Peddapalli

● క్రీడల్లో రాణిస్తున్న పల్లె యువత సాక్షి, పెద్దపల్లి/వేములవాడ: ఉమ్మడి కరీంనగర్‌ జిల్లాకు చెందిన క్రీడాకారులు జాతీయ, అంతర్జాతీయ వేదికలపై సత్తాచాటుతున్నారు. సౌకర్యాల కొరత.. ఆర్థిక ఇబ్బందులు ఎదురైనా సంకల్పం ముందు అవి చిన్నబోతున్నాయి. ఎందరో యువ క్రీడాకారులు తమ ప్రతిభకు పదును పెడుతూ పతకాల వేటలో దూసుకెళ్తున్నారు. ఏషియన్‌ గేమ్స్‌లో ఆర్చరీలో రెండు స్వర్ణ పతకాలతో మెరిసిన చికిత విజయగాథ ఉమ్మడి జిల్లాలోని యువ క్రీడాకారుల్లో ఉత్సాహాన్ని నింపుతుంది. చేయూతనిస్తే అద్భుతాలే.. క్రీడల్లో రాణించాలనే తపన ఉన్నా చాలామంది యువతకు సరైన శిక్షణ, ఆధునిక క్రీడా పరికరాల కొరతతో వెనుకబడుతున్నారు. కుటుంబ ఆర్థిక పరిస్థితులు అనుకూలించక కొందరు క్రీడలకు దూరమవుతున్నారు. మరికొందరికి తమ ప్రతిభను నిరూపించుకునేందుకు సరైన వేదికలు దొరకడం లేదు. ఇలాంటి ప్రతిభను పాఠశాల స్థాయి నుంచే గుర్తించి.. నాణ్యమైన కోచింగ్‌, ఆధునిక క్రీడాసామగ్రిని, ప్రత్యేక శిక్షణ శిబిరాలు, పోటీలకు వెళ్లేందుకు ఆర్థిక సహాయం అందిస్తే అద్భుతాలు సృష్టిస్తారనేందుకు చికితనే నిదర్శనం. పతకాలు సాధించిన తర్వాత సన్మానాలు చేయడం కంటే.. పతకం కోసం వారు చెమటోడుస్తున్న సమయంలోనే అండగా నిలిచి.. ప్రోత్సహించాల్సిన అవసరం ఉంది. కరీంనగర్‌, పెద్దపల్లి, జగిత్యాల, రాజన్నసిరిసిల్ల జిల్లాల్లో పాఠశాల స్థాయి నుంచే ప్రతిభను గుర్తించి నిరంతరం శిక్షణ అందించాలి. అలా చేస్తే ఇప్పుడు పతకాల కోసం పరుగులు తీస్తున్న ఈ చిన్నారులే రేపు దేశ జెర్సీని ధరించి అంతర్జాతీయ వేదికపై భారత పతాకాన్ని రెపరెపలాడించే స్థాయికి ఎదిగే అవకాశాలు కనిపిస్తున్నాయి. వేములవాడలో కబడ్డీ కూత వేములవాడలో రెండు రోజులుగా రాష్ట్రస్థాయి కబడ్డీ పోటీల్లో జాతీయస్థాయిలో పోటీపడ్డ క్రీడాకారులు తమ సొంత జిల్లాల తరఫున బరిలోకి దిగుతున్నారు. ఇప్పటి వరకు రాష్ట్ర జట్టు తరఫున కలిసి పోరాడిన వారు.. ఇప్పుడు తమ జిల్లాల తరఫున కూత పెడుతున్నారు. దీంతో ఈ పోటీలు రసవత్తరంగా సాగుతున్నాయి. అంతేకాకుండా మ్యాట్‌పై పోటీలు నిర్వహిస్తుండడంతో క్రీడాకారులు సైతం ఉత్సాహంగా పాల్గొంటున్నారు. మట్టిపైన తరచూ గాయాలపాలయ్యే క్రీడాకారులు మ్యాట్‌పై అలాంటి పరిస్థితులను ఎదుర్కోవడం లేదు. ఈనెల 2 నుంచి 5 వరకు జరిగే పోటీల్లో అండర్‌–16 బాలికలు, అండర్‌–20 బాలురు మొత్తంగా 68 జట్లు పాల్గొంటున్నాయి.

కోల్‌సిటీ: ఒకప్పుడు రైల్వేలో కాంట్రాక్టు కార్మికుడిగా పనిచేసిన చిలుముల శంకర్‌(40).. కొంతకాలంగా మానసిక సమస్యతో బాధపడుతూ కుటుంబానికి దూరమయ్యాడు. రోడ్ల పక్కన నిద్రిస్తూ, యాచించగా వచ్చిన డబ్బులతో మద్యం తాగుతూ, ఆకలి తీర్చుకుంటూ దీనస్థితిలో జీవనం సాగించాడు. అలాంటి సమయంలో పెద్దపల్లి జిల్లా గోదావరిఖనికి చెందిన స్మైల్‌ ప్రాజెక్ట్‌ ప్రతినిధులు చేరదీసి ఆశ్రయం కల్పించడంతో అతడి జీవితంలో మార్పు వచ్చింది. రెండున్నర నెలల అనంతరం శనివారం శంకర్‌ తిరిగి కుటుంబ సభ్యులను చేరుకున్నాడు. స్మైల్‌ ప్రాజెక్ట్‌ చేయూత.. పెద్దపల్లి జిల్లా రామగుండంలోని ఎన్టీపీసీ శాలపల్లి రోడ్డుపై దుమ్ముపట్టిన దుస్తులు, మాసినగడ్డం, పెరిగిన జుట్టుతో దీనస్థితిలో ఉన్న శంకర్‌ను రెండున్నర నెలల క్రితం స్మైల్‌ ప్రాజెక్ట్‌ ప్రతినిధి నూనె శరత్‌మోహన్‌ గుర్తించారు. వెంటనే స్మైల్‌ ప్రాజెక్ట్‌ ఆశ్రయ గృహానికి తరలించారు. మూడుపూటల భోజనం పెడుతూ, ఉచితంగా వైద్యం, వసతి కల్పిస్తూ బాగోగులు చూసుకున్నారు. దీంతో శంకర్‌ మద్యపానంనాన్ని మానివేశాడు. క్రమశిక్షణతో ఉంటూ ఆశ్రమంలో తనకు చేతనైన పనులు చేసుకోవడం ప్రారంభించాడు. అతడి ప్రవర్తనలో సానుకూల మార్పు కనిపించింది. ఆత్మీయుల చెంతకు శంకర్‌ ఆశ్రమంలో ఉంటున్న శంకర్‌ సమాచారం తెలుసుకున్న తల్లి చిలుముల లక్ష్మి, సోదరుడు సుధాకర్‌ శనివారం స్మైల్‌ ప్రాజెక్ట్‌ ఆశ్రయ గృహానికి చేరుకున్నారు. శంకర్‌లో వచ్చిన మార్పు చూసి ఆనందం వ్యక్తం చేశారు. ఇన్నాళ్లూ ఆశ్రయం కల్పించి, భోజనం, వసతి అందించడంతోపాటు జీవితాన్ని చక్కదిద్దుకునేలా అండగా నిలిచిన నిర్వాహకులకు కృతజ్ఞతలు తెలిపారు. శంకర్‌ను సంతోషంగా తమ వెంట ఇంటికి తీసుకెళ్లారు. కార్యక్రమంలో ఆశ్రమ నిర్వాహకులు నూనె లతామోహన్‌, నూనె శరత్‌మోహన్‌, స్మైల్‌ ప్రాజెక్ట్‌ సిబ్బంది చెలికాని రమేశ్‌, కవిత, నూనె మమత తదితరులు పాల్గొన్నారు.

పెద్దపల్లి: బీసీల సంక్షేమం, చేతివృత్తుల అభివృద్ధికి బీఆర్‌ఎస్‌ ప్రభుత్వం అనేక పథకాలు చేపట్టిందని, కాంగ్రెస్‌ సర్కార్‌ హామీల అమలులోనే విఫలమైందని బీసీ నాయకులు విమర్శించారు. మాజీ ఎమ్మె ల్యే దాసరి మనోహర్‌రెడ్డి ఆధ్వర్యంలో జిల్లా కేంద్రంలో శనివారం నిర్వహించిన సమావేశంలో గీత పారిశ్రామిక సహకార సంఘం కార్పొరేషన్‌ మాజీ చైర్మన్‌ పల్లె రవికుమార్‌గౌడ్‌, ఉస్మానియా జేఏసీ మాజీ చైర్మన్‌ బాలరాజు యాదవ్‌, ఎమ్మెల్సీ ఎల్‌.రమణ తదితరులు హాజరై మాట్లాడారు. కామారెడ్డి బీసీ డిక్లరేషన్‌, 42 శాతం రిజర్వేషన్‌ హామీ ఏమైందని నిలదీశారు. ఏటా రూ.20 వేల కోట్ల బడ్జెట్‌ కే టాయింపుపై స్పష్టత ఇవ్వాలని డిమాండ్‌ చేశారు. హైదరాబాద్‌లో నిరా కేఫ్‌ ఏడాదిగా మూతపడినా పట్టించుకోవడం లేదని, దీనిపై మంత్రి పొన్నం ప్ర భాకర్‌ సమాధానం చెప్పాలన్నారు. మూడేళ్లు గడుస్తున్నా రెండు మంత్రి పదవులను ఎందుకు భర్తీ చే యడం లేదని ప్రశ్నించారు. సచివాలయంలో 30 శాతం కమీషన్ల వ్యవహారం నడుస్తోందంటూ ఆరోపించారు. కడుపు గట్టుకొని పనిచేస్తామన్న మంత్రు లు ఎక్కడికి వెళ్లారని ప్రశ్నించారు. బీసీల సమస్య ల పరిష్కారం కోసం ఐక్యంగా ఉద్యమించాలని కో రారు. జిల్లా గ్రంథాలయం సంస్థ మాజీ చైర్మన్‌ ర ఘువీర్‌సింగ్‌, ఆకుల స్వామి వివేక్‌ పటేల్‌, సత్తన్న, ఉప్పు రాజ్‌కుమార్‌, శ్రీధర్‌, చంద్రశేఖర్‌, వెంకట్‌రె డ్డి, సందీప్‌రావు, అంజయ్యగౌడ్‌, శ్యామ్‌, ముత్యం సునీత, గుణపతి, సతీశ్‌, మోహన్‌రావు ఉన్నారు. 42శాతం రిజర్వేషన్‌ ఏమైంది? కామారెడ్డి డిక్లరేషన్‌ ఎక్కడ? మంత్రి పొన్నం ప్రభాకర్‌ సమాధానం చెప్పాలి బీసీ సంఘాల నాయకుల ప్రశ్న

పెద్దపల్లి: బీఆర్‌ఎస్‌ ఆధ్వర్యంలో జిల్లా కేంద్రంలో శనివారం నిర్వహించిన బీసీ సదస్సు రసాభాసగా మారింది. పెద్దపల్లి మాజీ ఎమ్మెల్యే దాసరి మనోహర్‌రెడ్డి ఆధ్వర్యంలో జరిగిన ఈ కార్యక్రమంలో ఎమ్మెల్సీఎల్‌ రమణ, గీత పారిశ్రామిక సహకార సంఘం కార్పొరేషన్‌ మాజీ చైర్మన్‌ పల్లె రవికుమార్‌గౌడ్‌, ఓయూ జేఏసీ మాజీ చైర్మన్‌ బాలరాజు యాదవ్‌ సమక్షంలోనే ఘర్షణ చోటుచేసుకుంది. నియోజకవర్గానికి చెందిన మాజీ ఎంపీపీ గంట రాములు యాదవ్‌, బీసీ జేఏసీ జిల్లా చైర్‌పర్సన్‌ దాసరి ఉషను ఆ హ్వానించలేదని వారి మద్దతుదారులు ఆగ్రహం వ్యక్తం చేశారు. నినాదాలు చేస్తూ వేదిక వద్దకు దూసుకు రావడంతో ఇరువర్గాల మధ్య వాగ్వా దం చోటు చేసుకుంది. మాజీ ఎమ్మెల్యే ఫోన్‌చే సి, వాయిస్‌ మెసేజ్‌ పంపినట్లు చెప్పినా పరిస్థితి అదుపులోకి రాలేదు. దీంతో ఇరువర్గాలు కుర్చీ లతో పరస్పరం దాడులకు దిగాయి. ఈ ఘటనలో కుర్చీలు విరిగిపోయాయి. కొందరు నాయకులు, కార్యకర్తలు ఫంక్షన్‌హాల్‌ నుంచి రహదారి వరకు పరస్పరం దాడులు చేసుకుంటూ వెళ్లారు. సమాచారం అందుకున్న పోలీసులు అక్కడికి చేరుకుని ఇరువర్గాలను శాంతింపజేశారు. గంట రాములు యాదవ్‌, దాసరి ఉష, నాగరాజు, రవి తదితరులను సదస్సుకు ఆహ్వానించకపోవడంపై అసంతృప్తి వ్యక్తం చేశారు. మాజీ ఎమ్మెల్యే దాసరి మనోహర్‌రెడ్డి ఒంటెద్దు పోకడల వల్లే నియోజకవర్గంలో పార్టీ పరిస్థితి దెబ్బతింటోందని ఆరోపించారు. బీసీలను విస్మరించడం వల్ల పార్టీకి నష్టం జరుగుతుందని, రాష్ట్రంలో అన్నిపార్టీలు బీసీ వాదాన్ని వినిపిస్తున్న సమయంలో పెద్దపల్లిలో బీసీలను అవమానించడం సరికాదని ఆవేదన వ్యక్తం చేశారు. పార్టీ అధిష్టానం ఇప్పటికై నా స్పందించి పరిస్థితిని చక్కదిద్దాలని కోరారు. జరిగిన విషయాన్ని అధిష్టాన వర్గం దృష్టికి తీసుకువెళ్తామని, ఓపిక అవసరమని పలువురు నాయకులు సముదాయించారు. కుర్చీలతో పరస్పర దాడులు

తెలంగాణ పల్లెల్లోని మట్టికి మహత్యం ఉంది. ఒకప్పుడు ఉనికి కోసం పోరాడిన యువత.. నేడు క్రీడాకీర్తిని జాతీయ, అంతర్జాతీయ వేదికలపై రెపరెపలాడిస్తున్నారు. మారుమూల పల్లెల్లో పుట్టి.. వసతులు లేమితో సతమతమైనా.. కొండంత మనోనిబ్బరం.. సాధించాలనే కసితో అవకాశాలను అందిపుచ్చుకుంటూ క్రీడాచరిత్రలో తమ పేరును పదిలం చేసుకుంటున్నారు. పల్లెటూరి పిల్లబాటలో పడ్డ అడుగులు జాతీయ, అంతర్జాతీయ స్థాయికి పరుగు పెడుతున్నాయి. అథ్లెటిక్స్‌.. ఫుట్‌బాల్‌.. కబడ్డీ.. ఆట ఏదైనా పతకం మాదే అంటూ పట్టుబిగిస్తున్నారు. – సాక్షి, పెద్దపల్లి/వేములవాడ

● ఎంప్లాయీస్‌ జేఏసీ రాష్ట్ర ఛైర్మన్‌ మారం జగదీశ్వర్‌ కరీంనగర్‌ అర్బన్‌: ఎంప్లాయీస్‌ హెల్త్‌ స్కీమ్‌(ఈహెచ్‌ఎస్‌) ఉద్యోగులకు వరప్రదాయినని ఎంప్లాయిస్‌ జేఏసీ రాష్ట్ర చైర్మన్‌ మారం జగదీశ్వర్‌ అన్నారు. శనివారం జిల్లా చైర్మన్‌ దారం శ్రీనివాస్‌రెడ్డితో కలిసి నగరంలోని పలు ఆసుపత్రులను సందర్శించారు. ఈహెచ్‌ఎస్‌ అమలు తీరు, ఉద్యోగులకు అందుతున్న వైద్య సేవలు, చికిత్సా సమయంలో ఎదురవుతున్న సమస్యలను అడిగి తెలుసుకున్నారు. సన్‌రైజ్‌ ఆస్పత్రిలో నిర్వహించిన శ్రీమీట్‌– గ్రీట్‌శ్రీ కార్యక్రమంలో పాల్గొని, ఉద్యోగులకు స్కీమ్‌ ద్వారా మెరుగైన వైద్య సేవలు అందించేందుకు తమవంతు సహకారం అందిస్తామని తెలిపారు. జిల్లా కార్యదర్శి సంగెం లక్ష్మణరావు, గెజిటెడ్‌ అధికారుల సంఘం జిల్లా అధ్యక్షుడు మడిపెల్లి కాళీచరణ్‌ గౌడ్‌, సంఘం నాయకులు నాగేందర్‌ రెడ్డి, అమరేందర్‌రెడ్డి, సర్దార్‌ హర్మిందర్‌ సింగ్‌, రాగి శ్రీనివాస్‌, ఆకుల సతీష్‌, మారుపాక రాజేష్‌ భరద్వాజ్‌, రమేష్‌ గౌడ్‌, వెలిచాల సుమంత్‌ రావు, అస్గర్‌ అలీ, శంకర్‌ ఉన్నారు.

● మంథని మాజీ ఎమ్మెల్యే పుట్ట మధు మంథని: నాలుగు నెలల క్రితం కూల్చివేసిన మార్కెట్‌ యార్డు నుంచి ఇప్పటికీ ఒక్క తట్టెడు మట్టికూడా తీయలేదని మాజీ ఎమ్మెల్యే పుట్ట మధు విమర్శించారు. కమీషన్‌ రాకనా, వచ్చినా ఎన్నికల వరకు ఆగాలనా? పనులు ఇంకా ఎందుకు ప్రారంభించడం లేదని ఆయన నిలదీశారు. పట్టణంలో నిర్మిస్తున్న వెజ్‌, నాన్‌ వెజ్‌ మార్కెట్‌ను శనివారం ఆయన పరిశీలించారు. మున్సిపల్‌ కమిషనర్‌, పబ్లిక్‌ హెల్త్‌ ఈఈతో ఫోన్‌ మాట్లాడి మార్కెట్‌ నిర్మాణంలో జాప్యంపై వివ రాలు అడిగి తెలుసుకున్నారు. అనంతరం మీడియాతో మాట్లాడారు. అనాలోచిత నిర్ణయాలతో మార్కెట్‌ ఆనవాళ్లు లేకుండా దుద్దిళ్ల శ్రీధర్‌ కుట్ర చేస్తున్నారని ఆయన ఆరోపించారు. వచ్చే ఏడాది గోదావరి పుష్కరాలు వస్తాయని, అప్పటిలోగా మార్కెట్‌ పూర్తికావాలని పుట్ట మధు డిమాండ్‌ చేశారు.

కరీంనగర్‌: హైదరాబాద్‌లోని లులూ ఇంటర్నేషనల్‌ షాపింగ్‌ మాల్‌లో ఉద్యోగాల భర్తీకి ఈ నెల 6న కరీంనగర్‌ జిల్లా ఉపాధి కార్యాలయంలో జాబ్‌మేళా నిర్వహించనున్నట్లు శనివారం ఉపాధి కల్పనాధికారి తిరుపతిరావు ఒక ప్రకటనలో తెలిపారు. అప్రెంటిస్‌షిప్‌, క్యాషియర్‌, సేల్స్‌ అసోసియేట్‌, హెల్పర్‌ తదితర విభాగాల్లో మొత్తం 200 ఖాళీలను భర్తీ చేయనుండగా, రూ.16వేల నుంచి రూ.20 వేల వరకు వేతనం అందించనున్నారు. 18 నుంచి 30ఏళ్ల వయస్సు గల అర్హులైన సీ్త్ర, పురుషులు తమ బయోడేటా, విద్యార్హతల సర్టిఫికెట్లతో సోమవారం ఉదయం 11 గంటలకు హాజరుకావాలని జిల్లా ఉపాధి అధికారి తెలిపారు. ఎంపికై న నాన్‌ లోకల్‌ అభ్యర్థులకు ఉచిత వసతి, భోజన సదుపాయం కల్పిస్తారని తెలిపారు.ఆర్మీ మద్యం పట్టివేత పెద్దపల్లి: గాంధీ జయంతి సందర్భంగా అమలులో ఉన్న డ్రైడే సమయంలో పెద్దపల్లి మండలం పెద్దకల్వలలో అక్రమంగా డిఫెన్స్‌ (ఆర్మీ) మద్యం విక్రయిస్తున్న వ్యక్తిని ప్రొహిబిషన్‌ అండ్‌ ఎకై ్సజ్‌ అధికారులు పట్టుకున్నారు. పక్కా సమాచారం తనిఖీ చేసిన అధికారులు 750 ఎం.ఎల్‌. సామర్థ్యం కలిగిన 29 మద్యం బాటిళ్లను స్వాధీనం చేసుకున్నారు. నిందితుడిపై కేసు నమోదు చేసినట్లు డీటీఎఫ్‌ ఇన్‌స్పెక్టర్‌ వెంకటేశ్వర్‌, ఎకై ్సజ్‌ ఎస్‌ఐ దామోదర్‌శెట్టి తెలిపారు. తనిఖీల్లో హెడ్‌కానిస్టేబుళ్లు సందీప్‌, తిరుపతి, కానిస్టేబుళ్లు డి.సురేశ్‌, బి.నవీన్‌, పి.నాగరాజు పాల్గొన్నారు. గాంధీ జయంతి రోజే పేకాట జోరు పెద్దపల్లి: పెద్దపల్లి పట్టణంలోని భూంనగర్‌లో గాంధీజయంతి(ఈనెల 2న) రోజు రాత్రి 10.30 గంటల సమయంలో పేకాట స్థావరంపై పోలీసులు దాడి చేశారు. అధికార పార్టీ సర్పంచ్‌తోపాటు మరో ఐదుగురిని అదుపులోకి తీసుకున్నారు. నిందితుల నుంచి రూ.28,120 నగదు, ఆరు సెల్‌ఫోన్లు, రెండు సెట్ల పేకముక్కలు, స్కూటీ స్వాధీనం చేసుకున్నారు. మరొకరు పరారీలో ఉన్నాడని పోలీసులు తెలిపారు. ఈమేరకు కేసు నమోదు చేశారు. హెడ్‌కానిస్టేబుల్‌ రమేశ్‌ ఫిర్యాదు మేరకు ఏఎస్‌ఐ జకీర్‌ హుస్సేన్‌ దర్యాప్తు చేస్తున్నారు. జాతీయస్థాయి అవార్డువీణవంక: సిగ్మా అకాడమీ ఆఫ్‌ ఫొటోగ్రఫీ నిర్వహించిన ఇండియన్‌ వెడ్డింగ్‌ ఫొటోగ్రఫీ కాంటెస్ట్‌లో హిమ్మత్‌నగర్‌ గ్రామానికి చెందిన లక్కాకుల శ్రీనివాస్‌ జాతీయస్థాయి వెడ్డింగ్‌ ఫొటోగ్రఫీ అవార్డు అందుకున్నారు. హైదరాబాద్‌లో జరిగిన కార్యక్రమంలో ఎస్‌ఏపీ ఫౌండర్‌ ఎంసీ శేఖర్‌ చేతుల మీదుగా ఎస్‌ఏపీహెచ్‌ఎం రిబ్బన్‌ అవార్డుతోపాటు రూ.వెయ్యి నగదు పురస్కారాన్ని అందుకొని సత్తా చాటారు. 16 ఏళ్లుగా ఫొటోగ్రఫీ రంగంలో ఉన్న శ్రీనివాస్‌ మండలస్థాయి నుంచి జాతీయస్థాయికి ఎదగడంపై గ్రామస్తులు, మండల అధ్యక్షులు సంగెం మోహన్‌ అభినందించారు. శ్రీనివాస్‌ మాట్లాడుతూ.. జాతీయస్థాయి అవార్డు రావడం సంతోషంగా ఉందన్నారు.

జగిత్యాలక్రైం: సారంగాపూర్‌ మండలకేంద్రంలోని విద్యుత్‌ సబ్‌స్టేషన్‌లో విధులు నిర్వర్తిస్తున్న జగిత్యాల పట్టణంలోని వాణీనగర్‌కు చెందిన ఫణి చంద్రశేఖర్‌పై దాడిచేసిన సారంగాపూర్‌కు చెందిన పల్లపు రాజును శనివారం అరెస్ట్‌ చేసి రిమాండ్‌కు తరలించినట్లు ఎస్సై గీత తెలిపారు. రాజు సబ్‌స్టేషన్‌లోకి ప్రవేశించి చంద్రశేఖర్‌ను కుర్చీతో కొట్టడంతో తలకు బలమైన గాయాలయ్యాయి. దీంతో అతడిని 108లో జగిత్యాల ప్రభుత్వ ఆస్పత్రికి తరలించారు. రాజు కొద్దిరోజులుగా సబ్‌స్టేషన్‌లో చెత్త వేస్తున్నాడని, రాత్రి సమయంలో ఫోన్‌ మాట్లాడుతూ సిబ్బంది విధులకు ఆటంకం కలిగిస్తున్నాడని, అడిగితే చంపుతానని బెదిరిస్తున్నాడని చంద్రశేఖర్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. నిందితుడిపై చర్యలు తీసుకోండి విధినిర్వహణలో ఉన్న విద్యుత్‌ ఉద్యోగిపై దాడి చేసిన వ్యక్తిపై చర్యలు తీసుకోవాలని ఉద్యోగ సంఘ నాయకులు శనివారం ఎస్పీ అశోక్‌కుమార్‌ను కలిసి విన్నవించారు. ఏఎన్‌టీయూసీ జిల్లా కార్యదర్శి నూనావత్‌ రాంజీ తదితరులు ఉన్నారు. భవిష్యత్‌లో ఇలాంటి ఘటనలు జరగకుండా చూడాలని కోరారు.

● ఇద్దరిని అరెస్టు చేసిన పోలీసులు జ్యోతినగర్‌: రుణం తిరిగి చెల్లించే విషయంలో జరిగిన ఘర్షణలో ఓ వ్యక్తిపై కత్తితో దాడి చేసిన ఘటనలో ఇద్దరిని పోలీసులు అరెస్టు చేసి రిమాండ్‌కు తరలించారు. పెద్దపల్లి జిల్లా రామగుండంలోని ఎన్టీ పీసీ పోలీస్‌స్టేషన్‌ పరిధి మల్కాపూర్‌ ప్రాంతానికి చెందిన చిరంజీవిపై నక్క నగేశ్‌ కత్తితో దాడి చేయగా, అతడిని తప్పించేందుకు సహకరించిన మధును కూడా పోలీసులు అదుపులోకి తీసుకున్నారు. పోలీసుల వివరాల ప్రకారం.. చిరంజీవికి రుణం ఇప్పించే విషయంలో నగేశ్‌ మధ్యవర్తిగా వ్యవహరించాడు. తీసుకున్న రుణాన్ని తిరిగి చెల్లించాలని నగేశ్‌ కోరడంతో శుక్రవారం రాత్రి మల్కాపూర్‌ ప్రాంతంలో ఇద్దరి మధ్య వాగ్వాదం చోటుచేసుకుంది. ఈ క్రమంలో ఘర్షణ జరగడంతో నగేశ్‌ కత్తితో చిరంజీవిపై దాడి చేశాడు. ఘటనపై చిరంజీవి భార్య పొన్నం స్వప్న ఫిర్యాదు చేయగా కేసు నమోదు చేసి దర్యాప్తు చేపట్టారు. విచారణ అనంతరం నక్క నగేశ్‌, మధును అరెస్టు చేసి రిమాండ్‌కు తరలించినట్లు ఎస్‌ఐ వెంకట్‌స్వామి తెలిపారు. వరకట్న వేధింపులకు వివాహిత బలికోనరావుపేట(వేములవాడ): వరకట్న వేధింపులు భరించలేక ఓ వివాహిత ఆత్మహత్యకు పాల్పడింది. పోలీసులు తెలిపిన వివరాలు. రాజన్నసిరిసిల్ల జిల్లా కోనరావుపేట మండలం ధర్మారం గ్రామానికి చెందిన బొల్లు మల్లవ్వ, మల్లయ్య దంపతుల కూతురు రేణుక(30)ను బావుసాయిపేటకు చెందిన గెంటె ప్రశాంత్‌కు 15 ఏళ్ల క్రితం ఇచ్చి వివాహం చేశారు. వీరికి పిల్లలు లేరు. రేణుక వ్యవసాయ పనులకు వెళ్తుండగా, ప్రశాంత్‌ ఆటో డ్రైవర్‌గా పనిచేస్తున్నాడు. నాలుగు నెలలుగా భర్తతోపాటు అత్త కొమురవ్వ, ఆడబిడ్డ పద్మ అదనపుకట్నం తేవాలంటూ వేధింపులకు గురిచేస్తున్నారు. వేధింపులు భరించలేక శనివారం తెల్లవారుజామున ఇంట్లోనే ఉరివేసుకుంది. మృతురాలి సోదరి గడ్డం మమత ఫిర్యాదుతో సీఐ రవీందర్‌, ఎస్సై రామ్మోహన్‌ కేసు నమోదు చేసి, దర్యాప్తు చేస్తున్నారు. రాష్ట్రస్థాయి పోటీల్లో ప్రతిభకరీంనగర్‌సిటీ: కరీంనగర్‌లోని ఎస్సారార్‌ ప్రభుత్వ కళాశాల విద్యార్థులు రాష్ట్రస్థాయి పోటీల్లో ప్రతిభ కనబరిచారు. హైదరాబాద్‌లోని ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలో గాంధీజయంతి రోజున నిర్వహించిన రాష్ట్రస్థాయి పోటీల్లో కళాశాలకు చెందిన బీఎస్సీ మొదటి సంవత్సరం విద్యార్థిని ఎన్‌.శాలిని వ్యాసరచన పోటీలో ద్వితీయస్థానం సాధించి, రూ.6,000 నగదు బహుమతిని మంత్రి తుమ్మల నాగేశ్వరరావు చేతుల మీదుగా అందుకున్నారు. ఎ.త్రిలోచన్‌ వ్యక్తిత్వ పోటీలో కన్సోలేషన్‌ బహుమతిని అందుకున్నాడు. విద్యార్థులను కళాశాల ప్రిన్సిపాల్‌ కె.రామకృష్ణ, జిల్లా ఎన్‌ఎస్‌ఎస్‌ కో ఆర్డినేటర్‌ మనోహర్‌, వైస్‌ ప్రిన్సిపాళ్లు నితిన్‌, రాజయ్య పాల్గొన్నారు. గుండెపోటుతో ప్రభుత్వ ఉద్యోగి మృతి వేములవాడరూరల్‌: వేములవాడ రూరల్‌ మండలం మర్రిపల్లికి చెందిన ప్రభుత్వ ఉద్యోగి బాస లింగయ్య(55) గుండెపోటుతో మృతిచెందాడు. ఆర్‌అండ్‌బీ కార్యాలయంలో విధులు నిర్వహించే లింగయ్య ఇటీవల సీఎం రేవంత్‌రెడ్డి సిరిసిల్ల పర్యటన ముగిసిన అనంతరం వివిధ పనులు చేయిస్తుండగా బుధవారం రాత్రి గుండెనొప్పి వచ్చింది. వెంటనే కరీంనగర్‌కు తరలించారు. చికిత్స పొందుతూ శుక్రవారం రాత్రి మృతిచెందాడు. లింగయ్యకు ముగ్గురు కూతుళ్లు, కుమారుడు ఉన్నారు.

పెద్దపల్లి జిల్లా కమాన్‌పూర్‌కు చెందిన 17 ఏళ్ల ఆనందిని అథ్లెటిక్స్‌లో సత్తా చాటుతోంది. జాతీయస్థాయిలో పతకం సాధించి.. అంతర్జాతీయ వేదికే లక్ష్యంగా పరుగులు పెడుతోంది. ఆనందిని తండ్రి శంకర్‌ వాలీబాల్‌ ప్లేయర్‌ కావడంతో తండ్రి స్ఫూర్తితో క్రీడలపై ఆసక్తి పెరిగింది. తండ్రితో కలిసి వాకింగ్‌కు వెళ్లడం ద్వారా మొదలైన ప్రయాణం అథ్లెటిక్స్‌ ట్రాక్‌ వరకు చేరింది. ఆదిలాబాద్‌ స్పోర్ట్స్‌ పాఠశాలలో చదువుకుంటూ ప్రత్యేక శిక్షణ పొందిన ఆనందిని.. అండర్‌–14, అండర్‌–16 విభాగాల్లో గోల్డ్‌, సిల్వర్‌ మెడల్స్‌ సాధించింది. ఒడిశాలో జరిగిన జాతీయ జూనియర్‌ అథ్లెటిక్స్‌లో కాంస్యం సాధించింది. గుంటూరులో జరిగిన దక్షిణ భారతస్థాయి పోటీల్లో స్వర్ణ పతకం సాధించింది.

పెద్దపల్లి: జిల్లాలో చేపట్టిన అభివృద్ధి పనుల్లో వేగం పెంచి గడువులోగా పూర్తిచేయాలని కలెక్టర్‌ కోయ శ్రీహర్ష ఆదేశించారు. అప్పన్నపేటలో కొనసాగుతున్న బైపాస్‌ రోడ్డు, రాఘవపూర్‌లో ఇందిరా మ హిళా శక్తి భవనం, పెద్దపల్లి ఆర్టీసీ బస్సు డిపో, కూ నారం రైల్వే ఫ్లైఓవర్‌ పనులను శనివారం ఆయన పరిశీలించారు. బస్సు డిపోలో ప్రయాణికులు, సి బ్బందికి వసతులు కల్పించాలని సూచించారు. రైల్వే ఫ్లైఓవర్‌ పనుల్లో మరింత వేగం పెంచా లని ఆదేశించారు. కార్యక్రమంలో ఆర్డీవో గంగయ్య, డీఈ రమణారెడ్డి, ఏఈ రాజ్‌కుమార్‌, ఈఈ పీఆర్‌ శంకరయ్య, గోదావరిఖని డిపో మేనేజర్‌ కవిత, రైల్వే జేఈ జానకీరెడ్డి, ఆర్‌అండ్‌బీ ఈఈ భావ్‌సింగ్‌, తహసీల్దార్‌ రాజయ్య తదితరులు పాల్గొన్నారు.

సుల్తానాబాద్‌ రూరల్‌: చట్టాలపై ప్రతీఒక్కరు అవగాహన కలిగి ఉండాలని మున్సిఫ్‌ కోర్టు జూనియర్‌ సివిల్‌ జడ్జి దుర్గం గణేశ్‌ అన్నారు. కాట్నపల్లిలోని రైతువేదికలో శనివారం నిర్వహించిన న్యాయ విజ్ఞాన సదస్సులో జడ్జి మా ట్లాడారు. పేదలు, ఆర్థికంగా వెనుకబడిన వారి కి ఉచిత న్యాయ సహాయం అందించాలనే ఉద్దేశంతోనే న్యాయసేవాధికార సంస్థలు పనిచేస్తున్నాయని, అర్హులైన ప్రతిఒక్కరూ సద్వినియో గం చేసుకోవాలని కోరారు. కార్యక్రమంలో సు ల్తానాబాద్‌ బార్‌ అసోసియేషన్‌ అధ్యక్షుడు ర వీందర్‌, సర్పంచ్‌ ఓగుల పూజా, మార్కెట్‌ క మిటీ ప్రత్యేక శ్రేణి కార్యదర్శి నార మనోహర్‌, న్యాయవాదులు పెగడ శ్యామ్‌సుందర్‌, సామ ల రాజేంద్ర ప్రసాద్‌, గుడ్ల వెంకటేశ్‌, ఆకారపు రామకృష్ణారెడ్డి, ఉపసర్పంచ్‌ దాసరి రాయమ ల్లు, మండల వ్యవసాయాధికారి పైడితల్లి, ఏ ఈవోలు రాజు, ప్రశాంత్‌, అనూష, పద్మ, రవితేజ, ఆనందరావు తదితరులు పాల్గొన్నారు. సొంతింటి కల నెరవేర్చుతాం గోదావరిఖనిటౌన్‌: ఆర్టీసీ కార్మికుల సొంతింటి కల నెరవేరాలంటే టీడబ్ల్యూయూ, ఎస్‌డబ్ల్యూ యూ, ఎస్‌డబ్ల్యూయూఎఫ్‌ బలరిచిన బాణం గుర్తుకు ఓటువేసి గెలిపించాలని సీఐటీయూ రాష్ట్ర నేత తుమ్మల రాజిరెడ్డి అన్నారు. స్థానిక ఆర్టీసీ డిపో ఆవరణలో శనివారం జరిగిన సమావేశంలో ఆయన మాట్లాడారు. ఈ కార్యక్రమంలో నాయకులు వేల్పుల కుమారస్వామి, జి.రమేశ్‌, మహేందర్‌, గొట్టె తిరుపతి, జీఆర్‌ ప్రసాద్‌, కేకే రెడ్డి, పోగుల రంగయ్య, ముస్తాక్‌, మైనొద్దీన్‌, ఏకే స్వామి, ప్రభాకర్‌, కె.రమేశ్‌, కె.శ్రీనివాస్‌, ఎన్‌.శ్రీనివాస్‌, బి.రమేశ్‌, అంజి, మహేందర్‌, డ్రైవర్లు, కండక్టర్లు పాల్గొన్నారు. వన్యప్రాణులను రక్షించాలి పెద్దపల్లి: వన్యప్రాణుల సంరక్షణ ప్రతీఒక్కరి బాధ్యత అని ఫారెస్ట్‌ రేంజ్‌ ఆఫీసర్‌ సతీశ్‌కుమా ర్‌ అన్నారు. పెద్దపల్లి, మంథని రేంజ్‌ అటవీ సిబ్బంది, పెద్దపల్లి పోలీసులతో కలిసి కుర్మపల్లిలో శనివారం కార్డన్‌ సెర్చ్‌, రైడ్‌ నిర్వహించారు. వేటకు ఉపయోగించే వలలు, క్లచ్‌వైర్లు, జాలీలు, ఉచ్చులు, కత్తులు, ఇనుప కేజ్‌లు, నైలాన్‌ తాళ్లు, బైండింగ్‌ వైర్లను స్వాధీనం చేసుకున్నారు. వన్యప్రాణి వారోత్సవాలపై గ్రామస్తులకు అవగాహన కల్పించారు. అడవుల్లో చె ట్లు నరకడం, వన్యప్రాణులను వేటాడడం నే రమని సతీశ్‌కుమార్‌ తెలిపారు. మంథని ఎఫ్‌ఆర్‌వో వినయ్‌నాయక్‌, డీఆర్‌వోలు దేవదాస్‌, రమేశ్‌, తిరుపతి, కొమురయ్య, సెక్షన్‌ అధికారు లు రహమతుల్లా, నర్సయ్య, మంగీలాల్‌, అ మిరోద్దీన్‌, రవి, ముదస్సర్‌షా, బీట్‌ అధికారు లు రామ్మూర్తి, మెగరాజ్‌, పవన్‌, ప్రదీప్‌, తిరుపతి, మాధురి, రంజిత్‌, శ్రీకాంత్‌, అక్తర్‌ పాషా, రామ్‌సింగ్‌ తదితరులు పాల్గొన్నారు. అబ్బాపూర్‌లో మద్యపాన నిషేధం జూలపల్లి: అబ్బాపూర్‌ గ్రామంలో మద్యపానం నిషేధిస్తున్నామని గ్రామపంచాయతీ పాలకవర్గం నిర్ణయం తీసుకుంది. సర్పంచ్‌ దండె వెంకటేశ్వర్లు అధ్యక్షతన శనివారం జరిగిన సమావేశంలో పాలకవర్గం ఏకగ్రీవంగా ఈ నిర్ణయం తీసుకుంది. మద్యంతో ప్రజల ఆరోగ్యం దెబ్బతినడమేకాక అర్థికంగా ఇబ్బందులు ఎదుర్కొ ంటున్నారని, కుటుంబాల్లో గొడవలు చోటుచేసుకుంటున్నాయని పేర్కొంది. యువకులు మ ద్యం బారిన పడకుండా ముందస్తు చర్యలు తీ సుకోవడం కోసం సభ్యులు తమ అభిప్రాయాలను వివరించారు. ఈనెల 10వ తేదీ నుంచి మద్యం అమ్మకాలను నిలిపివేయాలని బెల్ట్‌షాపుల నిర్వాహకులకు సమాచారం ఇవ్వాలని తీర్మానించారు. ఈ సమావేశంలో ఉపసర్పంచ్‌ మమత, వార్డు సభ్యుడు శంకర్‌ పాల్గొన్నారు.లఘుచిత్రం విడుదల గోదావరిఖనిటౌన్‌: స్థానిక ప్రభుత్వ డిగ్రీ కళా శాలలో శనివారం ‘తిరగబడ్డ మమకారం’ సందేశాత్మక లఘు చిత్రాన్ని పెద్దపల్లి డీసీపీ రాంరె డ్డి, గోదావరిఖని ఏసీపీ రమేశ్‌ విడుదల చేశా రు. తల్లిదండ్రులు కష్టపడి సంపాదించిన ఆ స్తులను అనుభవిస్తూ వారిని వృద్ధాశ్రమాలకు పంపుతున్న పిల్లలకు ఈ చిత్రం ఒక గుణపాఠంగా నిలుస్తుందని వక్తలు అభిప్రాయపడ్డా రు. దర్శకుడు, చంద్రపాల్‌, నటీనటులు మేజక్‌రాజా, రజితను అభినందించారు.

వేములవాడ: రాష్ట్ర స్థాయి కబడ్డీ పోటీలు రెండో రోజు శనివారం హోరాహోరీగా జరిగాయి. లీగ్‌ మ్యాచ్‌ల ఫలితాలను నిర్వాహకులు విడుదల చేశారు. బాలుర, బాలికల విభాగాల్లో లీగ్‌ దశ మ్యాచ్‌లు ఉత్కంఠభరితంగా జరిగాయి. క్రీడాకారులను మున్సిపల్‌ చైర్మన్‌ పుల్కం రాజు పరిచయం చేసుకున్నారు. సాయంత్రం జరిగిన పోటీలను ప్రభుత్వ విప్‌ ఆది శ్రీనివాస్‌, జిల్లా గ్రంథాలయ సంస్థ చైర్మన్‌ నాగుల సత్యనారాయణ తిలకించారు. మిగిలిన లీగ్‌ మ్యాచ్‌లు, నాకౌట్‌ రౌండ్లు ఆదివారం జరగనున్నట్లు నిర్వాహకులు తెలిపారు. నేడు క్యాంప్‌ ఫైర్‌ రాష్ట్రస్థాయి కబడ్డీ పోటీల్లో భాగంగా ఆదివారం రాత్రి ప్రభుత్వ జూనియర్‌ కళాశాల మైదానంలో క్యాంప్‌ఫైర్‌, ధూం..ధాం, ఆర్కెస్ట్రా ప్రోగ్రామ్స్‌ ఏర్పాటు చేసినట్లు నిర్వాహకులు తెలిపారు.

గోదావరిఖని: రోడ్డు ప్రమాదాల నియంత్రణతోపాటు ప్రజలకు సురక్షిత ప్రయా ణం కల్పించడమే లక్ష్యంగా రోడ్డు భద్రత నిబంధనలను కఠినంగా అమలు చేయా లని రామగుండం పోలీస్‌ కమిషనర్‌ అంబర్‌ కిశోర్‌ ఝా ఆదేశించారు. కమిషనరేట్‌లో ట్రా ఫిక్‌ పోలీసు అధికారులతో శనివారం ట్రాఫిక్‌ నిబంధనలపై సమీక్షించారు. రోడ్లపై భారీ వాహనాలను ఇష్టారాజ్యంగా నిలిపివేయకుండా చర్యలు తీసుకోవాలన్నారు. రాంగ్‌సైడ్‌ డ్రైవింగ్‌ నియంత్రణకు ని ఘా ఏర్పాటు చేసి, నిబంధనలు ఉల్లంఘించేవారి పై చర్యలు తీసుకోవాలని సూచించారు. ఆటోలు, స్కూల్‌ వ్యాన్లు, బస్సుల్లో పరిమితికి మించి విద్యార్థులను ఎక్కించకుండా తరచూ తనిఖీలు నిర్వహించాలని ఆదేశించారు. మైనర్ల డ్రైవింగ్‌, ట్రిపుల్‌ రైడింగ్‌, సిగ్నల్‌ జంపింగ్‌ తదితర ఉల్లంఘనలపై కఠిన చర్యలు తీసుకోవాలని ఆదేశించారు. అదనపు డీసీపీ (అడ్మిన్‌) కె.శ్రీనివాస్‌, ట్రాఫిక్‌ ఏసీపీ శ్రీనివాస్‌, రామగుండం, పెద్దపల్లి, మంచిర్యాల ట్రాఫిక్‌ సీఐలు రాజేశ్వరరావు, శ్రీనివాస్‌, హనన్‌, సీసీఆర్‌బీ సీఐ అనిల్‌, ట్రాఫిక్‌ ఎస్‌ఐలు పాల్గొన్నారు. రామగుండం పోలీస్‌ కమిషనర్‌ అంబర్‌ కిశోర్‌ ఝా

ఉమ్మడి కరీంనగర్‌ జిల్లాకు చెందిన ఎం.దిలీప్‌, యు.బాలకృష్ణ, ఎస్‌.కీర్తన కబడ్డీ క్రీడాకారులు. వీరు ఇప్పటి వరకు ఒక నేషనల్‌, పది స్టేట్‌మీట్స్‌లో పాల్గొన్నారు. కబడ్డీ అంటేనే గాయాలు అవుతుంటాయి. అయితే వేములవాడలో జరుగుతున్న రాష్ట్ర స్థాయి పోటీల్లో పాల్గొంటున్న వీరు ఉమ్మడి కరీంనగర్‌ జిల్లా జట్టుల్లో సభ్యులుగా ఉన్నారు. ఇప్ప టి వరకు మట్టి మైదానంలో ఆడామని.. తొలి సారి మ్యాట్‌పై ఆడడం బాగుందంటున్నారు. మంచి గ్రిప్‌, స్పీడ్‌గా స్పందించే అవకాశం ఉంటుందని తెలిపారు. జాతీయస్థాయిలో ఆడడమే తమ లక్ష్యమని చెబుతున్నారు. దిలీప్‌, బాలకృష్ణ డిగ్రీ ఫస్టియర్‌ చదువుతుండగా, ఎస్‌.కీర్తన ఇంటర్‌ ఫస్టియర్‌ చదువుతుంది.

● కరెంట్‌ సబ్‌స్టేషన్లపైనా ఎల్‌నినో ఎఫెక్ట్‌ రామగుండం: విద్యుత్‌ సబ్‌స్టేషన్లపై ఎల్‌నినో ఎఫెక్ట్‌ అధికంగా ఉండడంతో కరెంట్‌ వినియోగం భారీగా పెరుగుతోంది. అంతర్గాం మండలం ఆకెనపల్లి సబ్‌స్టేషన్‌ పరిధిలో వినియోగదారులు వినియోగిస్తున్న విద్యుత్‌ ఇందుకు నిదర్శనంగా నిలుస్తోంది. దీనిపరిధిలో 12 గ్రామాలు ఉన్నాయి. గతేడాది సెప్టెంబరుతో పోల్చితే ఈ ఏడాది సెప్టెంబరులో రోజూ సుమారు ఐదు వేల యూనిట్ల విద్యుత్‌ వినియోగం పెరిగిందని అధికారులు చెబుతున్నారు. కనెక్షన్ల వివరాలు (కేటగిరీల వారీగా.. కేటగిరీ సర్వీసులు 1 5,510 2 395 3 38 4 9 5 2,371 6 168 7 52 8 12 ఈ ఏడాది, గతేడాది సెప్టెంబరులో విద్యుత్‌ వినియోగం(యూనిట్లలో) ఈఏడాది వినియోగం గతేడాది వినియోగం 26న 37,380 35,384 27న 38,840 33,478 28న 43,380 38,762 29న 57,540 52,345 30న 58,000 54,876

సుల్తానాబాద్‌ రూరల్‌: మహిళలను కోటీశ్వరులను చేయడమే లక్ష్యంగా చేపట్టిన రూ.5 లక్షల వడ్డీలేని రుణాలను రూ.10లక్షలకు పెంచామని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు అన్నారు. భూపతిపూర్‌లో స్వశక్తి మహిళా సంఘం సుమారు రూ.1.15 కోట్ల వ్యయంతో ఏర్పాటు చేసిన చైతన్య జ్యోతి పెట్రోల్‌ బంక్‌ను కలెక్టర్‌ కోయ శ్రీహర్ష, అధికారులతో కలిసి విప్‌ శని వారం ప్రారంభించి మాట్లాడారు. రైతులకు ఇబ్బందులు తలెత్తకుండా మహిళా సంఘాలు ధాన్యం కొనుగోళ్లను సజావుగా నిర్వహించాలని ఆయన సూచించారు. సూపర్‌ ఎల్‌నినో ప్రభావం ఉన్నా.. జిల్లాలో ఆశించినస్థాయిలో వర్షపాతం నమోదైందని, అయినా, గతంతో పోల్చితే నీటి లభ్యత తక్కువగా ఉందని తెలిపారు. దీనిని దృష్టిలో పెట్టుకుని రైతులు వచ్చే యాసంగిలో వరికి ప్రత్యామ్నాయంగా ఆయిల్‌పామ్‌, కూరగాయలు, మొక్కజొన్న తది తర పంటలు సాగు చేయాలని విప్‌ కోరారు. కలెక్టర్‌ కోయ శ్రీహర్ష మాట్లాడుతూ, వీహబ్‌, పెట్రోల్‌ పంపు ఏర్పాటు, కుట్టుశిక్షణ, ఆర్టీసీ బస్సుల నిర్వహణ తదితర రంగాల్లో మహిళలకు ఉపాధి అవకాశాలు కల్పిస్తున్నామన్నారు. మూడేళ్లుగా వడ్డీలేని రుణాలు అందిస్తున్నామని, స్వశక్తి సంఘాల ద్వారా సుమా రు రూ.33 కోట్ల మేరకు వడ్డీ రాయితీ ప్రయోజనం అందించామని తెలిపారు. ఒంటరి మహిళలు ఆయిల్‌పామ్‌ సాగు చేసేలా ప్రోత్సహిస్తున్నామని చెప్పా రు. మహిళలు ఆర్థికంగా ఎదిగేందుకు కొత్తమార్గాల ను సూచిస్తే ప్రోత్సహించేందుకు సిద్ధంగా ఉన్నా మ ని వెల్లడించారు. జిల్లా గ్రంథాలయ సంస్థ చైర్మన్‌ అన్నయ్యగౌడ్‌, డీఆర్డీవో కాళిందిని, అడిషనల్‌ డీఆర్డీవో రవీందర్‌, తహసీల్దార్‌ బషీరుద్దీన్‌, ఎంపీడీవో దివ్యదర్శన్‌రావు తదితరులు పాల్గొన్నారు. మహిళలను కోటీశ్వరులను చేయడమే ప్రజా ప్రభుత్వ లక్ష్యం రైతులు యాసంగిలో ప్రత్యామ్నాయ పంటలు వేయాలి ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు భూపతిపూర్‌లో స్వశక్తి సంఘ పెట్రోల్‌ బంక్‌ ప్రారంభం

గోదావరిఖని: దేశంలోని బొగ్గుగని కార్మికులకు పెర్ఫార్మెన్స్‌ లింక్‌డ్‌ రివార్డు(పీఎల్‌ఆర్‌)బోనస్‌ ఖ రారైంది. బోనస్‌పై జాతీయ కార్మిక సంఘాల నే తలు కోలిండియా యాజమాన్యం శనివారం స మావేశమయ్యాయి. దీపావళికి ముందే అందించే బోనస్‌ను సింగరేణి కార్మికులు దీపావళి బోనస్‌ గా వ్యవహరిస్తారు. గతేడాది రూ.1,03లక్షల వర కు రాగా, ఈసారి రూ.1,10,250కు అందనుంది. సింగరేణిలో పనిచేస్తున్న సుమారు 38వేల మంది కి కొత్త బోనస్‌ వర్తించనుంది. చెల్లింపుల తేదీని సింగరేణి యాజమాన్యం త్వరలోనే ఖరారు చేయనుంది. కోలిండియాలోని కార్మికులకు దసరాకే చెల్లిస్తారు. కోలిండియాలోని బీఎంఎస్‌, హెచ్‌ఎంఎస్‌, ఏఐటీయూసీ నాయకులు పాల్గొన్నారు.2014 నుంచి పెరిగిన దీపావళి (పీఎల్‌ఆర్‌) బోనస్‌(రూ.లలో)ఏడాది పెరిగింది చెల్లింపు 2014 5,000 40,000 2015 8,500 48,500 2016 5,500 54,000 2017 3,000 57,000 2018 3,500 60,500 2019 4,200 64,700 2020 3,800 68,500 2021 4,000 72,500 2022 4,000 76,500 2023 8,500 85,000 2024 8,750 93,750 2025 9,250 1,03,000 2026 7,250 1,10,250 గతేడాది రూ.1.03లక్షలు.. తాజాగా రూ.1.10 లక్షలు

● ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠ రెడ్డి కరీంనగర్‌ టౌన్‌: ఎస్‌ఐఆర్‌ పేరుతో ఓటర్ల జాబితాలో అక్రమాలు జరుగుతున్నాయని ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠరెడ్డి ఆరోపించారు. కరీంనగర్‌లోని బద్ధం ఎల్లారెడ్డిభవన్‌లో శనివారం మాట్లాడుతూ ఓటర్ల జాబితాలో అక్రమాలను అడ్డుకునేందుకు విద్యార్థులు, యువత ముందుకు రావాలని పిలుపునిచ్చారు. దేశవ్యాప్తంగా 13 కోట్ల మంది పేర్లను తొలగించే కుట్ర జరుగుతోందన్నారు. బీజేపీకి వ్యతిరేకంగా ఉన్నవారు, మత రాజకీయాలను వ్యతిరేకించే ప్రజలు, జెన్‌జీ యువ ఓటర్లను లక్ష్యంగా చేసుకుంటున్నారని ఆరోపించారు. ఎస్‌ఐఆర్‌ ప్రక్రియలో అవకతవకలకు బాధ్యత వహించి జాతీయ ఎన్నికల ప్రధానాధికారి జ్ఞానేశ్‌ కుమార్‌ రాజీనామా చేయాలని డిమాండ్‌ చేశారు. ప్రధానమంత్రి, కేంద్ర మంత్రులు ప్రైవేట్‌ విద్యాసంస్థల కార్యక్రమాలకు హాజరవుతున్నారని, ప్రభుత్వ విశ్వవిద్యాలయాలకు మాత్రం తగిన ప్రాధాన్యం ఇవ్వడం లేదని ఆరోపించారు. ప్రైవేట్‌ విద్యాసంస్థలను బీజేపీ ప్రోత్సహిస్తోందని, తెలంగాణ విద్యార్థులు, యువత కోసం కేంద్ర ప్రభుత్వం చేసినదేమిటో కేంద్ర మంత్రి అమిత్‌షా చెప్పాలని డిమాండ్‌ చేశారు. కరీంనగర్‌ నుంచి కేంద్ర మంత్రి ప్రాతినిధ్యం వహిస్తున్నప్పటికీ గుడికి, బడికి తగిన నిధులు తీసుకురాలేదని విమర్శించారు. నీట్‌ పరీక్ష నిర్వహణను రాష్ట్రాలకే అప్పగించాలని కోరారు. ముఖ్యమంత్రి రేవంత్‌రెడ్డి విద్యాశాఖను తన వద్ద ఉంచుకున్నప్పటికీ విద్యార్థుల సమస్యలకు ప్రాధాన్యం ఇవ్వడం లేదన్నారు. ఏఐఎస్‌ఎఫ్‌ రాష్ట్ర కౌన్సిల్‌ సభ్యులు మచ్చ రమేశ్‌, రేణికుంట్ల ప్రీతం, మంద అనిల్‌, కుర్ర రాకేశ్‌, సాయి ఆజాద్‌, మామిడిపల్లి హేమంత్‌, కనకం సాగర్‌, సామ వినయ్‌రెడ్డి, కసిరెడ్డి సందీప్‌రెడ్డి, అనోష్‌, బోయిని విష్ణు పాల్గొన్నారు.

గోదావరిఖని: ప్ర తిభ గల పోలీ సు క్రీడాకారుల ను పోత్సహిస్తా మని రామగుండం పోలీస్‌ కమిషనర్‌ అంబర్‌ కిశోర్‌ ఝా అన్నారు. పోలీస్‌ స్పోర్ట్స్‌, గేమ్స్‌మీట్‌ లో ప్రతిభ చూపిన సిబ్బందిని శుక్రవారం తన చాంబర్‌లో సీపీ అభినందించా రు. టేబుల్‌ టెన్నిస్‌ విభాగంలో 5 కాంస్య పతకాలు సాధించారు. 50 ప్లస్‌ మిక్స్‌డ్‌ డబుల్స్‌లో ఏసీపీ ప్రతాప్‌, డబ్ల్యూపీసీ ఎం.వనిత జోడీ కాంస్య పతకం సాధించింది. 40 ప్లస్‌ సింగిల్స్‌లో పీసీ ఎం.ఉదయ్‌ కిరణ్‌ కాంస్య పతకం సాధించారు. ఓపెన్‌ ఉమెన్స్‌ డబుల్స్‌లో డబ్ల్యూపీసీ కె.విజయ, కె.దీప జోడీ కాంస్య పతకం సాధించింది. 40ప్లస్‌ ఉమెన్స్‌ డబుల్స్‌లో డబ్ల్యూపీసీ ఎం.వనిత, కె.విజయ కాంస్య పతకం, 40ప్లస్‌ మిక్స్‌డ్‌ డబుల్స్‌లో పీసీ డి.రాజేందర్‌, డబ్ల్యూపీసీ ఎం.వనిత జోడీ కాంస్య పతకం సాధించారు. బ్యాడ్మింటన్‌ విభాగంలో ఓపెన్‌ సింగిల్స్‌లో కె. సురేశ్‌ రజత, ఓపెన్‌ మిక్స్‌డ్‌ డబుల్స్‌లో కె.సురేశ్‌, కె.విజయ జోడీ కాంస్య పతకం సాధించింది. అదనపు డీసీపీ(అడ్మిన్‌) శ్రీనివాస్‌, స్పెషల్‌ బ్రాంచ్‌, ఏఆర్‌ ఏసీపీలు నాగేంద్రగౌడ్‌, ప్రతాప్‌ తదితరులు పాల్గొన్నారు. కాగా, గాంధీ జయంతి సందర్భంగా గాంధీజీ చిత్రపటానికి సీపీ పూలమాల వేసి నివాళి అర్పించారు.

పెద్దపల్లిరూరల్‌: ఎండలు మండిపోతున్నా యి. అ యితే, శుక్రవారం సెలవుకావడంతో ఇంటివద్ద ఉన్న కూతుళ్ల కోసం స్థానిక తిలక్‌నగర్‌కు చెందిన బొడ్డుపల్లి సంపత్‌ ఐస్‌క్రీం కొనుగోలు చేశాడు. దానిని చిన్నారులు తింటుండగా పురుగు ప్రత్యక్షమైంది. దాన్నిచూసిన వినియోగదారు సంపత్‌.. ఐస్‌క్రీం పార్లర్‌ వద్దకు వచ్చి నిరసన వ్యక్తం చేశాడు. అధికారులకు సమాచారం అందించినా ఫుడ్‌సేఫ్టీ అధికారి గానీ, మున్సిపల్‌ అధికారులు గానీ అందుబాటులోకి రాలేదని ఆరోపించాడు. ప్రజల ప్రాణాలతో చెలగాటమాడుతున్న ఐస్‌క్రీం పార్లర్లను తనిఖీలు చేసి నిబంధనలు అతిక్రమించిన వారిపై చర్యలు తీసుకోవాలని డిమాండ్‌ చేశాడు. ఐస్‌క్రీం పార్లర్‌ వద్ద గొడవ జరుగుతుందనే సమాచారంతో పోలీసులు అక్కడకు చేరుకుని శాంతింపజేశారు.

వేములవాడ: వేములవాడ ప్రభుత్వ జూనియర్‌ కళాశాల మైదానంలో శుక్రవారం రాష్ట్ర స్థాయి కబడ్డీ పోటీలు అత్యంత వైభవంగా ప్రారంభమయ్యాయి. రాష్ట్ర వ్యాప్తంగా వివిధ జిల్లాల నుంచి తరలివచ్చిన క్రీడాకారులతో మైదానమంతా కోలాహలంగా మా రింది. ఈ పోటీల్లో ప్రభుత్వ విప్‌ ఆది శ్రీనివాస్‌ ఆ లోచనతో కొత్త సంప్రదాయానికి తెరలేపారు. మై దానంలోకి అడుగుపెడుతున్న క్రీడాకారులకు నిర్వాహకులు ఎంతో ఆత్మీయంగా స్వాగతం పలికారు. బాలికా క్రీడాకారులకు బొట్టు పెట్టి, గులాబీ పూలు అందించి ఆత్మీయంగా ఆహ్వానించారు. క్రీడాకారులు, కోచ్‌ల ప్రశంసలు జాతీయ, రాష్ట్ర స్థాయి పోటీల్లో పాల్గొన్న అనుభవం ఉన్న కోచ్‌లు, క్రీడాకారులు ఈ స్వాగతాన్ని చూసి ఎంతో మురిసిపోయారు. దేశంలోనే మునుపెన్నడూ లేని విధంగా క్రీడాకారులకు ఇలాంటి గౌరవం, ఆత్మీయత లభించడం ఇక్కడే చూస్తున్నామని ప్రశంసించారు. ఈ రకమైన స్వాగతం తమలో సరికొత్త ధైర్యాన్ని, క్రీడా ఉత్సాహాన్ని నింపిందని క్రీడాకారులు హర్షం వ్యక్తం చేశారు. అన్ని ఏర్పాట్లు చేశాం బొట్టు పెట్టి, పూలతో క్రీడాకారులను స్వాగతించడం ఆనందంగా ఉంది. తెలంగాణలోని వివిధ జిల్లాల నుంచి వచ్చిన క్రీడాకారులను మన సొంత పిల్లలుగా భావించి, వారికి ఎలాంటి అసౌకర్యం కలగకుండా వేములవాడ మున్సిపాలిటీ తరఫున అన్ని రకాల ఏర్పాట్లు పూర్తి చేశాం. – పుల్కం రాజు–శ్రీలక్ష్మి దంపతులు, వేములవాడ మున్సిపల్‌ చైర్మన్‌అసలైన గౌరవం ఆటగాళ్లకు గెలుపోటముల కంటే గుర్తింపు, గౌరవం చాలా ముఖ్యం. వేములవాడ గడ్డపై అడుగుపెట్టగానే మాకు లభించిన ఈ స్వాగతం మేము కబడ్డీ ప్లేయర్లుగా మారినందుకు ఎంతో గర్వపడేలా చేసింది. ప్రతీపోటీలోనూ ఇలాంటి సంప్రదాయం వస్తే క్రీడాకారులకు ఎంతో ప్రోత్సాహకరంగా ఉంటుంది. – వైష్ణవి, సంజన, వరంగల్‌ జట్టు స్టేట్‌ మీట్‌లో నేషనల్‌ లెవెల్‌ ఆతిథ్యం ఆటగాళ్లలో రెట్టింపైన ఉత్సాహం వేములవాడలో కబడ్డీ సమరానికి ఘన ఆరంభం

గోదావరిఖని: సింగరేణి మెడికల్‌ బోర్డులో అప్పుడు 80 శాతం ఇన్వాలిడేషన్‌ చేస్తే.. ఇప్పుడు దానిని 14 శాతానికి కుదిస్తూ ప్రభుత్వాన్ని కావాలనే ఎందుకు బద్నాం చేస్తున్నారని కోల్‌బెల్ట్‌ ప్రాంత మంత్రులు, అధికార పార్టీ ఎమ్మెల్యేలు ఆగ్రహం వ్యక్తం చేశారు. ఈమేరకు సీఎండీతోపాటు డైరెక్టర్‌(ఫా)ను ప్రశ్నించారు. గతనెల 28న హైదరాబాద్‌ ప్రగతిభవన్‌లో నిర్వహించిన సమీక్షలో డిప్యూటీ సీఎం భట్టి విక్రమార్క, మంత్రులు దుద్దిళ్ల శ్రీధర్‌బాబు, వివేక్‌, సింగరేణి సీఎండీ, డైరెక్టర్‌(పా), కోల్‌బెల్ట్‌ ప్రాంత మంత్రులు, అధికార పార్టీ ఎమ్మెల్యేలు, ఐఎన్‌టీయూసీ నాయకులు, సీపీఐ ఎమ్మెల్యే పాల్గొన్నారు. సింగరేణి అనుసరిస్తున్న విధానాలపై అధికార పార్టీ ఎమ్మెల్యేలు ఆగ్రహం వ్యక్తం చేసినట్లు తెలుస్తోంది. ఎన్నికల సందర్భంగా నెలలో రెండు మెడికల్‌ బోర్డులు, అత్యధికంగా ఇన్వాలిడేషన్‌ ఉంటుందని హామీ ఇచ్చినా ప్రస్తుత పరిస్థితి అందుకు విరుద్ధంగా ఉందని సీఎండీని నిలదీసినట్లు తెలుస్తోంది. యాజమాన్యం తీరుతో ప్రభుత్వంపై కార్మికుల్లో వ్యతిరేకత వస్తోందన్నారని సమాచారం. గనులపైకి వెళ్లని పరిస్థితి.. మెడికల్‌ ఇన్వాలిడేషన్‌ తీరుతో తాము గనులపైకి వెళ్లే పరిస్థితి లేకుండా పోయిందని పలువురు ఆవేదన వ్యక్తం చేసినట్లు తెలిసింది. 14శాతాన్ని మించి మెడికల్‌ ఇన్వాలిడేషన్‌ లేదన్నారు. మెడికల్‌ బోర్డు నిర్ణయాలను పునఃసమీక్షించాలని సూచించారు. 2025–26 ఆర్థిక సంవత్సరంలో సింగరేణి ఆర్జించిన లాభాల్లో కార్మికులకు 35 శాతం లాభాల వాటా ప్రకటించాలని, దసరాలోపు చెల్లించాలని, కార్మికుల సొంత ఇంటి పథకాన్ని అమలు చేయాలని, పెర్క్స్‌పై ఆదాయపు పన్ను భారాన్ని తగ్గించాలని విజ్ఞప్తి చేశారు. మారుపేర్లపై వన్‌టైం సెటిల్‌మెంట్‌.. కార్మికుల కుటుంబాల్లో చాలాకాలంగా చర్చనీయాంశంగా ఉన్న అలియాస్‌ నేమ్స్‌ సమస్యను మానవీయ కోణంలో పరిశీలించి వన్‌టైమ్‌ సెటిల్‌మెంట్‌ ద్వారా పరిష్కరించాలని కోరారు. ఇప్పటికే ఈ అంశంపై కమిటీ సమావేశం జరిగిన నేపథ్యంలో తదుపరి చర్యలను వేగవంతం చేయాలని విజ్ఞప్తి చేశారు. కోర్టు, విజిలెన్స్‌ కేసులపైనా సమీక్ష పెండింగ్‌లో ఉన్న కోర్టు, విజిలెన్స్‌ కేసులను సమీక్షించి, సాధ్యమైన మేరకు మానవీయ కోణంలో పరిష్కరించాలని కోరారు. డిస్మిస్‌ అయిన కార్మికులకు కూడా నిబంధనల మేరకు మరో అవకాశం కల్పించే అంశాన్ని పరిశీలించాలన్నారు. కొత్త గనులు.. సింగరేణి విస్తరణ భవిష్యత్‌ను దృష్టిలో ఉంచుకుని కొత్త బొగ్గు గనులు కేటాయించేలా ప్రభుత్వం చర్యలు తీసుకోవాలని నాయకులు కోరారు. ఉత్పత్తితోపాటు అనుబంధ పరిశ్రమలను ఏర్పాటు చేయాలని, ఉపాధి అవకాశాలు పెంచాలని సూచించారు. గనుల్లో డ్రిల్‌ బిట్స్‌, భద్రత సామగ్రి, డంపర్ల స్పేర్‌ పార్ట్స్‌ తదితర అవసరమైన పరికరాల కొరత ఉందని నాయకులు ప్రభుత్వం దష్టికి తీసుకెళ్లారు. ఆస్పత్రుల్లో వైద్యుల కొరత తీర్చాలని సూచించారు. భట్టి సానుకూల స్పందన కార్మికుల సమస్యలపై డిప్యూటీ సీఎం భట్టి విక్రమార్క సానుకూలంగా స్పందించినట్లు తెలుస్తోంది. దసరాలోపు సమస్యలు పరిష్కరిస్తామని హామీ ఇచ్చినట్లు చెబుతున్నారు. ఈఅంశాలపై ప్రభుత్వం ఎలాంటి నిర్ణయాలు తీసుకుంటుందన్నది కోల్‌బెల్ట్‌లో ఆసక్తికరంగా మారింది.

గోదావరిఖని: రామగుండం, భూపాలపల్లి, బెల్లంపల్లి, శ్రీరాంపూర్‌, మందమర్రి తదితర ప్రాంతాల్లోని సింగరేణి బొగ్గు గని ఏరియా ల్లోని సుమారు 500 మందికిపైగా సింగరేణి గంగపుత్ర ఉద్యోగులు, విద్యావంతులు గోదావరిఖని సమీపంలోని గోదావరి నదీతీరంలో గల సమ్మక్క – సారలమ్మ గద్దెల వద్ద శుక్రవారం ఆత్మీయ సమ్మేళనం నిర్వహించారు. విద్య, సామాజిక వికాసం, భావితరాల విద్యాభివృద్ధి, నైపుణ్యాల పెంపు, ఉద్యోగ అవకాశాలు, హక్కుల సాధనలో విద్యావంతుల పాత్రపై చర్చించారు. ఈ సందర్భంగా సింగరేణి గంగపుత్రుల వేదిక నూతన కార్యవర్గాన్ని ఎన్నుకున్నారు. అధ్యక్షుడిగా బంగారు రాజయ్య, ఉపాధ్యక్షులుగా అంబటి శ్రీనివాస్‌, పెద్దపల్లి పోచయ్య, మదనబోయిన రాజేందర్‌, వంగల చక్రపాణి, ప్రధాన కార్యదర్శిగా పూస వసంత్‌కుమార్‌ ఎన్నికయ్యారు. గంగపుత్ర ఉద్యోగుల సమస్యల పరిష్కారానికి నిరంతరం కృషి చేయాలని, పేదవిద్యార్థుల ఉన్నత చదువులకు విద్యా సహాయ నిధి ఏర్పాటు చేయాలని, ప్రతీఏరియాలో సమన్వయ కమిటీలను ఏర్పాటు చేసి సంఘాన్ని మరింత బలోపేతం చేయాలని తీర్మానించారు.

కాల్వశ్రీరాంపూర్‌: అనారోగ్యంతో అనంత లోకాలకు వెళ్లిన భర్త.. శిథిలమైన ఇల్లు.. భవిష్యత్‌పై బెంగతో ఆవేదన వ్యక్తం చేస్తోందని పెద్దపల్లి జిల్లా కాల్వశ్రీరాంపూర్‌ మండల కేంద్రానికి చెందిన పిల్లలమర్రి సునీత. ఆమె భర్త పిల్లలమర్రి సదానందం(40) అనారోగ్యంతో ఇటీవల మృతి చెందాడు. భార్య సునీత రోజూవారి కూలీ పనులు చేస్తూ తన కూతురు మృదుల(8)ను సాకుతోంది. సదానందం అంత్యక్రియలు, కర్మకాండలకు కులసంఘం నుంచి సాయం అందించారు. ఇటీవల కురిసిన వర్షాలతో గూనపెంకుల ఇంటి గోడలు కూలిపోయాయి. శిథిలమైన ఆ ఇంట్లోనే కూతరుతో కలిసి ఉంటున్న ఆమె.. భయంభయంగా బతుకుతోంది. పాములు, తేళ్లు, పురుగుపుట్రా వస్తున్నాయని కన్నీటిపర్యంతమవుతోంది. నాలుగో తరగతి చదువుతున్న కూతురు చదువు, పొట్టకూటికోసం, ఇంటిని చక్కదిద్దుకునేందుకు చేతిలో చిల్లిగవ్వకూండా లేదని చెబుతోంది. ప్రభుత్వం, దాతలు ముందుకు వచ్చి తమను ఆదుకోవాలని వేడుకుంటోంది. దాతలు సంప్రదించాల్సిన నంబరు : 93818 52496. శిథిలమైన ఇంట్లోనే అభాగ్యురాలి జీవనం పొట్టకూటికోసం అనేక తిప్పలు

గోదావరిఖని: సింగరేణికి రావాల్సిన బకాయిల కో సం ట్రాన్స్‌కో, జెన్‌కో కార్యాలయాలను ముట్టడించాలని నిర్ణయించినట్లు ఏఐటీయూసీ అధ్యక్షుడు వాసిరెడ్డి సీతారామయ్య తెలిపారు. శుక్రవారం ఆ ర్జీ–2 ఏరియా కమ్యూనిటీ హాల్‌లో ఏఐటీయూసీ ఆ ఫీస్‌బేరర్ల సమావేశం నిర్వహించారు. కార్మికుల స మస్యల పరిష్కారం కోసం చేసే పోరాటాలపై తీ ర్మానం చేశారు. లాభాల వాటా, దీపావళి బోనస్‌, తమ యూనియన్‌చే ఒప్పందంపై చర్చించారు. రూ.60 కోట్లు బకాయిలు రాబట్టేందుకు ట్రాన్స్‌కో కార్యాలయం ముట్టడి, సీఎంపీఎఫ్‌ సమస్యలపై కార్యాలయం ఎదుట ధర్నా, ఒప్పందం చేసిన సమస్యలపై వెంటనే సర్క్యులర్‌ జారీచేయాలని, యూనియన్‌పై చేసే దుష్ప్రచారాలను ఎండగట్టాలని తీర్మానించారు. యూనియన్‌ జనరల్‌ సెక్రటరీ కొరిమి రాజ్‌కుమార్‌, డిప్యూటీ జనరల్‌ సెక్రటరీలు మడ్డి ఎల్లాగౌడ్‌, ముష్కె సమ్మయ్య, వీరభద్రయ్య, కేంద్ర కార్యదర్శులు కందుకూరి రాజరత్నం, వీరస్వామి, వంగ వెంకట్‌, కవంపల్లి స్వామి, రాజగోపాల్‌, అక్బర్‌ అలీ తదితరులు పాల్గొన్నారు.

మేము ఇప్పటివరకు ఎన్నో నేషనల్స్‌, స్టేట్‌ లెవెల్‌ పోటీల్లో పాల్గొన్నాం. కానీ, మైదానంలోకి రాగానే అక్కయ్యలు, అమ్మలు బొట్టు పెట్టి, గులాబీ పూలు ఇచ్చి ఆత్మీయంగా ఆహ్వానించడం మా జీవితంలోనే మొదటిసారి చూస్తున్నాము. ఇది చూసి మాకు కళ్లు చెమర్చాయి. వేములవాడ ఆతిథ్యం ఎప్పటికీ మరచిపోం. – లహరి, శ్రీవిద్య, రాజన్న సిరిసిల్ల జట్టు ధైర్యం, ఉత్సాహం నింపారు సాధారణంగా మ్యాచ్‌ ఉందంటే కాస్త ఒత్తిడి, భయం ఉంటాయి. కానీ, ఇక్కడి నిర్వాహకులు కల్పించిన ఈ వాతావరణం మాలోని ఒత్తిడినంతా పోగొట్టింది. సొంత ఊరు, కుటుంబ సభ్యుల మధ్య ఆడుతున్నట్లే అనిపిస్తోంది. ఈ గౌరవం మాలో మరింత గెలవాలనే పట్టుదల, కొత్త ఉత్సాహాన్ని నింపింది. – శాన్వీ, తన్వీ, యశస్విని, జగిత్యాల జట్టు

రామగుండం: భారతదేశంలో ఉత్తర, దక్షిణ ప్రాంతాలను కలుపుతూ రాకపోకలు సాగించే హిమసాగర్‌ రైలు ప్రయాణం 42 వసంతాలకు చేరింది. కన్యాకుమారి–జమ్ముతావి మధ్య(16317/16318) ప్రయాణికులను గమ్యస్థానాలకు చేర్చే ఈ రైలు 1984 అక్టోబర్‌ 3న ప్రారంభమైంది. ఆ పేరు ఎందుకు వచ్చిందంటే.. హిమం అంటే మంచుకొండలు, సాగర్‌ అంటే సముద్రతీరం. అందుకే ఈ రైలుకు హిమసాగర్‌ అనినామకరణం చేసినట్లు రైల్వే అధికారులు తెలిపారు. హిమాలయాల మంచుపర్వతాలకు సమీపంగా వెళ్లి.. అక్కడి నుంచి దక్షిణం వైపు కన్యాకుమారి సమీప హిందూ మహాసముద్రం వరకు రాకపోకలు సాగిస్తోంది. అత్యధిక దూరం.. భారతరైల్వేలో అత్యధిక దూరం రాకపోకలు సాగించే రైళ్లు కొన్నే ఉండగా, ఇందులో హిమసాగర్‌ మూడోస్థానంలో ఉంటుంది. వివేక్‌ ఎక్స్‌ప్రెస్‌(22503/04): దిబ్రూగఢ్‌(అసోం)–కన్యాకుమారి(తమిళనాడు) మధ్య 4,154 కి.మీ. ప్రయాణిస్తుంది. అరోనాయ్‌ ఎక్స్‌ప్రెస్‌ : సిల్చార్‌(అసోం) – తిరువనంతపురం సెంట్రల్‌(తమిళనాడు) మధ్య 3,915 కి.మీ. రాకపోకలు సాగిస్తుంది. హిమసాగర్‌ ఎక్స్‌ప్రెస్‌ : కన్యాకుమారి(తమిళనాడు) – జమ్ముతావి(జమ్మూ) మధ్య 3,790 కి.మీ. ప్రయాణం చేస్తుంది. నవయుగ్‌ ఎక్స్‌ప్రెస్‌(16687/88) : మంగళూర్‌ సెంట్రల్‌ (కర్ణాటక) – శ్రీమాతావైష్ణోదేవి కట్రా (జమ్మూ) మధ్య 3,607 కి.మీ. ప్రయాణిస్తుంది. 12 రాష్ట్రాల మీదుగా రాకపోకలు హిమసాగర్‌ మనదేశంలోని పన్నెండు రాష్ట్రాల మీదుగా రాకపోకలు సాగిస్తుంది. ఇందులో జమ్మూకశ్మీర్‌, పంజాబ్‌, హరియాణా, ఢిల్లీ, ఉత్తరప్రదేశ్‌, రాజస్థాన్‌, మధ్యప్రదేశ్‌, మహారాష్ట్ర, తెలంగాణ, ఆంధ్రప్రదేశ్‌, కేరళ, తమిళనాడు రాష్ట్రాలున్నాయి. ఇది ఎక్కువగా ఆధ్యాత్మిక, పర్యాటక ప్రాంతాల మీదుగా ప్రయాణం చేస్తుంది. దీంతో అత్యధిక ప్రయాణికులు పుణ్యక్షేత్రాల సందర్శనకు వెళ్తుంటారు. పన్నెండు రాష్ట్రాల్లో దీనికి 73 ప్రధాన రైల్వేస్టేషన్లలోనే హాల్టింగ్‌ సౌకర్యం కల్పించారు. సదరన్‌ రైల్వేజోన్‌ అధికారులు పర్యవేక్షిస్తున్నారు. తెలుగు రాష్ట్రాల్లో హాల్టింగ్‌లు, కోచ్‌లు.. ఉమ్మడి తెలుగు రాష్ట్రాల్లోని రామగుండం, వరంగల్‌, ఖమ్మం, విజయవాడ, తెనాలి, ఒంగోలు, నెల్లూరు, రేణిగుంట తదితర ప్రధాన రైల్వేస్టేషన్లలోనే హిమసాగర్‌ రైలుకు హాల్టింగ్‌ సౌకర్యం కల్పించారు. దీనికి ఏసీ–2టైర్‌, ఏసీ త్రీటైర్‌, స్లీపర్‌క్లాస్‌, జనరల్‌ కోచ్‌లు ఉన్నాయి. హిమపాతం నుంచి సాగరతీరం వరకు పరుగులు హిమసాగర్‌ ఎక్స్‌ప్రెస్‌ రైలు ప్రత్యేకత ఇది

గోదావరిఖనిటౌన్‌: స్థానిక యూనివర్సిటీ పీజీ కళాశాలలో ఎంబీఏ పూర్తి చేసిన అ లుగువెల్లి ఉభయరెడ్డి ‘నౌ యువర్‌ లీడర్‌’ అంశంపై ఢి ల్లీలో ప్రసంగించి ప్రతిభ చా టాడు. జాతీయ నేతల జయంతి సందర్భంగా వారిని స్మరించుకోవడం కోసం కేంద్ర క్రీడలు, యువజన శాఖ ఈ కార్యక్రమం నిర్వహించింది. మాజీ ప్రధాని లాల్‌ బహుదూర్‌ శాస్త్రి సేవ లు, పాటించిన విలువలపై ఉభయరెడ్డి ప్రసంగించాడు. తెలంగాణ నుంచి ఇతడొక్కడే ప్రాతినిధ్యం వహించడం విశేషం. భారత్‌ యూత్‌ పార్లమెంట్‌–2026లో రాష్ట్రస్థాయిలోనూ ఐదో స్థానం సాధించాడు. జాతీయ స్థాయిలో గుర్తింపు పొందడంపై ఇన్‌చార్జి ప్రిన్సిపల్‌ డాక్టర్‌ వై.ప్రసాద్‌, అధ్యాపకులు రవి, అంబిక, రఘుపతి, సుధా, అనిల్‌, రవీందర్‌, శ్యాంప్రసాద్‌, సతీశ్‌, జ్యోతి, విద్యార్థులు అభినందించారు. ఫొటోగ్రాఫర్‌కు జాతీయ అవార్డు ఓదెల: పెద్దపల్లి జిల్లా ఓదెల మండలం కొలనూర్‌ గ్రామానికి చెందిన ఉప్పు ముత్యం హైదరాబాద్‌ ఫొటో ఎక్స్‌, సిగ్మా అకాడమీ ఆఫ్‌ ఫొటోగ్రఫీ నిర్వహించిన జాతీయస్థాయి వెడ్డింగ్‌ పోటీల్లో అవార్డు అందుకున్నారు. దేశవ్యాప్తంగా 99మంది పోటీలకు హాజరవగా.. ముత్యం తీసిన చిత్రాలు అవార్డుకు ఎంపికయ్యాయి. శంషాబాద్‌లో శుక్రవారం ఎంపీ శేఖర్‌ నుంచి అవార్డు అందుకున్నారు. ఆయనను కొలనూరు గ్రామస్తులు అభినందించారు. రాజకీయ కక్షతోనే కూల్చివేత పాలకుర్తి: గ్రామాల్లో ప్రశాంత వాతావరణాన్ని దెబ్బతీసేందుకు, రాజకీయ కక్షలను కాంగ్రెస్‌ పెంచిపోషిస్తున్నదని బీఆర్‌ఎస్‌ జిల్లా అధ్యక్షు డు కోరుకంటి చందర్‌ ఆరోపించారు. పాలకుర్తిలోని బీఆర్‌ఎస్‌ జెండా గద్దెను కూల్చివేయ గా.. సంఘటన స్థలాన్ని చందర్‌ శుక్రవారం ప రిశీలించి మాట్లాడారు. రహదారి విస్తరణ పే రుతో పార్టీ జెండాగద్దెను సర్పంచ్‌ కూల్చివేయ డం సరికాదన్నారు. జెండా గద్దెను మళ్లీ నిర్మించకపోతే ఎమ్మెల్యే క్యాంపు ఆఫీస్‌ను ముట్టడిస్తామని, ఇందుకు రాజ్‌ఠాకూర్‌, సర్పంచ్‌ బా ధ్యత వహించాలని హెచ్చరించారు. నాయకు లు సమ్మయ్యయాదవ్‌, కొంరయ్య, రాజయ్య, రాజేందర్‌, శ్యాంకుమార్‌, శంకర్‌ పాల్గొన్నారు.

పెద్దపల్లిరూరల్‌: రెక్కాడితేనే గానీ డొక్కాడని ఆ పేద కుటుంబాన్ని విధి పగబట్టింది. భార్యాభర్తలు కూలీ పనులు చేసుకుని పొట్ట పోసుకుంటున్న తరుణంలో ప్రాణాంతక వ్యాధి వ్యాపించింది. ఊపిరితిత్తుల వ్యాధితో కరీంనగర్‌ ఆస్పత్రిలో చావుబతుకుల నడుమ పెద్దపల్లి మండలం పెద్దబొంకూర్‌ గ్రామానికి చెందిన కోట గౌరమ్మ పోరాడుతోంది. గౌరమ్మ వ్యవసాయ పనులకు వెళుతుండగా భర్త శ్రీనివాస్‌ తాటికల్లు అమ్మడం ద్వారా వచ్చే అరకొర ఆదాయంతో కుటుంబం వెళ్లదీస్తున్నారు. వీరికి ఇద్దరు కూ తుళ్లు సంతానం. ఇద్దరికీ వివాహాలు అయ్యాయి. ఊపిరితిత్తుల సంబంధిత వ్యాధిబారిన పడి 15రోజులుగా చికిత్స పొందుతుండగా ఇప్పటికే రూ.5లక్షల దాకా అప్పులు వెచ్చించారు. దాతలు దయచూపితేనే.. రోజూ వైద్యం ఖర్చులు, మందుల కోసం రూ. వేలు అవసరమవుతుండడంతో ఏం చేయాలో పాలుపోని స్థితిలో దాతలు ఇచ్చే ఆపన్నహస్తం కోసం దీనంగా ఎదురుచూస్తున్నారు. తన భార్య గౌరమ్మను బతికించుకోవాలనే ఆశతో తన శాయశక్తులా ప్రయత్నించి అక్కడ, ఇక్కడ తెచ్చి న డబ్బంతా ఖర్చు చేశానని శ్రీని వాస్‌ వాపోయాడు. ఇప్పుడు చేతిలో పైసా లేదని, ఏం చేయాలో తెలియదని కన్నీటి పర్యంతమయ్యాడు. చావుబతుకుల నడుమ పోరాడుతున్న గౌరమ్మ వైద్యం కోసం దాతలు, స్వచ్ఛంద సంస్థ లు, ప్రజాప్రతినిధులు, అధికారులు తమవంతు సహకారం అందించాలని వేడుకుంటున్నారు. దాతలు సంప్రదించాల్సిన ఫోన్‌ నంబర్లు: 80082 34112, 93816 60378 దాతలు ఆదుకుంటేనే ఆ పేద కుటుంబానికి ఆసరా చికిత్స కోసం ఇప్పటికే రూ.5లక్షలదాకా ఖర్చు ఆపన్నహస్తం కోసం ఎదురు చూస్తున్న గౌరమ్మ కుటుంబం

గోదావరిఖని: నివాళి అర్పిస్తున్న రామగుండం ఎమ్మెల్యే రాజ్‌ఠాకూర్‌కలెక్టరేట్‌లో కోయ శ్రీహర్ష .. పెద్దపల్లి: అహింసావాది, దేశస్వాతంత్య్ర సమరయోధుడు, జాతిపిత మహాత్మాగాంధీ జయంతిని జిల్లావ్యాప్తంగా శుక్రవారం అన్నివర్గాలు, స్వచ్ఛంద, యువజన సంఘాలు ఘనంగా జరుపుకున్నారు. సుల్తానాబాద్‌లోని గాంధీవిగ్రహానికి ప్రభుత్వ విప్‌ విజయరమణారావు, కలెక్టరేట్‌లో కలెక్టర్‌ కోయ శ్రీహర్ష ఆధ్వర్యంలో పూలమాలలు వేసి నివాళి అర్పించారు. మహాత్ముడికి ఘననివాళి

రామగుండం: స్థానిక అంబేద్కర్‌ చౌరస్తా – ఆబాది రామగుండం వరకు రోడ్డు విస్తరణ కొనసాగుతోంది. భూగర్భంలో పగిలిన తాగునీటి పైపులైన్లను పు నరుద్ధరించకుండానే తారురోడ్డు పనులు పూర్తి చే యడంతో లీకేజీతో రహదారికి రంధ్రం పడింది. ఈ ఎస్‌ఐ ఆస్పత్రి ఎదుట ఏకంగా నడిరోడ్డుపై తాగునీ టి పైపులైన్‌ వాల్వు, ఇతర పైపు బయటకు ఉండగా నే రోడ్డు నిర్మిస్తున్నారు. మరోఐదు దశాబ్దాల అవస రాలకు అనుగుణంగా అభివృద్ధి పనులు చేపడుతున్నామని పాలకులు చెబుతున్నా.. క్షేత్రస్థాయిలో అందుకు భిన్నమైన పరిస్థితులు నెలకొని ఉన్నా యి. రోడ్డు మధ్య ఇదేంటని స్థానికులు ప్రశ్నిస్తే.. రో డ్డు పూర్తయ్యాక తొలగిస్తామని ఉచిత సలహాలు ఇస్తున్నారంటూ పేర్కొంటున్నారు. రహదారి నిర్మాణంపై రామగుండం ఎమ్మెల్యే మక్కాన్‌సింగ్‌ఠాకూర్‌, మేయర్‌ మహంకాళి స్వామి, కమిషనర్‌ అరుణశ్రీ క్షేత్ర పరిశీలన చేసి లోపాలను ముందుగా గుర్తించి, పునరుద్ధరించిన తర్వాత పనులు పూర్తిచేయించాలని పట్టణ ప్రజలు కోరుతున్నారు. తాగునీటి పైపులైన్లు.. వాల్వులు రహదారుల నిర్మాణం తీరే ప్రత్యేకం

కోల్‌సిటీ: గోదావరిఖనిలోని ప్రభుత్వ జనరల్‌ ఆస్పత్రి(జీజీహెచ్‌)లో గాంధీ జయంతి సందర్భంగా శుక్రవారం జనరల్‌ మెడిసిన్‌ ఓపీ సేవలు నిలిపివేశారు. సేవలు నిలిపివేస్తున్నామని అధికారులు ఉత్తర్వులు సర్క్యులర్‌ జారీ చేసినా.. ప్రజలకు ముందుగా తెలియజేయలేదు. దీంతో దూర ప్రాంతాల నుంచి వచ్చిన పేషెంట్లు, బంధువులు అసహనంతో వెనుదిరగాల్సి వచ్చింది. అత్యవసర సేవలతోపాటు గర్భిణులు, చిన్నారుల ఓపీ సేవలను యథావిధిగా కొనసాగించారు. బంధువులతోపాటు ఇన్‌పేషెంట్లను పరామర్శించేందుకు వచ్చిన వారిని కూడా సిబ్బంది లోపలికి అనుమతించలేదు. దీంతో కొంతసేపు గందరగోళం నెలకొంది. కొందరు భద్రతా సిబ్బందితో వాగ్వాదానికి దిగారు. పరిస్థితి ఉద్రిక్తంగా మారడంతో ఆర్‌ఎంవోలు అరుణ, అప్పారావు పరిస్థితిని చక్కదిద్దారు. ముందస్తు సమాచారం లేక.. జనరల్‌ ఓపీ సేవలు నిలిపివేస్తున్న విషయాన్ని ఆస్పత్రి వర్గాలు అంతర్గతంగా సర్క్యులర్‌ ద్వారా తెలియజేసినా.. పేషెంట్లకు ముందుగా సమాచారం అందించేలా చర్యలు తీసుకోకపోవడంపై విమర్శలు వ్యక్తమవుతున్నాయి. ఆస్పత్రి వద్ద ఎక్కడా నోటీసు బోర్డు ఏర్పాటు చేయకపోవడంతోపాటు, పత్రిక ప్రకటన కూడా విడుదల చేయలేదు. సెలవు రోజుల్లో ఓపీ ఉండదు అక్టోబర్‌ 2, జనవరి 26 వంటి సెలవు రోజుల్లో జనరల్‌ ఓపీ సేవలను నిలిపివేస్తున్నామని ఆర్‌ఎంవో రేణుక స్పష్టం చేశారు. అత్యవసర వైద్య సేవలు నిరంతరం కొనసాగిస్తామని డాక్టర్‌ తెలిపారు. ఐసీయూలో చికిత్స పొందుతున్న పేషెంట్లను చూసేందుకు పాస్‌లు జారీచేస్తున్నామని, పాస్‌లు ఉన్నవారినే అనుమతిస్తున్నట్లు రేణుక వివరించారు. ముందస్తు సమాచారం లేక పేషెంట్ల అవస్థలు ఇన్‌పేషెంట్ల బంధువులను లోనికి అనుమతించని వైనం పాస్‌ విధానాన్ని అమలు చేస్తున్న ఆస్పత్రి అధికారులు

జ్యోతినగర్‌: పరిశుభ్రత, పర్యావరణ పరిరక్ష ణ, సుస్థిరత అందరి బాధ్యతని ఎన్టీపీసీ సీజీ ఎం ముకుల్‌రాయ్‌ అన్నారు. రామగుండంలో ని ఎన్టీపీసీ చేపట్టిన స్వచ్ఛతా పక్షోత్సవం శుక్రవారం ముగిసింది. తొలుత మహాత్మా గాంధీ విగ్రహానికి సీజీఎం పూలమాల వేసి నివాళి అ ర్పించారు. అనంతరం మొక్కలు నాటారు. కాకతీయ ఆడిటోరియంలో నిర్వహించిన ము గింపు కార్యక్రమంలో జీఎం మనీష్‌ అగర్వాల్‌తో కలిసి మాట్లాడారు. స్వచ్ఛతా కార్యక్రమాల్లో చురుకుగా పాల్గొన్న ఉద్యోగులు, కార్మికులకు బహుమతులు అందజేశారు. ‘సూర్య ఘర్‌’పై అవగాహన గోదావరిఖనిటౌన్‌: పీఎం సూర్య ఘర్‌ ముఫ్త్‌ బి జిలీ యోజన పథకంపై స్థానిక ఎన్పీడీసీఎల్‌ కా ర్యాలయంలో ఏడీఈ శ్రీనివాస్‌గౌడ్‌, వారాహి ఎనర్జీస్‌ మేనేజర్‌ బూడిద సతీశ్‌ శుక్రవారం సో లార్‌ ఎనర్జీపై అవగాహన కల్పించారు. సౌర వి ద్యుత్‌ వినియోగం, పథకం ద్వారా లభించే ప్ర యోజనాలు, సబ్సిడీ, రూఫ్‌టాప్‌ సోలార్‌ ఏ ర్పాటుపై వివరించారు. ఈ పథకం ద్వార ప్రతీ ఇంటికి సౌర విద్యుత్‌ను అందుబాటులోకి తీ సుకురావడంతోపాటు విద్యుత్‌ పొదుపు, పర్యావరణ పరిరక్షణ లక్ష్యమని వారు వివరించారు. ఉప సర్పంచుల జాప్యానికి చెక్‌పెద్దపల్లి: చెక్కులు, బిల్లులపై సంతకాలు చేయకుండా నిర్లక్ష్యం వహించే ఉపసర్పంచులకు పంచాయతీరాజ్‌ శాఖ చెక్‌ పెట్టింది. ఏడు పనిదినాల్లోగా డిజిటల్‌ సిగ్నేచర్‌ చేయకపోయినా, నిరాకరించినా కలెక్టర్‌ విచారణ చేపట్టాలని గు రువారం కలెక్టర్లకు ఉత్తర్వులు జారీ అయ్యా యి. పల్లెల్లో పారిశుధ్యం నిర్వహణ, తాగునీటి సరఫరా, అత్యవసర అభివృద్ధి పనుల చెల్లింపు ల్లో జాప్యంతో ప్రజలకు ఎదురవుతున్న ఇబ్బందులను దృష్టిలో పెట్టుకున్న ప్రభుత్వం తాజా గా ఉత్తర్వులు జారీచేసినట్లు పేర్కొంటున్నా రు. అదేవిధంగా ఉపసర్పంచ్‌ చెక్కులపై సంతకం, డ్రాయింగ్‌ అధికారాలను రద్దు చేసి.. ఆ బాధ్యతలను పంచాయతీ కార్యదర్శి, ఎంపీవో లేదా ఎంపీడీవోకు బదిలీ చేసేలా కలెక్టర్‌ ని ర్ణయం తీసుకోవచ్చని స్పష్టం చేసింది. తద్వా రా ప్రజలకు నిరంతర సేవలు అందించడంతోపాటు అభిదృద్ధి పనులకు ఆటంకం కలుగుకుండా ఉత్తర్వులను తక్షణమే అమలు చేయా లని కలెక్టర్లను ఆ ఉత్వర్వుల్లో ఆదేశించింది. అడవులను కాపాడుకోవాలి మంథనిరూరల్‌: అటవీ సంపదను అందరూ కాపాడుకోవాలని మంథని ఫారెస్ట్‌ రేంజ్‌ ఆఫీసర్‌ ఎంవీ నాయక్‌ కోరారు. శుక్రవారం వన్యప్రాణి వారోత్సవాల్లో భాగంగా ఖాన్‌సాయిపేట, భట్టుపల్లి, ఎగ్లాస్‌పూర్‌ గ్రామాల్లో అటవీ సంపదపై గ్రామస్తులకు అవగాహన కల్పించారు. వన్యప్రాణుల సంరక్షణ అందరి బాధ్యతన్నారు. అనంతరం వన్యప్రాణి అభయారణ్యంలో క్లీనింగ్‌ చేపట్టారు. పెద్దపల్లి ఎఫ్‌ఆర్వో సతీశ్‌కుమార్‌ తదితరులు పాల్గొన్నారు.

జ్యోతినగర్‌: సమస్యల పరిష్కారంలో ఎన్టీపీసీ కార్మికులకు ఐఎన్‌టీయూసీ అండగా ఉంటుందని ఆ యూనియన్‌ జాతీయ సీనియర్‌ కార్యదర్శి బాబర్‌ సలీం పాషా అన్నారు. రామగుండంలోని ఎన్టీపీసీ పర్మినెంట్‌ టౌన్‌షిప్‌లో గల యూనియన్‌ కార్యాలయంలో సీహెచ్‌పీ ప్యాకేజీ– 8 డిప్లొమో కార్మి కులు శుక్రవారం ఐఎన్‌టీయూసీలో చేరారు. జిల్లా అధ్యక్షుడు భూమల్ల చందర్‌ అధ్యక్షత వహించా రు. బాబర్‌ సలీం పాషా మాట్లాడుతూ, ప్రతీనెల 7లోగా వేతనాలు చెల్లించాలన్నారు. కొందరు కాంట్రాక్టర్లు గడువులో వేతనాలు చెల్లించడం లేదని ఆరోపించారు. కార్యక్రమంలో నాయకులు బొద్దున శ్రీనివాస్‌, జమీల్‌, గోషిక రవి, కదిరె శ్రీనివాస్‌, అజార్‌ పాషా, వెంకటరాజం, వకార్‌, ప్రణయ్‌గౌడ్‌, శ్రీకాంత్‌, నరేందర్‌ తదితరులు పాల్గొన్నారు.

వేములవాడ: రాజన్న సిరిసిల్ల జిల్లా వేములవాడలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్టహాసంగా ప్రారంభమయ్యాయి. నాలుగురోజుల పాటు జరిగే పోటీలను ప్రభుత్వ జూనియర్‌ కళాశాల మైదానంలో ఒలింపిక్స్‌ జెండాను ప్రభుత్వవిప్‌ ఆది శ్రీనివాస్‌, ఎస్పీ మహేశ్‌ బీ గీతే ఆవిష్కరించి టార్చ్‌ ర్యాలీ నిర్వహించారు. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు హాజరయ్యారు. యువత మైదానాల్లో ఉండాలి యువత మైదానాల్లో ఉండాలని, మత్తులో కాదనీ, గ్రామీణ క్రీడాకారులను ప్రోత్సహించడమే ప్రభు త్వ లక్ష్యమని విప్‌ ఆది శ్రీనివాస్‌ అన్నారు. రాష్ట్రస్థాయి కబడ్డీ పోటీలు ప్రారంభించిన అనంతరం మాట్లాడారు. క్రీడాకారులకు వసతి, భోజన సదుపాయాలు కల్పించినట్లు పేర్కొన్నారు. సీఎం రేవంత్‌ రెడ్డి నేతృత్వంలోని ప్రజాప్రభుత్వం యువతను క్రీడల వైపు ప్రోత్సహించేందుకు ప్రత్యేక చర్యలు చేపడుతోందన్నారు. వేములవాడ ప్రాంతానికి కబడ్డీ, వాలీబాల్‌, ఖోఖో వంటి గ్రామీణ క్రీడలతో ప్రత్యేక అనుబంధం ఉందన్నారు. తాను విద్యార్థి దశలో ఉన్నప్పటి నుంచే క్రీడలపై ఆసక్తి ఉందని, ఎమ్మెల్యేగా ఎన్నికై న తర్వాత స్థానిక క్రీడాకారులను ప్రోత్సహించాలనే ఉద్దేశంతో గతేడాది వేములవాడలో రాష్ట్రస్థాయి వాలీబాల్‌ పోటీలు నిర్వహించినట్లు గుర్తుచేశారు. అదే స్ఫూర్తితో ఈసారి కబడ్డీ పోటీలు నిర్వహిస్తున్నట్లు తెలిపారు. పోటీల నిర్వహణకు సహకరించిన జిల్లా కబడ్డీ అసోసియేషన్‌ ప్రతినిధులు, ప్రజాప్రతినిధులు, అధికారులకు అభినందనలు తెలిపారు. విద్యార్థుల సాంస్కృతిక ప్రదర్శనలు అలరించాయి. మున్సిపల్‌ చైర్మన్‌ పుల్కం రాజు, వైస్‌చైర్మన్‌ నరాల శేఖర్‌, కబడ్డీ అసోసియేషన్‌ రాష్ట్ర, జిల్లా స్థాయి ప్రతినిధులు తదితరులు పాల్గొన్నారు. ప్రారంభించిన ప్రభుత్వవిప్‌ ఆది శ్రీనివాస్‌

పెద్దపల్లి: మహిళా సంఘాలను స్వయం సమృద్ధి వైపు నడిపించేందుకు కాంగ్రెస్‌ ప్రభుత్వం ప్రత్యేక చర్యలు చేపడుతోంది. ఇందుకోసం పావలా వడ్డీ రుణాలు మంజూరు చేయడానికే పరిమితం కాకుండా మహిళా సంఘాలు సొంతంగా ఆదాయ వనరులు సమకూర్చుకునేలా వివిధ పరిశ్రమలు, వ్యాపార సంస్థల ఏర్పాటుకు ప్రోత్సాహం అందిస్తోంది. ఇందులో భాగంగా జిల్లాలోని సుల్తానాబాద్‌ మండలం భూపతిపూర్‌ గ్రామ శివారులో రాజీవ్‌ రహదారి పక్కన జిల్లా మహిళా సంఘాల ఆధ్వర్యంలో పెట్రోల్‌ బంక్‌ ఏర్పాటు చేశారు. ఈనెల మూడో తేదీన ప్రారంభించేందుకు జిల్లా అధికార యంత్రాంగం ఏర్పాట్లు సిద్ధం చేస్తోంది. రూ.1.15 కోట్ల పెట్టుబడి మహిళా సంఘాల భాగస్వామ్యంతో ఏర్పాటు చేస్తున్న పెట్రోల్‌ బంక్‌కు సుమారు రూ.1.15 కోట్ల పెట్టుబడి పెట్టారు. బంక్‌ ఏర్పాటుకు కలెక్టర్‌ కోయ హర్ష ఆధ్వర్యంలో 8 గుంటల ప్రభుత్వ భూమి కేటాయించారు. నిర్మాణం ఇప్పటికే పూర్తయ్యింది. బంక్‌ కార్యకలాపాలు ప్రారంభమైతే మహిళా సంఘాలకు నిరంతర ఆదాయం సమకూరుతుంది. అంతేకాదు.. సంఘ సభ్యులకు ఉపాధి అవకాశాలు కూడా మరిన్ని పెరుగుతాయని భావిస్తున్నారు. ఆర్టీసీ బస్సుల నుంచి పెట్రోల్‌ బంక్‌ వరకు.. మహిళా సంఘాలను ఆర్థికంగా బలోపేతం చేయాలనే లక్ష్యంతో కాంగ్రెస్‌ ప్రభుత్వం ఇప్పటికే ఆర్టీసీ బస్సులు, రైస్‌ మిల్లులు, మినీ పరిశ్రమల ఏర్పాటును ప్రోత్సహిస్తూ వస్తోంది. వీటి నిర్వహణ బాధ్యతలను మహిళా సంఘాలకే అప్పగించింది. అదేతరహాలో తాజాగా పెట్రోల్‌ బంక్‌ ఏర్పాటు చేయడం ద్వారా మహిళా సంఘాలకు స్వయం ఉపాధితోపాటు వ్యాపార నిర్వహణలోనూ అవకాశం కల్పిస్తోంది. రాజీవ్‌ రహదారి పక్కన బంక్‌ ఏర్పాటు చేయడం ద్వారా వాహనదారులకు సౌకర్యంగా ఉండటంతోపాటు సంఘాలకు ఆదాయ వనరుగా మారుతుందని అధికారులు చెబుతున్నా రు. తద్వారా జిల్లాలోని మహిళా సంఘాలు ఆర్థిక స్వావలంబన సాధిస్తాయని పేర్కొంటున్నారు. మహిళా సంఘాల మరో ముందడుగు భూపతిపూర్‌లో పెట్రోల్‌ బంక్‌ ఏర్పాటు నేడు ప్రారంభించేందుకు యంత్రాంగం చర్యలుఆదాయ మార్గాల విస్తరణకు నాంది ఇప్పటివరకు పొదుపు, రుణ కార్యకలాపాలకే పరిమితమైన మహిళా సంఘాలు.. తాజాగా వ్యాపార, పారిశ్రామిక రంగాల్లోకి అడుగుపెడుతున్నాయి. పెట్రోల్‌ బంక్‌ వంటి వాణిజ్య సంస్థల నిర్వహణ ద్వారా మహిళా సంఘాల ఆర్థిక స్వావలంబనకు బాటలు పడుతున్నాయి.విజయవంతం చేయండి పెట్రోల్‌ బంక్‌ను ప్రారంభించేందుకు ప్రభుత్వ విప్‌ విజయరమణారావుతోపాటు మంత్రులు తుమ్మల నాగేశ్వర్‌రావు, సీతక్క, శ్రీధర్‌బాబు, లక్ష్మణ్‌కుమార్‌ తదితరులు హాజరవుతారని చైతన్య జ్యోతి మహిళా సమాఖ్య జిల్లా అధ్యక్షురాలు ఆలేటి జ్యోతి తెలిపారు. ఉదయం 11 గంటలకు జరిగే ఈ కార్యక్రమాన్ని విజయవంతం చేయాలని ఆమె కోరారు.

సాక్షిప్రతినిధి,కరీంనగర్‌: తెలంగాణ ఎక్స్‌ప్రెస్‌.. ఉమ్మడి జిల్లా నుంచి ఉదయాన్నే ఢిల్లీ ప్రయాణం చేసేందుకు ఏకై క ప్రయాణ సాధనం. ఉమ్మడి రాష్ట్రంలో ఏపీ ఎక్స్‌ప్రెస్‌గా ప్రస్థానం మొదలుపెట్టి.. తొమ్మిదేళ్ల క్రితం తెలంగాణ సూపర్‌ ఫాస్ట్‌ ఎక్స్‌ప్రెస్‌గా రూపాంతరం చెందిన ఈ రైలుకు అక్టోబరు 3తో 50 ఏళ్లు పూర్తయ్యాయి. 50 ఏళ్ల మజిలీలో తెలంగాణ ఎక్స్‌ప్రెస్‌ రూపం, నామంలో, హాల్టింగ్‌లో వచ్చిన మార్పులు, ప్రయాణ వివరాలు పరిశీలిస్తే.. 1976 అక్టోబర్‌ 3వ తేదీన ఆంధ్రప్రదేశ్‌ సూపర్‌ ఫాస్ట్‌ ఎక్స్‌ప్రెస్‌గా తన ప్రయాణాన్ని సికింద్రాబాద్‌ నుంచి న్యూఢిల్లీకి ప్రారంభించింది. తెలంగాణ (పూర్వ ఆంధ్ర ప్రదేశ్‌) సూపర్‌ ఫాస్ట్‌ ఎక్స్‌ప్రెస్‌ రైలును అప్పటి ఉమ్మడి ఆంధ్రప్రదేశ్‌ ముఖ్యమంత్రి జలగం వెంగళ్‌రావు, నాటి రైల్వే మంత్రి మధు దండవతే కలిసి సికింద్రాబాద్‌లో ప్రారంభించారు. అప్పటి వరకు హైదరాబాదు నుంచి దేశ రాజధాని ఢిల్లీకి దక్షిణ సూపర్‌ ఫాస్ట్‌ ఎక్స్‌ప్రెస్‌ రైలు మాత్రమే సేవలు అందించేది. ఆరంభంలో ఈ రైలు 123/124 సంఖ్యలతో పిలిచేవారు. తొలుత స్టీమ్‌ ఇంజిన్‌, ఆ తరువాత డీజిల్‌ ఇంజిన్‌, ప్రస్తుతం విద్యుత్తు ఇంజిన్‌ వరకు తన ప్రయాణంలో మూడుసార్లు తన స్వరూపాన్ని మార్చుకుంది. తొలుత ఐసీఎఫ్‌ బోగీలతో 2019 వరకు నడిచింది. జర్మన్‌ సాంకేతికతతో వచ్చిన ఎల్‌హెచ్‌బీ బోగీలతో 2019 నుంచి తన ప్రయాణాన్ని కొనసాగిస్తోంది. ఈ రైలు సంఖ్య 2011 వరకు 2723/24 ఉండేది, ఆ తరువాత 12723/24 గా మార్చారు. రైలు ప్రారంభించిన కొత్తలో కాజీపేట జంక్షన్‌లో మాత్రమే హాల్టింగ్‌ సదుపాయం ఉండేది. తరువాత సిర్పూర్‌ కాగజ్‌నగర్‌, రామగుండం, మంచిర్యాల, బెల్లంపల్లిలో హాల్టింగ్‌ కల్పించారు. 1960 వరకు దక్షిణాది మొత్తానికి ఢిల్లీ వెళ్లేందుకు గ్రాండ్‌ ట్రంక్‌(జీటీ) మాత్రమే దిక్కు. 1965లో దక్షిణ్‌ అందుబాటులోకి వచ్చింది. దశాబ్దకాలం తరువాత తెలంగాణ (ఆంధ్ర ప్రదేశ్‌) సూపర్‌ఫాస్ట్‌ ఎక్స్‌ ప్రెస్‌ రైలును ప్రవేశ పెట్టారు. ఈ రైలును ఉమ్మడి దక్షిణ మధ్య రైల్వే జోన్‌లో దక్షిణ మధ్య రైల్వే జోన్‌ రారాజుగా అభివర్ణించారు. ఎందుకంటే దాని సమయపాలన, శుభ్రత అన్ని పరిగణనలోకి తీసుకొని ఇలా ప్రశంసిస్తారు. రాష్ట్ర విభజన అనంతరం ఆంధ్రప్రదేశ్‌ రాష్ట్రానికి 2015లో విశాఖపట్నం– న్యూఢిల్లీ మధ్య 20805/06 ఏపీ సూపర్‌ ఫాస్ట్‌ ఎక్స్‌ప్రెస్‌ రైలు ప్రారంభించారు.2014లో ఉమ్మడి ఆంధ్రప్రదేశ్‌ రాష్ట్రం విడిపోయి తెలంగాణ ఏర్పడిన తరువాత ఈ రైలుకు ఆంధ్రప్రదేశ్‌ బదులుగా తెలంగాణ ఎక్స్‌ప్రెస్‌గా నామకరణం చేయాలనే డిమాండ్‌ వచ్చింది. 2015 నవంబర్‌ 15వ తేదీన ఈ రైలు పేరును ఆంధ్రప్రదేశ్‌ నుంచి తెలంగాణ సూపర్‌ ఫాస్ట్‌ ఎక్స్‌ప్రెస్‌గా మార్చారు. ఈ రైలు తెలంగాణ, మహారాష్ట్ర, మధ్యప్రదేశ్‌, ఉత్తర్‌ ప్రదేశ్‌, రాజస్థాన్‌ రాష్ట్రాల గుండా ఢిల్లీకి చేరుకుంటుంది. ఈ రైలుకు తెలంగాణలోని ముఖ్య జిల్లాకేంద్రాల్లో, జంక్షన్లలో హాల్టింగ్‌ సదుపాయం కల్పించాలని ఉత్తర తెలంగాణ రైల్వే ఫోరం ప్రతినిధులు పోరాటం చేస్తున్నారు. పెద్దపల్లి జంక్షన్‌లో హాల్టింగ్‌ కల్పిస్తే ఉమ్మడి కరీంనగర్‌ జిల్లాలోని వేములవాడ, సిరిసిల్ల, జగిత్యాల, కోరుట్లతో పాటు నిజామాబాద్‌, సిద్దిపేట జిల్లాల ప్రయాణికులకు ఢిల్లీ నుంచి రావడానికి, వెళ్లడానికి సౌకర్యంగా ఉంటుంది.

జ్యోతినగర్‌: రామగుండంలోని ఎన్టీపీసీ ప్రాజె క్టు ఎగ్జిక్యూటివ్‌ డైరెక్టర్‌ చందన్‌కుమార్‌ సామంత బుధవారం ఉద్యోగ విరమణ చేశారు. 1988లో ఇక్కడే ఎగ్జిక్యూటివ్‌ ట్రైనీగా ఉద్యోగ ప్రస్థానం ప్రారంభించిన ఆయన.. వివిధ ప్రా జెక్టుల్లోనూ ఉన్నత హోదాల్లో బాధ్యతలు నిర్వర్తిస్తూ ఈడీ స్థాయికి ఎదిగారు. ఈ సందర్భంగా పర్మినెంట్‌ టౌన్‌షిప్‌లోని పార్కులో చందన్‌కుమార్‌ సామంత, రాఖీ సామంత మొక్కలు నాటారు. కాకతీయ ఆడిటోరియంలో ఉద్యోగ విరమణ సన్మానంలో ఉన్నతాధికారులు, అధి కారులు, ఉద్యోగులు, సహచరులు ఆయన సే వలను గుర్తుచేసుకున్నారు. కార్యక్రమంలో పలు యూనియన్ల ప్రతినిధులు పాల్గొన్నారు. రామగుండం హెడ్‌గా ఫైజ్‌ తయాబ్‌ రామగుండంలోని ఎన్టీపీసీ ప్రాజెక్టు హెడ్‌గా ఫైజ్‌ తయాబ్‌ను నియమిస్తూ కార్పొరేట్‌ సెంటర్‌ హెచ్‌ఆర్‌ ఎగ్జిక్యూటివ్‌ డైరెక్టర్‌ సి.కుమార్‌ ఉత్తర్వులు జారీచేశారు. ఫైజ్‌ తయాబ్‌ ధర్పల్లి ఎన్టీపీసీలో విధులు నిర్వర్తిస్తున్నారు.

గోదావరిఖని: అంకితభావంతో, సమర్థవంతంగా పనిచేసే పోలీసులకు మంచి గుర్తింపు లభిస్తుందని రామగుండం పోలీస్‌ కమిషనర్‌ అంబర్‌ కిశోర్‌ఝా అన్నారు. గోదావరిఖని వన్‌టౌ న్‌ పోలీస్‌స్టేషన్‌ హెడ్‌కానిస్టేబుల్‌ బొజ్జ సురేందర్‌ బుధవారం ఉద్యోగ విరమణ చేశారు. ఈ సందర్భంగా కమిషనరేట్‌లో సత్కరించి జ్ఞాపిక అందజేశారు. సీపీ మాట్లాడుతూ, శాంతిభద్రతల పరిరక్షణ కోసం అనేక ఏళ్లపాటు అంకితభావంతో విధులు నిర్వహించిన హెడ్‌కానిస్టేబుల్‌ సురేందర్‌ సేవలను ప్రశంసనీయమన్నా రు. ఏవో శ్రీనివాస్‌, స్పెషల్‌ బ్రాంచ్‌ సీఐలు శ్రీ నివాస్‌, భీమేశ్‌, ఆర్‌ఐ మల్లేశం, సీసీ సందీప్‌, పోలీస్‌ అధికారుల సంఘం అధ్యక్షుడు నవీన్‌, ఉపాధ్యక్షుడు తిరుపతి, సభ్యులు కపిల్‌, సురేందర్‌ కుటుంబ సభ్యులు పాల్గొన్నారు. నిషేధాజ్ఞలు కొనసాగింపు కమిషరేట్‌లోని మంచిర్యాల, పెద్దపల్లి జోన్‌లలోని బహిరంగ ప్రదేశాల్లో మద్యపానంపై నిషేధాజ్ఞలను కొనసాగిస్తున్నట్లు సీపీ అంబర్‌ కిశోర్‌ ఝా తెలిపారు. డీజే, డ్రోన్ల వినియోగంపైనా ఆంక్షలు ఉన్నాయని, ఇవి ఈనెలాఖరువరకు ఇవి అమలులో ఉంటాయన్నారు. పుష్కరాలకు నిరంతర విద్యుత్‌ మంథని: వచ్చే ఏడాది జరిగే గోదావరి పుష్కరాల సందర్భంగా విద్యుత్‌ సరఫరాకు అంతరాయం కలుగకుండా ముందస్తు చర్యలు చేపట్టాలని ట్రాన్స్‌కో సీఎండీ కర్నాటి వరుణ్‌రెడ్డి ఆదేశించారు. స్థానిక గోదావరి పుష్కరఘాట్‌ లో విద్యుత్‌ శాఖ చేపట్టాల్సిన ఏర్పాట్లను బుధవారం ఆయన పరిశీలించారు. విద్యుత్‌ భద్రతకు అత్యంత ప్రాధాన్యం ఇస్తూ, ఘాట్‌ పరిసరాల్లో సరఫరా వ్యవస్థను పటిష్టం చేయాలని ఆయన సూచించారు. అనంతరం దుబ్బపల్లిలో ఇటీవల చార్జ్‌ చేసిన ఎస్‌హెచ్‌జీ సోలార్‌ ప్లాంట్‌ను సీఎండీ పరిశీలించారు. పునరుత్పాదక ఇంధన వనరుల వినియోగాన్ని పెంచాలని సూచించారు. ఎస్‌ఈ గంగాధర్‌, డీఈఈ ప్రభాకర్‌ తదితరులు పాల్గొన్నారు. బొడ్డెమ్మ వేడుకలు ప్రారంభంమంథని: ఎంగిలి పూల బతుకమ్మ సంబురాలకు ముందు జరుపుకునే బొడ్డెమ్మ వేడుకలు బుధవారం వైభవంగా ప్రారంభించారు. మంత్రపురిగా పిలువబడే మంథని పట్టణంలో శాస్త్రోక్తంగా వేడుకలను నిర్వహిస్తారు. ఆయా వీధుల్లో చిన్నారులు మట్టితో బొడ్డెమ్మను అందంగా తయారు చేసి, వివిధ రంగుల పూలతో పేర్చి ఆటా పాటలతో కొలిచారు.

సీఎం బహిరంగ సభకు పోలీసులు పటిష్ట భద్రత ఏర్పాట్లు చేశారు. కాలేజీ మైదానం నుంచి బహిరంగ సభ వేదిక వరకు ముందుస్తుగా రోడ్డు వైపు ఉన్న దుకాణదారులకు నోటీసులు జారీ చేసి బంద్‌ చేయించారు. కాలేజీ మైదానం చుట్టూరా ఉన్న ఇళ్లలో ముందుస్తు తనిఖీలు చేసి సాయుధ పోలీసు రక్షణ కల్పించారు. సీఎం పాదయాత్ర సందర్భంగా రోప్‌పార్టీ ఏర్పాటు చేశారు. ఎస్పీ మహేశ్‌ బీ గీతే రెండు రో జులుగా జ్వరంతో బాధపడుతున్నా జ్వరంతోనూ బందోబస్తు విధులు నిర్వహించారు. సీఎం పర్యటనకు 1600 మంది పోలీసులతో రక్షణ ఏర్పాట్లు చేశారు. మల్టీజోన్‌ ఐజీపీ చంద్రశేఖర్‌రెడ్డి, ఓఎస్డీ కమలాసన్‌రెడ్డి, సీఎం భద్రత విభాగం ఎస్పీ చక్రవర్తి, కామారెడ్డి ఎస్పీ రాజేశ్‌చంద్ర భద్రత విధుల్లో పాల్గొన్నారు.

ఒకప్పుడు ఇంటి వెనుక, పొలాల్లోని గడ్డివామును లక్ష్యంగా చేసుకుని బాణాలు సంధించింది. ఇప్పుడు అంతర్జాతీయ వేదికపై భారత జెండాను రెపరెపలాడించింది. ఆమే చికిత. పెద్దపల్లి జిల్లా సుల్తాన్‌పూర్‌లో ఆమె ప్రస్తానం ప్రారంభించినప్పుడు సౌకర్యాలు లేవు. ప్రత్యేక శిక్షణా కేంద్రం లేదు. ఖరీదైన పరికరాలు కొనుగోలు చేయలేదు. కూతురి కలను నెరవేర్చేందుకు తండ్రి తన శక్తిమేరకు అండగా నిలిచాడు. ఆ నమ్మకానికి చికిత తన బాణాలతో సమాధానం చెబుతూ వచ్చింది. కెనడాలో ప్రపంచ చాంపియన్‌షిప్‌ స్వర్ణాన్ని దాటి ఇప్పుడు ఆసియా క్రీడల స్వర్ణ శిఖరాన్ని చేరింది. – వివరాలు 8లో..

జిల్లాలో ముఖ్యమంత్రి మొదటి అడుగు పడిందని, రెండో అడుగు సిద్దిపేటలో, మూడో అడుగు గజ్వేల్‌లో పడుతుందని ప్రభుత్వ విప్‌ ఆది శ్రీనివాస్‌ అన్నారు. జిల్లా పరిధిలో రూ.వెయ్యి కోట్లతో అభివృద్ధి పనులు జరుగుతున్నాయని తెలిపారు. వెయ్యి రోజుల్లో రోజుకు రూ.కోటి చొప్పున నిధులు మంజూరు చేశారన్నారు. మల్కపేట రిజర్వాయర్‌ కాలువ భూసేకరణ పనులకు, వేములవాడ ఆలయానికి గత పాలకులు ఏడాదికి రూ.100 కోట్లు ఇస్తామని చెప్పారని, నేటి ప్రభుత్వం రూ.250 కోట్లతో ఆలయాన్ని అభివృద్ధి చేస్తుందన్నారు. గతేడాది 6.90 కోట్ల మీటర్ల చీరల ఉత్పత్తికి ఆర్డర్‌ ఇచ్చి నేతన్నలకు చేతినిండా పని కల్పించామన్నారు. ముంపు నిర్వాసితులకు పెండింగ్‌లో ఉన్న రూ.35కోట్లను సీఎం విడుదల చేశారని తెలిపారు. 4,600 కుటుంబాలకు పైగా రూ.5 లక్షల చొప్పున ప్రభుత్వం మంజూరు చేసిందని, మరో 6వేల కుటుంబాల వరకు వేచి చూస్తున్నారని, వారికి కూడా త్వరలోనే నిధులు మంజూరు చేస్తారన్నారు. సిరిసిల్ల నియోజకవర్గానికి యంగ్‌ ఇండియా ఇంటిగ్రేటెడ్‌ స్కూల్‌ నిర్మాణానికి నిధులు మంజూరు చేసినందుకు, కాళేశ్వరం ప్రాజెక్టు ప్యాకేజీలు 9, 10, 11, 12 కాలువల నిర్మాణానికి భూసేకరణ నిధులు మంజూరు చేసినందుకు సీఎంకు కృతజ్ఞతలు తెలిపారు.

పదేళ్ల బీఆర్‌ఎస్‌ పాలనలో ప్రజలకు ఇచ్చిన హామీలను అమలు చేయలేదని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు విమర్శించారు. ఎన్నికల సమయంలో తాము ఇచ్చిన అన్ని గ్యారెంటీలను ముఖ్యమంత్రి రేవంత్‌రెడ్డి నాయకత్వంలో ఒక్కొక్కటిగా అమలు చేస్తున్నామని తెలిపారు. నేరెళ్ల ఘటన సమయంలో లోక్‌సభ మాజీ స్పీకర్‌ మీరాకుమారిని తీసుకొచ్చి న్యాయం చేయాలని పోరాటం చేశామని గుర్తు చేశారు. తమ ప్రభుత్వం అధికారంలోకి వచ్చిన వెంటనే నేరెళ్ల బాధితులకు న్యాయం చేసేందుకు చర్యలు తీసుకున్నామని తెలిపారు. వేములవాడ రాజరాజేశ్వరస్వామి ఆలయ అభివృద్ధి పనులకు శ్రీకారం చుట్టామని వివరించారు.

ధర్మారం: కాంగ్రెస్‌ ప్రభుత్వం గొల్ల, కురుమలకు అన్నివిధాలా సహకరిస్తుందని సంక్షేమశాఖ మంత్రి అడ్లూరి లక్ష్మణ్‌కుమార్‌ భరోసా ఇచ్చారు. మేకలు, గొర్రెలకు ప్రభుత్వం బీమా సౌకర్యం కల్పించడంతో గొర్రెకాపరుల సంక్షేమ సంఘం అధ్యక్షుడు జంగ మహేందర్‌ ఆధ్వర్యంలో బుధవారం సీఎం రేవంతర్‌రెడ్డి చిత్రపటానికి మండల కేంద్రంలో పాలాభి షేకం చేశారు. మంత్రి హాజరై మాట్లాడారు. ప్రమాదవశాత్తు గొర్రెలు, మేకలు చనిపోయిన ఘటనను సీఎం దృష్టికి తీసుకెళ్లామని, స్పందించిన సీఎం.. బీమా పథకం అమలుకు శ్రీకారం చుట్టారని మంత్రి తెలిపారు. ఈ కార్యక్రమంలో గొర్రెల కాపరుల సంక్షేమ సంఘం అధ్యక్షుడు జంగ మహేందర్‌యాదవ్‌, యాదవ సంఘం మండల అధ్యక్షుడు దాగేటి ఉదయ్‌ యాదవ్‌, జిల్లా ప్రధానకార్యదర్శి వేల్పుల నాగరాజు, కాంగ్రెస్‌ మండల అధ్యక్షుడు రూప్లానాయక్‌, సర్పంచుల ఫోరం అధ్యక్షుడు సంగ రంజిత్‌యాదవ్‌ తదితరులు పాల్గొన్నారు.

● సాయంత్రం 5.00 గంటలకు సీఎం హెలీకాప్టర్‌ సిరిసిల్లకు చేరింది. ● 5.10 గంటలకు హెలీకాప్టర్‌ ల్యాండ్‌ అయింది. పీసీసీ అధ్యక్షుడు మహేశ్‌కుమార్‌గౌడ్‌, మంత్రులు శ్రీధర్‌బా బు, పొన్నం ప్రభాకర్‌, అడ్లూరి లక్ష్మ ణ్‌ కుమార్‌ సీఎం వెంట వచ్చారు. ● 5.15 గంటలకు హెలీప్యాడ్‌ వద్ద ప్రభుత్వ విప్‌ ఆది శ్రీనివాస్‌, కాంగ్రెస్‌ నాయకులు, కలెక్టర్‌ గరీమా అగ్రవాల్‌, అదనపు కలెక్టర్‌ గడ్డం నగేశ్‌ ముఖ్యమంత్రి, మంత్రులకు స్వాగతం పలికారు. ● 5.28 గంటలకు అంబేడ్కర్‌ సర్కిల్‌కు సీఎం చేరుకున్నారు. ● 5.30 గంటలకు భారీ జనంతో పాదయాత్రగా నేతన్నచౌక్‌, చంద్రంపేట క్రాస్‌రోడ్డు మీదుగా.. సభా స్థలివరకు కాలినడకన సీఎం వచ్చారు. ● 6.02 గంటలకు సబా స్థలికి చేరుకున్నారు. ● 6.15 గంటలకు జిల్లాలోని పలు అభివృద్ధి పనులకు శంకుస్థాపనలు, ప్రారంభోత్సవాలు చేశారు. ● 6.20 గంటలకు వేదికపైకొచ్చి జనానికి అభివాదం చేశారు. ● 6.25 గంటలకు తెలంగాణ రాష్ట్ర గీతంతో సభను ప్రారంభించారు. ● 6.55 గంటల వరకు మంత్రులు ప్రసంగించారు. ● 6.55 గంటలకు సీఎం రేవంత్‌రెడ్డి ప్రసంగం ప్రారంభించారు. ● 7.45 గంటల వరకు సీఎం ప్రసంగించారు. ● 8.00 గంటలకు రోడ్డు మార్గంలో సీఎం హైదరాబాద్‌ వెళ్లారు. ● అంతకుముందు నల్గొండ గద్దర్‌ (నర్సిరెడ్డి) పాటలు, తెలంగాణ సాంస్కృతిక సారధి కళాకారుల ఆటా, పాటలు అలరించాయి.

సిరిసిల్ల: సీఎం రేవంత్‌రెడ్డి బహిరంగ సభ.. పాదయాత్ర కాంగ్రెస్‌ పార్టీ శ్రేణుల్లో జోష్‌ నింపింది. సిరిసిల్ల వీధుల్లో 30 నిమిషాలపాటు మూడు కిలోమీటర్లు సీఎం రేవంత్‌రెడ్డి బుధవారం పాదయాత్ర చేస్తూ.. దారి వెంట ఉన్న యువకులను, మహిళలను, నేతన్నలకు అభివాదం చేస్తూ.. నవ్వుతూ.. ఉత్సాహం నింపారు. సీఎం పాదయాత్ర చేయడం పార్టీలో నూతనోత్సాహాన్ని నింపింది. బాణాసాంచాల పేలుళ్లు.. పార్టీ పాటలు, కళాకారుల ఆటలతో పాదయాత్ర సాగింది. సీఎం ప్రసంగంలోనూ సిరిసిల్లలో మూడురంగుల జెండా ఎగురాలని, మంత్రి చాన్స్‌ వస్తుందని స్పష్టం చేశారు. మరోవైపు పద్మశాలీ బిడ్డను ఎమ్మెల్సీని చే స్తామని ప్రకటించారు. ఎవరా అభ్యర్థి.. అనే చర్చ మొదలైంది. 5 గంటల వరకు సభా ప్రాంగణం భారీ జనంతో నిండిపోయింది. వాహనాల పార్కింగ్‌కు ఇబ్బందులు లేకుండా ఏర్పాట్లు చేశారు. శంకుస్థాపన.. ప్రారంభోత్సవాలు సిరిసిల్ల, వేములవాడల్లో యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూళ్ల నిర్మాణాలకు రూ.200 కోట్ల చొప్పున కేటాయించి, శంకుస్థాపన చేశారు. రాజన్న ఆలయ అభివృద్ధికి రూ.99.40 కోట్లతో చేపట్టిన పనులకు శంకుస్థాపన చేశారు. సిరిసిల్ల, వేములవాడ ఆర్డీవో ఆఫీస్‌లకు, తంగళ్లపల్లి, వీర్నపల్లి, వేములవాడ రూరల్‌, రుద్రంగి తహసీల్దార్‌ ఆఫీ స్‌లకు, వేములవాడ సబ్‌ రిజిస్ట్రేషన్‌ ఆఫీస్‌కు, రుద్రంగిలో 10వేల మెట్రిక్‌ టన్నుల సామర్థ్యంతో నిర్మించే గోదాముకు శంకుస్థాపన చేశారు. రూ.5 కోట్లతో నిర్మించిన జిల్లా మహిళా సమాఖ్య భవవాన్ని ప్రారంభించారు. డీసీసీ అధ్యక్షుడు సంగీతం శ్రీనివాస్‌, గ్రంథాలయ చైర్మన్‌ నాగుల సత్యనారా యణగౌడ్‌, పట్టణ అధ్యక్షుడు సూర దేవరాజు తదితరులు పాల్గొన్నారు. నేరెళ్ల బాధితులకు ఆర్థిక సాయం నేరెళ్ల బాధితులకు కొందరికి రూ.10 లక్షల చొప్పున, రూ.5 లక్షల చొప్పున మరికొందరికి ఆర్థిక సహాయం చెక్కులు పంపిణీ చేశారు.

రామగుండం: బతుక మ్మ, దసరా, దీపావళి, చాత్‌ పండుగల నేపథ్యంలో ప్రయాణికుల రద్దీకి అనుగుణంగా ఈనెల 4 నుంచి దక్షిణ మధ్య రైల్వే ప్రత్యేక రైళ్లు నడిపించనుంది. ఇందులో చర్లపల్లి–దానాపూర్‌(07049/50), చర్లపల్లి–ఎస్‌ఎంవీటీ బెంగళూరు(07065/66), చర్లపల్లి–సాసారం(07041/42), చర్లపల్లి–నిజాముద్దీన్‌(07021/22), చర్లపల్లి–ఢిల్లీ(07023/24) ఉన్నాయి. కా జీపేట, పెద్దపల్లి, రామగుండం, మంచిర్యాల, బెల్లంపల్లి, కాగజ్‌నగర్‌, బల్హర్షా, ఇటార్సీ, జబల్‌పూర్‌, కత్నీ, మైహర్‌, సత్నా, ప్రయాగ్‌రాజ్‌ చియోకీ, పీడీడీ ఉపాధ్యాయ, బక్సర్‌, ఎరా రైల్వేస్టేషన్లలో వీటికి హాల్టింగ్‌ సౌకర్యం కల్పించారు. అదేవిధంగా చర్లపల్లి–గోరఖ్‌పూర్‌(22075)వీక్లి అమృత్‌ భారత్‌ రైలుకు పెద్దపల్లి జంక్షన్‌లో హాల్టింగ్‌ సౌకర్యం కల్పించారు. ఇది ప్రతీ శుక్రవారం అర్ధరాత్రి 12.30(శనివారం వేకువాజమున)గంటలకు, గోరఖ్‌పూర్‌–చర్లపల్లి(22076) ప్రతీ సోమవారం మధ్యాహ్నం 12గంటలకు పెద్దపల్లి జంక్షన్‌కు చేరుకుంటాయి.

● కేసీఆర్‌, కేటీఆర్‌పై వ్యక్తిగత విమర్శలే.. ● కొడంగల్‌ను సిరిసిల్లలా అభివృద్ధి చేయండి ● బీఆర్‌ఎస్‌ ఉమ్మడి జిల్లా నేతలుసిరిసిల్లటౌన్‌: ముఖ్యమంత్రి రేవంత్‌రెడ్డి సభ అట్టర్‌ఫ్లాప్‌ షోగా ఉమ్మడి జిల్లా బీఆర్‌ఎస్‌ అధినాయకులు అభివర్ణించారు. సిరిసిల్ల తెలంగాణ భవన్‌లో గురువారం మీడియా సమావేశంలో మాట్లాడారు. కేసీఆర్‌ హయాంలో తెచ్చిన ప్రాజెక్టులకే రిబ్బన్లు కట్‌ చేశారని, సభలో కేసీఆర్‌, కేటీఆర్‌పై చేసిన వ్యక్తిగత విమర్శలు, ఆరోపణలను బీఆర్‌ఎస్‌ నేతలు ఖండించారు. సీఎంకు ఏమాత్రం చిత్తశుద్ధి ఉన్నా సిరిసిల్ల స్ఫూర్తితో కొడంగల్‌ను అభివృద్ధి చేసి చూపాలని సవాల్‌ విసిరారు. సీఎం వస్తున్నారని అభివృద్ధి, సంక్షేమంపై కొత్త పథకాలు, నిధులు ప్రకటిస్తారని ప్రజలు ఆశిస్తే.. వ్యక్తిగత విమర్శలు, విధ్వంసకర రాజకీయాలు తప్ప కొత్తగా చెప్పడానికి ఏమీ లేకపోయిందని ఎద్దేవా చేశారు. కేసీఆర్‌ హయాంలో కరీంనగర్‌లో కేబుల్‌ బ్రిడ్జి, రివర్‌ఫ్రంట్‌ వంటి ప్రాజెక్టులు వచ్చాయని మాజీ మంత్రి, కరీంనగర్‌ ఎమ్మెల్యే గంగుల కమలాకర్‌ గుర్తుచేశారు. కలెక్టరేట్‌కు కేసీఆర్‌ ప్రభుత్వం నిధులు కేటాయించిందని, తానే భూమిపూజ చేశానని తెలిపారు. కాంగ్రెస్‌ ప్రభుత్వం మూడేళ్లలో కరీంనగర్‌కు కొత్తగా ఇచ్చిన పెద్ద ప్రాజెక్టు ఏమిటో సీఎం చెప్పాలని డిమాండ్‌ చేశారు. ఏళ్లుగా పెండింగ్‌లో ఉన్న రైల్వే బ్రిడ్జి పనులపై ఎంపీ బండి సంజయ్‌ సమక్షంలో సీఎం సమాధానం చెప్పాలన్నారు. ● బీఆర్‌ఎస్‌ ప్రధాన కార్యదర్శి, మాజీ మంత్రి జీవన్‌రెడ్డి మాట్లాడుతూ.. సిరిసిల్ల సభకు 10, 15 జిల్లాల నుంచి జనాన్ని తీసుకొచ్చారని స్థానికులు ఎవరూ లేరన్నారు. సిరిసిల్లను కేటీఆర్‌ అభివృద్ధికి నమూనాగా తీర్చిదిద్దారని అందుకే ప్రజలు అండగా నిలుస్తున్నారన్నారు. నేత కార్మికుల కోసం తీసుకొచ్చిన వర్కర్‌ టు ఓనర్‌ పథకం ఎందుకు నిలిచిపోయిందో ప్రభుత్వం సమాధానం చెప్పాలని డిమాండ్‌ చేశారు. ● మాజీ ఎంపీ బోయినపల్లి వినోద్‌కుమార్‌ మాట్లాడుతూ.. బీఆర్‌ఎస్‌ ప్రభుత్వం, ప్రజాప్రతినిధులు చేపట్టిన ప్రాజెక్టులను కూడా కాంగ్రెస్‌ ఖాతాలో వేసుకునే ప్రయత్నం హాస్యాస్పదమన్నారు. 8వేల ఎకరాల భూముల వ్యవహారంపై సమాచారహక్కు చట్టం ద్వారా వివరాలు కోరామని తెలిపారు. ముఖ్యమంత్రి చేసిన ఆరోపణలకు ఆధారాలు ఉంటే బయటపెట్టాలని, ప్రజలకు వాస్తవాలు వివరించాలని డిమాండ్‌ చేశారు. ● మాజీ ఎమ్మెల్యే రసమయి బాలకిషన్‌ మాట్లాడుతూ.. రేవంత్‌రెడ్డి సభకు వచ్చిన జనం అభివృద్ధి కోరుకున్నారని, వ్యక్తిగత దూషణలు, రాజకీయాలను కోరుకోవడం లేదన్నారు. రాజన్న సిరిసిల్ల జిల్లాను ఏర్పాటు చేసింది కేసీఆర్‌ ప్రభుత్వమేనని, ఇక్కడి ప్రజల మనోభావాలను గౌరవించకుండా కేసీఆర్‌, కేటీఆర్‌పై విమర్శలు చేయడం సరికాదన్నారు. ● హుజూరాబాద్‌ ఎమ్మెల్యే పాడి కౌశిక్‌రెడ్డి మాట్లాడుతూ.. కేసీఆర్‌ ప్రభుత్వం నిర్మించిన కట్టడాలకు రిబ్బన్లు కట్‌చేసే ప్రభుత్వంగా కాంగ్రెస్‌ పాలన మారిందని విమర్శించారు. కేసీఆర్‌ ఆనవాళ్లు లేకుండా చేస్తామన్న రేవంత్‌రెడ్డి, చివరికి కేసీఆర్‌ ప్రభుత్వం నిర్మించిన కలెక్టరేట్‌నే ప్రారంభించారన్నారు. హుజూరాబాద్‌ నియోజకవర్గానికి రెండో విడత దళితబంధు నిధులు విడుదల చేయాలని కోరారు. సమావేశంలో ఎమ్మెల్యే డాక్టర్‌ సంజయ్‌, మాజీ ఎమ్మెల్యేలు దాసరి మనోహర్‌రెడ్డి, రసమయి బాలకిషన్‌, సుంకె రవిశంకర్‌, పుట్ట మధు, మాజీ ఎమ్మెల్సీ నారదాసు లక్ష్మణ్‌రావు, బీఆర్‌ఎస్‌ జిల్లా అధ్యక్షుడు తోట ఆగయ్య, సిరిసిల్ల మున్సిపల్‌ చైర్‌పర్సన్‌ జిందం కళాచక్రపాణి, జెడ్పీ మాజీ చైర్‌పర్సన్‌లు తుల ఉమ, న్యాలకొండ అరుణ రాఘవరెడ్డి, ద్యావ వసంత, సివిల్‌ సప్లయ్‌ కార్పొరేషన్‌ మాజీ చైర్మన్‌ రవీందర్‌సింగ్‌ పాల్గొన్నారు.

సాక్షి పెద్దపల్లి/ఫెర్టిలైజర్‌సిటీ: రామగుండం ఫెర్టిలైజర్స్‌, కెమికల్స్‌ లిమిటెడ్‌(ఆర్‌ఎఫ్‌సీఎల్‌) ప్లాంట్‌ లీకేజీలు, సాంకేతిక వైఫల్యాలు, మరమ్మతులతో తరచూ నిలిచిపోతోంది. ప్లాంట్‌ వాణిజ్య ఉత్పత్తి ప్రారంభించిన 2021 మార్చి 22 నుంచి ఇప్పటివరకు సుమారు 72సార్లు యూరియా ఉత్పత్తి నిలిచిపోయింది. రోజూ 3,850 మెట్రిక్‌ టన్నుల యూరియా, 2,200 మెట్రిక్‌ టన్నుల అమ్మోనియా ఉత్పత్తి చేసే సామర్థ్యం ఉన్న కర్మాగారంలో పదేపదే లీకేజీలు ఎందుకు వస్తున్నాయి?మరమ్మతు చేస్తున్నా సమస్య ఎందుకు పునరావృతమవుతోంది. యూరియా ఉత్పత్తి నష్టంతోపాటు మరమ్మతుల రూపంలో ప్లాంట్‌పై ఆర్థికభారం ఎంత పడుతోంది? అనేది ఇప్పుడు చర్చనీయాంశమైంది. ● మరమ్మతులకే అదనపు వ్యయం ప్లాంట్‌లో తరచూ చేపట్టే మరమ్మతు కోసం ఎంతమొత్తం వెచ్చిస్తున్నారని పరస్తుతం చర్చ మొదలైంది. యంత్రపరికరాల మరమ్మతు, విడిభాగాల కొనుగోలు, సాంకేతిక నిర్వహణకు వెచ్చించే ఖర్చుతోపాటు ఉత్పత్తి నిలిచిపోవడంతో కలిగే నష్టాన్ని కూడా పరిగణనలోకి తీసుకోవాల్సి ఉంటుంది. ● 2025–26లో 114 రోజుల పాటు అంతరాయం 2025–26 ఆర్థిక సంవత్సరంలోనే కర్మాగారం ఐదుసార్లు నిలిచిపోయింది. 114 రోజుల పాటు యూరియా ఉత్పత్తికి అంతరాయం ఏర్పడింది. 12.70 లక్షల టన్నుల యూరియా ఉత్పత్తి లక్ష్యంగా పెట్టుకోగా.. సుమారు 8.57 లక్షల టన్నులే ఉత్పత్తి అయ్యింది. నిర్దేశిత లక్ష్యంలో దాదాపు 4.13 లక్షల టన్నుల ఉత్పత్తి తగ్గింది. ఈ ఆర్థిక సంవత్సరంలోనూ సమస్యలు పూర్తిగా తొలగిపోలేదని తెలుస్తోంది. తొలి ఐదునెలల్లో సుమారు 5.30 లక్షల టన్నుల యూరియా ఉత్పత్తికి దాదాపు 4.50 లక్షల టన్నులే ఉత్పత్తి అయినట్లు సమాచారం. ● సరఫరాపై ప్రభావం మనరాష్ట్రానికి యూరియా సరఫరా చేయడంలో ఆర్‌ఎఫ్‌సీఎల్‌ కీలకపాత్ర పోషిస్తోంది. కర్మాగారంలో ఉత్పత్తి చేసే యూరియాలో 50 శాతం తెలంగాణకు కేటాయిస్తారు. మిగిలిన మొత్తాన్ని ఇతర రాష్ట్రాలకు సరఫరా చేస్తున్నారు. ఉత్పత్తి నిలిచిపోతే మనతోపాటు పొరుగు రాష్ట్రాలపైనా ప్రభావం పడుతోంది. ఆర్‌ఎఫ్‌సీఎల్‌ ప్లాంట్‌ నాణ్యత లోపాలే కారణమా? ఆర్‌ఎఫ్‌సీఎల్‌లో తరచూ పైపులైన్లు ఎందుకు లీకవుతున్నాయనేది ప్రధాన ప్రశ్నగా మారింది. నిర్మాణ సమయంలో ఉపయోగించిన పై పుల నాణ్యత ఎలా ఉంది? వెల్డింగ్‌ పనులు నిర్దేశిత ప్రమాణాల ప్రకారం జరిగాయా? పై పుల మందం, లోహ నాణ్యత, పీడన పరీక్షలు సక్రమంగా నిర్వహించారా? పరికరాల అమరికలో నాణ్యతా ప్రమాణాలు పాటించారా? అ నే అంశాలపై సమగ్ర సాంకేతిక పరిశీలన అవసరమనే డిమాండ్లు వ్యక్తమవుతున్నాయి. కార్మిక సంఘాల ప్రతినిధులు, స్థానిక ప్రజాప్రతినిధులు నిర్మాణ దశలోనే నాణ్యతా ప్రమాణాలపై అనుమానాలు వ్యక్తం చేస్తున్నారు. శాశ్వత పరిష్కారం ఎప్పుడు? ఆర్‌ఎఫ్‌సీఎల్‌లో సమస్య తలెత్తిన ప్రతీసారి మరమ్మతు చేసి ఉత్పత్తిని పునరుద్ధరించడం కంటే.. లీకేజీలు, పరికరాల వైఫల్యాలకు మూలకారణాలను గుర్తించాలనే అభిప్రాయాలు వ్యక్తమవుతున్నాయి. ఇప్పటివరకు చోటుచేసుకున్న 72 అంతరాయాలకు కారణాలు, మరమ్మతుల వ్యయం, ఉత్పత్తినష్టం, పునరావృతమైన సమస్యలపై సమగ్ర ఆడిట్‌ నిర్వహిస్తే వాస్తవ పరిస్థితి స్పష్టమయ్యే అవకాశం ఉంది. ఇందుకోసం స్వతంత్ర సాంకేతిక దర్యాప్తు చేపట్టాలనే డిమాండ్లు బలపడుతున్నాయి. సీబీఐతో విచారణ జరపాలి పరికరాల కొనుగోలు, పైపుల నాణ్యత, ప్లాంట్‌ నిర్మాణంలో లోపాలతోనే తరచూ సాంకేతిక సమస్యలు తలెత్తుతున్నాయి. ఇందులోని అవకతవకలపై సీబీఐతో విచారణ జరిపించాలి. బాధ్యులపై చర్యలు తీసుకోవాలి. – నెలకంటి రాము, అధ్యక్షుడు, ఆర్‌ఎఫ్‌సీఎల్‌ అలైడ్‌ కాంట్రాక్ట్‌ కార్మిక సంఘం

పెద్దపల్లి: ఇన్నాళ్లూ ఇంటి పనులకే పరిమితమైన మహిళలు.. ఇప్పుడు పుస్తకాలు పట్టి అక్షరాలు దిద్దుతున్నారు. చదవడం, రాయడంతోపాటు బ్యాంకు లావాదేవీలు, డిజిటల్‌ చెల్లింపులు, ఫోన్‌ వినియోగంలోనూ స్వావలబన సాధించారు. మహిళల్లో అక్షరాస్యత, ఆత్మవిశ్వాసాన్ని పెంపొందించేందుకు చేపట్టిన శ్రీఅక్షర ఉల్లాస్‌శ్రీ కార్యక్రమం జిల్లాలో సత్ఫలితాలు ఇస్తోంది. అక్షరాస్యతతో సాధికారత మహిళలకు ప్రాథమికంగా చదువు, రాతతోపాటు దైనందిన జీవితంలో అవసరమైన ఆర్థిక, డిజిటల్‌ పరిజ్ఞానాన్ని అందుకుంటున్నారు. సంతకం చేయడం, బ్యాంకు ఫారాలు నింపడం, ఫోన్‌పే, గూగుల్‌పే వంటి డిజిటల్‌ చెల్లింపుల యాప్‌లను వినియోగించేలా అధికారులు శిక్షణ ఇస్తున్నారు. ఎస్‌హెచ్‌జీల భాగస్వామ్యం స్వయం సహాయక సంఘాల సభ్యులను భాగస్వాములను చేస్తూ అక్షరాస్యత తరగతులు నిర్వహిస్తున్నారు. పనులు ముగించుకున్న తర్వాత సాయంత్రం వేళల్లో స్థానిక పాఠశాలలు, సమాజ భవనాల్లో మహిళలు తరగతులకు హాజరవుతున్నారు. ప్రత్యేకంగా శిక్షణ పొందిన ట్యూటర్లు సులభ పద్ధతుల్లో అక్షరాలు నేర్పిస్తున్నారు. మా పేరు మేమే రాసుకుంటున్నాం ఇన్నాళ్లూ బ్యాంకులో డిపాజిట్‌ ఫారం నింపాలన్నా, బస్సు బోర్డు చదవాలన్నా ఇతరులపై ఆధారపడేవాళ్లమని మహిళలు చెప్పారు. ఇప్పుడు తమ పేరు తామే రాసుకోగలుగుతున్నామని పేర్కొన్నారు. అక్షరం నేర్చుకోవడం కొత్త ఉత్సాహం, నమ్మకాన్ని ఇచ్చిందని సంతోషం వ్యక్తం చేస్తున్నారు. ఇంటింటా అక్షర వెలుగులు ఒక మహిళ అక్షరాస్యురాలైతే ఆ ప్రభావం కుటుంబంపై పడుతుంది. పిల్లల చదువుపై శ్రద్ధ పెరగడంతోపాటు ఆర్థిక వ్యవహారాల్లోనూ మహిళలు స్వయంగా నిర్ణయాలు తీసుకునే అవకాశం ఏర్పడుతుంది. ఇందుకోసం అక్షర ఉల్లాస్‌ కార్యక్రమం మహిళల జీవితాల్లో అక్షర వెలుగులు నింపుతూ సాధికారతకు బాటలు వేస్తోంది. అక్షరాస్యులను చేయడమే లక్ష్యం నిరక్షరాస్యులను అక్షరాస్యులుగా చేయడం లక్ష్యంగా మహిళా స్వశక్తి సంఘాలు పనిచేస్తున్నాయి. నిరక్షరాస్యులకు శిక్షణ ఇచ్చి అనంతరం పరీక్షలు రాయించడంతో మెజార్టీ మహిళా సంఘాల సభ్యులు ఉత్తీర్ణత సాధించారు. ప్రభుత్వ లక్ష్యాన్ని నెరవేర్చేలా ప్రణాళిక బద్ధంగా ముందుకు వెళ్తున్నాం. – రవీందర్‌, అదనపు డీఆర్డీవో

పెద్దపల్లి: వృద్ధుల సమస్యలకు ప్రాధాన్యం ఇ చ్చి పరిష్కరించేలా పోలీస్‌ అధికారులను ఆదేశిస్తామని డీసీపీ రాంరెడ్డి అన్నారు. కలెక్టరేట్‌ లో గురువారం నిర్వహించిన వృద్ధుల దినోత్సవంలో సీనియర్‌ సివిల్‌ జడ్జి శ్రీనిజ కోయిర్కర్‌తో కలిసి డీసీపీ మాట్లాడారు. సమస్యల పరిష్కారం కోసం పోలీస్‌స్టేషన్ల వచ్చే వారు ఇబ్బంది ఎదురైతే డయల్‌ 112కు లేదా తనకు ఫోన్‌చేసి సమాచారం అందిస్తే సత్వరమే స్పందించామన్నారు. సెర్ప్‌ డైరెక్టర్‌ కృష్ణమూర్తి, డీ ఆర్డీవో కాళిందిని, జిల్లా వైద్యాధికారి పవిత్ర, కలెక్టరేట్‌ ఏవో ప్రకాశ్‌, సంక్షేమ శాఖ ఏవో రాజన్న, అధికారులుఅదనపు డీఆర్డీవో రవీందర్‌, ఎస్సీ అభివృద్ధి అధికారి రవీందర్‌, రిటైర్డ్‌ డీపీవో వీరబుచ్చయ్య, రిటైర్డ్‌ బీసీ అభివృద్ధి అధికారి రంగారెడ్డి తదితరులు పాల్గొన్నారు. 4న అథ్లెటిక్స్‌ పోటీలు పెద్దపల్లి: సుల్తానాబాద్‌ ప్రభుత్వ జూనియర్‌ కాలేజీ మైదానంలో ఈనెల 4న బాలబాలికల అథ్లెటిక్స్‌ పోటీలు నిర్వహిస్తామని అసోసియేషన్‌ జిల్లా కార్యదర్శి గట్టయ్య తెలిపారు. ఇందులో ఎంపికై నవారు ఆసిఫాబాద్‌ కొమురం భీమ్‌ జిల్లాలో ఈనెల 11 నుంచి నిర్వహించనున్న రాష్ట్రస్థాయి పోటీలకు హాజరవుతారన్నారు. అదేవిధంగా హైదరాబాద్‌లో నవంబర్‌ 14 నుంచి 16వరకు నిర్వహించే జాతీయస్థాయి అథ్లెటిక్స్‌ పోటీలకూ ఇక్కడే క్రీడాకారులను ఎంపిక చేస్తారని పేర్కొన్నారు. ఆసక్తిగలవారు తాండ్ర ప్రణయ్‌: 96183 36976 నంబరులో సంప్రదించాలని ఆయన కోరారు. డిపోలో ఎన్నికల ప్రచారం గోదావరిఖనిటౌన్‌: కాంగ్రెస్‌ అనుబంధ టీడబ్ల్యూయూ స్థానిక ఆర్టీసీ డిపో ఎదుట ఎన్నికల ప్రచారం నిర్వహించింది. జనరల్‌ సెక్రటరీ అశ్వత్థామరెడ్డి మాట్లాడుతూ, తమ యూనియన్‌ అభ్యర్థులను గెలిపించాలన్నారు. ఈనెల 9న జరిగే ఎన్నికల్లో బాణం గుర్తుకు ఓటు వేయాలని కోరారు. నాయకులు ముస్తాక్‌ మహీనుద్దీన్‌ ఆధ్వర్యంలో జరిగిన ఈ కార్యక్రమంలో మాజీ ఎంపీ వేణుగోపాలాచారి, మాజీ ఎమ్మెల్సీ రాములు నాయక్‌, హైదరాబాద్‌ మాజీ మేయర్‌ బొంతు రామ్మోహన్‌, నాయకులు కదారి అంజిరెడ్డి, వైఎస్‌ రెడ్డి, ఎం.అంజయ్య, కార్మికులు పాల్గొన్నారు. సంఘటితంగా ఉండాలి రామగుండం: ఉపాధ్యాయులు సంఘటితంగా ఉంటేనే సమస్యలు పరిష్కారమవుతాయని డెమొక్రటిక్‌ టీచర్స్‌ ఫెడరేషన్‌ (డీటీఎఫ్‌) రాష్ట్ర కౌన్సిలర్‌ బయ్యపు సుదర్శన్‌రెడ్డి అన్నారు. పట్టణంలోని పలు ప్రభుత్వ స్కూళ్లలో గురువారం జరిగిన డీటీఎఫ్‌ సభ్యత్వ నమోదు సందర్భంగా మాట్లాడారు. ఉపాధ్యాయులపై పనిఒత్తిడి తగ్గించాలని, పెండింగ్‌ డీఏలు విడుదల చేసి పీఆర్సీని ప్రకటించాలని, బకాయిలను విడుదల చేయాలని, 2003 ఉపాధ్యాయులకు పాత పెన్షన్‌ విధానాన్ని వర్తింపజేయాలని డిమాండ్‌ చేశారు. ఈ కార్యక్రమంలో డీటీఎఫ్‌ జిల్లా ఉపాధ్యక్షుడు బి.కిరణ్‌కుమార్‌, మండల అధ్యక్షుడు ఉమామహేశ్వర్‌, ప్రధాన కార్యదర్శి రమేశ్‌ తదితరులు పాల్గొన్నారు.

పెద్దపల్లిరూరల్‌: దొంగతనం చేసేవారి అభిరుచులే వేరు.. కొందరు బంగారం కోసమైతే..ఇంకొందరు నగదు కోసం కక్కుర్తి పడి ఇళ్లకు కన్నాలు వేస్తారు. కానీ.. స్థానిక కమాన్‌రోడ్డులోని విషాల్‌ షాపింగ్‌మాల్‌లోకి గురువారం వచ్చిన కి ‘లేడీ’ కస్టమర్‌లా బిల్డప్‌ ఇస్తూ వచ్చి.. తనకు నచ్చిన డ్రెస్సులను ఎంపిక చేసుకుని ట్రయల్‌ కోసమని వెళ్లి లో దుస్తుల్లో దాచుకుని బయటకు వెళ్లేందుకు యత్నించింది. ఇంతలో నిర్వాహకులు అమర్చుకున్న అలారం మోగడంతో సోకులాడి పరుగు లంకించింది. అప్రమత్తమైన సిబ్బంది.. చోరీకి యత్నించిన యువతి వెనక పరుగుతీసింది. ఈ సన్నివేశాన్ని చూసిన స్థానికులు ఏం జరుగుతుందో తెలియక ఆందోళన పడ్డారు. చివరకు యువతిని పట్టుకున్నా.. ఉద్యోగిని చేతిపై చరిచింది. మళ్లీ తనను పట్టుకునేందుకు యత్నిస్తే రోడ్డుపై వచ్చే వాహనం కిందపడి మరణిస్తానని బెదిరించింది. సదరు ఉద్యోగిని తేరుకునే లోపే బైక్‌పై వచ్చిన యువకుడితో కలిసి యువతి పరారైంది. ఇదేం దొంగతనం రా బాబోయ్‌.. అని స్థానికులు ముక్కున వేలేసుకుంటున్నారు.

పెద్దపల్లి: పాఠశాలల్లో విద్యా ప్రమాణాల మెరుగుకు పకడ్బందీ చర్యలు తీసుకోవాలని కలెక్టర్‌ కోయ శ్రీహర్ష ఆదేశించారు. జిల్లాలో విద్యా ప్రమాణాల మెరుగు, పాఠశాలల పర్యవేక్షణపై కలెక్టరెట్‌లో గురువారం సమీక్షించారు. విద్యార్థుల్లో అభ్యాసన లోపాలను గుర్తించి, సరిదిద్దేందుకు ప్రత్యేక చర్యలు చేపట్టాలని సూచించారు. జిల్లా విద్యాశాఖ అధికారి శారద తదితరులు పాల్గొన్నారు. ప్లాంట్ల ఏర్పాటుకు ముందుకు రావాలి పెద్దపల్లిరూరల్‌: ఇళ్లు, ఖాళీ స్థలాల్లో పీఎం సూర్యఘర్‌ పథకం ద్వారా సోలార్‌ పవర్‌ ప్లాంట్లు ఏర్పాటు చేసుకునేందుకు జిల్లావాసులు ముందుకు రావాలని కలెక్టర్‌ కోయ శ్రీహర్ష కోరారు. సేవాసేతు అభియాన్‌ ద్వారా గురువారం నుంచి మూడు రోజులపాటు నిర్వహించే సదస్సును జిల్లా కేంద్రంలో ఆయన ప్రారంభించి మాట్లాడారు. సోలార్‌ ప్లాంట్‌ ఏర్పాటు చేసుకునేందుకు ముందుకొచ్చే వారు వెంటనే తమపేర్లను నమోదు చేసుకునేందుకు సదస్సులు దోహదపడతాయని తెలిపారు. ఎన్పీడీసీఎల్‌, రెడ్‌కో, బ్యాంకర్లు, సోలార్‌ వెండర్లు అంతా ఒకేచోట ఉండడంతో పేర్ల నమోదుతోపాటు ఏర్పాటు ప్రక్రియ వేగంగా పూర్తవుతుందని ఆయన అన్నారు. ఎస్‌ఈ గంగాధర్‌, డీఈఈ బాలయ్య, రాజబ్రహ్మచారి, మల్లేశం, లీడ్‌బ్యాంకు మేనేజర్‌ ప్రవీణ్‌ తదితరులు పాల్గొన్నారు. ఆకెనపల్లిలో కలెక్టర్‌ పర్యటన రామగుండం: అంతర్గాం మండలం ఆకెనపల్లిలో కొనసాగుతున్న భూసర్వే ప్రక్రియను కలెక్టర్‌ శ్రీహర్ష ఆకస్మికంగా తనిఖీ చేశారు. రైతులు, భూస్వాముల అపోహలు నివృత్తి చేశారు. కార్యక్రమంలో సర్పంచ్‌ గాదె స్రవంతి, తహసీల్దార్‌ ప్రసాదరావు, సర్వేయర్‌ లలిత, రెవెన్యూ పరిశీలకుడు రమేశ్‌, జీపీవో శ్రీనివాస్‌ పాల్గొన్నారు.

● రాష్ట్రస్థాయి పోటీల్లో వరుసగా 17వ సారి ఓవరాల్‌ చాంపియన్‌ ● రెండు దశాబ్దాలుగా తిరుగులేని ఆధిపత్యం కరీంనగర్‌స్పోర్ట్స్‌: రాష్ట్రస్థాయి యోగాసన క్రీడల్లో కరీంనగర్‌ జిల్లా మరోసారి తన ఆధిపత్యాన్ని చాటుకుంది. 13వ రాష్ట్రస్థాయి సబ్‌జూనియర్‌, జూనియర్‌ యోగాసన పోటీల్లో ప్రతిభ కనబరిచి ఓవరాల్‌ చాంపియన్‌షిప్‌ను సొంతం చేసుకొని వరుసగా 17వసారి చాంపియన్‌గా నిలిచింది. దాదాపు రెండు దశాబ్దాలుగా యోగా క్రీడల్లో తిరుగులేని శక్తిగా ఎదిగిన కరీంనగర్‌ రాష్ట్ర యోగా పటంలో తనకంటూ ప్రత్యేక ముద్ర వేసుకుంది. 2009 నుంచి విజయాల పరంపర కరీంనగర్‌ యోగా ప్రస్థానం ఒక్కరోజులో ఏర్పడింది కాదు.. సంవత్సరాల తరబడి సాగిన సాధన, క్రమశిక్షణ, శిక్షణ ఫలితంగా కరీంనగర్‌ జిల్లా రాష్ట్రంలో అగ్రస్థానానికి చేరుకుంది. 2007–08లో నిజామాబాద్‌లో జరిగిన పోటీల్లో ద్వితీయ స్థానంతో ప్రారంభమైన ప్రయాణం 2009–10లో హైదరాబాద్‌లో తొలిసారి ప్రథమ స్థానాన్ని సాధించడంతో కొత్త మలుపు తిరిగింది. ఆ తర్వాత పలు వేదికల్లో ప్రతిభను కొనసాగిస్తూ కరీంనగర్‌ వరుస విజయాలను నమోదు చేసింది. మధ్యలో 2012–13లో వర్ధన్నపేటలో జరిగిన పోటీల్లో తృతీయ స్థానానికి పరిమితమైనా, ఆ తర్వాత మరింత పట్టుదలతో పుంజుకుంది. 2013–14 నుంచి వరుసగా ప్రథమ స్థానాలను సాధిస్తూ తన ఆధిపత్యాన్ని చాటింది. తాజాగా 2026–27లోనూ చాంపియన్‌గా 17వసారి నిలిచింది. ఆతిథ్యమూ.. ఆధిపత్యమూ కరీంనగర్‌లో 1993లో జిల్లా యోగా అసోసియేషన్‌ ఏర్పాటైంది. 2004లో తొలిసారిగా రాష్ట్రస్థాయి యోగా పోటీలకు జిల్లా ఆతిథ్యమిచ్చింది. అనంతరం 2017–18, 2018–19, 2021–22, 2023–24 సంవత్సరాల్లోనూ రాష్ట్రస్థాయి పోటీలకు వేదికగా నిలిచింది. తాజాగా 2026–27లో మరోసారి రాష్ట్రస్థాయి పోటీలకు ఆతిథ్యమివ్వడంతో పాటు విజేతగా నిలవడం విశేషం. మొత్తంగా 17 సార్లు చాంపియన్‌గా, 2 సార్లు ద్వితీయ చాంపియన్‌గా, ఒకసారి తృతీయ చాంపియన్‌గా నిలిచింది. విజయ పరంపర కొనసాగిస్తాం కరీంనగర్‌ జిల్లా యోగాసన క్రీడల్లో వరుసగా 17వసారి ఓవరాల్‌ చాంపియన్‌గా నిలవడం గర్వకారణం. క్రీడాకారుల నిరంతర సాధన, కోచ్‌ల కృషి,, సంఘం ప్రణాళికాబద్ధమైన శిక్షణే ఈ విజయానికి ప్రధాన కారణం. రాష్ట్రస్థాయి విజయాలను జాతీయ, అంతర్జాతీయ స్థాయిలోనూ కొనసాగించేలా క్రీడాకారులను ప్రోత్సహిస్తాం. – నాగిరెడ్డి సిద్దారెడ్డి, యోగా సంఘం కరీంనగర్‌ జిల్లా అధ్యక్షుడు

రామగుండం: ఫీజురీయింబర్స్‌మెంట్‌ పథకం ద్వారా పేద విద్యార్థులకు ఇంజినీరింగ్‌ విద్యను ఉచితంగా అందుబాటులోకి తీసుకొచ్చిన ఘనత దివంగత సీఎం వైఎస్‌ రాజశేఖరరెడ్డికే దక్కిందని ఎమ్మెల్యే మక్కాన్‌సింగ్‌ రాజ్‌ఠాకూర్‌ అన్నారు. కులమతాలు, ఆర్థిక పరిస్థితులకు అతీతంగా ప్రతీపేద విద్యార్థి ఉన్నత శిఖరాలు చేరుకోవాలనేదే వైఎస్సార్‌ లక్ష్యమని, ఇందుకోసమే ఫీజు రీయింబర్స్‌మెంట్‌ పథకం ప్రవేశపెట్టి తొలిబీజం వేశారన్నారు. విద్యార్థులు ఖాళీ కడుపుతో ప్రభ్వుత పాఠశాలలకు రావొద్దనే ఉద్దేశంతో ప్రస్తుత కాంగ్రెస్‌ సర్కార్‌ రుచికరమైన అల్పాహారం అందించే లక్ష్యంతో హరేరామ.. హరేకృష్ణ సహకారంతో అల్పాహార పథకం ప్రారంభించిందన్నారు. స్థానిక జెడ్పీ హైస్కూల్‌లో గురువారం తొలుత విద్యార్థులతో కలిసి అల్పాహారం తిన్నారు. తర్వాత విద్యార్థులకు వడ్డించారు. సీఎం రేవంత్‌రెడ్డి ప్రభుత్వ పాఠశాలలను బలోపేతం చేస్తున్నారని, ఇందుకోసం విదేశీ విద్యావిధానంపై అధ్యయనం చేసేందుకు కొందరు ఉపాధ్యాయులను విదేశాలకు పంపించారని గుర్తుచేశారు. శ్రీప్రైవేట్‌ స్కూళ్లకు పంపకండి.. ప్రభుత్వ స్కూళ్లకు పంపండి.. మేధావులుగా తీర్చిదిద్దండిశ్రీ అని తల్లిదండ్రులకు ఎమ్మెల్యే సూచించారు. అల్పాహారం, మధ్యాహ్న భోజనం, స్నాక్స్‌, ఉచిత పాఠ్యపుస్తకాలు, యూనిఫామ్స్‌ కాంగ్రెస్‌ ప్రభుత్వం అందిస్తోందని అన్నారు. తాను ఇదేస్కూల్‌లో చదివిన విషయాన్ని ఆయన గుర్తుచేశారు. అప్పట్లో ప్రతీ ఒక్కరు ప్రభుత్వ పాఠశాలలోనే చదివించేవారని, ఇప్పుడు ప్రైవేట్‌ స్కూళ్లలో చదివించడం స్టేటస్‌గా మారిందని ఆవేదన వ్యక్తం చేశారు. ఇప్పుడు ఏటీసీ, ఇంటిగ్రేటెడ్‌ స్కూళ్లు ఏర్పాటవుతున్నాయని, హైస్కూల్‌ను సైతం తెలంగాణ పబ్లిక్‌ స్కూల్‌గా అప్‌గ్రేడ్‌ చేస్తున్నారని తెలిపారు. మేయర్‌ మహంకాళి స్వామి, డిప్యూటీ మేయర్‌ పాతిపెల్లి ఎల్లయ్య, మున్సిపల్‌ కమిషనర్‌ అరుణశ్రీ, కార్పొరేటర్లు సిరిశెట్టి సతీశ్‌గౌడ్‌, ఇసంపెల్లి అంజయ్య, దారంగుల కుమార్‌, అయేషాఖానం, బదావత్‌ నర్సమ్మ, కాంగ్రెస్‌ కార్పొరేషన్‌ అధ్యక్షుడు ఎండీ ముస్తాఫా, పట్టణ అధ్యక్షుడు ఈదునూరి హరిప్రసాద్‌ తదితరులు పాల్గొన్నారు. విద్యాధికారుల తీరుపై అసహనం తొలిరోజు అల్పాహార పంపిణీ పథకంలో ప్రతీ విద్యార్థి తల్లిదండ్రులతో హాజరయ్యేలా చూడాలని చెప్పినా ఒక్క పేరెంట్‌ కూడా హాజరు కాకపోవడంపై ఎమ్మెల్యేతోపాటు మేయర్‌.. డీఈవో శారద, ఎంఈవో మల్లేశం, హెచ్‌ఎం శారదపై అసహనం వ్యక్తం చేశారు. రూ.కోట్లు వెచ్చించి ప్రభుత్వ పాఠశాలలను బలోపేతం చేస్తున్న విషయాన్ని వివరించాలనే ఉద్దేశంతోనే తల్లిదండ్రులను ఆహ్వానించాలని సూచించామని, ఉపాధ్యాయులు నిర్లక్ష్యంగా వ్యవహరించారని నిలదీశారు. డీఈవో, ఎంఈవో, హెచ్‌ఎంలను ‘సాక్షి’ వివరణ కోరగా.. తాము ప్రతీ పేరెంట్‌కు సమాచారం ఇచ్చామని, వివిధ కారణాలతో రాలేదని, ఇందులో తమ తప్పిదమేమీ లేదన్నారు.

పెద్దపల్లిరూరల్‌/కమాన్‌పూర్‌: యూనిఫాం కొలతలు సరిగ్గా ఉన్నాయా? ఏమైనా తేడాలు కనిపిస్తున్నాయా? అని సెర్ప్‌ ప్రాజెక్టు డైరెక్టర్‌ కృష్ణమూర్తి ఆరా తీశారు. పెద్దపల్లి మండలం రాఘవాపూర్‌ జెడ్పీ హైస్కూల్‌తోపాటు కమాన్‌పూర్‌ మండలం గుండారం ప్రభుత్వ పాఠశాలను గురువారం ఆయన సందర్శించారు. ఈఈ నగేశ్‌, మేనేజర్‌ సంజీవ్‌, శాంతిశైలజతో కలిసి యూనిఫాంలపై ఆరా తీశారు. కొలతల్లో తేడాలు ఉంటే సవరించాలని సూచించారు. హెచ్‌ఎం హన్మంతు, డీపీఎం సంజయ్‌ కుమార్‌, ఏపీఎం పద్మ, సీసీలు భిక్షపతి, మల్లేశం, టైలరింగ్‌ సెంటర్‌ సభ్యులు పద్మ, సరోజన ఉన్నారు.

పెద్దపల్లి: మాజీ ఎమ్మెల్యే బిరుదు రాజమల్లు రాజకీయ విలువలకు వన్నె తెచ్చిన మహోన్నత వ్యక్తి అని ప్రభుత్వ విప్‌, పెద్దపల్లి ఎమ్మెల్యే విజయరమణారావు కొనియాడారు. సుల్తానాబాద్‌ చౌరస్తాలో గురువారం రాజమల్లు జయంతి నిర్వహించారు. కారోబార్‌ నుంచి సర్పంచ్‌, ఎంపీపీ, ఎమ్మెల్యేగా, ఉమ్మడి కరీంనగర్‌ జిల్లా టీడీపీ అధ్యక్షుడిగా రాజమల్లు అనేక పదవుల ద్వారా ప్రజాసేవ చేశారని విప్‌ అన్నారు. తాను రాజమల్లు ప్రియశిష్యుడినని తెలిపారు. ఆయన ఆశయాలను కొనసాగించేందుకు ప్రతి ఒక్కరూకృషి చేయాలని కోరారు. అనంతరం మున్సిపల్‌ సిబ్బందికి చీరెలు అందజేశారు. కార్యక్రమంలో రాజమల్లు సతీమణి సుశీల, మున్సిపల్‌ చైర్మన్‌ బిరుదు రాధాకృష్ణ, ప్రతినిధులు సారయ్యగౌడ్‌, ఉప్పు తిరుపతి, అబ్బయ్యగౌడ్‌, ప్రదీప్‌, గాజుల రాజమల్లు, శేఖర్‌, రవీందర్‌, నరేశ్‌, కల్లేపల్లి జానీ, ప్రకాశ్‌రావు, రాజేశ్వర్‌రెడ్డి, ప్రేమ్‌సాగర్‌రెడ్డి, దామోదర్‌రావు, కాంగ్రెస్‌ నాయకులు, అభిమానులు పాల్గొన్నారు. ‘బిరుదు’ సేవలు చిరస్మరణీయం పెద్దపల్లి/పెద్దపల్లిరూరల్‌: బీసీ నేత బిరుదు రాజమల్లు సేవలు చిరస్మరణీయమని మున్సిపల్‌ చైర్మన్‌ మల్లయ్య, మున్నూరు కాపుసంఘం జిల్లా అధ్యక్షు డు జడల సురేందర్‌, ఉప్పు రాజు, మున్సిపల్‌ మా జీ చైర్మన్‌ ఎల్‌.రాజయ్య అన్నారు. పెద్దపల్లిలో బిరు దు రాజమల్లుకు నివాళి అర్పించారు. కార్యక్రమంలో నాయకులు ఎడెల్లి శంకర్‌, కొమ్ము సుధాకర్‌, కల్వల శంకర్‌, మస్రత్‌, అమిరిశెట్టి రామస్వామి, తోట శంకర్‌, సంపత్‌, తిరుపతి, ఓదెలు, రాంచందర్‌, తాళ్ల కల్యాణ్‌ తదితరులు పాల్గొన్నారు.

జ్యోతినగర్‌: రాష్ట్ర రోడ్డు రవాణా సంస్థ(ఆర్టీసీ) కీలక నిర్ణయం తీసుకుంది. గ్రేటర్‌ హైదరాబాద్‌, కోర్‌ అర్బన్‌ రీజియన్‌ (క్యూఆర్‌ఈ) పరిధిలో ప్రయాణించే వారికి బస్సు, మెట్రో సేవలను అనుసంధానిస్తూ ఆర్టీసీ–మెట్రో కామన్‌ పాస్‌ను అందుబాటులోకి తీసుకొస్తోంది. దీనితోపాటు ప్రయాణికుల కోసం ‘మీటికెట్‌’ మొబైల్‌ యాప్‌ను శుక్రవారం ప్రారంభించనుంది. ప్రస్తుతం గ్రేటర్‌ హైదరాబాద్‌లో ఆర్టీసీ రోజుకు సుమారు 25 లక్షల మంది ప్రయాణికులను, హైదరాబాద్‌ మెట్రో మూడు కారిడార్లలో సుమారు 4.50 లక్షల మందిని గమ్యస్థానాలకు చేరవేస్తున్నాయి. బస్సు నుంచి మెట్రోకు, మెట్రో నుంచి బస్సుకు మారే ప్రయాణికులకు టికెట్ల కొనుగోలు ప్రక్రియను సులభతరం చేయడం ఈ కామన్‌ పాస్‌ ప్రధాన ఉద్దేశం. ఒకేపాస్‌తో బస్సు.. మెట్రో ప్రయాణం.. కామన్‌ పాస్‌తో తెలంగాణలోని అన్నిజిల్లాలు.. ప్రధానంగా ఉమ్మడి కరీంనగర్‌ జిల్లా ప్రయాణికులు మెట్రో రైళ్లతో దానిపరిధిలోని ఆర్టీసీ సిటీ బస్సుల్లో ప్రయాణించవచ్చు. పుష్పక్‌ బస్సులకు పాస్‌ వర్తించదు. ప్రతిసారీ బస్సు, మెట్రోకు వేర్వేరుగా టికెట్లు లేదా పాస్‌లు తీసుకోవాల్సిన అవసరం ఇక ఉండదు. బస్సు–మెట్రో మధ్య ప్రయాణాన్ని సులభతరం చేయడంతోపాటు చివరి మైలు కనెక్టివిటీ సమస్య తగ్గించడమే లక్ష్యంగా ఈ విధానాన్ని తీసుకొస్తున్నారు. కామన్‌ పాస్‌ కొనుగోలు సమయంలో రూ.100 కార్డు ఫీజు వసూలు చేస్తారు. కార్డును తిరిగి అప్పగించినప్పుడు ఆ మొత్తాన్ని వాపసు చేయనున్నారు. ‘మీటికెట్‌’తో డిజిటల్‌ ప్రయాణం కామన్‌ పాస్‌తోపాటు టీజీఎస్‌ఆర్టీసీ ‘మీటికెట్‌’ మొబైల్‌ అప్లికేషన్‌ను కూడా అందుబాటులోకి తీ సుకొస్తోంది. స్మార్ట్‌ఫోన్‌ ఆధారిత సేవలను విస్తరించడం ద్వారా ఆర్టీసీ ప్రయాణాన్ని మరింత సౌకర్యవంతంగా మార్చేందుకు చర్యలు చేపడుతోంది.పాస్‌ ధరలు(రూ.లలో) పాస్‌ మెట్రోవాటా ఆర్టీసీవాటా మొత్తం రోజువారీ 300 100 400 నెలవారీ 7,000 1,500 8,500

గోదావరిఖని: విద్యుత్‌కు డిమాండ్‌ పెరిగిన నేపథ్యంలో బొగ్గు ఉత్పత్తి లక్ష్యాలపై సింగరేణి ప్రత్యేక దృష్టి సారించింది. ప్రధానంగా అత్యధిక బొగ్గు ఉత్పత్తి సాధించే ఓసీపీలపై ఒత్తిడి పెంచింది. లక్ష్యాలకు మించి బొగ్గు ఉత్పత్తి చేయాలని ఆదేశాలు జారీచేసింది. సీఎండీ ప్రతీరోజు వీడియో కాన్షరెన్స్‌ ద్వారా ఉత్పత్తి లక్ష్యా లు సమీక్షిస్తున్నారు. ఈక్రమంలోనే సెప్టెంబర్‌లో ఉత్పత్తి భారీ గా పెరిగింది. మొ త్తం 12 ఏరియాల్లో నాలుగు ఏరియాలు రికార్డుస్థాయి బొగ్గు ఉత్పత్తి సాధించా యి. మిగిలిన ఏరియాల్లోనూ ఉత్పత్తి పెంచాలని అధికారు లు సూచిస్తున్నారు. లక్ష్య సాధనలో 4 ఏరియాలు నంబర్‌ వన్‌ సింగరేణిలోని 12ఏరియాల్లో నాలుగు ఏరియాలు లక్ష్యాన్ని మించిరికార్డు స్థాయి బొగ్గు ఉత్పతి సాధించాయి. గడిచిన ఆరు నెలల్లో బొగ్గు ఉత్పత్తి లక్ష్యానికి అనుగుణంగా ముందుకు సాగుతున్నాయి. సెప్టెంబర్‌లో 41.26లక్షల టన్నుల లక్ష్యానికి 44.84లక్షల టన్నులు సాధించి 109శాతం చేరుకున్నాయి. చతికిల పడిన ఏపీఏ వార్షిక ఉత్పత్తి లక్ష్య సాధనలో అడ్రియాల ప్రాజెక్టు ఏరియా(ఏపీఏ) వెనకపడింది. 1.63లక్షల టన్నుల లక్ష్యానికి 49వేల టన్నుల బొగ్గు ఉత్పత్తి సాధించి నిర్దేశిత లక్ష్య సాధనలో 31శాతం, భూపాలపల్లి 37శాతం శ్రీరాంపూర్‌ 44శాతం, కొత్తగూడెం 51శాతంతో వెనకపడ్డాయి. ఈనెలలో వర్షాలు ఎక్కువగా కురవడంతో ఓసీపీల్లో బొగ్గు ఉత్పత్తికి అంతరాయం కలిగింది.సెప్టెంబర్‌లో బొగ్గు ఉత్పత్తి (లక్షల టన్నుల్లో..)ఏరియా లక్ష్యం సాధించింది శాతం ఆర్జీ–వన్‌ 18.87 11.90 64 ఆర్జీ–టూ 39.26 39.85 101 ఆర్జీ–3 15.75 10.25 65 ఏపీఏ 1.60 0.49 31 భూపాలపల్లి 18.33 6.72 37 కొత్తగూడెం 5.26 2.67 39 సత్తుపల్లి 58.16 77.76 134 ఇల్లెందు 13.73 9.10 66 మణుగూరు 44.68 61.75 138 బెల్లంపల్లి 14.00 15.53 111 మందమర్రి 11.71 8.48 72 శ్రీరాంపూర్‌ 27.31 12.10 44

కరీంనగర్‌ జిల్లా యోగాసన క్రీడల్లో సాధిస్తున్న వరుస విజయాలు అభినందనీయం. 17వసారి చాంపియన్‌గా నిలవడం సాధారణ విషయం కాదు. క్రీడాకారుల ప్రతిభకు, క్రమశిక్షణకు ఇది నిదర్శనం. కరీంనగర్‌ నుంచి మరింత మంది క్రీడాకారులు రాష్ట్ర, జాతీయ స్థాయిలో రాణించాలని ఆకాంక్షిస్తున్నాం. – తుమ్మల రమేశ్‌ రెడ్డి, ఒలింపిక్‌ సంఘం ఉపాధ్యక్షుడు సాధనే విజయానికి బాట కరీంనగర్‌ క్రీడాకారుల విజయానికి నిరంతర సాధనే ప్రధాన కారణం. ప్రతీ క్రీడాకారుడి సామర్థ్యాన్ని గుర్తించి, వయసుకు అనుగుణంగా శిక్షణ ఇస్తున్నాం. ఆసనాల్లో ఖచ్చితత్వం, శరీర నియంత్రణ, ఏకాగ్రత, సమయపాలనపై ప్రత్యేక దృష్టి పెడుతున్నాం. భవిష్యత్‌లో మరిన్ని పతకాలు సాధించేలా శిక్షణ కొనసాగిస్తాం. – మల్లీశ్వరి, యోగా కోచ్‌ ఫస్ట్‌ టైమ్‌ నేషనల్‌కు.. 12–14 విభాగంలో స్టేట్‌ లెవల్‌లో గోల్డ్‌ మెడల్‌ సాధించా. ఫస్ట్‌ టైమ్‌ నేషనల్‌ మీట్‌కు ఎంపికయ్యా. చాలా హ్యపీ. జాతీయ పోటీల్లో పాల్గొని తెలంగాణకు బంగారు పతకం సాధించాలని ఉంది. స్టేట్‌ లెవల్‌ మీట్‌లో కరీంనగర్‌ చాంపియన్‌ షిప్‌ సాధించడంలో నేను కూడా ఉండడం ఆనందంగా ఉంది. – బి.రిషిక, బంగారు పతకం విజేత

తిమ్మాపూర్‌: పూర్వ విద్యార్థులు గురుభక్తి చాటుకున్నారు.తమకు విద్యాబుద్ధులు నేర్పించిన ఉపాధ్యాయుడికి ఉద్యోగ విరమణ సందర్భంగా ఖరీదైన కారు బహూకరించారు. కరీంనగర్‌ జిల్లా తిమ్మాపూర్‌ డైట్‌ లెక్చరర్‌ గుర్రాల మహేశ్వర్‌రెడ్డి గతనెల 30న ఉద్యోగ విరమణ చేశారు. గురువారం తోటి అధ్యాపకులు, విద్యార్థులు వీడ్కోలు వేడుక నిర్వహించారు. ఈ సందర్భంగా శిష్యులు, పూర్వవిద్యార్థులు మహేశ్వర్‌రెడ్డికి టాటా టియాగో ఈవీ కారును అందజేశారు. కార్యక్రమానికి ఎస్‌సీఈఆర్టీ డైరెక్టర్‌ గాజర్ల రమేశ్‌ ముఖ్యఅతిథిగా హాజరై మాట్లాడారు. ఉపాధ్యాయ వృత్తి పవిత్రమైనదని, ఎంతటి ఉన్నత స్థానానికి ఎదిగాలన్నా గురువు ఉండాలని, ఉపాధ్యాయుడే తరగతి గది సైనికుడని అన్నారు. నిరంతరం విద్యార్థుల గురించి ఆలోచిస్తూ గొప్పగొప్ప ఆలోచనలు చేస్తూ వాళ్ల పురోగతికి కృషి చేస్తాడో ఆ ఉపాధ్యాయుడు విద్యార్థుల మనసుల్లో సుస్థిరస్థానాన్ని సంపాదించుకుంటాడన్నారు. వేలాది మంది శిష్యప్రశిష్యులను సంపాదించుకున్న గొప్పగురువు మహేశ్వర్‌రెడ్డి అని కొనియాడారు. మహేశ్వర్‌ రెడ్డి సేవలను స్మరిస్తూ కళాశాల ప్రిన్సిపాల్‌ శ్రీరామ్‌ మొండయ్య ఆటవెలదులలో గురుమహేశ్వరం పేరుతో ఒక శతకాన్ని వెలువరించడం గొప్ప విషయమన్నారు. డైట్‌ ను చూస్తే నందనవనం గుర్తుకు వస్తుందని పిల్లల క్రమశిక్షణ నడవడిక తెలంగాణలోని అన్ని డైట్లకు ఆదర్శంగా ఉందని తెలంగాణలో ఉన్న పది డైట్లలో కరీంనగర్‌ డైట్‌ ప్రథమ స్థానంలో ఉందని, ఇది ఒక సంస్కార కేంద్రమని, వివిధ కళాప్రదర్శనల నిలయమని కొనియాడారు. కవి, అవధాని డాక్టర్‌ గండ్ర లక్ష్మణ్‌రావు మాట్లాడారు. డైట్‌ ప్రిన్సిపాల్‌ శ్రీరామ్‌ మొండయ్య అధ్యక్షతన జరిగిన ఈ కార్యక్రమంలో పూర్వ ప్రిన్సిపాల్‌ జయధీర్‌ రెడ్డి, నిజామాబాద్‌ ప్రిన్సిపాల్‌ శ్రీనివాస్‌, వరంగల్‌ ఇన్‌చార్జి ప్రిన్సిపాల్‌ సంపత్‌ కుమార్‌ హాజరయ్యారు. రెండు తెలుగు రాష్ట్రాలకు చెందిన పూర్వ విద్యార్థులు పాల్గొన్నారు.

పెద్దపల్లిరూరల్‌: ‘మా పాఠశాలకు వచ్చే విద్యార్థుల ప్రవర్తనలో మార్పు కనిపిస్తోంది.. చాలా దురుసుగా ప్రవర్తిస్తున్నారు.. ఈవిషయాన్ని వారి తల్లిదండ్రుల దృష్టికి తీసుకెళ్లినా పట్టించుకోవడం లేదు’ అని ఓ ఉపాధ్యాయురాలు ఆవేదన వ్యక్తం చేశారు. ఇదేవిషయాన్ని జడ్జి శ్రీనిక కోహిర్కర్‌ దృష్టికి తీసుకెళ్లారు. పెద్దబొంకూరులో గురువారం వృద్ధుల దినోత్సవం నిర్వహించారు. ఈ కార్యక్రమానికి జడ్జి హాజరయ్యారు. తొలుత జెడ్పీహైస్కూల్‌ను సందర్శించారు. విద్యార్థులకు కల్పిస్తున్న వసతులు పరిశీలించారు. ఓ ఉపాధ్యాయురాలు.. తనకు ఎదురయ్యే ఇబ్బందులు, సమస్యల గురించి జడ్జికి వివరించారు. పేరెంట్స్‌, టీచర్స్‌ మీటింగ్‌ నిర్వహించి ఇలాంటి ఘటనలు పునరావృత్తం కాకుండా చూడాలని అక్కడే ఉన్న సర్పంచ్‌ కల్వల తిరుపతి, ఇతర అధికారులకు జడ్జి సూచించారు.

పెద్దపల్లిరూరల్‌: జిల్లా కేంద్రంలో బీజేపీ మంగళవా రం చేపట్టిన నిరసన పోలీసులు, ఆందోళనకారు లతో హైడ్రామాను తలపించింది. కాంగ్రెస్‌ ఆధ్వ ర్యంలో సోమవారం కలెక్టరేట్‌ వద్ద చేపట్టిన నిరసనకు కౌంటర్‌గా బీజేపీ నేతలు మంగళవారం రాజీవ్‌ రహదారిపై ఆందోళన చేశారు. సీఎం దిష్టిబొమ్మ దహనం చేయవద్దని పోలీసులు వారించగా.. ఎలాగైనా దహనం చేయాలని నాయకులు వ్యూహం ప న్నారు. కమాన్‌వద్ద నిరసన వ్యక్తం చేసి దిష్టిబొమ్మ దహనం చేసేందుకు యత్నించగా.. పోలీసులు భ గ్నం చేశారు. అదేసమయంలో సమీపంలోని కూనా రం చౌరస్తా వద్ద మరో దిష్టిబొమ్మ దహనం చేస్తుండగా చేరుకున్న పోలీసులు అడ్డుకునేందుకు య త్నించేలోపే నిప్పంటుకుంది. ఆ బొమ్మతో బీజేపీ నే త రోడ్డుపై పరుగులు తీశారు. వెనకాల పోలీసులు పరుగులు తీయడం హైడ్రామాను తలపించింది. అయితే, ప్రజలకు అసౌకర్యం కల్పించిన విషయమై కేసు నమోదు చేసినట్టు ఎస్సై నరేశ్‌ తెలిపారు.

కోల్‌సిటీ: యువత డ్రగ్స్‌, గంజాయి వంటి మా దకద్రవ్యాలకు బానిస కాకుండా చర్యలు చేపట్టాలని అదనపు కలెక్టర్‌ శ్రీరాములు ఆదేశించా రు. రామగుండంలోని డీ–అడిక్షన్‌ కేంద్రం, ప్ర భుత్వ జనరల్‌ ఆస్పత్రిని మంగళవారం తనిఖీ చేశారు. మాదకద్రవ్యాల బారినపడిన వారికి అందుతున్న వైద్యం, కౌన్సెలింగ్‌, పునరావాస సేవలు, సౌకర్యాలపై ఆస్పత్రి మెడికల్‌ సూపరింటెండెంట్‌ హిమబిందుసింగ్‌ను అడిగి తెలుసుకున్నారు. అధికారులు, తల్లిదండ్రులు, యు వత సమన్వయంతో పనిచేస్తే మాదకద్రవ్యాల వినియోగాన్ని అరికట్టవచ్చని పేర్కొన్నారు. ఆర్‌ఎంవో కృపాభాయి, అసిస్టెంట్‌ ప్రొఫెసర్‌ రవివర్మ, తహసీల్దార్‌ రవీందర్‌రావు, ఆర్‌ఐ రాజేందర్‌, సీడీపీవో అలేఖ్య, సీ–సెక్షన్‌ సూపరింటెండెంట్‌ కోటేశ్వరరావు పాల్గొన్నారు. ఆర్థికాభివృద్ధి సాధించాలి కమాన్‌పూర్‌: స్వశక్తి సంఘాల్లోని సభ్యులు వ్యా పారాభివృద్ధికి బాటలు వేసుకోవాలని డీఆర్డీవో కాళిందిని సూచించారు. స్థానిక ఆదివరాహ స్వామి మహాళా స్వశక్తి సంఘ భవనంలో మంగళవారం కమాన్‌పూర్‌, రామగిరి, ముత్తారం, మంథని, పాలకుర్తి, అంతర్గాం మండలాల ఏ పీఎంలు, సీసీలుతో నిర్వహించిన సమావేశంలో మాట్లాడారు. ఒక్కో మహిళకు రూ.2లక్షల నుంచి రూ.3లక్షల వరకు రుణాలు మంజూరు చేస్తామని, వీటిని సద్వినియోగం చేసుకోవాలన్నారు. డీపీఎం వెంకటరమణ, ఏపీఎంలు పద్మ, రమ, స్వరూప, రాణి పాల్గొన్నారు. ముగిసిన ఎస్జీఎఫ్‌ క్రీడలు పెద్దపల్లి: సుల్తానాబాద్‌ స్పోర్ట్స్‌ క్లబ్‌ సహకారంతో ప్రభుత్వ జూనియర్‌ కళాశాల మైదానంలో రెండు రోజులుగా నిర్వహిస్తున్న జిల్లాస్థాయి ఎస్‌జీఎఫ్‌ వాలీబాల్‌, కబడ్డీ, ఖోఖో, అథ్లెటిక్స్‌ పోటీలు మంగళవారం ముగిశాయి. మున్సిప ల్‌ చైర్మన్‌ బిరుదు రాధాకృష్ణ విజేతలకు బహుమతులు అందజేశారు. ఎస్జీఎఫ్‌ కార్యదర్శి కనుకుంట్ల లక్ష్మణ్‌, స్పోర్ట్స్‌ క్లబ్‌ అధ్యక్షుడు ముస్త్యా ల రవీందర్‌, నోడల్‌ ఆఫీసర్‌ శోభారాణి, జోనల్‌ కన్వీనర్‌ దాసరి రమేశ్‌, మండల కన్వీనర్‌ ప్రణయ్‌ తదితరులు పాల్గొన్నారు. లోకో పైలెట్ల నిరసన రామగుండం: హక్కులు, భద్రత, సంక్షేమం, మెరుగైన పనితదితర తదితర డిమాండ్ల సాధ న కోసం దక్షిణ మధ్య రైల్వే మజ్దూర్‌ యూనియన్‌ రామగుండం బ్రాంచి చైర్మన్‌ మెట్ట రా మారావు ఆధ్వర్యంలో స్థానిక రైల్వేస్టేషన్‌లో లోకోపైలెట్లు మంగళవారం నిరసన తెలిపారు. ఎఫ్‌వోజీ డివైజెస్‌, టేల్‌ ల్యాంప్స్‌ తీసుకువెళ్లే బాధ్యతను ఉపసంహరించాలని, లోకో, ట్రాఫి క్‌ రన్నింగ్‌ స్టాఫ్‌ పని గంటలను పది గంటలకు పరిమితం చేయాలనే తదితర సమస్యలు పరిష్కరించాలని రామారావు డిమాండ్‌చేశారు. ప్రతినిధులు ఓవై స్వామి, మెజెస్‌, బినోద్‌, రాథోడ్‌ ఆనంద్‌, శ్రీనివాస్‌, సురేందర్‌, రవీందర్‌, రఫీ తదితరులు పాల్గొన్నారు. నందిమేడారంలో జ్వరాలు ధర్మారం: నందిమేడారం ఎస్సీ కాలనీలో జ్వరాలు విజృంభించాయి 30 పడకల ఆస్పత్రి, ప్రాథమిక ఆరోగ్య కేంద్రం సమీపంలోనే ఉన్నా జ్వర పీడితులకు వైద్యం అందించడంలేదని, ప్రైవేటు ఆస్పత్రులను ఆశ్రయించక తప్పడంలేదని పేషెంట్లు ఆవేదన వ్యక్తం చేస్తున్నారు. ప్రతీ ఇంట్లో ఒకరు జ్వరంతో బాధపడుతున్నా రు. అయినా పీహెచ్‌సీ సిబ్బంది పట్టించుకోవ డంలేదని వాపోతున్నారు. కొందరు మంచాని కే పరిమితమవుతున్నారు, ఆర్థిక స్థోమతలేని వారు ఆర్‌ఎంపీలతో చికిత్స చేయించుకుంటున్నారు. మరికొందరు ధర్మారం, కరీంనగర్‌, పె ద్దపల్లిలోని ప్రైవేటు ఆస్పత్రులను ఆశ్రయిస్తున్నారు. వైరల్‌ జ్వరాలు విస్తరిస్తున్నా వైద్యాధికారి, ఏఎన్‌ఎంలు పట్టించుకోవటం లేదని బొంతల నర్సింగం ఆరోపించారు. ఆరోగ్యశాఖాధి కారులు స్పందించాలని కోరుతున్నారు.

పెద్దపల్లి: జిల్లాలో రోడ్డు ప్రమాదాల నియంత్రణకు పటిష్ట చర్యలు చేపట్టాలని కలెక్టర్‌ కోయ శ్రీహర్ష ఆదేశించారు. రోడ్డు భద్రత, ప్రమాణాల అమలు, తీసుకోవాల్సిన చర్యలపై అదనపు కలెక్టర్‌ అరుణశ్రీతో కలిసి కలెక్టరేట్‌లో మంగళవారం సమీక్షించారు. పెద్దపల్లిలోని జంక్షన్ల వద్ద ఆక్రమణలను తొలగించి, ట్రాఫిక్‌కు ఇబ్బందులు లేకుండా అభివృద్ధి చేయాలని, సుల్తానాబాద్‌ మండలం కాట్నపల్లి వద్ద యూటర్న్‌ ఏర్పాటు చేయాలని, రోడ్లపై పశువులను వదిలే వారిపై రూ.10 వేల జరిమానా విధించాలని ఆదేశించారు. రామగుండంలో సీసీ కెమెరాల ఏర్పాటుకు ప్రతిపాదనలు సమర్పించాలని చెప్పారు. ఆర్‌ అండ్‌ బీ ఈఈ భావ్‌సింగ్‌, జిల్లా వైద్యాధికారి పవిత్ర తదితరులు పాల్గొన్నారు. 30లోగా సర్వే పూర్తిచేయాలి జిల్లాలో పంటల డిజిటల్‌ సర్వేను ఈనెల 30వ తేదీలోగా పూర్తిచేయాలని కలెక్టర్‌ శ్రీహర్ష ఆదేశించారు. సర్వేపై వ్యవసాయాధికారులతో కలెక్టర్‌ సమీక్షించి పలు సూచనలు చేశారు. ఈ కార్యక్రమంలో డీఏవో శ్రీనివాస్‌ తదితరులు పాల్గొన్నారు. కలెక్టర్‌ కోయ శ్రీహర్ష

సాక్షిప్రతినిధి, కరీంనగర్‌/సిరిసిల్ల: ముఖ్యమంత్రి రేవంత్‌రెడ్డి బుధవారం ఉమ్మడి కరీంనగర్‌ జిల్లాలో పర్యటించనున్నారు. కరీంనగర్‌లో నూతన కలెక్టరేట్‌ను ప్రారంభించి, సాయంత్రం సిరిసిల్ల బహిరంగ సభలో పాల్గొంటారు. రూ.840 కోట్ల యూసీఎఫ్‌ నిధులతో కరీంనగర్‌లో చేపట్టనున్న అభివృద్ధి పనులకు శ్రీకారం చుడుతారు. సిరిసిల్లలో రూ.345.78 కోట్లతో చేపట్టనున్న వివిధ అభివృద్ధి పనులకు శంకుస్థాపన చేస్తారు. సీఎం హోదాలో కరీంనగర్‌, సిరిసిల్లలకు రేవంత్‌రెడ్డి రావడం ఇదే మొదటిసారి. నూతన కలెక్టరేట్‌ ప్రారంభం సందర్భంగా అధికారులు ఏర్పాట్లు చేయగా, సిరిసిల్లలో నిర్వహించనున్న బహిరంగసభకు కాంగ్రెస్‌ పార్టీ భారీ ఎత్త్తున ఏర్పాట్లు చేసింది. మంత్రులు దుద్దిళ్ల శ్రీధర్‌బాబు, పొన్నం ప్రభాకర్‌, అడ్లూరి లక్ష్మణ్‌కుమార్‌, ప్రభుత్వ విప్‌లు ఆది శ్రీనివాస్‌, చింతకుంట విజయ రమణారావు, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ ఏర్పాట్లను పర్యవేక్షిస్తున్నారు.బుధవారం మధ్యాహ్నం 3గంటలకు హెలి క్యాప్టర్‌ ద్వారా సీఎం రేవంత్‌రెడ్డి కరీంనగర్‌ చేరుకుంటారు. నూతన కలెక్టరేట్‌ సముదాయాన్ని ప్రారంభిస్తారు. 3.10 నుంచి 3.40 వరకు తెలంగాణ తల్లి విగ్రహాన్ని ఆవి ష్కరిస్తారు. స్మార్ట్‌సిటీ నిధులతో నిర్మించిన ఇంటిగ్రేడెట్‌ కమాండ్‌ కంట్రోల్‌ సెంటర్‌ (ఐసీసీసీ)భవనాన్ని, డిజిటల్‌ లైబ్రరీ భవనాన్ని ప్రారంభిస్తారు. అర్బన్‌ చాలెంజ్‌ఫండ్‌ (యూసీఎఫ్‌) నిధులు రూ.840 కోట్లతో చేపట్టనున్న అభివృద్ధి పనులకు శంకుస్థాపన చేస్తారు. 3.40 నుంచి 4.25 వరకు కలెక్టరేట్‌లోని చాంబర్లను సందర్శిస్తారు. 4.30కు హెలిక్యాప్టర్‌ ద్వారా బయలుదేరి 4.45 గంటలకు సిరిసిల్ల చేరుకుంటారు. 4.50కి కాలేజీ మైదానం నుంచి కాలినడకన బయలుదేరి 5గంటలకు అంబేద్కర్‌ సర్కిల్‌ వద్దకు చేరుకుంటారు. అక్కడి నుంచి కాలినడకన పాత బస్టాండు నేతన్న చౌక్‌, చంద్రంపేట మీదుగా రగుడు బైపాస్‌ రోడ్డులోని సభాస్థలికి 6 గంటలకు చేరుకుంటా రు. 6.15 గంటల వరకు పలు అభివృద్ధి పనులకు శంకుస్థాపన, ప్రారంభోత్సవాలు చేస్తారు. 6.15 నుంచి 7.45 గంటల వరకు బహిరంగ సభలో ప్రసంగిస్తారు. 7.45కు రోడ్డు మార్గాన హైదరాబాద్‌ వెళ్తారు.

సాక్షిప్రతినిధి, కరీంనగర్‌/సిరిసిల్ల ●: ఉమ్మడి కరీంనగర్‌ జిల్లా రాజకీయ చైతన్యానికి, ప్రజా ఉద్యమాలకు ఖిల్లా.. ఉత్తర తెలంగాణకే తలమానికంగా నిలుస్తున్న జిల్లా. అభివృద్ధి చేస్తే భారతదేశ పటంలో మరింత వెలుగొందనుంది. ప్రభుత్వాలు, పాలకులు మారుతున్నా పలు ప్రధాన సమస్యలు తీవ్రంగా వేధిస్తున్నాయి. పరిష్కరిస్తామన్న మాటలు తప్పా.. చేతల్లో కనిపించని అభివృద్ధి. ముఖ్యంగా.. కరీంనగర్‌లోని డంప్‌యార్డు ఏళ్లకాలంగా కంపు కొడుతుండగా, పెద్దపల్లి జిల్లా బసంత్‌నగర్‌లో ఇంకా విమానం ఎగురుతుందని ఆశలు పెట్టుకున్నారు. జగిత్యాలలో నిజాం షుగర్‌ ఫ్యాక్టరీపై తీపి కబురు కోసం ఎదురుచూస్తుండగా రాజన్న సిరిసిల్ల జిల్లాలో మధ్యమానేరు, రాజన్న ఆలయం, మరమగ్గాల సమస్యలు స్వాగతం పలుకుతున్నాయి. ముఖ్యమంత్రి హోదాలో రేవంత్‌రెడ్డి నేడు కరీంనగర్‌, సిరిసిల్ల జిల్లాల్లో పర్యటించనున్నారు. ఈ సందర్భంగా ఏళ్లుగా వేధిస్తున్న ప్రజాసమస్యలకు మోక్షం లభిస్తుందని ప్రజలు కోటి ఆశలు పెట్టుకున్నారు.● జగిత్యాల జిల్లా మల్లాపూర్‌ మండలం ముత్యంపేటలో ఉన్న నిజాంషుగర్‌ ఫ్యాక్టరీ 12ఏళ్ల క్రితం మూతపడింది. వేలాది మందికి ఉపాధి కల్పించేందుకు, చెరుకు పండించే రైతులకు మార్కెటింగ్‌ కల్పించేందుకు ఈ షుగర్‌ఫ్యాక్టరీ దోహదం చేసింది. షుగర్‌ ఫ్యాక్టరీ మూతపడడంతో వేలాదిమంది ఉపాధిపై ప్రభావం పడింది. అప్పటి నుంచి ఫ్యాక్టరీని తెరిపించాలనే డిమాండ్‌ కొనసాగుతూనే ఉంది. ఇటీవల మంత్రి దుద్దిళ్ల శ్రీధర్‌బాబు అధ్యక్షతన షుగర్‌ఫ్యాక్టరీ అధ్యయనానికి కమిటీ వేశారు. ఫ్యాక్టరీని పునరుద్ధరించేందుకు చర్యలు తీసుకోవాలి. ● గోదావరి జలాలు కాళేశ్వరం ప్రాజెక్టు ద్వారా రాజన్న సిరిసిల్ల జిల్లాలోని మధ్యమానేరుకు చేరాయి. మధ్యమానేరు నుంచి గంభీరావుపేట మండలం ఎగువ మానేరు జలాశయానికి చేర్చాల్సి ఉంది. ఇందు కోసం ఉద్దేశించిన కాళేశ్వరం ప్రాజెక్టు 9వ ప్యాకేజీ పనులు పూర్తి కాలేదు. కోనరావుపేట మండలం మల్కపేట రిజర్వాయర్‌ వద్ద 3 టీఎంసీలతో రిజర్వాయర్‌ పూర్తయింది. కాల్వల నిర్మాణాలు ఇంకా పూర్తి కాలేదు. ప్యాకేజీ–10, 11, 12 పూర్తికాగా 9వ ప్యాకేజీ పనులు మధ్యలో వదిలేశారు. గోదావరి జలాలతో నర్మాల ఎగువ మానేరు, నిమ్మపల్లి మూలవాగు, ఎల్లారెడ్డిపేట సింగసముద్రం, జిల్లెల్ల నక్కవాగు, రుద్రంగి సూరమ్మ చెరువు నిండితే 2లక్షల ఎకరాలు సేద్యం అవుతాయి. ● దక్షిణ కాాశీగా ప్రసిద్ధి చెందిన వేములవాడ ఆలయ అభివృద్ధి పనులు సాగుతున్నాయి. రూ.250 కోట్లతో ఆలయ, రోడ్ల విస్తరణ పనులు చేపట్టారు. చెరువులో పార్కును అభివృద్ధి చేశారు. మూలవాగుపై రెండో వంతెన నిర్మాణం తుది దశకు చేరింది. వేములవాడ ఎమ్మెల్యే ప్రభుత్వ విప్‌ ఆది శ్రీనివాస్‌ చొరవతో ఆలయ అభివృద్ధి సాగుతుండగా మరిన్ని నిధులు మంజూరు చేయాల్సిన అవసరం ఎంతైనా ఉంది. మధ్యమానేరు బ్యాక్‌ వాటర్‌లో బోటింగ్‌, టూరిజం అభివృద్ధికి పుష్కలమైన అవకాశాలు ఉన్నాయి. ● సిరిసిల్లలో మరమగ్గాల పరిశ్రమ వేళ్లూనుకుని ఉంది. మగ్గాలను ఆధునీకరించి, డయింగ్‌ పరిశ్రమకు ప్రత్యేక స్థలాన్ని కేటాయిస్తే.. పరిశ్రమ అభివృద్ధికి అడుగులు పడతాయి. నేత కార్మికులను ఓనర్లుగా మార్చే ‘వర్కర్‌ టూ ఓనర్‌’ పథకానికి షెడ్లను నిర్మించారు. సాంచాలు ఏర్పాటు చేయలేదు. ఆ షెడ్లలో గోదాములుగా ధాన్యంతో నింపేశారు. ఇందిరా మహిళా శక్తి చీరలు, ప్రభుత్వ వస్త్రోత్పత్తి ఆర్డర్లతో బడా వ్యాపారులే బాగుపడుతున్నారు. కామన్‌ ఫెసిలిటీ సెంటర్లు, శ్రమించే కార్మికులకు బీమా సదుపాయం, హెల్త్‌ కార్డులు, పొదుపు పథకాలు, నూలు రాయితీ వంటి పథకాలను మరింత సమర్థవంతంగా అమలు చేయాల్సి ఉంది.

గోదావరిఖని: ప్రజలు, బాధితులు తమ సమస్యలను చట్ట పరిధిలో పరిష్కరించుకునేందుకు పోలీసులను ఆశ్రయించాలని రామగుండం సీపీ అంబర్‌ కిషోర్‌ఝా తెలిపారు. సోమవారం కమిషనరేట్‌ కార్యాలయంలో నిర్వహించిన గ్రీవెన్స్‌డేలో భాగంగా బాధితుల నుంచి ఫిర్యాదులను స్వీకరించారు. ప్రతి ఫిర్యాదును క్షుణ్ణంగా పరిశీలించి, బాధితులకు న్యాయం జరిగేలా చర్యలు తీసుకోవాలన్నారు. కార్యక్రమంలో అదనపు డీసీపీ కె.శ్రీనివాస్‌ పాల్గొన్నారు. జాతీయ సంఘాలు విఫలంరామగిరి: సింగరేణి కార్మికుల సమస్యలు పరి ష్కరించడంలో జాతీయ సంఘాలు విఫలమయ్యాయని టీబీజీకేఎస్‌ రాష్ట్ర అధ్యక్షుడు మిర్యా ల రాజిరెడ్డి విమర్శించారు. ఆర్జీ–3 ఉపాధ్యక్షుడు నాగెల్లి సాంబయ్య అధ్వర్యంలో సోమవారం ఏపీఏలో నిర్వహించిన గేట్‌మీటింగ్‌లో మాట్లాడారు. గత ఆర్థిక సంవత్సరంలో సింగరేణి సాధించిన వాస్తవ లాభాలను వెంటనే ప్రకటించి, దసరాలోపే కార్మికులకు లాభాల వాటా చెల్లించాలని డిమాండ్‌ చేశారు. ఓవర్‌మెన్లు రాజేందర్‌, అనిల్‌రామ్‌తోపాటు పలువురు కార్మికులు టీబీజీకేఎస్‌లో చేరగా రాజిరెడ్డి కండువాలు కప్పి ఆహ్వానించారు. నాయకులు నాగెల్లి సాంబయ్య, వీవీ గౌడ్‌, తిప్పారపు తేజ, దేవ శ్రీనివాస్‌, ఈసంపల్లి రమేశ్‌, గట్టు శ్రీనివాస్‌, పాశం శ్రీనివాస్‌రెడ్డి, గండి శ్రీనివాస్‌, బొంగొని శ్రీకాంత్‌ గౌడ్‌ పాల్గొన్నారు. దరఖాస్తులు ఆహ్వానం పెద్దపల్లి: జాతీయ ఆరోగ్య మిషన్‌ కింద జిల్లా వైద్య, ఆరోగ్యశాఖలో ఖాళీగా ఉన్న పోస్టుల భర్తీకి దరఖాస్తులు ఆహ్వానిస్తున్నట్లు జిల్లా వైద్యాధికారి వై.పవిత్ర సోమవారం తెలిపారు. ల్యాబ్‌ టెక్నీషియన్‌ 8, స్టాఫ్‌నర్స్‌ 15, ఎంఎల్‌హెచ్‌పీ 8, ఎస్టీఎల్‌ఎస్‌ 2, ఏఎన్‌ఎం 3, ఫార్మసిస్ట్‌ 1, పాథాలజిస్ట్‌ 1, ఓబీజీ స్పెషలిస్ట్‌ పోస్టులు 2 ఉన్నాయాని తెలిపారు. అభ్యర్థులు పూర్తి వివరాలు, దరఖాస్తు విధానం కోసం జిల్లా వెబ్‌సైట్‌ను పరిశీలించాలని సూచించారు. 1న ఉద్యోగ మేళా పెద్దపల్లి: జిల్లా ఉపాధిశాఖ, టాస్క్‌ రీజినల్‌ సెంటర్‌ ఆధ్వర్యంలో అక్టోబర్‌ 1న పెద్దపల్లిలో భారీ జాబ్‌ మేళా నిర్వహించనున్నట్లు జిల్లా ఉపాధి కల్పన అధికారి ఎం.రాజశేఖర్‌ తెలిపా రు. బస్‌స్టాండ్‌ సమీపంలోని బస్‌డిపో ప్రాంగణంలోని టాస్క్‌ రీజినల్‌ సెంటర్‌లో ఉదయం 10 నుంచి మధ్యాహ్నం 2 గంటల వరకు డ్రైవ్‌ ఉంటుందన్నారు. ఎల్‌.ఎన్‌.గ్రూప్‌, రేడియంట్‌, ఐసీఐసీఐ బ్యాంక్‌, ఐడీఎఫ్‌సీ ఫస్ట్‌ బ్యాంక్‌, డీమార్ట్‌, నీమ్యాన్స్‌, టెక్‌ మహీంద్రా తదితర సంస్థలు పాల్గొంటాయన్నారు. పోస్టులను బట్టి నెలకు రూ.13 వేల నుంచి రూ.45 వేల వరకు, ఏడాదికి రూ.3.1 లక్షల నుంచి రూ.4.1 లక్షల వరకు వేతనం ఉంటుందన్నారు. 10వ తరగతి, ఇంటర్‌, డిగ్రీ, డిప్లొమా, ఐటీఐ, పీజీ విద్యార్హతలు కలిగిన అభ్యర్థులు సంస్థలను బట్టి ఆయా పోస్టులకు హాజరుకావచ్చని తెలిపారు. ఐదుగురు ఎస్సైల బదిలీ గోదావరిఖని: గోదావరిఖని సబ్‌డివిజన్‌ పరిధిలో ఐదుగురు ఎస్సైను బదిలీ చేస్తూ రామగుండం సీపీ అంబర్‌కిషోర్‌ఝా సోమవారం ఆదేశాలు జారీ చేశారు. రామగుండం ట్రాఫిక్‌లో పనిచేస్తున్న జి.హరిశేఖర్‌ను రామగుండం ఎస్సైగా బదిలీ చేశారు. ఇక్కడ పనిచేస్తున్న సంధ్యారాణిని వీఆర్‌కు పంపారు. ఎన్టీపీసీ ఎస్సైగా పనిచేస్తున్న టి.ఉదయ్‌కిరణ్‌ను అంతర్గాంకు బదిలీ చేశారు. అంతర్గాం నుంచి బి.వెంకటస్వామిని ఎన్టీపీసీకి బదిలీ చేశారు. జయశంకర్‌భూపాలపల్లి డీఎస్‌ ఎస్సైగా పనిచేస్తున్న కె.శ్రీనివా స్‌ను గోదావరిఖని వన్‌టౌన్‌ మూడో ఎస్సైగా బదిలీ చేశారు.

పెద్దపల్లి: ప్రజావాణిలో వచ్చే అర్జీలను సత్వరమే పరిష్కరించాలని, పెండింగ్‌లో ఉంచొద్దని అదనపు కలెక్టర్‌ బి.శ్రీరాములు ఆదేశించారు. సోమవారం కలెక్టరేట్‌ సమావేశం మందిరంలో నిర్వహించిన ప్రజావాణిలో ప్రజల నుంచి దరఖాస్తులు స్వీకరించారు. రామగుండానికి చెందిన ఎండీ.అహ్మోదొద్దీన్‌ దివ్యాంగుడనని, బీకాం పూర్తి చేశానని, ఏదైనా ఉద్యోగం ఇప్పించాలని కోరగా, వారధి సొసైటీకి పంపించారు. ‘పెద్దపల్లిలోని ఖుద్రత్‌నగర్‌లో నిర్వహిస్తున్న క్రీసెంట్‌ మైనారిటీ బీఈడీ కళాశాలలో విద్యార్థులకు సౌకర్యాలు లేవు. శిక్షణ ఇవ్వకుండానే బీఈడీ సర్టిఫికెట్లు అందిస్తున్నారు. విద్యార్థుల హాజ రు రికార్డులు, పాఠశాలల హాజరు రిజిస్టర్లు, ఉపాధ్యాయుల ధ్రువీకరణలు, పర్యవేక్షణ రికార్డులను అధికారులు పరిశీలించాలని బీజేపీ జిల్లా ఉపా ధ్యక్షుడు కరుణాకర్‌, కుమారస్వామి ఫిర్యాదు చేశా రు. ‘పెద్దపల్లి మండలం రాఘవాపూర్‌ గ్రామంలో చేపట్టిన వివిధ అభివృద్ధి పనుల్లో భారీగా అక్రమాలు జరిగాయి. దీనిపై విచారణ జరిపి బాధ్యులపై చర్యలు తీసుకోవాలి. వేసవికాలంలో చలివేంద్రం పేరిట రూ.13,300 బిల్లులు డ్రా చేశారు. ఇతర పనుల్లోనూ భారీగా అక్రమాలకు పాల్పడ్డారు. అన్నింటిపై అధికారులు విచారణ చేపట్టాలి’. అని రాఘవాపూర్‌ యువకులు ప్రజావాణిలో ఫిర్యాదు చేశారు. కార్యక్రమంలో కలెక్టరేట్‌ ఏవో బండి ప్రకాశ్‌ పాల్గొన్నారు.

కోల్‌సిటీ(రామగుండం): రూ.లక్షలు వెచ్చించి కొనుగోలు చేసిన అత్యాధునిక పారిశుధ్య వాహనాలు నిరుపయోగంగా మారాయి. ఎండకు ఎండుతూ, వానకు తడుస్తూ తుప్పుపట్టే దశకు చేరాయి. రూ.65లక్షల విలువ చేసే స్వీపింగ్‌ మిషన్‌ వాహనాన్ని సింగరేణి సంస్థకు వాడుకోవడానికి ఉచితంగా ఇస్తామని చెప్పినప్పటికీ, ఇంధనం ఖర్చుకు భ యపడి సింగరేణి అధికారులు ముందుకు రావడం లేదు. ఈ నేపథ్యంలో నిరుపయోగంగా ఉన్న 12 వాహనాలను ఈవేలం ద్వారా విక్రయించేందుకు రామగుండం నగరపాలక సంస్థ అధికారులు సోమవారం టెండరు పిలిచారు. 12వాహనాలను రూ.85.50 లక్షల కనీస ధరతో వేలానికి ఉంచారు. రూ.65లక్షలతో కొనుగోలు చేసిన రోడ్‌ స్వీపింగ్‌ మిషన్‌ వాహనాన్ని రూ.22.50 లక్షలకు, రూ.45 లక్షలతో కొనుగోలు చేసిన పోర్టబుల్‌ కంపాక్టర్‌ వాహనాన్ని రూ.17 లక్షలకు, రూ.45 లక్షలతో కొ నుగోలు చేసిన హుక్‌ లోడర్‌ వాహనాన్ని రూ.23 లక్షలకు, రూ.35 లక్షలతో కొనుగోలు చేసిన స్టాటిక్‌ కంపాక్టర్‌ యంత్రాన్ని రూ.11 లక్షలతో విక్రయించడానికి కనీస ధరగా నిర్ణయించారు. వీటితోపాటు ఏడు ట్రాక్టర్‌ ట్రైలర్లు రూ.7 లక్షలు, డంపర్‌ ప్లేసర్‌ రూ.5 లక్షల కనీస ధరతో విక్రయించనున్నారు. 9న ఈ–వేలం వాహనాలను పరిశీలించేందుకు ఈనెల 28 నుంచి అక్టోబరు 8వ తేదీ సాయంత్రం 5 గంటల వరకు అవకాశం కల్పించారు. కేవైసీ పత్రాలతో ఆన్‌లైన్‌ నమోదు, ఈఎండీ చెల్లింపునకు అక్టోబరు 8 సాయంత్రం 5 గంటల వరకు గడువు విధించారు. అక్టోబరు 9న మధ్యాహ్నం 1 నుంచి 3 గంటల వరకు ఈ వేలం జరుగుతుందని, వేలంలో ఎంపికై న వారు మిగిలిన మొత్తాన్ని అక్టోబరు 13లోగా చెల్లించాలని, వాహనాల అప్పగింత అక్టోబరు 22 నుంచి 24 వరకు జరుగుతుందని వెల్లడించారు.

పెద్దపల్లి/పెద్దపల్లి రూరల్‌: ప్రత్యేక ఓటర్ల జాబితా సవరణ (ఎస్‌ఐఆర్‌) పేరుతో దేశవ్యాప్తంగా ఓట్ల తొలగింపునకు కుట్ర జరుగుతోందని రాష్ట్ర ప్రభు త్వ విప్‌, పెద్దపల్లి ఎమ్మెల్యే చింతకుంట విజయరమణారావు ఆరోపించారు. ఎన్నికల కమిషన్‌ తీరును నిరసిస్తూ ఏఐసీసీ, టీపీసీసీ పిలుపు మేరకు సోమవారం పెద్దపల్లి కలెక్టరేట్‌ ఎదుట కాంగ్రెస్‌ ఆధ్వర్యంలో ధర్నా నిర్వహించారు. సీఈసీ జ్ఞానేశ్‌కుమార్‌ రాజీనామా చేయాలని డిమాండ్‌ చేస్తూ ఆయన దిష్టిబొమ్మను దహనం చేశారు. అనంతరం విప్‌ విజయరమణారావు మాట్లాడుతూ ఎస్‌ఐఆర్‌ పేరుతో తమకు అనుకూలంగా లేని ప్రాంతాల్లో ఓట్ల తొలగింపునకు మోడీ, అమిత్‌షా కనుసన్నల్లో ఎన్నికల కమిషన్‌ కుట్ర చేస్తోందని ఆరోపించారు. జిల్లా గ్రంథాలయ చైర్మన్‌ అన్నయ్యగౌడ్‌, నూగిల్ల మల్లయ్య, బిరుదు రాధాకృష్ణ, ప్రకాశ్‌రావు, మల్లారెడ్డి, చిలుక సతీశ్‌, భాస్కర్‌రెడ్డి, శ్రీగిరి శ్రీనివాస్‌ పాల్గొన్నారు. సర్కారు బడుల్లో సకల సౌకర్యాలు ప్రభుత్వ పాఠశాలల్లో చదివే విద్యార్థులకు అవసరమైన సౌకర్యాలను ప్రభుత్వం కల్పిస్తోందని ప్రభుత్వవిప్‌, ఎమ్మెల్యే విజయరమణారావు అన్నారు. పెద్దపల్లిలోని జిల్లా పరిషత్‌ బాలుర ఉన్నత పాఠశాలలో విద్యార్థులకు హరేరామ హరేకృష్ణ ట్రస్టు ద్వారా అల్పాహారం అందించే కార్యక్రమాన్ని డీఈవో శారదతో కలిసి ప్రారంభించారు. తహసీల్దార్‌ రాజయ్య, ఎంపీడీవో శ్రీనివాస్‌, మున్సిపల్‌ కమిషనర్‌ వెంకటేశ్‌, ఎంఈవో సురేంద్రకుమార్‌ పాల్గొన్నారు.

మంథని: గోదావరి పుష్కరాల సందర్భంగా మంథనిలో చేపట్టిన అభివృద్ధి పనుల్లో వేగం పెంచి నిర్ణీత సమయంలో పూర్తి చేయాలని కలెక్టర్‌ కోయ శ్రీహర్ష ఆదేశించారు. సోమవారం మంథనిలో పర్యటించిన ఆయన గోదావరి పుష్కర ఘాట్ల నిర్మాణ పనులు, గౌతమేశ్వర ఆలయ పునర్నిర్మాణ పనులు, భూసేకరణ తదితర అంశాలను పరిశీలించారు. గోదావరి పుష్కరాలను దృష్టిలో పెట్టుకుని మంథనిలో అవసరమైన అభివృద్ధి పనులను ముందస్తుగా పూర్తి చేయాలని సూచించారు. పుష్కరాలకు అవసరమైన భూమిని సేకరించి పెండింగ్‌లో ఉన్న భూసేకరణ అంశాలను పరిష్కరించాలన్నారు. పుష్కరాల సమయంలో పెద్ద ఎత్తున భక్తులు వచ్చే అవకాశం ఉన్నందున భక్తుల రాకపోకలకు అనుగుణంగా సౌకర్యాలు కల్పించాలన్నారు. గౌతమేశ్వర ఆలయ పునర్నిర్మాణ పనులను త్వరగా ప్రారంభించి పూర్తి చేయాలన్నారు. మల్లెపల్లి ప్రభుత్వ బాలుర డిగ్రీ కళాశాలను స్థానిక బాలుర పాఠశాల అవరణలోకి మార్చిన నేపథ్యంలో విద్యార్థులకు వసతులు కల్పించాలని మున్సిపల్‌ కమిషనర్‌ మనోహర్‌ను ఆదేశించారు. ఆర్డీవో సురేశ్‌, తహసీల్దార్‌ అరిఫోద్దీన్‌ పాల్గొన్నారు.

సాక్షిప్రతినిధి, కరీంనగర్‌: శాతవాహన యూనివర్సిటీలో పీజీ అడ్మిష న్లు తీవ్రంగా నిరాశ పరిచాయి. 2026–27 విద్యా సంవత్సరంలో క్యాంపస్‌లో వివిధ కోర్సుల్లో అందుబాటులో ఉన్న సీట్లకు 33 శాతం మంది విద్యార్థులే అడ్మిషన్‌ తీసుకోవడం చర్చనీయాంశంగా మారింది. పీజీ సెట్‌ కౌన్సెలింగ్‌ తొలివిడత ఈనెల 23వ తేదీతో ముగిసింది. మొత్తం సీట్లలో సగం సీట్లలోనూ విద్యార్థులు చేరనప్పుడు, సెకండ్‌, థర్డ్‌ ఫేజ్‌ల్లో మిగిలిన సీట్లు ఎలా భర్తీ అవుతాయన్న ప్రశ్న విద్యార్థులు, అధ్యాపకులలో మొదలైంది. ఫిజిక్స్‌లో ఒక్కరు.. సోషియాలజీలో ఆరుగురు ప్రస్తుతం ఏడాదిలో ఫిజిక్స్‌ విభాగంలో ఒకేఒక్క విద్యార్థి చేరగా, సోషియాలజీలో ఆరుగురు చేరా రు. ఎంఏ ఉర్దూ, ఎంఏ ఇంగ్లిష్‌, ఎంఎస్‌డబ్లూ, ఎమ్మెస్సీ కెమిస్ట్రీ, మ్యాథ్స్‌, కంప్యూటర్‌ సైన్స్‌, ఇన్‌స్ట్రుమెంటేషన్‌ కోర్సుల్లో పదిలోపు విద్యార్థులు జాయినయ్యారు. యూనివర్సిటీలో కేటాయించిన సీట్ల కన్నా చేరిన విద్యార్థుల సంఖ్య చూసి అధ్యాపకులు ఒకరిద్దరి కోసం ఏడాది మొత్తం పాఠాలు చెప్పాలా? అని తల పట్టుకుంటున్నారు. దీనిపై భిన్నవాదనలు వినిపిస్తున్నాయి. ఉస్మానియా, కాకతీయలో సీటు కోసం ఎదురుచూసే విద్యార్థులంతా సెకండ్‌, థర్డ్‌ఫేజ్‌ల్లో చేరే అవకాశాలున్నాయని కొందరు అధ్యాపకులు విశ్వాసం వ్యక్తం చేశారు. ఇంతటి కనిష్టస్థాయిలో విద్యార్థులు రిపోర్టు చేయడం నానాటికీ పీజీ కోర్సులకు తగ్గుతున్న ఆదరణకు నిదర్శనమని మరికొందరు వ్యాఖ్యానిస్తున్నారు. బయోమెట్రిక్‌ భయపెట్టిందా? యూనివర్సిటీలో ఆర్ట్స్‌, సైన్స్‌ కలిపి మొత్తం 18వరకు కోర్సులున్నాయి. రాష్ట్రంలో ఎక్కడా లేని విధంగా బయోమెట్రిక్‌ విధానం కారణంగానే విద్యార్థులు చేరేందుకు వెనకడుగు వేస్తున్నారన్న అపవాదును యూనివర్సిటీ మూటగట్టుకుంది. గత విద్యా సంవత్సరంలో హాజరుశాతం తక్కువగా ఉందన్న కారణంతో పలు కోర్సుల విద్యార్థులను పరీక్షలు రాయకుండా చేసిన సంఘటన ఈ విద్యా సంవత్సరంలో ప్రవేశాలపై ప్రభావం చూపిందని వర్సిటీ అధ్యాపకులు, విద్యార్థులు బహిరంగంగానే విమర్శిస్తున్నారు. వాస్తవానికి రాష్ట్రంలోని అన్ని యూని వర్సిటీలలో బయోమెట్రిక్‌ విధానం ఉన్నా.. ఇక్కడ కఠినంగా అమలవుతుందని విద్యార్థులు వాపోతున్నారు. అదే సమయంలో శాతవాహన పరిధిలోని ఏ అనుబంధ, ప్రైవేటు కాలేజీలో లేని బయోమెట్రిక్‌ అమలు కాకపోవడం ఏంటని నిలదీస్తున్నారు. పైగా పోటీ పరీక్షలకు ఎంతో ఉపయోగపడే లైబ్రరీ లో విద్యార్థులకు ఆంక్షలు విధించడం, ప్రతీ చిన్న విషయానికి పోలీసులను క్యాంపస్‌లోకి పిలిపించి విద్యార్థులపై కేసులు పెట్టిస్తామంటూ బెదిరించడం కూడా వర్సిటీ ప్రవేశాలపై ప్రతికూల ప్రభావం చూపిందని విద్యార్థులు వాపోతున్నారు. అదే సమయంలో ఎల్‌ఎల్‌బీ, పీహెచ్‌డీ విద్యార్థులకు హాస్టల్‌ సదుపాయం లేకపోవడం కూడా ప్రవేశాలు తగ్గేందుకు పరోక్ష కారణమైందని చెబుతున్నారు.కోర్సు మొత్తం సీట్లు అడ్మిటెడ్‌ ఆర్ట్స్‌ 210 54 సైన్స్‌ 325 73 కామర్స్‌ 80 29 లా 143 95 మొత్తం 758 251 కోర్సు మొత్తం చేరికలు ఎంఏ ఎకానమిక్స్‌ 40 10 ఎంఎస్‌డబ్ల్యూ 30 09 ఎంఏ తెలుగు 40 12 ఎంఏ ఉర్దూ 30 09 ఎంఏ ఇంగ్లిష్‌ 40 08 ఎంఏ సోషియాలజీ 30 06 ఎల్‌ఎల్‌బీ 124 77 ఎల్‌ఎల్‌ఎం 19 18 ఎమ్మెస్సీ మ్యాథ్స్‌ 40 06 ఎమ్మెస్సీ బాటనీ 40 11 ఎమ్మెస్సీ ఫుడ్‌ సైన్స్‌ 50 20 ఎమ్మెస్సీ ఫోరెన్సిక్‌ సైన్స్‌ 30 14 ఎమ్మెస్సీ కంప్యూటర్‌ సైన్స్‌ 50 05 ఎమ్మెస్సీ కెమిస్ట్రీ 60 09 ఎమ్మెస్సీ ఫిజిక్స్‌ 25 01 ఎమ్మెస్సీ ఇన్‌స్ట్రుమెంటేషన్‌ 30 07 ఎంకాం జనరల్‌ 40 13 ఎంకాం ఫిన్‌టెక్‌ 40 16

కోల్‌సిటీ(రామగుండం): వాతావరణ మార్పులను తట్టుకునేలా రామగుండంలో వరల్డ్‌ బ్యాంక్‌ ప్రాజెక్ట్‌ ద్వారా నమూనా మోడల్‌ రోడ్డను నిర్మించడానికి నగరపాలక సంస్థ కౌన్సిల్‌ నిర్ణయించింది. ఎమ్మెల్యే ఎం.ఎస్‌.రాజ్‌ఠాకూర్‌ చొరవతో ఎన్టీపీసీలోని మేడిపల్లి సెంటర్‌ నుంచి పీ.కే.రామయ్య కాలనీ బోర్డు వరకు కిలోమీటర్‌ దూరం, 80 ఫీట్ల వెడల్పుతో క్లైమేట్‌ రెసిలియెంట్‌ మోడల్‌ రోడ్డుగా అభివృద్ధి చేయనున్నారు. రూ.14.50 కోట్ల అంచనా వ్యయంతో నిర్మించేందుకు ఈనెల 25న కౌన్సిల్‌లో తీర్మానించారు. వాతావరణ మార్పులను తట్టుకునేలా, వర్షపు నీటి సమస్యలను తగ్గించేలా, ఎండ తీవ్రతను ఎదుర్కొనేలా నిర్మాణం చేపట్టడమే ప్రధాన ఉద్దేశమని అధికారులు వెల్లడిస్తున్నారు. వర్షపు నీటికి ప్రత్యేక ప్రణాళిక భారీ వర్షాలు, వరదల సమయంలో నీరు రహదారులపై నిలిచిపోకుండా మెరుగైన డ్రైనేజీ వ్యవస్థలు ఏర్పాటు చేయడం, సాధ్యమైన చోట నీటిని నేలలోకి ఇంకేలా చేసే పేవ్‌మెంట్లు, బయోస్వేల్స్‌ వంటి ప్రకృతి ఆధారిత విధానాలను వినియోగించడంలో సీఆర్‌ఐయూఆర్‌సీ భాగంగా ఉంది. ఉష్ణోగ్రతలు పెరుగుతున్న నేపథ్యంలో అర్బన్‌ హీట్‌ ఐలాండ్‌ ప్రభావాన్ని తగ్గించేలా అవసరమైన చోట కప్పు కలిగిన మార్గాలు, అధిక ఉష్ణోగ్రతలను తట్టుకునే నాణ్యమైన నిర్మాణ సామగ్రి వినియోగం వంటి అంశాలను పరిగణనలోకి తీసుకోనున్నారు. రూ.14.50 కోట్లతో మేడిపల్లి సెంటర్‌ నుంచి పీ.కే.రామయ్య కాలనీ బోర్డు వరకు ప్రతిపాదించిన వరల్డ్‌ బ్యాంక్‌ ప్రాజెక్ట్‌ కింద చేపట్టనున్న మోడల్‌ రోడ్డు నిర్మాణ పనులకు మొత్తం రూ.14.50 కోట్ల అంచనా వ్యయాన్ని ప్రతిపాదించారు. అర్బన్‌ ఛాలెంజ్‌ ఫండ్‌ కింద 25శాతం కేంద్ర సహాయం, 50 శాతం సంస్థాగత/మార్కెట్‌ రుణ సమీకరణ, 25 శాతం రాష్ట్ర ప్రభుత్వ సహాయం ద్వారా నిధులు సమకూర్చే ప్రతిపాదన ఉంది. ప్రత్యామ్నాయంగా ప్రపంచ బ్యాంకు నుంచి 70 శాతం రుణ సహాయం, రాష్ట్ర ప్రభుత్వం నుంచి 30 శాతం సహాయంతో ప్రాజెక్టును చేపట్టే అవకాశాన్ని కూడా ప్రతిపాదనలో పొందుపరిచారు. పరిపాలనా అనుమతులకు రామగుండంలో నిర్మించబోయే మోడల్‌ రోడ్‌ ప్రాజెక్టుకు సంబంధించిన ప్రతిపాదన, కాన్సెప్ట్‌ నోట్‌ను బెంగళూరుకు చెందిన మెసర్స్‌ శుబ్‌ కన్సల్టెంట్‌ అండ్‌ టెక్నోక్రాట్‌ సంస్థ సిద్ధం చేసింది. వీటిని కౌన్సిల్‌ పరిశీలించి ఆమోదించింది. డీపీఆర్‌తో పాటు కౌన్సిల్‌ తీర్మానాన్ని సీడీఎంఏకు సమర్పించడానికి నివేదికలను తయారు చేయడంతో ఇంజినీర్లు నిమగ్నమయ్యారు. సీడీఎంఏకు సమర్పిస్తాం కేంద్ర, రాష్ట్ర ప్రభుత్వం ఇచ్చిన గైడ్‌లైన్స్‌ మేరకు ఎమ్మెల్యే రాజ్‌ఠాకూర్‌ ప్రతిపాదనలతో మేడిపల్లి సెంటర్‌ నుంచి పీ.కే.రామయ్య కాలనీ బోర్డు వరకు మోడల్‌ రోడ్డు అభివృద్ధికి ఎంపిక చేశాం. వరల్డ్‌ బ్యాంక్‌ ప్రాజెక్ట్‌ కింద చేపట్టనున్న మోడల్‌ రోడ్డు నిర్మాణ పనులకు డీపీఆర్‌ ద్వారా మొత్తం రూ.14.50 కోట్ల అంచనా వ్యయాన్ని ప్రతిపాదించా రు. ఇటీవల ఈ ప్రతిపాదనలకు కౌన్సిల్‌ ఆమోదం కూడా తెలిపింది. ఈ ప్రాజెక్ట్‌ అనుమతి కోసం సమగ్ర నివేదికను సీడీఎంఏకు సమర్పిచడానికి నివేదిక సిద్ధం చేస్తున్నాం. – అరుణశ్రీ, కమిషనర్‌, నగరపాలక సంస్థ

పెద్దపల్లిరూరల్‌: జిల్లా రవాణశాఖ కార్యాలయం ఏళ్లుగా అద్దె భవనంలో కొనసాగుతోంది. ఇరుకుగదులతో అధికారులు, వాహనదారులకు ఇబ్బందులు తప్పడం లేదు. సొంత భవనం నిర్మించేందుకు నిధులు ఉన్నా స్థలం కరువైంది. అనువైన స్థలం కేటాయించాలని ఆర్టీఏ కార్యాలయ అధికారులు నిత్యం రెవెన్యూ అధికారులకు విన్నవిస్తున్నా ఇప్పటి వరకు ఫలితం కనిపించడం లేదు. 30 ఏళ్లుగా అద్దె భవనమే దిక్కు పెద్దపల్లిలో మోటార్‌వెహికల్‌ ఇన్‌స్పెక్టర్‌ కార్యాలయం సుమారు 30 ఏళ్ల క్రితమే అద్దెభవనంలో ఏర్పాటైంది. అప్పట్నుంచి వాహనదారులకు సేవ లు అందిస్తున్న రవాణ శాఖ అధికారులు.. ఇరుకు గదుల్లో విధులు నిర్వర్తించడం కష్టంగా ఉన్నా త ప్పడం లేదు. తెలంగాణ రాష్ట్రం ఏర్పడ్డాక 2016 అక్టోబర్‌ 11న పెద్దపల్లి జిల్లాగా ఆవిర్భవించింది. అప్పటివరకు ఎంవీఐ కార్యాలయంగా ఉన్న ఆఫీసు జిల్లా రవాణ శాఖ అధికారి కార్యాలయంగా మారింది. జిల్లా కార్యాలయం అందుబాటులోకి రావడంతో వాహనాల పనులన్నీ ఇక్కడి కార్యాలయంలోనే అందుబాటులోకి వచ్చాయి. దీంతో వాహనదారు లు కరీంనగర్‌ వరకు వెళ్లే బాధ తప్పింది. (ప్రస్తుతం ఆన్‌లైన్‌ సేవలు అందుబాటులోకి వస్తున్నాయి) జి ల్లాలోని భారీ వాహనాలు మొదలు బైక్‌లు, ఆటో లు, ట్రాక్టర్లు ఇలా అన్నిరకాల వాహనాలకు ఇక్కడే రిజిస్ట్రేషన్లు కొనసాగుతున్నాయి. చెట్ల నీడే దిక్కు వాహనాల రిజిస్ట్రేషన్‌, డ్రైవింగ్‌ లైసెన్స్‌ జారీ లాంటి పనుల కోసం వచ్చే వాహనదారులు పనులు పూర్తయ్యేవరకూ చెట్ల నీడనే ఆశ్రయించాల్సి వస్తోంది. రిజిస్ట్రేషన్ల కోసం వచ్చే వాహనాలతో ఆవరణ నిండి ఉంటోంది. నిబంధనలను పాటించని వాహనాలను సీజ్‌ చేసిన అధికారులు.. వాటిని భద్రపర్చేందుకు కూడా స్థలం కరువైంది. కొన్ని వాహనాలను ఫైర్‌స్టేషన్‌ ప్రాంతంలో నిలుపుతున్నారు. పెరిగిన ఉద్యోగుల సంఖ్య ఎంవీఐ కార్యాలయం నుంచి జిల్లా రవాణా శాఖాధికారి ఆఫీసుగా హోదా పెరగడంతో అందు కు తగ్గట్టుగా అధికారులు, సిబ్బంది సంఖ్య కూడా పెరిగింది. వారంతా ఇప్పుడు ఇరుకైన అద్దె గదుల్లో అవస్థలు పడుతూ పనులు చేయాల్సి వస్తోంది. ప్రత్యామ్నాయంగా ప్రస్తుతమున్న గదులు సరిపోక తాత్కాలికంగా షెడ్లు నిర్మించారు. స్థలం కేటాయిస్తేనే.. జిల్లా రవాణశాఖ అధికారి కార్యాలయానికి అవసరమైనంత స్థలాన్ని కేటాయిస్తేనే ఇబ్బందులు దూరమయ్యే అవకాశాలున్నాయి. కార్యాలయ భవనాలు, డ్రైవింగ్‌ టెస్టు కోసం స్థలం కూడా అవసరముంటుంది. విశాలమైన స్థలం అవసరం కావడంతో పెద్దపల్లి మండలం రాఘవాపూర్‌ గ్రామ శివారులోనే స్థలం అందుబాటులో ఉందని, అయితే ఆ స్థలం గుట్టకు సమీపంలో ఉండడంతో ఏర్పాటుకు విముఖత చూపి మరోప్రాంతంలో స్థలాన్వేషణ చేస్తున్నట్లు తెలుస్తోంది. ఉన్నతాధికారులు స్పందించి ఆర్టీఏ ఆఫీసుకు అవసరమైన, అనువైన స్థలాన్ని కేటాయించాల్సిన అవసరముందని వాహనదారులు విన్నవిస్తున్నారు. అద్దె భవనంలో తప్పని అవస్థలు సందర్శకులకు చెట్ల నీడే దిక్కు పక్కా భవన నిర్మాణానికి స్థలం కరువు జిల్లా రవాణా శాఖ కార్యాలయం తీరు

మంథనిరూరల్‌: వంటగ్యాస్‌(ఎల్‌పీజీ) వినియోగదారులకు ఊరట లభించింది. సిలిండర్‌ బుకింగ్‌ను 45రోజుల నుంచి 25రోజులకు కుదిస్తూ కేంద్ర ప్ర భుత్వం ఇటీవల ఉత్తర్వులు జారీచేయడంతో కస్టమర్లు హర్షం వ్యక్తం చేస్తున్నారు. జిల్లాలోని 14 ఏజె న్సీల్లో హెచ్‌పీ, భారత్‌, ఇండేన్‌ ఆయిల్‌ కంపెనీలకు చెందిన కనెక్షన్లు ఉన్నాయి. ఇందులో కమర్షియల్‌ 79,046, డొమెస్టిక్‌ కనెక్షన్లు 88,892 ఉన్నట్లు అధికారులు చెబుతున్నారు. పట్టణ పరిధిలో 21 రోజులు, గ్రామాల్లో 45 రోజులకోసారి గ్యాస్‌సిలిండర్‌ బుక్‌ చేసుకునేలా ఉన్న నిబంధనలను సవరిస్తూ తాజాగా ఉత్తర్వులు జారీఅయ్యాయి. సింగిల్‌ సిలిండర్‌తో ఇబ్బందులు జిల్లాలో అనేకమంది సింగిల్‌సిలిండర్‌ వినియోగదారులు ఉన్నారు. ఒక సిలిండర్‌ బుక్‌ చేశాక రెండు లేదా మూడు రోజుల్లోనే డెలివరీ అయ్యేది. అయితే 45 రోజుల కాలవ్యవధి ఉండటంతో ఒక్కోసారి సిలిండర్‌ నెలపది రోజులకే ఖాళీ అవడంతో ఇబ్బందులు తప్పలేదు. శుభకార్యాలు, వంటలు అధికంగా చేయాల్సి వస్తే మరో సిలిండర్‌ కోసం విని యోగదారులు నానాతంటాలు పడాల్సి వచ్చేది. పశ్చిమాసియా యుద్ధంతో.. కొద్దినెలల క్రితం పశ్చిమాసియా యుద్ధ వాతావరణంతో ఇంధన రవాణాకు అంతరాయం ఏర్పడిన విషయం తెలిసిందే. గ్యాస్‌ సరఫరా లేక సిలిండర్ల కోసం ఏజెన్సీల వద్ద కస్టమర్లు బారులు తీరారు. 25 రోజులకే బుక్‌ చేసుకోవచ్చు గతంలో గ్యాస్‌ బుకింగ్‌కు 45 రోజుల గడువు ఉండేది. ప్రభుత్వం తాజాగా 25 రోజులకే బుకింగ్‌ చేసుకునే అవకాశం కల్పించింది. మంథని ఏజెన్సీ పరిధిలో ప్రతీరోజు 250 వరకు సిలిండర్లు డెలివరీ చేస్తున్నాం. వినియోగదారులు ఈ అవకాశాన్ని సద్వినియోగం చేసుకోవాలి. – ఎల్లంకి వాసుదేవ్‌, మేనేజర్‌, సాయి కిషన్‌ ఎంటర్‌ ప్రైజెస్‌, మంథని 45 నుంచి 25 రోజులకు బుకింగ్‌ సమయం తగ్గింపు

నేను నిరుపేదను. కుటుంబ సభ్యులందరూ పనిచేస్తేనే పూటగడిచేది. డబుల్‌ బెడ్రూమ్‌ ఇంటికోసం నాలుగేళ్ల క్రితం లక్కీడ్రాలో ఎంపిక చేసిండ్రు. ఇంకా ఇల్లు ఇయ్యలేదు. ప్రజాప్రభుత్వం ఆదుకుంటుందని భావిస్తున్న. – వాషిమ్‌, భర్త భాషమియా, గడిమహల్‌, సుల్తానాబాద్‌ ఉన్నతాధికారుల దృష్టికి తీసుకెళ్తా డబుల్‌ బెడ్రూమ్‌ ఇళ్ల పరిస్థితి పరిశీలించాక ఉన్నతాధికారుల దృష్టికి తీసుకు వెళ్తాం. వసతుల కల్పనతోపాటు మధ్యలో నిలిచిన ఇళ్ల నిర్మాణం పూర్యయ్యేలా చొరవ తీసుకుంటా. వారి ఆదేశాల మేరకు వ్యవహరిస్తాం. – పవన్‌కుమార్‌, పీడీ, హౌసింగ్‌

పెద్దపల్లి శివారు రంగంపల్లిలో ఆరు ఎకరాలలో ఏడు రకాల కూరగాయలను సాగుచేసున్న. టమాట, వంకాయ, క్యాలిఫ్లవర్‌, బెండతోపాటు తీగజాతి రకాలైన కాకర, బీర, సొర పంట వేసిన. ప్రస్తుతం మార్కెట్‌లో కూరగాయలకు వంకాయ, సొర, టమాట, బెండకు ధర అంతంత మాత్రంగానే ఉంది. – పూదరి చంద్రశేఖర్‌, రంగంపల్లి రైతులకు ప్రోత్సాహం జిల్లాలో కూరగాయలు సాగు చేసేలా రైతులను అన్నివిధాలా ప్రోత్సహిస్తున్నాం. ప్రభుత్వం అందిస్తున్న రాయితీల గురించి వివరిస్తూ సద్వినియోగం చేసుకోవాలని చెబుతున్నాం. ప్రస్తుత ఎల్‌నినో పరిస్థితుల దృష్ట్యా తక్కువ నీటితో సాగయ్యే కూరగాయల సాగు మేలు. ఈదిశగా రైతులు పంటలు వేయాలి. – గడ్డం శ్యాంప్రసాద్‌, జిల్లా ఉద్యాన అధికారి

పెద్దపల్లిరూరల్‌: కూరగాయలు పండించే రైతులకు ప్రభుత్వం ప్రోత్సాహం అందిస్తోంది. ప్రజలకు నిత్యం అవసరమయ్యే కూరగాయల సాగుతో రోజువారీ ఆదాయం సమకూరుతుంది. దిగుబడి, ధరను బట్టి బోలెడు లాభాలు వస్తున్నాయని అంటున్నారు. జిల్లాలో 833 ఎకరాల్లో వీటిని సాగుచేస్తుండగా.. అందులో 180 ఎకరాల్లో టమాట సాగవుతోంది. జిల్లాలోని సుల్తానాబాద్‌ మండలం సుగ్లాంపల్లి, పెద్దపల్లి శివారు రంగంపల్లితోపాటు హన్మంతునిపేట, చీకురాయి తదితర గ్రామాల్లో కూరగాయలు విస్తృతంగా సాగవుతున్నాయి. తీగజాతి పంటల వైపు.. తీగజాతి కూరగాయలు పండించేందుకు ముందుకొచ్చే రైతులకు ఎకరాకు రూ.4వేలను వెదురుతో పందిరి నిర్మాణం చేసేందుకు ప్రభుత్వం ఉద్యానవన శాఖ ద్వారా అందిస్తోంది. బీర, సొర, కాకర, దొండ లాంటి తీగజాతి పంటలు వేసే రైతులు ఈ అవకాశాన్ని సద్వినియోగం చేసుకోవాలని అధికారులు అవగాహన కల్పిస్తున్నారు. రాయితీలతో ప్రోత్సాహం కూరగాయల సాగువైపు రైతులు దృష్టి సారించేలా జిల్లా ఉద్యానవన శాఖ రాయితీలను అందించి ప్రోత్సహిస్తోంది. కూరగాయల తోటలో కలుపు పెరగకుండా మల్చింగ్‌షీట్లు వేసేందుకు హెక్టారుకు రూ.20వేలు రాయితీని అందిస్తున్నారు. అంతర కృషి కోసం మినీట్రాక్టర్లు, పవర్‌ స్ప్రేయర్‌ లాంటి యంత్రాలను 50శాతం రాయితీపై అందిస్తున్నారు. 102 ఎకరాలు.. 43 మంది రైతుల గుర్తింపు జిల్లాలోని ప్రభుత్వ పాఠశాలల్లో విద్యార్థులకు అల్పాహారం అందిస్తున్న హరేరామ.. హరేకృష్ణ ఫౌండేషన్‌ వారికి ప్రతీవారం 50 మెట్రిక్‌ టన్నుల నాణ్యమైన కూరగాయలను అందించేందుకు 43 ఎకరాల్లో సాగు చేస్తున్న 102 మంది కూరగాయల రైతులను ఎంపిక చేసినట్లు అధికారవర్గాలు తెలిపాయి. సేంద్రియ పద్ధతుల్లో సాగుచేసే రైతుల నుంచి నాణ్యమైన కూరగాయలను సేకరించాలని ఫౌండేషన్‌ నిర్ణయం తీసుకుంది. మల్చింగ్‌ షీట్‌, పందిర్ల కోసం రాయితీలు రైతులకు ప్రోత్సాహం అందిస్తున్న ప్రభుత్వం ఎల్‌నినో ప్రభావాన్ని అధిగమించేందుకు అధికారుల చర్యలు

పెద్దపల్లి: పేదల సొంతింటి కల సాకారం చేసే లక్ష్యంతో నిర్మించిన డబుల్‌ బెడ్రూమ్‌ ఇళ్లు ఏళ్లుగా నిరుపయోగంగా పడిఉంటున్నాయి. సుల్తానాబాద్‌లో 2017–18లో రూ.6 కోట్ల వ్యయంతో డబుల్‌ బెడ్రూమ్‌ ఇళ్ల నిర్మాణం చేపట్టగా.. లబ్ధిదారులను గుర్తించి పంపిణీ చేసే క్రమంలో నిలిచిపోయాయి. ఇళ్లపై విద్యుత్‌ తీగలు ఉండడంతో కాంట్రాక్టర్‌ పనులు మధ్యలోనే వదిలిపెట్టి వెళ్లారు. కాల్వశ్రీరాంపూర్‌ మండలంలోని పాండవులగుట్ట సమీపంలో రూ.14 కోట్లతో 280 ఇళ్ల నిర్మాణాన్ని 2017–18లో ప్రారంభించారు. 2022 నాటికే పనులు పూర్తయినా డబుల్‌ బెడ్రూమ్‌ ఇళ్లను అర్హులైన లబ్ధిదారులకు ఇంకా అప్పగించలేదు. వసతులు లేక.. పంపిణీ నిలిచి.. ఇళ్ల నిర్మాణం పూర్తయినా.. అంతర్గత రోడ్లు, తాగునీరు, విద్యుత్‌, వీధిదీపాలు, మురుగునీటి కాలువలు వంటి వసతులు కల్పించలేదు. దీంతో లబ్ధిదారులకు ఇళ్లు కేటాయించినా నివాసం ఉండే పరిస్థితి లేకుండా పోయింది. ఖాళీగా ఉన్న భవనాలు క్రమంగా దెబ్బతింటుంటున్నాయి. అంతేకాదు.. రాత్రివేళ ఇళ్ల పరిసరాల్లో మందుబాబులు సంచరిస్తున్నారని స్థానికులు చెబుతున్నారు. ఇళ్లు అసాంఘిక కార్యకలాపాలకు అడ్డాలుగా మారుతున్నాయని ఆందోళన వ్యక్తం చేస్తున్నారు. రూ.కోట్లు వెచ్చించి నిర్మించిన డబుల్‌ బెడ్రూమ్‌ ఇళ్లు నిరుపయోగంగా ఉండడంతో ప్రజాధనం వృథా అవుతోందని లబ్ధిదారులు వాపోతున్నారు. సొంతిళ్ల కోసం నిరీక్షిస్తున్న పేదలు సుల్తానాబాద్‌, కాల్వశ్రీరాంపూర్‌లో నిరుపయోగంగా పడిఉన్న వైనం డబుల్‌ బెడ్రూమ్‌ ఇళ్ల సముదాయంలో వసతులు కూడా కరువే..

గోదావరిఖని: 2025– 26 ఆర్థిక సంవత్సరం ముగిసి దాదాపు ఆరు నెలలు గడిచినా లాభాలు, ఉద్యోగు ల వాటాపై సింగరేణి ఇంకా స్పష్టత ఇవ్వడంలేదు. గతేడాది సెప్టెంబర్‌ 22న లాభాలు ప్రకటిస్తూ కార్మికుల వాటా 34శాతం అని తేల్చింది. 2024 – 25లో రూ.6,394 కోట్ల లాభాలు.. గత ఆర్థిక సంవల్సరంలో సింగరేణి రూ.6,394 కో ట్ల నికర లాభం ఆర్జించింది. ఇందులో నుంచి కొత్త ప్రాజెక్టుల విస్తరణ కోసం రూ.4,034 కోట్లు కేటా యించి, మిగిలిన రూ.2,360 కోట్లపై 34 శాతం లెక్కన దాదాపు రూ.819.40కోట్లను కార్మికులు, ఉద్యోగులకు బోనస్‌గా ప్రకటించింది. దీంతో సు మారు 40వేల మంది రెగ్యులర్‌ కార్మికులకు ఒక్కొక్కరికి రూ.1,95లక్షల చొప్పున రూ.802.40కోట్లు అందగా, కాంట్రాక్ట్‌ కార్మికులకు రూ.5,500 చొప్పు న రూ.17కోట్లు చెల్లించారు. అయితే మొత్తం నికర లాభంపై వాటా చెల్లించకుండా విస్తరణ వ్యయాలను మినహాయించి మిగిలిన మొత్తంపై లెక్కించడంతో కార్మికుల వాటా తగ్గుతోందని కొన్నికార్మిక సంఘాలు అప్పట్లో అభ్యంతరం వ్యక్తం చేశాయి. ఈసారి లాభాల సంగతి ఏమిటి? గత ఆర్థిక సంవత్సరంలో సింగరేణి ఎంతలాభం సాధించింది? అందులో నుంచి ఎంతమొత్తాన్ని విస్తరణకు కేటాయించనుంది? కార్మికులకు ఎంత శాతం వాటా ఇవ్వనుంది? అనే ప్రశ్నలు కీలకంగా మారాయి. ఇప్పటికే కార్మిక సంఘాలు 40 శాతం లాభాల వాటా ఇ వ్వాలని డిమాండ్‌ చేస్తున్నాయి. జూన్‌ 2026లో లాభాల వాటాతోపాటు ఇతర డిమాండ్లపై గుర్తింపు యూనియన్‌ ఏఐటీయూసీ సమ్మె నోటీసు కూడా ఇచ్చింది. ముఖ్యమంత్రి ప్రకటించే ఆనవాయితీ..! సింగరేణి బోర్డు ఆఫ్‌ డైరెక్టర్ల సమావేశం ఈనెల 24న హైదరాబాద్‌లో జరిగింది. ఇందులో కీలక అంశాలపై నిర్ణయం తీసుకునే అవకాశం ఉన్నా.. ఎజెండాలో పొందుపర్చిన అంశాలను యాజమాన్యం ఇప్పటికీ వెల్లడించలేదు. తొలుత యాజమాన్యం లాభాలు ప్రకటించి, ఆ తర్వాత ప్రభుత్వం వద్దకు వెళ్తే.. ముఖ్యమంత్రి వాటా ప్రకటించడం ఆనవాయితీ. గతేడాది 34శాత వాటా చెల్లించిన నేపథ్యంలో ఈసారి 40శాతం కావాలని కార్మిక సంఘాలు డిమాండ్‌ చేస్తున్నాయి. రాష్ట్ర ప్రభుత్వం ఏవిధంగా స్పందిస్తో వేచిచూడాలి.ఐదేళ్లలో లాభాలు, కార్మికుల వాటా(రూ. కోట్లలో) ఏడాది లాభాలు వాటా చెల్లింపు తేదీ 2020–21 272.20 29% 79.06 11–10–2021 2021–22 1,227 30% 368.00 10–10–2022 2022–23 2,222 32% 711.00 22–10–2023 2023–24 2,388.50 33% 788.20 20–09–2024 2024–25 6,394 34% 819.40 22–09–2025 ప్రకటించని సింగరేణి యాజమాన్యం గతేడాది సెప్టెంబరు 22న చెల్లింపులు లాభాల వాటా కోసం కార్మికులు, ఉద్యోగుల ఎదురుచూపులు

రామగిరి: నిరక్షరాస్యులపై మహిళల జీవితాల్లో చ దువుల వెలుగులు నింపేందుకు ప్రభుత్వం చేపట్టిన అమ్మకు ‘అక్షరమాల’ ఆదివారం నిర్వహించారు. వి విధ గ్రామపంచాయతీ కార్యాలయాల్లో ఈ సంద ర్భంగా నిర్వహించిన ఉల్లాస్‌ పరీక్షకు 1,990 మంది మహిళలు పరీక్షకు హాజరయ్యారు. చదవడం, రా యడం నేర్చుకోవాలనే ఉత్సాహంతో మహిళలు ప రీక్ష రాశారు. చదువుతో ఆర్థికంగా స్వావలంబన సా ధించడంతోపాటు తమ సంఘాల పుస్తకాలను తా మే చదివి, రాసుకునేలా కార్యక్రమాన్ని అమలు చే స్తున్నట్లు అధికారులు తెలిపారు. పరీక్షలకు హాజరై న మహిళలకు సర్పంచులు ప్రశ్నాపత్రాలు, పెన్ను లు పంపిణీ చేశారు. ఏపీఎం పద్మ మాట్లాడుతూ, ప్రతీ మహిళకు చదవడం, రాయడం రావాలన్నదే అమ్మకు అక్షరమాల లక్ష్యమన్నారు. చదువుతో మహిళల్లో ఆత్మవిశ్వాసం పెరుగుతుందన్నారు.

ధర్మారం: నందిమేడారం నంది పంప్‌హౌస్‌ ద్వారా ఎల్లంపల్లి ప్రాజెక్టు నీటిని ఆదివారం నా లుగు పంప్‌లు ఆన్‌చేసి మేడారం రిజర్వాయర్‌లోకి ఎత్తిపోస్తున్నారు. ఎల్లంపల్లి ప్రాజెక్టు నుంచి గ్రావిటీ కాలువ ద్వారా నంది పంప్‌హౌస్‌లోని సర్జిఫూల్‌కు చేరుకున్న తర్వాత పంప్‌లను ఆన్‌చేశారు. ఒక్కొక్క పంప్‌ నుంచి 3,150 క్యూసెక్కుల నీటిని డెలీవరి సిస్టర్న్‌ ద్వారా రిజర్వాయర్‌లోకి ఎత్తిపోస్తున్నారు. ఇదేపరిమాణంలో రిజర్వాయర్‌ గేట్ల ద్వారా సొరంగమార్గం నుంచి రామడుగు మండలం లక్ష్మీపూర్‌ పంప్‌హౌస్‌కు తరలిస్తున్నారు. అక్కడ నుంచి వివిధ ప్రాజెక్టులకు నీటిని తరలిస్తున్నారు. శ్లోక కంఠస్థ పోటీలు పెద్దపల్లి: తిరుమల తిరుపతి దేవస్థానం, హిందూ ధర్మప్రచార పరిషత్‌ ఆధ్వర్యంలో శ్రీమత్‌ భగవద్గీత శ్లోక కంఠస్థ పోటీలు నిర్వహించనున్నట్లు ఆచార్యుడు మెంగని చంద్రశేఖర్‌ తెలిపా రు. వచ్చే డిసెంబరు 20న గీతా జయంతిని పు రస్కరించుకుని పోటీలు నిర్వహించనున్నట్లు వెల్లడించారు. ఆరు నుంచి పదో తరగతి విద్యార్థులు అర్హులన్నారు. ఇతర వివరాలు, పేర్ల న మోదు కోసం 99120 78519 నంబరులో సంప్రదించాలని ఆయన సూచించారు. ఓబీసీ మోర్చా అధ్యక్షుడిగా రమేశ్‌పెద్దపల్లి: సుల్తానాబాద్‌ మండలం కొదురుపాక గ్రామానికి చెందిన చాత రాజు రమేశ్‌ను బీజేపీ ఓ బీసీ మోర్చా జిల్లా అధ్యక్షుడిగా నియమించారు. ఈమేరకు బీజేపీ జిల్లా అధ్యక్షుడు కర్రె సంజీవరెడ్డి ఆదివారం ఉత్తర్వులు జారీచేశారు. తన నియామకానికి సహకరించిన బీజేపీ రాష్ట్ర అ ధ్యక్షుడు రాంచందర్‌రావు, నాయకులు తది తరులకు రమేశ్‌ కృతజ్ఞతలు తెలిపారు. నేటినుంచి బ్యాంకర్ల సమ్మెపెద్దపల్లి: వారంలో ఐదురోజుల పనిదినాలు అ మలు చేయాలనే డిమాండ్‌తో సోమవారం నుంచి మూడురోజుల పాటు బ్యాంకు ఉద్యోగులు సమ్మె చేసేందుకు సిద్ధమయ్యారు. యుౖ నెటెడ్‌ ఫోరం ఆఫ్‌ బ్యాంక్‌ యూనియన్స్‌(యూఎఫ్‌బీయూ) పిలుపు మేరకు ప్రభుత్వ, ప్రైవే ట్‌, గ్రామీణ బ్యాంకుల్లో లావాదేవీలకు అంతరాయం కలిగే అవకాశం ఉంది. అయితే, ఆదివారం(ఈనెల 27న) బ్యాంకులు యథావిధిగా పనిచేశాయి. ఈనెల 28, 29, 30వ తేదీల్లో బ్యాంకు ఉద్యోగులు చేపట్టిన సమ్మెకు ఏఐటీయూసీ, సీఐటీయూ, ఐఎఫ్‌టీయూ తదితర యూనియన్ల నేతలు సునీల్‌, ముత్యంరావు, శ్రీనివాస్‌ తదితరులు మద్దతు ప్రకటించారు. ‘ప్రయాణాలు తగ్గించారు’మంథని: మహిళాకు ఉచిత ప్రయాణం కల్పిస్తు న్నామని చెబుతున్న కాంగ్రెస్‌ ప్రభుత్వం.. మ హాలక్ష్మి పథకంలోని ఎక్స్‌ప్రెస్‌ బస్సులను త గ్గించి, డీలక్స్‌ల్లో డబుల్‌ చార్జీలు వసూలు చేస్తున్నారని మంథని మాజీ ఎమ్మెల్యే పుట్ట మధు విమర్శించారు. స్థానిక ఆర్టీసీ బస్టాండ్‌ను ఆదివారం సందర్శించిన అనంతరం విలేకరులతో మాట్లాడారు. ఆడవాళ్ల ప్రయాణం తగ్గించిన ఘనత కాంగ్రెస్‌ ప్రభుత్వానికే దక్కిందన్నారు. మంథని నుంచి హైదరాబాద్‌కు అనేక ఏళ్లుగా బస్సులు నడిచేవని, ప్రస్తుతం హైదరాబాద్‌, దిల్‌సుఖ్‌నగర్‌, మియాపూర్‌ బస్సు రద్దు చేసి కేవలం సిద్దిపేట వరకు నడిపిస్తున్నారని అన్నా రు. మంథని – భద్రాచలం ఎక్స్‌ప్రెస్‌ బస్సు రద్దుచేసి మహిళలు వెళ్లకుండా చేశారన్నారు. ఈ బస్సును పునరుద్ధరించాలని డిమాండ్‌ చేశా రు. నాయకులు ఏగోళపు శంకర్‌గౌడ్‌, ఆరెపల్లి కుమార్‌, రాజూగౌడ్‌, కనవేన శ్రీనివాస్‌, పుప్పాల తిరుపతి తదితరులు పాల్గొన్నారు.

రామగుండం: శ్రీపాద ఎల్లంపల్లి ప్రాజెక్టులోకి మూడురోజులుగా ఇన్‌ఫ్లో కొనసాగుతోంది. దీంతో ప్రాజెక్టు పూర్తిస్థాయి నీటినిల్వతో జలకళ సంతరించుకుంది. నంది, గూడెం, వేంనూర్‌ తదితర పంపుహౌస్‌ల ద్వారా పలు జలాశయాలకు ఎల్లంపల్లి ప్రాజెక్టు నుంచి నీటిని ఎత్తిపోస్తున్నారు. 20.119 టీఎంసీల నిల్వ.. ప్రాజెక్టు పూర్తిస్థాయి నీటిమట్టం 148 మీటర్లు కాగా, నీటి నిల్వ సామర్థ్యం 20.175 టీఎంసీలు. ప్రస్తుతం(శనివారం) నీటిమట్టం 147.98 మీటర్లకు చేరుకోగా.. నిటినిల్వలు 20.119 టీఎంసీలకు చేరాయని అధికారులు వివరించారు. ఎగువన కురుస్తున్న వర్షాలతో ప్రాజెక్టులోకి 18,317 క్యూసెక్కుల ఇన్‌ఫ్లో వస్తుండగా, ఎన్టీపీసీకి 121 క్యూసెక్కులు, హైదరాబాద్‌ మెట్రో నగరాలకు 258 క్యూసెక్కులు, నంది పంపుహౌస్‌కు 11,563 క్యూసెక్కులను భారీ పంపులతో ఎత్తిపోస్తున్నారు. పెద్దపల్లి, రామగుండం మిషన్‌ భగీరథకు 58 క్యూసెక్కులు, మంచిర్యాల భగీరథకు 23 క్యూసెక్కులు వినియోగిస్తున్నారు. అయితే, ఈ ఏడాది ఆరంభం నుంచి ఈనెల 26వ తేదీన వరకు ప్రాజెక్టు క్రస్ట్‌ గేట్ల నుంచి దిగువ ఉన్న గోదావరిలోకి కేవలం 53.37 టీఎంసీలనే విడుదల చేశారు. ప్రస్తుతం ప్రాజెక్టులోకి భారీగా నీరువచ్చి చేరే సమయంలో ప్రాజెక్టు దిగువన గోదారి ఎడారిని తలపిస్తోంది. జలాశయాలకు ఎత్తిపోతలు

వేములవాడ: వేములవాడకు చెందిన వైద్యులు అనిల్‌, దీప్తి దంపతులకు ఇద్దరు కూతుళ్లు అన్విక, దీథా. తల్లి మనసులోని కళాతృష్ణను చూసి పెరిగిన ఆ కూతుళ్లు తల్లిబాటలోనే పయనిస్తున్నారు. తల్లితో కలిసి డాన్స్‌ ప్రాక్టీస్‌ చేస్తూ ఆకట్టుకుంటున్నారు. వృత్తిని, కళను సమన్వయం చేసుకుంటూ కూతుళ్లకు చిన్నతనం నుంచే భారతీయ సంస్కృతి, కళలపై అనురాగాన్ని పెంచుతున్నారు. కూతురే.. కొడుకుగా పాలకుర్తి: పెద్దపల్లి జిల్లా పాలకుర్తి మండలం కన్నాల గ్రామ పంచాయతీ పరిధిలోని బోడగుట్టపల్లి గ్రామానికి చెందిన మల్క రామస్వామి, చంద్రకళ దంపతుల కూతురు శ్వేత 2014లో చల్మెడ మెడికల్‌ కళాశాలలో సీటు సాధించి ఎంబీబీఎస్‌ పూర్తి చేసింది. పీజీ పూర్తిచేసి సిద్దిపేటలోని ఓ ప్రైవేటు నర్సింగ్‌హోంలో గైనకాలజిస్టుగా పనిచేశారు. 15 రోజుల క్రితం మంచిర్యాల జిల్లా కేంద్రంలో భర్త బండారి తిరుపతితో కలిసి సొంత ఆస్పత్రి ప్రారంభించారు.తల్లిదండ్రులు మల్క రామస్వామి– చంద్రకళతో కూతురు శ్వేత

పెద్దపల్లిరూరల్‌: రాష్ట్ర ప్రభుత్వం విద్యారంగాన్ని బలోపేతం చేయడంపై దృష్టి సారించింది. సీఎం రేవంత్‌రెడ్డి నిర్వహిస్తున్న విద్యాశాఖ ద్వారా ప్రభు త్వ బడులను మరింత బలోపేతం చేసి విద్యార్థుల భవిష్యత్‌ను తీర్చిదిద్దేలా చర్యలు చేపడుతోంది. ఇందుకోసం సింగపూర్‌ దేశంలో పూర్వ ప్రాథమిక, ప్రా థమిక విద్య అమలు తీరుపై అధ్యయనం చేసేందు కు జిల్లా విద్యాధికారి శారదతోపాటు అకడమిక్‌ మానిటరింగ్‌ ఆఫీసర్‌ పీఎం షేక్‌, ధర్మారం మండలం రచ్చపల్లి ప్రైమరీ స్కూల్‌ ప్రధానోపాధ్యాయు డు వంశీమోహనాచార్యులు ఈనెల 12 నుంచి 19వ తేదీ వరకు పర్యటించారరు. ఎక్స్‌ప్లోర్‌ విజిట్‌లో భాగంగా నేషనల్‌ ఇనిస్టిట్యూట్‌ ఆఫ్‌ ఎడ్యుకేషన్‌ (ఎ న్‌ఐఈ) సందర్శించినట్టు అధికారులు తెలిపారు. బడ్జెట్‌లో 12శాతం నిధులు సింగపూర్‌లో విద్యారంగానికి బడ్జెట్‌లో 12శాతం నిధులు కేటాయిస్తున్నట్టు జిల్లా నుంచి వెళ్లిన విద్యాధికారుల అధ్యయనంలో వెల్లడైంది. ఒకటి నుంచి ఆరోతరగతి వరకు ప్రాథమిక విద్యను అందిస్తారు. ఆరో తరగతిలో ప్రైమరీ స్కూల్‌ లీవింగ్‌ ఎగ్జామ్‌ (పీఎస్‌ఎల్‌ఈ) నిర్వహిస్తారు. ఆ పరీక్షలో వచ్చిన మార్కుల ఆధారంగా జీ–3 అంటే.. టాపర్‌, జీ–2 అంటే సాధారణ, జీ–1 అంటే నెమ్మదిగా విద్యార్థుల నైపుణ్యం ఉన్నట్టు నిర్ధారిస్తారు. అలా వారికి ఉన్నత విద్యను అందిస్తున్నారు. స్కూళ్లలో బోధన మరింత పటిష్టతకు చర్యలు సింగపూర్‌లో విద్యారంగం అమలుపై అధ్యయనం ఈనెల 12నుంచి 19 వరకు సాగిన అధికారుల పర్యటన

రామగిరి: గ్రామాలను సమగ్రంగా అభివృద్ధి చేసి, వసతులు కల్పించి, ప్రజలకు మెరుగైన జీవన సదుపాయాలు కల్పించడమే వికసిత్‌ గ్రామ పంచాయతీ ప్రణాళిక (వీజీపీపీ) లక్ష్య మని జెడ్పీ సీఈవో నరేందర్‌ అన్నారు. సెంటినరీకాలనీలోని మంథని జేఎన్టీయూలో వీబీజీపీపీపై శనివారం జిల్లాస్థాయి శిక్షణ, సమన్వ య సమావేశం నిర్వహించారు. గ్రామావసరాలను గుర్తించడం, ప్రాధాన్య పనులను ఎంపిక చేయడం, శాఖల వారీగా చేపట్టే పననులను అనుసంధానం చేయడం, అందుబాటులోని వనరులను సద్వినియోగం చేసుకోవడం, ప్రణాళిక అమలును పర్యవేక్షించడం వంటి అంశాలపై శిక్షణ ఇచ్చారు. డీఆర్డీవో కాళిందిని, ఆర్‌డబ్ల్యూఎస్‌ డీఈఈ శ్రీనివాస్‌, అదనపు డీఆర్డీవో మల్లేశ్‌, ఎంపీడీవోలు, ఎంపీవోలు, సర్పంచులు, ఏపీఎంలు, ఏపీవోలు, టీఏలు, పంచాయతీ కార్యదర్శులు పాల్గొన్నారు. కాంగ్రెస్‌ బలోపేతమే లక్ష్యం గోదావరిఖని: పార్టీ బలోపేతమే లక్ష్యమని రా మగుండం కాంగ్రెస్‌ కార్పొరేషన్‌ అధ్యక్షుడు ఎండీ ముస్తాఫా అన్నారు. కార్పొరేషన్‌ అధ్యక్షుడిగా నియామకమైన తర్వాత తొలిసారి శనివారం నగరంలో ఏర్పాటు చేసిన విలేకరుల సమావేశంలో మేయర్‌ మహంకాళి స్వామి, మాజీ అధ్యక్షుడు బొంతల రాజేశ్‌తో కలిసి మాట్లాడారు. కష్టపడి పనిచేసే ప్రతీకార్యకర్తకు అండగా ఉంటూ పార్టీని బలంగా తయారు చేయడానికి అందరినీ కలుపుకొని పనిచేస్తానని ముస్తాఫా అన్నారు. సంక్షేమ పథకాలను ప్రజల్లోకి తీసుకుపోతూ అర్ములకు ప్రయోజనాలు అందేలా పనిచేద్దామని అన్నారు. త్వరలోనే కొత్త కమిటీలు నియమిస్తామని ఆయన తెలిపారు. సమావేశంలో డిప్యూటీ మేయర్‌ పాత పెల్లి ఎల్లయ్య, నాయకులు తిప్పారపు శ్రీనివా స్‌, కార్పొరేటర్లు తదితరులు పాల్గొన్నారు. పుష్కరాల పనులు వేగవంతం చేయాలిపెద్దపల్లి: గోదావరి పుష్కరాల పనులను వేగవంతంగా పూర్తిచేయాలని కలెక్టర్‌ కోయ శ్రీహర్ష ఆదేశించారు. గోదావరి పుష్కరాల ఏర్పాట్లపై అదనపు కలెక్టర్‌ శ్రీరాములుతో కలిసి శనివారం కలెక్టరేట్‌లో సమీక్షించారు. రోడ్ల అభివృద్ధి, ఘాట్ల నిర్మాణం, ఓదెల మల్లికార్జునస్వామి ఆలయ అభివృద్ధి, భూసేకరణ, తాగునీరు, పారిశుధ్యం, విద్యుత్‌, పార్కింగ్‌ తదితర అంశాలపై అధికారులకు పలు సూచనలు చేశారు. ఓదెల మల్లికార్జునస్వామి ఆలయ పునర్నిర్మాణానికి ప్రభుత్వం రూ.10 కోట్లు మంజూరు చేసిందని, గడువులోగా పనులు పూర్తిచేయాలని తెలిపారు. మంథనిలో పుష్కర ఘాట్ల నిర్మాణానికి అవసరమైన భూసేకరణ ప్రక్రియను పూర్తి చేయాలని ఆదేశించారు. కార్యక్రమంలో మంథని ఆర్డీవో సురేశ్‌, మున్సిపల్‌ కమిషనర్‌ మనోహర్‌, ఇరిగేషన్‌, ఎండోమెంట్‌, ఆర్‌ అండ్‌ బీ తదితర శాఖల అధికారులు తదితరులు పాల్గొన్నారు. నేడు విద్యుత్‌ సరఫరాలో అంతరాయం పెద్దపల్లిరూరల్‌: పెద్దకల్వల, నిట్టూరు, నిమ్మనపల్లి గ్రామాలతో పాటు రంగంపల్లి– పెద్దపల్లిలోని పలు ప్రాంతాల్లో ఆదివారం విద్యుత్‌ సరఫరాలో అంతరాయం ఉంటుందని ఏఈ శ్రీనివాస్‌ తెలిపారు. ఉదయం 9గంటల నుంచి 11గంటల వరకు విద్యుత్‌ సరఫరా ఉండదని, వినియోగదారులు సహకరించాలని కోరారు. ఒకటిన మెగా జాబ్‌ మేళా పెద్దపల్లి: జిల్లా ఉపాధి కల్పన, తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌ (టాస్క్‌) రీజినల్‌ సెంటర్‌ ఆధ్వర్యంలో అక్టోబర్‌ ఒకో తేదీన జిల్లా కేంద్రంలో మెగా జాబ్‌ మేళా నిర్వహించనున్నట్లు అధికారులు తెలిపారు. స్థానిక బస్టాండ్‌ సమీపంలోని టాస్క్‌ సెంటర్‌లో ఉదయం 10 నుంచి మధ్యాహ్నం 2 గంటల వరకు ఇంటర్వ్యూలు నిర్వహిస్తారన్నారు. ఎల్‌ఎన్‌ గ్రూప్‌లో అసెంబ్లీ ఆపరేటర్లు, రేడియంట్‌లో రిలేషన్‌షిప్‌ మేనేజర్లు, ఐడీఎఫ్‌సీ ఫస్ట్‌ బ్యాంక్‌లో బ్యాంకింగ్‌ అసోసియేట్లు, డీ మార్ట్‌లో క్యాషియర్లు, ప్రమోటర్లు, నీమ్యాన్స్‌లో సేల్స్‌ ప్రమోటర్ల పోస్టులు ఖాళీగా ఉన్నాయన్నారు. డేటా అనలిస్ట్‌ కోర్సులో ఉచిత శిక్షణతోపాటు ప్లేస్‌మెంట్‌ సౌకర్యం కూడా అందుబాటులో ఉంటుందని అధికారులు వెల్లడించారు. అభ్యర్థులు పదో తరగతి, ఇంటర్‌, డిగ్రీ, పీజీ ఉత్తీర్ణులైనవారు అర్హులని పేర్కొన్నారు. ఉద్యోగాలకు ఎంపికై న వారికి నెలకు రూ.18 వేల నుంచి రూ.45 వేల వరకు వేతనం ఉంటుందని వివరించారు. ఆసక్తిగల అభ్యర్థులు తగిన ధ్రువీకరణపత్రాలతో హాజరు కావాలని వారు కోరారు.

పెద్దపల్లి: మహిళలను ఆర్థికంగా బలోపేతం చేయడ మే సీఎం రేవంత్‌రెడ్డి సర్కార్‌ లక్ష్యమని ప్రభుత్వ వి ప్‌ విజయరమణారావు అన్నారు. స్థానిక రంగంపల్లి ఆర్‌ఆర్‌ గార్డెన్స్‌లో శనివారం మహిళలకు ఇందిర మ్మ చీరలు పంపిణీ చేసి మాట్లాడారు. కోటి మంది మహిళలను కోటీశ్వరులను చేయడమే ప్రభుత్వ ల క్ష్యమన్నారు. రూ.5 కోట్లతో జిల్లా కేంద్రంలో ఇంది రా మహిళా శక్తి భవనం నిర్మించామని, త్వరలో అందుబాటులోకి వస్తుందని తెలిపారు. పెద్దపల్లి ని యోజకవర్గంలోని 367 మందికి రూ.1.65 కోట్ల వి లువైన సీఎం సహాయనిధి చెక్కులు పంపిణీ చేశా రు. 91 మందికి రూ.91.10 లక్షల విలువైన కల్యాణలక్ష్మి, షాదీముబారక్‌ చెక్కులు అందజేశారు. జిల్లా గ్రంధాలయ సంస్థ అధ్యక్షుడు అన్నయగౌడ్‌, మున్సి పల్‌ చైర్మన్‌ నూగిల్ల మల్లయ్య, కమిషనర్‌ వెంకటేశ్‌, సింగిల్‌విండో చైర్మన్లు నరేశ్‌, శ్రీగిరి శ్రీనివాస్‌, కల్లేపల్లి జానీ, చిలుక సతీశ్‌, భాస్కర్‌రెడ్డి, సర్పంచులు, ఉపసర్పంచులు, కాంగ్రెస్‌ నాయకులు, మహిళా సంఘాల ప్రతినిధులు తదితరులు పాల్గొన్నారు. ప్రభుత్వ విప్‌ విజయరమణారావు మహిళలకు ఇందిరమ్మ చీరలు పంపిణీ

రామగుండం కమిషనరేట్‌లో సీపీ అంబర్‌ కిశోర్‌ ఝా..నివాళి అర్పిస్తున్న కలెక్టర్‌ కోయ హర్ష, అదనపు కలెక్టర్‌ శ్రీరాములుపెద్దపల్లి/గోదావరిఖని: వీరనారి చిట్యాల(చాకలి) ఐలమ్మ జయంతి శనివారం జిల్లావ్యాప్తంగా ఘనంగా నిర్వహించారు. కలెక్టరేట్‌లో కలెక్టర్‌ కోయ శ్రీహర్ష, అదనపు కలెక్టర్‌ శ్రీరాములు, రామగుండం పోలీస్‌ కమిషనరేట్‌లో సీపీ అంబర్‌ కిశోర్‌ ఝా తదదితరులు ఐలమ్మ చిత్రపటానికి పూలమాలలు వేసి ఘనంగా నివాళి అర్పించారు. పెత్తందారులు, భూస్వాములు, రజాకారుల దౌర్జన్యాలు, అరాచకాలను ధైర్యంతో ఎదిరించిన ఐలమ్మ నేటితరానికి స్ఫూర్తి అని ప్రముఖులు కొనియాడారు.

పెద్దపల్లి: ఇండియన్‌ రెడ్‌క్రాస్‌ సొసైటీ జిల్లా కార్యవర్గ ఎన్నికలు శనివారం నిర్వహించారు. ఎన్నికల అధికారి రాజశేఖర్‌ ఆధ్వర్యంలో ఫలితాలు ప్రకటించారు. జిల్లా చైర్మన్‌గా ఎర్రబాటి వెంకటేశ్వర్‌రావు, వైస్‌ చైర్మన్‌గా సాదుల వెంకటేశ్వర్లు, కోశాధికారిగా పంపాటి శ్రీకాంత్‌, మేనేజింగ్‌ కమిటీ సభ్యులుగా కావేటి రాజగోపాల్‌, ఉప్పు రాజ్‌కుమార్‌, గంట్ల రామచంద్రారెడ్డి, మహమ్మద్‌ అబ్దుల్‌ ముయీద్‌, మేడగోని వెంకటేశ్‌, అల్పూరి సంపత్‌రావు, వెల్పు ల రమేశ్‌, గొల్లా అంజన్‌ కుమార్‌, దూడం వెంకట సాంబమూర్తి ఎన్నికయ్యారు. వీరితో జిల్లా ఉపాధి కల్పనాధికారి రాజశేఖర్‌ పదవీ ప్రమాణ స్వీకారం చేయించారు. ప్రతినిధులు పాల్గొన్నారు. బ్యాంకు ఉద్యోగుల సమ్మెకు మద్దతు పెద్దపల్లి: బ్యాంకు ఉద్యోగులు, అధికారులు ఈనెల 28, 29, 30వ తేదీల్లో చేపట్టనున్న సమ్మెకు సీఐటీయూ మద్దతు ప్రకటించింది. సీఐటీయూ జిల్లా కార్యాలయంలో శనివారం ప్రచార పోస్టర్‌ ఆవిష్కరించారు. యూనియన్‌ జిల్లా కార్యదర్శి ఎరవెల్లి ముత్యంరావు మాట్లాడుతూ, ప్రభుత్వ రంగ బ్యాంకుల ప్రైవేటీకరణను నిలిపివేయాలన్నారు. వారానికి ఐదు రోజుల పనివిధానం అమలు చేయాలని డిమాండ్‌ చేశారు. 12వ వేతన ఒప్పందంలోని మిగిలిన డిమాండ్లను పరిష్కరించడంతోపాటు ప్రొడక్టివిటీ లింక్డ్‌ ఇన్సెంటివ్‌ పథకంలోని లోపాలను సరిచేయాలని కోరారు. కార్యక్రమంలో నాయకులు సిపిల్లి రవీందర్‌, పైడిపల్లి నాగయ్య, నరేశ్‌, ఎండీ ఖాజా, ఇరుగురాళ్ల లచ్చయ్య, ఎండీ ముస్తఫా, నగేశ్‌, శంకర్‌ తదితరులు పాల్గొన్నారు.

పెద్దపల్లి: యోగా సాధనతో వృద్ధులు ఆరోగ్యంగా ఉంటారని సుల్తానాబాద్‌ మున్సిపల్‌ కమిషనర్‌ రమేశ్‌ అన్నారు. సుల్తానాబాద్‌లోని ప్రభుత్వ వయోవృద్ధుల ఆశ్రమంలో శనివారం యోగా డే నిర్వహించారు. వృద్ధుల పోషణ, సంరక్షణ, సంక్షేమంపై రూపొందించిన ఎల్డర్‌ గైడ్‌ పుస్తకాలు, అవగాహన పోస్టర్లను ఆయనకు అందజేశారు. వృద్ధుల సమస్యలు, అవసరాలు, సాయం కోసం హెల్ప్‌లైన్‌ 14567కు సమాచారం అందించాలని రమేశ్‌ సూచించారు. అనంతరం పోలీస్‌స్టేషన్‌లో వృద్ధుల హక్కులు, చట్టాలపై అవగాహన బోర్డులు, పోస్టర్లు అందజేశారు. జిల్లా సంక్షేమ శాఖ సూపరింటెండెంట్‌ రాజయ్య, ఎఫ్‌ఆర్‌వో స్వర్ణలత, క్యాడర్‌ స్కూల్‌ అధ్యక్షుడు సతీశ్‌, ఆశ్రమ సిబ్బంది పాల్గొన్నారు.

మెట్‌పల్లి: మెట్‌పల్లికి చెందిన వేముల శ్రీనివాస్‌ తన కుమార్తెలు శరణ్య, హర్షితను చిన్నప్పటి నుంచి చదువులో ప్రోత్సహిస్తూ వచ్చారు. వారు పీహెచ్‌డీలు పూర్తి చేసి ప్రభుత్వ గురుకుల డిగ్రీ కళాశాలల్లో లెక్చరర్లుగా ఉద్యోగాలు సాధించారు. శ్రీనివాస్‌ మెట్‌పల్లిలో హోమియోపతి వైద్యుడు. ఇద్దరు కూతుళ్లను ధర్మపురి సంస్కృత కళాశాలలో తెలుగు సాహిత్యంలో డిగ్రీ.. పీజీ నుంచి పీహెచ్‌డీ వరకు హైదరాబాద్‌లోని సెంట్రల్‌ యూనివర్సిటీలో చదివించారు. శరణ్య మొత్తం ఆరు గోల్డ్‌ మెడల్స్‌, హర్షిత మూడు గోల్డ్‌ మెడల్స్‌ సాధించారు. ఇద్దరూ ఒకే రోజున గవర్నర్‌ చేతులమీదుగా పీహెచ్‌డీ పట్టాలు అందుకున్నారు. 2019లో ఇద్దరు ప్రభుత్వ గురుకుల డిగ్రీ కళాశాలలో లెక్చరర్‌ ఉద్యోగాలకు ఎంపికయ్యారు.

డాక్టర్‌ ఫ్యామిలీ వేములవాడ: వేములవాడకు చెందిన వైద్య దంపతులు నాగమల్ల శ్రీనివాస్‌, పద్మలత దంపతుల ఇద్దరు కూతుళ్లు తేజశ్రీ, ఉషశ్రీ వైద్యశాస్త్రం పూర్తి చేసుకుని ఒకే ఇంట్లో నలుగురూ డాక్టర్లుగా సేవలందిస్తున్నారు. ప్రోత్సాహం, ఉన్నత విద్యనందిస్తే ఆడపిల్లలు కుటుంబానికే కాకుండా దేశానికే గర్వకారణంగా మారతారని ఈ ‘డాక్టర్స్‌ ఫ్యామిలీ’ నిరూపిస్తోంది. ఇద్దరూ వైద్యవృత్తిలోనే.. కథలాపూర్‌(వేములవాడ): కథలాపూర్‌ మండలం భూషణరావుపేట గ్రామానికి చెందిన మామిడిపెల్లి శ్రీనివాస్‌రెడ్డి, లావణ్య దంపతులకు ఇద్దరు కూతుళ్లు, ఒక కుమారుడు. శ్రీనివాస్‌రెడ్డి ప్రభుత్వ ఉపాధ్యాయుడు, లావణ్య వ్యవసాయం చేస్తున్నారు. పెద్ద కూతురు వర్షిణి ఎంబీబీఎస్‌, డీఎన్‌బీ(పీడియాట్రిక్‌) పూర్తి చేసింది. చిన్న కూతురు అద్వైత ఎంబీబీఎస్‌ చదువుతోంది. ఇద్దరు కూతుళ్లు వైద్యవృత్తిలో ఉండటం సంతోషంగా ఉందంటున్నారు ఆ తల్లిదండ్రులు.

ఫెర్టిలైజర్‌సిటీ: రామగుండం కార్పొరేషన్‌లోని 21, 22, 23వ డివిజన్‌లలో అధికార పార్టీకి చెందిన కార్పొరేటర్ల మధ్య అంతర్గత విభేదాలు రచ్చకెక్కాయి. గతంలో రెండు డివిజన్లుగానే ఉన్న ఈ ప్రాంతాన్ని ఇటీవల మూడు డివిజన్లుగా విభజించారు. భౌగోళిక మార్పుల తర్వాత ముగ్గురు ప్రజాప్రతినిధుల మధ్య సఖ్యత లోపించి, నిత్యం ఆధిపత్య పోరు సాగుతోంది. కార్యక్రమం నిర్వహించినా వివాదాలు చోటుచేసుకుంటున్నాయి. ఒక డివిజన్‌కు చెందిన కార్పొరేటర్‌ భర్త, తనకు సంబంధం లేనిమరో డివిజన్‌ వ్యవహారాల్లో జోక్యం చేసుకుంటూ ఆధిపత్యం చెలాయించేందుకు యత్నిస్తున్నారనే ఆరోపణలు వ్యక్తమవుతున్నాయి. ఇది స్థానిక డివిజన్‌ కార్పొరేటర్‌ల స్వయంప్రతిపత్తిని దెబ్బతీయడమే కాకుండా వారి మనోభావాలను తీవ్రంగా గాయపరుస్తోంది. దిగజారుతున్న ప్రతిష్ట ఆధిపత్య పోరుతో కొద్దిరోజులుగా కార్పొరేటర్ల మధ్య తీవ్రమైన మాటల యుద్ధం నడుస్తోంది. ప్రొటోకాల్‌తో కూడిన అధికారిక కార్యక్రమాల్లో సైతం వీరు ఉత్సాహంగా పాల్గొనకపోగా, పరస్పరం ఆధిపత్యం ప్రదర్శించేందుకే ప్రాధాన్యమిస్తున్నారు. కార్పొరేటర్ల మధ్య నెలకొన్న ఘర్షణ వాతావరణంతో ప్రజాసమస్యలు , అభివృద్ధి మూలనపడే ప్రమాదం ఉందని స్థానికులు ఆవేదన వ్యక్తం చేస్తున్నారు. పార్టీకి నష్టం ఒకరి పరిధిలో మరొకరు జోక్యం చేసుకోవడమే సమస్య పునరావృతం కావడానికి ప్రధాన కారణమని చెబుతున్నారు. ప్రజాప్రతినిధుల స్వార్థ రాజకీయంతో తాము తీవ్రంగా నష్టపోతున్నామని డివిజన్‌ ప్రజలు ఆరోపిస్తున్నారు. ఈ ముగ్గురు కార్పొరేటర్ల అంతర్గత వివాదం పార్టీ ప్రతిష్టను దిగజారుస్తుండటంతో స్థానిక ఎమ్మెల్యే వెంటనే రంగంలోకి దిగాలని ప్రజలు డిమాండ్‌ చేస్తున్నారు. ఎమ్మెల్యే, మేయర్‌ చొరవ తీసుకుని ఈ మూడు డివిజన్‌ల కార్పొరేటర్ల భర్తల ఆధిపత్యానికి చెక్‌ పెట్టి, సమస్యను శాశ్వతంగా పరిష్కరించకపోతే రాబోయే రోజుల్లో ప్రజా నిరసన తప్పదని హెచ్చరిస్తున్నారు. అధికార పార్టీ కార్పొరేటర్ల భర్తల ఆధిపత్యపోరు ‘మూడు’ ముక్కలాటగా డివిజన్‌ల రాజకీయం!

పెద్దపల్లి: ధాన్యం కొనుగోలు కేంద్రాల్లో హమాలీల కొరత తలెత్తకుండా పటిష్ట చర్యలు తీసు కోవాలని అదనపు కలెక్టర్‌ శ్రీరాములు ఆదేశించారు. ధాన్యం కొనుగోళ్ల ఏర్పాట్లపై హమాలీ సంఘాల ప్రతినిధులు, లారీ ఓనర్లు, అధికారులతో కలెక్టరేట్‌లో శుక్రవారం సమీక్షించారు. రైస్‌మిల్లుల్లో హమాలీల సమస్య తలెత్తకుండా చర్యలు తీసుకోవాలన్నారు. కొరత ఉన్న ప్రాంతాల్లో బిహార్‌ కార్మికులను అందుబాటులో ఉంచుకోవాలని సూచించారు. అక్టోబర్‌ మొదటివారంలో కొనుగోలు కేంద్రాలు ప్రారంభిస్తామ ని, ఆలోగా ఏర్పాట్లు పూర్తిచేయాలని అన్నారు. జిల్లా పౌర సరఫరాల అధికారి శ్రీనాథ్‌, మేనేజ ర్‌ శ్రీకాంత్‌, డీసీవో శ్రీమాల పాల్గొన్నారు. అథ్లెటిక్స్‌ పోటీలకు ఎంపిక పెద్దపల్లిరూరల్‌: అప్పన్నపేట జెడ్పీ హైస్కూల్‌ విద్యార్థి రవితేజ రాష్ట్రస్థాయి అథ్లెటిక్స్‌ పోటీల కు ఎంపికయ్యాడు. షాట్‌పుట్‌లో బంగారు ప తకం సాధించి రాష్ట్రస్థాయి పోటీల్లో అర్హత పొందాడని పీఈటీ వేల్పుల సురేందర్‌ తెలిపారు. హనుమకొండలో శని, ఆదివారాల్లో జరిగే రాష్ట్రస్థాయి పోటీల్లో పాల్గొంటున్న విద్యార్థిని ఇన్‌చా ర్జి హెచ్‌ఎం అశోక్‌తోపాటు ఉపాధ్యాయులు, విద్యార్థులు తదితరులు అభినందించారు. విద్యుత్‌ సిబ్బందికి సన్మానం పెద్దపల్లి: విద్యుత్‌ బిల్లుల వసూలులో వందశా తం నమోదు చేసిన కనుకుల సిబ్బందిని ట్రా న్స్‌కో ఎస్‌ఈ గంగాధర్‌ శుక్రవారం సన్మానించారు. గృహ, వాణిజ్య విద్యుత్‌ బిల్లుల వసూ లు 100 శాతాన్ని గడువువుకు ఏడురోజులు ముందుగానే పూర్తిచేశారని ప్రశంసించారు. ఎ స్‌ఈతోపాటు డీఈ రాజబ్రహ్మచారి శాలువాల తో సిబ్బందిని సత్కరించారు. ఏఈ కిశోర్‌ అభినందించారు. సుల్తానాబాద్‌ ఏడీఈ రామస్వా మి, డీఈ(టెక్నికల్‌) తదితరులు పాల్గొన్నారు. నార్కోటిక్స్‌ డాగ్‌ టీమ్‌ తనిఖీలు జ్యోతినగర్‌: ఎన్టీపీసీ ఎఫ్‌సీఐ క్రాస్‌రోడ్డు పరిసరాల్లో రామగుండం పోలీస్‌ కమిషనరేట్‌కు చెందిన నార్కోటిక్స్‌ డాగ్‌ టీమ్‌ శుక్రవారం తనిఖీలు చేసింది. పాన్‌షాపులతో పాటు వివిధ ప్రాంతాల్లో గంజాయి, ఇతర మాదకద్రవ్యాలు విక్రయిస్తున్నారనే సమాచారంతో తనిఖీలు చేసినట్లు తెలిసింది. ఈమేరకు పాన్‌షాపులు, అనుమానాస్పద ప్రాంతాల్లో నార్కోటిక్స్‌ డాగ్‌ టీమ్‌ తనిఖీలు నిర్వహించింది. సింగపూర్‌ విద్యావిధానం భేష్‌ ధర్మారం: సింగపూ ర్‌ విద్యా వ్యవస్థ మంచిసందేశాన్నిస్తుందని, నాణ్యమై న విద్య పరీక్షల ఫలితాలపై ఆధారపడ కుండా ప్రతిభపై ఆధాపడి ఉంటుందని రచ్చపల్లి ప్రాథమిక పాఠశాల ప్రధానోపాధ్యాయుడు సముద్రాల వంశీమోహనాచార్యులు తెలిపా రు. ప్రభుత్వ విద్యా వ్యవస్థలో నూతన ఆవిష్కరణల కోసం సీఎం రేవంతరెడ్డి చేపట్టిన సింగపూర్‌ విజిట్‌లో వంశీమోహాచార్యులు పాల్గొన్నారు. అక్కడి విద్య భవిష్యత్‌ అవసరాలకు అ నుగుణంగా, మారుతున్న వ్యవస్థగా గుర్తింపు పొందిందన్నారు. పాఠ్యాంశ జ్ఞానంతోపాటు వ్యక్తిత్వ, వికాసం, సృజనాత్మకత, విమర్శనాత్మక ఆలోచన, సమస్య పరిష్కారం, డిజిటల్‌ సాక్షరత, సహకారం జీవితం నేర్చుకునే అలవాట్లకు ప్రాధాన్యత ఉంటుందని వివరించారు. 9 శాతం అధిక వర్షపాతం పెద్దపల్లి: జిల్లాలో సాధారణం కన్నా 9శాతం అ ధికంగా వర్షపాతం నమోదైనట్లు అధికారులు తెలిపారు. కొద్దిరోజులుగా కురుస్తున్న వర్షాల తో చెరువులు, కుంటలు, వాగులు జలకళ సంతరించుకున్నాయి. వ్యవసాయ రంగానికి ఎంతో ఊరటనిచ్చాయి. వరి, పత్తి, మొక్కజొన్న తదితర పంటలకు సమృద్ధిగా నీరు అందడంతో రైతుల్లో ఆనందం వ్యక్తమవుతోంది.

రామగుండం: సింగరేణి గనుల నుంచి రామగుండం ద్వారా బొగ్గు తరలించేందుకు కుందనపల్లి అనుబంధ బద్రిపల్లి, 25వ డివిజన్‌లోని మల్యాలపల్లి నుంచి గూడ్సు కోసం రైల్వేలైన్‌ ఉంది. ప్రాణాలు వదిలిన అమ్మమ్మ.. గణపతి నిమజ్జనం సందర్భంగా చివరిసారి దర్శించుకునేందుకు ఇద్దరు మనువరాళ్లతో కలిసి అమ్మ మ్మ నాంసాని లక్ష్మి బద్రిపల్లిలోని మండపానికి రై ల్వేలైన్‌ దాటి వెళ్లింది. దర్శనం చేసుకొని తిరిగి వ స్తుండగా ఆగిఉన్న గూడ్సు కింద నుంచి మనుమరా ళ్లను ట్రాక్‌ దాటించింది. ఆ తర్వాత లక్ష్మి దాటుతుండగా గూడ్సు కదిలి చీరెకొంగు వ్యాగన్‌ కింద ఇనుప చువ్వకు తట్టుకుంది. లోపలికి లాగడంతో ఆమె ప ట్టాలపై పడిపోయింది. గూడ్సు ఆమైపె వెళ్లడమే కా కుండా రామగుండం రైల్వేయార్డు వరకూ సుమారు రెండు కి.మీ. వరకు ఈడ్చుకెళ్లింది. మాంసం ము ద్దలు అక్కడక్కడా పడడం గ్రామస్తులను కంటతడి పెట్టించింది. ఇరవై ఏళ్ల క్రితం భర్త అంజయ్య సై తం గూడ్సు కిందినుంచి వెళ్తుండగా కాలు తెగి ఇప్పుడు దుర్భర జీవితం గడుపుతున్నాడు. ఏటా గూడ్సుకు బలి గత పదేళ్లలో బద్రిపల్లి, మల్యాలపల్లిలకు చెందిన పదుల సంఖ్యలో ప్రజలు గూడ్సు ప్రమాద బాధిత కుటుంబాలున్నాయి. కుందనపల్లి సర్పంచ్‌ అర్కుటి కొమురయ్యయాదవ్‌ స్వగ్రామం బద్రిపల్లి. ఆయన తల్లి పదేళ్ల క్రితం గూడ్సు కింద నుంచి వస్తూ రైలు కదలడంతో వెంటనే పట్టాల మధ్య పడుకున్నాడు. ఈక్రమంలో తీవ్రగాయాలై ప్రాణాలతో బయటపడ్డాడు. కానీ, మానసికంగా మార్పు వచ్చి అనారోగ్యం బారిన పడినట్లు కుమారుడు కొమురయ్య తెలిపాడు. అదేవిధంగా దాసరి సురేందర్‌ మృతి, చింతల రాజయ్య కాలు తెగిపోవడం, మర్రి రాజలింగు తీవ్రగాయాలై మృతి చెందడం, చింతల శైలజ తృటిలో ప్రాణపాయం నుంచి బయటపడడం లాంటి ఘటనలు చోటుచేసుకున్నాయి. మల్యాలపల్లికి చెందిన ఈర్ల నారాయణ వాహనాన్ని పూజకు తీసుకెళ్తుండగా గూడ్సు ఢీకొని రెండు కాళ్లు తెగిపోయాయి. మరో ఘటనలో అంతటి పోశెట్టి తీవ్రగాయాల పాలయ్యాడు. ప్రత్యామ్నాయం.. దూరభారం బద్రిపల్లి – మల్యాలపల్లి మధ్య రైల్వేట్రాక్‌కు సమాంతరంగా సీసీ రోడ్డు నిర్మించారు. బద్రిపల్లి ట్రాక్‌పై గూడ్సు నిలిచి ఉంటే మల్యాలపల్లి వరకు వెళ్లి పట్టాలు దాటి మళ్లీ వెనక్కిరావాలి. ఇందు కోసం ఇరువైపులా కనీసం మూడు కి.మీ. అదనంగా ప్రయాణించాలి. అందూరం దూరం వెళ్లలేక రైలు అక్కడినుంచి వెళ్లేవరకూ గ్రామస్తులు నిరీక్షిస్తున్నారు. ఈ రెండు ప్రాంతాల్లో గేట్లు ఏర్పాటు చేయకుండా ఓ వ్యక్తిని కాపాలాగా ఉంచి రైళ్ల రాకపోకలపై ఫోన్‌ ద్వారా గ్రామస్తులు సమాచారం సేకరించి పట్టాలకు అడ్డుగా చైన్‌ కడుతున్నారు. 15రోజుల్లోనే తోటికోడళ్లు మృతి 15రోజుల క్రితం ఇందిరమ్మకాలనీ నుంచి బద్రిపల్లికి వస్తూ రోడ్డు దాటుతుండగా వాహనం ఢీకొని నాంసాని భూమమ్మ దుర్మరణం చెందింది. ఆమె తోటికోడలు నాంసాని లక్ష్మి గూడ్సు రైలు ప్రమాదంలో చనిపోవడం, 15రోజుల్లోనే తోటికోడళ్లు మృతి చెందడం కలకలం రేపింది. విస్తరిస్తున్న ట్రాక్‌లతో మరింత ప్రమాదం ఇప్పటికే అందుబాటులో మూడు రైల్వేలైన్లు మరోరైల్వేలైన్‌ నిర్మాణానికి అధికారుల సన్నాహాలు

గోదావరిఖని: ఆలిండియా 55వ, మైన్స్‌ రెస్క్యూ పోటీలకు ఎంపికూన సభ్యులను యాజమాన్యం శుక్రవారం ప్రకటించింది. ఈనెల 23, 24వ తేదీల్లో ఇంటర్‌ ఏరియా రెస్క్యూ పోటీలు నిర్వహించగా, ప్రతిభ కనబర్చిన సభ్యులను ఆలిండియా రెస్క్యూ పోటీలకు ఎంపిక చేశారు. ఆలిండియా రెస్క్యూ పోటీల్లో సింగరేణి తరఫున రెండు పురుష, ఒక మహిళా జట్టు పాల్గొంటుండగా, ఒక్కో జట్టు నుంచి 8మంది సభ్యులుగా ఉంటారు. వీరంతా ఝార్షండ్‌లోని రాంచీలో జనవరిలో జరిగే ఆలిండియా రెస్క్యూ పాల్గొనున్నారు. సింగరేణి టీం – ఏ సభ్యులు.. పురుషుల టీం –ఏ జట్టు కెప్టెన్‌గా జీడీకే–2గనికి చెందిన సీనియర్‌ అండర్‌ మేనేజర్‌ బి.నితిన్‌కుమార్‌, ఏఎల్‌పీ గని ఎంజీటీ టి.శ్రీకాంత్‌, జీడీకే–11గని జేఎంఈడీ ఎ.శ్యాంకుమార్‌, ఆర్కే న్యూటెక్‌ సీనియర్‌ మైనింగ్‌ సర్దార్‌ బి.సాంబశివుడు, కాసిపేట–2గనికి చెందిన సీనియర్‌ మైనింగ్‌ సర్దార్‌ కె.రమేశ్‌, ఏఎల్‌పీ గనికి చెందిన సీనియర్‌ మైనింగ్‌ సర్దార్‌ బి.తిరుపతి, రామకృష్ణాపూర్‌ సీహెచ్‌పీకి చెందిన ఫోర్‌మెన్‌ ఎం.శ్రాణ్‌కుమార్‌, ఐందారం –1ఏ గనికి చెందిన జనరల్‌ అసిస్టెంట్‌ జి.సదాశివకుమార్‌ ఎంపికయ్యారు. పురుషులు టీం –బీ సభ్యులు వీరే కేటీకే–5గనికి చెందిన సీనియర్‌ అండర్‌ మేనేజర్‌ జి.ప్రమోద్‌కుమార్‌, పీవీకే–5గనికి డిప్యూటీ మేనేజర్‌ కె.శ్రావణ్‌కుమార్‌, ఏఎల్‌పీ గని జనరల్‌ అసిస్టెంట్‌ సీహెచ్‌ శ్రీవిఘ్నన్‌, ఏఎల్‌పీ గనికి చెందిన సీనియర్‌ మైనింగ్‌ సర్దార్‌ ఎస్‌కే ముదాసిర్‌అలీ, కేటీకే–5గని షార్ట్‌ఫైరర్‌ ఎస్‌.శ్రీనివాస్‌రెడ్డి, జీడీకే–1,3 గని సీనియర్‌ మైనింగ్‌ సర్దార్‌ బి.సాయివర్ధన్‌, పీకే ఓసీ జనరల్‌ అసిస్టెంట్‌ పి.జలపతి, ఆర్కే న్యూటెక్‌ షార్ట్‌ఫైరర్‌ జె.వెంకటేశ్‌ ఎంపికయ్యారు. అలాగే స్టాండ్‌ బైగా ఏఎల్‌గని కన్వేయర్‌ ఆపరేటర్‌ ఎ.శివకుమార్‌, వకీల్‌పల్లిగని జనరల్‌ అసిస్టెంట్‌ సీహెచ్‌ సతీశ్‌కుమార్‌, కేటీకే–1 గని షార్ట్‌ఫైరర్‌ ఎం.రాకేశ్‌ను ఎంపిక చేశారు. మహిళా జట్టు సభ్యులు వీరే.. పీవీసకే–5 గనికి చెందిన సీనియర్‌ అండర్‌మేనేజర్‌ వి.కృష్ణవేణి(కెప్టెన్‌), సీనియర్‌ అండర్‌ మేనేజర్‌ ఎ.మౌనిక, సీనియర్‌ అండర్‌ మేనేజర్‌ బి.చందనజవేరీ, ఆర్‌కే–7గని జెఎంఈటీ ఇ.సురక్ష, జేఎంఈటీ వి.సాయిఅక్షయ, వకీల్‌పల్లిగని సీనియర్‌ అండర్‌మేనేజర్‌ ఎన్‌.రక్షిత, ఆర్కే–7గని ఎం.లిఖిత, పీవీకే–5గని సీనియర్‌ అండర్‌మేనేజర్‌ సీహెచ్‌ గాయత్రి ఎంపిక కాగా స్టాండ్‌ బైగా వకీల్‌గనికి చెందిన సీనియర్‌ మైనింగ్‌ సర్దార్‌ ఎస్‌కే ఆషియాబేగం, సీనియర్‌ మైనింగ్‌ సర్దార్‌ బి.జీవన్మయి, ఆర్కే–7గని సీనియర్‌ మైనింగ్‌ సర్దార్‌ ఎం.సాయి ప్రత్యూష ఎంపికై నట్లు ప్రకటించారు. సింగరేణి నుంచి ఎంపికైన రెండు పురుష, ఒక మహిళా జట్లు

● కలెక్టర్‌ కోయ శ్రీహర్ష పెద్దపల్లి: వృద్ధుల సంక్షేమం, సంరక్షణ, హక్కులపై ప్రజలకు అవగాహన కల్పించాలని కలెక్టర్‌ కోయ శ్రీహర్ష సూచించారు. ‘ఎల్డర్‌ గైడ్‌’ అవగాహన పోస్టర్‌ను కలెక్టరేట్‌లో శుక్రవారం ఆయన ఆవిష్కరించి మాట్లాడారు. వృద్ధులను గౌరవించి అవసరాలు గుర్తించి సహాయ, సహకారాలు అందించడం అందరి సామాజిక బాధ్యతని ఆయన అన్నారు. భూసేకరణలో మోసపోవద్దు రామగుండం, ఎన్టీపీిసీ, సింగరేణి తదితర సంస్థలతోపాటు రాజాపూర్‌, జాతీయ రహదారులు, రైల్వే మార్గాల విస్తరణ కోసం చేపట్టే భూసేకరణలో దళారులను నమ్మి మోసపోవద్దని కలెక్టర్‌ శ్రీహర్ష నిర్వాసితులకు సూచించారు. భూసేకరణ పారదర్శకంగా కొనసాగుతోందని తెలిపారు. నిర్వాసితులకు న్యాయం జరుగుతుందని పేర్కొన్నారు. యువతకు ఉపాధి పారిశ్రామిక రంగాల్లో యువతకు మెరుగైన ఉపాధి, నైపుణ్య శిక్షణ ఇవ్వాలని కలెక్టర్‌ శ్రీహర్ష ఆదేశించారు. ఎంప్లాయ్‌మెంట్‌, ట్రైనింగ్‌, ఇండస్ట్రీ, ఎంగేజ్‌మెంట్‌ అంశాలపై వివిధ కంపెనీల ప్రతినిధులతో సమీక్షించి పలు సూచనలు చేశారు. అభ్యసన సామర్థ్యాలు సాధించాలి జిల్లాలోని ప్రభుత్వ పాఠశాలల్లో ఏఎక్స్‌ఎల్‌తో విద్యార్థుల్లో మెరుగైన అభ్యసన సామర్థ్యాలను సాధించాలని కలెక్టర్‌ శ్రీహర్ష సూచించారు. ఏఎక్సెల్‌ అమలుపై ప్రభుత్వ పాఠశాలల ప్రధానోపాధ్యాయులు, అధికారులతో సమీక్షించి పలు సూచనలు చేశారు. ఆయా కార్యక్రమాల్లో అధికారులు, ప్రతినిధులు పీఎం షేక్‌, రాజయ్య, కౌసల్య, స్వర్ణలత, జీవన్‌రాజు, సతీశ్‌, రాజశేఖర్‌, శ్యామ్‌, హరిహర్‌, వంశీ, అర్జున్‌ తదితరులు పాల్గొన్నారు.

విద్యార్థులకు ఆహార భద్రత కల్పించే కార్యక్రమాలను ప్ర భుత్వం చేపట్టింది. పిల్లలు ఆకలితో పస్కూళ్లకు వెళ్లడంతో ఏకాగ్రత, విద్యలో పట్టు రావడంలేదు. నాణ్యమైన ఆహారంతో ఆరోగ్యం, విద్యా ప్రమాణాలు మెరుగుపడతాయి. – విజయరమణారావు, ప్రభుత్వ విప్‌ ఆకలి సమస్య ఉండొద్దు విద్యార్థులు ఆకలితో స్కూళ్ల కు రావొద్దని ప్రభుత్వం ఉదయం అల్పాహారం అందిస్తోంది. వారి ఆరోగ్యం, శారీరక ఎదుగుదలతోపాటు చదువుపై ఏకాగ్రత పెంచడమే ప్రభుత్వ లక్ష్యం. డ్రాప్‌ అవుట్‌ సంఖ్య కూడా తగ్గుతుంది. – కోయ శ్రీహర్ష, కలెక్టర్‌

● పెద్దపల్లి డీసీపీ రాంరెడ్డి సుల్తానాబాద్‌రూరల్‌: ఆధునిక సాంకేతిక జోడించి పక్కాగా సాక్ష్యాధారాలు కోర్టు ముందు ఉంచడంతో నే కాట్నపల్లిలోని రైస్‌మిల్లులో చిన్నారి(6)పై హ త్యాచారం చేసిన కేసులో నిందితుడికి జీవితాంతం(మరణించే వరకూ) జైలు పడిందని పెద్దపల్లి డీసీ పీ భూక్య రాంరెడ్డి తెలిపారు. స్థానిక పోలీస్‌స్టేషన్‌ లో శుక్రవారం ఏర్పాటు చేసిన మీడియా సమావే శంలో మాట్లాడారు. 2024 జూన్‌ 13న కాట్నపల్లిలో ని ఓ రైస్‌మిల్లులో పనిచేసే దంపతులు నిద్రిస్తుండ గా, తల్లి పక్కన నిద్రిస్తున్న చిన్నారిని బిహార్‌కు చెందిన వినోద్‌ మాజీ అపహరించి హత్యాచారం చేశాడ ని తెలిపారు. తల్లిదండ్రుల ఫిర్యాదు మేరకు ఏసీపీ కృష్ణ, సీఐ సుబ్బారెడ్డి, ఎస్సై శ్రవణ్‌ ఆధ్వర్యంలో పోలీసులు వేగంగా దర్యాప్తు చేసి నిందితుడిని అదుపులోకి తీసుకుని కోర్టులో హాజరుపరిచారని పేర్కొన్నారు. పోలీసులు సేకరించిన సాక్ష్యాధారాలను ప బ్లిక్‌ ప్రాసిక్యూటర్‌ డొంకన రవీందర్‌ కోర్టులో సమర్థవంతంగా ప్రవేశపెట్టారని, పరిశీలించిన జడ్జి.. నిందిడికి జీవితాంతం జైలు శిక్షతోపాటు రూ.28 వే ల జరిమానా విధించారని వివరించారు. బాధిత కు టుంబానికి జిల్లా లీగల్‌ సర్వీసెస్‌ అథారిటీ ద్వారా రూ.3 లక్షల పరిహారం అందించాలని ఆదేశించార ని పేర్కొన్నారు. కేసును సవాల్‌గా తీసుకొని నిందితుడికి శిక్ష పడేలా కృషి చేసిన చేసిన ఏసీపీ కృష్ణ, పబ్లిక్‌ ప్రాసిక్యూటర్‌ రవీందర్‌, కోర్టు కానిస్టేబుల్‌ శ్రీనివాస్‌ను డీసీపీ శాలువాతో సత్కరించారు.

రామగుండం: ‘ఉడాన్‌’ కింద రాబోయే పదేళ్లలో దేశవ్యాప్తంగా వంద విమానాశ్రయాలు నిర్మించనున్నట్లు విమానయానశాఖ మంత్రి రామ్మోహన్‌నాయుడు వెల్లడించిన విషయం తెలిసిందే. ప్రతీ ఎయిర్‌పోర్ట్‌ స్థాపనను పనులు ప్రారంభించిన 18 నెలల్లోనే అందుబాటులోకి తీసుకురావాలని నిర్ణయించారు. ఇందులో భాగంగా 21 రాష్ట్రాల్లో పరస్పర ఒప్పందం (ఎంవోయూ) కుదుర్చుకున్నారు. తెలంగాణలో ఆదిలాబాద్‌, కొత్తగూడెం, మామునూర్‌(వరంగల్‌) మాదిరిగానే అంతర్గాంలోనూ ఉడాన్‌లో భాగంగా గ్రీన్‌ఫీల్డ్‌ ఎయిర్‌పోర్టుల ఏర్పాటుకు శ్రీకారం చుట్టిన విషయం తెలిసిందే. అయితే, అంతర్గాం మినహా మిగతావాటి అభివృద్ధి పనులు ప్రారంభం కావడం, నిధులను కేటాయించడం, ప్రత్యేకాధికారుల నియామకం ప్రక్రియ పూర్తి కావడం పూర్తయ్యాయి. అయినా అంతర్గాం విషయంలో ముందడుగు పడలేదు. దీనిపై సర్వత్రా ఆసక్తి నెలకొంది. గతేడాది నవంబర్‌లో.. గతేడాది నవంబర్‌లో అంతర్గాం, బసంత్‌నగర్‌లో భూ సర్వే, ఇతరత్రా సాంకేతిక అంశాలపై ప్రీ ఫిజిబిలిటీ అధ్యయన నివేదిక తయారీకి రాష్ట్ర ప్రభుత్వం రూ.40.53 లక్షల ఫీజును ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ)కు అందజేసింది. డిసెంబర్‌ మొదటివారంలో ఏఏఐ ఉన్నతాధికారులు సాధ్యాసాధ్యాల ప్రాథమిక నివేదికను సిద్ధం చేసి ఏప్రిల్‌లో రాష్ట్ర ప్రభుత్వానికి అందజేసినట్లు తెలిసింది. తొలుత బసంత్‌నగర్‌ ఎయిర్‌స్ట్రిప్‌ను అభివృద్ధి చేయాలని నిర్ణయించినా భౌగోళికంగా, సాంకేతికంగా, ఆర్థికంగా అనుకూలం కాకపోవడంతో అంతర్గాంలోని 591.24 ఎకరాల ప్రభుత్వ భూమిని వినియోగించుకోవచ్చని సూచిస్తూ ప్రభుత్వానికి నివేదించింది. బహుళ అవసరాల వినియోగానికి నిర్ణయం? అంతర్గాంలో నిర్మించే ఎయిర్‌పోర్ట్‌లో డొమెస్టిక్‌ విమానాలతోపాటు ఇండియన్‌ ఎయిర్‌ ఫోర్స్‌ (ఐఏఎఫ్‌) రక్షణ అవసరాలకు ఉపయోగపడేలా మరో 400 ఎకరాలు సేకరించాలని నిర్ణయించినట్లు సమాచారం. ఫలితంగా ఎయిర్‌బస్‌ ఏ320 వాణిజ్య, ప్యాసింజర్‌ విమానాలు ల్యాండ్‌ కావడానికి వీలవుతుండడంతో రామగుండం, పెద్దపల్లి, మంచిర్యాల జిల్లాలతో పాటు పారిశ్రామిక ప్రాంతాలకు విమాన కనెక్టివిటీ భారీగా పెరగనుంది. అనుమతుల ప్రక్రియపైనే జాప్యం గ్రీన్‌ఫీల్డ్‌ ఎయిర్‌పోర్ట్‌ పాలసీ ప్రకారం.. అంతర్గాం ప్రాజెక్టుకు ముందడుగు పడాలంటే సైట్‌ క్లియరెన్స్‌, రక్షణశాఖ అనుమతి పొందాల్సి ఉంటుంది. తొలుత అంతర్గాంలో ఎయిర్‌పోర్ట్‌కే ప్రతిపాదించినా.. తర్వాత ద్వంద్వ అవసరాలకు ఉపయోగపడేలా ప్రాజెక్టు చేపట్టాలని నిర్ణయించినట్లు సమాచారం. రామగుండంలో పర్యావరణ క్లియరెన్స్‌లు రావడం కొంత జాప్యం జరిగే అవకాశం ఉంటుందని తెలిసింది. ఆరు నెలల క్రితమే ఫిజిబిలిటీ నివేదిక ప్రభుత్వ నిర్ణయంపైనే సర్వత్రా ఉత్కంఠ

● 20 ఎకరాల్లో బహుళ అంతస్తుల భవనాలు ● ఎమ్మెల్యే మక్కాన్‌సింగ్‌ రాజ్‌ఠాకూర్‌ ● గరంగరంగా బల్దియా సమావేశం కోల్‌సిటీ: నగరంలో సుమారు 20 ఎకరాల విస్తీర్ణంలో ఇందిరమ్మ టవర్లు నిర్మించేందుకు ప్రణాళిక సిద్ధం చేస్తున్నట్లు రామగుండం ఎమ్మెల్యే ఎంఎస్‌ రాజ్‌ఠాకూర్‌ తెలిపారు. హైదరాబాద్‌ తరహాలో బహుళ అంతస్తుల భవనాలు నిర్మిస్తామన్నారు. రామగుండం బల్దియాలో శుక్రవారం జరిగిన రెండోసాధారణ కౌన్సిల్‌ సమావేశం మేయర్‌ మహంకాళి స్వామి అధ్యతన జరగ్గా.. ఎమ్మెల్యే ఠాకూర్‌ హాజరై మాట్లాడారు. ఇందిరమ్మ పథకం ద్వారా ప్రభుత్వం నుంచి రూ.5 లక్షలు, రుణం కింద మరో రూ.5 లక్షలు ఇప్పిస్తామన్నారు. నగర అభివృద్ధికి బల్దియా ద్వారా రూ.600 కోట్లు, ప్రభుత్వ శాఖల ద్వారా మరో రూ.600 కోట్లు వెచ్చిస్తున్నట్లు ఆయన తెలిపారు. ప్రభుత్వ సంస్థలకు చెందిన సుమారు రూ.2 వేల కోట్ల సీఎస్సార్‌ నిధులు గత సర్కార్‌ నిర్లక్ష్యంతోనే ఇతర ప్రాంతాలకు తరలిపోయాయని ఆ రోపించారు. గత ప్రభుత్వం నిర్మించిన డబుల్‌ బె డ్రూమ్‌ ఇళ్లలో తాము రూ.40 కోట్లు వెచ్చించి అనేక సదుపాయాలు కల్పించి లబ్ధిదారులకు కేటాయించామని అన్నారు. జీవో 76 ద్వారా ప్రభుత్వ, ఖాళీ స్థలాల్లో నివాసం ఏర్పాటు చేసుకున్నవారికి ఇళ్ల పట్టాలు ఇప్పిస్తామని తెలిపారు. నగర పరిశుభ్రతో ప్రజలు భాగస్వాం కావాలని ఆయన కోరారు. 31 అంశాలు.. 30 ఆమోదం ఎజెండాలోని 31 అంశాల్లో నీటి చార్జీల పెంపు మి నహా 30 అంశాలకు కౌన్సిల్‌ ఆమోదం తెలిపింది. అయితే, తమ డివిజన్లలో అభివృద్ధి జరగడం లేదని బీఆర్‌ఎస్‌ కార్పొరేటర్లు తాళ్ల రాజయ్య, మేకల సమ్మయ్య యాదవ్‌, ఆకారపు రేఖా, సీపీఐ కార్పొరేటర్‌ మార్కపురి సూర్య ప్రస్తావించారు. మేయర్‌తోపాటు కాంగ్రెస్‌ కార్పొరేటర్లు ముస్తాఫా, నెలకంటి రాము, సాంబమూర్తి తదితరులు స్పందిస్తూ.. గతంతో పోలిస్తే తమ హయాంలోనే అధిక అభివృద్ధి జరిగిందన్నారు. రాజీవ్‌ రహదారిపై మూడు ప్రాంతాల్లో ఫుట్‌ఓవర్‌ బ్రిడ్జిలు నిర్మించేందుకు నిర్ణయించారు. పర్యాటకులను ఆకర్షించేలా సుందరీకరణ, ల్యాండ్‌స్కేపింగ్‌, గ్రాఫిటీ పనులు చేపట్టేందుకు ఆమోదం తెలిపారు. మేడిపల్లి సెంటర్‌ నుంచి పీకే రామయ్యకాలనీ బోర్డు వరకు సుమారు రూ.14.50 కోట్లతో వాతావరణ స్థితిస్థాపక నమూ నా రహదారి నిర్మించనున్నారు. పూర్తయిన 73 అ భివద్ధి పనులకు సుమారు రూ.1.89 కోట్ల బిల్లుల చెల్లింపులకు కౌన్సిల్‌ నుంచి అనుమతి లభించింది. అర్బన్‌ చాలెంజ్‌ ఫండ్‌తో అభివృద్ధి అర్బన్‌ చాలెంజ్‌ ఫండ్‌తో నగర రూపురేఖలు మారనున్నాయని మేయర్‌ మహంకాళి స్వామి తెలిపారు. రూ.120 కోట్లతో స్టార్మ్‌ వాటర్‌ డ్రెయిన్లు, రూ.25 కోట్లతో కమర్షియల్‌ కాంప్లెక్స్‌, రూ.30 కోట్లతో 7.5 మెగావాట్ల సోలార్‌ పవర్‌ ప్లాంట్‌, రూ.135 కోట్లతో వాటర్‌ ట్రీట్‌మెంట్‌ ప్లాంట్‌, రూ.152 కోట్లతో వేస్ట్‌ టు ఎనర్జీ ప్లాంట్‌, డంపింగ్‌ యార్డులో బయోమైనింగ్‌ ప్లాంట్‌ ఏర్పాటు చేయనున్నట్లు ఆయన వివరించారు. స్తంభాలు ఏర్పాటు చేసి విద్యుత్‌ తీగలు లాగకుండానే బిల్లులు తీసుకున్నారన్న ఆరోపణలపై విచారణ జరిపిస్తామని మేయర్‌ తెలిపారు. ఆర్‌ఎఫ్‌సీఎల్‌ ఆస్తులపై రూ.18 కోట్లు, ఎన్టీపీసీ క్వార్టర్ల నుంచి రూ.20 కోట్ల స్టాంప్‌ డ్యూటీ బల్దియా ఖాతాలో జమైనట్లు వెల్లడించారు. కాలుష్యంతో ఇబ్బందులు పడుతున్న వీర్లపల్లివాసుల కోసం ఇందిరమ్మ టవర్ల నిర్మాణానికి యత్నిస్తున్నట్లు మేయర్‌ తెలిపారు. సమావేశంలో డిప్యూ టీ మేయర్‌ పాతపెల్లి ఎల్లయ్య, కార్పొరేటర్లతోపా టు కమిషనర్‌ అరుణశ్రీ తదితరులు పాల్గొన్నారు.

వేములవాడరూరల్‌: వేములవాడ స్టేషన్‌ ఫైర్‌ ఆఫీసర్‌ నాగు అనిల్‌కుమార్‌ శుక్రవారం గుండెపోటుతో హైదరాబాద్‌లో మృతిచెందాడు. అనిల్‌కుమార్‌ స్వగ్రామం యాదాద్రిభువనగిరి జిల్లా రామన్నపేట మండలం తుమ్మలగూడెం. ప్రస్తుతం హైదరాబాద్‌లో నివసిస్తున్నారు. 2008 బ్యాచ్‌కు చెందిన అనిల్‌కుమార్‌ డ్రైవర్‌గా విధుల్లో చేరి స్టేషన్‌ ఫైర్‌ ఆఫీసర్‌గా ఎది గారు. గత రెండేళ్లుగా వేములవాడ అగ్నిమాపక అధికారిగా విధులు నిర్వహిస్తున్నారు. 27న ఉమ్మడి జిల్లా స్థాయి టేబుల్‌ టెన్నిస్‌ పోటీలు పెద్దపల్లి: కరీంనగర్‌ ఉమ్మడి జిల్లాస్థాయి టేబుల్‌ టెన్నిస్‌ ఎంపిక పోటీలు ఈనెల 27న సుల్తానాబాద్‌లో నిర్వహించనున్నట్లు ఎస్‌జీఎఫ్‌ జిల్లా కార్యదర్శి కనుకుంట్ల లక్ష్మణ్‌ తెలిపారు. ఎస్‌ఎన్‌ఆర్‌ స్పోర్ట్స్‌ అకాడమీలో అండర్‌–14, అండర్‌–17 బాలబాలికల పోటీలు జరుగుతాయన్నారు. కరీంనగర్‌ ఉమ్మడి జిల్లాలోని అర్హత గల క్రీడాకారులు హాజరు కావాలన్నారు. వివరాలకు 93965 40067, 99898 48858, 96183 36976 నంబర్లలో సంప్రదించాలని సూచించారు. తాగునీటి నాణ్యత తనిఖీ రామగుండం: మంచిర్యాల, బెల్లంపల్లితోపాటు రామగుండం రైల్వేస్టేషన్లలో శుక్రవారం తాగునీటి నాణ్యతను తనిఖీ చేసినట్లు దక్షిణ మధ్య రైల్వే ఉన్నతాధికారులు తెలిపారు. సెప్టెంబర్‌ 9 నుంచి 15వ తేదీలలో మధ్య ఇండియన్‌ రైల్వేస్‌ మెడికల్‌ మాన్యువల్‌లో నిర్దేశించిన ప్రమాణాలకు భూగర్భ జలాలు, పురపాలక నీటి సరఫరా, నిల్వనీరు, క్లోరినేషన్‌, పంపిణీ వ్యవస్థలపై సమీక్షించామన్నారు. ఈక్రమంలో రామగుండంలో 93, మంచిర్యాలలో 105, బెల్లంపల్లిలో 57 నమూనాలను సేకరించినట్లు పేర్కొన్నారు. శుక్రవారం రామగుండంలో నీటి నాణ్యత పరీక్షంచగా.. కరిగిన ఘన పదార్థాలు (టీడీఎస్‌), హైడ్రోజన్‌ పొటెన్షియల్‌ (పీహెచ్‌)స్థాయిలు పరిమితులకు లోబడి ఉన్నట్లు నిర్ధారించినట్లు ప్రకటించారు. పెట్రోల్‌లో నీళ్ల కల్తీతంగళ్లపల్లి(సిరిసిల్ల): రాజన్న సిరిసిల్ల జిల్లా తంగళ్లపల్లి మండలం పద్మనగర్‌లోని హెచ్‌పీ పెట్రోల్‌ బంకులో శుక్రవారం పెట్రోల్‌కు బదులు నీళ్లు పోశారని వాహనదారులు ఆగ్రహం వ్యక్తం చేశారు. బాధితుడు తెలిపిన వివరాలు. అఖిల్‌ అనే యువకుడు తన బైక్‌లో రూ.200 విలువైన పెట్రోల్‌ను పోయించుకున్నాడు. బంకు నుంచి బయలుదేరిన కొద్దిసేపటికే వాహనం ఆగిపోయింది. అనుమానం వచ్చిన వాహనదారుడు ట్యాంక్‌లోని ఇంధనాన్ని బాటిళ్లలోకి తీసి చూడగా అందులో సగానికి పైగా నీరు కలిసి ఉండటం కనిపించింది. వెంటనే అతడు బంకు వద్దకు చేరుకుని నిర్వాహకులను నిలదీశాడు. అక్కడికి చేరుకున్న ఇతర వినియోగదారులు కూడా బంకు యాజమాన్యం నిర్లక్ష్యంపై మండిపడ్డారు. కల్తీ పెట్రోల్‌ కారణంగా తమ వాహనాలు దెబ్బతింటున్నాయని, అధికారులు వెంటనే స్పందించి ఇలాంటి బంకులపై చర్యలు తీసుకోవాలని వాహనదారులు డిమాండ్‌ చేశారు.

● టిఫిన్‌ చేశాకే చదువు ● 40,052 మంది విద్యార్థులకు ప్రయోజనం ● మంథనిలో అత్యాధునిక సెంట్రలైజ్డ్‌ కిచెన్‌ పెద్దపల్లి: జిల్లాలోని ప్రభుత్వ పాఠశాలల్లోని విద్యా ర్థులకు ఉదయం అల్పాహారం అందిస్తున్నారు. ఆ హారం తీసుకోకుండా స్కూళ్లకు వచ్చేవారిలో నీరసం, ఏకాగ్రత లోపం వంటి సమస్యలు తలెత్తకుండా టిఫిన్‌ అందిస్తున్నారు. అల్పాహారం తీసుకున్నా ఉత్సాహంగా తరగతులకు హాజరవుతూ చదువుపై మరింత దృష్టి సారించే అవకాశం ఉంటుందని ఉ పాధ్యాయులు చెబుతున్నారు. ఉదయం అల్పాహారం, మధ్యాహ్నం భోజనం అందడంతో పేద, మ ధ్యతరగతి విద్యార్థులకు ఆహారభద్రత బలోపేతం అవుతుందని కూడా భావిస్తున్నారు. హాజరుశాతం కూడా పెరుగుతుందని వారు అంటున్నారు. 40,052 మందికి ప్రయోజనం మంథనిలో సెంట్రలైజ్డ్‌ కమ్యూనిటీ కిచెన్‌ను మంత్రి శ్రీధర్‌బాబు ప్రారంభించారు. ప్రభుత్వ విప్‌ విజయరమణారావు అల్పాహాం పథకం ప్రారంభించా రు. అయితే, మంథనిలోని కిచెన్‌ ద్వారా జిల్లాలోని 40,052 మంది పాఠశాలలు, జూనియర్‌ కళాశాలల విద్యార్థులకు అల్పాహారం అందిస్తారు. దీనిపరిధిలో 694 స్కూళ్లు, 17 కళాశాలలు ఉన్నాయి. కిచెన్‌లో ఆధునిక సదుపాయాలు మంథని అగ్రికల్చరల్‌ మార్కెట్‌యార్డులోని 8వేల చదరపు అడుగుల షెడ్డులో ఆధునిక సదుపాయాలతో కిచెన్‌ ఏర్పాటు చేశారు. మిల్క్‌ ప్రాసెసింగ్‌ యూనిట్‌, ఫుడ్‌ ల్యాబ్‌, ఆహార నాణ్యత–పరిశుభ్రత–భద్రతకు ఏర్పాట్లు చేశారు. గంటకు 5,400 ఇడ్లీ లు, 2,000 దోశలు, 3,000 పూరీలు తయారు చేసే ఆటోమేటిక్‌ యంత్రాలను సమకూర్చారు. 2 గంట ల్లో 5 వేల మందికి సరిపడా సాంబార్‌, కూరలు సి ద్ధం చేసే సామర్థ్యం దీనికి ఉంది. ఆటోమేటిక్‌ వెజిటబుల్‌ వాషింగ్‌, కటింగ్‌ యూనిట్లు, ఆర్వో వాటర్‌ ప్లాంట్‌, బాయిలర్‌, సెంట్రల్‌ గ్యాస్‌ బ్యాంక్‌, ఈటీ పీ, వ్యర్థాల నుంచి బయోగ్యాస్‌ తయారీ వ్యవస్థలనూ ఏర్పాటు చేశారు. వారానికి ఆరు రకాల మెనూ నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌ సూచనల మేరకు మెనూ రూపొందించారు. సోమవారం ఇడ్లీ –సాంబార్‌, మంగళవారం పూరి–ఆలూ కుర్మా, బు ధవారం దోశ–చట్నీ, గురువారం ఉప్మా–చట్నీ, శు క్రవారం మిల్లెట్‌ ఇడ్లీ–సాంబార్‌, శనివారం బొడా–చట్నీ అందించనున్నారు. కిచెన్‌ నిర్మాణానికి సింగరేణి సీఎస్‌ఆర్‌ నిధులు అందించింది. హరే రామ.. హరే కృష్ణ చారిటబుల్‌ నిర్వహిస్తోంది.

పట్టాల అవతలి వైపు మా ఊరుంది. అత్యవసర పని పడుతుందనే ఉద్దేశంతో పట్టాలకు బయటే ద్విచక్ర వాహనం, ట్రాక్టర్లు నిలిపి ఉంచుతాం. – వొడ్నాల శ్రీశైలం, గ్రామస్తుడు, బద్రిపల్లి బ్రిడ్జి నిర్మించడం లేదు మాది బద్రిపల్లి. మా నాన్న తీవ్రంగా గాయపడి నేటికీ కోలుకోవడం లేదు. భూగర్భ వంతెన, హైలెవల్‌ రెయిలింగ్‌ వంతెన నిర్మించకపోవడం బాధాకరం. – అర్కుటి కొమురయ్య యాదవ్‌, సర్పంచ్‌, కుందనపల్లి హైలెవల్‌ వంతెన అవసరం దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవను కలిశా. సత్వరమే వంతెన నిర్మించాలని డిమాండ్‌ చేశా. ఆయన సానుకూలంగా స్పందించారు. – గడ్డం వంశీకృష్ణ, ఎంపీ, పెద్దపల్లి

సుల్తానాబాద్‌రూరల్‌: పోలీస్‌స్టేషన్లకు వచ్చే ఫిర్యాదుదారులతో మర్యాదగా ప్రవర్తించాలని రామగుండం సీపీ అంబర్‌ కిషోర్‌ ఝూ అన్నారు. గురువారం సుల్తానాబాద్‌ పోలీస్‌స్టేషన్‌ను తనిఖీ చేశారు. ఈ సందర్భంగా క్రైం రేట్‌, సర్కిల్‌ పరిధిలో నమోదవుతున్న కేసులు, రికార్డులు, సీసీ కెమెరాల కమాండ్‌ కంట్రోల్‌ రూంను పరిశీలించారు. అనంతరం సీపీ మాట్లాడుతూ, రౌడీషీటర్లు, సస్పెక్ట్‌ షీట్‌లో ఉన్న వ్యక్తులు, ఇతర నేరుస్తుల ఇళ్లను క్రమం తప్పకుండా తనిఖీ చేస్తూ వారి కదలికలపై నిరంతరం నిఘా పెట్టాలన్నారు. సీసీ కెమెరాల ప్రాధాన్యతపై ప్రజల్లో అవగాహన కల్పించడంతో పాటు ఏర్పాటు చేసుకునేల చూడాలన్నారు. రాజీవ్‌ రహదారిపై రోడ్డు ప్రమాదాల నియంత్రణకు బ్లాక్‌ స్పాట్‌ల వద్ద రక్షణ చర్యలు తీసుకోవాలని పోలీసులకు సూచించారు. ముందుగా సీపీకి సీఐ రంజిత్‌రావు, ఎస్సై చంద్రకుమార్‌ పుష్పగుచ్ఛం అందించి స్వాగతం పలికారు.

పెద్దపల్లి: సుల్తానాబాద్‌ ప్రభుత్వాసుపత్రి పరిధిలోని షట్టర్ల కిరాయిల వ్యవహారం మరోసారి చర్చనీయాంశంగా మారింది. ఏళ్లుగా నామమాత్రపు కిరాయిలతో కొనసాగుతున్న షట్టర్లకు ప్రభుత్వం నిర్ణయించిన కొత్త అద్దెకు అనుగుణంగా వ్యవహరించాలని జిల్లా కలెక్టర్‌ నోటీసులు జారీ చేశారు. ప్రభుత్వ నిర్ణయాన్ని అంగీకరించని పక్షంలో పెద్దపల్లి ప్రభుత్వ జూనియర్‌ కళాశాలలో అనుసరించిన విధంగా బహిరంగ వేలం నిర్వహించేందుకు అధికారులు సిద్ధమవుతున్నారు. ఆస్పత్రి పరిధిలో మొత్తం 21 షట్టర్లు ఉండగా ప్రస్తుతం ఒక్కో దానికి నెలకు రూ.4,677 మాత్రమే కిరాయి వస్తున్నట్లు అధికారులు చెబుతున్నారు. కాగా, స్థానిక బహిరంగ మార్కెట్‌లో ఒక్క షట్టర్‌కు నెలకు రూ.10 వేల నుంచి రూ.12 వేల వరకు అద్దె ఉన్నట్లు సమాచారం. దీంతో ప్రభుత్వ ఆస్తులను ప్రైవేట్‌ వ్యక్తులకు తక్కువ అద్దెకు కట్టబెట్టడం వల్ల ప్రభుత్వం గణనీయమైన ఆదాయం కోల్పోతున్న పరిస్థితి నెలకొంది. 21 షట్టర్లకు నోటీసులు ఈ నెల 1న సుల్తానాబాద్‌ ప్రభుత్వాసుపత్రి పరిధిలోని 21 షట్టర్ల వ్యాపారులకు నోటీసులు జారీ చేసినట్లు ఆస్పత్రి సూపరింటెండెంట్‌ తెలిపారు. ప్రభుత్వం నిర్ణయించిన కిరాయి ప్రకారం కొనసాగేందుకు వ్యాపారులు అంగీకరించాలి. లేకుంటే బహిరంగ వేలం ద్వారా కొత్తగా కిరాయికి ఇచ్చే ప్రక్రియ చేపట్టనున్నట్లు నోటీసుల్లో పేర్కొన్నారు. మార్కెట్‌ కిరాయి రూ.12 వేలు బహిరంగ మార్కెట్‌లో ఒక్క షట్టర్‌కు నెలకు రూ.10 వేలకుపైగా, కొన్ని ప్రాంతాల్లో రూ.12 వేల వరకు కిరాయి పలుకుతున్నట్లు సమాచారం. 21 షట్టర్లను మార్కెట్‌ ధరలకు అనుగుణంగా కిరాయికి ఇస్తే ప్రభుత్వానికి ప్రస్తుతం వస్తున్న మొత్తంతో పోలిస్తే గణనీయంగా అదనపు ఆదాయం సమకూరే అవకాశం ఉంది. పలు పార్టీల నాయకులే బినామీలు అధికార కాంగ్రెస్‌ పార్టీతో పాటు బీఆర్‌ఎస్‌, పలు వ్యాపార సంస్థ యజమానులకు ఎస్సీ, ఎస్టీ, బీసీ కోటాలో షట్టర్లను ఇప్పించుకున్నారు. అన్ని వర్గాలవారు ఉండడంతో రేట్లు పెంచేందుకు సుముఖంగా లేకపోవడంతో కలెక్టర్‌ వీటిపై ప్రత్యేక ఫోకస్‌ పెట్టారు. కలెక్టర్‌పై షట్టర్‌ యజమాన్యం ఒత్తిడి తెచ్చినా వెనుకడుగు వేయడం లేదు. షట్టర్ల అమ్మకాలపై కలెక్టర్‌ సీరియస్‌ సుల్తానాబాద్‌ ప్రభుత్వ ఆసుపత్రి ప్రాంగణంలోని షట్టర్ల అమ్మకాలు, కొనుగోళ్ల వ్యవహారం చర్చనీయాంశంగా మారింది. ఒక్కో షట్టర్‌ను రూ.8 లక్షల నుంచి రూ.10 లక్షల వరకు విక్రయించినట్లు సమాచారం. అయితే ప్రభుత్వం ఓపెన్‌ టెండర్‌ ద్వారా షట్టర్లను కేటాయించాలని నిర్ణయించడంతో, గతంలో కొనుగోలు చేసిన వారు విక్రయించినవారిని సంప్రదిస్తున్నా.. తమకు సంబంధం లేదన్నట్లుగా వ్యవహరిస్తున్నట్లు తెలుస్తోంది. ఈ వ్యవహారంపై అధికారులు ఇప్పటికే సంబంధిత షట్టర్‌ యజమానులకు నోటీసులు జారీ చేశారు. అయితే ఇప్పటివరకు పలువురు నోటీసులకు సమాధానం ఇవ్వకపోవడంతో కలెక్టర్‌ ఈ అంశంపై సీరియస్‌గా ఉన్నట్లు సమాచారం. నోటీసులకు స్పందించకుండా ముందుకు రాకుంటే షట్టర్లను సీజ్‌ చేసి, అనంతరం నిర్వహించే ఓపెన్‌ టెండర్‌లో కై వసం చేసుకున్న వారికి అప్పగించే అవకాశం ఉందని అధికారులు చెబుతున్నారు. దీంతో షట్టర్ల వ్యవహారం ఎలాంటి మలుపు తిరుగుతుందోనని వ్యాపారవర్గాల్లో ఆసక్తి నెలకొంది. ఆదాయానికి గండి ఎంత?ప్రస్తుతం ఒక్కో షట్టర్‌కు సుమారు రూ.4,677 చొప్పున 21 షట్టర్ల నుంచి నెలకు రూ.98 వేలకుపైగా ఆదాయం వస్తుంది. అదే రూ.12 వేల చొప్పున మార్కెట్‌ కిరాయిగా లభిస్తే నెలకు రూ.2.52 లక్షలు వస్తాయి. అంటే సుమారు రూ.1.54 లక్షల మేర నెలకు అదనపు ఆదాయం వచ్చే అవకాశం ఉంటుంది. ఏడాది లెక్కన ఈ తేడా రూ.18.5 లక్షలకు పైగా ఉంటుంది. దీంతో ప్రభుత్వాసుపత్రి షట్టర్ల కిరాయిలను మార్కెట్‌ ధరలకు అనుగుణంగా పునఃసమీక్షించాల్సిన అవసరం ఉందనే అభిప్రాయం వ్యక్తమవుతోంది. నోటీసులు జారీ చేశాం కలెక్టర్‌ ఆదేశాల మేరకు షటర్‌ యాజమాన్యాలకు నోటీసులు అందజేశాం. బహిరంగ మార్కెట్‌కు షటర్ల కిరాయికి భారీగా తేడా ఉంది. ప్రభుత్వ ఆదాయానికి గండి పడుతుందని ఆలోచనతో కలెక్టర్‌ నిర్ణయం తీసుకున్నారు. – డాక్టర్‌ రమాదేవి, ఆస్పత్రి సూపరింటెండెంట్‌, సుల్తానాబాద్‌

పెద్దపల్లి/సుల్తానాబాద్‌రూరల్‌: హత్యకు గురైన తాండ్ర అక్షితరాణి కుటుంబానికి రాష్ట్ర ప్రభుత్వం అండగా ఉంటుందని సంక్షేమశాఖ మంత్రి అడ్లూరి లక్ష్మణ్‌కుమార్‌ అన్నారు. గురువారం ప్రభుత్వ విప్‌ ఎమ్మెల్యే చింతకుంట విజయరమణారావు, కలెక్టర్‌ కోయ శ్రీహర్ష, రామగుండం సీపీ అంబర్‌కిషోర్‌ ఝా, ఎమ్మెల్యే మక్కాన్‌సింగ్‌రాజ్‌ ఠాకూర్‌తో కలిసి సుల్తానాబాద్‌ మండలం రేగడిమద్దికుంటలో అక్షితరాణి తల్లిదండ్రులను పరామర్శించారు. అనంతరం మంత్రి మాట్లాడుతూ, ఘటనపై ప్రత్యేక దర్యాప్తు చేపట్టి బాధ్యులను గుర్తించి చట్టప్రకారం కఠిన శిక్ష పడేలా చర్యలు తీసుకుంటామని పేర్కొన్నారు. ప్రభుత్వం తరఫున బాధిత కుటుంబానికి రూ.4.12 లక్షల పరిహారం అందజేస్తున్నామని, కేంద్ర ప్రభుత్వం ద్వారా మరో రూ.4.12 లక్షలు అందేలా చర్యలు తీసుకుంటామని హామీ ఇచ్చారు. తాను ఈ ప్రాంతంలో పుట్టి పెరిగిన వ్యక్తిగా బాధిత కుటుంబానికి న్యాయం జరిగేలా అన్ని విధాలుగా అండగా ఉంటానన్నారు. రాష్ట్రంలో ఇలాంటి ఘటనలు పునరావృతం కాకుండా ప్రభుత్వం కఠిన చర్యలు తీసుకుంటుందని స్పష్టం చేశారు. ఇంటి నిర్మాణ బాధ్యత నాదే హత్యకు గురైన అక్షితరాణి కుటుంబానికి మంజూరయ్యే ఇందిరమ్మ ఇంటిని పూర్తి చేయించే బాధ్యత తనదేనని విప్‌ విజయరమణారావు తెలిపారు. బాధిత కుటుంబానికి ఎలాంటి ఆర్థికభారం లేకుండా ఇంటిని పూర్తి చేయిస్తానన్నారు. కుటుంబంలో ఒకరికి కాంట్రాక్ట్‌ లేదా ఔట్‌సోర్సింగ్‌ ఉద్యోగం కల్పించేలా చర్యలు తీసుకుంటామని హామీ ఇచ్చారు. అక్షితరాణి హత్య నిందితులపై ప్రభుత్వం కఠిన చర్యలు తీసుకుంటోందన్నారు. వేధింపులకు పాల్పడితే కఠిన చర్యలు రాష్ట్రంలో మహిళలపై వేధింపులకు పాల్పడేవారిపై కఠిన చర్యలు తీసుకునేందుకు సీఎం రేవంత్‌రెడ్డి ఇప్పటికే ఆదేశాలు జారీ చేశారని రామగుండం ఎమ్మెల్యే మక్కాన్‌సింగ్‌ అన్నారు. అక్షితరాణి కుటుంబానికి ప్రభుత్వం అన్ని విధాలా అండగా ఉంటుందని తెలిపారు. ఆర్డీవో గంగయ్య, తహసీల్దార్‌ బషీరోద్దీన్‌, మాజీ మంత్రి మోత్కుపల్లి నరసింహులు, జిల్లా గ్రంథాలయ చైర్మన్‌ అన్నయ్యగౌడ్‌, మార్కెట్‌ చైర్మన్లు మినుపాల ప్రకాష్‌రావు, ఆకుల నర్సయ్య, విండో చైర్మన్లు భాస్కర్‌రెడ్డి, చిలుక సతీశ్‌, కల్లేపల్లి జాని, పడాల అజయ్‌గౌడ్‌, సారయ్యగౌడ్‌, డీసీపీ రాంరెడ్డి, ఏసీపీ కృష్ణ, సీఐ రంజిత్‌రావు, ఎస్సై చంద్రకుమార్‌ తదితరులు పాల్గొన్నారు.

సిరిసిల్ల/కరీంనగర్‌స్పోర్ట్స్‌: పట్టుదలతో ఆడి బీసీసీఐ టోర్నమెంట్‌ వరకు చేరుకుంది జిల్లాకు చెందిన పన్యాల అక్షయరెడ్డి. రాజన్న సిరిసిల్ల జిల్లా తంగళ్లపల్లి మండలం రామన్నపల్లికి చెందిన బిల్డర్‌ పన్యాల తిరుపతిరెడ్డి కూతురు. కరీంనగర్‌లోని వీజేఆర్‌ క్రికెట్‌ గ్రౌండ్‌లో ప్రాక్టీస్‌ మొదలుపెట్టింది. బీసీసీఐ టోర్నమెంట్స్‌ కోసం ప్రకటించిన 15 మంది సభ్యుల హెచ్‌సీఏ అండర్‌–19 ఉమెన్‌ జట్టులో చోటు సంపాదించుకుంది. బ్యాటర్‌గా రాణిస్తూ.. కరీంనగర్‌లో నిర్వహించిన హెచ్‌సీఏ క్రికెట్‌ ట్రయల్స్‌లో తన అసాధారణ ప్రతిభతో సెలక్టర్ల దృష్టిని ఆకర్షించింది. హైదరాబాద్‌లో జరిగిన ప్రతిష్టాత్మక లీగ్‌ బరిలోకి దిగింది. హైదరాబాద్‌లో సూపర్‌ 20 జట్ల మధ్య జరిగిన మొదటి రౌండ్‌ పోటీలలో బ్యాటర్‌గా తనదైన ముద్ర వేసుకుంది. ప్రిలిమినరీ రౌండ్లలో బ్యాట్‌తో రాణించగా సూపర్‌ 8 లీగ్‌లో ఒక జట్టుకు కెప్టెన్‌గా అక్షయను నియమించారు. అనంతరం జరిగిన సూపర్‌ 4 లీగ్‌లోనూ జట్టుకు కెప్టెన్‌గా వ్యవహరించి తన ఆట తీరుతో ఆకట్టుకుంది. అద్భుతమై ఫామ్‌లో ఉమ్మ అక్షయను ఏకంగా 15 మంది సభ్యుల హెచ్‌సీఏ స్టేట్‌ స్క్వాడ్‌లో నిలబెట్టింది. జిల్లాలోని ప్రతీ యువ క్రికెటర్‌కు ఒక గొప్ప స్ఫూర్తి అని ఆమె ప్రగతిపై కేడీసీఏ అధ్యక్ష, కార్యదర్శులు ఆగంరావు, మనోహర్‌రావు, మహేందర్‌, మురళీధర్‌రావు అభినందించారు.

మందులు కొనుగోలు చేసేటప్పుడు బిల్లు తీసుకోవడం వినియోగదారుడి హక్కు. బిల్లు ఇవ్వడం మెడికల్‌ షాపు నిర్వాహకుల బాధ్యత. ఫార్మసీ విద్యార్హత ఉన్నవారు తమ సర్టిఫికెట్లను ఇతరుల వ్యాపారం కోసం ఇవ్వకూడదు. రోగులకు మందుల వినియోగంపై సరైన అవగాహన కల్పించడం ఫార్మసిస్టుల బాధ్యత. పెద్దపల్లి, కరీంనగర్‌ జిల్లాల్లో డ్రగ్‌ ఇన్‌స్పెక్టర్‌గా పని చేస్తూనే, ప్రతి నెలా ఆకస్మిక తనిఖీలు నిర్వహించి, నెలకు సుమారు 15 దుకాణాలను సీజ్‌ చేస్తున్న. ప్రజల ఆరోగ్యంతో చెలగాటం ఆడితే చర్యలు తప్పవు. – పిట్ట శ్రావణ్‌, డ్రగ్‌ ఇన్‌స్పెక్టర్‌

గోదావరిఖని/రామగుండం: ఇంట్లో కరెంట్‌ పోవడంతో విద్యుత్‌ సరఫరా కోసం ఫిర్యాదు చేయడానికి ఆఫీస్‌కు వెళ్లి తిరిగి వస్తుండగా రోడ్డు ప్రమాదంలో టెంట్‌హౌజ్‌ వ్యాపారి మృతి చెందాడు. గురువారం స్థానిక మాతంగికాంప్లెక్స్‌ సమీపంలో జరిగిన రోడ్డు ప్రమాదంలో కాకతీయనగర్‌కు చెందిన బల్లం రాంచందర్‌(53)ను క్రేన్‌ ఢీకొనడంతో మృతి చెందాడు. కడుపుపై నుంచి క్రేన్‌టైర్లు వెళ్లడంతో పేగులు బయటకు వచ్చి తీవ్రగాయాల పాలయ్యాడు. తీవ్రంగా గాయపడిన రాంచందర్‌ను కుటుంబ సభ్యులు అంబులెన్స్‌లో ప్రభుత్వ ఏరియా ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. క్రేన్‌ వాహనం డ్రైవర్‌ వాహనాన్ని అతివేగంగా, అజాగ్రత్తగా నడుపుతూ వెనుక నుంచి రాంచందర్‌ను ఢీకొట్టగా ఈ ప్రమాదం జరిగింది. వాహనం డ్రైవర్‌ కానుగంటి రమేశ్‌పై పోలీసులు కేసు నమోదు చేశారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు వన్‌టౌన్‌ సీఐ ఇంద్రసేనారెడ్డి పేర్కొన్నారు. గూడ్స్‌ రైలు ఢీకొని.. అంతర్గాం మండల పరిధిలోని బద్రిపల్లికి చెందిన నాంసాని లక్ష్మి(52) బుధవారం రాత్రి గూడ్సు రైలు కింది నుంచి దాటుతుండగా రైలు కదలడంతో మృతి చెందింది. కుటుంబ సభ్యులు తెలిపిన వివరాల మేరకు.. బద్రిపల్లికి మధ్యలో నుంచి గోదావరిఖని, ఎన్టీపీసీ పరిశ్రమలకు వెళ్లే రైల్వే లైన్‌ ఉంది. లక్ష్మి గూడ్సు రైలు కింద నుంచి బయటకు వెళ్లే ప్రయత్నం చేస్తుండగా ఆమె చీర వ్యాగన్‌ కింద ఇనుప కొంకెకు తట్టుకొని లాగడంతో రైలు పట్టాలపై పడడంతో అక్కడికక్కడే దుర్మరణం చెందింది. ఆమె మృతదేహాన్ని గూడ్సు రైలు రామగుండం రైల్వేస్టేషన్‌ వరకు ఈడ్చుకెళ్లింది. మృతురాలికి భర్త అంజయ్య, ఇద్దరు కుమార్తెలు ఉన్నారు. మృతదేహాన్ని పోస్టుమార్టం నిమిత్తం గోదావరిఖని ప్రభుత్వాసుపత్రికి తరలించి కుటుంబసభ్యులకు అప్పగించారు. మృతురాలి కుటుంబసభ్యుల ఫిర్యాదు మేరకు నమోదు చేసుకొని దర్యాప్తు చేపడుతున్నామని ఎస్సై సంధ్యారాణి పేర్కొన్నారు. ఇద్దరి కళ్లతో నలుగురికి చూపు ఆప్తులను కోల్పోయి దుఃఖంలో ఉన్న ఆ కుటుంబాలు నేత్రదానానికి ముందుకొచ్చాయి. నలుగురికి చూపునిచ్చి ఆదర్శంగా నిలిచాయి. గోదావరిఖని కాకతీయనగర్‌కు చెందిన టెంట్‌హౌస్‌ నిర్వాహకుడు బొల్లం రామచందర్‌ (58) గురువారం స్థానిక మాతంగి కాంప్లెక్స్‌ ఎదుట రోడ్డుపై నడుచుకుంటూ వెళ్తుండగా క్రేన్‌ వాహనం ఢీకొనగా అక్కడిక్కడే మృతిచెందాడు. అంతర్గాం మండలం బద్రిపల్లికి చెందిన ఎన్‌.లక్ష్మి(55) గూడ్స్‌ రైలు ఢీకొనడంతో మృతిచెందింది. ఈ విషాద సమయంలోనూ రెండు కుటుంబాలు నేత్రదానానికి ముందుకు వచ్చాయి. సదాశయ ఫౌండేషన్‌, మేదరి సంఘం ప్రతినిధుల సూచన మేరకు జీజీహెచ్‌లో ఎల్వీ ప్రసాద్‌ ఐ బ్యాంక్‌ టెక్నిషియన్‌ ప్రదీప్‌ నాయక్‌ నేత్రాలు సేకరించి హైదరాబాద్‌కు తరలించారు. రెండు కుటుంబాల నిర్ణయం పలువురికి ఆదర్శమని సదాశయ ఫౌండేషన్‌ గౌరవ అధ్యక్షుడు రామకృష్ణారెడ్డి, జాతీయ అధ్యక్షుడు శ్రవణ్‌కుమార్‌, ప్రధాన కార్యదర్శి లింగమూర్తి, ప్రచార కార్యదర్శి వాసు, ప్రతినిధులు చంద్రమౌళి, భీష్మాచారి, కవిత అనంతరాములు, రాజమౌళి, లక్ష్మీనారాయణ, రాములు, అన్నపూర్ణ, శశికళ, జ్యోతి తదితరులు పేర్కొన్నారు.

జ్యోతినగర్‌: మంచిర్యాల జిల్లా ఇందారం వద్ద గురువారం రాత్రి జరిగిన రోడ్డు ప్రమాదంలో ఎన్టీపీసీ కృష్ణానగర్‌కు చెందిన అనురాధ త్రివేది మృతి చెందారు. ఇందారం ఓఎల్‌వీఏ కార్యాలయం నుంచి గోదావరిఖని వైపు వస్తుండగా ఆమె ప్రయాణిస్తున్న వాహనాన్ని లారీ ఢీకొనడంతో ప్రమాదం జరిగినట్లు సమాచారం. తీవ్ర గాయాలతో అనురాధ త్రివేది ప్రమాద స్థలంలోనే మృతి చెందింది. ఆమె భర్త వేణుగోపాల్‌ త్రివేది ఎన్టీపీసీ కృష్ణానగర్‌లో నివాసం ఉంటూ లయన్స్‌ క్లబ్‌లో ప్రముఖుడిగా కొనసాగుతున్నారు. అనురాధ మృతితో ఎన్టీపీసీ ప్రాంతంలో విషాదఛాయలు అలుముకున్నాయి.

పెద్దపల్లిరూరల్‌: న్యాయస్థానాల్లో పెండింగ్‌లో ఉన్న కేసులను ఇరువర్గాలకు చెందిన వారు రాజీతో పరిష్కరించుకోవాలని జిల్లా జడ్జి కుంచాల సునీత సూచించారు. జిల్లా కోర్డు ఆవరణలో గురువారం ఏర్పాటు చేసిన విలేకరుల సమావేశంలో భవానితో పాటు జిల్లా న్యాయసేవాధికార సంస్థ కార్యదర్శి శ్రీనిజ కోహిర్కర్‌తో కలిసి ఆమె మాట్లాడారు. పెద్దపల్లికి నాలుగు సబ్‌స్టేషన్లుపెద్దపల్లి: నియోజకవర్గంలో విద్యుత్‌ సమస్యకు శాశ్వత పరిష్కారం కోసం మరో నాలుగు 33/11 కేవీ సబ్‌స్టేషన్ల నిర్మాణానికి ప్రభుత్వం మంజూరు ఇచ్చిందని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు తెలిపారు. గురువారం ఆయన మాట్లాడుతూ.. రూ.13.51 కోట్లతో చేపట్టనున్న ఈ నిర్మాణాలతో రైతులు, ప్రజలకు నాణ్యమైన విద్యుత్‌ అందుతుందన్నారు. కాల్వ శ్రీరాంపూర్‌ మండలం పెద్దరాతుపల్లిలో రూ.2.44 కోట్లతో.. సుల్తానాబాద్‌లోని శాస్త్రినగర్‌లో రూ.2.47కోట్లతో.. ఓదెల మండలం రూప్‌నారాయణపేటలో రూ.4.14 కోట్లతో.. ఎలిగేడు మండలం ధూళికట్టలో రూ.4.44 కోట్లతో సబ్‌స్టేషన్లు నిర్మించనున్నట్లు వివరించారు. వచ్చే వేసవి నాటికి సబ్‌స్టేషన్లను అందుబాటులోకి తెస్తామన్నారు. అభివృద్ధే లక్ష్యంగా సమావేశం కొనసాగాలిగోదావరిఖని: కార్పొరేషన్‌ అభివృద్ధే లక్ష్యంగా కౌన్సెల్‌ సమావేశం కొనసాగాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ అన్నారు. గురువారం ఎమ్మెల్యే క్యాంప్‌ కార్యాలయంలో కాంగ్రెస్‌ పార్టీ కార్పొరేటర్లతో నిర్వహించిన సమీక్ష సమావేశంలో మాట్లాడారు. శుక్రవారం నిర్వహించనున్న కౌన్సిల్‌ సమావేశంలో పలు అంశాలపై సమగ్రంగా చర్చించారు. రామగుండం అభివృద్ధికి సంబంధించిన ప్రతిపాదనలు, ప్రజలకు మెరుగైన మౌలిక వసతుల కల్పన, డివిజన్లలో నెలకొన్న సమస్యలు తదితర అంశాలపై కార్పొరేటర్ల నుంచి వివరాలు తెలుసుకున్నారు. మౌలిక వసతుల కల్పనకు ప్రాధాన్యత ఇవ్వాలన్నారు. సమావేశంలో మేయర్‌ మహంకాళి స్వామి, డిప్యూటీ మేయర్‌ ఎల్లయ్య, కాంగ్రెస్‌ పార్టీ రామగుండం మున్సిపల్‌ కార్పొరేషన్‌ అధ్యక్షుడు ఎండీ ముస్తఫా, పలువురు కార్పొరేటర్లు పాల్గొన్నారు. ఆధార్‌ సేవల్లో జాప్యం చేయొద్దు పెద్దపల్లి: జిల్లాలో ఆధార్‌ సేవలు పారదర్శకంగా, నిబంధనలకు అనుగుణంగా అందేలా చర్యలు చేపట్టాలని కలెక్టర్‌ కోయ శ్రీహర్ష అధికారులను ఆదేశించారు. గురువారం కలెక్టరేట్‌లో అదనపు కలెక్టర్‌ బి.శ్రీరాములుతో కలిసి జిల్లా స్థాయి ఆధార్‌ మానిటర్‌ కమిటీ సమీక్ష సమావేశం నిర్వహించారు. నూతన ఆధార్‌ నమోదులు, మాండేటరీ బయోమెట్రిక్‌ అప్‌డేట్లు, పెండింగ్‌ దరఖాస్తులు, శాఖల సమన్వయంపై సమీక్షించారు. పెండింగ్‌లో ఉన్న నూతన నమోదులు, బయోమెట్రిక్‌ అప్‌డేట్లను త్వరితగతిన పూర్తి చేయాలని ఆదేశించారు. మహిళా శిశు సంక్షేమ, పోస్టల్‌ శాఖలు సమన్వయంతో నిర్దేశిత లక్ష్యాలను సాధించాలని సూచించారు. సక్రమంగా డేటా సేకరించని కేంద్రాలు, నిబంధనలు పాటించని ఏజెన్సీలపై చర్యలు తీసుకోవాలని ఆదేశించారు. అసిస్టెంట్‌ మేనేజర్‌ రత్నాకర్‌, ఈడీఎం కవిత తదితరులు పాల్గొన్నారు. ధాన్యం కొనుగోళ్లపై ఏఐ నిఘా పెద్దపల్లి: ధాన్యం కొనుగోలు కేంద్రాల నిర్వహణను పారదర్శకంగా పర్యవేక్షించేందుకు కృత్రిమ మేధస్సు (ఏఐ) ఆధారిత ప్రొక్యూర్‌మెంట్‌ సెంటర్‌ స్మార్ట్‌ అసెస్‌మెంట్‌ పోర్టల్‌ను పకడ్బందీగా వినియోగించాలని అదనపు కలెక్టర్‌ బి. శ్రీరాములు సూచించారు. గురువారం కలెక్టరేట్‌లో కొనుగోలు కేంద్రాల నిర్వాహకులతో నిర్వహించిన అవగాహన సదస్సులో మాట్లాడారు. పోర్టల్‌లో 16 ప్రశ్నలకు సమాధానాలతోపాటు సంబంధిత ఫొటోలను అప్‌లోడ్‌ చేయాల్సి ఉంటుందన్నారు. ఫొటోలను ఏఐ విశ్లేషించి అవి సరైనవో కాదో గ్రేడింగ్‌ ఇస్తుందన్నారు. రవాణా వాహనాలకు తప్పనిసరిగా జీపీఎస్‌ ఏర్పాటు చేసి కదలికలను నిరంతరం పర్యవేక్షించాలని ఆదేశించారు. జిల్లా పౌరసరఫరాల అధికారి శ్రీనాథ్‌, అదనపు గ్రామీణ అభివృద్ధి అధికారి రవీందర్‌ తదితరులు పాల్గొన్నారు.

కోల్‌సిటీ: 6 నెలల విరామం తర్వాత రామగుండం నగరపాలక సంస్థ సాధారణ సమావేశం శుక్రవారం జరగనుంది. 26 అంశాలతో రూపొందించిన ఎజెండాను ఇప్పటికే మేయర్‌తోపాటు 59 మంది కార్పొరేటర్లకు అధికారులు పంపిణీ చేశారు. నగరంలో నెలకొన్న సమస్యలు, అధికారుల పనితీరు, కార్పొరేటర్లు, అధికారులకు మధ్య పెరిగిన సమన్వయ లోపం, వివిధ ప్రతిపాదనలపై సమావేశంలో వాడీవేడిగా చర్చ జరిగే అవకాశముందని తెలుస్తోంది. ఇటీవల పలువురు కార్పొరేటర్లు అధికారుల తీరుపై బహిరంగంగా నిరసన వ్యక్తం చేశారు. అధికార పార్టీకి చెందిన కార్పొరేటర్‌ సైతం కమిషనర్‌ చాంబర్‌లో బైఠాయించి ఆందోళన చేసిన విషయం తెలిసిందే. పలు డివిజన్లకు చెందిన ప్రజాప్రతినిధులు సామాజిక మాధ్యమాల వేదికగా అధికారులపై ఆరోపణలు చేశారు. ఈ నేపథ్యంలో కౌన్సిల్‌ సమావేశంపై ఆసక్తి నెలకొంది. ఎజెండాలో ముఖ్యాంశాలు ● 15వ ఆర్థిక సంఘం టైడ్‌ నిధులు, వాటర్‌ సప్లయ్‌ నిధులతో రూ.20లక్షల వ్యయంతో నీటి సరఫరా లీకేజీల నివారణ, బోర్‌వెల్‌ పరికరాల కొనుగోలుకు ప్రతిపాదన. ● వన మహోత్సవ కార్యక్రమానికి 15వ ఆర్థిక సంఘం అన్‌టైడ్‌, గ్రీన్‌ బడ్జెట్‌ నిధులు వినియోగించే అంశం. ● నగరంలో సుమారు 25వేల ఎల్‌ఈడీ లైట్ల ఏర్పాటు, 7 సంవత్సరాలపాటు నిర్వహణ బాధ్యతలను పవర్‌ ట్రేడింగ్‌ కార్పొరేషన్‌ ఆఫ్‌ ఇండియా లిమిటెడ్‌కు అప్పగించే ప్రతిపాదన. ఒక్కో ఎల్‌ఈడీకి నెలకు రూ.147 చొప్పున చెల్లించేలా సుమారు రూ.40లక్షల వ్యయానికి ప్రతిపాదించారు. ● గతంలో ఎల్‌ఈడీ నిర్వహణ బాధ్యతలు చేపట్టిన సంస్థ సిబ్బంది సకాలంలో మరమ్మతుకు రాకపోవడంతో స్థానిక సిబ్బందే పనులు చేయాల్సి వచ్చిందని పలువురు కార్పొరేటర్లు ఆరోపిస్తున్నారు. ఇదే పరిస్థితి మళ్లీ తలెత్తకుండా చర్యలు తీసుకోవాలని కోరే అవకాశముంది. ● కార్పొరేటర్లకు స్మార్ట్‌ ఫోన్లు, సిమ్‌ కార్డుల కోసం రూ.30లక్షల ప్రతిపాదన. ● సద్దుల బతుకమ్మ, దసరా పండుగల సందర్భంగా వివిధ డివిజన్లలో అద్దె ప్రాతిపదికన ఫ్లడ్‌లైట్ల ఏర్పాటుకు రూ.22లక్షలు. ● అర్బన్‌ చాలెంజ్‌ ఫండ్‌ కింద వివిధ అభివృద్ధి పనులకు సమగ్ర డీపీఆర్‌ రూపొందించేందుకు కన్సల్టెంట్‌ను నియమించి నిధులు మంజూరు చేసే అంశం. ● 7.50 మెగావాట్ల సామర్థ్యంతో సౌర విద్యుత్‌ కేంద్రాల ఏర్పాటుకు కౌన్సిల్‌ తీర్మానం. ● వివిధ ప్రాంతాల్లో కొత్త బోర్‌వెల్‌ల ఏర్పాటుకు రూ.20లక్షలు. ● నగరపాలక సంస్థ కార్యాలయ ఆధునికీకరణకు రూ.20లక్షలు. ● పలు డివిజన్లలో కమ్యూనిటీ టాయిలెట్ల నిర్మాణానికి రూ.60లక్షలు. ● ఇంటింటి నల్లా కనెక్షన్‌ రుసుమును నెలకు రూ.100 నుంచి రూ.150కి పెంచే ప్రతిపాదన. ● ఇంటింటి చెత్త సేకరణకు పెంచిన చార్జీలను అమలు చేసేందుకు రుసుములు నిర్ణయించే అంశం. ● వివిధ ప్రాంతాల్లో ఇంకుడు గుంతల ఏర్పాటుకు రూ.40లక్షల నిధుల వినియోగం. అధికారులను నిలదీస్తారా? ఇటీవల అధికారుల వ్యవహార శైలిపై కార్పొరేటర్లలో అసంతృప్తి వ్యక్తమైన నేపథ్యంలో కౌన్సిల్‌ సమావేశంలో దీనిపై చర్చ జరిగే అవకాశముంది. అధికారుల వివరణలకు సభ్యులు సంతృప్తి చెందుతారా? ఇటీవల ఇద్దరు కార్పొరేటర్లకు కలెక్టర్‌ షోకాజ్‌ నోటీసులు జారీ చేసిన అంశం ప్రస్తావనకు వస్తుందా? అనే చర్చ జరుగుతోంది. ఎజెండాలోని అంశాలపై పలువురు కార్పొరేటర్లు ఇప్పటికే కసరత్తు చేస్తున్నట్లు సమాచారం. హాజరుకానున్న ఎమ్మెల్యే సమావేశానికి ఎమ్మెల్యే మక్కాన్‌సింగ్‌ రాజ్‌ఠాకూర్‌ హాజరు కానున్నట్లు తెలిసింది. కార్పొరేటర్లు సమస్యలను ప్రస్తావిస్తారా? ఎజెండా అంశాలపై ప్రశ్నల వర్షం కురిపిస్తారా? లేక ప్రతిపాదనలకు ఆమోదం తెలిపి సమావేశాన్ని ముగిస్తారా? అనేది ఆసక్తిగా మారింది.

వేములవాడ: పట్టణంలోని ప్రభుత్వ జూనియర్‌ కళాశాల మైదానంలో ఈనెల 26 నుంచి 29 వరకు నిర్వహించతలపెట్టిన రాష్ట్రస్థాయి పురుషులు, మహిళల కబడ్డీ పోటీలు తాత్కాలికంగా వాయిదా వేసినట్లు రాష్ట్ర కబడ్డీ సంఘం ఉపాధ్యక్షుడు సంపత్‌రావు, జిల్లా అధ్యక్షుడు ముస్కు మల్లారెడ్డి తెలిపారు. భారీ వర్షాల నేపథ్యంలో కబడ్డీ పోటీలను రీషెడ్యూల్‌ చేసినట్లు ప్రకటించారు. అక్టోబర్‌ 1 నుంచి 4 వరకు ఇదే గ్రౌండ్‌లో యథావిధిగా నిర్వహిస్తామని వివరించారు. గ్రౌండ్‌ను కార్యదర్శి సింగారపు తిరుపతి, కబడ్డీ అడ్వయిజర్‌ నాగుల లక్ష్మీనారాయణ, జాయింట్‌ కార్యదర్శి సోమినేని బాలు పరిశీలించారు.

చెన్నకేశవనాథ ఆలయ చరి త్రను సోషల్‌ మీడియా ద్వారా తెలుసుకుని పర్యాటకులు ఆలయాన్ని సందర్శిస్తున్నారు. ముఖ్యంగా ఆలయ చరిత్రపై యూట్యూబ్‌ల ద్వారా వీడియోలు చిత్రీకరిస్తూ ప్రచారం కల్పిస్తున్నారు. ఎంతో గొప్ప చరిత్ర ఈ ఆలయానికి ఉంది. – ఏనుగు మల్లారెడ్డి, సింగిల్‌ విండో చైర్మన్‌ పర్యాటక శాఖ దృష్టి సారించాలి ఆలయ అభివృద్ధిపై దృష్టి సారిస్తే మరింత అభివృద్ధి చెందుతుంది. దేశంలోనే రెండో పంచముఖ లింగం ఇక్కడ ఉంది. ఎంతో గొప్పనైన చరిత్ర కాకతీయుల కళావైభవం ఈ ఆలయం సొంతం. ప్రభుత్వం నిధులు మంజూరు చేయాలి. – మచ్చ శ్రీధర్‌, ఉత్సవ కమిటీ చైర్మన్‌ భక్తులు పెరుగుతున్నారు చెన్నకేశవనాథ స్వామి ఆలయ చరిత్ర తెలుసుకుని రాష్ట్ర నలుమూలల నుంచి భక్తులు వస్తున్నారు. ప్రతి సోమవారం అభిషేకాలు చేస్తున్నాం. దర్శించుకుంటున్న వారిలో వీఐపీలు కూడా ఉన్నారు. వర్షం కురిస్తే ఉత్సవమూర్తులపై పడి పూజలకు ఇబ్బందిగా ఉంది. – సతీశ్‌ శర్మ, అర్చకులు

కోల్‌సిటీ(రామగుండం): వైద్యుడు రోగాన్ని గుర్తిస్తే.. ఫార్మసిస్ట్‌ ఆ రోగికి అందే ఔషధం ఇస్తూనే .. ఏమంది.. ఎంత మోతాదులో వేసుకోవాలో అవగాహన కల్పిస్తారు. తెరవెనుక సేవలందించే ఫార్మసిస్టులను గుర్తుచేసుకునేందుకు ప్రతీ సంవత్సరం సెప్టెంబర్‌ 25న ‘ప్రపంచ ఫార్మాసిస్టుల దినోత్సవం’గా నిర్వహిస్తున్నారు. ఈ ఏడాది నినాదం ‘ఆరోగ్యకరమైన భవిష్యత్‌ కోసం ఫార్మసిస్ట్‌లను సాధికారత చేయడం’. ఔషధం.. సాధారణ వస్తువు కాదు ఔషధం సాధారణ వస్తువు కాదు. సరైన మందు సరైన వ్యక్తికి, సరైన మోతాదులో, సరైన విధంగా అందితేనే ఆశించిన ప్రయోజనం కలుగుతుంది. ఔషధాల నిల్వ, నాణ్యత, గడువు తేదీలు, మోతాదు, వినియోగం వంటి అంశాల్లో ఫార్మసిస్టుల అప్రమత్తత అవసరం. నాణ్యతపై రాజీ వద్దు కల్తీ, నకిలీ లేదా అనుమానాస్పద ఔషధాల నియంత్రణలోనూ ఫార్మసిస్టులు కీలక భాగస్వాములు. ఔషధాలను కొనుగోలు చేసేటప్పుడు తయారీదారు వివరాలు, సరఫరా సంస్థ, బిల్లులు, బ్యాచ్‌ నంబరు, తయారీ, గడువు తేదీలు వంటి అంశాలను పరిశీలించడం అవసరం. కేవలం అధిక డిస్కౌంట్‌ లేదా తక్కువ ధర ఆధారంగా ఔషధాలను ఎంపిక చేయకుండా వాటి నాణ్యత, చట్టబద్ధమైన సరఫరాకు ప్రాధాన్యం ఇవ్వాలి. మాత్రకు.. మాటకు మధ్య మారధి చాలామంది రోగులు వైద్యుడి సూచనతో మందులు తీసుకున్నా.. వాటి వినియోగంపై సందేహాలు వచ్చినప్పుడు ముందుగా ఫార్మసిస్ట్‌ను సంప్రదిస్తుంటారు. మందు ఎలా భద్రపరచాలి? భోజనానికి ముందు తీసుకోవాలా.. తర్వాతా? మోతాదు మరిచిపోతే ఏం చేయాలి? వంటి సాధారణ సందేహాలకు సరైన మార్గదర్శకత్వం ఇవ్వడం ద్వారా చికిత్సను సురక్షితంగా కొనసాగించేందుకు రోగులకు ఫార్మసిస్టులు వారిధిగా సహకరిస్తారు. ఉమ్మడి జిల్లాలో.. ఉమ్మడి కరీంనగర్‌ జిల్లాలో సుమారు 4వేలకు పైగా రిటైల్‌ మెడికల్‌ షాపులు ఉన్నాయి. మొత్తం సుమారు ఐదు వేల నుంచి ఆరు వేల వరకు ఫార్మాసిస్టులు సేవలందిస్తున్నారు. నిరంతరం డ్రగ్‌ ఇన్‌స్పెక్టర్ల తనిఖీలు ఉమ్మడి జిల్లాలో డ్రగ్‌ ఇన్స్‌స్పెక్టర్లు మెడికల్‌షాపుల లైసెన్స్‌, రెన్యువల్స్‌ జారీ చేయడంతోపాటు దుకాణాల తనిఖీలు, మందుల నాణ్యతను పరిశీలిస్తున్నారు. అనుమానం వచ్చిన మందులను ల్యాబోరేటరికి పరిశీలనకు పంపిస్తున్నారు. నాణ్యతలో లోపం ఉంటే సంబంధిత విక్రయదారుడు, తయారీదారులపై చర్యలు తీసుకోవడంతోపాటు కేసులు కూడా నమోదు చేస్తున్నారు. రోగి ఆరోగ్యానికి ఫార్మాసిస్టే భరోసా మందుల ఎంపిక నుంచి వినియోగం వరకు కీలకపాత్ర ఉమ్మడి జిల్లాలో 5 వేల మంది ఫార్మసిస్టులు నేడు వరల్డ్‌ ఫార్మసిస్ట్‌ డే

ఎల్లారెడ్డిపేట(సిరిసిల్ల): లక్ష్యానికి శ్రమ తోడైతే ఏదైనా సాధించవచ్చని నమ్మిన బాలుడు తన ప్రయాణంలో ఉత్తమ స్థానానికి చేరుకున్నాడు. క్రికెట్‌పై ఉన్న ఇష్టం.. లక్ష్యాన్ని చేరుకోవాలన్న తపనతో గంటల కొద్దీ చేసిన ప్రాక్టీస్‌ ఫలితానిచ్చింది. మనది కాని దేశం.. కొత్త మనుషుల మధ్య ప్రాక్టీస్‌నే నమ్ముకొని అండర్‌–14 సీబీఎస్‌ఈ నేషనల్‌ టీమ్‌ వరకు చేరుకున్నాడు. 14 ఏళ్ల వయసులోనే క్రికెట్‌లో చిచ్చరపిడుగులా రాణిస్తున్నాడు. ఒమన్‌ అండర్‌–14 సీబీఎస్‌ఈ క్రికెట్‌ టీమ్‌కు ప్రవాసీ తెలంగాణ కుటుంబానికి చెందిన బాలుడు కొండేటి పార్థు ఎంపికయ్యాడు. అక్టోబర్‌ 24 నుంచి 31వ తేదీ వరకు ఇండియాలో జరిగే టోర్నమెంట్‌లో ఒమన్‌ దేశం తరఫున ప్రాతినిధ్యం వహించనున్నాడు. ఈ టోర్నీకి ఒమన్‌ నుంచి ఇండియాకు అక్టోబర్‌ 22న చేరుకోనున్నారు. ఈ టోర్నమెంట్‌లో ఇండియాలోని 8 జోన్ల నుంచి 8 జట్లు పాల్గొంటుండగా.. జీసీసీ(గల్ఫ్‌ కోఆపరేషన్‌ కౌన్సిల్‌) నుంచి కూడా కొన్ని జట్లు పాల్గొంటున్నాయి. కొండేటి పార్థు ఒమన్‌ అండర్‌–14 సీబీఎస్‌ఈ క్రికెట్‌ టీమ్‌ తరఫున ఆడనున్నారు. తమిళనాడు రాష్ట్రం మధురై పోటీలు జరుగనున్నాయి. నారాయణపూర్‌ నుంచి ఒమన్‌కు.. రాజన్నసిరిసిల్ల జిల్లా ఎల్లారెడ్డిపేట మండలం నారాయణపూర్‌కు చెందిన కొండేటి దేవేందర్‌–సంజన దంపతుల పెద్ద కుమారుడు కొండేటి పార్థు. 2022 నుంచి దేవేందర్‌ కుటుంబంతో సహా ఒమన్‌ దేశంలో ఉంటున్నారు. అక్కడి వాడికబీర్‌ ప్రాంతంలో నివసిస్తున్నారు. పార్థు ఇండియన్‌ స్కూల్‌ ఆఫ్‌ వాడికబీర్‌లో 7వ తరగతి చదువుతున్నాడు. 3వ తరగతి నుంచి క్రికెట్‌ ప్రాక్టీస్‌ ప్రారంభించాడు. తొలుత ఇండియన్‌ స్కూల్‌ ఆఫ్‌ వాడికబీర్‌ టీమ్‌ తరఫున ఆడి ప్రధాన బౌలర్‌గా రాణించాడు. క్రమక్రమంగా పాఠశాల టీమ్‌ నుంచి ఒమన్‌ దేశం సీబీఎస్‌ఈ అండర్‌– 14 టీమ్‌కు ఎంపికయ్యాడు. ఐదేళ్లుగా ఉదయం, సాయంత్రం గంటలకొద్దీ చేసిన ప్రాక్టీస్‌ ఫలితమిచ్చిందని పార్థు తండ్రి దేవేందర్‌ సంతోషం వ్యక్తం చేశారు. ఉత్తమ ప్రదర్శనే లక్ష్యం ఇన్నాళ్ల కృషి ఫలించింది. అండర్‌–14 సీబీఎస్‌ఈ నేషనల్‌ టీమ్‌కు ఎంపికవడం సంతోషంగా ఉంది. అక్టోబర్‌ 24 నుంచి మధురైలో జరిగే టోర్నమెంట్‌లో బౌలర్‌గా అత్యుత్తమ ప్రదర్శన ఇవ్వడమే లక్ష్యంగా ప్రాక్టీస్‌ చేస్తున్నా. – కొండేటి పార్థు, సీబీఎస్‌ఈ అండర్‌–14 క్రికెటర్‌ అండర్‌–14 సీబీఎస్‌ఈ క్రికెట్‌ జట్టుకు ఎంపిక ఒమన్‌ అండర్‌–14 నేషనల్‌ టీమ్‌ తరఫున ప్రాతినిధ్యం అక్కడే స్థిరపడిన కుటుంబం అక్టోబర్‌ 24 నుంచి ఇండియాలో టోర్నమెంట్‌ మధురై వేదికగా పోటీలు

కాల్వశ్రీరాంపూర్‌: మండలంలోని మల్యాలకు చెందిన పొన్నం అంజయ్యగౌడ్‌(40) గురువారం ఆత్మహత్య చేసుకున్నాడు. వివరాలు ఇలా ఉన్నాయి. గ్రామానికి చెందిన అంజయ్య కాల్వశ్రీరాంపూర్‌లో ఆవులు దొంగతనం చేసినట్లు బాధితులు కాల్వశ్రీరాంపూర్‌ పోలీస్టేషన్‌లో ఈనెల 14న ఫిర్యాదు చేశారు. దీంతో పోలీసులు కేసు నమోదు చేసి విచారణ చేపట్టారు. గ్రామానికి పోలీసులు వచ్చిన విషయం తెలుసుకున్న అంజయ్యగౌడ్‌ పురుగుల మందు చెవిలో పోసుకున్నాడు. గమనించిన కుటుంబ సభ్యులు కాల్వశ్రీరాంపూర్‌ ప్రభుత్వ ఆసుపత్రికి తీసుకెళ్లారు. అక్కడి నుంచి పెద్దపల్లి ప్రభుత్వాసుపత్రికి తరలించారు. ఈ విషయమై ఎస్సై గట్ల సుధాకర్‌ను వివరణ కోరగా అంజయ్యగౌడ్‌ ఆవులు దొంగతనం చేసినట్లు ఫిర్యాదు రాగా కేసు నమోదు చేసుకుని విచారణ చేపట్టామని, ఇంట్లోనే ఉండి తలుపులు వేసుకుని ఫోన్‌ స్విచాఫ్‌ పెట్టుకున్నాడని, పోలీసులు వేధిస్తున్నారంటూ తప్పుడు ఆరోపణలు చేస్తున్నాడని పేర్కొన్నారు. బాధితుడు ఆత్మహత్యాయత్నానికి పాల్పడ్డాడని, ఆసుపత్రిలో చికిత్స పొందుతున్నాడని ఎస్సై తెలిపారు. వినాయక నిమజ్జనంలో విషాదంకొత్తపల్లి(కరీంనగర్‌): వినాయక నిమజ్జనం వేడుకల్లో విషాదం చోటుచేసుకుంది. కరీంనగర్‌ జిల్లా కొత్తపల్లి మండలం బద్ధిపల్లి గ్రామానికి చెందిన తాండ్ర అహన్‌రుద్ర (16) ప్రమాదవశాత్తు మల్కాపూర్‌ ఎస్సారెస్పీ కాలువలో పడి గల్లంతయ్యాడు. గురువారం వేకువజామున చోటుచేసుకున్న ఈ ఘటనతో గ్రామంలో విషాదఛాయలు అలుముకున్నాయి. పోలీసుల కథనం ప్రకారం.. వినాయక ప్రతిమను నిమజ్జనం చేసేందుకు బద్ధిపల్లి గ్రామస్తులు ఎస్సారెస్పీ కాలువ వద్దకు చేరుకున్నారు. ట్రాక్టర్‌ ట్రాలీ డోర్‌ తీస్తున్న క్రమంలో అహన్‌రుద్ర ప్రమాదవశాత్తు కాలువలో జారిపడ్డాడు. నీటి ప్రవాహం ఉధృతి అధికంగా ఉండడంతో నీటిలో కొట్టుకుపోయాడు. బాలుడి ఆచూకీ కోసం గాలింపు చర్యలు ప్రారంభించారు. కరీంనగర్‌ పోలీసు కమిషనర్‌ గౌస్‌ ఆలం, ఏసీపీ విజయ్‌కుమార్‌, ఇన్‌స్పెక్టర్‌ బిల్లా కోటేశ్వర్‌ ఘటనా స్థలాన్ని పరిశీలించారు. అహన్‌రుద్ర ఇంటర్‌ సెకండియర్‌ చదువుతున్నాడు. నిమజ్జన వేడుకల్లో ఉత్సాహంగా పాల్గొన్న బాలుడు గల్లంతవడంతో కుటుంబ సభ్యులు కన్నీరుమున్నీరుగా విలపిస్తున్నారు. ఎండపల్లిలో కరెంట్‌ షాక్‌తో యువకుడు.. వెల్గటూర్‌: విద్యుత్‌ షాక్‌తో యువకుడు మృతిచెందిన సంఘటన ఎండపల్లి మండలం కొత్తపేటలో చోటుచేసుకుంది. పోలీసుల కథనం ప్రకారం.. గ్రామానికి చెందిన కొప్పుల రాజశేఖర్‌ (23) బుధవారం రాత్రి గణేశ్‌ నిమజ్జనం వేడుకల్లో భాగంగా సౌండ్‌ బాక్స్‌లకు విద్యుత్‌ సరఫరా చేసే మెయిన్‌ వైర్లను కర్రతో సరిచేస్తుండగా విద్యుత్‌ షాక్‌కు గురై మృతి చెందాడు. మృతుడి తల్లి కొప్పుల నీల ఫిర్యాదు మేరకు కేసు దర్యాప్తు చేస్తున్నట్లు ఎస్సై ఉదయ్‌ కుమార్‌ తెలిపారు.

సిరిసిల్లటౌన్‌: కడుపునొప్పితో బాధపడుతున్న రైతుకు సరైన సమయంలో సరైన వైద్యం అందకపోవడంతో మృతిచెందిన సంఘటన గురువారం సిరిసిల్లలో వివాదాస్పదమైంది. బాధిత కుటుంబ సభ్యులు, స్థానికులు తెలిపిన వివరాలు. తంగళ్లపల్లి మండలం దేశాయిపల్లికి చెందిన కె.ఆంజనేయులు(49) వ్యవసాయం చేసుకుంటూ కుటుంబాన్ని పోషిస్తున్నాడు. బుధవారం రాత్రి కడుపునొప్పి రాగా కుటుంబ సభ్యులు పాతబస్టాండు సమీపంలోని ఓ ప్రైవేటు ఆసుపత్రికి తీసుకొచ్చారు. సదరు వైద్యుడు పరీక్షలు చేసి అడ్మిట్‌ చేసుకుని కార్డియాలజిస్టుతో 2డీ ఏకో పరీక్షలు చేయించి కరీంనగర్‌కు తీసుకెళ్లాలని సూచించారు. ఆస్పత్రి వైద్యుడు మాత్రం మెరుగైన చికిత్స కోసం కరీంనగర్‌, ఇతర స్పెషలిస్టు వద్దకు పంపకుండా ఆస్పత్రిలోనే ఉంచారు. ఈక్రమంలో ఆంజనేయులు చికిత్స పొందుతూ గురువారం మృతిచెందాడు. స్పెషలిస్టు సూచన పెడచెవిన పెట్టారు కార్డియాక్‌ స్పెషలిస్టు సూచనను ఆస్పత్రి వైద్యుడు పట్టించుకోకుండా రెఫర్‌ చేయలేదని బంధువులు ఆరోపించారు. ఈవిషయం తెలుసుకున్న కుటుంబ సభ్యులు, గ్రామస్తులు ఆస్పత్రికి తరలివచ్చారు. వైద్యుడి నిర్లక్ష్యంతోనే ఆంజనేయులు చనిపోయాడని ముదిరాజ్‌ సంక్షేమ సంఘం జిల్లా అధ్యక్షుడు చొక్కాల రాము, కుటుంబ సభ్యులతో కలిసి ఆసుపత్రి ముందు ధర్నాకు దిగారు. జిల్లా వైద్యాధికారి ఏంజెలా ఆల్ఫ్రెడ్‌, పోలీసులు సంఘటన స్థలానికి చేరుకొని విచారణ చేపట్టారు. మృతుడికి భార్య పద్మ, ఇద్దరు కుమార్తెలు నందు(19), సింధు(15), శివగణేశ్‌(12), వెంకటరమణ(08) ఉన్నారు. ఆస్పత్రి వైద్యుడు మీడియాతో మాట్లాడుతూ.. రోగికి హఠాత్తుగా గుండెపోటు రావడంతోనే చనిపోయాడని, తాము ఎలాంటి నిర్లక్ష్యం చేయలేదని వివరించారు. సిరిసిల్ల ప్రైవేటు ఆస్పత్రిలో దారుణం సరైన వైద్యం అందక రైతు మృతి కార్డియాలజిస్టు చెప్పినా అందించని వైద్యం ఆస్పత్రి ఎదుట బంధువుల ధర్నా

గోదావరిఖని: సింగరేణి రెస్క్యూపోటీల్లో ఓవరాల్‌ చాంపియన్‌గా ఆర్జీ–2,3, ఏపీఏ జట్టు నిలిచింది. పోటీల్లో ఓవరాల్‌ ఫస్ట్‌ ఉమెన్‌ జట్టుగా స్మార్ట్‌ ఏ జట్టు నిలిచింది. మెటల్‌ టీంలో ఓవరాల్‌ ఫస్ట్‌గా యూరేనియం కార్పొరేషన్‌ జట్టు, ఓవరాల్‌ రెండో స్థానంలో ఆర్జీ–1, ఓవరాల్‌ మూడో స్థానంలో శ్రీరాంపూర్‌ జట్టు నిలిచాయి. బెస్ట్‌ ఉమెన్‌ కెప్టెన్‌గా మౌనిక, బెస్ట్‌ మెటల్‌ కెప్టెన్‌గా భాస్కర్‌, ఫస్ట్‌ బెస్ట్‌ కెప్టెన్‌గా జి.ప్రమోద్‌కుమార్‌ ఎంపికయ్యారు. రెండో ఫస్ట్‌ కెప్టెన్‌గా సాంబ నిలిచారు. వీటితో బెస్ట్‌ స్టాట్యుటరీ, థియరీ, ఫస్ట్‌ఎయిడ్‌, రెస్యూ అండ్‌ రికవరీ, బెస్ట్‌ మెంబర్లను ప్రకటించారు. విజేతలకు డిప్యూటీ డైరెక్టర్‌ మైన్స్‌ సేఫ్టీ టీఆర్‌ కన్నన్‌, సింగరేణి డైరెక్టర్‌ వెంకటేశ్వర్లు బహుమతులు అందజేశారు. పోటీల ముగింపు సందర్భంగా నిర్వహించిన చిన్నారుల నృత్యాలు ఆకట్టుకున్నాయి. మంథని జేఎన్‌టీయూ కళాశాల విద్యార్థులతో పాటు పలు పాఠశాలలకు చెందిన విద్యార్థులు పాల్గొన్నారు. గని కార్మికుల భద్రతకు పెద్దపీట వేయాలి గని కార్మికుల భద్రతకు పెద్దపీట వేయాలని డి ప్యూటీ డైరెక్టర్‌ మైన్స్‌ సేఫ్టీ టీఆర్‌ కన్నన్‌ అన్నారు. గురువారం ఆర్జీ–2 ఏరియాలో నిర్వహించిన రె స్క్యూ పోటీల ముగింపు కార్యక్రమానికి ముఖ్య అ తిధిగా విచ్చేసి మాట్లాడారు. గతంలో పలు దేశాల్లో జరిగిన గని ప్రమాదాలే దేశంలోని గనుల రెగ్యులేషన్స్‌ రూపొందించేలా చేశాయన్నారు. డిపార్ట్‌మెంట్‌, కార్పొరేషన్‌, బోర్డు సాధించిన ఏ విజయమైనా గని కార్మికుల (మైనర్స్‌) భద్రత కంటే గొప్పదేదీ కా దన్నారు. డైరెక్టర్‌ వెంకటేశ్వర్లు మాట్లాడుతూ రాష్ట్రంలో ప్రకృతి విపత్తు సంభవించిన సమయంలో సింగరేణి రెస్క్యూ ముందంజలో ఉండి ప్రజలకు భరోసా ఇస్తోందని అన్నారు. సింగరేణిలో పనిచేసే ప్రతీ ఉద్యోగి రెస్క్యూ పర్సన్‌గా తయారు కావాలన్నారు. రెస్క్యూ జీఎం శ్రీనివాస్‌రెడ్డి, ఆర్జీ–2 జీఎం లక్ష్మిపతిగౌడ్‌, ఆర్జీవన్‌ జీఎం లలిత్‌కుమార్‌, అన్ని ఏరియాల జీఎంలు, అధికారులు పాల్గొన్నారు.

కాకతీయుల కళావైభవం.. రాయికల్‌: కాకతీయుల కళావైభవానికి ప్రత్యక్ష సాక్ష్యంగా నిలుస్తోంది రాయికల్‌ పట్టణంలోని చెన్నకేశవనాథ ఆలయం. ఇక్కడ దేశంలోనే రెండో పంచముఖ లింగం కొలువై ఉంది. ఎంతోచరిత్ర కలిగిన ఈ ఆలయంలో ఈనెల 27న ప్రపంచ పర్యాటక దినోత్సవం సందర్భంగా వేడుకలు నిర్వహించేందుకు అధికార యంత్రాంగం సన్నాహాలు చేస్తోంది. జగిత్యాల జిల్లా కేంద్రం నుంచి 25 కిలోమీటర్ల దూరంలో ఉంది. కాశీలో మాత్రమే ఉన్న పంచముఖ లింగం ఈ ఆలయంలోనూ ఉంది. ఇక్కడి శిలాశాసనాలు, అవశేషాలు, దేవనాగరి లిపితో లభించిన శాసనాలతో రావికంటి (నేడు రాయికల్‌) చరిత్ర వెలుగుచూసింది. ప్రభాకర్‌రావుపేట, గోవిందురాజుపేట, ఒద్దులాపురం, పద్మపురం, నందిపేట, రాయికంటి (రాయికల్‌), కొండాపూర్‌ గ్రామాలు కలిపి రావికంటిగా ఏర్పడినట్లు చరిత్రకారులు చెబుతుంటారు. ఇది ఆలయ చరిత్ర జైన మతం అభిమానులైన వేములవాడ చాళుక్యులు 700 ఏళ్ల క్రితం ఇక్కడ ఈ ఆలయాన్ని నిర్మించినట్లు తెలుస్తోంది. ఆర్యవైశ్య సామాజిక వర్గానికి చెందిన లకుమాదేవి బిడ్డకు పాలు ఇస్తుండగా.. ఆమె మామ ఇంట్లోకి రావడాన్ని గ్రహించలేదని, లేవకుండా కనీసం గౌరవం ఇవ్వలేదని ఆమె మామ ఆగ్రహించాడని, ఆ అవమానాన్ని తట్టుకోలేని లకుమాదేవి తన తల్లిదండ్రుల వద్దకు వెళ్లి చెరువు, ఆలయం నిర్మించినట్లు ప్రచారంలో ఉంది. నేటికీ లకుమాదేవి చెరువు కింద 1500 ఎకరాల భూమి సాగులో ఉండడం గమనార్హం. ఆలయంలో నమస్కరిస్తున్న భంగిమలో చెక్కిన ఓ సీ్త్రమూర్తి విగ్రహం ఉండడంతో అది లకుమాదేవిదే అయి ఉండవచ్చునని భావిస్తున్నారు. అభివృద్ధికి ఆమడ దూరం చెన్నకేశవనాథ ఆలయానికి ఎంతో చరిత్ర ఉన్నా.. అభివృద్ధికి ఆమడ దూరంలో ఉంది. సోషల్‌ మీడియాలో వచ్చిన కథనాల ఆధారంగా రెండేళ్ల నుంచి ఆలయానికి భక్తుల సంఖ్య పెరుగుతోంది. వర్షం కురిస్తే ఉత్సవవిగ్రహాలపై నీరు పడుతోందని అర్చకులు ఆవేదన వ్యక్తం చేస్తున్నారు. ఆలయం చుట్టూ ప్రహరీ లేకపోవడంతో పాములు, తేళ్లు సంచరిస్తున్నాయని భక్తులు చెబుతున్నారు. 27న పర్యాటక దినోత్సవం ఈనెల 27న ప్రపంచ పర్యాటక దినోత్సవం సందర్భంగా జగిత్యాల కలెక్టర్‌ సత్యప్రసాద్‌ చొరవతో చెన్నకేశవనాథ ఆలయంలో వేడుకలు నిర్వహించేందుకు సన్నాహాలు చేస్తున్నారు. అన్ని మండలాల నుంచి విద్యార్థులను తీసుకొచ్చి ఆలయ విశిష్ఠతను వివరించడంతోపాటు, సాంస్కృతిక కార్యక్రమాలు చేపట్టనున్నారు. దేశంలోనే రెండో పంచముఖ లింగం అపురూప ఆలయానికి ఆదరణ కరువు ఈనెల 27న ఆలయంలో పర్యాటక దినోత్సవం

● సింగరేణి డైరెక్టర్‌ వెంకటేశ్వర్లు ● ప్రారంభమైన రెస్క్యూ పోటీలు గోదావరిఖని: రెస్క్యూ పోటీల్లో సత్తా చాటి జాతీయ, అంతర్జాతీయ స్థాయిలో సంస్థ పేరు నిలబెట్టాలని సింగరేణి డైరెక్టర్‌ వెంకటేశ్వర్లు కోరారు. ఇంటర్‌ ఏరియా 55వ జోనల్‌ మైన్స్‌ రెస్క్యూ పోటీలు స్థానిక మెయిన్‌ రెస్క్యూ స్టేషన్‌లో బుధవారం ప్రారంభమయ్యాయి. రెండురోజుల పాటు పోటీలు ఉంటాయి. సింగరేణిలోని ఆరు పురుష, రెండు మహిళాజట్లతోపాటు రెండు కోలిండియా జట్లు పాల్గొంటున్నాయి. గురువారం పోటీలు ముగుస్తాయని అధికారులు పేర్కొన్నారు. కార్యక్రమములో డీఎంఎస్‌ సాగేస్‌కుమార్‌, ఏఐటీయూసీ అధ్యక్షుడు వి.సీతారామయ్య, ఐఎన్‌టీయూసీ నాయకుడు ధర్మపురి, సీఎంవోఏఐ ప్రధాన కార్యదర్శి నర్సింహులు, ఆర్జీ–2 జీఎం లక్ష్మీపతిగౌడ్‌, రెస్క్యూ జీఎం శ్రీనివాస్‌రెడ్డి, శ్రీరాంపూర్‌ జీఎం శ్రీనివాస్‌, కార్పొరేట్‌ సేఫ్టీ జీఎం కేఎం తివారీ, రీజియన్‌ సేఫ్టీ జీఎం మల్లయ్య, ఆర్జీ– 3 జీఎం ఎస్‌.మధుసూదన్‌ తదితరులు పాల్గొన్నారు.

జ్యోతినగర్‌: కలెక్టర్‌ కోయ శ్రీహర్ష బుధవారం జాతీయ ఎస్సీ కమిషన్‌ సభ్యుడు వడ్డేపల్లి రామచందర్‌ను మర్యాదపూర్వకంగా కలిశా రు. ఎన్టీపీసీ జ్యోతిభవన్‌ గెస్ట్‌హౌస్‌లో కలిసిన కలెక్టర్‌.. జిల్లాలో ఎస్సీల సంక్షేమం, అభివృద్ధి తదితర అంశాలపై చర్చించినట్లు తెలిసింది. అక్షితరాణి కుటుంబానికి భరోసా గోదావరిఖని: అక్షితరాణి కేసులో నిర్లక్ష్యానికి తావులేకుండా దర్యాప్తు చేసి నిందితులకు కఠిన శిక్ష పడేలా పకడ్బందీ చర్యలు తీసుకుంటున్నామని రామగుండం పోలీస్‌ కమిషనర్‌ అంబర్‌ కిశోర్‌ ఝా అన్నారు. ఇటీవల హత్యకు గురైన గోదావరిఖనిలోని లెనిన్‌నగర్‌కు చెందిన అక్షితరాణి కుటుంబాన్ని ఏసీపీ రమేశ్‌, సీఐ ఇంద్రసేనారెడ్డితో కలిసి బుధవారం పరామర్శించారు. సాంకేతిక, న్యాయపరమైన అంశాలను పరిగణనలోకి తీసుకుని శాసీ్త్రయ ఆధారాలతో దర్యాప్తు చేపడతామని, తద్వారా నిందితులకు కోర్టులో కఠిన శిక్ష పడేలా పటిష్టమైన ఆధారాలు సేకరిస్తామని, ఈమేరకు అధికారులు ముందుకెళ్లాలని సీపీ సూచించారు. భక్తిశ్రద్ధలతో మాసకల్యాణం కమాన్‌పూర్‌: స్థానిక శ్రీఆదివరాహస్వామి సన్నిధిలో బుధవారం మాస కల్యాణాన్ని భక్తిశ్రద్ధలతో నిర్వహించారు. కల్యణం తంతు తిలకించడానికి వివిధ ప్రాంతాలకు చెందిన భక్తులు భారీసంఖ్యలో తరలివచ్చారు. నిమజ్జన ప్రాంతం పరిశీలన గోదావరిఖని: గణేశ్‌ విగ్రహాలను నిమజ్జనం చేసే గోదావరి వంతెనను రామగుండం సీపీ అంబర్‌ కిశోర్‌ ఝా, కలెక్టర్‌ కోయ శ్రీహర్ష బుధవారం పరిశీలించారు. ఏర్పాట్లు, శోభాయాత్ర మార్గం, భద్రతా చర్యలు, ట్రాఫిక్‌ నియంత్రణ, సౌకర్యాలపై అధికారులు, నిర్వాహకులతో సమీక్షించారు. సీపీ వెంట అడిషనల్‌ కలెక్టర్‌ అరుణశ్రీ, ఏసీపీ రమేశ్‌, సీఐ ఇంద్రసేనారెడ్డి, సింగరేణి తదితరులు ఉన్నారు. ‘ఎల్లంపల్లి’ నీటి విడుదల రామగుండం: వినాయక నిమజ్జనం సందర్భంగా గోదావరిలో నీటినిల్వల కోసం ఎగువన ఉన్న ఎల్లంపల్లి ప్రాజెక్టు నుంచి బుధవారం సాయంత్రం నీరు విడుదల చేశారు. ఎల్‌నినో ప్రభావంతో గోదావరి నదిని నీరు అడుగంటి వినాయక విగ్రహాల నిమజ్జనం ప్రశ్నార్థకంగా మారడంతో అధికార యంత్రాంగ, ఎమ్మెల్యే మక్కాన్‌సింగ్‌ఠాకూర్‌ స్పందించి ఈ నిర్ణయం తీసుకున్నారు. ఈమేరకు ప్రాజెక్టు రెండు గేట్లు ఎత్తి 3,312 క్యూసెక్కుల నీటిని గోదావరిలోకి వదులుతున్నారు. ఫలితంగా గోలివాడ, లింగాపూర్‌, గోదావరిఖని, మంథని తదితర గోదావరి పరీవాహాక ప్రాంతాల్లో గణపతి నిమజ్జన వేడుకలు సాఫీగా సాగుతున్నాయి.రూ.50వేలు పలికిన గణపతి లడ్డూ రామగిరి: కల్వచర్ల గ్రామపంచాయతీ పరిధిలోని గోకుల్‌నగర్‌లో మట్టి గణపతి లడ్డూను బుధవారం వేలం వేశారు. గోకుల్‌నగర్‌ యూత్‌ సభ్యులు రూ.50,516లకు పాడి లడ్డూ దక్కించుకున్నారు. గ్రామానికి చెందిన భక్తుడు బుట్టి రాజయ్య రూ.20,016కు వేలం పాడి కలశం దక్కించుకున్నారు. యూత్‌ సభ్యులు గడ్డి శ్రీకాంత్‌, ఊరడి రమేశ్‌, ఓర్రె రమేశ్‌, కురుమల్ల శ్రీనివాస్‌, కురుమల్ల రమేశ్‌, కొయ్యడ స్వామి, కొయ్యడ పరుశురాం, కోయ్యడ కుమార్‌, గడ్డి హరీశ్‌, ఓర్రె హరీశ్‌, గొనె రాము, ఊరడి రాము, జంగ శేఖర్‌, బుట్టి శ్రీధర్‌, చిగురు రవి తదితరులు పాల్గొన్నారు.

ధర్మారం: జిల్లాలో బుధవారం ఉరుములు, మెరుపులతో కూడిన భారీవర్షం కురిసింది. తొమ్మిది రో జులపాటు నిత్యపూజలు అందుకున్న గణనాథునికి వీడ్కోలు పలికే సమయంలోనే వానదేవుడు గంగ మ్మను తోడ్కొని రావడంతో శోభాయాత్రకు కాస్త ఆటంకం కలిగింది. లోతట్టు ప్రాంతాలు జలమ యం కాగా, రోడ్లపై వరదనీరు చేరింది. దీంతో భక్తులు, గణేశ్‌ మండప నిర్వాహకులు నిరాశ చెందినా.. తర్వాత వాన కాస్త తగ్గడంతో ఆటాపాటలతో శోభాయాత్ర నిర్వహించారు. పడిపోయి చెట్లు.. ధర్మారం మండలం బొమ్మారెడ్డిపల్లి గ్రామంలో భారీవర్సం ధాటికి చెట్లు రోడ్డుపై విరిగిపడ్డాయి. స్పందించిన సర్పంచ్‌ ధార రాజ్‌కుమార్‌ సిబ్బందితో కలిసి చెట్లు తొలగించారు. దీంతో వినాయక శోభాయాత్ర సాఫీగా సాగింది. కొత్తగూడెం ఆర్టీవోగా పెద్దపల్లివాసి పెద్దపల్లిరూరల్‌: పెద్దపల్లి పట్టణానికి చెందిన పొందుగుల భూషిత్‌రెడ్డి కొత్తగూడెం జిల్లా రవాణ శాఖ అధికారి(ఆర్టీవో)గా బుధవారం ఉద్యోగ బాధ్యత లు స్వీకరించారు. పెద్దపల్లి(మాజీ ఉపసర్పంచ్‌ భా స్కర్‌రెడ్డి కుమారుడు)కి చెందిన భూషిత్‌రెడ్డి శిక్షణ పూర్తి చేసుకున్నాక బాధ్యతలు స్వీకరించడంపై స్థానికులు తదితరులు అభినందనలు తెలిపారు.

‘ఖని’లో గణపతికి పూజలు చేస్తున్న ఎమ్మెల్యే ఠాకూర్‌ దంపతులు, మేయర్‌ స్వామి, పెద్దపల్లిలో వీడ్కోలు పలుకుతున్న విప్‌ విజయరమణారావు, మున్సిపల్‌ చైర్మన్‌ మల్లయ్య, కమిషనర్‌ వెంకటేశ్‌యైటింక్లయిన్‌కాలనీలో..గోదావరిఖని కల్యాణ్‌నగర్‌లో చిన్ని వినాయకుడితో..వినాయకుడిని నిమజ్జనానికి తీసుకెళ్తున్న చిన్నారులుఫొటోలు : సాక్షి ఫొటోగ్రాఫర్‌, పెద్దపల్లిపెద్దపల్లి ఎల్లమ్మ– గుండమ్మ చెరువులో వినాయకుడి విగ్రహాన్ని నిమజ్జనం చేస్తున్న మున్సిపల్‌ సిబ్బందిగోదావరిఖని ఆర్జీ–1 జీఎం కార్యాలయంలో నీటితొట్టెలో నిమజ్జనంపెద్దపల్లిలో డప్పు కళాకారుల ఆటాపాటలుపెద్దపల్లి ఎల్లమ్మ– గుండమ్మ చెరువులో యువకుల కేరింతలుగోదావరిఖని/పెద్దపల్లి/పెద్దపల్లిరూరల్‌/మంథని: జిల్లాలోని గోదావరిఖని, పెద్దపల్లి, మంథని, సుల్తానాబాద్‌తోపాటు వివిధ గ్రామాల్లో వినాయక నిమజ్జనం వైభవంగా సాగుతోంది. కలెక్టర్‌ కోయ శ్రీహర్ష, రామగుండం పోలీస్‌ కమిషనర్‌ అంబర్‌ కిశోర్‌ ఝా, జిల్లా అధికార యంత్రాంగంతోపాటు పోలీసు బలగాల కనుసన్నల్లో వేడుకలు సాఫీగా సాగుతున్నాయి. తొమ్మిది రోజుల పాటు నిత్యం విశేష పూజలు అందుకున్న విఘ్నేశ్వరుని శోభాయాత్ర సందర్భంగా భక్తులు ‘గణపతి బొప్పామోరియా’ అంటూ చేసిన నినాదాలు మార్మోగుతున్నాయి. గణపతి మండపాల వద్ద మహిళా భక్తులు స్వామివారికి హారతులు ఇచ్చి ‘బైబై గణేశా.. మళ్లీ రావయ్యా’ అని సాగనంపుతున్నారు. పెద్దపల్లిలో ఎల్లమ్మ – గుండమ్మ చెరువు, గోదావరిఖని, మంథని తీర ప్రాంతాల్లో గోదావరి నదిలో విఘ్నేశ్వరుని విగ్రహాలు నిమజ్జనం చేస్తున్నారు. బుధవారం సాయంత్రం ప్రారంభమైన నిమజ్జన వేడుకలు గురువారం వేకువజాము వరకూ కొనసాగుతూనే ఉన్నాయి. ఒకవైపు భారీ వర్షం కురుస్తున్నా, ఇబ్బందులు ఎదురవుతున్నా స్వామివారి శోభాయాత్ర కొనసాగించారు. పోలీసు యంత్రాంగం పకడ్బందీ భద్రతా ఏర్పాట్లు చేసింది.

పెద్దపల్లి: జిల్లాలో విషజ్వరాలతో బాధపడేవారి సంఖ్య పెరుగుతోంది. 8 డెంగీ కేసులు కూడా నమోదైనట్లు జిల్లా వైద్య, ఆరోగ్య శాఖ అధికారులు తెలిపా రు. పారిశుధ్య లోపం, ఇళ్లచుట్టూ నీటినిల్వలు, దో మల వృద్ధి తదితర కారణాలతో విషజ్వరాలు, సీ జనల్‌ వ్యాధులు ప్రబలుతున్నాయని వైద్యులు వెల్లడిస్తున్నారు. స్థానిక ప్రభుత్వ ఆస్పత్రితోపాటు మంథని, సుల్తానాబాద్‌, రామగుండం సర్కారు ఆస్పత్రుల్లో పేషెంట్లకు వైద్యం అందిస్తున్నారు. రోజువారీ ఫీవర్‌ సర్వే జ్వరాల నియంత్రణ కోసం జిల్లా వైద్య, ఆరోగ్య శాఖ గ్రామాలు, పట్టణాల్లో ఇంటింటి ఫీవర్‌ సర్వే చేస్తోంది. వ్యాధిగ్రస్తులను గుర్తించి పరీక్షలు చే యడంతో పాటు చికిత్స అందిస్తున్నారు. నీటి నిల్వలను తొలగించడంతోపాటు పరిసరాలను పరిశు భ్రంగా ఉంచుకోవాలని సూచిస్తున్నారు. ఈమేరకు మంగళ, శుక్రవారాల్లో డ్రైడే పాటిస్తున్నారు. అయితే, ఫీవర్‌ సర్వే పేరు నామమాత్రంగానే సాగుతోందనే ఆరోపణలు వస్తున్నాయి.

పోలీసు బలగాలు ఇలా.. ఏసీపీలు 4 సీఐ/ఆర్‌ఐలు 15 ఎస్‌ఐ/ఆర్‌ఎస్‌ఐ 25 హెడ్‌కానిస్టేబుళ్లు 26 కానిస్టేబుళ్లు 81 మహిళా కానిస్టేబుళ్లు 14 హోంగార్డులు 30 స్పెషల్‌ పార్టీ 25 ట్రాఫిక్‌, ఎన్‌సీసీ, ఎన్‌ఎస్‌ఎస్‌ 40 సింగరేణి సెక్యూరిటీ 100 మొత్తం విగ్రహాలు 2,659 గోదావరిఖని: అడుగడుగునా సీసీ కెమెరాలు.. డ్రోన్ల నిరంతర పర్యవేక్షణ.. అత్యాధునిక సాంకేతిక పరిజ్ఞానం.. ఈసారి వినాయక నిమజ్జనం ప్రశాంతంగా నిర్వహించేందుకు రామగుండం పోలీసులు అనుసరిస్తున్న ప్రత్యేక ప్రణాళిక ఇది. శోభాయాత్రకు ఇప్పటికే రూట్‌మ్యాప్‌ సిద్ధం చేశారు. జిల్లాలో బుధవారం నిర్వహించే గణేశ్‌ నిమజ్జనం కోసం సర్వసన్నద్ధమయ్యారు. జిల్లా వ్యాప్తంగా 2,659 గణపతి విగ్రహాలు ఏర్పాటు చేశారు. రెవెన్యూ, మున్సిపల్‌, పోలీసుశాఖ ఆధ్వ ర్యంలో నిమజ్జన వేడుకలను విజయవంతం చే సేందుకు రామగుండం పోలీస్‌ కమిషనర్‌ అంబర్‌ కిశోర్‌ ఝా ప్రత్యేకంగా పర్యవేక్షిస్తున్నారు. ఆయా ప్రాంతాలను ఆయన స్వయంగా పరిశీలించారు. సీసీ, డ్రోన్‌ కెమెరాలతో నిఘా జిల్లావ్యాప్తంగా ఈసారి గణేశ్‌ నిమజ్జనాన్ని పూర్తిగా సీసీ కెమెరాలు, డ్రోన్‌ కెమెరాలతో పర్యవేక్షిస్తారు. శోభాయాత్ర మొదలుకుని నిమజ్జనం వరకూ అడుగడుగునా నిఘా కొనసాగుతుంది. సీపీ కార్యాలయంలోని కమాండ్‌ కంట్రోల్‌ రూంలో శోభాయాత్ర ఆసాంతం పరశీలించనున్నారు. ట్రాఫిక్‌ సమస్య ఏర్పడినా, శోభాయాత్రలో వాహనాల కదలికలనూ క్షుణ్ణంగా పరిశీలిస్తారు. గోదావరి బ్రిడ్జి వద్ద ట్రాఫిక్‌ మళ్లింపు గోదావరిఖని సమీపంలోని గోదావరి వంతెన పై నుంచి నదిలో విగ్రహాల నిమజ్జనం నేపథ్యంలో మంచిర్యాల వైపు వెళ్లే వాహనాలను మళ్లించారు. మంచిర్యాల వైపు వెళ్లే, గోదావరిఖనివైపు వచ్చే వాహనాలను ఒకేవైపు.. గోదావరిఖని మిలీనియం క్వార్టర్ల సమీపం నుంచి మళ్లిస్తారు. అత్యవసర సేవలకు హెల్ప్‌లైన్‌ పెద్దపల్లిరూరల్‌: గణేశ్‌ నిమజ్జనం సందర్భంగా డీజేలకు అనుమతి లేదని డీసీపీ రాంరెడ్డి, ఏసీపీ కృష్ణ స్పష్టం చేశారు. అత్యవసర సేవలు, సమస్యల కోసం టోల్‌ఫ్రీ నంబరు 1912కు లేదా కంట్రోల్‌రూం నంబర్లు 87124 84198, 8712 484165కు సమాచారం అందించాలని సూచించారు. పెద్దపల్లిలోని ఎల్లమ్మ, గుండమ్మ చెరువు వద్ద నిమజ్జనం కోసం ఏర్పాట్లు పూర్తిచేసినట్టు మున్సిపల్‌ కమిషనర్‌ వెంకటేశ్‌ తెలిపారు. నిమజ్జన ప్రాంతాలు ఇదే.. గోదావరిఖని గోదావరి వంతెన అంతర్గాం గోలివాడ పుష్కరఘాట్‌ మంథని గోదావరినది పుష్కరఘాట్‌ పెద్దపల్లి ఎల్లమ్మ, గుండమ్మ చెరువు సుల్తానాబాద్‌ ఊరచెరువు ఏర్పాట్లు.. జాగ్రత్తలు నిమజ్జన ప్రాంతాల్లో ఫ్లడ్‌లైట్లు, క్రేన్లు ఏ ర్పాటు చేశారు. నీటి వసతి కల్పించారు గోదావరి వద్ద గజఈతగాళ్లను అందుబాటులో ఉంచారు ప్రధాన రోడ్లను మరమ్మతు చేశారు నిమజ్జనం కోసం ఏర్పాటు చేసిన వాహనం కండీషన్‌, డాక్యుమెంట్లు సరిగ్గా ఉండాలి. డ్రైవర్‌ వివరాలు కమిటీకి ఉండాలి శోభాయాత్రలో దేవుడి పాటలే ఉపయోగించాలి భక్తులు, డ్రైవర్లు మద్యం తాగొద్దు డీజేలు ఉపయోగించొద్దు చీకటిపడేలోగా నిమజ్జనం పూర్తిచేయాలి నిమజ్జన ప్రదేశాల్లో ఫొటోలు, సెల్ఫీలకు అనుమతిలేదు.

రామగిరి: రైతుల నుంచి వచ్చే అభ్యంతరాలు, అభిప్రాయాలు పరిగణనలోకి తీసుకున్నాకే సింగరేణి భూసేకరణపై తుది నిర్ణయం తీసుకుంటామని కలెక్టర్‌ కోయ శ్రీహర్ష స్పష్టం చేశారు. ఉప్పట్ల కేసారం, రాజాపూర్‌ గ్రామాల్లో ఆయన మంగళవారం పర్యటించారు. ఉప్పట్లకేసారంలో సర్వే నంబర్‌ 35 లోని ప్రభుత్వ భూమి పరిశీలించారు. రాజాపూర్‌లో అదనపు కలెక్టర్‌ శ్రీరాములుతో కలిసి నిర్వాసితుల సమస్యలు, అభ్యంతరాలను అడిగి తెలుసుకున్నారు. డీసీపీ రాంరెడ్డి, గోదావరిఖని ఏసీపీ రమేశ్‌, తహసీల్దార్‌ సుమన్‌, రాజాపూర్‌ సర్పంచ్‌ పుల్లెల భాగ్యలక్ష్మి, ఉప సర్పంచ్‌ కలవేన శ్రీకాంత్‌, సింగరేణి అధికారులు తదితరులు పాల్గొన్నారు. పకడ్బందీగా డిజిటల్‌ పశు సంపద మిషన్‌ పెద్దపల్లి: డిజిటల్‌ పశుసంపద మిషన్‌ను పకడ్బందీగా అమలు చేయాలని కలెక్టర్‌ శ్రీహర్ష ఆదేశించారు. కలెక్టరేట్‌లో పశుసంవర్థక శాఖ అధికారులతో ఆగస్టు 18న నుంచి కొనసాగుతున్న అభివృద్ధి, సంక్షేమ పనులపై సమీక్షించారు. భారత్‌ పశుధన్‌ పోర్టల్‌ ద్వారా ప్రతీపశువుకు 12 అంకెల బార్‌కోడ్‌ ఏర్పాటు చేసి, యజమాని ఆధార్‌, మొబైల్‌ నంబర్‌తో అనుసంధానం చేయాలని సూచించారు. పశుసంవర్థక శాఖ అధికారి వేణుగోపాల్‌రావు, ఇన్‌చార్జి డీపీవో శ్రీమాల తదితరులు పాల్గొన్నారు.

రామగుండం: స్థానిక రైల్వేస్టేషన్‌ ఏరియాలో ముస్లింలు మంగళవారం రాత్రి గ్యార్మీ షరీఫ్‌ వేడుకలను వైభవంగా నిర్వహించారు. ఈనె ల 11న ప్రారంభమైన గ్యార్మీ షరీఫ్‌ వేడుకలను నెలరోజుల పాటు నిర్వహించనున్నట్లు మతపెద్దలు తెలిపారు. రైల్వేస్టేషన్‌ ఏరియా రహ్మత్‌నగర్‌ కాలనీలో షేర్‌–ఏ–నూర్‌ కమి టీ సభ్యులు ఏటా గంధాన్ని కన్నాల షరీఫ్‌ ప్రాంతానికి తీసుకెళ్లడం ఆనవాయితీ. ఈ మేరకు మంగళవారం రాత్రి జెండాలు పట్టుకొని డప్పు చప్పుళ్లతో ఊరేగింపుగా ముస్లింలు గ్యార్మీ షరీఫ్‌ వేడుకలను జరుపుకున్నా రు. భక్తులు, స్థానికులు భారీ సంఖ్యలో పాల్గొన్నారు. ఊరేగింపులో శాంతిభద్రతల సమస్యలు తలెత్తకుండా రామగుండం సీఐ కృష్ణకుమార్‌, ఎస్సైలు సంధ్యారాణి, వెంకటస్వామితోపాటు పోలీసు బలగాలను రైల్వేస్టేషన్‌ ఏరియాలో మొహరించారు.

కమాన్‌పూర్‌: గుండారం రి జర్వాయర్‌లో బుధవారం జరిగే గణేశ్‌ విగ్రహాల నిమజ్జన కోసం ఏర్పాట్లు ప్రారంభించారు. సర్పంచ్‌ జంగిలి పోచాలు, ఆర్‌ఐ స్రవంతి మంగళవారం పనులు పరిశీలించారు. ‘నిమజ్జన ఏర్పాట్లు ఏవీ’ శీర్షికన మంగళశారం సాక్షి దినపత్రిలో కథనం ప్రచురితం కావడంతో అధికార యంత్రాంగం స్పందించింది. దారివెంట చెట్లపొదలు తొలగించి, గుంతలను మట్టితో పూడ్చివేయించారు. కట్టపై ఎల్‌ఈడీ లైట్లు ఏర్పాటు చేశారు. కార్యక్రమంలో పంచాయతీ కార్యదర్శి ప్రసాద్‌, జీపీవో కృష్ణ, వార్డు సభ్యులు రవి, దేవయ్య, కృష్ణ, మాజీ సర్పంచ్‌ చంద్రయ్య తదితరులు పాల్గొన్నారు. కరెన్సీ గణేశుడు పెద్దపల్లి: సుల్తానాబాద్‌ పట్టణంలోని స్వప్నకా లనీ టౌన్‌షిప్‌లో కొలువుదీరిన గణనాథుడిని భక్తులు రూ.6.66 లక్షల విలువైన కరెన్సీతో అలంకరించారు. ఇందుకోసం రూ.10, రూ. 20, రూ.50, రూ.100, రూ.200, రూ.500 నోట్లు వినియోగించారు. స్వామివారిని తిలకించేందుకు వివిధ ప్రాంతాల భక్తులు పెద్దసంఖ్యలో తరలివచ్చారు. గణేశ్‌ ఉత్సవ కమిటీ నిర్వాహకులు, మహిళా భక్తులు పాల్గొన్నారు. వ్యాపారవేత్తలుగా ఎదగాలి కమాన్‌పూర్‌: మహిళా సంఘాల సభ్యులు అ న్ని రంగాల్లో శిక్షణ పొంది నైపుణ్యం పెంచు కోవాలని, తద్వారా ప్రభుత్వం అందిస్తున్న రుణాలతో వ్యాపారవేత్తలుగా ఎదుగాలని డీఆర్డీవో కాళిందిని సూచించారు. మండల కేంద్రంలో మంగళవారం నిర్వహించిన ఆదివరాహ మండల సమాఖ్య సమావేశంలో పీడీ మాట్లాడారు. కమాన్‌పూర్‌ మండల సమాఖ్య రాష్ట్రంలోనే మోడల్‌గా అభివృద్ధి చెందాలని ఆమె ఆకాంక్షించారు. అనంతరం పీహెచ్‌సీ ఎదుట చేపట్టిన స్వచ్ఛ సేవలో పాల్గొన్నారు. ఎంపీడీవో ప్రియాంక, ఏపీఎం పద్మ, సర్పంచ్‌ రంగు సత్యనారాయణ, ఉప సర్పంచ్‌ సోహెల్‌, సీసీ భిక్షపతి తదితరులు పాల్గొన్నారు. ఆయుర్వేదంతో ఆరోగ్యం పెద్దపల్లి: ఆయుర్వేద వైద్యంతో ఆరోగ్యకరమై న భవిష్యత్‌ ఉంటుందని జిల్లా వైద్యాధికారి పవిత్ర అన్నారు. కలెక్టర్‌లో మంగళవారం ‘ఆ రోగ్యకరమైన భవిష్యత్‌ కోసం ఆయుర్వేదం’ అంశంపై డాక్టర్‌ పవిత్ర మాట్లాడారు. పౌష్టికా హారం, క్రమబద్ధమైన దినచర్య, వ్యాయామం, యోగా, మానసిక ప్రశాంతమైన జీవనశైలి వ్యాధులను నివారించవచ్చని ఆయుష్‌ అధికారులు తెలిపారు. ఏవో ప్రకాశ్‌, ఆర్డీవో గంగయ్య, ఆయుష్‌ జిల్లా ఇన్‌చార్జి అరుణ, నోడల్‌ అధికారి శోభారాణి, అమర్‌నాథ్‌, జిల్లా ప్రోగ్రా మ్‌ మేనేజర్‌ విద్యాసాగర్‌, ఫార్మసిస్ట్‌ సుధాకర్‌ అవగాహన కల్పించారు. అధికారులు, పలువు రు సిబ్బంది తదితరులుపాల్గొన్నారు.పిడుగుపడి రైతు మృతి ఓదెల: కొలనూర్‌ గ్రామానికి చెందిన రైతు జంగ సుధాకర్‌రెడ్డి(65) మంగళ వారం పిడుగుపాటు కు గురై మృతి చెందా డు. గ్రామ శివారులో ని తన వ్యవసాయ పొలం వద్ద పనులు చేస్తుండగా ఉరుములు, పిడుగులతో కూడిన భారీవర్షం కురిసింది. ఈక్రమంలో హఠాత్తుగా పిడుగుపాటుకు గురై సుధాకర్‌రెడ్డి పొలంలోనే దుర్మరణం చెందాడు. మృతుడికి భార్య పుష్ప, ఒక కుమారుడు, ఒకకూతురు ఉన్నారు.

గోదావరిఖనిలోని ప్రముఖ బేకరీలో బ్రెడ్‌ కొన్న. తయారీ, గడువు తేదీ, కంపెనీ పేరులేవు. మరుసటిరోజు తినడానికి చూస్తే సిల్వర్‌ కవర్‌ ముక్కలు కనిపించాయి. మరోప్రముఖ స్వీట్‌హౌస్‌లో బూందీ కొంటే స్క్రూ వచ్చింది. నిలదీస్తే సింపుల్‌గా సారీ చెప్పి తప్పించుకున్నారు. ప్రతీ షాప్‌ ముందు ఫుడ్‌ సేఫ్టీ ఆఫీసర్‌, టోల్‌ఫ్రీ నంబర్లు ప్రదర్శించి నిఘా ఉంచాలి. – పిట్టల రాజ్‌కుమార్‌, మదర్‌ హ్యూమన్‌ యూత్‌ సొసైటీ కల్తీ ఆహారంతో ముప్పు కల్తీ ఆహారంతో వెంటనే కనిపించే సమస్యలు వాంతులు, విరేచనాలు, కడుపునొప్పి, వికారం, జ్వరం. కలుషితం లేదా నాసిరకం ఆహారాన్ని దీర్ఘకాలం తీసుకుంటే అవయవాలపై ప్రతికూల ప్రభావం పడుతుంది. రసాయనాలు, రంగులు కలిపిన ఆహారాన్ని పదేపదే తీసుకుంటే ఆరోగ్యానికి ప్రమాదకరం. ఇలాంటివాటికి ప్రజలు దూరంగా ఉండాలి.– డాక్టర్‌ అజయ్‌, అసిస్టెంట్‌ ఫొఫెసర్‌

సాక్షిప్రతినిధి, కరీంనగర్‌: వరంగల్‌– కరీంనగర్‌ నగరాలను కలిపే ఎన్‌హెచ్‌ 563 విషయంలో పాదచారులకు కేంద్రం తీపి కబు రు తీసుకొచ్చింది. వరంగల్‌– కరీంనగర్‌ మధ్య దూరాన్ని 2 గంటల నుంచి కేవలం 40 నిమిషాలకు కుదించిన ఈ గ్రీన్‌ ఫీల్డ్‌ ఫోర్‌లేన్‌పై పలుచోట్ల రోడ్డు దాటేందుకు ఇబ్బందిగా ఉందని ఇటీవల భారీగా ఫిర్యాదులు వెల్లువెత్తాయి. ఈ విషయమైన ‘సాక్షి’ కథనాలు ప్రచురించింది. వీటిపై నేషనల్‌ హైవే అ థారిటీ ఆఫ్‌ ఇండియా (ఎన్‌హెచ్‌ఏఐ) స్పందించింది. రెండు జిల్లాలను కలుపుతూ దాదాపు 68 కి.మీ. మేర నిర్మించిన జాతీయ రహదారిపై దాదాపు 8 చో ట్ల ఫుట్‌ ఓవర్‌ బ్రిడ్జిలు నిర్మించేందుకు ఎన్‌హెచ్‌ఏఐ ముందుకొచ్చింది. ఆయా ప్రాంతాల్లో పాదచారులు భద్రంగా రోడ్డు దాటేందుకు అవకాశముంది. ది వ్యాంగులు, ముసలి వాళ్లు ఎక్కేందుకు వంతెనలకు మెట్లతోపాటు లిఫ్టులు ఏర్పాటు చేయనున్నారు. హైదరాబాద్‌ మెట్రో రైలుకు ఉన్నట్లే ఇవి కూడా కాన్‌కోర్స్‌ తరహా లిఫ్టులు కావడం గమనార్హం. దాదాపు రూ.18 కోట్ల వ్యయంతో.. భారత్‌ మాల యోజన కింద దాదాపు రూ.2,486 కోట్లకుపైగా వ్యయంతో చేపట్టిన 68 కి.మీ. పొడవైన ఎన్‌హెచ్‌– 563పై వాహనాలు గరిష్టంగా 100 కి.మీ. వేగంతో వెళ్లేలా నిర్మించారు. 9 వంతెనలు, 23 చిన్న వంతెనలు, 5 బైపాస్‌ రోడ్లు, 25 అండర్‌ పాస్‌లు ఏర్పాటు చేశారు. సెప్టెంబరు తొలివారం నుంచి ట్రయల్‌రన్‌కు అనుమతించారు. అధికారులు– ప్రజలకు సమన్వయ లోపంతో కొన్ని గ్రామాలకు ఈరోడ్డు ప్రమాదకరంగా మారింది. రోడ్డు దా టేందుకు సరైన మార్గం లేకపోవడంతో వేలాదిమంది ఇబ్బందులు పడుతున్నారు. ట్రయల్‌ అనంతరం భారీగా ఫిర్యాదులు రావడంతో 8 గ్రామాలను గుర్తించిన ఎన్‌హెచ్‌ఏఐ ఆయా గ్రామాల్లో పాదచారుల కోసం ఫుట్‌ఓవర్‌ బ్రిడ్జి (ఎఫ్‌వోబీ)లను దాదాపు రూ.18 కోట్ల అంచనావ్యయంతో నిర్మించనుంది. ఇవి కరీంనగర్‌ జిల్లాలో నాలుగు, హన్మకొండ జిల్లాలో మరో నాలుగు ఉండటం గమనార్హం. లిఫ్టులతో కూడిన ఎఫ్‌వోబీలు పాదచారులకోసమే: ఎన్‌హెచ్‌ఐఏ ‘రోడ్డు నిర్మాణం అనంతరం ఇటీవల ట్రయల్‌ రన్‌ మొదలు పెట్టాం. ఆయా గ్రామాల నుంచి వచ్చిన ఫిర్యాదు మేరకు పాదచారులకు ఎక్కడెక్కడ ఇబ్బందులు వస్తున్నాయో అధ్యయనం చేశాం. మొత్తం 8 గ్రామాల్లో ఎఫ్‌వోబీలు నిర్మించాలని నిర్ణయించాం. కేంద్రం నుంచి రూ.18 కోట్ల విడుదలకు రంగం సిద్ధమైంది. వీలైనంత త్వరగా ఆయా గ్రామాల్లో ఫుట్‌ ఓవర్‌ బ్రిడ్జిల నిర్మాణం చేపడతాం. ప్రతీ వంతెనకు మెట్లతోపాటు లిఫ్టులు ఏర్పాటు చేస్తాం. ఎన్‌హెచ్‌ 563 విషయంలో ఎలాంటి ఇబ్బందులు తలెత్తినా మాకు తెలియజేయండి. సమస్యపై అధ్యయనం చేసి వెంటనే పరిష్కరించేందుకు ప్రయత్నిస్తాం’ అని ఎన్‌హెచ్‌ఏఐ అఽధికారులు ‘సాక్షి’కి తెలిపారు.శంకరపట్నం, శంషాబాద్‌, గొల్లపల్లి, కొత్తగట్టు, శాంతినగర్‌, కోతుల నడుమ, సూరారం, బావుపేట

సుల్తానాబాద్‌రూరల్‌: గ్రామీణ విద్యార్థులు ఆకలితో అలమటించొద్దనే ఉద్దేశంతో కాంగ్రెస్‌ ప్రజాప్రభుత్వం అల్పాహారం అందిస్తోందని ప్రభుత్వ విప్‌ విజయరమణారావు అన్నారు. గర్రెపల్లి జెడ్పీహెచ్‌ఎస్‌లో విద్యార్థులకు మంగళవారం అల్పాహారం ప్రారంభించి మాట్లాడారు. పెద్దపల్లి నియోజకవర్గంలో ప్రభుత్వ పాఠశాలల అభివృద్ధికి రూ.70కో ట్లు వెచ్చించామని తెలిపారు. సర్పంచ్‌ వీరగొని రమేశ్‌గౌడ్‌, జిల్లా గ్రంథాలయ సంస్థ చైర్మన్‌ అన్నయ్యగౌడ్‌, సుల్తానాబాద్‌ మున్సిపల్‌ చైర్మన్‌ రాధాకృష్ణ, ఎంపీడీవో దివ్యదర్శన్‌రావు, ఎంఈవో రాజ య్య, సింగిల్‌విండో చైర్మన్‌ జానీ, సర్పంచుల ఫోరం మండల అధ్యక్షుడు నమని రాజిరెడ్డి, సర్పంచ్‌ తిరుమల్‌రావు, హెచ్‌ఎం కవిత, నాయకులు అజయ్‌గౌడ్‌, వెంకటేశం, దీకొండ శ్రీనివాస్‌, పన్నాల రాములు తదితరులు పాల్గొన్నారు. దసరాకు బస్సు డిపో ప్రారంభం పెద్దపల్లి/పెద్దపల్లిరూరల్‌: జిల్లా కేంద్రంలో చేపట్టిన బస్సు డిపో పనులు చివరి దశకు చేరాయని, దసరా పండుగ వరకు ప్రారంభానికి సిద్ధం చేస్తామ ని ప్రభుత్వ విప్‌ విజయరమణారావు తెలిపారు. దీనికోసం రూ.8 కోట్లు మంజూరు చేశామని ఆయ న అన్నారు. పనుల ప్రగతినికి పర్యవేక్షించారు. దేవీనవరాత్రి ఉత్సవాల్లో డిపో ప్రారంభించేలా పనులు వేగంగా పూర్తిచేయాలని సూచించారు. మున్సిపల్‌ చైర్మన్‌ మల్లయ్య, పీఏసీఎస్‌ చైర్మన్‌ ముత్యాల నరేశ్‌, కాంగ్రెస్‌ పట్టణ అధ్యక్షుడు బూతగడ్డ సంపత్‌, నాయకులు జంపయ్య, శ్రీనివాస్‌ తదితరులతోపాటు ఆర్టీసీ అధికారులు రాంగోపాల్‌రెడ్డి, శ్రీనివాస్‌ పాల్గొన్నారు. అంతుకుముందు వినాయక విగ్రహాల ఎదుట విప్‌ పూజలు చేశారు.

రామగుండంలోని ఓ బేకరీలో తయారవుతున్న కేక్‌లకు కాలంచెల్లిన ఈ ముడుసరుకులు వినియోగిస్తున్నారు. రంగు, రుచికోసం రసాయనిక రంగులు వాడుతున్నారు. ఇవి పెద్దపల్లిలోని ఓ షాప్‌లో విక్రయిస్తున్న పచ్చళ్ల బాటిళ్లు. లేబుళ్సు లేవు. కారం, పసుపు, నెయ్యి, నూనెలు కూడా తయారీ కంపెనీ, చిరునామా లేకుండానే విక్రయిస్తున్నారు. కంపెనీ పేరు లేదు. తయారీ తేదీ కనిపించదు. గడువు ఎక్కడా కానరాదు. ఇందుకు నిదర్శనమే లూస్‌ ఆయిల్‌ విక్రయించే డబ్బాలు ఇవి. సాక్షి, పెద్దపల్లి: పాలు, టీపొడి నుంచి వంటనూనె, పసుపు, కారం, నెయ్యి, సబ్బులు, మిరియాలు, తేనె, ప ప్పుదినుసులు.. ఇలా ఒక్కటేమిటీ.. సరుకులన్నింటినీ కల్తీ చేస్తున్నారు. హోటళ్లు, కిరాణాలు, బేక రీలు, మిఠాయి దుకాణాల్లోనూ కల్తీ యథేచ్ఛగా సాగుతోంది. లూస్‌ సరుకులేకాదు.. ప్యాకెట్లలో వి క్రయించే వాటిపైనా లేబుళ్లు, తయారీ, గడువు తే దీలు, తయారీదారు వివరాలు ఉండడంలేదు. జి ల్లాలో గత ఏప్రిల్‌ నుంచి ఈనెల 15వ తేదీ వరకు పెద్దపల్లి, కరీంనగర్‌ ఉమ్మడి జిల్లాల్లో సేకరించిన 95 ఆహార నమూనాల్లో 32 సరుకులు కల్తీగా నిర్ధారణ కావడం పరిస్థితి తీవ్రతను చాటుతోంది. న మూనాల సంఖ్య పరిమితమే అయినా.. పరీక్షించిన వాటిలో ఇంతభారీగా కల్తీ ఉండడం ఆహార భద్రత పర్యవేక్షణపై అనుమానాలు రేకెత్తిస్తోంది. ● కల్తీ ఎలా చేస్తున్నారంటే.. కారప్పొడిలో సూడాన్‌ రంగు, ఇటుకపొడి, పసుపు లో బొప్పాయిపిండి, చాక్‌పీస్‌ పౌడర్‌, మైదా, లీడ్‌ క్రోమెట్‌, మెటానిల్‌ ఎల్లో వంటివి కలుపుతున్నారు. తేనెలో చక్కెరపాకం, టీపొడిలో కొబ్బరిపీచు, ఇను పపొడి, కృత్రిమ రంగులు, పప్పు దినుసులకు ఎల్లో టార్‌ట్రాజైన్‌తో పాలిష్‌, వంటనూనెల్లో ట్రై ఆర్థో క్రె సిల్‌ ఫాస్ఫేట్‌ వంటి విషతుల్య రసాయనాలు, సగ్గుబియ్యంలో ఆప్టికల్‌ ఫైబర్‌ రంగు, బేకరీ ఉత్పత్తుల్లో ఎల్లో కలర్‌ వినియోగిస్తున్నట్లు తనిఖీల్లో తేలింది. ● ఆరోగ్యానికి ముప్పు కల్తీ ఆహారం తీసుకుంటే కిడ్నీ, గుండెపోటు, పక్షవాతం, క్యాన్సర్‌, చర్మ సమస్యలు, నాడీవ్యవస్థ దెబ్బతినే ప్రమాదం ఉందని వైద్యులు హెచ్చరిస్తున్నారు. జీర్ణకోశ, పెద్దపేగు, అన్నవాహిక క్యాన్సర్లకూ ఇవే ప్రధాన కారణమని వారు చెబుతున్నారు. అనుమానాస్పద సరుకులు ఉంటే 91001 05795, 040–21111111 నంబర్లకు ఫోన్‌చేసి ఫిర్యాదు చేయాలని అధికారులు సూచిస్తున్నారు.ఇది పెద్దపల్లిలోని ఓషాప్‌. అపరిశుభ్ర వాతావర ణంలోనే బన్‌, బ్రెడ్‌ తయారు చేశారు. బ్రాండ్‌ పేరు, తయారీ, గడవుతేదీ ఏమీలేదు. ఖారా, చెకోడి తదితర తినుబండారాలు ఇలాగే తయారు చేసి యథేచ్ఛగా విక్రయిస్తున్నారు.

గోదావరిఖని: ఆర్టీ–2లోని మెయిన్‌ రెస్క్యూ స్టేషన్‌లో బుధ, గురువారాల్లో సింగరేణిస్థాయి జోనల్‌ మైన్స్‌ రెస్క్యూ పోటీలు నిర్వహింనున్నారు. సింగరేణిలోని 6 పురుష, 2 మహిళా జట్లు, హట్టీ గోల్డ్‌మైన్స్‌, యూరేనియం కార్పొరేషన్‌ ఆఫ్‌ ఇండియా తోపాటు మొత్తం 10 రెస్క్యూ జట్లు పోటీలకు హాజ రవుతాయి. పోటీల కోసం మెయిన్‌ రెస్క్యూ స్టేషన్‌ ను అధికారులు సర్వాంగ సుందరంగా ముస్తాబు చేశారు. అత్యుత్తమ ప్రతిభ కనబరచిన సభ్యులను ఈఏడాది నవంబర్‌ 30 నుంచి డిసెంబర్‌ 6వ తేదీ వరకు ఝార్ఖండ్‌ రాష్ట్రంలోని రాంచీలో జరిగే జాతీయస్థాయి పోటీలకు ఎంపిక చేస్తారు. అన్నిఏర్పాట్లు చేశాం 55వ జోనల్‌స్థాయి మైన్స్‌ రెస్క్యూ పోటీలకు ఏర్పాట్లు చేశామని రెస్క్యూ జీఎం శ్రీనివాస్‌రెడ్డి తెలిపారు. జట్లు ఇప్పటికే చేరుకున్నాయని, భారీవర్షాలు కురిసినా అంతరాయం లేకుండా చర్యలు తీసుకుంటున్నామన్నారు. ఆర్జీ–2 జీఎం లక్ష్మీపతిగౌడ్‌, రెస్క్యూ సూపరింటెండెంట్‌ రాజేందర్‌రెడ్డి, ఎస్‌వోటూ జీఎం రాముడు, పర్సనల్‌ హెచ్‌వోడీ వేణుగోపాల్‌, డీవైపీఎం సునీల్‌ప్రసాద్‌ ఉన్నారు.

కోల్‌ సిటీ: ఓ తల్లి నడవలేని తన కూతుర్ని భుజాలపై ఎత్తుకుని పరుగులు పెట్టింది. మరోతల్లి.. తన 29 ఏళ్ల కొడుకును వెంటబెట్టుకుని వచ్చింది. ఇద్దరు బిడ్డలూ మానసిక వికలాంగులే. ఒకరికి 3 నెలలుగా, మరొకరికి 2 నెలలుగా పింఛన్లు నిలిచిపోయాయి. ఇలాగే కొనసాగితే తమ బిడ్డల అవసరాలు ఎలా తీరతాయోనని ఆందోళనకు గురయ్యారు. ఎలాగైనా పిల్లల వివరాలు అప్‌డేట్‌ చేయించాలన్న ఆత్రుతతో నడవలేని బిడ్డలను భుజాలపై మోసుకుంటూనే బల్దియా మెట్లు ఎక్కారు. అక్కడి గణేశ్‌ మండపం వద్ద అన్నప్రసాదం వితరణ చేయగా.. పసిపిల్లల్లా వారికి తల్లులు గోరుముద్దలు తినిపించడం అందరినీ కదిలించింది. పెద్దపల్లి జిల్లా రామగుండం నగరపాలక సంస్థ కార్యాలయంలో సోమవారం వారిని ‘సాక్షి’పలుకరించింది. పింఛన్‌ ఆగిందని.. రామగుండంలోని ఎన్టీపీసీ మేడిపల్లి నివాసి 19 ఏళ్ల యేల్లూరి శ్రీహర్షితకు 3 నెలలుగా దివ్యాంగుల పింఛన్‌ రావడంలేదు. బయోమెట్రిక్‌లో పింఛన్‌ వివరాలు అప్‌డేట్‌ కాకపోవడమే ఇందుకు కారణమని అధికారులు తెలిపారు. తుంటిలోని బాల్‌ తొలగడంతో శ్రీహర్షితకు ఆపరేషన్‌ జరిగింది. నడవలేసి స్థితిలోఉంది. ఆ బిడ్డను భుజాలపై మోసుకుంటూ తల్లి కవిత హైదరాబాద్‌ నుంచి రైల్లో ఆమెను తీసుకొచ్చింది. అక్కడి నుంచి తీసుకురావడం ఒక ఎత్తయితే.. రామగుండం బల్దియాకు తీసుకెళ్లడం మరోఎత్తుగా మారింది. అయినా తల్లి వెనుకడుగు వేయలేదు. ఇక గోదావరిఖని తిలక్‌నగర్‌కు చెందిన 29 ఏళ్ల బిల్లుకంటి విన్ను కూడా మానసిక వికలాంగుడు. రెండు నెలలుగా పింఛన్‌ రావడంలేదు. తల్లి స్వరూప కుమారుడిని వెంటబెట్టుకుని బల్దియాకు చేరుకుంది. విధుల్లో ఉన్న సిబ్బందికి బయోమెట్రిక్‌ లాగిన్‌ లేక మరోఇబ్బంది ఎదురైంది. ఏం చేయాలో అర్థంకాక సుమారు రెండు గంటలపాటు అక్కడే నిరీక్షించింది. చివరకు మరోవార్డు ఆఫీసర్‌ లాగిన్‌ ద్వారా బయోమెట్రిక్‌ నమోదు చేసి అప్‌లోడ్‌ చేశారు.ఇలా బయోమెట్రిక్‌ ప్రక్రియలో ఆలస్యం కావడంతో.. ఇద్దరు తల్లులూ బల్దియాలోని గణేశ్‌ మండపం ఎదుట చేపట్టిన అన్నవితరణ కోసం క్యూలో నిల్చొని తమ బిడ్డల ఆకలి తీర్చారు. అయితే కవిత పరుగు అంతటితో ఆగలేదు. శ్రీహర్షితను మళ్లీ హైదరాబాద్‌లోని ఆస్పత్రికి తీసుకెళ్లాలి. రైలు సమయం దగ్గరపడుతోంది. దీంతో కూతురిని మళ్లీ భుజాలపై ఎత్తుకుంది. ఆటో కోసం రోడ్డుపై పరుగులు తీస్తున్న ఆమెను చూసి తల్లి ప్రేమ అంటే ఇదే కదా..అంటూ సానుభూతిని వ్యక్తం చేశారు.

సాక్షి, పెద్దపల్లి: ఘుమఘుమలాడే సువాసన.. ఆకట్టుకునే రంగులు.. నోరూరించే రుచి.. తక్కువ ధర. ఆహారాన్ని ఆకర్షణీయంగా మార్చేందుకు హోటళ్లు, బిర్యానీ సెంటర్లు, ఫాస్ట్‌ఫుడ్‌ కేంద్రాలు పోటీపడుతున్నాయి. కానీ దానివెనుక పరిశుభ్రత, నాణ్యత ప్రమాణాలు ఎంతవరకు ఉన్నాయనేది ప్రశ్నార్థకంగా మారుతోంది. నాసిరకం ముడిసరుకులు, నిబంధనలకు విరుద్ధంగా ఆహార పదార్థాల తయారీ, పదేపదే వేడిచేసిన నూనె వినియోగంతో వాటిని తి ని ప్రజలు అనారోగ్యాన్ని కొనితెచ్చుకుంటున్నారు. ఆహార భద్రత అధికారులు జిల్లాలో ఇటీవల నిర్వహించిన తనిఖీల్లో అనేక ఉల్లంఘనలు బయటపడ్డాయి. ఏప్రిల్‌ ఒకటో తేదీ నుంచి ఇప్పటివరకు 127 తనిఖీలు చేసి 45 నమూనాలను సేకరించారు. వాటిలో 16 నమూనాలు నాణ్యతా ప్రమాణాలకు విరుద్ధంగా ఉన్నట్లు తేల్చారు. బాధ్యులపై రూ.3 లక్షల వరకు జరిమానా కూడా విధించారు. అల్లం, వెల్లుల్లి పేస్ట్‌, పాలు, పెరుగు, వంటనూనె, బాదం మిల్క్‌ తదితరాల్లో నిబంధనల ఉల్లంఘనలు అధికంగా ఉన్నట్లు అధికారులు గుర్తించారు. కిచెన్‌లోనే అసలు కథ.. వినియోగదారులకు కనిపించేది హోటల్‌ ముందు భాగమే. వంటగదిలో పరిశుభ్రత పాటించడంలేదు. ముడి పదార్థాలను సరిగా నిల్వ చేయడంలేదు. నాసి రకం మసాలాలు వినియోగిస్తున్నారు. ఇలాంటి లో పాలు తనిఖీల్లో వెలుగుచూస్తున్నాయి. ముఖ్యంగా బిర్యానీ, కర్రీ పాయింట్లలో ఉపయోగించే మసాలా లు, వంటనూనెల నాణ్యతపై నిర్వాహకులు అలస త్వం ప్రదర్శిస్తున్నారు. తక్కువ ధరకు ఆహారం అందించాలనే ఉద్దేశంతో నాణ్యత విస్మరించడం వినికస్టమర్ల ఆరోగ్యానికి ముప్పుగా పరిణమిస్తోంది. నల్లగా మారినా.. జిల్లాలోని కొన్ని హోటళ్లు, ఫాస్ట్‌ఫుడ్‌ కేంద్రాల్లో ఒకసారి ఉపయోగించిన వంట నూనెను పదేపదే వేడిచేసి వినియోగిస్తున్నట్లు ఆహార భద్రత అధికారులు గుర్తిస్తున్నారు. ఇలా చేయడం ద్వారా నూనె లో రసాయన మార్పులు చోటుచేసుకుని నాణ్యత దెబ్బతినే అవకాశం ఉందని వారు చెబుతున్నారు.జరిమానాలకే పరిమితం జిల్లాలో మూడు నెలల్లో అధికారులు 127 తనిఖీలు చేసి 45 నమూనాలు సేకరించారు. హోటళ్లు, ఫాస్ట్‌ఫుడ్‌ కేంద్రాలు, బేకరీలు, స్వీట్‌హౌస్‌లు, పాల విక్రయ కేంద్రాల సంఖ్యతో పోలిస్తే ఈ తనిఖీల పరిధి ఇంకా విస్తరించాల్సి ఉందనే అభిప్రాయాలు వ్యక్తమవుతున్నాయి. సిబ్బంది కొరత కూడా పర్యవేక్షణకు ఇబ్బందిగా మారుతోంది. జిల్లాలో ఫుడ్‌ ఇన్‌స్పెక్టర్లు నెలకు కనీసం 10 నమూనాలు సేకరించాలి. నమూనాలను పరీక్ష కోసం హైదరాబాద్‌ పంపించాలి. సురక్షితం కానీ ఆహారమని నిర్ధారిస్తే యాజమాన్యంపై క్రిమినల్‌ కేసు నమోదు చేయాలి, లేదా నోటీసులు ఇచ్చి జరిమానా విధించాలి. తప్పు సరిదిద్దుకున్నారా? లేదా అని పదిరోజుల్లో మరోసారి తనిఖీ చేయాలి. సిబ్బంది కొరతతో తనిఖీలు నామమాత్రమే అవుతున్నాయనే విమర్శలున్నాయి. గోదావరిఖనిలో ఓ చిప్స్‌ తయారీ యూనిట్‌లో అధికారులు ఇటీవల తనిఖీ చేశారు. పదేపదే వినియోగిస్తున్న వంటనూనె గుర్తించారు. నాణ్యత పరీక్షించగా, నిర్దేశిత ప్రమాణాల కన్నా రీడింగ్‌ అధికంగా సూచించడంతో 25కిలోలు స్వాధీనం చేసుకున్నారు. తనిఖీల సమాచారం మొత్తం తనిఖీలు 127 సేకరించిన శాంపిళ్లు 45 ఫెయిలైనవి 16 జరిమానా(రూ.లక్షల్లో) 3 ఇది కాల్వశ్రీరాంపూర్‌ మండలంలోని ఓ ఫాస్ట్‌ఫుడ్‌ సెంటర్‌. ఇరుకు గదిలోనే ఆహార పదార్థాల తయారీ, ప్లేట్లు, వంట సామగ్రి శుభ్రం చేస్తున్నా రు. ఇందులోనే ఉల్లిగడ్డలు, కూరగాయల వ్య ర్థాలు, కోడిగుడ్డు పెంకులు పడివున్నాయి. దో మలు, ఈగలూ స్వైరవిహారం చేస్తున్నాయి.

పెద్దపల్లి/పెద్దపల్లిరూరల్‌: వినాయక నిమజ్జ న వేడుకలను ప్రశాంతంగా, శాంతియుత వాతావరణంలో నిర్వహించేందుకు పకడ్బందీ ఏర్పాట్లు చేయాలని ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు సూచించారు. జిల్లా కేంద్రంలోని ఎల్లమ్మ గుండమ్మ చెరువు కట్ట వద్ద నిమజ్జన ఏర్పాట్లను మున్సిపల్‌ చైర్మన్‌ నూగిల్ల మల్లయ్య, కమిషనర్‌ వెంకటేశ్‌, ఏసీపీ కృష్ణతో కలిసి సోమవారం పరిశీలించారు. భక్తులకు ఇబ్బందులు తలెత్తకుండా తాగునీరు, పారిశుధ్యం, విద్యుత్‌, రహదారి, వైద్యం, భద్రత తదితర సౌకర్యాలు కల్పించాలని ఆయన సూచించారు. పలువురు పోలీస్‌ అధికారులు, కౌన్సిలర్లు, నాయకులు తదితరులు పాల్గొన్నారు. కొనసాగుతున్న ఎత్తిపోతలు ధర్మారం: ఎల్లంపల్లి ప్రాజెక్టు లింక్‌–2 నుంచి నందిమేడారం నంది రిజర్వాయర్‌లోకి వారం రోజులుగా నీటిని పంపింగ్‌ చేస్తున్నారు. సోమవారం రెండు పంప్‌ల ద్వారా పంపింగ్‌ చేశారు. రోజూ ఉదయం 9 నుంచి సాయంత్రం 4 గంటల వరకు ఆన్‌ అండ్‌ ఆఫ్‌ పద్ధతిన రోజూ రెండు మోటార్ల ద్వారా రిజర్వాయర్‌లోకి నీటిని పంపింగ్‌ చేస్తున్నారు. ఒక్కో పంప్‌ నుంచి 3,150 క్యూసెక్కులు ఎత్తిపోస్తున్నారు. ఇదేస్థాయిలో రెండు షట్టర్లను ఎత్తి కరీంనగర్‌ జిల్లా రామడుగు మండలం లక్ష్మీపూర్‌ పంప్‌హౌస్‌కు అక్కడ నుంచి మిడ్‌మానేర్‌కు నీటిని తరలిస్తున్నట్లు అధికారులు తెలిపారు. చారిత్రక ప్రాంతాల సందర్శనపెద్దపల్లి: జిల్లా సోషల్‌ స్టడీస్‌ ఆధ్వర్యంలో ఈనెల 20న విజ్ఞాన, విహార యాత్ర చేపట్టారు. మనజిల్లాకు చెందిన సుమారు 50 మంది సాంఘికశాస్త్ర ఉపాధ్యాయులు మంచిర్యాల జిల్లా లోని గంధారి ఖిల్లా, గంధారి మైసమ్మ ఆలయం, భైరవుడు, పదితలల నాగశేషు తదితర ప్రాంతాలను సందర్శించారు. ఆయా ప్రాంతాల చారిత్రక విశేషాలు, సంస్కృతి, ఆధ్యాత్మిక విశ్వాసాలు, భౌగోళిక ప్రత్యేకతల గురించి స్థానికుల ను అడిగి తెలుసుకున్నారు. అనంతరం జోడేఘాట్‌లోని కొమురంభీమ్‌ స్మృతిస్థలి, మరణించిన ప్రదేశం, గిరిజన మ్యూజియం సందర్శించారు. గోండు, ఆదివాసీల సంప్రదాయ పరికరాలు, జీవన విధానం, సంస్కృతి, చారిత్రక అంశాలు పరిశీలించారు. ప్రతినిధులు మారా రమేశ్‌, లింగం శ్రీనివాస్‌, ముద్రబోయిన కుమార్‌స్వామి, గడ్డం రాజనర్సు, కొండం శ్రీనివాస్‌రెడ్డి, వనపర్తి అంజయ్య, సీహెచ్‌ పోచయ్య, మూలా శ్రీనివాస్‌, కుమారస్వామి, యేసు, రాజమల్లు, కిషన్‌రెడ్డి, దూడం సురేశ్‌, రసూల్‌, సీమ హఫీజ్‌, స్వరూప, పద్మ తదితరులు పాల్గొన్నారు. రెస్క్యూ పోటీలకు ఆహ్వానించాలి గోదావరిఖని: సింగరేణిలో నిర్వహించే జోనల్‌ మైన్స్‌ రెస్క్యూ పోటీలకు అన్ని కార్మిక సంఘాలను ఆహ్వానించాలని కార్మిక నాయకులు మిర్యాల రాజిరెడ్డి, తుమ్మల రాజారెడ్డి, రియాజ్‌అహ్మద్‌ కోరారు. సోమవారం డైరెక్టర్‌(పా)ను కలిసి వినతిపత్రం అందజేశారు. ఈనెల 24న 55వ జోనల్‌ మైన్స్‌ రెస్క్యూ పోటీలను ఆర్జీ–2 ఏరియాలో నిర్వహిస్తున్నారని అన్నారు. ఈనెల 9తో గుర్తింపు, ప్రాతినిధ్య సంఘాల కాలపరి మితి ముగిసిందన్నారు. ఈనెల 17న డిప్యూటీ చీఫ్‌ లేబర్‌ కమిషనర్‌, సింగరేణి చైర్మన్‌, మేనేజింగ్‌ డైరెక్టర్‌, డైరెక్టర్‌(పా)ను కలిసి వినతి పత్రం అందజేశామన్నారు. వెంటనే గుర్తింపు కార్మిక సంఘం ఎన్నికలు నిర్వహించాలని, లేనిపక్షంలో అన్నిసంఘాలకు సమాన ప్రాతినిధ్యం కల్పించాలని విన్నవించామని వారు వివరించారు. నేటినుంచి ప్రత్యేక శిబిరాలు పెద్దపల్లి: అగ్రిస్టాక్‌ ప్రాజెక్టులో భాగంగా ప్రతీరైతుకు ప్రత్యేక గుర్తింపు సంఖ్య కేటాయించేందు కు వ్యవసాయ శాఖ రిజిస్ట్రేషన్‌ ప్రక్రియను ము మ్మరం చేసింది. ఇందుకోసం ఈనెల 22 నుంచి 30వ తేదీ వరకు జిల్లాలోని వివిధ గ్రామాల్లో ప్రత్యేక నమోదు శిబిరాలు నిర్వహించనున్నట్లు డీఏవో శ్రీనివాస్‌ సోమవారం తెలిపారు.

గోదావరిఖని: వినాయక నిమజ్జనం ప్రశాంతంగా, సురక్షితంగా సాగేలా ప్రణాళిక బద్ధంగా సమన్వయంతో పనిచేయాలని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. పోలీస్‌, సింగరేణి, మున్సిపల్‌, రెవెన్యూ, విద్యుత్‌, వైద్య, ఆరో గ్య, ఎస్‌డీఆర్‌ఎఫ్‌, అగ్నిమాపక, ఫిషరీస్‌ తదితర శాఖల అధికారులతో తన కార్యాలయంలో సోమ వారం నిర్వహించిన సమన్వయ సమయంలో సీపీ మాట్లాడారు. గతేడాది ఎదురైన సమస్యలు, లోపాలను సమీక్షించి, ఈసారి పునరావృతం కాకుండా చర్యలు తీసుకోవాలని ఆదేశించారు. నిమజ్జన ప్రదేశాల్లో నీటిలోతు, ప్రమాదకర ప్రాంతాలను గుర్తించి హెచ్చరిక బోర్డులు ఏర్పాటు చేయాలన్నారు. రక్షణ సిబ్బంది, గజఈతగాళ్లు, రెస్క్యూ బృందాలు, రక్షణ పరికరాలను అందుబాటులో ఉంచాలని అన్నారు. పారిశుధ్యం నిర్వహణ, తాగునీరు, లైటింగ్‌, రోడ్లు, పార్కింగ్‌ తదితర ఏర్పాట్లను పర్యవేక్షించాలన్నారు. విద్యుత్‌ వైర్లు, స్తంభాలు, తాత్కాలిక కనెక్షన్లను పరిశీలించి ప్రమాదాలకు అవకాశం లేకుండా చర్యలు చేపట్టాలని ఆన అన్నారు. అదనపు డీసీపీ(అడ్మిన్‌) శ్రీనివాస్‌, సింగరేణి ఆర్‌జీ–1 జీఎం లలిత్‌కుమార్‌, ఏసీపీలు నాగేంద్రగౌడ్‌, రమేశ్‌, వెంకటేశ్వర్లు, సీఐలు ఇంద్రసేనారెడ్డి, కృష్ణకుమార్‌, ప్రసాద్‌రావు, నవీన్‌కుమార్‌, ఎస్‌ఐ భూమేశ్‌ తదితరులు పాల్గొన్నారు. అంతకుముందు గ్రీవెన్స్‌డేలో బాధితుల నుంచి ఫిర్యాదులు స్వీకరించారు. ప్రతీ ఫిర్యాదుదారుతో స్వయంగా మాట్లాడి సమస్యలు అడిగి తెలుసుకున్నారు.

● కలెక్టర్‌ కోయ శ్రీహర్షపెద్దపల్లి: ప్రజావాణి అర్జీలకు అత్యంత ప్రా ధాన్యంతో పరిశీలించి సత్వరమే పరిష్కరించాలని కలెక్టర్‌ కోయ శ్రీహర్ష అదేశించారు. అదనపు కలెక్టర్‌ శ్రీరాములుతో కలిసి సోమ వారం కలెక్టరేట్‌లో నిర్వహించిన ప్రజావాణిలో ప్రజల నుంచి దరఖాస్తులు స్వీకరించా రు. గోదావరిఖనిలోని మేదారి లలిత.. తన కుమార్తె పేరిట ఉన్న ఇంటిని రిజిరస్ట్రేషన్‌ చేసుకొని తమ బాగోలు చూడకుండా ఇంటినుంచి వెళ్లిపోవాలని వేధిస్తున్నరని ఫిర్యాదు చేశారు. అవసరమైన చర్యలు తీసుకోవాలని ఆర్డీవోకు కలెక్టర్‌ సూచించారు. ఫిర్యాదులు రావడంతో తక్షణమే పరిష్కరించాలని అధికారులను కలెక్టర్‌ శ్రీహర్ష ఆదేశించారు. 23న ఆయుర్వేద వైద్యశిబిరం ఆయుర్వేద దినోత్సవాన్ని పురస్కరించుకుని ఈనెల 23న జిల్లా ఆస్పత్రిలో నిర్వహించే మెగా ఆయుర్వేద వైద్యశిబిరాన్ని సద్విని యోగం చేసుకోవాలని కలెక్టర్‌ శ్రీహర్ష సూ చించారు. ఉచిత మెగా వైద్య శిబిరం ప్రచార పోస్టర్‌ను తన కార్యాలయంలో కలెక్టర్‌ ఆవిష్కరించారు. కార్యక్రమంలో ఆయుష్‌ జిల్లా ఇన్‌చార్జి డాక్టర్‌ అరుణ, సీనియర్‌ వైద్యాధికారి శోభరాణి, వైద్యాధికారులు అమర్‌నాథ్‌, మారుతి, జిల్లా ప్రోగ్రాం మేనేజర్‌ విద్యసాగర్‌ తదితరులు ఉన్నారు. గ్రామాల్లో పారిశుధ్యంపై ప్రత్యేక దృష్టి గ్రామాల్లో పారిశుధ్య నిర్వహణపై నిర్లక్ష్యం ప్రదర్శించకుండా నిత్యం క్షేత్రస్థాయిలో ప ర్యవేక్షించాలని కలెక్టర్‌ శ్రీహర్ష అధికారుల ను ఆదేశించారు. ఎంపీవోలు, డీఎల్‌పీవోల తో పారిశుధ్యం నిర్వహణపై కలెక్టరేట్‌లో ఆయన సమీక్షించి పలు సూచనలు చేశారు.

ధర్మారం: బీఆర్‌ఎస్‌ హయాంలో చోటుచేసుకున్న అవినీతి చిట్టా బయటపెట్టి మాజీ సీఎం కేసీఆర్‌తోపాటు మాజీమంత్రులను ప్రజల ముందు దోషు లుగా నిలబెడతామని సంక్షేమ శాఖ మంత్రి లక్ష్మణ్‌కుమార్‌ అన్నారు. మండల కేంద్రంలోని వినాయక మండపాలను ఆయన సోమవారం సందర్శించి గ ణపతికి ప్రత్యేక పూజలు చేశారు. అనంతరం మంత్రి మాట్లాడుతూ, గత పాలనలోని అవినీతిని అ సెంబ్లీ సాక్షిగా సీఎం రెవంత్‌రెడ్డి బయటపెట్టారన్నా రు. పదేళ్లపాటు అవినీతికి పాల్పడిన బీఆర్‌ఎస్‌ నాయకులు ప్రజాప్రభుత్వంపై ఆరోపణలు చేయడం విడ్డూరంగా ఉందని ఆయన అన్నారు. నిమజ్జనం సందర్భంగా జాగ్రత్తలు తీసుకోవాలి గణేశ్‌ నిమజ్జనం సందర్భంగా భక్తులకు ఇబ్బందు లు తలెత్తకుండా పకడ్బందీ ఏర్పాట్లు చేయాలని మంత్రి లక్ష్మణ్‌కుమార్‌ సూచించారు. కాంగ్రెస్‌ మండల అధ్యక్షుడు లావుడ్య రూప్లానాయక్‌, డీసీసీ ప్ర ధానకార్యదర్శి గాగిరెడ్డి తిరుపతిరెడ్డి, నాయకులు చింతల ప్రదీప్‌రెడ్డి, కోడా రి అంజన్న, దాగేటి ఉదయ్‌కుమార్‌ యాదవ్‌, కాడే సూర్యనారాయణ, పాలకుర్తి రాజేశంగౌడ్‌, రేణికాదేవి, ఓరం చిరంజీవి, కల్లెం గంగారెడ్డి, వేల్పుల నాగరాజు, జంగ మహేందర్‌యాదవ్‌, తిరుపతి, దేవి లావణ్య పాల్గొన్నారు.

పెద్దపల్లి/సుల్తానాబాద్‌రూరల్‌: గణేశ్‌ నిమజ్జనం వే డుకలను శాంతియుత వాతావరణంలో వైభవంగా జరుపుకోవాలని పెద్దపల్లి డీసీపీ రాంరెడ్డి సూచించారు. సుల్తానాబాద్‌, కాల్వశ్రీరాంపూర్‌, ఓదెల, ఎ లిగేడు, జూలపల్లి పోలీస్‌స్టేషన్ల పరిధిలోని గణేశ్‌ ఉత్సవ కమిటీలతో సుల్తానాబాద్‌లో సోమవారం సమావేశమయ్యారు. శోభాయాత్రలో డీజేలు నిర్వహిస్తే కఠీన చర్యలు తీసుకుంటామని ఆయన హె చ్చరించారు. ఏసీపీ కృష్ణ, సీఐ రంజిత్‌రావు, ఎస్సై లు చంద్రకుమార్‌, అశోక్‌రెడ్డి, సుధాకర్‌, సనత్‌రెడ్డి, మధుకర్‌, డీఈ, ఏఈలు రామస్వామి, కిశోర్‌ కుమా ర్‌ తదితరులు పాల్గొన్నారు. అంతకుముందు సుల్తానాబాద్‌ పాత పెట్రోల్‌బంక్‌ వద్ద వినాయకుని సన్నిధిలో డీసీపీ రాంరెడ్డి ప్రత్యేక పూజలు చేశారు.

గోదావరిఖని: జీవో 76పై కాంగ్రెస్‌ డ్రామాలు చేస్తోందని మాజీ మంత్రి కొప్పుల ఈశ్వర్‌ ధ్వజమెత్తారు. స్థానిక ప్రెస్‌క్లబ్‌లో సోమవారం ఏర్పాటు చే సిన విలేకరుల సమావేశంలో మాజీ ఎమ్మెల్యే కోరుకంటి చందర్‌, టీబీజీకేఎస్‌ అధ్యక్షుడు మిర్యాల రాజిరెడ్డితో కలిసి మాట్లాడారు. సింగరేణి స్థలాలను రెగ్యులరైజ్‌ చేసే ప్రక్రియలో అప్పటి సీఎం కేసీఆర్‌ జీవో 76 తీసుకొచ్చారని, దీనిద్వారా దాదాపు 2వేల ఎకరాల సింగరేణి స్థలాల్లో పట్టాలు జారీచేశారని గుర్తుచేశారు. ఆ జీవోలోని కొన్ని లోటుపాట్లను సవరిస్తూ 2023లో కేసీఆర్‌ జీవో 28 కూడా జారీచేశారని, జీవో 76ను కాంగ్రెస్‌ ప్రభుత్వం కొనసాగిస్తూ సింగరేణి స్థలాలు క్రమబద్ధీకరిస్తామని గొప్పలు చెప్పుకుంటోందని కొప్పుల ఎద్దేవా చేశారు. ఈ సమావేశంలో నాయకులు వ్యాళ్ల హరీశ్‌రెడ్డి, మేకల సమ్మయ్యయాదవ్‌, నూనె కొమురయ్య, మూల విజయారెడ్డి, మురళీధర్‌రావు, మారుతి, బొడ్డు రవీందర్‌, పర్లపల్లి రవి, పోలాడి శ్రీనివాస్‌రావు, దండే రవి, నూతి తిరుపతి, మెతుకు దేవరాజ్‌, అచ్చే వేణు తదితరులు పాల్గొన్నారు. పోలీసు అధికారితో విచారణ మంథని: తనపై సోషల్‌ మీడియా, పత్రికల ద్వారా తప్పుడు, పరువునష్టం కలిగించే ప్రచారం చేసిన వారిపై ఫిర్యాదు చేసినా పోలీసులు చర్యలు తీసుకోలేదని మంథనికి చెందిన నాయిని సంతోష్‌ మానవ హక్కుల కమిషన్‌ను ఆశ్రయించారు. ఈ వ్యవహారంపై మంథని పోలీసులు, రామగుండం పోలీస్‌ కమిషనర్‌కు ఫిర్యాదు చేసినా ఎఫ్‌ఐఆర్‌ నమోదు చేయలేదని ఫిర్యాదులో పేర్కొన్నారు. ఈ వ్యవహారంపై సీనియర్‌ పోలీస్‌ అధికారితో విచారణ జరిపించాలని ఫిర్యాదారు సంతోష్‌ కోరారు. ఆయన ఇచ్చిన ఫిర్యాదును పరిశీలించిన హక్కుల కమిషన్‌ ఈమేరకు ఉత్తర్వులు జారీ చేసింది.

రామగుండం: ఎల్లంపల్లి ప్రాజెక్టు దిగువన గోదావ రి నది ఏడారిని తలపిస్తోంది. ఎల్‌నినో ప్రభావంతో ఆశించిన స్థాయిలో వర్షాలు కురవక, ప్రాజెక్టులోకి నీరురాక ఈ పరిస్థితి ఎదురైంది. ప్రస్తుతం వినాయక నవరాత్రి ఉత్సవాలు వైభవంగా జరుగుతున్నాయి. చివరిరోజు విగ్రహాలను నిమజ్జనం చేసేందుకు నదిలో నీరులేకపోవడం భక్తులను తీవ్ర నిరాశకు గురిచేస్తోంది. ఎగువ నుంచి నీటిని విడుదల చేస్తే తప్ప ఈసారి విగ్రహాల నిమజ్జనానికి సమస్యలు తప్పేలా లేవని వాపోతున్నారు. ఎల్లంపల్లిలో 18.50 టీఎంసీల నిల్వ రామగుండం పారిశ్రామిక ప్రాంతంలో బుధవారం గోదావరిలోనే అత్యధికంగా వినాయక విగ్రహాలను నిమజ్జనం చేస్తారు. ప్రాజెక్టులో 18.50 టీఎంసీల నీ రు మాత్రమే నిల్వ ఉంది. ఎగువ నుంచి స్వల్పంగా ఇన్‌ఫ్లో వస్తుంది. గతేడాది ఇదేరోజు భారీగా వరద రావడంతో ప్రాజెక్టు పది గేట్లు ఎత్తి 1.50 లక్షల క్యూ సెక్కులను దిగువకు వదిలారు. ఈసారి ప్రాజెక్టు గేట్లు ఎత్తి దిగువకు నీటిని వదిలితేనే వినాయక విగ్రహాల నిమజ్జనం సాఫీగా సాగుతుందని భక్తులు ఆశిస్తున్నారు. ఇందుకోసం నీటిపారుదల అధికారులు చర్యలు తీసుకోవాలని వారు కోరుతున్నారు.రామగుండం నియోజకవర్గంలో ఏర్పాటు చేసిన వినాయక విగ్రహాలు ప్రాంతం 2025 2026 అంతర్గాం 63 60 రామగుండం 45 61 ఎన్టీపీసీ 122 126 గోదావరిఖని 475 470

కరీంనగర్‌టౌన్‌: పదేళ్ల సుదీర్ఘ విరామం తర్వాత ఆర్టీ సీలో గుర్తింపు యూనియన్ల ఎన్నికలకు షెడ్యూల్‌ వి డుదల కావడంతో సందడి మొదలైంది. కరీంనగర్‌ రీజియన్‌లోని 11 డిపోల్లో ఎన్నికల వేడి రాజుకుంది. ఒకవైపు టీఎంయూ పోటీపై అనిశ్చితి నెలకొనగా.. మరోవైపు యూనియన్ల మధ్య పొత్తులు, కూటములు కొత్త సమీకరణాలకు తెరతీస్తున్నాయి. గత ఎన్ని కలతో పోలిస్తే ఈసారి పోరు ఆసక్తికరంగా మారే అ వకాశముంది. పదేళ్ల తర్వాత జరుగుతున్న ఈ ఎన్నికల్లో మెజారిటీ స్థానాలు దక్కించుకునేందుకు యూని యన్లు వ్యూహాలకు పదును పెడుతున్నాయి. చివర కు ఏ సంఘానికి కార్మికుల మద్దతు లభిస్తుందన్నది అక్టోబర్‌ 17న వెలువడే ఫలితాలతో తేలనుంది. 2,830 మంది ఓటర్లు కరీంనగర్‌ రీజియన్‌లో కరీంనగర్‌–1, కరీంనగర్‌–2, హుస్నాబాద్‌, హుజూరాబాద్‌, జగిత్యాల, కోరుట్ల, మెట్‌పల్లి, వేములవాడ, మంథని, గోదావరిఖ ని, సిరిసిల్ల డిపోలు ఉన్నాయి. వీటి పరిధిలో 2,830 మంది ఓటర్లు ఉన్నారు. వీరిలో 1,340 మంది డ్రైవ ర్లు, 955 మంది కండక్టర్లు, 376 మంది మెయింటెనెన్స్‌ సిబ్బంది, 132 మంది ఎగ్జిక్యూటివ్‌ సిబ్బంది, 19 మంది రీజియన్‌ కార్యాలయ ఉద్యోగులు, నలు గురు మెడికల్‌, ముగ్గురు ఫైనాన్స్‌, ఒకరు స్టోర్‌ విభాగానికి చెందినవారు ఉన్నారు. టీఎంయూ దారెటు? 2016లో జరిగిన ఎన్నికల్లో కరీంనగర్‌ రీజియన్‌లో తెలంగాణ మజ్దూర్‌ యూనియన్‌(టీఎంయూ) విజ యం సాధించింది. ఈసారి ఆ సంఘం రాష్ట్ర నాయకత్వం రెండు వర్గాలుగా విడిపోవడం, వివాదం కోర్టుకు వెళ్లడంతో టీఎంయూ పోటీపై అనిశ్చితి నెలకొంది. లేబర్‌ కమిషన్‌ నుంచి పోటీకి అనుమతి విషయంలోనూ సమస్యలు ఎదురయ్యాయి. రీజియన్‌లో బలమైన సభ్యత్వం ఉన్న టీఎంయూ పోటీకి దూరమైతే.. ఇతర సంఘాలకు మద్దతు ఇవ్వడం ద్వారా తమ బలాన్ని చాటుకునేందుకు ఆ సంఘం నాయకులు వ్యూహాలు రచిస్తున్నట్లు సమాచారం. జేఏసీలో కీలకంగా వ్యవహరించిన టీఎంయూ, ఎంప్లాయీస్‌ యూనియన్‌, నేషనల్‌ మజ్దూర్‌ యూని యన్‌ నాయకులు సమావేశాలు నిర్వహిస్తూ డిపోల్లో గేట్‌ మీటింగ్‌లు చేపడుతున్నారు. ఎస్‌డబ్ల్యూయూ(ఐఎన్‌టీయూసీ)తో పోటీకి సమాయత్తమవుతున్న ట్లు తెలుస్తోంది. గుర్తులు కేటాయించాక మరికొన్నింటి యూనియన్ల మధ్య పొత్తులు ఖరారయ్యే అవకాశం ఉందని సంఘాల నాయకులు చెబుతున్నారు. షెడ్యూల్‌ ఇలా ఎన్నికల ప్రక్రియలో భాగంగా పోటీ చేసేందుకు యూనియన్ల నుంచి సోమవారం సమ్మతి పత్రాలు స్వీకరించారు. మంగళవారం డీఎంల ద్వారా రి టర్నింగ్‌ అధికారులకు డ్రాఫ్ట్‌ అభ్యంతరాలకు ఆ హ్వానం, 24న ఓటర్ల జాబితాపై అభ్యంతరాల స్వీకరణ, 25న తుది ఓటర్ల జాబితా పంపిణీ, 26న గు ర్తులు కేటాయిస్తారు. అదేరోజు తుది ఓటర్ల జాబి తాను రిటర్నింగ్‌ అధికారులు సమర్పించనున్నారు. 29న డమ్మీ బ్యాలెట్‌ పేపర్ల సమీకరణ, అక్టోబర్‌ 9న ఉదయం 5 గంటల నుంచి సాయంత్రం 6 గంటల వరకు రహస్య బ్యాలెట్‌ ద్వారా పోలింగ్‌, అక్టోబర్‌ 14, 15న పోస్టల్‌ బ్యాలెట్‌, 17న ఓట్ల లెక్కింపు, ఫలితాల ప్రకటన ఉంటుంది.

పెద్దపల్లి జిల్లా: తనను ప్రేమించి మరొకరితో చనువుగా ఉండడాన్ని సహించలేని పాలిటెక్నిక్‌ కాంట్రాక్ట్‌ లెక్చరర్‌ జెట్టి నవీన్‌కుమార్‌.. పథకం ప్రకారమే యువతి తాండ్ర అక్షితరాణి (20)ని ఆత్మహత్యకు ప్రేరేపించి ఆపై మృతి చెందేవరకూ ప్లాన్‌ అమలు చేసినట్లు పోలీసులు తేల్చారు. నిన్నటివరకూ ఆత్మహత్య చేసుకున్నట్లు అందరూ భావించారు. కానీ, పోలీసుల దర్యాప్తులో హత్యగానే తేలింది. పెద్దపల్లి జిల్లా గోదావరిఖని వన్‌టౌన్‌ పోలీసుస్టేషన్‌లో ఆదివారం ఏర్పాటు చేసిన విలేకరుల సమావేశంలో డీసీపీ రాంరెడ్డి కేసు వివరాలు వెల్లడించారు. పెద్దపల్లి జిల్లా గోదావరిఖనిలోని లెనిన్‌నగర్‌కు చెందిన అక్షితరాణి 2022లో మంచిర్యాల జిల్లా సీసీ నస్పూర్‌లోని సింగరేణి పాలిటెక్నిక్‌లో చదివింది. ఆ సమయంలో కాంట్రాక్ట్‌ లెక్చరర్‌ నవీన్‌కుమార్‌తో సాన్నిహిత్యం పెరిగి ప్రేమగా మారింది. నవీన్‌కుమార్‌కు అప్పటికే భార్య, ఇద్దరు పిల్లలు ఉన్నా.. అక్షితరాణిని పెళ్లి చేసుకునే వరకూ తీసుకెళ్లాడు. కానీ, డిప్లొమా పూర్తయ్యాక ఆమె హైదరాబాద్‌లో బీటెక్‌ మైనింగ్‌ చదువుతూ జీడీకే–2వ గనిలో అప్రెంటిషిప్‌ చేసింది. ఈక్రమంలో ఓవర్‌మన్‌ బొమ్మకంటి రవికుమార్‌తో పరిచయం ఏర్పడి నవీన్‌కుమార్‌కు దూరంగా ఉంటూ వస్తోంది. దీంతో అసూయ పెంచుకున్న నవీన్‌కుమార్‌ ఆమెను హత్య చేయాలని పకడ్బందీ పథకం రచించాడు. ఈనెల12న గౌతమినగర్‌లోని ఓ కంప్యూటర్‌ సెంటర్‌లో అక్షితరాణి విధులు ముగించుకుని ఆటోలో వెళ్తుండగా ఎఫ్‌సీఐ క్రాస్‌రోడ్డు వద్ద అడ్డగించి కారులో ఎక్కించుకుని వివిధ ప్రాంతాల్లో తిప్పుతూ గొడవ పడ్డాడు. రవికుమార్‌ తనపై అత్యాచారం చేయడంతోనే ఆత్మహత్య చేసుకుంటున్నట్లు ప్రేరేపించి సూసైడ్‌ నోట్‌ రాయించాడు. అప్పటికే తన వద్ద సిద్ధంగా ఉంచుకున్న పురుగుల మందును బలవంతంగా తాగించాడు. స్పృహ కోల్పోయిన యువతిని ఆస్పత్రికి తరలించకుండా అనేక ప్రాంతాల్లో తిప్పి కావాలనే జాప్యం చేశాడు. చివరకు యువతి ఫోన్‌నుంచి ఆమె తండ్రికి ఫోన్‌కాల్‌ చేసి ఆత్మహత్య చేసుకున్నట్లు నమ్మించేందుకు యత్నించాడు. రాత్రి సుమారు 7.30 సమయంలో యువతిని ఇంటికి తీసుకెళ్లి తల్లిదండ్రులను కారులో ఎక్కించుకుని స్థానిక ప్రభుత్వ ఆస్పత్రికి తీసుకెళ్లాడు. అక్షితరాణి చికిత్స పొందుతూ ఈనెల 13న మృతి చెందింది.ఇదీ చ‌ద‌వండి: లగ్జరీ కారులో మంటలు ఎలా చెలరేగాయి?ఆధారాలు చెరిపేసే యత్నంయువతి మృతితో తన విషయం బయటపడుతుందనే భయంతో నవీన్‌కుమార్‌ ఆధారాలను ధ్వంసం చేసేందుకు యత్నించాడు. కారు శుభ్రం చేయడం, సూసైడ్‌నోట్, పురుగులమందు బాటిల్, మొబైల్‌ సిమ్‌లు తొలగించాడు. అనంతరం హైదరాబాద్‌కు పారిపోయాడు. అయితే కేసును సీరియస్‌గా తీసుకున్న పోలీసులు.. సీసీ కెమెరా ఫుటేజీలు, కాల్‌డేటా, కాల్‌రికార్డింగ్స్‌ తదితర సాంకేతిక ఆధారాలు విశ్లేషించి నవీన్‌కుమార్‌ను అదుపులోకి తీసుకున్నారు. తర్వాత విచారణ చేయగా అసలు విషయం వెలుగులోకి వచ్చింది.రవికుమార్‌పై ఆరోపణలపైనా దర్యాప్తుజీడీకే–2 గని ఓవర్‌మన్‌ రవికుమార్‌తో అక్షితరాణికి పరిచయం ఏర్పడింది. ఈ నేపథ్యంలోనే ఆమె ఇష్టానికి విరుద్ధంగా శారీరక సంబంధానికి పాల్పడ్డాడు. దీంతో సింగరేణి అధికారులకు బాధితురాలు ఫిర్యాదు చేసింది. ఈ ఆరోపణల నేపథ్యంలో రవికుమార్‌ను కూడా పోలీసులు అదుపులోకి తీసుకున్నారు. సమావేశంలో గోదావరిఖని ఏసీపీ రమేశ్, సీఐ ఇంద్రసేనారెడ్డి, రెండో సీఐ అఫ్జలుద్దీన్, ఎస్‌ఐ మనోహర్‌ పాల్గొన్నారు. ఇదీ చదవండి: అక్క వివాహేతర సంబంధం చెల్లికి తెలియడంతో..

కమాన్‌పూర్‌: గుండారం రిజర్వాయర్‌ వద్ద గణపతి విగ్రహాల నిమజ్జనానికి ఏర్పాట్లు ఇంకా కానరావడం లేదు. వినాయక నవరాత్రి ఉత్సవాల సందర్భంగా వివిధ గ్రామాల్లో నెలకొల్పిన వినాయక విగ్రహాల నిమ్మజ్జనం ఈనెల 23న నిర్వహించనున్నారు. ఈమేరకు ఆయ మండపాల నిర్వాహకులు ఇప్పటినుంచే ప్రత్యేక ప్రణాళికలు తయారు చేసుకుంటున్నారు. మరోవైపు.. ఏటా గుండారం రిజర్వాయర్‌లో సుమారు వంద వినాయక విగ్రహాల వరకు నిమజ్జనం చేస్తారు. నిమజ్జనం సందర్భంగా భక్తులు, నిర్వాహకులకు ఇబ్బందులు కలుగకుండా రిజర్వాయర్‌ కట్ట, దారి వెంట వీధిలైట్లు, దారిపై గుంతల పూడ్చిడం వంటి పనులు చేపట్టాల్సి ఉన్నా.. నామమాత్రంగానే పనులు చేశారని విమర్శలు వస్తున్నాయి. నిమజ్జనం చేయడానికి వచ్చేవాహనాలకు, భక్తులు ఎలాంటి ఇబ్బందులు కలుగకుండా ప్రజాప్రతినిధులు, అధికారులు ఏర్పాట్లు చేయాలని నిర్వాహకులు కోరుతున్నారు.