● మంత్రి పళణి వేల్‌ త్యాగరాజన్‌ సాక్షి, చైన్నె: విద్యార్థుల ప్రతిభ, సృజనాత్మకతను వెలుగులోకి తెచ్చే విధంగా రాష్ట్రవ్యాప్తంగా హ్యాకథాన్‌ కార్యక్రమాన్ని నిర్వహించేందుకు సన్నాహాలు చేస్తున్నామని ఐటీ మంత్రి పీటీఆర్‌ పళణి వేల్‌ త్యాగరాజన్‌ తెలిపారు. విద్యార్థులు ఆలోచించేందుకు సరైన వేదికను గుర్తించి అందించాల్సిన అవస్యకతను సూచించారు. విద్యార్థులకు వివిధ టెక్‌ స్పేస్‌లలో ఇంటర్న్‌షిప్‌ అవకాశాలు ఇవ్వబడతాయని తెలిపారు. నో యువర్‌ నైబర్‌హుడ్‌ (కేవైఎన్‌) కనెక్టివిటీ యాప్‌, తమిళనాడులోని ఇన్ఫర్మేషన్‌ టెక్నాలజీ, డిజిటల్‌ సర్వీసెస్‌ మంత్రిత్వ శాఖ, ఐసీటీ అకాడమీ భాగస్వామ్యంతో కిన్నోవెట్‌ –2025 సమ్మిట్‌ కార్యక్రమం మంగళవారం స్థానికంగా జరిగింది. ఇందులో హై–ఇంపాక్ట్‌ హ్యాకథాన్‌, ఆవిష్కరణ, సహకారం, సృజనాత్మక సమస్య పరిష్కారాన్ని ప్రోత్సహించే విధంగా శిక్షణ కార్యక్రమాలు జరిగాయి. అలాగే సాంకేతిక పరిజ్ఞానం ద్వారా వాస్తవ ప్రపంచ సమస్యలను పరిష్కరించేందుకు విద్యార్థులకు అవకాశం కల్పించారు. ఇందులో 50కు పైగా ఇంజినీరింగ్‌, ఆర్ట్స్‌ అండ్‌ సైన్స్‌ కళాశాలలకు చెందిన 1,100 మందికిపైగా విద్యార్థులు 25 బృందాలుగా తమ ఆవిష్కరణలను ప్రదర్శించారు. ఇందులో టాప్‌ 5 విజేతలను ప్రకటించారు. వీరిలో ఆర్‌ఎంకే ఇంజినీరింగ్‌ కళాశాలకు చెందిన నవీనా తమిళర్‌ విజేతగా నిలిచి రూ. లక్ష నగదు బహుమతి దక్కించుకుంది. ఇదే కళాశాలకు చెందిన యూత్‌ టెక్‌ జట్టు ద్వితీయ బహుమతిని గెలుచుకుంది. శ్రీపెరంబుదూర్‌లోని శ్రీ వేంకటేశ్వర కాలేజ్‌ ఆఫ్‌ ఇంజినీరింగ్‌కు చెందిన టీమ్‌ టెక్‌ ఇజాస్‌ జట్టు సైతం రాణించింది. ఈ బృందం మూడవ బహుమతిని గెలుచుకుంది. చైన్నె ఇన్‌స్టిట్యూట్‌ ఆఫ్‌ టెక్నాలజీకి చెందిన రెండు జట్లకు ఇంటర్న్‌షిప్‌ అవకాశంతో పాటూ ఒక్కొక్కరికి రూ.10,000 నగదు బహుమతిని కూడా అందజేశారు. ఈ కార్యక్రమంలో తమిళనాడు ఇన్ఫర్మేషన్‌ టెక్నాలజీ , డిజిటల్‌ సేవల మంత్రి డాక్టర్‌ పళనివేల్‌ త్యాగరాజన్‌ బహుమతులను అందజేసి ప్రసంగించారు. రానున్న రోజులలో విద్యార్థుల కోసం ఇలాంటి కార్యక్రమాలు, రాష్ట్రవ్యాప్త హ్యాకథాన్‌లను నిర్వహించేందుకు సన్నాహాలు చేస్తున్నామన్నారు. విద్యార్థులు ఆలోచించేందుకు సరైన వేదికను గుర్తించి అందించాల్సిన అవసరం ఉందన్నారు. కార్యక్రమంలో కేవైఎన్‌ సీఈఓ గాయత్రి త్యాగరాజన్‌ మాట్లాడుతూ కేవైఎన్‌ కమ్యూనిటీలను బలోపేతం చేయడం, ప్రతి ఒక్కరూ తమ ప్రతిభను ప్రదర్శించడానికి అవకాశాలను అందించడంపై నమ్మకం కలిగిస్తున్నామన్నారు. ఆలోచన , కోడింగ్‌ ద్వారా వాస్తవ ప్రపంచ సవాళ్లను ఎదుర్కోవడానికి యువతను ప్రోత్సహించాలని నిర్ణయించామన్నారు.

● పంటనష్టంపై నేడు పరిశీలనసాక్షి, చైన్నె: అకాల వర్షం సృష్టించిన పంట నష్టం తీవ్రతను అంచనా వేయడానికి కేంద్ర బృందం రంగంలోకి దిగనుంది. రాష్ట్ర ప్రభుత్వ విజ్ఞప్తితో ప్రత్యేక బృందాన్ని మంగళవారం నియమించారు. ఈ బృందం బుధవారం తమిళనాడుకు రానుంది. వివరాలు.. ఈశాన్య రుతు పవనాల సీజన్‌ ఓ వైపు ముగిసిందో లేదో మరో వైపు శని, ఆదివారాలలో అకాల వర్షం అనేక జిల్లాలలో తాండవం చేసింది. ఈశాన్య రుతు పవనాల రూపంలో ఎదురైన నష్టాలు, కష్టాలు ఓ వైపు ఉంటే, మరో వైపు ఈ అకాల వర్షం డెల్టాలోని పలు జిల్లాల రైతుల కంట కన్నీళ్లు పెట్టించాయి. ఏపుగా పెరిగిన వరి పంట దెబ్బ తినడంతో అప్పుల ఊబిలో తాము కూరుకుపోయమన్న వేదనలో అన్నదాతలు మునిగిపోయారు. డెల్టాలోని నాగపట్నం, తిరువారూర్‌, తంజావూరు, మైలాడుతురై జిల్లాలో సుమారు లక్ష ఎకరాలలో సంబా వరి పంట వర్షార్పణమైంది. అలాగే మరెన్నో వేల ఎకరాలలో ఉద్ది, పెసర పప్పు దినుసుల పంటలు దెబ్బతిన్నాయి. తమను ఆదుకోవాలని అన్నదాత చేసుకున్న విజ్ఞప్తికి రాష్ట్ర ప్రభుత్వం స్పందించింది. పంట నష్టంపై అంచనా వేసి, రైతులను ఆదుకునేందుకు చర్యలు తీసుకోవాలని కేంద్ర ప్రభుత్వానికి రాష్ట్ర ప్రభుత్వం లేఖ పంపించింది. అలాగే, ఆహార భద్రతా విభాగం అదనపు ప్రధాన కార్యదర్శి జే రాధాకృష్ణన్‌ ఢిల్లీకి వెళ్లారు. కేంద్ర ఆహార భద్రతా విభాగం కార్యదర్శి సంజీవ్‌ కోబ్రాను కలిసి ఇక్కడ అకాల వర్షం సృష్టించిన విలయం, నష్టం తీవ్రతను వివరించారు. దీంతో ఆయన స్పందించారు. ప్రత్యేక బృందాన్ని తమిళనాడుకు పంట నష్టం అంచనా నిమిత్తం పంపించేందుకు మంగళవారం నిర్ణయించారు. ఆహార భద్రతా విభాగం పరిధిలోని పరిశోధన విభాగం అసిస్టెంట్‌ డైరెక్టర్లు నవీన్‌, టీఎం ప్రీతి, సాంకేతిక నిపుణులు రాహుల్‌, అభిషేక్‌ పాండేలతో కూడిన కమిటీని నియమించారు. ఈకమిటీ బుధవారం చైన్నెకు రానుంది. ఇక్కడి అధికారులతో భేటి అనంతరం నాగపట్నం, తిరువారూర్‌, తంజావూరు జిల్లాలలో పర్యటించనుంది. వరి కొనుగోలు కేంద్రాలలో 17 శాతం తేమ ఉన్న పంటను మాత్రమే కొనుగోలు చేస్తున్నారని, తాజా వర్షాల దృష్ట్యా, 22 శాతం తేమ ఉన్న వరిని కొనుగోలు చేసే విధంగా ఆదేశాలు ఇవ్వాలని అన్నదాతలు ప్రభుత్వానికి విజ్ఞప్తి చేస్తున్నారు. ఇదే అంశాన్ని కేంద్ర బృందం దృష్టికి తీసుకెళ్లేందుకు సిద్ధమయ్యారు.దెబ్బతిన్న పంటను చూపిస్తున్న అన్నదాత

సాక్షి, చైన్నె: చైన్నెలోని రామకృష్ణ మఠానికి స్పిరిట్‌ ఆఫ్‌ మైలాపూర్‌ – 2025 అవార్డు దక్కింది. ఈ అవార్డును సుందరం ఫైనాన్స్‌ లిమిటెడ్‌ ప్రదానం చేసింది. సుందరం ఫైనాన్స్‌ లిమిటెడ్‌ నేతృత్వంలో 125 సంవత్సరాలుగా మైలాపూర్‌ సంస్కృతి, సాంస్కృతికం, విద్యా, ఆరోగ్య సంరక్షణలో భాగంగా మైలాపూర్‌ ఫెస్టివల్స్‌ నిర్వహిస్తూ వస్తోంది. ఇందులో భాగంగా ఈ ఏడాది వేడుకలకు స్మారక సహకారానికి గుర్తింపుగా ప్రతిష్టాత్మకమైన స్పిరిట్‌ ఆఫ్‌ మైలాపూర్‌ అవార్డు 2025ను చైన్నెలోని రామకృష్ణ మఠానికి అందజేసింది. ఈ సంస్థ తమిళనాడు సీనియర్‌ వైస్‌ ప్రెసిడెంట్‌, హెడ్‌ మోహన్‌ వెంకటేశన్‌ ఈ అవార్డును రామకృష్ణ మఠం వర్గాలకు మంగళవారం అందజేశారు. ఈ సందర్భంగా ఆయన మాట్లాడుతూ, స్పిరిట్‌ ఆఫ్‌ మైలాపూర్‌ అవార్డ్‌ను తొలిసారిగా 2009లో ప్రారంభించామన్నారు. మైలాపూర్‌లోని దీర్ఘకాల నివాసితులు ఐకానిక్‌, వారసత్వం, సంస్కృతికి విశిష్టమైన కృషి చేసిన సంస్థలను గౌరవించే విధంగా ఈ అవార్డును అందజేస్తూ వస్తున్నామన్నారు. 1897లో చైన్నెలో రామకృష్ణ మఠం స్వామి రామకృష్ణానందచే స్థాపించ బడిందన్నారు. దక్షిణాదిలో తొలిశాఖ మైలాపూర్‌లో ముఖ్యమైన ఆధ్యాత్మిక మైలురాయిగా నిలిచి ఉందన్నారు. ఈ మఠం సామాజిక పరివర్తన, విద్య, ఆరోగ్య సంరక్షణ , సమాజ సేవ రంగాలతోపాటూ ఉత్తమ బోధనలతో తరాలకు స్ఫూర్తినిస్తుందన్నారు. వివేకానంద సెంటినరీ హయ్యర్‌ సెకండరీ స్కూల్‌, శ్రీ రామకృష్ణ మఠం నేషనల్‌ స్కూల్‌ వంటి సంస్థల ద్వారా విద్యకు ఎంతోకృషి చేస్తున్నారని వివరించారు. ఇక్కడ రెండు దశాబ్దాలుగా నిరుపేద గ్రామీణ బాలికలకు ఉచితంగా నర్సింగ్‌ అసిస్టెంట్‌ కోర్సును అందిస్తున్నారని పేర్కొంటూ, స్పిరిట్‌ ఆఫ్‌ మైలాపూర్‌ అవార్డును రామకృష్ణ మఠానికి అందించడం తమకు ఎంతో ఆనందంగా ఉందన్నారు.

● టంగ్‌ స్టన్‌ తవ్వకాల అనుమతి రద్దుకు పట్టు సాక్షి, చైన్నె: టంగ్‌స్టన్‌ తవ్వకాలకు ఇచ్చిన అనుమతిని రద్దు చేయాలని కోరుతూ కేంద్ర మంత్రులను కలిసేందుకు మదురై అరిటా పట్టి పరిసర గ్రామాలకు చెందిన ప్రజలు మంగళవారం ఢిల్లీకి వెళ్లారు. మదురై మేలూరు పరిసరాలలో టంగ్‌స్టన్‌ మైనింగ్‌ తవ్వకాలకు కేంద్రం అనుమతి ఇవ్వడం ఆ పరిసరాలలోని రైతులలో ఆందోళన నెలకొన్న విషయం తెలిసిందే. ఈ పరిసరాలు వ్యవసాయ క్షేత్రాలుగా ఉండటమే కాకుండా, పురాతన, చరిత్రకు నిదర్శనంగా నిలిచే ఎన్నో కట్టడాలు, ఆలయాలు ఉండటాన్ని పరిగణించిన రాష్ట్ర ప్రభుత్వం అసెంబ్లీ వేదికగా టంగ్‌ స్టన్‌ తవ్వకాలకు వ్యతిరేకంగా తీర్మానం చేసింది. ఈ పరిస్థితుల్లో ఈ టంగ్‌ స్టన్‌కు వ్యతిరేకంగా సాగుతున్న ఉద్యమ కారులు తక్షణం మేలూరు పరిసరాలను సురక్షిత వ్యవసాయ క్షేత్రాలుగా ప్రకటిస్తూ తీర్మానం చేసి, గెజిట్‌లో ప్రకటించాలని ప్రభుత్వాన్ని డిమాండ్‌ చేస్తూ వస్తున్నారు. ఈ పరిస్థితుల్లో రాష్ట్ర ప్రభుత్వ తీర్మానం ఆమోదించాలని, టంగ్‌స్టన్‌ తవ్వకాల అనుమతులు రద్దు చేయాలని కేంద్రమంత్రులకు విజ్ఞప్తి చేయడం కోసం అరిటా పట్టి గ్రామానికి చెందిన ప్రజలు ఢిల్లీకి బయలుదేరి వెళ్లారు. పార్టీలకు అతీతంగా ఉన్న ఉద్యమ కమిటీలోని బీజేపీకి చెందిన సుశీంద్రన్‌, ప్రొఫెసర్‌ రామశ్రీనివాసన్‌, రాజసింహన్‌, బాల మురుగన్‌, మునియప్పన్‌తో కలిసి రైతులు, గ్రామీణ ప్రజలు ఢిల్లీకి వెళ్లిన వారిలో ఉన్నారు. కేంద్ర మంత్రులను కలిసి వినతిపత్రాలను అందించనున్నారు. చర్చలకు రండి.. ● రవాణాశాఖ కార్మికులకు పిలుపు సాక్షి, చైన్నె: వేతన నిర్ణయం తదితర డిమాండ్లపై చర్చలకు రావాలని కార్మిక సంఘాలకు రవాణా సంస్థ పిలుపు నిచ్చింది. ఫిబ్రవరి 13,14 తేదీలలో ఈమేరకు చర్చలకు నిర్ణయించారు. రాష్ట్ర రవాణా సంస్థలోని అన్నా, సీఐటీయూ, తదితర కార్మిక సంఘాలు తమ డిమాండ్ల పరిష్కారం నినాదంతో ఆందోళనలు చేస్తూ వస్తున్న విషయం తెలిసిందే. అదే సమయంలో వేతన పెంపు తదితర అంశాలను డీఎంకే కూటమి పార్టీలకు చెందిన కార్మిక సంఘాలు సైతం డిమాండ్‌ చేస్తూ వస్తున్నాయి. ఈ పరిస్థితుల్లో కార్మిక సంఘాలతో చర్చలకు రవాణా సంస్థ నిర్ణయించింది. వేతన పెంపు ఒప్పందాలపై చర్చించి నిర్ణయం తీసుకుందామని కార్మిక సంఘాలకు మంగళవారం రవాణాశాఖ నుంచి పిలుపు వెళ్లింది. ఈ మేరకు చైన్నెలో ఫిబ్రవరి 13,14 తేదీలలో చర్చలు జరగనున్నాయి. ఎంపీ కదీర్‌ ఆనంద్‌ కళాశాలలో రూ. 13.7 కోట్లు స్వాధీనం ● చైన్నెలో ఈడీ అధికారుల ప్రకటన వేలూరు: రాష్ట్ర సీనియర్‌ మంత్రి దురై మురుగన్‌ కుమారుడు వేలూరు పార్లమెంట్‌ సభ్యులు కదీర్‌ ఆనంద్‌కు సొంతమైన ఇంజినీరింగ్‌ కళాశాలలో గత రెండు వారాల క్రితం ఈడీ అధికారులు అకస్మికంగా తనిఖీలు చేపట్టారు. ఆ సమయంలో మంత్రి దురై మురుగన్‌ ఇల్లు, అతని అనుచరులు పూంజోలై శ్రీనివాసన్‌, దామోదరన్‌ వంటి వారి ఇంటిలో సోదాలు నిర్వహించారు. మూడు రోజుల పాటూ తరచూ తనిఖీలు చేపట్టారు. ఈ నేపథ్యంలో మంగళవారం చైన్నెలోని ఈడీ అధికారులు విడుదల చేసిన ప్రకటనలో.. ఎంపీ కదీర్‌ఆనంద్‌ ఇంజినీరింగ్‌ కళాశాల నుంచి రూ. 13.7 కోట్లు స్వాధీనం చేసుకున్నట్లు, కదీర్‌ ఆనంద్‌ లాకర్‌ నుంచి రూ. 75 లక్షలు స్వాఽధీనం చేసుకున్నట్లు ప్రకటించారు. అదేవిధంగా కళాశాల నుంచి ఆస్తుల వివరాలను హార్డ్‌ డిస్క్‌తో పాటు పలు కీలక పత్రాలు స్వాధీనం చేసుకున్నట్లు వెల్లడించారు. నేటి నుంచి 24వ తేదీ వరకు తాగునీటి సరఫరా నిలిపివేత ● చైన్నె వాటర్‌ బోర్డు నోటీసు కొరుక్కుపేట: ఆలందూరు మండలం పాల్‌ వెల్స్‌ రోడ్డులో 22వ తేదీ బుధవారం రాత్రి 9 గంటలకు చైన్నె మెట్రో రైల్‌ కంపెనీ ప్రధాన నీటి పైపును మార్చే పనులను చేపట్టనున్నారు. ఈ మేరకు చైన్నె డ్రింకింగ్‌ వాటర్‌ బోర్డు ఒక ప్రకటనలో పేర్కొంది. ఆలందూరు మండలం పాల్‌ వెల్స్‌ రోడ్డులోని ప్రధాన తాగునీటి పైపును చైన్నె మెట్రో రైల్‌ మార్చనుంది. 22వ తేదీ రాత్రి 9 నుంచి 24వ తేదీ రాత్రి (48 గంటలు) తేనాంపేట, కోడంబాక్కం, వలసరవాక్కం, ఆలందూరు, అడయారులో కొన్ని ప్రాంతాలు, పల్లావరం నాగరత్‌ వరద ముంపు ప్రాంతాలకు పైపుల ద్వారా నీటి సరఫరా నిలిచిపోతుంది. అలాగే జోన్‌– 9 (తేనాంపేట్‌)–ఎంఆర్‌సీ నగర్‌, జోన్‌–ఎం (కోడంబాక్కం) ఎకతుతంగల్‌, జోన్‌– 11 (వలసరవాక్కం), వలసరవాక్కం (ప్రాంతం) రామాపురం జోన్‌ 12 (అలదూర్‌) మొఘలివాక్కం, మనప్పక్కం, నందంబాక్కం, అలందూర్‌, నంగనల్లూర్‌, ఆడమప్పక్కం, మీనంబాక్కం, జోన్‌–13 (అడయారు) , వేలచ్చేరి, పల్లవరం మున్సిపాలిటీ కౌల్‌ బజార్‌ తదితర ప్రాంతాల్లో నీటి సరఫరా నిలిచిపోతుంది. కాబట్టి ప్రజలు జాగ్రత్తగా సరిపడా తాగునీరు నిల్వ ఉంచుకోవాలని సూచించారు. బోర్డు వెబ్‌సైట్‌ చిరునామాను ఉపయోగించి అత్యావసర అవసరాల కోసం ట్రక్కుల ద్వారా నమోదు చేసుకుని తాగునీటిని పొందవచ్చు.

మరో పులి మృతితో కలకలం అన్నానగర్‌: తెన్‌కాసి జిల్లా సెంగోట్టై సమీపంలోని అచ్చన్‌ కోవిల్‌ పక్కనే ఉన్న కల్లార్‌ ప్రాంతంలో అటవీ శాఖ మంగళవారం పెట్రోలింగ్‌ నిర్వహిస్తోంది. ఆ సమయంలో కల్లారు సమీపంలోని అడవిలో మగపులి కుళ్లిపోయిన స్థితి లో పడి ఉండడంతో ఉన్నతాధికారులకు సమాచారం అందించారు. చనిపోయిన పులి కళేబరాన్ని వెటర్నరీ వైద్యుల బృందం పరిశీలించింది. మృతి చెందినది 13 ఏళ్ల మగపులి అని, వయోభారం కారణంగా చనిపోయి ఉండవచ్చ ని అధికారులు తెలిపారు. అయితే శవపరీక్ష నివేదిక వచ్చిన తర్వాతే పులి మృతికి గల కచ్చితమైన కారణం తెలుస్తుందని వారు తెలిపారు. కాగా ఈనెల 2వ తేదీన అదే ప్రాంతంలో 14 ఏళ్ల ఆడపులి మృతి చెందడం గమనార్హం. ఉరివేసుకుని యువతి ఆత్మహత్య అన్నానగర్‌: జార్ఖండ్‌కు చెందిన ఆర్తు (23) ఈమె తన భర్తతో కలిసి చైన్నెలోని చింతాద్రిపేటలోని గురువప్ప వీధిలో నివసించేది. ఆర్తీ భర్త సైకిలో టీ వ్యాపారం చేస్తుంటాడు. వీరికి 2 సంవత్సరాల కుమార్తె ఉంది. హఠత్తుగా ఆర్తి మంగళవారం ఉదయం తన ఇంట్లో ఉరివేసుకుని ఆత్మహత్య చేసుకుంది. దీనిపై సమాచారం అందుకున్న చింతాద్రిపేట పోలీస్‌ ఇన్‌స్పెక్టర్‌ ధనశేఖరన్‌ ఆధ్వర్యంలో పోలీసులు సంఘటనా స్థలానికి చేరుకుని ఆర్తి మృతదేహాన్ని స్వాధీనం చేసుకుని పోస్టుమార్టం నిమిత్తం రాజీవ్‌గాంధీ ప్రభుత్వాసుపత్రికి తరలించారు. ఇంకా, పోలీసులు జరిపిన విచారణలో, ఆర్తి తండ్రి జార్ఖండ్‌లో 3 నెలల క్రితం చనిపోయాడని, అందుకే ఆమె ఒత్తిడికి గురై ఆత్మహత్యకు పాల్పడిందని తేలింది. ఆర్తీకి పెళ్లయి నాలుగేళ్లే కావడంతో ఆర్‌డీఓ విచారణకు ఆదేశించారు. జంటహత్యల కేసులో ఇద్దరికి జీవిత ఖైదు అన్నానగర్‌: నామక్కల్‌ జిల్లా ఇరుక్కూరుకి చెందిన రైతు సెంథిల్‌కుమార్‌ (40). ఇతని భార్య సత్య 6వ వార్డు సభ్యురాలిగా ఎన్నికయ్యారు. అదేవిధంగా సుబ్బయ్య పాళెం ప్రాంతానికి చెందిన ఆరుముగం(50) అనే రైతు. ఆయన భార్య రాజమణి 2వ వార్డు మెంబర్‌గా ఎన్నిక య్యారు. 2019 స్థానిక సంస్థల ఎన్నికల్లో రాజమణియం, సత్య ఉపాధ్యక్ష పదవికి పోటీ పడ్డారు. ఈ విషయమై ఇద్దరి మధ్య మనస్పర్థలు వచ్చాయి. ఈ క్రమంలో అదే పంచాయతీలో పారిశుధ్య కార్మికుడిగా పనిచేస్తున్న ఆరుముగం, శరవణన్‌(44)లు సెంథిల్‌కుమార్‌ను హత్య చేయాలని పథకం వేశారు. దీంతో డిసెంబర్‌ 30, 2019 రాత్రి సెంథిల్‌కుమార్‌, అతని స్నేహితుడు త్యాగరాజన్‌ (35), ఆరుముగం, శరవణన్‌లు పంచాయతీ కౌన్సిల్‌ కార్యాలయం సమీపంలోని లైబ్రరీ ముందు కూర్చుని మద్యం సేవిస్తున్నారు. ఆ తర్వాత సెంథిల్‌కుమార్‌, త్యాగరాజన్‌ తాగిన మద్యంలో ఆరుముగం, శరవణన్‌ విషం కలిపారు. ఇది తాగిన సెంథిల్‌కుమార్‌, త్యాగరాజన్‌ ఇద్దరూ మృతి చెందారు. ఈ జంట హత్యకు సంబంధించి ఆరుముగం, శరవణన్‌ను పోలీసులు అరెస్టు చేశారు. ఈ కేసు విచారణ నామక్కల్‌ జిల్లా అదనపు కోర్టులో సాగింది. మంగళవారం తుది తీర్పు వెలువడింది. దోషులుగా తేలడంతో ఆరుముగం, శరవణన్‌కు జీవిత ఖైదు విధిస్తూ న్యాయమూర్తి తీర్పు చెప్పారు. శిశువుకు జన్యులోపం ● చికిత్సకు సాయమందించాలని కలెక్టర్‌కు దంపతుల విజ్ఞప్తి అన్నానగర్‌: కడలూరు జిల్లా కాట్టుమన్నార్‌ కోవిల్‌ సమీపంలోని అళగపుత్తూరుకు చెందిన దంపతులు మంగళవారం జిల్లా కలెక్టర్‌ సీపీ ఆదిత్య సెంథిల్‌కుమార్‌కు వినతిపత్రం సమర్పించారు. అందులో.. తమకు రెండున్నర సంవత్సరాల కుమార్తె ఉందని, ఈనేపథ్యంలో 5 నెలల క్రితం చిదంబరం ప్రభుత్వాసుపత్రిలో 2వ బిడ్డ జన్మించాడని పేర్కొన్నారు. ఆ సమయంలో చిన్నారికి మగ అవయవం, ఆడ జనన అవయవాలతో చిదంబరం ప్రభుత్వాసుపత్రి వైద్యులు చికిత్స నిమిత్తం పుదుచ్చేరిలోని జిప్మర్‌ ఆస్పత్రికి తరలించారన్నారు. ప్రస్తుతం చిన్నారికి ఆ ఆసుపత్రిలో చికిత్స అందిస్తున్నామని. శిశువు తరచుగా ఊపిరి పీల్చుకునేందుకు ఇబ్బంది పడుతోందని వాటిని సంబంధించిన వైద్య పరికరాలు కొనడానికి తమ వద్ద డబ్బు లేదని, తమ బిడ్డకు సరైన వైద్యం అందించి తోడ్పాటు అందించాలని కోరారు. వినతిపత్రం స్వీకరించిన కలెక్టర్‌ తగు చర్యలు తీసుకుంటామని హామీ ఇచ్చారు. కాగా జన్యుపరమైన లోపాల కారణంగానే ఇలాంటి పిల్లలు పడుతారని వైద్యులు పేర్కొంటున్నారు. 60 ఏళ్ల మహిళపై బలాత్కారం ● రౌడీ అరెస్ట్‌ తిరువొత్తియూరు: చైన్నె, పులియంతోపు ప్రాంతంలో 60 ఏళ్ల మహిళను బలాత్కారం చేసిన రౌడీని పోలీసులు అరెస్టు చేశారు. వివరాలు.. చైన్నె పులియంతోపు ప్రాంతానికి చెందిన 60 ఏళ్ల వృద్ధురాలికి భర్త మృతి చెందాడు. ఈమె ఒంటరిగా నివాసం ఉంటోంది. గత 17వ తేదీ ఆమె ఇంటిలో నిద్రపోతున్న సమయంలో అర్ధరాత్రి మద్యం మత్తులో యువకుడు ఒకడు ఇంటిలోకి చొరబడి ఆమైపె బలాత్కారం చేయడానికి యత్నించాడు. వృద్ధురాలు శబ్ధం చేయడంతో అక్కడి నుంచి తప్పించుకొని పారిపోయాడు. దీని గురించి బాధింపబడిన వృద్ధురాలు పులియం తోపు మహిళా పోలీసులకు ఫిర్యాదు చేశారు. పోలీసులు కేసు నమోదుచేసి విచారణ చేపట్టారు. విచారణలో అదే ప్రాంతానికి చెందిన రౌడీ సూర్య (22) మద్యం మత్తులో మహిళ ఇంటిలోకి చొరబడి లైంగిక దాడి చేయడానికి ప్రయత్నించినట్లు తెలిసింది. సూర్య కూలీగా పని చేస్తూ ఉన్నాడు. దీంతో పోలీసులు సూర్యను అరెస్టు చేసి కోర్టులో హాజరు పరిచి జైలుకు తరలించారు.

తమిళసినిమా: నటుడు సంతానం ఇంతకుముందు నటించిన సూపర్‌ హిట్‌ చిత్రం డీడీ రిటర్న్స్‌ కాగా దీనికి సీక్వెల్‌ గా రూపొందుతున్న తాజా చిత్రం డీడీ నెక్ట్స్‌ లెవెల్‌. ఈ చిత్రాన్ని నిహారిక ఎంటర్‌టైన్‌మెంట్‌ సంస్థతో కలిసి నటుడు ఆర్యకు చెందిన ది షో పీపుల్‌ సంస్థ నిర్మిస్తోంది. కాగా డిడి రిటర్న్స్‌ చిత్ర దర్శకుడు ప్రేమ్‌ ఆనంద్‌ నే ఈ చిత్రానికి దర్శకత్వం చేస్తున్నారు. నటుడు సంతానంతో పాటూ పలువురు ప్రముఖ నటీనటులు నటిస్తున్న ఈ చిత్ర ఫస్ట్‌ లుక్‌ పోస్టర్‌ను సంతానం పుట్టినరోజు సందర్భంగా మంగళవారం విడుదల చేశారు. ఈ సందర్భంగా మీడియాకు విడుదల చేసిన దర్శకుడు ప్రేమ్‌ ఆనంద్‌ చిత్ర వివరాలను తెలుపుతూ ఇంతకుముందు తాను దర్శకత్వం వహించిన డీడీ రిటర్న్స్‌ చిత్రం అన్ని వర్గాల వారిని ఆదరించి మంచి విజయాన్ని సాధించిందన్నారు. దానికి సీక్వెల్‌ కోసం ఏడాది పాటు కథను సిద్ధం చేసినట్లు చెప్పారు. ఈ చిత్రం కూడా ఆబాల గోపాలాన్ని నవ్వుల్లో ముంచెత్తి అలరిస్తుందనే నమ్మకాన్ని వ్యక్తం చేశారు.. అత్యంత భారీ బడ్జెట్లో రూపొందిస్తున్న ఈ చిత్ర కథ ఒక ఆధునిక షిప్‌ లో మొదలై దీవిలో జరుగుతుందని చెప్పారు. ఈ చిత్రం కోసం భారీ చర్చ్‌ చేసినట్లు చెప్పారు. ఇది డిడి రిటర్న్స్‌ చిత్రం కంటే మరింత ఉత్సుకతను, ఉత్సాహాన్ని ప్రేక్షకులకు కలిగిస్తుందని చెప్పా రు. చిత్రాన్ని సమ్మర్‌ స్పెషల్‌ గా మే నెలలో విడుదల చేయటానికి సన్నాహాలు చేస్తున్నట్లు దర్శకుడు చెప్పారు. కాగా దీనికి దీపం కుమార్‌ పది ఛాయాగ్రహణం, ఆఫ్రో సంగీతాన్ని అందిస్తున్నట్లు పేర్కొన్నారు.

అన్నానగర్‌: చేరన్మాదేవి సమీపంలో రైతును హత్య చేసిన కేసులో 8 మందికి జీవిత ఖైదు విధిస్తూ నైల్లె కోర్టు మంగళవారం సంచలన తీర్పునిచ్చింది. వివరాలు..నైల్లె జిల్లా చేరన్మాదేవి సమీపంలోని వీరవనల్లూరు కొడివాసల్‌ వీధికి చెందిన సెల్వరాజ్‌ కుమారుడు సురేష్‌ (27) రైతు. ఇతనికి పెళ్లి కాలేదు. ఇతనిపై హత్య కేసు ఉంది. అతని చేతిలో హత్యకు గురైన వ్యక్తి సోదరులు, బంధువులు అతనితో శత్రుత్వం కలిగి ఉన్నారు. గత ఏడాది 2024న సురేష్‌ తండ్రి సెల్వరాజ్‌ తన ఇంటి ముందు స్నేహితుడితో మాట్లాడుతున్నాడు. సురేష్‌ ఇంట్లో స్నానం చేస్తున్నాడు. ఆ సమయంలో సెంథిల్‌కుమార్‌ (39), చంద్రన్‌, మురుగేషన్‌ (35), మథియలగన్‌ (45), నంబిరాజన్‌ (42), పిచుమణి (41), శ్రీకాంత్‌ (37), విజయ్‌ (29) కారు, బైకుల్లో వచ్చారు. సురేష్‌ ఇంట్లోకి చొరబడిన ముఠా కత్తులతో నరికి చంపి పారిపోయారు. పోలీసులు కేసు నమోదు చేసి విచారణ చేపట్టి సెంథిల్‌ కుమార్‌ సహా 23 మందిని అరెస్టు చేశారు. నైల్లె మొదటి అదనపు సెషన్స్‌ కోర్టులో కేసు పెండింగ్‌లో ఉంది. ఈ కేసును విచారించిన న్యాయమూర్తి పద్మనాభన్‌ మంగళవారం తీర్పు వెలువరించారు. అందులో నిందితుడు సెంథిల్‌కుమార్‌ అలియాస్‌ వక్కిల్‌ కుమార్‌ హత్య చేయాలనే ఉద్దేశంతో ఇంట్లోకి ప్రవేశించిన చంద్రనన్‌తో సహా 8 మందికి జీవిత ఖైదు విధించారు. అలాగే ఈ కేసులో నేరం రుజువు కాకపోవడంతో 15 మంది నిందితులను నిర్దోషులుగా విడుదల చేశారు.

● బీజేపీపై సీఎం స్టాలిన్‌ పరోక్ష విమర్శలు ● పుస్తకాలు సన్మార్గంలో నడిపిస్తాయని వ్యాఖ్య ● శివగంగైలో క్షేత్రస్థాయి పర్యటన ● అళగప్ప వర్సిటీలో తిరువళ్లువర్‌ విగ్రహం ప్రతిష్ట ● బ్రహ్మాండ వలర్‌ తమిళ్‌ గ్రంథాలయం ఆవిష్కరణ వళ్లువర్‌.. వల్లలార్‌ల‘వళ్లువర్‌, వల్లలార్‌లు తమిళ భూమిలో సమానత్వం గురించి సందేశాలు ఇచ్చిన మహానుభావులు అని, అయితే వీరి సందేశాలు, కీర్తి ప్రతిష్టలు , ఇంకా చెప్పాలంటే, వారి పేర్లను హైజాక్‌ చేయడానికి ఓ గుంపు అనేక కుట్ర లతో ఇక్కడ కాచుకుని కూర్చుని ఉంది’ అని పరోక్షంగా కేంద్ర ప్రభుత్వం, బీజేపీ వర్గాలను ఉద్దేశించి సీఎం స్టాలిన్‌ విరుచుకుపడ్డారు. సాక్షి, చైన్నె: క్షేత్రస్థాయి పర్యటనలో భాగంగా శివగంగై జిల్లాకు చైన్నె నుంచి మంగళవారం సీఎం ఎంకే స్టాలిన్‌ వెళ్లారు. బుధవారం కూడా ఇక్కడి సీఎం పర్యటించనున్నారు. జిల్లాకు వచ్చిన సీఎంకు డీఎంకే వర్గాలు బ్రహ్మారథం పట్టాయి. కారైక్కుడిలోని అలగప్ప విశ్వవిద్యాలయం క్యాంపస్‌ జరిగిన కార్యక్రమానికి హాజరయ్యారు. ఇక్కడ కేంద్రమాజీ మంత్రి , ఎంపీ పి. చిదంబరం తన సొంత నిధుల నుంచి రూ.12 కోట్లు ఖర్చుతో నిర్మించిన బ్రహ్మాండ గ్రంథాలయాన్ని ఈ సందర్భంగా స్టాలిన్‌ ప్రారంభించారు. అలాగే పూర్వ విద్యార్థుల నేతృత్వంలో రూ. 5 లక్షలతో ఏర్పాటు చేసిన తిరువళ్లువర్‌ విగ్రహాన్ని ఆవిష్కరించారు. యూనివర్సిటీ కాన్వకేషన్‌ ఆర్ట్‌ గ్యాలరీ సెమినార్‌ హాల్‌కు ‘వీరు కవి అరసర్‌ మునిరాసనార్‌ అరంగం’ అని నామకరణం చేశారు. ముత్తమిళరింజర్‌ కలైంజ్ఞర్‌ శత జయంతి సావనీరును సీఎం ఆవిష్కరంగా అలగప్ప వర్సిటీ వీసీకే రవి అందుకున్నారు. కవి అన్నదాసన్‌ రాసిన గౌరవనీయులైన తమిళనాడు ముఖ్యమంత్రి ఎం.కె.స్టాలిన్‌ పిల్‌లై తమిళ్‌ పుస్తకాన్ని ఈ సందర్భంగా పి. చిదంబరం ఆవిష్కరించగా రవి అందుకున్నారు. ్డతెలియని ఉత్సాహం.. ఈ కార్యక్రమంలో భాగంగా జరిగిన సభలో సీఎం స్టాలిన్‌ మాట్లాడుతూ కారైక్కుడికి గడ్డ మీద అడుగు పెట్టడం తనకు ఎంతో ఆనందంగా ఉందన్నారు. వల్లల్‌ అళగప్పర్‌ విశ్వ విద్యాలయ వేడుక అనగానే తెలియని ఉత్సాహం తనలో వచ్చిందన్నారు. భారతదేశానికి స్వాతంత్య్రం వచ్చినప్పుడు మద్రాసు విశ్వవిద్యాలయం వైస్‌ చాన్స్‌లర్‌గా ఉన్న లక్ష్మణస్వామి మొదలియార్‌ పిలుపుతో ఇక్కడ విద్యాలయం ఏర్పాటుకు తన వంతు సాయానికి సిద్ధం అని అళగప్పర్‌ ప్రకటించిన విషయాన్ని గుర్తు చేశారు. ఉన్నత స్ఫూర్తితో ప్రారంభించిన ఈ విద్యాలయం ఎంతో మందిని ఉన్నత విద్యావంతులుగా తీర్చిదిద్దినట్టు వివరించారు. మరోమాట చెప్పాలంటే, తమిళుల స్వయం సంకల్పానికి ప్రతీక అళగప్పర్‌ జీవించారని అందుకే ఈ విశ్వవిద్యాలయానికి ఆయన పేరును పెట్టడం జరిగిందన్నారు. ఇక్కడ తిరువళ్లువర్‌ విగ్రహం ప్రతిష్టించడం గురించి ప్రస్తావిస్తూ వళ్లువర్‌ సూక్తులు ప్రతి ఒక్కరి జీవితంలో భాగం అని పేర్కొన్నారు. వీటిని సక్రమంగా అనుసరిస్తే తమిళనాడే కాదు, ప్రపంచం కూడా పరిరక్షించ బడుతుందన్నారు. వళ్లువర్‌, వల్లలార్‌లు తమిళ భూమిలో సమానత్వం గురించి సందేశాలు ఇచ్చిన మహానుభావులు అని, అయితే, వీరి సందేశాలు, కీర్తి ప్రతిష్టలు , ఇంకా చెప్పాలంటే, వారి పేర్లను హైజాక్‌ చేయడానికి ఓ గుంపు అనేక కుట్రలతో ఇక్కడ కాచుకుని కూర్చుని ఉందని పరోక్షంగా కేంద్ర ప్రభుత్వం, బీజేపీ వర్గాలను ఉద్దేశించి విరుచుకుపడ్డారు. వీరి కుట్రలను, వ్యూహాలను భగ్నం చేయడానికి ప్రతి తమిళుడు రక్షణ కవచంగామారాలని పిలుపునిచ్చారు. జ్ఞానమే మనల్ని రక్షించే సాధనం అన్న మాట ఈసందర్భంగా గుర్తుకు వస్తున్నదంటూ ఇక్కడ తన తల్లి లక్ష్మి పేరిట చిదంబరం బ్రహ్మాండంగా వలర్‌ తమిళ్‌ గ్రంథాలయం ఏర్పాటు చేయడం అభినందనీయమన్నారు. వాస్తవానికి చిదంబరం ఒక నడిచే గ్రంథాలయం లాంటి వారని, రాజకీయాలు, చరిత్ర, న్యాయశాస్త్రం, ఆర్థికశాస్త్రం, సాహిత్యం అన్ని రంగాలలో లోతైన జ్ఞానంతో కూడు కున్న జ్ఞాన నిధి అని కితాబు ఇచ్చారు. తనకు కానుకల రూపంలో ఇప్పటి వరకు 2.75 లక్షల పుస్తకాలు వచ్చాయని, వాటిని వివిధ గ్రంథాలయాలకు పంపించినట్టు ఈసందర్భంగా వివరించారు. సన్మార్గంలో నడిపిస్తాయి.. భవిష్యత్‌ తరాలకు నాణ్యమైన విద్య, ఉత్తమమైన సమాజాన్ని అందించడమే కాకుండా, ప్రగతిశీల ఆలోచనను బలోపేతం చేయడానికి ముందుగా ప్రతి ఒక్కరూ చరిత్రను నేర్చుకోవాల్సిన అవసరం ఉందన్నారు. ఇటువంటి గ్రంథాలయాలు, పాఠ్యపుస్తకాలు పునాదిని ఏర్పరుస్తాయని, ఆ పునాదిపై ఏర్పడిన యువత తమిళ సమాజాన్ని సన్మార్గంలో నడిపిస్తారని వ్యాఖ్యలు చేశారు. అందుకే చైన్నె అన్నా సెంటినరీ లైబ్రరీ, మధురై కలైంజ్ఞర్‌ సెంటినరీ లైబ్రరీ, కోయంబత్తూరులో తందై పెరియార్‌ లైబ్రరీలను గుర్తింపు చిహ్నంగా తీర్చిదిద్దామన్నారు. గ్రంథాలయాలు, పాఠ్యపుస్తకాలు, ఆయా పట్టణానికి చిహ్నాలగా భావించాలని, అప్పుడే తమిళ సమాజాని మెరుగుపరిచేందుకు మరింత వీలుంటుందన్నారు. అందుకే తమిళనాడును సుసంపన్నం చేస్తా..! తమిళనాడు విద్యార్థులు, అన్ని రంగాలకు అర్హులైన యువతగా తీర్చిదిద్దుతాం అని తాను పదేపదే చెబుతుంటానని వ్యాఖ్యలు చేశారు.విద్యను ఎవ్వరూ దొంగలించ లేరని, యువత జ్ఞాన సంపదను మెరుగు పరచుకోవాలని పిలుపు నిస్తున్నానని పేర్కొన్నారు. అందుకే తన ప్రభుత్వం విద్యకు ప్రాధాన్యతను ఇస్తూ వస్తున్నదన్నారు. ఉన్నత విద్య అందరికి దరిచేర్చాలన్న కాంక్షతో కార్యక్రమాలు, పథకాలను విస్తృతం చేస్తున్నామన్నారు. గత మూడున్న సంవత్సరాలలో 32 ఆర్ట్స్‌ అండ్‌ సైన్స్‌కళాశాలలనుసైతం ఏర్పాటు చేశామన్నారు. అత్యుత్తమ ఇంజినీరింగ్‌ కళాశాలలు ఉన్న రాష్ట్రంగా తమిళనాడును తీర్చిదిద్దామన్నారు. అత్యుత్తమ 100 ఉన్నత విద్యా సంస్థల జాబితాలో 31 సంస్థలు తమిళనాడుకు చెందినవేనని వివరించారు. రాష్ట్ర ప్రభుత్వం విశ్వవిద్యాలయాలకు అవసరమైన మౌలిక సదుపాయాలు, సౌకర్యాలు కల్పిస్తున్నదన్నారు. అయితే కేంద్ర ప్రభుత్వం దొడ్డిదారిలో వీసీలను నియమించే ప్రయత్నాలు చేస్తున్నదని ఆగ్రహం వ్యక్తం చేశారు. ఈ వ్యవహారంలో న్యాయపోరాటంతో సహా వివిధ మార్గలలో నిరసనలకు సిద్ధం అని ప్రకటించారు. రాష్ట్ర విద్య హక్కులు తిరిగి పొందే వరకు చట్టపరమైన పోరాటాలు, రాజకీయ పోరాటాలు కొనసాగుతాయని స్పష్టం చేశారు. విద్యార్థులు మాత్రం చదవండి.. చదవండి.. ఉన్నత విద్య...పరిశోధన విద్య దయచేసి ఏ విద్యనైనా ఎంపిక చేసుకుని చదవాలని, ఇందుకు అండగా తన ప్రభుత్వం ఉంటుందన్నారు. ఇదిలా ఉండగా బుధవారం పలు కార్యక్రమాలలో శివగంగైలో సీఎం పాల్గొనున్నారు. ఇందుకోసం ప్రత్యేక ఏర్పాట్లు జరిగాయి. ఈ కార్యక్రమంలో మంత్రులు తంగం తెన్నరసు, రఘుపతి, పెరియకరుప్పన్‌, సామినాథన్‌, రాజకన్నప్పన్‌, కోవి చెలియన్‌, మెయ్యనాథన్‌, ఎంపీలు చిదంబరం, కార్తీ చిదంబరం, రచయిత వైరముత్తు తదితరులు పాల్గొన్నారు. ప్రసంగిస్తున్న సీఎం స్టాలిన్‌

తమిళసినిమా: చిత్ర పరిశ్రమలో ప్రయోగాత్మక చిత్రాలకు ఎప్పుడు ఆదరణ ఉంటుంది. అలా సినీ ప్రముఖులు,ప్రేక్షకులను ఆకట్టుకున్న చిత్రం యాత్తిశై. ఈ చిత్ర దర్శకుడు ధరణి రాజేంద్రన్‌. తొలి చిత్రంతోనే మంచి గుర్తింపు పొందిన ఈయన తాజాగా తన రెండవ చిత్రానికి సిద్ధమయ్యారు. ఈ చిత్రాన్ని జెకె ఫిలిమ్స్‌ ఇంటర్నేషనల్‌ పతాకంపై జేకే. కమలకన్నన్‌ నిర్మిస్తున్నారు. యాత్తిశై చిత్రంలో తన నటనతో అందరినీ ఆకట్టుకున్న నటుడు సేయోన్‌ చిత్రంలో కథానాయకుడిగా నటిస్తున్నారు. విడుదలై చిత్రం ఫ్రేమ్‌ భవాని శ్రీ నాయకిగా నటిస్తున్న ఇందులో దర్శకుడు సముద్రఖని ప్రధాన పాత్రలో నటిస్తున్నారు. వీరితో పాటూ పలువురు నటీనటులు ముఖ్యపాత్రలు పోషిస్తున్న ఈ చిత్రం పూజా కార్యక్రమాలు సోమవారం చైన్నెలో నిరాడంబరంగా జరిగాయి. ఈ కార్యక్రమంలో శక్తి ఫిలిం ఫ్యాక్టరీ అధినేత, డిస్ట్రిబ్యూటర్‌ పి. శక్తివేలన్‌, నిర్మాత జి. ధనుంజయన్‌, చిత్రా లక్ష్మణన్‌ మొదలగు పలువురు సినీ ప్రముఖులు పాల్గొని చిత్ర యూనిట్‌ కు శుభాకాంక్షలు అందించారు. ఈ సందర్భంగా చిత్ర నిర్మాత జే.కమలకన్నన్‌ మాట్లాడుతూ ఇది తమ తొలి ప్రయత్నం అని పేర్కొన్నారు. చిత్ర పరిశ్రమంలో తాను ఒక భాగం కావాలన్నా ఆసక్తితో చిత్ర నిర్మాణం చేపట్టినట్టు చెప్పారు. యాత్తిశై చిత్రంతో అందరి దృష్టి తనపై తిప్పుకున్న దర్శకుడు ధరణి రాజేంద్రన్‌తో జేకే ఫిలిమ్‌ ఇంటర్నేషనల్‌ సంస్థ కలిసి ఈ చిత్రం నిర్మించడం సంతోషకరమన్నారు. మంచి కథా చిత్రాలను నిర్మించడం, ప్రతిభావంతులైన కళాకారులను ప్రోత్సహించాలన్నదే తమ సంస్థ ప్రధాన ఉద్దేశం అని పేర్కొన్నారు. ఈ చిత్ర షూటింగ్‌ ను ఫిబ్రవరి నెలలో ప్రారంభించనున్నట్లు చెప్పారు.

తమిళసినిమా: ప్రముఖ చిత్రం నిర్మాణ సంస్థ శ్రీ తేనాండాల్‌ ఫిలిమ్స్‌ సుదీర్ఘ విరామం తర్వాత నిర్మించిన చిత్రం మిస్టర్‌ హౌస్‌ కీపింగ్‌. ఈ చిత్రం ద్వారా దర్శకుడు పి. వాసు శిష్యుడు అరుణ్‌ చంద్రన్‌ దర్శకుడిగా పరిచయం అవుతున్నారు. అదేవిధంగా యూట్యూబర్‌గా పాపులర్‌ అయిన హరి భాస్కర్‌, బిగ్‌ బాస్‌ ఫేమ్‌ రాయన్‌, నటి లోస్లియా ప్రధాన పాత్రలు పోషించిన ఈ చిత్రం నిర్మాణ కార్యక్రమాలు పూర్తి చేసుకుని ఈనెల 24వ తేదీన విడుదలకు సిద్ధమవుతోంది. ఈ సందర్భంగా సోమవారం సాయంత్రం చైన్నెలోని ఓ హోటల్లో నిర్వహించిన మీడియా సమావేశంలో దర్శకుడు పి.వాసు, చిత్రా లక్ష్మణన్‌ ముఖ్య అతిథులుగా పాల్గొన్నారు. ఈ సందర్భంగా శ్రీ తెనాండాళ్‌ ఫిలిమ్స్‌ అధినేత ఎన్‌ రామస్వామి మాట్లాడుతూ ఈ కథను దర్శకుడు తనకు పలుమార్లు చెప్పారన్నారు. దీంతో కథలు మార్పులు చేర్పులు చేసి చిత్రాన్ని నిర్మించడానికి సిద్ధం అయినట్లు చెప్పారు. నటుడు హరి భాస్కర్‌, నటి లోస్లియా, రాయన్‌ మొదలగు యువ నటీనటులు ఎప్పుడు సాధించాలనే ఉద్వేగం కలిగినవారని పేర్కొన్నారు. అలాంటి వారికి అవకాశం వచ్చినప్పుడు కచ్చితంగా పదిరెట్లు అధికంగా శ్రమిస్తారని తన తండ్రి రామనారాయణన్‌ నుంచి నేర్చుకున్నట్లు చెప్పారు. దర్శకుడు వాసు స్కూల్‌ నుంచి వచ్చిన అరుణ్‌ ఈ చిత్రాన్ని చాలా చక్కగా తెరపై ఆవిష్కరించారని చెప్పారు. నిర్మాత నితిన్‌తో కలిసి నిర్మించిన ఈ చిత్రం ఈతరం యువతను కచ్చితంగా ఆలరిస్తుందనే నమ్మకాన్ని వ్యక్తం చేశారు. దర్శకుడు పి వాసు మాట్లాడుతూ తన శిష్యుడు అరుణ్‌ చిత్రానికి దర్శకత్వం వహించినట్లు తనతో చెప్పినప్పుడు నిర్మాత ఎవరని అడిగానన్నారు. దీంతో శ్రీ తేనాండాళ్‌ ఫిలిమ్స్‌ సంస్థ అని చెప్పగానే ఆ సంస్థలో చిత్రం చేసే అవకాశం రావడం గొప్ప విషయం అని, ఇదే నీకు పెద్ద విజయం అని చెప్పానన్నారు. కాగా తాను ఇంతకుముందు దర్శకత్వం వహించిన నడిగన్‌ చిత్ర రీమేక్‌లో నటుడు విజయ్‌ నటించాలని ఆశించారన్నారు. అది చాలా మంచి కమర్షియల్‌ కథాచిత్రమని పేర్కొన్నారు. అయితే నటుడు గౌండమణి, మనోరమ వంటి వారు లేకపోతే ఆ చిత్రాన్ని మళ్లీ చేయలేమని పి. వాసు అన్నారు.

రాస్తారోకో చేస్తున్న గ్రామస్తులు తిరువళ్లూరు: శిరువానూర్‌ కండ్రిగను తిరువళ్లూరు మున్సిపాలిటీలో విలీనం చేయాలన్న ప్రతిపాదననూ నిరసిస్తూ తిరుపతి–చైన్నె జాతీయ రహాదారిపై మహిళలు రాస్తారోకోకు దిగడంతో ఉద్రిక్తత నెలకొంది. తిరువళ్లూరు మున్సిపాలిటీలో శిరువానూర్‌, సేలై, ఈకాడు, కాకలూరుతో సహా పది గ్రామాలను విలీనం చేసి గ్రేటర్‌ మున్సిపాలిటిగా మార్చడానికి ప్రభుత్వం ఉత్తర్వులు జారీ చేసింది. అయితే గ్రామాలను మున్సిపాలిటీలో విలీనం చేయాలన్న ప్రతిపాదననూ వెంటనే వెనుక్కి తీసుకోవాలని కోరుతూ స్థానికులు ఆందోళన వ్యక్తం చేస్తున్న విషయం తెలిసిందే. ఇందులో భాగంగానే శిరువానూర్‌ గ్రామ మహిళలు తిరుపతి–చైన్నె జాతీయ రహదారిపై రాస్తారోకో నిర్వహించారు. తమ గ్రామాలను మున్సిపాలిటిలో విలీనం చేస్తే ఉపాధీ హమీ పనులు కోల్పోయే ప్రమాదం వుందని, పన్నుల భారాన్ని భరించలేమని వాపోయారు. కాగా రాస్తారోకోతో ట్రాఫిక్‌కు అంతరాయం ఏర్పడింది. సంఘటన స్థలానికి వచ్చిన పోలీసులు మహిళలను సముదాయించి ఆందోళనను విరమింపజేశారు. ● గ్రామాలను మున్సిపాలిటీలో విలీనానికి వ్యతిరేకంగా నిరసన

తిరువళ్లూరు: ఓ ప్రైవేటు వ్యక్తి నడుపుతున్న ఇటుక బట్టీలో వరుసగా మూడు రోజుల్లో చిన్నారితో సహా ముగ్గురు మృతి చెందిన సంఘటన తిరువళ్లూరు జిల్లా వ్యాప్తంగా కలకలం రేపింది. వరుసగా ముగ్గురు మృతి చెందిన క్రమంలో అధికారులు బట్టీకి పరుగులు పెట్టి ప్రత్యేక వైద్యశిబిరాలను ఏర్పాటు చేసి సహాయక చర్యలను ముమ్మరం చేస్తున్నారు. వివరాలు.. తిరువళ్లూరు జిల్లా వెంగల్‌ సమీపంలోని ఎగువ కొండయూరు గ్రామంలో అన్నై ఇటుకబట్టీ వుంది. ఈ బట్టీని కొమక్కంబేడు గ్రామానికి చెందిన శ్రీధర్‌ నిర్వహిస్తున్నాడు. బట్టీలో ఒడిశా, ఉత్తర ప్రదేష్‌, చత్తీష్‌ఘడ్‌ తదితర రాష్ట్రాలకు చెందిన సుమారు 350 మంది కార్మికులు ఇక్కడ ఇటుకల తయారీలో పాల్గొంటున్నారు. ఈ క్రమంలో గత నాలుగు రోజుల క్రితం జ్వరంతో బాధపడుతూ మూడునెలల చిన్నారి మృతి చెందింది. బట్టీలో పని చేస్తున్న మరో పది మందికి వాంతులు విరోచనాలై పరిస్థితి విషమంగా మారడంతో బాధితులను తిరువళ్లూరు ప్రభుత్వ వైద్యశాలకు తరలించారు. వైద్యశాలలో చికిత్స పొందుతున్న క్రమంలో రామకృష్ణత్యాగు(52), ఒడిశాకు చెందిన హైదర్‌ చండా(52) తదితర ఇద్దరు కార్మికులు చికిత్స పొందుతూ మృతి చెందారు. వీరి మృతదేహాలకు మంగళవారం శవపరీక్ష నిర్వహించి బంధువులకు అప్పగించనున్నారు. వరుసగా మూడురోజుల్లో ముగ్గరు మృతి చెందిన సంఘటన జిల్లా వ్యాప్తంగా కలకలం రేపింది. ప్రత్యేక వైద్య శిబిరం ఏర్పాటు సమాచారం అందుకున్న డీసీబీ డీఎస్పీ లోకేశ్వరన్‌ నేతృత్వంలోని పోలీసులు ఇటుకబట్టీకి చేరుకుని విసృతంగా తనిఖీలు చేపట్టారు. వరుస ముగ్గురు మృతికి గల కారణాలపై ఇటుక బట్టీ యజమాని, సహచర కార్మికుల వద్ద విచారణ చేపట్టారు. దీంతో పాటు తిరువళ్లూరు డివిజన్‌కు చెందిన సీనియర్‌ వైద్యుడు డాక్టర్‌ సుభాష్‌చంద్రభోస్‌ నేతృత్వంలో వెళ్లియూర్‌, వెంగల్‌ ప్రాథమిక ఆరోగ్య కేంఽద్రానికి చెందిన వైద్యులు, నర్సులతో ప్రత్యేకంగా వైద్యశిబిరాలను ఏర్పాటు చేశారు. తాహసీల్దార్‌ రజినీకాంత్‌, బీడీఓలు గుణశేఖరన్‌, రవి తదితరులు హుటాహుటిన సంఘటన స్థలానికి చేరుకుని పరిస్థితిపై ఆరా తీశారు. అక్కడ అనారోగ్యంతో భాదపడుతున్న వారికి అవసరమైన వైద్యసేవలను అందించాలని ఆదేశించారు. సొంతూళ్లకు వెళ్లిపోయిన వలస కార్మికులు ఇటుక బట్టీలో వరుసగా ముగ్గురు మృతి చెందడం, పలువురు అనారోగ్యానికి గురి కావడం కలకలం రేపింది. దీంతో పోలీసులు, అధికారులు బట్టీకి పరుగులు పెట్టారు. పోలీసుల రాక, విచారణ పేరుతో తరచూ అధికారులు ఇట్టీలోనే మకాం వేయడంతో రాత్రికి రాత్రే కార్మికులు తట్టాబుట్టా సర్దుకుని తమ సొంత ప్రాంతాలకు వెళ్లిపోయారు. కాగా ఇటుక బట్టీలో అపరిశుభ్రంగా వుండడంతో పాటు కార్మికులు వారం రోజుల క్రితం కోడిబోటీ(కోళ్ళ పేగులను) వండి తిన్నట్టు గుర్తించారు. కోడిబోటీ పుడ్‌ఫాయిజన్‌ కావడం వల్లే మృతి చెంది ఉండొచ్చని వైద్యులు అనుమానిస్తున్నారు. దీంతో పాటూ కార్మికులు నివాసం వుంటున్న ప్రాంతం అపరిశుభ్రంగా వుండడంతో పాటు తాగునీరు కలుషితం కావడం వల్లే విషజ్వరాలు ప్రబలి ఉండొచ్చని అధికారులు భావిస్తున్నారు. మూడురోజుల్లో అనారోగ్యంతో చిన్నారి సహా ముగ్గురి మృతి అధికారుల పరుగులు

సాక్షి, చైన్నె: ఈరోడ్‌ తూర్పు నియోజకవర్గం ఉప ఎన్నికలలో 46 మంది అభ్యర్థులు పోటీ చేస్తున్నారు. తుది జాబితాలోని సమగ్ర సమాచారాలు మంగళవారం వేకువ జామున వెలువడ్డాయి. ఇందుకు కారణం ఓ అభ్యర్థి నామినేషన్‌ వివాదాస్పదం కావడమే. వివరాలు.. ఈవీకేఎస్‌ మరణంతో ఖాళీగా ఉన్న ఈరోడ్‌ తూర్పు నియోజకవర్గంలో ఉప ఎన్నికలు జరుగుతున్న విషయం తెలిసిందే. ఈ నియోజకవర్గాన్ని కై వసం చేసుకునేందుకు డీఎంకే అభ్యర్థిగా చంద్రకుమార్‌ పోటీలో ఉన్నారు. అన్నాడీఎంకే, బీజేపీ, డీఎండీకే, తమిళగ వెట్రి కళగం వంటి పార్టీలు ఉప ఎన్నికలను బహిష్కరించాయి. దీంతో నామ్‌ తమిళర్‌ కట్చి, డీఎంకే మధ్య ఈసారి ప్రధాన సమరం నెలకొంది. నామ్‌ తమిళర్‌ కట్చి అభ్యర్థిగా సీతాలక్ష్మి పోటీ చేస్తున్నారు. ఎన్నికలలో పోటీ చేస్తున్న వారి నామినేషన్ల ఉపసంహరణ ప్రక్రియ సోమవారం సాయంత్రంతో ముగిసింది. 47 మంది పోటీలో ఉన్నట్టు తేలింది. అయితే ఓ అభ్యర్థి నామినేషన్‌ వివాదాస్పదంగా మారింది. కర్ణాటక రాష్ట్రం బెంగళూరు కృష్ణ రాజపురం నియోజకవర్గంలో ఓటుహక్కు కలిగిన పద్మావతి అనే స్వతంత్ర అభ్యర్థి నామినేషన్‌ ఈ వివాదానికి కారణమైంది. ఈమె నామినేషన్‌ తొలుత అమోదం పొందింది. అయితే, ఆమె ఓటు అన్నది తమిళనాడులో కాకుండా కర్ణాటకలో ఉన్నట్టు చివరి క్షణంలో వెలుగు చూసింది. దేశంలో ఎక్కడ ఓటు హక్కు ఉన్నా సరే ఇతర ప్రాంతాలలో జరిగే లోక్‌సభ, రాజ్యసభ ఎన్నికలలో పోటీ చేసేందుకు ప్రతి పౌరుడికి వీలుంది. అయితే అసెంబ్లీ ఎన్నికలలో ఇది వర్తించదన్న విషయం మీద తర్జనభర్జన పడాల్సిన పరిస్థితి చివరి క్షణంలో అధికారులకు తప్పలేదు. అసెంబ్లీ ఎన్నికలలో పోటీ చేసే వారు సంబంధిత రాష్ట్ర ఓటరుగా ఉండాల్సి ఉందన్న నిబంధన తేట తెల్లం కావడంతో చివరి క్షణంలో ఆమె నామినేషన్‌ను ఎన్నికల అధికారులు తిరస్కరించారు. దీంతో తుది జాబితా తయారీకి అర్ధరాత్రి సమయం పట్టింది. మంగళవారం ఉదయాన్నే తుది జాబితా వెలుగులోకి వచ్చింది. ఈ ఉప ఎన్నికలలో డీఎంకే, నామ్‌ తమిళర్‌ కట్చి అభ్యర్థులతో పాటూ 46 మంది పోటీలో ఉన్నట్టు ఖరారైంది. దీంతో నియోజకవర్గంలో ఎన్నికల ప్రచారంపై అభ్యర్థులు దృష్టి పెట్టారు. భారీ ఆధిక్యంతో గెలుపు లక్ష్యంగా డీఎంకే వ్యూహాలకు పదును పెట్టింది. మంత్రి ముత్తుస్వామి తమ అభ్యర్థి చంద్రకుమార్‌ గెలుపు బాధ్యతలను తమ భుజాన వేసుకుని ప్రచారంలో దూసుకెళ్తున్నారు. అదే సమయంలో ఎన్నికల యంత్రాంగం సైతం నియోజకవర్గంలో భద్రతను కట్టుదిట్టం చేసింది. వాహన తనిఖీలు ముమ్మరంగా సాగుతున్నాయి. ఇదిలా ఉండగా నామినేషన్‌ వెనక్కి తీసుకున్నా, తనను పార్టీ నుంచి తొలగించడంతో అన్నాడీఎంకే ఎంజీఆర్‌ యువజన విభాగం ఈరోడ్‌ సంయుక్త కార్యదర్శి సెంథిల్‌ మురుగన్‌ కండువా మార్చేశారు. మంత్రి ముత్తుస్వామి సమక్షంలో మంగళవారం డీఎంకేలో చేరారు. ప్రచారంలో మంత్రి ముత్తుస్వామి, చంద్రకుమార్‌

సేలం : తిరుచెందూరు ఆలయ ఏనుగు దైవానై రెండు నెలల తర్వాత భక్తులకు ఆశీస్సులు అందించింది. దీనికి సంబంధించిన వీడియో దృశ్యాలు ఇప్పుడు సామాజిక మాధ్యమాలలో వైరల్‌ అవుతున్నాయి. తిరుచెందూరు సుబ్ర మణ్య స్వామి ఆలయ నిర్వాహకులు ఏనుగు దైవానై (26)ను పర్యవేక్షిస్తున్నారు. గత నవంబర్‌ 18వ తేది దైవానై దాని మావటి ఉదయకుమార్‌, అతని బంధువు శిశుపాలన్‌పై దాడికి పాల్పడడంతో ఉదయకుమార్‌ మృతి చెందిన విషయం తెలిసిందే. అప్పటి నుంచి ఆలయ ఏనుగు దైవానైను ఒంటరిగా ఉంచి అటవీ శాఖ అధికారులు, వైద్యులు కలిసి దానికి వైద్యం అందించి పర్యవేక్షిస్తూ వచ్చారు. ఈ స్థితిలో కోలుకున్న దైవానైను గత పది రోజులుగా వాక్కింగ్‌కు తీసుకువెళుతూ వచ్చారు. ఈ క్రమంలో మంగళవారం దైవానై ఆలయానికి వచ్చిన భక్తులను ఆశీర్వదించింది. ఈ దృశ్యాలు సామాజిక మాధ్యమాలలో వైరల్‌ అవుతున్నాయి.

రాష్ట్రంలోని 403 ప్రభుత్వ ఆస్పత్రులలో ప్రసూతి సేవలు, శిశు సంరక్షణ, పిల్లల ఆరోగ్య సంరక్షణ తదితర వైద్యపరంగా సేవలలో నాణ్యతా ప్రమాణాలకు గాను కేంద్ర వైద్య శాఖ పరిధిలోని నేషనల్‌ క్వాలిటీ అష్యురెన్స్‌ స్టాండర్డ్‌ (ఎన్‌క్యూఏఎస్‌) సర్టిఫికెట్లు దక్కాయి. చైన్నె గిండి తమిళనాడు డాక్టర్‌ ఎంజీఆర్‌ వైద్య వర్సిటీ ఆడిటోరియంలో మంగళవారం సాయంత్రం జరిగిన కార్యక్రమంలో ఈ సర్టిఫికెట్లను ఆయా ఆస్పత్రులు, సేవలు అందించిన వైద్యులు, నర్సులు తదితరులకు రాష్ట్ర ఆరోగ్యశాఖ మంత్రి ఎం. సుబ్రమణియన్‌ ప్రదానం చేశారు. కార్యక్రమంలో పార్లమెంట్‌ సభ్యుడు తమిళచ్చి తంగపాండియన్‌, ఆరోగ్య శాఖ కార్యదర్శి సుప్రియా సాహూ పాల్గొన్నారు. – సాక్షి, చైన్నె

పెద్ద ప్రాజెక్టులతో నష్టం తప్పదు – మంత్రి సుబ్రమణ్యం కొరుక్కుపేట: కొత్త విమానాశ్రయం నిర్మాణ విషయంలో ముందుకెళుతున్నట్టు రాష్ట్ర మంత్రి సుబ్రహ్మణ్యం తెలిపారు. ఇలాంటి పెద్ద ప్రాజెక్టు విషయంలో చిన్నపాటి నష్టం తప్పదని ఆయన అభిప్రాయపడ్డారు. ఆయన విలేకరులతో మాట్లాడుతూ కొత్త విమానాశ్రయానికి 15 ఏళ్ల క్రితమే ప్లాన్‌ చేశారు. తమిళనాడు అభివృద్ధికి కేంద్ర ప్రభుత్వం గుదిబండలా ఉందన్నారు. నష్టపరిహారానికి సంబంధించినంత వరకు ఇతర రాష్ట్రాల్లో ఇది అందించే దానికంటే ఎక్కువ బట్వాడా చేస్తానని వాగ్దానం ప్రభుత్వం చేస్తుందని అన్నారు. మంత్రులు స్వయంగా సందర్శించి వ్యవసాయ భూమికి మూడున్నర రెట్లు ఎక్కువ పరిహారం చెల్లిస్తామని హామీ ఇచ్చారు. అలాగే 13 గ్రామాల ప్రజలకు గ్రామీణ పరిసరాలతో పాటు నిర్మాణాలు అందజేస్తామని హామీ ఇచ్చారు.పెద్ద ఎత్తున అభివృద్ధి ప్రాజెక్టులు వచ్చినప్పుడు చిన్న తరహా ప్రభావాలు తప్పవని పేర్కొన్నారు. బార్బర్ల్లు సమ్మె బాట – 24న 3.50 లక్షల సెలూన్ల మూత సేలం: రాష్ట్ర వ్యాప్తంగా వైద్యుల సంక్షేమ సంఘం, బార్బర్ల సంక్షేమ సంఘం రాష్ట్ర యువజన విభాగ కార్యదర్శి ఎస్‌.కె.రాజా మంగళవారం ఒక ప్రకటన విడుదల చేశారు. అందులో బార్బర్‌ వృత్తి చేసే కార్మికుల ఆరు డిమాండ్లను పరిష్కరించాలని చైన్నె వళ్లువర్‌ కోట్ట వద్ద 24వ తేదీ ఉదయం 9 గంటలకు ఆందోళన చేపట్టనున్నట్టు తెలిపారు. ఈ సందర్భంగా రాష్ట్ర వ్యాప్తంగా మూడు లక్షల 50 వేల సెలూన్‌ దుకాణాల మూసివేయనున్నట్టు తెలిపారు. ఆందోళనను రాష్ట్ర అధ్యక్షుడు నటేశన్‌ ప్రారంభిస్తారన్నారు. ప్రధాన కార్యదర్శి రాజన్‌, యువజన విభాగ కార్యదర్శిఎస్‌.కె.రాజాతోపాటు విడుదలై చిరుత్తైగల్‌ పార్టీ అధ్యక్షుడు తొల్‌ తిరుమావళవన్‌, రాష్ట్ర కాంగ్రెస్‌ పార్టీ అధ్యక్షుడు సెల్వపెరుందగై, తమిళగ వాల్వురిమై పార్టీ అధ్యక్షుడు వేల్‌ మురుగన్‌, జవహరుల్లా, పొన్‌ కుమార్‌, విక్రమరాజా, వి.ఎన్‌.కన్నన్‌ పాల్గొననున్నట్టు ఆయన ప్రకటనలో పేర్కొన్నారు. డీఎంకే ఎమ్మెల్యే కార్యాలయంలో బ్యాటరీలు చోరీ తిరువొత్తియూరు: అన్నానగర్‌ నియోజకవర్గం డీఎంకే ఎమ్మెల్యే కార్యాలయంలో బ్యాటరీలు చోరీ చేసిన ఇద్దరిని పోలీసులు విచారణ చేస్తున్నారు. చైన్నె అన్నానగర్‌ డీఎంకే శాసనసభ్యుడు ఎంకే మోహన్‌ కార్యాలయం అమైందకరై పోలీస్‌ స్టేషన్‌ సమీపంలో ఉంది. ఇక్కడ సోమవారం రాత్రి కార్యాలయంలో ఉద్యోగులు పని పూర్తయిన తర్వాత తాళం వేసుకుని ఇంటికి వెళ్లారు. ఈ క్రమంలో మంగళవారం ఉదయం ఉద్యోగులు కార్యాలయం వద్దకు వచ్చిన సమయంలో ఎమ్మెల్యే కార్యాలయంలో ఉన్న బ్యాటరీలు గుర్తు తెలియని వ్యక్తులు చోరీ చేసినట్టు గుర్తించారు. దీంతో అన్నానగర్‌ పోలీస్‌ స్టేషన్లో ఫిర్యాదు చేశారు. నిఘా కెమెరాలలో నమోదైన దృశ్యాలు ఆధారంగా విచారణ చేపట్టిన పోలీసులు మంగళవారం ఉదయం ఇద్దరిని అరెస్టు చేసి ప్రశ్నిస్తున్నారు. పోలీస్‌ స్టేషన్‌ ఎదుట ఆత్మాహుతి – ఇద్దరి అరెస్ట్‌ తిరువొత్తియూరు: పోలీస్‌స్టేషన్‌ ఎదుట ఓ యువకుడు నిప్పటించుకుని ఆత్మహత్యకు పాల్పడ్డాడు. ఆత్మహత్యకు కారణమైన ఇద్దరిని పోలీసులు అరెస్టు చేశారు. చైన్నె పులియంతోపు ప్రాంతానికి చెందిన రాజన్‌ (30). ఇతను సోమవారం రాత్రి ఆర్కేనగర్‌ పోలీస్‌స్టేషన్‌ ఎదుట ఇంటిపై పెట్రోలు పోసుకొని నిప్పు పెట్టుకున్నాడు. ఇందులో తీవ్రంగా గాయపడ్డ అతన్ని కీల్పాక్కం ప్రభుత్వ ఆస్పత్రిలో చేర్చారు. అక్కడ చికిత్స పొందుతూ మంగళవారం సాయంత్రం మృతిచెందాడు. పోలీసుల విచారణలో అతనిపై కొరుక్కుపేటకు చెందిన అరుణ్‌కుమార్‌, మాధవన్‌ అనే ఇద్దరు దాడి చేశారని, పోలీసులకు ఫిర్యాదు చేసినా పట్టించుకోలేదని మనస్తాపం చెంది ఆత్మహత్యకు ప్పాడినట్టు తెలిసింది. అరుణ్‌కుమార్‌, మాధవన్‌ అనే ఇద్దరిని పోలీసులు అరెస్టు చేశారు. హత్యకు కుట్ర: ముగ్గురి అరెస్ట్‌ సేలం: కరూర్‌లో మాజీ ప్రియురాలిని, ఆమె భర్తను హత్య చేయడానికి ప్రియుడు పంపించిన ముగ్గురు కిరాయి గూండాలను పోలీసులు అరెస్టు చేశారు. తిరుచ్చి జిల్లా వైయమ్పట్టి ప్రాంతానికి చెందిన యువతి, శివగంగై జిల్లా కాలైయార్‌ కోవిల్‌ సూసైయప్పర్‌ పట్నంకు చెందిన శివశంకర్‌ (24) సామాజిక మాధ్యమాల ద్వారా పరిచయమై ప్రేమించుకున్నారు. గత రెండేళ్లుగా వీరిద్దరు అప్పుడప్పుడు కలుసుకుంటుంటారు. అయి తే శివశంకర్‌ ప్రవర్తన, అలవాట్లు నచ్చలేదని యు వతి, శివశంకర్‌కు దూరమైంది. ఈ స్థితిలో ఆమె కు కరూర్‌, మేళపాలయంకు చెందిన అజిత్‌ (22) తో గత 13వ తేదీ వివాహమైంది. ఈ విషయం తెలిసి శివశంకర్‌ ప్రియురాలిని, ఆమె భర్తను హత్య చేయాలని నిశ్చయించాడు. ఆ మేరకు కిరా యి ముఠాను కరూర్‌కు పంపించాడు. ఈ క్రమంలో కరూర్‌ తాంతోనిమలై, టోల్‌గేట్‌ సమీపంలో ఉన్న లాడ్జీలో సోమవారం రాత్రి మారణాయుధాలతో వడివేల్‌, కిరాయి ముఠాకు చెందిన అతని స్నేహితులు కలిసి గది దీసుకుని ఉన్నట్టు పసు పతి పాళయం పోలీసులకు సమాచారం అందింది. దీంతో వారు ఆ లాడ్జీకి వెళ్లి తనిఖీలు చేశారు. అప్పుడు అక్కడ గదిలో ఉన్న వడివేల్‌, అతని మి త్రులు కిరాయి ముఠాకు చెందిన ఆనంద్‌ (38), హరిహరన్‌ (20) ఉన్నట్టు తెలిసింది. దీంతో పోలీసులు ఆ ముగ్గురిని అరెస్టు చేసి, వారి వద్ద ఉన్న మారణాయుధాలను స్వాధీనం చేసుకున్నారు.

సాక్షి, చైన్నె: గొప్ప సాంకేతిక సంస్థలు సామాజిక శాస్త్రాలలోకి విస్తరించడం – మానవీయ శాస్త్ర విభాగాలను సృష్టించడం వంటి అంశాలతో ఐఐటీ మద్రాసు హ్యుమానిటీస్‌ డిపార్ట్‌మెంట్‌ లాంగ్‌ స్టాండింగ్‌ కనెక్షన్‌లపై ప్రదర్శనను ఏర్పాటు చేసింది. ఐఐటీ మద్రాస్‌లోని హెరిటేజ్‌ సెంటర్‌తో పాటూ ఐఐటీ మద్రాస్‌ ఆర్కైవ్‌ దక్షిణాసియాలోని ప్రతిష్టాత్మకమైన మసాచుసెట్స్‌ ఇన్‌స్టిట్యూట్‌ ఆఫ్‌ టెక్నాలజీ (ఎంఐటీ), ఐఐటీ, దక్షిణాసియా మధ్య 140 సంవత్సరాలకు పైగా ఉన్న దీర్ఘకాల సంబంధాలపై ఈ ప్రదర్శన ద్వారా దృష్టి పెట్టారు. శ్రీసౌత్‌ ఏషియా – ది ఇన్‌స్టిట్యూట్‌ – ట్రాన్స్‌ఫార్మేటివ్‌ కనెక్షన్స్‌శ్రీ పేరుతో ఈ ఎగ్జిబిషన్‌ ఐఐటీ మద్రాస్‌ పూర్వ విద్యార్థులతో సహా ప్రముఖ అమెరికన్‌ విశ్వవిద్యాలయంలో దక్షిణాసియాకు చెందిన విద్యార్థుల పాత్రపై కూడా దృష్టి పెట్టారు. రెండు నెలల పాటు ఈ ప్రదర్శన జరగనుంది. అందరూ దీనిని వీక్షించే అవకాశం కల్పించారు. ఐటీ మంత్రి డాక్టర్‌ పళనివేల్‌ త్యాగరాజన్‌ మంగళవారం సాయంత్రం ఈ ప్రదర్శనను ప్రారంభించారు. దక్షిణాసియా పూర్వ విద్యార్థుల సంఘం డాక్టర్‌ హంస బాలకృష్ణన్‌, ఎంఐటీ ఇంజినీరింగ్‌ అసోసియేట్‌ డీన్‌ ప్రొఫెసర్‌ రఘునాథన్‌ రంగస్వామి, ఐఐటీ మద్రాసు డీన్‌ (గ్లోబల్‌ ఎంగేజ్‌మెంట్‌), డాక్టర్‌ మాతంగి కృష్ణమూర్తి, ఆంత్రోపాలజీ అసోసియేట్‌ ప్రొఫెసర్‌ ఆఫ్‌ పొన్నరసు తదితరులు ఈ కార్యక్రమంలో పాల్గొన్నారు.

– ఉద్యోగిపై పోక్సో కేసు తిరువొత్తియూరు: చైన్నె ఈస్ట్‌ కోస్ట్‌ రోడ్‌ ఈంచంబాక్కంలోని ప్రసిద్ధ వినోద కేంద్రానికి రోజూ పెద్దసంఖ్యలో పర్యాటకులు వస్తుంటారు. ఈ క్రమంలో ఈనెల 18వ తేదీన అమైందకరై ప్రాంతానికి చెందిన 24 ఏళ్ల యువతి తన బంధువుతో వచ్చారు. ఆ సమయంలో అక్కడ విధులు నిర్వహిస్తున్న చైన్నె పనైయూర్‌ మీనవ కుప్పానికి చెందిన సురేందర్‌ (31) యువతిపై లైంగింక వేధింపులకు పాల్పడ్డాడు. దీంతో యువతి భయంతో కేకలు వేశారు. ఈ ఘటన కలకలం రేపింది. దీంతో బాధిత యువతి నీలాంకరై పోలీసులకు ఫిర్యాదు చేసింది. ఈ కేసును తిరువాన్మియూర్‌లోని మహిళా పోలీస్‌ స్టేషన్‌నకు బదిలీ చేశారు. ఇన్‌స్పెక్టర్‌ రాజేశ్వరి సురేందర్‌ను పోక్సో చట్టం కింద అరెస్ట్‌ చేసి చెంగల్‌పట్టు కోర్టులో హాజరుపరిచి జైలుకు తరలించారు. టాస్మాక్‌ ఉద్యోగికి కత్తి వేటు – నిందితుల కోసం గాలింపు తిరువొత్తియూరు: పల్లికరణై రాంనగర్‌లో టాస్మాక్‌ ఉద్యోగిపై కత్తితో దాడి చేసి ఆటోలో పరారైన ఇద్దరు వ్యక్తుల కోసం పోలీసులు గాలిస్తున్నారు. వివరాలు.. రామనాథపురం జిల్లా భగవతి మంగళానికి చెందిన రాజా (34) చైన్నె పల్లికరనై రాంనగర్‌లోని టాస్మాక్‌లో రెండేళ్లుగా పనిచేస్తున్నారు. సోమవారం రాత్రి 10.30 గంటలకు టాస్మాక్‌ సమీపంలోని ఓ రెస్టారెంట్‌లో స్నేహితులతో కలిసి భోజనం చేసి బయటకు వచ్చాడు. ఆ సమయంలో అక్కడకి ఆటోలో వచ్చిన ఇద్దరు గుర్తుతెలియని వ్యక్తులు కిందకు దిగి హఠాత్తుగా కత్తులతో రాజా తలపై దాడి చేసి ఆటో ఎక్కి పారిపోయారు. తీవ్రంగా గాయపడిన రాజాను ఇరుగుపొరుగు వారు అదే ప్రాంతంలోని ఓ ప్రైవేట్‌ ఆస్పత్రిలో చేర్పించారు. అక్కడ అతని వైద్యులు చికిత్స చేస్తున్నారు. దీనిపై సమాచారం అందుకున్న పల్లికరణై పోలీస్‌ స్టేషనన్‌ సబ్‌ ఇన్‌స్పెక్టర్‌ ఏలుమలై, పోలీసులు ఆస్పత్రికి వెళ్లి రాజా వద్ద విచారణ చేశారు. ఆటోలో వచ్చి దాడి చేసిన వారు ఎవరు అని అంశంపై దర్యాప్తు చేస్తున్నారు. వృద్ధురాలి నగలు చోరీ తిరువళ్లూరు: చికిత్స కోసం ప్రభుత్వ వైద్యశాలకు వెళ్లిన వృద్ధురాలిని మోసం చేసి నాలుగు సవర్ల బంగారు నగలను దుండగుడు చోరీ చేశాడు. తిరువళ్లూరు జిల్లా పూండి యూనియన్‌ కమ్మవారిపాళ్యం ప్రాంతానికి చెందిన చిన్ననాయుడు భార్య రాజీకాంతం(69). ఈమెకు కొద్ది నెలల క్రితం చేతికి గాయమై ప్రభుత్వ వైద్యశాలలో చికిత్స తీసుకుంటోంది. ఈక్రమంలో మంగళవారం ఉదయం 11 గంటలకు రాజీకాంతం వైద్యశాలకు వెళ్లి చిక్సిత తీసుకుని ఒంటి గంటకు ఇంటికి వెల్లడానికి బయలుదేరింది. అదే సమయంలో ఆమెను గమనించిన వ్యక్తి, సాయం చేసేలా నటించి ఎక్స్‌రే కేంద్రానికి తీసుకెళ్లాడు. అనంతరం వృద్ధురాలి వద్ద వున్న నాలుగు సవర్ల బంగారు చైన్‌ తీసి ఇచ్చి ఎక్స్‌రేకు వెళ్లాలని నమ్మించి నగలను తీసుకుని ఉడాయించాడు. ఆలస్యంగా మోసపోయిన విషయాన్ని గ్రహించిన వృద్ధురాలు వైద్యశాల ఆవరణలో బోరున విలపించింది. అనంతరం టౌన్‌ పోలీస్‌స్టేషన్‌కు వెళ్లి ఫిర్యాదు చేసింది. పోలీసులు కేసు దర్యాప్తు చేస్తున్నారు. లారీని ఢీకొన్న కారు – యువకుడు దుర్మరణం సేలం: మదురై జిల్లాలో సోమవారం రాత్రి లారీని కారు ఢీకొన్న ప్రమాదంలో చైన్నెకి చెందిన వ్యాపారవేత్త కుమారుడు దుర్మరణం చెందాడు. చైన్నెకి చెందిన వ్యాపారవేత్త ముత్తుకుమార్‌. ఈయన తన కుమారు డు, భార్య, బంధువులు సహా ఐదుగురు తూత్తుకుడి సమీపంలో మురుగన్‌కాడు గ్రామంలో జరిగిన ఆల య తిరునాళ్లకు సోమవారం రాత్రి కారులో బయలుదేరారు. కారును చైన్నెకి చెందిన రామజయం నడిపారు. మదురై జిల్లా మేలూరు సమీపంలోని కరుంగాలక్కుడి సాలైలో వెళుతుండగా అదుపుతప్పి ముందు వెళుతున్న లారీని వెనుక నుంచి కారు ఢీకొంది. ఈ ప్రమాదంలో కారులో ప్రయాణిస్తున్న ముత్తుకుమార్‌ కుమా రుడు భరత్‌ప్రసన్న (18) దుర్మరణం చెందాడు. ము త్తుకుమార్‌, ఆయన భార్య, బంధువులు, డ్రైవర్‌తోపా టు ఐదుగురు గాయపడ్డారు. గాయపడ్డ వారిని ఆస్పత్రికి తరలించి పోలీసులు కేసు దర్యాప్తు చేస్తున్నారు.

– కోవైలో కలకలం సేలం: రెండంతస్తుల భవనం పేక ముక్కలా కూలిపోవడం కోవైలో సోమవారం రాత్రి కలకలం రేపింది. కోవై సమీపంలో పశ్చిమ కనుమల్లో ఉద్భవిస్తున్న సంగనూర్‌ జలపాతం తడాగం నుంచి ప్రారంభమై సింగానల్లూర్‌ కొలను వరకు వుంటుంది. ఈ కాలువ ఆక్రమణలకు గురైంది. ఇక్కడి ఆక్రమణలను తొలగించే పనిలో అధికారులు నిగమ్నమై ఉన్నారు. ఈ స్థితిలో టాటాబాత్‌ హట్కో కాలనీ అన్నానగర్‌ ప్రాంతంలో సంగనూర్‌ కాలువ ఒడ్డున సురేష్‌ అనే వ్యక్తికి సొంతమైన రెండు అంతస్తుల భవనం ఉంది. గత పది రోజుల క్రితం ఆ భవనం వెనుక వైపున పది అడుగుల దూరం వరకు ఉన్న ఆక్రమణలను తొలగించారు. ఈ స్థితిలో సోమవారం రాత్రి ఆ ఇంట్లో సురేష్‌, కుటుంబీకులు భోజనం చేస్తుండంగా ఇల్లు ఊగినట్టు వారికి తెలియడంతో హుటాహుటిన బయటకు పరుగులు తీశారు. ఆ తర్వాత కొంత సేపటికి ఆ రెండు అంతస్థుల భవనం ఒక్కసారిగా కూలిపోయింది. ఆ భవనం పక్కన ఉన్న మరో ఇల్లు కూడా కూలింది. అయితే అదృష్టవశాత్తు ఆ సమయంలో ఇళ్లల్లో ఎవరూ లేకపోవడంతో పెనుప్రమాదం తప్పింది.

రాస్తారోకో చేస్తున్న దివ్యాంగులు – దివ్యాంగుల అరెస్ట్‌ వేలూరు: రాష్ట్రంలోని దివ్యాంగుల సమస్యలు పరిష్కరించాలని కోరుతూ తమిళనాడు సంక్షేమ సంఘం ఆధ్వర్యంలో వేలూరులోని ప్రధాన పోస్టల్‌ కార్యాలయం ఎదుట రాస్తారోకో నిర్వహించారు. ఆ సంఘం జిల్లా అధ్యక్షుడు గోవిందరాజన్‌ మాట్లాడు తూ ఆంధ్ర రాష్ట్రంలో దివ్యాంగులకు అందజేస్తున్న విధంగా తమిళనాడులోనూ ప్రత్యేక పెన్షన్‌ పథకాన్ని తీసుకురావాలని డిమాండ్‌ చేశారు. గ్రామీణ ప్రాంతాల్లోని దివ్యాంగులందరికీ ఉపాధి హామీ పథకంలో పని కల్పించాలని, బ్యాంకు రుణాలు పొందేందుకు ప్రభుత్వ బ్యాంకులకు సిఫారస్సు చేయాలని, గత ఎన్నికల సమయంలో ప్రభుత్వం దివ్యాంగులకు ఇచ్చిన హామీలను అమలు చేయా లని కోరుతూ రాస్తారోకో నిర్వహించారు. విషయం తెలిసి అక్కడికి వెళ్లిన పోలీసులు రాస్తారోకో చేస్తు న్న వారిని అరెస్ట్‌ చేసి ప్రయివేటు కల్యాణ మండపానికి తరలించి సాయంత్రం విడుదల చేశారు.

● మణిపూర్‌ యువతి అరెస్ట్‌ తిరువొత్తియూరు: చైన్నె, అడయారు తరమని తిరువాన్మయూర్‌ తదితర ప్రాంతాలలో ఆన్‌లైన్‌ యాప్‌ ద్వారా మత్తుమాత్రలు విక్రయాలు జోరుగా సాగుతోంది. కొందరు ఆన్‌లైన్లో మార్గంగా ఆర్డర్‌ చేసి మాత్రలను ఉపయోగిస్తున్నారని ఈ మాత్రలు వల్ల ఎటువంటి ప్రభావం చూపులేదని దీని గురించి తిరువాన్మయూర్‌ పోలీసులకు ఫిర్యాదు అందింది. పోలీసులు ఆన్‌లైన్‌ యాప్‌ను తనిఖీ చేయగా ఓ యువతి ఈ మోసానికి పాల్పడుతున్నట్లు తెలియ వచ్చింది. ఇందులో ఐటీ సంస్థలో పనిచేస్తున్న ఉద్యోగులు మత్తుమాత్రలను తీసి ఉపయోగిస్తున్నారని అది పెయిన్‌ కిల్లర్‌ మాత్రలని తెలియ వచ్చింది. పోలీసులు ఆన్‌లైన్‌ యాప్‌ ద్వారా మోసం చేస్తున్న యువతిని పట్టుకొని విచారణ చేశారు. విచారణలో మణిపూర్‌, రాష్ట్రానికి చెందిన వంగలియాన్‌ సింగ్‌ (30) అని తెలిసింది. పోలీసులు ఆమెను అరెస్టు చేసి ఆమె వద్ద నుంచి 8,100 పెయిన్‌ కిల్లర్‌ మాత్రలను స్వాధీనం చేసుకున్నారు.

తిరువళ్లూరు: రిటైర్డ్‌ ఉద్యోగుల న్యాయమైన డిమాండ్లను పరిష్కరించాలని కోరుతూ తమిళనాడు రిటైర్డ్‌ గవర్నమెంట్‌ ఎంప్లాయీస్‌ అసోషి యేషన్‌ ఆధ్వర్యంలో మంగళవారం ధర్నా నిర్వహించారు. ధర్నాకు సంఘం కోశాధికారి వాసుదేవన్‌ అధ్యక్షత వహించగా జిల్లా కార్యదర్శి గణేషన్‌ హాజరై ప్రసంగించారు. గణేషన్‌ మాట్లాడుతూ కొత్త పింఛన్‌ పథకాన్ని వెంటనే రద్దు చేయాలని, కరోనా సమయంలో ఆపిన అలవెన్స్‌లను వెంటనే చెల్లించాలని, వైద్యబీమా పథకంలో వు న్న లొసుగులను సరి చేయాలని కోరారు. 70 ఏళ్లు నిండిన పింఛన్‌ దారులకు 10శాతం, 80 ఏళ్లు నిండిన వారికి 20 శాతం పింఛన్లను పెంచి ఇవ్వాలని డిమాండ్‌ చేశారు. డిమాండ్లను పరిష్కరించని పక్షంలో తమ పోరాటాన్ని ఉధృతం చేస్తామని హెచ్చరించారు. ధర్నా నిర్వహిస్తున్న మాజీ ఉద్యోగులు

– బీఎస్పీ నేతల వినతి తిరువళ్లూరు: రిపబ్లిక్‌ దినోత్సవంలో జాతీయ జెండాతో పాటు డాక్టర్‌ అంబేడ్కర్‌ చిత్రపటానికి నివాళులర్పించేలా కలెక్టర్‌ ఆదేశాలు ఇవ్వాలని కోరుతూ బీఎస్పీ నేతలు వినతి పత్రం ఇచ్చారు. రిపబ్లిక్‌ దినోత్సవాన్ని జిల్లా వ్యాప్తంగా జనవరి 26న ఘనంగా నిర్వహించుకోవడానికి ఏర్పాట్లను ముమ్మరం చేస్తున్నారు. ప్రభుత్వ ప్రయివేటు కార్యాలయాలు, విద్యాసంస్థలు, పరిశ్రమలతోపాటు ఇతర ప్రాంతాల్లో జాతీయ జెండాను ఎగులవేయనున్నారు. ఇదేసమయంలో జాతీయ జెండాకు గౌరవ వందనం చేయడంతో పాటు అంబేడ్కర్‌ చిత్రపటాన్ని వుంచి ఆయన త్యాగాలను స్మరించుకునేలా ఆదేశాలు ఇవ్వాలని కోరుతూ కలెక్టర్‌ డాక్టర్‌ ప్రభుశంకర్‌కు బీఎస్పీ నేత ప్రేమ్‌ ఆధ్వర్యంలో వినతి పత్రం సమర్పించారు.

కొరుక్కుపేట: ఉద్యోగాలు ఇప్పిస్తానని నమ్మించి మోసం చేసిన కేసులో దర్యాప్తు జరపాలని దాఖలైన పిటిషన్‌న్‌పై స్పందించాలని మాజీ మంత్రి రాజేంద్ర బాలాజీని మద్రాసు హైకోర్టు ఆదేశించింది.గత అన్నాడీఎంకే హయాంలో డెయిరీ శాఖ మంత్రిగా పనిచేసిన రాజేంద్ర బాలాజీపై విరుదునగర్‌ జిల్లా క్రైం బ్రాంచ్‌ పోలీసులు ఆవిన్‌ కంపెనీతో పాటు ప్రభుత్వ శాఖల్లో ఉద్యోగాలు ఇప్పిస్తానని చెప్పి 33 మంది నుంచి రూ.3 కోట్లు వసూలుకు పాల్పడినట్లు కేసు పెట్టారు. ఈ కేసులో విచారణ జరిపి ఫిర్యాదు చేయాలని ఫిర్యాదుదారుగా ఉన్న మాజీ స్పీకర్‌ కాళీముత్తు తమ్ముడు నల్లతంబి సుప్రీంకోర్టును అభ్యర్థించారు. మద్రాసు హైకోర్టులో ఆయన పిటిషన్‌ వేశారు. తిరిగిచ్చిన డబ్బు, వరుస ఆధారాలతో సాక్షులను బెదిరించారు. జిల్లా క్రైం బ్రాంచ్‌లో ఫిర్యాదు చేశారు. విచారణ చేపట్టాలని కోరారు. మే 2024లో జిల్లా క్రైమ్‌ డిపార్ట్‌మెంట్‌ ఇచ్చిన ఫిర్యాదుపై ఎటువంటి చర్యలు తీసుకోకపోవడంతో, దానిని పరిశీలించారు. విచారణ జరిపి తుది నివేదికను త్వరగా సమర్పించేలా జిల్లా క్రైం బ్రాంచ్‌ను ఆదేశించాలని కోరారు. ఈ పిటిషన్‌న్‌పై విచారణ జరిపిన హైకోర్టు ఇచ్చిన ఆదేశాల మేరకు మంత్రి రాజేందర్‌ బాలాజీని కౌంటర్‌ పిటిషనర్‌గా చేర్చుతూ పిటిషనర్‌ పక్షాన పిటిషన్‌న్‌దాఖలైంది. పిటిషన్‌న్‌ను విచారించిన జస్టిస్‌ పతి వేల్మురుగన్‌ నాలుగు వారాల్లోగా సమాధానం ఇవ్వాలని రాజేంద్ర బాలాజీని ఆదేశిస్తూ వాయిదా వేశారు.

వేలూరు: పరీక్షల్లో అధిక మార్కులు సాధించేందుకు విద్యార్థులు టీవీ, సెల్‌ఫోన్‌లను పూర్తిగా వినియోగించరాదని కలెక్టర్‌ సుబ్బలక్ష్మి విద్యార్థులకు సూచించారు. వేలూరు జిల్లా కాట్పాడి సమీపంలోని తిరువలం ప్రభుత్వ బాలికల పాఠశాలలో కలెక్టర్‌ అకస్మికంగా తనిఖీ చేశారు. అనంతరం పది, ప్లస్‌టూ పరీక్షలకు హాజరయ్యే విద్యార్థులను పాఠశాల ప్రాంగణంలోకి రప్పించి బాలికలు దేశాభివృద్ధికి దోహద పడాలని, ఇందుకు విద్యతోనే ఇది సాధ్యమన్నారు. అనంతరం వేలూరు అబ్దుల్లాపురంలోని వృత్తి శిక్షణ కేంద్రంలో అనాథ ఆశ్రమాల్లో ఉంటూ విద్యను అభ్యస్తున్న విద్యార్థులకు పార్ట్‌ టైమ్‌ వృత్తి విద్య శిక్షణను ఆమె ప్రారంభించారు. జిల్లా శిశు సంక్షేమ శాఖ అధికారి సుభాషిణి, వృత్తి శిక్షణ కేంద్రం అసిస్టెంట్‌ డైరెక్టర్‌ అమరనాథ్‌ పాల్గొన్నారు.