Hanamkonda

● మిల్స్‌కాలనీ పోలీస్‌ స్టేషన్‌ ఎదుట బాధితుల నిరసనఖిలా వరంగల్‌ : ఆజంజాహి మిల్లు కార్మికులకు ఇంటి స్థలాలు ఇప్పిస్తామంటూ డబ్బులు వసూలు చేసి మోసం చేసిన వారిపై చర్యలు తీసుకోవాలని కార్మిక సంఘాల నాయకులు కొమ్ముల సందీప్‌, బస్కుల హరినారాయణ డిమాండ్‌ చేశారు. సోమవారం వరంగల్‌ మిల్స్‌కాలనీ పోలీస్‌స్టేషన్‌ ఎదుట కార్మిక నాయకుల ఆధ్వర్యంలో కార్మిక కుటుంబాలు నిరసన వ్యక్తం చేశాయి. అనంతరం కార్మిక నేతలు సందీప్‌, హరినారాయణ పోలీసులను కలిసి ఇళ్ల పేరుతో పెద్ద ఎత్తున డబ్బులు వసూలు చేసిన ఏడుగురిపై చర్యలు తీసుకోవాలని వినతిపత్రం అందించి మాట్లాడారు. 318 కార్మిక కుటుంబాల నుంచి 200 గజాల ఇంటి స్థలం ఇప్పిస్తామని నమ్మించి రూ.10 వేల నుంచి రూ.30 వేలు వసూలు చేసిన ఆదినారాయణ, ప్రభాకర్‌, సాంబయ్య, నాగరాజు, చంద్రమోహన్‌, రాజమౌళి, నర్సింగంపై చర్యలు తీసుకోవాలని డిమాండ్‌ చేశారు. ఈ కార్యక్రమంలో బాధితులు పి.ప్రభాకర్‌, మార్కండేయ, సంజీవ్‌, యశోద తదితరులు పాల్గొన్నారు.

వర్ధన్నపేట : వరంగల్‌ జిల్లా వర్ధన్నపేట మున్సిపల్‌ చైర్మన్‌ పాలకుర్తి సారంగపాణి కుమారుడు శ్రీకాంత్‌ తనను పెళ్లి చేసుకుంటానని మోసం చేశాడని ఓ యువతి వర్ధన్నపేటలోని చైర్మన్‌ ఇంటి ఎదుట సోమవారం కుటుంబీకులు, దళిత సంఘాలతో కలిసి ఆందోళన చేపట్టింది. ఈ సందర్భంగా ఆమె మాట్లాడుతూ.. శ్రీకాంత్‌ మూడేళ్ల క్రితం దసరా వేడుకల్లో కలిసి తనను ప్రేమిస్తున్నానని చెప్పాడన్నారు. దీంతో అతడిని నమ్మి సన్నిహితంగా మెలిగానని తెలిపింది. వేములవాడ ఆలయానికి తీసుకెళ్లి తనను పెళ్లి చేసుకుంటానని చెప్పాడన్నారు. అనంతరం తన కుటుంబీకులకు పరిచయం చేశాడని వివరించింది. ఈక్రమంలో మూడేళ్ల పాటు శ్రీకాంత్‌తో సన్నిహితంగా ఉండగా మూడు సార్లు గర్భం దాల్చానన్నారు. అయితే అతడి సూచనల మేరకే తొలగించుకున్నానన్నారు. ఈ క్రమంలో శ్రీకాంత్‌ ఒక్కసారిగా తనను దూరం పెట్టడంతో మోసపోయినట్లు అర్థం చేసుకున్నానని కన్నీరుమున్నీరైంది. తాను శ్రీకాంత్‌ నాన్న సారంగపాణిని కలిసినా ఆయన నమ్మలేదని, దీంతో తన వద్ద ఉన్న ఆధారాలు చూపానన్నారు. దీంతో కొంత సమయం అడిగాడని, తర్వాత ఆయన కూడా ఏమి చెప్పకపోవడంతో ఎమ్మెల్యే కే.ఆర్‌ నాగరాజును కలిశానన్నారు. ఈ సమయంలో పెళ్లి చేసుకుంటానని శ్రీకాంత్‌ తెలుపగా తండ్రి సారంగపాణి కూడా ఒప్పుకున్నాడన్నారు. తీరా మొఖం చాటేయడంతో ప్రస్తుతం ఆందోళన చేస్తున్నానని తెలిపింది. ఆందోళనపై సమాచారం అందుకున్న ఎస్సై రాజు, సిబ్బంది ఘటనా స్థలికి చేరుకుని సదరు యువతిని సముదాయించి ఫిర్యాదు చేస్తే కేసు నమోదు చేసి న్యాయం చేస్తామని తెలిపారు. అయితే తనకు వారిపై కేసు పెట్టే ఉద్దేశం లేదన్నారు. తనకు న్యాయం జరిగే వరకూ ఇంటి ఎదుట ఉంటానని భీష్మించుకుంది. కాగా, సదరు యువతికి న్యాయం చేయాలని దళిత సంఘాల నాయకులు డిమాండ్‌ చేశారు. యువతి వాంగ్మూలం, సాక్షులను పరిగణనలోకి తీసుకుని శ్రీకాంత్‌తో చట్ట ప్రకారం పెళ్లి జరిపించాలన్నారు. వంటావార్పుతో నిరసన.. ఇంటి ఎదుట బైఠాయించిన యువతికి మద్దతుగా నిలిచిన దళిత సంఘాల నాయకులు రాత్రి సమయంలో చైర్మన్‌ ఇంటి ఎదుట వంటా వార్పుతో నిరసన తెలిపారు. శ్రీకాంత్‌తో పెళ్లి జరపాలని, అంత వరకు ఇంటి ఎదుట నుంచి కదిలేది లేదని బాధిత యువతి స్పష్టం చేయడంతో పరిస్థితి మరింత ఉద్రిక్తంగా మారింది. వర్ధన్నపేట మున్సిపల్‌ చైర్మన్‌ కుమారుడు లైంగికంగా వాడుకున్నాడు మూడుసార్లు గర్భస్రావం చేయించాడు: బాధిత యువతి ఆరోపణ అతడి ఇంటి ఎదుట ఆందోళన దళిత సంఘాల మద్దతు

భూపాలపల్లి అర్బన్‌: భూపాలపల్లి పట్టణంలో కాసం ఫ్యాషన్స్‌ 30వ స్టోర్‌ సోమవారం ప్రారంభమైంది. సినీనటి నిధి అగర్వాల్‌ జ్యోతి ప్రజ్వలన చేసి స్టోర్‌ను ప్రారంభించారు. ఆమె రాకతో అభిమానులు పెద్ద సంఖ్యలో తరలిరావడంతో కాసం ఫ్యాషన్స్‌ పరిసరాలు సందడిగా మారాయి. నిధి అగర్వాల్‌ స్టోర్‌లోని లేడీస్‌, జెంట్స్‌, కిడ్స్‌ వేర్‌ విభాగాలను సందర్శించారు. అధునాతన డిజైన్లు, నూతన వైరెటీలతో కాసం ఫ్యాషన్స్‌ ప్రజాదరణ పొందుతోందని, భూపాలపల్లిలో స్టోర్‌ ప్రారంభించడం ఆనందంగా ఉందన్నారు. ఎమ్మెల్యే గండ్ర సత్యనారాయణరావు మాట్లాడుతూ భూపాలపల్లి ప్రజలు ఇతర ప్రాంతాలకు వెళ్లాల్సిన అవసరం లేకుండా లేటెస్ట్‌ వస్త్రాలను ఇక్కడే కాసం ఫ్యాషన్స్‌లో కొనుగోలు చేసే అవకాశం లభించిందన్నారు. కాసం ఫ్యాషన్స్‌ డైరెక్టర్లు మాట్లాడుతూ ఐదేళ్లుగా తెలంగాణ, ఆంధ్రప్రదేశ్‌లో ప్రజల ఆదరణతో 30 స్టోర్లను ఏర్పాటు చేశామన్నారు. భూపాలపల్లి స్టోర్‌ ద్వారా సుమారు 150 మందికి ఉపాధి కల్పించనున్నట్లు పేర్కొన్నారు. కార్యక్రమంలో కాసం ఫ్యాషన్స్‌ డైరెక్టర్లు కాసం నమఃశివాయ, కాసం మల్లికార్జున్‌, కాసం కేదారినాథ్‌, కాసం శివప్రసాద్‌, పుల్లూరు అరుణ్‌కుమార్‌, విశాల్‌, వరుణ్‌, అరుణ్‌, కార్తీక్‌, కాసం ఫణిత్‌, కాసం సాయికృష్ణ, కాసం దీక్షిత్‌, యాంసాని ప్రవీణ్‌ పాల్గొన్నారు. సినీనటి నిధి అగర్వాల్‌ చేతుల మీదుగా 30వ స్టోర్‌ ఓపెన్‌

● డీఎల్‌ఎస్‌ఏ కార్యదర్శి పూజిత హసన్‌పర్తి : మహిళలు విద్య నైపుణ్యాభివృద్ధి ద్వారా శక్తివంతంగా ఎదిగితే దేశ ప్రగతికి బలమైనపునాది ఏర్పడుతుందని హనుమకొండ జిల్లా న్యాయ సేవాధికార సంస్థ (డీఎస్‌ఎల్‌ఏ) కార్యదర్శి నేరెళ్ల వెంకట హైమ పూజిత అన్నారు. 56వ డివిజన్‌ జవహర్‌కాలనీలో శిఖర స్కిల్‌ ట్రైనింగ్‌ సెంటర్‌లో సోమవారం మహిళా సాధికారతపై అవగాహన సదస్సు నిర్వహించారు. ముఖ్య అతిథిగా పూజిత హాజరై మాట్లాడుతూ.. కుటుంబ, సామాజిక, రాజకీయ రంగాల్లో మహిళలు విశేష ప్రతిభ కనబరుస్తున్నారన్నారు. ఐఏఎస్‌, ఐపీఎస్‌, అంతరిక్ష రంగాల్లో మహిళలు ముందుకు దూసుకెళ్తున్నారని చెప్పారు. నైపుణ్యా శిక్షణ ద్వారా స్వయం ఉపాధి అవకాశాలు అందిపుచ్చుకుని ఆర్థికంగా ఎదగాలని పిలుపునిచ్చారు. కుటుంబ కలహాలు, ఆస్తి తగదాలు, లైంగిక వేధింపులు, బెదిరింపులు సమస్యలు ఎదురైనప్పుడు జిల్లా న్యాయ సేవాధికార సంస్థ ద్వారా ఉచిత న్యాయ సహాయం అందించనున్నట్లు తెలిపారు. ఈ కార్యక్రమంలో ఎఫ్‌ఎంఎం సాంఘిక సేవా సమితి జిల్లా కో–ఆర్డినేటర్‌ సుదర్శన్‌, శిఖర స్కిల్‌ సెంటర్‌ ట్రైనర్లు ఝాన్సీ చంద్రకళ, జ్యోతి, మహిళలు తదితరులు పాల్గొన్నారు.

కేయూ క్యాంపస్‌: కేయూ పరిధి యూనివర్సిటీ ఇంజనీరింగ్‌ కళాశాలల్లో విధులు నిర్వర్తిస్తున్న ఎనిమిది మంది అసోసియేట్‌ ప్రొఫెసర్లకు రిజిస్ట్రార్‌ రామచంద్రం షోకాజ్‌ నోటీసులు జారీ చేసిన విషయం సోమవారం వెలుగులోకి వచ్చింది. ఆ ఎనిమిది మంది యూజీసీ 15 జీఓ ప్రకారం.. కేరీర్‌ అడ్వాన్స్‌మెంట్‌ స్కీం (క్యాస్‌) ప్రొఫెసర్‌గా పదోన్నతికి అనర్హులుగా ఉన్నారు. ఈ జీఓ ప్రకారం.. ముఖ్యంగా ప్రొఫెసర్‌గా పదోన్నతి పొందాలంటే తప్పనిసరిగా.. ఒక్కో అసోసియేట్‌ ప్రొఫెసర్‌ తమ గైడ్‌షిప్‌లో ఒక పరిశోధక విద్యార్థికి డాక్టరేట్‌ అవార్డు అయి ఉండాలనే నిబంధన ఉంది. ఈఎనిమింది అసోసియేట్‌ ప్రొఫెసర్లకు ఈనిబంధనతో వీరు ప్రొఫెసర్‌గా పదోన్నతికి అనర్హులుగా ఉన్నారు. అయితే గతంలో ఉన్న యూజీసీ 14 జీఓ ప్రకారం అయితే ప్రొఫెసర్‌గా పదోన్నతికి అర్హత ఉంటుందని భావించి వారంతా కలిసి న్యూఢిల్లీలోని యూనివర్సిటీ గ్రాంట్స్‌ కమిషన్‌ (యూజీసీ ) చైర్మన్‌కు గత కొంతకాలం క్రితంనేరుగా ఓలేఖను పంపినట్లు సమాచారం. తమకు క్యాస్‌ కింద ప్రొఫెసర్‌గా పదోన్నతికి అడ్డంకిగా ఉన్న నిబంధనను సడలించాలని, తమకు ప్రొఫెసర్‌గా గతంలోని 14 జీఓ ప్రకారం అవకాశం కల్పించాలని ఆ లేఖలో పేర్కొన్నట్లు సమాచారం. అనంతరం వారు యూజీసీ చైర్మన్‌కు పంపిన లేఖకు సంబంధించిన ఒక కాపీని కూడా వర్సిటీ అధికారులకు అందించారు. కాగా, అసోసియేట్‌ ప్రొఫెసర్లు నేరుగా యూజీసీ చైర్మన్‌కు లేఖ ఎలా పంపుతారని, సర్వీస్‌ రూల్స్‌ కోడ్‌ ఆఫ్‌ కండక్ట్‌కు ఇది విరుద్ధం అని వీసీ ప్రతాప్‌రెడ్డి ఈవిషయంలో సీరియస్‌గా పరిగణిస్తున్నారు. వీసీ ఆదేశాల మేరకు రిజిస్ట్రార్‌ రామచంద్రం షోకాజ్‌ నోటీసులు జారీ చేశారు. త్రూ ప్రాపర్‌ చానెల్‌ వర్సిటీ ద్వారా యూజీసీ చైర్మన్‌కు లేఖ పంపాలని ఇష్టారీతిన లేఖ పంపినందుకు మీపై ఎందుకు చర్యలు తీసుకోకూడదని ఆ షోకాజ్‌ నోటీస్‌లో పేర్కన్నారు. నోటీసులు అందుకున్నది వీరే.. కేయూ కో–ఎడ్యూకేషనల్‌ ఇంజనీరింగ్‌ కళాశాల అసోసియేట్‌ ప్రొఫెసర్‌ డాక్టర్‌ సుమలత, వర్సిటీ క్యాంపస్‌లోని మహిళా ఇంజనీరింగ్‌ కళాశాల అసోసియేట్‌ ప్రొఫెసర్‌ డాక్టర్‌ అర్చన, కేయూ పరిధి కొత్తగూడెం (మైనింగ్‌ ఇంజనీరింగ్‌ కళాశాల) ప్రస్తుత డాక్టర్‌ మన్‌మోహన్‌సింగ్‌ ఎర్త్‌ యూనివర్సిటీలోని ఇంజనీరింగ్‌ విభాగం అసోసియేట్‌ ప్రొఫెసర్లు డాక్టర్‌ శ్రీకాంత్‌, డాక్టర్‌ పున్నంచందర్‌, డాక్టర్‌ హరికృష్ణ, డాక్టర్‌ రాము, డాక్టర్‌ పద్మజ, స్రవంతి షోకాజ్‌ నోటీసులు అందుకున్న వారిలో ఉన్నారు. వీరు వారం రోజుల్లో వివరణ ఇవ్వాల్సి ఉంటుంది. తదుపరి ఎలాంటి చర్యలు తీసుకుంటారో వేచి చూడాలి. జారీ చేసిన కేయూ రిజిస్ట్రార్‌ యూజీసీ చైర్మన్‌కు నేరుగా లేఖ పంపడంపై వీసీ సీరియస్‌

కాజీపేట అర్బన్‌ : ఐఈఈఈ (ఇనిస్టిట్యూట్‌ ఆఫ్‌ ఎలక్ట్రికల్‌ అండ్‌ ఎలక్ట్రానిక్స్‌ ఇంజనీర్స్‌) సిస్టం కౌన్సిల్‌ న్యూయార్క్‌ 2027–29 విశిష్ట లెక్చర్‌ ప్రోగ్రామ్‌కు నిట్‌ డైరెక్టర్‌ బిద్యాధర్‌ సుబుదీని ఎంపిక చేస్తు సోమవారం ఐఈఈఈ ప్రకటన విడుదల చేసింది. ఇంజనీరింగ్‌ అండ్‌ టెక్నాలజీలో నిట్‌ డైరెక్టర్‌ సేవలకు గాను ఇంటర్నేషనల్‌ స్థాయిలో ఐఈఈఈ గుర్తింపు సాధించడంతో నిట్‌ యాజమాన్యం హర్షం వ్యక్తం చేసింది. తహసీల్‌ కార్యాలయానికి స్థల పరిశీలన హన్మకొండ అర్బన్‌: హనుమకొండ సుబేదారిలో జిల్లా పరిషత్‌కు సంబంధించిన స్థలం, శిథిలావస్థకు చేరిన భవనాలు, ఖాళీ ప్రదేశాలను హనుమకొండ కలెక్టర్‌ చాహత్‌ బాజ్‌పాయ్‌ సోమవారం పరిశీలించారు. హనుమకొండ తహసీల్దార్‌ కార్యాలయ ఏర్పాటుకు అనువైన స్థలాన్ని గుర్తించే ప్రక్రియలో భాగంగా కలెక్టర్‌ స్థలాన్ని పరిశీలించారు. అక్కడి క్వార్టర్స్‌, ఖాళీ స్థలానికి సంబంధించిన వివరాలను కలెక్టర్‌కు జెడ్పీ సీఈఓ బి. శేషాద్రి, డిప్యూటీ సీఈఓ కె.శ్రీనివాసరావు వివరించారు. ఈ కార్యక్రమంలో హనుమకొండ తహసీల్దార్‌ రవీందర్‌రెడ్డి, అధికారులు పాల్గొన్నారు.

వరంగల్‌ అర్బన్‌: ప్రజా సమస్యలను నేరుగా తెలుసుకుని, వాటికి సత్వర పరిష్కారం అందించడమే ప్రజావాణి కార్యక్రమం ప్రధాన ఉద్దేశమని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న అన్నారు. సోమవారం బల్దియా కార్యాలయంలో నిర్వహించిన ప్రజావాణిలో కమిషనర్‌ వెంకన్న ప్రజల నుంచి 81 దరఖాస్తులు స్వీకరించారు. గత వారం స్వీకరించిన దరఖాస్తుల పరిష్కార పురోగతిని కమిషనర్‌ సమీక్షించారు. కాగా, టౌన్‌ప్లానింగ్‌కు 32, ఇంజనీరింగ్‌ 28, ఆరోగ్యం, పారిశుద్ధ్యం 9, రెవెన్యూ 9, నీటి సరఫరా 3 అర్జీలు అందాయి. కాగా, ఆక్రమణలపైనే అధికంగా ఫిర్యాదులు అందినట్లు అధికారులు తెలిపారు. పండుగలకు ఏర్పాట్లు చేయండి.. కమిషనర్‌ అధికారులతో సమావేశమై మాట్లాడారు. బతుకమ్మ, దసరా పండుగల సందర్భంగా ప్రజలకు ఎలాంటి అసౌకర్యం కలగకుండా పారిశుద్ధ్యం, తాగునీరు, విద్యుత్‌, రహదారుల మరమ్మతులు, వీధి దీపాల ఏర్పాట్లు తదితర మౌలిక సదుపాయాలను సిద్ధం చేయాలని సూచించారు. వెరిఫికేషన్‌ వేగవంతం చేయాలి ఇందిరమ్మ ఇళ్ల వెరిఫికేషన్‌ ప్రక్రియను త్వరగా పూర్తి చేయాలని సంబంధిత అధికారులు, సిబ్బందిని కమిషనర్‌ ఆదేశించారు. దరఖాస్తుల పరిశీలన, క్షేత్రస్థాయి వెరిఫికేషన్‌ ప్రక్రియను సమన్వయంతో చేపట్టి, పెండింగ్‌ లేకుండా నిర్ణీత సమయంలో పూర్తి చేయాలని సూచించారు. కార్యక్రమంలో అడిషనల్‌ కమిషనర్‌ జోనా, సూపరింటెండింగ్‌ ఇంజనీర్‌ రాజ్‌కుమార్‌, డీఎఫ్‌ఓ శంకర్‌లింగం, సీహెచ్‌ఓ లక్ష్మారెడ్డి, డిప్యూటీ కమిషనర్లు ప్రసన్నరాణి, సమ్మయ్య, సెక్రటరీ అనిల్‌బాబు పాల్గొన్నారు. గ్రేటర్‌ వరంగల్‌ గ్రీవెన్స్‌సెల్‌కు 81 దరఖాస్తులు అర్జీలు స్వీకరించిన కమిషనర్‌ వెంకన్న

● కేయూ రిజిస్ట్రార్‌ రామచంద్రం హసన్‌పర్తి: క్రీడలతో ఆత్మవిశ్వాసం పెంపొందుతుందని కేయూ రిజిస్ట్రార్‌ రామచంద్రం అన్నారు. సోమవారం కిట్స్‌ ఇంజనీరింగ్‌ కళాశాలలో ఇంటర్‌ కాలేజీఝెట్‌ పురుషుల టోర్నమెంట్‌ ప్రారంభమైంది. మూడు రోజుల పాటు జరగనున్న ఈ కార్యక్రమానికి కేయూ రిజిస్ట్రార్‌ రామచంద్రం ముఖ్య అతిథిగా హాజరై మాట్లాడారు. శారీరక దృఢత్వం, మానసిక వికాసానికి క్రీడలు దోహదపడుతాయని పేర్కొన్నారు. కేయూ స్పోర్ట్‌ బోర్డ్‌ సెక్రటరీ శాస్త్రి మాట్లాడుతూ వ్యక్తిత్వ వికాసానికి క్రీడలు దోహదపడుతాయన్నారు. కార్యక్రమానికి అధ్యక్షతన వహించిన కిట్స్‌ కళాశాల అదనపు సెక్రటరీ సతీశ్‌కుమార్‌ మాట్లాడుతూ క్రీడలతో ఒత్తిడి అధిగమించొచ్చన్నారు. ఉమ్మడి వరంగల్‌ జిల్లాల నుంచి 47 కళాశాలల నుంచి 943 క్రీడాకారులు తమ పేర్లు రిజిస్ట్రేషన్‌ చేసుకున్నారు. కార్యక్రమంలో కిట్స్‌ కళాశాల ప్రిన్సిపాల్‌ డాక్టర్‌ అశోక్‌రెడ్డి, ఫిజికల్‌ ఎడ్యుకేషన్‌ ప్రొఫెసర్‌ డాక్టర్‌ రమేశ్‌రెడ్డి, రిజిస్ట్రార్‌ డాక్టర్‌ కోమల్‌రెడ్డి, పీడీ డాక్టర్‌ శ్రీనివాస్‌రెడ్డి, పీఆర్వో డాక్టర్‌ ప్రభాకరాచారి తదితరులు పాల్గొన్నారు. డిగ్రీ 1, 3, 5వ సెమిస్టర్ల పరీక్ష ఫీజు చెల్లించాలి కేయూ క్యాంపస్‌: కాకతీయ యూనివర్సిటీ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని డిగ్రీ కోర్సుల బీఏ, బీకాం, బీబీఏ బీఎస్సీ, ఒకేషనల్‌ బీసీఏ, బీహెచ్‌ఎంఅండ్‌ సిటీ (రెగ్యులర్‌, బ్యాక్‌లాగ్‌) మొదటి, మూడో, ఐదో సెమిస్టర్‌ పరీక్ష ఫీజులు చెల్లించాలని పరీక్షల నియంత్రణాధికారి కె.రాజేందర్‌, అదనపు పరీక్షల నియంత్రణాధికారులు డాక్టర్‌ పి.వెంకటయ్య డాక్టర్‌ ఎం.తిరుమలాదేవి సోమవారం తెలిపారు. అపరాధ రుసుము లేకుండా ఈ నెల 26వరకు ఫీజు చెల్లించవచ్చని పేర్కొన్నారు. రూ.50 అపరాధ రుసుముతో ఈనెల 30వరకు గడువు ఉందని, కోర్సుల వారీగా ఫీజుల వివరాలు సంబంధిత వెబ్‌సైట్‌లో అందుబాటులో ఉన్నాయని తెలిపారు. వచ్చే నెలలో పరీక్షలు ఉంటాయని పేర్కొన్నారు.

వరంగల్‌ స్పోర్ట్స్‌ : హనుమకొండలోని జవహర్‌లాల్‌ నెహ్రూ స్టేడియంలో సోమవారం ఉమ్మడి వరంగల్‌ జిల్లా ఎస్‌జీఎఫ్‌–19 క్రీడా పోటీలు నిర్వహించారు. నాలుగో విడతలో భాగంగా చెస్‌, సాఫ్ట్‌ టెన్నిస్‌, క్యారం, వూషూ, సెపక్‌తక్రా పోటీలు జేఎన్‌ స్టేడియంలో, బాడ్మింటన్‌ను ఎల్‌బీ కాలేజీ ఇండోర్‌ గ్రౌండ్‌లో నిర్వహించారు. సుమారు 600 మంది క్రీడాకారులు పాల్గొన్నారు. రాష్ట్రస్థాయి పోటీలకు ఎంపికై న విద్యార్థులను ఎస్‌జీఎఫ్‌ అండర్‌–19 జిల్లా కార్యదర్శి నరేడ్ల శ్రీధర్‌ అభినందించారు. కార్యక్రమంలో డాక్టర్‌ సతీశ్‌, డాక్టర్‌ గోపి, ప్రభాకర్‌ రెడ్డి, దేవేందర్‌, శ్రీనివాస్‌, రమేశ్‌, తదితరులు పాల్గొన్నారు. యాదాద్రి థర్మల్‌ పవర్‌ స్టేషన్‌కు బొగ్గు కొరత హన్మకొండ : యాదాద్రి థర్మల్‌ విద్యుత్‌ ఉత్పత్తి కేంద్రానికి బొగ్గు కొరతతో తరచూ అంతరాయం ఏర్పడుతోందని తెలంగాణ విద్యుత్‌ జేఏసీ రాష్ట్ర చైర్మన్‌ పి.శ్రీనివాస్‌, కన్వీనర్‌ మన్నె శశికుమార్‌ తెలిపారు. డీపీఆర్‌ ప్రకారం ఈ కేంద్రానికి ఏటా రూ.1.37 కోట్ల టన్నుల ఏ8/ఏ9 గ్రేడ్‌ బొగ్గు అవసరమని వారు ఒక ప్రకటనలో పేర్కొన్నారు. 2022లో టీజీ జెన్‌ కో, సింగరేణి కాలరీస్‌ కంపెనీ లిమిటెడ్‌తో బొగ్గు సరఫరా ఒప్పందం చేసుకుందన్నారు. యాదాద్రికి నాణ్యమైన బొగ్గును సరఫరా చేయడం సాధ్యం కాదని సింగరేణి కాలరీస్‌ ప్రభుత్వం దృష్టికి తీసుకువచ్చినట్లు వార్తలు వచ్చాయని తెలిపారు. ప్రస్తుతం ఏ13/ఏ15 గ్రేడ్‌ నాసిరకం బొగ్గును వినియోగించడం వల్ల సాంకేతిక ట్రిప్పులు, తరచూ విద్యుత్‌ అంతరాయాలు ఏర్పడుతున్నాయని ఆరోపించారు. నేటినుంచి కోల్‌ ఇండియాతో జరగనున్న చర్చల్లో సింగరేణి ప్రయోజనాలకు భంగం కలగకుండా యాదాద్రి కేంద్రానికి ఏ8/ఏ9 గ్రేడ్‌ బొగ్గు సరఫరాపై భరోసా కల్పించాలని విజ్ఞప్తి చేశారు. సత్ఫలితాలిస్తున్న ‘విద్యా ప్రేరణ’ హసన్‌పర్తి : బడి మానేసిన పిల్లలను తిరిగి పాఠశాలల్లో చేర్పించడమే కాకుండా మాదకద్రవ్యాలు వంటి చెడు అలవాట్లను దూరంగా ఉంచేందుకు పోలీస్‌ కమిషనర్‌ చేపట్టిన ‘విద్యా ప్రేరణ’ కార్యక్రమం సల్ఫితాలిస్తోంది. వరంగల్‌ సబ్‌ డివిజన్‌లో పైలట్‌ ప్రాజెక్ట్‌గా అమలు చేసిన ఈ కార్యక్రమంలో ప్రభుత్వ ఉన్నత పాఠశాలల్లో చదువుతున్న 42 మంది విద్యార్థులు బడి మానేసినట్లుగా గుర్తించారు. వీరిలో 22 మంది విద్యార్థులు, తల్లిదండ్రులకు కౌన్సెలింగ్‌ ఇచ్చి పిల్లలను తిరిగి పాఠశాలల్లో చేర్పించారు. ఆర్థిక ఇబ్బందులు ఎదుర్కొంటున్న విద్యార్థులకు పుస్తకాలు, నోట్‌బుక్స్‌, ఇతర విద్యా సామగ్రి అందించారు. నేడు జిల్లా విద్యాశాఖపై సమావేశం విద్యారణ్యపురి : హనుమకొండ జిల్లాలోని ప్రభుత్వ జిల్లా పరిషత్‌, ప్రాథమిక, ఉన్నత పాఠశాలల హెడ్మాస్టర్లు, ఎంఈఓలు, స్కూల్‌ కాంప్లెక్స్‌ హెడ్మాస్టర్లతో మంగళవారం మధ్యాహ్నం 3గంటలకు కలెక్టరేట్‌లో సమావేశం జరగనున్నట్లు డీఈఓ ఎల్‌వీ గిరిరాజ్‌గౌడ్‌ తెలిపారు. ఎఫ్‌ఎల్‌ఎన్‌ సెల్‌ సభ్యులు, తనిఖీ బృందాలు, 108 ఎఫ్‌ఎల్‌ఎన్‌ కాంపిటెంట్‌ స్కూల్స్‌ హెచ్‌ఎంలు హాజరుకావాలని సూచించారు. జిల్లాలో జరుగుతన్న వివిధ విద్యా కార్యక్రమాలపై కలెక్టర్‌ సమీక్షించనున్నట్లు తెలిపారు.

సాక్షి ప్రతినిధి, వరంగల్‌: కడుపులోని బిడ్డ బయటకు రావాలంటే కోత తప్పట్లేదు. గర్భిణులకు ఒకప్పుడు సుఖ ప్రసవం (నార్మల్‌ డెలివరీ) జరిగేది. కానీ, నేడు సహజ ప్రసవాల స్థానంలో సిజేరియన్‌ సంఖ్య గణనీయంగా పెరిగింది. ఉమ్మడి వరంగల్‌లోని పలు జిల్లాల్లో ప్రతీ పది ప్రసవాల్లో ఏడుకుపైగా సిజేరియన్లే నమోదవుతున్నాయి. ముఖ్యంగా ప్రైవేట్‌ ఆస్పత్రుల్లో ఈ వాటా ఏకంగా 80శాతం దాటగా, వరంగల్‌ 89.6, జనగామ 89.5 శాతంతో సెంచరీ మార్కుకు చేరువగా ఉన్నాయి. మిగిలిన నాలుగు జిల్లాల్లోనూ ఈ వాటా 80 శాతానికి పైగానే ఉంది. నేషనల్‌ ఫ్యామిలీ హెల్త్‌ సర్వే–6 (2023–24) గణాంకాలు ఈ విషయాన్ని వెల్లడిస్తున్నాయి. నాలుగు జిల్లాల్లో 70 శాతం పైనే! సీ–సెక్షన్ల (సిజేరియన్లు) వాటా ఉమ్మడి వరంగల్‌ నాలుగు జిల్లాల్లో 70 శాతాన్ని దాటింది. హనుమకొండ జిల్లా 74.1 శాతంతో ముందంజలో ఉండగా.. జయశంకర్‌ భూపాలపల్లి 70.4 శాతం, జనగామ 70.2 శాతం, మహబూబాబాద్‌ 70.1 శాతం నమోదయ్యాయి. ప్రైవేట్‌ ఆస్పత్రుల్లో పరిస్థితి మరింత ఆందోళనకరంగా కనిపిస్తోంది. ఉమ్మడి వరంగల్‌లోని ప్రైవేట్‌ ఆస్పత్రుల్లో సిజేరియన్ల వాటా 80 శాతాన్ని దాటింది. జనగామ, వరంగల్‌ జిల్లాల్లో ఈ వాటా దాదాపు 90 శాతానికి చేరువైంది. జనగామలో 89.5 శాతం, వరంగల్‌లో 89.6 శాతం నమోదైంది. మహబూబాబాద్‌లో 87.5 శాతం, హనుమకొండలో 82.7 శాతం, భూపాలపల్లిలో 82.6శాతం, ములుగులో 81.9 శాతం ఉన్నాయి. అంటే.. ప్రైవేట్‌ ఆస్పత్రుల్లో జరిగే ప్రతీ పది ప్రసవాల్లో ఎనిమిదికి పైగా సీ–సెక్షన్లే జరుగుతున్న పరిస్థితి కనిపిస్తోంది. కాగా ప్రభుత్వ ఆస్పత్రుల్లో సహజ ప్రసవాల వాటా ప్రైవేట్‌తో పోలిస్తే ఎక్కువగా ఉన్నప్పటికీ.. సీ–సెక్షన్ల శాతం మాత్రం గణనీయంగానే ఉంది. ప్రభుత్వ ఆస్పత్రుల్లోనూ కొన్ని జిల్లాల్లో ప్రతీ పది ప్రసవాల్లో ఆరు వరకు సిజేరియన్లు నమోదవుతున్నాయి. ప్రసవాలన్నీ దవాఖానాల్లోనే.. హనుమకొండలో ఆస్పత్రి ప్రసవాలు 100 శాతం నమోదయ్యాయి. అంటే ప్రసవాల కో సం ఆస్పత్రులను ఆశ్రయించే పరిస్థితి పూర్తిగా ఏర్పడినప్పటికీ.. అదే సమయంలో సిజేరియన్ల వాటా 74.1 శాతానికి చేరడం ప్రత్యేకంగా దృష్టి సారించాల్సిన అంశంగా మారింది. ఆస్పత్రి ప్రసవాల పెరుగుదల తల్లి, శిశువుల భద్రతకు అనుకూలమైన పరిణామమే. గర్భిణులకు ప్రసవానికి ముందునుంచే సుఖ ప్రసవం, సిజేరియన్‌ అవసరం అయ్యే పరిస్థితులు, ప్రసవ సమయంలో తీసుకోవాల్సిన జాగ్రత్తలపై స్పష్టమైన అవగాహన కల్పించాల్సిన అవసరం ఉందన్న అభిప్రాయం సర్వత్రా వ్యక్తమవుతోంది.ఉమ్మడి జిల్లాలో ప్రతీ పది ప్రసవాల్లో ఏడు సీ–సెక్షన్లే సహజ ప్రసవాల (నార్మల్‌ డెలివరీ)కు ససేమిరా! ప్రసవాలన్నీ ఆస్పత్రుల్లోనే.. అయినా పెరుగుతున్న ఆపరేషన్ల వాటా.. ప్రైవేట్‌ ఆస్పత్రుల్లో 80శాతానికి పైనే.. ప్రభుత్వ దవాఖానాల్లో 40–64 శాతం నేషనల్‌ ఫ్యామిలీ హెల్త్‌ సర్వే–6 (2023–24) గణాంకాలు వెల్లడి

హన్మకొండ అర్బన్‌: ప్రజాస్వామ్య పరిరక్షణ కోసం అన్ని రాజకీయ పార్టీలు, ప్రజాసంఘాలు, మేధావులు, విద్యార్థులు ఐక్యంగా పోరాడాలని ఎమ్మెల్యే నాయిని రాజేందర్‌రెడ్డి, కేఆర్‌ నాగరాజు, రేవూరి ప్రకాశ్‌రెడ్డి పిలుపునిచ్చారు. ఏఐసీసీ ఆదేశాల మేరకు డీసీసీ అధ్యక్షుడు ఇనగాల వెంకట్రాంరెడ్డి, ఇండియా కూటమి భాగస్వామ్య పక్షాల ఆధ్వర్యంలో సోమవారం హనుమకొండ జిల్లా కేంద్రంలో ప్రజాస్వామ్య పరిరక్షణ శంఖారావం నిర్వహించారు. అంబేడ్కర్‌ సెంటర్‌ నుంచి హనుమకొండ కలెక్టరేట్‌ వరకు భారీ ర్యాలీ చేపట్టి, అనంతరం కలెక్టరేట్‌ ఎదుట నిరసన ప్రదర్శన నిర్వహించారు. కేంద్ర ఎన్నికల ప్రధాన అధికారి జ్ఞానేశ్‌ కుమార్‌ను తక్షణమే పదవి నుంచి తొలగించాలని, తొలగించిన ఓట్లను పునరుద్ధరించాలని కోరారు. ఎమ్మెల్యేలు నాయిని రాజేందర్‌రెడ్డి, కేఆర్‌.నాగరాజు, రేవూరి ప్రకాశ్‌రెడ్డి మాట్లాడుతూ స్వయంప్రతిపత్తి కలిగిన ఎన్నికల సంఘం వ్యవస్థను రాజకీయ ప్రయోజనాలకు ఉపయోగించుకుంటున్నారని ఆరోపించారు. సీపీఐ రాష్ట్ర సహాయ కార్యదర్శి తక్కళ్లపల్లి శ్రీనివాసరావు, సీపీఎం జిల్లా కార్యదర్శి జి.ప్రభాకర్‌రెడ్డి మాట్లాడుతూ.. అర్హులైన సామాన్యులు, పేదల ఓట్లను తొలగించడాన్ని అడ్డుకోవాలన్నారు. అనంతరం కలెక్టర్‌ చాహత్‌ బాజ్‌పాయ్‌కి వినతిపత్రం అందించారు. కార్యక్రమంలో, కాంగ్రెస్‌, సీపీఐ, సీపీఎం, న్యూడెమొక్రసీ, తెలంగాణ జన సమితి నాయకులు, కార్యకర్తలు పెద్ద సంఖ్యలో పాల్గొన్నారు. ఎమ్మెల్యేలు నాయిని, రేవూరి, నాగరాజు ఇండియా కూటమి ఆధ్వర్యంలో కలెక్టరేట్‌ ఎదుట భారీ నిరసన

● సర్వశిక్ష అభియాన్‌తో జీవితం మలుపు ● డాక్టర్‌ పట్టాభిరామ్‌ స్మారక జాతీయ అవార్డుకు మహ్మద్‌ ఆజమ్‌ అలీ ఎంపిక ● ఈ నెల 8న అవార్డు ప్రదానంహన్మకొండ కల్చరల్‌ : పేదరికం, ఆకలి, అవమానాలు.. చదువుకు దూరం చేసినా పట్టుదలతో విద్యను కొనసాగించి ఉన్నత స్థాయికి ఎదిగారు.. డాక్టర్‌ మహ్మద్‌ అజమ్‌ అలీ. ఒకప్పుడు బాలకార్మికుడిగా గోడలకు పోస్టర్లు అంటించిన ఆయన.. నేడు ఇంజనీరింగ్‌ కళాశాలలో అసిస్టెంట్‌ ప్రొఫెసర్‌గా పాఠాలు బోధిస్తున్నారు. బాలకార్మికుడికి ఉపాధ్యాయుల ప్రోత్సాహం మహ్మద్‌ అహ్మద్‌ హుస్సేన్‌, ఖలీదా బేగం దంపతులకు ఐదో సంతానంగా 1991 ఆగస్టు 5న ఆజమ్‌ అలీ జన్మించారు. కుటుంబ కలహాల వల్ల తండ్రి కుటుంబాన్ని విడిచిపెట్టడంతో బాధ్యతలు తల్లిపై పడ్డాయి. 2003లో ఆర్థిక పరిస్థితుల కారణంగా ఎనిమిదో తరగతిలో చదువు మానేశారు. బాలకార్మికుడిగా పనిచేస్తున్న సమయంలో అందరూ చదవాలి.. అందరూ ఎదగాలి అనే సర్వశిక్ష అభియాన్‌ నినాదం ఆయనలో స్ఫూర్తి నింపింది. ప్రభుత్వ ఉపాధ్యాయుల ప్రోత్సాహంతో తిరిగి బడిలో చేరి 2006లో పదో తరగతి పూర్తి చేశారు. కరీంనగర్‌ ప్రభుత్వ ఆర్ట్స్‌ జూనియర్‌ కళాశాలలో ఇంటర్‌, శ్రీ రాజరాజేశ్వర ప్రభుత్వ డిగ్రీ, పీజీ, కళాశాలలో డిగ్రీ, ఎం,ఏ ఇంగ్లిష్‌, కాకతీయ విశ్వవిద్యాలయంలో ఎం.ఎడ్‌ పూర్తి చేశారు. అనంతరం ఆంగ్ల సాహిత్యంలో పీహెచ్‌డీ సాధించారు.ఎన్‌ఎస్‌ఎస్‌ వలంటీర్‌గా డాక్టర్‌ మహ్మద్‌ అజమ్‌ అలీ పలు కార్యక్రమాల్లో చురుగ్గా పాల్గొన్నారు. సేవలకు గుర్తింపుగా 2013లో ఇందిరాగాంధీ జాతీయ ఉత్తమ వలంటీర్‌ అవార్డు అందుకున్నారు. ఢిల్లీలో అప్పటి రాష్ట్రపతి ప్రణబ్‌ ముఖర్జీ చేతుల మీదుగా పురస్కారాన్ని స్వీకరించారు. విద్యతోనే వెలుగు అనే లక్ష్యంతో చమక్‌ ఫౌండేషన్‌ స్థాపించి ప్రభుత్వ పాఠశాలలు, కస్తూర్బా గాంధీ బాలికల విద్యాలయాల్లో వ్యక్తిత్వ వికాసం, కెరీర్‌ గైడెన్స్‌, ప్రేరణ కార్యక్రమాలు నిర్వహిస్తున్నారు. ఆయన సేవలకు రాష్ట్రపతి ద్రౌపది ముర్ము, మాజీ ఉపరాష్ట్రపతి ఎం.వెంకయ్యనాయుడు, మాజీ గవర్నర్‌ డాక్టర్‌ తమిళసై సౌందరరాజన్‌, కేంద్ర మంత్రులు కిషన్‌రెడ్డి, బండి సంజయ్‌, సామాజికవేత్త అన్నా హజారే తదితరులు ప్రశంసించారు. డాక్టర్‌ పట్టాభిరామ్‌ స్మారక జాతీయ అవార్డుకు ఎంపిక.. ప్రపంచ మానసిక ఆరోగ్య దినోత్సవాన్ని పురస్కరించుకుని విద్యార్థులను మానసికంగా చైతన్యం నింపుతున్నందుకు ఆజమ్‌ అలీని డాక్టర్‌ పట్టాభిరామ్‌ స్మారక జాతీయ అవార్డుకు ఎంపిక చేసినట్లు తెలంగాణ సైకాలాజికల్‌ అసోసియేషన్‌ రాష్ట్ర అధ్యక్షుడు డాక్టర్‌ అబ్దుల్‌ కరీం తెలిపారు. ఈ నెల 8న హైదరాబాద్‌లో జరిగే కార్యక్రమంలో అవార్డు ప్రదానం చేస్తున్నట్లు తెలిపారు. వాగ్దేవి ఇంజనీరింగ్‌ కళాశాల ప్రిన్సిపాల్‌ డాక్టర్‌ శశిధర్‌, విభాగాధిపతి రాజేష్‌ఖన్నా ఆజమ్‌ అలీని అభినందించారు. ఆకలితో చదువు మానేసిన.. ఒకప్పుడు పేదరికం, ఆకలితో చదువు మానేసినా. ప్రభుత్వ ఉపాధ్యాయుల ప్రోత్సాహంతో చదువుకున్నా. నేడు ఇంజనీరింగ్‌ కళాళాలలో వేలాది మంది విద్యార్థులకు చదువు చెబుతున్నా. జీవితం చెప్పే సందేశం ఒక్కటే విద్య మనిషిని మార్చుతుంటే.. సేవా సమాజాన్ని మార్చుతుందని నమ్మకం. – డాక్టర్‌ మహ్మద్‌ ఆజమ్‌ అలీ

కాళోజీ సెంటర్‌: రాష్ట్రంలో అమలవుతున్న అంగన్‌వాడీ సేవలు, ఐసీడీఎస్‌, పోషకాహార కార్యక్రమాలు, కేంద్ర వంటశాల విధానాన్ని మహారాష్ట్ర మహిళా, శిశు అభివృద్ధి శాఖ అధికారుల బృందం సోమవారం వరంగల్‌, హనుమకొండ జిల్లాల్లో క్షేత్రస్థాయి పర్యటన చేపట్టింది. మహారాష్ట్ర డబ్ల్యూసీడీ అదనపు కమిషనర్‌ విజయ్‌ క్షీర్సాగర్‌ ఆధ్వర్యంలోని బృందం సభ్యులు మొదట ఏనుమాముల మార్కెట్‌లోని అక్షయపాత్ర కేంద్ర వంటశాలను సందర్శించిన అధికారులు ఆహార పదార్థాల నిల్వ, తయారీ, నాణ్యత, ప్యాకింగ్‌, అంగన్‌వాడీ కేంద్రాలకు సరఫరా విధానాన్ని పరిశీలించారు. సుందరయ్యనగర్‌, గూడెప్పాడ్‌ అంగన్‌వాడీ కేంద్రాలను సందర్శించి పిల్లలకు అందుతున్న పోషకాహారం, ప్రీస్కూల్‌ విద్య, ఎదుగుదల పర్యవేక్షణ, గర్భిణులు, బాలింతలకు అందుతున్న సేవలను పరిశీలించారు. అంగన్‌వాడీ టీచర్లు, హెల్పర్లు, లబ్ధిదారులతో మాట్లాడి సేవలపై వారి అభిప్రాయాలను తెలుసుకున్నారు. కార్యక్రమంలో రాష్ట్ర మహిళా శిశు సంక్షేమ శాఖ లైజనింగ్‌ అధికారి శివాల్కర్‌రెడ్డి, హనుమకొండ డీడబ్ల్యూఓ విశ్వజ, వరంగల్‌ సీడీపీఓ విద్య, పరకాల సీడీపీఓ స్వాతి, ఏసీడీపీఓ సింధు, సూపర్‌వైజర్లు లావణ్య, ఉమాదేవి, మంజుల, జిల్లా కోఆర్డినేటర్‌ కార్తీక్‌, సుమలత తదితరులు పాల్గొన్నారు. పలు కేంద్రాలు, అక్షయపాత్ర వంటశాలను పరిశీలించిన మహారాష్ట్ర బృందం

విద్యారణ్యపురి: హనుమకొండలోని ప్రభుత్వ మర్కజీ హైస్కూల్‌లో తెలుగు భాషోపాధ్యాయుడు డాక్టర్‌ వల్సపైడికి తెలంగాణ భాషోపాధ్యాయ సంస్థ రాష్ట్ర స్థాయి ఉత్తమ ఉపాధ్యాయ పురస్కారాన్ని ప్రదానం చేసింది. సోమవారం హైదరాబాద్‌లోని తెలంగాణ సారస్వత పరిషత్‌ భవన్‌లో నిర్వహించిన విద్యాసదస్సులో విద్యాపరిశోధన శిక్షణా సంస్థ డైరెక్టర్‌ రమేశ్‌ చేతులమీదుగా ఈపురస్కారాన్ని వల్సపైడి అందుకున్నారు. ఆయనను రాష్ట్ర విద్యా, పరిశోధనా, శిక్షణ సంస్థ డైరెక్టర్‌ రమేశ్‌, ఇతర బాధ్యులు సత్కరించి ప్రశంసపత్రం అందించారు. కాజీపేట: ట్రాఫిక్‌ నిబంధనలు పాటిస్తూ సురక్షిత ప్రయాణానికి ఆటోడ్రైవర్లు, పోలీసులకు సహకరించాలని వరంగల్‌ పోలీస్‌ కమిషనర్‌ శ్వేత అన్నారు. కాజీపేట ప్యారడైజ్‌ ఫంక్షన్‌ హాల్‌లో సోమవారం ట్రాఫిక్‌ పోలీసుల ఆధ్వర్యంలో చేపట్టిన ఆటో ప్రయాణికుల భద్రతే లక్ష్యంగా ‘అభయ మై టాక్సీ సేఫ్‌’ యాప్‌ను సీపీ ప్రారంభించారు. ఈసందర్భంగా ఆమె మాట్లాడుతూ.. నగరంలో దాదాపు 12వేల ఆటోలకు క్యూ ఆర్‌ కోడ్‌తో కూడిన డిజిటల్‌ నంబర్‌ ఇవ్వనున్నట్లు తెలిపారు. ట్రాఫిక్‌ నిబంధనలను పాటిస్తామంటూ ఆటోడ్రైవర్లతో సీపీ ప్రతిజ్ఞ చేయించారు. కార్యక్రమంలో డీసీపీ దార కవిత, ట్రాఫిక్‌ అడిషనల్‌ డీసీపీ రాయల ప్రభాకర్‌రావు, ఏసీపీ టి.సత్యనారయణ, సీఐలు వెంకన్న, జక్కుల శ్యాంసుందర్‌, ఎస్సైలు మంగ, శ్రావణ్‌ సిబ్బంది పాల్గొన్నారు. హన్మకొండ అర్బన్‌: నిరుద్యోగ యువతకు ప్రైవేట్‌ రంగంలో ఉద్యోగాలు కల్పించేందుకు ఈనెల 7వ తేదీన జాబ్‌మేళా నిర్వహించనున్నట్లు జిల్లా ఉపాధి కల్పన అధికారి శ్యామల తెలిపారు. హనుమకొండ జిల్లా ఉపాధి కల్పన కార్యాలయంలోని మోడల్‌ కెరీర్‌ సెంటర్‌ ఆధ్వర్యంలో నిర్వహించే ఈ జాబ్‌మేళాలో మెడిప్లస్‌ సంస్థలో వివిధ పోస్టులకు నియామకాలు చేపట్టనున్నారు. జూనియర్‌ అసిస్టెంట్‌ 100, ఫార్మసీ ఎయిడ్‌ 50, ఫార్మసిస్ట్‌ 40, సీఎస్‌ఏ 50, ఆడిట్‌ అసిస్టెంట్‌ 30 పోస్టులు కలిపి మొత్తం 270 ఖాళీలు ఉన్నట్లు తెలిపారు. నెలకు రూ.16 వేల నుంచి రూ.25 వేల వరకు వేతనం అందించనున్నట్లు పేర్కొన్నారు. డీఫార్మసీ, ఎంఫార్మసీ, బీఫార్మసీ, పదో తరగతి, ఇంటర్‌, ఏదైనా డిగ్రీ అర్హత కలిగిన 19–32 ఏళ్ల యువత హాజరుకావొచ్చని సూచించారు. అభ్యర్థులు ఈనెల 7న ములుగు రోడ్డులోని ప్రభుత్వ ఐటీఐ (బాలుర) ప్రాంగణంలోని జిల్లా ఉపాధి కార్యాలయం వద్ద విద్యార్హతల ధ్రువపత్రాలతో హాజరుకావాలని, వివరాలకు 78933 94393 నంబర్‌లో సంప్రదించాలని కోరారు. కాశిబుగ్గ: ‘ఉద్యోగాల పేరుతో దళారుల దందా’ శీర్షికన సోమవారం ‘సాక్షి’లో ప్రచురితమైన కథనానికి డీఎంహెచ్‌ఓ డాక్టర్‌ రాజారెడ్డి స్పందించారు. వరంగల్‌ సూపర్‌ స్పెషాలిటీ ఆస్పత్రికి సంబంఽధించి జిల్లా వైద్య ఆరోగ్యశాఖ కార్యాలయం నుంచి ఎవరికీ నియామక ఉత్తర్వులు జారీ చేయలేదని ఆయన స్పష్టం చేశారు. ఈనియామకాలు డైరెక్టర్‌ ఆఫ్‌ మెడికల్‌ ఎడ్యుకేషన్‌ (డీఎంఈ) పరిఽధిలో ఉంటాయని, ఉద్యోగాల విషయంలో తమ కార్యాలయానికి ఎలాంటి ఫిర్యాదు అందలేదని తెలిపారు. అభ్యర్థులు అధికారిక నోటిఫికేషన్లు మాత్రమే నమ్మాలని దళారుల మాటలు నమ్మి మోసపోవద్దని ఆయన సూచించారు. ఇలాంటి వారి గురించి తెలిస్తే తమ దృష్టికి తీసుకరావాలని సూచించారు. కాజీపేట రూరల్‌: కాజీపేట జంక్షన్‌లో మంగళవారం సికింద్రాబాద్‌ రైల్వే సేఫ్టీ అధికారుల బృందం తనిఖీలు చేపట్టనున్నట్లు సోమవారం స్థానిక రైల్వే అధికారులు తెలిపారు. సికింద్రాబాద్‌ నుంచి సేఫ్టీ రైల్వే అధికారుల బృందం తనిఖీ నిమిత్తం కాజీపేట జంక్షన్‌కు ఉదయం చేరుకుని వివిధ విభాగాలకు వెళ్లి క్షుణ్ణంగా తనిఖీలు చేపట్టనున్నట్లు పేర్కొన్నారు. సేఫ్టీ అధికారుల తనిఖీల సమాచారం తెలియడంతో కాజీపేటలో అన్ని రైల్వే విభాగాలకు చెందిన అధికారులు అప్రమత్తమయ్యారు.

ఖిలా వరంగల్‌ : రైతులు, ఎఫ్‌పీఓలు (రైతు ఉత్పత్తిదారుల సంస్థలు) తమ ఉత్పత్తులకు విలువ జోడించి మెరుగైన మార్కెటింగ్‌ అవకాశాలు పొందేందుకు కామన్‌ ఇంక్యుబేషన్‌ సెంటర్‌ దోహడపడుతుందని మినిస్ట్రీ ఆఫ్‌ ఫుడ్‌ ప్రాసెసింగ్‌ ఇండస్ట్రీస్‌ (ఎంఓఎఫ్‌పీఐ) జాయింట్‌ సెక్రటరీ దేవేష్‌ దివాల్‌ (ఐఏఎస్‌) అన్నారు. ఈ మేరకు సోమవారం వరంగల్‌ ప్రాంతీయ వ్యవసాయ పరిశోధన స్థానం(ఆర్‌ఏఆర్‌ఎస్‌)లో ఏర్పాటు చేసిన కామన్‌ ఇంక్యుబేషన్‌ సెంటర్‌లో పసుపు, మిరప ప్రాసెసింగ్‌ లైన్లను ప్రారంభించారు. ఈ సందర్భంగా సెంటర్‌లో ఏర్పాటు చేసిన యంత్రాల పనితీరు పరిశీలించారు. అనంతరం ఆయన మాట్లాడుతూ .. ఈ సదుపాయాలను విస్తృతంగా వినియోగించుకోవాలని కోరారు. సంచాలకులు డాక్టర్‌ ఎం. బలరాం, వ్యవసాయ పరిశోధన స్థానం వరంగల్‌ సంచాలకులు డాక్టర్‌ ఎం, శ్రీధర్‌, ప్రిన్సిపాల్‌ అగ్రికల్చర్‌ కాలేజీ వరంగల్‌, తెలంగాణ ఫుడ్‌ ప్రాసెసింగ్‌ సొసైటీ డైరెక్టర్‌ సుష్మ, ఎంఓఎఫ్‌పీఐ మేనేజర్‌ రాకేశ్‌, శాస్త్రవేత్త వెంకట రాజ్‌కుమార్‌, తదితరులు పాల్గొన్నారు. మినిస్ట్రీ ఆఫ్‌ ఫుడ్‌ ప్రాసెసింగ్‌ ఇండస్ట్రీస్‌ జాయింట్‌ సెక్రటరీ దేవేష్‌ దివాల్‌

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ప్రజావాణిలో స్వీకరించిన వినతుల పరిష్కారానికి అధికారులు చర్యలు చేపట్టాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో ప్రజల నుంచి వివిధ సమస్యలపై ఆమె అర్జీలు స్వీకరించారు. అర్జీలను సంబంధిత శాఖల అధికారులు పరిశీలించి త్వరగా పరిష్కరించాలని ఆదేశించారు. కలెక్టరేట్‌కు వచ్చిన అర్జీలపై చర్యలు తీసుకోవాలని ఆర్డీఓలు, తహసీల్దార్లను వీడియో కాన్ఫరెన్స్‌లో ఆదేశించారు. కలెక్టరేట్‌తో పాటు హనుమకొండ, పరకాల ఆర్డీఓ కార్యాలయాలు, ఎంపీడీఓ కార్యాలయాల్లో నిర్వహించిన ప్రజావాణి కార్యక్రమాలకు మొత్తం 254 వినతులు అందాయి. కార్యక్రమంలో అదనపు కలెక్టర్‌ ఎన్‌.రవి, జిల్లా రెవెన్యూ అధికారి శ్రీనివాస్‌, డీఆర్డీఓ మేన శ్రీను, ఇతర శాఖల జిల్లా అధికారులు పాల్గొన్నారు. వరంగల్‌ ప్రజావాణికి 248 దరఖాస్తులు:స్వీకరించిన కలెక్టర్‌ సత్యశారద న్యూశాయంపేట: వరంగల్‌ జిల్లా కలెక్టరేట్‌లోని కాన్ఫరెన్స్‌ హాల్‌లో సోమవారం నిర్వహించిన ప్రజావాణికి ఫిర్యాదులు పోటెత్తాయి. మొత్తం 248 మంది తమ సమస్యలను పరిష్కరించాలని వరంగల్‌ కలెక్టర్‌ సత్యశారదకు దరఖాస్తులు అందించారు. ఈసందర్భంగా కలెక్టర్‌ మాట్లాడుతూ ప్రజల నుంచి వచ్చిన ఫిర్యాదులను వెంటనే పరిష్కరించాలని సంబంధిత శాఖ అధికారులకు ఆదేశాలు జారీ చేశారు. రెవెన్యూ శాఖ 90, జీడబ్ల్యూఎంసీ 61, హౌసింగ్‌ 13, డీఆర్డీఓ 24, ఇతర శాఖలకు సంబంధించి 48 దరఖాస్తులు రాగా, ఆయా శాఖల అధికారులకు ఎండార్స్‌ చేశారు. కార్యక్రమంలో అదనపు కలెక్టర్లు ఎల్‌.కిషోర్‌కుమార్‌, వైవీ గణేశ్‌, జెడ్పీ సీఈఓ వసంత, డీఆర్‌ఓ విజయలక్ష్మి, కలెక్టరేట్‌ సూపరింటెండెంట్‌ విశ్వప్రసాద్‌, హౌసింగ్‌ పీడీ విష్ణువర్ధన్‌రెడ్డి, అధికారులు పాల్గొన్నారు. వినతులు కొన్ని ఇలా.. ● ఖిలా వరంగల్‌ మండలం మామునూరు గ్రామ సరిహద్దులోని 0.34 గుంటల వ్యవసాయ భూమికి అక్రమ మ్యుటేషన్‌పై విచారణ జరిపి న్యాయం చేయాలని తిమ్మాపూర్‌కు చెందిన గంగిడి వీరారెడ్డి వినతిపత్రం ఇచ్చారు. ● ఖిలావరంగల్‌ తహసీల్దార్‌ కార్యాలయానికి ప్రభుత్వం తమ ఇంటిని కిరాయికి తీసుకుందని, గత డిసెంబర్‌లో ఖాళీ చేసి ప్రభుత్వ భవనంలోకి మార్చారని, ఖాళీ చేసి తొమ్మిది నెలలైనా ఇంతవరకు కిరాయి ఇవ్వలేదని, అద్దె డబ్బులు ఇప్పించాలని గడ్డం సమ్మయ్య విన్నవించారు.

హన్మకొండ : కాలిపోయిన డిస్ట్రిబ్యూషన్‌ విద్యుత్‌ ట్రాన్స్‌ఫార్మర్ల స్థానంలో కొత్తవి బిగింపులో జాప్యం చేయడంపై టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి ఆగ్రహం వ్యక్తం చేశారు. సోమవారం హనుమకొండలోని టీజీ ఎన్పీడీసీఎల్‌ ప్రధాన కార్యాలయం నుంచి 18 సర్కిళ్ల సూపరింటెండింగ్‌ ఇంజనీర్లు, డీఈలతో వీడియో కాన్ఫరెన్స్‌ నిర్వహించారు. జిల్లా, డివిజన్ల వారీగా ట్రాన్స్‌ఫార్మర్లు కాలిపోవడం, నిర్వహణ, రోలింగ్‌ స్టాక్‌, మరమ్మతులపై సమీక్షించారు. ట్రాక్టర్‌తో పంటలకు నీరందించే పరిస్థితి తీసుకురావడంపై సంబంధిత అధికారుల తీరుపై మండిపడ్డారు. కాలిపోయిన ట్రాన్స్‌ఫార్మర్లను మూడ్రోజుల వరకు మార్చకపోవడంతో తనకు తరచూ కాల్స్‌ వస్తున్నాయని, పత్రికల్లో కథనాలు వస్తున్నాయని ప్రత్యేకంగా కొన్ని జిల్లాల పరిస్థితిపై తీవ్ర అసహనం వ్యక్తం చేసినట్లు సమాచారం. కాలిపోయిన ట్రాన్స్‌ఫార్మర్లను వెంటనే మార్చకుండా, సకాలంలో సమాచారం ఇవ్వకుండా, జాప్యం చేస్తూ విధుల్లో నిర్లక్ష్యం వహిస్తున్న ఏఈలు, సిబ్బందిపై చర్యలు తీసుకోవాలని ఆదేశించారు. ఎల్‌నినో ప్రభావం, పెరుగుతున్న ఉష్ణోగ్రతలు, వేసవి కాలంలో విద్యుత్‌ వినియోగం పెరిగే అవకాశాలను దృష్టిలో ఉంచుకుని ముందస్తు ప్రణాళికతో ముందుకెళ్లాలన్నారు. డైరెక్టర్‌ టి.మధుసూదన్‌, చీఫ్‌ ఇంజనీర్లు తిరుమల్‌ రావు, అశోక్‌, గౌతమ్‌ రెడ్డి, సురేందర్‌, జీఎంలు వాసుదేవ్‌, ప్రభావతి, శ్రీనివాస్‌, విజేందర్‌ రెడ్డి, బాబు రావు పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌ రెడ్డి ట్రాన్స్‌ఫార్మర్ల బిగింపు జాప్యంపై ఆగ్రహం

ఐనవోలు: కొండపర్తిలో మొరం తవ్వకాలు, తరలింపుపై ‘సాక్షి’లో ప్రచురితమవుతున్న వరుస కథనాలకు స్పందనగా అధికారులు క్షేత్రస్థ్ధాయిలో పరిశీలించారు. హనుమకొండ ఆర్డీఓ వెంకటేశ్‌ మైనింగ్‌ జరిగిన ప్రాంతాన్ని సోమవారం పరిశీలించారు. నిబంధనలకు విరుద్ధంగా వేలాది మెట్రిక్‌ టన్నుల మొరం భారీ ఎత్తున తరలిపోయిందని గుర్తించారు. తరలిన మొరానికి ఫైన్‌ విధించాలని తహసీల్దార్‌ విక్రమ్‌కుమార్‌ను ఆదేశించారు. అనంతరం మైనింగ్‌ శాఖ ఆర్‌ఐ కూడా క్షేత్రస్థాయికి వెళ్లి పరిశీలించినట్లు స్థానిక రైతులు తెలిపారు. అధికారులు క్షేత్రస్థాయికి రావడం స్వాగతించదగిన పరిణామమే అయినప్పటికీ.. ఇప్పటి వరకు అసలు ప్రశ్నలకు మాత్రం స్పష్టమైన సమాధానం రాలేదన్న అభిప్రాయాలు వ్యక్తమవుతున్నాయి. ఈ తనిఖీలు క్షేత్రస్థాయిలో అక్రమాలను అరికట్టడానికి కాకుండా కేవలం ప్రజల దృష్టిని మళ్లించేందుకు చేస్తున్న టైంపాస్‌ వ్యవహారమే అన్న విమర్శలు వెల్లువెత్తుతున్నాయి. అధికారుల తీరుతో అనుమానాలు! ‘వందలాది టిప్పర్ల మొరం తరలిపోతుంటే స్థానిక యంత్రాంగం ఇన్నాళ్లు ఎందుకు నిఘా పెట్టలేదు? వేల క్యూబిక్‌ మీటర్ల విలువైన సహజ సంపదను కొల్లగొడితే కేవలం నామమాత్రపు ఫైన్‌ వేసి కేసును ముగించే ప్రయత్నం వెనుక ఆంతర్యం ఏంటి? తవ్వకాలకు ఉపయోగించిన భారీ యంత్రాలు జేసీబీ, ఇటాచీ, టిప్పర్లు ఎవరివి? వాటిని ఎందుకు సీజ్‌ చేయలేదు. మైన్స్‌ అండ్‌ మినరల్స్‌ శాఖ క్రిమినల్‌ కేసులు ఎందుకు నమోదు చేయడం లేదు? క్షేత్రస్థ్ధాయిలో అక్రమంగా మట్టి తరలిందన్న విషయం గుర్తించిన అధికారులు అక్రమార్కులకు ఇబ్బంది కలుగకుండా ఫైన్‌ పేరుతో ఈ దందాను అధికారికంగా సర్దుబాటు చేస్తున్నారా’ అని స్థానికుల నుంచి ప్రశ్నలు వెల్లువెత్తుతున్నాయి. కలెక్టర్‌ నేరుగా మానిటర్‌ చేస్తూ సమగ్ర సర్వే ద్వారా తవ్వకాల పరిమాణాన్ని తేల్చి అసలు సూత్రదారులపై కఠిన చర్యలు తీసుకోవాలని, నిబంధనలకు విరుద్ధంగా అనుమతులు మంజూరు చేసిన అధికారులపై చర్యలు తీసుకోవాలని స్ధానికులు కోరుతున్నారు.

ఖిలా వరంగల్‌ : దుబాయ్‌లోని కెనడియన్‌, పెన్సిల్వేనియా విశ్వవిద్యాలయం ఆధ్వర్యంలో ఈ నెల 2వ తేదీ నుంచి 4వ తేదీ వరకు జరిగిన ఐవీ లీగ్‌ నమూనా ఐక్య రాజ్య సమితి అంతర్జాతీయ సదస్సు–26లో వరంగల్‌కు చెందిన ఎనిమిదో తరగతి విద్యార్థి డి.ఇషాన్‌చంద్ర ప్రతిభ చాటారు. అంతర్జాతీయ సదస్సు–26లో ది హైదరాబాద్‌ పబ్లిక్‌ స్కూల్‌ విద్యార్థి ఇషాన్‌ హాజరై అధికారుల ఎదుట విదేశీ దౌత్యం, చర్చలు, సంప్రదింపులు, నాయకత్వ నైపుణ్యాలు ప్రదర్శించారు. లోతైన పరిశోధన, స్పష్టమైన ఆలోచన, సమగ్ర అవగాహనతో పాటు ఆచరణాత్మక పరిష్కారాలు చూపిన ఇషాన్‌ చంద్రను అభినందిస్తూ ఉత్తమ స్థానపత్రం, పురస్కారం అందజేశారు. ఈమేరకు శనివారం వరంగల్‌ హైదరాబాద్‌ పబ్లిక్‌ స్కూల్‌లో ఇషాన్‌ను హెచ్‌ఎం సరితారెడ్డి, ఉపాధ్యాయులు అంకూష్‌ అభినందించారు.

కాజీపేట అర్బన్‌: తెలంగాణ రిజిస్ట్రేషన్‌ అండ్‌ స్టాంప్స్‌ శాఖ గెజిటెడ్‌ ఆఫీసర్స్‌ అసోసియేషన్‌ అసోసియేట్‌ అధ్యక్షురాలిగా ఉమ్మడి జిల్లా చిట్స్‌ రిజిస్ట్రార్‌ తస్లీమా మహ్మద్‌ను ఏకగ్రీవంగా ఎన్నుకున్నారు. టీజీఓ అధ్యక్షుడు శ్రీనివాస్‌ సోమవారం నియామక పత్రాలను తస్లీమాకు అందించారు. నియామకానికి సహకరించిన టీజీఓ అధికారులు, ఉద్యోగులకు తస్లీమా కృతజ్ఞతలు తెలిపారు. కేయూ క్యాంపస్‌: కేయూలోని విద్యాకళాశాల ప్రిన్సిపాల్‌, విభాగాధిపతి డాక్టర్‌ నల్లాని శ్రీనివాస్‌ను మరో సంవత్సరంపాటు పదవీకాలం పొడిగిస్తూ సోమవారం కేయూ రిజిస్ట్రార్‌ రామచంద్రం ఉత్తర్వులు జారీ చేశారు. తనపై నమ్మకంతో మరో ఏడాది పాటు పదవీకాలం పొడిగించినందుకు ఆయన కేయూ వీసీ ప్రతాప్‌రెడ్డికి, రిజిస్ట్రార్‌ రామచంద్రంకు కృతజ్ఞతలు తెలిపారు. గీసుకొండ: తెలంగాణ రాజీవ్‌ ఆరో గ్య శ్రీ వరంగల్‌ జిల్లా కమిటీని సోమవారం ఎన్నుకున్నారు. రాష్ట్రంలోని 33 జిల్లాల అధ్యక్ష, కార్యదర్శులతో నిర్వహించిన సమావేశంలో నూతన కమిటీలను ఎన్నుకున్నారు. హనుమకొండ జిల్లా అధ్యక్షుడిగా తిరుపతి, వరంగల్‌ జిల్లా అధ్యక్షుడిగా కొండపర్తి శ్రీకాంత్‌, ప్రధాన కార్యదర్శిగా కుమారస్వామి, ఉపాధ్యక్షులుగా మోటి మహేష్‌తో పాటు రాష్ట్ర కమిటీ కార్యవర్గ సభ్యుడిగా నల్లబెల్లి అనిల్‌ ఎన్నికయ్యారు.

హన్మకొండ : కార్మికుల సమస్యల పరిష్కారానికి తెలంగాణ స్టేట్‌ ఎలక్ట్రిసిటీ ఎంప్లాయీస్‌ యూనియన్‌ (టీఎస్‌ఈఈయూ)–327 రాజీలేని పోరాటం చేస్తోందని ఆ యూనియన్‌ రాష్ట్ర సెక్రటరీ జనరల్‌ ఇనగాల శ్రీధర్‌ అన్నారు. సోమవారం హనుమకొండ వడ్డేపల్లి రోడ్‌లోని పల్లా రవీందర్‌ రెడ్డి భవన్‌లో నిర్వహించిన టీఎస్‌ఈఈయూ–327 హనుమకొండ జిల్లా సర్వసభ్య సమావేశంలో ఆయన ముఖ్య అతిథిగా పాల్గొని మాట్లాడారు. రాష్ట్ర వ్యాప్తంగా విద్యుత్‌ సంస్థల్లో పనిచేస్తున్న కార్మికుల సమస్యలపై టీఎస్‌ఈఈయూ–327 ఆధ్వర్యంలో ఎన్నో పోరాటాలు నిర్వహించి విజయం సాధించామని వివరించారు. కార్మికుల సమస్యల పరిష్కారం కోసం అవసరమైతే సమ్మె కూడా వెనకాడేది లేదని హెచ్చరించారు. కార్మికులకు మెరుగైన పీఆర్‌సీని వెంటనే అందించాలని డిమాండ్‌ చేశారు. ఆర్టిజన్‌ కార్మికులకు రెగ్యులర్‌ ఉద్యోగుల మాదిరిగా అన్ని హక్కులు కల్పించేందుకు యాజమాన్యం సుముఖత వ్యక్తం చేసిందన్నారు. యూనియన్‌ ఎన్పీడీసీఎల్‌ అధ్యక్షుడు. పి.మహేందర్‌ రెడ్డి అధ్యక్షతన జరిగిన ఈ సమావేశంలో రాష్ట్ర సీనియర్‌ వర్కింగ్‌ ప్రెసిడెంట్‌ నీలం ఐలేష్‌, కంపెనీ కార్యదర్శి శ్రీనివాస్‌ రావు , వరంగల్‌ జిల్లా అధ్యక్ష, కార్యదర్శులు మచ్చిక బుచ్చయ్య గౌడ్‌, గుండా శ్రీనివాస్‌, నాయకులు జస్వంత్‌ కుమార్‌, సునీల్‌ కుమార్‌, శ్రీనివాస్‌ పాల్గొన్నారు. నూతన కమిటీ ఎన్నిక టీఎస్‌ఈఈయూ–327 హనుమకొండ జిల్లా నూతన కమిటీని ఏకగ్రీవంగా ఎన్నుకున్నారు. అధ్యక్షుడిగా చిట్ల ఓదెలు, కార్యదర్శిగా దొనికల సదయ్య, ట్రెజరర్‌గా జి.పోచాలు, వర్కింగ్‌ ప్రెసిడెంట్లుగా వి.సునీల్‌ కుమార్‌, జె.రమేశ్‌, చీఫ్‌ వైస్‌ ప్రెసిడెంట్‌గా ఎం.శ్రీనివాస్‌, బి.వెంకటేశ్వర్లు, అడిషనల్‌ సెక్రటరీగా కె.సుధాకర్‌, వైస్‌ ప్రెసిడెంట్‌లుగా సయ్యద్‌ బాబా, జి.అశోక్‌, వి.మహేందర్‌, జాయింట్‌ సెక్రటరీగా ఎస్‌.రాజు, మహిళా ప్రతినిధిగా సాయిని సంధ్య, ఆఫీస్‌ సెక్రటరీ, మీడియా సెక్రెటరీగా చింతలపూడి సతీశ్‌ కుమార్‌ ఏకగ్రీవంగా ఎన్నికయ్యారు. టీఎస్‌ఈఈయూ రాష్ట్ర సెక్రటరీ జనరల్‌ ఇనగాల శ్రీధర్‌

హన్మకొండ కల్చరల్‌: భద్రకాళి దేవాలయాన్ని రాష్ట్ర హౌసింగ్‌ బోర్డు వైస్‌ చైర్మన్‌ వీపీ గౌతమ్‌ కుటుంబ సమేతంగా ఆదివారం సాయంత్రం సందర్శించారు. ఈ సందర్భంగా ఈయనకు ఆలయ అర్చకులు ఆలయ మర్యాదలతో స్వాగతించారు. పూజల అనంతరం తీర్థప్రసాదాలు, అమ్మవారి శేషవస్త్రాలు, మహాదాశీర్వచనం అందజేశారు. వరంగల్‌ అర్బన్‌: వరంగల్‌ మహానగర పాలక సంస్థ (జీడబ్ల్యూఎంసీ) ప్రధాన కార్యాలయంలో సోమవారం గ్రీవెన్స్‌ నిర్వహిస్తున్నట్లు కమిషనర్‌ టి.వెంకన్న ఒక ప్రకటనలో తెలిపారు. ఉదయం 11 గంటల నుంచి మధ్యాహ్నం వరకు రాత పూర్వకంగా దరఖాస్తులను అందజేయాలని కోరారు. సమస్యల పరిష్కారానికి గ్రీవెన్స్‌ను సద్వినియోగం చేసుకోవాలని ఆయన సూచించారు. సద్వినియోగం చేసుకోవాలి.. న్యూశాయంపేట: సమస్యల సత్వర పరిష్కారమే ధ్యేయంగా ప్రభుత్వం నిర్వహిస్తున్న గ్రీవెన్స్‌ను ప్రజలు సద్వినియోగం చేసుకోవాలని వరంగల్‌ కలెక్టర్‌ డాక్టర్‌ సత్యశారద ఆదివారం ఒక ప్రకటనలో కోరారు. సోమవారం కలెక్టరేట్‌ కాన్ఫరెన్స్‌ కార్యాలయం, రెవెన్యూ డివిజన్‌ పరిధిలో ఆర్డీఓ కార్యాలయాలు, మండలాల స్థాయిలో ఎంపీడీఓ కార్యాలయాల్లో గ్రీవెన్స్‌ నిర్వహించనున్నట్లు పేర్కొన్నారు. ఉదయం 10 గంటలకు ప్రారంభమయ్యే గ్రీవెన్స్‌కు అన్ని శాఖల అధికారులు సకాలంలో హాజరు కావాలన్నారు. హన్మకొండ: తెలంగాణ స్టేట్‌ ఎలక్ట్రిసిటీ ఎంప్లాయీస్‌ యూనియన్‌–327 హనుమకొండ జిల్లా ప్రాంతీయ సమావేశం సోమవారం జరుగుతుందని ఆ యూనియన్‌ ఎన్పీడీసీఎల్‌ అధ్యక్షుడు పి.మహేందర్‌రెడ్డి తెలిపారు. హనుమకొండ వడ్డేపల్లి రోడ్డులోని పల్లా రవీందర్‌రెడ్డి భవన్‌లో ఉదయం 11 గంటలకు సమావేశం నిర్వహించనున్నట్లు ఆయన ఒక ప్రకటనలో పేర్కొన్నారు. టీఎస్‌ఈఈయూ–327 రాష్ట్ర సెక్రటరీ జనరల్‌ ఇనుగాల శ్రీధర్‌ ముఖ్య అతిథిగా పాల్గొనే ఈ సమావేశానికి యూనియన్‌ సభ్యులు సకాలంలో హాజరు కావాలని మహేందర్‌రెడ్డి కోరారు. మేడారంలో మొక్కుల సందడిఎస్‌ఎస్‌తాడ్వాయి: మండల పరిధిలోని మేడారం సమ్మక్క– సారలమ్మలను దర్శించుకునేందుకు భక్తులు ఆదివారం వేలసంఖ్యలో తరలివచ్చారు. రెండు తెలుగు రాష్ట్రాలతో పాటు ఛత్తీస్‌గఢ్‌, మహారాష్ట్ర ప్రాంతాల నుంచి భక్తులు మేడారానికి ప్రైవేట్‌ వాహనాల్లో తరలివచ్చారు. జంపన్నవాగులో పుణ్యస్నానాలు ఆచరించి అమ్మవార్ల గద్దెల వద్ద పసుపు, కుంకుమ, చీరసారె, కానుకలు, ఎత్తు బంగారం, ఒడిబియ్యం, సమర్పించారు. సంతానం కలగాలని మహిళలు రావి చెట్టు వద్ద ముడుపులు కట్టారు. మొక్కుల అనంతరం భక్తులు మేడారం పరిసరాల ప్రాంతాల్లో విడిది చేసి వంటావార్పు చేసుకుని సహపంక్తి భోజనాలు చేశారు. సుమారుగా 20వేల మంది భక్తులు అమ్మవార్లను దర్శించుకున్నట్లు అధికారులు అంచనా వేశారు. హేమాచల క్షేత్రంలో పూజలుమంగపేట: రెండోయాదగిరి గుట్టగా ప్రసిద్ధిగాంచిన మల్లూరు హేమాచల క్షేత్రం ఆదివారం భగవన్నామస్మరణతో మార్మోగింది. ఆలయంలోని స్వయంభూ స్వామివారిని దర్శించుకుని తిలతైలాభిషేకం పూజలో పాల్గొనేందుకు వందల సంఖ్యలో భక్తులు తరలివచ్చారు. ఆదివారం సెలవు రోజు కావడంతో సుదూర ప్రాంతాల నుంచి భక్తులు వచ్చారు.

సాక్షిప్రతినిధి, వరంగల్‌: యునెస్కో గుర్తింపు పొందిన రామప్ప దేవాలయం, చారిత్రక రామప్ప చెరువుకు సింగరేణి ప్రతిపాదిత ఓపెన్‌కాస్ట్‌ బొగ్గుగనితో పొంచిఉన్న ముప్పుపై పౌరులు, పౌరస్పందన వేదికలు ఆందోళన వ్యక్తం చేస్తున్నాయి. ‘మైనింగ్‌ ఆపండి, రామప్పను కాపాడండి’ నినాదంతో ప్రజా ఉద్యమాలకు శ్రీకారం చుడుతున్నాయి. ఓపెన్‌కాస్ట్‌ బొగ్గుగని వల్ల ముప్పు పొంచి ఉందని, ఆ ప్రాజెక్టును ఉపసంహరించుకోవాలని కేంద్రమంత్రి జి.కిషన్‌రెడ్డిని కలిసి కాకతీయ హెరిటేజ్‌ ట్రస్ట్‌ (కేహెచ్‌టీ) వినతిపత్రం సమర్పించింది. ఈ మేరకు ట్రస్టీ ప్రొఫెసర్‌ ఎం.పాండురంగారావు, వరంగల్‌ నగర మాజీ మేయర్‌ టి.రాజేశ్వర్‌రావు, మండల పరశురాములు తదితరులు ఆదివారం ఒక ప్రకటనలో వివరాలు తెలిపారు. అధికార యంత్రాంగం నో అన్నా.. పీవీఎన్‌ఆర్‌ ఓపెన్‌కాస్ట్‌ ప్రాజెక్టు ఇంకా ప్రతిపాదిత దశలోనే ఉంది. 2021వ సంవత్సరంలో కేంద్ర పర్యావరణ మంత్రిత్వ శాఖకు చెందిన నిపుణుల కమిటీ ప్రాజెక్టుకు టర్మ్స్‌ ఆఫ్‌ రిఫరెన్స్‌ (టీఓఆర్‌) మంజూరుకు సిఫారసు చేసింది. 2026 సెప్టెంబర్‌లో రామప్పపై ప్రభావాన్ని అంచనా వేసేందుకు శాసీ్త్రయ, పర్యావరణ అధ్యయనాలు పూర్తయ్యే వరకు ముందుకు వెళ్లరాదనే అభిప్రాయాన్ని ములుగు జిల్లా యంత్రాంగం వ్యక్తం చేసింది. ఇటీవల పాలంపేట ప్రత్యేక అభివృద్ధి సంస్థ సమావేశంలో కూడా ప్రాజెక్టు ప్రభావంపై సమగ్ర పరిశీలన, శాసీ్త్రయ అధ్యయనాల అవసరాన్ని చర్చించారు. ఆబ్జెక్షన్‌ సర్టిఫికెట్‌ (ఎన్‌ఓసీ)పై తుది నిర్ణయం అన్ని అంశాలను పరిశీలించిన తర్వాతే తీసుకుంటామని కలెక్టర్‌ స్పష్టం చేసినట్లు నివేదికలు వెల్లడించినా సింగరేణి ముందుకు సాగడంపై కేహెచ్‌టీ ఆధ్వర్యంలో కేంద్రమంత్రికి ఫిర్యాదు చేయడం చర్చనీయాంశం అవుతోంది. ములుగు జిల్లా వెంకటాపూర్‌ గ్రామం వద్ద సింగరేణి ప్రతిపాదించిన పీవీ నరసింహారావు ఓపెన్‌కాస్ట్‌ మైన్‌ రామప్ప చెరువు, దేవాలయానికి దిగువ వైపున సుమారు 5 కిలోమీటర్ల దూరంలో ఉందని వినతిపత్రంలో పేర్కొన్నారు. గనిని సుమారు 300 మీటర్ల లోతు వరకు తవ్వే ప్రతిపాదన ఉందని తెలిపారు. పీవీఎన్‌ఆర్‌ ఓపెన్‌కాస్ట్‌ ప్రాజెక్టు రామప్పకు సుమారు 5 కిలోమీటర్ల దూరంలో ఉందని పేర్కొన్న తాజా అధ్యయనాలు కూడా కేంద్ర మంత్రి దృష్టికి తీసుకెళ్లారు. 3 టీఎంసీల నీటిని నిల్వచేసి దాదాపు 30 వేల ఎకరాలకు సాగునీరు అందించే రామప్ప చెరువుకు ముప్పు పొంచి ఉందనని తెలిపారు. చెరువు కింద భాగంలో 300 మీటర్ల లోతైన గని తవ్వితే భూగర్భజలాల ప్రవాహంలో మార్పులు, లీకేజీ వేగం పెరిగే అవకాశం ఉందని, దీనిపై జీఎస్‌ఐ నివేదికలోని పరిశీలనలను ఉటంకించిందని కేహెచ్‌టీ బాధ్యులు కేంద్రం దృష్టికి తీసుకెళ్లారు. బ్లాస్టింగ్‌ వల్ల రామప్ప ఆలయం ఇప్పటికే ఫ్లోర్‌ బీముల్లో పగుళ్లు, డిఫరెన్షియల్‌ సెటిల్‌మెంట్‌ వంటి సమస్యలను ఎదుర్కొంటోందని పేర్కొంది.కేంద్ర మంత్రి కిషన్‌రెడ్డికి కేహెచ్‌టీ వినతిపత్రం ‘రామప్ప’ పరిరక్షణకు ప్రజా ఉద్యమం 5 కిలోమీటర్ల దూరంలో 300 మీటర్ల లోతైన ఓపెన్‌కాస్ట్‌ చెరువుపై ‘హైడ్రాలిక్‌ గ్రేడియంట్‌’ ప్రభావంపై ఆందోళన

● వర్ధన్నపేట ఎమ్మెల్యే కేఆర్‌ నాగరాజు కాశిబుగ్గ: సీఈసీ జ్ఞానేశ్‌కుమార్‌ బీజేపీ ప్రభుత్వానికి అనుకూలంగా వ్యవహరిస్తూ, రాజ్యాంగం కల్పించిన ఓటు హక్కును దెబ్బతీస్తున్నారని వర్ధన్నపేట ఎమ్మెల్యే కేఆర్‌ నాగరాజు అన్నారు. కాంగ్రెస్‌ పార్టీ అధ్యక్షుడు మహ్మద్‌ అయూబ్‌ ఆధ్వర్యంలో ఆదివారం వరంగల్‌ ఎల్‌బీనగర్‌లోని ఓ ఫంక్షన్‌ హాల్‌లో అఖిలపక్ష సమావేశం నిర్వహించారు. ఈ సందర్భంగా వివిధ రాజకీయ పార్టీల నాయకులతో కలిసి ఎన్నికల వ్యవస్థ, ప్రజాస్వామ్య పరిరక్షణకు సంబంధించిన అంశాలపై చర్చించారు. అనంతరం ఎమ్మెల్యే నాగరాజు మాట్లాడుతూ ఎన్నికలు ప్రజాస్వామ్యానికి పునాది వంటివని, ప్రజల ఓటు హక్కును కాపాడాల్సిన ఎన్నికల వ్యవస్థపైనే అనుమానాలు కలిగే పరిస్థితి రావడం బాధాకరమని పేర్కొన్నారు. ఈ నెల 7న వరంగల్‌ పోచమ్మ మైదాన్‌ నుంచి హనుమకొండ అంబేడ్కర్‌ వరకు అఖిలపక్షం ఆధ్వర్యంలో నిర్వహించే ర్యాలీలో ప్రజలు పెద్ద సంఖ్యలో పాల్గొనాలని పిలుపు ఇచ్చారు. డీసీసీ అధ్యక్షుడు అయూబ్‌ మాట్లాడుతూ.. ప్రజాస్వామ్య వ్యవస్థలకు కీలకమైన ఎన్నికల వ్యవస్థపై ప్రజల్లో అనుమానాలు, ఆందోళనలు వ్యక్తమవుతున్న నేపథ్యంలో ఎన్నికల సంఘం తన విశ్వసనీయతను కాపాడుకోవాల్సిన బాధ్యత ఉందన్నారు. సమావేశంలో మేరు సంఘ కార్పొరేషన్‌ చైర్మన్‌ సంఘ వెంకట్రాజం, ఎస్సీ సెల్‌ జిల్లా చైర్మన్‌ చిలువేరు శ్రీనివాస్‌, యూత్‌ కాంగ్రెస్‌ జిల్లా అధ్యక్షుడు కొరవి పరమేశ్‌, సీపీఐ జిల్లా కార్యదర్శి షేక్‌ బాష్‌మియా, రత్నమాల, సయ్యద్‌ ఫైజుల్లా, ఆల్‌ ఇండియా ఫార్వర్డ్‌ బ్లాక్‌ పార్టీ జిల్లా నాయకుడు హకీమ్‌ నవీద్‌ తదితరులు పాల్గొన్నారు.

కాజీపేట అర్బన్‌: హనుమకొండ జిల్లాలోని సీ్త్ర, శిశు సంక్షేమ శాఖ, ఎస్సీ, బీసీ అభివృద్ధి శాఖలో ఇన్‌చార్జ్‌ల పాలన కొనసాగుతోంది. శాఖలో పూర్తిస్థాయిలో అధికారులు లేక అభివృద్ధి కుంటుపడుతోందన్న విమర్శలున్నాయి. తీసుకోవాల్సి న నిర్ణయాల్లో జాప్యం జరుగుతోందని, సిబ్బందిపై పర్యవేక్షణ కొరవడుతోందన్న ఆరోపణలు వెల్లువెత్తుతున్నాయి. ఆయా శాఖల్లో అధికారులు కొందరు ఉద్యోగ విరమణ పొందగా, మరికొందరు బదిలీ అయ్యారు. దీంతో కింది స్థాయి అధికారులకు ఎఫ్‌ఏసీగా, పక్క జిల్లా అధికారులకు ఇన్‌చార్జ్‌లుగా బాధ్యతలు అప్పగిస్తున్నారు. ఎఫ్‌ఏసీ, ఇన్‌చార్జ్‌ బాధ్యతలందుకున్న ఉద్యోగులు అదనపు భారంతో ఇబ్బందులు పడుతున్నట్లు తెలుస్తోంది. ఐదు నెలలుగా ఎస్సీ కార్పొరేషన్‌లో.. ఐదు నెలల క్రితం ఎస్సీ కార్పొరేషన్‌ ఈడీ ఉద్యోగ విరమణ పొందగా.. పక్క జిల్లా ఈడీకి ఇన్‌చార్జ్‌ బాధ్యతలు అప్పగించారు. నాటి నుంచి పూర్తి స్థాయి అధికారిగా పక్క జిల్లాతో పాటు హనుమకొండ జిల్లా ఇన్‌చార్జ్‌గా డ్యూయల్‌ జాబ్‌ రోల్‌ చేస్తున్నారు. ఆరు నెలలుగా బీసీ వెల్ఫేర్‌లో.. జిల్లాలోని బీసీ వెల్ఫేర్‌ అధికారి ఆరు నెలల క్రితం ఉద్యోగ విరమణ పొందగా ఇన్‌చార్జ్‌ బాధ్యతలను అసిస్టెంట్‌ బీసీ వెల్ఫేర్‌ అధికారికి అప్పగించారు. ఇటీవల పూర్తిస్థాయి అధికారి వచ్చినట్టే వచ్చి వారం రోజుల్లోనే ఉద్యోగ విరమణ పొందారు. దీంతో మళ్లీ ఇన్‌చార్జ్‌ పాలనే బీసీ వెల్ఫేర్‌ శాఖలో కొనసాగుతోంది. కుంటుపడుతున్న అభివృద్ధి ఖాళీల భర్తీల్లో గందరగోళంసీ్త్ర, శిశు, వయోవృద్ధుల సంక్షేమ శాఖలో ఈ ఏడాది జనవరిలో జిల్లా అధికారి ఉద్యోగ విరమణ పొందారు. అప్పటి నుంచి సీడీపీఓ ఇన్‌చార్జ్‌గా బాధ్యతలు నిర్వర్తిస్తున్నారు. పూర్తి స్థాయి అధికారి లేక అంగన్వాడీ కేంద్రాల్లో ఖాళీగా ఉన్న 55 టీచర్‌, 160 ఆయాల పోస్టుల భర్తీకి కేవలం 55 మంది టీచర్ల భర్తీకి నోటిఫికేషన్‌ జారీ అయ్యింది. జారీ అయిన నోటిఫికేషన్‌లో రిజర్వేషన్లకు విరుద్ధంగా పోస్టులను కేటాయించారంటూ కలెక్టర్‌కు దమ్మన్నపేట సర్పంచ్‌ వినతిపత్రం అందించడం చర్చనీయాంశంగా మారింది.

ఖిలా వరంగల్‌: చారిత్రాత్మక ప్రదేశం కాకతీయ రాజధానిలో అనేక అద్భుతమైన కట్టడాలు, నిర్మాణాలు భూగర్భంలోనే దాగి ఉన్నాయని, ప్రజలు సహకరిస్తే వాటిని వెలికితీసి టూరిజం స్పాట్‌గా తీర్చిదిద్దుతామని వరంగల్‌ కలెక్టర్‌ డాక్టర్‌ సత్యశారద తెలిపారు. కలెక్టరేట్‌లో కలెక్టర్‌ సత్యశారదను ఉత్సవ కమిటీ అధ్యక్షుడు నాగపూరి సంజయ్‌బాబు, ప్రధాన కార్యదర్శి మేడిది మధుసూదన్‌, కోశాధికారి మండ వెంకన్న, ఉపాధ్యక్షుడు గోనె రాంప్రసాద్‌ ఆదివారం మర్యాద పూర్వకంగా కలిశారు. ఈ సందర్భంగా దసరా ఉత్సవాలను ఘనంగా నిర్వహించాలని, కాకతీయుల కట్టడాలను పరిరక్షించాలని వారు కోరుతూ జ్ఞాపికతోపాటు వినతిపత్రం అందజేశారు. అనంతరం, కలెక్టర్‌ మాట్లాడుతూ ఉర్సు రంగలీల మైదానంలో జరగనున్న సద్దుల బతుకమ్మ, దసరా వేడుకలను మైసూర్‌ ఉత్సవాలను తలదన్నేలా నిర్వహిస్తామని హామీ ఇచ్చారు. కార్యక్రమంలో వెలిదేశి శివమూర్తి, రంజిత్‌, వెంకటేశ్వర్లు, అఖిల్‌గౌడ్‌, అజయ్‌, సంజీవ్‌, అశోక్‌, మహేష్‌, గోవర్ధన్‌, శ్రీను, సంతోష్‌, రాజు, రాజశేఖర్‌, రమేష్‌, మనోహర్‌ పాల్గొన్నారు. ప్రజలు సహకరిస్తే చరిత్రను వెలికితీస్తాం సద్దుల బతుకమ్మ, దసరా ఉత్సవాలను ఘనంగా నిర్వహిస్తాం వరంగల్‌ కలెక్టర్‌ సత్యశారద

హన్మకొండ: వర్షాభావ పరిస్థితుల్లోనూ భూగర్భ జలాలు స్వల్పంగా పెరగడం రైతులకు ఊరటనిస్తోంది. హనుమకొండ జిల్లాలో 36 శాతం లోటు వర్షంపాతం నమోదైనా భూగర్భ జలాలు స్వల్పంగా పెరిగాయి. భూమి ఉపరితలం నుంచి చూస్తే సెప్టెంబర్‌ మాసాంతంలో 5.98 మీటర్ల వద్ద భూగర్భ జలమట్టం ఉంది. భూగర్భ జలమట్టం వివరాలను భూగర్భ జలశాఖ ప్రతినెలా చివరి వారంలో సేకరిస్తుంది. నైరుతి రుతుపవనాలకు ముందు మే మాసాంతంలో జిల్లా సగటు భూగర్భ జలమట్టం 6.17 మీటర్లు. జూన్‌ నాటికి 7.25 మీటర్లు, జూలై నాటికి 7.71 మీటర్లకు భూగర్భ జలమట్టం పడిపోయింది. ఆగస్టు, సెప్టెంబర్‌లలో క్రమంగా భూగర్భ జలమట్టం పెరిగింది. ఆగస్టులో 6.83 మీటర్లకు, సెప్టెంబర్‌ మాసాంతానికి అది 5.98 మీటర్లకు చేరుకుంది. గతేడాది సెప్టెంబర్‌ మాసాంతంలో 3.40 మీటర్ల లోతులోనే భూగర్భ జలాలున్నాయి. గతేడాదితో పోలిస్తే ఈసారి 2.58 మీటర్ల లోతుకు భూగర్భ జలాలు పడిపోయాయి. ఈ ఏడాది జూలై మాసాంతంతో పోలిస్తే సెప్టెంబర్‌ మాసాంతానికి 1.73 మీటర్లు, ఆగస్టుతో పోలిస్తే 0.85 మీటర్లు భూగర్భ జలాలు వృద్ధి చెందాయి. 2,13,435 ఎకరాల్లో పంటల సాగు హనుమకొండ జిల్లాలో అన్ని పంటలు కలిపి గతేడాది వానాకాలంలో 2,27,957 ఎకరాల్లో సాగు చేయగా, ఈ వానాకాలంలో 2,13,435 ఎకరాల్లో సాగైంది. 14,522 ఎకరాలు తక్కువ సాగు చేశారు. ఇందులో వరి గతేడాది 1,45,601 ఎకరాల్లో సాగు చేయగా.. ఈ వానాకాలంలో 1,20,446 ఎకరాల్లో సాగు చేశారు. మొక్కజొన్న గతేడాది 7,080 ఎకరాల్లో సాగు చేయగా ఈ ఏడాది 8,444 ఎకరాలు, పప్పు దినుసులు గతేడాది 395 ఎకరాలు కాగా, ఈ ఏడాది 4,486 ఎకరాలు, నూనె గింజలు గతేడాది 32 ఎకరాలు, ప్రస్తుతం 309 ఎకరాలు, పత్తి గతేడాది 74,849 ఎకరాల్లో సాగు చేయగా ఈ ఏడాది 75,747 ఎకరాల్లో సాగు చేశారు. గతేడాది కంటే వరి 25,155 ఎకరాల్లో తక్కువ సాగైంది. దీంతో భూగర్భ జల వినియోగం కొంత మేర తగ్గింది. దీనికితోడు గతనెల 24, 25 తేదీల్లో మోస్తరు నుంచి భారీ వర్షం కురిసింది. చెరువులు, కుంటల్లోకి స్వల్పంగా నీరు చేరింది. దీంతో భూగర్భ జలాల్లో స్వల్ప పెరుగుదల కనిపించింది.జిల్లాలో ఈనెల 3వ తేదీ వరకు జిల్లాలో సాధారణ వర్షపాతం 824.5 మిల్లీమీటర్లు కాగా, ఇప్పటి వరకు 524.2 మిల్లీమీటర్ల వర్షపాతం నమోదైంది. జిల్లాలో సగటున 36 శాతం లోటు వర్షపాతం నెలకొంది. జిల్లాలోని 14 మండలాల్లో ఒక మండలంలో 50 శాతం లోటు ఉండగా 5 మండలాల్లో 41 నుంచి 49 శాతం లోటు ఉంది. మిగతా మండలాల్లో 17 నుంచి 37 శాతం తక్కువ వర్షపాతం నమోదైంది. నడికూడ మండలం చర్లపల్లిలో అత్యధికంగా 13.32 మీటర్ల లోతులో భూగర్భ జలాలున్నాయి. భీమదేవరపల్లి మండలం వంగరలో 11.60 మీటర్ల లోతులో, హసన్‌పర్తి నాగారంలో 10.82 మీటర్ల లోతులో ఉండగా, ధర్మసాగర్‌లో అత్యంత పైన 1.50 మీటర్ల లోతులో ఉన్నాయి. సెప్టెంబర్‌లో హనుమకొండ జిల్లా సగటు నీటిమట్టం 5.98 మీటర్లు జిల్లాలో లోటు వర్షపాతం నమోదు

● ఏడీఏ ఆదిరెడ్డిఎల్కతుర్తి : ఎల్‌నినో ప్రభావంతో సరైన వర్షాలు లేకపోవడంతో రైతులు ఆరుతడి పంటలపై దృష్టి సారించాలని, ఆరుతడి పంటలతోనే రైతులకు మేలు జరుగుతుందని ఏడీఏ ఆదిరెడ్డి అన్నారు. మండల కేంద్రంలోని రైతు వేదికలో శనివారం రైతునేస్తం కార్యక్రమం నిర్వహించారు. యాసంగిలో సాగు చేసే విత్తనాలను సబ్సిడీపై పంపిణీ చేశారు. ఈ సందర్భంగా ఆయన మాట్లాడుతూ.. ఎల్‌నినో ప్రభావంతో యాసంగి సాగుకు సరిపడా నీరు లేకపోవడం వల్ల రైతులు ఆరుతడి పంటలపై దృష్టి సారించాలన్నారు. సింగిల్‌విండో చైర్మన్‌ ఇంద్రసేనారెడ్డితో కలిసి రైతులకు పెసర, మినుము విత్తనాలు పంపిణీ చేశారు. బావుపేట సర్పంచ్‌ బత్తిని రవీందర్‌, ఏఓ రాజ్‌కుమార్‌, ఏఈఓ పున్నంచందర్‌, తదితర రైతులు పాల్గొన్నారు.

ఐనవోలు : క్రీడలతో మానసికోల్లాసం, క్రమశిక్షణ పెంపొందుతుందని తహసీల్దార్‌ విక్రమ్‌కుమార్‌ అన్నారు. మండల కేంద్రంలోని జెడ్పీహెచ్‌ఎస్‌లో ఎంఈఓ పులి ఆనందం అధ్యక్షతన శనివారం జిల్లాస్థాయి క్రీడా విజేతలకు అభినందన సభ నిర్వహించారు. ఈ సందర్భంగా తహసీల్దార్‌ మాట్లాడుతూ.. మండలానికి జిల్లాస్థాయిలో మంచి గుర్తింపు తీసుకొచ్చిన విద్యార్థులను అభినందించారు. భవిష్యత్‌లో మరిన్ని విజయాలు సాధించాలని ఆకాంక్షించారు. క్రీడాకారుల అభివృద్ధికి తనవంతు సహకారం అందిస్తామన్నారు. అండర్‌–17 బాలుర కబడ్డీ, వాలీబాల్‌, ఖోఖో, అండర్‌–14 బాలుర ఖోఖోలో జిల్లాస్థాయి మొదటి బహుమతులు సా ధించడం అభినందనీయమన్నారు. ఈ కార్యక్రమంలో ఎస్సై అశోక్‌, యోగా అసోసియేషన్‌ జనరల్‌ సెక్రటరి గుగులోతు కిషన్‌నాయక్‌, ఎస్జీఎఫ్‌ మండల ఆర్గనైజింగ్‌ సెక్రటరి సుమలత, పీఈటీలు ౖకైలాష్‌, కిరణ్‌, సందీప్‌, రమేశ్‌, రాజుతో పాటు తదితరులు పాల్గొన్నారు.

భూపాలపల్లి: రేషన్‌ బియ్యం అక్రమ రవాణా చేసే ఓ ముఠాను భూపాలపల్లి పోలీసులు పట్టుకున్నారు. ప్రధాన నిందితుడిని అదుపులోకి తీసుకొని కేసు నమోదు చేశారు. భూపాలపల్లి పట్టణంలోని డీఎస్పీ కార్యాలయంలో శనివారం ఏర్పాటు చేసిన విలేకరుల సమావేశంలో డీఎస్పీ సంపత్‌రావు వివరాలు వెల్లడించారు. ఆయన తెలిపిన వివరాల ప్రకారం.. భూపాలపల్లి పట్టణంలోని సీఆర్‌ నగర్‌కు చెందిన మోటం శ్రీనివాస్‌కు మహారాష్ట్రలోని సిరొంచకు చెందిన రైస్‌మిల్‌ యజమాని వీరయ్య సేటుతో మూడేళ్ల క్రితం పరిచయం ఏర్పడింది. వీరిద్దరూ కలిసి రేషన్‌ బియ్యాన్ని అక్రమంగా రవాణా చేయాలని అనుకున్నారు. మూడు నెలల క్రితం భూపాలపల్లి జిల్లాతో పాటు ఇతర ప్రాంతాల్లో ఏజెంట్లను నియమించారు. సదరు ఏజెంట్లు తక్కువ ధరకు రేషన్‌కార్డు లబ్ధిదారులనుంచి బియ్యాన్ని కొనుగోలు చేసి సిరొంచలోని వీరయ్య సేటు రైస్‌మిల్లుకు తరలించి విక్రయించారు. ఇందుకు గాను ఏజెంట్ల బ్యాంకు ఖాతాల్లో అతను డబ్బు చేస్తాడు. ఈ దందాకు మోటం శ్రీనివాస్‌ పూర్తిస్థాయిలో అన్ని విధాలుగా సహకరిస్తున్నందుకు గాను సదరు ఏజెంట్లు తమకు వచ్చిన డబ్బులో నుంచి 10 శాతం కమీషన్‌ ఇస్తున్నారు. జూన్‌, జూలై, ఆగస్టు నెలల్లో సుమారు 3,400 క్వింటాళ్ల పీడీఎస్‌ బియ్యాన్ని కొనుగోలు చేసినట్లు తమ విచారణలో వెల్లడైనట్లు డీఎస్పీ తెలిపారు. మోటం శ్రీనివాస్‌ను అదుపులోకి తీసుకొని కేసు నమోదు చేశామన్నారు. ఏజెంట్లుగా వ్యవహరించిన బొమ్మ గణపతి (కాటారం), బంధం గౌరయ్య (కాటారం), బొమ్మ లక్ష్మిమనోహర్‌రెడ్డి (కాటారం), సుగ్గాల జనార్దన్‌రావు (మణుగూరు), గోండా లలిత (హనుమకొండ), రవి (కొత్తగూడెం), బుర్ర చక్రపాణి (మణుగూరు), రావుల శ్రీనివాస్‌ (మణుగూరు), గోకినపల్లి బేబీ(అశ్వాపురం), భూపాలపల్లికి చెందిన వారణాసి శ్రీనివాస్‌, హేమ నాగేంద్ర, నీలుగొండ రమేశ్‌, పవనపు రాజు, టేకం రాజబాబుపై కేసు నమోదు చేసినట్లు వివరించారు. త్వరలోనే వీరిని కూడా అరెస్ట్‌ చేస్తామని వెల్లడించారు. సీఐ శ్రీనివాస్‌, ఎస్సైలు,పోలీస్‌ సిబ్బంది తది తరులు పాల్గొన్నారు. ● ప్రధాన నిందితుడి అరెస్ట్‌ ● మరో 14 మంది ఏజెంట్లపై కేసు నమోదు

టీపీటీఎఫ్‌ రాష్ట్ర కార్యదర్శి రమేశ్‌కమలాపూర్‌ : రాష్ట్ర ప్రభుత్వం ఉద్యోగులకు ఇచ్చిన హామీ మేరకు పీఆర్సీ రిపోర్టు తెప్పించుకుని ిఫిట్‌మెంట్‌ ప్రకటించి అమలు చేయాలని టీపీటీఎఫ్‌ రాష్ట్ర కార్యదర్శి రావుల రమేశ్‌, జిల్లా అధ్యక్షుడు బత్తిని శ్రీరామంజనేయులు ప్రభుత్వాన్ని డిమాండ్‌ చేశారు. తెలంగాణ ప్రోగ్రెసివ్‌ టీచర్స్‌ ఫెడరేషన్‌ (టీపీటీఎఫ్‌) మండల సర్వసభ్య సమావేశం మండల అధ్యక్షుడు ఉజ్జేతుల రాజు అధ్యక్షతన మండల కేంద్రంలోని బాలికల ఉన్నత పాఠశాలలో శనివారం జరిగింది. ఈ సమావేశానికి ఆయన హాజరై మాట్లాడారు. సీపీఎస్‌ విధానాన్ని రద్దు చేసి పాత పెన్షన్‌ విధానాన్ని అమలు చేయాలని కోరారు. ప్రాథమిక పాఠశాలల్లో 60 మంది విద్యార్థులకు ఇద్దరు ఉపాధ్యాయులు ఉండాలనే ప్రభుత్వ ఉత్తర్వు 25ను వెంటనే సవరించి ప్రతీ ప్రాథమిక పాఠశాలలో తరగతికి ఒక ఉపాధ్యాయుడిని కేటాయించి, ప్రతి తరగతికి ఒక గదిని నిర్మించి, పాఠశాలల్లో మౌలిక వసతులు కల్పించాలని డిమాండ్‌ చేశారు. ఉపాధ్యాయులకు పాఠశాల పని వేళల్లో వివిధ రకాల శిక్షణలు, ఆన్‌లైన్‌ యాప్‌ పనులు, బోధనేతర పనులు అప్పగిస్తుండటంతో ఉపాధ్యాయులు బోధనకు దూరం అవుతున్నారని, దీంతో విద్యార్థుల్లో విద్యా నాణ్యత లోపిస్తోందన్నారు. ఖాళీగా ఉన్న మండల విద్యాధికారులు, జిల్లా ఉప విద్యాధికారుల పోస్టులను భర్తీ చేయాలని డిమాండ్‌ చేశారు. రాష్ట్ర కౌన్సిలర్‌ ముత్యాల రఘుపతి, మండల ప్రధాన కార్యదర్శి భాస్కర్‌, జిల్లా ఉపాధ్యక్షుడు లక్ష్మయ్య, కార్యదర్శి రమేశ్‌, శ్రీరాములు, మోహన్‌, హరీశ్‌తో పాటు తదితరులు పాల్గొన్నారు.

కమలాపూర్‌ : మత్తు పదార్థాలకు యువత దూరంగా ఉండాలని ఇన్‌స్పెక్టర్‌ పులిగిల్ల నవీన్‌ సూచించారు. మండలంలోని అంబాలలో శనివారం రాత్రి జాగృతి పోలీస్‌ కళాబృందం ఆధ్వర్యంలో కళాజాత నిర్వహించారు. ఇన్‌స్పెక్టర్‌ మాట్లాడుతూ.. యువత మత్తుకు బానిసై అనేక నేరాలకు పాల్పడుతున్నారన్నారు. మత్తు పదార్థాల విక్రయం, వినియోగంపై సమాచారం తెలిస్తే 1908 ద్వారా ట్రోల్‌ఫ్రీ నంబరుకు ఫోన్‌ చేసి చెప్పాలని కోరారు. జాగృతి కళాకారులు ఆటపాటలు, నాటికల ద్వారా రోడ్డు ప్రమాదాలు, బాల్య వివాహాలు, బాల కార్మిక వ్యవస్థ నిర్మూలన, డయల్‌ 112, సీసీ కెమెరాల ప్రాముఖ్యత, వృద్ధాప్యంలో ఉన్న తల్లిదండ్రులను కంటికి రెప్పలా కాపాడుకోవడం, సైబర్‌ నేరాలకు గురైనప్పడు వెంటనే 1930కు సమాచారం ఇవ్వడం, తదితర సామాజిక అంశాలపై అవగాహన కల్పించారు. ఎస్సై మధు, సర్పంచ్‌ కుమారస్వామి, జాగృతి కళాబృందం ఇన్‌చార్జ్‌, మహిళా ఏఎస్సై నాగమణి, హెడ్‌ కానిస్టేబుల్స్‌ విలియం, వెంకటేశ్వర్లు, కానిస్టేబుల్‌ పూల్‌సింగ్‌, హోంగార్డ్స్‌ శ్రీనివాస్‌, విక్రమ్‌, రాజు, చిరంజీవి తదితరులు పాల్గొన్నారు. ఎస్సీ వర్గీకరణను రద్దు చేయాలిఆత్మకూరు : ఎస్సీ వర్గీకరణను వెంటనే రద్దు చేయాలని జాతీయ మాల మహానాడు రాష్ట్ర అధికార ప్రతినిధి తుప్పరి నర్సింహస్వామి ప్రభుత్వాన్ని డిమాండ్‌ చేశారు. ఎస్సీ వర్గీకరణలో రోస్టర్‌ సవరణ సాధనకై నేడు (ఆదివారం) హైదరాబాద్‌లోని ఉస్మానియా యూనివర్సిటీలో జరగనున్న మహాసభను జయప్రదం చేయాలని కోరుతూ మండలంలోని నీరుకుళ్లలో శనివారం వాల్‌పోస్టర్‌ ఆవిష్కరించారు. మాలలకు ప్రభుత్వ ఉద్యోగాల్లో న్యాయం చేయాలన్నారు. సభకు మాలలు అధిక సంఖ్యలో తరలి రావాలని పిలుపునిచ్చారు. జిల్లా నాయకులు ప్రభాకర్‌, లక్ష్మీనారాయణ, శ్రీనివాస్‌, రవికుమార్‌, లక్ష్మణమూర్తి పాల్గొన్నారు. ఎంపీడీఓ కార్యాలయంలోనే ప్రజావాణి వేలేరు : మండలస్థాయి ప్రజావాణి కార్యక్రమాన్ని ఎంపీడీఓ కార్యాలయంలోనే నిర్వహించనున్నట్లు ఎంపీడీఓ కిషన్‌ నాయక్‌ శనివారం ఒక ప్రకనలో తెలిపారు. ప్రజావాణి కార్యక్రమం ప్రారంభమైనప్పటి నుంచి రైతువేదికలో నిర్వహిస్తున్నామని, పరిపాలన సౌలభ్యం కోసం 5వ తేదీ (సోమవారం) ఉదయం 10 గంటల నుంచి 1 గంట వరకు ఎంపీడీఓ కార్యాలయంలోనే నిర్వహించనున్నట్లు పేర్కొన్నారు. ప్రజలు గమనించాలని కోరారు. ‘ఎవరినీ బెదిరించలేదు’ శాయంపేట : భూమి విషయంలో ఎవరిని బెదిరించలేదని కొత్తగుట్ట సింగారం గ్రామానికి చెందిన పోలెపల్లి శ్రీనివాస్‌రెడ్డి తెలిపారు. శనివారం ఆయన విలేకరులతో మాట్లాడారు. తాను ఎవరి భూమిని ఆక్రమించుకోలేదని, తనపై కర్రు లక్ష్మీ చేస్తున్న ఆరోపనలు అవాస్తమన్నారు. సర్వే నంబర్‌ 111కు బదులుగా సర్వే నంబర్‌ 113లో భూమి రిజిస్ట్రేషన్‌ అయ్యిందని, 113ను సరిచేస్తే భూమిని వారికి అప్పగించేందుకు తాను సిద్ధంగా ఉన్నానని అన్నారు. లక్ష్మి, వారి కుటుంబ సభ్యులు పెట్టే ఇబ్బందులు భరించలేక గతంలో రెండెకరాల భూమిని కూడా విక్రయించానని చెప్పారు. తన భూమిలో సాగవుతున్న పంటను ధ్వంసం చేసి ఆ స్థలాన్ని గుడి నిర్మాణానికి ఇచ్చే ప్రయత్నం చేస్తున్నారని ఆరోపించారు. అధికారులు వాస్తవాలను పరిశీలించి న్యాయం చేయాలని వేడుకున్నారు. నీట్‌ పీజీలో ఉత్తమ ర్యాంక్‌ పరకాల : నీట్‌ పీజీలో పరకాల పట్టణానికి చెందిన విద్యార్థిని ఆరెపల్లి పావన సుధ 6600 జాతీయ ఉత్తమ ర్యాంక్‌ సాధించింది. ప్రభు త్వ ఉపాధ్యాయుడు ఆరెపల్లి సుధాకర్‌–పద్మల కుమార్తె పావన సుధ ప్రభుత్వ మెడికల్‌ కళాశాల నిజమాబాద్‌లో ఎంబీబీఎస్‌లో చేరి వివిధ పోటీల్లో 6 పతకాలు సాధించింది. ప్రస్తుతం ప్రకటించిన నీట్‌ పీజీలో 6600 నేషనల్‌ ర్యాంక్‌ సాధించడంతో పలువురు అభినందించారు.

ఎవరో రావాలి.. పనులు చేయాలని చూడకుండా మండలంలోని ఆటో డ్రైవర్లు సొంత ఖర్చుతో రోడ్డు మరమ్మతులు చేపట్టారు. మండలంలోని మాందారిపేట నుంచి శాయంపేట వెళ్లే రోడ్డుపై భారీ గుంతలు ఏర్పడి ప్రయాణికులు, వాహనదారులు ఇబ్బందులు పడుతున్నారు. ప్రమాదాలకు గురైన సందర్భాలు ఉన్నాయి. దీంతో ఆటో డ్రైవర్లు కొమ్ముల సంతోష్‌, ఎండి రఫీక్‌, నిమ్మల రాజ్‌ కుమార్‌ సొంత ఖర్చుతో సిమెంట్‌, ఇసుక కొనుగోలు చేసి గుంతలను పూడ్చారు. ఆటో డ్రైవర్లను తోటి వాహనదారులు, ప్రయాణికులు అభినందించారు. – శాయంపేట

● పట్టించుకోని అధికారులు వేలేరు : మండలంలోని పీచర మహిళా సంఘం భవనం నిర్వహణ లోపంతో అధ్వాన్నంగా మారింది. భవనం చుట్టూ పిచ్చిమొక్కలు, కంపచెట్లు ఏపుగా పెరిగి చెత్తాచెదారంతో పరిసరాలు అపరిశుభ్రంగా తయారయ్యింది. దీంతో మహిళా సంఘం భవనంలో సమావేశాలకు హాజరయ్యే మహిళలు తీవ్ర ఇబ్బందులు పడుతున్నారు. పిచ్చిమొక్కలు, కంపచెట్లతో భవనం కనిపించకుండా ఉందని, భవనంలో సమావేశాలు జరిగే సమయంలో విషపురుగులు, పాములు సంచరించే ప్రమాదం ఉందని మహిళలు భయాందోళన చెందుతున్నారు. మహిళా సంఘాల కార్యకలాపాలకు వినియోగించాల్సిన ఈ భవనం నిర్వహణ లోపంతో పిచ్చిమొక్కల నడుమ కనిపిస్తుండటంపై మహిళలు అసంతృప్తి వ్యక్తం చేస్తున్నారు. సంబంధిత అధికారులు స్పందించి మహిళా సంఘం భవనం చుట్టూ ఉన్న కంపచెట్లు, పిచ్చిమొక్కలు తొలగించి శుభ్రం చేయాలని మహిళలు, తదితరులు కోరుతున్నారు.

ధర్మసాగర్‌ : సిబ్బందితో కలిసి భోజనం చేస్తున్న సర్పంచ్‌ రేణుకMýSÐ]l$Ìêç³NÆŠḥ: Ð]l¬Æý‡$-VýS$-M>ÌSÓ Ô¶æ${¿ýæ… ^ólçÜ$¢¯]l² HG…ïÜ O^ðlÆŠ‡ ç³Æý‡Þ¯ŒS Æý‡n*±ÞÆý‡-Ò…-§ýlÆŠ‡, ● ఏఎంసీ చైర్‌ పర్సన్‌ ఝాన్సీరవీందర్‌ కమలాపూర్‌ : పరిసరాల పరిశుభ్రతతో పాటు మన ఊరి శుభ్రత మన అందరి బాధ్యత అని ఏఎంసీ చైర్‌ పర్సన్‌ తౌటం ఝాన్సీరవీందర్‌ అన్నారు. కమలాపూర్‌ గ్రామ పంచాయతీ పాలకవర్గం ఆధ్వర్యంలో ప్రతి శనివారం నిర్వహించే ఊరి కోసం ఒక్క రోజు శ్రమదానం కార్యక్రమంలో ఆమె పాల్గొన్నారు. ఈ సందర్భంగా మండల కేంద్రంలోని ఎస్సీ కాలనీ 14వ వార్డులో సర్పంచ్‌ పబ్బు సతీశ్‌, పాలకవర్గ సభ్యులు, గ్రామస్తులు, పారిశుద్ధ్య కార్మికులతో కలిసి శ్రమదానం చేసి మురుగు కాల్వలు శుభ్రం చేసి రోడ్లు ఊడ్చి వీధుల్లో పేరుకుపోయిన చెత్తాచెదారాన్ని తొలగించారు. అనంతరం ఆమె మాట్లాడుతూ.. గ్రామం అపరిశుభ్రంగా ఉంటే దోమల వ్యాప్తి పెరిగి రోగాల బారిన పడాల్సి వస్తుందని, స్వచ్ఛ కమలాపూర్‌ లక్ష్యంగా శ్రమదానంతో ఇళ్ల పరిసరాలను, గ్రామాన్ని ఎప్పటికప్పుడు పరిశుభ్రంగా మార్చుకుంటే గ్రామం బాగుపడటంతో పాటు అందరం ఆరోగ్యంగా ఉంటామన్నారు. స్వచ్ఛంద సంస్థలు, యువత, అన్ని వర్గాల ప్రజలు స్వచ్ఛందంగా ముందుకొచ్చి శ్రమదానంలో భాగస్వాములు కావాలని పిలుపునిచ్చారు. మాజీ ఎంపీపీ మాట్ల రమేశ్‌, వార్డు సభ్యులు, నాయకులు ఐలయ్య, శ్రీనివాస్‌, తిరుపతి, మల్లారెడ్డి, రాజయ్య, భిక్షపతి, రాజవీరు, ఐలయ్య, దేవయ్య, అంబేడ్కర్‌ విజ్ఞాన కేంద్రం సభ్యులు, గరుడ గణపతి భజన మండలి సభ్యులతో పాటు తదితరులు పాల్గొన్నారు. ధర్మసాగర్‌ : స్థానిక కస్తూర్బాలో శనివారం గ్రామ పంచాయతీ సిబ్బంది పారిశుద్ధ్య పనులు చేపట్టారు. సర్పంచ్‌ గుంటిపల్లి రేణుక, ఉప సర్పంచ్‌ తాళ్లపల్లి కుమారస్వామిగౌడ్‌, పంచాయతీ కార్యదర్శి సురేశ్‌, తదితరులు పాఠశాల పరిసరాలను పరిశీలించారు. అనంతరం సిబ్బందితో కలిసి పారిశుద్ధ్య పనుల్లో భాగస్వాములయ్యారు. అనంతరం సిబ్బందితో కలిసి భోజనం చేశారు.

ఐనవోలు : కొండపర్తి గ్రామం సర్వేనంబర్‌ 1279/2లో గ్రావెల్‌ తవ్వకం తరలింపులో సాక్షి ప్రచురించిన వరుస కథనాలపై గనులు, భూగర్భ వనరుల శాఖ ఇచ్చిన వివరణలో పలు కీలక అంశాలపై స్పష్టత కరువైందనే ప్రశ్నలు ఉత్పన్నమవుతున్నాయి. శాఖ సమర్పించిన దరఖాస్తు, రెవెన్యూ నివేదిక, క్షేత్రస్థాయి పరిశీలన, డీమార్కేషన్‌, పరిమాణం అంచనా, ఆన్‌లైన్‌ పర్మిట్‌ వివరాలను పరిశీలిస్తే విస్తీర్ణం, పరిమాణం, భూమి స్వభావం, అనుమతి ఆధారం వంటి అంశాలపై మరింత వివరణ అవసరంగా కనిపిస్తోంది. మైనింగ్‌ పర్మిట్‌ జారీ చేసే అఽధికారం ఆ శాఖకు ఉన్నప్పటికీ, సదరు భూమి ఏ కేటగిరికి చెందినది, దానికి వర్తించే రెవెన్యూ నిబంధనలు ఏమిటీ, ఎన్‌ఓసీ ఏ ప్రాతిపదికన జారీ చేశారనే విషయాల్లో పూర్తి స్పష్టత రావాల్సి ఉంది. దరఖాస్తు 0.152 హెక్టార్లు.. డీ మార్కేషన్‌ 0.105 హెక్టార్లే! సర్వేనంబర్‌ 1279/2లో గ్రావెల్‌ కోసం ఓ వ్యక్తి సమర్పించిన ఆన్‌లైన్‌ దరఖాస్తులో విస్తీర్ణం 0.152 హెక్టార్లు కాగా, గ్రావెల్‌ పరిమాణాన్ని 2000 మెట్రిక్‌ టన్నులుగా పేర్కొన్నారు. క్షేత్రస్థాయి పరిశీలన తర్వాత కేవలం 0.105 హెక్టార్ల ప్రాంతాన్ని మాత్రమే డీమార్క్‌ చేసినట్లు నివేదికలో వెల్లడించింది. అంటే 0.047 హెక్టార్లు కుదించినట్లు నివేదిక స్పష్టం చేస్తుండగా.. ఆ భూమి ఏ దిక్కున ఉంది? దాని సరిహద్దులు ఏంటి? క్షేత్రస్థాయి కొలతలు ప్రశ్నార్థకంగా మారాయి. అదేవిధంగా 0.5 మీటర్ల సగటు ఎత్తు ఎలా నిర్దారించారో..? 525 క్యూబిక్‌ మీటర్లు 788 మెట్రిక్‌ టన్నుల గ్రావెల్‌ ఉన్నట్లు నివేదికలో తెలిపినప్పటికీ అందుకు సంబంధించి లెవల్‌ సర్వే ఏమైనా నిర్వహించారా అధికారులు స్పష్టత ఇవ్వడం లేదు. మైనింగ్‌ శాఖ 0.105 హెక్టార్లకు డీమార్కేషన్‌ చేశామని స్పష్టంగా చెబుతుండగా చివరకు జారీ చేసిన ఆన్‌లైన్‌ పర్మిట్‌లో పూర్తి విస్తీర్ణం 0.152 ఎందుకు సూచిస్తుంది, ఆ నిర్ధిష్ట సరిహద్దులను పర్మిట్‌లో ఎందుకు ప్రస్తావించలేదన్న ప్రశ్నకు సమాధానం కరువైంది. రెవెన్యూ నివేదికలో భూమి స్వభావం.. మైనింగ్‌ అనుమతికి ఆధారం ఏమిటి? సర్వేనంబర్‌ 1279/2 సంబంధించి తహసీల్దార్‌ జారీ చేసిన ఎన్‌ఓసీ నివేదికలో అది ప్రభుత్వ అసెన్డ్‌ భూమి అని స్పష్టంగా నమోదై ఉంది. రెవెన్యూ నివేదిక ఆధారంగానే తాము అనుమతి ఇచ్చామని మైనింగ్‌ శాఖ చెబుతోంది. అసైన్డ్‌ ల్యాండ్‌కు ఏ నిబంధనల ప్రకారం ఎన్‌ఓసీ జారీ చేశారు? అసైన్డ్‌ భూములకు ప్రత్యేకంగా వర్తించే ఏ చట్టపరమైన ప్రొవిజన్‌ ఆధారంగా మైనింగ్‌ అనుమతి మంజూరు చేశారన్నది ఆ శాఖలు నిరూపించాల్సి ఉంది. రూ.20స్టాంప్‌ పేపర్‌ ఒప్పందం ఎంతవరకు చెల్లుబాటు? భూమి ఎత్తుపల్లాలుగా ఉన్నందున చదును చేసుకునేందుకు పట్టాదారుడు రూ.20 స్టాంప్‌ పేపర్‌పై అంగీకారం ఇచ్చినట్లు శాఖ వివరణలో పేర్కొంది. వ్యక్తిగత అంగీకార పత్రం ఉండడం ఒక అంశమైతే, అది రెవెన్యూ రికార్డులోని భూమి వర్గీకరణను మారుస్తుందా? మైనింగ్‌ హక్కును థర్డ్‌పార్టీకి బదలాయించే అధికారాన్ని కల్పిస్తుందా? అనే ప్రశ్నలకు అఽధికారులు సమాధానం చెప్పాల్సి ఉంది. వ్యవసాయం చేయడానికి అనువుగా లేదని దరఖాస్తు దారుడు దరఖాస్తులో పేర్కొనగా సంబంధిత వ్యవసాయ శాఖ అలాంటి నివేదిక ఏమైనా ఇచ్చిందా? రెండు టీపీ నంబర్లు మైనింగ్‌ శాఖ వెల్లడించిన వివరాల్లో ఆన్‌లైన్‌ దరఖాస్తు రశీదులో టీపీ14110046 అని ఉండగా, పర్మి ట్‌ వివరాల పేజీలో టీపీ14110026 అని నమోదై ఉంది. ఈ రెండింటిలోనూ ఒకే వ్యక్తి పేరు ఉన్నప్పటికీ రెండు నంబర్లకు ఉన్న సాంకేతిక సంబంధాన్ని మైనింగ్‌ శాఖ అధికారికంగా వెల్లడించాల్సి ఉంది. ప్రభుత్వ పనికి అనుమతి.. గ్రావెల్‌ ఎక్కడికి వెళ్లింది? వర్ధన్నపేట నియోజకవర్గ కేంద్రంలోని కోనారెడ్డి చెరువు మరమ్మత్తు పనుల కోసం గ్రావెల్‌ వినియోగిస్తున్నట్లు రికార్డుల్లో పేర్కొన్నారు. అలాంటప్పుడు అనుమతించిన 788 ఎంటీలో వాస్తవంగా ఎంత పరిమాణం తవ్వారు? ఎన్ని ట్రాన్సిట్‌ పాస్‌లు జారీ అయ్యాయి? ప్రభుత్వ పనులకే చేరిందా లేక ఇతర ప్రాంతాలకు తరలించారా? అనే వాస్తవాలు వెలుగు చూడాలంటే ట్రాన్సిట్‌ పాస్‌లు, వాహనాల వివరాలు, డెస్టినేషన్‌ రికార్డులు సంబంధిత వర్క్‌ ఆర్డర్‌, రిసీవింగ్‌ అథారిటీ రికార్డులను కూడా పారదర్శకంగా బయటపెట్టాలి. గత సోమవారం పెద్ద ఎత్తున సుమారు 20 టిప్పర్ల ద్వారా మొరం గ్రామం నుంచి తరలివెళ్తుంటే స్థానిక సర్పంచ్‌ వాహనాలను ఆపి ట్రాన్సిట్‌ పాస్‌లు అడిగితే చూపించలేదు. దీనిపై పోలీస్‌శాఖ, రెవెన్యూశాఖ ఏమైనా కేసులు నమోదు చేశారా? తెలియాల్సి ఉంది. 0.152 హెక్టార్ల దరఖాస్తు.. 0.105 హెక్టార్లకే డీమార్కేషన్‌ భూమి స్వభావం, అనుమతి విస్తీర్ణం, ఒకే ఫైలుకు రెండు టీపీ ఐడీలు ప్రభుత్వ ప్రాజెక్టు పేరు చెప్పి అక్రమ రవాణా జరిగిందా?

హన్మకొండ అర్బన్‌: ప్రతిఒక్కరూ చట్టాలపై అవగాహన కలిగి ఉండాలని సఖి లీగల్‌ అడ్వైజర్‌ శ్రీదేవి, సూపర్‌వైజర్‌ ఝాన్సీ అన్నారు. సఖి వన్‌స్టాప్‌ సెంటర్‌, సర్వోదయ యూత్‌ ఆర్గనైజేషన్‌, మహిళా శిశు సంక్షేమ శాఖ ఆధ్వర్యంలో జూలైవాడలో శనివారం నిర్వహించిన అవగాహన సదస్సులో వారు మాట్లాడారు. సఖి సెంటర్‌ ద్వారా బాధిత మహిళలకు ఐదు రకాల సేవలు అందిస్తున్నట్లు తెలిపారు. ఉచిత కౌన్సెలింగ్‌, న్యాయం, వైద్యం, పోలీస్‌ సహాయం, తాత్కాలిక వసతి కల్పించనున్నట్లు వివరించారు. సఖి కేంద్రం 24 గంటల పాటు పనిచేస్తుందని తెలిపారు. సమస్యలు ఎదుర్కొంటున్న మహిళలు 181 మహిళా హెల్ప్‌లైన్‌, 1098 చైల్డ్‌లైన్‌, 0870 – 2452112, 73829 83088 నంబర్లకు ఫోన్‌ చేసి సహాయం పొందవచ్చని తెలిపారు. అనంతరం, సఖి సేవల కరపత్రాలను ఆవిష్కరించారు. సదస్సులో కేస్‌ వర్కర్‌ అనూష, స్థానిక మహిళలు పాల్గొన్నారు.

కాజీపేట రూరల్‌: కాజీపేట రైల్వే క్యారియజ్‌ అండ్‌ వ్యాగన్‌ (సీడబ్ల్యూ) డిపో సీనియర్‌ సెక్షన్‌ ఇంజనీర్‌గా పనిచేస్తున్న బి.రాంబాబును రైల్వే అధికారులు, కార్మికులు శనివారం సన్మానించారు. రాంబాబుకు సికింద్రాబాద్‌ కోచింగ్‌ డిపో ఆఫీసర్‌ (సీడీఓ)గా పదోన్నతి కల్పిస్తూ సికింద్రాబాద్‌ రైల్వే అధికారులు బదిలీ చేస్తూ ఉత్తర్వులు జారీ చేశారు. ఈమేరకు రాంబాబును సన్మానించి ఆయన సేవలను పలువురు కొనియాడారు. కార్యక్రమంలో కాజీపేట స్టేషన్‌ మేనేజర్‌ అగ్గి రవీందర్‌, ఎస్‌ఎస్‌ఈ తుమ్మ రాజ్‌కుమార్‌రెడ్డి, డోర్నకల్‌ ఎస్‌ఎస్‌ఈ బాబు, రామగుండం ఎస్‌ఎస్‌ఈ కొర్ర పాండ్‌, ఎస్‌ఎస్‌ఈ యమునాకర్‌రెడ్డి, కాజీపేట సీసీఐ రాజ్‌గోపాల్‌, అన్ని విభాగాల సూపర్‌వైజర్లు పాల్గొన్నారు.

కేయూ క్యాంపస్‌ : కాకతీయ యూనివర్సిటీ పరిధిలో దూరవిద్య డిగ్రీ సెమిస్టర్‌ పరీక్షల్లో విద్యార్థులు కాపీయింగ్‌కు పాల్పడ్డారు. రెండు పరీక్షా కేంద్రాల్లో కలిపి మొత్తం 28 మంది పట్టుబడగా డీబార్‌ చేశారు. శనివారం దూరవిద్యా కేంద్రంలో డిగ్రీ రెండో సెమిస్టర్‌ పరీక్షలు జరుగుతుండగా కేయూ పరీక్షల నియంత్రణాధికారి ప్రొఫెసర్‌ కె.రాజేందర్‌, అదనపు పరీక్షల నియంత్రణాధికారి డాక్టర్‌ పద్మజా సందర్శించి తనిఖీ చేశారు. కాపీయింగ్‌ చేస్తు 26 మంది విద్యార్థులు పట్టుబడగా డీబార్‌ చేసినట్లు రాజేందర్‌ తెలిపారు. అనంతరం పరీక్షల విభాగం అధికారులు హనుమకొండలోని ఓ ప్రైవేట్‌ డిగ్రీ కళాశాల పరీక్షా కేంద్రానికి వెళ్లారు. అక్కడ కాపీయింగ్‌ చేస్తున్న ఇద్దరిని పట్టుకోని డీబార్‌ చేశారు. ఆన్సర్‌ షీట్‌ తీసుకెళ్లి..తిరిగి ఇచ్చిన విద్యార్థి పట్టుబడిన విద్యార్థుల జవాబు పత్రాలను (ఆన్సర్‌ షీట్ల) అక్కడి ఇన్విజిలేటర్లకు అధికారులు అందజేశారు. అయితే టేబుల్‌పై ఆన్సర్‌ షీట్‌లు ఉండగా ఓ విద్యార్థి తన జవాబు పత్రాన్ని తీసుకొని వెళ్లిపోయాడు. దీంతో సిబ్బంది అతడి కోసం ఆరా తీశారు. ఆ తర్వాత అతడి హాల్‌టికెట్‌ ఆధారంగా సంబంధిత చీఫ్‌ సూపరింటెండెంట్‌ ఫోన్‌ చేసినట్లు సమాచారం. చివరికి సాయంత్రం ఆ విద్యార్థి తండ్రితో కలిసి దూరవిద్యాకేంద్రానికి విచ్చేసి దూరవిద్యాకేంద్రం డైరెక్టర్‌ను కలిసి మాట్లాడారు. తాను కాపీయింగ్‌ చేయలేదని అయినా తనను కాపీయింగ్‌ చేసినట్లు బుక్‌ చేశారని విద్యార్థి ఆవేదన వ్యక్తం చేసినట్లు సమాచారం. అనంతంరం ఆన్సర్‌ షీట్‌ తిరిగి ఇచ్చేశాడు. దీంతో పరీక్షల నిర్వాహకులు ఊపిరి పీల్చుకున్నారు. కాపీయింగ్‌ చేస్తేనే పట్టుకుని డీబార్‌ చేసినట్లు పరీక్షల విభాగం అధికారులు స్పష్టం చేశారు. పరీక్షల నియంత్రణాధికారితో వాగ్వాదం సెమిస్టర్‌ పరీక్షల్లో కాపీయింగ్‌ చేస్తూ పట్టుబడిన వి ద్యార్థుల్లో కొందరు పరీక్షల విభాగం వద్దకు వెళ్లి పరీ క్షల నియంత్రణాధికారి రాజేందర్‌తో వాగ్వాదానికి దిగారని సమాచారం. తమకు పాఠ్యపుస్తకాలు కూడా సరిగా ఇవ్వలేదని క్లాస్‌లు అంతంత మాత్రమేనని మళ్లీ పరీక్ష రాసేందుకు అవకాశం ఇవ్వాలంటూ వారు ఆందోళన వ్యక్తం చేశారు. 28మంది విద్యార్థుల డీబార్‌ పరీక్షల నియంత్రణాధికారితో వాగ్వివాదం

కాజీపేట: చెరువుల్లో గుర్రపు డెక్క ప్రాణాంతకంగా మారుతోంది. కాజీపేట మండలంలోని పలు చెరువులు, కుంటలు గుర్రపు డెక్కతో పూర్తిగా నిండిపోయాయి. అసలే ఎలినో ప్రభావంతో వర్షాలు సరిపడా కురవక చెరువుల్లో అంతంత మాత్రంగానే నీరు చేరింది. దీంతో పట్టణ శివారులోని చెరువుల్లోని నీటిని పశువులు కూడా తాగలేకపోతున్నాయి. గుర్రపు డెక్క కారణంగా చెరువుల పరిసరాలన్నీ దుర్గంధంగా మారుతున్నాయి. దోమలు, క్రిమికీటకాలు పెరుగుతున్నాయి. స్థానికులు కాలుష్య వ్యాప్తితో ఆందోళన చెందుతున్నారు. పట్టించుకోని అధికారులు గుర్రపు డెక్క వల్ల దోమలు పెరిగి విష జ్వరాల బారిన పడుతున్నామని స్థానికులు ఆవేదన వ్యక్తం చేస్తునఆనరు. అయినా కూడా అధికారులు పట్టించుకోవడం లేదని ఆగ్రహం వ్యక్తం చేస్తున్నారు. ఇటీవల సోమిడి ఎల్లమ్మ చెరువులో నీళ్లు తాగేందుకు దిగిన పలు గేదెలు గుర్రపు డెక్కలో చిక్కుకుని బయటకు రాలేక ఇబ్బంది పడ్డాయి. కాపరులు, యజమానులు శ్రమించి అతికష్టం మీద బయటకు తీసుకొచ్చారు. డ్రెయినేజీ నీటి ప్రభావంతో.. పట్టణంలోని డ్రెయినేజీ నీరు చెరువుల్లో చేరుతుండడంతో గుర్రపు డెక్క పెరుగుతోంది. సోమిడి గ్రామంలోని పలు డ్రెయినేజీల నీరు నేరుగా చెరువులోకే చేరుతోంది. ఫలితంగా నీటి నాణ్యత తగ్గడంతో ఆక్సిజన్‌ శాతం పడిపోతోంది. మురుగు నీరు చెరువులో చేరకుండా మున్సిపల్‌ సిబ్బంది తగిన చర్యలు చేపట్టడంలో విఫలమవుతున్నారు. దీంతో చెరువులోని చేపలు, జలచరాలు చనిపోతున్నాయి. చేపల పెంపకం, వేట కష్టమవుతోందని మత్స్యకారులు ఆందోళన చెందుతున్నారు. నీటిపారుదల శాఖ అధికారులు స్పందించి చెరువుల్లో విపరీతంగా పెరుగుతున్న గుర్రపు డెక్కను తొలగించాలని పలువురు డిమాండ్‌ చేస్తున్నారు. కాజీపేటలోని పలు చెరువుల్లో కుప్పలు తెప్పలు తొలగింపులో అధికారుల నిర్లక్ష్యం మత్స్యకారులకు తప్పని పాట్లు

● కేఎల్‌ యూనివర్సిటీ విద్యార్థుల నిర్మాణ కళాప్రదర్శన హన్మకొండ కల్చరల్‌: కాకతీయుల శిల్పకళా వైభవానికి ప్రతీకగా నిలిచిన వరంగల్‌ నగరంలోని వేయిస్తంభాల దేవాలయం విద్యార్థుల నిర్మాణ కళాప్రదర్శనకు వేదికై ంది. శనివారం విజయవాడలోని కేఎల్‌ యూనివర్సిటీ స్కూల్‌ ఆఫ్‌ ఆర్కిటెక్చర్‌ విద్యార్థులు ఆలయాన్ని సందర్శించి నిర్మాణశైలి, శిల్పసంపదపై అధ్యయనం చేశారు. ఈ సందర్భంగా ఆలయప్రాంగణంలో ఆర్కిటెక్చరల్‌ షీట్లు, నమూనాలు, డాక్యుమెంటేషన్‌ డ్రాయింగ్స్‌ ప్రదర్శించారు. ఆలయ విశిష్టతను ప్రతిబింబించేలా ఫొటోగ్రఫీ, లైవ్‌ స్కెచ్చింగ్‌ నిర్వహించారు. అశోకా స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌ విద్యార్ధులు సైతం ఈ కార్యక్రమంలో పాల్గొని తమ కళాత్మక నమూనాలను ప్రదర్శించారు. విద్యార్థుల ప్రదర్శనను ఆలయ అధికారులు, సిబ్బంది, భక్తులు, సందర్శకులు ఆసక్తిగా తిలకించారు. ‘ఆక్యుపెన్సీ సర్టిఫికెట్‌ ఉంటేనే విద్యుత్‌ కనెక్షన్‌’ హన్మకొండ: టీజీ ఎన్పీడీసీఎల్‌ హనుమకొండ పరిధిలో పది మీటర్లకుపైగా ఎత్తు ఉన్న భవనాలకు గ్రేటర్‌ వరంగల్‌ మున్సిపల్‌ కార్పొరేషన్‌ జారీ చేసిన ఆక్యుపెన్సీ సర్టిఫికెట్‌, కంప్లీషన్‌ సర్టిఫికెట్‌ ఉంటేనే విద్యుత్‌ కనెక్షన్‌ మంజూరు చేయనున్నట్లు టీజీ ఎన్పీడీసీఎల్‌ హనుమకొండ టౌన్‌ డీఈ జి.సాంబరెడ్డి తెలిపారు. రిటైల్‌ సప్‌లై టారిఫ్‌, సంబంధిత నిబంధన ప్రకారం 10 మీటర్లకుపైగా ఎత్తు ఉన్న భవనాలకు గ్రేటర్‌ వరంగల్‌ మున్సిపల్‌ కార్పొరేషన్‌ అధికారి జారీ చేసిన సర్టిఫికెట్‌, కంప్లీషన్‌ సర్టిఫికెట్‌ విద్యుత్‌ కార్యాలయాల్లో సమర్పించాలని సూచించారు. నిర్దేశించిన విద్యుత్‌ చార్జీలు చెల్లించిన తర్వాతే విద్యుత్‌ కనెక్షన్‌ మంజూరు చేస్తామని ఆయన ఒక ప్రకటనలో పేర్కొన్నారు. భవన యజమానులు, బిల్డర్లు, అపార్ట్‌మెంట్‌ నిర్మాణదారులు శాశ్వత విద్యుత్‌ కనెక్షన్‌కు దరఖాస్తు చేసుకునే ముందు ఆక్యుపెన్సీ సర్టిఫికెట్‌ తప్పనిసరిగా అందించాలని సూచించారు. శంకరయ్యపై సస్పెన్షన్‌ వేటు ఉత్తర్వులు జారీకేయూ క్యాంపస్‌ : హనుమకొండలోని యూనివర్సిటీ ఆర్ట్స్‌అండ్‌ సైన్స్‌ కళాశాలలోని తెలుగు విభాగం కాంట్రాక్టు అసిస్టెంట్‌ ప్రొఫెసర్‌ డాక్టర్‌ ఎం.శంకరయ్యను సస్పెండ్‌ చేస్తూ రిజిస్ట్రార్‌ వి.రామచంద్రం ఉత్తర్వులు జారీచేశారు. ఈ మేరకు శనివారం ఆయా సస్పెన్షన్‌ ఉత్తర్వుల రెండు కాపీల్లో ఒకటి ప్రిన్సిపాల్‌ జ్యోతికి, మరొకటి శంకరయ్య పంపారు. ఆయన పీడీఎఫ్‌ కింద తీసుకున్న రూ 6,89,400 తిరిగి యూజీసీకి చెల్లించాల్సి ఉండగా రూ.2లక్షలు మాత్రమే చెల్లించారు. మిగతా డబ్బులు చెల్లించటంలో జాప్యం చేస్తూ వస్తున్నారు. దశలవారీగా చెల్లిస్తానని షోకాజ్‌ నోటీస్‌లకు వివరణలు ఇచ్చిన ఆయన తరువాత మాటమార్చడంతో సస్పెన్షన్‌ చేస్తున్నట్లు రిజిస్ట్రార్‌ తన ఉత్తర్వుల్లో పేర్కొన్నారని సమాచారం. ఈ వ్యవహారం పై యూజీసీకి కూడా ఫిర్యాదు అందటంతో ఆయనపై ఎలాంటి చర్యలు తీసుకున్నానరేది తెలపాలని యూనివర్సిటీకి లేఖ అందినట్లు తెలిసింది.

కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: వయోవృద్ధులు దిక్సూచీలు అని, వారిని ప్రతి ఒక్కరూ బాధ్యతగా చూసుకోవాలని హనుమకొండ కలెక్టర్‌ చాహత్‌ బాజ్‌పాయ్‌ అన్నారు. అంతర్జాతీయ వయోవృద్ధుల దినోత్సవాన్ని పురస్కరించుకుని శనివారం కలెక్టరేట్‌లో జిల్లా గ్రామీణాభివృద్ధి సంస్థ సమన్వయంతో మహిళలు, పిల్లలు, దివ్యాంగులు, వయోవృద్ధుల సంక్షేమ శాఖ ఆధ్వర్యంలో కార్యక్రమం నిర్వహించారు. ముఖ్య అతిథిగా హాజరైన కలెక్టర్‌ మాట్లాడుతూ వయోవృద్ధులకు ప్రభుత్వ పథకాలు అందేలా చర్యలు తీసుకోవాలని అధికారులను ఆదేశించారు. రాష్ట్రస్థాయిలో ఇటీవల పురస్కారం పొందిన సీనియర్‌ సిటిజన్‌ ఫోరం కమిటీ సభ్యులను అభినందించారు. అనంతరం కలెక్టర్‌ వయోవృద్ధులను సన్మానించారు. జెడ్పీ సీఈఓ, స్థానిక సంస్థల ఇన్‌చార్జ్‌ అదనపు కలెక్టర్‌ బి.శేషాద్రి, డీఆర్డీఓ మేన శ్రీను, జిల్లా సంక్షేమ అధికారి ఎం.విశ్వజ, డీఎంహెచ్‌ఓ అప్పయ్య, సీనియర్‌ సిటిజన్‌ ట్రిబ్యునల్‌ బెంచ్‌ మెంబర్‌ అనితారెడ్డి, అదనపు డీఆర్డీఓ వెంకటేశ్‌, జీడబ్ల్యూఎంసీ అదనపు కమిషనర్‌ సమ్మయ్య, సెర్ప్‌ ప్రోగ్రాం మేనేజర్‌ కరుణాకర్‌, సీనియర్‌ సిటిజన్‌ ఫోరం అధ్యక్షుడు దామెర నర్సయ్య, వెల్ఫేర్‌ కమిటీ అధ్యక్షుడు డాక్టర్‌ చంద్రమౌళి పాల్గొన్నారు.

కేయూ క్యాంపస్‌ : కాకతీయ యూనివర్సిటీలో భవిష్యత్‌ అవసరాలకు అనుగుణంగా ఏఐ ఆధారిత సిలబస్‌ను ప్రవేశ పెట్టడంతో పాటు విద్యా, పరిశోధన, సాంకేతిక రంగాల్లో సమూల మార్పులు చేపడుతున్నట్లు కేయూ వీసీ ప్రొఫెసర్‌ కె.ప్రతాప్‌రెడ్డి తెలిపారు. శనివారం జేఎన్‌టీయూహెచ్‌లో హైదరాబాద్‌లోని తెలంగాణ రాష్ట్ర ఉన్నత విద్యామండలి ఆధ్వర్యంలో నిర్వహించిన రీచ్‌–2026 సదస్సులో వీసీ మాట్లాడారు. విశ్వవిద్యాలయాన్ని అంతర్జాతీయ స్థాయికి తీసుకెళ్లే చర్యలో భాగంగా 30 మంది ఇంజనీరింగ్‌ విద్యార్థులను జర్మనీకి పంపించేందుకు ప్రణాళిక రూపొందించినట్లు ఆయన తెలిపారు. పరిశ్రమలతో అనుసంధానం పరిశోధనలకు ఊతమిచ్చే సంస్థల సహకారంతో సుమారు రూ.50 కోట్ల నిధులను సమీకరించేందుకు చర్యలు చేపడుతున్నట్లు వీసీ వెల్లడించారు. పరిశ్రమలు, యూనివర్సిటీల భాగస్వామ్యం బలోపేతం చేయడంపై ప్రత్యేక దృష్టి సారించినట్లు తెలిపారు. సదస్సులో రాష్ట్ర ఉన్నత విద్యామండలి చైర్మన్‌ ప్రొఫెసర్‌ బాలకిష్టారెడ్డి, వివిధ యూనివర్సిటీల వీసీలు, కేయూ ఓఎస్‌డీ బి.వెంకట్రామ్‌రెడ్డి, యూజీసీ కోఆర్డినేటర్‌ మల్లికార్జున్‌రెడ్డి తదితరులు పాల్గొన్నారు. కేయూ వీసీ ప్రొఫెసర్‌ కె.ప్రతాప్‌రెడ్డి

హసన్‌పర్తి: భూ సమస్యలకు శాశ్వత పరిష్కారం కోసమే రీసర్వే చేస్తున్నట్లు తహసీల్దార్‌ కిరణ్‌కుమార్‌ తెలిపారు. వందేళ్ల తర్వాత భూముల రీసర్వే చేపడుతున్నట్లు చెప్పారు. హసన్‌పర్తి మండలం జయగిరి, లక్నవరం శివారుల్లో చేపట్టిన భూభారతి రీసర్వే ప్రాంతాన్ని ఏడీ నూర్‌సింగ్‌, తహసీల్దార్‌ కిరణ్‌కుమార్‌ శనివారం సందర్శించారు. ఏమైనా అభ్యంతరాలు ఉంటే లిఖితపూర్వకంగా అందించాలని రైతులకు సూచించారు. ఈ సందర్భంగా రెవెన్యూ మ్యాప్‌ను పరిశీలించి అనంతరం వారు మాట్లాడారు. ప్రతీ భూమికి భూఆధార్‌ నంబర్‌ కేటాయించి, ఎల్పీఎం ద్వారా వివరాలను ఆన్‌లైన్‌లో పొందపర్చనున్నట్లు వివరించారు. సర్వే జరుగుతున్నప్పుడు రైతులు అందుబాటులో ఉండాలని సూచించారు. కార్యక్రమంలో ఆర్‌ఐ రాజేంద్రప్రసాద్‌, తదితరులు పాల్గొన్నారు.

కేయూ క్యాంపస్‌: ప్రస్తుత పోటీ ప్రపంచంలో కేవలం సాంకేతిక పరిజ్ఞానమే సరిపోదని, మహీంద్రా ప్రైడ్‌ క్లాస్‌రూమ్‌ వంటి వర్క్‌షాప్‌లు విద్యార్థులకు ఎంతో అవసరమని కాకతీయ యూనివర్సిటీ కోఎడ్యుకేషన్‌ ఇంజనీరింగ్‌ కళాశాల ప్రిన్సిపాల్‌ ప్రొఫెసర్‌ ఎన్‌.రమణ అన్నారు. తెలంగాణ అకాడమీ ఫర్‌ స్కిల్‌ నాలెడ్జ్‌ (టాస్క్‌) సహకారంతో వారం రోజులపాటు నిర్వహించే వర్క్‌షాప్‌ను కేయూ ఇంజనీరింగ్‌ కళాశాలలో శనివారం ప్రారంభించారు. ఈ సందర్భంగా ఆయన మాట్లాడుతూ వర్క్‌షాప్‌లో శిక్షణ తరగతులను ప్రముఖ వెర్చల్‌ ఎబిలిటీ అండ్‌ సాఫ్ట్‌స్కిల్స్‌ ట్రైనర్‌ థామస్‌ ఆధ్వర్యంలో నిర్వహిస్తున్నట్లు తెలిపారు. కార్యక్రమంలో మాస్టర్‌ లక్ష్మణ్‌నాయక్‌, డాక్టర్‌ సంతోష్‌కుమార్‌ కోఆర్డినేటర్లుగా వ్యవహరిస్తున్నారు.

హన్మకొండ: హనుమకొండలోని పలు ప్రాంతాల్లో విద్యుత్‌ సరఫరాకు ఆదివారం అంతరాయం కలుగనుందని టీజీ ఎన్పీడీసీఎల్‌ హనుమకొండ టౌన్‌ డీఈ జి.సాంబరెడ్డి తెలిపారు. దత్తపురం, కేఎస్‌ఆర్‌ గార్డెన్స్‌, అమ్రోస్‌ వాటర్‌ ప్లాంట్‌, హనుమాన్‌ జంక్షన్‌ ప్రాంతాల్లో ఉదయం 10 నుంచి మధ్యాహ్నం 12 గంటల వరకు, అలీపుర, కనకదుర్గ కాలనీ, ఎకై ్సజ్‌ కాలనీ, కేఎల్‌ఎన్‌ రెడ్డి కాలనీ, పోలీసు స్టేషన్‌ ప్రాంతాల్లో ఉదయం 9 నుంచి 11 గంటల వరకు విద్యుత్‌ సరఫరా నిలిపివేయనున్నట్లు ఆయన ఒక ప్రకటనలో పేర్కొన్నారు. హసన్‌పర్తి: ఈనెల 5నుంచి 7వ తేదీ వరకు అంతర్‌ కళాశాలల క్రీడాపోటీలు నిర్వహించనున్నట్లు కిట్స్‌ కళాశాల ప్రిన్సిపాల్‌ డాక్టర్‌ అశోక్‌రెడ్డి తెలిపారు. కిట్స్‌ కళాశాల మైదానంలో మూడు రోజుల పాటు బ్యాడ్మింటన్‌, బాస్కెట్‌ బాల్‌, ఫుట్‌బాల్‌, టేబుల్‌ టెన్నిస్‌, వాలీబాల్‌ పోటీలు జరుగుతాయని వివరించారు. ప్రారంభోత్సవ కార్యక్రమానికి కాకతీయ యూనివర్సిటీ వీసీ ప్రొఫెసర్‌ ప్రతాప్‌రెడ్డి హాజరవుతారని పేర్కొన్నారు. కాళోజీ సెంటర్‌: వరంగల్‌ మాసూమ్‌అలీ ప్రభుత్వ ఉన్నత పాఠశాల తెలుగు సబ్జెక్టు స్కూల్‌ అసిస్టెంట్‌గా పనిచేస్తున్న టి.శ్రీధరాచార్యులును అదే పాఠశాలకు ఎఫ్‌ఏసీ హెచ్‌ఎంగా నియమిస్తూ డీఈఓ రంగయ్య నాయుడు ఉత్తర్వులు జారీ చేశారు. ఈమేరకు ఉత్తర్వులు అందుకున్న శ్రీధరాచార్యులు శనివారం బాధ్యతలు స్వీరించారు. గతంలో హెచ్‌ఎంగా పనిచేసిన తుమ్మ జయబాలరెడ్డి సెప్టెంబర్‌ 30న ఉద్యోగ విరమణ చేయడంతో ఆస్థానంలో శ్రీధరాచార్యులును నియమించారు. ఈ మేరకు ఆయనకు ఉపాధ్యాయులు కమలాకర్‌, ఆడెపు భిక్షపతి, కూస దేవేందర్‌, అల్లోజు కిషన్‌, సాయబోయిన మోహన్‌, ట్రైనీ టీచర్లు శుభాకాంక్షలు తెలిపారు. హసన్‌పరి: హనుమకొండ – దేవన్నపేట మార్గమధ్యలోని కోమటిపల్లి గేట్‌ వద్ద నిర్మించనున్న బ్రిడ్జిని మరో ప్రాంతానికి మార్చాలని భూ నిర్వాసితులు కోరారు. ఈ మేరకు కోమటిపల్లి గేట్‌ వద్ద శనివారం ఆందోళన చేపట్టారు. వంతెన నిర్మాణం వల్ల తాము ఇళ్లు కోల్పోతున్నామని ఆవేదన వ్యక్తం చేశారు. ఈ సందర్భంగా అలైన్‌మెంట్‌లో తగు మార్పులు చేయాలని వారు విజ్ఞప్తి చేశారు. కేయూ క్యాంపస్‌: న్యూఢిల్లీలో ఇటీవల నిర్వహించిన ఆల్‌ ఇండియా థల్‌సైనిక్‌ క్యాంపులో పాల్గొన్న హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాల విద్యార్థులు అఖిల్‌, లోకేష్‌ను ప్రిన్సిపాల్‌ ప్రొఫెసర్‌ జ్యోతి, అధ్యాపకులు కళాశాలలో శనివారం అభినందించారు. కార్యక్రమంలో వైస్‌ ప్రిన్సిపాల్‌ డాక్టర్‌ రెహమాన్‌, ఎన్‌సీసీ అధికారి డాక్టర్‌ స్వామి, ఎన్‌సీసీ సిబ్బంది పాల్గొన్నారు. హన్మకొండ: ముఖ్యమంత్రి రేవంత్‌రెడ్డికి సామాజిక న్యాయంపై నమ్మకం లేదని బీసీ జేఏసీ రాష్ట్ర చైర్మన్‌ డాక్టర్‌ తిరుణహరి శేషు అన్నారు. రాష్ట్ర విధానసభ, రాష్ట్ర విధాన మండలిలో ఒక జాతీయ పార్టీ బలహీన వర్గాలకు సరైన ప్రాతినిధ్యం కల్పించడంలో వైఫల్యం చెందడాన్ని ఏ విధంగా అర్థం చేసుకోవాలని ఆయన ఒక ప్రకటనలో ప్రశ్నించారు. విధాన మండలిలో 40 ఎమ్మెల్సీ స్థానాలు ఉంటే బీసీల ప్రాతినిధ్యం కేవలం 11కు మాత్రమే పరిమితమైన నేపథ్యంలో నల్లగొండ పట్టభద్రుల సిట్టింగ్‌ స్థానాన్ని కూడా బీసీలకు కేటాయించలేదని తిరుణహరి శేషు పేర్కొన్నారు. హన్మకొండ చౌరస్తా: ప్రమాదవశాత్తు మెట్ల పైనుంచి జారిపడి తీవ్రంగా గాయపడిన మాజీ కార్పొరేటర్‌ కానుగంటి శేఖర్‌ (63) ఎంజీఎం ఆస్పత్రిలో చికిత్స పొందుతూ శనివారం సాయంత్రం మృతి చెందారు. ఈ మేరకు ఆస్పత్రి వద్ద శేఖర్‌ మృదేహానికి ఎమ్మెల్యే నాయిని రాజేందర్‌రెడ్డి నివాళులర్పించారు. బాధిత కుటుంబ సభ్యులను పరామర్శించి ప్రగాఢ సానుభూతిని తెలిపారు.

హన్మకొండ కల్చరల్‌: వరంగల్‌ భద్రకాళి ఆలయ సమీపంలోని చెరబండరాజు నగర్‌ కాలనీలోని గుడిసెలను కూల్చేసేందుకు వచ్చిన ‘కుడా’, రెవెన్యూ అధికారులను కాలనీ గుడిసెవాసులు అడ్డుకున్నారు. ఈమేరకు శనివారం గుడిసెలను కూల్చడానికి వచ్చిన అధికారులను అడ్డుకుని మహిళలు అధిక సంఖ్యలో ప్రతిఘటించడంతో అధికారులు అక్కడి నుంచి వెళ్లిపోయారు. ఖాళీ చేయడానికి సమ్మతించిన గుడిసెలను మాత్రమే తొలగించడానికి వచ్చామని ‘కుడా’ ఏఈ వరుణ్‌ తెలిపారు. వరంగల్‌ అర్బన్‌: అభివృద్ధి పనులు వేగంగా పూర్తి చేయాలని కాకతీయ అర్బన్‌ డెవలప్‌మెంట్‌ అథారిటీ చైర్‌పర్సన్‌ గుండు సుధారాణి ఆదేశించారు. శనివారం హనుమకొండలోని కుడా కార్యాలయంలో అధికారులతో ఆమె సమీక్ష నిర్వహించారు. ఈసందర్భంగా సుధారాణి మాట్లాడుతూ.. వరంగల్‌లో అత్యంత ప్రాముఖ్యం కలిగిన భద్రకాళి దేవాలయం మాడవీధులు, ఇన్నర్‌ రింగ్‌ రోడ్డు పనులు, వరంగల్‌ బస్‌స్టేషన్‌, గ్రీనరీ పనులను ముమ్మరం చేయాలన్నారు. సమీక్షలో కుడా చీఫ్‌ ప్లానింగ్‌ ఆఫీసర్‌ అజిత్‌రెడ్డి, హార్టికల్చర్‌ ఆఫీసర్‌ ఆసిఫ్‌, అడ్మినిస్ట్రేటివ్‌ ఆఫీసర్‌ మీర్జా అస్రఫ్‌, డీఈ శ్రీకాంత్‌, ఏఈ భరత్‌ పాల్గొన్నారు. కేయూ క్యాంపస్‌: ఉత్తరప్రదేశ్‌లో జరగబోయే ఆలిండియా ఇంటర్‌ యూనివర్సిటీ మెన్‌ బాక్సింగ్‌ పోటీలకు, రాజస్థాన్‌లో జరిగే ఉమెన్‌ బాక్సింగ్‌ పోటీలకు శనివారం కాకతీయ యూనివర్సిటీలో క్రీడాకారుల ఎంపికలు నిర్వహించారు. ప్రతిభ చూపిన వారిని ఎంపిక చేసినట్లు కేయూ స్పోర్ట్స్‌ బోర్డు సెక్రటరీ డాక్టర్‌ టి.శాస్త్రి తెలిపారు. ఎంపికల్లో ఫిజికల్‌ ఎడ్యుకేషన్‌ అసోసియేషన్‌ అధ్యక్షుడు డాక్టర్‌ జె. సోమన్న, జాయింట్‌ సెక్రటరీ మట్టెడ కుమార్‌, సెలక్షన్స్‌ ఇన్‌చార్జ్‌ డాక్టర్‌ కుమార్‌, కోచ్‌ రమేశ్‌, సెలెక్టర్లు మౌనిక, పవన్‌ పాల్గొన్నారు. హన్మకొండ: రూఫ్‌టాప్‌ సోలార్‌ ప్లాంట్‌తో అనేక ప్రయోజనాలున్నాయని టీజీ ఎన్పీడీసీఎల్‌ చీఫ్‌ ఇంజనీర్లు కె.వెంకటరమణ, కె.గౌతంరెడ్డి అన్నారు. వరంగల్‌ ఓ సిటీలోని ఎన్పీడీసీఎల్‌ వరంగల్‌ సబ్‌ డివిజన్‌ కార్యాలయంలో సేవా సేతు కార్యక్రమంలో భాగంగా సోలార్‌ ప్లాంట్‌ ఏర్పాటు, ప్రయోజనాలపై అవగాహన కల్పించారు. బ్యాంకర్లు రుణ సదుపాయంపై విద్యుత్‌ వినియోగదారులకు అవగాహన కల్పించారు. ముగింపు సమావేశంలో చీఫ్‌ ఇంజనీర్లు వెంకటరమణ, గౌతంరెడ్డి ముఖ్య అతిథులుగా హాజరై మాట్లాడుతూ పీఎం సూర్య ఘర్‌ ముఫ్త్‌ బిజీలి యోజన పథకాన్ని సద్వినియోగం చేసుకోవాలని, రాయితీ పొందాలని విద్యుత్‌ వినియోగదారులకు సూచించారు. వరంగల్‌ ఎస్‌ఈ ఎ.ఆనందం మాట్లాడుతూ.. మూడు రోజులు నిర్వహించిన అవగాహన సదస్సులో 50 మంది వినియోగదారులు సోలార్‌ పథకం కోసం దరఖాస్తు చేసుకున్నట్లు తెలిపారు. కార్యక్రమంలో రెడ్‌ కో జిల్లా మేనేజర్‌ జి.రాజేందర్‌, ఎన్పీడీసీఎల్‌ డీఈ ఎస్‌.మల్లికార్జున్‌, ఏడీఈ కిశోర్‌, ఏఈలు, సిబ్బంది, 20 మంది సోలార్‌ వెండర్లు, 10 బ్యాంకులు పాల్గొన్నాయి. న్యూశాయంపేట: అడ్మినిస్ట్రేషన్‌ ఆఫ్‌ జస్టిస్‌లో శిక్షణ అందించేందుకు జిల్లా పరిధిలోని అర్హులైన బీసీ లా గ్రాడ్యుయేట్స్‌ నుంచి దరఽఖాస్తులు ఆహ్వానిస్తున్నట్లు ఉపసంచాలకురాలు, బీసీ సంక్షేమ శాఖ అధికారి పుష్పలత శనివారం ఒక ప్రకటనలో తెలిపారు. దరఖాస్తులు ఈనెల 20 వరకు అందజేయాలని, పూర్తి వివరాల కోసం హనుమకొండ లష్కర్‌బజార్‌లోని బీసీ సంక్షేమాధికారి కార్యాలయంలో సంప్రదించాలని కోరారు.

ఖిలా వరంగల్‌: మామునూరు ఎయిర్‌పోర్ట్‌ అభివృద్ధి పనులపై వరంగల్‌ కలెక్టర్‌ డాక్టర్‌ సత్యశారద శనివారం కలెక్టరేట్‌లో అధికారులతో సమీక్షించారు. ఎయిర్‌పోర్ట్స్‌ అథారిటీ ఆఫ్‌ ఇండియా చేపడుతున్న అభివృద్ధి పనుల నేపథ్యంలో నెక్కొండ ప్రధాన రహదారిని మూసివేయాల్సి వస్తే ప్రత్యామ్నాయ మార్గాల ఏర్పాటుపై చర్చించారు. ప్రజలకు ఇబ్బందుల్లేకుండా గాడిపల్లి, గుంటూరుపల్లి, నక్కలపల్లి గ్రామాలకు లింక్‌ రోడ్ల నిర్మాణంపై అధికారులు చర్చించారు. ఆయా శాఖల పరిధిలో చేపట్టాల్సిన పనులు, అవసరమైన ఏర్పాట్లపై కలెక్టర్‌ సత్యశారద అధికారులతో సమీక్షించారు. అదనపు కలెక్టర్‌ ఎల్‌.కిశోర్‌కుమార్‌, ఆర్డీఓ సుమ, తహసీల్దార్‌ ఇక్బాల్‌, ఆర్‌అండ్‌బీ ఎస్‌ఈ సురేశ్‌, ఈఈ రాజేందర్‌, ఇరిగేషన్‌ ఎస్‌ఈ మధుసూదన్‌రెడ్డి పాల్గొన్నారు. అనుమతి లేని ఆస్పత్రులపై చర్యలు న్యూశాయంపేట: అనుమతి లేని ఆస్పత్రులు, డయాగోస్టిక్‌ కేంద్రాలపై చర్యలు తప్పవని వరంగల్‌ కలెక్టర్‌ డాక్టర్‌ సత్యశారద హెచ్చరించారు. క్లినికల్‌ ఎస్టాబ్లిస్‌మెంట్స్‌ యాక్ట్‌ నిబంధనలు తప్పని సరిగ్గా పాటించాలని ఆమె ఆదేశించారు. కలెక్టరేట్‌లో తెలంగాణ క్లినికల్‌ ఎస్టాబ్లిస్‌మెంట్స్‌ యాక్ట్‌కు సంబంధించిన జిల్లా రిజిస్ట్రేషన్‌ అథారిటీ సమావేశం శనివారం జరిగింది. డీఎంహెచ్‌ఓ బి.రాజారెడ్డి జిల్లాలో యాక్ట్‌ అమలు పర్యవేక్షణకు సంబంధించిన నివేదికను కమిటీ సభ్యులకు అందించారు. జిల్లాలో కొత్త రిజిస్ట్రేషన్‌, రెన్యువల్‌ కోసం సమర్పించిన దరఖాస్తులను కమిటీ పరిశీలించింది. ఈసమావేశంలో అదనపు కలెక్టర్‌ వైవీ గణేశ్‌, డీసీపీ కవిత, ఐఎంఏ డాక్టర్‌ వెంకట్‌స్వామి, డిప్యూటీ డీఎంహెచ్‌ఓ రాజమౌళి తదితరులు పాల్గొన్నారు.

హన్మకొండ: భారతీయ జనతా పార్టీ నవంబర్‌లో రెండుగా చీలడంతో పాటు ఒక వర్గం కాంగ్రెస్‌లో చేరడం ఖాయమని కాంగ్రెస్‌ పార్టీ హనుమకొండ జిల్లా అధ్యక్షుడు ఇనుగాల వెంకట్రాంరెడ్డి సంచలన వ్యాఖ్యలు చేశారు. శనివారం హనుమకొండ నక్కలగుట్టలోని హరిత కాకతీయ హోటల్‌లో ఇండియా కూటమి ఆధ్వర్యంలో ఏర్పాటు చేసిన విలేకరుల సమావేశంలో ఆయన మాట్లాడుతూ దేశానికి మంచి రోజులు రాబోతున్నాయన్నారు. కేంద్ర ముఖ్య ఎన్నికల అధికారి జ్ఞానేశ్‌ కుమార్‌ను పదవిని తొలగించాలని, అప్పటి వరకు పోరాటం ఉదృతం చేస్తామని హెచ్చరించారు. ఈక్రమంలో ఇండియా కూటమి ఆధ్వర్యంలో ఈ నెల 5న హనుమకొండలోని అంబేడ్కర్‌ విగ్రహం నుంచి హనుమకొండ కలెక్టరేట్‌ వరకు భారీ ఎత్తున ప్రజాస్వామ్య పరిరక్షణ పాదయాత్ర నిర్వహించనున్నట్లు చెప్పారు. 6–8 తేదీల్లో జిల్లాలోని అన్ని మండలాలు, పట్టణాలు, డివిజన్ల వారీగా ఇండియా కూటమి పార్టీలతో కలిసి సంయుక్త సన్నాహక సమావేశాలు నిర్వహిస్తామని, క్షేత్రస్థాయి కార్యకర్తలను సమీకరించి జ్ఞానేష్‌ కుమార్‌ రాజీనామాను డిమాండ్‌ చేస్తూ తీర్మానాలు చేస్తామన్నారు. ఎమ్మెల్యే నాయిని రాజేందర్‌రెడ్డి మాట్లాడుతూ.. బీజేపీ భయంకరమైన నీచానికి దిగజారిందని, నీతులు చెబుతూ దుర్మార్గానికి ఒడిగడుతోందని ధ్వజమెత్తారు. దేశానికి సేవ చేశామని చెప్పుకుని ఓట్లు అడగకుండా సెంటిమెంట్‌తో ఓట్లు వేయించుకుని కొన్నిసార్లు ఓటు చోరీ చేసి, మరోసారి గెలిచిందని దుయ్యట్టారు. సీపీఐ రాష్ట్ర సహాయ కార్యదర్శి తక్కెళ్లపల్లి శ్రీనివాసరావు మాట్లాడుతూ.. ఎన్నికల సంఘం నిబంధనలకు విరుద్ధంగా వ్యవహరిస్తూ, అర్హులైన సామాన్యుల, పేదల ఓట్లను అక్రమంగా తొలగిస్తున్నారని మండిపడ్డారు. తొలగించిన ప్రతీఓటును వెంటనే పునరుద్ధరించాలని, వివాదాస్పదంగా మారిన ఎస్‌ఐఆర్‌ ప్రక్రియను తక్షణమే నిలిపివేయాలని డిమాండ్‌ చేశారు. సమావేశంలో సీపీఎం జిల్లా కార్యదర్శి జి.ప్రభాకర్‌ రెడ్డి, న్యూడెమొక్రసీ నాయకుడు నున్నా అప్పారావు, వర్ధన్నపేట ఎమ్మెల్యే కేఆర్‌.నాగరాజు మాట్లాడారు. సమావేశంలో ఆయా పార్టీల నాయకులు చిల్లా రాజేంద్ర ప్రసాద్‌, కర్రె భిక్షపతి, దుద్దిళ్ల శ్రీనుబాబు, సంగ వెంకట్రాజం, పులి ప్రియాంక అనిల్‌, బంక సరళ సంపత్‌, కూర వెంకట్‌, పింగిలి వెంకట్రామ్‌ నరసింహారెడ్డి, గంగుల శ్రీనివాస్‌ రెడ్డి, పోలెపల్లి బుచ్చిరెడ్డి, వీసం సురేందర్‌రెడ్డి, టి.ఉప్పలయ్య, వెంకట్‌ తదితరులు పాల్గొన్నారు. కాంగ్రెస్‌లో ఓ వర్గం చేరబోతోంది.. జ్ఞానేష్‌ కుమార్‌ను తొలగించే వరకు పోరాటం ఈ నెల 5న హనుమకొండలో భారీ ర్యాలీ హనుమకొండ డీసీసీ అధ్యక్షుడు ఇనగాల వెంకట్రాంరెడ్డి

● కలెక్టర్‌ చాహత్‌ బాజ్‌పాయ్‌ కాజీపేట అర్బన్‌ : గ్రేటర్‌ వరంగల్‌ మహానగర పాలక సంస్ధ అభివృద్ధికి నిట్‌ వరంగల్‌ సాంకేతికత పరిజ్ఙానం తోడ్పడుతుందని కలెక్టర్‌ ,గ్రేటర్‌ వరంగల్‌ మున్సిపల్‌ కార్పొరేషన్‌ ప్రత్యేకాధికారి చాహత్‌ బాజ్‌పాయ్‌ తెలిపారు. నిట్‌ వరంగల్‌లో రీసెర్చ్‌ అండ్‌ డెవలప్‌మెంట్‌ కార్యకలాపాలను కలెక్టర్‌ చాహత్‌ బాజ్‌పాయ్‌ శనివారం పవర్‌ పాయింట్‌ ప్రజెంటేషన్‌ ద్వారా పరిశీలించారు. నగరంలో అండర్‌ గ్రౌండ్‌ డ్రెయినేజీ వ్యవస్థ, నగర భౌగోళిక పరిస్థితులు, మౌలిక వసతుల ప్రణాళికలో నిట్‌ సాంకేతికను వినియోగించుకోనున్నట్లు తెలిపారు. నిట్‌లో నిర్వహించిన డ్రోన్‌ సర్వే విధానం, డ్రోన్‌ డేటాను జీఐఎస్‌తో అనుసంధానం చేసే ప్రక్రియ, గ్రేటర్‌ వరంగల్‌ సర్వేలో వినియోగించే సాంకేతికత, డేటా రిజల్యూషన్‌ తదితర అంశాలను పరిశీలించారు. నిట్‌ ప్రొఫెసర్లు, పరిశోధక విద్యార్థులు ఆవిష్కరించిన ప్రాజెక్ట్‌లను అడిగి తెలుసుకున్నారు. కార్యక్రమంలో బల్దియా ఎస్‌ఈ రాజ్‌కుమార్‌, ఈఈలు రవికుమార్‌, మహేందర్‌, మాధవి, సీపీ రవీంద్ర రాడేకర్‌, ఐటీ మేనేజర్‌ రమేష్‌, నిట్‌ డైరెక్టర్‌ బిద్యాధర్‌ సుబుదీ తదితరులు పాల్గొన్నారు.

● మాజీ ఎమ్మెల్యే అరూరి రమేష్‌ఖిలా వరంగల్‌: ఎన్నికల సమయంలో ఇచ్చిన హామీలను నెరవేర్చడంలో కాంగ్రెస్‌ ప్రభుత్వం విఫలమైందని వర్ధన్నపేట మాజీ ఎమ్మెల్యే అరూరి రమేష్‌ విమర్శించారు. వరంగల్‌ మామునూరు శివారులోని హెచ్‌ఆర్‌ఎస్‌ గార్డెన్స్‌లో బీఆర్‌ఎస్‌ పార్టీ యువనేత అరూరి విశాల్‌ ఆధ్వర్యంలో వర్ధన్నపేట నియోజకవర్గంలో ఎస్‌ఐఆర్‌, వరంగల్‌ – ఖమ్మం – నల్లగొండ పట్టభద్రుల ఎమ్మెల్సీ ఎన్నిక ఓటరు నమోదు ప్రక్రియపై శనివారం అవగాహన కార్యక్రమాన్ని నిర్వహించారు. ముఖ్యఅతిథిగా రమేష్‌ హాజరై మాట్లాడుతూ 30వేల ఉద్యోగాలు కల్పించామని కాంగ్రెస్‌ ప్రభుత్వం చెబుతున్నప్పటికీ, గత బీఆర్‌ఎస్‌ ప్రభుత్వం హయాంలో భర్తీ చేసిన ఉద్యోగాలను కూడా తన ఖాతాలోనే వేసుకుంటోందని ఆరోపించారు. బీఆర్‌ఎస్‌ నేత ఏనుగుల రాకేశ్‌రెడ్డి మాట్లాడుతూ కాంగ్రెస్‌ పార్టీకి ఇంకా రెండేళ్ల అధికారం ఉన్నప్పటికీ ఎమ్మెల్సీ ఎన్నికల్లో అభ్యర్థులను బలవంతంగా నిలబెట్టాల్సిన పరిస్థితి ఏర్పడిందని విమర్శించారు. ఇది కాంగ్రెస్‌ ప్రభుత్వ వైఫల్యానికి నిదర్శనమని పేర్కొన్నారు.

కేయూ క్యాంపస్‌ : రాష్ట్రంలోని యూనివర్సిటీలు, కళాశాలల్లో పీడిత కులాలు నుంచి వచ్చిన విద్యార్థులపై కుల వివక్షత చూపడంతో డ్రాపౌట్‌, ఆత్మహత్యలు పెరిగిపోతున్నాయని వీటి నివారణకు రోహిత్‌ వేముల చట్టం కోసం ఐక్యంగా పోరాడాల్సిన అవసరం ఉందని పలువురు వక్తలు పిలుపునిచ్చారు. శనివారం అంబేడ్కర్‌ స్టూడెంట్స్‌ అసోసియేషన్‌ ఆధ్వర్యంలో ఆ సంఘం కేయూ కన్వీనర్‌ దండు నవకిరణ్‌ అధ్యక్షతన దూరవిద్యా కేంద్రంలోని జాఫర్‌నిజాం సెమినార్‌ హాల్‌లో రోహిత్‌ వేముల యాక్ట్‌పై వివిధ విద్యార్థి సంఘాల, మేధావులతో రౌండ్‌ టేబుల్‌ సమావేశం నిర్వహించగా పలువురు పాల్గొని మాట్లాడారు.ఈ సమావేశంలో విద్యాపరిరక్షణ కమిటీ రాష్ట్ర కార్యదర్శి, హైదరాబాద్‌ యూనివర్సిటీ ప్రొఫెసర్‌ కె.లక్ష్మినారాయణ ముఖ్యఅతిథిగా పాల్గొని మాట్లాడుతూ.. అణగారిన వర్గాలు యూనివర్సిటీ, కళాశాల విద్యలోనికి ప్రవేశించడమే మహాత్తర పోరాటమన్నారు. ఏఎస్‌ఏ రాష్ట్ర మాజీ అధ్యక్షుడు అసిస్టెంట్‌ ప్రొఫెసర్‌ దొంత ప్రశాంత్‌, కాకతీయ యూనివర్సిటీ ఫార్మసీ కళాశాల మాజీ డీన్‌ గాదె సమ్మయ్య, కేయూ అభివృద్ధి అధికారి వై.వెంకయ్య, ఎస్సీ,ఎస్టీ ఎంప్లాయీస్‌ అసోసియేషన్‌ జనరల్‌ సెక్రటరీ డాక్టర్‌ పుల్లా శ్రీనివాస్‌, సీడీసీ డీన్‌ పి.వరలక్ష్మి, మహిళా ఇంజనీరింగ్‌ కళాశాల ప్రిన్సిపాల్‌ కె.బిక్షాలు, వివిధ విద్యార్థి సంఘాల నాయకులు తదితరులు పాల్గొన్నారు. రౌండ్‌టేబుల్‌ సమావేశంలో వక్తలు

హన్మకొండ అర్బన్‌: భద్రకాళి దేవాలయంలో నిర్వహించనున్న దేవీ శరన్నవరాత్రుల మహోత్సవాలకు హాజరుకావాలని కోరుతూ హనుమకొండ కలెక్టరేట్‌లో కలెక్టర్‌ చాహత్‌ బాజ్‌పాయ్‌కు ఆలయ అధికారులు శనివారం ఆహ్వాన పత్రికను అందజేశారు. భద్రకాళి దేవాలయంలో ఈనెల 11 నుంచి 21వ తేదీ వరకు ప్రత్యేక పూజలు, అభిషేకాలు, హోమాలు, కల్యాణోత్సవం, ఊరేగింపు తదితర ఆధ్యాత్మిక కార్యక్రమాలు నిర్వహించనున్నట్లు వారు వివరించారు. కార్యక్రమంలో ఆలయ కార్యనిర్వాహణ అధికారి రామల సునీత, సూపరింటెండెంట్‌ హరినాథ్‌ తదితరులు పాల్గొన్నారు. మామునూరు: భారతీయ జనతా పార్టీ కిసాన్‌ మోర్చా రాష్ట్ర ఉపాధ్యక్షుడిగా, కరీంనగర్‌ జిల్లా ఇన్‌చార్జ్‌గా మామునూరుకు చెందిన మల్లాడి తిరుపతి రెడ్డి నియమితులయ్యారు. పార్టీ కోసం మూడు దశాబ్దాలుగా వివిధ హోదాల్లో పనిచేస్తూ, సంస్థాగత బలోపేతానికి చేస్తున్న కృషికి ఆయనకు ఈ గుర్తింపు దక్కింది. 1999లో యువ మోర్చా మండల ప్రధాన కార్యదర్శిగా రాజకీయ ప్రస్థానం ప్రారంభించిన తిరుపతి రెడ్డి.. మండల అధ్యక్షుడు, జిల్లా ప్రచార కార్యదర్శి, వరంగల్‌ పార్లమెంట్‌ కన్వీనర్‌, కిసాన్‌మోర్చా రాష్ట్ర కార్యవర్గ సభ్యుడిగా, రాష్ట్ర ఉపాధ్యక్షుడిగా బాధ్యతలు నిర్వహించారు. ప్రస్తుతం, వరంగల్‌ జిల్లా బీజేపీ ప్రధాన కార్యదర్శిగా కొనసాగుతున్నారు. రాష్ట్ర అధ్యక్షుడి ఆదేశాల మేరకు ఆయనకు బీజేపీ కిసాన్‌ మోర్చా రాష్ట్ర అధ్యక్షుడు బస్వాపురం లక్ష్మీనరసయ్య కిసాన్‌ మోర్చా కరీంనగర్‌ జిల్లా ఇన్‌చార్జ్‌గా నియామక పత్రాలు జారీచేశారు. ఖిలా వరంగల్‌: ఇటీవల బాధ్యతలు స్వీకరించిన కుడా చైర్‌పర్సన్‌ గుండు సుధారాణిని ఎంసీపీఐ (యూ) నగర కార్యదర్శి మాలోతు సాగర్‌, తదితరులు శనివారం మర్యాద పూర్వకంగా కలిశారు. ఈ సందర్భంగా ఆమెకు పుష్పగుచ్ఛం అందజేసి శుభాకాంక్షలు తెలిపి సన్మానించారు.

ఎస్‌ఎస్‌తాడ్వాయి : చిన్న హోటల్‌ ఆదాయంతో జీవనం గడుపుతున్న ఆ పేద కుటుంబానికి మోయ లేని భారం తోడైంది.. ప్రాణాంతక వ్యాధి చికిత్సకు భారీగా ఖర్చు.. చేతిలో అంత మొత్తం లేకపోవడంతో ఆ కుటుంబం దిక్కుతోచని స్థితిలో ఉంది. భార్యను ఎలాగైనా కాపాడుకోవాలన్న భర్త ఆరాటానికి ఆర్థిక ఇబ్బందులు అడ్డంకిగా మారాయి. ములుగు జిల్లా తాడ్వాయికి చెందిన ఎలమర్తి ధనలక్ష్మి బోన్‌ మ్యారో అప్లాసియాతో బాధపడుతోంది. చికిత్సకు సుమారు రూ.20 లక్షల వరకు ఖర్చవుతుందని వైద్యులు తెలిపినట్లు కుటుంబ సభ్యులు పేర్కొన్నారు. దాతల సాయంకోసం వేడుకోలు రూ.20 లక్షలు పెద్ద మొత్తమే అయినా.. ఒక్కరి వల్ల కాకపోయినా పది, వందల మంది కలిసి చేయూత అందిస్తే ఈ కుటుంబానికి కొంత భరోసా కల్పించవచ్చు. పెద్ద మొత్తంలో సాయం చేయలేని వారు సైతం తమకు వీలైనంత అందించాలని కోరుతున్నారు.ధనలక్ష్మి కుటుంబానికి అండగా నిలవాలని ఆర్యవైశ్య సంఘం, కుటుంబ సభ్యులు దాతలకు విజ్ఞప్తి చేస్తున్నారు. దాతలు, వ్యాపారవేత్తలు, స్వచ్ఛంద సంస్థలు మానవతా దృక్పథంతో స్పందించి తమకు తోచినంత సాయం చేయాలని కోరుతున్నారు. ధనలక్ష్మి వైద్యానికి మానవత్వంతో స్పందించి బాధిత కుటుంబానికి అండగా నిలవాలని కుటుంబ సభ్యులు వేడుకుంటున్నారు. దాతలు 73822 25351 నంబర్‌కు ఫోన్‌ పే, గూగుల్‌ పే ద్వారా సాయం చేయాలని వేడుకుంటున్నారు.. దాతల సాయంకోసం ఎదురుచూపు బోన్‌ మ్యారో అప్లాసియా చికిత్సకు రూ.20లక్షలు అవసరం పేద కుటుంబానికి మోయలేని భారం

● వీధి జంతువులకు శుభ్రమైన తాగునీటి పాత్రలు ఏర్పాటు చేయాలి. ఆకలి, దాహంతో ఉన్న జంతువులకు తగిన ఆహారం అందించాలి. ● గాయపడిన, అనారోగ్యంతో ఉన్న జంతువులకు వెంటనే పశువైద్య చికిత్స అందించాలి. క్రమం తప్పకుండా టీకాలు వేయించాలి. ● వీధి కుక్కలు, పిల్లుల కోసం స్టెరిలైజేషన్‌ కార్యక్రమాలను శాసీ్త్రయంగా నిర్వహించాలి. ● అడవులు, చెరువులు, గడ్డి భూములు వంటి జంతువుల సహజ ఆవాసాలను కాపాడాలి. ● అక్రమ వేట, అడవి జంతువుల అక్రమ రవాణాను అరికట్టాలి. ● జంతువులు ఎక్కువగా సంచరించే ప్రాంతాల్లో హెచ్చరిక బోర్డులు ఏర్పాటు చేయాలి. అడవి ప్రాంతాల్లో వాహనాల వేగాన్ని నియంత్రించాలి. ● ప్లాస్టిక్‌ వ్యర్థాలను జంతువులు తినకుండా చెత్తను సక్రమంగా నిర్వహించాలి. ● పాఠశాలలు, కళాశాలల్లో జంతు సంరక్షణపై అవగాహన కార్యక్రమాలు నిర్వహించాలి. ● వన్యప్రాణుల అక్రమ వేట, వ్యాపారం, నివాస ప్రాంతాల విధ్వంసాన్ని నిరోధించాలి.వన్యప్రాణులకు ఓరుగల్లు పుట్టినిల్లు ఉమ్మడి జిల్లాలో విస్తృతంగా అటవీప్రాంతందట్టమైన అడవులు. వాటిని ఆసరాగా చేసుకుని బతికే ప్రాణులు. ఇవే ప్రకృతి సమతుల్యతకు ప్రధానం. మానవాళి మనుగడ కొనసాగించాలన్నా.. భవిష్యత్‌ తరాలు ఈ అందమైన ప్రపంచాన్ని చూడాలన్నా.. అడవులను, జంతువులను సంరక్షించాల్సిన అవసరం ఎంతో ఉంది. జంతుజాలానికి ఆలవాలమైన ఉమ్మడి వరంగల్‌ జిల్లా అడవులు వాటి సంరక్షణకు కేంద్రంగా నిలుస్తున్నాయి. నేడు (ఆదివారం) ప్రపంచ జంతు దినోత్సవం సందర్భంగా ‘సాక్షి’ స్పెషల్‌ స్టోరీ. – ఏటూరునాగారం/ న్యూశాయంపేట/ఖానాపురం ● అనేక రకాల జంతువుల ఆవాసం ● వాటిని సంరక్షించుకుంటేనే జీవవైవిధ్య సమతుల్యత నేడు ప్రపంచ జంతు దినోత్సవం ఖానాపురం: వరంగల్‌ జిల్లా ఖానాపురం మండలంలోని పాకాల అభయారణ్యం జంతువుల ఆవాసం, విడిదిగా మారింది. ఇక్కడ ఎలుగుబంట్లు, హైనాలు, నక్కలు, అడవి కుక్కలు (ధోల్స్‌) నివసిస్తున్నాయి. శాకాహారులైన చిటాల్‌ (మచ్చల జింక), సాంబార్‌, నీల్గాయ్‌, కృష్ణ జింక, నాలుగు కొమ్ముల జింకలు (చౌసింఘా), అడవి పందులు, సరీసృపాలు విరివిగా ఉన్నాయి. పాకాల సరస్సులో మగ్గర్‌ మొసళ్లు నివసిస్తాయి. ఈలకం బాతులు, మరికొన్ని కొంగలు వలస పక్షులు ఇలా మొత్తం 150 రకాల పక్షులున్నాయి. గతంలో బర్డ్‌వాక్‌లు నిర్వహించారు. తాజాగా.. ఈ అభయారణ్యంలో పరిశోధన శాస్త్రవేత్తలు కొత్త బల్లిజాతిని గుర్తించారు. హెమిడాక్టిలస్‌ కోయాఓరం అని దీనికి నామకరణం చేశారు. జంతువులు, పక్షులు, సరీసృపాలు, ఇతర జీవులది పర్యావరణ వ్యవస్థలో ముఖ్య పాత్ర. వాటి మనుగడ కాపాడడడం ప్రతి ఒక్కరి బాధ్యత. అడవుల నరికివేత, వేట, అక్రమ రవాణా, అడవుల్లో మంటలు వంటి కారణాలతో అనేక వన్యజీవులు ప్రమాదంలో పడుతున్నాయి. వన్యప్రాణుల ఆవాసాలను రక్షించడం, అడవులను కాపాడడం, అక్రమ వేటను అరికట్టడంపై ప్రజల్లో అవగాహన పెంచడం ద్వారా వాటి మనుగడకు తోడ్పడవచ్చు. ముఖ్యంగా అడవులకు సమీపంలో నివసించే ప్రజలు వన్యప్రాణులతో సహజీవనం చేస్తూ, వాటికి హాని కలిగించకుండా జాగ్రత్తలు తీసుకోవచ్చు. ములుగు జిల్లా అడవుల్లో ఎలుగుబంటి, పిల్లి, అడవి పిల్లి, నాలుగు కొమ్ముల జింక, అడవి కుక్క, చుక్కల జింక, భారతీయ నక్క, అడవి దున్న, తోడేలు కుక్క, హైనా, నల్లమెడ కుందేలు, నక్క, చిరుతపులి, లంగూర్‌ కోతి, రీసస్‌ కోతి, ముంగీస, నీలగాయి, ముళ్లపంది, అలుగు, సాంబర్‌ జింక, పెద్ద ఉడుత, ఎగిరే ఉడుత, పులి, అడవి పంది ఉన్నట్లు అటవీశాఖ అధికారులు తెలిపారు. హనుమకొండ హంటర్‌ రోడ్డులోని కాకతీయ జూవాలాజికల్‌ పార్క్‌ సందర్శకులకు కనువిందునిస్తోంది. ఇక్కడ జంతువులు, పక్షులు, తామర కొలను ఆకట్టుకుంటోంది. చిరుత పులి, అడవిదున్నలు, ఎలుగుబంటి, నక్కలు, అడవి పిల్లి, చుక్కల దుప్పి, సాంబర్‌ దుప్పి, కొండగొర్రెలు, మూషిక జింకలు, మనుబోతు, కృష్ణ జింకలు మొసళ్లు, తాబేళ్లు, నక్షత్ర తాబేళ్లు, గ్రీన్‌ ఇంగ్వానా(తొండ) నాలుగు రకాల సరీసృపాలు, నిప్పుకోడి, రియా, నెమళ్లు, నలుపు, తెలుపు హంసలు, రామచిలుక, లవ్‌ బర్డ్స్‌ వంటి 26 రకాల పక్షులున్నాయి. సందర్శకులకు కనువిందు చేయడానికి పెద్దపులులను తీసుకొచ్చినా వాటిలో ఒకటి చనిపోయింది. మరొకటి అనారోగ్యానికి గురవడంతో హైదరాబాద్‌ జూపార్క్‌కు తరలించారు. కొత్తగా హాగ్‌డీర్‌, బార్కింగ్‌డీర్‌, (దక్షిణ ఎరుపురంగు జింకలు) లుటినో పార్కిట్‌ (పసుపురంగు రామచిలుక)లు అందుబాటులో ఉన్నాయి. తోడుకోసం ఏటా పులి ప్రయాణం.. టైగర్‌ రిజర్వ్‌ ఫారెస్ట్‌ ఉన్నా.. పులుల ఆవాసం ఉండడం లేదు. ప్రతీ ఏడాది మేటింగ్‌ సమయంలో సిర్పూరు నుంచి పులులు గోదావరి మీదుగా భూపాలపల్లి జిల్లాలోకి ప్రవేశిస్తుంటాయి. ఆడగానీ, మగతోడు కానీ దొరక్కపోవడంతో ఉమ్మడి జిల్లాలోని అటవీ ప్రాంతాలగుండా సంచరించి తిరిగి సొంత ప్రాంతానికి వెళ్తున్నాయి. 2021 డిసెంబర్‌లో మగపులి ఎస్‌–8, 2020 నవంబర్‌లో కూడా ఎం(ములుగు)–1 పులి కూడా సంచరించింది. గతేడాది కూడా ములుగు, భూపాలపల్లి జిల్లాలో పులి కలకలం రేపింది. ఇలా ప్రతీ ఏటా ఆడ, మగపులి జిల్లాకు వచ్చి వెళ్లిపోతున్నాయి. వీధికుక్కల సంరక్షణ కరువు సాధారణంగా వీధికుక్కలకు ప్రత్యేకంగా సంరక్షణ ఉండడం లేదు. ఇవి ఆహారం దొరక్క ప్రజలను కరుస్తున్నాయి. ఇలాంటి ఘటనలు నిత్యకృత్యమయ్యాయి. ఇటీవల సుప్రీంకోర్టు వీధికుక్కలను జనావాసాలకు దూరంగా తరలించి ప్రత్యేక సంరక్షణ చర్యలు తీసుకోవాలని సూచించింది. దీంతోపాటు ప్రత్యేకంగా ఫుడ్‌కోర్టులను ఏర్పాటుచేయాలని స్పష్టం చేసింది. అయినా వాటిని పట్టించుకునే వారు కరువయ్యారు. అటవీ శాఖ అధికారుల ప్రత్యేక దృష్టి.. అటవీశాఖ ఆధ్వర్యంలో ములుగు జిల్లాలోని అడవుల్లో సుమారు 169 కెమెరాలను అమర్చారు. వన్యప్రాణుల కదలికలను కెమెరాల్లో బంధించడానికి ప్రత్యేక చర్యలు చేపట్టారు. నిత్యం గూడేల్లో అటవీశాఖ అధికారులు తనిఖీలు చేస్తూ వేటాడే వస్తువులు, ఆయుధాలు, సామగ్రిని స్వాధీనం చేసుకుంటున్నారు. సందర్శకులకు కనువిందు

● ఎమ్మెల్యే నాయిని రాజేందర్‌రెడ్డికాజీపేట అర్బన్‌: రూ.2.60 కోట్ల నిధులతో గ్రేటర్‌ వరంగల్‌ 31వ డివిజన్‌ అభివృద్ధి పనులకు శంకుస్థాపన చేపట్టినట్లు పశ్చిమ ఎమ్మెల్యే నాయిని రాజేందర్‌రెడ్డి తెలిపారు. డివిజన్‌ పరిధిలోని అవంతి స్కూల్‌ కాలనీ, హంటర్‌ రోడ్డు విశాల్‌మార్ట్‌ ప్రాంతం, సూర్యోదయ కాలనీ, శ్రీరామ్‌ హిల్స్‌, హంటర్‌ హిల్స్‌రోడ్డు నంబర్‌ –3 ప్రాంతాల్లో అంతర్గత రోడ్లు, డ్రెయినేజీల నిర్మాణానికి శనివారం శంకుస్థాపన చేశారు. ఈ సందర్భంగా ఆయన మాట్లాడుతూ ప్రతీ డివిజన్‌లో మౌలిక వసతులు కల్పిస్తున్నట్లు తెలిపారు. కార్యక్రమంలో పీసీసీ మెంబర్‌ బత్తిని శ్రీనివాస్‌రావు, డివిజన్‌ ఇన్‌చార్జ్‌ మార్క విజయ్‌కుమార్‌, మాజీ కార్పొరేటర్‌ మామిండ్ల రాజు, వేల్పుల మోహన్‌రావు, డీసీసీ సభ్యుడు మామిండ్ల సురేష్‌, నాయకులు సత్తు రమేష్‌, సురేందర్‌, వేణు, కృష్ణ తదితరులు పాల్గొన్నారు. జనావాసాల్లో మురుగునీరా? జనావాసాల్లో మురుగునీరు నిలవడం ఏంటని అధికారులను ఎమ్మెల్యే నాయిని ప్రశ్నించారు. 31వ డివిజన్‌ పరిధిలోని అవంతి స్కూల్‌ కాలనీలో ఇళ్ల మధ్య ఖాళీ స్థలాల్లో మురుగు నీటి కుంటను ఆయన పరిశీలించారు. తక్షణమే ప్లాట్‌ యజమానులకు నోటీసులు అందజేసి, మొరం పోసి తగు చర్యలు తీసుకోవాలని ఆదేశించారు. సమస్యల పరిష్కారానికి కృషి హన్మకొండ: నియోజకవర్గంలో నెలకొన్న సమస్యల పరిష్కారానికి కృషి చేస్తున్నానని ఎమ్మెల్యే నాయిని రాజేందర్‌ రెడ్డి అన్నారు. 59వ డివిజన్‌ పరిధి హనుమకొండలోని అలీపురలో మహిళా కాంగ్రెస్‌ రాష్ట్ర అధ్యక్షురాలు ఎర్రబెల్లి స్వర్ణతో కలిసి శనివారం పర్యటించారు. స్థానికులను కలిసి సమస్యలు అడిగి తెలుసుకున్నారు. ముస్లిం కమ్యూనిటీ హాల్‌ అభివృద్ధికి ప్రత్యేక దృష్టి సారిస్తామని ఎమ్మెల్యే తెలిపారు. కార్యక్రమంలో టీపీసీసీ ఉపాధ్యక్షుడు ఈవీ శ్రీనివాస్‌ రావు, టీపీసీసీ సభ్యులు బత్తిని శ్రీనివాస్‌ రావు, స్థానిక నాయకులు నబీన్‌, మజార్‌, తేళ్ల కిశోర్‌, తేళ్ల సుగుణ, శృతి పాల్గొన్నారు.

కాళోజీ సెంటర్‌: కాకతీయ మెగా టెక్స్‌టైల్‌ పార్కు సమీపంలో కేజీ నుంచి పదో తరగతి వరకు ప్రభుత్వ పాఠశాలను తక్షణమే ఏర్పాటు చేయాలని ప్రగతిశీల ప్రజాస్వామ్య విద్యార్థి సంఘం (పీడీఎస్‌యూ) ఉమ్మడి వరంగల్‌ జిల్లా ప్రధాన కార్యదర్శి మర్రి మహేష్‌ డిమాండ్‌ చేశారు. ఈ మేరకు పీడీఎస్‌యూ ఉమ్మడి వరంగల్‌ జిల్లా కార్యవర్గం ఆధ్వర్యంలో వరంగల్‌ డీఈఓ కార్యాలయంలో సూపరింటెండెంట్‌ బాబ్జీకి శనివారం వినతిపత్రం అందజేశారు. ఈ సందర్భంగా మహేష్‌ మాట్లాడుతూ కాకతీయ మెగా టెక్స్‌టైల్‌ పార్కులోని పలు సంస్థల్లో ఇతర రాష్ట్రాలకు చెందిన కార్మికులు కుటుంబాలతో కలిసి పనిచేస్తున్నారని తెలిపారు. సమీపంలో పాఠశాల సదుపాయం లేకపోవడంతో వారి పిల్లలు విద్యకు దూరమవుతున్నారని పేర్కొన్నారు. సుమారు 300 మంది విద్యార్థుల భవిష్యత్‌ను దృష్టిలో ఉంచుకుని టెక్స్‌టైల్‌ పార్కు సమీపంలోనే కేజీ నుంచి పదో తరగతి వరకు ప్రభుత్వ పాఠశాలను ఏర్పాటు చేయాలని ప్రభుత్వాన్ని కోరారు. కార్యక్రమంలో పీడీఎస్‌యూ జిల్లా నాయకులు సంతోష్‌, సాగర్‌, హేశ్వంత్‌, స్టాలిన్‌ పాల్గొన్నారు.

● 11 నుంచి అండర్‌–14 పోటీలు వరంగల్‌ స్పోర్ట్స్‌: వరంగల్‌ జిల్లా క్రికెట్‌ అసోసియేషన్‌ ఆధ్వర్యంలో శుక్రవారం కరుణాపురం సమీపం వంగాలపల్లిలోని డీడబ్ల్యూడీసీ మైదానంలో జిల్లా లీగ్‌ పోటీల్లో పాల్గొనే జట్ల ఎంపికలు నిర్వహించారు. ఉమ్మడి వరంగల్‌ జిల్లా నుంచి సుమారు 400 మందికి పైగా క్రీడాకారులు హాజరైనట్లు అసోసియేషన్‌ జిల్లా కార్యదర్శి చాగంటి శ్రీనివాస్‌ తెలిపారు. హోరాహోరీగా సాగిన ఎంపికల్లో ప్రతిభ గల క్రీడాకారులతో కూడిన 8 జట్లను సెలెక్షన్‌ కమిటీ ఎంపిక చేసినట్లు తెలిపారు. ఎంపికై న జట్లకు ఈ నెల11 నుంచి లీగ్‌ తరహా పోటీలు నిర్వహించి అందులో అత్యుత్తమ ప్రతిభ కనబరిచిన క్రీడాకారులతో అండర్‌–14 ఉమ్మడి వరంగల్‌ జిల్లా తుది జట్టును ఎంపిక చేయనున్నట్లు తెలిపారు. డీడబ్ల్యూడీసీ జిల్లా అధ్యక్షుడు పెద్ది ప్రవీణ్‌గౌడ్‌, ఉపాధ్యక్షులు అచ్చ వెంకటేశ్వర రావు, తోట రాము, జిల్లా మాజీ కార్యదర్శి మార్నేని ఉదయ్‌భాను రావు, అసోసియేషన్‌ సభ్యులు పుల్లూరి శ్రీనివాస్‌ గౌడ్‌, విజయ్‌, శంకర్‌, మెతుకు కుమార్‌, సురేశ్‌, మట్టెడ కుమార్‌, బండారి ప్రభాకర్‌, ఎ. వేణుగోపాల్‌, అఫ్జల్‌, రాజ్‌ కుమార్‌, సదానంద్‌ యాదవ్‌ హాజరయ్యారు.

కాళోజీ సెంటర్‌: తెలంగాణ ఓపెన్‌ స్కూల్‌ సొసైటీ పరీక్ష ఫీజుల విషయంలో విద్యార్థులనుంచి అదనంగా ఫీజులు వసూలు చేసిన ఆరోపణలపై వరంగల్‌ మట్టెవాడ జీహెచ్‌ఎస్‌ స్కూల్‌ అసిస్టెంట్‌ వి.అజయ్‌బాబును డీఈఓ బి.రంగయ్యనాయుడు సస్పెండ్‌ చేశారు. ‘ఓపెన్‌ స్కూల్‌ కోఆర్డినేటర్ల మాయాజాలం’ శీర్షికన సాక్షిలో ఆగస్టు 22న ప్రచురితమైన కథనానికి అధికారులు స్పందించి విచారణ చేపట్టారు. 12మంది విద్యార్థుల నుంచి అదనంగా వసూలు చేసిన ఫీజులను సొసైటీకి జమ చేయలేదని తెలిపారు. దీంతో వారు పరీక్షలకు హాజరుకాలేక ఒక విద్యా సంవత్సరం కోల్పోయినట్లు విచారణలో వెల్లడైందని అధికారులు తెలిపారు. ఈ వ్యవహారంపై సమగ్ర విచారణ కొనసాగుతోందని, తదుపరి క్రమశిక్షణ చర్యలు తీసుకుంటామని డీఈఓ పేర్కొన్నారు.

● రాష్ట్ర అధ్యక్షుడిగా మియాపురం శ్రీకాంతాచారి హన్మకొండ చౌరస్తా: తెలంగాణ రాష్ట్ర వ్యాప్తంగా మున్సిపల్‌ కార్యాలయాల్లో పనిచేస్తున్న కంప్యూటర్‌ ఆపరేటర్లు శుక్రవారం హనుమకొండలోని పబ్లిక్‌ గార్డెన్‌లో సమావేశమయ్యారు. ఈ సందర్భంగా తెలంగాణ రాష్ట్ర మున్సిపల్‌ ఔట్‌సోర్సింగ్‌ కంప్యూటర్‌ ఆపరేటర్ల అసోసియేషన్‌ కమిటీని ఎన్నుకున్నారు. రాష్ట్ర అధ్యక్షుడిగా జీడబ్ల్యూఎంసీలో విధులు నిర్వర్తిస్తున్న మియాపురం శ్రీకాంతాచారి ఏకగ్రీవంగా ఎన్నికయ్యారు. ఉపాధ్యక్షురాలిగా పి. గాయత్రి, కార్యదర్శులుగా వరయోగుల నరేశ్‌, ధరణికోట సంతోశ్‌, కోశాధికారిగా బేలా చరణ్‌ కుమార్‌, సహ కోశాధికారిగా రంగు యుగేంధర్‌, సంయుక్త కార్యదర్శులుగా వి.మారుతి, సకినాల నాగరాజు, నాయకం గంగాధర్‌, వర్కింగ్‌ ప్రెసిడెంట్లుగా ఎస్‌. మాధవి, ఉస్మాన్‌ పాషా, పూజారి కిరణ్‌, అధికార ప్రతినిధిగా తత్తరి లింగనాథ్‌, ముఖ్య సలహాదారులుగా బి.వెంకటరంగ నెహ్రూ, ఎం.డి ఖాజా, నాగ కిరణ్‌ కుమార్‌, ఆర్గనైజింగ్‌ సెక్రటరీలుగా ఆర్‌.ప్రశాంత్‌ బాబు, ఎన్‌. నరేశ్‌, మీడియా కన్వీనర్లు ఇబ్రహీం అలీ, హరి ఎన్నికయ్యారు. రాష్ట్ర వ్యాప్తంగా మున్సిపల్‌ కార్యాలయాల్లో పనిచేస్తున్న కంప్యూటర్‌ ఆపరేటర్ల సమస్యలను ప్రభుత్వం దృష్టికి తీసుకెళ్లి ఉద్యోగుల హక్కులు, వేతన భద్రత, ఉద్యోగ సంబంధిత సమస్యల పరిష్కారం కోసం సంఘటితంగా కృషి చేయడమే కమిటీ ప్రధాన లక్ష్యమని శ్రీకాంతాచారి తెలిపారు. కార్యక్రమంలో శ్రీనివాస్‌, రాజేశ్‌, మహేశ్‌ కుమార్‌, క్రాంతి కుమార్‌, జగదీశ్వర్‌ రెడ్డి, విజయకుమార్‌ తదితరులు పాల్గొన్నారు. తప్పిపోయిన వ్యక్తి అప్పగింతకాజీపేట రూరల్‌: కాజీపేట జీఆర్‌ పోలీసులు శుక్రవారం తప్పిపోయిన ఓ వ్యక్తిని కుటుంబ సభ్యులకు అప్పగించారు. గుంటూరు జిల్లా నర్సారావుపేటకు చెందిన మతిస్థిమితం లేని 50 ఏళ్ల బొల్లపల్లి సుకుమార్‌ కుటుంబీకులతో కలిసి మంచిర్యాల జిల్లా బెల్లంపల్లి చర్చికి వచ్చాడు. వారి కళ్లుగప్పి మంచిర్యాల స్టేషన్‌లో బీదర్‌ ఎక్స్‌ప్రెస్‌ రైలు ఎక్కాడు. కుటుంబీకులు మంచిర్యాల పోలీసులకు ఫిర్యాదు చేయగా వారు కాజీపేట పోలీసులకు సమాచారం ఇచ్చారు. కాజీపేట హెడ్‌కానిస్టేబుల్‌ ఓంకార్‌, అశోక్‌, కోటేష్‌ అప్రమత్తమై కాజీపేటకు చేరుకున్న రైలులో అన్ని బోగీలను తనిఖీ చేసి సుకుమార్‌ను గుర్తించి కిందికి దింపారు. కుటుంబసభ్యులు రాగా వారికి అప్పగించారు. దీంతో కుటుంబ సభ్యులు కాజీపేట జీఆర్‌ పోలీసులకు కృతజ్ఞతలు తెలిపారు. నర్సింగ్‌ విద్యార్థిని ఆత్మహత్యకాజీపేట అర్బన్‌ : హంటర్‌రోడ్డు న్యూశాయంపేటలోని డబుల్‌ బెడ్‌ రూం ఇళ్లలో నివాసం ఉంటున్న బీఎస్సీ నర్సింగ్‌ విద్యార్థిని ల్యాదల్ల అపర్ణ(21) శుక్రవారం ఉరి వేసుకుని ఆత్మహత్య చేసుకుంది. కాజీపేటకు చెందిన అపర్ణ వారం రోజులక్రితం న్యూశాయంపేటలోని డబుల్‌ బెడ్‌రూం ఇంటికి వెళ్లి అక్కడే ఉంటోంది. కాజీపేట ఫాతీమానగర్‌లోని ఓ కాలేజీలో బీఎస్సీ నర్సింగ్‌ సెకండియర్‌ చదువుతుంది. ఆత్మహత్యకు గల కారణాలు తెలియరాలేదు. సుబేదారి పోలీసులు ఘటనస్థలానికి చేరుకుని పరిశీలించారు. ఆత్మహత్యకు గల కారణాలపై ఆరా తీస్తున్నారు.

హన్మకొండ చౌరస్తా: హనుమకొండలోని విజయ టాకీస్‌ ఎదుట గల ప్రపంచ పేరెన్నిక గల జోయాలుక్కాస్‌ జ్యువెలరీ షోరూంలో శుక్రవారం ‘బ్రిలియన్స్‌ డైమండ్‌ జ్యువెలరీ షో’ ప్రారంభమైంది. ఈ షో తెలంగాణను మెరిపించనుంది. ఈ ప్రదర్శనలో వజ్రాభరణాలలో నైపుణ్యం, సొబగులు, సరికొత్త ఆవిష్కరణల అపురూప వేడుకను అందిస్తుందని యాజమాన్యం వెల్లడించింది. పెళ్లిళ్లకు అద్భుత నగల సెట్‌ల నుంచి నిత్యం ధరించే ఆధునిక ఆభరణాల వరకు ఈ ప్రదర్శనలో కాలాతీతమైన సంప్రదాయం, ఆధునికత కలగలిసిన ఆభరణాలు లభ్యమవుతాయని తెలిపారు. ప్రతీ డిజైన్‌ ఓ కళాఖండమని, ఇది ఈ షో జరిగే పరిమిత కాలం వరకు మాత్రమే అందుబాటులో ఉంటుందని జోయాలుక్కాస్‌ గ్రూప్‌ చైర్మన్‌ డాక్టర్‌ జోయ్‌ అలుక్కాస్‌ వెల్లడించారు. ‘బ్రిలియన్స్‌ డైమండ్‌ జ్యువెలరీ షో వజ్రాల శాశ్వతమైన ఆకర్షణ, ఆభరణాల రూపకల్పనలో తమ పరిపూర్ణతకు నిదర్శనమన్నారు. తెలంగాణ తమ ప్రయాణంలో ఒక ప్రత్యేక స్థానం కలిగి ఉందన్నారు. ప్రదర్శన సమయంలో రూ.లక్ష అంతకంటే ఎక్కువ విలువైన వజ్రాభరణాలు కొనుగోలు చేసిన ప్రతీ వినియోగదారుడికి ఒక ఉచిత బంగారు నాణెం అందిస్తున్నట్లు, ఇది షాపింగ్‌ అనుభవానికి మరింత మెరుపును జోడిస్తుందన్నారు. అత్యంత ప్రత్యేకంగా నిర్వహిస్తున్న ‘బ్రిలియన్స్‌ డైమండ్‌ జ్యువెలరీ షో’ ఈ నెల 18 వరకు మాత్రమే అందుబాటులో ఉంటుందని వెల్లడించారు.

హసన్‌పర్తి/కాశిబుగ్గ/కాజీపేట/ఖిలావరంగల్‌/కాజీపేట అర్బన్‌: : గాంధీ జయంతి రోజు మద్యం విక్రయాలు బంద్‌ చేసిన నేపథ్యంలో గ్రేటర్‌ వరంగల్‌ పరిధిలో బెల్ట్‌షాపుల దందా జోరుగా సాగింది. కాకతీయ యూనివర్సిటీ పోలీస్‌స్టేషన్‌ పరిఽధిలోని వివేకనగర్‌కాలనీలో ఓ మహిళ మద్యం విక్రయాలు చేపడుతున్నారనే పక్క సమాచారంతో పోలీసులు దాడులు నిర్వహించారు. ఈసందర్భంగా సుమారు రూ.1,12,410 విలువైన మద్యాన్ని స్వాధీనం చేసుకున్నట్లు పోలీస్‌ ఇన్‌స్పెక్టర్‌ రవికుమార్‌ తెలిపారు. అదేవిధంగా గణేష్‌ నగర్‌లో రాజు అనే యువకుడు నిర్వహిస్తున్న బెల్ట్‌షాపుపై దాడులు చేసి రూ.10వేల విలువైన మద్యాన్ని స్వాధీనం చేసుకున్నారు. ఆ మద్యాన్ని సీజ్‌ చేసి ఇద్దరిపై కేసు నమోదు చేసినట్లు ఇన్‌స్పెక్టర్‌ తెలిపారు. ● కాజీపేట వడ్డెర కాలనీలో ఓ మహిళ, సోమిడి రోడ్డులో సురేందర్‌లు నడిపిస్తున్న బెల్ట్‌షాపులపై టాస్క్‌ఫోర్స్‌ పోలీసులు దాడులు చేసి రూ.20 వేల మద్యాన్ని స్వాధీనం చేసుకున్నారు. వారిపై కేసులు నమోదు చేశారు. తనిఖీల్లో ఇన్‌స్పెక్టర్‌ సుబ్బారెడ్డి, ఎస్సై ఉప్పలయ్య, సిబ్బంది పాల్గొన్నారు. ● మడికొండలోని స్వామి క్యాంటీన్‌పై దాడి చేసి రూ.33,800 విలువగల మద్యాన్ని టాస్క్‌ఫోర్స్‌ పోలీసులు స్వాధీనం చేసుకున్నారు. నిర్వాహకుడు పల్లపు శంకర్‌ను అదుపులోకి తీసుకున్నారు. అదేవిధంగా కెనరా బ్యాంకు ఎదురుగా గల బెల్ట్‌షాపుపై మడికొండ పోలీసులు దాడి చేసి రూ.7,500 విలువగల మద్యాన్ని స్వాధీనం చేసుకున్నారు. నిర్వాహకుడు పల్లపు యాదగిరిపై కేసు నమోదు చేశారు. వరంగల్‌ పరిధిలో ● వరంగల్‌ తుమ్మలకుంట, ఆటోనగర్‌ ప్రాంతాల్లో అక్రమంగా ఐఎంఎఫ్‌ఎల్‌ బీర్లు విక్రయిస్తున్నారనే సమాచారంతో టాస్క్‌ఫోర్స్‌ పోలీసులు శుక్రవారం దాడి చేశారు. ఓ మహిళను అరెస్టు చేసి, ఆమె వద్ద ఉన్న రూ.13,480 విలువైన మద్యం స్వాధీనం చేసుకున్నారు. టాస్క్‌ఫోర్స్‌ ఏసీపీ మధుసూదన్‌ ఆదేశాల మేరకు ఈ దాడిలో సీఐ వి.క్రాంతికుమార్‌, ఎస్‌ఐ సుధాకర్‌, సిబ్బంది పాల్గొన్నారు. ● వరంగల్‌ సాకరాశికుంటలోని ఎనుగందుల రవి, ఓ మహిళ వేర్వేరుగా తమ ఇళ్లలో మద్యం విక్రయాలు జరుపుతుండగా టాస్క్‌ఫోర్స్‌ పోలీసులు దాడి చేశారు. రూ.60,640 విలువైన మద్యం సీజ్‌ చేశారు. వారిద్దరిపై కేసు నమోదు చేసి తదిపరి చర్యల నిమిత్తం మిల్స్‌కాలనీ పోలీసులకు కేసును అప్పగించనట్లు టాస్క్‌ఫోర్స్‌ ఇన్‌స్పెక్టర్‌ రాజు తెలిపారు. తనిఖీల్లో ఆర్‌ఎస్సై భాను ప్రకాశ్‌, సిబ్బంది సంతోష్‌రెడ్డి పాల్గొన్నారు. చికెన్‌ వంట భీమారంలోని ఓ ప్రైవేట్‌ డిగ్రీ కళాశాల నిర్వాహకులు శుక్రవారం స్థానిక ఓ ఫంక్షన్‌ హాల్‌లో విద్యార్థులకు ఫ్రెషర్స్‌ డే కార్యక్రమాన్ని ఏర్పాటు చేశారు. ఈ సందర్భంగా విద్యార్థులకు మధ్యాహ్న భోజనంకింద చికెన్‌ బిర్యాని తయారు చేయించగా అధికారులకు సమాచారం అందింది. అప్రమత్తమైన కళాశాల నిర్వాహకులు చికెన్‌ వంటకాలను మరో ప్రాంతానికి తరలించి వండించినట్లు సమాచారం. ఈ విషయం స్థానికంగా చర్చనీయాంశమైంది. భారీగా మద్యం స్వాధీనం

వేములవాడ: రాజన్న సిరిసిల్ల జిల్లా వేములవాడలో ప్రభుత్వ జూనియర్‌ కళాశాల మైదానంలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్టహాసంగా ప్రారంభమయ్యాయి. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు ఈ పోటీల్లో పాల్గొంటున్నారని నిర్వాహకులు తెలిపారు. ఈ సందర్భంగా ఉమ్మడి జిల్లా పరిధిలోని హనుమకొండ, జనగామ, భూపాలపల్లి, మహబూబాబాద్‌, ములుగు జిల్లాల క్రీడాకారులు చేసిన మార్చ్‌ఫాస్ట్‌ ఆకట్టుకుంది.

వరంగల్‌ స్పోర్ట్స్‌: హనుమకొండ జిల్లా పాఠశాల క్రీడల సమాఖ్య ఆధ్వర్యంలో ఉమ్మడి వరంగల్‌ జిల్లా స్థాయి అండర్‌–14,17 బాలబాలికల జూడో ఎంపిక పోటీలు శుక్రవారం వరంగల్‌లోని కెమిస్ట్‌ భవన్‌లో నిర్వహించారు. ఉమ్మడి జిల్లా నుంచి 120 మంది హాజరు కాగా ఇందులో ప్రతిభ కనబరిచిన క్రీడాకారులను ఈ నెల 11 నుంచి 13వ తేదీ వరకు కెమిస్ట్‌ భవన్‌లో జరగనున్న రాష్ట్ర స్థాయి పోటీలకు ఎంపిక చేయనున్నట్లు ఎస్‌జీఎఫ్‌ హనుమకొండ జిల్లా నిర్వహణ కార్యదర్శి వాసుదేవరావు తెలిపారు. ఈ కార్యక్రమంలో పీఈటీల సంఘం బాధ్యుడు ప్రభాకర్‌ రెడ్డి, జూడో అసోసియేషన్‌ బాధ్యుడు కై లాస్‌యాదవ్‌ , ఎస్‌జీఎఫ్‌ వరంగల్‌ జిల్లా ఆర్గనైజింగ్‌ సెక్రటరీ పుల్ల అనిల్‌ కుమార్‌, గుగులోత్‌ కిషన్‌, డాక్టర్‌ రాము, ప్రేమ్‌ప్రసాద రావు, జూడో కోచ్‌లు నాగరాజు, సురేశ్‌, కుమార్‌, నిశాంత్‌ తదితరులు పాల్గొన్నారు.

విద్యారణ్యపురి: పీఎం శ్రీ స్కూళ్లలో ప్రత్యేక అవసరాల పిల్లల కోసం సమ్మిళిత విద్యను బలోపేతం చేసే దిశగా ఆయా స్కూళ్లలో గెస్ట్‌ (అతిథి) ప్రత్యేక అవసరాల ఉపాధ్యాయుల నియామకాలు తాత్కాలిక పద్ధతిన నియమించుకునేందుకు రాష్ట్ర సమగ్రశిక్ష ప్రాజెక్టు డైరెక్టర్‌ నవీన్‌నికోలస్‌ తాజాగా ఆదేశాలు జారీచేశారు. ఈ నేపథ్యంలో ఉమ్మడి వరంగల్‌ జిల్లాలోనూ ప్రత్యేక అవసరాల పిల్లలకు పాఠశాల స్థాయిలో నిర్దేశిత భవిత కేంద్రాల ద్వారా తగిన విద్యాసాయ సేవలు అందించి సమ్మిళిత విద్యను బలో పేతం చేయడమే ఈ నియామకాల లక్ష్యంగా ఉంది. మార్గదర్శకాలు జారీ.. తాత్కాలిక పద్ధతిన ఐదు నెలల కాల వ్యవధికి ప్రత్యేక అవసరాల పిల్లలకు విద్యనందించేందుకు ఉపాధ్యాయులను నియమించుకోవాల్సి ఉంటుంది. గౌరవ వేతనం ఒక్కో టీచర్‌కు ప్రతీనెల రూ. 16,500 చొప్పున ఐదు నెలలకు మొత్తం రూ. 82 వేల 500 చెల్లిస్తారు. అర్హతలు.. గెస్ట్‌ (అతిథి) ప్రత్యేక అవసరాల అధ్యాపకులుగా నియమితులయ్యే వారికి బీఎడ్‌ (ప్రత్యేక విద్య)తో గ్రాడ్యుయేట్‌ బీఎడ్‌ (జనరల్‌ )తోపాటు ఆ ప్రత్యేక విద్యలో ఒక సంవత్సరం డిప్లొమా, బీఎడ్‌తోపాటు ప్రత్యేక విద్యలో రెండు సంవత్సరాల డిప్లొమా, ప్రత్యేక విద్యలో పోస్టు గ్రాడ్యుయేట్‌, ప్రొఫెషనల్‌ డిప్లొమా, దృష్టిలోపంలో సెకండరీ స్థాయి ఉపాధ్యాయ శిక్షణ పొందిన వారు అర్హులు. స్థానికులకు ప్రాధాన్యం.. ఈ నియామకాల్లో స్థానికులకే ప్రాధాన్యం ఇస్తారు. అర్హులైన అభ్యర్థుల్లో అనుభవం ఉన్నవారికి కూడా ప్రాధాన్యతనిస్తారు. ప్రతీజిల్లాలోనూ విద్యాశాఖ ఈనెలలో దరఖాస్తులు స్వీకరించి అర్హులను ఎంపిక చేయనుంది. ఈఏడాది నవంబర్‌ 1 నుంచి ఐదు నెలలపాటు వీరి సేవలను వినియోగించుకుంటారు. హనుమకొండ జిల్లాలో ఈనెల 7వతేదీ వరకు అర్హులైన అభ్యర్థుల నుంచి దరఖాస్తులు స్వీకరించనున్నారు. మిగతా జిల్లాల డీఈఓలు కూడా దరఖాస్తులు ఆహ్వానించనున్నారు. ప్రత్యేక అవసరాల ఉపాధ్యాయుల విధులు, బాధ్యతలు.. ● ప్రత్యేక విద్య సాయం అవసరమైన ప్రత్యేక అవసరాల పిల్లలను గుర్తించి అంచనా వేయడం, ● ప్రత్యేక అవసరాల నమోదు, తరగతి మార్పులో సహకరించడం ● భవిత కేంద్రాల్లో ప్రత్యేక అవసరాల పిల్లలకు సేవలు అందించడంలో అందుబాటులో ఉండాలి. ● అవసరమైనప్పుడు పాఠశాల,ఇంటి సందర్శనలు, తగిన కౌన్సెలింగ్‌ మార్గదర్శకం ఇవ్వడం. డీఈఓలు పర్యవేక్షణ.. ● జిల్లాల్లో ప్రత్యేక అవసరాల ఉపాధ్యాయుల నియామకాలు, పనితీరుపై జిల్లా విద్యాశాఖాధికారులు సమగ్ర పర్యవేక్షణ నిర్వహిస్తారు. ఉమ్మడి వరంగల్‌ జిల్లాలో పీఎం శ్రీ స్కూళ్ల వివరాలు జిల్లా పీఎంశ్రీస్కూళ్లు గౌరవవేతనం ఐదునెలలకు (రూ.ల్లో) హనుమకొండ 16 13,20,000 వరంగల్‌ 14 11,55,000 జనగామ 14 11,55,000 ములుగు 07 5,77,500 మహబూబాబాద్‌ 21 17,32,500 జయశంకర్‌భూపాలపల్లి 07 5,77,500 మొత్తం 79 65,17, 500ఉమ్మడి వరంగల్‌ జిల్లాలో హనుమకొండ, వరంగల్‌, ములుగు, జనగామ, మహబూబాబాద్‌, జయశంకర్‌ భూపాలపల్లి జిల్లాలో 79 పీఎం శ్రీస్కూళ్లలో ఈ గెస్ట్‌ ప్రత్యేక ఉపాధ్యాయులను నియమించనున్నారు. ఇందుకు మొత్తం ఒక్కో ఉపాధ్యాయుడికి నెలకు రూ. 16,500 చొప్పున ఐదునెలలకు రూ.82, 500 వేతనం చెల్లిస్తారు. ఆరు జిల్లాలోని 79 పీఎం శ్రీస్కూళ్లకు 79మంది అతిథి ప్రత్యేక ఉపాధ్యాయులను నియమించనున్నారు. మొత్తం ఐదు నెలలకుగాను రూ. 65లక్షల, 17, 500 గౌరవ వేతనం కింద నిధులు సమగ్ర శిక్షనుంచి కేటాయించారు. (మంజూరు) పీఎం శ్రీపాఠశాలల హెచ్‌ఎంలు సమగ్ర శిక్ష మార్గదర్శకాలను తప్పనిసరిగా పాటించాల్సి ఉంటుంది. ఒక్కో ఉపాధ్యాయుడికి నెలకు రూ.16, 500 గౌరవ వేతనం మార్గదర్శకాలు జారీ..ఉమ్మడి వరంగల్‌ జిల్లాలో 79 స్కూళ్లు

హన్మకొండ: చెత్త, వ్యర్థాలను బల్దియా తరలించలేక ఎక్కడికక్కడే తగలబెడుతుండడంతో నగరం పొగతో నిండిపోతోంది. శుక్రవారం హనుమకొండలోని గోకుల్‌ కూడలి (తిరుమల బార్‌) కూడలి నుంచి సుబేదారి వెళ్లే 80 ఫీట్ల రోడ్డులో కల్యాణి ఫంక్షన్‌ హాల్‌ సమీపంలో చెట్ల కొమ్మలు కత్తిరించారు. వాటిని తరలించకుండా నిప్పు పెట్టారు. దీంతో ఈ ప్రాంతమంతా పొగతో కమ్ముకుపోయింది. మంటలు ఆరిన తర్వాత బూడిద గాల్లోకి కలిసి సమీప ఇళ్లల్లోకి చేరింది. గాల్లో కలుస్తున్న బూడిదతో వాహనదారులు, స్థానికులు తీవ్ర అసౌకర్యానికి గురవుతున్నారు.

సాక్షి, వరంగల్‌: మామునూరు విమానాశ్రయ అభివృద్ధి పనుల్లో మరో కీలక ముందడుగు పడింది. ఈ నెల 15 నుంచి బౌండరీ వాల్‌ నిర్మాణ పనులు ప్రారంభం కానున్నాయి. విమానాశ్రయం కోసం కొత్తగా సేకరించిన భూమి చుట్టూ ప్రీ కాస్ట్‌ ప్రహరీ గోడ నిర్మించడంతో పాటు, ఇప్పటికే ఉన్న గోడ ఎత్తును పెంచేందుకు ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ) చర్యలు చేపట్టింది. ఇందుకోసం రూ.13.28 కోట్లతో హైదరాబాద్‌కు చెందిన సైడాక్స్‌ ఇంజనీర్స్‌ అండ్‌ ఇన్‌ఫ్రాస్ట్రక్చర్స్‌ ప్రైవేట్‌ లిమిటెడ్‌ సంస్థకు తాజాగా వర్క్‌ ఆర్డర్‌ జారీ చేసింది. ఈ నెల 14లోపు కాంట్రాక్టు సంస్థ ఒప్పంద పత్రాలపై సంతకాలు చేసి, ఏఏఐ వరంగల్‌ విమానాశ్రయ అసిస్టెంట్‌ జనరల్‌ మేనేజర్‌ (ఇంజనీరింగ్‌–సివిల్‌) సమక్షంలో పనుల స్థలాన్ని స్వాధీనం చేసుకోవాల్సి ఉంటుంది. అనంతరం నిర్మాణ పనులు ప్రారంభం కానున్నాయి. టెండర్‌ నిబంధనల ప్రకారం 15 నెలల్లో పూర్తి చేయాల్సి ఉంది. రూ.21.39 కోట్ల అంచనా.. 37.89 శాతం తక్కువకు టెండర్‌.. బౌండరీ వాల్‌ నిర్మాణ పనులకు ఏఏఐ అధికారులు రూ.21,39,52,823 అంచనా వ్యయాన్ని నిర్ణయించారు. టెండర్‌ ప్రక్రియలో సైడాక్స్‌ ఇంజనీర్స్‌ సంస్థ రూ.13,28,86,521.60కు పనులు చేపట్టేందుకు ముందుకొచ్చింది. అంచనా వ్యయం కంటే 37.89 శాతం తక్కువకు టెండర్‌ దక్కించుకుంది. ఈ మొత్తానికి జీఎస్టీ అదనం. వర్క్‌ ఆర్డర్‌ జారీ కావడంతో నిర్మాణానికి అవసరమైన ఏర్పాట్లు పూర్తిచేసి ఈ నెల 15నుంచి పనులు చేపట్టనున్నారు. భద్రతా నిబంధనలకు అనుగుణంగా... ఈ ప్రాజెక్ట్‌లో రెండు ప్రధాన పనులు చేపట్టనున్నారు. విమానాశ్రయం కోసం కొత్తగా సేకరించిన భూమి చుట్టూ ప్రీ కాస్ట్‌ బౌండరీ వాల్‌ నిర్మించనున్నారు. అలాగే ప్రస్తుతం ఉన్న ప్రహరీ గోడ ఎత్తును బ్యూరో ఆఫ్‌ సివిల్‌ ఏవియేషన్‌న్‌ సెక్యూరిటీ (బీసీఏఎస్‌) నిబంధనలకు అనుగుణంగా పెంచనున్నారు. విమానాశ్రయ భూముల పరిరక్షణ, అనధికార ప్రవేశాల నియంత్రణ, భద్రతాపరమైన ఏర్పాట్లకు ఈ పనులు దోహదపడనున్నాయి. ఇదిలా ఉండగా 949.44 ఎకరాల విస్తీర్ణంలో కొద్ది నెలల క్రితం రూ.203.49 కోట్లతో రన్‌ వే ఆధునీకరణనుంచి టెర్మినల్‌కు అనుసంధాన రహదారులు, విమానాల పార్కింగ్‌ ఆప్రాన్‌, ట్యాక్సీ వేలు, గ్రౌండ్‌ సపోర్ట్‌ సదుపాయాల వరకు టెండర్లు పిలిచిన ఏఏఐ.. ఇటీవల రూ. 213.59 కోట్ల అంచనా వ్యయంతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కమ్‌ టెక్నికల్‌ బ్లాక్‌, ఎలక్ట్రికల్‌ సబ్‌స్టేషన్‌, ఫైర్‌ స్టేషన్‌, ఈఅండ్‌ఎం వర్క్‌షాప్‌ వంటి కీలక మౌలిక వసతులను నిర్మించేందుకు టెండర్లు పిలిచిన విషయం తెలిసిందే. కీలకమైన ఈ పనులు కూడా ట్రాక్‌లోకి ఎక్కితే మామునూరు విమానాశ్రయ నిర్మాణ పనులు ఊపందుకోనున్నాయి. రూ.13.28 కోట్లతో బౌండరీ వాల్‌ నిర్మాణం ప్రారంభం కొత్తగా సేకరించిన భూమి చుట్టూ ప్రీ కాస్ట్‌ ప్రహరీ పాతగోడ ఎత్తు పెంపునకు చర్యలు 15 నెలల్లో పూర్తి చేయాలని లక్ష్యం

●సాక్షిప్రతినిధి, వరంగల్‌ : సికింద్రాబాద్‌–న్యూఢిల్లీ మధ్య ఉత్తర తెలంగాణను దేశ రాజధానితో అనుసంధానిస్తూ ఐదు దశాబ్దాలుగా పరుగులు తీస్తున్న తెలంగాణ సూపర్‌ఫాస్ట్‌ ఎక్స్‌ప్రెస్‌ (12723/12724) 50 ఏళ్ల ప్రస్థానాన్ని పూర్తి చేసుకోనుంది. 1976, అక్టోబర్‌ 3న అప్పటి ఆంధ్రప్రదేశ్‌ సూపర్‌ఫాస్ట్‌ ఎక్స్‌ప్రెస్‌గా ప్రారంభమైన ఈ రైలు.. రాష్ట్ర విభజన అనంతరం పేరు మార్పు చేసుకుని నేటి(2026, అక్టోబర్‌ 3)తో ఐదు దశాబ్దాలు పూర్తి చేసుకుంటోంది. ఈ రైలుతో ఉమ్మడి వరంగల్‌కు ప్రత్యేక అనుబంధం ఉంది. ప్రారంభ సమయంలో కాజీపేట జంక్షన్‌లోనే హాల్ట్‌ ఉండేది. ఇక్కడి ప్రయాణికులు ఢిల్లీ, ఉత్తర భారత ప్రాంతాలకు రాకపోకలు సాగించేందుకు ఇది కీలక రవాణా మార్గమైంది. వారానికి రెండు రోజులతో మొదలు.. 1976లో రైలు ప్రారంభించినప్పుడు వారానికి రెండు రోజులు మాత్రమే నడిచేది. అది కూడా 14 బోగీలతో సేవలందించేది. ప్రయాణికుల ఆదరణ, డిమాండ్‌ పెరగడంతో వారానికి మూడు రోజులకు సర్వీసులను పెంచారు. అనంతరం 1991లో నిత్యసేవగా మార్చడంతో పాటు బోగీల సంఖ్యను 24కు పెంచారు. ప్రస్తుతం ఎల్‌హెచ్‌బీ కోచ్‌లతో నడుస్తుండగా.. రైలులో 22 కోచ్‌లు ఉంటున్నాయి. రైలు ప్రారంభించిన తొలినాళ్లలో కాజీపేట జంక్షన్‌లో మాత్రమే స్టాప్‌ సదుపాయం ఉండేది. దీంతో వరంగల్‌, హనుమకొండతో పాటు ఉత్తర తెలంగాణ ప్రాంతాల నుంచి ఢిల్లీ వెళ్లే ప్రయాణికులకు కాజీపేట కీలక బోర్డింగ్‌ పాయింట్‌గా మారింది. తర్వాత ప్రయాణికుల డిమాండ్‌కు అనుగుణంగా సిర్పూర్‌ కాగజ్‌నగర్‌, రామగుండం, మంచిర్యాల, బెల్లంపల్లిలోనూ హాల్ట్‌ సదుపాయం కల్పించారు.

మాజీ ఎమ్మెల్యే దాస్యం వినయ్‌భాస్కర్‌ హన్మకొండ: ఆడబిడ్డల ఆత్మగౌరవానికి కల్యాణలక్ష్మి కొండత భరోసా అని మాజీ ప్రభుత్వ ఎమ్మెల్యే దాస్యం వినయ్‌భాస్కర్‌ అన్నారు. శుక్రవారం హనుమకొండ బాలసముద్రంలోని బీఆర్‌ఎస్‌ కార్యాలయంలో కల్యాణలక్ష్మి పథకం అమలు ప్రారంభమై 12 ఏళ్లు అవుతున్న సందర్భంగా పథకాన్ని ప్రవేశపెట్టిన మాజీ సీఎం కేసీఆర్‌ కటౌట్‌కు బీఆర్‌ఎస్‌ పార్టీ ఆధ్వర్యంలో మాజీ ఎమ్మెల్యే వినయ్‌ భాస్కర్‌, నాయకులతో కలిసి కేసీఆర్‌ కటౌట్‌కు క్షీరాభిషేకం చేశారు. ఈసందర్భంగా వినయ్‌భాస్కర్‌ మాట్లాడుతూ కేసీఆర్‌ హయాంలో కల్యాణలక్ష్మి, షాదీ ముబారక్‌, ఆసరా వంటి అనేక సంక్షేమ పథకాలు పేదల జీవితాల్లో మార్పులు తెచ్చాయన్నారు. ఆడబిడ్డల సంక్షేమానికి సంబంధించిన పథకాలను ప్రభుత్వం నీరుగార్చడం సరికాదన్నారు. కార్యక్రమంలో కుడా మాజీ చైర్మన్‌ మర్రి యాదవరెడ్డి, మాజీ కార్పొరేటర్లు, మాజీ డివిజన్‌ అధ్యక్షులు, బీఆర్‌ఎస్‌ నాయకులు, కార్యకర్తలు తదితరులు పాల్గొన్నారు.

హసన్‌పర్తి: జాతిపిత మహాత్మాగాంఽఽధీ ఆశయాలు కొనసాగించాలని వరంగల్‌ పోలీస్‌ కమిషనర్‌ శ్వేత అన్నారు. గాంధీ జయంతి సందర్భంగా శుక్రవారం వరంగల్‌ కమిషనరేట్‌ కార్యాలయంలో ఆయన చిత్రపటానికి పూలమాలవేసి నివాళులర్పించారు. సెంట్రల్‌ జోన్‌ డీసీపీ దార కవిత, అడిషనల్‌ డీసీపీ రాయల ప్రభాకర్‌రావు, పోలీస్‌ అధికారులు ఉన్నారు. కాజీపేట అర్బన్‌: నిట్‌ వరంగల్‌లో పీహెచ్‌డీ, విశ్వేశ్వరయ్య పీడీఎఫ్‌ కోర్సులకు దరఖాస్తులను ఆహ్వానిస్తున్నట్లు శుక్రవారం నిట్‌ యాజమాన్యం ఒక ప్రకటన విడుదల చేసింది. పీహెచ్‌డీకి బీఈ, బీటెక్‌, ఎంఈ, ఎంటెక్‌, ఎమ్మెస్సీ, ఎంఏ, ఎంకామ్‌, బ్యాచ్‌లర్స్‌ డిగ్రీ, ఎంబీఏ విద్యార్థులు అర్హులుగా పేర్కొంది. ఫుల్‌టైం, పార్ట్‌టైమ్‌, ఎగ్జిక్యూటివ్‌ పీహెచ్‌డీ ప్రోగ్రాంకుగాను ఈనెల 14 వరకు దరఖాస్తుకు చివరి తేదీగా తెలిపింది. విశ్వేశ్వరయ్య పీడీఎఫ్‌కు పీహెచ్‌డీ డిగ్రీ లేదా పీహెచ్‌డీ థీసిస్‌ విద్యార్థులు అర్హులుగా, ఈనెల 12వ తేదీ దరఖాస్తుకు చివరి తేదీగా నిట్‌ యాజమాన్యం నిర్ణయించింది. admissions.nitc.ac.inలో దరఖాస్తు చేసుకోవాలని సూచించింది. నయీంనగర్‌: వరంగల్‌ మామునూరు ఎయిర్‌పోర్టుకు దొడ్డి కొమురయ్య పేరు పెట్టాలని తెలంగాణ ఇంటెలెక్చువల్‌ ఫోరం డిమాండ్‌ చేసింది. శుక్రవారం ఫోరం ఆధ్వర్యంలో హనుమకొండ గ్రేటర్‌ వరంగల్‌ ప్రెస్‌క్లబ్‌లో నిర్వహించిన రౌండ్‌టేబుల్‌ సమావేశంలో సీనియర్‌ జర్నలిస్ట్‌ పాశం యాదగిరి మాట్లాడుతూ.. తెలంగాణ రైతాంగ సాయుధ పోరాట చరిత్రలో దొడ్డి కొమురయ్య తుపాకీ గుళ్లకు ఎదురుగా నిలిచి అమరత్వం పొందారని గుర్తుచేశారు. వరంగల్‌ మామునూరు ఎయిర్‌పోర్టుకు దొడ్డి కొమురయ్య పేరును పెట్టడం అమరవీరులకు మనం ఇచ్చే నివాళిగా ఫోరం భావిస్తోందన్నారు. భూస్వాములు, రజాకార్లు, దేశ్‌ముఖ్‌లు, రాజరిక చరిత్ర పేర్లు తెలంగాణ ప్రాంతంలో కొనసాగడానికి వీల్లేదన్నారు. సమావేశంలో ఆజాద్‌, రాంబాబు, ఐలయ్య, మహేశ్‌, తిరుపతి, లింగయ్య, రాజేందర్‌, ప్రసాద్‌, రమేశ్‌, ప్రభాకర్‌, విద్యార్థి యువజన ప్రజాసంఘాల నాయకులు పాల్గొన్నారు. ఖిలా వరంగల్‌: హైదరాబాద్‌లోని మర్రి చెన్నారెడ్డి మానవ వనరుల శిక్షణ కేంద్రంలో శిక్షణ పొందుతున్న వివిధ దేశాల జర్నలిస్టులు ఖిలా వరంగల్‌ కోటను శుక్రవారం సందర్శించారు. శిల్పకళా సంపద, ఖుష్‌మాహల్‌, ఏకశిలగుట్ట అందాలు తిలకించారు. కో ట విశిష్టతను అసిస్టెంట్‌ టూరిజం ప్రమోషన్‌ ఆఫీసర్‌ కుసుమ సూర్యకిరణ్‌ వారికి వివరించారు. ఇన్‌స్టిట్యూట్‌ ఇన్‌చార్జ్‌లు ఫయాజ్‌గౌతం, సాయి, కేంద్ర పురావస్తుశాఖ కో–ఆర్డినేటర్‌ శ్రీకాంత్‌, టీజీ టీడీసీ ఇన్‌చార్జ్‌ అజయ్‌ పాల్గొన్నారు.

హన్మకొండ కల్చరల్‌: దసరా పండుగ నాటికి భద్రకాళి అమ్మవారి రథాన్ని అందుబాటులోకి తీసుకొచ్చేలా పనులు వేగవంతం చేయాలని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, హనుమకొండ కలెక్టర్‌ చాహత్‌ బాజ్‌పాయ్‌ ఆదేశించారు. ఈమేరకు శుక్రవారం అమ్మవారిని దర్శించుకుని ప్రత్యేక పూజలు చేశారు. అనంతరం ఆలయ పరిసరాల్లో నిర్మాణంలో ఉన్న మాడవీధులు, సుమారు కోటి రూపాయలతో తయారు చేస్తున్న అమ్మవారి రథం పనులు, ఈనెల 11వ తేదీ నుంచి ప్రారంభమయ్యే శరన్నవరాత్ర మహోత్సవాలు, దసరా ఉత్సవ ఏర్పాట్లు పరిశీలించారు. కార్యక్రమంలో కుడా అధికారులు అజిత్‌రెడ్డి, భీమ్‌రావు, ఆలయ ప్రధానార్చకుడు భద్రకాళి శేషు, ఈఓ రామల సునీత, అర్చకులు రాముశర్మ, దారుశిల్పి ప్రవీణ్‌చారి తదితరులు పాల్గొన్నారు. ఎమ్మెల్యే నాయిని, కలెక్టర్‌ చాహత్‌

జాతిపిత మహాత్మాగాంధీ జయంతిని పురస్కరించుకుని హనుమకొండ పబ్లిక్‌ గార్డెన్‌, వరంగల్‌ రైల్వేస్టేషన్‌ రోడ్డులోని బాపూజీ కమ్యూనిటీ హాల్‌లో గాంధీ విగ్రహాలకు పలువురు ప్రజాప్రతినిధులు, అధికారులు పూలమాల వేసి నివాళులర్పించారు. ఆయా కార్యక్రమాల్లో ఎమ్మెల్యేలు నాయిని రాజేందర్‌రెడ్డి, కేఆర్‌ నాగరాజు, కొండా సురేఖ, వరంగల్‌, హనుమకొండ కలెక్టర్లు డాక్టర్‌ సత్యశారద, చాహత్‌ బాజ్‌పాయ్‌, హనుమకొండ డీసీసీ అధ్యక్షుడు ఇనగాల వెంకట్రాంరెడ్డి, వరంగల్‌ గ్రంథాలయ సంస్థ చైర్మన్‌ మీసాల ప్రకాశ్‌ పాల్గొన్నారు. – హన్మకొండచౌరస్తా/వరంగల్‌ చౌరస్తా

● వారానికి రెండుసార్లతో మొదలు.. ఇప్పుడు నిత్యం పరుగులు ● 14 బోగీలనుంచి 24 వరకు.. ప్రస్తుతం 22 ఎల్‌హెచ్‌బీ కోచ్‌లు ఎలక్ట్రానిక్‌ వ్యర్థాల నియంత్రణ, నిర్వహణకు ఉద్దేశించిన ఈ–వేస్టేజీ నిర్వహణ చట్టం అమలులో గ్రేటర్‌ వరంగల్‌, కాలుష్య నియంత్రణ మండలి(పీసీబీ) అధికారులు పూర్తిగా విఫలమైనట్లు ఆరోపణలున్నాయి. దీంతో నగరంలో ఈ–వేస్టేజీ చెత్తకుప్పల్లోకి చేరుతోంది. వాటి దహనం ద్వారా వెలువడే ప్రమాదకర మూలకాలు తీవ్ర వాయు కాలుష్యానికి కారణమవుతున్నాయి. కాల్చగా మిగిలిన అవశేషాలు భూమిలో కలవడం ద్వారా భూగర్భ జలాలు కలుషితమవుతున్నాయి.

హన్మకొండ కల్చరల్‌: వేయిస్తంభాల ఆలయంలో శ్రీదేవీశరన్నవరాత్రి ఉత్సవాలకు హాజరయ్యే భక్తులకు ఇబ్బందులు కలుగకుండా అవసరమైన ఏర్పాట్లు చేయాలని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి సూచించారు. ఈమేరకు ఆలయాన్ని బుధవారం ఆయన సందర్శించారు. అమ్మవారి పూజావేదిక, ఆలయ ప్రాంగణంలో చేపట్టాల్సి న ఏర్పాట్లు, పూజా కార్యక్రమాలకు అవసరమైన అనుమతులు ఇతర అంశాలపై అధికారులతో చర్చించారు. ఆయన వెంట పీసీసీ సభ్యుడు బత్తిని శ్రీనివాస్‌రావు, తోట పవన్‌, శ్రీకర్‌, రవీందర్‌రెడ్డి, కుమార్‌యాదవ్‌, రాజు సతీశ్‌, అర్చకులు పాల్గొన్నారు. కాజీపేట అర్బన్‌ : వరంగల్‌ జిల్లా రిజిస్ట్రార్‌గా శాగుఫ్తా ఫిర్దోస్‌ను నియమిస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. ఇప్పటివరకు జిల్లా రిజిస్ట్రార్‌గా విధులు నిర్వహిస్తున్న ఐవీ.సుబ్బలక్ష్మిని కరీంనగర్‌ ఆడిట్‌ విభాగం జిల్లా రిజిస్ట్రార్‌గా నియమించారు. కరీంనగర్‌లో ప్రొహిబిషనరీ జిల్లా రిజిస్ట్రార్‌(పీడీఆర్‌)గా ఉన్న శాగుఫ్తా ఫిర్దోస్‌ను జిల్లా రిజిస్ట్రార్‌గా బదిలీ చేశారు. హన్మకొండ: ఆర్టీసీ గుర్తింపు ఎన్నికల్లో విజయ మే లక్ష్యంగా తెలంగాణ ఆర్టీసీ వర్కర్స్‌ యూని యన్‌ వరంగల్‌ రీజియన్‌లో విస్తృత ప్రచారం నిర్వహించింది. టీపీసీసీ ఉపాధ్యక్షుడు, ఆర్టీసీ గుర్తింపు ఎన్నికల కో–ఆర్డినేటర్‌ బొంతు రామ్మోహన్‌, మాజీ మంత్రి వేణుగోపాలచారి, రాష్ట్ర ఆయిల్‌ఫెడ్‌ మాజీ చైర్మన్‌ జంగా రాఘవరెడ్డి, తెలంగాణ ఆర్టీసీ వర్కర్స్‌ యూనియన్‌ రాష్ట్ర నాయకుడు అశ్వత్థామరెడ్డి హనుమకొండలోని వరంగల్‌–1, వరంగల్‌–2, హనుమకొండ డిపోల్లో ప్రచారం నిర్వహించారు. ఆర్టీసీ కార్మికులు, ఉద్యోగులను కలిసి తెలంగాణ ఆర్టీసీ వర్కర్స్‌ యూనియన్‌ను గుర్తింపు ఎన్నికల్లో గెలిపించాలని కోరారు. ప్రచారంలో ఆర్టీసీ వర్కర్స్‌ యూనియన్‌ వరంగల్‌ రీజియన్‌ నాయకులు జితేందర్‌రెడ్డి, ఎస్‌.కె.వై.పాషా, ఆర్‌.సాంబయ్య, జి.సత్తయ్య, రవీందర్‌, డిపో కమిటీలు, కార్మికులు పాల్గొన్నారు. హసన్‌పర్తి: ఉద్యోగ విరమణ పొందిన తర్వాత ఆరోగ్యంగా ఉంటూ శేష జీవితం కుటుంబ సభ్యులతో సంతోషంగా గడపాలని కమిషనర్‌ శ్వేత అన్నారు. పోలీస్‌ కమిషనరేట్‌లో సబ్‌ఇన్‌స్పెక్టర్లుగా విధులు నిర్వహిస్తూ ఉద్యోగ విరమణ పొందిన ఎం.లక్ష్మీనారాయణ, పి.కొమురయ్య, సీహెచ్‌.పరుశరాములు, బి.రమేశ్‌ను బుధవారం ఘనంగా సన్మానించారు. కమిషనరేట్‌ కార్యాలయంలో నిర్వహించిన ఈ కార్యక్రమంలో సీపీ శ్వేత మాట్లాడుతూ.. పోలీస్‌ శాఖలో ఒత్తిడితో కూడిన విధులను సమర్థవంతంగా నిర్వహించి సంపూర్ణ ఆరోగ్యంతో ఉద్యోగ విరమణ పొందడం గొప్ప విషయం అన్నారు. కార్యక్రమంలో అడిషనల్‌ డీసీపీలు ఆర్‌.ప్రభాకర్‌రావు, సురేశ్‌, ఏసీపీ సురేంద్ర, ఆర్‌ఐ సతీశ్‌, పోలీస్‌ అసోసియేషన్‌ అధ్యక్షుడు కె.కర్ణాకర్‌ తదితరులు పాల్గొన్నారు.

మాజీ ఎమ్మెల్యే దాస్యం వినయ్‌భాస్కర్‌ హన్మకొండ: పట్టభద్రుల ఓటరు నమోదు ప్రక్రియను విజయవంతం చేయాలని మాజీ ఎమ్మెల్యే దాస్యం వినయ్‌భాస్కర్‌.. బీఆర్‌ఎస్‌ శ్రేణులకు సూచించారు. బుధవారం హనుమకొండ వడ్డేపల్లిలోని ఆయన స్వగృహంలో పట్టభద్రుల ఎమ్మెల్సీ ఎన్నికల ఓటరు నమోదు కార్యక్రమంపై బీఆర్‌ఎస్‌ ఆధ్వర్యంలో సన్నాహక సమావేశం నిర్వహించారు. హనుమకొండ బాలసముద్రంలోని బీఆర్‌ఎస్‌ కార్యాలయంలో పట్టభద్రుల ఓటరు నమోదు కేంద్రంతో పాటు కోఆర్డినేషన్‌ కమిటీని బీఆర్‌ఎస్‌ నియమించినట్లు తెలిపారు. 30, 31, 47, 49, 50, 51 డివిజన్లకు జోరిక రమేశ్‌ (91009 00734), 48, 60, 61, 62, 63 డివిజన్లకు పోలెపల్లి రామ్మూర్తి (93077 49999), 4, 9, 10, 11, 57 డివిజన్లకు బైరపాక ప్రశాంత్‌ (97012 91053), 52, 53, 54, 29, 5 డివిజన్లకు వినీల్‌ రావు (92810 44401), 6, 7, 8, 58, 59 డివిజన్లకు వీరస్వామి (99636 03676) నియమించినట్లు తెలిపారు. సమావేశంలో కుడా మాజీ చైర్మన్‌ మర్రి యాదవరెడ్డి, మాజీ కార్పొరేటర్లు, డివిజన్‌ ప్రెసిడెంట్లు, మాజీ డివిజన్‌ ప్రెసిడెంట్లు, బీఆర్‌ఎస్‌ ముఖ్య నాయకులు పాల్గొన్నారు.

● రవాణాదారుల అరెస్ట్‌ కాశిబుగ్గ/వరంగల్‌ చౌరస్తా: మట్టెవాడ పోలీస్‌స్టేషన్‌ పరిధిలో పీడీఎస్‌ బియ్యాన్ని అక్రమంగా కొనుగోలు చేసి, విక్రయిస్తున్నారనే సమాచారం మేరకు టాస్క్‌ఫోర్స్‌ పోలీసులు బుధవారం దాడులు నిర్వహించి, కొల్లేటి వేణుగోపాల్‌ను అదుపులో తీసుకున్నారు. వారు తెలిపిన వివరాల ప్రకారం.. వేణుగోపాల్‌ నర్సంపేటలోని రోహిణి ఇండస్ట్రీస్‌కు చెందిన జైపాల్‌రెడ్డి, కరీమాబాద్‌ విశ్వేశ్వర రైస్‌మిల్‌కు చెందిన ఎరుకుల్ల రమేశ్‌తో కలిసి అక్రమ కార్యకలాపాలకు పాల్పడుతున్నట్లు పోలీసులు గుర్తించారు. నిందితుడు పీడీఎస్‌ బియ్యాన్ని తక్కువ ధరకు కొని, వాటిని వరంగల్‌కు తరలించి, జేఎస్‌ఆర్‌ పేరుతో ఉన్న బస్తాల్లో ప్యాక్‌ చేసి, మార్కెట్‌లో విక్రయిస్తూ సాధారణ ప్రజలను తప్పుదోవ పట్టిస్తున్నాడు. దాడుల్లో టాస్క్‌ఫోర్స్‌ బృందం 26 కిలోల చొప్పున 257 బస్తాల పీడీఎస్‌ బియ్యాన్ని స్వాధీనం చేసుకున్నారు. 64 క్వింటాళ్ల బియ్యం విలువ రూ.3,87,556 ఉంటుందని వివరించారు. కాగా, అదుపులో తీసుకున్న నిందితుడితో పాటు స్వాధీనం చేసుకున్న బియ్యాన్ని మట్టెవాడ పోలీసులకు అప్పగించారు. అదుపులో తీసుకున్నవారిలో కొల్లేటి వేణుగోపాల్‌, పరారీలో ఉన్న నిందితుల్లో జైపాల్‌రెడ్డి, ఎరుకుల్ల రమేశ్‌ ఉన్నారు. దాడుల్లో ఏసీపీ ఎ.మధుసూదన్‌, ఇన్‌స్పెక్టర్‌ కె.శ్రీధర్‌, ఎస్‌ఐ టి.వీరస్వామి పాల్గొన్నారు. 26.7 క్వింటాళ్లు.. వరంగల్‌ ఇంతేజార్‌ గంజ్‌ పరిధి కొడూరు జ్ఞానేశ్వర్‌, చెన్నారావు పేట మండలం కొనాపురం గాయత్రి రైస్‌ మిల్‌ యజమాని కుసుమ రవితో కుమ్మకై ్క సబ్సిడీ పీడీఎస్‌ బియ్యాన్ని తక్కువ ధరకు కొన్నట్లు గుర్తించి అరెస్ట్‌ చేశారు. జ్ఞానేశ్వర్‌ వద్ద 26 కిలోల చొప్పున 95 బస్తాల పీడీఎస్‌ బియ్యాన్ని స్వాధీనం చేసుకున్నట్లు పోలీసులు వెల్లడించారు. మొత్తం బియ్యం 2,470 కిలోలు (24.70 క్వింటాళ్లు), దీని విలువ సుమారు రూ. 86,450 ఉంటుందని పేర్కొన్నారు. నిందితుడిని అదుపులోకి తీసుకొని బియ్యంతోపాటు ఇంతేజార్‌గంజ్‌ పోలీసులకు అప్పగించినట్లు తెలిపారు. దాడుల్లో మధుసూదన్‌, టాస్క్‌ఫోర్స్‌ ఏసీపీ మధుసూదన్‌, సీఐ శ్రీధర్‌, ఎస్‌ఈ వీరస్వామి తదితరులు ఉన్నారు.

వేతనాల్లో కోత పడే జీఓను రద్దు చేయాలి లేదా.. పునః పరిశీలించాలి. ప్రస్తుత వేతనాలను అదే తరహాలో అందించాలి. ఈ విషయంపై ప్రభుత్వం ప్రత్యేక కమిటీ వేసి, చర్చించి ఔట్‌సోర్సింగ్‌ ఉద్యోగులకు భరోసా కల్పించేలా మార్గర్శకాలను విడుదల చేయాలి. – మియాపురం శ్రీకాంత్‌, ప్రధాన కార్యదర్శి, ఔట్‌సోర్సింగ్‌ గ్రేటర్‌ వరంగల్‌ జేఏసీ రెగ్యులర్‌ చేయాలి సరిపడా వేతనాలు లేకపోయినా పర్మినెంట్‌ ఉద్యోగుల తరహాలో సేవలందిస్తున్నాం. ఔట్‌సోర్సింగ్‌ ఉద్యోగులు, కార్మికులను రెగ్యులరైజ్‌ చేయాల్సిందిపోయి.. వేతనాల్లో కోత పెట్టడం సరికాదు. ప్రభుత్వం జీఓపై పునరాలోచన చేయాలి. – జన్ను ప్రకాశ్‌, మున్సిపల్‌ ఎంప్లాయీస్‌, కార్మిక సంఘాల రాష్ట్ర కార్యదర్శి

● వరంగల్‌ కలెక్టర్‌ డాక్టర్‌ సత్యశారద కాళోజీ సెంటర్‌: మహిళా సంఘాల ఆర్థికాభివృద్ధికి ఉపాధి అవకాశాలు కల్పించాలని వరంగల్‌ కలెక్టర్‌ డాక్టర్‌ సత్యశారద సూచించారు. డీఆర్‌డీఏ సమావేశ మందిరంలో రాణి రుద్రమదేవి జిల్లా సమాఖ్య 12వ వార్షికోత్సవంలో కలెక్టర్‌ సత్యశారద మాట్లాడారు. జిల్లాలోని 11 మండలాల్లో మహిళా సంఘాల ఆధ్వర్యంలో మొబైల్‌ సూపర్‌ మార్కెట్లు, జిరాక్స్‌ కేంద్రాలు, మిల్లెట్‌ ప్రాసెసింగ్‌ యూనిట్లు, పప్పు మిల్లులు ఏర్పాటు చేయాలని సూచించారు. మంజూరైన గ్రామ సంఘ భవనాల నిర్మాణాలను నెల రోజుల్లో పూర్తి చేయాలని అధికారులను ఆదేశించారు. మహిళా సంఘాల ఉత్పత్తులకు మార్కెటింగ్‌ సౌకర్యాలు కల్పించి ‘వరంగల్‌ జిల్లా బ్రాండ్‌’ గుర్తింపు తీసుకురావాలని తెలిపారు. డీఆర్‌డీఓ నాగపద్మజ మాట్లాడుతూ మహిళా సంఘాలకు జీవనోపాధి కల్పించేందుకు అవసరమైన ఆర్థిక సాయం అందిస్తామని తెలిపారు. కార్యక్రమంలో జిల్లా సమాఖ్య అధ్యక్షురాలు రజిత, కార్యదర్శి ఉమ, కోశాధికారి స్వప్న, అదనపు డీఆర్‌డీఓ శ్రీనివాస్‌, డీపీఎం అనిల్‌కుమార్‌, ఏపీఎంలు, పాలకవర్గ సభ్యులు పాల్గొన్నారు.

కాశిబుగ్గ: వరంగల్‌లోని మహాత్మాగాంధీ స్మారక వైద్యశాల (ఎంజీఎం)లో ప్రైవేట్‌ ల్యాబ్‌ల దందా ఆగడం లేదు. ముఖ్యంగా క్యాజువాలిటీలో అత్యవసర సేవల కోసం వచ్చే పేషెంట్ల అవసరాలను దృష్టిలో ఉంచుకుని ప్రైవేట్‌ రక్త పరీక్షలు యథావిధిగా కొనసాగుతున్నాయి. క్యాజువాలిటీలోని కొంతమంది వైద్యులు ఈ దందా నడిపిస్తున్నట్లు ఆరోపణలు వస్తున్నాయి. ఫోన్ల ద్వారా ప్రైవేట్‌ ల్యాబ్‌లకు సమాచారం అందిస్తూ పేషెంట్ల వివరాలు చేరవేస్తున్నట్లు సమాచారం. గుట్టుచప్పుడు కాకుండా జరుగుతున్న ఈ తంతు సెక్యూరిటీ సిబ్బందికి తెలిసినా పట్టించుకోవడం లేదనే ఆరోపనలు వినిపిస్తున్నాయి. అత్యవసర సేవల కోసం పేషెంట్లు రాగానే.. అసలే పేద రోగులు. ఆపై దూర ప్రాంతాల నుంచి అత్యవసర సేవల కోసం వస్తే ఇబ్బందులు ఎదుర్కొక తప్పడం లేదు. ఇరుకై న క్యాజువాలిటీలో చి కిత్స చేయడం వైద్యులకు కష్టమే. అయినా ఇబ్బందులు సాధారంగా మారుతున్నాయి. అయితే చాలా మంది పేషెంట్ల వైద్య సేవల్లో భాగంగా ముందుగా డాక్టర్లు రక్త పరీక్షల కోసం పంపుతుంటారు. ఇదే అ దునుగా భావిస్తున్న కొందరు వైద్యులు రక్త పరీక్షల పేరుతో ప్రైవేట్‌ ల్యాబ్‌ నిర్వాహకులతో పరిచయాలు పెంచుకుని ఈ దందా సాగిస్తున్నట్లు ఆరోపణలు వెల్లువెత్తుతున్నాయి. ఇక్కడ మీ పేషెంటుకు సంబంధించిన రక్త పరీక్ష ఉండదని, ఉన్నా కూడా రిపోర్టు త్వరగా రాదంటూ అటెండెంట్లను భయ పె డుతుంటారు.దీంతో గత్యంతర లేక ప్రైవేట్‌ అయినా పర్వాలేదు.. తమకు మంచి వైద్యం కావాలంటూ అటెండెట్లు పరోక్షంగా బతిమిలాడుకోవాల్సిన పరిస్థితి ఏర్పడుతోంది. దీంతో సదరు వైద్య సిబ్బంది ప్రైవేట్‌ ల్యాబ్‌ల అడ్రస్‌ చెప్పుతూ అక్కడికి శాంపిల్స్‌ పంపుతుంటారు. కొన్ని సమయాల్లో ప్రైవేట్‌ ల్యాబ్‌ సిబ్బందినే క్యాజువాలిటీకి రప్పించి బ్లడ్‌ శాంపిల్స్‌ తీసుకునే ఏర్పాట్లు చేయిస్తారు. బ్లడ్‌ పరీక్షల్లో కొంత పర్సంటేజీ చొప్పున కమీషన్లు తీసుకుంటారని ఆరోపణలు వినిపిస్తున్నాయి. రక్తపరీక్షల పేరుతో దోపిడీ.. గతంలో ఎంజీఎంకు సంబంధించిన రిక్విజేషన్‌ లెటర్‌పై పరీక్షలు రాసి ఇచ్చి పంపేవారు. వీటిపై అధికారులు కఠినం చేయడంతో తెల్లకాగితాల మీదే పరీక్షల వివరాలు రాసిస్తూ రక్త పరీక్షల పేరుతో అందినకాడికి దండుకుంటున్నట్లు తెలుస్తోంది. ఈ రక్త పరీక్ష దందాపై పత్రికల్లో వచ్చిన ఒకటి రెండు రోజులు ప్రైవేట్‌ ల్యాబ్‌ సిబ్బంది ఎంజీఎం దరి దాపుల్లోకి రారు. మళ్లీ మూడో రోజు తమ దందా షురూ చేస్తారు. ఈ సమాచారం అక్కడి పోలీసు, సెక్యూరిటీ సిబ్బందికి తెలిసినాపట్టించుకోవడం లదేని సమాచారం. క్యాజువాలిటీని సందర్శించిన ఆర్‌ఎంఓ.. ఎంజీఎంలో పేషెంట్ల నుంచి ప్రైవేట్‌ ల్యాబ్‌ సిబ్బంది రక్త నమూనాలు సేకరిస్తున్నారని సమాచారం తె లుసుకున్న ఆర్‌ఎంఓ–1 అబ్బు మధుకర్‌ యాదవ్‌ బుధవారం క్యాజువాలిటీని సందర్శించి వివరాలు తెలుసుకున్నారు. ప్రైవేట్‌ ల్యాబ్‌ సిబ్బంది ఇక్కడకు రావడం ఏమిటంటూ ప్రశ్నించారు. ఇక్కడ ఉన్న సె క్యూరిటీ సిబ్బంది ఏమి చేస్తున్నారంటూ ఆగ్రహం వ్యక్తం చేశారు. ఇక నుంచి అలా జరిగితే ఊరుకునేది లేదని, ఉన్నతాధికారుల దృష్టికి తీసుకవెళ్తానని హెచ్చరించారు. ఎంజీఎంకు ప్రైవేట్‌ సిబ్బంది వస్తే తన దృష్టికి తీసుకురావాలని సూచించారు. ఎంజీఎం క్యాజువాలిటీలో కొనసాగుతున్న రక్త పరీక్షలు హాస్పిటల్‌ పరిసరాల్లోనే టెక్నీషియన్ల సంచారం

హన్మకొండ: సోలార్‌ విద్యుత్‌ ఉత్పత్తి పెంపే లక్ష్యంగా టీజీ ఎన్పీడీసీఎల్‌ యాజమాన్యం ముందుకు సాగుతోంది. అక్టోబర్‌ 1, 2, 3 తేదీల్లో ప్రతీ విద్యుత్‌ డివిజన్‌ స్థాయిలో అవగాహన సదస్సులు నిర్వహించనుంది. ఉమ్మడి జిల్లాలోని ఆరు సర్కిళ్లలోని 13 డివిజన్లలో ఈ సదస్సులు నిర్వహించనున్నారు. అవగాహన కల్పిస్తారిలా.. ‘సేవా సేతు’ కార్యక్రమంలో భాగంగా నేటి (గురువారం) నుంచి డివిజన్‌ స్థాయిలో పీఎం సూర్య ఘర్‌ పథకంపై అవగాహన సదస్సులు నిర్వహించనున్నారు. అధికారుల సూచనలతో పాటు బ్యాంకు రుణాల జారీ, వినియోగంపై సంపూర్ణ అవగాహన కల్పిస్తారు. ఈమేరకు ఒకే వేదికపై టీజీ ఎన్పీడీసీఎల్‌, రెడ్‌కో అధికారులతో పాటు బ్యాంకర్లు పాల్గొననున్నారు. రూఫ్‌టాప్‌ సోలార్‌ ప్లాంట్‌ ఏర్పాటు చేసుకోవాలని ఆసక్తి కలిగిన వినియోగదారులకు అప్పటికప్పుడు రుణ మంజూరుతో పాటు అధికారులు.. అవసరమైన సలహాలు, సూచనలు అందిస్తారు. దీంతో సోలార్‌ విద్యుత్‌ ఉత్పత్తి చేయాలనుకునే గృహ వినియోగదారులకు కార్యాలయాల చుట్టూ తిరగాల్సిన అవసరం లేకుండానే ఒకే చోట అన్ని పనులు పూర్తి కానున్నాయి. కాగా, పీఎం సూర్యఘర్‌ ముఫ్త్‌ బిజిలీ యోజనపై టీజీ ఎన్పీడీసీఎల్‌ ఐపీసీ, రాక్‌ చీఫ్‌ ఇంజనీర్‌ కె.వెంకటరమణ బుధవారం హనుమకొండ నక్కలగుట్టలోని కార్యాలయంనుంచి ఎస్‌ఈలు, డివిజన్‌ ఇంజనీర్‌లకు వీడియో కాన్ఫరెన్స్‌ నిర్వహించి దిశానిర్దేశం చేశారు. నేటినుంచి అవగాహన సదస్సులు పీఎం సూర్య ఘర్‌ ముఫ్త్‌ బిజ్లీ యోజనలో భాగంగా రూఫ్‌టాప్‌ సోలార్‌పై మూడు రోజుల పాడు డివిజన్ల వారీగా అవగాహన సదస్సులు నిర్వహిస్తున్నట్లు టీజీ ఎన్పీడీసీఎల్‌ వరంగల్‌ సర్కిల్‌ (జిల్లా) సూపరింటెండింగ్‌ ఇంజనీర్‌ ఎ.ఆనందం తెలిపారు. అక్టోబర్‌ 1న వరంగల్‌ ఓ సిటీలోని టీజీ ఎన్పీడీసీఎల్‌ వరంగల్‌ సబ్‌ డివిజన్‌ టీజీఎన్పీడీసీల్‌ కార్యాలయంలో, 2న ఎన్పీడీసీఎల్‌ వర్ధన్నపేట సబ్‌ డివిజన్‌ కార్యాలయంలో, 3న నర్సంపేట రైతు వేదిక కార్యాలయంలో అవగాహన సదస్సు నిర్వహించనున్నట్లు ప్రకటనలో తెలిపారు. రూఫ్‌టాప్‌ సోలార్‌ ప్లాంట్‌ ఏర్పాటు చేసుకోవడంపై వినియోగదారులకు ఒకే వేదికపై పూర్తి సమాచారం అందిస్తాం. సేవా సేతు కార్యక్రమాల్లో వినియోగదారులకు రూఫ్‌టాప్‌ సోలార్‌ ఏర్పాటుకు సంబంధించిన విధానం, దరఖాస్తు ప్రక్రియ, సబ్సిడీ, బ్యాంకు రుణ సదుపాయాలు, నెట్‌ మీటరింగ్‌, విద్యుత్‌ బిల్లులో కలిగే ప్రయోజనాలు తదితర అంశాలపై అధికారులు అవగాహన కల్పిస్తారు. విద్యుత్‌ వినియోగదారులు ఈ అవకాశాన్ని సద్వినియోగం చేసుకోవాలి. – కె.వెంకటరమణ, టీజీ ఎన్పీడీసీఎల్‌ ఐసీసీ–రాక్‌ చీఫ్‌ ఇంజనీర్‌ సోలార్‌ విద్యుత్‌ ఉత్పత్తి పెంపే లక్ష్యంగా టీజీఎన్పీడీసీఎల్‌ ఒకే వేదికపై డిస్కం, రెడ్‌కో, బ్యాంకర్లు ఎన్పీడీసీఎల్‌ పరిధిలో 203.10 మెగావాట్ల సౌరశక్తి ఉత్పత్తి పీఎం సూర్య ఘర్‌–ముఫ్త్‌ బిజ్లీ యోజన ద్వారా తమ ఇళ్ల పైకప్పులపై రూఫ్‌టాప్‌ సోలార్‌ ప్లాంట్లు ఏర్పాటు చేసుకుని విద్యుత్‌ను వినియోగించుకోవచ్చు. గృహ వినియోగదారులకు కేంద్రం ఆర్థిక సహాయం అందజేస్తోంది. ఒక కిలోవాట్‌కు రూ.30,000, 2 కిలోవాట్లకు రూ.60,000, 3 కిలోవాట్లకు ఆపైన కిలోవాట్ల సామర్థ్యానికి గరిష్ఠంగా రూ.78,000 కేంద్ర ప్రభుత్వం రాయితీ అందిస్తోంది. రూఫ్‌టాప్‌ సోలార్‌ ద్వారా బిల్లు తగ్గించుకునే అవకాశంతో పాటు మిగులు విద్యుత్‌ను ఉత్పత్తిని గ్రిడ్‌కు సరఫరా చేయడం ద్వారా అదనపు ఆదాయం పొందొచ్చు. ఈపథకం ద్వారా 3 కిలోవాట్లకు దాదాపు నెలకు 450 యూనిట్ల వరకు విద్యుత్‌ ఉత్పత్తి చేసుకునే అవకాశం ఉంది. టిజీఎన్పీడీసీఎల్‌ పరిధిలో ప్రస్తుతం 34,023 విద్యుత్‌ సర్వీస్‌ (వినియోగదారుల రూఫ్‌ టాప్‌ సోలార్‌)ల ద్వారా 203.1 మెగావాట్ల సోలార్‌ విద్యుత్‌ ఉత్పత్తి జరుగుతోంది. ప్రస్తుతం 60 మెగావాట్ల సామర్థ్యం కలిగిన 20,000 దరఖాస్తులు పురోగతిలో ఉన్నాయి.

కాకతీయ మెడికల్‌ కాలేజీ (కేఎంసీ) ఆవరణలోని సూపర్‌ స్పెషాలిటీ ఆస్పత్రిలో వసతుల లేమి.. రోగులు, వారివెంటవచ్చే అటెండెంట్లను వేధిస్తోంది. వివిధ ప్రాంతాలనుంచి వైద్యం కోసం వచ్చిన రోగులు సరైన వసతులు లేక ఇబ్బందులు ఎదుర్కొంటున్నారు. ఆస్పత్రిలోని ఆరు లిఫ్టులకుగాను 20 రోజులనుంచి రెండు పని చేస్తున్నాయి. పేషెంట్‌కేర్‌ సిబ్బంది లేకపోవడంతో రోగుల అటెండెంట్లే ర్యాంపు ద్వారా వీల్‌చైర్లలో తీసుకొస్తున్నారు. కుర్చీలు విరిగి అధ్వానంగా మారాయి. గోడకు ఉండాల్సిన ఫ్యాన్‌ ఊడిపోవడంతో కుర్చీలో పెట్టి నడిపిస్తున్నారు. సీటీస్కాన్‌ రూమ్‌ ఎదురుగా సీలింగ్‌ ఊడిపోయి ప్రమాదకరంగా విద్యుత్‌ వైర్లు వేలాడుతున్నాయి. ిసీటీస్కాన్‌ మిషన్‌ పనిచేయకపోవడంతో గదికి ఎప్పుడు చూసినా తాళం వేసే ఉంటోంది. పేరుకే సూపర్‌ స్పెషాలిటీ వసతుల్లో పూర్‌ అని రోగులు, వారి బంధువులు ఆరోపిస్తున్నారు. ఫొటోలు : సాక్షి స్టాఫ్‌ఫొటోగ్రాఫర్‌, వరంగల్‌

వరంగల్‌ స్పోర్ట్స్‌ : పాఠశాల క్రీడల సమాఖ్య ఆధ్వర్యంలో బుధవారం నిర్వహించిన ఉమ్మడి వరంగల్‌ జిల్లా స్థాయి ఎంపిక పోటీలతో హనుమకొండలోని జవహర్‌లాల్‌ నెహ్రూ స్టేడియం సందడిగా మారింది. అండర్‌–19 బాలబాలికలకు వాలీబాల్‌, బా క్సింగ్‌, తైక్వాండో, స్మిమ్మింగ్‌, కరాటే క్రీడాంశాలలో ఎంపికలు నిర్వహించినట్లు ఎస్‌జీఎఫ్‌ అండర్‌–19 జిల్లా కార్యదర్శి శ్రీధర్‌ తెలిపారు. ఉమ్మడి జిల్లా నుంచి సుమారు 800 మంది క్రీడాకారులు హాజరైనట్లు తెలిపారు. నేడు (గురువారం) జేఎన్‌ స్టేడియంలో ఉమ్మడి జిల్లా స్థాయి అండర్‌–19 బాలబాలికలకు క్రికెట్‌, రగ్బీ, ఖోఖో, సాఫ్ట్‌బాల్‌, లాన్‌టెన్నీస్‌, జిమ్నాస్టిక్స్‌ క్రీడా ఎంపికలు నిర్వహించనున్నట్లు పేర్కొన్నారు. కార్యక్రమంలో డీవైఎస్‌ఓ ప్రశాంత్‌, హనుమకొండ ప్రభుత్వ జూనియర్‌ కాలేజీ ప్రిన్సిపాల్‌ మాధవరావు, పీఈటీల సంఘం బాధ్యులు పార్ధసారథి, ప్రభాకర్‌రెడ్డి, సీనియర్‌ పీడీలు బరుపాటి గోపి, కోట సతీశ్‌ పాల్గొన్నారు. వరంగల్‌లో.. వరంగల్‌ ఎస్‌జీఎఫ్‌ ఆధ్వర్యంలో అండర్‌–14,17 బాలబాలికలకు వరంగల్‌ ఓసిటీ మైదానంలో యో గా, ఫెన్సింగ్‌ ఎంపికలు నిర్వహించగా హైదరాబాద్‌ పబ్లిక్‌ స్కూల్‌ గ్రౌండ్‌లో హాకీ పోటీలు నిర్వహించా రు. ముఖ్య అతిథిగా స్కూల్‌ ప్రిన్సిపాల్‌ సరితారెడ్డి హాజరై హాకీ పోటీలు ప్రారంభించారు. ఈ ఎంపికలకు సుమారు 600 మంది క్రీడాకారులు హాజరైన ట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌కుమార్‌ తెలిపారు. పీఈటీల సంఘం వరంగల్‌ జిల్లా అధ్యక్షుడు మన్యం వెంకటేశ్వర్లు, కార్యదర్శి జలగం రఘువీర్‌, మానక వెంకటేశం, హాకీ, యోగా, ఫెన్సింగ్‌ క్రీడల కన్వీనర్లు అన్వర్‌, రవీందర్‌, రావీణ, పీఈటీ సుధాకర్‌, కోచ్‌లు పాల్గొన్నారు. తరలొచ్చిన క్రీడాకారులు

వ్యాపార మౌలిక సూత్రాలు కీలకంకేయూ క్యాంపస్‌ : భారతీయ స్టార్టప్‌ వ్యవస్థలో విజయానికి వ్యాపార మౌలిక సూత్రాలు కీలకమని హైదరాబాద్‌కు చెందిన పండోరాస్‌ బాక్స్‌ వ్యవస్థాపకురాలు, సర్టిఫైడ్‌ ఇండిపెండెంట్‌ డైరెక్టర్‌ మిలి క టారియా అన్నారు. కాకతీయ యూనివర్సిటీ కెహ బ్‌, హైదరాబాద్‌ టీహబ్‌తో కుదర్చుకున్న ఒప్పందంలో భాగంగా బుధవారం కేయూలోని సెనెట్‌హాల్‌లో నిర్వహించిన స్టూడెంట్‌ డెవలప్‌మెంట్‌ ప్రోగ్రామ్‌లో ఆమె ముఖ్యఅతిథిగా పాల్గొని మాట్లాడారు. వ్యవసాయ సాంకేతికత, ఆర్థిక సాంకేతికత రిటైల్‌ రంగాల్లో స్టార్టప్‌ల విజయానికి తాత్కాలిక ప్రచారం కంటే వ్యాపార మౌలిక సూత్రాలు, సరైన వ్యూహాలు, కార్యాచరణ, సామర్థ్యం ఎంతో ముఖ్యమన్నారు. వాస్తవ ప్రపంచంలో పర్యావరణ సమస్యలకు సాంకేతిక పరిష్కారాలు అభివృద్ధి చేసి వాటిని విస్తరిస్తే విజయవంతమైన వ్యాపారాలుగా మలచవచ్చని హైదరాబాద్‌కు చెందిన బయోరిఫోర్మ్‌ వ్యవస్థాపకుడు, సీఈఎ మహ్మద్‌ అజర్‌ మొహియుద్దీన్‌ అన్నారు. స్టూడెంట్‌ డెవలప్‌మంట్‌ప్రోగ్రాంలో ఆయన విద్యార్తులతో మాట్లాడారు. కెహబ్‌ డైరెక్టర్‌ సవితాజ్యోత్స్న, నోడల్‌ ఆఫీసర్‌ ఆర్‌. మల్లికార్జున్‌రెడ్డి, కెహబ్‌ కోఆర్డినేటర్లు బి. కిరణ్‌కుమార్‌, సిద్దార్థ తదితరులు పాల్గొన్నారు. పండోరాస్‌ బాక్స్‌ వ్యవస్థాపకురాలు మిలికటారియా

వరంగల్‌ స్పోర్ట్స్‌: కరుణాపురం సమీపం వంగపల్లిలోని క్రికెట్‌ క్రీడా మైదానంలో ఈనెల 2వ తేదీన (శుక్రవారం) ఉమ్మడి జిల్లా క్రికెట్‌ అండర్‌–4 ఎంపిక పోటీలు నిర్వహిస్తున్నట్లు వరంగల్‌ జిల్లా క్రికెట్‌ అసోసియేషన్‌ కార్యదర్శి చాగంటి శ్రీనివాస్‌ బుధవారం ఒక ప్రకటనలో తెలిపారు. ఇందులో ఎంపికై న క్రీడాకారులతో డబ్ల్యూడీసీఏ అండర్‌–14 ఇంట్రా డిస్టిక్‌ లీగ్‌ మ్యాచ్‌లు నిర్వహించనున్నట్లు తెలిపారు. పోటీల్లో ప్రతిభ కనబరిచిన క్రీడాకారులు ఉమ్మడి వరంగల్‌ అండర్‌–14 జిల్లా క్రికెట్‌ జట్టుకు ప్రాతినిథ్యం వహించనున్నట్లు పేర్కొన్నారు. సెప్టెంబర్‌ 01, 2012, ఆ తర్వాత జన్మించిన క్రీడాకారులు అర్హులుగా పేర్కొన్నారు. ఆసక్తి గల క్రీడాకారులు మీసేవ జారీ చేసిన పుట్టిన తేదీ, ఆధార్‌ కార్డు, సొంత క్రికెట్‌ కిట్‌, యూనిఫామ్‌తో ఉదయం 10 గంటలకు మైదానంలో హాజరుకావాలని తెలిపారు. డోర్నకల్‌లో ఉమ్మడి జిల్లా స్థాయి రగ్బీ పోటీలు డోర్నకల్‌: మహబూబాబాద్‌ జిల్లా డోర్నకల్‌ చర్చి కాంపౌండ్‌ గ్రౌండ్‌లో బుధవారం ఉమ్మడి వరంగల్‌ జిల్లా రగ్బీ పోటీలు ప్రారంభమయ్యాయి. 70వ ఎస్‌జీఎఫ్‌ఐ అండర్‌–14, 17 విభాగాల్లో బాలబాలికలకు నిర్వహిస్తున్న ఈ పోటీలను పీఆర్‌టీయూ జిల్లా కార్యదర్శి సి.హెచ్‌ శ్రీధర్‌తోపాటు ఎస్‌జీఎఫ్‌ఐ జిల్లా సెక్రటరీ ప్రవీణ్‌రెడ్డి ప్రారంభించారు. 220 మంది క్రీడాకారులు పాల్గొన్న ఈ పోటీల్లో ప్రతిభ కనబర్చిన వారితో ఉమ్మడి వరంగల్‌ జిల్లా జట్లను ఎంపిక చేయనున్నట్లు నిర్వాహకులు తెలిపారు. కార్యక్రమంలో పీఆర్‌టీయూ కురవి మండల అధ్యక్షుడు వెంపటి సీతారాములు, ఎస్సీ, ఎస్టీ ఉపాధ్యాయ సంఘం నాయకుడు తలారి విద్యాసాగర్‌, పీఈటీలు రవికుమార్‌, విజయచందర్‌, సునీల్‌, వెంకటేశ్వర్లు, శంకర్‌నాయక్‌ తదితరులు పాల్గొన్నారు.

● హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: రైతులకు ఎలాంటి ఇబ్బందుల్లేకుండా పత్తి కొనుగోళ్లు పారదర్శకంగా, సజావుగా జరిగేలా చర్యలు తీసుకోవాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. బుధవారం కలెక్టరేట్‌లో అదనపు కలెక్టర్‌ ఎన్‌.రవితో కలిసి పత్తి కొనుగోళ్లపై సమీక్ష నిర్వహించారు. ఈసందర్భంగా జిల్లాలో పత్తి సాగు, అంచనా దిగుబడి, మద్దతు ధర, కొనుగోలు కేంద్రాల ఏర్పాటుపై కలెక్టర్‌ అధికారులతో చర్చించారు. అనంతరం కలెక్టర్‌ మాట్లాడుతూ.. పత్తికి క్వింటాకు రూ.8,667 మద్దతు ధరను కేంద్ర ప్రభుత్వం నిర్ణయించిందని తెలిపారు. జిల్లాలో 75,747 ఎకరాల్లో పత్తి సాగు కాగా, 6,81,723 క్వింటాళ్ల దిగుబడి వస్తుందని అంచనా వేసినట్లు తెలిపారు. రైతులకు ఇబ్బంది లేకుండా సీసీఐ అధికారులు త్వరగా కొనుగోలు కేంద్రాలను ప్రారంభించాలని ఆదేశించారు. సమావేశంలో డీఎంఓ అనురాధ, ఏసీపీ ప్రశాంత్‌రెడ్డి, విద్యుత్‌, వ్యవసాయ, రవాణా, మార్కెట్‌ కమిటీ, లీగల్‌ మెట్రాలజీ, అగ్నిమాపక శాఖల అధికారులు, జిన్నింగ్‌ మిల్లుల యజమానులు పాల్గొన్నారు. వృద్ధాశ్రమాల్లో వసతులు మెరుగ్గా ఉండాలి సేవా దృక్పథంతో నిర్వహించే వృద్ధాశ్రమాల్లో వసతులు మెరుగ్గా ఉండాలని హనుమకొండ కలెక్టర్‌ చాహత్‌ బాజ్‌పాయ్‌ అన్నారు. అంతర్జాతీయ వయోవృద్ధుల దినోత్సవం సందర్భంగా జిల్లాలోని పది వృద్ధాశ్రమాల్లో సెప్టెంబర్‌ 25 నుంచి 30 వరకు నిర్వహించిన తనిఖీలపై అధికారులతో, వృద్ధాశ్రమాల నిర్వాహకులతో బుధవారం కలెక్టరేట్‌లో ఆమె సమీక్షించారు. కార్యక్రమంలో జిల్లా సంక్షేమ అధికారి ఎం.విశ్వజ, సీడీపీఓలు వి.సింధురాణి, సీహెచ్‌.అవంతి, కె.స్వాతి, ఇన్‌చార్జ్‌ డీసీపీఓ ఎస్‌.ప్రవీణ్‌కుమార్‌, ఎఫ్‌ఆర్‌ఓలు రవికృష్ణ, రాజేశ్‌, చైల్డ్‌ హెల్ప్‌లైన్‌న్‌ కో–ఆర్డినేటర్‌ ఎస్‌.భాస్కర్‌, ఐసీడీఎస్‌ సూపర్‌వైజర్లు ఝాన్సీ, పద్మ, వృద్ధాశ్రమాల నిర్వాహకులు పాల్గొన్నారు.

వరంగల్‌ స్పోర్ట్స్‌: ఉమ్మడి వరంగల్‌ జిల్లా స్థాయి ఎస్‌జీఎఫ్‌ అండర్‌–14,17 బాలబాలికల జూడో ఎంపిక పోటీలు ఈ నెల 2వ తేదీన నిర్వహించనున్నట్లు ఎస్‌జీఎఫ్‌ఐ హనుమకొండ జిల్లా నిర్వహణ కార్యదర్శి వాసుదేవరావు బుధవారం ఒక ప్రకటనలో తెలిపారు. వరంగల్‌లోని కెమిస్ట్‌ భవన్‌లో ఎంపికలు నిర్వహించనున్నట్లు పేర్కొన్నారు. ఆసక్తి, అర్హత గల క్రీడాకారులు ఆన్‌లైన్‌లో గూగుల్‌ ఫాం ద్వారా పేర్లు నమోదు చేసుకోవాలని సూచించారు. ఇందులో ఎంపికై న క్రీడాకారులు రెండో వారంలో వరంగల్‌ లో రాష్ట్ర స్థాయి పోటీల్లో పాల్గొంటారని తెలిపారు. ఇతర పూర్తి వివరాల కోసం 99897 35567 నంబర్‌లో సంప్రదించాలని పేర్కొన్నారు. కేయూలో ఆలిండియా వర్సిటీ ఆర్చరీ పోటీలకు ఎంపికలు కేయూ క్యాంపస్‌ : ఆలిండియా ఇంటర్‌ యూనివర్సిటీ ఆర్చరీ పోటీలకు బుధవారం కాకతీయ యూనివర్సిటీలో క్రీడామైదానంలో ఎంపికలు నిర్వహించారు. కేయూ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల నుంచి ఇంటర్‌కాలేజీయెట్‌ ఆర్చరీ పురుష, మహిళా క్రీడాకారులు పాల్గొన్నారు. ఇందులో ఇండియన్‌ రౌండ్‌, రికర్వ్‌ కాంపౌండ్‌ విభాగాల్లో ఎంపికలు నిర్వహించారు. ఇందులో ప్రతిభ చూపిన వారు ఈఏడాది డిసెంబర్‌లో అసోంలో జరగనున్న ఆలిండియా ఇంటర్‌ యూనివర్సిటీ ఆర్చరీ పోటీల్లో పాల్గొంటారని కేయూ స్పోర్ట్స్‌బోర్డు సెక్రటరీ శాస్త్రి తెలిపారు. ఈ ఎంపికలను వీసీ కె. ప్రతాప్‌రెడ్డి.. రిజిస్ట్రార్‌ వి. రామచంద్రంతో కలిసి ప్రారంభించారు. ఇంటర్‌ కాలేజీయెట్‌ టోర్నమెంట్‌ ఇన్‌చార్జ్‌ ఎస్‌. కుమార్‌, డాక్టర్‌ ఏటీబీటీ ప్రసాద్‌, సుమన్‌, న్యూసైన్స్‌ కాలేజీ ఫిజికల్‌ డైరెక్టర్‌ పర్విన్‌ తదితరులు పాల్గొన్నారు.

‘సూపర్‌’ డిప్యూటీ బాధ్యతలెవరికో?కాశిబుగ్గ: కేఎంసీలోని ‘సూపర్‌ స్పెషాలిటీ హాస్పిటల్‌ నిర్వహణ బాధ్యతలు ఎవరికీ కేటాయిస్తారో తెలియని పరిస్థితి నెలకొంది. గతంలో ప్రత్యేకంగా డిప్యూటీ సూపరింటెండెంట్‌ను నియమించి బాధ్యతలు అప్పజెప్పేవారు. డిప్యూటీ సూపరింటెండెంట్‌గా వ్యవహరించిన డాక్టర్‌ అనిల్‌ బాలరాజు బదిలీపై వెళ్లిన తర్వాత ప్రత్యేకంగా ఎవరినీ నియమించకుండా ఖాళీగానే ఉంచారు. దీంతో ఆర్‌ఎంఓ మాత్రమే ఆస్పత్రి నిర్వహణ బాధ్యతలు చూడాల్సి వచ్చింది. ఈ బాధ్యతలు తీసుకోవడానికి ప్రొఫెసర్లు ముందుకు రాకపోవడంతో రెండు నెలల క్రితం ఎంజీఎం సూపరింటెండెంట్‌ డాక్టర్‌ రాంకుమార్‌రెడ్డి సూపర్‌ స్పెషాలిటీ హాస్పిటల్‌ ఇన్‌చార్జ్‌ బాధ్యతలను సీనియర్‌ ప్రొఫెసర్లు తీసుకునేలా ఆదేశాలు జారీ చేశారు. ఆస్పత్రిలోని సీనియర్లతో దాదాపు నెలకు ఒకరు చొప్పున ఇన్‌చార్జ్‌గా ఉండేలా నిర్ణయించారు. ఈనేపథ్యంలో గత ఆగస్టు 15 నుంచి సెప్టెంబర్‌ 30 వరకు న్యూరాలజీ ప్రొఫెసర్‌ డాక్టర్‌ మాధవ్‌రావు ఇన్‌చార్జ్‌గా పనిచేశారు. ఉన్నతాధికారుల ఆదేశాల ప్రకారం నేటి (గురువారం)నుంచి కార్డియాలజీ ప్రొఫెసర్‌, హెచ్‌ఓడీ డాక్టర్‌ సి.మమతారెడ్డి ఇన్‌చార్జ్‌గా వ్యవహరించాల్సి ఉంది. ఆమె బాధ్యతలు తీసుకుంటారా, లేదా? అనేది గురువారం తెలుస్తుంది. కాగా, నెలకు ఒకరు చొప్పున ఆస్పత్రి నిర్వహణ బాధ్యతలు చేపట్టడంపై విమర్శలు వస్తున్నాయి. అందరూ సీనియర్‌ ప్రొఫెసర్లు అయినప్పటికీ ఇన్‌చార్జ్‌గా బాధ్యతలు చేపట్టడం వల్ల కొంతభారం పెరుగుతుంది. హాస్పిటల్‌పై నెలరోజుల్లో పట్టు సాఽధించుకునేలోపు మరో సీనియర్‌ ప్రొఫెసర్‌కు బాధ్యతలు అప్పజెప్పడం వల్ల వైద్యసేవలు ఎలా మెరుగుపడతాయో అధికారులకే తెలియాలని ఆస్పత్రి వర్గాలు అంటున్నాయి. కాగా, ఈ వ్యవహారంపై గత ఆగస్టు 24న సాక్షిలో ‘సూపర్‌’లో నెలకొకరు! శీర్షికన కథనం ప్రచురితమైనా ఉన్నతాధికారుల్లో స్పందన కరువైంది.

● 9వ తరగతికే అన్ని జిల్లాల్లో వాల్యుయేషన్‌ ● నేటినుంచి ఎస్‌ఏ–1 పరీక్షలు విద్యారణ్యపురి : అన్ని యాజమాన్యాల పాఠశాలల విద్యార్థులకు గురువారం(నేడు) నుంచి సమ్మిటివ్‌ అసెస్‌మెంట్‌ (ఎస్‌ఏ–1)పరీక్షలు నిర్వహించనున్నారు. ఈమేరకు అన్ని జిల్లాల్లో డీసీఈబీల ద్వారా ప్రశ్నపత్రాలు పంపిణీ చేశారు. 1వ తేదీ నుంచి 6 నుంచి 10వ తరగతి విద్యార్థులకు, 1 నుంచి 5వతరగతి విద్యార్థులకు అక్టోబర్‌ 5 నుంచి ఎస్‌ఏ–1 పరీక్షలు నిర్వహించనున్నారు. అక్టోబర్‌ 9వతేదీన ముగి యనున్నాయి. అయితే 1 నుంచి 9వ తరగతి వరకు నిర్వహించే ఎస్‌ఏ–1పరీక్షల జవాబుపత్రాల మూల్యాంకన విధానంలో మార్పులు తీసుకొస్తూ విద్యాశాఖ ఆగస్టు చివరి వారంలో ఉత్తర్వులు జారీచేసింది. ఇప్పటి వరకు ఈ పరీక్షల జవాబుపత్రాలను ఆయా పాఠశాలల్లోనే ఉపాధ్యాయులే మూల్యాంకనం చేసేవారు. అందుకు భిన్నంగా ఈ విద్యాసంవత్సరం నుంచి వేరే పాఠశాలల ఉపాధ్యాయులు నిర్వహించే ప్రక్రియ అమల్లోకి తీసుకురానున్నట్లు విద్యాశాఖ డైరెక్టర్‌ ఉత్తర్వులు జారీచేశారు. అయితే ఈ నూతన మూల్యాంకన విధానంపై ఉపాధ్యాయ సంఘాలు అభ్యంతరం తెలిపాయి. దీంతో బుధవారం సాయంత్రం పాఠశాల విద్యాశాఖ ఉన్నతాధికారులు.. ఉపాధ్యాయ సంఘాలతో చర్చించారు. ఈ నేపథ్యంలో ఈ మూల్యాంకన ప్రక్రియలో సవరణలు చేశారు. దీని ప్రకారం 9వతరగతి విద్యార్థుల పరీక్షల జవాబుపత్రాలను మాత్రమే బాహ్యమూల్యాంకనం అన్ని జిల్లాల్లో చేయనున్నారు. ఒక పాఠశాలలోని 9వతరగతి విద్యార్థులు రాసిన పరీక్షల జవాబుపత్రాలను మరో పాఠశాల ఉపాధ్యాయులు మూల్యాంకనం చేయనున్నారు. దీనిని ప్రయోగాత్మకంగా చేస్తారు. అయితే ఆరో తరగతి విద్యార్థుల పరీక్షల జవాబుపత్రాలను మాత్రం రాష్ట్రంలో ఎంపిక చేసిన 9 జిల్లాల్లో బాహ్యమూల్యాంకనం చేస్తారు. వీటిలో ఉమ్మడి వరంగల్‌లోని ములుగు, మహబూబాబాద్‌ జిల్లాలున్నాయి. మిగతా హైదరాబాద్‌, రంగారెడ్డి, ఆదిలాబాద్‌, భద్రాద్రి కొత్తగూడెం, కొమురంభీమ్‌ ఆసిఫాబాద్‌, మేడ్చల్‌, సంగారెడ్డి ఉన్నాయి. కేయూలో పలువురు అధికారుల నియామకంకేయూ క్యాంపస్‌: కాకతీయ యూనివర్సిటీలో పలువురు అధికారులను నియమిస్తూ బుధవారం రిజిస్ట్రార్‌ రామచంద్రం ఉత్తర్వులు జారీ చేశారు. వర్సిటీ అదనపు పరీక్షల నియంత్రణాధికారిగా ఇంగ్లిష్‌ విభాగం అసోసియేట్‌ ప్రొఫెసర్‌ డాక్టర్‌ దీపాజ్యోతి, కేయూ అకడమిక్‌ ఆడిట్‌ డీన్‌గా యూనివర్సిటీ ‘లా’ కళాశాల ప్రొఫెసర్‌ శ్రీనివాస్‌, హనుమకొండలోని యూనివర్సిటీ మహిళా పీజీ కళాశాల ఇన్‌చార్జ్‌ ప్రిన్సిపాల్‌గా అసిస్టెంట్‌ ప్రొఫెసర్‌ నిర్మల, మహిళా పీజీ కళాశాల వైస్‌ ప్రిన్సిపాల్‌గా రాజనీతి శాస్త్ర విభాగం కాంట్రాక్ట్‌ అసిస్టెంట్‌ ప్రొఫెసర్‌ డాక్టర్‌ సంకినేని వెంకట్‌, కేయూ అడ్మిషన్ల జాయింట్‌ డైరెక్టర్‌గా పబ్లిక్‌ అడ్మినిస్ట్రేషన్‌ విభాగం కాంట్రాక్టు అసిస్టెంట్‌ ప్రొఫెసర్‌ ఎ.శ్రీనివాస్‌ను నియమిస్తూ రిజిస్ట్రార్‌ రామచంద్రం ఉత్తర్వులు జారీ చేశారు. కాజీపేట అర్బన్‌: మహాత్మా జ్యోతిబా పూలే విదేశీ విద్యానిధి (బీసీ ఓవర్సీస్‌) పథకం దరఖాస్తుదారులకు 15 రోజుల గడువును పొడిగిస్తూ జిల్లా బీసీ వెల్ఫేర్‌ ఇన్‌చార్జ్‌ అధికారి లక్ష్మణ్‌ బుధవారం ఒక ప్రకటనలో తెలిపారు. సెప్టెంబర్‌ 30వ తేదీ వరకు గడువు ఉండగా.. అక్టోబర్‌ 15వరకు పొడిగించినట్లు పేర్కొన్నారు. అర్హులు ఈఅవకాశాన్ని వినియోగించుకోవాలని కోరారు. ఆన్‌లైన్‌లో www. telangana. cgg. gov. in వెబ్‌సైట్‌లో దరఖాస్తు చేసుకోవాలని సూచించారు.

కాజీపేట రూరల్‌ : విద్యారంగ సమస్యలపై ప్రభుత్వ నిర్లక్ష్య వైఖరి నిరసిస్తూ రాష్ట్ర వ్యాప్త పోరాటాలకు సిద్ధం కావాలని ఏఐఎస్‌ఎఫ్‌ జాతీయ మాజీ అధ్యక్షుడు తక్కళ్లపల్లి శ్రీనివాసరావు అన్నారు. కాజీపేట ఫాతిమానగర్‌ బాలవికాస కేంద్రంలో బుధవారం ఏఐఎస్‌ఎఫ్‌ 90వ వార్షికోత్సవ ముగింపు వేడుకలు జరిగాయి. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. పాఠశాల స్థాయి నుంచి విశ్వవిద్యాలయాల వరకు వివిధ సమస్యలతో విద్యార్థులు తీవ్ర అవస్థలు పడుతున్నారన్నారు. దీనిపై ఇప్పటికై నా ప్రభుత్వం స్పందించి ఫీజు రీయింబర్స్‌మెంట్‌, స్కాలర్‌షిప్‌ నిధులు వెంటనే విడుదల చేసి డిగ్రీ, పీజీ కళాశాలలు, యూనివర్సీటీల్లో ఖాళీ ఆధ్యాపక పోస్టులను భర్తీ చేయాలని డిమాండ్‌ చేశారు. ఏఐఎస్‌ఎఫ్‌ రాష్ట్ర అధ్యక్షుడు మణికంఠరెడ్డి అధ్యక్షతన జరిగిన ఈ సమావేశంలో ఏఐఎస్‌ఎఫ్‌ రాష్ట్ర కార్యదర్శి పుట్ట లక్ష్మణ్‌, సీపీఐ జిల్లా కార్యదర్శి కర్రె భిక్షపతి, తదితరులు పాల్గొన్నారు. ఏఐఎస్‌ఎఫ్‌ జాతీయ మాజీ అధ్యక్షుడు శ్రీనివాసరావు ముగిసిన సంఘం 90వ వార్షికోత్సవాలు

● ఎన్‌ఎఫ్‌ఐఆర్‌ జనరల్‌ సెక్రటరీ రాఘవయ్య కాజీపేట రూరల్‌: కేంద్రం రైల్వే లోకోపైలెట్ల సమస్యలు పరిష్కరించి వారికి, వారి కుటుంబాలకు న్యాయం చేయాలని ఎన్‌ఎఫ్‌ఐఆర్‌ జనరల్‌ సెక్రటరీ, దక్షిణ మధ్య రైల్వే ఎంప్లాయీస్‌ సంఘ్‌ జనరల్‌ సెక్రటరీ డాక్టర్‌ ఎం.రాఘవయ్య డిమాండ్‌ చేశారు. లోకో పైలెట్ల సమస్యలపై రైల్వే మంత్రి దృష్టికి తీసుకెళ్లి పరిష్కరించేందుకు కృషి చేయనున్నట్లు తెలిపారు. కాజీపేట రైల్వే ఎంప్లాయీస్‌ సంఘ్‌ కార్యాలయంలో బుధవారం జరిగిన లోకో సమ్మెట్‌కి జనరల్‌ సెక్రటరీ రాఘవయ్య ముఖ్య అతిథిగా హాజరై మాట్లాడారు. కాజీపేట రైల్వే డివిజన్‌ ఏర్పాటుకు కావాల్సిన ప్రతిపాదనలు రైల్వే బోర్డుకు పంపిస్తానన్నారు. లోకోపైలెట్ల సమస్యలు తెలుసుకోవడానికి తాను ఢిల్లీ నుంచి కాజీపేటకు వచ్చానని తెలిపారు. వరంగల్‌లో క్రూ డిపో, కాజీపేటను రైల్వే డివిజన్‌గా చే యాలని రన్నింగ్‌స్టాఫ్‌ తమ ముందుకు తీసుకొచ్చిందని వాటికి రైల్వే ఎంప్లాయీస్‌ సంఘ్‌ నుంచి పూర్తి మద్దతు తెలుపుతున్నామన్నారు. కార్యక్రమంలో ఎన్‌ఎఫ్‌ఐఆర్‌ అసిస్టెంట్‌ జనరల్‌ సెక్రటరీ భరణి భానుప్రసాద్‌, రైల్వే ఎంప్లాయీస్‌ సంఘ్‌ సికింద్రాబాద్‌ డివిజన్‌ అధ్యక్ష కార్యదర్శులు కొత్త మురళీకృష్ణ, ప్రభురాజ్‌, జోనల్‌ సెక్రటరీ కేవీఆర్‌ ప్రసాద్‌, రామకృష్ణ, దిలీప్‌, మహాలక్ష్మి, వేగి మురళీకృష్ణ, సీవీపీ రాజు, వెంకటనారాయణ, మధుసూదన్‌రావు, పాక రాజ్‌కుమార్‌, చైర్మన్‌ సుధాకర్‌ పాల్గొన్నారు.

హన్మకొండ: హనుమకొండ నయీంనగర్‌లోని వాగ్దేవి డిగ్రీ, పీజీ కళాశాల (అటానమస్‌) పీజీ ద్వితీయ సెమిస్టర్‌ ఫలితాలు విడుదలయ్యాయి. బుధవారం కళాశాలో ప్రిన్సిపాల్‌ ఎ.శేషాచలం, వైస్‌ ప్రిన్సిపాల్‌ పి.హరీందర్‌ రెడ్డి, పరీక్షల నియంత్రణాధికారి సి.దత్తాత్రేయులు ఫలితాలు విడుదల చేశారు. మొత్తం 90.26 శాతం ఉత్తీర్ణత సాధించారని వారు తెలిపారు. 154 మంది విద్యార్థులు పరీక్ష రాయగా 139 మంది ఉత్తీర్ణులయ్యారు. ఎంకాం (జనరల్‌), ఎమ్మెస్సీ ఫిజిక్స్‌, ఎమ్మెస్సీ మ్యాథ్‌మెటిక్స్‌ కోర్సులు 100 శాతం ఉత్తీర్ణత సాధించాయి. ఎమ్మెస్సీ జువాలజీ 96.15 శాతం, ఎమ్మెస్సీ న్యూట్రీషన్‌, డైటెటిక్స్‌ 93.94 శాతం, ఎమ్మెస్సీ ఫుడ్‌ సైన్స్‌, టెక్నాలజీ 94.59 శాతం, ఎమ్మెస్సీ మైక్రోబయాలజీ 95.65 శాతం ఉత్తీర్ణత నమోదు చేశాయి. ఎంకాం (కంప్యూటర్‌ అప్లికేషన్స్‌) 75 శాతం, ఎమ్మెస్సీ కెమిస్ట్రీ 37.50 శాతం, ఎమ్మెస్సీ డేటా సైన్స్‌ 81.82 శాతం ఉత్తీర్ణత నమోదు చేశాయి. కార్యక్రమంలో ఐక్యూఏసీ కోఆర్డినేటర్‌ డాక్టర్‌ రాజాప్రసాద్‌, అన్ని విభాగాల అధిపతులు పాల్గొన్నారు.

కలెక్టరేట్‌ను ప్రారంభించాలని కాశిబుగ్గ: వరంగల్‌లో నిర్మించిన కలెక్టరేట్‌ను ప్రారంభించకుండా సర్కారు నిర్లక్షం చేస్తోందంటూ బీజేపీ శ్రేణులు వినూత్న నిరసన చేపట్టాయి. మంగళవారం కలెక్టరేట్‌ భవనం వద్ద బూడిద గుమ్మడికాయలతో దిష్టి తీసి నిరసన తెలిపారు. ముందుగా తూర్పు నియోజకవర్గంలో అభివృద్ధి పనులు, సమస్యలపై పట్టించుకోవడం లేదంటూ ప్రభుత్వం, స్థానిక ఎమ్మెల్యేను నిలదీస్తూ వరంగల్‌ కోఆపరేటివ్‌ బ్యాంకు చైర్మన్‌ ఎర్రబెల్లి ప్రదీప్‌రావు ఆధ్వర్యంలో ఓ సిటీ క్యాంపు కార్యాలయం నుంచి కలెక్టరేట్‌ భవనం వరకు ర్యాలీ నిర్వహించారు. ఈ సందర్భంగా ప్రదీప్‌రావు మాట్లాడుతూ కలెక్టరేట్‌ నిర్మాణం పూర్తయినా ఎందుకు ప్రారంభించడం లేదని ప్రశ్నించారు. జిల్లా వరంగల్‌ అయినా ప్రతీ పనికి హనుమకొండకు వెళ్లాల్సి వస్తుందన్నారు. ముఖ్యంగా వరంగల్‌ తూర్పు అన్ని రంగాల్లో వెనుకబడిపోతున్నా పట్టించకోవడం లేద న్నారు. కుటుంబంలో పదవుల కోసం తప్పా తూర్పులో గెలిపించిన ప్రజలకు ఏమి న్యాయం చేస్తున్నారని ప్రశ్నించారు. నెలలో కనీసం ఎమ్మెల్యేగా 20 రోజులైనా ప్రజలకు అందుబాటులో ఉండి వారి సమస్యల వినే బాధ్యత లేదా అని మండిపడ్డారు. బీజేపీ జిల్లా అధ్యక్షుడు గంట రవికుమార్‌, మాజీ జిల్లా అధ్యక్షుడు ఎడ్ల అశోక్‌రెడ్డి, నాయకులు సిద్దం నరేశ్‌, జలగం రంజిత్‌, కుసుమ సతీశ్‌, వంగాల సమ్మిరెడ్డి, రత్నం సతీశ్‌, గురుమూర్తి , బాకం హరిశంకర్‌, శివకుమార్‌, రాణా ప్రతాప్‌రెడ్డి పాల్గొన్నారు.

విప్లవ సింహం జనగామ : ఒకవైపు నిజాం నిరంకుశ పాలన.. మరోవైపు దేశ్‌ముఖ్‌లు, రజాకార్ల దోపిడీ, వెట్టి చాకిరీ, భూముల ఆక్రమణ, దౌర్జన్యాలు. వెరసి తెలంగాణ పల్లెలు అల్లాడుతున్న రోజులు. భూమి ఉన్నా సాగు హక్కు లేని రైతులు. కష్టపడినా ఫలితం దక్కని కూలీలు. దొరల గడీల ముందు తలవంచి బతకాల్సిన పరిస్థితి. అలాంటి భయానక వాతావరణంలో ప్రజలకు అండగా నిలిచి, వారిలో పోరాట స్ఫూర్తిని రగిలించిన యోధుడు నల్లా నరసింహులు. తెలంగాణ రైతాంగ సాయుధ పోరాటంలో జనగామ ప్రాంతం నుంచి వెలుగులోకి వచ్చిన ఈ విప్లవ సింహం తన జీవితాన్ని ప్రజా పోరాటానికే అంకితం చేశారు. నేడు (బుధవారం) నల్లా నరసింహుల శత జయంతి. ఈ సందర్భంగా ‘సాక్షి’ ప్రత్యేక కథనం. కడవెండి బిడ్డగా.. పోరాట యోధుడిగా 1926, అక్టోబర్‌ 2న ప్రస్తుత జనగామ జిల్లా దేవరుప్పల మండలం కడవెండిలో పద్మశాలి కుటుంబంలో నల్లా నరసింహులు జన్మించారు. చేనేత వృత్తి చేస్తూ ఉర్దూ మాధ్యమంలో ఏడో తరగతి వరకు చదువుకున్నారు. చిన్న వయసులోనే పల్లెల్లో నెలకొన్న సామాజిక అసమానతలు, భూస్వాముల దోపిడీ, వెట్టి చాకిరీ ఆయనను కలచివేశాయి. ప్రజల కష్టాలను తనవిగా భావించి ఉద్యమ బాట పట్టారు. ఆంధ్ర మహాసభతో ప్రజల్లో చైతన్యం.. తెలంగాణలో ప్రజా చైతన్యానికి వేదికగా మారిన ఆంధ్ర మహాసభ కార్యకలాపాల్లో నరసింహులు చురుగ్గా పాల్గొన్నారు. భువనగిరిలో జరిగిన 11వ ఆంధ్ర మహాసభ అనంతరం జనగామ తాలూకాలో గ్రామాల్లో ప్రజలను సంఘటితం చేస్తూ సంఘం దళాలను నిర్మించడంలో కీలక పాత్ర పోషించారు. కడవెండి నుంచే తన పోరాటానికి శ్రీకారం చుట్టి పల్లెపల్లెకూ వెళ్లి ప్రజలను ఏకం చేశారు. అట్టడుగు వర్గాల ప్రజల్లో ధైర్యం నింపి దోపిడీకి వ్యతిరేకంగా నిలబడేలా చేశారు. నల్లా నరసింహులు (ఫైల్‌)నిజాం పాలన అనంతరం కూడా నరసింహులుపై ప్రభుత్వ కేసులు కొనసాగాయి. పలుమార్లు అరైస్టె చిత్రహింసలకు గురయ్యారు. అనేక కేసులు ఎదుర్కొన్నారు. మూడుసార్లు ఉరిశిక్ష విధించినా ఆయన వెనుకడుగు వేయలేదు. జైలు నుంచే ధైర్యంగా తన వాదనలు వినిపించారు. ఆయన ధైర్యసాహసాలను గుర్తించిన న్యాయ, పోలీసు వర్గాల్లో తెలంగాణ టైగర్‌గా పిలిచినట్లు చారిత్రక కథనాలు పేర్కొంటున్నాయి. చివరకు పుచ్చలపల్లి సుందరయ్య, తదితరుల చొరవతో 1959, జనవరి 26న జైలు నుంచి విడుదలయ్యారు. అనంతరం కూడా ప్రజాఉద్యమాలకు దూరం కాలేదు. తెలంగాణ రైతాంగ సాయుధ పోరాటంలో ప్రాణత్యాగం చేసిన వేలాది మంది యోధుల స్ఫూర్తిని స్మరించుకుంటూ ప్రజా సమస్యలపై తన గళం వినిపించారు. జీవిత భాగస్వామి వజ్రమ్మతో కలిసి ప్రజా ఉద్యమాలకు అండగా నిలిచారు. 1993, నవంబర్‌ 5న కన్నుమూశారు. అయితే ఆయన పోరాట స్ఫూర్తి జనగామ నేలపై నేటికీ కొనసాగుతోంది.దొరల దౌర్జన్యానికి ఎదురొడ్డిన తెలంగాణ సాయుధ పోరాటయోధుడు కడవెండి బిడ్డగా పుట్టి తెలంగాణ టైగర్‌గా గుర్తింపు నేడు నల్లా నరసింహులు శత జయంతి

కాశిబుగ్గ: వరంగల్‌లో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో మొదటి విడత ఓపీ సేవలు అందించేందుకు అధికారులు సన్నాహాలు చేస్తున్నారు. ఇందుకోసం 8 అంతస్తుల్లో ఏర్పాట్లు చేస్తున్నారు. డీఎంఈ డాక్టర్‌ వాణి, వరంగల్‌ కలెక్టర్‌ డాక్టర్‌ సత్యశారద పర్యవేక్షణతో పాటు సీఎంఓ అఽధికారుల చొరవతో పనులు వేగవంతంగా జరుగుతున్నాయి. కానీ, దసరా వరకు పనులు పూర్తయ్యే పరిస్థితి కనిపించడం లేదు. దీంతో అధికారులు ఒకడుగు ముందుకు వేసి ప్రాథమిక దశలో ఓపీ సేవలను ప్రజలకు అందుబాటులోకి తేవాలని యోచిస్తున్నారు. ఏర్పాట్లలో నిమగ్నమైన అధికారులు సీఎం రేవంత్‌రెడ్డి ఆదేశాలతో 24 అంతస్తుల సూపర్‌ స్పెషాలిటీ ఆస్పత్రి వైద్య సేవలను ప్రజలకు అందుబాటులో తీసుకురావడానికి అధికారులు తీవ్రంగా కృషి చేస్తున్నారు. దసరా వరకు ఓపీ సేవలు, అత్యవసరమైన ఎక్స్‌రే, ల్యాబ్‌, ఈసీజీ, డ్రెస్సింగ్‌కు ఏర్పాట్లు చేస్తున్నారు. ఓపీలో వైద్యపరీక్షల అనంతరం పేషంట్లను అడ్మిట్‌ చేయాల్సి వస్తే వారిని ఎంజీఎంకు ఎలా తీసుకెళ్తారనే ప్రశ్నలు ఉత్పన్నమవుతున్నాయి. ఎంజీఎం అంబులెన్స్‌లను ఉపయోగిస్తారా, ప్రత్యేక వాహనాలను ఏర్పాటు చేస్తారా అనే విషయంపై స్పష్టత రావాల్సి ఉంది. కాగా, సూపర్‌ స్పెషాలిటీ వైద్యసేవల వివరాలను చెప్పడానికి ఎంజీఎం అధికారులు ఆసక్తి చూపడం లేదు. సూపర్‌ స్పెషాలిటీ ఆస్పత్రిలో ఏర్పాట్లు చేస్తున్న అధికారులు సీఎం రేవంత్‌రెడ్డి ఆదేశాలతో హాస్పిటల్‌ పనులు ముమ్మరం

మామునూరు: మామునూరు టీజీఎస్పీ నాలుగో బెటాలియన్‌ ప్రాంగణంలోని పీటీసీలో జరుగుతున్న ఎన్‌సీసీ క్యాంపును మంగళవారం ఏపీ, తెలంగాణ ఎన్‌సీసీ డైరెక్టరేట్‌ డిప్యూటీ డీజీ ఎయిర్‌ కమాండర్‌ నరసింగ్‌ సైలానీ సందర్శించారు. ఈ సందర్భంగా ఆల్‌ ఇండియా వాయు సైనిక్‌ క్యాంపు (ఏఐవీఎస్‌సీ)లో కేడెట్ల భాగస్వామ్యానికి సంబంధించిన ఏర్పాట్లను ఆయన పరిశీలించారు. అనంతరం ప్రతిభ కనబరిచిన కేడెట్లకు బహుమతులు ప్రదానం చేశారు. అంతకు ముందు ఎన్‌సీసీ గ్రూప్‌ హెచ్‌క్యూలో శిక్షణ, పరిపాలనా అంశాలపై కమాండింగ్‌ అధికారులు, సిబ్బందితో సమీక్షించారు. అంకితభావంతో కేడెట్లకు శిక్షణ ఇస్తున్న ట్రైనర్లకు ప్రశంసపత్రాలు అందజేసి అభినందించారు.

● హనుమకొండ అదనపు కలెక్టర్‌ రవి హన్మకొండ అర్బన్‌ : నిర్దేశిత గడువులోగా సీఎంఆర్‌ డెలివరీ పూర్తి చేయాలని అదనపు కలెక్టర్‌ రవి ఆదేశించారు. సీఎంఆర్‌ అందజేతపై పౌరసరఫరాల శా ఖ అధికారులు, రైస్‌ మిల్లర్లతో మంగళవారం కలెక్టరేట్‌లో సమీక్ష సమావేశం నిర్వహించారు. ఎఫ్‌ సీఐ, పౌరసరఫరాల సంస్థలకు చేరవేయాల్సిన కస్ట మ్‌ మిల్లింగ్‌ బియ్యం డెలివరీ లెక్కలను సమీక్షించా రు. ప్రభుత్వం జారీ చేసిన నిబంధనలు, మార్గదర్శకాల ను పాటిస్తూ గడువులోగా సీఎంఆర్‌ డెలివరీ పూర్తి చేయాలన్నారు. ఇప్పటివరకు సరఫరా చేసిన బి య్యం నిల్వలు, మిగిలిన కోటా లెక్కలను పక్కాగా సరిచూసుకుని ప్రక్రియను వేగవంతం చేయాలన్నా రు. జిల్లా పౌరసరఫరాల శాఖ మేనేజర్‌ మహేందర్‌ డీటీలు, ఎన్‌ఫోర్స్‌మెంట్‌ అధికారులు పాల్గొన్నారు. ధాన్యం కొనుగోళ్లు సాఫీగా సాగాలిజిల్లాలో ధాన్యం కొనుగోళ్లు సాఫీగా సాగాలని హ నుమకొండ అదనపు కలెక్టర్‌ ఎన్‌.రవి అన్నారు. కలెక్టరేట్‌ కాన్ఫరెన్స్‌హాల్‌లో 65 ధాన్యం కొనుగోలు కేంద్రాల నిర్వాహకులు, సీసీలు, ఏపీఎంలతో మంగళవారం సమన్వయ సమావేశం నిర్వహించారు. ఈ సందర్భంగా అదనపు కలెక్టర్‌ ఎన్‌.రవి మాట్లాడు తూ ధాన్యం విక్రయించిన రైతుల ఖాతాల్లో 24 గంటల్లో డబ్బులు జమ అయ్యేలా చర్యలు తీసుకోవా లన్నారు. అక్టోబర్‌ 5వ తేదీలోగా అన్ని కొనుగోలు కేంద్రాలను ప్రారంభించాలని, ట్యాబ్‌ ఎంట్రీలను ప్రతిరోజూ 100 శాతం పూర్తి చేయాలని ఆదేశించారు. పౌరసరఫరాల అధికారి మహేందర్‌, జిల్లా వ్యవసాయ అధికారి విజయ్‌చంద్ర పాల్గొన్నారు.

● హనుమకొండ కలెక్టర్‌ చాహత్‌ బాజ్‌పాయ్‌ కాజీపేట అర్బన్‌: గ్రాండ్‌ పేరెంట్స్‌ను గౌరవించుకో వాలని హనుమకొండ కలెక్టర్‌ చాహత్‌ బాజ్‌పాయ్‌ సూచించారు. న్యూశాయంపేటలోని పోచంపల్లి ప్ర భుత్వ ప్రాథమిక పాఠశాలలో మంగళవారం అంతర్జాతీయ వయోవృద్ధుల దినోత్సవం నిర్వహించా రు. ఈసందర్భంగా కలెక్టర్‌ మాట్లాడుతూ అమ్మ మ్మ, నానమ్మ, తాతయ్యల మాటలు, వారి సూక్తులు పాటిస్తే ఉన్నతస్థాయి చేరుకుంటారన్నారు. డీఈఓ గిరిరాజ్‌గౌడ్‌, ఎంఈఓ మనోజ్‌కుమార్‌, జీసీడీఓ సునీత, ఏసీడీపీఓ సుంధురాణి పాల్గొన్నా రు. పాఠశాల ఆవరణలోని అంగన్‌వాడీని సందర్శించిన కలెక్టర్‌.. చిన్నారులకు ఉగ్గు పట్టించి, గర్భిణులకు సీమంతాలు నిర్వహించారు. వీఓ భవనాల పనులు వేగవంతం చేయాలి జిల్లాలో వీఓ భవనాల నిర్మాణ పనులు వేగవంతం చేయాలని కలెక్టర్‌ చాహత్‌ బాజ్‌పాయ్‌ అధికారుల ను ఆదేశించారు. వీఓ భవనాలు, రుణాల వసూళ్లు, మహిళా డెయిరీ తదితర అంశాలపై డీఆర్డీఏ, సెర్ప్‌, సీ్త్రనిధి అధికారులతో కలెక్టర్‌ మంగళవారం కలెక్టరేట్‌లో సమీక్ష సమావేశం నిర్వహించారు. సమావేశంలో డీఆర్డీఓ మేన శ్రీను, అదనపు డీఆర్డీఓ వెంకటేశ్వర్లు, డీపీఎంలు రాజేంద్రప్రసాద్‌, సరిత, పద్మప్రియ, అనిత, దయాకర్‌, సీ్త్రనిధి ఆర్‌ఎం రమేశ్‌ తదితరులు పాల్గొన్నారు.

వరంగల్‌ స్పోర్ట్స్‌: పాఠశాల క్రీడల సమాఖ్య అండర్‌–14, 17 బాలబాలికల విభాగంలో బుధవారం ఉమ్మడి వరంగల్‌ జిల్లా స్థాయి ఎంపిక పోటీలు నిర్వహిస్తున్నట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అనిల్‌ మంగళవారం ఒక ప్రకటనలో తెలిపారు. వరంగల్‌లోని ఓ సిటీ మైదానంలో యోగా, ఫెన్సింగ్‌ ఎంపికలు, ఖమ్మం బైపాస్‌ రోడ్‌లోని హైదరాబాద్‌ పబ్లిక్‌ స్కూల్‌లో హాకీ ఎంపికలు నిర్వహించనున్నట్లు పేర్కొన్నారు. క్రీడాకారులు ఉదయం 9 గంటలకు ఎంపికలకు హాజరు కావాలని తెలిపారు. క్రీడాకారులు తమ వెంట ఆధార్‌ కార్డు, స్కూల్‌ బోనఫైడ్‌ సర్టిఫికెట్‌, గత సంవత్సర ప్రోగ్రెస్‌ కార్డు, పుట్టినతేదీ సర్టిఫికెట్‌ లను తీసుకువాలని తెలిపారు. ఏఏఏ రాష్ట్ర అధ్యక్షుడిగా నవీన్‌ విద్యారణ్యపురి: గవర్నమెంట్‌ డిగ్రీ కాలేజీ అడ్మినిస్ట్రేటివ్‌ ఆఫీసర్స్‌ అసోసియేషన్‌(ఏఏఏ) రాష్ట్ర అధ్యక్షుడిగా నైనాల నవీన్‌ ఎన్నికయ్యారు. రాష్ట్ర ప్రధాన కార్యదర్శిగా ఎం.డీ సులేమాన్‌ ఎన్నికై నట్లు సంబంధిత సంఘం నాయకులు మంగళవారం తెలిపారు. ప్రస్తుతం నవీన్‌ ములుగు ప్రభుత్వ డిగ్రీ కళాశాలలో అడ్మినిస్ట్రేటివ్‌ ఆఫీసర్‌గా విధులు నిర్వర్తిస్తున్నారు. ఆయన హనుమకొండ జిల్లాకు చెందినవారు. నిట్‌లో ‘కాన్‌క్లేవ్‌–26’కాజీపేట అర్బన్‌: నిట్‌ పూర్వ విద్యార్థులు డిసెంబర్‌ 19, 20వ తేదీల్లో గ్లోబల్‌ ఎంట్రీపెన్యూర్‌షిప్‌ కాన్‌క్లేవ్‌–26ను నిర్వహించనున్నారు. నూతన ఐడియాలకు ఆవిష్కరణ రూపం, స్టార్టప్‌ కల్చర్‌ కల్పించే వేదికగా నిలవనున్న కాన్‌క్లేవ్‌లో నిట్‌ పూర్వ విద్యార్థులు, పారిశ్రామిక వేత్తలు, పెట్టుబడిదారులు తదితరులు పాల్గొననున్నట్లు సమాచారం. ఔత్సాహికులు కాన్‌క్లేవ్‌లో పాల్గొనేందుకు www. nitwgec.comల ను సంప్రదించాలని నిర్వాహకులు సూచించారు. అలరించిన మ్యూజికల్‌ నైట్‌కాజీపేట అర్బన్‌: నిట్‌ అంబేడ్కర్‌ లెర్నింగ్‌ సెంటర్‌ ఆడిటోరియంలో మంగళవారం రాత్రి స్పిక్‌మెకే క్లబ్‌ నిర్వహించిన మ్యూజికల్‌ నైట్‌ అలరించింది. శాసీ్త్రయ సంగీత గాయకుడు ఓంకార్‌ దాదర్కర్‌ గీతాలు ఆలపించారు. నేటి తరానికి శాసీ్త్రయ సంగీతాన్ని అందించేందుకు స్పిక్‌మెకే మ్యూజికల్‌ నైట్‌ నిర్వహించినట్లు డీన్‌ కిరణ్‌కుమార్‌ తెలిపారు. కార్యక్రమంలో రిజిస్ట్రార్‌ సునీల్‌కుమార్‌ మెహతా, ప్రొఫెసర్లు, విద్యార్థులు తదితరులు పాల్గొన్నారు. హెచ్‌పీవీ టీకాతో కేన్సర్‌కు చెక్‌ ● వరంగల్‌ డీఎంహెచ్‌ఓ రాజారెడ్డి ఖిలా వరంగల్‌: హెచ్‌పీవీ టీకాతో కేన్సర్‌కు చెక్‌ పడుతుందని వరంగల్‌ డీఎంహెచ్‌ఓ డాక్టర్‌ బి.రాజారెడ్డి అన్నారు. మంగళవారం వరంగల్‌ ఉర్సు గుట్టలోని ఎంజేపీటీ బీసీ రెసిడెన్షియల్‌ స్కూల్‌లో డిప్యూటీ డీఎంహెచ్‌ఓ డాక్టర్‌ ప్రకాశ్‌ ఆధ్వర్యంలో ఎస్‌ఆర్‌ఆర్‌తోట పీహెచ్‌సీ సిబ్బంది హెచ్‌పీవీ వ్యాక్సినేషన్‌ నిర్వహించారు. ముఖ్యఅతిథిగా డీఎంహెచ్‌ఓ హాజరై వ్యాక్సినేషన్‌ కార్యక్రమాన్ని ప్రారంభించి మాట్లాడారు. కిశోర బాలికల ఆరోగ్య పరిరక్షణలో హెచ్‌పీవీ వ్యాక్సినేషన్‌ కీలకమన్నారు. 14–15 ఏళ్ల విద్యార్థులకు వ్యాక్సినేషన్‌ కార్యక్రమాన్ని సమర్థవంతంగా నిర్వహించాలని సిబ్బందిని ఆదేశించారు. అనంతరం 51 మంది విద్యార్థినులకు టీకా వేసి హెచ్‌పీవీ ప్రాముఖ్యత, ప్రయోజనాలు, గర్భాశయ ముఖ ద్వారా కేన్సర్‌ నివారణలో టీకా పాత్రపై అవగాహన కల్పించారు. ఈ కార్యక్రమంలో డాక్టర్‌ అరుణ్‌జోషి, పీఓ డాక్టర్‌ అనిత, ప్రిన్సిపాల్‌ అంజిరెడ్డి, వైద్య సిబ్బంది పాల్గొన్నారు.

బుధవారం శ్రీ 30 శ్రీ సెప్టెంబర్‌ శ్రీ 2026చీర, సారెతో వస్తున్న హీరో నాని, గద్దెల ప్రాంగణంలో చిత్రబృందం హన్మకొండ అర్బన్‌: పెన్షన్‌ రూల్స్‌ వ్యాలిడేషన్‌ చట్టం–2025ను రద్దు చేయాలని తెలంగాణ ఆల్‌ పెన్షనర్స్‌ అండ్‌ రిటైర్డ్‌ పర్సన్‌ అసోసియేషన్‌ హనుమకొండ జిల్లా అధ్యక్షుడు పరికిపండ్ల వేణు కేంద్ర ప్రభుత్వాన్ని డిమాండ్‌ చేశారు. ఆల్‌ ఇండియా స్టేట్‌ గవర్నమెంట్‌ పెన్షనర్స్‌ ఫెడరేషన్‌ ఇచ్చిన పిలుపు మేరకు పెన్షనర్ల సమస్యల పరిష్కారం కోసం మంగళవారం హనుమకొండ కలెక్టరేట్‌ ఎదుట ధర్నా నిర్వహించారు. ఈ సందర్భంగా వేణు మాట్లాడుతూ మొదటి దశలో కలెక్టరేట్ల ఎదుట ధర్నాలు, రెండో దశ డిసెంబర్‌ 12న న్యూఢిల్లీలోని రాంలీలా మైదానంలో భారీ ర్యాలీ, మూడో దశలో డిసెంబర్‌ 13న కేంద్ర, రాష్ట్ర ప్రభుత్వాల పెన్షనర్ల సంయుక్త సదస్సు నిర్వహిస్తామని ఆయన స్పష్టం చేశారు. ధర్నా అనంతరం 12 డిమాండ్లతో కూడిన వినతిపత్రాన్ని అదనపు కలెక్టర్‌ ఎన్‌.రవికి అందజేశారు. కార్యక్రమంలో జిల్లా గౌరవ అధ్యక్షుడు పెండ్యాల బ్రహ్మయ్య, వర్కింగ్‌ జనరల్‌ సెక్రటరీ బేతి శంకర్‌ లింగం, ఆర్థిక కార్యదర్శి సిద్ధి రాజయ్య, జిల్లా కార్యవర్గ సభ్యులు, యూనిట్ల బాధ్యులు తదితరులు పాల్గొన్నారు. హన్మకొండ: ప్రయాణికులకు మెరుగైన రవాణా సౌకర్యాలు కల్పించేందుకు, సలహాలు సూచనలు స్వీకరించడానికి బుధవారం డయల్‌ యువర్‌ డీఎం కార్యక్రమం నిర్వహిస్తున్నట్లు ఆర్టీసీ వరంగల్‌–1 డిపో మేనేజర్‌ పుప్పాల అర్పిత తెలిపారు. ఉదయం 11 నుంచి మధ్యాహ్నం 12 గంటల వరకు హనుమకొండలోని వరంగల్‌–1 డిపో నుంచి డయల్‌ యువర్‌ డీఎం కార్యక్రమం నిర్వహించనున్నట్లు ఆమె ఒక ప్రకటనలో పేర్కొన్నారు. హైదరాబాద్‌, నిజామాబాద్‌, సిద్దిపేట, పాలకుర్తి, తరిగొప్పుల తదితర రూట్ల ప్రయాణికులు 9959226047 నంబర్‌కు ఫోన్‌చేసి సలహాలు, సూచనలు ఇవ్వాలని, సమస్యలు చెప్పాలని డీఎం కోరారు. వరంగల్‌ స్పోర్ట్స్‌: హనుమకొండలోని జేఎన్‌ఎస్‌లో రెండు రోజులపాటు జరిగిన 70వ హనుమకొండ జిల్లాస్థాయి ఎస్‌జీఎఫ్‌ అండర్‌–14, 17 బాలబాలికల ఎంపిక పోటీలు మంగళవారం సాయంత్రం ముగిశాయి. కలెక్టర్‌ చాహత్‌ బాజ్‌పాయి ముఖ్య అతిథిగా హాజరై విజేతలకు బహుమతులు ప్రదానం చేసి మాట్లాడుతూ క్రీడాకారులు చదువుతో పాటు క్రీడల్లో రాణించడం అభినందనీయమని అన్నారు. డీఈఓ గిరిరాజ్‌గౌడ్‌ మాట్లాడుతూ విద్యార్థులు పాఠశాల స్థాయి నుంచి క్రీడల్లో రాణించాలని సూచించారు. కబడ్డీ, ఖోఖ, వాలీబాల్‌ క్రీడల్లో ఎంపికలు నిర్వహించినట్లు ఎస్‌జీఎఫ్‌ హనుమకొండ జిల్లా నిర్వహణ కార్యదర్శి వాసుదేవరావు తెలిపారు. వివిధ మండలాల నుంచి మొదటి రోజు 2,100, రెండో రోజు 366 మంది క్రీడాకారులు హాజరైనట్లు ఆయన పేర్కొన్నారు. డీవైఎస్‌ఓ ప్రశాంత్‌, టీఎస్‌ పీఈటీల సంఘం జిల్లా అధ్యక్షుడు ప్రభాకర్‌రెడ్డి, టీజీ పీఈటీల సంఘం జిల్లా అధ్యక్షుడు పార్థసారథి, శ్రీధర్‌రావు, కుమారస్వామి, మల్లారెడ్డి తదితరులు పాల్గొన్నారు. హన్మకొండ అర్బన్‌: దీర్ఘకాలిక సమస్యలు పరిష్కరించాలని డిమాండ్‌ చేస్తూ అక్టోబర్‌ 13 నుంచి నిరవధిక సమ్మె చేపట్టనున్నట్లు ఎన్‌హెచ్‌ఎం ఉద్యోగ జేఏసీ నాయకులు తెలిపారు. ఈ మేరకు మంగళవారం హనుమకొండ కలెక్టర్‌ చాహత్‌ బాజ్‌పాయ్‌, డీఎంహెచ్‌ఓ అప్పయ్యకు సమ్మె నోటీస్‌ అందజేశారు. ఈ సందర్భంగా వారు మాట్లాడుతూ రాష్ట్రంలోని సుమారు 17 వేల మంది ఎన్‌హెచ్‌ఎం ఉద్యోగులను రెగ్యులరైజ్‌ చేయాలని, పీఆర్సీ, 5 శాతం ఇంక్రిమెంట్‌, 8 శాతం లాయల్టీ బోనస్‌, 100 శాతం గ్రాస్‌ జీతం అమలు చేయాలని కోరారు. మాతృత్వ సెలవులు, ఇన్సూరెన్‌్స్‌, సర్వీస్‌ కొనసాగింపు, ఆర్‌ఓపీ తదితర సమస్యలు పరిష్కరించాలని, సకాలంలో జీతాలు చెల్లించాలని డిమాండ్‌ చేశారు. సమస్యలు పరిష్కరించకుంటే నిరవధిక సమ్మె చేపడతామని స్పష్టం చేశారు. కార్యక్రమంలో రాష్ట్ర అధ్యక్షుడు డాక్టర్‌ మహేందర్‌రావు పుట్ట, ప్రధాన కార్యదర్శి ఎండీ రుక్ముద్దీన్‌, కోశాధికారి, సోషల్‌ మీడియా ఇన్‌చార్జ్‌ మొగిలి నరేశ్‌, హనుమకొండ జిల్లా ప్రధాన కార్యదర్శి రాజేంద్రప్రసాద్‌ తదితరులు పాల్గొన్నారు. రికవరీ కావాల్సిన ధాన్యం: 1,11,634మె.టన్నులువేలం వేసిన ధాన్యం జాడేది.. 2022–23 రబీలో సీఎంఆర్‌ను రైసుమిల్లర్లు ఎంతకు చెల్లించకపోవడంతో పౌరసరఫరాలసంస్థ.. 216 మిల్లుల్లో ఉన్న రూ.250.92 కోట్ల విలువ చేసే 1,11,634 మె.టన్నుల ధాన్యం మొత్తానికి వేలం వేసింది. తీరా టెండర్లు ముగిశాక వెళ్లి చూస్తే చాలా మిల్లుల్లో ధాన్యం లేకపోవడంతో మళ్లీ రికవరీపైనే దృష్టి సారించారు. విజిలెన్స్‌ ఎన్‌ఫోర్స్‌మెంట్‌, పౌరసరఫరాల సంస్థలు సంయుక్తంగా పోలీసుశాఖ సహాయంతో రంగంలోకి దిగడంతో కొంత మేరకు వసూలైనా.. ఇంకా రూ.కోట్లల్లో పెండింగ్‌ పడ్డాయి. ఉమ్మడి వరంగల్‌లోని ఆరు జిల్లాల్లో 96 మిల్లుల వద్ద ఈ బకాయిలు ఉన్నట్లు నివేదిక పేర్కొంటోంది. జనగామ, వరంగల్‌ జిల్లాల్లో 54 మిల్లుల వద్ద బకాయిలు ఉన్నాయి. ములుగులో 13, హనుమకొండ, మహబూబాబాద్‌ జిల్లాల్లో 24, జయశంకర్‌ భూపాలపల్లి జిల్లాలో ఐదు మిల్లుల వద్ద బకాయిలు ఉన్నట్లు లెక్కలు చెబుతున్నాయి. ఇటీవల సైతం కొందరు మిల్లర్లు బకాయిలు చెల్లిస్తున్నప్పటికీ.. వసూళ్ల కోసం తదుపరి చర్యలపై చర్చ మొదలైంది. బకాయిదారులపై క్రిమినల్‌ కేసులు నమోదు చేయడమా? రెవెన్యూ రికవరీ యాక్టు కింద చర్యలు తీసుకోవడమా? బకాయిదారుల ఆస్తులను గుర్తించి జప్తు ప్రక్రియ చేపటడమా? అన్న అంశాలు కీలకంగా మారాయి. ఇప్పటికే నోటీసులు జారీ చేసిన మిల్లర్లు కొందరిపై పోలీసు కేసులు నమోదు చేయడం చర్చనీయాంశం అవుతోంది. రికవరీ చేసిన ధాన్యం: 37,825 మె.టన్నులుధాన్యం విలువ: రూ.250.92 కోట్లుబకాయి ఉన్న ధాన్యం: 73,809మె.టన్నులుసాక్షి ప్రతినిధి, వరంగల్‌: రైతులనుంచి ప్రభుత్వం సేకరించిన ధాన్యం.. రైసుమిల్లులకు కేటాయింపు.. మిల్లింగ్‌ చేసి సీఎంఆర్‌ బియ్యాన్ని ప్రభుత్వానికి అప్పగింత. ఇదీ సాధారణ ప్రక్రియ. కానీ ఉమ్మడి వరంగల్‌లో రబీ 2022–23 సీజన్‌కు సంబంధించిన లెక్కలు చూస్తే.. ధాన్యం కేటాయించి సుమారు మూడేళ్లు దాటినా రికవరీ మాత్రం పూర్తికాలేదు. కోట్ల రూపాయల విలువైన ధాన్యం, బియ్యం బకాయిలు మిల్లర్ల వద్దే నిలిచిపోయాయి. సీఎంఆర్‌ చెల్లించని మిల్లుల్లో వేలం వేసిన ధాన్యానికి సంబంధించిన లెక్కలు కూడా ప్రశ్నలు లేవనెత్తుతున్నాయి. కాగితాలపై లెక్కలు.. మిల్లులు దాటని బకాయిలు.. పౌరసరఫరాల సంస్థ ఇటీవల ప్రభుత్వానికి పంపిన నివేదిక ప్రకారం.. ఉమ్మడి వరంగల్‌లోని హనుమకొండ, వరంగల్‌, జనగామ, మహబూబాబాద్‌, ములుగు, జయశంకర్‌ భూపాలపల్లి జిల్లాల్లో ఇంకా ధాన్యం బకాయిలు ఉన్నాయి. 216 మిల్లులకు ఇచ్చిన 1,11,634 మెట్రిక్‌ టన్నుల ధాన్యానికి 37,825 మెట్రిక్‌ టన్నులు మాత్రమే రికవరీ అయ్యాయి. మరో 73.809 మె.టన్నుల ధాన్యం మిల్లర్ల వద్ద ఉంది. విలువ పరంగా రూ.166.30 కోట్ల మేర రికవరీ చేయాల్సి ఉందని ఆ నివేదికలో పౌరసరఫరాల సంస్థ పేర్కొంది. రబీ 2022–23 సీజన్‌కు సంబంధించిన రికవరీ పూర్తికాకపోవడం అధికారుల పర్యవేక్షణపై ప్రశ్నలు లేవనెత్తుతోంది. బకాయిదారుల ఆస్తులపై ‘విజిలెన్స్‌’ ఆరా! భారీగా బకాయిలు పేరుకుపోవడంతో బకాయిదారుల ఆస్తుల వివరాల సేకరణలో పౌరసరఫరాల సంస్థ, విజిలె న్స్‌ ఎన్‌ఫోర్స్‌మెంట్‌ అధికారులు నిమగ్నమైనట్లు సమాచారం. కొందరు బకాయి ఉన్న రైసుమిల్లర్లు తమ స్థిర, చరాస్తులను బినామీల పేరిట మార్పిడి చేశారన్న ప్రచారం ఉంది. మిల్లులను ఎత్తివేసి వాటి స్థానంలో ఫంక్షన్‌హాళ్లు, సీడ్‌ మిల్లులుగా మార్చినట్లు కూడా చెబుతున్నారు. ఈ నేపథ్యంలో బకాయిదారుల ఆస్తుల వివరాల సేకరణ ‘విజిలెన్స్‌’ దృష్టి సారించాన్న చర్చ సర్వత్రా కలకలం రేపుతోంది. కాగా ఈ విషయమై ఉమ్మడి వరంగల్‌కు చెందిన ఓ జిల్లా పౌరసరఫరాలశాఖ అధికారిని సంప్రదించగా సీరియస్‌గా బకాయిల వసూళ్లు జరుగుతున్నాయని, తమను ఆ వివాదంలోకి లాగొద్దంటూ సమాధానం దాటవేశారు. గ్రేటర్‌ కమిషనర్‌ టి.వెంకన్న వరంగల్‌ అర్బన్‌: నగరంతోపాటు విలీన గ్రామాల్లోని రోడ్లు, డివైడర్లను ఆకర్షణీయంగా తీర్చిదిద్దాలని గ్రేటర్‌ వరంగల్‌ కమిషనర్‌ టి.వెంకన్న అధికారులను ఆదేశించారు. హనుమకొండ వడ్డేపల్లి చర్చి నుంచి ఉనికిచర్ల ఔటర్‌ రింగ్‌ రోడ్డు వరకు చేపట్టిన పారిశుద్ధ్య పనులను కమిషనర్‌ మంగళవారం క్షేత్రస్థాయిలో పరిశీలించారు. అధికారులకు పలు సూచనలు చేశారు. సీఎంహెచ్‌ఓ డాక్టర్‌ రాజారెడ్డి, ఈఈ సంజయ్‌కుమార్‌, శానిటరీ సూపర్‌వైజర్‌ నరేందర్‌, శానిటరీ సిబ్బంది తదితరులు పాల్గొన్నారు. అదేవిధంగా గొర్రెకుంట, గోపాల్‌పూర్‌, ప్రశాంత్‌నగర్‌, కాజీపేట భవానీనగర్‌లో భవన నిర్మాణాలను సీపీ తనిఖీ చేశారు. సిటీ ప్లానర్‌ రవీందర్‌ రాడేకర్‌, టీపీఓలు అవినాష్‌, ప్రశాంత్‌ తదితరులు పాల్గొన్నారు. పారిశుద్ధ్య పనులు పర్యవేక్షించాలి.. పారిశుద్ధ్య పనుల పర్యవేక్షణలో జవాన్లు కీలక భూమిక పోషించాలని కమిషనర్‌ టి.వెంకన్న ఆదేశించారు. ఎల్‌బీ కళాశాలలో పారిశుద్ధ్య జవాన్లతో కమిషనర్‌ సమీక్ష నిర్వహించారు. ఈ సందర్భంగా ఆయన మాట్లాడుతూ నెల రోజుల అనంతరం తిరిగి సమావేశం నిర్వహించి పనితీరును సమీక్షిస్తానని తెలిపారు. సీఎంహెచ్‌ఓ రాజారెడ్డి మాట్లాడుతూ గాంధీ జయంతిని పురస్కరించుకొని అక్టోబర్‌ 2న గ్రేటర్‌ పరిధిలోని 66 డివిజన్లలో అన్ని గొర్రెలు, మేకల వధశాలలు, చికెన్‌ షాపులు, రిటైల్‌ మాంసం దుకాణాలు మూసివేయాలని ఆదేశించారు. వీడియో కాన్ఫరెన్స్‌లో కేంద్ర మంత్రి మనోహర్‌లాల్‌ ఖట్టర్‌ వెల్లడివరంగల్‌ అర్బన్‌: దేశవ్యాప్తంగా ఉన్న 50 ప్రగతి నగరాల్లో ఓరుగల్లు ఒకటిగా నిలిచింది. రాష్ట్రంలో హైదరాబాద్‌, వరంగల్‌కు చోటు లభించింది. ఈ మేరకు మంగళవారం న్యూఢిల్లీ నుంచి కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ నిర్వహించిన వీడియో కాన్ఫరెన్స్‌లో కేంద్ర మంత్రి మనోహర్‌లాల్‌ ఖట్టర్‌ 50 ప్రగతి నగరాల వివరాలను వెల్లడించారు. సాలిడ్‌ వేస్ట్‌ మేనేజ్‌మెంట్‌ రూల్స్‌–2026కు అనుగుణంగా నాలుగు రకాల వ్యర్థాలను మూలస్థాయిలోనే వేర్వేరుగా సేకరించాలని సూచించారు. పారిశుద్ధ్య సమస్యలు, ఫిర్యాదులను సులభతరం చేయడం, వాట్సాప్‌ ఆధారిత ప్రజా ఫిర్యాదుల వ్యవస్థకు సంబంధించిన మార్గదర్శకాలను కేంద్ర మంత్రి వివరించారు. నగరాల పరిశుభ్రతను మరింత మెరుగుపరచడంతో పాటు ప్రజలకు మెరుగైన పారిశుద్ధ్య సేవలు అందించేందుకు అధికారులు సమన్వయంతో పనిచేయాలని ఆయన సూచించారు. వీడియో కాన్ఫరెన్స్‌లో హనుమకొండలోని కమిషనర్‌ క్యాంపు కార్యాలయం నుంచి గ్రేటర్‌ కమిషనర్‌ టి.వెంకన్న, సీఎంహెచ్‌ఓ రాజారెడ్డి, ఎంహెచ్‌ఓ రాజేశ్‌ పాల్గొన్నారు.సీపీఐ జాతీయ కార్యదర్శి పల్లా వెంకట్‌రెడ్డి ఉమ్మడి జిల్లాలో రూ.166.30 కోట్ల రికవరీ పెండింగ్‌.. జాడలేని 73,809 మెట్రిక్‌ టన్నుల వేలం ధాన్యం మొత్తం బకాయిలు 96 మిల్లుల వద్ద.. ప్రశ్నార్థకంగా మారిన వసూళ్లు తెరపైకి క్రిమినల్‌ కేసులు.. ఆర్‌ఆర్‌ యాక్టులు.. బకాయిదారుల ఆస్తుల వివరాలపై ‘విజిలెన్స్‌’ ఆరా! వసూలైన మొత్తం: రూ.84.61కోట్లుబకాయి మొత్తం: రూ.166.30 కోట్లుఇంకా బకాయి ఉన్న మిల్లులు:96

న్యూశాయంపేట: మహిళా పారిశ్రామికవేత్తలు, స్వయం సహాయక సంఘాల మహిళలకు నైపుణ్యాభివృద్ధి శిక్షణ అందించేందుకు అవసరమైన చర్యలు తీసుకోవాలని వరంగల్‌ కలెక్టర్‌ డాక్టర్‌ సత్యశారద అన్నారు. మంగళవారం కలెక్టరేట్‌ చాంబర్‌లో వర్ధన్నపేట నియోజకవర్గ అభివృద్ధిపై ఎమ్మెల్యే కేఆర్‌ నాగరాజు, వీ హబ్‌ సంస్థ డైరెక్టర్‌ ఊహ, బృందం సభ్యులతో కలిసి సంబంధిత శాఖల అధికారులతో సమీక్ష సమావేశం నిర్వహించారు. డీఆర్‌డీఓ నాగ పద్మజ, ఆర్డీఓ సుమ, వర్ధన్నపేట తహసీల్దార్‌ విజయ్‌సాగర్‌, అధికారులు పాల్గొన్నారు. వరంగల్‌ కలెక్టర్‌ డాక్టర్‌ సత్యశారద

● రెవెన్యూ రికార్డులో ఒకరి పేరు .. మైనింగ్‌ అనుమతి మరో వ్యక్తికి ● కొండపర్తి గ్రామంలో పీఓటీ యాక్ట్‌ కింద నిషేధిత జాబితాలో సర్వేనంబర్‌ 1279/2 ● 788 మెట్రిక్‌ టన్నుల గ్రావెల్‌ తరలింపునకు మైనింగ్‌శాఖ ఒకే.. ● ఇప్పటికే భారీగా మట్టి తరలింపు.. ● వెరిఫికేషన్‌, యాజమాన్య హక్కుల పరిశీలనపై అనుమానాలు? ఐనవోలు: హనుమకొండ జిల్లా ఐనవోలు మండలం కొండపర్తి గ్రామంలో సర్వేనంబర్‌ 1279/2కు సంబంధించి రెవెన్యూ మైనింగ్‌ శాఖల రికార్డుల్లో కనిపిస్తున్న వివరాలు పలు కీలక ప్రశ్నలను లేవనెత్తుతున్నాయి. రెవెన్యూ రికార్డులో సర్వేనంబర్‌ 22–ఏ నిషేధిత జాబితాలో, పీఓటీ యాక్ట్‌–1977 కింద నమోదై ఉన్నట్లు కనిపిస్తుండగా .. మరోవైపు అదే సర్వేనంబర్‌ నుంచి 788 మెట్రిక్‌ టన్నుల గ్రావెల్‌ తరలించేందుకు మైనింగ్‌ శాఖ తాత్కాలిక పర్మిట్‌ జారీ చేసింది. అంతేకాకుండా రెవెన్యూ రికార్డులో కనిపిస్తున్న పేరు మైనింగ్‌ పర్మిట్‌లో ఉన్న పేరు వేర్వేరుగా ఉండటం అధికారులు కక్కుర్తి పడ్డారా? అధికార పార్టీ పెద్దల ఒత్తిడికి తలొగ్గారా అనే సందేహాలు కలుగుతున్నాయి. సోమవారం గ్రామంనుంచి 20 ట్రిప్పర్ల ద్వారా మొరం తరలిపోతుండగా వే బిల్లులు లేకుండా, అసైన్డ్‌ భూమినుంచి మొరం ఎలా తరలిస్తారని స్థానికులు ప్రశ్నించడం కలకలం రేపిన విషయం తెలిసిందే. మైనింగ్‌ శాఖ అనుమతి? కొండపర్తి గ్రామంలోని సర్వేనంబర్‌ 1279/2లో 152 హెక్టార్లలో 788 మెట్రిక్‌ టన్నుల గ్రావెల్‌ను ఈనెల 28 నుంచి అక్టోబర్‌ 17 వరకు రహదారి ద్వారా తరలించేందుకు మైనింగ్‌ శాఖ ఓ వ్యక్తిపేర పర్మిట్‌ జారీ చేసింది. మైనింగ్‌శాఖ పర్మిట్‌ ఇచ్చే ముందు సంబంధిత భూమి హోదా, యాజమాన్య వివరాలు, 22–ఏ స్థితి, పీఓటీ యాక్ట్‌ వర్తింపు, దరఖాస్తుదారుడికి భూమిపై ఉన్న హక్కు, అవసరమైన రెవెన్యూ క్లియరెన్స్‌లు తదితరాలను అధికారులు ఎలా ధ్రువీకరించారన్నది ప్రశ్నార్థకంగా మారింది. ఒకే సర్వేనంబర్‌.. రెండు పేర్లు ఎందుకు? రెవెన్యూ రికార్డుకు సంబంధించి అధికారిక వెబ్‌సైట్‌లో 1279/2 అసైన్డ్‌ భూమి కావడంతో నిషేధిత జాబితాలో ఒకరి పేరు మీద ఉండగా అదే సర్వేనంబర్‌కు సంబంధించి మైనింగ్‌ శాఖ గ్రావెల్‌ తరలింపునకు తాత్కాలిక పర్మిట్‌ మరో వ్యక్తి పేర జారీ చేసింది. పర్మిట్‌ పొందిన వ్యక్తికి సంబంధిత భూమిపై ఎలాంటి హక్కు ఉందో మైనింగ్‌శాఖ స్పష్టం చేయాల్సి ఉండగా అలాంటిదేమీ లేకపోవడం గమనార్హం. ప్రభుత్వం భూమిలేని పేదలకు షరతులతో కేటాయించిన అసైన్డ్‌ భూమి బదలాయింపు, రిజిస్ట్రేషన్‌ నిషేధమని తెలంగాణ అసైన్డ్‌ ల్యాండ్స్‌ యాక్ట్‌, 1977 స్పష్టం చేస్తోంది. రెవెన్యూ శాఖ 22–ఏ జాబితాలో సర్వేనంబర్‌ 1279/2 భూభారతి పోర్టల్‌లోనూ అధికారికంగా కనిపించడం గమనార్హం. ల్యాండ్‌ స్టేటస్‌ వెరిఫికేషన్‌ ఎలా జరిగింది? పట్టా భూమి హక్కు విషయాన్ని అధికారులు ఎలా పరిశీలించారు,.. రూల్‌ 9(4)కింద పర్మిట్‌ ఇచ్చేముందు జీఓ ఎంఎస్‌ నంబర్‌ 44 ప్రొసీజర్‌ ఫాలో అయ్యారా? భూమి యాజమాన్యం ఒకరి పేరుతో ఉండగా మైనింగ్‌ పర్మిట్‌ మరో వ్యక్తి పేరుతో ఎందుకు ఇచ్చారు? వ్యవసాయ యోగ్యమైన భూమి నుంచి మొరం తరలించడానికి ఏ అధికారి అనుమతి ఇచ్చారు? రెవెన్యూ ఎన్‌ఓసీ, తహసీల్దార్‌ నివేదిక, ల్యాండ్‌ క్లాసిఫికేషన్‌, 22–ఏ స్టేటస్‌ వెరిఫికేషన్‌, సర్వే ఇన్‌స్పెక్షన్‌ రిపోర్ట్‌ తదితర అంశాలు మైనింగ్‌ శాఖ స్పష్టం చేయకపోవడంతో అనేక అనుమానాలు కలుగుతున్నాయి. టన్నుకు రూ.26 చొప్పున నామమాత్రపు రుసుము.. నామ మాత్రపు చార్జీలు సగటున టన్నుకు రూ.26 చొప్పున రుసుములు చెల్లించి లక్షల విలువ చేసే మొరం అక్రమ తరలింపునలో బడా నేతల హస్తంఉన్నట్లు గ్రామస్తులు ఆరోపిస్తున్నారు. బహిరంగ మార్కెట్‌లో టిప్పర్‌ మొరానికి రూ.7వేల నుంచి రూ.8 వేలు పలుకుతుండగా పర్మిట్‌ పొందినవారు ఎంత పెద్దమొత్తంలో సొమ్ము చేసుకుంటున్నారో.. ప్రజాధనం ఎలా లూటీ అవుతుందో స్పష్టమవుతుందంటున్నారు. కలెక్టర్‌ స్పందించి విచారణ చేపట్టి చర్యలు తీసుకోవాలని గ్రామ సర్పంచ్‌తో పాటు ప్రతిపక్ష పార్టీల నాయకులు డిమాండ్‌ చేస్తున్నారు. ఈ విషయమై తహసీల్దార్‌ విక్రమ్‌కుమార్‌ను వివరణ కోరగా నాలుగు నెలల క్రితం కొండపర్తిలోని సర్వేనంబర్‌ 1279/2 భూమి ప్రభుత్వ అసైన్డ్‌ భూమిగా మైనింగ్‌ శాఖకు నివేదిక అందించామని తెలిపారు. మిగతా అనుమతులు తమ పరిధిలోకి రావని చెప్పారు.

జిల్లాలో మంగళవారం జరిగిన వేర్వేరు ఘటనల్లో ఇద్దరు మృతి చెందారు. దీంతో ఆయా కుటుంబాలతోపాటు గ్రామాల్లో విషాదఛాయలు అలుముకున్నాయి. బంధువులను పరామర్శించి వస్తూ.. మృత్యుఒడికి హసన్‌పర్తి: అనారోగ్యంతో బాధపడుతున్న తమ బంధువులను పరామర్శించి వస్తున్న క్రమంలో ఓ మహిళ మృత్యుఒడికి చేరుకుంది. బైక్‌ అదుపు తప్పిన ప్రమాదంలో మృతి చెందింది. ఈ ఘటన మంగళవారం ముచ్చర్ల ఓఆర్‌ఆర్‌ వద్ద చోటు చేసుకుంది. పోలీసుల కథనం ప్రకారం.. భూపాలపల్లి జిల్లా గణపురం మండలం చెల్పూరుకు చెందిన ముద్ర కోలా రాధ(55), రమేశ్‌ దంపతులు అనారోగ్యం బాధపడుతున్న తమ బంధువులను పరామర్శించడానికి మంగళవారం ఉదయం బైక్‌పై కడిపికొండకు బయలుదేరారు. పరామర్శ అనంతరం ఇంటికి పయనమయ్యారు. మార్గమధ్యలోని ముచ్చర్ల ఓఆర్‌ఆర్‌ వద్ద బైక్‌ అదుపు తప్పింది. ఈ ఘటనలో రాధకు తీవ్రగాయాలయ్యాయి. సమాచారం అందుకున్న 108 సిబ్బంది ప్రకాశ్‌, ఓదెలు ఘటనా స్థలికి చేరుకుని ప్రథమ చికిత్స నిర్వహించారు. అనంతరం క్షతగాత్రురాలిని ఎంజీఎం తరలించగా చికిత్స పొందుతూ అదే రోజు మృతి చెందింది. ఈ ఘటనపై మృతురాలి కుమారుడు రాజ్‌కుమార్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీస్‌ ఇన్‌స్పెక్టర్‌ మహేందర్‌ తెలిపారు. ట్యాంకర్‌ ఢీకొని పాస్టర్‌ మృతి.. ఆయిల్‌ ట్యాంకర్‌.. బైక్‌ను ఢీకొన్న ప్రమాదంలో ఓ పాస్టర్‌ మృతి చెందాడు. ఈఘటన హనుమకొండ–కరీంనగర్‌ ప్రధాన రహదారిలోని ఎల్లాపురం బ్రిడ్డి వద్ద చోటు చేసుకుంది. స్థానికుల కథనం ప్రకారం.. ఎల్కతుర్తి చర్చి పాస్టర్‌గా విధులు నిర్వహిస్తున్న సందెల మాణిక్యం(75) మంగళవారం వ్యక్తిగత పనుల నిమిత్తం ద్విచక్రవాహనంపై హనుమకొండ వైపునకు వెళ్లి తిరిగి ఇంటికి బయలుదేరాడు. మార్గమధ్యలోని ఎల్లాపురం బ్రిడ్జి వద్దకు రాగనే ఎదురుగా వస్తున్న ఆయిల్‌ ట్యాంకర్‌.. మాణిక్యం ప్రమాణిస్తున్న బైక్‌ను ఢీకొంది. ఈ ప్రమాదంలో మాణిక్యం తీవ్రంగా గాయపడ్డాడు. 108 అంబులెన్స్‌ సిబ్బంది ప్రకాశ్‌, ఓదెలు ఘటనా స్థలికి చేరుకుని ప్రథమ చికిత్స నిర్వహిస్తుండగా అప్పటికే మృతి చెందాడు. మృతదేహాన్ని పోస్టుమార్టం నిమిత్తం ఎంజీఎం తరలించారు.

సాక్షి, వరంగల్‌/కాశీబుగ్గ: తనకు మంత్రి పదవి పోయిందన్న బాధ లేదని, పై అధికారులతో ఇప్పటికి సంబంధాలున్నాయని, గతంలో రాష్ట్రస్థాయి అభివృద్ధి కోసం పనులు చేశానని, ఇప్పుడు నియోజవర్గ అభివృద్ధికి అధిక సమయం కేటాయించి పనిచేస్తానని మాజీ మంత్రి, తూర్పు ఎమ్మెల్యే కొండా సురేఖ అన్నారు. వరంగల్‌ ఓ సిటీలోని ఎమ్మెల్యే క్యాంప్‌ కార్యాలయంలో 111 మంది లబ్ధిదారులకు సీఎంఆర్‌ఎఫ్‌ చెక్కులను మంగళవారం ఆమె పంపిణీ చేశారు. అనంతరం సురేఖ మీడియాతో మాట్లాడారు. ప్రతీ వారంలో ఒక రోజు ఒక డివిజన్‌ చొప్పున పర్యటిస్తూ ప్రజా సమస్యల పరిష్కారమే ధ్యేయంగా పనిచేస్తానని అన్నారు. రానున్న కార్పొరేషన్‌ ఎన్నికల్లో మొత్తం 24డివిజన్లను గెలుచుకుంటామని ఽధీమా వ్యక్తం చేశారు. కలెక్టరేట్‌ నిర్మాణం చేసుకున్నామని, ఇక్కడ తగిన ఫర్నిచర్‌ ఏర్పాటు చేసుకోవడం, కాంట్రాక్టర్‌కు బిల్లు పెండింగ్‌లో ఉండటం వల్ల ప్రారంభంలో జాప్యమవుతోందన్నారు. త్వరలోనే సూపర్‌ స్పెషాలిటీ హాస్పిటల్‌ భవనం ప్రారంభం చేసుకుంటామని, బస్‌ స్టేషన్‌ కూడా త్వరగా పూర్తి కావడానికి కృషి చేస్తానని తెలిపారు. ఎంజీఎంపై బీఆర్‌ఎస్‌ వాళ్లు కావాలని రాద్ధాంతం చేస్తున్నారని, వాళ్లే తొక్కిసలాట చేసుకుని రాజకీయం చేస్తున్నారని మండిపడ్డారు. వరంగల్‌లో దేవాలయాల అభివృద్ధికి బీజేపీ నాయకులు ఎందుకు కేంద్రంనుంచి నిధులు తీసుకురావడం లేదని విమర్శించారు. సమావేశంలో గ్రంథాలయ సంస్థ చైర్మన్‌ మీసాల ప్రకాశ్‌, రాష్ట్ర నాయకుడు గోపాల నవీన్‌రాజుతోపాటు, పలువురు కార్పొరేటర్లు పాల్గొన్నారు. మాజీ మంత్రి, తూర్పు ఎమ్మెల్యే కొండా సురేఖ

కాజీపేట రూరల్‌ : సమాజమార్పు కోసం ఏఐఎస్‌ ఎఫ్‌ ఆధ్వర్యంలో విద్యార్థులు ఉద్యమించాలని సీపీఐ జాతీయ కార్యదర్శి, మాజీ ఎమ్మెల్యే పల్లా వెంకట్‌రెడ్డి అన్నారు. కాజీపేట ఫాతిమానగర్‌లోని బాలవికాస కేంద్రంలో మంగళవారం అఖి ల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షి కోత్సవం సందర్భంగా రెండో రోజు ఏఐఎస్‌ఎఫ్‌ పూర్వ విద్యార్థుల సమ్మేళనం ఘనంగా నిర్వహించారు. ఈ కార్యక్రమానికి పల్లా వెంకట్‌రెడ్డి ముఖ్య అతిథి గా హాజరై మాట్లాడారు. విద్యా వ్యవస్థలో విష బీజాలు నాటేందుకు కేంద్ర ప్రభుత్వం యత్నిస్తోందని, దీనికి వ్యతిరేకంగా విద్యార్థులు ఉద్యమించాలన్నారు. ఒకప్పుడు ఏఐఎస్‌ఎఫ్‌ ఆధ్వర్యంలో 18 ఏళ్లకే ఓటుహక్కు అని నినదించి సాధిస్తే నేడు ఉన్న ఓట్లను తొలగిస్తున్నారని విమర్శించారు. బీఆర్‌ఎస్‌ నేత, మాజీ ఎంపీ బోయినపల్లి వినోద్‌కుమార్‌ మాట్లాడుతూ 90 ఏళ్ల గొప్పచరిత్ర ఏఐఎస్‌ఎఫ్‌ దేనని, ఎంతో మంది ఉన్నతస్థాయికి ఎదగడానికి దోహదపడిందన్నారు. నేడు కుల సంఘాల ప్రభావం పెరిగిపోతుండడం బాధాకరమని, అయినా వారి సమస్యలపై కూడా వామపక్ష విద్యార్థి సంఘాలు దృష్టి సారించాలన్నారు. ఏఐఎస్‌ఎఫ్‌ మాజీ జాతీయ నాయకుడు శ్రీనివాసుల నాయుడు మా ట్లాడుతూ ఇటీవల వరంగల్‌లో ఏఐఎస్‌ఎఫ్‌ పెద్ద ర్యాలీ నిర్వహించడం ముందెన్నడు చూడలేదన్నారు. కేంద్రంలో బీజేపీ పాలనతో అన్ని వర్గాల ప్రజల హక్కుల హననం జరుగుతోందని, విద్యార్థి లోకం మేల్కొని అప్రమత్తంగా ఉండాలన్నారు. పీసీసీ లీగల్‌సెల్‌ చైర్మన్‌ చల్లా దామోదర్‌రెడ్డి మాట్లాడుతూ నాలుగు దశా బ్దాల క్రితం తాము చేసిన ఏఐఎస్‌ఎఫ్‌ పోరాటాల అనుభవాలు గొప్పస్ఫూర్తి కలిగించాయన్నారు. ప్రభుత్వ విద్య పరిరక్షణకు పోరాడాలి.. విద్య ప్రైవేటీకరణ, కార్పొరేటీకరణ అవుతున్న నే పథ్యంలో ప్రభుత్వ విద్యారంగ పరిరక్షణకు ఏఐఎస్‌ఎఫ్‌ పోరాటాలు నిర్వహించాలని కేయూ వీసీ ప్రతాప్‌రెడ్డి కోరారు. విద్యార్థి దశలో తాను ఏఐఎస్‌ఎఫ్‌తో ప్రయాణించానని, ఏఐఎస్‌ఎఫ్‌ నాయకుల ప్రభావం తనపై ఎంతో ఉందన్నారు. ఏఐఎస్‌ఎఫ్‌ మాజీ జాతీయ అధ్యక్షుడు తక్కళ్లపల్లి శ్రీనివాసరావు మాట్లాడుతూ విద్యారంగాన్ని రక్షించుకోవడానికి ఏఐఎస్‌ఎఫ్‌ ఆధ్వర్యంలో రాష్ట్రవ్యాప్తంగా పోరాటాలను ఉధృతం చేయాలన్నారు. ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగి రాజన్‌ మాట్లాడుతూ దేశంలో నూతన విద్యా పాలసీ పేరుతో పేద దళిత, గిరిజన విద్యార్థులను విద్యకు దూరం చేసే ప్రయత్నాలు జరుగుతున్నాయన్నారు90వ వార్షికోత్సవాల సందర్భంగా జాతీయ, రాష్ట్ర, వివిధ జిల్లాల నాయకులను ఘనంగా సన్మానించి మెమోంటో అందజేశారు. కార్యక్రమంలో ప్రముఖ విశ్లేషకులు మల్లెపల్లి లక్ష్యయ్య, సీపీఐ రాష్ట నాయకులు పశ్యపద్మ, బాగం హేమంత్‌రావు, బాలనర్సింహ, సాబీర్‌పాషా, బి.విజయసారథి, కర్రె భిక్షపతి, నేదునూరి జ్యోతి, పంజాల శ్రీనివాస్‌, బి.వి.విజయలక్ష్మి, వి.మదన్‌, ఆంజనేయులు, సృజన్‌కుమార్‌, మేడిపల్లి శోభన్‌బాబు, బి.ఆర్‌.లెనిన్‌, పల్లె నర్సింహ, రాష్ట్ర అద్యక్ష కార్యదర్శులు కసిరెడ్డి మణికంఠ రెడ్డి, పుట్టా లక్ష్మణ్‌, హనుమకొండ జిల్లా అధ్యక్ష కార్యదర్శులు ఉట్కూరి ప్రణీత్‌ గౌడ్‌, బాషబోయిన సంతోష్‌ , వరంగల్‌ జిల్లా అధ్యక్ష, కార్యదర్శులు దిడ్డి పార్ధసారథిరెడ్డి, ల్యాదెళ్ల శరత్‌, తదితరులు పాల్గొన్నారు. సీసీఐ జాతీయ కార్యదర్శి పల్లా వెంకట్‌రెడ్డి ఘనంగా ఏఐఎస్‌ఎఫ్‌ పూర్వ విద్యార్థుల సమ్మేళనం

మామునూరు: జాతీయ రహదారిపై ప్రమాదాలకు అడ్డుకట్ట వేసేందుకు పోలీస్‌ అధికారులు ప్రత్యేక దృష్టిసారించారు. ఆర్టీఏ జంక్షన్‌ నుంచి ఇల్లందు వరకు ప్రమాదకర ప్రాంతాలను ఏసీపీ వెంకటేశ్‌, ఎంవీఐ శోభన్‌బాబు, ఇన్‌స్పెక్టర్‌ శ్రీనివాస్‌, ఎన్‌హెచ్‌ఏఐ, ఆర్‌అండ్‌బీ అధికారులతో కలిసి వరంగల్‌ పోలీస్‌ కమిషనర్‌ శ్వేత మంగళవారం పరిశీలించారు. ప్రమాదాలకు ఆస్కారం ఉన్న ప్రాంతాలను బ్లాక్‌స్పాట్లుగా గుర్తించారు. ప్రమాదాలు జరిగే ప్రాంతాల్లో రహదారి పరిస్థితులు, వాహనాల రాకపోకలు, మలుపులు, ప్రమాదాలకు దారితీస్తున్న ఇతర కారణాలపై సీపీ ఆరా తీశారు. ఆర్టీఏ జంక్షన్‌ నుంచి బొల్లికుంట క్రాస్‌ వరకు నిత్యం జరుగుతున్న ప్రమాదాల వివరాలను పరిశీలించి, ఇకపై ప్రమాదాలు జరగకుండా అవసరమైన భద్రతా చర్యలను చేపట్టాలని అధికారులకు ఆదేశించారు. జాతీయ రహదారిపై బ్లాక్‌స్పాట్లుగా గుర్తించిన ప్రాంతాల్లో హెచ్చరిక బోర్డులు ఏర్పాటు చేయాలని ఆదేశించారు. ఎన్‌హైపె 108 రోడ్డు ప్రమాదాలు జరగగా.. 80 మంది మరణించారు. లక్ష్యంతో ముందుకు సాగితే ఫలితం హసన్‌పర్తి: లక్ష్యంతో ముందుకు సాగితే ఫలితం వస్తుందని సీపీ శ్వేత అన్నారు. ఉచిత కోచింగ్‌ స్క్రీనింగ్‌లో ఉత్తీర్ణత సాధించిన 560 మంది అభ్యర్థులకు శిక్షణ తరగతుల నిర్వహణపై ముందస్తు సమావేశం మంగళవారం నిర్వహించారు. భీమారంలోని ఓ ఫంక్షన్‌ హాల్‌లో నిర్వహించిన ఈ సమావేశంలో సీపీ శ్వేత ముఖ్య అతిథిగా పాల్గొని మాట్లాడారు. సెంట్రల్‌ జోన్‌ డీసీపీ దార కవిత, అడిషనల్‌ డీసీపీ సురేశ్‌, హనుమకొండ ఏసీపీ నర్సింహారావు, కేయూసీ పోలీస్‌ ఇన్‌స్పెక్టర్‌ రవికుమార్‌ తదితరులు పాల్గొన్నారు. వరంగల్‌ పోలీస్‌ కమిషనర్‌ శ్వేత జాతీయ రహదారిపై బ్లాక్‌స్పాట్ల గుర్తింపు

ఖిలా వరంగల్‌: మామునూరు ఎయిర్‌పోర్ట్‌ పనుల్లో మరో అడుగు పడింది. ఇప్పటికే రూ.203.49 కోట్ల అంచనా వ్యయంతో రన్‌వే ఆధునికీకరణ, ట్యాక్సీ వేలు, విమానాల పార్కింగ్‌ ఆప్రాన్‌, టెర్మినల్‌కు అనుసంధాన రహదారులు, గ్రౌండ్‌ సపోర్ట్‌, పలు మౌలిక వసతుల పనులకు టెండర్లు పిలిచిన ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ).. తాజాగా మరో రూ.213.59 కోట్లతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కమ్‌ టెక్నికల్‌ బ్లాక్‌, ఎలక్ట్రికల్‌ సబ్‌స్టేషన్‌, ఫైర్‌స్టేషన్‌, ఈ అండ్‌ ఎం వర్క్‌షాప్‌ నిర్మాణానికి టెండర్లు ఆహ్వానించింది. ఈమొత్తం పనులను 18 నెలల వ్యవధిలో పూర్తి చేసేలా ఏఏఐ గడువు నిర్దేశించింది. దీంతో ఎయిర్‌పోర్టు పనులు మరో కీలక దశలోకి చేరాయి. నవంబర్‌ 3వరకు బిడ్ల దాఖలు ఈ ప్యాకేజీకి అక్టోబర్‌ 6 నుంచి నవంబర్‌ 3వ తేదీ వరకు బిడ్లు దాఖలు చేయడానికి అవకాశం కల్పించారు. నవంబర్‌ 9న టెక్నికల్‌ బిడ్లను, నవంబర్‌ 30న ఫైనాన్షియల్‌ బిడ్లను తెరవనున్నట్లు ఏఏఐ అఽధికారులు తెలిపారు. టెండర్‌ ప్రక్రియ పూర్తయిన అనంతరం ఎంపికై న సంస్థకు పనులు అప్పగించి, నిర్ణీత వ్యవధిలో నిర్మాణాన్ని పూర్తి చేయనున్నారు. ఎయిర్‌పోర్ట్‌ సందర్శన మామునూరు విమానాశ్రయాన్ని సోమవారం టెండర్‌దారులతో కలిసి ఏఏఐ ఆధికారులు సందర్శించారు. పాత రన్‌వేతోపాటు ప్రతిపాదిత నిర్మాణ ప్రాంతాలను పరిశీలించారు. అనంతరం హనుమకొండలోని హరిత కాకతీయ హోటల్‌లో నిర్వహించిన ప్రీ–బిడ్‌ సమావేశంలో రూ.213.59 కోట్ల ప్యాకేజీతో చేపట్టనున్న నిర్మాణాలు, సాంకేతిక అంశాలు, టెండర్‌ నిబంధనలపై టెండర్‌దారులకు అధికారులు వివరించారు. టెండర్‌దారుల సందేహాలను అధికారులు నివృత్తి చేశారు. కార్యక్రమంలో ఏఏఐ ఏజీఎం నాగరాజు, తహసీల్దార్‌ ఇక్బాల్‌, ఇతర శాఖల అధికారులు పాల్గొన్నారు.ఎయిర్‌పోర్ట్‌ పనుల్లో మరో అడుగు తాజాగా రూ.213.59 కోట్లతో టెండర్లకు ఆహ్వానం మామునూరు ఎయిర్‌పోర్ట్‌ను సందర్శించిన ఏఏఐ అధికారులు, టెండర్‌దారులు

సాక్షి, వరంగల్‌: కాకతీయ యూనివర్సిటీ పరిధి స్కూల్‌ ఆఫ్‌ డిస్టెన్స్‌ లెర్నింగ్‌ అండ్‌ కంటిన్యూయింగ్‌ ఎడ్యుకేషన్‌ (ఎస్‌డీఎల్‌సీఈ) పరీక్షల నిర్వహణలో గందరగోళం నెలకొంది. డిగ్రీ మొదటి సెమిస్టర్‌ పరీక్ష రాయకముందే రెండో సెమిస్టర్‌ పరీక్షకు హాల్‌టికెట్లు జారీ కావడం విద్యార్థుల్లో అయోమయానికి దారితీసింది. 356 మంది విద్యార్థులకు ఈ పరిస్థితి ఎదురైంది. ఎస్‌డీఎల్‌సీఈ విభాగం నుంచి ఎగ్జామినేషన్‌ విభాగానికి పంపిన జాబితాలోనే తప్పులు ఉండడంతో యథావిధిగా కేయూ వెబ్‌సైట్‌లో అప్‌లోడ్‌ చేశారనే విమర్శలున్నాయి. ఆయా విద్యార్థులకు జారీ చేసిన హాల్‌టికెట్లపై ‘యూజీ టు సెమిస్టర్‌ (ఆర్‌ఈజీ) ఎగ్జామినేషన్స్‌, సెప్టెంబర్‌ 2026’ అని స్పష్టంగా ముద్రించి ఆరు సబ్జెక్టులను హాల్‌టికెట్‌లో పొందుపర్చారు. సంబంధిత విద్యార్థులు ఇంకా మొదటి సెమిస్టర్‌ పరీక్ష రాయలేదని చెబుతున్నారు. డిసెంబర్‌లో తొలి సెమిస్టర్‌ పరీక్షలు రాయాల్సి ఉండగా.. అప్పుడే పరీక్షలంటూ హాల్‌టికెట్లు డౌన్‌లోడ్‌ చేసుకోవాలంటూ విద్యార్థులకు కేయూనుంచి ఎస్‌ఎంఎస్‌లు రావడంతో చాలామంది విద్యార్థులు ఖంగుతిన్నారు. దూరవిద్యలో చదువుతున్న ఈ విద్యార్థులు ఇప్పుడు ఆయా సెంటర్లకు వెళ్తే అక్కడ ఎలాంటి పరిస్థితి ఎదురవుతుందన్న ఆందోళనలో ఉన్నారు. ఇలా ఎస్‌డీఎల్‌సీఈ, పరీక్షల విభాగం సమన్వయ లోపంతో విద్యార్థులు ఇబ్బందులు ఎదుర్కొనే పరిస్థితి నెలకొందని వర్సిటీ వర్గాలే అంటుండడం గమనార్హం. పొరపాటుపై చర్యలుండాల్సిందే.. సెమిస్టర్‌ విధానంలో మొదటి సెమిస్టర్‌ అనంతరం రెండో సెమిస్టర్‌ వస్తుంది. అలాంటప్పుడు తొలి సెమిస్టర్‌ పరీక్షకే హాజరుకాని విద్యార్థులకు రెండో సెమిస్టర్‌ హాల్‌టికెట్‌ ఎలా జారీ అయిందన్నది ప్రశ్నగా మారింది. విద్యార్థి డాటా నమోదు సమయంలో పొరపాటు జరిగిందా? పరీక్ష దరఖాస్తులో సెమిస్టర్‌ తప్పుగా నమోదైందా? లేక హాల్‌టికెట్ల జనరేషన్‌లో సాంకేతిక లోపం తలెత్తిందా? అన్న ప్రశ్నలను వర్సిటీ పరీక్ష విభాగాధికారుల వద్ద ప్రస్తావిస్తే ఎస్‌డీఎల్‌సీఈ నుంచి వచ్చిన డాటానే అప్‌లోడ్‌ చేశామనే సమాధానం చెబుతున్నారు. హాల్‌టికెట్‌ విద్యార్థి ఏ కోర్సు, ఏ సెమిస్టర్‌, ఏ సబ్జెక్టులకు పరీక్ష రాయాలో నిర్ధారించే కీలక పత్రం. అందులోనే తప్పులు దొర్లితే పరీక్ష సమయంలో తీవ్ర ఇబ్బందులు ఎదుర్కొనే అవకాశం ఉంది. ముఖ్యంగా దూరవిద్య విద్యార్థులు పరీక్షల షెడ్యూల్‌, హాల్‌టికెట్లపైనే ఆధారపడుతుండడంతో ఇలాంటి గందరగోళం మరింత ప్రభావం చూపుతుంది. దిద్దుబాటు చర్యలు తీసుకుని ఆయా విద్యార్థులకు మళ్లీ సమాచారం ఇవ్వాలనే డిమాండ్‌ వినిపిస్తోంది. నిర్లక్ష్యంగా వ్యవహరించిన అధికారులపై చర్యలు తీసుకోవాలని, ఇలాంటివి పునరావృతం కాకుండా ఉండాలని విద్యార్థులు కోరుతున్నారు. తప్పుడు హాల్‌టికెట్లు వాస్తవమే.. దూరవిద్యా విధానంలో డిగ్రీ కోర్సులో తొలి సంవత్సరం చదువుతున్న 356 మంది విద్యార్థులకు జారీ అయిన హాల్‌ టికెట్లు రెండో సెమిస్టర్‌ ఉన్న విషయం మా దృష్టికి వచ్చింది. ఎస్‌డీఎల్‌సీఈ నుంచి వచ్చిన డాటా ఆధారంగానే వర్సిటీ వెబ్‌సైట్‌లో హాల్‌టికెట్లు అప్‌లోడ్‌ చేసి విద్యార్థులు డౌన్‌లోడ్‌ చేసుకోవాలంటూ వారి సెల్‌ఫోన్‌ నంబర్లకు ఎస్‌ఎంఎస్‌లు వెళ్లాయి. వీరికి తొలి సెమిస్టర్‌ పరీక్షలు డి సెంబర్‌లో జరుగుతాయి. ఒకవేళ ఆయా హాల్‌టికె ట్లు తీసుకొని పరీక్షకేంద్రాలకు వెళ్లినా.. అనుమతించరు. ఆన్‌లైన్‌లో రెండో సెమిస్టర్‌ హాల్‌టికెట్లు అందుబాటులో లేకుండా చర్యలు తీసుకుంటున్నాం. – కట్ల రాజేందర్‌, కేయూ పరీక్షల నియంత్రణ విభాగాధికారి కేయూ ఎస్‌డీఎల్‌సీఈ పరీక్షల విభాగం తీరుపై విమర్శలు హాల్‌టికెట్లు డౌన్‌లోడ్‌ చేసుకోవాలంటూ విద్యార్థులకు ఎస్‌ఎంఎస్‌లు అధికారులకు ఫిర్యాదు చేయడంతో లోపాలు వెలుగులోకి..

పోలీస్‌ కమిషనర్‌ శ్వేత కాశిబుగ్గ: ‘చేనేత కార్మికులు తయారు చేసిన వస్త్రాలు బాగుంటాయి. అవి నాకెంతో ఇష్టం. చేనేత ఉత్పత్తులను అందరూ ఆదరించాలి’ అని పోలీస్‌ కమిషనర్‌ శ్వేత అన్నారు. చేనేతపై అభిమానంతో సీపీ తన కుటుంబ సభ్యులతో కలిసి సోమవారం కొత్తవాడ వెళ్లి నేత ఉత్పత్తులు కొన్నారు. ఎలాంటి పోలీసు బందోబస్తు లేకుండా సాదాసీదాగా కుటుంబ సభ్యులతో కలిసి సీపీ కొత్తవాడ మగ్గాలను సందర్శించారు. మగ్గాల పనితీరు, కార్మికుల ప్రతిభను చూశారు. భౌగోళిక గుర్తింపు (జీఐ) పొందిన కొత్తవాడ కార్పెట్లను పరిశీలించి, తయారు చేసే విధానం తెలుసుకున్నారు. ఉద్యోగ విరమణ రోజున టవల్స్‌ కప్పి, పూజా మ్యాట్‌ ఇచ్చి చేనేతను ప్రోత్సహించాలని సీపీ పిలుపునిచ్చారు. సీపీ శ్వేతను చేనేత సంఘాల ప్రతినిధులు చిప్ప వెంకటేశ్వర్లు, అడిగొప్పుల సంపత్‌, దువ్వల రాజేందర్‌, యెలుగం సాంబయ్య, జగన్‌, ఓం ప్రకాశ్‌ సన్మానించారు. వరంగల్‌ స్పోర్ట్స్‌: హనుమకొండ జిల్లా సాఫ్ట్‌ బాల్‌ అసోసియేషన్‌ ఆధ్వర్యంలో రాష్ట్రస్థాయి జూనియర్‌ చాంపియన్‌షిప్‌ పోటీల్లో పాల్గొనే జిల్లా జట్టు ఎంపికలు సోమవారం భట్టుపల్లిలోని హైదరాబాద్‌ పబ్లిక్‌ స్కూల్‌ మైదానంలో జరిగాయి. పోటీల్లో దాదాపు 150 మంది క్రీడాకారులు పాల్గొన్నట్లు అసోసియేషన్‌ సెక్రటరీ తాబేటి రాజేందర్‌ తెలిపారు. కార్యక్రమంలో స్కూల్‌ ప్రిన్సిపాల్‌ సరితరెడ్డి, సీఐ రంజిత్‌ కుమార్‌, రాష్ట్ర సాఫ్ట్‌ బాల్‌ అసోసియేషన్‌ చైర్మన్‌ డాక్టర్‌ పిల్లి సాంబశివరావు, పెరుమాండ్ల సాంబమూర్తి, పీడీలు పాల్గొన్నారు. కేయూ క్యాంపస్‌: కేయూ పరిధిలో (సీడీఓఈ/ఎస్‌డీఎల్‌సీఈ) వివిధ పరీక్షలు ఇటీవల వాయిదా వేశారు. ఆయా పరీక్షలను రీషెడ్యూల్‌ చేస్తూ పరీక్షల నియంత్రణాధికారి ఆచార్య కె.రాజేందర్‌ సోమవారం టైంటేబుల్‌ విడుదల చేశారు. దూరవిద్య పీజీ రెండో సెమిస్టర్‌ పరీక్షలు అక్టోబర్‌ 7న నిర్వహించనున్నారు. డిగ్రీ రెండో సంవత్సరం పరీక్షలు 8న, డిగ్రీ కోర్సుల ఫైనల్‌ ఇయర్‌ పరీక్షలు 9న నిర్వహించనున్నారు. దూరవిద్య పీజీ మూడో సెమిస్టర్‌ పరీక్షలు, డిప్లొమా ఇన్‌ గైడెన్స్‌ అండ్‌ కౌన్సెలింగ్‌ పరీక్షలు అక్టోబర్‌ 5న నిర్వహించనున్నారు. దూరవిద్య పీజీ కోర్సుల మూడో సెమిస్టర్‌ పరీక్షలు 7న, దూరవిద్య పీజీ మూడో సెమిస్టర్‌ పరీక్షలు 9వ తేదీన నిర్వహిస్తారు. ఎల్‌ఎల్‌బీ పరీక్షలు ఇలా.. కేయూ ఎల్‌ఎల్‌బీ మూడేళ్ల కోర్సు నాలుగో సెమిస్టర్‌ పరీక్షలు అక్టోబర్‌ 6న, మూడేళ్ల హానర్స్‌ రెండో సెమిస్టర్‌ పరీక్షలు 9న నిర్వహిస్తారని పరీక్షల నియంత్రణాధికారి ఆచార్య కె.రాజేందర్‌ తెలిపారు. ఎల్‌ఎల్‌బీ ఐదేళ్ల కోర్సు రెండో సెమిస్టర్‌ పరీక్షలు అక్టోబర్‌ 6న, ఎల్‌ఎల్‌బి ఐదేళ్ల కోర్సు ఎనిమిదో సెమిస్టర్‌ పరీక్షలు 6వ తేదీన నిర్వహించనున్నట్లు ఆయన తెలిపారు. న్యూశాయంపేట: ఆరోగ్య పరీక్షలు పూర్తిచేసుకున్న హజ్‌ యాత్రికులకు హనుమకొండ కాపువాడలోని హుమా నర్సింగ్‌హోంలో మంగళవారం మధ్యాహ్నం 3 గంటలకు సర్టిఫికెట్ల్లు పంపిణీ చేస్తున్నట్లు అంజుమనే హుజాజ్‌ హనుమకొండ అధ్యక్షుడు డాక్టర్‌ అనీస్‌ సిద్ధిఖీ ఒక ప్రకటనలో తెలిపారు. కలెక్టర్‌ చాహత్‌ బాజ్‌పాయ్‌ కాజీపేట అర్బన్‌: ప్రభుత్వ భుములకు హద్దులు ఏర్పాటు చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. కాజీపేట మండలం మడికొండలో క్రిస్టియన్‌, ముస్లిం మతస్తులకు శ్మశానవాటిక కేటాయింపునకు ప్రతిపాదించిన స్ధలాన్ని సోమవారం కలెక్టర్‌ పరిశీలించారు. శ్మశానవాటిక కేటాయింపు ప్రతిపాదనలను సమర్పించాలని ఆర్టీఓ వెంకటేశ్‌, తహసీల్దార్‌ రాజును ఆదేశించారు. భట్టుపల్లిలో.. కాజీపేట మండలం భట్టుపల్లిలో సోమవారం ఆర్డీఓ వెంకటేశ్‌, కాజీపేట తహసీల్దార్‌ రాజు గ్రామంలోని మైసమ్మ కట్ట నుంచి సబ్‌స్టేషన్‌ వ రకు భూముల రీసర్వే నిర్వహించారు. ఆర్‌ఐ కృష్ణ, సర్వేయర్‌ స్టాలిన్‌, జీపీఓ సంధ్య, లైసెన్స్‌డ్‌ సర్వేయర్‌ ప్రశాంత్‌ పాల్గొన్నారు.

సాక్షిప్రతినిధి, వరంగల్‌ : టీజీఎస్‌ ఆర్టీసీ గుర్తింపు యూనియన్‌ ఎన్నికల ప్రచారం ఊపందుకుంది. అక్టోబర్‌ 9న ఎన్నికలు జరగనున్న నేపథ్యంలో కార్మిక సంఘాలు పోటాపోటీగా ప్రచారం నిర్వహిస్తున్నాయి. ఈ నెల 26న ఎన్నికల గుర్తులు కేటా యించడంతో ప్రచారంలో మరింత జోష్‌ వ చ్చింది. షెడ్యూల్‌కు ముందే ప్రధాన యూని యన్లు రీజియన్‌ స్థాయిలో సర్వసభ్య సమావేశాలు నిర్వహించి కార్మికులను ఎన్నికలకు సన్నద్ధం చేశాయి. వరంగల్‌ రీజియన్‌లోని 9 ఆర్టీసీ డిపోలతోపాటు రీజినల్‌ మేనేజర్‌ కార్యాలయం, జోనల్‌ స్టాఫ్‌ ట్రైనింగ్‌ కళాశాలలో పనిచేస్తున్న ఉద్యోగులు, కార్మికులు ఓటర్లుగా ఉన్నారు. కార్మికశాఖ ఇప్పటికే డ్రాఫ్ట్‌ ఓటరు జాబితాను విడుదల చేసి ఈనెల 25వరకు అభ్యంతరాల ను స్వీకరించింది. ఓటరు జాబితాను త్వరలోప్రకటించనుంది. మంగళవారం (నేడు) నమూనా బ్యాలెట్‌ను కార్మికశాఖ జారీ చేయనుంది. 12 యూనియన్లు.. రెండు కూటములు గుర్తింపు ఎన్నికల బరిలో మొత్తం 12 యూనియన్లు ఉన్నాయి. అయితే ప్రధానంగా రెండు కూటముల మధ్యే పోటీ నెలకొంది. తెలంగాణ ఆర్టీసీ వర్కర్స్‌ యూనియన్‌ (అశ్వత్థామరెడ్డి వర్గం), స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) ఒక కూటమిగా బరిలో ఉన్నాయి. ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌ (ఎన్‌ఎంయూ), తెలంగాణ మజ్దూర్‌ యూనియన్‌ (టీఎంయూ–థామస్‌రెడ్డి వర్గం) మరో కూటమిగా పోటీ చేస్తున్నాయి. పొత్తుల ప్రకారం ఎస్‌డబ్ల్యూఎఫ్‌ ఖమ్మం, నల్లగొండ రీజియన్లలో పోటీ చేస్తుండగా.. తెలంగాణ ఆర్టీసీ వర్కర్స్‌ యూనియన్‌ వరంగల్‌తో పాటు రాష్ట్రంలోని ఇతర రీజియన్లు, అనుబంధ వర్క్‌షాపులు, రాష్ట్రస్థాయిలో పోటీ చేస్తోంది. మరో కూటమిలో ఎన్‌ఎంయూ వరంగల్‌ రీజియన్‌లో పోటీ చేస్తుండగా.. మిగతా రీజియన్లలో టీఎంయూ బరిలో ఉంది. క్లాస్‌–3 రాష్ట్రస్థాయి పోటీలో ఎంప్లాయీస్‌ యూనియన్‌ పోటీ చేస్తోంది. రాష్ట్ర, రీజియన్‌స్థాయి.. రెండు ఓట్లు గుర్తింపు ఎన్నికల్లో ప్రతీ కార్మికుడు రెండు ఓట్లు వేయాల్సి ఉంటుంది. క్లాస్‌–3లో రాష్ట్రస్థాయికి, క్లాస్‌–6లో రీజియన్‌ స్థాయికి ఓటు వేయనున్నా రు. దీంతో రాష్ట్రస్థాయి కూటముల ప్రచారంతో పాటు వరంగల్‌ రీజియన్‌లో స్థానిక యూని యన్ల ప్రచారం కూడా జోరందుకుంది.ఆర్టీసీ గుర్తింపు ఎన్నికల్లో హోరాహోరీ పోరు ‘విల్లు–బాణం’ ‘కాగడ’ మధ్యే సవాల్‌ బరిలో 12 యూనియన్లు.. రెండు కూటములు.. నేడు నమూనా బ్యాలెట్‌ను జారీ చేయనున్న కార్మికశాఖ.. వరంగల్‌ రీజియన్‌లో క్లాస్‌–6కు ప్రధాన పోటీ తెలంగాణ ఆర్టీసీ వర్కర్స్‌ యూనియన్‌, ఎన్‌ఎంయూ మధ్యే కనిపిస్తోంది. తెలంగాణ ఆర్టీసీ వర్కర్స్‌ యూనియన్‌ ‘విల్లు–బాణం’ గుర్తుతో, ఎన్‌ఎంయూ ‘కాగడ’ గుర్తుతో బరిలో ఉన్నాయి. దీంతో వరంగల్‌ రీజియన్‌లో ఈ రెండు యూనియన్లు కార్మికులను ఆకట్టుకునేందుకు ముమ్మరంగా ప్రచారం చేస్తున్నాయి.కాంగ్రెస్‌ పార్టీ అనుబంధంగా ఉన్న తెలంగాణ ఆర్టీసీ వర్కర్స్‌ యూనియన్‌కు టీపీసీసీ సంపూర్ణ మద్దతు ప్రకటించింది. ఎన్నికల సమన్వయం కోసం టీపీసీసీ ఉపాధ్యక్షుడు బొంతు రామ్మోహన్‌ను ఇన్‌చార్జ్‌గా నియమించింది. పార్టీ నాయకులు, కార్యకర్తలు ఇతర యూనియన్లను ప్రోత్సహించకుండా తెలంగాణ ఆర్టీసీ వర్కర్స్‌ యూనియన్‌కు సహకరించాలని సూచించినట్లు పార్టీ వర్గాలు తెలిపాయి.

హన్మకొండ అర్బన్‌/న్యూశాయంపేట : రెసిడెన్షియల్‌ విద్యాసంస్థల్లో విద్యార్థుల భద్రత, ఆరోగ్యం, విద్య, మౌలిక వసతులపై ప్రత్యేక దృష్టి సారించాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు.. జిల్లా కలెక్టర్లను ఆదేశించారు. సోమవారం హైదరాబాద్‌నుంచి ఆయన వీడియో కాన్ఫరెన్స్‌ నిర్వహించి విద్యాసంస్థల నిర్వహణ, వసతులపై సమీక్షించారు. ఫుడ్‌పాయిజన్‌, ఎలుకలు, పాముకాటు ఘటనలు పునరావృతం కాకుండా పటిష్ట చర్యలు తీసుకోవాలన్నారు. వరంగల్‌, హనుమకొండ కలెక్టరేట్ల నుంచి కలెక్టర్లు చాహత్‌ బాజ్‌పాయ్‌, డాక్టర్‌ సత్యశారద పాల్గొన్నారు. రెసిడెన్షియల్‌ విద్యాసంస్థలను కలెక్టర్లు క్రమం తప్పకుండా ఆకస్మికంగా తనిఖీ చేసి క్షేత్రస్థాయి పరిస్థితులను పరిశీలించాలన్నారు. వీసీలో అదనపు కలెక్టర్లు బి.శేషాద్రి, వైవీ గణేశ్‌, శిక్షణ కలెక్టర్‌ రోహిత్‌ నేత, డీఈఓలు గిరిరాజ్‌ గౌడ్‌, రంగయ్యనాయుడు, సంక్షేమ శాఖల, రెసిడెన్షియల్‌ విద్యాసంస్థల పర్యవేక్షణ అధికారులు పాల్గొన్నారు. అక్టోబర్‌ 11 నుంచి ఓపెన్‌ పరీక్షలు కాళోజీ సెంటర్‌: తెలంగాణ ఓపెన్‌ సొసైటీ ఆధ్వర్యంలో ఎస్‌ఎస్‌సీ, ఇంటర్మీడియట్‌ పబ్లిక్‌ పరీక్షలు అక్టోబర్‌ 11 నుంచి 17వ తేదీ వరకు నిర్వహించనున్నట్లు వరంగల్‌ జిల్లా విద్యాశాఖ అధికారి రంగయ్యనాయుడు, ఓపెన్‌ స్కూల్‌ ఉమ్మడి వరంగల్‌ జిల్లా కోఆర్డినేటర్‌ సదానందం తెలిపారు. పరీక్షల హాల్‌టికెట్లు సెప్టెంబర్‌ 26 నుంచి అధికారిక వెబ్‌సైట్‌ డబ్ల్యూడబ్ల్యూడబ్ల్యూ. తెలంగాణ ఓపెన్‌స్కూల్‌.ఓఆర్‌జీలో అందుబాటులో ఉన్నాయన్నారు. పరీక్షకు హాజరయ్యే ప్రతీ అభ్యర్థి హాల్‌టికెట్‌తో పాటు ఒరిజినల్‌ ఆధార్‌ కార్డును వెంట తెచ్చుకోవాలన్నారు. విద్యుదాఘాతంతో మహిళ మృతి హన్మకొండ చౌరస్తా : విద్యుదాఘాతంతో మహిళ మృతిచెందిన ఘటన ఆదివారం సాయంత్రం హనుమకొండలోని సుధానగర్‌లో చోటుచేసుకుంది. మృతురాలి కుమార్తె తిగుల్ల యమున కథనం ప్రకారం.. సుధానగర్‌కు చెందిన రుద్రారం లక్ష్మి (58) స్నానం చేసేందుకు వేడి నీటి కోసం బకెట్‌లో హీటర్‌ పెట్టింది. నీరు వేడైనా తర్వాత హీటర్‌ను తీసివేసే క్రమంలో చేయి తగిలి విద్యుత్‌ షాక్‌ గురైంది. గమనించిన కూతురు స్థానికుల సాయంతో ఆస్పత్రికి తీసుకెళ్లగా మృతిచెందింది. యమున ఫిర్యాదు మేరకు హనుమకొండ పోలీసులు కేసు నమోదు చేసి దర్యాప్తు చేస్తున్నారు. ఓఆర్‌ఆర్‌పై ప్రమాదం.. కాజీపేట అర్బన్‌ : మడికొండ ఓఆర్‌ఆర్‌ ఎల్కుర్తి క్రాస్‌ వద్ద సోమవారం గుర్తు తెలియని వాహనం ఢీకొని ట్రాలీ ఆటో డ్రైవర్‌ మృతి చెందాడు. మడికొండ ఎస్సై రాజ్‌కుమార్‌ కథనం ప్రకారం.. కాజీపేట మండలం మడికొండకు చెందిన దువ్వ శ్రీనివాస్‌ (50) ట్రాలీ ఆటో డ్రైవర్‌గా జీవనం కొనసాగిస్తున్నాడు. రోజు మాదిరిగానే ట్రాలీ ఆటోలో పెద్దపెండ్యాల వద్ద సిమెంట్‌ అన్‌లోడ్‌ చేసి ఓఆర్‌ఆర్‌ మీదుగా మడికొండకు వస్తున్నాడు. ఈ క్రమంలో గుర్తు తెలియని వాహనం అతడిని ఢీకొట్టి వెళ్లిపోగా సంఘటన స్ధలంలోనే శ్రీనివాస్‌ మృతి చెందాడు. మృతదేహాన్ని టోల్‌ప్లాజా అంబులెన్స్‌లో ఎంజీఎంకు తరలించినట్లు తెలిపారు. మృతుడికి భార్య, కూతురు, కుమారుడు ఉన్నారు. ఎక్స్‌ప్రెస్‌ బస్సుల తగ్గింపుతో ప్రమాదం ● బస్సు దిగుతూ ప్రమాదానికి గురైన మహిళ హన్మకొండ : ఎక్స్‌ప్రెస్‌ బస్సుల తగ్గింపు ప్రమాదాలకు దారి తీస్తుంది. హనుమకొండ జిల్లా బస్‌స్టేషన్‌ నుంచి హైదరాబాద్‌తో పాటు పలు ప్రధాన రూట్లలో ఎక్స్‌ప్రెస్‌ బస్సులు చాలా వరకు తగ్గించింది. దీంతో వచ్చిన బస్సు మహిళా ప్రయాణికులతో కిక్కిరిసి పోతున్నాయి. ఈ క్రమంలో సోమవారం రేగొండ మండలం దమ్మన్నపేటకు చెందిన అత్తకోడలు చుక్క నిర్మల, గౌతమి హైదరాబాద్‌ వెళ్లేందుకు ఎక్స్‌ప్రెస్‌ బస్సు ఎక్కారు. సీటు దొరక్కపోవడంతో పాటు నిలబడేందుకు కాలు పెట్టే స్థలం లేకపోవడంతో నిర్మల బస్సు దిగుతుండగా బస్సు కదలడంతో కింద పడిపోయింది. ఆమె ఎడమ కాలుపై నుంచి టైరు వెళ్లడంతో కా లు నుజ్జునుజ్జయింది. వెంటనే చికిత్స కోసం 108లో ఆస్పత్రికి తరలించారు. ఆర్టీసీ అధికారుల తీరుపై మండిపడ్డారు. కాగా నిర్మల భర్త శ్రీనివాస్‌, కుమారుడు వెంకటేశ్‌ మాట్లాడుతూ..ఈ ప్రమాదానికి ఆర్టీసీ పూర్తి బాధ్యత వహించాలని, వైద్య ఖర్చులు భరించాలని డిమాండ్‌ చేశారు.

పాలకుర్తి టౌన్‌ : మండలంలోని తెలంగాణ సాంఘిక సంక్షేమ బాలికల గురుకుల పాఠశాలలో ఈనెల 22న విద్యార్థినులను ఎలుకలు కరిచాయన్న ఘటనపై కలెక్టర్‌ సందీప్‌ కుమార్‌ ఝా స్పష్టతనిచ్చారు. సోమవారం ఆర్డీఓ కిరణ్‌ప్రకాశ్‌తో కలిసి గురుకులాన్ని తనిఖీ చేశారు. అనంతరం కలెక్టర్‌ విద్యార్థినులతో మాట్లాడి ఆరోగ్య పరిస్థితిపై ఆరా తీశారు. భోజనం ఎలా ఉంది? మీకు ఎలుకలు కరిచినప్పుడు వాటిని చూశారా? టీకాలు తీసుకున్నారా? అని ప్రశ్నించారు. ఏ సమయంలో జరిగింది.. అప్పుడు రక్తం వచ్చినట్లు అనిపించిందా.. నొప్పిగా ఏమైనా ఉందా అని వివరాలు తెలుసుకున్నారు. విద్యార్థినుల చేతులు, కాళ్లను పరిశీలించగా ఎలుకలు కరిచిన ఆనవాళ్లు, గీతలు లేవన్నారు. వదంతులు నమ్మొద్దని కలెక్టర్‌ సూచించారు. వంటశాల, భోజన గది, సరుకులు నిల్వ గది, మరుగుదొడ్లు, వసతి గృహాలను పరిశీలించారు. పరిసరాల శుభ్రతపై అసంతప్తి వ్యక్తం చేసి, పనికిరాని వ్యర్థాలను వెంటనే తొలగించాలని పంచాయతీ కార్యదర్శి శ్రీనివాస్‌ రెడ్డిని ఆదేశించారు. నాణ్యమైన పౌషికాహారం, తాజా కూరగాయలతో భోజనం తయారు చేయాలని సూచించారు. అనుమతి లేకుండా బయటి వ్యక్తులను బాలికల గురుకులంలోకి అనుమతించొద్దని స్పష్టం చేశారు. కలెక్టర్‌ తనిఖీ చేసే సమయంలో గురుకుల పాఠశాలలోకి వచ్చిన వార్డు సభ్యుడిపై పోక్సో కేసు నమోదు చేయాలని కలెక్టర్‌ ఆదేశించినట్లు సమాచారం. ఎంపీడీఓ, తహసీల్దార్‌ గురుకుల పాఠశాలను క్రమం తప్పకుండా పర్యవేక్షించాలని సూచించారు. తహసీల్దార్‌ సరస్వతి, ఎంపీడీఓ వేదవతి, ఎంఈఓ పోతుగంటి నర్సయ్య, వైస్‌ ప్రిన్సిపాల్‌ వరలక్ష్మి, ఉపాధ్యాయులు పాల్గొన్నారు. కలెక్టర్‌ సందీప్‌కుమార్‌ ఝా గురుకులంలో తనిఖీ..శుభ్రతపై అసంతృప్తి

● జీడబ్ల్యూఎంసీ కమిషనర్‌ వెంకన్న వరంగల్‌ అర్బన్‌: కాశిబుగ్గ, కాజీపేట సర్కిళ్ల పరిధిలో పారిశుద్ధ్య నిర్వహణ మరింత మెరుగయ్యేందుకు రోజువారీగా డిప్యూటీ కమిషనర్లు క్షేత్రస్థాయిలో తనిఖీలు చేపట్టాలని జీడబ్ల్యూఎంసీ కమిషనర్‌ టి.వెంకన్న ఆదేశించారు. సోమవారం బల్దియా కార్యాలయంలో జరిగిన సమావేశంలో అధికారులకు ఆయన పలు సూచనలిచ్చారు. నగర పరిశుభ్రతలో ఎలాంటి నిర్లక్ష్యానికి తావులేకుండా, తమ పరిధిలో పారిశుద్ధ్య నిర్వహణకు పూర్తి బాధ్యత వహించాలని ఉప కమిషనర్లను ఆయన ఆదేశించారు. పండుగలకు ఏర్పాట్లు చేయండి బతుకమ్మ, దసరా పండుగల నిర్వహణకు అవసరమైన అన్ని ఏర్పాట్లను ముందుగానే పూర్తి చేయాలని కమిషనర్‌ వెంకన్న అధికారులను ఆదేశించారు. జీడబ్ల్యూఎంసీ ప్రధాన కార్యాలయంలో బతుకమ్మ, దసరా పండుగల ఏర్పాట్లపై సంబంధిత అధికారులతో సమీక్ష నిర్వహించారు. ఆయా సమావేశాల్లో సూపరింటెండింగ్‌ ఇంజనీర్‌ రాజ్‌కుమార్‌, సీఎంహెచ్‌ఓ డాక్టర్‌ రాజారెడ్డి, డీఎఫ్‌ఓ శంకర్‌ లింగం, సిటీప్లానర్‌ రవీందర్‌ రాడేకర్‌, సీహెచ్‌ఓ లక్ష్మారెడ్డి, అదనపు కమిషనర్‌ జోన, ఉప కమిషనర్లు ప్రసన్నరాణి, సమ్మయ్య పాల్గొన్నారు. ఆకట్టుకున్న కళాకృతులు స్వచ్ఛత హీ సేవా–26 కార్యక్రమంలో భాగంగా గ్రేటర్‌ వరంగల్‌ మున్సిపల్‌ కార్పొరేషన్‌ ప్రధాన కార్యాలయంలోని కౌన్సిల్‌ హాల్‌లో సోమవారం నిర్వహించిన ‘వేస్ట్‌ టు ఆర్ట్‌’ (వ్యర్థాల నుంచి కళాత్మక వస్తువుల రూపకల్పన) పోటీల్లో విద్యార్థులు రూపొందించిన సజనాత్మక కళాకృతులు ఆకట్టుకున్నాయి.

పశ్చిమ ఎమ్మెల్యే నాయిని రాజేందర్‌రెడ్డి హన్మకొండ అర్బన్‌: ఓటు హక్కును హరించే ఏ ప్రయత్నాన్నైనా సహించబోమని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. ఓటర్ల జాబితాలో అక్రమ మార్పులు, తొలగింపులపై సమగ్ర విచారణ జరిపి బాధ్యులపై చర్యలు తీసుకోవాలని డిమాండ్‌ చేశారు. రాహుల్‌ గాంధీ ఓటు చోరీ అంశంపై చేపడుతున్న పోరాటానికి మద్దతుగా సోమవారం హనుమకొండ జిల్లా కాంగ్రెస్‌ కమిటీ ఆధ్వర్యంలో నిర్వహించిన నిరసన కార్యక్రమంలో ఎమ్మెల్యే నాయిని పాల్గొన్నారు. హనుమకొండ ఆర్ట్స్‌ కళాశాల ఆడిటోరియం నుంచి కాంగ్రెస్‌ నాయకులు, కార్యకర్తలతో కలిసి కలెక్టరేట్‌ వరకు ర్యాలీ నిర్వహించారు. అనంతరం కలెక్టరేట్‌ ఎదుట నిరసన చేపట్టి కేంద్ర ఎన్నికల ప్రధాన కమిషనర్‌ జ్ఞానేశ్వర్‌కుమార్‌పై చర్యలు తీసుకోవాలని డిమాండ్‌ చేస్తూ దిష్టిబొమ్మను దహనం చేశారు. ఈసందర్భంగా ఎమ్మెల్యే నాయిని, డీసీసీ అధ్యక్షుడు ఇనగాల వెంకట్రాంరెడ్డి మాట్లాడుతూ ఎన్నికల ప్రక్రియపై ప్రజలకు పూర్తి విశ్వాసం ఉండాలంటే ప్రతీ దశ పారదర్శకంగా నిర్వహించాలన్నారు. ఓటర్ల జాబితాలో అక్రమాలు జరిగాయన్న ఆరోపణలపై సమగ్ర విచారణ జరిపి వాస్తవాలను ప్రజల ముందుంచాలని కోరారు. అనంతరం జిల్లా కాంగ్రెస్‌ కమిటీ ఆధ్వర్యంలో ఓటర్ల జాబితాలో అక్రమ మార్పులు, ఓటర్ల తొలగింపులపై విచారణ జరిపి చర్యలు తీసుకోవాలని కోరుతూ కలెక్టర్‌ చాహత్‌ బాజ్‌పాయ్‌కి వినతిపత్రం అందజేశారు. కార్యక్రమంలో వరంగల్‌ ఎంపీ కడియం కావ్య, పరకాల ఎమ్మెల్యే రేవూరి ప్రకాశ్‌రెడ్డి, టీపీసీసీ ప్రధాన కార్యదర్శులు శ్రీనివాస్‌గౌడ్‌, దుద్దిళ్ల శ్రీనుబాబు, ఈవీ శ్రీనివాస్‌రావు, టీపీసీసీ సభ్యుడు బత్తిని శ్రీని వాస్‌రావు, జిల్లా గ్రంథాలయ సంస్థ చైర్మన్‌ అజీజ్‌ఖాన్‌, కాంగ్రెస్‌ నాయకులు పాల్గొన్నారు. పోచమ్మమైదాన్‌లో కాంగ్రెస్‌ శ్రేణుల నిరసన కాశిబుగ్గ: కేంద్ర ప్రధాన ఎన్నికల కమిషనర్‌ జ్ఞానేశ్‌కుమార్‌ రాజీనామా చేయాలని డిమాండ్‌ చేస్తూ వరంగల్‌ పోచమ్మమైదాన్‌ సెంటర్‌లో ఏఐసీసీ, టీపీసీసీ ఆదేశాల మేరకు జిల్లా కాంగ్రెస్‌ పార్టీ ఆధ్వర్యంలో సోమవారం మానవహారం, నిరసన, సీఈసీ దిష్టిబొమ్మను దహనం చేశారు. ఈ సందర్భంగా ఎమ్మెల్సీ బస్వరాజు సారయ్య, కుడా చైర్‌పర్సన్‌ గుండు సుధారాణి, డీసీసీ అధ్యక్షుడు ఎండీ అయూబ్‌ మాట్లాడుతూ కేంద్ర ప్రభుత్వం రాజ్యాంగాన్ని అపహాస్యం చేస్తూ, కార్పొరేట్లకు కొమ్ముకాస్తూ ఎన్నికల వ్యవస్థలను రాజకీయంగా వాడుకుంటుందన్నారు. అనంతరం కలెక్టర్‌ సత్యశారదను కలిసి వినతిపత్రం ఇచ్చారు. కార్యక్రమంలో నాయకులు ఓర్సు తిరుపతి, కర్నాటి పార్వతమ్మ, రవీందర్‌ నాయక్‌, చిలువేరు శ్రీనివాస్‌, దాడి శివ, ఎడ్ల రవికుమార్‌, పోశాల వెంకన్న పాల్గొన్నారు.పోచమ్మమైదాన్‌ సెంటర్‌లో నిరసన తెలుపుతున్న ఎమ్మెల్సీ సారయ్య, కుడా చైర్‌పర్సన్‌ సుధారాణి, డీసీసీ అధ్యక్షుడు అయూబ్‌, నాయకులునిరసన ర్యాలీలో పాల్గొన్న ఎంపీ కావ్య, ఎమ్మెల్యేలు రాజేందర్‌రెడ్డి, ప్రకాశ్‌రెడ్డి, డీసీసీ అధ్యక్షుడు ఇనగాల వెంకట్రాంరెడ్డి, తదితరులు

ఇది వరంగల్‌ ప్రతాప్‌నగర్‌లోని కమ్యూనిటీ టాయిలెట్‌. నిర్వాహకుడికి ఆరు నెలలుగా సొమ్ము చెల్లించకపోవడంతో ఐదు నెలల పాటు కొనసాగించి, వేసిగి వేసారి, చివరికి తాజాగా టాయిలెట్‌కు తాళం వేశారు. ఇలా.. నగరంలోని రూ.లక్షలు పోసి నిర్మించిన కమ్యూనిటీ హాళ్లు పనికి రాకుండా ప్రజలు వినియోగించుకోక దారుణమైన పరిస్థితులు దాపురించాయి. బల్దియా అధికారులు చెబుతున్న మాటలకు.. క్షేత్రస్థాయి నిర్వహణకు ఎక్కడా పొంతన కనిపించడం లేదు.ఈఫొటోలో కనిపిస్తున్నది వరంగల్‌ పోచమ్మమైదాన్‌లోని కమ్యూనిటీ టాయిలెట్‌. ఏడాదిన్నరగా ఉపయోగంలో లేదు. బల్దియా బిల్లు ఇవ్వడం లేదని నిర్వహణ వదిలేశారు. దీంతో టాయిలెట్‌ అధ్వానంగా మారింది. సమీపంలోని మురికివాడ ప్రజలు మల, మూత్ర విసర్జనకు ఖాళీ స్థలాలకు వెళ్తున్నారు.నగరంలో అధ్వానంగా కమ్యూనిటీ, పబ్లిక్‌ టాయిలెట్స్‌

కాజీపేట రూరల్‌ : కాజీపేట రైల్వే ఎంప్లాయీస్‌ సంఘ్‌ కార్యాలయంలో బుధవారం చేపట్టనున్న డివిజనల్‌ లోకో సమ్మెట్‌ను విజయవంతం చేయాలని సంఘ్‌ కేంద్ర కమిటీ సభ్యులు సాధినేని వెంకటనారాయణ, అవారి మధుసూదన్‌రావు పిలుపునిచ్చారు. సోమవారం కాజీపేట అన్ని బ్రాంచ్‌ల సంఘ్‌ నాయకులు, ఆఫీస్‌ బేరర్లు, కార్యకర్తల సమావేశం జరిగింది. ఈ సమావేశంలో వారు మాట్లాడుతూ.. సికింద్రాబాద్‌ డివిజన్‌ స్థాయిలో లోకో రన్నింగ్‌ స్టాప్‌ సమస్యలను తెలుసుకోవడానికి ఎన్‌ఎఫ్‌ఐఆర్‌ జనరల్‌ సెక్రటరీ డాక్టర్‌ ఎం.రాఘవయ్య కాజీపేటకు రానున్నట్లు తెలిపారు. తరగతులు కావడం లేదని.. ● ఫిజికల్‌ ఎడ్యుకేషన్‌ విద్యార్థుల ఆందోళన కేయూ క్యాంపస్‌ : కాకతీయ యూనివర్సిటీలోని ఫిజికల్‌ ఎడ్యుకేషన్‌ కళాశాలలో బీపీఈడీ విద్యార్థులు తమకు క్లాస్‌లు సరిగా జరగడం లేదని నిరసిస్తూ సోమవారం యూనివర్సిటీ పరిపాలన భవనం వద్ద బైఠాయించి ఆందోళనకు దిగారు. యూనివర్సిటీ ఫిజికల్‌ ఎడ్యుకేషన్‌ ప్రిన్సిపాల్‌ కూడా సక్రమంగా తరగతులు జరిగేలా తగిన చర్యలు చేపట్టడం లేదని రిజిస్ట్రార్‌ వి.రామచంద్రం దృష్టికి తీసుకెళ్లారని సమాచారం. ఆందోళన చేస్తున్న బీపీఈడీ విద్యార్థులు రిజిస్ట్రార్‌ చాంబర్‌కు రాగా ఆయన విద్యార్థులతో మాట్లాడారు. వారి సమస్యను వీసీ ప్రతాప్‌రెడ్డి దృష్టికి తీసుకెళ్తానని తెలియజేశారు. అక్కడికి ఫిజికల్‌ ఎడ్యుకేషన్‌ ప్రిన్సిపాల్‌ను కూడా పిలిపించి మాట్లాడారు. ఈ విషయంపై కేయూ రిజిస్ట్రార్‌ రామచంద్రంను వివరణ కోరగా ఫిజికల్‌ ఎడ్యుకేషన్‌ కళాశాలలో రెగ్యులర్‌ అధ్యాపకులు లేరని ప్రస్తుతం నలుగురు అధ్యాపకులే పని చేస్తున్నారని తెలిపారు. 8 మంది అధ్యాపకుల అవసరం ఉందని అధ్యాపకుల కొరతతో బీపీఈడీ విద్యార్థులకు తరగతులు జరగడం లేదని రామచంద్రం వివరణ ఇచ్చారు.గత విద్యా సంవత్సరంలో పేపర్‌ వైజ్‌గా తాత్కాలిక అధ్యాపకులు విధులు నిర్వర్తించారని వారిని ప్రస్తుతానికి విధుల్లోకి తీసుకొని ఈనెల 29నుంచి బీపీఈడీ విద్యార్థులకు తరగతులు యథావిధిగా నిర్వహిస్తామని విద్యార్థులకు తెలియజేసినట్లు పేర్కొన్నారు. దీంతో వారు ఆందోళన విరమించారని రిజిస్ట్రార్‌ వివరణ ఇచ్చారు. వివిధ కారణాలతో ఆ కాలేజీకి సంబంధించి పార్ట్‌టైం అధ్యాపకుల నియమకాలు జరగలేదన్నారు.

నమోదు చేసుకోవాలిహన్మకొండ : ఉమ్మడి నల్లగొండ–వరంగల్‌–ఖమ్మం పట్టభద్రుల నియోజకవర్గ ఎమ్మెల్సీ ఎన్నికల నేపథ్యంలో ప్రారంభమైన ఓటరు నమోదు ప్రక్రియను అర్హత ఉన్న పట్టభద్రులు వినియోగించుకోవాలని బీఆర్‌ఎస్‌ రాష్ట్ర నాయకుడు ఏనుగుల రాకేశ్‌ రెడ్డి సోమవారం విజ్ఞప్తి చేశారు. పట్టభద్రుల ఓటరు నమోదు ప్రక్రియ నవంబర్‌ 6వ తేదీతో ముగియనుందని తెలిపారు. అర్హత కలిగిన ప్రతి గ్రాడ్యుయేట్‌ ఈ అవకాశాన్ని వినియోగించుకొని తప్పనిసరిగా ఎమ్మెల్సీ ఓటరుగా నమోదు చేసుకోవాలని ఆయన ఒక ప్రకటనలో కోరారు. ఇది కేవలం ఓటరు నమోదు ప్రక్రియ మాత్రమే కాదని ప్రభుత్వాన్ని ప్రశ్నించడానికి ఒక ఆయుధం.. మన సమస్యలను పరిష్కరించుకోవడానికి ఒక అస్త్రం.. డిమాండ్లను సాధించుకోవడానికి ఒక అవకాశం.. మన కోసం పోరాడే వారికి ప్రజాస్వామ్య పద్ధతిలో మద్దతు తెలియజేయడానికి ఒక మార్గం అని రాకేశ్‌ రెడ్డి పేర్కొన్నారు. పట్టభద్రులందరూ ఈ అవకాశాన్ని నిర్లక్ష్యం చేయకుండా, ఓటరు నమోదు ప్రక్రియను పూర్తి చేసుకోవాలని ఆయన పిలుపునిచ్చారు. సీపీని కలిసిన అదనపు కమాండెంట్‌ హసన్‌పర్తి: హైదరాబాద్‌ చీఫ్‌ ఆఫీస్‌ నుంచి మామునూరు టీజీఎస్పీ –4వ బెటాలియన్‌ అదనపు కమాండెంట్‌గా బదిలీపై వచ్చిన వంశీమోహన్‌రెడ్డి సోమవారం వరంగల్‌ పోలీస్‌ కమిషనర్‌ శ్వేతను మర్యాదపూర్వకంగా కలిశారు. ఈసందర్భంగా భగవద్గీత గ్రంథాన్ని అందజేశారు. అదేవిధంగా ఎంజీఎంలో భద్రతా చర్యలపై సమీక్షలో పాల్గొన్న ఎస్‌పీఎఫ్‌ కమాండెంట్‌ కమాండెంట్‌ కోటేశ్వర్‌రావు మర్యాదపూర్వకంగా సీపీని కలిసి పుష్పగుచ్ఛం అందించారు.

● సెంట్రల్‌ జోన్‌ డీసీపీ కవిత కాశిబుగ్గ : ప్రజలకు మెరుగైన, మర్యాదపూర్వకమైన సేవలు అందిస్తూ ఫిర్యాదులపై సత్వర పరిష్కారం చూపాలని సెంట్రల్‌ జోన్‌ డీసీపీ దారా కవిత తెలిపారు. సోమవారం మట్టెవాడ పోలీస్‌ స్టేషన్‌ను సందర్శించారు. ఈ సందర్భంగా పోలీస్‌ స్టేషన్‌ పని తీరు, పెండింగ్‌ కేసులు, శాంతి భద్రతలు, నేర నియంత్రణ చర్యలను సమీక్షించారు. అనంతరం డీసీపీ మాట్లాడుతూ..ప్రజలకు మరింత చేరువగా ఉంటూ, సమర్థవంతమైన సిటిజన్‌, సెంట్రిక్‌ పోలీసింగ్‌ అందించాలన్నారు. కార్యక్రమంలో సీఐ కరుణాకర్‌రావు, ఎస్సైలు, సిబ్బంది పాల్గొన్నారు. నేరాల అదుపులో భాగస్వాములు కావాలి : ఏసీపీ సదయ్య నేరాలు, అఘాయిత్యాలు పెరుగుతున్న నేటి పరిస్థితుల్లో నేరాలను అదుపు చేయడానికి అందరూ భాగస్వాములు కావాలని క్రైం ఏసీపీ సదయ్య అన్నారు. సోమవారం వరంగల్‌ ములుగు రోడ్డులోని ప్రభుత్వ ఐటీఐ కాలేజీలో మహిళలపై జరుగుతున్న అఘాయిత్యాలపై అవగాహన సదస్సు నిర్వహించారు. ఈ సందర్భంగా ఆయన మాట్లాడారు. అమ్మాయిలు ఫేస్‌బుక్‌, ఇన్‌స్టాగ్రామ్‌ వంటి సోషల్‌ మీడియాలో వ్యక్తిగత ఫొటోలు, వివరాలు పంచుకోవడంలో జాగ్రత్త కలిగి, సైబర్‌ నేరాలపై అవగాహన ఉండాలన్నారు. ఫిర్యాదులు ఏమైనా ఉంటే సీపీ (87126 85257), సీఐ (87126 85142), ఎస్సై(87126 85270) నంబర్లకు వాట్సాప్‌ చేయాలని, వారి వివరాలను గోప్యంగా ఉంచి, నేరస్తులకు కౌన్సెలింగ్‌ ఇచ్చి చట్టరీత్యా చర్యలు తీసుకుంటామన్నారు. కార్యక్రమంలో ప్రిన్సిపాల్‌ చందర్‌, ఫ్యాకల్టీ, షీ టీమ్‌ ఎస్సై స్వాతి పాల్గొన్నారు.

వరంగల్‌ అర్బన్‌: గ్రేటర్‌ వరంగల్‌ నగరంలోని కాలనీల్లో సమస్యలు పరిష్కరించరా? అంటూ బల్దియా గ్రీవెన్స్‌లో కమిషనర్‌ టి.వెంకన్న ఎదుట నగరవాసులు ఆవేదన వ్యక్తం చేశారు. సోమవారం బల్దియా ప్రధాన కార్యాలయంలో కమిషనర్‌ వెంకన్న దరఖాస్తులు స్వీకరించారు. మొత్తం 92 ఫిర్యాదులు రాగా, అందులో టౌన్‌ ప్లానింగ్‌ సెక్షన్‌కు 36, ఇంజనీరింగ్‌కు 34, ఆరోగ్యం, పారిశుద్ధ్యం 9, రెవెన్యూ విభాగానికి 11, నీటి సరఫరా 2 చొప్పున నమోదయ్యాయి. ప్రతీ అర్జీని బాధ్యతతో పరిశీలించి గడువులోగా పరిష్కరించాలని కమిషనర్‌ టి.వెంకన్న అధికారులను ఆదేశించారు. కార్యక్రమంలో అడిషనల్‌ కమిషనర్‌ జోనా, ఎస్‌ఈ రాజ్‌కుమార్‌, సిటీప్లానర్‌ రవీందర్‌ రాడేకర్‌, డీఎఫ్‌ఓ శంకర్‌లింగం, సీహెచ్‌ఓ లక్ష్మారెడ్డి, డిప్యూటీ కమిషనర్లు ప్రసన్నరాణి, సమ్మయ్య, సెక్రటరీ అనిల్‌బాబు, పన్నుల అధికారి రామకృష్ణతో పాటు వివిధ విభాగాల అధికారులు, సిబ్బంది పాల్గొన్నారు. ఫిర్యాదుల్లో కొన్ని.. ● గిర్మాజీపేట లక్ష్మీ అపార్ట్‌మెంట్‌కు డ్రెయినేజీ నిర్మించాలని ఫ్లాట్స్‌ యజమానులు ఫిర్యాదు అందించారు. ● 19వ డివిజన్‌ వివేకానంద కాలనీలో సీసీ రోడ్డు నిర్మించాలని శ్రవణ్‌కుమార్‌ కోరారు. ● వరంగల్‌ ఉర్సులో ‘కుడా’ లేఔట్‌ ప్లాట్‌ ఆక్రమణకు గురైందని ఫిర్యాదు అందింది. ● జానీపీరీల అండర్‌ బ్రిడ్జికి రెండు వైపులా రోడ్లను నిర్మించాలని స్థానికులు విజ్ఞప్తి చేశారు. ● 12వ డివిజన్‌ పెరుకవాడలో 2నెలలుగా తాగునీటి సరఫరా బంద్‌ ఉందని, సరఫరా పునరుద్ధరించాలని కాలనీవాసులు కోరారు. ● 64వ డివిజన్‌ టేకులగుడెంలో మట్టి రోడ్డు అయినా వేయాలని గ్రామస్తులు విన్నవించారు. ● భీమారం, కోమటిపల్లి, గోపాల్‌పూర్‌లో ఏడాది క్రితం టెండర్లు పూర్తయినా పనులు చేపటట్లేదని మాజీ కార్పొరేటర్‌ రజిత ఫిర్యాదు చేశారు. గ్రేటర్‌ గ్రీవెన్స్‌లో ఫిర్యాదుదారుల ఆవేదన 92 అర్జీలు స్వీకరించిన అధికారులు

న్యూశాయంపేట : ఇండియన్‌ రెడ్‌క్రాస్‌ సొసైటీ వరంగల్‌ జిల్లా చైర్మన్‌గా బేతి అశోక్‌ ఏకగ్రీవంగా ఎన్నికయ్యారు. సోమవారం జెడ్పీ సమావేశ మందిరంలో ఎన్నికల అధికారి, జెడ్పీ సీఈఓ వసంత సమక్షంలో ఎన్నిక జరిగింది. వైస్‌ చైర్మన్‌గా శానబోయిన రాజ్‌కుమార్‌, కోశాధికారిగా బొల్లం శివ, స్టేట్‌ ఎంసీ మెంబర్‌గా నాడెం శాంతికుమార్‌లతో పాటు సొసైటీ మేనేజింగ్‌ కమిటీ మెంబర్లుగా కుసుమ సత్యనారాయణ (రిటైర్డ్‌ తహసీల్దార్‌), తోట సంపత్‌కుమార్‌ (రైస్‌ మిల్లర్స్‌ అసోసియేషన్‌ మాజీ అధ్యక్షుడు), మండల పరుశరాములు(ఎన్‌జీఓ), మామిడాల రమేష్‌బాబు (అడ్వకేట్‌), వద్ది రాజు, చొప్పరి సోమయ్య, ముల్క ప్రసాద్‌, పుల్లూరి వేణు, డాక్టర్‌ విద్యాసాగర్‌రెడ్డి, మోతే తిరుపతిరెడ్డి, డాక్టర్‌ గజ్వెల్లి రాజ్‌కుమార్‌ ఎన్నికై నట్లు ఎన్నికల అధికారి ప్రకటించారు. అనంతరం సభ్యులు కలెక్టర్‌ సత్యశారదను మర్యాద పూర్వకంగా కలిశారు.

కేయూ క్యాంపస్‌ : దేశంలో విద్యా వ్యవస్థను కాషాయీకరణ చేసేందుకు పాలక వర్గాలు కుట్రలు చేస్తున్నాయని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు పేర్కొన్నారు. సోమవారం అఖిల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షికోత్సవం సందర్భంగా కాకతీయ యూనివర్సిటీలోని ఆడిటోరియంలో నిర్వహించిన బహిరంగ సభలో ఆయన ముఖ్యఅతిథిగా పాల్గొని మాట్లాడారు. ఈ సందర్భంగా సాంబశివరావు భగత్‌సింగ్‌ చిత్రపటానికి పూలమాల వేసి నివాళులర్పించారు. దేశంలో మొట్టమొదటి విద్యార్థి సంఘంగా ఏఐఎస్‌ఎఫ్‌ ఆవిర్భవించి 90ఏళ్లు పూర్తి చేసుకుందన్నారు. కమ్యూనిస్టు భావజాలాన్ని పుణికి పుచ్చుకున్న ఏఐఎస్‌ఎఫ్‌ భగత్‌సింగ్‌ వారసత్వంతోనే ఆవిర్భవించిందన్నారు. నాటి ప్రధానులు నెహ్రూ, అటల్‌జీ వంటి వారు కూడా ఈ సంఘంలో పనిచేశారని గుర్తు చేశారు. కేంద్రంలోని బీజేపీ ప్రభుత్వం విద్యారంగంలో కాషాయీకరణను చొప్పిస్తూ మతోన్మాదాన్ని పెంచి పోషిస్తోందని విమర్శించారు. ఒకప్పుడు విద్యాసంస్థల్లో ఎన్నికలు ఉండేవని, నాటి ఆర్‌ఈసీ తదితర సంస్థల్లో ఎంతోమంది విప్లవ నాయకులు ఎదిగి సమాజానికి సేవలను అందించారన్నారు. ఏఐఎస్‌ఎఫ్‌ జాతీయ ప్రధాన కార్యదర్శి దినేష్‌ సిరంగి రాజన్‌ మాట్లాడుతూ.. దేశంలో పాలకవర్గాలు అనుసరిస్తున్న విద్యార్థి వ్యతిరేక విధానాలను మార్చే శక్తి విద్యార్థులకు ఉందని పేర్కొన్నారు. ఈ సభలో ఏఐఎస్‌ఎఫ్‌ జాతీయ మాజీ అధ్యక్షుడు తక్కళ్లపల్లి శ్రీనివాస్‌రావు, సీపీఐ జిల్లా కార్యదర్శి కర్రె భిక్షపతి, ప్రజానాట్యమండలి రాష్ట్ర ప్రధాన కార్యదర్శి పల్లె నర్సింహా, ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠ రెడ్డి, కార్యదర్శి పుట్ట లక్ష్మణ్‌, తెలంగాణ రాష్ట్ర యూనివర్సిటీ ఇన్‌చార్జ్‌ రెహమాన్‌, హనుమకొండ జిల్లా అధ్యక్షుడు ఉట్కూరి ప్రణీత్‌గౌడ్‌, కార్యదర్శి భాషబోయిన సంతోష, వరంగల్‌ జిల్లా అధ్యక్షుడు దిడ్డి పార్దసారథి, కార్యదర్శి లాదెళ్ల శరత్‌తో పాటు తదితరులు పాల్గొన్నారు. వేలాది మంది విద్యార్థులతో భారీ ప్రదర్శన.. ఏఐఎస్‌ఎఫ్‌ 90వ వార్షికోత్సవం సందర్భంగా పబ్లిక్‌ గార్డెన్‌ నుంచి వివిధ కళాశాలలకు చెందిన వేలాది మంది విద్యార్థులతో భారీ ప్రదర్శన నిర్వహించారు. కేయూ ఆడిటోరియం కిక్కిరిసి పోయింది. ఈ సభలో ప్రజానాట్య మండలి కళాకారులు పాటలతో ఆకట్టుకున్నారు. పాట సీడీ ఆవిష్కరణ ఏఐఎస్‌ఎఫ్‌ 90 ఏళ్ల వార్షికోత్సవం సందర్భంగా జాతీయ మాజీ అధ్యక్షుడు, సీపీఐ రాష్ట్ర సహాయ కార్యదర్శి తక్కెళ్లపల్లి శ్రీనివాస్‌రావు రచించిన పాట సీడీని ఎమ్మెల్యే సాంబశివరావు ఆవిష్కరించారు. ఈ పాటను ప్రజానాట్య మండలి రాష్ట్ర ప్రధాన కార్యదర్శి పల్లె నర్సింహ కళాబృందం గానం చేసింది. సాంబశివరావును ఏఐఎస్‌ఎఫ్‌ జాతీయ, రాష్ట్ర నాయకులు సన్మానించారు. మంగళ, బుధవారాల్లో బాలవికాసలో ప్రతినిధుల సభ జరగనుంది. సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు కేయూలో ఏఐఎస్‌ఎఫ్‌ 90వ వార్షికోత్సవ బహిరంగ సభ

సాక్షిప్రతినిధి, వరంగల్‌ : ఓటరు జాబితా ప్రత్యేక సవరణ ప్రక్రియ ఉమ్మడి వరంగల్‌ వ్యాప్తంగా వేగం పుంజుకుంది. ఓటర్ల వివరాల పరిశీలనలో భాగంగా అధికారులు జారీ చేసిన నోటీసుల పంపిణీ దాదాపు తుది దశకు చేరుకుంది. సోమవారం విడుదల చేసిన నివేదిక ప్రకారం ఆరు జిల్లాల్లో కలిపి 6,45,763 నోటీసులు జారీ చేయగా.. 6,28,499 మంది ఓటర్లకు చేరాయి. మరోవైపు ఇప్పటివరకు 4,39,603 విచారణలు పూర్తయ్యాయి. అభ్యంతరాలు, దరఖాస్తులు, రికార్డుల పరిశీలన అనంతరం తుది ఓటర్ల జాబితా ప్రచురణకు అధికారులు కసరత్తు చేస్తున్నారు. నోటీసుల పంపిణీలో జయశంకర్‌ భూపాలపల్లి జిల్లా ముందంజలో ఉంది. జిల్లాలో జారీ చేసిన 32,636 నోటీసులనూ ఓటర్లకు అందజేశారు. అంటే నోటీసుల పంపిణీలో 100 శాతం పూర్తయింది. ఇందులో 32,458 విచారణలు పూర్తయ్యాయి. కేవలం 78 విచారణలు మాత్రమే గడువు దాటినవిగా నమోదయ్యాయి. వరంగల్‌ జిల్లాలో అత్యధికంగా 1,94,395 నోటీసులు జారీ అయ్యాయి. వీటిలో 1,84,448 పంపిణీ కాగా.. ఇంకా 9,947 నోటీసులు పెండింగ్‌లో ఉన్నాయి. ఇప్పటివరకు 90,054 విచారణలు పూర్తయ్యాయి. 18,689 దరఖాస్తులను ధ్రువీకరించగా.. తుది ప్రచురణకు 81,460 ప్రతిపాదనలు ఆమోదం పొందాయి. హనుమకొండ జిల్లాలో 1,32,070 నోటీసులకు గాను 1,31,602 పంపిణీ చేశారు. కేవలం 468 నోటీసులు మాత్రమే పంపిణీ కావాల్సి ఉంది. జిల్లాలో 1,07,163 విచారణలు పూర్తయ్యాయి. 30,401 దరఖాస్తులను ధ్రువీకరించగా.. 95,637 రికార్డులు తుది ప్రచురణకు సిద్ధంగా ఉన్నాయి. జనగామ జిల్లాలో 1,63,890 నోటీసులు జారీ చేసి 1,62,862 పంపిణీ చేశారు. ఇంకా 1,028 నోటీసులు పెండింగ్‌లో ఉన్నాయి. ఇప్పటివరకు 1,21,025 విచారణలు పూర్తయ్యాయి. గడువు దాటిన విచారణలు 42,063గా నమోదయ్యాయి. తుది ప్రచురణకు 1,10,661లు సిద్ధంగా ఉన్నాయి. మహబూబాబాద్‌లో 80,872 నోటీసులకు గాను 76,688 పంపిణీ అయ్యాయి. 60,687 విచారణలు పూర్తయ్యాయి. 56,678 ప్రతిపాదనలు తుది ప్రచురణకు సిద్ధంగా ఉన్నాయి. ములుగులో 41,900 నో టీసులకు గాను 40,263 పంపిణీ చేశారు. 28,216 విచారణలు పూర్తి కాగా.. 24,509లు తుది ప్రచురణకు సిద్ధమయ్యాయి. 6.28 లక్షల నోటీసులు.. 4.39 లక్షల విచారణలు పూర్తి తుది జాబితాకు 3.83 లక్షలు సిద్ధం నివేదిక విడుదల చేసిన అధికారులు

● అదనపు కలెక్టర్‌ ఎన్‌.రవి హన్మకొండ అర్బన్‌ : అర్హులైన పట్టభద్రులు ఎమ్మెల్సీ ఓటర్ల జాబితాలో ఓటరుగా నమోదు చేసుకోవాలని హనుమకొండ అదనపు కలెక్టర్‌ ఎన్‌.రవి అన్నారు. అధికారులు, రాజకీయ పార్టీల ప్రతినిధులు పట్టభద్రులకు అవగాహన కల్పించాలని సూచించారు. సోమవారం కలెక్టరేట్‌లో వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఓటర్ల జాబితాలో నమోదుపై గుర్తింపు పొందిన రాజకీయ పార్టీల ప్రతినిధులతో అదనపు కలెక్టర్‌ సమావేశం నిర్వహించారు. 2023 నవంబర్‌ 1 కంటే ముందు పట్టభద్రులైన, ఎమ్మెల్సీ నియోజకవర్గ పరిధిలో స్థానిక నివాసం ఉన్న అర్హులు ఓటరుగా నమోదు చేసుకోవాలని కోరారు. సమావేశం అనంతరం గ్రాడ్యుయేట్‌ ఎమ్మెల్సీ ఓటర్ల జాబితాలో నమోదుకు ఈ.వీ శ్రీనివాస్‌రావు ఫారం–18 ద్వారా తన వివరాలతో పూర్తి చేసిన దరఖాస్తును అదనపు కలెక్టర్‌ ఎన్‌. రవి, ఆర్డీఓ వెంకటేశ్‌కు అందించారు. సమావేశంలో ఆర్డీఓలు వెంకటేశ్‌, డీఎస్‌. వెంకన్న, ఎన్నికల విభాగం సూపరింటెండెంట్‌ జగత్‌సింగ్‌, వివిధ రాజకీయ పార్టీల ప్రతినిధులు ఈవీ.శ్రీనివాస్‌రావు, రావు అమరేందర్‌రెడ్డి, నాగబెల్లి రజనీకాంత్‌, ఎండీ నేహాల్‌, అంబాల ప్రశాంత్‌, బస్కె నాగరాజు తదితరులు పాల్గొన్నారు.

ఖిలా వరంగల్‌: కాకతీయుల చారిత్రక వైభవాన్ని ప్రపంచానికి చాటేలా సీఎం రేవంత్‌రెడ్డి ప్రత్యేక కార్యాచరణతో ముందుకు వెళ్తున్నారని ఎమ్మెల్సీ బస్వరాజు సారయ్య అన్నారు. పర్యాటక దినోత్సవం సందర్భంగా ఆదివారం ఖిలా వరంగల్‌ మధ్యకోటలోని శిల్పాల ప్రాంగణంలో వరంగల్‌ కలెక్టర్‌ సత్యశారద అధ్యక్షతన ప్రపంచ పర్యాటక దినోత్సవం ఘనంగా నిర్వహించారు. ముఖ్య అతిథిగా ఎమ్మెల్సీ బస్వరాజు సారయ్య హాజరై కుడా చైర్‌పర్సన్‌ గుండు సుధారాణి, జిల్లా గ్రంథాలయ చైర్మన్‌ మీసాల ప్రకాశ్‌తో కలిసి జ్యోతిప్రజ్వలన చేసి వేడుకలను ప్రారంభించి మాట్లాడారు. కళాకారుల నృత్యాలు ఆకట్టుకున్నాయి. అదనపు కలెక్టర్‌ కిశోర్‌కుమార్‌, ఆర్డీఓలు ఉమారాణి, సుమ, తహసీల్దార్లు ఇక్బాల్‌, శ్రీకాంత్‌, పర్యాటకశాఖ ఇన్‌చార్జ్‌ అనిల్‌, గజ్జల శ్యామ్‌, దామోదర్‌, కోట గైడ్‌ రవియాదవ్‌ తదితరులు పాల్గొన్నారు. ఎమ్మెల్సీ బస్వరాజు సారయ్య ఘనంగా ప్రపంచ పర్యాటక దినోత్సవం

● టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డి హన్మకొండ: తెలంగాణ రాష్ట్ర ఏర్పాటు కోసం నిస్వార్థంగా పోరాడిన మహా నీయుడు కొండా లక్ష్మణ్‌ బాపూజీ అని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. ఆదివారం హనుమకొండ నక్కలగుట్టలోని ఎన్పీడీసీఎల్‌ ప్రధాన కార్యాలయంలో కొండా లక్ష్మణ్‌ బాపూజీ జయంతి నిర్వహించారు. ఈ సందర్భంగా బాపూజీ చిత్ర పటానికి సీఎండీ, డైరెక్టర్లు, అధికారులు పూలమాల వేసి నివాళులర్పించారు. అనంతరం ఆయన మాట్లాడుతూ తెలంగాణ రాష్ట్ర కోసం బాపూజీ తన జీవితాన్ని అంకితం చేశారన్నారు. ఆయన త్యాగం, నిబద్ధత ప్రతి ఒక్కరికీ ఆదర్శమన్నారు. రాష్ట్ర సాధనకు కృషి చేసిన మహనీయుల త్యాగాలను స్మరించుకుంటూ వారి ఆశయాలకనుగుణంగా రాష్ట్ర ప్రగతికి ప్రతీ ఒక్కరు తమ వంతు బాధ్యత నిర్వర్తించాలని పిలుపునిచ్చారు. డైరెక్టర్లు వి.మోహన్‌ రావు, సి.ప్రభాకర్‌, చీఫ్‌ విజిలెన్స్‌ ఆఫీసర్‌ బోనాల కిషన్‌, చీఫ్‌ ఇంజనీర్లు వెంకటరమణ, మల్లికార్జున్‌, నాగప్రసాద్‌, కంపెనీ సెక్రటరీ కె.వెంకటేశం, జీఎంలు కళాధర్‌ రెడ్డి, అనిల్‌రెడ్డి పాల్గొన్నారు.

● పరీక్ష రాసిన 3,700 మంది మహిళలువరంగల్‌ అర్బన్‌: గ్రేటర్‌ వరంగల్‌ నగరంలో ఆదివారం నిర్వహించిన ఉల్లాస్‌ పరీక్షకు ట్రైసిటీలోని 3,700 మంది మహిళలు హాజరయ్యారు. నగరంలోని కొత్తవాడ, గిర్మాజీపేట, కరీమాబాద్‌ ప్రభుత్వ పాఠశాలల్లో పరీక్ష కేంద్రాలను డిప్యూటీ కమిషనర్‌ సమ్మయ్యతో కలిసి వరంగల్‌ అదనపు కలెక్టర్‌ వైవీ గణేశ్‌ తనిఖీ చేశారు. ఈసందర్భంగా ఆయన మాట్లాడుతూ.. నగరంలో 47 కేంద్రాల్లో ఉల్లాస్‌ పరీక్షలు నిర్వహించినట్లు పేర్కొన్నారు.. పరీక్షలకు హాజరైన మహిళలతో మాట్లాడి, కేంద్రాల్లో కల్పించిన సౌకర్యాలు, హాజరు, పరీక్ష నిర్వహణ విధానం తెలుసుకున్నారు. ఈసందర్భంగా వైవీ.గణేశ్‌ మాట్లాడుతూ.. ఉల్లాస్‌ కార్యక్రమం ద్వారా అక్షరాస్యతతో పాటు మహిళల్లో ఆత్మవిశ్వాసం, అవగాహన పెంపొందించడమే ప్రధాన లక్ష్యంగా అధికారులు పేర్కొన్నారు. కార్యక్రమంలో జిల్లా ఉల్లాస్‌ ఇన్‌చార్జ్‌ అధికారి నాగేశ్వర్‌రావు, డీఎంసీలు రేణుక, రజిత టీఎంసీ రమేశ్‌ ఆర్పీలు, సీఓలు తదితర అధికారులు పాల్గొన్నారు.

సాక్షిప్రతినిధి, వరంగల్‌ : విద్యార్థి ఉద్యమాల చరి త్రకు సాక్షిగా నిలిచిన హనుమకొండ మరో కీలక ఘట్టానికి వేదిక కానుంది. అఖిల భారత విద్యార్థి సమాఖ్య (ఏఐఎస్‌ఎఫ్‌) 90 ఏళ్ల ఉద్యమ ప్రస్థానాన్ని పురస్కరించుకుని నిర్వహిస్తున్న తెలంగాణ రాష్ట్ర స్థాయి వార్షికోత్సవాలకు నగరం ముస్తాబైంది. సోమవారం నుంచి బుధవారం వరకు మూడు రోజులపాటు జరిగే ఈ వేడుకల్లో విద్యార్థుల భారీ ప్రదర్శన, బహిరంగ సభ, మాజీ విద్యార్థి నాయకుల సమ్మేళనం, విద్యారంగంపై సెమినార్‌, రాష్ట్ర ప్రతినిధుల సభ నిర్వహించనున్నారు. రాష్ట్రవ్యాప్తంగా వివిధ జిల్లాల నుంచి విద్యార్థి ప్రతినిధులు, నాయకులు తరలిరానుండడంతో నిర్వాహకులు ఏర్పాట్లు పూర్తి చేశారు. కేయూ ఆడిటోరియంలో బహిరంగ సభ.. వార్షికోత్సవాల్లో భాగంగా తొలిరోజు సోమవారం హనుమకొండలో భారీ విద్యార్థి ప్రదర్శన నిర్వహించనున్నారు. పబ్లిక్‌ గార్డెన్‌ నుంచి కాకతీయ యూనివర్సిటీ వరకు ప్రదర్శన కొనసాగనుంది. అనంతరం కేయూ ఆడిటోరియంలో బహిరంగ స భ నిర్వహిస్తారు. ఈ సభకు సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు, ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగి రాజన్‌, జాతీయ మాజీ అధ్యక్షుడు తక్కళ్లపల్లి శ్రీనివాసరా వు, ఎమ్మెల్సీ నెల్లికంటి సత్యం హాజరుకానున్నారు. రేపు మాజీ నాయకుల సమ్మేళనం.. రెండో రోజు మంగళవారం కాజీపేటలోని బాల వికాస కేంద్రంలో ఏఐఎస్‌ఎఫ్‌ మాజీ ముఖ్య నాయకుల సమ్మేళనం నిర్వహించనున్నారు. మాజీ ఎంపీ బోయినపల్లి వినోద్‌కుమార్‌, సీపీఐ జాతీయ కార్యదర్శి, మాజీ ఎమ్మెల్యే పల్లా వెంకటరెడ్డి, మాజీ ఎంపీ సయ్యద్‌ అజీజ్‌ పాషా తదితరులు పాల్గొననున్నారు. ఏఐఎస్‌ఎఫ్‌లో పనిచేసి వివిధ రంగాల్లో స్థిరపడిన మాజీ నాయకులను ఈ సందర్భంగా ఘనంగా సన్మానించనున్నారు. విద్యార్థి దశలో ఉద్యమాల్లో పాల్గొని అనంతరం రాజకీయాలు, న్యాయ, వైద్య, సాంకేతిక తదితర రంగాల్లో రాణిస్తున్న పూర్వ నాయకులు ఒకే వేదికపైకి రానుండడం ఈ సమ్మేళనానికి ప్రత్యేకతగా నిలవనుంది. విద్యారంగ సవాళ్లపై చర్చ.. విద్యారంగం ఎదుర్కొంటున్న సవాళ్లపై ప్రత్యేక సె మినార్‌ నిర్వహించనున్నారు. ప్రముఖ విశ్లేషకులు మల్లేపల్లి లక్ష్మయ్య, కేయూ వీసీ కె. ప్రతాప్‌రెడ్డి, రి టైర్డ్‌ ప్రొఫెసర్‌ మార్క శంకర్‌ నారాయణ తదితరులు పాల్గొంటారు. ప్రస్తుత విద్యావ్యవస్థలో నెలకొన్న సమస్యలు, విద్యార్థులు ఎదుర్కొంటున్న స వా ళ్లు, విద్యారంగంలో చేపట్టాల్సిన మార్పులపై చ ర్చించనున్నారు. వేడుకల్లో చివరి రోజైన బుధవా రం కాజీపేట బాలవికాస కేంద్రంలో రాష్ట్ర ప్రతిని ధుల సభ నిర్వహిస్తారు. రాష్ట్రవ్యాప్తంగా వచ్చిన ప్రతినిధులు విద్యారంగ సమస్యలపై చర్చించి పరిష్కారానికి కార్యాచరణ రూపొందించనున్నారు. రాష్ట్రవ్యాప్తంగా తరలివస్తున్న ప్రతినిధులు.. ఏఐఎస్‌ఎఫ్‌ 90వ వార్షికోత్సవాల నిర్వహణ కోసం రాష్ట్ర, జిల్లా నాయకులు కొన్ని రోజులుగా ఏర్పాట్లు చేస్తున్నారు. రాష్ట్ర అధ్యక్షుడు కసిరెడ్డి మణికంఠరెడ్డి, కార్యదర్శి పుట్టా లక్ష్మణ్‌, తెలంగాణ రాష్ట్ర యూనివర్సిటీల ఇన్‌చార్జ్‌ రహమాన్‌ తదితరులు ఏర్పాట్లను పర్యవేక్షిస్తున్నారు. రాష్ట్రవ్యాప్తంగా విద్యార్థి నాయకులు, ప్రతినిధులు హాజరుకానున్న నేపథ్యంలో 28, 29,30 తేదీల్లో మూడు రోజులపాటు హనుమకొండలో విద్యార్థి ఉద్యమ సందడి నెలకొననుంది.స్వాతంత్య్రోద్యమ కాలం నుంచి పోరాట ప్రస్థానంఅఖిల భారత విద్యార్థి సమాఖ్య 1936లో ఏర్పాటై దేశ విద్యార్థి ఉద్యమ చరిత్రలో ప్రత్యేక స్థానాన్ని సంపాదించుకుంది. స్వాతంత్య్రోద్యమ కాలం నుంచి విద్యార్థుల హక్కులు, విద్యారంగ సమస్యలపై ఉద్యమాలు చేపట్టిన సంస్థగా గుర్తింపు పొందింది. తొమ్మిది దశాబ్దాల ప్రస్థానాన్ని పురస్కరించుకుని నిర్వహిస్తున్న ఈ వేడుకలు విద్యార్థి ఉద్యమ గతాన్ని గుర్తుచేసుకోవడంతోపాటు, ప్రస్తుత విద్యారంగ సమస్యలపై చర్చించి భవిష్యత్‌ కార్యాచరణ రూపొందించేందుకు వేదిక కానున్నాయి.9 దశాబ్దాల పోరాటం.. నేటినుంచి మూడు రోజుల పండుగ పబ్లిక్‌ గార్డెన్‌ నుంచి కేయూ వరకు భారీ విద్యార్థి ప్రదర్శన ప్రారంభ సభకు ఎమ్మెల్యే కూనంనేని సాంబశివరావు, జాతీయ, రాష్ట్ర నాయకులు

కేయూ క్యాంపస్‌: కేంద్ర ఎన్నికల సంఘం సర్‌ పేరుతో పౌరుల ఓట్లను తొలగిస్తోందని ఏఐఎస్‌ఎఫ్‌ జాతీయ ప్రధాన కార్యదర్శి దినేశ్‌ సిరంగరాజన్‌ ఆరోపించారు. ఎలక్షన్‌ కమిషన్‌ కేంద్రం కీలుబొమ్మగా మారిందని మండిపడ్డారు. కేయూలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడారు. దేశంలో విద్యారంగాన్ని కాషాయీకరణ చేసేందుకు బీజేపీ కుట్ర చేస్తోందని విమర్శించారు. హనుమకొండలో ఈనెల 28, 29, 30 తేదీల్లో నిర్వహించనున్న ఏఐఎస్‌ఎఫ్‌ 90 వార్షికోత్సవాలను విజయవంతం చేయాలని ఆయన పిలుపునిచ్చారు. వార్షికోత్సవాల్లో విద్యారంగ సమస్యపై చర్చించి కార్యాచరణ రూపొందిస్తామని వెల్లడించారు. కేంద్ర విద్యాశాఖ మంత్రి ధర్మేంద్రప్రధాన్‌ రాజీనామా ముమ్మాటికీ విద్యార్థుల పోరాట ఫలితమేనని స్పష్టం చేశారు. కేంద్ర బడ్జెట్‌లో విద్యారంగానికి నిధులు తగ్గిస్తున్నారని, దేశంలోకి ప్రైవేట్‌ యూనివర్సిటీలు అనుమతిస్తున్నారని పేర్కొన్నారు. ఏఐఎస్‌ఎఫ్‌ విద్యారంగ సమస్యలపై పోరాటాలు చేసిందని గుర్తుచేశారు. ఏఐఎస్‌ఎఫ్‌ రాష్ట్ర అధ్యక్షుడు, కార్యదర్శి కసిరెడ్డి మణికంఠరెడ్డి, పుట్ట లక్ష్మణ్‌ మాట్లాడుతూ స్వాతంత్య్ర ఉద్యమం, తెలంగాణ కోసం పోరాడిన ఏకై క విద్యార్థి సంఘం ఎఐఎస్‌ఎఫ్‌ అని స్పష్టం చేశారు. గత కేసీఆర్‌ ప్రభుత్వం విద్యారంగాన్ని పూర్తిగా విస్మరించగా, ఇప్పటి రేవంత్‌రెడ్డి ప్రభుత్వం విద్యారంగ సమస్యల పరిష్కారంలో విఫలమైందన్నారు. సమావేశంలో ఏఐఎస్‌ఎఫ్‌ రాష్ట్ర ఆఫీస్‌ బేరర్స్‌ బానోతు రఘురావు, రహమాన్‌, హనుమకొండ జిల్లా అధ్యక్షుడు ప్రణీత్‌గౌడ్‌, కార్యదర్శి భాషబోయిన సంతోష్‌, వరంగల్‌ జిల్లా కార్యదర్శి ల్యాదెల్ల శరత్‌, నాయకులు వినయ్‌, భాను తదితరులు పాల్గొన్నారు. విద్యారంగం కాషాయీకరణకు కేంద్ర ప్రభుత్వం కుట్ర ఏఐఎస్‌ఎఫ్‌ వార్షికోత్సవాలను విజయవంతం చేయాలి జాతీయ ప్రధాన కార్యదర్శి దినేశ్‌ సిరంగరాజన్‌

హన్మకొండ అర్బన్‌ : రాష్ట్రవ్యాప్తంగా జాతీయ ఆరోగ్య మిషన్‌లో వివిధ విభాగాలు, కేడర్లలో ఏళ్లుగా సేవలందిస్తున్న ఉద్యోగుల సమస్యలు పరిష్కరించాలని డిమాండ్‌ చేస్తూ ఎన్‌హెచ్‌ఎం జేఏసీ పోరుబాట పట్టింది. ఇందులో భాగంగా ఈనెల 28న( సోమవారం) చలో కమిషనరేట్‌ నిర్వహించి సమ్మె నోటీసు అందజేయనున్నట్లు ప్రకటించింది. ప్రభుత్వం స్పందించకపోతే అక్టోబర్‌ 12 నుంచి నిరవధిక సమ్మె చేపట్టనున్నట్లు తెలిపింది. రాష్ట్రవ్యాప్తంగా సుమారు 17 వేల మంది ఎన్‌హెచ్‌ఎం ఉద్యోగులు పనిచేస్తున్నట్లు జేఏసీ తెలిపింది. ప్రభుత్వం దృష్టికి సమస్యలు.. ఉద్యోగుల సమస్యల పరిష్కారం కోసం గత, ప్రస్తు త ప్రభుత్వాలు ఇచ్చిన హామీలను నెరవేర్చకపోగా ఉద్యోగులను మరింత ఇబ్బందులకు గురిచేసే చర్యలు తీసుకుంటున్నాయని, దీంతో తమకు పోరుబాట తప్పడం లేదని ఉద్యోగ సంఘాల జేఏసీ రాష్ట్ర నాయకులు స్పష్టం చేశారు. ఇప్పటికే సమస్యల పరిష్కారం కోసం రాష్ట్ర వ్యాప్తంగా ప్రజాప్రతినిధులందరినీ కలిశామని, ప్రభుత్వం దృష్టికి కూడా సమస్యలు తీసుకెళ్లామన్నారు. అయినా ఎలాంటి హామీ లభించలేదని ఆవేదన వ్యక్తం చేశారు. ఇప్పటికే అధికారులకు వినతిపత్రాలు సోమవారం హైదరాబాద్‌లోని కమిషనరేట్‌ కార్యాలయం వద్ద చలో కమిషనరేట్‌ నిర్వహించి కమిషనర్‌కు సమ్మె నోటీసు అందజేయనున్నామని నాయకులు తెలిపారు. జిల్లాల వారీగా సంబంధిత అధికారులకు ఇప్పటికే వినతిపత్రాలు సమర్పించామన్నారు. కార్యక్రమంలో పాల్గొనేందుకు ఉద్యోగులు సాధారణ సెలవు కోసం అధికారులకు దరఖాస్తులు సమర్పించారని తెలిపారు. ఉద్యోగుల భవిష్యత్‌ కాపాడాలి.. ఎన్నో సంవత్సరాలుగా ప్రభుత్వ ఆరోగ్య వ్యవస్థలో సేవలందిస్తున్న ఎన్‌హెచ్‌ఎం ఉద్యోగులకు ఉద్యోగ భద్రత, హక్కులు, భవిష్యత్‌పై స్పష్టత లేకపోవడంతో ఆందోళన నెలకొందని జేఏసీ తెలిపింది. సమస్యలను సకాలంలో పరిష్కరించకపోవడంతో ఉ ద్యోగులు తీవ్ర ఒత్తిడికి గురవుతున్నారని పేర్కొంది. ప్రజల ఆరోగ్యాన్ని కాపాడుతున్న ఎన్‌హెచ్‌ఎం ఉద్యోగుల భవిష్యత్‌ను ప్రభుత్వం కాపాడాలని, ఏ ళ్ల తరబడి అందిస్తున్న సేవలకు గుర్తింపు, ఉద్యోగ భద్రత, న్యాయమైన హక్కులు కల్పించాలని ఎన్‌హెచ్‌ఎం జేఏసీ నేతలు విజ్ఞప్తి చేస్తున్నారు. శాంతియుత నిరసనకు కదిలిరావాలి నేడు నిర్వహించనున్న చలో కమిషనరేట్‌ కార్యక్రమానికి రాష్ట్రంలోని ఎన్‌హెచ్‌ఎం ఉద్యోగులందరూ శాంతియుతంగా, క్రమశిక్షణతో పెద్ద సంఖ్యలో హాజరై విజయవంతం చేయాలి. ప్రభుత్వం స్పందించే వరకు ఆందోళన విరమించేదిలేదు. ఐక్య ఉద్యమాలతో సమస్యలను పరిష్కరించుకుందాం. – డాక్టర్‌ మహేందర్‌రావు పుట్ట, ఎన్‌హెచ్‌ఎం జేఏసీ రాష్ట్ర అధ్యక్షుడుకేయూ క్యాంపస్‌: కాకతీయ యూనివర్సిటీ స్పోర్ట్స్‌ బోర్డు ఆధ్వర్యంలో బొల్లికుంట వాగ్దేవి కళాశాలలో క్రీడాపోటీలు నిర్వహించారు. ఇంటర్‌ కాలేజీయేట్‌ మహిళల వాలీబాల్‌ ఫైనల్‌ పోటీల్లో వాగ్దేవి కళాశాల జట్టుపై కేయూ ఫిజికల్‌ ఎడ్యుకేషన్‌ కళాశాల జట్టు విజయం సాధించినట్లు నిర్వాహకులు ఆదివారం తెలిపారు. ఖోఖో మహిళల విభాగంలో యూనివర్సిటీ ఫిజికల్‌ ఎడ్యుకేషన్‌ కాలేజీ జట్టు, ములుగు జట్టు తలపడగా యూనివర్సిటీ ఫిజికల్‌ ఎడ్యుకేషన్‌ జట్టు విజేతగా నిలిచింది. వాలీబాల్‌ జట్టుకు వ్యాయామ అధ్యాపకుడు డాక్టర్‌ కుమార్‌ కోచ్‌గా, ఖోఖో జట్టుకు డాక్టర్‌ కిరణ్‌కుమార్‌ కోచ్‌గా వ్యవహరించారు. కేయూ ఫిజికల్‌ ఎడ్యుకేషన్‌ అసోసియేషన్‌ అధ్యక్షుడు డాక్టర్‌ జె. సోమన్న, ఉపాధ్యక్షుడు రమేశ్‌, అసోసియేషన్‌ బాధ్యులు డాక్టర్‌ అనిత, పీడీ రాజేష్‌ విజేతలకు బహుమతులు ప్రదానం చేశారు. ఓవర్‌ ఆల్‌ చాంపియన్‌గా కూడా కేయూ ఫిజికల్‌ ఎడ్యుకేషన్‌ జట్టు నిలిచిందని నిర్వాహకులు తెలిపారు.మహిళల వాలీబాల్‌ విజేతగా కేయూ జట్టునేడు ‘చలో కమిషనరేట్‌’ 12 నుంచి నిరవధిక సమ్మెలో ఎన్‌ హెచ్‌ఎం సిబ్బంది అత్యవసర వైద్య సేవలకు ఇబ్బందులు తలెత్తే అవకాశం

భీమదేవరపల్లి: రైతు సంక్షేమమే ధ్యేయంగా దేశంలోని సహకార సంఘాలకు ఆదర్శంగా నిలిచింది హనుమకొండ జిల్లా భీమదేవరపల్లి మండలంలోని ముల్కనూరు సహకార గ్రామీణ పరపతి, మార్కెటింగ్‌ సొసైటీ. 1956లో కొద్దిమంది రైతులతో ప్రారంభమైన ఈ సొసైటీ నేడు వేలాది మంది రైతులకు విస్తృత సేవలు అందిస్తూ ప్రపంచవ్యాప్తంగా ప్రత్యేక గుర్తింపు పొందింది. రైతు సంక్షేమం, సహకార రంగంలో అందిస్తున్న సేవలకు ముల్కనూరు సొసైటీ రాష్ట్ర, జాతీయ స్థాయిలో పలు అవార్డులు అందుకుంది. సోమవారం 70వ వార్షికోత్సవం సందర్భంగా ‘సాక్షి’ ప్రత్యేక కథనం 7,464 మంది సభ్యులకు సేవలు.. ముల్కనూరు సొసైటీ వ్యవస్థాపక అధ్యక్షుడు దివంగత అలిగిరెడ్డి కాశీ విశ్వనాథరెడ్డి రైతుల సంక్షేమాన్ని లక్ష్యంగా చేసుకుని సొసైటీకి బలమైన పునాది వేశారు. అప్పట్లో రూ.100తో ప్రారంభమైన సంస్థ క్రమంగా అభివృద్ధి చెంది నేడు 42,663 కోట్ల రూపాయల ఆర్థిక లావాదేవీలు నిర్వహించే స్థాయికి చేరుకుంది. సుమారు 144 మంది ఉద్యోగులతో 14 గ్రామాల్లో 7,464 మంది సభ్యులకు సేవలందిస్తోంది. రైతే రాజు.. ఇదే సొసైటీ లక్ష్యంగా.. రైతులకు సొసైటీ పంట రుణాలు, మధ్యకాలిక, దీర్ఘకాలిక రుణాలు అందిస్తోంది. అంతేకాకుండా పంటలకు అవసరమైన ఎరువులు, విత్తనాలు, పురుగుమందులు, విద్యుత్‌ మోటార్లు, పైపులైన్లకు రుణ సాయం అందిస్తోంది. పాడిపశువులు, గొర్రెలు, ట్రాక్టర్ల కొనుగోళ్లకు సైతం ఆర్థిక సహకారం అందిస్తోంది. రైతు పండించిన ధాన్యం, పత్తిని సొసైటీ కొనుగోలు చేస్తోంది. సొసైటీ వ్యాపార కార్యకలాపాల ద్వారా వచ్చే నికర లాభాలు 2026లో సుమారు 7.22 కోట్లు రైతుల సంక్షేమానికి వినియోగించడం ప్రత్యేకతగా నిలిచింది. ఏటా విజ యదశమి సందర్భంగా లాభాల్లో కొంత భాగాన్ని బోనస్‌ రూపంలో సభ్యులకు అందిస్తోంది. ఎరువుల కొరత లేకుండా.. ఖరీఫ్‌, రబీ సీజన్లలో రైతులకు ఎరువుల కొరత రాకుండా సొసైటీ ముందస్తు చర్యలు చేపడుతోంది. ఏటా సుమారు రూ.6 కోట్ల విలువైన ఎరువులను నిల్వ ఉంచి అవసరమైన సమయంలో రైతులకు అందుబాటులో ఉంచుతోంది. సొసైటీ పరిధిలోని గ్రామాల్లో గోదాములు ఏర్పాటు చేసి రైతులకు గ్రామస్థాయిలోనే ఎరువులు, ఇతర వ్యవసాయ ఉత్పాదకాలను అందిస్తోంది. సీడ్‌ బౌల్‌ ఆఫ్‌ తెలంగాణగా సొసైటీ గుర్తింపు సొసైటీ నాణ్యమైన విత్తనాల ఉత్పత్తి, శుద్ధిలోనూ ప్రత్యేక గుర్తింపు పొందింది. 1965లో ప్రారంభమై న విత్తన శుద్ధి కార్యక్రమం క్రమంగా విస్తరించి అ త్యాధునిక విత్తన శుద్ధి కర్మాగారాల స్థాయికి చేరింది. నాణ్యమైన వరితో పాటు మొక్కజొన్న విత్తనాల ను కూడా రైతులకు అందిస్తుంది. తెలుగు రాష్ట్రాలతోపాటు మహారాష్ట్ర, ఛత్తీస్‌గఢ్‌, కర్నాటక ప్రాంతా ల రైతులు సైతం ముల్కనూరులో తయారయ్యే వి త్తనాలు కొనుగోలు చేస్తున్నారు. అందుకే సీడ్‌ బౌల్‌ ఆఫ్‌ తెలంగాణగా ముల్కనూరు సొసైటీని కీర్తిస్తారు. వృద్ధ రైతులకు పింఛన్‌ సౌకర్యం రైతులు వృద్ధాప్యంలోకి చేరినప్పుడు ఆర్థిక భరోసా కల్పించేలా పింఛన్‌ సదుపాయం, ప్రమాదవశాత్తు సభ్యుడు మృతిచెందినప్పుడు కుటుంబానికి ఆర్థిక సాయం, అంత్యక్రియలకు సాయం, పంట రుణాల మాఫీ వంటి సంక్షేమ పథకాలను అమలు చేస్తోంది. విద్య, వైద్య రంగాలకు పెద్దపీట రైతు కుటుంబాల్లో విద్య, వైద్యానికి సొసైటీ ప్రత్యేక ప్రాధాన్యం ఇస్తోంది. సభ్యుల పిల్లలకు పాఠశాల స్థాయి నుంచి ఉన్నత విద్య వరకు ప్రోత్సాహకాలు, ఉపకార వేతనాలు అందిస్తోంది. గ్రామీణ ప్రాంత విద్యార్థుల సౌకర్యార్థం ఏకేవీఆర్‌ రూరల్‌ డెవలప్‌మెంట్‌ సొసైటీ ద్వారా ఏకేవీఆర్‌ జూనియర్‌ అండ్‌ డిగ్రీ కళాశాలను నిర్వహిస్తోంది. 2008 నుంచి 2026 వరకు సుమారు 1200 మంది పైగా విద్యార్థులకు రూ. కోటికి పైగా ఉపకార వేతనాలు అందించినట్లు సొసైటీ వివరించింది. ఉన్నత విద్యలో బీటెక్‌, ఎంబీబీఎస్‌ వంటి కోర్సులు చదువుతున్న విద్యార్థులకు సైతం ఆర్థిక సహాయం అందిస్తోంది. అదేవిధంగా సభ్యులు, వారి కుటుంబాల ఆరోగ్య సంరక్షణకు సొసైటీ ప్రత్యేక కార్యక్రమాలు చేపడుతోంది. సూపర్‌బజార్‌ ఆవరణలో నిర్వహించిన నేత్ర వైద్య శిబిరాల ద్వారా వేలాది మంది సభ్యులకు కంటి పరీక్షలు చేయించి, అవసరమైన వారికి ఉచితంగా కంటి ఆపరేషన్లు చేయించింది. ఇందుకోసం సుమారు రూ.2 కోట్ల వరకు ఖర్చు చేసినట్లు సొసైటీ వివరించింది. ప్రముఖుల సందర్శన.. ముల్కనూరు సొసైటీని ప్రపంచ దేశాల నుంచి పలువురు ప్రముఖులు, ప్రజాప్రతినిధులు, అధికా రులు, శాస్త్రవేత్తలు సందర్శించారు. మాజీ ప్రధానమంత్రి పీవీ నరసింహారావు సొసైటీ ఉపాధ్యక్షుడిగా కొనసాగడంతో పాటు జీవితాంతం సభ్యుడిగా ఉండడం సంస్థ చరిత్రలో ప్రత్యేక గుర్తింపుగా నిలిచింది. ఉమ్మడి ఆంధ్రప్రదేశ్‌ ముఖ్యమంత్రులు ఎన్‌టీ రామారావు, వైఎస్‌ రాజశేఖరరెడ్డి, చంద్రబాబునాయుడు, కిరణ్‌కుమార్‌రెడ్డి, గవర్నర్‌ నరసింహన్‌ సొసైటీని సందర్శించారు. వ్యవస్థాపక అధ్యక్షుడు కాశీ విశ్వనాథరెడ్డి కాంస్య విగ్రహాన్ని అప్పటి గవర్నర్‌ కృష్ణకాంత్‌ ఆవిష్కరించారు. 1956లో రూ.100తో ప్రారంభం.. ఒక ఉద్యోగితో సేవలు 2026లో రూ.42,663 కోట్లకు పైగా లావాదేవీలు నేడు ముల్కనూరు సొసైటీ 70వ వార్షికోత్సవం

వరంగల్‌ స్పోర్ట్స్‌: వరంగల్‌ జిల్లా అథ్లెటిక్స్‌ అసోసియేషన్‌ ఆధ్వర్యంలో హనుమకొండ జవహర్‌లాల్‌ నెహ్రూ స్టేడియంలో నిర్వహించిన 12వ తెలంగాణ రాష్ట్ర అథ్లెటిక్‌ చాంపియన్‌షిప్‌ పోటీలు ఆదివారం ముగిశాయి. అండర్‌– 14, 16, 18, 20 బాలబాలికలు, మెన్‌ అండ్‌ ఉమెన్‌ విభాగాల్లో జరిగిన పోటీల్లో 1,500 మంది క్రీడాకారులు పాల్గొనగా.. 220 ఈవెంట్లు నిర్వహించినట్లు వరంగల్‌ అథ్లెటిక్స్‌ అసోసియేషన్‌ జిల్లా కార్యదర్శి ఊర యుగేంధర్‌రెడ్డి తెలిపారు. జాతీయ స్థాయిలో సత్తా చాటే అవకాశం కోసం అథ్లెట్లు వారి ప్రతిభకు పదును పెట్టారు. నువ్వానేనా అన్నట్లు పోటీపడగా 111 పాయింట్లతో భద్రాద్రి కొత్తగూడెం ఓవరాల్‌ చాంపియన్‌షిప్‌ను కై వసం చేసుకుంది. బాలికల విభాగం.. అండర్‌–14 విభాగంలో 15 పాయింట్లతో హనుమకొండ అథ్లెట్లు, అండర్‌–16 విభాగంలో 27 పాయింట్లతో హైదరాబాద్‌, అండర్‌–18 విభాగంలో 22 పాయింట్లతో భద్రాద్రి కొత్తగూడెం, అండర్‌–20లో 28 పాయింట్లతో భద్రాద్రి జిల్లా అథ్లెట్లు విజేతలుగా నిలిచారు. కాగా, సీనియర్‌ ఉమెన్‌ కేటగిరీలో 18 పాయింట్లతో ఖమ్మం జిల్లా అథ్లెట్లు విజేత ట్రోఫీని అందుకున్నారు. బాలుర విభాగం.. అండర్‌–14 విభాగంలో 11 పాయింట్లతో ఆదిలాబాద్‌, అండర్‌–16 విభాగంలో 10 పాయింట్లతో హనుమకొండ, అండర్‌–18లో 20 పాయింట్లతో హైదరాబాద్‌, అండర్‌–20 కేటగిరీలో 36 పాయింట్లతో రంగారెడ్డి, సీనియర్‌ మెన్‌ చాంపియన్‌షిప్‌ను 32 పాయింట్లతో ఖమ్మం ట్రోఫీని అందుకుంది. తెలంగాణ అథ్లెటిక్స్‌ సంఘం రాష్ట్ర కార్యదర్శి సారంగపాణి హాజరై విజేతలకు ట్రోఫీతోపాటు సర్టిఫికెట్లు, పతకాలు అందజేశారు. కార్యక్రమంలో తెలంగాణ అథ్లెటిక్స్‌ సంఘం నిర్వహణ కార్యదర్శి వెంకటేశ్వర్‌రెడ్డి, వరంగల్‌ అథ్లెటిక్స్‌ సంఘం అధ్యక్షుడు పుల్యాల కిషన్‌, వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు, కోచ్‌లు శ్రీమన్నారాయణ, దిమ్మిక నాగరాజు, టెక్నికల్‌ అఫీషియల్స్‌, తదితరులు పాల్గొన్నారు. ఓవరాల్‌ చాంపియన్‌షిప్‌ భద్రాద్రి కొత్తగూడెం

హన్మకొండ కల్చరల్‌: నగరానికి చెందిన పద్యకవి డాక్టర్‌ ఎన్వీఎన్‌ చారికి నబారా పురస్కారాన్ని ప్రదానం చేశారు. ఈ మేరకు తెలంగాణ రచయితల సంఘం, నబారా (నమిలికొండ బాలకిషన్‌రావు) వెల్ఫేర్‌ సొసైటీ ఆధ్వర్యంలో ఆదివారం హనుమకొండ రాజరాజనరేంద్రాంధ్ర భాషా నిలయంలో ఆయనకు అవార్డు అందించారు. ఈసందర్భంగా వక్తలు మాట్లాడుతూ ఎన్వీఎన్‌ చారి సాహితీసేవలను గుర్తించి పురస్కారాన్ని అందజేశామన్నారు. ఈ సందర్భంగా ఇటీవల రాష్ట్ర ప్రభుత్వం నుంచి కాళోజీ పురస్కారాన్ని అందుకున్న కవి వీఆర్‌ విద్యార్థిని సన్మానించారు. తెరసం జిల్లా అధ్యక్షుడు పొట్లపల్లి శ్రీనివాసరావు, కేంద్రసాహిత్య అకాడమీ అవార్డు గ్రహీత డాక్టర్‌ అంపశయ్య నవీన్‌, సహృదయ సంస్థ అధ్యక్షుడు గన్నమరాజు గిరిజామనోహరబాబు, సొసైటీ కన్వీనర్‌ డాక్టర్‌ పాంచాల్‌రాయ్‌, కవులు బిల్లా మహేందర్‌, నాగిళ్ల రామశాస్త్రి, దాస్యం సేనాధిపతి, డాక్టర్‌ కర్రె సదాశివ్‌, రాంబ్రహ్మచారి, కొడెం సురేందర్‌, కార్తీకరాజు, రామ రత్నమాల తదితరులు పాల్గొన్నారు. వరంగల్‌ అర్బన్‌: వరంగల్‌ మహానగర పాలకసంస్థ (జీడబ్ల్యూఎంసీ) ప్రధాన కార్యాలయంలో సోమవారం గ్రీవెన్స్‌ నిర్వహిస్తున్నట్లు కమిషనర్‌ టి.వెంకన్న ఆదివారం ఒక ప్రకటనలో పేర్కొన్నారు. ఉదయం 11 గంటల నుంచి మధ్యాహ్నం వరకు రాత పూర్వకంగా దరఖాస్తులు అందజేయాలని కోరారు. సమస్యల పరిష్కారానికి గ్రీవెన్స్‌ను సద్వినియోగం చేసుకోవాలని కమిషనర్‌ సూచించారు. హనుమకొండ కలెక్టరేట్‌లో.. హన్మకొండ అర్బన్‌: హనుమకొండ కలెక్టరేట్‌, హనుమకొండ, పరకాల ఆర్డీఓ కార్యాలయాలు, ఎంపీడీఓ కార్యాలయాల్లో సోమవారం గ్రీవెన్స్‌ నిర్వహించనున్నట్లు కలెక్టర్‌ చాహత్‌ బాజ్‌పాయ్‌ ఒక ప్రకటనలో తెలిపారు. సమస్యల పరిష్కారం కోసం ప్రజలు గ్రీవెన్స్‌ను సద్వినియోగం చేసుకోవాలని ఆమె కోరారు. సమాచార హక్కు చట్టం కమిషనర్‌ పీవీ శ్రీనివాసరావునయీంనగర్‌: సమాచార హక్కు చట్టంపై అవగాహన ఉండాలని రాష్ట్ర సమాచార హక్కు చట్టం కమిషనర్‌ పీవీ శ్రీనివాసరావు అన్నారు. హనుమకొండలోని గ్రేటర్‌ వరంగల్‌ ప్రెస్‌క్లబ్‌లో సమాచార హక్కు చట్టంపై ఆదివారం అవగాహన సదస్సు నిర్వహించారు. ముఖ్య అతిథిగా శ్రీనివాస్‌రావు హాజరై మాట్లాడుతూ సమాచారహక్కు చట్టం సామాన్యుడి చేతిలో వజ్రాయుధం అన్నారు. చట్టాన్ని సద్విని యోగం చేసుకోవాలే తప్ప దుర్వినియోగం చేయకూడదని సూచించారు. ప్రభుత్వ కార్యాలయాల్లో తప్పనిసరిగా సమాచార హక్కు చట్టంలోని 4(1) బీ ప్రకారం సిటిజన్‌ చార్ట్‌ ఏర్పాటు చేయాలని, కానీ అది సక్రమంగా అమలు కావడం లేదని తనిఖీల్లో వెల్లడైందని తెలిపారు. పెండింగ్‌ కేసులను పరిష్కరించేందుకు కమిషన్‌ త్వరితగతిన హియరింగ్స్‌ నిర్వహిస్తున్నట్లు తెలిపారు. ఇప్పటికే 26 జిల్లాలు పర్యటించి చట్టంపై అవగాహన కల్పించినట్లు ఆయన పేర్కొన్నారు. న్యాయవాది గుడిమళ్ల రవికుమార్‌, నేరెళ్ల శోభ, విశ్రాంత ప్రొఫెసర్‌ జ్యోతిరాణి, టీజీఓ హనుమకొండ అధ్యక్షుడు శ్రీనివాస్‌కుమార్‌, కొల్లూరు వెంకన్న, మండల పరషురాములు, రమేశ్‌, శ్రీనివాస్‌రావు, ఆనంద్‌ తదితరులు పాల్గొన్నారు. వరంగల్‌ చౌరస్తా: యువత మెరుగైన జీవన విధానాన్ని అలవర్చుకోవాలని కలెక్టర్‌ సత్యశారద అన్నారు. ఆదివారం ఎంజీఎం ఆస్పత్రిలో నషా ముక్త్‌ యువ ఫర్‌ వికసిత్‌ ఫర్‌ భారత్‌ కార్యక్రమంలో భాగంగా హెల్త్‌ స్క్రీనింగ్‌ క్యాంపును కలెక్టర్‌ సత్యశారద ప్రారంభించారు. యువతతో ప్రతిజ్ఞ చేయించారు. కార్యక్రమంలో డీఎంహెచ్‌ఓ బి.రాజారెడ్డి, ఎంజీఎం సూపరింటెండెంట్‌ రాంకుమార్‌రెడ్డి, డిప్యూటీ డీఎంహెచ్‌ఓ ప్రకాశ్‌, ప్రోగ్రాం అధికారి అరుణ్‌ జోషి, జిల్లా యువజన అధికారి బి.సంజీవ్‌, ప్రొఫెసర్‌ వెంకన్న, వైద్యాధికారులున్నారు.

వరంగల్‌ ఎల్లంబజార్‌లో 51 అడుగుల మట్టి గణపతి విగ్రహాన్ని ప్రతిష్ఠించిన చోటే ఆదివారం ఘనంగా నిమజ్జనం చేశారు. భద్రకాళి హిందూ ఉత్సవ సమితి ఆధ్వర్యంలో నిర్వాహకుడు ఆకుతోట సంజయ్‌, భక్తులు 14 రోజులు విశేష పూజలు చేశారు. ఉత్సవాల నిర్వాహకులు క్షీరాభిషేకంతోపాటు రెండు ఫైరింజన్ల నీళ్లతో మట్టి విగ్రహాన్ని అక్కడే నిమజ్జనం చేశారు. అంతకు ముందు 51 కిలోల లడ్డూను రూ.2.25 లక్షలకు కాజీపేటకు చెందిన శంకర్‌, లావణ్య తులసి, నాగరాజు దేవిక కుటుంబ సభ్యులు దక్కించుకున్నారు. గణపతి నామస్మరణ మార్మోగింది. – వరంగల్‌ చౌరస్తా

న్యూశాయంపేట : రాష్ట్రంలో మైనార్టీ వర్గాల హక్కుల పరిరక్షణ, ఆర్థిక, సామాజిక, రాజకీయ పురోగతి కోసం ఐక్యపోరాటాలే శరణ్యమని తెలంగాణ స్టేట్‌ మైనార్టీ హక్కుల పోరాట సమితి రాష్ట్ర అధ్యక్షుడు మహ్మద్‌ అబ్దుల్‌ వాహబ్‌ అన్నారు. ఆదివారం హనుమకొండ ములుగు రోడ్డులోని ముస్లిం కమ్యూనిటీ సెంటర్‌లో హక్కుల పోరాట సమితి హనుమకొండ, వరంగల్‌ జిల్లాల అధ్యక్షులు మహ్మద్‌ మోహిబుద్దీన్‌, మహ్మద్‌ హామీద్‌ షరీఫ్‌ల అధ్యక్షతన ‘మైనార్టీల ప్రధాన సమస్యలు–పరిష్కార మార్గాలు’ అనే అంశంపై నిర్వహించిన రౌండ్‌ టేబుల్‌ సమావేశంలో ఆయన ముఖ్యఅతిథిగా పాల్గొని మాట్లాడారు. మైనార్టీల సంక్షేమానికి బడ్జెట్‌లో కేటాయిస్తున్న నిధులను కేవలం కాగితాలకే పరిమితం చేయకుండా పూర్తి స్థాయిలో విడుదల చేసి ఖర్చు చేయాలని డిమాండ్‌ చేశారు. అనంతరం ఉమ్మడి వరంగల్‌ జిల్లా మైనార్టీ జాయింట్‌ యాక్షన్‌ కమిటీ(జేఏసీ)ని ఏకగ్రీవంగా ఎన్నుకున్నారు. చైర్మన్‌గా మహ్మద్‌ అబ్దుల్‌ ఖలీఖ్‌ తన్వీర్‌, గ్రేటర్‌ వరంగల్‌ సిటీ అధ్యక్షుడిగా మహ్మద్‌ ఖాదర్‌వలీతో పాటు మరో 21మంది కోచైర్మన్లతో కమిటీని రాష్ట్ర అధ్యక్షుడు ప్రకటించారు. కాంగ్రెస్‌ పార్టీ వరంగల్‌ జిల్లా అధ్యక్షుడు మహ్మద్‌ అయూబ్‌, బీఆర్‌ఎస్‌ సీనియర్‌ నాయకులు సయ్యద్‌ మసూద్‌, డాక్టర్‌ రాజ్‌మహ్మద్‌, సిరాజ్‌ అహ్మద్‌, తాజుద్దీన్‌, నయీముద్దీన్‌, మహ్మద్‌ అలీ తదితరులు పాల్గొన్నారు. టీఎస్‌ఎంహెచ్‌పీఎస్‌ రాష్ట్ర అధ్యక్షుడు అబ్దుల్‌ వాహబ్‌ వరంగల్‌ ఉమ్మడి జిల్లా జేఏసీ ఎన్నిక

సభ్యుల సమష్టి కృషి, క్రమశిక్షణ, అంకితభావం, నమ్మకంతోనే ముల్కనూరు సొసైటీ ఇంతటి అభివృద్ధి సాధించింది. రైతుల సంక్షేమమే మా ప్రధాన లక్ష్యం. రైతుకు విత్తనం నుంచి పంట మార్కెటింగ్‌ వరకు అన్ని దశల్లో అండగా ఉండేలా సేవలను విస్తరిస్తున్నాం. భవిష్యత్‌లోనూ రైతు కుటుంబాల ఆర్థిక, సామాజిక అభివృద్ధికి మరిన్ని సంక్షేమ పథకాలు అమలు చేస్తాం అని తెలిపారు. వ్యవస్థాపక అధ్యక్షులు విశ్వనాథ రెడ్డి కలలుగన్న రైతే రాజు నానుడిని నిజం చేస్తున్నాం. – అలిగిరెడ్డి ప్రవీణ్‌రెడ్డి, సొసైటీ అధ్యక్షుడు

కేయూ క్యాంపస్‌ : కాకతీయ యూనివర్సిటీ పరిధిలో ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో ఈనెల 28,30 తేదీల్లో నిర్వహించాల్సిన దూరవిద్య (ఎస్‌డీఎల్‌సీ) పీజీ మూడో సెమిస్టర్‌ పరీక్షలు వాయిదా వేసినట్లు కేయూ పరీక్షల నియంత్రణాధికారి కె. రాజేందర్‌ ఆదివారం తెలిపారు. ‘సెట్‌’ నేపథ్యంలో ఆయా పరీక్షలను వాయిదావేశామని చెప్పారు. మిగతా అన్ని పరీక్షలు టైంటేబుల్‌ ప్రకారం యథావిఽధిగా కొనసాగుతాయని పేర్కొన్నారు. వాయిదాపడిన ఆయా పరీక్షలను ఎప్పుడు నిర్వహించేది తర్వాత ప్రకటిస్తామని తెలిపారు. సీఏఎస్‌ ఆర్‌ఎంఓ పోస్టులకు దరఖాస్తుల ఆహ్వానం కాశిబుగ్గ: వైద్య విద్యా సంచాలకులు (డైరెక్టర్‌ ఆఫ్‌ మెడికల్‌ ఎడ్యుకేషన్‌) హైదరాబాద్‌ నియంత్రణలో కాకతీయ మెడికల్‌ కాలేజీ(కేఎంసీ)లో నాలుగు సీఏఎస్‌ ఆర్‌ఎంఓ పోస్టులకు దరఖాస్తులు స్వీకరిస్తున్నట్లు ప్రిన్సిపాల్‌ మోహన్‌దాస్‌ ఆదివారం ఒక ప్రకటనలో తెలిపారు. పూర్తిగా తాత్కాలిక ప్రాతిపదికన కాంట్రాక్టు పద్ధతిలో మార్చి 31, 2027 వరకు లేదా అవసరం ముగిసేవరకు, లేదా రెగ్యులర్‌ పోస్టులు భర్తీ అయ్యే వరకు ఎంపికై న వైద్యులకు అవకాశం ఉంటుందని పేర్కొన్నారు. ఈ పోస్టులకు ఈనెల 29 నుంచి 31వ తేదీ వరకు దరఖాస్తులు స్వీకరిస్తామన్నారు. అక్టోబర్‌ 5న తాత్కాలిక జాబితా ప్రకటన, 6 నుంచి 7 వరకు అభ్యంతరాలు ప్రకటన, స్వీకరణ, అనంతరం ఎంపిక ప్రక్రియ వివరాలను వెబ్‌ సైట్‌లో ప్రకటిస్తామని ఆయన వివరించారు. పూర్తి వివరాలను www.kmcwgl.com. వెబ్‌సైట్‌లో తెలుసుకోవాలని సూచించారు. సంప్రదాయాలను విశ్వవ్యాప్తం చేయాలి● వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి హన్మకొండ కల్చరల్‌: మన పండుగలు, కళలు, నృత్యాలు, సంగీతాన్ని అంతర్జాతీయ వేదికలపై ప్రదర్శించాలని, సంస్కృతీసంప్రదాయాలను విశ్వవ్యాప్తం చేయాలని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి సూచించారు. ఈ మేరకు హనుమకొ ండలోని కాళోజీ కళాక్షేత్రంలో రాష్ట్ర భాషా సాంస్కృతికశాఖ సౌజన్యంతో శ్రీశాంతి కృష్ణ సేవా సమితి 41వ వార్షికోత్సవం ఆదివారం రాత్రి ఘనంగా ని ర్వహించారు. ఎమ్మెల్యే నాయిని రాజేందర్‌రెడ్డి ము ఖ్యఅతిథిగా హాజరై జ్యోతి ప్రజ్వలన చేసి కాకతీయ కళా వైభవాన్ని ప్రారంభించి మాట్లాడారు. కార్యక్రమంలో భాగంగా కళారంగంతో పాటు వివిధ రంగాల్లో విశిష్టసేవలు అందించిన 108 మంది సన్మానించి సేవా సమితి పురస్కారాలు అందజేశారు. అసెంబ్లీకి అణగారిన వర్గాల ప్రాతినిథ్యం : విశారదన్‌ కాజీపేట అర్బన్‌ : అణగారిన వర్గాల ప్రాతినిథ్యాన్ని అసెంబ్లీలోకి తీసుకెళ్లాలని బీసీ, ఎస్సీ, ఎస్టీ జేఏసీ రాష్ట్ర చైర్మన్‌ విశారదన్‌ మహరాజ్‌ సూచించారు. హంటర్‌రోడ్డులోని డీ కన్వెన్షన్‌ హాల్‌లో ఆదివారం ఉమ్మడి వరంగల్‌ జిల్లా బీసీ, ఎస్సీ, ఎస్టీ జేఏసీ ఆధ్వర్యంలో ‘ఎవరి కులం ఎంతో వారికంత వాటా’ అనే అంశంపై ఏర్పాటు బహిరంగ సభకు ఆయన ముఖ్య అతిథిగా హాజరై మాట్లాడారు. తెలంగాణలోని నాలుగు కోట్ల బీసీ, ఎస్సీ, ఎస్టీలకు, 40 లక్షలు ఉన్న అగ్రకులాల వారి మధ్య యుద్ధం జరగనుందని తెలిపారు. వరంగల్‌ ఎయిర్‌పోర్ట్‌కు సర్దార్‌ సర్వాయి పాపన్నగౌడ్‌ పేరు పెట్టాలని, రానున్న ఖైరతాబాద్‌ ఉప ఎన్నికలో బీసీ, ఎస్సీ, ఎస్టీ జేఏసీ విజయం సాధించనుందని పేర్కొన్నారు. జేఏసీ నాయకులు మాజీ ఎమ్మెల్యే బండి పుల్లయ్య, కుమారస్వామి, చందా మల్లయ్య, రాఘవేంద్ర , సుమన్‌, కూరపాటి రమేశ్‌ పాల్గొన్నారు.

కాశిబుగ్గ: హైదరాబాద్‌లోని రవీంద్రభారతిలో ఆదివారం నిర్వహించిన ఆచార్య కొండా లక్ష్మణ్‌ బాపూజీ జయంతి వేడుకల్లో వరంగల్‌ కొత్తవాడలో తయారు చేసిన దర్రీస్‌లను రాష్ట్ర మంత్రులకు బహూకరించారు. జయంతి వేడుకలకు ఉమ్మడి వరంగల్‌ జిల్లా పరిధిలోని చేనేత సహకార సంఘాలు అధ్యక్షులు, కార్యవర్గ సభ్యులు, చేనేత కార్మికులు, పద్మశాలి సంఘాల నుంచి వంద మందికి పైగా తరలివెళ్లారు. ఈసందర్భంగా బీసీ సంక్షేమశాఖ మంత్రి పొన్నం ప్రభాకర్‌, కార్మిక శాఖమంత్రి గడ్డం వివేక్‌కు చేనేత దర్రీస్‌లను అందజేశారు. చేనేత సంఘం ప్రతినిధులు చిప్ప వెంకటేశ్వర్లు, యెలుగం సాంబయ్య ఆధ్వర్యంలో ఉమ్మడి జిల్లా నుంచి అడిగొప్పుల సంపత్‌, దువ్వల రాజేందర్‌, యెలుగం రావిరాజ్‌, యెలుగం వెంకటమల్లు, చిన్న వీరస్వామి, వలుస లక్ష్మీనారాయణ, కూరపాటి సంపత్‌, బూర వేణుమాధవ్‌, ఓం ప్రకాశ్‌, మాటేటి రాములు, శ్రీనివాస్‌ పాల్గొన్నారు.

జనగామ: గత ప్రభుత్వ హయాంలో వివిధ కారణాలతో మధ్యలోనే నిర్మాణాలు నిలిచిన ఇళ్లను గుర్తించి వాటిని పూర్తి చేసి పేద కుటుంబాలకు అందుబాటులోకి తీసుకురావాల్సిన బాధ్యత ప్రభుత్వంపై ఉందని రాష్ట్ర రెవెన్యూ, గృహ నిర్మాణ, పౌర సంబంధాల శాఖల మంత్రి పొంగులేటి శ్రీనివాస్‌రెడ్డి తెలిపారు. శనివారం జనగామ జిల్లా కేంద్రంలోని ప్రెస్టన్‌ కళాశాల గ్రౌండ్‌లో ఇందిరమ్మ ఇళ్ల మంజూరు పత్రాల పంపిణీ కార్యక్రమ సభలో మంత్రి ముఖ్యఅతిథిగా పాల్గొన్నారు. భువనగిరి ఎంపీ చామల కిరణ్‌ కుమార్‌రెడ్డి, జనగామ ఎమ్మెల్యే పల్లా రాజేశ్వర్‌రెడ్డి, మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కలెక్టర్‌ సందీప్‌ కుమార్‌ ఝాతో కలిసి మంత్రి మాట్లాడారు.. ఒక్క జనగామ నియోజకవర్గంలోనే కాకుండా రాష్ట్ర వ్యాప్తంగా గతంలో నిర్మాణాలు పూర్తికాక ఖాళీగా ఉన్న ఇళ్లను గుర్తిస్తున్నామని చెప్పారు. జనగామకు సంబంధించి అసంపూర్తిగా ఉన్న ఇళ్లను పూర్తి చేసేందుకు రూ.2 కోట్లు మంజూరు చేస్తున్నట్లు వెల్లడించారు. జనగామ జిల్లాలో సుమారు 500 కుటుంబాలు పూరి గుడిసెల్లో నివసిస్తున్నాయని, వచ్చే దసరా నాటికి ఇందులో అర్హులైన కుటుంబాలకు రూ.5 లక్షలతో ఇందిరమ్మ ఇళ్లు నిర్మించుకునేలా మంజూరు చేస్తామని ప్రకటించారు. ఆర్థిక పరిస్థితుల కారణంగా మొండి గోడల వద్ద, స్లాబ్‌ స్థాయిలో నిర్మాణాలు నిలిచిపోయిన ఇళ్లను కూడా పరిశీలించి రూ.2లక్షల నుంచి రూ.3 లక్షల వరకు సాయం అందిస్తామని మంత్రి పొంగులేటి తెలిపారు. జనగామ మున్సిపాలిటీ పరిధిలో మౌలిక వసతుల కల్పనకు దసరా నాటికి రూ.25 కోట్లతో అభివృద్ధి పనులు చేపట్టేందుకు నిధులను వెంటనే మంజూరు చేస్తామని మంత్రి హామీ ఇచ్చారు. అనంతరం 500 మంది అర్హులైన లబ్ధిదారులకు ఇందిరమ్మ ఇళ్ల మంజూరు పత్రాలను మంత్రి చేతుల మీదుగా అందించారు. కార్యక్రమ ంలో డీసీపీ రాజ మహేంద్రనాయక్‌, రెవెన్యూ అదనపు కలెక్టర్‌ బెన్‌షాలోమ్‌, మున్సిపల్‌ కమిషనర్‌ రాజశేఖర్‌రెడ్డి, ఏఎంసీ చైర్మన్‌ బనుక శివరాజ్‌ యాదవ్‌, డీసీసీ అధ్యక్షురాలు ధన్వంతి నాయక్‌, వైటీడీఏ సభ్యులు డాక్టర్‌ లక్ష్మీనారాయణ నాయక్‌ తదితరులు పాల్గొన్నారు. పూరిగుడిసెల కుటుంబాలకు రూ.5 లక్షలతో ఇందిరమ్మ ఇళ్లు జనగామ సభలో మంత్రి పొంగులేటి శ్రీనివాస్‌రెడ్డి

● చైర్మన్‌గా మూడోసారి విజయచందర్‌రెడ్డి హన్మకొండ అర్బన్‌: ఇండియన్‌ రెడ్‌ క్రాస్‌ సొసైటీ హనుమకొండ జిల్లా పాలకమండలి ఏకగ్రీవంగా ఎన్నికై ంది. శనివారం నామినేషన్ల ఉపసంహరణ ప్రక్రియ పూర్తికావడంతో 19 మంది అభ్యర్థుల్లో నలుగురు నామినేషన్లు ఉపసంహరించుకోగా, మిగిలిన 15 మంది మేనేజింగ్‌ కమిటీ సభ్యులు ఏకగ్రీవంగా ఎన్నికయ్యారు. అనంతరం డాక్టర్‌ పెసరు విజయచందర్‌రెడ్డి చైర్మన్‌గా మూడోసారి ఎన్నికయ్యారు. రెడ్‌ క్రాస్‌ భవన్‌లో నిర్వహించిన ఈకార్యక్రమంలో ఎన్నికల పరిశీలకుడు, అదనపు కలెక్టర్‌ బి.శేషాద్రి, ఎన్నికల అధికారి బి.నవీన్‌కుమార్‌ నూతన కమిటీని ప్రకటించి ప్రమాణ స్వీకార కార్యక్రమం నిర్వహించారు. వైస్‌ చైర్మన్‌గా పెద్ది వెంకట్‌ నారాయణ్‌రెడ్డి, రాష్ట్ర పాలక మండలి సభ్యుడిగా ఈవీ.శ్రీనివాస్‌రావు, కోశాధికారిగా బొమ్మినేని పాపిరెడ్డి ఎన్నికయ్యారు. కమిటీ సభ్యులుగా గొట్టిముక్కల శ్రీలక్ష్మీ, ఈవీ.శ్రీనివాస్‌రావు, పెద్ది వెంకట్‌ నారాయణగౌడ్‌, డాక్టర్‌ యస్‌.జ్యోతి, డాక్టర్‌ నల్ల సురేందర్‌రెడ్డి, హరిప్రసాద్‌, పాపిరెడ్డి, రాకేశ్‌, డాక్టర్‌ పెసరు విజయచందర్‌రెడ్డి, డాక్టర్‌ కె.సుధాకర్‌రెడ్డి, మాటేటి నీరజ, బిళ్ల రమణారెడ్డి, డాక్టర్‌ సీహెచ్‌.సంధ్యారాణి, పుల్లూరి వేణుగోపాల్‌, పొన్నాల సంయుక్త ఎన్నికయ్యారు. అనంతరం కమిటీ ప్రతినిధులు కలెక్టర్‌ను మర్యాద పూర్వకరంగా కలిశారు. వరంగల్‌లో.. న్యూశాయంపేట: ఇండియన్‌ రెడ్‌ క్రాస్‌ సొసైటీ వరంగల్‌ జిల్లా పాలకవర్గం ఏకగ్రీవమైనట్లు ఎన్నికల అధికారి, జెడ్పీ సీఈఓ వసంత తెలిపారు. మొత్తం 25 మంది నామినేషన్లు వేయగా శనివారం జెడ్పీ హాల్‌లో స్క్రూట్నీ నిర్వహించారు. అర్హత పొందిన 25 మంది సభ్యుల్లో పది మంది నామినేషన్లు విత్‌డ్రా చేసుకున్నట్లు తెలిపారు. దీంతో సొసైటీ సభ్యుల ఎన్నికల ప్రక్రియ నిబంధనల మేరకు 15 మంది సభ్యులు పోటీలో ఉన్నారన్నారు. ఈ నెల 28న చైర్మన్‌, వైస్‌ చైర్మన్‌, సెక్రటరీ, ట్రెజరర్‌, మేనేజింగ్‌ కమిటీ సభ్యుల ఎన్నిక జరుగుతుందని ఎన్నికల అధికారి తెలిపారు.

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ‘సాక్షి’ ప్రత్యేక కథనాలు. చదువుకోలేదన్న వెలితిని.. పిల్లల చదువుతో తుడిచేసుకున్న తల్లిదండ్రులు వారి ఆశలను వమ్ము చేయకుండా నెరవేర్చిన కూతుళ్లు ఉమ్మడి వరంగల్‌ జిల్లాలో ఉన్నతస్థానాలకు ఎదిగిన పలువురునా పేరు కందగట్ల గణేశ్‌ వృత్తి రీత్యా నేను హనుమకొండలో ప్రభుత్వ ఉపాధ్యాయుడిని. భగవంతుడు మాకు ప్రసాదించిన అమూల్యమైన వరాలు మా ఇద్దరు కుమార్తెలు. విద్య వినయ శాంతి ప్రజ్ఞ శ్రీ, వాణి వికాస సాయి శ్రీ రేష్మిత. ఇద్దరూ తమ ప్రతిభ, కృషితో హైదరాబాద్‌లోని ప్రముఖ కంపెనీల్లో సాఫ్ట్‌వేర్‌ ఇంజనీర్లుగా పనిచేస్తున్నారు. 2026 మార్చి 4న మా వివాహ రజతోత్సవం సందర్భంగా.. హైదరాబాద్‌లో మాకు ఫ్లాట్‌ బహుమతిగా అందించారు.నేడు కూతుళ్ల దినోత్సవం

తండ్రి స్ఫూర్తితో కూతురువరంగల్‌ స్పోర్ట్స్‌: ఆడపిల్ల పుట్టిందంటే పెళ్లి నాటికి బంగారం, డబ్బులు, ప్లాట్లు సంపాదిస్తే చాలు.. కూతురుకు బంగారు భవిష్యత్‌ అందించొచ్చు. ఇది సగటు సాధారణ తండ్రి ఆలోచన. అందుకు భిన్నంగా ఓ తండ్రి తన కూతురును అంతర్జాతీయ వేదికపై తల ఎత్తి చూడాలని తలచారు. తన లక్ష్యం కోసం కూతురును క్రీడా దిగ్గజంగా మలిచేందుకు పరితపించారు. చూస్తుండగానే తన లక్ష్యానికి కూతురు చేరువయ్యింది. వచ్చే నెల 12 నుంచి 18వ తేదీ వరకు చైనాలో జరగనున్న ఐదో ఏషియా కప్‌ టోర్నమెంట్‌లో అండర్‌–15 బాలికల విభాగంలో భారత జట్టు నుంచి పాల్గొననుంది. హనుమకొండలోని కేఎల్‌ఎన్‌రెడ్డికాలనీ సమీపంలో శాంతినగర్‌కు చెందిన వేల్పుల అనిల్‌ సుబేదారి పోలీస్‌ స్టేషన్‌లో కానిస్టేబుల్‌గా విధులు నిర్వహిస్తున్నారు. అనిల్‌, సుజాత దంపతులకు కూతురు సాయివర్షిణి, కుమారుడు సాయివర్షిత్‌ ఉన్నారు. కూతురు సాయివర్షిణి ఎదిగిన తీరును ‘డాటర్స్‌ డే’ సందర్భంగా తండ్రి అనిల్‌ ‘సాక్షి’తో పంచుకున్నారు. ఆ వివరాలు ఆయన మాటల్లోనే.. ప్రశ్న: సాయివర్షిణికి సాఫ్ట్‌బాల్‌పై ఆసక్తిని ఎప్పుడు గుర్తించారు సాయివర్షిణి పుట్టగానే క్రీడాకారిణిగా తయారు చేయాలని నిశ్చయించుకున్నా. నాలుగో తరగతి చదువుతుండగా ప్రతీ రోజు మైదానానికి తీసుకెళ్లేవాడిని. స్టేడియంలో క్రీడాకారులను చూపుతూ క్రీడలపై ఆసక్తి పెరిగేలా బోధించేవాడిని. కొద్ది రోజులు గమనించాక సాఫ్ట్‌బాల్‌ వైపు సాయివర్షిణి ఆసక్తి చూపెట్టింది. ప్రశ్న: ఎక్కడ శిక్షణ ఇప్పించారు ప్రతీ రోజు జవహర్‌లాల్‌ నెహ్రూ స్టేడియం తీసుకెళ్తున్న క్రమంలో సాఫ్ట్‌బాల్‌ క్రీడ పట్ల ఆసక్తి కనబరిచింది. అక్కడే శిక్షణ ఇస్తున్న కోచ్‌ వినయ్‌ వద్ద జాయిన్‌ చేశా. నాలుగు సంవత్సరాలుగా వినయ్‌ వద్ద శిక్షణ పొందుతోంది. ప్రతీ రోజు రెండు గంటలకు పైగా సాధన చేస్తుంది. ప్రస్తుతం పిచ్చర్‌గా భారత జట్టులో స్థానం దక్కించుకుంది. ప్రశ్న: సాయివర్షిణి చదువు, ఆటపై ఎలా దృష్టి పెడుతున్నారు సాయివర్షిణి చిన్నప్పటి నుంచే ఏదైనా సరే ఒకసారి చెబితే చాలు ఇట్టే పట్టేస్తుంది. ప్రస్తుతం హంటర్‌రోడ్‌లోని గ్రీన్‌వుడ్‌ హైస్కూల్‌లో 8వ తరగతి చదువుతోంది. ఏ రోజు కూడా చదువులో వెనుకంజ వేయలేదు. సాయంత్రం స్టేడియానికి వెళ్లి రాగానే పుస్తకాలు పడుతుంది. ఏ రోజు కూడా అలసిపోయా.. చదువుకోలేను అని చెప్పలేదు. ప్రశ్న: తల్లిదండ్రులుగా కూతురు ఈ స్థాయికి ఎంపిక కావడం ఎలా ఫీలవుతున్నారు నా కూతురుని అంతర్జాతీయ స్థాయిలో ప్రపంచమంతా తల ఎత్తుకుని చూడాలన్న మా ఆశయం, ఆలోచనలను ఒంటబట్టించుకుని భారత జట్టుకు ఎంపిక కావడం మాటల్లో చెప్పలేని సంతృప్తిగా ఉంది. ఈ విషయాన్ని ఎంతో గర్వంగా చెప్పుకుంటున్నా. భవిష్యత్‌లో మరింత స్థాయికి ఎదుగుతుందని ధీమా కలుగుతోంది.దగ్గరుండి సాఫ్ట్‌బాల్‌ క్రీడలో శిక్షణ నా కూతురు సాయివర్షిణి సాఫ్ట్‌బాల్‌ భారత జట్టుకు ఎంపిక సంతృప్తినిచ్చింది.. తండ్రి కానిస్టేబుల్‌ వేల్పుల అనిల్‌

● దగ్గరుండి సాఫ్ట్‌బాల్‌ క్రీడలో శిక్షణ ● నా కూతురు సాఫ్ట్‌బాల్‌ భారత జట్టుకు ఎంపిక సంతృప్తినిచ్చింది.. ● సాయివర్షిణి తండ్రి వేల్పుల అనిల్‌హనుమకొండలోని కేఎల్‌ఎన్‌రెడ్డికాలనీ సమీపంలో శాంతినగర్‌కు చెందిన వేల్పుల అనిల్‌ సుబేదారి పోలీస్‌ స్టేషన్‌లో కానిస్టేబుల్‌గా విధులు నిర్వహిస్తున్నాడు. రోజూ వాకింగ్‌కు వెళ్లే అలవాటు ఉన్న అతను వెంట తన కూతురును కూడా మైదానానికి తీసుకెళ్లేవాడు. వివిధ క్రీడల్లో సాధన చేస్తున్న పిల్లలను చూసి కూతురు సాయివర్షిణికి ఆటలపై ఆసక్తిగా కలిగింది. సాఫ్ట్‌బాల్‌ క్రీడలో శిక్షణ ఇప్పించగా సాయివర్షిణి తన తండ్రి నమ్మకాన్ని నిలబెట్టి నేడు భారతజట్టుకు ఎంపికై ంది. ఈ నేపథ్యంలో తన కూతురు సాధించిన విజయాలను తండ్రి అనిల్‌ నేడు కూతుళ్ల దినోత్సవం సందర్భంగా ‘సాక్షి’కి వివరించారు. – వరంగల్‌ స్పోర్ట్స్‌

● వరంగల్‌ కలెక్టర్‌ డాక్టర్‌ సత్యశారద మామునూరు : నిర్ణీత ప్రణాళిక ప్రకారం విమానాశ్రయం నిర్మాణ పనుల్లో మరింత వేగం పెంచాలని వరంగల్‌ కలెక్టర్‌ డాక్టర్‌ సత్యశారద సూచించారు. ఈ మేరకు శనివారం వరంగల్‌ మామునూరు విమానాశ్రయాన్ని అదనపు కలెక్టర్‌ ఎల్‌. కిశోర్‌కుమార్‌, ఆర్డీఓ సుమ, ఎయిర్‌పోర్ట్‌ అథారిటీ అధికారి నటరాజ్‌, ఈఈ రాజేందర్‌, ఇతరశాఖల అధికారులతో కలిసి సందర్శిచారు. పాత రన్‌వే, పరిసరాలు, భూసేకరణ ప్రాంతాన్ని క్షేత్రస్థాయిలో పరిశీలించారు. అనంతరం ఎయిర్‌ పోర్ట్‌ నిర్మాణానికి సంబంధించి చేపట్టాల్సిన పనులు, ఆయా శాఖల పరిధిలోని అంశాలపై ఆయా ఆధికారులతో సమీక్షించారు. ఈ సందర్భంగా కలెక్టర్‌ మాట్లాడుతూ వివిధ శాఖలు సమన్వయంతో పనిచేస్తూ నిర్ణీత ప్రణాళిక ప్రకారం పనులు పూర్తి చేసేలా చర్యలు తీసుకోవాలని ఆదేశించారు. తహసీల్దార్‌ ఇక్బాల్‌, ఆర్‌అండ్‌బీ ఈఈ రా జేందర్‌, ఇరిగేషన్‌ డీఈ సురేశ్‌బాబు, డీఈ మధుసూదన్‌, నేషనల్‌ హైవే డీఈ అమీర్‌పాషా పాల్గొన్నారు.

వరంగల్‌ అర్బన్‌: నగరంలో కొనసాగుతున్న అభివృద్ధి పనులు గడువులోగా నాణ్యతా ప్రమాణాలతో పూర్తి చేయాలని మున్సిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ ఇంజనీరింగ్‌ ఇన్‌ చీఫ్‌ సాయపురెడ్డి అధికారులను ఆదేశించారు. శనివారం నగర పర్యటనలో భాగంగా జీడబ్ల్యూఎంసీ, కుడా ఆధ్వర్యంలో కొనసాగుతున్న, ప్రతిపాదిత వివిధ అభివృద్ధి పనులను క్షేత్రస్థాయిలో పరిశీలించారు. హనుమకొండ పరిధి కాజీపేట కూడలిలో ప్రతిపాదించిన జంక్షన్‌ అభివృద్ది ప్రాంతం, చిన్న వడ్డేపల్లి చెరువు వద్ద కొనసాగుతున్న పునరుద్ధరణ, అభివృద్ధి పనులతో పాటు జీడబ్ల్యూఎంసీ ప్రధాన కార్యాలయంలో నిర్మాణంలో ఉన్న అడ్మినిస్ట్రేటివ్‌ బిల్డింగ్‌ పనుల పురోగతి, వరంగల్‌ బస్టాండ్‌ నిర్మాణ పనులు, స్తంభంపల్లిలో కొనసాగుతున్న ఇన్నర్‌ రింగ్‌ రోడ్డు, ఉర్సు గుట్ట చెరువు పరిసరాల్లో అభివృద్ధి, ఎస్‌టీపీ పనులు పరిశీలించారు. అభివృద్ధి పనులపై సమీక్ష క్షేత్రస్థాయి పర్యటన అనంతరం కమిషనర్‌ క్యాంపు కార్యాలయంలో కమిషనర్‌ వెంకన్నతో కలిసి ఇంజనీరింగ్‌ ఇన్‌ చీఫ్‌ సాయపురెడ్డి నగరంలో కొనసాగుతున్న వివిధ అభివృద్ధి పనుల పురోగతిని అధికారులతో సమీక్షించారు. కార్యక్రమంలో సూపరింటెండెంట్‌ ఇంజనీర్‌ రాజ్‌కుమార్‌, కుడా సీఈఓ అజిత్‌రెడ్డి, ఈఈలు రవికుమార్‌, సంజయ్‌కుమార్‌, పబ్లిక్‌ హెల్త్‌ ఈఈ సుచరణ డీఈలు, ఏఈలు, సంబంధిత ఇంజనీరింగ్‌ అధికారులు పాల్గొన్నారు. యూజీడీపై సీడీఎంఏ సమీక్షవరంగల్‌ నగర సమగ్ర అభివృద్ధిలో అత్యంత కీలకమైన అండర్‌ గ్రౌండ్‌ డ్రెయినేజీ ప్రాజెక్టుకు సంబంధించిన టెండర్‌ ప్రక్రియను త్వరగా చేపట్టి, కార్యాచరణను వేగవంతం చేయాలని మున్సిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ సెక్రటరీ, సీడీఎంఏ డాక్టర్‌ టి.కె శ్రీదేవి అధికారులను ఆదేశించారు. శనివారం హైదరాబాద్‌ నుంచి వీడియో కాన్ఫరెన్స్‌లో వరంగల్‌ నగర యూజీడీ ప్రాజెక్టుపై సమీక్ష నిర్వహించారు. కమిషనర్‌ క్యాంపు కార్యాలయం నుంచి కమిసనర్‌ టి.వెంకన్న, ఇంజనీరింగ్‌ ఇన్‌ చీఫ్‌ సాయపురెడ్డి, అధికారులు పాల్గొన్నారు. పచ్చదనం మరింత విస్తరించాలి..పార్కులు, సెంట్రల్‌ మీడియన్లలో పచ్చదనం మరింత విస్తరించాలని నగరపాలక సంస్థ కమిషనర్‌ టి.వెంకన్న అధికారులను ఆదేశించారు. గ్రేటర్‌ వరంగల్‌లో హార్టికల్చర్‌ ఆధ్వర్యంలో కొనసాగుతున్న పార్కులు, సెంట్రల్‌ మీడియన్లు, గ్రీనరీ అభివృద్ధి పనులను శనివారం కమిషనర్‌ సంబంధిత అధికారులతో కలిసి క్షేత్రస్థాయిలో పరిశీలించారు. ఈసందర్భంగా ఆయన కాజీపేట–సోమిడి సెంట్రల్‌ మీడియన్‌, ఎకై ్సజ్‌ కాలనీలోని కనకదుర్గ పార్క్‌, పబ్లిక్‌ గార్డెన్‌లో పచ్చదనం, సుందరీకరణ, మొక్కల సంరక్షణ, నిర్వహణ తీరును పరిశీలించారు. వరంగల్‌లో కోట చెరువు, బండ్‌ వద్ద చేపట్టిన ప్లాంటేషన్‌ పనులు, లేబర్‌కాలనీలోని టీఆర్టీ పార్క్‌లో నూతనంగా చేపట్టిన గ్రీనరీ సుందరీకరణ పనులను పరిశీలించారు. కమిషనర్‌తో పాటు చీఫ్‌ హార్టికల్చర్‌ ఆఫీసర్లు లక్ష్మారెడ్డి, ప్రశాంత్‌కుమార్‌, సిబ్బంది పాల్గొన్నారు.ఎంఎఅండ్‌ యూడీ ఇంజనీరింగ్‌ ఇన్‌ చీఫ్‌ సాయపురెడ్డి

● ఉధృతం కానున్న ప్రచారం హన్మకొండ: టీజీఎస్‌ ఆర్టీసీ యూనియన్‌ ఎన్నికలకు కార్మిక శాఖ శనివారం గుర్తులు కేటాయించింది. దీంతో ఎన్నికల నిర్వహణపై పూర్తి స్పష్టత వచ్చింది. ఇప్పటికే మొదలు పెట్టిన ప్రచారం గుర్తుల కేటాయింపుతో ఉధృతం కానుంది. గతంలో తెలంగాణ మజ్దూర్‌ యూనియన్‌కు కేటాయించిన విల్లు, బాణం గుర్తును తెలంగాణ ఆర్టీసీ వర్కర్స్‌ యూనియన్‌కు కేటాయించారు. ఆర్టీసీ సామాజిక తెలంగాణ మజ్దూర్‌ యూనియన్‌కు బతుకమ్మ, ఆర్టీసీ తెలంగాణ మజ్దూర్‌ యూనియన్‌కు నిచ్చెన, టీఎస్‌ ఆర్టీసీ బహుజన వర్కర్స్‌ యూనియన్‌కు కత్తెర, టీఎస్‌ ఆర్టీసీ ఎంప్లాయీస్‌ యూనియన్‌ బస్‌, టీఎస్‌ ఆర్టీసీ కార్మిక పరిషత్‌కు బస్‌ టైర్‌, టీఎస్‌ ఆర్టీసీ కార్మిక సంఘ్‌కు టైగర్‌, టీఆర్టీసీ బహుజన కార్మిక యూనియన్‌కు ధర్మచక్ర, స్టాఫ్‌ అండ్‌ వర్కర్స్‌ ఫెడరేషన్‌కు నక్షత్రం, నేషనల్‌ మజ్దూర్‌ యూనియన్‌కు కాగడ, స్టాఫ్‌ అండ్‌ వర్కర్స్‌ యూనియన్‌కు తరాజు, తెలంగాణ జాతీయ మజ్దూర్‌ యూనియన్‌కు గధ గుర్తును కార్మిక శాఖ కేటాయించింది. తెలంగాణ ఆర్టీసీ వర్కర్స్‌ యూనియన్‌ సంబరాలు.. తెలంగాణ ఆర్టీసీ వర్కర్స్‌ యూనియన్‌ (అశ్వత్థామ రెడ్డి వర్గం)కు విల్లు, బాణం గుర్తు కేటాయించడంతో ఆ యూ నియన్‌ సంబరాలు చేసుకుంది. గతంలో టీఎంయూగా కొనసాగిన అశ్వత్థామ రెడ్డి వర్గం గుర్తింపు ఎన్నికలో తెలంగాణ ఆ ర్టీసీ వర్కర్స్‌ యూనియన్‌గా పోటీ చేస్తుంది. అయితే గతంలో టీఎంయూ గుర్తుగా కార్మికుల్లోకి విస్తృతంగా ప్రచారంలో ఉన్న విల్లు, బాణం గుర్తు తెలంగాణ ఆర్టీసీ వర్కర్స్‌ యూనియన్‌కు కేటాయించడంతో శనివారం రాత్రి హనుమకొండలోని వరంగల్‌–1, వరంగల్‌–2, హనుమకొండ డిపోల వద్ద బాణసంచా కాల్చి సంబరాలు జరుపుకున్నారు. నాయకులు జితేందర్‌ రెడ్డి, ఎస్‌.కె.వై.పాషా, రాతిపల్లి సాంబయ్య, జి.సత్తయ్య, రమేశ్‌, తదితరులు పాల్గొన్నారు.

హన్మకొండ: వేసవిలో డిమాండ్‌కు అనుగుణంగా నిరంతరాయంగా నాణ్యమైన విద్యుత్‌ సరఫరా చేసేందుకు అన్ని సర్కిళ్లలో ముందస్తు చర్యలు చేపట్టాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్ణాటి వరుణ్‌రెడ్డి ఆదేశించారు. శనివారం హనుమకొండ నక్కలగుట్టలోని ఎన్పీడీసీఎల్‌ ప్రధా న కార్యాలయం నుంచి 18 సర్కిళ్ల ఎస్‌ఈలు, డీఈ లు, ఏడీఈలు, ఎస్‌ఏఓలతో వీడియో కాన్ఫరెన్స్‌ నిర్వహించారు. రానున్న వేసవిని దృష్టిలో ఉంచుకుని రూపొందించాల్సిన కార్యాచరణపై సమీక్షించారు. సీఎండీ మాట్లాడుతూ 33 కేవీ, 11 కేవీ ఓవర్‌లోడ్‌ ఫీడర్లను ముందుగానే గుర్తించి అవసరమైన చోట కండక్టర్‌ అప్‌గ్రేడేషన్‌ చేపట్టాలని, కొత్త సబ్‌స్టేషన్ల నిర్మాణం, అదనపు డీటీఆర్‌ల ఏర్పాటు, ట్రాన్స్‌ఫార్మర్ల సామర్థ్య పెంపు పనుల్లో వేగం పెంచాలన్నారు. డీటీఆర్‌లపై లోడ్‌ను నిరంతరం పర్యవేక్షించాలని, 60 శాతానికి పైగా లోడ్‌ ఉన్న డీటీఆర్‌లను ముందుగానే గుర్తించి అవసరమైన చోట సామర్థ్యాన్ని పెంచాలన్నారు. టాంగ్‌ టెస్టర్‌ రీడింగ్‌లను తీసుకుని లోడ్‌ బ్యాలెన్సింగ్‌ చర్యలు చేపట్టాలని సూచించారు. డైరెక్టర్లు వి.మోహన్‌రావు, వి.తిరుపతిరెడ్డి, సి.ప్రభాకర్‌, సీఈలు పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌రెడ్డి

ఖిలా వరంగల్‌ : వాకింగ్‌ వెళ్లిన ఓ వ్యక్తి విగత జీవిగా మారాడు. మద్యం మత్తు, స్నేక్‌ డ్రైవ్‌తో అతివేగంగా దూసుకొచ్చిన ద్విచక్రవాహనం(బైక్‌) అతడిని బలితీసుకుంది. ఈ ఘటన వరంగల్‌ 39వ డివిజన్‌ జన్మభూమి జంక్షన్‌ నుంచి కాశికుంటకు వెళ్లే రహదారిపై చోటు చేసుకుంది. మృతుడి కుటుంబ సభ్యులు, పోలీసుల కథనం ప్రకారం.. వరంగల్‌ 39వ డివిజన్‌ ఏకశిల నగర్‌కు చెందిన బత్తుల కిషన్‌(60) రియల్‌ స్టేట్‌ వ్యాపారం చేస్తూ కుటుంబాన్ని పోషించుకుంటున్నాడు. ఈ క్రమంలో రోజువారీగానే శనివారం ఉదయం 6గంటల సమయంలో జన్మభూమి జంక్షన్‌ రోడ్డులో వాకింగ్‌ చేస్తున్నాడు. ఈ సమయంలో కరీమాబాద్‌కు చెందిన శ్యామ్‌ మణిభూషణ్‌ కాశికుంట వెళ్లే రహదారిపై పల్సర్‌ బైక్‌పై మద్యం మత్తు,స్నేక్‌ డ్రైవ్‌తో వెనుక నుంచి కిషన్‌ను ఢీకొన్నాడు. దీంతో కిషన్‌ అక్కడికక్కడే దుర్మరణం చెందగా.. శ్యామ్‌ మణిభూషణ్‌ రోడ్డుపై పడిపోవడంతో అతనికి తీవ్రగాయాలయ్యాయి. స్థానికులు క్షతగాత్రుడిని వెంటనే 108లో నగరంలోని ఓ ప్రైవేట్‌ ఆస్పత్రికి తరలించారు. ఈ విషయం తెలిసిన వెంటనే మిల్స్‌కాలనీ ఎస్సై శ్రవణ్‌ ఘటనాస్థలికి చేరుకుని వివరాలు సేకరించి మృతదేహాన్ని పోస్టుమార్టం నిమిత్తం ఎంజీఎం మార్చురీకి తరలించారు. మృతుడికి భార్య సుగుణ, కుమారుడు శ్రీధర్‌, కుమార్తెలు మాధవి, మమత ఉన్నారు. కుమారుడు శ్రీధర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ కర్రె స్వామి తెలిపారు. కాగా, రక్తపు మడుగులో ఉన్న కిషన్‌ మృతదేహం మీద పడి కుటుంబీకులు బోరున విలపించారు. ఇక తమకు దిక్కెవరంటూ గుండెలవిసేలా రోదించారు. బైక్‌ ఢీకొనడంతో వ్యక్తి దుర్మరణం వరంగల్‌ జన్మభూమి రోడ్డులో ఘటన

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: గ్రామాల సమగ్రాభివద్ధికి అవసరమైన పనులను గుర్తించి ప్రత్యేక ప్రణాళికలు రూపొందించాలని హనుమకొండ కలెక్టర్‌ చాహత్‌ బాజ్‌పాయ్‌ సర్పంచ్‌, అధికారులను ఆదేశించారు. శనివారం కలెక్టరేట్‌లో వికసిత్‌ భారత్‌ గ్యారెంటీ ఫర్‌ రోజ్‌గార్‌ అండ్‌ అజీవికా మిషన్‌ గ్రామీణ్‌, వికసిత్‌ గ్రామపంచాయతీ ప్రణాళికపై సర్పంచ్‌లు, గ్రామ, మండల, జిల్లా స్థాయి అధికారులకు జిల్లా గ్రామీణ అభివృద్ధి సంస్థ ఆధ్వర్యంలో శిక్షణ కార్యక్రమం నిర్వహించారు. అనంతరం కలెక్టరేట్‌ ప్రాంగణంలో రూపొందించిన ఆత్మకూరు గ్రామ నమూనా చిత్రపటాన్ని కలెక్టర్‌ పరిశీలించారు. గౌరవెల్లి ప్రాజెక్టు భూ సేకరణపై సమీక్ష గౌరవెల్లి ప్రాజెక్టు భూ సేకరణపై కలెక్టరేట్‌లో సంబంధిత అధికారులతో కలెక్టర్‌ సమీక్షించారు. ఈ ప్రాజెక్టులోని మేజర్‌ 2ఎల్‌ కెనాల్‌ భూ సేకరణలో భాగంగా భీమదేవరపల్లి మండలం వంగర గ్రామంలోని తెలంగాణ ప్రభుత్వ పారిశ్రామిక మౌలిక సదుపాయాల సంస్థకు చెందిన భూమిని ప్రాజెక్టు కోసం సేకరించే ప్రక్రియను వేగవంతం చేయాలన్నారు. ఖనిజాల సర్వే నివేదికలను నవీకరించాలి జిల్లాలోని ఖనిజ సర్వే నివేదికలను నవీకరించి, తప్పులు ఉంటే సరిచేయాలని ఆర్డీఓ ఎన్‌. వెంకటేష్‌ ఆధ్వర్యంలోని ఉప కమిటీ నిర్ణయించింది. హనుమకొండ ఆర్డీఓ కార్యాలయంలో శనివారం ఉప కమిటీ సమావేశం నిర్వహించారు. భారత ప్రభుత్వ పర్యావరణ, అటవీ, వాతావరణ మార్పుల మంత్రిత్వ శాఖ మార్గదర్శకాలు, సుప్రీంకోర్టు ఆదేశాలు, పర్యావరణ ప్రభావ అంచనా నిబంధనల ప్రకారం పర్యావరణ అనుమతుల కోసం జిల్లా సర్వే నివేదికలో గనులు, క్వారీల వివరాలను చేర్చడం తప్పనిసరని సమావేశంలో చర్చించారు. ఆయా సమావేశాల్లో స్థానిక సంస్థల అదనపు కలెక్టర్‌ బి.శేషాద్రి, ట్రైనీ స్పెషల్‌ డిప్యూటీ కలెక్టర్‌ రోహిత్‌ నేత, వివిధ శాఖల అదికారులు లక్ష్మీ ప్రసన్న,వెంకటేష్‌, డాక్టర్‌ రాధాకిషన్‌, రాజగోపాల్‌రావు, రాజేష్‌, జగత్‌సింగ్‌, స్వామి, రాములు, చైతన్య, నంద, ఎన్‌.రామాచారి, బి.రామ్‌మోహన్‌, సుభాష్‌, బి.రత్‌న్‌లాల్‌, కె.శంకర్‌ పాల్గొన్నారు.

హన్మకొండ: సహారా సంస్థల్లో డిపాజిట్‌ చేసిన తమ సొమ్మును వెంటనే తిరిగి చెల్లించాలని డిమాండ్‌ చేస్తూ బాధితులు శనివారం హనుమకొండలోని అంబేడ్కర్‌ విగ్రహం కూడలిలో ఆందోళన చేపట్టారు. ఈ సందర్భంగా వారు మాట్లాడుతూ ఏళ్లుగా తమ డబ్బు కోసం ఎదురుచూస్తున్నామని ఆవేదన వ్యక్తం చేశారు. డిపాజిట్‌ సొమ్ము తిరిగి అందక పిల్లల చదువులు, పెళ్లిళ్లు, వైద్య ఖర్చులు, ఇళ్ల నిర్మాణం వంటి అవసరాలకు తీవ్ర ఇబ్బందులు పడుతున్నామని వాపోయారు. సహారా సంస్థలకు చెందిన ఆస్తులను విక్రయించి, వచ్చిన మొత్తంతో డిపాజిటర్లకు వెంటనే బకాయిలు చెల్లించాలని డిమాండ్‌ చేశారు. ప్రభుత్వం, సుప్రీంకోర్టు వెంటనే స్పందించి సహారా డిపాజిటర్ల సమస్యను పరిష్కరించి న్యాయం చేయాలని కోరారు. తెలంగాణ రాష్ట్ర సహారా ఖాతాదారుల, కార్యకర్తల సంక్షేమ సంఘం రాష్ట్ర అధ్యక్షుడు వి.బాలయ్య, ఉపాధ్యక్షులు రవీందర్‌రెడ్డి, గడల కుమార్‌, గుండేటి కుమార్‌, ప్రధాన కార్యదర్శి ఎం.నరేశ్‌, కోశాధికారి డక్క సుధాకర్‌, కార్యదర్శి రాము, అమీనా, నర్సయ్య, సఫియా, విజయ, చందు, సదానందు, మద్దెల రమేశ్‌, కాసారపు తిరుపతి, శ్రీనివాస్‌, రాజమౌళి, శంకరయ్య, ప్రభాకర్‌, వేణుగౌడ్‌, నరేందర్‌, బాలరాజ్‌, నరేంద్రబాబు, కె. వేణు, బి. శివ, రాంబాబు, ఎ. సతీశ్‌ తదితరులు పాల్గొన్నారు. డిపాజిటర్లకు వెంటనే చెల్లించాలి అంబేడ్కర్‌ విగ్రహం కూడలిలో బాధితుల ఆందోళన

వరంగల్‌ స్పోర్ట్స్‌: ఉమ్మడి వరంగల్‌ జిల్లా స్థాయి పాఠశాల క్రీ డల సమాఖ్య అండర్‌– 14, 17 బాలబాలికల ఎంపిక పోటీలు శనివారం ఉత్సాహంగా కొనసాగాయి. వరంగల్‌ జిల్లా ఎస్‌జీఎఫ్‌ ఆధ్వర్యంలో వరంగల్‌ కాశీబుగ్గలోని ఓసిటీ మైదానంలో ఉషు, టంగ్‌తా క్రీడల ఎంపికలు నిర్వహించా రు. అలాగే , హనుమకొండలోని జవహర్‌లాల్‌ నెహ్రూ స్టేడియంలో వెయిట్‌ లిఫ్టింగ్‌, లాన్‌టెన్నీస్‌ క్రీడాంశాల్లో ఎంపికలు నిర్వహించినట్లు ఎస్‌జీఎఫ్‌ వరంగల్‌ జిల్లా కార్యదర్శి పుల్ల అ నిల్‌ తెలిపారు. నాలుగు క్రీడాంశాల్లో జరిగిన ఈ పోటీలకు ఉ మ్మడి జిల్లా నుంచి 400 మంది క్రీడాకారులు ఎంపికై నట్లు చె ప్పారు. పీఈటీల సంఘం వరంగల్‌ జిల్లా అధ్యక్షుడు ఎం. వెంకటేశ్వర్లు, కన్వీనర్లు పి. సుధాకర్‌, జె. సతీశ్‌, బి. రవీనా, సుజాత, జి. ధన్‌రాజ్‌, పీఈటీలు నాగరాజు, సతీశ్‌, పాషా, సమ్మయ్య, పెద్దిరాజ్‌, రఘువీర్‌, తదితరులు పాల్గొన్నారు.

హన్మకొండ : నిన్నుచూసి మేం తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి నీ జ్ఞాపకాలను నెమరు వేసుకుంటూ ఆనందం పొందుతున్నాం. విద్య అనేది భవిష్యత్తును మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌లో ఎంబీఏ పూర్తి చేసింది. మల్టీ నేషనల్‌ ఫ్రాంక్లిన్‌ టెంపుల్‌టన్‌ కంపెనీలో ఏడాదికి రూ.75 లక్షల ప్యాకేజీతో ఉద్యోగం చేస్తూ సమాజంలో ఉన్నత స్థాయిలో నిలవడం మాకెంతో గర్వకారణం. మా ఆనందం.. ఆశలకు ప్రతీక అయిన నీవు. భవిష్యత్తులో మరిన్ని ఉన్నతశిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం. – గోపు రేణుక, సమ్మిరెడ్డి, హనుమకొండకాశిబుగ్గ: వరంగల్‌ దేశాయిపేటకు చెందిన ఆర్టీసీ రిటైర్డ్‌ ఉద్యోగి గాండ్ల ప్రభాకర్‌–రమాదేవికి ఇద్దరు కుమార్తెలు మౌనిక, మేఘన. ఇద్దరు ఆడపిల్లలు ఉన్నారన్నా చింత లేకుండా వారిని చదివించారు. పెద్దమ్మాయి మౌనిక కేఎంసీలో ఎంబీబీఎస్‌ పూర్తి చేసి, కాకినాడలోని రంగరాయ మెడికల్‌ కాలేజీలో పిడియాట్రిక్స్‌ పూర్తి చేశారు. ప్రస్తుతం ఉస్మానియా పరిధి నీలోఫర్‌ ఆస్పత్రిలో డీఎం నియోనెటాలజీగా పనిచేస్తున్నారు. అదేవిధంగా చిన్నమ్మాయి మేఘన కూడా తానేమీ తీసిపోనట్లుగా ఒంగోలులోని రిమ్స్‌లో ఎంబీబీఎస్‌ పూర్తి చేసి, ప్రస్తుతం గుంటూరులోని మెడికల్‌ కాలేజీలో ఆప్తాల్మాజీలో సెకండియర్‌ చదువుతున్నారు. ‘మాకు కొడుకులు లేరన్న చింత లేదు. ఇద్దరు ఆడపిల్లలు పుట్టినా లక్ష్మీదేవిగా వారిని భావిస్తూ కష్టపడి చదివించాం. డాక్టర్లు కావడంతో మా జన్మ ధన్యమైంది.’అని తల్లిదండ్రులు ప్రభాకర్‌–రమాదేవి సగర్వంగా చెప్పారు. నా పేరు డి.ప్రభాకర్‌.. మాది అశోక కాలనీ హనుమకొండ. మా బిడ్డ ప్రాంశుత ఉస్మానియా విశ్వవిద్యాలయంలో మాస్టర్‌ ఆఫ్‌ కమ్యూనికేషన్‌ అండ్‌ జర్నలిజం (MCJ) పూర్తి చేసింది. రెండు బంగారు పతకాలు సాధించి, గవర్నర్‌ చేతుల మీదుగా వాటిని ఈ ఏడాది సెప్టెంబర్‌ 8న అందుకున్న క్షణం మాకు ఎంతో గర్వకారణం. జూనియర్‌ సివిల్‌ జడ్జిగా అశ్వినిరఘునాథపల్లి: జనగామ జిల్లా రఘునాథపల్లికి చెందిన నోముల పార్వతి–యాకయ్యది వ్యవసాయధార కుటుంబం. విద్య లేకపోతే ఎదురయ్యే ఇబ్బందులు అనుభవించిన ఆ దంపతులు కూతురిని ఉన్నత స్థానంలో చూడాలనుకున్నారు. వారి కలలకు అనుగుణంగా అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికై బాధ్యతలు నిర్వరిస్తున్నారు. జడ్జిగా సేవలందిస్తున్న మా బిడ్డను చూస్తుంటే కడుపు నిండిపోతోంది అని పార్వతి, యాకయ్య ఎంతో ఆనందంగా తెలిపారు. నా పేరు బొజ్జ మాధవి వేణుగోపాల్‌. మేం ఉండేది హనుమకొండ కాకతీయ కాలనీ. మాకు ఇద్దరు అమ్మాయిలు. భువన, చందన. పెద్దమ్మాయి 10 ఏళ్లుగా సాఫ్ట్‌వేర్‌ ఉద్యోగం చేస్తోంది. మా చిన్న కూతురు బీఫార్మసీలో గోల్డ్‌ మెడలిస్ట్‌. చదువు అయిపోగానే ఏడాది జాబ్‌ చేసి ఉన్నత చదువులకు కెనడా వెళ్లింది. అక్కడ చదువు పూర్తి చేసుకుని హెల్త్‌ అండ్‌ కేర్‌లో ఉద్యోగం చేస్తోంది. ఉన్నతంగా బతకాలనే వారి ఆశయాలు, వాళ్ల ధైర్యాన్ని చూసి మేం చాలా గర్వపడుతున్నాం.