్ప బేకరీ చాలా కీలకమైంది.

● రూ.63 లక్షల నగదు జప్తు చేసిన సీఐడీ అధికారులు బనశంకరి: కేపీఎస్సీ పశువైద్యాధికారులతో పాటు వివిధ నియామకాల్లో చోటు చేసుకున్న భారీ అక్రమాల కేసులో ఐఏఎస్‌ అధికారి జ్ఞానేంద్రకుమార్‌ గంగ్వార్‌, బసవరాజ కన్నాళే సంబంధాలపై సీఐడీ దర్యాప్తును బహిర్గతం చేసింది. 2024లో జ్ఞానేంద్రకుమార్‌ గంగ్వార్‌ కేపీఎస్సీ పరీక్షల విభాగం కంట్రోలర్‌గా బాధ్యతలు స్వీకరించిన తక్షణం పాత స్నేహితుడు బసవరాజ కన్నాళేతో కేపీఎస్సీ అక్రమాలు, ప్రశ్నాపత్రం లీకేజీ, అభ్యర్థులతో డీల్‌ కుదుర్చుకోవడంపై అధికారికి సర్దిచెప్పడంలో కన్నాళే విజయం సాధించారు. విజయకుమార్‌ గంగ్వార్‌ ఢిల్లీ, ఉత్తరప్రదేశ్‌ విమాన ప్రయాణానికి సుమారు రూ.11 లక్షల ఖర్చును భరించినట్లు వెలుగులోకి వచ్చింది. బసవరాజ కన్నాళే అభ్యర్థుల నుంచి సేకరించిన డబ్బును బినామీ అకౌంట్లకు బదిలీ చేశారు. అక్రమ నగదు కార్యకలాపాల కోసం బీదర్‌లో ఓంశ్రీ లక్ష్మీ సౌహార్ద సొసైటీతో పాటు వివిధ బ్యాంకుల్లో కన్నాళే నిర్వహిస్తున్న 13 బినామీ బ్యాంకు అకౌంట్లలో ఉన్న రూ.63 లక్షల నగదును సీఐడీ అధికారులు జప్తు చేశారు. అంతేగాక సంజయ్‌నగరలోని నివాసంపై సీఐడీ అధికారులు దాడి చేసి రూ.3 లక్షల నగదును స్వాధీనం చేసుకున్నారు.నాయకుల వల్లే ఎన్నికల వ్యవస్థ బలహీనం ● మాజీ సీఎం సిద్దరామయ్య తుమకూరు: రాజకీయ నాయకుల వల్లే ఎన్నికల వ్యవస్థ క్షీణించిందని మాజీ ముఖ్యమంత్రి సిద్దరామయ్య ఆరోపించారు. శుక్రవారం శ్రీదేవి కళాశాలలో చిత్రకారుడు పీ.ఆర్‌.తిప్పేస్వామి సమగ్ర సాహిత్య సంకలనాన్ని ప్రారంభించిన అనంతరం ఆయన మాట్లాడారు. ‘నేను తొలిసారి ఎన్నికల్లో పోటీ చేసినప్పుడు, ప్రజలు నాకు డబ్బులు ఇచ్చి, ఓట్లు వేసి నన్ను గెలిపించారు. అలాంటి వ్యవస్థ ఇప్పుడు లేదు. అది క్షీణించిపోయింది. ఎన్నికల వ్యవస్థ ఖరీదైనదిగా మారిందన్నారు. అందుకే మంచివాళ్లు రాజకీయాల్లోకి రావడం లేదు. ఈ కారణంగానే భవిష్యత్‌ పరిస్థితులపై ఆధారపడినా నేను ఎన్నికల్లో పోటీ చేయనని అనేక వేదికలపైనా, కార్యక్రమాల్లోనూ చెప్పాను,‘ అని ఆయన అన్నారు. చిత్రకారుడు తిప్పేస్వామి చిత్రలేఖనం, సాహిత్యం, పరిశోధన రంగాల్లో అసాధారణ కృషి చేసిన బహుముఖ ప్రజ్ఞాశాలి. గతంలో నేను ముఖ్యమంత్రిగా ఉన్నప్పుడు, ఆయన పేరు మీద ఒక స్టడీ బెంచ్‌ కోసం రూ.2 కోట్ల గ్రాంటు ఇచ్చాను అని ఆయన గుర్తు చేశారు. శ్రీదేవి గ్రూప్‌ ఎడ్యుకేషన్‌ ఇన్‌స్టిట్యూట్‌ వ్యవస్థాపక అధ్యక్షుడు డాక్టర్‌ ఎం.ఆర్‌. హులినాయకర్‌, బుక్‌ అథారిటీ అధ్యక్షురాలు డాక్టర్‌ మనస, రాష్ట్ర సమాచార హక్కు కమిషనర్‌ రుద్రన్న హర్తికోటె, మాజీ మంత్రి కె.ఎన్‌.రాజన్న, గ్రంథ సంపాదకుడు ప్రొఫెసర్‌ చిక్కన్న ఎణ్ణెకట్టె, తుమకూరు జిల్లా కసాప అధ్యక్షుడు కె.ఎస్‌.సిద్దలింగప్ప, అథారిటీ నిర్వాహకుడు కె.బి.కిరణ్‌ సింగ్‌, బీఎంటీసీ ఉపాధ్యక్షుడు నికేత్‌రాజ్‌ తదితరులు పాల్గొన్నారు.మైసూరులో బీఐఎస్‌ అధికారుల దాడులుమైసూరు: నగరంలోని ఒక బంగారు దుకాణం నుంచి, యూనిక్‌ ఐడెంటిఫికేషన్‌ (యూఐడీ) హాల్‌ మార్క్‌ లేని 430 గ్రాముల బంగారాన్ని బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) అధికారులు స్వాధీనం చేసుకున్నారు. మైసూరులోని లష్కర్‌ మొహల్లాలో ఉన్న ప్రతిభా జ్యువెల్స్‌పై బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) అధికారులు దాడి చేసి తనిఖీ చేసినప్పుడు, ఆ దుకాణం బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) యొక్క ప్రామాణిక గుర్తును దుర్వినియోగం చేస్తున్నట్లు గుర్తించారు. ఈ నేపథ్యంలో 430 గ్రాముల బంగారాన్ని స్వాధీనం చేసుకున్నట్లు బీఐఎస్‌ డైరెక్టర్‌ సుష్మా రావు ఒక ప్రకటనలో తెలిపారు. ఈ చర్య బీఐఎస్‌ చట్టం 2016 కింద రూపొందించిన ఆంక్షలు, నిబంధనల ఉల్లంఘన అని, ఈ విషయంలో చట్టపరమైన చర్యలు తీసుకుంటామని తెలిపారు. ప్రజలకు మళ్లీ ధరాఘాతం.! ● లీటర్‌ పాల ధరను రూ.10 పెంచాలని రాష్ట్ర ప్రభుత్వానికి విజ్ఞప్తిశివాజీనగర: రాష్ట్రంలోని సామాన్య ప్రజలు ఇప్పుడు మరో ధరల పెంపు ముప్పును ఎదుర్కొంటున్నారు. రాష్ట్రంలో లీటరు పాల ధరను రూ.10 మేర పెంచాలని పాల సంఘాలు ప్రభుత్వానికి అధికారికంగా విజ్ఞప్తి చేశాయి. ఈ ధరల పెంపుపై నిర్ణయాన్ని రాబోయే మూడు రోజుల్లోగా ప్రకటించాలని ప్రభుత్వాన్ని కోరాయి. రైతుల ద్వారా వచ్చిన తీవ్ర డిమాండ్‌ నేపథ్యంలో ఈ నిర్ణయం తీసుకున్నట్లు పాల సంఘాలు స్పష్టం చేశాయి. పాల ఉత్పత్తి వ్యయం అధికారికంగా ఉండటంతో రైతులు లీటర్‌కు రూ.10 పెంచాలని నిరంతరం డిమాండ్‌ చేస్తున్నారు. అందువల్ల రైతుల ప్రయోజనాల దృష్ట్యా పాల ధరను సవరించి, పెంచాలని మేం ప్రభుత్వాన్ని కోరుతున్నామని బమూల్‌ డైరెక్టర్‌ హరీష్‌ కుమార్‌ తెలిపారు. ఈ డిమాండ్‌ను తీవ్రంగా పరిగణించి, తదుపరి పోరాటానికి, వ్యూరచనకు కార్మిక సంఘాలు సిద్ధంగా ఉన్నాయి. ఇందుకోసం ఈనెల 22న బెంగళూరులోని ఫ్రీడం పార్కులో భారీ సభ నిర్వహించి, ప్రభుత్వానికి అధికారికంగా వినతి పత్రాన్ని సమర్పించాలని నిర్ణయించారు. ఒకవైపు రైతుల ప్రయోజనాలు, మరోవైపు వినియోగదారుల జేబుకు చిల్లు పడుతుందనే భయం నేపథ్యంలో ప్రభుత్వం తీసుకునే తుది నిర్ణయం ఎలా ఉంటుందో వేచి చూడాల్సిందే.

సాక్షి, బళ్లారి: అన్ని దానాలు కన్నా రక్తదానం గొప్పదని మాజీ ఎమ్మెల్యే గాలి సోమశేఖరరెడ్డి పేర్కొన్నారు. శుక్రవారం నగరంలోని తాళూరు రోడ్డులో ఉన్న గోవిందప్ప కళ్యాణ మంటంలో బీజేపీ నగర మండల శాఖ ఆధ్వర్యంలో రక్తదాన శిబిరం శిబిరం నిర్వహించారు. ఈ సందర్భంగా ఆయన మాట్లాడుతూ.. తాను ఇప్పటికే పలు మార్లు రక్తదానం చేసినట్లు గుర్తు చేశారు. ప్రధానమంత్రి నరేంద్ర మోదీ పుట్టిన రోజు సందర్భంగా ఏర్పాటు చేసిన రక్తదాన శిబిరంలో రక్తదానం చేయడం మరింత సంతోషంగా ఉందని తెలిపారు. ఆరోగ్యవంతులు ప్రతి నాలుగు నెలలకు ఒకసారి రక్తదానం చేయవచ్చన్నారు. ఆరోగ్యవంతులైన యువతీ, యువకులు రక్తదానం చేయడానికి స్వచ్ఛంధంగా ముందుకు రావాలని సూచించారు. రక్తదానంతో మరొకరి ప్రాణాలను కాపాడవచ్చని వెల్లడించారు. రక్తదానం చేయడం వల్ల ఎలాంటి ఆరోగ్య సమస్యలు రావన్నారు. ప్రాణాపాయ స్థితిలో ఉన్న వారికి రక్తదానం చేయాలని సూచించారు. పాలికె ప్రతిపక్ష నాయకుడు మోత్కూరు శ్రీనివాసరెడ్డి పాల్గొన్నారు. రాయచూరు రూరల్‌: ప్రధానమంత్రి నరేంద్ర మోది జన్మదిన వేడుకలు ఘనంగా జరిగాయి. బీజేపీ నాయకులు కేక్‌ కట్‌ చేశారు. బీజేపీ కార్యాలయంలో శాసన సభ్యుడు శివరాజ పాటిల్‌ ఆధ్వర్యంలో రక్తదాన, ఉచిత వైద్య శిబిరాలు నిర్వహించారు. మాజీ శాసన సభ్యుడు శంకరప్ప, నాయకులు గంగాధర నాయక్‌, చంద్రశేఖర్‌, యల్లప్ప, నాగరాజ్‌, సుమతీశాస్త్రి, సంగీత, వాణిశ్రీ పాల్గొన్నారు.

హొసపేటె: కుష్టు వ్యాధిగ్రస్తులకు డామియన్‌ ఇన్‌స్టిట్యూట్‌ ఉచిత శస్త్ర చికిత్స అందిస్తోందని జిల్లా ఆరోగ్యశాఖ (డీహెచ్‌ఓ) డాక్టర్‌ లింగరాజు తెలిపారు. శుక్రవారం జిల్లా ఆరోగ్య, కుటుంబ సంక్షేమ అధికారి కార్యాలయ ప్రాంగణంలో కుష్టు వ్యాధి నుంచి కోలుకుని వైకల్యంతో బాధపడుతున్న దురుగప్పకు తోపుడు బండి, హనుమక్కకు కుట్టు మిషన్‌ అందజేశారు. బాధితులు ఎలాంటి ఆర్థిక ఇబ్బందుల పడకుండా ఉండేందుకు ప్రభుత్వం ఆర్థిక సహాయం అందజేస్తుందని అధికారులు తెలిపారు. కార్యక్రమంలో జిల్లా ఆర్‌సీహెచ్‌ఓ డాక్టర్‌ జంబయ్య, జిల్లా కుష్టు వ్యాధి నిర్మూలన అధికారి డాక్టర్‌.కె.రాధిక, సీనియర్‌ హెల్త్‌ ఇన్‌స్పెక్టర్‌ శివప్ప, డామియన్‌ ఫౌండేషన్‌ సూపర్‌వైజర్‌ సుధాకర్‌ తదితరులు పాల్గొన్నారు.

బొమ్మనహళ్లి : ఆనేకల్‌ తాలూకా చందాపురలో ఉన్న జాతీయ రహదారి– 44లో ట్రాఫిక్‌ జామ్‌ ఏర్పడి వాహనదారులు ఐదు నుంచి ఆరు గంటల పాటు ఇబ్బందుల పాలయ్యారు.చందాపుర సర్కిల్‌ అనేది బెంగళూరు, అనెకల్‌, దొమ్మసంద్ర, అత్తిబెలెలను తమిళనాడులోని హోసూరుతో కలిపే ప్రధాన మార్గం. ఈక్రమంలో శుక్రవారం వివిధ ప్రాంతాల నుంచి పోటెత్తడంతో చందాపుర సర్కిల్‌ నుంచి 5 కిలోమీటర్ల వరకు ట్రాఫిక్‌ జామ్‌ ఏర్పడింది. చందాపుర, లక్ష్మీసాగర మధ్య హైవేపై వాహనాల భారీ క్యూ కనిపించింది. కిలోమీటరు కదలడానికే గంట సమయం పట్టడంతో పాఠశాలలు, కళాశాలలకు వెళ్లే విద్యార్థులు, కార్యాలయాలకు వెళ్లే ఉద్యోగులు అవస్థలకు గురయ్యారు. జాతీయ రహదారి నుంచి సర్వీస్‌ రోడ్డుకు చేరుకోవడం కూడా అసాధ్యంగా మారింది. ‘45 కిలోమీటర్ల దూరంలో ఉన్న పాఠశాలకు చేరుకోవడానికి రెండున్నర గంటల సమయం పట్టింది. శుక్రవారం ఉదయం 8.30 గంటలకు చందాపుర నుంచి పాఠశాల బస్సులో బయలుదేరాం. ఓల్డ్‌ చందాపుర సమీపంలో 4 కిలోమీటర్ల దూరంలో ఉన్న పాఠశాలకు చేరుకునేసరికి సమయం ఉదయం 10.40 గంటలైంది. ట్రాఫిక్‌ జామ్‌ కారణంగా మేం పాఠశాలకు ఆలస్యంగా వెళ్తున్నాము. దీనివల్ల తరగతుల్లోని మొదటి రెండు పీరియడ్లను కోల్పోతున్నాం‘ అని విద్యార్థిని భువన వాపోయింది. నేషనల్‌ హైవేస్‌ అథారిటీ ఆఫ్‌ ఇండియా చేపట్టిన రోడ్డు విస్తరణ పనులు నెమ్మదిగా సాగుతుండటంతో ట్రాఫిక్‌ రద్దీ సమస్య మరింత తీవ్రమైందని చందాపురకు చెందిన భవ్య మాదేశ్‌ అన్నారు.

హోసూరు: క్రిష్ణగిరిని కరువు జిల్లాగా ప్రకటించి, రాయితీపై పశువులకు పశుగ్రాసం అందించాలని రైతు సంఘం నాయకులు డిమాండ్‌ చేశారు. శుక్రవారం జిల్లా కేంద్రం క్రిష్ణగిరి కలెక్టరేట్‌లో ఫిర్యాదుల స్వీకరణ కార్యక్రమం నిర్వహించారు. కలెక్టర్‌ దినేష్‌ కుమార్‌ అధ్యక్షతన జరిగిన ఈ కార్యక్రమంలో వివిధ సమస్యలపై 141 వినతిపత్రాలు అందాయి. ఈ సందర్భంగా క్రిష్ణగిరి జిల్లా రైతులు ఎదుర్కొంటున్న సమస్యలపై చర్చించారు. వర్షాభావంతో అడవులు, పొలాల్లో గడ్డి పూర్తిగా ఎండిపోయిందన్నారు. పశువులకు మేత లభించడం లేదని తెలిపారు. మహిళా సంఘాల ద్వారా ప్రభుత్వ స్థలాల్లో గడ్డి పెంచి రాయితీపై అందజేయాలని సూచించారు. సాగు చేసిన పంటలు ఎండిపోవడంతో రైతులకు పరిహారం ఇవ్వాలని కోరారు. నిబంధనలకు వ్యతిరేకంగా రసాయన ఎరువులు విక్రయిస్తున్న దుకాణాలు చర్యలు తీసుకోవాలన్నారు. సహకార సంఘాల ద్వారా రుణాలు అందజేయాలని సూచించారు. కార్యక్రమంలో డీఆర్‌ఓ మంజుళ, ఉమా మహేశ్వరి, గుణవతి, రాజ, మహేంద్రన్‌ తదితరులు పాల్గొన్నారు.

రాయచూరు రూరల్‌: జిల్లాలో కాంగ్రెస్‌ పార్టీని గ్రామ స్థాయి నుంచి బలోపేతం చేస్తామని ఆ పార్టీ జిల్లా అధ్యక్షుడు శాంతప్ప పేర్కొన్నారు. శుక్రవారం పాత్రికేయుల భవనంలో ఏర్పాటు చేసిన విలేఖరుల సమావేశంలో ఆయన మాట్లాడారు. రాబోయే డిసెంబర్‌లో జరగనున్న స్థానిక సంస్థల ఎన్నికల నాటికి కార్యకర్తల సహకారంతో గ్రామ స్థాయి నుంచి నాయకులందరినీ ఏకం చేస్తామని తెలిపారు. రాష్ట్ర, దేశ రాజకీయాల్లో విప్లవాత్మక మార్పులు తీసుకురావడానికి కార్యకర్తలు సిద్ధంగా ఉన్నారని పేర్కొన్నారు. భవిష్యత్తులో కేంద్రంలో కాంగ్రెస్‌ పార్టీ అధికారం చేపట్టడం ఖాయమని ధీమా వ్యక్తం చేశారు. ఈనెల 20వ తేదీన జరగబోయే నూతన అధ్యక్ష పదవీ స్వీకార కార్యక్రమానికి జిల్లా, రాష్ట్ర స్థాయి నేతలు హాజరవుతారన్నారు. జిల్లా కాంగ్రెస్‌లో నెలకొన్న అసమ్మతి జ్వాలలను శాంతింపజేసి, అందరినీ కలుపుకుని ముందుకు సాగుతామని స్పష్టం చేశారు.

రాయచూరు రూరల్‌: రైతులు ఎదుర్కొంటున్న సమస్యలపై సర్కార్‌ స్పందించే వరకూ ఆందోళన చేపడుతామని రైతు పోరాట సమితి నేతలు స్పష్టం చేశారు. శుక్రవారం కలబుర్గిలో రైతులతో ఏర్పాటు చేసిన సమావేశంలో గౌరవాధ్యక్షుడు చామరసమాలి పాటిల్‌ మాట్లాడారు. ఫసల్‌ బీమా పథకంలో రైతులకు అన్యాయం జరిగిందన్నారు. పత్తి పంటకు నష్ట పరిహారం మంజూరు చేయలేదని మండిపడ్డారు. రైతులు విక్రయించిన జొన్నలకు నేటికీ డబ్బు ఇవ్వలేదని ఆగ్రహం వ్యక్తం చేశారు. కరువు ప్రాంతాలుగా ప్రకటించి రైతులకు పరిహారం ఇవ్వాలని సూచించారు. వర్షాభావంతో పత్తి, మిరప, వరి పంటలు ఎండుముఖం పట్టాయన్నారు. బాల కార్మికులకు విముక్తిహుబ్లీ: హుబ్లీ ప్రాంతంలో బేకరీలు, ఫ్యాక్టరీలు, హోటల్‌, బార్లలో బాల కార్మికులు ఉన్నట్లు సమాచారం రావడంతో కార్మిక శాఖ, పోలీస్‌ శాఖ, మహిళా శిశు సంక్షేమ శాఖల అధికారులు సంయుక్తంగా దాడి చేశారు. హుబ్లీ తాలూకాలో 10, ధార్వాడలో ఇద్దరు, కలఘటగిలో ఇద్దరితో కలిపి జిల్లా వ్యాప్తంగా మొత్తం 17 మంది బాల కార్మికులకు పనుల నుంచి విముక్తి కల్పించారు. ఇందులో ఐదుగురు పిల్లలను తల్లిదండ్రులకు అప్పగించారు. మిగిలిన చిన్నారులను బాలల సంక్షేమ సమితి ఎదుట హాజరుపరిచారు. పిల్లలను బడిలో చేర్పిస్తామని అధికారులు తెలిపారు. బాల కార్మికులను పనిలో పెట్టుకున్న వారిపై కేసులు నమోదు చేశారు. విద్యా బుద్ధులు నేర్చుకోవాల్సిన పిల్లలకు డబ్బు ఆశ చూపించి పనుల్లో చేర్పించి వారి బంగారు భవిష్యత్తును నాశనం చేస్తే కఠిన చర్యలు తీసుకుంటామని తెలిపారు. కారు బోల్తా.. ఒకరు మృతి హుబ్లీ: కారు బోల్తా పడటంతో ఒకరు మృతి చెందగా.. మరో ముగ్గురు తీవ్రంగా గాయపడ్డారు. ఈ ఘటన హుబ్లీ సమీపంలోని జాతీయ రహదారి–67పై అన్నిగేరి పెట్రోలు బంక్‌ వద్ద చోటు చేసుకుంది. మృతుడిని కొట్రప్ప మలకప్ప యారేడ్‌గా (58) గుర్తించారు. శంభులింగ, సిద్దలింగప్ప, గురురాజుతో కలిసి కారులో హువినహడగలి నుంచి హుబ్లీకి కారులో బయలుదేరారు. అన్నిగేరి పెట్రోలు బంక్‌ వద్దకు చేరుకోగానే ప్రమాదవశాత్తూ కారు బోల్తా పడిందని స్థానికులు తెలిపారు. ఘటనా స్థలాన్ని పరిశీలించిన అన్నిగేరి పోలీసులు కేసు నమోదు చేసుకుని దర్యాప్తు చేస్తున్నారు. ఘనంగా శ్రీకృష్ణ జన్మాష్టమి రాయచూరు రూరల్‌: నగరంలోని ఉప్పరవాడిలో ఉన్న లక్ష్మీ వేంకటేశ్వర మందిరంలో శుక్రవారం సాయంత్రం శ్రీకృష్ణ జన్మాష్టమి సందర్భంగా ప్రత్యేక పూజా కార్యక్రమాలు నిర్వహించారు. ఈ సందర్భంగా చిన్నారులతో వేయించిన శ్రీకృష్ణుడి వేషధారణలు ఆకట్టుకున్నాయి. అలాగే స్థానిక విఠల్‌ రుక్మిణి మందిరంలో కూడా కృష్ణాష్టమిని పురస్కరించుకుని పలు విశేష పూజలు, ఆధ్యాత్మిక కార్యక్రమాలు చేపట్టారు. పెద్ద ఎత్తున తరలివచ్చిన భక్తులు స్వామిని దర్శించుకుని మొక్కులు తీర్చుకున్నారు. రాయచూరు రూరల్‌: జిల్లాలో సాగు నీటి పారుదల శాఖ కార్యాలయాన్ని రాయచూరుకు తరలించడం తగదని రాష్ట్ర రైతు సంఘం జిల్లా అధ్యక్షుడు మల్లేష్‌ నాయక్‌ డిమాండ్‌ చేశారు. శుక్రవారం దేవదుర్గ శాసన సభ్యురాలు కరెమ్మ నాయక్‌ నివాసం వద్ద ఆందోళన చేపట్టారు. నారాయణపుర కుడి కాలువకు సంబంధించి చిక్క హోణకునిలోని డివిజన్‌ కార్యాలయాన్ని రాయచూరుకు తరలించొద్దన్నారు. దేవదుర్గలో ఉండేలా చొరవ తీసుకోవాలని సూచించారు. అనంతరం ఎమ్మెల్యేకు వినతిపత్రం అందజేశారు. కాంగ్రెస్‌ సర్కార్‌ రైతు విరోధి చింతామణి: కాంగ్రెస్‌ ప్రభుత్వం రైతు వ్యతిరేక విధానాలను అవలభిస్తోందని రాష్ట్ర జేడీఎస్‌ కోర్‌ కమిటీ అధ్యక్షుడు జేకే కృష్ణారెడ్డి వెల్లడించారు. శుక్రవారం వీపీ కళ్యాణ మండపంలో జరిగిన జిల్లా స్ధాయి కోర్‌ కమిటీ సమావేశంలో ఆయన పాల్గొని మాట్లాడారు. బిడది టౌన్‌షిప్‌ పథకాన్ని అమలు చేయకూడదని రైతులు ఎన్ని సార్లు పోరాటాలు చేసినా ప్రభుత్వం పట్టించుకోవడం లేదన్నారు. కుమారస్వామి చేసిన అభివృద్ధని ఇంటింటికీ తిరిగి వివరించాలని కార్యకర్తలకు సూచించారు. శిడ్లఘట్ట ఎమ్మెల్యే రవికుమార్‌, ఎంపీ మల్లేష్‌ బాబు, మాజీ ఎంపీ పుట్టరాజు, ఎమ్మెల్యే మంజు పాల్గొన్నారు.

బెంగళూరు: భార్యను లాడ్జికి తీసికెళ్లిన భర్త ఆమెను గొంతు బిగించి హత్య చేసిన సంఘటన దొడ్డబళ్లాపురంలో జరిగింది. వివరాలు.. గౌరిబిదనూరు తాలూకా నగరగెరె గ్రామానికి చెందిన విద్య (23), నాలుగేళ్ల క్రితం ముదుగెరె నివాసి ఆనంద్‌ ప్రేమ వివాహం చేసుకున్నారు. వీరికి ఒక కుమారుడు ఉన్నాడు. విద్య ఫాక్స్‌కాన్‌ ఫ్యాక్టరీలో పని చేస్తోంది. ఇద్దరి మధ్య గొడవలు రావడంతో ఆమె బెంగళూరులో పీజీ హాస్టల్‌లో ఉంటోంది. ఇటీవల ఆనంద్‌ తన భార్య కనబడడం లేదని దొడ్డబళ్లాపురం మహిళా పోలీస్‌స్టేషన్‌లో ఫిర్యాదు చేశాడు. విద్యను తీసుకువచ్చిన పోలీసులు 20 రోజుల క్రితం ఇద్దరికీ కౌన్సిలింగ్‌ ఇచ్చి కలిపి పంపించేశారు. బుధవారం రాత్రి విద్యను తీసుకుని ఆనంద్‌ దొడ్డలో ఓ లాడ్జిలో దిగాడు. ఆమె ఐడీ కార్డ్‌తోనే గొంతు బిగించి హత్య చేసి మొబైల్‌ను తీసుకుని అర్ధరాత్రి వెళ్లిపోయాడు. పోలీసులు కేసు నమోదు చేసుకుని పరారీలో ఉన్న ఆనంద్‌ కోసం గాలిస్తున్నారు.

బెంగళూరు: తాను ఇప్పుడు ముఖ్యమంత్రిని కానని, తన మాటలను ఎవరు పాటిస్తున్నారో తెలియదని మాజీ సీఎం సిద్దరామయ్య అన్నారు. గురువారం విధానసౌధలో పార్టీ ఆఫీసులో విలేకరులతో ఆయన మాట్లాడారు. ఏఐసీసీ నేతలు సుర్జేవాలా తదితరులతో విడిగా సమావేశమైన తరువాత సిద్దరామయ్య ఇలా చెప్పడం చర్చనీయాంశమైంది. ప్రస్తుత ప్రభుత్వంలో తన మాట చాలా పరిమితమనే నిజాన్ని పరోక్షంగా బయటపెట్టారు. ఈ సందర్భంగా సిద్దరామయ్య కేంద్ర ప్రభుత్వం, ప్రధాని నరేంద్రమోదీపై విమర్శలు గుప్పించారు. స్వాతంత్య్రం వచ్చి దశాబ్దాలు గడిచినా రాజ్యాంగ ప్రాథమిక ఆకాంక్షలు పూర్తిగా అమలు కాలేదన్నారు. సమాజంలో పాతుకుపోయిన కుల అసమానతలను నిర్మూలించడానికి శూద్ర, అణగారిన వర్గాలు మేల్కొని సంఘటిత పోరాటం చేయాలని సూచించారు.ఇదీ చదవండి: కేసీఆర్‌ ఫాం హౌస్‌కు రెవెన్యూ అధికారులు.. అసలేం జరగనుంది?

బనశంకరి: కేపీఎస్‌సీ పశువైద్యాధికారుల ఉద్యోగాల కుంభకోణంలో ఆ సంస్థ సభ్యురాలు శాంతా హొసమని ఎట్టకేలకు సీఐడీ అధికారుల ముందు విచారణకు హాజరైంది. ముందస్తు బెయిల్‌ పిటిషన్‌ను కోర్టు ఇదివరకే తిరస్కరించింది. ఈ స్కాం వెలుగులోకి వచ్చిన వెంటనే శాంత హొసమని అదృశ్యమైంది. ఆమె కోసం సీఐడీ అధికారులు కర్ణాటకతో పాటు బయటి రాష్ట్రాల్లో తీవ్రంగా గాలించారు. మమిత అనే అభ్యర్థినితో ఆమె 3 సార్లు ఫోన్‌లో ఉద్యోగం గురించి మాట్లాడింది. 2023లో ఏఈఈ నియామకాల స్కాంలో కూడా ఆమె పేరు బయటకు వచ్చింది.ఈడీ అధికారులు ఆగస్టు 18వ తేదీ కేపీఎస్‌సీ మాజీ అధ్యక్షుడు శివశంకరప్ప సాహుకార్‌తో పాటు శాంత ఇళ్లలో సోదాలు చేశారు. మళ్లీ కొన్నిరోజులకు సీఐడీ అధికారులు శాంత నివాసంలో సోదాలు చేసి అనేక ఫైళ్లను స్వాధీనం చేసుకున్నారు. ఆమె ఈడీ దాడికి ముందే పరారైంది. సీడీఐ అధికారులు ఆమెను విచారిస్తున్నారు. ఈ కేసులో ఐఏఎస్‌ జ్ఞానేంద్రకుమార్‌, బ్రోకరు బసవరాజు కన్నాళెను అరెస్టు చేయడం తెలిసిందే. ఆమె విచారణలో మరిన్ని వాస్తవాలు బయటపడే అవకాశముంది.

బనశంకరి: బెంగళూరు దక్షిణ నగర పాలికే పరిధిలో ప్రయోగాత్మకంగా ట్రాఫిక్‌ రద్దీ అధికంగా ఉండే జయనగరలో ఏఐ సెన్సార్ల ఆధారిత పార్కింగ్‌ వ్యవస్థను అమలు చేస్తామని, ఇందుకు ప్రైవేటు సంస్థతో ఒప్పందం కుదుర్చుకున్నామని కమిషనర్‌ కేఎన్‌.రమేశ్‌ తెలిపారు. గురువారం ఈ వ్యవస్థ అమలుపై వివిధ శాఖల అధికారులతో సమావేశం నిర్వహించారు. క్రాస్‌మార్కింగ్‌ లేదా అడ్డదిడ్డంగా పార్కింగ్‌ను అడ్డుకుంటే ఎక్కువ వాహనాలను పార్కింగ్‌ చేయవచ్చు అన్నారు. పార్కింగ్‌ నుంచి వాహనాలను బయటకు తీసినప్పుడు ఇతర వాహనాలకు ఇబ్బంది ఏర్పడదని తెలిపారు. రహదారి స్థలాల గరిష్ట వినియోగం కావాలన్నారు. ఆన్‌లైన్‌లో పార్కింగ్‌ రుసుము ఖాళీగా ఉండే స్థలాలను పార్కింగ్‌ ప్రదేశాలుగా రూపొందిస్తారు. అక్కడ అమర్చిన క్యూఆర్‌ కోడ్‌ను వాహనదారులు స్కాన్‌చేసి రుసుము చెల్లించవచ్చు. జయనగరలో కొన్ని ప్రముఖ రోడ్లలో ప్రయోగాత్మకంగా అమలు చేసి చూస్తారు. ఫలితాలను బట్టి పూర్తిస్థాయిలో స్మార్ట్‌ పార్కింగ్‌ వ్యవస్థను అమల్లోకి తీసుకువస్తామని కమిషనర్‌ కేఎన్‌.రమేశ్‌ తెలిపారు. ఏఐ స్మార్ట్‌ పార్కింగ్‌ వ్యవస్థ నమూనా తొలుత జయనగరలో ప్రయోగాత్మకంగా అమలుసర్‌పై 1950 హెల్ప్‌లైన్‌ జాబితాల నుంచి అర్హులైన ఓటర్లను తొలగించకుండా చర్యలు తీసుకోవాలని బెంగళూరు జిల్లా ఎన్నికల అధికారి, జీబీఏ కమిషనర్‌ మహేశ్వర్‌రావ్‌ తెలిపారు. సర్‌పై గురువారం వివిధ పార్టీల నేతలతో జీబీఏ కేంద్ర కార్యాలయంలో సమావేశం జరిపారు. సర్‌పై అనుమానాలు ఉంటే ప్రజలు 1950 సహాయవాణిని సంప్రదించవచ్చునని తెలిపారు. ఫిర్యాదులను స్వీకరించి పరిష్కారం అందించాలని అధికారులకు సూచించారు. సిబ్బంది జవాబుదారీగా పనిచేయాలని హెచ్చరించారు. పాలికెల కమిషనర్లు సునీల్‌కుమార్‌, కేఎన్‌.రమేశ్‌, కేవీ.రాజేంద్ర పాల్గొన్నారు.

దొడ్డబళ్లాపురం: రాజస్థాన్‌లో ప్రేమ వివాహం చేసుకుని బెంగళూరులో భర్తతో కలిసి జీవిస్తున్న యువతిని ఆమె కుటుంబీకులు కిడ్నాప్‌ చేసేందుకు ప్రయత్నించగా స్థానికులు అడ్డుకుని యువతిని కాపాడిన సంఘటన బుధవారం రాత్రి బెంగళూరులోని మాగడి రోడ్డులో జరిగింది. దుండగులు అడ్డదిడ్డంగా కారు నడిపి ఆరుమందిని గాయపరిచారు. ఎలా జరిగిందంటే.. వివరాలు.. రాజస్థాన్‌లోని మేల్వాస్‌ గ్రామం నివాసులైన గుణరామ్‌ కుమార్తె పూజ (21), శేషారామ్‌ కుమారుడు ఓంప్రకాశ్‌ ఇద్దరూ ప్రేమించుకుని 9 నెలల క్రితం వివాహం చేసుకుని బెంగళూరులోని దాసరహళ్లి అగ్రహారలో వచ్చి నివసిస్తున్నారు. కుమార్తె ప్రేమ వివాహం చేసుకోవడం ఇష్టం లేని గుణరామ్‌ రౌడీలను పంపాడు. వారు బుధవారం రాత్రి కారులో వచ్చారు. పూజను కిడ్నాప్‌ చేసి తీసికెళ్తుండగా అరుపులు విన్న స్థానికులు దుండగుల కారును వెంబడించారు. ఈ క్రమంలో దుండగుల కారు 20పైగా వాహనాలను ఢీకొంది. రాజస్థాన్‌కు చెందిన రాకేశ్‌ (21), శరణ్‌ (25), అయాస్‌ (18) లను పట్టుకున్నారు. కారు డ్రైవర్‌ సద్దాం పరారయ్యాడు. దుండగుల కారు ఢీకొని పృథ్విరాజ్‌ (12), యశిక (9), అమూల్య (35), మణి (64), జయలక్ష్మి (57), సంతోష్‌ (33) అనే స్థానికులు గాయపడ్డారు. జయలక్ష్మి పరిస్థితి విషమంగా ఉంది. పోలీసులు నిందితులను అరెస్టు చేశారు. హుబ్లీలో 2 ఏటీఎంలో రూ.14 లక్షల లూటీ హుబ్లీ: హుబ్లీలో గజదొంగలు రెచ్చిపోయారు. రెండు ఏటీఎంలను పగలగొట్టి రూ.14 లక్షలు దోపిడీ చేశారు. హుబ్లీ సిటీ పక్కనే ఉండే సుల్లా, బ్యారట్టిలోని ఏటీఎంలలో గురువారం తెల్లవారుజామున ఈ దోపిడీలు జరిగాయి. మొదట దొంగలు ఏటీఎం సెంటర్ల షట్టర్ల తాళాలను పగలగొట్టి లోపలకు ప్రవేశించారు. కాపలాదారులు ఎవరూ లేకపోవడంతో పని సులువైంది. ఏటీఎంను యంత్రాలతో బద్ధలు కొట్టి నగదును తీసుకెళ్లారు. తమ బాగోతం రికార్డు కాకుండా సీసీ కెమెరాలను ధ్వంసం చేశారు. సుల్లాలో ఏటీఎం గ్రామం నడిబొడ్డున ఉన్నా యథేచ్ఛగా దోపిడీ జరగడం గమనార్హం. ఏటీఎంలను పరిశీలించిన ఆయా బ్యాంకుల అధికారులు మొత్తం రూ.14 లక్షలు పోయినట్లు తెలిపారు. రాజస్థాన్‌, హరియానా ముఠాల పనేనా, లేక స్థానిక దొంగలా? అనేది తేలాల్సి ఉంది. డీఎస్పీ, సీఐలు పరిశీలించి ఆధారాలను సేకరించారు. నగరంలో రాజస్థాన్‌ రౌడీల రచ్చ కారుతో ఢీకొనడంతో ఆరుగురికి గాయాలు

శివాజీనగర: తీరప్రాంత జిల్లాల అభివృద్ధికి ప్రాధాన్యమిచ్చే లక్ష్యంతో ముఖ్యమంత్రి డీ.కే.శివకుమార్‌ నేతృత్వంలో శుక్రవారం మంగళూరు నగరంలో మంత్రిమండలి సమావేశం జరగనుంది. తీరప్రాంతం, ఓడరేవులు, మత్స్య సంపద, ఈ జిల్లాల్లో అభివృద్ధి పథకాలు, పారిశ్రామిక రంగాలకు చేయూత వంటి అంశాలపై చర్చిస్తారు. మంగళూరు ప్రాంతంలో ప్రజలు విస్తృతంగా మాట్లాడే తుళు భాషకు రెండవ అదనపు రాష్ట్ర భాష హోదా కల్పించాలనే డిమాండు చర్చకు వచ్చే అవకాశముంది. సీఆర్‌జెడ్‌కు సవరణలపై ఆశ పలు పథకాలకు ఆటంకంగా ఉన్న తీర నియంత్రణ మండలం (సీఆర్‌జెడ్‌) కఠిన నిబంధనలను సడలించాలనే డిమాండ్లు ఉన్నాయి. సీఆర్‌జెడ్‌ ప్రకారం, సముద్ర తీరానికి 500 మీటర్ల పరిధిలో ఎలాంటి వంతెనలు, కట్టడాలు నిర్మించరాదు. దీనిని సవరించే ఆస్కారముంది. జిల్లా ఇన్‌చార్జి మంత్రి యూ.టీ.ఖాదర్‌ నేతృత్వంలో ఏర్పాట్లు జరిగాయి. తన్నీరుబావి బీచ్‌లో ఆకర్షణీయంగా ఆతిథ్య మండపాన్ని నిర్మిస్తున్నారు. తుళునాడు సంస్కృతిని చాటేలా స్వాగత తోరణాలను ఏర్పాటు చేస్తున్నారు. ఈ ప్రాంత వంటకాలను సీఎం, మంత్రులకు వడ్డిస్తారు. ఇప్పటికే మంత్రులు జిల్లాకు చేరుకున్నారు. శనివారం ఉదయం వరకూ మంగళూరులో బస చేస్తుండడంతో గట్టి బందోబస్తు ఏర్పాటవుతోంది. నేడు మంగళూరులో కేబినెట్‌ భేటీ సీఎం, మంత్రుల కోసం ఘనంగా ఏర్పాట్లు

హుబ్లీ: భూమి దస్తావేజులను సవరించేందుకు రూ.50 లక్షల భారీ లంచం తీసుకుంటున్న ధార్వాడ తహసీల్దార్‌ను రెడ్‌హ్యాండెడ్‌గా లోకాయుక్త అధికారులు పట్టుకున్నారు. ఈ ఘటన ధార్వాడ కేసీడీ కళాశాల వద్ద జరిగింది. తహసీల్దార్‌ సచ్చిదానంద కుసనూరు చిక్కాడు. వివరాలు.. సమీపంలో యరికొప్ప గ్రామం సరిహద్దులో బాగల్‌కోట జిల్లా ముదోళ తాలూకావాసి మంజునాథ అరివికట్టే అనే రియల్టర్‌ 33 ఎకరాల భూమిని కొనుగోలు చేశారు. 13 ఎకరాల భూమికి సంబంధించి కొన్ని అనుమతులు, సవరణకు తహసీల్దారుకు దరఖాస్తు చేశాడు. పని జరగాలంటే రూ.50 లక్షలు ఇవ్వాలని డిమాండ్‌ చేశాడు. పైగా ఒకేసారి డబ్బులు తీసుకుని రావాలని, రెండు ఎకరాల పొలం కూడా తనకు రాసివ్వాలని బేరం పెట్టాడు. లోకాయుక్తకు సమాచారం.. తహసీల్దారు గొంతెమ్మ కోర్కెలతో కంగుతిన్న రియల్టర్‌ లోకాయుక్త అధికారులకు మొరపెట్టుకున్నాడు. బుధవారం సాయంత్రం కర్ణాటక కళాశాల మైదానం వద్ద రూ.50 లక్షలను తహసీల్దారు సచ్చిదానందకు అందజేస్తుండగా, లోకాయుక్త అధికారులు దాడి చేసి లంచం డబ్బుతో సహా అతనిని అరెస్ట్‌ చేశారు. తహసీల్దార్‌ను కోర్టులో హాజరుపరచగా,14 రోజులు జ్యుడిషియల్‌ కస్టడీకి ఆదేశించడంతో జిల్లా జైలుకు తరలించారు. వేలాది విద్యార్థులు జ్ఞానార్జన చేసే కాలేజీ వద్ద లంచం తీసుకోవడం చర్చనీయాంశమైంది. లోకాయుక్త ఎస్పీ సిద్దలింగప్ప, డీఎస్పీ రవీంద్ర, సీఐలు ప్రసాద్‌, కరుణేష్‌ సిబ్బంది ఈ దాడిలో పాల్గొన్నారు. తహసీల్దారు రూ.50 లక్షలు లంచం తీసుకుంటున్నాడంటే, గతంలో ఇంకెంత మొత్తం సంపాదించాడోనని గుసగుసలు వినిపిస్తున్నాయి. తాలూకాఫీసులు, రెవెన్యూ ఆఫీసుల్లో ప్రజల పనులు జరగాలంటే వేలకు వేల లంచాలు కోరుతున్నారని ఆరోపణలున్నాయి. రూ.50 లక్షల లంచం తీసుకుంటూ దొరికిన ధార్వాడ తహసీల్దారు 13 ఎకరాల పనికి రియల్టర్‌ దరఖాస్తు డబ్బుతో పాటు 2 ఎకరాలు కోరిన వైనం రెడ్‌హ్యాండెడ్‌గా అరెస్టు రూ.8లక్షలతో జీఎస్టీ అధికారి.. దొడ్డబళ్లాపురం: వ్యాపారి నుంచి రూ.8లక్షలు లంచం తీసుకుంటూ జీఎస్టీ అధికారి లోకాయుక్తకు పట్టుబడ్డ సంఘటన బెంగళూరులో జరిగింది. జీఎస్టీ సూపరింటెండెంట్‌ మోహిత్‌ ప్రతాప్‌ సింగ్‌ దొరికిపోయాడు. ఇనుప వ్యాపారం చేస్తున్న జమీర్‌ అనే వ్యాపారి జీఎస్టీ చెల్లింపుల్లో లోపాలను సరి చేసేందుకు ఈ అధికారి రూ.20 లక్షల ముడుపులు డిమాండు చేశాడు. చివరకు రూ.8 లక్షలకు బేరం కుదుర్చుకున్నాడు. అధికారి ఒత్తిళ్లు తట్టుకోలేక వ్యాపారి జమీర్‌ లోకాయుక్త పోలీసులను ఆశ్రయించగా వివరాలు తెలుసుకున్నారు. వ్యాపారి నుంచి మోహిత్‌ ప్రతాప్‌ సింగ్‌ రూ.8 లక్షలు తీసుకుంటుండగా అదుపులోకి తీసుకుని కేసు నమోదు చేశారు.

సాక్షి,బళ్లారి: సాధారణ కుటుంబ నేపథ్యం నుంచి ప్రజాజీవితంలోకి వచ్చిన నరేంద్రమోదీ తన జీవితాన్ని దేశ సేవకు అంకితం చేసిన మహానుభావుడని, గుజరాత్‌ ముఖ్యమంత్రిగా, దేశ ప్రధానమంత్రిగా ప్రజా జీవితంలో సుదీర్ఘకాలం ప్రజా సేవలో కొనసాగుతున్నారని మాజీ ఎమ్మెల్యే గాలి సోమశేఖరరెడ్డి పేర్కొన్నారు. ఆయన గురువారం ప్రధానమంత్రి నరేంద్రమోదీ జన్మదినాన్ని పురస్కరించుకుని నగరంలోని జిల్లా ప్రభుత్వాస్పత్రి ఆవరణలో కేక్‌ కట్‌ చేసి సంబరాలు చేసుకోవడంతో పాటు రోగులకు పండ్లు, బ్రెడ్‌ పంపిణీ చేసి వారి యోగ క్షేమాలను గురించి తెలుసుకున్నారు. మాజీ మేయర్‌ గుర్రం వెంకటరమణ, మాజీ బుడా అధ్యక్షుడు పాలన్న, జిల్లా ఆస్పత్రి ఇన్‌ఛార్జి బసారెడ్డి తదితరులు పాల్గొన్నారు. ప్రధాని ఫొటో లేదని ఎంపీ మండిపాటు సాక్షి,బళ్లారి: దేశ ప్రధానమంత్రి నరేంద్రమోదీ ఫోటో, పేరును బ్యానర్‌ ముద్రించకపోవడంతో లోక్‌సభ సభ్యుడు, మాజీ ముఖ్యమంత్రి బసవరాజ్‌ బొమ్మై తీవ్ర ఆగ్రహం వ్యక్తం చేశారు. గురువారం గదగ్‌ ఏపీఎంసీలోని స్వామి వివేకానంద సభాంగణంలో ఏర్పాటు చేసిన కార్యక్రమంలో పాల్గొనేందుకు ఆయన విచ్చేశారు. ఈ సందర్భంగా కేంద్ర ప్రభుత్వ కార్యక్రమంలో ప్రధానమంత్రి మోదీ ఫోటో లేకపోవడంపై ఆయన తీవ్ర స్థాయిలో మండిపడ్డారు. జిల్లాధికారి తీరుపై ఆగ్రహం వ్యక్తం చేస్తూ, ముఖ్యమంత్రి డీకే శివకుమార్‌ ఫోటో పెడితే తమకు ఎలాంటి అభ్యంతరం లేదు, అయితే దేశ ప్రధానమంత్రి, అందులోనూ కేంద్ర ప్రభుత్వ కార్యక్రమంలో ప్రధాని ఫోటో లేకపోవడం ఏమిటని ప్రశ్నించారు. ప్రోటోకాల్‌ పాటించకపోవడంపై వివరణ ఇవ్వాలని ఆయన డిమాండ్‌ చేశారు. కులవృత్తితో పాటు విద్య అనివార్యంబళ్లారిటౌన్‌: విశ్వకర్మ సమాజం వారికి కులవృత్తితో పాటు విద్య కూడా అవసరమని లిడ్కర్‌ అధ్యక్షుడు ముండ్రిగి నాగరాజు పేర్కొన్నారు. జిల్లా పాలన, జిల్లా పంచాయతీ తదితర శాఖల ఆధ్వర్యంలో జోళదరాఽశి దొడ్డనగౌడ రంగమందిరంలో గురువారం ఏర్పాటు చేసిన విశ్వకర్మ జయంతిని ప్రారంభించి ఆయన మాట్లాడారు. విశ్వకర్మ సమాజం వారు చాలా కాలంగా, తమ కుల వృత్తినే నమ్ముకుని జీవిస్తున్నారని, వారి జీవితం అంతంత మాత్రంగానే ఉందన్నారు. ఈ సమాజం వారు పిల్లలకు మంచి విద్యాబోధన కల్పించాలని సూచించారు. ప్రభుత్వ పథకాలను సద్వినియోగ పరుచుకోవాలన్నారు. పాలికె మేయర్‌ గాదెప్ప మాట్లాడుతూ దైవ రూపాన్ని సృష్టించడంలో విశ్వకర్మ సమాజం వారు నైపుణ్యత కలిగి ఉన్నారని కొనియాడారు. న్యాయవాది త్రివేణి పత్తార్‌, కన్నడ సంస్కృతి శాఖ జేడీ నాగరాజు, విశ్వకర్మ వికాస వేదిక అధ్యక్షుడు చంద్రకాంత్‌ తదితరులు పాల్గొన్నారు. బొజ్జగణపయ్యకు పూజలు బళ్లారి రూరల్‌ : నగరంలోని సింధిగి కాంపౌండ్‌లో గణేశ మిత్ర మండలి ఆధ్వర్యంలో 49వ ఏడాది వినాయక చవితిని వైభవంగా నిర్వహిస్తున్నారు. నాలుగో రోజులో భాగంగా గురువారం బొజ్జ గణపయ్యకు శాస్త్రోక్తంగా విశేష పూజలు జరిపారు. శుక్రవారం నిమజ్జనం చేయనున్న నేపథ్యంలో గురువారం మధ్యాహ్నం 1 గంట నుంచి 4 గంటల వరకు పురుషులకు, మహిళలకు వేర్వేరుగా ఫంక్తిని ఏర్పాటు చేసి సుమారు వెయ్యి మందికి అన్నసంతర్పణ చేశారు. మిత్ర మండలి ప్రముఖులు గురురాజ్‌, డాక్టర్‌ నాగరాజరావు, కార్యవర్గ సభ్యులు పాల్గొన్నారు. గణేష్‌ ఉత్సవాలు సంస్కృతికి ప్రతీక రాయచూరు రూరల్‌: గణేష్‌ ఉత్సవాలు హిందూ ధర్మ సంస్కృతి సంప్రదాయాలకు ప్రతీక అని కిల్లేమఠం పీఠాధిపతి శాంతమల్ల శివాచార్య పేర్కొన్నారు. గురువారం నగరంలో కిల్లేమఠం వద్ద కేసరి గజానన యువక మండలి గణపతి ప్రతిష్టాపనకు పూజలు చేసి భక్తులనుద్దేశించి మాట్లాడారు. నగరసభ మాజీ సభ్యులు దరూరు బసవరాజ్‌, ప్రశాంతి, సత్యనారాయణ, సతీష్‌, ధారాసింగ్‌, పురుషోత్తం ఇనాని, గురుస్వామి, ఈరణ్ణ, నాగరాజ్‌, సంతోష్‌లున్నారు.

బళ్లారిటౌన్‌: నగరంలో గురువారం సాయంత్రం కొద్దిపాటి వర్షం కురిసింది. వాతావరణ వైపరీత్యాలతో ఎండాకాలంలో మాదిరిగా భగభగమండుతున్న ఎండలకు జనం అల్లాడిపోతున్నారు. వర్షం కురవడంతో వాతావరణం కొంత చల్లబడింది. వర్షంతో ప్రజలకు ఉపశమనం లభించింది. నగరంలోని రాయల్‌ సర్కిల్‌, పటేల్‌నగర్‌, మోతీ సర్కిల్‌, గాంధీనగర్‌, నెహ్రు కాలనీ, పార్వతీ నగర్‌ తదితర ప్రాంతాల్లో రోడ్లలో నీరు పారి ప్రజలను ఉత్సాహపరిచింది. హమ్మయ్య.. వర్షం కురిసిందిఎట్టకేలకు బళ్లారి నగరంలో ఓ మోస్తరు వర్షం కురిసింది. గురువారం సాయంత్రం పలుప్రాంతాలలో కురిసిన వాన. వేడిమి తగ్గి చల్లదనం రావడంతో ప్రజలు హమ్మయ్య అనుకున్నారు.

రాయచూరు రూరల్‌: నగరంలో విశ్వకర్మ జయంతి ఉత్సవాలను తహసీల్దార్‌ సురేష్‌ వర్మ, మాజీ మంత్రి ఎన్‌ఎస్‌ బోసురాజు ప్రారంభించారు. గురువారం పండిత సిద్దరామ జంబలదిన్ని రంగమందిరంలో జిల్లా పంచాయతీ, జిల్లాధికార యంత్రాంగం, జిల్లా సాంఘీక సంక్షేమ శాఖ, నగరసభ, కన్నడ సంస్కృతీ శాఖ, అఖిల కర్ణాటక విశ్వకర్మ సమాజం మహాసభ సంయుక్త ఆధ్వర్యంలో ఏర్పాటు చేసిన జయంతి ఉత్సవంలో తహసీల్దార్‌ మాట్లాడారు. విశ్వకర్మ సమాజం అన్ని వర్గాల సేవకు ముందుంటుందన్నారు. సమావేశంలో విశ్వకర్మ జిల్లా సంచాలకుడు బ్రహ్మ గణేష్‌, అదనపు జిల్లాధికారి దురుగేష్‌, సమాజం నేతలు గురు, రాము, ప్రకాష్‌, మనోహర్‌, రవి, మారుతి, శరణు, సురేష్‌, వెంకటేష్‌, వీరేష్‌లున్నారు.

సాక్షి,బళ్లారి: హైదరాబాద్‌ నిజాం నవాబు పాలన నుంచి విముక్తి పొందిన కళ్యాణ కర్ణాటక(క–క) ప్రాంత సమగ్రాభివృద్ధికి రూ.18 వేల కోట్లు ఖర్చు చేసినట్లు మంత్రి టీ.రఘమూర్తి పేర్కొన్నారు. ఆయన గురువారం జిల్లా యంత్రాంగం ఆధ్వర్యంలో మున్సిపల్‌ కళాశాల ఆవరణలో ఏర్పాటు చేసిన 79వ కళ్యాణ కర్ణాటక విమోచన దినోత్సవంలో పాల్గొని, జాతీయ జెండాను ఎగరవేసిన అనంతరం మాట్లాడారు. సర్దార్‌ వల్లబ్‌భాయ్‌ పటేల్‌, జవహర్‌లాల్‌ నెహ్రు తీసుకున్న దృఢ నిర్ణయ ఫలితంగా 1948 సెప్టెంబర్‌ 17వ తేదీన ఈ ప్రాంతానికి విముక్తి లభించిందన్నారు. మహనీయులను స్మరించుకోవాలి ఈ చారిత్రక పోరాటంలో ఎందరో త్యాగాలు, బలిదానాలు కూడా చేశారని గుర్తు చేశారు. ఆ మహనీయులందరినీ స్మరించుకోవాల్సిన అవసరం ఉందన్నారు. వెనుకబడిన ఈ ప్రాంత జిల్లాల్లో ఆర్టికల్‌– 371(జే) అమలుతో విద్య, ఉద్యోగ రంగాల్లో ప్రత్యేక రిజర్వేషన్లు అమలు చేశారన్నారు. నిధుల కొరత లేదని, అధికారులు వేగవంతంగా పెండింగ్‌ పనులు పూర్తి చేయాలన్నారు. ప్రస్తుతం రాష్ట్రంలో కరువు పరిస్థితులు నెలకొన్నందున కేంద్ర ప్రభుత్వ మార్గదర్శకాల ప్రకారం వర్షాభావ ప్రాంతాల్లో కరువును ప్రకటించి సహాయ చర్యలు చేపడుతున్నామన్నారు. ఇప్పటికే కరువు తాలూకాలను ప్రకటించామని, అన్ని ప్రాంతాల్లో కూడా ఉపాధి కల్పించి రైతు కూలీలను ఆదుకుంటామన్నారు. రైతులు ధైర్యంగా ఉండాలి రైతులు ఏ ఒక్కరు కూడా ధైర్యం కోల్పోకూడదన్నారు. ఐదు గ్యారెంటీల ద్వారా పేదలకు సంక్షేమ పథకాలు అందిస్తున్నామన్నారు. కళ్యాణ కర్ణాటక ప్రాంత పోరాట సమితి గౌరవాధ్యక్షుడు సిరిగేరి పన్నారాజ్‌ ప్రత్యేక ఉపన్యాసం చేశారు. అనంతరం హైదరాబాద్‌ కర్ణాటక విమోచన అనే పుస్తకాన్ని విడుదల చేశారు. ఆర్టికల్‌– 371(జే) కోసం కృషి చేసిన పోరాటయోధులను సన్మానించారు. జిల్లాధికారి నాగేంద్ర ప్రసాద్‌, ఎస్పీ సుమన్‌ పన్నేకర్‌, లిడ్కర్‌ అధ్యక్షుడు ముండ్రిగి నాగరాజు, ఐదు గ్యారెంటీ పథకాల అమలు సమితి జిల్లాధ్యక్షుడు చిదానందప్ప తదితరులు పాల్గొన్నారు. అభివృద్ధికి రూ.18 వేల కోట్లు వ్యయం ఎస్టీ వర్గాల సంక్షేమ మంత్రి రఘుమూర్తి

సాక్షి,బళ్లారి: నగరంలోని సెంటినరీ హాల్‌లో అంతర్జాతీయ హిందూ పరిషత్‌, రాష్ట్రీయ భజరంగదళ్‌ ఆధ్వర్యంలో ఏర్పాటు చేసిన హిందూ మహా గణపతి భారీ శోభాయాత్ర ఈనెల 20న నిర్వహిస్తున్నట్లు హిందూ మహా గణపతి ఉత్సవ సమితి ప్రధాన కార్యదర్శి శరణ పాటిల్‌ పేర్కొన్నారు. ఆయన గురువారం సెంటినరీ హాల్‌లో విలేకరులతో మాట్లాడారు. నగరంలో ప్రతిష్టాపకంగా ఏర్పాటు చేసిన హిందూ మహా గణపతి నిమజ్జన కార్యక్రమాన్ని భారీ ఎత్తున చేపడుతున్నామన్నారు. ఈ శోభాయాత్ర రాయల్‌ సర్కిల్‌, బ్రూస్‌పేట పోలీసు స్టేషన్‌ సర్కిల్‌, మోతీ సర్కిల్‌ మీదుగా వివిధ సాంస్కృతిక కార్యక్రమాలతో కొనసాగుతుందన్నారు. ముఖ్యంగా కాంతారా సినిమాలో రిషబ్‌శెట్టి చేసిన విధంగా కేరళకు చెందిన నృత్య బృందం నిర్వహిస్తారన్నారు. 51 మంది కేరళ బృందం నృత్యాలు, మల్లకంబ పోటీలు కూడా ఉంటాయన్నారు. భక్తులకు అందించిన కూపన్లను ఆదివారం సాయంత్రం 4 గంటల లోపు బాక్స్‌లో వేయాలని కోరారు. రాయల్‌ సర్కిల్‌ వద్ద డిప్‌ తీస్తామని, లక్కీడిప్‌లో గోల్డెన్‌ కోటెడ్‌ వినాయక విగ్రహాన్ని 21 మందికి అందజేస్తామన్నారు. ఉత్సవ సమితి ప్రముఖులు రమేష్‌ బుజ్జి, గాదిలింగనగౌడ, సాగర్‌ సామ్రాట్‌, మల్లికార్జున, కేసీ రెడ్డి, శ్రీకాంత్‌ తదితరులు పాల్గొన్నారు.

బళ్లారి అర్బన్‌: ప్రజల సమస్యలు పరిష్కరించడంలో, ప్రభుత్వ పథకాలు ప్రజలకు చేరువ చేసే విషయంలో అధికారులు చురుగ్గా పని చేయాల్సిన అవసరం ఉందని సిటీ ఎమ్మెల్యే నారా భరత్‌రెడ్డి పేర్కొన్నారు. ఆయన గురువారం నగరంలో తహసీల్దార్‌ కార్యాలయాన్ని ఆకస్మికంగా తనిఖీ చేశారు. ప్రజలతో మమేకమై సమస్యలు అడిగి తెలుసుకున్నారు. అనంతరం ఆయన మాట్లాడుతూ ప్రజల ఇంటి వద్దకే ప్రభుత్వ సేవలు అందించాలని సీఎం డీకే శివకుమార్‌ లక్ష్యంగా పెట్టుకున్నారన్నారు. అధికారులు నిర్లక్ష్యంగా పని చేస్తే సహించేది లేదన్నారు. అధికారులు, ప్రజాప్రతినిధులు అందుబాటులో ఉంటూ ప్రజాసమస్యలు పరిష్కరించాలన్నారు. తహసీల్దార్‌ కార్యాలయంలో వృద్ధాప్య పింఛన్‌, వితంతు పింఛన్లు తదితర ఎన్నో సమస్యల్లో జాప్యం జరుగుతున్నట్లు ఫిర్యాదులు వచ్చాయన్నారు. ఇకపై నిర్లక్ష్యం, ఆలస్యం జరగకుండా చూసుకోవాల్సిన అవసరం ఉందన్నారు. 2028 ఎన్నికల్లో మళ్లీ కాంగ్రెస్‌ పార్టీ అఽధికారంలోకి వస్తుందని, జిల్లాలోని అన్ని స్థానాల్లో కాంగ్రెస్‌ అభ్యర్థులే గెలుపొందుతారన్నారు. వాల్మీకి విగ్రహ ప్రతిష్టాపనను త్వరలో భారీ స్థాయిలో నిర్వహిస్తామన్నారు. ఎమ్మెల్యే నారా భరత్‌రెడ్డి

మండ్య: కొన్నాళ్లుగా స్తబ్ధుగా ఉన్న ప్రైవేటు మైక్రో ఫైనాన్స్‌ సంస్థల ఆగడాలు మళ్లీ మొదలయ్యాయి. మండ్య జిల్లాలోని కె.ఆర్‌.పేట తాలూకాలోని బి.బి. కావలు గ్రామంలో ఈక్విటాస్‌ మైక్రో ఫైనాన్స్‌ సంస్థ సిబ్బంది అమానుషంగా ప్రవర్తించారు. ఇంటి అప్పు కంతు కట్టలేదంటూ చంటిబిడ్డతో ఉన్న బాలింతను, కుటుంబాన్ని గెంటేసి ఇంటికి తాళం వేశారు. ఈ ఘటన 5 రోజుల క్రితం జరగగా, దళిత సంఘాలు ఈ అమానుష చర్యను వెలుగులోకి తెచ్చాయి. దేవరాజు, యశోద, వారి కుమారుడు సంతోష్‌, భార్య ఆ ఇంట్లో నివసిస్తున్నారు. ఆ కుటుంబం ఇంటిని కుదువపెట్టి రూ.4 లక్షల రుణం తీసుకుంది. మొదట్లోనే వడ్డీ ఖర్చుల కింద రూ.లక్ష కట్‌ చేసి 3 లక్షలు మాత్రమే ఇచ్చారని దళిత సంఘాల నేతలు ఆరోపించారు. ఇప్పుడు అప్పు చెల్లించడం లేదంటూ ఇంటికి తాళం వేసి దౌర్జన్యం చేస్తున్నారని తెలిపారు. 5 రోజులుగా ఆహారం, నిద్ర లేకుండా ఆరుబయటే అలమటిస్తున్నట్లు తెలిపారు. ఫైనాన్స్‌ సంస్థపై ప్రభుత్వం చర్యలు తీసుకోవాలని కోరారు. అప్పు కట్టలేదని ఇంటికి తాళం మండ్య జిల్లాలో మైక్రో ఫైనాన్స్‌ దురాగతం

రాయచూరు రూరల్‌: కలబుర్గిలోని సర్దార్‌ వల్లబ్‌బాయి పటేల్‌ క్రీడా మైదానంలో గురువారం కళ్యాణ కర్ణాటక విమోచన దినోత్సవంలో భాగంగా జిల్లా పాలన యంత్రాంగం ఏర్పాటు చేసిన సాంస్కృతిక కార్యక్రమాలు చూపరులను ఆకట్టుకున్నాయి. బంజారా సముదాయం లంబాడీ నృత్యం చేసి ముఖ్యమంత్రి దృష్టిని ఆకర్షించింది. మరో వైపు ఉడుపి నాట్య కళాకారులు తమ యక్షగాన ప్రదర్శనతో అందరినీ అలరించారు. అనంతరం ముఖ్యమంత్రి శివ కుమార్‌ గాణగాపురలో వెలసిన దత్తాత్రేయ స్వామి ఆలయాన్ని సందర్శించి స్వామి వారికి ప్రత్యేక పూజలు చేశారు.

రాయచూరు రూరల్‌: మద్యం మత్తులో జరిగిన ఘర్షణలో ఓ యువకుడిని చితక బాదడంతో మృత్యువాత పడిన ఘటన బుధవారం రాత్రి జిల్లాలోని లింగసూగూరు తాలూకాలో జరిగింది. మద్యం తాగిన మైకంలో తాలూకాలోని భూపుర తాండాకు చెందిన శివనగౌడ నాయక్‌ రాంపూర్‌(26)ను చితకబాదడంతో తలలో రక్తం గడ్డ కట్టింది. రాత్రి వేళ దొంగ సారాయి తాగి గణేష్‌ విగ్రహ ప్రతిష్టాపన మండపం వద్దకు వెళ్లాడు. అక్కడ స్వల్ప ఘర్షణ జరిగింది. అతడిని చికిత్స నిమిత్తం లింగసూగూరులోని ప్రభుత్వ ఆస్పత్రిలో చేర్పించారు. చికిత్స పొందుతూ గురువారం మృతి చెందాడు. శివనగౌడ నాయక్‌కు ముగ్గురు సంతానం ఉండగా, ప్రస్తుతం భార్య ఆరు నెలల గర్భిణి అని, శివనగౌడ నాయక్‌పై దాడికి పాల్పడిన వారిని వెంకటేశ్‌, అనిల్‌, లక్కప్ప, శంక్రప్పలుగా గుర్తించినట్లు పోలీసులు తెలిపారు. లింగసూగూరు పోలీసులు కేసు దర్యాప్తు చేస్తున్నట్లు డీఎస్పీ దత్తాత్రేయ కార్నాడ్‌ తెలిపారు. వెంకటేష్‌ను అరెస్ట్‌ చేశామని, మిగతా ముగ్గురి కోసం గాలిస్తున్నట్లు వివరించారు. వీడిన మిస్టరీ● మృతుడు మొళకాల్మూరు వాసి కూడేరు: మండల పరిధిలోని ఉదిరిపికొండ–శివరాంపేట గ్రామాల మధ్య అనంతపురం–బళ్లారి ప్రధాన రహదారి పక్కన చెట్టుకు ఉరేసుకుని ఆత్మహత్యకు పాల్పడిన గుర్తు తెలియని వ్యక్తిని కర్ణాటక వాసిగా పోలీసులు గుర్తించారు. గురువారం మృతుడి వివరాలను పోలీసులు వెల్లడించారు. మొళకాల్మూరు తాలూకా కొండ్లహళ్లి గ్రామానికి చెందిన రుద్రప్ప, నాగలక్ష్మి దంపతులకు కుమారుడు మైలారి(25), కుమార్తె ఉన్నారు. వీరు ఈనెల 9న ఉరవకొండ మండలం పెన్నహోబిలం లక్ష్మీనరసింహ స్వామి ఆలయానికి దర్శనార్థం వచ్చారు. మైలారికి మతిస్థిమితం సరిగా లేకపోవడంతో ఉదిరిపికొండ వైపు వచ్చాడు. కుటుంబ సభ్యులు అతని కోసం వెతికినా కనిపించక పోవడంతో వారు ఉరవకొండ పోలీసు స్టేషన్‌లో ఫిర్యాదు చేసి స్వగ్రామానికి వెళ్లిపోయారు. పోలీసులు అతని భుజాలపై ఉన్న పచ్చబొట్టు అక్షరాల ఆధారంగా బళ్లారి పోలీసులకు సమాచారమివ్వగా వారి ద్వారా మృతుడి ఆచూకీ లభించడంతో మిస్టరీ వీడింది. అప్పుల బాధ తాళలేక రైతు ఆత్మహత్యరాయచూరు రూరల్‌: అప్పుల బాధ భరించలేక రైతు ఆత్మహత్య చేసుకున్న ఘటన జిల్లాలోని సింధనూరు తాలూకాలో చోటు చేసుకుంది. బుధవారం మధ్యాహ్నం తాలూకాలోని బన్నిగనూరులోని తన ఇంట్లో రైతు విరుపణ్ణ(66) విషం తాగి ఆత్మహత్యకు పాల్పడ్డాడు. అతడిని చికిత్స నిమిత్తం సింధనూరులోని ప్రైవేట్‌ ఆస్పత్రిలో చేర్పించారు. చికిత్స పొందుతూ గురువారం మృతి చెందాడు. దిద్దిగి వ్యవసాయ సేవా సహకార సంఘం బ్యాంక్‌లో రూ.4 లక్షలకు తోడు అదనంగా రూ.10 లక్షలను అప్పు చేశాడు. ఈ ఏడాది వర్షాలు లేక కాలువలకు సకాలంలో నీరందక పోవడంతో అప్పులు ఎలా తీర్చాలనే బెంగతో విషం తాగినట్లు సింధనూరు డీఎస్పీ చంద్రశేఖర్‌ నాయక్‌ తెలిపారు. విరుపణ్ణకు ఇద్దరు మగ, ఇద్దరు ఆడపిల్లలు సంతానం ఉన్నారన్నారు. బళగానూరు పోలీస్‌ స్టేషన్‌లో కేసు నమోదు చేసుకుని దర్యాప్తు చేస్తున్నట్లు తెలిపారు. నిష్పక్షపాత దర్యాప్తు కోసం ధర్నా రాయచూరు రూరల్‌: జిల్లాలోని సిరవార తాలూకా హొక్రాణిలో దళిత యువతి అశ్వినిపై హత్యాచారానికి పాల్పడిన నిందితులను అరెస్ట్‌ చేసి కేసు నిష్పక్షపాతంగా దర్యాప్తు చేపట్టాలని దళిత సంఘర్ష సమితి డిమాండ్‌ చేసింది. గురువారం టిప్పుసుల్తాన్‌ ఉద్యానవనంలో చేపట్టిన ఆందోళనలో సంచాలకుడు మారెప్ప, రవీంద్రనాథ్‌ మాట్లాడారు. అశ్విని మృతికి కారకులైన వారిపై చర్యలు చేపట్టాలని కోరారు. నరసింహులు, శివ కుమార్‌, బేరి, హేమరాజ్‌లున్నారు.

బళ్లారి రూరల్‌ : ఆరోగ్యమే మహాభాగ్యం. ఆరోగ్యంగా ఉంటే అన్నింటినీ సమకూర్చుకోవచ్చు. ఆరోగ్యంగా లేకపోతే ఎన్ని ఉన్నా వ్యర్థమే. సమతుల్యమైన ఆహారం తీసుకుంటే ఆరోగ్యాన్ని సంరక్షించుకోవచ్చని బీఎంసీఆర్‌సీ నర్సింగ్‌ కళాశాల విద్యార్థులు ప్రదర్శన ద్వారా రోగులకు, సంబంధీకులకు తెలిపారు. జాతీయ న్యూట్రీషినల్‌ వారోత్సవాల్లో భాగంగా గురువారం బీఎంసీఆర్‌సీ ఆవరణలో సమతుల్య ఆహారంపై జాగృతి కార్యక్రమాన్ని నిర్వహించారు. ఆరోగ్యాన్ని సంరక్షించుకోవడానికి కూరగాయలు, ఆకుకూరలు, గుడ్లు, చేపలు సమపాళ్లలో తీసుకోవాలన్నారు. మనం తీసుకొనే ఆహారంలో క్యాల్షియం, పొటాషియం, అయోడిన్‌, ప్రోటీన్స్‌ ఉండేలా చూసుకోవాలని రోగులకు సూచించారు. జంక్‌ ఫుడ్స్‌ తీసుకోవం వల్ల స్థూలకాయం, గుండెజబ్బులు, మధుమేహం వస్తాయని తెలిపారు. కళాశాల సిబ్బంది నందిని, ఉమ, ఫర్జానా, జయశ్రీ , త్రివేణి పాల్గొన్నారు.

రాయచూరు రూరల్‌: కళ్యాణ కర్ణాటకకు ప్రత్యేకంగా రూ.5 వేల కోట్ల నిధులు కేటాయించామని రాష్ట్ర ముఖ్యమంత్రి శివకుమార్‌ పేర్కొన్నారు. గురువారం కలబుర్గి సర్దార్‌ వల్లబ్‌బాయి పటేల్‌ క్రీడా మైదానంలో కళ్యాణ కర్ణాటక విమోచన దినోత్సవాన్ని ప్రారంభించి ఆయన మాట్లాడారు. దేశానికి ఆగస్టు నెలలో స్వాతంత్య్రం వస్తే కళ్యాణ కర్ణాటకకు ఏడాది అనంతరం సెప్టెంబర్‌ 17 రాచరిక వ్యవస్థకు స్వస్తి పలికిన రోజు అని అభివర్ణించారు. వెనుక బడిన కళ్యాణ కర్ణాటక ప్రాంతం అభివృద్ధికి ప్రత్యేకంగా ఈ ఏడాది రూ.5 వేల కోట్లను కేటాయించి, ఈ ఏడాది రూ.3 వేల కోట్లు ఖర్చు చేస్తామన్నారు. కళ్యాణ కర్ణాటక అభివృద్ధి, రాజ్యాంగంలోని ఆర్టికల్‌–371(జె) ఉప కార్యాలయం కలబుర్గిలో ఏర్పాటు చేస్తామన్నారు. కళ్యాణ కర్ణాటక ప్రాంతంలో పదో తరగతి ఫలితాల వృద్ధికి అక్షర ఆవిష్కార పథకంలో 16,041 మంది ఉపాధ్యాయులను నియమిస్తామన్నారు. మంత్రులు, శాసన సభ్యులు, జిల్లాధికారి, జెడ్పీ సీఈఓ, ఎస్పీలున్నారు. ప్రత్యేక అభివృద్ధి పథకం అమలు కళ్యాణ కర్ణాటకకు ప్రత్యేకంగా అభివృద్ధి పథకం చేపడతామని రాష్ట్ర ముఖ్యమంత్రి శివకుమార్‌ వెల్లడించారు. గురువారం కలబుర్గిలోని సర్దార్‌ వల్లబ్‌బాయి పటేల్‌ క్రీడా మైదానంలో కళ్యాణ కర్ణాటక విమోచన దినోత్సవంలో పాల్గొన్న సందర్భంగా విలేకరులతో మాట్లాడారు. నవలి వద్ద బ్యాలెన్సింగ్‌ రిజర్వాయర్‌ నిర్మాణానికి 30 టీఎంసీల నీటి సేకరణకు ఆంధ్రప్రదేశ్‌, తెలంగాణ ముఖ్యమంత్రులతో చర్చించామన్నారు. 12 ఏళ్లలో కళ్యాణ కర్ణాటక అభివృద్ధికి రూ.25 వేల కోట్లు నిధులు కేటాయించామని, వాటిలో రూ.14 వేల కోట్లు వ్యయం చేశారన్నారు. ఆరోగ్య శాఖకు రూ.429 కోట్లు, తాగునీటి కోసం రూ.7200 కోట్ల నిధులు విడుదల చేశామన్నారు. కలబుర్గి స్మార్ట్‌ సిటీ కోసం రూ.1685 కోట్లు కేటాయించామన్నారు. కలబుర్గిని హబ్‌ సిటీతో పాటు ఆర్థిక జోన్‌గా పరిగణిస్తామన్నారు. రాచరిక వ్యవస్థకు ముగింపు పలికిన రోజు కలబుర్గిలో ముఖ్యమంత్రి డీకే శివకుమార్‌

రాయచూరు రూరల్‌ : జిల్లాలో అభివృద్ధి చెందని ప్రాంతాల సమగ్ర అభివృద్ధికి కృషి చేస్తామని రాష్ట్ర చిన్న నీటిపారుదల శాఖ మంత్రి అజయ్‌సింగ్‌ పేర్కొన్నారు. గురువారం మహాత్మగాంధీ క్రీడాంగణంలో 78వ కళ్యాణ కర్ణాటక విమోచన దినోత్సవంలో జాతీయ జెండాను ఆవిష్కరించి మాట్లాడారు. డాక్టర్‌ నంజుండప్ప నివేదిక ఆధారంగా సామాజిక, ఆర్థిక, విద్యా, వైద్య రంగాల అభివృద్ధికి ప్రాధాన్యత కల్పిస్తామన్నారు. ప్రాథమిక పాఠశాల విద్యార్థులకు ఆర్టికల్‌–371(జే) వల్ల ఒనగూరే అంశాలపై అవగాహన కల్పించాలన్నారు. అక్షర ఆవిష్కారలో ఉపాధ్యాయుల నియామకాలు జరుపుతామన్నారు. నిరుద్యోగులకు వృత్తి విద్యా కోర్సులతో ఎక్కువగా ఉద్యోగాలున్నాయన్నారు. ప్రభుత్వ కొలువులో అందరికీ అవకాశం ఉందన్నారు. మాజీ మంత్రి ఎన్‌ ఎస్‌ బోసురాజు, ఎమ్మెల్సీ వసంత్‌ కుమార్‌, జిల్లాధికారిణి పూవిత, జెడ్పీ సీఈఓ ఈశ్వర్‌ కుమార్‌, ఎస్పీ అరుణాంగ్శు గిరి, ఏసీ హంపన్న, నగరసభ అధికారి జుబీన్‌ మహాపాత్రోలున్నారు. యాదగిరిలో రాష్ట్ర వైద్య విద్యా శాఖ మంత్రి శరణ ప్రకాష్‌ పాటిల్‌, బీదర్‌లో అటవీ శాఖా మంత్రి ఈశ్వర్‌ ఖండ్రే జాతీయ జెండాను ఆవిష్కరించారు. కాలువలో నీటి గేజ్‌ కాపాడండి తుంగభద్ర ఎడమ కాలువలో నీటి గేజ్‌ నిర్వహించాలని అధికారులకు రాష్ట్ర చిన్న నీటిపారుదల శాఖ మంత్రి అజయ్‌ సింగ్‌ ఆదేశించారు. గురువారం మహాత్మగాంధీ క్రీడా మైదానంలో విలేకరుల సమావేశంలో మాట్లాడారు. ఎడమ కాలువ 47వ మైలు వద్ద నీటి నిర్వహణకు అధికారులు సహకరించి ఆయకట్టు చివరి భూములకు నీరందించడానికి గేజ్‌ సామర్థ్యాన్ని పెంచాలన్నారు. ఈ విషయంలో ఇంజనీర్లు సక్రమంగా కాలువలో నీటి నిర్వహణలో క్రమశిక్షణ పాటించాలన్నారు. ఆయకట్టు చివరి భూములకు నీరందించడానికి అధికారులు ముందుకు రావాలన్నారు. కరువు సహాయక పనుల విషయంలో కేంద్రం నుంచి ఆర్థిక సహాయం అందడం లేదన్నారు. జొన్నలు విక్రయించిన రైతులకు ఐదు నెలల నుంచి బకాయిలు చెల్లించకుండా ఉన్న అంశంపై చర్చిస్తామన్నారు. కరువు ప్రాంతంలో తాగునీటి కోసం జిల్లాధికారి వద్ద రూ.11 కోట్ల నిధులు ఉన్నాయని, అందులో రూ.6 కోట్లు వ్యయం చేయడానికి అవకాశం కల్పించామన్నారు. కరువు పరిహారం విషయంపై చర్చించడానికి శుక్రవారం మంగళూరులో ప్రత్యేక మంత్రి మండలి సమావేశాన్ని ఏర్పాటు చేశారన్నారు. మంత్రి అజయ్‌సింగ్‌

బెంగళూరులోని జేపీ నగర్‌ 3వ దశలో గురువారం ఉదయం 26 ఏళ్ల ఓ నర్సుపై ఆమె భర్త దాడికి పాల్పడ్డాడు. దంపతుల మధ్య నెలకొన్న వివాదం నేపథ్యంలో ఈ ఘటన జరిగినట్లు ప్రాథమిక దర్యాప్తులో పోలీసులు తెలిపారు. బాధితురాలిని మధుమితగా గుర్తించారు. కోల్‌కతాకు చెందిన ఆమె గత ఏడాదిన్నరగా అక్కడి ఓ ప్రైవేటు క్లినిక్‌లో నర్సుగా పనిచేస్తున్నారు.పోలీసుల వివరాల ప్రకారం.. ఉదయం 9.15 గంటల సమయంలో మధుమిత అల్పాహారం కోసం క్లినిక్‌ నుంచి బయటకు వెళ్లారు. అదే సమయంలో ఆమె భర్త వెంకటేశన్‌ ఆమెను వెంబడిస్తూ క్లినిక్‌ ఉన్న బహుళ అంతస్తుల భవనం దిగువ అంతస్తులోని పార్కింగ్‌ ప్రాంతానికి చేరుకున్నాడు. తమిళనాడుకు చెందిన వెంకటేశన్‌ ద్విచక్రవాహనంపై కత్తి, కొడవలి, యాసిడ్‌ తీసుకొచ్చినట్లు పోలీసులు తెలిపారు.పార్కింగ్‌ ప్రాంతంలో మధుమితపై వెంకటేశన్‌ కొడవలితో దాడి చేసి, అనంతరం ఆమెపై యాసిడ్‌ పోశాడని పోలీసులు చెప్పారు. తీవ్ర భయాందోళనకు గురైన ఆమె కేకలు వేస్తూ పరుగులు తీశారు. దీంతో క్లినిక్‌ సిబ్బంది, స్థానికులు ఆమెను కాపాడేందుకు అక్కడికి చేరుకున్నారు. కొందరు వ్యక్తులు నిందితుడిని అడ్డుకునేందుకు ప్రయత్నించగా, వారిపైనా అతడు దాడికి యత్నించినట్లు పోలీసులు తెలిపారు.ఇంతలో సమీపంలోని ట్రాఫిక్‌ సిగ్నల్‌ వద్ద విధులు నిర్వహిస్తున్న సిబ్బంది ఘటనను గుర్తించారు. అక్కడి నుంచి తప్పించుకునేందుకు ప్రయత్నిస్తున్న వెంకటేశన్‌ను వారు అదుపులోకి తీసుకున్నారు. తీవ్రంగా గాయపడిన మధుమిత ప్రస్తుతం ఓ ప్రైవేటు ఆసుపత్రిలో చికిత్స పొందుతున్నారు.ఘటనపై జేపీ నగర్‌ పోలీసులు స్థలాన్ని పరిశీలించి వెంకటేశన్‌ను అదుపులోకి తీసుకున్నారు. దాడికి దారితీసిన ఖచ్చితమైన కారణాన్ని తెలుసుకునేందుకు అతడిని ప్రశ్నిస్తున్నారు. దర్యాప్తు కొనసాగుతున్న నేపథ్యంలో కేసుకు సంబంధించిన మరిన్ని వివరాలు వెలువడాల్సి ఉంది.

కాంగ్రెస్‌ సీనియర్‌ నేత, కర్ణాటక మాజీ ముఖ్యమంత్రి సిద్ధరామయ్యకు ఘోర అవమానం.. అదీ ఉద్దేశపూర్వకంగానే జరిగిందా?. కన్నడ నాట ఈ వ్యవహారం హాట్‌ టాపిక్‌గా మారింది. కలబురగిలోని సిద్ధరామయ్య సర్కిల్‌లో ఉన్న విగ్రహ తొలగింపు.. ఆయన వర్గీయులకు తీవ్ర ఆగ్రహం తెప్పిస్తోంది. ముఖ్యమంత్రి డీకే శివకుమార్‌ కలబురగి పర్యటనకు ముందు ఈ ఘటన చోటుచేసుకోవడం మరింత ఆసక్తి రేపుతోంది.ముఖ్యమంత్రి డీకే శివకుమార్‌ ఇవాళ కలబురగిలో పర్యటించాల్సి ఉంది. కల్యాణ కర్ణాటక ఉత్సవాల్లో ఆయన పాల్గొనాల్సి ఉంది. అయితే అంతకంటే ముందే.. ఈ ఉదయం అక్కడి చౌరస్తాలో ఏర్పాటు చేసిన సిద్ధరామయ్య కాంస్య విగ్రహాన్ని మున్సిపల్‌ సిబ్బంది తొలగించారు. అయితే సిద్దూ అభిమానుల నుంచి విమర్శలు రావడంతో.. డీకే పర్యటనకు, విగ్రహ తొలగింపునకు ఎలాంటి సంబంధం లేదని అధికారులు వివరణ ఇచ్చుకున్నారు. అనుమతి లేకుండా విగ్రహాన్ని పెట్టారని వివరణ ఇచ్చారు. అలాగే ఈ మొత్తం ఎపిసోడ్‌లో మరో ట్విస్ట్‌ను బయటపెట్టారు.A Siddaramaiah statue has appeared overnight near High Court Cross in Kalaburagi, at a spot that had earlier been turned into a Siddaramaiah Circle.The installation was allegedly carried out without permission, though the district administration is yet to clarify what action,… pic.twitter.com/UeVQW2fV1M— Deccan Herald (@DeccanHerald) September 17, 2026మూడేళ్ల కిందట ఈ సర్కిల్‌కు కొందరు స్థానికులు సిద్ధరామయ్య అని పేరు పెట్టారు. అయితే అందుకు ఎలాంటి అనుమతులు తీసుకోలేదని అధికారులు అంటున్నారు. అంతేకాదు.. తాము తొలగించిన విగ్రహం కూడా గత రాత్రే ఏర్పాటు చేశారని.. దానికి కూడా పర్మిషన్‌ లేదని చెబుతున్నారు. ‘‘దాదాపు ఏడేనిమిది మంది వ్యక్తులు అర్ధరాత్రివేళ విగ్రహాన్ని తీసుకొచ్చి ఏర్పాటు చేశారు. విగ్రహం చేతులు పైకెత్తి ప్రజలకు అభివాదం చేస్తున్నట్లుగా ఉంది. వాళ్ల ఉద్దేశం ఏంటో మాకు తెలియదు. సీసీటీవీ ఫుటేజీలను పరిశీలించాలని పోలీసులను కోరాం’’ అని ఓ ఉన్నతాధికారి తెలిపారు. కాంక్రీట్‌ కూడా పూర్తిగా ఆరకముందే తమ సిబ్బంది అక్కడికి చేరుకుని వెంటనే విగ్రహాన్ని తొలగించినట్లు తెలిపారు.2023 కర్ణాటక అసెంబ్లీ ఎన్నికల తర్వాత ముఖ్యమంత్రి పదవి కోసం సిద్ధరామయ్య, డీకే శివకుమార్‌ మధ్య పోటీ నెలకొంది. చివరకు సిద్ధరామయ్య ముఖ్యమంత్రిగా, శివకుమార్‌ ఉప ముఖ్యమంత్రిగా బాధ్యతలు చేపట్టారు. ఆ సమయంలో ఇద్దరూ రెండున్నరేళ్ల చొప్పున సీఎం పదవిని పంచుకుంటారనే చర్చ కూడా జరిగింది. కాంగ్రెస్‌ అధ్యక్షుడు మల్లికార్జున్‌ ఖర్గే నేతృత్వంలో ఇరువురి మధ్య అధికార భాగస్వామ్యంపై చర్చలు జరిగినప్పటికీ.. అలాంటి ఒప్పందాన్ని పార్టీ అధికారికంగా వెల్లడించలేదు. చివరకు.. తప్పనిసరి పరిస్థితుల్లో అధిష్టానం సిద్ధరామయ్యను తప్పించి డీకే శివకుమార్‌కు సీఎం పగ్గాలు అప్పగించింది. ఇదీ చదవండి: అధికారులపై కోపంతో ఏం చేశాడో చూడండి!

అనంత్‌నాగ్‌ 1948 సెప్టెంబరు 4వ తేదీన ఉత్తర కన్నడ జిల్లా భట్కళ వద్ద శిరాళిలో ఆనంది, సదానంద నాగరకట్టె దంపతులకు జన్మించారు. ఆయన తమ్ముడు శంకర్‌ నాగ్‌, ప్రముఖ నటుడు అన్నది తెలిసిందే. అనంత్‌నాగ్‌ మంగళూరు, మైసూరు, ముంబైలో చదువుకున్నారు. ఆర్మీలో చేరడానికి వెళ్తే తగిన బరువు లేవని తిరస్కరించారు. అప్పటి నుంచి నటన, నాటకాలపై శ్రద్ధ పెట్టారు. కన్నడలో 250 సినిమాలు, తెలుగు, తమిళ, హిందీ తదితర భాషల్లో 50 సినిమాలలో నటించారు. ఇటీవల కేజీఎఫ్‌ సినిమాలో జర్నలిస్టు పాత్ర చాలా పాపులర్‌ అయ్యింది. ఆయన ఎమ్మెల్సీగా ఎన్నికై , జేహెచ్‌ పటేల్‌ సర్కారులో నగరాభివృద్ధి మంత్రిగా కూడా సేవలందించారు. ఆయనకు భార్య గాయత్రి, కుమార్తె అదితి నాగ్‌ ఉన్నారు.

బనశంకరి: రాజధానిలో చాలారోజుల తరువాత కురిసిన జడివాన నగరవాసులకు నిద్రలేకుండా చేసింది. బెంగళూరులో మంగళవారం అర్ధరాత్రి భారీ వర్షం కురిసింది. కొన్నిచోట్ల లోతట్టు ప్రాంతాలు, రోడ్లు, అండర్‌పాస్‌లు జలమయం కావడంతో వాహనదారులు, ప్రజలు ఇబ్బందులు పడ్డారు. సుమారు 55 మిల్లీమీటర్ల అధిక వర్షం కురిసింది. పల్లపు ప్రాంతాల్లో ఇళ్లలోకి వర్షం నీరుచేరింది. నిత్యావసరాలు చెడిపోయాయని బాధితులు ఆవేదన చెందారు. రాత్రంతా నీటిని తోడేసే పనిలో జాగరణ చేశారు. కూలిన గోడలు, చెట్లు ● భారీ వర్షం ధాటికి దుమ్మలూరు ఆర్మీ స్థావరం ప్రహరీగోడ కూలిపోవడంతో 6 ఆవులు చనిపోయాయి. మునిరాజు అనే వ్యక్తి ఆవులను గోడ వద్ద కట్టివేయడంతో అర్దరాత్రి కురిసిన బారీ వర్షానికి గోడ కూలిపోవడంతో ఈ ఘోరం జరిగింది. ● శివాజీనగరలోని పలుప్రాంతాల్లో రోడ్లు పూర్తిగా జలమయం కావడంతో ఓ అంబులెన్స్‌ చిక్కుకుంది. ట్రాఫిక్‌ పోలీసులు బయటకు తీసి ఆసుపత్రికి తరలించారు. ● పాత విమానాశ్రయం రోడ్డు చెరువులా మారింది. రాజకాలువ నుంచి నీరు రోడ్డుపైకి చేరింది. కస్తూరిబా రోడ్డులో పెద్ద చెట్టు కొమ్మ విరిగిపడటంతో ఎంజీ రోడ్డు, విధానసౌధ, కబ్బన్‌పార్కు వైపు వెళ్లే వాహనాలకు ఆటంకం కలిగింది. చెట్టును ఎవరూ తొలగించలేదని స్థానికులు ఆరోపించారు. ఉదయం నిదానంగా పాలికె సిబ్బంది కొమ్మను కత్తిరించి తీసేశారు. ఎలివేటెడ్‌ వంతెనపై ఇక్కట్లుసిల్క్‌బోర్డు నుంచి ఎలక్ట్రానిక్‌ సిటీకి అనుసంధానం కల్పించే 9 కిలోమీటర్ల ఎలివేటెడ్‌ వంతెనకు కూడా వాన ఇబ్బందులు తప్పలేదు. ఈ ఫ్లై ఓవర్‌ మీద వాననీరు మడుగులా నిలిచిపోవడంతో వాహనదారులు ఇక్కట్లు ఎదుర్కొన్నారు. బుధవారం ఉదయానికి కూడా నీరు నిలిచే ఉండడంతో 7 కిలోమీటర్ల మేర వాహనాలు చిక్కుకుని ట్రాఫిక్‌ జాం ఏర్పడింది. కార్యాలయాలకు వెళ్లే ఉద్యోగులకు ఆలస్యమైంది. వంతెన మీద నీళ్లు వెళ్లే గొట్టాల్లో చెత్త నిండిపోవడంతో నీరు వెళ్లలేదు. వంతెనమీద కొన్నిచోట్ల తగ్గుగా ఉండటం మరో కారణం. వర్షాకాలానికి ముందు మరమ్మతులు చేయలేదని వాహనదారులు విమర్శించారు. ఫైర్‌ సిబ్బంది పంపుల ద్వారా నీటిని తొలగించారు. కంటోన్మెంట్‌ వద్ద అండర్‌పాస్‌లో వాననీరు మళ్లత్తహళ్లిలో కూలిన చెట్టు 55 మిల్లీమీటర్ల వాన రోడ్లు జలమయం కూలిన చెట్లు, కొమ్మలు ఇళ్లలోకి వాననీరు బొమ్మనహళ్లి: బొమ్మనహళ్ళిలో హొంగసంద్ర మైకోలేఔట్‌ ప్రాంతంలో లోతట్టు ఇళ్లలోకి నీరు చేరడంతో స్థానికులు ఆందోళన చెందారు. డ్రైనేజీలను పొంగి పొర్లడంతో నీళ్లు ఇళ్లలోకి వచ్చాయని తెలిపారు. జలమండలి వాటర్‌ బోర్డు, జీబీఏ అధికారులు స్పందించడం లేదని అని స్థానిక నివాసి స్కారియా జాన్‌ తెలిపారు. రోడ్డును ఎత్తుగా నిర్మించడం వల్ల అనేక ఇళ్లు పల్లంలోకి వెళ్లాయి. దీంతో చిన్నవానకే రోడ్ల మీద నుంచి ఇళ్లలోకి నీరు వస్తోందని తెలిపారు. పంపుసెట్లతో నీటిని తోడేస్తామని పాలికె ఇంజనీర్‌ దివ్య కుమారి హామీ ఇచ్చారు.అలర్ట్‌గా ఉండాలి బెంగళూరులో మూడురోజుల పాటు వర్షాలు కురిసే అవకాశముందని వాతావరణ శాఖ తెలిపింది. జీబీఏ కమిషనర్‌ మహేశ్వర్‌రావ్‌ మాట్లాడుతూ పాలికె అధికారులు ఎలాంటి ప్రమాదాలు సంభవించకుండా చర్యలు తీసుకోవాలని సూచించారు. నీళ్లు ఎక్కువగా ఉంటే అండర్‌పాస్‌లు మూసివేయాలని తెలిపారు.

మైసూరు: అమాయకంగా కనిపిస్తే చాలు ఇట్టే దోచేస్తున్నారు. రాష్ట్రంలో పలుచోట్ల భారీ మోసాలు సంభవించాయి. ఇంటి నిర్మాణానికి పునాదులు తీస్తుండగా 5 కేజీల బంగారు నిధి లభించిందని, మీరు రూ.90 లక్షలు ఇస్తే 2 కేజీల బంగారాన్ని ఇస్తామని నమ్మించిన దుండగుడొకరు తన ముఠాతో వచ్చి ఇంజనీర్‌ నుంచి రూ.52 లక్షలను తీసుకుని పరారైన ఘటన జరిగింది. వివరాలు.. మైసూరు తాలూకా మెల్లహళ్లి గ్రామ నివాసి, ప్రస్తుతం హైదరాబాద్‌లో క్యాడెన్స్‌ కంపెనీలో లీడ్‌ డిజైన్‌ ఇంజనీర్‌గా పని చేస్తున్న కామిని ప్రవీణ్‌ వంచనకు గురైన వ్యక్తి. రమేష్‌ అనే వ్యక్తి ఫోన్‌ చేసి గతంలో మీ ఇంటి వద్ద పనిచేస్తుండగా 5 కేజీల బంగారం దొరికిందని, తాను గదగ్‌లో ఉన్నానని చెప్పాడు. దీంతో ఆశ పడిన ప్రవీణ్‌ గదగ్‌కు వెళ్లి రమేష్‌ను కలిశాడు. మొదట అసలైన బంగారం ముక్కను చూపించి నమ్మించాడు. తర్వాత 2 కేజీల బంగారం కావాలని చెప్పగా, రూ.90 లక్షలు ఇవ్వాలని ఒప్పందం చేసుకున్నారు. ఆ ప్రకారం మైసూరు–బన్నూరు ప్రధాన రహదారిలో ఏటీఎంఈ కాలేజీ వద్ద 2 కేజీల నకిలీ బంగారం ముక్కలు ఇచ్చాడు. ఇంతలో నాలుగు బైకుల్లో వచ్చిన 8 మంది దుండగులు కారులో ఉన్న ప్రవీణ్‌, అతని తండ్రిపై దాడి చేసి రూ.52 లక్షల నగదు బ్యాగ్‌ను కూడా లాక్కొని పరారయ్యారు. బాధితులు వరుణ ఠాణాలో ఫిర్యాదు చేశారు. హ్యాక్‌ చేసి రూ.1.97 కోట్లు లూటీ మైసూరు: రిమోట్‌ యాక్సెస్‌ ట్రోజన్‌ (ఆర్‌ఏటీ) అనే సైబర్‌ దాడి ద్వారా ఓ ఇంజనీరు బ్యాంకు ఖాతాను హ్యాక్‌చేసిన సైబర్‌ నేరగాళ్లు ఏకంగా రూ. 1.97 కోట్లను దోచుకున్నారు. మైసూరు ఉదయగిరి నివాసి, ఇంజనీర్‌ అయిన వ్యక్తి బాధితుడు. అతని 8 బ్యాంకు ఖాతాలు, 3 క్రెడిట్‌ కార్డు ఖాతాలపై ఆర్‌ఏటీ ద్వారా దుండగులు సైబర్‌ దాడి చేశారు. అతని మొబైల్‌ను తమ ఆధీనంలోకి తెచ్చుకుని తద్వారా ఓటీపీలు పొందుతూ రూ.1,97,44,215 తమ ఖాతాలకు బదిలీ చేసుకున్నారు. చివరకు తెలుసుకుని సైబర్‌ క్రైం ఠాణాలో ఫిర్యాదు చేశాడు. పూజల పేరుతో రూ.42 లక్షల బంగారం మాయం దొడ్డబళ్లాపురం: బంగారు నగలతో పూజ చేస్తే కుటుంబానికి మంచి జరుగుతుందని నమ్మించిన జ్యోతిష్యుడు అమాయక మహిళ నుంచి రూ.40 లక్షల విలువైన నగలు తీసుకుని మోసం చేసిన సంఘటన బెంగళూరులోని బ్యాటరాయనపురలో జరిగింది. బ్యాటరాయనపుర నివాసి శాంతమ్మ(62) బాధితురాలు. వెంకటేశ్‌ అనే జ్యోతిష్యుడు శాంతమ్మకు కొన్ని విషయాల్లో చెప్పినవి నిజమవడంతో ఆమె అతడిని చాలా నమ్మింది. కుమారుడు మద్యం మాని బాగుపడాలంటే ఏం చేయాలని వెంకటేశ్‌ను అడగగా చౌడేశ్వరి దేవి విగ్రహానికి ఇంట్లో ఉన్న నగలు అన్నీ వేసి అమావాస్య రోజుల్లో ప్రత్యేక పూజలు చేయాలని చెప్పాడు. సరేనంటూ ఆమె రూ.40 లక్షల విలువైన బంగారు నగలు ఇచ్చి పూజలు చేయలని చెప్పింది. ఆమెకు మాయమాటలు చెప్పి నగలతో పరారయ్యాడు. తరువాత కొడుకు, కోడలు తెలుసుకుని బ్యాటరాయనపుర పోలీసులకు ఫిర్యాదు చేశారు. మైసూరు వద్ద కేటుగాళ్ల మోసం

బళ్లారిఅర్బన్‌: గ్రాండ్‌ మాస్టర్‌ అరుణ్‌కుమార్‌ మార్గదర్శకత్వంలో నగరంలోని సంగనకల్లు రోడ్డులోని కేఆర్‌ఎస్‌ ఫంక్షన్‌ హాల్‌లో ఈనెల 18, 19, 20 తేదీల్లో మూడు రోజుల పాటు బళ్లారి ధ్యాన మహా యజ్ఞం–10 పిరమిడ్‌ ధ్యాన కార్యక్రమాన్ని నిర్వహిస్తున్నట్లు నిర్వాహకులు తెలిపారు. బుధవారం నగరంలోని పత్రికా భవన్‌లో నిర్వహించిన విలేకరుల సమావేశంలో వారు మాట్లాడుతూ ఆధునిక జీవన విధానంలో ప్రజలు మానసిక, శారీరక ఒత్తిళ్లకు గురవుతున్నారన్నారు. ధ్యానం ద్వారా ఒత్తిడిని తగ్గించుకుని మానసిక ప్రశాంతత పొందవచ్చని తెలిపారు. నగర ప్రజలు పెద్ద సంఖ్యలో పాల్గొని విజయవంతం చేయాలని కోరారు. గ్రాండ్‌ మాస్టర్‌ అరుణ్‌కుమార్‌, హనుమన గౌడ పరశురామ్‌, బాలకృష్ణ, విజయలక్ష్మి, మహేష్‌ తదితరులు పాల్గొన్నారు.

హొసపేటె: దేశ వ్యాప్తంగా వైభవంగా జరుగుతున్న గౌరీ గణేష్‌ ఉత్సవానికి విదేశీయులు కూడా ముగ్ధులయ్యారు. విజయనగర జిల్లాలోని కడ్డిరాంపుర తాండాలో సిద్ధి వినాయక గణపతి 0.5 ఈగిల్‌ బాయ్స్‌ ఏర్పాటు చేసిన టెంట్‌ వద్ద జరిగిన సాంస్కృతిక కార్యక్రమంలో జర్మన్‌ జాతీయుడు హెన్రీ తన సొంత డబ్బుతో హంపీ చరిత్ర, సంస్కృతిపై అవగాహన కల్పించే లక్ష్యంతో ఆయన కడ్డిరాంపుర తాండాలోని విద్యార్థులకు పుస్తకాలను పంపిణీ చేశారు. పర్యటన నిమిత్తం హంపీకి వచ్చిన జర్మన్‌ జాతీయుడు హెన్రీ ఇలా అందరి దృష్టిని ఆకర్షించారు. హెన్రీ సేవపై సిద్ధివినాయక గణపతి యూత్‌ గ్రూప్‌ హర్షం వ్యక్తం చేసింది. సొంత ఖర్చుతో విద్యార్థులకు పుస్తకాల పంపిణీ గణేష్‌ ఉత్సవాలకు ముగ్ధుడైన విదేశీయుడు

హుబ్లీ: దేశంలో లవ్‌ జిహాద్‌ పెరిగి పోయింది. ముస్లింలు తమ పిల్లలకు బుద్ధి చెప్పాలి. మనకు రాముడి వలే ఏకపత్నీవ్రతుడు అయ్యేది తెలుసు, కృష్ణుడి వలే 16 వేల భార్యలను కట్టుకోవడం తెలుసు. హిందూ యువకులు ముస్లిం యువతులను లవ్‌ చేయడం ప్రారంభిస్తే ఆ వర్గాలకు ఒక్క పిల్ల కూడా దొరకదని విశ్వ హిందూ పరిషత్‌ జాతీయ కార్యదర్శి గోపాల్‌ నాగరకట్టె వివాదాస్పద వ్యాఖ్యలు చేశారు. బుధవారం హుబ్లీ ఈద్గా మైదానంలో మూడో రోజు వినాయక నిమజ్జన కార్యక్రమంలో పాల్గొని ఆయన మాట్లాడారు. ఇక్కడి ముస్లింలు అరబ్బు నుంచి వచ్చిన వారు కాదు. వారు మన దేశం వారే. గతంలో మత మార్పిడికి గురైన వారు. వారు హిందూ మతస్తులను ఇఫ్తార్‌ విందుకు ఆహ్వానిస్తారు. అనేక మంది హిందూ నాయకులు వెళతారు. అలాగే మీరు కూడా వినాయక చవితి వేడుకలకు రావాలని సూచించారు. ముస్లింలు నమాజ్‌ చేస్తే ఎలాంటి అభ్యంతరం లేదు. అయితే వినాయకుడి జోలికి వస్తే మాత్రం ఊరుకునేది లేదని హెచ్చరించారు. రాష్ట్ర హోం మంత్రి ప్రియాంక ఖర్గేకు ఆర్‌ఎస్‌ఎస్‌ గురించి మాట్లాడితే తేలు కుట్టినట్లుగా ఉంటుందన్నారు. ఆయన వందేమాతరం పాడితే హస్తం పోయి కమలం వస్తుందని భయపడుతున్నారు. అయితే వందేమాతరం పాడటానికి ఏ తండ్రి అనుమతి అవసరం లేదు. ప్రభుత్వ పాఠశాలలు, కార్యాలయాలకు నోటీసులు ఇస్తున్నామని హోం మంత్రి చెప్పారు. రాష్ట్రంలో కరువుకు గోవధ కూడా కారణం అన్నారు. గోమాతను రక్షించాలి. దేశంలో కోట్లాది మసీదులు, చర్చిలు ఉన్నాయి. వీటి ఆదాయంపై దృష్టి సారించని డీకే.శివకుమార్‌ ప్రభుత్వం కన్ను హిందూ దేవాలయాల మీద పడిందన్నారు. మసీదులకు పాలనాధికారులను నియమించే ధైర్యం ప్రభుత్వానికి లేదు. ఇలా అయితే దేవాలయాల నిర్వహణ మీకెందుకని ప్రభుత్వాన్ని నిలదీశారు. దేశంలోని అన్ని దేవాలయాలను హిందూ ధర్మీయులకు ఇచ్చి వేయాలని ఆయన డిమాండ్‌ చేశారు.

హొసపేటె: ఆశా కార్యకర్తల సమస్యలను తీర్చాలని కోరుతూ జిల్లా ఆరోగ్యాధికారి కార్యాలయం ముందు మంగళవారం నిరసన చేపట్టారు. సంఘం జిల్లా గౌరవ అధ్యక్షుడు డాక్టర్‌ ప్రమోద్‌ మాట్లాడుతూ 4 నెలలుగా జీతం లేకపోవడంతో ఆశా కార్యకర్తల పరిస్థితి కష్టంగా మారిందన్నారు. వారు తమ కుటుంబాలను పోషించుకోలేక పోతున్నారన్నారు. అనంతరం జిల్లా ఆరోగ్య అధికారి డాక్టర్‌ లింగరాజు మాట్లాడుతూ గత మే నుంచి జూలై వరకు ప్రోత్సాహక వేతనం ఖజానాకు చేరింది. మరికొన్ని రోజుల్లో ఆశా కార్యకర్తల ఖాతాలో వేతనం జమ అవుతుందన్నారు. ఆందోళనలో ఉపాధ్యక్షురాలు మహేశ్వరి, నేత్రావతి, అన్నపూర్ణ, గౌరీ, శాంతమ్మ, రుక్మిణి, బసమ్మ పాల్గొన్నారు.

బళ్లారి రూరల్‌ : జిల్లా మహిళా శిశు సంమశాఖలో దేవదాసి యోజనాధికారి నియామకం చేపట్టాలని కర్ణాటక రాష్ట్ర దేవదాసి మహిళా విమోచన సంఘం తోరణగల్లు శాఖ మహిళలు బుధవారం డీసీ కార్యాలయం ముందు ధర్నా చేశారు. జిల్లా కార్యదర్శి ఏ.స్వామి మాట్లాడుతూ బళ్లారి, విజయనగర జిల్లాలకు సుధా చిద్రికి దేవదాసి యోజనాధికారిగా అదనపు బాధ్యతను అప్పగించారు. రెండు జిల్లాలకు ఒకరే అధికారి కావడంతో ధృవీకరణ పత్రాలు, పెన్షన్లు, సమస్యలు పరిష్కరించడంలో తీవ్రం జాప్యం జరుగుతోందన్నారు. ధర్నాలో సంఘం ప్రముఖులు ఈరమ్మ, దుర్గమ్మ, వీరేశ్‌, పార్వతి పాల్గొన్నారు.

రాయచూరు రూరల్‌: రాష్ట్రంలో ఉత్తర, కళ్యాణ కర్ణాటక జిల్లాల్లో తీవ్ర కరువు సంభవించినందున సన్న, చిన్న కారు రైతులు, ప్రజల హక్కుల రక్షణకు ప్రజా పోరాటాన్ని బలోపేతం చేయాలని సీపీఐ ఎంఎల్‌(రెడ్‌స్టార్‌) జాతీయ ప్రధాన కార్యదర్శి జేమ్స్‌ పిలుపునిచ్చారు. బుధవారం పండిత సిద్దరామ జంబలదిన్ని రంగ మందిరంలో ఏర్పాటు చేసిన సీపీఐ ఎంఎల్‌(రెడ్‌స్టార్‌) 13వ సమావేఽశంలో ఆయన మాట్లాడారు. ఈపెల 16 నుంచి 19వ తేదీ వరకు జరగనున్న 13వ జాతీయ స్థాయి సమావేశాల్లో శ్రీలంక, బంగ్లాదేశ్‌, నేపాల్‌, కెన్యా, కుర్ధిస్థాన్‌తో పాటు 14 దేశాల నుంచి నేతలు, అధ్యక్షుడు మానసయ్య, జోసెఫ్‌, రుద్రయ్య, అంజన ఆజాద్‌, బసవరాజ్‌, రవీంద్రనాథ్‌ పట్టిలున్నారు.

బనశంకరి: కన్నడ చిత్రసీమకు అపురూపమైన గౌరవం దక్కింది. సీనియర్‌ విలక్షణ నటుడు అనంత్‌నాగ్‌కు కేంద్ర ప్రభుత్వం సినీరంగ అత్యున్నత గౌరవాల్లో ఒకటైన దాదాసాహెబ్‌ పాల్కే పురస్కారం ప్రకటించింది. సుదీర్ఘ సినీ సేవలకు గుర్తుగా 2024 ఏడాదికిగాను అవార్డును ప్రకటించడంతో శాండల్‌వుడ్‌లో హర్షం వ్యక్తమవుతోంది. ఆ పురస్కారం పొందిన రెండవ కన్నడ నటునిగా అనంత్‌నాగ్‌ ఖ్యాతి ఘడించారు. గతంలో కన్నడ కంఠీరవ డా.రాజ్‌కుమార్‌కు 1995లో దాదాసాహెబ్‌ అవార్డు లభించింది. ఈనెల 22వ తేదీ గుజరాత్‌లోని కెవాడిలో నిర్వహించే 72 వ జాతీయ చలనచిత్ర అవార్డుల వేడుకలో అనంత్‌నాగ్‌కు ప్రశస్తిని అందజేస్తారు. ప్రధాని నరేంద్రమోదీ సహా అనేకమంది నటీనటులు ఆయనను సోషల్‌ మీడియా ద్వారా అభినందించారు. అనంత్‌నాగ్‌కు దాదాసాహెబ్‌ పాల్కే పురస్కారం

హొసపేటె: విజయనగర జిల్లా కూడ్లిగి తాలూకా కానాహొసహళ్లి సమీపంలోని సరిహద్దు గ్రామం కానామడుగులో ఓ రైతు పొలంలో పండించిన బొప్పాయి పంటలో గణేష్‌ రూపంలో బొప్పాయి కాయి పండింది. గ్రామ రైతు బసవరాజ్‌ 2 ఎకరాల్లో బొప్పాయి తోట వేశారు. బొప్పాయిలో గణేశుడి బొమ్మ కనిపించడంతో కుటుంబ సభ్యులు ఆ బొప్పాయికి పూజలు చేశారు. ఈ విషయం దావానలంలా వ్యాపించడంతో గ్రామస్తులు పెద్ద ఎత్తున వారి ఇంటికి తరలి వచ్చి దర్శించుకున్నారు. విగ్రహ ప్రతిష్టాపన సంప్రదాయబద్ధంరాయచూరు రూరల్‌: గణపతి విగ్రహాల ప్రతిష్టాపన హిందూ సంప్రదాయాలకు నిదర్శనం అని కిల్లే మఠం శాంత మల్ల శివాచార్య అభిప్రాయ పడ్డారు. బుధవారం నగరంలోని కోటలో పరశురామ అవతార గణపతిని ప్రతిష్టాపన చేసి పూజలు జరిపి భక్తులనుద్దేశించి మాట్లాడారు. అనంతరం భక్తులకు ప్రసాదం పంపిణీ చేశారు. నగరసభ మాజీ సభ్యుడు దరూరు బసవరాజ్‌, నాగరాజ్‌, వెంకటేష్‌, కేశవ మూర్తి తదితరులు పాల్గొన్నారు. లోకాయుక్త ఆకస్మిక తనిఖీహొసపేటె: ప్రజల సమస్యలపై సరైన రీతిలో స్పందించడం లేదని, పరిపాలన వ్యవస్థలో లోపాలు ఉన్నాయని వచ్చిన ఫిర్యాదుపై విజయనగర– బళ్లారి డివిజన్‌ లోకాయుక్త అధికారులు బుధవారం విజయనగర జిల్లాలోని కూడ్లిగి పట్టణ పంచాయతీ కార్యాలయాన్ని లోకాయుక్త అధికారులు ఆకస్మికంగా సందర్శించి తనిఖీ చేశారు. ఈ పర్యటనలో ఒక ఎస్పీ , ఇద్దరు డీఎస్పీలు, ఇద్దరు పీఐలు పాల్గొని కార్యాలయంలోని రికార్డులను, పని తీరును పరిశీలించారు. ప్రజలు ఎదుర్కొంటున్న ఇబ్బందులపై ప్రత్యేక దృష్టి సారించి, తగిన చర్యలు తీసుకోవాలని సూచించారు. ప్రజలకు సేవలందించడంలో అలసత్యం, ఉండకూడదని, ఫిర్యాదులపై తక్షణం చర్యలు తీసుకోవాలని అధికారులను ఆదేశించారు. మౌలిక సౌకర్యాలకు పెద్దపీటరాయచూరు రూరల్‌: నగరంలో మౌలిక సౌకర్యాల కల్పనకు ప్రాధాన్యత కల్పించాలని నగర పాలికె కమిషనర్‌ జుబిన్‌ మహాపాత్రో పేర్కొన్నా రు. బుధవారం నీరుబావి కుంట, రాంపూర్‌ తాగునీటి జలాశయం, షియాతలాబ్‌, ఎక్లాసపూర్‌ వంటి ప్రాంతాల్లో పర్యటించి పరిశీలించారు. మురుగు కాలువల్లో పూడి పోయిన చెత్తా చెదారాన్ని తొలగించి ప్రజలకు ఇబ్బందులు కలగకుండా చూడాలన్నారు. రాంపూర్‌ తాగునీటి జలాశయాన్ని పరిశీలించి నగర ప్రజలకు రక్షిత మంచినీరు అందించాలన్నారు. గోవును జాతీయ మాతగా ప్రకటించాలిబళ్లారిఅర్బన్‌: గోవును జాతీయ మాతగా ప్రకటించాలని విశ్వకర్మ అఖిల భారత మహిళా, యువజన సమాఖ్య జాతీయ మహిళా కార్యదర్శి పద్మావతి సుభాష్‌ ఆచార్య డిమాండ్‌ చేశారు. ఈ మేరకు రాష్ట్రపతి ద్రౌపది ముర్ము, ప్రధాని నరేంద్ర మోదీలకు ఎక్స్‌ప్రెస్‌ పోస్టు ద్వారా వినతిపత్రాలు పంపినట్లు తెలిపారు. భారతీయ సంస్కృతి, సంప్రదాయాల్లో గోవుకు ప్రత్యేక స్థానం ఉందన్నారు. కడబగట్టిలో చిరుత ప్రత్యక్షంహుబ్లీ: చిరుత ఓ దూడపై దాడి చేసి చంపిన ఘటన ధార్వాడ జిల్లా అళ్నావర తాలూకా కడబగట్టి గ్రామంలో చోటు చేసుకుంది. పొలంలో మేత మేయడానికి వదిలిన దూడను చిరుత దాడి చేసి చంపేసింది. చిరుత దాడి వల్లే దూడ మృతి చెందిందనే అనుమానాలు వ్యక్తం అయ్యాయి. గత కొన్ని నెలల నుంచి ఈ ప్రాంతంలో చిరుత సంచరిస్తున్నట్లు వదంతులు వచ్చాయి. తాజాగా జరిగిన ఈ ఘటనతో ఆ అనుమానం నిజమైంది. అటవీ శాఖ అధికారులు ఘటన స్థలానికి చేరుకుని పరిశీలించారు. ఈ ప్రాంతంలో సమీప పొలాలకు, అటవీ ప్రాంతాలకు వెళ్లే ప్రజలు అప్రమత్తంగా ఉండాలని అధికారులు సూచించారు. కాగా ఎలాంటి ప్రాణహాని జరగక ముందే చిరుతను బంధించాలని స్థానికులు డిమాండ్‌ చేశారు.

దొడ్డబళ్లాపురం: ఆస్తి కోసం అనుబంధాలు మృగ్యమయ్యాయి. తండ్రి, కుమార్తెను అతని సోదరులే నరికి చంపారు. బుధవారం మధ్యాహ్నం బెళగావి జిల్లా కిత్తూరు తాలూకా అవరాది గ్రామంలో జరిగింది. పోలీసుల కథనం మేరకు... అవరాదికి చెందిన రిటైర్డ్‌ జవాన్‌ రుద్రప్ప (67), ఆయన కుమార్తె శశికళ (26), కారులో డ్రైవరుతో వచ్చారు. రుద్రప్ప సహోదరులైన బసప్ప, సంగప్ప, సంగప్ప కుమారుడు మడివాళప్ప కొడవళ్లతో విరుచుకుపడ్డారు. ముందుగా రుద్రప్పపై దాడి చేయగా అడ్డువచ్చిన కుమార్తె శశికళపైను కూడా నరికి హత్య చేశారు. కారు డ్రైవరు రాహుల్‌ లోఖండే గాయాలతో బయటపడ్డాడు. పంచాయతీ ఆఫీసు ముందే రుద్రప్ప, సోదరుల మధ్య ఆస్తి వివాదం నడుస్తోంది. ధార్వాడలో ఉన్న భూమిని పంచాలని రుద్రప్ప కోరగా వారు వ్యతిరేకిస్తున్నారు. ఈ నేపథ్యంలో రుద్రప్ప కుమార్తెతో కలిసి తమ ఇంటి దాఖలాలు పరిష్కారం కోసం గ్రామ పంచాయతి కార్యాలయానికి వచ్చాడు. ఇది తెలుసుకున్న సోదరులు ఆఫీసు ముందే నరికి చంపడం సంచలనం కలిగిస్తోంది. కిత్తూరు పోలీసులు వారి మృతదేహాలను ఆస్పత్రికి తరలించి కేసు నమోదు చేశారు. నిందితులను అదుపులోకి తీసుకున్నట్లు తెలుస్తోంది. దాయాదుల దాష్టీకం బెళగావి జిల్లాలో కిరాతకం

హుబ్లీ: భార్యకు విడాకులు ఇవ్వడానికి నిరాకరించిన నేపథ్యంలో కోపగించుకున్న భార్య తరఫున బంధువులు సదరు భర్తపై తీవ్రంగా దాడి చేసిన ఘటన ధార్వాడ ఉపనగర పోలీస్‌ స్టేషన్‌ పరిధిలో చోటు చేసుకుంది. ఇక్కడి మెహబూబ్‌నగర్‌ నివాసి శశిధర్‌ శిరాళె దాడికి గురైన వ్యక్తి. కొన్నేళ్ల క్రితం శశిధర్‌, ఆయన భార్య ప్రేమించుకొని పెళ్లి చేసుకున్నారు. అయితే ఇటీవల భార్య విడాకులు కోరుతూ కోర్టును ఆశ్రయించింది. దీనికి భర్త నిరాకరించారు. ఈక్రమంలో కోర్టు విచారణకు హాజరై ఇంటికి వెళుతున్న సందర్భంలో శశిధర్‌పై ఓ గుంపు ఇక్కడి ఎస్‌బీఐ ప్రధాన కార్యాలయం వద్ద మారణాయుధాలతో దాడి చేశారు. దీంతో ఆయన తలకు, చేతులకు బలమైన గాయాలు కావడంతో జిల్లా ఆస్పత్రిలో చేర్పించారు. ఆ తర్వాత మెరుగైన చికిత్స కోసం కేఎంసీ ఆస్పత్రికి తరలించారు. ఘటనపై ఉపనగర పోలీసులు దర్యాప్తు చేపట్టారు. వరుణుడి కృప కోసం ప్రత్యేక పూజలు రాయచూరు రూరల్‌: కళ్యాణ కర్ణాటక భాగంలో ఖరీఫ్‌ సీజన్‌లో పొలంలో వేసుకున్న పైర్లు వాడుముఖం పడుతున్న నేపథ్యంలో రైతులు దేవుళ్లకు మొర పెట్టుకుంటున్నారు. సిరవార తాలూకాలో వర్షాల కోసం ప్రత్యేక పూజలు చేశారు. గ్రామీణ సంస్కృతికి అద్దం పట్టేలా బుధవారం జోకుమారుడికి పూజలు జరిపారు. గ్రామాల్లో బుట్టలో జోకుమారుడిని ఊరేగిస్తూ వానలు కురవాలంటూ పాటలతో దేవుడిని ప్రార్థించారు. ఆన్‌లైన్‌లో రూ.లక్షలాది వంచన హుబ్లీ: బిగ్‌బాస్కెట్‌లో వివిధ సామాన్లను రూ.298లకే అమ్ముతున్నట్లు ఉన్న లింక్‌పై క్లిక్‌ చేయగా గుర్తు తెలియని వ్యక్తులు రూ.3.39 లక్షలను దోచుకున్నారు. అనిల్‌కుమార్‌ సింగ్‌ అనే వ్యక్తి మొబైల్‌ ఫోన్‌ను చూస్తూ సదరు లింక్‌పై క్లిక్‌ చేయగా రజనీష్‌ అనే వ్యక్తి ఫోన్‌ చేసి పిన్‌ నమోదు చేయమని చెప్పి విడతల వారీగా రూ.3,39,999 లను బదలాయించుకొని మోసగించినట్లు అనిల్‌కుమార్‌ నగర సైబర్‌ క్రైం పోలీసులకు ఫిర్యాదు చేశారు. రోడ్డు ప్రమాదంలో బాలుడు మృతి మరో ఘటనలో రోడ్డు ప్రమాదంలో బాలుడు మృతి చెందాడు. బైక్‌ ప్రమాదంలో బాలుడు మృతి చెందగా, మరొకరు గాయపడిన ఘటన హుబ్లీ తాలూకా కరడికొప్ప రామపుర రోడ్డులో జరిగింది. ఖాజామోహిద్దీన్‌ మృతుడు. ద్విచక్ర వాహనంలో కరడికొప్ప నుంచి రామపుర వైపునకు వెళుతుండగా అదుపు తప్పి ప్రమాదం వాటిల్లింది. గాయపడిన ఇద్దరిని కేఎంసీ ఆస్పత్రిలో చేర్పించి చికిత్స అందించారు. చికిత్స ఫలించక ఖాజామోహిద్దీన్‌ (14) మృతి చెందాడని హుబ్లీ గ్రామీణ పోలీసులు కేసు నమోదు చేసుకొని దర్యాప్తు చేపట్టారు. అధికారులు వేగంగా స్పందించాలి రాయచూరు రూరల్‌: ప్రజలకిచ్చిన హామీలను నెరవేర్చడానికి అధికారులు పనుల వేగానికి తగ్గట్టు పని చేయాలని బీదర్‌ దక్షిణ ఎమ్మెల్యే డాక్టర్‌ శైలేంద్ర బేల్దాళ్‌ అభిప్రాయ పడ్డారు. బుధవారం బీదర్‌ తాలూకా స్థాయి కేడీపీ సమావేశానికి ఆయన అధ్యక్షత వహించి మాట్లాడారు. రోడ్ల మరమ్మతులు, గుంతలు పూడ్చే విషయంలో నిర్లక్ష్యం తగదన్నారు. వ్యవసాయ శాఖ ఆధీనంలో కరువు విషయంలో రైతులకు సరైన సమాచారం అందించి పరిహారం లభించేలా చూడాలన్నారు. ఆరోగ్య శాఖలో వైద్యుల, సిబ్బంది కొరత, విద్యా శాఖలో ఉపాధ్యాయుల కొరత, పాఠశాలల్లో మౌలిక సౌకర్యాల కల్పన అంశాలపై అధికారుల నుంచి వివరాలను సేకరించారు. 24 మూగజీవాల మృతి హుబ్లీ: బెళగావి జిల్లా చిక్కోడి నుంచి హుబ్లీకి ముగ్గురు గొర్రెల కాపరులు సుమారు 500 మేకల మందతో బయలుదేరారు. ఈక్రమంలో ఉన్నఫళంగా 24 మేకలు, గొర్రెలు మార్గమధ్యంలో ఉణకల్‌ వద్ద మృతి చెందాయి. పశుసంవర్ధక శాఖ వైద్యులు స్థలాన్ని పరిశీలించి పోస్టుమార్టం పరీక్ష జరుపుతున్నారు. చిక్కోడి తాలూకా శమనవాడి, వనకే గ్రామాల నుంచి రామన్న, అశ్వత్‌, పుండలీక అనే ముగ్గురు గొర్రెల కాపరుల గొర్రెలు హుబ్లీ సమీపంలో ఉన్నఫళంగా అస్వస్థతకు గురయ్యాయి. వాటి కడుపులు ఉబ్బి సుమారు 20 మేకలు, 4 పొట్టేళ్లు మృతి చెందాయి. కాగా మేకలు ఎక్కడైనా విష ఆహారం సేవించాయా? అనేది పోస్టుమార్టం నివేదిక అందిన తర్వాత తగిన పరిహారం చెల్లిస్తామని హుబ్లీ టౌన్‌ తహసీల్దార్‌ మహేష్‌ గస్తీ తెలిపారు. సహనంతో ఆత్మహత్యలకు చెక్‌ హొసపేటె: వ్యక్తి ఓపికగా, సహనంతో ఉంటే ఆత్మహత్యలను నివారించవచ్చు అని జిల్లా ఆరోగ్య, కుటుంబ సంక్షేమ అధికారి డాక్టర్‌ టీ.లింగరాజు అన్నారు. బుధవారం నగర మున్సిపల్‌ కౌన్సిల్‌ హాలులో నిర్వహించిన ప్రపంచ ఆత్మహత్యల నివారణ దినోత్సవాన్ని ఆయన ప్రారంభించి మాట్లాడారు. సకాలంలో కౌన్సెలింగ్‌, సరైన సలహాలు, మార్గదర్శకత్వం చాలా ముఖ్యం అన్నారు. మున్సిపల్‌ కమిషనర్‌ ఎర్రగుడి శివకుమార్‌, వైద్యులు జంబయ్య నాయక్‌ పాల్గొన్నారు.

బాగేపల్లి: దాంపత్య జీవితానికి స్వస్తి పలకాలని రెండేళ్ల క్రితమే విడాకులు దాఖలు చేసిన దంపతులు లోక్‌ అదాలత్‌లో మళ్లీ ఒకటయ్యారు. పట్టణంలో జేఎంఎఫ్‌సీ సీనియర్‌ జడ్జి భారతీదేవీ సమక్షంలో జరిగిన లోక్‌ అదాలత్‌లో చలపతి, అలివేలమ్మ దంపతులు పాల్గొన్నారు. ప్రేమించి కులాంతర వివాహం చేసుకున్న వీరికి ఇద్దరు పిల్లలు ఉన్నారు. కొన్నేళ్ల నుంచి గొడవలుపడుతూ వేర్వేరుగా ఉంటున్నారు. రెండేళ్ల క్రితమే విడాకులకు దరఖాస్తు కూడా చేసుకున్నారు. లోక్‌ అదాలత్‌లో జడ్జి, న్యాయవాదులు వారికి కలిసి జీవించాలని నచ్చజెప్పారు. పూలదండలు తెప్పించి మార్పించి ఆశీర్వదించారు.

తలకావేరిలో తీర్థోద్భవం (ఫైల్‌) రోడ్డులో వరినాట్లు వేసి నిరసన తెలియజేస్తున్న రైతులు శివాజీనగర: తమిళనాడుకు రోజూ 6 వేల క్యూసెక్కులకు బదులుగా 3 వేల క్యూసెక్కులను విడుదల చేసేలా ఉత్తర్వును సవరించాలని కావేరీ జల నిర్వహణ అథారిటీ (సీడబ్ల్యూఎంఏ)ను కర్ణాటక సర్కారు కోరింది. 15వ తేదీ నాటికి, కర్ణాటకలోని నాలుగు కావేరి ప్రధాన జలాశయాలలో మొత్తం 55 టీఎంసీల నిల్వ ఉంది. ఇది మొత్తం గరిష్ట నిల్వ సామర్థ్యంలో కేవలం 52.97 శాతం మాత్రమే అని తెలిపింది. జూన్‌ 1 నుంచి సెప్టెంబర్‌ 15 వరకు ఈ డ్యాముల్లోకి చేరిన నీరు 111 టీఎంసీలు. గత 30 ఏళ్లలో ఇదే కాలానికి సగటున నీటి ప్రవాహం 228 టీఎంసీలుగా ఉండేదని తెలిపింది. ఈసారి 51 శాతం కంటే ఎక్కువ లోటు అని పేర్కొంది. ఇన్‌ఫ్లో తగ్గడం వల్ల అదనపు నీటిని విడుదల చేయడం సాధ్యపడదని సమాచారం. రైతుల నిరసన మండ్య: రాష్ట్రంలో తీవ్ర కరువు మధ్య కూడా రైతుల ప్రయోజనాలను పక్కనబెట్టి తమిళనాడుకు నిరంతరం కావేరి నీటిని వదులుతూ రాష్ట్ర ప్రభుత్వం ప్రజావ్యతిరేక విధానాలకు పాల్పడుతోందని రాష్ట్ర రైతు సంఘం కార్యకర్తలు బుధవారం మండ్య నగరంలో ప్రధాన రహదారిపై వరి నాట్లు వేసి నిరసన తెలిపారు. రైతు సంఘం జిల్లా నాయకుడు శివళ్లి చంద్రశేఖర్‌ నేతృత్వంలో నగరంలోని జేసీ సర్కిల్‌లో ధర్నా చేశారు. అక్టోబరు 17న కావేరి తీర్థోద్భవం దొడ్డబళ్లాపురం: జీవనది కావేరి జన్మస్థానం కొడగు జిల్లా మడికెరి వద్ద తలకావేరిలో సంవత్సరానికి ఒకసారి జరిగే పవిత్ర కావేరి తీర్థోద్భవం ముహూర్తం ఖరారైంది. అక్టోబర్‌ 17న ఈ వేడుక జరుగుతుంది. ఆ రోజు రాత్రి 7 గంటల 50 నిమిషాలకు శుభ మేషలగ్నంలో తీర్థోద్భవం సాగుతుంది. కావేరి నది కుండంలో పవిత్ర పూజలు ఆచరిస్తారు. కర్ణాటక రాష్ట్రం నుండే కాకుండా తమిళనాడు, కేరళ రాష్ట్రాల నుండి వేల సంఖ్యలో భక్తులు విచ్చేస్తారు. ఆ రోజు కుండంలో ఉబికివచ్చే పవిత్ర జలాన్ని ఇళ్లకు తీసుకెళ్తారు. కావేరి జలాల విడుదలపై అథారిటీకి రాష్ట్రం వినతి

సాక్షి,బళ్లారి: వినాయక చవితిని పురస్కరించుకుని నగరంలో పెద్ద ఎత్తున ఏర్పాటు చేసిన వినాయక విగ్రహాలను పలు కాలనీల వాసులు నిమజ్జనం చేశారు. బుధవారానికి వినాయక చవితి మూడో రోజు కావడంతో మూడు రోజుల పాటు ప్రత్యేక పూజలు నిర్వహించిన తర్వాత దారి పొడవునా డీజేలు, భక్తి పాటలతో పాటు, హుషారును హోరెత్తించే సినిమా పాటలు పెట్టుకుని నృత్యాలు చేస్తూ, బాణసంచా పేలుస్తూ నగర వీధుల గుండా ట్రాక్టర్లు, ఆటోల్లో ఊరేగింపు నిర్వహించి సమీపంలోని హెచ్‌ఎల్‌సీ, ఎల్‌ఎల్‌సీ ప్రధాన కాలువలతో పాటు, ఉప కాలువల్లో నిమజ్జనం చేశారు. పలు కాలనీల్లో మూడు రోజులకు నిమజ్జనం చేయగా, మరికొన్ని ప్రాంతాల్లో ఐదో రోజు అంటే శుక్రవారం నిమజ్జనానికి ఏర్పాట్లు చేసుకుంటున్నారు. వేడుకగా వినాయక నిమజ్జనం రాయచూరు రూరల్‌: నగరంలో ప్రత్యేకంగా గణపతుల నిమజ్జనం చేశారు. బుధవారం మూడో రోజు వినాయకుల నిమజ్జనాన్ని భక్తిశ్రద్ధలతో నిర్వహించారు. రైల్వే స్టేషన్‌ మాస్టర్‌, రైతు గణపతులను వ్యాపారుల సంఘం వారు ఏర్పాటు చేశారు. అందరినీ ఆకట్టుకునేలా రూపొందించిన గణేష్‌తో పాటు రైతులు, ఎద్దులున్న వినాయకుడి విగ్రహాన్ని కాస్‌బావిలో నిమజ్జనం చేశారు. పోలీసులు గట్టి బందోబస్తును ఏర్పాటు చేశారు. విద్యుత్‌ దీపాలతో వాహనాల అలంకరణ దారి పొడవునా నినాదాలు, నృత్య ప్రదర్శనలు

రాయచూరు రూరల్‌: ప్రాంతీయ అసమానతలతో వెనుకబడిన ప్రాంతాల అభివృద్ధి కోసం రాష్ట్రంలో గతంలో హైదరాబాద్‌–కర్ణాటక ప్రాంత అభివృద్ధి మండలి(హెచ్‌కేఆర్‌డీబీ)ని ఏర్పాటు చేశారు. విద్య, వైద్య, ఆరోగ్య, ఉద్యోగ రంగాల్లో ఇతర ప్రాంతాలతో సమానంగా ఉండాలనే ఉద్దేశ్యంతో ఏర్పాటు చేసిన మండలి పేరుకు మాత్రమే పరిమితమైంది. అనంతరం హైదరాబాద్‌ కర్ణాటక కల్యాణ కర్ణాటకగా రూపాంతరం చెందింది. కల్యాణ కర్ణాటక పరిధిలో బీదర్‌, కలబుర్గి, యాదగిరి, రాయచూరు, కొప్పళ, బళ్లారి, విజయనగర జిల్లాలు వస్తాయి. రాష్ట్రంలో అధికారం చేపట్టిన సర్కార్లు ఈ ప్రాంతాభివృద్ధి కోసం బడ్జెట్‌లో ప్రతి ఏటా రూ.1000 కోట్ల నిధులు కేటాయిస్తాయి. ఈ నిధులను శాసన సభ్యులు రహదారులు, పాఠశాలలు, తాగునీటి పథకాలు తదితర అభివృద్ధి పనులకు వినియోగించుకోవాల్సి ఉంది. ప్రత్యేక కమిషనరేట్‌ కార్యాలయం ఏర్పాటు హుళక్కే అయింది. 1957 సెప్టెంబర్‌ 17న హైదరాబాద్‌ నిజాంల పాలన నుంచి కల్యాణ కర్ణాటక ప్రాంతానికి విముక్తి కలిగింది. స్వాతంత్య్రం లభించి 69 ఏళ్లు గడుస్తున్నా అభివృద్ధి విషయంలో ఎక్కడ వేసిన గొంగళి అక్కడే అన్న చందంగా మారింది. వెనుక బడిన ప్రాంతాల అభివృద్ధి కోసం 2001లో అప్పటి ముఖ్యమంత్రి ఎస్‌ఎం.కృష్ణ హెచ్‌కేఆర్‌డీబీని స్థాపించి అభివృద్ధికి ప్రాముఖ్యత నిచ్చారు. కల్యాణ కర్ణాటక ప్రాంత అభివృద్ధి మండలికి శాసన సభ్యుడు అధ్యక్షుడిగా కొనసాగుతారు. నేడు సీఎం శివకుమార్‌ కలబుర్గి రాక ముఖ్యమంత్రి ఈకే శివకుమార్‌ గురువారం కలబుర్గిలో జరిగే కళ్యాణ కర్ణాటక విమోచన దినోత్సవ వేడుకలతో పాటు వివిధ కార్యక్రమాల్లో పాల్గొంటారు. ముందుగా ఉక్కు మనిషి సర్దార్‌ వల్లభ్‌బాయి పటేల్‌ ప్రతిమకు పుష్పార్చన చేస్తారు. అనంతరం కలబుర్గి క్రీడా మైదానంలో జరిగే కళ్యాణ కర్ణాటక విమోచన దినోత్సవంలో జాతీయ పతాకావిష్కరణ చేసి పోలీసుల నుంచి గౌరవ వందనం స్వీకరిస్తారు. గత ఐదేళ్లలో రూ.5 వేల కోట్ల నిధులు కేటాయింపు ప్రత్యేక కమిషనరేట్‌ కార్యాలయం ఏర్పాటు హుళక్కే నేడు కల్యాణ కర్ణాటక విమోచన దినోత్సవ వేడుకలు

బళ్లారిఅర్బన్‌: కన్నడ భాషాభివృద్ధితో పాటు దేశాభివృద్ధికి సర్‌ ఎం.విశ్వేశ్వరయ్య చేసిన సేవలు అమోఘమని ఆర్‌వైఎం ఇంజనీరింగ్‌ కళాశాల ప్రిన్సిపాల్‌ డాక్టర్‌ హెచ్‌.మహాబలేశ్వర్‌ అన్నారు. మంగళవారం బసవదళ్‌ హాల్‌లో నిర్వహించిన సర్‌ ఎం.విశ్వేశ్వరయ్య జయంతిని ఆయన ప్రారంభించి మాట్లాడారు. విశ్వేశ్వరయ్య గొప్ప ఇంజనీర్‌గా మాత్రమే కాకుండా కర్ణాటక సమగ్ర అభివృద్ధికి కృషి చేసిన దార్శనికుడని కొనియాడారు. ఇంజనీర్‌ టి.మల్లికార్జున, కేపీటీసీఎల్‌ సూపరింటెండెంట్‌ ఇంజనీర్‌ తిప్పారుద్ర గుండెగౌడ, రిటైర్డ్‌ ఇంజనీర్‌ కేణి బసప్ప, కల్గుడి మంజునాథ్‌, పల్లెద బసవరాజ, బసవరాజ నావడగి, ప్రొఫెసర్‌ హెచ్‌.మల్లికార్జున, మరిరాజగౌడ, కేఎస్‌పీ జిల్లా అధ్యక్షుడు డాక్టర్‌ నిష్ఠిరుద్రప్ప, చాంద్‌పాషా, కేవీ రవిశంకర్‌ తదితరులు పాల్గొన్నారు. ఘనంగా ఇంజనీర్స్‌ దినోత్సవం హొసపేటె: తుంగభద్ర మండలి కార్యాలయ ఆవరణలో ఇంజనీర్స్‌ దినోత్సవం నిర్వహించారు. మండలి అధికారులు సర్‌ ఎం.విశ్వేశ్వరయ్య చిత్రపటానికి పూలమాలలు వేసి దినోత్సవాన్ని ప్రారంభించారు. మండలి కార్యదర్శి శ్రీనివాస బైరి, ఎస్‌ఈ నారాయణ నాయక్‌ సర్‌ ఎం.విశ్వేశ్వరయ్య దేశానికి చేసిన సేవలను వివరించారు. మండలి ఇంజనీర్లు తదితరులు పాల్గొన్నారు.

● యాక్సిడెంటులో మృతి తుమకూరు: గుర్తు తెలియని వాహనం ఢీ కొట్టడంతో బైక్‌పై వెళ్తున్న నవ దంపతులు ప్రాణాలు కోల్పోయారు. ఈ ఘటన శిరా తాలూకా ద్వారాళు వద్ద మంగళవారం జరిగింది. శిరా తాలూకా హుణసెకట్టె గ్రామానికి చెందిన దర్శన్‌ (22), భార్య ఉషారాణి (20), వీరికి పెళ్లి జరిగి నెలన్నర రోజులు అయింది. పని మీద వెళ్తుండగా వెనుక నుంచి వచ్చిన వాహనం ఢీకొని వెళ్లిపోయింది. కిందపడి తీవ్ర గాయాలతో దంపతులు మరణించారు. గుర్తు తెలియని వాహనాన్ని గుర్తించాలని మృతుల కుటుంబ సభ్యులు ఫిర్యాదులో కోరారు. నవజంట కాటికి చేరడంతో కన్నీరుమున్నీరుగా విలపించారు. యువకుని అవయవదానంయశవంతపుర: రోడ్డు ప్రమాదంలో గాయపడి బ్రెయిన్‌డెడ్‌కు గురైన యువకుడు పలువురికి కొత్త జీవితాన్నిచ్చాడు. ఈ ఘటన దక్షిణకన్నడ జిల్లా మంగళూరులో జరిగింది. ఆయెరెబెట్టకు చెందిన గోపాల, వేదావతి దంపతుల చిన్న కొడుకు వర్షిత్‌ కులాల్‌ (21) సోమవారం రాత్రి పని ముగించుకుని బైకుపై ఇంటికి వస్తుండగా, కిందపడడంతో తలకు తీవ్ర గాయమైంది. స్థానికులు ఆస్పత్రికి తరలించగా ఐసీయూలో చికిత్సలు అందించారు. బ్రెయిన్‌డెడ్‌ అయ్యిందని, చికిత్స చేసినా ఫలితం లేదని వైద్యులు తల్లిదండ్రులకు తెలిపారు. వైద్యుల సూచనతో వర్షిత్‌ అవయవ దానం చేయడానికి కన్నవారు అంగీకరించారు. ఆయన దేహం నుంచి ముఖ్యమైన అవయవాలను సేకరించి అవసరమైన రోగుల కోసం జీరో ట్రాఫిక్‌లో పంపించారు. వర్షిత్‌ను, తల్లిదండ్రులను ప్రజలు అభినందిస్తున్నారు. టూర్‌కి వెళ్లి.. లాడ్జిలో మృతి యశవంతపుర: స్నేహితులతో టూర్‌కి వెళ్లిన యువతి అనుమానస్పదంగా మృతి చెందిన ఘటన హాసన్‌ జిల్లా సకలేశపుర తాలూకా వళలహళ్లి కోడిగ గ్రామంలో జరిగింది. బెంగళూరు నాగసంద్రకు చెందిన వర్ష (25), శుక్రవారం ప్రియుడు రఘు, స్నేహితులతో కలిసి ట్రిప్‌కు వెళ్లింది. శని, ఆది, సోమవారం భైరవేశ్వర మజగహళ్లి ఫాల్స్‌తో పాటు అనేక ప్రాంతాలను వీక్షించారు. వళలహళ్లి కొడిగెలోని లాడ్జిలో దిగారు. మంగళవారం స్నానానికి వెళ్లిన సమయంలో వర్ష కుప్పకూలిపోయిందని, తాము ఆస్పత్రికి తీసుకెళ్లగా చనిపోయినట్లు వైద్యులు తెలిపారని రఘు చెబుతున్నాడు. సకలేశపుర గ్రామాంతర పోలీసులు లాడ్జిని పరిశీలించి కేసు నమోదు చేసుకున్నారు. ఎమ్మెల్యేతో చిందులు.. ఇద్దరు ఖాకీల బదిలీశివమొగ్గ: గణేష్‌ విగ్రహ ఊరేగింపులో ఎమ్మెల్యే చెన్నబసప్పను భుజాలపైకెత్తుకుని చిందులేసిన ఇద్దరు ట్రాఫిక్‌ పోలీసు కానిస్టేబుళ్ల వీడియో వైరలైంది. వివరాలు.. శివమొగ్గ నగరంలోని తూర్పు ట్రాఫిక్‌ పోలీసు స్టేషన్‌ పరిధిలో గణేష్‌ విగ్రహాన్ని ప్రతిష్టించారు. ఆ విగ్రహాన్ని తుంగా నదిలో నిమజ్జనానికి ముందు ఊరేగింపు చేపట్టారు. భీమేశ్వర గుడి సమీపంలో ఎమ్మెల్యే చెన్నబసప్పను ఇద్దరు ట్రాఫిక్‌ పోలీసులు సంతోషంలో ఎమ్మెల్యేను తమ భుజాలపైకెత్తుకుని చిందులు వేశారు. ప్రవర్తన సరిగా లేదంటూ ఎస్పీ ఆ కానిస్టేబుళ్లను వేరే వేరే పోలీసు స్టేషన్లకు బదిలీ చేశారు. ఫ్రిడ్జ్‌ పేలుడులో తండ్రీ కొడుకు మృతిబనశంకరి: బెళగావి సిటీ చవ్హాటి గల్లీలోని ఇంట్లో సోమవారం అర్ధరాత్రి సంభవించిన ఫ్రిడ్జ్‌ పేలుడులో తీవ్రంగా గాయపడి ప్రైవేటు ఆసుపత్రిలో చికిత్స పొందుతున్న తండ్రి గజానన రాజారామ దమాన (65), కుమారుడు రోషన్‌ (21) బుధవారం మరణించారు. తీవ్ర గాయాలు కావడంతో కోలుకోలేకపోయారు. పేలుడులోనే గజానన భార్య, ఇద్దరు కూతుళ్లు, సోదరి చనిపోవడం తెలిసిందే. మొత్తం మరణాలు 6కు పెరిగాయి. పెంపుడు పిల్లి కూడా కన్నుమూసింది.

బెంగళూరు: ఓ వైపు ప్రభుత్వ అనుబంధ నమ్మ క్లినిక్‌లో డాక్టర్‌గా ఉద్యోగం.. మరోవైపు ప్రైవేట్‌ మెడికల్‌ కాలేజీలో పీజీ వైద్య విద్య! నెలకు రూ.70 వేలకు పైగా జీతం తీసుకుంటూనే క్లినిక్‌ విధులకు దూరంగా ఉన్నారనే ఆరోపణలు కర్ణాటకలో ఓ వైద్యురాలిని చిక్కుల్లోకి నెట్టాయి. పైగా ఆమె అధికార పార్టీకి చెందిన బాగల్‌కోట్‌ ఎమ్మెల్యే ఉమేశ్‌ మెటీకి మేనకోడలు కావడంతో ఈ వ్యవహారం మరింత ఆసక్తికరంగా మారింది. ఆరోపణలపై అధికారులు విచారణ చేపట్టగా.. విచారణకు హాజరుకాకపోవడం ఇప్పుడు మరో టర్న్‌ తీసుకుంది.వివరాల ప్రకారం.. బాగల్‌కోట్‌లోని వాంబే కాలనీ నమ్మ క్లినిక్‌లో డాక్టర్‌ అంకిత యరగల్‌ మెడికల్‌ ఆఫీసర్‌గా పనిచేస్తున్నారు. అయితే మార్చి 3 నుంచి సెప్టెంబర్‌ వరకు ఆమె క్లినిక్‌లో విధులకు హాజరుకాలేదని అధికారులు ఆరోపిస్తున్నారు. దీంతో అక్కడికి వచ్చే ప్రజలకు వైద్య సేవలు అందడంలో ఇబ్బందులు ఎదురయ్యాయని పేర్కొన్నారు. ఇంతకీ డాక్టర్‌ అంకిత ఎక్కడున్నారు? అనే ప్రశ్నకు అధికారుల దర్యాప్తులో.. ఆమె ఓ ప్రైవేట్‌ మెడికల్‌ కాలేజీలో పోస్టు గ్రాడ్యుయేట్‌ వైద్య విద్య అభ్యసిస్తున్నట్లు తేలిందని అధికారులు చెబుతున్నారు. అంటే ఒకవైపు నమ్మ క్లినిక్‌ మెడికల్‌ ఆఫీసర్‌గా జీతం.. మరోవైపు పీజీ మెడిసిన్‌.. ఈ రెండు బాధ్యతలను ఒకేసారి కొనసాగించారా? అన్నదే ఇప్పుడు ప్రధాన ప్రశ్నగా మారింది.విచారణకు పిలిస్తే.. హాజరు కాలేదు!ఈ ఆరోపణలపై బాగల్‌కోట్‌ జిల్లా పరిషత్‌ సీఈవో గజానన్‌ బాలే విచారణ చేపట్టారు. అయితే డాక్టర్‌ అంకిత ఆ విచారణకు హాజరుకాలేదు. దీంతో అధికారులు సెప్టెంబర్‌ 18న ఉదయం 10 గంటలకు మరోసారి విచారణకు హాజరుకావాలని నోటీసులు జారీ చేశారు. జిల్లా పరిషత్‌ కార్యాలయంలోని రూమ్‌ నంబర్‌ 11లో జరిగే ఈ విచారణకు తప్పనిసరిగా రావాలని ఆదేశించారు. ఈసారి కూడా హాజరుకాకపోతే.. ఆమె వివరణ లేకుండానే అందుబాటులో ఉన్న ఆధారాల ఆధారంగా నిర్ణయం తీసుకునే అవకాశం ఉందని అధికారులు హెచ్చరించారు.కాలేజీ అనుమతి ఇచ్చినా.. క్లినిక్‌ సంగతేంటి?ఈ వ్యవహారంలో మరో కీలక అంశం కూడా తెరపైకి వచ్చింది. డాక్టర్‌ అంకిత పీజీ చదువుకునేందుకు ఎస్‌ఎన్‌ మెడికల్‌ కాలేజీ ప్రిన్సిపల్‌ అనుమతి ఇచ్చినట్లు అధికారులు పేర్కొన్నారు. అయితే ఆ అనుమతి ఉన్నప్పటికీ నమ్మ క్లినిక్‌లో తన విధులకు హాజరుకాలేదని ఆరోపిస్తున్నారు. అంటే పీజీ చదువుకునేందుకు అనుమతి ఉండటం వేరు.. అదే సమయంలో నమ్మ క్లినిక్‌లో విధులు నిర్వహించకపోయినా జీతం తీసుకోవడం వేరు అన్నది అధికారుల విచారణలో పరిశీలిస్తున్న అంశంగా కనిపిస్తోంది.రూ.70 వేల జీతం.. తిరిగి చెల్లించాల్సి వస్తుందా?అనుమతిలేని ద్వంద్వ బాధ్యతలు నిర్వహించినట్లు విచారణలో తేలితే.. ఆ కాలంలో ఆమెకు చెల్లించిన జీతం లేదా గౌరవ వేతనాన్ని తిరిగి రికవరీ చేసే అవకాశం ఉందని అధికారులు నోటీసులో హెచ్చరించారు. అంతేకాదు.. వ్యవహారం ప్రొఫెషనల్‌ మిస్‌కండక్ట్‌గా తేలితే క్రమశిక్షణ చర్యలు తీసుకోవడంతో పాటు కర్ణాటక మెడికల్‌ కౌన్సిల్‌, నేషనల్‌ మెడికల్‌ కమిషన్‌కు కూడా విషయం పంపే అవకాశం ఉందని స్పష్టం చేశారు. ఇక జిల్లా ఆరోగ్య అధికారి రాజ్‌కుమార్‌ యరగల్‌ ఇప్పటికే డాక్టర్‌ అంకితను విధుల నుంచి తొలగించినట్లు సమాచారం. ప్రస్తుతం మొత్తం వ్యవహారం అధికారుల విచారణలో ఉంది. సెప్టెంబర్‌ 18న జరిగే విచారణలో డాక్టర్‌ అంకిత హాజరై తనపై వచ్చిన ఆరోపణలపై ఏం వివరణ ఇస్తారు? పీజీ చదువుతో పాటు నమ్మ క్లినిక్‌ ఉద్యోగానికి సంబంధించిన అనుమతులు, విధులు, జీతం చెల్లింపులపై ఆమె సమర్పించే వివరాలే ఇప్పుడు కీలకంగా మారాయి.ఇదీ చదవండి: బీజేపీకి కొత్త చిక్కులు.. యూపీ‘ఐ’ ఫైట్‌ తప్పదా?

దొడ్డబళ్లాపురం: మాజీ ఎంపీ ప్రజ్వల్‌ రేవణ్ణ రెండేళ్లుగా బెంగళూరు పరప్పన అగ్రహార జైల్లో ఉండగా ఏనాడూ అతని వద్ద మొబైల్‌ఫోన్‌ లభించకపోగా రాష్ట్రంలో నైస్‌ వివాదం, కేపీఎస్‌సీ కుంభకోణం వెలుగు చూసినప్పుడే జైల్లో తనిఖీలు చేసి ప్రజ్వల్‌ వద్ద మొబైల్‌ దొరికిందని చెప్పడం చూస్తుంటే ఇదంతా ప్లాన్‌ ప్రకారమే జరిగినట్టుగా ఉందని ఆయన చిన్నాన్న, కేంద్రమంత్రి హెచ్‌డీ కుమారస్వామి ఆరోపించారు. హాసన్‌ జిల్లాలో విలేకరులతో మాట్లాడుతూ తమ తండ్రి దేవేగౌడ కుటుంబాన్ని అంతం చేస్తానన్నది ఈ ముఖ్యమంత్రే అని డీకే శివకుమార్‌పై ధ్వజమెత్తారు. జైల్లో ఉన్న ప్రజ్వల్‌ను రాజకీయాలకు బలి చేస్తున్నారని, చేసిన తప్పుకు ఆ కుర్రాడు కోర్టు తీర్పు మేరకు శిక్ష అనుభవిస్తున్నాడన్నారు. ప్రజల దృష్టి మరల్చడానికే ప్రజ్వల్‌ను వాడుకుంటున్నారని విమర్శించారు. దేవేగౌడ కుటుంబంపై సీఎం దుష్ప్రచారం చేయిస్తున్నారని, ఇలాంటి వాటికి తాము భయపడమని కుమారస్వామి అన్నారు. ఇటీవల అమెరికాకు వెళ్లిన సమయంలో నైస్‌ సంస్థ కాంట్రాక్టరు, సీఎం డీకే శివకుమార్‌ను కలిసి ఉన్న ఫోటోలను చూశానన్నారు. త్వరలో సంచలనాత్మక అంశాలను బహిర్గతం చేస్తానని హెచ్చరించారు. మైసూరు: నాడహబ్బ మైసూరు దసరా ఉత్సవాలలో పాల్గొనే గజరాజులకు ముమ్మరంగా తాలీము జరుగుతోంది. ప్యాలెస్‌ నుంచి అంబా విలాస్‌ ప్యాలెస్‌ వరకు రోజూ రెండుసార్లు నడిపిస్తున్నారు. అంత పెద్ద ఏనుగులు బుద్ధిగా వరుసగా వెళ్లడం, రావడం చూసి దేశ విదేశీ పర్యాటకులు సంభ్రమానికి లోనవుతున్నారు. అతి బరువైన సుగ్రీవ మొత్తం 14 ఏనుగులకు మరోసారి తూకం వేశారు. ఈసారి సుగ్రీవ అతి పెద్ద గజరాజుగా సత్తా చాటుకుంది. మొదటి బృందంలోని శ్రీకంఠ అనే ఏనుగు 5,770 కేజీల బరువు తూగింది. అంతకన్నా 80 కేజీలు అధికంగా అంటే 5,850 కేజీల బరువుతో సుగ్రీవ ఔరా అనిపించింది. ఆడ ఏనుగుల్లో చైత్ర 3,295 కేజీలు, రూపా 3,260 కేజీల బరువు తూగాయి. సోమవారం గణేష్‌ చతుర్థి కావడంతో ఏనుగులకు గజపూజ చేశారు. విశేష పూజలు చేసి నైవేద్యాలు పెట్టారు. జిల్లాధికారి లక్ష్మీకాంతరెడ్డి, పోలీస్‌ కమిషనర్‌ సీమా లాట్కర్‌, అటవీ అధికారులు రవిశంకర్‌, ప్రభుగౌడ పాల్గొన్నారు. జైల్లో ప్రజ్వల్‌ వద్ద మొబైల్‌ వెనుక కుట్ర కేంద్రమంత్రి హెచ్‌డీ కుమారస్వామి ముమ్మరంగా గజసాధన

● కేంద్రమంత్రి నడ్డా బనశంకరి: ఈ నెల 17 నుంచి బీజేపీ ద్వారా సేవా సంకల్ప అభియాన్‌ నిర్వహిస్తామని కేంద్రమంత్రి జేపీ నడ్డా తెలిపారు. మంగళవారం బెంగళూరు బీజేపీ ప్రధాన కార్యాలయంలో ఆయన మాట్లాడారు. సుపరిపాలన, ప్రజా సంక్షేమానికి ప్రధానమంత్రి నరేంద్రమోదీ ప్రాధాన్యత ఇచ్చారన్నారు. ప్రధాని గత 25 ఏళ్లలో ఒక్కరోజు కూడా సెలవు తీసుకోకపోవడం మనందరికీ గర్వకారణమన్నారు. సేవకుని రూపంలో మోదీ పనిచేస్తున్నారని, ఆయనను గౌరవిస్తూ ఒక నెల సేవా సంకల్ప అభియాన్‌ నిర్వహిస్తామని తెలిపారు. ఈ కార్యక్రమంలో యడియూరప్ప, విజయేంద్ర, అశోక్‌ తదితరులు పాల్గొన్నారు.

మండ్య: మండ్య జిల్లాలోని మద్దూరు తాలూకాలోని కొప్ప గ్రామ సమీపంలో తెల్లవారుజామున ఒక పాల ట్యాంకర్‌, బైక్‌ను ఎదురుగా ఢీకొట్టిన ఘోర ప్రమాదంలో కుటుంబం కడతేరిపోయింది. ముగ్గురు క్షణాల్లో మరణించారు. వివరాలు.. బెంగళూరులో నివసించే ముత్తురాజ్‌ (35), భార్య కావ్య (30), ఎనిమిదేళ్ల కుమార్తె కీర్తన మృతులు. మండ్య వద్ద కొప్ప స్వస్థలమైన ముత్తురాజ్‌ కుటుంబంతో చవితి సెలవుల సందర్భంగా ఊరికి వచ్చారు. మంగళవారం తెల్లవారుజామున స్కూటర్‌లో మళ్లీ బెంగళూరుకు ప్రయాణమయ్యారు. బయల్దేరిన కొంతసేపటికే కొప్ప గ్రామం వద్ద హైవేలో ప్రయాణిస్తుండగా, అతివేగంగా వస్తున్న పాల ట్యాంకర్‌ వారి స్కూటర్‌ను ఢీకొనింది. దీంతో రోడ్డు పక్కకు దూరంగా ఎగిరిపడ్డారు. దంపతులు, బాలిక కీర్తన రక్తపు మడుగులో మరణించారు. ఇంటి నుంచి బయల్దేరిన కొంతసేపటికే ముగ్గురూ మృత్యుఒడికి చేరుకున్నారు. వారి మరో కూతురు తీవ్రంగా గాయపడగా ఆస్పత్రికి తరలించారు. కొప్ప ఎస్‌ఐ ఉమేష్‌, పోలీసులు చేరుకుని మృతదేహాలను పోస్ట్‌మార్టం కోసం మిమ్స్‌కి తరలించారు. ట్యాంకర్‌ డ్రైవరుపై కేసు నమోదు చేశారు. ఘటనాస్థలికి బంధువులు, గ్రామస్తులు తరలివచ్చారు. ట్యాంకర్‌ డ్రైవర్‌ను శిక్షించాలని డిమాండ్‌ చేశారు. మండ్య వద్ద స్కూటర్‌ను ఢీ తల్లిదండ్రులు, కుమార్తె దుర్మరణం

శ్రీనివాసపురం: కోలారు జిల్లా ముళబాగిలు తాలూకా కురుడుమలై గ్రామంలో వెలసిన పురాణ ప్రసిద్ధ కురుడుమలై వినాయక దేవస్థానంలో గణేశ చతుర్థి వేడుకలు వైభవంగా జరిగాయి. విఘ్ననాథుని తేరు ఉత్సవం కనులపండువగా సాగింది. మంగళవాయిద్యాల నడుమ ఉత్సవమూర్తిని రథంలో ప్రతిష్టించి తేరును లాగారు. ముళబాగిలు ఎమ్మెల్యే సమృద్ధి మంజునాథ్‌, వేలాది భక్తజనం పాల్గొన్నారు. తేరు మీదకు అరటిపండ్లు, దవనం విసిరారు. భక్తబృందాల కోలాటం, నృత్యాలు అలరించాయి. కోలారు ఎమ్మెల్యే కొత్తూరు మంజునాథ్‌, ఎమ్మెల్సీ ఎం ఎల్‌ అనిల్‌కుమార్‌ పాల్గొన్నారు. కురుడుమలైలో భక్తసంద్రం

పాఠశాలకు వస్తున్న విద్యార్థులు బెంగళూరు ట్రాఫిక్‌తో చదువులకూ ఇబ్బందిబనశంకరి: బెంగళూరులో ట్రాఫిక్‌ సమస్య ఎంత తీవ్రంగా ఉంటుందో తెలియనిది కాదు. ఉదయం, సాయంత్రం పీక్‌ అవర్స్‌లో కిలోమీటర్ల కొద్దీ ట్రాఫిక్‌ జాం ఏర్పడి గంటలకొద్దీ చిక్కుకుపోవాలి. దీనివల్ల పాఠశాలలకు ఇబ్బంది లేకుండా బెంగళూరులో ప్రభుత్వ పాఠశాలల సమయంలో మార్పులు తీసుకువచ్చే అవకాశం ఉంది. బడుల వేళలు మార్చాలని ఉపాధ్యాయులు ప్రాథమిక విద్యా శాఖ మంత్రి మధు బంగారప్పకు విన్నవించారు. నగరంలో ప్రభుత్వ పాఠశాలలు ఉదయం 10:30 నుంచి సాయంత్రం 4:30 వరకు పనిచేస్తున్నాయి. ప్రైవేటు పాఠఽశాలలు ఉదయం 8:45 నుంచి మధ్యాహ్నం 3:45 వరకు పనిచేస్తున్నాయి. గంటన్నర ముందే బడికి బయల్దేరాలని ఉపాధ్యాయులు చెబుతున్నారు. దీంతో ప్రభుత్వం బడుల సమయాలను ఎలా మారుస్తుందన్నది చూడాల్సి ఉంది. బనశంకరి– సుబ్రమణ్యపుర రోడ్డు పరిశీలన బెంగళూరు బనశంకరి జంక్షన్‌లో ఏర్పడే వాహనాలు రద్దీ పరిష్కారానికి సుబ్రమణ్యపుర నుంచి బనశంకరి వరకు వచ్చే వాహనాలకు బనశంకరి బీఎంటీసీ బస్‌ టెర్మినల్‌ వెనుక భాగంలో ప్రత్యామ్నాయ రోడ్డు మార్గం కల్పించడం గురించి దక్షిణ నగర పాలికే కమిషనర్‌ కేఎన్‌.రమేశ్‌ పరిశీలించారు. కదిరేనహళ్లి క్రాస్‌ ద్వారా బనశంకరికి వచ్చే వాహనాల కోసం సుబ్రమణ్యపుర రోడ్డు విస్తరణకు సర్వే చేయాలని అధికారులను సూచించారు. ట్రాఫిక్‌ జాయింట్‌ కమిషనర్‌ కార్తీక్‌రెడ్డి, డీసీపీ గోపాల్‌ బ్యాకోడ్‌, పాలికే ఇంజనీర్లు పాల్గొన్నారు. విద్యామంత్రికి ఉపాధ్యాయుల వినతి

తుమకూరు: ఈసారి తుమకూరు దసరాను అత్యంత వైభవంగా జరుపుకోబోతున్నాం. ఈ ప్రదర్శన ఏఐ, ఆధునిక సాంకేతిక పరిజ్ఞానం అభివృద్ధికి చోటిస్తుంది. 2000 మందికి పైగా పిల్లలకు వివిధ సాంస్కతిక కార్యక్రమాలలో పాల్గొనే అవకాశం కల్పిస్తామని డిప్యూటీ సీఎం జి.పరమేశ్వర్‌ తెలిపారు. మంగళవారం తుమకూరు నగరంలోని సెంట్రల్‌ లైబ్రరీ హాల్‌లో తుమకూరు దసరా ఉత్సవ లోగోను ఆవిష్కరించి మాట్లాడారు. తుమకూరుకు కీర్తి, తేజస్సు తెచ్చే విధంగా దసరా పండుగను జరపాలని తెలిపారు. అక్టోబర్‌ 11 నుంచి 21 వరకు దసరా ఉత్సవాలు జరుగుతాయన్నారు. నగర ఎమ్మెల్యే జి. బి. జ్యోతిగణేష్‌, బీఎంటీసీ ఉపాధ్యక్షుడు నికేత్‌ రాజ్‌ మౌర్య, కలెక్టర్‌, ఎస్పీలు పాల్గొన్నారు. హైకమాండ్‌ దూతల రాక ● పదవుల భర్తీపై నేడు చర్చలు శివాజీనగర: రాష్ట్ర కాంగ్రెస్‌ పార్టీ, ప్రభుత్వంపై హైకమాండ్‌ దృష్టి సారించింది. ముఖ్యమైన చర్చలకు ఇన్‌చార్జి రణదీప్‌ సింగ్‌ సుర్జేవాలా, కే.సీ.వేణుగోపాల్‌ మంగళవారం రాత్రికి బెంగళూరుకు చేరుకొన్నారు. బుధవారం వారు రెండు ముఖ్యమైన సమావేశాలు నిర్వహించనున్నారు. సీఎం డీ.కే.శివకుమార్‌, మాజీ సీఎం సిద్దరామయ్య, కేపీసీసీ అధ్యక్షుడు బీ.కే.హరిప్రసాద్‌లతో భేటీ జరుపుతారు. మొదట కొత్తగా ఎన్నికై న డీసీసీ అధ్యక్షులతో సమావేశం అవుతారు. సీఎంతో భేటీలో కార్పొరేషన్‌, బోర్డు అధ్యక్ష పదవుల నియామకం గురించి చర్చిస్తారు. ఖాళీగా ఉన్న 2 మంత్రి పదవుల భర్తీ ప్రస్తావనకు రావచ్చు. ప్రభుత్వం, పార్టీ సమన్వయంతో పని చేయడానికి ఒక వ్యూహాన్ని రూపొందించే అవకాశముంది.భార్యను కాల్చి, భర్త ఆత్మహత్యయశవంతపుర: భార్యను తుపాకీతో కాల్చి హత్య చేసి, భర్త ఆత్మహత్య చేసుకున్న ఘటన కొడగు జిల్లా సోమవారపేట తాలూకా కుంబారగడి గ్రామంలో జరిగింది. కన్నికండ కొడవ కుటుంబానికి చెందిన సుబ్బయ్య (72), భార్య భోజమ్మ (67)ను ఇంట్లోని తుపాకీతో కాల్చిచంపాడు. తరువాత అదే తుపాకీతో కాల్చుకొని ఆత్మహత్య చేసుకున్నాడు. కుటుంబ గొడవలే కారణమని అనుమానాలున్నాయి. జిల్లా ఎస్పీ బిందుమణి ఘటనా స్థలాన్ని పరిశీలించారు. కేపీఎస్‌సీ స్కాంలో సాక్ష్యాలు సీజ్‌ దొడ్డబళ్లాపురం: కేపీఎస్‌సీ పశు వైద్యాధికారుల ఉద్యోగాల స్కాంలో దళారీ బసవరాజు కన్నాళె, ఐఏఎస్‌ జ్ఞానేంద్రకుమార్‌ల పాత్రపై మరిన్ని రుజువులు లభించాయి. పరీక్షలకు ముందే దేవనహళ్లి సమీపంలోని రిసార్ట్‌లో అభ్యర్థుల చేత సమాధానాలు రాయించారని తెలిసింది. జ్ఞానేంద్రకుమార్‌ వారికి ప్రశ్నాపత్రాలు ఇచ్చి రాజాజీనగర, మెజెస్టిక్‌ నుంచి క్యాబ్‌లలో రిసార్ట్‌కు తీసుకువచ్చి సమాధానాలు రాయించారు. ఇందుకోసం లక్షల రూపాయలను వసూలు చేశారు. సీఐడీ అధికారులు ఆ రిసార్ట్‌లోని సీసీ కెమెరాల చిత్రాలను స్వాధీనం చేసుకుని, క్యాబ్‌లు సీజ్‌ చేశారు. రిసార్ట్‌ సెక్యూరిటీ గార్డును సాక్షిగా పేర్కొన్నారు. స్కాం రట్టు కాగానే నిందిత అభ్యర్థులు తమ మొబైళ్లు, పెన్‌డ్రైవ్‌లు శ్రీరంగపట్టణలో కావేరి నదిలో విసిరేశారని తేలింది.కూలిన చెట్టు, ఆగిన రైలు ● శివమొగ్గ వద్ద ఘటన శివమొగ్గ: రైల్వే ట్రాక్‌లపై చెట్టు పడటంతో తలగుప్ప నుంచి బెంగళూరు వెళ్తున్న రైలు అరసలు సమీపంలో నిలిచిపోయింది. మంగళవారం ఉదయం 5.20 గంటలకు తలగుప్ప నుంచి బయలుదేరిన ఈ రైలు ఉదయం 7 గంటలకు శివమొగ్గకు, మధ్యాహ్నం 12 గంటలకు బెంగళూరుకు చేరుకోవాలి. అయితే, అరసలు దగ్గర పట్టాలపై చెట్టు పడిందని తెలిసి రైలును ముందుగానే ఆనెకెరె – నెవటూర్‌ గ్రామాల మధ్యలో నిలిపివేశారు. బెంగళూరులో ఆఫీసులకు, కాలేజీలకు వెళ్లాల్సిన వందలాది ఉద్యోగులు, విద్యార్థులు తీవ్ర ఇబ్బంది పడ్డారు. చెట్టును తొలగించడానికి 2 గంటలు పట్టినట్లు తెలిసింది.

దొడ్డబళ్లాపురం: ఈ ఏడాది రాష్ట్రంలో కరువు తీవ్రంగా ఉంది, ఇప్పటికే 200 తాలూకాల్లో తీవ్రమైన కరువు ఏర్పడినట్టు గుర్తించినట్టు ముఖ్యమంత్రి డీకే శివకుమార్‌ తెలిపారు. మంగళవారం కనకపురలోని నివాసంలో మీడియాతో మాట్లాడిన ఆయన.. ఇప్పటికి 102 కరువు తాలూకాలుగా ప్రకటించామన్నారు. త్వరలో మరిన్ని తాలూకాలను ప్రకటిస్తామని చెప్పారు. కరువు కారణంగా విద్యుత్‌ ఉత్పత్తి కూడా తగ్గిపోయిందని, గత వారం 19 వేల మెగావాట్ల విద్యుత్‌కు డిమాండు ఏర్పడిందన్నారు. వేడి వాతావరణం వల్ల రాత్రిళ్లు విద్యుత్‌ అధికంగా ఖర్చవుతోందన్నారు. పక్క రాష్ట్రాల నుంచి కరెంటును కొనాలని మంత్రులకు సూచించానన్నారు. వర్షాభావం కొనసాగితే తీవ్ర కరువు ఏర్పడుతుందన్నారు. 18న దక్షిణ కన్నడ జిల్లాలో కేబినెట్‌ మీటింగ్‌ గురించి మంత్రులతో మాట్లాడినట్లు, అక్కడ అభివృద్ధి పథకాలకు పెద్దపీట వేస్తామని తెలిపారు. ఏం జరుగుతుందో: సీఎం శివాజీనగర: ప్రజాస్వామ్యంలో పౌరులే పాలకులని ముఖ్యమంత్రి డీ.కే.శివకుమార్‌ తెలిపారు. విధానసౌధలో ప్రజాస్వామ్య దినోత్సవంలో పాల్గొని మాట్లాడారు. రాష్ట్రంలో కోటి మంది ప్రజలు ఎస్‌ఐఆర్‌ కారణంగా ఓటు కోల్పోయే పరిస్థితి నెలకొంది. 47 లక్షల మందికి నోటీసులు జారీ చేశారు. ప్రస్తుతం వారు అవసరమైన పత్రాలను సమర్పిస్తున్నారని తెలిపారు. అప్పట్లో రాష్ట్రంలో డబుల్‌ ఇంజిన్‌ ప్రభుత్వం ఉన్నప్పటికీ, ప్రజలు మాకు 136 సీట్లు ఇచ్చారన్నారు. రాష్ట్రంలో ఇకపై ఏమి జరుగుతుందో నేను ఇప్పుడు మాట్లాడనని డీకే చెప్పడం గమనార్హం. రెచ్చగొట్టడమే బీజేపీ పని శివాజీనగర: బీజేపీ ఎదను చీల్చితే అందులో రాష్ట్ర ప్రయోజనాలకు సేవ చేసే అంశం ఏమీ లేదు. వారిదంతా రాజకీయ మనస్తత్వం మాత్రమే అని సీఎం డీ.కే.శివకుమార్‌ ఆరోపించారు. ఇంజనీర్ల దినోత్సవం సందర్భంగా నగరంలో కే.ఆర్‌.సర్కిల్‌లోని సర్‌.ఎం.విశ్వేశ్వరయ్య విగ్రహానికి పూలమాల వేసి నివాళులర్పించి మాట్లాడారు. ప్రతిదానిలో బీజేపీ తప్పులు వెతుకుతోంది, ఒక పోలీస్‌ అధికారి అన్న మాటల్లో తప్పేముంది? దీనిపై వీధుల్లో రచ్చ చేశారు అని టి.నరసిపుర గొడవను ప్రస్తావించారు. బీజేపీ ప్రజలను రెచ్చగొట్టడానికి పనిచేస్తోందన్నారు. ఇక్కడ ఏదైనా అవాంఛనీయ సంఘటన జరిగితే, అది భారతదేశానికే సమస్య అవుతుంది, దేశం కోసం ప్రధాని కనే కలను దెబ్బతీయడానికి ఇక్కడి బీజేపీ నాయకులు రాజకీయాలు చేస్తున్నారని అన్నారు. వానలు రాకపోతే మరింత కష్టం విద్యుత్‌ కొరత ఏర్పడింది సీఎం డీకే శివకుమార్‌

బనశంకరి: ఆనందోత్సాహాలతో గణేశ్‌ చతుర్థిని జరుపుకొని నిద్రించిన కుటుంబంపై మృత్యువు పంజా విసిరిసింది. ఫ్రిడ్జ్‌ పేలిపోవడంతో నలుగురు సజీవ దహనమయ్యారు. బెళగావి నగరంలో ఈ ఘోర విషాదం సంభవించింది. వివరాలు.. బెళగావి నగరంలోని మార్కెట్‌ పోలీస్‌స్టేషన్‌ పరిధిలో చవ్హాట గల్లీలో గజానన దమానె (65) కుటుంబం రేకులు షెడ్‌లో నివసిస్తోంది. శ్రమనే నమ్ముకుని.. గజానన కార్లకు పెయింటింగ్‌ పనులు చేస్తుంటాడు. రోషన్‌ (21) ఓ పరిశ్రమలో ఉద్యోగం చేస్తున్నాడు. గజానన భార్య శారద (45), కుమార్తెలు ప్రియా (28), గంగా (25), ఆయన సోదరి భారతి రాజారాం (50) అదే షెడ్డు ఇంట్లో జీవిస్తున్నారు. గంగా, ప్రియా కుటుంబానికి బాసటగా ఉండాలని ఓ జిరాక్స్‌ దుకాణంలో పనిచేస్తున్నారు. సోదరి టైలరింగ్‌ చేసేది. అంతటా విధ్వంసం వినాయక చవితి కావడంతో అందరూ సోమవారం ఉదయం ఇంట్లో మట్టి వినాయక విగ్రహాన్ని ప్రతిష్టించి పూజలు చేసి పిండివంటలు ఆరగించారు. రాత్రి నిద్రించారు. అర్ధరాత్రి దాటిన తరువాత ఫ్రిడ్జ్‌ భారీ విస్ఫోటం చెందడంతో రేకుల షెడ్డు తుత్తునియలైంది. ఇంట్లోని వస్తువులు బయటకు దూసుకొచ్చాయి. ఇంట్లో పెద్దగా పొగ, మంటలు వ్యాపించాయి. మంటల్లో చిక్కుకుని శారద, ప్రియ, గంగ, భారతి ప్రాణాలు కోల్పోయారు. గజానన, రోషన్‌ తీవ్రంగా గాయపడ్డారు.స్థానికులు, పోలీసులు చేరుకుని గాయపడినవారిని ఆస్పత్రికి తరలించారు. ఇంట్లోని వస్తుసామగ్రి, విలువైన సొత్తు బూడిదైంది. గ్యాస్‌ సిలిండర్‌ మాత్రం పేలలేదు. దీంతో చుట్టుపక్కల వారికి మరింత ప్రమాదం తప్పింది. మొదట్లో సిలిండర్‌ పేలుడు అనుకున్నారు. కొంతసేపటికి ఫ్రిడ్జ్‌ పేలిందని తెలుసుకున్నారు. తీవ్ర భయభ్రాంతులు గజానన అత్త గోదావరి మాట్లాడుతూ తాము ఇంట్లో ముందు భాగంలో నిద్రించడంతో క్షేమంగా బయటపడ్డామని తెలిపింది. పండుగరోజున భారీ దుర్ఘటన జరగడం, కుటుంబంలో నలుగురు చనిపోవడంతో స్థానికులు భయబ్రాంతులకు గురయ్యారు. కుటుంబమే సజీవ దహనమైందని బంధువులు విలపించారు. షార్ట్‌ సర్క్యూట్‌ కావచ్చు: పోలీసు కమిషనర్‌ బెళగావి పోలీస్‌ కమిషనర్‌ ప్రకాశ్‌ నికం మాట్లాడుతూ గజానన 80 శాతం గాయపడగా, కుమారునికి 40 శాతం గాయాలైనట్లు తెలిపారు. కరెంటు వైర్లు షార్ట్‌ సర్క్యూట్‌ కావడంతో మంటలు ఏర్పడ్డాయని అన్నారు. మృతదేహాలకు బెళగావి ప్రభుత్వాసుపత్రిలో శవపరీక్షలు పూర్తి చేసినట్లు తెలిపారు. ప్రమాదస్థలిని ఫోరెన్సిక్‌ సిబ్బంది, విద్యుత్‌ శాఖ అధికారులు పరిశీలించారు. ఎమ్మెల్యే అసిఫ్‌ సేట్‌ చేరుకుని వివరాలు తెలుసుకున్నారు. ఆదుకుంటాం: మంత్రి మంత్రి సతీశ్‌ జార్కిహొళి మాట్లాడుతూ క్షతగాత్రులకు చికిత్స, ఇంటి వసతిపై కలెక్టర్‌తో చర్చించి పరిహారం అందిస్తామని తెలిపారు. మృతులు తల్లీకుమార్తెలు శారద, ప్రియా, గంగ మేనత్త (ఫైల్‌)ఫ్రిడ్జ్‌ పేలుతుందా? రాష్ట్రంలో గతంలోనూ ఫ్రిజ్‌లు పేలి ప్రాణనష్టం జరిగిన ఘటనలున్నాయి. ఫ్రిజ్‌లో అత్యంత ఒత్తిడి వాయువుతో కూడిన కంప్రెసర్‌ ఉంటుందని, తేడా వస్తే అది పేలిపోతుందని మెకానిక్‌లు తెలిపారు. ఫ్రిడ్జ్‌ను లోపల, బయట శుభ్రంగా ఉంచుకోవాలి. లోపల ఐస్‌ గడ్డలు కట్టకుండా చూసుకోవాలి. ఫ్రిడ్జ్‌ కనెక్షన్‌ వైరు సరిగా ఉండాలి. సాకెట్‌ లోపల , ఫ్రిడ్జ్‌లో షార్ట్‌ సర్క్యూట్‌ కాకుండా నాణ్యమైన వైర్లు, సాకెట్‌లను ఉపయోగించాలని మెకానిక్‌లు తెలిపారు. కంప్రెసర్‌ లీకేజీ కాకూడదు. అప్పుడప్పుడు మెకానిక్‌లతో ఫ్రిడ్జ్‌ను తనిఖీ చేయించి అవసరమైతే సర్వీసింగ్‌ చేయించాలని చెప్పారు.తల్లి, ఇద్దరు కూతుళ్లు, అత్త సజీవ దహనం తండ్రీ కుమారునికి తీవ్ర గాయాలు బెళగావి నగరంలో అర్ధరాత్రి ఘోరం

హొసపేటెలో ఏర్పాటు చేసిన వినాయక విగ్రహం వద్ద భక్తులు విద్యానగర్‌ ఆంజనేయస్వామి ఆలయంలో విఘ్నేశ్వరునికి పూజలు ఆంటోని వీధిలో వక్రతుండ ఆకారంలో కొలువైన ఎలుకవాహనుడు సాక్షి,బళ్లారి: లోకంలో తొలి పూజలందుకునే గణేష్‌ చతుర్థి పండుగను అత్యంత భక్తిశ్రద్ధలతో జరుపుకున్నారు. సోమవారం వినాయక చవితిని పురస్కరించుకుని నగరంలో వాడవాడలా వినాయక విగ్రహాలను ఏర్పాటు చేసి కన్నుల పండువగా ఆచరించారు. హిందువుల ముఖ్యమైన పండగ వినాయక చవితి కావడంతో విఘ్నాలను తొలగించే ఆదిదేవుడైన వినాయకుడిని వాడవాడల్లోనే కాకుండా ఇంటింటా విగ్రహాలు ఏర్పాటు చేసుకుని, వినాయకుడికి ఇష్టమైన పిండివంటలను ప్రసాదంగా ఉంచి పూజలు చేశారు. చవితి నేపథ్యంలో ఆయా ప్రాంతాల్లో అన్నప్రసాదాలు కూడా ఏర్పాటు చేశారు. అలరించిన సాంస్కృతిక కార్యక్రమాలు వినాయక చవితిని పురస్కరించుకుని రెండు రోజుల నుంచి ఆయా వినాయక విగ్రహాల వద్ద ప్రదర్శించిన సాంస్కృతిక కార్యక్రమాలు కట్టి పడేశాయి. వినాయక విగ్రహాల వద్ద భక్తి, సినీ గీతాలకు నృత్యాలు ప్రదర్శించడంతో జనం ఆనందోత్సాహాలతో ఉత్సాహంగా పాల్గొన్నారు. భక్తిశ్రద్ధలతో చవితి ఉత్సవాలు బళ్లారి రూరల్‌ : వినాయక చతుర్దశి పండుగ సందర్భంగా సోమవారం ఉదయం నగరంలో భక్తిశ్రద్ధలతో పూజలు నిర్వహించారు. బీఎంసీఆర్‌సీలో వైద్యగణేశుడికి డీన్‌ అండ్‌ డైరెక్టర్‌ డాక్టర్‌ మరిరాజ్‌, డాక్టర్‌ కొట్రేశ్‌ స్వయంగా పూజలు నిర్వహించి భక్తిని చాటారు. విద్యానగర్‌ ఆంజనేయస్వామి ఆలయంలో బొజ్జగణపయ్యకు విశేష పూజలు నిర్వహించి భక్తులకు ప్రసాదాలు పంచారు. కౌల్‌బజార్‌ అంటోని వీధిలో మతాలకు అతీతంగా వినాయక సంఘం వక్రతుండ ఆకారంతో ఎలుక వాహనున్ని పూజించారు. కౌల్‌బజార్‌ పాండురంగ దేవస్థానంలో గణేశమిత్ర మండలి బాలగణపతిని పూజించి భక్తిని చాటారు. మార్వాడి గణేశ ఆలయంలో 85 కిలోల పసుపు కొమ్ములతో 7 అడుగుల పసుపు కొమ్మల గణనాధుని ఏర్పాటు చేసి పూజించి, అన్నప్రసాదాలు పంచారు. నగరంలోని చిన్న పెద్ద వీధుల్లో యువకులు ఉత్సాహంగా బొజ్జగణపయ్యను పూజించారు. విద్యుత్‌ కాంతులతో ఊరేగింపు బళ్లారి రూరల్‌: వినాయక చవితిని పురస్కరించుకొని సోమవారం రాత్రి విద్యానగర్‌లో ఏకదంతున్ని ఘనంగా ఊరేగించారు. ఉండ్రాళ్లయ్యను పల్లకీలో ముందు వాయిద్యాలు, విద్యుత్తు గుడారాలను ఎత్తుకొని మహిళలు వెళ్తుండగా పల్లకీ వెనుకన విద్యుత్‌ కాంతులు విరజిల్లుతూ సాగుతున్న ఊరేగింపు అందరినీ ఆకట్టుకొంది. మరో పక్క మరో గణపయ్యను నిమజ్జనం చేయడానికి తీసుకెళ్లారు. విద్యానగర్‌ వాసులు నిమజ్జన ఊరేగింపులను ఆసక్తిగా తిలకించారు. రాయచూరులో... రాయచూరు రూరల్‌: నగరంలో ప్రశాంతంగా వివిధ ప్రాంతాల్లో గణపతులను ప్రతిష్టించారు. సోమవారం ఉదయం నుంచి రాత్రి వరకు గణపతి బొప్పా మోరియా అంటూ బాజ భజంత్రీలతో ఊరేగించారు. తీన్‌ కందిల్‌లో వరాహ గణపతి, సూపర్‌ మార్కెట్‌ వద్ద నెమలి గణపతి, గీతా మందిర్‌లో వేంకటేశ్వర విఘ్నేశ్వరుడు, భావసార వీధిలో దంత వినాయకుడు, భంగికుంటలో లక్ష్మీరూపంలో వినాయకుడు, హరిహర రోడ్డులో సింహ అవతారంలో గణపతి, శెట్టిబావి సర్కిల్‌లో రాజ్‌ వినాయకుడు, పేట్లాబురుజులో భారీ గణనాథుడు, జాకీర్‌ హుసేన్‌ చౌక్‌లో నందీశ్వర వినాయకుడు, రైల్వే స్టేషన్‌ వద్ద పంచముఖి వినాయకుడు, మడ్డిపేటలో దత్తాత్రేయ గణపతులను తొమ్మిది రోజుల పాటు జరిపే పూజలకు పోలీసులు గట్టి బందోబస్తును ఏర్పాటు చేశారు. కిల్లే మఠం, సూపర్‌ మార్కెట్‌ వద్ద గణనాథులకు శాంతమల్ల శివాచార్య, కాంగ్రెస్‌ కార్యకర్త రవి ప్రత్యేక పూజలు జరిపారు. విజయనగరలో.. హొసపేటె: విజయనగర జిల్లాలోని హొసపేటె నగరంలో గణేశ్‌ పండుగను వైభవంగా, భక్తిశ్రద్ధలతో నిర్వహించారు. ప్రధాన రహదారులు, ప్రముఖ కూడళ్లలో గణేష్‌ విగ్రహాలు ఏర్పాటు చేశారు. బళ్లారి రోడ్డు సర్కిల్‌ సమీపంలోని మంటపంలో ఏర్పాటు చేసిన హిందూ మహా గణపతి విగ్రహం ప్రత్యేక ఆకర్షణగా నిలిచింది. నగరంలో వివిధ సంస్థలు, సంఘాల ఆధ్వర్యంలో భారీ విగ్రహాలు, దీపాలంకరణలు ప్రదర్శించారు. మెయిన్‌ బజార్‌ రోడ్‌, కాలేజ్‌ రోడ్‌, నగరంలోని ప్రధాన వీధుల్లో విభిన్న ఇతివృత్తాల ఆధారంగా మంటపాలను నిర్మించారు. మంటపాల ముందు భజనలు, నాటకాలు, సాంస్కృతిక పోటీలు నిర్వహించారు. వాడవాడలా గణేష్‌ విగ్రహాల ప్రతిష్టాపన భక్తిశ్రద్ధలతో వినాయక చవితి వేడుకలు హోరెత్తించిన సాంస్కృతిక కార్యక్రమాలు

హుబ్లీ: పీఎం కుసుం యోజన అమలులో రాష్ట్ర ప్రభుత్వం వెనుకబడిందని, ట్యూబ్‌లైట్‌లా లేట్‌గా వెలిగిందని కేంద్ర మంత్రి ప్రహ్లాద్‌జోషి కాంగ్రెస్‌ పాలకులపై మండిపడ్డారు. స్థానిక మీడియాతో ఆయన మాట్లాడుతూ ప్రపంచ కఠిన పరిస్థితుల నేపథ్యంలోను మన దేశం ఆర్థిక సుస్థిర సాధించిందన్నారు. దీన్ని బ్రిక్స్‌ సమావేశంలో ప్రపంచంలో అనేక మంది ప్రశంసించారు. అయితే మన విపక్ష నేతలు మాత్రం అక్కడి మెనూ గురించి మాత్రమే మాట్లాడారని విమర్శించారు. ఇందిరాగాంధీ, రాజీవ్‌గాంధీల చితాభస్మం తీసుకొని ఎన్నికలకు వెళ్లారు. కాంగ్రెస్‌ ఎమోషనల్‌ పాలిటిక్స్‌కు పాల్పడుతుందని ఆరోపించారు. అయితే ప్రస్తుతం కార్యక్షమత మేరకు రాజకీయాలు చేస్తామంటున్నారని ఎద్దేవా చేశారు. నిత్యావసర ధరలపై నియంత్రణకు ప్రభుత్వం కృషి చేస్తుందన్నారు. రైతుల బాగు కోసం కేంద్ర ప్రభుత్వం కట్టుబడి ఉందన్నారు. వచ్చే ఏడాది భారత్‌ డిజైన్‌ మొబైల్‌ రానుందన్నారు. వాస్తవ పరిస్థితులు ఇలా ఉన్నా కూడా దేశ విజయంపై కాంగ్రెస్‌ వ్యతిరేకంగా మాట్లాడటం తగదన్నారు.

హొసపేటె: ప్రతిష్టాపన కోసం గణేశ్‌ విగ్రహాన్ని తీసుకెళుతుండగా నగర శివార్లలో విద్యుదాఘాతానికి గురై ఇద్దరు వ్యక్తులు తీవ్రంగా గాయపడ్డారు. అనంతశయనగుడి నుంచి నాగేనహళ్లికి వెళ్లే మార్గంలో సోమవారం మధ్యాహ్నం ఈ ఘటన జరిగింది. ప్రతిష్టాపన నిమిత్తం హొసపేటె నుంచి కమలాపురకు ట్రాక్టర్‌లో గణేష్‌ విగ్రహాన్ని తరలిస్తుండగా హై–టెన్షన్‌ తీగలు తగిలాయి. తాలూకాలోని కమలాపుర పట్టణానికి చెందిన హులుగప్ప, దీపక్‌ అనే ఇద్దరు వ్యక్తులు హై–వోల్టేజ్‌ విద్యుత్‌ తీగ తగలడంతో తీవ్రంగా గాయపడ్డారు. గాయపడిన వారికి స్థానిక ప్రభుత్వ ఆస్పత్రిలో చికిత్స అందించి, తదుపరి చికిత్స కోసం బళ్లారిలోని విమ్స్‌కు తరలించారు. వారిలో ఇద్దరు మృత్యువు నుంచి తప్పించుకున్నారని ఆస్పత్రి వర్గాలు తెలిపాయి. విద్యుత్‌ తీగ తగలడంతో ట్రాక్టర్‌ అదుపు తప్పి కాలువలో పడిపోయింది. అనంతశయనగుడి సమీపంలో రైల్వే బ్రిడ్జి పనులు జరుగుతున్నాయి. కమలాపురం వైపునకు వెళ్లడానికి షార్ట్‌ కట్‌ కావడంతో ఈ మార్గం గుండా వెళ్లడానికి వారు ఎంచుకున్నారని చెబుతున్నారు. ఘటనపై గ్రామీణ పోలీస్‌ స్టేషన్‌లో కేసు నమోదు చేశారు. జిల్లా ఎస్పీ ఎస్‌.జాహ్నవి, డీఎస్పీ పీ.మురళీధర్‌, రూరల్‌ సీఐ గురురాజ్‌ కట్టిమని, ట్రాఫిక్‌ పీడీ డీ.హులుగప్ప ఘటన స్థలాన్ని సందర్శించి పరిశీలించారు.

కేజీఎఫ్‌: నగరంలోని బోరిలాల్‌ పేట, అశ్వత్‌ కాలనీలను కలిపే లింక్‌ రోడ్డుకు మరమ్మతు చేయాలని ఆర్‌కె ఫౌండేషన్‌ అధ్యక్షుడు మోహన కృష్ణ డిమాండ్‌ చేశారు. మంగళవారం స్థానిక కాలనీవాసులతో కలిసి ప్రతిఘటన నిర్వహించారు. ఈ సందర్భంగా ఆయన మాట్లాడుతూ.. రహదారి పూర్తిగా అధ్వానంగా ఉండటంతో రెండు రోజుల క్రితమే ఓ మహిళ కిందపడి చేయి విరిగిందన్నారు. ఈ విషయాన్ని నగరసభ అధికారుల దృష్టికి తీసుకెళ్లినా ఫలితం కనిపించలేదన్నారు. యూజీడీకి మూత వేయకపోవడంతో ప్రజలు పట్టుతప్పి అందులో పడి గాయాల పాలైనట్లు పేర్కొన్నారు. నగరసభ అధికారులు ఇప్పటికై నా కళ్లు తెరిచి రోడ్డుకు మరమ్మతు చేయాలని డిమాండ్‌ చేశారు.

హొసపేటె: జిల్లా పరిపాలన, జిల్లా పంచాయతీ, సామాజిక సంక్షేమ శాఖల ఆధ్వర్యంలో మంగళవారం నగరంలోని డాక్టర్‌ బీఆర్‌.అంబేడ్కర్‌ సర్కిల్‌ వద్ద అంతర్జాతీయ ప్రజాస్వామ్య దినోత్సవాన్ని ఘనంగా జరిపారు. జిల్లాధికారిణి కవిత ఎస్‌, మన్నికేరి, జెడ్పీ సీఈఓ గరీమా పన్వర్‌, ఏడీసీ పీఎన్‌.లోకేష్‌, అటవీ శాఖ డిప్యూటీ కన్జర్వేటర్‌ ఆఫ్‌ ఫారెస్ట్స్‌ అనుపమ, సబ్‌ డివిజనల్‌ అధికారి వివేకానంద, సాంఘిక సంక్షేమ శాఖ డిప్యూటీ డైరెక్టర్‌ డాక్టర్‌ వై.ఏ.కాళె బీఆర్‌.అంబేడ్కర్‌ చిత్రపటానికి పుష్పాంజలి ఘటించారు. సాంఘిక సంక్షేమ శాఖ సహాయ సంచాలకురాలు నజీమా బాను రాజ్యాంగ పీఠికలోని ప్రజాస్వామ్య విలువలను సమర్థిస్తూ ప్రతిజ్ఞ చేయించారు. రాజ్యాంగ పరిరక్షణ మనందరి బాధ్యతరాయచూరు రూరల్‌: భారత రాజ్యాంగాన్ని రక్షించడం మనందరి బాధ్యత అని జిల్లాధికారిణి పూవిత అభిప్రాయపడ్డారు. మంగళవారం నగరంలోని పండిత సిద్దరామ జంబలదిన్ని రంగమందిరంలో జిల్లాధికార యంత్రాంగం, జిల్లా పంచాయతీ, సాంఘీక సంక్షేమ శాఖల ఆధ్వర్యంలో ఏర్పాటు చేసిన అంతర్జాతీయ ప్రజాస్వామ్య దినోత్సవంలో అంబేడ్కర్‌ చిత్రపటానికి పూలమాల వేసి మాట్లాడారు. భారత సార్వభౌమత్వాన్ని, భిన్నత్వంలో ఏకత్వాన్ని సాధించాలని, సామాజిక, రాజకీయ, ఆర్థిక, న్యాయ విచారాలు, అభివ్యక్తి స్వాతంత్య్రం, ధర్మశ్రద్ధ వంటి వాటిని మనం పాటించాలన్నారు. కార్యక్రమంలో జెడ్పీ సీఈఓ ఈశ్వర్‌ కుమార్‌, ఎస్పీ అరుణాంగ్షు గిరి, నగరసభ కమిషనర్‌ జుబిన్‌ మహాపాత్రో, ప్రభుత్వ ఉద్యోగుల సంఘం అధ్యక్షుడు కృష్ణ, న్యాయవాదుల సంఘం అధ్యక్షుడు శివశంకర్‌, విద్యా శాఖాధికారులు మల్లికార్జున, చంద్రశేఖర్‌, తహసీల్దార్‌ సురేష్‌వర్మ తదితరులు పాల్గొన్నారు.

రాయచూరు రూరల్‌: గత రెండు రోజుల నుంచి యాదగిరి జిల్లా ఇటగా గ్రామంలో ప్రవహించే భీమా నదిలో వేలాది చేపలు మృత్యువాత పడడంతో ప్రజలు, రైతులు ఆందోళన చెందుతున్నారు. రెండు రోజుల క్రితం నదీ తీరంలో నీరు నీలం రంగుతో ప్రవహించాయని, దాని ప్రభావంతో చేపలు మరణించడానికి కారణమై ఉంటుందని అరోపిస్తున్నారు. ఈ విషయంపై కర్ణాటక రక్షణ వేదిక సంచాలకుడు యల్లప్ప జేవర్గి తహసీల్దార్‌కు వినతిపత్రం సమర్పించి నది నీటిని మనుషులు, పశువులు తాగకుండా ఆదేశాలు జారీ చేయాలని కోరినట్లు తెలిపారు. యువత ఆర్థిక స్వతంత్రత సాధించాలి రాయచూరు రూరల్‌: నేటి ఆధునిక యుగంలో పోటీ ప్రపంచానికి దీటుగా ఎదుర్కోవాలంటే యువత స్వావలంబన దిశగా అడుగులు వేయాలని ఎమ్మెల్సీ బసనగౌడ బాదర్లి పేర్కొన్నారు. సింధనూరులో ఏర్పాటు చేసిన స్వావలంబి సారధి పథకం కింద యువకులకు కార్లు, ద్విచక్ర వాహనాలను పంపిణీ చేసి ఆయన మాట్లాడారు. నిరుద్యోగ సమస్య నుంచి బయట పడేసేందుకు జారీ చేసిన స్వావలంబి సారధి పథకాన్ని యువత సద్వినియోగం చేసుకోవాలన్నారు. రూ.75 వేల వేతనం.. విధులకు డుమ్మా ● ఎమ్మెల్యే ఉమేష్‌ మేటి కోడలు డిస్మిస్‌ హుబ్లీ: బాగలకోటె వాంబే కాలనీలోని నమ్మ క్లినిక్‌లో వైద్యాధికారిగా సేవలు అందిస్తూనే నియమాలకు వ్యతిరేకంగా పీజీ డాక్టర్‌గా విద్యాభ్యాసం చేస్తున్న వైద్యాధికారిణి డాక్టర్‌ అంకిత యరగల్‌ను కాంట్రాక్ట్‌ సేవల నుంచి తక్షణమే అమలయ్యేలా తొలగిస్తూ ఆ జిల్లా డీహెచ్‌ఓ డాక్టర్‌ రాజ్‌కుమార్‌ యరగల్‌ ఆదేశాలను వెల్లడించారు. ప్రస్తుతం డీహెచ్‌ఓ డాక్టర్‌ రాజ్‌కుమార్‌ యరగల్‌ కుమార్తె, ఎమ్మెల్యే ఉమేష్‌ మేటి కోడలైన డాక్టర్‌ అంకితను నమ్మ క్లినిక్‌లో వైద్యాధికారిణిగా నియమించారు. అయితే ఆమె నమ్మ క్లినిక్‌లో విధులు నిర్వహించకుండా పీజీ అధ్యయనానికి వెళ్లేది. హాజరు పుస్తకంలో సంతకం చేసి రూ.75 వేల ప్రభుత్వ వేతనం తీసుకుంటున్న ఆరోపణలపై విమర్శలు చెలరేగడంతో ఎట్టకేలకు ఆమైపె వేటు పడింది. కాలువకు నీటి కోసం ఆందోళన హుబ్లీ: భద్రా డ్యాం నుంచి కుడిగట్టు కాలువకు నీటిని విడుదల చేయాలని డిమాండ్‌ చేస్తూ బీజేపీ, రైతు సంఘాలు కలిసి దావణగెరె శివారులోని బాడ క్రాస్‌ వద్ద రాస్తారోకో చేపట్టారు. మాజీ మంత్రి ఎంపీ రేణుకాచార్య సారథ్యంలో రైతులు జాతీయ రహదారి–48పై ఎగువ భద్రాకు 3 టీఎంసీల నీరు వదిలి భద్రా ఆయకట్టు ప్రాంత రైతులకు ప్రభుత్వం అన్యాయం చేసిందని మండిపడ్డారు. వర్షాలు లేక వరి, ఉద్యానవన తదితర పంటలు ఎండిపోయాయి. చెరువుల్లో భూగర్భ జలాలు అడుగంటి పోయాయని రైతులు ఆక్రోశం వ్యక్తం చేశారు. భద్రా కుడిగట్టు కాలువకు తక్షణమే నీటిని వదలాలని రైతులు డిమాండ్‌ చేశారు. హక్కులను కాపాడుకోవాలి కోలారు: జిల్లా కాంగ్రెస్‌ కార్యాలయంలో అంతర్జాతీయ ప్రజా ప్రభుత్వ వినోత్సవ కార్యక్రమాన్ని నిర్వహించారు. అంబేడ్కర్‌ చిత్రపటానికి పుష్పాంజలి సమర్పించారు. గ్రామాంతర బ్లాక్‌ కాంగ్రెస్‌ అధ్యక్షుడు మురళి మాట్లాడుతూ రాజ్యాంగం దేశంలోని అందరికి సమాన హక్కులను కల్పించిందన్నారు. మానవహక్కులను రక్షించడం, భారత రాజ్యాంగాన్ని బలపర్చడం ప్రతి ఒక్కరి కర్తవ్యమని అన్నారు. కోలారు నగరాభివృద్ధి ప్రాధికార అధ్యక్షుడు మహమ్మద్‌ హనీఫ్‌, సయ్యద్‌ అన్వర్‌, శ్రీకృష్ణ, మంజునాథ్‌ తదితరులు పాల్గొన్నారు.

ఆలోచనకు ఆకారం ఇవ్వడమే ఇంజినీరింగ్. అసాధ్యాన్ని సుసాధ్యం చేస్తూ ప్రగతికి నాంది పలికే వారే ఇంజినీర్లు. సమాజ పురోగతికి అహర్నిశలు శ్రమించే ఈ సాంకేతిక శిల్పుల త్యాగాన్ని, ప్రతిభను స్మరించుకునేందుకు ఏటా సెప్టెంబర్ 15న ‘ఇంజినీర్స్ డే’గా జరుపుకుంటాం. భారతరత్న మోక్షగుండం విశ్వేశ్వరయ్య జయంతిని పురస్కరించుకుని ఈ దినోత్సవాన్ని నిర్వహించడం ఆయనకు దేశం ఇచ్చే ఘన నివాళి. నేటి డిజిటల్ యుగంలో ‘కూర్చుంటే మాటలు.. నిలబడితే చేతలు’ అన్నట్లు కాలం గడిపే యువతకు విశ్వేశ్వరయ్య జీవితం స్ఫూర్తిమంతం.పేదరికాన్ని గెలిచిన మహోన్నత బాల్యంకర్ణాటకలోని చిక్కబళ్లాపూర్ జిల్లా ముద్దెనహళ్లిలో ఒక సాధారణ పేద కుటుంబంలో 1861 సెప్టెంబర్ 15న విశ్వేశ్వరయ్య జన్మించారు. చిన్నతనంలోనే తండ్రిని కోల్పోయినా తాను ధైర్యం కోల్పోలేదు. వీధిదీపాల కింద చదువుకుంటూ, ట్యూషన్లు చెప్పుకుంటూ విద్యనభ్యసించారు. కష్టపడేవాడికి కామధేనువు సమకూరుతుంది అన్న చందంగా, ప్రతికూల పరిస్థితులను తట్టుకుని బెంగళూరులోని సెంట్రల్ కాలేజీలో బీఏ, ఆపై పుణెలోని సైన్స్ కాలేజీలో సివిల్‌ ఇంజినీరింగ్ ఫస్ట్‌ క్లాస్‌లో పూర్తి చేశారు.వృత్తి ధర్మం.. నిర్మాణాత్మక సేవలుబ్రౌన్/బ్రిటిష్ ప్రభుత్వంలో ప్రారంభ కెరీర్ (1884 – 1908)పుణెలో ఇంజినీరింగ్ విద్య పూర్తయిన వెంటనే 1884లో బొంబాయి ప్రెసిడెన్సీలోని ప్రజాపనుల శాఖలో అసిస్టెంట్ ఇంజినీర్‌గా చేరారు.ప్రస్తుత పాకిస్థాన్‌లోని సుక్కూర్ నగరంలో సింధు నది నీరు మురికిగా ఉంటే దానికి ప్రత్యేక ‘ఫిల్ట్రేషన్’ విధానాన్ని రూపొందించి స్వచ్ఛమైన నీటిని అందించారు.బ్లాక్ సిస్టమ్ ఆఫ్ ఇరిగేషన్: నీటి వృధాను అరికట్టడానికి కాలవల ద్వారా పొలాలకు సమంగా నీరందేలా ‘బ్లాక్ పద్ధతి’ని ప్రవేశపెట్టారు.ఆటోమేటిక్ స్లూయిస్ గేట్లు: పుణె సమీపంలోని ఖడక్‌వాస్లా జలాశయానికి వరద నీటి నియంత్రణ కోసం పేటెంట్ పొందిన ఆటోమేటిక్ గేట్లను రూపొందించారు. శానిటరీ ఇంజినీర్: 1901లో బొంబాయి ప్రభుత్వంలో శానిటరీ ఇంజినీర్‌గా సేవలు అందించారు. హైదరాబాద్ నగర రూపశిల్పిగా (1908 – 1909)1908లో హైదరాబాద్‌ను ముంచెత్తిన మూసీ నది తీవ్ర వరదల తర్వాత ఆనాటి నిజాం ప్రభుత్వం ఆయనను ప్రత్యేక సలహాదారుగా/చీఫ్ కన్సల్టింగ్ ఇంజినీర్‌గా ఆహ్వానించింది. హైదరాబాద్ నగరాన్ని వరదల నుంచి రక్షించడానికి భూగర్భ డ్రైనేజీ వ్యవస్థను డిజైన్ చేశారు. నగర రక్షణకు, తాగునీటి అవసరాలకు ఉస్మాన్ సాగర్ (గండిపేట), హిమాయత్ సాగర్ జలాశయాల నిర్మాణ ప్రణాళికను సిద్ధం చేశారు.మైసూర్ సంస్థానంలో కీలక భాధ్యతలు (1909 – 1918)1909లో బ్రిటిష్ సర్వీస్‌కు స్వచ్ఛంద విరమణ (వీఆర్‌ఎస్‌) ఇచ్చి మైసూర్ మహారాజు నాలుగో కృష్ణరాజ ఒడియార్ పిలుపు మేరకు మైసూర్ సంస్థానంలో చేరారు. మైసూర్ రాజ్యంలో ప్రజాపనుల శాఖ కార్యదర్శిగా, ప్రధాన ఇంజినీర్‌గా బాధ్యతలు నిర్వహించి కృష్ణరాజ సాగర్ (కేఆర్‌ఎస్‌) డ్యామ్‌కు రూపకల్పన చేశారు. 1912లో మైసూర్ 19వ దివాన్ (ప్రధానమంత్రి)గా బాధ్యతలు చేపట్టారు. ఆయన కాలంలో రాజ్యాన్ని పారిశ్రామికంగా, విద్యాపరంగా అగ్రపథంలో నిలిపారు. భద్రావతిలో మైసూర్ ఐరన్ అండ్ స్టీల్ వర్క్స్ స్థాపించారు. బెంగళూరులో యూనివర్సిటీ విశ్వేశ్వరయ్య కాలేజ్ ఆఫ్ ఇంజినీరింగ్, స్టేట్ బ్యాంక్ ఆఫ్ మైసూర్ ఏర్పాటు చేశారు. మైసూర్ సోప్ ఫ్యాక్టరీ ప్రారంభించారు.ఉద్యోగ విరమణ అనంతరందివాన్ పదవికి రాజీనామా చేసిన తర్వాత కూడా ఆయన ఖాళీగా ఉండలేదు. దేశ నిర్మాణం కోసం పలు కీలక బోర్డుల్లో, కమిటీల్లో పనిచేశారు. టాటా స్టీల్ డైరెక్టర్ బోర్డులో (1927 – 1955) దాదాపు 28 ఏళ్ల పాటు సభ్యుడిగా ఉంటూ సంస్థ విస్తరణకు సలహాలు ఇచ్చారు. విశాఖపట్నం పోర్ట్‌లో సముద్రపు కోత నుంచి వైజాగ్‌ నౌకాశ్రయం దెబ్బతినకుండా రక్షణ వ్యవస్థలను రూపొందించారు. తుంగభద్ర ప్రాజెక్ట్ బోర్డ్ ఆఫ్ ఇంజినీర్స్‌కు ఛైర్మన్‌గా వ్యవహరించారు. విశ్వేశ్వరయ్య 1962 ఏప్రిల్ 14న బెంగళూరులోని తన నివాసంలో వృద్ధాప్య సమస్యల (సహజ కారణాల) వల్ల కన్నుమూశారు.దేశం ఇచ్చిన సర్వోన్నత గౌరవంవిశ్వేశ్వరయ్య జీవనశైలి నిరంతరం క్రమశిక్షణకు ప్రతిరూపం. ఆయన ఎప్పుడూ ‘చేప పిల్లకి ఈత నేర్పక్కర్లేదు’ అన్నట్లుగా సమర్థంగా పనిచేస్తూండేవారు. పక్కాగా సమయాన్ని పాటించేవారు. సమాజానికి ఆయన చేసిన అసమాన సేవలకుగానూ 1955లో భారత ప్రభుత్వం అత్యున్నత పురస్కారం ‘భారతరత్న’తో గౌరవించింది. అలాగే బ్రిటిష్ ప్రభుత్వం ఆయనకు ‘నైట్‌హుడ్’(సర్) బిరుదును ప్రదానం చేసింది.నేటి యవతకు ఆయన జీవితమే పాఠంతాత్కాలిక ఆకర్షణలకు లొంగిపోకుండా యువత క్రమశిక్షణ, నిబద్ధత అలవర్చుకోవాలని ఆయన జీవితం చెబుతోంది. కాలం కరిగిపోయే నీటి లాంటిది; దాన్ని సద్వినియోగం చేసుకోవాలి. అడ్డంకులు ఎదురైతే వెనుకంజ వేయకుండా పరిష్కారం వైపు ఆలోచించాలి. సాంకేతికతను కేవలం స్వార్థానికి కాకుండా సమాజాభివృద్ధికి ఉపయోగించాలని ఆయన జీవితం చెబుతోంది. మోక్షగుండం విశ్వేశ్వరయ్య చూపిన ప్రగతి బాటలో పయనిస్తూ నైపుణ్యాలకు పదును పెట్టుకోవడమే నేటి యువత ఆయనకు ఇచ్చే నిజమైన నివాళి. 102 ఏళ్ల సంపూర్ణ జీవితంలో ప్రతి నిమిషాన్ని దేశ పునర్నిర్మాణానికే అంకితం చేసిన ఈ అపర విశ్వకర్మ భారతజాతికి నిత్యస్మరణీయుడు!ఇదీ చదవండి: గాడిదల వ్యాపారం.. చైనా డిమాండ్.. పాకిస్థాన్ ఆశలు!

అత్తవారింట గౌరి గణేశ పండుగను జరుపుకోవడానికి వెళ్లిన మహిళను కేఎస్‌ ఆర్టీసీ బస్సు యమపాశంలా ఊపిరి తీసింది. ఈ ఘటన హాసన్‌ నగరంలో జరిగింది. వివరాలు.. అపర్ణ (31), భర్త యోగిశ్‌ హాసన్‌ నుంచి బెంగళూరుకు వలస వచ్చి జీవిస్తున్నారు. వినాయక చవితికి సొంతూరికి వెళ్లారు. శనివారం ఉదయం హాసన్‌ ఎన్‌ఆర్‌ సర్కిల్‌లో అపర్ణ స్నేహితురాలి స్కూటర్‌లో వెళుతుండగా ఓ కేఎస్‌ ఆర్టీసీ బస్సు వారిని ఢీకొట్టింది. అపర్ణ కిందపడిపోగా ఆమె పై నుంచి బస్సు దూసుకెళ్లింది. తీవ్ర గాయాలతో కొట్టుమిట్టాడుతున్న ఆమెను స్థానికులు ఆస్పత్రిలో చేర్చారు. కొంతసేపటికి ఆమె మరణించడంతో భర్త, బంధువులు కన్నీరుమున్నీరయ్యారు. ట్రాఫిక్‌ పోలీసులు ప్రమాదస్థలిని పరిశీలించి కేసు నమోదు చేసుకున్నారు. బస్సు డ్రైవర్‌ నిర్లక్ష్యం వల్ల నిండు ప్రాణం పోయిందని స్థానికులు ఆరోపిస్తున్నారు. -బెంగళూరు ఇదీ చదవండి: తుఫానులో చిక్కుకున్న విమానం.. ప్రయాణికుల హాహాకారాలు!

భార్య వివాహేతర ప్రియుడిని గొంతు కోసి చంపిన భర్తకు కోర్టు యావజ్జీవ కారాగార శిక్ష విధించింది. ధర్మపురి జిల్లాలోని కరిమంగళంకు చెందిన పార్థిబన్, శారదాను గతంలో వివాహం చేసుకున్నాడు. తర్వాత పార్థిబన్, అతని భార్య కృష్ణగిరి జిల్లాలోని హోసూర్‌ సమీపంలో ఉన్న రాజీవ్‌ గాంధీ నగర్‌లో నివసిస్తూ, సిబ్‌ కాట్‌ లోని ఒక ప్రైవేట్‌ ఫ్యాక్టరీలో పనిచేస్తున్నారు. ఈ స్థితిలో హోసూర్‌ పార్వతీ నగర్‌ కి చెందిన అమావాసై, శారదాకి మధ్య పరిచయం ఏర్పడి, అది చివరికి వివాహేతర సంబంధంగా మారింది. ఈ విషయం తెలుసుకున్న పార్థిబన్, ఆ సంబంధాన్ని వదులుకోమని తన భార్యను చాలాసార్లు మందలించాడు. అయినప్పటికీ, వారు తమ సంబంధాన్ని వదులుకోలేదు. ఈ స్థితిలో, 14.3.2017న, పార్థిబన్ తన భార్యతో తాను పనికి వెళ్తున్నానని చెప్పి, పనికి వెళ్లకుండా ఇంటి దగ్గర దాక్కున్నాడు. ఆ సమయంలో ఇంటికి వచ్చిన అమావాసై, శారద సరదాగా గడుపుతున్నారు. ఇది చూసిన పార్థిబన్, తీవ్రమైన కోపంతో అమావాసై గొంతు కోసి చంపేశాడు. ఇది చూసి అతని భార్య శారద పారిపోయింది. ఈ విషయమై సిబ్‌కకట్‌ పోలీసులు కేసు నమోదు చేసి పార్థిబన్ ను అరెస్టు చేశారు. హోసూర్‌ అదనపు జిల్లా కోర్టులో శుక్రవారం విచారణ జరుగుతున్న ఈ కేసులో జడ్జి సంతోష్‌ తీర్పు వెలువరించారు. అందులో, అమావసై గొంతు కోసి హత్య చేసినందుకు పార్థిబన్ కు యావజ్జీవ కారాగార శిక్ష విధించారు.

బెంగళూరు: హెల్మెట్‌ ధరించకపోతే ద్విచక్ర వాహనదారులకు పోలీసులు జరిమానా విధించడం సాధారణంగా చూస్తుంటాం. అయితే కారు డ్రైవర్‌ హెల్మెట్‌ ధరించలేదని రూ.500 జరిమానా విధించిన సంఘటన బెళగావి జిల్లా అథణి పట్టణంలో వెలుగు చూసింది. అథణి పట్టణ నివాసి సుభాష్‌ అనే వ్యక్తికి ట్రాఫిక్‌ పోలీసులు ఈ మేరకు నోటీసులు పంపించడంతో ఆశ్చర్యపోయాడు. తరువాత హెల్మెట్‌ పెట్టుకుని కారు డ్రైవ్‌ చేస్తూ వీడియో తీసి తనకు వచ్చిన నోటీసును సోషల్‌ మీడియాలో పోస్టు చేశాడు. ఏఐ కెమెరా పనితీరు ఇప్పుడు సర్వత్రా చర్చనీయాంశంగా మారింది. ఇదీ చదవండి: రష్యా పోలీసులు చిత్రహింసలు పెట్టారు

కర్ణాటక: పక్షవాతంతో మంచాన పడిన భర్తను కిరాతకంగా హత్య చేసిన భార్య ఉదంతమిది. ఈ ఘటన బెంగళూరు అవలహళ్లి పోలీస్‌స్టేషన్‌ పరిధిలో ఆలస్యంగా వెలుగు చూసింది. పోలీసుల కథనం ప్రకారం.. ముబారక్, షహీనాబాను దంపతులకు 20 ఏళ్ల క్రితం పెళ్లయింది. ముబారక్‌కు పక్షవాతం వచ్చి మంచానపడ్డాడు. వీరి కుమార్తెకూ ఆరోగ్యం బాగాలేదు. బాలికకు చికిత్స అందించే సాకుతో నహీముద్దీన్‌ ఖురేషి అనే వ్యక్తి ఇంటికి వచ్చి వెళ్లేవాడు. కొద్దిరోజులకు షహీనాతో అతనికి వివాహేతర సంబంధం ఏర్పడింది. భర్త ఇంట్లో ఉండడంతో తమ సంతోషానికి అడ్డు అని, పైగా రోగిష్టి అని షహీనా భావించింది. భర్తను అడ్డు తొలగించుకోవాలని ప్రణాళిక రచించింది. తల్లి హసీనా జాన్‌తో కలిసి భర్త మర్మాంగాన్ని కాలితో తన్ని తలపై దిండు పెట్టి చంపేసింది. కిత్తగనూరులోని యల్లప్ప గార్డెన్‌లో సెపె్టంబర్‌ 9న రాత్రి ముబారక్‌ (45) చనిపోయాడు. గుండెపోటుతో చనిపోయాడని విలపిస్తూ షహీనా అందరినీ నమ్మించే యత్నం చేసింది. అయితే షహీనా వివాహేతర సంబంధం గురించి తెలుసుకున్న ముబారక్‌ బంధువులు పోలీసులకు విషయం చెప్పడంతో పోలీసులు కేసు నమోదు చేసుకుని ముబారక్‌ మృతదేహానికి పోస్టుమార్టం నిర్వహించారు. దీంతో ముబారక్‌ది సాధారణ మరణం కాదని, హత్యని తేలడంతో షహీనాబానును, ఆమె తల్లి హసీనా జాన్‌ను, షహీనా ప్రియుడు నహీముద్దీన్‌ ఖురేషిని అరెస్టు చేశారు.

రాయచూరు రూరల్‌: జిల్లాలో తుంగభద్ర ఎడమ కాలువ నుంచి ఆయకట్టు చివరి భూములకు నీరు వదలాలని డిమాండ్‌ చేస్తూ రాస్తారోకో చేపట్టారు. శనివారం సింధనూరు తాలూకా బూదివాళ క్యాంప్‌ వద్ద చేపట్టిన ఆందోళనలో రైతులు మాట్లాడారు. తుంగభద్ర ఎడమ కాలువలో నీటి సామర్థ్యాన్ని తెలిపే గేజ్‌ సక్రమ నిర్వహణకు చర్యలు తీసుకోవాలన్నారు. 54వ ఉప కాలువ కింది భాగంలోని పొలాలకు నీరు అందక పోవడంపై విరుచుకు పడ్డారు. 69 వేల ఎకరాలకు నీరందించాలంటే 389 క్యూసెక్కుల నీటిని విడుదల చేయాలన్నారు. కాలువపై ఉన్న అక్రమంగా వేసుకున్న పైపులను తొలగించాలని ఒత్తిడి చేస్తూ గంటల తరబడి రాస్తారోకో చేశారు. దీంతో వాహన రాకపోకలు స్తంభించాయి. కొప్పళ జిల్లా ఇంచార్జి మంత్రి శివరాజ్‌ తంగడిగి రాజీనామా చేయాలని, పైభాగంలో నీటిని కింది భాగానికి వదలకుండా అడ్డుకుంటున్నట్లు ఆరోపించారు. సాగునీటి కోసం రాజకీయం చేయడం తగదని, రైతులు, నేతల మధ్య శీతల సమరం సాగింది. బూదివాళ క్యాంప్‌ వద్ద రాస్తారోకో చేస్తుండగా రాజకీయ ప్రసంగాలు చేస్తూ పరిస్థితి ఘర్షణలకు దారి తీస్తుండగా సకాలంలో పోలీసులు జోక్యం చేసుకుని ఇరు వర్గాలను శాంతింప చేశారు.

రాయచూరు రూరల్‌: సమాజం అభివృద్ధికి పిల్లలకు మానవత్వం, నైతిక విలువలతో కూడిన సంస్కారం నేర్పాలని ఉరిలింగ పెద్ది పీఠాధిపతి జ్ఞాన ప్రకాష్‌ స్వామీజీ, బీదర్‌ బుద్ధవిహార్‌ ధర్మదీప భంతేజ పిలుపునిచ్చారు. శనివారం పండిత సిద్దరామ జంబలదిన్ని రంగమందిరంలో నైతిక విలువలు, సంస్కారం అనే అంశంపై ఏర్పాటు చేసిన శిబిరాన్ని ప్రారంభించి మాట్లాడారు. విద్యార్థుల విద్యకు ప్రాధాన్యత ఇవ్వాలన్నారు. పిల్లలకు బోధన చేయడంతో పాటు అన్ని విధాలుగా సంస్కారాలను అలవర్చుకోవాలన్నారు. మహదేవ స్వామి, వసంత్‌, సంతోష్‌, నందిని, మల్లేష్‌, భీమణ్ణ, అంబరేష్‌, దత్తాత్రేయ, తిమ్మారెడ్డి, లక్ష్మణ్‌, అర్చన, కవిత, ఆరతిలున్నారు. కుస్తీ హాల్‌ నిర్మాణానికి భూమిపూజ హుబ్లీ: జిల్లా మైదానంలో కుస్తీ, జిమ్‌ హాల్‌ నిర్మాణ పనులకు ఎమ్మెల్యే అరవింద బెల్లద భూమిపూజ నెరవేర్చారు. అనంతరం ఆయన మాట్లాడుతూ జిల్లా మైదానంలో మరొక ఇండోర్‌ స్టేడియం నిర్మాణం చేపట్టడం హర్షణీయం అన్నారు. గతం మూడు, నాలుగేళ్ల గడువులో జిల్లాలో క్రీడా రంగానికి సంబంధించి ఎన్నో అభివృద్ధి పనులను చేపట్టామన్నారు. బాస్కెట్‌ బాల్‌ మైదానం ప్రారంభమైంది. వాలీబాల్‌ కోర్టు నిర్మాణ పనులు ప్రగతి పథంలో ఉన్నాయి. ప్రస్తుతం కుస్తీ హాల్‌, జిమ్‌ హాల్‌ నిర్మాణం కోసం శంకుస్థాపన చేశామన్నారు. అంతర్జాతీయ స్థాయిలో ఈత కొలను నిర్మించాం. దీంతో జిల్లా క్రీడా రంగానికి, యువ క్రీడాకారులకు ప్రోత్సాహం లభించిందన్నారు. హుబ్లీలో అంతర్జాతీయ స్థాయిలో వివిధ ఉద్దేశ క్రీడా కాంప్లెక్స్‌ను నిర్మించామన్నారు. ఈ కాంప్లెక్స్‌లో మొత్తం 21 క్రీడా సదుపాయాలు కల్పించారన్నారు. ఈ అవకాశాలను యువ క్రీడాకారులు సద్వినియోగం చేసుకోవాలన్నారు. కుస్తీ కోచ్‌ శివప్ప పాటిల్‌, ప్రముఖులు సదానంద, జిన్నప్ప, మంజునాథ, సురేష్‌, తదితరులు పాల్గొన్నారు. ప్రజా సేవతో ప్రజల కలలు సాకారంరాయచూరు రూరల్‌: గ్రామీణ ప్రాంతాల్లో ప్రజల దరికి ప్రభుత్వ సంక్షేమ పథకాలను చేర్చడం ద్వారా ప్రజల వద్దకు పాలనతో ప్రజల కలలు సాకారం అవుతాయని తహసీల్దార్‌ సురేష్‌వర్మ పేర్కొన్నారు. ఆయన శనివారం రాయచూరు తాలూకా బిజనగేర హైస్కూలు మైదానంలో ఏర్పాటు చేసిన ప్రజా సేవ పథకం కింద దరఖాస్తులను అందుకుని మాట్లాడారు. ప్రజల నుంచి వచ్చిన ఫిర్యాదులను త్వరితగతిన పరిష్కరించాలన్నారు. టీపీ ఈఓ చంద్రశేఖర్‌ పవార్‌, మహిళా శిశు సంక్షేమ శాఖాధికారి మంజునాథ్‌, ఆరోగ్య అధికారి యోగేష్‌లున్నారు. అస్పృశ్యతను నివారిద్దాంరాయచూరు రూరల్‌: గ్రామీణ ప్రాంతాల్లో అస్పృశ్యతను నివారిద్దామని లింగసూగూరు తహసీల్దార్‌ సత్యమ్మ పేర్కొన్నారు. శనివారం తాలూకాలోని ఆనెహొసూరు, ఈచనాళల్లో ఇటీవల దళితుడికి హోటల్‌లో నీటిని చేతిలో పోసి తాగించిన వీడియో వైరల్‌ కావడంతో గ్రామాన్ని సందర్శించి మాట్లాడారు. ఆధునిక సాంకేతిక పరిజ్ఞానంతో ప్రపంచం ఎంతగా మారినా అగ్ర వర్ణాల వారు ఇంకా దళితులను దేవాలయాల్లోకి ప్రవేశ నిరాకరణ చేయడం, నీటిని ఎత్తిపోయడం వంటివి కొనసాగుతుండటం శోచనీయమన్నారు. ఇలాంటివి పునరావృతం అయితే భారీ జరిమానా విధిస్తామన్నారు. ప్రజల నుంచి వచ్చిన ఫిర్యాదులను త్వరితగతిన పరిష్కరించాలన్నారు. సమావేశంలో సీఐ హొసకెరప్ప, బసవరాజ్‌, మోహన్‌, ఆరోగ్య అధికారి రాజేశ్వరి, పుష్పలత, రామకృష్ణ, ధరంసింగ్‌లున్నారు. జాతీయ రహదారి పనుల భూస్వాధీనానికి అనుమతిరాయచూరు రూరల్‌: రాయచూరు, యాదగిరి జిల్లాల్లో జాతీయ రహదారి పనుల భూస్వాధీనానికి అనుమతి లభించిందని రాయచూర్‌ లోక్‌సభ సభ్యుడు కుమార నాయక్‌ పేర్కొన్నారు. శనివారం కేంద్రమంత్రి నితిన్‌ గడ్కరీకి ఆయన వినతిపత్రం సమర్పించి మాట్లాడారు. యాదగిరి జిల్లాలో జాతీయ రహదారి పనులను పరిశీలించినట్లు తెలిపారు. భారత్‌ మాల పథకంలో రాయచూరు–శహాపూర్‌ మధ్య పనులను నాణ్యతతో పాటు రాయచూరు– బెళగావి మధ్య పనులు నిర్ణీత సమయంలో పూర్తి చేసేందుకు భూస్వాధీనానికి మంత్రి ఆదేశించారన్నారు. ప్రధాన రహదారి నిర్మాణంలో లోపాలను సవరించకుండా అశాసీ్త్రయంగా పనులు చేపట్టారని ఆయన ఆరోపించారు.

సాక్షి,బళ్లారి: ప్రజా సేవ కార్యక్రమంతో ప్రజల ముంగిటకే పాలన అందుతోందని, ప్రతి సమస్యను 21 రోజుల్లో పరిష్కరించేలా గట్టి చర్యలు తీసుకుంటున్నామని మాజీ మంత్రి, బళ్లారి గ్రామీణ ఎమ్మెల్యే బీ.నాగేంద్ర పేర్కొన్నారు. ఆయన శనివారం బళ్లారి తాలూకా రూపనగుడి గ్రామంలో ఏర్పాటు చేసిన ప్రజాసేవ కార్యక్రమంలో పాల్గొని స్థానికుల సమస్యలను ఆలకించి, అర్జీలను స్వీకరించారు. ముఖ్యమంత్రి డీకే శివకుమార్‌ వినూత్నంగా ప్రవేశ పెట్టిన ప్రజాసేవ కార్యక్రమానికి విశేష స్పందన లభిస్తోందన్నారు. ఇకపై ప్రజలు అధికారులు, ఎమ్మెల్యేల చుట్టు తిరగాల్సిన పని లేదన్నారు. పాలకులు, అధికారులే ప్రజలు వద్దకు వచ్చి సమస్యలు తెలుసుకుని అక్కడికక్కడే పరిష్కరించే విధంగా ఏర్పాట్లు చేశారన్నారు. ఏ అధికారి సరిగా పని చేయకపోయినా తమ దృష్టికి తేవాలన్నారు. కొవ్వు కరిగించుకునేందుకే బీజేపీ పాదయాత్ర బీజేపీ నాయకులు తిన్నది అరక్క, కొవ్వు కరిగించుకునేందుకు తనను లక్ష్యంగా చేసుకుని పాదయాత్ర చేశారని ఎద్దేవా చేశారు. అయితే పార్టీకి నష్టం జరగకూడదనే ఉద్దేశంతో తాను వ్యక్తిగతంగా మంత్రి పదవికి రాజీనామా చేశానని గుర్తు చేశారు. బీజేపీ నాయకులు ఇతర రాష్ట్రాల తరహాలో ఇక్కడ రాజకీయాలు చేయాలని చూస్తున్నారని మండిపడ్డారు. తమ ప్రభుత్వం బీజేపీ పాదయాత్రకు అన్ని విధాలుగా సహకరించిందన్నారు. సీబీఐ, ఈడీ వంటి సంస్థలు కేంద్రం చేతిలో కీలుబొమ్మగా మారాయన్నారు. వచ్చే అసెంబ్లీ ఎన్నికల్లో ఉమ్మడి బళ్లారి జిల్లాలో అన్ని అసెంబ్లీ స్థానాల్లో కూడా కాంగ్రెస్‌ అభ్యర్థులు గెలవడం ఖాయమన్నారు. తనపై సామాన్య అభ్యర్థిని నిలిపి గెలిపించుకుంటామని అంటున్న బీజేపీ నాయకులు ఎవరిని నిలిపినా గెలవడం మాత్రం వారి చేతకాదన్నారు. దేవుడి దయ, ప్రజల ఆశీస్సులతో తానే గెలుపొందుతానన్నారు. త్వరలో జిల్లా అభివృద్ధి కోసం నగరంలో బృహత్‌ సమావేశం నిర్వహిస్తామన్నారు. డీసీసీ అధ్యక్షుడు అల్లం ప్రశాంత్‌, పార్టీ నాయకులు వెంకట ప్రసాద్‌, ప్రభురెడ్డి తదితరులు పాల్గొన్నారు. జిల్లాలోని అన్ని అసెంబ్లీ స్థానాల్లో మాదే గెలుపు జిల్లాభివృద్ధి కోసం త్వరలో బృహత్‌ సమావేశం ఏర్పాటు చేస్తాం మాజీ మంత్రి, బళ్లారి గ్రామీణ ఎమ్మెల్యే నాగేంద్ర

రాయచూరు రూరల్‌ : సమాజం అభివృద్ధిలో విద్యార్థుల పాత్ర అమోఘమని గ్రామీణ శాసన సభ్యుడు బసనగౌడ దద్దల్‌ అభిప్రాయ పడ్డారు. శనివారం రాయచూరు తాలూకా యరమరస్‌ క్యాంప్‌లో తాలూకా స్థాయి ప్రైవేట్‌ పాఠశాల ఉపాధ్యాయ దినోత్సవంలో పాల్గొని మాట్లాడారు. విద్యార్థులు విద్యకు ప్రాధాన్యత ఇవ్వాలని, బాల్య వివాహాల నియంత్రణకు సహకరించాలన్నారు. ఆరోగ్యం, పరిసరాల శుభ్రత, సంరక్షణ అంశాలపై దృష్టి సారించాలన్నారు. సమావేశంలో జంగ్లప్ప, బసవరాజ్‌, సంగమేష్‌, మంజు పాల్గొన్నారు. జిల్లా స్థాయి పోటీలకు ఎంపిక రాయచూరు రూరల్‌: నగరంలోని మహాత్మాగాంధీ క్రీడా మైదానంలో శుక్రవారం జరిగిన తాలూకా స్థాయి అథ్లెటిక్‌ పోటీల్లో లాంగ్‌ జంప్‌ పోటీల్లో ప్రతీక్షా మేటి అనే విద్యార్థిని రాణించి జిల్లాస్థాయి పోటీలకు ఎంపికయ్యారు. ఈసందర్భంగా పాఠశాల ఉపాధ్యాయులు హనుమేష్‌, వీణ, విశ్వనాథ్‌, రాధిక విద్యార్థినిని అభినందించి సత్కరించారు.

రాయచూరు రూరల్‌: మహిళల్లో ఆత్మవిశ్వాసం, జ్ఞానం, స్వాభిమానం వృద్ధికి విద్య ప్రధానమని జిల్లా జైలర్‌ అనితా హిరేమని పేర్కొన్నారు. నగరంలోని ప్రభుత్వ డిగ్రీ కళాశాలలో ఏర్పాటు చేసిన 10 రోజుల యోగా శిబిరాన్నుద్దేశించి ఆమె మాట్లాడారు. తల్లిదండ్రులు, ఉపాధ్యాయులు మీపై పెట్టుకున్న నమ్మకాన్ని నిలబెట్టుకోవాలన్నారు. సమయాన్ని సద్వినియోగం చేసుకుని మంచి పుస్తకాలను చవివి ప్రతిభను కనబరచాలన్నారు. యోగాను కేవలం శిబిరాలకే పరిమితం చేయకుండా దానిని నిత్య జీవితంలో అలవర్చుకోవాలన్నారు. కార్యక్రమంలో సువర్ణ, మల్లికార్జున, ప్రసన్న కుమార్‌, వీరనగౌడ, సరస్వతి, చెన్నబసవ, ఉమాదేవి, స్వరూపరాణి, సుమిత్ర, రంగనాథ్‌, సంతోష్‌లున్నారు.

హొసపేటె: గౌరీ గణేష్‌ ఉత్సవాన్ని శాంతి సామరస్యంతో ఉత్సాహంగా జరుపుకోవాలని విజయనగర జిల్లా ఎస్పీ ఎస్‌.జాహ్నవి సూచించారు. శుక్రవారం సాయంత్రం నగరంలోని జిల్లా ఇండోర్‌ స్టేడియంలో జరిగిన గౌరీ గణేష్‌ ఉత్సవ శాంతి సమావేశానికి అధ్యక్షత వహించి ఆమె మాట్లాడారు. ఉత్సవ సమయంలో ఏదైనా విపత్తు సంభవిస్తే సంబంధిత ఉత్సవ కమిటీలే బాధ్యత వహించాల్సి ఉంటుందని హెచ్చరించారు. మున్సిపల్‌ కౌన్సిల్‌ అధ్యక్షుడు ఎన్‌.రూపేష్‌, హుడా అధ్యక్షుడు ఇమామ్‌ నియాజీ, మున్సిపల్‌ కమిషనర్‌ శివకుమార్‌, పీ.వెంకటేష్‌, దాదా ఖలందర్‌, గుజ్జల గణేష్‌, జగదీష్‌ కమతగి తదితరులు పాల్గొన్నారు. చాకులతో వీరంగం.. ఇద్దరిపై కేసు హుబ్లీ: హుబ్లీ రైల్వే స్టేషన్‌ మూడో గేట్‌ వద్ద ఒక చాకు, మరో చేతిలో వేళ్లకు వేసుకొనే పిడి ఉన్న చాకులను పట్టుకొని తిరుగుతున్న ఇద్దరిపై కేసు నమోదు చేశారు. మంటూరు రోడ్డుకు చెందిన శానవాజ్‌ బేపారి, అస్లాం బేపారిలను హ్యాట్‌స్టబ్బింగ్‌ స్య్వాడ్‌ తనిఖీ చేసి ఆయుధాలు ఉన్నట్లు కనుగొంది. ఘటనపై హుబ్లీ టౌన్‌ పోలీసులు దర్యాప్తు చేపట్టారు. మార్కెట్‌లో లంబోదరుని విగ్రహాలు సిద్ధంహొసపేటె: వినాయక చవితి పండుగ సందర్భంగా మార్కెట్లన్నీ కొనుగోలుదారులతో కిటకిటలాడుతున్నాయి. చవితి వేడుకకు ఒక రోజే సమయం ఉండటంతో మార్కెట్లకు పెద్ద సంఖ్యలో జనం తరలిరావడంతో సందడి వాతావరణం నెలకొంది. గతంతో పోల్చితే పూజా సామగ్రి ధరలు మరింత పెరిగాయని ప్రజలు గగ్గోలు పెడుతున్నారు. గణేశుని మట్టి విగ్రహాలు సైజును బట్టి రూ.200 నుంచి రూ.2000 మధ్య ధరల్లో అమ్ముతున్నారని కొనుగోలుదారులు వాపోతున్నారు. కొనుగోళ్లు పెరగడంతో వినాయక విగ్రహాలు, పూజా సామగ్రి, పండ్లు, పూల వ్యాపారుల్లో సంతోషం నిండింది. కోట్లలో లాభాలంటూ లక్షల్లో వంచనహుబ్లీ: ఫేస్‌బుక్‌ ట్రేడింగ్‌ వాణిజ్య ప్రకటన చూసి పెట్టుబడి పెట్టిన నగర వ్యక్తిని ఏకంగా రూ.33.75 లక్షల మేర వంచించారు. పునీత్‌ మోసపోయిన వ్యక్తి. గుర్తు తెలియని వ్యక్తులు కే03 మార్కెట్‌ ట్రెండ్స్‌ కమ్యూనిటీ అనే వాట్సప్‌ గ్రూప్‌లో చేర్పించారు. ఆ తర్వాత షేర్‌ మార్కెట్‌లో పెట్టుబడి పెట్టాలని సూచించారు. వారి మాటలను నమ్మిన పునీత్‌ ముందుగా రూ.10 వేలను పెట్టుబడి పెట్టారు. ఈ క్రమంలో ఎక్సీవెస్ట్‌ యాప్‌లో రూ.2.57 కోట్ల లాభం చూపించారు. దీన్ని విత్‌డ్రా చేయడానికి ప్రయత్నించగా డబ్బులు అసలు జమ కాలేదని తేలింది. దీంతో మెసేజ్‌ చేసి విచారించగా ఎక్కువ డబ్బులు పెట్టుబడి పెట్టాలని నమ్మబలికారు. ఆ మేరకు రూ.33.75 లక్షలను విడతల వారీగా తన ఖాతా నుంచి ఆన్‌లైన్‌ వంచకులు బదలాయించుకొని మోసగించినట్లు పునీత్‌ హుబ్లీ ధార్వాడ సైబర్‌ క్రైం పోలీసులకు ఫిర్యాదు చేశారు. జోనల్‌ క్రీడా పోటీల్లో సత్తా హొసపేటె: జోనల్‌ స్థాయి క్రీడా పోటీల్లో టీబీ డ్యాం పీఎల్‌సీ ప్రభుత్వ పాఠశాల విద్యార్థులు సత్తా చాటారు. కేజీఎస్‌ క్లస్టర్‌ జోనల్‌ స్థాయి క్రీడా పోటీల్లో వివిధ పాఠశాలల విద్యార్థులు అద్భుతమైన ప్రతిభ కనబరిచి యోగా, 100, 600 మీటర్ల పరుగు పందెంలో ప్రథమ స్థానంలో, కబడ్డీ పోటీల్లో ద్వితీయ స్థానంలో నిలిచి షీల్డ్‌, ప్రశంసా పత్రాలను సాధించారు. హెచ్‌ఎం లలితమ్మ, ఉపాధ్యాయులు శ్రీనివాస్‌రెడ్డి, హేమలత, నిర్మల, రవి, ఈరప్ప మంజుల, శారద తదితరులు పాల్గొన్నారు. ధార్వాడ విద్యాకాశీ ఘనత సిద్దప్పదేహుబ్లీ: హుబ్లీ ధార్వాడ నగర జిల్లా కాంగ్రెస్‌ సమితి ఆధ్వర్యంలో విద్యానిపుణులు సర్‌ సిద్దప్ప కంబళ్లి 145వ జయంతిని ఘనంగా జరిపారు. సమితికి నూతన అధ్యక్షుడు సదానంద డంగనవర మాట్లాడుతూ ధార్వాడ కర్ణాటక విశ్వవిద్యాలయం స్థాపనకు సిద్దప్ప మూలప్రేరణ ఇచ్చారన్నారు. డాక్టర్‌ అంబేడ్కర్‌ అన్ని విధాలుగా ఆయనకు సహకారం అందించారన్నారు. సర్‌ సిద్దప్ప ముంబై సర్కారులో విద్య కోసం కర్ణాటక వాటాను కచ్చితంగా ఇవ్వాలని గళమెత్తారని ఎమ్మెల్సీ జక్కప్పనవర తెలిపారు. ప్రముఖులు అల్తాఫ్‌ హుస్సేన్‌, రాజశేఖర్‌, గంగాధర, రఫీక్‌, కిషోర్‌, గణేష్‌ పాల్గొన్నారు.

సాక్షి,బళ్లారి: కర్ణాటక, ఆంధ్రప్రదేశ్‌ సరిహద్దుల్లో బళ్లారి తాలూకాలో నీటిపారుదల సౌకర్యం లేని కుగ్రామం అది. కేవలం వర్షాధారిత పంటలు మాత్రమే పండించే కరువు నేలలో వ్యవసాయ కూలీలతో పాటు రైతులకు కూడా జీవనాధారం కష్టంగా ఉన్న ఆ గ్రామంలో గణేష్‌ విగ్రహాలను తయారు చేస్తూ గ్రామస్తులు ఉపాధి పొందుతున్నారు. బళ్లారి తాలూకా కే.వీరాపుర గ్రామం వినాయక విగ్రహాల తయారీకి మారుపేరుగా నిలిచింది. ఈ గ్రామంలో బోరుబావుల సదుపాయం కూడా చాలా తక్కువే. వ్యవసాయ కూలీలకే కాదు రైతులకు కూడా ఏడాది పాటు తమ పొలాల్లో పనులు లేక ఇతర ప్రాంతాలకు వలస వెళ్లేవారు. అయితే గ్రామంలో కొన్నేళ్లుగా వినాయకుల తయారీపై దృష్టి పెట్టారు. దానినే ఉపాధిగా మలచుకుని, అటు దైవభక్తి, ఇటు ఉపాధి కూడా దొరకడంతో విగ్రహాలను తయారు చేస్తూ పొట్టపోసుకుంటున్నారు. కరువు ప్రాంతంలో గ్రామస్తులకు ఉపాధి కే.వీరాపురలో తయారు చేస్తున్న వినాయక విగ్రహాలను ఒక్క బళ్లారి జిల్లా చుట్టుపక్కల ప్రాంతాల వారు మాత్రమే కొనుగోలు చేస్తారనుకుంటే పొరపాటు. ఇక్కడ తయారు చేసిన వినాయక విగ్రహాల కొనుగోలుకు కర్ణాటకతో పాటు పొరుగున ఉన్న ఆంధ్రప్రదేశ్‌, తెలంగాణ, తమిళనాడు తదితర రాష్ట్రాల నుంచి కూడా ప్రజలు తరలి వస్తుండటం విశేషం. గ్రామంలో వందలాది మంది వినాయక విగ్రహాలను తయారు చేస్తూ ఉపాధి పొందుతున్నారు. గ్రామంలో ప్రధానంగా వినాయక విగ్రహాలు తయారు చేస్తున్న రామచంద్ర సాక్షితో మాట్లాడుతూ తమ గ్రామంలో మట్టితో తయారు చేసిన ఎత్తైన వినాయక విగ్రహాల నుంచి చిన్న వినాయక విగ్రహాల వరకు తయారు చేస్తున్నామన్నారు. తాము 40 మంది గ్రూపుగా ఏర్పడి దాదాపు 800లకు పైగా వినాయక విగ్రహాలను తయారు చేశామన్నారు. అన్నింటిని కొనుగోలు చేసేందుకు ఆర్డర్లు వచ్చాయన్నారు. ఏటా 8 నెలల పాటు చేతినిండా పని కర్ణాటకతో పాటు పలు రాష్ట్రాలకు తాము వినాయక విగ్రహాలు విక్రయిస్తున్నామన్నారు. తమతో పాటు గ్రామంలో ఎంతో మంది గ్రూపులుగా ఏర్పడి వినాయక విగ్రహాలు తయారు చేసి, అమ్ముతున్నారన్నారు. ఏడాదిలో 8 నెలల పాటు ఎంతో భక్తిశ్రద్ధలతో షెడ్లలో రకరకాల ఆకృతుల్లో వినాయక విగ్రహాలను తయారు చేస్తున్నామన్నారు. చూడచక్కగా వినాయక విగ్రహాలు తయారు చేయడం వల్ల ఏటేటా తమ గ్రామం వినాయక విగ్రహాల తయారీకి మారుపేరుగా నిలిచిందన్నారు. వినాయక విగ్రహాల తయారీ కేంద్రం వీరాపుర అనే విధంగా మారిందని, అదంతా ఆ వినాయకుని కృపేనని అన్నారు. వర్షాలు లేక పంటలు పండక ఇబ్బందులు పడుతున్న రైతులకు, వ్యవసాయ కూలీలకు వినాయక విగ్రహాల తయారీతో ఉపాధి లభిస్తోందన్నారు. విగ్రహాలు తయారు చేసే కూలీలకు రోజుకు కనీసం రూ.500లకు తక్కువ కాకుండా కూలి దొరుకుతోందన్నారు. ఇక వినాయక చవితి సమీపించటంతో వివిధ ప్రాంతాల నుంచి పెద్ద సంఖ్యలో ప్రజలు, మిత్రమండళ్ల సభ్యులు వచ్చి వినాయక విగ్రహాలను కొనుగోలు చేసుకెళుతున్నారని హర్షం వ్యక్తం చేశారు. వినాయక విగ్రహాల తయారీ కేంద్రంగా కే.వీరాపుర పలు రాష్ట్రాల నుంచి గణేష్‌ ప్రతిమల కొనుగోలుకు భారీగా ఆర్డర్లు

● పండుగకు ప్రజలు ఊళ్లకు వెళ్లేందుకు కేఎస్‌ ఆర్టీసీ 2,400 అదనపు బస్సులను నడుపుతున్నట్లు తెలిపింది. శుక్రవారం రాత్రి బెంగళూరులోని తుమకూరు రోడ్డు, మైసూరు రోడ్డు, హోసూరు రోడ్లలో ప్రయాణికులు గుమిగూడారు. ● మెజెస్టిక్‌ బస్టాండు, రైల్వే స్టేషన్‌, జాతీయ రహదారులు కిక్కిరిసిపోయాయి. మెజెస్టిక్‌లో ఎటు చూసినా బ్యాగులతో ప్రయాణికులే నిండిపోయారు. బస్సుల కోసం పోటీ ఏర్పడింది. శనివారం రాత్రి పొద్దుపోయే వరకు బస్సుల కోసం జనం వేచిచూశారు. ● మైసూరు రోడ్డు బస్టాండ్‌, శాంతినగర, నవరంగ, యశవంతపుర బస్టాండ్లలోనూ ఇదే దృశ్యం కనిపించింది. ● ప్రయాణికులు తరలిరావడంతో చుట్టుపక్కల ప్రాంతాల్లో ట్రాఫిక్‌ జామ్‌లు ఏర్పడ్డాయి. ట్రాఫిక్‌లో చిక్కుకుని బుక్‌ చేసుకున్న బస్సులను అందుకోలేకపోయినట్లు కొందరు ప్రయాణికులు వాపోయారు. పండుగ కోసం కొందరు 15 రోజుల ముందే టికెట్లు బుకింగ్‌లు చేసుకున్నారు. ● ప్రయాణికుల రద్దీని ఆర్టీసీ అదనపు బస్సులు కూడా తట్టుకోలేకపోయాయి. బెంగళూరు నుంచి రాష్ట్రంలోని వివిధ ప్రాంతాలకు బస్సులు నిరంతరం తిరుగుతూ ఉన్నాయి. ● ఏ బస్సు చూసినా కిటకిటలాడింది. మహిళలకు ఉచితం కావడంతో మరింత రద్దీ ఏర్పడింది.

రాయచూరు రూరల్‌: నేటి విద్యార్థులు మట్టి గణనాథులపై ప్రచారం చేపట్టి పరిసరాల సంరక్షణకు కృషి చేయాలని హెచ్‌కేఈ సంస్థ కళాశాల ప్రిన్సిపాల్‌ రాజేంద్ర కొండా పేర్కొన్నారు. శనివారం వీరమ్మ గంగమ్మ సిరి కళాశాలలో మట్టితో విగ్రహాల తయారీకి శ్రీకారం చుట్టి విద్యార్థులనుద్దేశించి మాట్లాడారు. విద్యార్థులు పోటీకి తగ్గట్లు మనస్సు పెట్టి విద్య నభ్యసించే విధంగా వారికి విద్యా బోధన చేయాలన్నారు. పాఠాలకు తోడు పాఠ్యేతర అంశాలపై విద్యార్థులు శ్రద్ధ కనబరిచి తమ జ్ఞాపకాలను నెమరు వేసుకోవాలన్నారు. సమావేశంలో ఎన్‌ఎస్‌ఎస్‌ అధికారి డాక్టర్‌ మహేష్‌, అనిల్‌ కుమార్‌, బసమ్మ, సుష్మాలున్నారు. బీజేపీకి రాజీనామా శివాజీనగర: రాజాజీనగర, మహాలక్ష్మినగర బీజేపీ మాజీ ఎమ్మెల్యే, ఓబీసీ మోర్చా అధ్యక్షుడు ఎన్‌.ఎల్‌. నరేంద్రబాబు శనివారం ఆ పార్టీకి రాజీనామా చేశారు. పార్టీకి విశ్వాసంగా పనిచేసే తన సేవలను గుర్తించలేదని వాపోయారు. కాగా ఈనెల 13వ తేదీన సీఎం డీ.కే.శివకుమార్‌ సమక్షంలో తాను కాంగ్రెస్‌ పార్టీలో చేరనున్నట్లు తెలిపారు.

రాయచూరు రూరల్‌: నేటి పోటీతత్వ యుగంలో విద్యార్థులకు జెన్‌జీ, సోషల్‌ మీడియాపై అవగాహన అవసరమని రాయచూరు రిపోర్టర్స్‌ గిల్డ్‌ అధ్యక్షుడు విజయ్‌ జాగటకల్‌ పేర్కొన్నారు. శనివారం రాయచూరు రిపోర్టర్స్‌ గిల్డ్‌ 25 వసంతాలు పూర్తి చేస్తున్న సమయంలో విద్యార్థులకు ఏర్పాటు చేసిన జెన్‌జీ, సోషల్‌ మీడియాపై పోటీలను ప్రారంభించి మాట్లాడారు. పోటీల్లో ప్రథమ స్థానం పొందడం ప్రధానం కాదని, పోటీలతో జెన్‌జీ, సోషల్‌ మీడియాలపై పట్టు సాధించడానికి వీలు కల్పించినట్లు అవుతుందన్నారు. కార్యక్రమంలో వెంకటేష్‌, రాజ్‌ గురు, బోయర్‌, శివమూర్తి, సిద్దయ్య స్వామి, రఘనాథ్‌, ఖాన్‌సాబ్‌, వీరనగౌడ, సురేష్‌, మల్లనగౌడ, బసవరాజ్‌లున్నారు.

బళ్లారిఅర్బన్‌: ఏఐసీసీ అధ్యక్షుడు మల్లికార్జున ఖర్గే హాజరై ప్రసంగించిన వేదిక స్థలాన్ని గోమూత్రం, గంగాజలంతో శుభ్రం చేయడాన్ని ఖండిస్తూ, ఈ విషయంపై ప్రశ్నించిన కాంగ్రెస్‌ అగ్రనేత రాహుల్‌ గాంధీపై ఎఫ్‌ఐఆర్‌ నమోదు చేయడాన్ని నిరసిస్తూ జిల్లా కాంగ్రెస్‌ ప్రచార కమిటీ ఆధ్వర్యంలో శనివారం వినూత్న రీతిలో మౌన నిరసన చేపట్టారు. నగరంలోని పాత జిల్లాధికారి కార్యాలయం ఎదుట మహాత్మాగాంధీ ప్రతిమ వద్ద కాంగ్రెస్‌ నాయకులు ముఖాలకు నల్ల బ్యాడ్జీలు కట్టుకుని నిరసన తెలిపారు. సమానత్వం, ఆత్మగౌరవం, సామాజిక న్యాయం వంటి రాజ్యాంగ విలువలను కాపాడాలని డిమాండ్‌ చేశారు. డీసీసీ ప్రచార కమిటీ అధ్యక్షుడు ఈరనగౌడ మాట్లాడుతూ ఇలాంటి ఘటనలు పునరావృతం కాకుండా సంబంధిత అధికారులు చర్యలు డిమాండ్‌ చేశారు. ఆనంద్‌కుమార్‌, ఎల్‌.మారన్న, గాదిలింగన్న, అరుణ్‌ జ్యోతి, హొన్నూరు స్వామి, పర్వీన్‌బాను, సూరి, లింగరాజు, హేమరెడ్డి, రాజు, గోవర్ధన్‌, శంకర్‌, నరసింహరాజు, చంద్ర తదితరులు పాల్గొన్నారు. విజయనగరలో.. హొసపేటె: ఉత్తరాఖండ్‌లో ఏఐసీసీ అధ్యక్షుడు మల్లికార్జున ఖర్గేకు జరిగిన అవమానానికి నిరసనగా విజయనగర జిల్లా హొసపేటెలో శనివారం పార్టీ కార్యకర్తలు నిరసన తెలిపారు. పార్టీ ప్రచార కమిటీ జిల్లా ఇన్‌చార్జి జీఎస్‌.కుమారగౌడ మాట్లాడుతూ ఆ ఘటన ద్వారా మల్లికార్జున ఖర్గేను అవమానించారని, నిరసన తెలిపిన రాహుల్‌ గాంధీపై ఎఫ్‌ఐఆర్‌ నమోదు చేశారని అన్నారు. ఈ విషయాలను ఖండిస్తూ నగరంలోని అంబేడ్కర్‌ సర్కిల్‌ నుంచి పునీత్‌ రాజ్‌కుమార్‌ సర్కిల్‌ వరకు మౌన యాత్ర నిర్వహించామన్నారు. విజ్ఞాన, సాంకేతిక రంగాలలో పురోగతి సాధించినా ఇంకా కుల, వర్ణ వివక్ష కొనసాగుతుండటం శోచనీయమన్నారు. పార్టీ ప్రచార కమిటీ అధ్యక్షుడు వినయ్‌కుమార్‌ సొరకే, జిల్లా కాంగ్రెస్‌ ప్రచార కమిటీ అధ్యక్షుడు మహ్మద్‌ ఇమాం నియాజీ, నాయకులు లాల్యా నాయక్‌, దాదాఖలందర్‌, తారిహళ్లి చంద్రయ్య, తేజా నాయక్‌ పాల్గొన్నారు.

మండ్య: మంటలు అంటుకుని వరుసగా హోటల్‌, షాపులు కాలిపోయిన ఘటన మండ్య అశోకనగరలో శనివారం తెల్లవారుజామున జరిగింది. తిమ్మేగౌడ అనే వ్యక్తికి చెందిన కాఫీ క్యాంటీన్‌లో మొదట అగ్నిప్రమాదం సంభవించింది. పక్కన ఉన్న రిషబ్‌ టైల్స్‌ శానిటరీ స్టోర్‌కు మంటలు వ్యాపించి భారీగా తగలబడింది. క్యాంటీన్‌లో యూపీఎస్‌లో షార్ట్‌ సర్క్యూట్‌తో మంటలు వ్యాపించినట్లు తెలుస్తోంది. తరువాత వంట గ్యాస్‌ సిలిండర్‌ పేలడంతో ప్రమాదం అధికమైంది. స్టోర్‌లోని 3 ఫ్రీజర్లు, 2 డబుల్‌ డోర్‌ ఫ్రీజర్లు, టేబుళ్లు, కుర్చీలు, ఫ్యాన్లు ఇతర వంట సామగ్రి కాలిబూడిదయ్యాయి. శానిటరీ షాప్‌లో కూడా భారీగా ఆస్తినష్టం జరిగింది. ఫైర్‌ అధికారి రాఘవేంద్ర నేతృత్వంలో సిబ్బంది సుమారు 3 గంటల పాటు శ్రమించి మంటలను ఆర్పివేసేటప్పటికీ బూడిద మిగిలింది. ఎమ్మెల్యే పీ.రవికుమార్‌ పరిశీలించి హోటల్‌ యజమాని తిమ్మేగౌడను పరామర్శించారు. రూ.20 లక్షల మేర పెట్టుబడి పెట్టామని, అంతా పోయిందని విలపించాడు. పెట్రోల్‌ ట్యాంకర్‌ పల్టీయశవంతపుర: బెంగళూరు నుంచి మంగళూరుకు వెళుతున్న పెట్రోల్‌ ట్యాంకర్‌ లారీ పల్టీ పడిన ఘటనలో వేలాది లీటర్ల పెట్రోల్‌ నేలపాలైంది. శనివారం హాసన్‌ దగ్గర కెంచటహళ్లి వంతెనపై ఈ ఘటన జరిగింది. వీకెండ్‌ కావడంతో వాహనాల రద్దీ ఉన్న సమయంలో లారీ బోల్తా పడి పెట్రోలు ప్రవహించింది. శనివారం మధ్యాహ్నం ఎండలు కూడా విపరీతంగా ఉన్న కారణంగా ఏం విపత్తు జరుగుతుందో అని అందరూ కలవరపడ్డారు. పోలీసులు వంతెనను అటు ఇటు బంద్‌ చేయడంతో కిలోమీటర్ల కొద్దీ వాహనాలు బారులు తీరాయి. ట్యాంకర్‌ను క్రేన్లతో అతి కష్టంపై పక్కకు తొలగించారు. గణపతుల వితరణశివాజీనగర: పర్యావరణ హితం, ఆరోగ్యంపై దృష్టి సారించాలని సినీ నటి రాగిని ద్వివేది తెలిపింది. బెంగళూరు భారతీ నగర కాక్స్‌టౌన్‌ గంగమ్మ ఆలయం వద్ద పౌర కార్మికుల పిల్లలకు మట్టి వినాయకుల విగ్రహాల పంపిణీలో ఆమె పాల్గొంది. 14వ తేదీన విఘ్నాలను తొలగించే గణపతి పండుగను భక్తి శ్రద్ధలతో జరుపుకోవాలని తెలిపింది. ప్రేమజంట ఆత్మార్పణం దొడ్డబళ్లాపురం: తమ ప్రేమను పెద్దలు అంగీకరించలేదనే ఆవేదనతో మహిళ, యువకుడు ఒకే చున్నీతో ఉరివేసుకుని ఆత్మహత్య చేసుకున్న సంఘటన కలబుర్గి జిల్లా చిత్తాపుర తాలూకా సుంకనూరు గ్రామంలో జరిగింది. చిత్తాపుర పట్టణానికి చెందిన శరణమ్మ (32), యాదగిరి జిల్లా బాచవార గ్రామం నివాసి బసవరాజు (21) వయసులో చాలా తేడా ఉన్నా ప్రేమలో పడ్డారు. కొన్నేళ్లుగా ప్రేమాయణం సాగుతోంది, వీరి ప్రేమను పెద్దలు అంగీకరించలేదు. దీంతో కలిసి జీవించలేమని విరక్తి చెంది ఓ చెట్టుకు ఉరివేసుకుని ప్రాణాలు తీసుకున్నారు. చిత్తాపుర పోలీసులు కేసు నమోదు చేశారు. 14న సిటీలో మాంసం బంద్‌ శివాజీనగర: బెంగళూరు నగరంలో ఈ నెల 14న సోమవారం మాంసం అమ్మకాలను పూర్తిగా నిషేధించారు. గణేష్‌ చతుర్థి పండుగ అయినందున ఎవరూ మాంసం అమ్మరాదని జీబీఏ అధికారులు ప్రకటించారు. ఆరోజు కబేళాలలో జంతు వధకు అనుమతి లేదు. మాంసం దుకాణాలు తెరవరాదని, నిబంధనలు ఉల్లంఘిస్తే చర్యలు తప్పవన్నారు.

శివాజీనగర: సిలికాన్‌ సిటీ అనగానే రోడ్లపై విపరీతమైన జన రద్దీ, కార్లు, బైక్‌లతో కిక్కిరిసిన రహదారులు మాత్రమే గుర్తుంటాయి. శుక్రవారం మధ్యాహ్నం నుంచే నగరంలో సందడి తగ్గింది. శనివారం మరింతగా పడిపోయి నిశ్శబ్ధం తాండవించింది. వినాయక చవితితో కూడిన సుదీర్ఘ వారాంతం రావడమే కారణం. మూడురోజుల పాటు సెలవులు లభించాయి. దీంతో చాలామంది పండుగను సొంతూళ్లలో జరుపుకోవడానికి వెళ్లగా, మరికొందరు విహార యాత్రలకు తరలిపోయారు. కొందరు బంధువుల ఊళ్లకు ప్రయాణమయ్యారు. సోషల్‌ మీడియాలో పోస్టింగులు జన ప్రయాణంతో సందడిగా ఉండే బెంగళూరు రోడ్లు ఆకస్మాత్తుగా నిర్మానుష్యంగా మారాయి. నగరం మొత్తం నిశ్శబ్దంగా కనిపిస్తోంది. జనాలు లేని ఖాళీ రోడ్లను చూచి చాలా మంది ఆశ్చర్యపోతున్నారు. కొందరు ఖాళీ రోడ్లను, పార్కులను ఫోటోలు తీసి సోషల్‌ మీడియాలో పోస్టు చేస్తున్నారు. అలాగే ఊళ్లకు వెళ్లేవారి వీడియోలనూ షేర్‌ చేశారు. తుమకూరు హైవే కిటకిట సిటీ నుంచి సుమారు 20 జిల్లాలకు వెళ్లే తుమకూరు హైవే రహదారిపై వాహనాల రద్దీ తీవ్రంగా ఉంది. నవరంగ, యశ్వంతపుర, గొరగుంటపాళ్య, 8వ మైలు, దాసరహళ్ళి, నెలమంగళ టోల్‌ మరియు కుణిగల్‌ బైపాస్‌ వద్ద వాహనాలు బారులు తీరి కనిపించాయి. పని, చదువుల నిమిత్తం బెంగళూరులో ఉంటున్న విదార్థులు, వలస కూలీలు కూడా సొంత ఊళ్లకు తిరిగి వెళ్తుండటంతో రైళ్లు కిటకిటలాడాయి. బెంగళూరులో బస్టాండ్లు, రైల్వేస్టేషన్లలో విపరీతమైన రద్దీ వరుస సెలవులతో ఊళ్లకు ప్రయాణం సిటీలో తగ్గిన జనసందడి

● బెంగళూరులో మార్కెట్లు కిటకిట ● గణపయ్యలకు పూజలు చేసి ఇళ్లకు తరలింపు ● పూలు, పండ్లకు గిరాకీ శివాజీనగర, బనశంకరి: రాజధాని నగరంతో పాటు రాష్ట్రమంతటా గౌరీ–గణేష చతుర్థి పండుగ సందడి మిన్నంటుతోంది. ప్రజలు పండుగ సన్నాహాల్లో నిమగ్నమయ్యారు. కొన్ని నెలలుగా పెరుగుతున్న నిత్యావసర వస్తువుల ధరల వేడి తీవ్ర ప్రభావం చూపినప్పటికీ, సామాన్యులు, మధ్య తరగతి ప్రజల ఉత్సాహం ఏ మాత్రం తగ్గలేదు. పూజలు, పిండివంటలతో పండుగ సంప్రదాయాన్ని ఘనంగా చేసుకోవడానికి మార్కెట్లకు వెల్లువెత్తారు. ఉద్యాననగరిలో యశ్వంతపుర మార్కెట్‌, కే.ఆర్‌.మార్కెట్‌, మల్లేశ్వరం, విజయనగర, గాంధీ బజార్‌, బసవనగుడి, జయనగర వంటి ప్రధాన వాణిజ్య ప్రాంతాల్లో వినాయక విగ్రహాలు, పూలు పండ్లు, మిఠాయిల షాపింగ్‌ శనివారమంతా జోరుగా జరిగింది. ముఖ్యంగా మహిళలతో విపణులు కిక్కిరిసిపోయాయి. ఏకదంత మూర్తులను పూజలు చేసి బైక్‌లు, కార్లలో తీసుకెళ్లారు. మొదటిరోజు గౌరీదేవి వ్రతాన్ని ఆచరించి, మరుసటి దినం గణేశ చవితిని ఆచరించడం ఆనవాయితీ. గతంకంటే ధరల మోత తక్కువే ● గత వరలక్ష్మీ పండుగ సమయంలో మార్కెట్లో పూల ధరలు ఆకాశన్నంటాయి. ఈసారి, గణేశ పండుగకు అంత లేదు. చిల్లర వ్యాపారులు మాత్రమే ధరలను స్వల్పంగా పెంచారు. ● కనకాంబరాలు కేజీ రూ.1500 వరకు అమ్ముడవుతుండగా, మల్లెలు కిలో రూ.500కు లభిస్తున్నాయి. గులాబీలు, చామంతులు, డాలియా పుష్పాలు కిలో రూ.200– 300 మధ్య విక్రయిస్తున్నారు. ● ఏకదంతునికి ప్రీతికరమైన అరటిపండ్లు, దానిమ్మలు, ద్రాక్షలకు గిరాకీ ఎక్కువగా ఉంది. యాలక్కి అరటిపండ్లు మినహా, ఇతర పండ్ల ధరలు స్థిరంగా ఉన్నాయి. ● యాపిల్స్‌, దానిమ్మలు కిలో రూ.200 నుంచి రూ.250 మధ్య ఉన్నాయి. ● అధిక డిమాండ్‌ ఉన్న యాలక్కి అరటి కేజీ రూ.100 నుంచి రూ.120 వరకు ఉంది. ● మూసంబిలు కేజీ రూ.120, సపోటా రూ.120 నుంచి రూ.150 పలికాయి. నిత్యావసరాలు భగ్గు వంట నూనెలు, పప్పులు, వివిధ బ్రాండ్ల బియ్యం, చక్కెర, బెల్లం, మైదా ధరలు గత పండుగల కంటే చాలా ఎక్కువగా ఉన్నాయని కొనుగోలుదారులు వాపోయారు. ఖర్చు రెట్టింపు అయినప్పటికీ పండుగకు సంకోచం లేకుండా కొనుగోలు చేయడంతో మార్కెట్లు కళకళలాడాయి.

సాక్షి, చెన్నై: పరిచయం పెంచుకుని యువతిని మాయ మాటలతో నమ్మించాడు. పెళ్లి చేసుకుంటానని తీయని కబుర్లుచెప్పి గదికి తీసుకెళ్లి శీతలపానీయంలో మత్తు మందు కలిపి లైంగికదాడికి తెగబడ్డాడు. వీడియో చిత్రీకరించి పిలిచినప్పుడల్లా రావాలని బ్లాక్‌మెయిల్‌ చేశాడు. ఈ ఘటన తమిళనాడులోని తిరుప్పూర్‌లో శుక్రవారం జరిగింది. సేకరించిన వివరాల ప్రకారం.. ఒడిశాకు చెందిన 25 ఏళ్ల యువతి తిరుప్పూర్‌ జిల్లా మొదలిపాలయంలోని ఓ ప్రైవేట్‌ కంపెనీలో కుట్టుపని చేస్తోంది. అదే ప్రాంతంలో పనిచేస్తున్న బిహార్‌కు చెందిన వికాష్‌ కుమార్‌ యాదవ్‌ ఆమెను పరిచయం చేసుకున్నాడు. మాయమాటలతో నమ్మించాడు. పెళ్లి చేసుకుంటానని ఆశలు రేపాడు. ఈ పరిస్థితులలో పని ముగించుకుని శుక్రవారం సాయంత్రం తన కోసం వచ్చిన యువతిని వికాష్‌ కుమార్‌ తన గదికి తీసుకెళ్లాడు. ఆమెకు తెలియకుండా శీతల పానీయంలో మత్తుమందు కలిపి ఇచ్చాడు. అది తాగిన యువతి స్పృహ కోల్పోవడంతో ఆమెపై లైంగిక దాడికి పాల్పడ్డాడు. ఆ దృశ్యాలను తన సెల్‌ఫోన్‌లో వీడియోగా చిత్రీకరించి, ఫోటోలూ తీశాడు. స్పృహలోకి వచ్చిన తర్వాత యువతి ఆందోళన చెంది తనను పెళ్లి చేసుకోవాలని వేడుకోవడంతో తనకు అప్పటికే పెళ్లయినట్టు చెప్పాడు. తను తీసిన చిత్రాలను ఆమెకు చూపి ఇక, తాను పిలిచినప్పుడల్లా రావాలని హెచ్చరించి పంపాడు. ఎవరికైనా చెబితే ఆ వీడియోను సోషల్‌ మీడియాలో వైరల్‌ చేసి పరువు తీస్తానని బెదిరించాడు. అంతే కాకుండా ఆ వీడియోను తన బంధువు ఒకరికి అతడు పంపించి పైశాచికానందం పొందాడు. దీంతో ఆ యువతి తిరుప్పూర్‌ పోలీసులను శనివారం ఆశ్రయించింది. కాంగేయం ఆల్‌ ఉమెన్‌ పోలీసులు తక్షణం రంగంలోకి దిగి వికాష్‌కుమార్‌యాదవ్‌ను అరెస్టు చేశారు. అతడి ఫోన్‌ను పరిశీలించగా అందులో ఆయువతితో గడిపిన వీడియోలతో పాటుగా మరికొన్ని అశ్లీల వీడియోలు బయటపడ్డాయి. నిందితుడు మరెవరినైనా ఈ తరహాలో వేధించాడా? అన్న అనుమానంతో విచారణ జరుపుతున్నారు.

బెంగళూరు: లైంగిక దాడి కేసులో జీవిత ఖైదు అనుభ‌విస్తున్న‌ జ‌న‌తాద‌ళ్‌ మాజీ ఎంపీ ప్రజ్వల్ రేవ‌ణ్ణ నుంచి స్వాధీనం చేసుకున్న మొబైల్ ఫోన్‌లో డజన్ల కొద్దీ అశ్లీల వీడియోలు బయటపడ్డాయి. బెంగళూరులోని పరప్పణ అగ్రహార సెంట్రల్ జైలులో ప్రజ్వల్ రేవ‌ణ్ణ ఉన్నారు. ఆగస్టు 11న క్రైమ్ బ్రాంచ్ అధికారులు జరిపిన ఆకస్మిక దాడిలో రేవణ్ణ మొబైల్ ఫోన్ వాడుతున్నట్లు గుర్తించారు. అలాగే.. ప్రజ్వల్ ఉంటున్న హై సెక్యూరిటీ బ్యారెక్ నుంచి ఛార్జర్, పెన్ డ్రైవ్, నోట్‌బుక్‌ను కూడా అధికారులు స్వాధీనం చేసుకున్నారు. స్వాధీనం చేసుకున్న ఫోన్, పెన్ డ్రైవ్‌ను ఫోరెన్సిక్ విశ్లేషణకు పంపగా.. ఫోన్‌లో డజన్ల కొద్దీ అశ్లీల వీడియోలు, పెన్ డ్రైవ్‌లో వెబ్ సిరీస్‌లు ఉన్నట్లు తేలింది.ఫోన్‌లో వాట్సాప్, వీడియో కాల్స్‌ జరిగినట్లు కాల్‌ రికార్డుల పోలీసుల పరిశీలనలో తేలింది. పలువురు మహిళలతో సంప్రదింపులు జరిగినట్లు కూడా గుర్తించారు. బెంగళూరు సెంట్రల్ జైలులో 'వీఐపి' ఖైదీలకు అందుతున్న ప్రత్యేక సౌకర్యాల అంశంపై ఈ ఘటన మరోసారి చర్చకు దారితీసింది. ఓ మహిళపై అత్యాచారానికి పాల్పడి.. ఆ లైంగిక దాడికి సంబంధించిన వీడియోలను సర్క్యులేట్ చేసిన కేసులో రేవణ్ణ గత ఏడాది దోషిగా తేలాడు.హాసన్ జిల్లా హోళేనరసీపురలోని రేవన్న కుటుంబానికి చెందిన ఫామ్‌హౌస్‌లో డొమెస్టిక్ హెల్ప్‌గా పనిచేస్తున్న ఆ బాధితురాలు.. 2021 నుంచి ప్రజ్వల్ రేవణ్ణ తనపై అనేకసార్లు అత్యాచారానికి పాల్పడ్డాడని ఆరోపించింది. ఆ దృశ్యాలను వీడియో రికార్డు చేసిన రేవణ్ణ.. ఎవరికైనా చెబితే ఆ వీడియోలను విడుదల చేస్తానంటూ బెదిరింపులకు దిగాడు. రేవణ్ణ సెల్ నుంచి ఫోన్ లభ్యం కావడంతో అధికారులు ఓ జైలు అధికారిని సస్పెండ్ చేసి దర్యాప్తునకు ఆదేశించారు. జైళ్లలో వ్యక్తిగత మొబైల్ ఫోన్లు, సిమ్ కార్డులు, ఎలక్ట్రానిక్ కమ్యూనికేషన్ పరికరాలను పూర్తిగా నిషేధించారు. కేవలం గట్టి నిఘా ఉన్న ఇన్‌స్టిట్యూషనల్ ల్యాండ్‌లైన్‌లు, పబ్లిక్ కాల్ ఆఫీసులు, నిర్దేశిత వీడియో-కాలింగ్ సిస్టమ్‌ల ద్వారా మాత్రమే కమ్యూనికేషన్ అనుమతిస్తారు.ఇదీ చదవండి: భార్య.. భర్త.. ప్రియుడు.. ముగ్గురూ మంచోళ్లే!

ఇటీవలి కాలంలో బెంగళూరు పేరు చెబితే ఐటీతో పాటు ట్రాఫిక్‌ కూడా గుర్తొస్తోంది. దేశ ఐటీ రాజధానిగా ప్రపంచ స్థాయిలో గుర్తింపు తెచ్చుకున్న ఈ నగరం.. ఇప్పుడు పెరుగుతున్న జనాభా, వాహనాల రద్దీ, ఖరీదైన ఇళ్లు, మౌలిక వసతులపై ఒత్తిడితో సతమతమవుతోంది. బెంగళూరు ఎంత వేగంగా ఎదిగిందో.. దాని సమస్యలు కూడా అదే స్థాయిలో పెరిగాయి. ఇక నగరంపై మరింత భారం మోపితే పరిస్థితి మరింత క్లిష్టంగా మారే అవకాశం ఉండటంతో.. కర్ణాటక ప్రభుత్వం కొత్త దారిని ఎంచుకుంటోంది. బెంగళూరును మాత్రమే విస్తరించడం కాకుండా.. రాష్ట్రంలోని మరో ఆరు నగరాలను కూడా ఉద్యోగాలు, పెట్టుబడులు, పరిశ్రమలకు కీలక కేంద్రాలుగా తీర్చిదిద్దేందుకు సీఎం డీకే శివకుమార్‌ సర్కార్‌ భారీ ప్రణాళికతో ముందుకెళ్తోంది.కర్ణాటక అభివృద్ధి అంటే బెంగళూరు.. బెంగళూరు అంటే ఐటీ, స్టార్టప్‌లు, గ్లోబల్‌ కంపెనీలు, లక్షలాది ఉద్యోగాలు. దశాబ్దాలుగా ఈ సమీకరణమే రాష్ట్ర ఆర్థిక వ్యవస్థకు ప్రధాన బలంగా నిలిచింది. కానీ అదే విజయంతో బెంగళూరుపై ఒత్తిడి పెరిగింది. సుమారు 1.25 కోట్ల జనాభా, 1.15 కోట్లకు పైగా వాహనాలు నగరం ఎదుర్కొంటున్న భారాన్ని స్పష్టంగా చెబుతున్నాయి. ఉద్యోగాలు బెంగళూరులోనే కేంద్రీకృతం కావడంతో ఇతర ప్రాంతాల నుంచి నగరానికి వలసలు పెరుగుతున్నాయి. ఫలితంగా ట్రాఫిక్‌, నివాస వ్యయం, ప్రజా రవాణా, మౌలిక వసతులపై ఒత్తిడి మరింత తీవ్రమవుతోంది.ఈ సమస్యకు డీకేఎస్‌ ప్రభుత్వం చూపిస్తున్న పరిష్కారం.. బెంగళూరును తగ్గించడం కాదు.. బెంగళూరు వెలుపల అవకాశాలను పెంచడం. ఇటీవల 100 రోజుల పాలన పూర్తయిన సందర్భంగా డీకే శివకుమార్‌ ఇదే దిశలో తన ఆలోచనను స్పష్టం చేశారు. రాష్ట్ర అభివృద్ధి కథ కేవలం రాజధాని చుట్టూనే తిరగకూడదని పేర్కొంటూ.. ‘బియాండ్‌ బెంగళూరు’ వ్యూహానికి మరింత ఊపు ఇచ్చారు. ఈ ప్రణాళికలో మైసూరు, మంగళూరు, హుబ్బళ్లి-ధార్వాడ్‌-బెలగావి, తుమకూరు, కలబురగి, శివమొగ్గ కీలకంగా మారనున్నాయి. ఒక్కో ప్రాంతానికి ఉన్న ప్రత్యేకతను బట్టి ఐటీ, తయారీ, ఏఐ, సెమీకండక్టర్లు, ఏరోస్పేస్‌, డిఫెన్స్‌, ఈవీ, డిజిటల్‌ ఎకానమీ వంటి రంగాల్లో పెట్టుబడులను ఆకర్షించి.. అక్కడే ఉద్యోగాలు సృష్టించాలన్నది ప్రభుత్వ లక్ష్యం.మైసూరుపై భారీ ఆశలుబెంగళూరుకు సుమారు 140 కిలోమీటర్ల దూరంలో ఉన్న మైసూరును కర్ణాటకలో రెండో ప్రధాన ఐటీ నగరంగా తీర్చిదిద్దాలని ప్రభుత్వం లక్ష్యంగా పెట్టుకుంది. ఇప్పటికే విద్య, పర్యాటకం, టెక్నాలజీ రంగాల్లో ఉన్న బలాన్ని ఉపయోగించుకుని మరిన్ని కంపెనీలను ఆకర్షించాలన్నది ప్రణాళిక. 2030 నాటికి మైసూరు నుంచి 10 బిలియన్‌ డాలర్ల డిజిటల్‌ ఆదాయం, కనీసం 1.5 లక్షల ఉద్యోగాలు సృష్టించాలన్నది రాష్ట్ర ప్రభుత్వ లక్ష్యం.మంగళూరుకు మరో గుర్తింపుతీర ప్రాంతానికి కీలక నగరమైన మంగళూరుకు పోర్టు, విద్య, వైద్యం, బ్యాంకింగ్‌, మత్స్య పరిశ్రమ, పర్యాటకం వంటి రంగాల్లో ఇప్పటికే బలమైన పునాది ఉంది. దీనికి టెక్నాలజీ, డేటా సెంటర్లు, డిజిటల్‌ ఎకానమీని జోడించి కొత్త పెట్టుబడులను తీసుకురావాలని ప్రభుత్వం చూస్తోంది. అంటే తీర ప్రాంత యువత ఉద్యోగాల కోసం తప్పనిసరిగా బెంగళూరుకు వెళ్లాల్సిన పరిస్థితిని తగ్గించాలన్నమాట.ఉత్తర కర్ణాటకకు టెక్నాలజీ బూస్ట్‌హుబ్బళ్లి-ధార్వాడ్‌-బెలగావి ప్రాంతాన్ని ఇంజినీరింగ్‌, తయారీ, ఆర్టిఫిషియల్‌ ఇంటెలిజెన్స్‌, సెమీకండక్టర్‌ సంబంధిత రంగాలు, ఏరోస్పేస్‌, డిఫెన్స్‌, డ్రోన్లు, ఎలక్ట్రిక్‌ వాహనాల కేంద్రంగా అభివృద్ధి చేయాలని ప్రభుత్వం భావిస్తోంది. ఇప్పటికే ఉన్న స్టార్టప్‌ వాతావరణాన్ని మరింత బలోపేతం చేసి ఉత్తర కర్ణాటకలోనే పెద్ద సంఖ్యలో ఉద్యోగాలు సృష్టించాలన్నది లక్ష్యం. తూమకూరు, దొడ్డబళ్లాపురంను పారిశ్రామిక కేంద్రాలుగా అభివృద్ధి చేయాలని చూస్తుండగా.. చారిత్రకంగా వెనుకబడిన కల్యాణ కర్ణాటక ప్రాంతంలో టెక్నాలజీ, పరిశ్రమల పెట్టుబడులను పెంచడంపై దృష్టి పెట్టారు. కలబురగి, బెలగావి, హుబ్బళ్లి-ధార్వాడ్‌, మంగళూరు, మైసూరులో ఐదు గ్లోబల్‌ టెక్నాలజీ సెంటర్ల ప్రతిపాదన కూడా ఉంది.అయితే ఇక్కడే అసలు సవాల్‌ ఉంది. ప్రాజెక్టులకు ఆమోదం లభించడం ఒక ఎత్తయితే.. అవి వాస్తవంగా ఏర్పాటై ఉద్యోగాలు కల్పించడం మరో ఎత్తు. గత ‘బియాండ్‌ బెంగళూరు’ కార్యక్రమంలో 2021-22 నుంచి 2024-25 మధ్య మైసూరు, మంగళూరు, హుబ్బళ్లి–ధార్వాడ్‌ క్లస్టర్లలో దాదాపు 5,600 ఉద్యోగాలే వచ్చాయి. ఇప్పుడు ప్రభుత్వం చెబుతున్న లక్ష్యాలు దీనితో పోలిస్తే చాలా పెద్దవి. బెంగళూరు కర్ణాటకకు కిరీటం అయితే.. ఆ కిరీటం భారాన్ని మోయడానికి మరిన్ని నగరాలను సిద్ధం చేయాలన్నదే డీకేఎస్‌ సర్కార్‌ కొత్త వ్యూహం.ఇదీ చదవండి: కాంగ్రెస్‌కు బిగ్‌ షాక్‌.. మాజీ సీఎం రాజీనామా

బెంగళూరు: ప్రియుడు ఫోన్‌ చేయడం లేదు, ఆమె కాల్‌ చేసినా స్పందించడం లేదు.. దీంతో బాధకు లోనై ఇద్దరు పిల్లల తల్లి ఆత్మహత్య చేసుకున్న సంఘటన బాగలకోటలోని బాంబే కాలనీలో జరిగింది. మొబైల్‌ సంబంధాల మాయలో తరిగిపోతున్న కుటుంబ బాంధవ్యాలకు ఈ సంఘటన ప్రతిబింబిస్తోంది. వివరాలు.. మెహబూబ్‌ బీ (27) మృతురాలు. ఈమె స్థానికంగా ఉంటున్న ఒక యువకునితో సంబంధం కలిగి ఉంది.కొన్నిరోజులుగా అతడు ఈమెకు కాల్‌ చేయకపోగా, ఈమె ఫోన్‌ చేస్తే మాట్లాడడం లేదు. దీంతో మెహబూబ్‌ బీ సెల్ఫీ వీడియో తీసి తాను ఆత్మహత్య చేసుకుంటున్నానని అతనికి పంపింది. నాతో మాట్లాడకపోతే నీ పేరు రాసి ఆత్మహత్య చేసుకుంటానని వాట్సాప్‌ మెసేజ్‌ కూడా పంపింది. అయినప్పటికీ అతడు పట్టించుకోలేదు. విరక్తి చెందిన మెహబూబ్‌ బీ ఇంట్లో ఉరివేసుకుని ఆత్మహత్య చేసుకుంది. నవనగర పోలీసులు కేసు నమోదు చేసుకున్నారు.

బెంగళూరు: చిత్రదుర్గ రేణుకాస్వామి హత్య కేసులో నిందితుడు, నటుడు దర్శన్‌ కోర్టుకు హాజరు కావడానికి అనుమతించాలని ఆయన తరఫు న్యాయవాది హైకోర్టులో పిటిషన్‌ దాఖలు చేశారు. న్యాయమూర్తి జస్టిస్‌ వి.శ్రీశానంద విచారించారు. సాక్షుల విచారణ సమయంలో నిందితుడు దర్శన్‌ కోర్టులో స్వయంగా హాజరు కావాలని ఆయన న్యాయవాది వాదించారు. జడ్జి స్పందిస్తూ దర్శన్‌ను కోర్టుకు తీసుకొస్తే పోలీసు భద్రత ఇవ్వాల్సి ఉంటుంది, జనం రద్దీని అడ్డుకోవడం కష్టమని అన్నారు. వీలైతే పరప్పన అగ్రహార జైలులోనే విచారణ జరపవచ్చు. వ్యక్తిగత హాజరు కంటే వీడియో కాన్ఫరెన్స్‌ ద్వారా విచారణ చాలా సులువుగా ఉంటుందని తెలిపారు. ఇరువర్గాలూ మాట్లాడుకుని ఒక తీర్మానానికి రావాలని, వాయిదాలకు ప్రతిసారీ నిందితులు రావాల్సిన అవసరం లేదని జడ్జి చెప్పడం గమనార్హం. వన్యప్రాణుల కేసు? మైసూరు జిల్లా టి నరసీపుర రోడ్డులో ఉన్న దర్శన్‌ ఫౌంహౌస్‌లో గతంలో అరుదైన పక్షులు, వన్యజీవులు ఉన్నట్లు వీడియోలు వచ్చాయి. అటవీశాఖ నిబంధనలకు విరుద్ధం కావడంతో కేసులు నమోదయ్యే అవకాశం ఉంది.

● ప్రజాపనుల శాఖ మంత్రి సతీశ్‌ జార్కిహొళి బనశంకరి: తమ సంస్థల వార్షిక ఆర్థిక లావాదేవీలు రూ.2 వేల కోట్లకు పైగా ఉంటుంది, ప్రస్తుతం చిక్కింది రూ.2 కోట్లు మాత్రమే, అది మాకు పెద్ద మొత్తం కాదని ప్రజాపనుల శాఖ మంత్రి సతీశ్‌ జార్కిహొళి తెలిపారు. శుక్రవారం నగరంలో విలేకరులతో ఆయన మాట్లాడారు. తమ కుటుంబ సభ్యులకు చెందిన సంస్థలపై ఈడీ దాడి, కేంద్ర దర్యాప్తు సంస్థల దుర్వినియోగం, దాడి వెనుక రాజకీయ ఉద్దేశాలపై తీవ్ర అసంతృప్తిని వ్యక్తం చేశారు. రూ.2 కోట్ల సొమ్ము మాదే. దానిని చట్టబద్ధంగా క్లెయిమ్‌ చేశాం. ఐటీ శాఖకు ఇప్పటికే అన్ని ఆధారాలు అందించాం. ఈడీ అడిగినా అవసరమైన ఆధారాలు అందిస్తాం. నేను ఎక్కడా కులం విషయం తెచ్చి సమర్థించుకోలేదు. నేను ఎలాంటి తప్పు చేయలేదు. దీనిని పూర్తిగా చట్టపరంగా ఎదుర్కొంటామని స్పష్టం చేశారు. గత పదేళ్ల నుంచి కేవలం విపక్ష నేతలను టార్గెట్‌గా చేసుకుని దాడి చేస్తున్నారని కేంద్రప్రభుత్వంపై ఆగ్రహం వ్యక్తం చేశారు. బీజేపీ నేతలపై ఇలాంటి దాడులు ఎందుకు చేయలేదని ప్రశ్నించారు. ఈడీ దర్యాప్తుకు పూర్తిగా సహకరిస్తాం, నోటీస్‌ ఇచ్చినా చట్టబద్ధంగా సమాధానమిస్తాం అని తెలిపారు.

హొసపేటె: నగరంలో నూతనంగా నిర్మించిన 250 పడకల జిల్లా ఆస్పత్రిలో పూర్తిస్థాయి వైద్య సదుపాయాలు, అవసరమైన పరికరాలు, సిబ్బందిని సమకూర్చిన తర్వాతే ప్రారంభించాలి. తొందర పాటుతో ప్రారంభించి ప్రజలకు అసౌకర్యం కలిగించవద్దని కర్ణాటక రక్షణ వేదిక (స్వాభిమాని సేన) కోరింది. కలెక్టర్‌ కవితా ఎస్‌ మన్నికేరికి వినతిపత్రం అందజేసింది. సంస్థ జిల్లా అధ్యక్షుడు తారిహళ్లి హనుంతప్ప మాట్లాడుతూ.. కొత్త జిల్లా ఆస్పత్రిని నిర్మించి చాలా సంవత్సరాలు గడిచినా, అది పూర్తిస్థాయిలో పని చేయడం లేదన్నారు. అవసరమైన వైద్య పరికరాలు కొన్ని మాత్రమే వచ్చాయని.. స్క్యానింగ్‌, ఎంఆర్‌ఐ తదిత ముఖ్యమైన సౌకర్యాల కొరత ఉందని తెలిపారు. అవసరమైన పరికరాలు, వైద్యులు, నర్సులు, సాంకేతిక సిబ్బందిని పూర్తి స్థాయిలో నియమించుండా ఆస్పత్రిని ప్రారంభించడం సరికాదన్నారు. దూర ప్రాంతాల నుంచి వచ్చే రోగులకు చికిత్స అందకుండా వేరే చోట్లకు పంపించే పరిస్థితి ఉండకూడదని పేర్కొన్నారు. అన్ని సౌకర్యాలు కల్పించాక ముఖ్యమంత్రి ఆస్పత్రిని ప్రారంభించాలని డిమాండ్‌ చేశారు. కార్యక్రమంలో ఎన్‌.హెచ్‌ శ్రీనివాస్‌, ఈడిగ రమేష్‌, ఎస్‌.ఎం.జాఫర్‌ రుద్రప్ప, ప్రశాంత నాయక్‌, సలీం అమీర్‌, విరుపాక్షి, ముస్తఫా, అస్లాం, భీమన్న, శామ, సీమ, సుంకమ్మ తదితరులు పాల్గొన్నారు.

శివాజీనగర: దేశ అటవీ సంపదను కాపాడేది మీరే. వన్యప్రాణులతో ఘర్షణల కారణంగా చాలా మంది సిబ్బంది ప్రాణాలు కోల్పోయారు. శాఖ సిబ్బంది భత్యాలపై మంత్రి అభ్యర్థనను పరిశీలిస్తాం. ఆర్థిక శాఖతో చర్చించి, నిర్ణయం తీసుకుంటాం అని సీఎం డీ.కే.శివకుమార్‌ అన్నారు. మల్లేశ్వరంలోని ఫారెస్ట్‌ హాల్‌లో శుక్రవారం జరిగిన జాతీయ అటవీ అమరవీరుల దినోత్సవంలో ఆయన పాల్గొని మాట్లాడారు. నాకు అడవితో చాలా సన్నిహిత సంబంధం ఉంది. మా గ్రామం, ఇల్లు, పొలం పనులు అన్నీ అడవితో ముడిపడి ఉన్నాయన్నారు. అభివృద్ధి పనులకు అడ్డుపడకూడదు సామాన్య ప్రజలు పోలీసులను అంగీకరిస్తారు. వారు అటవీ శాఖ సిబ్బందిని అంగీకరించరు. అటవీ శివార్లలోని ప్రజలతో స్నేహపూర్వక వాతావరణాన్ని సృష్టించండి. అటవీ ఆక్రమణలను చట్ట ప్రకారం పరిష్కరిద్దాం. ప్రజలను ఒత్తిడి చేయవద్దు. అటవీ శాఖ అధికారులు అభివృద్ధి పనులకు అడ్డు రాకూడదు. కొన్ని మినహాయింపులు ఇవ్వాలని ఆయన అన్నారు. అక్రమ ఆయుధాలను అప్పగించండి లైసెన్స్‌ లేకుండా అక్రమంగా కలిగి ఉన్న ఆయుధాలను నవంబర్‌ 1వ తేదీలోగా ప్రభుత్వానికి అప్పగించాలి. లేకుంటే కఠిన చర్యలు తీసుకుంటామని సీఎం అన్నారు. అటవీ అధికారులు టేకు సిరి ప్రాజెక్టు విజయవంతానికి కృషి చేయాలన్నారు. కస్తూరి రంగన్‌ నివేదిక అమలులో తమకొక న్యాయం, కేరళకు ఒక న్యాయం కల్పించిన ఈ విషయంపై చర్చించేందుకు ప్రత్యేక సమావేశం ఏర్పాటు చేస్తామన్నారు. జీతభత్యాల పెంపుపై ఆర్థిక శాఖతో చర్చించి నిర్ణయిస్తాం అటవీ అమరవీరుల దినోత్సవంలో సీఎం డీ.కే.శివకుమార్‌

గజరాజులకు శిక్షణ సమయంలో గుమిగూడిన ప్రజలు ఇష్టానుసారంగా ప్రవర్తిస్తున్నారు. ప్రజలు రీల్స్‌, ఫోటోలు, వీడియోలు తీయడానికి వెర్రిగా ప్రయత్నిస్తున్నారు. గజరాజులు వెళ్లే రోడ్లపై గుమిగూడిన జనసమూహాన్ని నియంత్రించడం ఇప్పుడు అధికారులకు పెద్ద తలనొప్పిగా మారింది. ప్రజల అరుపులు, ఈలలు, కేకలతో ఏనుగులు ఆగ్రహానికి గురైతే పెనుప్రమాదం తప్పదు. మైసూరు: ఈసారి జంబూసవారీలో పాల్గొనే గజరాజులకు శిక్షణ ఇవ్వడం అటవీ శాఖ అధికారులకు, పోలీసులకు ఎప్పుడూ ఆందోళన కలిగిస్తూనే ఉంది. ఏనుగులను చూసేందుకు ప్రతిరోజూ వేలాది మంది గుమిగూడి రీల్స్‌, ఫోటోలు, వీడియోలు తీయడమే దీనికి కారణం. ప్రజల ఈ ప్రవర్తనతో గజపడె ఇప్పుడు నిరంతరం చికాకుకు గురవుతోంది. అంబావిలాస్‌ ప్యాలెస్‌ నుంచి బన్ని మంటప వరకు 9 ఏనుగులు ప్రతి రోజు ఉదయం, సాయంత్రం నడక శిక్షణ పొందుతున్నాయి. మహేంద్ర, ధనంజయలకు ఇప్పటికే ఒక్కొక్కదానికి 700 కిలోల బరువు మోసేలా శిక్షణ ఇచ్చారు. మిగిలిన మగ ఏనుగులకు కూడా 1,000 కిలోల బరువు మోసేలా కూడా శిక్షణ ఇవ్వాల్సి ఉంది. కానీ ఈసారి జంబు సవారీ మార్గంలో మునుపెన్నడూ లేనంతగా జనం పోటెత్తుతున్నారు. ఏనుగుల గుంపుకు ఇస్తున్న శిక్షణను వీడియో తీస్తూ, ఫోటోలు తీసుకుంటూ, వాటి ముందు, వెనుక, పక్కన నిలబడి రీల్స్‌ తీసేవారి సంఖ్య పెరుగుతోంది. ఏనుగులను ఇబ్బంది పెట్టొద్దని విజ్ఞప్తి ప్రతి ఒక్కరూ ఈ దృశ్యాలను తమ మొబైల్‌ ఫోన్లలో బంధించడానికి ప్రయత్నిస్తున్నారు. గుంపును దగ్గరగా చూసి, ఈలలు వేస్తూ, అరుస్తూ, గట్టిగా కేకలు వేస్తూ పెద్ద శబ్దం చేస్తున్నారు. ఏనుగుల వెనుక, ముందు, పక్కన వాటి మావటీలు, కావడీలు, అటవీ శాఖ సిబ్బంది, పోలీసులు తిరుగుతున్నారు. కానీ ప్రజలను ఏనుగుల దగ్గరకు రాకుండా నిరోధించడం, వాటి అతిక్రమణలను నియంత్రించడం ఇప్పుడు అధికారులకు పెద్ద తలనొప్పిగా మారింది. గజపడె శిక్షణ సమయంలో దూరంగా నిలబడండి, సంయమనంతో ప్రవర్తించండి, ఏనుగులను ఇబ్బంది పెట్టవద్దు అని అటవీ శాఖ మంత్రి రామలింగారెడ్డి, అధికారులు ప్రజలకు విజ్ఞప్తి చేశారు. సోషల్‌ మీడియాలో దసరా గజపడెకు సంబంధించిన పాత ఫోటోలు, వీడియోలను అప్‌లోడ్‌ చేసి గందరగోళం సృష్టించి నియమాలను ఉల్లంఘించిన వారిపై కఠిన చర్యలు తీసుకుంటామని వారు హెచ్చరించారు.

దొడ్డబళ్లాపురం/బనశంకరి: బెంగళూరు దక్షిణ జిల్లా పరిధిలోని రామనగర తాలూకా దొడ్డేరి ఫాంహౌస్‌లో వెలుగు చూసిన నకిలీ మందుల తయారీ మాఫియా కేసుకు సంబంధించి ప్రత్యేక దర్యాప్తు బృందం(సిట్‌) అధికారులు దర్యాప్తు ముమ్మరం చేశారు. సిట్‌, డ్రగ్‌ కంట్రోల్‌ డిపార్ట్‌మెంట్‌ అధికారులు ఆరు రాష్ట్రాల్లో 10 చోట్ల ఏకకాలంలో దాడులు చేశారు. కర్ణాటక, హిమాచల్‌ప్రదేశ్‌, హరియాణ, తమిళనాడు, మహారాష్ట్ర, తెలంగాణల్లో ఈ దాడులు చేపట్టారు. సుమారు 100 మంది అధికారులు ఈ దాడుల్లో పాల్గొన్నారు. ఒక్కో ప్రదేశం నుంచి ఒక్కో రకమైన మందులు దిగుమతి చేసుకుని, వివిధ చోట్ల పలు రకాల మందులను నిల్వ చేస్తున్నట్టు సిట్‌ అధికారులు గుర్తించారు. ఈ మాఫియాకు కింగ్‌పిన్‌గా ఉన్న ప్రశాంత్‌ పలువురు డీలర్ల నుంచి నకిలీ మందులు తెప్పించుకుని పేరొందిన ఆస్పత్రులకు మార్కెట్‌ ధర కంటే తక్కువకు విక్రయించేవారని దర్యాప్తులో తేలింది. నకిలీముఠాలో నిందితునిగా ఉన్న ప్రశాంత్‌, అతడి గ్యాంగ్‌తో సంబంధాలు కలిగిన వీరేశ్‌కుమార్‌ ఇళ్లు, కార్యాలయం, మినర్వా సర్కిల్‌ వద్ద కృపా హెల్త్‌ కేర్‌పై సిట్‌ అధికారులు శుక్రవారం దాడి చేశారు. ఏడాది నుంచి వీరేశ్‌, ప్రశాంత్‌ ఈ దందాలో భాగస్వాములుగా ఉన్నట్లు తెలిసింది. ఆస్పత్రులకు, మందుల షాపులకు మందులు సరఫరా చేసే రెప్రజెంటేటివ్‌లకు అధిక కమీషన్ల ఆశ చూపి ఈ నకిలీ మందులు విక్రయించేవారని వెల్లడైంది. సుమారు 15 మంది రెప్రజెంటేటివ్‌లు ఈ దందాలో ఉన్నట్టు గుర్తించారు. బెంగళూరు మినర్వా సర్కిల్‌లో ఉన్న గోడౌన్‌ నుంచి మహారాష్ట్ర, గుజరాత్‌ తదితర రాష్ట్రాలకు కూడా ఈ నకిలీ మందులు సరఫరా చేసేవారు. థైరాయిడ్‌ మందులు, విటమిన్‌ టాబ్లెట్లు, వివిధ రకాల ఇంజెక్షన్లు కూడా నకిలీవి తయారు చేసి నిజమైన మందులుగా ప్రముఖ కంపెనీల లేబుల్స్‌ అతికించి విక్రయించేవారని సమాచారం. వీరేశ్‌కుమార్‌ ఇళ్లు, కృపా హెల్త్‌కేర్‌ సంస్థ నుంచి నకిలీ ఔషధాల బిల్లులను స్వాధీనం చేసుకున్నట్లు అధికారులు తెలిపారు. 6 రాష్ట్రాల్లో ఏకకాలంలో సిట్‌ అధికారుల దాడులు