Tamil Nadu

చెన్నై: తమిళనాడు ముఖ్యమంత్రి, టీవీకే అధినేత విజయ్‌ నిరుద్యోగులకు తీపి కబురు అందించారు. ప్రభుత్వ ఉద్యోగాల కోసం పోటీపడుతున్న అభ్యర్థులకు భారీ ఊరటనిస్తూ కీలక నిర్ణయం తీసుకున్నారు. ప్రభుత్వ ఉద్యోగ నియామక పరీక్షలకు దరఖాస్తు చేసుకునే అభ్యర్థులకు గరిష్ఠ వయోపరిమితిలో ఐదేళ్లపాటు సడలింపు ప్రకటించారు. ఈ నిర్ణయంతో వయోపరిమితి కారణంగా ఇప్పటివరకు ఉద్యోగ పరీక్షలకు దూరమైన వేలాది మంది అభ్యర్థులకు మరో అవకాశం లభించనుంది.ప్రభుత్వ ఉద్యోగ ఆశావహుల నుంచి వచ్చిన విజ్ఞప్తులను పరిగణనలోకి తీసుకుని ఈ నిర్ణయం తీసుకున్నట్లు ప్రభుత్వం అధికారిక ప్రకటన వెల్లడించింది. ఇప్పటికే అమల్లో ఉన్న వయోపరిమితి సడలింపులకు అదనంగా ఈ ఐదేళ్ల మినహాయింపు వర్తించనుంది.గ్రూప్స్‌ అభ్యర్థులకు భారీ ఊరటతాజా నిర్ణయం ప్రకారం గ్రూప్‌-1 ఉద్యోగాలకు జనరల్‌ కేటగిరీ అభ్యర్థుల గరిష్ఠ వయోపరిమితి 32 ఏళ్ల నుంచి 37 ఏళ్లకు పెరగనుంది. రిజర్వేషన్‌ కేటగిరీ అభ్యర్థులకు 37 ఏళ్ల నుంచి 42 ఏళ్లకు పెంచారు. దివ్యాంగ అభ్యర్థుల్లో జనరల్‌ కేటగిరీ వారికి 42 నుంచి 47 ఏళ్లకు, రిజర్వేషన్‌ కేటగిరీ వారికి 47 నుంచి 52 ఏళ్లకు వయోపరిమితిని పెంచారు. అలాగే, గ్రూప్‌-2 ఉద్యోగాలకు జనరల్‌ కేటగిరీ అభ్యర్థుల వయోపరిమితిని 30 నుంచి 35 ఏళ్లకు పెంచారు. జనరల్‌ కేటగిరీకి చెందిన దివ్యాంగ అభ్యర్థులకు 40 నుంచి 45 ఏళ్లకు పెంచుతూ నిర్ణయం తీసుకున్నారు. ఈ ఉద్యోగాలకు రిజర్వేషన్‌ కేటగిరీ అభ్యర్థులకు ఇప్పటికే గరిష్ఠ వయోపరిమితి లేదు.కాగా, ఈ కొత్త నిబంధనలు ఐదేళ్లపాటు అమల్లో ఉంటాయి. దీంతో తమిళనాడులో ప్రభుత్వ ఉద్యోగాల కోసం సిద్ధమవుతున్న అభ్యర్థులకు పోటీ పరీక్షల్లో పాల్గొనేందుకు మరింత సమయం, అవకాశాలు లభించనున్నాయి.ఇదీ చదవండి: ఉత్తరాఖండ్ హెలికాప్టర్ ప్రమాదం.. వైరలవుతున్న చివరి సెల్ఫీ !

సాక్షి, చైన్నె : రాష్ట్రంలో నిత్యావసర వస్తువుల ధరల పెరుగుదలను అరికట్టి, సామాన్య ప్రజలకు ఉపశమనం కలిగించేందుకు తమిళనాడు ప్రభుత్వం మరో కీలక నిర్ణయం తీసుకుంది. నాణ్యమైన 10 రకాల వస్తువులతో కూడిన ప్రత్యేక సరుకుల ప్యాకేజీ విక్రయాలను రూ.200లకే అందుబాటులోకి తెచ్చింది. చైన్నెలోని రెడ్‌హిల్స్‌లోని సహకార సూపర్‌ మార్కెట్‌లో శుక్రవారం జరిగిన కార్యక్రమంలో సహకార శాఖ మంత్రి గాంధీరాజ్‌ ఈ ప్రత్యేక సరుకుల ప్యాకేజీ విక్రయాలను ప్రారంభించి, తొలి 100 మంది లబ్ధిదారులకు సరుకులు అందజేశారు. 128 సహకార విక్రయ కేంద్రాల ద్వారా ఈ కిట్లను విక్రయించనున్నారు. ఈ ప్యాకేజీలో శనగపప్పు 250 గ్రాములు, పెసరపప్పు 250 గ్రాములు, ఎండుమిర్చి 100 గ్రాములు, ధనియాలు 150 గ్రాములు, వెల్లుల్లి 150 గ్రాములు, చింతపండు 250 గ్రాములు, ఆవాలు 100 గ్రాములు, మినపప్పు (పొట్టు తీసినవి) 100 గ్రాములు, జీలకర్ర 50 గ్రాములు, సోంపు 50 గ్రాములు ఉన్నాయి. తొలిదశలో చైన్నెతో పాటు ధర్మపురి, తిరువారూర్‌, పుదుక్కోటై, తంజావూరు, శివగంగ, నాగపట్నం, విల్లుపురం జిల్లాల్లో ఈ విక్రయాలు ప్రారంభమయ్యాయి. శని, ఆది, సోమవారం నాటికి రాష్ట్ర వ్యాప్తంగా అన్ని జిల్లాల్లో ఈ ప్యాకేజీ అందుబాటులోకి రానుంది.

సాక్షి, చైన్నె: ప్రైవేట్‌ పాఠశాలలకు గుర్తింపు అనుమతులు మంజూరు చేసేందుకు రూ.400 కోట్ల లంచాలు తీసుకున్నారనే ఆరోపణల కేసులో అరెస్టయిన మాజీ డీఎంకే మంత్రి అన్బిల్‌ మహేష్‌ను 5 రోజుల పాటు పోలీసు కస్టడీకి ఇవ్వాలని చైన్నె సెంట్రల్‌ క్రైమ్‌ బ్రాంచ్‌ పోలీసులు పిటిషన్‌ దాఖలు చేశారు. ఈ పిటిషన్‌ న్యాయమూర్తి ఎల్‌.ఎస్‌.సత్యమూర్తి ఎదుట విచారణకు వచ్చింది. ఈ క్రమంలో పుళల్‌ జైలులో ఉన్న అన్బిల్‌ మహేష్‌ను కోర్టులో హాజరుపరిచారు. ఆయన తరఫు న్యాయవాదుల అబుదు కుమార్‌ రాజరత్నం, రిచర్డ్‌సన్‌ విల్సన్‌ వాదనలు వినిపించారు. అరెస్టుకు ముందే అధికారులు సెప్టెంబర్‌ 18న 8 గంటల పాటు అన్బిల్‌ మహేష్‌ను ప్రశ్నించారని, 200కు పైగా ప్రశ్నలకు సమాధానమిచ్చి పూర్తి సహకారం అందించామని తెలిపారు. మళ్లీ కస్టడీలోకి తీసుకోవాల్సిన అవసరం లేదని వాదించారు. పాఠశాలల గుర్తింపును ప్రతి 20 ఏళ్లకు ఒకసారి పునరుద్ధరించాలనే నిబంధనను ప్రభుత్వ ఉత్తర్వుల ద్వారానే తెచ్చారని, ప్రతిపాదన కోరిన సంఘాల ప్రతినిధులే ఇప్పుడు సాక్షులుగా మారారని పేర్కొన్నారు. జైలు సౌకర్యాలు – ఆరోగ్యం: జైలులో సరైన ఆహారం అందించకపోవడం వల్ల మహేష్‌ 2 నుంచి 4 కిలోల బరువు తగ్గారని వెల్లడించారు. నేరం రుజువయ్యే వరకు ఆయన నిర్దోషి అని, అన్బిల్‌ మహేష్‌ కుటుంబం రాష్ట్రం కోసం కృషి చేసిందని, వారిని మానవత్వంతో చూడాల్సిన అవసరం ఉందన్నారు. మహేష్‌కు ఇంటి భోజనం మందులు అందించాలని సుప్రీం కోర్టు తీర్పులను ఉటంకిస్తూ కోరారు. పోలీస్‌ శాఖ తరఫున అదనపు క్రిమినల్‌ లాయర్‌ ఉషారాణి, దర్యాప్తు అధికారి సెంథిల్‌ వాదిస్తూ లొంగిపోయిన మాజీ ఎమ్మెల్యే ముత్తుకుమార్‌ అజ్ఞాతంలో ఉన్నప్పుడు ఏం జరిగింది? లంచం రూపంలో వచ్చిన డబ్బు ఎక్కడికి వెళ్లింది? అనే వివరాలు రాబట్టాల్సి ఉందని కోర్టుకు తెలిపారు. అన్బిల్‌ మహేష్‌, ఆయన కుటుంబ సభ్యులు, బంధువుల పేర్లపై ఉన్న ఆస్తులు, బినామీ వివరాలపై విచారణ జరపాల్సి ఉన్నందున 5 రోజుల కస్టడీ ఇవ్వాలని కోరారు. జైలులో తగిన వైద్య సౌకర్యాలు అందిస్తున్నామని, ఇంటి భోజనం అనుమతించే అంశంపై స్పందించడానికి సమయం కావాలని పోలీసులు కోర్టును కోరారు. ఈ క్రమంలో కోర్టు విచారణను నవంబర్‌ 2వ తేదీకి వాయిదా వేసింది.

సాక్షి, చైన్నె : కొడైకనాల్‌ కొండల్లో కొండచరియలు విరిగిపడిన ప్రదేశాల్లో కేంద్ర భూగర్భ సర్వే బృందం దర్యాప్తు, అధ్యయనం చేపట్టింది. కొన్ని రోజులుగా దిండిగల్‌ జిల్లాలోని కొడైకనాల్‌ ప్రాంతంలో కురుస్తున్న భారీ వర్షాల కారణంగా అనేక చోట్ల కొండచరియలు విరిగిపడ్డాయి. రాళ్లు దొర్లుకుంటూ వచ్చి ప్రధాన రహదారులపై పడడంతో రాకపోకలకు తీవ్ర విఘాతం ఏర్పడింది. ముఖ్యంగా, వరదల కారణంగా పెరుమాళ్‌మలై – ఉత్తకుం – పెరియకుళం పర్వత మార్గంలోని రోడ్లు పూర్తిగా మూసుకుపోయాయి. దీనివల్ల పలు కొండ గ్రామాలకు రాకపోకలు స్తంభించాయి. గతంలో ఎన్నడూ లేని విధంగా ఈ వర్షాలకు పరిస్థితులు చోటు చేసుకోవడంతో జియోలాజికల్‌ సర్వే బృందం రంగంలోకి దిగింది. ప్రస్తుతం కొండచరియలు విరిగిపడిన ప్రాంతాల్లో పునరావాస పనులు వేగంగా జరుగుతున్నాయి. కొండచరియలు విరిగిపడటానికి గల కారణాలు, భవిష్యత్తులో తీసుకోవాల్సిన నివారణ చర్యలు, సహాయక పనులను కేంద్ర భూగర్భ సర్వే బృందం కొడైకనాల్‌ రెవెన్యూ శాఖ సహకారంతో సమీక్షిస్తోంది. ఈ బృందం కొడైకనాల్‌, ఉత్తకం , పరిసర ప్రాంతాలలో క్షేత్రస్థాయి పరిశీలన చేస్తోంది. 15 ప్రమాదకర ప్రాంతాల గుర్తింపు తాజాగా తమిళనాడు రాష్ట్ర విపత్తు నిర్వహణ కమిటీ కొడైకెనాల్‌ కొండల్లో ప్రత్యేక సర్వే నిర్వహించింది. ఈ సర్వేలో కొడైకెనాల్‌ సమీపంలోని కురుసరడి, సవారిక్కాడు, గొంబాయిక్కడు సహా మొత్తం 15 ప్రాంతాల్లో భవిష్యత్తులో కూడా కొండచరియలు విరిగిపడే ప్రమాదం ఎక్కువగా ఉందని గుర్తించారు. ఈ పరిణామాల నేపథ్యంలో తాజాగా జియోలాజికల్‌ బృందం సర్వే జరుగుతుండడం గమనార్హం. పర్యాటక రంగంలో ప్రసిద్ధి చెందిన కొడైకెనాల్‌ గత వారం వర్షాలకు అతలాకుతలమైనా, తాజాగా కోలుకుంటోంది.

సాక్షి, చైన్నె: పసుం పొన్‌ ముత్తు రామలింగం దేవర్‌ గురు పూజోత్సవాన్ని శుక్రవారం రాష్ట్రంలో వాడవాడలా ఘనంగా జరుపుకున్నారు. దేవర్‌ సామాజికవర్గ ప్రజలు ఈ వేడుకను కోలాహలంగా జరుపుకున్నారు. ర్యాలీలు, ఊరేగింపులతో హోరెత్తించారు. రామనాథపురం జిల్లా కౌముదిలోని పసుం పొన్‌ గ్రామానికి ప్రజలు పెద్ద సంఖ్యలో తరలివచ్చారు. ఆయన స్మారక మందిరంలో నివాళులర్పించారు. రాష్ట్రంలోని దక్షిణాది జిల్లాల్లో అత్యధిక జనాభా కలిగిన ముక్కుళత్తూరు సామాజికవర్గ ప్రజల ఆరాధ్యుడే కాదు, ఆధ్యాత్మిక, రాజకీయవేత్తగా పసుం పొన్‌ ముత్తు రామలింగ దేవర్‌ అందరికీ సుపరిచితులు. ఆయన జయంతి, వర్ధంతి ఒకే రోజు కావడంతో గురు పూజోత్సవంగా వేడుకల్ని మూడు రోజుల పాటు ఆ సామాజిక వర్గం జరుపుకోవడం ఆనవాయితీగా వస్తోంది. తొలిరోజు ఆధ్యాత్మిక వేడుకగా, రెండో రోజు లక్షార్చన వేడుక జరుపుకున్నారు. మూడో రోజు శుక్రవారం 119వ జయంతి, 64వ గురు పూజోత్సవం చేపట్టారు. ఈ సందర్భంగా రామనాథపురం, విరుదునగర్‌, తెన్‌కాశి, తిరునల్వేలి, తేని, మదురై, శివగంగై, తిరుచ్చి, పుదుక్కోటై, చైన్నె, చెంగల్పట్టు, కాంచీపురం తదితర జిల్లాల్లో ప్రత్యేక కార్యక్రమాలు జరుపుకున్నారు. తమ సంక్షేమం కోసం శ్రమించి అమరుడైన దేవర్‌కు ముక్కుళత్తూరు సామాజికవర్గ ప్రజలు ఘనంగా నివాళులర్పించారు. పాల బిందెలతో ఊరేగింపు, కాగడాలతో ర్యాలీలు నిర్వహించారు. ఆయన విగ్రహానికి పూల మాలలు వేసి నివాళులర్పించారు. అన్నదానాలు, రక్తదానాలు వంటి సేవా కార్యక్రమాలు చేపట్టారు. పసుం పొన్‌కు తరలిన నేతలు రామనాథపురం జిల్లా కౌముదిలోని పసుం పొన్‌ గ్రామంలో ముత్తురామలింగం దేవర్‌ స్మారక ప్రదేశంలో గురుపూజోత్సవాన్ని ఘనంగా నిర్వహించారు. శుక్రవారం వేకువజాము నుంచి ప్రత్యేక పూజలు చేశారు. వేడుక కమిటీ నేతృత్వంలో ఆ కేంద్రాన్ని పుష్పాలతో అలంకరించారు. దేవర్‌ విగ్రహానికి బంగారు తాపడాన్ని సమర్పించారు. దేవర్‌ సామాజికవర్గ ప్రజలు పెద్ద ఎత్తున తరలివచ్చారు. దేవర్‌ స్మారకం వద్ద ఉప రాష్ట్రపతి సీపీ రాధాకృష్ణన్‌, గవర్నర్‌ రాజేంద్ర విశ్వనాథ్‌ అర్లేకర్‌, కేంద్ర మాజీ మంత్రి పొన్‌ రాధాకృష్ణన్‌ నివాళులర్పించారు. రాష్ట్ర ప్రభుత్వం తరఫున మంత్రులు నిర్మల్‌కుమార్‌, పి.మదన్‌రాజా, వీకే రాజీవ్‌, జిల్లా కలెక్టర్‌ శివగురు ప్రభాకరన్‌ అధికారికంగా నివాళులర్పించారు. అలాగే డీఎంకే అధ్యక్షుడు ఎంకే స్టాలిన్‌, అన్నాడీఎంకే ప్రధాన కార్యదర్శి పళణి స్వామి, నామ్‌ తమిళర్‌ కట్చి నేత సీమాన్‌, ఎండీఎంకే నేత వైగోతో పాటు పలు పార్టీల నాయకులు తరలివచ్చి అంజలి ఘటించారు.పీఎం మోదీ పసుం పొన్‌కు వస్తారు ఉపరాష్ట్రపతి సీపీ రాధాకృష్ణన్‌ మాట్లాడుతూ ప్రధానమంత్రి మోదీ ఒక రోజు పసుంపోన్‌కు వచ్చి ముత్తురామలింగ దేవర్‌కు నివాళులర్పిస్తారని తెలిపారు. పసుంపోన్‌ ముత్తురామలింగ దేవర్‌ స్వాతంత్య్ర పోరాట సమయంలోనే కాకుండా, ఆ తర్వాత కూడా సమాజం కోసం పనిచేసిన మహోన్నత వ్యక్తి అని పేర్కొన్నారు. ఆయన నేతాజీ సుభాష్‌ చంద్రబోస్‌ను తన నాయకుడిగా అంగీకరించారని వివరించారు. తన జీవితాంతం తమిళనాడు గడ్డపై దేశ ఉన్నతికి, దైవ ఉన్నతికి సేవ చేశారన్నారు. ఆయన రాజకీయాల్లో రాజీపడి ఉంటే, తమిళనాడు సీఎం అయ్యేవారని తెలిపారు. మానవాళిని శ్వాసగా భావించి జీవించిన దైవం : సీఎం విజయ్‌ చైన్నెలో నందనంలోని దేవర్‌ విగ్రహానికి పుష్పాంజలి ఘటించారు. అనంతరం ఆయన ఎక్స్‌లో స్పందిస్తూ కుల, మత హద్దులను అధిగమించి, మానవత్వమే శ్వాసగా భావించి జీవించిన పసుంపోన్‌ ముత్తురామలింగ దేవర్‌ ఆశయ సాధనకు కృషి చేస్తామని తెలిపారు. జాతీయవాదాన్ని, దైవత్వాన్ని తన రెండు కళ్లుగా భావించి జీవించిన స్వాతంత్య్ర సమరయోధుడు పసుంపోన్‌ ముత్తురామలింగ దేవర్‌ అని కొనియాడారు. దేశభక్తికి, త్యాగానికి, సామాజిక న్యాయానికి చేసిన కృషికి తాను నివాళులర్పిస్తున్నానని తెలిపారు. పసుంపోన్‌లో మంత్రుల బృందం నివాళులర్పించిన అనంతరం మీడియాతో మాట్లాడారు. ముత్తురామలింగ దేవర్‌ గురు పూజోత్సవాన్ని దృష్టిలో ఉంచుకుని, గత ఏడాదితో పోలిస్తే ఈ ఏడాది పసుంపోన్‌లో మరిన్ని ఏర్పాట్లు చేశామన్నారు. ముత్తురామలింగ దేవర్‌ కలైయరంగంలో జరిగిన కార్యక్రమంలో మంత్రులు వివిధ ప్రభుత్వ శాఖల తరఫున 194 మంది లబ్ధిదారులకు రూ.79.70 లక్షల విలువైన సంక్షేమ సహాయకాలను అందజేశారు. మంత్రి జగదీశ్వరి, ఎమ్మెల్యే కల్లనైతో కలిసి మదురైలోని విగ్రహానికి నివాళులర్పించారు. పార్టీలో ఎలాంటి విభేదాలు లేవని, పనిభారం, వివిధ కార్యక్రమాల కారణంగానే తాను విడిగా నివాళులు అర్పి ంచినట్టు మంత్రి జగదీశ్వరి వివరణ ఇచ్చారు. చైన్నె నందనంలో.... చైన్నె అన్నాసాలైలోని నందనం సిగ్నల్‌ వద్ద ఉన్న దేవర్‌ విగ్రహాన్ని విశేషంగా అలంకరించారు. ఇక్కడ నిలువెత్తు చిత్ర పటాన్ని ఏర్పాటు చేశారు. పెద్ద సంఖ్యలో ఆయా పార్టీ నాయకులు తరలి వచ్చి పుష్పాంజలి ఘటించారు. తమిళ మానిల కాంగ్రెస్‌ అధ్యక్షుడు జికే వాసన్‌, ప్రధాన కార్యదర్శి జీఆర్‌ వెంకటేష్‌ నేతృత్వంలో ఆ పార్టీ వర్గాలు,, అన్నాడీఎంకే మాజీ మంత్రి జయకుమార్‌ నేతృత్వంలో ఆపార్టీ వర్గాలు, బీజేపీ మహిళా నేత తమిళిసై సౌందరరాజన్‌ నేతృత్వంలో ఆ పార్టీ వర్గాలు, కాంగ్రెస్‌ తరపున తంగబాలు, చిరంజీవి తదితర నేతలు నివాళులర్పించారు.

సాక్షి, చైన్నె: సీఎం విజయ్‌ నేతృత్వంలోని టీవీకే ప్రభుత్వం శాంతిభద్రతల పరిరక్షణలో తీవ్రంగా విఫలమైందని డీఎంకే అధ్యక్షుడు ఎంకే స్టాలిన్‌ ఆరోపించారు. తమిళనాడులో శాంతిభద్రతల క్షీణత, మహిళలు, పిల్లలపై అఘాయిత్యాలు, విపరీతమైన ధరల పెరుగుదలకు నిరసనగా డీఎంకే ఉప ప్రధాన కార్యదర్శి కనిమొళి నాయకత్వంలో రాష్ట్రవ్యాప్తంగా జిల్లా కేంద్రాల్లో శనివారం భారీ నిరసనలు చేపట్టనున్నారు. ఈ నేపథ్యంలో స్టాలిన్‌ శుక్రవారం ఒక వీడియో సందేశాన్ని విడుదల చేశారు. ‘సినిమాలోని హీరో నిజ జీవితంలో కూడా అలాగే ఉంటాడని భావించిన లక్షల మంది చేసిన పొరపాటు ఇప్పుడు యావత్‌ ప్రజలపై ప్రభావం చూపుతోంది’ అని వ్యాఖ్యానించారు. అధికారంలోకి రాకముందు శాంతిభద్రతలు బాగాలేవు, మహిళలకు భద్రత లేదని విజయ్‌ చెప్పారని, ఇప్పుడు రాష్ట్రంలో పట్టపగలు ప్రధాన రహదారులపై హత్యలు, లైంగిక దాడులు, వృద్ధుల హత్యలు జరుగుతున్నా పట్టించుకోవడం లేదని మండిపడ్డారు. మైలాపూర్‌, అడయార్‌ వంటి ముఖ్య ప్రాంతాలలోనూ, కోర్టు ఆవరణలోనే హత్యలు జరుగుతున్నాయని, ఖైదీలు జైళ్ల నుంచి పారిపోతున్నారని విమర్శించారు. అధికార పార్టీకి చెందిన కొందరి ప్రమేయంతోనే సగం నేరాల ఘటనలు జరుగుతున్నాయని, మహిళలను టీవీకే రక్షించాల్సిన అవసరం లేదని, ముందు ఆ పార్టీ వారిని అదుపులో ఉంచాలని హితవుపలికారు. మాదకద్రవ్యాల అక్రమాలు మెత్‌ భూపాలన్‌ అనే వ్యక్తిని కేంద్ర ప్రభుత్వ ఏజెన్సీలు అరెస్టు చేశాయని, తమిళనాడును మాదకద్రవ్యాల ఉత్పత్తి కేంద్రంగా మార్చి వచ్చే డబ్బును టీవీకే ఎన్నికల ఖర్చులకు వాడారనే ఆరోపణలు ఉన్నాయని స్టాలిన్‌ పేర్కొన్నారు. ఈ వార్తలు రాసిన జర్నలిస్టులను ఆ పార్టీ కార్యదర్శులు బెదిరిస్తున్నారని దుయ్యబట్టారు. డీఎంకే పాలనలో అత్యల్ప ద్రవ్యోల్బణం ఉన్న రాష్ట్రంగా ఉన్న తమిళనాడులో, నేడు పరిపాలన అంటే ఏమిటో తెలియని మూర్ఖుల గుంపు పాలన సాగుతోందని ఆగ్రహం వ్యక్తం చేశారు. రేషన్‌ షాపుల్లో మోసాలు పెరిగాయని, పేద ప్రజలు బంగారం కొనడం దేవుడెరుక, కనీసం బియ్యం కొనలేని దుస్థితికి వచ్చారని ఆందోళన వ్యక్తం చేశారు. దూరదృష్టి లేకపోవడం వల్లే దేశంలోనే అత్యధికంగా యూనిట్‌ రూ.37లకు విద్యుత్‌ కొనుగోలు చేస్తున్నారని, ప్రజల దృష్టిని మళ్లించేందుకు రూ.41కి కొంటామంటూ మరో నాటకం ఆడుతున్నారని విమర్శించారు. నిరసన పిలుపు: ‘విద్యుత్‌ కోత – కొడవలి కోత, ప్రస్తుత బిల్లు – కిరాణా బిల్లు, ధరల పెరుగుదల – హత్యల పెరుగుదల... ఇదే నేటి తమిళనాడు వాస్తవం‘ అని స్టాలిన్‌ పేర్కొన్నారు. శనివారం డీఎంకే చేపట్టబోయే నిరసన ఈ ప్రభుత్వానికి ఒక మేల్కొలుపు కావాలని, ఎలా పాలించాలో తెలియని ఈ ప్రభుత్వానికి ప్రజలు గుణపాఠం నేర్పాలని ఆయన పిలుపునిచ్చారు.

సాక్షి, చైన్నె : చైన్నె నగర పోలీసు విభాగంలో సేవలందించిన అడ్మినిస్ట్రేటివ్‌ ఆఫీసర్‌ కలైసెల్వం, పోలీస్‌ ఇన్‌స్పెక్టర్‌ (ఆర్ముడు రిజర్వు) వెంకట్‌రాజ్‌, సబ్‌ ఇన్‌స్పెక్టర్లు దినకరన్‌, నందకుమార్‌, స్పెషల్‌ సబ్‌ ఇన్‌స్పెక్టర్లు రవిచంద్రన్‌, దురైమురుగన్‌, శ్రీనివాసన్‌, పద్మరాజ్‌, సెల్వం, గాంధీ, ఆర్ముడు రిజర్వు శానిటరీ వర్కర్‌ సుశీలతో కలిపి మొత్తం 11 మంది పోలీసు అధికారులు, సిబ్బంది శనివారం పదవీ విరమణ పొందుతున్నారు. వీరిని శుక్రవారం కమిషనర్‌ డాక్టర్‌ అమల్‌ రాజ్‌ సత్కరించి ప్రశంసా పత్రాలు అందజేశారు. వెపేరిలోని పోలీస్‌ కమిషనరేట్‌లో నిర్వహించిన పదవీ విరమణ కార్యక్రమంలో పాల్గొని, వీడ్కోలు సభను నిర్వహించారు. 29 ఏళ్ల నుంచి 40 ఏళ్ల వరకు సుదీర్ఘకాలం పాటు విశేష సేవలందించి తమిళనాడు పోలీస్‌ శాఖకు, చైన్నె నగర పోలీసు విభాగానికి మంచి పేరు ప్రఖ్యాతులు తీసుకువచ్చిన ఈ 11 మంది అధికారులు, సిబ్బంది సేవలను కొనియాడారు. వారి సేవలను ప్రశంసిస్తూ కమిషనర్‌ ఈ సందర్భంగా వారికి ప్రశంసాపత్రాలను అందజేశారు. ఇన్ని సంవత్సరాలుగా పోలీస్‌ శాఖకు అందించిన సహకారానికి వారికి ధన్యవాదాలు తెలియజేస్తూ, పదవీ విరమణ పొందుతున్న అధికారులు, సిబ్బంది తమ ఆరోగ్యాన్ని, కుటుంబాన్ని జాగ్రత్తగా చూసుకోవాలని కమిషనర్‌ ఆకాంక్షించారు. కార్యక్రమంలో డిప్యూటీ కమిషనర్‌ ఆఫ్‌ పోలీస్‌ (అడ్మినిస్ట్రేషన్‌) ఎ.సుబ్బులక్ష్మి, సుందరవడివేల్‌ (వెల్ఫేర్‌ అండ్‌ ఎస్టేట్స్‌), పోలీస్‌ ఉన్నతాధికారులు రిటైర్‌ అవుతున్న సిబ్బంది కుటుంబ సభ్యులు పాల్గొన్నారు.

సాక్షి, చైన్నె : టీవీకే నేతృత్వంలో నవంబర్‌ 4వ తేదీన చైన్నెలోని ఆర్‌.కే.కన్వెన్షన్‌ సెంటర్‌లో 10వ తరగతి, ప్లస్‌–2 పరీక్షల్లో నియోజకవర్గాల వారిగా మొదటి మూడు స్థానాలు సాధించిన విద్యార్థులకు విద్యా పురస్కారాలు, ప్రశంసా పత్రాలు అందజేయనున్నారు. ప్రతి ఏటా ఆ పార్టీ నేతృత్వంలో ఈ కార్యక్రమాన్ని నిర్వహిస్తున్నారు. ఈ ఏడాది ఈ కార్యక్రమానికి ముఖ్యమంత్రి హోదాలో ఆ పార్టీ నేత విజయ్‌ హాజరై విద్యార్థులకు బహుమతులు అందజేసి ప్రసంగించనున్నారు. తొలివిడతగా వేలూరు, కడలూరు, కళ్లకురిచ్చి, విల్లుపురం, తిరువణ్ణామలై జిల్లాల విద్యార్థులను ఎంపిక చేశారు. మంత్రి ఎన్‌.ఆనంద్‌ ఈ ఏర్పాట్లను పర్యవేక్షిస్తున్నారు. దావోస్‌ సదస్సుకు సీఎం విజయ్‌? 2027 జనవరి 18 నుంచి 22 వరకు స్విట్జర్లాండ్‌లోని దావోస్‌లో జరగనున్న వరల్డ్‌ ఎకనామిక్‌ ఫోరమ్‌ వార్షిక సమావేశంలో తమిళనాడు సీఎం జోసెఫ్‌ విజయ్‌ పాల్గొనే అవకాశం ఉన్నట్టు సమాచారం. రాష్ట్రంలో పెట్టుబడులను ఆకర్షించేందుకు, పారిశ్రామిక అభివృద్ధిని ప్రోత్సహించేందుకు సదస్సు దోహదపడుతుందని పరిశ్రమల శాఖ వర్గాలు పేర్కొన్నాయి. ఉద్యోగాలకు వయోపరిమితిని 5 ఏళ్లు పెంపు సాక్షి, చైన్నె : ప్రభుత్వ ఉద్యోగాల్లో ప్రత్యక్ష నియామకాలకు గరిష్ట వయోపరిమితిని 5 ఏళ్లు పెంచుతూ సీఎం విజయ్‌ శుక్రవారం ఆదేశాలు జారీ చేశారు. రిజర్వుడు కేటగిరిలో బీసీ, బీసీ ముస్లిం, ఎంబీసీ, టీఎన్‌సీ, ఎస్సీ, ఎస్టీ, నిరు పేద వితంతువులకు ఇప్పటికే ఉన్న వయోపరి మితి సడలింపులకు అదనంగా ఈ పెంపు ఉంటుందని వివరించారు. ఈ వయోపరిమితి పెంపు గ్రూప్‌–1, గ్రూప్‌–2, 2ఎ, గ్రూప్‌–4 సహా అన్ని పోటీ పరీక్షలకు వర్తిస్తుందని తెలిపారు. అలాగే గ్రూప్‌–1 పరీక్షలో జనరల్‌ కేటగిరీ అభ్యర్థులకు వయోపరిమితి 32 నుంచి 37కి, రిజర్వుడు కేటగిరీ అభ్యర్థులకు 37 నుంచి 42కి పెరుగుతుందన్నారు. గ్రూప్‌–2 పరీక్షలో జనరల్‌ కేటగిరీ అభ్యర్థులకు వయోపరిమితి 30 నుంచి 35కి పెరుగుతుందన్నారు. గతంలో ఉన్నట్లుగా రిజర్వుడు కేటగిరీలకు గరిష్ట వయో పరిమితి లేదు. గ్రూప్‌–4 పరీక్షలో జనరల్‌ కేటగిరీ అభ్యర్థులకు వయోపరిమితి 30 నుంచి 35 ఏళ్లకు పెరుగుతుంది. రిజర్వుడు కేటగిరీలైన బీసీ, బీసీ–ముస్లిం, ఎంబీసీ టీఎన్‌సీలకు 32 నుంచి 37 సంవత్సరాలకు పెరుగుతుంది. ఎస్సీ, ఎస్టీ వర్గాలకు, నిరుపేద వితంతువులకు వయోపరిమితి 35 నుంచి 40 ఏళ్లకు పెరుగుతుంది. అదనపు విద్యార్హతలు ఉన్న రిజర్వుడు కేటగిరీలకు వయోపరిమితి లేదు. ప్రస్తుత నిబంధనల ప్రకారం దివ్యాంగులకు అదనంగా 10 ఏళ్ల సడలింపు ఉంది. ఈ ఏడాది అక్టోబర్‌ 30 నుంచి ఈ గరిష్ట వయోపరిమితి 5 ఏళ్ల పాటు అమలులో ఉంటుంది. అంబాసముద్రం ఉప పోరులో ఉమ్మడి అభ్యర్థి మద్దతు గందరగోళంపై సీమాన్‌ వివరణ సాక్షి, చైన్నె : ‘‘నన్ను ఉమ్మడి అభ్యర్థిగా బరిలోకి దించడంపై డీఎంకే, అన్నాడీఎంకే లేదా ఎన్డీఏ కూటమి ఏదీ నిర్ణయం తీసుకోలేదు. ఈ చర్చ పార్టీ సభ్యులు, నిర్వాహకుల వల్లే మొదలైంది’’ అని నామ్‌ తమిళర్‌ కట్చి కన్వీనర్‌ సీమాన్‌ స్పష్టం చేశారు. ఆయన శుక్రవారం రామనాథపురంలో మీడియాతో మాట్లాడారు. పదవి అంటే సేవ, సేవ అంటే అధికారం అని నమ్మేవారికి అధికారం దక్కకపోతే, దేశ ప్రజల సంక్షేమం అనేది పగటి కలగానే మిగిలిపోతుందని రాజకీయ సంస్కర్త దేవర్‌ బోధించారని గుర్తు చేశారు. ఓట్ల కోసం డబ్బు వెదజల్లేవారు పాపులని, డబ్బు తీసుకుని ఓటు వేసేవారు దేశద్రోహులని ఆయన చెప్పారని పేర్కొన్నారు. ‘నన్ను ఉమ్మడి అభ్యర్థిగా నిలబెట్టడంపై డీఎంకే, అన్నాడీఎంకే, ఎన్డీఏలలో ఏ ఒక్కటీ అధికారికంగా నిర్ణయం తీసుకోలేదు. ఈ చర్చను పార్టీ సభ్యులు, నిర్వాహకులే మొదలుపెట్టారు. మా పార్టీ అభ్యర్థులందరూ ప్రజల ఉమ్మడి అభ్యర్థులే’ ’అని సీమాన్‌ వివరించారు. ఈరోడ్‌ ఈస్ట్‌లో ఒంటరిగా పోటీ చేశామని, అంబాసముద్రంలో కూడా విడిగా పోటీ చేస్తామన్నారు. ఇతర పార్టీలు పోటీ చేయకుండా మద్దతు ఇవ్వాలని నిర్ణయించుకుంటే తాను మనస్ఫూర్తిగా స్వాగతిస్తానన్నారు. తనను ఒక్కసారి అసెంబ్లీకి పంపితే అంబాసముద్రాన్ని అత్యుత్తమ నియోజకవర్గంగా తీర్చిదిద్దుతానన్నారు. ప్రభుత్వ కార్యాలయాల్లో సీఎం ఫొటో ఉండడాన్ని తాము స్వాగతిస్తున్నామని, మరుదు పాండియార్‌, దీరన్‌ చిన్నమలై వంటి మహనీయుల విగ్రహాల వెనుక ఆయన ఫొటోలు పెట్టడం సరైన పద్ధతి కాదన్నారు. తమిళనాడు ప్రభుత్వ బాండ్‌ రిజిస్ట్రేషన్‌ విభాగాన్ని ప్రైవేట్‌ కంపెనీకి అప్పగిస్తున్నారని ఆరోపించారు. ప్రభుత్వ ఉద్యోగాల ఎంపిక బాధ్యతను అమెరికన్‌ సంస్థలకు ఇస్తున్నారని విమర్శించారు. మద్యం సేవించడానికి ప్రజలను రిజర్వేషన్లు చేసుకోమనడం విచిత్రమైన పరిస్థితని తెలిపారు.

కొరుక్కుపేట: జీఆర్‌టీ జ్యువెలర్స్‌ తన వార్షిక సీఎస్‌ఆర్‌ కార్యక్రమంలో ఆరోగ్య సంరక్షణ, ఒక విద్యా సంస్థకు రూ.2.28 కోట్ల విలువైన ఆర్థిక సహాయాన్ని అందించింది. ఆభరణాల బ్రాండ్లలో ఒకటిగా గుర్తింపు పొందిన జీఆర్‌టీ జ్యువెలర్స్‌ తన వార్షిక కార్పొరేట్‌ సామాజిక బాధ్యత (సీఎస్‌ఆర్‌) కార్యక్రమాల ద్వారా సామాజిక సంక్షేమానికి కృషిచేస్తోంది. ఇందులో భాగంగా చైన్నెలోని జీఆర్‌టీ గ్రాండ్‌ హోటల్‌లో శుక్రవారం వార్షిక కార్పొరేట్‌ సామాజిక బాధ్యత (సీఎస్‌ఆర్‌) కార్యక్రమంలో భాగంగా జీఆర్‌టీ జ్యువెలర్స్‌ ఆరోగ్య సంరక్షణ విద్యను అభివృద్ధి చేయడానికి అంకితమైన సంస్థలకు ఆర్థిక సహా యం అందించింది. సుదీర్ఘకాలంగా విద్యాసంస్థగా ఉన్న కుంభకోణంలోని టౌన్‌ హైస్కూల్‌, పాఠశాల భవన పునరుద్ధరణ, తరగతి గదుల నిర్మాణం కోసం రూ.95 లక్షలు మంజూరు చేశారు. క్యాన్సర్‌ రోగులకు కరుణామయ సంరక్షణను మరింత బలోపేతం చేసేందుకు, అంబత్తూర్‌లోని ఆనందం ట్రస్ట్‌కు క్యాన్సర్‌ పాలియేటివ్‌ కేర్‌ సెంటర్‌ నిర్మాణం కోసం రూ.25 లక్షలు ఇచ్చారు. ఆర్థికంగా వెనుకబడిన రోగులకు అవసరమైన కిడ్నీ సంరక్షణ, చికిత్సను పొందేందుకు సహాయపడేందుకు, ట్యాంకర్‌ ఫౌండేషన్‌కు కిడ్నీ మార్పిడి సహాయం, ఫిస్టులా చికిత్స, మందుల కోసం రూ.25 లక్షలు మంజూరుచేశారు. మహిళలు, పిల్లల సాధికారత, సంక్షేమానికి అంకితమైన ఆంధ్ర మహిళా సభ, తన నర్సింగ్‌, గైనకాలజీ, రిసెప్షన్‌ బ్లాక్‌ పునరుద్ధరణ కోసం రూ.83 లక్షలు ఇచ్చింది. జీఆర్‌టీ జ్యువెలర్స్‌ మేనేజింగ్‌ డైరెక్టర్‌ ఆనంద్‌ అనంత పద్మనాభన్‌ మాట్లాడుతూ సమాజ సేవ చేయడంలో ఎంతో సంతృప్తి ఉంటుందని తెలిపారు. తమ తండ్రి, జీఆర్‌టీ గ్రూప్‌ వ్యవస్థాపకుడు, చైర్మన్‌ జి.రాజేంద్రన్‌ నుంచి సంక్రమించిన సంప్రదాయం, ప్రతి సంవత్సరం ఈ వారసత్వాన్ని కొనసాగించే అదృష్టం దక్కడం సంతోషంగా ఉందన్నారు. మరో జీఆర్‌టీ జ్యువెలర్స్‌ మేనేజింగ్‌ డైరెక్టర్‌ రాధాకృష్ణన్‌ మాట్లాడుతూ ‘మా వినియోగదారుల ప్రేమ, నమ్మకం వల్లే జీఆర్‌టీ జ్యువెలర్స్‌ 68 షోరూమ్‌లకు విస్తరించగలిగిందన్నారు.

వేలూరు: ప్రపంచ ప్రసిద్ధి చెందిన తిరువణ్ణామలై అరుణాచలేశ్వరాలయ కార్తీక బ్రహ్మోత్సవాలు నవంబర్‌ 12వ తేదీన దుర్గమ్మ ఉత్సవంతో ప్రారంభం కానుంది.ప్రతి సంవత్సరం కార్తీక బ్రహ్మోత్సవాలు పది రోజు ల పాటు నిర్వహించడం, ఆఖరి రోజున అరుణాచలేశ్వరాలయం వెనుకునున్న 2,668 అడుగుల ఎత్తుగల మహా కొండపై మహా దీపాన్ని వెలిగించడం ఆన వాయితీ. ఇందులో భాగంగా ఈ సంవత్సరం బ్రహ్మో త్సవాలు నవంబర్‌ 14వ తేదీన ధ్వజారోహణంతో ప్రారంభంకానున్నాయి. రెండు రోజుల ముందుగానే దుర్గమ్మ ఉత్సవంతో ఆలయ నిర్వహకులు పూజలను ప్రారంభించి ప్రత్యేక పూజలు చేపట్టనున్నారు. బ్రహ్మోత్సవాల్లో భాగంగా ఆఖరి రోజు సా యంత్రం 2,668 అడుగుల ఎత్తుగల మహా కొండపై మహా దీపాన్ని వెలిగించనున్నారు. అదే విధంగా దీపోత్సవాన్ని పురష్కరించుకొని ఆలయంలోని తొమ్మిది రాజ గోపురాలను విద్యుత్‌ దీపాలతో అలంకరించారు. ఈ ఏర్పాట్లను ఆలయ జాయింట్‌ కమిషనర్‌ భరణిధరన్‌ అధ్యక్షతన ఆలయ సిబ్బంది వేగవంతం చేశారు. బందోబస్తు ఏర్పాట్లను పరిశీలన మహా దీపోత్సవాన్ని దర్శించుకునేందుకు భక్తులకు ఎటువంటి శ్రమం లేకండా ఏర్పాట్లు చేయాలని ఐజీ ప్రవీన్‌కుమార్‌ అభినవ్‌ పోలీసులను ఆదేశించారు. ఆయన శుక్రవారం ఏర్పాట్లను పరిశీలించి అధికారులకు పలు సూచనలు చేశారు. మహా దీపా న్ని దర్శించుకునేందుకు వివిధ రాష్ట్రాల నుంచి సుమారు 20 లక్షల మంది భక్తులు తిరువణ్ణామలై వస్తారని తెలిపారు. ఈ క్రమంలో ఎలాంటి అవాంఛనీయ సంఘటనలు జరగకుండా బందోబస్తు ఏర్పాటుచేయాలన్నారు. అనంతరం ఆలయ ప్రాంగణం, మాడ వీధుల్లో తనఖీలు చేశారు. దేవదాయ శాఖ రాష్ట్ర కమిషనర్‌ వినయ్‌, అదనపు కమిషనర్‌ పొన్‌ జయరామన్‌, డీఐజీ మహేష్‌కుమార్‌, ఎస్పీ ఉదయకుమార్‌, ఆలయ జేసీ భరణీధరన్‌తో బందోబస్తు ఏర్పాట్లపై చర్చించారు.

తిరువళ్లూరు: వరి కొనుగోలు కేంద్రాల్లో సీసీ కెమెరాలు ఏర్పాటుకు చర్యలు తీసుకుంటామని కలెక్టర్‌ కవిత తెలిపారు. తిరువళ్లూరు జిల్లా కలెక్టర్‌ కార్యాలయంలో శుక్రవారం అగ్రి గ్రీవెన్స్‌డే నిర్వహించారు. ఇందులో అన్ని శాఖల అధికారులు పాల్గొ న్నారు. జిల్లా నలుమూలల నుంచి వచ్చిన రైతులు తమ సమస్యలపై వినతి పత్రం సమర్పించారు. పలువురు రైతులు మాట్లాడుతూ తిరువళ్లూరు జిల్లా వ్యాప్తంగా వున్న వరి కొనుగోలు కేంద్రాల్లో సీసీ కెమెరాలు అమర్చాలని కోరారు. పనపాక్కం సహకార బ్యాంకులో రైతుకు తెలియకుండానే రూ.5 లక్షలు తీసుకున్నారని ఫిర్యాదు చేశారు. మహాబలిపురం– ఎన్నూరు, తచ్చూరు–చిత్తూరు, నెమిలిచ్చేరి అవుటర్‌ రింగ్‌ రోడ్డు సహా వేర్వేరు ప్రాంతాల్లో రోడ్లను ఎత్తుగా నిర్మించడం వల్ల వ్యవసాయ భూముల్లో నీరు వెళ్లడానికి కాలువలు లేక పంటలు మునిగిపోతున్నాయని, కాలువల తవ్వకాలు చేపట్టాలని పలువురు రైతులు కోరారు. కలెక్టర్‌ మాట్లాడుతూ తిరువళ్లూరు జిల్లాలో 3400 ఎకరాల్లో రూ.71.40 లక్షల సబ్సిడీతో పశుగ్రాసం సాగు చేయడానికి ప్రనాళికలు సిద్ధం చేసినట్టు వివరించారు. రైతులు ముందుకు రావాలని సూచించారు. అలాగే నూతనంగా మరో 70 వరి కొనుగోలు కేంద్రాలను ప్రారంభించడానికి ప్రభుత్వం ఉత్తర్వులు జారీ చేసిందన్నారు. ఇప్పటి వరకు 3,664 మంది రైతుల నుంచి 22,791 మెట్రిక్‌ టన్నుల వరి కొనుగోలు చేసినట్టు పేర్కొన్నారు. అనంతరం రైతులకు వ్యవసాయ పరికరాలు, విత్తనాలు, ఎరువులను పంపిణీ చేశారు.

సాక్షి, చైన్నె : ఏడేళ్ల ప్రాయంలో పడవలో రక్షించబడిన శ్రీలంకకు చెందిన జాయ్‌ (37) అనే యువకుడు తనకు గుర్తింపు కార్డు జారీ చేయాలని, లేదా తన సొంత దేశానికి పంపాలని కోరుతూ ఈరోడ్‌ జిల్లా ఎస్పీ కార్యాలయంలో కన్నీళ్లతో వినతి పత్రం సమర్పించాడు. బాధితుడు జాయ్‌ తెలిపిన వివరాల మేరకు .. ‘మా నాన్న జాలరి. 1997లో నేను పడవలో నిద్రిస్తుండగా కొందరు నన్ను రామేశ్వరానికి తీసుకువచ్చారు. ఆ పడవలో నా తల్లిదండ్రులు లేరు. భారత సైన్యం మమ్మల్ని పట్టుకుని మండపంలోని శ్రీలంక తమిళుల పునరావాస శిబిరానికి తరలించింది’ అని వివరంచారు. ఏడేళ్ల వయసులో ఆశ్రమానికి తరలించగా 2014లో పెద్దయ్యాక తిరిగి మండపం శిబిరానికి తీసుకొచ్చారని పేర్కొన్నారు. అధికారులు తల్లిదండ్రుల వివరాలు, గుర్తింపు కార్డులు అడగ్గా ఏమీ తెలియక శ్రీలంకకు వెళ్తానని చెప్పడంతో పుళల్‌ జైలులో ఉంచారని పేర్కొన్నారు. ఏడాదికి పైగా జైలులో ఉన్న తర్వాత కోర్టు శ్రీలంకకు పంపాలని ఆదేశించినా, మళ్లీ మండపం శిబిరానికే పరిమితం చేశారని కన్నీటి పర్యంతమయ్యారు. శిబిరం నుంచి బయటకు వచ్చి చైన్నెలోని శ్రీలంక రాయబార కార్యాలయాన్ని ఆశ్రయించినా తల్లిదండ్రులతో కలిపే చర్యలు తీసుకోలేదన్నారు. వివిధ జిల్లాల కలెక్టర్లు, ఎస్పీలను కలిసి విన్నవించినా ఫలితం లేకుండా పోయిందని ఆవేదన వ్యక్తం చేశారు. జీవనోపాధి లేక, గుర్తింపు కార్డు లేక తీవ్ర మనస్తాపంతో పలుమార్లు ఆత్మహత్యకు కూడా యత్నించినట్లు వాపోయారు. ప్రస్తుతం భవానీ సంగమేశ్వర ఆలయంలో ఉంటూ అక్కడ దొరికే ఆహారం తింటున్నానని, జీవనోపాధి కోసం కొంతమందికి ఫుట్‌బాల్‌ నేర్పిస్తున్నట్టు పేర్కొన్నారు. తనపై కరుణ చూపి, గుర్తింపు కార్డు ఇప్పించండి అని వేడుకున్నారు. ఈరోడ్‌ ఎస్పీ కార్యాలయం వద్ద విధుల్లో ఉన్న క్యూ బ్రాంచ్‌ పోలీసులు యువకుడు జాయ్‌ వద్ద విచారణ జరుపుతున్నారు.

సాక్షి, చైన్నె : నటుడు విజయ్‌ రాజకీయ ప్రస్థానం తరహాలోనే నటుడు ధనుష్‌కి చెందిన సంక్షేమ సంఘం (ధనుష్‌ నర్పణి ఇయక్కమ్‌) రాబోయే తమిళనాడు స్థానిక సంస్థల ఎన్నికల్లో పోటీ చేయడానికి సిద్ధమవుతోంది. ఈ ఎన్నికల్లో సంఘం సభ్యులు స్వతంత్ర అభ్యర్థులుగా పోటీ చేసి క్షేత్రస్థాయిలో తమకున్న ప్రజల మద్దతును, పలుకుబడిని పరీక్షించుకోవాలని భావిస్తున్నారు. ఈ ప్రయత్నాన్ని ధనుష్‌ భవిష్యత్తు రాజకీయ ప్రవేశానికి నాందిగా భావిస్తున్నారు. ఇందులో మహిళలను పెద్ద ఎత్తున భాగస్వామ్యులను చేయడమే ప్రధాన లక్ష్యంగా పెట్టుకున్నారు. చైన్నెలో ఇటీవల జరిగిన మహిళా సమావేశం తరహాలోనే రాష్ట్ర వ్యాప్తంగా వివిధ ప్రాంతాల్లో వరుస సమావేశాలు నిర్వహించి మహిళా సంఘాన్ని బలోపేతం చేయడానికి ప్రణాళికలు రూపొందించారు. ప్రస్తుతం అధికారికంగా పార్టీ పేరును ప్రకటించకుండానే, ప్రజలతో నిరంతరం అనుసంధానమై ఉండడానికి సంక్షేమ కార్యక్రమాలు, బాలల అభివృద్ధి ప్రాజెక్టులను నిర్వహిస్తున్నారు. విజయ్‌ ‘టీవీకే’ మోడల్‌ అనుసరణ నటుడు విజయ్‌ తన తమిళగ వెట్రి కళగం పార్టీని ప్రారంభించడానికి ముందు విజయ్‌ మక్కల్‌ ఇయక్కమ్‌ ద్వారా స్థానిక ఎన్నికల్లో పోటీ చేసి విజయం సాధించారు. ఈ విధానాన్నే ధనుష్‌ అభిమాన సంఘం కూడా అనుసరిస్తోంది. ఇప్పటి వరకు నటుడు ధనుష్‌ కానీ, ఆయన టీమ్‌ కానీ రాజకీయ ప్రవేశంపై ఎలాంటి అధికారిక ప్రకటన చేయనప్పటికీ, ఈ వ్యూహాత్మక అడుగులు తమిళనాడు రాజకీయ వర్గాల్లో ఆసక్తిని రేకెత్తిస్తున్నాయి.

సాక్షి, చైన్నె : తమిళనాడు ఫిజికల్‌ ఎడ్యుకేషన్‌ అండ్‌ స్పోర్ట్స్‌ యూనివర్సిటీ వేదికగా జరుగుతున్న డబ్ల్యూటీటీ ఫీడర్‌ చైన్నె–2026 టేబుల్‌ టెన్నిస్‌ టోర్నమెంట్‌ ముగింపు దశకు చేరుకుంది. మహిళల సింగిల్స్‌లో క్వాలిఫయర్‌ స్వరా కర్మార్కర్‌ 1–2తో వెనుకబడినప్పటికీ అద్భుతంగా పుంజుకుని, 6వ సీడ్‌ జపాన్‌ క్రీడాకారిణి కొకోనా మురమాట్సును 11–8, 10–12, 13–15, 11–9, 11–7 తేడాతో ఓడించి సంచలనం సృష్టించింది. తదుపరి రౌండ్‌లో స్వరా 14 ఏళ్ల తనిష్క కల్భైరవ్‌తో తలపడనుంది. 17వ సీడ్‌ ప్రిషా ఘోయల్‌, 8వ సీడ్‌ స్వాస్తిక ఘోష్‌ను ఓడించి తదుపరి రౌండ్‌కు చేరింది. టాప్‌ సీడ్‌ కొరియా క్రీడాకారిణి యాంగ్‌ హా యూన్‌, 2వ సీడ్‌ యూ జెరిన్‌ తమ తమ మ్యాచ్‌లలో విజయం సాధించారు. ఇక, పురుషుల్లో 3వ సీడ్‌ సత్యన్‌ జ్ఞానశేఖరన్‌, 14వ సీడ్‌ ప్రియానుజ్‌ భట్టాచార్యతో ఐదు గేమ్‌ల హోరాహోరీ పోరులో 11–9, 8–11, 11–9, 4–11, 11–7 తేడాతో గెలుపొందాడు. సత్యన్‌ తదుపరి రౌండ్‌లో 16వ సీడ్‌ సనీల్‌ శెట్టితో తలపడతాడు. 5వ సీడ్‌ హర్మీత్‌ దేశాయ్‌, 20వ సీడ్‌ పునీత్‌ బిస్వాస్‌ను 11–8, 11–6, 11–9 తేడాతో ఓడించి 21వ సీడ్‌ శ్రీరామ్‌ శివంతో పోరుకు సిద్ధమయ్యాడు. క్వాలిఫయర్‌ నికుంజ్‌ అట్రి, 23వ సీడ్‌ రొనాల్డ్‌ సర్కార్‌పై విజయం సాధించి తదుపరి రౌండ్‌కు అర్హత సాధించాడు. డబుల్స్‌ – మిక్స్‌డ్‌ డబుల్స్‌ ఫలితాలు మిక్స్‌డ్‌ డబుల్స్‌లో క్వాలిఫయర్స్‌ మెహన్‌ సెంథిల్‌ – అనన్య మురళీధరన్‌ జోడీ, 4వ సీడ్స్‌ అభినంద్‌ ప్రధివాది – దివ్యాంశి భౌమిక్‌ను 12–10, 12–10, 3–11, 6–11, 11–7 తేడాతో ఓడించి సంచలనం సృష్టించింది. 9వ సీడ్స్‌ అంకుర్‌ భట్టాచార్జీ – సంపద భివాండ్‌కర్‌ జోడీ కొరియాకు చెందిన 7వ సీడ్స్‌ను ఓడించి క్వార్టర్స్‌కు చేరింది. టాప్‌ సీడ్స్‌ ఆకాశ్‌ పాల్‌ – సుతీర్థ ముఖర్జీ, 3వ సీడ్స్‌ పయస్‌ జైన్‌ – సయాలీ వానీ తమ మ్యాచ్‌లలో విజయం సాధించి క్వార్టర్‌ ఫైనల్స్‌కు దూసుకెళ్లారు. అలాగే మహిళల డబుల్స్‌లో అనన్య – దివ్యాంశి జోడీ 8వ సీడ్‌ సుహానా సైని – గరిమా గోయల్‌ను 12–10, 11–5, 11–7 తేడాతో ఓడించి క్వార్టర్‌ ఫైనల్‌కు అర్హత సాధించింది. టాప్‌ సీడ్స్‌ తనీషా కోటెచా – స్వస్తిక ఘోష్‌ 6వ సీడ్స్‌పై విజయం సాధించి తదుపరి రౌండ్‌కు చేరుకున్నారు.

కొరుక్కుపేట: నవంబర్‌ 1వ తేదీ నుంచి సమ్మె చేస్తున్నట్టు తమిళనాడు ఇసుక, ఎంసాండ్‌ ట్రక్కుల యజమానుల సంఘం సమాఖ్య రాష్ట్ర అధ్యక్షుడు ఇ.యువరాజ్‌ తెలిపారు. ఆయన మాట్లాడుతూ తమిళనాడులోని చాలా క్రషర్‌ క్వారీల్లో ట్రక్కులు ఓవర్‌లోడ్‌ అయినప్పుడు మాత్రమే వాటిని ఆపాలన్నారు. ట్రక్కుల ఓవర్‌ లోడింగ్‌ను తగ్గిస్తే ధరలు పెరుగుతాయని ప్రభుత్వమే చెప్పడం వింతగా ఉందన్నారు. ఇలాంటి పరిస్థితుల్లో ప్రభుత్వం ఓవర్‌ లోడింగ్‌ కేసులు నమోదు చేయడం ఆపాలని, ఈ కొత్త ప్రభుత్వం పన్నులు వసూలు చేయడం నిబంధనలకు విరుద్ధమన్నారు. ఈ సమస్యను ముఖ్యమంత్రి, రవాణా శాఖ మంత్రి దృష్టికి తీసుకురావడానికి నవంబర్‌ 1వ తేదీ నుంచి 4 రోజుల పాటు ట్రక్కుల సమ్మెకు దిగాలని నిర్ణయించామన్నారు. అధిక లోడ్లను స్వీకరించకూడదని ఒక నిర్ణయాత్మక నిర్ణయం కూడా తీసుకుంది. 4వ తేదీ వరకు ఇసుక, ఎంసాండ్‌ ట్రక్కులు చైన్నె, కాంచీపురం, తిరువళ్లూరు, చెంగల్పట్టు, రాణిపేట, కడలూరు, వెల్లూరు జిల్లాల్లో తిరగవని స్పష్టం చేశారు. మున్సిపల్‌ కమిషనర్‌ను దూషించిన టీవీకే నేత అరెస్టు అన్నానగర్‌: చెంగల్పట్టు నగర మున్సిపల్‌ కమిషనర్‌ను దూషించిన టీవీకే నాయకుడిని పోలీసులు అరెస్టు చేశారు. చెంగల్పట్టు నగర మున్సిపాలిటీ పరిధిలో 33 వార్డులు ఉన్నాయి. వీటిలో సేకరించిన చెత్తను 10 సంవత్సరాలకు పైగా చెంగల్పట్టు పచ్చయమ్మన్‌ ఆలయ సమీపంలోని చెత్త డంప్‌లో వేస్తున్నారు. పచ్చయమ్మన్‌ ఆలయ ప్రాంతంలో చెత్త పారవేయడంపై వచ్చిన ఫిర్యాదు నేపథ్యంలో మున్సిపల్‌ కమిషనర్‌ 27వ తేదీన పచ్చయమ్మన్‌ ఆలయ ప్రాంతాన్ని తనిఖీ చేయడానికి వెళ్లారు. అప్పుడు అక్కడికి వచ్చిన అదే ప్రాంతానికి చెందిన టీవీకే నాయకుడు ఆంథోని (34) కమిషనర్‌ సుమను అసభ్యకరంగా దూషించాడు. ఆమె ఆంథోనిపై చెంగల్పట్టు పోలీస్‌ విజిలెన్స్‌ కార్యాలయంలో ఫిర్యాదు చేసింది. చెంగల్పట్టు నగర పోలీసులు దర్యాప్తు నిర్వహించి ఆంథోనిని అరెస్టు చేశారు. చెంగల్పట్టు క్రిమినల్‌ కోర్టులో హాజరుపరిచి జైలుకు తరలించారు. ఆంథోనిపై పలు ఇసుక స్మగ్లింగ్‌ కేసులు ఉన్నాయని పోలీసులు తెలిపారు. విద్యుత్‌ షాక్‌తో యువకుడి మృతి తిరువళ్లూరు: స్నేహితుడి కొడుకు జన్మదిన వేడుకలకు బ్యానర్‌ కడుతూ విద్యుత్‌ షాక్‌కు గురైన యువకుడు మృతి చెందిన సంఘటన స్థానికంగా విషాదాన్ని నింపింది. తిరువళ్లూరు జిల్లా పుట్లూరు రామాపురం అంకాళపరమేశ్వరి ఆలయ వీధికి చెందిన నందగోపాల్‌ కుమారుడు అరవిందన్‌(34) తన కొడుకు జన్మదినం కావడంతో అరవింద్‌ స్నేహితుడైన కాకలూరుకు చెందిన దీపరాజ్‌ బ్యానర్‌ కట్టే పనుల్లో నిమగ్నమయ్యాడు. బ్యానర్‌ కట్టే సమయంలో ప్రమాదవశాత్తు విద్యుత్‌ వైర్‌కు బ్యానర్‌ తగలడంతో కింద పడ్డాడు. స్థానికులు రక్షించి అతడిని చికిత్స నిమిత్తం తిరువళ్లూరు ప్రభుత్వ వైద్యశాలకు తరలించారు. అతన్ని పరిశీలించిన వైద్యులు అప్పటికే మృతి చెందినట్టు నిర్ధారించారు. ఈ సంఘటనపై మృతుడి బంధువులు ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తును చేపట్టారు. శ్రీవారి దర్శనానికి 6 గంటలు తిరుమల: తిరుమలలో శుక్రవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 12 కంపార్ట్‌మెంట్లలో భక్తులు వేచి ఉన్నారు. గురువారం అర్ధరాత్రి వరకు 62,811 మంది స్వామిని దర్శించుకున్నారు. 19,499 మంది భక్తులు తలనీలాలు అర్పించారు. కానుకల రూపంలో హుండీలో రూ.4.20 కోట్లు వచ్చాయి. టైంస్లాట్‌ టిక్కెట్లు కలిగిన భక్తులకు సకాలంలో దర్శనమవుతోంది. దర్శన టిక్కెట్లు లేని వారికి 6 గంటలు పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకుంటున్నారు. ఇదిలా ఉండగా దర్శనం టికెట్లు ఉన్న వారు కేటాయించిన సమయానికే క్యూలోకి వెళ్లాలని టీటీడీ తెలిపింది. వేదవల్లి తాయారుకు ఘనంగా ఊంజల్‌ సేవ నాగలాపురం: మండలంలోని టీటీడీ అనుబంద శ్రీ వేదవల్లి సమేత వేదనారాయణ స్వామి ఆలయంలో శుక్రవారం సాయంత్రం శ్రీ వేదవల్లి తాయారుకు ఘనంగా ఊంజల్‌ సేవ నిర్వహించారు. ఈ మేరకు ఆలయ ప్రధాన అర్చకులు శుక్రవారం వేకువజామున ఆలయాన్ని తెరిచి స్వామి అమ్మవారిని సుప్రభాతంతో మేల్కొలిపి నిత్య కై ంకర్యాలు చేశారు. అనతరం వేదవల్లి తాయారుకు ప్రత్యేక పూజలు చేశారు. శుక్రవారం కావడంతో పెద్ద ఎత్తున భక్తులు వేదవల్లి తాయారును దర్శించుకున్నారు. సాయంత్రం 7 గంటలకు శ్రీ వేదవల్లి తాయారు ఉత్సవమూర్తులను వివిద రకాల పూలు, ఆభరణాలతో అలంకరించి తిరుచ్చి వాహనంపై అధిష్టింపజేశారు. తదుపరి ఊంజల్‌ సేవ చేశారు.

వేలూరు: పశుంపొన్‌ ముత్తురామలింగ దేవర్‌ జయంతి వేడుకలను శుక్రవారం ఉదయం వేలూ రు, తిరువణ్ణామలై జిల్లాల్లో ఘనంగా జరుపుకున్నారు. వేలూరు పాత కార్పొరేషన్‌ కార్యాలయం ఎదుట దేవర్‌ చిత్ర పటాన్ని ఉంచి వేలూరు దేవర్‌ పేరవై జిల్లా కార్యదర్శి రాముత్తు దేవర్‌ పూలమాల వేసి నివాళులర్పించారు. ఆయన మాట్లాడుతూ దేవర్‌ స్వాతంత్య్ర పోరాటంలో పాల్గొని దేవర్‌ కులస్తులకు ఎనలేని సేవా కార్యక్రమా లు చేపట్టారని పేర్కొన్నారు. ఎమ్మెల్యే వినోద్‌కన్నన్‌, టీవీకే జిల్లా కార్యదర్శి వేల్‌మురుగన్‌, మాజీ ఎంపీ మహ్మద్‌ సఖీ, కార్యకర్తలు అధిక సంఖ్యలో పాల్గొని దేవర్‌ చిత్ర పటానికి పూలమాల వేసి నివాళులర్పించారు. అదే విధంగా అన్నాడీఎంకే ఆధ్వర్యంలో ప్రధా న పోస్టల్‌ కార్యాలయం ఎదుట చిత్ర పటానికి పూల మాల వేసి స్వీట్లు పంచి పెట్టారు. కార్యక్రమంలో జిల్లా కార్యదర్శి ఎస్‌ఆర్‌కే అప్పు, డివిజన్‌ కార్యదర్శి కుప్పుస్వామి, దేవర్‌ పేరవై జిల్లా కోశాధికారి శంకర్‌లింగం, సభ్యులు రామలింగం, దురై పాండియన్‌, శివస్వామి, పన్నీర్‌సెల్వం, అన్ని వ్యాపారుల సంఘం జిల్లా అధ్యక్షుడు జ్ఞానవేల్‌, కోశాధికారి అరుణ్‌ప్రసాద్‌, అప్పుపాల అధినేత బాలాజీ మొదలియార్‌, తదితరులు పాల్గొన్నారు.

వేలూరు: వేలూరు కర్పగం సూపర్‌ మార్కెట్‌లో దీపావళి టపాసుల విక్రయాన్ని కలెక్టర్‌ లీలాఅలెక్స్‌ శుక్రవారం ఉదయం ప్రారంభించారు. కలెక్టర్‌ మాట్లాడుతూ దీపావళి పండుగకు కర్పగం సూపర్‌ మార్కెట్‌లో కొనుగోలుదారులకు అతి తక్కువ ధరతో టపాసులను విక్రస్తున్నట్లు తెలిపారు. రూ.372 నుంచి రూ.6 వేల వరకు టపాసుల బాక్సులు సిద్ధంగా ఉంచినట్లు తెలిపారు. ఈ సంవత్సరం నూతనంగా కొన్ని టపాసులను పరిచయం చేస్తున్నట్టు తెలిపారు. వీటి ధర రూ.200 నుంచి రూ.10 వేల వరకు ఉన్నట్టు పేర్కొన్నారు. గత సంవత్సరం దీపావళి పండుగకు రూ.కోటి విలువైన టపాసులను విక్రయించినట్టు తెలిపారు. ఈ సంవత్సరం రూ.1.50 కోట్ల విలువైన టపాసులను విక్రయించడమే లక్ష్యంగా పెట్టుకున్నట్టు వివ రించారు. వేలూరులోనే కాకుండా జిల్లాలోని గుడియాత్తం, తిరుపత్తూరు, వాణియంబాడి, వాలాజ, రాణిపేట తదితర ప్రాంతాల్లోని కర్ప గం సూపర్‌ మార్కెట్లలో అతి తక్కువ ధరకు టపాసులను విక్రయిస్తున్నట్లు తెలిపారు. కార్య క్రమంలో ఎమ్మెల్యే వినోద్‌కన్నన్‌, కర్పగం సూ పర్‌ మార్కెట్‌ జాయింట్‌ డైరెక్టర్‌ పయణిస్వామి, తహసీల్దార్‌ ఉదయకుమార్‌, అధికారులు పాల్గొన్నారు.

– కొడుకు అరెస్టు సేలం: ధర్మపురి జిల్లా నల్లంపల్లి సమీపంలోని ఇందూరు ప్రాంతంలో కర్రతో కొట్టి తల్లిని హత్య చేసిన కొడుకును పోలీసులు అరెస్టు చేశారు. ఇందూరు ప్రాంతానికి చెందిన చిత్తన్‌కు చిత్తురాజ్‌ (25), దేవరాజ్‌ (19) కొడుకులు ఉన్నారు. చిత్తురాజ్‌ బెంగళూరులో భవన నిర్మాణ కార్మికుడిగా పనిచేస్తున్నాడు. దేవరాజ్‌ మద్యానికి బానిసై పట్టణంలో ప్రజలను బెదిరించేవాడు. మూడు నెలలుగా ఇండోర్‌ బస్టాండ్‌ అవుట్‌పోస్ట్‌ వద్ద పోలీసు టోపీ ధరించి, చేతిలో కొరడా పట్టుకుని ప్రజలను బెదిరిస్తూ దానిని వీడియో తీశాడు. ఈ వీడియో వైరల్‌ కావడంతో ఇండోర్‌ పోలీసులకు ఫిర్యాదు అందింది. పోలీసులు కేసు నమోదు చేసి దేవరాజ్‌ను అరెస్టు చేసి జైలుకు పంపారు. కొన్ని రోజుల క్రితం తల్లి చిన్నపాప, సోదరుడు చిత్తురాజ్‌, దేవరాజ్‌ను బెయిల్‌పై ఇంటికి తీసుకువచ్చారు. గురువారం రాత్రి చిత్తన్‌, చిత్తురాజ్‌ ఇంట్లో లేరు. చిన్నపాప మాత్రమే ఉన్నారు. ఆ సమయంలో ఇంటికి వచ్చిన దేవరాజ్‌ తల్లితో వాగ్వాదానికి దిగాడు. ఇనుప రాడ్‌ తీసుకుని తల్లి తలపై కొట్టాడు. చినపాప కేకలు వేస్తూ రక్తపు మడుగులో పడి చనిపోయింది. కేకలు విని ఇరుగుపొరుగు వారు అక్కడికి వచ్చారు. తలుపు లోపలి నుంచి తాళం వేసి ఉంది. తలుపు తట్టినా తెరుచుకోకపోవడంతో ఇండోర్‌ పోలీసులకు సమాచారం అందించారు. వారు అక్కడికి చేరుకుని తలుపు తెరిచి లోపలికి వెళ్లగా దేవరాజ్‌ చేతిలో రాడ్‌ పట్టుకుని నిలబడి ఉన్నాడు. పోలీసులు అతడిని అరెస్టు చేశారు. అనంతరం చినపాప మృతదేహాన్ని ధర్మపురి ప్రభుత్వ ఆస్పత్రికి తరలించారు.

తమిళ సినిమా: సీనియర్‌ నటి వత్సలా రాజగోపాల్‌ (93) శుక్రవారం ఉదయం చైన్నెలో కన్నుమూశారు. వృద్ధాప్యం కారణంగా తుది శ్వాస విడిచారు. రంగస్థల నటి అయిన ఈమె తన 60 ఏళ్ల వయసులో సినీ రంగప్రవేశం చేశారు. రోజూ చిత్రంలో నటి మధుబాలకు బామ్మగా నటించి గుర్తింపు పొందారు. అలా సతీ లీలావతి తిరు డా తిరుడి, కాలమల్లా కాదల్‌ వాల్గా, అన్నియన్‌, మొ ళి, విన్నర్‌ మొదలు 400 లకు పైగా చిత్రాల్లో నటించారు. తెలుగు తదితర భాషల్లోనూ నటించిన తనసహజమైన నటనతో ప్రేక్ష కులను ప్రేక్షకులను మెప్పించారు. వత్స లా రాజగోపాల్‌ మృతికి పలువురు సినీ ప్రముఖులు ప్రగాఢ సంతాపం వ్యక్తం చేశారు. స్థానిక పల్లవరంలోని స్వగృహంలో అభిమానుల సందర్శనార్థం ఆమె భౌతికకాయాన్ని ఉంచగా, పలువురు సినీ ప్రముఖులు, అభిమానులు శ్రద్ధాంజలి ఘటించారు. శుక్రవారం సాయంత్రం నటి వత్సలా రాజగోపాల్‌ పార్థివదేహానికి అంత్యక్రియలు నిర్వహించారు.

తమిళ సినిమా: చిత్ర కథ, కథనాలు ప్రేక్షకులకు ఆద్యంతం ఆసక్తిని రేకెత్తించే విధంగా సాగితే కచ్చితంగా మంచి ఆదరణ పొందుతాయి. అలాంటి వైవిధ్య భరిత కథా కథనాలతో రూపొందిన తాజా చిత్రం పణి విళుమ్‌ ఇరవు. పవీ క్రియేషన్స్‌ పతాకంపై సదా మురుగన్‌, తంగవేల్‌ వల్లవర్‌ స్వామి, ఓం సెల్వ కలిసి నిర్మించిన చిత్రమిది. ఎస్‌ఆర్‌.రాజేష్‌ దర్శకత్వం వహించారు. ఇందులో అరుణ్‌ కార్తీ, ఎనాక్షీ గంగూలీ హీరో హీరోయిన్లుగా నటించారు. లవ్‌ సక్సెస్‌, థ్రిల్లర్‌ అంశాలతో రూపొందింది. నిర్మాతల్లో ఒకరైన సదా మురుగన్‌ ఈ చిత్రం గురించి మాట్లాడుతూ శ్ఙ్రీపణి విళుమ్‌ ఇరవు అనేది చక్కని కవితాత్మకమైన టైటిల్‌. నేను పాటల రచయితను కూడా. పలు తమిళ చిత్రాలకు తమిళం అందం, నేతలను చేకూర్చే విధంగా పేర్లు అమరడం లేదు అన్నది బాధాకరం. కాగా ఈ చిత్రానికి అందరికీ అర్ధమయ్యే విధంగా ఈ టైటిల్‌ని పెట్టాం. తమిళంలో ఏడాదికి 300లకు పైగా చిత్రాలు వస్తున్నాయి. ఇప్పటి వరకు తమిళ చిత్ర పరిశ్రమలో ఎవరూ చెప్పని కథను పణి విళుం ఇరవు చిత్రంలో చెప్పాము. విచిత్ర కథానాయకుడు అరుణ్‌ కార్తీ చూడ్డానికి సాధారణంగా ఉన్నా తెరపై తన అద్భుతమైన నటనతో ప్రేక్షకులను కంటతడి పెట్టించారు. విచిత్రం ద్వారా కథానాయకగా పరిచయమైన నటి మీనాక్షి గంగోలి కూడా తన తక్కలున్నట్టలతో చిత్రానికి అదనపు ఆకర్షణగా మారారు. మొదట్లో పాటలు రచయిత, సంగీత దర్శకుడిగా ఈ చిత్రంలోకి వచ్చిన నేను కథ నచ్చడంతో నిర్మాతగాను బాధ్యతలను చేపట్టాను. మరో నిర్మాత జయకుమార్‌ తంగవేల్‌ మొదలగు చిత్ర యూనిట్‌ సహకారంతో ఈ చిత్రాన్ని వైవిధ్య భరితంగా రూపొందించాము. చిత్రాన్ని నిర్మించడం కంటే దాన్ని విడుదల చేయడం పెద్ద ఛాలెంజ్‌గా మారింది. ఈ సవాల్‌ ఎదుర్కోవడానికి ఏఆర్‌కే ప్రొడక్షన్స్‌ అధినేతలు ధనశేఖర్‌, సంజయ్‌ మాకు అండగా నిలిచారు. చిత్రానికి ప్రేక్షకుల ఆదరణ లభిస్తుందనే నమ్మకంతో ఉన్నాముశ్రీశ్రీ అని పేర్కొన్నారు. నటి, దర్శకులు ఆర్జికతో లవ్‌ 3.ఓ చిత్ర యూనిట్‌ వాళ్లు అవకాశాలు ఇవ్వకపోవడం వల్లే తమిళసినిమా: ఏ రంగంలోనైనా బ్యాక్‌ గ్రౌండ్‌ చాలా ముఖ్యం. ఎలాంటి నేపథ్యం లేని వారు ఏదైనా సాధించాలంటే ప్రతిభ ఒకటే చాలదు. అవమానాలు, అవరోధాలను ఎదుర్కొని నిలబడాల్సి ఉంటుంది. అలాంటి పరిస్థితులను ఎదుర్కొని నిలబడి దర్శకురాలు, కథానాయకి, సహనిర్మాత ఇలా పలు శాఖలను నిర్వహిస్తున్న ఒక మహిళమణి ఆర్ణిక. రీల్స్‌ అక్కగా ఇన్‌స్ట్రాగామ్‌ ద్వారా పాపులర్‌ అయిన ఈమె కథానాయకిగా, దర్శకురాలిగా పరిచయం అవుతూ, కథ, కథనం మాటలు, పాటలు, కళా దర్శకత్వం బాధ్యతలను నిర్వహిస్తున్న చిత్రం లవ్‌ 3.ఓ. మంకీ ఎంటర్‌టైన్‌మెంట్‌ పతాకంపై శివకుమార్‌ నియమిస్తున్న ఈ చిత్రంలో ఆయన కీలకపాత్రను పోషించడం విశేషం. అదేవిధంగా ఇన్‌స్ట్రాగామ్‌లో పాపులర్‌ అయిన కోయంబత్తూర్‌ మా పిళై, కెన్‌ స్మైలీ అనబడే కార్తికేయన్‌ ముఖ్య పాత్రలు పోషించారు. వేదై పా.మహేష్‌ ఛాయాగ్రహణంను, వైకుంఠ్‌ శ్రీనివాసన్‌ సంగీతాన్ని అందించిన ఈ చిత్రం మోషన్‌ పోస్టర్‌ కార్యక్రమాన్ని చైన్నెలోని ప్రసాద్‌ ల్యాబ్‌లో నిర్వహించారు. దర్శకుడు ఆర్వీ ఉదయ్‌ కుమార్‌, పేరరసు, నటి వనితా విజయ్‌కుమార్‌, నటుడు కూల్‌ సురేష్‌ తదితరులు పాల్గొని మోషన్‌ పోస్టర్‌ను విడుదల చేసి చిత్ర యూనిట్‌కు శుభాకాంక్షలు తెలిపారు. చిత్ర దర్శకురాలు, కథానాయకి ఆర్ణిక మాట్లాడుతూ శ్ఙ్రీఏఐ ద్వారా కథను తయారు చేసి ఈ చిత్రాన్ని రూపొందించాం. ఆ రోజుల్లో తాత, బామ్మలు చెప్పిన విషయాలను తెలుసుకునే వాళ్లం. ఆ తర్వాత మన చుట్టుపక్కల వాళ్లు చెప్పే విషయాలను తెలుసుకునే వాళ్లం. ఆపై టీవీ, రేడియో, ఎఫ్‌ఎం ద్వారా పలు విషయాలను తెలుసుకునేవాళ్లం. ఇటీవల యూట్యూబ్‌ ఛానెల్స్‌ ద్వారా చాలా నేర్చుకుంటున్నాం .తాజాగా ఇన్‌స్ట్రాగామ్‌ వాడుకలోకి వచ్చింది. ఇక ఇప్పుడు చాట్‌ జీపీటీ టెక్నాలజీ అమల్లోకి వచ్చింది. ఈ టెక్నాలజీ ఎప్పుడైతే అమల్లోకి వచ్చిందో అప్పటి నుంచి ప్రేమ పుట్టింది. అలా ఏఐ యువతిని ఒక యువకుడు ప్రేమించే ఇతివృత్తంతో రూపొందించిన చిత్రం లవ్‌ 3.ఓ. గత ఏడేళ్లుగా నటిగా అవకాశాల కోసం పోరాడి ఎంతోమందితో నిరాకరించబడడంతోనే నేను ఇప్పుడు ఇలా ఈ వేదికపై నిలబడ్డాను అని ఆర్ణిక పేర్కొన్నారు. నయనతార ఈ స్థితిలో ఉన్నారంటే..! తమిళ సినిమా: నటి నయనతారపై నటి, నిర్మాత కుష్బుసుందర్‌ సి ప్రశంసల వర్షం కురుపించారు. ‘‘ఆమె ఈ స్థాయిలో ఉన్నారంటే నటనపై ఆమెకు ఉన్న అంకితభావం, క్రమశిక్షణే కారణం. మూక్కుత్తి అమ్మన్‌ 2 చిత్రంలో ఒక సన్నివేశం కోసం సుమారు రెండున్నర గంటల పాటు ఒకే చోట కదలకుండా కూర్చున్నారు. కాసేపు విరామం తీసుకోమని చెప్పినా, పర్వాలేదు అని చెప్పారు. ఎందుకంటే ఆ సన్నివేశానికి చాలా సీసీ వర్క్‌ ఉండటమే అని సుందర్‌ సి నాకు చెప్పారు. నయనతార పవర్‌ ఆఫ్‌ మూక్కుత్తి అమ్మన్‌ 2’’ అని కుష్బుసుందర్‌ సి పేర్కొన్నారు. ‘‘ఇక దర్శకుడు సుందర్‌.సి గురించి చెప్పాలంటే నేను ఇద్దరు పిల్లలకు జన్మనిచ్చాను. నేను దత్తత తీసుకున్న బిడ్డ సుందర్‌ సి. గత 31 ఏళ్లుగా ఎన్ని ఆటుపోట్లు వచ్చినా ఎదురొడ్డి నిలిచారాయన. సుందర్‌. సి యాక్షన్‌, కామెడీ, హారర్‌ కథా చిత్రాలను సక్సెస్‌ ఫుల్‌గా చేయగలరు. మూక్కుత్తి అమ్మన్‌ 2 వంటి డివోషనల్‌ కథా చిత్రాన్ని చేయగలరా అనే సందేహం నాకు కలిగింది. ఈ చిత్రాన్ని అద్భుతంగా చేశారు. ఇందులో నటి రెజీనా, ఊర్వశి, యోగిబాబు వంటి ప్రముఖ నటీనటులు చాలా బాగా నటించారు’’ అని తెలిపారు. ఇటీవల చైన్నెలో జరిగిన మూక్కుత్తి అమ్మన్‌ 2 చిత్రం ఫ్రీ రిలీజ్‌ కార్యక్రమంలో పేర్కొన్నారు. వేల్స్‌ ఫిలిం ఇంటర్నేషనల్‌ పతాకంపై ఐసరి గణేష్‌ నిర్మించిన ఈ భారీ బ్రహ్మాండ చిత్రానికి అవ్నీ మూవీస్‌ అధినేత కుష్బు సుందర్‌ సి రౌడీ పిక్చర్స్‌ అధినేతలు నయనతార, విఘ్నేష్‌ శివన్‌ సహ నిర్మాతలుగా వ్యవహరించారు. సుందర్‌.సి దర్శకత్వం వహించిన ఇందులో నటి నయనతార టైటిల్‌ పాత్రను పోషించిన ఈ చిత్రానికి హిప్‌ హాప్‌ ఆది సంగీతాన్ని అందించారు. నిర్మాణ కార్యక్రమాలను పూర్తి చేసుకున్న ఈ చిత్రం దీపావళి సందర్భంగా నవంబర్‌ 6వ తేదీన తమిళం, తెలుగు, మలయాళం, కన్నడం, హిందీ భాషల్లో ప్రపంచవ్యాప్తంగా తెరపైకి రానుంది.

తమిళ సినిమా: పలు ఓటీటీ సంస్థలు ఒరిజినల్‌ వెబ్‌ సిరీస్‌లను రూపొందించి ప్రేక్షకులను రంజింప చేస్తున్నాయి. అలా జియో హాట్‌ స్టార్‌ ఓటీటీ సంస్థ తాజాగా రూపొందించిన వెబ్‌ సిరీస్‌ లవ్‌ ఆల్వేస్‌. మధుమిత దర్శకత్వం వహించిన ఈ వెబ్‌ సిరీస్‌లో నటి గౌరీ జీ. కిషన్‌, రంజాన్‌ మహమ్మద్‌, జయప్రకాష్‌, జయసుధ, మాయకృష్ణన్‌ ప్రధాన పాత్రలు పోషించారు. పల్లి ప్రదీప్‌ కుమార్‌ రెడ్డి, మైథిలి సత్యజిత్‌, డింపుల్‌ ఖన్నా.కే, ఆద్విక్‌ రవిచంద్రన్‌, సూరజ్‌ సీతారామన్‌, స్మృతి మోహన్‌ కుమార్‌, సదాశివం సూర్యనారాయణ్‌, రామస్వామి మురుగయ్య తదితరులు ముఖ్యపాత్రులు పోషించారు. శబరి వాసన్‌ ఫజల్‌ నవాబ్‌ కథను అందించగా, మెయ్యందిరన్‌ ఛాయాగ్రహణంను, గిరీష్‌ గోపాలకృష్ణన్‌ సంగీతాన్ని అందించారు. రొమాంటిక్‌ కామెడీతో ఆకర్షణీయమైన ఫాంటసీ సన్నివేశాలను జోడించి రూపొందించిన అనూహ్యమైన ప్రేమ కథగా వెబ్‌ సిరీస్‌ ఉంటుందని నిర్వాహకులు తెలిపారు. సందర్భోచితమైన హాస్యానికి భావోద్వేగాలను జోడించి ఒక చక్కని వినోదాత్మక ప్రపంచాన్ని ఆశించే కథ అంశంతో 8 ఎపిసోడ్స్‌గా రూపొందించిన లవ్‌ ఆల్వేస్‌ వెబ్‌ సిరీస్‌ 30వ తేదీ నుంచి జియో హాట్‌ స్టార్‌ ఓటీటీలో స్ట్రీమింగ్‌ అవుతోందని చెప్పారు. లవ్‌ ఆల్వేస్‌ చిత్ర యూనిట్‌

తమిళనాడు రాజకీయాల్లో కీలక పరిణామం చోటుచేసుకుంది. దివంగ‌త మాజీ సీఎం జ‌య‌ల‌లిత స‌న్నిహితురాలు, ఒకప్పుడు అన్నాడీఎంకేలో కీలక పాత్ర పోషించిన వీకే శశికళకు మరోసారి రాజకీయంగా ఎదురుదెబ్బ తగిలింది. ఆల్‌ ఇండియా పురట్చి తలైవర్‌ మక్కల్‌ మున్నేట్ర కళగం (AIPTMMK) నుంచి ప్రధాన కార్యదర్శి శశికళను తొలగిస్తున్నట్లు ఆ పార్టీ వ్యవస్థాపక అధ్యక్షుడు చక్రవర్తి సంచలన ప్రకటన చేశారు.ఎన్నికల అనంతరం పార్టీ కార్యకలాపాలకు శశికళ దూరంగా ఉంటున్నారనే కారణంతో ఈ నిర్ణయం తీసుకున్నట్లు వెల్లడించారు. చెన్నైలోని వలసరవాక్కంలోని పార్టీ ప్రధాన కార్యాలయంలో మీడియాతో మాట్లాడిన చక్రవర్తి.. ఎన్నికల తర్వాత శశికళ పార్టీ కార్యక్రమాల్లో పాల్గొనడం లేదని.. ఆమెను కలిసేందుకు కూడా తనకు అవకాశం లభించలేదని తెలిపారు.ఈ నిర్ణయాన్ని ఇప్పటికే ఎన్నికల సంఘానికి తెలియజేసినట్లు చెప్పారు. త్వరలోనే నూతన ప్రధాన కార్యదర్శిని నియమిస్తామని చెప్పారు. తమిళనాడులోని ప్రస్తుత ప్రభుత్వానికి వ్యతిరేకంగా పార్టీ రెండు తీర్మానాలు కూడా ఆమోదించినట్లు చక్రవర్తి తెలిపారు. అన్నాడీఎంకే (AIADMK) నుంచి బహిష్కరణకు గురైన అనంతరం ఈ ఏడాది ప్రారంభంలో శశికళ కొత్త రాజకీయ పార్టీని ప్రకటించారు. ఆల్ ఇండియా పురట్చి తలైవర్ మక్కల్ మున్నేట్ర కళగం పేరుతో పార్టీని ఏర్పాటు చేశారు.కొబ్బరి తోటను పార్టీ ఎన్నికల గుర్తుగా నిర్ణయించారు. అంతేకాకుండా నలుపు, తెలుపు, ఎరుపు రంగులతో పార్టీ జెండాను కూడా పరిచయం చేశారు. అందులో అన్నాదురై, ఎంజీఆర్, జయలలిత చిత్రాలను పొందుపరిచారు. ఆదాయానికి మించిన ఆస్తుల కేసులో దోషిగా తేలడంతో శశికళను అన్నాడీఎంకే పార్టీ నుంచి బహిష్కరించిన విషయం తెలిసిందే.ఇదీ చదవండి: రక్తవర్ణంలోకి మారిన ఆకాశం.. అర్నబ్‌ తుపాన్‌ ప్రభావమేనా?

రిటైర్డ్‌ జస్టిస్‌ నేతృత్వంలో కమిషన్‌ సాక్షి, చైన్నె : సీఎం విజయ్‌ అధ్యక్షతన సచివాలయంలో గురువారం 3వ మంత్రివర్గ సమావేశం జరిగింది. ఈ సమావేశంలో రాష్ట్ర అభివృద్ధి, సామాజిక న్యాయం , శాంతిభద్రతలకు సంబంధించి పలు కీలక నిర్ణయాలకు కేబినెట్‌ ఆమోదం తెలిపింది. టీవీకే సర్కారు అధికారంలోకి వచ్చినానంతరం మూడో కెబినెట్‌ భేటి కి ప్రాధాన్యత సంతరించుకుంది. ఉదయం సచివాలయంలో సీఎం అధ్యక్షతన జరిగిన సమావేశానికి మంత్రులు,ఆయా శాఖల అధికారులు హాజరయ్యారు. సుమారు గంటన్నర పాటుగా జరిగిన ఈ సమావేశంలో శాంతి భద్రతల అంశాల గురించి సుదీర్ఘంగాచర్చించినట్టు సమాచారం. అలాగే, టీవీకే ఎన్నికల వాగ్దానాల అమల్లో భాగంగా పెండింగ్‌లో ఉన్న కొన్ని కీలక పథకాల అమలు గురించి చర్చించినట్టు సంకేతాలు వెలువడ్డాయి. ఇందులో గ్యాస్‌ సిలిండర్‌ పథకానికి తొలి ప్రాధాన్యత ఇచ్చేందుకు సిద్ధమయ్యారు. అలాగే, పలు పరిశ్రమలు రాష్ట్రంలో పెట్టుబడి పె ట్టేందుకు ముందుకు రావడంతో వాటిలో 8 సంస్థలకు అనుమతి ఇస్తూ ఆమోద ముద్ర వేశారు. ఈ సమావేశం ముగిసిన అనంతరం మంత్రి నిర్మల్‌కుమార్‌ మీడియాతో మాట్లాడుతూ కేబినెట్‌ నిర్ణయాలను వెల్లడించారు. కులాలగణనకు ప్రత్యేక కమిషన్‌ తమిళనాడులో కుల ఆధారిత సామాజిక న్యాయాన్ని ముందుకు తీసుకెళ్లేందుకు, సమగ్ర కుల గణన నిర్వహించేందుకు రిటైర్డ్‌ న్యాయమూర్తి నేతృత్వంలో ఒక ప్రత్యేక కమిషన్‌ను ఏర్పాటు చేయాలని నిర్ణయించారు. రాష్ట్రంలో అనేక కోట్ల రూపాయల వ్యయంతో కొత్త పరిశ్రమలు, కంపెనీలను ప్రారంభించే ప్రతిపాదనలకు మంత్రివర్గం పచ్చజెండా ఊపింది. ముస్లిం మతంలోకి మారిన వారి కేసులో రిజర్వేషన్ల విషయంలో సుప్రీంకోర్టులో సమీక్ష పిటిషన్‌ దాఖలు చేయడానికి ఆమోదం తెలిపారు. అలాగే తాలంబూర్‌ భూ వివాదంపై కోర్టు ఆదేశాల మేరకు చర్చించారు. వర్షాకాలాన్ని దృష్టిలో ఉంచుకుని అన్ని జిల్లాల యంత్రాంగం తక్షణమే ముందస్తు నివారణ చర్యలు చేపట్టాలని సీఎం విజయ్‌ ఆదేశించారు. రాష్ట్రంలోని జైళ్లలో భద్రతను మరింత పటిష్టం చేసేందుకు అదనపు సీసీటీవీ కెమెరాలు , స్కానింగ్‌ యంత్రాల ఏర్పాటుకు కేబినెట్‌ ఆమోదం తెలిపింది. అరెస్టు వివాదంపై మంత్రి స్పష్టత ప్రొఫెసర్‌ కలైయరసన్‌ అరెస్టుపై స్పందించిన మంత్రి, పోలీస్‌ శాఖ జరిపిన ఈ అరెస్టు అనుకోకుండా జరిగిన పొరపాటని, ఈ విషయాన్ని ప్రభుత్వం తరపున నేరుగా ఆయనకు తెలియజేసినట్లు పేర్కొన్నారు. పాఠశాలల నిధుల కుంభకోణంపై స్పందిస్తూ ఇందులో ఎలాంటి రాజకీయ కక్ష సాధింపు లేదన్నారు. హైకోర్టు సూచనలు, అందిన ఫిర్యాదుల ఆధారంగానే పోలీసులు చట్టపరమైన చర్యలు తీసుకుంటున్నామన్నారు. తప్పు ఎవరు చేసినా ఉపేక్షించేది లేదని మంత్రి స్పష్టం చేశారు. ప్రభుత్వ కార్యాలయాల్లో ప్రజలు ఇచ్చే వినతిపత్రాలపై అధికారులు తక్షణమే విచారణ జరిపి, వేగంగా పరిష్కారం చూపాలన్నారు.

సాక్షి, చైన్నె: చైన్నెలోని మద్రాసు ఇన్‌స్టిట్యూట్‌ ఆఫ్‌ డెవలప్‌మెంట్‌ స్టడీస్‌ అసిస్టెంట్‌ ప్రొఫెసర్‌, ప్రముఖ ఆర్థికవేత్త డాక్టర్‌ ఎ. కలైయరసనన్‌ను పోలీసులు వేకువ జామున తీసుకెళ్లి విచారణ పేరుతో వేధించడం రాష్ట్రవ్యాప్తంగా తీవ్ర నిరసన వ్యక్తమవుతోంది. ఒక ప్రఖ్యాత విద్యావేత్తను మఫ్టీలో వచ్చిన పోలీసులు అక్రమంగా అరెస్టు చేసి, భయబ్రాంతులకు గురిచేయడాన్ని డీఎంకే అధ్యక్షుడు ఎం.కె. స్టాలిన్‌, సీపీఎం రాష్ట్ర కార్యదర్శి పి. షణ్ముగం, ఏఎంఎంకే ప్రధాన కార్యదర్శి టి.టి.వి. దినకరనన్‌ సహా పలువురు రాజకీయ ప్రముఖులు తీవ్రంగా ఖండించారు. ఫాసిజంలో బీజేపీని మించిపోతున్నారు కేంబ్రిడ్జ్‌ యూనివర్సిటీ ప్రచురించిన ది ద్రవిడియన్‌ మోడల్‌ పుస్తకరచయిత, జేఎన్‌యూ పూర్వ విద్యార్థి, తమిళనాడు వాతావరణ మార్పుల కమిటీ సభ్యుడైన ప్రొఫెసర్‌ కలైయరసన్‌ను ఏ నేరం చేయకపోయినా అక్రమంగా అరెస్టు చేయడం తీవ్ర దిగ్భ్రాంతికరం అని డీఎంకే అధ్యక్షుం ఎంకే స్టాలిన్‌ ఆగ్రహం వ్యక్తం చేశారు. నేర చరిత్ర లేని ఒక విద్యావేత్తను పోలీసులు ఈడ్చుకెళ్లడం రాజ్యాంగ హక్కులను కాలరాయడమేనని పేర్కొన్నారు. విమర్శలను తట్టుకోలేక విద్యావేత్తలను భయపెడుతున్న ఈ ప్రభుత్వం ఫాసిజంలో బీజేపీని కూడా మించిపోయిందన్నారు.ఈ ఘటనపై సీఎం, పోలీసులు బహిరంగ క్షమాపణ చెప్పాలని డిమాండ్‌ చేశారు. అమ్మమక్కల్‌ మున్నేట్ర కళగం నేత టీటీవీ దినకరన్‌ స్పందిస్తూ, నిత్యావసర వస్తువుల ధరల పెరుగుదలపై ఆధారాలతో మాట్లాడడమే ప్రొఫెసర్‌ చేసిన నేరమా?, ప్రజాస్వామ్య గొంతుకను నొక్కేందుకు ప్రయత్నిస్తున్న ఈ ప్రభుత్వ చర్యలు దాని పతనానికి నాంది పలుకుతాయన్నారు. విచారణ పేరుతో తెల్లవారుజామున పోలీసులు ప్రొఫెసర్‌ను వేధించడం అరాచకంగా పేర్కొన్నారు. సీఎం తన వైఫల్యాలను కప్పిపుచ్చుకోవడానికే ఇటువంటి అణచివేత చర్యలకు పాల్పడుతున్నారని మండిపడ్డారు. సీపీఎం నేత షణ్ముగం స్పందిస్తూ, ప్రొఫెసర్‌ కలైయరసన్‌ ఒక ప్రముఖ ఆర్థికవేత్త. తనకు ఇన్‌స్ట్రాగామ్‌ ఐడీ లేదని మొరపెట్టుకున్నా వినకుండా పోలీసులు ప్రవర్తించిన తీరు ఆయనను భయపెట్టడానికే అని స్పష్టమవుతోందన్నారు. ఈ అక్రమ అరెస్టుకు బాధ్యులైన అధికారులపై ప్రభుత్వం తక్షణమే కఠిన చర్యలు తీసుకోవాలని డిమాండ్‌ చేశారు. ప్రొఫెసర్‌ కలైయరసన్‌అసలు ఏం జరిగింది? ఉదయం 5 గంటల ప్రాంతంలో మఫ్టీలో వచ్చిన పోలీసులు ప్రొఫెసర్‌ కలైయరసన్‌ ఇంట్లోకి చొరబడి, ఆయన సెల్‌ ఫోన్‌నను స్వాధీనం చేసుకుని బలవంతంగా వాహనంలో తీసుకెళ్లారు. పల్లవరం ఎమ్మెల్యేపై ఓ ఇన్‌స్ట్రాగామ్‌ ఖాతాలో పరువు నష్టం కలిగించే పోస్టు పెట్టారని, అందులో ప్రొఫెసర్‌ ఫొటో ఉందని విచారణ నెపంతో ఆయనను గంటల పాటు తిప్పి, చివరకు ఇంటి వద్ద వదిలేశారు. దీనిపై స్పందించిన ప్రొఫెసర్‌ కలైయరసన్‌, తనకు అసలు ఇన్‌స్ట్రాగామ్‌ ఖాతాయే లేదని, ఎవరో తన ఫొటోను దుర్వినియోగం చేశారని స్పష్టం చేశారు.ఆయన్ను అరెస్టు చేసి తీసుకెళ్లడం, మళ్లీ వదలి పెట్టడం వివాదాంశంగామారింది.

తమిళసినిమా: ప్రపంచంలో 80 శాతం అవినీతి కార్యకలాపాలు జరిగేది హార్బర్లలోనే. రకరకాల అక్రమాలకు కేరాఫ్‌ ఇదే. అదేవిధంగా పలు దేశాలకు మాదక ద్రవ్యాలు వంటి చట్ట విరోధ కార్యకలాపాలకు భారత దేశం అడ్డాగా మారింది.ఇలాంటి మాదకద్రవ్యాల విక్రయాలకు విదేశీ స్మగ్లింగ్‌ ముఠా కన్ను పడుతోంది ఇండియా పైనే. ఇలాంటి అక్రమాలను అరికట్టడం కస్టమ్‌ శాఖాధికారులకు ఛాలెంజ్‌ గా మారింది. ఇలాంటి కథాంశంతో ఎస్‌ ఆర్‌.డ్రీమ్‌ స్టూడియో సంస్థ రూపొందిన తాజా చిత్రం ఎనిమీ ఆఫ్‌ స్మగ్లర్‌. విశేషం ఏమిటంటే నిజం కస్టమ్‌ శాఖాధికారి టీ.సమయ మురళి ఈ చిత్రానికి కథ, దర్శకత్వం, నేపథ్య సంగీతం అందించి ప్రధాన పాత్రను పోషించడం. టాలీవుడ్‌ ప్రముఖ నటుడు జేడీ.చక్రవర్తి , మలయాళ ప్రముఖ నటుడు లాల్‌, నటి రాధిక శరత్‌ కుమార్‌, చరణ్‌ శక్తి, బాలా శరవణన్‌, నటి స్మేహ, కాళీ వెంకట్‌, జాఫర్‌ సాదిక్‌, మైమ్‌ గోపి తదితరులు ముఖ్య పాత్రలు పోషించారు. కే.విన్‌ భాస్కర్‌ ఛాయాగ్రహణం, శ్యామ్‌ డేనియల్‌ సంగీతాన్ని అందించిన ఈ యాక్షన్‌ ఎంటర్టైనర్‌ కథా చిత్రంలో ప్రేమ, స్నేహం, సెంటిమెంట్‌ వంటి పలు ఆసక్తికరమైన అంశాలు చోటు చేసుకున్నాయి. ఇది తన అనుభవంలో జరిగిన ఘటనలకు కొంచెం కల్పిత సన్నివేశాలను జోడించి చక్కని సందేశంతో పాటూ జనరంజకంగా తెరకెక్కించినట్లు దర్శకుడు పేర్కొన్నారు. కాగా ఎనిమీ ఆఫ్‌ స్మగ్లర్‌ చిత్రం ఈ నెల 30వ తేదీన ప్రపంచ వ్యాప్తంగా విడుదల కానుంది.

తమిళసినిమా: ప్రస్తుతం క్రేజీ కథానాయకుడిగా, హాస్యనటుడు రాణిస్తున్న నటుడు యోగిబాబు. ఏం తరహా పాత్రలనైనా తనదైనశైలిలో నటించే సత్తా కలిగిన ఈయన తాజాగా కథానాయకుడిగా నటిస్తున్న చిత్రాల్లో అర్జనన్‌ పేర్‌ పత్తు. ఇది యోగి బాబు నటించిన 300వ చిత్రం కావడం విశేషం. దేవ్‌ సినిమాస్‌ ప్రైవేట్‌ లిమిటెడ్‌ పతాకంపై రూపొందిన ఈ చిత్రానికి ఆర్‌. రాజ్‌ మోహన్‌ దర్శకత్వం వహించారు.నటి అనామిక మహీ నాయకిగా నటించారు.కాళీవెంకట్‌, అరుళ్‌ దాస్‌,అయిలీ మదన్‌, సుబ్రహ్మణి శివ, మైనా నందిని , సౌందర్య,సెండ్రాయన్‌,హలో కందసామి,పావా లక్ష్మణ్‌, రంజన్‌ కుమార్‌ తదితరులు ముఖ్యపాత్రలు పోషించారు. వీరితో పాటు దర్శకుడు లెనిన్‌ భారతి కీలక పాత్రను పోషించారు. డీ.ఇమాన్‌ సంగీతాన్ని, ప్రదీప్‌ కాళీరాజా ఛాయాగ్రహణంను అందించిన అర్జనన్‌ పేర్‌ పత్తు చిత్రం షూటింగ్‌ ను పూర్తి చేసుకుని ప్రస్తుతం ఎడిటింగ్‌ తదితర నిర్మాణాంతర కార్యక్రమాలను జరుపుకుంటోంది. కాగా చిత్రాన్ని నవంబర్‌ 27వ తేదీన తెరపైకి తీసుకు రావడానికి సన్నాహాలు చేస్తున్నట్లు యూనిట్‌ వర్గాలు మీడియాకు విడుదల చేసిన ప్రకటనలో పేర్కొన్నారు. ఈ చిత్రం టీజర్‌ ఇప్పటికే విడుదలైన ప్రేక్షకుల మధ్య మంచి ఆదరణను పొందింది. ఒక మధ్య తరగతి కుటుంబానికి చెందిన యువకుడు జీవితంలో ఉన్నత స్థాయికి చేరుకోవాలని రేయింబవళ్ళు శ్రమించి ఒక వాహనాన్ని కొనుగోలు చేయగా, అది దొంగతనానికి గురౌతున్నారు. దాన్ని కనుక్కోవడానికి ఆ యువకుడు చేసే ప్రయత్నంలో పలు ఆసక్తికరమైన సంఘటనలు చోటు చేసుకుంటాయని,ఆ వాహనాన్ని పలువురు సొంతంగా భావిస్తారనీ, అలా వాహన మాఫియా ప్రపంచాన్ని తెరపై ఆవిష్కరించే కథా చిత్రం ఇదని యూనిట్‌ వర్గాలు పేర్కొంటున్నారు.

సాక్షి, చైన్నె: హోండా గ్రూప్‌ కంపెనీల సీఎస్‌ఆర్‌ విభాగమైన హోండా ఇండియా ఫౌండేషన్‌ గ్రేటర్‌ చైన్నె ట్రాఫిక్‌ పోలీసుల క్షేత్రస్థాయి పర్యవేక్షణా పనుల కోసం 51 అత్యవసర వాహనాలను అందజేసింది. చైన్నె నగర వ్యాప్తంగా రహదారి భద్రత, అత్యవసర ప్రతిస్పందన, గస్తీ నిర్వహణను వేగవంతం చేయడం ఈ ప్రాజెక్ట్‌ యొక్క ప్రధాన లక్ష్యంగా నిర్ణయించారు. పోలీసు విధుల కోసం ప్రత్యేక మార్పులు చేసిన 50 హోండా సీబీ 350 మోటార్‌సైకిళ్లు, ఒక హోండా ఎలివేట్‌ కారుఇందులో ఉన్నాయి. ఈ వాహనాలకు డ్యూయల్‌–టోన్‌ సైరన్లు, పబ్లిక్‌–అడ్రెస్‌ సిస్టమ్‌లు, ఎల్‌ఈడీ అత్యవసర లైట్లు, పోలీస్‌ డిస్‌ప్లే బోర్డులు అమర్చారు. మోటార్‌సైకిళ్లకు విండ్‌స్క్రీన్‌లు, స్టోరేజ్‌ బాక్సులను కూడా జత చేశారు. ఈ పంపిణీ అనేది హెచ్‌ఐఎఫ్‌ చేపట్టిన సడక్‌ సహాయక్‌ – సురక్షిత్‌ మార్గ్‌, సురక్షిత్‌ జీవన్‌ కార్యక్రమంలో భాగం నిర్వహించారు. దీని ద్వారా ఎడ్యుకేషన్‌, ఇంజనీరింగ్‌, ఎన్‌ఫోర్స్‌మెంట్‌, ఎమర్జెన్సీ కేర్‌ అనే సమగ్ర వ్యూహంతో రోడ్డు భద్రతకు ఆదర్శ నగరంగా చైన్నెని తీర్చిదిద్దడానికి హోండా కృషి చేస్తుందని ప్రకటించారు. గ్రేటర్‌ చైన్నె పోలీస్‌ కమిషనర్‌ డాక్టర్‌ ఎ. అమల్‌రాజ్‌, హోండా మోటార్‌సైకిల్‌ – స్కూటర్‌ ఇండియా ప్రైవేట్‌ లిమిటెడ్‌ కార్పొరేట్‌ వ్యవహారాల ఆపరేటింగ్‌ ఆఫీసర్‌ ప్రభు నాగరాజ్‌ సమక్షంలో ఈ వాహనాలను అందజేశారు.

సాక్షి చైన్నె: రాష్ట్రంలో వరుసగా జరుగుతున్న జైళ్ల నుంచి ఖైదీల పరారీ ఘటనల నేపథ్యంలో రాష్ట్ర ప్రభుత్వం కీలక నిర్ణయం తీసుకుంది. తమిళనాడు జైళ్ల శాఖ అడిషనల్‌ డైరెక్టర్‌ జనరల్‌ ఆఫ్‌ పోలీస్‌ (డీజీపీ) సందీప్‌ రాయ్‌ రాథోర్‌ను బదిలీ చేస్తూ ఉత్తర్వులు జారీ చేసింది. ఆయన స్థానంలో కొత్త జైళ్ల శాఖ డీజీపీగా సీనియర్‌ ఐపీఎస్‌ అధికారి శంకర్‌ను నియమించింది. బదిలీ అయిన సందీప్‌ రాయ్‌ రాథోర్‌ను విద్యుత్‌ బోర్డు అవినీతి నిరోధక విభాగం అధికారిగా పంపించారు. వివరాలు.. తేని జిల్లా తేక్కంపట్టి జైలు నుంచి ఈనెల 26న రాత్రి 17 మంది ఖైదీలు పోలీసులపై దాడి చేసి ఒకేసారి పారిపోవడం రాష్ట్రవ్యాప్తంగా తీవ్ర కలకలం రేపింది. పోలీసులు 36 గంటల పాటు శ్రమించి 17 మందిని మళ్లీ పట్టుకున్నప్పటికీ, జైళ్లలో నెలకొన్న తీవ్ర భద్రతా లోపాలు, సిబ్బంది నిర్లక్ష్యంపై ప్రతి పక్షాలు ప్రభుత్వాన్ని టార్గెట్‌ చేసి విమర్శల వర్షం కురిపిస్తున్నాయి. అలాగే కొద్ది రోజుల క్రితం చైన్నెలోని పుళల్‌ కేంద్ర కారాగారం నుంచి కూడా ఇద్దరు ఖైదీలు తప్పించుకున్న ఘటన ప్రతి పక్షాలకు మరో అస్త్రంగా మారింది. ఖైదీలు పట్టుబడినా, జైళ్లలో భద్రతల కొరవడిందన్న విమర్శలకు ప్రభుత్వ సమాధానాలు ఇవ్వలేని పరిస్థితి నెలకొంది. దీంతో శాఖ శాంతిభద్రతల సమర్థవంతమైన నిర్వహణ కోసం డీజీపీ స్థాయి అధికారిని బదిలీ చేస్తూ చర్యలు చేపట్టింది. బెయిల్‌ రాక పోవడంతోనే.. తేని జిల్లా తేక్కంపట్టి జైలు నుండి పోలీసులపై దాడి చేసి పరారైన 17 మంది ఖైదీలను పోలీసులు కేవలం 36 గంటల వ్యవధిలోనే శ్రమించి తిరిగి అదుపులోకి తీసుకున్నారు. ఈ ఘటనపై పోలీసుల విస్తృత విచారణ సాగుతుండగా, ఖైదీలను ఇతర జైళ్లకు భద్రత నడుమ తరలించే ప్రక్రియ ప్రారంభమైంది. తొలి విడతగా ముగ్గురిని తిరునల్వేలి పాళయం కోట్టై కేంద్ర కారాగారినికి తరలించారు. దక్షిణ జోన్‌ ఐజీ విజయేంద్ర బిధారి మాట్లాడుతూ.. బెయిల్‌ రాకపోవడంతో నిరాశ చెందిన ఖైదీలు, దివ్యాంగుడైన లింగ ప్రసాద్‌ ప్లాన్‌ ప్రకారం ఈ పరారీకి యత్నించినట్టు తేలిందన్నారు. ఇకపై జైలు మౌలిక సదుపాయాలు, భద్రతా వ్యవస్థలలో సమూల మార్పులు చేయనున్నట్లు ఆయన స్పష్టం చేశారు.

తిరువొత్తియూరు: సాత్తాంకుళం సమీపంలోని ముదూలూరుకు చెందిన ముత్తుకృష్ణన్‌ రోజువారీ కూలీ. ఆయన భార్య మేరీ రెజిల్లా. ఈ దంపతులకు ఇద్దరు కుమార్తెలు, బ్లెస్సెడ్‌ రాజా అనే ఒక కుమారుడు ఉన్నారు. ఈనెల 23వ తేదీ తెల్లవారుజామున వీరి ఇంట్లోకి చొరబడిన ఒక గుర్తుతెలియని వ్యక్తి, మేరీ రెజిల్లాపై విచక్షణారహితంగా దాడి చేసి హత్య చేశాడు. అంతేకాకుండా ముత్తుకష్ణన్‌, బ్లెస్సెడ్‌ రాజాలపై కూడా దాడి చేసి, ఇంట్లోనే ఉన్న ఇద్దరు బాలికలను బెదిరించి కిడ్నాప్‌ చేశాడు. సమాచారం అందుకున్న పోలీసులు ఘటనా స్థలానికి చేరుకుని దర్యాప్తు చేయగా, ఆనందపురం ప్రాంతానికి చెందిన జ్ఞానప్రకాష్‌ అనే యువకుడు ఈ ఘోరానికి పాల్పడినట్లు తేలింది. జ్ఞానప్రకాష్‌ ఆ బాలికలను తన ఇంట్లో బంధించినట్లు తెలుసుకున్న పోలీసులు వెంటనే అక్కడికి వెళ్లి వారిని సురక్షితంగా రక్షించారు. అనంతరం అడవి ప్రాంతంలో దాక్కున్న జ్ఞానప్రకాష్‌ను అరెస్ట్‌ చేశారు. ఇదిలా ఉండగా, నిందితుడి దాడిలో తీవ్రంగా గాయపడిన ముతుకృష్ణన్‌, బ్లెస్సెడ్‌ రాజాలను నైల్లె (తిరునల్వేలి) ప్రభుత్వ ఆసుపత్రికి తరలించి తీవ్ర నిఘాలో చికిత్స అందించారు. అయితే చికిత్స పొందుతూ ముత్తుకృష్ణన్‌ గురువారం తెల్లవారుజామున ప్రాణాలు కోల్పోయారు. దీంతో మొదట నమోదైన మేరీ రెజిల్లా హత్య కేసును, ఇప్పుడు జంట హత్య కేసుగా మార్చి పోలీసులు దర్యాప్తును ముమ్మరం చేశారు. తిరువళ్లూరు: తిరువళ్లూరు జిల్లా పేరంబంబాక్కం నందా నగర్‌కు ప్రాంతానికి చెందిన ధర్మేంద్రన్‌ మప్పేడులోని ఓ ప్రైవేటు కంపెనీలో పని చేస్తున్నాడు. ఇతను తన ఇంటికి సీసీటీవీ కెమరాలను అమర్చి వాటి లైవ్‌ను సెల్‌ఫోన్‌లో చూసుకునే విధంగా సదుపాయాన్ని చూసుకునేలా ఏర్పాట్లు చేశాడు. ఈ క్రమంలో యధావిధిగా ధర్మేంద్రన్‌ మధ్యాహ్నం రెండు రెండుగంటలకు తన కార్యాలయానికి వెళ్లగా, అదును చూసి ఓ యువకుడు ఇంట్లోకి చొరబడి బీరువాలో వుంచిన బంగారు నగలను చోరీ చేశారు. ఈ వీడియో సీసీ కెమెరాల్లో నమోదయ్యాయి. విషయాన్ని గుర్తించిన బాధితుడు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు వీడియో ఆధారంగా చోరీకి పాల్పడిన వ్యక్తి పేరంబాక్కం గ్రామానికి చెందిన వేలు కుమారుడు దీపన్‌గా గుర్తించారు. అనంతరం అతడ్ని రెండుగంటల్లో పట్టుకున్న పోలీసులు అతడి నుంచి బంగారు నగలను రికవరీ చేసి కోర్టులో హాజరుపరిచి రిమాండ్‌కు తరలించారు. తిరువళ్లూరు: అవినీతి రహిత సమాజాన్ని నిర్మించడంలో యువత, విద్యార్థులు కీలక పాత్రను పోషించాలని డీఎస్పీ జయకుమార్‌ అన్నారు. ఏటా అక్టోబర్‌ నెల చివరి వారంలో అవినీతికి వ్యతిరేక వారోత్సవాలను నిర్వహి స్తున్న విషయం తెలిసిందే. ఇందులో భాగంగా ఈ సంవత్సరం అక్బోటర్‌ 26 నుంచి నవంబర్‌ నాలుగు వరకు వారోత్సవాలను నిర్వహిస్తున్నారు. ఈ నేపద్యంలో అవినీతి రహిత సమాజ నిర్మాణంపై విద్యార్థులు భారీ ర్యాలీ చేపట్టారు. ర్యాలీని డీఎస్పీ జయకుమార్‌, విజిలెన్స్‌ ఇన్‌స్పెక్టర్‌ తమిళరసి, మాల తదితరులు జెండా ఊపి ప్రారంభించారు. కలెక్టర్‌ కార్యాలయం నుంచి ప్రారంభమైన ర్యాలీ ససీ నాయుడు రోడ్డు, నేతాజీ రోడ్డు మీదుగా సాగింది. ర్యాలీలో అవినీతిని నిరోదించాలి. లంచగొండి తనాన్ని పోత్సహించకూడదంటూ విద్యార్థులు నినా దాలు చేశారు. కార్యక్రమంలో సబ్‌ఇన్‌స్పెక్టర్‌ గుణశేఖరన్‌, కుమరేషన్‌, ఉపాధ్యాయుడు మురళీ, బాలచ్రందన్‌ పాల్గొన్నారు. తిరువళ్లూరు: రోడ్డు నిర్మాణం పేరిట రాత్రి సమయంలో అక్రమంగా మట్టి తవ్వకాలు చేస్తున్న వారిపై కఠిన చర్యలు తీసుకోవాలని కోరుతూ అరణ్‌వాయల్‌ ప్రాంతానికి చెందిన స్థానికులు వాహనాలను అడ్డుకుని రాస్తారోకోకు దిగడంతో ఉద్రిక్తత వాతావరణం నెలకొంది. తిరువళ్లూరు జిల్లా వెంగత్తూరు గ్రామానికి చెందిన చెరువు వుంది. ఈ చెరువు ద్వారా అరణ్‌వాయల్‌, వెంగత్తూరుతో పాటు పలు ప్రాంతాలకు చెందిన భూములకు సాగునీరు అందిస్తున్నారు. కాగా చెరువుకు సమీపంలో ఎన్నూరు నుంచి మహాబలిపురం వరకు వెళ్లే రోడ్డును నిర్మిస్తున్నారు. ఈ రోడ్డు నిర్మాణం కోసం రాత్రి సమయంలో యథేచ్ఛగా మట్టి తవ్వకాలను చేస్తున్నారని, తద్వారా కరకట్ట తెగిపోయే ప్రమాధం వుందని ఆరోపిస్తూ స్తానికులు గురువారం ఉదయం వాహనాలను అడ్డుకుని రాస్తారోకో నిర్వహించారు. రాత్రి సమయంలో జరిగే మట్టి తవ్వకాలను వెంటనే నిలుపుదల చేయాలని కోరుతూ నినాదాలు చేశారు. కపోలీసులు, రెవెన్యూ సిబ్బంది ఆందోళన చేస్తున్న వారి వద్దకు వెళ్లి వారిని సముదాయించి ఆందోళనను విరమింపజేశారు.

డీఎంకే మహిళా విభాగం ఆధ్వర్యంలో నిరసనలు.. రేపు కొరుక్కుపేట: తమిళనాడులో శాంతిభద్రతల పరిస్థితి, మహిళలు , పిల్లలకు భద్రత లేకపోవడం, పెరుగుతున్న ధరలను ఖండిస్తూ డీఎంకే మహిళా సంఘం తరపున నిరసన శనివారం జరుగనున్నాయి. తమిళనాడులో హత్య, దోపిడీ మాదకద్రవ్యాల అక్రమ రవాణా, నేరాలు పెరగడం వల్ల శాంతిభద్రతలు చాలా వరకు క్షీణించాయి. మహిళలపై హింస, పిల్లల అపహరణలు విపరీతంగా పెరిగాయి . ఈ ప్రభుత్వం తమిళనాడును అసురక్షిత రాష్ట్రంగా మార్చింది. తమిళనాడును అసురక్షిత రాష్ట్రం అనే అగాథంలోకి నెట్టిన టీవీకే ప్రభుత్వాన్ని ఖండిస్తున్నాం. డీఎంకే మహిళా విభాగం తరపున శనివారం ఉదయం 10 గంటలకు అన్ని జిల్లా కేంద్రాల్లో నిరసనలు జరగనున్నాయి. చైన్నె ఉత్తర జిల్లా తరపున కనిమొళి ఎంపీ నిరసనలో పాల్గొని మాట్లాడనున్నట్లు పేర్కొన్నారు. నైపుణ్యాల పెంపే లక్ష్యం కొరుక్కుపేట: నాణ్యమైన విద్య, నైపుణ్యాల పెంపు,వృత్తి ఆధారిత అభ్యాస కార్యక్రమాల ద్వారా యువతులకు సాధికారత కల్పించడానికి ఎస్‌కేపీసీ కట్టుబడి ఉందని ఆ కళాశాల యాజమన్యం పేర్కొంది. యూనిసెఫ్‌ పాస్‌పోర్ట్‌ టూ ఎర్నింగ్‌ (పీ2ఈ) కార్యక్రమం ద్వారా యువత నైపుణ్యాభివృద్ధిని ప్రోత్సహించడంలో శ్రీ కన్యక పరమేశ్వరి మహిళా కళాశాల తన అంకితభావం నిబద్ధతకు గాను, గ్లోబల్‌ అండర్‌స్టాండింగ్‌ ఫర్‌ సస్టైనబుల్‌ డెవలప్‌మెంట్‌ (జీయూఎస్‌డీ) సహకారంతో ఆడేషియస్‌ డ్రీమ్స్‌ ఫౌండేషన్‌ నుండి ’సంస్థాగత శ్రేష్ఠత( ఇనిస్టిట్యూషనల్‌ ఎక్స్‌లెన్స్‌) గుర్తింపును పొందింది. యువతకు అవసరమైన నైపుణ్యాలు, జ్ఞానాన్ని అందించి, వారి ఉపాధి అవకాశాలను పెంచి, భవిష్యత్‌ వృత్తి అవకాశాలకు వారిని సిద్ధం చేయడంపై దృష్టి సారించే యూనిసెఫ్‌ పాస్‌పోర్ట్‌ టూ ఎర్నింగ్‌ కార్యక్రమంలో విద్యార్థుల భాగస్వామ్యాన్ని ఈ కళాశాల సులభతరం చేసిందని నిర్వాహకులు పేర్కొన్నారు. రెండు బైకులు ఢీ – ఇద్దరి మృతి అన్నానగర్‌: పడప్పై సమీపం అథనూర్‌ ప్రాంతానికి చెందిన నారాయణన్‌ (42) పెయింటర్‌గా పని చేస్తున్నాడు. ఇతను బుధవారం రాత్రి అథనూర్‌ లేక్‌ రోడ్‌ మీదుగా మోటార్‌ సైకిల్‌ పై కిరాణా దుకాణానికి వెళ్లాడు. అదే సమయంలో చైన్నెకి చెందిన లోకేష్‌ (26) గుడువాంజేరి నుండి మన్నివాక్కం వైపుగా మోటార్‌ సైకిల్‌ పై ఎదురుగా వచ్చాడు. అకస్మాత్తుగా, ఈ రెండు మోటార్‌ సైకిళ్లు వేగంగా ఎదురెదురు ఢీకొన్నాయి. ఈ ప్రమాదంలో మోటార్‌ సైకిళ్లపై ప్రయాణిస్తున్న నారాయణ్‌, లోకేష్‌ వాహనం నుండి ఎగిరిపడి తీవ్రంగా గాయపడ్డారు. స్థానికులు వారిద్దరినీ రక్షించి చెంగల్పట్టు ప్రభుత్వ ఆసుపత్రిలో చేర్పించారు. అక్కడ కొద్దిసేపట్లో నారాయణ్‌, లోకేష్‌ ఇద్దరూ చికిత్స పొందుతూ మరణించారు. మణిమంగళం పోలీసులు కేసు దర్యాప్తు చేస్తున్నారు. మద్యం తాగడానికి డబ్బు ఇవ్వలేదని పెద్దమ్మ హత్య తిరువొత్తియూరు: మద్యం తాగడానికి డబ్బులు ఇవ్వలేదని పెద్దమ్మను హత్య చేసిన చెల్లెలి కుమారుడిని పోలీసులు అరెస్టు చేశారు. తూత్తుకుడి కందన్‌ కాలనీ 3వ వీధి పశ్చిమ ప్రాంతానికి చెందిన చిత్తిరైవేల్‌ భార్య శశికళ ( 47). బుధవారం ఆమె హత్యకు గురయ్యారు. అంతేకాకుండా ఆమె ధరించిన 4 సవర్ల బంగారు నగలు కూడా దోచుకెళ్లారు. ఈ ఘటనకు పాల్పడిన శశికళ చెల్లెలి కొడుకు విగ్నేష్‌ అలియాస్‌ మునీష్‌ (27)ను పోలీసులు అరెస్ట్‌ చేశారు. అతని దగ్గర నుంచి 4 సవర్ల బంగారు నగలను స్వాధీనం చేసుకుని రహస్య ప్రదేశంలో విచారణ చేపట్టారు. తలకిందులుగా ఎగిరిన జాతీయ జెండా తిరువొత్తియూరు : సేలంలో మంత్రి పాల్గొన్న కార్యక్రమంలో జాతీయ జెండాను తల కిందులుగా కట్టిన వ్యాయామ ఉపాధ్యాయుడు సస్పెండ్‌ అయ్యాడు. సేలం మహాత్మా గాంధీ క్రీడా మైదానంలో బుధవారం రాష్ట్ర స్థాయి 67వ గణతంత్ర దినోత్సవ అథ్లెటిక్స్‌ పోటీల ప్రారంభోత్సవ వేడుకలు జరిగాయి. ఈ కార్యక్రమంలో రవాణా శాఖ మంత్రి విజయ్‌ తమిళన్‌ పార్తీపన్‌ ముఖ్య అతిథిగా విచ్చేసి జాతీయ జెండాను ఎగురవేశారు. ఆ సమయంలో జాతీయ జెండాను సరిగ్గా కట్టకపోవడం వల్ల కాషాయం, తెలుపు రంగు భాగాలు ఊడిపోయి కిందకు వేలాడాయి. దీనివల్ల పచ్చ రంగు పైకి వచ్చి, జాతీయ జెండా తలకిందులుగా ఎగిరింది. దీనిని చూసిన మంత్రి విజయ్‌ తమిళన్‌ పార్తీపన్‌ తీవ్ర దిగ్భ్రాంతికి లోనయ్యారు. వెంటనే జాతీయ జెండాను కిందికి దించారు. ఆ తర్వాత మంత్రి స్వయంగా జాతీయ జెండాను సరిగ్గా కట్టి, మళ్లీ ఎగురవేసి గౌరవ వందనం సమర్పించారు. ప్రభుత్వ కార్యక్రమంలో ఇలాంటి తీవ్ర అజాగ్రత్తకు పాల్పడిన వారిపై జిల్లా ప్రధాన విద్యాశాఖ అధికారి ఎల్లప్పన్‌ విచారణ చేపట్టారు. ఈ విచారణలో మేట్టుపట్టి ప్రభుత్వ హయ్యర్‌ సెకండరీ స్కూల్‌ వ్యాయామ ఉపాధ్యాయుడు జాన్‌ నిర్లక్ష్యంగా వ్యవహరించినట్లు తేలింది. దీని ఆధారంగా జిల్లా ప్రధాన విద్యాశాఖ అధికారి ఎల్లప్పన్‌, సదరు వ్యాయామ ఉపాధ్యాయుడు జాన్‌ను సస్పెండ్‌ చేస్తూ ఉత్తర్వులు జారీ చేశారు.

సాక్షి, చైన్నె: ప్రపంచ స్ట్రోక్‌ (పక్షవాతం) దినోత్సవాన్ని పురస్కరించుకుని, సకాలంలో వైద్య సహాయం అందాల్సిన ప్రాముఖ్యతపై ప్రజల్లో అవగాహన కల్పించేందుకు చైన్నెలోని ఎంజీఎం హెల్త్‌కేర్‌ స్టైడ్‌ ఫర్‌ స్ట్రోక్‌ వినూత్నంగా గొడుగు వాకథాన్‌ నిర్వహించారు. ఆసుపత్రి ప్రాంగణం నుండి ప్రారంభమైన ఈ 3 కిలోమీటర్ల అంబ్రెల్లా వాకథాన్‌లో పక్షవాతం నుండి కోలుకున్నవారు, వ్యాధి బారిన పడకుండా నివారించబడినవారితో సహా 400 మందికి పైగా ఉత్సాహంగా పాల్గొన్నారు. ప్రముఖ నటి రమ్య సుబ్రమణియన్‌, ఎంజీఎం హెల్త్‌కేర్‌ న్యూరోసర్జరీ డైరెక్టర్‌ డాక్టర్‌ రూపేష్‌ కుమార్‌, క్లినికల్‌ లీడ్‌ – సీనియర్‌ కన్సల్టెంట్‌ డాక్టర్‌ వాసుదేవన్‌, కన్సల్టెంట్‌ న్యూరాలజిస్ట్‌ డాక్టర్‌ శ్రీవర్ధన్‌, ఇంటర్వెన్షనల్‌ రేడియాలజీ క్లినికల్‌ లీడ్‌ డాక్టర్‌ ఆర్తి దీపేష్‌ల సమక్షంలో ఈ కార్యక్రమాన్ని జెండా ఊపి ప్రారంభించారు.ఈ సందర్భంగా డాక్టర్‌ రూపేష్‌ కుమార్‌ మాట్లాడుతూ.. స్ట్రోక్‌ అనేది కాలంతో చేసే పందెం. శరీరంలో ఒకవైపు అకస్మాత్తుగా నీరసం, తిమ్మిరి, ముఖం వాలిపోవడం వంటి లక్షణాలు కనిపిస్తే వెంటనే అప్రమత్తం కావాలని పిలుపు నిచ్చారు. అధిక రక్తపోటు, మధుమేహం, కొలెస్ట్రాల్‌ వంటి సమస్యలు ఉన్నవారు తగిన జీవనశైలి మార్పులు చేసుకోవాలని సూచించారు. సంస్థ ముఖ్య కార్యనిర్వహణాధికారి పద్మనాబన్‌ మాట్లాడుతూ.. స్ట్రోక్‌ విషయంలో ప్రతి సెకను విలువైనది. లక్షణాలను ముందుగానే గుర్తించి, వైద్య సహాయం పొందడంలో ఆలస్యం చేయకపోతే ప్రాణాలను కాపాడుకోవచ్చు అని పేర్కొన్నారు.

సాక్షి, చైన్నె: చైన్నె ఆళ్వార్‌పేటలోని కావేరి ఆసుపత్రి వైద్యులు అరుదైన శస్త్రచికిత్సను విజయవంతంగా నిర్వహించారు.పర్ఫొరేటెడ్‌ లీఫ్‌లెట్‌ సమస్యతో తీవ్రమైన గుండె వాల్వ్‌ లీకేజీ తో బాధపడుతున్న 63 ఏళ్ల వృద్ధుడికి అత్యాధునిక హ్యాంకర్‌ వాల్వ్‌ పరిజ్ఞానం ద్వారా ట్రాన్స్‌కాథెటర్‌ ఆరోటిక్‌ వాల్వ్‌ రీప్లేస్‌మెంట్‌ పూర్తి చేశారు. గతంలో మైట్రల్‌ వాల్వ్‌ రీప్లేస్‌మెంట్‌ పొందిన రోగికి, పర్ఫొరేటెడ్‌ అయోర్టిక్‌ వాల్వ్‌ లీఫ్‌లెట్‌ ఉండి, ఈ ప్రత్యేక హ్యాంకర్‌ వాల్వ్‌ను ఉపయోగించిటీఏవీఆర్‌ శస్త్రచికిత్స చేయడం ఇదే తొలి సారి అని వైద్యుల బృందం ప్రకటించింది. రోగికి ఎదురైన సమస్యను ఎదుర్కొనేందుకు నిటినాల్‌ అనే ప్రత్యేక లోహ మిశ్రమంతో తయారైన హ్యాంకర్‌ వాల్వ్‌ ఉపయోగించారు. ఇది వాల్వ్‌ను సరిగ్గా పట్టి ఉంచేందుకు సహాయపడుతుంది. ఓపెన్‌ హార్ట్‌ సర్జరీ అవసరం లేకుండా, కాథెటర్‌ సహాయంతో చాలా స్వల్ప వ్యవధిలో ఈ వాల్వ్‌ను విజయవంతంగా అమర్చారు. ఈసందర్భంగా సీనియర్‌ కన్సల్టెంట్‌ ఇంటర్వెన్షన్‌ కార్డియాలజిస్టు డాక్టర్‌ డాక్టర్‌ రాజారామ్‌ అనంతరామన్‌ మాట్లాడుతూ, క్యాల్షియం తక్కువగా ఉండటం, వాల్వ్‌ రంధ్రం , గతంలో మైట్రల్‌ వాల్వ్‌ మార్పిడి జరగడం వల్ల ఈ కేస్‌ చాలా సంక్లిష్టంగా మారిందన్నారు. హ్యాంకర్‌ వాల్వ్‌ సాంకేతికత తమకు సరైన స్థానంలో వాల్వ్‌ను అమర్చడానికి తోడ్పడిందన్నారు.. చికిత్స తర్వాత లీకేజీ పూర్తిగా తగ్గిపోయిందని, రోగి ఆరోగ్యంగా కోలుకుని మూడవ రోజే డిశ్చార్జ్‌ అయ్యారన్నారు. ఈ కార్యక్రమంలో ఆస్పత్రి కో ఫౌండర్‌ డాక్టర్‌ అరవిందన్‌ సెల్వరాజ్‌ తదితరులు పాల్గొన్నారు.

సాక్షి, చైన్నె: ప్రపంచ పక్షవాత దినోత్సవాన్ని చైన్నె లోని పవన్స్‌ రాజాజీ విద్యాశ్రమ్‌ పాఠశాల విద్యార్థులతో కలసి అపోలో హాస్పిటల్స్‌, అపోలో షైన్‌ ఫౌండేషన్‌ సంయుక్తంగా ఒక బృహత్తర అవగాహన కార్యక్రమాన్ని నిర్వహించాయి. పక్షవాతం (స్ట్రోక్‌) లక్షణాలను ప్రాథమిక దశలోనే గుర్తించడం, తక్షణ వైద్య చికిత్స పొందడం ప్రాముఖ్యతను తెలియజేస్తూ, 1,066 మంది విద్యార్థులు ఎఫ్‌ఏఎస్‌టీ అనే ఆంగ్ల అక్షరాల రూపంలో మానవహారాన్ని) ఏర్పాటు చేసి సందేశాన్ని చాటారు. ఈ వినూత్న కార్యక్రమానికి తమిళనాడు పాఠశాల విద్య, తమిళ అభివృద్ధి, సమాచార, పౌర సంబంధాల శాఖ మంత్రి రాజమోహన్‌ హాజరయ్యారు. ఈ కార్యక్రమంలో అపోలో చైన్నె రీజియన్‌ సీఈఓ డాక్టర్‌ ఇళంగుమారన్‌ కళీయమూర్తి, సీనియర్‌ న్యూరో సర్జన్‌ డాక్టర్‌ శ్రీనివాసన్‌ పరమశివం, ఆ విద్యాశ్రమ్‌ ప్రిన్సిపాల్‌ పి.జి. సుబ్రమణియం పాల్గొన్నారు.

సాక్షి, చైన్నె : రొమ్ము క్యాన్సర్‌పై ముందస్తు గుర్తింపు, అవగాహన ప్రాముఖ్యతను చాటే దిశగా చైన్నెలోని రేలా ఆసుపత్రి ఆవరణలో ప్రత్యేక అవగాహన కార్యక్రమాన్ని నిర్వహించారు. డాక్టర్‌ రేలా ఇని స్టిట్యూట్‌ – మెడికల్‌ సెంటర్‌ చైర్మన్‌ ప్రొఫెసర్‌ మహమ్మద్‌ రేలా ఈకార్యక్రమాన్ని ప్రారంభించారు. మహిళల్లో రొమ్ము క్యాన్సర్‌ సంకేతాలు, లక్షణాలపై అవగాహన కల్పించేందుకు రొమ్ము క్యాన్సర్‌ అవగాహన మాసం పాటిస్తున్నారన్న విషయాన్ని చాటే విధంగా ఈ కార్యక్రమం జరిగింది. ప్రొఫెసర్‌ మహమ్మద్‌ రెలా మాట్లాడుతూ.. వ్యాధిని ముందుగానే గుర్తించడం ద్వారా చికిత్స ఫలితాలను మెరుగుపరచుకోవచ్చు అని వివరించారు. మహిళలు తమ శరీరంపై శ్రద్ధ వహించి, ఏవైనా మార్పులు కనిపిస్తే వెంటనే వైద్యులను సంప్రదించాలని సూచించారు. క్యాన్సర్‌పై ఉన్న భయాన్ని, అపోహలను తొలగించడమే ఈ మాసం ముఖ్య ఉద్దేశ్యం అని పేర్కొన్నారు. రొమ్ము శస్త్రచికిత్స కన్సల్టెంట్‌ డాక్టర్‌ స్వాతి ప్రకాష్‌ మాట్లాడుతూ.. ప్రపంచవ్యాప్తంగా రొమ్ము క్యాన్సర్‌ కేసులలో భారత్‌ మూడో స్థానంలో ఉన్నప్పటికీ, తగిన సమయంలో చికిత్స తీసుకోకపోవడం వల్ల మరణాల విషయంలో ప్రపంచంలోనే అగ్రస్థానంలో ఉందన్నారు. పట్టణ ప్రాంతాల్లో తో పోలిస్తే గ్రామీణ ప్రాంతాల్లో అవగాహన పెంచాల్సిన అవసరం మరింతగా ఉందని సూచించారు. క్రమం తప్పని స్క్రీనింగ్‌, సకాలంలో వైద్య సంరక్షణ తీసుకోవడం ద్వారా ఎన్నో ప్రాణాలను కాపాడుకోవచ్చని వైద్యులు ఈ వేదికగా పిలుపునిచ్చారు.

సాక్షి, చైన్నె: దివ్యాంగుల సంక్షేమం, స్వావలంబన దిశగా తమిళనాడు ప్రభుత్వం కొన్ని సంచలనాత్మక నిర్ణయాలు తీసుకుంది. దివ్యాంగులకు ప్రభుత్వ బస్సుల్లో ఉచిత ప్రయాణం, ఉచిత వాహనాలు, అధునాతన ఆర్టిఫిషియల్‌ ఇంటెలిజెన్స్‌ సహాయక పరికరాల కొనుగోలుపై సబ్సిడీలను అందిస్తూ దివ్యాంగుల సంక్షేమ శాఖ కార్యదర్శి మధుమతి వేర్వేరు ఉత్తర్వులు జారీ చేశారు. 100 కిలోమీటర్ల వరకు ఉచిత ప్రయాణం ప్రత్యేక గుర్తింపు కార్డు కలిగిన అన్ని వర్గాల దివ్యాంగులు ప్రభుత్వ రవాణా సంస్థలకు చెందిన బస్సులలో 100 కిలోమీటర్ల వరకు ఉచితంగా ప్రయాణించవచ్చు అని ప్రకటించారు. ఈ సదుపాయం నగర, పట్టణ లో–ఫ్లోర్‌ బస్సులు, ఎక్స్‌ప్రెస్‌ బస్సులు, ఎల్‌ఎస్‌ఎస్‌, టీఎస్‌ఎల్‌ఎక్స్‌, శివారు , కొండ ప్రాంతాల సాధారణ ఛార్జీల బస్సులకు వర్తిస్తుందని ప్రకటించారు. ఒంటరిగా ప్రయాణించలేని దివ్యాంగులకు కొన్ని షరతులతో తోడుగా ఒక వ్యక్తికి కూడా ప్రయాణ అనుమతి ఉంటుందని వివరించారు. రూ. 4 కోట్లతో ఎలక్ట్రిక్‌ స్కూటర్లు మొదటి దశలో 400 మంది దివ్యాంగులకు రూ. 4 కోట్ల వ్యయంతో ప్రత్యేకంగా రూపొందించిన కప్లింగ్‌ వీల్స్‌ ఉన్న పెట్రోల్‌ స్కూటర్లు లేదా బ్యాటరీ ఆధారిత ఎలక్ట్రిక్‌ వాహనాలను అందిస్తారు. 18 ఏళ్లు పైబడిన దివ్యాంగ విద్యార్థులకు, ఆ తర్వాత 18 నుండి 65 ఏళ్ల మధ్య వయస్సు ఉండి ఉద్యోగం లేదా స్వయం ఉపాధి పొందుతున్న వారికి దీని ద్వారా ప్రాధాన్యత లభిస్తుంది. ఏఐ ఆధారిత పరికరాలకు రూ. 3 కోట్ల సబ్సిడీ ప్రస్తుత సాంప్రదాయ పథకాల పరిధిలోకి రాని అత్యాధునిక ఏఐ ఆధారిత సహాయక పరికరాలు కొనుగోలు చేసేందుకు ప్రభుత్వం 50% రాయితీ లేదా గరిష్టంగా రూ. 30,000 వరకు ఆర్థిక సహాయం అందిస్తుంది. 2026–27 సంవత్సరానికి గాను 1,000 మంది లబ్ధిదారుల కోసం రూ. 3 కోట్లు కేటాయించారు. క్రీడా పోటీల కోసం ఉపయోగించే కృత్రిమ కాళ్లు, కండరాల కదలికలతో పనిచేసే మైయోఎలెక్ట్రిక్‌ కృత్రిమ చేతులు, కాక్లియర్‌ ఇంప్లాంట్‌ బ్యాటరీలు వంటి ఆధునిక పరికరాలు ఈ పథకం కిందకి వస్తాయి. దివ్యాంగులు ఇతరులపై ఆధారపడకుండా స్వతంత్రంగా, గౌరవప్రదమైన జీవితాన్ని గడపడమే ఈ నిర్ణయాల ప్రధాన లక్ష్యమని ప్రభుత్వం పేర్కొంది.

సాక్షి, చైన్నె: ప్రైవేట్‌ పాఠశాలలకు గుర్తింపు (అక్రిడిటేషన్‌) మంజూరు చేసే ప్రక్రియలో రూ. 100 కోట్ల లంచం తీసుకున్నారన్న ఆరోపణలతో నమోదైన కేసును రద్దు చేయాలని కోరుతూ మాజీ మంత్రి అన్బిల్‌ మహేష్‌ పొయ్యమొళి మద్రాసు హైకోర్టులో పిటిషన్‌ దాఖలు చేశారు. దీనిని నవంబర్‌ 10వ తేదీకి న్యాయమూర్తులు వాయిదా వేశారు. ఈ పిటిషన్‌పై మద్రాస్‌ హైకోర్టు న్యాయమూర్తి జస్టిస్‌ వి. లక్ష్మీనారాయణన్‌ బెంచ్‌ లో గురువారం విచారణ జరిగింది. విచారణ సందర్భంగా సెంట్రల్‌ క్రైమ్‌ బ్రాంచ్‌ పోలీసుల తరఫున చీఫ్‌ క్రిమినల్‌ అడ్వకేట్‌ జాన్‌ సత్యన్‌ వాదనలు వినిపిస్తూ, పిటిషనర్‌ అన్బిల్‌ మహేష్‌ను ఇప్పటికే అరెస్టు చేశామని, ఆయనను పోలీసు కస్టడీకి ఇచ్చి విచారించేందుకు అనుమతించాలని కోరుతూ ప్రజాప్రతినిధుల ప్రత్యేక కోర్టులో పిటిషన్‌ దాఖలు చేశామని వివరించారు. అలాగే ఈ కేసులో పరారీలో ఉన్న మాజీ ఎమ్మెల్యే ముత్తుకుమార్‌ ప్రత్యేక కోర్టు ఎదుట లొంగిపోయారని ధర్మాసనానికి తెలియజేశారు. అన్బిల్‌ మహేష్‌ తరఫున హాజరైన సీనియర్‌ న్యాయవాది పి. విల్సన్‌ తీవ్ర అభ్యంతరం వ్యక్తం చేస్తూ, ముందస్తు బెయిల్‌ పిటిషన్‌ను కోర్టు తిరస్కరించిన తర్వాత, తదుపరి న్యాయపరమైన చర్యలపై ఆలోచిస్తున్న సమయంలో 40 మందికి పైగా పోలీసు అధికారులు న్యాయవాది కార్యాలయంలోకి చొరబడి అన్బిల్‌ మహేష్‌ను అరెస్టు చేశారని వివరించారు. రాష్ట్రంలో పోలీసు రాజ్యం నడుస్తోందా? ,పోలీసులు రాజ్యాంగ నిబంధనలకు విరుద్ధంగా వ్యవహరిస్తున్నారని ధర్మాసనం దృష్టికి తీసుకెళ్లారు. ఈ ఆరోపణలను పోలీసు యంత్రాంగం తోసిపుచ్చింది. న్యాయవాది కార్యాలయం వెలుపల దాదాపు గంటన్నర పాటు వేచి చూసిన అనంతరమే అన్బిల్‌ మహేష్‌ను అరెస్టు చేయడం జరిగిందని వివరించారు. ఆ కార్యాలయం లోపల అరెస్టు చేశారన్న ఆరోపణలను ప్రత్యేక కోర్టు ఇప్పటికే తిరస్కరించిందని సీసీబీ తరఫు న్యాయవాది వివరణ ఇచ్చారు. ఇరుపక్షాల వాదనలు విన్న న్యాయమూర్తి లక్ష్మీనారాయణన్‌, ఈ కేసును రద్దు చేయాలని కోరుతూ అన్బిల్‌ మహేష్‌ దాఖలు చేసిన పిటిషనన్‌పై తదుపరి విచారణను నవంబర్‌ 10వ తేదీకి వాయిదా వేస్తూ ఉత్తర్వులు జారీ చేశారు. కాగా, పుళల్‌ జైలులో రిమాండ్‌లో ఉన్న అన్బిల్‌ మహేశ్‌ను డీఎంకే యువజన నేత, రాష్ట్ర ప్రధాన ప్రతిపక్ష నేత ఉదయ నిధి స్టాలిన్‌ పరామర్శించారు.

మేయర్‌ ఆగ్రహం సాక్షి చైన్నె: గ్రేటర్‌ చైన్నె కార్పొరేషన్‌ కౌన్సిల్‌ సమావేశంలో గురువారం తీవ్ర కలకలం చోటు చేసుకుంది. ప్రభుత్వ, కార్పొరేషన్‌ అధికారిక కార్యక్రమాలకు ప్రజాప్రతినిధులకు ఆహ్వానాలు అందకపోవడం, అధికారుల అలసత్వంపై మేయర్‌ ప్రియ, డిప్యూటీ మేయర్‌ మహేష్‌ కుమార్‌, డీఎంకే కౌన్సిలర్లు తీవ్ర ఆగ్రహం వ్యక్తం చేశారు. కౌన్సిల్‌ సమావేశంలో మేయర్‌ ప్రియ ఆవేశంగా మాట్లాడుతూ, ప్రజాప్రతినిధులకు గౌరవం లేనప్పుడు, ప్రభుత్వానికి ఆసక్తి లేకపోతే కార్పొరేషన్‌ను రద్దు చేయాలని వ్యాఖ్యానించడం చర్చకు దారి తీసింది. కాగా కార్పొరేషన్‌ అధికారులు, కమిషనర్‌ తీరుపై డీఎంకే కౌన్సిలర్లు సమావేవంలో తీవ్ర ఆరోపణలు చేశారు. కొత్త భవనాల ప్రారంభోత్సవాలు లేదా ప్రభుత్వ కార్యక్రమాలు ఏవి జరిగినా స్థానిక కౌన్సిలర్లకు సమాచారం ఇవ్వడం లేదని, శిలాఫలకాలపై తమ పేర్లు సరిగ్గా వేయడం లేదని నిరసన వ్యక్తం చేశారు. దీంతో మేయర్‌ ప్రియ సంచలన వ్యాఖ్యలు చేశారు. గత కొన్ని నెలలుగా ప్రజాప్రతినిధులకు ఎలాంటి ఆహ్వానాలు అందడం లేదన్నారు. రిప్పన్‌ బిల్డింగ్‌కు సీఎం వచ్చిన సమయంలో కూడా మేయర్‌గా ఉన్న తనకే ఎలాంటి ముందస్తు సమాచారం ఇవ్వలేదని మండి పడ్డారు. ప్రజాప్రతినిధులను ఆహ్వానించకూడదని ప్రభుత్వం నుండి ఏవైనా ప్రత్యేక ఆదేశాలు వచ్చాయా? అని ప్రశ్నించారు. కమిషనర్‌ వివరణ.. దీనిపై కమిషనర్‌ సమీరన్‌ స్పందిస్తూ, ఇకపై ప్రతి అధికారిక కార్యక్రమానికి సంబంధించి ప్రజాప్రతినిధులకు ఫోన్‌ చేసి సమాచారం అందించాలని అధికారులకు సూచించినట్లు తెలిపారు. భవిష్యత్తులో ఎవరినీ మినహాయించకుండా అందరినీ ఆహ్వానిస్తామని, దీనిపై త్వరలోనే ప్రత్యేక సమావేశం ఏర్పాటు చేస్తామని హామీ ఇచ్చారు. కాగా తీవ్ర వివాదాల నడుమ సాగిన ఈ సమావేశంలో కార్పొరేషన్‌ అభివృద్ధి, సంక్షేమానికి సంబంధించి మొత్తం 39 తీర్మానాలను ఆమోదించారు. ఇందులో అమ్మ క్యాంటీన్ల సిబ్బంది వేతనాలను పెంచారు. చైన్నెలోని 382 అమ్మ క్యాంటీన్లలో పనిచేస్తున్న 2,848 మంది మహిళల రోజువారీ వేతనాన్ని రూ. 325 నుండి రూ. 400 కు పెంచేందుకు ఆమోదం తెలిపారు. దీనివల్ల కార్పొరేషన్‌ నిధుల నుండి రూ. 7.79 కోట్లు వ్యయం కానుంది. అలాగే, 24,264 మంది పారిశుధ్య కార్మికులకు నేరుగా అందించే ఆహారానికి బదులుగా, ప్రతి వ్యక్తికి రోజుకు రూ. 50 చొప్పున అలవెన్స్‌ నగదుగా అందించాలని నిర్ణయించారు. ఇక, మైలాపూర్‌లోని లూజ్‌ చర్చ్‌ రోడ్డు పేరును ఎం.సి.టి.ఎం. చిదంబరం రోడ్డుగా మారుస్తూ తీర్మానం ఆమోదం తెలిపారు. ఆర్థిక భారం తగ్గించుకునేందుకు కార్పొరేషన్‌ పరిధిలోని 95 టెన్నిస్‌, బ్యాడ్మింటన్‌, టేబుల్‌ టెన్నిస్‌ ,స్కేటింగ్‌ కోర్టుల నిర్వహణను 3 సంవత్సరాల పాటు ప్రైవేట్‌ సంస్థలకు అప్పగించాలని తీర్మానించారు.

వేలూరు: తిరువణ్ణామలై అరుణాచలేశ్వరాలయ కార్తీక మహా దీపోత్సవ ఆహ్యాన పత్రికను శివాచార్యుల వేద మంత్రాల నడుమ ఆలయ జాయింట్‌ కమిషనర్‌ భరణీధరన్‌ విడుదల చేశారు. అరుణాచలేశ్వరాలయ కార్తీక మహా దీపోత్సవం ఏటా ధ్వజా రోహణంతో ప్రారంభమై పది రోజుల పాటు జరగడం ఆనవాయితీ. అందులో భాగంగా ఈ సంవత్సరం కార్తీక మహా దీపోత్సవాలు నవంబర్‌ 12వ తేదీన దుర్గమ్మ ఉత్సవంతో ప్రారంభమై 14వ తేదీన ఉదయం 6 గంటలకు ధ్వజా రోహణం, 24 తేదీన ఉదయం 4 గంటలకు ఆలయంలో భరణి దీపం, సాయంత్రం ఆలయం వెనుక వైపునున్న మహా కొండలో 2,668 అడుగుల ఎత్తులో మహా దీపాన్ని వెలిగించనున్నారు. ఈ దీపాన్ని దర్శించుకునేందుకు దేశ నలు మూలల నుంచి భక్తులు అధిక సంఖ్యలో వచ్చి దర్శించుకోనున్నారు. ఇందుకోసం ఆలయంలో ఆహ్యాన పత్రికకు ఆలయ జేసీ భరణీధరన్‌ ఆధ్వర్యంలో శివాచార్యులు ఆలయంలోని సప్త వినాయకుడి సన్నిధిలో వేద మంత్రాల మధ్య పూజలు చేశారు. ఈ మహా దీపోత్సవంలో ఎలాంటి అవాంఛనీయ సంఘటనలు చోటు చేసుకోకుండా ఉండే విధంగా ప్రత్యేక ప్రార్థనలు చేశారు. అనంతరం పోస్టర్‌ను అవిష్కరించి శివాచార్యులు అరుణాచలేశ్వరునికి హరోంహరా అంటూ నామస్మరణతో ప్రత్యేక పూజలు చేశారు.

సాక్షి, చైన్నె: చైన్నెలోని జవహర్‌లాల్‌ నెహ్రూ ఇండోర్‌ స్టేడియంలో సీఎం – 2026 రాష్ట్ర స్థాయి క్రీడా పోటీల ముగింపు వేడుకలు గురువారం రాత్రి జరిగాయి. ఇందులో సీఎం విజయ్‌ పతకాల పట్టికలో తొలి మూడు స్థానాల్లో నిలిచిన జిల్లాలకు చెందిన విజేతలకు ట్రోఫీలను అందజేశారు.అలాగే, జపాన్‌లో జరిగిన 5వ ఆసియా పారా గేమ్స్‌లో పతకాలు సాధించిన 9 మంది క్రీడాకారులకు రూ. 6.85 కోట్ల నగదు ప్రోత్సాహకాలను అందజేయడంతో పాటు, క్రీడాకారుల సంక్షేమం కోసం కొత్త స్కాలర్‌షిప్‌ పథకాన్ని ప్రారంభించారు. సీఎం ట్రోపీలో మొత్తం 319 పతకాలతో అగ్రస్థానంలో నిలిచిన చైన్నె జిల్లాకు సంబంధించిన ట్రోపీని కలెక్టర్‌ ఎస్‌. మాలతి హెలెన్‌ నేతృత్వంలోని క్రీడాకారులకు ట్రోఫీని సీఎం అందజేశారు. తొలి స్థానం (చైన్నె) 142 స్వర్ణ, 97 రజత, 80 కాంస్య పతకాలు సాధించింది. రెండవ స్థానంలో చెంగల్పట్టు జిల్లా 64 స్వర్ణ, 43 రజత, 36 కాంస్య పతకాల అంటూ మొత్తం: 143 పతకాలతో, మూడవ స్థానం లో కోయంబత్తూరు 27 స్వర్ణ, 37 రజత, 54 కాంస్య పతకాలు అంటూమొత్తం: 118 పతకాలను సాధించింది.ఈ క్రీడా పోటీల కోసం రాష్ట్రవ్యాప్తంగా 27.82 లక్షల మంది రిజిస్టర్‌ చేసుకోగా, జిల్లా, మండల , రాష్ట్ర స్థాయిల్లో విజేతలుగా నిలిచిన వారికి మొత్తం రూ. 38 కోట్ల ప్రైజ్‌ మనీ పంపిణీ చేశారు. అలాగే, ఆసియా పారా గేమ్స్‌ విజేతలకు భారీ నగదు బహుమతులు రూ. 6.85 కోట్లు అందజేశారు. కొత్త పథకం : రామనాథపురం జిల్లా ప్రప్పన్వలసైలో రూ. 42.90 కోట్లతో నిర్మించిన తమిళనాడు ఒలింపిక్‌ వాటర్‌ స్పోర్ట్స్‌ అకాడమీ, సేలం జిల్లా కరుప్పూర్‌ ప్రభుత్వ ఇంజనీరింగ్‌ కళాశాల ప్రాంగణంలో రూ. 20 కోట్లతో నిర్మించిన మల్టీ–పర్పస్‌ స్పోర్ట్స్‌ కాంప్లెక్స్‌ను సీఎం విజయ్‌ ప్రారంభించారు.అలాగే, డ్రీమ్‌ ఒలింపిక్‌నినాదంతో కొత్త పథకాన్ని ప్రారంభించారు. ఇక, హాస్టళ్లలో శిక్షణ పొందుతున్న 2,600 మంది క్రీడాకారుల వ్యక్తిగత ఖర్చుల కోసం నెలకు రూ. 500 నుండి రూ. 1,000 వరకు ఆర్థిక సహాయం అందించే కొత్త పథకాన్ని ప్రారంభిస్తూ, ఏడాదికి రూ. 1.77 కోట్ల వ్యయం అందజేశారు.ఈ వేడుకలో రాష్ట్ర మంత్రులు, ఎమ్మెల్యేలు, ప్రభుత్వ ముఖ్య కార్యదర్శులు, క్రీడా ప్రాధికార అధికారులు ,పెద్ద సంఖ్యలో క్రీడాకారులు పాల్గొన్నారు.

సాక్షి, చైన్నె: ఎస్‌ఆర్‌ఎం ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ పరిధిలోని కాలేజ్‌ ఆఫ్‌ నర్సింగ్‌ 35వ బ్యాచ్‌ బీఎస్సీ నర్సింగ్‌, 34వ బ్యాచ్‌ డీజీఎన్‌ఎం విద్యార్థుల కోసం దీప ప్రజ్వలన కార్యక్రమాన్ని ఘనంగా నిర్వహించారు. ఆరోగ్య సంరక్షణ రంగానికి, నర్సింగ్‌ వృత్తికి విద్యార్థులు తమను తాము అంకితం చేసుకునే క్రమంలో ఈ కార్యక్రమం జరిగింది. ఈ వేడుకకు తమిళనాడు సాంఘిక సంక్షేమ శాఖ అదనపు సంచాలకులు, కె. పోర్కోడి ముఖ్య అతిథిగా హాజరయ్యారు. ఆ విద్యా సంస్థ అదనపు రిజిస్ట్రార్‌ డాక్టర్‌ టి. మైథిలి ఈ కార్యక్రమానికి అధ్యక్షత వహించారు. కళాశాల డీన్‌ ప్రొఫెసర్‌ జె.సి. హెలెన్‌ షాజీ తో సాటేగా నర్సింగ్‌ అధ్యాపకులు విద్యార్థుల చేతుల్లోని దీపాలను వెలిగించారు. చీఫ్‌ నర్సింగ్‌ ఆఫీసర్‌ కవిత విద్యార్థులచే ఫ్లోరెన్స్‌ నైటింగేల్‌ ప్రతిజ్ఞ చేయించారు. కార్యక్రమంలో ఎస్‌.ఆర్‌.ఎం. మెడికల్‌ కాలేజ్‌ హాస్పిటల్‌ అండ్‌ రీసెర్చ్‌ సెంటర్‌ మెడికల్‌ సూపరింటెండెంట్‌ డాక్టర్‌ ఆర్‌. వెంకట్రామన్‌ తదితరులు పాల్గొన్నారు. ఈసందర్భంగా కె. పోర్కోడి మాట్లాడుతూ, నర్సింగ్‌ అనేది కేవలం ఉద్యోగం కాదని, అది, బాధ్యతలతో కూడిన వృత్తిగా వ్యాఖ్యానించారు. క్లిష్ట పరిస్థితుల్లో కూడా ప్రశాంతత, సానుభూతి ప్రదర్శిస్తూ రోగులకు కొండంత ఆశను, ధైర్యాన్ని అందించే గొప్ప శక్తి నర్సులకు మాత్రమే ఉంటుందన్నారు.

కొరుక్కుపేట: దక్షిణ రైల్వే ప్రిన్సిపల్‌ చీఫ్‌ కమర్షియల్‌ మేనేజర్‌ (పీసీసీఎం) అయిన ఆర్‌. సెంథిల్‌ కుమార్‌ ఐఆర్‌టిఎస్‌, దక్షిణ రైల్వే స్పోర్ట్స్‌ అసోసియేషన్‌ (ఎస్‌ఆర్‌ఎస్‌ఏ) అధ్యక్షుడిగా బాధ్యతలు స్వీకరించారు. ఎస్‌ఆర్‌ఎస్‌ఏ అధ్యక్షుని హోదాలో, ప్రిన్సిపల్‌ చీఫ్‌ కమర్షియల్‌ మేనేజర్‌ అయిన ఆర్‌.సెంథిల్‌ కుమార్‌ ఐ ఆర్‌ టి ఎస్‌, రైల్వే క్రీడాకారుల అభివృద్ధి, శిక్షణా సౌకర్యాల మెరుగుదల, క్రీడా మౌలిక సదుపాయాల బలోపేతం, జాతీయ, అంతర్జాతీయ క్రీడా పోటీలలో భాగస్వామ్యాన్ని ప్రోత్సహించడం వంటి కార్యక్రమాలను పర్యవేక్షిస్తారు. రైల్వే ఉద్యోగులలో క్రీడా ప్రతిభను పెంపొందించడంలోనూ, వివిధ స్థాయిల పోటీలలో క్రీడాకారులు తమ ప్రదర్శనను మెరుగుపరుచుకోవడానికి అవకాశాలు కల్పించడంలోనూ సదరన్‌ రైల్వే స్పోర్ట్స్‌ అసోసియేషన్‌ కీలక పాత్ర పోషిస్తుంది. ఆయన నాయకత్వంలో, సదరన్‌ రైల్వేలో క్రీడల ప్రోత్సాహం , అభివృద్ధిపై ఎస్‌ ఆర్‌ ఎస్‌ ఏ దృష్టి సారించడం కొనసాగిస్తుంది. పద్మశ్రీ, అర్జున అవార్డులు, ధ్యాన్‌ చంద్‌, ద్రోణాచార్య , ఖేల్‌ రత్న అవార్డుల వంటి ప్రతిష్టాత్మక జాతీయ పురస్కారాలు పొందిన ఎందరో క్రీడా తారలను భారతీయ రైల్వే అందించింది. దక్షిణాది నుండి ఈ రంగంలో అత్యధికంగా తోడ్పాటు అందిస్తున్న సంస్థలలో ఎస్‌ఆర్‌ఎస్‌ఏ ఒకటి. ఎస్‌ ఆర్‌ ఎస్‌ ఏ వారసత్వాన్ని కొనసాగిస్తున్న తాజా తారలు జపాన్‌లో జరిగే 2026 ఆసియా క్రీడల్లో పి.టి. ఉష 42 ఏళ్ల నాటి 400 మీటర్ల హర్డిల్స్‌ జాతీయ రికార్డును బద్దలు కొట్టి 3 పతకాలు గెలుచుకున్న విద్యా రామ్‌రాజ్‌ (పాలక్కాడ్‌ డివిజన్‌), మహిళల పోల్‌ వాల్ట్‌లో భారతదేశానికి మొట్టమొదటి ఆసియా క్రీడల పతకాన్ని (కాంస్యం 2026) సాధించి చరిత్ర సృష్టించిన బరానీకా ఎలాంగోవన్‌, పురుషుల రిలేలో కాంస్యం గెలుచుకున్న ఆర్‌. రాజేష్‌ (తిరుచ్చి) ఉన్నట్టు గుర్తుచేశారు.

సాక్షి, చైన్నె: రాజీనామా చేసిన ఆరుగురు అన్నాడీఎంకే మాజీ ఎమ్మెల్యేల నుంచి ఎన్నికల ఖర్చు వసూలు చేయాలని కోరుతూ దాఖలైన పిటిషన్‌లో పిటిషనర్‌కు విధించిన రూ. లక్ష జరిమానాను మద్రాసు హైకోర్టు రద్దు చేస్తూ ఉత్తర్వులు జారీ చేసింది. అన్నాడీఎంకేవ విప్‌ ఆదేశాలను ఉల్లఘించి టీవీకే ప్రభుత్వానికిమద్దతుగా ఓటు వేసిన ఆరుగురు అన్నాడీఎంకే ఎమ్మెల్యే తమ పదవులకు రాజీనామ చేసిన విషయం తెలిసిందే. ఆ తదుపరి వారు టీవీకేలో చేరారు. అయితే వీరి రాజీనామా కారణంగా వచ్చే ఉప ఎన్నికల నిర్వహణకు అయ్యే ఖర్చును వారి నుంచే రాబట్టాలనికోరుతూ న్యాయవాది ఎస్‌. కాశీరామలింగం హైకోర్టులో పిటిషన్‌ వేశారు. గతంలో ఈ పిటిషన్‌ను విచారించిన ప్రధాన న్యాయమూర్తి సుశ్రుత్‌ అరవింద్‌ ధర్మాధికారి, జస్టిస్‌ జి. అరుల్‌ మురుగన్‌తో కూడిన ధర్మాసనం ఇదే తరహా అభ్యర్థనతో దాఖలైన మరొక కేసును ఇప్పటికే కొట్టివేశామని గుర్తుచేశారు. అయినా పిటిషనర్‌ తన వాదనలను కొనసాగించడంతో, కోర్టు సమయాన్ని వృథా చేసినందుకు గాను రూ. లక్ష జరిమానా విధిస్తూ పిటిషనన్‌ను కొట్టివేశారు. ఈ జరిమానా విధించిన ఉత్తర్వును సమీక్షించాలని కోరుతూ న్యాయవాది కాశీ రామలింగం మరల హైకోర్టును ఆశ్రయించారు. బుధవారం ఈ పిటిషన్‌ను విచారించిన న్యాయమూర్తులు గతంలో విధించిన రూ. లక్ష జరిమానా ఉత్తర్వును రద్దు చేస్తున్నట్లు తీర్పు చెప్పారు. టీవీకే ప్రభుత్వం ఉన్నంత కాలం స్వాతంత్య్రం లేదు – ఎం.కె. స్టాలిన్‌ సాక్షి, చైన్నె : టీవీకే ప్రభుత్వం అధికారంలో ఉన్నంత కాలం తమిళనాడుకు ఎప్పటికీ స్వేచ్ఛ లభించదని డీఎంకే అధ్యక్షుడు ఎం.కె. స్టాలిన్‌ తీవ్రంగా విమర్శించారు. చైన్నెలోని అడయార్‌లో పట్టపగలు నడిరోడ్డుపై ఒక యువకుడిని ముగ్గురు వ్యక్తుల ముఠా అతి క్రూరంగా నరికి హత్య చేసి పరారైన దృశ్యాలు ఆన్‌లైన్‌లో వైరల్‌గా మారాయి. ఈ ఘటనను తీవ్రంగా ఖండిస్తూ ఎం.కె. స్టాలిన్‌ ఎక్స్‌ వేదికగా స్పందించారు. జైలు అయినా, పాఠశాల అయినా, రహదారి అయినా, లేదా కోర్టు అయినా.. రాష్ట్రంలో ఎక్కడా సామాన్య ప్రజలకు రక్షణ లేదని ఆందోళన వ్యక్తం చేశారు.సీఎం నుంచి ఈ ఘటనలపై కనీస స్పందన లేదన్నారు. అధికారులకు సరైన దిశానిర్దేశం కొరవడిందని మండి పడ్డారు. ఫలితంగా నేరస్థులకు పోలీసులంటే భయం లేకుండా పోయిందన్నారు. టీవీకే ప్రభుత్వం అధికారంలో ఉన్నంత కాలం తమిళనాడులో శాంతిభద్రతలు మనుగడ సాగించలేవని ఆయన ఆవేదన వ్యక్తం చేశారు. ఈ సందర్భంగా తేని కందమానూరు సమీపంలోని జిల్లా జైలులో 17 మందిఖైదీలు పరారీ కావడం, సేలం జిల్లా అత్తయ్యంపట్టి పోలీస్‌ స్టేషన్‌ పరిధిలో పోలీసుల కళ్లుగప్పి ఇద్దరు రౌడీల స్టేషన్‌ నుంచి తప్పించుకోవడం, వంటిఘటనలను గుర్తు చేస్తూ, రాష్ట్రంలో వరుసగా జరుగుతున్న ఇలాంటి దారుణ ఘటనల నేపథ్యంలో, ఈ టీవీకే ప్రభుత్వం కొనసాగినంత కాలం తమిళనాడు ప్రజలకు భద్రత లేదని, వారి ఆశలన్నీ అడియాలే అని స్టాలిన్‌ వ్యాఖ్యానించారు. చైన్నెలో విద్యుత్‌ అంతరాయం – రెండున్నర గంటల పాటూ ఆగిన రైలు సేవలు సాక్షి, చైన్నె : చైన్నెలోని వాషర్‌మన్‌పేట్‌ – రాయపురం మధ్య ఉన్న ఎలివేటెడ్‌ రైల్వే లైనన్‌లో విద్యుత్‌ లోపం తలెత్తడంతో రైలు సేవలకు తీవ్ర అంతరాయం ఏర్పడింది. రెండున్నర గంటలకు పైగా రైళ్లు నిలిచిపోవడంతో ప్రయాణికులు తీవ్ర ఇబ్బందులు ఎదుర్కొన్నారు. బుధవారం ఉదయం 5:15 గంటలకు ఓవర్‌హెడ్‌ లైనన్‌లో సాంకేతిక సమస్యతో విద్యుత్‌ సరఫరాలో ఆటంకం నెలకొంది. దీంతో చైన్నె బీచ్‌ – అరక్కోణం , గుమ్మిడిపూండి మార్గాల్లో నడిచే ఎలక్ట్రిక్‌, ఎక్స్‌ప్రెస్‌ రైళ్ల రాకపోకలు నిలిచిపోయాయి. ఉదయాన్నే చైన్నె వైపుగా ఆయా ఫ్రాంతాల నుంచి ఉద్యోగాలు, వివిధ పనుల నిమిత్తం రావాల్సిన వారు తీవ్ర ఇబ్బందులు ఎదుర్కొవాల్సి వచ్చింది. సమాచారంఅ ందుకున్న రైల్వే వర్గాలు సుమారు రెండున్నర గంటల పాటుగా శ్రమించి విద్యుత్‌ సరఫరాను పునరుద్ధరించారు. ఉదయం 7.45 గంటల నుంచి రైలు సర్వీసులు మళ్లీ ప్రారంభమయ్యాయి. వాషర్‌మన్‌పేట్‌–రాయపురం ట్రాక్‌ ప్రధాన అనుసంధాన మార్గం కావడంతో రైళ్లను వివిధ స్టేషన్లలో నిలిపివేశారు. దీనివల్ల ఉదయాన్నే ఆఫీసులకు వెళ్లే ఉద్యోగులు, పాఠశాలలు , కళాశాలలకు వెళ్లే విద్యార్థులు తీవ్ర అవస్థలు పడ్డారు. అలాగే, సుదూర ప్రాంతాల నుంచి వచ్చిన ఎక్స్‌ప్రెస్‌ రైళ్లు ఒకదాని తర్వాత మరొకటి చైన్నె శివారులలో ఆగాయి. పునరుద్దరణ అనంతరం ఆలస్యంగా సెంట్రల్‌ వైపుగా రైళ్లు వచ్చి చేరాయి. దీంతో వాటిలో ప్రయాణించిన వారికి తీవ్ర అవస్థలు తప్పలేదు.

వేలూరు: తమిళనాడులోని రాణిపేట జిల్లా లాలాపేట ప్రాంతానికి చెందిన శేఖర్‌, ప్రేమ దంపతులు వ్యర్థ పదార్థాలను సేకరస్తూ జీవనం సాగిస్తున్నారు. వీరు ఈ ఏడాది సెప్టెంబర్‌ 24వ తేదిన రాత్రి రాణిపేట సమీపంలోని వాణియంబాడి రోడ్డులోని మాణిక్యం నగర్‌లోని ఓ ప్రవేటు ఫ్యాక్టరీ పక్కన తమ ఏడాది వయస్సున్న కుమార్తె మహేశ్వరితో కలిసి నిద్రించారు. అర్ధరాత్రి సమయంలో ఉన్న ఫలంగా కుమార్తె మాయమైంది. దీంతో ఆ దంపతులు సిప్‌కాడు పోలీసులకు ఫిర్యాదు చేయగా పోలీసులు కేసు నమోదు చేసి విచారణ ప్రారంభించారు. అయితే చిన్నారి ఆచూకీ కనిపించక పోవంతో ఎస్పీ పర్వవేక్షణలో ఐదు ప్రత్యేక పోలీస్‌ బృందాలు ఏర్పాటు చేశారు. గత నెల రోజులుగా పోలీసులు పలు చోట్ల గాలింపు చర్యలు చేపట్టారు. వీటిపై ప్రతిపక్ష పార్టీలకు చెందిన ప్రతినిధులు ఆందోళన చేపట్టారు. దీంతో పోలీసులు విచారణను వేగవంతం చేసి ఆ ప్రాంతంలోని సీసీటీవీ కెమెరాలు, ఆ సమయంలో వచ్చిన వాహనాలు తదితర వాటితో పాటు చిన్నారి తల్లిదండ్రుల సెల్‌ఫోన్‌ నెంబర్‌ల ఆధారంగా పలు చోట్ల విచారణ చేపట్టారు. ఆ సమయంలో చిన్నారి ఆంధ్రప్రదేశ్‌లోని రేణిగుంట ప్రాంతంలోని మల్లేశ్వరి అనే మహిళ ఇంటిలో ఉంటున్నట్లు పోలీసులు గుర్తించారు. దీంతో పోలీసులు అర్ధరాత్రి సమయంలో పోలీసులు మల్లేశ్వరి ఇంటికి వెళ్లి చిన్నారిని సురక్షితంగా తీసుకొచ్చారు. రేణిగుంటకు చెందిన మల్లేశ్వరి అనే మహిళకు భర్త మృతి చెందడంతో ఆమెకు సంతానం కూడా లేదు. అగ్రవరం గ్రామానికి చెందిన కౌసల్య, ఆమె భర్త భూపతి, సంతోష్‌, కుమార్‌ కలిసి చిన్నారిని తీసుకెళ్లి మళ్లీశ్వరికి ఇచ్చినట్లు తెలిపారు. దీంతో సిప్‌కాడు పోలీసులు ఐదుగురిని అరెస్ట్‌ చేసి విచారణ చేస్తున్నారు.

– బీజేపీ రాజ్యసభ ఎంపీ సెల్వ గణపతి ఽధీమా సాక్షి, చైన్నె: కేంద్రపాలిత ప్రాంతమైన పుదుచ్చేరికి త్వరలోనే రాష్ట్ర హోదా లభిస్తుందని బీజేపీ రాజ్యసభ సభ్యుడు సెల్వ గణపతి ధీమా వ్యక్తం చేశారు. బుధవారం పుదుచ్చేరిలో ఏర్పాటు చేసిన విలేకరుల సమావేశంలో ఆయన మాట్లాడుతూ పలు అంశాలను ప్రస్తావించారు. ఓటర్ల జాబితా నమోదు ప్రక్రియపై కాంగ్రెస్‌ పార్టీ నిరాధారమైన, తప్పుడు ఆరోపణలు చేస్తోందని సెల్వ గణపతి మండిపడ్డారు. ఓటర్ల నమోదు ప్రక్రియ తర్వాతే కేరళ, తెలంగాణ, కర్ణాటక రాష్ట్రాల్లో కాంగ్రెస్‌ విజయం సాధించిందన్నారు. అక్కడ లేని రిగ్గింగ్‌ ఇక్కడే జరిగిందా? అని ప్రశ్నిస్తూ, కాంగ్రెస్‌ అనవసర రాజకీయాలు చేస్తున్నట్టు ఆయన అన్నారు. నిరసనల్లో విద్యార్థులను భాగస్వాములను చేస్తున్నారని, ఈ ఆందోళనలను రెచ్చగొట్టడానికి విదేశీ శక్తుల నుంచి నిధులు అందుతున్నాయని ఆయన ఆరోపించారు. అయితే విద్యార్థులకు వాస్తవాలను వివరించడంతో నిరసనల్లో వారి భాగస్వామ్యం క్రమంగా తగ్గుతోందన్నారు. 2014 నుంచి కాంగ్రెస్‌ పార్టీ అధికార దాహంతో అనేక రకాల ఆందోళనలు చేపడుతోందని ధ్వజమెత్తారు. ఎలాంటి లోపాలు లేకుండా నిష్పాక్షికంగా ఓటర్ల ప్రత్యేక సవరణ పనులు జరగాలనేదే ఎన్నికల సంఘం ఉద్దేశమని స్పష్టం చేశారు. రాష్ట్ర హోదాపై స్పష్టత పుదుచ్చేరికి రాష్ట్ర హోదా కల్పించాలని కోరుతూ ఇప్పటికే రాజ్యసభలో మూడుసార్లు మాట్లాడానన్నారు. ప్రస్తుతం అందుకు అనుకూల పరిస్థితులు ఏర్పడుతున్నాయన్నారు. సరైన సమయం వచ్చినప్పుడు పుదుచ్చేరికి ఖచ్చితంగా రాష్ట్ర హోదా లభిస్తుందని ధీమా వ్యక్తంచేశారు. రాబోయే ఎన్నికల్లో కూడా బీజేపీ ఘన విజయం సాధించడం ఖాయమని ధీమా వ్యక్తం చేసిన ఆయన, ప్రత్యేక ఓటర్ల నమోదు కార్యక్రమానికి మద్దతుగా ఈనెల 31న పుదుచ్చేరిలో బీజేపీ తరఫున భారీ ర్యాలీ నిర్వహించనున్నట్లు తెలిపారు.

సాక్షి, చైన్నె: రాష్ట్రంలో 13 ఏళ్ల తర్వాత ఆటో చార్జీల జాబితాను ప్రభుత్వం ప్రకటించింది. కనీస చార్జీగా రూ.50 నిర్ణయించారు. వెయిటింగ్‌ చార్జిగా నిమిషానికి రూ.ఒకటి వసూళ్లు చేయనున్నారు. వివరాలు.. రాష్ట్రంలోని చైన్నె, కోయంబత్తూరు, తిరుచ్చి, మదురై, తిరునల్వేలి తదితర ప్రధాన నగరాల్లో ఆటోలకు మీటర్లను 2013లో తప్పని సరి చేసిన విషయం తెలిసిందే. కొంత కాలంగా ఇది అమల్లో ఉన్నా, ఆతర్వాత గాల్లో కలిసింది. డీఎంకే అధికారంలోకి వచ్చినానంతరం ఆటో చార్జీల మీద దృష్టి పడింది. చార్జీల పెంపునకు అన్ని వర్గాల అభిప్రాయల సేకరణ నిమిత్తం ఓ కమిటిని నియమించింది. ఈ కమిటీ చార్జీల పెంపునకు తగ్గ సిఫారసులతో నివేదికను ప్రభుత్వానికి సమర్పించింది. కార్మిక, ఆటో సంఘాలతో రవాణా,కార్మిక సంక్షేమ కమిషనర్‌ సమావేశమయ్యారు. కమిటీ సిఫారసు, అన్ని వర్గాల అభిప్రాయాలతో ప్రస్తుతం కొత్త చార్జీలను నిర్ణయించారు. అయితే, దీనికి ఆటో కార్మిక సంఘాలు వ్యతిరేకించాయి. అలాగే, తమ నేతృత్వంలో కొత్త చార్జీలు అంటూ ఓ జాబితాను ప్రకటించాయి. గత ఏడాది తమ చార్జీల వసూళ్లకు కార్మిక సంఘాలు నిర్ణయించినా, పోలీసులు కన్నెర్ర చేయడంతో వెనక్కి తగ్గారు. తాజాగా రాష్ట్రంలో ప్రభుత్వం మారడంతో మళ్లీ ఆటో చార్జీల ప్రస్తావన తెరపైకి వచ్చింది. ఆటో చార్జీలను పె ంచాలని డ్రైవర్లు, యాజమాన్యాలు ఆందోళనలు చేస్తూ వచ్చారు. గత 13 సంవత్సరాలలో పెట్రోల్‌, సీఎన్‌జీ , ధరలు, వాహన బీమా ప్రీమియంలు, విడిభాగాల ధరలు విపరీతంగా పెరగడంతో పాత ఛార్జీలతో ఆటో నడపడం కష్టంగా మారిందని డ్రైవర్లు ఆందోళన వ్యక్తం చేశారు. దీంతో ఆటో డ్రైవర్లు, ఆటో యాజమాన్యాలతో సాగిన చర్చలతో కొత్త చార్జీల జాబితాను బుధవారం ప్రకటించారు. ఇందులో మొదటి 1.8 కిలో మీటర్‌ దూరానికి కనీస చార్జీగా రూ.50 నిర్ణయించారు. ఆతదుపరి కిలో మీటర్‌కు రూ. 25 చొప్పున చార్జీ ప్రకటించారు. వెయిటింగ్‌ చార్జీగా నిమిషానికి రూ. ఒకటి వసూలు చేయనున్నారు. కాగా, ఒక్క చైన్నెలో లక్షా 4 వేల ఆటోలు ఉన్నట్టు గుర్తించారు. అలాగే ఇతర నగరాలలో లక్షలాది ఆటోలు ఉండటంతో అన్నింటికి మీటర్లను తప్పనిసరి చేశారు. ఉన్న మీటర్లను సరి చేయడం, అవసరం అయితే,కొత్త మీటర్ల ఏర్పాటుకు ఆరు నెలలు గడువు ను కేటాయించారు. కొత్త చార్జీల వివరాలన్నీ ఆయా ఆటోలపై ముద్రించే రీతిలో చర్యలు చేపట్టాలని ప్రభుత్వం ఆదేశించింది.

సాక్షి, చైన్నె: రాజధాని నగరం చైన్నె నుంచి సముద్ర తీరం వెంబడి పుదుచ్చేరి వరకు 135 కి.మీ దూరం ఈస్ట్‌ కోస్ట్‌ రోడ్డు(ఈసీఆర్‌)లో ప్రయాణం ఆహ్లాదకరంగా ఉంటుంది. చైన్నె నగరం విస్తరిస్తుండటంతో ఈసీఆర్‌లో నిర్మాణాలు మరీ ఎక్కువే. బహుళ అంతస్తుల భవనాలు కోకొల్లలు. అనేక విదేశీ, స్వదేశీ సంస్థలు, ఐటీ కంపెనీలు కూడా ఇక్కడ ఎక్కువే. నిర్మాణ పరంగా, అభివృద్ధి పరంగా శరవేగంగా ఈ పరిసరాలు దూసుకెళ్తోన్నాయి. కోవళం, మహాబలి పురం, ముట్టుకాడు వంటి పర్యాటక కేంద్రాలు, థిమ్‌ పార్క్‌లు, రిసార్ట్స్‌లు కూడా ఈపరిసరాల్లోనే ఉన్నా యి. ఈ పరిస్థితుల్లో ఈసీఆర్‌ రోడ్డును రాష్ట్ర ప్రభు త్వం తన పరిధిలోకి తీసుకుని అభివృద్ధి పరిచే పనులను వేగవంతం చేసింది. ఇక ఈసీఆర్‌ రూపుదిద్దుకునేందుకు ముందుగా మధ్య కై లాశ్‌ నుంచి నావలూరు మీదుగా ఓఎంఆర్‌(ఓల్డ్‌ మహాబలిపురం) రోడ్డును ఉపయోగించే వారు. ఇప్పుడు కూడా ఈ రోడ్డు ఉపయోగించడం జరుగుతోంది. ఈ మార్గంలోనూ ఐటీ సంస్థలతో పాటుగా విద్యా సంస్థలు, ఆధునిక నాగరికతను చాటే విల్లాలు, బహుళ అంతస్తుల భవనాలు అంటూ, ఎన్నో నిర్మాణాలు ఉన్నాయి. రాజధాని నగరంలో అత్యంత ఖరీదైన నిర్మాణాలతో కిలో మీటర్ల కొద్ది ఓఎంఆర్‌, ఈసీఆర్‌ రోడ్లు, ఆ పరిసరాలు విస్తరించి ఉన్నాయి. అదే సమయంలో ఓఎంఆర్‌ వెంబడి సిరుచ్చేరి వరకు ఓ వైపు, షోళింనల్లూరు వరకు మరో వైపు మెట్రో రైలు సేవల పనులు శరవేగంగా జరుగుతున్నాయి. అదే సమయంలో ఈ రెండు మార్గాలలో నిత్యం ట్రాఫిక్‌ పద్మవ్యూహంలో వాహనాలు చిక్కాల్సిందే. ఓఎంఆర్‌ నుంచి ఈసీఆర్‌లోకి వాహనాలు వెళ్లాంటే కష్టం. అదే విధంగా ఈసీఆర్‌ నుంచి ఓఎంఆర్‌ రావాలన్నా చక్క ర్లు కొట్టాల్సిందే. ఈ పరిస్థితుల్లో ఓఎంఆర్‌ – ఈసీఆర్‌లను అనుసంధానించేందుకు ఇది వరకు కేళంబాక్కం నుంచి కోవలం వైపుగా ఉన్న మార్గం ఉంది. దీనిని ఉపయోగించే వాళ్లు మరీ ఎక్కువే. దీంతో ఈ మార్గంలో ట్రాఫిక్‌ కష్టాలు ఎక్కువే. దీనిని పరిగణించిన రహదారుల శాఖ ఎట్టకేలకు ఈసీఆర్‌ , ఓఎంఆర్‌లను అనుసంధానించేందుకు సిద్ధం అయింది. ప్రాజెక్ట్‌ నేపథ్యం – రద్దీ నివారణ చైన్నెలో అడయార్‌ మధ్య కై లాశ్‌ వద్ద ప్రారంభమై మహాబలిపురం వరకు విస్తరించి ఉన్న ఓఎంఆర్‌ రోడ్డు, తిరువాన్మియూర్‌ నుండి పుదుచ్చేరి వరకు వెళ్లే ఈసీఆర్‌ రోడ్డు నగరానికి ప్రధాన రవాణా మార్గాలుగా ఉండటంతో తాజాగా వీటిని అనుసంధానించక తప్పడం లేదు. రోజూ వేలాది మంది ఐటీ, ఇతర ప్రైవేట్‌ సంస్థల ఉద్యోగులు, ప్రజలు ఈ మార్గాల్లో ప్రయాణిస్తుంటారు. ప్రస్తుతం షోళింగనల్లూరు – అక్కరై, కేలంబాక్కం – కోవలం మధ్య లింక్‌ రోడ్లు అందుబాటులో ఉండగా, తురైపాక్కం – నీలన్‌కరై మధ్య కొత్త అనుసంధాన రహదారి పనులు పురోగతిలో ఉన్నాయి. ఈ లింక్‌ రోడ్డులు ఇరుకుగానే ఉంటాయి. కొట్టివాక్కం, నీలం కరై, ఈంజంబాక్కం పరిసరాల్లో నివాస ప్రాంతాలు పెరగడంతో షోళింగనల్లూరు – అక్కరై లింక్‌ రోడ్డుపై తీవ్ర వాహన రద్దీ ఏర్పడుతోంది. ఈ ఒత్తిడిని తగ్గించి, రెండు రహదారుల మధ్య గమనాన్ని సులభతరం చేసేందుకు ఈ కొత్త రహదారిని ప్రతిపాదించారు. పదేళ్ల నిరీక్షణకు ఫలితం.. 2016లో ఈ రెండు ప్రధాన మార్గాలను అనుసంధానించే రీతిలో కసరత్తులు జరిగాయి. ఈమేరకు తురైపాక్కం – నీలాంకరై లింక్‌ రోడ్డు ప్రాజెక్టుకు కసరత్తుల జరిగాయి.అయితే, కోర్టు కేసులు, భూసేకరణ జాప్యం కారణంగా పదేళ్లుగా ఆ పనులు ఆగాయి. ఈ అనుభవంతో కొత్త ప్రాజెక్ట్‌ను మరింత జాగ్రత్తగా చేపట్టాలని ప్రభుత్వం భావిస్తున్నది. అందుకే డీపీఆర్‌ను జాగ్రత్తతో, ప్రణాళికాబద్ధంగా రూపకల్పన చేసి, పనులకు భవిష్యత్‌లో ఆటంకం కలగకుండా కార్యాచరణలో నిమగ్నమ్యారు. కొత్త రహదారికి టెండర్లు ఈసీఆర్‌–ఓఎంఆర్‌ను అనుసంధానిస్తూ రహదారి నిర్మాణానికి రహదారుల శాఖ సిద్దం కావడంతో వివరణాత్మక ప్రాజెక్టు నివేదిక రూపకల్పనపై దృష్టి పెట్టారు. ఇందు కోసం టె ండర్లను ఆహ్వానించారు. ఆసక్తి ఉన్న సంస్థలు నవంబర్‌ 2వ తేదీ మధ్యాహ్నం 12 గంటల వరకు బిడ్లను సమర్పించవచ్చు. అదే రోజు మధ్యాహ్నం ఒంటి గంటకు టెండర్లు ముగించనున్నారు. ఎంపికై న కన్సల్టింగ్‌ సంస్థ ప్రాజెక్ట్‌ ప్రాంతాన్ని క్షేత్రస్థాయిలో పరిశీలించి 3 నెలల వ్యవధిలో నివేదికను అందజేయాల్సి ఉంటుంది. నివేదికలో అధ్యయనం చేసే ప్రధాన అంశాలుగా భూమి సర్వే – రవాణా లెక్కింపు, అనువైన మార్గం ఎంపిక , ఇంజనీరింగ్‌ డిజైన్లు. తప్పని సరిగా ఉన్నాయి. భూసేకరణ అంచనాలో రహదారి నిర్మాణానికి అవసరమైన భూమి పరిమాణాన్ని లెక్కించాల్సి ఉటుంది. వర్షపు నీటి పారుదల సౌకర్యాలపై ముందస్తు ప్రణాళిక. నిర్మాణానికయ్యే మొత్తం ఖర్చు, ప్రయాణ సమయం తగ్గుదల , వాహనదారుల భద్రతను ప్రాతిపదికగా తీసుకుని డీపీఆర్‌ సిద్ధం చేసేందుకు నిర్ణయించారు. కీలకంగా ఈ ప్రాజెక్టులో ఓఎంఆర్‌, ఈసీఆర్‌ మధ్య తూర్పు – పశ్చిమ ప్రాంతాలను అనుసంధానించే విధంగా రహదారి రూట్‌ మ్యాప్‌ సిద్ధంచేయనున్నారు. ఈ ప్రాజెక్ట్‌ యొక్క వివరణాత్మక నివేదిక సిద్ధం చేయడానికి రూ. 14.20 లక్షలు కేటాయించారు. ఇక, ట్రాఫిక్‌ రద్దీ, వాహనాల సంఖ్య, పాదచారుల రద్దీ, వర్షపు నీటి పారుదల, ఫ్లైఓవర్లు, కూడళ్లు, భూగర్భ సేవలు (విద్యుత్‌ కేబుళ్లు, నీటి పైపులు మొదలైనవి) అన్నీ ఈ అధ్యయనంలో పరిగణలోకి తీసుకుంటారు.

సాక్షి, చైన్నె : ఎలక్ట్రిక్‌ వాహనాలలో ఒకటిగా నిలిచిన ఎంజీ విండ్సర్‌ కొత్త శ్రేణి ఇండల్జ్‌ ఎడిషన్‌ ఆవిష్కరించారు.జెఎస్‌డబ్ల్యూ ఎంజీ మోటార్‌ ఇండియా ఈ మోడల్‌ను రూ. 17,99,800 ప్రారంభ ధరతో మార్కెట్లోకి తీసుకొచ్చింది. బిజినెస్‌–క్లాస్‌ ప్రయాణ అనుభవాన్ని మరింత విలాసవంతంగా మార్చేందుకు ప్రత్యేక ఫీచర్లతో ఈ కొత్త ఎడిషన్‌ను తీర్చిదిద్దారు. పవర్‌ట్రెయిన్‌ – మైలేజ్‌, బ్యాటరీ ప్యాక్‌ 38 కేడబ్ల్యు హెచ్‌ సామర్థ్యం, ఒక్కసారి పూర్తి ఛార్జింగ్‌ చేస్తే 332 కిలోమీటర్ల సర్టిఫైడ్‌ రేంజ్‌ లభించే రీతిలో రూపకల్పన చేశారు. వెనుక సీటు ప్రయాణికుల కోసం వినోదం, సౌకర్యాన్ని పెంచేందుకు ప్రత్యేక స్క్రీన్లను స్టాండర్డ్‌ ఫీచర్‌గా అందించారు.ఈసందర్భంగా జేఎస్‌డబ్ల్యూ ఎంజీ మోటార్‌ చీఫ్‌ కమర్షియల్‌ ఆఫీసర్‌ వినయ్‌ రైనా మాట్లాడుతూ,వినియోగ దారుల ప్రాధాన్యతలకు అనుగుణంగా వాహనాన్ని కస్టమైజ్‌ చేసుకోవడానికి ప్రత్యేక యాక్సెసరీస్‌ ప్యాకేజీ అందుబాటులో ఉంటుందని వివరించారు. విండ్సర్‌ ఈవీ కేవలం తమ కంపెనీకే కాకుండా ఈవీ రంగానికి ఒక కీలకమైన మోడల్‌ అని ధీమా వ్యక్తంచేశారు. గడిచిన 24 నెలల కాలంలోనే 80,000 కంటే ఎక్కువ కుటుంబాలు విండ్సర్‌ను ఎంచుకోవడం గర్వకారణంగా పేర్కొన్నారు. ఈ విజయ స్ఫూర్తితోనే, వినియోగ దారులు అభిరుచులకు తగినట్లుగా డిజైన్‌ చేసిన ఇండల్జ్‌ ఎడిషన్‌ను తాజాగా తీసుకొచ్చామన్నారు.

– సరుకు రవాణా ద్వారా రూ.618.51 కోట్లు సాక్షి, చైన్నె : దక్షిణ రైల్వేకు చెందిన చైన్నె డివిజన్‌ సరుకు రవాణా రంగంలో మరోసారి విశేష ప్రతిభ కనబరిచింది. ప్రస్తుత 2026–27 ఆర్థిక సంవత్సరం మొదటి అర్ధభాగంలో ఏప్రిల్‌ 1 నుంచి సెప్టెంబర్‌ 30 వరకు సరుకు రవాణా ద్వారా మొత్తం రూ.618.51 కోట్ల ఆదాయాన్ని సమకూర్చుకుంది. ఈ ఆరు నెలల వ్యవధిలో చైన్నె డివిజన్‌ నిత్యావసర వస్తువులు, విద్యుత్‌ ఉత్పత్తికి ఉపయోగించే బొగ్గు, వ్యవసాయ ఉత్పత్తులు, భారీ పారిశ్రామిక సరుకులతో సహా మొత్తం 5.413 మిలియన్‌ టన్నుల సరుకును విజయవంతంగా దేశంలోని వివిధ ప్రాంతాలకు రవాణా చేసింది. డివిజన్‌ మొత్తం ఆదాయంలో బొగ్గు రవాణాదే అగ్రస్థానంగా పేర్కొన్నా. 3.517 మిలియన్‌ టన్నుల బొగ్గును రవాణా చేయడం ద్వారా రూ.346.42 కోట్ల రాబడి లభించింది. ఇది మొత్తం సరుకు రవాణా ఆదాయంలో 56% , మొత్తం బరువులో 65% కావడం విశేషం. థర్మల్‌ విద్యుత్‌ కేంద్రాల ఇంధన అవసర తీర్చడంలో ఇది కీలక పాత్ర పోషించింది.ఇతర వస్తువులు – ఆటోమొబైల్స్‌లలో 0.662 మిలియన్‌ టన్నుల సరుకును రవాణా చేసి రూ.122.64 కోట్ల ఆదాయం సాధించారు. ఇందులో ఆటోమొబైల్‌ రంగం నుండి అత్యధికంగా 0.153 మిలియన్‌ టన్నుల వాహనాల రవాణాతో రూ 90.62 కోట్లు వచ్చాయి.

– నిందితుడికి 25 ఏళ్ల జైలు శిక్ష తిరువళ్లూరు: మైనర్‌ బాలికపై లైంగిక దాడికి పాల్పడిన యువకుడికి 25 ఏళ్ల జైలు శిక్షను విధిస్తూ తిరువళ్లూరు పోక్సో కోర్టు తీర్పును వెలువరించింది. తిరువళ్లూరు జిల్లా ఎన్నూరు గ్రామానికి చెందిన 13 ఏళ్ల మైనర్‌ బాలిక స్థానికంగా వున్న పాఠశాలలో ఎనిమిదో తరగతి చదువుతూవుంది. ఈక్రమంలో గత 2018, డిసంబర్‌ 28న ఇంటి వద్ద వుంటున్న మైనర్‌ బాలికకూ మాయమాటలు చెప్పి ఇంటికి తీసుకెళ్లిన అదే ప్రాంతానికి చెందిన పీటర్‌(22) పలుమార్లు లైంగిక దాడికి దిగాడు. లైంగిక దాడి విషయాన్ని బయట చెబితే అంతచూస్తానని బెదిరింపులకు దిగాడు. ఈ క్రమంలో బాలిక ఇదే విషయాన్ని తల్లిదండ్రులకు చెప్పడంతో బాలిక తల్లి ఎన్నూర్‌ మహిళ పోలీసులకు ఫిర్యాదు చేసింది. కేసు నమోదు చేసిన పోలీసులు అప్పట్లో పీటర్‌ను అరెస్టు చేసి రిమాండ్‌కు తరలించారు. అనంతరం నిందితుడు బెయిల్‌పై విడుదలైన క్రమంలో కేసు విచారణ తిరువళ్లూరు పోక్సో కోర్టులో సాగింది. విచారణ ముగియడంతో న్యాయమూర్తి ఉమామహేశ్వరి తీర్పును వెలువరించారు. మైనర్‌ బాలికపై లైంగిక దాడికి దిగిన నిందితుడికి 25 ఏళ్ల జైలు శిక్ష, 25 వేల జరిమానా విధిస్తూ తీర్పును వెలువరించారు. అనంతరం నిందితుడ్ని పుళల్‌ జైలుకు తరలించారు. మహిళను చంపి బావిలో పడేసిన వ్యక్తి అరెస్టు అన్నానగర్‌: చెంగల్పట్టు జిల్లా,మధురాంతకం ఉత్కోట్టం, మెల్‌ మరువత్తూరు పోలీస్‌ స్టేషన్‌ పరిధిలోని శిరునగలూరు గ్రామంలో మనవాలనాయుడు అనే వ్యక్తికి చెందిన వ్యవసాయ బావిలో, సుమారు 40 ఏళ్ల వయసున్న ఒక మహిళ గొంతు కోసి ఉన్న మృతదేహం తేలుతూ కనిపించిందని సమాచారం అందింది. దీని ప్రకారం గ్రామ పరిపాలనాధికారి శారద దాఖలు చేసిన ఫిర్యాదు మేరకు మెల్మరువత్తూరు పోలీసులు కేసు నమోదు చేశారు. దర్యాప్తు ముగింపులో మృతురాలు చైన్నె తీరప్రాంతానికి చెందిన గురు నాథన్‌ (41) భార్య మణిమేఘలై అని తేలింది. ఈ హత్య కేసులో ప్రమేయం ఉన్న కడలూరు జిల్లాలోని ఎంజీఆర్‌ దిట్టు ప్రాంతానికి చెందిన రాజేంద్రన్‌ కుమారుడు మధురవేల్‌ (43)ను చైన్నెలో అరెస్టు చేశారు. అతనితో జరిపిన విచారణలో మృతురాలు మణిమేఘలై అతని వద్ద తీసుకున్న డబ్బును తిరిగి ఇవ్వనందున, ఆమెను హత్య చేసి ఆమె చెవిపోగులు, చైయిన్‌, సెల్‌ ఫోన్‌ తీసుకుని, ఆమె మృతదేహాన్ని ఒక బావిలో పడేశాన ని అతను ఒప్పుకున్నట్లు పోలీసులు తెలిపారు. చిరుత దాడిలో దూడ మృతి సేలం: గత నెలలో సేలం జిల్లా, మెట్టూరు తాలూకా, కొళత్తూరు సమీపంలోని కన్నమూచి ప్రాంతంలో సంయుక్త ఆపరేషనన్‌లో ఒక చిరుతను పట్టుకున్నారు. ఆ ప్రాంతంలో మరో చిరుత సంచరిస్తున్నట్లు సమాచారం అందింది. ఇదిలా ఉండగా, మంగళవారం రాత్రి కన్నమూచిలోని పశ్చిమ పిటంగనేరిలో ఒక రైతు దూడపై చిరుత దాడి చేసింది. ఆ దూడ అరటి తోటలో చనిపోయి కనిపించింది. ఈ దృశ్యంతో ఆ ప్రాంత ప్రజలు మరోసారి భయాందోళనలకు గురయ్యారు.

తిరుత్తణి: పొన్పాడి చెక్‌పోస్టు వద్ద మంత్రులు సెంగోట్టయన్‌, వెంకట్రమనన్‌ బుధవారం ఉదయం తనిఖీలు చేపట్టి రాష్ట్ర సరిహద్దు మార్గాల్లో రేషన్‌ బియ్యం తరలింపుపై నిఘా వుంచి కట్టడి చేయాలని అధికారులకు ఆదేశించారు. రాష్ట్రంలో బియ్యం ధరలు విపరీతంగా పెరుగుతున్న క్రమంలో రేషన్‌ బియ్యం పొరుగు రాష్ట్రాలకు అక్రమంగా తరలించి పాలిస్‌ వేసి అధిక ధరలకు విక్రయిస్తున్నట్లు పిర్యాదుల నేపధ్యంలో మంత్రుల నేపధ్యంలో రెవిన్యూ శాఖ మంత్రి సెంగోట్టయన్‌, పౌరసరపరాల శాఖ మంత్రి వెంకట్రమనన్‌ తదితరులు తిరుత్తణి సమీపంలోని చైన్నె తిరుపతి జాతీయ రహదారిలోని తమిళనాడు ఆంధ్ర సరిహద్దు చెక్‌పోస్టు వద్ద తనిఖీలు చేసారు. చెక్‌పోస్టులో రికార్డులను పరిశీలించిన మంత్రుల బృందం ఇతర రాష్ట్రాల వాహనాలను, రాష్ట్రం నుంచి ఆంధ్రాకు ప్రవేశిస్తున్న గూడ్సు వాహనాలు తనిఖీ చేపట్టాలని, రేషన్‌ దుకాణాల్లో ఉచితంగా అందజేస్తున్న రేషన్‌ బి య్యం అక్రమ రవాణాను అరికట్టాలని సూచించారు.

తిరువళ్లూరు: అన్నాయూనివర్సిటీ ఆధ్వర్యంలో జోనల్‌ స్థాయి వాలీబాల్‌ పోటీలు తిరువళ్లూరు జిల్లా అరణ్‌వాయల్‌కుప్పంలోని ప్రత్యూష్‌ ఇంజినీరింగ్‌ కళాశాల ఆద్వర్యంలో 26, 27 తదితర రెండు రోజుల పాటు నిర్వహించారు. పోటీలకు వేర్వేరు ప్రాంతాలకు చెందిన 22 కళాశాలకు చెందిన జట్లు పాల్గొన్నాయి. పోటీల్లో సెమీస్‌, ఫైనల్‌ పోటీలు మంగళవారం సాయంత్రం నిర్వహించారు. ఫైనల్‌కు ఆర్‌ఎంకే ఇంజినీరింగ్‌ కళాశాల, వేళమ్మాల్‌ కళాశాల జట్లు చేరాయి. వీరి మధ్య జరిగిన పోటీల్లో ఆర్‌ఎంకే కళాశాల జట్టు 8–0 తేడాతో విజయం సాధించి చాంపియన్‌ ట్రోఫీ గెలుచుకుంది. కాగా వాలీబాల్‌లో విజయం సాధించిన జట్టును ఆర్‌ఎంకే కళాశాల చేర్మన్‌ ఆర్‌ఎస్‌ మునిరత్నం ప్రశంసించారు. అనంతరం ఆయన రూ. 50 వేల ప్రోత్సాహక నగదు బహుమతిని విద్యార్థులకు అందజేశా రు. ఉపాధ్యక్షుడు ఆర్‌ఎం కిషోర్‌, ప్రిన్సిపల్‌ మహ్మ ద్‌ జునైత్‌ తదితరులు పాల్గోన్నారు. కాగా చాంపియన్‌గా నిలిచిన ఆర్‌ఎంకే కళాశాల జట్టు మండల స్థాయిలో జరిగే పోటీలకు అర్హతను సాధించింది.

సాక్షి, చైన్నె : రామాపురంలో ఎస్‌ఆర్‌ఎం ప్రైమ్‌ హాస్పిటల్‌లో న్యూరోలాజికల్‌ అత్యవసర పరిస్థితులు, పక్షవాతం (స్ట్రోక్‌) బాధితులకు తక్షణ సమగ్ర వైద్యం అందించే లక్ష్యంతో న్యూరో ఎమర్జెన్సీ స్ట్రోక్‌ టీమ్‌ విభాగం ఏర్పాటు చేశారు. గురువారం ప్రపంచ స్ట్రోక్‌ దినోత్సవం సందర్భంగా ఈ అత్యాధునిక సేవలను ఒక రోజు ముందుగా బుధవారం నుంచి తీసుకొచ్చారు. అలాగే అత్యవసర బాధితుల కోసం ప్రత్యేక హాట్‌లైన్‌గా 044– 3500 3500 నంబర్‌నుప్రకటించారు. ఈ విభాగం ద్వారా ఒకే గొడుగు కింద అధునాతన వైద్య సదుపాయాలు, రోగ నిర్ధారణ నుండి రోగి పూర్తిగా కోలుకునే వరకు అవసరమయ్యే అత్యాధునిక మౌలిక వసతులను నెస్ట్‌ విభాగంలో కల్పించారు. ప్రత్యేక న్యూరో క్యాత్‌ ల్యాబ్‌ , ప్రత్యేక అత్యవసర సంరక్షణ పరికరాలు, 3డీ ఎంఆర్‌ఐ టెక్నాలజీ వంటి వసతులు ఏర్పాటు చేశారు. ఎస్‌ఆర్‌ఎం ప్రైమ్‌ సీఈఓ పి శివ, , న్యూరాలజీ సీనియర్‌ కన్సల్టెంట్‌ డాక్టర్‌ సుబ్రమణియన్‌ కె, న్యూరో సర్జరీ డాక్టర్‌ డాక్టర్‌ చంద్రశేఖర్‌, డాక్టర్‌ స్వాతి టి, డాక్టర్‌ అక్షయ ఎస్‌, డాక్టర్‌ జి. కృష్ణ కుమార్‌, డాక్టర్‌ అరులాలన్‌ మదియలగన్‌ వంటి సీనియర్‌ వైద్య నిపుణులు ఈ కార్యక్రమానికి హజరయ్యారు.

సాక్షి, చైన్నె: తేని జిల్లా జైలు నుంచి పారిపోయి ఇంకా పోలీసులకు చిక్కకుండా తప్పించుకు తిరుగుతున్న మిగిలిన ఇద్దరు ఖైదీలను అవసరమైతే కాల్చి పట్టుకోవాలని దక్షిణ జోన్‌ ఐజీ విజయేంద్ర బిధారి పోలీసు అధికారులను ఆదేశించారు. ఈ ఘటన నేపథ్యంలో అన్ని జైళ్లులో భద్రతను కట్టుదిట్టం చేశారు. వాచ్‌ టవర్ల నుంచి సిబ్బంది భద్రతా పర్యవేక్షణకు చర్యలు తీసుకున్నారు. తేని జిల్లా జైలులో విధి నిర్వహణలో ఉన్న పోలీసులపై భౌతిక దాడికి దిగి 17 మంది ఖైదీలు ఒకేసారి పరారైన సంగతి తెలిసిందే. ఈ ఘటనపై పోలీసు యంత్రాంగం అత్యంత వేగంగా స్పందించి భారీ గాలింపు చర్యలు చేపట్టింది. తొలుత జైలు సమీపంలోనే ప్రవీణ్‌ కుమార్‌ పట్టుబడగా, ఆ తర్వాత సిలంబరసన్‌, రాజా సికందర్‌, రాజ్‌కుమార్‌, దివ్యాంగ ఖైదీ ప్రశాంత్‌ తో సహా ఐదుగురిని పోలీసులు అరెస్ట్‌ చేశారు. డ్రోన్‌ కెమెరాలతో సెర్చ్‌ అటవీ ప్రాంతంలో దాక్కున్న కరుప్పసామి, తరుణ్‌కుమార్‌, పాండిచెల్వం, శబరినాథ్‌ , నిశాంత్‌, ముత్తు ఇలంగోవన్‌, కార్తీక్‌ రాజా, సోలై ముగిలేశ్వరన్‌న్‌ అనే మరో ఎనిమిది మందిని డ్రోన్ల సహాయంతో కనిపెట్టి అదుపులోకి తీసుకున్నారు. కొండ ప్రాంతాల్లో నక్కిన పొన్ముత్తు, రెజీనాను కూడా ప్రత్యేక పోలీసు దళాలు అదుపులోకి తీసుకున్నాయి. 17 మందిలో 15 మందిని బుధవారం ఉదయం నాటికి అరెస్టు చేశారు. పట్టుబడిన వారిలో మొదట అరెస్టయిన ఐదుగురిని ఇప్పటికే కోర్టులో హాజరుపరచగా, మిగిలిన వారిని కనవిల్‌ పోలీస్‌ స్టేషనన్‌లో పోలీసులు తీవ్రంగా విచారిస్తున్నారు. బైక్‌ లాక్కుని పారిపోయిన ఇద్దరు ఖైదీలు పోలీసులు తమను చుట్టుముడుతున్నారని గ్రహించిన మిగిలిన ఇద్దరు ఖైదీలు తిరుపతి, మీనాక్షి సుందరం (వీరిద్దరూ సోదరులు) కొండ దిగువకు వేరే మార్గం గుండా పరారయ్యారు. మార్గంమధ్యలో ఎదురుగా వచ్చిన ఒక బైకర్‌పై దాడి చేసి, అతడి ద్విచక్ర వాహనాన్ని లాక్కుని వేగంగా తప్పించుకున్నారు. పారిపోయిన సోదరులిద్దరూ ద్విచక్ర వాహనంపై ఉన్నందున తేని జిల్లా సరిహద్దుల్లో వాహన తనిఖీలను అత్యంత కఠినతరం చేశారు. కనవిరకల్‌ పరిసర ప్రాంతాల్లో గాలింపును ముమ్మరం చేశారు. ఐజీ విజయేంద్ర బిధారి ఆదేశాల మేరకు ప్రత్యేక బలగాలు రంగంలోకి దిగి వారి కోసం తీవ్రంగా అన్వేషిస్తున్నాయి. అవసరం అయితే, వారిని తుపాకీతో కాల్చి పట్టుకునేందుకు సైతం ఆదేశాలు జారీకావడంతో పోలీసులు దూకుడుగా ముందుకెళ్తున్నారు. కాగా, జైలు నుంచి తప్పించుకెళ్లి పట్టుబడిన 15 మందిపై తాజాగా 121(1), 296(బి), 115(2), 118(1), 309(4), 109,262, 353 తదితర తొమ్మిది సెక్షన్లతో కేసులు నమోదు చేశారు. అందర్నీ కోర్టులో హాజరు పరిచి కట్టుదిట్టమైన భద్రత నడుమ పలు జైళ్లలో బంధించారు. జైళ్ల శాఖ డీజీపీ సందీప్‌ రాయ్‌ రాథోర్‌ ఆదేశాలతో జైళ్ల శాఖ డిఐజీ ఆర్‌ కనకరాజన్‌, మదురై జైలు సూపరింటెండెంట్‌ ఎ. మురుగేశన్‌, ఐజీ ఆర్‌ కృష్ణరాజ్‌, దక్షిణ డీఐజీ విజయేంద్ర బిదారి, ఐజీ అభినవ కుమార్‌, తేని ఎస్పీ పవీణ్‌ గౌతమ్‌ బుధవారం కూడా తేని జైలులలో భద్రతా ఏర్పాట్ల గురించి సమీక్షించారు. అలాగే, రాష్ట్రంలోని అన్ని జైళ్లలో భద్రతా పరిస్థితులపై ఆరా తీసి కట్టుదిట్టం చేయించారు.

సాక్షి, చైన్నె : తమిళనాడులోని ప్రభుత్వ వృత్తి విద్యా శిక్షణా సంస్థలలో (ఐటీఐ) మౌలిక వసతులు, సాంకేతిక విద్యను మెరుగుపరిచే దిశగా రాష్ట్ర ప్రభుత్వం కీలక అడుగు వేసింది. చైన్నె గిండిలోని ప్రభుత్వ వృత్తి శిక్షణా సంస్థ ప్రాంగణంలో నిర్వహించిన ప్రత్యేక కార్యక్రమంలో సీఎం విజయ్‌ ష్నైడర్‌ ఎలక్ట్రిక్‌ ఇండియా ప్రైవేట్‌ లిమిటెడ్‌ భాగస్వామ్యంతో ఏర్పాటు చేసిన అత్యాధునిక ఎలక్ట్రికల్‌ ల్యాబ్‌లను ప్రారంభించారు. అలాగే, చైన్నె, తిరువళ్లూరు, చెంగల్పట్టు, వెల్లూరు, కోయంబత్తూర్‌, మధురై, సేలం, తిరుచ్చితో సహా 23 జిల్లాల్లోని 30 ప్రభుత్వ వృత్తి విద్యా శిక్షణా సంస్థలలో ష్నైడర్‌ ఎలక్ట్రిక్‌ సంస్థ అందించిన రూ. 5.10 కోట్ల ఆర్థిక సాయంతో ఏర్పాటు చేసిన అధునాతన విద్యుత్‌ ప్రయోగశాలలను (కూడా సీఎం విజయ్‌ ప్రారంభించారు. దీని ద్వారా ప్రతి సంవత్సరం 9,250 మంది విద్యార్థులకు నాణ్యమైన శిక్షణ లభించనుంది. మరో 40 ఐటీఐల కోసం ఒప్పందం: మరో 40 ప్రభుత్వ ఐటీఐలలో రూ. 6.80 కోట్ల వ్యయంతో ఆధునిక ఎలక్ట్రికల్‌ ల్యాబ్‌లను ఏర్పాటు చేసేందుకు తమిళనాడు ప్రభుత్వ ఉపాధి, శిక్షణ శాఖ , ష్నైడర్‌ ఎలక్ట్రిక్‌ ఇండియా ప్రతినిధుల మధ్య సీఎం విజయ్‌ సమక్షంలో అవగాహన ఒప్పందం కుదిరింది. అనంతరం ఎలక్ట్రీషియన్‌, వైర్‌మ్యాన్‌ విభాగాల విద్యార్థులకు ఆధునిక శిక్షణా పరికరాలను పంపిణీ చేశారు. రాష్ట్ర స్థాయి లో జరిగిన 59వ నైనుణ్యాల పోటీలలో విజేతలుగా నిలిచిన 15 మంది విద్యార్థులకు ఒక్కొక్కరికి రూ. 25 వేలు చొప్పున నగదు బహుమతికి గాను చెక్కులను సీఎం అందజేశారు. అఖిల భారత వృత్తి విద్యా పరీక్షలలో జాతీయ స్థాయిలో అగ్రస్థానంలో నిలిచి రాష్ట్రానికి ఘనత తెచ్చిన 60 మంది ప్రతిభావంతులైన విద్యార్థులకు ప్రశంసా పత్రాలను అందజేశారు. గతేడాది 40 మంది అగ్రస్థానం సాధించి 4వ స్థానంలో ఉన్న తమిళనాడు, ఈ ఏడాది 60 మందితో దేశంలోనే రెండవ స్థానానికి చేరడం విశేషం. అలాగే తమిళనాడు పబ్లిక్‌ సర్వీస్‌ కమిషన్‌ ద్వారా ఉపాధి , శిక్షణ రంగానికి కొత్తగా ఎంపికై న 673 మంది జూనియర్‌ శిక్షణా అధికారులకు నియామక ఉత్తర్వులను సీఎం అందజేశారు. అలాగే, ఆ ప్రాంగణంలోని రోబోటిక్స్‌, అధునాతన సీఎన్‌సీ, లేజర్‌ కటింగ్‌, హైడ్రాలిక్‌ , న్యూమాటిక్స్‌ ల్యాబ్‌లను సీఎం సందర్శించి విద్యార్థులతో ముచ్చటించారు. దివ్యాంగులపై విద్యార్థులకు, జపానన్‌లోని ఎహిమే నిస్సాన్‌ కంపెనీకి ఎంపికై న విద్యార్థులకు ప్రత్యేకంగా శుభాకాంక్షలు తెలిపారు.ఈ కార్యక్రమంలో కార్మిక సంక్షేమ , నైపుణ్యాభివృద్ధి శాఖ మంత్రి మహమ్మద్‌ పర్వేజ్‌, ప్రభుత్వ ప్రధాన కార్యదర్శి డాక్టర్‌ ఎం. సాయికుమార్‌, ఉపాధి , శిక్షణ శాఖ డైరెక్టర్‌ డాక్టర్‌ సి. పళని, ష్నైడర్‌ ఎలక్ట్రిక్‌ ఎండీ దీపక్‌ శర్మ తదితర ఉన్నతాధికారులు పాల్గొన్నారు.

– తాగునీరు, వ్యర్థాల నిర్వహణ వ్యవస్థల ప్రారంభం సాక్షి, చైన్నె : చెంగల్పట్టు జిల్లా వల్లిపురం గ్రామ పంచాయతీలో ఐఐటీ మద్రాసు చేపట్టిన నీటి శుద్ధి, ఘన వ్యర్థాల నిర్వహణ ప్రాజెక్ట్‌ విజయవంతంగా పూర్తయింది. ఐఐటీ మద్రాస్‌కు చెందిన జల నిర్వహణ , విధాన కేంద్రం ఆక్వామ్యాప్‌ ఆధ్వర్యంలో స్వచ్ఛమైన ,ఆరోగ్యకరమైన గ్రామ అభివృద్ధి కార్యక్రమం కింద ఈ ప్రాజెక్ట్‌ను పూర్తి చేశారు. బుధవారం స్థానిక పంచాయతీ సముదాయానికి అధికారికంగా అప్పగించారు. ఈ ప్రాజెక్ట్‌కు సింగపూర్‌ నాన్యాంగ్‌ టెక్నలాజికల్‌ యూనివర్సిటీ ఆర్థిక సహాయం అందించింది. గ్రామంలోని పాఠశాలలు , ప్రాథమిక ఆరోగ్య కేంద్రాన్ని లక్ష్యంగా చేసుకుని వికేంద్రీకృత తాగునీటి శుద్ధి కేంద్రాలను ఏర్పాటు చేశారు. పాఠశాలల్లో అల్ట్రాఫిల్ట్రేషన్‌ , అల్ట్రావైలెట్‌ సిస్టమ్స్‌., ప్రాథమిక ఆరోగ్య కేంద్రంలో ఆస్మోసిస్‌ , యూవీ సాంకేతికత ఏర్పాటు చేశారు. 5 నీటి ట్యాంకులు, శుద్ధి వ్యవస్థలపై ఆధారిత సెన్సార్లను అమర్చారు. ఇవి నీటి ప్రవాహం, విలువ, టర్బిడిటీ , టీడీఎస్‌ స్థాయిలను పర్యవేక్షించి మొబైల్‌ యాప్‌కు డేటాను పంపుతాయి. ఈ ప్రాజెక్ట్‌ ద్వారా గ్రామంలోని 2 వేల మంది నివాసితులతో పాటు ప్రాథమిక ఆరోగ్య కేంద్రానికి వచ్చే పరిసర 14 గ్రామాల ప్రజలకు సురక్షితమైన తాగునీరు అందుతోంది. అలాగే, సుస్థిర ఘన వ్యర్థాల నిర్వహణ, వ్యర్థాల సేకరణ కోసం బ్యాటరీతో నడిచే వాహనాన్ని అందించారు. ఈ కార్యక్రమంలో వల్లిపురం పంచాయతీ అధ్యక్షురాలు సోబియా అముల్‌ పార్థసారథి ఐఐటీ మద్రాస్‌ ఆక్వామ్యాప్‌ సెంటర్‌కు చెందిన ప్రొఫెసర్‌ లిగీ ఫిలిప్‌ , ప్రొఫెసర్‌ బి.ఎస్‌. మూర్తి , చెంగల్పట్టు జిల్లా అధికారులు పాల్గొన్నారు.

తీరంలో ఉత్కంఠభార తియార్‌నగర్‌ వద్ద అలల తాకిడి తీరం వెంబడి భద్రత సాక్షి, చైన్నె : అర్నబ్‌ తుపాన్‌ తీరం దాటే ప్రక్రియ సమయంలో ఉత్తర, దక్షిణ చైన్నెలోని సముద్ర తీర ప్రాంతాలు తీవ్ర అల్లకల్లోలంగా మారాయి. ఉధృతమైన సముద్రపు అలలు రక్షణ గోడలను దాటుకుని నివాస ప్రాంతాల్లోకి ప్రవేశించడంతో ప్రజలు భయాందోళనలకు గురవుతున్నారు. ఈశాన్య రుతు పవనాల ప్రభావంతో రాష్ట్రంలో విస్తారంగానే వర్షాలు పడ్డాయి. అయితే, అర్నబ్‌ తుఫాన్‌ ఏర్పడిన తదుపరి మంగళ, బుధవారాలలో వర్షాలకు కాస్త విరామం అన్నట్టు గా పరిస్థితి నెలకొంది. ఇదే పరిస్థితి గురు, శుక్ర, శనివారాలలో నెలకొననున్నాయి. ఈ పరిస్థితులలో అర్నబ్‌ తుపాన్‌ తీరం వైపుగా దూసుకెళ్తున్న సమయంలో మంగళవారం రాత్రి నుంచి బుధవారం వేకువజాము వరకు ఉత్తర , దక్షిణ చైన్నె సముద్ర తీరం అల్లకల్లోలంగా మారినట్టైంది. చైన్నెలోని ఎన్నూర్‌, తిరువొత్తియూర్‌, పళవేర్కాడు, తిరువళ్లూరు జిల్లాల సముద్ర తీరాల్లో అలల తీవ్రత విపరీతంగా పెరిగింది. ఎన్నూర్‌లోని భారతియార్‌ నగర్‌ ప్రాంతంలో బీచ్‌ను దాటుకుని వచ్చిన నీరు రోడ్లను ముంచెత్తింది. రోడ్డు పక్కన నిలిపి ఉంచిన అనేక ద్విచక్ర వాహనాలు సముద్రపు అలల తాకిడికి కొట్టుకుపోయాయి.భారతియార్‌ నగర్‌లోని సుమారు 6 వీధుల్లోకి సముద్రపు నీరు వేగంగా ప్రవేశించింది. గతంలో తమిళనాడును వణికించిన సునామీ సమయాన్నే ఈ పరిస్థితులు గుర్తుచేస్తున్నాయని స్థానిక నివాసితులు ఆవేదన వ్యక్తం చేశారు. వందలాది కుటుంబాలు తమ ఇళ్లలోకి నీరు చేరుతుండటంతో ఆందోళన చెందుతున్నాయి. తీరం వెంబడి భద్రతతో.. పరిస్థితి తీవ్రతను గమనించిన ఉన్నతాధికారులు తక్షణమే అలల తాకిడి ప్రభావిత ప్రాంతాలకు చేరుకున్నారు. సముద్ర తీర ప్రాంతాలకు ఎవరూ వెళ్లవద్దని, రోడ్లపై తిరగవద్దని ప్రజలను అప్రమత్తం చేశారు. ఎన్నూర్‌ నుంచి మహాబలిపురం వరకు భద్రత పరంగాచర్యలు తీసుకున్నారు. అర్నబ్‌ తీరం దాటే వరకు ఏ ఒక్కర్నీ సముద్ర తీరంలోకి అనుమతించ లేదు. ఇక,తిరువొత్తియూర్‌ ఎమ్మెల్యే సెంథిల్‌కుమార్‌ ఎన్నూర్‌ , పరిసర ప్రాంతాలలో పర్యటించి పరిస్థితిని సమీక్షించారు. ప్రజలను సురక్షిత ప్రాంతాలకు తరలించేందుకు, అవసరమైన రక్షణ చర్యలు చేపట్టేందుకు పోలీస్‌, రెవెన్యూ విభాగాల అధికారులను ఆదేశించారు. అర్నబ్‌ ఆంధ్రప్రదేశ్‌ వైపుగా దూసుకెళ్లడంతో చైన్నె నుంచి ఆంధ్రా మీదుగా టేకాఫ్‌ తీసుకోవాల్సిన 12 విమానాల సేవలను రద్దు చేశారు. అండమాన్‌ తీరంలో కొత్త అల్పపీడనం ప్రస్తుతానికి వరుణుడు విశ్రాంతి తీసుకున్నా, నవంబర్‌ మొదటి వారం నుంచి మళ్లీ రాష్ట్రంలో దంచి కొట్టనున్నారు. ఈ మేరకు దక్షిణ అండమాన్‌ , దానిని ఆనుకుని ఉన్న సముద్ర ప్రాంతాలలో బలమైన ఉపరితల ఆవర్తనం కొనసాగుతోందని చైన్నె వాతావరణ కేంద్రం తెలిపింది. దీని ప్రభావంతో రాబోయే 24 గంటల్లో అదే ప్రాంతంలో కొత్త అల్పపీడనం ఏర్పడే అవకాశం ఉందని అధికారులు వెల్లడించారు. ఈ ప్రభావం పశ్చిమ కనుమలను ఆనుకుని ఉన్న జిల్లాల్లో ఒకటి రెండు చోట్ల తేలికపాటి నుండి మోస్తరు వర్షాలు, దక్షిణ తమిళనాడులో తేలికపాటి వర్షాలు కురిసే అవకాశం ఉంది. రాష్ట్రంలోని మిగిలిన ప్రాంతాలలో పొడి వాతావరణం నెలకొంటుంది. నవంబర్‌ 1, 2 తేదీలలో ఉత్తర తమిళనాడులో మోస్తరు వర్షాలు, దక్షిణ తమిళనాడులో తేలికపాటి వర్షాలు కురుస్తాయని, నవంబర్‌ 3 తదుపరి వర్షాలు మరింతగా ఎదురు చూడవచ్చు అనిప్రకటించారు. ఇక, చైన్నె, శివారులలోరానున్న రోజులలో ఆకాశంమేఘావృతమై ఉండటమే కాకుండా గరిష్ట ఉష్ణోగ్రత 34–35 సెల్సియస్‌, కనిష్ట ఉష్ణోగ్రత 25–26ని సెల్సియస్‌ మధ్య నమోదయ్యే అవకాశం ఉందని ప్రకటించారు. గడిచిన 24 గంటలలో కన్యాకుమారి జిల్లాలో అత్యధికంగా వర్షపాతం నమోదైంది. పెరుంజని డ్యామ్‌, సురులకోడ్‌లలో 4 సెం.మీ., చితరారు, పుత్తన్‌ డ్యామ్‌, శివలోకంలలో 3 సెం.మీ,పాలమోర్‌, పెచిప్పరైలలో 2 సెం.మీ. వర్షం పడింది. ఇక, వర్షాల దాటికి తీవ్ర ప్రభావానికి గురైన పర్యాటక ప్రాంతాలు ఊటీ, కొడైకెనాల్‌ వెల వెల బోయాయి. కున్నూరు మార్గంలో అనేక చోట్ల కొండ చరియలు విరిగిపడే పరిస్థితులు ఉండటంతో వాహనదారులను అప్రమత్తమయ్యారు.12కు పైగా ప్రాంతాలలో రోడ్డుపైన కొండ చరియలు పడకుండా జాగ్రత్తలు తీసుకున్నారు. అలాగే, ఊటీ – మేట్టుపాళయం – కున్నూరు మార్గం వెంబడి కొండ చరియలు విరిగి పడే పరిస్థితులు ఉన్న ప్రాంతాలలో అధికారులు అధ్యయనం చేస్తున్నారు.

రెవంజా అంబాసిడర్‌గా నటుడు రవి మోహన్‌ సాక్షి,చైన్నె : ప్రముఖ తమిళసినీ నటుడు రవి మోహన్‌ను రెవాంజా డెవలపర్స్‌ బ్రాండ్‌ అంబాసిడర్‌గా ప్రకటించారు . ఈ సందర్భంగా చైన్నెలో ప్రత్యేక సమావేశం నిర్వహించారు. చైన్నెకి చెందిన రెవంజా గ్రూప్‌ ఆఫ్‌ కంపెనీస్‌ వారి నివాస రియల్‌ ఎస్టేట్‌ సంస్థ అయిన రెవంజా డెవలపర్స్‌ వ్యవస్థాపక చైర్మన్‌ సుశీల్‌ లల్వానీ అధ్యక్షతన జరిగిన ఈ కార్యక్రమంలో తమిళ సినీ నటుడు రవిమోహన్‌ను కంపెనీ కార్పొరేట్‌ బ్రాండ్‌ అంబాసిడర్‌గా సభకు పరి చయం చేసి శుభాకాంక్షలు తెలియజేశారు . ఈ సందర్భంగా రెవంజా డెవలపర్స్‌ కార్పొరేట్‌ బ్రాండ్‌ను లాంఛనంగా ప్రారంభించారు. నగల చోరీ కేసులో ఇద్దరి అరెస్టు తిరువొత్తియూరు: చైన్నె కొడుంగయ్యూర్‌ ఆర్‌.కె.నగర్‌ ప్రాంతానికి చెందిన సుందరి (46) అనే మహిళ ఎన్జీఓ (స్వచ్ఛంద సంస్థ) నడుపుతున్నారు. ఈమెకు ఒక కుమార్తె, ఒక కుమారుడు ఉన్నారు. గత జూన్‌ నెల 21వ తేదీన తన ఇంటి బీరువాలో ఉన్న నగలను సరిచూసుకోగా, 19 సవర్ల బంగారు నగలు మాయమైనట్లు గుర్తించి తీవ్ర దిగ్భ్రాంతికి లోనయ్యారు. సుందరి అక్క శ్రీదేవి మరణించడంతో, ఆమె కుమార్తె పెమినా కొన్ని రోజులు సుందరి ఇంట్లోనే బస చేసింది. ఆమె వెళ్లిపోయిన తర్వాతే నగలు కానిపించకుండా పోవడంతో, పెమినాపై సుందరికి అనుమానం వచ్చింది. దీనిపై ఇచ్చిన ఫిర్యాదు మేరకు కేసు నమోదు చేసి కొడుంగయ్యూర్‌ క్రైమ్‌ బ్రాంచ్‌ ఇన్‌స్పెక్టర్‌ సెల్వమణి నేతృత్వంలోని పోలీసులు విచారణ జరిపి, పెమినా స్నేహితురాలైన లాయర్‌ శృతిక (23)ను సోమ పోలీస్‌ స్టేషన్‌కు పిలిపించి విచారించారు. ఇందులో, పెమినా దొంగిలించి ఇచ్చి న నగలను శతిక రెండు వేర్వేరు చోట్ల తాకట్టు పెట్టి డబ్బు తీసుకున్నట్లు తేలింది. ఆమె వద్ద నుండి 3 సవర్ల నగలను పోలీసులు స్వాధీనం చేసుకున్నారు. ఆ నగలు సుందరి ఇంట్లో పోయినవేనని నిర్ధారణ అయ్యింది. దీనిని బట్టి శృతికను కోర్టులో హాజరుపరిచి జైలుకు తరలించారు. ఈ వ్యవహారానికి సంబంధించి పెమినాను కూడా మళ్లీ విచారించాలని పోలీసులు నిర్ణయించారు. 5 సవర్ల తాళి దోపిడీ... – ఇద్దరి కోసం గాలింపు అన్నానగర్‌: చెంగల్పట్టు జిల్లా సిద్ధయూర్‌ సమీపం కొలంబాక్కం గ్రామానికి చెందిన సెంథిల్‌ కుమార్‌. ఇతని భార్య నలని (38) సిద్ధమూర్‌ ప్రాంతంలోని ఒక ప్రైవేట్‌ ఆసుపత్రిలో నర్సుగా పని చేస్తున్నారు. ఈమె మంగళవారం రాత్రి 9 గంటలకు పని ముగించుకుని తన స్కూటీపై ఇంటికి బయలుదేరింది. ఆమె కొలంబాక్కం చేరుకున్నప్పుడు, బైకు పై వచ్చిన ఇద్దరు ఆమెను అడ్డగించి, బెదిరించి, ఆమె మెడలోని 5 సవర్ల బంగారు తాళిని లాక్కొని పారిపోయారు. ఈ విషయంపై సిద్దమూర్‌ పోలీసులకు ఫిర్యాదు చేసింది. పోలీసులు కేసు నమోదు చేసి, ఆ గుర్తుతెలియని వ్యక్తుల కోసం గాలిస్తున్నారు. నల్లజెండాలతో నిరసన తిరువళ్లూరు: తిరువళ్లూరు జిల్లా కడంబత్తూరు యూనియన్‌ వయలూరు గ్రామంలోని ము మ్ముడికుప్పం ప్రాంతంలో సుమారు మూడువందల కుటుంబాలు నివాసం ఉంటున్నారు. వీరికి 2004, 2018 తదితర రెండు సంవత్సరాల్లో సుమారు మూడువందల కుటుంబాలకు ఇంటి పట్టాలను మంజూరు చేశారు. ప్రభుత్వం పట్టాలు మంజూరు చేసిన క్రమంలో స్థానికులు నివాసాలను ఏర్పాటు చేసుకుని నివాసం వుంటున్న క్రమంలో ప్రస్తుతం నివాసం ఉంటున్న ప్రాంతం నీటి ఆధారిత ప్రాంతమని, అక్కడ నివాసం ఉంటున్న స్తానికులు వెంటనే ఖాళీ చేయాలని కోరుతూ అధికారులు ఆదేశాలు జారీ చేసి బోర్డును ఏర్పాటు చేశారు. దీనిపై నిరసన వ్యక్తం చేస్తూ స్థానికులు నల్లజెండాలను ప్రదర్శించారు. ఏళ్ల తరబడి నివాసం వుంటున్న తమకు ఖాళీ చేయాలని అధికారులు చెప్పడంపై ఆందోళన వ్యక్తం చేశారు. ఒమందూరార్‌ కాంప్లెక్స్‌లో 76 కొత్త అద్దె అపార్ట్‌మెంట్లు – నిర్మిస్తున్న హౌసింగ్‌ బోర్డు కొరుక్కుపేట: చైన్నెలోని అన్నాసాలైలో ఉన్న ఓమందూరార్‌ ప్రభుత్వ ఎస్టేట్‌ కాంప్లెక్స్‌లో 76 కొత్త అద్దె అపార్ట్‌మెంట్‌లను నిర్మించాలని తమిళనాడు ప్రభుత్వం నిర్ణయించింది. తమిళనాడు హౌసింగ్‌ బోర్డ్‌– నందనం డివిజన్‌ ఈ పనిలో మొదటి దశగా మట్టి పరీక్షల కోసం టెండర్లను ఆహ్వానించింది. మట్టి పరీక్షల టెండర్‌ అంచనా వ్యయం రూ. 3.39 లక్షలు. టెండర్దారులు గత 5 సంవత్సరాలలో ఇదే విధమైన పని కోసం టెండర్లను సమర్పించారు.ఒకే కాంట్రాక్టులో 50 శాతం విలువకు సమానమైన పనిని చేసిన అనుభవం తప్పనిసరిగా ఉండాలి. ఎగ్జిక్యూటివ్‌ ఇంజనీర్‌ హోదాకు తక్కువ కాని అధికారి ద్వారా ఒక ధృవీకరణ పత్రాన్ని పొంది, సమర్పించాలి. 1.1.2000కు ముందు నమోదు చేసుకున్న కాంట్రాక్టర్లు ప్రభుత్వ శాఖ ధృవీకరణ పత్రంతో దరఖాస్తు చేసుకోవాలని సూచించారు.

సాక్షి, చైన్నె: ప్రభుత్వ రంగ సంస్థలలో పనిచేస్తున్న సీ, డీ కేటగిరీ ఉద్యోగులకు 20 శాతం వరకు దీపావళి బోనస్‌ ఇవ్వనున్నట్లు సీఎం విజయ్‌ మంగళవారం ప్రకటించారు. తమిళనాడు ప్రభుత్వం జారీ చేసిన ఉత్తర్వులలో రాష్ట్ర పారిశ్రామిక అభివృద్ధికి, దేశీయ, విదేశీ పెట్టుబడులను ఆకర్షించడానికి ఉద్యోగుల అవి శ్రాంత కృషి, అంకితభావం, నైపుణ్యం గల మానవ వనరులు , ప్రభుత్వ దూరదృష్టితో కూడిన విధానాలు కీలక పాత్ర పోషిస్తాయని వివరించారు. తయారీ, ఆటోమొబైల్స్‌, ఇంజనీరింగ్‌, వస్త్రాలు, తోలు ఉత్పత్తులు, ఫార్మాస్యూటికల్స్‌ , ఇన్ఫర్మేషన్‌ టెక్నాలజీతో సహా పలు రంగాలలో తమిళనాడు అగ్రగామిగా ఉందని గుర్తు చేశారు. తమిళనాడు ఆర్థికాభివృద్ధికి, ప్రభు త్వ రంగ సంస్థల కార్యకలాపాలకు గణనీయంగా దోహదపడే కార్మికులు, ఉద్యోగుల కృషి , అంకితభావాన్ని గుర్తించి, వారిని ప్రోత్సహించేందుకు సీఎం విజయ్‌ 2025–26 సంవత్సరానికి అదనపు వేతనాలు, ఎక్స్‌–గ్రేషియా చెల్లించాలని ఆదేశించారని తెలిపారు. పే యాక్ట్‌, 2019 (గతంలో సవరించిన బోనస్‌ యాక్ట్‌, 2015) ప్రకారం, అదనపు జీతానికి అర్హత ఉన్న జీతం గరిష్ట పరిమితి రూ. 21,000, తదనుగుణంగా అదనపు జీతాన్ని లెక్కించడానికి నెలవారీ జీతం గరిష్ట పరిమితి రూ. 7,000 పైన పేర్కొన్న గరిష్ట పరిమితిని సడలించి, అన్ని ఇ ,ఈ కేటగిరీ ప్రభుత్వ రంగ సంస్థలలో పనిచేస్తున్న కార్మికులు , ఉద్యోగులకు 2025–26 సంవత్సరానికి అదనపు జీతం , గ్రాట్యుటీని పెంచినట్టు వివరించారు. 20 శాతం.. సి, డి కేటగిరీ ఉద్యోగులు, లాభదాయక ప్రభుత్వ రంగ సంస్థలలో పనిచేస్తున్న ఉద్యోగులకు, ఆయా సంస్థలు కేటాయించిన మిగులును పరిగణనలోకి తీసుకుని, గరిష్టంగా 8.33 శాతం అదనపు వేతనం , 11.67 శాతం ఎక్స్‌–గ్రేషియాతో కలిపి మొత్తం 20 శాతం బోనస్‌ అందించడం జరుగుతుందన్నారు. అలాగే, తమిళనాడు విద్యుత్‌ పంపిణీ సంస్థ, తమిళనాడు రాష్ట్ర రవాణా సంస్థలు, తమిళనాడు వినియోగ వస్తువుల వ్యాపార సంస్థ , తమిళనాడు పాల ఉత్పత్తిదారుల సహకార నెట్‌వర్క్‌లో పనిచేస్తున్న అర్హులైన సి , శ్రీడిశ్రీ కేటగిరీ కార్మికులు, ఉద్యోగులకు 8.33 శాతం అదనపు వేతనం , 11.67 శాతం ఎక్స్‌–గ్రేషియా, మొత్తం 20 శాతం అందిస్తామన్నారు. ఇక,. కేటాయించదగిన మిగులు లేని ప్రభుత్వ రంగ సంస్థలలో పనిచేస్తున్న సి , డి కేటగిరీ కార్మికులు , ఉద్యోగులకు 8.33 శాతం కనీస మిగులు వేతనం, 1.67 శాతం ఎక్స్‌–గ్రేషియా, మొత్తం 10 శాతం అందిస్తామన్నారు. తమిళనాడు హౌసింగ్‌ బోర్డ్‌ , చైన్నె డ్రింకింగ్‌ వాటర్‌ సప్లై అండ్‌ సీవరేజ్‌ బోర్డ్‌లో పనిచేస్తున్న అర్హులైన సి ,డి కేటగిరీ ఉద్యోగులకు 8.33 శాతం అదనపు వేతనం, 1.67 శాతం ఎక్స్‌–గ్రేషియా ఇవ్వడం జరుగుతుందని వివరించారు. తమిళనాడు తాగునీరు, మురుగునీటి నిర్వహణ బోర్డులో పనిచేస్తున్న అర్హులైన సి,డి కేటగిరీ ఉద్యోగులకు 8.33 శాతం బోనస్‌ అందిస్తామన్నారు. వినియోగ వస్తువుల కార్పొరేషన్‌లో తాత్కాలిక ప్రాతిపదికన పనిచేస్తున్న కార్మికులకు రూ. 3,000 గ్రాట్యుటీ ఇస్తామని పేర్కొన్నారు. శాశ్వత ఉద్యోగులు కనీసం రూ. 8,400 నుంచి గరిష్టంగా రూ. 16,800 వరకు బోనస్‌ను పొందుతారని ప్రకటించారు.. మొత్తం మీద, తమిళనాడు ప్రభుత్వ రంగ సంస్థలలో పనిచేస్తున్న 2,60,497 మంది కార్మికులకు రూ. 367.20 కోట్ల బోనస్‌గా అందించడం జరుగుతుందన్నారు.

సాక్షి, చైన్నె : లింగ సమానత్వాన్ని ప్రోత్సహిస్తూ , న్యాయ వృత్తి రంగంలో మహిళా నాయకత్వాన్ని చాటిచెబుతూ , వారికి పట్టం కట్టే విధంగా ఎస్‌ఆర్‌ఎం స్కూల్‌ ఆఫ్‌ లాలో కార్యక్రమం జరిగింది. 8వ జాతీయ స్థాయి తమిళ మూట్‌ కోర్ట్‌ పోటీ 2026 పేరిట అత్యంత ప్రతిష్టాత్మకంగా జరిగిన ఈ కార్యక్రమానికి దేశవ్యాప్తంగా ఉన్న వివిధ న్యాయ కళాశాలల నుంచి 42 జట్లకు చెందిన 126 మంది అభ్యర్థులు తమిళంలో తమ వాదనాపటిమను ప్రదర్శించారు. ఈ పోటీలలో, ధర్మపురి ప్రభుత్వ న్యాయ కళాశాల విజేతగా నిలిచి అగ్రస్థానాన్ని కై వసం చేసుకుంది. ఈ జాతీయ పోటీల తుది రౌండ్‌కు ఐదుగురు ప్రముఖ మహిళా న్యాయ నిపుణుల బృందం న్యాయనిర్ణేతలుగా వ్యవహరించడం విశేషం. ఐక్యరాజ్యసమితి సుస్థిర అభివృద్ధి లక్ష్యం 5కి అనుగుణంగా న్యాయ రంగంలో మహిళా ప్రాతినిధ్యాన్ని చాటిచెప్పడమే లక్ష్యంగా ఈ ప్యానెల్‌ను ఏర్పాటు చేశారు. తుది రౌండ్‌ న్యాయనిర్ణేతలుగాజస్టిస్‌ ప్రభా శ్రీదేవన్‌ (మద్రాసు హైకోర్టు రిటైర్డ్‌ న్యాయమూర్తి), ప్రొఫెసర్‌ డాక్టర్‌ ఎన్‌. కయల్విళి (ప్రిన్సిపల్‌, డాక్టర్‌ అంబేద్కర్‌ ప్రభుత్వ న్యాయ కళాశాల), ప్రొఫెసర్‌ డాక్టర్‌ జయ గౌరి (ప్రిన్సిపాల్‌, డాక్టర్‌ అంబేద్కర్‌ ప్రభుత్వ న్యాయ కళాశాల), అడ్వకేట్‌ గీత (సీనియర్‌ న్యాయవాది, మద్రా సు హైకోర్టు), అడ్వకేట్‌ జి.వి. శోభ (సీనియర్‌ న్యాయవాది, మద్రాసు హైకోర్టు) వ్యవహరించారు. విజేతలు – పురస్కారాలు విజేత గా ధర్మపురి ప్రభుత్వ న్యాయ కళాశాల, ఽరన్నరప్‌గా మదర్‌ థెరిసా న్యాయ కళాశాల, ఉత్తమ స్మారక చిహ్నం – ఉత్తమ పరిశోధకుడి పురస్కారాన్ని కారైక్కుడి ప్రభుత్వ న్యాయ కళాశాల దక్కించుకున్నాయి. ఉత్తమ వక్తగా తిరునల్వేలి ప్రభుత్వ న్యాయ కళాశాల నిలిచింది. మస్రు హైకోర్టు న్యాయమూర్తి జస్టిస్‌ ఎన్‌. మాలవిజేతలకు పురస్కారాలను, బహుమతులను అందజేశారు. కార్యక్రమంలో రిటైర్డ్‌ న్యాయమూర్తి జస్టిస్‌ భవానీ సుబ్బరాయన్‌, ఎస్‌ఆర్‌ఎం స్కూల్‌ ఆఫ్‌ లా ప్రతినిధులు, న్యాయ విద్యార్థులు పాల్గొన్నారు.

కొరుక్కుపేట: మరుగుజ్జు వ్యక్తులల్లో దాగిఉన్న సృజనాత్మక ప్రతిభను కనుగొని వారి కలలను సాకారం చేసే లక్ష్యంలో చైన్నెలో ఫిల్మ్‌ శిక్షణా వర్క్‌ షాప్‌ను నిర్వహించారు. తమిళనాడు డ్వార్ఫిజం వెల్ఫేర్‌ అసోసియేషన్‌, చైన్నె విల్లింగ్టన్‌ కార్పొరేట్‌ ఫౌండేషన్‌ సహకారంతో మరగుజ్జు వ్యక్తుల కోసం ఈ ఫిల్మ్‌ ట్రైనింగ్‌ వర్క్‌షాప్‌ను నిర్వహించింది. తమిళనాడు డ్వార్ఫిజం వెల్ఫేర్‌ అసోసియేషన్‌ రాష్ట్ర అధ్యక్షులు ఎం.జి. రాహు ల్‌ వర్క్‌షాప్‌ లక్ష్యాలను వివరిస్తూ, మరగుజ్జు వ్యక్తులకు వృత్తి అవకాశా లను అన్వేషించడానికి అవకాశాలు కల్పించడం అని చెప్పారు. తమిళనాడు ఏయల్‌ ఇసై నాటక మన్రం అధ్యక్షులు డాక్టర్‌ పుష్పవనం కుప్పుస్వామి తదితరులు పాల్గొన్నారు.

– ఉచిత ప్రయాణాన్ని రద్దు చేయాలని డిమాండ్‌ తిరువళ్లూరు: రాష్ట్ర ప్రభుత్వం ప్రవేశ పెట్టిన ఉచిత ప్రయాణం వల్ల ఆటో కార్మికుల జీవనోపాధి తీవ్రంగా దెబ్బతిందని ఆరోపిస్తూ ఆటో కార్మికులు ఆందోళనకు దిగారు. తిరువళ్లూరు జిల్లా రెడ్‌హిల్స్‌ వద్ద జరిగిన ఆందోళనకు సంఘం జిల్లా అద్యక్షుడు దేవనేషన్‌ అధ్యక్షత వహించగా, ముఖ్యఅతిథిగా సీఐటీయూ కార్యదర్శి కరిముల్లా హాజరై ప్రసంగించారు. ఈ సందర్బంగా ఆయన మాట్లాడుతూ రాష్ట్ర ప్రభుత్వం ప్రైవేటు పెట్టిన ఉచిత వెట్రి ప్రయాణం వల్ల ఆటో కార్మికులకు జీవనోపాధి దెబ్బతిని జీవన ప్రమాణాలు ప్రశ్నార్థకంగా మారిందన్నారు. తమిళనాడు ప్రభుత్వం ప్రవేశ పెట్టిన ఉచిత ప్రయాణాన్ని రద్దు చేయాలి. ఏటా ఆటో కార్మికులకు రూ. 25 వేలు సాయం చేయాలి. 13 సంవత్సరాల క్రితం పెంచిన మీటర్‌ ఆటో చార్జీలను ప్రస్తుతం మరింత పెంచుకోవడానికి అనుమతించాలని ఆయన డిమాండ్‌ చేశారు. ఈ ఆందోళన కార్యక్రమంలో పలువురు కార్మికులు పాల్గొన్నారు. కార్మికుల సమస్యలను పరిష్కరించని పక్షంలో తమ ఆందోళననూ మరింత ఉధృతం చేస్తామని హెచ్చరించారు.

సాక్షి, చైన్నె : ఈశాన్య రుతుపవనాలు ఊపందుకోవడంతో చైన్నె మహానగరానికి తాగునీటిని సరఫరా చేసే ప్రధాన జలాశయాల్లోకి వర్షపు నీరు భారీగా వచ్చి చేరుతోంది. గడిచిన 10 రోజులలోనే చైన్నె పరిసరాల్లోని 5 ముఖ్యమైన రిజర్వాయర్లలో నీటి నిల్వలు ఏకంగా 906 మిలియన్‌ క్యూబిక్‌ అడుగులు పెరిగినట్లు జలవనరుల శాఖ అధికారులు వెల్లడించారు. చైన్నె శివారులోని తిరువళ్లూరు, కాంచీపురం జిల్లాల్లో ఉన్న పూండి, పుళల్‌, చోళవరం, కన్నన్‌కొట్టై–తేర్వాయి కండిగై , చెంబరబాక్కం రిజర్వాయర్ల నుంచి చైన్నెకు శుద్దీకరించిన తాగునీరు అందిస్తున్న విషయం తెలిసిందే. నైరుతీ రుతు పవనాలు ముఖం చాటేయడంతో ఈ రిజర్వాయర్లలో నీరు అడుగంటాయి. తాజాగా ఈశాన్య రుతు పవనాల ప్రవేశంలో వర్షాలు ఆశాజనకంగా ఉన్నాయి. దీంతో ఈ రిజర్వాయర్లలోకి నీటి రాక పెరిగింది. నీటి ప్రవాహం నిలకడగా కొనసాగుతోండంతో తాజాగా పరిస్థితి గురించి . జలవనరుల శాఖ గణాంకాల తో రిజర్వాయర్లలో నీటి మట్టం గురించి ప్రకటించారు. పూండికి సెకనుకు 490 క్యూసెక్కులు, పుళల్‌కు సెకనుకు 210 క్యూసెక్కులు, చెంబరబాక్కంకు సెకనుకు 150 క్యూసెక్కులు, కన్నన్‌కొట్టై–తేర్వాయి కండిగై కు సెకనుకు 50 క్యూసెక్కులు, చోళవరంకకు సెకనుకు 10 క్యూసెక్కుల నీరు వచ్చి చేరుతోంది. నీటి నిల్వల ప్రస్తుత పరిమాణం చెంబరబాక్కం సామర్థ్యం 3,645 మిలియన్‌ క్యూబిక్‌ కాగా, ప్రస్తుతం 1,488 మిలియన్‌ క్యూబిక్‌ నీళ్లు ఉంది. పుళల్‌ సామర్థ్యం 3,300 కాగా, 2,415 మిలియన్‌ క్యూబిక్‌, పూండి సామర్థ్యం 3,231 కాగా 565 మిలియన్‌ క్యూబిక్‌, చోళవరం సామర్థ్యం 1,081 కాగా, 144 మిలియన్‌ క్యూబిక్‌, కన్నన్‌కొట్టై–తేర్వాయి కండిగై సామర్థ్యం 500 కాగా, 253 మిలియన్‌ క్యూబిక్‌ నీళ్లు ఉన్నాయి. ఈ రిజర్వాయర్లలో మొత్తం నీటి నిల్వ శాతం 11,757 మిలియన్‌ క్యూబిక్‌గా ఉండగా, ప్రస్తుతం 4,865గా కొనసాగుతున్నది. చైన్నె తాగునీటి అవసరాలు తీర్చే ఈ ఐదు రిజర్వాయర్లలో ఈనెల 15వ తేదీ ఉదయానికి కేవలం 3,959 మిలియన్‌ క్యూబిక్‌ అడుగుల నీరు మాత్రమే ఉండగా, వరుస వర్షాల కారణంగా సోమవారం రాత్రికి ఆ సంఖ్య 4,865 మిలియన్‌ క్యూబిక్‌ అడుగులకు చేరింది. ఈవిధంగా కేవలం పది రోజుల్లోనే 906 మిలియన్‌ క్యూబిక్‌ అడుగుల నీరు అదనంగా చేరడంతో రాబోయే రోజుల్లో చైన్నె నగరానికి తాగునీటి ఎద్దడి తలెత్తకుండా ఉంటుందని అధికారులు ఆశాభావం వ్యక్తం చేస్తున్నారు. అర్నాబ్‌ తుపాన్‌ ఆంధ్రా వైపుగా వెళ్లిన నేపథ్యంలో ఈశాన్య రుతు పవనాలు మంగళవారం కాస్త విరామం తీసుకున్నట్లయ్యింది. ఈ తుపాన్‌ తీరం దాటినానంతరం నవంబర్‌ 1 లేదా 2వ తేదీల నుంచి చైన్నె, శివారులలో మళ్లీ వర్షం పడే అవకాశాలు ఎక్కువగా ఉన్నాయి. ఈ దృష్ట్యా రానున్న రోజులలో రిజర్వాయర్లలో నీటిమట్టం మరింతగా పెరగవచ్చని అధికారులు భావిస్తున్నారు.

కొరుక్కుపేట: రామ్‌ కో సిమెంట్స్‌ ఏఐ పరిష్కారాలకు గాను సీఐఐ నేషనల్‌ ఏఐ అవార్డులలో రెండు గుర్తింపులను గెలుచుకుందని రామ్కో సిమెంట్స్‌ లిమిటెడ్‌ సీఈఓ ఎ. వి. ధర్మకృష్ణన్‌ తెలిపారు. ఈ మేరకు ఆయ న మాట్లాడుతూ వ్యాపార ఆవిష్కరణలను ప్రోత్సహించడానికి, నిర్ణయాలు తీసుకునే ప్రక్రియను మెరుగుపరచడానికి, కార్యాచరణ సామర్థ్యాన్ని పెంచడానికి ఆర్టిఫిషియల్‌ ఇంటెలిజెనన్స్‌ (ఏఐ)ను ఉపయోగించుకోవడంలో కంపెనీ నిబద్ధతను నొక్కిచెబుతూ, రామ్‌ కో సిమెంట్స్‌ లిమిటెడ్‌ సిఐఐ నేషనల్‌ ఏఐ అవార్డులలో రెండు గెలుచుకుందన్నారు. ఉత్తమ పరిశ్రమ ఏఐ అప్లికేషన్‌లో శ్రేష్ఠత, ఉత్తమ ఏఐ సొల్యూషన్‌ షోకేస్‌లో శ్రేష్ఠత అనే రెండు అవార్డులను గెలుచుకుందని తెలిపారు. ఈ అవార్డులకు 296 నామినేషన్లు రాగా, వాటిలో ఎంపిక చేసిన కొన్ని సంస్థలు తమ విజయాలకు గుర్తింపు పొందాయి. వాస్తవ ప్రపంచ వ్యాపార అవసరాలను తీర్చే యాజమాన్య ఏఐ పరిష్కారాలను అభివృద్ధి చేయడానికి, అమలు చేయడానికి, రామ్‌ కో సిమెంట్స్‌ చేస్తున్న ప్రయత్నాలను ఈ గుర్తింపులు హైలైట్‌ చేస్తున్నాయని వ్యాఖ్యానించారు.

– మహాబలిపురంలో 2 రోజుల నిర్వహణ – ప్రారంభించిన ఆనంద్‌ సాక్షి, చైన్నె : సీఎం ఎస్‌. జోసెఫ్‌ విజయ్‌ ఆదేశాల మేరకు, శాసనసభ్యుల (ఎమ్మెల్యేల) నాయకత్వ పటిమను, సేవా నైపుణ్యాలను మెరుగుపరచే లక్ష్యంతో మహాబలిపుంరలో రెండు రోజుల ప్రత్యేక శిక్షణా శిబిరం మంగళవారం ప్రారంభమైంది. అసెంబ్లీ స్పీకర్‌ జె.సి.టి. ప్రభాకర్‌ సమక్షంలో ప్రారంభమైన ఈ మొదటి దశ శిక్షణలో 30 మంది ఎమ్మెల్యేలు పాల్గొన్నారు. వివిధ ప్రభుత్వ శాఖలతో సమన్వయం చేసుకోవడం, నియోజకవర్గ ప్రజా సమస్యలను అర్థం చేసుకుని ప్రణాళికలు రూపొందించడం, బాధ్యతాయుతంగా ప్రజలకు సేవ చేయడం వంటి కీలక అంశాలపై ఈ శిబిరంలో అవగాహన కల్పిస్తున్నారు.

సాక్షి, చైన్నె: తమిళనాడులో ప్రజలకు సేవలను మరింత సులభంగా, వేగంగా అందించేందుకు ప్రభుత్వం అత్యాధునిక ఆర్టిఫిషియల్‌ ఇంటెలిజెనన్స్‌ సాంకేతికతతో కూడిన వెట్రి తమిళనాడు ఇంటిగ్రేటెడ్‌ ఇ–సర్వీసెస్‌ 2.0 ప్లాట్‌ఫామ్‌కు ప్రణాళికలు రూపొందించింది. ఈ కొత్త వ్యవస్థ ద్వారా రాష్ట్రంలోని దాదాపు 1,000 ప్రభుత్వ సేవలను ఒకే వేదికపై అందుబాటులోకి తీసుకురానున్నారు. 275 నుండి 1,000 సేవలకు విస్తరణ ప్రస్తుతం అందుబాటులో ఉన్న వేదిక ద్వారా కేవలం 275 రకాల సేవలు మాత్రమే అందుతున్నాయి. సవరించిన ఈ–సర్వీసెస్‌ 2.0 ద్వారా వాటి సంఖ్యను ఏకంగా 1,000కి పెంచనున్నారు. ఏఐ సాంకేతికత సహాయంతో, అర్హులైన లబ్ధిదారులు కొన్ని ప్రభుత్వ సేవల కోసం పదేపదే దరఖాస్తు చేసుకోవాల్సిన అవసరం లేకుండా వ్యవస్థే స్వయంచాలకంగా ప్రాసెస్‌ చేసేలా రూపొందిస్తున్నారు. ప్రస్తుతం రాష్ట్రంలో ఉన్న 38 ప్రభుత్వ శాఖల పరిధిలోని 25,277 కేంద్రాల ద్వారా రోజుకు సగటున 50 వేల నుండి 80 వేల అభ్యర్థనలు ప్రాసెస్‌ అవుతున్నాయి. కొత్తగా అందుబాటులోకి రానున్న ఈ –సర్వీస్‌ 2.0 ప్లాట్‌ఫామ్‌ రోజుకు ఏకంగా 1.2 మిలియన్ల 12 లక్షలునుండి 13 లక్షలు అభ్యర్థనలను సమర్థవంతంగా నిర్వహించేలా డిజైన్‌ చేస్తున్నారు.ఒకే సమయంలో కనీసం 50వేల మంది వినియోగదారులు ఈ పోర్టల్‌ను ఉపయోగించుకోవచ్చు. సాంకేతిక ప్రత్యేకతలు – ఏఐ అనుసంధానం తమిళనాడు ఇ–గవర్నెన్స్‌ ఏజెన్సీ ఆధ్వర్యంలో రూపొందుతున్న ఈ ప్లాట్‌ఫామ్‌లో పలు కీలక డిజిటల్‌ సేవలను అనుసంధానిస్తున్నారు. ఈ–సైన్‌ , డిజిటల్‌ లాకర్‌ , ఆన్‌లైన్‌ పేమెంట్‌ గేట్‌వేలతో పాటు 18 డిజిటల్‌ వ్యవస్థలను, 15 రాష్ట్ర–జాతీయ స్థాయి శాఖల వెబ్‌సైట్‌లను ఈ పోర్టల్‌తో జోడిస్తారు. వినియోగదారులు తమిళం , ఆంగ్ల భాషలలో సులువుగా సంభాషించే సదుపాయం ఉంటుంది. ప్రజలు దాఖలు చేసే ఫిర్యాదులను ఏఐ ద్వారా స్వయంచాలకంగా వర్గీకరించి సంబంధిత అధికారులకు పంపడం, ఒకే ఫిర్యాదు పదేపదే నమోదైతే దాన్ని గుర్తించడం వంటి పనులను ఆర్టిఫిషియల్‌ ఇంటెలిజెన్స్‌ నిర్వహిస్తుంది. ఈ అధునాతన సాఫ్ట్‌వేర్‌ అభివృద్ధికి అవసరమైన సాంకేతిక పరిష్కారాలను, ప్రతిపాదనలను సమర్పించడానికి నవంబర్‌ 3 వరకు వివిధ సాంకేతిక కంపెనీలకు గడువు విధించారు.

సాక్షి, చైన్నె : చైనాలోని షాంఘై నగరం వేదికగా నిర్వహించిన ప్రతిష్టాత్మక 48వ ప్రపంచ నైపుణ్యాల పోటీలలో భారత్‌ తరఫున పాల్గొని పతకాలు, పురస్కారాలు సాధించిన తమిళనాడు యువతను రాష్ట్ర ప్రభుత్వం ఘనంగా సత్కరించింది. పతక విజేతలతో పాటు పోటీల్లో పాల్గొన్న మొత్తం 12 మంది తమిళనాడు ప్రతినిధులకు సచివాలయంలో రూ. 49 లక్షల విలువైన ప్రోత్సాహక చెక్కులను సీఎం విజయ్‌ అందజేసి అభినందించారు. ప్రపంచవ్యాప్తంగా 68 దేశాల భాగస్వామ్యంతో 63 విభాగాల్లో ఈ పోటీలు నిర్వహించారు. 70 మంది సభ్యులతో కూడిన భారత జట్టు 10వ ర్యాంకును సాధించగా, అందులో తమిళనాడుకు చెందిన 12 మంది ప్రతినిధులు భారతదేశం తరఫున ప్రాతినిథ్యం వహించారు. వీరిలో ఐదుగురు అంతర్జాతీయ స్థాయిలో పతకాలు సాధించి రాష్ట్రానికి, దేశానికి ఖ్యాతి తెచ్చిపెట్టారు. రజత పతక విజేత డెంటల్‌ ప్రోస్థెటిక్స్‌ విభాగంకు చెందిన మహ్మద్‌ సలాంకు రూ. 15 లక్షలు , ప్రత్యేక పతకాల విజేతలు కె.పి. రాహుల్‌ (ఇంటెలిజెంట్‌ సెక్యూరిటీ టెక్నాలజీ),.వి. అర్జున్‌ (మొబైల్‌ అప్లికేషనన్స్‌ డెవలప్‌మెంట్‌), ఎం. సురేంద్రన్‌ (ప్లాస్టరింగ్‌ అండ్‌ డ్రైవాల్‌ సిస్టమ్స్‌), జాయ్‌ దాస్‌ (ఆభరణాల తయారీ)లకు తలా రూ. 5 లక్షలు అందజేశారు. పోటీలో పాల్గొన్న ఏడుగురు కె.ఎం. సురేష్‌ కుమార్‌, కె. గోకులకన్నన్‌, పి.ఆర్‌. మహమ్మద్‌ మబాజ్‌, ఎస్‌. అశ్విన్‌, టి. రోహిత్‌, తనుశ్రీ మహేష్‌, ఎ. మోహన్‌రాజ్‌లకు తలా రూ. 2 లక్షలను అందజేశారు. యువత ముందుకు రావాలని పిలుపు పాఠశాలలు, ఆర్ట్స్‌, ఇంజనీరింగ్‌, పాలిటెక్నిక్‌ , పారామెడికల్‌ కళాశాలల్లో చదువుతున్న 16 నుండి 23 సంవత్సరాల వయస్సు గల యువత ఈ నైపుణ్య పోటీలలో విస్తృతంగా పాల్గొనాలని ప్రభుత్వం పిలుపు నిచ్చింది. ఈ పోటీలపై అవగాహన పెంచుకోవడానికి తమిళనాడు నైపుణ్యాభివృద్ధి సంస్థ హెల్ప్‌లైన్‌ నంబర్లు (9962220527, 9962220528) లేదా అధికారిక వెబ్‌సైట్‌ ww-w.rkideveopment.tn.gov.in/tnr-ki r/ ద్వారా వివరాలు తెలుసుకోవచ్చని వెల్లడించారు. ఈ సత్కార కార్యక్రమంలో ప్రభుత్వ ప్రధాన కార్యదర్శి డాక్టర్‌ ఎం. సాయికుమార్‌ ఇతర అఽధికారులు పాల్గొన్నారు.

వేలూరు: మహిళలు తరచూ రొమ్ము క్యాన్సర్‌పై వైద్య పరీక్షలు చేసుకోవాల్సిన అవసరం ఉందని కలెక్టర్‌ లీల అలెక్స్‌ అన్నారు. వేలూరు కలెక్టరేట్‌ ఆవరణంలో ఇండియన్‌ రెడ్‌క్రాస్‌ సొసైటీ, వైద్య ఆరోగ్యశాఖ సంయుక్తంగా మహిళలకు బ్రస్ట్‌ క్యాన్సర్‌పై ఉచిత వైద్య శిబిరం నిర్వహించారు. ఈ శిబిరాన్ని కలెక్టర్‌ ప్రారంభించి పరిశీలించారు. కలెక్టర్‌ మాట్లాడుతూ మహిళలు తరచూ తమ పిల్లలు, భర్త, అత్త మామల సంక్షేమానికి ప్రాదాన్యత ఇస్తూ వారి సొంత ఆరోగ్యాన్ని నిర్లక్ష్యం చేస్తుంటారన్నారు. ఒక నిర్థిష్ట వయస్సు దాటిన మహిళలు క్రమం తప్పకుండా ఆరోగ్య పరీక్షలు చేసుకోవాలన్నారు. ఇటీవల అధికగా మహిళలకు రొమ్ము క్యాన్సర్‌ అధికంగా వస్తున్నాయని వాటిని ఆలస్యంగా గుర్తిస్తే ప్రమాదకరమన్నారు. ప్రస్తుతం వైద్య పరీక్షలు చేసుకున్న మహిళలే కాకుండా అంగన్‌వాడీ టీచర్‌లు,స్వయం సహాయక సంఘాలకు చెందిన మహిళలు మీ ప్రాంతంలోని మహిళలకు వీటిపై అవగాహన కల్పించాలన్నారు. ఈ కార్యక్రమంలో జిల్లా రెవెన్యూ అధికారి డాక్టర్‌ సురేష్‌, వైద్య ఆరోగ్యశాఖ డైరెక్టర్‌ శివకుమార్‌, రెడ్‌క్రాస్‌ చైర్మన్‌ ఉదయశంకర్‌, కార్యదర్శి పర్వదం, కోశాధికారి ఆడిటర్‌ పాండియన్‌, స్వయం సహాయక సంఘాలకు చెందిన మహిళలు, అంగన్‌వాడీ టీచర్‌లు పాల్గొన్నారు.

తమిళసినిమా: నటుడు అరుళ్‌ నిధి, దర్శకుడు అమీర్‌ ప్రధాన పాత్రల్లో నటించిన చిత్రం వేట్టైసామి. బంపర్‌ చిత్రం ఫేమ్‌ ఎం సెల్వకుమార్‌ దర్శకత్వం వహించిన ఈ చిత్రంలో నటుడు ఆడుగళం నరేన్‌, మధుసూదన్‌ రావ్‌, హరీష్‌ పేరడీ, లిజీ చంద్రశేఖర్‌, ఇందుమతి మణికంఠన్‌, మైనా నందిని, దర్శకుడు తమిళ్‌, కవిత భారతి తదితరులు ముఖ్యపాత్రలు పోషించారు. సెవెన్‌ మైల్స్‌ ఫర్‌ సెకండ్‌ ప్రొడక్షన్స్‌ పతాకంపై సామ్యువేల్‌ మ్యాథ్యూ నిర్మించిన ఈ చిత్రానికి జిప్రాన్‌ సంగీతాన్ని, ఆర్డీ.రాజశేఖర్‌ ఛాయాగ్రహణం అందించారు. నైల్లె నేపథ్యంలో రూపొందిన మంచి భావోద్వేగాలతో కూడిన యాక్షన్‌ ఎంటర్‌టైనర్‌ కథా చిత్రం వేట్టై సామి అని నిర్మాత తన ఎక్స్‌ మీడియాలో పేర్కొన్నారు. చిత్ర పోస్టర్‌ను అందులో పొందుపరిచి ఇది చట్టం నుంచి బయటపడి భగవంతుని ఎదుర్కొనడానికి సిద్ధమైంది అని పేర్కొన్నారు. చిత్రాన్ని ప్రపంచవ్యాప్తంగా డిసెంబర్‌ నెలలో విడుదల చేయనున్నట్లు తెలిపారు. కాగా చిత్ర పోస్టర్‌ను చూస్తుంటే ఇదేదో విప్లవాత్మక అంశాలతో కూడిన కథాచిత్రం అని అనిపిస్తోందని పలువురు వ్యాఖ్యానిస్తున్నారు. కాగా ఇటీవల సరైన సక్సెస్‌ లేని నటుడు అరుళ్‌ నిధికి కెరీర్‌కు ఈ వేట్టైసామి చిత్రం ఏ మేరకు ప్లస్‌ అవుతుందో చూడాల్సి ఉంది. వేట్టై సామి చిత్రంలో అరుళ్‌ నిధి, అమీర్‌

సాక్షి,చైన్నె: ప్రైవేట్‌ పాఠశాలల నిధుల మళ్లింపు, రూ. 100 కోట్ల ఆర్థిక అవకతవకల కేసుకు సంబంధించి మాజీ పాఠశాల విద్యాశాఖ మంత్రి అన్బిల్‌ మహేష్‌ను చైన్నె సెంట్రల్‌ క్రైమ్‌ బ్రాంచ్‌ పోలీసులు హైడ్రామా నడుమ సోమవారం అర్థరాత్రి సమయంలో అధికారికంగా అరెస్టు చేశారు. ఈ కేసుకు సంబంధించి అర్ధరాత్రి వరకు కోర్టులో తీవ్ర వాదనలు జరగగా, చివరికి ఆయనను తదుపరి ఆయన్ను రిమాండ్‌ నిమిత్తం పుళల్‌ జైలుకు తరలించారు. వివరాలు.. ప్రైవేటు పాఠశాలలకు అనుమతులు,గుర్తింపు పేరిట రూ. 100 కోట్ల వరకు అక్రమాలు జరిగినట్టుగా వచ్చిన ఆరోపణలతో అన్బిల్‌ మహేష్‌ను సోమవారం అదుపులోకి క్రైం బ్రాంచ్‌ వర్గాలు తీసుకున్న విషయం తెలిసిందే. ఎలాంటి ఆధారాలు లేకుండా రూ. 400 కోట్ల వరకు వసూలు చేశారనే అభియోగాలపై సెంట్రల్‌ క్రైమ్‌ బ్రాంచ్‌ పోలీసులు కేసు నమోదు చేసి దర్యాప్తు చేపట్టడం చర్చకు దారితీసింది.ఈ దర్యాప్తులో భాగంగా పోలీసులు అన్బిల్‌ మహేష్‌ను అదుపులోకి తీసుకుని, వైద్య పరీక్షల నిమిత్తం రాజీవ్‌ గాంధీ ప్రభుత్వ ఆసుపత్రికి రాత్రి సమయంలో తరలించారు. ఈ సందర్భంగా ఆసుపత్రి, కమిషనర్‌ కార్యాలయం వద్ద గుమిగూడిన డీఎంకే కార్యకర్తలు పోలీసు వాహనాలను అడ్డుకుని పెద్దపెద్దగా నినాదాలు చేశారు. కోర్టులో అర్ధరాత్రి ఉత్కంఠ వాదనలు అరెస్టు అనంతరం అన్బిల్‌ మహేష్‌ను చైన్నె హైకోర్టులోని అవినీతి నిరోధక ప్రత్యేక కోర్టులో హాజరుపరిచారు. రాత్రి 10 గంటల నుండి 12 గంటల వరకు సుమారు రెండు గంటల పాటు ఇరువర్గాల మధ్య వాడివేడి వాదనలు జగాయి. అరెస్టు ప్రక్రియ చట్టబద్ధ నిబంధనలను పాటించకుండా జరిగిందని, ఇప్పటికే ఆయనను ప్రశ్నించినందున జైలుకు పంపాల్సిన అవసరం లేదని డీఎంకే తరఫు న్యాయవాదులు వాదించారు. ప్రభుత్వ లాయర్ల వాదిస్తూ, ఆర్థిక దుర్వినియోగానికి సంబంధించిన బలమైన ఆధారాలు ఉన్నాయని, తదుపరి విచారణ కోసం నిందితుడిని కస్టడీకి అప్పగించాలని కోరారు. ఇరుపక్షాల వాదనలు విన్న న్యాయమూర్తి సత్యమూర్తి, అన్బిల్‌ మహేష్‌ను నవంబర్‌ 6వ తేదీ వరకు రిమాండ్‌ విధిస్తూ ఆదేశించారు. పుజల్‌ జైలుకు తరలింపు – రాజకీయ దుమారం కోర్టు ఆదేశాల మేరకు అర్థరాత్రి సుమారు 12.30 గంటల ప్రాంతంలో పోలీసులు అన్బిల్‌ మహేష్‌ను భారీ భద్రత మధ్య పళల్‌ సెంట్రల్‌ జైలుకు తరలించారు. మార్గ మధ్యలో గట్టి భద్రతా ఏర్పాట్లు చేశారు.ఈ అరెస్టుపై డీఎంకే నేతలు తీవ్రంగా మండిపడ్డారు. ఇది పూర్తిగా రాజకీయ కక్షసాధింపు చర్య అని, ప్రభుత్వ అణచివేత ధోరణిని చట్టపరంగా ఎదుర్కొంటామని డీఎంకే నాయకుడు పి.కె. శేఖర్‌బాబు, ప్రధాన ప్రతి పక్ష నేత ఉదయనిధి స్టాలిన్‌ తీవ్ర ఆగ్రహాన్ని వ్యక్తంచేశారు. అదే సమయంలో పలు చోట్ల అర్థరాత్రి వేళ ఆందోళనలు జరిగాయి. అన్బిల్‌ మహేష్‌ సొంత జిల్లాలో ఆందోళనలు రాజుకోవడంతో పోలీసులు గట్టి భద్రతా ఏర్పాట్లు చేశారు.

వేలూరు: ఓటర్ల జాబితాలో ప్రత్యేక సమగ్ర సవరణ పేరుతో ఎటువంటి సరైన సవరణలు జరగలేదని కేవలం ఓటర్ల పేర్లు మాత్రమే తొలగించేందుకే ఈ ప్రక్రియను ఉపయోగిస్తున్నారని కర్ణాటక శాసన మండలి సభ్యులు, వేలూరు ఇన్‌చార్జీ ఇవాన్‌ డిసౌజా అన్నారు. వేలూరు అన్నారోడ్డులోని కాంగ్రెస్‌ పార్టీ కార్యాలయంలో ఆయన విలేకరులతో మాట్లాడుతూ కర్ణాటకలోని మంగుళూరు సౌత్‌ నియోజక వర్గంలోనే 18 వేల మంది ఓటర్లు జాబితా నుండి తొలగించారని ఆయన తెలిపారు. తొలగించిన వారిలో అధికంగా మైనారిటి వర్గాలకు, ఎస్‌సీ, ఎస్‌టీ, ఓబిసీ వర్గాలకు చెందిన వారే అన్నారు. వీటికి నిరసనగా నవంబర్‌ ఒకటివ తేదీన న్యూ ఢిల్లీ రామ్‌లీలా మైదానంలో భారీ నిరసన ప్రదర్శన నిర్వహించనున్నట్లు తెలిపారు. ఇందులో దేశ వ్యాప్తంగా ఉన్న కాంగ్రెస్‌ పార్టీ నాయకులు, జిల్లా స్థాయి, పట్టణ స్థాయి నుంచి కార్యకర్తలు అధిక సంఖ్యలో కలుసుకొని జయప్రదం చేయాలని కోరారు. భారత ఎన్నికల కమిషనర్‌, వీటికి బాద్యులైన ఇతర అధికారులు కూడా రాజీనామా చేయాలని ఆయన డిమాండ్‌ చేశారు. సమావేశంలో కాంగ్రెస్‌ పార్టీ జిల్లా అద్యక్షులు వాహీద్‌బాషా, కేంద్ర జిల్లా అధ్యక్షులు సురేష్‌కుమార్‌, జెడ్పీ మాజీ వైస్‌ చైర్మన్‌ క్రిష్ణవేణి, కాంగ్రెస్‌ పార్టీ జిల్లా కోశాఽధికారి సీకే దేవేంద్రన్‌, ఉపాధ్యక్షులు పీపీ చంద్రప్రకాష్‌, మాజీ కౌన్సిలర్‌ పీపీ జయప్రకాష్‌, పార్టీ కార్యకర్తలు అధిక సంఖ్యలో పాల్గొన్నారు.

– ఛార్జీలపై మద్రాస్‌ హైకోర్టులో పిల్‌ సాక్షి, చైన్నె: రాష్ట్రవంలో విద్యుత్‌ బిల్లులు ఊహించని రీతిలో రెండు నుంచి మూడు రెట్లు పెరగడంపై ఆగ్రహం వ్యక్తమవుతోంది. అదనపు విద్యుత్‌ ఛార్జీల విధింపుపై విచారణ జరిపేందుకు వెంటనే ఒక ప్రత్యేక కమిటీని ఏర్పాటు చేయాలని కోరుతూ మద్రాస్‌ హైకోర్టులో పిటిషన్‌ దాఖలైంది.చైన్నె తిరువెర్‌ కోట్టంకు చెందిన కా మేష్‌ దాఖలు చేసిన ఈ పిటిషన్‌లో పలు కీలక విషయాలను ప్రస్తావించారు. రాష్ట్రంలో కొత్త ప్రభుత్వం అధికారంలోకి వచ్చిన తర్వాత ఉచిత విద్యుత్‌ పరిమితిని 100 యూనిట్ల నుండి 200 యూనిట్లకు పెంచుతూ నిర్ణయం తీసుకుందని వివరించారు. అయితే, ఈ ఉత్తర్వులు జారీ అయినప్పటి నుండి గత ఒకటిన్నర నెలలుగా విద్యుత్‌ బిల్లులు మునుపటి కంటే 2 నుండి 3 రెట్లు ఎక్కువగా వస్తున్నాయని ఆందోళన వ్యక్తంచేశారు. గతంలో రూ. 2,000 వచ్చే బిల్లు ప్రస్తుతం ఏకంగా రూ. 4,000 నుండి రూ. 5,000 వరకు వస్తోందని, దీనివల్ల సామాన్య ప్రజలు తీవ్రంగా ఇబ్బందులు పడుతున్నారని తెలిపారు. కాగా అధిక బిల్లులపై ఇప్పటికే లక్షన్నరకు పైగా ప్రజలు ఫిర్యాదులు చేసినప్పటికీ, విద్యుత్‌ బోర్డు ఎలాంటి చర్యలు తీసుకోకుండా అధిక ఛార్జీల వసూలును కొనసాగిస్తోందని ఆరోపించారు.విద్యుత్‌ టారిఫ్‌ నిర్ధారణలో ఉన్న లోపాలను విచారించడానికి ప్రత్యేక కమిటీని నియమించాలని , పాత టారిఫ్‌ విధానాన్నే అమలు చేయాలని పిటిషనర్‌ విజ్ఞప్తి చేశారు. ఈ పిటిషన్‌పై విచారణ జరిపిన న్యాయమూర్తి పి.డి. ఆశా, ఇది తీవ్ర ప్రజా ప్రయోజనాలకు సంబంధించిన విషయమని పేర్కొన్నారు. ఈ కేసును తదుపరి విచారణ నిమిత్తం ప్రధాన న్యాయమూర్తి ధర్మాసనానికి బదిలీ చేయాలని కోర్టు రిజిస్ట్రేషన్‌ విభాగాన్ని ఆదేశించారు.

తమిళసినిమా: ప్రయత్నిస్తే అసాధ్యమేదీ కాదు. నిరంతర కృషి ,పట్టుదలతో అనుకున్నది సాధించిన వారు చాలామంది ఉన్నారు. నటి నమితను కూడా ఈ కోవాలోకి చేర్చవచ్చు. సుమారు రెండు దశాబ్దాల క్రితం ఈమె అంటే కురక్రారు గుండెల్లో గుబులు పుట్టేది. నమిత మచ్చాస్‌ అని అంటేచాలు అభిమానులు ఈలలు, చప్పట్లతో కేరింతలు కొట్టేవారు. 2001 ప్రాంతంలో కథానాయకగా ఎంట్రీ ఇచ్చిన ఈ భామ తెలుగు, తమిళం మలయాళం, కన్నడ భాషల్లో నటించి క్రేజీ కథానాయకగా పేరు తెచ్చుకున్నారు. అలా అన్ని రకాల పాత్రలు పోషించిన నమిత గ్లామరస్‌ పాత్రలోనూ తన ప్రత్యేకతను చాటుకున్నారు. అలాంటి సమయంలో వీరేంద్ర చౌదరి అనే వ్యక్తిని పెళ్లి చేసుకున్నారు. ఆ తరువాత కారణాలు ఏమైనా భారీగా బరువు పెరిగారు. దీంతో అవకాశాలు దూరం అవుతూ వచ్చాయి అలాంటి పరిస్థితుల్లో నమిత రాజకీయ రంగ ప్రవేశం చేశారు. ఇప్పుడు కూడా భారతీయ జనతా పార్టీలో యాక్టివ్‌గా ఉంటున్నారు. అయితే తరచూ తన ఫొటోలను సామాజిక మాధ్యమాల్లో పోస్ట్‌ చేస్తూ లైవ్‌లో ఉండే ప్రయత్నం చేస్తూ వస్తున్నారు. ఇలాంటి పరిస్థితుల్లో తాజాగా నటి నమిత ప్రముఖ యూట్యూబర్‌ డీజే సిద్దు దర్శకత్వం వహిస్తున్న డయంకరం అనే చిత్రంలో కీలక పాత్రను పోషిస్తున్నట్లు ప్రచారం జరుగుతోంది. కాగా భారీగా బరువు పెరిగిన నమిత వయసు 44 ఏళ్లు. అయితే ఇప్పుడు ఈ భామను చూస్తుంటే 20 ఏళ్ల అందగత్తెగా కనిపిస్తున్నారు. అంతగా బరువు తగ్గి స్లిమ్‌గా కనిపిస్తున్నారు. అలా ఆమె జిమ్ములో కసరత్తులు చేస్తున్న ఒక వీడియోను తాజాగా తన ఇన్‌ స్టాలో పోస్ట్‌ చేశారు. ఆ వీడియో ను నెటిజన్లు నమిత నేనా అని ఆశ్చర్యపోతున్నారు. నమిత కమ్‌ బ్యాక్‌ అంటూ పోస్టులు కూడా పెడుతున్నారు.

తమిళసినిమా: రామే ఆండాలుమ్‌ రావణే ఆండాలుమ్‌ చిత్రం ద్వారా నటుడు సూర్య పరిచయం చేసిన నటుడు, దర్శకుడు మాథున్‌ మాణిక్యం. కాగా ఈయన తాజాగా కథానాయకుడిగా నటిస్తూ సీయ దర్శకత్వంలో తెరకెకిస్తున్న చిత్రం ఫ్యామిలీ బాయ్‌. ఎం. సుకుమార్‌, చరణ్‌ సుధాకర్‌, అనుగ్రహ ఎస్‌. నంబియార్‌, నిఖిలా శంకర్‌, అనిత సంపత్‌, పసంగ శివకుమార్‌, శివం, అరుళ్‌ దాస్‌ ,పీఎల్‌.తేనప్పన్‌ తదితరులు ముఖ్యపాత్రలు పోషిస్తున్న ఈ చిత్రం దర్శకుడు మిథున్‌ మాణిక్యంకు చెందిన మెకానిక్‌ పిక్చర్స్‌ సంస్థ, కణి బైసల్‌ ,డాక్టర్‌ కె అరుణ్‌ ఆరుముగంకు చెందిన మిల్లినీయల్స్‌ మూవీ ఎల్‌ఎల్‌పీ, మిల్లీనియల్స్‌ మూవీ సంస్థలు నిర్మిస్తున్నాయి. షూటింగ్‌ కాకినాడ పురుచేస్తున్న ఈ చిత్ర టీజర్‌ను చేశారు. ఈ సందర్భంగా దర్శకుడు మిథున్‌ మాణిక్యం చిత్ర వివరాలను మీడియాకు విడుదల చేసిన పేటలో పేర్కొంటూ ఇది తమిళనాడులో ఓ కుటుంబంలో జరిగిన ఒక యదార్థ ఘటన ఆధారంగా రూపొందిస్తున్న ఫ్యామిలీ డ్రామా, యాక్షన్‌, త్రిల్లర్‌ కథా చిత్రం అని పేర్కొన్నారు. చిదంబరంలో మొదలై సింగార చైన్నె వరకు కోల్పోయిన ఒక వస్తువు వెతుక్కుంటూ వచ్చే యువకుడికి ఒక్క రోజులో ౠదురైయ్యే సంఘటనలు, సమస్యలతో రూపొందిన చిత్రం టీజర్‌ కు ప్రచారం నుంచి మంచి స్పందన వస్తుందని పేర్కొన్నారు. చిత్ర కథ, కథనాలు, సంగీతం మొదలగు అన్ని అంశాలు ప్రేక్షకులను అలసిస్తాయనిమే నమ్మకాన్ని వ్యక్తం చేశారు. చిత్రాన్ని డిసెంబర్‌ 11వ తేదీన ప్రపంచవ్యాప్తంగా విడుదల చేస్తున్నట్లు తెలిపారు. కాగా బలూన్‌ పిక్చర్స్‌ సంస్థ దీన్ని తమిళనాడులో సమర్పిస్తోందని దర్శకుడు చెప్పారు.

సాక్షి, చైన్నె: చైన్నెలోని ఎంజీఎం క్యాన్సర్‌ ఇనిస్టిట్యూట్‌ ఆధ్వర్యంలో ఎముక మజ్జ మార్పిడి, సెల్యులార్‌ థెరపీలలో వచ్చిన ఆధునిక పరిణామాలపై హెచ్‌కాన్‌ 2026 పేరిట రెండు రోజుల సదస్సును విజయవంతంగా నిర్వహించారు. ఇందులో 150 మందికి పైగా వైద్య నిపుణులు, పరిశోధకులు , ప్రతినిధులు పాల్గొని తమ అనుభవాలను పంచుకున్నారు.అధునిక చికిత్సా పద్ధతులపై చర్చించారు. పెద్దలు , పిల్లలలో వచ్చే రక్త సంబంధిత రుగ్మతలు హెమటాలజికల్‌ ఆంకాలజీ, విప్లవాత్మక సీఏ ఆర్‌టీ – సెల్‌ థెరపీ వంటి సెల్యులార్‌ థెరపీలలో జరుగుతున్న పరిశోధనలు, క్లినికల్‌ పురోగతిపై విస్తృతంగా చర్చించి నిర్ణయాలు తీసుకన్నారు.గడిచిన రెండేళ్ల వ్యవధిలోనే ఎంజీఎం క్యాన్సర్‌ ఇనిస్టిట్యూట్‌ విజయవంతంగా 100 ఎముక మజ్జ మార్పిడి ప్రక్రియలను పూర్తి చేసి ఒక విలక్షణమైన సంస్థాగత మైలురాయిని చేరుకుందని ఈ సందర్భంగా నిర్వాహకులు ప్రకటించారు. కార్యక్రమంలో ఎంజీఎం హెచ్‌ కాన్‌ నిర్వాహక కార్యదర్శి డాక్టర్‌ గోపీనాథన్‌, హెమటాలజీ గ్రూప్‌ అధ్యక్షుడు ప్రొఫెసర్‌ ఎం.బి. అగర్వాల్‌, హెమటాలజీ పీడియా ట్రిక్‌ విభాగాధిపతి డాక్టర్‌ దీనదయాళన్‌, ఎంజీఎం క్యాన్సర్‌ ఇనిస్టిట్యూట్‌ సీఓఓ శరవణ కుమార్‌ రాజన్‌ తదితరులు పాల్గొన్నారు. సదస్సులో వైద్య నిపుణులు

గ్రామీణ ప్రాంతాల్లో శాటిలైట్‌ సెంటర్‌ ప్రారంభం వేలూరు: గ్రామీణ ప్రాంతాల్లోని ప్రజలకు సేవలు చేయడానికే శాటిలైట్‌ సెంటర్‌ను ప్రారంభిస్తున్నట్లు రెప్‌కో మైక్రో పైనాన్స్‌ లిమిడెట్‌ మేనేజింగ్‌ డైరెక్టర్‌, చీఫ్‌ ఎగ్జిక్యూటివ్‌ అధికారి వెంకటాచలం అన్నారు. వేలూరు జిల్లా అనకట్టు తాలుకా కందపురి గ్రామంలోని రంగస్వామి మొదలియార్‌ వీధిలో శాటిలైట్‌ ప్రారంభోత్సవ కార్యక్రమం జరిగింది. ఈ సందర్బంగా ఆయన మాట్లాడుతూ వేలూరు జిల్లాలోనే అనకట్టు తాలుకాలో అధికంగా అటవీ ప్రాంతాలున్నాయని ఇటువంటి ప్రాంతంలో తమ సెంటర్‌ను ప్రారంభించడం ద్వారా అటవీ ప్రాంతాల్లోని ప్రజలకు తమ సేవలను విస్తరించనున్నట్లు తెలిపారు. వీటి ద్వారా చిన్న చిన్న వ్యాపారులు, పరిశ్రమలకు అవసరమైన రుణాలను అందజేయడానికి అవకాశం ఉంటుందన్నారు. చౌడేశ్వరీ దేవికి విశేష పూజలు కొరుక్కుపేట:. చైన్నె పాతచాకలి పేట మింట్‌ సుబ్బరాయలు వీధిలో వెలిసియున్న పురాతన శ్రీ శ్రీ రామలింగ చౌడేశ్వరీ దేవి ఆలయంలో మంగళవారం తిరువీధి మహోత్సవాలను వైభవంగా నిర్వహించారు. అందులో భాగంగా అమ్మవారిని వివిధ రకాల పుష్పాలు , స్వర్ణాభరణాలతో విశేష పూజలను శాస్త్రోక్తంగా చేపట్టారు .అలాగే వసంతోత్సవాన్ని వైభవంగా నిర్వహించగా , భక్తులు పసుపు నీళ్లను చల్లుకుంటూ ఆనందోత్సాహాలతో అమ్మవారిని శాంతింపజేశారు. భక్తులకు నిర్వాహకులు సజ్జా శ్రీనివాసులు, సజ్జా సత్యనారాయణ , సజ్జా రాంకుమార్‌ ప్రసాదవినియోగం చేశారు. పర్యావరణ హిత రవాణా దిశగా అడుగులు సాక్షి, చైన్నె : హరిత రవాణాను మరింత బలోపేతం చేసేందుకు దిగ్గజ ఈ–కామర్స్‌ సంస్థ అమెజాన్‌ , ప్రముఖ వాహన తయారీ సంస్థ టాటా మోటార్స్‌ పరస్పరం చేతులు కలిపాయి. దేశవ్యాప్తంగా అమెజాన్‌ రవాణా నెట్‌వర్క్‌లో 3,000 ఎలక్ట్రిక్‌ ట్రక్కులను ప్రవేశపెడుతున్నట్లు రెండు సంస్థలు సంయుక్తంగా ప్రకటించాయి. కేంద్ర మంత్రి హెచ్‌.డి. కుమారస్వామి చేతుల మీదుగా ఎలక్ట్రిక్‌ ట్రక్కుల మొదటి బ్యాచ్‌ను జెండా ఊపి ప్రారంభించినట్టు ప్రకటించారు.ఈ భాగస్వామ్యం కింద టాటా మోటార్స్‌ ఎలక్ట్రిక్‌ ట్రక్కులను సరఫరా చేయగా, అమెజాన్‌ క్యారియర్‌ భాగస్వాములు వాటిని కొనుగోలు చేసి నడుపుతారు.అలాగే చైన్నె కారిడార్‌ విస్తరణ దిశగా తదుపరి దశలో 7 రాష్ట్రాలు , 6 ప్రధాన ఈ–కామర్స్‌ రీజియన్లను అనుసంధానించే 2,800 కిలోమీటర్ల పొడవైన ఎన్‌హెచ్‌ –48 వెంబడి ఎలక్ట్రిక్‌ ట్రక్కుల సేవలను అందుబాటులోకి తీసుకు వస్తామని ప్రకటించారు.ఇందుకోసం యాహ్వీ భాగస్వామ్యంతో హైవేల వెంబడి ప్రత్యేక ఛార్జింగ్‌ హబ్‌లను ఏర్పాటు చేస్తున్నామన్నారు. 15 ఏళ్ల బాలుడి ఆత్మహత్య అన్నానగర్‌: ఆలందూర్‌, వి.ఓ.సి. కి చెందిన విజయ్‌. ఇతని భార్య సంగీత. వీరిద్దరూ గిండిలోని ఒక లెదర్‌ కంపెనీలో పని చేస్తున్నారు. వీరి రెండవ కుమారుడు అజయ్‌ (15), పరంగిమలైలోని ఒక ప్రైవేట్‌ ఐటీఐలో చదువుతున్నాడు. అజయ్‌ కాలేజీకి వెళ్లకుండా 10 రోజులకు పైగా ఇంట్లోనే ఉంటున్నాడు. ఈ కారణంగా అతని తల్లిదండ్రులు అతడిని మందలించినట్లు తెలుస్తోంది. ఈ స్థితిలో, సోమవారం సాయంత్రం ఇంట్లో ఒంటరిగా ఉన్నప్పుడు అజయ్‌ హఠాత్తుగా ఉరి వేసుకుని ఆత్మహత్య చేసుకున్నాడు. చాలా సేపటి తర్వాత సంగీత ఇంటికి తిరిగి వచ్చినప్పుడు, తలుపు లోపలి నుండి తాళం వేసి ఉంది. ఆమె ఇరుగుపొరుగు వారి సహాయంతో తలుపు పగలగొట్టి లోపలికి వెళ్లగా, అజయ్‌ ఉరివేసుకుని శవంగ వేలాడటంతో రోదించారు. సమాచారం అందుకున్న పోలీసులు వెంటనే ఘటనా స్థలానికి చేరుకుని, మతదేహాన్ని స్వాధీనం చేసుకుని పోస్ట్‌మార్టం కోసం క్రోంపేట్‌ ప్రభుత్వ ఆసుపత్రికి తరలించి కేసు దర్యాప్తు చేస్తున్నారు. మైలాపూర్‌లో రౌడీ హత్య అన్నానగర్‌: అడయార్‌లో మంగళవారం ఉదయం మైలాపూర్‌ రౌడీ హత్య చేసిన ఘటన కలకలం రేపింది. చైన్నె సమీపం అడయార్‌ ఇందిరానగర్‌ మెయిన్‌ రోడ్డు పై మంగళవారం ఉదయం సుమారు 11 గంటలకు కొందరు వ్యక్తుల ముఠా ఓ యువకుడిని నరికి చంపి పారిపోయారు. ఈ విషయంపై సమాచారం అందుకున్న అడయార్‌ పోలీసులు వెంటనే ఘటనా స్థలానికి చేరుకుని దర్యాప్తు చేశారు. నరికి చంపబడిన వ్యక్తి చైన్నెలోని మైలాపూర్‌కు చెందిన రౌడీ మైత్రేయన్‌. ఇతను ఒక గ్యాంగ్‌స్టర్‌ అని తేలింది. అనంతరం, మృతదేహాన్ని స్వాధీనం చేసుకుని పోస్టుమార్టం కోసం రాయపేట ప్రభుత్వ వైద్య కళాశాలకు పంపారు.ఈ విషయమై కేసు నమోదు చేసి, హత్య ఎవరు, ఎందుకు చేశారనే దానిపై దర్యాప్తు జరుగుతోంది. హంతకులను గుర్తించేందుకు పోలీసులు ఆ ప్రాంతంలోని సీసీటీవీ కెమెరా ఫుటేజీని పరిశీలిస్తున్నారు.

తమిళసినిమా: దర్శక నిర్మాత ,అనువాద రచయిత అంటూ బహుముఖ ప్రతిభ కలిగిన ఆర్పీ బాల ప్రముఖ ఛాయాగ్రాహకుడు పీజీ ముత్తయ్యతో కలిసి ఆర్పీ బాల ఫిలిమ్స్‌,పీజీ ముత్తయ్య ప్రొడక్షనన్స్‌ సంస్థల్లో నిర్మిస్తున్న చిత్రంలో నవీన్‌ చంద్ర కథానాయకుడుగా నటిస్తున్నారు. కోలీవుడ్లో లెవెన్‌ చిత్రంతో మంచి ప్రశంసలు అందుకున్న నటుడు నవీన్‌ చంద్ర తెలుగు తదితర ఇతర భాషల్లోనూ నటిస్తూ మంచి గుర్తింపు పొందారు. కాగా తాజాగా ఈయన నటిస్తున్న 51వ చిత్రానికి ఆర్పీ బాల దర్శకత్వం వహిస్తున్నారు. నటి హరిప్రియ రోషిని, బాల శరవణన్‌, ఖాళీ వెంకట్‌ తదితరులు ముఖ్య పాత్రలు పోషిస్తున్న ఈ చిత్ర షూటింగ్‌ సోమవారం చైన్నెలో నిర్వహించిన సన్నివేశాలతో పూర్తి అయినట్లు ఆర్‌పి. బాల మీడియాకు విడుదల చేసిన ఓ ప్రకటనలో పేర్కొన్నారు. ఈ సందర్భంగా చిత్ర యూనిట్‌ కేక్‌ కట్‌ చేసి తమ ఆనందాన్ని పంచుకున్నారు. కాగా పీజీ ముత్తయ్య ఛాయగ్రహణం, శక్తి బాలాజీ సంగీతాన్ని అందిస్తున్న ఈ చిత్ర కథనాలు పూర్తిగా వైవిధ్య భరితంగా ఉంటాయన్నారు. ప్రేక్షకుల హృదయాలను హత్తుకునే సన్నివేశాలతో రూపొందిస్తున్న ఈ చిత్రకు సంబంధించిన మరిన్ని వివరాలను త్వరలోనే వెల్లడించనున్నట్లు ఆయన పేర్కొన్నారు. పీజీ ముత్తయ్య, నవీన్‌చంద్ర, ఆర్పీ బాలా తదితరులు

తమిళనాడు రాజకీయాల్లోను, విద్యా రంగంలోను సంచలనం సృష్టించిన రూ.100 కోట్ల భారీ కుంభకోణంలో రాష్ట్ర మాజీ విద్యాశాఖ మంత్రి, డీఎంకె నేత అన్బిల్ మహేష్ పొయ్యామొళి అరెస్టయ్యారు. మద్రాస్ హైకోర్టు ఆయన ముందస్తు బెయిల్ పిటిషన్‌ను తిరస్కరించడంతో గ్రేటర్ చెన్నై పోలీసుల సెంట్రల్ క్రైమ్ బ్రాంచ్ అధికారులతో పాటు ఈడీ రంగంలోకి దిగి ఆయనను అదుపులోకి తీసుకుంది.అసలు కుంభకోణం ఎలా జరిగింది?అన్బిల్ మహేష్ పాఠశాల విద్యాశాఖ మంత్రిగా ఉన్న సమయంలో ప్రైవేటు విద్యాసంస్థలకు శాశ్వత గుర్తింపు, పాఠశాలల స్థాయి పెంపు (అప్‌గ్రెడేషన్‌), పరిపాలనాపరమైన అనుమతులు మంజూరు చేయడం ప్రధాన విధిగా ఉండేది. అయితే, ఈ అనుమతుల ప్రక్రియను సొమ్ము చేసుకునేందుకు ఒక క్రమబద్ధమైన వ్యవస్థను ఏర్పాటు చేశారనేది ప్రధాన ఆరోపణ.పార్టీ ఫండ్ పేరుతో వసూళ్లు: విద్యాసంస్థలకు ప్రభుత్వం నుంచి రావలసిన శాశ్వత గుర్తింపు పత్రాలు, ఇతర అనుమతుల కోసం దరఖాస్తు చేసుకున్న ప్రైవేట్ పాఠశాల యజమాన్యాల నుంచి పార్టీ ఫండ్ నెపంతో భారీ మొత్తంలో డబ్బులు వసూలు చేసినట్లు దర్యాప్తు సంస్థలు గుర్తించాయి.1000కి పైగా ప్రైవేటు పాఠశాలలు: ఈ అక్రమ వసూళ్ల నెట్‌వర్క్ దాదాపు 1000కి పైగా ప్రైవేట్ పాఠశాలల యాజమాన్యాలకు విస్తరించినట్లు అధికారులు అంచనా వేస్తున్నారు. ఇప్పటివరకు నిర్వహించిన ప్రాథమిక విచారణలో కనీసం 177 ప్రైవేట్ పాఠశాలలు అనుమతుల కోసం నేరుగా భారీగా డబ్బు చెల్లించినట్లు ఆధారాలు లభ్యమయ్యాయి.రూ.100 కోట్లకు పైగా హవాలా, లంచాల నెట్‌వర్క్: ప్రతి పాఠశాల నుంచి గుర్తింపు స్థాయిని బట్టి లక్షల రూపాయలు వసూలు చేసి మొత్తం రూ.100 కోట్లకు పైగా అక్రమ ఆస్తులు గడించినట్లు సీసీబీ నమోదు చేసిన ఎఫ్‌ఐఆర్ పేర్కొంటోంది.ఈడీ దర్యాప్తుచెన్నై సెంట్రల్ క్రైమ్ బ్రాంచ్ ఈ వ్యవహారంలో అవినీతి నిరోధక చట్టం కింద కేసు నమోదు చేసి విచారణ వేగవంతం చేసింది. ఈ అక్రమ మార్గంలో వసూలైన సొమ్ము ఎక్కడికి మళ్లింది? ఏ రూపంలో డిపాజిట్ అయిందనే మనీ ట్రైల్‌ను వెలికితీసేందుకు ఎన్‌ఫోర్స్‌మెంట్ డైరెక్టరేట్‌ (ఈడీ) మనీలాండరింగ్ నిరోధక చట్టం (పీఎంఎల్‌ఏ) కింద ప్రత్యేక కేస్ నమోదు చేసింది. విద్యా వ్యవస్థలో పారదర్శకతను దెబ్బతీస్తూ విద్యార్థుల భవిష్యత్తుతో చెలగాటమాడుతూ సాగిన ఈ రూ.100 కోట్ల అక్రమ అనుమతుల కుంభకోణం ప్రస్తుతం తమిళనాడు రాజకీయ వర్గాల్లో ప్రకంపనలు సృష్టిస్తోంది.ఇదీ చదవండి: గాంధీజీ ‘ఐదో కుమారుడు’.. రూ.14 లక్షల కోట్ల వ్యాపార సామ్రాజ్యం

సాక్షి, చెన్నై: తమిళ ప్రముఖ నటుడు ధనుష్‌ రాజకీయ అరంగేట్రంపై తమిళనాడు రాజకీయాల్లో తీవ్ర ఉత్కంఠ నెలకొంది.ఓఎంఆర్‌ రోడ్డులోని ఓ ప్రైవేట్‌ కళాశాలలో నిర్వహించిన ధనుష్‌ ఛారిటీ మూవ్‌మెంట్‌ మహిళా ప్రతినిధుల సమావేశంలో ఆయన పంపిణీ చేసిన బహుమతి పెద్ద వివాదానికి దారితీసింది. ఈ సమావేశానికి హాజరైన వెయ్యికి పైగా మహిళా ప్రతినిధులకు ధనుష్‌ దీపావళి కానుకగా రూ.1.3 కోట్ల విలువైన వెండి కామాక్షి దీపా లను బహుకరించారు. అయితే, ఆ దీపాల అడుగుభాగంలో కమలం (తామర) గుర్తు చెక్కి ఉండటం కలకలం రేపింది. ధనుష్‌ స్థాపిస్తున్న తమిళగ ఎళుచ్చి కళగం అనే కొత్త పారీ్టకి, బీజేపీకి సంబంధాలు ఉన్నాయని, బీజేపీనే ఆయనను వెనుక ఉండి నడిపిస్తోందని విమర్శలు బయలు దేరాయి. టీమ్‌ వివరణ ఈ ఆరోపణలను ధనుష్‌ ఛారిటీ మూవ్‌మెంట్‌ ప్రతినిధులు తీవ్రంగా ఖండించారు. తామర గుర్తు అనేది కేవలం ఆభరణ తయారీదారుడి ముద్ర మాత్రమే తప్ప, ఏ పార్టీ ఎన్నికల గుర్తు కాదని స్పష్టం చేశారు. కాగా, : ఒకవైపు బీజేపీ, మరోవైపు ఏఐఏడీఎంకే అన్నాడీఎంకే ధనుష్‌ను తమవైపు తిప్పుకునేందుకు ప్రయత్నిస్తున్నాయని, కాంగ్రెస్‌ నాయకులు మాత్రం ఢిల్లీ నాయకత్వం ప్లాన్‌ డీ పేరుతో సెలబ్రిటీలను వాడుకుంటోందని ఆరోపిస్తున్నారు. ధనుష్‌ పార్టీ వైపు డాక్టర్‌ రామదాస్‌ కుమార్తె చూపు? పీఎంకే అధినేత డాక్టర్‌ రామదాస్‌, ఆయన కుమారుడు అన్బుమణి రామదాస్‌ మధ్య చెలరేగిన విభేదాల పర్యవసానాలు ఇంకా కొనసాగుతున్నాయి. ఇటీవల ఎన్నికల అనంతరం వీరిద్దరూ రాజీ పడినప్పటికీ, రాందాస్‌ కుమార్తె గాందీమతి మాత్రం ఈ పరిణామాలపై తీవ్ర అసంతృప్తి తో ఉన్నట్లు సమాచారం. తండ్రి నిర్ణయాల పై కోపంతో ఉన్న గాందీమతి, నటుడు ధనుష్‌ స్థాపించబోయే నూతన పార్టీలో చేరేందుకు ఆసక్తి చూపుతున్నట్లు తెలిసింది.ధనుష్‌ను కలిసి తన భవిష్యత్తు రాజకీయ అడుగులపై చర్చించేందుకు ఆమె సమయం కోరినట్లు రాజకీయ వర్గాల్లో ప్రచారం జరుగుతోంది.

సాక్షి,చెన్నై: ఒకవైపు దక్షిణాది రాష్ట్రాల్లో ‘అర్నబ్’ తుఫాన్‌ అలజడి సృష్టిస్తుంటే.. మరోవైపు జైలు శిక్ష అనుభవిస్తున్న ఖైదీలు సైలెంట్‌గా తమ పని కానిచ్చేశారు. ప్రభుత్వ యంత్రాంగం తుఫాన్ సహాయక చర్యల్లో తలామునకలవుతుంటే, అదును చూసిన ఖైదీలు జైలు సిబ్బందిపై దాడి చేశారు. జైలు నుంచి పరారయ్యారు.పోలీసుల వివరాల మేరకు.. తమిళనాడు రాష్ట్రం తేని జిల్లా సబ్‌జైలు నుంచి 17 మంది ఖైదీలు తప్పించుకోవడం కలకలం రేపుతోంది. సమాచారం అందుకున్న జిల్లా పోలీసు యంత్రాంగం ఖైదీల కోసం 16 బృందాలుగా విడిపోయి గాలింపు చర్యలు చేపట్టింది. ఈ గాలింపు చర్యల్లో ఒక ఖైదీని అదుపులోకి తీసుకోగా.. మరో 16 మంది కోసం పోలీసుల వేట కొనసాగుతోంది.జైల్లో మొత్తం 17 మంది ఖైదీలు ఒకే గదిలో ఉన్నారు. ఖైదీలలో ఒకరికి ఆరోగ్యం బాగోలేదని సమాచారం అందడంతో జైలు సిబ్బంది ఆ గదిలోకి వెళ్లారు. ఆ సమయంలోనే ఖైదీలు తప్పించుకునేందుకు ప్లాన్‌ చేశారు. ఖైదీలు ముందస్తు ప్లాన్‌లో భాగంగా ఫిట్స్ (మూర్ఛ) వచ్చినట్లు నటించారు. సిబ్బందిపై దాడి చేసిన ఖైదీలు అక్కడి నుండి పారిపోయినట్లు సౌత్ జోన్ ఇన్‌స్పెక్టర్ జనరల్ ఆఫ్ పోలీస్ విజయేంద్ర బిదరి తెలిపారు.ఖైదీల దాడి సమయంలో తేని జిల్లా జైల్లో విధులు నిర్వహిస్తున్న పోలీసు సిబ్బంది తంగపాండి తీవ్రంగా గాయపడ్డారు. అత్యవసర చికిత్స నిమిత్తం ఆయనను జి.విలక్కు ప్రభుత్వ ఆసుపత్రికి తరలించారు. మరో ఇద్దరు జైలు సిబ్బందికి స్వల్ప గాయాలయ్యాయని పేర్కొన్నారు.గాలింపు చర్యల్లో భాగంగా పోలీసులు పొరుగు జిల్లాల్లో భద్రతను కట్టుదిట్టం చేయడంతో పాటు వాహనాల తనిఖీలను ముమ్మరం చేశారు. దిండిగల్ జిల్లా ఎస్పీ ఎస్. జయకుమార్ మాట్లాడుతూ.. ముందస్తు జాగ్రత్తగా జిల్లాలో 16 చోట్ల చెక్‌పోస్టులను ఏర్పాటు చేసినట్లు తెలిపారు. దిండిగల్-తేని రహదారిపై కూడా వాహనాలను ముమ్మరంగా తనిఖీ చేస్తున్నారు.మధురై, దిండిగల్, ఇడుక్కి జిల్లాల పోలీసులను అప్రమత్తం చేశారు. పరారైన ఖైదీలను గుర్తించేందుకు వీలుగా వారి ఫొటోలను అన్ని పోలీస్‌స్టేషన్‌లు, చెక్‌పోస్టులకు పంపించారు. ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు. ఇదీ చదవండి : రూ. 600 కోట్ల సుపారీ ప్లాన్.. కర్ణాటక పాలిటిక్స్‌లో బిగ్గెస్ట్ ట్విస్ట్!

ఈశాన్య రుతుపవనాలు తీవ్రరూపం దాల్చిన నేపథ్యంలో, సీఎం జోసెఫ్‌ విజయ్‌ సోమవారం సాయంత్రం కాంచీపురం జిల్లా, కుండ్రత్తూర్‌ పరిధిలోని చెంబరంబాక్కం రిజర్వాయర్‌ను సందర్శించి సమగ్ర తనిఖీలు చేపట్టారు. రిజర్వాయర్‌ గేట్లు, కట్ట ప్రాంతాలను స్వయంగా పరిశీలించిన సీఎం ప్రస్తుత నీటిమట్టం, ఇన్‌, అవుట్‌ ఫ్లో గురించి, వరద నివారణ చర్యల గురించి అధికారులతో సమీక్షించారు. ఈ రిజర్వాయర్‌ నీటిమట్టం 24 అడుగులు కాగా, ప్రస్తుతం 14.76 అడుగులకు నీరు ఉంది. నీటి రాక 150 క్యూ సెక్కులు కాగా, అవుట్‌ ప్లో 208 క్యూ సెక్కులుగా ఉన్నాయి. గతంలో ఈ రిజర్వాయర్‌ రూపంలో చైన్నె నీట మునిగిన నేపథ్యంలో తాజాగా 24 గంటలూ నిరంతరం పర్యవేక్షించాలని, కంట్రోల్‌ రూమ్‌లలో తగినంత మంది సిబ్బంది అందుబాటులో ఉండాలని సీఎం ఆదేశించారు. అలాగే ఒకవేళ అదనపు నీటిని విడుదల చేయాల్సి వస్తే, ఆకస్మికంగా కాకుండా దశలవారీగా, నియంత్రిత పద్ధతిలో మాత్రమే నీటిని వదలాలని స్పష్టం చేశారు. అడయార్‌ నది దిగువన ఉన్న చైన్నె నగర నివాస ప్రాంతాలు వరద ముంపునకు గురికాకుండా పక్కాగా ప్రణాళిక వేసుకోవాలని సూచించారు.నీటిని విడుదల చేయడానికి ముందే దిగువ ప్రాంత ప్రజలకు తగిన సమాచారం అందించాలని.. రెవెన్యూ, పోలీస్‌, గ్రేటర్‌ చైన్నె కార్పొరేషన్‌, వాటర్‌ బోర్డు శాఖలతో పూర్తి సమన్వయంతో పనిచేయాలని పేర్కొన్నారు. గేట్ల ఎత్తే మెకానిజం, జెనరేటర్లు, టెలికాం లైన్లు ఎల్లప్పుడూ సిద్ధంగా ఉంచాలని, చైన్నె నగర తాగునీటి అవసరాలకు తగిన నీటిని నిల్వ చేస్తూనే వరద నిర్వహణ నిబంధనలు పాటించాలని సూచించారు. ఈ తనిఖీ కార్యక్రమంలో మంత్రులు సెంగోట్టయ్యన్‌, ఆనంద్‌, తెన్నరసు, రంజిత్‌కుమార్‌, సీఎస్‌ సాయికుమార్‌ తదితరులు ఉన్నారు.అనంతరం సీఎం విజయ్‌ కుండ్రత్తూరు పరిసరాలలో అభిమానులను పలకరించే విధంగా నడచుకుంటూ కొంత దూరం రోడ్‌ షోతో ముందుకు సాగారు.

సాక్షి, చైన్నె: రాజధాని చైన్నె, శివారు ప్రాంతాల్లో సోమవారం ఆకాశం మేఘావృతమై ఉండి, కొన్ని చోట్ల అప్పుడపుప తేలికపాటి వర్షం కురిసింది. ఉత్తర తమిళనాడు తీరం వెంబడి గంటకు 40 నుండి 60 కిలోమీటర్ల వేగంతో ఈదురుగాలులు వీస్తున్నాయి. గడిచిన 24 గంటలలో తిరుప్పూర్‌, కోయంబత్తూరులో అత్యధికంగా 16 సెం.మీ, కడలూరులో 15 సెం.మీ చొప్పున భారీ వర్షపాతం నమోదైంది. తెన్‌ పైన్నె నదికి వరద హెచ్చరిక కృష్ణగిరి జిల్లాలో ఆదివారం రాత్రి కురిసిన భారీ వర్షానికి సోమవారం ఉదయం జనజీవనం స్తంభించిపోయింది. పది సెం.మీ మేరకు వర్షం పడటంతో ఓల్డ్‌ పైట్టె సిటీ బస్‌ స్టేషన్‌, నేతాజీ నగర్‌, నల్లతంబి వీధుల్లోకి వర్షపు నీరు భారీగా చేరింది. ఇళ్లలోకి నీరు చేరడంతో ప్రజలు పాత్రలతో నీటిని బయటకు తోడుకుంటున్నారు. కేఆర్‌పీ డ్యామ్‌కు నీటి ప్రవాహం సెకనుకు 2,382 క్యూసెక్కులకు పెరగడంతో డ్యామ్‌ నిండి నీటిని దిగువకు విడుదల చేస్తున్నారు. దీంతో తెన్‌్‌ పైన్నె నది పొంగిపొర్లుతుండటంతో కృష్ణగిరి, ధర్మపురి, తిరువణ్ణామలై జిల్లాల ప్రజలకు వరద హెచ్చరిక జారీ చేశారు. చౌత్తల్లి గ్రామంలో ప్రజలు రూ. 8 లక్షల సొంత నిధులతో నిర్మించుకున్న కల్వర్ట్‌ వంతెన వరదకు కొట్టుకుపోవడంతో 100 కుటుంబాలు 5 కిలోమీటర్లు చుట్టూ తిరిగి వెళ్లాల్సి న పరిస్థితి ఏర్పడింది. బర్కూర్‌ సమీపంలోని కొట్టూరులో పొలంపై పిడుగు పడటంతో ఒక్కసారిగా 10 చోట్లకు పైగా భూమి నుంచి నీటి ఊటలు పొంగిపొర్లడం స్థానికంగా కలకలం రేపింది. నాగై, మైలాడుతురైలో పంట మునక కావేరీ నీరు ఆలస్యంగా విడుదల కావడం, కాలువలు సరిగ్గా తవ్వకపోవడంతో నాగపట్నం, మైలాడుతురై జిల్లాలోని రైతులు తీవ్రంగా ఇప్పటికే నష్ట పోయారు.తాజావ ర్షాలకు తరంగంబాడి, సిర్కాళి, తిరువిళంతూరు, కొల్లిడం పరిసర ప్రాంతాల్లో దాదాపు 2,000 ఎకరాల్లో నాటిన సంబ వరి పంట నీటమునిగింది. నాగపట్నంలో 1500 ఎకరాలలో నీళ్లు చేరింది.నీరు నిలిచిపోవడంతో పంట కుళ్ళిపోయే ప్రమాదం ఉందని, వెంటనే జలవనరులు , వ్యవసాయ శాఖ అధికారులు స్పందించి నీటిని బయటకు పంపే ఏర్పాట్లు చేయాలని రైతులు విజ్ఞప్తి చేస్తున్నారు. కోయంబత్తూరును ముంచెత్తిన వరదలు కోయంబత్తూరు జిల్లాలోనూ వర్షాల ప్రభావం తీవ్రంగా ఉంది. ఉక్కడం, గాంధీపురం, కునియముత్తూరు, సెల్వపురం, ప్రభునగర్‌, సావిత్రి నగర్‌ తదితర లోతట్టు ప్రాంతాల్లోకి వరద నీరు భారీగా చేరింది. ఇళ్లలోకి నీరు ప్రవేశించడంతో ప్రజలు నిద్రలేని రాత్రులు గడిపారు. చెరువులు పూర్తిగా నిండి పొంగిపొర్లుతున్నాయి. పశ్చిమ కనుమలలోని కోయంబత్తూరు,తేని,తెన్కాసి , తిరునల్వేలి తదితర జిల్లాలో వర్షాలు మోస్తారుగా కొనసాగుతున్నాయి. వర్షాల ధాటికి 14 మంది మృతి రాష్ట్రంలో వర్షాలు, పిడుగుపాటు , వరదల కారణంగా ఇప్పటివరకు మొత్తం 14 మంది ప్రాణాలు కోల్పోయినట్లు రెవెన్యూ , విపత్తు నిర్వహణ శాఖ మంత్రి సెంగోట్టయ్యన్‌ వెల్లడించారు. దిండిగల్‌ సమీపంలో విద్యుత్‌ తీగలు తాకి ఒక మహిళ (చిత్ర), కాలువలో జారిపడి మరో వ్యక్తి (ముత్తుస్వామి), అలాగే వర్షపు నీటి గుంతలో పడి ఆరేళ్ల బాలుడు (అంకేష్‌) ప్రాణాలు కోల్పోయారన్నారు. మృతుల కుటుంబాలకు ప్రభుత్వం తరఫున తక్షణ సాయం అందించేందుకు చర్యలు చేపట్టారు. వర్షాలు పూర్తిగా తగ్గిన తర్వాత పంట నష్టాన్ని అంచనా వేస్తామని మంత్రి తెలిపారు. అర్నాబ్‌ తుపాను ముప్పు తొలగినట్టే.. బంగాళాఖాతంలో ఏర్పడిన అల్పపీడనం బలపడి అర్నాబ్‌ తుపానుగా మారింది. ఇది మరింత తీవ్రరూపం దాల్చి, విశాఖపట్నం – బాపట్ల మధ్య ఆంధ్రప్రదేశ్‌లో తీరాన్ని దాటే అవకాశం ఉందని వాతావరణ శాఖ ప్రకటించింది. ఈతుపాను ప్రభావంతో తీర ప్రాంతాల్లో గంటకు 115 నుంచి 140 కిలోమీటర్ల వేగంతో ఈదురుగాలులు వీచే అవకాశం ఉంది. ఈ తుఫాను కారణంగా తమిళనాడుకు ముప్పు లేదని తేల్చారు. అదే సమయంలో తమిళనాడులో ప్రస్తుతం వర్షాల తీవ్రత క్రమంగా తగ్గుముఖం పట్టే అవకాశం ఉందని ప్రకటించారు. అయితే తీర ప్రాంతాల్లో మత్స్యకారులు ఎవరూ సముద్రంలోకి వెళ్లవద్దని హెచ్చరికలు జారీ చేశారు.కోయంబత్తూరు రోడ్లపై వరద నీరు కృష్ణగిరిలో ఇళ్లలోకి చేరిన నీరు నాగైలో నీట మునిగిన పంట పొలాలు కొడైకెనాల్‌లో విలయం కొడైకెనాల్‌లో రాత్రి భారీ వర్షం పడటంతో ఉత్తుక్కుళం – పెరియకుళం పర్వత రహదారిపై కొండచరియలు విరిగిపడి రాళ్లు, బండరాళ్లు రోడ్డుపై పడటంతో మూడో రోజు కూడా రాకపోకలు పూర్తిగా నిలిచిపోయాయి. ఉత్తుక్కుళం, తమరైకుళం, పలమలైతో సహా 10కి పైగా గ్రామాలు ఇతర ప్రాంతాలతో సంబంధాలు కోల్పోయి ఒంటరి దీవులుగా మారాయి. ఆయా ప్రాంతాల్లో విద్యుత్‌ సరఫరా కూడా నిలిచిపోవడంతో ప్రజలు అంధకారంలో ఇబ్బంది పడుతున్నారు. పళని–కొడైకెనాల్‌ ఘాట్‌ రోడ్డులో పీఎల్‌ఎల్‌ చేత్‌, సవరికాడు ప్రాంతాల్లో చెట్లు కూలిపోవడంతో పాటు భారీ వర్షానికి రోడ్లు దెబ్బతిన్నాయి. జేసీబీలు, పొకై ్లన్‌ యంత్రాలతో సహాయక సిబ్బంది శిథిలాలను తొలగిస్తున్నారు. అరేబియా సముద్రం, బంగాళాఖాతంలో ఏర్పడిన వాతావరణ మార్పుల ప్రభావంతో తమిళనాడులో పలు జిల్లాలో వర్షం దంచి కొట్టింది. పశ్చిమ కనుమలు , దక్షిణ తమిళనాడులోని కొన్ని జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని చైన్నె వాతావరణ కేంద్రం వెల్లడించింది. ఇక, అర్నాబ్‌ తాపానుతో తమిళనాడుకు ఎలాంటి ముప్పు అన్నది లేదని ప్రకటించారు. ఆగ్నేయ అరేబియా సముద్రం, నైరుతి బంగాళాఖాతంలో విస్తరించి ఉన్న అల్పపీడన ద్రోణి కారణంగా పశ్చిమ కనుమల జిల్లాలు, దక్షిణ తమిళనాడులో ఉరుములు, మెరుపులు, ఈదురుగాలులతో కూడిన మోస్తరు వర్షాలు కురుస్తున్నాయి.

సాక్షి, చైన్నె: తమిళనాడులో క్షీణిస్తున్న శాంతిభద్రతల పరిస్థితిపై శాసనసభ ప్రతిపక్ష నాయకుడు ఉదయనిధి స్టాలిన్‌ రాష్ట్ర ప్రభుత్వంపై తీవ్ర ఆగ్రహం వ్యక్తం చేశారు. శాంతికి మారుపేరుగా నిలిచే తమిళనాడులో ఇప్పుడు కనీస శాంతిభద్రతలు కూడా కరువయ్యాయని ఆయన ఆందోళన వ్యక్తం చేశారు. ఈ మేరకు సోషల్‌ మీడియా వేదికగా ప్రభుత్వాన్ని నిలదీస్తూ ఘాటు విమర్శలు గుప్పించారు. రాష్ట్రంలో హత్యలు, దాడులు ఆందోళనకర స్థాయిలో పెరుగుతున్నాయని ఉదయనిధి స్టాలిన్‌ పేర్కొన్నారు. రోజూ చోటుచేసుకుంటున్న దారుణాలను ప్రచురించడానికి దినపత్రికలు ప్రత్యేక శీర్షికలను కేటాయించాల్సిన దుస్థితి ఏర్పడిందని విమర్శించారు. సీఎంపై వ్యాఖ్యల దాడి అధికారాన్ని కాపాడుకోవడానికి నియోజకవర్గాల్లో ట్రాక్టర్లు నడపడం, టీ తాగడం, మునగకాయలు కోయడం వంటి పబ్లిసిటీ స్టంట్లు చేస్తున్న సీఎం విజయ్‌.. రాష్ట్రంలో శాంతిభద్రతలను పరిరక్షించడానికి ఒక్క సమీక్షా సమావేశమైనా నిర్వహించారా? అని ప్రశ్నించారు. బూటకపు ముఖ్యమంత్రి ఆశీస్సులతోనే రాష్ట్రంలో ఈ రౌడీ సామ్రాజ్యం ఏలుబడి సాగుతోందా? అని నిలదీశారు. రాష్ట్రవ్యాప్తంగా సాగుతున్న అరాచకాలకు నిదర్శనంగా పలు దారుణ ఘటనలను ఆయన ఎత్తిచూపారు. మదురై (మేలూరు)లో అదృశ్యమైన 7 ఏళ్ల చిన్నారి శరీరంపై తీవ్ర గాయాలతో శవమై తేలడం, సేలంలో పట్టపగలే డేవిడ్‌ అనే రౌడీని వేటకొడవళ్లతో నరికి చంపడం, తూత్తుకుడి సాతన్‌కుళంలో మహిళ దారుణ హత్య, అలాగే శ్రీవైకుంఠంలో కళాశాల విద్యార్థిని నరికివేత, కన్యాకుమారిలో సొంత భర్తనైనా దారుణంగా అంతమొందించిన టీఆర్పీ మహిళా కార్యదర్శి అరెస్ట్‌ వంటి సంఘటనలను వివరించారు. ఈమేరకు రాష్ట్రంలో శాంతిభద్రతలు క్షీణించి ఉంటే, ఒక్క సమీక్షా సమావేశమైనా నిజంగా జరిగి ఉంటే ఈ వరుస హత్యలు ఎందుకు జరుగుతాయని ప్రశ్నించిన ఆయన, వెంటనే ప్రభుత్వం శాంతిభద్రతలపై దృష్టి సారించాలని డిమాండ్‌ చేశారు.

సాక్షి, చైన్నె : తమిళనాడు రాజకీయాల్లో తీవ్ర సంచలనం చోటుచేసుకుంది. డీఎంకే ప్రభుత్వ హయాంలో పాఠశాల విద్యాశాఖ మంత్రిగా పనిచేసిన అన్బిల్‌ మహేష్‌ను చైన్నె సెంట్రల్‌ క్రైమ్‌ బ్రాంచ్‌(సీసీబీ) పోలీసులు సోమవారం సాయంత్రం అరెస్ట్‌ చేశారు. ముందస్తు బెయిల్‌ పిటిషన్‌ను మద్రాస్‌ హైకోర్టు తిరస్కరించిన కొన్ని గంటల్లోనే కారులో అమింజికరైవద్ద వెళ్తున్న ఆయన్ను పోలీసులు అదుపులోకి తీసుకుని చైన్నె పోలీసు కమిషనరేట్‌కు తరలించారు. కేసు నేపథ్యం ఇదీ.. 2021–2026 మధ్య డీఎంకే ప్రభుత్వ హయాంలో అన్బిల్‌ మహేష్‌ పాఠశాల విద్యాశాఖ మంత్రిగా బాధ్యతలు నిర్వహించారు. ఆ సమయంలో ప్రైవేట్‌ పాఠశాలలకు శాశ్వత గుర్తింపు, ఇతర అనుమతులు ఇప్పిస్తామని నమ్మించి యాజమాన్యాల నుంచి భారీ మొత్తంలో డబ్బులు వసూలు చేశారనే ఆరోపణలు వచ్చాయి. పాఠశాల నిర్వాహకుల నుంచి సుమారు రూ. 100 కోట్ల మేర లంచం తీసుకుని మోసానికి పాల్పడినట్లు బాధితులు పోలీసులను ఆశ్రయించారు.ఈ కేసులో మాజీ మంత్రి అన్బిల్‌ మహేష్‌తో పాటు ప్రైవేట్‌ పాఠశాలల సంఘం అధ్యక్షుడు పి.డి. అరసకుమార్‌, కార్యదర్శి, కోశాధికారి ముత్తుకుమార్‌లపై సీసీబీ పోలీసులు కేసులు నమోదు చేశారు. ఈకేసును డైరెక్టరేట్‌ ఆఫ్‌ విజిలెన్స్‌ అండ్‌ యాంటీకరెప్షన్‌ (డీవీఏసీ)విభాగం తన గుప్పెట్లోకి తీసుకుంది. డీవీఏసీ , సీసీబీ వర్గాలు తిరుచ్చి,చైన్నె తదితర జిల్లాలో ఉన్న అన్బిల్‌ మహేష్‌ ఇళ్లు, కార్యాలయాల్లో సోదాలు నిర్వహించి పలు కీలక పత్రాలను స్వాధీనం చేసుకున్నారు.సీసీబీ పోలీసులు ఆయన వద్ద తీవ్రంగా విచారణ కూడాచేశారు. ఈ కేసులో తనను అరెస్టు చేస్తారన్న భావనతో అన్బిల్‌ మహేష్‌ ముందస్తు బెయిల్‌ కోసం కోర్టును ఆశ్రయించారు. అమింజికరై నివాసంలో అరెస్ట్‌ హైకోర్టు తీర్పు వెలువడిన కొన్ని గంటలలోనే పోలీసులు అన్బిల్‌ మహేష్‌ను టార్గెట్‌ చేశారు. చైన్నె అమింజికరైలోని నివాసం నుంచి కారులో బయటకు వెళ్లే సమయంలో సెంట్రల్‌ క్రైమ్‌ బ్రాంచ్‌ ప్రత్యేక బృందం ఆయనను అరెస్ట్‌ చేసింది. అనంతరం ఆయనను విచారణ నిమిత్తం వేపెరిలోని చైన్నె పోలీస్‌ కమిషనర్‌ కార్యాలయానికి తరలించారు. అక్కడ కొన్ని గంటల పాటుగా విచారణ జరిపి ,న్యాయమూర్తి ఎదుట హాజరు పరిచారు. ఈ అరెస్టు సమాచారంతో అన్బిల్‌ మహేష్‌ సొంత జిల్లాలో ఉద్రిక్తత నెలకొంది. ఆయన మద్దతుదారులు, డీఎంకే వర్గాలుపలు చోట్ల ఆందోళనకు దిగడంతో ఉత్కంఠ నెలకొంది. ఆయన్ను న్యాయమూర్తి ఎదుట రాత్రి సమయంలో హాజరు పరిచి రిమాండ్‌కు తరలించారు. కాగా, సీఎం విజయ్‌ నేతృత్వంలోని టీవీకే ప్రభుత్వం అధికారంలోకి రాగానే, డీఎంకే మాజీమంత్రులను టార్గెట్‌ చేస్తూ వస్తున్నవిషయం తెలిసిందే. తాజాగా అన్బిల్‌ మహేష్‌ను అరెస్టు చేయడం గమనార్హం. అదే సమయంలో తిరుచ్చి ఈస్ట్‌ ఉప ఎన్నికల నగారా మోగే అవకాశాల నేపథ్యంలో ఆ జిల్లాకు చెందిన డీఎంకే కీలక నేతను అక్రమంగా టీవీకే ప్రభుత్వం అరెస్టు చేసిందని పార్టీ వర్గాలు ఆగ్రహం వ్యక్తంచే స్తున్నాయి. ఓటమి భయంతో అన్బిల్‌ మహేశ్‌ను అక్రమ కేసులో ఇరికించి ఉన్నారని డీఎంకే వర్గాలు ఆగ్రహం వ్యక్తంచేస్తున్నాయి. ఈ అరెస్టును డీఎంకే నేత ఎంకే స్టాలిన్‌, యువజన నేత ఉదయ నిధి స్టాలిన్‌, ఎంపీ కనిమొళి తదితరులు తీవ్రంగా ఖండించారు.ముందస్తు బెయిల్‌ తిరస్కరణ రూ. 100 కోట్ల అవినీతి ఆరోపణల కేసులో అరెస్ట్‌ కాకుండా ఉండేందుకు అన్బిల్‌ మహేష్‌ మద్రాస్‌ హైకోర్టులో ముందస్తు బెయిల్‌ దరఖాస్తు చేసుకున్నారు. ఈ పిటిషన్‌పై విచారణ చేపట్టిన హైకోర్టు న్యాయమూర్తి జస్టిస్‌ వి. లక్ష్మీనారాయణన్‌ బెయిల్‌ పిటిషన్‌ను కొట్టివేస్తూ సోమవారం ఉదయం తీర్పు వెలువరించారు. పిటిషన్‌ డిస్మిస్‌ అయిన వెంటనే పోలీసులు రంగంలోకి దిగారు.

● ఎస్సీ, ఎస్టీ వర్గాలకు ఉచిత చీర, ధోవతికి బదులుగా నగదు ● రూ. 1,000 ఇవ్వడానికి ప్రభుత్వం కీలక నిర్ణయం సాక్షి,చైన్నె: దీపావళి పండగ సందర్భంగా కేంద్రపాలిత ప్రాంతమైన పుదుచ్చేరి ప్రభుత్వం ఎస్సీ , ఎస్టీ వర్గాల ప్రజలకు తీపి కబురు అందించింది. ప్రతీ ఏటా అందించే ఉచిత ధోవతి, చీర పంపిణీకి బదులుగా, ఈసారి నేరుగా లబ్ధిదారుల బ్యాంక్‌ ఖాతాల్లోనే రూ. 1,000 నగదు జమ చేయనున్నట్లు ప్రకటించింది. ఈ సంక్షేమ పథకం అమలు కోసం ప్రభుత్వం ఏకంగా రూ. 13.38 కోట్లు కేటాయించింది. పుదుచ్చేరి, కారైకాల్‌, మాహే, యానాం సహా నాలుగు ప్రాంతాల్లో నివసిస్తున్న 18 ఏళ్లు నిండిన అర్హులైన లబ్ధిదారులకు ఈ ఆర్థిక సాయం అందనుంది. ఈ పథకంకోసం సుమారు రూ. 13.38 కోట్లు కేటాయించారు. ఈ పథకంద్వారా 47,180 కుటుంబరేషన్‌ కార్డులకు సంబంధించి మొత్తం 1,33,890 మందికి లబ్ది చేకూర్చనన్నారు. ఇందులో పురుషులు 60,877 మంది, మహిళలు 73,013 మంది ఉన్నారు. 18 సంవత్సరాలు దాటిన ప్రతీ ఆది ద్రావిడ , షెడ్యూల్డ్‌ తెగల వ్యక్తికి ఈ పండగ కానుక లభిస్తుంది. పండగ వేళ తమకు నచ్చిన దుస్తులు లేదా అవసరమైన వస్తువులు కొనుగోలు చేసుకునే వెసులుబాటు కల్పిస్తూ, డిజిటల్‌ చెల్లింపుల ద్వారా ఈ నగదును నేరుగా వారి ఖాతాల్లోకి జమ చేయాలని ప్రభుత్వం నిర్ణయించింది. చైన్నె కమిషనరేట్‌లో నిజాయితీ ప్రతిజ్ఞ సాక్షి,చైన్నె : చైన్నె గ్రేటర్‌ పోలీస్‌ కమిషనర్‌ డాక్టర్‌ ఎ. అమల్‌రాజ్‌ ఆదేశాల మేరకు వేపేరిలోని కార్యాలయంలో ఉదయం 11.00 గంటలకు అవినీతి నిరోధక అవగాహన వారోత్సవాల సందర్భంగా నైతిక ప్రతిజ్ఞ కార్యక్రమం నిర్వహించారు. అదనపు పోలీస్‌ కమిషనర్‌ (ఉత్తర విభాగం) కపిల్‌ కుమార్‌ సి. శరత్కర్‌ నాయకత్వంలో పోలీస్‌ అధికారులు, సిబ్బంది , పరిపాలనా యంత్రాంగం అవినీతిని నిర్మూలించి నిరోధకత, నిజాయితీ , గౌరవంతో పనిచేస్తామని ఈ ప్రతిజ్ఞ స్వీకరించారు. కార్యక్రమంలో జాయింట్‌ కమిషనర్‌ (ఇంటెలిజన్స్‌)డాక్టర్‌ సంతోష్‌ హాదిమణి , డిప్యూటీ కమిషనర్‌లు ఎ. సుబ్బులక్ష్మి , స్టీఫెన్‌ జేసుపాదమ్‌ , సుజాతలతో పాటు పెద్దసంఖ్యలో పోలీస్‌ అధికారులు, సిబ్బంది , మినిస్టీరియల్‌ స్టాఫ్‌ పాల్గొన్నారు. శ్రీవారి దర్శనానికి 15 గంటలు తిరుమల: తిరుమలలో సోమవారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 31 కంపార్ట్‌మెంట్లు భక్తులతో నిండిపోయాయి. ఆదివారం అర్ధరాత్రి వరకు 85,369 మంది స్వామివారిని దర్శించుకున్నారు. 26,414 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.13 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 15 గంటల సమయం పడుతోంది.

సాక్షి, చైన్నె: దేశంలో నెలకొన్న విద్యుత్‌ కొరతకు కేంద్ర ప్రభుత్వ ముందస్తు ప్రణాళిక లేకపోవడమే కారణమని తమిళనాడు మంత్రి నిర్మల్‌ కుమార్‌ తీవ్రస్థాయిలో ధ్వజమెత్తారు. కేంద్రం సరిగ్గా అంచనా వేయకపోవడం వల్ల రాష్ట్రాలు తీవ్ర ఆర్థిక భారాన్ని మోయాల్సి వస్తోందని, రాజస్థాన్‌ వంటి రాష్ట్రాలు యూనిట్‌కు రూ. 46 చొప్పున విద్యుత్‌ను కొనుగోలు చేయాల్సి వస్తోందని ఆయన విమర్శించారు. చైన్నె, కాంచీపురం, తిరువళ్లూరు, చెంగల్పట్టు జిల్లాల్లో 82 కొత్త విద్యుత్‌ కోత ఉపశమన కేంద్రాలను ప్రారంభించిన అనంతరం మంత్రి విలేకరులతో మాట్లాడారు. కేంద్ర వైఫల్యంతోనే విద్యుత్‌ కొరత దేశవ్యాప్తంగా విద్యుత్‌ కొరత తీవ్రంగా ఉందన్న మంత్రి, రానున్న రోజుల్లో ఎల్‌ నినో ప్రభావం వల్ల కొరత మరింత పెరిగే ప్రమాదం ఉందని అంచనా వేశారు. కేంద్ర ప్రభుత్వం భవిష్యత్తు అవసరాలకు అనుగుణంగా సరైన వ్యూహాలు రూపొందించకపోవడమే ఈ పరిస్థితికి కారణమని ఆరోపించారు.: తమిళనాడు విద్యుత్‌ బోర్డులో ఖాళీగా ఉన్న పోస్టుల భర్తీకి సంబంధించి మరో వారంలో అధికారిక ప్రకటన వెలువడుతుందని తెలిపారు. రాష్ట్రంలో వర్షాకాలాన్ని ఎదుర్కొనేందుకు విద్యుత్‌ శాఖ పూర్తిగా సిద్ధంగా ఉందని, సరిపడా విద్యుత్‌ స్తంభాలు, ట్రాన్స్‌ఫార్మర్ల నిల్వలు అందుబాటులో ఉన్నాయని స్పష్టం చేశారు. డీఎంకేపై తీవ్రస్థాయిలో విమర్శలు సెంజిలో చిన్నారి అదృశ్యం ఘటనపై స్పందిస్తూ డీఎంకే వైఖరిని మంత్రి ఎండగట్టారు. తప్పిపోయిన బాలికను గుర్తించేందుకు పోలీసులు తీవ్రంగా శ్రమిస్తున్నారని చెబుతూ, గత డీఎంకే హయాంలో కేఎన్‌ నెహ్రూ సోదరుడు రామజయం హత్య కేసును కూడా స్టాలిన్‌ పరిష్కరించలేకపోయారని విమర్శించారు. డీఎంకేకు చిన్నారుల రక్షణ గురించి మాట్లాడే నైతిక హక్కు లేదని, వారి పాలనలో నిధుల వసూళ్లు, కట్‌–పంచాయతీలే ప్రాధాన్యంగా సాగాయని ఆరోపించారు. అధికారంలోకి వస్తే కోడనాడు ఘటనపై చర్యలు తీసుకుంటామని చెప్పిన డీఎంకే, రాజకీయ లబ్ధి లేకపోవడంతో ఆ కేసే పట్టించుకోలేదని మండిపడ్డారు. డబ్బు కోసం పాకులాడినందుకే ప్రజలు డీఎంకేను తిరస్కరించారని మంత్రి నిర్మల్‌ కుమార్‌ వ్యాఖ్యానించారు.

సాక్షి, చైన్నె: పురపాలక శాఖ నియామకాల్లో జరిగిన భారీ అవకతవకల వ్యవహారంలో డీఎంకే మాజీ మంత్రి కె.ఎన్‌. నెహ్రూకు మద్రాస్‌ హైకోర్టులో తీవ్ర షాక్‌ ఎదురైంది. తనపై అవినీతి నిరోధక శాఖ (డీవీఏసీ ) కేసు నమోదు చేయాలని గతంలో ఇచ్చిన ఉత్తర్వులను సమీక్షించాలంటూ ఆయన దాఖలు చేసిన పిటిషన్‌ను హైకోర్టు ధర్మాసనం కొట్టివేసింది. వివరాలు.. గత డీఎంకే ప్రభుత్వ హయాంలో పురపాలక పరిపాలన శాఖలో 2,538 సహాయ ఇంజనీర్లు , జూనియర్‌ ఇంజనీర్ల నియామకాల్లో రూ. 634 కోట్ల మేర లంచాలు స్వీకరించారనే ఆరోపణలు వచ్చాయి. ఈ నియామకాల అక్రమాలపై ఆధారాలతో కూడిన సమాచారాన్ని ఎన్‌ఫోర్స్‌మెంట్‌ డైరెక్టరేట్‌ (ఈడీ) తమిళనాడు డీజీపీకి లేఖ రూపంలో పంపింది. దీని ఆధారంగా అన్నాడీఎంకే ఎంపీ ఇన్బదురై దాఖలు చేసిన పిటిషన్‌ను విచారించిన హైకోర్టు, తక్షణమే డీవీఏసీ కేసు నమోదు చేయాలని గత ఫిబ్రవరిలో ఆదేశించింది. హైకోర్టు కీలక తీర్పు: తన వాదనలు వినకుండానే కేసు నమోదుకు ఆదేశాలు ఇచ్చారని, ఇది తన హక్కుల ఉల్లంఘన అని పేర్కొంటూ మాజీ మంత్రి కె.ఎన్‌. నెహ్రూ రివ్యూ పిటిషన్‌ దాఖలు చేశారు. ఈ పిటిషన్‌పై విచారణ జరిపిన ప్రధాన న్యాయమూర్తి సుశ్రుత్‌ అరవింద్‌ ధర్మాధికారి, జస్టిస్‌ జి. అరుల్‌ మురుగన్లతో కూడిన ధర్మాసనం వాదనలను సమగ్రంగా పరిశీలించిన అనంతరం కె.ఎన్‌. నెహ్రూ దాఖలు చేసిన పిటిషన్‌ను డిస్మిస్‌ చేస్తూ తీర్పు వెలువరించింది. ఈ తీర్పుతో ఆయనపై కేసు నమోదు , విచారణ ప్రక్రియ వేగవంతం కానుంది.

సాక్షి, చైన్నె: దక్షిణ రైల్వే ఉద్యోగులు, రైలు వినియోగదారులు, సాధారణ ప్రజలలో నిజాయితీ, పారదర్శకతను పెంచే లక్ష్యంతో సోమవారం నుంచి నవంబర్‌ ఒకటో తేది వరకు వారం రోజుల పాటుగా విజిలెన్స్‌ అవగాహన వారోత్సవాలు 2026 నిర్వహించనున్నారు. ఈ కార్యక్రమాన్ని సోమవారం రైల్వే జీఎం యు సుబ్బారావు నేతృత్వంలో ప్రారంభించారు. ఈ ఏడాది ఈ వారోత్సవాలను ‘అభివృద్ధికి నిజాయితీ’ అనే ప్రత్యేక ఇతివృత్తంతో నిర్వహిస్తున్నారు. చైన్నెలోని దక్షిణ రైల్వే ప్రధాన కార్యాలయంలో ఉదయం జరిగిన ప్రారంభోత్సవ కార్యక్రమానికి ఎన్‌ఎల్‌సీ, కోల్‌ ఇండియా లిమిటెడ్‌ మాజీ చీఫ్‌ విజిలెన్స్‌ ఆఫీసర్‌, దక్షిణ రైల్వే రిటైర్డ్‌ ప్రిన్సిపల్‌ చీఫ్‌ మెకానికల్‌ ఇంజనీర్‌ టి.వెంకటసుబ్రహ్మణ్యన్‌ ముఖ్య అతిథిగా హాజరయ్యారు. ఈ కార్యక్రమంలో దక్షిణ రైల్వే జనరల్‌ మేనేజర్‌ యు. సుబ్బా రావు, అదనపు జనరల్‌ మేనేజర్‌ శ్రీ విపిన్‌ కుమార్‌, సీనియర్‌ డిప్యూటీ జనరల్‌ మేనేజర్‌ – సీవీఓ వి.ఆర్‌. లెనిన్‌, ప్రధాన విభాగాధిపతులు, 6 డివిజన్ల డివిజనల్‌ రైల్వే మేనేర్లు , చీఫ్‌ వర్క్‌షాప్‌ మేనేజర్లు వీడియో కాన్ఫరెన్స్‌ ద్వారా పాల్గొన్నారు. దక్షిణ రైల్వే జనరల్‌ మేనేజర్‌ యు.సుబ్బారావు అధికారులచే నిజాయితీ ప్రతిజ్ఞ చేయించారు. విజిలెన్స్‌ అనేది కేవలం క్రమశిక్షణా చర్యల కోసం కాదని, అవినీతి రహిత బలమైన వ్యవస్థను నిర్మించడమే దాని ప్రాథమిక లక్ష్యమని ఆయన పేర్కొన్నారు. ప్రతి నిర్ణయంలో పారదర్శకత, ప్రతిచర్యలో నిజాయితీ, తద్వారా దేశానికి సమృద్ది అనే సూత్రాన్ని ప్రతి ఉద్యోగి పాటించాలని పిలుపునిచ్చారు. ముఖ్య అతిథి టి. వెంకటసుబ్రహ్మణ్యన్‌ మాట్లాడుతూ, సంస్థాగత పారదర్శకత, పనితీరు మెరుగుపరచడంలో ఈ–ఆఫీస్‌. ఇ–హైజీన్‌ కీలక పాత్ర పోషిస్తాయని వెల్లడించారు.

సాక్షి, చైన్నె: చైన్నె కార్పొరేషన్‌ ప్రధాన కార్యాలయమైన రిబ్బన్‌ బిల్డింగ్‌లో సోమవారం నిర్వహించిన రాజకీయ పార్టీల సంప్రదింపుల సమావేశం తీవ్ర ఉద్రిక్తతకు దారి తీసింది. అనేక పార్టీలు సమావేశం నుంచి వాకౌట్‌ చేశాయి..చైన్నె పరిధిలోని 16 శాసనసభ నియోజకవర్గాల్లో ఓటర్ల జాబితాల ప్రత్యేక సవరణ, పోలింగ్‌ కేంద్రాల పునర్వ్యవస్థీకరణ ఆమోదం కోసం ఈ అఖిలపక్ష సమావేశాన్ని ఏర్పాటు చేశారు. కార్పొరేషన్‌ ఎన్నికల అధికారి, కమిషనర్‌ జి.ఎస్‌. సమీరన్‌ ఈ సమావేశానికి అధ్యక్షత వహించారు. సమావేశంలో టీవీకే ప్రతినిధి వి.ఎన్‌. సబిపుల్ల, డీఎంకే న్యాయ విభాగ కార్యదర్శి కె. చంద్రు, దేవేంద్రన్‌.అన్నాడీఎంకే తరఫున జిల్లా కార్యదర్శి రవి, సంతానకృష్ణన్‌.కాంగ్రెస్‌ న్యాయవాదుల విభాగం ఎస్‌.కె. నవాజ్‌.బీజేపీ ప్రతినిధులు వి.పి. దురైసామి, విజయశాంతి. సీపీఐఎం, సీపీఐ, ఏఏపీ, బీఎస్పీ తదితర పార్టీల ప్రతినిధులు హాజరయ్యారు. పోలింగ్‌ కేంద్రాలు 3 కిలోమీటర్లకు పైగా దూరంలో ఉండటం, గత ఎన్నికల్లో ఓటర్ల నమోదు ప్రక్రియలో ఎదురైన సమస్యలను పరిష్కరించాలని రాజకీయ పార్టీలు డిమాండ్‌ చేశాయి. ఎన్నికల ప్రజాస్వామ్యాన్ని రక్షించాలని, కేంద్ర ఎన్నికల సంఘం వైఖరి సరిగ్గా లేదని ఆరోపిస్తూ కాంగ్రెస్‌ న్యాయవాది ఎస్‌.కె. నవాజ్‌ ప్లకార్డులు ప్రదర్శిస్తూ నిరసన తెలిపారు. అనంతరం డీఎంకే, టీవీకే, కాంగ్రెస్‌, ఆమ్‌ ఆద్మీ పార్టీ, కమ్యూనిస్ట్‌ పార్టీలు, బీఎస్పీల ప్రతినిధులు సమావేశాన్ని బహిష్కరించి వాకౌట్‌ చేస్తున్నట్టుగా బయటకు వచ్చేశారు.మొత్తం ప్రక్రియలో అన్నాడీఎంకే, బీజేపీ ప్రతినిధులు మాత్రమే సమావేశంలో కొనసాగారు. కార్పొరేషన్‌ కమిషనర్‌ జి.ఎస్‌. సమీరన్‌ మాట్లాడుతూ, పోలింగ్‌ కేంద్రాల పునర్వ్యవస్థీకరణ పనులను పూర్తి పారదర్శకతతో చేపడుతున్నామన్నారు.

సాక్షి, చైన్నె: తమిళ ప్రముఖ నటుడు ధనుష్‌ రాజకీయ అరంగేట్రంపై తమిళనాడు రాజకీయాల్లో తీవ్ర ఉత్కంఠ నెలకొంది.ఓఎంఆర్‌ రోడ్డులోని ఓ ప్రైవేట్‌ కళాశాలలో నిర్వహించిన ధనుష్‌ ఛారిటీ మూవ్‌మెంట్‌ మహిళా ప్రతినిధుల సమావేశంలో ఆయన పంపిణీ చేసిన బహుమతి పెద్ద వివాదానికి దారితీసింది. ఈ సమావేశానికి హాజరైన వెయ్యికి పైగా మహిళా ప్రతినిధులకు ధనుష్‌ దీపావళి కానుకగా రూ.1.3 కోట్ల విలువైన వెండి కామాక్షి దీపా లను బహుకరించారు. అయితే, ఆ దీపాల అడుగుభాగంలో కమలం (తామర) గుర్తు చెక్కి ఉండటం కలకలం రేపింది. ధనుష్‌ స్థాపిస్తున్న తమిళగ ఎళుచ్చి కళగం అనే కొత్త పార్టీకి, బీజేపీకి సంబంధాలు ఉన్నాయని, బీజేపీనే ఆయనను వెనుక ఉండి నడిపిస్తోందని విమర్శలు బయలు దేరాయి. టీమ్‌ వివరణ ఈ ఆరోపణలను ధనుష్‌ ఛారిటీ మూవ్‌మెంట్‌ ప్రతినిధులు తీవ్రంగా ఖండించారు. తామర గుర్తు అనేది కేవలం ఆభరణ తయారీదారుడి ముద్ర మాత్రమే తప్ప, ఏ పార్టీ ఎన్నికల గుర్తు కాదని స్పష్టం చేశారు. కాగా, : ఒకవైపు బీజేపీ, మరోవైపు ఏఐఏడీఎంకే అన్నాడీఎంకే ధనుష్‌ను తమవైపు తిప్పుకునేందుకు ప్రయత్నిస్తున్నాయని, కాంగ్రెస్‌ నాయకులు మాత్రం ఢిల్లీ నాయకత్వం ప్లాన్‌ డీ పేరుతో సెలబ్రిటీలను వాడుకుంటోందని ఆరోపిస్తున్నారు. ధనుష్‌ పార్టీ వైపు డాక్టర్‌ రామదాస్‌ కుమార్తె చూపు? పీఎంకే అధినేత డాక్టర్‌ రాంుదాస్‌, ఆయన కుమారుడు అన్బుమణి రామదాస్‌ మధ్య చెలరేగిన విభేదాల పర్యవసానాలు ఇంకా కొనసాగుతున్నాయి. ఇటీవల ఎన్నికల అనంతరం వీరిద్దరూ రాజీ పడినప్పటికీ, రాందాస్‌ కుమార్తె గాంధీమతి మాత్రం ఈ పరిణామాలపై తీవ్ర అసంతృప్తి తో ఉన్నట్లు సమాచారం. తండ్రి నిర్ణయాల పై కోపంతో ఉన్న గాంధీమతి, నటుడు ధనుష్‌ స్థాపించబోయే నూతన పార్టీలో చేరేందుకు ఆసక్తి చూపుతున్నట్లు తెలిసింది.ధనుష్‌ను కలిసి తన భవిష్యత్తు రాజకీయ అడుగులపై చర్చించేందుకు ఆమె సమయం కోరినట్లు రాజకీయ వర్గాల్లో ప్రచారం జరుగుతోంది.

తమిళసినిమా: సెలబ్రిటీల వారసుల సినీ రంగ ప్రవేశం అనేది సులభమే.అయితే నిలదొక్కుకోవడం అనేక వారి ప్రతిభ, అదృష్టాన్ని బట్టి ఉంటుంది. అలా చాలా మంది వారసులు ఈ రంగంలో రాణిస్తున్నారు. తాజాగా ప్రముఖ నటి దేవయాని, దర్శకుడు రాజ్‌కుమార్‌ దంపతుల వారసురాళ్లలో ఒకరైన ప్రియాంక రాజ్‌ కుమార్‌ రంజన్‌.ది అడ్వకేట్‌ అనే చిత్రం ద్వారా కథానాయికగా రంగప్రవేశం చేసిన విషయం తెలిసిందే. కాగా తాజాగా ప్రియాంక రాజ్‌ కుమార్‌ కథానాయకిగా రెండో చిత్రం కూడా షూరూ అయ్యింది. ఈమె నటిస్తున్న ఈ చిత్రానికి బ్లాక్‌ నైట్‌ బాయ్స్‌ అనే టైటిల్‌ ను నిర్ణయించారు. కాగా ఈ చిత్రం ద్వారా బుల్లితెర నటుడు అమల్‌ అజిత్‌ కథానాయకుడిగా పరిచయం అవుతున్నారు.అరుళ్‌ మురుగన్‌ పిక్చర్స్‌, డ్రీమ్‌ రన్‌ వే 26వ సెంచరీ సంస్థల ద్వారా కేఈ.మణికంఠన్‌ అలియాస్‌ విమల్‌ .జీ నిర్మిస్తున్నారు. ఇంతకు ముందు పలు చిత్రాలకు పర్యవేక్షకులు బిజీగా పని చేసిన ఈయన నిర్మిస్తున్న తొలి చిత్రం ఇది.సెంబర్‌ వి.మురుగేశన్‌ దర్శకత్వం వహిస్తున్న ఈ చిత్రం షూటింగ్‌ ఇటీవల చైన్నెలో పూజా కార్యక్రమాలతో ప్రారంభం అయ్యింది. వైవిధ్య భరితరిత ప్రేమతో కూడిన జనరంజక కుటుంబ కథా చిత్రంగా ఇది ఉంటుందని మీడియాకు విడుదల చేసిన ప్రకటనలో యూనిట్‌ వర్గాలు పేర్కొన్నారు. చిన్నా, పెద్దా అంటూ అన్ని వర్గాలను అలరించే విధంగా బ్లాక్‌ నైట్‌ బాయ్స్‌ చిత్రం ఉంటుందని పేర్కొన్నారు.ఈ చిత్రానికి మనోజ్‌ పరమహంస ఛాయాగ్రహణంను, జోశ్వా శ్రీధర్‌ సంగీతాన్ని అందిస్తున్నారు. ఈ చిత్రానికి సంబంధించిన మరిన్ని వివరాలను త్వరలోనే వెల్లడించనున్నట్లు యూనిట్‌ వర్గాలు పేర్కొన్నారు.

సాక్షి, చైన్నె : వోక్స్‌వ్యాగన్‌ ఇండియా తమ మొట్టమొదటి వి.ఇ. ట్రాక్‌ డే కార్యక్రమాన్ని తమిళనాడులోని కోయంబత్తూరులో ఉన్న కోస్ట్‌టి రేస్‌ట్రాక్‌ వేదికగా ఘనంగా నిర్వహించింది. బ్రాండ్‌ ప్రసిద్ధ జీటీ వారసత్వాన్ని, డ్రైవింగ్‌ పై అభిమానుల్లో ఉన్న ఉత్సాహాన్ని వేడుకగా జరుపుకునేందుకు ఈ రెండు రోజుల కార్యక్రమాన్ని ఏర్పాటు చేశారు.వోక్స్‌వ్యాగన్‌ పర్ఫార్మెన్స్‌ డ్రైవింగ్‌కు దేశంలో ఉన్న విపరీతమైన ఆదరణకు నిదర్శనంగా, 100 మందికి పైగా యజమానులు , ఔత్సాహికులు ఇందులో పాల్గొన్నారు.ఈ ఈవెంట్‌ రిజిస్ట్రేషన్లు కేవలం ఒక్క రోజులోనే పూర్తిగా నిండిపోయాయి. దేశవ్యాప్తంగా ఉన్న వినియోగదారులు ఇందులో పాల్గొనేందుకు ఆసక్తి చూపించారు.ఈ ట్రాక్‌ డేలో వోక్స్‌వ్యాగన్‌ గోల్ఫ్‌ జీటీఐ , వర్టస్‌ జీటీ, టైగన్‌ జీటీ, , పోలో జీటీ, టేరాన్‌ , టిగువాన్‌ మోడళ్లలను ఒకే వేదికపైకి తీసుకువచ్చారు.రెండు రోజుల పాటు సాగిన ఈ వేడుకల్లో యజమానులు తమ వాహనాల పూర్తి సామర్థ్యాన్ని ,పనితీరును వృత్తిపరంగా నిర్వహించబడే సురక్షితమైన రేస్‌ట్రాక్‌ వాతావరణంలో నడిపి అనుభూతి చెందారు.

శశికుమార్‌ హీరోగా నూతన చిత్రం తమిళసినిమా: కథా పాత్రలకు ప్రాముఖ్యతనిస్తూ వెర్సటైల్‌ నటుడిగా పేరు తెచ్చుకున్న శశికుమార్‌ ఇప్పుడు పలు చిత్రాల్లో నటిస్తూ బిజీగా ఉన్నారు. కాగా తాజాగా మరో నూతన చిత్రంలో హీరోగా నటిస్తున్నారు. ఈయన నటిస్తున్న చిత్రాన్ని ట్రైడెంట్‌ ఆర్ట్స్‌ సంస్థ అధినేత ఆర్‌ .రవీంద్రన్‌ 6 డైమండ్స్‌ ఫిలిమ్స్‌ అండ్‌ మీడియా ఎల్‌ ఎల్‌ పీ సంస్థ అధినేతలు సుల్తాన్‌ జసాని, చేతన్‌ డియోలేకర్‌ లతో కలిసి నిర్మిస్తున్నారు. ఈ చిత్రం ద్వారా ప్రముఖ కన్నడ దర్శకుడు, గీత రచయిత హరి సంతోష్‌ కోలీవుడ్‌ కు పరిచయం అవుతున్నారు. కాగా ఇంకా పేరు నిర్ణయించని ఈ చిత్రం షూటింగ్‌ ఇటీవల చైన్నెలో పూజా కార్యక్రమాలతో ప్రారంభం అయ్యింది. నటి శ్వాసిక నరేన్‌, అంజిలి నాయర్‌, నందితా శ్వేత , హరి శంకర్‌, హరీష్‌ పేరడీ, పీఎల్‌. తేనప్పన్‌, వైయాపురి, అనంతనాగ్‌, వసంతి గురు తదితరులు ముఖ్యపాత్రలు పోషిస్తున్నారు. చిత్ర వివరాలను దర్శకుడు తెలుపుతూ ఇది సరికొత్త కుటుంబ నేపథ్యంలో సాగే థ్రిల్లర్‌ కథా చిత్రంగా ఉంటుందన్నారు. థ్రిల్లర్‌ జోనర్‌కు ఇతర అంచనాలను జోడించి ప్రేక్షకులకు సరికొత్త అనుభూతిని కలిగించే కథా చిత్రంగా ఉంటుందని పేర్కొన్నారు. తాను తొలి తమిళ చిత్రాన్ని ట్రైడెంట్‌ ఆర్ట్స్‌, 6 డైమండ్స్‌ ఫిలిమ్స్‌ అండ్‌ మీడియా ఎల్‌ ఎల్‌ పీ సంస్థలతో కలిసి పని చేయడం సంతోషంగా ఉందన్నారు. కాగా చిత్ర షూటింగ్‌ ను చైన్నెతో పలు ప్రాంతాల్లో నిర్వహించనున్నట్లు తెలిపారు. ఈ చిత్రానికి క్రిష్‌ జే.నాగ్‌ లేచా సహ నిర్మాతగా వ్యవహరిస్తున్నారు. జిబ్రాన్‌ సంగీతాన్ని, అరవింద్‌ సింగ్‌ ఛాయాగ్రహణం అందిస్తున్నారు.

కొరుక్కుపేట: శ్రీ కన్యకా పరమేశ్వరి ఆర్ట్స్‌ అండ్‌ సైన్స్‌ మహిళా కళాశాల (ఎస్‌కేపీసీ) 24వ స్నాతకోత్సవాన్ని కళాశాల ప్రాంగణంలో సోమవారం వైభవంగా జరుపుకుంది. ఈ కార్యక్రమంలో 2022– 2025 బ్యాచ్‌కు చెందిన విద్యార్థినిలకు డిగ్రీలను అందజేశారు. కళాశాల కరస్పాండెంట్‌ చిన్ని బాలా జీ అధ్యక్షతన జరిగిన ఈ కార్యక్రమానికి చైన్నెలోని మద్రాస్‌ విశ్వవిద్యాలయం రిజిస్ట్రార్‌, ప్రొఫెసర్‌ రీటా జాన్‌ ముఖ్య అతిథిగా విచ్చేసి 542 మంది పట్టభద్రులకు డిగ్రీలను ప్రదానం చేశారు. తన ప్రసంగంలో ఆమె సంపూర్ణ విద్య యొక్క అపారమైన ప్రాముఖ్యతను నొక్కిచెప్పారు. మద్రాస్‌ విశ్వవిద్యాలయం ప్రతిష్టాత్మక వారసత్వం నుండి డిగ్రీలను అందుకున్నందుకు పట్టభద్రులు ఎంతో గర్వపడాలని కోరారు. ఆమె విద్యార్థులను జ్ఞానాన్ని అన్వేషించాలని, విలువలను నిలబెట్టుకోవాలని, వారి భవిష్యత్‌ ప్రయత్నాలలో విజయం కోసం కృషి చేయాలని మరింతగా ప్రేరేపించారు. విద్యార్థు లు తమ వృత్తి జీవితంలో తదుపరి దశలోకి అడుగుపెడుతున్న తరుణంలో వారి జీవితంలో ఒక ముఖ్యమైన మైలురాయిగా నిలిచింది. కార్యక్రమంలో కళాశాల కరస్పాండెంట్‌ శ్రీ చిన్ని బాలాజీ, ప్రిన్సిపల్‌ డా. ఎన్‌. వనజ, డీన్‌ డా. పి. బి. వనీత, వైస్‌ ప్రిన్సిపల్‌ డా. ఎం. వి. నప్పిన్నై, ఎస్‌కేపీడీ ధర్మకర్త కొల్లా వేంకట చంద్రశేఖర్‌, ట్రస్టీలు దేసు లక్ష్మీ నారాయణ, రామ కుమార్‌, కిషోర్‌ బాబు, అధ్యా పకులు, తల్లిదండ్రులు పాల్గొన్నారు.

సాక్షి, చైన్నె: కావేరీ సాంకేతిక కమిటీ ప్రాముఖ్యతను గుర్తించకుండా మైనారిటీ టీవీకే ప్రభుత్వం నిరక్షరాస్యతతో ప్రవర్తిస్తోందని, సీఎం విజయ్‌ తన వినోద, విలాస కార్యక్రమాలను పక్కనబెట్టి తక్షణమే కావేరీ జలాల సమస్యపై దృష్టి సారించాలని అన్నాడీఎంకే ప్రధాన కార్యదర్శి ఎడప్పాడి పళనిస్వామి హితవు పలికారు.ఈ విషయమై పళనిస్వామి జారీ చేసిన ప్రకటనలో, కావేరీ నది, దాని జలాలు తమిళనాడు రైతులు , ప్రజల జీవనాధారమని, తమిళనాడు ప్రభుత్వ బాధ్యతారాహిత్యం వల్ల తీవ్ర నష్టం వాటిల్లుతోందని ఆరోపించారు. కావేరీ సాంకేతిక కమిటీ ఉపాధ్యక్షుడు సెల్వరాజ్‌ గత జూన్‌లోనే రాజీనామా చేసినప్పటికీ, నాలుగు నెలల ఆలస్యం తర్వాత ఈ నెల 9న ఆ రాజీనామాను ఆమోదించారని పళనిస్వామి విమర్శించారు. గత నాలుగు నెలలుగా సాంకేతిక కమిటీని ఖాళీగా ఉంచడం వల్ల కర్ణాటక ప్రభుత్వం మేఘదాతు ఆనకట్ట నిర్మాణానికి ముమ్మర ప్రయత్నాలు చేస్తున్నా ప్రభుత్వం నిరోధించలేకపోయిందని ధ్వజమెత్తారు. రైతులకు సాగుకు తీవ్ర నష్టం కావేరీ నిర్వహణ అథారిటీ ఆదేశాల ప్రకారం తమిళనాడుకు రావాల్సిన పూర్తి నీటి వాటాను పొందడంలో ప్రభుత్వం విఫలమైందన్నారు. కురుమై సాగుకు సకాలంలో నీరు అందించకపోవడం వల్ల రైతులు దారుణంగా నష్టపోయారన్నారు. సంబా సాగుకు జనవరి వరకు పూర్తి నీటి విడుదల అవసరం కాగా, ప్రస్తుతం మెట్టూరు డ్యామ్‌లో కేవలం 54 అడుగుల నీరు మాత్రమే నిల్వ ఉందన్నారు. కావేరీ సమస్యపై తమిళనాడు రైతులు, తాగునీటి కోసం ప్రజలు రోడ్లపైకి వచ్చి నిరసనలు తెలుపుతుంటే.. సీఎం విజయ్‌ మాత్రం బాధ్యతలను విస్మరించి సరదా, వినోద కార్యక్రమాల్లో మునిగి తేలుతున్నారని ఆరోపించారు. ఆయన తీరు హాస్య నటుడు వడివేలు నటించిన 23వ పులికేసి సినిమా రాజాని గుర్తుచేస్తోంది అని ఎడప్పాడి ఎద్దేవా చేశారు. కావేరీ హక్కులను సాధించడంలోనూ, కర్ణాటక కాంగ్రెస్‌ ప్రభుత్వం మేఘదాతుపై నిరంకుశంగా మాట్లాడుతున్నా దాన్ని ఎదుర్కోవడంలోనూ మైనారిటీ సీఎం విజయ్‌ సంపూర్ణంగా విఫలమయ్యారని ఆరోపించారు.

బాలిక అదృశ్యం కేసు సీబీసీఐడీకి.. కొరుక్కుపేట: సెంజి సమీపంలోని అలంపూండిలో 12వ తేదీన హేమలత అనే 7 ఏళ్ల బాలిక అదృశ్యమైంది. ఈ విషయమై సత్యమంగళం పోలీసులు కేసు నమోదు చేసి దర్యాప్తు చేపట్టారు. అంతేకాకుండా, అదృశ్యమైన బాలిక ఆచూకీ కోసం 10 ప్రత్యేక బృందాలను ఏర్పాటు చేశారు. ఈ పరిస్థితిలో, కేసును సి.బి.సి.ఐ.డికి బదిలీ చేశా రు. ప్రస్తుతం, సి.బి.సి.ఐ.డి డిప్యూటీ సూపరింటెండెంట్‌ ఆఫ్‌ పోలీస్‌ గీత నాయకత్వంలో పోలీసులు ఈ కేసును దర్యాప్తు చేస్తున్నారు. ఆమె నాయకత్వంలో 4 ప్రత్యేక బృందాలు ముమ్మరంగా దర్యాప్తు చేస్తున్నాయి. ఓ బృందం సెల్‌ఫోన్‌ టవర్లను, మరో బృందం నిఘా కెమెరాలను దర్యాప్తు చేస్తుండగా, ఇంకో బృందం అలంపూండి గ్రామంలో మకాం వేసి బాలిక బంధువులను విచారిస్తోంది. మరో బృందం బాలిక తల్లిదండ్రులను కూడా విచారిస్తోంది. ఈ పరిస్థితిలో ఈ కేసు లో అదనంగా ఒక డిప్యూటీ సూపరింటెండెంట్‌ ఆఫ్‌ పోలీస్‌ను నియమించారు. దీని ప్రకారం, ఈ కేసు దర్యాప్తు కోసం కాంచీపురం సీబీసీఐడీ డిప్యూటీ సూపరింటెండెంట్‌ ఆఫ్‌ పోలీస్‌ వేల్మురుగనన్‌ను నియమించారు. ఆయన ఈ ఉదయం సత్యమంగళం పోలీస్‌ స్టేషనన్‌కు చేరుకుని తన పనిని ప్రారంభించారు. ఆయన అక్కడి అధికారులతో సంప్రదించి కేసు వివరాలను అడిగి తెలుసుకున్నారు. బంగారు కేడెముపై కొలువైన వాసవీ అమ్మవారు కొరుక్కుపేట: బంగారు కేడెముపై శ్రీ వాసవీ అమ్మవారు కొలువై భక్తులను కటాక్షించారు. చైన్నె లోని 300 సంవత్స రాల చరిత్ర కలిగిన శ్రీ కన్యకాపరమేశ్వరి దేవస్థానంలో ఈనెల 22 నుంచి వడాయతి ఉత్స వాలు అత్యంత వైభవంగా సాగుతున్నాయి. అందులో భాగంగా సోమవారం శ్రీ వాసవీ అమ్మవారిని బంగారు కేడెముపై విశేషంగా అలంకరించి పూజ లు చేశారు. భక్తులు పెద్దసంఖ్యలో పాల్గొని అమ్మవారిని దర్శించుకుని తరించారు. ఈ ఉత్సవంలో సాయంత్రం జరిగిన సాంస్కృతిక కార్యక్రమంలో టీబీ జనని వీణా వాయిద్య కచ్చేరితో అందరినీ మంత్రముగ్ధులను చేసింది. మంత్రి రాజమోహన్‌పై ప్రశంసల జల్లు కొరుక్కుపేట: ఎగ్మోర్‌ శాసనసభ సభ్యుడు, పాఠశాల విద్యాశాఖ మంత్రి ఎ. రాజ్‌ మోహన్‌ కార్యాలయాన్ని మంత్రి ఎన్‌. ఆనంద్‌ కార్యాలయాన్ని ప్రారంభించి ప్రజలకు భోజనం పంపిణీ చేశారు. ఈ కార్యక్రమానికి హౌసింగ్‌ బోర్డ్‌ ఛైర్మన్‌ శివ, టెక్స్‌ట్‌బుక్‌ సొసైటీ ఛైర్మన్‌ లయో లా ఎస్‌.కె.ఎం. మణి, జిల్లా కార్యదర్శి కుమార్‌, మాజీ ఎంపీ బాల గంగ తదితరులు హాజర య్యారు. ఈ కార్యక్రమంలో మంత్రి ఎన్‌ ఆనంద్‌ మాట్లాడుతూ పేదల కోసం అవసరమైన సహాయం అందించేందుకు ముఖ్యమంత్రి విజయ్‌ రాజ్‌మోహన్‌కు విద్యాశాఖ మంత్రిగా బాధ్యతలు అప్పగించడం జరిగిందన్నారు. మంత్రి రాజ్‌మోహన్‌ విద్యా రంగాన్ని ఎన్నో ఏళ్లుగా చూడని స్థాయిలో అవినీతి రహిత రంగంగా మార్చారు. ప్రజలు, విద్యార్థులు చాలా సంతోషంగా ఉన్నారు. టీవీకేకు లభించిన అతిపెద్ద వరం మంత్రి రాజ్‌మోహన్‌. ఆయనకు తాను మనస్ఫూర్తిగా అభినందనలు తెలియజేస్తున్నాను అని ప్రశంసించారు. ప్రజలకు సేవ చేసేందుకు మేమందరం ముఖ్యమంత్రితో కలి సి పనిచేస్తాం అని ఆయన స్పష్టం చేశారు. నెట్‌ఫ్లిక్స్‌ – హోయిచోయ్‌ మధ్య ఒప్పందం సాక్షి,చైన్నె: ఓటీటీ రంగంలో ప్రముఖ స్ట్రీమింగ్‌ ప్లాట్‌ఫామ్‌ హోయిచోయ్‌, డిజిటల్‌ దిగ్గజం నెట్‌ఫ్లిక్స్‌లు భారీ భాగస్వామ్యాన్ని ప్రకటించాయి. ప్రేక్షకులకు అత్యుత్తమ కథలు, కొత్త ప్రీమియర్‌ లు, రీమేక్‌లను అందించడమే లక్ష్యంగా ఈ రెండు ప్లాట్‌ఫామ్‌లు చేతులు కలిపాయి. ఈ భాగ స్వామ్యం ద్వారా రాబోయే రెండేళ్లలో విడుదల కానున్న హోయిచోయ్‌ ఒరిజినల్‌ సిరీస్‌లు బెంగాలీతో పాటు తెలుగు, తమిళం, హిందీ భాషల్లో ప్రత్యేకంగా నెట్‌ఫ్లిక్స్‌లో అందుబాటులోకి రాను న్నాయి. క్రైమ్‌ థ్రిల్లర్లు, డిటెక్టివ్‌ మిస్టరీలు, జానపద హారర్‌, కోర్టురూమ్‌ డ్రామాలు, రొమాంటిక్‌ డ్రామాలు సహా మొత్తం 14 ప్రశంసలు పొందిన సిరీస్‌లు నెట్‌ఫ్లిక్స్‌లో స్ట్రీమింగ్‌ కానున్నాయి. ఈ భాగ స్వామ్యంలో భాగంగా వస్తున్న మొదటి కొత్త డబ్బింగ్‌ విడుదలగా ది కర్స్డ్‌ టెంపుల్‌ ఆఫ్‌ కౌరిబురి అనే జానపద హారర్‌ సిరీస్‌ నవంబర్‌ 6న నెట్‌ఫ్లిక్స్‌లో రానున్నట్టు ప్రకటించారు. కళాశాల విద్యార్థి హత్య – మురుగునీటి వివాదంలో దారుణం అన్నానగర్‌: శ్రీవైకుంఠం సమీపంలో మురుగునీటి కాలుష్యం కారణంగా కళశాల విద్యార్థి దారు ణ హత్యకు గురయ్యాడు. తూత్తుకుడి జిల్లా శ్రీవైకుంఠం సమీపంలోని అల్వార్‌కర్కుళం కావ డి వీధికి చెందిన మారియప్పన్‌ కుమారుడు ఇసక్కి రాజా (20). శ్రీవైకుంఠంలోని ప్రభుత్వ ఎయిడెడ్‌ ప్రైవేట్‌ కళాశాలలో ద్వితీయ సంవత్సరం చదువుతున్నాడు. సుందర రాజన్‌ వారి పక్క ఇంట్లో నివసిస్తున్నాడు. తదనంతరం బంధువులు అయిన వీరిద్దరికి, ఆదివారం ఇంటి మురుగునీటి పారుద ల విషయంలో వివాదం ఏర్పడింది. ఈ నేపథ్యంలో గ్రామ గుడిలో రాత్రిపూట తిరువిళక్కు పూజ నిర్వహించారు. ఆ సమయంలో అక్కడికి వచ్చిన మారియప్పన్‌, సుందరరాజన్‌ వర్గాల మధ్య అకస్మాత్తుగా ఘర్షణ చెలరేగింది. ఒకరిపై ఒకరు దాడి చేస్తుండగా ఇసాక్కి రాజాకు కత్తి పోట్లు ప డింది. ఇందులో అతను రక్తపు మడుగులో ఘటన స్థలం లోనే విషాదకరంగా అక్కడికక్కడే మరణించాడు.సమాచారం అందుకున్న శ్రీ వైకుంఠం పోలీ సులు ఇస క్కి రాజా మృతదేహాన్ని స్వాధీనం చేసుకుని కేసు దర్యాప్తు చేస్తున్నారు.

తమిళసినిమా: నటుడు జయరామ్‌, అశ్విన్‌ హీరోలుగా నటించిన చిత్రం గుడ్‌ న్యూస్‌. దర్శకుడు పాండిరాజ్‌ సంభాషణలు అందించిన ఈ చిత్రం ద్వారా నాగేంద్ర మురుగన్‌ దర్శకుడిగా పరిచయం అవుతున్నారు. మూవీట్రోన్‌ పతాకంపై సాయి వినోద్‌ జయకుమార్‌ నిర్మిస్తున్న ఈ చిత్రం కల్యాణి అనిల్‌ కథానాయిగా నటిస్తున్నారు. ఆషా చరత్‌, ముత్తు కుమార్‌, జాఫ ర్‌, ఖురేషీ, దీపా, వినోదిని, దివ్య, మణి మేఘలై, జాన్సన్‌ దివాకర్‌ తదితరులు ముఖ్యపాత్రలు పోషిస్తున్నారు. ఇది కుటుంబ సభ్యుల భావోద్వేగాలు, సమాజంలోని ఇతరుల మనోభావాలను ఆవిష్కరించే కుటుంబ కథా చిత్రంగా ఉంటుందని యూనిట్‌ వర్గాలు మీడియాకు విడుదల చేసిన ప్రకటనలో పేర్కొన్నారు. అన్న వర్గాలను అలరించే వినోదం, ప్రేమానురాగాలు వంటి పలు ఆసక్తికరమైన అంశాలతో రూపొందిస్తున్న కథా చిత్రం ఇదిన్నా రు. షూ టింగ్‌ పూర్తి చేసుకున్న గుడ్‌ న్యూస్‌ చిత్రం ప్రస్తుతం ఎడిటింగ్‌ వంటి నిర్మాణాంతర కార్యక్రమా లు జరుపుకుంటోంది చెప్పారు. కాగా చిత్ర షూటింగ్‌ అనుభవాలను వెల్లడిస్తూ ఒక వీడియోను విడుదల చేశారు.అందులో చిత్రం ప్రారంభం నుంచి పూర్తి అయ్యే వరకు తెర వెనుక పలు ఆసక్తికరమైన విషయాలను పొందుపరిచారు. అందులో యూనిట్‌ సభ్యుల హకారం, సమష్టి కృషి, పడ్డ శ్రమ వంటి పలు అంశా లు చోటు చేసుకున్నాయి. ఈ వీడియో ఇప్పుడు సా మాజిక మాధ్యమాల్లో వైరల్‌ అవుతోంది. నటుడు జయరామ్‌ నటనాంకిత భావం, అందించిన సహకా రం చిత్రానికి పక్కా బలం అని యూనిట్‌ వర్గాలు చెప్పారు. కాగా చిత్ర విడుదల తదితర వివరాలను వరుసగా వెల్లడించనున్నట్లు యూనిట్‌ వర్గాలు చెప్పారు.

వేలూరు: తమ జీవనోపాధిని కాపాడాలని కోరుతూ ఆటో డ్రైవర్‌లు వేలూరు కలెక్టరేట్‌ ఎదుట మెడకు ఉరితాడు వేసుకొని వినూత్నంగా ధర్నా నిర్వహించారు. వేలూరు జిల్లా అన్ని ఆటో డ్రైవర్స్‌ యూనియన్‌ ఫెడరేషన్‌ జిల్లా అధ్యక్షులు ఏయుమలై అధ్యక్షత వహించారు. ఈ సందర్భంగా జిల్లా కార్యవర్గ సభ్యులు పరశురామన్‌ మాట్లాడుతూ ప్రభుత్వం ప్రవేశ పెట్టిన వెట్రిపయనం పథకం ద్వారా రాష్ట్రవ్యాప్తంగా ఉన్న ఆటో డ్రైవర్‌లు తీవ్ర ఇబ్బందులు పడుతున్నామన్నారు. తాము డిగ్రీలు చేతబట్టి ఉద్యోగ అవకాశాలు లేకపోవడంతో స్వయం ఉపాధిని నమ్ముకొని ఆటోలు కొనుగోలు చేసి నడుపుకుంటూ కుటుంబాన్ని కాపాడుకుంటున్నామన్నారు. అయితే ప్రభుత్వం ఉచిత బస్సు పథకాన్ని ప్రవేశ పెట్టడం ద్వారా ఆటో కార్మికులు జీవనోపాధి పూర్తిగా కోల్పోయామన్నారు. ప్రభుత్వం అర్హత గల ఆటో డ్రైవర్‌లకు ఉద్యోగ అవకాశాలు కల్పించాలని, ఆటో డ్రైవర్‌ల ఉపాధిపై ప్రతిఊల ప్రభావం చూపుతున్న ఓలా, రెడ్‌ట్యాక్సీ, రాపిడో వంటి సేవలను నిషేదించాలని, డ్రైవర్‌లకు తెలియకుండా పోలీసులు ఆన్‌లైన్‌లో కేసులు నమోదు చేయడాన్ని మానుకోవాలని తదితర డిమాండ్‌లు పరిష్కరించాలని నినాదాలు చేశారు. సింబుదేవన్‌, సలాం, అన్ని ఆటో కార్మికులు పాల్గొన్నారు.

తిరువళ్లూరు: ఉపాధి హమీ పనులను సక్రమంగా కేటాయించాలని కోరుతూ తిరుపందియూరు గ్రామానికి చెందిన మహిళలు కడంబత్తూరు బీడీఓ కార్యాలయాన్ని ముట్టడించి నిరసనకు దిగారు. తిరువళ్లూరు జిల్లా కడంబత్తూరు యూనియన్‌లోని గ్రామాల్లో గ్రామానికి 150 మంది చొప్పున మొత్తం 6,500 మంది మహిళలు జాతీయ ఉపాధి హమీ పథకంలో కూలీలుగా వున్నారు. వీరికి సంవత్సరానికి 125 రోజులు పని దినాన్ని కల్పించాల్సి వుంది. కూలీలను పనికి తగిన వేతనం కింద కూలీలను సరాసరిన రోజుకు 150 నుంచి 180 రూపాయలను ఇస్తున్నారు. కాగా మహిళలకు సంవత్సరానికి 125 రోజులు పని కల్పించాల్సి వున్న క్రమంగా కనీసం 50 రోజులు కూడా పనులు కల్పించడం లేదని ఆరోపిస్తూ మహిళలు ఇటీవలే కలెక్టర్‌తో సహా పలువురు ఉన్నత అధికారులకు వినతి పత్రం సమర్పించారు. అయితే ఇంత వరకు సమస్యకు పరిష్కారం దొరక్కపోవడంతో తిరుపందియూరు గ్రామానికి చెందిన మహిళలు కడంబత్తూరు బీడీఓ కార్యాలయాన్ని ముట్టడించి నిరసన వ్యక్తం చేశారు.

తిరువళ్లూరు: గ్రీవెన్స్‌డేకు వచ్చే ఫిర్యాదులను పరిష్కరించడంలో ప్రత్యేక శ్రద్ధ వహించాలని కలెక్టర్‌ కవిత అధికారులను ఆదేశించారు. తిరువళ్లూరు జిల్లా కలెక్టర్‌ కార్లాయయంలో సోమవారం ఉదయం పది గంటల నుంచి రెండు గంటల వరకు గ్రీవెన్స్‌డేను నిర్వహించారు. ఈ గ్రీవెన్స్‌డేకు అన్ని శాఖలకు చెందిన అధికారులు హాజరుకాగా, జిల్లా నలుమూలల నుంచి వచ్చిన ప్రజలు తమ సమస్యలపై వినతి పత్రం సమర్పించారు. పట్టా కోసం 65 వినతులు, ఎస్సీ ఎస్టీ శాఖకు చెందిన 36 వినతులు, ఉపాధి కోసం 27 వినతులు, మౌలిక సదుపాయాలు కల్పించాలని 28 వినతులతో పాటు మొత్తం 480 వినతులు వచ్చినట్టు కలెక్టర్‌ కవిత వివరించారు. అనంతరం 2026 సీఎం కప్‌ పోటీల్లో పాల్గొని విజయం సాధించిన 54.36 లక్షల రూపాయల బహుమతులు, వికలాంగులకు సహాయకాలకు అందజేశారు.

విజేతలైన క్రీడాకారులుసాక్షి, చైన్నె: తమిళనాడు ఫిజికల్‌ ఎడ్యుకేషన్‌ అండ్‌ స్పోర్ట్స్‌ యూనివర్సిటీ వేదికగా జరుగుతున్న డబ్ల్యూటీటీ యూత్‌ కంటెండర్‌ చైన్నె 2026 టేబుల్‌ టెన్నిస్‌ టోర్నీ చివరి రోజైన సోమవారం తీవ్ర ఉత్కంఠభరిత పోరుతో జరిగింది. తమిళనాడు క్రీడా అభివృద్ధి సంస్థ ఆధ్వర్యంలో ఈనెల 23 నుంచి సోమవారం వరకు 4 రోజుల టోర్నీలో అండర్‌11 నుంచి అండర్‌ 19 వరకు మొత్తం 12 విభాగాల్లో క్రీడాకారులు పోటీపడ్డారు. అండర్‌–11 బాలికల సింగిల్స్‌ క్వార్టర్‌ ఫైనల్స్‌లో మూడో సీడ్‌ క్రీడాకారిణి సాక్ష్య సంతోష్‌ సంచలన విజయం సాధించింది. టాప్‌ సీడ్‌ సనంద స్రీజిత్‌పై 11–7, 9–11, 11–1, 11–4 తేడాతో ఘన విజయం సాధించి సెమీఫైనల్‌కు దూసుకెళ్లింది. సెమీఫైనల్స్‌లో సాక్ష్య రెండో సీడ్‌ ఆద్య బహేతితో తలపడనుంది. మరో సెమీస్‌లో 9వ సీడ్‌ కృతిక సైబో, 7వ సీడ్‌ అనికా మహేశ్వరితో పోటీపడనుంది. ఇక, అండర 19 బాలురు, బాలిక విభాగంలోసాహిల్‌, సాయనిక సంచలనం విజయం సాధించారు. సెమీస్‌ పోరుకు సిద్ధం అండర్‌ 15 బాయ్స్‌లో 13 ఏళ్ల హిమోన్‌ మోండల్‌ (20వ సీడ్‌) మలేషియాకు చెందిన 5వ సీడ్‌ కో వీ యోను, ఆపై రౌనక్‌ సర్కార్‌ను ఓడించి సెమీఫైనల్‌కు దూసుకెళ్లాడు. సెమీస్‌లో రెండో సీడ్‌ వత్సల్‌ దుక్లాన్‌తో తలపడనున్నాడు. అండర్‌ 15 బాలిలక విభాగంలో 34వ సీడ్‌ శ్రేయా ధార్‌ 5వ సీడ్‌ జాన్వీ గార్గ్‌ను ఓడించి రెండో సీడ్‌ శ్రీజని చక్రవర్తితో క్వార్టర్స్‌లో తలపడనుంది. 10వ సీడ్‌ అద్వికా అగర్వాల్‌ 11వ సీడ్‌ ఇషాని గోగోయ్‌తో తలపడనుంది. అండర్‌ 11 బాలర విభాగం టాప్‌ సీడ్‌ శార్విల్‌ కరంబేల్కర్‌ 11–5, 11–1, 11–7 తో అశాంక్‌ దాల్వీపై విజ యం సాధించి సెమీఫైనల్‌కు చేరుకున్నాడు. సెమీస్‌లో మూడో సీడ్‌ రెహానన్‌ సింఘ్వీతో తలపడనున్నాడు.

సాక్షి, చైన్నె: ఊబకాయం, మధుమేహం , జీవక్రియ సంబంధిత చికిత్సల్లో ప్రత్యేకత కలిగిన చైన్నెకి చెందిన రివైవో క్లినిక్‌ నవంబర్‌ 14న జరిగే ప్రపంచ మధుమేహ దినోత్సవం పురస్కరించుకుని టైప్‌–2, డయాబెటిస్‌ ఉపశమన కార్యక్రమాన్ని లాంఛనంగా ప్రారంభించింది. అందరికీ ఒకే తరహా వైద్య పద్ధతి కాకుండా, శాసీ్త్రయ ఆధారాలు, వైద్యపరమైన విచక్షణతో కూడిన వ్యక్తిగత అనుకూల విధానంతో ఈ కార్యక్రమాన్ని తీర్చిదిద్దారు. పీఎంకే శాసన సభా పక్ష నేత డాక్టర్‌ సౌమ్య అన్బుమణి ఈ కార్యక్రమాన్ని ప్రారంభించారు.్ఙభారతదేశం ప్రపంచ డయాబెటిస్‌ రాజధానిగా మారుతున్న తరుణంలో, వ్యాధిని ముందస్తుగా గుర్తించడం, ఆరోగ్యకరమైన జీవనశైలి ఎంపికలపై రివైవో క్లినిక్‌ దృష్టి సారించడం అభినందనీయమని ఈ సందర్భంగా ఆమె పేర్కొంటున్నారు. దీర్ఘకాలిక జీవనశైలి మార్పుల ద్వారా టైప్‌–2 మధుమేహాన్ని అదుపు చేయడం నయం చేయడంలో ఇది ఎంతో ఉపయోగపడుతుందన్నారు. డయాబెటాలజిస్ట్‌, క్లినిక్‌ సహ వ్యవస్థాపకులు డాక్టర్‌ అరుణ్‌ రాఘవన్‌ మాట్లాడుతూ – మధుమేహం నుండి ఉపశమనం పొందే ప్రక్రియ శాసీ్త్రయంగా సాధ్యమే అని, అయితే, దీనికి నిరంతర వైద్య పర్యవేక్షణ, వ్యక్తిగతీకరించిన శారీరక కార్యకలాపాలు అత్యవసరంగా పేర్కొన్నారు.

సాక్షి,చైన్నె: ఎక్స్‌ప్రెస్‌ రైళ్లపై రాళ్లదాడికి పాల్పడిన రెండు వేర్వేరు ఘటనలను దక్షిణ రైల్వే చైన్నె డివిజన్‌కు చెందిన రైల్వే ప్రొటెక్షన్‌ ఫోర్స్‌ అధికారులు చాకచక్యంగా ఛేదించారు. ఈ ఘటనలకు సంబంధించి ఇద్దరు మైనర్లను ఆర్‌పీఎఫ్‌ బృందం అదుపులోకి తీసుకుంది.కోయంబత్తూర్‌ – చైన్నె సెంట్రల్‌ వందే భారత్‌ ఎక్స్‌ప్రెస్‌పై లత్తేరి – కాట్పాడి రైల్వే స్టేషన్ల మధ్య ఈనెల 22న రాళ్ల దాడి జరిగింది. ఈ దాడిలో కోచ్‌ కిటికీ అద్దాలు ధ్వంసమయ్యాయి.అలాగే, ఎస్‌ఎమ్‌విటి బెంగళూరు – అగర్తలా హమ్‌సఫర్‌ ఎక్స్‌ప్రెస్‌పై 23వ తేదిన సెవూర్‌ – తిరువలం రైల్వే స్టేషన్ల మధ్య జరిగిన దాడిలో కిటికీ అద్దాలు దెబ్బతిన్నాయి. కాట్పాడి ఆర్‌పీఎఫ్‌ సబ్‌ఇన్‌స్పెక్టర్‌ సి. సురేంద్ర కుమార్‌, హెడ్‌ కానిస్టేబుళ్లు కె. రాజశేఖర్‌, సి. సతీష్‌ బాబులతో కూడిన బృందం రైల్వే ట్రాక్‌ల వెంట తీవ్ర గాలింపు చర్యలు చేపట్టింది. 13, 14 ఏళ్ల మైనర్‌లను గుర్తించి అదుపులోకి తీసుకున్నారు.ప్రాథమిక విచారణలో ఆ మైనర్లు ఇద్దరూ రైల్వే ప్రాంగణంలోకి అక్రమంగా ప్రవేశించి, సరదాగా విసిరిన రాళ్లు కదులుతున్న రైళ్ల అద్దాలకు తగిలినట్లు తేలింది. ఈ ఘటనలపై రైల్వే చట్టం ప్రకారం కేసులు నమోదు చేశారు. చట్టపరమైన ప్రక్రియల అనంతరం, వెల్లూరులోని జువైనల్‌ జస్టిస్‌ బోర్డు ముందు హాజరుపరచాలనే షరతుపై మైనర్లను వారి తల్లిదండ్రులకు బెయిల్‌పై అప్పగించారు. వేలూరు: ప్రతి ఒక్కరూ విఽధిగా చెట్లు నాటేందుకు ముందుకు రావాలని వేలూరు వీఐటీ యూనివర్సిటీ ఉపాధ్యక్షులు జీవీ సెల్వం అన్నారు. ఆయన జన్మదినోత్సవాన్ని పురస్కరించుకుని నిరుపేద మహిళలకు కుట్టు మిషన్‌లు, సంక్షేమ పథకాలు, చెట్లు నాటే కార్యక్రమాన్ని ఆయన ప్రారంభించారు. సోమవారం ఉదయం ఆయన జన్మదినోత్సవాన్ని ఘనంగా నిర్వహించారు. అనంతరం పీవీఆర్‌ సినిమా థియేటర్‌ సమీపంలో మొక్కలను పంపిణీ చేశారు. కార్యక్రమంలో జీవీఎస్‌ బృందం సభ్యులు గణేష్‌, వినోద్‌, పుణ్యకోటి, న్యాయవాది పీడికే మారన్‌, శ్రీనివాసన్‌, భూమినాదన్‌, సతీష్‌కుమార్‌, సుందర్‌ తదితరులు పాల్గొన్నారు. వేలూరు: శ్రీలంక పునరావాసుల విద్యార్థుల ఉన్నత విద్యకు ప్రతి ఒక్కరూ సహాయం అందజేయాలని రెప్‌కో బ్యాంక్‌, రెప్‌కో హోమ్‌ పైనాన్స్‌ చైర్మన్‌ సంతానం అన్నారు. వేలూరులోని అలిమేలు మంగాపురం ఉన్న ఓ ప్రైవేటు కళ్యాణ మండపంలో శ్రీలంక పునరావాసుల విద్యార్థులతో పాటు మహిళలకు సంక్షేమ పథకాలు పంపిణీ కార్యక్రమం రెఫ్‌కో మైక్రో పైనాన్స్‌ డైరెక్టర్‌ తంగరాజ్‌ అధ్యక్షతన జరిగింది. ఈ సందర్బంగా చైర్మన్‌ సంతానం మాట్లాడుతూ బ్యాంకు ఆధ్వర్యంలో ఏటా రాష్ట్రంలోని ఒక జిల్లాలో ఉన్న శ్రీలంక పునరావాస కేంద్రాల్లో నిరుపేదలను ఎంపిక చేసి సంక్షేమ పథకాలను అందజేస్తున్నామన్నారు. అందులో భాగంగా ప్రస్తుతం వేలూరు జిల్లాలోని మొత్తం 694 మందిని ఎంపిక చేసి విద్యార్థులకు ఉపకార వేతనాలు అందజేస్తున్నామన్నారు. కార్యక్రమంలో రెప్‌కో బ్యాంకు వేలూరు శాఖ మేనేజర్‌ తదితరులు పాల్గొన్నారు. తిరువొత్తియూరు: తూత్తుకుడి జిల్లా ఏరల్‌ సమీపంలో గర్భిణినిఅసభ్యంగా మాట్లాడి, ఆమె భర్తను చంపేస్తానని బెదిరించిన ధనుష్కోడి అనే వ్యక్తిని, ఆగ్రహించిన స్థానికులు కొట్టి చంపారు. ఈ ఘటన ఆ ప్రాంతంలో తీవ్ర సంచలనం సృష్టించింది. ఏరల్‌ సమీపంలోని సూరప్పనాయకన్‌పట్టికి చెందిన శక్తి అనే వ్యక్తి భార్య పేచ్చియమ్మాళ్‌ (20). ఈమె మూడు నెలల గర్భిణి. గత 23వ తేదీ మధ్యాహ్నం పేచ్చియమ్మాళ్‌ మెడికల్‌ చెకప్‌ ముగించుకుని ఇంటికి తిరిగి వస్తుండగా, మద్యం మత్తులో ఉన్న ధనుష్కోడి ఆమెతో అసభ్యంగా ప్రవర్తించాడు. దీనిపై పేచ్చియమ్మాళ్‌ ఇచ్చిన ఫిర్యాదు మేరకు పోలీసులు కేసు నమోదు చేశారు. ఈ క్రమంలో అదే రోజు మధ్యాహ్నం స్థానికులు కొందరు (కడలైమణి, సాముదురై, అజిత్‌ తదితరులు) ధనుష్కోడిపై కరల్రు, చేతులతో తీవ్రంగా దాడి చేయడంతో అతడు మరణించాడు.

సాక్షి, చైన్నె: ప్రజలకు తక్కువ ధరకే నిత్యావసరాలు అందించేందుకు అముదం షాపులు నడుపుతుంటే.. ప్రతిపక్ష నేత ఉదయనిధి స్టాలిన్‌ మాత్రం ఒక డిటెక్టివ్‌ తరహాలో వ్యవహరిస్తూ అనవసర రాజకీయాలు చేస్తున్నారని తమిళ అభివృద్ధి, సమాచార, ప్రచార శాఖ మంత్రి రాజ్‌మోహన్‌ విమర్శించారు పెరంబలూరులో రూ. 12.83 కోట్ల వ్యయంతో నిర్మించిన 11 కొత్త ప్రభుత్వ భవనాలను ప్రారంభించిన అనంతరం ఆయన విలేకరులతో మాట్లాడారు. ధరల పెంపునకు కారణాలు.. గల్ఫ్‌ దేశాల్లో ఇంధన కొరత, మారుతున్న అంతర్జాతీయ ఆర్థిక పరిస్థితుల వల్లే మార్కెట్‌లో నిత్యావసరాల ధరలు పెరిగాయని మంత్రి వివరించారు. ప్రజలపై భారం పడకుండా అముదం స్టోర్లలో 6 రకాల కిరాణా సరుకులను చౌకగా అందిస్తున్నామని, కేజీ బియ్యాన్ని రూ. 30, రూ. 60 లకే విక్రయిస్తున్నామని తెలిపారు. ప్రజల రద్దీ వల్ల ఏర్పడిన సరుకుల కొరతను అధిగమించేందుకు, రాబోయే 15 రోజులకు సరిపడా నిల్వలను సిద్ధం చేస్తున్నట్లు వెల్లడించారు. చైన్నెకి మాత్రమే ప్రాధాన్యత ఇస్తున్నారనేది తప్పుడు ప్రచారమని, ప్రతి జిల్లాకు ప్రత్యేక నోడల్‌ అధికారులను, కంట్రోల్‌ రూమ్‌లను ఏర్పాటు చేశామని స్పష్టం చేశారు. వర్ష నష్టంపై ప్రతిపక్షాలు రాజకీయాలు మానాలని హితవు పలికారు. ప్రైవేట్‌ పాఠశాలలు వారాంతాల్లో (వీకెండ్స్‌లో) ప్రత్యేక తరగతులు నిర్వహిస్తే కఠిన చర్యలు తప్పవని హెచ్చరించారు. పాఠశాలల్లో కుల వివక్ష కనిపిస్తే పోలీసులు నేరుగా చట్టపరమైన చర్యలు తీసుకునే స్వేచ్ఛను ప్రభుత్వం ఇచ్చిందని చెప్పారు. విద్యార్థుల ఒత్తిడి తగ్గించేందుకు భోజన విరామం తర్వాత క్రీడలు, లైబ్రరీ, కళల శిక్షణకు ప్రాధాన్యం ఇస్తామని, ఖాళీగా ఉన్న హెచ్‌ఎం పోస్టులను త్వరలోనే భర్తీ చేస్తామని తెలిపారు. కాగా పెరంబలూరులో లభించిన పురాతన డైనోసార్‌ గుడ్లు, అమోనైట్‌ శిలాజాలను భద్రపరిచేందుకు ప్రత్యేక మ్యూజియం ఏర్పాటు చేయబోతున్నామని, పనిచేయని పాత మ్యూజియంలను కూడా పునరుద్ధరిస్తామని ప్రకటించారు.

బంగాళాఖాతంలో ఏర్పడిన తీవ్ర అల్పపీడనం తుపానుగా మారుతోంది. ఈ కారణంగా తమిళనాడు, పుదుచ్చేరిలోని తీరప్రాంత ఓడరేవులలో 1వ నంబర్‌ ప్రమాద హెచ్చరిక తుపాను కేజ్‌ (షెల్టర్‌)లను ఏర్పాటు చేశారు. భారత వాతావరణ శాఖ తెలిపిన వివరాల ప్రకారం, బంగాళాఖాతంలో ఏర్పడిన అల్పపీడనం పశ్చిమ–వాయువ్య దిశగా పయనిస్తూ తీవ్ర అల్పపీడనంగా మారింది. ఇది మరింత బలపడి ’అర్నాబ్‌’ తుఫానుగా రూపంతరం చెందుతుందని వాతావరణ శాఖ వెల్లడించింది. ఈ తుపాన్‌ మంగళవారం లేదా బుధవారం అతి తీవ్ర తుపానుగా మార్చనుంది. 28వ తేదీ ఉదయం ఇది ఆంధ్రప్రదేశ్‌లోతీరాన్ని దాటే అవకాశం ఉంది. ఈ సమయంలో గంటకు 140 కిలోమీటర్ల వేగంతో ఈదురు గాలులు వీస్తాయని అధికారులు అంచనా వేస్తున్నారు. – సాక్షి, చైన్నెభారీ వర్షాల అలర్ట్‌ తుపాను ప్రభావంతో రాబోయే రెండు రోజుల్లో తమిళనాడు, పుదుచ్చేరి వ్యాప్తంగా పలుచోట్ల భారీ నుండి అతి భారీ వర్షాలు కురిసే అవకాశముంది. తీవ్రమైన గాలులు, సముద్రంలో ఉధృతి నేపథ్యంలో ఆదివారం నాటికి తమిళనాడులోని పంబన్‌, తూత్తుకుడి, నాగపట్నం, కడలూరు, కట్టుపల్లి, చైన్నె, ఎన్నూర్‌ ఓడరేవులతో పాటు కారైకల్‌, పుదుచ్చేరి ఓడరేవుల్లో 1వ నంబర్‌ ప్రమాద హెచ్చరిక కేజ్‌లను అమర్చారు. వెల్లార్‌ నది ఉధృతి.. తమిళనాడులో ఈశాన్య రుతుపవనాల ప్రభావంతో కురుస్తున్న భారీ వర్షాల కారణంగా పెరంబలూరు జిల్లాలోని వెల్లార్‌ నది పొంగిపొర్లుతోంది. తోళుదూర్‌ డ్యామ్‌ నుండి ఒక్కసారిగా నీటిని విడుదల చేయడంతో వచ్చిన ఆకస్మిక వరదల్లో చిక్కుకున్న సేలం జిల్లా అత్తూరుకు చెందిన 9 మంది కార్మికులను అగ్నిమాపక సిబ్బంది సురక్షితంగా రక్షించారు. సేలం జిల్లా అత్తూరుకు చెందిన 9 మంది సభ్యుల బందం గత 20 రోజులుగా లబ్దైకుడికాడు వద్ద ఎగ్జిబిషన్‌ (ప్రదర్శన) నిర్వహిస్తోంది. మూడు రోజుల క్రితం ప్రదర్శన ముగియడంతో, మినీ–లారీలో తమ సామాగ్రిని సొంత ఊరికి తరలించే పనిలో నిమగ్నమయ్యారు. న రాత్రి వెల్లార్‌ నది ఒడ్డున బస చేసిన వారు, ఉదయాన్నే నదికి ఒక్కసారిగా వరద పోటెత్తడంతో బయటకు రాలేక అక్కడే చిక్కుకుపోయారు. ఉత్తర తీర జిల్లాల్లో కుండపోత వర్షాలు నీలగిరిలో బీభత్సం నీలగిరి జిల్లాలో కురుస్తున్న భారీ వర్షాల కారణంగా జనజీవనం పూర్తిగా స్తంభించిపోయింది. కూనూర్‌, కోటగిరి ప్రాంతాల్లో చెట్లు కూలిపోవడం, కొండచరియలు విరిగిపడటం వంటి ఘటనలు 62 చోట్ల నమోదయ్యాయి. భద్రతా చర్యల్లో భాగంగా నీలగిరిలోని అన్ని ప్రముఖ పర్యాటక ప్రదేశాలను మూసివేశారు. సహాయక చర్యల కోసం అరక్కోణం నుంచి 3 ఎన్డీఆర్‌ఎఫ్‌ బందాలు, చైన్నె నుంచి 2 రాష్ట్ర విపత్తు సహాయక బృందాలు రంగంలోకి దిగాయి ఇక తిరునల్వేలి టెన్‌ కాశీ కన్యాకుమారి తూత్తుకుడి జిల్లాల్లో కురుస్తున్న వర్షాలకు కుట్రాలం, పాపనాశం, మణిముత్తార్‌ జలపారాలు ఉధతంగా ప్రవహిస్తున్నాయి. పుదుచ్చేరిలో సుమారు 4 గంటల పాటు కురిసిన భారీ వర్షాలకు లోతట్టు ప్రాంతాలు పూర్తిగా జలమయమయ్యాయి. వెంకటనగర్‌, రెయిన్‌బో నగర్‌, కృష్ణానగర్‌, ఈస్ట్‌ కోస్ట్‌ రోడ్డు తదితర ప్రధాన మార్గాల్లో వరద నీరు నిలవడంతో వాహనదారులు తీవ్ర ఇబ్బందులు పడ్డారు. ట్రాఫిక్‌కు అంతరాయం కలగడంతో ప్రత్యామ్నాయ మార్గాలను ఏర్పాటు చేశారు. మూడు జిల్లాలకు రెడ్‌ అలర్ట్‌ బలపడే అవకాశంతో తమిళనాడులోని శివగంగతో సహా 3 జిల్లాల్లో అతి భారీ వర్షాలు, 13 జిల్లాల్లో భారీ వర్షాలు కురిసే అవకాశం ఉంది.ఈ విషయమై, చైన్నె వాతావరణ శాఖ ఒక పత్రికా ప్రకటనను జారీ చేసింది. ఈ తుపానుకు తోడుగా ఆగ్నేయ అరేబియా సముద్రం, దానిని ఆనుకుని ఉన్న లక్షద్వీప్‌ ప్రాంతాలపై ఉన్న అల్పపీడన ప్రాంతం ఇప్పుడు ఆగ్నేయ అరేబియా సముద్రం, దానిని ఆనుకుని ఉన్న కేరళపై అల్పపీడన ప్రాంతంగా మారింది. దీని కారణంగా, సోమ మంగళ వారాలలో తమిళనాడులోని పుదుక్కోట్టై, శివగంగ, రామనాథపురం జిల్లాల్లో ఒకటి రెండు చోట్ల ఉరుములు, మెరుపులు, బలమైన గాలులతో కూడిన భారీ నుంచి అతి భారీ వర్షాలు కురిసే అవకాశం ఉంది. కన్యాకుమారి, తిరునెల్వేలి, తూత్తుకుడి, తెన్కాసి, విరుదునగర్‌, మదురై, తేని, దిండిగల్‌, కరూర్‌, ట్రిచి, తంజావూర్‌, తిరువారూర్‌ ,నాగపట్టణం జిల్లాల్లో ఒకటి రెండు చోట్ల ఉరుములు, మెరుపులు, బలమైన గాలులతో కూడిన భారీ వర్షాలు కురిసే అవకాశం ఉంది. తమిళనాడులోని మిగిలిన ప్రాంతాల్లో కొన్ని చోట్ల ఉరుములు, మెరుపులు, బలమైన గాలులతో కూడిన మోస్తరు వర్షాలు కురిసే అవకాశం ఉంది. పశ్చిమ కనుమల జిల్లాల్లో, దక్షిణ తమిళనాడులోని ఇతర ప్రాంతాల్లో ఒకటి రెండు చోట్ల మోస్తరు వర్షం కురిసే అవకాశం ఉండగా, తమిళనాడులోని మిగిలిన ప్రాంతాల్లో తేలికపాటి వర్షం కురిసే అవకాశం ఉంది. చైన్నె , శివారు ప్రాంతాలలో ఆకాశం పాక్షికంగా మేఘావృతమై ఉంటుంది. నగరంలోని కొన్ని ప్రాంతాలలో ఉరుములు, మెరుపులతో కూడిన మోస్తరు వర్షం కురిసే అవకాశం ఉంది. తమిళనాడు తీరప్రాంతాలు, మన్నార్‌ గల్ఫ్‌ కుమారి తీర ప్రాంతాలలో ఈ గంటకు 35 నుండి 45 కిలోమీటర్ల వేగంతో, అడపాదడపా గంటకు 55 కిలోమీటర్ల వేగంతో తుఫాను సంభవించే అవకాశం ఉంది.24 గంటల్లో తమిళనాడులో వర్షపాతం రికార్డుల ప్రకారం.. తిరువణ్ణామలై జిల్లాలోని దేవికాపురంలో 20 సెంటీ మీటర్లు, నెడుంగుణంలో 18 సెంటీమీటర్లు, కళ్లకురిచ్చి జిల్లాలోని రిషివంతియం, తిరువణ్ణామలై జిల్లాలోని సేతుపట్టిలో 17 సెంటీమీటర్లు, పిళ్లిపురం జిల్లాలోని నోళళక్‌ ముడియనూర్‌, కల్లక్‌ ముడియనూరులో 17 సెంటీమీటర్ల వర్షపాతం నమోదైంది. ఇక ధర్మపురి జిల్లాలో 16 సెం.మీ. కురిసింది. మత్స్యకారులకు సలహా.. 29 వ తేదీ వరకు మత్స్యకారులు ఎవ్వరూ వేటకు సముద్రంలోకి వెళ్లకూడదని సముద్ర మత్స్య శాఖ స్పష్టమైన నిషేధం విధించింది. ఇప్పటికే వేటకు వెళ్లిన వారు తీరంలో ఉన్నవారు తమ పడవలు, చేపల వేట పరికరాలను సురక్షిత ప్రాంతాలకు తరలించాలని ఆదేశించింది. డ్యామ్‌ నుండి భారీగా నీటి విడుదల తోళుదూర్‌ డ్యామ్‌ నుండి ఉదయం సుమారు 5 గంటల ప్రాంతంలో 30,000 క్యూసెక్కుల నీటిని దిగువకు విడుదల చేయడంతో వెల్లార్‌ నది ఉధృతంగా మారింది. బాధితుల సమాచారం మేరకు వేపూర్‌, పెరంబలూర్‌, సెంతురై ప్రాంతాలకు చెందిన మూడు అగ్నిమాపక దళాలు చంద్రమోహన్‌, త్యాగరాజన్‌ల నేతృత్వంలో హుటాహుటిన ఘటనా స్థలానికి చేరుకున్నాయి. తాళ్ల సహాయంతో సాహసోపేతంగా శ్రమించి 9 మందిని సురక్షితంగా బయటకు తీసుకువచ్చారు. నీటిమట్టం చాలా ఎక్కువగా ఉండటంతో వారి మినీ–లారీ నది మధ్యలోనే ఉండిపోయింది. నదిలో నీటి ఉధృతి తగ్గితే తప్ప లారీని బయటకు తీయడం సాధ్యం కాదని అధికారులు తెలిపారు. ఈశాన్య రుతుపవనాలు తీవ్ర రూపం దాల్చినందున వేప్పన్‌ధట్టై (కల్లార్‌), కున్నం (వెల్లార్‌) నదీ పరివాహక ప్రాంతాలు, లోతట్టు ప్రాంతాల ప్రజలు తీవ్ర అప్రమత్తంగా ఉండాలని, వెంటనే సురక్షిత ప్రాంతాలకు తరలివెళ్లాలని పెరంబలూరు కలెక్టర్‌ అబ్దుల్‌ రజిక్‌ సూచించారు.

సాక్షి, చైన్నె: తమిళనాడులోని టీవీకే ప్రభుత్వంపై మాజీ ముఖ్యమంత్రి, డీఎంకే అధినేత ఎం.కే. స్టాలిన్‌ తీవ్రస్థాయిలో విమర్శలు గుప్పించారు. ఓటు వేయని వారే కాకుండా, ఇప్పుడు ఈ ప్రభుత్వానికి ఓటు వేసి గెలిపించిన ప్రజలు కూడా తీవ్ర అసంతప్తితో ఫిర్యాదులు చేస్తున్నారన్నారు. రాష్ట్రంలో ప్రస్తుత పరిపాలన తీరుకు ఇదే నిదర్శనం అని ఆయన వ్యాఖ్యానించారు. మాజీ మంత్రి కే.కే.ఎస్‌.ఆర్‌. రామచంద్రన్‌ నివాసంలో జరిగిన ఒక వివాహ వేడుకలో ఎం.కే. స్టాలిన్‌ పాల్గొని మాట్లాడారు. గతానికి, ఇప్పటికీ తేడా.. తానును ముఖ్యమంత్రిగా బాధ్యతలు స్వీకరించే సమయంలో.. ఓటు వేయని వారు కూడా అయ్యో వేయలేకపోయామే అని పశ్చాత్తాపపడేలా పాలన ఉంటుందని చెప్పానని గుర్తు చేశారు. అయితే నేడు పరిస్థితి దానికి పూర్తిగా విరుద్ధంగా మారిందన్నారు. ఓటు వేసిన వారు కూడా ప్రభుత్వంపై తీవ్ర అసహనం వ్యక్తం చేస్తున్నారని పేర్కొన్నారు. పరిపాలనా వైఫల్యాలు – నేరాలు: రాష్ట్రంలో నిత్యావసర ధరల పెరుగుదల, పరిపాలనా వైఫల్యం ,లైంగిక నేరాలు రోజువారీ అంశాలుగా మారిపోయాయని ఆగ్రహం వ్యక్తంచేశారు. దినపత్రికలు, టీవీలు, సోషల్‌ మీడియా తెరిస్తే చాలు... హత్యలు, దోపిడీలు, దొంగతనాలు , అత్యాచారాల వార్తలు లేని రోజంటూ లేదన్నారు. గత కొద్ది రోజులుగా చిన్న పిల్లల అపహరణ సంఘటనలు ఆందోళన కలిగిస్తున్నాయ ని ఆందోళన వ్యక్తం చేశారు.. విద్యుత్‌ కోతలు పెరిగిపోయాయను’లయన్‌ వుమన్‌’ అనే పేరుతో ఒక సైన్యాన్ని సృష్టించిన పరిస్థితి ఎంత దారుణంగా ఉందంటే... ఆ సైన్యాన్ని రక్షించడానికి మరో కొత్త బలగాన్ని మోహరించాల్సి వస్తోందని మండి పడ్డారు. రాజకీయ పోటీపై వ్యాఖ్య: సీఎం పదవిని ఆశిస్తున్న కొందరు నాయకులు గతంలో రెండు పార్టీల మధ్యే పోటీ అని చెప్పారని పేర్కొంటూ, తాను అప్పుడే అన్నానని. పోటీ అనేది విద్యుత్‌ కోతలకు, కొడవళ్లతో జరిగే హింసకూ మధ్య ఈ రాష్ట్రంలో ఉందని ధ్వజమెత్తారు. ప్రస్తుతం అది మారిపోయి, మాదకద్రవ్యాల అక్రమ రవాణాకు , లైంగిక వేధింపులకు మధ్య పోటీగా మారిందన్నారు. రాష్ట్రంలో జరుగుతున్న పరిణామాలపై ప్రజలు తీవ్ర నిరాశతో ఉన్నారని, ఈ దుష్టశక్తుల నిజ స్వరూపం ప్రజలందరికీ బాగా తెలుసని ఎం.కే. స్టాలిన్‌ పేర్కొన్నారు.

కురింజి నిలమ్‌ పేరుతో కొండప్రాంతాల్లో వైద్య శిబిరం తిరువొత్తియూరు: మాజీ ముఖ్యమంత్రి ఎంకె స్టాలిన్‌ గత 2021వ సంవత్సరంలో కృష్ణగిరి జిల్లా, సామనపల్లిలో మక్కలై తేడి మరుతువం (ప్రజల వద్దకు వైద్యం) పథకాన్ని ప్రారంభించారు. వైద్య సేవలను ప్రజలు ఉండే ఇళ్ల వద్దకే వెళ్లి, వ్యాధులకు మందులు పంపిణీ చేశారు. అందులో భాగంగా వైద్య సేవలు అందుబాటు లో లేని కొండ ప్రాంతాల ప్రజల ఇళ్లకు కూడా వెళ్లి వైద్య చికిత్స అందించడం జరిగింది. ప్రస్తుతం మాజీ మంత్రి మా. సుబ్రమణియన్‌ చొరవతో కొండ ప్రాంత ప్రజలకు వైద్య సేవలను నిరంతరాయంగా అందించడం కోసం కురింజి నలమ్‌ అనే స్వచ్ఛంద వైద్య సంస్థను ప్రారంభించారు. చైన్నె అన్నా అరివాలయ నందు డి.ఎమ్‌.కె. అధ్యక్షుడు ఎంకే స్టాలిన్‌ ఈ సంస్థను ప్రారంభించారు. ఈ క్రమంలో ఆదివారం తేని జిల్లా, కురంగణి కొండ ప్రాంతంలో నివసిస్తున్న ప్రజలు ప్రయోజనం పొందేలా, కొండ ప్రాంత ప్రజల వద్దకు వెళ్లి ప్రత్యేక ఉచిత వైద్య శిబిరం నిర్వహించారు. ఈ వైద్య శిబిరాన్ని కురింజి నలమ్‌. వైద్య సేవా సంస్థ వ్యవస్థాపకుడు, మాజీ మంత్రి సుబ్రమణియన్‌ ప్రారంభించారు. ఈ శిబిరంలో తంగ తమిళసెల్వన్‌ ఎం.పి. పాల్గొన్నారు. కళాశాల విద్యార్థి అనుమానాస్పద మృతి – ప్రేమ వైఫల్యమా? విచారణ అన్నానగర్‌: తిరువిక నగర్‌లో ఒక కళాశాల విద్యార్థి అనుమానాస్పదంగా మృతి చెందాడు. ప్రేమ వ్యవహారం విఫలమవ్వడం వల్ల అతను ఆత్మహత్య చేసుకున్నాడా..? అనే కోణంలో పోలీసులు దర్యాప్తు చేస్తున్నారు. చైన్నెలోని పెరవల్లూరు, కె.సి. గార్డెన్‌ 2వ వీధి కి చెందిన విఘ్నేష్‌ అనే విక్కీ (23). ఇతను ఒక ప్రైవేట్‌ కళాశాలలో బి.ఎస్‌.సి. కంప్యూటర్‌ సైనన్స్‌ 2వ సంవత్సరం చదువుతున్నాడు. ఈ స్థితిలో, ఇతను గత 6 నెలలుగా కళాశాలకు వెళ్లలేదు. శనివారం రాత్రి సుమారు 8 గంటలకు అతని తల్లిదండ్రులు పనికి వెళ్లిన తర్వాత విఘ్నేష్‌ పడకగదిలో నిద్రపోతున్నట్లు తెలుస్తోంది. ఆ సమయంలో పని నుండి తిరిగి వచ్చిన అతని తల్లి అతనిని నిద్రలేపింది. అప్పుడు, అతను సృహ కోల్పోయి ఉండటం చూసి తల్లి దిగ్భ్రాంతి చెందింది. ఆమె కేకలు విని ఇరుగుపొరుగు వారు వచ్చి అతనిని పెరియార్‌ నగర్‌ ప్రభుత్వ ఆసుపత్రికి తీసుకువెళ్లారు. అప్పుడే విఘ్నేష్‌ మరణించినట్లు తెలిసింది. తిరువిక నగర్‌ పోలీసులు కేసు నమోదు చేసి దర్యాప్తు చేపట్టారు. విఘ్నేష్‌ ఒక అమ్మాయిని ప్రేమించాడని, అయితే ఆమె అతడిని అంగీకరించలేదని, ఈ కారణంగా, అతను గత 6 నెలలుగా కాలేజీకి వెళ్లకుండా ఇంట్లోనే ఉంటూ, తరచుగా మద్యం తాగుతున్నాడని తెలుస్తుంది. అందువల్ల, అతను మద్యంలో విషం కలుపుకుని ఆత్మహత్య చేసుకున్నాడా లేక శారీరక సమస్యతో మరణించాడా అనేది పోస్ట్‌మార్టం నివేదికలో వెల్లడవుతుందని పోలీసులు తెలిపారు. సంగమేశ్వరర్‌కు అన్నాభిషేకం పళ్ళిపట్టు: ఐప్పసి నెల పౌర్ణమి సందర్భంగా శివాలయాల్లో ఆదివారం అన్నాభిషేక పూజలు నిర్వహించి భారీ సంఖ్యలో భక్తులు స్వామి దర్శనం చేసుకున్నారు. పళ్లిపట్టు బస్టాండు సమీపంలోని పురాతన సంగమేశ్వరస్వామి ఆలయంలో ఐప్ససి పౌర్ణమి సందర్భంగా ఉద యం స్వామికి అన్నంతో అభిషేక పూజలు చేపట్టారు. ఉదయం నుంచి మధ్యాహ్నం వరకు స్వామి అన్నాభిషేక అలంకరణలో భక్తులకు కటాక్షించారు. పళ్ళిపట్టు పరిసర ప్రాంతాల నుంచి పెద్ద సంఖ్యలో భక్తులు ఆలయానికి చేరుకున్నారు. కాగా మధ్యాహ్నం వెయ్యి మంది భక్తులకు ఆలయ నిర్వాహకులు అన్నదానం పంపిణీ చేసారు. ఇదే విధంగా పలు ప్రాంతా ల్లోని శివాలయాల్లోనూ అన్నాభిషేక పూజలు చేశారు. నర్సు ఉరి వేసుకుని ఆత్మహత్య అన్నానగర్‌ : చైన్నెలోని ఓట్టేరి, తిరువికా వీధి నివాసి నానినరసయ్య. ఇతని భార్య నిరోషా అలియాస్‌ సంగీత (21). ఆమె కోసప్పేట్టైలోని ఒక ప్రైవేట్‌ నర్సింగ్‌ హోమ్‌లో నర్సుగా పని చేస్తుంది. 2021లో, నిరోషా ఒక ఆడబిడ్డకు జన్మనిచ్చింది, కానీ ఆ బిడ్డ 11 నెలల తర్వాత మరణించింది. నిరోషా ప్లేట్‌లెట్‌ లోపానికి కూడా చికిత్స పొందుతోంది. శనివారం రాత్రి పని ముగించుకుని ఇంటికి వచ్చిన నిరోష, హాలులో చీరతో ఉరి వేసుకుని ఆత్మహత్య చేసుకుంది. ఇంటికి వచ్చిన భర్త, తన భార్య చనిపోయి ఉండటాన్ని చూసి దిగ్భ్రాంతికి గురయ్యాడు. ఈ విషయంపై సమాచారం అందుకున్న ఓట్టేరి పోలీసులు వెళ్లి సంగీత అలియాస్‌ నిరోష మృతదేహాన్ని స్వాధీనం చేసుకుని, పోస్ట్‌మార్టం కోసం కిల్పాకం ప్రభుత్వ ఆసుపత్రికి పంపించారు. ఈ విషయమై కేసు నమోదు చేసి విచారణ చేస్తున్నారు.

తమిళసినిమా: కొన్ని చిత్రాల టైటిల్సే ప్రేక్షకులను థియేటర్లకు రప్పిస్తాయి. అలాంటి ఆసక్తికరమైన టైటిల్‌తో రూ పొందుతున్న చిత్రం షూటింగ్‌ను పూర్తి చేసుకుని ప్రస్తుతం నిర్మాణాంతర కార్యక్రమాలను జరుపుకుంటోంది.ఈ చిత్రం పేరే కమల్‌ శ్రీదేవి. ఇంతకు నటుడు కమలహాసన్‌,శ్రీదేవి జంటగా నటించిన పలు చిత్రాలు ఘన విజయా న్ని సాధించిన విషయం తెలిసిందే. కాగా ఇప్పుడు వారి పేర్లతో చిత్రాన్ని సౌందర్య రజనీకాంత్‌కు చెందిన జియోన్‌ ఫిలింస్‌,ఎంఆర్‌పీ ఎంటర్‌టైన్‌మెంట్‌ సంస్థ అధినేతలు పసిలియాన్‌ నజరేత్‌, మహేశ్‌రాజ్‌ పసిలియాన్‌ కలిసి నిర్మిస్తున్నారు. డాన్సింగ్‌ కింగ్‌ ప్రభుదేవా, నటి సిమ్రాన్‌ జంటగా నటిస్తున్న ఇందులో మిథున్‌ జైశంకర్‌, స్మేకా తదితరులు ముఖ్య పాత్రలు పోషిస్తున్నారు. కృష్ణానంథ్‌ కొట్టారపట్టు కథ,దర్శకత్వం వహిస్తున్న ఈ చిత్రం షూటింగ్‌ను మూనారు, చైన్నె ప్రాంతాల్లో నిర్వహించి పూర్తి చేసినట్లు యూనిట్‌ సభ్యులు మీడియాకు విడుదల చేసిన ప్రకటనలో పేర్కొన్నారు. ఇది కుటుంబ నేపధ్యంలో సాగే విభి న్న ప్రేమ కథా చిత్రంగా ఉంటుందని తెలిపారు. తమిళంలో పలు వైవిధ్యభరిత కథా చిత్రాలను నిర్మిస్తున్న సంస్థ ఎంఆర్‌పీ ఎంటర్‌టెయిన్‌మెంట్‌. ఈ సంస్థ ఇంతకు ముందు గుడ్‌నైట్‌, లవర్‌, ట్యూరిస్ట్‌ ఫ్యామిలి వంటి విజయవంతమైన చిత్రాలను నిర్మించిందన్నదిగమనార్హం. అదే విధంగా జియోన్‌ ఫిలింస్‌, ఎంఆర్‌పీ ఎంటర్‌ టెయిన్‌మెంట్‌ సంస్థలు ఇంతకు ముందు నిర్మించిన విత్‌ లవ్‌ చిత్రం మంచి విజయాన్ని సాధించడంతో తాజా చిత్రం కమల్‌ సిమ్రాన్‌పై భారీ అంశనా లు నెలకొంటున్నాయి. ప్రస్తుతం నిర్మాణాంతర కార్యక్రమాలను జరుపుకుంటున్న ఈ చిత్రానికి జీవీ. ప్రకాశ్‌కుమా ర్‌ సంగీతాన్ని, చరణ్‌ వేలాయుధం ఛాయాగ్రహణం అందిస్తున్నారు. కాగా ఈ చిత్రానికి సంబంధించిన మరిన్ని వివరాలను త్వరలోనే వెల్లడించనున్నట్లు యూనిట్‌ వర్గాలు పేర్కొన్నారు. ప్రభుదేవా నటి సిమ్రాన్‌

తిరువళ్లూరు: జిల్లా వ్యాప్తంగా వర్షాలు విస్తారంగా పడడంతో జనజీవనం స్తంభించింది. గత కొద్ది రోజుల నుంచి జిల్లా వ్యాప్తంగా ఎండలు దంచి కొట్టి ఉక్కపోత వాతావరణం కనిపించింది. అయితే గత రెండు రోజుల నుంచి వాతావరణంలో మార్పులు వచ్చి వర్షాలు పడడం ప్రారంభించింది. శనివారం రాత్రి నుంచి ప్రారంభమైన వర్షం ఆదివారం సాయంత్రం వరకు ఎడతెరిపి లేకుండా విస్తారంగా కురుస్తోంది. మబ్బులు కమ్ముకోవడంతో చీకటి మారిన క్రమంలో వాహనాలు లైట్లుతో నడిచాయి. బజారువీది, వీరరాఘవుని ఆలయం, జేఎన్‌ రోడ్డు తదితర ప్రాంతాల్లో వర్షపు నీరు నిలిచిపోవడంతో జనజీవనం స్తంభించింది. వర్షం కారణంగా రద్దీగా వుండే బజారువీధితో సహా పలు ప్రాంతాలు బోసిపోయింది. పలు ప్రాంతాల్లో వర్షపు నీటితో కలిసి మురికి నీరు రోడ్డుపైకి రావడంతో దుర్వాసన వెదజల్లింది. మొత్తానికి జిల్లా వ్యాప్తంగా కురిసిన వర్షాలతో వాతావరణం చల్లబడింది. వర్షాలు కురుస్తున్న క్రమంలో వ్యవసాయ పనులు సైతం ప్రారంభమయ్యింది. ప్రధాన రిజర్వాయర్‌కు సైతం నీరు రాకపెరిగి నీటి మట్టం సైతం స్వల్పంగా పెరుగుతూ వుంది.

తిరుత్తణి: జోరువాన నడుమ తిరుత్తణి ఆలయంలో భక్తుల రద్దీ కొనసాగింది. రెండు గంటల పాటు వేచివుండి భక్తులు స్వామి దర్శనం చేసుకున్నారు. తిరుత్తణి సుబ్రహ్మణ్యస్వామి ఆలయంలో సెలవు రోజుల్లో సాదారణంగా భక్తుల రద్దీ నెలకొంటుంది. అయితే ఈశాన్య రుతుపవనాల నేపధ్యంలో ఇటీవల క్రమంగా వానలు కురుస్తున్న క్రమంలో ఆలయంకు వచ్చే భక్తులు రద్దీ తగ్గడం సాధారణం అయితే. వర్షాలు సైతం లెక్కచేయకుండా భక్తులు యధా ప్రకారం కొండ ఆలయంలో పోటెత్తి రెండు గంటల పాటు సర్వ దర్శనం క్యూలైన్‌లో వేచివుండి స్వామి దర్శనం చేసుకున్నారు.

తమిళసినిమా: మంచి కంటెంట్‌తో కూడిన వైవిధ్యభరిత కథా చిత్రాలకు ప్రేక్షకుల నుంచి మంచి ఆదరణ లభిస్తుందన్నది హైకూ చిత్రం మరోసారి నిరూపించిందని ఆ చిత్ర నిర్మాత డా. అరుళానందు, మ్యాథ్యూ అరుళానందు తమ సంతోషాన్ని వ్యక్తం చేశారు. విజన్‌ సినిమా హౌస్‌ పతాకంపై వీరు ఇంతకు ముందు జ్యో వంటి విజయవంతమైన చిత్రాన్ని నిరిమంచిన ఈ నిర్మాతలు ఆ తరువాత కోళిపన్నై సెల్లదురై వంటి విమర్శకుల ప్రశంసలు అందుకున్న చిత్రాన్ని నిర్మించారు. తాజాగా హైకూ అనే విభిన్న ప్రేమ కథా చిత్రాన్ని నిర్మించారు. యువరాజ్‌ చిన్నసామి కథ, దర్శకత్వం బాధ్యతలను నిర్వహించిన ఈ చిత్రంలో నటుడు ఏకన్‌,నటి శ్రీదేవి,ఫెమినా జార్జ్‌ హీరోహీరోయిన్లుగా నటించారు. అదిర్చి అరుణ్‌,సుబ్రమణియ సేతు,ఆదియమాన్‌,మైమ్‌గోపి, ఇందుమతి మణికంఠన్‌ తదితరులు ముఖ్య పాత్రలు పోషించిన ఈ చిత్రానికి సిద్దుకుమార్‌ సంగీతాన్ని, ప్రియేశ్‌ గురుసామి ఛాయాగ్రహణం అందించారు. నిర్మాణ కార్యక్రమాలను పూర్తి చేసుకున్న హైకూ చిత్రం ఈ నెల 23వ తేదీన విడుదలయ్యింది. కాగా చిత్రాన్ని ముందుగా దక్షాణాది వ్యాప్తంగా 150కి పైగా ధియేటర్లలో విడుదల చేసినట్లు చెప్పారు. చిత్రానికి ప్రేక్షకుల నుంచి మంచి ఆదరణ లభిస్తోందనే ఆనందాన్ని వ్యక్తం చేశారు. కాగా ఒక పక్క రజనీకాంత్‌ హీరోగా నటించిన జైలర్‌– 2 చిత్రం విజయవంతంగా ప్రదర్శింపబడుతుండగా విభిన్న ప్రేమ కథా చిత్రంగా రూపొందించిన తమ హైకూ చిత్రాన్ని ప్రేక్షకులు ఆదరించడం తమిళ చిత్రాలపై మరింత నమ్మకాన్ని కలిగించిందన్నారు. ఈ సందర్భంగా తమిళనాడులో హైకూ చిత్రాన్ని విడుదల చేసిన శక్తిఫిలింస్‌ అధినేత శక్తివేలన్‌, చిత్ర యూనిట్‌ కు కృతజ్ఞతలు తెలిపారు.తమిళసినిమా: క్రేజీ నటీమణు ల్లో త్రిష ఒకరు అని ప్రత్యకంగా చెప్పాల్సిన అవసరం ఉండదు. కోలీవుడ్‌, టాలీవుడ్‌, మాలీవుడ్‌, శాండిల్‌వుడ్‌, బాలీవుడ్‌ అంటూ పాన్‌ ఇండియా ప్రేక్షకులకు సుపరిచితురాలైన త్రిష కథానాయకిగా రెండు దశాబ్దాలు దాటి రాణిస్తున్నారు. అయితే తమిళంలో సూర్యకు జంటగా నటించిన కరుప్పు చిత్రం తరువాత మరో కొత్త చిత్రానికి సైన్‌ చేసినట్లు సమాచారం లేదు. అదే విధంగా తెలుగులో చిరంజీవికి జంటగా నటించిన విశ్వంభర, మలయాళంలో మోహన్‌లాల్‌కు జంటగా నటించిన రామ్‌ చిత్రాల నిర్మాణం ప్రారంభం అయ్యి చాలా కాలం అయినా, వాటి విడుదలలో జాప్యం జరుగుతూనే ఉంది. ఒకపోతే ప్రస్తుతం ఈ సంచలన నటి కొత్త చిత్రాలను అంగీకరించకపోవడంతో రకరకాల వార్తలు సామాజిక మాధ్యమాల్లో దొర్లుతున్నాయి. ముఖ్యంగా రాజకీయాలు ఈ బ్యూటీ చుట్టూనే తిరుగుతున్నాయి. ముఖ్యమంత్రి జోసఫ్‌ విజయ్‌కు స్నేహితురాలు అనే పేరు ఉన్న త్రిష రాజకీయరంగ ప్రవేశం తధ్యం అనీ, ఉపముఖ్యమంత్రి కూడా అయ్యే అవకాశం ఉందనే ప్రచారం చాలా కాలంగా జరుగుతోంది. కాగా ఈ భామకు ప్రజల్లో ఎంత క్రేజ్‌ ఉందన్నది మరోసారి రుజువైంది. త్రిష ఇటీవల కోయంబత్తూర్‌లో ఓ మొబైల్‌ షాప్‌ ప్రారంభోత్సవానికి వెళ్లారు. ఈ విషయం తెలిసిన కోయంబతూర్‌ ప్రజలు, అభిమానులు త్రిషను చూడటానికి ఏకంగా విమానాశ్రయానికే పరుగులు తీశారు. అంతే కాదు కోయంబత్తూర్‌ విమానాశ్రయం నుంచి కారులో బయలుదేరిన త్రిషకు రోడ్డు పొడుగునా అభిమానులు వందల సంఖ్యలో పరుగులు తీశారు. దీంతో ఆమె రెట్టింపు ఉత్సాహంతో ఓపెన్‌ కారులో చిరునవ్వులు చిందిస్తూ అందరికీ అభివాదం చేస్తూ పయనించారు. త్రిష ఓపెన్‌ కారులో పయనించడంతో ప్రజాజీవనానికి అంతరాయం కలిగిందనేది పక్కన పెడితే ఆమెకు ప్రజల్లో ఉన్న క్రేజ్‌ గురించే ప్రధానాంశంగా మారింది. ఇదిలా ఉంటే కోయంబత్తూర్‌ విమానాశ్రయంలో మీరు రాజకీయాల్లోకి ప్రవేశిస్తున్నారా ? అన్న మీడియా వారి ప్రశ్నకు మందహాసాన్ని విసిరి అక్కడ నుంచి ముందుకు సాగారు. దీంతో త్రిష మందహాసంలో మర్మమేమిటి ? అనే ప్రశ్న తలెత్తుతోంది. అభిమానుల సందోహంలో నటి త్రిష ఆ మందహాసంలో మర్మమేమిటి?

సాక్షి చైన్నె : తమిళనాడుకు చెందిన ప్రముఖ చెఫ్‌, టెలివిజన్‌ ప్రముఖుడు చెఫ్‌ దాము (72) అనారోగ్య కారణాలతో చైన్నెలోని ఒక ప్రైవేట్‌ ఆసుపత్రిలో చికిత్స పొందుతూ ఆదివారం కన్నుమూశారు. డాక్టరేట్‌ పొందిన మొదటి భారతీయ చెఫ్‌.. మద్రాస్‌ విశ్వవిద్యాలయం నుండి హోటల్‌ మేనేజ్‌మెంట్‌లో డాక్టరేట్‌ పొందిన మొదటి భారతీయ చెఫ్‌గా ఆయన గుర్తింపు పొందారు. 2010లో ఆయన 24 గంటల 30 నిమిషాల 12 సెకన్లలో ఏకధాటిగా 617 రకాల వంటకాలను తయారు చేసి గిన్నిస్‌ రికార్డు సృష్టించారు. పాకకళా రంగానికి ఆయన చేసిన సేవలకు గుర్తింపుగా కేంద్ర ప్రభుత్వం 2025లో ఆయనకు ‘పద్మశ్రీ’ అవార్డును ప్రదానం చేసింది. కాగా బుల్లితెరపై ప్రసారమైన పలు వంటల కార్యక్రమాలు, ముఖ్యంగా తమిళ పాపులర్‌ షో ’కుక్‌ విత్‌ కోమలి’ ద్వారానూ, ఇతర కార్యక్రమాల ద్వారానూ ప్రతి ఇంటా మంచి పేరు సంపాదించుకున్నారు. ఆయన మృతి తో సినీ పరిశ్రమకు చెందిన ప్రముఖులు, తోటి చెఫ్‌లు, టెలివిజన్‌ ప్రముఖులు మరియు అభిమానులు తీవ్ర సంతాపం తెలిపారు. సీఎం విజయ్‌ సంతాపం ప్రముఖ తమిళ పాకశాస్త్ర నిపుణుడు, టీవీ రంగానికి చెందిన ప్రముఖ వ్యక్తి పద్మశ్రీ చెఫ్‌ దాము (కె. దామోదరన్‌) అకాల మరణం తో సి ఎం విజయ్‌ తీవ్ర విచారాన్ని వ్యక్తం చేస్తూ నివాళులర్పించారు. 72 సంవత్సరాల వయసున్న చెఫ్‌ దాము అనారోగ్య సమస్యల కారణంగా చైన్నెలోని ఓ ప్రైవేట్‌ ఆసుపత్రిలో చికిత్స పొందుతూ కన్నుమూశారన్న సమాచారం తీవ్ర దిగ్భ్రాంతికి గురి చేసిందన్నారు. ఆయన తన విశిష్టమైన వంట నైపుణ్యం, శైలితో టెలివిజన్‌ కార్యక్రమాల ద్వారా వంటకళను సామాన్య ప్రజల్లోకి తీసుకువచ్చారని కొనియాడారు. చెఫ్‌ దాము సాధించిన ఘనతలను స్మరిస్తూ.. ఆయన 2010లో ఒకే వ్యక్తి 24 గంటలకు పైగా సుదీర్ఘ కాలం వంట చేసి సాధించిన గిన్నిస్‌ వరల్డ్‌ రికార్డును, భారత ప్రభుత్వం నుండి పొందిన పద్మశ్రీ పురస్కారాన్ని ప్రత్యేకంగా ప్రస్తావించారు. ఆయన మరణం పాకశాస్త్ర రంగానికి తీరని లోటు అని వ్యాఖ్యానించారు. చెఫ్‌ దాము కుటుంబ సభ్యులకు, ఆయన బంధువులు, స్నేహితులు, ఆయన వంటకాల అభిమానులందరికీ నా ప్రగాఢ సానుభూతిని, ఓదార్పును తెలియ జేస్తున్నానని సీఎం విజయ్‌ తెలిపారు. ఇక డీఎంకే అధ్యక్షుడు ఏం కే స్టాలిన్‌ అన్న డీఎంకే ప్రధాన కార్యదర్శి పలని స్వామి, ఏఎంఎంకే పార్టీ ప్రధాన కార్యదర్శి టీటీవీ దినకరన్‌, పీఎంకే నేత అన్బుమణి రాందాస్‌ తదితరులు కూడా చెఫ్‌ దాము మృతి పై సంతాపం వ్యక్తం చేశారు. వంటను కేవలం ఒక వృత్తిగా చూడకుండా, దానిని ఒక ఉన్నతమైన కళగా మార్చి అంతర్జాతీయ స్థాయిలో గుర్తింపు తెచ్చిన పద్మశ్రీ చెఫ్‌ దాము గారి మరణం విచారకరం. ఆయన ఆత్మకు శాంతి చేకూరాలని, వారి కుటుంబ సభ్యులకు ఈ లోటును తట్టుకునే శక్తిని ప్రసాదించాలని భగవంతుడిని ప్రార్థిస్తున్నానమని పేర్కొన్నారు.

తమిళసినిమా: ఇంతకు ముందు నక్కల జాతికి సన్నివేశాలు కొన్ని సన్నివేశాలు చోటు చేసుకున్నా, పూర్తిగా వారి జీవన విధానాన్ని ఆవిష్కరించే కథా చిత్రాలు రాలేదు. కాగా తాజాగా అలాంటి అలాంటి ఇతి వృత్తంతో రూపొందిన చిత్రం సింగారం.నటి యోగిబాబు కథానాయకుడిగా నటించిన ఇందులో ఎంఎస్‌.భాస్కర్‌, వేలా రామమూర్తి, మరియా విన్సెంట్‌, శ్యామ్స్‌, ఆర్తీ గణేశ్‌, మనోబాలా, కల్కీ, మారిముత్తు, బడవా గోపి, సెండ్రాయన్‌, డీఎస్‌ఆర్‌,దీపా శంకర్‌,సబితారాయ్‌ తదితరులు ముఖ్య పాత్రలు పోషించారు. రాక్‌ ప్రొడక్షన్స్‌ పతాకంపై ఏఎస్‌.రమణ బాలాజీ, పద్మావతి గాంధీ కలిసి నిర్మించిన ఈ చిత్రానికి కేవీ.కథిరవేలు కథ, కథనం,దర్శకత్వం బాధ్యతలను నిర్వహించారు. శ్యామ్‌ సీఎస్‌ సంగీతాన్ని, ప్రసన్న ఎస్‌.కుమార్‌ ఛాయాగ్రహణం అందించిన ఈ చిత్రం నిర్మాణ కార్యక్రమాలను పూర్తి చేసుకుని ఈ నెల 30వ తేదీన తెరపైకి రానుంది. ఈ సందర్భంగా చైన్నెలోని ప్రసాద్‌ల్యాబ్‌లో నిర్వహించిన ప్రీ రిలీజ్‌, ట్రైలర్‌ ఆవిష్కరణ కార్యక్రమాన్ని నిర్వహించారు. చిత్ర దర్శకుడు కేవీ.కదిరవేలు మాట్లాడుతూ నక్కలజాతి సామాజక వర్గం జీవన విధానం, సమాజంలో వారు ఎదుర్కొనే సమస్యలు, అణగవేత వంటి పలు ఆసక్తికరమైన అంశాలతో రాజకీయాలను జోడించి రూపొందించిన కథా చిత్రం సింగారం అని తెలిపారు. నక్కల జాతికి చెందిన ఒక వ్యక్తి రాజకీయ రంగప్రవేశం చేసి శాసన సభ్యుడిగా పోటీ చేసి గెలిచాడా? ఆ తరువాత జరిగే పరిణామాలేమిటీ వంటి పలు ఆసక్తికరమైన అంశాలతో కూడిన వినోదభరిత కథా చిత్రంగా సింగారం ఉంటుందన్నారు. నటుడు యోగిబాబు మాట్లాడుతూ ఈ చిత్రంలో నటించడానికి అవకాశం కలిగించిన దర్శకుడు కేవీ.కదిరవేలుకు, నిర్మాతలు రమణా బాలాజీ తదితర చిత్ర యూనిట్‌కు కృతజ్ఞలు అన్నారు. తనను నమ్మి ఇచ్చిన పాత్రకు న్యాయం చేశాననే భావిస్తున్నానన్నారు. ఇందులో నటించిన దివంగత నటుడు మనోబాలా, మారిముత్తును స్మరించుకుంటున్నట్లు చెప్పారు. ముఖ్యంగా నటుడు మనోబాలా తనకు చాలా సపోర్టుగా ఉండేవారనీ, సింగారం చిత్రం సంతృప్తిగా వచ్చిందని అన్నారు. చిత్రం ఈ నెల 30వ తేదీన తెరపైకి వస్తోందని యోగిబాబు పేర్కొన్నారు.

సాక్షి,చైన్నె: జపాన్‌లో జరిగిన పారా ఆసియా క్రీడల్లో పతకాలు సాధించి సత్తా చాటిన తమిళనాడు పారా అథ్లెట్లను ముఖ్యమంత్రి విజయ్‌ అభినందించారు. ఉన్నత శిఖరాలను అధిరోహించాలనే తపన ఉన్న ప్రతిభావంతులైన క్రీడాకారులకు, యువతరానికి తమిళనాడు ప్రభుత్వం ఎల్లవేళలా అండగా ఉంటుందని ఆయన స్పష్టం చేశారు. ఈ మేరకు ముఖ్యమంత్రి విజయ్‌ తమ సోషల్‌ మీడియా ఎక్స్‌ వేదికగా క్రీడాకారులను ప్రశంసిస్తూ ఒక ప్రకటన విడుదల చేశారు. 15 పతకాలతో అద్భుత ప్రతిభ.. జపానన్‌లో ముగిసిన పారా ఆసియా క్రీడల్లో భారత్‌కు ప్రాతినిధ్యం వహించిన తమిళనాడు క్రీడాకారులు 3 స్వర్ణాలు, 5 రజతాలు, 7 కాంస్య పతకాలతో మొత్తం 15 పతకాలు గెలుచుకోవడంపై సీఎం హర్షం వ్యక్తం చేశారు. క్రీడాకారులు తమ జీవితాల్లోని వివిధ సవాళ్లను అధిగమించి, నిరంతర శిక్షణ, అచంచలమైన సంకల్పం మరియు తీవ్రమైన అంకితభావంతో ఈ విజయాలను సాధించారని కొనియాడారు. వారి ప్రతి విజయమూ ఎంతో ప్రశంసనీయమని పేర్కొన్నారు.పారా అథ్లెట్ల విజయాలు తమిళనాడు క్రీడా పరాక్రమాన్ని ప్రపంచానికి చాటిచెప్పడమే కాకుండా, అంతర్జాతీయ వేదికపై భారతదేశ కీర్తిని మరింతగా పెంచాయని కొనియాడారు. యువతలో ఉన్న క్రీడా ప్రతిభను మరింతగా తీర్చిదిద్ది, వారు భవిష్యత్తులో మరెన్నో విజయాలు సాధించేలా తమిళనాడు ప్రభుత్వం అన్ని వేళలా తోడుగా ఉంటుందని ముఖ్యమంత్రి విజయ్‌ భరోసా ఇచ్చారు. రాజకీయాల్లో గందర గోళానికి ప్రయత్నం ● అమల్లో ఆపరేషన్‌ డి ● పీఎన్‌సీసీ నేత మాణిక్యం ఠాకూర్‌ సాక్షి,చైన్నె : తమిళనాడు రాజకీయాల్లో తీవ్ర అలజడి రేపుతూ కాంగ్రెస్‌ సీనియర్‌ నాయకుడు, ఎంపీ మణికం ఠాగూర్‌ సంచలన ఆరోపణలు చేశారు. రాష్ట్ర రాజకీయాల్లో గందరగోళం సృష్టించి, అధికారాన్ని దక్కించుకోవడానికి బీజేపీ–ఆర్‌ఎస్‌ఎస్‌లు తీవ్ర ప్రయత్నాలు చేస్తున్నాయని ఆయన ధ్వజమెత్తారు. చైన్నెలో నిర్వహించిన విలేకరుల సమావేశంలో ఆయన మాట్లాడారు. బీజేపీ తమిళనాడును తన గుప్పిట్లోకి తెచ్చుకునేందుకు కేంద్ర హోంశాఖ మంత్రి అమిత్‌ షా నాయకత్వంలో ‘ఆపరేషన్‌ డి’ పేరిట ఒక ప్రత్యేక పథకాన్ని అమలు చేస్తోందని మణికం ఠాగూర్‌ ఆరోపించారు. ఇందులో భాగంగా బీజేపీ మూడు ప్లాన్లను వ్యూహాత్మకంగా అమలు చేస్తోందని విమర్శించారు. ప్లాన్‌ ఏ .. అన్నాడీఎంకే పార్టీని పూర్తిగా తమ ఆధీనంలోకి తెచ్చుకోవడం, ప్లాన్‌ బి అన్నామలై ద్వారా కొత్త రాజకీయ వేదికను ఏర్పాటు చేసి, ఎన్జీవో ముసుగులో ఉద్యమాలను నడపడం, ప్లాన్‌ సితోఆపరేషన్‌ డి అమలు చేస్తున్నారని ఆరోపించారు. ఒక ప్రముఖ సినీ నటుడితో కొత్త పార్టీని ప్రారంభించి, అభిమాన సంఘాల ద్వారా రాజకీయాల్లోకి తీసుకు వచ్చే ప్రయత్నాలు జరుగుతున్నాయని వివరించారు. గతంలో నటుడు రజనీకాంత్‌ను రాజకీయాల్లోకి తీసుకువచ్చేందుకు కూడా బీజేపీ ఇలాంటి ప్రయత్నాలే చేసిందని గుర్తుచేశారు. తమిళనాడులో ఆర్‌ఎస్‌ఎస్‌ ప్రభావం చూపడానికే ఈ రాజకీయ నాటకాలు ఆడుతోందని దుయ్యబట్టారు. కాగా చైన్నెలో నటుడు ధనుష్‌ అభిమానుల సమావేశం నిర్వహిస్తున్న నేపథ్యంలో మాణికం ఠాగూర్‌ చేసిన ఈ వ్యాఖ్యలు తమిళ రాజకీయాల్లో పెద్ద చర్చకు దారి తీశాయి. రాష్ట్రంలో 50,000 కొత్త వ్యవసాయ విద్యుత్‌ కనెక్షన్లు ● రూ. 750 కోట్లతో అందించడానికి ప్రభుత్వం ఉత్తర్వులు కొరుక్కుపేట:2026–2027 ఆర్థిక సంవత్సరంలో తమిళనాడులో 50,000 కొత్త వ్యవసాయ విద్యుత్‌ కనెక్షన్లను అందించాలని ప్రభుత్వం ఆదేశం జారీ చేసింది.దీని ప్రకారం, వెనుకబడిన తరగతులతో సహా వెనుకబడిన తరగతులలో 3,215 ఉచిత కనెక్షన్లు అందించనున్నారు. అంతేకాకుండా, సాధారణ తరగతిలో 20,000 కనెక్షన్లు, గయా నిధి పథకంలో 3,372 కనెక్షన్లు, విద్యుత్‌ కనెక్షన్‌ పథకం కింద 25,282 కనెక్షన్లు, వివిధ ప్రభుత్వ పథకాల కింద 1,346 కనెక్షన్లు అందించనున్నారు. ఒక్కో కనెక్షన్‌కు సగటున రూ. 1.5 లక్షల చొప్పున, వ్యవసాయ విద్యుత్‌ కనెక్షన్లు, మౌలిక సదుపాయాల పనుల కోసం మొత్తం రూ. 750 కోట్లు ఖర్చు చేయనున్నారు.అలాగే, వ్యవసాయ విద్యుత్‌ కనెక్షన్ల కోసం,ప్రభుత్వం రూ. 127.56 కోట్లను సబ్సిడీగా అందించనుంది. ఇదిలా ఉండగా, ఇప్పటికే జారీ చేసిన ప్రత్యేక విద్యుత్‌ కనెక్షన్లలోని అవకతవకలను సమీక్షించి, తప్పుగా వాడుతున్న కనెక్షన్లను తొలగించాలని ప్రభుత్వం విద్యుత్‌ బోర్డును ఆదేశించింది. ఇప్పటికే జారీ చేసిన 7,313 కనెక్షన్లు కూడా 5 కోట్ల కనెక్షన్ల లక్ష్యంలో భాగంగానే ఉన్నాయని సమాచారం.

సాక్షి,చైన్నె : ప్రముఖ కళాకారుడు పద్మశ్రీ తోట తరనీ ఐదు దశాబ్దాల కళా ప్రస్థానాన్ని ప్రతిబింబించే చిత్రకళా ప్రదర్శన చైన్నెలోని లలిత కళా అకాడమీలో ఆదివారం ప్రారంభమైంది. ఆర్ట్‌వరల్డ్‌–సరళాస్‌ ఆర్ట్‌ ఇంటర్నేషనల్‌ ఆధ్వర్యంలో నిర్వహిస్తున్న ఈ ప్రదర్శనలో 1969 నుంచి ఇప్పటివరకు ఆయన రూపొందించిన 280కి పైగా కళాఖండాలను ప్రద ర్శనకు ఉంచారు. ప్రకృతి, వాస్తుశిల్పం, భారతీయ సంప్రదాయాలు, పురాణాలు, సంగీతం తదితర అంశాలు ఈ చిత్రాల్లో ప్రతిబింభించాయి. ది కేసీపీ లిమిటెడ్‌ జాయింట్‌ మేనేజింగ్‌ డైరెక్టర్‌ కవితా దత్‌ ముఖ్య అతిథిగా పాల్గొని ప్రదర్శనను ప్రారంభించారు. ఈ సందర్భంగా తోట తరనీ జీవితం, కళా ప్రస్థానంపై డాక్టర్‌ అష్రఫ్‌ ఎస్‌. భగత్‌ రచించిన పుస్తకాన్ని ఆవిష్కరించారు. జలవర్ణాలు, తైలవర్ణాలు, యాక్రిలిక్‌, పాస్టెల్స్‌, కొల్లాజ్‌ వంటి విభిన్న మాధ్యమాల్లో తోట తరణి తన కళా ప్రతిభను చాటుకున్నారు. ఒక అంశంపై లోతైన అధ్యయనం చేస్తూ, ఒక్కో ఇతివృత్తంపై 50 నుంచి 100 చిత్రాల వరకు రూపొందించడం ఆయన ప్రత్యేకత. సినీ రంగంలో ఆర్ట్‌ డైరెక్టర్‌గా గుర్తింపు పొందిన ఆయన, లలిత కళల్లోనూ తనదైన శైలిని ఆవిష్కరించారు. తన 16వ ఏట రూపొందించిన చిత్రాలతో సహా వివిధ దశల్లో వేసిన కళాఖండాలను ఈ ప్రదర్శనలో పొందుపరిచినట్లు తోట తరణి తెలిపారు. ఐదు దశాబ్దాల తర్వాత కూడా కొత్త ప్రయోగాలు చేయాలనే ఆసక్తి తనలో కొనసాగుతోందన్నారు. ఈ ప్రదర్శన 30వ తేదీ వరకు సందర్శకులకు అందుబాటులో ఉంటుంది. ప్రదర్శన ప్రారంభోత్సవంలో డా. ప్రీతారెడ్డి, కవితా దత్‌, డా. అష్రఫ్‌ ఎస్‌. భగత్‌, పద్మశ్రీ తోట తరణిని తదితరులు

పళ్ళిపట్టు: పెరియపాళయత్తమ్మన్‌ ఆలయ మహాకుంభాభిషేకం ఆదివారం ఉదయం కోలాహలంగా నిర్వహించారు. పెద్ద సంఖ్యలో భక్తులు పాల్గొని అమ్మవారిని దర్శించుకున్నారు. ఆర్కేపేట యూనియన్‌ ఎస్‌వీజీ.పురం సమత్తువపురంలో పెరియపాళయత్తమ్మన్‌ ఆలయం నిర్మించారు. ఆలయంలో వినాయకుడు,. మురుగన్‌ సన్నిధులను సైతం ఏర్పాటు చేశారు. ఆలయ నిర్మాణపు పనులు పూర్తి కావడంతో శనివారం గణపతి పూజలతో మహాకుంభాభిషేకం పూజలు ప్రారంభమయ్యాయి. ఈ సందర్భంగా ఆలయ ప్రాంగణంలో యాగశాల ఏర్పా టు చేసి నిత్యహోమ పూజలు చేపట్టారు. ఆదివారం ఉదయం హామపూజలు చేపట్టి మహాపూర్ణాహుతి హామం అనంతరం మేళ తాళాలు నడుమ పవిత్ర పుణ్యతీర్ధాల కలచాలు బయల్దేరి ఆలయ గోపుర కలశానికి పుణ్యతీర్థాలతో మహాకుంభాభిషేకం నిర్వహించారు. అనంతరం అమ్మవారికి, వినాయ కుడు, మురుగన్‌కు అభిషేక పూజలతు చేపట్టి కర్పూర హారతులతో స్వామికి హారతి పూజలు చేపట్టి భక్తులు దర్శించుకున్నారు. ఆలయ నిర్వాహకులు భక్తులకు ప్రసాదాలతో పాటు అన్నదానం చేశారు.

తిరువళ్లూరు: రాష్ట్రవ్యాప్తంగా వున్న ఆలయాల్లో పని చేసే కార్మికుల దీర్ఘకాలిక సమస్యలను వెంటనే పరిష్కరించాలని తమిళనాడు ఆలయ కార్మికుల సంఘం రాష్ట్ర ప్రధాన కార్యదర్శి ధనశేఖర్‌ ప్రభుత్వానికి డిమాండ్‌ చేశారు. తమిళనాడు ఆలయ కార్మికుల సంఘం జిల్లా సమావేశం పుట్లూరులో జరిగింది. ఈ సమావేశానికి ముఖ్యఅతిథిగా సంఘం రాష్ట్ర ప్రధాన కార్యదర్శి ధనశేఖర్‌ హాజరై ప్రసంగించారు. ఈ సందర్భంగా ఆయన మాట్లాడుతూ ఆలయాల్లో పని చేసే కార్మికుల కుటుంబాలకు వివాహ సహాయనిధి కింద ఇచ్చే రూ.60 వేలను రూ.లక్షకు పెంచాలి. ఐదు సంవత్సరాలు పూర్తి చేసుకున్న కార్మికులకు ఉద్యోగ భద్రత కల్పించి నెలసరి వేతనం ఇవ్వాలి. విశ్రాంతి పొందిన కార్మికులకు నెలకు పది వేల రూపాయలను పింఛన్‌ ఇవ్వాలని డిమాండ్‌ చేశారు. సమావేశంలో పలువురు కార్మికులు పాల్గొన్నారు.

కొరుక్కుపేట: వేద విజ్ఞాన వేదిక ఆధ్వర్యంలో ప్రతీ నెలా నిర్వహించే ‘తరతరాల తెలుగు కవిత‘ ధారావాహిక సాహిత్య కార్యక్రమంలో 178వ కార్యక్రమంగా ’తెలుగుపద్య వైభవం’ అనే అంశంపై ఆదివారం ఆస్కాలో ఉపన్యాస కార్యక్రమం జరిగింది. విజయవాడకు చెందిన హరి శంకర శర్మ వక్తగా పాల్గొన్నారు . ముందుగా వేదవిజ్ఞాన వేదిక అధ్యక్షులు జె. కె. రెడ్డి , కార్యదర్శి మధులు వక్త హరి శంకర శర్మని వేదికపైకి సగౌరవంగా ఆహ్వానించి సంస్థ తరపున దుశ్శాలువ, నూతన వస్త్రాలు, జ్ఞాపికలు బహూకరించి ఘనంగా సత్కరించారు. అనంతరం జె. కె. రెడ్డి ప్రవచనకర్తను సభకు పరిచయం చేసి, తమదైన శైలిలో ఒకటిరెండు తెలుగుపద్యాలను అద్భుతంగా ఆలపించి శంకర శర్మ ఉపన్యాసం ప్రారంభింపజేశారు. తెలుగు పద్య వైభవం అనే అంశంపై అద్భుతంగా ఉపన్యసించిన శంకరశర్మ ఆదికవి నన్నయ్య నుండి నేటి ఆధునిక కవుల వరకు గల కావ్యాలలోని ప్రముఖ పద్యములను రాగయుక్తంగా ఆలపించి తెలుగు పద్యాల మాధుర్యం ఎలా వుంటుందో ఆహుతులకు వివరించారు. నన్నయ, తిక్కన, శ్రీనాథుడు, పోతన వంటి మహా కవుల కావ్య మధురిమలైన ప్రముఖ పద్యాలను, దాశరథి, గుర్రం జాషువా వంటి గొప్ప కవుల కావ్యాలలోని పద్యరత్నాలను, ముడియారం వేంకట శేషశర్మ, వేదుల సత్యనారాయణశాస్త్రి, కరుణశ్రీ జంధ్యాల పాపయ్య శాస్త్రిల పద్యాలు స్వాతంత్య్ర కాంక్షను, దేశభక్తిని, దైవ భక్తిని ప్రేరేపింప జేసి మానవాళికి చక్కని మార్గ దర్శకత్వం ఎలా కలిగించాయో మధురంగా పాడి వివరించి, శ్రోతలను పరవశింప జేశారు. పోతన భాగవతంలోని బాలరసాల సాల నవపల్లవ కోమల కావ్యకన్యకన్‌, కాటుక కంటినీరు చనుకట్టుపయింబడ, లావొక్కింతయులేదు, అల వైకుంఠ పురంబులో నగరిలో, సిరికింజెప్పడు శంఖ చక్రయుగంబు చేదోయి సంధింపడు.. వంటి అనేక గొప్ప పద్యాలు, శతక, రంగస్థల పద్యాలు మధురంగా ఆలపించి తెలుగు పద్య వైభవాన్ని సాక్షాత్కరింపచేసి ప్రేక్షకులను ఉర్‌ూరతలూగించారు. తెలుగు భాషా మాధుర్యాన్ని ఆస్వాదించే ఉన్నత మనస్కులైన సదస్యులు ఆసాంతం ఆసక్తితో విని ఆనంద పారవశ్యంలో మునిగి తేలారు. సభానిర్వాహకులు వక్త హరి శంకర శర్మ గాన మాధుర్యాన్ని, వివిధ అంశాల విశ్లేషణాత్మక వివరణను, భాషాపటిమను ఘనంగా కొనియాడారు.ఈ కార్యక్రమంలో తెలుగు సాహితీ ప్రియులు పెద్ద సంఖ్యలో పాల్గొన్నారు.

తిరువళ్లూరు: నిరుపేదల ఓట్లును తొలగించి తద్వా రా బీజేపీ ఎన్నికల్లో విజయం సాధిస్తూ వుందని ఎంఎల్‌సీ బల్మూరి వెంకట్‌ ఆరోపించారు. ఎన్నికల ప్రధాన అధికారి జ్ఞానేష్‌కుమార్‌ను వెంటనే తొలగించాలి, ఓట్లు చోరిపై విచారణ చేయాలని నవంబర్‌ 1న న్యూఢిల్లీలో భారీ ర్యాలీని కాంగ్రెస్‌ పార్టీ ఆధ్వర్యంలో నిర్వహించనున్నారు. ర్యాలీలో తమిళనాడు నుంచి పెద్దఎత్తున క్యాడర్‌ను తరలించాలన్న ఉద్దేశంతో రాష్ట్ర పరిశీలకుడు ఎంఎల్‌సీ అన్ని జిల్లాలకు వెళ్లి క్యాడర్‌తో సమావేశమై ర్యాలీలో పాల్గొనాలని సూచిస్తున్నారు. ఇందులో భాగంగానే తిరువళ్లూరు వచ్చిన ఎంఎల్‌సీ వెంకట్‌కు డీసీసీ అధ్యక్షుడు శశికుమార్‌ నేతృత్వంలోని పార్టీ నేతలు కార్యకర్తలు ఘనస్వాగతం పలికారు. అనంతరం కాంగ్రేస్‌ పార్టీ కార్యాలయంలో నిర్వహించిన మీడియా సమావేశంలో బల్మూరి వెంకట్‌ మాట్లాడుతూ బీజేపీ ఆర్‌ఎస్‌ఎస్‌ సంస్థలు దేశంలోని నిరుపేదలు, సామాన్యులకు వున్న ఓటు హక్కును హరించడానికి ప్రణాళికబద్ధంగా వ్యవహరిస్తున్నాయని ఆరోపించారు. ఎన్నికల ప్రధాన అధికారి జ్ఞానేష్‌కుమార్‌ సహకారంలో బీజేపీ ఓటర్లు జాబితా తయారీలో అవకతవకలకు పాల్పడుతోందని విమర్శించారు. బీజేపీకి తొత్తుగా వ్యవహరిస్తున్న ఎన్నికల కమిషనర్‌ను తొలగించడానికి కాంగ్రెస్‌ పార్టీ ఆధ్వర్యంలో నిర్వహిస్తున్న భారీ ర్యాలీలో నేతలు కార్యకర్తలు పెద్దఎత్తున పాల్గొనాలని పిలుపు నిచ్చారు. కార్యక్రమంలో డీసీసీ అధ్యక్షులు కాంగై కుమార్‌, అరుల్‌రాజ్‌(కాంచీపురం), సెంథిల్‌కుమార్‌, ప్రభు(చెంగల్‌పట్టు) ఆవడి కార్పొరేషన్‌ అధ్యక్షుడు అమిత్‌బాబు, ఓబీసీ విభాగం రాష్ట్ర వర్కింగ్‌ ప్రెసిడెంట్‌ వెంకటేషన్‌, యువజన విభాగం కాంగ్రెస్‌ పార్టీ ప్రధాన కార్యదర్శి దివాకర్‌, మైనారిటీ విభాగం జిల్లా అధ్యక్షుడు ఖలీల్‌రహ్మాన్‌, పార్టీ నేతలు షణ్ముగం, ప్రేమ్‌, సతీష్‌ పాల్గొన్నారు.

గణనీయమైన ఫలితాలు కొరుక్కుపేట: ఆర్పీఎఫ్‌ చైన్నె విభాగం 2026–27 ఆర్థిక సంవత్సరంలో (2026 ఏప్రిల్‌ నుంచి సెప్టెంబర్‌ వరకు) రూ.12.36 కోట్ల విలువైన నిషేధిత వస్తువులు, హవాలాను స్వాధీనం చేసుకుంది, 12,900 మందికి పైగా నేరస్థులపై విచారణ జరిపింది. 242 మంది పిల్లలను రక్షించింది. రైల్వే ప్రొటెక్షన్‌ ఫోర్స్‌ (ఆర్‌పీఎఫ్‌), చైన్నె డివిజన్‌, 01.04.2026 నుండి 30.09.2026 వరకు గల ఆరు నెలల కాలంలో గణనీయమైన ఫలితాలను సాధించింది. ఈ విజయాలలో మాదకద్రవ్యాలు, నిషేధిత వస్తువులను గుర్తించడం, ప్రయాణికుల వస్తువుల దొంగతనంలో పాల్గొన్న నేరస్థులను పట్టుకోవడం, హవాలా డబ్బు, విలువైన లోహాలను అడ్డుకోవడం, రైల్వే చట్టాన్ని అమలు చేయడం, ప్రాణరక్షణ కార్యకలాపాలు, పిల్లలను రక్షించడం దొంగిలించబడిన మొబైల్‌ ఫోన్‌లను తిరిగి స్వాధీనం చేసుకోవడం వంటివి ఉన్నాయని ఆదివారం ఆర్‌పీఎఫ్‌ అధికారులు వెల్లడించారు . ఇందులో ప్రయాణికులందరి సౌకర్యం, భద్రతను నిర్ధారించడానికి, ఆర్‌పీఎఫ్‌ చైన్నె విభాగం రైల్వే చట్ట ఉల్లంఘనలపై కఠిన చర్యలు తీసుకుంది. మహిళల కంపార్ట్‌మెంట్లలో ప్రయాణించినందుకు మొత్తం 309 మందిపై కేసులు నమోదు చేయగా, వారి నుంచి రూ. 4.07 లక్షల జరిమానాలు వసూలు చేయబడ్డాయి. అంతేకాకుండా, దివ్యాంగుల కోసం కేటాయించిన కోచ్‌లలో అనధికారికంగా ప్రయాణించినందుకు 565 మందిపై కేసులు నమోదు చేయగా, వారి నుండి రూ. 5.11 లక్షల జరిమానాలు వసూలు చేశారు. అదనంగా, అనధికారిక పార్కింగ్‌కు సంబంధించిన ఉల్లంఘనలకు గాను 12,112 మందిపై కేసులు నమోదు చేయగా, వారి నుండి రూ. 55.32 లక్షల జరిమానాలు విధించారు. ఈ చర్యలు క్రమశిక్షణను పాటించడానికి మరియు ప్రయాణికులందరికీ సురక్షితమైన, సౌకర్యవంతమైన ప్రయాణాన్ని అందించడానికి సహాయపడతాయి. ప్రయాణికుల భద్రత నేరాల గుర్తింపు ప్రయాణికుల వస్తువుల దొంగతనం కేసులను గుర్తించడంలో, నేరస్థులను పట్టుకోవడంలో సీసీటీవీ నిఘా, నిఘా సమాచార సేకరణ, ఆర్పీఎఫ్‌ చైన్నె డివిజన్‌ సమన్వయ ప్రయత్నాలు కీలక పాత్ర పోషించాయి. ఈ కాలంలో, 97 కేసులు గుర్తించబడ్డాయి, దీని ఫలితంగా 110 మంది నేరస్థులను అరెస్టు చేయడంతో పాటు, వివిధ రైళ్లు, రైల్వే స్టేషన్ల నుండి రూ. 19.06 లక్షల విలువైన దొంగిలించబడిన ప్రయాణికుల వస్తువులను స్వాధీనం చేసుకున్నారు. చైన్నె డివిజన్‌కు చెందిన ఆర్‌పిఎఫ్‌ సిబ్బంది కదులుతున్న రైళ్లు ఎక్కడానికి, దిగడానికి ప్రయత్నిస్తున్న 8 మంది ప్రాణాలను కాపాడారు. వారి తక్షణ స్పందన, అప్రమత్తత , సకాలంలో జోక్యం చేసుకోవడం ద్వారా, ఆర్‌పీఎఫ్‌ సిబ్బంది ఈ వ్యక్తులను ప్రాణాపాయ పరిస్థితుల నుండి రక్షించి, ఘోరమైన ప్రమాదాలను నివారించారు. రైల్వే స్టేషన్లలో, రైళ్లలో పారిపోయిన, వదిలివేయబడిన, తప్పిపోయిన 46 మంది బాలికలతో సహా 242 మంది పిల్లలను ఈ విభాగం రక్షించినట్లు పేర్కొన్నారు.

నటుడు ధనుష్‌ సమావేశం సాక్షి, చైన్నె: నటుడు ధనుష్‌ తన అభిమాన సంఘాలను సామాజిక, రాజకీయ దిశగా నడిపించేందుకు వేగంగా అడుగులు వేస్తున్నారు. ఇందులో భాగంగా చైన్నె షోలింగనల్లూర్‌లోని జెప్పియార్‌ కళాశాల ఆడిటోరియంలో 30 జిల్లాలకు చెందిన 3,500 మందికి పైగా మహిళా విభాగ నిర్వాహకులతో ఆయన ఒక భారీ సంప్రదింపుల సమావేశాన్ని ఆదివారం నిర్వహించారు. ఇటీవల నిర్వహించిన కీలక సమావేశంలో ‘ఆల్‌ ఇండియా ధనుష్‌ ఫ్యాన్‌ క్లబ్‌’ పేరును అధికారికంగా ధనుష్‌ ఛారిటబుల్‌ ఆర్గనైజేషన్‌గా మార్చారు. కొత్త జెండా లోగోను సంస్థ సామాజిక లక్ష్యాలను ప్రతిబింబించేలా ఎరుపు, తెలుపు రంగుల్లో నాట్యం చేస్తున్న నక్షత్రం, మధ్యలో ధనుష్‌ చిత్రం కలిగినట్టు ప్రవేశపెట్టారు. రాజకీయ ప్రచారం ధనుష్‌ ఏలుచ్చి కలగం అనే పేరుతో రాజకీయ పార్టీని నమోదు చేయడానికి ఢిల్లీ వెళ్లారని ప్రచారం జరిగినప్పటికీ, అది ఆయన సొంత పని అని ధనుష్‌ వర్గాలు స్పష్టం చేశాయి. అయితే, క్షేత్రస్థాయిలో సభ్యత్వ నమోదు, రాజకీయ సంప్రదింపులు ముమ్మరంగా సాగుతున్నాయి. జిల్లాల వారీగా పర్యటిస్తూ నిర్వాహకులకు ఉత్సాహాన్ని నింపుతున్న ధనుష్‌, తన కుమారుడు లింగా నుంచి నేర్చుకున్న పలు విషయాలను పంచుకున్నారు. నేను నా కుమారుడితో వీడియో గేమ్స్‌ ఆడేటప్పుడు వరుసగా గెలిచినా, ఓడిపోతున్న తన కొడుకు మాత్రం వదలకుండా కనీసం ఒక్కసారైనా గెలిచే వరకు ప్రయత్నిస్తూనే ఉండేవాడు. చివరికి విజయం సాధించేవాడు. మనం కూడా గెలిచేంత వరకు విశ్రమించకుండా పోరాడాలనే పట్టుదలను అనే విషయాన్ని కుమారుడి నుంచే నేర్చుకున్నాను అని వివరించారు. భారీ ఏర్పాట్లు – అభిమానుల కోలాహలం.. ఆదివారం సమావేశం జరిగిన కళాశాల ప్రాంగణమంతా భారీ బ్యానర్లు, ధనుష్‌ కటౌట్లతో నిండిపోయింది. ‘ధనుష్‌.. రేపటి తమిళనాడు హీరో, మహిళల ప్రేమకు రక్షకుడైన సోదరుడు అనే నినాదాలు ఆకట్టుకున్నాయి. ఉదయం నుంచి వర్షం పడుతున్నప్పటికీ మహిళలు తమ పిల్లలతో సహా భారీగా తరలివచ్చారు. గుర్తింపు కార్డులను సమగ్రంగా తనిఖీ చేసిన తర్వాతే ఆడిటోరియం లోపలికి అనుమతించారు. ఉదయం 11 గంటలకు ప్రారంభం కావాల్సిన ఈ సమావేశం సాంకేతిక, ఇతర కారణాల వల్ల సమయం మారుతూ చివరకు మధ్యాహ్నం ప్రారంభమైంది. రాష్ట్ర నిర్వాహకులు సుబ్రహ్మణ్య శివ, రాజా తదితరుల పర్యవేక్షణలో జరిగిన ఈ సమావేశంలో మహిళా విభాగం నమోదు, కోయంబత్తూరులోని ప్రధాన అసెంబ్లీ నియోజకవర్గాల్లో కొత్త నిర్వాహకుల నియామకం,, సంక్షేమ కార్యక్రమాల విస్తరణపై కీలక నిర్ణయాలు తీసుకున్నారు. ధనుష్‌ రాజకీయ అడుగులపై మహిళల ఆకాంక్షలు సమావేశానికి హాజరైన మహిళా ప్రతినిధులు మీడియాతో మాట్లాడుతూ తమ సంతోషాన్ని, మద్దతును వ్యక్తం చేశారు. ధనుష్‌ గారు కొత్త రాజకీయ పార్టీని ప్రారంభించబోతున్నారనే వార్త మాకు ఎంతో సంతోషాన్ని ఇస్తోంది. ప్రస్తుతం తమిళనాడు రాజకీయాల్లో ఒక రకమైన లోటు ఉంది. ధనుష్‌ సొంత కష్టంతో అగ్రస్థానానికి వచ్చి ఎన్నో జాతీయ అవార్డులు సాధించారు. ఆయన కష్టపడే తత్వాన్ని నమ్మి ఓటు వేయవచ్చు అని వ్యాఖ్యానించడం గమనార్హం.

సాక్షి,చెన్నై: తమిళనాడు అసెంబ్లీ ఎన్నికల్లో అత్యధిక స్థానాలను కైవసం చేసుకున్న అతిపెద్ద పార్టీగా విజయ్‌ నేతృత్వంలోని ‘తమిళగ వెట్రి కళగం’ (టీవీకే) అవతరించింది. అయితే, సొంతంగా ప్రభుత్వం ఏర్పాటు చేసేందుకు అవసరమైన పూర్తి మెజారిటీ దక్కకపోవడంతో, ఇతర పార్టీల మద్దతు కూడగట్టుకుని విజయ్ ముఖ్యమంత్రిగా బాధ్యతలు చేపట్టారు.టీవీకే ప్రభుత్వం ఏర్పాటు చేయడానికి అవసరమైన సంఖ్యాబలాన్ని సాధించలేకపోతే... 'విదుతలై చిరుతైగళ్ కట్చి' (వీసీకే) అధినేత తోల్ తిరుమావళవన్‌ను ముఖ్యమంత్రిని చేసే అవకాశాన్ని అన్నాడీఎంకే ప్రధాన కార్యదర్శి ఎడప్పాడి కే. పళనిస్వామి (ఈపీఎస్)తో పాటు ఇతర నాయకులు పరిశీలించారని ఏఎంఎంకే ప్రధాన కార్యదర్శి టీటీవీ దినకరన్ వెల్లడించారు.ఆదివారం విలేకరులతో మాట్లాడిన దినకరన్.. తమిళనాడులో జరిగిన ప్రభుత్వ ఏర్పాటు పరిణామాలపై పలు కీలక విషయాలను పంచుకున్నారు. టీవీకే సొంతంగా మెజారిటీ సాధించలేకపోయిన నేపథ్యంలో ఈ ప్రత్యామ్నాయాన్ని పరిశీలించాం. విజయ్ ప్రభుత్వాన్ని ఏర్పాటు చేయకుండా అడ్డుకోవడం మా ఉద్దేశ్యం కాదు. టీవీకే ఎమ్మెల్యేలను ఇతర పార్టీలు తమ వైపు లాగేసుకోకుండా నిరోధించేలా చర్యలు తీసుకున్నాం. వామపక్ష పార్టీలు, తిరుమావళవన్ మద్దతు ఇవ్వకపోతే, విజయ్ ప్రభుత్వం ఏర్పాటు చేయడం కష్టమయ్యేదు. డీఎంకే అధ్యక్షుడు ఎంకే స్టాలిన్... తమ పార్టీ ప్రభుత్వం ఏర్పాటు చేసే ప్రయత్నం చేయదని స్పష్టం చేయడంతో, అన్నాడీఎంకే నాయకత్వంలో ప్రత్యామ్నాయ ఏర్పాటు కోసం చర్చలు జరిగాయి. అయితే, పళనిస్వామికి మద్దతు ఇవ్వడం అంటే బీజేపీకి మద్దతు ఇవ్వడమేనని భావించిన వామపక్ష పార్టీలు, ఆయనకు మద్దతు ఇచ్చేందుకు నిరాకరించారు. ఆ తర్వాతే ఈపీఎస్‌తో సహా మేమంతా కలిసి తిరుమావళవన్‌ను ముఖ్యమంత్రిని చేయడానికి ప్రయత్నించాం. ఒకవేళ టీవీకే ప్రభుత్వం ఏర్పాటుకు అవసరమైన సంఖ్యాబలాన్ని సాధించలేకపోతే, అటువంటి క్లిష్ట పరిస్థితుల్లో ప్రత్యామ్నాయ ప్రభుత్వానికి మద్దతు ఇవ్వాలని నేను విజయ్‌ను కోరా’ అని వెల్లడించారు. తమిళనాడులో దాదాపు వారం రోజుల పాటు సాగిన ప్రభుత్వ ఏర్పాటు ప్రక్రియలో చోటుచేసుకున్న రాజకీయ పరిణామాలు తాజా టీటీవీ దినకరన్‌ వ్యాఖ్యలతో మరోసారి వెలుగులోకి వచ్చాయి. నాటి ఎన్నికల్లో విజయ్ నేతృత్వంలోని టీవీకే అతిపెద్ద పార్టీగా అవతరించినప్పటికీ, మెజారిటీకి అవసరమైన సంఖ్యాబలాన్ని సాధించడానికి తీవ్రంగా శ్రమించాల్సి వచ్చింది. చివరకు వీసీకే, ఇండియన్ యూనియన్ ముస్లిం లీగ్ (ఐయూఎంఎల్‌) తమ మద్దతును ప్రకటించడంతో కూటమి బలం 118 సీట్ల మ్యాజిక్ ఫిగర్‌ను దాటింది. గవర్నర్ రాజేంద్ర అర్లేకర్‌ను నాలుగు సార్లు కలిసిన అనంతరం విజయ్‌కు ప్రభుత్వం ఏర్పాటు చేసేందుకు ఆహ్వానం లభించింది. దీంతో మే 10న విజయ్ తమిళనాడు ముఖ్యమంత్రిగా ప్రమాణ స్వీకారం చేశారు.ఇదీ చదవండి: హాట్‌ టాపిక్‌ : ధనుష్‌ పొలిటికల్‌ ఎంట్రీపై టీవీకే స్పందన

డెంగీతో బాలుడి మృతి కొరుక్కుపేట: పల్లాడంలో డెంగీతో నాలుగేళ్ల బాలుడు మృతి చెందాడు. తిరుప్పూర్‌ జిల్లాలోని పశ్చిమ పల్లాడంకు చెందిన ప్రవీణ్‌కుమార్‌ కుమారుడు తమిళ (4), అతను పల్లాడంలోని వడుగపాలయంలోని ఓ ప్రైవేట్‌ పాఠశాలలో చదువుతున్నాడు. అతను గత కొన్ని సంవత్సరాలుగా తీవ్ర అనారోగ్యంతో బాధపడుతున్నాడు. కొన్ని రోజులుగా జ్వరంతో బాధపడుతూ పల్లాడంలోని ఓ ప్రైవేట్‌ ఆసుపత్రిలో చికిత్స అందిస్తూ వస్తున్నారు. వైద్య పరీక్షల అనంతరం, అతనికి డెంగీ జ్వరం ఉన్నట్లు నిర్ధారణ అయ్యింది. అతను కోయంబత్తూరు ప్రభుత్వ వైద్య కళాశాల ఆసుపత్రిలో చేరి చికిత్స పొందుతున్నాడు. ఈ పరిస్థితుల్లో తమిళ్‌కు చికిత్స చికిత్స ఫలించక, శుక్రవారం రాత్రి మరణించాడు. యువకుడి పై దాడి పళ్ళిపట్టు: యువకుడిపై దాడిచేసి హత్య బెదిరింపులకు పాల్పడ్డ టీవీకే కార్యకర్తను పోలీసులు అరెస్టు చేశారు. ఆర్కేపేట సమీపంలోని రాజానగరం గ్రామానికి చెందిన సత్య (28) శుక్రవారం రాత్రి కేజీ.కండ్రిగ నుంచి బైకులో ఇంటికి వెళ్లుతుండగా, కృష్ణాకుప్పానికి చెందిన మాజీ సైనికుడు, టీవీకే కార్యకర్త కార్తికేయన్‌(38) సత్యను చూసి అసభ్య పదజాలాలతో మాట్లాడినట్లు, ప్రశ్నించడంతో దాడికి పాల్పడినట్లు దీంతో అక్కడ నుంచి బైకులో వెళ్లిన సత్యను కార్తికేయన్‌ వెంబడించి ఆర్కేపేట బజారులో అడ్డుకుని దాడిచేసి హత్య బెదిరింపులు చేసినట్లు గాయపడ్డ సత్య పోలీసులకు ఫిర్యాదు చేశారు. ఈ మేరకు కేసు నమోదు చేసిన ఆర్కేపేట పోలీసులు కార్తికేయన్‌ను శనివారం అదుపులోకి తీసుకున్నారు. రోడ్డు రోలర్‌లో డీజిల్‌ చోరీ తిరుత్తణి: రోడ్డు రోలర్‌లో డీజిల్‌ చోరీ చేసిన డ్రైవర్‌ను పోలీసులు అరెస్టు చేశారు. చైన్నె తిరుపతి జాతీయ రహదారి విస్తరణ పనులు ఓ ప్రైవేటు సంస్థ ద్వారా జరుగుతున్నాయి. తిరుత్తణి వద్ద రోడ్డు విస్తరణ పనుల కోసం ఉత్తరప్రదేశ్‌కు చెందిన రాజ్‌కేశరి(27) రోడ్డు రోలర్‌ డ్రైవర్‌గా పనిచేసేవాడు. అతను శుక్రవారం మురుక్కంపట్లు వద్ద రోడ్డు రోలర్‌ నుంచి 60 లీటర్ల డీజిల్‌ చోరీ చేస్తుండగా ప్రయివేటు సంస్థ మేనేజర్‌ సత్యనారాయణన్‌ రెడ్‌ హ్యేండడ్‌గా పట్టుకుని పోలీసులకు అప్పగించారు. తిరుత్తణి పోలీసులు కేసు నమోదు చేసి రాజ్‌కేశరిని అరెస్టు చేశారు. అవగాహన ర్యాలీ అన్నానగర్‌: చెంగల్పట్టు జిల్లా మానసిక ఆరోగ్య ప్రాజెక్ట్‌ తరపున జిల్లా వైద్య శాఖ ఆధ్వర్యంలో, ప్రపంచ మానసిక ఆరోగ్య దినోత్సవం సందర్భంగా శుక్రవారం మధురాందకంలో అవగాహన ర్యాలీ జరిగింది. ఈ ర్యాలీకి మధురాందకం ఎమ్మెల్యే మరగదం కుమారవేల్‌ తదితరులు ప్రత్యేక ఆహ్వానితులుగా హాజరై, మానసిక అనారోగ్యాన్ని నిర్మూలించడానికి ప్రతిజ్ఞ చేశారు. దీని అనంతరం, ఎమ్మెల్యే కళాశాల విద్యార్థుల అవగాహన ర్యాలీని ప్రారంభించారు.మధురాంతకం బస్టాండ్‌ నుండి ప్రారంభమైన ఈ ర్యాలీ, ప్రధాన రహదారుల గుండా సాగి మధురాంతకం ప్రభుత్వ ఆసుపత్రి వద్ద ముగిసింది. ఇందులో పాల్గొన్న ప్రైవేట్‌ కళాశాలల విద్యార్థులు మానసిక అనారోగ్యం, మద్యపానం, డిప్రెషన్‌, అనుమానాస్పద మరణాలు, మతిమరుపు వంటి నినాదాలతో కూడిన బ్యానర్లను ప్రదర్శించి, ప్రజలలో అవగాహన కల్పించారు. ఈ ర్యాలీకి చెంగల్పట్టు జిల్లా డాక్టర్‌ మలర్‌ విళన్‌తో పాటు పలువురు వైద్యులు, నర్సులు పాల్గొన్నారు. తిరుత్తణి ఆలయ జాయింట్‌ కమిషనర్‌గా నిత్య తిరుత్తణి: తిరుత్తణి సుబ్రహ్మణ్యస్వామి ఆలయ జాయింట్‌ కమిషనర్‌గా నిత్య నియమితులైయ్యాయి.ఈ మేరకు హిందు దేవాదాయ శాఖ కార్యర్శి రాజారామన్‌ ఆదేశాలు జారీ చేశారు. ఇప్పటి వరకు తిరుత్తణి ఆలయ జాయింట్‌ కమిషనర్‌గా బాధ్యతలు నిర్వహిస్తూ వచ్చిన రమణి, చైన్నెలోని హిందుదేవాదాయ శాఖ కార్యాలయం భాగం 3 కు స్థాన చలనం కల్పించారు. ఆమె స్థానంలో చైన్నెలోని తిరువెళ్లిక్కుని పార్థసారథి ఆలయ డిప్యూటీ కమిషనర్‌గా బాధ్యతలు నిర్వహిస్తూ వచ్చిన నిత్య పదోన్నతి పొంది తిరుత్తణి ఆలయ జాయింట్‌ కమిషనర్‌గా నియమితులయ్యారు. ఆమె త్వరలో కొత్త బాధ్యతలు స్వీకరించనున్నారు. ఇద్దరు మానసిక వికలాంగులైన బాలికలు అదృశ్యం అన్నానగర్‌: చైన్నెలోని పుళల్‌ సమీపంలో ఉన్న కదిర్వేడు సత్యమూర్తి నగర్‌ ప్రాంతంలో బాలికల కోసం ఒక ఉచిత ఆశ్రమం ఉంది. ఇది 2017 నుండి నడుస్తోంది. ఈ ఆశ్రమం మానసిక వికలాంగులైన బాలికలు, తల్లిదండ్రులచే విడిచిపెట్టబడిన బాలికలతో సహా 36 మంది పిల్లలను సంరక్షిస్తోంది. వీరిలో, అగల్య (15), దివ్య (14) అనే ఇద్దరు బాలికలు 21వ తేదీ రాత్రి ఆశ్రమంలోని మొదటి అంతస్థు లో ఉన్న చెట్టు పై నుంచి కిందకు దిగిపోయినట్లు తెలుస్తోంది. చాలా చోట్ల వెతికినా వారి ఆచూకీ లభించలేదు. ఈ నేపథ్యంలో, ఆశ్రమం నిర్వాహకురాలు శైలజ భాస్కర్‌ పుళల్‌ పోలీస్‌ స్టేషన్‌లో ఫిర్యాదు చేశారు. ఆ ఫిర్యాదు ఆధారంగా పోలీసులు కేసు నమోదు చేసి, ఆ ఇద్దరు బాలికల కోసం గాలిస్తున్నారు. ఆశ్రమం నుంచి బాలికలు అదృశ్యం కావడంతో ఆ ప్రాంతంలో కలకలం ఏర్పడింది.

సివప్పు నక్షత్రం చిత్రానికితమిళ సినిమా: లీహరి పిక్చర్స్‌ పతాకంపై పీ.చిన్నతంబి, హరిశంకర్‌ కలిసి నిర్మిస్తున్న చిత్రం సివప్పు నక్షత్రం. ఈ చిత్రం టైటిల్‌ను దర్శక నటుడు సముద్రఖని తన సామాజిక మాధ్యమం ద్వారా విడుదల చేసి, మంచి సామాజిక దృక్పథంతో రూపొందిస్తున్న కథా చిత్రం అంటూ యూనిట్‌ సభ్యులను అభినందించారు. చిత్రం మంచి విజయాన్ని సాధించాలని శుభాకాంక్షలు తెలిపారు. ప్రకృతిలోని వనరులన్నీ మానవుల ఆకలిని తీర్చడానికే. అంతేకాని వాటిని కూడబెట్టి కృత్రిమ కొరతను కలిగించడానికి కాదు. ఇలాంటి చర్యలను పట్టించుకోకుండా బానిసల్లా బతికేస్తే సమస్యే ఉండదు. ఇందుకు వ్యతిరేకంగా జీవిస్తే అన్నీ సమస్యలే. ప్రేమ, విప్లవం, రాజకీయం, ఆర్థికపరమైన అంశాలు ఇతివృత్తంగా రూపొందుతున్న చిత్రం సివప్పు నక్షత్రం అని యూనిట్‌ వర్గాలు మీడియాకు విడుదల చేసిన ప్రకటనలో పేర్కొన్నారు. ఇందులో డల్‌హౌసీ ప్రభు కథా నాయకుడిగా నటిస్తూ కథ, కథనం, మాటలు, దర్శకత్వం బాధ్యతలను నిర్వహిస్తున్నారు. నటి వర్ష నాయకిగా నటిస్తోంది. ఇందులో పోలీస్‌ అధికారిగా ఓకే.సుందర్‌, న్యాయమూర్తిగా కరు.పళనియప్ప, ప్రతి నాయకులుగా సిద్ధార్థ్‌, ధీరన్‌, బాలమురుగన్‌, డెల్టా వీరన్‌ నటిస్తున్నారు. పీకే ఛాయాగ్రహణంను, డీసీ సంగీతాన్ని అందిస్తున్నారు. ఈ చిత్రం నిర్మాణ దశలో ఉంది. దీనికి సంబంధించిన మరిన్ని వివరాలను త్వరలోనే వెల్లడించనున్నట్లు యూనిట్‌ వర్గాలు పేర్కొన్నారు. తమిళ సినిమా: నటుడు జీవా కథా నాయకుడిగా నటిస్తున్న తాజా చిత్రం తగప్పన్‌. దీన్ని లార్క్‌ స్టూడియోస్‌ పతాకంపై కే.కుమార్‌ నిర్మిస్తున్నారు. ఈ చిత్రానికి ఆర్‌.వెంకట్‌ దర్శకత్వం వహిస్తున్నారు. నటి రజీషా విజయన్‌ నాయకిగా నటిస్తోంది. సంగీత దర్శకుడు అనిరుద్‌ తదితర ప్రముఖులు వద్ద పనిచేసిన ఇండిపెండెంట్‌ సంగీత దర్శకుడు మార్షల్‌ రాబిన్సన్‌ ఈ చిత్రానికి సంగీతాన్ని, టీ.ఉదయ్‌కుమార్‌ ఛాయాగ్రహణం అందిస్తున్నారు. తలైవన్‌ తంబి తలైమైయిల్‌ వంటి విజయవంతమైన చిత్రం తర్వాత నటుడు జీవా పూర్తిగా మదురై నేపథ్యంలో నటిస్తున్న చిత్రం ఇదని యూనిట్‌ వర్గాలు మీడియాకు తెలిపాయి. తండ్రి, కొడుకు మధ్య అనుబంధాన్ని ఆవిష్కరించే ఈ చిత్రం భావోద్వేగాలతో కూడిన కుటుంబ కథాంశంతో రూపొందుతున్నట్లు చెప్పారు. తెన్నావట్టు చిత్రం తర్వాత జీవా నటిస్తున్న గ్రామీణ కథా చిత్రం ఇదనీ, ఇది ఆయన సినీ కెరీర్‌లో ప్రత్యేకంగా నిలిచిపోతుందనే అభిప్రాయాన్ని వ్యక్తం చేశారు. ఈ చిత్రానికి సంగీతం అదనపు బలంగా ఉంటుందన్నారు. చిత్రం విడుదలకు ముందే ఆడియో హక్కులను థింక్‌ మ్యూజిక్‌ సంస్థ, శాటిలైట్‌ హక్కులను జీ తమిళ్‌, ఓటీటీ హక్కులను జీ 5 సంస్థ కొనుగోలు చేసినట్లు చెప్పారు. మదురైలో షూటింగ్‌ నిర్వహిస్తున్న సమయంలో ఆ ప్రాంత ప్రజలు గుంపులు గుంపులుగా వచ్చి చూసి చిత్రం బాగుంటుందనే నమ్మకాన్ని వ్యక్తం చేశారని పేర్కొన్నారు. ప్రస్తుతం షూటింగ్‌ను పూర్తి చేసుకుని నిర్మాణాంతర కార్యక్రమాలు జరుపుకుంటున్న ఈ చిత్రాన్ని డిసెంబర్‌ 24వ తేదీన విడుదల చేయనున్నట్లు యూనిట్‌ వర్గాలు అధికారికంగా విడుదల చేసిన ప్రకటనలో పేర్కొన్నారు. తగప్పన్‌ చిత్రం విడుదల తేదీ ఖరారు

కొరుక్కుపేట: వెండి కేడెముపై శ్రీ వాసవాంబ కొలువై భక్తులను కటాక్షించారు. చైన్నెలోని 300 సంవత్సరాల చరిత్ర కలిగిన శ్రీ కన్యకాపరమేశ్వరి దేవస్థానంలో ఈనెల 22 నుంచి వడాయతి ఉత్సవాలు అత్యంత వైభవంగా సాగుతున్నాయి. అందులో భాగంగా శనివారం శ్రీ వాసవాంబను వెండి కేడెముపై విశేషంగా అలంకరించి పూజలు చేశారు . భక్తులు పెద్దసంఖ్యలో పాల్గొని అమ్మవారిని దర్శించుకుని తరించారు. ఈ ఉత్సవంలో సాయంత్రం జరిగిన సాంస్కృతిక కార్యక్రమంలో గురువు ప్రియాబాంధవి సమక్షంలో నాట్య ప్రసాద బృందం నాట్యప్రదర్శన అందరినీ మంత్రముగ్దులను చేసింది.

పళ్ళిపట్టు: దీపావళి పురస్కరించుకుని పళ్లిపట్టులో బాణసంచా దుకాణాల్లో అధికారుల బృందం శుక్రవారం తనిఖీ చేపట్టారు. దేశవ్యాప్తంగా నవంబర్‌ 8న దీపావళి పండుగ సందర్భంగా బాణసంచా విక్రయాలు ఊపందుకున్నాయి. పళ్లిపట్టులోని ఐదు పర్మినెంట్‌ బాణసంచా దుకాణాల్లో సబ్‌ కలెక్టర్‌ సత్యమూర్తి ఆధ్వర్యంలో ఆరోగ్యశాఖ జిల్లా అధికారి ప్రియ, తహసీల్దారు మలర్‌విళి, అగ్నిమాపక శాఖ అధికారి సంపత్‌ తదితరుల బృందం దుకాణాల్లో తనిఖీ చేపట్టి దుకాణం పర్మిట్‌ సర్టిఫికెట్లను పరిశీలించి దుకాణంలో ఏర్పాటు చేసిన భద్రత ఏర్పాట్లు, వాహనాలు నిలిపేందుకు స్థలం, అనుమతించిన మొత్తంలో పేలుడు పదార్ధాలు నిల్వకు సంబందించి తనిఖీలు చేపట్టారు. బహిరంగ ప్రదేశాల్లో బాణసంచా విక్రయించరాదని, ముందస్తు జాగ్రత్తలు పాటించి నియమ నిబంధనలకు లోబడి టపాసుల వ్యాపారం చేపట్టాలని అధికారులు దుకాణాదారులకు సూచించారు. తాత్కాలిక బాణసంచా దుకాణాలకు సంబంధించి తనిఖీలు పూర్తిచేసి అర్హత వున్న తాత్కాలిక దుకాణాలకు నవంబర్‌ 1న అనుమతులు ఇవ్వనున్నట్లు అధికారులు తెలిపారు.

వేలూరు: రాష్ట్రవ్యాప్తంగా రెవెన్యూ శాఖలో పనిచేస్తున్న గ్రామీణ సిబ్బందుల సమస్యలను పరిష్కరించడంలో ప్రభుత్వం ప్రత్యేక ప్రాధాన్యత ఇవ్వాలని తమిళనాడు రెవెన్యూ గ్రామీణ రెవెన్యూ ఉద్యోగుల సంఘం రాష్ట్ర అధ్యక్షులు తిరుమలైవాసన్‌ డిమాండ్‌ చేశారు. వేలూరులోని టౌన్‌ హాలులో ఆ సంఘ రాష్ట్ర మూడవ మహానాడు జిల్లా అధ్యక్షులు ఆదికేశవన్‌ అధ్యక్షతన జరిగింది. ఈ సందర్భంగా ఆయన మాట్లాడుతూ గ్రామ సహాయకులకు నిర్ణీత కాల పరిమితితో కూడిన వేతన శ్రేణిని అమలు చేయాలని, తమను గ్రూప్‌ డీలో చేర్చాలని, విధి నిర్వహణలో మృతి చెందిన వారి కుటుంబ సభ్యులకు ఉద్యోగ అవకాశం కల్పించాలని, కాంట్రాక్టు పద్ధతిపై పనిచేస్తున్న వారిని ప్రభుత్వ ఉద్యోగులుగా గుర్తించాలని, సీనియారిటీ ప్రకారం ప్రదోన్నతులు కల్పించాలని తదితర డిమాండ్‌లు పరిష్కరించాలని డిమాండ్‌ చేశారు. ఈ మహానాడులో పలు తీర్మానాలను సభ్యులు తీర్మానించి ప్రభుత్వానికి అందజేయనున్నట్లు తెలిపారు. సమావేశంలో ఆ సంఘం జిల్లా కార్యదర్శి శరవణన్‌, కోశాధికారి ఆసైతంబి, సిబ్బంది పాల్గొన్నారు.

సాక్షి, చైన్నె: తక్కువ వసతులు ఉన్న గిరిజన వర్గాలకు సుస్థిర ఇంధన పరిష్కారాలను అందించే దిశగా ఒక ప్రతిష్టాత్మక అడుగు పడింది. సి.కె. కాలేజ్‌ ఆఫ్‌ ఇంజనీరింగ్‌ అండ్‌ టెక్నాలజీ, సుస్థిర అభివృద్ధి మండలి సంయుక్తంగా తమిళనాడులోని ఊటీలో ’ప్రాజెక్ట్‌ రే...సుస్థిర వీధి దీపాల మిషన్‌ను ప్రారంభించాయి. ఏస్‌ డీసీ పర్యావరణ , సుస్థిరత విభాగమైన ’సీరక్కు’ ప్రతిపాదించిన ఈ సత్సంకల్పంలో భాగంగా, నీలగిరి జిల్లా గూడలూరు తాలూకాలోని కూడమూల గిరిజన గ్రామంలో 20 సౌరశక్తితో పనిచేసే వీధి దీపాలను ఏర్పాటు చేసి మొదటి దశను విజయవంతంగా పూర్తి చేశారు. సుమారు 120 గిరిజన కుటుంబాలు నివసిస్తున్న కూడమూల గ్రామంలో ఇప్పటివరకు కేవలం నాలుగు వీధి దీపాలు మాత్రమే ఉండేవి. ప్రసిద్ధ ముదుమలై టైగర్‌ రిజర్వ్‌ అటవీ సరిహద్దుల్లో ఉన్న ఈ గ్రామంలో చీకటి పడిన తర్వాత అడవి జంతువుల సంచారం వల్ల గ్రామస్తులు బయటకు రావడానికి తీవ్ర భయాందోళనలు చెందేవారు. ఈ సమస్యకు పరిష్కారంగా గ్రామానికి వచ్చే ప్రధాన ప్రవేస,నిష్క్రమణ మార్గాలు, పాదచారుల దారులు, పాఠశాల విద్యార్థులు సంచరించే ముఖ్యమైన ప్రాంతాలలో విద్యుత్‌ గ్రిడ్‌తో సంబంధం లేకుండా స్వతంత్రంగా పనిచేసే సోలార్‌ వీధి దీపాలను అమర్చారు. దీనివల్ల రాత్రి వేళల్లో రాకపోకలు సురక్షితంగా మారడమే కాకుండా, అడవి జంతువుల సంచారాన్ని ముందే గుర్తించే అవకాశం గ్రామస్తులకు కలిగింది. ఈప్రారంభోత్సవ కార్యక్రమానికి అసిస్టెంట్‌ కన్జర్వేటర్‌ ఆఫ్‌ ఫారెస్ట్స్‌ శ్రీనివాసన్‌, మున్సిపల్‌ ఇంజినీర్‌ త్యాగరాజన్‌ ముఖ్య అతిథులుగా హాజరై దీపాలను ప్రారంభించారు. ఈఈ పర్యావరణ విభాగం డైరెక్టర్‌ దినేష్‌ ఎస్‌.పి., ఆ విద్యాసంస్థ ప్రిన్సిపల్‌ డా. శరవణన్‌ ఎస్‌, ఇతర ప్రతినిధులు పాల్గొన్నారు. గిరిజన విద్యార్థులకు ‘సోలార్‌ ల్యాంప్స్‌’ తయారీలో శిక్షణ వీధి దీపాల ఏర్పాటుతో పాటు, యునెస్కో యూత్‌ ఎడ్యుకేషన్‌ రీసెర్చ్‌ ‘‘డూ ఇట్‌ యువర్‌ సెల్ఫ్‌ – సోలార్‌ ల్యాంప్‌ ఇనిషియేటివ్‌ కింద ఒక ప్రత్యేక శిక్షణా కార్యక్రమాన్ని ఈ సందర్భంగా నిర్వహించారు. ఈ సందర్భంగా ఎస్‌డీసీ ఛైర్‌పర్సన్‌, సి.కె. గ్రూప్‌ ఎగ్జిక్యూటివ్‌ డైరెక్టర్‌ అముధవల్లి రంగనాథన్‌ మాట్లాడుతూ విద్య , సంస్థాగత పురోగతి యొక్క నిజమైన విలువ సమాజానికి ఉపయోగపడినప్పుడే సార్థకమవుతుందన్నారు. ఒకరి జీవితాన్ని ఉన్నతీకరించినప్పుడు తరతరాలను ఉన్నతీకరించవచ్చని బలంగా నమ్ముతున్నానని పేర్కొన్నారు. భవిష్యత్‌లో కూడా స్థానిక అవసరాలను బట్టి విద్య, సాంకేతికత, నైపుణ్యాభివృద్ధి వంటి రంగాలలో గిరిజన యువతను సాధికారులను చేయడానికి మా ప్రయత్నాలు కొనసాగుతాయన్నారు.

వేలూరు : వేలూరు, తిరువణ్ణామలై జిల్లాలోని ఆలయాల్లో ప్రదోష దినోత్సవాన్ని పురస్కరించుకుని శుక్రవారం సాయంత్రం ప్రదోష పూజలను నిర్వహించారు. ముందుగా తిరువణ్ణామలై అరుణాచలేశ్వరాలయంలోని అధికార పెద్ద నంది భగవాన్‌కు శివాచార్యులు వేద మంత్రాలచే మేళ తాళాల నడుమ ప్రత్యేక పూజలు, అభిషేకాలు చేపట్టి కాయ కూరలు, పుష్పాలంకరణ చేపట్టారు. అనంతరం భక్తుల అధిక సంఖ్యలో చేరుకొని హరోం హర నామస్మరణ మధ్య శివాచార్యులు వేద మంత్రాల నడుమ కర్పూర హారతులు పట్టారు. అనంతరం స్వామి వార్లును అధికార నందీ వాహణంలో ఆశీనులు చేసి మాడ వీధుల్లో మేళ తాలాల నడుమ ఊరేగించారు. అదేవిధంగా వేలూరు కోట మైదానంలోని జలకంఠేశ్వరాలయంలో నంది భగవాన్‌కు శివాచార్యులు వేద మంత్రాల నడుమ ప్రత్యేక పూజలు, అభిషేకాలు చేసి కాయకూరలతో అలంకరించారు. అనంతరం నంది భగవాన్‌కు కర్పూర హారతులు పట్టి మొక్కులు తీర్చుకున్నారు. ఈ పూజా కార్యక్రమంలో భక్తులు అధిక సంఖ్యలో చేరుకొని స్వామి వారిని దర్శించుకున్నారు. అదే విధంగా వేలూరు, తిరువణ్ణామలై, తిరుపత్తూరు, రాణిపేట వంటి జిల్లాలోని శివాలయాల్లోని నంది భగవాన్‌కు పూజలు చేసి ప్రార్థనలు చేశారు.

సాక్షి,చైన్నె: ప్రముఖ ఆభరణాల విక్రయ సంస్థ చల్లానీ జ్యువెలరీ మార్ట్‌ తమ అధికారిక బ్రాండ్‌ అంబాసిడర్‌గా జేసన్‌ సంజయ్‌ను నియమించినట్లు ప్రకటించింది. సాంప్రదాయ పురాతన, వజ్రాల, టెంపుల్‌, జడావు పోల్కి , ప్లాటినం ఆభరణాల కలెక్షన్లకు పేరుగాంచిన ఈ బ్రాండ్‌, యువతరం వినియోగదారులను ఆకట్టుకోవడమే లక్ష్యంగా ఈ నిర్ణయం తీసుకుంది. ఈ భాగస్వామ్యంలో భాగంగా జేసన్‌ సంజయ్‌, చల్లానీ జ్యువెలరీ మార్ట్‌ యొక్క సోషల్‌ మీడియా ప్రచారాలు, బహుళ–ప్లాట్‌ఫారమ్‌ ప్రకటనలలో బ్రాండ్‌కు ప్రాతినిధ్యం వహించనున్నారు. ఆ సంస్థ మేనేజింగ్‌ డైరెక్టర్‌ జయంతిలాల్‌ చల్లానీ మాట్లాడుతూ దర్శకుడు సంజయ్‌ కొత్త తరం ఆత్మవిశ్వాసానికి, నూతన శక్తికి ప్రతిరూపం నా పేర్కొన్నారు. తమ విశ్వసనీయతకు ఆయన యువతరం దక్పథం తోడవ్వడం బ్రాండ్‌ వృద్ధికి ఎంతో సహాయపడుతుందన్నారు. ప్రస్తుతం చైన్నె, మదురై, పుదుచ్చేరిలలో విస్తరించిన చల్లానీ జ్యువెలరీ మార్ట్‌, తమ సుదీర్ఘ వారసత్వానికి సమకాలీన డిజైన్లను జోడించి అన్ని తరాల వినియోగదారులకు మరింత చేరువయ్యేందుకు ప్రణాళికలు రచిస్తోందన్నారు. జేసన్‌ సంజయ్‌ మాట్లాడుతూ గుర్తింపు అనేది మనం స్వయంగా నిర్మించుకునేది, వారసత్వంగా పొందేది కాదు. చల్లానీ ఆ స్వతంత్ర స్ఫూర్తి నన్ను ఎంతగానో ఆకట్టుకుంది అని వ్యాఖ్యానించారు.

వేలూరు: వేలూరులో మరుదపాండియర్‌ల 225వ వర్ధంతి సభను పురస్కరించుకుని వేలూరులో తోటపాళ్యంలోని ధర్మరాజ ఆలయ ప్రాంగణంలో పాండియర్‌లకు స్మారక కార్యక్రమం నిర్వహించారు. ముందుగా అక్టోబర్‌ 24 మరుదు యువజన ఉద్యమ వ్యవస్థాపకుడు వీఎంబీ అప్పు బాలాజీ మొదలియార్‌ ఆధ్వర్యంలో మరుదు పాండియర్‌ విగ్రహాలకు పూల మాల వేసి నివాళులు అర్పించడంతో పాటు స్మారక జెండాను ఎగరవేశారు. అనంతరం వారి ఆత్మ శాంతి కలగాలని కోరుతూ మోక్షదీపం వెలిగించడంతో పాటు పుష్పాంజలి ఘటించారు. ఇందులో వేలూరు ఎమ్మెల్యే వినోద్‌ కన్నన్‌ ముఖ్య అతిథిగా హాజరై జెండాను ఎగరవేసి నిరుపేద విద్యార్థులకు నోటు పుస్తకాలతో పాటూ పెన్‌లు, నిరుపేదలకు దుస్తులను అందజేశారు. అనంతరం మధ్యాహ్నం నిరుపేదలకు అన్నదానం చేశారు. అదేవిధంగా అప్పు బాలాజీ మొదలియార్‌ అధ్యక్షతన వృద్ధాప్య ఆశ్రమంలో మరుదుపాండియర్‌ల చిత్ర పటానికి పూల మాల వేసి నివాళులు అర్పించి అన్నదానం చేశారు. కార్యక్రమంలో వీసీకే రాష్ట్ర కార్యవర్గ సభ్యులు నీల చంద్రకుమార్‌, జిల్లా కార్యదర్శి పిలీఫ్‌, బీజేపీ వేలూరు జిల్లా అధ్యక్షులు దశరదన్‌, పారిశ్రామికవేత్త పయణి, ఎల్‌కేఎంబీ వాసు, అక్టోబర్‌ 24 మరుదు యువజన ఉద్యమ సంఘం ప్రతినిధులు, వివిధ పార్టీలకు చెందిన ప్రతినిధులు పాల్గొన్నారు.

తమిళ సినిమా: యువ నటుడు ముగెన్‌ రావ్‌ కథా నాయకుడిగా నటిస్తున్న తాజా చిత్రం మైలో. దీన్ని ఎస్‌ఎస్‌ఆర్‌ ఎంటర్‌టైన్‌మెంట్‌ పతాకంపై కేఎల్‌ సురేష్‌ నిర్మిస్తున్నారు. ఈ చిత్రానికి కథ, దర్శకత్వం బాధితులను కవిన్‌ మూర్తి నిర్వహిస్తున్నారు. నటి తేజు అశ్విని నాయకగా నటిస్తోంది. ఇందులో ఇళవరసు, మునీష్‌ కాంత్‌, బిగ్‌ బాస్‌ ఫెబ్‌ జనని, సురేష్‌ మీనన్‌, ఆదిత్య కధీర్‌ తదితరులు ముఖ్య పాత్రలు పోషిస్తున్నారు. ఎంగళ్‌ అన్న చిత్రం పేరు ఇంద్రజ సుమారు 20 ఏళ్ల తర్వాత చిత్రం ద్వారా తమిళంలో రియల్లీ ఇస్తున్నారు. ఆమె ఇందులో చాలా కీలకపాత్రను పోషిస్తున్నారు. అదేవిధంగా ఒక పెట్‌ డాగ్‌ ముఖ్య పాత్రను పోషిస్తోంది. యూనిట్‌ సభ్యులు చిత్ర వివరాలను మీడియాకు విడుదల చేశారు. వారు మాట్లాడుతూ చిత్రం షూటింగును చైన్నె, ఊటీ, కొల్లి మలై, మూనారు, తిరువనంతపురం, మలేషియా ప్రాంతాల్లో నిర్వహించి పూర్తి చేసినట్లు తెలిపారు. 18 ఏళ్ల క్రితం జరిగిన ఒక నేరాన్ని హీరో మైలో అనే పెట్‌ డాగ్‌ సాయంతో ఎలా వెలికితీశాడన్న పలు ఆసక్తికరమైన అంశాలతో రూపొందిస్తున్న సస్పెన్‌, థ్రిల్లర్‌ కథ ఇది అని తెలిపారు. చిత్ర ఫస్ట్‌ లుక్‌ పోస్టర్‌ విడుదల చేసినట్లు చెప్పారు. ఎత్తైన ప్రదేశంలో నిలబడిన హీరో కాళ్ల వద్ద నిలుచున్న కుక్క పిల్లతో కూడిన పోస్టర్‌లో మోర్‌ దెన్‌ ఏ పెట్‌ ఏ సైలెంట్‌ విట్‌నెస్‌ అనే క్యాప్షన్‌తో కూడిన ఫస్ట్‌ లుక్‌ పోస్టర్‌కు ప్రేక్షకుల నుంచి మంచి స్పందన వస్తోందని యూనిట్‌ సభ్యులు ఆనందాన్ని వ్యక్తం చేశారు. చిత్రం ఆడియో, ట్రైలర్‌, చిత్రం థియేటర్‌ విడుదల వివరాలను త్వరలోనే వెల్లడిస్తామని పేర్కొన్నారు. ఈ చిత్రానికి జెన్‌ మార్టిన్‌ సంగీతాన్ని, జీజూసన్నీ ఛాయాగ్రహణంను అందిస్తున్నారు.

తమిళ సినిమా: కోలీవుడ్‌లో రెండు చిత్రాల్లో నటించినా మంచి విజయాన్ని అందుకోలేకపోయిన కన్నడ బ్యూటీ రుక్మిణి వసంత్‌. కన్నడం, మలయాళం, తమిళం భాషల్లో నటిస్తున్న నటి ఈమె. ఏస్‌ చిత్రం ద్వారా కోలీవుడ్‌కు ఎంట్రీ ఇచ్చిన రుక్మిణి వసంత్‌ను ఆ చిత్రం పూర్తిగా నిరాశ పరిచింది. ఆ తర్వాత శివకార్తికేయన్‌కు జంటగా మదరాసీ చిత్రంలో నటించే అవకాశం దక్కించుకున్నారు. ఏఆర్‌.మురుగదాస్‌ దర్శకత్వం వహించిన ఈ చిత్రం కూడా ఆశించిన విజయాన్ని అందుకోలేకపోయింది. ఇటీవల ఈమె నటించిన కన్నడ చిత్రం కాంతార మంచి పేరు తెచ్చిపెట్టింది. అదే విధంగా తెలుగులో జూనియర్‌ ఎన్టీఆర్‌ సరసన డ్రాగన్‌ చిత్రంలో నటించే అవకాశం వరించింది. ఇలా వరుసగా అవకాశాలను అందుకుంటున్న రుక్మిణి వసంత్‌కు తాజాగా కోలీవుడ్‌లో మరో ఛాన్స్‌ వచ్చింది. ఎస్‌ఎస్‌.శ్రీకార్తీక్‌ దర్శకత్వం వహించనున్న తాజా చిత్రానికి నటి రుక్మిణి వసంత్‌ను ఎంపిక చేశారు. ఇంతకు ముందు కోణం చిత్రం చేసి మంచి పేరు తెచ్చుకున్న శ్రీకార్తిక్‌ తన కొత్త చిత్రానికి సిద్ధం అవుతున్నారు. దీనికి సంబంధించిన అధికారిక ప్రకటనతో కూడిన ఒక వీడియోను విడుదల చేశారు. అందులో తారా అనే పాత్ర కోసం నటి రుక్మిణి వసంత్‌ను ఎంపిక చేసినట్లు పేర్కొన్నారు. అదే విధంగా ఇతర నటీనటులు, సాంకేతిక వర్గం వివరాలతో కూడిన వీడియోలను వరుసగా విడుదల చేయనున్నట్లు తెలిపారు. ఈ చిత్రమైనా నటి రుక్మిణి వసంత్‌కు తమిళంలో మంచి విజయాన్ని అందిస్తుందేమో చూడాలి. రుక్మిణి వసంత్‌

సాక్షి, చైన్నె: ప్రముఖ పర్యాటక ప్రదేశం ఊటీ, కోతగిరి, కున్నూర్‌ తదితర ప్రాంతాల్లో శుక్రవారం అర్ధరాత్రి, శనివారం ఉరుములు, మెరుపులతో కురిసిన భారీ వర్షం కురిసింది. ఈ కారణంగా కూనూరు – మేటుపాలయం జాతీయ రహదారిపై పెనుప్రమాదం తప్పింది. బస్సుపై కొండచరియలు విరిగిపడ్డాయి. ఊటీ నుండి కోయంబత్తూరు వెళ్తున్న ఒక ప్రభుత్వ ఆర్టీసీ బస్సు కూనూరు సమీపంలోని పార్లియార్‌ ప్రాంతానికి చేరుకోగానే, ఒక్కసారిగా కొండచరియలు విరిగిపడి భారీ బురద ప్రవాహం బస్సుపైకి దూసుకొచ్చింది. దీంతో ఆ బస్సు పూర్తిగా బురదలో కూరుకు పోయింది. సమాచారం అందుకున్న వెంటనే మెట్టుపాలయం అగ్నిమాపక సిబ్బంది, రెస్క్యూ టీమ్‌లు యుద్ధప్రాతిపదికన ఘటనా స్థలానికి చేరుకున్నాయి. బస్సులో చిక్కుకున్న ఆరుగురు ప్రయాణికులను అత్యంత సాహసోపేతంగా సురక్షితంగా బయటకు వెలికి తీశారు. అయితే, ఈ ప్రమాదంలో గాయపడిన బస్సు డ్రైవర్‌, కండక్టర్‌లను మెరుగైన వైద్యం కోసం మెట్టుపాలయం ప్రభుత్వ ఆసుపత్రికి తరలించారు. ప్రస్తుతం వారి పరిస్థితి నిలకడగా ఉన్నట్లు సమాచారం. రికార్డు స్థాయి వర్షపాతం–పాఠశాలలకు సెలవు నీలగిరి జిల్లాలో గడచిన 24 గంటల్లో భారీ వర్షపాతం నమోదైంది. ముఖ్యంగా పార్లియార్‌లో అత్యధికంగా 250 సెమి, వర్షపాతం కురిసింది. దిగువ కోతగిరిలో 20 సెమీ, ఎడప్పాడిలో 16, కోతగిరిలో 13 సెమీ, సాకేతై, దేవాల, కోడనాడు, కూనూరు రూరల్లో 8 సెమి చొప్పున వర్షం కురిసినట్లు అధికారిక వర్గాలు వెల్లడించాయి. విద్యార్థుల భద్రతను దృష్టిలో ఉంచుకుని ఊటీ, కూనూరు, కోటగిరి, కుంత, గూడలూర్‌, పండలూర్‌ తాలూకాల పరిధిలోని అన్ని పాఠశాలలకు శనివారం సెలవు ప్రకటించినట్లు జిల్లా కలెక్టర్‌ లక్ష్మీ భవ్య తెలిపారు. ఎలాంటి ప్రత్యేక తరగతులు కూడా నిర్వహించకూడదని స్పష్టం చేశారు. నీలగిరిలో వర్షాల తీవ్రత ఇంకా కొనసాగుతుండటంతో అధికారులు ప్రజలను అప్రమత్తం చేశారు. కేరళ విద్యార్థులు సురక్షితం కేరళ నుండి పర్యాటక యాత్ర నిమిత్తం ఊటీకి వచ్చిన పాఠశాల విద్యార్థుల బస్సులు, మెట్టుపాళయం – కూనూరు రహదారిలోని పర్లియార్‌ ప్రాంతంలో కొండచరియలు విరిగిపడటంతో మార్గంమధ్యలో చిక్కుకుపోయాయి. ముందు వెళ్తున్న ప్రభుత్వ బస్సుపై కొండచరియలు పడి పూర్తిగా దెబ్బతింది. అప్రమత్తమైన అధికారులు విద్యార్థులనరినీ తాడుల సహాయంతో, కొండ మార్గాల గుండా సురక్షితంగా రక్షించి ప్రత్యేక వాహనాలు,రైళ్ల ద్వారా తరలించారు. ప్రభుత్వ బస్సు డ్రైవర్‌ మృతి కూనూరు నుండి కోయంబత్తూరు వెళ్తున్న ప్రభుత్వ బస్సు టైరు పంక్చర్‌ కావడంతో ప్రయాణికులు దిగిపోయారు. టైరు మార్చిన అనంతరం డ్రైవర్‌ ఒక్కడే బస్సును తీసుకెళ్తుండగా, మార్గమధ్యంలో చెట్లు, కొండచరియలు విరిగిపడి బస్సు తీవ్రంగా దెబ్బతింది. ఈ ప్రమాదంలో సహాయక చర్యలు చేపట్టినప్పటికీ, డ్రైవర్‌ జనకరాజ శిథిలాల కింద చిక్కుకుని ప్రాణాలు కోల్పోయారు. కొడైకనాల్‌లో కుండపోత వర్షం తమిళనాడులోని మరో ప్రముఖ పర్యాటక ప్రాంతమైన దిండిగల్‌ జిల్లా కోడైకనాల్‌ కొండల్లో గత కొన్ని రోజులుగా ఎడతెరిపి లేకుండా కురుస్తున్న భారీ వర్షాలు తీవ్ర అలజడి సృష్టిస్తున్నాయి. వర్షాల ధాటికి కొండచరియలు విరిగిపడటం, చెట్లు నేలకూలడం, రహదారులు కొట్టుకుపోవడంతో కొండ ప్రాంతాల్లో రవాణా వ్యవస్థ స్తంభించిపోయింది. కుండపోత వర్షానికి కోడైకనాల్‌ సమీపంలోని ఉడుక్కుం–పెరియకుళం పర్వత రహదారి దారుణంగా దెబ్బతింది. కొండచరియలు విరిగిపడటంతో పాటు భారీ బండరాళ్లు, వృక్షాలు రోడ్డుపై పడిపోయాయి. అంతేకాకుండా, వర్షపు నీటి ఉధృతికి రహదారి అనేక చోట్ల కొట్టుకుపోయి పెద్ద ఎత్తున పగుళ్లు, గుంతలు ఏర్పడ్డాయి. దీంతో ఉడుక్కుం–పెరియకుళం మార్గంలో వాహనాల రాకపోకలు పూర్తిగా నిలిచిపోయాయి. సాధారణంగా వట్టలకుండు, పళని మార్గాల ద్వారా ప్రజా రవాణా సాగుతున్నప్పటికీ, ప్రత్యామ్నాయ మార్గమైన ఈ రహదారి నిలిచిపోవడంతో కొండ ప్రాంతాల ప్రజలకు తీవ్ర అవస్థలు ఎదురవుతున్నాయి. ఈ పర్వత రహదారిని స్థానిక కొండ గ్రామాల ప్రజలు తమ ద్విచక్ర వాహనాలు, నిత్యావసర వస్తువుల సరుకు రవాణా వాహనాల కోసం ఎక్కువగా వినియోగిస్తుంటారు. మార్గం పూర్తిగా మూతపడటంతో ఉడుక్కుం ప్రాంతంలోని కొండ గ్రామాల ప్రజలు బాహ్య ప్రపంచంతో సంబంధాలు తెగిపోయి తీవ్ర ఇబ్బందులు పడుతున్నారు. యుద్ధప్రాతిపదికన కొండచరియలు, కూలిన చెట్లను తొలగిస్తూ, దెబ్బతిన్న రోడ్డుకు తాత్కాలిక మరమ్మతులు చేపట్టే పనిలో అధికార వర్గాలు నిమగ్నమయ్యారు. వర్షాల తీవ్రత దష్ట్యా ప్రయాణికులు, స్థానికులు అప్రమత్తంగా ఉండాలని అధికారులు సూచించారు. రవాణా వ్యవస్థకు తీవ్ర అంతరాయం మెట్టుపాళయం – ఊటీ పర్వత రైల్వే మార్గంలో పలుచోట్ల కొండచరియలు , చెట్లు కూలిపోవడంతో రైలు సర్వీసులు తాత్కాలికంగా రద్దు చేశారు. కోయంబత్తూరు రహదారిలో భారీ గుంతలు పడి రోడ్డు లోయలోకి కూరుకుపోయింది. భారీ వర్షాలు, కొండచరియలు విరిగిపడుతున్న నేపథ్యంలో కోడనాడ్‌లోని కోటకి జలపాతాన్ని సందర్శించే పర్యాటకులపై ఒక రోజు నిషేధం విధించారు. జిల్లాలో ప్రజలు ,పర్యాటకులు అత్యవసరమైతే తప్ప ప్రయాణాలు చేయవద్దని కలెక్టర్‌ హెచ్చరికలు జారీ చేశారు భారీ వర్షాల కారణంగా కూనూరు–మేటుపాలయం రోడ్డుతో పాటు కోతగిరి–మేటుపాలయం రోడ్డులోని పలు ప్రాంతాల్లోనూ కొండచరియలు విరిగిపడ్డాయి. ప్రయాణికుల భద్రత దృష్ట్యా అర్ధరాత్రి నుంచే ఈ మార్గాల్లో వాహనాల రాకపోకలను అధికారులు పూర్తిగా నిలిపివేశారు. అలాగే, మంజుర్‌–కోయంబత్తూరు రహదారిపై భారీ బండరాయి ఒకటి రోడ్డు మధ్యలోకి దొర్లుకుంటూ రావడంతో ట్రాఫిక్‌ తీవ్ర అంతరాయం ఏర్పడింది. రహదారి శాఖ సిబ్బంది వెంటనే స్పందించి, జేసీబీ సహాయంతో ఆ బండరాయిని తొలగించి ట్రాఫిక్‌ను పునరుద్ధరించారు. అయితే వర్షాల కారణంగా రోడ్డు ప్రమాదకరంగా మారడంతో వాహనదారులు తీవ్ర భయాందోళనలతో ప్రయాణిస్తున్నారు. ప్రమాదకరంగా ఉన్న రాళ్లను వెంటనే గుర్తించి తొలగించాలని స్థానికులు కోరుతున్నారు. తుపాను హెచ్చరికలతో.. బంగాళాఖాతంలో ఏర్పడిన అల్పపీడన ప్రాంతం మరింత బలపడి తుపానుగా మరే అవకాశం ఉందని వాతావరణ శాఖ హెచ్చరించింది. ఇది పశ్చిమ–వాయువ్య దిశగా కదులుతూ రానున్న రోజుల్లో మరింత బలపడే అవకాశం ఉందని తెలిపారు. ఆదివారం నీలగిరి, కోయంబత్తూరు, తేని, దిండిగల్‌, మదురై, తిరుచిరాపల్లి జిల్లాలతో పాటు చైన్నె, కాంచీపురం, చెంగల్‌పట్టు, తిరువళ్లూరు, కడలూరు, పుదుచ్చేరి ప్రాంతాలలో భారీ నుంచి అతి భారీ వర్షాలు కురిసే అవకాశం ఉందని ప్రకటించారు. కాగా కన్యాకుమారి జిల్లాలో భారీ వర్ష హెచ్చరికల నేపథ్యంలో లెమూర్‌ బీచ్‌, ముట్టం, కన్యాకుమారి బీచ్‌లతో పాటు అన్ని ప్రముఖ పర్యాటక ప్రదేశాలను అధికారులు తాత్కాలికంగా మూసివేశారు.

సాక్షి,చైన్నె: శ్రీ రామచంద్ర ఇన్‌స్టిట్యూట్‌ ఆఫ్‌ హయ్యర్‌ ఎడ్యుకేషన్‌ అండ్‌ రీసెర్చ్‌ స్నాతకోత్సవం శనివారం జరిగింది. ఈ వేడుకకు డిపార్ట్‌మెంట్‌ ఆఫ్‌ స్పేస్‌ సెక్రటరీ, ఇస్రో చైర్మన్‌ డా. వి. నారాయణన్‌ ముఖ్య అతిథిగా విచ్చేశారు. నర్సింగ్‌, క్లినికల్‌ రీసెర్చ్‌, బయోమెడికల్‌ సైన్సెస్‌ అండ్‌ టెక్నాలజీ, ఆడియాలజీ అండ్‌ స్పీచ్‌ లాంగ్వేజ్‌ పాథాలజీ, ఆక్యుపేషనల్‌ థెరపీ, బిహేవియరల్‌ అండ్‌ సోషల్‌ సైన్సెస్‌ తదితర విభాగాలకు చెందిన 455 మంది విద్యార్థులకు ఆయన డిగ్రీ పట్టాలను ప్రదానం చేశారు. ఈ సందర్భంగా డా. వి. నారాయణన్‌ స్నాతకోత్సవ ప్రసంగం చేస్తూ, భారత అంతరిక్ష పరిశోధనా సంస్థ సాధించిన అద్భుతమైన మైలురాళ్లను, దేశ అంతరిక్ష కార్యక్రమానికి ఇస్రో అందిస్తున్న అమూల్యమైన సేవలను కొనియాడారు. ప్రస్తుతం ప్రపంచ అంతరిక్ష ఆర్థిక వ్యవస్థలో భారత్‌ వాటా దాదాపు 2%గా ఉందని, భవిష్యత్‌లో దీనిని 10%కి పెంచడమే లక్ష్యంగా పెట్టుకున్నామని ఆయన వెల్లడించారు. భారత అంతరిక్ష రంగం భవిష్యత్తు ప్రణాళికలుగా ప్రభుత్వం, ఇస్రో, ప్రైవేట్‌ పరిశ్రమల సంయుక్త కృషితో రాబోయే మూడేళ్లలో ఏటా 50 రాకెట్లను ప్రయోగించే స్థాయికి తయారీ సామర్థ్యాన్ని పెంచుతామని తెలిపారు. భారత్‌ చేపట్టిన మానవ సహిత అంతరిక్ష యాత్ర (గగన్‌యాన్‌) ప్రణాళికలో భాగంగా ఇప్పటికే పలు కీలకమైన సేఫ్టీ, క్రూ–ఎస్కేప్‌ పరీక్షలను విజయవంతంగా నిర్వహించినట్లు ఆయన పేర్కొన్నారు. అంతరిక్ష సేవలకు, శాటిలైట్‌ ప్రయోగాలకు పెరుగుతున్న డిమాండ్‌ను తట్టుకునేందుకు ప్రయోగ వేదికలను విస్తరిస్తున్నట్లు తెలిపారు. ప్రస్తుతం శ్రీహరికోటలో రెండు లాంచ్‌ పాడ్లు ఉండగా.. తమిళనాడులోని కులశేఖరపట్నంలో కొత్తగా ప్రయోగ వేదికను ఏర్పాటు చేస్తున్నట్లు చెప్పారు. కార్యక్రమంలో విద్యా సంస్థ చాన్స్‌లర్‌ శ్‌ వి.ఆర్‌. వెంకటాచలం, ప్రొ–ఛాన్సలర్‌ శ ఆర్‌.వి. సెంగుటువన్‌, రిజిస్ట్రార్‌ డా.ఎస్‌. సెంథిల్‌ కుమార్‌, మెడికల్‌ కాలేజ్‌ డీన్‌ డా. కె. బాలాజీ సింగ్‌, పరీక్షల నియంత్రణాధికారి డా. ఆర్‌. పద్మావతి, రీసెర్చ్‌ డీన్‌ డా. పి. వెంకటాచలం, ఫైనాన్స్‌, అకౌంట్స్‌ డైరెక్టర్‌ రవిశంకర్‌ తదితరులు పాల్గొన్నారు.

సాక్షి,చైన్నె : తమిళనాడు రియల్‌ ఎస్టేట్‌ రెగ్యులేటరీ అథారిటీ చైర్మన్‌గా నియమితులైన రిటైర్డ్‌ ఐఏఎస్‌ అధికారి కె. ఫణీంద్ర రెడ్డితో పాటూ సభ్యులు చైన్నెలోని సచివాలయంలో ముఖ్యమంత్రి విజయ్‌ను శనివారం మర్యాదపూర్వకంగా కలిశారు. ఈ సందర్భంగా ముఖ్యమంత్రి వారిని అభినందించి శుభాకాంక్షలు తెలిపారు. రియల్‌ ఎస్టేట్‌ రంగంలో కొనుగోలుదారులు, విక్రేతల ప్రయోజనాలను పరిరక్షించడానికి, నివాస, వాణిజ్య ఆస్తుల లావాదేవీలను నియంత్రించడానికి స్థిరాస్తి నియంత్రణ అథారిటీ పనిచేస్తోంది. ఈక్రమంలో తమిళనాడు ప్రభుత్వం టీఎన్‌ రెరా నిర్వహణ కమిటీలో కొన్ని మార్పులు చేస్తూ ఇటీవల కొత్త ఆదేశాలను జారీ చేసింది. చైర్మన్‌గా కె. ఫణీంద్ర రెడ్డి (రిటైర్డ్‌ ఐఏఎస్‌), సభ్యులుగా రీటా హరీష్‌ ఠాకూర్‌ (రిటైర్డ్‌ ఐఏఎస్‌), మైథిలి కె. రాజేంద్రన్‌ (రిటైర్డ్‌ ఐఏఎస్‌), ఎస్‌. కపాకరన్‌ మధురం (రిటైర్డ్‌ డిస్ట్రిక్ట్‌ జడ్జి), కె.పి. సత్యమూర్తి (రిటైర్డ్‌ చీఫ్‌ ఇంజినీర్‌)తో కొత్త కమిటీ పునర్వ్యవస్థీకరణ చేశారు. ఈ ప్రక్రియ పూర్తయిన నేపథ్యంలో చైర్మన్‌ కె. ఫణీంద్ర రెడ్డి నాయకత్వంలోని సభ్యుల బృందం ముఖ్యమంత్రి విజయ్‌ను కలిసి అభినందనలు అందుకోవడంతో పాటు పలు అంశాలపై చర్చించారు.

సేలం: తిరుచెంగోడ్‌లో మారియమ్మన్‌ ఉత్సవం సందర్భంగా, మారియమ్మన్‌ ఆలయంలో స్తంభాలు వేయడానికి వేలాది మంది భక్తులు ఈరోడ్‌లోని పెరియ తెప్పకుళం వద్ద గుమిగూడారు. నగరంలోని శ్రీ పెరియ మారియమ్మన్‌, శ్రీ చిన్న మారియమ్మన్‌, శ్రీ అళుగు ముత్తు మారియమ్మన్‌ మొదలైన వివిధ మారియమ్మన్‌ ఆలయాలలో 13వ తేదీన పూజా కార్యక్రమంతో మారియమ్మన్‌ ఉత్సవం ప్రారంభమైంది. ఈ ఉత్సవంలో చివరి ఘట్టమైన కంబం విసిరే కార్యక్రమం శనివారం జరిగింది. మొదటగా, పెరియ మారియమ్మన్‌ ఆలయం నుండి కంబాన్ని పెకిలించి, ఊరేగింపుగా పకడయ జంక్షన్‌ వరకు తీసుకువెళ్లారు. ఆ తర్వాత, చిన్న మారియమ్మన్‌ ఆలయం, అళుగు ముత్తు మారియమ్మన్‌ ఆలయం నుండి కూడా కంబాలను పెకిలించి ఒకే చోట పోగుచేసి, దక్షిణ రథవీధి మీదుగా ఈరోడ్‌ రోడ్డు వరకు ఊరేగింపుగా తీసుకువెళ్లి, ఈరోడ్‌ రోడ్డులోని పెరియ తెప్పకుళం వద్ద కంబాలను దించారు. మార్గమధ్యంలో పెద్ద సంఖ్యలో భక్తులు గుమిగూడి కంబంపై ఉప్పు, మిరియాలు చల్లారు. అమ్మవారి, వివిధ దేవతల వేషధారణలో ఉన్న భక్తులు కంబం ముందు నృత్యం చేశారు. కంబం విసిరే కార్యక్రమం కోసం పెరియ తెప్పకుళం ప్రాంతంలో భారీ పోలీసు భద్రతను ఏర్పాటు చేశారు. కంబాలతో వచ్చిన కొద్దిమంది తప్ప, ఇతరులను చెరువులోకి అనుమతించలేదు. కంబం కార్యక్రమాన్ని వీక్షించడానికి, అమ్మవారి దర్శనం చేసుకోవడానికి వేలాది మంది భక్తులు చెరువు చుట్టూ గుమిగూడారు. దీని అనంతరం, నగరంలోని వివిధ మారియమ్మన్‌ ఆలయాల నుండి కంబాలు, కుంభాలను ఊరేగింపుగా తీసుకువచ్చి కంబంలో ఉంచారు.

సాక్షి, చైన్నె: తమిళనాడు ప్రభుత్వం పాఠశాల విద్యార్థుల సంక్షేమమే లక్ష్యంగా మరో విప్లవాత్మక నిర్ణయం తీసుకుంది. ప్రభుత్వ పాఠశాలల్లో చదువుతున్న విద్యార్థుల కోసం ఉచితంగా అందించేందుకు 5.32 లక్షల అత్యాధునిక సైకిళ్లను కొనుగోలు చేయడానికి నిర్వహించింది. ప్రసిద్ధ ‘హీరో సైకిల్స్‌’ కంపెనీతో ఇందుకు సంబంధించిన ఒప్పందం కుదుర్చుకుంది. ఈ పథకం అమలు కోసం తమిళనాడు ప్రభుత్వం ఇటీవల బహిరంగ టెండర్లను ఆహ్వానించింది. ఇందులో దేశంలోని పలు ప్రముఖ సైకిళ్ల తయారీ కంపెనీలు పాల్గొనగా, అత్యల్ప ధరను నిర్ణయించి నాణ్యమైన ప్రమాణాలను ప్రతిపాదించిన హీరో సైకిల్స్‌ నిర్వహణ కాంట్రాక్టర్‌గా ఎంపికై ంది. చైన్నె కేంద్రంగా ఈ సైకిళ్ల సరఫరా, అసెంబ్లింగ్‌ ప్రక్రియను చేపట్టేందుకు టెండర్‌ కేటాయించినట్లు తమిళనాడు ప్రభుత్వం అధికారికంగా ప్రకటించింది. విజయవంతంగా సంకీర్ణ ప్రభుత్వ పథకాలు గత ఏప్రిల్‌లో జరిగిన ఎన్నికల్లో టీవీకే పార్టీ అత్యధిక స్థానాలను గెలుచుకుంది. సంపూర్ణ మెజారిటీకి స్వల్ప స్థానాల తేడా ఉండటంతో... కాంగ్రెస్‌, వి.సి.కె,, ఐ.యు., ఐ.ఎల్‌. తదితర మిత్రపక్షాల మద్దతుతో సంకీర్ణ ప్రభుత్వం ఏర్పడింది. ముఖ్యమంత్రి విజయ్‌ నేతత్వంలోని ప్రభుత్వం అధికారంలోకి వచ్చిన వెంటనే అసెంబ్లీలో పలు ప్రజాకర్షక ప్రకటనలు చేసింది.ప్రభుత్వ బస్సుల్లో మహిళలకు ఉచిత ప్రయాణ సదుపాయం అమలులోకి తెచ్చింది. ప్రభుత్వ ఆసుపత్రులలో జన్మించిన పసిపిల్లలకు 1 గ్రాము బంగారు ఉంగరాన్ని కానుకగా అందిస్తున్నారు. పలు పథకాలను విజయవంతంగా అమలు చేస్తూ వస్తున్న సమయంలో తాజాగా ఉచిత సైకిళ్ల పంపిణీకి సిద్ధమయ్యారు. విద్యార్థుల బడి హాజరును పెంచడానికి, దూరప్రాంతాల నుంచి వచ్చే విద్యార్థుల రవాణా కష్టాలు తీర్చడానికి ఈ అత్యాధునిక సైకిళ్ల పథకాన్ని అమ లు చేస్తున్నారు. ప్రాజెక్టు అంచనా వ్యయం రూ. 892 కోట్లు ఇందులో ప్రారంభ బడ్జెట్‌ కేటాయింపు రూ. 277 కోట్లు ఇచ్చారు. వర్క్‌ ఆర్డర్‌ జారీ అయి న వెంటనే, అదనపు నిధులను కేటా యించడానికి చర్యలు తీసుకోనుందని సమాచారం.

సాక్షి,చైన్నె: కాన్ఫెడరేషన్‌ ఆఫ్‌ ఇండియన్‌ ఇండస్ట్రీ తమిళనాడు విభాగం పేతురుత్వంలో ‘ఇంటెలిజెంట్‌ హెల్త్‌కేర్‌– ఫ్రమ్‌ ఇన్నోవేషన్‌ టు ఇంప్లిమెంటేషన్‌‘ (ఆరోగ్య సంరక్షణలో కత్రిమ మేధ: ఆవిష్కరణ నుండి అమలు వైపు) అనే అంశంపై ఆరవ ఎడిషన్‌ ‘సిఐఐ తమిళనాడు మెడ్‌క్లేవ్‌ 2026’ సదస్సును చైన్నెలో జరిగింది. ఆరోగ్య సంరక్షణ రంగంలో ఆర్టిఫిషియల్‌ ఇంటెలిజెన్స్‌ , డిజిటల్‌ సాంకేతికతలను ఉపయోగించి రోగులకు మెరుగైన వైద్య సేవలు అందించేందుకు విధానకర్తలు, పరిశ్రమల అధిపతులు, వైద్య నిపుణులు , విద్యావేత్తలు ఈ సదస్సులో భాగస్వాములయ్యారు. ప్రభుత్వ, ప్రైవేట్‌ భాగస్వామ్యంతో జరిగిన ఈ కార్యక్రమానికి ముఖ్య అతిథిగా హాజరైన తమిళనాడు ప్రభుత్వ ఆరోగ్య , కుటుంబ సంక్షేమ శాఖ కార్యదర్శి డాక్టర్‌ దారేజ్‌ అహ్మద్‌ మాట్లాడుతూ, దేశంలోనే అత్యంత పటిష్టమైన ఆరోగ్య వ్యవస్థ కలిగిన రాష్ట్రాల్లో తమిళనాడు ఒకటని పేర్కొన్నారు. ప్రభుత్వ , ప్రైవేట్‌ రంగాల భాగస్వామ్యంతో రక్తపోటు, మధుమేహం, గుండె జబ్బులు, క్యాన్సర్‌ ,మానసిక ఆరోగ్య సమస్యల వంటి ఆధునిక వైద్య సవాళ్లను సమర్థవంతంగా ఎదుర్కోవడానికి ప్రణాళికలు సిద్ధం చేస్తున్నట్లు తెలిపారు. సీఐఐ తమిళనాడు ఛైర్మన్‌ సి. దేవరాజన్‌ మాట్లాడుతూ, ఆరోగ్య సంరక్షణ అనేది కేవలం సామాజిక సేవ మాత్రమే కాకుండా, ఆర్థిక వద్ధి, ఉపాధి , పెట్టుబడులకు కీలకగా మారిందన్నారు. 2036 నాటికి 1.5 ట్రిలియన్‌ డాలర్ల ఆర్థిక వ్యవస్థను సాధించాలనే తమిళనాడు లక్ష్యానికి ఈ రంగం ఎంతో దోహదపడుతుందని అభిప్రాయపడ్డారు. సీఐఐ తమిళనాడు హెల్త్‌కేర్‌ ప్యానెల్‌ కన్వీనర్‌ డాక్టర్‌ సతీష్‌ దేవదాస్‌ మాట్లాడుతూ, నూతన వైద్య ఆవిష్కరణలు, ఏఐ సాంకేతికతలు కేవలం పెద్ద నగరాలకే పరిమితం కాకుండా టైర్‌–2, టైర్‌–3 నగరాలలోని ఆసుపత్రులకు కూడా అందుబాటు ధరలో రావాలని ఉద్ఘాటించారు. డాక్టర్‌ ఆర్‌.వి. రమణికి ’లైఫ్‌టైమ్‌ అచీవ్‌మెంట్‌ అవార్డు సామాజిక నేత్ర సంరక్షణ, అంధత్వ నిర్మూలనకు చేసిన విశేష కషికి గాను శంకర ఐ ఫౌండేషన్‌ – ఇండియా వ్యవస్థాపకుడు , మేనేజింగ్‌ ట్రస్టీ పద్మశ్రీ డాక్టర్‌ ఆర్‌.వి. రమణి కి ‘సిఐఐ జీవిత సాఫల్య పురస్కారం అందజేశారు. తమిళనాడు ప్రభుత్వ ఆరోగ్య కార్యదర్శి డాక్టర్‌ దారేజ్‌ అహ్మద్‌ చేతుల మీదుగా ఆయన ఈ పురస్కారాన్ని అందుకున్నారు. పురస్కారాన్ని స్వీకరించిన అనంతరం డాక్టర్‌ రమణి మాట్లాడుతూ.. రాజీపడని నైతిక విలువలు, స్పష్టమైన లక్ష్యాలే శంకర ఫౌండేషన్‌ను జాతీయ ఉద్యమంగా తీర్చిదిద్దాయని అన్నారు. ఈ సదస్సులో సీఐఐ తమిళనాడు డైరెక్టర్‌ శ్ర బి. జైకష్ణన్‌, హెల్త్‌కేర్‌ ప్యానెల్‌ కో–కన్వీనర్‌ డాక్టర్‌ ప్రవీణ్‌ రాజ్‌ తదితర ప్రముఖులు పాల్గొన్నారు.

కొరుక్కుపేట: కన్యాకుమారి జిల్లాలో ఉన్న పేచిపరై డ్యామ్‌ 2026 సంవత్సరానికి ప్రపంచ వారసత్వ నీటిపారుదల నిర్మాణంగా ఎంపికై ంది. ఈ సందర్భంగా సచివాలయంలో జరిగిన కార్యక్రమంలో అంతర్జాతీయ నీటిపారుదల పారుదల కమిషన్‌ అందించిన అవార్డు, సర్టిఫికెట్‌ను మంత్రి ఎన్‌. ఆనంద్‌ చేతుల మీదుగా అందజేశారు. ఈ సందర్భంగా జలవనరుల శాఖ అధికారులు ఆయనను అభినందించారు. ఈ కార్యక్రమానికి జలవనరుల శాఖ ప్రభుత్వ కార్యదర్శి ప్రశాంత్‌ ఎం. వదనేరే, జలవనరుల శాఖ ప్రిన్సిపల్‌ చీఫ్‌ ఇంజనీర్‌ అండ్‌ చీఫ్‌ ఇంజనీర్‌ (జనరల్‌) ఎస్‌. గోపాలకృష్ణన్‌ , స్టేట్‌ డ్యామ్‌ సేఫ్టీ ఇంజనీర్‌ ఎస్‌. రమేష్‌, నాగర్‌కోయిల్‌–కొడైయూర్‌ బేసిన్‌ డివిజన్‌ ఎగ్జిక్యూటివ్‌ ఇంజనీర్‌ ఎ. వసంతి హాజరయ్యారు. ఆయన మాట్లాడుతూ 100 సంవత్సరాల కంటే ఎక్కువ పురాతనమైన నీటిపారుదల నిర్మాణాలలో, నీటిపారుదల వ్యవసాయం, ఇంజనీరింగ్‌ టెక్నాలజీ, ఆహార ఉత్పత్తి, రైతుల సామాజిక–ఆర్థిక అభివృద్ధికి గణనీయమైన కృషి చేసిన నిర్మాణాలను అంతర్జాతీయ నీటిపారుదల , జలవనరుల కమిషన్‌ గుర్తించింది. పేచిపరై ఆనకట్ట, దాని చారిత్రక ప్రాముఖ్యత, నీటిపారుదల రంగంలో దాని సహకారం నీటి వనరుల నిర్వహణలో దాని ప్రాముఖ్యతకు గుర్తింపుగా 2026 నాటికి ప్రపంచ వారసత్వ నీటిపారుదల నిర్మాణంగా ఎంపిక చేయబడిందని వెల్లడించారు ఫ్రాన్స్‌లోని మార్సెయిల్‌లో జరిగిన 77వ అంతర్జాతీయ వర్కింగ్‌ గ్రూప్‌ సమావేశంలో ఈ అవార్డు, సర్టిఫికెట్‌ను ప్రదానం చేశారు. తమిళనాడు జలవనరుల నిర్వహణ వారసత్వానికి, దాని చిరకాల నీటిపారుదల మౌలిక సదుపాయాల శ్రేష్ఠతకు ప్రపంచవ్యాప్త గుర్తింపు లభించడం గర్వకారణం అని సంతోషం వ్యక్తం చేశారు.

తిరువళ్లూరు: విద్యారంగాన్ని నిర్వీర్యం చేసిన వారిపై కఠిన చర్యలు తీసుకోవాలని సినీ డైరెక్టర్‌ పేరరసు డిమాండ్‌ చేశారు. ముత్తురామలింగ దేవర్‌ 118వ గురుపూజ కార్యక్రమాన్ని మనవాలనగర్‌లోని ఓ ప్రైవేటు కల్యాణమండపంలో నిర్వహించారు. ఈ కార్యక్రమానికి బీజేపీ ఓబీసీ విభాగం రాష్ట్ర ఉపాధ్యక్షుడు రాజ్‌కుమార్‌ అధ్యక్షత వహించగా సినీ డైరెక్టర్‌ పేరరసు ముఖ్యఅతిథిగా హాజరై ప్రసంగించారు. ఈ సందర్భంగా ఆయన మాట్లాడుతూ రాజకీయంలో సంపాదించాలన్న లక్ష్యంతో పార్టీ పెట్టకూడదని, ప్రజలకు తమ వంతు సాయం చేయాలన్న తపనతోనే పార్టీని పెట్టి ముందుకు రావాలని సూచించారు. రాజకీయాల్లోకి వచ్చిన తరువాత ప్రజలకు సేవచేస్తూ తమ జీవితాలను ప్రజలకే అంకితం చేఆయలని ఆయన సూచించారు. గత డీఎంకే హయాంలో విద్యాశాఖ మంత్రిగా వున్న అన్బిల్‌మహేష్‌పై వంద కోట్లు రూపాయల అవినీతి ఆరోపణలు వచ్చిన విషయంపై పేరరసు స్పందిస్తూ, విద్యారంగాన్ని భ్రష్టుపట్టించిన వారిపై కఠిన చర్యలు తీసుకోవాలని కోరారు. పార్టీ జిల్లా ప్రధాన కార్యదర్శులు కరుణాకరన్‌, మణిగండన్‌, జిల్లా ఉపాధ్యక్షుడు జైగణే ష్‌ పాల్గొన్నారు.

– త్వరలో 3 కొత్త ప్రాజెక్టులు సాక్షి,చైన్నె: తమిళనాడు రాజధాని చైన్నె నగరంలో రోజురోజుకూ పెరుగుతున్న తీవ్రమైన ట్రాఫిక్‌ రద్దీకి శాశ్వత పరిష్కారం చూపేందుకు రహదారుల శాఖ నడుం బిగించింది. నగరంలోని ప్రధాన మార్గాల్లో వాహనాల రాకపోకలను సులభతరం చేసేందుకు 3 ప్రధాన కొత్త ప్రాజెక్టులను అమలు చేయాలని నిర్ణయించింది. ఈ ప్రాజెక్టులకు సంబంధించిన వివరణాత్మక ప్రాజెక్ట్‌ నివేదిక తయారీ కోసం ప్రభుత్వం టెండర్లను ఆహ్వానించింది. ఈ మేరకు బేసిన్‌ బ్రిడ్జ్‌ విస్తరణను రూ. 19.10 లక్షలతో నిర్ణయించారు. గ్రాండ్‌ నార్తర్న్‌ ట్రంక్‌ రోడ్డులోని బేసిన్‌ బ్రిడ్జ్‌ వద్ద ప్రస్తుతం తీవ్ర ట్రాఫిక్‌ సమస్య నెలకొంది. బకింగ్‌హామ్‌ కెనాల్‌, బేసిన్‌ బ్రిడ్జి రైల్వే స్టేషన్‌ , ఒట్టేరి కెనాల్‌లను దాటే ఈ వంతెన రోడ్డు వెడల్పు ప్రస్తుతం కేవలం 6 మీటర్లు మాత్రమే ఉంది. దీంతో ఉదయం, సాయంత్రం వేళల్లో కిలోమీటరు మేర వాహనాలు నిలిచిపోతున్నాయి. దీంతో స్టాన్లీ ప్రభుత్వ ఆసుపత్రి, వైద్య కళాశాలలు, రైల్వే టెర్మినళ్లు , వాణిజ్య ప్రాంతాలకు ఇది కీలక మార్గం కావడంతో, ఈ వంతెనను వెడల్పు చేయడం అత్యవసరంగా మారింది. వ్యాసర్పడి ఫ్లైఓవర్‌ విస్తరణ వ్యాసర్పడి ప్రాంతంలోని గ్రాండ్‌ నార్తర్న్‌ ట్రంక్‌ రోడ్డుపై ఉన్న గ్రేడ్‌ సెపరేటర్‌ (ఫ్లైఓవర్‌) ను విస్తరించేందుకు ప్రణాళికలు సిద్ధమవుతున్నాయి. ట్రాఫిక్‌ ప్రవాహానికి అనుగుణంగా దీని విస్తరణ సాధ్యాసాధ్యాలపై నివేదిక రూపొందిస్తున్నారు. కోయంబేడు – తిరుమంగళం కూవం వంతెన విస్తరణ కోసం రూ. 14.40 లక్షలను నివేదిక రూపకల్పన కోసం కేటాయించారు. ఇన్నర్‌ రింగ్‌ రోడ్‌లోని జవహర్‌లాల్‌ నెహ్రూ రోడ్డుపై, కోయంబేడు, తిరుమంగళం మధ్య ఉన్న కూవం నది వంతెనను విస్తరించేందుకు టెండర్లు పిలిచారు. ప్రస్తుతం 18.8 మీటర్లు ఉన్న ఈ వంతెన వెడల్పును 33.8 మీటర్లకు పెంచాలని ప్రతిపాదించారు. వంతెనను ఇరువైపులా 7.5 మీటర్ల చొప్పున విస్తరిస్తారు. 131 మీటర్ల పొడవున్న ఈ వంతెనలోని 8 భాగాలలో విస్తరణ పనులు చేపట్టేలా ప్లాన్‌ చేస్తున్నారు. కాగా ఈ ప్రాజెక్టులకు సంబంధించి సాంకేతిక సాధ్యాసాధ్యాలు, పర్యావరణ ప్రభావం, భూసేకరణ, అంచనా వ్యయాలను క్షుణ్ణంగా పరిశీలించిన తర్వాత కాంట్రాక్టర్లు వివరణాత్మక ప్రాజెక్ట్‌ నివేదికను సమర్పిస్తారు. ఆ తర్వాత నిర్మాణ పనులు వేగవంతం కానున్నాయి.

సాక్షి,చైన్నె: సుమంగళ స్టీల్‌ ఆధ్వర్యంలో నిర్మాణ రంగ కార్మికులు, స్టీల్‌ డీలర్‌షిప్‌ ఉద్యోగుల పిల్లల కోసం నాల్గవ విడత ‘ఉంగళ్‌ కుళందైయుమ్‌ ఆగలామ్‌ ఇంజనీర్‌’ స్కాలర్‌షిప్‌ల పంపిణీ కార్యక్రమం ఘనంగా జరిగింది. ఐఐటీ మద్రాస్‌ డైరెక్టర్‌ ప్రొఫెసర్‌ వి.కామకోటి, కస్తూరి అండ్‌ సన్స్‌ డైరెక్టర్‌ ఎన్‌. రవి ముఖ్య అతిథులుగా విచ్చేసి.. కొత్తగా ఎంపికై న 20 మందితో పాటు గత మూడు ఎడిషన్లకు చెందిన 50 మందితో కలిపి మొత్తం 70 మంది విద్యార్థులకు స్కాలర్‌షిప్‌లను అందజేశారు. ఇంజనీరింగ్‌ విద్యనభ్యసిస్తున్న విద్యార్థుల కోసం సుమంగళ సంస్థ మొత్తం రూ.2.8 కోట్లను కేటాయించింది. సుమంగళ స్టీల్‌ వ్యవస్థాపకులు రాజేంద్రన్‌ సబనాయగమ్‌ ఈ సందర్భంగా మాట్లాడుతూ ఈ స్కాలర్‌షిప్‌ ద్వారా ఆర్థిక భారాన్ని కూడా తగ్గిస్తున్నట్లు వెల్లడించారు.తిరువొత్తియూరు: రాణిపేట జిల్లా తెన్కడప్పంతంగల్‌ పాఠశాల వీధికి చెందిన సుధాకర్‌ కుమారుడు వసంత్‌ (21). ఇతను ఒరగడమ్‌ ప్రాంతంలో నివసిస్తూ, అక్కడి పారిశ్రామిక ప్రాంతంలోని ఓ ప్రైవేట్‌ కర్మాగారంలో పనిచేస్తున్నాడు. శుక్రవారం సాయంత్రం పని ముగించుకుని తన బైక్‌పై చైన్నె–బెంగళూరు జాతీయ రహదారిపై వెళ్తున్నాడు. దామల్‌ ఫ్లైఓవర్‌ సమీపంలోకి రాగానే, గుర్తుతెలియని ఒక వాహనం అతడి బైక్‌ను బలంగా ఢీకొట్టి ఆపకుండా వెళ్లిపోయింది. ఈ ప్రమాదంలో వసంత్‌ కిందపడి తీవ్రంగా గాయపడ్డాడు. ఆ మార్గంలో వెళ్తున్న ఇతర వాహనదారులు వసంత్‌ను రక్షించి చికిత్స కోసం కాంచీపురం ప్రభుత్వ ఆసుపత్రికి తరలించారు. అక్కడ అతనికి ప్రథమ చికిత్స అందించిన అనంతరం, మెరుగైన వైద్యం కోసం చెంగల్పట్టు ప్రభుత్వ ఆసుపత్రికి పంపించారు. అయితే, అక్కడ వసంత్‌ చికిత్స పొందుతూ శుక్రవారం రాత్రి మృతి చెందాడు. ఈ ప్రమాదంపై బాలుశెట్టి సత్రం పోలీసులు కేసు దర్యాప్తు చేస్తున్నారు. సాక్షి, చైన్నె: తిరుపత్తూరులోని మరుదు సోదరుల విగ్రహాలకు మంత్రులు ప్రజా ప్రతినిధులు నివాళులర్పించారు. శివగంగ జిల్లా, తిరుపత్తూరులోని మరుదు సోదరుల మణిమండపంలో స్మరణ దినోత్సవం జరిగింది ఈ సందర్భంగా వివిధ రాజకీయ పార్టీల నేతలు మరుదు సోదరుల విగ్రహాలకు పూలమాలలు వేసి ఘనంగా నివాళులర్పిచారు. ఈ క్రమంలో మంత్రులు వచ్చే కంటే ముందే, శివగంగ ఎమ్మెల్యే రాణి మరుదు సోదరుల విగ్రహానికి పూలమాల వేసి నివాళి అర్పించారు. అయితే, ఒంటరిగా ఎందుకు వచ్చారు అని విలేకరులు ప్రశ్నించగా, ఎమ్మెల్యే రాణి సమాధానం ఇవ్వలేదు. ఆ తర్వాత అక్కడే మంత్రుల రాకకోసం వేచి చూశారు. అనంతరం మంత్రులు నిర్మల్‌ కుమార్‌, డి.కె. ప్రభు, మహమ్మద్‌ పర్వేజ్‌, మదనరాజా విచ్చేసిన సమయంలో, అమె మళ్లీ మరుదు సోదరుల విగ్రహాలకు పూలమాలలు వేసి వారికి నివాళులర్పించారు. కాగా, ఎమ్మెల్యే రాణి, మంత్రి డి.కె. ప్రభు కార్యక్రమాలను తరచూ బహిష్కరిస్తూ ఉండటం గమనార్హం. ఇదిలా ఉండగా సీఎం విజయ్‌, డీఎంకే అధ్యక్షుడు ఎంకే స్టాలిన్లు వేరువేరుగా మరుదు సోదరుల వీరోచిత సేవలను పోరాటాలను గుర్తు చేస్తూ నివాళులర్పించారు. తిరువొత్తియూరు: సేలం సూరమంగళం ప్రాంతీయ కార్యాలయంలో విజిలెన్స్‌ విభాగం నిర్వహించిన సోదాల్లో రూ. 30 లక్షల విలువైన యూపీఐ లావాదేవీలు జరిగినట్లు గుర్తించారు. దీనిపై పోలీసులు విచారణ జరుపుతున్నారు. తమిళనాడు వ్యాప్తంగా వివిధ కార్పొరేషన్లు, మున్సిపాలిటీలు, పంచాయతీ యూనియన్‌ కార్యాలయాలతో సహా 43 చోట్ల అవినీతి నిరోధక శాఖ పోలీసులు ఆకస్మిక సోదాలు నిర్వహించారు. ఈ తనిఖీల్లో లెక్కల్లో చూపని రూ. 1.59 కోట్ల నగదును స్వాధీనం చేసుకున్నారు. సేలంలో జరిగిన సోదాల సమయంలో కొందరు ప్రభుత్వ అధికారులు తమ వ్యక్తిగత అవసరాల కోసమే ఈ లావాదేవీలు జరిగాయని పేర్కొన్నారు. సాక్షి చైన్నె: తమిళనాడు ప్రభుత్వం మాజీ ముఖ్య కార్యదర్శి, రిటైర్డ్‌ ఐఏఎస్‌ అధికారి సుగవనేశ్వర్‌ మృతి చెందారు. ఈ సమాచారంతో సీఎం ఎస్‌. జోసఫ్‌ విజయ్‌ తీవ్ర దిగ్భ్రాంతి వ్యక్తం చేశారు. ఈ మేరకు ఆయన సోషల్‌ మీడియా వేదికగా సంతాప సందేశాన్ని విడుదల చేశారు. తమిళనాడు ప్రభుత్వ మాజీ ముఖ్య కార్యదర్శి తిరు. సుగవనేశ్వర్‌, ఐ.ఏ.ఎస్‌. (విశ్రాంత) కన్నుమూశారనే వార్త విని ఎంతో మనోవేదనకు గురయ్యానని పేర్కొన్నారు. సుగవనేశ్వర్‌ 1967వ సంవత్సరంలో ఇండియన్‌ అడ్మినిస్ట్రేటివ్‌ సర్వీస్‌ అధికారిగా ఎంపికయ్యారన్నారు. తిరునెల్వేలిలో అసిస్టెంట్‌ కలెక్టర్‌గా తన వృత్తి జీవితాన్ని ప్రారంభించి అంచెలంచెలుగా ఎదిగారన్నారు.

తిరువళ్లూరు: ప్రజలు వ్యాపారులను బెదిరించి బలవంతపు వసూళ్లకు పాల్పడే హిజ్రాలపై చర్యలు తీసుకోవాలని కోరుతూ పది మందికి పైగా హిజ్రాలు శనివారం ఉదయం తాలుకా పోలీసుస్టేషన్‌లో ఇన్‌స్పెక్టర్‌ కలిసి ఫిర్యాదు చేయడంతో పాటు తక్షణం చర్యలు తీసుకోవాలని డిమాండ్‌ చేశారు. తిరువళ్లూరు జిల్లా కాకలూరు హౌసింగ్‌ బోర్డు పరిదిలో గతవారం జిమ్‌ను ప్రైవేటు వ్యక్తులు ప్రారంబించారు. అక్కడికి వెళ్లిన స్థానికంగా నివాసం వుంటున్న హిజ్రాలు జిమ్‌ నిర్వాహకులను బెదిరించి వసూళ్లకు పాల్పడ్డారు. దాదాపు పది వేల రూపాయలను జిమ్‌ నిర్వాహకుడి నుంచి లాక్కుకున్నారు. ఈ సంఘటనపై సీసీ కెమెరాల్లో నమోదైన వీడియోలు వైరల్‌గా మారిన క్రమంలో బాధితుడు తాలుకా పోలీసుస్టేషన్‌లో ఫిర్యాదు చేశాడు. ఈ ఘటనపై ఫిర్యాదును స్వీకరించిన పోలీసులు, బలవంతపు వసూళ్లకు పాల్పడిన హిజ్రాలు పది మందిపై కేసు నమోదు చేశారు. ఈ క్రమంలో బెదిరింపులకు పాల్పడుతున్న కొందరు హిజ్రాల వల్ల తమకు జీవనోపాధికి ఇబ్బంది కలుగుతుందని, తమను కూడా అలాగే భావిస్తున్నారని ఆరోపించిన మరో హిజ్రాల బృందం తాలుకా పోలీసులకు ఫిర్యాదు చేశారు. బెదిరింపులకు పాల్పడుతున్న హిజ్రాలపై చర్యలు తీసుకోవాలని వారు డిమాండ్‌ చేశారు.

సాక్షి, చైన్నె: సదరన్‌ రైల్వే జనరల్‌ మేనేజర్‌ యు. సుబ్బారావు పోడనూరులోని ‘జోనల్‌ సిగ్నల్‌ అండ్‌ టెలికమ్యూనికేషన్‌ ట్రైనింగ్‌ సెంటర్‌ను తనిఖీ చేశారు. ఈ పర్యటనలో భాగంగా ఆయన ట్రైనింగ్‌ సెంటర్‌లో పలు కొత్త సౌకర్యాలను ప్రారంభించడంతో పాటు కీలక ప్రాజెక్టులకు శంకుస్థాపన చేశారు. స్వదేశీ రైలు రక్షణ వ్యవస్థకు సంబంధించిన ‘కవచ్‌ ల్యాబ్‌’, ఐపీ–ఆధారిత ఇంటీగ్రేటెడ్‌ ప్యాసింజర్‌ ఇన్ఫర్మేషన్‌ సిస్టమ్‌ ల్యాబ్‌, అన్ని తరగతి గదుల్లో స్మార్ట్‌ ఇంటరాక్టివ్‌ ప్యానెళ్లను జీఎం ప్రారంభించారు. కొత్త భవనాలకు శంకుస్థాపన: పురుషుల హాస్టల్‌ , కంప్యూటర్‌ ఆధారిత పరీక్షా హాలు, అవుట్‌డోర్‌ యార్డ్‌లో సిగ్నలింగ్‌ మోడల్‌ రూమ్‌ల నిర్మాణానికి శంకుస్థాపన చేశారు.శిక్షణ పొందే అభ్యర్థుల రికార్డులను డిజిటలైజ్‌ చేసే ఐటీఎమ్‌ఎస్‌ వెబ్‌ పోర్టల్‌ను, సైబర్‌ సెక్యూరిటీ అవగాహన పోస్టర్లు , సాంకేతిక సమాచార పత్రాలను ఆవిష్కరించారు. అవార్డుల ప్రదానం: 2024, 2025 సంవత్సరాలకు గానూ ఉత్తమ శిక్షణార్థి అవార్డులను ప్రతిభావంతులకు అందజేసారు. ఈ సందర్భంగా జీఎం మాట్లాడుతు.. భద్రతకు సంబంధించిన కీలకమైన సాంకేతిక పనులలో సిబ్బంది ఎలాంటి ‘షార్ట్‌కట్స్‌’ తీసుకోకూడదని స్పష్టం చేశారు. ఫీల్డ్‌ వర్కర్ల కోసం ఏ ఐఆధారిత సమస్యల పరిష్కార యాప్‌ , సాంకేతికతలతో లీనమయ్యేలా శిక్షణ ఇవ్వాలని సూచించారు. పోడనూరు కేంద్రం ప్రత్యేకత 1960 నుండి సేవలందిస్తున్న పోడనూరు శిక్షణ కేంద్రం సదరన్‌, సౌత్‌ వెస్ట్రన్‌ రైల్వే సిబ్బందికి శిక్షణనిస్తోంది. 2024 నుండి ఇప్పటివరకు 622 మంది సిబ్బందికి స్వదేశీ పరిజ్ఞానంతో రూపొందించిన ‘కవచ్‌’ వ్యవస్థపై ప్రత్యేక శిక్షణ ఇచ్చారు. ఈ కార్యక్రమంలో సదరన్‌ రైల్వే ప్రిన్సిపల్‌ చీఫ్‌ సిగ్నల్‌ అండ్‌ టెలికమ్యూనికేషన్‌ ఇంజనీర్‌ విజయ్‌ సింగ్‌ మీనా, సేలం డివిజనల్‌ రైల్వే మేనేజర్‌ పన్నా లాల్‌ , ఇతర ఉన్నతాధికారులు పాల్గొన్నారు.

సాక్షి, చైన్నె: భారత ఎండోక్రైన్‌ సొసైటీ 55వ వార్షిక సదస్సు ఎస్‌ఐకాన్‌ 2026 చైన్నె ట్రేడ్‌ సెంటర్‌లో జరుగుతోంది. దేశవిదేశాల నుంచి 350 మందికి పైగా వైద్య నిపుణులు, పరిశోధకులు ఈ సదస్సుకు హాజరయ్యారు. మధుమేహం (షుగర్‌), ఊబకాయం, థైరాయిడ్‌, ఆస్టియోపోరోసిస్‌ వంటి సమస్యలపై లోతైన చర్చలు , 100కు పైగా సరికొత్త పరిశోధనా పత్రాల సమర్పణకు. ఈ సదస్సు వేదికగా నిలిచింది. వైద్య విద్యార్థుల కోసం యూఎస్‌ బోర్డ్‌ రివ్యూ తరహాలో ప్రత్యేక శిక్షణా కార్యక్రమం, మొదటిసారిగా ఓపెన్‌ క్విజ్‌ పోటీలు. రోగులకు ప్రత్యేక అవగాహన కార్యక్రమాలు జరిగాయి చివరి రోజైన ఆదివారం టైప్‌–1 డయాబెటిస్‌, పీసీఓఎస్‌, థైరాయిడ్‌ బాధితుల కోసం వైద్యులతో నేరుగా ముఖాముఖి కార్యక్రమం, తమిళ సంస్కృతి ఆవిష్కరణ,ప్రాచీన తమిళ సాహిత్యంలోని కురింజి, ముల్లై, మరుదం, నెయ్దల్‌, పాలై పేర్లను సదస్సు హాళ్లకు పెట్టడం, సంప్రదాయ ఆహార పదార్థాలు, ‘కడైవీధి’ పేరుతో వీధి వాతావరణాన్ని కల్పిస్తూ ఏర్పాటు చేయడం విశేషం విశేషం. తిరువళ్లూరు: తమిళనాడు ప్రభుత్వ సహాకార శాఖ ఉద్యోగుల న్యాయమైన పలు డిమాండ్‌లను నెరవేర్చాలని కోరుతూ జాయింట్‌ రిజిస్టర్‌ కార్యాలయం వద్ద ఉద్యోగులు నిరసన చేపట్టారు. ఈ ఆందోళనకు సంఘం జిల్లా కార్యదర్శి ఇళయరాజన్‌ అధ్యక్షత వహించగా, రాష్ట్ర కార్యవర్గ సభ్యుడు మేఘనాథన్‌ ముఖ్యఅతిథిగా హాజరై ప్రసంగించారు. ఈ సందర్భంగా ఆయన మాట్లాడుతూ ఉద్యోగులకు వ్యతిరేకం వ్యవహరిస్తున్న సహకార సంఽఘం రిజిస్టర్‌ను వెంటనే బదిలీ చేయాలని నినాదాలు చేశారు. అన్నానగర్‌: కృష్ణగిరి జిల్లా ఊత్తంగరై సమీపం లో ఉన్న ఉప్పరపట్టి సాలకినిరిమొత్తూరు గ్రామానికి చెందిన తిరునావుక్కరసు (41). అతని కుమారుడు సంజయ్‌ (12) ఊత్తంగరైలోని ఒక ప్రైవేట్‌ మెట్రిక్యులేషన్‌ పాఠశాలలో 7వ తరగతి చదువుతున్నాడు. శుక్రవారం సాయంత్రం 5 గంటలకు ట్యూషన్‌ కు వెళ్లిన సంజయ్‌ తిరిగి ఇంటికి రాలేదు. దీంతో అతని కోసం పలుచోట్ల వెతికారు. అయిన కాని అతని ఆచూకీ తెలియలేదు. అనంతరం తిరునావుక్కరసు సింగరపేట పోలీస్‌ స్టేషన్‌లో ఫిర్యాదు చేశారు. దీని ప్రకారం, పోలీసులు ఆ బాలుడు రోజూ ట్యూషన్‌కు వెళ్లేటప్పుడు, తిరిగి వచ్చేటప్పుడు ఉన్న సీసీటీవీ కెమెరా రికార్డింగ్‌లను పరిశీలించి ఈమేరకు కేసు దర్యాప్తు చేస్తున్నట్లు స్థానిక పోలీసులు తెలిపారు.

– ప్రారంభించిన మంత్రి రమేష్‌ సాక్షి,చైన్నె: తమిళనాడులోని ప్రముఖ పుణ్యక్షేత్రమైన చైన్నె ట్రిప్లికేన్‌ పార్థసారథి స్వామి ఆలయంలో, భక్తులకు ఆలయ పరిపాలన యంత్రాంగమే స్వయంగా తయారుచేసిన నాణ్యమైన ప్రసాదాలను అందించే కొత్త పథకాన్ని హిందూ దేవాదాయ శాఖ మంత్రి రమేష్‌ ప్రారంభించారు. అసెంబ్లీలో దేవాదాయ శాఖ నిధుల కేటాయింపుల సందర్భంగా ఆలయ ప్రాథమిక సౌకర్యాలు, అన్నదానం పథకం విస్తరణతో పాటూ భక్తులకు స్వచ్ఛమైన ప్రసాదాల పంపిణీపై పలు ప్రకటనలు వెలువడ్డాయి. అందులో భాగంగా ప్రైవేట్‌ వ్యక్తులు లేదా బయటి ప్రైవేట్‌ ఏజెన్సీలు తయారు చేసే నైవేద్యాలకు స్వస్తి చెప్పి, ప్రముఖ దేవాలయాల ప్రాంగణంలోనే ఆలయ పరిపాలన యంత్రాంగం ద్వారానే నాణ్యమైన నైవేద్యాలను తయారు చేసి భక్తులకు విక్రయించాలని ప్రభుత్వం నిర్ణయించింది. 37 అత్యంత ప్రధాన ఆలయాల్లో అమలు ఈ నిర్ణయంలో భాగంగా తమిళనాడు వ్యాప్తంగా ఉన్న 37 అత్యంత ముఖ్యమైన దేవాలయాల్లో ఈ విధానాన్ని అమల్లోకి తెచ్చారు. తంజావూరు జిల్లాలోని స్వామిమలై స్వామినాథన్‌ ఆలయం, కోయంబత్తూరు జిల్లా తెక్కంపట్టిలోని వనభద్రకాళియమ్మన్‌ ఆలయం, సహా పలు ప్రధాన క్షేత్రాలలో ఆలయ యాజమాన్యాలే నాణ్యమైన ప్రసాదాలను తయారు చేసి అందిస్తున్నాయి. ఈ వరుసలోనే తాజాగా పార్థసారథి ఆలయంలోనూ ఈ పథకానికి శ్రీకారం చుట్టారు. ఈ కార్యక్రమంలో భాగంగా మంత్రి రమేష్‌ స్వయంగా భక్తులకు ప్రసాదాలను పంపిణీ చేశారు. ఈ ప్రారంభోత్సవ కార్యక్రమంలో హిందూ మత, ధార్మిక ట్రస్టుల కమిషనర్‌ వినయ్‌, ఆలయ డిప్యూటీ కమిషనర్‌ సి. నిత్యతో పాటు ఇతర దేవాదాయ శాఖ అధికారులు, ప్రజాప్రతినిధులు పాల్గొన్నారు. 15 పతకాలతో సత్తా చాటిన తమిళనాడు అథ్లెట్లు కొరుక్కుపేట: జపానన్‌లో జరిగిన పారా ఆసియా క్రీడల్లో తమిళనాడు నుంచి 13 మంది క్రీడాకారులు పాల్గొన్నారు. వీరిలో తమిళనాడు నుంచి తొమ్మిది మంది క్రీడాకారులు బ్యాడ్మింటన్‌లో పాల్గొనగా, టేబుల్‌ టెన్నిస్‌, అథ్లెటిక్స్‌, పవర్‌లిఫ్టింగ్‌ విభాగాల్లో క్రీడాకారులు పాల్గొన్నారు. ఇందులో 9 మంది అథ్లెట్లు 15 పతకాలు గెలుచుకున్నారు. తమిళనాడు అథ్లెట్లు 3 స్వర్ణాలు, 5 రజతాలు, 7 కాంస్య పతకాలు సాధించారు. అథ్లెటిక్స్‌లో ధర్మరాజ్‌ స్వర్ణం గెలుచుకున్నారు. లాంగ్‌ జంప్‌ 64 కేజీల విభాగంలో మొదటి స్థానం సాధించి అతను తమిళనాడుకు గర్వకారణంగా నిలిచారు. తులసి మాధి మురుగేశన్‌ బ్యాడ్మింటన్‌లో 3 పతకాలు గెలుచుకున్నారు. ఆమె మహిళల డబుల్స్‌లో స్వర్ణం, సింగిల్స్‌లో రజతం, మిక్స్‌డ్‌ డబుల్స్‌లో రజతం గెలుచుకుంది. నవీన్‌ – శివకుమార్‌ బ్యాడ్మింటన్‌ సింగిల్స్‌లో స్వర్ణం గెలుచుకున్నారు. డబుల్స్‌ విభాగంలో కాంస్య పతకం గెలుచుకున్నారు. ఆమె మొత్తం 2 పతకాలు సాధించారు. అదేవిధంగా, నిత్యాశ్రీ సుమతి శివన్‌ కూడా బ్యాడ్మింటన్‌లో 2 పతకాలు గెలుచుకున్నారు. ఆమె సింగిల్స్‌ విభాగంలో రజతం, మిక్స్‌డ్‌ డబుల్స్‌ విభాగంలో కాంస్యం దక్కించుకున్నారు. ఇంకా పలువురు అథ్లెట్‌లు పతకాలతో తమిళనాడుకు 15 పతకాలు సాదించి పెట్టి తమిళనాడుకే గర్వకారణంగా నిలిచారు. భార్యను, కొడుకును నరికి చంపి ఆత్మహత్య అన్నానగర్‌: సిర్కాళి సమీపంలో కత్తితో భార్య, కుమారుడుని నరికి చంపి, భర్త ఉరి వేసుకుని ఆత్మహత్య చేసుకున్నాడు. వివరాలు.. మైలాడుదురై జిల్లా సిర్కాళి సమీపంలో ఉన్న తిరుముల్లైవాసల్‌ గ్రామానికి చెందిన జలేంద్రన్‌ (50) జాలరి, మాజీ గ్రామ పెద్ద. ఇతని భార్య మలర్‌ సెల్వి (45). వీరి కుమారుడు అదిగుణన్‌ (25). కుటుంబ సమస్యల కారణంగా భార్యాభర్తల మధ్య తరచుగా గొడవలు జరిగేవని తెలుస్తుంది. ఈ స్థితిలో, శనివారం ఉదయం చాలా ఆలస్యమైనప్పటికీ జలేంద్రన్‌ ఇల్లు తలుపు తెరవకపోవడంతో, చుట్టుపక్కల వారు ఆ ఇంటికి వెళ్లి తలుపు తట్టారు. అయిన కాని తలుపు తెరవకపోవడంతో వారికి అనుమానం కలిగింది.వారు కిటికీలోంచి చూడగా, ఇంట్లో మలర్‌ సెల్వి, అదిగుణన్‌ ఇద్దరూ కత్తిపోట్లతో రక్తపు మడుగులో విగతజీవులుగా పడి ఉండటాన్ని చూసి దిగ్భ్రాంతికి గురైన స్థానికులు ఇంటి వెనుకకు వెళ్లగా, అక్కడ జలేంద్రన్‌ ఓ చెట్టుకు ఉరి వేసుకుని వేలాడుతూ కనిపించాడు. వెంటనే స్థానికులు సిర్కాళి పోలీసులకు సమాచారం అందించారు. వెంటనే పోలీసులు సంఘటనా స్థలానికి చేరుకుని, ముగ్గురి మృతదేహాలను స్వాధీనం చేసుకుని, పోస్ట్‌మార్టం కోసం సిర్కాళి ప్రభుత్వ ఆసుపత్రికి పంపించారు. అంతేకాకుండా, కేసు నమోదు చేసిన పోలీసులు జరిపిన ప్రాథమిక విచారణలో, జలేంద్రన్‌ తన భార్యను, కొడుకును నరికి చంపిన తర్వాత ఉరి వేసుకుని ఆత్మహత్య చేసుకున్నట్లు వెల్లడైంది. అతను కుటుంబ సమస్యల వల్ల హత్య చేసి ఆత్మహత్య చేసుకున్నాడా? లేక మరేదైనా కారణం ఉందా? ఈ విషయంపై పోలీసులు దర్యాప్తు చేస్తున్నారు.ఈ ఘటన స్థానికంగా తీవ్ర కలకలం, దిగ్భ్రాంతిని కలిగించింది.

కొరుక్కుపేట: రాజస్థానీ అసోసియేషన్‌ తమిళనాడు ఆధ్వర్యంలో రెండు రోజులు పాటు ఏర్పాటు చేసిన 7వ ఎడిషన్‌ రాజస్థానీ బజార్‌ శనివారం ఉదయం ఆరంభమైంది .చైన్నె రాయపేటలోని వైఎంసీఏ గ్రౌండ్‌ వేదికగా ఏర్పాటైన ఈ ఎగ్జిబీషన్‌ను ప్రముఖ సినీ నటి నటి మృణాలిని రవి ముఖ్యఅతిథిగా విచ్చేసి రిబ్బన్‌ కట్‌ లాంఛనంగా ప్రారంభించారు. ఈ నెల 24, 25 తేదీలలో రెండు రోజుల పాటు జరిగే ఈ జీవనశైలి ప్రదర్శనలో భారతదేశం నలుమూలల నుండి 130 మందికి పైగా ప్రదర్శకులు పాల్గొని స్టాల్స్‌ను కొలువుదీర్చారు. ఇది విభిన్న రకాల జీవనశైలి ఉత్పత్తులను ఒకచోట చేర్చి, దేశ హస్తకళలు , సాంస్కృతిక సంప్రదాయాలను ప్రదర్శిస్తోంది. ఈ సందర్భంగా రాజస్తానీ అసోసియేషన్‌ తమిళనాడు అధ్యక్షులు అజిత్‌ కుమార్‌ ఛోర్డియా , రాజస్తానీ బజార్‌ ఛైర్మన్‌ హేమంత్‌ దుగర్‌ మాట్లాడుతూ ఈ ప్రదర్శన సందర్శకులకు దేశంలోని వివిధ ప్రాంతాల ఉత్పత్తులను ఒకే వేదికపై కొనే అవకాశాన్ని అందిస్తుందన్నారు. ప్రదర్శకులను, వినియోగదారులను ఒకచోట చేర్చడం, రాజస్థానీ బజార్‌ వ్యాపారాలకు వారి ఉత్పత్తులను ప్రదర్శించడానికి ఒక వేదికను అందించడం, సాంస్కృతిక మార్పిడిని, సామాజిక భాగస్వామ్యాన్ని ప్రోత్సహించాలని లక్ష్యంగా పెట్టుకుందన్నారు భారతదేశపు విభిన్న మార్కెట్లు, సంప్రదాయాల స్ఫూర్తిని చైన్నె ప్రజలకు మరింత చేరువ చేసేందుకు రాజస్థానీ బజార్‌ ఒక అవకాశమని, ఇందులో 130 మందికి పైగా ప్రదర్శనకారులు పాల్గొన్నారని తెలిపారు. ముఖ్యఅతిథి మృణాలిని రవి మాట్లాడుతూ రాజస్థానీ బజార్‌ ఉత్తేజపరిచేలా చేస్తుందన్నారు. ప్రత్యేకించి జ్యూవెలరీ, ఫ్యాషన్‌ దుస్తులు, హోమ్‌ డెకర్‌, ఫుట్‌వేర్‌ , చేనేత, హస్తకళలు, ఆహారం వంటి స్టాల్స్‌ ప్రత్యేక ఆకర్షణగా నిలుస్తున్నాయని ఆనందం వ్యక్తం చేశారు.

లైంగిక దాడి జరిగిందంటూ పోలీస్‌ స్టేషన్‌ మెట్లెక్కిన కాలేజీ విద్యార్థిని.. ఒక్కరోజు తిరిగేసరికి తన నిర్ణయం మార్చుకుంది.. అధికార టీవీకే నేతపై ఫిర్యాదు చేసిన ఆమె.. మరుసటి రోజే కేసు వెనక్కి తీసుకోవాలని, నిందితుడిపై ఎలాంటి చర్యలు వద్దని కోరింది. అసలు ఒక్కరోజులో ఏం జరిగింది? బాధితురాలు మనసు మార్చుకోవడం వెనుక ఏదైనా ఒత్తిడి ఉందా? తమిళనాడులో ఇప్పుడు ఇదే హాట్‌ టాపిక్‌గా మారింది. పలు అనుమానాలు వ్యక్తమవుతున్నాయి.గురువారం.. బాధితురాలు తన కాలేజీ స్నేహితురాలితో కలిసి బస్సు కోసం ఎదురుచూస్తోంది. అదే సమయంలో క్రిస్టోఫర్‌ అనే వ్యక్తి కారులో అటువైపు వచ్చాడు. అతడికి బాధితురాలి స్నేహితురాలు పరిచయం ఉండటంతో వారిద్దరికీ లిఫ్ట్‌ ఇచ్చాడు. మార్గమధ్యలో స్నేహితురాలు దిగిపోయిన తర్వాత.. బాధితురాలిని ఇంటి వద్ద దింపుతానని చెప్పాడు. ఈ క్రమంలో కారులో ప్రయాణిస్తున్న సమయంలో క్రిస్టోఫర్‌ తనతో అసభ్యంగా ప్రవర్తించడంతో పాటు లైంగిక దాడికి పాల్పడ్డాడని విద్యార్థిని ఆరోపించినట్లు పోలీసులు తెలిపారు.బాధితురాలి ఫిర్యాదు మేరకు పోలీసులు వెంటనే లైంగిక దాడి కేసు నమోదు చేశారు. అయితే, మరుసటి రోజే బాధితురాలు.. తన ఫిర్యాదును ఉపసంహరించుకోవాలని, నిందితుడిపై ఎలాంటి చర్యలు తీసుకోద్దంటూ కోరినట్లు పోలీసులు తెలిపారు. ఈ పరిణామంతో బాధితురాలిపై అధికార పార్టీ నేతలు డబ్బు, పలుకుబడి, బెదిరింపుల ద్వారా ఒత్తిడి తెచ్చి ఉంటారనే ఆరోపణలు తెరపైకి వచ్చాయి.ఈ ఘటనపై అధికార టీవీకే పార్టీపై రాజకీయ విమర్శలు వెల్లువెత్తాయి. డీఎంకే ఎంపీ కనిమొళి కరుణానిధి.. ముఖ్యమంత్రి విజయ్‌ను లక్ష్యంగా చేసుకుని ప్రశ్నలు సంధించారు. తన పార్టీకి చెందిన నేతపై లైంగిక దాడి ఆరోపణలు వస్తే ఎలాంటి చర్యలు తీసుకుంటారని నిలదీశారు. టీవీకే పార్టీ నేరస్థులకు, లైంగిక నేరాలకు పాల్పడేవారికి ఆశ్రయంగా మారుతోందని ఆమె ఆరోపించారు. బాధితురాలికి రక్షణ కల్పించాలని, నిందితుడిపై నిష్పక్షపాతంగా చట్టపరమైన చర్యలు తీసుకోవాలని డిమాండ్‌ చేశారు. ప్రభుత్వం స్పందించకపోతే ప్రజలతో కలిసి ప్రజాస్వామ్యబద్ధంగా నిరసన చేపడతామని హెచ్చరించారు.ఈ ఘటనపై అన్నాడీఎంకే అధికార ప్రతినిధి కోవై సత్యన్‌ కూడా విమర్శలు గుప్పించారు. ఇటీవల కాలంలో లైంగిక వేధింపుల కేసుల్లో టీవీకే నేతల పేర్లు తరచూ వినిపిస్తున్నాయన్నారు. చట్టాలను రూపొందించాల్సినవారే అదే పార్టీలో ఉంటూ చట్టాలను ఉల్లంఘించే పరిస్థితి ఆందోళన కలిగిస్తోందని వ్యాఖ్యానించారు. మరోవైపు, ఈ ఆరోపణలపై టీవీకే నేతలు, అధికార ప్రతినిధులు బహిరంగంగా స్పందించలేదు. అయితే, పేరు వెల్లడించడానికి ఇష్టపడని ఓ పార్టీ నేత మాట్లాడుతూ.. చట్టం తన పని తాను చేసుకుపోతుందని పేర్కొన్నారుఇదీ చదవండి: ఇరాన్‌ బిగ్‌ ప్లాన్‌.. ట్రంప్‌ వార్నింగ్‌

సాక్షి చైన్నె: అప్పుల సమస్యలు, ప్రైవేట్‌ రుణాల వాయిదాల ఒత్తిడి తట్టుకోలేక ఒక తల్లి తన మూడు నెలల పసికందును నడిరోడ్డుపై వదిలేసిన హృదయ విదారక ఘటన తమిళనాడులోని కరూర్‌లో వెలుగు చూసింది. కరూర్‌ ఉళవర్‌ మార్కెట్‌ ప్రాంతానికి చెందిన కార్తి(28), సీతాలక్ష్మి(24) దంపతులకు ముగ్గురు కుమార్తెలు ఉన్నారు. వీరిలో మొదటి కుమార్తె లక్షణను సీతాలక్ష్మి తల్లి, రెండవ కుమార్తె తమిళినిని ఆమె సోదరి ప్రవీణ సాకుతున్నారు. మూడో కుమార్తె మూడు నెలల పసికందు షష్టికను సీతాలక్ష్మి తన వద్దే ఉంచుకుని పెంచుతోంది. కార్తి కూరగాయల వ్యాపారంతో పాటు చిన్నచిన్న పనులు చేసుకుంటూ జీవనం సాగిస్తున్నాడు. ఈ కుటుంబం ప్రైవేట్‌ ఆర్థిక సంస్థలు, మహిళా స్వయం సహాయక బృందాల నుంచి భారీగా అప్పులు చేసింది. నిర్ణీత సమయానికి వాయిదాలు చెల్లించకపోవడంతో రుణదాతల నుంచి తీవ్రమైన ఒత్తిడి పెరిగింది. ఈ క్రమంలో శుక్రవారం ఉదయం రుణ వాయిదాను చెల్లించాలంటూ స్వయం సహాయక బృందం సభ్యులు గురువారం రాత్రి వారిని ఒత్తిడి చేశారు. దీంతో తీవ్ర మనస్తాపం చెందిన సీతాలక్ష్మి ఉళవర్‌ మార్కెట్‌ నుంచి పాత బస్టాండ్‌కు వెళ్లే ప్రధాన రోడ్డుపై తన మూడు నెలల పసికందును వదిలేసి వెళ్లిపోయింది. నడిరోడ్డుపై పసిబిడ్డ ఉండడాన్ని గమనించిన స్థానికులు సీతాలక్ష్మిని అడ్డుకున్నారు. బాలల సంరక్షణ హెల్ప్‌లైన్‌కు సమాచారం అందించారు. కరూర్‌ నగర పోలీసులు అక్కడికి చేరుకుని విచారణ చేపట్టారు. తల్లి, బిడ్డను బాలల సంరక్షణ సహాయ కేంద్రానికి తరలించారు.

సాక్షి, చైన్నె: ఎస్‌ఆర్‌ఎం మెడికల్‌ కాలేజ్‌ హాస్పిటల్‌, రీసెర్చ్‌ సెంటర్‌ కమ్యూనిటీ మెడిసిన్‌ విభాగం ఆధ్వర్యంలో శుక్రవారం నివారణ నుంచి విధానం వరకు– ఆరోగ్యకరమైన వృద్ధాప్య వ్యవస్థలను నిర్మించడం అనే ఇతివత్తంతో ‘ఏజ్‌ వెల్‌ ఇండియా జాతీయ జెరియాట్రిక్‌ సదస్సు ప్రారంభమైంది. వృద్ధుల ఆరోగ్య సంరక్షణ అవసరాలపై ప్రత్యేక దృష్టి సారించడం, ఆరోగ్యకరమైన వృద్ధాప్యానికి మద్దతుగా బలమైన వ్యవస్థలను నిర్మించడమే సదస్సు లక్ష్యమని నిర్వాహకులు తెలిపారు. ఈ కార్యక్రమానికి న్యూఢిల్లీలోని నేషనల్‌ ఇన్‌స్టిట్యూట్‌ ఆఫ్‌ హెల్త్‌ అండ్‌ ఫ్యామిలీ వెల్ఫేర్‌ డైరెక్టర్‌ డాక్టర్‌ బినోద్‌ కుమార్‌ పాత్రో ముఖ్య అతిథిగా హాజరయ్యారు. డాక్టర్‌ వి.ఎస్‌.నటరాజన్‌ జెరియాట్రిక్‌ ఫౌండేషన్‌ వ్యవస్థాపకులు, చైర్మన్‌ పద్మశ్రీ డాక్టర్‌ వి.ఎస్‌.నటరాజన్‌ గౌరవ అతిథిగా విచ్చేసి సదస్సును ప్రారంభించారు. ఎస్‌ఆర్‌ఎం మెడికల్‌ కాలేజ్‌ డీన్‌ (మెడికల్‌) ప్రొఫెసర్‌ ఆర్‌.జయంతి మాట్లాడుతూ వృద్ధుల సంరక్షణ ఉచిత లేదా నాణ్యమైన వైద్యం అందించడం మాత్రమే కాదన్నారు. వారి వయసుకు తగిన గౌరవాన్ని ఇవ్వడమని తెలిపారు. ప్రపంచ వ్యాప్తంగా వృద్ధుల జనాభా పెరుగుతున్న తరుణంలో ప్రతి ఒక్కరూ ఆరోగ్యంగా, హుందాగా, గౌరవప్రదంగా వృద్ధాప్యాన్ని గడిపేలా చూడడం అందరి సామాజిక బాధ్యతని స్పష్టం చేశారు. డాక్టర్‌ బినోద్‌ కుమార్‌ పాత్రో మాట్లాడుతూ వృద్ధుల ఆరోగ్య సంరక్షణను ప్రాథమిక ఆరోగ్య వైద్య విధానంలో భాగం చేయాలన్నారు. నివారణ, పునరావాసం, గౌరవప్రదమైన సంరక్షణపై ప్రత్యేక దృష్టి పెట్టాలని సూచించారు. పద్మశ్రీ డాక్టర్‌ వి.ఎస్‌.నటరాజన్‌ మాట్లాడుతూ సమాజంలో యువత నిష్పత్తి తగ్గి వృద్ధుల జనాభా పెరుగుతోందన్నారు. ఈ క్రమంలో వృద్ధాప్య సవాళ్లను తీవ్రంగా పరిగణించాలని, వైద్యపరమైన బాధ్యత కాదని, ప్రతి ఒక్కరి సామాజిక బాధ్యతని గుర్తు చేశారు. వృద్ధులు స్వతంత్రంగా, నాణ్యమైన జీవితం గడిపేలా చేయడానికి సంరక్షణ సేవలు, పునరావాస కేంద్రాలు విస్తరించాలని తెలిపారు. అలాగే నిపుణులైన జెరియాట్రిషియన్ల (వృద్ధాప్య వైద్య నిపుణులు) సంఖ్యను పెంచేందుకు తగిన శిక్షణ ఇవ్వాలని పేర్కొన్నారు. భవిష్యత్‌ దిశగా ఒక అడుగు వృద్ధుల ఆరోగ్య సంరక్షణను విస్తృత ప్రజారోగ్య ఎజెండాలో భాగం చేయడానికి ఎస్‌ఆర్‌ఎం మెడికల్‌ కాలేజీ కమ్యూనిటీ మెడిసిన్‌ విభాగం ఈ వేదిక ద్వారా శ్రీకారం చుట్టింది. నివారణ ఆధారిత ఆరోగ్య సంరక్షణను, ప్రభుత్వ విధానాలు సంస్థాగత ప్రణాళికలతో అనుసంధానించాల్సిన అవసరాన్ని ఈ సదస్సు నొక్కిచెప్పింది. జనాభా మార్పులకు అనుగుణంగా వైద్యాన్ని సులభతరం చేయడంలో వైద్య సంస్థల పాత్ర ఎంత కీలకమో స్పష్టం చేసింది.