లక్నో: భర్త వదిలివేసిన కారణంగా విడాకులు మంజూరైనప్పటికీ.. విడాకులు పొందిన మహిళ తన మాజీ భర్త నుంచి భరణం కోరవచ్చని అలహాబాద్‌ హైకోర్టు కీలక తీర్పు వెలువరించింది. అయితే, ఆమెకు మళ్లీ వివాహం జరిగి ఉండకూడదని, ఆమె తనను తాను పోషించుకోలేని స్థితిలో ఉండాలని, అలాగైతేనే మాజీ భర్త నుంచి భరణం పొందడానికి అర్హురాలు అవుతుందని స్పష్టంచేసింది. భరణం అభ్యర్థనను తిరస్కరిస్తూ సుల్తాన్‌పూర్‌ ఫ్యామిలీ కోర్టు ఇచ్చిన ఉత్తర్వును వ్యతిరేకిస్తూ సునీత అనే మహిళ దాఖలు చేసిన క్రిమినల్‌ రివిజన్‌ పిటిషన్‌ను లక్నో బెంచ్‌కు చెందిన జస్టిస్‌ రామ్‌ మనోహర్‌ నారాయణ్‌ మిశ్రా అనుమతించారు. అదనపు కట్నం కోసం తన భర్త, అత్తమామలు తీవ్రంగా వేధించారని, రూ.లక్ష నగదు, ఒక మోటార్‌సైకిల్, ఒక కలర్‌ టీవీ ఇవ్వాలంటూ డిమాండ్‌ చేశారని ఆరోపిస్తూ సునీత 2009లో సీఆర్‌పీసీ సెక్షన్‌ 125 కింద భరణం కోసం ఫిర్యాదు చేశారు. ఈ ఆరోపణలను ఆమె భర్త ఖండించాడు. ఆమె తనను వదిలి వెళ్లిపోయిందని, తనతో కలిసి జీవించడానికి ఇష్టపడటం లేదని పేర్కొన్నాడు. కోర్టులో విచారణ సమయంలో 2014 సెప్టెంబర్‌ 25న ఏకపక్షంగా విడాకుల డిక్రీని పొందాడు. అతడు ఆ తర్వాత పునర్వివాహం చేసుకున్నాడని, అతని సర్విస్‌ రికార్డుల్లో ఆ రెండో మహిళ పేరు అతని భార్యగా నమోదు చేసినట్లు సూచించే ఆధారాలను కూడా హైకోర్టు గుర్తించింది. కేవలం భర్త వదిలివేసిన కారణంతో విడాకులు మంజూరైనంత మాత్రాన ఒక మహిళ భరణం పొందే హక్కుకు ఎటువంటి ఆటంకం కలగదని న్యాయస్థానం పేర్కొంది. చట్టపరమైన నిబంధనలకు లోబడి, విడాకులు తీసుకున్న మహిళ పునరి్వవాహం చేసుకునే వరకు లేదా తన సొంత సంపాదనతో తనను తాను పోషించుకోగలిగేంత వరకు భరణం పొందడానికి అర్హురాలని తీర్పులో హైకోర్టు న్యాయమూర్తి తేల్చిచెప్పారు. ఈ వ్యవహారాన్ని తిరిగి పరిశీలించడం కోసం కుటుంబ న్యాయస్థానానికి పంపారు. తదుపరి విచారణ పెండింగ్‌లో ఉన్నంత కాలం, సునీతకు నెలకు రూ.4,000 చొప్పున మధ్యంతర భరణం చెల్లించాలని ఆమె మాజీ భర్తను ఆదేశించారు.

పిల్లల పెంపకంపై ఎన్నో అనుమానాలు, సందేహాలు వచ్చేస్తుంటాయి. కానీ వాళ్లను పెంచడమే మనం అనే అంశం మర్చిపోతుంటాం. వాళ్లను వాళ్లలా కాకుండా కట్టడి చేసేలా పెంచుతుంటాం. అదికాదు అని చెప్పే గొప్ప పేరెంటింగ్‌ పాఠం గురించి ఓ ఇన్‌ఫ్లుయెన్సర్‌ 60 సెకన్ల వీడియో ద్వారా చెప్పేసింది. అందుకు తనే ఉదాహరణ అంటూ తన విజయ ప్రస్థానాల గురించి వివరించింది.ఆ అమ్మాయే ఇన్‌ఫ్లుయెన్సర్‌ మిథాలీ శర్మ. ఆమె నీట్‌ ఆల్‌ ఇండియా ర్యాంక్‌ హోల్డర్‌, డాక్టర్‌, నృత్యకారిణి, ఈత క్రీడాకారిణి, గాయని. సింపుల్‌గా చెప్పాలంటే ఆమె ఆల్‌రౌండర్‌. ఇవేమి యాదృశ్చికంగా జరగలేదంటూ తన కథను ఇన్‌స్టాగ్రామ్‌ పోస్ట్‌లో వీడియో రూపంలో షేర్‌ చేసుకుంది. తన తల్లిదండ్రలు అలా పెంచడం వల్ల ఈ విజయాలను సాధించానంటూ..అద్భుతమైన పేరెంటింగ్‌ పాఠం, గొప్ప జీవిత తత్వాన్ని చెప్పుకొచ్చింది. తన తల్లి తనను ఒక కలల ప్రాజె​క్టులా పెంచిందని అంటోంది. ప్రతి వేసవి సెలవులను ఒక మినహాయింపు కూడా లేకుండా ఒక్కో సరికొత్త నైపుణ్యాన్ని నేర్చుకునేలా కేర్‌ తీసుకుంది. సెలవులంటే కాలక్షేపంలా గడిపే విరామంగా కాకుండా..ఏదో ఒక నైపుణ్యం అందిపుచ్చుకునేలా మార్చేసిందని తెలిపింది. అంతేగాదు క్లాస్‌లు ఉన్నప్పుడు కూడా పాఠ్యేతర పోటీల్లో పాల్గొనేలా చేశారని చెప్పుకొచ్చింది. ఒక నెల డిబేట్, మరుసటి నెల ఆర్ట్ ఇలా ఏదో ఒకటి నేర్పిస్తూ ఖాళీగా టైంని గడిపనివ్వకుండా చేసేవారని ..ఇది ఒకరకంగా అన్ని నైపుణ్యాలపై అవగాహన పెంచుకునేందుకు దారితీసిందని అంటోంది.అలాగే తన తండ్రి తనను స్మిమ్మింగ్‌ క్లాస్‌కి పంపించారని, అలాగే క్లాసికల్‌ డ్యాన్స్‌ క్లాస్‌లకు వెళ్లేలా ఇద్దరూ కేర్‌ తీసుకున్నారని, అందువల్ల ఇవాళ అటు చదువు, ఇటు కళల్లో రాణించగలిగానని చెప్పుకొచ్చింది. అలాగే ఆమె ప్రతిష్టాత్మక నీట్‌లో మంచి ర్యాంకు సాధించి డాక్టర్‌ వృత్తిని చేపట్టినట్లు వెల్లడించింది. అంతేగాదు హాస్యనటుడు జాకిర్‌ ఖాన్‌ ఒక షోలో చెప్పిన డైలాగ్‌ని ప్రస్తావిస్తూ..“మీ పెంపకమే మీరు” అనే మాటతో తాను ఏకభవిస్తానని చెబుతోంది మిథాలీ. ఇది తన వ్యక్తి గత విజయాల పరంపర మాత్రమే కాదని, తల్లిదండ్రుల పెంపకశైలికి సంబంధించిందని అంటూ తన సంభాషణను ముగించింది మిథాలీ. నిజానికి ఆమెను మంచి డాక్టర్‌గా, గాయని, నృత్యకారణి, ఈత క్రీడాకారిణీగా మార్చడానికి వాళ్లు ఎలాంటి ప్రణాళికలు ఏర్పరచుకోలేదు. ఆమె తన చదువులో భాగంగా నేర్చుకోవాలనుకున్నవన్నీ నేర్చుకునే స్వేచ్ఛ ఇచ్చారు, అందులో సమస్యలు వస్తే సాయం అందించారు. అదే ఆమెను ఉన్నతంగా ఎదిగేందుకు, విజయాలు సాధించేందుకు దారితీసింది. View this post on Instagram A post shared by Mitali Sharma (@mitali.this.side) ఇదీ చదవండి: లండన్‌ ఫ్యాషన్‌ వీక్‌ రన్‌వేపై భారత్‌ ఆదర్శ బాలక్‌..!)

గణపతిని ఇంటికి తీసుకొస్తాం.. భక్తిశ్రద్ధలతో పూజిస్తాం.. కోరిన కోరికలు నెరవేరాలని ప్రార్థిస్తాం. మరి పూజలు పూర్తయ్యాక అదే గణపతిని నీటిలో ఎందుకు నిమజ్జనం చేస్తాం? ఎంతో భక్తితో ఇంటికి తీసుకొచ్చిన దేవుడిని చివరికి నీటిలో ఎందుకు కలిపేస్తారు? దీని వెనుక కేవలం ఆచారం మాత్రమే ఉందా? లేక మనకు అర్థం కాని ఆధ్యాత్మిక సందేశం ఏదైనా ఉందా? శాస్త్రోక్త సంప్రదాయాలను పరిశీలిస్తే.. గణేశ నిమజ్జనం వెనుక ప్రకృతి, జీవితం గురించి చెప్పే ఓ గొప్ప భావన కనిపిస్తుంది.శాస్త్రోక్త సంప్రదాయాల ప్రకారం.. గణపతి విగ్రహాన్ని మట్టి వంటి సహజ పదార్థాలతో తయారు చేయడం వెనుక ప్రత్యేకమైన అర్థం ఉంది. ప్రకృతి నుంచి తీసుకున్న మట్టితో గణపతి రూపాన్ని తయారు చేసి, కొంతకాలం భక్తితో పూజించిన తర్వాత తిరిగి అదే ప్రకృతిలో కలిపేస్తారు. పండితుల వివరణ ప్రకారం.. ఇది ప్రకృతిలో జరిగే సహజ మార్పును గుర్తుచేస్తుంది. పుట్టుక, జీవితం, చివరికి ప్రకృతిలో కలిసిపోవడం.. ప్రతి జీవికి, ప్రతి రూపానికి సహజమైన పరిణామమే అనే విషయాన్ని గణపతి నిమజ్జనం గుర్తుచేస్తుంది.నీటిలోనే నిమజ్జనం ఎందుకు చేస్తారు?భారతీయ సంప్రదాయాల్లో నీటికి ఎంతో ప్రత్యేకమైన స్థానం ఉంది. నీటిని జీవానికి ఆధారంగా, పవిత్రతకు ప్రతీకగా భావిస్తారు. నీరు ఎక్కడ ఉంటే అక్కడ జీవం ఉంటుంది. ఎండిపోయిన నేలకు వర్షం పడితే మళ్లీ పచ్చదనం చిగురించినట్లే.. నీరు కొత్త జీవానికి నాంది పలుకుతుంది. అలా గణపతి విగ్రహాన్ని నీటిలో నిమజ్జనం చేయడంతో.. ప్రకృతి నుంచి తీసుకున్నది తిరిగి ప్రకృతికే చేరుతుందనే భావనను సూచిస్తుందని పండితులు చెబుతున్నారు. మట్టి విగ్రహం నీటిలో క్రమంగా కరిగి సహజ పదార్థాల్లో కలిసిపోవడం కూడా ప్రకృతిలో ప్రతీది లీనం అనే భావనకు ప్రతీకగా చూడవచ్చు.ఎన్నవరోజు నిమజ్జనం చేయాలి?గణపతిని ఎన్ని రోజులకు నిమజ్జనం చేయాలనే విషయంలో కూడా ఒకే విధానం లేదు. అయితే, కుటుంబ సంప్రదాయాలు, ప్రాంతీయ ఆచారాలను బట్టి నిమజ్జనం చేసే రోజు మారుతూ ఉంటుంది. కొందరు ఒకటిన్నర రోజునే నిమజ్జనం చేస్తే.. మరికొందరు 3, 5, 7, 9 లేదా 10వ రోజున నిమజ్జనం చేస్తారు. అంటే పదో రోజునే తప్పనిసరిగా నిమజ్జనం చేయాలనే నియమం అన్ని ప్రాంతాల్లో ఒకేలా ఉండదు. ఆయా ప్రాంతాల్లో తరతరాలుగా వస్తున్న ఆచారాలకు అనుగుణంగా గణపతి నిమజ్జనం జరుగుతుంది.ఇక గణేశ నిమజ్జనం మనకు చెప్పే అసలు సందేశం మన జీవితంతో ముడిపడి ఉందన్న విషయం వేద పండితులు ఈ పండుగతో మనకు పదే పదే గుర్తుచేస్తున్నారు. ఎంత అందమైన రూపమైనా శాశ్వతం కాదు. అలాగే మనం సంపాదించే సంపద, హోదా, పేరు కూడా శాశ్వతంగా మనతో ఉండవు. ప్రకృతి నుంచి తీసుకున్నదాన్ని తిరిగి ప్రకృతికే అందించడంతో.. జీవితంలో ఏదీ శాశ్వతం కాదనే విషయాన్ని ఈ ఆచారం గుర్తుచేస్తుంది.గణపతిని భక్తితో ఆహ్వానించినట్టే.. సమయం వచ్చినప్పుడు అదే భక్తితో సాగనంపడం కూడా జీవితంలో ఒక భాగమేనని చెబుతున్నారు. వచ్చినదాన్ని కృతజ్ఞతతో స్వీకరించడం.. సమయం వచ్చినప్పుడు వదిలేయడం.. మనం నేర్చుకున్న మంచి విషయాలను మాత్రం జీవితాంతం మనతో తీసుకెళ్లడం.. ఇదే గణేశ నిమజ్జనం మనకు అందించే అందమైన జీవిత సందేశం.ఇదీ చదవండి: మహాలయ పక్షం వచ్చేసింది.. ఈ 15 రోజులు ఏం చేయాలో తెలుసా?

యవ్వనం కోసం సోషల్‌ మీడియా పుణ్యమా అని ఎన్నో ట్రెండ్‌లు నెట్టింట పుట్టుకొస్తున్నాయో. అందులో వాస్తవమెంతా అనేది అనవసరం. దీని వల్ల ఎప్పటికీ యవ్వనంగా ఉంటమన్నదే ప్రధానం. అలా ఎందరో తొందరపడి కాస్మెటిక్‌ సర్జరీలు చేయించుకుని తలలు పట్టుకుంటున్నారు. ఇప్పుడు తాజాగా నెట్టింట ట్రెండ్‌గా మారి ‘బ్లెఫ్‌’ అనే శస్త్ర చికిత్స సైతం అలానే సమస్యల పుట్టగా మారి కన్నీళ్లు పెట్టిస్తోంది మహిళలకు.అసలేం జరిగిందంటే..ముఖానికి అందం నయనాలు. కలువ రేకుల్లాంటి కళ్లే ముఖంలోని అందాన్ని చెప్పేస్తాయి. అలాంటి కళ్లే మనలోని వృద్ధాప్యాన్ని సైతం ఇట్టే చూపించేస్తాయి. కళ్లకింద ముడతలు, ఉబ్బడం వంటి వయసు రీత్యా మార్పులు వృద్ధాప్యాన్ని బయటపెట్టేస్తాయి. అలాంటి వృద్ధాప్యానికి చెక్‌పెట్టేలా ఎన్నో సౌందర్య సాధనాలు, సర్జరీలు అందుబాటులోకి వచ్చాయి. వాటిలో ఒకటే ఈ బ్లెఫ్‌ సర్జరీ. ఇది కళ్లను అందంగా కనిపించేలా చేసి..ఎప్పటికీ యవ్వనంగా కనిపించేలా చేస్తుందట. ఈ సర్జరీ టిక్‌టాక్‌లలో తెగ ట్రెండ్‌ అవుతోంది. దాంతో చాలామంది మహిళలు ఈ సర్జరీ చేయించుకునేందుకు రెడి అయిపోయారు. అంతేగాదు కొందరు విదేశాల్లో ఈ సర్జరీ తక్కువ మొత్తంలోనే చేస్తారని తెలుసుకుని మరి అక్కడకు వెళ్లి మరి చేయించుకుంటున్నారు. అలా చేయించుకున్న వాళ్లంతా అందం సంగతి దేవుడెరుగు..కంటి సమస్యలతో బాధపడుతున్నామంటూ లబోదిబోమంటున్నారు. అంతేగాదు కొందరు ఆ సర్జరీ మాకు భయానక అనుభవాన్ని మిగిల్చిందని కన్నీళ్లు పెట్టుకుంటున్నారు. మరికొందరు మా వద్ద అంత డబ్బు ఉండకపోతే అస్సలు ఆ సర్జరీ జోలికి వెళ్లే వాళ్లం కాదని బాధపడుతున్నారు. ఈ సర్జరీలో ఏం చేస్తారంటే..ఈ బ్లెఫ్‌ సర్జరీలో కంటి చుట్టు ముడతలుగా ఉన్న చర్మాన్ని తొలగించి..యవ్వనంగా కనిపించేలా చేస్తారు. అయితే ఇలా కనురెప్పల చుట్టూ ఉన్న అదనపు చర్మం తొలగించడం వల్ల ఇదివరకటి ఆకృతి సంతరించుకుని యవ్వన రూపాన్ని పొందుతారట. అయితే ఇలా చేయించుకున్నవాళ్లు అందుకు తగిన జాగ్రత్తలు పాటించాల్సి ఉంటుంది కూడా. అయితే ఈ సర్జరీ తర్వాత కొందరు మహిళలు పైకి ఎత్తి కళ్లు చూసినప్పుడల్లా రక్తపు కన్నీళ్లు రావడం, కుట్టు వేసిన ప్రాంతాల్లో ఎర్రటి చారలు రావడం జరుగుతోందట. అలాగే కొందరికి దృష్టి సమస్యలు, మరికొందరికి నిద్ర అనేది పీడకలలా మారిపోయిందట. వైద్యులు ఏమంటున్నారంటే.. కంటిని పూర్తిగా కప్పి, రక్షించడానికి కనురెప్పలకు తగినంత చర్మం అవసరమని సర్జన్లు వివరిస్తున్నారు. చర్మాన్ని ఎక్కువగా తొలగిస్తే, కనురెప్పలు సరిగ్గా మూసుకోలేవు, దీనివల్ల కళ్ళు బయటకు కనిపించి, దెబ్బతినే ప్రమాదం ఉంటుందని హెచ్చరిస్తున్నారు. అంతేగాదు ఇలా సర్జరీ చేయించుకున్న మహిళల్లో చాలామందికి మచ్చలు ఏర్పడటం, కళ్ళు అసమానంగా మారడం, సర్జరీ గాయాలు మళ్లీ ఉత్పన్నమవ్వడం వంటి సమస్యలు ఎదురవుతున్నట్లు సమాచారం. ఇంతకీ ఈ సర్జరీకి ఎంత ఖర్చు అవుతుందంటే..అక్షరాల రూ. 80 వేల నుంచి రూ. 4 లక్షల వరకు అవుతుందట. డబ్బులు ఖర్చు చేస్తే అందం వస్తుందో లేదో తెలియదు గానీ..సమస్యలు మాత్రం కొనితెచ్చుకోవడం ఖాయం అని తెలుస్తోంది కదూ..!.ఇదీ చదవండి: లండన్‌ ఫ్యాషన్‌ వీక్‌ రన్‌వేపై భారత్‌ ఆదర్శ బాలక్‌..!)

80లు, 90లలో భారతీయ పాఠశాలలు, విద్యా చార్టులలో ఒక పోస్టర్‌ బాయ్‌ ఉండేవాడు. ఆ బాయ్‌ స్ఫూర్తిదాయకమైన రోల్‌ మోడల్‌, అంతేగాదు స్కూల్‌లో చిన్నారులు మంచివ్యక్తిలా ఎలా ఉండాలో చెప్పేందుకు తరుచుగా ఉపయోగించేవారు. నిజానికి ఆ పాత్ర కనుమరుగైపోయింది. మళ్లీ ఆ పాత్రను డిజైనర్‌ ప్రియేష్‌ త్రివేది ఫ్యాషన్‌గా స్ఫూర్తిగా చేసిన పునః సృష్టి అందర్నీ ఆశ్చర్యచకితులను చేసింది. నిజానికి ఆ పోస్టర్‌ బాయ్‌ ఉదయాన్నే నిద్రలేచి, తల్లిదండ్రులకు నమస్కరించి..పళ్లు తోముకుని స్నానం చేసి, పాఠశాలకు శ్రద్దగా హజరవ్వడం. అలాగే వేళకు భోజనం చేసి, ఆటల్లో చురుగ్గా పాల్గొనడం వంటి సామాజిక కార్యక్రమాల్లో నిమగ్నమయ్యే స్ఫూర్తిదాయ బాలుడి పోస్టర్‌ అది. ప్రతి బిడ్డ అలానే ఉండాలని చెప్పే ఆ పోస్టర్‌ ప్రియేష్‌ త్రివేది కారణంగా ఫ్యాషన్‌ వేదికపై మరోసారి ప్రత్యక్షమైంది. ఈ మేరకు లండ్ ఫ్యాషన్ వీక్ రన్‌వేపై లవ్‌బర్డ్స్ స్టూడియో తమ కలెక్షన్‌ను ప్రదర్శిస్తుండగా..ఒక మోడల్‌ డ్రెస్‌ పై ఈ ఆదర్శ బాలక్‌ పోస్టర్‌ కనిపించింది. ఆ మోడల్‌ మొత్తం నీలి రండగుల డిజైన్‌తో ఉన్న స్ట్రాప్‌లెస్‌ గౌనుని ధరించింది. ఆ గౌను మందు భాగంలో ఆదర్శ బాలక్‌ పోస్టర్‌ అందరి దృష్టిని ఆకర్షించింది. ఈ లండన్‌ ఫాషన్‌రన్‌వే కలెక్షన్‌లలో ఇదే అందరి దృష్టిని అమితంగా ఆకర్షించింది. అలాగే ఈ రన్‌వేపై చేనేత వస్త్రాలు కూడా ప్రదర్శితమైన భారత హస్తకశా నైపుణ్యాన్ని ప్రదర్శించాయి. గుజరాత్‌లోని కచ్‌, ఉత్తప్రదేశ్‌లోని వారణాసికి చెందిన కళాకారులు ఈ వస్త్రాలను రూపొందిచినట్లు సమాచారం. ప్రియేష్‌ స్వతహాగా ఆదర్శ్‌ బాలక్‌లా ఉండడు కానీ తమ దృశ్య భావనలను అతడు చాలా ఓపిగ్గా మెరుగుపరిచినట్లు మైంత్రా సంస్థ పేర్కొంది. బ్యాంక్సీ శైలిలో ఈ ఫ్యాషన్‌ని ప్రదర్శించినట్లు టాలెంటెడ్‌ ఏజెన్సీ వ్యవస్థాపక సభ్యురాలు పూజా మానేక్‌ పేర్కొన్నారు. View this post on Instagram A post shared by Diet Paratha (@diet_paratha) ఇదీ చదవండి: విమానం విండోపై గణేశుడి చిత్రం..! మండిపడుతున్న నెటిజన్లు)

ఆన్‌లైన్‌లో ఆర్డర్‌ చేశారు.. డబ్బులు మాత్రం కట్టలేదు! అయినా ఆర్డర్‌ చేసినంత సంతృప్తి కలిగితే ఎలా ఉంటుంది? ఆకలిగా ఉన్నా లేకపోయినా.. నచ్చిన వంటకాలను ఎంచుకుని కార్ట్‌లో వేసుకుని, చెక్‌అవుట్‌ చేసి డెలివరీ కోసం ఎదురుచూస్తున్న అనుభూతిని పొందొచ్చు. కానీ చివరికి ఇంటికి మాత్రం ఆహారం రాదు. ఇదే ప్రస్తుతం ఇంటర్నెట్‌లో ఆసక్తికరంగా మారిన ఓ కొత్త ప్రయోగం.రాజస్థాన్‌లోని ఉదయ్‌పూర్‌కు చెందిన 26 ఏళ్ల సాఫ్ట్‌వేర్‌ డెవలపర్లు పుర్వాన్ష్‌ పర్మార్‌, అన్షుల్‌ శర్మ కలిసి ‘Food Never Comes’ అనే వెబ్‌సైట్‌ను రూపొందించారు. ఇందులో 22 రకాల వంటకాలు, 327 డిష్‌లు ఉన్నాయి. నిజమైన వంటకాల ఆధారంగా ధరలతో సహా రూపొందించిన ఈ సైట్‌లో వినియోగదారులు కార్ట్‌లో ఆహారాన్ని వేసుకుని నకిలీ చెక్‌అవుట్‌ చేయొచ్చు. ఆ తర్వాత ఏఐ రూపొందించిన ఫోన్‌కాల్‌లో డెలివరీ బాయ్‌ అడ్రస్‌ దొరకడం లేదని చెబుతాడు. జూన్‌లో ప్రారంభమైన ఈ సైట్‌ను ఇప్పటివరకు 27 లక్షల మందికి పైగా సందర్శించినట్లు నిర్వాహకులు చెబుతున్నారు.‘ఆహారం రాదు.. కానీ ఆర్డర్‌ చేసిన ఆనందం వస్తుంది’ అనేది ఈ సైట్‌ ఉద్దేశం. ఇలాంటి వాటిని ‘డోపమైన్‌ సైట్స్‌’గా పిలుస్తున్నారు. దక్షిణ కొరియాలో మొదలైన ఈ తరహా ప్రయోగాలు ఇప్పుడు ఇతర దేశాలకూ విస్తరిస్తున్నాయి. పర్మార్‌, శర్మలు తమ ఆన్‌లైన్‌ షాపింగ్‌, ఫుడ్‌ ఆర్డరింగ్‌ అలవాట్లను గమనించిన తర్వాత ఈ ఆలోచనకు వచ్చారు. ఆకలి లేకపోయినా బోర్‌గా ఉన్నప్పుడు లేదా ఒత్తిడిలో ఉన్నప్పుడు ఏదైనా ఆర్డర్‌ చేయాలనిపించడం అలవాటుగా మారొచ్చని వారు చెబుతున్నారు.ఈ విధంగా ఊహాత్మకంగా ఆర్డర్‌ చేయడం నిజమైన కోరికను తగ్గిస్తుందా అన్న దానిపై నిపుణుల అభిప్రాయాలు భిన్నంగా ఉన్నాయి. యేల్‌ యూనివర్సిటీకి చెందిన రవి ధర్‌.. ఏదైనా వస్తువు దొరుకుతుందన్న ఎదురుచూపులోనే ఆనందం ఉండొచ్చని చెబుతున్నారు. యూనివర్సిటీ ఆఫ్‌ మిషిగన్‌ న్యూరోసైంటిస్ట్‌ కెంట్‌ బెరిడ్జ్‌ మాత్రం ‘కావాలనిపించడం’, ‘ఆనందించడం’ వేర్వేరు ప్రక్రియలని వివరిస్తున్నారు. స్టాన్‌ఫోర్డ్‌ యూనివర్సిటీకి చెందిన డాక్టర్‌ అన్నా లెంబ్కే కూడా డోపమైన్‌ను కేవలం ఆనందాన్ని ఇచ్చే రసాయనంగా చూడటం సరైంది కాదని పేర్కొన్నారు.Food Never Comes సృష్టికర్తలు ఇప్పుడు ‘Trip Never Leaves’ పేరుతో ప్రయాణ అనుభూతిని ఇచ్చే మరో సైట్‌ను కూడా రూపొందించారు. అయితే ఇలాంటి సైట్లు కొందరిలో కొనుగోలు కోరికను తగ్గించవచ్చని, మరికొందరిలో అదే అలవాటును మరింత బలపరిచే అవకాశం ఉందని నిపుణులు చెబుతున్నారు. దీనిపై మరింత పరిశోధన అవసరమని పేర్కొంటున్నారు. భవిష్యత్తులో తమ సైట్ల ద్వారా సేకరించిన సమాచారాన్ని న్యూరోసైంటిస్టులు, సైకాలజిస్టులతో పంచుకోవాలని డెవలపర్లు భావిస్తున్నారు. అయితే, 'మనకు నిజంగా కావాల్సింది వస్తువా.. లేక దాన్ని కొనాలనే క్షణిక ఉత్సాహమా?' అన్నదే ఇప్పుడు వెంటాడుతున్న అసలు ప్రశ్న.ఇదీ చదవండి: ఆటోవాలా లైఫ్‌లో.. సంపాదన మూరెడు.. చదువు ఖర్చు బారెడు!

జీవితంలో ముఖ్యమైన ఘట్టంగా జరిగే వివాహ సమయంలో నూతన దంపతులు కష్ట–సుఖాలలో తోడు నీడుగా ఉంటామని ప్రమాణాలు చేసుకుంటారు. కాలక్రమంలో కట్టుబడి ఉండాల్సిన ప్రమాణాలు మరుగునపడిపోతుంటాయి. దాంపత్య జీవితం ఆనందంగా సాగాలంటే ప్రమాణాల పునరుద్ధరణ జరగాలని దంపతులైన జ్యోతిక–సూర్య ఇటీవల ‘మళ్లీ పెళ్లి’ వేడుక ద్వారా తెలియజేశారు. ఈ సందర్భంగా పెళ్లి ప్రమాణాల పునరుద్ధరణ దాంపత్య జీవితానికి ఎలా మేలు చేస్తుందో చూద్దాం...సినిమా స్టార్‌ కపుల్‌గా పేరొందిన జ్యోతిక–సూర్యలు తమ వివాహం జరిగి 20 ఏళ్లు పూర్తయినందుకు వేడుక జరుపుకున్నారు. ఈ సందర్భంగా సోషల్‌ మీడియా ద్వారా జ్యోతిక చేసిన పెళ్లి ప్రమాణాల పునరుద్ధరణ నవ దంపతులకు సూచికగా ఉందని ఎంతోమంది తమ కామెంట్స్‌ ద్వారా తెలియజేశారు.ఆనంద జీవనానికి...సాధారణంగా భార్యాభర్తలకు షష్టిపూర్తి (60 ఏళ్లకు) సందర్భంగా, సప్తతి వందనం (70 ఏళ్లకు), ఆశీతి (80వ పుట్టిన రోజు సందర్భంగా) మళ్లీ పెళ్లి చేస్తుంటారు. ఆ దంపతుల నుంచి నవతరం తమ జీవితానికి ఉపయోగపడే మంచి సూచనలు తీసుకుంటూ ఉంటారు. పెళ్లయిన ఏడాదికే వివాహ బంధానికి బ్రేక్‌ చెబుతున్న నవతరం పునరాలోచించుంచుకోవడానికి, తమ భావి జీవితాన్ని అందంగా మలుచుకునే విధం ‘ప్రమాణాల పునరుద్ధరణ’ ద్వారా జరుగుతుందని నిపుణులు సైతం తెలియజేస్తున్నారు.స్టార్‌ కపుల్‌... వేడుక కమనీయంఈ జంట వివాహం జరిగి 20 ఏళ్లు పూర్తయిన సందర్భంగా కుటుంబ సభ్యులు, సన్నిహితుల సమక్షంలో మరోసారి పెళ్లి ప్రమాణాలు చేసుకొని, వార్షికోత్సవాన్ని ప్రత్యేకంగా జరుపుకున్నారు. ఈ వేడుకలో సూర్య జ్యోతికల పిల్లలు దియా, దేవ్‌ కూడా పాల్గొన్ని సందడి చేశారు. 2006 సెప్టెంబర్‌ 11న హిందూ సంప్రదాయ పద్ధతిలో ఒక్కటైన ఈ జంట ఇరవై ఏళ్ల తర్వాత పెళ్లి వేడుక జరుపుకొని, మరో ఇరవై ఏళ్ల ఆనంద ప్రయాణానికి నాంది పలికారు. ఈ సందర్భంగా దాంపత్య జీవితం సాఫీగా సాగడానికి చేసిన ప్రమాణాలు... → ఇది పరిపూర్ణమైన వివాహానికి జరుపుకునే వేడుక కాదు. అసంపూర్ణతలకు, సర్దుబాట్లకు, అవగాహనకు, త్యాగాలకు, నిస్వార్ధమైన ప్రేమకు నిదర్శనం. నేను సంతోషంగా ఉండే వ్యక్తిగా ఉంటానని ప్రమాణం చేస్తున్నాను. నేను జీవితంలో పాజిటివ్‌ కోణాన్ని మాత్రమే చూడటానికి ఎంచుకుంటాను. నేను జీవితాన్ని వేడుకగా జరపుకుంటానని ప్రమాణం చేస్తున్నాను. మీరు ప్రేమించే వ్యక్తి తనకంటే ఎక్కువగా మిమ్మల్ని గౌరవించినప్పుడు జీవితమే ఒక బహుమతిగా మారిపోతుంది. → ఈ సృష్టిలో ప్రతిదీ అసంపూర్ణంగానే ఉంది. ఆ ఖాళీలను మనం ఎలా పూరించాలని ఎంచుకుంటామనేదే ముఖ్యం. ఆకాశమెంత విశాలమైనా దానికి కూడా భూమిని తాకే భాగ్యం లేదు. ప్రతి ఉదయం నన్ను రక్షించే ఒక వ్యక్తి చేతుల్లో మేల్కొంటున్నందుకు, నా జీవితానికి అర్థాన్నిచ్చిన నా అందమైన పిల్లలకు, నాకు బతకడానికి ఒక కారణాన్ని ఇచ్చినందుకు కృతజ్ఞతతో ఉంటానని ప్రమాణం చేస్తున్నాను.→ ఆరోగ్యంగా ఉంటాను. ఎందుకంటే మనం నిర్మించుకునే ఏకైక నిజమైన ఆస్తి అదే. ఎంతటి ఆడంబరమైన ఇంటికైనా అప్పుడప్పుడూ లీకేజీలు, చెదలు పడుతుంటాయి. మరమ్మతులు అవసరం అవుతాయి.. → నేను ఉత్తమ తల్లిగా ఉంటానని ప్రమాణం చేస్తున్నాను. వంట చేయడం, శుభ్రం చేయడం లేదా సహాయం చేయడం మాత్రమే కాదు నేను నవ్వడం వల్ల ఆ నవ్వు మా పిల్లలు వాళ్ళ నాన్న–అమ్మ జీవించిన కథను మళ్ళీ జీవించాలని కోరుకునేలా చేస్తుంది.→ హలో మైడియర్‌ సూర్యా... పోట్లాడి, మళ్ళీ రాజీపడి, ప్రతిసారీ నీకు మరింత దగ్గరయ్యే ఆ అసంపూర్ణమైన భార్యగానే ఎప్పటికీ ఉంటానని ప్రమాణం చేస్తున్నాను.→ అన్నింటికన్నా ఎక్కువగా మన స్నేహాన్ని పదిలంగా ఉంచుకుంటానని ప్రమాణం చేస్తున్నాను. ఎందుకంటే నీకు సమానమైన వ్యక్తి, నీ రహస్యాలను పంచుకునే వ్యక్తి, నీ కబుర్ల భాగస్వామి, నీ ప్రాణస్నేహితుడు, వీరందరూ నీ భర్త, నీ పిల్లల తండ్రి అయిన ఈ ఒక్క ప్రత్యేక వ్యక్తిలో ఉండటం చాలా అరుదు. కాబట్టి మన రాబోయే ఇరవై సంవత్సరాలకు శుభాకాంక్షలు. అసంపూర్ణమైన మనం, పరిపూర్ణమైన అవగాహనతో కలిసి జీవిద్దాం. – జ్యోతిక, నటిప్రకాష్‌రాజ్‌–పోనీవర్మ తమ 11వ వివాహ వార్షికోత్సవం సందర్భంగా వీరు మళ్లీ పెళ్లి చేసుకున్నారు. వీరి కుమారుడు వేదాంత్‌ తన కళ్లారా అమ్మానాన్నల పెళ్లిని చూడాలని ఆశపడటంతో కొడుకు సంతోషం కోసం ఈ దంపతులు మళ్లీ పెళ్లిపీటలు ఎక్కారు.రామ్‌చరణ్‌ – ఉపాసనతమ 10వ వివాహ వార్షికోత్సవం సందర్భంగా ఇటలీలో సింపుల్‌గా సంప్రదాయబద్ధంగా మళ్లీ ప్రమాణాలు చేసుకున్నారు. పరిపూర్ణత వైపుగా...ప్రమాణాలు చేయడం, వాటికి కట్టుబడి ఉండటం దంపతుల మధ్య అన్యోన్యతను పెంచుతుంది. పెళ్లి అంటే ఇద్దరు వ్యక్తులు మాత్రమే కాదు రెండు కుటుంబాల ఐక్యతను కాపాడటం. ఈ బాధ్యతను ఆనందంగా స్వీకరించే వ్యక్తులు జీవితంలో ఎన్ని కష్టాలు ఎదురైనా నవ్వుతూ పరిష్కరించుకుంటూ ప్రయాణిస్తారు. పిల్లలతో పాటు పెద్దల బాగోగులనూ చూసుకునే బాధ్యత దంపతుల మీద ఉంటుంది. అన్నింటినీ సమంగా స్వీకరించే శక్తిని ఇద్దరూ తీసుకోవాలి. ప్రతియేటా తమ పెళ్లి రోజున గుడికో, టూర్‌కో వెళ్లాలనుకునే దంపతులు ఏడాది మొత్తంగా ఏం చేస్తే తమ జీవనం ఆనందంగా మారుతుందో కూడా ΄్లాన్‌ చేసుకుని, దానికి అనుగుణంగా అడుగులు వేస్తే.. ప్రయాణం ఎంత దూరమైనా అలసట అనిపించదు. సమస్యలు వచ్చినప్పుడు విడిపోవాలనే ఆలోచనకు బదులు పరిష్కార దిశగా ఆలోచించి, అవసరమైన పెద్దలు, నిపుణుల సూచనలు తీసుకుంటే దాంపత్య జీవితం పరిపూర్ణతను నింపుకుంటుంది. – జ్యోతిరాజ, సైకాలజిస్ట్‌

ఆమె చదువుకోలేదు. కానీ చదువు విలువ తెలుసు. అందుకే అష్టకష్టాలకోర్చి మరీ పిల్లల్ని చదివించింది. ఆర్థిక కష్టాలు, ఆకలి, నిద్రలేని రాత్రులు, ప్రమాదాలు అనారోగ్యం, ఇలా విధి ఎన్ని పరీక్షలు పెట్టినా ఆ తల్లి ఎక్కడా తలొగ్గలేదు. పిల్లల చదువును కొనసాగించేందుకు ఆమె పడిన కష్టాలు అన్నీ ఇన్నీ కావు. అందుకే తన ఉన్నతికి పాటుపడిన ఆ తల్లి త్యాగాలను ఆ కొడుకు స్మరించుకున్నారు. తన తల్లి ఏళ్ల తరబడి చేసిన త్యాగాలకు దక్కిన తొలి ప్రతిఫలం ఈ కుర్చీ అంటూ ఆయన భావోద్వేగానికి గురయ్యారు.కూలీగా, చెత్త ఏరుకునే మనిషిగా పనిచేస్తూ తన కుమారుడిని ఐఐటీ (IIT) చదివించి, ఐఎఫ్‌ఎస్ (IFS) అధికారినే చేసిన ఒక తల్లి విజయగాథ నెట్టింట వైరల్‌గా మారింది. మహారాష్ట్రకు చెందిన సాఖుబాయి పదిభార్ చదువుకోకపోయినా చదువు అంటే ప్రాణం. కుటుంబ పోషణ కోసం గ్రామంలో రోజువారీ కూలీగా, ఆ తర్వాత ముంబైలోని మురికివాడల్లో చెత్త ఏరుకునే వ్యక్తిగా (Ragpicker) పనిచేశారు.ఇన్నీ కష్టాల మధ్య కొడుకును ఉన్నత చదువు చదించారు. ఆమె చేసిన త్యాగాలు,ఆమె కుమారుడు ఐఐటి మద్రాస్‌లో చదువుకుని, ఆ తర్వాత ఇండియన్ ఫారెస్ట్ సర్వీస్‌లో చేరిన ఆమె కుమారుడు గౌతమ్ పడిభర్ ప్రస్థానంలో కీలక పాత్ర పోషించాయి. View this post on Instagram A post shared by Gautam Padibhar IFS (@gautam_ifs) ఇదీ చదవండి: పక్కింటి వైఫై సాయం : స్లమ్‌ నుంచి ఢిల్లీ ఐఐటీ దాకా ఎవరీ అభిషేక్‌సాఖుబాయి కుమారుడు గౌతమ్ పదిభార్ మహారాష్ట్రలోని జల్నాలో ఉన్న జవహర్ నవోదయ విద్యాలయంలో చదువుకున్నారు. ఎలాంటి అధికారిక కోచింగ్ లేకుండానే జేఈఈ (JEE) పరీక్షలో ఉత్తీర్ణత సాధించి, ఐఐటీ మద్రాస్‌లో బీటెక్ పూర్తి చేశారు. ఇంజనీరింగ్ తర్వాత యూపీఎస్సీ (UPSC) ఇండియన్ ఫారెస్ట్ సర్వీస్ (IFS) పరీక్ష-2022లో ఆల్ ఇండియా ర్యాంక్ 139 సాధించారు. 2023 ఛత్తీస్‌గఢ్ కేడర్ ఐఎఫ్‌ఎస్ అధికారిగా ఎంపికయ్యారు. ప్రస్తుతం ఆయన ఛత్తీస్‌గఢ్‌లోని కాంగర్ వ్యాలీ నేషనల్ పార్క్ డైరెక్టర్‌గా బాధ్యతలు నిర్వర్తిస్తున్నారు.ఇదీ చదవండి: 23 ఏళ్ల తరువాత అమెరికా డ్రీమ్స్‌ వదిలి ‘అమ్మ’దగ్గరికిభావోద్వేగ క్షణంగౌతమ్ ఇటీవల తన తల్లికి సంబంధించిన ఒక భావోద్వేగ క్షణాన్ని ఇన్‌స్టాగ్రామ్‌లో పంచుకున్నారు. ఇటీవల తన తల్లి సాఖుబాయిని తన ఆఫీస్‌కు ఆహ్వానించిన గౌతమ్, ఆమెను తన అధికారిక కుర్చీలో కూర్చోబెట్టారు. "నా జీవితంలో నేను సాధించిన ప్రతిదానికీ నా అమ్మే కారణం. పోరాట పటిష్టతను, కష్టపడే తత్త్వాన్ని, పెద్ద కలలు కనే స్వేచ్ఛను నాకిచ్చింది అమ్మే" అంటూ ఆమె ప్రయాణాన్ని గుర్తు చేసుకొని గౌతమ్ ఎమోషనల్‌ అయ్యారు.ఇదీ చదవండి: లండన్‌ - ఢిల్లీ ఇండిగో విమానంలో పొగలు, ఎమర్జెన్సీ ల్యాండింగ్‌

ఏ తల్లికి రాని కష్టం ఓ అమ్మకు ఎదురైంది. ఈ సృష్టిలో ‘అమ్మ’ అనే పదానికి మించిన ఎమోషన్‌, కనెక్షన్‌ ఇంకొకటి ఉండదు. అలాంటిది ఓ అమ్మ 24 ఏళ్లుగా కూతురి కోసం నిరీక్షిస్తూ పరితపిస్తోంది. ఆమె పెదవుల నుంచి వచ్చే ఒక్కో మాట హృదయాన్ని తాకడమే కాదు..కళ్లుచెమ్మగిల్లేలా కదిలిస్తుంది. అంతేగాదు ఇంకా ఎలాంటి మనుషుల మధ్య మనం ఉంటున్నాం అనే ఆక్రోశం, ఆక్రందన కట్టలు తెచ్చుకుంటుంది. ఆ మాటలు 'కౌన్ బనేగా కరోడ్‌పతి 18' కంటెస్టెంట్‌వి. హిందీ టెలివిజన్‌ కేబీసీ పోటీలో పాల్గొన్న కపిలా తనేజా తాను ఎదుర్కొన్న గృహహింస గురించి చెబతున్నప్పుడే ఈ విషయం వెలుగులోకి వచ్చింది. ఆమె కథ బిగ్‌బీ, బాలీవుడ్‌ దిగ్గజ నటుడు అమితాబ్‌ బచ్చన్‌ని కదిలించింది. ఆమె కథ విని ఆయన సైతం దిగ్బ్రాంతికి గురయ్యారు. చత్తీశ్‌గడ్‌లోని బిలాస్‌పూర్‌కు చెందిన కపిలా తనేజా తన కథను చెప్పుకొచ్చింది కేబీసీ షోలో ఇలా. తాను కులాంతర ప్రేమ వివాహం చేసు కోవడంతో అత్తారింట్లో తనకు ఎదురైన గృహహింస గురించి వివరించింది. అదనపు కట్నం కోసం హింసించేవారని, పైగా తనపై కిరోశిన్‌ వేసి నిప్పు పెట్టిన ఉదంతం గురించి కూడా వివరించింది. అది చలికాలం కావడంతో ఒంటిపై ఉన్న బట్లలు చర్మానికి అతుక్కుపోయాయని నాటి భయానక ఘటనను గుర్తు చేసుకుంది. ఆ ఘటన తర్వాత ఎవరో అపరిచితులు తనను కాపాడి ఆస్పత్రిలో జాయిన్‌ చేసినట్లు వాపోయింది. అయితే ఆ తదనంతరం తిరిగి అత్తారింటికి వచ్చాక మరింతగా వేధింపులు, చీత్కారాలు ఎక్కువైనట్లు తెలిపింది. పైగా తన కన్న కూతురికి దూరమైపోయానని, పుట్టిన తర్వాత నుంచి తన ముఖం ఇవాల్టి వరకు తన అత్తమామలు, భర్త చూపించలేదని చెప్పుకొచ్చిందామె. కోర్టులు చుట్టూ ఈ విషయమై తిరిగినా ప్రయోజనం లేకుండా పోయిందని తెలిపింది. సుమారు 24 ఏళ్లుగా ఆమె పిలుపు కోసం ఆశగా ఎదురుచూస్తున్నట్లు వాపోయింది. ఆమె ఎలా ఉంటుంది, ఏం చేస్తుందన్న సమాచారం ఏమి తనకు తెలియదని ఆవేదనగా చెప్పుకొచ్చింది. పక్కింటి వాళ్ల సమాచారం మేరకు ఆమె ఉద్యోగం చేస్తుందని మాత్రమే తెలుసని ఉద్వేగంగా చెప్పింది. అంతేగాదు అమితాబ్‌ని తన కుమార్తెకు ఆశీర్వాదాలు ఇవ్వాలని ఆ తల్లి అడగడం బిగ్‌బీని కదిలిచింది. ఆమె కథ విని చలించిపోయిన అమితాబ్‌ ఆమెకు ఆశీర్వాదం అందించే అర్హత తనకు లేదన్నారు. ఈ ప్రపంచంలో పిల్లలకు అత్యంత అవసరమైనది, ప్రయోజనకరమైనది, ఏదైనా ఉందంటే అది ‘అమ్మ’ మాత్రమే. సమాజంలో తల్లికి ఉన్న స్థానమే వేరు. దయచేసి కపిల కూతురు ఎక్కడ ఉన్న అమ్మ అని ఒక్కసారి అనండి..మీ అమ్మ మన ముందు కూర్చొని ఉంది. ఆమె మిమ్మల్ని కలవాలని ఎంతో ఆశగా ఎదురుచూస్తోంది. కనీసం ఈ షో ద్వారానైనా ఈ తల్లి కూతుళ్లు కలుస్తారని ఆశిస్తున్నా అని గద్గద స్వరంతో అన్నారు అమితాబ్‌. ఆమె కథ ఆ షోని చూస్తున్న ప్రేక్షకులందర్నీ కదలించడమే కాదు..ఇలాంటి కన్నీటి కథలు మన చుట్టూ ఎన్ని ఉన్నాయో అంటూ సర్వత్ర చర్చలు మొదలవ్వడం విశేషం. View this post on Instagram A post shared by sonytvofficial (@sonytvofficial) ఇదీ చదవండి: సీనియర్‌ డాక్టర్‌.. వైద్య వృత్తిని వదిలేసి వ్యాపారం! లాభాలు వచ్చాయా?)

టాలీవుడ్‌ నటి సమంత తన ప్రెగ్నెంట్‌కి సంబంధించిన ఫోటోలను షేర్‌ చేస్తూ..చిల్‌ అవుతోంది. మాతృత్వపు మధురిమకు సంబంధించి..ప్రతి నెలలో తనలో వస్తున్న మార్పులు..ఎదుర్కొంటున్న అనుభవం గురించి పంచుకుంటూ కాబోయే తల్లిగా పలు సూచనలు కూడా అందిస్తోంది. ఈసారి బ్రేక్‌ఫాస్ట్‌కి సంబంధించిన ఫోటోలను షేర్‌ చేస్తూ తన భర్త రాజ్‌ నిడిమోరుని పార్ట్‌టైం తమిళుడిగా అభివర్ణించింది. View this post on Instagram A post shared by Ranjana Priya | Chennai Blogger (@ranjanas_view)అంతేగాదు చెన్నై అల్పాహారం అనుభవంపై ప్రశంసల వర్షం కురిపించింది. అందుకు సంబంధించి..రకరకాల చట్నీలు, సాంబార్‌తో కూడిన దోశ ఫోటోని షేర్‌ చేస్తూ..చెన్నై అల్పాహారంకి మించిది లేదు అని ఇన్‌స్టాగ్రామ్‌ పోస్ట్‌లో రాసుకొచ్చింది. కాగా సమంత-రాజ్‌లు డిసెంబర్‌లో తమ బిడ్డకు స్వాగతం పలకనున్నారు. మా ఇంటి బంగారం సక్సెస్‌ మీట్‌లో తన గర్భధారణ విషయాన్ని ప్రకటించి అందర్నీ ఆశ్చర్యపరిచింది. అలాగే తన నటనకు కొన్నేళ్ల పాటు విరామం తీసుకోనున్నట్లు కూడా పేర్కొంది.ఇదీ చదవండి: ‘రెండుసార్లు’ జన్మించిన శిశువు! మెడికల్‌ మిరాకిల్‌)

ఎనిమిదో తరగతి... ఆ వయసు పిల్లల ముఖాల్లో అమాయకత్వం ఉండాలి...జేబుల్లో గోళీకాయలు ఉండాలి...సాయంత్రమైతే ప్లేగ్రౌండ్‌ నుంచి వచ్చే చెమట వాసన ఉండాలి. కానీ తెలుగు రాష్ట్రాల్లోని ఇళ్లల్లో ఏముంటోందో తెలుసా? ‘ఐఐటీ ఫౌండేషన్‌ మెటీరియల్‌’... ‘శనివారం వీక్లీ టెస్ట్‌ సిలబస్‌’... ముంబై ఐఐటీలో సాహిల్‌ ఆత్మహత్య కేవలం ఒక వార్త కాదు. అతిగా వ్యాపించిన ‘ఐఐటి మతం’ తాలూకు హెచ్చరిక.ర్యాంకు సరే... ప్రాణం నిలుపుకోవడం ముఖ్యమని పిల్లలకు నేర్పాల్సింది ఎవరు?తల్లిదండ్రులా... కోచింగ్‌ సెంటర్లా?పిల్లలు చని΄ోవడం అంటే ఒక జాతి భవిష్యత్తు కూలిపోవడమే. చిగురించి చెట్టు కావాల్సిన ప్రాణం కళ్ల ముందే మోడువారి΄ోతుంటే చూస్తూ నిలబడటం కంటే దారుణం మరొకటి ఉండదు. ఐఐటి క్యాంపస్‌లోనో, రాజస్థాన్‌ కోటాలోనో, ట్రిపుల్‌ ఐటిలోనో, తెలుగు రాష్ట్రాల్లోనో, హాస్టల్స్‌లోనో పిల్లలు ప్రాణాలు వదులుకునే స్థితికి వస్తున్నారంటే కారణం ఎవరు? చదువును జ్ఞానం నుంచి అవమానంగా మార్చింది ఎవరు? క్లాస్‌ ఫస్ట్‌ రాకపోతే, స్కూల్‌ ఫస్ట్‌ రాకపోతే, స్టేట్‌ ర్యాంకు రాకపోతే అవమానం అని ఆ లేత మెదళ్ల లో విషం ఎక్కించింది ఎవరు? పిల్లలు బాగుండాలని ఏ తల్లిదండ్రులు కోరుకోరూ? కాని పిల్లలు ‘తమకు నచ్చినట్టుగా’ ఉండాలనుకోవడంలోనే తప్పు మొదలవుతోంది. పేరున్న ఇంజనీరింగ్‌ కాలేజీలకో, ఐఐటీకో పంపడం వరకే మన హడావిడి. కానీ అక్కడికి వెళ్లాక వాడు ఎలా బతకాలి? ఒత్తిడిని ఎలా తట్టుకోవాలి? ఒంటరితనాన్ని ఎలా జయించాలి? ఎవరూ నేర్పడం లేదు. ఒక్క బ్యాక్‌లాగ్‌ వస్తే ‘అమ్మో ... నాన్నకు తెలిస్తే’ అని గుండె ఆగినంత ఆందోళన చెందుతున్నారు. తల్లిదండ్రులు ఇప్పుడైనా గుండెల మీద చేయి వేసుకుని ప్రశ్నించుకోవాలి– నా బిడ్డ నిజంగా సంతోషంగా ఉన్నాడా? వాడు మోయగలిగినంత బరువే మోస్తున్నాడా, లేక మనం మోయమని పెట్టిన బరువు కింద నలిగిపోతున్నాడా?విద్యార్థులు ఫ్లెక్సీల మీద ఫొటోలు కారు...ఇక రెండు తెలుగు రాష్ట్రాల్లో కోచింగ్‌ సెంటర్లు పిల్లలను కేవలం ఫ్లెక్సీల మీద ర్యాంకులుగా మాత్రమే చూస్తున్నాయి. తమ సంస్థకు డిమాండ్‌ పెరగడానికి పిల్లల మీద ప్రెజర్‌ పెంచేస్తున్నాయి. కోచింగ్‌ సెంటర్లకు ఒక విషయం అర్థం కావాలి. వాళ్లు ఇంజనీర్లను తయారు చేస్తున్నారు, రోబోలను కాదు. వీరు ఏం చేయాలి?ప్రతి 100 మందికి ఒక సైకాలజిస్ట్‌ను నియమించాలి. మ్యాథ్స్, ఫిజిక్స్‌ లెక్చరర్‌తో పాటు, ట్రైన్డ్‌ సైకలాజికల్‌ కౌన్సెలర్‌ తప్పనిసరి ఉండాలి. వారానికి ఒకసారి మార్కులతో సంబంధం లేని కౌన్సెలింగ్‌ క్లాస్‌ పెట్టాలి. ‘బ్యాక్‌ లాగ్‌ వస్తే ఏం చేయాలి? నిద్ర పట్టకపోతే ఏం చేయాలి?’ ఇలాంటివి చెప్పే క్లాస్‌.ప్రతి శనివారం టెస్ట్‌ పెట్టి ఆదివారం పేరెంట్స్‌కి మెసేజ్‌ పెట్టి భయపెట్టడం ఆపాలి. నెలకు ఒకసారి స్పోర్ట్స్‌ డే, మ్యూజిక్‌ డే పెట్టి ఉత్సాహ పరచాలి. చెమటపట్టే వరకు ఆడనివ్వాలి. చెమటతోపాటు ఒత్తిడి కూడా బయటకు పోతుంది.ఇల్లు వదిలి హాస్టల్‌కి వెళ్లాక...ఇంట్లో ఉన్నప్పుడు ఏడిస్తే అమ్మ చూస్తుంది. హాస్టల్‌లో ఏడిస్తే గోడలు మాత్రమే చూస్తాయి. బిడ్డ ఇల్లు వదిలాక తల్లిదండ్రులు చేయాల్సింది ఫీజు కట్టడం కాదు, ఫీలింగ్స్‌ను పట్టించుకోవడం.రోజూ వీడియో కాల్‌ చేసి ముఖం చూడండి. కళ్ళు ఉబ్బి ఉన్నాయా? నిద్రపోలేదా? గది చిందరవందరగా ఉందా? మాట తడబడుతోందా? ఇవే డిప్రెషన్‌కు తొలి సంకేతాలు. ‘ఎంత చదివావ్‌?’ అని కాదు, ‘భోజనం చేశావా? నీ రూమ్మేట్‌తో బాగున్నావా?’ అని అడగండి.బిడ్డతో ఒక ఒప్పందం చేసుకోండి. ‘కన్నా.. నీకు చాలా ఒత్తిడిగా ఉంది, మాకు చెప్పలేకపోతున్నావు అనిపించినప్పుడు మాకు ఏ సంజాయిషీ ఇవ్వాల్సిన అవసరం లేకుండా ఇంటికి రావాలి... లేదా మమ్మల్నయినా నీ దగ్గరకు రమ్మని పిలవాలి. రెండు సమయాల్లోనూ మేము నిన్నే సపోర్ట్‌ చేస్తాం’ అని. ‘నువ్వు పాసైనా చెప్పు ఫెయిల్‌ అయినా చెప్పు... కొంపలేం మునగవు... ఫ్యాకల్టీతో ఏవైనా సమస్యలుంటే చెప్పు... ఏం చేయాలో ఆలోచిద్దాం... అసలు నీకు సమస్య ఉందనిపించగానే మాతో చెప్పేయ్‌’ అని భరోసా ఇవ్వాలి.ఐఐటీలో సీటు రాక΄ోతే మరో కాలేజీ ఉంటుంది, మరో కోర్సు ఉంటుంది, మరో జీవితం ఉంటుంది. చదువులో వెనకబడితే కాస్త ముందు వెనుకలుగా పూర్తి చేయవచ్చు. కానీ బిడ్డే లేకపోతే ఏమీ ఉండదు. పిల్లల్ని డాక్టర్లు, ఇంజినీర్లుగా చూడాలనుకోవడం తప్పు కాదు. కానీ అంతకంటే ముందు వారిని మనుషులుగా, సంతోషంగా బతికే మనుషులుగా, తల్లిదండ్రుల తోడున్న మనుషులుగా బతకనివ్వండి.‘మనసు’న్న తల్లిదండ్రులు...ముంబై ఐఐటీలో సాహిల్‌ మరణం ఏ ఇంటి బిడ్డదోలే అని అనుకోవడానికి వీల్లేదు. ప్రతి ఇంట్లో సాహిల్‌లాంటి అబ్బాయో అమ్మాయో పెరుగుతున్నారు. సైలెంట్‌గా ఒత్తిడిని అనుభవిస్తున్నారు. వాళ్లను కాపాడుకోవాలి. ఇందులో వేరే ప్రసక్తే లేదు. అందుకు ఏం చేయాలి?∙ఇంట్లో పోలికలను నిషేధించండి. ‘పక్కింటి అబ్బాయి 98% తెచ్చుకున్నాడు’ అనే మాట వాళ్లను పాతాళానికి పడేస్తుంది. ఆ మాట తీసేసి ‘నిన్నటికంటే ఈ రోజు బాగా చేశావు’ అనండి.‘అన్‌ కండిషనల్‌ లవ్‌’ చూపండి. ‘నువ్వు ఫస్ట్‌ వచ్చినా లాస్ట్‌ వచ్చినా మా బిడ్డవే’ అని చెప్పండి. ర్యాంకు వస్తేనే ప్రేమిస్తామన్న భావన తీసేయండి. ఫలానా సీటు రాక΄ోతే ఇంటి తలుపులు మూసుకు΄ోతాయన భయం తీసేయండి.వినడం నేర్చుకోండి. సాయంత్రం ఇంటికి రాగానే ‘ఎన్ని మార్కులు వచ్చాయి?’ కాదు. ‘ఈ రోజు ఎలా గడిచింది?’ అని అడగండి. వాడు చెప్పేది మధ్యలో ఆపకుండా వినండి. 15 నిమిషాల ‘నో స్టడీ టాక్‌’ రోజూ పెట్టండి. మీరు మనసున్న తల్లిదండ్రులని పిల్లలకు అభిప్రాయం కలిగేలా చేయండి. ఇదీ చదవండి:

కొన్ని సంఘటనలు, అరుదైన వ్యాధులు విసిరే సవాళ్లు ఆధునిక వైద్యనికే అంతుచిక్కదు. ఒక్కోసారి ఆ సవాళ్లే కొంగొత్త వైద్య ఆవిష్కరణాలను నాంది పలికి..ఎందరినో ఆ అనారోగ​ సమస్యల నుంచి బయపడేసేందుకు దారితీస్తుంది. బతికే అవకాశాలు లేనప్పుడూ కూడా వైద్యానికే అందని విధంగా మిరాకిల్‌ జరిగి మరి జీవిస్తున్న ఎన్నో అద్భుతాలను చూశాం. ప్రస్తుతం మనం చెప్పుకోబోయే ఘటన అంతకుమించిన మిరాకిల్‌ ఘటన. ఒక్కసారే ఎవ్వరైన జన్మిస్తాం..కానీ ఈ శిశువు ఏకంగా రెండుసార్లు జన్మించింది. బహుశా ఇదే వైద్యశాస్త్రంలోని అత్యంత అరుదైన ఘటనేమో..!.అసలేం జరిగిందంటే..2016లో ఒక అత్యంత అరుదైన కేసుని ఎదుర్కొన్నారు అమెరికా వైద్యులు. టెక్సాస్‌కి చెందిన మార్గరెట్‌ బోమర్‌ సాధారణ ప్రెగ్నెన్సీ చెకప్‌కి వెళ్లింది. ఎప్పటిలానే ఆరోజు పరీక్షలు చేయించుకుంది. స్కానింగ్‌ ఆమె గర్భంలోని శిశువు వెనుముక చివరలో శాక్రోకాక్సిజియల్ టెరాటోమా అనే అరుదైన కణితి అతుక్కుని ఉన్నట్లు గుర్తించారు వైద్యులు. దీని కారణంగా ఆ శిశువు మనుగడ సాగించడం కష్టమని తేల్చేశారు. ఎందుకంటే ఆ కణితి..పిండానికి అందాల్సిన రక్తాన్ని దారిమళ్లిస్తోంది. ఫలితంగా ఆ ఒత్తిడి గుండెపై పడి గుండె వైఫల్యానికి దారితీసే ప్రమాదిన్ని పెంచుతున్నట్లు తెలిపారు. అంటే ఆ శిశువు 26 వారాల రాక మునుపే గర్భంలో చనిపోయే ప్రమాదం పొంచి ఉంది. ఆ విషయం తెలిసి ఆ మహిళ తీవ్ర ఆందోళనకు గురైంది. ఆమెకు ఇది అత్యంత భయాన ఉద్విగ్న క్షణం ఎందుకంటే. అసలు నిజానికి ఆమె గర్భంలో కవలలు పెరిగారు. అందులో ఒక శిశువు రెండో నెలలోనే గర్భస్రావం అయ్యింది. పోనీలే మరో శిశువు ఆరోగ్యంగా పెరుగుతోంది కదా అనుకుంటే ..మళ్లీ ఇలాంటి విషయం వినడంతో మరింతగా హడలిపోయింది మార్గరేట్‌. చాలామంది వైద్యులు గర్భం తొలగించుకోవాల్సిందే సూచించారు. ఎందుకంటే ఆ కణితిని అతి కష్టంపై సర్జరీ ద్వారా తొలగించినా..ఆ చిన్నారి బతికే అవకాశాలు 50% మాత్రమే అని తేల్చేశారు వైద్యలు. అయితే మార్గరేట్‌ ఆమె భర్త ఆమెను ఎలాగైనా బతికించుకోవాలనే నిర్ణయానికి వచ్చి.. టెక్సాస్ చిల్డ్రన్స్ హాస్పిటల్‌లోని ఒక ప్రత్యేక శస్త్రచికిత్స బృందాన్ని ఆశ్రయించారు. అక్కడ పిండం అభివృద్ధి చెందుతున్నప్పుడే..నేరుగా శస్త్ర చికిత్స చేసి..తిరిగి గర్భం కొనసాగేలా ఆ పిండాన్ని గర్భాశయంలోకి ప్రవేశపెట్టే ప్రమాదకరమైన ప్రక్రియ గురించి వైద్యలు ఆమెకు వివరించారు. 23 వారాల గర్భం నాటికే ప్రమాదం తీవ్రమయ్యే అవకాశాలు ఎక్కువగా ఉండటంతో..తక్షణమే గుండె పనితీరుని దెబ్బతీస్తున్న ఆ కణితిని తొలగించే సర్జరీ చేశారు. అరచేతిలో ఇమిడిపోయే అత్యంత చిన్న పిండాన్నే గాల్లో ఉంచే కణితిని తొలగించారు. చెప్పాలంటే..ఆపరేషన్‌ జరుగుతున్నంత సేపు గుండె ఆగిపోయింది. అయితే హార్ట్‌ సర్జన్‌ ఆ శిశువుని బతికించారు. ఆ శస్త్ర చికిత్స సమయంలోనే ఆక్సిజన్ని ప్లాసెంటా ద్వారా తల్లికి అనుసంధానించారు. అలా కణితిని తొలగించి..ఆ ఆడ శిశువుని తిరిగి గర్భంలోని ప్రవేశపెట్టి..శరీరంలో ద్రవాల సమతుల్యత పునరుద్ధరించి..గర్భాశయాన్ని పూర్తిగా కుట్టువేసి మూసివేశారు. అంతేగాదు మార్గరేట్‌ని కఠినమైన విశ్రాంతిలో ఉంచి ఆ శిశువు గర్భంలో ఆరోగ్యంగా పెరిగేలా చేశారు. అలా 36 వారాల అనంతరం రెండోసారి సీ సెక్షన్‌ ద్వారా ఆ శిశువుని బయటకు తీశారు. తల్లి బిడ్డ ఇద్దరు ఆరోగ్యంగానే ఉన్నట్లు వైద్యులు నిర్థారించారు. ఆ చిన్నారి సుమారు 2.41 గ్రాముల ఆరోగ్యకరమైన బరువుతో ఉండటం విశేషం. ఆ చిన్నారి బయటకొచ్చిన ఎనిమిది రోజులకు వెన్నుముక చివరి ఎముక కణజాలన్ని శుభ్రం చేసేందుకు ఒక సాధారణ ఆపరేషన్‌ చేశారు. ఆ అద్భుత శిశువుకి లిన్లీ హూప్‌ అని పేరు పెట్టారు. సదరు తల్లి మార్గరేట్‌ మాత్రం ఇది అద్భుతమైన భయానక క్షణంగా పేర్కొంది. ఎందుకంటే క్షణం, క్షణం ఉత్కంఠ..బతికించుకోగలనా అన్న సందేహాల మధ్య సాగిన గర్భధారణ అని అంటోందామె.ఇదీ చదవండి: Shruti Haasan: ఎప్పటికీ తల్లిని కాలేననుకున్నా..!: శ్రుతి హాసన్‌

‘కుటుంబాన్ని చూసుకోవాలా? ఉద్యోగం చేసుకోవాలా?’ అనే సంశయంలో ఉద్యోగం మానెయ్యాలనుకున్నారు అరుంధతీ భట్టాచార్య. ఆమె తన నిర్ణయానికి కట్టుబడి ఉంటే, భారతీయ బ్యాకింగ్‌ రంగంలో తనకంటూ ఒక పేజీ ఉండేది కాదు. ‘కష్టంగా అనిపించినా సరే, ఉద్యోగం వదులుకోవద్దు’ అని ఆమె గట్టిగా అనుకోవడం వల్లే ఎస్‌బీఐ కి తొలి మహిళా చైర్‌ పర్సన్‌గా చరిత్ర సృష్టించారు అరుంధతీ భట్టాచార్య. తాజా విషయానికి వస్తే ఆమె ఆత్మకథలాంటి ‘ఇండామిటబుల్‌: ఏ వర్కింగ్‌ ఉమెన్స్‌ నోట్స్‌ ఆన్‌ లైఫ్‌–వర్క్‌ అండ్‌ లీడర్‌షిప్‌’ హిందీ అనువాదం ‘అపరాజిత’ విడుదలైంది...‘ఇండామిటబుల్‌’ పుస్తకం బ్యాంకర్‌గా అరుంధతి జీవిత కథ. పురుషాధిక్య రంగంలో ఆమె ఎదుర్కొన్న సవాళ్ల కథ. భిలాయ్, బొకారోలాంటి నిశ్శబ్ద పట్టణాలలో పెరిగిన అరుంధతి భట్టాచార్య తాను భారతదేశంలోని అతి పెద్ద బ్యాంకుకు చైర్‌ పర్సన్‌ అవుతానని అనుకోలేదు. బ్యాంక్‌ ప్రోబేషనరీ ఆఫీసర్‌ల ప్రవేశపరీక్ష గురించి ఒక స్నేహితురాలి ద్వారా తెలుసుకున్న అరుంధతి దరఖాస్తు చేసుకొని, పరీక్ష రాసి ఉద్యోగానికి ఎంపికయ్యారు. బ్యాంకింగ్‌ రంగంలో నాలుగు దశాబ్దాల అద్భుత ప్రయాణం చేశారు.సానుకూల శక్తితో... తరచుగా బదిలీలు జరిగే ఉద్యోగంలో కుటుంబ, వృత్తి జీవితాన్ని సమన్వయం చేసుకోవడం అంత సులువేమీ కాదు. సమన్వయం చేసుకోవడం ఒకానొక కాలంలో కష్టంగా అనిపించడం తో ఉద్యోగానికి రాజీనామా చేయాలనుకున్నారు. అంతలోనే ఆలోచనలో పడి... ‘ఇది సరికాదు’ అని ముందుకు కదిలారు.వృత్తిజీవితంలో ఆమెకు ఎన్నో సవాళ్లు ఎదురయ్యాయి. వాటిని సానుకూల దృక్పథంతో ఎదుర్కొన్నారు. కొత్త పనిని నేర్చుకోవడంలో ఉత్సాహాన్ని ప్రదర్శించారు. చైర్‌ పర్సన్‌గా బ్యాంకును క్లిష్టమైన దశలను దాటించారు. బ్యాంకులపై ప్రజల్లో అవిశ్వాసం ఏర్పడినప్పుడు వాటిపై విశ్వాసాన్ని నింపారు. ఆమె నాయకత్వంలో కస్టమర్‌–సెంట్రిక్, డిజిటల్లీ అడ్వాన్స్‌డ్‌ బ్యాంక్‌గా ఎస్‌బీఐ ఎదిగింది.ఉత్సాహంగా... మహిళలు గ్రామీణ ప్రాంతాలలో పనిచేయడానికి ఎందుకు ఇష్టపడడం లేదు?ఎస్‌బీఐలో కెరీర్‌ పురోగతికి ముఖ్యమని భావించే గ్రామీణ అసైన్‌మెంట్‌లపై మహిళా అధికారులు ఆసక్తి ప్రదర్శించకపోవడంపై అరుంధతి ఆశ్చర్యపోయేవారు. ఆసక్తి లేకపోవడానికిగల కారణాలలో, గ్రామీణ ప్రాంతాలలో సరైన వసతి లేకపోవడం లాంటి సమస్యలు ఎన్నో ఉన్నాయి. దీన్ని దృష్టిలో పెట్టుకొని ఎస్‌బీఐ గ్రామీణ ప్రాంతాలలో ఉద్యోగికి వసతితోపాటు, మెస్‌ను కూడా ఏర్పాటు చేసింది.దీనివల్ల మహిళ ఉద్యోగులు గ్రామీణ ప్రాంతాలలో పనిచేయడానికి వెనకడుగు వేయలేదు. గ్రామీణ ప్రాంతాలలో ఉద్యోగం చేయడంపై ఉండే అనాసక్తిని వదులుకొని ఉత్సాహంగా, న్వతంత్రంగా పనిచేయడానికి వెళ్లిన విషయాన్ని ఆమె గుర్తు చేసుకున్నారు. ‘ఉద్యోగులు ఎందుకు పనిచేయడం లేదు?’ అనే సందేహం నుంచి–‘వారిని వెనక్కి లాగుతున్న కారణాలు ఏమిటి?’ అనేది విశ్లేషించడం వరకు ఎస్‌బీఐలో ప్రతి అడుగులో తనదైన పరిష్కార మార్గాన్ని చూపారు.అదే ప్రధానం... ‘జెన్‌ జెడ్‌ ఏదైనా సులభంగా కోరుకుంటుంది. కష్టపడడానికి ఇష్టపడరు. అసహనంగా ఉంటారు... అనే అభిప్రాయం ఒకటి ఉంది. ఇది పూర్తిగా తప్పు అని నేను నమ్ముతున్నాను. యువతరం దృఢంగా ఉంది. జీతం చెక్‌కు మించి ఒక లక్ష్యాన్ని ఏర్పాటు చేసుకుంటోంది. యువతకు నేను ఇచ్చే సలహా ఒక్కటే. వెనక్కి వెళ్లవద్దు. నేను చేయలేనని వెనక్కిపోవడం చాలా సులభం. అది క్షణాల్లో జరిగిపోతుంది. వెనక్కి వెళ్లను... అనుకొని ప్రయత్నించండి. మీరు ప్రయత్నిస్తే మార్గాలు తెరుచుకుంటాయి. ఒకవేళ మధ్యలో ఏవైనా ఆంటకాలు ఎదురైతే అలాగే కానివ్వండి. అవి నేర్చుకోవడానికి అవకాశాలు. వాటినుంచే నేర్చుకోండి. నేర్చుకోవడమే ప్రధానం’ అంటారు అరుంధతి భట్టాచార్య. ఎన్నో బాధ్యతలు...ఇష్టంగా!ఆరోజుల్లో ఉద్యోగావకాశాలు చాలా తక్కువగా ఉండేవి. అలాంటి కాలంలో బ్యాంకు ఉద్యోగంతో నా కెరీర్‌ మొదలైంది. ఉద్యోగం వచ్చిన తరువాత నేను అందులోనే కొనసాగాలనుకోవడానికి కారణం అది నాలో ఆసక్తి, ఉత్సాహాన్ని నింపడమే. నాలుగు దశాబ్దాల ఉద్యోగ ప్రస్థానంలో వివిధ విభాగాల్లో పదహారు రకాల ఉద్యోగ బాధ్యతలు నిర్వర్తించాను. ఎప్పటికప్పుడూ కొత్త విషయాలు నేర్చుకోవల్సి వచ్చేది. కార్పొరెట్‌ బ్యాంకింగ్‌ నుండి ట్రెజరీకి, ఆపై రిటైల్‌ విభాగానికి, అక్కడి నుంచి కొత్త వ్యాపారాలు ప్రారంభించే విభాగానికి ఆ తరువాత హెచ్‌ఆర్‌కు, చివరగా ఇన్వెస్ట్‌మెంట్‌ బ్యాంకింగ్‌కు మారాను. ఇవన్నీ చాలా పెద్ద మార్పులు. ప్రతి మూడేళ్లకు ఒకసారి కొత్త ఉద్యోగం చేస్తున్నట్లుగా అనిపించేది. పని చేస్తూనే నేర్చుకునే అవకాశం ఉండడం వల్ల నా ఆసక్తి అలాగే కొనసాగింది. కొత్త విషయాలు నేర్చుకోవడం, కొత్త ప్రదేశాలు చూడడం, కొత్త సంస్కృతులను అర్థం చేసుకోవడం నాకు ఎప్పుడూ ఇష్టం. అందుకే ఈ ప్రయాణం నాకు ఆసక్తికరంగా అనిపించింది.– అరుంధతి భట్టాచార్య

Abhishek Sujit Sharma Success story పట్టుదల, కృషి ఉండాలేగానీ అడ్డంకులన్నీ విజయానికి బాటలు వేస్తాయి. ముంబైలోని ఒక మురికివాడ నుంచి ఐఐటీ ఢిల్లీ దాకాఎదిగిన వైనం స్ఫూర్తి దాయకం. జేఈఈ అడ్వాన్స్‌డ్‌లో 199 మార్కులు సాధించి, OBC-NCL కేటగిరీలో 415 ర్యాంక్ (All India Rank 2,456) సాధించాడు. దీని ద్వారా ఐఐటీ ఢిల్లీలో సీటు సంపాదించి, తన కమ్యూనిటీ నుంచి తొలి ఐఐటీయన్‌గా నిలిచిన అభిషేక్ సుజిత్ శర్మ సక్సెస్‌ స్టోరీ ఇది.ముంబైలోని లోకమాన్య తిలక్ నగర్‌లోని హరద్ ఛావుల్‌లో ఒక చిన్న అద్దె గదిలో (నెలకు రూ. 3,000) నలుగురు సభ్యుల కుటుంబంతో అభిషేక్ నివసించేవాడు. అతని తండ్రి ఒక స్టీల్ ఫ్యాబ్రికేషన్ కంపెనీలో కార్మికుడిగా ఉన్నారు. కనీస వసతులు కూడా లేక, అనేక ఆర్థిక ఇబ్బందుల మధ్య అభిషేక్‌ చదువు సాగేది. దీంతో ఖరీదైన కోచింగ్‌లు అన్న ప్రశ్నేలేదు. ఆన్‌లైన్ క్లాసులపైనే ఆధారపడేవాడు. ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?మొబైల్ డేటా అయిపోయిన ప్రతిసారీ, పక్కింటి వారి వైఫై (Wi-Fi) కనెక్షన్‌ని ఉపయోగించుకోవడానికి అతను తన ఇంటి టెర్రస్ పైకి ఎక్కేవాడు. ఆ టెర్రసే కొంతకాలం అతనికి క్లాస్‌రూమ్‌లా మార్చుకుని జేఈఈ అడ్వాన్స్‌డ్ (JEE Advanced) ప్రిపేర్‌ అయ్యేవాడు. అభిషేక్‌కు సౌకర్యంగా ఉండాలని అతని తల్లిదండ్రులు నేలపై పడుకుని మంచాన్ని అతనికి కేటాయించారు. చివరికి జేఈఈ అడ్వాన్స్‌డ్‌లో 199 మార్కులు సాధించి, ఓబీసీ-ఎన్‌సీఎల్ విభాగంలో 415వ ర్యాంకును పొందారు. తొలి ఐఐటియన్‌గా తన కుటుంబానికి గర్వంగా నిలవడమే కాడు, తనలాంటి ఎంతోమంది స్ఫూర్తిగా నిలిచాడు.ఇదీ చదవండి: రూ. 2 లక్షల కోట్లు : జపాన్‌కు ధీటుగా హై-స్పీడ్ బుల్లెట్ రైలు

క్యాప్సికమ్‌ ఎంత టేస్టీగా ఉంటుందో తెలిసిందే. కడాయి పనీర్‌ నుంచి ఫ్రైడ్‌ రైస్‌ వరకు విభిన్న వంటకాల్లో దీని డిమాండ్‌ వేరేలెవెల్‌. అలాంటి క్యాప్సికమ్‌ని ఎలా సాగు చేస్తారో తెలుసా..మాములు కూరగాయలు పండించినట్లుగా మాత్రం కాదు. దీని గురించి పూర్తిగా తెలుసకునే ఈ సాగుకి దిగాలి. కానీ ఓ ఎంబీఏ గ్రాడ్యుయేట్‌ ఆ సాహసం చేసి కోట్లు లబ్ధి పొందుతోంది. మరి ఆమె ఎలా ఈ వ్యసాయం రంగాన్ని ఎంచుకుని లాభాలు గడిస్తుందో చూద్దామా..!.ఆ యువతే మహారాష్ట్రలోని జున్నార్‌లో ఒక వ్యవసాయ కుటుంబానికి చెందింది ప్రణితి వామన్‌. ఎంబిఏ గ్రాడ్యుయేట్‌ అయిన ప్రణిత కార్పొరేట్‌ ఉద్యోగాల వైపుకి మళ్లకుండా..నేల తల్లి వైపే అడుగులు వేసింది. అంతేగాదు టాటా ఇన్‌స్టిట్యూట్‌ ఆఫ్‌ సోషల్‌ సైన్సెస్‌ నుంచి ఎంబీఏ చేసిన వెంటనే ఫుడ్‌ప్రాసెసింగ్‌ కంపెనీలో ఇంటర్న్‌షిప్‌ చేసింది. అయినా కూడా కార్పొరేట్‌ ఉద్యోగం వద్దనుకుని వ్యవసాయం రంగంలోకి వెళ్లేందుకే మొగ్గు చూపింది. తన ఇంటర్న్‌షిప్‌ సమయంలోనే వ్యవసాయ-పారిశ్రామికవేత్తగా మారాని భావించిందట. అదే తన లక్ష్యంగా ఏర్పరుచుకుని మరి ఈ ఫీల్డ్‌లోని వచ్చింది ప్రణిత. ఆమె హై-టెక్ వ్యవసాయంలోని సామర్థ్యాన్ని గుర్తించి..2020లో కేవలం ఒక ఎకరం భూమిలో పాలీహౌస్‌లో క్యాప్సికమ్‌ సాగుని ప్రారంభించింది. ఫాలీహౌస్‌ సాగులో ఉష్ణోగ్రత, తేమ, ఇతర అంశాలను నియంత్రించడం ద్వారా పంటలకు అనుకూలమైన వాతావరణాన్ని కల్పిస్తారు. ఈ పద్ధతి కొన్ని పంటలను ఏడాది పొడవున పండించేందుకు వీలు కల్పిస్తుందట. అలా ఆమె బ్రోకలీ, లెట్యూస్‌ వంటి కూరగాయలను పరిశీలించి ఆ తర్వాతే క్యాప్సికమ్‌ పండించాలని నిర్ణయించుకుందట. రెస్టారెంట్‌, హోటళ్లలో దీని డిమాండ్‌ చూసి ప్రణితి ఈ కూరగాయను సాగు చేయాలని నిర్ణయించుకుందామె. లాక్‌డౌన్‌కి కొద్ది రోజుల ముందు నుంచి మార్చి 2020లో క్యాప్సికమ్‌ సాగుని ప్రారంభించింది. నీటి పారుదల వ్యవస్థను ఏర్పాటు చేయడానికి విత్తనాలు కొనడానికి ఇతర అవసరాల కోసం సుమారు రూ. 20 లక్షలు పెట్టుబడి పెట్టింది. తన వ్యాపార ఆలోచనను ప్రారంభించేందుకు అవసరమైన మిగిలిన మొత్తాన్ని సబ్సిడీ రూపంలో పొందింది ప్రణిత. ఇంత కష్టపడితే..సరిగ్గా పంట కోత సమయానికి లాక్‌డౌన్‌ రావడంతో హోల్‌సేల్‌ కూరగాయల వ్యాపారుల గురించి తెలుసుకోవడం కష్టమైపోయింది. ఆ సమయంలో రైతులంతా సాగుని నిలిపేయడంతో కూరగాయలను కొనుగోలు చేసే వ్యాపారిని గుర్తించడానికి ఎన్నో పాట్లు పడింది. చివరికి ఎంతో శ్రమించి ఒక వ్యాపారిని గుర్తించి తన పంటను అమ్మే ప్రయత్నాలు చేసింది. అలా ఆమెకు మొదటి పంటలో 40 టన్నుల క్యాప్సికమ్ దిగుబడి రాగా, రూ. 32 లక్షల టర్నోవర్‌ ఆర్జించింది. ప్రస్తుతం ఆమె ఈ పంటతో ఏడాదికి రూ. 4 కోట్లు టర్నోవర్‌ ఆర్జిస్తోంది. దానిలో రూ. 2.25 కోట్లకు పైగా లాభాలను అందుకోవడం విశేషం. ఇక ప్రణిత తన ఉత్పత్తులను నాసిక్‌, దాదర్‌, జైపూర్‌ తదితర ఇతర ప్రాంతాల్లోని టోకు వ్యాపారులకు నేరుగా విక్రయిస్తోంది.ఇదీ చదవండి: ఆ రెస్టారెంట్‌లో మెనూనే ఉండదట..! ఫుడ్‌ ఎలా ఆర్డర్‌ చేస్తారంటే..)

టాలీవుడ్‌ నటి, విలక్షణ నటుడు కమల్‌ హాసన్‌ ముద్దుల తనయ శ్రుతి హాసన్‌ గర్భధారణ గురించి చాలాచాలా ఆసక్తికర విషయాలను పంచుకున్నారు. తాను 14 ఏళ్ల వయసు నుంచే పీసీఓఎస్‌(పాలీసిస్టిక్ ఓవరీ సిండ్రోమ్)ని ఎదర్కొన్నట్లు తెలిపారు. దీని వల్ల భవిష్యత్తులో గర్భం దాల్చడం కష్టమని చాలామంది వెద్యులు హెచ్చరించనట్లు గుర్తుచేసుకుంది. ప్రతి ఒక్కరూ అమ్మా.. ఇది చాలా కష్టం భవిష్యత్తులో తల్లి అయ్యే అవకాశాలు తక్కువ అంటూ చెబుతుండేవారని, దాంతో తాను ఎంతగా ఆందోళన చెందిందో కూడా చెప్పుకొచ్చింది. అంతేగాదు ఒకానొక టైంలో అవసరమైతే పిల్లలను దత్తత తీసుకుందామని ఫిక్స్‌ అయినట్లు కూడా చెప్పుకొచ్చింది. సోహా అలీఖాన్‌తో జరిగిన పాడ్‌కాస్ట్‌లో ఈ విషయాలను పంచుకుంది శ్రుతి హాసన్‌. అయితే 53 ఏళ్ల వయసులో కామెరాన్ డయాజ్ బిడ్డకు జన్మనివ్వడంతో తనకు తల్లి అయ్యే అవకాశంపై కొత్త ఆశను రేకెత్తించిందని భావోద్వేగంగా చెప్పుకొచ్చింది. పీసీఓఎస్‌ అంటే గర్భందాల్చడం లేదా పిల్లలను కనడం గురించి పూర్తిగా మర్చిపోవాలని చెబుతుండే మాటలు వింటూ పెరిగానని తెలిపింది. అయితే డాక్టర్‌ ధృప్తి దేధియా తన ఆలోచనా విధానాన్ని పూర్తిగా మార్చేసిందన్నారు. నువ్వు తల్లివి కావాలనుకుంటే..తనకు చెప్పమని, అప్పుడు తగిన పరిష్కారం చెబుతానని భరోసా ఇచ్చినట్లు తెలిపారు. ఆమె పీసీఓఎస్‌ వల్ల గర్భందాల్చడం కష్టమైనప్పటికీ..అసాధ్యమైతే కాదని నమ్మకం అందించారని చెప్పుకొచ్చారు శ్రుతి హాసన్‌. తనకు డాక్టర్‌ అలా భరోసా ఇవ్వడం తనకు ఎంతో సంతోషాన్నించిందంటూ తన ఆనందాన్ని వ్యక్తం చేసింది. కాగా, సాధారణ నెలలో ఒక ఫొలికల్‌ పెరిగి పరిపక్వం చెంది అండాన్ని విడుదల చేస్తుంది. అయితే పీసీఓఎస్‌ ఉంటే..అనేక ఫొలికల్స్‌ పెరగడం మొదలవుతాయి. అయితే ఏ ఒక్కటి ప్రధానంగా ఎదగదని చెబుతున్నారు వైద్యులు. సాధారణంగా 28 రోజుల రుతుచక్రం ఉంటే..ఏడాదికి దాదాపు 12 లేదా 13 అవకాశాలు లభిస్తాయి. అదే 60 లేదా 90 రోజుల చక్రం ఉన్న మహిళకు 4 లేదా 5 అవకాశాలు మాత్రమే లభిస్తాయి.నిజంగానే పీసీఓఎస్‌ గర్భధారణను ప్రభావితం చేస్తుందా?సాధారణంగా ప్రతి నెలా అండాశయం నుండి ఒక అండం విడుదలవుతుంది. కానీ పీసీఓఎస్ ఉన్నవారిలో హార్మోన్ల అసమతుల్యత వల్ల అండం సరిగ్గా పెరగక లేదా సకాలంలో విడుదల కాక పీరియడ్స్ క్రమం తప్పుతాయి. అండం విడుదల కానప్పుడు సహజంగానే గర్భం దాల్చడం ఆలస్యమవుతుంది. దీన్ని సరైన జీవనశైలి, చక్కటి ఆహారపు అలవాట్లతో ఈ సమస్యను జయించొచ్చని చెబుతున్నారు వైద్యులు. బరువుని అదుపులో ఉంచుకుంటూ సమతుల్యమైన ఆహారం తీసుకొంటూ ఉంటే..పీరియడ్స్‌ ఇర్‌రెగ్యులర్‌గా రావడం అనేది ఉండదని చెబుతున్నారు. అలాగే వైద్యులు పీరియడ్స్‌ క్రమం తప్పకుండా ఉండేలా కొన్ని ఇంజెక్షన్లు సూచిస్తారని, వాటి సాయంతో ఈ సమస్యలను అధిగమించొచ్చని చెబుతున్నారు వైద్యులు.(చదవండి: Mrunal Thakur: లూసీ చీరలో స్టైలిష్‌గా మృణాల్‌ ఠాకూర్‌..!)

పారిశ్రామికవేత్త, టాలీవుడ్‌ నటుడు రామ్‌ చరణ్‌ భార్య ఉపాసన కొణిదెలకు ఆధ్యాత్మిక కార్యక్రమాల్లో చాలా చురుగ్గా పాల్గొంటుంటారు. కుటుబంతో కలిసి జరుపుకున్న ప్రతి పండుగకు సంబంధించిన మధుర క్షణాలను ఆమె సోషల్‌ మీడియా వేదికగా షేర్‌ చేసుకుంటుంటారు. URLife' వ్యవస్థాపకురాలు, మేనేజింగ్ డైరెక్టర్ ఉపాసన కామాఖ్య దేవి ఆలయాన్ని సందర్శించిన విశేషాలను సైతం పంచుకున్నారు. తాజాగా అయోధ్య ఆలయంలోని 'రామ్ లల్లా'కి సంబంధించి మరో ఆసక్తికర విషయాన్ని షేర్‌ చేసుకున్నారు. View this post on Instagram A post shared by Upasana Kamineni Konidela (@upasanakaminenikonidela) హిందూ ఇతీహాసాల్లో రామాయాణంకి ఉన్న మహాత్తు అంతా ఇంత కాదు. అందులోనూ ఏడు కాండలలో సుందర కాండకు ఉన్న విశిష్టిత మాటల్లో చెప్పలేనిది. పేరుకి తగ్గట్టుగానే అ‍త్యంత సుందరమైన కాండ ఇది. అలాంటి మహిమాన్వితమైన సుందరకాండ పారాయణాన్ని ఇటీవలే సెప్టెంబర్‌ 21న దిగ్విజయంగా పూర్తిచేసినట్లు ఇన్‌స్టాగ్రామ్‌ వేదికగా తెలిపింది ఉపాసన. అదే రోజున అత్యంత యాదృశ్చికంగా అయోధ్య రామమందిరంలోని బాలరాముని విగ్రహాన్ని రూపొందించిన యోగిరాజ్‌ చేత తను చేయించుకున్న రాముని విగ్రహం కూడా పూర్తి అయ్యిందని భావోద్వేగంగా చెప్పుకొచ్చింది ఉపాసన. తన సుందరకాండ పారాయణం పూర్తి అయ్యిన రోజునే ఈ విగ్రహం తయారీ పూర్తి అవ్వడం నిజంగా తనకు చాలా ప్రత్యేకమంటూ పోస్టులో చాలా సంబరంగా పేర్కొంది. అంతేగాదు ఆ సంతోషకరమైన సంఘటన గురించి ఉపాసన పోస్ట్‌లో ఇలా వివరించింది. తాను బాలరాముని విగ్రహాన్ని రూపొందించిన అరుణ్‌ యోగిరాజ్‌ చేత ఈ విగ్రహాన్ని చేయించుకోవాలని సుమారు ఏడాది క్రితమే నిర్ణయించుకున్నట్లు తెలిపింది. అది తన 93 ఏళ్ల తాతగారి కోసం చేపట్టిన ప్రాజెక్టుగా పేర్కొంది. సుందరకాండ పట్ల ఆయనకున్న జీవితకాల భక్తి తనకు సదా స్ఫూర్తినిస్తూనే ఉంటుందని వెల్లడించింది. పైగా తన పారాయణం పూర్తి అయ్యిన రోజే ఈ విగ్రహం సిద్ధమవ్వడం దైవిక సంక్పంగా భావిస్తున్నా, అని భావోద్దేవగం పోస్ట్‌లో రాసుకొచ్చింది ఉపాసన. కాగా, జూన్‌ 2026లో అపోలా హాస్పిటల్స్‌ సీఎస్‌ఆర్‌ విభాగం వైస్‌ చైర్‌పర్సన్‌ ఉపాసన కొణిదెల ఆర్థిక మంత్రి నిర్మలా సీతారామన్‌ నుంచి లక్ష్మీ దేవి విగ్రహాన్ని అందుకున్న ఫోటోను కూడా ఇన్‌స్టాగ్రామ్‌లో పంచుకుంది. లక్ష్మీదేవి సంపద, శ్రేయస్సుకి చిహ్నంగా పేర్కొంటూ..ప్రతి ఒక్కరూ కూడా తమ సొంత జీవితాలకు చీఫ్‌ ఫైనాన్షియల్‌ ఆఫీసర్‌గా మారగలిగితే ఎలా ఉంటుందో ఒక్కసారి ఊహించమని కోరింది పోస్ట్‌లో. ప్లీజ్‌ అందరం ఇప్పటికైనా ఆర్థిక అక్షరాస్యత దిశగా పయనిద్దాం అంటూ పోస్ట్‌ని ముగించింది ఉపాసన. View this post on Instagram A post shared by Upasana Kamineni Konidela (@upasanakaminenikonidela) (చదవండి: జింకపిల్లకు పులిపాలు!)

బాలీవుడ్‌ నటి మృణాల్‌ ఠాకూర్‌ తన విలక్షణమైన నటనతో అశేష అభిమానులను సంపాదించుకుంది. కుందనపు బొమ్మలా ఉండే మృణాల్‌ తనదైన ఫ్యాషన్‌తో అభిమానులను అలరిస్తుంటుందామె. సందర్భానుసారం కాకుండా విభిన్నంగా ఫ్యాషన్‌ని ఎంచుకుని ఇలా కూడా స్టైలిష్‌గా కనిపించొచ్చు అని చెబుతుంది తన లుక్‌తో. ఈసారి ఏకంగా మృణాల్‌ ఎయిర్‌పోర్ట్‌లో రెగ్యులర్‌ చుడీదార్‌ లేక జీన్స్‌, ఫార్మల్‌ ‍డ్రెస్‌లో కాకుండా సంప్రదాయ ఫ్యాషన్‌తో భలే ట్విస్ట్‌ ఇచ్చింది చూపురలకు. ఆమె ఎయిర్‌పోర్టుకే వచ్చిందా? లేక మరిచి ఇటు వచ్చిందా అన్నట్లుగా సంప్రదాయ చీరలో మెరిసింది. ఆమె ప్రియాంక గుప్తా సమ్మర్‌ కలెక్షన్‌కు చెందిన లూసీ చీరను ఎంచుకుంది. ఆరుగజాల మింట్‌ గ్రీన్‌, ఐవరీ బ్లష్‌ పింక్‌ రంగులు కలియికతో ఉన్న చీరలో ఆకర్షణీయంగా కనిపించింది. ఈ చీర గింగం శైలి చెక్స్‌తో డిజైన్‌ చేశారు. పూల అంచులు, సున్నితమైన లేస్‌ ట్రిమ్‌ ఈ చీరను మరింత అందంగా కనిపించేలా చేశాయ్‌. ఆ చీరలోని సున్నితమైన వివరాలు తోపాటు దానికి జతగా సరిపోయే బ్లౌజ్‌ ఆ అందమైన శారీ రూపాన్ని పూర్తి చేసింది. ఇక ఈ బ్లౌజ్‌ వెనుక ఓపెన్‌ బ్యాక్‌, టై అప్‌ స్ట్రింగ్స్‌ ఉన్నాయి. ఈ డిజైన్‌ ముందు నుంచి చూస్తే..సూక్ష్మంగా, వెనుక నుంచి మొత్తం రూపాన్నే మార్చేస్తోంది. ఈ అందమైన శారీ ధర వచ్చేసి అక్షరాలు రూ. 24000/- ఈ చీరకు అనుగుణంగా డియోర్ రాఫియా లేడీ డియోర్ బ్యాగ్ ఒక విలాసవంతమైన లుక్‌ని అందించింది. చేతితో డిజైన్‌ చేసిన బ్యాగ్‌ ఇది. దీనికి సిగ్నేచర్‌ బ్రాండెడ్‌ చార్మ్స్‌ అలంకరించి ఉన్నాయి. మేకప్‌కి అంతగా ప్రాధాన్యం ఇవ్వకుండా సహజంగా కనిపించేలా కాజల్‌తో అందంగా తీర్చిదిద్దిన కళ్లతో ప్రకాశవంతంగా కనిపించింది. అంతేగాదు మృణాల్‌ ఆభరణాలతో పనిలేదు అని చెప్పేలా స్టన్నింగ్‌ లుక్‌తో కట్టిపడేసింది చూపురులను.(చదవండి: నీతా అంబానీ ధరించి నెక్లెస్‌లో స్పెషాల్టీ ఇదే..! డిజైనింగ్‌కే మూడున్నర ఏళ్లు..)

చేతులు కాలాక ఆకులు పట్టుకోకూడదని సామెత. వృద్ధాప్యంలో కాస్త మతిమరుపు రావడం సహజం. అప్పుడు మతిమరపు (డిమెన్షియా) వస్తుంటే బాధపడటం కంటే 40ల నుంచే కొన్ని జాగ్రత్తలు తీసుకోవడం అన్ని విధాలా మేలన్నది డాక్టర్ల మాట. మెదడు తాలూకు మంచి ఆరోగ్యంతో పాటు భవిష్యత్తులో పెద్దవయసులో మతిమరపు రాకుండా ఉండటం కోసం తీసుకోవాల్సిన జాగ్రత్తలేమిటో చూద్దాం.నిజానికి మెదడుకు కలిగే నష్టాలు చాలాసార్లు బయటకు కనిపించకుండా మధ్య వయసునుంచే అంటే 40ల నుంచే మొదలవుతాయి. కారణం... చాలామందిలో ఆ వయసు నుంచే హైబీపీ, డయాబెటిస్, హై కొలెస్ట్రాల్‌ వంటి జబ్బులు మొదలవుతాయి. దేహానికి వచ్చే ఈ తరహా జీవక్రియలకు సంబంధించిన జబ్బులను (మెటబాలిక్‌ డిజార్డర్స్‌)ను తమ మధ్యవయసులోనే... అంటే తమ నలభైల వయసులోనే అదుపులో ఉంచుకుంటే... భవిష్యత్తులో... అంటే... తమ 60లు, 70లలో వచ్చే మతిమరపు (డిమెన్షియా) ముప్పును తగ్గించుకోవచ్చన్నది వైద్య నిపుణులు అభిప్రాయం.ఒక కేస్‌ స్టడీ చూద్దాం... 50 ఏళ్ల ఓ వ్యక్తి తాలూకు కుటుంబంలో... అతడి కుటుంబ సభ్యుల్లో కొందరికి వృద్ధాప్యంలో మతిమరపు (డిమెన్షియా) వచ్చిన కుటుంబ చరిత్ర (ఫ్యామిలీ హిస్టరీ) ఉంది. అయితే తన ఈ 50 ఏళ్ల వయసప్పుడు మాత్రం అతడికి జ్ఞాపకశక్తికి సంబంధించిన ఎలాంటి సమస్యా లేదు.అతడు చేయించుకున్న సాధారణ ఆరోగ్య పరీక్షల్లో (యాన్యువల్‌ రొటీన్‌ హెల్త్‌ టెస్టుల్లో) మాత్రం రక్తపోటు కొద్దిగా ఎక్కువగా ఉండటం, చెడు (ఎల్‌డీఎల్‌) కొలెస్ట్రాల్‌ కూడా ఎక్కువగా ఉండటం, ఇన్సులిన్‌ సరిగ్గా పనిచేయకపోవడం... ఇవన్నీ మొదలవుతున్న దశలు కనిపించాయి. ఎక్కువసేపు కదలకుండా కూర్చునే జీవనశైలి కారణంగా ఇలాంటి సమస్యలు కనిపించడం మామూలే.ఆయన ప్రతిరోజూ వేగంగా నడవాలని, పీచు పదార్థాలు ఎక్కువగా ఉండే ఆహారం తీసుకోవాలని, తక్కువ కొవ్వు కలిగినప్రోటీన్‌ ఆహారం తీసుకోవాలని డాక్టర్లు అతడికి సూచించారు. అవసరమైన మందులతో రక్తపోటు, కొలెస్ట్రాల్‌ను కూడా అదుపులో పెట్టారు.మూడేళ్లలో ఆయన ఆరోగ్య ప్రమాణాలు సాధారణ స్థాయికి వచ్చాయి. అయితే డాక్టర్లు ఇవన్నీ చేసింది కేవలం మధ్యవయసులో అతడి గుండెనూ, ఆరోగ్యాన్ని కాపాడేందుకు మాత్రమే కాదు... భవిష్యత్తులో మెదడు ఆరోగ్యాన్నీ... భవిష్యత్తులో అతడి జ్ఞాపకశక్తినీ, డిమెన్షియా వంటి మతిమరపుతో పాటు అల్జైమర్స్‌ వంటి తీవ్రమైన మతిమరపు సమస్యలను నివారించేందుకు తోడ్పడేలా కూడా ఆ మందులు ఇచ్చారు. ఎందుకంటే... మధ్యవయసులో ఎన్నో సమస్యలు నివారించేందుకు డాక్టర్లు తీసుకునే ఎన్నో జాగ్రత్తలు... ఒక వ్యక్తి తాలూకు వృద్ధాప్యంలోనూ అతడి మనసూ, మెదడు ఆరోగ్యాలను కాపాడేలా కూడా ఉంటాయని గుర్తుపెట్టుకోవాలి.మొదలయ్యేది మధ్యవయసులోనే...చాలామందిలో మధ్య వయసులోనే శరీరంలో ఇన్‌ ఫ్లమేషన్, జీవక్రియలకు సంబంధించిన మార్పులు మొదలవుతాయి. అయితే ఈ దశలో వాటిని నియంత్రించడం సాధ్యమే. 40లు, 50ల్లోనే అధిక రక్తపోటు (హైబీపీ), అధిక ఎల్‌డీఎల్‌ కొలెస్ట్రాల్‌ వంటి కొవ్వులు (హైపర్‌ లిపిడేమియా), మధుమేహం (డయాబెటిస్‌), ఊబకాయం (ఒబేసిటీ) వంటి సమస్యలను అదుపులో పెట్టుకుంటే మెదడుకు రక్తాన్ని సరఫరా చేసే రక్తనాళాలనూ చాలా కాలం పాటు ఆరోగ్యంగా ఉంచుకోవచ్చు. దాంతో భవిష్యత్తులో మతి మరపు (డిమెన్షియా) వంటి సమస్యలనూ నివారించుకోవచ్చు. డిమెన్షియా అంటే వృద్ధాప్యంలో తప్పనిసరిగా వచ్చే సమస్య కాదు. కాబట్టి దాని ముప్పును కొన్ని సందర్భాల్లో కొన్ని ముందుజాగ్రత్తలతో ముందునుంచే నివారించుకోవచ్చు.డిమెన్షియాకు దారితీసే 14 కారణాలు... ‘ద లాన్సెట్‌’ అనే ప్రముఖ మెడికల్‌ జర్నల్‌లో ప్రచురితమైన నిపుణుల కమిషన్‌ నివేదిక–2024లో వెల్లడించిన వివరాల ప్రకారం, ఈ కింద పేర్కొన్నవి డిమెన్షియా ముప్పును పెంచేందుకు కారణమయ్యే కొన్ని అంశాలు. జీవనశైలి మార్పుల ద్వారా వాటిని చాలావరకు నియంత్రించవచ్చంటూ కూడా ఆ జర్నల్‌ పేర్కొంది.వాటిలో ముఖ్యమైనవి:- ఊబకాయం (ఒబేసిటీ)- అధిక రక్తపోటు (హైపర్‌టెన్షన్‌ / హైబీపీ)- ఎల్‌డీఎల్‌ కొలెస్ట్రాల్‌ వంటివి ఎక్కువగా ఉండటం (హైపర్‌ లిపిడేమియా)- మధుమేహం (డయాబెటిస్‌)- శారీరక శ్రమ లేకపోవడం (సెడెంటరీ లైఫ్‌స్టైల్‌) - పొగతాగే అలవాటు (స్మోకింగ్‌) ∙మద్యం ఎక్కువగా తీసుకునే అలవాటు- వినికిడి లోపం ∙చికిత్స చేయించని చూపు సమస్యలు- డిప్రెషన్‌- సామాజికంగా ఒంటరిగా ఉండటం- వాయు కాలుష్యం - తలకు తీవ్రమైన గాయంజీవితాంతం జాగ్రత్తగా చూసుకోవాల్సిన విషయం మెదడు ఆరోగ్యం...మెదడును ఆరోగ్యంగా ఉంచుకోవడం అనేది రిటైర్‌మెంట్‌ తర్వాత ఆలోచించాల్సిన విషయం కాదు. జీవితంలో చాలా ముందుగానే దాని గురించి జాగ్రత్త పడాలి అంటున్నారు వైద్యులు. ఎందుకంటే ముందే జాగ్రత్తపడుతూ తగిన ఆరోగ్య నియమాలు పాటించడం, కాస్తంత చురుకైన జీవితాన్ని గడుపుతుండటం, ఆహ్లాదకరమైన హాబీలతో ఎప్పుడూ ఉల్లాసంగా, ఉత్సాహంగా ఉండటం, సమస్యలను తీర్చేలా ఎప్పుడూ మెదడుకు పనిచెబుతూ ఉండటం వంటివి తమ మధ్యవయసులో (అంటే 40లలో) చేస్తుంటే... మున్ముందూ మన శరీర సంపూర్ణ ఆరోగ్యం కూడా అన్ని విధాలా బాగుండటంతో పాటు... మెదడు ఆరోగ్యమూ చక్కగా ఉండటమూ, మతిమరపు, అల్జైమర్స్‌ వంటివి నివారితం కావడమూ జరుగుతుంది.గుండెను కాపాడుకోవడం అంటే... మెదడుకూ మేలు చేసుకోవడమే!గుండె ఆరోగ్యం అంటే కేవలం అది గుండె సంరక్షణ మాత్రమే కాదు... గుండె ఆరోగ్యాన్ని పదిలంగా కాపాడుకోవడం అంటే మన మెదడు ఆరోగ్యాన్ని కూడా పదికాలాల పాటు జాగ్రత్తగా చూసుకోవడమే. దీనికి అనేక కారణాలున్నాయి. గుండె ఆరోగ్యం మెదడుకు ఎలా తోడ్పడుతుందంటే... మెదడు సరిగ్గా పనిచేయాలంటే దానికి నిరంతరం సరైన రీతిలో రక్తప్రసరణ అవసరం. ఏళ్ల తరబడి అధిక రక్తపోటు ఉంటే మెదడులోని క్యాపిల్లరీస్‌ అనే అత్యంత చిన్న చిన్న రక్తనాళాలు దెబ్బతినవచ్చు. ఇలా జరగడమన్నది ఒక్కసారిగా పెద్ద సమస్యను కలిగించనప్పటికీ... కాలక్రమంలో జ్ఞాపకశక్తినీ, ఆలోచనా సామర్థ్యాన్ని దెబ్బతీయవచ్చు. దాంతో ఈ సమస్య కారణంగా మతిమరపు వచ్చే అవకాశమూ ఉండవచ్చు.ఈ అధ్యయనాలే తార్కాణాలు... ఒక అధ్యయనంలో దాదాపు 3,000 మంది వృద్ధులను పరిశీలించారు. ఇందులో అధిక రక్తపోటు (హైబీపీ) ఉన్నవారి మెదడులోని 48 వెట్‌ మ్యాటర్‌ తాలూకు దారుల్లో 47 చోట్ల మార్పులు ఉన్నట్లు కనిపించాయి.ఈ మార్పులు ‘ఫోర్నిక్స్‌’ అనే జ్ఞాపకశక్తికి సంబంధించిన దారుల్లో ఎక్కువగా కనిపించినందున అది భవిష్యత్తులో మతిమరపునకు కారణమయ్యే అంశంగా కనిపించింది. ఎందుకంటే... మెదడులోని వైట్‌మ్యాటర్‌ అనేది ఒక రకంగా మెదడులోని వివిధ భాగాల మధ్య సమాచారాన్ని తీసుకెళ్లే కమ్యూనికేషన్‌ నెట్‌వర్క్‌లా పనిచేస్తుంది. ఈ అధ్యయన వివరాలు ఈ ఏడాదే అంటే... 2026లోనే ‘అల్జైమర్స్‌ అండ్‌ డిమెన్షియా’ అనే జర్నల్‌లో ప్రచురితమయ్యాయి. అందుకే మంచి మెదడు ఆరోగ్యం కోసం ముందునుంచే గుండె ఆరోగ్యాన్నీ పదిలంగా కాపాడుకోవాల్సిన అవసరముందని డాక్టర్లు సూచిస్తున్నారు.మధ్య యసులో డిప్రెషన్‌ ఉన్నవారిలో భవిష్యత్తులో డిమెన్షియా వచ్చే అవకాశం 14 శాతం ఎక్కువగా ఉన్నట్లు కొన్ని అధ్యయనాలు చెబుతున్నాయి. అలాగే... ‘ద లాన్సెట్‌’ అనే ప్రముఖ మెడికల్‌ జర్నల్‌లో ప్రచురితమైన నిపుణుల కమిషన్‌ నివేదిక–2024 అంచనా ప్రకారం, ప్రపంచవ్యాప్తంగా డిమెన్షియా కేసుల్లో తమకు ముప్పు తెచ్చిపెట్టగల అంశాలను గుర్తించి, వాటిని నియంత్రించడం లేదా వాటికి దూరంగా ఉండటం ద్వారా సుమారు 45 శాతం కేసులల్లో మతిమరపు లేదా మెదడు సమస్యలను నివారించడమూ లేదా వీలైనంత ఆలస్యం చేయడం సాధ్యమేనని తేలింది. అందుకే తమ మెదడుకు చేటు తెచ్చిపెట్టగల అంశాలకూ, చెడు జీవనశైలి అలవాట్లుకు మధ్యవయసు నుంచే దూరంగా ఉండటం అన్నది భవిష్యత్తులో మెదడు ఆరోగ్యానికి మేలు చేస్తుందని ‘ద లాన్సెట్‌’ నివేదిక వల్ల తేటతెల్లమవుతోంది.మెదడు ఆరోగ్యానికి కళ్లూ, చెవులూ కూడా ముఖ్యమే... మన చుట్టూ ఉన్న ప్రపంచం గురించి మెదడుకు సమాచారం అందించే ప్రధాన మార్గాల్లో చూపుజ్ఞానం, వినికిడి జ్ఞానం ఈ రెండూ ప్రధానమైనవి. అందుకే మన జ్ఞానేంద్రియాల్లో దాదాపు 80% సమాచారం కంటి నుంచి వస్తుండగా... మరో 20% వరకు వినికిడితో వస్తుందని చెప్పవచ్చు. మిగతా జ్ఞానేంద్రియాలైన వాసనలు తెలిపే ముక్కు, స్పర్శ తెలిపే చర్మంతో వచ్చే సమాచారం అన్నది కళ్లు, చెవులతో పోలిస్తే చాలా తక్కువ. అందుకే మంచి మెదడు ఆరోగ్యం కోసం కళ్లూ, చెవుల ఆరోగ్యం కూడా చాలా ముఖ్యమే. అందుకే వయసు పెరుగుతున్నప్పుడు చూపు కొద్దిగా తగ్గినా, వినికిడి కాస్తంతే తగ్గినా కూడా... అది ‘వయసైపోతోంది కాబట్టి ఈ టైములో ఇలాగే ఉంటుంది’’ అని వదిలేయకూడదు. వినికిడి లేదా చూపు సమస్యలను మొదటి దశలోనే గుర్తించి చికిత్స తీసుకోవడం మంచిదన్నది డాక్టర్ల మాట.షింగిల్స్‌ వ్యాక్సిన్‌ తీసుకోవడమూ మంచిదే... కొన్ని అధ్యయనాల ప్రకారం షింగిల్స్‌ వ్యాక్సిన్‌ తీసుకున్నవారిలో డిమెన్షియా ముప్పు తక్కువగా కనిపించింది. శరీరంలో నిద్రాణంగా ఉండే వైరస్‌ను నియంత్రించడం వల్ల రోగనిరోధక వ్యవస్థలో వచ్చే మార్పులు మెదడులో వచ్చే ఇన్‌ఫ్లమేషన్‌ను తగ్గించవచ్చని ఆ అధ్యయనాల్లో తేలింది. అయితే ఈ సందర్భంగా డాక్టర్లు మరోమాటకూడా చెబుతున్నారు. అంతమాత్రాన కేవలం షింగిల్స్‌ వ్యాక్సిన్‌ తప్పనిసరిగా తీసుకోవాల్సిందే అంటూ చెప్పలేమనీ, అది తప్పనిసరిగా డిమెన్షియాను నివారిస్తుందని కూడా చెప్పేటంతటి బలమైన ఆధారాలూ ఇప్పటికి కనిపించడం లేదన్నది కూడా డాక్టర్ల మాట. అది కేవలం ఒక పరిశీలన మాత్రమే అంటూ డాక్టర్లు సూచిస్తున్నారు.సామాజికంగా కూడా కొన్ని చర్యలు అవసరం...కేవలం వైద్యపరమైన జాగ్రత్తలూ, ముందస్తు నివారణకు అవసరమైన మందులను వాడటంతో పాటు సామాజికంగా కూడా మార్పు తెచ్చే పనులు చేపట్టడం కూడా మెదడుకు మేలు చేసే అంశమే. నడకకు మంచి దారులూ, సైక్లింగ్‌కు అనువైన రోడ్లు, స్వచ్ఛమైన గాలి కోసం మొక్కల పెంపకం, చెట్లను జాగ్రత్తగా కాపాడుకోవడం, పొగాకు, మద్యం వంటి అలవాట్లకు దూరంగా ఉండటం అవసరం. నగరాల్లో ఉండే పరిస్థితులను మెరుగుపరచడం, మంచి విద్యావకాశాలూ, మేలైన ప్రజా రవాణా సదుపాయాలూ, క్రీడలూ, వ్యాయామానికి అవకాశాలు, వృద్ధులు ఒంటరిగా ఉండకుండా చూసుకోవడం, వారిని నిత్యం సామాజిక కార్యక్రమాల్లో పాల్గొనేలా జాగ్రత్తపడటం వంటి పనున్నీ వృద్ధాప్యంలో మెదడు ఆరోగ్యాన్ని సానుకూలంగా ప్రభావితం చేయడమే కాకుండా పెద్దవయసులోనూ వారి ఆరోగ్యాన్ని మరింత బాగుండేలా చేస్తాయి.చివరగా... మన 70 ఏళ్ల వయసులో జ్ఞాపకశక్తిని పదిలంగా కాపాడుకోవాలంటే... అవసరమైన చర్యలను 70 ఏళ్లలోనే మొదలుపెట్టాల్సిన అవసరం లేదు. చాలాముందుగానే అంటూ మన మధ్యవయస్సు 40లు, 50ల్లోనే రక్తపోటు, షుగర్, కొలెస్ట్రాల్, బరువు, నిద్ర, వ్యాయామం, ఆహారం, వినికిడి, చూపు, మానసిక ఆరోగ్యం వంటి విషయాలపై శ్రద్ధ పెట్టడం ద్వారా భవిష్యత్తులో మన మెదడుకు మనమే ఓ మంచి ఒక రక్షణ కవచాన్ని ఏర్పాటు చేసుకున్నట్టేనని గుర్తించడం అవసరమన్నది డాక్టర్ల మాట. మతిమరుపు వచ్చిన తర్వాత మెదడును కాపాడుకోవడం కంటే... మతిమరుపు వచ్చే అవకాశాలను ముందుగానే తగ్గించుకోవడమే తెలివైన పని అంటూ వైద్యులు సూచిస్తున్నారు.40, 50ల్లోనే జాగ్రత్తపడాలిమెదడులోని చిన్న చిన్న రక్తనాళాలు దెబ్బతినడం, మెదడు కణాలకు నష్టం కలగడం వంటి మార్పులు ఒక్కరోజులో జరగవు. అది ఏళ్ల కొద్దీ నెమ్మదిగా జరిగే ప్రక్రియ. దాంతో మతిమరుపు సమస్య కూడా క్రమంగా పెరుగుతూ వస్తుంది. అందుకే జ్ఞాపకశక్తి తగ్గిన తర్వాత చికిత్స మొదలుపెట్టడం కంటే, 40–50 ఏళ్ల వయసులోనే... అందుకు కారణాలను అదుపులో పెట్టుకోవడం చాలా ముఖ్యం.సమస్య బయటపడక ముందే మొదలయ్యే అల్జైమర్స్‌...డిమెన్షియాకు అత్యంత సాధారణ కారణం అల్జైమర్స్‌.అల్జీమర్స్‌ లక్షణాలు బయటకు కనిపించడానికి ఎన్నో సంవత్సరాల ముందునుంచే మెదడులో వచ్చే కొన్ని మార్పుల కారణంగా / పేరుకుపోయే ప్లాక్‌ కారణంగా ఇది మొదలయ్యే అవకాశం ఉంది. మెదడులో అమైలాయిడ్‌–బీటా, టీఏయూ అనే రెండు రకాలప్రోటీన్లు ప్లాక్‌లాగా పేరుకుపోతాయి.దాంతో మెదడులోని నాడీకణాల మధ్య సమాచార మార్పిడి దెబ్బతింటుంది. దాంతో క్రమంగా ఆ నాడీకణాలు దెబ్బతిని నశించిపోవచ్చు. ఇందులో ముఖ్యంగా హిప్పోక్యాంపస్‌ అనే మెదడులోని భాగం ప్రభావితమవుతుంది. ఇది కొత్త విషయాలను జ్ఞాపకంలో నిలుపుకోవడంలో చాలా ముఖ్యమైనది. అందుకే ఇటీవల జరిగిన విషయాలు గుర్తుండకపోవడం వంటి స్వల్పకాలిక జ్ఞాపకాల ప్రక్రియ (షార్ట్‌ టర్మ్‌ మెమరీ) రావచ్చు. ఇది భవిష్యత్తులో రాబోయే మతిమరపునకూ, అల్జైమర్స్‌ వంటి సమస్యలకూ ఓ మొదటి హెచ్చరిక లాంటి సూచన కావచ్చు.మెదడు ఆరోగ్యానికి ఉపయోగపడే మంచి నిద్రమనం గాఢంగా నిద్రపోతున్నప్పుడు మెదడులోని ఒక ప్రత్యేకమైన ద్రవ వ్యవస్థ పనిచేసి, పగటిపూట మనలో పేరుకుపోయే కొన్ని వ్యర్థ పదార్థాలూ, హానికరమైనప్రోటీన్లు, రసాయనాలను తొలగించడంలో బాగా సహాయపడుతుంది. అందుకే తమ తమ దేహ అవసరాలకు తగినట్లుగా ప్రతి ఒక్కరూ రోజూ రాత్రివేళల్లో కంటినిండా నిద్రపోవడం అన్న అంశం కూడా మెదడు ఆరోగ్యానికి మేలు చేస్తుంది.నిద్రలేమితో బాధపడే చాలామందిలో పెద్దవయసు వచ్చాక మతిమరపు రావడం చాలా అధ్యయనాల్లో నిరూపితమైంది. అందుకే నిద్రలేమి (ఇన్‌సామ్నియా), నిద్రలో శ్వాస ఆగిపోవడం వంటి స్లీప్‌ ఆప్నియా సమస్యలను ఏమాత్రం నిర్లక్ష్యం చేయకూడదు. అలాంటి సమస్యలు కనిపించినప్పుడు తప్పనిసరిగా చికిత్స తీసుకోవడమే మంచిదన్నది వైద్యనిపుణుల సూచన.చురుకైన మెదడు కోసం...- రక్తపోటు (హైబీపీ), రక్తంలో చక్కెర, కొలెస్ట్రాల్‌ మోతాదులను క్రమం తప్పకుండా పరీక్షించుకోవడం. - వారానికి కనీసం 150 నిమిషాలు తగ్గకుండా మైల్డ్‌ నుంచి ఓ మోస్తరు (మాడరేట్‌) వ్యాయామాలు చేయడం. - తమ బరువు ఆరోగ్యకరమైన బీఎమ్‌ఐతో ఉండేలా చూసుకోవడం. - బేకరీ ఐటమ్స్‌ వంటి బాగా ప్రాసెస్‌ చేసిన ఆహారాలను తగ్గించడం.-కూరగాయలు, పండ్లు, నట్స్, కొవ్వులు తక్కువగా ఉండేప్రోటీన్‌లతో కూడిన ఆహారం ఎక్కువగా తీసుకోవడం. - మద్యం, పొగాకు పూర్తిగా మానేయడం.- వినికిడి లేదా చూపు సమస్యలను నిర్లక్ష్యం చేయకపోవడం.- డిప్రెషన్, ఒంటరితనం లేదా ఇతరులతో కలవాలనే ఆసక్తి తగ్గిపోవడం వంటి సమస్యలు కనిపిస్తుంటే తొలిదశల్లోనే కుటుంబ సభ్యుల లేదా మిత్రుల సహాయం తీసుకుని వైద్య నిపుణులను సంప్రదించడం.- స్నేహితులను తరచూ కలుస్తూ ఉండటంతో పాటు సామాజిక కార్యకలాపాలూ, కమ్యూనిటీ కార్యక్రమాల్లో పాల్గొనడం. - తమ మనసును ఆహ్లాదపరిచే అభిరుచుల మేరకు మంచి హాబీలను అలవరచుకొని వాటిని నిత్యం ప్రాక్టీస్‌ చేయడం. - నిద్రలేమి, గురక (ఆప్నియా) వంటి సమస్యలకు తగన చికిత్స తీసుకోవడం. - కొత్త భాషలూ, కొత్త విషయాలను నేర్చుకోవడంతో పాటు ప్రతిరోజూ పజిల్స్‌ పూర్తి చేయడం...మన దేశవాసులకు మరింత ముందస్తు జాగ్రత్త అవసరం...పాశ్చాత్య దేశాల వారితో పోలిస్తే మన దేశవాసుల్లో అధిక రక్తపోటు (హైబీపీ), మధుమేహం (డయాబెటిస్‌) చాలా ముందుగానే మొదలయ్యే అవకాశాలెక్కువ. అంతేకాదు... యూరోపియన్‌ దేశవాసులతో పోల్చినప్పుడు మన దేశవాసుల రక్తనాళాల అంత వెడల్పుగా ఉండక ఒకింత సన్నగా ఉంటాయి. అందుకే మన దేశవాసుల్లో రక్తనాళాలు సన్నబడటం వల్ల వచ్చే కరొనరీ ఆర్టరీ డిసీజెస్‌ (సీఏడీ వంటి గుండెజబ్బులు) చాలా త్వరగా వస్తుంటాయన్నది అనేక అధ్యయనాల్లో తేలిన ఒక పరిశీలన.ఈ నేపథ్యంలో ఈ తరహా సమస్యలు ఎక్కువ ఏళ్ల పాటు మన శరీరంలో కొనసాగుతూ ఉన్నప్పుడు వాటి సమగ్ర ప్రభావం అన్నది మెదడుపైనా ఎక్కువ కాలంపాటు కొనసాగవచ్చు. దాంతో పాశ్చాత్యదేశాలవారితో పోలిస్తే మన భారతీయుల్లో భవిష్యత్తులో జ్ఞాపకశక్తి తగ్గేలాంటి అవకాశాలు ఎక్కువ. అంతేకాదు... ఇటీవల మారుతున్న దేశకాలమాన పరిస్థితుల నేపథ్యంలో మన వృత్తుల్లో సైతం శారీరక శ్రమ లేకపోవడం, దాంతో ఊబకాయం పెరగడం, వాయు కాలుష్యం కూడా పెరగడం జరుగుతున్నాయి.ఇవన్నీ మనదేశవాసుల్లో మెదడు ఆరోగ్యానికి ముప్పు కలిగించే అంశాలే అన్నది పలువురు వైద్యనిపుణుల అభిప్రాయం. అందుకే మనదేశవాసులు తమ మధ్యవయసు నుంచే మధుమేహం, అధిక రక్తపోటు వంటి జబ్బులపై చిన్నవయసునుంచే అవగాహన పెంచుకోవడమే కాకుండా... వీలైతే తమ 40ల నుంచే తరచూ షుగర్‌ పరీక్షలూ, బీపీని కొలవడం వంటి జాగ్రత్తలు తీసుకుంటూ ఉండటం, కుటుంబ చరిత్రలో రిస్క్‌ఫ్యాక్టర్లు ఉన్నవారు డాక్టర్లు సూచించినట్లుగా ప్రతి ఏడాదిగానీ... లేదా డాక్టర్ల సూచించిన వ్యవధుల్లో తగిన పరీక్షలు చేయించుకుంటూ ఉండటం మేలు.- డా. విక్రమ్‌ కిషోర్‌ రెడ్డి, సీనియర్‌ కన్సల్టెంట్‌ న్యూరాలజిస్ట్‌.నిర్వహణ : యాసీన్‌ఇదీ చదవండి: వ్యాయామం తర్వాత కంప్రెషన్‌ దుస్తులు ఎందుకు ధరిస్తారు?

పన్నెండేళ్ల వయసులో ఒక సెలూన్‌కు వెళ్లిన సుచికను చూసి అక్కడ పనిచేసే వ్యక్తి వెకిలిగా నవ్వాడు. అసభ్యకరంగా తాకాడు. ఆ చేదు అనుభవం సుచికను మార్షల్‌ ఆర్ట్స్‌ వైపు నడిపించడం ఒక ఎత్తయితే, జాతీయ, అంతర్జాతీయ స్థాయి క్రీడాకారిణిగా దూసుకెళ్లడం మరో ఎత్తు.తాజాగా... ఆసియా గేమ్స్‌లో తొలిసారి ప్రవేశ పెట్టిన మిక్స్‌డ్‌ మార్షల్‌ ఆర్ట్స్‌(ఎంఎంఏ)లో... మహిళల 60కేజీల విభాగంలో సుచికా తరియాల్‌ కాంస్య పతకం గెలుచుకుంది. జపాన్‌ వేదికగా జరుగుతున్న ఆసియా క్రీడల్లో మిక్స్‌డ్‌ మార్షల్‌ ఆర్ట్స్‌లో పతకం సాధించిన తొలి భారత అథ్లెట్‌గా చరిత్ర సృష్టించింది...ఉత్తర్‌ప్రదేశ్‌లోని బుధానాలో పుట్టిన సుచికా తరియాల్‌ హరియాణాలోని రోహ్‌తక్‌లో పెరిగింది. మార్షల్‌ ఆర్ట్స్‌ నేర్చుకోవాలనుకున్నప్పుడు కుటుంబ సభ్యుల నుంచి మొదట్లో వ్యతిరేకత వచ్చినా ఆ తరువాత ఒప్పుకున్నారు. మార్షల్‌ ఆర్ట్స్‌లోకి అడుగు పెట్టడంతో తన సత్తా చాటే అవకాశం సుచికకు వచ్చింది. జూడో, కురాష్, జూజిట్స్, మిక్స్‌డ్‌ మార్షల్‌ ఆర్ట్స్‌లో మన దేశానికి ప్రాతినిధ్యం వహించింది. ఎనిమిది సార్లు నేషనల్‌ జూడో ఛాంపియన్‌గా నిలిచింది.ఆర్థిక కష్టాలుసుచిక తండ్రి రిటైర్డ్‌ ఉద్యోగి. ఆర్థిక పరిస్థితి అంతంత మాత్రమే. తన క్రీడా ప్రయాణంలో అనేక ఆర్థిక ఇబ్బందులు ఎదుర్కొంది. ‘నాకు ఆర్థికంగా సమస్యలు ఉండేవి. అలాంటి సమయంలో నా భర్త సహాయం చేసేవారు. ధైర్యం చెప్పేవారు. అందుకే ఈ విజయాన్ని నా తల్లిదండ్రులకు, భర్తకు అంకితం చేస్తున్నాను’ అంటుంది 36 ఏళ్ల సుచిక.జర్నీ ఉమెన్‌మిక్స్‌డ్‌ మార్షల్‌ ఆర్ట్స్‌లో 2017లో అరంగేట్రం చేసింది సుచిక. ఆ తరువాత జూడో, జూజిట్స్‌ క్రీడలలో విజయవంతంగా రాణిస్తూనే ‘ఎంఎంఏ’కు కొన్ని సంవత్సరాల పాటు విరామం ఇచ్చింది. 2024లో బహ్రేయిన్‌లో జరిగిన బ్రేవ్‌ సీఎఫ్‌ 92 ఈవెంట్‌ ద్వారా ‘ఎంఎంఏ’లోకి తిరిగి అడుగు పెట్టింది. సుచికను ‘జర్నీ ఉమెన్‌’ అని కూడా పిలుస్తుంటారు. జూడో నుండి కురాష్, జూ–జిట్స్‌ మీదుగా మిక్స్‌డ్‌ మార్షల్‌ ఆర్ట్స్‌లోకి మారింది.ఆరాధ్య దేవత‘నాకు చిన్నప్పటి నుంచి అక్కడ మేరీ కోమ్‌ అక్క అంటే చాలా ఇష్టం. భోపాల్‌లో జరిగిన జాతీయ జూడో శిక్షణ శిబిరంలో ఆమెను చూశాను. ఆమె వేసుకున్న దుస్తులు, ప్రవర్తించే తీరు ఎంతో ఆకర్షణీయంగా అనిపించాయి. ఆమె నా ఆరాధ్యదేవత. నేను ఆమెతో ఎప్పుడూ వ్యక్తిగతం గా మాట్లాడలేదు. ఒకవేళ అవకాశం దొరికితే ఆమెతో మాట్లాడాలనుకుంటున్నాను’ అంటుంది సుచిక.యస్‌... రాణించగలను...సాధించగలను!ఎంఎంఏలో ప్రత్యేక శిక్షణ, ఆ క్రీడలో మునపటికంటే మెరుగైన నైపుణ్యంతో ఆసియా గేమ్స్‌ బరిలోకి దిగి కాంస్యాన్ని సాధించింది సుచిక. క్వార్టర్‌ ఫైనల్స్‌లో మంగోలియాకు చెందిన అల్తాన్‌ చిమెగ్‌ను ఓడించింది.బరువైన నిర్ణయం!కంబాట్‌ స్పోర్ట్స్‌లో పోటీకి ముందు ప్రతి అథ్లెట్‌ బరువు తూచుకోవాల్సి ఉంటుంది. ఈ ప్రక్రియను రిఫరీలు నిర్వహిస్తారు. బరువు తూచడానికి ఒక గంట ముందు వరకు ట్రయల్‌ వెయిట్‌–ఇన్‌ల కోసం అధికారిక తూనిక యంత్రాలను ఉపయోగించుకునే హక్కు అథ్లెట్‌లకు ఉంటుంది. బరువు ఎక్కువైనా, బరువు తూచడంలో పాల్గొనకపోయినా పోటీ నుండి అనర్హులుగా ప్రకటిస్తారు. ఈ బరువు తూచడాలు ఆటలో కీలక పాత్ర పోషిస్తాయి. డ్రా అయిన పోటీలో ఇవి అంతిమంగా విజేతను నిర్ణయిస్తాయి. తక్కువ బరువు ఉన్న అథ్లెట్‌ను విజేతగా నిర్ణయిస్తారు.ఎందుకలా?!ఫైనల్‌లోకి అడుగు పెట్టేందుకు సింగపూర్‌కు చెందిన హుయ్‌ హూన్‌ టియోతో తలపడింది సుచిక. హుయ్‌ను విజేతగా ప్రకటించిన తరువాత తీవ్ర దుఃఖంలో మునిగిపోయిన సుచిక తన ప్రత్యర్థితో కరచాలనం చేయడానికి నిరాకరించింది. రిఫరీ, టియో చేతిని పైకి ఎత్తగానే మ్యాట్‌పై మోకాళ్లపై కూలబడి విలపించింది సుచిక. ఫలితాలు ప్రకటించిన తీరు ఆమెకు తీవ్రమైన నిరాశను కలిగించింది. ఇద్దరు ఫైటర్‌లు హోరాహోరీ తల పడిన ఆ పోరులో, నిర్ణీత సమయంలో విజేత ఎవరనేదీ స్పష్టంగా తెలియలేదు. రిఫరీలు మొదట సింగపూర్‌ క్రీడాకారిణిని విజేతగా ప్రకటించడంతో భారత బృందం తీవ్ర నిరాశకు గురైంది. ‘జడ్జ్‌ల నిర్ణయంతో నేను ఎంత మాత్రం ఏకీభవించలేదు. వారి నిర్ణయం న్యాయంగా లేదు. మా అంతర్జాతీయ ఫెడరేషన్‌ సింగపూర్‌కు చెందింది. ఆమె కూడా సింగపూర్‌కు చెందిన అమ్మాయే’ అంటుంది సుచిక. రిఫరీ నిర్ణయాన్ని భారత బృందం సవాలు చేయగా, ఆ ఫైట్‌ను డ్రాగా ప్రకటించారు. దీంతో బరువు నిబంధనల ప్రకారం టియోను విజేతగా ప్రకటించారు. సుచిక తన ప్రత్యర్థి కంటే 700 గ్రాములు ఎక్కువ బరువు ఉంది. దీంతో టియో ఫైనల్‌కు చేరుకోగా, సుచిక కాంస్యంతోనే సరిపెట్టుకోవాల్సి వచ్చింది. బరువు నిబంధనల కారణంగా ఆమె ఫైనల్‌లోకి అడుగు పెట్టే అపూర్వమైన అవకాశాన్ని కోల్పోయింది. సుచిక దుఃఖం సంగతి ఎలా ఉన్నప్పటికీ ఆసియా క్రీడలలో మిక్స్‌డ్‌ మార్షల్‌ ఆర్ట్స్‌లో ఇదే మొట్టమొదటి పతకం కావడం విశేషంగా మారింది.‘ ఇది నా జీవితం కంటే విలువైనది. జపాన్‌కు వచ్చి నా దేశానికి పతకం తీసుకువెళుతున్నానన్న విషయాన్ని ఎప్పుడూ మరచిపోలేను. ఇక నేను సంతోషంగా చనిపోవచ్చు. ఆసియా గేమ్స్‌ తరువాత ఎంఎంఏకి స్వప్తి పలకాలని అనుకున్నాను. అయితే ఇప్పటికీ నాలో శక్తి ఉందని అనిపిస్తోంది. ఈరోజు నా పెర్‌ఫార్మెన్స్‌ను విశ్లేషించుకున్న తరువాత ఇంకా రాణించగలనని అనిపిస్తోంది’ భావోద్వేగంతో... ఆత్మవిశ్వాసంతో నిండిన గొంతుతో అంటుంది సుచికా తరియాల్‌.– యాకుబ్‌ పాషా

ప్రముఖ ప్లేబ్యాక్‌సింగర్‌ 45 ఏళ్ల వయసులో ఒక ఇంటి వాడయ్యాడు. ఉత్తమ నేపథ్య గాయకుడిగా జాతీయ చలనచిత్ర అవార్డుఅందుకున్న నరేష్ అయ్యర్‌ వివాహ బంధంలోకి అడుగుపెట్టాడు. దీంతో హితులు, సన్నిహితులు నూతన దంపతులకు శుభాకాంక్షల అందించారు. మహారాష్ట్రలోని అయ్యప్ప విష్ణు ఆలయంలో ఈ వేడుక జరిగింది. నరేష్ , ఆయన భార్యకు అభినందనలు తెలుపుతూ ఆలయ అధికారిక పేజీలో షేర్ చేసిన పోస్ట్‌తో వీరి పెళ్లికబురు అభిమానులకు అందించారు. ఆ పోస్ట్‌లో వివాహ వేడుకకు సంబంధించిన ఫోటోలు , వీడియోలు ఉండటం విశేషం. ఈ అందమైన కొత్త అధ్యాయం మా ఆలయంలో ప్రారంభం కావడం మాకు ఎంతో గౌరవప్రదం. ఆ దేవుని దివ్య ఆశీస్సులు నూతన దంపతులకు జీవితాంతం ప్రేమ, సంతోషం, సామరస్యం, శ్రేయస్సును ప్రసాదించుగాక." అని ఆలయ బృందం తన సోషల్ మీడియా పోస్ట్‌లో ప్రకటించింది. ఇంతకుమించి వివాహానికి సంబంధించిన ఇతర వివరాలేవీ వెల్లడి కాలేదు. ద్వారా అనేకమంది అభిమానులు ఈ జంటకు శుభాకాంక్షలు తెలిపారు.“Munbe Vaa” singer Naresh Iyer gets married at 45! 💍♥️✨The voice behind one of our most-loved melodies has started a beautiful new chapter. 🥹🧿Wishing him a lifetime of happiness! 🤍 pic.twitter.com/F0F3iGpDk5— 𝑩𝒖𝒕𝒕𝒆𝒓𝒇𝒍𝒚🦋 (@buttu_iam27) September 16, 2026ఇదీ చదవండి: అయోధ్య విరాళాల గోల్‌మాల్‌, సిట్‌ సంచలన నివేదికకాగా 2006లో వచ్చిన 'రంగ్ దే బసంతి' చిత్రంలోని 'రూబరూ' (Roobaroo) పాటకు గాను నరేష్ అయ్యర్ ఉత్తమ పురుష నేపథ్య గాయకుడిగా జాతీయ అవార్డును గెలుచుకున్నారు. 'అన్వర్' చిత్రంలోని 'కన్నినిమ నీలే' (Kanninima Neelae) పాటతో మలయాళ ప్రేక్షకులలో బాగా ప్రాచుర్యం పొందారు. 'ఉస్తాద్ హోటల్'లోని 'మెల్ మెల్ మెల్' (Mel Mel Mel) , 'సెకండ్ షో'లోని 'స్వప్నం' (Swapnam) లాంటి ప్రజాదరణ పొందిన పాటలను కూడా ఆయన పాడారు. 'హార్ట్‌బీట్' (Heartbeat) చిత్రంతో నరేష్ మలయాళంలో గాయకుడిగా అరంగేట్రం చేశారు. View this post on Instagram A post shared by Ayyappa Vishnu Temple Powai (@ayyappavishnutemple)ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

కఠినమైన వ్యాయామం లేదా వర్కవుట్‌ చేసిన కొన్ని గంటల తర్వాత కండరాలలో నొప్పి, బిగుతు రావడం చాలా సహజం. ఈ అలసట నుండి త్వరగా కోలుకోవడానికి ఐస్‌ బాత్‌లు, మసాజ్‌లు, కంప్రెషన్‌ దుస్తులు, వివిధ రకాల రికవరీ సప్లిమెంట్లను చాలామంది ఉపయోగిస్తున్నారు. అయితే, వీటన్నింటికీ ఒకే స్థాయిలో శాస్త్రీయ ఆధారాలు ఉన్నాయా?.. అంటే లేదనే చెప్పాలి. కాబట్టి మన శరీరానికి ఏ పద్ధతి ఎంతవరకు మేలు చేస్తుందో వివరంగా తెలుసుకుందాం. ఐస్‌ బాత్‌లు: చల్లటి నీటిలో (సాధారణంగా 15 డిగ్రీల సెంటీగ్రేడ్‌ కంటే తక్కువ ఉష్ణోగ్రతలో) కొంతసేపు గడపడాన్ని ఐస్‌ బాత్‌ అంటారు. వర్కవుట్‌ తర్వాత వచ్చే కండరాల నొప్పి, వాపు (ఇంఫ్లమేషన్‌)ను తగ్గించడంలో ఇది తక్షణ ఉపశమనాన్ని ఇస్తుంది. ఐస్‌ బాత్‌లను తరచూ ఉపయోగించడం వల్ల, వ్యాయామం ద్వారా శరీరానికి కలిగే కొన్ని రకాల దీర్ఘకాలిక అనుకూల మార్పులు తగ్గే అవకాశం ఉందని పరిశోధనలు సూచిస్తున్నాయి.కంప్రెషన్‌ దుస్తులు: వ్యాయామం పూర్తయిన తర్వాత ప్రత్యేకమైన కంప్రెషన్‌ దుస్తులు ధరించడం ఇప్పుడు ఒక ట్రెండ్‌గా మారింది. ఇవి కండరాలకు రక్తప్రసరణను మెరుగుపరిచి, వాపును తగ్గించడంలో సహాయపడతాయి. శారీరకంగా కోలుకోవడానికి ఇవి కొంతవరకు ప్రయోజనకరమని కొన్ని అధ్యయనాలు నిరూపించాయి.మసాజ్‌ థెరపీ: మసాజ్‌ చేయించుకోవడం వల్ల కండరాల బిగుతు తగ్గి, రక్తప్రసరణ మెరుగవుతుంది. ఇది కండరాల నొప్పిని తగ్గించడమే కాకుండా, మానసికంగా, శారీరకంగా మంచి రిలాక్సేషన్‌ ఇస్తుంది.రికవరీ సప్లిమెంట్లు: వే ప్రోటీన్‌ : ఇది కండరాల ప్రోటీన్‌ నిర్మాణాన్ని ప్రేరేపించి, కండరాల పెరుగుదలకు, కణజాల పునరుద్ధరణకు బాగా తోడ్పడుతుంది.టార్ట్‌ చెర్రీ జ్యూస్‌: ఇందులోని శక్తివంతమైన ‘పాలిఫినాల్స్‌’ ఇన్‌ఫ్లమేషన్, కండరాల నొప్పిని తగ్గించడంలో సహాయపడతాయి.వీటిని ఖరీదైన సప్లిమెంట్ల రూపంలో మాత్రమే కాకుండా, మన దైనందిన ఆహారంలో పండ్లు, కూరగాయలు సహజ సిద్ధమైన సంపూర్ణ ఆహారం ద్వారా పొందడం అత్యంత శ్రేయస్కరం.ప్రాథమిక అలవాట్లే ప్రధానం ఐస్‌ బాత్‌లు, కంప్రెషన్‌ దుస్తులు, మసాజ్‌లు వంటివి నొప్పి, అలసట నుండి తాత్కాలిక ఉపశమనాన్ని మాత్రమే ఇస్తాయి. కానీ, కండరాల పనితీరును పూర్తిస్థాయిలో తిరిగి పునరుద్ధరించడానికి ఈ క్రింది ప్రాథమిక సూత్రాలే అత్యంత కీలకమైనవి. గాఢమైన నిద్ర: ప్రతి రాత్రి క్రమం తప్పకుండా 7 నుండి 9 గంటల నాణ్యమైన నిద్రపోవడం. సరైన ప్రోటీన్‌: వర్కవుట్‌ పూర్తయిన తర్వాత 20 నుండి 40 గ్రాముల నాణ్యమైన ప్రోటీన్‌ తీసుకోవడం. తగినంత కార్బోహైడ్రేట్లు: శరీరానికి తక్షణ శక్తిని ఇచ్చే సరిపడా కార్బోహైడ్రేట్లను ఆహారంలో చేర్చుకోవడం.సమర్థవంతమైన శిక్షణ ప్రణాళిక: శరీరాన్ని మించి తీవ్రంగా శ్రమ పడకుండా, కఠినమైన వ్యాయామ సెషన్ల మధ్య తగినంత విశ్రాంతి కేటాయించడం. – సాక్షి స్పెషల్‌ డెస్క్‌

తల్లి కేవలం జన్మనిచ్చే దేహం కాదు, అది ఒక పవిత్ర క్షేత్రం. తొమ్మిది నెలలు తన రక్తాన్ని పాలుగా మార్చి, మనిషికి ప్రాణం పోసిన మొదటి గురువు అమ్మ. సంస్కారం గర్భం నుండే మొదలవుతుంది. కాయను కాపాడే తొక్కలా, విత్తనాన్ని రక్షించే పొరలా అమ్మ ప్రేమ బిడ్డను నిరంతరం అంటిపెట్టుకుని ఉంటుంది. నేటి యాంత్రిక జీవనంలో వృద్ధాశ్రమాలు పెరుగుతున్నాయంటే, అది తల్లి ప్రేమను తూకం వేస్తున్న అజ్ఞానానికి నిదర్శనం. అమ్మ మన అస్తిత్వంఅమ్మ పాదాల చెంత ఉన్నంత ప్రశాంతత ఈ ప్రపంచంలో మరెక్కడా దొరకదు. కష్టకాలంలో అమ్మ ఇచ్చే ఒక ఓదార్పు మాట, వేల కోట్ల విలువైన ధైర్యాన్ని ఇస్తుంది. అమ్మను గౌరవించడం అంటే, మన అస్తిత్వాన్ని మనం గౌరవించుకోవడమే.అదృశ్య శ్రమకు చిహ్నం తండ్రితండ్రి భుజంపై కూర్చుంటేనే కదా పసివాడు ఈ లోకాన్ని చూడగలుగుతాడు! కన్నబిడ్డ భవిష్యత్తు కోసం తన కలలను, శ్రమను ధారపోసే అద్భుత శిల్పి నాన్న. నాన్న కన్నీళ్లు ఎవరికీ కనిపించవు, కానీ ఆయన పడే కష్టం ఇంటి పునాదిలా నిశ్శబ్దంగా ఉంటుంది. ఎండకు ఎండి, వానకు తడిసి మనకు నీడను ఇచ్చే ఇంటి కప్పులా తండ్రి శ్రమ అదృశ్యంగా ఉంటుంది. తండ్రి వేలు పట్టుకుని నడక నేర్చిన వ్యక్తి, పదిమందిలో తలెత్తుకుని బతకడమే ఆయనకు ఇచ్చే అసలైన కృతజ్ఞత. సంక్షోభ సమయాల్లో నాన్న చూపే స్థితప్రజ్ఞత, నేటి యువత నేర్చుకోవాల్సిన గొప్ప జీవన నైపుణ్యం. నాన్న మాట ఒక శాసనం కాదు, అది మన బాగుకోసం చేసే ఒక దిశానిర్దేశం.కృతజ్ఞతే అసలైన సంపదనేటి పోటీ ప్రపంచంలో కృతజ్ఞత)అనేది మానసిక ఆరోగ్యానికి పరమౌషధం. మన ఎదుగుదలలో తోడ్పడిన ఈ ముగ్గురిని నిత్యం స్మరించుకోవడం వల్ల అంతరంగాన అహంకారం నశించి, వినమ్రత పెరుగుతుంది. బావిలోని నీరు తోడేకొద్దీ ఊరుతుంది; కతజ్ఞత పెరిగేకొద్దీ వ్యక్తిత్వం వికసిస్తుంది. అపజయాలు ఎదురైనప్పుడు అమ్మ భరోసా, నాన్న ధైర్యం, గురువు మార్గదర్శకత్వం కన్నా గొప్ప అస్త్రాలు లోకంలో లేవు. వీరే మన మూలాలు, వీరే మన జీవన నిధులు. మూలాలు లేని సౌధం చిన్న గాలివానకే కుప్పకూలుతుంది; కానీ ఈ ‘త్రిదేవతల’ ఆశీస్సులున్న వ్యక్తి అజేయుడిగా నిలుస్తాడు.ఆచార్యదేవో భవ: జ్ఞాన నేత్రంతల్లిదండ్రులు జన్మనిస్తే, గురువు ఆ జన్మకు ఒక అర్థాన్ని, పరమార్థాన్ని ఇస్తాడు. అక్షర జ్ఞానం నుండి ఆత్మజ్ఞానం వరకు నడిపించే దివిటీ ఆచార్యుడు. గురువు లేని విద్య, చుక్కాని లేని నావ వంటిది. చీకటి గదిలో వెలుగునిచ్చే దీపంలా, అజ్ఞానపు పొరలను తొలగించి జ్ఞాననేత్రాన్ని తెరిపించే శిల్పి గురువు. నేడు గూగుల్‌లో సమాచారం దొరకవచ్చు, కానీ దాన్ని ఎలా వినియోగించాలో నేర్పే సంస్కారం గురువు వద్దే దొరుకుతుంది. విజ్ఞానానికి వివేకాన్ని జోడించి, వ్యక్తిత్వాన్ని పరిపూర్ణం చేసే శిల్పి గురువు. గురువును గౌరవించడం అంటే, విజ్ఞానాన్ని గౌరవించడమే.. – కె. భాస్కర్‌ గుప్తా, వ్యక్తిత్వ వికాస నిపుణులు.

‘‘బి.కాం, ఎం.బి.ఏ. చేశాను సర్‌. బిజినెస్‌ మేనేజ్‌మెంట్‌లో నాకు ఆరేళ్ళ అనుభవం ఉంది.’’ ముప్ఫై రెండేళ్ళ అనీత్‌ చెప్పాడు.కంపెనీ యజమానికి అతని జవాబులు సంతృప్తిని ఇచ్చాయి. ఆయన అడిగాడు.‘‘ఎంత ఎక్స్‌పెక్ట్‌ చేస్తున్నారు?’’జీతం మీద ఇద్దరికీ అవగాహన కుదిరాక, ఆయన ఇంటర్‌కంలో సెక్రటరీకి చెప్పాడు.‘‘అనీత్‌ పేరు మీద అపాయింట్‌మెంట్‌ ఆర్డర్‌ టైప్‌ చే...’’ అకస్మాత్తుగా ఆయన చెప్పడం ఆపేశాడు.‘‘సరే. మళ్ళీ నీకు కబురు చేస్తాను.’’ లైన్‌ కట్‌ చేసి అనీత్‌తో చెప్పాడు.‘‘అదేమిటి సార్‌? నన్ను సెలెక్ట్‌ చేసుకున్నానని చెప్పారు?’’ అనీత్‌ ఆశ్చర్యంగా అడిగాడు.‘‘నీకు అపాయింట్‌మెంట్‌ ఆర్డర్‌ ఇస్తేనే పక్కా ఐనట్లు.’’అనీత్‌ తనని ఆ కంపెనీకి రికమండ్‌ చేసిన తన మేనమామ దగ్గరకి వెళ్ళి జరిగింది వివరించి బాధగా చెప్పాడు.‘‘చివరి క్షణంలో ఆయన మనసు ఎందుకు మార్చుకున్నారో చెప్పలేదు.’’ఆయన వెంటనే బాగా మిత్రుడైన ఆ కంపెనీ యజమానికి ఫోన్‌ చేసి అడిగాడు.‘‘నీ దగ్గరకి అనీత్‌ అనే కేండిడేట్‌ని పంపించాను. ముందు సరేనని, తర్వాత వద్దన్నావుట?’’ ‘‘అవును. అతను నాకు సూటబుల్‌ కాదు అనిపించింది.’’‘‘అనిపించిందా? అకస్మాత్తుగా ఎందుకలా అనిపించింది?’’‘‘అతని వల్ల కంపెనీకి నష్టం వాటిల్లచ్చని గ్రహించాను.’’‘‘ఏం నష్టం?’’ అనీత్‌ మేనమామ అడిగాడు.‘‘మిత్రమా. వివరాలు అడక్కు.’’ ఆయన లైన్‌ కట్‌ చేసేశాడు.స్పీకర్లో ఆ సంభాషణని విన్న అనీత్‌ మొహం మాడిపోయింది.‘‘నావల్ల ఏం నష్టం వస్తుందట?’’ అడిగాడు.‘‘అక్కడ ఏం జరిగిందో చెప్పు.’’అనీత్‌ వివరించాడు. కాని ఆయనకి ఎందుకు తన మిత్రుడు విరమించుకున్నాడో బోధపడలేదు.∙∙ తన గదిలోకి వచ్చిన అనీత్‌ని చూసి ఆయన కరకుగా చెప్పాడు.‘‘మళ్ళీ వచ్చావా? నీకు ఉద్యోగం ఇవ్వను. మరో అభ్యర్థిని ఇంకో గంటలో ఇంటర్వ్యూ చేస్తున్నాను. గుడ్‌ డే.’’‘‘నావల్ల మీ కంపెనీకి ఏం నష్టం వాటిల్లవచ్చు? అది తెలుసుకోడానికే వచ్చాను. దయచేసి చెప్పండి.’’ అనీత్‌ అడిగాడు.‘‘నీ వ్యక్తిగత విషయాలు, దురలవాట్ల గురించి నీతో చర్చించను. గుడ్‌ డే అగైన్‌.’’‘‘ప్లీజ్‌ సర్‌. ఇది నా కెరీర్‌కి సంబంధించింది. నన్ను నేను సరిదిద్దుకునే అవకాశం ఇవ్వండి. నావల్ల మీ కంపెనీకి ఏం నష్టం వాటిల్లుతుంది? సప్లై చెయిన్‌ లోని నా అనుభవం విని ఇంప్రెస్‌ అయ్యారు. నిన్న మీరు అన్నిటికీ తృప్తి చెందినట్లుగానే కనిపించారు.’’‘‘ఈ చర్చ ఇంతటితో ముగిసింది.’’ ఆయన కఠినంగా చూస్తూ చెప్పాడు.‘‘లేదు. మీరు నాకు ఆ వివరణ ఇవ్వాలి. అది తెలుసుకునే హక్కు నాకుంది.’’ఆయన మౌనంగా బల్ల మీది మానిటర్‌ని చూస్తూ, మౌస్‌ని అందుకుని తన పనిని చేసుకోసాగాడు. ఐదు నిమిషాలు వేచి చూశాక అనీత్‌ చెప్పాడు.‘‘ఆల్‌రైట్‌. నావల్ల మీ కంపెనీకి ఎందుకు నష్టం వస్తుందో చెప్పేదాకా నేను ఇక్కడ నించి కదలను. మీ ఆఫీస్‌ ముందు ధర్నా చేస్తాను.’’ఆయన తన పనిని ఆపి ఏదో మాట్లాడబోయాడు. కాని ఆయన మొబైల్‌ మోగింది. ఆయన దాన్ని ఆన్సర్‌ చేసి మాట్లాడసాగాడు. అనీత్‌ ఓపికగా వేచి చూశాడు. దాదాపు పది నిమిషాల తర్వాత ఆ బిజినెస్‌ కాల్‌ ముగిసింది.‘‘చూడండి. ప్రతివారు తమ సంపదని రక్షించుకోవాలని అనుకుంటారు. సంపద అంటే ఆస్తిపాస్తులు, కేష్, బంగారాలే కాదు. గౌరవం కూడా. మీరు నా గౌరవానికి భంగం కలిగించారు. దాన్ని నేను కాపాడుకోవాలంటే, మీరు నాకా ఎక్స్‌ప్లనేషన్‌ ఇచ్చి తీరాలి.’’ అనీత్‌ కోపంగా అడిగాడు.అతని వంక నిరసనగా చూసి, ఆయన నెమ్మదిగా తన బల్ల కుడివైపు డ్రాయర్‌ని తెరిచి, అందులోంచి ఓ జిప్‌లాక్‌ కవర్‌ని తీసి అతని వైపు కోపంగా విసిరేశాడు. అందులో జెమ్‌ క్లిప్స్, గుండుసూదులు ఉన్నాయి. జెమ్‌ క్లిప్స్‌ పూర్తిగా పొడవు తీగల్లా తెరిచి ఉన్నాయి. గుండుసూదులు ‘యు’ ఆకారంలో వంచబడి ఉన్నాయి.ఆయన తను ఫోన్‌లో మాట్లాడేప్పుడు, అనీత్‌ కాలక్షేపానికి అలా చేసిన వాటిని కూడా చూపించి చెప్పాడు.‘‘నీ ఈ చెడ్డ అలవాటు చాలామంది ఉద్యోగస్తుల్లో ఉంది. నాశనం నేను సహించలేని మొదటిది. ఇది నా కంపెనీకి నష్టం కాదా? నీ ముందున్నది గంటలోపు నష్టం. ప్రభుత్వ ఆఫీసుల్లో, చాలా ప్రైవేట్‌ కంపెనీల్లో దీన్ని పట్టించుకోరు. నేను అలా కాదు. నీ కాలక్షేపానికి ఏడాదికి స్టేషనరీ రూపంలో ఎంత నష్టాన్ని కలిగించగలవో నువ్వే ఆలోచించు.’’- మల్లాది వెంకట కృష్ణమూర్తిఇదీ చదవండి: ఒక్కరోజూ కలిసి లేరు... విడిపోవడానికి 20 ఏళ్లు! ట్విస్ట్‌ ఏంటంటే?

పెద్దవయసులో మతిమరపు మాత్రమే కాకుండా... అసలు తామెవరో, తమ ఉనికి ఏమిటో తెలినంతంగా మరపు రావడం పెద్ద దురవస్థ. అనేక రకాల మతిమరపుల్లో చాలా ముఖ్యం. అన్ని రకాల మతిమరపు కేసుల్లో అల్జీమర్స్‌ కారణంగా మరపు రావడం దాదాపు 60 శాతం నుంచి 80 శాతం వరకు ఉంటుంది. ఈ నెల (సెప్టెంబరు) 21న ప్రపంచ అలై్జమర్స్‌ డే సందర్భంగా ఈ సమస్య నివారణకు తీసుకోవాల్సిన కొన్ని జాగ్రత్తలేమిటో చూద్దాం...→ పెద్దవయసువారు తరచూ రక్తపాటు (బీపీ) చెక్‌ చేయించుకుంటూ ఉండాలి. చాలాకాలం పాటు హైబీపీ ఉండటం మతిమరపు (డిమెన్షియా)ను ఎక్కువ చేస్తుంది. అది పరోక్షంగా అల్జీమర్స్‌కూ దారితీయవచ్చు → ఆహారంలో ఉప్పు తగ్గించడం మంచిది. ఇది బీపీని నియంత్రణలో ఉంచడమే కాకుండా... పరోక్షంగా అల్జీమర్స్‌ నివారణకూ కొంతవరకు తోడ్పడుతుంది → నిత్యం చురుగ్గా ఉండేవారితో పాలిస్తే... మందకొడి కదలికలు ఉన్నవారిలో అల్జీమర్స్‌ వచ్చేందుకు 60 శాతం వరకు ఎక్కువగా అవకాశాలుంటాయని అనేక అధ్యయనాలు చెబుతున్నాయి. రోజూ 30 – 45 నిమిషాల పాటు నడక అల్జీమర్స్‌ నివారణకే కాదు... పూర్తి ఆరోగ్యానికీ దోహదపడుతుంది → నడక లాంటి వ్యాయామాలతో దేహానికే కాకుండా... మనసుకూ, మెదడుకూ వ్యాయామం ఇవ్వడం మంచిది. రోజూ పత్రికల్లో లేదా సోషల్‌ మీడియాలో కనిపించే పజిల్స్, సుడోకూ, గళ్లనుడికట్టు వంటి ‘మెదడుకు మేత’ అంశాల్ని ప్రాక్టీస్‌ చేయడం అల్జీమర్స్‌ నివారణకు చాలావరకు ఉపకరిస్తుంది → సృజనాత్మకంగా ఆలోచించేవారిలో అల్జీమర్స్‌ అవకాశాలు తక్కువని అధ్యయనాల్లో తేలింది. మంచి ఊహాశక్తితో సృజనాత్మకంగా ఆలోచిస్తూ ఉండటంతో పాటు తమ అభిరుచి మేరకు తమకు ఆసక్తి ఉన్న కళలను ప్రాక్టీస్‌ చేస్తుండటం కూడా దాన్ని నివారించవచ్చు.డాక్టర్‌ శైలేష్‌ మోదీసీనియర్‌ న్యూరాలజిస్ట్‌

మూడు నెలల కిందట ఇదే ఏడాది 2026 ఫ్రెంచ్‌ ఓపెన్‌లో ఫ్లావియో కొబొల్లీని ఓడించి తన మొదటి గ్రాండ్‌స్లామ్‌ టైటిల్‌ గెలిచాడు అలెగ్జాండర్‌ జ్వెరెవ్‌. కానీ అతడు తేల్చుకోవాల్సిన పాత లెక్క ఒకటుంది. అదీ... ఆరేళ్ల కింద 2020 నాటి ఓ పాత కథ ఇది...అది 2020 నాటి యూఎస్‌ ఓపెన్‌. ఆరోజు 23 ఏళ్ల జ్వెరెవ్‌కి ప్రత్యర్థిగా ఆస్ట్రియాకు చెందిన డొమినిక్‌ థీమ్‌ ఆడుతున్నాడు. జ్వెరెవ్‌ మొదటి రెండు సెట్లూ గెలిచాడు. దాదాపుగా చేతికి అందేంత దగ్గర్లో ఒక గ్రాండ్‌స్లామ్‌ ట్రోఫీ!! ఇక కావాల్సింది కేవలం రెండంటే రెండు పాయింట్లే!! కానీ... జ్వెరెవ్‌ ఆ తర్వాత మూడు సెట్లు కోల్పోయి ఓటమి పాలయ్యాడు. మళ్లీ ఆరేళ్ల తర్వాత... తేదీ 2026 సెప్టెంబర్‌ 13... న్యూయార్క్‌లోని ఆర్థర్‌ యాష్‌ స్టేడియం... పాతికవేల మంది ప్రేక్షకులతో కిక్కిరిసిపాయిన స్టేడియం. ఒకవైపు అమెరికా యువ ఆటగాడు బెన్‌ షెల్టన్‌. ఆట జరుగుతున్నది న్యూయార్క్‌లోనే కావడంతో తమ దేశపు ఆటగాడే గెలవాలన్న కోరిక చాలామందిలో ఉండటం మామూలే. అందుకే... ‘దాదాపు 99.9% మంది ప్రేక్షకులు బెన్‌ షెల్టన్‌ గెలవాలని కోరుకుంటున్నారేమో’ అంటూ జ్వెరెవ్‌ సరదాగా ఓ కామెంట్‌ కూడా చేశాడు. చివరికి... తన ప్రత్యర్థి బెన్‌ షెల్టన్‌ను జర్మనీకి చెందిన 29 ఏళ్ల అలెగ్జాండర్‌ జ్వెరెవ్‌ ఓడించాడు. ఇప్పుడు జ్వెరెవ్‌ చేతిలో ట్రోఫీ! ఆరేళ్ల కిందట అతడు రన్నరప్‌. కానీ ఇప్పుడు చాంపియన్‌!! చుట్టూ ఎందరో ఫ్యాన్స్‌ ఉండవచ్చు. కానీ జ్వెరెవ్‌ మనసులో ఒకరున్నారు. ఒకరే ఉన్నారు. ఆ ఒకే ఒక వ్యక్తి ఆమె తల్లి ఇరీనా! అతడి మనసులో ఆ తల్లి అన్న మాటలూ ఉన్నాయి. అవేమిటో తెలుసుకోవాలనుకుంటే జ్వెరెవ్‌కు నాలుగేళ్ల వయసప్పటి కాలానికి వెళ్లాలి. జ్వెరెవ్‌కు నాలుగేళ్ల వయసున్నప్పటి కథ ఇది... డాక్టర్‌ చెప్పాడు... ‘‘ఈ నాలుగేళ్ల చిన్నారికి టైప్‌–1 డయాబెటిస్‌’’ అని! అప్పుడు అతడి కుటుంబ సభ్యులు అడిగారు ‘‘ఇక ఈ పిల్లవాడి జీవితం ఎలా ఉంటుంది?’’ అని. ‘‘స్పోర్ట్స్‌ పర్సన్‌ కావాలనుకుంటే అది కష్టం కావచ్చు’’ అన్నాడు డాక్టర్‌. ఆయన ఈ మాట ఎందుకు అన్నాడంటే... జ్వెరెవ్‌ తల్లి ఇరీనా కూడా మాజీ టెన్నిస్‌ ప్లేయరే. ఇలాంటి మాటలు విన్నప్పుడు చాలామంది పేరెంట్స్‌ సాధారణంగా ఏమంటారు? ‘‘సరే.... ముందు హెల్త్‌. ఆ తర్వాతే స్పోర్ట్స్‌...’’ అని. కానీ జ్వెరెవ్‌ తల్లి... ఇరీనా అలా అనుకోలేదు. ఆమె తన నాలుగేళ్ల కొడుకును చూసి...‘‘నా కొడుకు భవిష్యత్తులో ఏమవ్వాలి అనేది టైప్‌–1 డయాబెటిస్‌ నిర్ణయించదు. అతడు టెన్నిస్‌ ప్లేయర్‌ కావాలంటే టెన్నిస్‌ ప్లేయర్‌. లేదా ఇంకేదైనా... మరేదైనా కావాలంటే అదీ’’.టైప్‌–1 డయాబెటిస్‌ కొనసాగింది... ప్రతిరోజూ గుచ్చే సూదులూ... రోజూ తాను కళ్లజూసే రక్తపుబొట్లు... రోజు వాడాల్సిన మందులతో! కానీ జీవితమూ కొనసాగింది. అదీ అతడి ఇష్టప్రకారమే... ప్రాక్టీస్‌... ఫిట్‌నెస్‌... మ్యాచులు. ప్రయాణాలూ... విజయాలతో! తన చిన్నప్పటి నుంచీ టైప్‌–1 డయాబెటిస్‌ కండిషన్‌తోనే.. ఎన్నో కండిషన్ల మధ్యన అతడు జీవిస్తున్నాడు. టెప్‌–1 డయాబెటిస్‌ అంటే ఏమిటో, దానితో జీవితమెలా ఉంటుందో చూద్దాం...టైప్‌–1 డయాబెటిస్‌ అంటే...?పిల్లల్లో వచ్చే డయాబెటిస్‌ను టైప్‌–1 డయాబెటిస్‌ అంటారు. చిన్నారుల్లో వస్తుంది కాబట్టి దీన్ని ‘జువెనైల్‌ డయాబెటిస్‌’ అని కూడా అంటారు. ఎందుకు వస్తుందంటే...టైప్‌–1 డయాబెటిస్‌ ఎందుకొస్తుందనే కారణం నిర్దిష్టంగా తెలియదుగానీ... సాధారణంగా పిల్లలకు సోకే వైరస్‌లు, రకరకాల పర్యావరణ అంశాల వంటి చాలా కారణాలతో ఇది రావచ్చన్నది వైద్య నిపుణుల అభిప్రాయం.గుర్తించడమెలా? టైప్‌–1 డయాబెటిస్‌ లక్షణాలు పిల్లలందరిలోనూ ఒకేలా ఉండకపావచ్చు. ఈ కింది లక్షణాల్లో ఏవైనా కనిపించినప్పుడు పేరెంట్స్‌ వాటిని డాక్టర్‌ దృష్టికి తీసుకెళ్లాలి. అవి... → నీళ్లు ఎక్కువగా తాగుతుండటం; పదేపదే మూత్ర విసర్జనకు వెళ్తుండటం ∙రాత్రిళ్లు నిద్రలో పక్క తడిపే అలవాటు మానేసిన పిల్లలూ మళ్లీ్ల పక్క తడపటం మొదలుపెట్టడం ఆహారం బాగానే తీసుకుంటున్నప్పటికీ బరువు తగ్గుతుండటం → వెంటవెంటనే అలసిపాతుండటం, నీరసంగా ఉండటం → వారి జననేంద్రియాల దగ్గర మాటిమాటికీ ఫంగల్‌ ఇన్ఫెక్షన్లు కనిపిస్తుండటం. ఈ లక్షణాలు కనిపించినప్పుడు పిల్లల్లో డయాబెటిస్‌ను వెంటనే గుర్తించి, వెంటనే ఇన్సులిన్‌తో వైద్యం మొదలుపెట్టకపాతే కొన్ని ప్రమాదకరమైన పరిణామాలు సంభవించవచ్చు. అదేపనిగా పేరుకుపాయిన అధిక గ్లూకోజ్‌ వల్ల కీటోన్స్‌ అనే విష పదార్థాలు రక్తంలో పేరుకుపాతాయి. దాంతో ఈ కింది లక్షణాలు కనిపించవచ్చు. → తీవ్రమైన కడుపునొప్పి ∙వాంతులు ∙మత్తుగా ఉండటం (చురుకుదనం లోపించడం) ∙శ్వాసతీసుకోవడం కష్టం కావడం ∙స్పృహతప్పిపడిపావడం వంటి లక్షణాలు కనిపిస్తాయి. ఇలా స్పృహతప్పిపడిపాయే కండిషన్‌ను ‘కీటో అసిడోసిస్‌’ అంటారు. ఇది చాలా ప్రమాదకరం. పిల్లలను తప్పనిసరిగా హాస్పిటల్‌కు తరలించి తక్షణ వైద్య సహాయం అందించాల్సిన ‘మెడికల్‌ ఎమర్జెన్సీ’ ఇది. టైప్‌–1 డయాబెటిస్‌ (మేనేజ్‌మెంట్‌) పిల్లల్లో టైప్‌–1 డయాబెటిస్‌ను నాలుగు అంశాల నిర్వహణ ద్వారా సమర్థంగా మేనేజ్‌ చేయవచ్చు. అవి.. 1. ఇన్సులిన్‌ : ఈ పిల్లల విషయంలో ఇన్సులిన్‌ ఇవ్వడం రక్తంలో పెరిగే చక్కెరను అదుపు చేస్తుంది. ఇప్పటికైతే ఇది మాత్రమే అందుబాటులో ఉన్న చికిత్స ప్రక్రియ. ఇలా ఇన్సులిన్‌ ఇవ్వడం అన్నది ఇంజెక్షన్‌ ద్వారానే జరగాలి. అందునా ఈ ఇంజెక్షన్‌ను కండలోకి కాకుండా చర్మం కింది ‘సబ్‌క్యుటేనియస్‌ పొర’లో ఇవ్వాల్సి ఉంటుంది. ఇలా ఇన్సులిన్‌ను ఒంట్లోకి పంపేందుకు సిరంజీలు, పెన్‌ వంటి ఉపకరణాలు, ఇన్సులిన్‌ పంప్స్‌ వంటి ఉపకరణాలు ఇప్పుడు అందుబాటులో ఉన్నాయి. 2. గ్లూకోజ్‌ మానిటరింగ్‌ : పిల్లలకు కేవలం ఇన్సులిన్‌ ఇస్తుండటం మాత్రమే సరిపాదు. వారు తిన్న మోతాదును బట్టి ఎంత ఇన్సులిన్‌ ఇస్తుండాలన్న అంశాన్నీ నిత్యం పర్యవేక్షిస్తూ ఉండాలి. పిల్లల రక్తంలోని చక్కెర పాళ్లను ప్రతిరోజూ ఎప్పటికప్పుడు తెలుసుకోడానికి ‘గ్లూకోమీటర్‌’ ఉపయోగపడుతుంది. పిల్లల రక్తంలో గ్లూకోజ్‌ పాళ్లు తగ్గితే గ్లూకోజ్‌గానీ లేదా చక్కెరగానీ తినిపించాలి. రక్తంలో గ్లూకోజ్‌ ఎక్కువగా ఉంటే... ఇన్సులిన్‌ ఇవ్వాలి. 3. ఆహారం : చిన్నారుల ఆరోగ్యకరమైన ఎదుగుదలకు అనుగుణంగా వారి ఆహారం ఉండటం అవసరం. ఈ క్రమంలో ఎక్కువ చక్కెరలూ లేదా తీపి పదార్థాలు లేని మంచి సమతులాహారం ఇవ్వాల్సి ఉంటుంది. ఈ ఆహారంలో తగిన పాళ్లలో కార్బోహైడ్రేట్స్‌ సమకూర్చే కాయధాన్యాలు (హోల్‌గ్రెయిన్స్‌), మాంసకృత్తులు (్రపాటీన్లు... ఇవి పప్పు, కోడి మాసం, చేపలు, చీజ్, పనీర్, చిక్కుళ్లు...మొ.) ఇవ్వాలి. ఆరోగ్యకరమైన కొవ్వుపదార్థాల కోసం పొద్దుతిరుగుడుపువ్వునూనె, బాదం, వాల్‌నట్‌ ఇవ్వవచ్చు. వీటితో పాటు అన్ని రకాల పండ్లు, తాజా కూరగాయలు, ఆకుకూరలు తీసుకుంటూ ఉండాలి. 4. శారీరక శ్రమ : పిల్లలు ఒళ్లు అలిసేలా ఆడుకోవడం వల్ల వారి ఒంట్లోని చక్కెర స్వాభావికంగానే నియంత్రితమయ్యే అవకాశం ఎక్కువ. పిల్లలందరూ బాగా ఆడుకోవడం అవసరమే అయినా ఇలాంటి పిల్లలు ఆరుబయట ఒళ్లు అలిసేలా ఆడుకోవడం మరింత ఎక్కువగా అవసరం. చివరిగా... మరోసారి జ్వెరెవ్‌ విషయానికి వస్తే... ఈ సమస్య ఉన్న పిల్లలూ, వాళ్ల తల్లిదండ్రుల జీవితాల్లో ఆర్థిక పరిమితులు ఎక్కువగా ఉంటాయనే అంశాన్ని గమనించినందుకో ఏమోగానీ... ‘జ్వెరెవ్‌ ఫౌండేషన్‌’ డయాబెటిస్‌తో జీవిస్తున్న పిల్లలకు... ముఖ్యంగా ఇన్సులిన్‌ అందని ప్రాంతాల్లో ఉన్నవారికి మద్దతు ఇవ్వడమే లక్ష్యంగా పని చేస్తోంది. బహుశా... తన నాలుగేళ్ల వయసులో ఎదురైన సమస్యను గుర్తించి ఇప్పుడతడు చాలామంది జీవితాలకు ఉపయోగపడేలా తన ఫౌండేషన్‌ను ఉపయోగిస్తున్నాడని భావించవచ్చు. అతడి ఆర్థికస్థితి అందుకు అనుమతిస్తోంది. కానీ... మన దేశంలోనూ ఇలాంటి చిన్నారుల పరిస్థితి గురించి ఆలోచించాల్సిన అవసరమూ మనందరికీ ఉంది. రక్తంలోని చక్కెరను ఇంత జాగ్రత్తగా నియంత్రించాల్సిన అవసరమేమిటంటే? పిల్లల రక్తంలో చక్కెర మోతాదులు చాలాకాలం పాటు నియంత్రణలో లేకపాతే భవిష్యత్తులో వాళ్లలో చాలా రకాల ఇబ్బందులు వచ్చే అవకాశం ఉంది. నియంత్రణలోని లేని చక్కెర వల్ల పిల్లల కిడ్నీలు, గుండె, రక్తనాళాలు, కళ్లు వంటి కీలకమైన అవయవాలకు హాని జరగవచ్చు. నాడీవ్యవస్థపై దుష్ప్రభావాలు పడవచ్చు. ఇవన్నీ బాల్యంలో కనిపించకపావచ్చు. వారు పెరిగి పెద్దయ్యే క్రమంలో ఆ దుష్ప్రభావాలు కనిపించవచ్చు. దాంతో భవిష్యత్తులో అది వారి జీవన నాణ్యతను దెబ్బతీయవచ్చు. అందుకే రక్తంలో చక్కెర పాళ్లను నియంత్రణలో ఉంచుకోవడం అవసరం.ఇటీవలి పురోగతి... టైప్‌–1 డయాబెటిస్‌ ఉన్న పిల్లల్లో ఆ వ్యాధిని నయం చేసేలా ఇప్పటికిప్పుడు చికిత్స ఏదీ అందుబాటులో లేదు. కానీ ప్రస్తుతం అందుబాటులో ఉన్న సాంకేతికతతో వారి రక్తంలోని చక్కెరపాళ్లను ఎప్పటికప్పుడు తెలుసుకునేందుకు వీలుంది. అలాగే సెన్సర్‌ ఆగ్యుమెంటెడ్‌ పంపులు, క్లోజ్‌డ్‌ లూప్‌ సిస్టమ్‌ వంటి కొన్ని ఆధునిక పద్ధతులతో కొన్ని దేశాల్లో పిల్లల్లో చక్కెరపాళ్లను ఎప్పడూ ఒకేలా ఉండేలా నియంత్రణలో ఉంచడమూ సాధ్యమవుతోంది. అయితే ఈ పురోగతి ప్రస్తుతం ఈ బాధిత కుటుంబాలపై చాలా ఆర్థికభారాన్నే మోపుతోంది. భవిష్యత్తులో ఈ వ్యయం తగ్గేందుకు అవకాశం ఉంది. అలాగే ప్రస్తుతం ఇన్సులిన్‌ అందేలా చూసేందుకు – ఇన్సులిన్‌ జీన్‌ థెరపీ, స్టెమ్‌సెల్‌ థెరపీ కంప్లీట్‌ క్లోజ్‌డ్‌ లూప్‌ సిస్టమ్స్‌ వంటి ప్రక్రియలను అందుబాటులోకి తెచ్చేందుకు పరిశోధనలు జరుగుతున్నాయి.డాక్టర్‌ బి. శిరీష కుసుమసీనియర్‌ పీడియాట్రిక్‌ఎండోక్రైనాలజిస్ట్‌ యాసీన్‌

నీళ్లు చల్లడమెందుకు..సూపర్‌మార్కెట్‌కు వెళ్లినప్పుడు కూరగాయలు, ఆకుకూరలపై నీటి తుంపర్లు కనిపిస్తుంటాయి. అవి తాజాగా కనిపించేందుకు మాత్రమే ఇలా చేస్తున్నారని అనుకుంటాం. కానీ దీని వెనుక మరో కారణం కూడా ఉంది. కూరగాయలు కోసిన తర్వాత సమయం గడిచేకొద్దీ వాటిలోని నీరు ఆవిరైపోతుంది.దాంతో ఆకుకూరలు, కొన్ని కూరగాయలు వాడిపోయినట్లు కనిపిస్తాయి. వాటిపై కొద్దిగా నీటిని చల్లడం వల్ల అవి తేమను కోల్పోకుండా చేసి, తాజాగా ఆకర్షణీయంగా కనిపించేలా చేయవచ్చు. అయితే నీళ్లు చల్లినంత మాత్రాన కూరగాయలు ఎక్కువ కాలం తాజాగా ఉంటాయని కాదు. అధిక తేమ, సరైన నిల్వ లేకపోవడం వల్ల కొన్ని కూరగాయలు త్వరగా పాడయ్యే అవకాశం కూడా ఉంటుంది. అందుకే కూరగాయలు కొనేటప్పుడు కేవలం మెరుపు, తేమ చూసి కాకుండా రంగు, వాసన, గట్టితనం, తాజాదనం కూడా గమనించడం మంచిది.ఇవీ చదవండి: వ్యాయామం చేస్తే డబ్బులు.. ఉద్యోగులకు కంపెనీ అదిరే ఆఫర్‌!

జీతం కోసం ఉద్యోగం.. ఆరోగ్యం కోసం వ్యాయామం.. రెండింటికీ ఒకేసారి ప్రోత్సాహం లభిస్తే? ఇదే ఇప్పుడు ఆఫీస్‌ వెల్‌నెస్‌ ట్రెండ్‌గా మారుతోంది. ఆఫీసుకు వెళ్లడం.. పని చేయడం.. ఇంటికి రావడం.. ఇదే ఉద్యోగుల రోజువారీ రొటీన్‌.కానీ ఈ రొటీన్‌ లో వ్యాయామానికీ చోటు కల్పిస్తే? పైగా అందుకు కంపెనీనే రివార్డ్‌ ఇస్తే? దక్షిణ కొరియాలో ఓ కంపెనీ ఉద్యోగుల ఆరోగ్యాన్ని ప్రోత్సహించేందుకు అలాంటి కార్యక్రమాన్నే చేపట్టడంతో ఆసక్తికరంగా మారింది. రెండు నెలల పాటు క్రమం తప్పకుండా వ్యాయామం చేసే ఉద్యోగులను ప్రోత్సహించేలా ఈ కార్యక్రమాన్ని రూపొందించింది. ఇందులో ఉద్యోగులు నిర్దిష్ట కాలం పాటు వ్యాయామం చేయాల్సి ఉంటుంది.అంటే రెండు నెలల పాటు క్రమశిక్షణగా కొనసాగించిన వారికి రివార్డ్‌ అందించడం ద్వారా ఆరోగ్యకరమైన అలవాటును కొనసాగించేలా ప్రోత్సహిస్తున్నారు. ఈ విషయాన్ని ఓ భారతీయ ఉద్యోగి సోషల్‌ మీడియాలో పంచుకోవడంతో సోషల్‌ మీడియా వేదికగా వైరల్‌గా మారింది.ఇదీ చదవండి: కేరళలో వృద్ధులే అధికం.. కుటుంబాలకు కొత్త సవాల్‌!

ఒకప్పుడు పిల్లలతో సందడిగా తిరిగిన ఇళ్లే అవి. ప్రతి పండుగ, ప్రతి వేడుకలో సంతోషం, కేరింతలతో నిండినవే. కానీ నేడు అవే ఇళ్లు నిశ్శబ్దానికి వేదికలుగా మారుతున్నాయి. పెద్ద కుటుంబాలకు పేరుగాంచిన కేరళలో ఇప్పుడు జనాభా నిర్మాణం వేగంగా మారుతోంది. పిల్లల సంఖ్య తగ్గుతోంది. వృద్ధుల సంఖ్య పెరుగుతోంది. యువత ఉద్యోగాలు, చదువుల కోసం ఇతర ప్రాంతాలకు, విదేశాలకు వెళ్తుండటంతో వృద్ధులు మాత్రమే ఇళ్లలో మిగిలిపోతున్నారు. అయితే వీరి సంరక్షణ ఇపుడు అక్కడి ప్రభుత్వానికి కొత్త సవాలుగా మారుతోంది.‘వృద్ధుల సంరక్షణ’ ఎలా ఉండాలి? కుటుంబమే చూసుకోవాలా? లేక ప్రభుత్వం, సమాజం కూడా బాధ్యత తీసుకోవాలా? అనే ప్రశ్నలు కేరళను సందిగ్ధావస్థలో పడేస్తున్నాయి. గత రెండున్నర దశాబ్దాల నుంచి భారీ స్థాయిలో ఉపాధి కోసం యువత పక్క రాష్ట్రాలకి, గల్ఫ్‌ దేశాలకు తరలిపోవడం వల్ల రాష్ట్రంలో వృద్ధుల జనాభా ఊహించని రీతిలో పెరిగిపోవడానికి కారణమైపోయింది.మారుతున్న జనాభా చిత్రంఆయుర్దాయం పెరగడం, జననాల రేటు తగ్గడం వంటి జనాభా మార్పులు కేరళ సామాజిక నిర్మాణాన్ని మార్చుతున్నాయి. యువత సంఖ్యతో పోలిస్తే వృద్ధుల వాటా పెరుగుతున్న కొద్దీ ఆరోగ్యం, ఆర్థిక భద్రత, నివాసం, రోజువారీ సంరక్షణ వంటి అంశాలు మరింత కీలకంగా మారుతున్నాయి. అంటే.. కేరళ ఇప్పుడు కేవలం జనాభా పెరుగుతున్న రాష్ట్రం కాదు.. వృద్ధాప్యం పెరుగుతున్న రాష్ట్రంగా కూడా మారుతోంది.ఉద్యోగాల కోసం విదేశాలకు..ఇంతకుముందు తల్లిదండ్రులు, పిల్లలు, తాతలు, అమ్మమ్మలు కలిసి ఉండే కుటుంబ వ్యవస్థ బలంగా ఉండేది. ఇంట్లోనే పెద్దలను చూసుకునేవారు ఉండేవారు. కానీ ఇప్పుడు పరిస్థితి మారింది. ఉద్యోగాల కోసం పిల్లలు ఇతర నగరాల్లో లేదా విదేశాల్లో స్థిరపడుతున్నారు. చిన్న కుటుంబాలు పెరుగుతున్నాయి. దీంతో పెద్దవారు ఒంటరిగా జీవించాల్సిన పరిస్థితులు ఎదురవుతున్నాయి. అప్పుడు ఎదురయ్యే ప్రశ్న ఒక్కటే.. ‘పిల్లలు దూరంగా ఉంటే.. వృద్ధులను ఎవరు చూసుకోవాలి?’’ అనేది.యూరప్‌ ఏం చెబుతోంది? యూరప్‌లోని అనేక దేశాలు వృద్ధుల సంఖ్య పెరుగుతున్న పరిస్థితిని చాలాకాలంగా ఎదుర్కొంటున్నాయి. అక్కడ వృద్ధుల సంరక్షణను కుటుంబ బాధ్యతగా మాత్రమే కాకుండా సామాజిక, ఆరోగ్య, సంక్షేమ వ్యవస్థలతో అనుసంధానించి చూడటానికి ప్రయత్నాలు జరుగుతున్నాయి. ఇంటి వద్దే సంరక్షణ, ఆరోగ్య సేవలు, దీర్ఘకాలిక సంరక్షణ, సామాజిక భద్రత వంటి అంశాలకు ్రపాధాన్యం ఇస్తున్నారు. అంతేకాకుండా వృద్ధుల హక్కులు, భద్రతకు కొన్ని సందర్భాల్లో చట్టపరమైన రక్షణ కూడా అవసరం. కానీ చట్టం ఉండటం మాత్రమే సరిపోదు. దాన్ని అమలు చేసే వ్యవస్థ కూడా బలంగా ఉండాలి. అందుకే కేరళ కూడా తన అవసరాలకు తగ్గట్టుగా అలాంటి విధానాల నుంచి ఏమి నేర్చుకోవచ్చనే దానిపై దృష్టి పెడుతోంది. ఇందుకోసం జపాన్, నార్వే దేశాల్లో అమలులో ఉన్న వృద్ధుల సంరక్షణ విధానాలను పరిశీలిస్తోంది.అయితే కేరళలో కనిపిస్తున్న జనాభా మార్పులు ఆ రాష్ట్రానికే పరిమితం కావు. దేశంలో ఆయుర్దాయం పెరుగుతూ, కుటుంబ నిర్మాణాలు మారుతున్న కొద్దీ మరిన్ని ప్రాంతాల్లోనూ వృద్ధుల సంరక్షణపై ఇదే తరహా ప్రశ్నలు ఎదురయ్యే అవకాశం ఉంది. అందుకే వృద్ధా΄్యాన్ని ‘కుటుంబం చూసుకోవాల్సిన వ్యక్తిగత విషయం’గా మాత్రమే కాకుండా.. సమాజం, ప్రభుత్వం, ఆరోగ్య వ్యవస్థ కలిసి పరిష్కరించాల్సిన సామాజిక అంశంగా చూడాల్సిన అవసరం పెరుగుతోంది. ఈరోజు మనం వృద్ధుల కోసం నిర్మించే సంరక్షణ వ్యవస్థ.. రేపు మన వృద్ధా΄్యాన్ని ఎలా గడపాలో నిర్ణయిస్తుంది. ఎందుకంటే వృద్ధాప్యం అనేది ఈరోజు వారిది.. రేపు మనది!మహిళలే ఎక్కువ...!ప్రస్తుతం కేరళ రాష్ట్ర జనాభాలో 60 ఏళ్లు పైబడిన వారు సుమారు 19 శాతం ఉన్నారు. 2021లో ఇది 16.5 శాతంగా ఉండగా, 2031 నాటికి 20.9 శాతానికి, 2036 నాటికి 23 శాతానికి చేరుతుందని అంచనా.కేరళ ఆరోగ్యశాఖ అంచనాల ప్రకారం 2021లో 58.53 లక్షలుగా ఉన్న 60 ఏళ్ల పైబడినవారు.. 2026లో 67.68 లక్షలకు చేరింది. 2036 నాటికి ఈ సంఖ్య 84.18 లక్షలకు పెరగొచ్చని అంచనా.మరోవైపు కుటుంబంపై ఆధారపడి జీవించే వృద్ధుల నిష్పత్తి కూడా పెరుగుతోంది. 2021లో 26.1 శాతంగా ఉన్న వృద్ధాప్య ఆధారిత నిష్పత్తి.. 2031 నాటికి 34.3 శాతానికి చేరుతుందని అంచనా.ఇంకో ఆసక్తికరమైన విషయం.. కేరళలో వృద్ధాప్య జనాభాలో ఎక్కువగా మహిళలే ఉన్నారు. ఎక్కువ ఆయుర్దాయం కారణంగా వృద్ధుల్లో మహిళల వాటా అధికంగా ఉంది. 80 ఏళ్లు పైబడిన వారిలో ప్రతి 1,000 మంది పురుషులకు 1,651 మందికి పైగా మహిళలు ఉన్నట్లు రాష్ట్ర అభివృద్ధి నివేదిక పేర్కొంది.ఇదీ చదవండి: ‘జెన్‌ జీ’లో స్లో లివింగ్‌ క్రేజ్‌ ఎందుకు పెరుగుతోంది?

బాలీవుడ్ జంట దీపికా పదుకొనే, రణ్‌వీర్ సింగ్ దంపతులు తమ రెండో బిడ్డను త్వరలోనే ఆహ్వానించనున్న తరుణంలో, భగవంతుని ఆశీస్సులు పొందేందుకు ముంబైలోని ప్రసిద్ధ సిద్ధివినాయక ఆలయాన్ని సందర్శించారు. రణ్‌వీర్ తల్లిదండ్రులతో కలిసి ఈ సెలబ్రిటీ దంపతులు సందడి చేశారు.ముంబైలోని ప్రసిద్ధ 'లాల్‌బాగ్చా రాజా'ను దర్శించుకుని బాప్పా ఆశీస్సులు తీసుకున్న ఒక రోజు తర్వాత, తాజాగా సిద్దివినాయకుని ఆశీస్సులు తీసుకున్నారు. ఈ సందర్భంగా దీపికా పదుకొనే ఆరెంజ్, పర్పుల్ రంగుల కుర్తా సెట్‌లో కనిపించగా, రణ్‌వీర్ సింగ్ పర్పుల్ కుర్తా , వైట్ ట్రౌజర్స్ ధరించారు.సరిగ్గా రెండేళ్ల క్రితం తమ మొదటి కూతురు దువా పుట్టడానికి రెండు రోజుల ముందు (సెప్టెంబర్ 6, 2024న) కూడా ఈ దంపతులు సిద్ధవినాాయక ఆలయాన్ని సందర్శించడం విశేషం.ముంబైలోని ప్రసిద్ధ లాల్‌బాగ్చా రాజాను దర్శించుకున్నారు రణ్‌వీర్. పింక్ కుర్తా ధరించి భక్తిశ్రద్ధలతో ప్రార్థనలు చేశారు. ప్రస్తుతం ఈ ఫోటోలు నెట్టింట వైరల్‌గా మారాయి. View this post on Instagram A post shared by Voompla (@voompla)ify"> దీపికా-రణ్‌వీర్ దంపతులు ఆలయంలోకి ప్రవేశించే సమయంలో దీపికా రణ్‌వీర్ చేయి పట్టుకుని నడుస్తున్న వీడియోలు ఆన్‌లైన్‌లో వైరల్ అయ్యాయి. వీరిద్దరి సాదాసీదా, సంప్రదాయ రూపం అభిమానులను ఎంతగానో ఆకట్టుకుంది. తమ కూతురు దువా రెండవ పుట్టినరోజు (సెప్టెంబర్ 8) సందర్భంగా కుటుంబానికి సంబంధించిన కొన్ని అద్భుతమైన ఫొటోలను అభిమానులతో పంచుకున్నారు. View this post on Instagram A post shared by Voompla (@voompla)> ఇదీ చదవండి: సీఎం సువెందు దెబ్బ : మమతకు ఒకే రోజు రెండు షాకులుఈ ఏడాది ఏప్రిల్ 19న తాము రెండోసారి తల్లిదండ్రులు కాబోతున్నట్లు దీపికా, రణ్‌వీర్ సంయుక్తంగా ఇన్‌స్టాగ్రామ్‌లో ప్రకటించారు. తమ కూతురు దువా పాజిటివ్ ప్రెగ్నెన్సీ కిట్‌ను పట్టుకున్న ఫోటోను షేర్ చేస్తూ ఈ గుడ్ న్యూస్‌ చెప్పారు.దీపికా - రణ్‌వీర్ 2018 నవంబర్ 14న ఇటలీలోని లేక్ కోమోలో దీపికా-రణ్‌వీర్ అంగరంగ వైభవంగా వివాహం చేసుకున్నారు. వీరి వివాహం కొంకణి, సింధీ సంప్రదాయాల ప్రకారం రెండు పద్ధతుల్లో జరిగింది. సెప్టెంబర్ 8, 2024న వీరు తమ తొలి సంతానం దువాను స్వాగతించారు.ఇదీ చదవండి: ఐఫోన్‌ క్రేజ్‌ : భార్యామణి కోసం ఏకంగా గోల్డ్‌ అమ్మి మరీ!

కొందరికి పుస్తకం చదవడం అంటే ‘వామ్మో’ అనుకునేంత భయం. కొందరికి పుస్తకం చదవడం అంటే ‘ఆహా’ అనిపించే అనుభవం. కొన్ని సంవత్సరాల వరకు... అనంతి ఎప్పుడూ పుస్తకం చదివింది లేదు. ఒకసారి మాత్రం చదవాలనిపించి చదివింది. ఇక అంతే... అప్పటి నుంచి ఇప్పటివరకు ఆమె చదివిన పుస్తకాలు ఎన్నో, ఎన్నెన్నో! పుస్తక పఠనంపై ఆసక్తిని పెంచడానికి ‘ది బుక్‌ షో’ పేరుతో యూట్యూబ్‌ చానల్‌ ప్రారంభించి సక్సెస్‌ అయిన అనంతి అమెజాన్‌ పాపులర్‌ ఛాయిస్‌ బుక్‌ ఇన్‌ఫ్లూయెన్సర్‌గా ఎంపికైంది....రేడియో జాకీగా ప్రయాణం మొదలుపెట్టిన చెన్నైకి చెందిన అనంతి ‘ది బుక్‌ షో’ అనే యూట్యూబ్‌ చానల్‌ వ్యవస్థాపకురాలిగా తన ప్రత్యేకత చాటుకుంది.‘రేడియో జాకీగా కెరీర్‌ ప్రారంభంలో ఏదో ఒక విషయంపై మాట్లాడుతూనే ఉన్నాను. ఆ తరువాత దేని గురించి మాట్లాడాలో మాత్రం అర్థం కాలేదు. ఆ సమయంలోనే పుస్తకాలు చదవాలనిపించింది. ఒక్కటొక్కటిగా పుస్తకాలు చదవడం మొదలుపెట్టాను. నేను మొదట్లో చదివిన పుస్తకాల్లో కొన్ని... ది పవర్‌ ఆఫ్‌ యువర్‌ సబ్‌ కాన్షియస్‌ మైండ్, సీక్రెట్, సేపియన్స్‌’ అంటూ గతాన్ని గుర్తు తెచ్చుకుంది అనంతి.పుస్తక ప్రియులను పుస్తక పఠన ప్రయాణంలో భాగం చేయడానికి ‘ది బుక్‌ షో’ పేరుతో యూట్యూబ్‌ చానల్‌ ప్రారంభించింది.ఎన్నో పుస్తకాలు!పుస్తకం పఠనంలో ఉండే మజాను పరిచయం చేయడమే కాకుండా, ఏ పుస్తకం చదివితే బాగుంటుంది అనే విషయంలో సలహాలు ఇస్తుంటుంది అనంతి. తనకు ఆసక్తి కలిగించిన పుస్తకాల గురించి వీడియోలు చేస్తుంటుంది. ఆ వీడియోలలో ఆ వారంలో తాను చదివిన పుస్తకాలు, పేజీల సంఖ్య, పుస్తకం చదవడానికి ఎన్ని రోజులు పట్టింది... మొదలైన వివరాలు చెబుతుంటుంది. ‘మీరు పరిచయం చేసిన పుస్తకాన్ని ఈమధ్యే చదివాను. చాలా బాగుంది’ అని అనంతితో ఎంతోమంది చెబుతుంటారు.కలల ఇంధనంరోజుకు కనీసం రెండు గంటల పాటు పుస్తకాలు చదువుతుంది అనంతి. గాలి చేసే శబ్దాలు వింటూనే కిటికీ పక్కన కూర్చొని సూర్యకాంతిలో పుస్తకాలు చదవడం అంటే అనంతికి ఇష్టం.‘పుస్తక పఠనం అనేది కలలు కనడానికి ఇంధనాన్ని ఇస్తుంది’ అంటున్న అనంతి ప్రపంచవ్యాప్తంగా ప్రసిద్ధి పొందిన సైకాలజీ, సెల్ఫ్‌–హెల్ప్, ఫైనాన్స్, హ్యూమన్‌ బిహేవియర్‌... మొదలైన వాటికి సంబంధించి ఎన్నో పుస్తకాలను పరిచయం చేసింది. చిన్న చిట్కాకొత్తగా పుస్తకాలు చదవడం మొదలు పెట్టిన వారికి కొన్ని పేజీల తరువాత ఏకాగ్రత నిలుపుకోవడం కష్టంగా అనిపించవచ్చు. వారికి నేను ఒక చిన్న చిట్కా చెబుతాను. తక్కువ సమయంతో, ఉదాహరణకు రోజుకు పదినిమిషాలతో పుస్తకం చదవడం మొదలుపెట్టి ఆ సమయాన్ని మెల్లగా పెంచుకుంటూ వెళ్లండి. పుస్తకాలు చదవడం అలవాటు అయ్యాక మీకు ఇష్టమైన సబ్జెక్ట్‌ లేదా జానర్‌పై పుస్తకాలు చదవడానికి ఆసక్తి ప్రదర్శిస్తారు.– అనంతి

ఏ వ్యాపారంలోనైనా ఒక్కసారి ఘోరమైన నష్టం చవిచూస్తే..మళ్లీ దానివైపుకి కన్నెత్తి చూసే సాహసం చేయం. అసలు ఆ కష్టం నుంచి కోలుకోవడమే చాలా కష్టం. కానీ ఈ మహిళ వ్యాపారంలో ఎంత ఘోరమైన నష్టాలు చూసిందంటే..చేతిలో వంద రూపాయలతో రోడ్డుపైకి వచ్చేసింది. కానీ ఆ వంద కంటే తక్కువ మొత్తంతోనే మళ్లీ వ్యాపారం ప్రారంభించి.. ఇవాళ ఏ రేంజ్‌కి చేరుకుందో తెలిస్తే విస్తుపోతారు. నష్టాలనేవి నట్టేట ముంచేవి కాదు..నింగికేగేసేలా చేసే పాఠాలని చెబుతోంది ఆమె సక్సెస్‌ స్టోరీ. ఆ శక్తిమంతమైన మహిళే ఇలావరసి జయకాంత్‌. తమిళనాడులోని ఉసిలంపట్టికి చెందిన ఆమె కుటుంబం కేరళలోని త్రిస్సూర్ జిల్లాకు వలస వచ్చింది. ఆమె తల్లిదండ్రులు జీవనోపాధి కోసం స్వీట్స్‌, స్నాక్స్‌ తయారు చేసి విక్రయిస్తుండేవారు. అలా ఆమెకు చిన్ననాటి నుంచి ఉత్పత్తులను చుట్టపక్కల వాళ్లకు అమ్మడంలో పేరెంట్స్‌ సహాయం చేస్తుండేది. పెళ్లి తర్వాత కూడా జయకాంత్‌ తన కుటుంబ సంప్రదాయన్ని కొనసాగిస్తూ.. ఆమె కూడా ఇంట్లోనే స్వీట్లు, స్నాక్స్‌ తయారు చేసి, సమీపంలో ఇళ్లలో ఉత్పత్తులనను అమ్ముతుండేది. దీనికి చుట్టపక్కల వాళ్లు, బంధువుల నుంచి అనూహ్య స్పందన రావడంతో పెద్ద వ్యాపారంగా మార్చాలని నిర్ణయించుకుంది. అలా తన వద్ద ఉన్న పొదుపు, బ్యాంకు రుణాలు, కొంత బయట నుంచి తెచ్చిన అప్పుతో సహా మొత్తం రూ. 50 లక్షలతో సూపర్‌మార్కెట్‌ను ప్రారంభించింది. దాంట్లోనే పండ్లు, కూరగాయలతో చేసిన హల్వా, చిప్స్‌, కేకులు, స్వీట్లు, స్నాక్స్‌ వంటి వస్తువులను విక్రయించడం ప్రారంభించింది. అంతేగాదు 50 మందిదాక ఉపాధి కల్పించింది. సరిగ్గా 2011లో సూపర్‌ మార్కెట్‌ దొంగతనానికి గురవ్వడంతో తీవ్రమైన నష్టాలను ఎదుర్కొంది. ఎంతలా అంటే వ్యాపారంలో మొత్తం డబ్బునిపోగొట్టుకుని చేతిలో కేవలం వంద రూపాలయతో రోడ్డు మీదకు వచ్చేసింది. ఆ నష్టం ఆమె మానసిక ఆరోగ్యంపై తీవ్ర ప్రభావం చూపి ఆస్పత్రి పాలు చేసింది. కానీ ఆమెకు విరామం తీసుకునే వ్యవధి లేనంతగా బ్యాంకు నుంచి అప్పులవాళ్ల నుంచి ఒత్తిడి పెరిగిపోయింది. దీంతో ఆమె వెంటనే మళ్లీ.. మరో వ్యాపారం చేసి నిలదొక్కుకుంటే పరిస్థతి చక్కబడేలే లేదని గ్రహించి చివరకు చేతిలో ఉన్న కొద్ది మొత్తంతోనే త్రిస్సూర్ రైల్వే స్టేషన్ సమీపంలో 'అశ్వతి హాట్ చిప్స్' అనే ఒక చిన్న హాట్-చిప్స్ స్టాల్‌ను ప్రారంభించింది. వంద రూపాయల కన్నా తక్కువ పెట్టుబడితో ప్రారంభించిన ఈ వ్యాపారం కాస్తా అమ్మకాలు ఊపందుకుని తక్కువ సమయంలోనే మంచి పేరు తెచ్చుకుంది. అలా చిప్స్‌ తోపాటు వడలు వంటి వాటిని జోడించి వ్యాపారాన్ని విస్తరించింది. అలా తొలి వ్యాపారంలో ఎదురైన అప్పులన్నిటినీ తీర్చేసింది. అంతేగాదు ఆ చిన్న స్టాల్‌లోనే ఏకంగా కేకులు, స్వీట్లు, ఊరగాయలు కూడా చేర్చింది. అలా కొద్దికాలంలోనే ఆ వ్యాపారం ఇలావరసి ఫుడ్స్ ప్రైవేట్ లిమిటెడ్‌గా నమోదై అతిపెద్ద సంస్థగా అవతరించింది. ఇవాళ ఏకంగా రెండు కోట్లు టర్నోవర్‌ చేసే వ్యాపార సామ్రాజ్యంగా మారింది. అలాగే ఈమె కథ పెద్ధ పెట్టుబడులతోనే విజయం రాదని, కష్టించేతత్వం ఉంటే చిన్న మొత్తంతో ఊహకందని సక్సెస్‌ని ఒడిసిపట్టుకోవచ్చని నిరూపిస్తోంది కదూ..(చదవండి: సాధారణ ఫుడ్‌ డెలివరీ కాస్తా..ఫ్లైట్‌లో ఇంటికి వెళ్లేలా..!)

భారతీయ ఆధ్యాత్మిక సంప్రదాయంలో శ్రీ గణేశునికి విశిష్టమైన స్థానం ఉంది. శ్రీ గణేశుడు విఘ్నేశ్వరుడు. విఘ్నాలను తొలగించే దేవతగా ఆయనను ఆరాధిస్తాం. అయితే ఆధ్యాత్మికంగా చూస్తే మన జీవితంలోని అసలైన విఘ్నాలు బయట ఉండేవి కావు. మనలోని అహంకారం, జడత్వం, భయం, అజ్ఞానం, అస్థిరతలే మన ఎదుగుదలకు ప్రధాన అవరోధాలు. వీటిని అధిగమించడానికి కావలసిన వివేకాన్ని ప్రసాదించే శక్తే శ్రీ గణేశ తత్వం.ప్రకృతి వెనుక ఉన్న దైవశక్తి, మన చుట్టూ కనిపించే ప్రకృతి, జీవం, విశ్వం– ఇవన్నీ ఒక అద్భుతమైన దైవిక వ్యవస్థలో భాగాలు. భూమి, నీరు, అగ్ని, వాయువు, ఆకాశం అనే పంచతత్వాల సమన్వయంతో జీవ సృష్టి కొనసాగుతోంది. శ్రీ మాతాజీ నిర్మలా దేవి తమ ఆధ్యాత్మిక సందేశంలో శ్రీ గణేశ తత్వాన్ని ప్రకృతి, సృష్టి, జీవశక్తితో అనుసంధానిస్తూ వివరిస్తారు. ప్రకృతిలోని పంచతత్వాలను కదిలించి జీవసృష్టికి మార్గం సుగమం చేసే దైవశక్తిగా శ్రీ గణేశుని తత్వాన్ని ఆమె వివరిస్తారు.కార్బన్, హైడ్రోజన్, ఆక్సిజన్‌ వంటి మూలకాలు జీవరాశుల నిర్మాణంలో కీలకపాత్ర పోషిస్తాయి. ఆధ్యాత్మిక దృష్టిలో వీటిని వివిధ దైవశక్తులకు ప్రతీకలుగా భావించి, సష్టి వెనుక పనిచేసే చైతన్యాన్ని అర్థం చేసుకునే ప్రయత్నం చేయవచ్చు. విజ్ఞానం ప్రకృతి ఎలా పనిచేస్తుందో వివరిస్తే, ఆధ్యాత్మికత ఆ ప్రక్రియ వెనుక ఉన్న చైతన్యాన్ని అనుభూతి చేయడానికి మనిషిని అంతర్ముఖుడిని చేస్తుంది. ఈ సమస్త ప్రక్రియల మధ్యలో ఉన్న సమన్వయ శక్తినే శ్రీ గణేశ తత్వంగా చూడవచ్చు. అనంత చతుర్దశికి ఒక విశేషం వుంది. ఆ రోజు నాడే శ్రీ వినాయకుడిని నీళ్ళలో నిమజ్జనం చేస్తాం. ఆయనను ప్రతిష్టించి పది రోజులు పూజలు జరుపుకున్న తరువాత మట్టితో చేసిన ఆయన ప్రతిమను నదిలో గానీ, సముద్రంలో గానీ కలపడానికి కారణం అలా పూజలందుకున్న వినాయకునికున్న శక్తులు ఆ నీటి ప్రవాహం ద్వారా సర్వత్రా వ్యాపిస్తాయని, ఆ విధంగా శ్రీ గణేశుని శక్తులు, తత్వం అయిన పవిత్రత, వివేకం, విచక్షణ, తల్లిపట్ల సమర్పణ భావం ఆ అనంతమైన నీటిలో స్థిరపడి ప్రవహిస్తూ సముద్రంలోకి చేరుకుంటాయి.అనంత అంటేనే శ్రీ వినాయకుడు. అనంత అంటే నాశనం లేనివాడు. అనంతంగా వ్యాపించి ఉన్న గణేశశక్తి. అంతటి మహత్తు, మహిమాన్వితుడిని గంగానదిలో గానీ, సముద్రంలో కలపడానికి గానీ తీసుకెళుతున్నప్పుడు ఎంతో భక్తి శ్రద్ధలతో, మేళతాళాలతో, మంగళ ప్రదమైన గణేశ్‌ కీర్తనలతో ఆయనను సాగనంపాలి.ఆయన జన్మించిన నాల్గవ రోజు అంటే చవితి నాడు ఆయనను ప్రతిష్టించి, ఆ తరువాత పదవ రోజున, అంటే అనంత చతుర్దశి నాడు సముద్రంలో నిమజ్జనం చేయడానికున్న ప్రాముఖ్యత అటువంటిది. మట్టినుండి ఉద్భవించిన గణేశుడు నీటిలోకి చేరి తద్వారా మానవాళికి, జంతువులకు, ప్రకృతికి తన శక్తులను, తత్వాన్ని ప్రసాదిస్తాడు. అందుచేత గణేశ నవరాత్రి ఉత్సవాలను ఎంత ఉత్సాహంగా జరుపుకుంటామో, నిమజ్జనం కార్యక్రమాన్ని కూడా అంతే గౌరవిస్తూ అత్యంత భక్తి శ్రద్ధలతో ఒక పుణ్యకార్యంగా జరుపుకోవాలి.– డా. ప్రతాని రాకేశ్‌(పరమ పూజ్య శ్రీ మాతాజీ నిర్మలా దేవి ప్రవచనాలు ఆధారంగా) శ్రీ మాతాజీ నిర్మలాదేవి ఇదీ చదవండి: జింకపిల్లకు పులిపాలు!

ఒక రాజకీయ నాయకుడి ప్రసంగాలకు మించి అతని వార్డోరోబ్‌ ఉండటం అత్యంత అరుదు. కానీ ప్రనరేంద్ర మోదీ ఆ విషయంలో విజయం సాధించారు. కార్యక్రమానికి అనుగుణమైన వేషధారణ, అది కూడా నిలకడతో తనదైన శైలితో కనిపించే తీరు..అందర్నీ ఆకట్టుకుంటుంది. చెప్పాలంటే అది మోదీ మార్క్‌గా స్థిరపడిపోయింది. పండుగలాంటి కార్యక్రమానికి వేడుక వాతావరణం ఉట్టిపడేలా ఆయన ఆహార్యం ఉంటుంది. దశాబ్దాల నాటి ఫ్యాషన్‌ని ట్రెండీగా మార్చి..తన పేరుతో గుర్తింపు తెచ్చుకునేలా ఫ్యాఫన్‌ ప్రపంచంలో చెరగని ముద్ర వేశారు. ఇన్నాళ్లు రాజకీయ వేషధారణలో చిన్నారులు తీర్చిదిద్దడానికి నెహ్రు జాకెట్లు ఉపయోగించేవారు. అంతెందుకు పెద్దవాళ్లు సైతం ఆ స్టైల్‌నే అనుకరించేవారు. అలాంటిది ఇవాళ మార్కెట్లో ఎటు చూసినా.. మోదీ స్టైల్‌తో కూడిన జాకెట్లే దర్శనమిస్తున్నాయి. పైగా మోదీ జాకెట్‌ పేరుతో బ్రాండ్‌గా ప్రసిద్దిగాంచడం విశేషం. ఇవాళ ప్రధాని మోదీ 76వ పుట్టిన రోజు పురస్కరించుకుని ఆయన ధరించే జాకెట్‌ విశేషాలు, ఆ స్టైల్‌ ఎలా బ్రాండ్‌గా మారింది తదితరాలు గురించి సవివరంగా తెలుసుకుందామా..!. మోదీ దశాబ్దాల నాటి స్లీవ్‌లెస్‌ జాకెట్‌ని తనదైన శైలిలో ట్రెండీ ఫ్యాషన్‌వేర్‌గా మార్చేశారు. ఆఖరికి దాని పేరు కూడా ఆయన పేరుతో మేళవించే డిజైన్‌గా మారిపోయింది. మెన్స్‌ వేర్‌ షాపుల్లో హుందాగా స్టైలిష్‌గా కనిపించాలని ఓ 50-60 మధ్య వయస్కులు అడగగానే మోదీ జాకెట్లు ఇవ్వమంటరా అని ఠక్కున అడుగుతుండటం విశేషం. పార్లెమెంట్‌ నుంచి ప్రపంచ సదస్సుల వరకు దాదాపు ప్రతి ప్రధాన బహిరంగ కార్యక్రమంలో మోదీ దీన్ని ధరించారు. దాంతో రిటైలర్లు అంతా ఆ సాధారణ జాకెట్‌ని మోదీ జాకెట్‌ పేరుతో విక్రయించడం మొదలుపెట్టారు పెళ్లిళ్లు, పండుగలు, మరేదైన ప్రత్యేక కార్యక్రమంలో పురుషుల కలెక్షన్లో ఇది తప్పనిసరి అనేలా ప్రత్యేకతను దక్కించుకుంది. నిజానికి నెహ్రూ మృదువైన బ్లేజ్‌, గ్రే రంగులు ఇష్టపడితే..మోదీ జాకెట్లను కాషాయం, మెరూన్‌, రాయల్‌ బ్లూ, మస్టర్డ్‌ జ్యువెల్‌ టోన్స్‌ వంటి ప్రస్ఫుటమైన రంగులను ఎంచుకుంటారు. మోదీ కుర్తాకు జతగా ఈ జాకెట్లను ధరించడం విశేషం. ఈ లుక్‌ ఆధునికంగా కనిపించేలా చేయడమే గాక గ్రాండ్‌గా కనిపించేలా చేస్తుంది. వాటిలో బాగా ఫేమస్‌ అయ్యినవి..ప్రచార సమయంలో తరుచుగా ధరించే ప్రకాశవంతమైన వెస్ట్‌కోట్‌తో కూడిన సగం చేతుల కుర్తా ప్రారంభంలోనే ట్రేడ్‌మార్క్‌గా మారింది. ఆ తర్వాత మ్యాండరిన్‌ కాలర్‌తో చక్కగా కుట్టిన బంద్‌గాలా సూట్లు వచ్చాయి. వీటిని మోదీ బ్రిక్స్ సమావేశం వంటి శిఖరాగ్ర సమావేశాలలోనూ, అమెరికా పర్యాటనల సందర్భంగా ధరించి తన రూపానికి అంతర్జాతీయ రేంజ్‌ లుక్‌ని అందించేలా తీర్చిదిద్దుకుంటారు. అంతేగాదు ఒక ఇంటర్వ్యూలో రీసైకిల్‌ చేసిన ప్లాస్టిక్‌ సీసాలతో తయారు చేసిన జాకెట్‌ స్టైలింగ్‌ సుస్థిరతపై ఒక ప్రకటనగా మార్చింది. ఆ తర్వాత 2018లో దక్షిణ కొరియా అప్పటి అధ్యక్షుడు మూనే జే ఇన్‌కు ఇచ్చి ఒక ప్రత్యేకమైన బహుమతి చర్చనీయాంశంగా మారింది. అందులో ఆయన ప్రత్యేకంగా కుట్టించిన జాక్లెట్లు ఉన్నాయి. వాటిని ‘మోదీ వెస్ట్‌’లుగా పిలుస్తూ బహిరంగంగా మోదీకి ధన్యవాదాలు తెలిపారు. ఇక్కడ మోదీ జాకెట్లను అందరు ఇష్టపడతారు, ఎందుకంటే భారతీయ హస్తకళ, ఖాదీకి మూలం అవి. కెమెరాలో స్పష్టంగా కనిపిస్తుంది, అలాగే పలు విధాలుగా ఉపయోగించుకోవచ్చు. అంతేగాదు నిలకడ అనేది ధరించే దుస్తుల్లో కూడా పాటిస్తే..అదే మనకు గర్తింపు తెచ్చిపెడుతుందనే విషయాన్ని హెలెట్‌ చేస్తోంది మోదీ ఫ్యాషన్‌ శైలి. ఆయన ఏమీ ఆ శైలిని ఆవిష్కరించకపోయినా..ఆ పురాత భారతీయ శైలి మోదీ కారణంగా వెలుగులోకి రావడమే గాక యావత్తు ప్రపంచం భారత సంప్రదాయ ఫ్యాషన్‌కి ఆకర్షితులయ్యేలా చేసేందుకు దారితీయడం విశేషం.ఇదీ చదవండి: Japan: గాఢంగా నిద్రపోతే... 3.76 లక్షలు!

ఆయన కళ్లల్లో ఒక తెలియని తీక్షణత ఉంటుంది... ఆయన నటనలో అతిశయోక్తులు లేని సహజత్వం ఉట్టిపడుతుంది. కమర్షియల్‌ సినిమాల్లో నవ్వులు పూయించాలన్నా, క్లాసిక్‌ ఆర్ట్‌ సినిమాల్లో గుండెల్ని పిండేసే అభినయం పండించాలన్నా అది కేవలం ఆయనకే సాధ్యం. ఆయనే కన్నడ చలనచిత్ర అరుదైన నవరత్నం,భారతీయ సినీ యవనికపై ఐదు దశాబ్దాలుగా వెలుగుతున్న నటుడు అనంత్‌ నాగ్‌. కేంద్ర ప్రభుత్వం ఆయనకు ‘దాదాసాహెబ్‌ ఫాల్కే అవార్డు’ ప్రకటించడం దక్షిణ భారతానికి దక్కిన మరో సమున్నత గౌరవం.శ్యామ్‌ బెనగళ్‌ తెలంగాణ ప్రాంతపు కథతో సినిమా మొదలెట్టాడు. అనంత్‌ నాగ్, షబానా ఆజ్మీలు ముఖ్యపాత్రలు. దానికి వర్కింగ్‌ టైటిల్‌గా ‘సీడ్లింగ్‌’ (మొలక) అని పేరు పెట్టుకున్నాడు. కాని తీస్తున్నది హిందీలో. మంచి టైటిల్‌ ఏం పెట్టాలో తోచడం లేదు. సీడ్లింగ్‌కు సరిపోలిన టైటిల్‌ చెప్పిన వారికి వెయ్యి రూపాయల నజరానా ప్రకటించాడు. అనంత్‌ నాగ్‌ ఆయనతో ఒకరోజు బెరుగ్గానే చెప్పాడు... ‘సార్‌ సీడ్లింగ్‌కు సరైన హిందీ మాట అంకుర్‌’... భారతీయ సినిమాలో ‘అంకుర్‌’ ఎంత పెద్ద ప్రభావపూరిత సినిమాయో ఆ సినిమాలో నటించిన అనంత్‌ నాగ్‌ కాలక్రమంలో అంతే ప్రభావపూరిత నటుడిగా అవతరించాడు. నట మహావృక్షమై దాదాసాహెబ్‌ ఫాల్కే వరకూ ఎదిగాడు. అనంత్‌ నాగ్‌కు మొదటి నుంచి పాత్రే ముఖ్యం. ‘అంకుర్‌’లో లీడ్‌ రోల్‌లో నటించిన అనంత్‌ నాగ్‌ ఆ వెంటనే ‘నిశాంత్‌’కు వచ్చేసరికి పనికిమాలిన పోరంబోకు పాత్రలో కనిపిస్తాడు. భూస్వామి కొడుకుగా అకృత్యాలు చేసే పాత్ర అది. ఆ తర్వాత బెనగళ్‌ తీసిన ‘మంథన్‌’లో గ్రామీణ అమ్మాయిని వల్లో వేసుకునే పాత్ర. ఇవన్నీ అందరూ అంగీకరించేవి కావు. 1978లో శ్యామ్‌ బెనగళ్‌ తీసిన ‘అనుగ్రహం’లో వాణిశ్రీ భర్తగా దారీ తెన్నూ లేని పాత్రలో నటించాడు. ఆ సమయంలోనే కె. రాఘవేంద్ర రావు దర్శకత్వంలో వచ్చిన ‘ప్రేమలేఖలు’లో విలన్‌గా నటించాడు. ‘ఇది తీయని వెన్నెల రేయి... మది వెన్నెల కన్నా హాయి’... జయసుధతో డ్యూయెట్‌ పాడాడు. అనంత్‌ నాగ్, గిరీష్‌ కర్నాడ్‌ ఇద్దరూ ఒకే సాంస్కృతిక మూలాల నుంచి వచ్చారు. అనంత్‌ నాగ్‌ మొదటి కన్నడ నాటకం గిరీష్‌ కర్నాడ్‌ రాసిన క్లాసిక్‌ ‘యయాతి’. ముంబైలో ఈ నాటకాన్ని ప్రదర్శించినప్పుడు యయాతికి తన యవ్వనం ఇచ్చి వృద్ధుడిగా మారే కొడుకు పాత్రలో అనంత్‌ నాగ్‌ అద్భుతంగా నటించాడు. ఆ నటనను చూసి ముగ్ధుడైన గిరీష్‌ కర్నాడ్, ప్రముఖ దర్శకుడు జి.వి. అయ్యర్‌కు సిఫార్సు చేస్తే అనంత్‌ నాగ్‌కు లభించిన మొదటి కన్నడ సినిమా ‘సంకల్ప’ (1973). హిందీలో ఎంత బిజీగా ఉన్నా అనంత్‌ నాగ్‌ తన మాతృ పరిశ్రమ శాండల్‌వుడ్‌ను వదల్లేదు. వైవిధ్యమైన పాత్రలతో ఐదుసార్లు కర్ణాటక రాష్ట్ర ఉత్తమ నటుడి అవార్డును, ఆరుసార్లు ఫిల్మ్‌ఫేర్‌ అవార్డులను అందుకోవడం కన్నడ సినిమాపై ఆయనకున్న అపారమైన ప్రభావానికి నిదర్శనం. తెలుగు, తమిళ, కన్నడ భాషల్లో అద్భుత నటిగా పేరు తెచ్చుకున్న లక్ష్మి (‘మిథునం’ ఫేమ్‌), అనంత్‌ నాగ్‌ల కాంబినేషన్‌ సౌత్‌ సినిమాలోనే అత్యంత విజయవంతమైన జోడీగా నిలిచింది. కన్నడలో వీరిద్దరూ కలిసి నటించిన ‘చందనద గొంబె’ వంటి చిత్రాలు బ్లాక్‌బస్టర్స్‌ అయ్యాయి. స్క్రీన్‌ వెలుపల కూడా వీరు మంచి స్నేహితులు. దూరదర్శన్ లో సంచలనం సృష్టించిన ‘మాల్గుడి డేస్‌’ (1987) క్లాసిక్‌ సిరీస్‌ మేకింగ్, ప్రొడక్షన్‌ పనుల్లో తమ్ముడు శంకర్‌ నాగ్‌కు అనంత్‌ నాగ్‌ వెన్నెముకగా నిలిచాడు. నేటి తరం ప్రేక్షకులకు ఆయన ‘కెజీఎఫ్‌ చాప్టర్‌1’ లోని కథ చెప్పే జర్నలిస్ట్‌ పాత్రతో పూనకాలు తెప్పించాడు. అలాగే నితిన్‌ నటించిన ‘భీష్మ’ చిత్రంలో ఆర్గానిక్‌ ఫార్మింగ్‌ కంపెనీ హెడ్‌గా, ‘గోధి బన్న సాధారణ మైకట్టు’లో అల్జీమర్స్‌ పేషెంట్‌గా చూపిన నట విశ్వరూపం నేటి యూత్‌ని ఫిదా చేసింది. అనంత్‌ నాగ్‌ సమాజం పట్ల అవగాహన ఉన్న మేధావి. రాజకీయాల్లో చురుగ్గా ఉన్నాడు. జేహెచ్‌ పటేల్‌ ప్రభుత్వంలో కర్ణాటక క్యాబినెట్‌ మంత్రిగా (బెంగళూరు నగర అభివృద్ధి శాఖ) కూడా ఆయన సేవలందించాడు. వెండితెరపై ఎందరో హీరోయిన్లతో రొమాన్స్ పండించి చాక్లెట్‌ బాయ్‌గా పేరు తెచ్చుకున్న అనంత్‌ నాగ్‌ది రియల్‌ లైఫ్‌లోనూ లవ్‌ మ్యారేజే. తన సహ నటి గాయత్రిని ప్రేమించి, పెళ్లి చేసుకున్నాడు. ఈ దంపతులకు అదితి అనే కుమార్తె ఉంది. లైమ్‌లైట్‌కు, వెండితెరకు దూరంగా పెరిగిన అదితి పెళ్లి చేసుకుని, భర్త వివేక్‌తో కలిసి బెంగళూరులోనే సెటిల్‌ అయ్యారు. ‘సినిమా అనేది కేవలం ఎంటర్టైన్మెంట్‌ కాదు, అది సమాజానికి అద్దం పట్టే మాధ్యమం’ అని నమ్మిన అతికొద్ది మంది నటుల్లో అనంత్‌ నాగ్‌ ఒకరు. 1973లో థియేటర్‌ ఆర్టిస్ట్‌గా మొదలైన ఆయన ప్రయాణం, ఇవాళ భారతీయ సినిమా అత్యున్నత శిఖరమైన ‘దాదాసాహెబ్‌ ఫాల్కే అవార్డు’ వద్దకు చేరింది. ఏనాడూ ఎలాంటి వివాదాల జోలికి వెళ్లకుండా తన పర్సనల్‌ లైఫ్‌ను ఎంతో హుందాగా నడిపించిన అనంత్‌ నాగ్‌ ఎగరేసిన నట బావుటా రాబోయే తరాల నటులకు చుక్కాని. అనంత్‌ నాగ్‌ పూర్తి పేరు అనంత్‌ నాగర్కట్టె. తండ్రి సదానంద్, తల్లి ఆనంది. వీరిది కొంకణ కుటుంబం. అనంత్‌ నాగ్‌ బాల్యమంతా సంస్కృత భజనల, భక్తి పాటల మధ్య సాగింది. ఉడుపిలో 7వ తరగతి పూర్తయ్యాక తండ్రి అనంత్‌ నాగ్‌ని బాంబేకి చదువుకోవడానికి పంపాడు. అయితే అక్కడి ఇంగ్లిష్‌ మీడియంతో అనంత్‌ నాగ్‌ అవస్థ పడి పదితో చదువు ఆపేశాడు. కొన్నాళ్లు యూనియన్‌ బ్యాంక్‌లో టెంపరరీ ఉద్యోగం చేశాడు. ఆ సమయంలోనే బాంబేలోని ప్రభాకర్‌ ముదూర్, వెంకట్రావు తలేగేరి, సత్యదేవ్‌ దూబె వంటి నాటకరంగ దిగ్గజాలు ఆయన్ను గుర్తించి నాటకాల్లో అవకాశం ఇచ్చారు. అనంత్‌ నాగ్‌ వేసిన మొదటి పాత్ర చైతన్య మహాప్రభు పాత్ర. ఆ నాటకం సూపర్‌ హిట్‌ అవ్వడంతో దాదాపు 8 ఏళ్ల పాటు కొంకణి, కన్నడ, మరాఠీ, హిందీ నాటకాల్లో స్టేజ్‌ ఆర్టిస్ట్‌గా రాటుదేలాడు.– కె

ప్రధాని మోదీ, చైనా అధ్యక్షుడు జిన్ పింగ్, రష్యా ప్రెసిడెంట్‌ పుతిన్‌... ఈ ముగ్గురు మహానేతలు బ్రిక్స్‌ సమ్మిట్‌లో ఒక చోట ఉంటే మధ్యలో నిలుచున్న ‘నాల్గవ వ్యక్తి’ మన ఐఎఫ్‌ఎస్‌ ఆఫీసర్‌ సిద్ధార్థ్‌ బాబు. ఒకే ఒక్క విదేశీభాషపై పట్టు సాధించి...ఇవాళ గ్లోబల్‌ లీడర్ల పక్కన దౌత్యం నెరిపే స్థాయికి ఎదిగాడు. విదేశీ భాషలు నేర్చుకుంటే లైఫ్‌ ఎలా టర్న్‌ అవుతుందో చెప్పే సూపర్‌ సక్సెస్‌ స్టోరీ ఇది! యువతా... మీకెన్ని భాషలు వచ్చు?‘చైనాను భారతీయులు, భారత్‌ను చైనీయులు పూర్తిగా అర్థం చేసుకోవడం చాలా కష్టమైన పని. ఈ రెండు వేర్వేరు సంస్కృతుల మధ్య భాషే వారధి. ఆ భాషతోనే మనం సంబంధాలు నెరపగలం’ అంటారు సిద్ధార్థ్‌ బాబు. భారత విదేశాంగ మంత్రిత్వ శాఖ ‘ఈస్ట్‌ ఏషియా డివిజన్‌’లో డిప్యూటీ సెక్రటరీగా పని చేస్తున్న సిద్దార్థ్‌ బాబు చైనా, జపాన్, నార్త్‌ కొరియా, సౌత్‌ కొరియా, మంగోలియా తదితర దేశాలతో భారత్‌కు ఉన్న దౌత్య సంబంధాలను పర్యవేక్షిస్తుంటారు. అంతేకాదు, ఆ రాజ్యాధినేతలు వచ్చినప్పుడు ప్రధానికి అనువాదకునిగా కీలకమైన బాధ్యతను పోషిస్తుంటారు. ఆయన మాండరిన్‌ ఎక్స్‌పర్ట్‌. అందుకే బ్రిక్స్‌లో చైనా అధ్యక్షునికీ మన ప్రధానికీ మధ్య జరిగే సంభాషణల్లో కీలకంగా మారి ఇవాళ వార్తల్లో నిలిచారు.ఎవరీ సిద్ధార్థ్‌ బాబు? కేరళకు చెందిన సిద్ధార్థ్‌ బాబుది మామూలు మధ్యతరగతి కథే. మెకానికల్‌ ఇంజనీరింగ్‌ చేశారు. ఒక ఈ–కామర్స్‌ కంపెనీలో రెండేళ్లు జాబ్‌ చేశారు. కానీ సంతృప్తి కలగలేదు. లైఫ్‌లో పెద్దగా సెటిల్‌ అవ్వాలనే కసితో సివిల్స్‌ వైపు అడుగులు వేశారు. 2017లో ఆలిండియా 15వ ర్యాంక్‌ కొట్టి, ఐఎఫ్‌ఎస్‌ (ఇండియన్‌ ఫారిన్‌ సర్వీస్‌) ఆప్షన్‌ ఎంచుకున్నారు. అయితే వృత్తిరీత్యా ఆయన నేర్చుకున్న ‘ఒక్క భాష’ ఆయన కెరీర్‌ను రాకెట్‌లా దూసుకెళ్లేలా చేసింది.స్మార్ట్‌గా కొత్త భాషకొత్త భాష నేర్చుకోవడం కష్టమనే అపోహ వద్దు. నేటి డిజిటల్‌ యుగంలో స్మార్ట్‌గా ప్లాన్‌ చేస్తే కేవలం కొన్ని నెలల్లోనే కొత్త భాషపై పట్టు సాధించవచ్చు. భాషలు నేర్పించే డ్యుయోలింగో లాంటి యాప్స్‌ అనేకం ఉన్నాయి. వాటి ద్వారా రోజుకు 15 నిమిషాలు కేటాయించి బేసిక్స్‌ నేర్చుకోవచ్చు. ఇక నేర్చుకోవాలనుకునే భాషలోని సినిమాలు, వెబ్‌ సిరీస్‌లను మొదట సబ్‌టైటిల్స్‌తో, ఆ తర్వాత సబ్‌టైటిల్స్‌ లేకుండా చూడటం ద్వారా ఉచ్చారణ సులువుగా అర్థమవుతుంది. స్థానిక యూనివర్సిటీలు ఆఫర్‌ చేసే డిప్లొమా కోర్సుల్లో చేరడం ద్వారా ప్రొఫెషనల్‌ సర్టిఫికేషన్‌ పొందవచ్చు. ‘ఒక మనిషితో అతడికి తెలిసిన భాషలో మాట్లాడితే అది అతడి మెదడుకు చేరుతుంది. అదే అతడి మాతృభాషలో మాట్లాడితే నేరుగా అతడి గుండెకు చేరుతుంది’ అంటాడు నెల్సన్‌ మండేలా. సిద్ధార్థ్‌ బాబు సరిగ్గా ఆ పని చేయడం ద్వారా ఎదిగారు. గ్లోబల్‌ సిటిజన్ గా ఎదగాలనుకునే యువత అదనంగా ఒక అంతర్జాతీయ భాషను నేర్చుకోవడం రెజ్యూమెకి బ్రహ్మాస్త్రాన్ని జోడించడమే. రీల్స్‌లో టైమ్‌ వృథా చేయకుండా ఇవాళే ఒక కొత్త భాష నేర్చుకోవడం స్టార్ట్‌ చేయండి. ‘మాండరిన్‌’ మంత్రంఐఎఫ్‌ఎస్‌ ట్రైనింగ్‌లో భాగంగా ఒక విదేశీ భాష నేర్చుకోవాలనేది రూల్‌. చాలామంది ఈజీగా ఉండేవి ఎంచుకుంటే సిద్ధార్థ్‌ మాత్రం ప్రపంచంలోనే కష్టమైన భాషల్లో ఒకటైన చైనీస్‌ ‘మాండరిన్‌’ ఎంచుకున్నారు. ‘చైనాను అర్థం చేసుకోవాలంటే ఆ దేశ భాష నేర్చుకోవడమే దారి’ అని గ్రహించి ఆ దారిలో వెళ్లారు. బీజింగ్‌లోని భారత రాయబార కార్యాలయంలో నాలుగేళ్లపాటు (2018–2022) పని చేస్తూ చైనా చరిత్ర, సంస్కృతి, రాజకీయాలపై లోతైన అధ్యయనం చేశారు. అయితే ఆయన అక్కడ ఉన్న కాలంలోనే కోవిడ్‌ చెలరేగింది. ఆ మృత్యుఘోషలో లాక్‌డౌన్‌లో నాలుగు గోడల మధ్య ఆయన మాండరిన్‌ భాషలో మునిగి పోయి ఆరితేరారు. ఆ తర్వాత అమెరికాలో ట్రాన్స్ లేషన్‌ అండ్‌ ఇంటర్‌ప్రెటేషన్ లో మాస్టర్స్‌ పూర్తి చేశారు. ఇవన్నీ ఆయనను ప్రధానికి వెన్నెముకగా మార్చాయి. రిపబ్లిక్‌ డే పరేడ్స్‌ నుంచి బ్రిక్స్‌ సమ్మిట్‌ వరకు... మోదీ వెనుక నీడలా ఉంటూ దేశ దౌత్యవిధానంలో కీలక పాత్ర పోషిస్తున్నారు. కేవలం ఒక భాషపై కమాండ్‌తో దేశ భవిష్యత్తును డిసైడ్‌ చేసే స్థాయికి చేరాడాయన. ‘అయితే ఈ పని అంత సులువు కాదు. నేతలు మాట్లాడే సమయంలో వాటి గాంభీర్యం, లోతు తెలుసుకుని మనం అనువాదం చేయాల్సి వస్తుంది’ అంటారు సిద్ధార్థ్‌ బాబు.గ్లోబల్‌ కెరీర్‌కు భాష కీలకంమార్కులు, ర్యాంకుల పిచ్చిలో ఉన్న మన విద్యార్థులు, తల్లిదండ్రులు విదేశీ భాషలు నేర్చడం ఎంత ముఖ్యమో గ్రహించడం లేదు. గ్లోబలైజేషన్‌ పెరిగాక మాండరిన్, జర్మన్, ఫ్రెంచ్, జపనీస్, స్పానిష్‌... ఈ ఐదు భాషల్లో ఏదో ఒకటీ లేదా రెండు తెలిసిన వాళ్లకు ఇంటర్నేషనల్‌ కంపెనీలు, ఎంబసీలు, గ్లోబల్‌ ఆర్గనైజేషన్‌లు రెడ్‌ కార్పెట్‌ వేసి స్వాగతం పలుకుతున్నాయి. లక్షల్లో జీతాలు మాత్రమే కాదు, సిద్ధార్థ్‌ లాగా గ్లోబల్‌ స్టేజ్‌ మీద దేశ ప్రతినిధిగా నిలబడే అరుదైన గౌరవమూ దక్కుతుంది.

ఆభరణాల విషయంలో నీతా అంబానీకి సరిరారెవ్వరూ. ఆమె పండుగకు, ఈవెంట్లకు అనుగుణంగా ధరించి ఆభరణాలు మన భారతీయ కళాకారుల నైపుణ్యం, చారిత్రక వైభవాన్ని చాటి చెబుతాయి. ఆమె ధరించే ప్రతి ఆభరణం వెనుక ఎంతో ఆసక్తికరమైన కథ దాగుంటుంది. తరతరాలు తెలసుకునేందుకు దారితీయడమే గాక..మన హస్తకళా వైభవం, నైపుణ్యం గురించి అవగాహన కల్పించడానికి దోహదపడుతుండటం విశేషం. ఈసారి కూడా అంతే విలక్షణమైన ఆభరణంతో గణేశ్‌ చతుర్థి వేడుకల్లో మేరిసింది. అంబానీ ఇంట గణపతి నవరాత్రులు ఈసారి కూడా అత్యంత అంగరంగ వైభవంగా జరిగాయి. ఈ వేడుకలకు బాలీవుడ్‌ సినతారలంతా కదిలి వచ్చారు. ఆమె ఈ వేడుక కోసం తన రూపాన్ని అత్యద్భుతంగా తీర్చిదిద్దుకున్నారు. ఆమె నారింజ రంగు పట్టు చీరలో దేవతలా మెరిసింది. ముఖ్యంగా మెడకు ఓ భారీ కళఖండాన్ని పోలిన నెక్లెస్‌ని ధరించారు. ఆ నగ అందరి దృష్టిని అమితంగా ఆకర్షిస్తూ..కట్టిపడేసింది. ఈ నెక్లెస్‌ మెడ నుంచి భుజాల వరకు ఆవరించి ఉండటమే కాదు..మొత్తం ఆమె లుక్‌లో హైలెట్‌గా ఉండటం విశేషం. ఈ నెక్లెస్‌ని ‘అమ్రపాలి భరతం’ అని పిలుస్తారట. దీని తయారీకి వివిధ ప్రాంతాల నుంచి సేకరించిన అత్యుత్తమ వారసత్వ వింటేజ్‌ ఆభరణాలను పొందుపర్చి.. డిజైన్‌ చేసిన వస్త్రం మాదిరి ఆభరణం. ఆ ఆభరణం వివరణాత్మకమైన ఒక పురాతన కళాఖండ. మధ్యభాగం కేరళ నెక్లెస్‌ని పోలి ఉంటుంది. దీన్ని సుమారు 14 మంది కళకారులు తీర్చిదిద్దారట. దీనిలో ఝూమర్లు, దక్షిణ భారత నాథ్‌లు, పాసా, షాండిలియర్ లాంటి చెవిపోగులు, బిల్లాలు, చాంద్‌బాలీలు తదితరాలని ఉపయోగించారు. దీని తయారీకి మూడున్నరేళ్లు పైనే పట్టిందట. అలాగే దీనికి మంచి రాయల్‌ లుక్‌ని అందివ్వడానికి మరో ఆరు నెలల వ్యవధి తీసుకుందట. దీనిలో కుందన్‌ పనితనం, ముత్యాల దండలే, పోల్కీ అమరికలు, మీనాకారి అంకరణ అత్యంత ప్రధాన ఆకర్షణగా ఉంటుంది. కాగా, నీతా ఇంతకుమునుపు కూడా అత్యంత విలక్షణమైన విలాసవంతమైన ఆభరణాలతో మెరిసింది. ఈ సారి ధరించిన ఆభరణం మాత్రం మెడకు ధరించిన బంగారు వస్త్రంలా ఆమె శరీరానికి అల్లుకుపోయింది. View this post on Instagram A post shared by Vini Bawa | Fashion & Style Decoder (@embrace.your.elegance) (చదవండి: 132 ఏళ్ల తర్వాత లైబ్రరీకి మ్యాగజైన్‌..జరిమానా ఏకంగా రూ. 11 లక్షలు!)

ధనవంతుల కుటుంబంలో పిల్లలు ఉన్నత చదువులు చదువుతున్నారంటే..వాళ్లకు అన్ని వెసులబాటులు, సౌకర్యాలు ఉంటాయి. అదేమంత కష్టం కాదు వారి పరపతికి. అదే కడు పేద కుటుంబ నేపథ్యం నుంచి వచ్చిన పిల్లలు ఉన్నత చదువు అందుకున్నారంటే అది మాములు విషయం కాదు. కానీ అదే పేద కుటుంబంలోని తోబుట్టువులంతా ప్రభుత్వ కాలేజ్‌లో మెడికల్‌ సీట్లు సాధించారంటే..అది అలాంటి ఇలాంటి సక్సెస్‌ కాదు.కటిక పేదరికం నుంచి ఆ స్థాయికి చేరుకోవడం అంటే దాని వెనుక ఎంత కష్టం, ఎన్ని కన్నీటి పరిస్థితులను జయించి అక్కడిదాక చేరుకున్నారో ప్రత్యేకంగా చెప్పాల్సిన పనిలేదు. ఆ సక్సెస్‌నే అందుకుంది ఒడిస్సాలో కాంధమాల్‌కి చెందిన ఓ పేద కుటుంబం. మరి ఆ కుటుంబంలోని ఐదుగురు ఇంత పెద్ద విజయాన్ని ఎలా అందుకున్నారో తెలుసుకుందామా..!.ఆ పేద దంపుతులే బుర్సి(73), అనసూయ ప్రధాన్ (62)లు. ఇరువురు దినసరి కూలీలు. వారి నలుగురు పిల్లలు, తమ్ముడి కూతురు ఒడిశాలోని ప్రభుత్వ వైద్య కళాశాలలో ఎంబీబీఎస్‌ చదువుతున్నారు. ఈ దంపుతుల పెద్ద కుమారుడు బిభిసాన్‌ ప్రధాన్‌ 2021లో కోరాపుట్‌లోని శ్రీ లక్ష్మణ నాయక్‌ మెడికల్‌ కాలేజ్‌ అండ్‌ హాస్పిటల్‌లో చదువుతున్నాడు. గతేడాది వారి కుమార్తె మోనాలిసా అదే కళాశాలలో ప్రవేశం పొందింది.ఈ ఏడాది కుమారుడు భవానిపట్నంలోని షహీద్ రిండో మాఝీ మెడికల్ కాలేజ్ అండ్ హాస్పిటల్‌లో చేరగా, కుమార్తె సునేమి బలాంగిర్‌లోని భీమ భోయ్ మెడికల్ కాలేజ్ అండ్ హాస్పిటల్‌లో సీటు పొందింది. అలాగే అదే ఇంట్లో నివశిస్తున్న బర్సి తమ్ముడి కూతురు మీనాక్షి ప్రధాన్ కూడా ఈ ఏడాది NEET పరీక్షలో ఉత్తీర్ణత సాధించి, పూరీలోని శ్రీ జగన్నాథ్ మెడికల్ కాలేజ్ అండ్ హాస్పిటల్‌లో సీటు పొందింది. ఏడుగురు పిల్లలున్న బుర్సి తన కుటుంబాన్ని పోషించడానికి, పిల్లల చదువుల కోసం కేరళలో ఏళ్ల తరబడి కూలీగా పనిచేశారు.అనారోగ్య కారణాల రీత్యా ఇంటికి తిరిగి వచ్చేశారు. ప్రస్తుతం కుటుంబం పరిమిత ఆర్థిక వనరులతో గడుపుతోంది. వాళ్లంతా ఏమంతా సులభంగా వైద్య కళాశాలలో సీటు పొందలేదు. కుమార్తె మోనాలిసా నీట్‌కి సన్నద్ధమవుతూనే బెర్హంపూర్‌లోని ఒక వస్త్ర దుకాణంలో పనిచేసేది. అలాగే తన అన్నయ్య చదువుకి సహాయపడింది. ఇక ఆమె బెర్హంపూర్‌లోని MKCG మెడికల్ కాలేజ్ అండ్ హాస్పిటల్‌కు చెందిన ఒక వైద్యుని ఆర్థిక సహాయంతో, గతేడాది మెడికల్‌ సీటు సాధించి, తన కృషికి తగిని ఫలితాన్ని అందుకుంది. తన అక్కా అన్నయ్యల స్ఫూర్తితోనే అసరియా, సునేమి, ఇంటర్‌ పూర్తి అయిన వెంటనే నీట్‌కి సన్నద్ధమయ్యారు.వారు బెర్హంపూర్‌లో ఒక చిన్న ఇంటిని అద్దెకు తీసుకుని కలిసి చదువుకున్నారు. విశేషమేమిటంటే, ఎటువంటి కోచింగ్ లేకుండానే వారిద్దరూ అత్యంత పోటీతో కూడిన నీట్‌ పరీక్షలో ఉత్తీర్ణులయ్యారు. ఇదంతా తన అన్నయ్య, అక్కల క్రెడిట్‌ అని, వాళ్లే మాకు మార్గనిర్దేశం చేశారని చెబుతున్నారు. ఈ ఇద్దరూ కూడా తొలి ప్రయత్నంలోనే నీట్‌ సాధించారు. పేదరికం నుంచి వచ్చి పిల్లలంతా ఎంబీబీఎస్‌ సీటు ప్రభుత్వ కాలేజ్‌లోనే పొందడం మాములు విషయం కాదు, మొత్తం ఆ కుటుంబానికే గర్వకారణం ఇది. అయితే ఆ కుటుంబానికి ఇది సంతోషంగా ఉన్నా..రాబోయే ఏళ్లలో వాళ్ల చదువుకి ఎలా తోడ్సాడలన్నేది ఆ పేద తల్లిదండ్రుల ముందు కదలాడుతున్న ప్రశ్న.కాలేజ్‌ ప్రవేశ రుసుము అయినా సంపాదించగలనో లేదో అని తల్లి అనుసయ దిగులు వ్యక్తం చేసింది. అయితే ఇంటర్న్‌షిప్‌పూర్తి చేస్తున్న పెద్ద కుమారుడు తన తమ్ముడు, చెల్లెలు చదువుకి సహాయపడతానని తల్లిదండ్రులకు భరోసా ఇవ్వడం విశేషం. ఆ కుటుంబంలో లక్ష్మీదేవి కటాక్షం లేదేమో కానీ సరస్వతీ దేవి కటాక్షం మెండుగా ఉంది కదూ. తల్లిదండ్రుల రెక్కల ముక్కల కష్టాన్ని అర్థం చేసుకుని ఈ స్థాయిలో చదువుతున్న ఆ పిల్లలు నిజంగా యువతకు స్ఫూర్తి. ఇదీ చదవండి: కాళ్లే చేతులుగా.. పాఠాలు బోధించే మాష్టారు..!)

గ్లోబల్ టెక్ దిగ్గజం ఒరాకిల్‌లోమరో విడత ఉద్యోగ కోత (Layoff) ప్రపంచవ్యాప్తంగా కలకలం రేపింది. ఉదయం తెల్లవారేసరికి ల్యాప్‌టాప్‌లు పనిచేయడం మానివేయడంతో వేల మంది ఐటీ ఉద్యోగులు తీవ్ర ఆందోళన పడిపోయారు.అమెరికాలోనే ఉద్యోగాల కోతలు ఉన్నట్లు భావించినా ఇప్పుడు ఇండియాలో కూడా మరో రౌండ్ లేఆఫ్స్ జరుగుతున్నట్టు టెకీల ద్వారా తెలుస్తోంది. ఇందులో ఒక్కొక్కరిదీ ఒక్కో గాథ. ఈ క్రమంలో ఒరాకిల్ (Oracle) సంస్థలో 12 సంవత్సరాలుగా సీనియర్ ప్రిన్సిపాల్ సాఫ్ట్‌వేర్ డెవలపర్‌గా పనిచేసిన ఇండియన్‌ టెకీ సౌరభ్ (Sourabh), ఇటీవల సంస్థ చేపట్టిన ఉద్యోగ కోతలలో తన ఉద్యోగాన్ని కోల్పోయారు. ఆయన తన వర్క్ సిస్టమ్‌లోకి లాగిన్ కాలేకపోవడంతో ఉద్యోగం పోయిందని గ్రహించారు. సౌరభ్ భార్య పూజా సాహు లింక్డ్‌ఇన్ (LinkedIn) వేదికగా తన భర్త సంస్థ పట్ల ఎంతో విధేయత, అంకిత భావంతో పనిచేశారో వివరిస్తూ పోస్ట్‌ పోట్టారు. సెలవులు, వారాంతాలు లేవు. పండగలు, పబ్బాలు లేకుండా ఎంతో కష్టపడి పనిచేశారనీ చెప్పుకొచ్చారు. హోలీ, దీపావళి వంటి పండుగలు, కుటుంబ వేడుకలు, చివరికి ఆమె ఆసుపత్రిలో శస్త్రచికిత్స సమయంలో కూడా ఆయన పనిచేశారని ఆమె భావోద్వేగంగా రాసుకొచ్చారు. ఇంత చేసిని 12 ఏళ్ల అనుభవం ఉన్నా తనకి ఉద్వాసన తప్పలేదని ఆవేదన వ్యక్తం చేశారు.అలాగే కష్టపడి పనిచేసే తన భర్తకు తగిన ఉద్యోగ అవకాశాలు చూపించాల్సిందిగా ఆమె తన ప్రొఫెషనల్ నెట్‌వర్క్‌ను కోరారు. చివరగా "సౌరభ్ నీకు మంచి రోజులు రాబోతున్నాయి అంటూ తన భర్తకు భరోసా ఇవ్వడం విశేషం. ప్రస్తుతం ఆమె భావోద్వేగ పోస్ట్ సోషల్ మీడియాలో వైరల్ అవుతోంది.మరో ఉద్యోగికథపన్నెండేళ్లు అదే సంస్థలో పనిచేసి ఉద్యోగం కోల్పోయిన ఒక ఉద్యోగి మాత్రం దీన్ని ఇదోరకమై "విముక్తి"గా అభివర్ణించాడు. భారీ పనిగంటలు,. ఒత్తిడినుంచి​ మోక్షం లభించిందన్నాడు. రెడ్డిట్ వేదికగా తన అనుభవాన్ని పంచుకుంటూ, తాను ఒక కీలకమైన ప్రాజెక్ట్‌పై పనిచేశానని, రోజుకు 12-13 గంటలు కష్టపడ్డానని తెలిపాడు. అయితే, మేనేజ్‌మెంట్ నుండి ఎదురైన సూక్ష్మ పర్యవేక్షణ (micromanagement) , అధిక ఒత్తిడి కారణంగా ఈ ఉద్యోగం పోవడం వల్ల తనకు ఉపశమనం కలిగిందని పేర్కొన్నాడు.ఎంత కష్టపడి పనిచేసినా, ఎన్ని సంవత్సరాల విశ్వాసపాత్రత చూపించినా కార్పొరేట్ కంపెనీలు ఉద్యోగ కోతలను క్షణాల్లో అమలు చేస్తాయని, ఈ ఘటన మరోసారి నిరూపించిందని పలువురు నెటిజన్లు ఆందోళన వ్యక్తం చేశారు. ఇదీ చదవండి: ముగ్గురు బిడ్డల హత్య : ఆ తల్లిని బహిరంగ ఉరితీయాలంటూ సంచలన వ్యాఖ్యలుకాగా 2026 ప్రారంభంలో జరిగిన చాలా పెద్ద కోత తర్వాత ఈ తాజా కోతలు చోటుచేసుకున్నాయి. 2026 ఆర్థిక సంవత్సరంలో ఒరాకిల్ ఉద్యోగుల సంఖ్య సుమారు 21,000 మంది (13 శాతం) తగ్గారు. దీంతో మే నెలాఖరు నాటికి కంపెనీలో దాదాపు 141,000 మంది ఉద్యోగులు మిగిలారు. కంపెనీ AI మౌలిక సదుపాయాలు , డేటా సెంటర్లపై కూడా ఖర్చును గణనీయంగా పెంచుతోంది.విస్తృత సంస్థాగత మార్పులలో భాగంగా సెప్టెంబర్ 14న కంపెనీ కొత్త విడత ఉద్యోగ కోతలను ప్రారంభించింది. ప్రభావిత ఉద్యోగులకు తెల్లవారుజామున ఇమెయిల్స్ అందినట్లు సమాచారం. ఈ తాజా విడతలో ప్రభావితమైన మొత్తం ఉద్యోగుల సంఖ్యను ఒరాకిల్ బహిరంగంగా వెల్లడించలేదు. ఇదీ చదవండి: బిర్యానీ గణేశుడు : షాపు యజమానికి భారీ షాక్‌

అందాల పోటీల్లో పాల్గొనడం మిస్‌ యూనివర్స్‌ ఇండియా వేదికపై నడవడం తదితరాలన్నీ జీవితంలో ఒక కొత్త అ‍ధ్యాయానికి స్వాగతం పలుకుతున్నట్లుగా ఉంటుంది. కానీ ఈ అందాల భామ ఉమంగా కుమావత్‌కు ల్యాప్‌టాప్‌, మీటింగ్‌లు వంటి కార్పొరేట్‌ జీవితంలోకి తిరిగి వచ్చేసింది. జైపూర్‌లో జరిగిన మిస్ యూనివర్స్ ఇండియా 2026 జాతీయ ఫినాలేలో పోటీపడిన కొద్ది వారాలకే, ఈ ఇంజనీర్ బెంగళూరు గూగుల్‌ కార్యాలయంలో యథావిధిగా తన డ్యూటీలోకి వచ్చేసింది. View this post on Instagram A post shared by Umanga Kumawat (@umanga_kumawat) ఉమంగా ఆ పోటీల్లో మధ్యప్రదేశ్‌కు ప్రాతినిథ్యం వహించగా, 52 మంది ఫైనలిస్టులలో టాప్ 20 లోకి ప్రవేశించారు. ఆగస్టు 23న జరిగిన ఫినాలేలో కేరళకు చెందిన కజియా లిజ్ మెజియా టైటిల్‌ని గెలుచుకుంది. ఆ తర్వాత సెప్టెంబర్ 14న, ఉమంగా బెంగళూరులోని గూగుల్ క్యాంపస్ నుంచి ఒక నిమిషం నిడివి గల వీడియోకి "నా జీవితంలో ఒక రోజు" అని క్యాప్షన్‌ జోడించి మరి పోస్ట్‌ చేశారు. ఈ వీడియోలో జిమ్‌ సెషన్‌, ఈమెయిల్స్‌, భోజనం, కాఫీ విరామాలు, పనితో కూడిన ఒక సాధారణ పనిదినం కనిపిస్తుంది. తన రోజు ఉదయం 9.30కి ఎలా మొదలవుతుందో కనిపిస్తుంది. తాను కూడా అందిరిలా ఆఫీస్‌కి బయలు దేరే ముందు ఏం ధరించాలో అని నిర్ణయించుకోవడంతోనే పని ప్రారంభమవుతుందని అంటోంది. ఇక్కడ ఉమంగా బ్లాక్‌కలర్‌ జత ధరించి ఉదయం 10.30 గంటకలకి కంపెనీ వెల్నెస్‌ సెంటర్‌కి వెళ్లడం వీడియోలో చూడొచ్చు. ట్రెడ్‌మిల్‌తో మొదలుపెట్టి, ఆ తర్వాత స్ట్రెచింగ్‌లు, కాళ్ళ వ్యాయామాలు చేస్తుంది. ఆ తర్వాత దుస్తులు సరిచేసుకుని పనిలో నిమగ్నమవ్వడం, మధ్యాహ్నం 12:30 గంటల కల్లా, ల్యాప్‌టాప్‌ తెరిచి, నోట్‌బుక్‌, పత్రాలు పరచుకుని తిరిగి కార్పొరేట్ జీవితంలోకి వచ్చేస్తుంది. ఆ తర్వాత 2.10 కల్లా ఒక గిన్నెడు నూడుల్ సూప్, ఆకుకూరలతో సింపుల్‌గా కానిస్తుంది. అక్కడ గూగుల్‌ క్యాంటిన్‌లో బిర్యానీ, పండ్లు, డెజర్ట్‌ ఉన్నా.. వాటి జోలికిపోదామె. ఇక మళ్లీ 3 గంటల కల్లా డెస్క్‌ వద్దకు వచ్చేస్తుంది సాయంత్రం 4:30 గంటల ప్రాంతం కల్లా నిశబ్దంగా ఉండే లాంజ్‌లోకి వెళ్తుంది. ఇక సాయంత్రం 5.30 గంటలకు కాఫీ బ్రేక్‌ తీసుకుంటుంది. ఇక పనిగంటలు ముగియగానే ఎలివేటర్‌వైపు వెళ్లిపోతుంది. చాలామంది అందాల పోటీల్లో పాల్గొనేవారు గ్లామర్‌ ప్రపంచం వైపుకే వెళ్లిపోతారు. ముఖ్యంగా మోడలింగ్‌, సినిమాలు లేదా ప్రజలతో మమేకమయ్యే వృత్తులను ఎంచుకుంటే ఉమంగా మాత్రం తన కార్పొరేట్‌ ఉద్యోగం తోపాటు తనకు నచ్చిన అభిరుచులతో మమేకమవుతుందామె. View this post on Instagram A post shared by Umanga Kumawat (@umanga_kumawat) ఇదీ చదవండి: 'ఆటో డ్రైవర్‌ కూతురు బంగారం'..! ఒకటి, రెండు కాదు ఏకంగా..)

ప్రపంచంలోనే అత్యంత ప్రతిష్టాత్మక ‘వెనిస్‌ ఫిల్మ్‌ ఫెస్టివల్‌’లో ఒక భారతీయ దర్శకురాలు రెండోసారి మనదేశ పతాకాన్ని సగర్వంగా ఎగరేసింది. బెంగాల్‌కు చెందిన అనుపర్ణ రాయ్‌ రెండో చిత్రం ‘లవర్స్‌ ఇన్‌ ది బ్లూ నైట్‌’ అంతర్జాతీయ జ్యూరీ ‘నెట్‌ప్యాక్‌’ (ఉత్తమ ఆసియా చిత్రం) అవార్డును గెలుచుకుంది. స్త్రీ సృజనాత్మకతకు, భారతీయ ఇండిపెండెంట్‌ సినిమా సత్తాకు ఈ విజయం ఒక మచ్చుతునక.మన కమర్షియల్‌ సినిమా పెద్దలు హీరో కోసం ఎర్రరంగు డబ్బాలు ఎన్ని ఖర్చు పెడితే అంత గొప్ప అనుకుంటున్న వేళ, భారతీయ జీవనంలో చుక్క రక్తం కనపడక కొనసాగే వేదనాపూరిత రక్తపాతాన్ని తెర మీద ఒంపి అంతర్జాతీయ గుర్తింపు పొందుతోంది అనుపర్ణా సేన్‌. ఆమె తీసిన రెండో సినిమా ‘లవర్స్‌ ఇన్‌ ది బ్లూ నైట్‌’ సెప్టెంబర్‌ 11న వెనిస్‌లో వరల్డ్‌ ప్రీమియర్‌ ప్రదర్శన ముగియగానే ప్రేక్షకులు ఏడు నిమిషాల పాటు లేచి నిలబడి స్టాండింగ్‌ ఒవేషన్‌ ఇచ్చారంటేనే ఆమె ప్రతిభ ఏమిటో అర్థం చేసుకోవచ్చు. అలాగని ఆమె సినిమాలో గొప్ప స్టార్‌ కాస్టింగ్‌ లేదు. బడ్జెట్‌ లేదు. కేవలం కోటి రూపాయల లోపు ఖర్చుతో తీసిన ఈ సినిమాలో ఉన్నది జీవం, జీవితం.వరుసగా రెండోసారి.. ఇదో రికార్డ్‌!ఇటలీలోని వెనిస్‌లో సెప్టెంబర్‌ 2 నుంచి 12 వరకు జరిగిన వెనిస్‌ ఇంటర్నేషనల్‌ ఫిల్మ్‌ఫెస్టివల్‌లో 80 దేశాల నుంచి 2000కు పైగా దరఖాస్తులను వడపోసి, 80 చిత్రాలను ఎంపిక చేస్తే వాటిలో భారత్‌ నుంచి అధికారికంగా ఎంపికైన ఏకైక ఫిక్షన్‌ ఫీచర్‌ సినిమా అనుపర్ణ రాయ్‌ ‘లవర్స్‌ ఇన్‌ ది బ్లూ నైట్‌’. 2025లో ఆమె తన ‘సాంగ్స్‌ ఆఫ్‌ ఫర్గాటెన్‌ ట్రీస్‌’ సినిమాతో వెనిస్‌ ఫిల్మ్‌ ఫెస్టివల్‌ ‘ఓరిన్జోంటి’ (నవ సినిమా) విభాగంలో ‘బెస్ట్‌ డైరెక్టర్‌’గా నిలిచి హిస్టరీ క్రియేట్‌ చేసింది. ఆ నమ్మకంతోనే ఈ ఏడాది ఆమె రెండో సినిమాను నేరుగా ‘ఓరిన్జోంటి’ పోటీకి ఆహ్వానించారు. ఫ్రాన్స్ , ఇరాన్, ఇటలీ, జపాన్‌ దేశాల నుంచి వచ్చిన 15 బలమైన చిత్రాలు పోటీలో ఉన్నప్పటికీ అనుపర్ణ సినిమా ‘నెట్‌ప్యాక్‌’ జ్యూరీ మనసు గెలుచుకుని అవార్డు సాధించింది. నెట్‌ప్యాక్‌ అంటే ‘నెట్‌వర్క్‌ ఫర్‌ ది ప్రమోషన్‌ ఆఫ్‌ ఏషియన్‌ సినిమా’. ఆసియా సినిమాలను ప్రపంచవ్యాప్తంగా ప్రమోట్‌ చేయడానికి యునెస్కో సహకారంతో ఏర్పాటైన సంస్థ. ‘నిజమైన ఆసియా గొంతుక’ను ప్రతిబింబించే ఉత్తమ చిత్రానికి ‘నెట్‌ప్యాక్‌’ ఇచ్చే ఈ పురస్కారం ఆస్కార్‌కు ఏ మాత్రం తక్కువ కాదు.ప్రేమ లేని వాళ్ల ప్రేమకథ108 నిమిషాల నిడివి ఉన్న ‘లవర్స్‌ ఇన్‌ ది బ్లూ నైట్‌’ ముంబైలోని నలుగురు వలస జీవుల కథ. మున్సిపాలిటీలో దోమల మందు చల్లే కరీం, అతని భార్య అమీనా, సుక్కా అనే చిల్లర దొంగ, ఓమీ అనే పింప్‌... వీళ్లే ప్రధాన పాత్రలు. కరీంకు పెళ్లయినా సమాజానికి భయపడి తనలోని ‘గే సెక్సువాలిటీ’ని దాచుకుని బతుకుతుంటాడు. అమీనా మొదట బార్‌లో, తర్వాత ఫోన్‌ సెక్స్‌ కాల్‌ సెంటర్‌లో పని చేస్తూ, నిజమైన ప్రేమ కోసం అల్లాడిపోయే ఒక ఒంటరి మహిళ. సుక్కా సమాజంలో కుల వివక్షకు గురై దొంగగా మారాడు. ఓమీ.... పింప్‌ (విటులను సరఫరా చేసేవాడు)గా బతుకుతుంటాడు. ఈ నలుగురు వలస జీవులు ఒకరి ఒంటరితనాన్ని ఒకరు ఎలా తాకారు? ఒకరినొకరు ఎలా మోసం చేసుకున్నారు? చివరికి ప్రేమ దొరకని ఆ నరక్రపాయమైన నగరంలో కూడా ‘ప్రేమను కలగనడమే’ వాళ్ల మనుగడగా ఎలా మారింది? అనేదే ఈ సినిమా ‘సమాజం కళ్లకు ఏ మాత్రం కనపడని, అది పక్కకు నెట్టేసే కిందిస్థాయి మనుషులను నేను ప్రేమతో, గౌరవంతో, నిజాయితీతో ఇందులో చూపించాలనుకున్నాను’ అన్నారు అనుపర్ణ. ఈ సినిమాలో ఆమె ముంబైని గ్లామర్‌గా చూపించకుండా, వలస కూలీల పాలిట అది ఎలా నరకంగా మారిందో కళ్లకు కట్టారు. ఈ సినిమా త్వరలోనే ‘ముబి’ లేదా ‘నెట్‌ఫ్లిక్స్‌’ లాంటి ఓటీటీ ప్లాట్‌ఫామ్స్‌ ద్వారా ప్రపంచవ్యాప్తంగా విడుదల కానుంది.ఫిల్మ్‌ స్కూల్‌ కెళ్లకుండానే..!అనుపర్ణ రాయ్‌ ఎవరి దగ్గరా సినిమా శిష్యరికం చేయలేదు. ఆమె తనకు తానుగా సినిమా ఎలా తీయాలో తెలుసుకుంది. ఆమె తన మొదటి సినిమా ‘సాంగ్స్‌ ఆఫ్‌ ఫర్గాటన్‌ ట్రీస్‌’ను దాదాపుగా తన ముంబై ఫ్లాట్‌లోనే తీసింది. నటీనటులను తన ఫ్లాట్‌లోనే ఉంచుకుని సినిమా పూర్తి చేసింది బడ్జెట్‌ లేక. ఈ సినిమాకు అంతర్జాతీయ సపోర్ట్‌ ఉన్నా తక్కువ బడ్జెట్‌లోనే ముగించింది. వరుసగా రెండేళ్లు వెనిస్‌ కాంపిటీషన్ లో తన సినిమాలు ప్రీమియర్‌ చేసిన అతికొద్ది మంది భారతీయుల్లో ఒకరిగా రికార్డు సృష్టించింది. వచ్చే నెల అక్టోబర్‌లో ‘బుసాన్‌ ఇంటర్నేషనల్‌ ఫిల్మ్‌ ఫెస్టివల్‌’లో ‘లవర్స్‌ ఇన్‌ ది బ్లూ నైట్‌’ ఆసియా ప్రీమియర్‌ జరగనుంది. అంతేకాదు ఈ ఫెస్టివల్‌కు అనుపర్ణ ‘జ్యూరీ మెంబర్‌’గా కూడా వ్యవహరించబోతోంది. మనమంతా ‘ఆర్‌ఆర్‌ఆర్‌’కు ఆస్కార్‌ వచ్చింది కదా అని సంబరపడతాం. కానీ ఎలాంటి స్టార్‌ పవర్‌ లేకుండా రూపాయి భారీ బడ్జెట్‌ లేకుండా.. కేవలం ముంబై మురికివాడలోని నలుగురు వలస జీవుల కథతో ప్రపంచ సినిమా తన వైపు తిరిగి చూసేలా చేసింది అనుపర్ణ. ఇది కేవలం ఒక అవార్డు మాత్రమే కాదు.. ‘అసలైన సినిమా ఎక్కడుందో’ కమర్షియల్‌ ప్రపంచానికి చేసిన ఒక హెచ్చరిక!

నటుడు ఆదిసాయికుమార్‌..ఈ తరం జెన్‌ ఆల్ఫా, వాళ్ల పెంపకం గురించి పలు ఆసక్తికర విషయాలు పంచుకున్నారు. ఈ ఏడాది ప్రారంభంలోని కుమారుడికి జన్మనివ్వడంతో తండ్రిగా మరో కొత్త అద్యాయనం మొదలైందంటూ పేరెంట్‌గా తన అనుభవాన్ని పంచుకున్నారు. ఆయన తొమ్మిదేళ్ల కుమార్తె అయానా పెంపక గురించి చెబుతూ..ఈ జెనరేషన్‌ని పెంచడంలో ఎలాంటి జాగ్రత్తలు తీసుకోవాలో చెప్పుకొచ్చాడు ఆది. నేటి పిల్లలకు రక్షణ, స్వేచ్ఛ, మార్గదర్శకత్వం, సమతుల్యం అవసరమని నొక్కి చెబుతున్నాడు. ముఖ్యంగా డిజిటల్‌ ప్రపంచంలో ఎలా మెలగాలో ప్రతి పేరెంట్‌ తెలుసుకోవాలని చెబుతున్నారు. తాను రక్షణను కల్పిస్తూనే కూల్‌గా వ్యవహరించే తండ్రిని అని చెప్పారు. తన కూతురు అయానాను పెంచుతున్నప్పుడు నేర్చుకున్న పాఠాలే, పెంపకం పట్ల తన దృక్పథాన్ని నిరంతరం తీర్చిదిద్దుతున్నాయని అన్నారు. ఈ తరం పిల్లల జీవితాల్లో సాంకేతికత ఎంతగా పెనవేసుకుపోయిందో చూస్తూనే ఉన్నాం, అందువల్ల స్క్రీన్‌ విషయంలో జాగ్రత్తగా ఉండాలని హెచ్చరిస్తున్నాడు ఆది. అందుకే తన భార్య అరుణ తాను ఆ విషయంలో చాలా కేర్‌ఫుల్‌గా ఉంటామని చెప్పాడు. డిజిటల్‌ ఫ్లాట్‌ఫార్మ్‌లు ప్రతిచోట ఉన్నాయని, పాఠశాల ప్రకటనలు సైతం వాట్సాప్‌ ద్వారానే వస్తున్నాయని అన్నారు. ఇక యూట్యూబ్‌లో మంచి,చెడు రెండు పక్కపక్కనే ఉంటాయని అన్నారు. తాను అమెరికా పర్యటనకు వెళ్లినప్పుడే డిజిటల్‌ ప్రపంచం పిల్లల దైనందిన జీవితంలో ఎంత లోతుగా భాగమైపోయిందో చూసి ఆశ్చర్యపోయానని అంటున్నారు. ఎందుకంటే యూఎస్‌ పర్యటనలో తన కూతురు ఆన్‌లైన్‌ వీడియోలో చూసిన ప్రదేశాలను నేరుగా చూడగానే గుర్తుపట్టేసి చెబుతుంటే ఎంతో ఆశ్చర్యంగా అనిపించిందని చెప్పుకొచ్చాడు. ఆమె అపారమైన జ్ఞాపకశక్తికి ఫిదా అయినా..డిజిటల్‌ ఫుట్‌ప్రింట్‌ గురించి ఒక పేరేంట్‌గా తాను అవగాహన కల్పించాల్సి అవసరం ఉందన్న విషయాన్ని గుర్తు చేసిందని అంటున్నారు.(చదవండి: కంజీవరం చీర, బంగారు ఆభరణాలతో మెరిసిపోతున్న సమంత..!)

గణేశుడు కేవలం భారత్‌లోనే కాదు విదేశాల్లో సైతం వివిధ రూపాల్లో పూజలందుకుంటాడు. ఆయనకు ఎల్లలు లేవు..సర్వత్రా ఆయనే పలు రకాల పేర్లతో పిలిపించుకుంటూ పూజలందుకునే మహాగణపతి. అలాంటి లంబోదరుడుని బ్యాంకాక్‌లో భక్తులు ఎలా ఆరాధిస్తారో వింటే విస్తుపోతారు. మనమంతా వినాయకుడికి మోదకాలు, లడ్డూలు సమర్పిస్తే బ్యాంకాక్‌ వాసులు మాత్రం బొజ్జ గణపయ్యకు ఏం సమర్పిస్తారో తెలిస్తే షాకవ్వుతారు. థాయ్‌ కంటెంట్‌ క్రియేటర్‌ ప్రియా పింగ్‌ దీని గురించి షేర్‌ చేయడంతో నెట్టింట వైరల్‌గా మారింది. బ్యాంకాక్‌లోని యూనియన్‌ మాల్‌ వెలుపల ఉన్న గణేశ్‌ ఆలయంకి సంబంధించిన వీడియోని పంచుకున్నారు. అక్కడ భక్తులు వినాయకుడికి బోబాటీని సమర్పిస్తుండటం స్పష్టంగా కనిపిస్తోంది. ఆ వినాయకుని ఆలయం వద్ద ఉంచిన అనేక బబుల్‌ మిల్క్‌ టీ కప్పులను చూడొచ్చు. ఆ ఆలయం వద్ద సమర్పించాలనుకుంటున్న బబుల్‌ టీ బ్రాండ్‌ల మెనూ కూడా ఉంటుంది. భక్తులు తమకు నచ్చినది ఎంచుకుని గణనాథుడికి సమర్పిస్తే చాలు. కొందరు ఒకేసారి పదికిపైగా బోబా కప్పులను సమర్పిస్తుండటం కూడా క్లియర్‌గా కనిపిస్తుంది. కోరిక నెరవేరితే ఎక్కువ కప్పుల బోబా టీని సమర్పిస్తుంటారట. అది ఒక్కోసారి 200 పై చిలుకు బోబా టీలు కూడా కావొచ్చట. ప్రజలు తాము ఆస్వాదించే దాన్నే దేవుడికి సమర్పించడం అనేది థాయి​ సంప్రదాయానికి సంబంధించిన ఒక నమ్మకమని చెబుతోంది కంటెంట్‌ క్రియేటర్‌ ప్రియ. View this post on Instagram A post shared by Piya Ping (@piya_pu)(చదవండి: శ్రీ గణేశాయ ధీమహి’ పాటకు రాధికా మర్చంట్‌ నృత్యం..!)

అంబానీ కుటుంబం సోమవారం గణేశ్‌ చతుర్థి వేడుకలను అంగరంగ వైభవంగా రుపుకుంది. నిజానికి అంబానీ ఇంట గణేశ్‌ నవరాత్రుల్లో అత్యంత ప్రత్యేకం. అక్కడ విఘ్న వినాయకుడు 'యాంటిలియా చా రాజా'గా పూజలందుకుంటాడు. ఇక ఈ వేడుకల్లో భాగంగా శంకర్‌ మహదేవన్‌ పాడిన ప్రసిద్ధ భక్తిగీతం ‘శ్రీ గణేశాయ ధీమహి’ పాటకు అంబానీల చిన్న కోడలు, అనంత్‌ అంబానీ సతీమణి రాధికా మర్చంట్‌ అద్భుతమైన నృత్య ప్రదర్శన ఇచ్చింది. ఆమె సుందరమైన ప్రదర్శన, గణేశుని దివ్య రూపాలు, జ్ఞానం, విశ్వవ్యాప్త ఉనికిని కీర్తించే ఈ సంస్కృత భక్తిగీతానికి లయబద్ధంగా చేసిన రాధికా నృత్యం అక్కడున్న వారందరీ దృష్టిని అమితంగా ఆకర్షించింది. కాగా, 2005లో వచ్చిన ‘విరుద్ధ్’ చిత్రంలోనిది ఈ గీతం. దీనికి అజయ్-అతుల్ సంగీత ద్వయం సంగీతం అందించగా, శంకర్ మహదేవన్ ఆలపించారు. అందరీ మనసులను హత్తుకునే ఈ పాట అర్థం ఏంటో సవివరంగా చూద్దామా..!.‘శ్రీ గణేశాయ ధీమహి’ అంటే..‘శ్రీ గణేశాయ ధీమహి’ అనే పదబంధానికి అర్థం గణేశుడిని ధ్యానిద్దాం లేదా గణేశుడి దివ్య రూపాన్ని మననం చేసుకుందాం అని అర్థమట. ఈ పాట వినాయకుడి విభిన్న గుణాలను, రూపాలను వర్ణించే సంస్కృత ప్రార్థన. ఇందులో ఏకదంత, వక్రతుండ, గజానన అంటూ వినాయకుడిని కీర్తిస్తూ సాగే అద్భుతమైన గీతం. ఈ పాటతో ఆయన్ను జ్ఞానాన్ని, మార్గదర్శకత్వాన్ని, ఆశీర్వాదాలను అందించమంటూ ప్రార్థిస్తారు భక్తులు. ఈ గీతం కేవలం అడ్డంకులు తొలగించే వాడికంటే గొప్పవాడిగా వర్ణిస్తూ వినాయకుడి గుణాలను చాటే భక్తిపాట. View this post on Instagram A post shared by Loveleen Ramchandani (@loveleen_makeupandhair) ఇదీ చదవండి: అత్యంత విలక్షణమైన గణేశ్‌ ఆలయం..! ఆ రూపంలోనే పూజలందుకుంటాడు..)

యువత ఆలోచనలు ఒక తరాన్ని శాసిస్తాయి, ఆ దేశ ముఖచిత్రాన్ని మార్చేస్తాయి. జాతి నిర్మాణంలో కొత్త రూపురేకలను సృష్టిస్తాయి. జెన్‌జీగా పిలుచుకుంటున్న ప్రస్తుత యువతరం కిడ్స్‌ ప్లానింగ్‌లో ఆచితూచి వ్యవహరిస్తోంది. ఇంకా కచ్చితంగా చెప్పాలంటే యువకుల ఆలోచన ధోరణి, యువతుల ఆలోచనలు ఒక దిశగా సాగడం లేదు. పరస్పరం రాపిడికి లోనవుతున్నాయి. కెరీర్, ఆర్థిక స్థిరత్వం విషయంలో ఒకేదిశలో సాగుతున్న ఆలోచనలు పిల్లల విషయానికి వచ్చేటప్పటికి భిన్నంగా ఉంటున్నాయి. యువతుల దృక్పథం: మహిళలు తమ వృత్తిపరమైన ఎదుగుదలకు, ఆర్థిక స్వాతం్రత్యానికి పెద్దపీట వేస్తున్నారు. పిల్లలను కనడం కంటే ముందుగా సమాజంలో తమకంటూ ఒక గుర్తింపును తెచ్చుకోవాలని, ఆర్థికంగా స్వతంత్రంగా ఎదగాలని కోరుకుంటున్నారు. పిల్లల కోసం కెరీర్‌ను వదులుకోవడానికి, విరామం ఇవ్వడానికి ఏ మాత్రం ఇష్టపడడం లేదు. ఒకవేళ పిల్లలను కంటే ఆ తర్వాత కూడా కెరీర్‌ను కొనసాగించాలనే పట్టుదల వారిలో స్పష్టంగా కనిపిస్తోంది.పేరెంటింగ్‌ బాధ్యతలు⇒ గత తరాలతో పోలిస్తే మానసిక ఆరోగ్యం, భావోద్వేగాలపై నేటి యువతలో అవగాహన ఎక్కువగా ఉంటోంది. పేరెంటింగ్‌ అంటే పిల్లలను కనడం మాత్రమే కాదని, వారికి మానసికంగా, భావోద్వేగపరంగా అండగా నిలవడమని ఈ తరం బలంగా నమ్ముతోంది.⇒ ‘పిల్లల పెంపకం‘కేవలం తల్లి బాధ్యతే అనే మూస పద్ధతిని ఈ తరం యువకులు వ్యతిరేకిస్తున్నారు. తాము కూడా పిల్లల పెంపకంలో సమానంగా పాలుపంచుకోవాలని, డైపర్లు మార్చడం నుండి హోమ్‌వర్క్‌ చేయించడం వరకు అన్నింట్లోనూ భాగస్వాములు కావాలని కోరుకుంటున్నారు. ఈ మానసిక సిద్ధత వచ్చే వరకు సంతానాన్ని వాయిదా వేసుకోవడంలో తప్పులేదని కూడా నమ్ముతున్నారు.⇒ యువతుల ఆలోచనా విధానం: మాతృత్వాన్ని పెద్ద బాధ్యతగా చూస్తున్నారు. తమపై పడే ఒత్తిడిని తగ్గించుకోవడానికి భాగస్వామి నుంచి పూర్తి సహకారాన్ని కోరుకుంటున్నారు. సమానమైన బాధ్యతలు పంచుకునే భాగస్వామిని కోరుకుంటున్నారు. పిల్లల బాధ్యత పంచుకుంటూ, తమ కెరీర్‌కి విఘాతం కలగనివ్వని ఫ్యామిలీ సపోర్టు కావాలని యువతులు స్పష్టం చేస్తున్నారు.ఇదీ చదవండి: సోషల్‌ మీడియా ఉచ్చులో చిన్నారులు.. కాపాడుకునే మార్గాలున్నాయా?⇒ వ్యక్తిగత స్వేచ్ఛకు ప్రాధాన్యత: ఇష్టమైన ప్రదేశాలకు ప్రయాణాలు చేయడం, హాబీలను పెంపొందించుకోవడం, మానసిక ప్రశాంతతను కాపాడుకోవడం వంటి అభిరుచులకు నేటి యువతీయువకులు ఎక్కువ విలువ ఇస్తున్నారు. పిల్లల వల్ల వచ్చే బాధ్యతలు తమ వ్యక్తిగత స్వేచ్ఛను పరిమితం చేస్తాయని కొందరు భావిస్తున్నారు.⇒ పర్యావరణం– భవిష్యత్తు ఆందోళన: విచిత్రంగా అనిపించినప్పటికీ ఈ ధోరణి కూడా నేటి యువతీయువకుల్లో కనిపిస్తోంది. ప్రపంచంలో పెరుగుతున్న కాలుష్యాలు, వాతావరణ మార్పులు, ఆర్థిక అనిశ్చితి వంటి కారణాలను విశ్లేషిస్తూ ఈ లోకంలోకి కొత్త ప్రాణిని తీసుకురావడం అవసరమా అని ప్రశ్నిస్తున్నారు.

పుట్టుకతో రెండు చేతులు లేవు. వైకల్యం వెక్కిరించినా..తనలోని తొణికిసలాడే ఆత్మవిశ్వాసంతో దాన్ని జయించాడు. కాళ్లనే చేతులుగా ఉపయోగిస్తూ..పనులన్నీ సునాయాసంగా చేస్తూ..సాధ్యం కాదు అనుకున్నవన్ని చేధించాడు. దివ్యాంగుల కోటలో ఉద్యోగం వచ్చేస్తుందేలే అని అన్న మాటలనే సీరియస్‌గా తీసుకుని ఓపెన్‌ కేటగిరిలో టీచర్‌ ఉద్యోగం సంపాదించి శెభాష్‌ అనిపించుకున్నాడు. అంతేగాదు బడిలో పాఠాలు ఎలా చెబుతాడు అని ఉత్కంఠతో ఎదురు చూస్తున్న విద్యార్థులకు..మైమరిచి వినేలా అద్భుతంగా పాఠాలు చెప్పి..వారందరి మనసులను గెలుచుకున్నాడు. అతడే జమీ సింహాచలం నాయుడు. ఆంధ్రప్రదేశ్‌లోని విజయనగరం జిల్లా, గనిసెట్టివారిపాలెం గ్రామంలో జన్మించిన సింహాచలంకి పుట్టకతో రెండు చేతులు, ఒక కాలు వైకల్యంతో జన్మించాడు. దాంతో తల్లిదండ్రులు కూడా భవిష్యత్తు ఎలా ఉంటుందని చాలా ఆందోళన చెందారు. ఆ చిన్నారి పెద్దయ్యాక ఎలా పెంచాలి, జీవితం ఎలా నెట్టుకొస్తాడని చాలా బాధపడ్డారు పేరెంట్స్‌. రైతు కుటుంబానికి చెందిన సింహాచలం చూసి చుట్టుపక్కల వాళ్లు ఆ చిన్నారి భవిష్యత్తు చాలా కష్టంగా ఉంటుందని మరింత భయపెట్టేవారు. అయితే అతడి మేనమామ చొరవ లైఫ్‌నే టర్న్‌ తిప్పింది. వేరే దేశానికి చెందిన వ్యక్తి అచ్చం అలానే పుట్టాడని, అతడు కాళ్లతో రాస్తు మంచి స్థాయికి రావడం గురించి ఒక పత్రికలో చదివానంటూ సింహాచలాన్ని ప్రోత్సహించేవారు. అంతేగాదు అన్ని పనులు చేతులతో చేసుకునేలా మద్దతిచ్చేవారు. ఆయన ఒక చాక్‌పీస్‌ తీసి కాలి బొటనవేలు మధ్య పెట్టి కిటికిలపై గోడలపై రాసేల ప్రాక్టీస్‌ చేయించడంతో..ఐదేళ్లకే కాళ్లతో చక్కగా రాయడం అవలీలగా నేర్చేసుకున్నాడు. అలా అతడు తన ఊరిలోనే 1 నుంచి 5వ తరగతి వరకు చదువుకున్నాడు. అయితే అందరిలా బెంచీలపై కూర్చుని రాయడం సింహాచలానికి సాధ్యమయ్యేది కాదు అందుకే నేలపైనే కూర్చొని పాఠాలు వినేవాడు. అలా ఇంటర్‌ డిగ్రీ, బీఈడీ వరకు ప్రతీదీ పాదాలతో రాస్తూనే పూర్తి చేశాడు. ఒకకరంగా ఇది ఎవ్వరిపై ఆధారపడకుండా స్వతంత్రంగా ఉండటం నేర్చుకునేలా చేసిందని అంటాడు సింహాచలం. అంతేగాదు చిన్న వయసులోనే తాను పాదాలనే చేతులుగా భావించాలని అర్థం చేసుకున్నాను, అంగీకరించానని సగర్వంగా చెప్పాడు. అలాగే ఇతరులు చేతులతో రాస్తుంటే తనకేం బాధగా అనిపించదని కూడా చెబుతున్నాడు. ఇక ప్రభుత్వ ఉద్యోగం కోసం ప్రిపేరవుతున్నప్పుడు కోచింగ్‌ సెంటర్‌కి వెళ్లడం సాధ్యం కాలేదు. కాబట్టి ఇంట్లోనే ఉంటూ ఆన్‌లైన్‌ తరగతులు, యూట్యూబ్‌ ద్వారా చదువుకున్నట్లు తెలిపాడు. డీఎస్సీ పరీక్షకు సిద్ధమవుతున్నప్పుడు గురువులు, ఉపాధ్యాయులు నుంచి మార్గదర్శకత్వం పొందానని చెప్పారు. అయితే అందరూ తన వైకల్యం వల్ల ఈజీగా దివ్యాంగుల కోటలో ఉద్యోగం సంపాదించొచ్చు అనడంతో మరింత పట్టుదలతో కసిగా చదివినట్లు పేర్కొన్నాడు. అలా తాను డీఎస్సీ పరీక్షలో జిల్లాస్థాయిలో మూడో ర్యాంకు సాధించి ప్రభ్యుత్వ ఉద్యోగం సంపాదించానని చెప్పుకొచ్చాడు. తాను పాఠశాలలో చేరి విధుల నిర్వర్తించిన రోజుని మర్చిపోనంటూ నాటి సంఘటనను గుర్తు చేసుకున్నారు. తాను పనిచేస్తున్న ప్రభుత్వ గిరిజన సంక్షేమ ఉన్నత పాఠశాల డిప్యూటీ హెడ్‌మాస్టర్‌ కొండబాబు విధుల్లో జాయిన్‌ అయ్యే రోజున కాళ్లతో డీఎస్సీ పరీక్ష రాసి ఉత్తీర్ణుడైన ఉపాధ్యాయుడిని ఆహ్వానించడం సంతోషకరం అంటూ ఘనంగా ఆహ్వానం పలికారంటూ సంతోషంగా చెప్పాడు సింహాచలం. అంతేగాదు ఆ రోజు విద్యార్థులు కూడా తానెలా పాఠాలు చెబుతానని ఆసక్తిగా ఎదురు చూసినట్లు పేర్కొన్నాడు. అయితే సింహాచలం పాఠాలు చెబితే పిల్లలంతా అల్లరి చేయకుండా అత్యంత నిశబ్దంగా వింటుంటారని చెబుతున్నారు సహోద్యోగులు. ఇక తన దైనందిన కార్యకలాపాల్లో తన తండ్రి తనకు అడ్డగా నిలుస్తారని, రోజు పాఠశాల వద్ద దింపడం, ఇంటికి తీసుకువెళ్లడం వంటివి చేస్తుంటారని చెబుతున్నాడు. అలాగే తన ప్రస్థానం ఇక్కడితో ఆగిపోదని యూపీఎస్సీకి సన్నద్ధమై ఉత్తీర్ణత సాధించడం తన తదుపరి లక్ష్యమని ఆత్మవిశ్వాసంగా చెబుతున్నాడు సింహాచలం.ఇదీ చదవండి: బ్రిక్స్‌ సదస్సులో ప్రధాన ఆకర్షణగా ఆ యువకుడు..!

చిన్న పిల్లల చేతికి ఫోన్‌ ఇస్తే క్షణాల్లో నిశ్శబ్దంగా కూర్చుంటారు. సరిగ్గా ఇక్కడే, ఎండ్‌లెస్‌ ఫీడ్స్, రికమెండేషన్‌ అల్గారిథమ్స్, నోటిఫికేషన్లు, లైక్స్‌ వంటి వ్యసనపరిచే ఫీచర్లతో సోషల్‌ మీడియా వారిని తన చుట్టూ తిప్పుకుంటోంది. తద్వారా పిల్లల మానసిక ఆరోగ్యంపై తీవ్ర ప్రతికూల ప్రభావం పడుతోంది. గంటల తరబడి స్క్రోలింగ్‌ చేయడం వల్ల నిద్రలేమి, ఆందోళన, డిప్రెషన్‌ లక్షణాలు, ఒంటరితనం వంటి సమస్యలు పిల్లల్లో కూడా పెరుగుతున్నాయని పరిశోధనలు హెచ్చరిస్తున్నాయి. ముఖ్యంగా 13 ఏళ్లలోపు పిల్లల విషయంలో మరింత కఠినమైన రక్షణ చర్యలు అవసరం అంటున్నారు. ఇండియాలోనూ మారుతున్న గళం అమెరికాలో మెటా సంస్థపై వచ్చిన కేసులు, కోర్టుల జోక్యం నేపథ్యంలో పెద్ద పరిణామమే చోటుచేసుకుంది. పిల్లలను రక్షించడానికి సోషల్‌ మీడియా కంపెనీలపై ఎలాంటి నియంత్రణలు ఉండాలనే చర్చ ఇప్పుడు ఇండియాలోనూ అత్యంత ప్రాధాన్యం సంతరించుకుంది. ఈ నేపథ్యంలో పిల్లల మానసిక ఆరోగ్యాన్ని కాపాడేందుకు అంతర్జాతీయ స్థాయిలో ప్రతిపాదిస్తున్న కొన్ని కీలక నిబంధనలు చూద్దాం. ⇒ రోజువారీ సమయ పరిమితి: పిల్లలు లేదా టీనేజర్లు రోజుకు గరిష్టంగా 2 గంటలు మాత్రమే యాప్‌లను వాడేలా పరిమితి విధించడం. ⇒ రాత్రి సమయపు ఆంక్షలు: రాత్రి 12:00 నుంచి ఉదయం 6:00 వరకు యాప్‌ యాక్సెస్‌ను పూర్తిగా నిరోధించడం. ⇒ స్కూల్‌ మోడ్‌: పాఠశాల వేళల్లో నోటిఫికేషన్లను నిలిపివేయడం. ⇒ స్క్రోలింగ్‌ బ్రేకులు: ప్రతి 15 నిమిషాల నిరంతర స్క్రోలింగ్‌ తర్వాత చిన్న విరామం తీసుకోవాలని గుర్తు చేయడం. ⇒ నాన్‌ అల్గారిథమిక్‌ ఫీడ్‌: పిల్లలకు ఆకర్షించే వ్యక్తిగతీకరించిన ఫీడ్స్‌ బదులుగా సాధారణ ఫీడ్‌ను అందించడం. ⇒ ఆటోప్లే, లైక్స్‌ నిలిపివేత: ఆటోప్లే, లైక్‌ కౌంట్స్‌ వంటి ఆకర్షణీయ ఫీచర్లను డిఫాల్ట్‌గా ఆఫ్‌ చేయడం, వయస్సు నిర్ధారణను బలోపేతం చేయడం.మెటా కొత్త నిబంధనలు ఇన్‌స్ట్రాగామ్, ఫేస్‌బుక్‌లలో 13 నుంచి 17 సంవత్సరాల వయసు గల టీనేజర్ల భద్రత కోసం మెటా సంస్థ కొన్ని కఠినమైన నిబంధనలు, ఫీచర్లను తీసుకొస్తోంది. దీని ద్వారా తల్లిదండ్రులు తమ పిల్లల సోషల్‌ మీడియా ఖాతాలపై మరింత స్పష్టమైన నియంత్రణ సాధించవచ్చు. ⇒ స్క్రీన్‌ టైమ్‌ కంట్రోల్స్‌: రాత్రివేళల్లో పిల్లలు ఎక్కువసేపు ఫోన్‌కి అతుక్కుపోకుండా స్క్రీన్‌ టైమ్‌ పరిమితులు సెట్‌ చేసుకోవచ్చు. ⇒ కంటెంట్‌ ఫిల్టరింగ్‌: టీనేజర్లకు అనుచితమైన, హానికరమైన కంటెంట్‌ లేదా విపరీతమైన బ్యూటీ/కాస్మెటిక్‌ ఫిల్టర్లు కనిపించకుండా కట్టడి చేస్తారు. ⇒ మెసేజింగ్‌ భద్రత: పిల్లలకు అపరిచితులు లేదా తెలియని వ్యక్తుల నుంచి వచ్చే సందేశాలను అడ్డుకోవడానికి కాంటాక్ట్‌ నియంత్రణలను పెంచుతారు. ఇదీ చదవండి: తెలుగు రాష్ట్రాల్లో విస్తరిస్తున్న సీజనల్‌ ఫ్లూ జ్వరాలు⇒ తల్లిదండ్రుల పర్యవేక్షణ: తల్లిదండ్రుల అనుమతి లేకుండా టీనేజర్లు తమ సెట్టింగ్‌లను లేదా సమయ పరిమితులను మార్చలేరు. ఒకవేళ పిల్లలు కొత్త ఖాతాలను క్రియేట్‌ చేసి లింక్‌ చేయడానికి ప్రయత్నిస్తే వెంటనే తల్లిదండ్రులకు అలర్ట్‌ వస్తుంది. ⇒ లైక్స్‌ మాయం: పోస్ట్‌లపై వచ్చే లైక్‌లు, రియాక్షన్ల సంఖ్యను దాచడం ద్వారా పిల్లల్లో పోలికల వల్ల వచ్చే ఆత్మనూనతా భావాన్ని తగ్గించే ప్రయత్నం చేస్తున్నారు. వయస్సు నిర్ధారణ లోపాలు టీనేజర్లు తమ పుట్టిన తేదీని తప్పుగా నమోదు చేసుకుంటే వారిని గుర్తించడానికి మెటా ఏఐ టూల్స్‌ వాడుతున్నప్పటికీ, నకిలీ పేరెంట్‌ ఖాతాలను తయారు చేయడం వంటి లొసుగులను పూర్తిగా అడ్డుకోవడం ఇంకా సవాలుగానే ఉంది. ⇒ ఇతర యాప్‌ల పోటీ: కేవలం మెటా మాత్రమే కాకుండా టిక్‌టాక్, యూట్యూబ్, స్నాప్‌చాట్‌ వంటి ఇతర ప్లాట్‌ఫారమ్‌లు కూడా ఇలాంటి నిబంధనలను కచ్చితంగా అమలు చేస్తేనే పూర్తి ఫలితం ఉంటుంది. ఇదీ చదవండి: కాళ్లే చేతులుగా చేసుకుని పాఠాలు చెబుతున్న ఉపాధ్యాయుడు ⇒ కుటుంబాల మధ్య అంతరాలు: టెక్నాలజీపై అవగాహన లేదా తీరిక లేని కుటుంబాల్లో (ముఖ్యంగా దినసరి కూలీలు, పేద వర్గాల్లో) ఈ ఫీచర్లు ఆశించిన స్థాయిలో పనిచేయకపోవచ్చు. డిజిటల్‌ అక్షరాస్యత ఉన్న తల్లిదండ్రుల పిల్లలకే ఇది నిజమైన రక్షణ కవచంలా మారుతోంది.⇒ సోషల్‌ మీడియా అనేది పూర్తిగా చెడ్డది కాదు. కానీ పిల్లలు ఎంతసేపు ఉపయోగిస్తున్నారు, ఎలాంటి కంటెంట్‌ చూస్తున్నారు, రాత్రివేళల్లో కంటి నిద్రను పాడు చేసుకుంటున్నారా లేదా అనే విషయాలపై తల్లిదండ్రుల పర్యవేక్షణ, సమయ నియంత్రణ ఉండటం అన్నింటికంటే ముఖ్యం.

టాలీవుడ్‌ నటి సమంత రూత్‌ ప్రభు మా ఇంటి బంగారం మూవీతో మంచి హిట్‌ని అందుకోవడమే గాక ఆ సినిమా సక్సెస్‌ మీట్‌లోనే తను ప్రెగ్నెంట్‌నని ప్రకటించి అభిమానులను ఖుషీ చేసింది. ఆ నేపథ్యంలో కొన్నాళ్లపాటు షూటింగ్‌ విరామం తీసుకుంటున్నట్లు కూడా ప్రకటించింది. ఎప్పటికప్పుడూ తన గర్భధారణకు సంబంధించిన ప్రతి ఫోటోని షేర్‌ చేస్తూ మాతృత్వ మధురిమ గురించ పంచుకుంటుంటుంది. అందులో భాగంగానే తన సీమంతం వేడుకకు సంబంధించిన ఫోటోలను కూడా పంచుకుంది. కాబోయే తల్లి సమంత తనకు సంప్రదాయల పట్ల చాలా గౌరవం ఉందంటూ భావోద్వేగంగా పోస్ట్‌లో రాసుకొచ్చింది. ప్రతి మంత్ర ధ్వని, ఆయా జపాల ద్వారా వచ్చే శక్తిలో ఏతో లోతైన ప్రభావం ఉందని నమ్ముతాను. ఆ ఆచారాల వెనుకున్న ఉన్న అర్థం నాకు తెలియకపోవచ్చు కానీ ఏదో తెలియని అనుభూతి, శక్తి మనలో వస్తుందని నమ్ముతానని పేర్కొంది. ఈ వేడుక కోసం ఆమె సాంప్రదాయ భారతీయ మగ్గాల బ్రాండ్‌ ‘సుత్రాని’ కలెక్షన్‌ నుంచి పసుపు రంగు కంచివరం చీరను ఎంచుకుంది. కంచివరం చీరలో పుత్తడి బొమ్మలా మెరిసిపోయింది సమంత. ఆ చీర పైన న్న వింటేజ్‌ ప్రేరేపిత హెర్రింగ్‌బోన్‌ బంగారు అంచు, పాత కాంచీపురం నేత నిశబ్ద వైభవాన్ని చాటుతోంది. ఇది చాలా సూక్ష్మంగా కనిపిస్తున్నా ఈ కళ చాలా క్లిష్టమైనదని ఆ బ్రాండ్‌ పేర్కొంది. ఇక సమంత ఈ వేడుక కోసం 'వర్ణం - ఫైన్ జ్యువెల్స్ లాంజ్' నుంచి ఆభరణాలను ఎంచుకున్నారు. తను జుట్టును ముడి వేసుకుని, తెల్లటి గజ్రా పువ్వులతో అలంకరించుకున్నారు. మేకప్‌ కోసం సమంత గులాబీ రంగు లిప్‌స్టిక్, బ్లష్, ఐషాడోతో మోనోక్రోమాటిక్ లుక్‌ను ఎంచుకున్నారు. ఈ వేడుకలో భాగంగా చేయించే మంగళ స్నానంలో సైతం ఆమె మస్టర్డ్‌ పసుపు(ఆవాల పసుపు రంగు) రంగు అనార్కలీ ధరించింది. ఇక సమంత ఈ కార్యక్రమంలో భాగంగా నిర్వహించిన శ్రీకల్పం గురించి కూడా ఇలా వివరించింది. శ్రీవిద్య సంప్రదాయానికి చెందిన ఈ ప్రత్యేక ఆచారంలో దేవి 94 కళలను స్మరిస్తూ.. తల్లి శరీరంలోని ఏడు చక్రాలను మంత్రాలు, పవిత్ర జలంతో శుద్ధి చేసి శక్తివంతం చేసే విధానం గురించి తెలిపింది. ఈ ఆచారంలో భాగంగా తనను కాబోయే తల్లిగా కాకుండా దేవి స్వరూపంగా మరో ప్రాణికి జన్మనిచ్చే పవిత్ర సృష్టికర్తగా గౌరవించడం తనను ఎంతగానో కదిలించిందన సమంత పేర్కొంది. శ్రీచక్ర యంత్రం, తొమ్మిది ఆవరణలు, బిందువు, లలితా త్రిపురసుందరి భావన, దేవి ఖడ్గమాల పఠనం వంటి అంశాలను కూడా ఆమె ప్రస్తావించింది. గర్భంలో ఉండగా శిశువుకు ఈ మంత్రాల ధ్వని ద్వార రక్షణ, ఆశీర్వాదం అందుతుని నమ్ముతాను అంటూ పోస్ట్‌లో రాసుకొచ్చింది. View this post on Instagram A post shared by Samantha (@samantharuthprabhuoffl) (చదవండి: సమంతకు సీమంతం.. ఫోటోలు పంచుకున్న హీరోయిన్)

దిగ్గ‌జ‌ ఫ్యాషన్, కాస్ట్యూమ్ డిజైనర్ బాబ్ మాకీ (87) తుదిశ్వాస విడిచారు. ఆయన సోమవారం మరణించారు. కాగా బాబ్ మాకీ మరణ వార్తను ఆయన బృందం ఒక ఇన్‌స్టాగ్రామ్ పోస్ట్‌లో ధృవీకరించింది. 1939లో లాస్ ఏంజిల్స్ శివారు ప్రాంతంలో జన్మించిన బాబ్ మాకీకి చిన్నతనంలోనే కళల పట్ల ఆసక్తి ఏర్ప‌డింది. బాబ్ మాకీకి రెండేళ్ల వయసు ఉన్నప్పుడే అత‌డి తల్లిదండ్రులు విడిపోయారు. దీంతో జాబ్ మాకీ త‌న తాత‌య్య‌, నాన‌మ్మ వ‌ద్ద పెరిగాడు. ఈ స‌మ‌యంలోనే వాళ్లిద్ద‌రు బాబ్ మాకీని కళల ప‌ట్ల ఆస‌క్తి చూపేలా ప్రోత్స‌హించారు. తాను ఏ వృత్తిని కోరుకుంటాన‌నేది త‌న‌కు ముందే తెలుస‌ని బాబ్ మాకీ చాలా ఇంట‌ర్వ్యూలో చెప్పుకొచ్చారు.మాకీకి లభించిన తొలి ప్రధాన అవకాశాల్లో చెప్పుకోవాల్సింది మాత్రం న‌టి, గాయ‌ని మిట్జీ గేనార్‌కు కాస్ట్యూమ్ డిజైన‌ర్‌గా పనిచేయ‌డ‌మే. లాస్ వేగాస్ రెవ్యూకు మిట్జీకి అంద‌మైన కాస్ట్యూమ్స్ త‌యారు చేయ‌డం ద్వారా బాబ్ మాకీ పేరు తొలిసారి మార్మోగిపోయింది. ఆ తర్వాత అతను ఆమె టెలివిజన్ స్పెషల్స్ కోసం దుస్తులను రూపొందించాడు. మాకీ త‌న కెరీర్‌లో తొమ్మిది ప్రైమ్‌టైమ్ ఎమ్మీ అవార్డులు అందుకోవ‌డంతో పాటు ఆస్కార్ విభాగంలో బెస్ట్ కాస్ట్యూమ్ డిజైన్ అవార్డుకు మూడుసార్లు నామినేట్ అవ్వ‌డం విశేషం.బాబ్ మాకీ మ‌ర‌ణ‌వార్త‌ను అతడి బృందం ఇన్‌స్టాగ్రామ్ వేదిక‌గా విడుద‌ల చేసింది. ‘‘బాబ్ మాకీ ఈ రోజు కన్నుమూశారనే వార్తను చాలా బాధతో తెలియజేస్తున్నాము. ఆయన తన 87 ఏళ్ల జీవితాన్ని సంపూర్ణంగా గడిపారు. ఫ్యాషన్‌, కాస్ట్యూమ్ డిజైనర్ కావాలనే తన కలను నెరవేర్చుకున్నారు, ఆయన జీవితమంతా అదే చేయాలని కోరుకున్నారు. ఆయన ప్రతిభ అసాధార‌ణం. ఆయ‌న రూపొందించిన డిజైన్‌లు ఈ ప్రపంచానికి అందాన్ని పంచుతూ శాశ్వతంగా నిలిచి ఉంటాయి.’’అని పేర్కొంది.ఇదీ చ‌ద‌వండి: కేంద్ర మంత్రి నివాసంలో ప్రధాని మోదీ ప్ర‌త్యేక‌ పూజ‌లు

దేశమంత అంబరాన్నంటేలా వినాయక చవితి వేడుకల సంబరాలతో సందడిగా ఉంది. ఎటూ చూసి కొలువుదీరిన రకరకాల వినాయక రూపాలు, పిల్లలు, పెద్దలు కోలహాలమే కనిపిస్తుంది. మరోవైపు దేశవ్యాప్తంగా ఉన్న స్వీట్‌ షాపులు గణేశుడికి ప్రీతీకరమైన ప్రసాదాల అమ్మకాలతో రద్దీగా ఉన్నాయి. అయితే ఓ స్వీట్‌ షాపు మాత్రం అందర్నీ ఆకర్షించడమే కాదు నెట్టింట వైరల్‌గా మారింది. వినాయకుడు ఎంతో మెచ్చే ‘గోల్డెన్‌ మోదక్‌’తో అందర్నీ ఆశ్చర్యపర్చింది ఈ స్వీట్‌ షాపు. తినదగిని ఈ మోదకాలు ఎంతో ఆకర్షణీయంగా చూపురులను కట్టిపడేస్తున్నాయి. తినదగిన విధంగా బంగారు పొతతో తయారు చేసిన ఈ మోదకాలు నాసికాలో విద్యా వికాస్‌ సర్కిల్‌ వద్ద ఉన్న ‘సాగర్‌ స్వీట్స్‌’ షాపు వారు తయారు చేశారు. వినాయక చవితి పర్వదినాన్ని ఈ మోదకాలు అందరీ మనసుల్ని దోచడమే కాదు, కొనుగోలు చేసేందుకు ఎగబడుతున్నారు. నెట్టింట ఈ బంగారు మోదకాలు వైరల్‌ కావడంతో ఇది చర్చనీయాంశంగా మారింది. వినాయకుడికి అమిత ప్రీతీపాత్రమైన మోదకాలకు తమ సృజనాత్మకతను జోడించి సరికొత్త ఆకర్షణను ఇచ్చి అమ్మకాలు పెంచుకునే ప్రయత్నం చేయడం విశేషం. ఇంతకీ ఈ బంగారు మోదకాలు కిలో ఎంత ధర పలుకుతున్నాయో వింటే విస్తుపోవడం ఖాయం. ఇవి కిలో అక్షరాల రూ. 27 వేలు పైమాటే. Ganesh Chaturthi Special: 'Golden Modaks' Worth Rs 27,000 Per Kg Draw Buyers In Nashik#GaneshChaturthi pic.twitter.com/VUtO0u9Dvu— NDTV (@ndtv) September 14, 2026(చదవండి: అంబానీ ఇంట ఘనంగా గణేష్‌ చతుర్థి వేడుకలు..!)

భారత్‌ అధ్యక్షతన న్యూఢిల్లీలో 18వ బ్రిక్స్‌ శిఖరాగ్ర సదస్సు విజయవంతంగా నిర్వహించిన సంగతి తెలిసిందే. ప్రధాని నరేంద్ర మోదీ ఆధ్వర్యంలో రెండు రోజుల పాటు జరిగిన ఈ సదస్సు దిగ్విజయంగా ముగిసింది. అందుకు సంబంధించిన ఒక ఫోటోను మోదీ సోషల్‌ మీడియాలో షేర్‌ చేశారు. అది షేర్‌ చేసిన గంట వ్యవధిలోనే వైరల్‌గా మారింది. ఆ ఫోటోల భారత ప్రధాని నరేంద్ర మోదీ, రష్యా అధ్యక్షుడు వ్లాదిమిర్‌ పుతిన్‌, చైనా అధ్యక్షుడు షీ జిన్‌పింగ్‌లు చేతులు కలిపి ఉన్నారు. ప్రపంచంలోని అత్యంత శక్తిమంతమైన ఆ నాయకుల మధ్య ప్రశాంతంగా నిలబడి ఉన్న ఒక యువకుడు అందరి దృష్టిని అమితంగా ఆకర్షించాడు. ఎవరీ సిద్ధార్థ్‌ బాబు..?కేరళలో కొచ్చికి చెందిన 36 ఏళ్ల ఇండియన్‌ ఫారిన్‌ సర్వీస్‌ అధికారి. 2017 బ్యాచ్‌కు చెందిన ఆయన ప్రస్తుతం విదేశీ వ్యవహారాల మంత్రిత్వ శాఖలోని తూర్పు ఆసియా విభాగంలో డిప్యూటీ సెక్రటరీగా పనిచేస్తున్నారు. కొన్ని నివేదికలలో ఆయన పేరు సిద్ధార్థ్‌గా కనిపిస్తుంది. ఆయన చాలామందికి తెలియని అత్యంత కీలకలమైన గదిలో ఏళ్ల తరబడి పనిచేసిన దౌత్యవేత్త. మెకానికల్‌ ఇంజనీర్‌ అయిన ఆయన అత్యంత ప్రతిష్టాత్మకమైన యూపీఎస్సీ పరీక్షల్లో ఆల్‌ ఇండియా 15వ ర్యాంకుతో ఉత్తీర్ణులయ్యారు. ఆయన ఫారిన్‌ సర్వీస్‌ని ఎంచుకున్నారు. అలా ఆయన దేశంలోని అత్యంత సున్నితమైన సంభాషణల నేపథ్యంలో సాగే వృత్తి జీవితాన్ని గడుపుతున్నారు. అక్కడ కనిపించడం కంటే సన్నద్ధతకే ఎక్కువ ప్రాధాన్యత ఉంటుంది.ఆ నాయకుల మధ్య ఉండటానికి రీజన్‌..అతను మాండరిన్‌ అనువాదకుడు. శిఖరాగ్ర సమావేశంలో షీ జిన్‌పింగ్‌ మాట్లాడుతున్నప్పుడు ఆయన మాటలను మోదీ అర్థం చేసుకునేలా సహాయం చేయడమే అతని పని. ఇది కనిపించే దానికంటే చాలా కష్టం. ఒక దౌత్య అనువాదకుడు కేవలం భాషనే కాకుండా, ప్రతి పదబంధంలో రాజకీయ ప్రాముఖ్యతను కూడా గ్రహించి, అర్థాన్ని కచ్చితంగా తక్షణమే తెలియజేయాలి. ఎందుకంటే వాణిజ్యం, భద్రత లేదా సరిహద్దుల విషయంలో పలికే ఒక్క తప్పు పదం మొత్తం సంబంధం స్వరూపాన్నే మార్చేయగలదు.ఆ బ్రిక్స్‌ ఫోటోని బట్టి అతడికి అదే అతిపెద్ద వేదిక అరంగేట్రం అనుకుంటే పొరపాటే..ఎందుకంటే ఈ ఏడాది జరిగిన గణతంత్ర వేడుకల్లో కూడా కనిపించారు. మోదీ యూరోపియన్‌ కమిషన్‌ ప్రెసిడెంట్‌ ఉర్పులా వాన్‌ డెర్‌ లేయన్‌తో సంభాషించేటప్పుడు సిద్ధార్థ్‌ అర్థమయ్యేలా వివరించడంలో సహాయం చేస్తూ అందరి దృష్టిని ఆకర్షించారు. ఒక రకంగా ఈ ఘట్టం..భారతదేశం నిర్వహించే దాదాపు ప్రతి ప్రధాన దౌత్య సమావేశంలో కొంతమంది ప్రతిభావంతులైన భాషావేత్తలు అంతర్భాగంగా ఉంటారనే నగ్న సత్యాన్ని ఇది తెలియజేస్తోంది. అలాగే అత్యంత శక్తిమంతమైన వ్యక్తులతో సంభాషించేటప్పుడే వారి మాటాలు సునాయాసంగా అర్థం చేసుకుని సమాచారాన్ని చేరవేసే ఈ భాషావేత్తలదే అత్యంత కీలకమైన పాత్ర అని ప్రస్ఫుటమవుతోంది.(చదవండి: మైనస్‌ 50 డిగ్రీల చలిలో లక్షలాది మంది ఖైదీల కన్నీటి కథ)

వయసు తెలుసుకోవడానికి నరికేశారు! ఒక చెట్టు వయసు తెలుసుకోవడానికి ఏం చేస్తారు? దాని కాండం నుంచి చిన్న ముక్క తీసి పరిశీలిస్తారు. కానీ అమెరికాలో జరిగిన ఒక పరిశోధనలో మాత్రం ప్రపంచంలోని అత్యంత పురాతన చెట్లలో ఒకటైన చెట్టును పూర్తిగా నరికేశారు. ఆ తర్వాతే దాని అసలు వయసు బయటపడింది. అమెరికాలోని నెవాడా రాష్ట్రంలోని వీలర్‌ పీక్‌ ప్రాంతంలో పెరిగిన ఈ చెట్టుకు స్థానికంగా ప్రోమీథియస్‌’ అనే పేరు ఉండేది. ఇది గ్రేట్‌ బేసిన్‌ బ్రిసిల్‌కోన్‌ పైన్‌ జాతికి చెందిన చెట్టు. 1964లో భూగోళ శాస్త్ర పరిశోధకుడు డొనాల్డ్‌ ఆర్‌. కర్రీ ఈ ప్రాంతంలో ఐస్‌ ఏజ్‌ అంటే మంచు యుగంపై పరిశోధన చేసే సమయంలో ప్రోమీథియస్‌ను గుర్తించాడు. ఈ చెట్ల కాండంలోని వలయాలు అంటే ట్రీ రింగ్స్‌ అనేవి గతంలోని వాతావరణ పరిస్థితులను తెలుసుకోవడానికి, ఆ చెట్టు వయసును అంచనా వేయడానికి ఉపయోగపడతాయి.అనుమతి ఇచ్చిన అమెరికాకర్రీ మొదట చెట్టు నుంచి చిన్న నమూనా తీసి వయసును అంచనా వేయాలని ప్రయత్నించాడు. అయితే ప్రోమీథియస్‌ విషయంలో పూర్తి కాండాన్ని పరిశీలించాల్సిన పరిస్థితి ఏర్పడింది. అమెరికా అటవీ శాఖ అనుమతితో చివరకు ఆ చెట్టును నరికారు. అయితే దాన్ని ఎందుకు నరికాల్సి వచ్చిందన్న విషయంలో వివిధ కథనాలు ఉన్నాయి. అసలు కారణం ఏమిటో పూర్తిగా స్పష్టంగా తెలియదని నేషనల్‌ పార్క్‌ సర్వీస్‌ చెబుతోంది.చెట్టును నరికిన తర్వాత కాండంలోని వలయాలను లెక్కించగా 4,862 రింగ్స్‌ కనిపించాయి. కఠినమైన వాతావరణ పరిస్థితుల కారణంగా ప్రతి సంవత్సరం తప్పనిసరిగా ఒక రింగు ఏర్పడకపోవచ్చని భావించి, ప్రోమీథియస్‌ వయసును సుమారు 4,900 సంవత్సరాలుగా అంచనా వేశారు. ఆ సమయంలో ఇదే అత్యంత పురాతనమైన చెట్టుగా రికార్డ్‌ అయింది.ఇప్పుడు ఆ అవసరం లేదు..నేడు ఇలాంటి పురాతన చెట్ల వయసును తెలుసుకోవడానికి వాటిని పూర్తిగా నరకాల్సిన అవసరం లేదు. చెట్టు కాండంలోకి చాలా చిన్న డ్రిల్‌తో వెళ్లి చెక్క నమూనాను తీసే ‘ఇంక్రిమెంట్‌ బోరర్‌’ వంటి పరికరాలను ఉపయోగిస్తున్నారు. ఆ నమూనాలోని రింగ్స్‌పై రీసెర్చ్‌ చేసి చెట్టు వయసును అంచనా వేయవచ్చు. చెట్టుకు తక్కువ నష్టం కలిగించే మరికొన్ని సాంకేతిక పద్ధతులు కూడా అందుబాటులోకి వచ్చాయి. అంటే.. ప్రోమీథియస్‌ నరికిన 1964తో పోలిస్తే, నేడు ఇలాంటి పురాతన చెట్లను కాపాడుకుంటూనే వాటి వయసు గురించి తెలుసుకునే అవకాశాలు పెరిగాయి. నేడు ప్రోమీథియస్‌ లేదు. అయితే చెట్టు నరకగా మిగిలిన కాండం, మొదలు భాగం నేటికీ అక్కడే ఉంది. వయసు తెలుసుకోవడానికి చెట్టును నరకడంపై అప్పట్లో వివాదం చెలరేగింది. ఈ ఘటన తర్వాత పురాతన చెట్లను సంరక్షించడం, వాటిపై పరిశోధనలు నిర్వహించే విధానంపై కూడా చర్చ మొదలైంది. ప్రోమీథియస్‌ మాత్రం 1964లో నరికే సమయానికి తెలిసిన అత్యంత పురాతన చెట్టుగా చరిత్రలో నిలిచింది. అయితే 2012లో కాలిఫోర్నియాలో 5,065 ఏళ్ల బ్రిసిల్‌కోన్‌ పైన్‌ అనే మరో చెట్టును గుర్తించారు. ఇప్పుడు ఇదే ప్రపంచంలో ది ఓల్డెస్ట్‌ ట్రీ. ఇదీ చదవండి: ఎట్టకేలకు 105 ఏళ్ల తల్లిని కలిసిన 85 ఏళ్ల కుమార్తె

మైనస్‌ 50 డిగ్రీల కన్నా తక్కువగా ఉండే అతి చల్లని వాతావరణంం చుట్టూ అంతులేని మంచు పర్వతాలు.. జనసంచారం చాలా తక్కువ. రష్యాలోని ఈశాన్య భాగంలో ఉన్న కోలిమా ప్రపంచంలోని అత్యంత కఠినమైన, ఏకాంత ప్రదేశాల్లో ఒకటి గుర్తింపు తెచ్చుకుంది. అయితే ఈ ప్రాంతాన్ని ప్రపంచం గుర్తించేలా చేసింది అక్కడి చలి మాత్రమే కాదు.. దాని వెనుక ఉన్న విషాద చరిత్ర. సోవియట్‌ పాలకుడు జోసెఫ్‌ స్టాలిన్‌ పాలనలో కోలిమా ప్రాంతం ఒక పెద్ద లేబర్‌ క్యాంప్‌గా మారింది. గులాగ్‌ అనే వ్యవస్థలో భాగంగా వేలాది కిలోమీటర్ల దూరం నుంచి ఖైదీలను ఇక్కడికి తరలించేవారు. బంగారం, ఇతర ఖనిజాల తవ్వకాలు, రహదారుల నిర్మాణం వంటి అత్యంత కఠినమైన పనుల్లో వారిని ఉపయోగించేవారు.తీవ్రమైన చలి, తగిన ఆహారం లేకపోవడం, వ్యాధులు, కఠినమైన వర్కింగ్‌ కండిషన్స్‌, ఇవన్నీ అక్కడి ఖైదీల జీవితాన్ని దారుణంగా మార్చేశాయి. అసలు కొలిమాకు ఎంతమందిని తరలించారు, అక్కడ ఎంత మంది మరణించారు అనే విషయంపై చరిత్రకారుల్లోనే స్పష్టత లేదు. అయితే బాధితుల సంఖ్య లక్షల్లోనే ఉంటుంది అని అంచనా వేస్తున్నారు. నేడు కోలిమాలో చిన్న చిన్న పట్టణాలు, గనులు, విస్తారమైన అడవులు కనిపిస్తాయి. అయితే శీతాకాలంలో తీవ్రమైన చలి, పరిమితమైన రవాణా సదుపాయం, కఠినమైన ప్రకృతి ఈ ప్రాంతాన్ని ఛాలెంజింగ్‌ లొకేషన్‌గా మార్చాయి. కోలిమా అనేది ఒక ట్రావెల్‌ డెస్టినేషన్‌ మాత్రమే కాదు ఒకప్పుడు వేలాది మంది ఖైదీలు అనుభవించిన బాధను గుర్తు చేసే ప్రదేశంగా చరిత్రలో నిలిచిపోతోంది. పూర్తిగా మంచుతో నిండి ఉన్న ఈ నేల సోవియట్‌ చరిత్రలోని ఒక చీకటి అధ్యాయానికి నేటికీ నిశ్శబ్ద సాక్షిగా నిలిచిపోయింది. ఇదీ చదవండి: ఎట్టకేలకు 105 ఏళ్ల తల్లిని కలిసిన 85 ఏళ్ల కుమార్తె

ఒక్కోసారి ఎప్పుడు సాగుచేసే పంటను సాగు చేసినా..ఊహించని విధంగా విపరీతమైన నష్టాలు చవిచూస్తుంటాం. అధిక దిగుబడి వల్ల గిట్టుబాటు ధర లేకోవడమో లేక ఇతర కారణాల వల్లే విపరీతమైన నష్టాలను చవిచూస్తుంటాం. అలాంటప్పడు సరైన నిర్ణయం తీసుకుని..కాస్త తెలివిగా వ్యవహరిస్తే..కనక వర్షం కురిసేలా లాభాలు కూడా పొందొచ్చు. అదే చేసి చూపించాడు ఈ యువ రైతు. అతడే మహారాష్ట్రకు చెందిన అర్జున్‌ సబాలే. అతడి కుటుంబం బంతి, చామంతి పువ్వులను సాగు చేసి, వాటి అమ్మకం కోసం ముంబై తీసుకువెళ్లేవారు. అయితే ధరలు పడిపోవడం, పోటీ పెరడగం వంటి కారణాలతో నష్టాలు రావడం మొదలైంది. తమ కుటంబ పొలం లాభదాయకంగా మార్చడానికి ఏం చేయాలో తోచేది కాదు. ఏం చేద్దాం అని సబాలే ఆలోచిస్తున్న తరుణంలో సురక్షిత వ్యవసాయం వైపుకి అడుగులు వేశాడు. సుమారు పావు ఏకరం భూమిలో ఈసారి గులాబీలు పెంచి చూడాలని అనుకున్నాడు. ఏదో చిన్న ప్రయోగంగా మొదలైన పూల పెంపకం కాస్తా ఏడాది పొడవునా ఆదాయన్ని అందించే పూల వ్యాపారంగా అభివృద్ది చెందింది. బీఏస్సీ అగ్రీకల్చర్‌ చదువుతున్నప్పుడే..వివిధ పంటలను అధ్యయనం చేయడానికి పొలాలను సందర్శించడం ప్రారంభించాడు. అక్కడ పాలీహౌస్‌ సాగును చూసి రక్షిత పూల సాగువైపుకి అడుగుపెట్టాడు. ఆ సమయంలోనే గులాబీల సాగుని క్షుణ్ణంగా గమనించాడు సబాలే. అలా బెంగుళూరుకి చెందిన ఒక రైతు నుంచి గులాబీ కాండాలను ఒక్కొక్కటి రూ. 12ల చొప్పున కావల్సినన్ని మొక్కలు కొని పావు ఎకరం భూమిలో నాటాడు. అందుకోసం సుమారు రూ. 8000లు వరకు పెట్టుబడి పెట్టాడు. జస్ట్‌ పదివేల చదరుపు అడుగుల భూమిలో గులాబీలు ప్రారంభించి, క్రమంగా విస్తరించాడు. ఆ తోటలో సుమారు 500 గులాబీలు పైనే పూసేవి, వాటిని ఒక్కోక్కటి కనీసం రూ. 5లకు చొప్పున అమ్మిన రోజుకు దాదాపు రూ. 25000/- దాక సంపాదించేవాడు. ఈ రాబడితో అతడు తోటను విస్తరించడమే గాక జెర్బెరా వంటి డెకరేటెడ్‌ పూల మొక్కలను కూడా పెంచడం ప్రారంభించాడు. అలా పావు ఎకరం నుంచి ఎకరం భూమిలో ఒక్కో రకం 16,000 మొక్కలతో గులాబీలు, జెర్బెరాలను పండించడం ప్రారంభించాడు. అలా సబాలే తన వ్యవసాయ క్షేత్రంలో ప్రతిరోజూ సుమారు వెయ్యి గులాబీలు, రెండు వేల జెర్బారాలు పూస్తున్నాయి. ఒక్కో గులాబీకి రూ. 5లు, ఒక్కో జెర్బెరా కాడకు రూ. 4 లు చొప్పున రోజుకు రూ. 5వేల నుంచి రూ. 8 వేల దాక ఆదాయం వస్తోంది. అంటే నెల వచ్చేటప్పటికీ రూ. 3.5 లక్షల టర్నోవర్‌ని ఆర్జిస్తున్నాడు. అంటే నికర లాభం రూ. 2.5 లక్షలు ఉంటుంది. సబాలే గులాబీలు, జెర్బెరాలను సహజసిద్ధమైన వెంటిలేషన్‌ ఉన్న పాలీహౌస్‌లో పెంచుతాడు. గాలి ప్రసరణ కోసం పవర్డ్‌ కూలింగ్‌ ఫ్యాన్‌లకు బదులుగా రూఫ్‌ వెంట్లు, సైడ్‌ కర్టెన్లను ఉపయోగిస్తారు. ఆయన పావు ఎకరంలో ప్రారంభించినప్పుడు వీటన్నింటిని ఏర్పాటు చేయడానికి దాదాపు రూ. 3 లక్షలు దాక ఖర్చయింది. అయితే ఈ మొక్కలు ఐదు నుంచి ఏడేండ్ల వరకు దిగుబడి ఇస్తూనే ఉంటాయి కాబట్టి పెట్టుబడిని చాలా ఏళ్లు పాటు విస్తరించుకోవచ్చు అని అంటున్నాడు సబాలే. అలాగే తన పువ్వులను నేరుగా స్టాల్స్‌, హోల్‌సెల్‌ మార్కెట్లకు అమ్ముతుంటాడు. అయితే డిమాండ్‌ని బట్టి పువ్వులను బెంగళూరు, వడోదర, అహ్మదాబాద్‌, హైదరాబాద్‌, ముంబైలకు సరఫరా చేస్తుంటానని చెబుతున్నాడు సబాలే.ఇదీ చదవండి: అది మన డీఎన్‌ఏలోనే ఉంది ..! మాధవన్‌ కుమారుడు వేదాంత్‌

కోలీవుడ్‌ నటుడు మాధవన్‌ కుమారుడు వేదాంత్‌ ఆసియా క్రీడల్లో భారతదేశానికి ప్రాతినిధ్యం వహించనున్నారు. అతను ఈ ఏడాది సెప్టెంబర్‌ 19 నుంచి అక్టోబర్‌ 4 వరకు ఐచి ప్రిఫెక్చర్‌, జపాన్‌లోని నగోయాలో జరగనున్న ఖండాంతర బహుళ క్రీడా పోటీల కోసం సన్నద్ధమవుతున్నాడు. ఈనేపథ్యంలో ఒక మీడియా ఇంటర్వ్యూలో తను ఎదుర్కొంటున్న ఒత్తిడి గురించి, మన భారతీయ అథ్లెట్లకు ప్రతిభ ఎలా ఉంటుంది తదితరాల గురించి చాలా ఆసక్తికరంగా మాట్లాడారు. మన భారతీయుల్లో చాలా ప్రతిభ ఉందని చెబుతున్నాడు. నిజం చెప్పాలంటే జన్యపరంగా మనం చాలా అదృష్టవంతులమని అంటున్నాడు. మన ఆహారపు అలవాట్లను, క్రమశిక్షణను, ప్రేరణను సరిదిద్దుకోగలిగినట్లయితే మనం నిజంగా మంచి క్రీడాకారులుగా రాణించగలమని అన్నాడు. అయితే మనల్ని వెనక్కి లాగేస్తున్న అంశం మన ఆహారపు అలవాట్లేనని చెబుతున్నాడు. భారతీయ శరీరాలకు ఎక్కువ కొవ్వుని నిల్వ చేసుకోగల సామర్థ్యం ఉందని తెలిపాడు. అందువల్లే మనవి సన్నగా ఉండి కొవ్వు ఎక్కువగా ఉండే శరీర రకంగా అభివర్ణించాడు. వేల ఏళ్ల క్రితం వేట జీవనశైలి నుంచి పరిణామ క్రమం చెందుతూ వచ్చిందన్నారు. ఫలితంగా మనశరీరాలు చెప్పుకోదగిన కండ ద్రవ్యరాశిని నిర్మించకుండా అంతర్గత అవయవాల చుట్టూ ఉండే కొవ్వుని నిల్వగా ఉంచుకోవడం నేర్చుకున్నాయని చెప్పారు. ఈ తత్వమే మన ప్రజలను తీవ్ర కరువుని తట్టుకుని బయటపడటానికి సహాయపడిందని చెబుతున్నాడు. కాబట్టి మనం మరింత ప్రోటీన్‌ తీసుకోవడం మొదలుపెట్టి మన ఆహారపు అలవాట్ల పట్ల శ్రద్ధ వహిస్తే..మన జన్యవుల నుంచి ఇంకా ఎంతో సాధించగలమని సూచిస్తున్నాడు. రాబోయే ఆసియా క్రీడలకు సిద్ధమవుతున్న తరుణంలో తాను ఒక డైటీషియన్‌తో కలిసి పనిచేస్తున్నట్లు తెలిపాడు. అది తన ఫామ్‌ వేగాన్ని మెరుగుపరుచుకోవడంలో సహాయపడిందని చెబుతున్నాడు ఈ స్విమ్మర్‌. అలాగే తాను గత కొన్ని నెలలుగా వెయిట్ ట్రైనింగ్‌, స్ట్రెంత్ కండిషనింగ్‌పై దృష్టి పెట్టిమరి శిక్షణ తీసుకుంటున్నట్లు తెలిపాడు. ఈ ఆసియా క్రీడల్లో అతడు 200 మీటర్ల ఫ్రీస్టైల్‌ ఈత కొట్టబోతున్నట్లు తెలిపాడు. అయితే ఇది అంత సులభం కాదని తెలుసని, అందుకే తన సామర్థ్యాన్ని మరింతగా మెరుగుపరుచుకుంటున్నట్లు తెలిపారు. కోట్లాదిమంది కళ్లు ఒక ఆటగాడిపైనే ఉంటాయి, అందువల్ల ప్రపంచ స్థాయిలో పోటీపడటానికి సిద్ధమవుతున్నప్పుడు శక్తిమంతమైన ఆత్మవిశ్వాసంతో ఉండాలని అంటున్నాడు. తాను గెలవగలననే గట్టి నమ్మకం అతడికి ఉండాలంటున్నాడు. అలాగే మన లక్ష్యం ఎల్లప్పుడూ నక్షత్రాలపై ఉంటేనే చంద్రుడిపై దిగగలమంటూ తన సంభాషణను ముగించాడు వేదాంత్‌.ఇదీ చదవండి: చిన్నారులు జంక్‌ ఫుడ్‌ తినకుండా..ఆ టీచర్‌ ట్రిక్‌ మాములుగా లేదు!

ఈ జనరేషన్‌ చిన్నారులు మాములుగా లేరు. జట్‌ స్పీడ్‌గా అర్థం చేసుకుంటున్నారు. చిన్నప్పుడే స్మార్ట్‌ ఫోన్‌లు, ఐఫోన్‌లనే చకచక​ వాడేస్తున్న జెన్‌జీ ఇది. అయితే అందుకు తగ్గట్టుగానే ఈకాలంలో మార్కెట్లోకి వస్తున్న ప్రతి జంక్‌ఫుడ్‌కి ఆకర్షితులై ఎంతలా లాగిస్తున్నారో తెలిసిందే. వద్దు నాన్న అవి మంచివి కావు అంటే..ఇక వాళ్లు పెట్టే అల్లరి మాములుగా ఉండదు. ఇక తట్టుకోలేక తల్లిదండ్రలు కొనిచ్చేస్తున్నారు. ఏదో అప్పడప్పుడే అంటూ ఇస్తుంటారు. అయితే అసలు అలాంటి అనారోగ్యకరమైన జంక్‌ఫుడ్‌కి వాళ్లే స్వయంగా నో చెప్పేలా చేస్తోంది ఈ టీచర్‌. ఆ ఉపాధ్యాయురాలు చేసిన పనికి ఆ స్కూల్‌ విద్యార్థులు వద్దంటూ ఏడుపు లంఖించుకున్నారు. అందుకు సంబంధించిన వీడియో నెట్టింట వైరల్‌గా మారడమే కాదు, జంక్‌ ఫుడ్‌ తికుండా ఉండేలా చేసేందుకు ఇంతల భయపెట్టడం సమంజసమేనా అనే ప్రశ్నలు లేవనెత్తినా..చాలామంది ఆ టీచర్‌ ట్రిక్‌కే మద్దతు పలకడం విశేషం.ఇంతకీ ఆమె ఏం చేసిదంటే..జంక్‌ ఫుడ్‌ వల్ల కలిగే ప్రమాదాల గురించి పిల్లలకు తెలియజేసేలా ముందుగా వాళ్లకు కొద్దిగా కూల్‌డ్రింక్‌ల, బిస్కెట్లు ఇస్తుంది. ఆ తర్వాత వాళ్లలో ఒకళ్లను పడుకోబెట్టి అవి తిన్నాక లోపల ఏం జరుగుతోందో తెలియజేలా నకిలీ అల్ట్రాసౌండ్‌ స్కాన్‌ని చూపిస్తుంది. వాటిని చూసి పిల్లలు భయపడటమే కాదు, తినమని అనడం స్పష్టంగా కనిపిస్తుంది వీడియోలో. ముఖ్యంగా వాళ్ల ముఖాల్లో భయం స్పష్టంగా కనిపిస్తుంది. ఆరోగ్యకరమై ఆహారం గురించి తరగతి గదిలో వివరించిన ఆ పాఠం వాళ్లు జంక్‌ఫుడ్‌ ఎంత అనారోగ్యకరమైనదో వివరించేలా క్లియర్‌గా చూపించారామె. ఇది పిల్లల్లో భయం రేకెత్తించిన చెడు ఆహారపు అలవాట్లకు బానికాకుండా చేసే బెస్ట్‌ ట్రిక్‌ అనే చెప్పొచ్చు. అయితే ఈ భయం వాళ్లపై ఎలాంటి ప్రభావం చూపిస్తుంది ఎలాంటి పర్యవసనాలు దారితీస్తుంది అని మానసిక నిపుణులు హెచ్చరించినా..నయానో, భయానో అనారోగ్యకరమైన అలవాట్లకు దూరంగా ఉండేలా చేయడంలో ఎలాంటి తప్పు లేదని మరికొందరు అభిప్రాయాన్ని వ్యక్తం చేశారు.The intention may be good, but the method matters.A viral school clip shows a teacher using props and a fake ultrasound to scare children away from junk food.Teaching kids healthy eating is important. But fear, misinformation and shock tactics at such a tender age can leave a… pic.twitter.com/SgNgqRBgKj— Neetu Khandelwal (@T_Investor_) September 11, 2026 ఇదీ చదవండి: వారానికి 60 గంటలు పనిచేస్తూ..నెలకు రూ. 63 లక్షలు!

గణేష్‌ వేడుకలలో ప్రధానంగా కనిపించేది అలంకరణ. గణనాథుడి ప్రతిమతో పాటు ఆసనం, బ్యాక్‌గ్రౌండ్, చుట్టూ రంగురంగుల పువ్వులు, కాంతులీనే లైట్లు... కనువిందు చేస్తుంటాయి. మండపాల వద్ద సరే, ఇళ్లలోనూ ఈ విధమైన అలంకరణ సందడి కనిపించాలంటే..?ఎక్కువ హంగామా లేకుండా అలంకరణ ఆకట్టుకునేలా ఉండేలా భిన్నమైన ఆసనాల స్టాండ్స్‌ మార్కెట్లో లభిస్తున్నాయి. ఈవెంట్‌ ప్లానర్స్‌ వీటిని మరింత అందంగా రూపుకట్టి మన ముందుకు తీసుకు వస్తున్నారు. ముత్యాలు, రత్నాలు, జరీ, వెల్వెట్, మిర్రర్‌ వర్క్‌ వంటి వాటితో రూపొందించే ఈ ఆసనాలు చిన్న వినాయక విగ్రహాలకు చక్కగా అమరుతున్నాయి. ముఖ్యంగా తక్కువ స్థలంలో పూజ చేసుకునే వారికి ఇవి ఉపయుక్తం కూడా. అందమైన పువ్వులు... ఆర్టిఫిషియల్‌ రోజాలు, మల్లెలు, చామంతులు, పచ్చని ఆకులతో తయారు చేసిన ఆసనం వినాయకుడి చుట్టూ పూల వేదికలా కనిపిస్తుంది. పండుగ తర్వాత ఈ ఆసనం సెట్‌ను స్టోర్‌ చేసుకుంటే ఇతర పూజ లు లేదా ఇంటి అలంకరణ ల్లో ఉపయోగించుకోవచ్చు. ఈ ఆసనాలు కానుక గా ఇవ్వడానికి కూడా బాగుంటాయి.స్థలానికి తగ్గట్టు ... ఫ్లాట్‌లు, అపార్ట్‌మెంట్‌లలో స్థలం పరిమితంగా ఉంటుంది. అందుకు తగినట్టు అలంకరణ చేయాలన్నా అందరికీ కుదరదు. అందుకని, చిన్న సైజు ఆసనాలు మార్కెట్లోకి వచ్చాయి. టేబుల్, షెల్ఫ్‌ లేదా చిన్న పూజా స్థలంలో కూడా వీటిని సులభంగా ఏర్పాటు చేసుకోవచ్చు.సంప్రదాయం.. ఆధునికత... గోల్డ్‌ లేదా కాపర్‌ ఫినిష్‌తో ఉండే ఆర్టిఫిషియల్‌ ఆసనాలు గణేషుడి ప్రతిమకు రాజసాన్ని జోడిస్తాయి. మరోవైపు వుడ్, జూట్, పేస్టెల్‌ పూలతో రూపొందించిన ఆసనాలు మినిమల్‌ హోమ్‌ డెకార్‌ను ఇష్టపడేవారికి నచ్చుతాయి. అయితే ఆసనం ఎంచుకునేటప్పుడు విగ్రహం పరిమాణానికి తగిన సైజు ఉండేలా చూసుకోవాలి. ప్రతిమ ఎంత అందంగా ఉన్నా, దానికి తగిన ఆసనం ఆ అలంకరణకు మరింత ప్రత్యేకతను, ఇంటికి స్పెషల్‌ లుక్‌ తీసుకొస్తుంది. సులభంగా అలంకరణకృష్ణాష్టమి, గణేష్‌ చతుర్ధి, వరలక్ష్మి.. వంటి సంప్రదాయ వేడుకలలో ప్రతిమలకు ఈ డెకార్‌ ఆసనాలు మరింత అందంగా, ఆకర్షణీయంగా ఉంటాయి. ఇవి పూర్తిగా చేతితో తయారు చేసినవి. సులభంగా అమర్చుకోవచ్చు, విడదీసి స్టోర్‌ చేసుకోవచ్చు. పండగ శోభ కోసం తయారు చేసిన ఈ అలంకరణలలో పూసలు, లేసులు, కుందన్స్, మఖమల్‌ క్లాత్‌తో పాటు ఖరీదైన స్టోన్స్‌ కూడా ఉపయోగించి డిజైన్‌ చేస్తున్నాం. – లక్ష్మి సింగ్లా, డెకార్‌ క్రియేషన్స్‌ – నిర్మలారెడ్డి

‘‘మా ‘అత్తమ్మ’, మా ‘నాన్న’... మా ఇంటికి పిల్లర్స్‌’’ అంటున్నారు రష్మికా మందన్నా. మామగారిని నాన్న అని పిలుస్తారామె. ‘దేవరకొండ’ ఇంటి కోడలిగా రష్మిక తొలి వినాయక చవితి పండగని జరుపుకోనున్నారు. మరి... పండగ ప్లాన్‌ ఏంటి? అంటే... ‘‘మా ఫ్యామిలీతో ఎంజాయ్‌ చేయాలను కుంటున్నాను’’ అన్నారు రష్మిక. ‘మిస్‌ రష్మిక’గా ఉన్నప్పుడు విజయ్‌ దేవరకొండ ఇంట్లో జరిగిన పలు వేడుకల్లో రష్మిక పాల్గొన్నారు. ఇప్పుడు ‘దేవరకొండ రష్మిక’గా పండగ చేసుకోవడం ఓ స్పెషల్‌ ఫీలింగ్‌ అన్నారామె. వినాయక చవితి సందర్భంగా ‘సాక్షి’కి ఇచ్చిన స్పెషల్‌ ఇంటర్వ్యూలో ‘దేవరకొండ రష్మిక’ చెప్పిన విశేషాలు...→ మీ ఇంట్లో పండగ ప్లాన్‌లో ఎవరి భాగం ఎక్కువ?అంతా మా అత్తమ్మే. ఇంట్లో ప్రతిదీ తనే ప్లాన్‌ చేస్తారు. నేను ఆమె చేసేవన్నీ జస్ట్‌ అలా ఎంజాయ్‌ చేస్తాను. నేననే కాదు... ఇంట్లో మేం అందరం బాధ్యత అంతా పూర్తిగా అత్తమ్మకే వదిలేస్తాం. అయితే డైట్‌ విషయంలో మేమంతా చాలా జాగ్రత్తగా ఉంటాం. బహుశా పండగ రోజు కూడా డైట్‌ నియమాలను పాటిస్తామేమో. మేం డైట్‌ పాటించినా, పాటించకపోయినా, ఇంట్లో ఏం చేసినా చేయకపోయినా... ఇంట్లో ఏమేం చేయాలో అన్నీ మా అత్తమ్మే చూసుకుంటారు. → మీరు, మీ భర్త... మీ ఇద్దరిలో ఎవరికి భక్తి ఎక్కువ? ఇద్దరికీ... నేను ప్రతి రోజూ ఇంటి నుంచి బయటకు వర్క్‌ మీద వెళ్లేటప్పుడు పూజ చేసుకుని వెళతాను. విజయ్‌ కూడా చేస్తుంటారు. మేం ఇద్దరం గుడికి కూడా బాగా వెళుతుంటాం. భక్తి తాలూకు ఆ అనుభూతిని ఇద్దరం ఆస్వాదిస్తాం. → పండగకు ఇంటిని అలంకరించే విషయం కూడా మీ అత్తమ్మ చెప్పినట్లేనా? అంతే... ఇంట్లో ఎలాంటి సందడి నెలకొన్నా మా అత్తమ్మకే థ్యాంక్స్‌ చె΄్పాలి. మా అత్తమ్మ మా ఇంటికి ‘సూర్య రశ్మి’లాంటివారు. ఇంటిని అలంకరించడం, పిండి వంటలు చేయడం నుంచి పూజ చేయడం వరకూ అన్నీ ఆమే చేస్తారు. ఇంతకు ముందు చెప్పినట్లు మేం ఎంజాయ్‌ చేస్తాం. → మరి... పండగ వేడుకల్లో మీ మామయ్యగారు, మరిది (ఆనంద్‌ దేవరకొండ) భాగస్వామ్యమో? విజ్జు (విజయ్‌ దేవరకొండ), నాన్న, నా, ఆనంద్‌... మా అందరి భాగస్వామ్యం ఈక్వల్‌గా ఉంటుంది.. అయితే ఇంటి సారథి మాత్రం కచ్చితంగా అత్తమ్మే. మేం నలుగురం ఆమె మాట వింటాం... చెప్పినది చెప్పినట్లు నిజాయితీగా చేస్తాం. ఎందుకంటే మేం మా పనుల్లో మునిగిపోతాం... ఎప్పుడూ పరుగులు పెడుతూ ఉంటాం. సో... ఇంట్లో మమ్మల్ని నిలకడగా ఉంచేది మా అత్తమ్మే. అసలు ఆవిడ పనులను ఎంత బాగా చేస్తారంటే... మెచ్చుకోవాలనిపిస్తుంటుంది. అంత బాధ్యతగా ఇంటిని పట్టించుకుంటారు కాబట్టే అత్తమ్మ ఏం చెబితే అది నమ్మి చేసేస్తాం. → ఇప్పుడు దేవరకొండ ఇంటి కోడలిగా పండగలో పాలుపంచుకోబోతున్నారు... ‘మిస్‌ రష్మిక’గా ఉన్నప్పుడు ఆ ఇంటి పూజల్లో పాల్గొన్నారా? పండగలప్పుడు, పూజలప్పుడు మా అత్తమ్మ దగ్గరవాళ్లందర్నీ పిలుస్తారు. ఈ ఇంటి ఆనవాయితీ అది. అలా నన్ను కూడా పిలిచేవారు. నన్ను సొంత మనిషిలా అనుకునేవారు. సో... ‘రష్మిక’లా ఈ ఇంటి వేడుకల్లో నేను చాలాసార్లు పాల్గొన్నాను. → ‘మిస్‌ రష్మిక’గా వెళ్లినప్పుడు ఇప్పుడు ‘మిసెస్‌ విజయ్‌’గా ఆ ఇంట్లో ఉంటున్న మీకు కనిపించిన తేడా? నిజాయితీగా చె΄్పాలంటే... ఏ తేడా లేదు. అప్పటికీ ఇప్పటికీ పెద్దగా ఏమీ మారలేదు. ఒప్పుడు ఓ ఫ్రెండ్‌లా నన్ను ఇంటికి పిలిచేవారు. ఇప్పుడు విజ్జు భార్యగా ఆ ఇంట్లో ఉన్నాను. వ్యక్తులుగా మాలో ఏ మార్పూ లేదు. అయితే ఒక్క విషయం ఏంటంటే... ఆ కుటుంబ సభ్యురాలిగా ఉండటం అనే అనుభూతి వేరు. ఫ్యామిలీ అంతా కలిసి సెలబ్రేట్‌ చేసుకోవడంలో దక్కే ఆనందాన్ని మాటల్లో చెప్పడం కష్టం.→ ఎప్పుడైనా వినాయకుడి బొమ్మను గీశారా?నాకు బొమ్మలు గీయడం అస్సలు రాదు, కానీ రంగులు వేయడం అంటే చాలా ఇష్టం. వినాయకుడి బొమ్మ గీసే అవకాశం ఎప్పుడూ రాలేదు. నాక్కూడా గీయాలనిపించలేదు. ఎందుకంటే నేను ఆ రూపానికి న్యాయం చేయలేనని నా ఫీలింగ్‌. అందుకే అసలు ప్రయత్నం కూడా చేయకూడదనుకున్నాను. కానీ రెండు సంవత్సరాల క్రితం ఎవరో నన్ను మట్టితో వినాయకుణ్ణి తయారు చేయమని అడిగితే కాదన లేక ప్రయత్నం చేశాను. నాకు చేతనైనంతలో బాగానే చేశాను.→ పెళ్లి వేడుకల్లో మీరు కట్టుకున్న చీరలన్నీ బాగున్నాయి... మరి... పండగ రోజు ఏం ప్లాన్‌ చేస్తున్నారు? కచ్చితంగా చీర కట్టుకుంటాను. ఈ పండగ జరుపుకోవడానికి వర్క్‌ నుంచి నాకు కొన్ని గంటలైనా బ్రేక్‌ దొరికితే బాగుండు అను కుంటున్నాను. ఏ రంగు చీర కట్టుకోవాలి, ఏ మెటీరియల్‌ శారీ కట్టుకోవాలనేది ఇంకా డిసైడ్‌ అవ్వలేదు. చాలా ఉన్నాయి... అప్పటికప్పుడు ఏది అనిపిస్తే అది కట్టుకుంటాను.→ ఇటీవల విజయ్‌ ‘సీడ్‌ గణేశా’కి ప్రాధాన్యం ఇవ్వాలంటూ మట్టి వినాయకుడితో దిగిన ఫొటో బయటకు వచ్చింది... అవును... మా ఇంట్లో మేం పర్యావరణాన్ని పరిశుభ్రంగా ఉంచుతాం. రాబోయే తరాలకు సుర క్షితమైన పర్యావరణం ఉండాలి కదా. అందుకు మా వంతు కృషి చేస్తాం. అందుకే ‘ఎకో ఫ్రెండ్లీ’ వినాయకుడిని ఇంటికి తీసుకు వస్తున్నాం. మేమే కాదు... అందరం ఎకో ఫ్రెండ్లీగా పండగ చేసుకుందాం.– డి.జి. భవాని

ఏదైనా సందేహం వస్తే ఏఐని అడుగుతున్నారు.. ఎడాపెడా ఫోటోలు, వీడియోలు జనరేట్‌ చేసుకుంటున్నారు.. చివరికి మూడ్‌ బాగోలేకపోయినా తమ మనసులోని మాటలను ఏఐ చాట్‌బాట్‌ ముందు పెట్టేస్తున్నారు. ముఖ్యంగా యువతలో ఈ అలవాటు క్రమంగా పెరుగుతోంది. అయితే.. మనసు బరువుగా ఉన్నప్పుడు అర్టిఫీషియల్‌ ఇంటెలిజెన్సీతో మాట్లాడటం కూడా అంత సింపుల్‌ విషయం కాదని నిపుణులు హెచ్చరిస్తున్నారు. మనిషితో మాట్లాడేటప్పుడు చాలాసార్లు ఆలోచిస్తాం. మన సమస్య చెబితే ఎదుటివారు ఏమనుకుంటారో.. మనల్ని బలహీనంగా భావిస్తారో.. మన బాధను అర్థం చేసుకుంటారో లేదోనన్న సందేహం ఉంటుంది. ఏఐ విషయంలో మాత్రం అలాంటి సంకోచం ఉండదు. ఎప్పుడు మెసేజ్‌ చేసినా వెంటనే స్పందిస్తుంది. పైగా తీర్పు చెప్పడం లేదన్న భావన కలుగుతుంది. అందుకే బాధ, ఒంటరితనం, ఆందోళన వంటి విషయాలను కూడా ఏఐతో పంచుకోవడం కొందరికి సులభంగా మారుతోంది.యువతలో పెరుగుతున్న వినియోగంతాజాగా.. 12–21 ఏళ్ల వయసున్న వాళ్లపై నిర్వహించిన సర్వేలో ఈ ధోరణి ఎంతవరకు పెరిగిందో వెల్లడైంది. జామా పెడియాట్రిక్స్‌ (JAMA Pediatrics)లో ప్రచురితమైన అధ్యయనం ప్రకారం.. 2025లో 19.2 శాతం మంది మానసిక ఆరోగ్య సలహాల కోసం ఏఐ చాట్‌బాట్‌లను ఉపయోగించారు. వీరిలో దాదాపు 43 శాతం మంది కనీసం నెలకోసారి ఏఐని ఆశ్రయించగా.. 5.8 శాతం మంది రోజూ లేదా దాదాపు ప్రతిరోజూ ఉపయోగించారు. మరో ముఖ్యమైన విషయం ఏమిటంటే.. ఏఐతో మానసిక ఆరోగ్యంపై మాట్లాడుతున్న విషయాన్ని దాదాపు మూడింట రెండొంతుల మంది మరెవరికీ చెప్పలేదు.సమస్య ఎక్కడ వస్తుంది?సాధారణంగా మూడ్‌ బాగోలేకపోయినప్పుడు ఏఐతో మాట్లాడటం వల్ల తప్పనిసరిగా హాని జరుగుతుందని చెప్పలేం. మానసిక ఆరోగ్యంపై సాధారణ సమాచారం తెలుసుకోవడం, రోజువారీ ఒత్తిడిని ఎదుర్కొనే కొన్ని మార్గాలు తెలుసుకోవడం వంటి వాటికి ఏఐ ఉపయోగపడొచ్చు. కానీ పరిస్థితి తీవ్రమైనప్పుడు మాత్రం సమస్య మొదలవుతుంది.తీవ్రమైన నిస్సహాయత, నిరాశ, ఆత్మహత్య ఆలోచనలు వంటి మానసిక సంక్షోభాల్లో ఏఐ ఇచ్చే స్పందనకు పరిమితులు ఉంటాయి. ఏఐ సానుభూతితో స్పందిస్తున్నట్లు అనిపించినా.. అది మనిషి భావోద్వేగ పరిస్థితిని పూర్తిగా అర్థం చేసుకోలేదు. అత్యవసర పరిస్థితిని గుర్తించి ప్రత్యక్షంగా జోక్యం చేసుకోవడం, అవసరమైన చికిత్స లేదంటే సహాయాన్ని వెంటనే అందించడం దాని వల్ల సాధ్యం కాదు.సానుభూతి మాత్రమే సరిపోదు!నిపుణుల ఆందోళనకు మరో కారణం ఉంది. ఇప్పటికే ప్రతికూల ఆలోచనల్లో చిక్కుకున్న వ్యక్తికి ఏఐ స్పందన ఎప్పుడూ సరైన దిశలోనే తీసుకెళ్తుందని హామీ లేదు. కొన్ని సందర్భాల్లో అది నిస్సహాయతను మరింత బలపరచడం, అదే విషయంపై పదేపదే ఆలోచించేలా చేయడం లేదా నిజ జీవితంలో సహాయం కోరడాన్ని ఆలస్యం చేయడం వంటి సమస్యలకు దారితీయొచ్చని నిపుణులు చెబుతున్నారు.ఏఐ వాడండి.. కానీ మనుషుల్ని మర్చిపోవద్దుమానసిక ఆరోగ్యానికి సంబంధించిన ప్రతి సమస్యకు ఏఐ సమాధానం కాదు. స్నేహితుడు, కుటుంబ సభ్యుడు, కౌన్సిలర్‌ లేదంటే మానసిక ఆరోగ్య నిపుణుడితో మాట్లాడటానికి అది ప్రత్యామ్నాయం కాదు. ముఖ్యంగా ఆత్మహత్య ఆలోచనలు లేదా తీవ్రమైన మానసిక సంక్షోభం ఎదురైనప్పుడు ఏఐతోనే సంభాషణ కొనసాగించకుండా.. వెంటనే నమ్మకమైన వ్యక్తిని సంప్రదించడం, అవసరమైతే నిపుణుల సహాయం తీసుకోవడం చాలా ముఖ్యం.బోర్‌ కొడితే ఏఐతో మాట్లాడొచ్చు.. సందేహం వస్తే ఏఐని అడగొచ్చు. ఫొటోలు క్రియేట్‌ చేసుకోవచ్చు. కానీ మనసు కుంగిపోయినప్పుడు మాత్రం ఏఐ ఒక్కటే మనకు తోడుగా మారకూడదు. కొన్ని సందర్భాల్లో ఒక మనిషి పలికే మాట.. ఏఐ ఇచ్చే వంద సమాధానాల కంటే విలువైనదై ఉండొచ్చు.ఇదీ చదవండి: బ్రష్‌ చేశాక కూడా దుర్వాసన వస్తోందా? అయితే..

ఉదయం నిద్ర లేవగానే తెలియకుండానే ఫోన్‌ వైపు చెయ్యి చాచడం ఈ రోజుల్లో అందరికీ ఒక అలవాటుగా మారిపోయింది. కేవలం అలారమ్‌ ఆపడం కోసమే ఫోన్‌ చేతిలోకి తీసుకున్నప్పటికీ! ఆ తర్వాత తెలియకుండానే సోషల్‌ మీడియా స్క్రోలింగ్‌లో మునిగిపోతున్నాం. దీనివల్ల అసలు రోజేప్రారంభం కాకముందే, మనస్సు రకరకాల ఆలోచనలతో నిండిపోయి తీవ్రమైన ఒత్తిడికి గురవుతోందని నిపుణులు చెబుతున్నారు. ఉదయాన్నే ఫోన్‌కే మొదటిప్రాధాన్యత ఇవ్వడం వల్ల, మన రోజు ఒక నెగెటివ్‌ ఆలోచనలు, బలహీనమైన మానసిక స్థితితోప్రారంభమవుతోందట.మంచం దిగకముందే ఫోన్‌ చూడటం వల్ల మన మానసిక శక్తి తగ్గిపోతుందట. అంతేకాదు, ఆ రోజంతా మనం ఏ పని సరిగ్గా చేయలేమని పరిశోధకులు చెబుతున్నారు. మనం నిద్రలేవగానే ఒక్కసారిగా వచ్చే సందేశాలు, ఈ మెయిల్‌లు, సోషల్‌ మీడియా అప్‌డేట్‌లను చూడటం వల్ల శరీరంలో ‘కార్టిసాల్‌’ స్థాయిలు పెరుగుతాయని నిపుణులు చెబుతున్నారు.ఫోన్‌ చూసే ముందు నీళ్లు తాగడం, బాడీ స్ట్రెచింగ్, ఆ రోజు పనులను ప్రణాళిక బద్ధంగా చేసుకోవడం వంటి వాటి కోసం ప్రతిరోజూ ఉదయం కేవలం 20 నిమిషాలు కేటాయిస్తే సరిపోతుందని పేర్కొంటున్నారు. ఫోన్‌కి బదులు అలారం ఉపయోగిస్తే క్రమంగా మొబైల్‌ మీద ఆధారపడే అలవాటు తగ్గుతుందని చెబుతున్నారు.ఇవీ చదవండి: ‘నీకు ఓ విషయం చెప్పాలి.. మళ్లీ ఎవరికీ చెప్పొద్దు!’

‘‘నీకో విషయం చెప్పాలి.. కానీ ఎవరికీ చెప్పకూడదు!’’ ఇలాంటి మాట వినగానే చాలామందికి ఆసక్తి పెరిగిపోతుంది. స్నేహితుల మధ్యైనా, ఆఫీసులోనైనా, కుటుంబంలోనైనా.. మన మధ్య లేని వ్యక్తి గురించి మాట్లాడటం రోజువారీ మాటల్లో ఒక భాగమైపోయింది. అయితే దానిని వెంటనే ‘గాసిప్‌’ అంటూ చెడ్డ అలవాటుగా ముద్ర వేస్తాం. కానీ శాస్త్రవేత్తలు మాత్రం గాసిప్‌ను అంత సులభంగా చెడ్డదిగా చూడటం లేదు. గాసిప్‌ అనేది మనుషుల సామాజిక జీవితంలో ఒక ముఖ్యమైన ΄ాత్ర పోషించే సాధనం కూడా కావచ్చని అంటున్నారు.గాసిప్‌ అంటే సాధారణంగా మనం మన దగ్గర లేని వ్యక్తి గురించి చెడుగా మాట్లాడటం అని అనుకుంటాం.. కానీ ఇతరుల వ్యక్తిగత విషయాలు, నిర్ధారణ లేని వార్తలు, ఇతరుల గురించి నిజానిజాలు తెలుసుకోకుండా వ్యాప్తి చేసే సంభాషణలను కూడా గాసిప్‌ అంటారు.ఎందుకంత కుతూహలం!చాడీలు, రూమర్లు అనేవి కొత్తగా వచ్చిన అలవాటేమీ కాదు. ఎప్పటి నుంచో ఉన్నదే. ఇతరుల గురించి తెలుసుకోవడం, ఎవరు నమ్మదగినవారు? ఎవరి ప్రవర్తన ఎలా ఉంటుంది? ఎవరి మాట నమ్మాలి? వంటి విషయాలు తెలుసుకోవడం సహజంగానే సాగుతుంటుంది. అయితే ఇక్కడే అసలు ట్విస్ట్‌ ఉంది. ఒకరి గురించి సమాచారాన్ని పంచుకుని, ఇతరులను జాగ్రత్తగా ఉండమని హెచ్చరించడం ఒక రకమైన ఉపయోగం కావచ్చు. అదే సమయంలో, ఎలాంటి ప్రయోజనం లేకుండా ఒకరిని బ్లేమ్‌ చేసేందుకు అబద్ధాలు ప్రచారం చేయడం మాత్రం హానికరమైన గాసిప్‌గా మారుతుంది.ఆఫీసుల్లోనూ గాసిప్స్‌‘ఆఫీసులో గాసిప్‌ చేయకూడదు’ అని ఎన్ని నియమాలు పెట్టినా.. ఉద్యోగుల మధ్య అనధికారిక చర్చలు ఉండటం సహజం. ఎవరు బాగా పనిచేస్తున్నారు? ఎవరి మీద నమ్మకం పెట్టుకోవచ్చు? ఎవరు బాధ్యత తీసుకుంటారు? వంటి సమాచారాన్ని ఉద్యోగులు పరస్పరం పంచుకుంటుంటారు. ఇలాంటి సమాచారం కొన్నిసార్లు సహకారాన్ని పెంచవచ్చు. మరికొన్ని సందర్భాల్లో ఇబ్బందుల్లోనూ పడేయవచ్చు. అనుమానాలు సృష్టించడం, నమ్మకాన్ని కోల్పోయేలా చేయడం, సంబంధాలను దెబ్బతీయడం మాత్రమే ఉద్దేశమైతే.. అది హానికరమైనదే.గాసిప్‌ అనేది జీవితంలో ఒక భాగమే అయినప్పటికీ.. పరిశోధనలు సూచించేది ఏమిటంటే.. గాసిప్‌ ఉందా లేదా అన్నది కంటే, దాన్ని మనం ఎలా ఉపయోగిస్తున్నామన్నదే ముఖ్యం. మంచి గాసిప్‌ సమాచారం ఇవ్వొచ్చు.. స్నేహాన్ని బలపరచొచ్చు.. అవసరమైనప్పుడు ఇతరులను జాగ్రత్తపరచొచ్చు. కానీ అవే గాసిప్స్‌ ఒక్కోసారి సంబంధాలను దెబ్బతీయొచ్చు.. నమ్మకాన్ని కోల్పోయేలా చేయొచ్చు.. నష్టం కలిగించవచ్చు.– నిర్వహణ: రమా జంబులఇవి కూడా చదవండి: ప్రాథమిక చికిత్సలో ప్రథములమవుదాం

వాట్సాప్‌లో ఒకరు మెసేజ్‌ పెడతారు. ‘ఈ శనివారం చెక్కేద్దామా?’ ఎక్కడికి వెళ్లాలో చెప్తారు. ఖర్చు అంతా కలిపితే ఆరేడు వందలు. 300 మంది సభ్యులున్న వాట్సాప్‌ గ్రూపు ‘యాత్రా కుటుంబం’లో కనీసం 120 మంది ‘రెడీ’ అంటారు. రెండు బస్సులు మాట్లాడతారు. ఇంకేముంది... అక్క.. అమ్మ... పిన్నీ అంటూ అదొక కుటుంబంగా మారిపోయి ప్రయాణం కడతారు. కేరళ ఆర్‌టీసీ బడ్జెట్‌ యాత్రలు కేరళలో అపరిచితులను కుటుంబాలుగా మారుస్తున్నాయి. ఈ సరికొత్త ‘ట్రావెల్‌ ఫ్యామిలీ’ ట్రెండ్‌ గురించి...‘మనిషన్నాక కూసింత కళాపోషణ ఉండాల’ అనంటాడు రావు గోపాలరావు ఏదో సినిమాలో. చూడబోతే ఈ డైలాగుకు న్యాయం చేసే వాళ్లు కేరళలో మెండుగా ఉన్నట్టున్నారు. ఇంట్లో ముక్కిపోవడం కంటే తక్కువ ఖర్చులో పర్యటనలు చేస్తూ ప్రకృతిని చూసి పులకిస్తూ.... ఎవరికీ ఎవరూ పట్టని ఈ రోజుల్లో ఈ వంకన కొత్త బంధువులను కూడా సిద్ధం చేసుకుంటున్నారు. తిరువనంతపురంలో రెండేళ్ల క్రితం మొదలైన ఒక యాత్ర 300 మందిని ‘యాత్రా కుటుంబం’గా మార్చేసింది.సన్నివేశం: ఒక ఆదివారం ఉదయం. కేరళలోని వాయనాడ్‌ వెళ్లే ప్రభుత్వ బస్సు సీట్‌ నెంబర్‌ 12లో కూర్చుని ఉన్న మేరీకుట్టికి బెరుగ్గా ఉంది. పిల్లలంతా విదేశాల్లో స్థిరపడటంతో, ఇంట్లోని నాలుగు గోడల మధ్యే ఆమె ప్రపంచం ఆగిపోయింది. కాని ఆ రోజు మొదటిసారి ఒంటరిగా బస్సెక్కింది. చుట్టూ ఉన్నవాళ్లంతా ముక్కుమొహం తెలియనివారు. ఏం మాట్లాడాలో తెలియదు. కానీ, ప్రయాణం మొదలయ్యాక పక్క సీటామె ‘కొంచెం ఉ΄్మా తింటావా అక్కా’ అని తన బాక్సు తెరిచింది. ఆ ఒక్క మాటతో ముఖం తెలియని అపరిచితుల మధ్య మాటల వంతెన పడింది.... అన్నీ ఇలాంటి బంధాలే ఈ ‘యాత్రా కుటుంబం’లో.ఇలా మొదలైంది: టూరిజానికి ప్రాధాన్యం ఇచ్చే కేరళ ప్రభుత్వం స్థానికులు కూడా పర్యటనలు చేసేలా ఆర్‌టీసీ కింద ‘బడ్జెట్‌ టూరిజం సెల్‌’ను ఏర్పాటు చేసింది. తక్కువ ఖర్చులో బస్సు మాట్లాడుకుని తిరిగే ఏర్పాటు అది. బడ్జెట్‌ టూరిజం సెల్‌ నుంచి ఒక కోఆర్డినేటర్‌ తోడు వచ్చి యాత్రను సులువు చేస్తాడు. రెండేళ్ల క్రితం తిరువనంతపురం బస్టాండ్‌ నుంచి రెండు బస్సులు అలా అక్కడికి 60 కిలోమీటర్ల దూరంలోని బోనాకాడ్‌ కొండ ప్రాంతానికి బయలుదేరాయి. దానిలో ఉన్నదంతా 60లు దాటిన స్త్రీలు. రిటైర్డ్‌ ఉద్యోగులు. తక్కువ ఖర్చుతో చేసిన ఆ యాత్ర సాయంత్రం వరకూ వారికి ఎంతో ఆనందం పంచింది. కోఆర్డినేటర్‌గా వచ్చిన బస్సు కండక్టర్‌ సజిత్‌ తిరుగు ప్రయాణంలో ‘మీరంతా వాట్సాప్‌ గ్రూప్‌ క్రియేట్‌ చేసుకోండి. ఇలా ప్రయాణాలు చేయొచ్చు’ అని సలహా ఇచ్చాడు. అలా పుట్టిందే ‘యాత్ర కుటుంబం’. అప్పటి నుంచి ఇప్పటి వరకూ ఈ కుటుంబంలో 300 మంది సభ్యులయ్యారు. ప్రతి వీకెండ్‌ ప్రయాణాలు చేస్తున్నారు. మొన్న తిరువనంతపురంలోని మేయంకడవు నది ఒడ్డున వీరంతా ఓనం పండుగ జరుపుకున్నారు. 60 మంది మహిళలు, వృద్ధులు కలిసి పడవ ప్రయాణం చేస్తూ, పాటలు పాడుకుంటూ, క్యాంప్‌ఫైర్‌ వేసుకుని నవ్వులతో రాత్రి గడిపారు. మొన్నటివరకు ఒంటరితనంతో బాధపడిన మేరీకుట్టి ఇప్పుడు ఆ గ్రూప్‌లో అందరికంటే హుషారుగా డాన్స్ చేస్తోంది.పురలిమల కొండల్లో వెన్నెల రాత్రులు! ఈ గ్రూప్‌ చేసే ప్రయాణాలు రొటీన్‌ టూరిస్ట్‌ ప్లేస్‌లలాగా అస్సలు ఉండవు. ‘యాత్ర కుటుంబం’ సభ్యుల్లో లోకల్‌ గైడ్స్‌ ఉండటంతో ఎవరికీ తెలియని అత్యంత సుందరమైన ఆఫ్‌–బీట్‌ లొకేషన్లను ఎంచుకుంటారు. దట్టమైన అడవుల మధ్య ఉండే ‘బొనాకాడు’ బేస్‌ క్యాంప్‌ కొండలు, తెల్లటి పాలధారల్లా జారే ‘కుంభవురుట్టి’ జలపాతాలు, అచ్చన్ కోవిల్‌ నదీ తీరాలు వీరి సొంతం. మొన్నటి ఓనం వేడుకల్లో నదీ తీరాన క్యాంప్‌ఫైర్‌ వేసుకుని వీరంతా కూర్చున్నప్పుడు.. పురలిమల కొండల వెనుక నుండి నిండు చందమామ పైకి వస్తుంటే అందరూ ఒక్కసారిగా చప్పట్లు కొట్టారు. ఆ క్షణంలో వారి కళ్లలో కనిపించిన ఆనందం వందల కోట్ల ఆస్తి ఉన్నా దొరకనిది! అమాయక గిరిజన పల్లెల్లో, చారిత్రాత్మక పునలూరు తూగు వంతెనల మీద వీరు వేసే అడుగులు చూస్తుంటే... ‘మనం కూడా ఇలాంటి గ్రూప్‌ కడితే బాగుంటుంది కదా’ అనే ఆశ పుడుతుంది.వయసుతో పనేముంది? ఈ గ్రూప్‌లో ఉన్నవారంతా రిటైర్డ్‌ ఉద్యోగులు, ఒంటరిగా ఉండే గృహిణులే. మామూలుగా అయితే అయినవాళ్లు వీళ్లని ‘ఇంట్లో విశ్రాంతి తీసుకోండి’ అని కదలకుండా చూస్తారు. కానీ, వీరు మాత్రం ‘మా సెకండ్‌ ఇన్నింగ్స్‌ ఇప్పుడే స్టార్ట్‌ అయింది’ అంటూ రోడ్డు ఎక్కారు. అన్నట్టు ఈ సెప్టెంబర్‌ 12న పెప్పరా వన్యప్రాణి సంరక్షణ కేంద్రంలోని ఒక గిరిజన గ్రామానికి, అలాగే సెప్టెంబర్‌ 25న చొక్రముడి కొండలపై వికసించే ‘నీలకురింజి’ పూల అందాలను చూడటానికీ వీరంతా బస్సెక్కి ప్రయాణం చేయబోతున్నారు.వీరు ఆగేలా లేరు. ఏమంటే ప్రయాణమే ఒక జీవితం, అందులో దొరికే స్నేహాలే అమృతం!

అక్షర జ్ఞానం లేని వారి నుంచి పెద్ద చదువులు చదువుకున్న వారి వరకు... మనలో చాలామందికి అత్యవసర సమయంలో ప్రథమ చికిత్స గురించి అవగాహన అంతంత మాత్రమే! పూర్తిగా వైద్యులపైనే ఆధారపడే పరిస్థితి ఇప్పటికీ ఉంది. ఈ నేపథ్యంలో ప్రాథమిక వైద్యజ్ఞానం ఎప్పటికీ అవసరమే’ అని నాటినుంచి నేటి వరకు ఎన్నో తరాలకు గుర్తు చేస్తోంది ‘వేర్‌ దేర్‌ ఈజ్‌ నో డాక్టర్‌’ పుస్తకం.‘వైద్యుడు లేని చోట’ (హైదరాబాద్‌ బుక్‌ ట్రస్ట్‌ ప్రచురణ) పేరుతో తెలుగు పాఠకులను కూడా పలకరించింది. వరల్డ్‌ ఫస్ట్‌ ఎయిడ్‌ డే సందర్భంగా ఆ పుస్తకం గురించి మరోసారి. దేశవ్యాప్తంగా ఉన్న విద్యార్థులకు ప్రథమ చికిత్స గురించి శిక్షణ తరగతులు నిర్వహిస్తూ, కిట్స్‌ ఇస్తున్న ‘ఎమర్‌ రెడీ’ స్వచ్ఛంద సంస్థ గురించి ఒకసారి...‘వేర్‌ దేర్‌ ఈజ్‌ నో డాక్టర్‌’ అనేది ప్రాథమిక ఆరోగ్య సంరక్షణ మాన్యువల్‌. మెక్సికోలో తనకు ఎదురైన అనుభవాల ఆధారంగా డేవిడ్‌ వెర్నర్‌ 1970లో స్పానిష్‌ భాషలో రాసిన పుస్తకం... డోండే నో హే డాక్టర్‌. ఈ పుస్తకం వందకు పైగా భాషల్లోనికి అనువాదం అయింది. జీవశాస్త్రవేత్త అయిన వెర్నర్, మెక్సికోలోని గ్రామీణ ప్రాంతాలలో పేద ప్రజల ఆరోగ్యం గురించి చాలా కాలం పనిచేశారు. ఎన్నో దేశాలలో ‘మార్పు కోసం ఆరోగ్య విద్య’ అనే అంశంపై వర్క్‌షాప్‌లు నిర్వహించారు. కాలిఫోర్నియాలో ‘హెల్త్‌ రైట్స్‌’ సంస్థ కో–ఫౌండర్‌గా, బోస్టన్‌ యూనివర్శిటీ స్కూల్‌ ఆఫ్‌ పబ్లిక్‌ హెల్త్, డిపార్ట్‌మెంట్‌ ఆఫ్‌ ఇంటర్నేషనల్‌ హెల్త్‌లో అసోసియెట్‌ ప్రొఫెసర్‌గా పనిచేశారు వెర్నర్‌.ఎన్నో చిట్కాలు!‘వేర్‌ దేర్‌ ఈజ్‌ నో డాక్టర్‌’ పుస్తకం అతిసారం నుంచి మలేరియా వరకు ఎన్నో విషయాలను ప్రస్తావించింది. పరిశుభ్రత ప్రాముఖ్యత, ఆరోగ్యకరమైన ఆహారం, ఇంటి చిట్కాలు, ఇంటి చిట్కాలు పనిచేస్తాయో లేదో తెలుసుకునే మార్గాలు, టీకాల ప్రాధాన్యత, అనారోగ్యానికి కారణమయ్యే నమ్మకాలు, ఆరోగ్యాన్ని మెరుగుపరిచే నమ్మకాలు, మేలు చేసే ఔషధ మొక్కలు, తరచుగా గందరగోళానికి గురిచేసే అనారోగ్య సమస్యలు, అంటువ్యాధి కాని వ్యాధులు, థర్మామీటర్‌ను ఎలా ఉపయోగించాలి? అనారోగ్యంతో ఉన్నవారిని ఎలా చూసుకోవాలి, ప్రమాదకరమైన అనారోగ్య లక్షణాలు, వైద్యసహాయం ఎప్పుడు, ఎలా పొందాలి, మందులు లేకుండా చికిత్స చేసుకోవడం, నీటితో చికిత్స, మందుల వాడకానికి మార్గదర్శకాలు... ఇలా ఎన్నో విషయాలు ఈ పుస్తకంలో కనిపిస్తాయి.స్పష్టంగా, సంక్షిప్తంగా, సులభంగా...స్పష్టమైన, సంక్షిప్త సమాచారం ఈ పుస్తకం బలం. కామిక్‌ పుస్తకంలా చదవడానికి సులభంగా ఉంటుంది. ప్రాథమిక వైద్యానికి సంబంధించి మీ నైపుణ్యం తక్కువగా లేదా ఎక్కువగా ఉన్నప్పటికీ మీ పరిమితులకు లోబడి పనిచేస్తే మంచి ఫలితాలు అందుతాయి. ఏం చేయలి, ఏం చేయకూడదు, అనేదానిపై స్పష్టమైన అవగాహన ఉండాలి. అనవసరమైన రిస్క్‌ తీసుకోకండి. ఏమీ చేయకపోతే ప్రమాదం ఉందని అనిపించినప్పుడు మాత్రం మీకు గట్టిగా నమ్మకం ఉన్న పద్ధతిని అనుసరించడానికి వెనకాడకండి’ అంటుంది ఈ పుస్తకం.ఎమర్జెన్సీలో ఎమర్‌ రెడీమూడు సంవత్సరాల క్రితం... ఫుట్‌పాత్‌పై నడుచుకుంటూ వెళుతున్న ఒక వృద్ధుడు ఒక్కసారిగా కుప్పకూలిపోయాడు. ఇది చూసిన ప్రచేతస్‌ యెరి అనే యువకుడు సహాయం కోసం కేకలు వేశాడు. 30 నిమిషాలకుగానీ అంబులెన్స్‌ రాలేదు. ఈ సంఘటన అతడిని ఒక వాస్తవాన్ని అర్థం చేసుకునేలా చేసింది. చాలామందికి అత్యవసర పరిస్థితులలో ఏంచేయాలో, ఏం చే యకూడదో తెలియదు. చాటా టెన్షన్‌ పడుతుంటారు. స్పృహ కోల్పోయిన వారికి చికిత్స చేయడం, సీపీఆర్, ఊపిరాడనప్పుడు సహాయం చేయడంలాంటి ప్రాథమిక చికిత్స పరిజ్ఞానం చాలామందిలో ఉండడం లేదు. దీన్ని దృష్టిలో పెట్టుకొని పాఠశాల విద్యార్థులకు ప్రాథమిక చికిత్స పరిజ్ఞానాన్ని అందించే ‘ఎమర్‌ రెడీ’ అనే స్వచ్ఛంద సంస్థకు శ్రీకారం చుట్టాడు ప్రచేతస్‌. ఈ సంస్థ బెంగళూరు కేంద్రంగా పనిచేస్తోంది.శిక్షణ తరగతులలో...‘పేద పిల్లలు అత్యవసర పరిస్థితులలో భయాందోళనలకు గురి కాకుండా ఆత్మవిశ్వాసంతో ధైర్యంగా ఉండేలా చేయడమే ఎమర్‌రెడీ లక్ష్యం’ అంటున్నాడు ప్రచేతస్‌. ప్రభుత్వ పాఠశాలలు, స్థానిక స్వచ్ఛంద సంస్థలతో కలిసి పనిచేస్తోంది ఎమర్‌రెడీ. కథలు చెప్పడం నుంచి వీడియోలు ప్రదర్శించడం వరకు ఆసక్తికరమైన పద్దతులలో శిక్షణ తరగతులు నిర్వహిస్తున్నారు. ఎమర్‌రెడీ ఇంటరాక్టివ్‌ లెర్నింగ్‌ విధానానికి మంచి స్పందన వచ్చింది. గాయాలు, ఎముకలు విరగడం, స్పృహ కోల్పోవడం, పాము, తేలు కాటు... మొదలైన సందర్భాలలో తీసుకోవాల్సిన జాగ్రత్తలు, చికిత్స గురించి శిక్షణ తరగతులలో వివరిస్తారు. భాషా అవరోధాలను అధిగమించడానికి ప్రాంతీయ భాషలలో శిక్షణ ఇస్తున్నారు.పాఠ్యాంశాలలో ప్రథమ చికిత్సబ్యాక్‌΄్యాక్‌లలో ఇమిడిపోయేంత చిన్నగా ఉండే, పదునైన వస్తువులు లేని, సురక్షితమైన కాంపాక్ట్‌ ప్రథమ చికిత్స కిట్లను పిల్లలకు ఇస్తారు. వీటిని పిల్లలు ఎక్కడికైనా తీసుకెళ్లవచ్చు. ఈ కిట్లు ఇప్పటికే ఎంతోమందికి ఎన్నో రకాలుగా ఉపయోగపడాయని ఉపాధ్యాయులు తెలియజేశారు. చిన్న అడుగులతో మొదలైన ‘ఎమర్‌రెడీ’ జాతీయ, అంతర్జాతీయ స్థాయిలో గుర్తింపు పొందడం విశేషం. ఐక్యరాజ్య సమితి ‘యూత్‌ యాక్టివేట్‌ ఇంపాక్ట్‌ సమ్మిట్‌లో మన దేశం నుంచి ప్రాతినిధ్యం వహించిన ప్రచేతస్‌ పాఠశాలల పాఠ్యాంశాలలో ప్రథమచికిత్సను తప్పనిసరి పాఠంగా చేర్చాలనే సూచించాడు.భవిష్యత్‌ ప్రణాళికస్పృహ కోల్పోవడం, ఊపిరాడక పోవడం...ఇలాంటి పరిస్థితిలో సరైన సమయంలో ప్రాథమిక చికిత్స అందకపోవడం వల్ల ప్రాణహాని జరుగుతుంది. ‘అత్యవసర పరిస్థితులలో పిల్లలే ఆపద్భాందవులు. వైద్యుల సహాయం అందేలోపు బాధితులకు ప్రాణహాని తలెత్తకుండా చూడగలరు’ అంటుంది ఎమర్‌రెడీ.‘ఎమర్‌ రెడీ’కి స్పష్టమైన భవిష్యత్‌ ప్రణాళిక ఉంది. దీని ప్రకారం... దేశవ్యాప్తంగా పాఠశాలలో ‘ఎమర్‌రెడీ’ కార్యక్రమాలను విస్తరించడం ఆన్‌లైన్‌లో సెల్ఫ్‌–గైడెడ్‌ వీడియో ట్రైనింగ్‌ మాడ్యూల్స్‌ ప్రారంభించడం సెల్ఫ్‌–సస్టెయినింగ్‌ వాలంటీర్‌ నెట్‌వర్క్‌ను నిర్మించడం వంటివి ఇందులోని అంశాలు.

ఇటీవల కాలంలో చాలామంది సంపాదన, పిల్లలను సెటిల్‌ చేయడం వంటి ఉరుకుల పరుగుల జీవితం వద్దంటూ ప్రకృతితో ఉండటానికి ఇష్టపడుతున్నారు. కొందరు ఆ క్రమంలో ప్రయాణాలు చేస్తుంటే ఇంకొందరు మాత్రం గజిబిజి వాతావరణం మాకే కాదు మా పిల్లలకు వద్దు అంటూ మన పూర్వీకుల జీవిన విధానంలో బతికి చూపిస్తూ..మర్చిపోతున్న లేదా విస్మరిస్తున్న అద్భుత పేరెంటింగ్‌ పాఠాలను గుర్తు చేస్తున్నారు. ఆ కోవకు చెందినవారే ఈ దంపతులుఆ దంపతులే ఉత్తరాఖండ్‌కు చెందిన ఆదిత్య, గరిమలు. ఈ జంట ఉత్తరాఖండ్‌లో మారుమూల గ్రామం బస్‌గావ్‌లో నివశిస్తూ..అన్ని రకాల ఒత్తిళ్లు, కాలుష్యంకు దూరంగా ప్రశాంత జీవితాన్ని అనుభవిస్తున్నారు. చెప్పాలంటే వారు కోరుకున్న కలల జీవితంలో ఆనందంగా గడుపుతున్నారు. తమ బిడ్డకు కూడా నో స్కూల్‌, నో స్క్రీన్‌, నో సిలబస్‌ వంటి ఎలాంటి ఒత్తిడులు దరిచేరనీకుండా ప్రకృతితో మమేకమయ్యేలా పెంచుతున్నారు. ఆ చిన్నారి ప్రతీదీ సహజసిద్ధంగా నేర్చుకునేలా పెంచుతున్నారు. అంతకుముందు ఈ దంపతులు జీవన విధానం ఎలా ఉండేదంటే..సిమ్లాలోని ఒక మధ్యతరగతి కుటుంబంలో పుట్టి పెరిగిన ఆదిత్య, కార్పొరేట్ రంగంలో ఉన్నత స్థానాలకు ఎదగడమే విజయానికి కీలకం అని నమ్మేవారు. ఆ నేపథ్యంలోనే ఆదిత్య ఫ్యాషన్‌ మేనేజ్‌మెంట్‌ చేయడం కోసం ఢిల్లీకి వెళ్లాడు, అక్కడ గరిమను కలిశాడు. గ్రాడ్యుయేషన్‌ పూర్తి చేశాక, గరిమకు మంచి ఉద్యోగం లభించింది, శిక్షణ కోసం ప్రపంచమంతా పర్యటించే అవకాశం కూడా దొరికింది. అయితే ఆ ఆనందం ఎంతోసేపు నిలువలేదు, తీవ్రమైన ఒత్తిడి బారినపడింది. ఇక 2015లో ఆదిత్య ఉద్యోగ రీత్యా ఈ జంట వివాహం చేసుకుని సింగపూర్‌కు వెళ్లిపోయారు. అక్కడ గరిమ తన ఉద్యోగాన్ని వదిలేసి, బాలల మనస్తత్వ శాస్త్రం(చైల్డ్ సైకాలజీ) చదవడంపై దృష్టి సారించింది. ఆ సబ్జెక్టులో మరింత లోతుగా పరిశోధన చేయడంతో కార్పొరేట్‌ లైఫ్‌ జీవితాలను ఎలా నాశనం చేస్తుందో గ్రహించారు. దాంతో ఇద్దరు చాలా పెద్ద నిర్ణయం తీసుకున్నారు. 33 ఏళ్లకే ఆదిత్య ఉద్యోగాన్ని వదిలేసి గర్భవతిగా ఉన్న గరిమను తీసుకుని ఉత్తరాఖండ్‌కి వచ్చేశాడు. ప్రకృతి మూలికలకు స్వస్థపరిచే శక్తి, ప్రకృతి ఆధారిత పాఠశాల విద్య వారి జీవితాలను ఎంతలా తీర్చిదిద్దుతాయో అనుభవపూర్వకంగా తెలుసుకున్నారు. అంతేగాదు వారి కూమారుడు వేదాస్‌ ఇప్పటి వరకు ఏ పాఠశాలకు వెళ్లలేదు, అతని ప్రాథమిక విద్య అంతా ప్రకృతి నుంచే స్వయంగా నేర్చుకున్నాదే. సూర్యోదయంతో మేల్కోవడం నుంచి పక్షుల కిలకిలరావాలు, వర్షపు వాసన వంటివి స్వయంగా అనుభవిస్తాడు, తనే తెలుసుకుంటాడని చెబుతున్నారు ఆదిత్య గరిమ దంపతులు. అంతేగాదు ఆ చిన్నారే స్వయంగా మొక్కలు నాటుతాడు, కంపోస్ట్‌ కూడా తయారు చేస్తాడని అన్నారు. అతను మట్టితో చిత్రాలు గీస్తాడు, నేర్చుకుంటాడని చెప్పుకొచ్చారు. అలాగని తామేమి పరీక్షలకు వ్యతిరేకం కాదని, వాళ్లని గుడ్డిగా ఒత్తిడికి గురిచేయడాన్ని నిరాకరిస్తామని అన్నారు. తమ బిడ్డ వేగంతో నేర్చుకుంటూ ఉత్సుకతతో ఉండటమే గాక ప్రకృతి తన రోజువారి జీవితంతో బలమైన అనుబంధం కలిగి ఉండాలని ఆశిస్తున్నారు. చెప్పాలంటే..చిన్నారులు ప్రతి విషయాన్ని విశ్వంతో స్వయంగా అనుభవిస్తూ నేర్చుకున్న జ్ఞానం, అద్భుతాలు, ఆవిష్కరణాలకు దారితీస్తుందని తమ జీవన విధానంతో చెప్పకనే చెబుతున్నారు. నెటిజన్లు కూడా ఆ దంపతుల ధైర్యానికి మెచ్చుకుంటూ..చక్కటి ముందడుగు వేశారంటూ ప్రశంసిస్తూ పోస్టులు పెట్టారు. View this post on Instagram A post shared by Humans of Bombay (@officialhumansofbombay) (చదవండి: యూట్యూబ్‌ సాయంతో శాండ్‌విచ్‌ తయారీ..ఇవాళ ఏకంగా..!)

సన్ పిక్చర్స్ అధినేత, 'DC' చిత్ర నిర్మాత కళానిధి మారన్ తన ఉదారతతో అందరి మనసులను గెలుచు కున్నారు. రూ. 100 కోట్లకు పైగా వసూళ్లను సాధించిన ఘనవిజయాన్ని పురస్కరించుకుని స్టార్ డైరెక్టర్ లోకేశ్ కనగరాజ్ టర్న్డ్‌ నటుడు లోకేష్ కనగరాజ్, దర్శకుడు అరుణ్ మాథేశ్వరన్, సంగీత దర్శకుడు అనిరుధ్ రవిచందర్‌లకు ఖరీదైన 'BMW iX1 LWB' కార్లను బహుమతిగా అందించారు. నిర్మాత్‌ ఇచ్చిన ఈ సర్‌ప్రైజ్‌కు సంబంధించిన వీడియో ఇప్పుడు నెట్టింట వైరల్‌గా మారింది. మరోవైపు సినిమా విజయంలో కీలకమైన తన పాత్రకు 100 శాతం న్యాయం చేసిన వామికా గబ్బికి గిప్ట్‌ ఇవ్వకపోవడంపై సోషల్‌ మీడియాలో తీవ్ర చర్చ నడుస్తోంది.సుమారు రూ. 25 కోట్ల బడ్జెట్‌తో తెరకెక్కిన ఈ తమిళ యాక్షన్ చిత్రం ప్రపంచవ్యాప్తంగా రూ. 100 కోట్లకు పైగా గ్రాస్ వసూలు చేసి బ్లాక్‌బస్టర్‌గా నిలిచింది. దీంతో నిర్మాత కళానిధి మారన్ ఈ ముగ్గురికీ అందించిన BMW కార్ల మొత్తం విలువ రూ. 1.5 కోట్లకు పైగానే ఉంటుంది. ఒక్కో కారు ఆన్-రోడ్ ధర సుమారు రూ. 49 లక్షల నుండి రూ. 55.81 లక్షల వరకు ఉంది.మరి వామికా గబ్బికి ఏది?ఒకవైపు నెటిజన్లు కళానిధి మారన్ చేసిన ఈ పనిని ప్రశంసిస్తుంటే, మరొకవైపు సోషల్ మీడియాలో ఒక వర్గం ప్రశ్నలు గుప్పిస్తోంది. సినిమాలో కథానాయికగా 'చంద్ర' పాత్రలో అద్భుతంగా నటించిన వామికా గబ్బికి ఎందుకు కారు బహుమతిగా ఇవ్వలేదని నెటిజన్లు ప్రశ్నిస్తున్నారు. "వామికా గబ్బికి న్యాయం చేయాలి", "చంద్ర పాత్రకు కూడా ఈ బహుమతి దక్కాల్సిందే" అంటూ పలువురు కామెంట్లు చేశారు. నటులతో సమానంగా, అంతకంటే మెరుగ్గా నటించి ప్రేక్షకులను థియేటర్లకు రప్పించడంలో కీలక పాత్ర పోషించిన మహిళా నటీమణుల గుర్తించి, వామికాకు కూడా కారును గిఫ్ట్‌గా ఇవ్వాలని ఎక్స్ (ట్విటర్) లో ఒక యూజర్ కోరారు. View this post on Instagram A post shared by Citifox Media (@citifoxmedia) కాగా అరుణ్ మాథేశ్వరన్ దర్శకత్వంలో దర్శకుడు లోకేష్ కనగరాజ్ నటుడిగా అరంగేట్రం చేసిన ఈ చిత్రంలో వామికా గబ్బి, సంజనా కృష్ణమూర్తి, ముఖ్య పాత్రల్లో నటించారు. ఇదీ చదవండి: కాబోయే భార్యని ఇంప్రెస్‌ చేద్దామని, ఏఐతో ఏకంగా..!

అల్లోపతి వైద్యం అందుబాటులో లేనప్పుడు వృక్ష వైద్యమే శరణ్యమనే రోజుల్లో చిటిమిటి పండ్ల చెట్లకు అపారమైన ఆదరణ ఉండేది. ఈ చెట్టుకు ప్రాంతాల వారీగా పైన తెలిపిన పేర్లున్నాయి. ఈ పండు చెట్టు అన్ని భాగాలు ఉపయోగపడతాయి. గార్డినియా జినస్‌లో దాదాపు 250 పుష్పించే జాతులులు ఉన్నాయి. అందులో ఇది ఒకటి. ఉనికి... చిటిమిటి స్వస్థలం భారత ఉప ఖండం ముఖ్యంగా ఉష్ణ మండలపు ఆకులు రాల్చే అడవులలో విరివిగా పెరుగుతుంది. ఆఫ్రికా, ఆసియా, మడగాస్కర్, పసిఫిక్‌ ద్వీపాలు, ఆస్ట్రేలియాలో ఈ చెట్లు ఉన్నాయి. ఈ చెట్టు అంత పెద్దగా పెరగదు. నేలను బట్టి దాదాపు 3–5 మీటర్ల ఎత్తు వరకు పెరుగుతుంది. కాబట్టి పెరటిలో పెంచుకోవటానికి అనుగుణంగా ఉంటుంది. చిటిమిటి చెట్లు తెలుగు రాష్ట్రాలలోని అడవులు ముఖ్యంగా చిత్తూరు, ప్రకాశం, కడప, కర్నూల్, విశాఖపట్టణం, తెలంగాణలోని నాగరకర్నూల్, ఆదిలాబాద్, వరంగల్, నల్గొండ తదితర జిల్లాల అడవుల్లో ముఖ్యంగా నల్లమల అడవుల్లో విరివిగా ఉన్నాయి. కర్ణాటకలో (అన్ని జిల్లాల్లో), ఒరిస్సా (గంజాం, మయూర్‌ బంగ్, అంగూల్, కాలహండి, సంబాల్‌పూర్‌ జిల్లాల్లో), తమిళనాడు (ఇంచుమించు అన్ని జిల్లాల్లో) ఉన్నాయి. కేరళ (ఇడుక్కు జిల్లాలో) ఇతర రాష్ట్రాల్లో కూడా ఉన్నాయి కానీ తక్కువ.చిటిమిటి ప్రయోజనాలు చిటిమిటి చెట్టు అన్ని భాగాలూ ఉపయోగపడతాయి. కాబట్టి నిరంతర పరిశోధన ప్రాంతాల వారీగా చేస్తే ఎంతో మేలు చేకూరుతుంది. ఎందుకంటే దేశం నలుమూలల అడవుల్లో దీని ఉనికి ఉన్నది. కలప వంట చెరకుగా వాడొచ్చు. వాసాలు (పోల్స్‌) గా పందిళ్ళకు వాడవచ్చు. దీని బెరడు, జిగురు ఆయుర్వేదంలో అనేక మందుల తయారీలో ఉపయోగిస్తారు. ఈ పండ్లను ఆయుర్వేద వైద్యంలో వాడతారు. పండు రుచిగా ఉంటుంది, నేరుగా తినవచ్చు. పండ్ల గుజ్జులో యాంటిమైక్రోబియల్, యాంటి రాడికల్, కీటకనాశిని గుణాలు ఉన్నాయి. ఆకుల కషాయంలో కూడా కీటక నాశిని, యాంటీ మైక్రోబియల్‌ విలువలు ఉన్నాయి. ఆయుర్వేద మందులు ముఖ్యంగ రక్త విరేచనాలకు, విరేచనాలకు ఈ చెట్టు భాగాలను ఉపయోగిస్తారు. మందులు బాగా పనిచేస్తాయి. కడుపు ఉబ్బరానికి దీనితో చేసిన మందు దివ్య ఔషధంగా చెప్పవచ్చు. కడుపులో మంటకు కూడా దీనితో చేసిన మందులు వాడితే నయమతుంది. అజీర్తిని కూడా దూరం చేస్తుంది. ఆకులు, పండ్లను ఆరనిచ్చి, పొడి చేసి దాన్ని వాడితే విత్తనం ద్వారా సోకే ఫంగస్‌ను అరికట్టవచ్చని నిరూపితమైంది. కీటకాల మీద మంచి ప్రభావం చూపించటం వల్ల దీన్ని కీటకనాశినిగా కూడా వాడవచ్చు (ఇజ్చిnఛీట్చ – ఝ్చజ్ఛిటజి, 2013).ఔషధ గుణాలుచిటిమిటి చెట్టు భాగాలతో చేసిన మందు యాంటిసెప్టిక్‌ గుణం కలిగి ఉంటుంది. అదేవిధంగా కఫం, వాత దోషాలను దూరం చేస్తుంది. ఇది మంచి పెయిన్‌ కిల్లర్‌. పుండ్లను నయం చేయటంలో దోహదకారిగా పని చేస్తుంది. చర్మ రోగాలను నయం చేస్తుంది. నట్టలను పారదోలుతుంది. దగ్గు నుంచి ఉపశమన పరుస్తుంది, ఆస్తమాను దూరం చేస్తుంది. ఇది గుండె, లివరు, ప్లీహాన్ని ఉత్తేజపరిచి చక్కటి దారిలో ఉంచుతుంది. జ్వరాలను తగ్గించి శరీర ఉష్ణోగ్రతలను లయబద్ధంగా ఉంచుతుంది. ఈ చెట్టు నుంచి జిగురు వస్తుంది. దాన్ని వైద్యం, ఇతర మందుల్లో పనికి వస్తుంది. జిగురుతో చేసిన చూర్ణాన్ని తేనెలో కలుపుకొని పండ్లు తోముకుంటే పంటి, చిగుళ్ళ సమస్యను కూడా తగ్గించుకోవచ్చు. చూర్ణం పుండ్లపైన రాస్తే పైన చీము పట్టకుండా చేసి పుండ్లు త్వరగా మానటానికి దోహదం చేస్తుంది. ఈ పండ్లను మధుమేహం ఉన్న వారు కూడా తినవచ్చు. చిటిమిటి పండ్లు అందరూ తినదగినవి, రుచికరమైనవి. ఆటుపోట్లను తట్టుకున్న జాతులుచిటిమిటి చెట్లు అనేక రాష్ట్రాల్లో ఉన్నప్పటికి నల్లమల అడవుల్లో ఉన్న చిటమిటికి కొంత వ్యత్యాసం ఉంటుంది. ఎందుకంటే ముఖ్యంగా ఇక్కడి వాతావరణంలో మార్పులు ఇక్కడ పెరుగుతున్న వృక్షజాలాన్ని ఎన్నో ఆటుపోట్లకు గురిచేశాయి. తీవ్ర నీటి ఎద్దడిని తట్టుకొన్న ఈ జాతి చెట్లను కాపాడుకోవటం అత్యవసరం. వీటిలో మెరుగైన పోషక, ఔషధ విలువలు ఉన్నందున వీటి పండ్లను అందుబాటులోకి తెచ్చే విధంగా పరిశోధనలు చేపట్టాలి. ఈ అరుదైన అటవీ పండ్ల జాతుల సంపదను పెంచగలిగితే లాభసాటిగా ఉంటుంది. చిటిమిటి పెరటి చెట్టుగా మారితే ఆ ఇంట్లో వారి ఒంట్లో పోషక లోపాలు తీరినట్లే భావించవచ్చు. డాక్టర్‌ మొరుపోజు పద్మయ్య,విశ్రాంత ప్రధాన శాస్త్రవేత్త, ఐసీఏఆర్‌ – ఐఐఓఆర్, రాజేంద్రనగర్, హైదరాబాద్‌.మొబైల్‌: 94407 08924నిర్వహణ: పంతంగి రాంబాబు, సాక్షి సాగుబడి డెస్క్‌ (చదవండి: పురుగులను అరికట్టే జిగురు అట్టలు)

వ్యాపారంలో ఎదురు దెబ్బలు తగలగానే మనకు ఇది సూట్‌ కాదని వదిలేస్తాం. కొందరు వైఫల్యం, ఎదురుదెబ్బల్ని..గొప్ప సక్సెస్‌ని అందించే పాఠాలుగా తీసుకుంటారు. అలా సానూకూల దృక్పథంతో ముందుకు సాగి ఆహార వ్యాపారంలో లక్షల్లో డబ్బుని ఆర్జిస్తూ శెభాష్‌ అనిపించుకుంటున్నాడు ఈ యువకుడు.అతడే అభిషేక్‌ సాహు. ఈ యువకుడు వైఫల్యాన్ని వ్యాపార ప్రస్థానానికి ముగింపు కాదని నమ్మాడు. చివరికి అతడి నమ్మకమే నిజమైంది. నిజానికి సాహు 15 ఏళ్ల క్రితం భోపాల్‌ వెళ్లి ఇంటర్నెట్‌ కేఫ్‌ని ప్రారంభించాడు. అయితే ఆ వ్యాపారం ఏడాదిలోపే మూతపడింది. అయితే సాహు వ్యాపారం తన వల్ల కాదని అగిపోకోకుండా మరో వ్యాపార ప్రయత్నం ప్రారంభించాడు. మరోసారి తన అదృష్టం పరీక్షించుకోవాలన్న కృత నిశ్చయంతో ఈ సారి రూ. 30 వే పెట్టుబడితో చిన్న శాండ్‌విచ్‌ బండిని ప్రారంభించాడు. నిజానికి ఆహార వ్యాపారంలో అనుభవము లేదు ..ఆ వంటకం తయారీ కూడా రాదు. అయితే సాహు యూట్యూబ్‌ సాయంతో శాండ్‌ విచ్‌ తయారీల గురించి తెలుసుకుని మరి ఈ వ్యాపారం ప్రారంభించాడు. హరిహర్‌ శాండ్‌విచ్‌ అనే పేరుతో బిజినెస్‌ ప్రారంభించాడు. క్రమంగా పుంజుకుంటూ లాభాల బాట పట్టడం మొదలైంది. ఇవాళ ఆ వ్యాపారం వారాపు రోజుల్లో దాదాపు 600 శాండ్‌విచ్‌లు అమ్ముతుండగా, వారాంతాల్లో ఏకంగా వెయ్యికి పైగా శాండ్‌విచ్‌లు అమ్ముడవ్వడం విశేషం. ఈ వ్యాపారం నెలకు సుమారు రూ. 25 లక్షలు టర్నోవర్‌ ఆర్జిస్తోంది. విఫలమైన ఇంటర్నెట్‌ కేఫ్‌ నుంచి ఏకంగా రూ. 25 లక్షలు ఆర్జించే స్ట్రీట్‌ ఫుడ్‌ వ్యాపారం నడిపే రేంజ్‌కి అంటే ఇది నిజంగా స్ఫూర్తిదాయకమైన విజయం కదూ. అయోధ్య బైపాస్‌ రోడ్డులోని మినాల్‌ రెసిడెన్సీ వద్ద ఉన్న ఈ పిజ్జా బండి వద్దకు పెద్ద సంఖ్యలో జనాలు వస్తుంటారు. సందర్శకులు కనీసం 30 నుంచి 50 నిమిషాలు వెచ్చించి మరి వాటి రుచి కోసం వెయిట్‌ చేస్తుంటారంటే..ఎంతగా సాహు వ్యాపారం పేరుగాంచిందో తెలుస్తోంది కదూ. అంతేగాదు అతని సోదరుడు దీపక్‌ సాహు కూడా ఈ వ్యాపారంలో సాయం అందిస్తుంటాడట. ఈ ప్రేరణాత్మక స్టోరీని ప్రథమ్‌ అనే యూజర్‌ సోషల్‌ మీడియా వేదకగా షేర్‌ చేయడంతో నెట్టింట వైరల్‌గా మారింది. This is Abhishek Sahu.15 years ago, he moved to Bhopal and started an internet café. It shut down within a year.He then took a ₹30,000 loan and started a small sandwich cart after learning recipes on YouTube.Today, Hari Har Sandwich sells:⁰• 600+ sandwiches on weekdays… pic.twitter.com/mwjGaaChuU— Pratham (@CapitalLens_) September 1, 2026 (చదవండి: అర ఎకరం..ఏడాదికి రూ. 80 లక్షలు!)

పదహారేళ్ల వయసులో సకమ్మకు పెళ్లి జరిగింది. పెళ్లయిన కొద్దికాలానికే ఆమె భర్త మరణించారు. ఇల్లు దాటి బయటకు అడుగు పెట్టడానికి మహిళలు సంకోచించే కాలంలో, ఉద్యోగం చేయాలనే ఆలోచన ఊహకు కూడా రాని కాలంలో ఒంటరి ప్రయాణం మొదలు పెట్టారు సకమ్మ. ‘నేను ఒంటరి కాదు. నా వెనక వేలాది సకమ్మలు ఉన్నారు’ అనుకొని వ్యాపార ప్రస్థానం ప్రారంభించారు. కాఫీతోటల యజమానురాలిగా, ప్రసిద్ధ ‘సకమ్మ కాఫీ వర్క్స్‌’ బ్రాండ్‌ సృష్టికర్తగా, సామాజిక సేవకురాలిగా చరిత్ర పుటల్లో నిలిచారు..బెంగళూరు సంస్కృతిలో కాఫీ విడదీయరాని భాగం. బెంగళూరు వాసుల కాఫీ ప్రేమకు పునాది వేసిన వారిలో ఒకరు... దొడ్డమనే సకమ్మ. ఆ పేరు చెబితే ఆమె ఎవరికీ తెలియదు కానీ ‘కాఫీ పొడి సకమ్మ’ అంటే వెంటనే గుర్తుపడతారు. సకమ్మ కాఫీతోటల యజమానురాలు మాత్రమే కాదు పరోపకారి కూడా. వ్యాపరరంగంలో మహిళలకు అవకాశాలు పరిమితంగా ఉన్న కాలంలో విజయవంతమైన కాఫీ సామ్రాజ్యాన్ని నిర్మించారు.వెనకడుగు వేయకుండా! కర్నాటక తుమకూరు జిల్లాలోని బిదరే గ్రామంలో 1880లో జన్మించారు సకమ్మ. చిన్న వయసులోనే చదువు ప్రాముఖ్యతను గుర్తించారు. మైసూరు సంస్థానంలో విద్యావంతులైన కొద్దిమంది యువతులలో ఆమె ఒకరు. పదహారేళ్ల వయసులో కూర్గు ప్రాంతానికి చెందిన కాఫీ తోటల యజమాని చిక్కబసప్ప శెట్టితో సకమ్మ వివాహం జరిగింది. అయితే, వివాహమైన కొద్దికాలానికే భర్త మరణించడంతో కుటుంబానికి చెందిన కాఫీ తోటలను నిర్వహించే భారీ బాధ్యత సకమ్మపై పడింది. ఆ కాలంలో మహిళలపై సామాజిక ఆంక్షలు ఉన్నప్పటికీ ఆమె వెనకడుగు వేయలేదు. తన ఊరు నుంచి బెంగళూరు వెళ్లారు. ఎంటర్‌ప్రెన్యూర్‌గా తొలి అడుగులు వేశారు.సకమ్మ కాఫీ వర్క్స్‌... సూపర్‌ హిట్‌! బసవగుడిలోని బుల్‌టెంపుల్‌ సమీపంలో ‘కాఫీ క్యూరింగ్‌ అండ్‌ పౌడరింగ్‌ యూనిట్‌’ను స్థాపించారు సకమ్మ. ఆ సమయంలో కాఫీ ప్రాసెసింగ్‌కు అవసరమైన ఎన్నో యంత్రాలను దిగుమతి చేసుకోవాల్సి వచ్చింది. కాఫీ గింజలను వేయించడానికి, పౌడర్‌ చేయడానికి, ప్యాకింగ్‌ చేయడానికి ఆనాటి ఆధునికత సాంకేతికత పరికరాలపై ఆధారపడ్డారు.కాఫీ ప్రాసెసింగ్‌ను వినియోగదారులకు మరింత చేరువ చేయాలనే సకమ్మ లక్ష్యం ఆమె వ్యాపార ప్రస్థానంలో మైలురాయిగా మారింది. సకమ్మ కాఫీ పొడి ‘సకమ్మ కాఫీ వర్క్స్‌ బ్రాండ్‌’తో మార్కెట్‌లోకి వచ్చింది. రుచి, నాణ్యత కారణంగా ‘సకమ్మ కాఫీ వర్క్స్‌’ ఇంటింటా సుపరిచితమైంది. నగరంలోని వివిధ ప్రాంతాలలో అమ్మకపు కేంద్రాలను ప్రారంభించి, కాఫీ పొడిని వినియోగదారులకు మరింత అందుబాటులోకి తెచ్చారు. మాస్తి వెంకటేశ అయ్యంగార్, డి.వి.గుండప్పలాంటి ప్రఖ్యాత కన్నడ సాహితివేత్తల రచనలో సకమ్మ బ్రాండ్‌ కనిపించేది.లోకసేవ పరాయణే... ఆమె సాధించిన విజయాలు కాఫీ వ్యారానికే పరిమితం కాలేదు. సామాజిక సేవా రంగంలో కూడా చురుగ్గా పాల్గొన్నారు. మహిళా సంక్షేమం, విద్య, సామాజిక అభివృద్ధికి కృషి చేశారు. బసవగుడిలో ఒక వసతిగృహాన్ని, ప్రయాణికుల కోసం విశ్రాంతి గృహాన్ని నిర్మించారు. సకమ్మ సాధించిన వ్యాపార విజయాలు, సామాజిక సేవకు గుర్తింపుగా మైసూర్‌ దర్బార్‌ ఆమెకు ‘లోకసేవ పరయణే’ అనే బిరుదును ప్రదానం చేసింది. మైసూర్‌ ప్రతినిధి సభలో సభ్యురాలిగా కూడా సకమ్మ పనిచేశారు. కూర్గ్‌లోని సోమవార్‌పేటలో ఉన్న సకమ్మ బంగ్లా, బెంగళూరులోని సకమ్మ గార్డెన్‌ ఆమె విజయగాథను మౌనంగా చెబుతుంటాయి. ఎంతోమందికి స్ఫూర్తిని ఇస్తుంటాయి. (చదవండి: క్యాట్‌లో మంచి స్కోర్‌ చేసినా..సైన్యంలోకి! కానీ చివరికి..)

మంచితనం, మర్యాద, బాధ్యతగా ఉండటం తప్పేమీ కాదు. కానీ ఇతరులను సంతోషపెట్టడం కోసం ప్రతిసారీ తమ అవసరాలను, అభిప్రాయాలను, భావాలను పక్కన పెట్టడం అలవాటుగా మారడం.. అందరికీ నచ్చాలనే కోరికల వల్ల ఏర్పడే ఒక ప్రవర్తనా ధోరణినే ‘గుడ్‌ గర్ల్‌ సిండ్రోమ్‌’ అంటున్నారు మనస్తత్వ నిపుణులు.‘సాధారణంగా చాలా మంది అమ్మాయిలు ఈ విధమైన సమస్యను ఎదుర్కొంటున్నారు. ముఖ్యంగా గ్రామీణ, మధ్యతరగతి కుటుంబాలలో పెరిగిన అమ్మాయిల్లో ఈ సిండ్రోమ్‌ కనిపిస్తుంది. అలాగని, ఇది వైద్యపరమైన వ్యాధి కాదు. మన చుట్టూ ఉన్న సామాజిక అంశాలు, పెంపకం, ఎదుటివారు చెప్పింది వినకపోతే తమని తిరస్కరిస్తారేమో అనే భయంతో బతుకును భారంగా మార్చుకుంటున్నారు వారు ఉన్నారు. ఈ కండిషన్‌ పెళ్లయ్యి, వైవాహిక జీవితం మొదలుపెట్టాక కూడా కొనసాగుతుంటుంది’ అని వివరిస్తున్నారు సైకాలజిస్ట్‌ డా.జ్యోతిరాజ. ‘నో’ చెప్పలేకపోవడం‘నాకు కుదరదు’ అని చెప్పాల్సిన సందర్భంలో కూడా ‘సరే, చేస్తాను’ అంటూ పనులను ఒప్పుకుంటారు. ఇష్టం లేకపోయినా ఇతరుల కోసం పనులు చేయడం, అలసిపోయినా సహాయం చేయడం, అన్యాయం జరిగినా గొడవ వద్దని మౌనం వహించడం.. ఇలా ప్రతిసారీ ఇతరుల అవసరాలకు ప్రాధాన్యం ఇస్తూ పోతే, ఒక దశలో ‘నాకు నిజంగా ఏం కావాలి?’ అనే ప్రశ్నకు సమాధానం వెతుక్కోవడం కూడా కష్టమవుతుంది. ఈ సమస్యకు కుటుంబ వాతావరణం, సామాజిక అంచనాలు, గత అనుభవాలు .. వంటి అనేక అంశాలు ఇందుకు దోహదం చేస్తాయి.అందరూ మెచ్చుకోవాలనే కోరికకుటుంబంలో బంధుమిత్రులలో ఆమె చాలా మంచిది’, ‘ఎవరినీ బాధపెట్టదు’, ‘ఏ పని చెప్పినా చేస్తుంది’ ... ఇలాంటి మాటలు ఆనందాన్నిస్తాయి. కానీ క్రమంగా ఇతరుల ప్రశంసలకు తలొగ్గి, బతుకు భారంగా అనిపించినప్పుడు సమస్య మొదలవుతుంది. పనులు సరిగా చేయలేకపోతే ఎవరైనా తనపై అసంతృప్తి వ్యక్తం చేస్తే వెంటనే బాధపడిపోతారు. తాను తప్పు చేయకపోయినా క్షమాపణ చెప్పేస్తుంటారు. అందరూ తన గురించి మంచిగానే అనుకోవాలని ప్రయత్నిస్తుంటారు. ఈ ధోరణులన్నీ గుడ్‌ గర్ల్‌ సిండ్రోమ్‌ లక్షణాలే.అసంతృప్తి జీవనంఎప్పుడూ ఇతరులను సంతోషపెట్టడానికి ప్రయత్నించడం వల్ల మానసికంగా అలసిపోవచ్చు. తన భావాలను వ్యక్తపరచడం కష్టమవుతుంది. కోపం, అసంతృప్తి లోపలే పేరుకుపోవచ్చు. నిర్ణయాలు తీసుకోవడంలో ఇతరుల అభి్ర΄ాయాలపై ఎక్కువ ఆధారపడవచ్చు. సంబంధాల్లో తన హద్దులను కా΄ాడుకోవడం కష్టమవుతుంది. కొన్నిసార్లు బయటకు చాలా ప్రశాంతంగా కనిపించే వ్యక్తి లోపల మాత్రం ‘నా కోసం ఎప్పుడు జీవిస్తాను?’ అనే యుద్ధం చేస్తుండవచ్చు.మార్పు అవసరం..→ ముందుగా తమని తాము ప్రశ్నించుకోవాలి. ‘నేను ఈ పనిని నిజంగా చేయాలనుకుంటున్నానా, లేక ఎదుటివారు బాధపడకూడదని చేస్తున్నానా’ ఈ ప్రశ్న చాలా విషయాలను స్పష్టంగా చూపిస్తుంది. తర్వాత చిన్న విషయాల్లో ‘నో’ చెప్పడం మొదలుపెట్టవచ్చు. → ప్రతిసారీ మనం తీసుకున్న నిర్ణయానికి ఎదుటివారు ఒప్పుకోవాలని, వారికి వివరణ ఇవ్వాల్సిన అవసరం లేదని గ్రహించాలి.→ మంచి అమ్మాయిగా కనిపించాలంటే తమని తామే కోల్పోవడం కాదని తెలుసుకోవాలి.ఇతరులను గౌరవించాలి. ప్రేమించాలి. అవసరమైనప్పుడు సహాయం చేయాలి. అదే సమయంలో మీ అభి్ర΄ాయాన్ని ముందుగా మీరు గౌరవించుకోవాలి. మీ సమయం విలువైనదిగా భావించాలి. నచ్చకపోతే ‘వద్దు’ అని చెప్పడం అంటే మీ జీవితాన్ని ఎంచుకునే హక్కు మీకూ ఉందని గుర్తుంచుకోవాలి. ఎందుకంటే అందరికీ నచ్చే అమ్మాయిగా ఉండటం కంటే, తనకు తాను నచ్చే వ్యక్తిగా మారడం చాలా ముఖ్యం. మనల్ని మనం కోల్పోకూడదు..చెప్పినవి వినకపోతే ఎవరైనా ఏమైనా అనుకుంటారేమో. కోపం వస్తుందేమో.. అనే ఆలోచనలు వెంటాడుతుంటాయి. కానీ ‘నో’ చెప్పడం అంటే ఎదుటివారిని తిరస్కరించడం కాదు. మనకు ఉన్న పరిమితిని స్పష్టంగా చెప్పడం. అన్నింటినీ అంగీకరించి మోయలేనంత భారంతో రోజులను గడపనక్కర్లేదు. ఇతరుల పట్ల శ్రద్ధ చూపడం మంచిదే. కుటుంబాన్ని చూసుకోవడం, స్నేహితులకు సహాయం చేయడం, అవసరమైనప్పుడు తోడుగా నిలబడటం గొప్ప విషయం. కానీ ఇతరుల కోసం మన ఆనందాన్ని పూర్తిగా త్యాగం చేయడం మంచితనం కాదు. విశ్రాంతి కావాలనిపించినప్పుడు విశ్రాంతి తీసుకోవాలి. నచ్చని విషయాన్ని నచ్చలేదని చెప్పాలి. మన జీవితానికి మనమే నిర్ణయాలు తీసుకోవడం స్వార్థం కాదని గ్రహించాలి.– డా.జ్యోతిరాజ, సైకాలజిస్ట్‌ – నిర్మలారెడ్డి, సాక్షి ఫీచర్స్‌ ప్రతినిధి

సినిమా అంటేనే ఒక లాటరీ! అందులో జాక్‌పాట్‌ కొట్టినవాళ్లు రాత్రికి రాత్రే చరిత్ర పుటల్లోకి ఎక్కిపోతారు. నిన్నమొన్నటి వరకు అనుప్రియ నాగర్‌ అంటే ఎవరో ప్రపంచానికి తెలియదు. కానీ ఇవాళ బాక్సాఫీస్‌ వద్ద 150 కోట్లతో వసూళ్ల సునామీ సృష్టించిన సంచలన ప్రొడ్యూసర్‌. కేవలం 2 కోట్లతో తీసిన ‘హనుమాన్‌ అంశ్‌’ సినిమా ఆమె జీవితాన్ని మార్చేసింది. అసలు ఎవరీ అనుప్రియ నాగర్‌? లండన్‌లో చదువుకుంటూ సినిమా ఇండస్ట్రీలోకి ఎలా వచ్చింది? ఇదిగో ఆ క్రేజీ సక్సెస్‌ స్టోరీ...మామూలు ఘటనలే ఒక్కోసారి మిరకిల్స్‌గా మారతాయి. లేదా మిరకిల్స్‌ జరుగుతూ ఉండగా అవి మామూలు ఘటనలనే భ్రమను కలిగిస్తాయి. ‘నీమ్‌ కరోలి బాబా’ గా ఖ్యాతి చెందిన ఆధ్యాత్మిక గురువు ‘మహరాజ్‌జీ’పై తీసిన సినిమాతో ఇన్‌వాల్వ్‌ అయిన వారంతా తమకు ఎదురైన ఘటనలను మిరకిల్స్‌గానే చూస్తున్నారు. ఆ సినిమాను తీయాలని దర్శకుడు డాక్టర్‌ విశాల్‌ చతుర్వేది 20 ఏళ్లుగా ప్రయత్నిస్తున్నాడు. ఇప్పటికి సాధ్యమైంది. నీమ్‌ కరోలిబాబా పాత్ర కోసం ఒక ముఖ్యమైన నటుణ్ణి అనుకుంటే అతను జబ్బుపడి తప్పుకున్నాడు. సెట్‌లో అసిస్టెంట్‌ డైరెక్టర్‌గా పని చేస్తున్న శోభిత్‌ శ్రీవాస్తవకు ఆ వేషం దక్కింది. ఇప్పుడతను దేశమంతా తెలిశాడు. ఇక నిన్న మొన్నటివరకూ లండన్ బాత్‌ యూనివర్సిటీలో ఎకనామిక్స్‌ చదువుతున్న 21 ఏళ్ల విద్యార్థిని అనుప్రియ నాగర్‌ అనుకోకుండా ఈ సినిమాకు ప్రొడ్యూసర్‌ అయి సూపర్‌హిట్‌ తన ఖాతాలో వేసుకుంది. ‘బాబానే నన్ను ఈ పనికి ఎంచుకున్నాడు’ అని ఆమె కృతజ్ఞతతో పులకించిపోతోంది. కొన్ని సినిమాలు ప్రజల వద్దకు గొప్ప ఆదరణతో చేరడం అన్నింటికంటే పెద్ద మిరాకిల్‌. ఆ మిరాకిల్‌లో ఒక భాగమైంది అనుప్రియ నాగర్‌.నీమ్‌ కరోలి బాబాఎప్పుడూ ఒంటి మీద కంబళితో కనిపించే నీమ్‌ కరోలిబాబా హనుమంతుడి పరమ భక్తుడిగా జీవించి 1973లో లోకాన్ని వీడారు. ఆయన జీవితకాలంలో, తర్వాత ఆయన సన్నిధి వద్ద భక్తులు ఎన్నో దివ్య అనుభవాలు పొందిన కథనాలు ఉన్నాయి. ఆయన ఆశ్రమానికి నిత్యం భక్తులు వస్తూనే ఉంటారు. ‘ప్రేమించు’, ‘సేవ చెయ్‌’ అని ఉపదేశించిన బాబా జీవితాన్ని సినిమాగా తీస్తున్నప్పుడు బాబా చేసిన పనులను కేవలం ‘చమత్కారాలు’గా కాకుండా, భగవంతుని ‘లీలలు’గా చూపించడం ప్రేక్షకులను విపరీతంగా కట్టి పడేసింది. డిజాస్టర్‌ టాక్‌ ‘హనుమాన్‌ అంశ్‌’ విడుదలైన మొదటి వారంలోనే ఈ సినిమాను ఇండస్ట్రీ ‘డిజాస్టర్‌’ అని డిక్లేర్‌ చేసింది. ‘మొదటిరోజు 355 షోలతో ప్రారంభమైన మా సినిమా ఎనిమిదో రోజుకు 29 షోలకు పడిపోయింది. పెద్ద సినిమాల్లా ప్రమోషన్స్ చేయడానికి మా దగ్గర ఒక్క రూపాయి కూడా లేదు. థియేటర్ల నుంచి తీసేస్తారనుకున్న టైమ్‌లో సినిమా చూసిన ప్రేక్షకులే పెద్ద విప్లవాన్ని తెచ్చారు. మూడోవారం నుంచి ఊహించని విధంగా పబ్లిక్‌ టాక్‌తో కలెక్షన్లు పెరిగి 156 కోట్లకు చేరాయి. ప్రేక్షకులే ఈ సినిమాకు పీఆర్‌ టీమ్‌గా మారి గెలిపించారు. ప్రేక్షకులు స్వయంగా వాట్సాప్, సోషల్‌ మీడియా గ్రూపుల్లో ప్రచారం చేస్తూ థియేటర్లకు క్యూ కట్టారు. కలెక్షన్లు ఒక్కసారిగా 22 శాతం పెరిగి, చూస్తుండగానే 150 కోట్ల మార్కును దాటేసింది’ అంది అనుప్రియ. స్టీవ్‌ జాబ్స్‌ ఇచ్చిన ఐడియాఅనుప్రియ నాగర్‌ తన చదువులో భాగంగా టెక్‌ కంపెనీల గురించి ఒక ప్రెజెంటేషన్‌ ఇవ్వాలనుకుంటున్నప్పుడు ఆపిల్‌ సంస్థ స్టీవ్‌ జాబ్స్‌కు, ఫేస్‌బుక్‌ జుకర్‌బర్గ్‌కు నీమ్‌ కరోలిబాబా ఆశీర్వాదం ఉందని తెలుసుకుంది. స్టీవ్‌జాబ్స్, జుకర్‌బర్గ్‌ తమ కెరీర్‌లు మొదలెట్టడానికి ముందు నైనిటాల్‌కు సమీపంలో ఉన్న నీమ్‌ కరోలిబాబా ఆశ్రమస్థలం ‘కైంచిధామ్‌’కు వెళ్లి వచ్చినవారే. ‘అరె... నా దేశంలోని ఒక ఆధ్యాత్మిక గురువు గురించి విదేశీయుల ద్వారా నేను తెలుసుకోవాలా? నా దేశస్తులకు ఈ ఆధ్యాత్మిక గురువు గురించి నేను చెప్పాలి. ముఖ్యంగా జెన్‌ జికి చెప్పాలి’ అనుకుంది అనుప్రియ. అప్పటినుంచి బాబా గురించి తెలుసుకుంటూ ఆయనపై పుస్తకం రాయాలని ఇండియా చేరుకుంది. అప్పటికే దర్శకుడు విశాల్‌ చతుర్వేది ‘హనుమాన్‌ అంశ్‌’ పేరుతో బాబా మీద సినిమాను దాదాపు పూర్తిచేసి నిధుల కొరతతో ఉన్నాడని తెలుసుకుని తనే నిర్మాతగా మారింది.సమాజానికి ఇవ్వడమే...ఇన్ని కోట్ల రూపాయలు ఏం చేసుకుంటారు అని అడిగితే ‘నేను 21 ఏళ్ల అమ్మాయిని. ఇంత డబ్బు నేనేం చేసుకుంటాను? సమాజానికి తిరిగి ఇచ్చేస్తాను. పిల్లల విద్య, వైద్యం కోసం ఒక ప్రత్యేక ఫౌండేషన్‌ పెడుతున్నాను’ అని ప్రకటించింది అనుప్రియ. భవిష్యత్తులో కూడా కేవలం భారతీయ సంస్కృతి, సనాతన సంప్రదాయాలపైనే సినిమాలు తీస్తానని బాస చేసింది. ఒక సినిమా ఆమె జీవితాన్ని మార్చేసింది. ఆమె సమాజ హితవుకు అవసరమైన మార్పు కోసం పని చేయడమే మిగిలింది.

మహారాష్ట్రలోని కొల్హాపూర్‌ జిల్లాలో ఒక టీచర్‌ చూపిస్తున్న అంకితభావం అందరినీ ఆకట్టుకుంటోంది. పదుల సంఖ్యలో కూడా లేని విద్యార్థుల చదువు కోసం ప్రతిరోజూ దట్టమైన అడవిలో ఐదు కిలోమీటర్లు నడుచుకుంటూ వెళ్తున్నాడు. కవల్తేక్‌ ధంగర్వాడా అనేది కనీస సౌకర్యాలు కూడా లేనటువంటి ఒక చిన్న గ్రామం. కేవలం మూడు ఇళ్లు, తొమ్మిది మంది నివాసితులు. వ్యవసాయం, పశుపోషణ వారి జీవనాధారం. ఈ ఊరిలో ఉన్న బడికి వెళ్లాలంటే చాలా కష్టం. దట్టమైన అడవిని, క్రూరమైన జంతువులను, కొండకోనలను దాటుకుని వెళ్లాలి. కానీ జీవన్‌ మిథారీ అనే ఉపాధ్యాయుడు మాత్రం ఆ గ్రామంలో ఉండే ఐదారుగురు పిల్లల చదువుకోసం పదమూడేళ్లుగా అడవిలో ప్రయాణిస్తున్నాడు. మిథారీ నివసించే కాలే గ్రామం నుంచి కవల్తేక్‌ ధంగర్వాడా 28 కిలోమీటర్లు. అడవిలోకి వెళ్లే ముందు మిథారీ తన వాహనాన్ని అక్కడే ఆపివేసి 5 కిలోమీటర్ల నడక దారిలో వెళ్తాడు. వర్షం పడితే ఈ మార్గమంతా పూర్తి జారుడుగా ఉంటుంది. అందుకే మిథారీ డబుల్‌ రెయిన్‌ కోట్, హెల్మెట్‌ వంటి రక్షణ పరికరాలతో ప్రయాణిస్తాడు. అంతేకాకుండా ఈ మార్గంలో చిరుత పులులు, ఎలుగుబంట్లు, విష సర్పాలు అడుగడుగునా ఎదురవుతుంటాయి. అయినా అతను వెనక్కి తగ్గడు. అడవిలో నడుస్తున్నప్పుడు పాటలు పాడుతూ లేదా శబ్దాలు చేస్తూ వెళ్తుంటాడు. పట్టణాల్లోని పిల్లలతో సమానంగా ఈ పేద పిల్లలు కూడా చదువుకోవాలన్నదే తన కోరిక అని ఈ ఉపాధ్యాయుడు చెబుతుంటాడు. పిల్లల భవిష్యత్తు కోసం ప్రాణాలను సైతం లెక్క చేయకుండా ప్రతిరోజూ అడవి బాట పడుతున్న ఈ ఉపాధ్యాయుడు ఎంతో మంది టీచర్లకు ఆదర్శం.(చదవండి: క్యాట్‌లో మంచి స్కోర్‌ చేసినా..సైన్యంలోకి! కానీ చివరికి..)

క్యాట్‌లో మంచి మార్కులు సంపాదించి చక్కటి కార్పొరేట్‌ కొలువుల్లో మంచి ప్యాకేజ్‌తో జాబ్‌ కొట్టాలనేది చాలామంది యువత డ్రీమ్‌. అయితే ఈ వ్యక్తి కష్టతరమైన క్యాట్‌ పరీక్షలో అవలీలగా మంచి మార్కులు తెచ్చుకున్నా..వద్దని మరి దేశ సేవ మిన్నా అటూ సైన్యంలో చేరాడు. కానీ అతడు ఒకటి తలిస్తే విధి మరోలా తలిచి ఎన్ని పరీక్షలు పెట్టిందంటే..వింటేనే కన్నీళ్లు వచ్చేస్తాయి. అయినా వెనక్కి తగ్గకుండా వెళ్లినా..ఈసారి మరింత కఠినంగా పరీక్ష పెట్టింది. ఎంతలా అంటే .. కథన రంగంలో కాదు నీ శరీరంతో యుద్ధ చేయి అని సవాలు విసురుతున్నట్లుగా దాడి చేస్తోంది ఆ అరుదైన వ్యాధి. ఆ వ్యక్తే మాజీ ఆర్మీ అధికారి కల్నల్‌ అనురాగ్‌ ఉపాధ్యాయ్‌. క్యాట్‌ పరీక్షలో మంచి ప్రతిభ కనబర్చినప్పటికీ కార్పొరేట్‌ కెరీర్‌ వద్దంటూ ఆర్మీని ఎంచుకున్నారు. అందులో ఆయన అత్యంత కఠినతరమైన ఆయన పారా స్పెషల్‌ ఫోర్సెస్‌లోకి వెళ్లారు. ఇది భారతదేశపు అత్యున్న స్పెషల్‌ ఫోర్సెస్‌. అలా ఆయన 3 PARA (SF)తో తన ప్రొబేషన్‌ను విజయవంతంగా పూర్తి చేశారు. ఆ తర్వాత, సరికొత్తగా ఏర్పాటు చేసిన 12 PARA (SF) రెజిమెంట్‌ను బృందంలో కీలక సభ్యునిగా వ్యవహరించారు. అయితే ఆయన కలలు కన్న ప్రపంచంలోకి సాగనివ్వకుండా విధి ఆయన జీవితాన్ని ఎలాంటి కుదుపులకు గురిచేసిందంటే..చుట్టుముట్టిన ఆరోగ్య సమస్యలు..ఐనా..2008లో గుండెపోటుకు గురైనప్పటికీ దేశ సేవను కొనసాగించాలనే అచంచలమైన లక్ష్యంతో తిరిగి విధుల్లోకి చేరారు. ఆయన ఇచ్చిన ఎంట్రీని తోటి మాజీ సైనికులు దృఢ సంకల్పం, శక్తిమంతమైన అంకితభావానికి కేరాఫ్‌గా అభివర్ణించారు. ఇంతలా రోగంతోనే యుద్ధం చేసిన ఈ వీరుడిని మరోసారి అనారోగ్యం దాడి చేసింది. ఈ సారి 2025 ఆగస్టులో తీవ్రమైన పోస్టీరియర్ సర్క్యులేషన్ స్ట్రోక్‌కు గురయ్యారు. ఆ స్ట్రోక్‌ వల్ల ఆరోగ్యం తీవ్రంగా క్షీణించి నరాలకు సంబంధించిన లాక్డ్-ఇన్ సిండ్రోమ్ బారినపడ్డారు. దీని వల్ల తీవ్ర పక్షవాతానికి గురై మొత్తం అవయవాలన్ని చచ్చుబడిపోతాయి. కేవలం కంటి కదలికలతో ఆల్ఫాబేట్‌ స్కానింగ్‌తో మాత్రమే మాట్లాడగలరు. ఆయనకు తన చుట్టూ ఏం జరుగుతుందో అర్థమవుతున్నా.. ఆయన కదలలేరు, మాట్లాడలేరు. అంతేగాదు ఇతర అనారోగ్య సమస్యల రీత్యా మోకాళ్ల కింద నుంచి రెండు కాళ్లను కూడా తొలగించారు వైద్యులుఈసారి విధి అరుదైన వ్యాధి రూపంలో ఆయన్ను ఓడించేలా దాడి చేస్తున్నా..అనురాగ్‌ కనబరుస్తున్న మొక్కవోని ధైర్యం ప్రతి ఒక్కర్ని కదిలిస్తోంది. ప్రస్తుతం ఆయన ఆస్పత్రిలో చికిత్స పొందుతున్నారు. అయితే అతడి కుటుంబం ఈ అరుదైన వ్యాధిపై పరిశోధనలు చేసే శాస్రవేత్తలు, నిపుణులు దయచేసి అతడికి సాయం చేయాలని కోరుతున్నారు. దేశ సేవ కోసం ఇంతలా కష్టపడ్డ అతడి కోసం ఏదైనా చేసి రక్షించండి అని వేడుకుంటున్నారు. అంతేగాదు అతడి చివరి శ్వాస వరకు దేశ సేవలో ఉండాలనేది అతడి ఆశయం అంటూ ఆర్మీ అధికారులను, నిపుణులను సాయం చేయాల్సిందిగా విజ్ఞప్తి చేస్తున్నారు. నిజానికి అసలు అనారోగ్య సమస్య వస్తేనే..రిస్క్‌ తీసుకుని పనిచేసే ఉద్యోగాల దరిదాపుల్లోకి రావడానికి ఇష్టపడం. కానీ అజేయమైన తెగువతో దేశ సేవ తన కర్తవ్యం, డ్యూటే దైవంగా సాగిన అతడి అంకితభావానికి, అనారోగ్యంతో పోరాడిన అతడి మొక్కవోని ధైర్యానికి జయహో అనాల్సిందే కదూ..!.(చదవండి: ఎస్‌బీఐలో అసిస్టెంట్‌ మేనేజర్‌ ఉద్యోగాన్ని కాదని యోగ టీచర్‌గా!)

సురక్షితమైన, స్థిరమైన ఆదాయాన్ని ఇచ్చే ఉద్యోగాన్ని తృణప్రాయంగా వదులుకోవడానికి చాలా ధైర్యం కావాలి. అందులోనూ ప్రభుత్వ ఉద్యోగం అనేది చాలామంది యువత డ్రీమ్‌ అలాంటి ఉద్యోగాన్ని వద్దనుకోవడానికి చాలా గట్స్‌ ఉండాలి. తీరా ఆ నిర్ణయం భవిష్యత్తులో బాధను కలిగించకుండా ఉంటుందా అనే సందేహాం సదా వెంటాడుతుంటుంది. అయినా సరే ఇంతటి భయానక నిర్ణయం తీసుకుంది ఈ మహిళ. అది కూడా దేని కోసమో తెలిస్తే ఆశ్చర్యపోతారు.ఉత్తరప్రదేశ్‌కు చెందిన స్నిగ్ధా బోస్‌ సురక్షితమైన స్థిరమైన ఆదాయాన్ని ఇచ్చే ప్రభుత్వ ఉద్యోగాన్ని కాలదన్నుకుంది. ఎస్‌బీఐలో అసిస్టెంట్‌ మేనేజర్‌గా మంచి జీతం ఆర్జించే ఉద్యోగాన్ని వదులకుందామె. అసలు ఈ నిర్ణయాన్ని చాలామంది తప్పుబట్టారు, వెర్రి నిర్ణయంగా అభివర్ణించారు. అయితే ఆ ఉద్యోగంలో తను పనిచేస్తున్నట్లుగా అనిపించలేదని, నిరంతరం ఒత్తిడి, మానసిక అలసట, సొంత శరీరంలో అనుసంధానం కావడానికి సమయమే లేనట్లుగా అనిపించిందని చెబుతుంది. ఏదో ఉక్కిరిబిక్కిరిగా అనిపించి ఆ ఉద్యోగం వదిలేసినట్లు పేర్కొంది స్నిగ్ధా. ఆ తర్వాత మీరట్‌లో యోగాకి సంబంధిచిన 'తులా వెల్నెస్ స్టూడియోని నడుపుతున్నట్లు తెలిపింది. తనకు ఆర్థిక భద్రత కంటే వ్యక్తిగత శ్రేయస్సే ముఖ్యమనిపించిందని అంటోంది. ఇలా తనలా ఉద్యోగం మానేసేంత సౌలభ్యం అందరికీ ఉండకపోవచ్చు. అలాగే తనలా చేయాల్సిన పనిలేదు కూడా. ఒత్తిడితో ఉద్యోగం చేస్తూ కూడా ఆరోగ్యాన్ని చూసుకోచ్చు. ఒక పక్క ఉద్యోగం, అలాగే శారీరక బలం పెంపొందిచుకునేలా చురుగ్గా ఉండే ప్రయత్నం చేయొచ్చని అంటోంది. చెప్పాలంటే జీవితాన్ని మార్చకుండానే ఆరోగ్యంగా ఉండే ప్రయత్నం చేయొచ్చని, కానీ తనకు ఆ అవకాశం ఉంది కాబట్టి మానసిక ఆరోగ్యమే ప్రధానంగా భావించి, ఇలా ధైర్యంగా నిర్ణయం తీసుకున్నా అని సోషల్‌ మీడియా వేదికగా తన స్టోరీని పంచుకుంది స్నిగ్ధా. అంతేగాదు నెటిజన్లు కూడా మానసిక ఆరోగ్యానికి ప్రాధాన్యత ఇవ్వాలన్న స్నిగ్ధ నిర్ణయాన్ని ప్రశంసిస్తూ..తమ అనుభవాల్ని పంచుకున్నారు. మరొక యూజర్‌ తాను కూడా ఎస్‌బీఐలో ఉద్యోగం మానేసి తనకు నచ్చి గోల్ప్‌ క్రీడపై ఫోకస్‌ పెట్టి అంతర్జాతీయ క్రీడాకారిణిగా దూసుకుపోతున్నా అంటూ పోస్టులు పెట్టారు. View this post on Instagram A post shared by Snigdha | Certified Yoga & Pranayam Instructor (@tulaa_wellness) (చదవండి: అర ఎకరం..ఏడాదికి రూ. 80 లక్షలు!)

సముద్రంలో మనుషుల కార్యకలాపాలు పెరుగుతున్నకొద్దీ అందులోని జీవుల మనుగడకు ముప్పు ఏర్పడుతోంది. ముఖ్యంగా పడవలు తిరిగే ప్రాంతాల్లో డాల్ఫిన్లు ప్రమాదకర పరిస్థితుల్ని ఎదుర్కొనే అవకాశం ఉంది. ఇందుకు శాస్త్ర, సాంకేతిక పరిజ్ఞానంతో ఏదైనా పరిష్కారం చూపించగలమా? అనే ప్రశ్న ఓ ఆరవ తరగతి బాలికను ఆలోచింపజేసింది. అలా ఆమె ఆలోచనల నుంచి పుట్టుకొచ్చిందే డాల్ఫిన్‌ గార్డ్‌ ప్రాజెక్ట్‌. అదే పరిశోధన ఆమెను బుల్లిశాస్త్రవేత్తగానూ, స్టేట్‌ విన్నర్‌ గానూ నిలిచేలా చేసింది.అమెరికాలోని వర్జీనియా బీచ్, ఓల్డ్‌ డొనేషన్‌ స్కూల్‌లో 6వ తరగతి చదువుతున్న ఇషాన్వి సఖార్పే రూపొందించిన ‘డాల్ఫిన్‌ గార్డ్‌’ అనే ప్రాజెక్ట్‌ ఇప్పుడు అందరి దృష్టిని ఆకర్షిస్తోంది. ఈ ఆవిష్కరణకు గాను ఆమెకు 2026 వర్జీనియా రాష్ట్ర ప్రతిభా పురస్కారం, ప్రత్యేక గుర్తింపు లభించాయి. డాల్ఫిన్‌లు ప్రమాదంలో చిక్కుకున్న తర్వాత రక్షించడం కంటే.. అసలు ప్రమాదమే జరగకుండా ముందుగానే చర్యలు తీసుకోవడం మంచిదన్నది అసలు డాల్ఫిన్‌ గార్డ్‌ ప్రాజెక్ట్‌ ముఖ్య ఉద్దేశం.. పడవల ప్రొఫెల్లర్లు, చేపల వలలు వంటి వాటి వల్ల డాల్ఫిన్లకు తీవ్రమైన ప్రమాదాలు ఎదురయ్యే అవకాశం ఉంది. సముద్రంలో మానవ కార్యకలాపాలు పెరుగుతున్న కొద్దీ ఈ సమస్య కూడా పెరుగుతోంది. అందుకే ప్రమాదాన్ని గుర్తించి, అది తీవ్రమయ్యేలోపే తగ్గించే మార్గం గురించి ఇషాన్వి తన ప్రాజెక్ట్‌లో పరిశోధించింది. అదే డాల్ఫిన్‌ గార్డ్‌ ప్రత్యేకత. అయితే ఇషాన్వి ప్రాజెక్ట్‌ సాధారణ స్కూల్‌ సైన్స్‌ ప్రాజెక్ట్‌గా మిగిలిపోలేదు. అమెరికాలోని మిడిల్‌ స్కూల్‌ విద్యార్థుల కోసం నిర్వహించే ప్రతిష్టాత్మక ‘3ఎం’ యంగ్‌ సైంటిస్ట్‌ ఛాలెంజ్లో ఆమె ఇదే కాన్సెప్ట్‌తో పాల్గొంది. ఈ పోటీలో విద్యార్థులు తమ శాస్త్రీయ ఆలోచన లేదా ఆవిష్కరణను చిన్న వీడియో ద్వారా పరిచయం చేయాలి. కొత్త ఆలోచన, శాస్త్రీయ పరిజ్ఞానం, సమస్య పరిష్కార సామర్థ్యం, కమ్యూనికేషన్, ప్రదర్శన వంటి అంశాల ఆధారంగా ప్రాజెక్టులను పరిశీలిస్తారు. అయితే ఇషాన్వి రూపొందించిన ఈ ‘డాల్ఫిన్‌ గార్డ్‌’ప్రాజెక్టు ప్రత్యేక గుర్తింపు తెచ్చుకుంది. చివరకు ఆమె వర్జీనియా స్టేట్‌ మెరిట్‌ విన్నర్‌గా నిలిచింది. ఇషాన్వికి సైన్స్‌పై మాత్రమే ఆసక్తి ఉందనుకుంటే పొరపాటే. గణితంలోనూ ఆమెకు మంచి ప్రతిభ ఉంది. ఎన్నో మెడల్స్‌ని సైతం గెలుచుకుంది.చాలామంది పిల్లలు సైన్స్‌ను పాఠ్యపుస్తకాల్లో నేర్చుకుంటారు. కానీ ఇషాన్వి మాత్రం తన చుట్టూ ఉన్న ప్రపంచాన్ని గమనించింది. అందులోని సమస్యను గుర్తించి.. దానికి శాస్త్రీయ పరిష్కారం వెతికే ప్రయత్నం చేసింది. అదే ఆమెను నేడు బుల్లి శాస్త్రవేత్తగా నిలబెట్టింది.

పొలంలోకి దిగి వ్యవసాయ పనులు చేయడాన్ని చూసి ఆమెను ఎగతాళి చేశారు. కానీ ఆ మాటలకు సమాధానం చెప్పడానికి ఆమె మాటలను ఎంచుకోలేదు.. పనినే ఎంచుకుంది. అలా అర ఎకరంతో మొదలు పెట్టి 40 ఎకరాల వ్యవసాయ సామ్రాజ్యాన్ని నిర్మించింది పంజాబ్‌లోని మోగా ప్రాంతానికి చెందిన మణ్‌దీప్‌ కౌర్‌ ఖైరా. వ్యవసాయంలోకి అడుగుపెట్టినపుడు ఆమెకున్నది కేవలం అరెకరం పొలం మాత్రమే. కానీ ఆమెకు అది అడ్డంకిగా అనిపించలేదు. భూమిని లీజుకు తీసుకుని కూడా వ్యవసాయం చేయవచ్చునని ఆలోచించింది. ఒక్కో అడుగు ముందుకు వేస్తూ చివరకు 40 ఎకరాల్లో వ్యవసాయ కార్యకలాపాలను నిర్వహించే స్థాయికి చేరుకుంది. ఇందులో ఎక్కువ భూమి లీజుకు తీసుకున్నదే. అలా పొలంలో పనిచేయడం నుంచి పదిమందితో పెద్ద ఎత్తున వ్యవసాయం చేయించే స్థాయికి చేరుకుంది మణ్‌దీప్‌. అయితే 40 ఎకరాల స్థాయిలో వ్యవసాయం చేయాలంటే కేవలం భూమి ఉంటే సరిపోదు. యంత్రాలు, పరికరాలు, పెట్టుబడి, నిర్వహణ సామర్థ్యం కూడా అవసరం. ఇందుకోసం మణ్‌దీప్‌ కౌర్‌ మూడు ట్రాక్టర్లు, ఏడు ట్రాలీలు, ఇతర వ్యవసాయ పనిముట్లను కూడా సొంతంగా కొనుగోలు చేసింది. అలా ఈ మహిళా రైతు ఏడాదికి వ్యవసాయం ద్వారా 80 లక్షల ఆదాయాన్ని ఆర్జిస్తోంది. సమాజంలో ఎక్కువ భూమి ఉన్నవారినే పెద్ద రైతులుగా భావించే పరిస్థితి ఉంది. కానీ మణ్‌దీప్‌ కౌర్‌ కథ ఈ ఆలోచనకు భిన్నమైనది. సొంత భూమి లేదని ఆగిపోకుండా.. తనకున్న ఆలోచనతో ముందుకు సాగి అందరి మన్ననలు పొందుతోంది. (చదవండి: ఒకప్పుడు సైన్యం కోసం రాకెట్లు..ఇవాళ చిన్నారుల ఫుడ్‌ బ్రాండ్‌ వ్యాపారం!)

‘మా ఇంటి బంగారం’ సక్సెస్‌ మీట్‌లో తన ప్రగ్నెన్సీ గురించి ప్రకటించారు సమంత రాజ్‌ నిడిమోరులు. తాము మొదటి బిడ్డకు స్వాగతం పలకనున్నట్లు తెలిపారు. ప్రసూతి శెలవులు అనంతరం మరిన్ని హిట్‌లతో మళ్లీ మీ ముందుకు వస్తానని తన అభిమానులకు హామీ ఇచ్చింది నటి సమంత. ఆ తర్వాత నుంచి తన ప్రగ్నెన్సీకి సంబంధించి ప్రతీ అప్‌డేట్‌ ఇన్‌స్టాలో షేర్‌ చేస్తూ చిల్‌ అవుతోంది సమంత. ఈ జర్నీలో ప్రతి నెల ఓ అద్భుతం..అలాగే ఈ ప్రెగ్నెన్సీ తనకు ఎప్పటీ ఆశ్చర్యమే ఎందుకంటే..అంటూ తన మాతృత్వపు మధురిమకు సంబంధించిన కొన్ని విషయాలు పంచుకుంది. తను ఎదుర్కొన్న ఆరోగ్య సమస్యలు రీత్యా పిల్లలు కలిగే అవకాశం లేదనుకున్నాని, అందుకు తామిద్దరం సిద్ధపడిపోయామని చెప్పుకొచ్చింది. అసలు ఏం జరిగినా ఇద్దరం కలిసి ముందుకు సాగుదాం అని అనుకున్నాం. అలా నిర్ణయించుకున్న తరుణంలో ప్రెగ్నెంట్‌ అని నిర్థారణ కావడం తనని చాలా ఆశ్చర్యంలో ముంచెత్తిందని సంబరంగా చెబుతోంది సమంత. సరిగ్గా తాను ప్రెగ్నెంట్‌ అని తెలిసింది మా ఇంటి బంగారం మూవీ షూటింగ్‌ల ‘త త తతస్సాదియ్యా పాట’ షూట​ చేస్తున్నప్పుడే తెలిసిందని, దాంతో ఎన్నో జాగ్రత్తలు తీసుకుని డ్యాన్స్‌ చేయాల్సి వచ్చిందని నాటి పరిస్థితిని వివరించింది. తనకి 2022లో ఆటోఇమ్యూన్ వ్యాధి అయిన మయోసైటిస్ ఉన్నట్లు నిర్థారణ అయినప్పుడు అవేళ తాను పడ్డా నరకం ఎన్నటికీ మర్చిపోలేనని చెప్పుకొచ్చింది. అసలు ఆ టైంలో జీవితమే అయిపోయిందనిపించింది, పైగా లేని ఆత్మవిశ్వాసాన్ని కొని తెచ్చుకున్నట్లుగా నటిస్తున్నట్లుగా అనిపించిందంటూ నాటి చేదు అనుభవాన్ని గుర్తుచేసుకుంది. అంతేగాదు ఆ తర్వాత ఎదురయ్యే పరిస్థితులకు ఎలా స్పందిస్తాననేది కూడా తన నియంత్రణలో లేనట్లుగా, చాలా బలహీనంగా అయిపోయినట్లు అనిపించిందంటూ కన్నీటిపర్యంతమైంది. కానీ ఆ వ్యాధి నుంచి బయటపడేలా వర్కౌట్లు చేస్తూ..మెరుగ్గా మారి, తిరిగి తన ఆత్మవిశ్వాసాన్ని పెంపొందించుకోగలిగానని చెప్పుకొచ్చింది. ఒక రకంగా ఈ వ్యాధి తనకు జీవితంలో దృఢచిత్తం, ఆశ, విశ్వాసం వంటి విలువల గురించి గొప్ప పాఠాన్ని నేర్పిందని పేర్కొంది. ఆ తర్వాతే తన నటన, జీవితం మరింత వాస్తవికంగా మారినట్లు అనిపించిందంటూ భావోద్వేగంగా మాట్లాడింది. View this post on Instagram A post shared by Samantha (@samantharuthprabhuoffl) (చదవండి: జీర్ణించుకోలేకపోయా అందుకే..!నికితా పోర్వాల్‌ భావోద్వేగభరిత లేఖ)

ఇటీవల ముగిసిన మిస్‌ వరల్డ్‌ పోటీలో భారతదేశానికి ప్రాతినిధ్యం వహించిన నికితా పోరాల్‌ సోషల్‌ మీడియా వేదికగా భావోద్వేగభరితమైన లేఖ రాశారు. కిరీటాన్ని అందుకోలేకపోయినా..ఆ విస్‌ వరల్డ్‌ తనకు అందించి అనుభవం, ఆ ప్రయాణంలో తనకు లభించిన ప్రేమ, నేర్చుకున్న పాఠాలను గురించి లేఖలో పంచుకుంది. తన మిస్‌వరల్డ్‌ జర్నీకి సంబంధించిన ఫోటోల తోపాటు ఈపోస్ట్‌ని కూడా జోడించి షేర్‌ చేసింది. ఆ లేఖలో నికితా ఇలా రాసుకొచ్చింది. "మిస్‌ వరల్డ్‌ ఫైనల్‌ తర్వాత కిరీటం లేకుండా ఇంటికి రావడం అత్యంత కష్టమైన విషయం, అయినా అక్కడ పొందిన ప్రేమను వర్ణించడానికి మాటలు చాలవు. అక్కడ తనకు లభించిన ప్రేమ, మద్దతు..ఇలా ప్రతీదాన్ని జీర్ణించుకోవడానికి చాలా సమయం పట్టింది. మీరంతా నేను కిరీటాన్ని గెలుచుకోవాలని కొండంత ఆశతో ఎదురుచూశారు. అలా ఇంతకుమందెన్నడూ చూడని ఎన్నో కుటుంబాల ప్రేమను సంపాదించుకున్నాను. అందాల పోటీల ప్రపంచంలో అత్యంత విచిత్రమైన మరియు అందమైన విషయం ఏమిటంటే, కొన్నిసార్లు మీకు మద్దతు ఇచ్చే అకౌంట్ల వెనుక ఉన్న ముఖాలు మనకు తెలియవు. తెల్లవారుజామున 2 గంటలకు ఆ ఎడిట్ ఎవరు చేస్తున్నారో, ఆ సుదీర్ఘ సందేశం ఎవరు రాస్తున్నారో, కామెంట్ సెక్షన్‌లో నాకోసం ఎవరు పోరాడుతున్నారో, అప్‌డేట్ కోసం పేజీని ఎవరు రిఫ్రెష్ చేస్తున్నారో కూడా తెలియదు... కానీ ఎలాగోలా వారి ప్రేమ మనకు తెలుస్తుంది అంటూ అభిమానులను ఉద్దేశించి రాసింది.". ఆ తర్వాత తన ఓటమి గురించి ఇలా పేర్కొంది. " ‘ఇండియా' అని పిలిచే అదృష్టం దక్కించుకున్నా. అసలు ఆ వారాల పాటు, నా పేరు దాదాపు కనుమరుగైపోయింది, మర్చిపోయా. ఎవరైనా 'ఇండియా!' అని పిలవగానే ఏదో తెలియని పులకింత, ఒక అటెన్షన్‌ వచ్చేసేవి. నిజానికి నేను కిరీటాన్ని దక్కించుకోవాలని అనుకున్నా..బలంగా కోరుకున్నా..అందుకోసం ఎంతో కష్టపడ్డా. కానీ ఓటమిని ఎదుర్కొన్నా..అయినప్పటికీ ఈ జర్నీలో ఎన్నో జ్ఞాపకాలు, స్నేహాలు, ప్రేమలు సంపాదించుకుని సరికొత్త నికితాగా ఇంటికి తిరిగి వచ్చా. కొన్ని విజయాలు వరించలేకపోయినా..హృదయంలో ఎన్నో జ్ఞాపకాలను పదిలంగా ఉంచుతాయి. ప్రేమతో మీ నికితా అంటూ తన పోస్ట్‌ని ముగించింది నికితా పోర్వాల్‌. View this post on Instagram A post shared by Nikita Porwal (@nikitaporwal_) (చదవండి: అమ్మాయి నిజంగా బంగారం! ఆ డ్రెస్‌ అక్షరాల రూ. 4 కోట్లుపైనే..)

వెయ్యి జీవితాలు మన కోసం వేచి చూడడం లేదు. జస్ట్‌... ఒకే ఒక్క జీవితం! అందుకే... ఆత్మహత్య అనే భావన మన మనసులోకి ఎప్పుడూ రానివ్వకూడదు. ‘జీవనోత్సాహం’ అనే ఉప్పెన ముందు ‘నిరాశ–నిస్పృహ’ అనేవి పూచిక పుల్లలు!‘స్నేహ’ పేరుతో స్వచ్ఛంద సంస్థను ప్రారంభించాలని చెన్నైకి చెందిన డా.లక్ష్మీ విజయ్‌కుమార్‌ ఆలోచన చేసినప్పుడు చుట్టూ ఉన్నవారు సందేహించారు. వారు ఆమెతో మూడు విషయాలు చెప్పారు. వాలంటీర్లతో మాత్రమే ఒక సంస్థను నడపడం సాధ్యం కాదు. రకరకాల సంకోచాలతో సహాయం అడగడానికి ఎవరూ ముందుకు రారు. ప్రజలతో మాట్లాడడం ద్వారా మాత్రమే ఆత్మహత్యలను నివారించలేము. వారందరి అంచనాలు సరికాదని నాలుగు దశాబ్దాల ‘స్నేహ’ ప్రస్థానంతో నిరూపించారు లక్ష్మీ విజయ్‌ కుమార్‌. ఈ స్వచ్ఛంద సంస్థను పూర్తిగా వాలంటీర్‌లే నడుపుతున్నారు.ఎన్నో జాగ్రత్తలు తీసుకొని...‘స్నేహ కోసం వాలంటీర్‌ల ఎంపిక విషయంలో చాలా జాగ్రత్తలు తీసుకుంటాం. రెండు వందల నుంచి మూడు వందల మందికి పైగా దరఖాస్తు చేసుకుంటారు. మూడు ఇంటర్వ్యూలతో ఎంపిక ప్రక్రియ చాలా కఠినంగా ఉంటుంది. ప్రతి సంవత్సరం తొమ్మిది నుంచి పదిమంది మాత్రమే వాలంటీర్‌లుగా ఎంపిక అవుతారు. మా వాలంటీర్‌లు శిక్షణ పొందిన కౌన్సిలర్‌లుగా ఉండాలనుకుంటాం. ఇతరుల పట్ల సానుభూతి కలిగి ఉండడం, ఎవరినీ తప్పు పట్టకపోవడం, ఇతరుల బాధను అర్థం చేసుకొని తమ బాధగా భావించడం, తమ అభి్రపాయాలను ఇతరులపై రుద్దకపోవడమే మేము ప్రతి దరఖాస్తుదారు నుంచి ఆశించేవి’ అంటారు లక్ష్మి.ఆమె పోరాట ఫలితమే...ఆత్మహత్యలు జరగకుండా నివారించడమేకాదు.. ఆపదలో ఉన్న వారికి సహాయపడడం, ఆత్మహత్య నివారణలపై అవగాహన సదస్సులు కూడా నిర్వహిస్తోంది స్నేహ స్వచ్ఛంద సంస్థ. వియన్నాలో 1985లో జరిగిన అంతర్జాతీయ ఆత్మహత్యల నివారణ సంఘం సదస్సులో పాల్గొన్న లక్ష్మి ఒక పరిశోధన పత్రాన్ని సమర్పించారు. అక్కడ ఎంతోమంది మానసిక వైద్యులు, ఆత్మహత్యల నివారణ సంఘాల ప్రతినిధులతో మాట్లాడారు. భారతదేశంలో ఆత్మహత్యలను నేరంగా పరిగణించడాన్ని లక్ష్మీ విజయ్‌కుమార్‌ వ్యతిరేకించారు.2017 వరకు ఆత్మహత్యయత్నం నుండి బయటపడిన వారిపై భారత శిక్షాస్మృతిలోని సెక్షన్‌ 309 కింద కేసు నమోదు చేసేవారు. ఇది శాస్త్రీయ ఆధారం లేని వలసవాద చట్టం అని పేర్కొంటూ దీనిని మార్చడానికి ఉద్యమించారు. భారత లా కమిషన్‌ మాజీ చైర్మన్‌ జస్టిస్‌ లక్ష్మణన్‌తో మాట్లాడి, ఇది బ్రిటిష్‌ కాలం నాటి పురాతన చట్టం అని, చాలా దేశాలు దీనిని తొలగించాయని చెప్పారు. లక్ష్మీ విజయ్‌కుమార్‌ పొరాటం ఫలించింది. 2017లో మానసిక ఆరోగ్య సంరక్షణ చట్టాన్ని ఆమోదించారు. ఇది ఆత్మహత్యయత్నాన్ని నేరంగా కాకుండా, తీవ్రమైన మానసిక ఒత్తిడికి సంకేతంగా పరిగణించడంతోపాటు పునరావాస అవకాశాలను కూడా అందిస్తోంది.పరిశోధన బాటలో...మానసిక ఆరోగ్యానికి అనుకూలమైన చట్టాలు, విధానాల రూపకల్పనలో క్రియాశీల పాత్ర పోషించడమే కాదు మానసిక ఆరోగ్య పరిశోధనలో గణనీయ కృషి చేశారు లక్ష్మీ. మానసిక ఆరోగ్య పరిశోధనకు సంబంధించి డేటా కొరత వల్ల తానే స్వయంగా పరిశోధన బాట పట్టారు. మానసిక ఆరోగ్య పరిశోధన రంగంలో ఆమె చేసిన కృషికి గుర్తింపుగా రాయల్‌ కాలేజీ ఆఫ్‌ సైకియాట్రిస్ట్స్‌ గౌరవ ఫెలోషిప్, ఫెలోషిప్‌ ఆఫ్‌ ది రాయల్‌ కాలేజ్‌ ఆఫ్‌ ఫిజిషియన్స్‌ అందుకున్నారు. ఈ రెండు విశిష్ట పురస్కారాలను అందుకున్న తొలి భారతీయ సైకియాట్రిస్ట్‌గా తన ప్రత్యేకత చాటుకున్నారు.మార్పు కోసం...ఆత్మహత్య చేసుకోవాలనే ఆలోచన ఉన్నవారిని గుర్తించే ఏకైక ఏఐ సంస్థ ‘సమురాయ్‌’ మాత్రమే కాదు. ఇంకా ఎన్నో ఉన్నాయి. ఫేస్‌బుక్, ఇన్‌స్టాగ్రామ్‌ల మాతృసంస్థ అయిన మెటా... ఎవరైనా ఆత్మహత్య చేసుకునే దిశలో ఆలోచిస్తున్నారని సూచించే పోస్ట్‌లు లేదా బ్రౌజింగ్‌ హిస్టరీని ఫ్లాగ్‌ చేయడానికి తమదైన సాంకేతికతను ఉపయోగిస్తోంది. ఎవరైనా ఆత్మహత్యకు సంబంధించిన కంటెంట్‌ను షేర్‌ చేసినా, సెర్చ్‌ చేసినా వారి ఆలోచనల్లో మార్పు తీసుకురావడానికి సూయిసైడ్‌ అండ్‌ క్రైసిస్‌ లైఫ్‌లైన్‌ ప్లాట్‌ఫామ్‌ రంగంలోకి దిగుతుంది. అవసరమని భావిస్తే ఎమర్జెన్సీ రెస్పాండర్స్‌కు కాల్‌ చేస్తుంది.ఆత్మహత్యలను ఏఐ అడ్డుకోగలదా?ఆత్మహత్యలకు అడ్డుకట్ట వేయడానికి అమెరికాలోని ఏఐ కంపెనీ సమురాయ్‌ ల్యాబ్స్‌ రంగంలోకి దిగింది. ఆత్మహత్య చేసుకోవాలనే భావన కనిపించే సోషల్‌ మీడియా పోస్ట్‌లను విశ్లేషించడానికి ఏఐ సాధనాలను ఈ కంపెనీ ఉపయోగిస్తోంది. ‘డైరెక్ట్‌ మెసేజ్‌’లాంటి వ్యూహాలతో ముందుకు వెళుతోంది.‘ఆత్మహత్యల నివారణ కోసం సోషల్‌ మీడియాను ఉపయోగించడంలో ఒకరకమైన వైరుధ్యం ఉంది. ఆత్మహత్యలకు సోషల్‌ మీడియానే కారణం అని నిందించేవారు ఎక్కువగానే ఉన్నారు. అయితే అదే సోషల్‌ మీడియా నుంచి లక్షలాది పోస్ట్‌లను విశ్లేషించి, నిరాశానిస్పృహల చీకటిలో ఉన్నవారిని, ఆత్మహత్య చేసుకోవాలనుకుంటున్న వారిని గుర్తించి వారిని సరిౖయెన మార్గంలో తీసుకురావడం మంచిదే కదా!’ అంటున్నారు సమురాయ్‌ కో–ఫౌండర్‌ పాట్రిసియా.డా.లక్ష్మీ విజయ్‌కుమార్‌

హ్యాండ్‌ శానిటైజర్లు ముఖ్యంగా ఆల్కహాల్‌ (ఎథనాల్‌ లేదా ఐసోప్రొపనాల్‌) ఆధారంగా పనిచేస్తాయి. కరోనా మహమ్మారి తర్వాత వీటి వాడకం విపరీతంగా పెరిగింది. అయితే, వీటిని రోజూ పదే పదే వాడటం వల్ల ఆరోగ్యానికి కొన్ని నష్టాలు ఉన్నాయని చర్మవ్యాధి నిపుణులు, పరిశోధకులు హెచ్చరిస్తున్నారు.చర్మం దెబ్బతినడం: శానిటైజర్లలో ఉండే ఆల్కహాల్‌ చర్మంలోని సహజమైన నూనెలను (నాచురల్‌ ఆయిల్స్‌), తేమను తొలగిస్తుంది. దీనివల్ల చర్మం పొడిబారడం, పగలడం, మంట పుట్టడంతోపాటు ’కాంటాక్ట్‌ డెర్మటైటిస్‌’చర్మ సమస్యకు దారి తీస్తుంది. చర్మంలో పగుళ్లు ఏర్పడితే దేహంలోకి బ్యాక్టీరియా సులభంగా ప్రవేశిస్తుంది. ఇతర అనారోగ్యాలకు మార్గం చూపించినట్లవుతుంది. మంచి బ్యాక్టీరియా నశించడాన్ని డిస్‌రప్షన్‌ ఆఫ్‌ స్కిన్‌ మైక్రోబియోమ్‌ అంటారు. చర్మం మీద సహజంగా దేహానికి రక్షణనిచ్చే మంచి బ్యాక్టీరియా (మైక్రోబియోమ్‌) ఉంటుంది. శానిటైజర్ల వల్ల ఈ సూక్ష్మజీవులు నశిస్తాయి. రోగనిరోధక శక్తి తగ్గి, చర్మానికి ఇన్ఫెక్షన్లు సోకే అవకాశం పెరుగుతుంది. యాంటీబయోటిక్‌ రెసిస్టెన్స్‌: కొన్ని రకాల శానిటైజర్లలో ‘ట్రిక్లోసన్‌’ వంటి రసాయనాలను వాడతారు. వీటిని నిరంతరం వాడటం వల్ల సూక్ష్మజీవులు ఆ రసాయనాలకు అలవాటు పడిపోయి, భవిష్యత్తులో ఏ మందుకూ లొంగని శక్తిని (సూపర్‌బగ్స్‌) సంతరించుకుంటాయని కొన్ని పరిశోధనలు తేల్చాయి. హార్మోన్ల అసమతుల్యత: శానిటైజర్లలో వాడే కృత్రిమ సువాసనలు, కొన్ని రసాయనాలు ఎండోక్రైన్‌ వ్యవస్థను దెబ్బతీస్తాయి. హార్మోన్ల సమతుల్యతను దెబ్బతీసే ప్రమాదాన్ని అధ్యయనాలు సూచిస్తున్నాయి. చర్మం మీది రసాయనాలు కడుపులోకి: పిల్లలు శానిటైజర్లు వాడిన వెంటనే చేతులు నోట్లో పెట్టుకోవడం వల్ల రసాయనాలు కడుపులోకి చేరతాయి. చర్మానికి పీల్చుకునే గుణం ఉండడం ద్వారా ఆల్కహాల్‌ ఇతర రసాయనాలు చర్మం ద్వారా దేహంలోకి ప్రవేశించి రక్తంలో కలుస్తాయి.పొంచి ఉన్న ప్రమాదాలు! వంట చేసేటప్పుడు, మంటకు దగ్గరగా ఉన్నప్పుడు శానిటైజర్‌ వాడడం ప్రమాదకరం. శానిటైజర్లలో ఆల్కహాల్‌ అధికంగా ఉంటుంది కాబట్టి, ఇది అత్యంత వేగంగా మంటను అంటుకుంటుంది. వంటగదిలో స్టవ్‌ వెలిగించే ముందు, అగ్గిపెట్టె వాడే ముందు చేతులకు శానిటైజర్‌ రాసు కుని ఉంటే అది పూర్తిగా ఆరిపోయే వరకు వేచి ఉండాలి. ఇదీ చ‌ద‌వండి: రేడియేష‌న్ థెర‌ఫీ అంటే ఏమిటి? శానిటైజర్‌ కళ్ళకు, ముక్కుకు, నోటికి తగలరాదు. శానిటైజర్‌ రాసుకున్న వెంటనే ఆ చేతులతో ముఖాన్ని, కళ్లను తాకకూడదు. కళ్లలోకి, నోటిలోకి శానిటైజర్‌ వెళితే తీవ్రమైన మంట, చికాకుతోపాటు అలెర్జీ సమస్యలు తలెత్తుతాయి.సబ్బు ఎల్లప్పుడూ శుభ్రం! చేతులను శుభ్రం చేసుకోవడానికి ఎల్లప్పుడూ శానిటైజర్లపైనే ఆధారపడకుండా, వీలైనప్పుడల్లా సబ్బు, నీటితో కనీసం 20 సెకండ్ల పాటు చేతులు కడుక్కోవడం ఉత్తమం. చేతులు మరీ మురికిగా ఉన్నప్పుడు లేదా సబ్బునీటితో కడుక్కోవడానికి వీల్లేనప్పుడు మాత్రమే శానిటైజర్‌ వాడాలి. శానిటైజర్‌ వాడిన తర్వాత చర్మం పొడిబారకుండా మంచి మాయిశ్చరైజర్‌ లేదా కొబ్బరినూనె, నువ్వుల నూనె వంటివి రాసుకోవడం మంచిది. – సాక్షి, స్పెషల్ డెస్క్‌

ఒకప్పుడు అందంగా కనిపించాలంటే ఖరీదైన వస్తువులు కొనాలి అనుకునేవారు. ఇప్పుడు మాత్రం చేతిలో ఉన్న సాధారణ వస్తువును .. కాస్త క్రియేటివిటీ జోడించి అందంగా మార్చుకోవడమే ఫ్యాషన్‌గా మారింది. అదే జెమ్‌మ్యాక్సింగ్‌. అంటే వస్తువులు, దుస్తులు, నగలు, యాక్సెసరీస్‌ వంటి వాటికి రంగు, మెరుపు, రత్నాలు, క్రిస్టల్స్‌ జోడించి వాటిని మరింత ఆకర్షణీయంగా మార్చే కళకే జెమ్‌ మ్యాక్సింగ్‌ అని పేరు. ఫోన్‌ కవర్‌కు రంగురంగుల రాళ్లు.. కాఫీ కప్పుకు చిన్న క్రిస్టల్స్‌.. లిప్‌స్టిక్‌ బాటిల్‌కు మెరిసే స్టోన్స్‌ .. గోళ్లపై రకరకాల జెమ్స్‌.. ఇలా కనిపించిన ప్రతిదానికీ ‘బ్లింగ్‌’ జోడిస్తే ఆ లుక్కే వేరు. సాధారణ వస్తువే అందంగా.. అద్భుతంగా కనిపిస్తుంది. కొన్నేళ్లులగా వస్తున్న మినిమలిజానికి బైబై చెప్తూ.. ‘జెమ్‌మ్యాక్సింగ్‌’, ‘విమ్సీమ్యాక్సింగ్‌’, ‘రైన్‌స్టోన్‌ మ్యాక్సింగ్‌’ పేర్లతో పిలుస్తున్న ఈ నయా ట్రెండ్‌ నేటి యువతను విపరీతంగా ఆకర్షిస్తోంది. ఖరీదైనవే కానక్కర్లేదు!ఈ ట్రెండ్‌కు ఒక పరిమితి లేదు. పర్ఫ్యూమ్‌ బాటిల్, మేకప్‌ ప్యాకేజింగ్, హెయిర్‌ క్లిప్స్, హ్యాండ్‌బ్యాగ్స్, షూస్, నెయిల్స్, ఫోన్‌ కవర్, కాఫీ కప్పు, వాటర్‌ బాటిల్, లిప్‌స్టిక్, కేకులు.. ఒక్కటేమిటి, ఏదైనా కాన్వాస్‌గా మారి΄ోతుంది.. అలాగని దీనికి ఖరీదైన జెమ్స్‌తో పనిలేదు. చిన్న రైన్‌స్టోన్స్, ΄్లాస్టిక్‌ జెమ్స్, ముత్యాలు, చార్మ్స్, స్టిక్కర్లు వంటి వాటితోనూ అందమైన లుక్‌ను సృష్టి్టంచవచ్చు. జ్యువెలరీలో అయితే పెద్ద రంగురంగుల రాళ్లు, లేయర్డ్‌ నెక్లెస్‌లు, స్టేట్‌మెంట్‌ రింగులు, భారీ చెవిపోగులతో ‘ఎంత ఎక్కువైతే అంత మంచిది’ అన్నట్టుగా మాగ్జిమలిస్ట్‌ లుక్‌ కనిపిస్తోంది. పాత జ్ఞాపకాలకు కొత్త మెరుపుఈ ట్రెండ్‌ వెనుక ఓ నోస్టాల్జియా కూడా బలంగా ఉంది. 1990ల చివరి, 2000 ప్రారంభంలో బెడ్‌ జిల్డ్‌ ఫోన్‌లు, మెరిసే జీన్స్‌, రైన్‌స్టోన్‌ టాప్‌లు, గ్లిట్టర్‌ మేకప్, అలంకరించిన యాక్సెసరీస్‌ యువతలో ప్రత్యేక ఆకర్షణగా ఉండేవి. అప్పటి ఆ మెరుపు ఇప్పుడు కొత్త తరం చేతుల్లోకి వచ్చింది. అయితే అప్పటిలా ఒకే రకమైన బ్లింగ్‌ కాకుండా.. ఇప్పుడు వ్యక్తిగత అభిరుచికి తగినట్టుగా మార్చుకుంటున్నారు.మినిమలిజానికి బైబై!నిన్నామొన్నటి వరకు మినిమలిజం వంటి ధోరణే లగ్జరీకి మారుపేరుగా మారింది. అంటే తక్కువ రంగులు, సింపుల్‌ నగలు, సాదాసీదా డిజైన్లు.. ఇవే ఖరీదైన స్టైల్‌కు గుర్తులుగా మారాయి. ఇప్పుడు మాత్రం పరిస్థితి మారుతోంది. ప్రతి వస్తువునూ అందంగా ఆలంకరించుకోవాలనే ఆలోచన పెరుగుతోంది. అంతేకాదు ఈ ట్రెండ్‌ వస్తువులకే కాదు బ్యూటీకి కూడా చేరింది. ముఖంపై చిన్న క్రిస్టల్స్, బాడీ జెమ్స్, జెమ్‌ నెయిల్స్‌ వంటి లుక్స్‌ సోషల్‌ మీడియాలో కనిపిస్తున్నాయి.ఒకప్పుడు ‘తక్కువే’ లగ్జరీ అనేది ఫ్యాషన్‌ మంత్రంగా ఉండేది. ఇప్పుడు మాత్రం ‘ఎక్కువే’ లగ్జరీ అన్నట్టుగా మారుతోంది. ఈ మెరుపులు మాగ్జిమలిజం తిరిగి వస్తోందనడానికి మరో సంకేతంగా కనిపిస్తున్నాయి. ఎందుకంటే వినూత్న ఆభరణాలు, అలంకార వస్తువుల కోసం నెట్‌లో సెర్చింగ్‌ గత ఏడాదితో పోలిస్తే 50 శాతం పెరిగినట్లు నివేదికలు చెబుతున్నాయి. మహిళలకే కాదు..సెలబ్రిటీలు, ఇన్‌ఫ్లూయెన్సర్లు సైతం ఈ ట్రెండ్‌ని ఫాలో అవుతూ ప్రచారం కల్పిస్తుండటంతో.. యూత్‌ ఎక్కువగా దీనిని అనుసరిస్తోంది. ఈ జెమ్‌మ్యాక్సింగ్‌ మహిళల ఫ్యాషన్‌కు మాత్రమే పరిమితం కాదు. మగవారి దుస్తుల్లోనూ రై స్టోన్‌ షర్ట్స్, జాకెట్లు, షూస్, టోపీలు వంటి వాటిల్లోనూ దొరుకుతున్నాయి.

క్యాబ్‌ ఎక్కి డ్యూటీకి వెళుతుంటే సంతోషం లేదు.ఆఫీస్‌లో బాస్‌ సీట్‌లో కూచున్నా ఏదో నిరాశ. బ్యాంక్‌ బ్యాలెన్స్‌ పెరుగుతుంటే అపరాధభావం. మంచిగా బతికే స్థితికి వచ్చినా మంచిగా బతకలేని ఆందోళన.‘΄పాపం... వాళ్లలాగే ఉన్నారే’ ‘అయ్యో.. వీళ్లనలా దాటేసి వచ్చానే’...అని మదనపడుతూ గెలుపును ఎంజాయ్‌ చేయలేక΄ోతున్నారు. సైకాలజీలో దీనినే ‘సక్సెస్‌ యాంగ్జయిటీ’ లేదా ‘ది గ్లో అప్‌ గిల్ట్‌’ అంటున్నారు. గెలుపు దారిలోని మహిళలు ఏం చేయాలి?కె.బాలచందర్‌ ‘అంతులేని కథ’ కాలాన్ని మనం ఇంకా దాటలేదు.‘అంతులేని కథ’లో ఇంటి అమ్మాయి ఇంటిని మోయాలన్న రూల్‌. ఆడపిల్ల ఎదిగొస్తే తమ్ముళ్లు, చెల్లాయిలు, ఖాళీగా ఉన్న తండ్రి, నోములు నోచే తల్లి... వీరందరి కోసం కర్పూరంలా కరిగిపోవాలి. అప్పుడు అలా ఉంటే ఇప్పుడు ఇంటి అమ్మాయి ఎదిగొస్తే ఆమెకు ఏదో తెలియని ఆందోళన. ‘కుటుంబ స్థాయి కంటే పెద్ద స్థానాన్ని తీసుకున్నాను. మా వాళ్లకు దూరమవుతానా... నేను ఎలా ఒదిగి ఉండాలి... నేను నాలా ఉండొచ్చా’ అని చేయని తప్పుకు గిల్ట్‌. పల్లెటూళ్ల నుంచి సిటీకు వచ్చి, హాస్టల్‌ గదుల్లో ఉంటూ, ఎన్నో అవమానాలను తట్టుకుని కెరీర్‌లో టాప్‌పొజిసన్‌కు చేరుకున్నాక ఇదీ స్థితి. బ్యాంక్‌ బ్యాలెన్స్‌ పెరిగి, నచ్చిన కార్‌ కొన్నా హైపర్‌ క్రిటిసిజమ్, ఆత్మీయులు ఎడం పెట్టడం లాంటివి ఎక్కడ ఎదురవుతాయోనని ఫీలవుతుంటారు. దీనినే స్ధూలంగా ‘గ్లో అప్‌ గిల్ట్‌’ అనీ లేదా ‘సక్సెస్‌ యాంగ్జయిటీ’ అనీ అంటున్నారు.రెండు కేస్‌ స్టడీలులావణ్య (వైజాగ్‌ టు హైదరాబాద్‌): లావణ్యది మధ్యతరగతి కుటుంబం. వైజాగ్‌లో చదువుకుని హైదరాబాద్‌ టాప్‌ ఐటీ కంపెనీలో ప్రాజెక్ట్‌ మేనేజర్‌ స్థాయికి ఎదిగింది. నెలకు రెండు లక్షల జీతం. ఊరికి వెళ్లినప్పుడు బంధువుల దగ్గర, స్నేహితుల దగ్గర ఏదో తప్పు చేసినట్టు అణిగి ఉంటుంది. తన బ్రాండెడ్‌ బట్టలు, ఫోన్‌ చూసి వాళ్లు ఎక్కడ ఇన్ఫీరియర్‌గా ఫీలవుతారో అని భయపడుతుంది. ఫ్రెండ్స్‌ మధ్య తన సక్సెస్‌ ముచ్చట్లు అస్సలు ఎత్తదు. ఎదిగినందుకు సంతోషపడాలో, అందరికీ దూరమవుతున్నందుకు ఏడవాలో అర్థం కావడం లేదామెకు.సరిత (వరంగల్‌ టు బెంగళూరు): సరిత బెంగళూరులో స్టార్టప్‌ పెట్టి సక్సెస్‌ అయింది. సొంతంగా ఫ్లాట్‌ కొంది. కానీ వరంగల్‌లోనే ఉంటూ ఇంకా ఆర్థిక ఇబ్బందులు పడుతున్న తన అన్నయ్య, వదినలను చూసినప్పుడు సరిత మనసు విలవిలలాడుతుంది. ‘నేనొక్కదాన్నే ఇంత సుఖపడుతున్నాను’ అనే ఒక వింత గిల్ట్‌ ఫీలింగ్‌ ఆమెను ప్రశాంతంగా నిద్రపోనివ్వడం లేదు.ఇలా ఎందుకు?మన దగ్గర అమ్మాయిల పెంపకం అంటే.. ‘ఆడపిల్ల అందరినీ కలుపుకునిపోవాలి, మన దగ్గర ఎంత ఉన్నా ఎదుటివారి దగ్గర తగ్గి ఉండాలి... ఇంటిలోని ప్రతి ఒక్కరినీ కనిపెట్టుకుని ఉండాలి’... అని చిన్నప్పటి నుంచే మైండ్‌లో బలంగా నాటేస్తారు. అబ్బాయి సక్సెస్‌ అయితే వాడికేమీ దిగులుండదు. వాడు పుట్టిందే సక్సెస్‌ అయ్యేందుకు. కుటుంబం, సమాజం వాణ్ణి గర్వంగా చూస్తుంది. అదే అమ్మాయి సక్సెస్‌ అయితే ‘అందరూ తలా ఒక చేయివేసి నిన్ను ఈ స్థితికి తెచ్చాం. మా త్యాగాలు, ప్రోత్సాహం నీ వెంట ఉన్నాయి’ అన్నట్టుగా ఉంటుంది ధోరణి. దాంతో గెలిచిన అమ్మాయి ‘నా ఎదుగుదల వల్ల నా కుటుంబంలో ఈగోలు దెబ్బతింటున్నాయా? సమాజం నన్ను అహంకారి అనుకుంటుందా?’ అని లోలోపల రంధి పడాలి.ఎలా ముందు కెళ్లాలి?గెలిచిన, గెలుపొందే బాటలో ఉన్న అమ్మాయిలు మొదట ఒక విషయం గుర్తుపెట్టుకోవాలి. మీరు పొందిన గెలుపు మీకు లాటరీలో రాలేదు. దీని వెనుక మీ నిద్రలేని రాత్రులు, కన్నీళ్లు, కష్టం, టాలెంట్‌ ఉన్నాయి. కాబట్టి మీ సక్సెస్‌ గురించి ఎవరికీ ‘సారీ’ చెప్పాల్సిన అవసరం లేదు. మీరు ఎదగడం అంటే ఇతరులను తొక్కేయడం కాదు. మీరు ఎత్తుకు ఎదిగితేనే, మీ చుట్టూ ఉన్న మరో నలుగురు అమ్మాయిలకు దారి చూపించగలరు. మీ లైఫ్‌స్టైల్, కష్టార్జితాన్ని ఎంజాయ్‌ చేయడానికి వెనకాడాల్సిన పని లేదు. పాత బంధాలతో కనెక్ట్‌ కావడానికి డబ్బు, హోదా అవసరం లేదు... ఒక చిన్న ఆత్మీయమైన పలకరింపు చాలు.కుటుంబం ఎలా సపోర్ట్‌ చేయాలి?ఒక అమ్మాయి గెలిచినప్పుడు కుటుంబం ఆమెకు కిరీటం పెట్టక్కర్లేదు. కానీ ఆమె మనసుపై గిల్ట్‌ భారాన్ని మోపకుండా ఉంటే చాలు. ఇంట్లో మగవారితో సమానంగా లేదా అంతకంటే ఎక్కువ సంపాదిస్తున్నప్పుడు ఆమెను చూసి ఈర్ష్య పడకుండా, గర్వంగా ఓన్‌ చేసుకోవడం భర్తకు, తండ్రికి అలవాటు కావాలి. ఆమె తన డబ్బుతో కొనే వస్తువులను, ఆమె కెరీర్‌ డెసిషన్స్‌ని కించపరచకూడదు. ‘నువ్వు బాగా ఎదిగావు.. మేము నీ పక్కన ఉన్నాం’ అనే ఒక్క మాట కుటుంబం నుంచి వస్తే ఆ అమ్మాయి మనసులో ఉన్న గిల్ట్‌ అంతా కరిగి΄పోతుంది. గెలుపు అమ్మాయిలకు అబ్బాయిలకు వేరు వేరు కాదు. ఎవరికైనా సరే గెలుపు అనేది అహంకారం కాదు.. ఒక బాధ్యత, న్యాయమైన హక్కు. మన ఇంటి అమ్మాయి రెక్కలొచ్చి ఎగిరితే గూటికి దూరమయ్యానని ఏడవకూడదు, గూటిలోని మిగతా పక్షులకు ఉన్నత ఎత్తులకు ఎలా తీసుకెళ్లాలో చూడాలి. మన గెలుపు దారిలో వారూ ఉంటారు అని కేరీ చేయగలిగితే చాలు. మన దారిలో మనం వెళుతూ వారికి మనం ఉన్నాం అని చెప్తే చాలు. కాబట్టి విజేతలూ.... మీ సక్సెస్‌ కిరీటాన్ని మీ తలపై గర్వంగా ధరించండి. గిల్ట్‌ వదిలేయండి.. గెలుపును వంద శాతం ఓన్‌ చేసుకోండి. ‘నాట్‌ సారీ’ మైండ్‌... సక్సెస్‌ఫుల్‌ మహిళలు ప్రతిరోజూ తమకు తాము చెప్పుకోవాల్సిన మూడు పాజిటివ్‌ లైసెన్స్‌: గెలుపు నా హక్కు. దీనికోసం నేను సమాజానికి గానీ, ఎవరికీ గానీ ‘సారీ’ చెప్పాల్సిన అవసరం లేదు నేను ఆర్థికంగా, వ్యక్తిగతంగా మరింత ఎత్తుకు ఎదిగితేనే నా చుట్టూ ఉన్న మరో నలుగురికి దారి చూపించగలను నా నిద్రలేని రాత్రులు, నా కష్టానికి దక్కిన ప్రతిఫలమే ఈ విజయం. దీనిని నేను వంద శాతం మనస్ఫూర్తిగా ఎంజాయ్‌ చేస్తాను.

ఎక్కడో పుట్టి మరో దేశంలో వెయిటర్‌ స్థాయి నుంచి సముద్ర టూరిజాన్నే శాసించే స్థాయికి చేరుకోవడం అంటే మాములు విషయం కాదు. పైగా ఆ దేశ సంస్కృతిని మెచ్చి వారిలా జీవించడం మరింత విశేషం. అయినప్పటికీ తను ఎక్కడ నుంచి వచ్చాను అన్న మూలాన్ని మర్చిపోకుండా ఆదర్శంగా జీవిస్తూ యువతకు స్ఫూర్తిగా నిలిచాడు ఈ వ్యక్తి. అతడే ప్రముఖ లగ్జరీ క్రూయిజ్‌ అధినేత జుర్గెన్‌ బైలోమ్‌(Jurgen Bailom). కంటెంట్‌ క్రియేటర్‌ నవన్ జైస్వాల్‌ అతడితో జరిపిన సంభాషణలో తన ప్రస్థానం గురించి వివరించాడు. అందకు సంబంధించిన విషయం నెట్టింట షేర్‌ చేయడంతో బైలోమ్‌ కథ వైరల్‌గా మారింది. ఆ సంభాషణలో బైలోమ్‌ భారతదేశంలో తన జీవితం గురించి పలు ఆసక్తికర విషయాలు కూడా పంచుకున్నారు. జుర్గెన్‌ బైలోమ్‌ తాను ఒక ఓడలో వెయిటర్‌గా జీవితాన్ని ప్రారంభించినట్లు తెలిపారు. శక్తిమంతంగా పనిచేస్తూ పరిస్థితులకు అనుగుణంగా తనను తాను మార్చుకుంటూ ఈ స్థాయికి చేరుకున్నట్లు తెలిపారు. అయినా ఈ రేంజ్‌కి ఎలా చేరుకోగలిగారు అని జైస్వాల్‌ ప్రశ్నించగా..చేయగలనన్న దృక్పథంతో చకచక నేర్చుకోవడం, మార్కెట్‌ని, ప్రజలను, సంస్కృతిని అర్థం చేసుకోవడం వల్లే ఇదంతా సాధ్యమైందన్నారు. అలాగే ఆర్థికంగా విజయం సాధించడం గురించి కూడా మాట్లాడారు. "అవసరం లేకపోతే ఖర్చు చేయవద్దు." అనే విషయాన్ని బలంగా నమ్ముతానని చెప్పారు. అప్పుడు డబ్బు కోసం పరిగెత్తాల్సిన అవసరం లేదు, అలాగే ఏం చేయాలనే దానిపై అవగాహన ఉంటే.. డబ్బే మీ వెంట పడుతుంది." అని బైలోమ్‌ నొక్కి చెబుతున్నారు. ఆస్ట్రియాలో జన్మించిన ఆయన హాస్పిటాలిటీ పరిశ్రమలోకి ఒక వెయిటర్‌గా భారత్‌లో అడుగుపెట్టానంటూ తన 40 ఏళ్ల ప్రస్థానాన్ని గుర్తుచేసుకున్నారు. అలా కార్డెలియో అనే ప్రముఖ లగ్జరీ క్రూయిజ్‌ సంస్థని పర్యవేక్షించే స్థాయికి చేరుకున్నట్లు తెలిపారు. ఈ కంపెనీకి ప్రెసిడెంట్‌, చీఫ్‌ ఎగ్జిక్యూటివ్‌ ఆఫీసర్‌ కూడా. ఇది భారత సముద్ర పర్యాటక రంగంలో తన ఆధిపత్యాన్ని స్థాపించుకుందని చెప్పారు. తన బ్రాండ్‌ భారత క్రూయిజ్‌ వ్యాపారంలో 99% మార్కెట్ వాటాను కలిగి ఉందని తెలిపారు. అలాగే తన వ్యాపారం రూ. 8 వేలు కోట్లు టర్నోవర్‌ ఆర్జిస్తుందని చెప్పారు.ప్రస్తుతం తాను ఒకే నౌకను నడుపుతున్నప్పటికీ..ఇది ఏడాదికి సుమారు 600 నుంచి 700 కోట్ల టర్నోవర్‌ చేస్తుందని అన్నారు. తాను భారతదేశానికి చెందనప్పటికీ..ఇక్కడ ప్రపంచ స్థాయి క్రూయిజ్‌ లైన్‌ నిర్మించగలిగే విస్తారమైన తీరప్రాంతాన్ని గుర్తించానని అన్నారు. ఇక్కడ క్రూయిజ్‌ వ్యాపారం చేయడం గురించి పెద్దగా ఆలోచించాల్సిన పనిలేదంటున్నారాయన. ఇది ప్రపంచంలోని మూడో అతిపెద్ద తీరం అని అన్నారు. తాను 2018లో భారత్‌కి వచ్చినట్లు తెలిపారు. అలాగే ఇక్కడ సంస్కృతి నచ్చిందన్నారు. ముంబైలో ప్రతి ఒక్కరు కష్టపడతారని, ఉపాధి కోసం నిత్యం ఏదో ఒక పనిచేస్తుంటారని కొనియాడారు. భారతీయుల సంప్రదాయాలు, సెంటిమెంట్లపై అవగాహన ఉందని, తను కూడా వాటిని అనుసరిస్తానని చెప్పారు. తన ఆఫీసులో కూడా క్రమం తప్పకుండా పూజలు నిర్వహిస్తామని, ఫర్నీచర్‌ వంటి తదితరాలు వాస్తుపరంగా ఉండాల్సిన దిశలో ఉండేలా చూసుకుంటానని చెప్పారు. ఆర్థికంగా బాగానే ఉన్నామా అని పర్యవేక్షిస్తుంటానని, ఒకవేళ ఆధ్యాత్మిక పరంగా ఏవైన మార్పులు, చేర్పులు ఉంటే చేస్తానని కూడా చెప్పారు బైలోమ్‌. View this post on Instagram A post shared by Navan Jaiswal (@navan.jaiswal) (చదవండి: ప్రిన్సిపాల్‌ ఉద్యోగాన్ని వదిలి మరి మిల్లెట్‌ వ్యాపారం! ఇవాళ ఏకంగా..)

నేను భారత సంతతి అమెరికా పౌరుడిని. నాకు ఓవర్‌సీస్‌ సిటిజెన్‌ ఆఫ్‌ ఇండియా కార్డు ఉంది. మేము ఆంధ్రప్రదేశ్‌లో ఉన్న ఒక ఆస్తిని విక్రయించాలనుకుంటున్నాము. అయితే, ఈ అమ్మకాన్ని పూర్తి చేయడానికి ఆధార్‌ కార్డు తప్పనిసరి అని రిజిస్ట్రార్‌ కార్యాలయంలో మేము సంప్రదించిన ఒక ఏజెంట్‌ చె΄్పాడు. రిజిస్ట్రార్‌ కూడా అది తప్పనిసరి అని చె΄్పారు. ఈ నేపథ్యంలో సంబంధిత రిజిస్ట్రార్‌ లేదా ఇతర అధికారులకు సమర్పించేందుకు వర్తించే చట్టపరమైన నిబంధనలను స్పష్టంగా తెలియజేయగలరని కోరుతున్నాను. – సుహాస్, అమెరికా (చిత్తూరు)భారత పౌరులు కానప్పుడు ఆధార్‌ కార్డు మీకెలా వస్తుంది? ఆధార్‌ చట్టంలోని ’resident’ నిర్వచనం ప్రకారం, గత 12 నెలల్లో కనీసం 182 రోజులు భారతదేశంలో నివసించిన వ్యక్తి నివాసకులు/ ’resident’గా పరిగణించబడతారు. కేవలం OCI కార్డు గ్రహీతగా ఉండటం వల్ల ఆధార్‌ కార్డు పొందడం తప్పనిసరి కాదు, మీ కేసులో వీలు కూడా లేదు.ఫెమా నిబంధనల ప్రకారం OCI కార్డు గ్రహీత భారతదేశంలో (ప్రత్యేక పరిస్థితులలో తప్ప) వ్యవసాయ భూమి, తోటలు లేదా ఫాం హౌస్‌ మినహా ఇతర స్థిరాస్తుల కొనుగోలు; విక్రయాలు చేయవచ్చు. ఈ లావాదేవీకి ఆధార్‌ను తప్పనిసరి పత్రంగా RBI/FEMA నిబంధనలు ఎక్కడా నిర్దేశించలేదు.భారతదేశంలో ఆస్తిని విక్రయించడానికి ఎన్నారైలకు ఆధార్‌ కార్డు తప్పనిసరి కాదు. ఎన్నారైకి ఏదైనా భారతీయ బ్యాంకులో NRO ఖాతా ఉండటం ముఖ్యం.అధికారికంగా అవసరమైన–సూచించిన పత్రాలతోపాటు (1) ఆస్తి పత్రాలు – ఆస్తిపై అప్పులు లేవు అని ధ్రువీకరించే Encumbrance Certificarte (EC); (2) గుర్తింపు ధ్రువీకరణ కోసం పాస్‌పోర్టు – పాన్‌ కార్డు వంటివి ఉంటే సరిపోతుంది. అయినప్పటికీ, రిజిస్ట్రార్‌ ఆధార్‌ కార్డు తప్పనిసరిగా సమర్పించాల్సిందే అని పట్టుబడితే, ఆధార్‌ కార్డు సమర్పించనందుకు రిజిస్ట్రేషన్‌ పత్రాన్ని తిరస్కరిస్తూ, అందుకు గల కారణాలను – ఏ చట్టం, నిబంధన, జీఓ Government Order) లేదా ఏ ప్రభుత్వ ఉత్తర్వుల ఆధారంగా ఆధార్‌ కోరుతున్నారో లిఖిత పూర్వకంగా ఇవ్వాలని కోరండి. రిజిస్ట్రార్‌ లిఖితపూర్వకంగా తిరస్కరణ ఉత్తర్వులు జారీ చేసిన అనంతరం, ఆ ఉత్తర్వులపై జిల్లా రిజిస్ట్రార్‌ లేదా Inspector General of Registration (IG Registration) ముందు అప్పీల్‌/పిర్యాదు చేసుకొని, ఆధార్‌ లేకుండానే రిజిస్ట్రేషన్‌ పూర్తి చేసేలా సంబంధిత సబ్‌–రిజిస్ట్రార్‌కు తగిన ఆదేశాలు ఇవ్వాలని కోరవచ్చు. హై కోర్టుకి కూడా వెళ్ళవచ్చు.- శ్రీకాంత్‌ చింతల, హైకోర్టు న్యాయవాదిమీకున్న న్యాయపరమైన సమస్యలు, సందేహాల కోసం sakshifamily3@gmail.conకు మెయిల్‌ చేయవచ్చు. ఇవీ చదవండి: హిమధీర

రేడియేషన్‌ చికిత్సలకు ఉన్న చరిత్ర దాదాపు 130 ఏళ్లు. ఎందుకంటే మొట్టమొదటిసారిగా రేడియో యాక్టివ్‌ మెటీరియల్‌ను కనుగొన్నది 1986లో హెన్రీ బెకరెల్‌ అనే శాస్త్రవేత్త. అంటే... ఈ ఏడాదికి 2026 ఏడాదికి ఖచ్చితంగా 130 ఏళ్లు నిండుతాయి. ఇక నోబెల్‌ బహుమతి గ్రహీత మేరీక్యూరీ – పోలోనియం, రేడియమ్‌ వంటి రేడియో యాక్టివ్‌ ఎలిమెంట్స్‌ కనుగొన్నాక ఈ చికిత్స ప్రాధాన్యం మరింత పెరిగింది. దాదాపు ఈ దశాబ్దకాలంలో రేడియో యాక్టివ్‌ మెటీరియల్‌తో క్యాన్సర్‌కు చికిత్సలు చేయడంలో అనేక రకాల పురోగతి చోటు చేసుకుంది. 1970లకు ముందున్న కాలంలో ఎక్స్‌–రేల రూపంలో వైద్యరంగానికి సేవలందించిన రేడియేషన్‌ 1970ల తర్వాత సీటీ, ఎమ్మారై లుగా... ఆ తర్వాత 1980లలో పెట్‌ స్కాన్‌ వంటి రూపాలలో వైద్యచికిత్సలకు తోడ్పడుతూ వచ్చింది. అటు తర్వాత ఇమేజ్‌ గైడెడ్‌ రేడియేషన్‌ థెరపీ, బ్రాకీథెరపీ, స్టీరియో టాక్టిక్‌ రేడియేషన్, రేడియో ఐసోటోప్‌ థెరపీ, ఇమేజ్‌ గైడెడ్‌ రేడియేషన్‌ (ఐజీఆర్‌టీ) వంటి ఎన్నో కొత్త పద్ధతుల్లో ఈ రేడియేషన్‌ వైవిధ్య భరితమైన చికిత్సలు అందిస్తోంది. ఈ నేపథ్యంలో ఆధునిక రేడియేషన్‌చికిత్సల్లోని అనేక అంశాలను పరిశీలిద్దాం.క్యాన్సర్‌ రంగంలో అత్యంత పురోగతి తర్వాత ఇమ్యూనోథెరపీ, టార్గెటెడ్‌ వంటి అత్యాధునికమైన చికిత్స ప్రక్రియలు రాకముందే దాదాపుగా ప్రజలందరికీ తెలిసిన చికిత్స ప్రక్రియలు శస్త్రచికిత్సలూ, కీమోథెరపీ, రేడియేషన్‌ థెరపీలు. ఇందులో రేడియేషన్‌ థెరపీలో అనేక రకాల అడ్వాన్స్‌మెంట్‌లు చోటు చేసుకున్నాయి. ఆ పురోగతులూ, వాటి ఫలితాలేమిటో చూద్దాం.రేడియేషన్‌ థెరపీ అంటే ఏమిటి?శక్తిమంతమైన ఎక్స్‌–రే వంటి రేడియేషన్స్‌ను ఖచ్చితంగా క్యాన్సర్‌ కణాలపై నిశితంగా ప్రసరించేలా చూసి, ఆ కణాన్ని పూర్తిగా తుదముట్టించే చికిత్స ప్రక్రియను ‘రేడియేషన్‌ థెరపీ’గా చెబుతారు. ఈ కిరణాలు కణాల్లోని డీఎన్‌ఏ లేదా కణాల్లోని మౌలికాంశాలను దెబ్బతీసి వాటిని నిర్వీర్యం చేస్తాయి. దాంతో ఆ క్యాన్సర్‌ కణాలు చనిపోవడం వల్ల క్యాన్సర్‌ కూడా తొలగిపోతుంది.తొలి నాళ్లలో రేడియేషన్‌ అనేది అది క్యాన్సర్‌ కణమా లేదా ఆరోగ్యకరమైన కణమా అన్న విచక్షణ లేకుండా తాను ప్రసరించిన చోట ఉన్న కణాలను నాశనం చేయగలిగే సామర్థ్యం ఉండటంతో చుట్టూ ఉన్న ఆరోగ్యకరమైన కణాలను సంరక్షిస్తూ, వాటికి వీలైనంత తక్కువ నష్టం కలిగేలా ఇచ్చేవారు. ఇప్పుడు ఈ రంగంలో వచ్చిన ఆధునిక పురోగతితో కేవలం క్యాన్సర్‌ కణాలపైనే గురిపెట్టగలిగేంత నిశితంగా రేడియేషన్‌ ఇవ్వడం సాధ్యమవుతోంది.రేడియేషన్‌ థెరపీలో కొన్ని ముఖ్యమైన రకాలివి... క్యాన్సర్‌ కణాలు / క్యాన్సర్‌ గడ్డ (ట్యూమర్‌) అనేది గుండె, మెదడు, వెన్నుపాము వంటి అత్యంత సున్నితమైన అవయవాలకు చాలా దగ్గరగా ఉన్నప్పుడు రేడియేషన్‌ను మరింత జాగ్రత్తగా, ఖచ్చితంగా ఇవ్వాలి. ఉదాహరణకు మెదడులోని అనేక ప్రాంతాలు దేహంలోని అనేక అవయవాలను నియంత్రిస్తుంటాయి. శస్త్రచికిత్స చేసే సమయంలో మెదడులోని ఏదైనా కీలకమైన అవయవాన్ని నియంత్రించే భాగం దెబ్బతింటే... ఆ అవయవం అచేతనమయ్యే అవకాశముంటుంది. రేడియేషన్‌ ప్రసరించినప్పుడు కూడా అలాంటి అవకాశం ఉన్నప్పటికీ... అత్యంత నిశితంగా కేవలం క్యాన్సర్‌ కణాన్నే గురిపెట్టి దెబ్బతీసే సాంకేతికతా ఇప్పుడు అందుబాటులో ఉంది. ప్రధానంగా చెప్పాలంటే రేడియేషన్‌లో బయటి నుంచి ఇచ్చే ఎక్స్‌టర్నల్‌ బీమ్‌ రేడియేషన్‌ థెరపీ (ఈబీఆర్‌టీ), లోపలి నుంచి ఇచ్చే ఇంటర్నల్‌ రేడియేషన్‌ థెరపీతో పాటు సిస్టమిక్‌ రేడియేçషన్‌ థెరపీ (ఎస్‌ఆర్‌టీ) అనే మరో రకమైన రేడియేషన్‌ ప్రక్రియలను చెప్పవచ్చు. ఈ రేడియేషన్‌ థెరపీలో అందుబాటులో ఉన్న వివిధ ప్రక్రియల్లో ఈ కింద పేర్కొన్నవి కొన్ని... ఎక్స్‌టర్నల్‌ బీమ్‌ రేడియేషన్‌ థెరపీ (ఈబీఆర్‌టీ)త్రీడీ కన్‌ఫార్మల్‌ రేడియేషన థెరపీ – (3 డీసీఆర్‌టీ): ఇందులో ముందుగా సీటీ వంటి స్కాన్ల సహాయంతో క్యాన్సర్‌ కణితి (ట్యూమర్‌) ఎంత పెద్దది, దాని ఆకృతి ఎలా ఉంది, అది దేహంలోని ఏ ప్రాంతంలో ఉంది అని తెలుసుకుంటారు. ఆ కణితి ఆకృతికి తగ్గట్టుగా కేవలం దానికే తాకేలా రేడియేషన్‌ కిరణాలను పంపిస్తారు. మనకు కావాల్సిన మేరకే కాంతి ప్రసరించే ఒక పెన్‌టార్చ్‌ లాంటి దాన్ని ఊహిస్తే... ఈ పద్ధతిలో కేవలం మనకు కావాల్సిన చిన్న ప్రాంతంపైనే కాంతి పడినట్టే రేడియేషన్‌ కూడా పడుతుందని అనుకోవచ్చు. దాంతో రేడియేషన్‌ అన్నది క్యాన్సర్‌ గడ్డపైనే పడుతూ... పక్కనున్న ఆరోగ్యకరమైన కణజాలానికి వీలైనంత తక్కువ నష్టం కలిగేలా చూస్తారు. మెదడు, తల–మెడ (హెడ్‌ అండ్‌ నెక్‌), కాలేయం, ఊపిరితిత్తులు, ప్రోస్టేట్‌ వంటి అనేక క్యాన్సర్లలో ఉపయోగించవచ్చు.ఇమేజ్‌ గైడెడ్‌ రేడియేషన్‌ థెరపీ (ఐజీఆర్‌టీ) ఇందులో రేడియేషన్‌ ఇచ్చే సమయంలో క్యాన్సర్‌ ఉన్న ప్రదేశాన్ని ఇమేజింగ్‌ ప్రక్రియ ద్వారా జాగ్రత్తగా చూస్తూ ఇస్తారు. దేహంలో ఊపిరితిత్తులూ, డయాఫ్రమ్‌ లాంటివి నిత్యం కదులుతూ ఉంటాయి. మరీ ముఖ్యంగా అలాంటి కదిలే అవయవాలకు రేడియేషన్‌ ఇవ్వడానికి ఈ ‘ఇమేజ్‌ గైడెడ్‌ రేడియేషన్‌ థెరపీ’ ఉపయోగడుతుంది. ఉదాహరణకు ఊపిరితీసుకునే సమయంలో ఊపిరితిత్తులు ఉబ్బుతూ, ముడుచుకుంటూ... కదలికలతో ఉంటాయి. ఇలా కదిలే సమయంలో రేడియేషన్‌ అన్నది క్యాన్సర్‌ లేని మరో ఆరోగ్యకరమైన ప్రాంతాన్ని తాకకుండా... అవయవం కదులుతున్నప్పటికీ... ఆ కదలికలకు అనుగుణంగా తన ప్రసరణను తానే నియంత్రించుకుంటూ కేవలం క్యాన్సర్‌ ఉన్న ప్రదేశానికే రేడియేషన్‌ తాకేలా చూస్తుంది.ఇంటెన్సిటీ మాడ్యులేటెడ్‌ రేడియేషన్‌ థెరపీ (ఐఎమ్‌ఆర్‌టీ) ఇందులో వివిధ దిశల నుంచి అంటే రకరకాల కోణాలనుంచి రేడియేషన్‌ కిరణాలను క్యాన్సర్‌ కణితిపైకి పంపుతారు. ఒక ప్రత్యేకమైన కంప్యూటర్‌ సాఫ్ట్‌వేర్‌ సహాయంతో ప్రత్యేక కంప్యూటర్‌ సాఫ్ట్‌వేర్‌ సహాయంతో క్యాన్సర్‌ ఉన్నచోట తీవ్రమైన రేడియేషన్‌ తాకేలా, క్యాన్సర్‌ లేని చోట వీలైనంత తక్కువ రేడియేషన్‌ ప్రసరించేలా చూసే ఈ పద్ధతినే ‘ఇంటెన్సిటీ మాడ్యులేటర్‌ రేడియేషన్‌ థెరపీ’గా చెబుతారు. ముఖ్యంగా క్యాన్సర్‌ గడ్డ మరో కీలకమైన ఆరోగ్యకరమైన అవయవానికి చాలా దగ్గరగా ఉన్నప్పుడు... ఆ ఆరోగ్యకరమైన అవయవానికి వీలైనంత తక్కువ నష్టం జరిగేలా చూసేందుకు ఈ పద్ధతి ఉపయోగపడుతుంది.వాల్యుమెట్రిక్‌ మాడ్యులేటెడ్‌ ఆర్క్‌ థెరపీ (వీఎమ్‌ఏటీ) అత్యంత ఖచ్చితమైన రీతిలో రేడియేషన్‌ ఇచ్చే ఈ ప్రక్రియలో రేడియేషన్‌ ఇచ్చే మెషిన్‌ క్యాన్సర్‌ బాధితుడి చుట్టూ తిరుగుతూ వివిధ కోణాల నుంచి రేడియేషన్‌ను ప్రసరింపజేస్తుంది. దాంతో క్యాన్సర్‌ ఉన్న భాగానికి వీలైనంత ఎక్కువగానూ, చుట్టుపక్కల ఆరోగ్యకరమైన అవయవాలకు వీలైనంత తక్కువ రేడియేషన్‌ తాకేలా చూస్తారు. ప్రోస్టేట్, కాలేయం, ప్రాంక్రియాస్‌ వంటి అనేక రకాల క్యాన్సర్లలో ఈ ప్రక్రియను ఉపయోగిస్తారు.శరీరం లోపల నుంచే రేడియేషన్‌ ఇచ్చే పద్ధతులుఇప్పటివరకూ చెప్పిన పద్ధతులు కాకుండా... రేడియేషన్‌ వెలువడే పదార్థాన్ని శరీరంలోనే ఉంచి కొన్ని సందర్భాల్లో క్యాన్సర్‌ గడ్డ దేహంలో ఉన్న ప్రాంతానికి చేరి అక్కడ నుంచి రేడియేషన్‌ను ప్రసరింపజేస్తుంది. ఇలా రేడియేషన్‌ ఇవ్వడాన్ని ‘ఇంటర్నల్‌ రేడియేషన్‌ థెరపీ’ అంటారు. ఇందులోని కొన్ని ముఖ్యమైన ప్రక్రియలు.బ్రాకీథెరపీ : ఈ ప్రక్రియలో రేడియోధార్మిక పదార్థాలను అతి చిన్న మోతాదులో దేహంలోని క్యాన్సర్‌ ఉన్న ప్రాంతానికి పంపి క్యాన్సర్‌ గడ్డకు అతి దగ్గరగా ఉండేలా చూస్తారు. ఈ అత్యంత చిన్న మోతాదులో ఉండే రేడియో యాక్టివ్‌ పదార్థాలు సాధారణంగా చిన్న ‘సీడ్స్‌’ (విత్తనాల్లాంటి చిన్న పదార్థాలు) రూపంలో ఉంటాయి. అవి అవి క్యాన్సర్‌గడ్డకు అతి దగ్గరగా ఉండటంతో ఆ రేడియేషన్‌ ప్రధానంగా క్యాన్సర్‌ ఉన్న ప్రాంతంలో ప్రభావవంతంగా ప్రసరిస్తూ, గడ్డను దెబ్బతీస్తుంది. ఉదాహరణకు ప్రోస్టేట్, గర్భాశయ ముఖద్వారం (సర్విక్స్‌), ఎండోమెట్రియంతో పాటు కొన్ని రకాల బ్రెస్ట్‌ క్యాన్సర్లలో దీనిని ఉపయోగిస్తారు.ఇంట్రా ఆపరేటివ్‌ రేడియోథెరపీ (ఐఓఆర్‌టీ) ఇది కొంచెం ప్రత్యేకమైన పద్ధతి. క్యాన్సర్‌గడ్డకు శస్త్ర చికిత్స చేస్తున్న సమయంలోనే రేడియేషన్‌ కూడా ఇస్తారు. శస్త్రచికిత్స ద్వారా క్యాన్సర్‌ ఉన్న ప్రదేశాన్ని బయటకు కనిపించేలా చేశాక... ఆ ప్రాంతానికి ఎక్కువ మోతాదులో రేడియేషన్‌ ఇస్తారు. అదే సమయంలో పక్కనున్న ఆరోగ్యకరమైన అవయవాలను రక్షించడానికి ప్రత్యేక రక్షణాత్మకమైన ప్రక్రియలను అనుసరిస్తారు. జీర్ణవ్యవస్థలోని కొన్ని క్యాన్సర్లతోపాటు శస్త్రచికిత్స చేయడం కష్టమైన కొన్ని ఇతర రకాల క్యాన్సర్లలో ఈ ప్రక్రియ ఉపయోగకరంగా ఉంటుంది.స్టీరియోటాక్టిక్‌ రేడియో సర్జరీ (ఎస్‌ఆర్‌ఎస్‌) పేరుకు ఇందులో రేడియోసర్జరీ అని ఉన్నప్పటికీ ఇది శస్త్రచికిత్స కానే కాదు. ఇందులో కత్తితో కోయడం ఉండదు. కాకపోతే ఇందులో చిన్న చిన్న రేడియేషన్‌ కిరణాలను ఒకేచోట కేంద్రీకృతంగా పడేలా ప్రయోగిస్తారు. దాంతో చాలా ఎక్కువ మోతాదులో తీక్షణంగా పడేలా చేయడంతో క్యాన్సర్‌ ప్రాంతంపై అత్యంత ఖచ్చితంగా / నిశితంగా కేంద్రీకరించేలా కిరణాలు ప్రసరిస్తాయి. కీలకమైన మెదడు, తల, మెడ ప్రాంతాల్లోని కొన్ని కణుతులకు ఇది ఉపయోగపడుతుంది. మెదడులోని గడ్డలు (బ్రెయిన్‌ ట్యూమర్స్‌), పిట్యుటరీ ట్యూమర్స్, మెనింజియోమాస్, అకాస్టిక్‌ న్యూరోమాస్‌ వంటి కణుతుల్లో ఈ ప్రక్రియ ఉపయోగపడుతుంది.బయటే ఉండే మెషిన్‌ నుంచి రేడియేషన్‌ ఇవ్వగల మరికొన్ని ఆధునిక ప్రక్రియలివి... ప్రోటాన్‌ థెరపీ : ఇందులోని సాంకేతికత సాధారణ రేడియేషన్‌ ప్రక్రియ కంటే కాస్తంత వేరుగా ఉంటుంది. ఇందులో ఎక్స్‌–రేస్‌ కాకుండాప్రోటాన్‌లతో రేడియేషన్‌ ఇస్తూ... ఈ ప్రోటీన్‌ బీమ్‌ను క్యాన్సర్‌ గడ్డ తాలూకు ఆకృతికీ, అది లోపల ఎంత లోతు ఉందో అంతే లోతు వరకు ప్రసరించేలా చేయడం సాధ్యమవుతుంది. దాంతో క్యాన్సర్‌ గడ్డ కంటే లోతులో ఉన్న ఆరోగ్యకరమైన కణజాలానికి రేడియేషన్‌ ప్రసరించకుండా జాగ్రత్త తీసుకోడానికి వీలవుతుంది. ప్రోస్టేట్, ఊపిరితిత్తులు, తల–మెడ (హెడ్‌ అండ్‌ నెక్‌), కాలేయం, అన్నవాహిక, మెదడు వంటి క్యాన్సర్లలో దీన్ని ఉపయోగిస్తారు.అయితే ప్రోటాన్‌ థెరపీ అన్నది ప్రతి క్యాన్సర్‌ బాధితులకూ తప్పనిసరిగా ఉపయోగపడుతుందని చెప్పడానికి కుదరదు. ఏ క్యాన్సర్‌ గడ్డకు ఏ ప్రక్రియ బాగా ఉపయోగపడుతుందన్న అంశాన్ని డాక్టర్లు క్యాన్సర్‌ గడ్డ తాలూకు రకం, ఆ గడ్డ పరిమాణం, దాని ఆకృతి వంటి అనేక అంశాలపై ఆధారంగా నిర్ణయిస్తారు.ఎమ్మారై లీనియర్‌ యాక్సిలరేటర్‌ : ఇది మరింత ఆధునిక సాంకేతికతతో రూపుదిద్దుకున్న ప్రక్రియ. ఇందులో రేడియేషన్‌ ఇచ్చే సమయంలోనే ఎమ్మారై ద్వారా కణితిని నిరంతరం గమనిస్తూ ఉంటారు. అంటే... ఇందులో... ఎమ్మారై సహాయంతో గడ్డను చూస్తూ ఉంటూనే అవసరాన్నిబట్టి రేడియేషన్‌ ఇస్తున్న తీరును మార్చుకునే అవకాశం ఉంటుంది. ముఖ్యంగా మృదువైన కణజాలంలో (సాఫ్ట్‌ టిష్యూ)లలో ఉండే క్యాన్సర్లకు ఈ ప్రక్రియ బాగా ఉపయోగపడుతుంది.స్టీరియోటాక్టిక్‌ బాడీ రేడియేషన్‌ థెరపీ (ఎస్‌బీఆర్‌టీ) : ఇది కూడా చాలా ఖచ్చితమైన రీతిలో / చాలా నిశితంగా రేడియేషన్‌ ఇవ్వగల ప్రక్రియ. దాంతో ఇందులో రేడియేషన్‌ను చాలా ఖచ్చితంగా క్యాన్సర్‌ గడ్డపైనే కేంద్రీకృతమయ్యేలా చేయవచ్చు. శస్త్రచికిత్స చేయడం కుదరని పేషెంట్లకూ లేదా శస్త్రచికిత్సకు అనువుగా ఉండని బాధితులకు ఇదో మంచి ప్రత్యామ్నాయం. ఊపిరితిత్తులు, కాలేయం, ప్రాంక్రియాస్‌ క్యాన్సర్లతోపాటు ఎముకలకు వ్యాపించిన మరికొన్ని క్యాన్సర్లలో దీన్ని ఉపయోగించవచ్చు.హైపర్‌ ఆర్క్‌తో అనేక క్యాన్సర్‌ కణుతులకు చికిత్స: స్టీరియోటాక్టిక్‌ రేడియేషన్‌ విధానాల్లో హైపర్‌ ఆర్క్‌ రేడియోథెరపీ వంటి అత్యాధునికమైన ప్రక్రియలో ఇప్పుడు మంచి ప్రాధాన్యం సంతరించుకుంటున్నాయి. ఇందులో... మెదడులోని పలు కణుతులను లక్ష్యంగా చేసుకుని రేడియేషన్‌ కిరణాలను అత్యంత కచ్చితత్వంతో ప్రసరింపజేయడం సాధ్యమవుతుంది. మొత్తం మెదడుకు కాకుండా... ఒక్కో కణితిని లక్ష్యంగా చేసుకుని అవసరమైన మోతాదులో రేడియేషన్‌ ఇవ్వడమే ఇందులోని ప్రధాన ఉద్దేశం. ఎమ్మారై, సీటీ స్కాన్‌ వంటి స్కాన్‌ల ఆధారంగా ఈ చికిత్స ప్రణాళికను రూపొందించాక... ప్రత్యేక సాఫ్ట్‌వేర్‌ సహాయంతో వివిధ దిశల నుంచి రేడియేషన కిరణాలు కణితిపై కేంద్రీకృతమయ్యేలా చికిత్స ప్రణాళికను రూపొందిస్తారు. చదవండి: ఆ గాయం రూపాన్ని మార్చిందే తప్ప..ఆమె గెలుపుని కాదు!కణితిపై అవసరమైన రేడియేషన్‌ మోతాదు ప్రసరించాక... ఇక దాని బయట ఉండే చోట్ల రేడియేషన్‌ కిరణాల వేగం తగ్గేలా ఇందులో చికిత్స ప్రణాళికను రూపొందిస్తారు. ఫలితంగా మెదడులోని ఆరోగ్యకరమైన కణజాలంపై రేడియేషన్‌ దుష్ప్రభావాలను గణనీయంగా తగ్గించేందుకు అవకాశం ఉంటుంది. అయితే ఈ ప్రక్రియ అందరికీ అవసరం ఉండకపోవచ్చు. ఇవీ రేడియేషన్‌ థెరపీలోని కొన్నిప్రాథమికమైన అంశాలలో కొన్ని ముఖ్యమైనవి. వీటి పట్ల అవగాహన పెంచుకోవడం వల్ల తమ కుటుంబంలోని క్యాన్సర్‌ పేషెంట్ల విషయంలో వారి బంధుమిత్రులకూ, పేషెంట్‌ తాలూకు అటెండెంట్లకూ ఉండే చాలా అపోహాలూ, సందేహాలూ తొలగిపోయే అవకాశాలెక్కువ.రేడియేషన్‌పై ఆధాపడాల్సిన అవసరమేమిటి? క్యాన్సర్‌ కణం తన ఉనికి, మనుగడ కోసం ఎంతకైనా తెగిస్తుంటుంది. పైగా ఆ కణం చాలా చిన్నదిగా ఉంటుంది. శస్త్రచికిత్స ద్వారా క్యాన్సర్‌ గడ్డను తొలగించేటప్పుడు కేవలం ఒక చిన్న కణం మిగిలిపోయినా... అది మళ్లీ పెరిగిపోయే ముప్పు ఉండనే ఉంటుంది. అందుకే రేడియేషన్‌ ద్వారా కొంత ఆరోగ్యకరమైన కణజాలం దెబ్బతిన్నప్పటికీ, ఏ చిన్నకణమూ మిగిలిపోకుండా సమూలంగా నిర్మూలించడానికి రేడియేషన్‌ను ఉపయోగిస్తుంటారు. ఇక కొన్ని సందర్భాల్లో... శస్త్రచికిత్సకు ముందుగా కూడా రేడియేషన్‌ / కీమో ఉపయోగించి ఆ గడ్డను శస్త్రచికిత్స ద్వారా తొలగించడానికి అనువుగా ఉండేంత చిన్నదయ్యేలా చేశాకే సర్జరీ చేస్తుంటారు. ఇలా కూడా రేడియేషన్‌ ఉపయోగపడుతుంది.ఎవరికీ ఏ రేడియేషన్, ఎంత ఇవ్వాలో నిర్ణయించడమెలా... క్యాన్సర్‌ బాధితుల్లో రేడియేషన్‌ థెరపీ ఇవ్వాల్సిన వారిలో ఇది చాలా కీలకమైన అంశం. క్యాన్సర్‌ బాధితులందరికీ ఒకే రకమైన రేడియేషన్‌ థెరపీ ఇవ్వడం కుదరదు. అనేక అంశాల ఆధారంగా ఏ తరహా క్యాన్సర్‌ గడ్డకూ లేదా ఏ బాధితుడికి ఏ తరహా రేడియేషన్‌ ఇవ్వాలనేది అనేక అంశాల ఆధారంగా డాక్టర్లు (రేడియేషన్‌ ఆంకాలజిస్టులు) నిర్ణయిస్తారు. వారు చూసే అంశాలివి... అది ఏరకమైన క్యాన్సర్‌ గడ్డ దాని పరిమాణం ఎంత (ఎంత పెద్దది) దేహంలోని ఏ ప్రాంతంలో ఉంది చుట్టుపక్కల ఉన్న అవయవాలేమిటి గడ్డ ఎంతవరకు వ్యాపించి ఉంది బయాప్సీ రిపోర్టులో ఏముంది సీటీ, ఎమ్మారై, పెట్‌ స్కాన్‌లలో ఉన్న సమాచారమేమిటి క్యాన్సర్‌ బాధితుడి ఆరోగ్య పరిస్థితి ఏమిటి... వంటి అనేక అంశాలను పరిశీలించి ఇవ్వాల్సిన రేడియేషన్‌ను నిర్ణయిస్తారు. డాక్టర్‌ వినితా రెడ్డి, సీనియర్‌ కన్సల్టెంట్‌, రేడియేషన్‌ ఆంకాలజిస్ట్‌ నిర్వహణ: యాసీన్‌

అంబానీ ఫ్యామిలీ అంటేనే అన్నీ కళ్లు చెదిరే లగ్జరీయస్‌తో కూడిన బడా విలువ చేసే నగలు, గాడ్జెట్లనే ఉపయోగిస్తారనేది తెలిసిందే. కానీ వాళ్లు ధరించే జ్యువెలరీ, కాస్ట్యూమ్‌ ఇలా ప్రతి ఒక్కటి విలక్షణమైనవి, పైగా భారతీయతను చాటే హస్తకళ ప్రస్ఫుటంగా కనిపిస్తుంది. ఈసారి ఆ కుటుంబానికి చెందిన చిన్న కోడలు రాధికా మర్చంట్‌ మరోసారి తన లగ్జరీయస్‌ ఫ్యాషన్‌తో అందర్నీ ఆకట్టుకుంది. చాలా సింపుల్‌ డ్రెస్‌ లుక్‌తో ఆకట్టుకునే ఆమె ప్రతి జ్యువెలరీ, వాచ్‌లు అత్యంత విలక్షణంగా ఉంటాయి. ఈసారి ఆభరణంలాంటి వైట్‌ గోల్డ్‌ వాచ్‌తో అందర్నీ ఆకట్టుకుందామె. ముంబైలో జరిగిన అబు జానీ సందీప్‌ ఖోస్లో 40వ వార్షికోత్సవ వేడుకలో అబానీ కుటుంబం మొత్తం హాజరైంది. ఈ వేడుకులో రాధికా ఇలా తన విభిన్నమైన ఫ్యాషన్‌ లుక్‌తో ఆకర్షించింది. దుస్తుల పరంగానే కాకుండా జ్యువెలరీ పరంగా కూడా విలక్షణతో కూడిన ప్రత్యేకతను చాటింది. ముఖ్యంగా చేతికి ధరించిన వైట్‌ గోల్డ్‌ వాచ్‌ అందరి దృష్టిని అమితంగా ఆకర్షించింది. అదొక గాడ్జెట్‌లా కాకుండా ఒక జ్యువెలరీలా మెరిసి..అందరి చూపులను ఆకర్షించింది. మరి ఆ వాచ్‌ విశేషాల గురించి సవివరంగా చూద్దామా. ఈ వాచ్‌ని 18 క్యారెట్ల వైట్‌ గోల్డ్‌తో రూపొందదించారట. ఇది సుమారు 24mm వెడల్పు, 27.8mm పొడవు ఉంటుంది. దీని డయల్‌ పూర్తిగా వజ్రాలు, పచ్చలతో పొదగబడి ఉంది. అలాగే ఫ్యూయిల్‌ శైలి ముల్లులు, 12, 6 గంటల వద్ద ఉన్న రోమన్ అంకెలు ప్రధాన ఆకర్ణగా కనిపిస్తాయి. ఈ వాచ్‌లో ప్రధాన ఆకర్షణ మాత్రం మిరుమిట్లుగొలిపే అసంఖ్యాక వజ్రాలు, పచ్చలే. దీనిలో సుమారు 33.64 క్యారెట్ల బరువున్న 1700కు పైగా వజ్రాలు, 33.64 క్యారెట్ల బరువున్న 289 పచ్చలు పొందుపర్చారు. దీని బరువు మొత్తం 38 క్యారెట్లకు పైగా ఉంటుందట. మరి ఇంత విలాసవంతంగా తీర్చిదిద్దిన తెల్ల బంగారం వాచ్‌ ధర ఎంతో తెలిస్తే మాత్రం మతిపోవడం ఖాయం. ఇది అక్షరాలు రూ. 1.51 కోట్లు పైనే పలుకుతుందట. మరో ప్రత్యేకత ఏంటంటే సంప్రదాయ వాచ్‌ల మాదిరిగా కాకుండా ఒక ఆభరణంలా ధరించేలా రూపొందించడం విశేషం. ఆ వాచ్‌కి అనుగుణంగా స్ట్రక్చర్డ్ జాకెట్, ప్రింటెడ్ స్కర్ట్‌తో ఆధునిక డిజైనర్‌వేర్‌ ధరించింది. పచ్చల నెక్లెస్‌, స్టేమెంట్‌ చెవిపోగులు, వేలికి వజ్రపు ఉంగరంతో తన ఆహార్యాన్ని పూర్తి చేసి అత్యంత హుందాగా, స్టైలిష్‌గా తళుక్కుమంది రాధికా. View this post on Instagram A post shared by THEINDIANHOROLOGY (@theindianhorology) (చదవండి: Nita Ambani: అద్భుతమైన క్రిమ్సన్‌ చీరలో నీతా అంబానీ స్టన్నింగ్‌ లుక్‌..!)

బరువు తగ్గేందుకు సాధారణంగా అందరూ ఎంచుకునేంది జిమ్‌లో కసరత్తులు, క్రాష్‌ డైటింగ్‌లూను. ఇపుడు సోషల్ మీడియాలో మరో వెల్నెస్ ట్రెండ్ వచ్చింది. బరువు తగ్గడంతోపాటు, శరీరాన్ని డిటాక్స్ చేయడానికి ఇది 'అత్యంత సులభమైన వ్యాయామాలలో' ఒకటి అంటూ తెగ ప్రచారం అవుతోంది. దాని పేరే లింఫాటిక్ వాకింగ్ (Lymphatic Walking). అసలేంటీ ట్రెండ్‌. ఎలా పనిచేస్తుంది? దీని లాభాలు, నష్టాలు తెలుసుకుందాం ఈ కథనంలో.ఆలియా భట్ నుండి హేలీ బీబర్ వరకు, లింఫాటిక్ డ్రైనేజ్ గురించి చర్చ తెగ హల్‌ చల్‌ చేప్తోంది. కొన్నిసార్లు ఫేషియల్ మసాజ్ రూపంలో, కొన్నిసార్లు ఈ ట్రెండింగ్ నడకల రూపంలో. లింఫాటిక్ వాకింగ్ అనేది సాధారణ నడకలాంటిదే. కానీ ఇందులో ప్రత్యే మైన వేగంతో శరీర కదలికలు (చేతులు, శ్వాస తీసుకునే, అడుగులు) ఉంటాయి, గుండె రక్తాన్ని పంప్ చేసినట్లుగా, లింఫాటిక్ వ్యవస్థకు ద్రవాలను పంప్ చేయడానికి సొంత అవయవమేదీ ఉండదు. అందుకే కేవలం శరీర కండరాల కదలికలు, డీప్‌ బ్రీతింగ్‌ ద్వారా మాత్రమే ఈ లిక్విడ్‌ ముందుకు కదులుతుంది. ఇది కణజాలాల నుండి అదనపు ద్రవాన్ని బయటకు పంపడానికి సహాయ పడుతుంది, రోగనిరోధక శక్తి పనితీరులో ముఖ్యమైన పాత్ర పోషిస్తుంది. శరీరంలోని లింఫ్ వ్యవస్థను (రక్తనాళాల తరహాలోనే ద్రవాలను ప్రసరింపజేసే వ్యవస్థను) చురుగ్గా ఉంచడానికి చేసే ప్రత్యేకమైన, సరళమైన ప్రక్రియ. ప్రతి అడుగు లేదా కదలికతో కండరాలు సంకోచించినప్పుడు, అవి వాటి పక్కన ఉన్న లింఫాటిక్ నాళాలను సున్నితంగా నొక్కి, ఈ ఏకమార్గ నాళాల ద్వారా ద్రవాన్ని ముందుకు నెడతాయి. దీన్నే మజిల్ పంప్ అంటాం. View this post on Instagram A post shared by Fitness With Naman (@fitnesswithnaman)ఇదీ చదవండి: సౌండ్‌ వద్దు అన్నందుకు మ్యుజీషియన్‌ను కొట్టి చంపేశారు లింఫాటిక్ వాకింగ్ Arm Swings నడిచేటప్పుడు చేతులను చాతి మరియు భుజాల స్థాయి వరకు కొద్దిగా పైకి, ముందుకు-వెనుకకు బాగా ఊపుతూ నడవడం. ముక్కు ద్వారా గాలిని లోతుగా పీల్చుకుంటూ, నోటి ద్వారా వదులుతూ నడవడం.అడుగుల కదలిక: మడమ (Heel) నుండి మొదలుపెట్టి కాలి వేళ్ల (Toe) వరకు పాదాన్ని నేలకు బలంగా ఆనిస్తూ అడుగులు వేయడం (Heel-to-toe pattern). ప్రయోజనాలు:వాకింగ్‌ ద్వారా వచ్చే లాభాల మాదిరిగానే క్రమంగా బరువు అదుపులోకి వస్తుంది.కాళ్లు, చేతుల్లో నీరు పట్టడం (Water Retention / Edema) వల్ల వచ్చే వాపు తగ్గుతుంది.శరీరంలోని వ్యర్థాలు, విష పదార్థాలు త్వరగా బయటకు పంపేస్తుంది. తల్ల రక్తకణాలు శరీరంలో బాగా వ్యాపించి ఇన్ఫెక్షన్లతో పోరాడే శక్తి పెరుగుతుంది.జీర్ణక్రియ , రక్తప్రసరణ మెరుగుపడుతుంది.నోట్‌ : సాధారణ నడక కంటే లింఫాటిక్ వాకింగ్ ఎక్కువ శరీర కొవ్వును కరిగిస్తుందనడానికి లేదా ఒక ప్రత్యేకమైన “డిటాక్స్” ప్రభావాన్ని అందిస్తుందనడానికి ప్రస్తుతం బలమైన ఆధారాలు లేవు. డెస్క్ జాబ్స్ చేసేవారు, ఎక్కువ గంటలు ప్రయాణించే వారు, ఎక్కువసేపు కదలకుండా కూర్చునే వ్యక్తులకు నడక ఆరోగ్యానికి చాలా మంచిది. ఏ వ్యాయామమైనా నిపుణుల సలహా మేరకు క్రమం తప్పకుండా, పట్టుదలగా చేయడం ముఖ్యం అనేది గమనించాలి.ఇదీ చదవండి: విషాదం : మరికొన్ని గంటల్లో లైవ్‌, దుబాయ్‌లో సింగర్‌ హఠాన్మరణం

ఎటు చూసినా ఏఐ సాంకేతికత హవానే. ప్రతిదానిలో ఏఐ ఫీచర్లతో మోత మోగించేస్తూ..పనులన్నీ చిటికెలో అయిపోయేలా వస్తున్నాయి అన్ని గాడ్జెట్లు. తాజాగా రోజువారీ దినచర్యలో నిత్యకృత్యమైన బ్రెషింగ్‌లో కూడా ఈ ఫీచర్‌ వచ్చేసింది. దంతాల క్లీనింగ్‌ కోసం డెంటిస్ట్‌ దగ్గరకు వెళ్లక్కర్లేకుండా చక్కగా పళ్లు తళతళ మెరిసేలా స్వయంగా క్లీన్‌ చేసుకునే ఏఐ టూల్‌ బ్రెష్‌ వచ్చేసింది. దీని పనితీరు చూస్తే మైండ్‌బ్లాక్‌ అయిపోవడం ఖాయం. ఇంతలా క్లీన్‌ చేస్తుందా అని కచ్చితంగా నోరెళ్లబెడతారు. అందుకు సంబంధించిన వీడియోని ఓ జంట నెట్టింట పంచుకుంది. మరి ఆ ఏఐ టూత్‌ బ్రెష్‌ విశేషాలేంటో సవివరంగా చూద్దామా మరి..!.కంటెంట్‌ క్రియేటర్లైన ఓ జంట "దిఆలివ్‌ట్రీఫ్యామిలీ" అనే పేరుతో ఓ వీడియోని నెట్టింట షేర్‌ చేశారు. ఆ వీడియోలో అంతర్నిర్మిత కెమెరా, టార్చ్‌తో కూడిన ఏఐ ఫాసింగ్‌ క్లీనింగ్‌తో కూడిన టూత్‌ బ్రెష్‌ పని తీరు గురించి పంచుకున్నాడు. డైసన్‌ అనే కంపెనీ ఏఐ సాంకేతికతో కూడిన ఈ ఆధునిక బ్రష్‌ని రూపొందించింది. వాళ్లు ఆ బ్రెష్‌ని ఎలా ఉపయోగించుకోవాలో ఎలా ఛార్జ్‌ చేయాలి వంటి వాటితో సహా..ఉపయోగించే విధానం కూడా పంచుకున్నారు. టూత్‌ పేస్ట్‌ని బ్రెష్‌పై పెట్టి నోటిలో పెట్టగానే ప్రతిదీ వీడియో తీస్తూ..పళ్ల సందుల్లో ఇరుక్కుపోయిన ఆహారాన్ని క్లీన్‌ చేస్తుంది. ఎక్కడ చిన్న మెతుకు ఇరుక్కుపోయినా వదలదు. అది కూడా తక్కువ టైంలోనే సమర్థవంతంగ పంటి సమస్యల బారిన పడకుండా అద్భుతంగా క్లీన్‌ చేయడం స్పష్టంగా వీడియోలో చూడొచ్చు. అలాగే ఈ బ్రష్‌ని డిజైన్‌ చేసిన సంస్థ సైతం ఇది దంతాల మధ్య ఉన్న ఖాళీలను లక్ష్యంగా చేసుకుని పాచిని తొలగించే ఏకైక బ్రెష్‌గా అభివర్ణించింది. ఇది జెట్‌ వాషింగ్‌, లిక్విడ్‌ వాషింగ్‌, మౌత్‌ వాష్‌ వంటి క్లీనింగ్‌ పద్ధతులను అందిస్తుంది. సాధారణంగా ఫాసింగ్‌ అనేది కాస్త సమయం ఎక్కువ తీసుకునే పద్ధతి. అందరూ దీన్నిచేయలేరు కూడా. అదే సాంకేతికతో కూడిన అత్యాధునిక ఈ టూత్‌బ్రెష్‌తో జస్ట్‌ ఓ మూడు నిమిషాల్లో పళ్లన్నీ శుభ్రపడాయి. పాచి, పసుపు గార వంటి ఇబ్బంది లేకుండా తళతళ మెరిసిపోయేలా చేస్తుంది. దీని ఫీచర్స్‌ చూస్తుంటే..నోటి ఆరోగ్యానికి బెస్ట్‌ టూత్‌ బ్రెస్ట్‌గా తెలుస్తోంది. అదీగాక నోటి సంరక్షణ పద్ధతులపై జరుగుతున్న పరిశోధనల్లో నోటిలో మలినాలు ఎలా పేరుకుపోతాయో, అలాగే పళ్ల మధ్య ఉండే ఖాళీల్లో మలినాలు ఎలా చేరుకుంటాయో వెల్లడించింది. వీటిని క్లీన్‌ చేయడం చాలా మంది ప్రజలు మర్చిపోతున్నట్లు సర్వేలో తేలింది కూడా. అలాంటి తరుణంలో ఈ సరికొత్త ఫీచర్లున్న టూత్‌ బెస్ట్‌ అందరికీ ఆమోదయోగ్యకరమైనదని అంగీకరించవచ్చు. పైగా దీని ధర కూడా కేవలం రూ. 47 వేలు. అందరు కొనలేకపోయినా..సామాన్యుడు కూడా కొనేలా త్వరలో తక్కవ ధరలో లభించేవి కూడా పెద్ద మొత్తంలో వచ్చే అవకాశం లేకపోలేదనే చెప్పొచ్చు. View this post on Instagram A post shared by W Ken | Lynsay | Chung Family (@theolivetreefamily)(చదవండి: మెహిందీ పెడుతూ.. లక్షదాక సంపాదిస్తున్న టెకీ!)

శిల్పాలు, చిత్రాలు, ఇన్‌స్టాలేషన్‌... కళాకృతి ఏదైనా కావచ్చు. అందులో భారతి ఖేర్‌ ముద్ర కనిపిస్తుంది. ‘వస్తువులలో అంతర్లీనంగా దాగి ఉన్న కళను ఖేర్‌ వెలుగులోకి తెస్తారు’ అంటారు ఆర్ట్‌ క్రిటిక్స్‌. ఆ వస్తువులు పురాణాలతో ముడిపడి ఉండవచ్చు. చారిత్రక సంఘటనలతో ముడిపడి ఉండొచ్చు. తాజా విషయానికి వస్తే... ఫోర్బ్స్‌ ఇండియా ‘షోస్టాపర్స్‌ 2026: 100 బిగ్గెస్ట్‌ సెలబ్రిటీస్‌’ జాబితాలో భారతి ఖేర్‌ చోటు సాధించారు...భారతి ఖేర్‌ కళాకృతులలో బొట్టు అనేది ప్రత్యేకంగా కనబడుతుంది. 1995లో మొదటిసారిగా అది ఆమె కళాకృతిలో కనిపించింది. ఇక అప్పటినుండి ఖేర్‌ సృజించిన కళాకృతులలో బొట్టు ప్రత్యేక సౌందర్య చిహ్నంగా మారింది. ‘బొట్టు నాకు మూడవ కన్నులాంటిది. వాస్తవ ప్రపంచానికి, ఆధ్యాత్మిక, భావనాత్మక ప్రపంచాలకు మధ్య అది బంధాన్ని ఏర్పరుస్తుంది’ అని చెబుతుంటారు ఖేర్‌.ఆ మ్యూజియం... ఆశాదీపంఖేర్‌ సృష్టించిన అత్యంత ప్రతిష్ఠాత్మకమైన 2006 శిల్పం ‘ది స్కిన్‌ స్పీక్స్‌ ఏ లాంగ్వేజ్‌ నాట్‌ ఆన్‌ ఇట్స్‌ ఓన్‌’లో బొట్టు ప్రత్యేకంగా కనిపిస్తుంది. సోథెబీస్‌ వేలంలో ఈ శిల్పం రికార్డ్‌ స్థాయిలో రూ.6.9 కోట్లకు అమ్ముడుపోయింది. ‘మ్యూజియమ్స్‌ జ్ఞాపకాల నిలయాలు. అవి మౌనప్రదేశాలు కాదు. సౌందర్యం, చరిత్ర, రాజకీయాల గురించి మాట్లాడతాయి. భారతదేశంలో ఎనిమిది వందల మ్యూజియమ్స్‌ ఉన్నాయి. అయితే వాటిలో చాలా వరకు సరిగ్గా పనిచేయడం లేదు. పట్నాలో బిహార్‌ మ్యూజియంలాంటి అద్భుతమైన మ్యూజియంలు ఉన్నాయి. అలాంటివి ఆశాదీపాన్ని వెలిగిస్తాయి’ అంటున్నారు ఖేర్‌. ప్రారంభంఖేర్‌ రూపొందించిన కళాకృతులు న్యూయార్క్‌లోని పబ్లిక్‌ ఆర్డ్‌ ఫండ్, యార్క్‌షైర్‌ స్కల్ప ్చర్‌ పార్క్, కోపెన్‌హాగన్‌లోని థోర్వాల్డ్‌సెన్స్‌ మ్యూజియం, లండన్‌లోని హేవర్డ్‌ గ్యాలరీ, వి అండ్‌ ఏ, నేషనల్‌ మ్యూజియం ఆఫ్‌ కెనడా, గుగ్గెన్‌హీమ్‌ అబుదాబీలలో ప్రదర్శించబడ్డాయి.‘కాదేది కళకు అనర్హం’ అన్నట్లుగా ఖేర్‌ ఏ వస్తువుతోనైనా కళాకృతులు సృష్టించగలరు. మూడు దశాబ్దాల సుదీర్ఘ కేరీర్‌లో అద్భుత కళారూపాలను ఆవిష్కరించారు. ‘నిన్ను నువ్వు తెలుసుకోవడమే సకల జ్ఞానానికి ప్రారంభం’ అనే ప్రఖ్యాత తత్వవేత్త ఆరిస్టాటిల్‌ మాట ఆధారంగా రూపొందించిన కళారూపానికి మంచి స్పందన వచ్చింది.ఎప్పుడూ చెప్పే విషయంలండన్‌లోని న్యూ కాజిల్‌ పాలిటెక్నిక్‌ ఆర్ట్‌ అండ్‌ డిజైన్‌లో ఫౌండేషన్‌ కోర్సులో చేరి, ఫైన్‌ ఆర్ట్, పెయింటింగ్‌లో బి.ఏ. చేసిన భారతి ఖేర్‌ 1993లో ఇండియాకు వచ్చారు.‘సునామీ సమయంలో జంతువులు ఎత్తైన ప్రదేశాలకు పారిపోయాయని, పక్షులు మనుషులకు హెచ్చరికలు చేశాయని, కాని మనుషులు వాటిని వినలేకపోయారని లేదా పట్టించుకోలేదని అంటారు. మనుషులకు ఉన్న అహంకారం ఏమిటంటే తమకు అన్నీ తెలుసు అనుకుంటారు. కానీ కళ మాత్రం మనకు ఏం తెలియదని ఎప్పుడూ చెబుతూనే ఉంటుంది’ అంటారు భారతి ఖేర్‌.కొత్త మార్గంఖేర్‌కు బాగా ఇష్టమైన పుస్తకం హనీఫ్‌ ఖురేషి రాసిన ది బుద్ధ ఆఫ్‌ సబర్బియా.‘నేను యూకేలోని శివారు ప్రాంతాల్లో పెరిగాను. ఈ పుస్తకానికి ముందు ఫిక్షనల్‌ పుస్తకాలేవీ చదవలేదు. జాతి వివక్ష, వర్గ విభేదాల గురించి వ్యంగ్యం, హాస్య ధోరణిలో చెప్పిన పుస్తకం ఇది. ఈ పుస్తకాన్ని నేను ఒక్కసారిగా చదివేశాను. ఇది నా జీవితమే. నా జీవితంలో కూడా ఇలాంటివి జరిగాయి. ఇక సినిమాల విషయానికి వస్తే కుటుంబ సభ్యులతో కలిసి బ్యూటీఫుల్‌ లాండ్రెట్‌ అనే సినిమా చేశాను. అది నాకు ఒక కొత్త మార్గాన్ని చూపించింది’ అంటారు భారతి ఖేర్‌. ఆ అనుబంధమే... కళ!మాటల్లో చెప్పడానికి కష్టమైదానిని నేను కళారూపంలోకి తీసుకురావాలనుకుంటాను. దానికి సరిపోయే ప్రత్యేకమైన వస్తువు కోసం వెదుకుతాను. మనసు లోతుల్లో నుంచి పుట్టే భావోద్వేగానికి లేదా చిత్రానికి అద్భుతమైన రూపం ఇవ్వాలంటే ఎంచుకునే వస్తువు కొత్తగా ఉండాలి. మనం కంటితో చూసేదానికి, మనసుతో చూసేదానికి మధ్య అనుబంధం ఉంటుంది. ఆ అనుబంధమే కళాకృతుల పుట్టుకకు కారణం అవుతుంది. కళ అనేది సిద్ధాంతాల సమ్మేళనం కాదు. పరిసరాలను కంటితో కాకుండా మనసుతో చూడడం. నా దృష్టిలో కళ అంటే కేవలం ఆలోచన మాత్రమే కాదు. ఒక వస్తువును అందమైన స్థితిలోకి తీసుకురావడం కూడా. ఒక కళాకృతి రూపుదిద్దుకునే క్రమంలో మ్యాజిక్‌ (అద్భుతం) జరుగుతుంది. ఆల్కెమీ(రూపాంతర ప్రక్రియ) జరుగుతుంది.– భారతి ఖేర్‌

సహ్యాద్రి కొండల మధ్య ప్రయాణిస్తుంటే కొన్ని ప్రదేశాల్లో చరిత్రలో మనం భాగం అయినట్టు అనిపిస్తుంది. అక్కడికి చేరుకున్న ప్రతీసారి చరిత్రలోని ఒక పేజీ మన ముందు నిలిచినట్టు అనిపిస్తుంది. మహారాష్ట్రలో ఈ ఐదు కోటలు ఒక విభిన్నమైన అనుభూతిని అందిస్తాయి.ఒక చారిత్రాత్మక యాత్రమహారాష్ట్ర అంటే ముంబై, పుణె వంటి నగరాలు మాత్రమే కాదుం సహ్యాద్రి పర్వత శ్రేణులు కూడా గుర్తొస్తాయి. ఎన్నో శతాబ్దాల చరిత్రను మోస్తున్న కోటలు ఈ నేల కీర్తిని నిలువెత్తునా చాటుతున్నాయి. వాటిలో ఛత్రపతి శివాజీ మహారాజ్‌ జీవితంతో బలమైన అనుబంధం ఉన్న రాయగఢ్, శివనేరి, ప్రతాపగఢ్, సింహగఢ్, తోరణ కోటలు ఒక సజీవ సాక్ష్యంలా కనిపిస్తాయి.ఈ ప్రయాణంలో ప్రతి కోట ఒక భిన్నమైన అనుభూతిని ఇస్తుంది. ఒకచోట బాల్యం, మరోచోట పట్టాభిషేకం, ఇంకోచోట యుద్ధగాథ... ఇలా సహ్యాద్రి ప్రకతి మధ్య ఛత్రపతి శివాజీ చరిత్ర మెల్లగా మన కళ్ల ముందు ఆవిష్కతమవుతుంది.శివనేరిఛత్రపతి శివాజీ జీవితాన్ని తెలుసుకునేందుకు చాలా మంది ఆయన కాలంలో నిర్మించిన కోటలను సందర్శిస్తారు. ఈ యాత్ర శివనేరితో మొదలు పెట్టడానికి ఇష్టపడుతుంటారు.ఇక్కడ ఛత్రపతి శివాజీ మహారాజ్‌ జన్మించిన ప్రదేశంలో ఉన్నాం అనే ఫీలింగ్‌ చాలా స్పెషల్‌ అనిపిస్తుంది.కొండల మధ్య ఉన్న కోట ప్రాంగణంలో నడుస్తుంటే, బాల్యం నుంచే మొదలైన ఒక మహా చరిత్ర గుర్తుకొస్తుంది.కోట గోడల మధ్య కనిపించే ప్రాచీన నిర్మాణాలు, కొండపై నుంచి దూరదూరం వరకు కనిపించే సీనరీస్‌ ఇవన్నీ కలిసి శివనేరికి ఒక ప్రత్యేక ఎక్స్‌పీరియెన్స్‌ మిగిలిపోయేలా చేస్తాయి.తోరణ... తొలి అడుగు సహ్యాద్రిలో మరో ముఖ్యమైన పేరు తోరణ. శివాజీ మహారాజ్‌ స్వాధీనం చేసుకున్న తొలి కోటగా ఇది ప్రసిద్ధి చెందింది. ఈ కోటను ‘ప్రచండగఢ్‌’ అని కూడా పిలుస్తారు. ఇక్కడ కొండలపై వీచే గాలి, దూరంగా కనిపించే పచ్చని కొండలు, కోట అవశేషాలు కలిసి ఒక స్లో ట్రావెల్‌ ఎక్స్‌పీరియెన్స్‌ను ఇస్తాయి. ఒకవైపు ప్రకతి, మరోవైపు చరిత్ర... రెండూ కలిసిన అందమైన ప్రదేశమే తోరణ.ప్రతాపగఢ్‌...ప్రతాపగఢ్‌ పేరు వినగానే 1659లో అఫ్జల్‌ ఖాన్‌తో జరిగిన యుద్ధం గుర్తుకొస్తుంది. కోట దగ్గరకు చేరుకున్న తర్వాత చరిత్ర అనేది పుస్తకంలో చదివే విషయంగా మాత్రమే కాకుండా, ఈ కొండల మధ్య జరిగిన సంఘటనలా అనిపిస్తుంది. కోట చుట్టూ విస్తరించిన సహ్యాద్రి కొండల వరుసలు, మధ్యలో కనిపించే పచ్చని లోయలు, ప్రాచీన నిర్మాణాలు కలిసి నాటి గంభీరమైన పరిస్థితిని మరోసారి గుర్తు చేస్తాయి. ఇక్కడ కొంతసేపు నిశ్శబ్దంగా నిలబడటం కూడా ఒక అనుభవమే.సందర్శనీయ ప్రదేశాలుఈ ఐదు కోటల్లో ఒక్కో కోటకు ఒక్కో కథ ఉంటుంది. శివనెరిలో బాల్యం, తోరణలో తొలి విజయం, ప్రతాపగఢ్‌లో మహా యుద్ధం, సింహగఢ్‌లో తానాజీ మలుసరేల వీరగాథ, రాయగఢ్‌లో మరాఠా సామ్రాజ్య రాజధాని జ్ఞాపకాలు కనిపిస్తాయి.1674లో రాయగఢ్‌లోనే శివాజీ మహారాజ్‌ పట్టాభిషేకం జరిగింది. దీంతో ఈ కోట మరాఠా చరిత్రలో ప్రత్యేక స్థానం సంపాదించుకుంది.సింహగఢ్‌ను గతంలో కొంధాణా అని పిలిచేవారు. 1670లో జరిగిన యుద్ధం, తానాజీ మలుసరే వీరత్వం ఈ కోట చరిత్రలో ఒక ప్రత్యేక ఘటనలుగా మిగిలిపోయాయి.ఎక్కడ ఉండాలిపుణె, మహాడ్, సతారా, జున్నర్‌ వంటి ప్రాంతాల్లో స్టే చేస్తూ ట్రావెల్‌ను స్లోగా ఎంజాయ్‌ చేయవచ్చు. నగరాల్లోని హోటళ్ల నుంచి సాధారణ వసతి గహాల వరకు వివిధ రకాల వసతి సౌకర్యాలు అందుబాటులో ఉంటాయి.కోట ప్రాంతాలకు సమీపంలో ఉండే చిన్న చిన్న క్యాంపుల్లో రాత్రి వేళ సహ్యాద్రి నిశ్శబ్దాన్ని ఆస్వాదించడం ఈ ట్రిప్‌లో మరో హైలైట్‌.ఏం తినాలి ?మహారాష్ట్ర రుచులనను ఆస్వాదించడం కూడా యాత్రలో భాగంగా భావించాలి. మరీ ముఖ్యంగా పుణె, సతారా ్ర΄ాంతాల్లో ΄ోహా, మిసల్‌ పావ్, భాక్రీ, పిఠ్లా వంటి స్థానిక రుచులు ఆస్వాదించవచ్చు. మనం చుడ్వా అని పిలచుకునే చివ్దా, వడాపావ్, బ్రెడ్‌ పకోడా వంటిమి మీకు ప్రతీ చోట లభిస్తాయి. అలాగే కోట ప్రాంతాల్లో లభించే నార్మల్‌ మరాఠీ థాలి ట్రై చేయవచ్చు.ఆసక్తికరమైన విషయాలుశివనేరి ఛత్రపతి శివాజీ మహారాజ్‌ జన్మస్థలంగా ప్రసిద్ధి చెందింది.తోరణను ప్రచండగఢ్‌ అనే పేరుతో కూడా పిలుస్తారు.1659లో అఫ్జల్‌ ఖాన్‌తో జరిగిన యుద్ధంతో ప్రతాపగఢ్‌ చరిత్రలో నిలిచిపోయింది.సింహగఢ్‌ పాత పేరు కొంధాణా. తానాజీ మలుసరే వీరగాథను నేటికీ చాలా మంది గుర్తు చేస్తుంటారు.1674లో రాయగఢ్‌లో శివాజీ మహారాజ్‌ పట్టాభిషేకం జరిగింది.ఏం చూడాలిశివనేరి కోట ప్రాంగణంలో చరిత్రను గుర్తుచేసుకుంటూ వాక్‌ చేయడం, తోరణలో సహ్యాద్రి అందాలను చూడటం, ప్రతాపగఢ్‌లో యుద్ధగాథలను తెలుసుకోవడం, సింహగఢ్‌లో తానాజీ మలుసరే వీరగాథను గుర్తుచేసుకోవడం, రాయగఢ్‌లో పట్టాభిషేకం జరిగినప్రాంతం వైబ్‌ను ఫీల్‌ అవ్వడం.. ఈ ఐదు అనుభవాలు కలిసి ట్రిప్‌ను ఒక కంప్లీట్‌ మెమోరీగా మార్చేస్తాయి.ఎలా వెళ్లాలిహైదరాబాద్‌ నుంచి సహ్యాద్రి ్ర΄ాంతానికి వెళ్లాలి అనుకుంటే ముందు పుణే చేరుకుంటే బెటర్‌. దీని కోసం రైలు లేదా ఫ్లైట్‌లో మీకు వీలైన దాన్ని ఎంచుకోవచ్చు. నిజానికి ఈ జర్నీని చాలా మంది రైల్లోనే ఎంజాయ్‌ చేస్తారు. పుణె చుట్టుపక్కల ఉన్న కోటలను ముందుగా చూసి, ఆ తర్వాత రాయగఢ్, ప్రతాపగఢ్, శివనేరి, తోరణ వైపు బయల్దేరవచ్చు.నగర ప్రాంతాలను దాటి సహ్యాద్రి కొండల మధ్యకు ప్రవేశించే కొద్దీ సిటీ స్ట్రెస్‌ జోన్‌ నుంచి బయటికి వచ్చిన అనుభూతి కలుగుతుంది. విజయవాడ నుంచి వచ్చే వారు హైదరాబాద్‌ మీదుగా ప్రయాణాన్ని కొనసాగించవచ్చు.యాత్ర, బడ్జెట్‌ వివరాలుహైదరాబాద్‌ నుంచి ఐదు రోజుల ఈ చారిత్రక యాత్ర బడ్జెట్‌ అనేది ప్రయాణికుల లైఫ్‌స్టైల్‌ను బట్టి మారుతుంది. యావరేజ్‌గా కనీసం రూ.15,000–20,000 వరకు ప్రతీ వ్యక్తికి ఖర్చు అవుతుంది. ఇక ప్రీమియం ట్రావెల్‌ ఎక్స్‌పీరియెన్స్‌ కోసం రూ.35 వేల నుంచి రూ.50 వేల వరకు ఖర్చు చేయాలి. అయితే ఈ ఖర్చులు మీరు ఎలా ట్రావెల్‌ చేస్తారు, ఎక్కడ ఉంటారు, ఏం తింటారు, యాక్టివిటీస్‌ను బట్టి మారుతాయి.ఇక హోటల్‌ లేదా లాడ్జి ఖర్చు విషయానికి వస్తే స్టే కోసం పర్‌ నైట్‌ వచ్చేసి రూ.1,000 నుంచి రూ.2,500 వరకు బడ్జెట్‌ అవ్వొచ్చు. ఫుడ్‌ కోసం రోజుకు సుమారు రూ.500–1,000 వరకు కేటాయించవచ్చు. ఇలాంటి ట్రిప్‌లో తక్కువ ధరకు దొరికే రూమ్స్‌ కన్నా అన్ని సదుపాయాలు, సెక్యూరిటీ ఉన్న హోటల్స్‌నే ఎంచుకోవడం ఉత్తమం.గమనిక: ఇక్కడ ఇచ్చిన ట్రావెల్, బడ్జెట్‌ వివరాలు మీ అవగాహన కోసం మాత్రమే. దయచేసి ప్రయాణానికి ముందు లేటెస్ట్‌ వివరాలను సొంతంగా రీసెర్చ్‌ చేసుకుని ప్లాన్‌ చేసుకోండి. ఎం జి కిశోర్‌ ప్రయాణికుడు(చదవండి: మేనకోడలు చిరుకోరికను తీర్చడం కోసం ఆ మామ ఏం చేశాడంటే..!)

మలయాళ సూపర్‌స్టార్‌ మమ్ముట్టి తెలుగు, కన్నడ, తమిళ భాషల్లో అశేష అభిమానులను సంపాదించుకున్న ప్రముఖ నటుడు. ఆయన ఏడుపదుల వయసులోనూ యువ హీరోలకు తీసిపోని గ్లామరస్‌తో మంచి దృఢంగా ఉంటారు. అంతలా యంగ్‌గా హెల్దీగా ఉండటం కోసం మమ్ముట్టి ఎలాంటి ఫుడ్‌ తీసుకుంటారు, ఎలాంటి ఆహార నియమాలను పాటిస్తారు వంటి వాటి గురించి సవివరంగా చూద్దామా.!.మమ్ముట్టి ఫిట్‌నెస్‌ ఇప్పటికీ అందరి దృష్టిని అమితంగా ఆకర్షిస్తుంటుంది. కండరబలం, చురుకుదనం, ఆరోగ్యకరమైన శరీరం సౌష్టవం తదితరాలను మెయింటైన్‌ చేస్తూ యంగ్‌ లుక్‌లో కనిపిస్తుంటారు. ఆయన క్రమశిక్షణయుతమైన జీవనశైలికి ప్రసిద్ధి చెందినవారు. తమిళ హీరో సూర్య సైతం ఆహారం విషయంలో మమ్ముట్టి నాకు స్పూర్తి అని చెబుతుంటారు. ఆయన ఇచ్చిన సలహాను ఇప్పటికీ తూచా తప్పకుండా పాటిస్తున్నట్లు తెలిపారు. ఆయన ఎప్పుడూ నీకు నచ్చింది తినమనే చెబుతుంటారని..కానీ నచ్చినంతగా కాకుండా మితంగా తీసుకోమని సూచిస్తుంటారు. అది ఆరోగ్యకరమైన వృద్ధాప్యానికి దోహదపడుతుందని ఆయన చెబుతుంటారని సూర్య ఓ ఇంటర్వ్యూలో స్వయంగా చెప్పుకొచ్చాడు. అందులో నిజమెంత అంటే..ఇష్టమైన ఆహారంపై నియంత్రణ ముఖ్యంమమ్ముట్టి చెబుతున్నట్లుగా నచ్చిన ఫుడ్‌ హాయిగా తినాలి, కానీ తీసుకునే పరిమాణంపై నియంత్రణ మస్ట్‌ అనేది సరైదని చెబుతున్నారు ఆరోగ్య నిపుణులు. ఎంత తింటున్నారో అనేదానిపై నియంత్రణ మనకు సరైన కేలరీల మోతాదు తీసుకునేందుకు హెల్ప్‌ అవుతుందట. ఇక్కడ కేవలం తక్కువ తినడం మాత్రమే కాదు ప్రోటీన్లు, విటమిన్లు, ఫైబర్లు, ఖనిజాలు ఉండే పోషకవంతమైన ఆహార తీసుకోవడం అత్యంత కీలకం అని చెబుతున్నారు నిపుణుల. ఆరోగ్యకరంగా ఉండేలా..అలాగే మమ్ముట్టి వేయించిన ఆహారాలు, చక్కెర పదార్థాలు, అధిక నూనెకు దూరంగా ఉంటూ..ఆరోగ్యకరమైన ఆహార పద్ధతినే పాటిస్తారట. ఈ ఆహారాలను తగ్గించడం వల్ల కేలరీలు పరిమితంగా ఉంటాయి. అలాగే కూరగాయాలు, పండ్లు, తృణధాన్యాలు, నట్స్‌, గుడ్లు, చేపలు వంటి ప్రోటీన్‌ వనరులు అధికంగా ఉండేవి తీసుకునేందుకు అవకాశం ఉంటుంది. ఫుడ్‌ప్లాన్‌..ఏదీ తీసుకున్న నియంత్రిత పరిమాణంలో తీసుకునేలా ప్రాధాన్యత ఇస్తారట. అల్పాహారంలో ఓట్స్‌ గంజి, గుడ్డులో తెల్లసొన, బొప్పాయి, నానబెట్టిన బాదం పప్పులు ఉంటాయట. మధ్యాహ్న భోజనానికి తక్కువ మసాలాలతో తయారు చేసిన చేపల కూరను అన్నానికి బదులుగా ఓట్స్‌ పుట్టుతో కలిపి తీసుకుంటానని చెప్పారు. ఇక రాత్రి భోజనంగా గోధుమ లేదా ఓట్స్‌ దోసెల తోపాటు చికెన్‌ లేదా చేపల కూర తీసుకుంటానని చెప్పారు. భోజనం చివర్లో మష్రూమ్‌ సూప్‌ తీసుకుంటారట. ఇలా కార్బోహైడ్రేట్లు, ప్రోటీన్లను మిళితం చేయడం వల్ల శరీరానికి కావాల్సిన పోషకాలు, అలాగే బరువు నియంత్రణలో ఉంటుందని చెబుతున్నారు ఆరోగ్య నిపుణులు.వ్యాయామం, తగిన విశ్రాంతి..అలాగే క్రమంతప్పకుండా వర్కౌట్లు చేస్తుంటారు. వయసు పెరిగే కొద్ది రెసిస్టెన్స్‌ వ్యాయామం ప్రత్యేకంగా చేయాలని చెబుతున్నారు వైద్యులు. ఎందుకుంటే కండరాలు క్షీణించే అవకాశం ఉంటుంది కాబట్టి..కార్డియో వ్యాయామాలు వంటివి చేయాలని చెబుతున్నారు. ఇక నిద్రపై కూడా మంచి ‍శ్రద్ధపెడతానని చెప్పారు. శారీరక ఒత్తిడి నుంచి కోలుకునేందుకు సరైన నిద్ర నాణ్యత ఉండాలని అంటున్నారు. రోజువారీ పనితీరుకు నిద్ర ఎంతో కీలకం అని అంటున్నారు నిపుణులు. ఈ విధంగా ఆరోగ్యకరమైన జీవనశైలిని నిలకడగా పాటిస్తే..ఆరోగ్యకరమైన వృద్ధాప్యాన్ని ఆస్వాదించగలగడమే కాకుండా ఎప్పటికీ యంగ్‌ లుక్‌లోనే చురుకుగా కనిపించే అవకాశాలు ఉంటాయని చెబుతున్నారు.గమనిక: ఇది కేవలం అవగాహన కోసం మాత్రమే. పూర్తి వివరాలకు వ్యక్తిగత వైద్యులు లేదా నిపుణులను సంప్రదించడం ఉత్తమం. (చదవండి: రూ. 90 లక్షల జీతం వదులుకుని ఇండోర్‌ వ్యవసాయం..! కట్‌చేస్తే ఏకంగా రూ. 1.44 కోట్లు..)

చాలామందికి కార్పొరేట్‌ జీవితంలో లక్షల్లో జీతం ఆర్జించాలన్నది డ్రీమ్‌. అందుకోసం ఎంతలానో కష్టపడుతుంటారు. కానీ కొందరు అంత లగ్జరీ లైఫ్‌ని సునాయాసంగా కాదనుకుని వ్యవసాయం వైపుగా అడుగులు వేసి రైతులనకు అండగా నిలుస్తుంటారు. ఆ క్రమంలో కొందరు భారీ లాభాలతో వ్యాపార సామ్రాజ్యాన్ని నిర్మించి పారిశ్రామికవేత్తలుగా మారుతున్నారు. అలాంటి కోవకు చెందినవాడే చత్తీశ్‌గఢ్‌కు చెందిన మోహిత్‌ నిఝూవన్‌ కూడా. అతడు ఏ పది, ఇరవై లక్షల జీతం కూడా ఏ రేంజ్‌ కార్పొరేట్‌ జీతాన్ని కాదనుకున్నాడో వింటే నోటమాటరాదు. మరి ఆ వ్యక్తి అంత లగ్జరీ లైఫ్‌ వదులుకుని అంతకుమించిన సక్సెస్‌ని ఎలా అందుకున్నాడో తెలుసుకుందామా..!.చత్తీశ్‌గఢ్‌కు చెందిన మోహిత్‌ నిఝూవన్‌ బీటెక్‌ కంప్యూటర్‌ సైన్స్‌ పూర్తి చేసి మంచి మల్టీనేషనల్‌ కంపెనీలో ఉద్యోగం సంపాదించాడు. హాయిగా బిందాస్‌లా సాగిపోతున్నా లైఫ్‌కి సడెన్‌ బ్రేక్‌లు వేసి..అగ్రికల్చర్‌ రంగం వైపుకి అడుగులు వేశాడు. అది కూడా ఎలాంటి వ్యవసాయం ఎంచుకుంటే బెస్ట్‌ అని కూలంకషంగా తెలుసుకునేందుకు 2020లో తన ఉద్యోగానికి రిజైన్‌ చేసేశాడు. నియంత్రిత వాతావరణంలో పెంచగలిగే పోషకాలు అధికంగా ఉండే మొక్కతోట కూరలైన మైక్రోగ్రీన్‌ అనే ఇండో ఫార్మింగ్‌ ప్రారంభిస్తే ఎలా ఉంటుందని అనుకున్నాడు. అనుకున్నదే తడుపుగా వ్యాపారం మొదలు పెట్టాలనుకున్నాడు గానీ..పెద్దమొత్తంలో పెట్టుబడి పెట్టడం కంటే..తక్కువ మొత్తంలో పెట్టి అదృష్టం పరీక్షించుకోవాలనుకున్నాడు మోహిత్‌. అందుకే కేవలం రూ. 30 వేలతో చండీగఢ్‌లోని తన ఇంటి రెండో అంతస్థులో వంద చదరపు అడుగుల స్థలంలో మైక్రోగ్రీన్స్‌ని పెంచడం ప్రారంభించాడు. తొలినాళ్లలో సాగు, ఉత్పత్తి, వినియోగదారులు కొనుగోలు చేసేలా వ్యాపార నమునాని నిర్మించడం వంటి వాటి గురించి క్షుణ్ణంగా నేర్చుకున్నాడు. ఒక చిన్న ప్రయోగంగా మొదలుపెట్టి క్రమంగా ఎవర్‌గ్రీన్‌ మైక్రోగ్రీన్‌గా ఎదగడం ప్రారంభించింది. అలా చిన్న ర్యాక్‌ కాస్తా మూడు ర్యాక్లు, ట్రేలుగా వర్టికల్‌ ఇండోర్‌ఫామ్‌ని స్థాపించాడు. ప్రారంభంలో 21 సేంద్రీయా రకాలపై దృష్టిసారించి రసాయనాలు వినియోగించకుండా సాగు చేస్తే గణనీయమైన ఫలితం వచ్చింది. దాంతో నెమ్మదిగా తన ఫామ్‌ని 500 చదరపు అడుగులకు విస్తరించేలా సొంతంగా ఫామ్‌ని ఏర్పాటు చేశాడు. అది కాస్తా విస్తరించి ఏకంగా 12 వేల ట్రైలు ఉత్పత్తి చేయగల సామర్థ్యానికి చేరుకుంది. అలా ప్రస్తుతం అతను నెలకు 12 లక్షల ఆదాయం చొప్పున ఏడాదికి ఏకంగా 1.44 కోట్లకు పైనే ఆర్జిస్తున్నాడు. కేవలం చిన్న వ్యాపార ప్రయోగంగా మొదలు పెట్టి..కోట్ల ఆదాయానికి చేరుకున్నాడు. అంతేగాదు ఇంటి మిద్దె నుంచి మొదలై..సొంతంగా ఫామ్‌ని నిర్మించుకునే రేంజ్‌కి వెళ్లాడు. అలాగే ఈ మైక్రోగ్రీన్స్‌ వ్యాపారంలోకి రావాలనుకునే రైతులకు, ఔత్సాహిక పారిశ్రామికవేత్తలకు శిక్షణ కూడా ఇస్తున్నాడు. ఇ​క్కడ సాగు తోపాటు వాణిజ్యపరమైన అంశాలపై పట్టు సాధించడంతో విజయం సాధించగలిగాడు. అందుకని రైతులకు కూడా ఈ అంశాల్లో తర్ఫీదు పొందేలా సాయం చేస్తుంటాడు. ​కాగా మోహిత్‌ తన మైక్రోగ్రీన్‌ వ్యాపార సక్సెస్‌ జర్నీని నెట్టింట షేర్‌ చేసుకోవడంతో గొప్ప ప్రయాణం మిత్రమా..నిజంగా స్ఫూర్తిదాయకం అని ప్రశంసిస్తూ పోస్టులు పెట్టారు నెటిజన్లు.Meet Mohit Nijhawan, a https://t.co/BC6fLkcQNf Computer Science graduate. This guy left his 90 LPA corporate career to grow tiny greens. Today, he has built https://t.co/7yvufGmkSg, a ₹1.44 crore business with approximately ₹60 lakhs in profit annually.He walked away from a… pic.twitter.com/HI4OPKOm7l— Vikas Alwys (@VikasAlwys) September 5, 2026 (చదవండి: మేనకోడలు చిరుకోరికను తీర్చడం కోసం ఆ మామ ఏం చేశాడంటే..!)

ఓ సాఫ్ట్‌వేర్‌ ఇంజనీర్‌ మెహిందీ పెడుతూ ఎంత ఆదాయం గడిస్తుందో నెట్టింట వీడియో రూపంలో షేర్‌ చేసింది. భారత్‌లో మెహిందీ పెట్టే స్కిల్‌ని ఎలా చూస్తారు..అదే అమెరికాలో అయితే ఎలా ఉంటుందో పోలుస్తూ చెప్పుకొచ్చింది వీడియోలో. అంతేగాదు పార్ట్‌టైంగా చేస్తున్న ఈ సరదా స్కిల్‌తో తాను ఎంత మేర ఆర్జిస్తుందో కూడా పంచుకుంది. ఈ వీడియో నెటిజన్లను అమితంగా ఆకర్షించి మెహిందీ స్కిల్‌పై చర్చలు రేకెత్తించింది. అమెరికాలో పూర్తి స్థాయి సాఫ్ట్‌వేర్‌ ఇంజనీర్‌ ప్రియాం కజైన్‌ ఈ పోస్ట్‌ పంచుకుంది. తన ఉద్యోగానికి, అభిరుచికి మధ్య చక్కటి సమతుల్యతను పాటిస్తూ..ప్రొఫెషనల్‌ మెహిందీ ఆర్టిస్ట్‌గా ఎలా కొనసాగుతుందో చెప్పుకొచ్చింది. కోడింగ్‌ ద్వారా నెలవారీ ఖర్చులు తీరుతుండగా, మెహిందీ పనితో అదనపు ఆదాయాన్ని సమకూర్చుకుంటున్నట్లు పేర్కొంది. తన డిజైన్‌ పనికి గంటకు సుమారు రూ. 9 వేల నుంచి పదివేల దాకా ఛార్జ్‌ చేస్తుందట. అంతేగాదు నిర్ణీత గంటల రుసుము తోపాలు ఒక్కోసారి 20 శాతం వరకు టిప్‌ రూపంలో అదనపు మొత్తాన్ని కూడా ఆర్జిస్తున్నట్లు వెల్లడించింది. అంతేగాదు పెళ్లిళ్ల సీజన్‌లో అయితే మెహిందీ పెట్టే పూర్తి స్థాయి బుకింగ్‌ని బట్టి ఒక్క రోజుకి దాదాపు రూ. 1 లక్ష దాక సంపాదించొచ్చని తెలిపింది. తనకు అమెరికా వచ్చిన తర్వాతే కళాకారులకు ఎంత విలువ ఉంటుందో అర్తమైందని అంటోంది. భారత్‌లో మెహిందీ ఆర్టిస్ట్‌ వృత్తిని అంత గొప్ప పనిగా చూడరు, అంతగా గౌరవించరని వాపోయింది. కానీ ఇక్కడ తనను కళాకారిణిగా గౌరవిస్తారని అంటోంది. అంతేగాదు తనకు ఏదో ఒక చిన్న పనిచేస్తున్నట్లు అనిపించదని చెబుతోంది. అయినా ఏపని చిన్నిది, పెద్దది అని ఉండదు, పని అంటే పనే అని నొక్కి చెబుతోంది. ఇక అలాగే అమెరికాలో జీవన వ్యయాలు కూడా అధికంగానే ఉంటాయని ఒప్పుకుందామె. నెటిజన్లు కూడా ఆమె మాటలకు మద్దతిస్తూ..ఔను ఇక్కడ ప్రభుత్వ ఉద్యోగాన్ని తప్ప మరే ఏ ఇతర ఉద్యోగాన్నీ అంతగ గౌరవించరంటూ పోస్టులు పెట్టారు. View this post on Instagram A post shared by Priyancka Jaiin (Creating Wings Co.) (@priyancka.jaiin) (చదవండి: అద్భుతమైన క్రిమ్సన్‌ చీరలో నీతా అంబానీ స్టన్నింగ్‌ లుక్‌..!)

ఫ్యాషన్‌ ప్రపంచంలో రిలయన్స్ ఇండస్ట్రీస్‌ చైర్మన్‌ నీతా అంబానీ సదా అందమైన చీరలతో అందరి దృష్టిని ఆకర్షిస్తుంటారు. తాజాగా ముంబైలో జరిగిన అబు జానీ సందీప్‌ ఖోస్లో 40వ వార్షికోత్సవ వేడుక కోసం తనదైన ఫ్యాషన్‌ శైలితో అద్భుతంగా కనిపించారు. ఈసారి ఆమె సుందరమైన క్రిమ్సన్‌ చీరలో ఎర్రటి మందారంలో అద్భుతంగా కనిపించారు. ఇది క్లిష్టమైన హస్తకళ, క్లాసిక్‌ స్టైలింగ్‌కు కేరాఫ్‌. ఈ ఆరుగజాల ముందురు ఎరుపు రంగు క్రిమ్సన్‌ చీర..అదే సీక్వెన్స్‌లో పల్లు వెంబడి ఉన్న డిజైన్‌ ఆ చీరకు ఒక అద్భుతమైన లుక్‌ని అందించాయి. ఆ కార్యక్రమంలో ప్రకాశవంతమైన ఎరుపు రంగు రాజసం లుక్‌ తోపాటు పండుగ శోభను ఇచ్చింది. ఈ చీరకు అనుగుణంగా అదే రంగు ఎంబ్రాయిడరీ మ్యాచింగ్‌ ఫుల్‌ స్లీవ్‌ బ్లౌజ్‌ని చేయడంతో మరింత నిండుదనంతో కనిపించింది. ఈ అద్భుతమైన చేతులు దుస్తులకు మరో కళాత్మకతను జోడించాయి. అలాగే ఆడంబరమైన ఆభరణాలతో హడావిడి చేయకుండా వజ్రాల పెండెంట్‌తో కూడిన సున్నితమైన ఎర్రదారపు నెక్లెస్‌ను, దానికి సరిపోయే వజ్రాలు, రత్నాలతో కూడిన చెవిపోగులతో సింపుల్‌గా కనిపించింది. చేతికి ధరించిన సూక్ష్మమైన ఎరుపు రంగు రింగు, గాఢమైన రంగు గల చీర దాని కళాత్మక వివరాలు ప్రధాన ఆకర్షణగా నిలిచేలా చేస్తాయి. అలాగే తన జుట్టుని భుజంపైకి జాలువారేలా ఒత్తైన అలల రూపంలో వదెలెగా వదిలేసేలా తీర్చిదిద్దింది. అలాగే మేకప్‌లో కళ్లు పెద్దవిగా కనిపించేలా కాజల్‌, నిగనిగలాడే పింక్‌ పెదవులు, ఎర్రటి బొట్టుతో మెరుగులు దిద్దింది. కాగా, అబు జానీ, సందీప్‌ ఖోస్లా ద్వయం ముంబై ఫ్లాగ్‌ షిప్‌ ముబారక్‌ బాగ్‌లో ఫ్యాషన్‌ రంగంలో దాదాపు 40 ఏళ్లు పూర్తి చేసుకున్న సందర్భంగా ఆ సాయంత్రం తారలతో సందడిగా మారిపోయింది. ఈ కార్యక్రమానికి ఇషా అంబానీ, రాధికా మర్చంట్‌, నవ్య నందా, సోనమ్‌ కపూర్‌ తదితర ప్రముఖులు హాజరయ్యారు. అబుజానీ, సందీప్‌ ఖోస్లా 1986లో తన సృజనాత్మక భాగస్వామ్యాన్ని ప్రారంభించారు. అప్పటి నుంచి ఇది భారత్‌లో అత్యంత గుర్తింపు పొందిన ఫ్యాషన్‌ కౌచర్‌లో ఒకటిగా నిలిచింది. View this post on Instagram A post shared by Amit Thakur (@amitthakur_hair) (చదవండి: మెడ మెరిసేలా ఇలా చేయండి..! దెబ్బకు నలుపు మాయం)

ఎంతో ఆప్యాయతను, ప్రేమనూ నటిస్తూ, తియ్యగా పలకరిస్తూ లోలోపల తీవ్రహాని తలపెట్టే సందర్భాలను, ప్రమాదకర పరిస్థితులను ధృతరాష్ట్ర కౌగిలి అంటారు. మహాభారత యుద్ధం ముగిసింది. పాండవులు పట్టాభిషేకం నిర్వహించుకోవడానికి ముందు తమ పెదనాన్న ధృతరాష్ట్రుని కలవడానికి వెళ్లారు. తన నూరుగురు కుమారులను పాండవులలో రెండోవాడైన భీముడు చంపాడన్న కోపాన్ని లోలోపలే ఉంచుకొని కక్షతో రగిలిపోతున్న ధృతరాష్ట్రుడు పైకి మాత్రం ప్రేమను నటిస్తూ అందరినీ కౌగిలించుకొని ప్రత్యేకంగా భీముడిని తన ఉక్కుకౌగిలిలో బంధించి చంపి వేయాలని భావిస్తుంటాడు. ఈ విషయం తెలిసిన జగన్నాటక సూత్రధారి శ్రీ కృష్ణ పరమాత్మ ఉక్కుతో భీముని విగ్రహాన్ని తయారు చేయిస్తాడు. తనను కలవడానికి వచ్చిన పాండవులను ఒక్కొక్కరిని ఆప్యాయంగా పలకరిస్తూ ఆలింగనం చేసుకొంటాడు. అయితే ధృతరాష్ట్రుడు ప్రత్యేకంగా భీముడేడి అని అడుగుతున్న సమయంలో శ్రీ కృష్ణ పరమాత్మ భీముడి ఇనుప విగ్రహాన్ని ధృతరాష్ట్రుని వద్దకు తీసుకెళ్లగా దానినే భీముడుగా భావిస్తూ ధృతరాష్ట్రుడు తన ఉక్కుకౌగిలిలో బంధించగా ఆ విగ్రహం తుక్కు తుక్కు అయిపోయింది.ధృతరాష్ట్రునికి ఎందుకంత బలం?పుట్టుకతో అంధుడైనా, వ్యాస మహర్షి అనుగ్రహం వల్ల ధృతరాష్ట్రునికి సుమారు పదివేల ఏనుగుల బలం సిద్ధించింది. తనకున్న బలంతో తన నూరుగురు కొడుకులను చంపిన భీముడిని కౌగిలించుకుని చంపాలన్నది ధృతరాష్ట్రుని ప్రణాళిక. దీనిని గమనించిన శ్రీకృష్ణుడు ఇనుముతో తయారుచేసిన విగ్రహాన్ని ఉంచగా ఆ విగ్రహమే భీముడు అనుకుని ధృతరాష్ట్రుడు కౌగిలించుకొని తన బలాన్నంతా ఉపయోగించి ఇనుప విగ్రహాన్ని నుగ్గు నుగ్గు చేశాడు. దీంతో శ్రీ కృష్ణుని వల్ల భీముడికి ప్రాణాపాయం తప్పింది. అప్పటినుండి ధృతరాష్ట్ర కౌగిలి అనే నానుడి వచ్చింది.– సి. ఎన్‌. మూర్తి, సీనియర్‌ పాత్రికేయులు

ఒక చిన్న పల్లెటూరి చివరన, ఒక పాత పూరి గుడిసెలో రామయ్య అనే వృద్ధ మట్టి శిల్పి ఉండేవాడు. వయసు పైబడినా ఆయన చేతుల్లో ఏదో ఇంద్రజాలం ఉండేది. ఆయన చేసే మట్టి విగ్రహాలు ప్రాణం ఉన్నట్టుగా ఉండేవి. కానీ రామయ్యకు అహంకారం అంటే ఏమిటో తెలియదు. తన వద్దకు వచ్చే ప్రతి ఒక్కరినీ భగవంతుడి స్వరూపం గా భావించి, ఎంతో వినయంగా నమస్కరించేవాడు. ఆ ఊరిలోనే భుజంగరావు అనే పెద్ద భూస్వామి ఉండేవాడు. దర్పం, అహంకారం ఆయనకు ఆభరణాలు. తన ఇంట్లో కొత్తగా కట్టించిన పెద్ద పూజామందిరంలో ప్రతిష్టించడానికి ఒక అద్భుతమైన వినాయకుడి విగ్రహం కావాలని రామయ్య దగ్గరకు వచ్చాడు.రామయ్య శిల్పం చెక్కుతుండగా చూసి భుజంగరావు ‘రామయ్యా! నా హోదాకు తగ్గట్టు గా ఈ విగ్రహం ఉండాలి. రంగులు, అలంకరణలు అత్యంత ఖరీదైనవిగా ఉండాలి. ఎంత డబ్బు కావాలన్నా ఇస్తాను, కానీ నా విగ్రహం చూసి ఊరంతా నోరెళ్లబెట్టాలి!’ అన్నాడు. రామయ్య చేతులు జోడించి, వినయంగా తలవంచి... ‘అలాగే బాబు, నా శాయశక్తులా ప్రయత్నిస్తాను’ అన్నాడు. మరుసటి రోజు, రామయ్య విగ్రహాన్ని తయారు చేస్తుండగా... రాజీ అనే ఎనిమిదేళ్ల పేద బాలిక అక్కడికి వచ్చింది. ఆమె చేతిలో కేవలం ఒక రూపాయి నాణెం ఉంది. ఎంతో ఆశగా రామయ్య వైపు చూస్తూ...‘తాతా! మా అమ్మకు ఒంట్లో అస్సలు బాగోలేదు. మా ఇంట్లో పూజ చేసుకుని, అమ్మ త్వరగా కోలుకోవాలని కోరుకోవడానికి ఒక చిన్న వినాయకుడి బొమ్మ ఇస్తావా.’ అని అడిగింది. అప్పుడే అక్కడకు వచ్చిన భుజంగరావు అది చూసి ఈసడించుకుంటూ... ‘ఏయ్‌ పిల్లా! పక్కకు పో. నా పెద్ద విగ్రహం పని పాడు చేయకు. అయినా ఈ నాణేనికి మట్టి కూడా రాదు’ అని గద్దించాడు. కానీ రామయ్య మనస్సు కరిగింది. ఆ అమ్మాయి అమాయకత్వంలో, నిష్కపటమైన ప్రేమలో ఆయనకు సాక్షాత్‌ ఆ దేవుడే కనిపించాడు. రామయ్య ఎంతో భక్తితో తను చేసిన ఒక చిన్న ముద్దుల వినాయకుడి విగ్రహాన్ని ఆ బాలిక చేతిలో పెట్టాడు. ఆ చిన్నారి కళ్లలో కనిపించిన ఆనందం రామయ్య హృదయాన్ని నింపేసింది.కొన్ని రోజులకు భుజంగరావు పురమాయించిన పెద్ద విగ్రహం తయారైంది. అది నిజంగానే ఎంతో భవ్యంగా, రంగురంగుల ఆభరణాలతో మెరిసిపోతోంది. భుజంగరావు కూలీలతో కలిసి ఆ విగ్రహాన్ని తీసుకెళ్లడానికి వచ్చాడు. కానీ విచిత్రం! నలుగురు బలాఢ్యులైన మనుషులు ఆ విగ్రహాన్ని ఎత్తడానికి ప్రయత్నించినా కనీసం అంగుళం కూడా కదపలేకపోయారు.భుజంగరావు కోపంతో ఊగిపోతూ... ‘రామయ్యా! ఏంటిది? ఇందులో ఏమైనా ఇనుము, రాళ్ళు పెట్టి చేశావా? ఎందుకు ఇంత బరువుగా ఉంది?’ అని గద్దించాడు.రామయ్య ఏమాత్రం కలత చెందకుండా, ఎంతో వినమ్రంగా చేతులు జోడించి ‘అహంకారం’, ‘హోదా’ అనే బరువులు కూడా ఇందులో చేరాయి స్వామీ! అహంకారం ఎప్పుడూ మోయలేనంత బరువుగానే ఉంటుంది. ఆ బరువును దేవుడు కూడా ఇష్టపడడు’’ అన్నాడు. ఆ మాటలు భుజంగరావు గుండెల్లో తూటాల్లా పేలాయి. అదే సమయంలో పక్కనే ఉన్న చిన్న గుడిసెలో రాజీ అనే చిన్నారి... రామయ్య ఇచ్చిన చిన్న విగ్రహాన్ని ఎంతో సులువుగా చేతుల్లో పట్టుకుని, భక్తితో పూజ చేయడం ఆయన కంట పడింది. ఆయనలోని గర్వం కరిగిపోయింది. కళ్లల్లో నీళ్లతో, ‘నన్ను క్షమించు రామయ్యా! ఈ రోజు నుంచి నా అహంకారాన్ని ఇక్కడే వదిలేస్తున్నాను’ నమస్కరించి అన్నాడు. ఆశ్చర్యకరంగా... మరుక్షణమే ఆ విగ్రహం ఎంతో తేలిక గా మారిపోయింది. భుజంగరావుకు ఒక్కసారిగా జ్ఞానోదయం అయింది. దైవత్వం అనేది బాహ్య ఆడంబరాలలో, డబ్బులో లేదు. అది అంతరంగంలోని వినయం, నిష్కపటత్వం, భక్తిలోనే ఉంటుందని గ్రహించాడు.– తరిగొప్పుల వీఎల్లెన్‌ మూర్తి

ఏదైనా పాపం గానీ, నేరం గానీ తెలియకుండానో, అనుకోకుండానో చేయడం మానవ సహజం. తెలిసో తెలియకనో మనం ఇతరులకు బాధ కలిగిస్తుంటాం. ఆ తర్వాత అది తప్పు అని తెలుసుకోగలగటం, అందుకు మనసులో బాధతో దహించుకుపోవటాన్నే పశ్చాత్తాపం అంటారు. ఇదే మానవత్వపు ఔన్నత్యం!మళ్ళీ ఆ తప్పు తనవల్ల జరగకుండా జాగ్రత్త పడటం, తనవల్ల వేదనకు గురైన బాధితులకు తగిన మేలు చేయడమే ప్రాయశ్చిత్తం, అదే మానవ ధర్మం. ‘పశ్చాత్తాపానికి మించిన ప్రాయశ్చిత్తం లేదు పాప పరిహారం లేదు’ అని ఎవరో అన్నారని ‘నేను పశ్చాత్తాప పడుతున్నాను’ అని ఒక మాట చెప్పేసి ‘నేను పశ్చాత్తాప పడ్డాను కాబట్టి నేను చేసిన నేరానికి శిక్ష అనుభవించవలసిన అవసరం లేదు’ అని తప్పించుకోవటానికి అవకాశం లేదు. ఆదిశంకరాచార్యులవారు కూడా అలా అడ్డదారులలో సంచిత ఆగామి ప్రారబ్ధ కర్మల ఫలితాల నుండి విముక్తం అవటం సాధ్యం కాదు అనీ జ్ఞానబుద్ధితో మాత్రమే ప్రాయశ్చిత్తం లభిస్తుందని అన్నారు. ‘తెలిసి చేసిన తప్పును ఏ దేవుడూ క్షమించడు’ అని తరతరాలుగా పెద్దలు చెబుతున్న మాట కూడా ఆమోద యోగ్యమే. ‘ఎవ్వరికీ అపకారం చేయని ఆ ఆవు చావుకి కారణమయ్యాను. ఇక నేను కూడా బతకను’ అని.. ఆత్మాహుతి చేసుకునేందుకు పరుగులు తీసే మనసున్న మనిషికి మాత్రమే .... కేవలం పశ్చాత్తాపం తో పరిహారం అయినట్లు భావించాలి. పశ్చాత్తాపపు బాధతో దహించుకుపోతున్న మనస్సుతో అతను జీవితం మొత్తం గడుపుతాడు. ఆ వ్యథనే అతడు శిక్షగా భావిస్తాడు.పై వివరణ కేవలం ఒక ఘటన, ఉదాహరణ మాత్రమే. పశ్చాత్తాపం అంటే పై విధంగా ఉండాలి.దేశం ఏదైనా, మతం ఏదైనా సమాజంలో మానవుని జీవితంలో తప్పు జరగటం అనివార్యం, అయితే అటువంటి తెలిసీ తెలియని తప్పులకు కూడా పశ్చాత్తాపం, ప్రాయశ్చిత్తం వంటివాటిని పెద్దలు ఎప్పుడో చెప్పారు. వ్యక్తిగతంగా పశ్చాత్తాపపడటం క్షమాపణ చెప్పటం నైతికత. ప్రవర్తనను సంస్కరించుకొనటం, ఆపై పరిహారం అందించటం ద్వారా ప్రాయశ్చిత్తం. చట్టపరమైన.. న్యాయం నష్టపరిహారం అందేలా ప్రయత్నం చేయటం, శిక్షద్వారా పశ్చాత్తాపం పొందేలా చేయటం ప్రాయశ్చిత్తం జరిపించడం ఆచరణీయాలుగా ఉన్నాయి.క్రైస్తవ్యంలో.. మెటానోయియా అనబడుతూ పశ్చాత్తాపం, దైవశాస్త్ర ప్రాయశ్చిత్తం ఉన్నాయియూదు మతంలో.. తెషువా అనబడే ప్రాయశ్చిత్తం ఉన్నాయి. ఇస్లాంలో.. తౌబా అనబడే ఆచారం.. పశ్చాత్తాప భావనను, ప్రాయశ్చిత్తాన్ని సూచిస్తుంది. లౌకికవాదంలో... పశ్చాత్తాపం అంటే వ్యక్తం చేయటంతో పాటు, క్షమించ బడటానికి సమాజంలో విశ్వాసం పొందడానికి తగిన పారదర్శకతతో కూడిన పరిహార చర్యలను ప్రాయశ్చిత్తంగా భావిస్తుంది.ప్రభావవంతమైన నైతిక పునరుద్ధరణకు పునరావృతం కాకుండా నిరోధించడానికి నిజమైన పశ్చాత్తాపంతో పాటు స్పష్టమైన తత్సమానమైన ప్రాయశ్చిత్తం అవసరం అంటుంది. ధర్మశాస్త్రం, పురాణాలూ, నిఘంటువులు, మతాలూ, చట్టాలూ ఏమిచెబుతున్నా... ఇతరులను బాధ పెట్టడమనేదే మహాపాపం. తప్పు. అలాంటి తప్పులకు పాపాలకు ఏ మాత్రం తావివ్వకుండా ధర్మబద్ధంగా బతుక గలిగినప్పుడే మానవ జీవితం సార్థకమవుతుందిఅపరాధ భావంతో తెలియక చేసిన ఆ పొరపాటును తలచుకొని బాధ పడటం వల్ల ఆ పాపంలోని సగభాగం తొలగిపోతుంది. అలాంటి తప్పులను ఇక ముందెప్పుడూ చేయనని మనస్సాక్షిగా నిర్ణయించుకొని, ఆ కట్టుబాటును పాటిస్తే మిగతా సగపాపం తొలగిపోతుంది. పశ్చాత్తాపంలో భాగంగా పాటించవలసిన కట్టుబాటులో బాధితుల్ని శరణు వేడటం, మెప్పించటం వంటి నిబంధనలు ఉంటాయి.చేసిన పాపాన్ని మనసులో తలచుకొని సిగ్గుతో తలవంచుకొని కుంగిపోయినట్లయితే, ఆ పాపం పటాపంచలవుతుందని పురాణాలు చెపుతున్నాయి. దానినే..‘మనః ప్రాయశ్చిత్త’మని అంటారు. ఇట్టి మనః ప్రాయశ్చిత్తం బాధితులకు భౌతికంగా, మానసికంగా కూడా సహాయకారియై పరస్పరం ఇరువర్గాలకు మనశ్శాంతిని ఇస్తుందని జ్ఞానులు నమ్ముతారు.– డా.గాదిరాజు మధుసూదన రాజు

గోపాలకాలాకావలసినవి: అటుకులు: కప్పు, పెరుగు: అర కప్పు, తాజా వెన్న: 2 టేబుల్‌ స్పూన్లు, దోసకాయ ముక్కలు: 1/4 కప్పు, దానిమ్మ గింజలు: 1/4 కప్పు, పచ్చిమిర్చి: 2 (సన్నగా తరిగినవి), అల్లం తురుము: 1/2 టీస్పూన్, కొత్తిమీర: కొద్దిగా, బెల్లం: అర టీస్పూన్, ఉప్పు: రుచికి సరిపడా, తాళింపు కోసం– నెయ్యి: టీస్పూన్, జీలకర్ర: 1/2 టీస్పూన్, ఇంగువ: చిటికెడు. తయారీ: అటుకులను శుభ్రంగా కడిగి.. నీళ్లు పోయేలా పక్కన పెట్టుకోవాలి. ఒక పెద్ద గిన్నెలో మెత్తబడిన అటుకులు, పెరుగు, వెన్న, దోసకాయ ముక్కలు, దానిమ్మ గింజలు, అల్లం తురుము, పచ్చిమిర్చి ముక్కలు, బెల్లం, రుచికి సరిపడా ఉప్పు వేయండి. చిన్న పాన్‌లో నెయ్యి వేడి చేసి, జీలకర్ర వేసి వేయించండి. జీలకర్ర చిటపటలాడాక చిటికెడు ఇంగువ వేసి స్టవ్‌ ఆపేయండి. ఈ తాళింపును అటుకుల మిశ్రమంలో పోసి, కొత్తిమీర చల్లి మెల్లగా బాగా కలపండి.ధనియా పంజీరికావలసినవి: ధనియాల పొడి: కప్పు, నెయ్యి: 4 టేబుల్‌ స్పూన్లు, బెల్లం పొడి: అర కప్పు, మఖానా: అర కప్పు, జీడిపప్పు, బాదం: 3 టేబుల్‌ స్పూన్లు, ఎండు కొబ్బరి తురుము: 2 టేబుల్‌ స్పూన్లు, గుమ్మడి లేదా పుచ్చగింజలు: టేబుల్‌ స్పూన్, ఏలకుల పొడి: అర టీస్పూన్‌.తయారీ: మఖానాను ఒక టేబుల్‌ స్పూన్‌ నెయ్యిలో వేయించి, చల్లారాక కచ్చాపచ్చాగా పొడి చేసుకోవాలి. అదే కడాయిలో ఇంకో అర చెంచా నెయ్యి వేసి జీడిపప్పు, బాదం, ఎండు కొబ్బరి తురుము వేసి దోరగా వేయించి వేరే ప్లేట్‌లోకి తీసుకోండి. మిగిలిన నెయ్యి వేసి, ధనియాల పొడిని సన్నని మంటపై సువాసన వచ్చే వరకు వేయించండి. తరువాత చల్లారిన ధనియాల పొడిలో చక్కెర పొడి, ఏలకుల పొడి, మఖానా పొడి, డ్రై ఫ్రూట్స్‌ వేసి బాగా కలపండి. అంతే ధనియా పంజీరి రెడీ!సింధీ స్వీట్‌ రైస్‌కావలసినవి: బాస్మతీ బియ్యం: కప్పు, తురిమిన బెల్లం: 3/4 కప్పు, నెయ్యి: 3 టేబుల్‌ స్పూన్లు, సోంపు: టీస్పూన్, ఏలకులు: 4, లవంగాలు: 2, దాల్చిన చెక్క: చిన్నముక్క, జీడిపప్పు, బాదం, ఎండుద్రాక్ష: గుప్పెడు, కుంకుమపువ్వు: చిటికెడు, నీళ్ళు: 2 కప్పులు.తయారీ: ఒక పాత్రలో నీటిని తీసుకుని బెల్లం వేసి చిన్నమంటపై కరిగించాలి. ఒక పాన్‌లో నెయ్యి తీసుకుని డ్రై ఫ్రూట్స్‌ని వేయించి పక్కన పెట్టుకోవాలి. అదే నెయ్యిలో మసాలా దినుసుల్ని కూడా వేసి అరనిమిషం వేయించాలి. ఇప్పుడు నానబెట్టిన బాస్మతీ బియ్యం వేసి, నెయ్యిలో జాగ్రత్తగా 2 నిమిషాలు వేయించండి. ఇందులోనే కుంకుమపువ్వు వేసి, ముందుగా సిద్ధం చేసుకున్న బెల్లం నీళ్ళు కూడా పోసి బాగా కలపండి. మూత పెట్టి మీడియం మంటపై 10–12 నిమిషాలు ఉడికించి స్టవ్‌ ఆఫ్‌ చేయండి. ఆవిరి పూర్తిగా పోయాక, వేయించి పెట్టుకున్న డ్రై ఫ్రూట్స్‌ చల్లి మెల్లగా కలపండి. అంతే నోరూరించే సింధీ స్వీట్‌ రైస్‌ రెడీ(చదవండి: మెడ మెరిసేలా ఇలా చేయండి..! దెబ్బకు నలుపు మాయం)

నా వయసు ముప్పై ఒకటి. యూరిన్‌కి వెళ్లేటప్పుడు చాలా మంటగా, దురదగా ఉంటుంది. ఆ ప్రాంతంలో చర్మం రంగు మారినట్లు కనిపిస్తోంది. మూత్ర పరీక్షలు చేయించుకున్నాను. ఫలితాలు సాధారణంగానే వచ్చాయి. ఇది సాధారణమేనా?– స్వప్న, కర్నూలు. మీరు చెప్పిన లక్షణాలను బట్టి చూస్తే, యోని బయట భాగంలో చర్మానికి సంబంధించిన చికాకు లేదా వాపు ఉండే అవకాశం ఉంది. యోని చుట్టూ ఉండే చర్మం, పెదవుల వంటి భాగాలు, ఇతర సున్నితమైన ప్రాంతాల్లో ఇన్ఫెక్షన్‌, అలర్జీ లేదా చర్మ సమస్యల వల్ల మార్పులు రావచ్చు. ఈ ప్రాంతంలో వాపు లేదా చికాకు ఏర్పడినప్పుడు మూత్ర విసర్జన సమయంలో మంటగా అనిపించవచ్చు. మూత్ర పరీక్షలు సాధారణంగా వచ్చినా, సమస్య యోని బయట భాగంలోని చర్మానికి సంబంధించినదై ఉండవచ్చు. అందువల్ల స్త్రీల వైద్య నిపుణులను సంప్రదించడం మంచిది. వైద్యులు అవసరమైతే అంతర్గత పరీక్ష చేసి సమస్యను గుర్తిస్తారు. మీరు ఇటీవల ఏవైనా యాంటీబయోటిక్‌ మందులు లేదా ఇతర ఔషధాలు వాడారా, గతంలో అలర్జీలు, ఉబ్బసం వంటి సమస్యలు ఉన్నాయా అనే వివరాలను కూడా అడుగుతారు. వేడిమి, తేమ, ఎక్కువగా చెమట పట్టడం వల్ల కూడా ఆ ప్రాంతంలో దురద, మంట పెరగవచ్చు. మధుమేహం, థైరాయిడ్‌ సమస్యలు, రక్తహీనత వంటి ఆరోగ్య సమస్యలు ఉన్నవారిలో కూడా ఇలాంటి లక్షణాలు ఎక్కువగా కనిపించవచ్చు. కొన్నిసార్లు యోనిలో లేదా బయట ఉపయోగించే క్రీములు, లోషన్లు కూడా అలర్జీకి కారణం కావచ్చు. అందువల్ల వైద్యుల సలహా లేకుండా ఏ మందు లేదా క్రీమునూ ఉపయోగించకండి. అవసరాన్ని బట్టి యోని నుంచి నమూనా తీసి పరీక్ష చేస్తారు. ఇన్ఫెక్షన్‌ ఉందా లేదా తెలుసుకోవడానికి రక్త పరీక్షలు, చక్కెర స్థాయిలు, థైరాయిడ్‌ పరీక్షలు కూడా చేయవచ్చు. కొన్ని ప్రత్యేక చర్మ వ్యాధుల్లో కూడా ఇలాంటి దురద, మంట, చర్మం రంగు మారడం వంటి లక్షణాలు కనిపిస్తాయి. అన్ని పరీక్షల తర్వాత సమస్యను బట్టి క్రీములు, లోషన్లు లేదా ఇతర మందులను సూచిస్తారు. కొన్నిసార్లు చికిత్సను కొన్ని వారాలు లేదా ఎక్కువ కాలం కొనసాగించాల్సి రావచ్చు. శిలీంద్రాల వల్ల ఇన్ఫెక్షన్‌ ఉంటే, దానికి తగిన మాత్రలు, పూతమందులు లేదా యోనిలో ఉపయోగించే ఔషధాలను సూచిస్తారు.చికిత్సతో పాటు కొన్ని జాగ్రత్తలు కూడా తప్పనిసరియోని బయట భాగాన్ని శుభ్రమైన నీటితో కడుక్కోవాలి.ఆ ప్రాంతాన్ని తేమ లేకుండా పొడిగా ఉంచుకోవాలి.సువాసన సబ్బులు, పరిమళ ద్రవ్యాలు, డియోడరెంట్లు వాడకండి.బిగుతుగా ఉండే దుస్తులు ధరించకుండా, వదులుగా ఉండే పత్తి దుస్తులు వాడండి.రోజంతా ప్యాడ్లు లేదా లోదుస్తుల్లో ఉపయోగించే పలుచటి రక్షణ పొరలను అనవసరంగా వాడకండి.దుస్తులు ఉతికేటప్పుడు గాఢ సువాసన కలిగిన ద్రావకాలు ఉపయోగించకండి.వైద్యుల సలహా లేకుండా క్రీములు లేదా ఇతర మందులు వాడకండి.ఇలాంటి సమస్యలు కొన్నిసార్లు పూర్తిగా తగ్గడానికి సమయం పడుతుంది. అందువల్ల చికిత్స మధ్యలో ఆపకుండా, వైద్యులు సూచించిన విధంగా క్రమం తప్పకుండా పరీక్షలకు వెళ్లాలి. సమస్య తగ్గుతోందా లేదా, చికిత్సలో మార్పులు అవసరమా అనే విషయాన్ని వైద్యులు పరిశీలించి తదుపరి చికిత్సను నిర్ణయిస్తారు. డాక్టర్‌ భావన కాసు, గైనకాలజిస్ట్‌ – ఆబ్‌స్టెట్రీషియన్‌హైదరాబాద్‌(చదవండి: మతిమరుపు నివారణ ఇలా..!)

భారతీయులు ఆహారాన్ని ఎందుకు చేతులతో తింటారంటూ చాలాసార్లు విదేశీయలు ప్రశ్నిస్తూ..మన సంస్కృతిని అవమానిస్తుంటారు. పైగా మన విధానాన్ని నాగరికత లేని వ్యక్తిగా అభివర్ణిస్తూ తిట్టిపోస్తుంటారు. ఇలాంటివి మనం చాలాసార్లు చూశాం కూడా. దీనికి ప్రముఖ ఆర్థికవేత్త సంజీవ్‌ సన్యాల్‌ చాలా అద్భుతమైన సమాధానమిచ్చారు. మరోసారి ఆ ప్రశ్న లేవనెత్తే ఛాన్సే లేకుండా గట్టి కౌంటరిచ్చారు. అందుకు సంబంధించిన పోస్ట్‌ నెట్టింట వైరల్‌గా మారింది.ఫ్లోరిడాకు చెందిన అకా అనే వ్యక్తి ఒక దక్షిణాది వివాహం లేదా సాంప్రదాయ పెళ్లి భోజనాలకు సంబంధించిన వీడియోని షేర్‌ చేశారు. అందులో ఒక జంట చేతులతో భోజనం చేయడం కనిపిస్తోంది. ఆ వీడియో చూపిస్తూ..నిజంగా అడుగుతున్నా..వారంతా ఎందుకు చేతులతో తింటున్నారు అని ప్రశ్నించాడు. ఇది నవంబర్‌ 2025లో వైరల్‌ అయిన పోస్ట్‌. ఇది మన భారత ప్రముఖ ఆర్థివేత్త సంజీవ్‌ సన్యాల్‌ దృష్టికి వచ్చింది. ఆయన ఈ వీడియోని రీట్వీట్‌ చేస్తూ..ఇలా సమాధానమిచ్చారు. ఇదొక సింపుల్‌ టెస్ట్‌ అని. మీరు తాకి పదార్థాన్ని తినే ధైర్యం లేకపోతే స్పూన్లు, కత్తులు వంటి ఇనుప ఆయుధాలను ఉపయోగించండి పర్లేదు. కానీ అలా తింటే గనుక ఆ ఆహారాన్ని తినొచ్చా లేదా అని మీ నోరు నిర్ణయించడం కష్టం అవుతుంది అని అద్భుతంగా రిప్లై ఇచ్చారు. ఆయన చేతి స్పర్శ తినే పదార్థం మధ్య ముడిపడి ఉన్న రుచిని, తినాలనే అనుభూతిని హైలెట్‌ చేస్తూ చెప్పారు. నిజంగానే మనం టచ్‌ చేయగానే బాగుంది తినొచ్చు అనిపించి..సులభంగా తినగలం. పైగా చేయి తాకడంతోనే రుచి కూడా అధికమవుతుది. అదే కత్తులు, స్పూన్లు వాడితే నోట్లో పెట్టుకునేంత వరకు రుచిని చెప్పలేరని స్పర్శతో ఆహారానికి ఉన్న సంబంధాన్ని హైలెట్‌ చేసింది. కాగా, నెటిజన్లు ఆర్థికవేత్త సన్యాత్‌ అద్భుతమైన రిప్లైకి ఫిదా అవుతూ ..చాలా చక్కటి పాయింట్‌ని చెప్పారు సార్‌ అంటూ ప్రశంసల వర్షం కురిపిస్తూ పోస్ట్‌లు పెట్టారు. It is a simple test..... if you cannot bear to touch it, and need metal instruments, then it is probably a bad idea to put it in your mouth. https://t.co/omWQcETPDi— Sanjeev Sanyal (@sanjeevsanyal) September 5, 2026 (చదవండి: సెరిబ్రల్ పాల్సీతో జీవిస్తూ..12 వేల అడుగుల ఎత్తులో 10 కిలోమీటర్ల పరుగు!)

రక్తపోటు పూర్తిగా అదుపులో ఉండి, మధుమేహం (డయాబెటిస్‌) లేకుండా, పొగతాగకుండా ఉండేవారు... పై రెండు సమస్యలతోపాటు పొగతాగే అలవాటు ఉన్నవారితో పోలిస్తే మతిమరపు (డిమెన్షియా) సమస్య లేకుండా దాదాపు 13 ఏళ్లు ఎక్కువకాలం జీవించినట్లు పరిశోధకులు గుర్తించారు. సగటున చూసిననప్పుడు పై మూడు అంశాలూ లేనివారు 30.1 ఏళ్ల పాటు డిమెన్షియా లేకుండా ఉంటే... డిమెన్షియాకు కారణమయ్యే ఆ మూడు రిస్క్‌ఫ్యాక్టర్లూ ఉన్నవారు 17.5 ఏళ్ల పాటే డిమెన్షియాను నివారించగలిగారు. ‘న్యూరాలజీ ఓపెన్‌ యాక్సెస్‌’ అనే జర్నల్‌లో ప్రచురితమైన అమెరికాకు చెందిన ఓ అధ్యయనంలో సగటున 56 ఏళ్ల వయసున్న 12,409 మంది అడల్ట్స్‌ను సుమారు 28 ఏళ్ల పాటు పరిశోధకులు పరిశీలించారు. ఈ పరిశోధన కాలంలో వాళ్లలో 3,008 మందికి డిమెన్షియా వచ్చింది. డిమెన్షియా ముప్పు తెచ్చిపెట్టే పై మూడు అంశాలు ఉన్నప్పటికీ... సాధారణంగా పురుషులతో పోలిస్తే మహిళల్లో డిమెన్షియా తక్కువ. మతిమరపు లేకుండా మహిళలు ఎక్కువకాలం జీవించినట్లు కూడా ఈ అధ్యయనం తెలిపింది.‘‘హైబీపీ, డయాబెటిస్, పొగతాగే అలవాటు ఉన్నవాళ్లలో డిమెన్షియా వచ్చే అవకాశం ఎక్కువ. అంతేకాదు... ఇతర కారణాలతో చిన్న వయసులోనే చనిపోయే అవకాశమూ ఎక్కువే. అంతేకాదు... ఈ అలవాట్లు ఉన్నవాళ్లలో ఆయు ప్రమాణమే కాదు... దాంతోపాటు జ్ఞాపకశక్తి, ఆలోచనా సామర్థ్యాలు పదిలంగా ఉండే సమయమూ తగ్గుతాయం’టూ ఈ అధ్యయనంలో పాల్గొన్న పరిశోధకుడు తెలిపారు.మరో అధ్యయనంలో సైతం ఇలాంటి ఫలితాలే... సరిగ్గా ఇదే అంశంపై స్వీడన్‌లో జరిగిన మరో అధ్యయనం కూడా ఇలాంటి ఫలితాలే వచ్చాయి. ఈ అధ్యయన ఫలితాలు ‘ది జర్నల్‌ ఆఫ్‌ ప్రివెన్షన్‌ ఆఫ్‌ అల్జీమర్స్‌ డిసీజ్‌’ అనే జర్నల్‌లో ప్రచురితమయ్యాయి. దాదాపు 500 మంది ఆరోగ్యవంతులైన పెద్దలు పాల్గొన్న ఈ అధ్యయనంలో నాలుగేళ్ల పాటు వారిని పరిశీలించారు. ఈ అధ్యయనం చెబుతున్నదాని ప్రకారం... పొగతాగడం, అధిక రక్తపోటు, గుండె జబ్బులు, కొలెస్ట్రాల్‌ ఎక్కువగా ఉండటం వంటి అంశాలకూ మెదడులోని చిన్న రక్తనాళాలు, వైట్‌ మ్యాటర్‌ దెబ్బతినడంతో సంబంధం ఉన్నట్లు తేలింది. ఇలాంటి మార్పులు చివరకు రక్తనాళాలకు సంబంధించిన డిమెన్షియా (వాస్క్యులర్‌ డిమెన్షియా)కు దారితీయవచ్చని పరిశోధకులు చెబుతున్నారు. డయాబెటిస్‌ ఉన్నవారిలో అమైలాయిడ్‌ బీటా అనే ప్రోటీన్‌ ఎక్కువగా పేరుకుపోయే అవకాశం కూడా ఉన్నట్లు పరిశోధకులు గుర్తించారు. ఈ ప్రోటీన్‌కు కూడా అల్జీమర్స్‌ వ్యాధితో సంబంధం ఉంటుంది. వయసు, జెండర్, జన్యుపరమైన అంశాలను మనం మార్చలేం. అయితే పొగతాగే అలవాటును మానేయడం లేదా ఆ అలవాటుకు పూర్తిగా దూరంగా ఉండటం, హైబీపీనీ, డయాబెటిస్‌నూ అదుపులో పెట్టుకోవడం వంటి అంశాలు పూర్తిగా మన చేతుల్లో ఉన్నవే. కాబట్టి కనీసం మధ్య వయసు నుంచైనా రక్తపోటు, మధుమేహాన్ని అదుపులో ఉంచుకోవడం, పొగతాగడం మానేయడం, ఆరోగ్యకరమైన సమతులాహారం తీసుకోవడం, శారీరకంగా చురుగ్గా ఉండటం వంటివి అలవాటు చేసుకుంటే... వృద్ధాప్యంలో మెదడు ఆరోగ్యాన్ని కాపాడుకోవడానికి అవెంతో కొంత తోడ్పడవచ్చన్నది నిపుణులు చెబుతున్న మాట.మతిమరపు లేకుండా అంటే... డిమెన్షియాను రానివ్వకుండా చాలాకాలం నిరోధించాలంటే కొన్ని ఆరోగ్యకరమైన అలవాట్లు పాటిస్తే చాలు. పైగా అవి చాలా సులభం కూడా. రక్తపోటును అదుపులో ఉంచుకోవడం, పొగతాగకపోవడం, మధుమేహాన్ని నియంత్రణలో ఉంచుకోవడం వంటి చాలా సులభమైన జీవనశైలి అలవాట్లతో దీర్ఘకాలం పాటు డిమెన్షియా బారిన పడకుండా ఉండటంట తోపాటు చాలాకాలం పాటు ఆరోగ్యంగా కూడా ఉండవచ్చంటూ రెండు తాజా అధ్యయనాలు చెబుతున్నాయి. ఆ జీవనశైలి అలవాట్లేమిటో చూద్దాం... (చదవండి: తలగడలోని డస్ట్‌మైట్స్‌తో అలర్జీలు!)

అలర్జీలతో బాధపడుతున్నప్పుడు దానికి కారణాలేమిటంటూ ఒక్కోసారి తలబద్ధలు కొట్టుకుంటూ ఉంటాంగానీ... ఒక్కోసారి అవి మన తల దగ్గరా లేదా మన కాళ్ల కిందా కూడా ఉండవచ్చు. అంటే... ఒక్కోసారి మన తలగడలోనే డస్ట్‌మైట్స్‌ నివసిస్తూ ఉండవచ్చు. లేదా మన కాళ్ల కింద ఉండే కార్పెట్‌లలోనైనా ఉండవచ్చు. దాదాపు 30 గ్రాముల దుమ్ములో కనీసం 14,000 వరకు డస్ట్‌మైట్స్‌ ఉండవచ్చని ఒక అంచనా. ఒక చదరపు గజం విస్తీర్ణంలో కనీసం 1,00,000 (లక్ష) డస్ట్‌ మైట్స్‌ ఉండవచ్చు. ఒక పరుపులో కనీసం కోటి డస్ట్‌మైట్స్‌ ఉంటాయని కూడా ఒక అంచనా. దుమ్ము కారణంగా అలర్జీ కలుగుతుందని చాలామంది అనుకుంటారు. కానీ నిజానికి దుమ్ములోని ఈ డస్ట్‌మైట్స్‌ వల్లనే అలర్జీ వస్తుంది. అవి విసర్జించే విసర్జకాల కారణంగా ఈ అలర్జీలు కలుగుతుంటాయి. ఒక్కో డస్ట్‌మైట్‌ తన జీవితకాలంలో 300 మిల్లీగ్రాముల విసర్జకాలను వెలువరిస్తుంది. ఒక్కోసారి ఆ అలర్జీలు కొన్నిసార్లు తీవ్రమైన ఆరోగ్య సమస్యలకూ దారితీయవచ్చు. అందుకే... ఈ అలర్జీలను నివారించడానికి తాము ఉపయోగించే తలగడ తాలూకు పిల్లో కవర్లను తరచూ ఉతికి శుభ్రపరిచి వాడాలి. అలాగే వాక్యూమ్‌ క్లీనర్ల సహాయంతో మన కార్పెట్లను కూడా క్రమంతప్పకుండా శుభ్రపరుస్తూ ఉండటం ఆరోగ్యానికి చాలా మంచిది. (చదవండి: ఎంపీ సుప్రియా సూలే ఫిట్‌నెస్‌ సీక్రెట్‌ ఇదే..! 50 ఏళ్ల వయసులోనూ..)

ఈ రోజుల్లో కంప్యూటర్‌పై పని లేకపోవడాన్ని లేదా గంటల తరబడి మొబైల్‌ లేని జీవితాన్ని ఊహించడం కష్టం. టెకీలు సరే సరి. ఇంట్లో ఉండే మహిళలూ, పెద్దగా టెక్నాలజీతో టచ్‌ లేనివారు సైతం అదేపనిగా రీల్స్‌ చూడటమో లేదా యూట్యూబ్‌లో వీడియోలు చూడటమో చేస్తున్నారు. దాంతో పాటు ఇటీవలి జీవనశైలి కారణంగా శారీరక శ్రమ తగ్గిపోవడం దాంతో ఎప్పుడూ ఒకే చోట కూర్చుని ఉండటం లేదా వృత్తి ఉద్యోగాల్లో సైతం కదలకుండా ఒకేచోట కూర్చుని పనిచేయడం బరువు పెరగడం (ఊబకాయం రావడం) వంటి సమస్యలు పెరుగుతున్నాయి. అంతేకాదు... అలాంటి స్థిరంగా ఒకే చోట ఉండిపోవడంతో (సెడెంటరీ లైఫ్‌స్టైల్‌) వల్ల ఎముకలూ, కీళ్ల ఆరోగ్యంపై కూడా దుష్ప్రభావం పడుతోంది. మరీ ముఖ్యంగా యువత అదేపనిగా మెడవంచి, దాన్ని కాస్తంత ముందుకు సాచి మొబైల్‌ చూస్తుండటం వల్ల వస్తున్న ఆరోగ్య సమస్య పేరే... ‘టెక్‌ నెక్‌’. అసలు ‘టెక్‌ నెక్‌’ అంటే ఏమిటి, ఎముకలూ, కీళ్లూ (ముఖ్యంగా మెడ ఎముకలైన వెన్నుపూసలపై) దాని ప్రభావాలేమిటి; నివారణకు ఏం చేయాలనే అంశాలను తెలుసుకోవడం కోసం ఉపయోగపడేదే ఈ కథనం...ఇటీవల మొబైల్‌ కారణంగా మెడ నుంచి మోకాళ్ల వరకు ఉన్న ఎముకలపై ప్రభావం పడుతోంది. ఎప్పుడో బాగా వయసు పెరిగాక రావాల్సిన ఎముకల అరుగుదల, మెడ ఎముకల్లో డిస్క్‌ సమస్యల వంటివి ఇప్పుడు చాలా యుక్తవయసువారిలోనూ, ఇప్పుడిప్పుడే కౌమార వయసు వీడుతున్నవారిలోనూ కనిపిస్తున్నాయి. ఈ నేపథ్యంలో రోజువారీ అలవాట్లలో చిన్న చిన్న మార్పులు చేయకపోతే భవిష్యత్తులో పెద్ద కీళ్ల సమస్యలకు దారితీయవచ్చనీ, అందునా మరీ ముఖ్యంగా మొబైల్‌ను ఎక్కువసేపు తల వంచి చూడటం వల్ల మెడపై నిరంతర ఒత్తిడి పడుతోందనీ,. దీనినే సాధారణంగా ‘టెక్‌ నెక్‌’ సమస్యగా ఆర్థోపెడిక్‌ నిపుణులు హెచ్చరికలు చేస్తున్నారు. ఈ నేపథ్యంలో ‘టెక్‌ నెక్‌’ సమస్య ఏమిటో చూద్దాం.ఏమిటీ ‘టెక్‌ నెక్‌’ సమస్య...?మెడను ఎక్కువసేపు ముందుకు వంచి అదేపనిగా అదే భంగిమలో చాలాసేపు ఉంచడం వల్ల మెడ కండరాలపై ఒత్తిడి విపరీతంగా పెరిగిపోతుంటుంది. దాంతో మెడ నొప్పి, భుజాలు బిగుతు ఉన్నట్లు అనిపించడం, తల ముందుకు వంగి అసహజ భంగిమలో చాలాసేపు ఉండిపోవడంతో తలనొప్పి వంటి సమస్యలు కనిపించవచ్చు. ఇలా ఈ లక్షణాలతో వ్యక్తమయ్యే సమస్యనే డాక్టర్లు ‘టెక్‌ నెక్‌’గా చెబుతున్నారు.మరి కంప్యూటర్‌ / మొబైల్స్‌ మానేయాల్సిందేనా?ఈరోజు కంప్యూటర్‌ మీద పనిచేయడమనేది జీవన విధానంలో ఒక భాగం మాత్రమే కాదు. అదే జీవనోపాధికి ప్రధాన మార్గం కూడా. అంతేకాదు... మొబైల్‌ వాడకం కూడా జీవితం నుంచి విడదీయలేని అంశమై పోయింది. ప్రతిపనికీ ఓటీపీలూ, బ్యాంకు నుంచి మనకు వచ్చే సమాచారాలు, డబ్బు ట్రాన్స్‌ఫర్లు వంటి అనేక పనులకోసం మొబైల్‌ వాడకం అన్నది జీవితంలో ఒక అవిభాజ్యమైన అంశంగా మారిపోయింది. ఈ నేపథ్యంలో వాటిని ఉపయోగించకుండా ఉండటమన్నది అసాధ్యం. అందుకే మొబైల్‌ లేదా కంప్యూటర్‌ వాడకాన్ని పూర్తిగా మానేయడం అవసరం లేదు. కాకపోతే వాటిని సరైన భంగిమలో ఉపయోగించడం, తరచూ విరామాలు తీసుకోవడం, మెడను ఒకే స్థితిలో ఎక్కువసేపు ఉంచకపోవడం వంటి జాగ్రత్తలు తీసుకోవడం అవసరం.నివారణ ఇలా... టెక్‌ నెక్‌తో మెడ దగ్గరి ఎముకల్లో నొప్పి లేదా మెడ కండరాల దగ్గర ఇబ్బంది వంటివి ఉన్నవారు అదేపనిగా మెడను ముందుకు సాచి ఉంచడానికి బదులుగా తలను నిటారుగా ఉంచి మాత్రమే కంప్యూటర్‌గానీ, మొబైల్‌గానీ చూడటం అలవాటు చేసుకోవాలి. మెడను ఎంతగా వంచితే అంతగా మెడ ఎముకలపైనా, మెడ కండరాలపైనా ఒత్తిడి పెరిగి మున్ముందు అది సర్వైకల్‌ స్పాండిలోసిస్‌ వంటి సమస్యలకు దారితీస్తుందని గుర్తించాలి. ఇక దీనితో పాటు అదేపనిగా కూర్చుని ఉండటంతో బరువు పెరిగి, అది మోకాళ్లపై ఒత్తిడిని పెంచి మోకాళ్ల నొప్పులు వస్తున్నవారు, మోకాళ్ల వాపు, కీళ్లలో బిగుతు, కూర్చున్నవాళ్లు వెంటనే లేకలేకపోవడం వంటి లక్షణాలు కనిపిస్తుంటే తక్షణం ఆర్థోపెడిక్‌ నిపుణులను సంప్రదించడం అవసరం. అయితే ఈ సమస్యలకు తక్షణం మందులు వాడటం, శస్త్రచికిత్స చేయించడం అవసరం ఉండకపోవచ్చు. అదేపనిగా కూర్చుని ఉండటానికి బదులుగా పనిలో తరచూ బ్రేక్‌ ఇస్తూ అటు ఇటు కదలడం, పొద్దున్నే వాకింగ్‌ వంటి వ్యాయామాలు చేయడం, జీవనశైలిలో మార్పులు చేసుకుని బరువు తగ్గించుకోవడంతో పాటు అవసరమైతే ఫిజియోథెరపీ వంటి ప్రక్రియలను డాక్టర్లు సూచిస్తారు. ఒకవేళ కొందరిలో ఇప్పటికే కీళ్లనొప్పులు లేదా కీళ్ల సమస్య ఉన్నవారికి వైద్య నిపుణులు వారికి సరిపోయే వ్యాయామాన్ని సూచిస్తారు. దీనికి తోడు ఆరోగ్యకరమై సమతులాహారం, అందులో తగినంత ప్రోటీన్, కాల్షియం, విటమిన్ల వంటివి తీసుకోవాలంటూ ఆ మేరకు దేహానికి అన్ని పోషకాలు అందే ఆహారంపై కూడా దృష్టిపెట్టేలా సలహాలు అందిస్తారు.నేటి వృత్తుల్లో వచ్చిన మార్పులతో ఇవీ అనర్థాలు...కదలకుండా ఒకేచోట కూర్చుని అదేపనిగా తల ముందుకు ఒంచి కంప్యూటర్‌ చూడటంతో పాటు అదేపనిగా కూర్చుని చేసే వృత్తుల కారణంగా చాలామందిలో బరువు పెరిగి ఊబకాయం వస్తోంది. దాంతో ఆ బరువు కారణంగా కొద్దిగా నడవడం గానీ, మెట్లు ఎక్కడం గానీ లేదా ఎక్కువ సేపు నిలబడటం, మామూలు రోజువారీ పనులుచేయడంలో వాళ్ల మోకాళ్లపైన భారమూ, ఒత్తిడీ పెరుగుతున్నాయి. దాంతో గతంలో చాలాకాలం తర్వాత వచ్చే మోకాళ్ల కీళ్ల అరుగుదల వంటి ముప్పు ఇప్పుడు చాలా త్వరితంగానే వచ్చే ప్రమాదం పెరుగుతోంది. ఇక దేహం బరువు పెరగడం వంటి అంశాలు హైబీపీ, డయాబెటిస్‌కూ దారితీస్తాయన్న విషయం చాలామందికి తెలిసిందే. వీటితో పాటు కనిపిస్తున్న కాస్తంత పాత సమస్యకే సరికొత్త పేరు ‘టెక్‌ నెక్‌’! కూడా.చికిత్స... తొలిదశల్లో కొన్ని మందులతో ఉపశమనం కలిగేలా డాక్టర్లు తాత్కాలికమైన చికిత్సలు అందిస్తారు. ఒకవేళ దేహం బరువు ప్రమాదకరంగా మారినవాళ్లకూ, మెడ ఎముకలూ, మోకాళ్లు బాగా అరిగిపోయిన వాళ్లకు తగిన చికిత్సలతో పాటు బాగా అవసరమైన వాళ్లకు చివరి ప్రత్యామ్నాయంగా (గ్రేడ్‌ – 4 దశలో) మాత్రమే శస్త్రచికిత్సలను డాక్టర్లు సూచిస్తారు.

బిడ్డ పుస్తకాలకి డబ్బుల్లేవ్‌... చేస్తున్న పనికి వచ్చే జీతం చాలదు.. ఇద్దరు కూతుర్లున్నారు.. ఆస్తుల్లేవ్‌ కాని బాగా బతకాలన్న ఆశ ఉంది. అప్పుడొచ్చిందో అవకాశం.. పరుగెడితే పైసలొస్తాయని ఎవరో అంటే... ఒంట్లో ఓపిక లేకపోయినా, శక్తి మొత్తాన్ని కూడగట్టుకుని, జారిన జోళ్లని చేత పట్టుకుని లంఘించిందో మహిళ.. ఆమే రమాబాయి రణ్‌వీర్‌.చెప్పులు చేతపట్టుకుని పరుగులు తీసిన రమాబాయిని వీడియో తీసి ఎవరో సోషల్‌ మీడియాలో పోస్ట్‌ చేశారు. వెంటనే అది కాస్తా వైరల్‌గా మారింది. మాస్టర్‌ బ్లాస్టర్‌ సచిన్‌ టెండూల్కర్‌ ఆమె ప్రయత్నానికి ముచ్చటపడి షూ కొనిస్తానని వెల్లడించారు. నటుడు మాధవన్‌ రమాబాయ్‌ పట్టుదలను ప్రశంసించారు. బీడ్‌ జిల్లా కలెక్టర్‌ వివేక్‌ జాన్సన్‌ ఆమెను సత్కరించి ఆర్థిక సహాయం అందించారు. మరోవైపు దేశవ్యాప్తంగా రమాబాయికి ప్రశంసలు వెల్లువెత్తడంతో పాటు లక్షన్నర వరకు నగదు సాయం కూడా అందింది. ప్రభుత్వం ఆమె కుమార్తెల చదువుకు సహాయం చేస్తామని హామీ ఇచ్చింది. ప్రస్తుతం రమాబాయి పెద్ద కూతురు పూజ పోలీస్‌ డిపార్ట్‌మెంట్‌లో ఉద్యోగ ప్రయత్నం చేస్తోంది. చిన్న కూతురు బ్యాంకింగ్‌ పరీక్షలకు సిద్ధపడుతోంది.ఎవరీ రమాబాయి?మహారాష్ట్రలోని బీడ్‌ జిల్లా అంబాజోగైకి చెందిన రమాబాయి రణవీర్‌కు 47 ఏళ్లు. భర్త మరణించిన తర్వాత ఇద్దరి కుమార్తెల బాధ్యతలను తన భుజాలపై వేసుకున్న రమాబాయి వారి చదువుకోసం ఇళ్లలో వంట చేస్తూ జీవించేది. ఆమె కుమార్తె చదువు కోసం పుస్తకాలు కొనాల్సి వచ్చింది కాని రమా దగ్గర డబ్బుల్లేవు. అంబాజోగైలోని భారతీయ శిక్షణ ప్రసారక సంస్థకు చెందిన ఖోలేశ్వర్‌ ఎడ్యుకేషనల్‌ కాంప్లెక్స్‌ ఆధ్వర్యంలో ‘అమృత్‌ దౌడ్‌’ పేరుతో పరుగు పందెం నిర్వహిస్తున్నట్లు తెలిసింది. ఆ పోటీలో పాల్గొని, అందులో గెలుపొందితే పరుగెడితే డబ్బులొస్తాయని తెలిసి రమాబాయి కూడా ఆ పందెంలో పాల్గొనాలని నిర్ణయించుకుంది.చెప్పులు చేత పట్టుకుని...సాధారణంగా రన్నింగ్‌ రేస్‌ అంటే ట్రాక్స్‌ వేసుకుని షూ వేసుకుని స్టైల్‌గా గాగుల్స్‌ పెట్టుకుని సిద్ధమవుతారు. కాని అవేవి రమాబాయికి తెలీదు. మామూలు చీర కట్టుకుని, ఆకు చెప్పులు వేసుకుని పందేనికి సిద్ధపడింది. రేసు మొదలైంది. రమాబాయి చెప్పులు జారిపోయాయి. కంగారు మొదలైంది. వెంటనే చెప్పులు చేతపట్టుకుని ఒంట్లో శక్తినంతా కూడగట్టుకుని పరుగులు తీసింది. వర్షంతో తడిసిన రోడ్డుపై చిన్నచిన్న రాళ్లు, పెంకులు లాంటివి గుచ్చుకుంటున్నా ఆమె బెదరలేదు.. పరుగు ఆపలేదు. ఎలాగైనా సరే, బిడ్డకు పుస్తకాలు కొనాలన్న పట్టుదల, బిడ్డ చదువు ఆగిపోకూడదన్న అమ్మతనం గెలిచాయి. అందరు రన్నరప్‌లను దాటుకుంటూ ఆమె విన్నర్‌గా నిలిచింది మూడు వేల రూపాయల బహుమతిని అందుకుంది. ఆశ్చర్యకరమైన విషయం ఏమిటంటే ఆమె పెద్ద కుమార్తె పూజా కూడా ఈ పరుగు పందెంలో పాల్గొంది. మూడు వేల కోసం మొదలైన పరుగుతో రమాబాయి కూతుళ్ల జీవితాలకు కొండంత భరోసా వచ్చింది.

ఒకట్రెండు హిట్లు రాగానే స్టార్‌డమ్‌ వచ్చేసిందంటూ హడావుడి చేసే హీరోయిన్లు చాలామందే. కానీ.. వరుసగా మూడు భారీ విజయాలతో తన స్థాయినే మార్చేసుకుంటే? ఇప్పుడు మలయాళీ ముద్దుగుమ్మ మమితా బైజు చేస్తున్నది అదే. ఈ ఏడాదిలో విజయ్‌, సూర్య, నివిన్‌ పౌలీ వంటి అగ్ర కథానాయకుల చిత్రాల్లో నటించిన ఆమె.. వరుస విజయాలతో సౌత్‌ ఇండియాలో తన మార్కెట్‌ను ఒక్కసారిగా పెంచుకుంది. తెరపై కనిపించే ఆ పక్కింటి అమ్మాయి ఇమేజ్‌ వెనుక.. కోట్ల రూపాయల విలువైన బ్రాండ్‌ కూడా తయారవుతోంది.మమితా బైజు కెరీర్‌లో 2026 ఓ ప్రత్యేక అధ్యాయం. జూలై 23న విజయ్‌ నటించిన జన నాయగన్‌ విడుదలైంది. ఆ తర్వాత ఆగస్టు 14న సూర్య నటించిన విశ్వనాథ్‌ అండ్‌ సన్స్‌ ప్రేక్షకుల ముందుకొచ్చింది. వీటి తర్వాత.. ఆగస్టు 21న నివిన్‌ పౌలీతో కలిసి నటించిన బెత్లెహేమ్‌ కుటుంబ యూనిట్‌ థియేటర్లలోకి వచ్చింది. ఈ మూడు సినిమాలు ప్రపంచవ్యాప్తంగా భారీ వసూళ్లు సాధించడంతో.. ఆమె పేరు ఒక్కసారిగా మార్మోగింది. బెత్లెహేమ్‌ కుటుంబ యూనిట్‌ జస్ట్‌.. 11 రోజుల్లోనే ఈ మైలురాయిని అందుకోవడం గమనార్హం. ముఖ్యంగా.. ఈ మూడు చిత్రాల విడుదల మధ్య వ్యవధి కేవలం 29 రోజులు. దీంతో ఒకే ఏడాదిలో(ఇప్పటివరకు..) మూడు రూ.200 కోట్ల సినిమాల్లో నటించిన భారతీయ నటిగా మమితా రికార్డు సృష్టించినట్లైంది. ఈ మధ్యకాలంలో మరేయితర హీరోయిన్‌ ఖాతాలో ఇలాంటి అరుదైన రికార్డు నమోదు కాలేదు.‘ప్రేమలు’తో మారిపోయిన కెరీర్‌అయితే ఈ స్థాయికి ఆమె ప్రయాణం ఒక్కరోజులో మొదలైనదేమీ కాదు. బాలనటిగా సినిమాల్లోకి వచ్చిన మమితా.. ఆపరేషన్‌ జావా, ఖో ఖో, సూపర్‌ శరణ్య వంటి చిత్రాల్లో కనిపించింది. కానీ 2024లో వచ్చిన ప్రేమలు ఆమె కెరీర్‌ను పూర్తిగా మార్చేసింది. అందులో రీనూ పాత్రలో ఆమె చూపించిన సహజమైన నటన, ఎక్స్‌ప్రెషన్స్‌ యువతకు బాగా కనెక్ట్‌ అయ్యాయి. ఆ తర్వాత తమిళం, తెలుగు చిత్రసీమల్లోనూ అవకాశాలు వరుసకట్టాయి. అక్కడి నుంచి మమితా ఎంచుకున్న సినిమాలూ ఆమె మార్కెట్‌ను పెంచాయి. డ్యూడ్‌, కరా వంటి తమిళ చిత్రాలతో పాటు విజయ్‌ జన నాయగన్‌, సూర్య విశ్వనాథ్‌ అండ్‌ సన్స్‌లో నటించడం ఆమెకు మరింత క్రేజ్‌ తెచ్చింది. ఇప్పుడు సొంత భాషలో బెత్లెహేమ్‌ కుటుంబ యూనిట్‌ సక్సెస్‌తో ఆ జాబితాలో మరో భారీ హిట్‌ చేరింది.డాక్టర్‌ కావాలనుకుని.. హీరోయిన్‌గామమితా జీవితంలో ఆసక్తికరమైన మలుపు స్కూల్‌లో ఉండగానే జరిగింది. ఆమె స్వస్థలం కేరళలోని కొట్టాయం జిల్లా కిడంగూర్‌. మె తండ్రి డాక్టర్‌ బైజు కృష్ణన్‌.. తల్లి మినీ బైజు. అన్నయ్య మిథున్‌ కెనడాలో చదువు పూర్తి చేశారు. చిన్నతనంలో ఆమెకు డాక్టర్‌ కావాలనే కోరిక ఉండేదట. అయితే తొమ్మిదో తరగతిలో ఉన్న సమయంలో ఓ ఆడిషన్‌కు వెళ్లడం ఆమె జీవితాన్నే మార్చింది. ఆ తర్వాత చదువుతో పాటు నటనపైనా దృష్టి పెట్టింది. చివరకు వైద్య వృత్తికి బదులు సినీ రంగాన్నే కెరీర్‌గా ఎంచుకుంది.ఫ్యాన్స్‌ ముద్దుగా ‘SSMB’..మమితకు ఉన్న క్రేజ్‌ సోషల్‌ మీడియాలో కనిపిస్తుంటుంది. ఆమె షార్ట్‌ వీడియోలు, డ్యాన్సింగ్‌ క్లిప్పులు వైరల్‌ అవుతుంటాయి. సాదాసీదాగా ఉంటూ అభిమానులతోనూ ఆమె అంతే హుందాగా వ్యవహరిస్తుంటారు. ఫ్యాన్స్‌ సరదాగా ‘SSMB’ సూపర్‌స్టార్‌ మమితా బైజు అనే ట్యాగ్‌ కూడా ఇస్తున్నారు. ‘సూపర్‌స్టార్‌’ అనే అర్థంలో ఈ పేరును వాడుతూ.. మలయాళ సినీ పరిశ్రమకు మమ్ముట్టి, మోహన్‌లాల్‌ తర్వాత మరో ఎం(M) దొరికిందంటూ కామెంట్లు చేస్తున్నారు. ఆమెకున్న క్రేజ్‌, వరుస అవకాశాలను చూసి సోషల్‌ మీడియాలో ఈ సరదా పోలికలు వైరల్‌గా మారుతున్నాయి.రెమ్యునరేషన్‌ విషయంలో.. ఇక సంపాదన విషయానికొస్తే.. ఆరేళ్ల వయసులో పాల్గొన్న ఫ్యాషన్‌ షోలో తొలిసారి రూ.500 సంపాదించిన విషయాన్ని ఆమె తరచూ చెబుతుంటారు. అలాగే తొలి సినిమా ‘సర్వోపరి పాలక్కారన్‌’కు ఎలాంటి పారితోషికం తీసుకోలేదని, రెండో సినిమాకు మాత్రం రూ.6,000 అందుకున్నట్లు ఓ ఇంటర్వ్యూలో వెల్లడించింది. అయితే చలనచిత్ర రంగంలోకి అడుగుపెట్టిన ఇన్నేళ్ల శ్రమకు ఆమెకు అవకాశాలు, సక్సెస్‌లు దక్కుతున్నాయి. వరుస విజయాలతో మమితా బైజు పారితోషికం కూడా గణనీయంగా పెరిగినట్లు పరిశ్రమ వర్గాల సమాచారం. ప్రస్తుతం ఒక్కో సినిమాకు ఆమె సుమారు రూ.2–3 కోట్ల వరకు తీసుకుంటున్నట్లు తెలుస్తోంది. సినిమాలే కాకుండా ఫ్యాషన్‌, స్కిన్‌కేర్‌, జ్యువెలరీ తదితర బ్రాండ్లకు ఆమె ప్రచారం చేస్తోంది. దీంతో నటనతో వచ్చే ఆదాయానికి అదనంగా ఎండార్స్‌మెంట్లు, పెట్టుబడులు కూడా ఆమె సంపాదనలో భాగమవుతున్నాయి.కోచిలో కోట్ల విలువైన ఇల్లు.. కార్లు కూడామమితా బైజు ఆస్తుల గురించి కూడా మాలీవుడ్‌ వెబ్‌సైట్లు ఆసక్తికర విషయాలు షేర్‌ చేస్తుంటాయి. కోచిలో ఆమెకు సుమారు రూ.3 కోట్ల నుంచి రూ.5 కోట్ల విలువైన అపార్ట్‌మెంట్‌ ఉన్నట్లు పలు నివేదికలు పేర్కొన్నాయి. షూటింగ్స్‌ ఎక్కువగా ఉండటంతో కోచినే ఆమెకు ప్రధాన నివాసంగా మారినట్లు సమాచారం. కేరళలోని కొట్టాయం జిల్లా కిడంగూరులో కుటుంబానికి చెందిన పూర్వీకుల ఇల్లు కూడా ఉంది.కార్ల విషయానికొస్తే.. మమితా బైజు గ్యారేజీలో వోక్స్‌వాగెన్‌ టైగన్‌, మారుతి సుజుకీ జిమ్నీ ఉన్నాయి. అయితే ఆమె మొత్తం ఆస్తుల విలువపై అధికారిక వివరాలు అందుబాటులో లేవు. మాలీవుడ్‌ మూవీ సర్కిల్స్‌ వెబ్‌సైట్లు మాత్రం.. ఆమె నికర ఆస్తుల విలువను సుమారు రూ.20–30 కోట్లుగా అంచనా వేస్తున్నాయి.ఇష్టాలుఫేవరెట్‌ యాక్టర్‌: ధనుష్‌ ఇష్టమైన హాబీస్‌: డ్యాన్స్‌, పుస్తకాలు చదవడం, సినిమాలు చూడటం, ట్రావెలింగ్‌. ఇష్టమైన ఆహారం: చైనీస్‌ ఫుడ్‌ ఇష్టమైన రంగు: బ్లాక్‌ఇష్టమైన సింగర్‌: ఆంథోనీ దాసన్‌ఇష్టమైన పెర్ఫ్యూమ్‌: చానెల్‌ఇష్టమైన హాలిడే డెస్టినేషన్‌: దుబాయ్‌ఇష్టమైన ఆట: క్రికెట్‌ఇకపై మమితా రేంజ్‌ మరింత పెరిగేనా?ప్రేమలుతో వచ్చిన గుర్తింపు.. ఆ తర్వాత వరుసగా పెద్ద హీరోల సినిమాలు.. ఇప్పుడు మూడు రూ.200 కోట్ల చిత్రాలతో వచ్చిన రికార్డు. మమితా బైజు కెరీర్‌ గ్రాఫ్‌ చూస్తే.. తక్కువ సమయంలోనే ఆమె ఎంత వేగంగా ఎదిగిందో అర్థమవుతుంది. పాతికేళ్ల వయసులోనే ఇలాంటి మార్కెట్‌ రావడం ఆమెకు కలిసొచ్చిన మరో అంశం. గ్లామర్‌ పాత్రలకే పరిమితం కాకుండా కథ, పాత్రకు ప్రాధాన్యం ఇస్తూ ముందుకు సాగితే.. మమితా బైజు దక్షిణాది చిత్రసీమలో మరో బలమైన హీరోయిన్‌గా ఎదగడం పెద్ద ఆశ్చర్యమేమీ కాదు. ఇదీ చదవండి: ఆమె దోసె వేస్తే లక్షలు కురవాల్సిందే!

లక్ష్మి నాలుగో క్లాసు. వరంగల్‌ దగ్గర ఒక చిన్న పల్లె వాళ్ల ఊరు. వాళ్ల ఇంటి వెనుక వరి పొలం ఉంది. ఒకరోజు వర్షం పడుతుండగా పొలం గట్టు మీద ఒక కుక్కపిల్ల వణుకుతూ కనిపించింది. నల్లగా, చిన్నగా, చెవులు వేలాడుతూ ఉన్న కుక్కపిల్ల. లక్ష్మికి జాలి వేసింది. వానలో తడుస్తూ వెళ్లి ఆ కుక్కపిల్లను ఇంటికి తెచ్చి ‘బుజ్జి’ అని పేరు పెట్టింది.లక్ష్మి తల్లి దానిని ఒక పాత గుడ్డతో తుడిచి, వేడి పాలు ఇచ్చింది. అప్పటి నుంచి లక్ష్మి, బుజ్జి విడదీయరాని స్నేహితులయ్యారు. లక్ష్మి స్కూల్‌కి వెళ్తే బుజ్జి గేటు దగ్గరే కూర్చునేది. సాయంత్రం ఇద్దరూ కలిసి పొలంలో ఆడుకునేవారు. లక్ష్మి పుస్తకం చదువుతుంటే బుజ్జి పక్కన పడుకుని వినేది.ఒకరోజు లక్ష్మి పొలంలో ఆడుతూ జారి చిన్న కాలువలో పడింది. నీళ్లు వేగంగా లాగుతున్నాయి. లక్ష్మి ‘అమ్మా!’ అని అరిచింది. ఎవరూ లేరు. బుజ్జి ఒక్క ఉదుటున పరిగెత్తి ఇంటికి వెళ్లి లక్ష్మి తల్లి చీర పట్టుకుని లాగింది. తల్లి ఏదో జరిగిందని పరిగెత్తింది. చూస్తే లక్ష్మి కాలువలో కొట్టుకు΄ోతోంది. తల్లి వెంటనే కాలువలో దిగి లక్ష్మిని బయటకు లాగింది. ఆ రోజు నుంచి ఊరంతా బుజ్జిని ‘హీరో బుజ్జి’ అని పిలిచేవారు. నిజమైన స్నేహానికి మాటలు అక్కర్లేదు, ప్రేమ చాలు.ఇవి కూడా చదవండి: ముక్కుతో ఒకేసారి 10 చేపలు పట్టే ఈ పక్షిని గురించి విన్నారా?

తన పన్నెండేళ్ల వయసులో పిల్లల సైన్యాన్ని నడిపిన ఈ చిన్నారి.. దేశం కోసం ఐదేళ్ల వయసులోనే తనకు ఎంతో ఇష్టమైన బొమ్మను త్యాగం చేసింది. ఆ చిన్నారి మరెవరో కాదు.. భారత ప్రధానిగా చరిత్ర సృష్టించిన ఇందిరా గాంధీ!మన దేశ ఏకైక మహిళా ప్రధాని ఇందిరా గాంధీకి ఐదేళ్ల వయసులో ఒక బొమ్మ అంటే చాలా ఇష్టం. అది ఇంగ్లాండ్‌ నుంచి తండ్రి నెహ్రూ తెచ్చి ఇచ్చింది. ఆ సమయంలో మహాత్మా గాంధీ ‘విదేశీ వస్తువులను బహిష్కరించండి’ అని పిలుపునిచ్చారు.ఆ పిలుపుతో ఇందిర తన విదేశీ బట్టలన్నింటినీ మంటల్లో వేసింది. ఒక స్నేహితుడు ‘నీ బొమ్మ కూడా విదేశీదే’ అని చెప్పాడు. చిన్నారి ఇందిర చాలా రోజులు ఆలోచించి, బాధపడుతూనే ఆ బొమ్మను చితిలో వేసింది. బొమ్మ కంటే దేశం ముఖ్యం మరి.ఇందిరకు 12 ఏళ్లు వచ్చేసరికి 1930లో ‘వానర సేన’ అనే పిల్లల సైన్యాన్ని స్థాపించింది. బ్రిటిష్‌ పోలీసులు పిల్లలను అనుమానించరు కదా, అందుకే ఈ పిల్లలు రహస్యంగా ఉత్తరాలు చేరవేసేవారు, జెండాలు కుట్టేవారు, ఉద్యమకారులకు సహాయం చేసేవారు. మహనీయులు అలా బాల్యం నుంచే గొప్ప పనులు చేస్తారు.ఇవీ చదవండి: అంకెలే ఆమె మనోబలం

రోజంతా కూర్చుని పనిచేయడం, మొబైల్‌ చూడటం వల్ల మెడ, భుజాలు, వెన్నుపై ఒత్తిడి పెరుగుతోంది. ఇలాంటి సమయంలో శరీరాన్ని సున్నితంగా వెనుకకు సాగదీసే కొన్ని యోగా భంగిమలు ఉపశమనానికి తోడ్పడవచ్చు. అయితే ఈ భంగిమను ఎలా చేయాలి? ఎవరెవరు చేయకూడదు? ప్రయోజనాలు ఏమిటి? ఇప్పుడు చూద్దామా?ఇలా చేయాలి..నిటారుగా నిలబడి, చేతులను నెమ్మదిగా పైకి ఎత్తాలి.చేతులను నడుముపై ఉంచుకోవాలి.మెడను వెనుకకు ఎక్కువగా వేలాడదీయకూడదు.నడుమును ఎక్కువగా వెనుకకు వంచకూడదు.అవసరమైతే ఊర్ధ్వ తాడాసనం రూపంలో చేయవచ్చు.సుమారు 30 సెకన్ల పాటు భంగిమను నిలుపుకోవడంజాగ్రత్తలు...భుజాల నొప్పి, స్పాండిలైటిస్, వెన్నునొప్పి, వెన్నెముక లేదా వెన్నుకు గాయం ఉన్నప్పుడు చెయ్యకూడదు.ప్రయోజనాలు...మెడ, భుజాలు, పై వెన్నుభాగంలో ఉన్న ఒత్తిడిని తగ్గిస్తుంది.వెన్నెముకపై ఉన్న కంప్రెషన్‌ ను తగ్గించడంలో సహాయపడుతుంది.పొత్తికడుపు కండరాలను స్ట్రెచ్‌ చేస్తుంది.ఊపిరితిత్తుల సామర్థ్యాన్ని మెరుగుపరచి, లోతైన శ్వాసకు సహాయపడుతుంది.చేతులు, భుజాలు, పై వెన్నుభాగంలోని కండరాలను బలోపేతం/స్ట్రెచ్‌ చేయడంలో సహాయపడుతుంది.– అనిత పాతర్ల, యోగా ట్రైనర్‌ఇవీ చదవండి: మన కుల్ఫీకి ప్రపంచమే ఫిదా.. టాప్‌-10లో చోటు!

కుల్ఫీకి ప్రపంచస్థాయిలో దక్కిన ఈ గుర్తింపు ఇప్పుడు అందరి దృష్టినీ ఆకర్షిస్తోంది. అసలు మన కుల్ఫీకి ఈ స్థానం ఎలా దక్కింది? ఇందులో ఉన్న ప్రత్యేకత ఏమిటి? ప్రపంచాన్ని మెప్పించిన ఈ చల్లని భారతీయ డెసర్ట్‌ గురించి ఇప్పుడు చూద్దామా?ప్రసిద్ధ ఫుడ్‌ అండ్‌ ట్రావెల్‌ గైడ్‌ ‘టేస్ట్‌అట్లాస్‌’ విడుదల చేసిన ప్రపంచంలోనే 50 అత్యుత్తమ ఫ్రోజెన్‌ డెసర్ట్‌ల జాబితాలో భారతదేశానికి చెందిన సాంప్రదాయ ఐస్‌క్రీమ్‌ ‘కుల్ఫీ’ 7వ స్థానాన్ని సొంతం చేసుకుంది. ప్రపంచవ్యాప్తంగా లభించే ఇటాలియన్‌ జెలాటో, టర్కిష్‌ దొందుర్మా వంటి ప్రసిద్ధ డజర్ట్‌లతో పోటీపడి ఈ ఘనత సాధించింది.పాలను మరిగించి చిక్కబరిచిన తర్వాత కుంకుమపువ్వు, యాలకులు, పిస్తా, బాదం వంటి వాటిని కలిపి దీనిని తయారు చేస్తారు. అంతేకాకుండా, ఎందరికో ఇష్టమైన ‘కుల్ఫీ ఫలూదా’ 33వ స్థానంలో చోటు సంపాదించి అంతర్జాతీయ స్థాయిలో ఇండియన్‌ స్వీట్స్‌ ప్రత్యేకతను మరోసారి చాటిచెప్పింది.ఇవి కూడా చదవండి: మీ షాపింగ్‌ బిల్లు పేపరు తెల్లగా మారుతోందా? అయితే ఇదే కారణం!

మనం షాపింగ్‌ చేసినప్పుడు ఇచ్చిన రిసిప్ట్‌లలో కొన్ని రోజులకే అక్షరాలు కనిపించకుండా తెల్లగా మారిపోతుంటాయి. వీటిల్లో కొన్ని ముఖ్యమైన బిల్లులు కూడా ఉంటాయి. మరి వాటిని ఎలా దాచుకోవాలి?షాపింగ్‌ మాల్స్‌లో సాధారణంగా రిసిప్ట్‌ల కోసం థర్మల్‌ పేపర్‌ని ఉపయోగిస్తుంటారు. ఈ పేపర్‌ పై వేడికి స్పందించే రసాయనాలు (ల్యూకో డైస్‌) పూతగా ఉంటాయి. ప్రింటర్‌ ప్రింట్‌ చేసేటప్పుడు వేడి తగలడంతో అక్కడ నల్లటి అక్షరాలు ఏర్పడతాయి. అలాగే ఈ పేపర్‌పై ఎండతగిలినా, గాలి తగిలినా అక్షరాలు మాయమవుతుంటాయి. అందువల్ల ముఖ్యమైన బిల్లులను వెంటనే మొబైల్‌లో స్పష్టమైన ఫోటో తీసి ఉంచుకోవడం లేదా స్కాన్‌ చేయడం అత్యంత సురక్షితమైన మార్గం.ప్లాస్టిక్‌ ఫోల్డర్లు లేదా వాలెట్లలో ఉంచకుండా, పేపర్‌ ఎన్వెలప్‌లలో ఉంచి వెలుతురు, వేడి తగలని చల్లని ప్రదేశంలో దాచండి. లేదా బిల్లు తీసుకునేపుడే ఇమెయిల్‌ లేదా మెసేజ్‌ ద్వారా డిజిటల్‌ రిసిప్ట్‌లు పంపమని కోరండి. కొంతమంది బిల్లు చిరిగిపోకుండా సెల్లోటేప్‌ వేస్తుంటారు. కానీ సెల్లోటేప్‌లోని రసాయనాలు కొన్ని వారాల్లోనే ప్రింట్‌ని పూర్తిగా చెరిపివేస్తాయి.ఇవీ చదవండి: బబుల్‌ రాప్‌ ఎలా పుట్టిందో తెలిస్తే షాకే!

బబుల్‌ రాప్‌.. ఈ రోజుల్లో దీని పాత్ర చెప్పలేనిది. ఆన్‌లైన్‌ షాపింగ్‌ వచ్చాక ప్యాకేజింగ్‌లో దీని అవసరం ప్రపంచవ్యాప్తంగా పెరిగిపోయింది. ఎలక్ట్రానిక్‌ గ్యాడ్జెట్స్, గృహోపకరణాలు, గాజు వస్తువులు ఒక్కటేమిటీ ప్రతీ వస్తువుకు రక్షణ కవచంలా మారిపోయింది. మరి ఇంతలా వినియోగిస్తున్న ఈ బబుల్‌ రాప్‌ కవర్‌..మీకు తెలుసా? బబుల్‌ రాప్‌ కథ అమెరికాలోని న్యూజెర్సీలో 1957లో మొదలైంది. ఆల్ఫ్రెడ్‌ ఫీల్డింగ్, మార్క్‌ చవాన్నెస్‌ అనే ఇద్దరు ఇంజనీర్లు తమ గ్యారేజీలో పని చేస్తూ.. గోడలకు ఒక కొత్త స్టైల్‌ ఇవ్వడానికి ప్లాస్టిక్‌ వాల్‌పేపర్‌ను తయారు చేయాలని భావించారు. దీని కోసం రెండు ప్లాస్టిక్‌ షీట్లను ఒక యంత్రం సాయంతో అతికించడానికి ప్రయత్నించారు. ఈ ప్రయోగం చేస్తున్నప్పుడు, యంత్రంలో ఒక చిన్న సాంకేతిక లోపం తలెత్తింది. దీనివల్ల రెండు ప్లాస్టిక్‌ షీట్ల మధ్య చిన్నచిన్న గాలి బుడగలు చిక్కుకుపోయాయి. బయటకు వచ్చిన షీట్‌ సాదాగా కాకుండా, బుడగలతో నిండి ఉంది. అయితే ఈ బుడగల వాల్‌ పేపర్‌ వినియోగదారులను అంతగా ఆకట్టుకోలేదు.1960లో పరిస్థితి ఒక్కసారిగా మారిపోయింది. బబుల్‌ రాప్‌కి మంచిరోజులొచ్చాయి. అప్పట్లో ఐబీఎం సంస్థ 1401 కంప్యూటర్‌ను లాంచ్‌ చేసింది. అది చాలా సున్నితమైన యంత్రం, కాబట్టి దానిని ఒక చోటు నుంచి మరో చోటుకు తరలించడం పెద్ద సవాలుగా మారింది. అప్పుడు మార్క్‌ చవాన్నెస్‌ ఈ బబుల్‌ ప్లాస్టిక్‌ను ఆ సంస్థకి చూపించారు. ఆ గాలి బుడగలు వస్తువులకు రక్షణ కవచంలా పనిచేస్తాయని ఐబీఎం ఇంజనీర్లు గుర్తించారు. అలా తమ కంప్యూటర్లను సురక్షితంగా రవాణా చేయడానికి దీనిని వాడటం మొదలుపెట్టారు. దీంతో బబుల్‌ రాప్‌కు డిమాండ్‌ విపరీతంగా పెరిగింది. నేటి ఈ–కామర్స్‌ కాలంలో ఈ బబుల్‌ రాప్‌ లేని పార్సిల్స్‌ను ఊహించడం అసాధ్యం.ఇవి కూడా చదవండి: నెల జీతంతో ఇంత కుటుంబాన్ని నడిపించేది ఎవరో తెలుసా?

మనందరికి బాగా గుర్తుండే ఉంటుంది... చిన్నప్పుడు స్కూల్‌ నుంచి ఇంటికొచ్చినప్పుడు వంటింట్లో నుంచి కమ్మటి వాసన..ఈవెనింగ్‌ స్నాక్స్‌ కింద అమ్మ గారెలో, బజ్జీలో వేస్తోంది అని ఇట్టే పసిగట్టేస్తాం. అమ్మ చాలా పనులు చేసేది. నాన్నమ్మకి మందులు ఇవ్వాలి. మనకి ట్యూషన్‌కి వెళ్లే ముందు చాక్లెట్లకి డబ్బులివ్వాలి. దీపావళి, సంక్రాంతి లాంటి పండగలొస్తే కొత్త బట్టలు ఒంటిమీదకొస్తాయని చెప్పక్కర్లేదు. ఇక బంధువులు వచ్చినప్పుడు హడావిడిగా తిరుగుతూ అందరికీ అన్నీ చేస్తూ ఇంటి భారాన్ని మోస్తూ నవ్వుతూ కనిపించే అమ్మ నిజంగా మనీ మేనేజ్‌మెంట్‌ అంటే ఏంటో చెప్పకనే చెప్పేది. నెలకోసారి వచ్చే నాన్న జీతంతోనే ఇన్ని చేయగలగడమే నిజమైన ఫైనాన్షియల్‌ డిసిప్లిన్‌.ఒకప్పుడు వంటింటి బడ్జెట్‌కే పరిమితమైన మహిళలు.. ఇప్పుడు దేశ ఆర్థిక వ్యవస్థను శాసించే స్థాయికి ఎదుగుతున్నారు. కేవలం సంపాదించడమే కాకుండా, సరైన ΄÷దుపు ప్రణాళికలు, పెట్టుబడుల ద్వారా మహిళలు నిజమైన ఆర్థిక స్వాతంత్య్రం వైపు అడుగులు వేస్తున్నారు. తమ కుటుంబాలకు ఆర్థిక రక్షణ కవచంగా మారుతున్నారు.ఆర్థిక స్థిరత్వం దిశగా..ఆర్థికంగా నిలదొక్కుకున్న మహిళ.. ఒక కుటుంబానికే కాదు, యావత్‌ సమాజానికే ఆత్మవిశ్వాసం. కష్ట కాలంలో ఇతరులపై ఆధారపడకుండా, తమ కష్టార్జితాన్ని సరైన ΄÷దుపు మార్గాల్లో మళ్లించడం ద్వారా తమకు తాము సాధికారతౖవైపు నడవవచ్చు. గృహిణి అయినా, ఐటీ ఉద్యోగిణి అయినా.. నేడు ప్రతి మహిళ తెలుసుకోవాల్సిన అసలైన మంత్రం ‘డబ్బు సంపాదించడం ఒక ఎతై ్తతే, ఆ డబ్బును మన కోసం పని చేయించడం మరొక ఎత్తు’. అలా ఉండాలంటే కొన్ని ఆర్థిక వ్యూహాలు, జాగ్రత్తలు తప్పనిసరి.స్వయంగా తెలుసుకోవాలి..మీ డబ్బు ఎక్కడ ఇన్వెస్ట్‌ అవుతోంది, దానిపై ఎంత రిటర్న్స్‌ వస్తున్నాయి అనే విషయాలను మీరే స్వయంగా పర్యవేక్షించాలి. మీరు తీసుకునే ప్రతి ఆర్థిక నిర్ణయానికి మీరే పూర్తి బాధ్యత వహించాలి. పర్సనల్‌ ఫైనాన్స్‌ పుస్తకాలు చదవడం, మంచి ఆర్థిక సలహాదారుల సహాయం తీసుకోవడం ద్వారా మీలో ఆర్థిక అవగాహన, ఆత్మవిశ్వాసం పెరుగుతాయి. కీలకమైన ఆర్థిక నిర్ణయాల కోసం ఇతరులపై ఆధారపడటం తగ్గుతుంది.క్లిష్ట పరిస్థితుల్లోనూ..జీవితంలో ఎప్పుడు ఎలాంటి అత్యవసర పరిస్థితి వస్తుందో చెప్పలేం. అందుకే ఎలాంటి పరిస్థితినైనా ఎదుర్కోవడానికి ఎల్లప్పుడూ సిద్ధంగా ఉండటం మంచిది. అందుకోసం మన సంపాదనలో ప్రతినెలా కొంత మొత్తాన్ని ఎమర్జెన్సీ ఫండ్‌ రూపంలో భద్రపరచాలి. ఇలా చేయడం వల్ల అత్యవసర పరిస్థితుల్లో పర్సనల్‌ లోన్లు లేదా క్రెడిట్‌ కార్డ్‌ల ఊబిలో పడకుండా మిమ్మల్ని మీరు కాపాడుకోవచ్చు. ఆర్థిక నిర్వహణ అంటే.. కేవలం డబ్బు దాచడం మాత్రమే కాదు. అది మీ భవిష్యత్తును మీరే నిర్దేశించుకునే ఒక ఆత్మవిశ్వాసమని గుర్తించాలి.ఇవి చదవండి: యూరప్‌ పరిస్థితి చూస్తే భయమేస్తోంది.. ప్రకృతి హెచ్చరిక ఇదేనా?

మనదేశంలో యూరప్‌కి ఉన్న క్రేజే వేరు. సమ్మర్‌ వస్తే యూరప్‌ ట్రిప్, సినిమా షూటింగులకి యూరప్‌ ట్రిప్, అంతెందుకు? కూల్‌డ్రింక్‌ తాగండి యూరప్‌ ట్రిప్‌ గెలవండి అంటూ ప్రకటనలను కూడా మనం చూశాం.. కాని ఇప్పుడు అదే యూరప్‌ కాలుతున్న పెనుములా కనిపిస్తోంది. అక్కడ కూడా రికార్డ్‌ ఉష్ణోగ్రతలు నమోదవుతూ మన తెలంగాణాలోని రామగుండం, కొత్తగూడెం, ఆంధ్రాలోని నెల్లూరు, వైజాగ్‌ లాంటి ప్రాంతాలను తలపిస్తున్నాయంటే నమ్ముతారా? కాని ముమ్మాటికి ఇది నిజం..గ్రీస్‌ తీరం, పారిస్‌ నగరం, రోమ్‌ వీధులు, స్పానిష్‌ రుచులు ఒక్కసారిగా వేడెక్కాయి.. 2026 మే నెలలో పశ్చిమం నుంచి మొదలైన హీట్‌ వేవ్‌ కారణంగా మునుపెన్నడూ లేని విధంగా ఉష్ణోగ్రతలు రికార్డు స్థాయిలో పెరిగి జనజీవనాన్ని ఉక్కిరి బిక్కిరి చేశాయి. ఎండతాపానికి రోడ్లు సైతం కరిగిపోయాయి. రైలు పట్టాలు వంకర్లు తిరిగాయి. జనాలు ఇంట్లో నుంచి బయటికి రావాలంటే హడలెత్తిపోయారు. యూరప్‌ ఖండంలో దాదాపు సగభాగం హీట్‌ వేవ్‌ కారణంగా ప్రజలు దారుణమైన పరిస్థితులను చవిచూశారు. అనధికార లెక్కల ప్రకారం ఎండ దెబ్బకి దాదాపు 35 వేల మంది మరణించినట్టు గణాంకాలు చెబుతున్నాయి.పెరిగిన మరణాల రేటుఅత్యధికంగా జర్మనీలో ఏప్రిల్‌ 6 నుంచి ఆగస్టు 9 వరకు సుమారు 14 వేల మంది మరణించినట్టు జర్మనీ రాబర్ట్‌ కోచ్‌ ఇన్‌స్టిట్యూట్‌ అంచనా వేసింది. సాధారణంగా వేసవి కాలంలో నమోదయ్యే మరణాల కంటే రెండు వేల కంటే తక్కువగా ఉంటాయి. అక్కడ ఈ స్థాయిలో మరణాల రేటు నమోదు కావడం ఇదే తొలిసారి. తర్వాత స్థానంలో ఫ్రాన్స్‌ ఉంది.అక్కడ సాధారణం కంటే 7,300 మరణాలు అధికంగా నమోదయ్యాయి. మే చివరి నుంచి జూలై 22 వరకు ఇంకా పూర్తి స్థాయిలో మరణాలను లెక్కించాల్సి ఉందని నిపుణులు అంచనా వేస్తున్నారు. తర్వాత స్పెయిన్‌లో 4,947 మరణాలు సంభవించాయి. ఆ తర్వాత ఇంగ్లండ్‌లో 2,877, బెల్జియంలో 1,222, పోలాండ్‌లో 1,070, నెదర్లాండ్స్‌లో సుమారు 900 వరకు మరణాలు సంభవించాయని గణాంకాలు చెబుతున్నాయి.తగ్గిన పర్యాటకంమన భారతీయులకు యూరప్‌ ట్రిప్‌ అంటే యమ క్రేజ్‌. ఉద్యోగ నిమిత్తం, వ్యాపార నిమిత్తం ప్రయాణించే వారి కంటే విహారం కోసం వెళ్లే వారే ఎక్కువ. 2024లో భారతదేశం నుంచి దాదాపు 38 లక్షల మంది యూరప్‌కి వెళ్లగా, 2025లో ఆ సంఖ్య 40 లక్షలకు చేరుకుంది. కాని యూరప్‌లో మారిన వాతావరణం దృష్ట్యా ఈ ఏడాది మాత్రం ప్రయాణికుల సంఖ్య భారీగా తగ్గింది. రోజుకో ఏఐ టూల్‌ మార్కెట్‌లోకి అడుగుపెడుతోంది. దినదినాభివృద్ధి చెందుతున్న మానవ మేధస్సు ప్రకృతి ప్రకోపానికి మాత్రం సరైన జవాబు ఇవ్వలేకపోతోందనడానికి ఇదో ఉదాహరణ.మునుపెన్నడూ లేనంతగా..జూన్‌ 23న ఫ్రాన్స్‌లోని పిప్సోస్‌లో 44.3 డిగ్రీలు నమోదయ్యాయి. 1947 తర్వాత ఇదే ఆ దేశంలో నమోదైన అత్యధిక ఉష్ణోగ్రత. ఇక జర్మనీలో అయితే జూన్‌ చివరలో 46 ప్రాంతాలలో ఉష్ణోగ్రతలు 40 డిగ్రీలు దాటాయి. సాధారణ వేసవితో పోలిస్తే ఇది దాదాపుగా రెట్టింపు. పారిస్, బెర్లిన్‌ నగరాలలో సాధారణం 23 డిగ్రీలు కాగా, ఈ ఏడాది 40కి చేరుకుంది. అలాగే ప్రాగ్, వియన్నా, మాడ్రిడ్, డబ్లిన్, బుకారెస్ట్‌ నగరాలలో సాధారణం కంటే 10 డిగ్రీలు ఎక్కువగా నమోదయ్యాయి.కారణమేంటి?భూతాపం పెరగడం, వాతావరణంలోని మార్పులు, పశ్చిమం నుంచి వచ్చిన వడగాల్పులు, కర్బన ఉద్గారాల వల్ల ఈ పరిస్థితి నెలకొంది. మేలో వచ్చిన వడగాల్పులు అధిక పీడన ప్రభావంతో ఎండ తీవ్రత ఒక్కచోట కేంద్రీకృతం కావడం వల్ల యూరప్‌ ఉక్కపోతతో అల్లాడింది.ఇవీ చదవండి: మీ మెదడుకు బాస్‌ మీరే అనుకుంటున్నారా? నిజాలు తెలిస్తే షాకే!

మీరు మీ మెదడుకు బాస్‌ అనుకుంటున్నారా? ΄÷ర΄ాటే! మీరు ఉదయం లేచిన దగ్గర నుంచి రాత్రి పడుకునే వరకు మీకు తెలియకుండానే మీ మెదడు బోలెడన్ని పనులు చేసేస్తుంటుంది. మీరు ‘‘నేను ఆలోచించి చేశాను’’ అనుకుంటారు. కానీ కొన్ని సందర్భాల్లో అసలు ఆలోచించింది మీరు కానే కాదు మీ మెదడే!మన కళ్ల ముందు కనిపించేది, మనం గుర్తుంచుకునేది, మనకు నచ్చేది, భయపడేది..ఇలా చాలా విషయాల్లో మెదడు తనదైన గేమ్‌ ఆడుతుంది. అందులో కొన్ని సరదాగా ఉంటే.. మరికొన్ని ‘‘అరే! ఇలానా?’’ అనిపిస్తాయి. ఇంకా మనకు తెలియకుండా మన మెదడు చేసే పనులేంటో చూసేద్దామా?1. మల్టీటాస్కింగ్‌మీరు ఫోన్‌ లో మెసేజ్‌ టైప్‌ చేస్తూనే టీవీ చూస్తూ, పక్కన ఎవరో మాట్లాడుతుంటే సమాధానం ఇస్తున్నారా? అది మీ గొప్పేం కాదు. ‘నా మల్టీటాస్కింగ్‌ సూపర్‌’ అని ఫీలవ్వకండి. చాలా సందర్భాల్లో రెండు క్లిష్టమైన పనులను ఒకేసారి చేయడం మెదడుకి వెన్నతో పెట్టిన విద్య.2. కనిపించని విషయాలను ఊహిస్తూ..మన కళ్లకు ప్రపంచం మొత్తం స్పష్టంగా కనిపిస్తుందని అనుకుంటాం. నిజానికి మన దృష్టిలో చిన్న ప్రాంతం కూడా స్పష్టంగా కనిపించదు. దానిని మెదడు చుట్టుపక్కల సమాచారంతో అంచనా వేసి నింపేస్తుంది. దీనినే ఇమేజ్‌గ్రాస్పింగ్‌లో మెదడు చేసే ‘‘ఫిల్లింగ్‌–ఇన్‌’’గా భావిస్తారు.3. జ్ఞాపకాలను నిర్మిస్తుంది!‘‘ఆ రోజు జరిగిన ప్రతి విషయం నాకు అచ్చంగా గుర్తుంది’’ అని చెప్పేవాళ్లను కాస్త అనుమానంతో చూడొచ్చు. మన జ్ఞాపకాలు సాధారణంగా వీడియో రికార్డింగ్‌లా స్టోర్‌ అవ్వవు/. గుర్తు చేసుకునే సమయంలో మెదడు అందుబాటులో ఉన్న సమాచారంతో ఆ సంఘటనను మళ్లీ సృష్టిస్తుంది.4. కాలింగ్‌..కాలింగ్‌ఒక ΄ార్టీకి వెళ్లారు. చుట్టూ పెద్ద శబ్దం. అందరూ మాట్లాడుతున్నారు. ఒక్కసారిగా ఎవరో మీ పేరు పిలిచారు. వెంటనే మీ చెవులు అటువైపు తిరుగుతాయి. దీనిని సాధారణంగా‘ కాక్‌టెయిల్‌ ΄ార్టీ ఎఫెక్ట్‌’ అంటారు. 5. బోర్‌ కొట్టినా...మీరు ఏ పని చేయకుండా కూర్చున్నారు. బయటకు చూస్తున్నారు. కానీ మెదడు మాత్రం షిఫ్ట్‌ ముగించదు. మనం విశ్రాంతిగా ఉన్నప్పుడు కూడా మెదడులోని కొన్ని నెట్‌వర్క్‌లు చురుకుగా ఉంటాయి. 6. భయపెడుతుంది!రాత్రి ఒంటరిగా గదిలో కూర్చున్నారు. చిన్న శబ్దం వచ్చింది. వెంటనే గుండె వేగం పెరుగుతుంది. ‘‘ఎవరు?’’ అని చూస్తే.. కిటికీకి తగిలిన కొమ్మ! మెదడు ప్రమాదాన్ని గుర్తించే విషయంలో జాగ్రత్తగా ఉండటానికి ప్రయత్నిస్తుంది. 7. ముందే అర్థం చేసుకుంటుంది!మన కళ్లకు వచ్చే సమాచారాన్ని మెదడు కేవలం రిసీవ్‌ చేయదు. గత అనుభవాలు, సందర్భం, అంచనాలను కూడా ఉపయోగించి మనం ఏం చూస్తున్నామో అర్థం చేసుకుంటుంది. ఒకే చిత్రం లేదా ఒకే వాక్యాన్ని ఇద్దరు వ్యక్తులు కొంచెం భిన్నంగా అర్థం చేసుకునే అవకాశం ఎక్కువ.8. అలవాట్లకు ఆటోపైలట్‌రోజూ ఒకే మార్గంలో ఆఫీసుకు వెళ్లే వ్యక్తికి మధ్యలో ఎన్నో విషయాలు గుర్తుండక΄ోవచ్చు. ఎందుకంటే పదేపదే చేసే పనుల్లో కొన్నింటిని మెదడు అలవాటుగా మార్చుకుంటుంది. దాంతో ప్రతి చిన్న చర్యను మొదటి రోజు లాగా జాగ్రత్తగా ఆలోచించాల్సిన అవసరం ఉండదు.9. ఫోర్‌కాస్ట్‌‘‘రేపు ఇలా చేస్తే ఎలా ఉంటుంది?’’ అని ఊహించేటప్పుడు మెదడు ఖాళీ తెరపై సినిమా తీయదు. గత అనుభవాలు, జ్ఞాపకాలు, తెలిసిన సమాచారాన్ని ఉపయోగించి ఊహించడంలో సహాయపడుతుంది.10. మీకంటే ముందే నిర్ణయంఒక విషయం గురించి మనం ‘‘నేను ఆలోచించి నిర్ణయం తీసుకున్నాను’’ అనుకుంటాం. కానీ నిర్ణయ ప్రక్రియలో మనకు పూర్తిగా స్పష్టంగా తెలియనివి అనేకం పనిచేస్తుంటాయి. మన మెదడు మనకు కనిపించకుండా పనిచేసే ఒక భారీ నియంత్రణ కేంద్రం. మనం చూస్తున్న ప్రపంచాన్ని అర్థం చేసుకోవడం నుంచి జ్ఞాపకాలు, దృష్టి, భయం, అలవాట్లు, నిర్ణయాల వరకు.. ప్రతిచోటా దాని ΄ాత్ర ఉంటుంది. మరి మెదడు ఇంత పని చేస్తున్నప్పుడు మనం ఏం చేస్తున్నాం అంటే ‘అదొక అర్థం కాని ప్రశ్నలా ఉందే’ అని మళ్లీ మన మెదడే సర్దిచెప్పుకుంటుంది.- శ్రావణ్‌ జయఇవి కూడా చదవండి: మన దేహం విలువ కోట్లకంటే ఎక్కువ.. ఈ కథతో అర్థమవుతుంది!

పిల్లలు డిజిటల్‌ మీడియాకి బానిసైపోతున్నారు తల్లిదండ్రులు, నిపుణులు ఆందోళన చెందుతున్న తరుణంలో ఎంఐటీ స్టూడెంట్‌ సరికొత్త స్ట్రాటజీతో వస్తోంది. ఇదేంటి అనుకోకండి వాళ్లు ఏఐ స్కిల్క్‌ అందిపుచ్చుకునేలా గేమ్స్‌తో వ్యూహం రచిస్తోందామె. చిన్నారులు గేమ్స్‌ అంటే ఎంతో ఇష్టమో తెలిసిందే. ఆన్‌లైన్‌ ఆడే ఆ గేమ్స్‌కి ఏఐ సాంకేతికతను మేళవించి వాళ్లే స్వయంగా ఏఐ ఉపయోగించడం నేర్చుకునేలా చేస్తూ..ప్రయోగాలు చేసేలా చేస్తుందట. అంతేగాదు అది నేర్చుకునే విధానాన్నే మార్చి..వాళ్లను మంచి మేధావులుగా తీర్చిదిద్దుతుందట. ఈ సరికొత్త ఆవిష్కరణకు తెరతీసింది మసాచుసెట్స్ ఇన్‌స్టిట్యూట్ ఆఫ్ టెక్నాలజీ పూర్వ విద్యార్థిని. భారతీయ పరిశోధకురాలు, శృతి ధరివాల్. కంప్యూటర్‌ సైన్స్‌ విద్యార్థి అయినా ఆమె ఎడ్యుగేషన్‌ గేమ్‌ని రూపొందించి దానికి ఏఐని మేళవించింది. దీన్ని పిల్లలు, టీనేజర్లకు ఉపయోగపడేలా తీర్చిదిద్దారామె. వాళ్లందర్నీ ఏఐ సాధనాలను ఎలా వాడుకోవచ్చో, ఎలా ప్రయోగాలు చేయాలో ట్రైన్‌ చేస్తుందట. దాని పేరే కో క్రియేటివ్‌ ఏఐ టూల్స్‌(కోకో). ఈ ఎడ్యుకేషన్‌ గేమ్‌కి అంతర్జాతీయ విద్యా సాంకేతిక వర్గాల నుంచి మంచి గుర్తింపు, స్పందన వచ్చింది. ఈ కోకో పిల్లలు నేర్చుకునే విధానాన్ని మారుస్తుందట. ఎవరీ ధరివాల్‌..?దరీవాల్‌ అకాడమీ జర్నీ జైపీ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ నుంచి మొదలైంది . అక్కడ ఆమె 2008లో బీటెక్‌ పూర్తి చేసింది. ఆ తర్వాత 2011లో గుర్గావ్‌లోని మేనేజ్‌మెంట్ డెవలప్‌మెంట్ ఇన్‌స్టిట్యూట్‌ నుంచి ఎంబీఏ పూర్తి చేసింది. ఆ తర్వాత ఆమె ఎయిర్‌టెల్‌లో యంగ్‌ లీడర్‌గా పనిచేసింది. అక్కడ నుంచి బెంగళూరుకు చెందిన మ్యాడ్‌రాట్ గేమ్స్‌లో ప్రొడక్ట్ డెవలప్‌మెంట్ హెడ్‌గా రేంజ్‌కి చేరుకుంది. ఆ తర్వాత టెక్నాలజీ, విద్యా, క్రియేటివిటీ వంటిపై పరిశోధనలు చేసే దిశగా అడుగులు వేస్తూ విద్యా సంబంధిత ఆటలను రూపొందిచడం ప్రారంభించింది. అంతేగాదు మ్యాడ్‌రేట్‌ గేమ్స్‌లో విద్యా సామాజిక ఆటల రూపకల్పనకు నాయకత్వం వహించారు. అవి భారతదశవ వ్యాప్తంగా రెండు లక్షల కుటుంబాలకు చేరాయి. ఆ తర్వాత ఆమె టెక్నాలజీని సాఫ్ట్‌వేర్‌గా చూడకుండా పిల్లలు కూడా నేర్చుకునేలా, సృష్టించేలా ప్రభావితం చేయొచ్చా అనే దిశగా పరిశోధనలు చేసింది. అలా ఆమె ఎంఐటీ ల్యాబ్‌లో చేరారు. అక్కడే 2016, 2018 మధ్య మాస్టర్స్‌ డిగ్రీ పూర్తి చేసి, 2018, 2025 పిల్లల కోసం కొత్త డేటా-విజువలైజేషన్ సాధనాలకు సంబంధిన అంశంపై పీహెచ్‌డీ చేశారు. అలా వచ్చిందే ఈ కోకో. ఆ పరిశోధనకుగానూ ఏసీఎం కాన్ఫరెన్స్ ఆన్ ఇంటరాక్షన్ డిజైన్ అండ్ చిల్డ్రన్‌లో బెస్ట్ షార్ట్ పేపర్ అవార్డును కూడా గెలుచుకుంది. అంతేగాదు 2023–24 లెర్నింగ్ ఇంజనీరింగ్ టూల్స్ కాంపిటీషన్‌లో కోకో విజయం సాధించిది. ఈ పరిశోధన ఎంఐటీ న్యూస్‌, టెక్నాలజీ రివ్యూ, ఎడ్‌సర్జ్‌లలో ప్రచురితమైంది కూడా. ఇక్కడ ధరివవాల్‌ తయారు చేసిన కోకో పిల్లలను ఏఐ వినయోగదారులగా కాకుండా క్రియేటర్స్‌గా మారుస్తుందన్న కోణమే హైలెట్‌ అయ్యి అందరీ ప్రశంసలు అందుకుంది. అంతేగాదు ధరీవాల్‌ పిల్లలు ఏఐ ఉయోగించొచ్చా అన్నది ప్రశ్న కాదు, వాళ్లకు దాన్ని సృజనాత్మక భాగస్వామిగా ఉపయోగించేలా చేయడమే ప్రధానం అంటుందామె. ఇది వాళ్లలోని టాలెంట్‌ని బయటకు తీసేందుకు దోహదపడుతుదంని నమ్మకంగా చెబుతోందామె. (చదవండి: సీఏ వదిలేసి మరి దోసె వ్యాపారం..నెలకు రూ. 12 లక్షలు!)

ఒక్కోసారి మనం ఒకటి అనుకుంటే..విధి మరోలా తలుస్తుంది. పైగా ఆ దారిలో ఎన్నో కష్టాలు, సవాళ్లు ఇస్తుంది. తీరా సక్సెస్‌ అందుతుందా లేదా అనే ఉత్కంఠ మధ్యలో పడేసి కుంగిపోయేలా చేస్తుంది. అయినా ఓపికతో స్ట్రాటజీ మారుస్తూ ముందుకెళ్లే వాడు కచ్చితంగా సక్సెస్‌ అందుకుంటాడు అనే మాటకు ఈ యువకుడే ఉదాహరణ.బెంగళూరుకి చెందిన గణేశ్‌ సీఏ చదువుని మధ్యలో వదిలేసి అమ్మ చేసే సాధారణ దోసెనే వ్యాపారంగా మార్చాడు. అది మొదట్లో రోజుకి రూ. 20ల నష్టంతో విపరీతమైన నష్టాలు చవిచూసింది. ఎందుకుంటే ఆకర్షణీయమైన ఫుడ్‌ట్రక్‌లు, మోమోలు, పిజ్జా రోల్స్‌ వంటి ఆధునిక ఫుడ్‌ బ్రాండ్‌ దెబ్బకు కుదేలైపోయాడు. దాంతో చెల్లి స్వప్న సాథే తట్టుకోలేక వదిలేద్దాం అని చెప్పినా.. గణేశ్‌ మాత్రం ఎలాగైన సక్సెస్‌ అందుకోవాలని మొండిగా ముందుకు సాగాడు. అతడి కుటుంబం అతడు సీఏ చేసి మంచి వృద్ధిలోకి రావాలనుకుంటే ఇదేంటి వ్యాపారం అది ఇది అంటాడని మొత్తుకునేవారు. అయినా ఎవ్వరి మాట లెక్క చేయకుండా నష్టాలు వచ్చినా..సరే మొండిగా వ్యాపారం చేసుకుంటూ వచ్చేవాడు. ఆ తర్వాత అతడి అచంచలమైన ఓర్పు అతనికి ఓ ఆలోచన మెరుపులా తట్టింది. ఇప్పుడంతా సోషల్‌ మీడియాదే హవా కాబట్టి తాను చేసే వ్యాపారం గురించి సోషల్‌ మీడియా వేదికగా షేర్‌ చేసుకుంటే అనే ఆలోచన కలిగింది.అదే అతడికి విజయానికి పెట్టుబడిగా మారింది. తాను రూ. 50 వేల రూపాయలు అప్పు చేసి తన తల్లి చేసే బెన్నె దోసె వంటకాన్నే వ్యాపారంగా మార్చినట్లు నెటిజన్లతో పంచుకున్నాడు. అలాగా ప్రతి ఉదయం, తన తల్లి, చెల్లి స్వప్న తాజా పిండిని సిద్ధం చేస్తుండగా, గణేష్ రుచికరమైన దోసెలను తయారు చేయడం వంటి వన్ని సోషల్‌ మీడియాలో షేర్‌ చేయడం ప్రారంభించగానే అటు ఫాలోవర్లు, అమ్మకాలు రెండూ పెరిగాయి. అలా చూస్తుండగానే వ్యాపారం మంచి ఊపందుకుని నెలకు లక్షల్లో ఆదాయం ఆర్జించే రేంజ్‌కు చేరుకుంది. అంతేగాదు ఆ పాత బండి కూడా శాశ్వత రెస్టారెంట్‌గా మారిపోయింది. పైగా రోజుకి దాదాపు 400 మంది దాక దుకాణానికి వస్తుంటారు, అలాగే రోజుకి సుమారు 40 వేలకు పైగా ఆదాయం రావడం మొదలైంది. అంటే నెలకు దగ్గర దగ్గర రూ. 12 లక్షలు పై చిలుకు. ఏ పనైనా మొదలుపెట్టగానే సక్సెస్‌ రాదు, నాలుగైదు సార్లు కిందపడితే గానీ..అనుభవం రాదు, అప్పుడే గెలుపు పాదాక్రాంతం చేసుకోగలలం అని గణేశ్‌ సక్సెస్‌ స్టోరీ చెబుతోంది కదూ..!. View this post on Instagram A post shared by benne (@thee.benne) (చదవండి: ఎంపీ సుప్రియా సూలే ఫిట్‌నెస్‌ సీక్రెట్‌ ఇదే..! 50 ఏళ్ల వయసులోనూ..)

చాలామంది ఇప్పుడు సునాయాసం ఆంగ్ల భాష నేర్చుకుంటున్నారు. ఏఐ పుణ్యమా అని మొబైల్‌లోనే ఈజీగా నేర్చుకుంటున్నారు. కానీ మంచి పదజాలంతో సందర్భానికి అనుగుణమైన పద ప్రయోగంతో ఆకట్టుకునేలా నైపుణ్యం సాధించాలంటే ఆంగ్ల భాషపై మంచి పట్టు ఉండాలి. స్పోకెన్‌ ఇంగ్లీష్‌ మాదిరిగా పొడి పొడి పదాలతో కాకుండా చాలా శక్తిమంతమైన ఇడియమ్స్‌తో అనర్గళంగా మాట్లాడుతుంటే ఎవ్వరైన ఫిదా అవ్వుతారు. అంతేగాదు మన పనులను కూడా సునాయాసంగా చక్కబెట్టేయగలుగుతాం. ఇప్పుడిదంతా ఎందుకంటే బాలీవుడ్‌ ‍ప్రసిద్ధ నటి, మాజీ కేంద్ర మంద్రి బిజేపీ జాతీయ ప్రధాన కార్యదర్శి స్మృతి ఇరానీ ఇటీవలి ఇంటర్యూపై అందర్నీ అమితంగా ఆకట్టుకుంది. అంతేగాదు ఆమె అనర్గళమైన ఆంగ్లభాష ప్రసంగంపై ప్రశంసలు వెల్లువెత్తాయి. ఆంగ్ల భాష మెరుగుపరుచుకోవాలంటే ఆమె ఇంటర్వ్యూ చూస్తే చాలు కొత్త పదాలు నెన్నో నేర్చుకోవచ్చు, నిజంగా ఆమె ఓ ఆంగ్ల మాస్టర్‌ క్లాస్‌ అని అభివర్ణిస్తున్నారు అంతా. ఆమె ఇటీవల బర్ఖాదత్‌ షో 'వీ ది విమెన్'లో బీజేపీ జాతీయ ప్రధాన కార్యదర్శి స్మృతి ఇరానీ, దర్శకుడు, నిర్మాత కరణ్‌ జోహార్‌ మధ్య జరిగిన సంభాషణ అశేష ప్రజలను అమితంగా ఆకట్టుకుంది. ఆమె అనర్గళంగా మాట్లుడుతున్న ఆంగ్లభాష శైలి అందర్నీ అటెన్షన్‌తో వినేలా చేయడమే కాదు..ఎంతో స్పష్టంగా, కచ్చితంగా వ్యక్తపరుస్తున్న విధానం ఎవ్వరినైనా కట్టిపడేస్తుంది. ముఖ్యంగా ఆమె ఉపయోగించే పదజాలం, ఆత్మవిశ్వసంతో మాట్లుడుతున్న తీరు..ఆంగ్లభాష నేర్చుకోవాలనుకునే వారికి గొప్ప పాఠం అని అంటున్నారు నెటిజన్లు. కాగా, జర్నలిస్ట్ బర్ఖా దత్ ఆధ్వర్యంలో లండన్‌లో అంతర్జాతీయంగా తొలిసారిగా జరిగిన'వీ ది విమెన్' ఫెస్టివల్‌లో కరణ్‌జోహార్‌, స్మృతిల మధ్య జరిగిన సంభాషణ ఇది. ఇంకెందుకు ఆలస్యం మీరు కూడా ఆ వీడియోపై లుక్కేయండి మరి. Smriti Irani & Ekta Kapoor speak to Karan Johar: 'Kyuki' this is what success looks like. #wethewomen #openingdoors… https://t.co/B1RBTUIz8A— barkha dutt (@BDUTT) December 9, 2017(చదవండి: సన్యాసం కోసం..రూ. 47 కోట్ల కంపెనీ అమ్మకానికి! క్లయింట్‌ని వెతికిపెట్టినవారికి బంపరాఫర్‌)

నేషనలిస్ట్‌ కాంగ్రెస్‌ పార్టీ ఎంపీ సుప్రియా సూలే రాజకీయంగా సభలు,సమావేశాతో ఎంత బిజీగా ఉన్నా..తన పిట్‌నెస్‌కి సమయం కేటాయిస్తానని ఆమెనే స్వయంగా చెప్పారు. ఒక్కోసారి తన ఫిట్‌నెస్‌ మంత్రాని బ్రేక్‌ చేస్తానని కూడా నవ్వుతూ చెప్పారు. తను ఒక నాయకురాలిగా ఇంతలా బిజీగా ఉన్న అలసట అన్నది తన దరి చేరదని, ఎల్లప్పుడూ చురుకుగా ఉంటానని అన్నారామె. మరి అంతలా ఫిట్‌గా ఉండే ఆమె ఆరోగ్య రహస్యం ఏంటో ఆమె మాటల్లోనే తెలుసుకుందామాతాను బయటకు వెళ్లేటప్పుడు హాయిగా నడిచేలా షూ ధరిస్తానని చెప్పారామె. అలాగే బయటకు వెళ్లేటప్పుడు మరిగించిన వేడి నీళ్లు రెండు లీటర్లు తప్పనిసరి అని అంటున్నారామె. తనకు వీలు కుదిరితే సైక్లింగ్‌, యోగా తప్పనిసరి అని అన్నారామె. ఇవేమి కుదరదు అనుకుంటే వేగంగా నడుస్తానని చెప్పారామె. 50 ఏళ్ల వయసులోనూ ఆమె తరుచుగా చీరలోనే సైకిల్‌ తొక్కుతానని అన్నారామె. ఐదేళ్లక్రితం వరకు జిమ్‌కి వెళ్తుండేదాన్ని అన్నారు. కానీ ఇప్పుడు బయట ‍ప్రదేశాల్లో వాకింగ్‌, జాగింక్‌కి ప్రాధాన్యత ఇస్తున్నట్లు పేర్కొన్నారు. అలాగే తనకొక చెడ్డఅలవాటు కూడా ఉందన్నారు. సదా ప్రచారాలు, బహిరంగ సమావేశాల కారణంగా తన పిట్‌నెస్‌ లక్ష్యం దెబ్బతింటుంటుందని అన్నారామె. ఆ ఒత్తిడిలో ఎక్కువగా తినేస్తుంటానని అన్నారామె. డైట్‌ కోక్‌ తాగనిదే రోజు గడవదని అన్నారు. అది తన బలహీనతగా పేర్కోన్నారు. అలాగే తాను ఇంటి నుంచి తీసుకెళ్లిన భోజనం తినని, సాధ్యమైనంత వరకు కార్యకర్తల ఇళ్లల్లోలేదా ధాబాలో భోజనం చేస్తుంటానని అన్నారు. తన భోజనంలో ఎ‍క్కువుగా కూరగాయలు, మటన్‌ లేదా చికెన్‌, జోన్న భక్రీలు తీసుకుంటానని చెప్పారు. అల్పాహరంగా పళ్లు, బాదం పప్పులు, చిరుతిండిగా రెండు రకాల బిస్కెట్లు తింటుంటానని అన్నారు. అలాగే తనకు వేయించిన ఆహారాలు మహా ఇష్టమని అన్నారు. అయితే టీ,కాఫీలకు మాత్రం బానిస కాలేదన్నారు. అలాగే తాను మంచి ఆహార ప్రియురాలినని, ఎంతలా అంటే మహారాష్ట్రలో ఎక్కడెక్కడ అద్బుతమైన ఫుడ్‌ దొరకుతుందో ఈజీగా చెప్పేయగలను, ఆ ప్రాంతాల్లో ఏం దొరుకుతుందో ఠక్కున చెప్పేస్తానని ధీమాగా చెబుతున్నారామె. అయితే తన దినచర్యలో నాణ్యమైన నిద్ర లేకపోవడం పెద్ద లోపమని అన్నారామె. ఎందుకంటే ఇద్దరు పిల్లల తల్లిగా ఎప్పుడు ఎక్కువసేపు హాయిగా నిద్రపోయిన రోజు లేనే లేదని అన్నారు. వరల్డ్‌ హెల్త్‌ ఆర్గనైజేషన్‌ సిఫార్సు చేసిన ఆరోగ్య సూత్రాల ప్రకారం కూడా పెద్దలకు కనీసం ఏడు నుంచి 9 గంటలు నిద్ర ఉండాలని సూచించింది. ఇది నిజంగానే ఆమె ఎదుర్కొంటున్న కీలక లోపంగా పేర్కొన్నారు ఆరోగ్య నిపుణులు. ఫిట్‌నెస్‌ పరంగా మిగతావన్నీ సవ్యంగా ఉన్నా..నిద్ర అత్యంత కీలకమైనదని, దీనిపై మొత్తం ఆరోగ్యం ఆధారపడి ఉందని హెచ్చరిస్తున్నారు వైద్యులు. View this post on Instagram A post shared by Supriya Sule (@supriyasule) (చదవండి: ఆ కారణంతో బారత్‌లో జరగాల్సిన మిస్‌ గ్రాండ్‌ ఇంటర్నేషనల్‌ రద్దు..! వెల్లువెత్తున్న విమర్శలు)

కొందరు జీవితంలో మంచి సక్సెస్‌ అందుకుని కూడా సాధారణ జీవితాన్ని గడుపుతుంటారు. కొందరు ఏకంగా ఆ డబ్బుదర్పం పై మమకారం లేకుండా నిరాకారంగా జీవించేందుకు సిద్ధపడి సన్యాసం స్వీకరిస్తుంటారు. ఎలాంటి వాటిపై ఆశ, కోరికలకు తావులేకుండా అత్యంత నిరాడంబరంగా బతకడం అంటే మాటలు కాదు. అందులోనే శ్రీమంతుడిలా బతికిన వాడికి ఇది మరింత కష్టం కానీ. ఈ వ్యక్తి అంత పెద్ద నిర్ణయమే తీసుకుని ఏం చేస్తున్నాడో తెలిస్తే ఆశ్చర్యపోతారు. ఆ అనూహ్య నిర్ణయం తీసుకున్న వ్యక్తే థాయ్ వ్యాపారవేత్త సిరిపాంగ్ అక్కరశ్రీయుక్. సన్యాసం స్వీకరించి అడవిలో మంచి చోటు చేసుకుని ధ్యానం చేసుకుంటూ తన మిగిలిన జీవితాన్ని గడపాలనుకుంటున్నాడు. తనకు భోజనం తెచ్చే సహాయక సన్యాసి తప్ప మరెవ్వరితో సంబంధం పెట్టుకోకూడదని భావిస్తున్నట్లు తెలిపాడు. తన శేష జీవితాన్ని ఆధ్యాత్మిక సాధనలోనే గడపాలని స్ట్రాంగ్‌గా నిర్ణయించుకున్నాడు హేవల్సశ్రీ అనే థాయ్‌ ఐస్‌క్రీమ్‌ బ్రాండ్‌ చైర్మన్‌ సిరిపాంగ్‌. ఆ నేపథ్యంలోనే సుమారు రూ. 47 కోట్లు విలువ చేసే తన బ్రాండెండ్‌ హేవెల్స్‌ ఐస్‌క్రీం వ్యాపారాన్ని అమ్మేయాలని అనుకుంటున్నాడు. దశాబ్దాలుగా తాను నిర్మించిన కంపెనీ నుంచి ఆ వ్యాపారవేత్త వైదొలగాలని అనుకుంటున్నాడట. ఈ జీవితం కోసమే 15 ఏళ్లుగా ప్లాన్‌ చేస్తున్నట్లు వెల్లడించాడు. ఆయన 2016లో బౌద్ధమతం వైపు ఆకర్షితులై బుద్దుని నుంచి పొందిన విజయం అనే పుస్తకం కూడా రాశారు. ఇంకో రెండేళ్లలో సన్యాసం స్వీకరించనున్నట్లు సోషల్‌ మీడియా వేదికగా పోస్ట్‌లో తెలిపాడు సిరిపాంగ్‌. అంతేగాదు తనకు మంచి క్లయింట్‌ని వెతికిపెట్టి వారికి కూడా భారీ ఆఫర్‌ ప్రకటించాడు. వాళ్లకు సుమారు కోటి రూపాయలు పైనే రిఫరల్‌ ఫీజు కింద ఇస్తానని ప్రకటించాడు. కాగా సిరిపాంగ్‌ తన హేవెల్స్‌ ఐస్‌క్రీం బ్రాండ్‌ని 1999లో ప్రారంభించారు. థాయ్‌లాండ్‌లో ఇది ప్రసిద్ధి చెందిన వ్యాపారం. మూడేళ్లలోపే 22 శాఖలకు విస్తరించింది. ధాయ్‌లాండ్‌లో ప్రతి షాపింగ్‌మాల్‌లో తప్పక ఉండేది ఈ ఐస్‌క్రీమ్‌ దుకాణం. అయితే గత రెండేళ్లుగా హేవెల్స్‌కి షాపింగ్‌ మాల్స్‌లో స్థలం దొరకక్క ఎదుర్కొంటోంది. ప్రతి షాపింగ్‌ మాల్‌ అందుకు తమ వద్ద స్థలం లేదని చెప్పేయడంతో ప్రస్తుత ఈ బ్రాండ్‌ ఐస్‌క్రీం దుకాణాలు కనిపించకుండా పోయాయి. ప్రస్తుతం ఆ బ్రాండ్‌ ఉనికి దాదాపుగా కనుమరుగైపోయింది. ఆ నేపథ్యంలో ఆయన ఇలా నిర్ణయం తీసుకుని ఉండొచ్చనేది సన్నిహిత వర్గాల సమాచారం. కాగా ఈయన అమ్మేయాలనకుకుంటున్న తన వ్యాపార సామ్రాజ్యంలో లభించేవి...2.77 ఎకరాల భూమితో పాటు, ఒక కార్యాలయ భవనం, ఒక ఫ్యాక్టరీ, యంత్ర పరికరాలు, హావెల్స్ ఐస్ క్రీమ్ & ఫాస్ట్ ఫుడ్ అవుట్‌లెట్ లైసెన్స్‌లు, కంపెనీ ట్రేడ్‌మార్క్‌లతోపాటు 37 ఏళ్లుగా కూడగట్టిన నైపుణ్యం, ఐస్‌క్రీం రెసీపీలు తదితరాలన్ని పొందొతారని సిరిపాంగ్‌ పోస్ట్‌లో పేర్కాన్నారు. (చదవండి: సాధువుగా మారి..54 ఏళ్ల వయసులో సీఆర్పీఎఫ్‌ పోలీస్‌గా!)

కాలం వేగం పుంజుకుంటోంది. టెక్నాలజీ శరవేగంగా దూసుకెళుతోంది. గడచిన వారం రోజుల్లో ప్రపంచ వ్యాప్తంగా ‘టెక్‌’ మార్పులపై ఓ లుక్‌ వేద్దామా?1.ఏఐతో సైబర్‌ దాడులు!ఏఐ ఆధారిత సైబర్‌ దాడులు మరింత ప్రమాదకరంగా మారుతున్నాయని టెక్‌ సంస్థలు హెచ్చరించాయి. ఓపెన్‌ ఏఐ, మైక్రోసాఫ్ట్, గూగుల్, అమెజాన్‌ సహా 100కుపైగా సంస్థలు ఈ ముప్పును ఎదుర్కొనేందుకు సైబర్‌ రక్షణ వ్యవస్థలను మరింత బలోపేతం చేయాలని పిలుపునిచ్చాయి.2. హ్యాక్‌ చేసింది!ఓపెన్‌ ఏఐ నిర్వహించిన సైబర్‌ సెక్యూరిటీ పరీక్షలో ఏఐ ఏజెంట్లు శాండ్‌బాక్స్‌ నుంచి బయటపడి ఇంటర్నెట్‌లోకి వెళ్లి, మరో ఏఐ ఏజెంట్‌తో కమ్యూనికేట్‌ చేస్తూ హగ్గింగ్‌ ఫేస్‌ సంస్థ ΄్లాట్‌ఫామ్‌ను హ్యాక్‌ చేశాయి. ఏఐకి సైబర్‌ నైపుణ్యాలు వేగంగా పెరుగుతున్నాయని చెప్పడానికి ఇదొక హెచ్చరికగా భావించవచ్చు..3. 399కే ‘బాతు’ రోబోట్‌!హగ్గింగ్‌ ఫేస్‌ సంస్థ ‘మైక్రోడక్‌’ పేరుతో ఓ చిన్న ఓపె¯Œ సోర్స్‌ రోబోను విడుదల చేసింది. కేవలం 25 సెంటీమీటర్ల ఎత్తు, సుమారు 800 గ్రాముల బరువున్న ఈ రోబోను యూజర్లు తమకు కావాల్సిన పనులు నేర్పించుకునేలా రూ΄÷ందించారు. దీని ధర 399 డాలర్లు.4. మాట్లాడే ఆడియో సిస్టమ్‌!సోనోస్‌ సంస్థ కొత్త హెడ్‌ఫో¯Œ ్స, సౌండ్‌బార్‌తో ΄ాటు ‘సోనోస్‌ 27’ అనే కొత్త ఆడియో ఆపరేటింగ్‌ సిస్టమ్‌ను ప్రకటించింది. ఇందులో ఏఐ అసిస్టెంట్లు, చాట్‌ జీపీటీ ఆధారిత మ్యూజిక్‌ కంట్రోల్‌ వంటి ఫీచర్లు ఉండటంతో ఆడియో గ్యాడ్జెట్లు కూడా ఏఐ వైపు వేగంగా మారుతున్నాయి.5. ఇన్‌స్టా షాక్‌!ఏఐతో తయారైన వ్యక్తులను నిజమైన మనుషులుగా చూపించే అకౌంట్లపై ఇన్‌స్టాగ్రామ్‌ కఠినంగా వ్యవహరించనుంది. ఏఐ జనరేటెడ్‌ ్ర΄÷ఫైల్‌ అని వెల్లడించకుండా కంటెంట్‌ పెట్టే అకౌంట్ల రీచ్‌ను తగ్గించనున్నట్లు ప్రకటించింది. సోషల్‌ మీడియాలో ఏఐ కంటెంట్‌పై ΄ారదర్శకత పెంచడమే దీని ఉద్దేశం.6. మీ మాటల్లో ఐదు భారతీయ భాషలుమెటా సంస్థ ‘మ్యూస్‌ వాయిస్‌ ట్రాన్స్‌క్రైబ్‌’ పేరుతో కొత్త రియల్‌టైమ్‌ స్పీచ్‌–టు–టెక్ట్స్‌ ఏఐ మోడల్‌ను ప్రకటించింది. ఇది తెలుగు, హిందీ, తమిళం, మలయాళం, కన్నడ వంటి భారతీయ భాషలతో సహా 70కుపైగా భాషలపై శిక్షణ ΄÷ందింది. ఒకే సంభాషణలో భాషలు మారినా అర్థం చేసుకోవడం దీని ప్రత్యేకత.7. భారత్‌కు సొంత ఏఐ స్టాక్‌!బెంగళూరుకు చెందిన ‘జ్ఞాని అర్థ’ భారతీయ సంస్థలు, ప్రభుత్వ సంస్థల కోసం సోవరిన్‌ ఏఐ స్టాక్‌ను ప్రకటించింది. భారతీయ భాషలు, లిపులకు అనుగుణంగా రూ΄÷ందించిన టెక్నాలజీతో ఏఐ వినియోగ ఖర్చులను తగ్గించడమే లక్ష్యంగా పెట్టుకుంది.8. ఏఐ అంటే జెన్‌జీలకే భయం!గ్లాస్‌ డోర్‌ ఫ్లాట్‌ ఫాం అధ్యయనం ప్రకారం ఇతర వయసుల ఉద్యోగులతో పోలిస్తే జెన్‌ జీలు ఏఐ టూల్స్‌ను ఎక్కువగా ఉపయోగిస్తున్నప్పటికీ, ఏఐ వల్ల ఉద్యోగాలపై ప్రభావం పడుతుందనే ఆందోళన కూడా వారిలోనే ఎక్కువగా ఉందట. అంటే ఏఐని ఎక్కువగా వాడుతున్న వారే భవిష్యత్తుపై ఎక్కువగా బెంగపెట్టుకున్నారన్నమాట.ఇవి కూడా చదవండి: వరదలో కొట్టుకుపోయే పరిస్థితి.. దుపట్టాతో రక్షించిన వధువు!

ప్రశ్నించినప్పుడే ఏ సమస్య అయినా వెలుగులోకి వస్తుంది. చర్చించినప్పుడే ఆ సమస్యకి పరిష్కారం దొరుకుతుంది. సమాజంలో జరిగే ప్రతి తప్పిదాన్ని ప్రశ్నించే యువత లైంగిక విషయాలపై చర్చించడానికి మొహమాటపడుతోంది. నేడు ప్రపంచ లైంగిక ఆరోగ్య దినోత్సవం. ఈ సందర్భంగా యువతలో లైంగిక ఆరోగ్యంపై అవగాహన పెంచాల్సిన అవసరాన్ని ఎయిడ్స్‌ హెల్త్‌కేర్‌ ఫౌండేషన్‌ (ఏహెచ్‌ఎఫ్‌) – ఇండియా కేర్స్‌ గుర్తుచేస్తోంది.అనుకోని సంఘటనలు జరిగినప్పుడు భావ ప్రకటన స్వేచ్ఛ అంటూ నచ్చిన స్లోగన్లు, పోస్టర్లు పెట్టి రోడ్డు మీదకి వచ్చే యువత... కండోమ్, హెచ్‌ఐవీ, లైంగికంగా సంక్రమించే వ్యాధులు (ఎస్టీఐ), వంటి అంశాలపై మాట్లాడటానికి సంకోచిస్తోంది. అవగాహన లేకపోవడం వల్లే అపోహలు బలపడతాయి. సెప్టెంబర్‌ 4న ప్రపంచ లైంగిక ఆరోగ్య దినోత్సవం సందర్భంగా యువతలో లైంగిక ఆరోగ్యంపై అవగాహన పెంచాల్సిన అవసరాన్ని ఎయిడ్స్‌ హెల్త్‌కేర్‌ ఫౌండేషన్‌ (ఏహెచ్‌ఎఫ్‌)–ఇండియా కేర్స్‌ గుర్తుచేస్తోంది.ఈ ఏడాది ప్రపంచ లైంగిక ఆరోగ్య దినోత్సవం థీమ్‌ ‘ఎవ్రీ బాడీ’. లైంగిక ఆరోగ్యం అంటే వ్యాధులు లేకపోవడం మాత్రమే కాదని వ్యక్తి ఆరోగ్యం, గౌరవం, హక్కులు, సమ్మతి, సంబంధాలు, మానసిక శ్రేయస్సుతో ముడిపడిన అంశమని ప్రపంచ లైంగిక ఆరోగ్య సంఘం తెలిపింది.స్మార్ట్‌ఫోన్‌తో...యువతను చేరుకోవడానికి భారత్‌కు ఉన్న అతిపెద్ద అవకాశాల్లో డిజిటల్‌ ప్రపంచం ఒకటి. యువతలో 97.1 శాతం మంది మొబైల్‌ ఫోన్లు వినియోగిస్తున్నారు. 94.3 శాతం మంది ఇంటర్నెట్‌ ఉపయోగిస్తున్నారు. హెఐవీ పరీక్షలు, ఎస్టీఐలు, కండోమ్‌ వినియోగం, గర్భనిరోధక పద్ధతులపై శాస్త్రీయమైన, సులభమైన, సమాచారాన్ని సోషల్‌ మీడియా ద్వారా యువతకు చేరవేయాల్సిన అవసరం ఉందని ఏహెచ్‌ఎఫ్‌–ఇండియా కేర్స్‌ సూచిస్తోంది.యువత ఆరోగ్యమే కీలకంభారత్‌లో సుమారు 65 శాతం జనాభా 35 ఏళ్లలోపు వారే. 15–29 ఏళ్ల వారు దాదాపు 27 శాతం ఉన్నారు. ఇంత పెద్ద యువ జనాభా ఉన్న దేశంలో లైంగికత, పునరుత్పత్తి ఆరోగ్యంపై వారికి సరైన అవగాహన కల్పించడం అత్యంత కీలకం. లైంగిక ఆరోగ్యం కేవలం వైద్య అంశం కాదని.. దేశ భవిష్యత్తుతో ముడిపడిన ప్రజారోగ్య అంశమని ఏహెచ్‌ఎఫ్‌–ఇండియా కేర్స్‌ చెబుతోంది.పీర్‌ ఎడ్యుకేషన్‌తో...ఆరోగ్య సమస్యలపై యువత తమ వయసువారితో మాట్లాడేందుకు ఎక్కువగా సౌకర్యంగా ఉంటారు. అందుకే పీర్‌ ఆధారిత అవగాహన కార్యక్రమాలకు ప్రాధాన్యం పెరుగుతోంది. ‘ఎక్కడ పరీక్ష చేయించుకోవాలి?’ అనే ప్రశ్నను ఒక యువకుడు వైద్యుడిని అడగడానికి సంకోచించినా, తనలాంటి మరో యువకుడిని అడగడానికి అంతగా వెనుకాడకపోవచ్చు. అందుకే పీర్‌ ఎడ్యుకేటర్లు ఆరోగ్య వ్యవస్థకు, యువతకు మధ్య వారధులుగా నిలవగలరని ఏహెచ్‌ఎఫ్‌–ఇండియా కేర్స్‌ భావిస్తోంది.– చైతన్య వంపుగాని, సాక్షి, న్యూదిల్లీ.ఇవి కూడా చదవండి: సీరియల్‌గా వద్దు రియల్‌గా ఉందాం

లోక కల్యాణం కోసం శ్రీహరి ధరించిన దశావతారాలలో రామావతారం తర్వాత మళ్లీ అంతటి పరిపూర్ణమైన అవతారం శ్రీ కృష్ణావతారమే. ‘కృష్ణస్తు భగవాన్‌ స్వయం’’.... అని శ్రీమద్భాగవతం శ్రీ కృష్ణుడే భగవంతుడు అని చెబుతుంది. శ్రీ కృష్ణ భగవానుడి లీలల గురించి ఎన్నిసార్లు చెప్పుకున్నా.. ఎంత విన్నా భక్తుడి హృదయం పరవశిస్తూనే ఉండటం విశేషం. మన జీవితాలను, సమస్త కర్మలను దేవదేవుడు అయిన శ్రీ కృష్ణ పరమాత్మకు పునరంకితం చేయమని కృష్ణాష్టమి పర్వదినం మనకు గుర్తు చేస్తుంది.శ్రీ నందన నామ సంవత్సరం దక్షిణాయనం వర్ష బుుతువు శ్రావణ బహుళ అష్టమి రోహిణీ నక్షత్రం నాలుగో పాదాన గురువారం నాడు అర్ధరాత్రి యదువంశంలో దేవకీ వసుదేవులకు స్వయంగా శ్రీ మహావిష్ణువే కృష్ణుని గా జన్మించాడు.అందరికీ అన్నీ తానే అయి....మన పురాణాలలోను, తాత్త్విక గ్రంథాలలోను, జనబాహుళ్యంలోని గాథలలోను, సాహిత్యంలోను, ఆచార పూజాసంప్రదాయాలలోనూ కృష్ణుని చిలిపి బాలునిగాను, పశువులకాపరి గాను, రాధా మనోహరునిగాను, రుక్మిణీ సత్యభామాది అష్టమహిషుల ప్రభువుగాను, గోపికల మనసు దోచుకున్నవాడిగాను, యాదవరాజుగాను, అర్జునుని సారథియైన పాండవ పక్షపాతిగాను, భగవద్గీతా ప్రబోధకునిగాను, తత్త్వోపదేశకునిగాను, దేవదేవునిగాను, చారిత్రిక రాజనీతిజ్ఞునిగానూ... ఇలా అనేక విధాలుగా శ్రీ కృష్ణుని చిత్రీకరిస్తుంటారు. అంతేకాదు, శ్రీ కృష్ణుని రూపం, వ్యక్తిత్వం, దైవత్వం గురించి ఎన్నో విధాలుగా చదువుతుంటాం. అయినా ఆ కృష్ణుని గురించి తెలుసుకోవలసిన విశేషాలెన్నో ఉంటూనే ఉంటాయి.వెన్న దొంగ ఎందుకయ్యాడు?చిన్ని కృష్ణుడు చిలిపి కృష్ణునిగానూ, వెన్న దొంగగానూ పేరు పొందాడు. అలా వెన్న ముద్దల దొంగతనంలో దేవరహస్యం ఏమంటే... వెలుగుకు, విజ్ఞానానికి సంకేతమైన వెన్న, చీకటికి, అజ్ఞానానికి సంకేతమైన నల్లని కుండలలో ఉండేది, తన భక్తుల మనసులోని ఆజ్ఞానమనే చీకటిని తొలగించి, జ్ఞానమనే వెలుగును నింపడం కోసమే కన్నయ్య వెన్న తినేవాడని భాగవత లీలలు చెబుతున్నాయి.నీవే తల్లివి దండ్రివి నీవే నా తోడు నీడ! నీవే సఖుడౌనీవే గురుడవు దైవమునీవే నా పతియు గతియు! నిజముగ కృష్ణా!స్మార్తులు తిథితో పండగ జరుపుకుంటే, వైష్ణవులు నక్షత్రమే ప్రధానంగా తీసుకుంటారు.ఎలా జరుపుకోవాలంటే...కృష్ణాష్టమి రోజు సూర్యోదయానికి ముందే నిద్ర లేచి, తలస్నానం చేసి శుభ్రమైన వస్త్రాలను ధరించాలి. తర్వాత ఇంటిని, పూజామందిరాన్ని శుభ్రం చేసుకోవాలి. గడపకు పసుపు, కుంకుమ, గుమ్మానికి తోరణాలు అలంకరించి పూజామందిరంలో ముగ్గులు వేయాలి.ఇక ఈ పర్వదినాన పగలంతా ఉపవాసం ఉండి భాగవత పురాణాన్ని లేదా శ్రీ కృష్ణ లీలలను పారాయణ చేస్తూ గడుపుతారు. సాయంత్రం వేళ విధి విధానాలతో శ్రీ కృష్ణుని పూజిస్తారు. అనంతరం ఈ మాసంలో లభించే పళ్ళు, శొంఠి, బెల్లం కలిపిన వెన్న, పెరుగు, మీగడలను నైవేద్యం పెడతారు. రాత్రి కాగానే ఊయలలు కట్టి అందులో శ్రీ కృష్ణ విగ్రహాల్ని పవళింపజేసి ఊపుతూ పాటలు, కీర్తనలు పాడతారు. వీధుల్లో ఉట్లు కట్టి పోటీపడి వాటిని కొడతారు. అందుకే ఈ పండుగని ‘ఉట్ల పండుగ’ లేదా ‘ఉట్ల తిరునాళ్ళు’ అనీ పిలుస్తారు. వేణుమాధవుడు...కృష్ణుడు వేణువును విడిచి పెట్టి క్షణం కూడా ఉండలేడు. వేణువు, మాధవుల అనుబంధం ఎంత గొప్పదంటే... చివరకు గోపికలు కూడా వేణువును చూసి అసూయపొందారు. కృష్ణుడు తమ కన్నా వేణువునే ఎక్కువగా ఆదరిస్తున్నాడని అలిగారు. చివరికి అందరూ కలిసి నువ్వంటే కృష్ణుడికి ఎందుకంత ఇష్టమని వేణువుని అడిగితే.. ‘నన్ను నేను గోపయ్యకు అర్పించుకున్నాను. నాలో ఏమీ లేదు. అంతా డొల్ల’ అని చెప్పిందట వేణువు. నిజమే కదా! వేణువు అంటే, పరిపూర్ణతకు చిహ్నం. తన మనసులో ఏ మాలిన్యమూ, భావమూ, వికారమూ లేదు. తన సర్వస్వాన్నీ పరమాత్మకు అర్పించుకుంది. నేను, నాది అనే భావాలు వేణువుకు లేవు. ఏది తనదో అదే పరమాత్మకు ఇచ్చేసింది. ఇప్పుడిక వేణువు, మాధవుడు ఇద్దరు కాదు... వేణుమాధవుడు మాత్రమే.– డి.వి.ఆర్‌.

కొన్ని అలవాట్లను చుట్టూ ఉన్న సన్నిహితులు, స్నేహితులు గమనించకపోతే..ఎంతటి ప్రమాదం కొనితెచ్చుకుంటారో చెబుతోంది ఈ ఉదంతం. ఆమెకు తొమ్మిదేళ్లుగా ఉన్న అలవాటు గురించి 20 ఏళ్ల తర్వాత అనారోగ్యం కారణంగా బయటపడి ఆస్పత్రిపాలుజేసింది. ఈ విచిత్ర ఘటన ఢిల్లీలో చోటు చేసుకుంంది. ఢిల్లీకి చెందిన 20 ఏళ్ల యువతికి తీవ్రమైన కడుపు నొప్పితో ఆస్పత్రిలో చేరింది. వికారం, పదే పదే వాంతులు అవ్వడంతో హుటాహుటినా ఆస్పత్రికి తరలించారు. వైద్యులు ఆమె కడుపు పైభాగం ఉబ్బి ఉండటంతో పలు వైద్య పరీక్షలు నిర్వహించారు. ఆ రిపోర్ట్‌లో ఆమె కడుపులో భారీ పరిమాణంలో హెయిర్‌బాల్‌ ఉన్నట్లు గుర్తించారు. ఇది ఆహారనాళం, కడుపు కలిసే చోట చిన్న ప్రేగులకు వెళ్లే ద్వారం వరకు విస్తరించి ఉండటంతో ఎండోస్కోపీతో తొలగించడం సాధ్యం కాలేదు. దాంతో ఆమెకు సర్జరీ చేయక తప్పలేదు. ఇది సుమారు 1.16 కిలోల పరిమాణంలో ఆంగ్ల అక్షరం ‘జే’ ఆకారంలో ఉంది. ఆమె కడుపు దాదాపు జుట్టుతో నిండిపోయి ఉందని, ఎండోస్కోప్‌ చేస్తే కడుపు పైపొర దెబ్బతినే అవకాశ ఉన్నందున శస్త్ర చికిత్స చేసి ఆ హెయిర్‌ బాల్‌ని తొలగించినట్లు తెలిపారు వైద్యులు.హెయిర్‌బాల్‌ ఏర్పడటానికి కారణం..ఆహారంలా కాకుండా, మానవ వెంట్రుకలు జీర్ణం కావు. వెంట్రుకలను పదేపదే మింగినప్పుడు, అవి క్రమంగా కడుపులో పేరుకుపోతాయి. కాలక్రమేణా, ఆ పదార్థం గట్టిగా అతుక్కుపోయి, ఆహారాన్ని, ఇతర పదార్థాలని గట్టిగా బంధించి ఒక దట్టమైన బెజోర్‌గా ఏర్పడుతుంది. చిన్న బెజోర్‌లను కొన్నిసార్లు ఎండోస్కోపీ ద్వారా తొలగించవచ్చు, కానీ చాలా పెద్దవి లేదా గట్టిగా అతుక్కుపోయిన ఉండలకు శస్త్రచికిత్స అవసరం.ప్రస్తుతం ఆ యవతి ఆరోగ్యం మెరుగుపడినట్లు అధికారులు తెలిపారు. ఇంతకుముందులా ఆకలి లేకపోవడం, అరగకపోవడం వంటి సమస్యలు ఆమెకు లేవన్నారు. అయితే ఆమె ఏళ్ల తరబడి వెంట్రుకలు తినే అలవాటు ఉందని, ఎవ్వరికీ ఇది తెలియలేదని చెబుతున్నారు వైద్యులు. కాగా, ఇలా వెంట్రుకలు తినే అలవాటుని ట్రైకోఫాగియా అంటారు. ఈ అలవాటుని నుంచి బయపటడకుండా వెంట్రుకల ఉండను తొలగిస్తే సమస్య శాశ్వతంగా పరిష్కారం కాదంటున్నారు. అలాంటి అలవాటు ఉన్నవారిని సైక్రియాట్రిస్టుల వద్దకు తీసుకెళ్లి ట్రీట్‌మెంట్‌ ఇప్పించి ఆ అలవాటు నుంచి బయటపడేలా చేయాలని చెబుతున్నారు వైద్యులు.(చదవండి: సాధువుగా మారి..54 ఏళ్ల వయసులో సీఆర్పీఎఫ్‌ పోలీస్‌గా!)

nepal flash flood నేపాల్‌లో ఆగస్టు 26వ తేదీ సంభవించిన భయంకరమైన ఆకస్మిక వరదలు తీవ్ర విషాదాన్ని నింపాయి. ఈ కొన్ని వందల మందిని రక్షించినప్పటికీ భయంకరమైన వరదల్లో ఇప్పటివరకు 1,200 మందికి పైగా ప్రాణాలు కోల్పోయారు. ముఖ్యంగా బురదలో చిక్కుకున్న 97 ఏళ్ల వృద్ధురాలి గుణా మాయా బొహారా (Guna Maya Bohara) బయ JCB ఎక్స్‌కవేటర్ బకెట్‌లో సురక్షితంగా బయటకు తీస్తున్న దృశ్యాలు వైరల్‌గా మారాయి.అత్యంత తెగువతో ఈ విపత్తు నుంచి ప్రాణాలతో బయటపడి ధైర్యానికి గొప్ప సంకేతంగా నిలిచారు.నువాకోట్‌లోని దేవీఘాట్‌లోని సీనియర్ సిటిజన్స్ వెల్ఫేర్ ఫౌండేషన్ ఆశ్రమంలోని ఏడుగురు వృద్ధులు మరణించగా, ప్రాణాలతో బయటపడిన బొహారా సహా మిగిలిన వృద్ధులను ఖాట్మండులోని తాత్కాలిక పునరావాస కేంద్రానికి విమానంలో తరలించారు. అక్కడ చికిత్స పొందుతున్న ఆమెకు తీవ్రమైన ఒత్తిడి రుగ్మత (acute stress disorder) ఉన్నట్లు వైద్యులు నిర్ధారించారు. ‘‘ఆ నీళ్ళు నన్నేఎందుకు ముంచెత్తాయి?" అనే ప్రశ్నను బొహారా అమాయకంగా, తీవ్రమైన ఆవేదనతో పదే పదే అడుగుతూనే ఉన్నారని ఆమె సమీప బంధువు దీపక్ చెప్పారు.ఇదీ చదవండి: స్త్రీవాద దిగ్గజం, రచయిత్రి కన్నుమూతనాలుగు గంటలపాటు.. తల ఎత్తివరద వచ్చిన సమయంలో బొహారా తన గదిలోనే ఉన్నారు. ఆమెకు ముందు నుంచే కాళ్లు పనిచేయవు. దీనికి తోడు ఉధృతమైన నీటి ప్రవాహం వల్ల ఆమె చేతికి గాయమైంది, కానీ బ్రతకాలన్న సంకల్పమే ఆమెను ముందుకు నడిపించింది. ధైర్యపడకుండా గది కిటికీ తెరిచి, నీటిమట్టానికంటే ఎత్తుగా తన తలను ఉంచుకుని ఊపిరి పీల్చుకున్నారు. స్థానిక వాలంటీర్లు 4 గంటల తర్వాత వచ్చి ఆమెను బురద నుంచి రక్షించారు. మరోవైపు రాబోయే ప్రళయం గురించి తమను ఎవరూ సకాలంలో హెచ్చరించలేదని మరో వృద్ధుడు వాపోయారు.ఇదీ చదవండి: వారెవ్వా.. డ్రాగన్‌ ఫ్రూట్‌సాగుతో నెలకు రూ. 4 లక్షలుబోహరాకు బాల్య వివాహాలు సర్వసాధారణంగా ఉన్న రోజుల్లో ఎనిమిదేళ్ల వయసులోనే పెళ్లి జరిగింది. వయసు తన భర్త కంటే 81 సంవత్సరాలు ఎక్కువ జీవించారు. ఆమెకు పిల్లలు లేరు.పెళ్ళైన ఎనిమిదేళ్ళకు తన భర్తను, ఆ తర్వాత నాలుగేళ్ళకు తన తల్లిదండ్రులిద్దరినీ; మరికొంత కాలానికి తన ఏకైక సోదరుడిని ఇలా ఇరవై ఏళ్ళ వయసు వచ్చేసరికి, తన రక్త సంబంధీకులలో దాదాపు అందరినీ ఆమె కోల్పోయింది. ఆమె భర్త కుటుంబం, అతని ముగ్గురు సోదరులు, వారి భార్యలు, కాలక్రమేణా వారి పిల్లలు మాత్రమే మిగిలారు. ఆమె పదమూడు మంది మేనల్లుళ్ళను, పన్నెండు మంది మేనకోడళ్ళను సొంత పిల్లల్లా పెంచింది. ఆ కుటుంబంలో ఆ తరంలో మిగిలి ఉన్న చివరి వ్యక్తి బోహారా. ఇదీ చదవండి: రూ. 1,200 కోట్లతో వందేళ్లు నిలిచేలా కొత్త సెక్రటేరియట్‌కాగా నేపాల్ వరదల్లో ఇప్పటివరకు 1,252 మంది మరణించగా, 4,216 మందికి పైగా గల్లంతయ్యారు. నేపాల్ ఆర్మీ, సహాయక బృందాలు జలవిద్యుత్ ప్రాజెక్టుల టన్నెళ్లలో చిక్కుకున్న వారి కోసం గాలింపు చర్యలు కొనసాగిస్తున్నాయి.

ఒక వ్యక్తి ఉద్యోగం అనూహ్యంగా కోల్పోయి..సుదీర్ఘకాలం న్యాయపోరాటం చేశాడు. చివరకు తన ఉద్యోగాన్నితిరిగి పొందడంలో ఎదురైన ఆటంకాలు అన్నీ ఇన్నీ కావు. ప్రతిదీ ఓ పరీక్ష, సవాలులా ఎదురయ్యాయి. ఊరట లభించిందనేలోపు విధి ఆడిన వింత నాటకంలా మళ్లీ మళ్లీ ఆటంకాలు వస్తుండేవి. చివరికీ ఆయన ఏ వయసులో తన ఉద్యోగాన్ని తిరిగి పొందాడో తెలిస్తే విస్తుపోతారు. మరి అతడి ఆసక్తికర గాథ ఏంటో చకచక చదివేయండి మరి..అతడే మధ్యప్రదేశ్‌లోని మొరేనా జిల్లా, చిచ్చావలి గ్రామానికి చెందిన 54 ఏళ్ల గిర్వర్ సింగ్ తోమర్ ఆయన 1991 ప్రాంతంలో సీఆర్పీఎఫ్‌లో చేరారు. సమారు ఎనిమిదేళ్లపాటు సీఆర్పీఎఫ్‌ హవల్దారుగా సేవలందించారు. ఆ తర్వాత ఆయన ఉద్యోగ ప్రస్థానానికి ఆకస్మికంగా బ్రేక్‌ పడింది. ఒక అధికారితో ఏర్పడిన వివాదం శాఖపరమైన విచారణ అనంతరం ఉద్యోగ వేటుకి దారితీసింది. దాంతో 1999 అక్టోబర్‌ 21తో సీర్పీఎఫ్‌గా అతడి సేవలు ముగిశాయి. ఆ వివాధానికి ప్రధాన కారణం తన సైకిల్‌తో ఓ అధికారి వాహనాన్ని ఢీకొట్టానన్న అపవాదుతో విధుల నుంచి తొలగించారు అధికారులు. అయితే తోమర్‌ తాను అస్సలు ఢీ కొనలేదని నొక్కి చెబుతుంటారు. అంతేగాదు ఆయన ఆరోపణలను సవాలు చేస్తూ..కోర్టుని ఆశ్రయించడంతో పరిస్థితి మరింత జటిలమైపోయింది. ఆయన దాఖలుచేసిన శాఖపరమైన ఆపీలు తిరస్కరణకు గురవ్వడంతో హైకోర్టుని ఆశ్రయించాల్సి వచ్చింది. దీంతో రెండున్నర దశాబ్దాలకు పైగా న్యాయపోరాటం సాగింది. ఏప్రిల్‌ 10, 2007న కాస్తా పురోగతి లభించింది. అలహాబాద్ హైకోర్టు, తోమర్‌పై ఉన్న ఆరోపణలను అంగీకరించినప్పటికీ, ఉద్యోగం నుంచి తొలగింపు అనే శిక్ష అత్యంత కఠినమైనదని, ఆయనపై చేసిన ఆరోపణలకు తగిన పనిష్మెంట్‌ కాదంటూ కాస్త ఉపశనమం ఇచ్చింది. ఇక తన ఉద్యోగం తనకొచ్చేస్తుందన్న తరుణంలో ఈ తీర్పుని కేంద్రప్రభుత్వం, సంబంధిత సీఆర్పీఎఫ్‌ యూనియన్‌ ప్రత్యేక అప్పీలు ద్వారా సవాలు చేస్తూ పిటీషన్‌ దాఖలు చేసి స్టే విధించాయి. దాంతో ఆ తీర్పు ఏళ్ల తరబడి పెండింగ్‌లోనే ఉండిపోయింది. ఆ టైంలో ఆయన జీవితం అనూహ్య మలుపు తిరిగింది. సాధువుగా మారినా..ఆగని పోరాటం..2001లో నిర్మోహి అఖారాలో చేరి, సాధు జీవితాన్ని స్వీకరించాడు. అలా ఆయన బాబా గిర్వర్ దాస్‌గా ప్రసిద్ధిగాంచాడు. ఆయన సాధువుగా తన సొంతూరులోని ఆలయంలోనే కొన్నాళ్లు గడిపాడు. ఆ తర్వాత మొరేనాలోని ఒక గుహలో గడపాడం ప్రారంభించాడు. అలా ఆయన దినచర్య ప్రార్థన, ఆలయ విధులకు అంకితమైంది. సాధువుగా మారినప్పటికీ తన పోరాటాన్ని ఆపలేదాయన. తన ఆధ్యాత్మిక బాధ్యతలు నిర్వర్తిస్తూనే కోర్టు విచారణలకు హాజరయ్యేవాడు. అలాగే తన కుటుంబంతో కూడా సత్సంబంధాలు కొనసాగించాడు. ఇక ఆయనకు భార్య మంజులా దేవి, నలుగురు పిల్లలు ఉన్నారు. కూతుళ్లు శివాని, రాధలకు వివాహం కాగా, కుమారుడు అభిషేక్‌ వైమానికదళంలో పనిచేస్తున్నాడు. మరో కుమారుడు పేరు కృష్ణ అని సమాచారం. ఎట్టకేలకు అతడి ప్రార్థనలను దేవుడు ఆలకించాడో ఏమో గానీ అలహాబాద్ హైకోర్టు డివిజన్ బెంచ్ సీఆర్పీఎఫ్‌ యూనియన్ పిటిషన్‌ను కొట్టివేసింది. ప్రభుత్వ అప్పీల్‌ను పరిగణనలోకి తీసుకున్న న్యాయస్థానం, మూడు నెలల్లోగా తోమర్‌ను తిరిగి విధుల్లోకి తీసుకోవాల్సిందిగా గతేడాది ఆగస్టు నెలలో ఆదేశించింది. అయినప్పటికీ మళ్లీ ఏడాది వరకు ఆయన ఆగక తప్పలేదు. ఎందుకంటే ఏకంగా రెండు దశాబ్దాల నాటి ఆ కేసు రికార్డులను సేకరించడం ఆలస్యమై..హైకోర్టు తుది ఆదేశాల జారీ చేసేంత వరకు ఎదురు చూడక తప్పలేదు. చివరికి దాదాపు ఏడాది తర్వాత, ఆ సుదీర్ఘ నిరీక్షణకు తెరపడింది. ఈ ఏడాదే ఆగస్టున ఆయనను తిరిగి విధుల్లోకి తీసుకోమని ఉత్తర్వులు జారీ చేసింది. దీని ప్రకారం ఆయనను బీజాపూర్‌లోని 85వ బెటాలియన్‌లో తిరిగి నియమించారు. అంటే తోమర్ దాదాపు 27 ఏళ్లపాటు సుదీర్ఘ పోరాటం చేశారు. ప్రస్తుతం విధుల నిర్వర్తించడం అనేది అత్యంత విభిన్నంగా అనిపించినా..అతడి పునరాగమనం మాత్రం అపురూపం. అలాగే ఆయన హయాంలో పనిచేసిన ఒకరో ఇద్దరు తప్ప అందరూ కొత్తవాళ్లే సహోద్యోగులు. వాళ్లతో కలిసి ఆయన పనిచేయాల్సి ఉంది. పైగా తోమర్‌ సరిగ్గా 54 ఏళ్ల వయసులో తన ఉద్యోగాన్ని తిరిగి పొందాడు. అంతేగాదు ఇతడి కేసు భారతదేశ సుదీర్ఘ సేవా సంబంధిత న్యాయ వివాదాల కేసులో అత్యంత ప్రత్యేకంగా నిలిచింది.గెటప్‌​ ఛేంజ్‌..కొత్త పోస్టింగ్‌ కోసం మొరైనా రైలు ఎక్కి బీజాపూర్‌ చేరుకున్నారు. సాధువుగా పెంచుకున్న పొడవాటి జుట్టు, తెల్లగడ్డాన్ని తొలగించుకుని..చక్కటి ఇస్త్రీ చేసిన సీర్పీఎప్‌ యూనిఫాం, టోపీ, మెరిసే బూట్లు ధరించి ఎంతో ఆనందంగా తన బలంగంలోకి తిరిగి చేరాడు తోమర్‌. అంతేగాదు ఈ విజయాన్ని దేవునికే క్రెడిట్‌ ఇచ్చేసి.. ఇదంతా దేవుని దయ అని నవ్వుతూ చెబుతున్నాడు తోమర్‌.(చదవండి: అవకాడోకి పెరుగుతున్న క్రేజ్‌..ఆరోగ్యానికి మంచిదేనా? ప్రధాని మోదీ ఏమన్నారంటే..)

బాలీవుడ్‌ ముద్దగుమ్మ అనన్య పాండే తన విలక్షణమైన నటనతోనే కాదు ఫ్యాషన్‌తో కూడా కట్టిపడేస్తుందామె. విలావంతమైన డిజైనర్‌ వేర్‌లతో సదా ఆకట్టుకుంటూ తనదైన్‌ స్టైలిష్‌ లుక్‌లో అలరిస్తుంటుందామె. ఈసారి అలాగే ఓ ఈవెంట్‌లో అత్యంత స్టైలిష్‌గా మెరిసింది. ఆధునిక గ్లామర్‌తో ఆకట్టుకుంది. విలాసవంతమైన యాక్సెసరీలతో చక్కటి ఆకృతినిచ్చే గౌను కౌచర్‌లో అద్భుతంగా కనిపించింది. పియాజెట్ ఈవెంట్‌లో రాహుల్ మిశ్రా 'దేవి'కలెక్షన్‌కి సంబంధించిన గౌనులో మెరిసింది. శరీరానికి హత్తుకునిపోయేలా.. నేల వరకు ఉండే ముదురు బ్రౌన్‌ రంగు గౌనులో మెరిసిందామె. గౌను ఆకృతి మొత్తం గీతలో ప్రారంభమై, నడుమ వద్ద ముడిలాంటి డిజైన్‌ గౌను లుక్‌ని మరింత హైలట్‌గా కనిపించేలా చేసింది. ఈ డ్రెస్‌కి అనుగుణంగా పియాజెట్ లైమ్‌లైట్ గాలా ప్రెషియస్ రెయిన్‌బో వాచ్ ధరించిందామె. దీన్ని నీలమణిలు, కెంపులతో రూపొందించారు. ఇక లైట్‌ మేకప్‌తో కనుబొమ్మలు చక్కగా కనిపించేలా తీర్చిదిద్దారు. హెయిర్‌ని కూడా పాపిడి తీసి వదులుగా వదిలేసింది. ఈ విలాసవంతమైన గౌను కౌచర్‌కి దలీలా యానిమలియర్ హిల్స్‌ని ఎంచుకుంది. ఇవి అచ్చం చిరుతపులి ప్రింట్స్‌లా డిజైన్‌ చేశారు. దీనిలో సన్నని మెరిసే క్రిస్టల్స్‌తో కప్పబడిన పట్టీలు మంచి హుందాతానిచ్చే స్టైలిష్‌గా ఉంది. ఈ హిల్స్‌ ధర తెలిస్తే కచ్చితంగా విస్తుపోతారు. అక్షరాల రూ. 1.5 లక్షలట. View this post on Instagram A post shared by Ananya 🌙 (@ananyapanday) (చదవండి: Miss World 2026: మీనాక్షి దేవతను తలపించేలా నికితా పోర్వాల్‌ అద్భుత నృత్యం..!)

అవకాడో ఒకప్పుడు అంతగా పరిచయం లేని పండుగా ఉండేది. కానీ ఇప్పుడు ప్రపంచవ్యాప్తంగా అందరి భోజనాల్లో ప్రముఖంగా మారింది. దాన్ని వివిధ స్మూతీలు, సలాడ్ల వరకు విరివిగా ఉయోగిస్తూ..ఆధునిక ఆహారంలో అత్యంత ముఖ్యమైనవిగా మారిపోయాయి. దీని గురించి సాక్షాత్తు ప్రధాని నరేంద్ర మోదీ కూడా మాట్లాడారు. మరి ఆయన ఏం అన్నారంటే..భారత్‌లో ఈ పండు పట్ల పెరుగుతున్న ఆదరణ, ఆరోగ్య ప్రయోజనల గురించి చెప్పారు. ఇంతకుముందుక అంతగా ఎవ్వరికీ తెలియని ఈ పండుకి ప్రస్తుతం డిమాండ్‌, క్రేజ్‌ ఎక్కువయ్యాయి. ప్రతి డైనింగ్‌ టేబుల్‌పై తప్పనిసరిగా ఇది కనిపిస్తోంది. అంతేగదు మన అన్నదాత రైతన్నకి కూడా ఇష్టమైన పండుగా మారింది అంటూ ఆంధ్రప్రదేశ్‌ రైదు కర్ప వరదరాజు గురించి ప్రస్తావించారు. వరదరాజ్‌ తన స్నేహితుడు పొలంలో అవకాడో పండుని చూసి యూట్యూబ్‌ ద్వారా ఆ పంట పెంపకం గురించి నేర్చుకుని మరి పండించడం ప్రారంభించాడు. మోదీ ప్రకారం..వరదరాజ్‌ ఇప్పుడు సుమారు నాలుగు టన్నుల అవకాడోలను ఉత్పత్తి చేసి, వాటిని నేరుగా దుకాణాల్లో విక్రయిస్తున్నాడు. నగరాల్లోని తీని గురించి ఎక్కువగా వింటుంటాం. అలాంటి దాంతో రైతులు వినూత్నంగా సంపాదించే మార్గాన్ని కనుగొన్నారు. మన దేశపు అవకాడోల రుచి పెరగడమే కాదు, రైతుల ఆదాయం కూడా పెరిగింది అంటూ తన సంభాషణను ముగించారు. అవకాడోల వల్ల కలిగే లాభాలు..వీటిలో ఆరోగ్యకరమైన మోనోఅన్‌శాచురేటెడ్‌ ఒలిక్‌ యాసిడ్‌, అధిక డైటరీ ఫైబర్‌తో నిండిన పోషకాలు, ఆరోగ్యకరమైన కొవ్వులు ఉంటాయి. కొవ్వులో కగిగే విటమిన్లు శోషణను పెంచడంలో సమర్థవంతంగా ఉంటాయి.వయసు సంబంధిత కీళ్ల సమస్యలు, దృష్టిని మెరుగుపరిచేలా ల్యూటిన్‌, జీక్సాంథిన్‌ వంటి యాక్సిడెంట్లు ఉంటాయి. అలాగే ఎముకల సాంద్రతను బలోపేతం చేసే విటమిన్‌ కె కూడా ఉంటుంది. View this post on Instagram A post shared by Narendra Modi (@narendramodi) (చదవండి: మీనాక్షి దేవతను తలపించేలా నికితా పోర్వాల్‌ అద్భుత నృత్యం..!)

ఫెమినా మిస్‌ ఇండియా వరల్డ్‌ 2024 విజేత అయిన నికితా పోర్వాల్‌ వియత్నాంలో జరుగుతున్న మిస్ వరల్డ్ 2026లో భారతదేశానికి ప్రాతినిధ్యం వహిస్తున్న సంగతి తెలిసిందే. ఈ నేపథ్యంలో ఉజ్జయినీకి చెందిన ఈ నటి డాన్సెస్ ఆఫ్ ది వరల్డ్' రౌండ్‌లో భాగంగా వేదికపై అద్భుతమైన నృత్య ప్రదర్శన ఇచ్చారామె. గతరాత్రికి సంబంధించిన క్లిప్‌ను పంచుకుంటూ మిస్‌ ఇండియా ఆర్గనైజేషన్‌ ఇలా రాసుకొచ్చింది. View this post on Instagram A post shared by World Beauty Queen Press (@wpressofficial) 73వ మిస్ వరల్డ్ వేడుకల్లో భాగంగా నిర్వహించి డాన్సెస్ ఆఫ్ ది వరల్డ్‌ రౌండ్‌లో భాగంగా నికితా పోర్వాల్‌ తన అద్భుతమైన నృత్యంతో ప్రతి ఒక్కరిని ఆకట్టుకుందామె అని రాసుకొచ్చింది మిస్‌ ఇండియా ఆర్గనైజేషన్‌. అంతేగాదు నెటిజన్లు సైతం..నికితా కనిపించింది కొన్ని సెకన్లపాటు మాత్రమే అయినా..చూస్తుండిపోవాలనిపించింది. అత్యద్భుతంగా ఉంది అని ప్రశంసల వర్షం కురిపిస్తూ పోస్టులు పెట్టారు. మరికొందరూ నువ్వు దేశానికి గర్వకారణంగా నిలిచావు. ప్రతి కన్నూ నీపైనే ఉంది, ప్రతి కెమెరా నిన్ను ప్రేమిస్తుంది, యావత్తు భారతదేశం నీతో ఉంది. నువ్వు వేదికపై అద్భుతమైన దేవతలా ఒదిగిపోయావు అని అభివర్ణిస్తూ పోస్టులు పెట్టారు. దేవి స్ఫూర్తిని ఆవిష్కరించారామె..మిస్ వరల్డ్ 2026లో 'డ్యాన్సెస్ ఆఫ్ ది వరల్డ్' రౌండ్ కోసం, నికితా పోర్వాల్ తోరాని బ్రాండ్‌ రూపొందించిన ప్రత్యేకమైన దుస్తులను ఎంచుకున్నారు. రంగులు,కళ, దేవి స్ఫూర్తిని తెలియజేసే భారతీయ వేడుకను ప్రతిబింబించారు. ఆమె దుస్తులు రంగుల దేవత మీనాక్షి స్ఫూర్తితో రూపొందించిన దుస్తులను నికితా ఎంపిక చేసుకున్నారు. ఈ దుస్తుల్లో ఆమె లుక్‌ అత్యంత ముగ్ధమనోహరంగా ఉంది. విభిన్నమైన ఆ రంగుల కలయిక, క్లిష్టమైన ఎంబ్రాయిడరీ, చేతితో వేసిన పేయింటింగ్‌లు ఉన్నాయి. ఇది ధోతి శైలి సిల్హౌట్‌. ఈ దుస్తలుకు అనుగుణంగా తలపై ధరించి దుప్పటా, చెవిపోగులు, అమామా జ్యువెలరీ రూపొందించిన శరీరాభరణాలు తదితరాలన్ని రాజసం ఉట్టిపడే లుక్‌ని అందించాయి. సంప్రదాయినిక ఆధ్యునిక వ్యాఖ్యానంలా దేవతను తలపించేలా ఉంది ఆమె ఆహార్యం. ఈ దుస్తుల్లో ప్రతి అంశ ఒక కథను చెబుతుందని, అది తనకెంతో నచ్చిందని అంటోంది నికితా. రంగు, అలంకరణ, కదలిక, కళాత్మకత, ఇవన్నీ శక్తిమంతమైన దేవతా రూప ఆవిష్కరణకు దారితీసిందని అన్నారామె. ప్రతి ఒక్కటి తన రూపానికి సుందరమైన జీవం పోశాయిని చెబుతోంది. కాగా సెప్టెంబర్‌ 5న ఘనంగా మిస్ వరల్డ్ ఫినాలే జరగనుంది. ఎవరు కిరీటం దక్కించుకుంటారన్న దానిపైనే సర్వత్ర ఉత్కంఠ నెలకొంది. View this post on Instagram A post shared by Femina Miss India (@missindiaorg) (చదవండి: Miss World 2026: సర్వాంగ సుందరీ మాత్రమేకాదు..అద్భుతమైన నటి..! మిస్‌ ఇండియా సైతం..)

మా తమ్ముడు ఐటీ ఉద్యోగి. చిన్నప్పటి నుంచి ఎక్కువగా మాట్లాడేవాడు కాడు కానీ చదువులో చురుకైన వాడు. గత నాలుగేళ్లుగా హైబ్రిడ్‌ మోడ్‌లో పనిచేస్తున్నాడు. ఆరు నెలలుగా పూర్తిగా వర్క్‌ ఫ్రమ్‌ హోమ్‌ చేస్తున్నాడు. ఇటీవల కంప్యూటర్, ల్యాప్‌టాప్‌ ముందు ఎక్కువ సమయం గడుపుతున్నాడు. ముఖ్యంగా ఏఐ చాట్‌బాట్‌తో గంటల తరబడి మాట్లాడుతున్నాడు. ప్రపంచంలో జరుగుతున్న విషయాలు మనకు కనిపిస్తున్నట్టు నిజాలు కావని, ఏలియన్స్ ఉన్నాయని, ప్రపంచంలో త్వరలో ప్రళయం రాబోతోందని చెబుతున్నాడు. ఆ ప్రళయాన్ని ఆపడానికి ఒక ప్రత్యేకమైన సాఫ్ట్‌వేర్‌ తయారు చేస్తున్నానని, ఆ సాఫ్ట్‌వేర్‌ను అందరి ఫోన్లలో పెట్టిస్తే ప్రపంచాన్ని కాపాడవచ్చని అంటున్నాడు. అంతేకాదు, తన ప్రాజెక్టు గురించి ఎలన్‌ మస్క్‌కు, అమెరికా ప్రభుత్వానికి తెలిసిపోయిందని, ఉపగ్రహాల ద్వారా తనను గమనిస్తున్నారని, తన ఫొటోలు తీస్తున్నారని, తన ప్రాజెక్టును అడ్డుకోవడానికి తనపై కుట్ర జరుగుతోందంటూ ఇంటి నుంచి బయటకు రావడం మానేశాడు. స్నానం, తిండి, నిద్ర కూడా సరిగా లేవు. ఉద్యోగం కూడా సరిగ్గా చేయలేకపోతున్నాడు. ఇంట్లో లైట్లు ఆపేసి ఉంచుతాడు. గట్టిగా మాట్లాడితే అమెరికాకు తెలిసిపోతుందంటాడు. హాస్పిటల్‌కు తీసుకెళ్లాలని ప్రయత్నిస్తే రావడం లేదు. ఇంత తెలివైన వాడు కాస్తా ఇలా మారిపోవడంతో మాకు చాలా భయంగా ఉంది. మేము ఏం చేయాలి? – రమేశ్, తిరుపతిమీరు వివరించిన పరిస్థితిని బట్టి మీ తమ్ముడిలో సైకోసిస్‌కు సంబంధించిన స్పష్టమైన లక్షణాలు కనిపిస్తున్నాయి. తనను అమెరికా ప్రభుత్వం, ఉపగ్రహాలు గమనిస్తున్నాయని నమ్మడం, తనపై కుట్ర జరుగుతోందని భావించడం, ప్రపంచాన్ని కాపాడే ప్రత్యేక బాధ్యత తనకుందని అనుకోవడం వంటి వాటిని భ్రమాత్మక నమ్మకాలు అంటే డెల్యూజన్స్‌ అంటారు. రోగిని ప్రత్యక్షంగా పరీక్షించి, పూర్తి వివరాలు తెలుసుకున్న తర్వాతే ఇది ‘స్కిజోఫ్రీనియా’ అనే వ్యాధి అవునా కాదా అని తెలుస్తుంది. ఇక్కడ మరో ముఖ్యమైన అంశం కృత్రిమ మేధ (ఏఐ). ఏఐ అనేది మానవులకు లభించిన శక్తిమంతమైన సాధనం. చదువు, పరిశోధన, ఉద్యోగం, కోడింగ్, కొత్త విషయాలు తెలుసుకోవడం వంటి పనులకు ఉపయోగిస్తే ప్రయోజనం. కానీ దాన్ని ఎలా ఉపయోగిస్తున్నామన్నదే ముఖ్యం. ఒక పదునైన కత్తితో పండ్లు కోయవచ్చు, గాయపరచవచ్చు కూడా. ఏఐ కూడా అంతే. ఇప్పటికే భ్రమాత్మక ఆలోచనలు ఉన్న వ్యక్తి తన ప్రతి అనుమానాన్ని ఏఐతో చర్చించి, వచ్చే సమాధానాలను నిజాలుగా భావిస్తే, ఆ భ్రమలు మరింత బలపడే అవకాశం ఉంది. ఏఐలో కనిపించే ‘సైకోఫాన్సీ’ అనే ధోరణి కూడా దీనికి కారణం కావచ్చు. అంటే వినియోగదారుడు చెప్పింది నిజమా కాదా అని తగినంతగా పరిశీలించకుండా, అతన్ని సంతృప్తి పరచడానికి అతని అభి్రపాయాన్ని అంగీకరించడం లేదా సమర్థించడం. ఏఐ ఒక సమాచార సహాయకుడు మాత్రమే. అది చెప్పింది కాబట్టి అది నిజం కాదు. ఇకపోతే మీ తమ్ముడి పరిస్థితి మాత్రం ప్రస్తుతం తీవ్రంగా ఉందనిపిస్తోంది. వ్యక్తిగత పరిశుభ్రతను పట్టించుకోకపోవడం, సరిగ్గా తినకపోవడం, ఉద్యోగం చేయలేక పోవడం, ఇంటినుంచి బయటకు రాకపోవడం వంటి లక్షణాలున్నందున వీలైనంత త్వరగా సైకియాట్రిస్ట్‌ను సంప్రదించాలి. ఆసుపత్రికి రావడానికి నిరాకరిస్తే కుటుంబ సభ్యులు ముందుగా వైద్యుడిని సంప్రదించి పరిస్థితిని వివరించాలి. అతనికి ఇష్టం లేకపోయినా, అతని ఆరోగ్యం, భద్రత దృష్ట్యా అవసరమైన సందర్భాల్లో ఇంటినుంచి ఆసుపత్రికి తరలించి చికిత్స అందించే వెసులుబాటు కూడా ఉంది.మరో విషయం... చదువు, తెలివితేటలు మానసిక అనారోగ్యానికి రక్షణ కవచాలు కావు. ఎంత తెలివైన... చదువుకున్న వ్యక్తికైనా మానసిక సమస్యలు రావచ్చు. కాబట్టి ఆలస్యం చేయకుండా, వీలైనంత త్వరగా మీకు సమీపంలోని మానసిక వైద్య నిపుణులను సంప్రదించండి.డా. ఇండ్ల విశాల్‌ రెడ్డి, సీనియర్‌ సైకియాట్రిస్ట్, విజయవాడ. మీ సమస్యలు, సందేహాలు పంపవలసిన మెయిల్‌ ఐడీ:sakshifamily3@gmail.com

ఒకప్పుడు జియా రాయ్‌ని చూసి అందరూసానుభూతితో ‘అయ్యో!’ అనుకునేవారు. ఇప్పుడు ప్రపంచమంతా ‘ఆహా!’ అంటూ అభినందిస్తోంది. రెండేళ్ల వయసులో జియా రాయ్‌ శారీరక, మానసిక ఎదుగుదల లోపాలకు సంబంధించిన స్పెక్ట్రమ్‌ డిజార్డర్‌తో బాధపడుతున్నట్లు నిర్ధారించారు. ఈతకొలనులో ఈత కొడుతున్న వారిని చూసినప్పుడల్లా ఆ చిన్నారి కళ్లలో ఏదో వెలుగు కనిపించేది. ఆ వెలుగును పసిగట్టిన తల్లిదండ్రులు జియాకు స్విమ్మింగ్‌ నేర్పించారు. తాజా విషయానికి వస్తే... ముంబైలో పద్దెనిమిదేళ్ల పారా–స్విమ్మర్‌ జియా రాయ్‌ ప్రతిష్ఠాత్మకమైన ‘ట్రిపుల్‌ క్రౌన్‌ ఆఫ్‌ ఓపెన్‌ వాటర్‌ స్విమ్మింగ్‌’ను పూర్తి చేసి, ప్రపంచంలోనే మొదటి మహిళా పారా–స్విమ్మర్‌ గా చరిత్ర సృష్టించింది.న్యూయార్క్‌ నగరంలోని మన్‌హట్టన్‌ చుట్టూ 48 కిలోమీటర్‌ల దూరాన్ని విజయవంతంగా ఈది అద్భుతమైన ఘనతను సొంతం చేసుకుంది జియా రాయ్‌. అత్యంత కష్టంగా భావించే ‘20 బ్రిడ్జెస్‌ స్విమ్‌’ అనే పోటీని పూర్తి చేయడానికి 8 గంటల 53 నిమిషాల సమయం పట్టింది.ప్రపంచవ్యాప్తంగా అత్యంత కఠినమైన ఓపెన్‌–వాటర్‌ చాలెంజ్‌లలో ఒకటిగా మన్‌హట్టన్‌ సర్క్యూట్‌ను పరిగణిస్తారు. అనూహ్యమైన వాతావరణ పరిస్థితులు, పడవల రద్దీని తట్టుకొని, రోజంతా మారుతూ ఉండే శక్తిమంతమైన ఆటుపోటు ప్రవాహాలను ఎదుర్కొంటూ ముందుకు సాగాలి. ఒకానొక సమయంలో జియా రాయ్‌ శరీర ఉష్ణోగ్రత పడిపోయి ప్రమాదం బారిన పడింది.ఎస్కార్ట్‌ బోట్‌ తాకకుండా...న్యూయార్క్‌ ఓపెన్‌ వాటర్‌ స్విమ్మింగ్‌ అసోసియేషన్‌ నిర్దేశించిన నిబంధనలు పాటిస్తూ నీటి నుండి బయటికి రాకుండా, ఎస్కార్ట్‌ బోట్‌ను తాకకుండా మొత్తం దూరాన్ని పూర్తి చేసింది జియా. ఆమె నీటిలో ఉన్నంతసేపు ఒక ఫీడింగ్‌ పోల్‌ ద్వారా అవసరమైన ద్రవాలు, పోషకాలను అందించారు.‘ఆగస్ట్‌ 30 తెల్లవారుజామున బ్యాటరీ పార్క్‌లో తన ప్రయాణాన్ని ప్రారంభించి, అదేరోజు మధ్యాహ్నం ఫినిష్‌లైన్‌కు చేరుకుంది’ అని ఆమె తండ్రి, నావికాదళంలో జూనియర్‌ కమిషన్డ్‌ ఆఫీసర్‌గా పని చేస్తున్న మదన్‌ రాయ్‌ తెలియజేశారు.ఆటిజం, స్పెక్ట్రమ్‌ డిజార్డర్‌పై అవగాహన కలిగించడానికి తన విజయాన్ని అంకితం చేసింది జియా రాయ్‌. ఈ విజయం ఆమె ఎన్నో ఏళ్ల కష్టానికి దొరికిన ప్రతిఫలం.ఆ వెలుగు చూసి...రెండు సంవత్సరాల వయసులో జియా, ఎదుగుదల లోపాలకు సంబంధించిన స్పెక్ట్రమ్‌ డిజార్డర్‌తో బాధపడుతున్నట్లు నిర్ధారణ అయింది. ప్రతిరోజు తండ్రితోపాటు పార్క్‌లకు వెళుతుండేది జియా. ఈ క్రమంలోనే ఈ చిన్నారికి స్విమ్మింగ్‌పై ఆసక్తి పెరిగింది. స్విమ్మింగ్‌కు సంబంధించి వీడియోల ద్వారా తల్లిదండ్రులు ఈ చిన్నారికి మార్గనిర్దేశం చేసేవారు. బాల్యంలోనే స్విమ్మింగ్‌పై ఆసక్తి జియాను పారా–స్విమ్మింగ్‌ కెరీర్‌లోకి అడుగు పెట్టేలా చేసింది.ఎన్నో విజయాలు!ట్రిపుల్‌ క్రౌన్‌ సాధించాలంటే మూడు ప్రధాన ఈత పోటీలలో విజయం సాధించాలి. 2024లో ఇంగ్లీష్‌ చానల్, 2025లో కాటలినా చానల్, 20 బ్రిడ్జెస్‌ స్విమ్‌ విజయవంతంగా పూర్తి చేసింది జియా రాయ్‌.గతంలోనూ ఎన్నో గొప్ప విజయాలు సొంతం చేసుకుంది. మార్చి 2022లో పాక్‌ జలసంధిని అత్యంత వేగంగా ఈది, 29 కిలోమీటర్‌ల దూరాన్ని 13 గంటల 10 నిమిషాల్లో దాటి ప్రపంచ రికార్డ్‌ సృష్టించింది. ఆటిజంతోపాటు స్పెక్ట్రమ్‌ డిజార్డర్‌తో బాధపడుతూ ఇంగ్లీష్‌ ఛానెల్‌ ఈదిన మొదటి అమ్మాయిగా వార్తల్లో నిలిచింది జియా. ఆటలపై ఆమెకు ఉన్న అంకితభావానికి గుర్తింపుగా ఎన్నో అవార్డులు వచ్చాయి. 2022లో ‘ప్రధానమంత్రి రాష్ట్రీయ బాల పురస్కార్‌’వంటి అనేక ప్రతిష్ఠాత్మకమైన పురస్కారాలు లభించాయి.

ఆమె రైఫిల్‌ పట్టలేదు. విమానం నడప లేదు. కాని పాఠాలు చెప్పి దేశానికి సేనను సిద్ధం చేసింది. 1994లో వాయసేనలో అడుగుపెడితే ఐదేళ్ల తర్వాత రిటైర్‌ అవ్వాలన్నారు. కాని 31 ఏళ్ల తర్వాత త్రివిధ దళాల్లో నాన్‌–మెడికల్‌ విభాగంలో ‘ఎయిర్‌ వైస్‌ మార్షల్‌’ అయిన తొలి మహిళగా చరిత్ర సృష్టించింది. శక్తి శర్మ. సెప్టెంబర్‌ 1న న్యూఢిల్లీ ఎయిర్‌ హెడ్‌ క్వార్టర్స్‌లో భుజాలపై రెండు నక్షత్రాలతో స్త్రీ శక్తి ఖ్యాతిని పెంచింది. దేశంలోని ప్రతి యువతి కలకు పై ర్యాంకు ఇచ్చింది.‘వాయుసేనలో పని చేయడం ఉద్యోగం కాదు. ఒక జీవన విధానం. నేను నా యూనిఫామ్‌ను ఎప్పుడూ ఒక వస్త్రం అనుకోలేదు. శరీరంతో పాటూ ఉన్న చర్మం అనుకున్నాను. అదే నేను. నేనే అది. వాయుసేనలో కాకుండా నా జీవితాన్ని ఇంకోవిధంగా ఊహించలేను’ అంటారు శక్తి శర్మ.ఆమె ఇప్పుడు కేవలం వాయుసేన మహిళా అధికారి కాదు. త్రివిధ దళాల్లో ఎయిర్‌ వైస్‌ మార్షల్‌ స్థాయికి ఎదిగి స్త్రీ శక్తిని చాటిన శక్తిశర్మ. ‘టచ్‌ ది స్కై విత్‌ గ్లోరీ’... అనేది వాయుసేన నినాదం. శక్తి శర్మ ఆ నినాదాన్ని నిజం చేశారు. ఆకాశాన్ని చుంబించారు.పాఠమే పవర్‌శక్తి శర్మది పంజాబ్‌ ప్రాంతం. బాల్యం నుంచే యూనిఫామ్‌ వేసుకున్న మనుషులను చూస్తుండేవారు. వారిలా తనూ కావాలి. అయితే ఆమె మార్గం ప్రత్యక్ష పోరాటం కాదు. పరోక్ష నిర్మాణం. ఒక్క చాక్‌పీస్‌ ముక్కతో వేయిమంది యోధులను తయారు చేయవచ్చు అని నమ్మిన విద్యామూర్తి ఆమె. అందుకే పోస్ట్‌ గ్రాడ్యుయేషన్‌ అయిన వెంటనే 1994లో ఇండియన్‌ ఎయిర్‌ ఫోర్స్‌ (ఐఏఎఫ్‌) విద్యా విభాగంలో మహిళల రిక్రూట్‌మెంట్‌కు నోటిఫికేషన్‌ పడగానే ఏమాత్రం ఆలస్యం చేయకుండా దరఖాస్తు చేశారు. చిన్న ఆఫీసర్‌గా అడుగు పెట్టారు.పోరాడి గెలిచిన తరంశక్తి శర్మ వాయుసేనలోకి అడుగుపెట్టిన 1994–95 బ్యాచ్‌కు ప్రత్యేకత ఉంది. వాయుసేనలో మహిళలను తొలిసారి తీసుకున్నది ఎడ్యుకేషన్‌ బ్రాంచ్‌లోనే. అది కూడా ఐదేళ్ల షార్ట్‌ సర్వీస్‌ కమిషన్‌ పైనే. ఐదేళ్ల తర్వాత పర్మినెంట్‌ కమిషన్‌ ఇస్తామని చెప్పినా ఆ తర్వాత నిరాకరించారు. అయితే శక్తిశర్మకు మాత్రం ఆరేళ్ల లెక్కన, నాలుగేళ్ల లెక్కన ఎక్స్‌టెన్షన్‌ ఇస్తూ వెళ్లారు. మరోవైపు రిటైరైన తొలి తరం మహిళా అధికారులు తమకు పర్మినెంట్‌ కమిషన్‌ కావాలని 12 ఏళ్లు న్యాయపోరాటం చేసి గెలిచారు. దాంతో 2010 పాలసీతో శక్తిశర్మ తిరిగి పర్మినెంట్‌ కమిషన్‌లోకి వచ్చారు. ఆ తర్వాత కెరీర్‌ మొత్తం బోధనలోనే సాగింది. ట్రైనింగ్‌ సంస్థల్లో, ఫీల్డ్‌ స్టేషన్లలో యువసేనకు పాఠాలు చెప్తూ తీర్చిదిద్దారు. నాన్‌ మెడికల్‌లో ‘గ్రూప్‌ కెప్టెన్‌’ హోదా పొందిన తొలి మహిళగా చరిత్ర సృష్టించారు. టెక్నాలజీ మారుతున్న కొద్దీ యుద్ధతంత్రాలు మారాలని ఐఐటీ కాన్పూర్, పుణె యూనివర్సిటీ వంటి టాప్‌ సంస్థలలో డిఫెన్స్ రీసెర్చ్‌ కోసం ‘ఐ.ఏ.ఎఫ్‌. చైర్స్‌ ఆఫ్‌ ఎక్సలెన్స్‌’ ఏర్పాటు చేయడంలో ఆమె వ్యూహాత్మక ఆలోచనలు అద్భుతంగా పని చేశాయి.సైనిక్‌ స్కూల్‌లో తొలి మహిళ సైనిక్‌ స్కూల్‌ అంటే కఠినమైన క్రమశిక్షణ, వందల మంది అబ్బాయిలు, మిలటరీ వాతావరణం. అలాంటి ‘కపుర్థల సైనిక్‌ స్కూల్‌’కు శక్తి శర్మ మహిళా ప్రిన్సిపాల్‌ అయ్యారు. త్రివిధ దళాల చరిత్రలోనే సైనిక్‌ స్కూల్‌ను కమాండ్‌ చేసిన తొలి మహిళ ఆమె. వందలమంది టీనేజ్‌ కుర్రాళ్లకు ఆమె లీడర్‌ అయ్యారు. అక్కడ ఆమె పిల్లలకు చెప్పే మాట ఒకటే– ‘మీరు కేవలం సైనికులు కావద్దు... ఆలోచించే సైనికులు కావాలి’. మగవాళ్ల ప్రపంచంలో ఆమె తెరిచిన గేటు ఆ తర్వాత వచ్చే ఎందరో మహిళా అధికారులకు దారి వేసింది. లేడీ అండ్‌ జెంటిల్‌మెన్‌....శక్తి శర్మ తాను చదువు చెప్పడమే కాదు స్వయంగా చదువునూ కొనసాగించారు. సికింద్రాబాద్‌లోని కాలేజ్‌ ఆఫ్‌ డిఫెన్స్ మేనేజ్‌మెంట్‌లో అత్యంత ప్రతిష్టాత్మకమైన ‘హయ్యర్‌ డిఫెన్స్‌ మేనేజ్‌మెంట్‌ కోర్స్‌’ పూర్తి చేశారు. త్రివిధ దళాల్లో నాన్‌ మెడికల్‌లో ఈ కోర్సు చేసిన తొలి మహిళా అధికారి తానే. అప్పటి వరకూ అక్కడ ‘డియర్‌ జెంటిల్‌మెన్‌’ అంటూ పాఠం సాగేది. శక్తిశర్మ ప్రవేశంతో ‘డియర్‌ లేడీ అండ్‌ జెంటిల్‌మెన్‌’గా సంబోధన మారింది. చివరకు అందరినీ కలిపి ‘ఆఫీసర్స్‌’ అనసాగారు. అలా శక్తి శర్మ స్త్రీ, పురుష సామర్థ్యాలను సమానం చేశారు. ‘పరిస్థితులు మనల్ని ఆపలేవు, మన ఆలోచనలే మనల్ని ఆపుతాయి. వాటిని జయిస్తే విజేతలమే’ అంటూ ఆ మాటలకు నిలువెత్తు నిదర్శనంగా నిలిచారు శక్తి శర్మ.

శాస్త్రీయ నృత్యం అనగానే సర్వసాధారణంగా అమ్మాయిలే ఎక్కువగా నేర్చుకుంటారు. ఒకప్పుడు నాటకాల్లో అది అబ్బాయిలు చేసిన సందర్భాలు ఉన్నాయి. ప్రస్తుతం జనరేషన్‌లో అబ్బాయిలు శాస్త్రీయ నృత్యం నేర్చుకునే వాళ్లు అరుదు. పైగా వేళ్ల మీద లెక్కించి చెప్పొచ్చు కూడా. కానీ ఒక సిక్కు అబ్బాయి కాళ్లకు గజ్జెలు కట్టుకుని శాస్త్రీయ నృత్యం అంటే..కచ్చితంగా ఆశ్చర్యం కలుగుతుంది. ఒక వేళ నేర్చుకున్నా.. అతడిపై ఎన్నో ఆంక్షలు, అవమానాలు తప్పవు. ముందుగా ఈ సవాళ్లని తట్టుకుని నేర్చుకుని మంచి నర్తకుడి అనిపించుకోవం మాటులు కాదు. కానీ సిక్కు అబ్బాయ్‌ నృత్యం ఎంత ముగ్ధమనోహరంగా ఉంటుందంటే..కనులు ఆర్పడమే మర్చిపోతాం. అతడే ఆసా విల్లోబీ. భారతీయ శాస్త్రీయ నృత్యానికి లింగ భేదం లేదు. పైగా నటరాజుకి అంకితమిచ్చేలా మగవాళ్లు కూడా ఆ కాలంలో నృత్యం చేసేవారు. అయితే ప్రస్తుతం మాత్రమే ఆ శాస్త్రీయ నృత్యం కేవలం స్తీలకే పరిమితం అనేలా ఉంది అందరి ధోరణి. అలాంటి కాలంలో ఇంగ్లాండ్‌కి చెందిన ఆసా విలేబీ అనే సిక్కు కథక్‌ నేర్చుకోవాలని ఆశపడ్డాడు. అది కూడా బాలీవుడ్‌ ప్రసిద్ద నటి రేఖ నటించిన 'ఉమ్రావ్ జాన్' మూవీ అతడిని కథక్‌ భంగిమల పట్ల ఆకర్షితుడయ్యేలా చేసింది. అలా 17 ఏళ్ల వయసులో ఆ కథక్‌ నృత్యం నేర్చుకోవాలని తరగతులకు వెళ్తే..అక్కడంతా స్త్రీలే..తనొక్కడే మగవాడు. అంతేగాదు సిక్కు మతస్థుడిగా 21 ఏళ్ల వయసు నుంచి తలపాగా ధరించడం మొదలయ్యాక..ఇది నీకు అవసరమా అన్నట్లు చూసే చూపులు, ఈసడింపులు ఎక్కువయ్యాయి. అసలు అతడు మగవాడేనా అన్న అనుమానాలు కూడా వ్యక్తం చేసి ఇబ్బంది పెట్టేవారు. ఆ క్రమంలో అతడికి తన అమ్మే వెన్నుదన్నుగా నిలిచి ప్రోత్సహించింది. స్టేజ్‌పై ప్రదర్శనలిచ్చేటప్పుడు కూడా ఆమె ఎంతో మద్దతిచ్చారామె. అంతేగాదు మగవాళ్లకు ఇది హుందాతన కాదు అంటూ ఎగతాళి మాటలు కూడా ఎ‍క్కువయ్యాయి. కానీ ఆసా హుందాతనం అనేది లింగ భేధం ‍ద్వారా వచ్చేది కాదని, మనల్ని మనం ఎలా ప్రదర్శించుకుంటున్నాం అనే దానిపైన ఆధారపడి ఉంటుందని అంటున్నాడు. అంతేగాదు ఆశా భరత నాట్యం, కథక్‌లో మంచి ప్రావిణ్యం ఉన్న నర్తకుడు. ప్రస్తుతం ఆసా సోషల్‌ మీడియాలో ఒక డాన్స్‌ పేజీని ప్రారంభించి భారతీయ శాస్త్రీయ నృత్యానికి లింగభేదం లేదా సరిహద్దులు లేవని ప్రజలకు చూపించే ప్రయత్నం చేస్తున్నాడు. అలాగే తానే యూకే నుంచి యూఎస్‌కి రావడంతోనే తన దృక్పథం మారిందని చెబుతున్నాడు. ఇక్కడకు వచ్చాక దేవాలయాలు, ఉత్సవాల బుకింగ్‌ల నుంచి ఆహ్వానాలు అందయాని ఆనందంగా చెబుతున్నాడు. కాగా, కథక్‌ని యూకేకి చెందిన అనురాధ చతుర్వేది శిష్యుడు సుజాతా బానర్జీ వద్ద శిక్షణ తీసుకున్నాడు . అలాగే భరతనాట్యం అనన్య ఛటర్జీ, తంగమణి కుట్టి, మార్సియా మాధవి మైల వద్ద నేర్చుకున్నాడు. ప్రస్తుతం ఆయన యూఎస్‌లో పీహెచ్‌ చేస్తున్నారు. సమాజపు మూస పద్ధతులను సవాలు చేస్తూ తన కళతోటే నిశబ్దంగా మాట్లాడుతున్నాడు ఆశా విల్లోబీ. View this post on Instagram A post shared by Humans of Bombay (@officialhumansofbombay)(చదవండి: క్లౌడ్‌ కిచెన్‌తో లక్షల్లో నష్టం..కానీ పదినెలల్లోనే రూ. 2 కోట్లు!)

తమిళనాడు ముఖ్యమంత్రి, నటుడు దళపతి విజయ్‌ ఇటీవల సేలం పర్యటించారు. ఆయన అక్కడ ఒక వృద్ధురాలికి డియోర్‌ సన్‌గ్లాసెస్‌ను బహుమతిగా ఇచ్చారు. ఈ అపురూపమైన ఘటన నెట్టింట వైరల్‌గా మారింది. ఇంతకీ సీఎం విజయ్‌ బహుమతిగా ఇచ్చిన ఆ సన్‌గ్లాసెస్‌ ధర ఎంత ఉంటుందో తెలుసా..!.ఆ సన్‌గ్లాస్‌ ప్రత్యేకత ఇది..ఇక్కడ క్రిస్టియన్ డియోర్ అనేది ఫ్యాషన్‌కి సంబంధించిన బ్యూటీ లేబుల్‌ దీని ప్రధాన కార్యాలయం ఫ్రాన్స్‌లోని పారిస్‌లో ఉంది. ఇది విలాసవంతమైన హ్యాండ్‌బ్యాగులు, నాణ్యమైన దుస్తులు, ప్రత్యేకమైన యాక్సెసరీలకు ప్రసిద్ధిగాంచింది. ఇది బ్లాక్‌ రెక్టాంగులర్‌ సన్‌ గ్లాసెస్‌ అని తెలుస్తోంది. ఆ బ్రాండ్‌ వెబ్‌సైట్‌ ప్రకారం..ఈ సన్‌గ్లాసెస్‌ ఖరీదు వచ్చేసి రూ. 46,450లు. దీనిలో సన్నని నల్లటి ఫ్రేమ్‌కు క్రిస్టల్-టోన్, సిల్వర్-ఫినిష్ మెటల్ టెంపుల్స్ అమర్చబడి, సూక్ష్మంగా కాంట్రాస్ట్‌గా ఉండే 'క్రిస్టియన్ డియోర్' సంతకం కూడా ఉంటుంట. ఇటలీలో తయారైన ఈ యాక్సెసరీ నీలి రంగు లెన్సులు, నీలి రంగు టెంపుల్‌ చివరలు, నల్లటి ఎసిటేట్‌ ఫ్రేమ్‌ ఉన్నాయి. ఇది సూర్యుని నుంచి వచ్చే అతినీలలోహిత కిరణాల నుంచి రక్షణ ఇచ్చే చలువ కళ్లజోడే. కాగా, కావేరీ డెల్టాలో సాంబ వరి సాగు కోసం మెట్టూరు డ్యామ్ గేట్లను తెరిచి నీటిని విడుదల చేయడానికి ముఖ్యమంత్రి విజయ్ సేలంలో ఉన్నారు. పవర్ స్టేషన్‌ను తనిఖీ చేసిన తర్వాత, ఆయన రోడ్డు పక్కన ఉన్న ఒక ఫామ్‌హౌస్‌ను సందర్శించారు. అక్కడ ఆయనకు చెల్లం అనే వృద్ధురాలిని కలిశారు. అంతేగాదు ఆయన ఆమెను భోజనం చేశారా అని అడగగా, తన కోసం ఎదురుచూస్తూ తినలేదని చెప్పిందామె. అలాగే ఆమె ఆరోగ్యం గురించి అడిగాను. కానీ ఆ వృధ్దురాలు విజయ్‌ని చూసిన ఆనందంలో తను పడుతున్న కష్టాల గురించి వెళ్లబోసుకోవడం మర్చిపోయిందామె.#WATCH | Salem | Tamil Nadu CM Joseph Vijay visits the house of a farmer and gifts his glasses to an elderly woman in Mettur(Source: TN CMO) https://t.co/VQy07Jy7kt pic.twitter.com/NhZN3FfXmF— ANI (@ANI) September 1, 2026(చదవండి: క్లౌడ్‌ కిచెన్‌తో లక్షల్లో నష్టం..కానీ పదినెలల్లోనే రూ. 2 కోట్లు!)

ఏ వ్యాపారమైన మొదలుపెట్టగానే వెంటనే సక్సెస్‌ అందుకోలేం. పక్కా ప్లాన్‌తో వచ్చినవాళ్లు చిన్నగా పుంజుకోగలరేమో గానీ..చాలామంది మొదట్లో నష్టాలే చవిచూస్తారు. ఆ తర్వాత రానురాను అందులో ఎదురవుతున్న సవాళ్లను అధిగమిస్తూ..మంచి విజయంతో నిలదొక్కుకుని అతిపెద్ద వ్యాపార సామ్రాజ్యాన్ని నిర్మించే ప్రయత్నం చేస్తుంటారు. అచ్చం అలాంటి కోవకు చెందన వాళ్లే ఈ బెంగుళూరు దంపతులు. వాళ్లు ఏ వ్యాపారంలో అయితే తీవ్ర నష్టాలు ఎదుర్కొన్నారే దానికే చిన్ని మార్పులు జోడించి ఏ రేంజ్‌లో లాభాలు అందుకున్నారో తెలిస్తే..ఆశ్చర్యపోవడం ఖాయం. ఆ జంటే బెంగుళూరుకి చెందిన కుశాల్‌ రెడ్డి, చాహక్‌ జైన్‌లు. వాళ్ల వ్యాపారం ప్రయాణం చిన్న క్లౌడ్‌ కిచెన్‌తో ప్రారంభమైంది. అయితే దీని ప్రారంభ పెట్టుబడి రూ. 4 లక్షలతో మొదలైంది. అయితే ఈ వ్యాపారానికి తగినన్ని ఆర్డర్లు సంపాదించుకోవడంలో విఫలమయ్యారు. ఫలితంగా ఫుడ్‌ డెలివరీ ఫ్లాట్‌ఫామ్‌లు వసూలు చేసే అధిక కమీషన్లు, ప్రకటనల ఖర్చులు, ప్రత్యక్ష ఆర్డర్‌ కొరత వంటివి సంస్థపై ఒత్తిడి పెంచాయి. దాంతో ఆ దంపతులు దాన్ని మూసేయాల్సిన పరిస్థితి వచ్చింది. కానీ ఈ జంట వెనక్కి తగ్గకుండా ఎక్కడైతే నష్టపోయామో అక్కడే తిరిగి సక్సెస్‌ సాధించి లాభం పొందాలని గట్టిగా అనుకుని ఈ సారి వంటగదిని, మార్కెటింగ్‌ చేసే విధానాన్నే మార్చారు. ఈసారి ఫుడ్‌ ట్రక్‌తో బెంగళూరులోని జేపీ నగర్‌లో ఎంట్రీ ఇచ్చారు. దానికి క్రీడ్‌ అనే ఫ్రైడ్‌ ఫుడ్‌ బ్రాండ్‌గా నామకరణం చేసి వ్యాపారం ప్రారంభించారు. అలాగే తాము మొదలుపెట్టబోయే ఫుడ్‌ ట్రక్‌ వ్యాపారం గురించి ముందుగానే సోషల్‌ మీడియాలో వెల్లడించి..దాని నమునా తాలుకా వీడియోని కూడా షేర్‌ చేశారు. దాంతో తమ వ్యాపారంలోని మొదటి బర్గర్‌ సేల్‌ అవ్వక మునుపే యూజర్ల నుంచి అనూహ్యమైన స్పందన వచ్చింది. అంటే ఆ జంట వ్యాపార క్రీడ్‌ ఇన్‌స్టాగ్రామ్‌ ఖాతాకు ఏకంగా ఐదువేలకు పైగా ఫాలోవర్లు ఉండటం విశేషం. అలా ఆ జంట ఆ వ్యాపారాన్ని సెప్టెంబర్‌ 2025లో ప్రారంభించారు. తొలిరోజే వందమందికి పైగా కస్టమర్లు వచ్చారట. ఈ వ్యాపారం మొదటి మూడు రోజుల్లోనే ఏకంగా ముప్పై వేల అమ్మకాలు జరిగాయట. ఆ ఊపు ఇప్పటికీ అలానే కొనసాగుతూ రోజుకి సుమారు 350 నుంచి 450 మంది కస్టమర్లకు సేవలు అందిస్తూ..రోజుకి దాదాపు రూ. 1 లక్ష పైగానే ఆర్జిస్తున్నట్లు ఆ దంపతులే స్వయంగా సోషల్‌ మీడియాలో వెల్లడించారు. పైగా తమ మెనూలో ఫ్రైడ్ చికెన్, పనీర్ బర్గర్‌లతో పాటు, చికెన్ పాప్‌కార్న్, స్ట్రిప్స్, ఫ్రైస్ వంటి ఐటమ్స్‌ని కూడా అందిస్తున్నారు. అంతేగాదు ఆ దంపతులు విఫలమన క్లౌడ్‌ కిచెన్‌కు లాభలా బాటలో నడుస్తున్న క్రీడ్‌ వ్యాపారంల మధ్య ఉన్న వ్యత్యాసాన్ని చూపుతు ప్రథమ్‌ అనే యూజర్‌ ఎక్స్‌పోస్ట్‌లో వివరించారు. ఈ పోస్ట్‌ నెటిజన్లును అమితంగా ఆకర్షించింది. పైగా పోస్ట్‌ ప్రకారం..ఆ క్రీడ్‌ వ్యాపారం రూ. 4 లక్షల పెట్టుబడితో ప్రారంభిస్తే..కేవలం పది నెలల్లో సుమారు రూ. 2 కోట్ల ఆదాయాన్ని ఆర్జించడం విశేషం. ఇది చిన్న ఆహార వ్యాపారాలకు ఒక గొప్ప ఆర్థిక పాఠంగా మారింది. అంతేగాదు సోషల్‌ మీడియాను వ్యాపార ప్రచారానికి ఎలా ఉపయోగించుకోవచ్చో తెలియజేసింది కూడా. అంతేకాదండోయ్‌ ఈ దంపతులు రెడ్డి-జైన్‌లు తమ ఫుడ్‌ ట్రక్‌ మోడల్‌ నుంచి ఒక పెద్ద సెంట్రల్ కిచెన్, ఫాస్ట్-క్యాజువల్ రెస్టారెంట్ అవుట్‌లెట్‌గా తమ వ్యాపారాన్ని విస్తరించే ప్లాన్‌లో ఉన్నారట. ఈ జంట కథ..ఓడిపోయిన చోటే గెలుపుని వెతుక్కోవాలే తప్ప వెనక్కి రాకూడదని చెబుతోంది. అలాగే ఓటమికి గల కారణాలను విశ్లేషించి..ఆ తప్పులకు తావివక్కుండా మంచి ప్రారంభంతో ముందుకు రావాలని చెబుతోంది కదూ..!.Meet Kushal Reddy & Chahak Jain.They invested ₹4 lakh into a cloud kitchen in Bengaluru.It failed.Zomato/Swiggy commissions, expensive ads and low direct orders killed the business.So they started again.They launched Kried, a fried-chicken burger food truck.Before… pic.twitter.com/e3jevufBVn— Pratham (@CapitalLens_) September 1, 2026 (చదవండి: Miss World 2026: సర్వాంగ సుందరీ మాత్రమేకాదు..అద్భుతమైన నటి..! మిస్‌ ఇండియా సైతం..)

అందరూ ఎంతగానో ఎదురు చూస్తున్న మిస్‌వరల్డ్‌ అందాల పోటీల గ్రాండ్‌ ఫినాలో సెప్టెంబర్‌ 5, 2026న జరగనున్నాయి. ఈ నేపథ్యంలో ఈ పోటీల్లో భారత్‌కు ప్రాతినిధ్యం వహిస్తున్న అందాల భామ ఉజ్జయినికి చెందిన నికితా పోర్వాల్‌పైనే అందరి ఆశాలు, ఆకాంక్షలు. ఈ బ్యూటీ కేవలం అందగత్తె మాత్రం కాదు తనలో నటి కూడా ఉందంటూ వెండితెరపై మెరిసింది కూడా. ఆమె సంజీవ్ సింగ్ పర్మార్ నిర్మించి, దర్శకత్వం వహించిన బ్రిజ్ భాషా చలనచిత్రం 'చంబల్ పార్'లో నటించింది. నేషనల్ ఇండియన్ ఫిల్మ్ ఫెస్టివల్ ఆఫ్ ఆస్ట్రేలియా సందర్భంగా అరాలూయెన్ సెంటర్‌లో ఈ చిత్రం ప్రీమియర్‌ ప్రదర్శన జరుపుకుంది. ఇది త్వరలో భారత్‌లో కూడా విడుదలకానుంది. అందాల పోటీల్లో పాల్గొనేవారు కేవలం గ్లామర్‌కే పరిమితం కాదని, అభినయంలో కూడా సత్తా చాటగలరని చూపించడమే తన ధ్యేయమని అంటోంది నికితా. ఆ విషయంలో తనకు ప్రియాంక చోప్రా ఆదర్శం అని చెబుతోంది. ఎందుకుంటే ఆమె బరేలి నుంచి సినీ ఇండస్ట్రీకి వచ్చి ఎలాంటి గాడ్‌ఫాదర్స్‌ అండ దండ లేకుండా అంచలంచెలుగా ఎదిగి తనదైన ముద్ర వేసిందని అన్నారామె. ఇక నికితా కూడా త్వరలో కన్నడ చిత్రసీమలో అరంగేట్రం చేయనున్నారు. అంతేగాదు ఆమెకు కథలు చెప్పడంలో కూడా మంచి నైపుణ్యం ఉంది. ఆమె ఇటీవలే కృష్ణ లీల' అనే పేరుతో 250 పేజీల రచన చేసినట్లు సమాచారం ఇక మిస్‌ ఇండియా ఆర్గనైజేషన్‌ సైతం నికితాపై ప్రశంసల వర్షం కురిపిస్తూ పోస్ట్‌లో ఇలా రాసుకొచ్చింది. ఫెమినా మిస్ ఇండియా వేదిక నుంచి అత్యున్నత ప్రపంచ వేదిక వరకు నికితాపోర్వాల్‌ తన మిస్‌ వరల్డ్‌ ప్రయాణంలో ప్రతి అడుగులో భారతదేశ స్ఫూర్తిని, బలాన్ని, కథను ముందుకు తీసుకువెళ్లారు. ఈ 75వ మిస్‌ వరల్డ్‌ పోటీల్లో ప్రపంచ వేదికపై లక్షలాది ఆశలు, ఆశీస్సులు, అభినందనలను స్వదేశం నుంచి వియత్నాం వరకు ఆమెతోపాటు వస్తాయని పేర్కొంది. కాగా నిఖితా పోర్వాల్‌ మధ్యప్రదేశ్‌లోని ఉజ్జయినికి చెందిన మోడల్‌. ఆమె 18 ఏళ్ల వయసులో మీడియా రంగంలో కెరీర్‌ను ప్రారంభించారు. కొన్నాళ్లపాటు ఆమె టీవీ యాంకర్‌గా పనిచేశారు. అలాగే ఆరేళ్లపాటు నటనలో శిక్షణ తీసుకున్నారామె. ఇక ఇప్పటికే ప్రారంభమైన ఈ మిస్‌ వరల్డ్‌ పోటీల్లో నికితా ఇండియా శాష్‌ను అందుకున్నారు. నిజంగా ఇది చాలా గర్వంగా ఉంది, ఎందుకంటే తండ్రి లేదా తల్లి పేరుతో కాకుండా నాదేశం పేరుతో వచ్చే ఐడెంటిటీ అంటే ఆ ఫీలే వేరేలెవెల్‌ అని అంటోంది నికితా. కాగా ఈ ఫైనలిస్ట్‌ జాబితాలో ఇండోనేషియా, లావోస్, మలేషియా, న్యూజిలాండ్, థాయ్‌లాండ్‌, ఆసియా, ఓషియానియ మల్టిమీడియా చోటు దక్కించుకోగా భారత్‌ ఇంకా బెర్త్‌ ఖరారు చేసుకోలేదు. View this post on Instagram A post shared by THẾ GIỚI HOA HẬU (@thegioihoahauofficial)

ఎముకల ఆరోగ్యానికి మాత్రమే కాకుండా శరీరంలోని కండరాలు, గుండె పనితీరును మెరుగుపరచడంలో విటమిన్‌–డీ2 కంటే విటమిన్‌–డీ3 అత్యంత ప్రభావవంతంగా పనిచేస్తుందని హైదరాబాద్‌లోని ఐసీఎమ్‌ఆర్‌– జాతీయ పోషకాహార సంస్థ (ఎన్‌ఐఎన్‌) పరిశోధనలో తేలింది. ముఖ్యంగా శరీరంలో విటమిన్‌ లోపం ఉన్నప్పుడు, దాని నుంచి కోలుకునే ప్రక్రియలో విటమిన్‌–డీ3 కీలక పాత్ర పోషిస్తుందని మగ ఎలుకలపై జరిపిన ప్రయోగం ద్వారా స్పష్టమైంది. ఈ పరిశోధన వివరాలు ప్రముఖ అంతర్జాతీయ సైన్స్‌ పత్రిక ‘మాలిక్యులర్‌ న్యూట్రిషన్‌ అండ్‌ ఫుడ్‌ రీసెర్చ్‌’లో ప్రచురితమయ్యాయి.పరిశోధనలో ఏం తేలిందంటే.. కండరాల పుష్టి: విటమిన్‌–డీ2తో పోలిస్తే విటమిన్‌–డీ3 తీసుకున్న ఎలుకలలో కండరాల పరిమాణం, కండరాల పీచు పరిమాణం, పట్టుకునే బలం గణనీయంగా పెరిగాయి.గుండె ఆరోగ్యం: గుండె కండరాల సంకోచవ్యాకోచాలు, గుండెకు సంబంధించిన జీవక్రియలలో విటమిన్‌–డీ3 అద్భుతమైన ఫలితాలను చూపించింది.శక్తి జీవక్రియలు: కండరాలవృద్ధికి, శరీరంలో శక్తి ఉత్పత్తికి సంబంధించిన రసాయన ప్రక్రియలను విటమిన్‌–డీ3 వేగవంతం చేసింది.పరిశోధన ఇలాగవిటమిన్‌–డీ సాధారణంగా డీ–2, డీ–3 గా రెండు రూపాల్లో లభిస్తుంది. ఈ రెండింటి మధ్య వ్యత్యాసాల కోసం ప్రయో­గశాలలో పెరుగుతున్న మగ ఎలుకల మీద ప్రయోగం చేశారు. ఒక సమూహానికి విటమిన్‌–డీ2, మరొక సమూహానికి విటమిన్‌–డీ3, ఇంకొక సమూహానికి రెండింటి మిశ్రమాన్ని, చివరి సమూహానికి విటమిన్‌–డీ లేని ఆహారాన్ని ఇచ్చారు.గుండె నిర్మాణాన్ని రక్షించడంలో..శరీరంలో కాల్షియం స్థాయిలను క్రమబద్ధీకరించడంలో ఈ రెండు విటమిన్లు సమానంగా పనిచేసినప్పటికీ, కండరాలు, గుండె నిర్మాణాన్ని రక్షించడంలో విటమిన్‌–డీ3 ఎంతో శక్తివంతమైనదని ఈ పరిశోధనకు నేతృత్వం వహించిన సీనియర్‌ శాస్త్రవేత్త డాక్టర్‌ ఆయేషాఇస్మాయిల్‌ వివరించారు. భవిష్యత్తులో ప్రజలకు అందించే విటమిన్‌ అనుబంధ ఆహారాలు (సప్లిమెంట్లు), పౌష్టికాహార పెంపుదల (ఫోర్టిఫికేషన్‌) కార్యక్రమాలలో కీలక మార్పులకు ఈ ఫలితాలు ఉపయోగపడతాయని ఎన్‌ఐఎన్‌ డైరెక్టర్‌ డాక్టర్‌ భారతి కులకర్ణి పేర్కొన్నారు. మానవులపై దీని ప్రభావాలను మరింత స్పష్టంగా అర్థం చేసుకోవడానికి మరిన్ని విస్తృత పరిశోధనలు అవసరమని తెలిపారు. (చదవండి: ఆటిజం పిల్లలకు ప్రత్యేక చట్టాలున్నాయి!)

మా అక్క–బావ రెండేళ్ళ క్రితం ఒక రోడ్డు ప్రమాదంలో చనిపోయారు. వాళ్లకి పదహారేళ్ళ పాప వుంది. తనకి ఆటిజం. మాటలు కూడా సరిగా రావు. మనం చెప్పేది కూడా ఏమీ అర్థం కాదు. అక్కాబావా చనిపోయాక పాప తన నానమ్మ గారింటిలోనో ఉంటోంది. అప్పట్లో ఒక స్పెషల్‌ స్కూల్‌కి వెళ్ళేది. ఇప్పుడు అది కూడా మాన్పించారు. ఇటీవల అమ్మాయి వంటి మీద గాయాలు కనిపించాయి. ‘ఆస్తికోసమే పాపని వుంచుకున్నాము, లేకపోతే ఎప్పుడో రోడ్డుమీద వదిలేసేవాళ్ళం’ అని మా బావగారి తమ్ముడు ఎవరితోనో అనటం విన్నాను. నాకు అమ్మ–నాన్న, తోబుట్టువులూ ఎవరూ లేరు. నా భర్తని అడిగితే పాపపై మనకు హక్కులు లేవు – మనం ఏమీ చేయలేము అంటున్నారు. పాపను కాపాడుకోవటం ఎలాగో సలహా ఇవ్వగలరు. – సరోజ, మల్కాజిగిరి, హైదరాబాద్‌ఆటిజం కల్గినవారు జీవితాంతం దాదాపు పిల్లలే! మానసిక ఎదుగుదల లేకపోవటం వలన ఆటిజం బారిన పడిన పిల్లల గాధలు – ముఖ్యంగా వారి తల్లిదండ్రులు/బాగోగులు చూసుకునే వారు లేనప్పుడు పడే కష్టాలు వర్ణనాతీతం. ఆటిజం వున్న వారి హక్కులు – బాగోగులు – ఆస్తులు – పెంపకం – కస్టడీకి సంబంధించిన అంశాలకు గాను ‘ఆటిజం, సెరిబ్రల్‌సాల్సీ, మానసిక వెనుకబాటు, బహుళ వైకల్యాల వ్యక్తుల సంక్షేమం కోసం జాతీయ ట్రస్ట్, 1999 అనే చట్టం వుంది. ఈ చట్టం ప్రకారం, 18 యేళ్ళ లోపు వయసుగల ఆటిజం వున్న పిల్లల కస్టడీ తల్లిదండ్రులకి ఉన్నప్పటికీ – వారి వయసు 18 యేళ్ళు దాటిన తర్వాత ఎవరైనా గార్డియన్‌గా ఉండటానికి దరఖాస్తు చేసుకోవాలి. తల్లి–తండ్రులు లేదా కుటుంబ సభ్యుల దరఖాస్తు మేరకు ఏ వ్యక్తినైనా, రిజిస్టర్‌ చేయబడిన స్వచ్ఛంద సంస్థను అయినా: ఆటిజం, సెరిబ్రల్‌పాల్సీ వంటి సమస్యలు కల్గిన వారికి గార్డియన్‌గా నియమించ వచ్చు. అంతే కాక ది రైట్స్‌ ఆఫ్‌ పర్సన్స్‌ విత్‌ డిజేబిలిటీస్‌ యాక్ట్‌ 2016 కూడా ఇలాంటి అంశాలలో పాత్ర పోషిస్తుంది.మీ విషయానికి వస్తే...నేషనల్‌ ట్రస్ట్‌ యాక్ట్‌ 1999 లోని సెక్షన్‌ 17 ప్రకారం ఎవరైనా ఆటిజం, సెరిబ్రల్‌పాల్సీ వంటి సమస్యలు కల్గిన వారి తల్లిదండ్రులు లేదా బంధువు లేదా నమోదిత సంస్థ దృష్టికి ఎవరైనా గార్డియన్‌ (సంరక్షులు) (1) దివ్యాంగులను వేధిస్తున్నారని లేదా నిర్లక్ష్యం చేస్తున్నారని; లేదా (2) దివ్యాంగులకి సంబంధించిన ఆస్తిని దుర్వినియోగం చేస్తున్నారని లేదా నిర్లక్ష్యం చేస్తున్నారని – తెలిస్తే చట్టంలో నిర్దేశించిన విధంగా అటువంటి సంరక్షకుడిని తొలగించవలసిందిగా కమిటీకి దరఖాస్తు చేసుకోవచ్చు. అందుకుగాను లోకల్‌ లెవల్‌ కమిటీ (LCC) ని సంప్రదించవలసి ఉంటుంది. కొన్ని సందర్భాలలో, 2016 చట్టం ప్రకారం కోర్టును కూడా ఆశ్రయించవచ్చు. కాబట్టి మీ అక్క కూతురి భద్రతకు – తన ఆస్తికి సైతం ఎటువంటి భంగం కల్గుతున్నది అని మీకు అనుమానం వున్నా, LCC ముందు దరఖాస్తు చేసుకోండి. ఈ చట్టం క్రింద LCCకి అధికారాలు ఉంటాయి కనుక మీ అక్క కూతురిని సురక్షితంగా మీ వద్దకు చేర్చే అవకాశం లేకపోలేదు. లేకుంటే ఏదైనా నిర్దిష్ట సంస్థ పర్యవేక్షణలో కూడా ఉంచగలరు. ఆటిజం వంటి పరిస్థితిని ఎదుర్కొనే వారు వున్న తల్లిదండ్రులు/కుటుంబ సభ్యులు అందరూ కూడా వారికి వర్తించే చట్టాలు – హక్కులపై కనీస అవగాహన కలిగి ఉండటం చాలా అవసరం.– శ్రీకాంత్‌ చింతల, హైకోర్టు న్యాయవాది(మీకున్న న్యాయపరమైన సమస్యలు, సందేహాల కోసం sakshifamily3@gmail.comకు మెయిల్‌ చేయవచ్చు. ) (చదవండి: మిస్ వరల్డ్ ఉగాండా గౌనులో ఇంత గొప్ప సందేశమా..!)

కనుచూపుమేర భీకర దృశ్యాలు... బాధితుల ఆర్తనాదాలు... బురద ప్రవాహంలో కొట్టుకుపోతున్న గ్రామాలు... భయంకరంగా విరిగి పడుతున్న కొండచరియలు... ఎటు చూసినా కల్లోలమే! ఇటువంటి అత్యంత ప్రతికూల పరిస్థితుల్లోనూ తనప్రాణాలను సైతం పణంగా పెట్టి సహాయక చర్యలు చేపట్టారు నేపాల్‌ తొలి మహిళా హెలికాప్టర్‌ కెప్టెన్‌ ప్రియా అధికారి. కేవలం ఆరు రోజుల వ్యవధిలోనే 100 రెస్క్యూ మిషన్లు పూర్తి చేసి, వందలాది మంది బాధితులను సురక్షితప్రాంతాలకు చేర్చి ఎంతోమందికి స్ఫూర్తిగా నిలిచారు. ఈ రెస్క్యూ మిషన్‌లో తన అనుభవాల గురించి ఆమె మాటల్లోనే...2015లో నేపాల్‌లో వచ్చిన భూకంపం కంటే భయంకరమైనది ఈ విపత్తు. నేను గగనతలం నుంచి చూసిన దృశ్యాలు వర్ణనాతీతం. ఎక్కడ చూసినా చెల్లాచెదురుగా పడి ఉన్న మృతదేహాలు కలవరపరిచాయి. జలవిద్యుత్‌ప్రాజెక్టులు, ఇళ్లు, రోడ్లు.. ఒక్కటేమిటి సమస్తం కొట్టుకు పోయాయి. 2015లో వచ్చిన భారీ భూకంపం కంటే కూడా ఈ వరదల తీవ్రత చాలా ఎక్కువ. ముఖ్యంగా ఈ విపత్తులో రసువా జిల్లాలోని తిమురే అనే గ్రామం పూర్తిగా దెబ్బతింది. అక్కడి నుంచి బాధితులను సురక్షితప్రాంతాలకు తరలించడం మాకు అతిపెద్ద సవాలుగా మారింది.ఆపని ఇంజిన్లుఈ రెస్క్యూలో రాత్రింబవళ్లు సుమారుగా 20 హెలికాప్టర్లు పనిచేస్తున్నాయి. ఒకే ల్యాండింగ్‌ పాయింట్‌కు ఒకేసారి అనేక హెలికాప్టర్లు రావడం వల్ల ఆపరేషన్ నిర్వహణ మాకు అత్యంత కష్టంగా మారింది. అలా ఇబ్బంది వచ్చినపుడు మేము వైర్‌లెస్‌ సాధనాల ద్వారా సమన్వయం చేసుకుంటూ ముందుకు సాగాము. మరోవైపు నేలపై మోకాలు లోతున ఉన్న చిక్కటి బురద కారణంగా హెలికాప్టర్‌లను నిలపడం మాకు కష్టంగా మారింది. దాంతో ఇంజిన్లను ఆపకుండానే క్షణాల వ్యవధిలో బాధితులను ఎక్కించుకుని సురక్షితప్రాంతాలకు చేర్చాము. ఆర్మీ ఆగస్టా హెలికాప్టర్లతో కలిపి తిమురే గ్రామం నుంచే మొదటి రెండు రోజుల్లో 200 మందికి పైగా బాధితులను రక్షించాం. ఇప్పటికీ అక్కడ చాలామంది ఆచూకీ తెలియడం లేదు. అలసట మాయంనాకు సుదీర్ఘ కాలంగా పర్వతప్రాంతాలలో విమానాలు నడిపిన అనుభవం ఉంది. అయినప్పటికీ ఈ భీకర విపత్తు తీవ్రత నాకు సవాల్‌గా నిలిచింది. వరుసగా విమానాలు నడపడం వల్ల మేమంతా తీవ్ర అలసటకు గురయ్యాము, కానీ నేలపై ఆశగా చేతులు ఊపుతున్న బాధితులను చూసినప్పుడు ఆ అలసట అంతా మాయమయ్యేది. వారిని రక్షించడమే మానసికంగా నాకెంతో బలం చేకూర్చింది. వరదల్లో చిక్కుకుని, కష్టాల్లో ఉన్న ప్రతి ఒక్కరినీ తనవారిగా భావించి రక్షించిన ప్రియా అధికారి సాహసంపై ప్రపంచవ్యాప్తంగా ప్రశంసల వర్షం కురుస్తోంది. ఎయిర్‌ హోస్టెస్‌ టు ఎవరెస్ట్‌ పైలట్‌40 ఏళ్ల ప్రియా అధికారి ప్రయాణం ఎంతో స్ఫూర్తిదాయకం. ఎన్విరాన్‌మెంటల్‌ సైన్స్‌లో పట్టా పొందిన ఆమె, మొదట్లో ఎయిర్‌ హోస్టెస్‌గా తన కెరీర్‌ప్రారంభించారు. కానీ విమాన యానంపై కలిగిన ఆసక్తితో ఫిలిప్పీన్ ్స వెళ్లి పైలట్‌ శిక్షణలో చేరారు. 2017 నాటికి ఆమె పూర్తిస్థాయి కెప్టెన్ గా మారారు. ఆ తరువాత హిమాలయాలలోని ఎతై ్తనప్రాంతాలలో సెర్చ్‌ అండ్‌ రెస్క్యూ మిషన్లలో శిక్షణ పొందారు. ఎవరెస్ట్‌ పర్వతంపై దాదాపు 6,200 మీటర్ల ఎత్తు వరకు వెళ్లి గాయపడిన పర్వతారోహకులను రక్షించిన ఘనత ఆమె సొంతం.

‘మగపిల్లలు అసలు ఏడవకూడదు’ అనే పాతకాలపు రొటీన్‌ డైలాగ్‌కు ‘ది ఎండ్‌’ కార్డ్‌ వేయాలంటోంది నటి కరీనా కపూర్‌. ‘అబ్బాయిలు ఏడ్వకూడదని’ చెప్పే మాట వారిని ఎమోషన్స్‌ దాచేసుకునే రోబోల్లా మారుస్తోందని అంటోందామె. ఇద్దరు అబ్బాయిల తల్లిగా ‘నో ఫిల్టర్‌ పేరెంటింగ్‌’ గురించి ఆమె పంచుకుంటున్న అనుభవాలు.‘అమ్మాయిలు చాలా సున్నితంగా ఉండాలి. మగవాళ్లు కఠినంగా ఉండాలి అనే పాతకాలపు ధోరణి పూర్తిగా వదిలి పెట్టా’ అంటోంది నటి కరీనా కపూర్‌. ఇద్దరు పిల్లల తల్లిగా (తైమూర్, జెహ్‌) ఇటీవల ఆమె పేరెంటింగ్‌ గురించి తన ఆలోచనలు పంచుకుంది. ముఖ్యంగా అబ్బాయిల తల్లిగా.‘నా ఇద్దరు కొడుకులకు నేను చెప్పింది ఒక్కటే... మీకు ఏడవాలనిపిస్తే మొహమాటం లేకుండా ఏడ్చేయండిరా. కన్నీళ్లు దాచుకోవాల్సిన అవసరం లేదు అని’ అందామె. ఒక మగవాడు తల్లి ముందో, భార్య ముందో కన్నీళ్లు పెట్టడానికి అస్సలు భయపడకూడదనీ, ఆ సున్నితత్వమే వాళ్లను రేపు సమాజంలో బాధ్యతాయుతమైన మనుషులుగా మారుస్తుందనీ కరీనా గట్టిగా నమ్ముతోంది. ‘భావోద్వేగాలను దాచుకోకుండా ఫ్రీగా ఎక్స్‌ప్రెస్‌ చేసే స్వేచ్ఛను మగపిల్లలకు ఇంట్లోనే ఇవ్వకపోతే బయట వారు సున్నితంగా ఎలా వ్యవహరించగలరు?’ అని ప్రశ్నిస్తోందామె.ర్యాంకులు పక్కన పెట్టు.. కాస్త కరుణ నేర్పు! ‘ఇవాళ పేరెంటింగ్‌ అంటే తల్లిదండ్రులు పిల్లలకు ఎడతెగకుండా మార్కులు, ర్యాంకులు, సక్సెస్‌ వెనుక పరిగెత్తించే రేస్‌ను గుర్తు చేయడంగా మారింది. ఏమిటి ఈ ధోరణి? నా భర్త సైఫ్‌ అలీఖాన్‌తో నేను ఒకే మాట చెప్తాను... మన పిల్లలు లైఫ్‌లో ఎంత పెద్ద సక్సెస్‌ అయ్యారన్నది కాదు, వాళ్లు తోటిమనుషుల పట్ల ఎంత దయ, కరుణ కలిగి ఉన్నారన్నదే ముఖ్యం. అది చూడాలి మనం’ అని తెలిపిందామె. అందుకే ఆమె తన ఇంట్లో పని చేసే నానీలను, హెల్పర్లను పిల్లలతో సమానంగా డైనింగ్‌ టేబుల్‌ మీద కూర్చోబెట్టి భోజనం పెట్టడం ఆనవాయితీగా చేసింది. కళ్లెదుట సాటి మనుషులను గౌరవించడం చూస్తూ పెరిగే పిల్లలు రేపు పెద్దయ్యాక సమాజంలో ఎవరినీ తక్కువ చేసి చూడరనేది కరీనాప్రాక్టికల్‌ పేరెంటింగ్‌.అమ్మ ఆఫీస్‌కు వెళ్తుంది‘అమ్మ ఇంట్లో ఉంటుంది... నాన్న ఆఫీసుకు వెళతాడు అని పిల్లలకు చిన్నప్పటి నుంచి నూరిపోయడం మానేయాలి. నా ఇద్దరు కొడుకులు చిన్నప్పటి నుంచి వాళ్ల నాన్నతో పాటు అమ్మ కూడా ప్రతిరోజూ షూటింగ్‌లకు, ఆఫీసులకు పరుగెట్డడం చూస్తూ పెరిగారు’ అంది కరీనా. ‘ఒకరోజు నా కొడుకు ఆరోగ్యం బాగలేదు. నేను షూటింగ్‌కు వెళ్లాల్సి వచ్చింది. తను ఏడ్చాడు. కాని నేను వాడికి వర్క్‌ ఇంపార్టెన్ ్స ఏంటో అర్థమయ్యేలా చెప్పి మరీ షూటింగ్‌కు వెళ్లాను. అమ్మ కూడా బిజీగా ఉంటుంది, అమ్మకు కూడా సొంత కెరీర్‌ ఉంటుంది అని కొడుకులు చిన్నప్పటి నుంచే చూడటం వల్ల రేపు వాళ్లు పెద్దయ్యాక మహిళల శ్రమను, వారి సమానత్వాన్ని మనస్ఫూర్తిగా గౌరవిస్తారు’ అని చె΄్తోంది కరీనా.అబ్బాయిల పెంపకమైనా అమ్మాయిల పెంపకమైనా నేడు సవాలుగా మారింది. కెరీర్‌ అవసరమే గానీ వ్యక్తిత్వాన్ని తీర్చిదిద్దడం గురించి ఎన్నో విధాలుగా తల్లిదండ్రులు ఆలోచించాల్సిందే. అబ్బాయిలు పైచేయిగా ఉండే సమాజమే ఇప్పటికీ ఉనికిలో ఉంది కాబట్టి వారి పెంపకం పట్ల మరింత ఎరుకతో ఉండాల్సిన అవసరం ఉందని తెలియచేయడమే కరీనా పెంపకం సారాంశం.

వరల్డ్ డిజైనర్ అవార్డ్' కార్యక్రమంలో మిస్ వరల్డ్ ఉగాండా ట్రివియా ఎల్లే ముహోజా ధరించిన గౌను ప్రత్యేక ఆకర్షణగా నిలిచింది. ఫ్యాషన్‌ని ఇలా కూడా గొప్ప సందేశంతో ప్రదర్శించొచ్చు అన్న రీతిలో డిజైన్‌ చేశారు. 73వ మిస్ వరల్డ్ (Miss World 2026) పోటీల్లో భాగంగా జరిగిన వరల్డ్ డిజైనర్ అవార్డ్' కార్యక్రమంలో ఈ గౌను అత్యంత ఆకర్షణీయంగా నిలిచింది. దీన్ని డిజైనర్ కీషా అబ్దుల్లా రూపొందించింది. ఈ స్పెషల్‌ గౌను ప్రసవ కథను వివరిస్తుందట. ముఖ్యంగా సీ సెక్షన్‌ చేయించుకున్న తల్లులను దృష్టిలో ఉంచుకుని ఈ గౌనుని డిజైన్‌ చేసినట్లు అబ్దుల్లా పేర్కొంది. గౌను ఆకృతి, పొరలో సహా ప్రతి భాగం ఒక్కో విషయాన్ని విరిస్తాయట. ఆ క్రియేషన్‌ ఒక కొత్త తల్లిగా తన అనుభవం నుంచి వచ్చిన ఆలోచన అని వెల్లడించిందామె. ఈ డిజైన్‌ని రూపొందించేటప్పుడూ..సీ సెక్షన్‌లో ఉండే ఏడుపొరలకు సంబంధించిన చిత్రాలు, వివరాలను అధ్యయనం చేసి..మరి గౌనుకి చక్కటి ఆకృతి ఇచ్చినట్లు తెలిపారు. అంతేగాదు డిజైనర్‌ కీషా ఆ గౌను డిజైన్‌కి సంబంధించిన ప్రతిదాన్ని క్షణ్ణంగా ఇన్‌స్టాగ్రామ్‌లో ఇలా వివరించారు. "ప్రసవంలోని వివిధ దశలను ఒక కౌచర్ గౌనుగా మార్చాలనే ఐడియా స్ఫరించింది. వెంటనే ‘లేయర్స్ ఆఫ్ లైఫ్’ కథని ఇతి వృత్తంగా తీసుకున్నా డ్రెస్‌ విజ్‌ చేశా. అదీగాక విభిన్నంగా, స్ఫూర్తిదాయకంగా ఉండేలా క్రియేట్‌ చేయాలని భావించా. అందులోనూ వియత్నాంలో జరిగిన మిస్ వరల్డ్ వేదికపై మిస్ ఉగాండా కోసం డిజైనర్ డ్రెస్‌ను రూపొందించే అవకాశం లభించినే నేపథ్యంలోనే దీన్ని ఎంచుకున్నట్లు తెలిపింది. ఎందుకంటే ప్రసవమనే అద్భుతంకి మించిన స్ఫూర్తి ఉండదనిపించింది. ముఖ్యంగా సీసెక్షన్‌లోని ఏడుదశలను స్కెచ్‌తో గీని చూపించగానే మిస్‌ ఉగాండ్‌ కూడా వెంటనే సమ్మతం తెలిపింది. వాస్తవ రూపానికి మాత్రం చాలా కష్టబడ్డానని, చివరికి సరైన రంగులనే ఎంచుకోగలిగిను. ఈ గౌను ప్రసవం అనే జర్నీలోని ఏడు దశలను తెలిపే సీ సెక్షన్‌ కథను వివరింస్తుంది. ఎలాగంటే మొదటిది చర్మం, ఇది శరీరాన్ని రక్షిస్తుంది. రెండవది కొవ్వు, ఇది శక్తికి, శరీరం పనిచేయడానికి అవసరం. మూడోవది ఫాసియా, ఇది శరీరంలోని వివిధ భాగాలను కలిపి ఉంచే కణజాలం. నాల్గవ పొర కండరం, ఇది ప్రసవంలో ఉండే బలాన్ని, శారీరక శ్రమను సూచిస్తుంది. ఐదవది పెరిటోనియం, ఇది పొత్తికడుపు లోపల ఉండే రక్షిత పొర. ఆరవది గర్భాశయం, ఇక్కడ శిశువు పెరుగుతుంది. చివరి పొర ఆమ్నియోటిక్ శాక్, ఇది పుట్టుకకు ముందు శిశువును రక్షించి, ఆశ్రయం ఇచ్చే ప్రదేశం. అలా ప్రసవ దశలన్నింటిని పొందుపర్చేలా, సీసెక్షన్‌ ప్రక్రియని వివరిస్తూ ఈ గౌనుని డిజైన్‌ చేశా" అని వెల్లడించింది కీషా అబ్దుల్లా. View this post on Instagram A post shared by KEESHA (@k.e.e.sha) (చదవండి: 47 ఏళ్ల వయసులో చెప్పులు లేకుండా మారథాన్‌..గెలిచిన అమ్మ!)

ప్రస్తుతం ఉరుకుల పరుగుల జీవన విధానంలో వ్యాయామలు, స్ట్రిక్ట్‌ డైట్‌ని అనుసరించడం అతి పెద్ద సవాలు చాలామందికి. పైగా కొన్ని రోజులు చేసి, ఆ తర్వాత స్కిప్‌ చేసేస్తుంటారు. నిలకడగా చేయాలంటే సమయం ఉండక ఇబ్బంది పడుతుంటారు. అదీగాక ప్రస్తుతం చాలామటుకు ఉద్యోగాలు గంటలు గంటలు పనిచేసే డెస్క్ ఉద్యోగాలే. బాగా తినకపోయినా..లావుగానే ఉండటం, పోనీ వర్కౌట్లు చేద్దామా అంటే సమయం కుదరక చాలా ఇబ్బంది పడుతుంటారు. అలాంటి వాళ్ల కోసం సులభంగా ఎంజాయ్‌ చేస్తూ చేసే వ్యాయామాలు నెట్టింట ట్రెండ్‌గా మారాయి. వాటిని వర్కౌట్లు అనేకంటే అందమైన డ్యాన్స్‌ అనొచ్చు. చూడటానికే కాదు, చేయడానికి కూడా చాలా అనువైనవి, సులువైనవి. ప్రస్తుతం సోషల్‌ మీడియాలో వీటికి సంబంధించిన వీడియో తెగ వైరల్‌ అవుతుంది. ఇంతకీ ఏంటా వర్కౌట్లు అంటే..జస్ట్‌ నాలుగు నిమిషాల నిడివి గల ఈ వీడియోలో కనిపిస్తున్న వర్కౌట్లు చేస్తే ఒక్క వారంలో ఐదు కిలోలు తగ్గడం ఖాయం అట. ప్రస్తుతం ఈ వ్యాయామాలు జపాన్‌లో బాగా ట్రెండ్‌గా మారింది. డంబెల్క్‌ కూడ పక్కనే పడేసి ఇవి ప్రయత్నించండి అని పిలుపునిస్తున్నారు. పైగా ఎలాంటి దుష్ప్రభావాలు ఉండవు. అలాగే శరీరానికి మంచి కదలిక, కొలస్ట్రాల్‌ని కరిగించి ఫిట్‌గా ఉండేందుకు బెస్ట్‌ వర్కౌట్లు కూడా అని అంటున్నారు. చాలామంది నెటిజన్లు దీన్ని కొట్టిపారేస్తున్నా..జస్ట్‌ నాలుగు నిమిషాలు ఎంజాయ్‌చేస్తూ వేగంగా చేసేవి ప్రయత్నిస్తే నష్టమేమి ఉండదు కదా అని అడుగుతున్నారు. పైగా ఏ వ్యాయామమైనా..ఆరోగ్యకరమైనదే తప్ప హానికరం అంటూ ఉండదు. పైగా ఇవి కష్టతరమైనవి కాదు ఎవ్వరైనా సులభంగా ఆడుతూ పాడుతూ చేసేవే కదా ట్రై చేస్తే పోలే అని సపోర్టు చేస్తూ మాట్లాడటం విశేషం. ఇంకెందుకు ఆలస్యం ఈ వీడియోని చూసి..చకచక నాలుగే నాలుగు నిమిషాల్లో చేసి స్లిమ్‌గా మారిపోండి మరి..!.영상은 길이는 고작 4분.일주일동안 매일 루틴으로 하면 -5kg이 빠진다는 일본 다이어트 영상.지금 일본에서 엄청난 유행임.마운자로 집어 던지고 이거하자.부작용 따위 없다. pic.twitter.com/J5ewOHbnui— rrace🇰🇷 (@junssi1982) August 31, 2026 (చదవండి: శ్వాసకోశ ఆరోగ్యం కోసం ఆయుర్వేద ధూమపానం..!)

ఓ ఆలోచన వచ్చేసి డిస్టర్బ్‌ చేస్తుంది. ‘అబ్బా... ఆ ఆలోచన ఎందుకొచ్చిందో... రాకపోతే బాగుండు’ అని మనసు చెబుతుంది. కానీ ఎంత సముదాయించినప్పటికీ అదే అదే ఆలోచన పదే పదే వస్తుంటుంది. ‘రాకూడదని ఆలోచన కదా ఇదీ, మళ్లీ మళ్లీ ఎందుకొస్తోంది?’ అనే ఆందోళన మొదలవుతుంది. ఆ ఆందోళనతో... ఆలోచనా... అలాగే ఆ ఆలోచనతో ఆందోళన... ఇదో విష వలయంలా వచ్చేస్తూ ఉంటాయి. దాంతో మనసుపై మరింత ఒత్తిడి కలుగుతుంది. మరింత పర్‌ఫెక్ట్‌గా చేస్తే దాంతో ఆ ఆందోళన తప్పుతుందేమో అని చేసిందే చేస్తుంటారు. ఇలా ఆలోచిస్తూ ఆలోచిస్తూ, ఆందోళన పడుతూ, చేస్తున్న పనే మళ్లీ మళ్లీ చేస్తూ చేస్తూ విసిగిపోతుంటారు. అలసిపోతుంటారు. అయినా ఆ పరంపర ఆగదు. అలాంటి మానసిక రుగ్మత పేరే ‘అబ్సెసివ్‌ కంపల్సివ్‌ డిజార్డర్‌’. ఈ పేరుకంటే ‘ఓసీడీ’ అనే మాట చాలామందికి అర్థమవుతుంది. అసలీ జబ్బు తీరుతెన్నులేమిటో, అలా పదే పదే చేస్తున్న పనులూ, ఆలోచనలూ ఎన్ని రకాలుగా వస్తుంటాయో, వాటిని అధిగమించడమెలాగో తెలిపేదే ఈ కథనం.గతంతో పోలిస్తే ఇటీవల మానసిక వ్యాధులపై అవగాహన పెరిగి ఓసీడీ చికిత్స కోసం ఎక్కువ మంది వస్తున్నారు. మహిళలూ, పురుషులూ ఇద్దరిలో కనిపించే ఈ వ్యాధి వ్యాప్తినీ, విస్తృతిని చూస్తే... సాధారణంగా 0.6 నుంచి 1 శాతం మందిలో కనిపించే ఈ మానసిక రుగ్మత విద్యార్థి వర్గాల్లో (స్టూడెంట్స్‌ గ్రూప్‌)లో అత్యధికంగా 3.3 శాతం కనిపిస్తుండటం ఆందోళనకరం. అందుకే దీని గురించి సమగ్రంగా తెలుసుకోవడం చాలా ముఖ్యం. అవసరం కూడా.కుటుంబ సభ్యులకూ వేదనే... ఒక ఓసీడీ బాధితుడి వల్ల కేవలం అతడు మాత్రమే కాదు... వాళ్ల కుటుంబ సభ్యులంతా ఇబ్బంది పడుతుంటారు. తాము ఎంత సముదాయించినప్పటికీ వినకుండా... బాధితుడు పదే పదే అదే పని చేస్తుండటంతో వాళ్లు కూడా ఎంతో వేదనకు గురవుతుంటారు. తాము చేస్తున్న పని కుటుంబ సభ్యులనూ, బంధువులనూ, మిత్రుల్నీ ఇలా ఎంతోమందిని ఇబ్బంది పెడుతోందని గ్రహించాక వాళ్లలో తమ మీద తమకే కోపం పెరుగుతుంది. నిరాశ, నిస్పృహ పెరుగుతుంటాయి. అయినప్పటికీ ఈ పనుల పరంపరం అలా కొనసాగుతూనే ఉంటుంది. అలా తామూ, కుటుంబసభ్యులూ, మిత్రులూ వేదనకు గురవుతుంటారు.ఓసీడీతో మూఢ నమ్మకాలూ పెరిగే అవకాశం... మామూలుగానే మన సమాజంలో మూఢ నమ్మకాలు చాలా ఎక్కువ. మనం ఒక పని లేదా పూజ లేదా ప్రార్థన లేదా ఇంకేదైనా రిట్యువలిస్టిక్‌ క్రతువు చేయడం వల్ల మనకు లాభం జరుగుతుందనే సెంటిమెంట్‌ ఉందనుకుందాం. ఇక ఆ పని/ పూజ / రిట్యువల్‌ను చేయడం మొదలు పెడతారు. ముందు చేసిన పని సక్రమంగా చేయలేదేమో అంటూ మళ్లీ మళ్లీ కొనసాగిస్తారు. ఇలా ఓసీడీతో ఉన్నవారిలో రిట్యువలిస్టివ్‌ బిహేవియర్‌ పెరుగుతుంది. దానివల్ల చాదస్తం ఎక్కువైనట్లు కనిపిస్తుంది.అవగాహన ఉన్నవారికీ... లేనివారికీ ఇబ్బందే... ఓసీడీ ఉన్నవారిలో రెండు రకాల వ్యక్తులు ఉంటారు. కొందరికి తాము చేస్తున్న పని అంత సరికాదనీ, దాని కారణంగా ఎంతో సమయం వృథా అవుతోందని స్పష్టంగా తెలుస్తూనే ఉంటుంది. దాంతో తమ ఇబ్బందిని అధిగమించడానికి నిపుణుల సహాయం తీసుకుంటారు. అయితే మన సమాజంలోనే చాలామందికి ఇది ఒక తీవ్రమైన జబ్బనీ, దీనికి చికిత్స ఉందనే అవగాహన చాలా తక్కువ. ఇలాంటి ఓ జబ్బు ఉందన్న విషయం కొంతమందికి తెలియనే తెలియదు. అలా తెలియక΄ోవడంతో చేసిన పనే చేస్తూ, తమకు ఇబ్బంది కలిగించే ఆ ఆలోచనలను అదేపనిగా కొనసాగిస్తూ తమను తాము ఇబ్బంది పెట్టుకుంటూ జబ్బు తీవ్రతను పెంచుకుంటారు. సాధారణంగా ఇది అవగాహన లేనివారిలో కనిపించే పరిస్థితి.లక్షణాలు... మన సమాజంలో సాధారణంగా కడిగిన దాన్నే కడగటం అనే లక్షణంతో కనిపించే ఓసీడీ ఎక్కువగా కనిపిస్తుంది. అయితే ఇది కేవలం కడగడానికీ, పరిసరాలనూ, వస్తువులనూ శుభ్రంగా ఉంచడానికి మాత్రమే కాకుండా అనేక రూపాల్లో వ్యక్తమవుతుంటుంది. వాటిలో కొన్ని చాలా ఆసక్తికరంగానూ, విచిత్రంగానూ అనిపిస్తుంటాయి. అలాంటి కొన్నింటిని చూద్దాం. తీవ్రమైన అబ్సెషన్‌ : కొందరిలో కొన్ని అంశాల పట్ల తీవ్రమైన భయం ఉంటుంది. ఎవరైనా మనకు హాని చేస్తారేమోననే ఆలోచన వస్తుంటుంది. అది అర్థం లేని ఆలోచన అని తెలిసినప్పటికీ ఆ తరహా ఆలోచనలు అదేపనిగా వస్తూ ఒత్తిడిని పెంచేస్తాయి. దాంతో ఆందోళనా పెరుగుతుంది. మనం మన సంస్కారం కారణంగా ఒక పని ఎప్పటికీ చేయబోమని తెలిసినప్పటికీ అది చేసేస్తామేమో అన్న ఆందోళన మనసును కుదురుగా ఉండనివ్వదు. ఉదాహరణకు మనం ఎప్పటికీ దొంగతనం చేయం. లేదా అసభ్యంగా ప్రవర్తించబోం. కానీ ఆ పని చేస్తామేమో అనే ఆలోచన వచ్చి అది మనలో తీవ్రమైన ఆందోళన కలిగిస్తుంది. కంటామినేషన్‌ అబ్సెషన్‌ : దేనినైనా తాకడం వల్ల మనకు జబ్బు వస్తుందేమో అనే ఆలోచన మనల్ని కుదిపేస్తుంది. ఉదాహరణకు మనం మూత్రవిసర్జన, మలవిసర్జనలు శుభ్రమైన చోటనే చేసినప్పటికీ.. అక్కడ అపరిశుభ్రత ఉందేమో... ఆ అపరిశుభ్రమైన ప్రదేశంలో విసర్జన చేసినందుకు ఏవైనా వ్యాధులు వచ్చేస్తాయేమోననే ఆందోళన కలుగుతుంది.సెక్స్‌పరమైన అబ్సెషన్‌ : మనలోని అంతర్గత సెక్స్‌ ఆలోచనలు, మనం రాకూడదని కోరుకుంటున్న సెక్స్‌ ఆలోచనలు రావడమే కాకుండా... మనమెంతో గౌరవంగా, పూజనీయంగా చూసేవాళ్ల పట్ల చెడు ఆలోచనలు వస్తూ... అవి ఎంత నియంత్రించుకుందామనుకున్నా ఆగకుండా అదేపనిగా కొనసాగుతూ మనసును ఒత్తిడికీ, తీవ్రమైన అపరాధభావనకూ గురిచేస్తుంటాయి. దేవుళ్లు, దేవతల గురించి ఆవాంఛిత ఆలోచనలు : కొందరిలో దేవుళ్లు, దేవతల గురించి రాకూడని ఆలోచనలు వస్తుంటాయి. దాంతో తాము ఏదైనా తీవ్రమైన పనికి ఒడిగడుతున్నామేమో అన్న ఆందోళన పెరిగిపోయి వారు మరింత ఉద్విగ్నతకూ, భయానికీ, అపరాధభావనకూ గురవుతుంటారు. పనికిరాని వస్తువులను సేకరించి దాచడం : కొందరు తమకు ఏమాత్రం ఉపయోగపడని వస్తువులను దాచుకుంటూ ఉంటారు. దాంతో తమకు ఎలాంటి ప్రయోజనమూ ఉండదని తెలిసినా వాటిని వదిలేయలేరు. పారేయలేరు. సిమెట్రీ / ఎగ్జాక్ట్‌నెస్‌ : కొందరు తాము ఆఫీస్‌లో చేసే పనుల్లో గానీ లేదా ఇతర పనుల్లో గానీ పూర్తి స్థాయి పర్‌ఫెక్షన్‌ ఇంకా సాధించలేదనే అభిప్రాయంతో మరింత పర్‌ఫెక్షన్‌ కోసం చేసిందే చేస్తూ, మెరుగులు దిద్దుతూ సమయం వృథా చేస్తుంటారు. సొమాటిక్‌ అబ్సెషన్‌ : ఈ సమస్య ఉన్నవాళ్లలో తమకు ఏదైనా జబ్బు ఉందేమో, తమ దేహంలోనో, అవయవాల్లో ఏదైనా లోపం ఉందేమో అనే అనుమానం వాళ్లను వెంటాడుతూ ఉంటుంది. దాంతో వాళ్లు అదేపనిగా డాక్టర్ల చుట్టూ తిరుగుతూ, డాక్టర్లు సమస్య ఏదీ లేదని చెప్పాక కూడా చేయించిన పరీక్షలే మళ్లీ మళ్లీ చేయిస్తూ... డబ్బూ, సమయం వృథా చేసుకుంటారు.కంపల్షన్‌ పనుల జాబితాలో ఇవి కొన్ని... కడిగిందే మళ్లీ మళ్లీ కడగడం తాళం వేశాక అది సరిగ్గా పడిందా లేదా అని మాటిమాటికీ చూడటం, స్టవ్‌ ఆర్పేశారా లేదా అన్ని మళ్లీ మళ్లీ వెళ్లి చూస్తుండటం, తాము చేసే పని ఎవరికీ హాని చేయకూడదంటూ, దాన్ని కన్‌ఫర్మ్‌ చేసుకోడానికి మళ్లీ మళ్లీ చేసిన పనే చేయడం (ఉదాహరణకు పారేసిన పాత బ్లేడు ఎవరికైనా హాని చేస్తుందని అనిపించి, దాన్ని ఎవరికీ తగలని చోట పడేశామా లేదా అని పదే పదే చూస్తూ, దాన్ని ఎవరికీ అందనిచోటకు నెడుతూ ఉండటం), రాసినదాంట్లో ఏదైనా తప్పు వచ్చిందేమో అని మళ్లీ మళ్లీ రాస్తూ ఉండటం, లెక్కపెట్టిన డబ్బుల్ని మళ్లీ మళ్లీ లెక్కపెట్టడం లాంటివి.ఓసీడీ కారణంగా దుష్ప్రభావాలివి.. ఓసీడీ వల్ల చాలామందిలో ఒత్తిడీ, ఆందోళనా పెరుగుతాయి. నిరాశ, నిస్పృహలు ఫ్రస్ట్రేషన్‌ రూపంలో స్పష్టంగా కనిపిస్తుంటాయి. తమపై తమకు నమ్మకమూ, ఆత్మవిశ్వాసం తగ్గి΄ోతాయి. రోజువారీ పనుల్లో సమయం ఎంతగానో వృథాకావడంతో సాధారణ జీవితం అస్తవ్యస్తమవుతుంది. అది పనిలో, జీవితంలోని నాణ్యతనూ, డబ్బునూ, కుటుంబసభ్యులూ, బంధువులూ, స్నేహితులతో తమ మానవ సంబంధాలనూ తీవ్రంగా దెబ్బతీస్తుంది.ఓసీడీకి కారణమిది... మెదడులో ఆలోచనలు వస్తూనే ఉంటాయి. మెదడు అనేది ఒక కంప్యూటర్‌ అనుకుంటే ఏదైనా ఒక ఆలోచన వచ్చినప్పుడు... ఆ ఆలోచనను ఆపేయడానికి ఒక స్విచ్‌ / సర్క్యూట్‌ ఉంటుంది. అది పనిచేయనప్పుడు అదే ఆలోచన పదే పదే వస్తూ ఆ ఆలోచన వల్ల వచ్చే పనిని కొనసాగిస్తుంటారు. కొన్ని జన్యుపరమైన మార్పులతో ఇది కుటుంబంలోనూ, వంశపారంపర్యంగా కొందరిలో మెదడులోని సర్క్యూట్స్‌లో లోపాలు కనిపిస్తుంటాయి.నిర్ధారణ... ఓసీడీ జబ్బును వారిలో కనిపించే లక్షణాల ద్వారానూ, బాధితుల పరిస్థితిని బంధువులు, స్నేహితులు చెప్పడం ద్వారా తెలుసుకోవచ్చు.చివరిగా... ఓసీడీ లక్షణాలు కనిపించినప్పుడు అవి ముదిరే వరకు నిర్లక్ష్యం చేయకూడదు. చికిత్స ఎంత త్వరగా జరిగితే... ఫలితాలు అంత మెరుగ్గా ఉంటాయి. ఇటీవల ప్రజల్లో కొంత అవగాహన పెరగడంతో ఈ జబ్బు తగ్గడంలో గణనీయమైన మెరుగుదల కనిపించడమన్నది చాలా సానుకూల అంశం. అసలు ఓసీడీ అంటే ఏమిటంటే...‘ఓసీడీ’ సంక్షిప్త రూపంలోని అక్షరాల్లో... ‘ఓ’ అంటే అబ్సెషన్‌ అనీ, ‘సీ’ అంటే కంపల్షన్‌ అనీ, ‘డీ’ అంటే డిజార్డర్‌ అనే పదాలను సూచిస్తాయి. ఇందులో ‘అబ్సెషన్‌’ అంటే... ఓ ఆలోచన మనసులోకి వచ్చాక అది... పదే పదే వస్తుండటం. ఆ ఆలోచనను ఎంతగా వదిలించుకోవాలని చూసినా ఆగకుండా మళ్లీ మళ్లీ అదే ఆలోచన రావడం. ఈ ఆలోచన అన్నది ఒక చిత్రం (ఇమేజ్‌) కావచ్చు లేదా మనం కోరుకోని అంశం కావచ్చు. దాంతో మనసులో తీవ్రమైన అసౌకర్యం, ఇబ్బంది, మనసు మీద ఒత్తిడి పెరుగుతాయి. ఇక కంపల్షన్‌ (సీ) అంటే... ఆ ఆలోచనను వల్ల వచ్చే ఆందోళనను తగ్గించడానికి తప్పనిసరిగా పదే పదే చేసే పనిని ‘కంపల్షన్‌’ అంటారు. దాంతో ఒక పనిని మళ్లీ మళ్లీ చేయాల్సి రావడంతో సమయం వృథా అవుతుంది. విసుగు పడుతుంది. అలసిపోయినప్పటికీ ఏదో లోపముందనే ఆలోచనతో... మళ్లీ మళ్లీ పనిచేసేలా ఆ కంపల్షన్‌ను పురిగొల్పుతుంది. ఇందుకు పాపులర్‌ ఉదాహరణ ఏమిటంటే.., ఎవరికైనా తమ చేతులు శుభ్రంగా లేవని అనిపించే ఓ ఆలోచన మనసులోకి వస్తే... ఇక వాటిని శుభ్రపరిచేందుకు అతడు పదే పదే చేతుల్ని కడుగుతుంటాడు. ఎంత కడిగినా ఇంకా శుభ్రం కాలేదనే ఆలోచనతో కడిగిన చేతుల్నే మళ్లీ మళ్లీ కడిగిస్తూ ఉంటుంది. ఆ విధమైన ఆలోచనలు... డిప్రెషన్‌లో కనిపించే ఆత్మహత్యాధోరణులు ఓసీడీలోనూ కనిపిస్తాయి. కొన్ని రకాల ఆలోచనలు అదేపనిగా వస్తుండటంతో అపరాధ భావన (గిల్ట్‌), ఆందోళనతో వీళ్లలో ఆత్మహత్యకు పాల్పడాలనే ఆలోచనలు (సూసైడల్‌ టెండెన్సీస్‌) పెరుగుతాయి.చికిత్స...ఓసీడీ చికిత్సలో బిహేవియర్‌ థెరపీ లేదా కాగ్నిటివ్‌ బిహేవియర్‌ థెరపీతో పాటు రెస్పాన్స్‌ ప్రివెన్షన్‌ అనే ప్రక్రియలతో బాధితుల్లో గణనీయమైన మెరుగుదల కనిపిస్తోంది. తాము భయపడే అంశాలకే... బాధితుడిని నెమ్మది నెమ్మదిగా గురిచేస్తూ... వాటి వల్ల అతడికి ఎలాంటి హానీ ఉండదనే ఆత్మవిశ్వాసాన్ని నెలకొల్పడమనేది ఈ చికిత్సల్లో అవలంబించే ఒక పద్ధతి. ఈ సమస్యకు కొన్ని మందులూ అందుబాటులో ఉన్నాయి. ఈ మందులతో దుష్ప్రభావాలు ఉంటాయనే అపోహలు చాలామందిలో ఉన్నాయి. వాస్తవానికి అవి ఇతర మందుల్లాగానే చాలా సేఫ్‌. కానీ అవగాహన లోపం వల్ల చాలామంది చికిత్సకు దూరంగా ఉంటున్నారు. ఎస్‌ఎస్‌ఆర్‌ఐస్, ట్రైస్లైక్లిక్స్‌ వంటి మందుల్ని ఓసీడీ తగ్గించడానికి వాడుతుంటారు. అయితే ఇతర ఔషధాల్లాగే.. ఈ మందుల్ని డాక్టర్ల పర్యవేక్షణలోనే వాడాలి. డాక్టర్‌ శ్రీనివాస్‌ ఎస్‌ఆర్‌ఆర్‌వై, సీనియర్‌ సైకియాట్రిస్ట్‌నిర్వహణ యాసీన్‌ (చదవండి: శ్వాసకోశ ఆరోగ్యం కోసం ఆయుర్వేద ధూమపానం..!)

పూర్వకాలం నాటి ఆరోగ్యకరమైన పద్ధతులు సదా ఆసక్తిని రేకెత్తిస్తుంటాయి. అవి సాధారణ మందులు, ఆధునిక చికిత్సలకు మించి ప్రభావవంతంగా ఉంటాయి. అందుకు నిదర్శనమే ఈ ఆయుర్వేద ధూమపానం. ఇది సాధరణ స్మోకింగ్‌ లాంటిది కాదు. ఆరోగ్యాన్ని చేకూర్చే మూలికల ధూమపానం. దీన్ని నటి, కంటెంట్‌ క్రియేటర్‌ షెనాజ్‌ ట్రెజరీ ప్రయత్నించి మరి ఆ అనుభవాన్ని ఇన్‌స్టాగ్రామ్‌లో వీడియో రూపంలో షేర్‌ చేసుకున్నారు. ఇలాంటి ఆయుర్వేద చికిత్స ఒకటి ఉందని తనకు తెలియదని చాలా అద్భుతంగా ఉందంటూ నాటి చికిత్స విధానంపై ప్రశంసల జల్లు కురిపించింది. వైద్యపరమైన ధూమపానానికి స్వాగతం అంటూ..ఇది మన ఇంద్రియాలను, ముఖ్యంగా నాసికా మార్గాల్లోని అడ్డంకులను తొలగించి మనస్సుని ప్రశాంతంగా ఉంచుతుందని అంటోంది. ఇది నిర్థిష్ట ఔషధ మూలికల నుంచి వచ్చే పొగను పీల్చే పద్ధతి, చూడటానికి అచ్చం ధూమపానం మాదిరిగా ఉంటుంది. దెబ్బతో తల, ముక్కు, గొంతు సమస్యలు దెబ్బకు పరార్‌ అని అంటోంది షెనాజ్‌ . పూర్వకాలంలో శ్వాసకోశ ఆరోగ్యాన్ని కాపాడేందుకు, వాత, కఫ దోషాలను సమతుల్యం చేయడానికి ఔషధ గుణాలున్న మూలికల పొగలను పీల్చే ఒక ప్రాచీన పద్ధతిని ఉపయోగించేవారట. ఈ విధానంలో పసుపు, గుగ్గులు, వేప, నెయ్యి వంటి స్వస్థత చేకూర్చే పదార్థాలతో నింపిన ప్రత్యేకంగా తయారు చేసిన మూలికల వత్తిని కాలుస్తారు. దాన్ని ముక్కు రంధ్రాల ద్వారా పీల్చి, నోటి ద్వారా మాత్రమే బయటకు వదులుతారు. దీని వల్ల శ్లేష్మం తొలిగి ముక్కు, గొంతులోని చికాకు తగ్గి అత్యంత రిలీఫ్‌గా ఉంటుందట. ముఖ్యంగా జ్ఞానేంద్రియాలు చురుగ్గా ఉండేందుకు ఉపకరిస్తుందట. View this post on Instagram A post shared by Travel, Romance, Smiles (@shenaztreasury) (చదవండి: ఆ చీరే మా ప్రాణాలను రక్షించింది..! నేపాల్‌ జలప్రళయంలో ఓ అద్భుతం..)

ఐరోపాలోని స్విట్జర్లాండ్, ఆస్ట్రియా మధ్య ఉన్న చిన్న దేశం లీచెన్‌ స్టీన్‌ . ఈ దేశం సైజు హైదరాబాద్‌ నగరం కన్నా చిన్నదే. జనాభా కూడా 40 వేల వరకు ఉంటుంది. అయినా తలసరి ఆదాయం విషయంలో మాత్రం ప్రపంచంలోని ఎన్నో పెద్ద దేశాలను వెనక్కి నెట్టేసింది ఈ ఈ చిన్న దేశం.లిచీన్‌ స్టీన్‌ మొత్తం విస్తీర్ణం సుమారు 160 చదరపు కిలోమీటర్లు మాత్రమే.విమానాశ్రయం లేదులీచెన్‌ స్టీన్‌ గురించి ఆసక్తికరంగా చెప్పుకునే విషయాల్లో ఒకటి.. ఈ దేశానికి సొంత అంతర్జాతీయ విమానాశ్రయం లేదు. లీచెన్‌ స్టీన్‌ కు ప్రయాణించే వారు స్విట్జర్లాండ్‌లోని జ్యూరిక్‌ విమానాశ్రయం, జర్మనీలోని మ్యూనిక్‌ ఎయిర్‌పోర్ట్‌ చేరుకుని అక్కడి నుంచి ఇక్కడికి చేరుకుంటారు.ప్రతీ దేశంలో ఒక్కటైనా విమానాశ్రయం ఉంటుంది కదాందీనికి ఎందుకు లేదు అనే చాలా మంది సందేహం. దీనికి కారణం ఇక్కడ ఫ్లాట్‌ ల్యాండ్‌ తక్కువ. అంత పెద్ద విమానాశ్రయం కట్టడానికి సరైన చోటు కూడా లేదు. అందుకే పక్క దేశం ఎయిర్‌పోర్టును వినియోగిస్తారు.సొంత సైన్యం లేదుమరో ప్రత్యేకత.. లీచెన్‌ స్టీన్‌ కు సొంత సైన్యం లేదు. 1866లో జరిగిన ఆస్ట్రో–ప్రష్యన్‌ యుద్ధం సమయంలో లీచెన్‌ స్టీన్‌ తన సైనిక దళాన్ని చివరిసారిగా ఉపయోగించింది. తరువాత సైన్యాన్ని శాశ్వతంగా ఉపసంహరించుకుంది. అయితే భూమిపై ఇలా ఆర్మీ లేని దేశాలు చాలా ఉన్నాయి.స్విట్జర్లాండ్, ఆస్ట్రియా వంటి పొరుగు దేశాలతో సన్నిహిత సంబంధాలు ఉండటంతో ఎప్పుడైనా ఆర్మీ అవసరం పడినా ఆ దేశాలు చూసుకుంటాయి. ఆర్మీ లేదు కానీ ఇక్కడి పోలిస్‌ వ్యవస్థ చాలా స్ట్రాంగ్‌గా ఉంటుంది.సొంత కరెన్సీ లేదుకరెన్సీ విషయంలోనూ లీచెన్‌ స్టీన్‌ కు ప్రత్యేకత ఉంది. పొరుగుదేశం అయిన స్విట్జర్లాండ్‌తో ఒక ఒప్పందం చేసుకున్న ఈ చిన్ని దేశం వాళ్ల కరెన్సీనే తమ కరెన్సీగా చెలామణి చేస్తోంది. 1921 నుంచి స్విస్‌ ఫ్రాంక్‌ను ఉపయోగిస్తున్న ఈ దేశం, 1980లో స్విట్జర్లాండ్‌తో కరెన్సీ ఒప్పందాన్ని కుదుర్చుకుంది.వజ్రంలాంటి ఎకానమీవజ్రం సైజు చిన్నదే అయినా దాని వెల ఎక్కువగా ఉంటుంది కదా..అలాగే ఈ దేశం చిన్నదే అయినా దీని ఆర్థిక వ్యవస్థ చాలా పెద్దది. ప్రపంచ బ్యాంకు గణాంకాల ప్రకారం ఈ దేశ జీడిపి 2,20,000 డాలర్లు. అదే మన భారత్‌ విషయానికి వస్తే జీడిపి 2,700 డాలర్లుగా ఉంది. అంటే మన దేశ జీడిపీ కన్నా ఈ దేశ జీడిపి 81 రెట్లు ఎక్కువ. అందుకే ఇది ప్రపంచ సంపన్న దేశాల్లో ఒకటిగా ఉంది.బిజినెస్‌ సెంటర్‌ చిన్న దేశమైనప్పటికీ వ్యాపార రంగంలో లీచెన్‌ స్టీన్‌ కు మంచి పేరు ఉంది. దేశంలో వేలాది కంపెనీలు రిజిస్టర్‌ అయ్యాయి. మెడికల్, డెంటల్‌ టెక్నాలజీ, ప్రెసిషన్‌ మాన్యుఫ్యాక్చరింగ్, ఇండస్ట్రియల్‌ ఉత్పత్తులు, ఫైనాన్షియల్‌ సర్వీసెస్‌ ఇక్కడి ఆర్థిక వ్యవస్థను దూసుకెళ్లేలా చేశాయి.పొరుగుదేశం అయిన స్విట్జర్లాండ్, ఆస్ట్రియా నుంచి ప్రతిరోజూ చాలా మంది లీచెన్‌ స్టీన్‌ కు వచ్చి వెళ్తారు. 50 శాతం కన్నా ఎక్కువ ఉద్యోగాలు ఈ రెండు దేశాల ప్రజలే చేస్తారు .

నేపాల్‌లోని భోటేకోశి నదీ పరివాహక ప్రాంతంలో సంభవించిన జలప్రళయం వందలాది కుటుంబాల్లో అంతులేని విషాదాన్ని మిగిల్చి..శోకసద్రంలోకి నెట్టేసింది. ప్రస్తుతం అక్కడ బురదతో..తమ వాళ్ల ఆచూకీ కోసం ఆత్రంగా ఎదురు చూసే అశ్రుధారతో మిన్నంటే ఘోష కనిపిస్తోంది. ఇలాంటి విషాదకరఘటనలో కొన్ని అద్భుత సంఘటనలు మనకు మానవత్వంపై ఆశ, దేవుడిపై నమ్మకాన్ని రేకెత్తించేలా చోటు చేసుకుంటాయి. అలాంటి అపురూప ఘటనే మానసరోవర యాత్ర కోసం వచ్చిన యాత్రికులకు ఎదురైంది.అసలేం జరిగిందంటే..నేపాల్‌ మానస సరోవర్‌యాత్ర కోసం వచ్చిన తమినాడు యాత్రికులు నేపాల్‌లో ఆకస్మికంగా సంభవించిన వరద బీభత్సంలో చిక్కుకున్నారు. అయితే ఈవిషాదం నుంచి బయటపడ్డ 21 మంది యాత్రికులు చెన్నై చేరుకున్నాక..తామెలా బయటపడ్డామో తమ ప్రాణాలను ఎలా రక్షించుకున్నామో కళ్లకు కట్టినట్లుగా వివరించారు. అది అద్భుతం లేక అదృష్టం అనాలో అర్థకావడం లేదు ఇంకా మా కళ్లముందు ఆ మృత్యు ఘోష కనబడుతూనే ఉందని ఆవేదనగా నాటి ఘటన గురించి ఆ బృందంలోని ఒక యాత్రికురాలు ఇలా చెప్పుకొచ్చింది. నేపాల్-చైనా సరిహద్దు వైపు రసువా జిల్లా గుండా మొత్తం మూడు బస్సుల్లో ప్రయాణిస్తున్న 57 మంది సభ్యుల బృందంలో ప్రాణాలతో బయటపడ్డ 21 మంది ఉన్నట్లు తెలిపారామె. కుంభకోణానికి చెందిన ఒక ట్రావెల్ ఏజెన్సీ ఏర్పాటు చేసిన కైలాశ్‌ మానసరోవర్ యాత్రలో తాము భాగమైనట్లు వెల్లడించారు. అయితే ఆగస్టు 26న, తమ బృందం శ్యాబ్రుబేసి నుంచి చైనా ఇమ్మిగ్రేషన్ పాయింట్ వైపు ప్రయాణిస్తుండగా, అకస్మాత్తుగా పరిసరాలు మారిపోయాయని, దుమ్ము మేఘాన్ని చూశామని నాటి విషాదాన్ని గుర్తు చేసుకుందామె. ఆ తర్వాత ఒక భయంకరమైన శబ్దం వినిపించింది. అది అచ్చం బాంబు పేలుడు లాంటి శబ్దమని, ఆ తర్వాత కొద్దిసేపటికే తమ వాహనం చుట్టూ రాళ్లు పడటం ప్రారంభమయ్యాయని చెప్పుకొచ్చారు. అయితే నేపాలీ డ్రైవర్‌ మమల్ని అప్రమత్తం చేసి తక్షణమే బస్సు దిగి వెళ్లిపోవాల్సిందిగా సూచించడంతో తాము పక్కనే ఉన్న పర్వతంపైకి ఎక్కే ప్రయత్నం చేసినట్లు చెప్పుకొచ్చింది ఆ యాత్రికురాలు. అయితే తమ బృందంలోని మగవాళ్లంతా పర్వత శిఖరం పైకి సులభంగా వెళ్లిపోగలిగారు గానీ, మహిళలు మాత్రం అస్సలు పర్వతం ఎక్కలేకపోయారని చెప్పుకొచ్చింది. ఎందుకంటే బురద, ఆ శిఖరం వాలు అత్యంత భయానకంగా ఉండటంతో ఎక్కడం కష్టమై జారిపోయామని తెలిపింది. అయితే తమ బృందంలోని ఒక మహిళ చీరవిప్పేసి, ఒక కేబుల్‌ వైర్‌కి అనుసంధానించి వదలడంతో..దాని సాయంతో తాము బయటపడ్డామని కన్నీటి పర్యంతమైందామె. ఆ మహిళ స్వెటర్‌ ధరించి చీర విప్పేసి తమకోసం ఇచ్చినట్లు తెలిపింది. నిజానికి ఆ మహిళ ఆ ధైర్యం చేసి ఉండకపోతే ఈ రోజు ప్రాణాలతో ఉండేవాళ్లం కాదని గద్గద స్వరంతో చెప్పుకొచ్చిందామె. అంతేగాదు ఆ భయానక పరిస్థితుల్లో ఆ చీర తమకు ప్రాణదాతగా మారిందంటూ నాటి విషాద పరిస్థితిని వివరించారామె. కాగా, మొత్తం 57 మంది యాత్రికుల్లో కేవలం 21 మంది మాత్రమే ప్రాణాలతో బయటపడగా మిగతా 36 మంది ఆచూకీ కానరాలేదు. అలాగే ఈ విపత్తు సమయంలో సరిహద్దు చైనా వైపున ఉన్న గిరోంగ్ పోర్ట్ ప్రాంతంలో చెన్నైకి చెందిన మరో 49 మంది యాత్రికుల ఆచూకీ కూడా తెలియరాలేదని సమాచారం. View this post on Instagram A post shared by BBC News Hindi (@bbchindi) (చదవండి: 65 ఏళ్ల వయసులో టిఫిన్‌ సర్వీస్! ఇవాళ ఏకంగా రూ. 2.5 కోట్లు..)

బరువు తగ్గడం కోసం ఒక్కోక్కరూ ఒక్కో విధానాన్ని అనుసరిస్తూ ఉంటారు. వాళ్ల శారీరక ఆరోగ్యం, వ్యాధి నిరోధక శక్తి అనుగుణంగా డైట్‌, వ్యాయామాలు ఉంటాయి. అయితే బాలీవుడ్‌ ప్రముఖ నటుడు రాజ్‌కుమార్‌ రావు మాత్రం కావాలనుకుంటే బరువు పెరగగలడు, స్లిమ్‌గా మారిపోగలడు. ఒక పాత్ర కోసం శారీరక మార్పులతో సహా తనను తాను పూర్తిగా మార్చుకోగల నటుడు. ఆయన సుభాష్‌చద్రబోస్‌ జీవితం ఆధారంగా తెరకెక్కిన 2017 నాటి వెబ్ సిరీస్ 'బోస్: డెడ్/అలైవ్' (Bose: Dead/Alive) కోసం ఈ నటుడు 13 కిలోల బరువు పెరిగాడు, ఆ తర్వాత ఏడాదే 2018లో విడుదలైన 'ఫన్నీ ఖాన్' (Fanney Khan) చిత్రం కోసం ఒక్కనెలలో ఏకంగా పది కిలోల బరువు తగ్గారు. తాను బోస్‌ వెబ్ సిరీస్‌ తర్వాత బరువు తగ్గించుకోవాల్సి ఉంటుందని తనకు ముందే తెలుసని, అందుకేనే అల్పాహార, మధ్యాహ్న భోజనం మానేశానని అన్నారు. ఇలా చేస్తే బరువు తగ్గగలమా అంటే..ఇది అత్యంత కష్టమైన విధానం. ఎందుకంటే ఉదయాన్నే అల్పాహారం, మధ్యాహ్న భోజనం మానేసి, ఉండటం అంటే..శరీరాన్ని చాలా కష్టబెట్టడమే కాకుండా బలహీన పడే అవకాశాలు ఎక్కువ. కానీ రాజ్‌ కుమార్‌ మాత్రం తాను నేరుగా రాత్రి భోజనం మాత్రమే చేస్తానని, అది కూడా ప్రోటీన్‌ కలిగిన ఆహారం తీసుకుంటానని అన్నారు. మరి ఉదయం ఎలాంటి ఆహారం లేకుండా ఎలా ఉండగలరంటే..నిరంతరం పనిలో ఉంటాను కాబట్టి ఆకలి బాధ అంతగా అనిపించదని చెబుతున్నారు. అలాగే వ్యాయామాలు విషయానికొస్తే..ప్రతిరోజూ కనీసం మూడు గంటల పాటు కార్డియో, స్ట్రెంత్‌ ట్రైనింగ్‌ చేస్తానని అన్నారు. దీపావలి వంటి పండుగ సమయాల్లో నోరు చాలా కట్టడి చేసుకుంటానని, ఎందుకంటే ఫిట్‌గా ఉండటమే తన ప్రధాన లక్ష్యం కాబట్టి అని చెబుతున్నారు రాజ్‌కుమార్‌. ప్రస్తుతం భారత మాజీ క్రికెట్ కెప్టెన్ సౌరవ్ గంగూలీ జీవిత చరిత్ర ఆధారంగా తెరకెక్కుతున్న 'దాదా' (Dada) మూవీలో కనిపించనున్నారు రాజ్‌కుమార్‌. ఈ మూవీ ఫస్ట్‌ లుక్‌ని గంగూలీ 54వ పుట్టినరోజు సందర్భంగా విడుదల చేశారు.మైదానంలోకి పరిగెత్తే ముందు షర్ట్ లేకుండా తన ఇండియా జెర్సీని ఊపుతూ గంగూలీ కనిపించడం క్రికెట్ చరిత్రలోనే అత్యంత చిరస్మరణీయమైన క్షణాలలో ఒకటి. అలాంటి క్షణాన్ని పోస్టర్‌ ఫస్ట్‌లుక్‌గా విడుదల చేసింది చిత్ర బృందం. కాగా, రాజ్‌ కుమార్‌ అనుసరించే డైట్‌ విధానం సరైనదేనా అంటే..అల్పాహార, మధ్యాహ్న భోజనం మానేస్తే..దీర్ఘకాలంలో ఇది శరీరంపై తీవ్రమైన ప్రతికూల ప్రభావాలను చూపిస్తుంది. పైగా, బరువు తగ్గడానికి బదులు మరింత బరువు పెరిగే ప్రమాదం ఉందని చెబుతున్నారు ఆరోగ్య నిపుణులు. ఎందుకంటే భోజనం అన్నేసి గంటలు తీసుకోకపోతే శరీరం "సర్వైవల్ మోడ్" (ఆకలి మోడ్) లోకి వెళ్తుంది. శక్తిని ఆదా చేయడానికి శరీరం కేలరీలను ఖర్చు చేయడం తగ్గించి, ఫ్యాట్‌ను ఎక్కువగా నిల్వ ఉంచుకుంటుంది. దీనివల్ల మెటబాలిజం రేటు దారుణంగా పడిపోతుందని హెచ్చరిస్తున్నారు ఆరోగ్య నిపుణులు. పైగా ఆకలి ఎక్కువ వేసి..నియంత్రణ కోల్పోయేలా ఎక్కువగా తినేసే ప్రమాదం ఉందని హెచ్చరిస్తున్నారు. దీని వల్ల బరువు పెరిగే అవకాశాలే ఎక్కువగా ఉంటాయని అంటున్నారు. అలాగే శరీరం ఆహారం లభించనప్పుడు కొవ్వుని మాత్రమే గాక శక్తి కోసం కండరాలను కూడా కరిగించేలా చేస్తుంది. కండరాలు తగ్గితే శరీరం బలహీనపడి ఇతర ఆరోగ్య సమస్యలు వచ్చే ప్రమాదం ఉందని చెబుతున్నారు వైద్యులు. అదీగాక రక్తంలో చక్కెర స్థాయిలు తగ్గడం వల్ల నీరసం, తలతిరగడం, మూడ్ స్వింగ్స్, ఏకాగ్రత లోపించడం వంటివి జరుగుతాయి. ఒక్కోసారి పోషకాహార లోపం, గ్యాస్ట్రిక్‌ సమస్యలకు దారితీసే ప్రమాదం కూడా లేకపోలేదని హెచ్చరిస్తున్నారు ఆరోగ్య నిపుణులు. దానికి బదులుగా కేలరీలు తక్కువగా ఉండే పోషకాహారం, ఫైబర్‌ ఉండే పదార్థాలు తీసుకునేలా కేర్‌ తీసుకుంటే ఆకలిని నియంత్రించ గలుగుతాం. ఆ తర్వాత ఫైబర్‌ అధికంగా ఉండే ఫుడ్‌​కి ప్రాధాన్యతి స్తే కడుపునిండిన అనుభూతిని పొందడమే కాకుండా ఇతర ఆహారాల జోలికి వెళ్లరని చెబుతున్నారు. దీంతోపాటు వ్యాయామాలు, వాకింగ్‌ వంటివి క్రమం తప్పకుండా చేస్తే ఆరోగ్యకరంగా బరువు తగ్గడమే కాకుండా మళ్లీ యథావిధిగా పెరిగే అవకాశాలు తగ్గుతాయని చెబుతున్నారు ఆరోగ్య నిపుణులు. గమనిక: ఇది కేవలం అవగాహన కోసం మాత్రమే ఇచ్చాం. పూర్తి వివరాలకు వ్యక్తిగత వైద్యులు లేదా నిపుణులను సంప్రదించడం ఉత్తమం. (చదవండి: 67 నుంచి 57 కిలోలకు..! ఆ అలవాట్లకు గుడ్‌బై..)

వర్షం కొన్ని ప్రదేశాలను మరింత అందంగా కనువిందు చేస్తుంది. డబుల్‌ బ్యూటీతో అలరించే ద్వీపాల సమూహమైన ఇండోనేషియా వర్షంలో కొత్త రంగులను పులుముకుంటుంది. మిగతా రోజుల్లో బాలి వెళ్లిన వాళ్లు వర్షాకాలంలో మరోసారి వెళ్లాల్సిందే అనుకుంటారు. చిరుజల్లులతో ఆకులపై నిలిచే చినుకులు, జారి నేలపై పడటం.. ఆలయ సమూహంలో నిలిచే నీరు.. ఇవన్నీ మణిరత్నం సినిమాలోని ఫ్రేమ్‌లా అనిపిస్తాయి.ఇండోనేషియా అంటే ఒక దేశం మాత్రమే కాదు. ఇది ఎన్నో ద్వీపాల సమూహం. ఏకంగా 17,380కు పైగా ద్వీపాలు ఉన్న ఈ దేశానికి ఒక వైపు సముద్రం ఉంటే మరోవైపు అగ్నిపర్వతాలు ఉంటాయి. ఇందులో బాలీ, జావా, లంబోక్‌ వంటి ద్వీపాలకు వెళ్లేందుకు చాలా మంది ఇష్టపడతారు. దీనికి కారణం ఇక్కడి బ్యూటీ అనేది సీజన్‌ ను బట్టి మారుతుంది.ఎలా వెళ్లాలి..బాలి ఎలా వెళ్లాలి అని చాలా మంది ఆన్‌ లైన్‌ లో సెర్చ్‌ చేస్తుంటారు. ఈ సమాచారం వారికి ఉపయోగపడుతుంది అనుకుంటున్నాం. ముందుగా హైదరాబాద్‌లోని శంషాబాద్‌ నుంచి ఈ డ్రీమ్‌ జర్నీ మొదలవుతుంది. కౌలాలంపూర్‌ లేదా సింగపూర్‌ మీదుగా సాగే ట్రిప్‌ మేఘాల సముద్రంలో పడవలో వెళ్తున్నట్టు అనిపిస్తుంది.అలాగే బాలిలోని న్గురా రాయ్‌ అంతర్జాతీయ విమానాశ్రయంలో దిగిన వెంటనే ఒక చల్లని గాలి వచ్చి హాయ్‌ అని పలకరిస్తుంది. ఇదే ఇండోనేషియా వెల్‌కమ్‌ చెప్పే స్టైల్‌. ఈ విమానాశ్రయం డెన్‌ పసార్‌ నగరానికి సమీపంలోని టుబాన్‌ ప్రాంతంలో ఉంది. ఎయిర్‌పోర్ట్‌ నుంచి ఉబుద్‌కు వెళ్లే సమయంలో సిటీ గజిబిజి నుంచి ప్రశాంతమైన పచ్చని పొలాల మధ్య ఈ ట్రాన్సిషన్‌ ఎంత స్మూత్‌గా జరుగుతుందో గమనించవచ్చు.విజయవాడలో ఉన్న వారు ఉదయానికి హైదరాబాద్‌ చేరుకుని అక్కడి నుంచి జర్నీని ్రపారంభించవచ్చు. ఇక్కడ గుర్తుంచుకోవాల్సిన విషయం ఏంటంటే ప్రయాణం అంటే గమ్యస్థానానికి చేరుకోవడమే కాదు.. ఆ ప్రయాణాన్ని ఎంజాయ్‌ చేయడమే.ఆసక్తికరమైన విషయాలు..2024 గణాంకాల ప్రకారం ఇండోనేషియాలో17,380 ద్వీపాలు ఉన్నాయి.బాలీ రాజధాని డెన్‌ పసార్‌. బాలీకి వచ్చే అంతర్జాతీయ పర్యాటకులకు న్గురా రాయ్‌ అంతర్జాతీయ విమానాశ్రయం ప్రధాన ప్రవేశ ద్వారం.ఉబుద్‌ బాలీ కళలు, సంప్రదాయాలు, సంస్కతికి ప్రసిద్ధి చెందిన ప్రాంతం.జటిలువిహ్‌ వరి పొలాలు బాలీ యూనెస్కో గుర్తించి కల్చరల్‌ ల్యాండ్‌స్కేప్‌లో భాగం.ప్రపంచంలోనే అతిపెద్ద బల్లి జాతి అయిన కొమోడో డ్రాగన్‌ ఇండోనేషియాలోనే కనిపిస్తుంది.ఏం తినాలి..చాలా మంది ఫుడ్‌ లవర్స్‌ ఇండోనేషియా వెళ్లే ముందు అక్కడ మంచి ఫుడ్‌ లభిస్తుందా లేదా అని ఆలోచిస్తారు. వారిని ఇండోనేషియా అస్సలు డిస΄్పాయింట్‌ చేయదు. ఎందుకంటే భోజనం కూడా ప్రయాణంలో ఒక భాగమే.నాసి గోరెంగ్‌ అనే ఫ్రై డ్‌ రైస్, నంచుకోవడానికి ఫ్రై డ్‌ ఎగ్స్, ఫ్లేవర్‌ కోసం కొద్దిగా మిరపకాయ, వెల్లుల్లి, టమోటోలను దంచి చేసిన రోటి పచ్చడి లాంటి సాంబల్‌ ఇవన్నీ మన తెలుగు రుచులను గుర్తుచేస్తాయి. ముందు కాస్త కారంగా అనిపించినా, అరే టేస్ట్‌ బాగుంది అనిపిస్తుంది. రెండు రోజుల్లో అలవాటైపోతుంది.అలాగే చాలా మంది ఇండోనేషియాలో ఎంజాయ్‌ చేసే ఫస్ట్‌ డిష్‌ వచ్చేసి గడో గడో అనే లోకల్‌ రెసిపీ. దీనిని ఒక రెసిపీ అనడం కన్నా సలాడ్‌ అనడం బాగుంటుంది. ఇండోనేషియాలోని చాలా ప్రాంతాల్లో ఈ డిష్‌ లభిస్తుంది.ఏం చూడాలి..ఇండోనేషియాను కళ్లతో కాకుండా మనసుతో చూడాలి. కెమెరా కన్నులకు కాస్త విశ్రాంతిని ఇచ్చి అక్కడి లైఫ్‌ను ఎంజాయ్‌ చేయాలి. స్థానికంగా ఉండే సందర్శనీయ ప్రదేశాల్లో చాలా మంది తెలియకుండానే అక్కడి జటిలువిహ్‌ వరి పొలాలను కూడా యాడ్‌ చేసుకుంటారు. సూర్యుడి వెలుగును బట్టి అక్కడి పొలాల అందం మారిపోతుంది. అలాగే ఉబుద్‌లో కెచక్‌ డ్యాన్‌ ్స చూడటం, ప్రాంబనన్‌ దేవాలయ దర్శనం, లంబోక్‌ తీరంలో కూర్చొని ఇండోనేషియాను కొత్త కోణంలో చూడటం ఇలా ఎన్నో ΄్లాన్‌ చేసుకోవచ్చు.ఎక్కడ ఉండాలి..ఇండోనేషియా వెళ్తే బాలిని చూడాలి.. ఉబుద్‌లో ఉండాలి అనే సింపుల్‌ థియరీ గుర్తుంచుకోవాలి. ఉబుద్‌లో ఉండటానికి కారణం అక్కడి ప్రకతి. ఇక్కడ చెట్ల మధ్య కలపతో చేసిన జోగ్లో హౌస్‌లు ఒక స్పెషల్‌ అట్రాక్షన్‌ గా నిలుస్తాయి.వాటి ముందు చిన్న కొలను, చుట్టూ వరి చేలుం మార్నింగ్‌ లేవగానే బాల్కనీలో కూర్చుని.. ఆల్రెడీ తడిసిన పొలాలపై పడే వర్షాన్ని చూస్తూం కాఫీ లేదా చాయ్‌ సిప్‌ చేస్తుంటే వచ్చే ఫీలింగ్‌కు ఏం పేరు పెట్టగలమో చెప్పండి.ఒకవేళ మీరు సముద్రానికి దగ్గరగా ఉండాలి అనుకుంటే సనూర్, సెమిన్యాక్‌లో కూడా ΄్లాన్‌ చేసుకోవచ్చు. ఇక్కడి విల్లాల్లో ఉంటే ఒకవైపు సముద్రం హోరు, మరోవైపు వర్షపు జోరు రెండూ కలిస్తే వచ్చే మ్యూజిక్‌ ఒక మ్యాజిక్‌లా ఉంటుంది.యోగ్యకర్త అనే ప్రదేశంలో అయితే పాతకాలపు హోటళ్లు ఉంటాయి, గోడల మీద బటిక్‌ పెయింటింగ్స్, మూలల్లో చెక్క బొమ్మలు కనిపిస్తాయి. ఒక్కసారిగా రాజుల కాలంలోకి వెళ్లిపోయినట్టు అనిపిస్తుంది.యాత్ర, బడ్జెట్‌ వివరాలు..హైదరాబాద్‌ నుంచి ఐదు రోజుల బాలి ట్రిప్‌ కోసం సుమారు రూ.65 వేల నుంచి రూ.80 వేల వరకు ఖర్చు కావచ్చు. ఇందులో ఫుడ్, ఫ్లైట్, స్టే వంటి ఖర్చులు ఉంటాయి. కాస్త లగ్జరీగా ట్రావెల్‌ చేయాలి అనుకుంటే రూ.90 వేల నుంచి రూ.1 లక్షా 20 వేల వరకు, అల్ట్రా లగ్జరీ ట్రిప్‌కోసం రూ.1 లక్షా 50 వేల వరకు ఖర్చయ్యే అవకాశం ఉంది.హైదరాబాద్‌ నుంచి బాలి రిటర్న్‌ ఫ్లైట్‌ కాస్ట్‌ అనేది టికెట్‌ బుకింగ్‌ టైమ్, ఎయిర్‌లైన్‌ ను బట్టి మారుతుంది. విజయవాడ నుంచి బాలి వెళ్లాలి అనుకుంటి ఫ్లైట్‌ కాస్ట మరింత పెరిగే అవకాశం ఉంటుంది. స్టే విషయానికి వస్తే హోమ్‌స్టేలు, హోటల్స్‌ బడ్జెట్‌ నుంచి లగ్జరీ వరకు వివిధ ధరల్లో లభిస్తాయి.భారతీయులు బాలికి వెళ్లాలి అంటే ఆన్‌ అరైవల్‌ వీసా పొందవచ్చు. దీని కోసం 5 లక్షల ఇండోనేషియా రుపియాలు ఖర్చు అవుతాయి. ఈ వీసాతో 30 రోజుల వరకు ఇండోనేషియాలో ఉండవచ్చు. ఒకసారి మరో 30 రోజులు పొడిగించుకునే అవకాశం ఉంది– ఎం.జి. కిశోర్, ప్రయాణికుడు

అదొక చిన్న పట్టణం. ఆ పట్టణంలో నాలుగు వీధులు కలిసే చోట బాబా గుడి ఉంది. అక్కడికి ఓ భక్తురాలు ప్రతిరోజూ వచ్చేది. గుడి ముందర ఉన్న ఒక అంగట్లో పూలు కొనుక్కుని బాబాకి సమర్పించేది.అయితే కొన్ని రోజులుగా ఆ భక్తురాలు హడావుడిగా వచ్చి వెళ్లడం గమనించింది పువ్వులమ్మే మహిళ. అదును దొరికిన సమయాన కారణం అడిగింది. ‘మా ఇల్లొక స్వర్గం. మా ఇంట్లో ఆరు కేజీల బంగారం ఉంది. దాన్ని భద్రంగా చూసుకోవాలి’ అని చెప్పింది. పువ్వులమ్మి ఆశ్చర్యపోయింది. ‘ఎన్నో ఏళ్ళుగా పూల వ్యాపారం చేస్తున్నా కోడిగుడ్డంత బంగారం సమకూర్చుకోలేకపోయాము. ఈమె చాలా అదృష్టవంతురాలు. ఒకటి కాదు రెండు కాదు ఆరు కేజీల బంగారం ఇంట్లో పెట్టుకుని ఉంది’ అని ఈర‡్ష్య పడింది.‘నీవు ఇలాగే ఆలోచిస్తే కడుపుమంట, కడుపులో మంట రెండూ వస్తాయి. ఒకసారి వెళ్లి చూసి రా. నీ కడుపు మంట తగ్గుతుందని’ చక్కని సలహా ఇచ్చాడు భర్త.ఒకరోజు సాయంత్రం వీలు చూసుకుని ఆ భక్తురాలి ఇంటికి వెళ్ళింది. అది చిన్న పెంకుటిల్లు. ఆ ఇంటి ముందర కానుగ చెట్టుకింద భక్తురాలు ఆరు నెలల చిన్న పాపతో ఆడుకుంటూ కనిపించింది. పువ్వులమ్మిని చూసి నవ్వుతూ పలకరించి ఇంట్లోకి తీసుకెళ్ళింది. తన మనవరాలి గురించిన ముచ్చట్లు చెప్పడం ప్రారంభించింది భక్తురాలు. అంతా ఓపికగా విన్న పువ్వులమ్మి చివరిగా ‘మీ ఇంట్లో ఆరు కేజీల బంగారం ఉందని చె΄్పారు కదా. ఈ జన్మకి అంత బంగారం మేము సంపాదించలేము. కనీసం కళ్ళారా చూసి పోదామని వచ్చాను’ అని చెప్పింది.ఆ భక్తురాలు పడీపడీ నవ్వుతూ ‘నా చేతిలో ఉన్నది ఆరు కేజీల బంగారమే కదా!’ అని మనవరాలిని చూపింది. ఆశ్చర్యపోయింది పువ్వులమ్మి.‘మా శ్రీవారి కుటుంబంలో మూడు తరాలుగా ఆడపిల్లలే పుట్టలేదు. ఆరు నెలల ముందు మా కోడలు ఆడబిడ్డను ప్రసవించింది. పాప బరువు ఆరు కేజీలు కాబట్టి ఆరు కేజీల బంగారమని చె΄్పాను. ఇంట్లో ఆడ బిడ్డల కాలిగజ్జెల శబ్దం వినబడితే అదే కదా స్వర్గసీమ. ఆ ఆనందం కరువై వెయ్యి దేవుళ్ళకు మొక్కుకున్నాము. ఈసారి మా పూజ ఫలించింది. బంగారు కొండ మా ఇంటికి వచ్చింది’ అని చెప్పి తియ్యని లడ్డును పువ్వులమ్మి చేతికిచ్చింది. ‘ఆడబిడ్డలు లేని వారికి కదా తెలుస్తుంది ఆడబిడ్డల విలువ’ అనుకుంటూ అక్కడి నుంచి కదిలింది పువ్వులమ్మి.– ఆర్‌.సి. కృష్ణస్వామి రాజుఇవి చదవండి: ఒక్క వృద్ధుడి నమ్మకం.. మొత్తం గ్రామం తలరాతనే మార్చింది!

రామాపురం గ్రామం నిత్యం ΄ాడిపంటలతో సస్యశామలంగా ఉండేది. ఒక్కసారిగా ఊరిని కరవు కబళించింది. భూములు బీటలు వారాయి. పశువులు ఆవురావురంటూ ఆకలి కేకలు వేశాయి. నిండు బావులు అడుగంటాయి. కరవును ఎదుర్కోలేక గ్రామస్తులు వలసలు మొదలుపెట్టారు. అది గమనించిన ఓ బ్రాహ్మణుడు ఊరికి ఉత్తర దిక్కున ఉన్న రావిచెట్టు కింద ఉన్న నారాయణుడి శిలకు పూజలు చేయమని చెబుతాడు.ఆయన మాటలు విని గ్రామస్తులు ఉన్నంతలో నారాయణుడిని ఆరాధిస్తారు. ప్రతిరోజు పూజలు చేస్తారు. ఫలితం మాత్రం కనిపించదు. రోజులు గడుస్తున్నా.. గడ్డుకాలం గ్రామాన్ని వీడలేదు. అలసిన గ్రామ ప్రజలు పూజలను మొక్కుబడిగా మమ అనిపిస్తారు. కరువు అలవాటు కావడంతో కొందరు ఇళ్లకే పరిమితమవుతారు. భగవంతుడు ఉన్నాడా అనే సందేహంతో మళ్లీ వలసలు కొనసాగించారు.కానీ అదే గ్రామం లోని ఓ వృద్ధుడు బ్రహ్మయ్య మాత్రం పూజలు కొనసాగిస్తూనే ఉంటాడు. అలసట లేకుండా వర్షాలు పడతాయని ప్రతిరోజూ నారాయణు డిని ్ర΄ార్థిస్తూనే ఉంటాడు. తన భక్తిపై నమ్మకంతో పూజకు వెళ్లే క్రమంలో తాటాకుతో అల్లిన గొడుగును వెంట తీసుకువెళతాడు. అది చూసి గ్రామప్రజలు నవ్వేవారు. కానీ ఆయన మాత్రం బ్రాహ్మణుడు చెప్పిన నాటి నుంచి ప్రతిరోజూ నారాయణుడిని కొలుస్తూనే ఉన్నాడు. అలా కాలం గడుస్తుంటుంది.రోజూలానే బ్రహ్మయ్య నారాయణుడి సేవకు వెళ్లి పూలను శ్రీహరికి సమర్పించి వెనుతిరుగుతాడు. ఉన్నఫళంగా ఆకాశం మేఘావృతం అవుతుంది. క్షణాల్లో కారుమబ్బులు కమ్ముకొని చినుకులు పడడం మొదలవుతాయి. దీనిని గమనించిన వైకుంఠంలోని లక్ష్మీదేవి శ్రీమహావిష్ణువును ఇలా అడుగుతుంది... స్వామీ, గ్రామంలోని ప్రజలందరూ కలసి ఎన్నో రోజులు పూజించారు. కానీ.. మీరు బ్రహ్మయ్య భక్తికి మాత్రమే కరుణించడంలో ఆంతర్యం ఏమిటి? అని.అప్పుడు శ్రీమహావిష్ణువు ‘‘భగవంతుడు ఎప్పటికైనా కరుణిస్తాడని బ్రహ్మయ్య నమ్మడమే ఇందులోని ఆంతర్యం. బ్రహ్మయ్య అందరిలా కార్యాచరణ చేసి ఆగలేదు. ఆయన శ్రద్ధాభక్తికి నేను తన్మయం పొందాను. ముఖ్యంగా వర్షం పడుతుందన్న నమ్మకంతో రోజూ గొడుగు కూడా తెచ్చుకునేవాడు. ఆ నమ్మకానికి నేను కట్టుబడి ఉండకపోతే ఆ రావిచెట్టు కింద ఉంది నిజంగానే శిలే అనుకుంటాడు’’ అని బదులిచ్చాడు. భగవంతుడిని పూజించడం అంటే కార్యసాధన చేసి విజయం వరించే వరకూ నిలవడం అని గ్రామస్తులు గ్రహిస్తారు.– పంతాడి లోకరాజు, సాక్షి, మంగళగిరిఇవి కూడా చదవండి: ఒక్కరోజు భోజనం.. ఆరు నెలలు నిద్ర! కుంభకర్ణుడికి ఈ వరం ఎలా?

బరువు తగ్గడం అనేది ఎల్లప్పుడు కాస్త క్లిష్టమైనదే. కాకపోతే దాన్ని ఆస్వాదించేలా ఎంజాయ్‌ చేసేలా ప్లానే చేసుకుంటేనే తేలికగా బరువు తగ్గగలుగుతారనేది నిపుణుల మాట. ఎప్పుడు కఠికన ఆహార నియమాలు, వర్కౌట్లు మాత్రమే కాదు. సాధారణ అలవాట్లతో కూడా బరువు తగ్గడం సులభమే అని అంటోంది ఈ డైటీషియన్‌. తన బరువు తగ్గేందుకు ఆ అలవాట్లను దరిచేరనీయకపోవడం వల్లే సాధ్యమైందంటూ..అవేంటో సవివరంగా సోషల్‌ మీడియా వేదికగా పంచుకుంది.వార్దా అనే డైటీషియన్‌ తన వెయిట్‌లాస్‌ జర్నీని ఇన్‌స్టాగ్రామ్‌లో పంచుకున్నారు. తాను 67 కిలోల నుంచి 57 కిలోలకు తగ్గినట్లు వెల్లడించారు. అందుకోసం ఎనిమి అలవాట్లకు దూరంగా ఉన్నట్లు తెలిపారు. దూరంగా ఉన్న ఆ అలవాట్లు..చాలా వేగంగా తినడంతాను ఐదు నిమిషాల్లో భోజనం ముగించడం మానేసి, తినడానికి సుమారు 15-20 నిమిషాలు తీసుకోవడం ప్రారంభించానని వార్దా చెప్పారు. దీనివల్ల తక్కువ ఆహారంతోనే కడుపు నిండిన అనుభూతి కలిగిందన్నారు.రోటీ, అన్నం మానేయడంకార్బోహైడ్రేట్లను తొలగించడానికి బదులుగా, ఆమె ఆహార పరిమాణాన్ని నియంత్రించడంపై దృష్టి పెట్టినట్లు తెలిపారు. కొవ్వు తగ్గడం అంటే కేలరీల లోటు, అంతేగానీ కార్బోహైడ్రేట్లను పూర్తిగా తొలగించడం కాదని అంటోంది“పరిపూర్ణమైన ఆరోగ్యకరమైన ఆహారం” పాటించడంతాను ఎల్లప్పుడూ పరిపూర్ణంగా తినడానికి ప్రయత్నించలేదని అంటున్నారు. అతిగా తినడానికి దారితీసే స్టిక్ట్‌గా అనుసరించే డైట్‌ని ఫాలో అవ్వలేదని అన్నారు.ప్రతిరోజూ బరువును తనిఖీ చేసుకోవడంశరీర బరువులో నీరు, సోడియం, హార్మోన్ల కారణంగా మార్పులు రావచ్చని వార్దా పేర్కొన్నారు. రోజువారీ బరువు సంఖ్యలపై దృష్టి పెట్టడానికి బదులుగా, వారంతమే చెక్‌చేసేదాన్ని అని చెప్పారు.అంతులేని కార్డియో వ్యాయామాలు చేయడంఆమె ఎక్కువసేపు చేసే కార్డియో వ్యాయామాలపై ఆధారపడలేదు. దానికి బదులుగా,నడవడం, ఎక్కువ అడుగులు వేయడం, చురుకుగా ఉండటంతో సహా రోజువారీ కదలికలపై ఫోకస్‌ పెట్టినట్లు తెలిపారు.ఫ్యాట్ బర్నర్‌లు, డిటాక్స్ డ్రింక్స్‌ వాడటం..అలాంటి వాటికి దూరంగా ఉంటూ..ఎక్కువ సేపు కడుపు నిండుగా ఉండటానికి అవసరమైన ప్రోటీన్, సంపూర్ణ ఆహారాలపై దృష్టి పెట్టినట్లు తెలిపారు.అపరాధ భావంకి చోటు ఇవ్వకుండా..ఒకసారి అనారోగ్యకరమైన ఆహారం తీసుకున్నంత మాత్రాన మొత్తం వెయిట్‌లాస్‌ జర్నీ వేస్ట్‌ అయిందని భావించాల్సిన అవసరం లేదని అంటోంది. ఒక పూట తీసుకునే జంక్‌ఫుడ్‌ మీ ఆరోగ్య పురోగతికి అంతరాయం కాదని అంటున్నారామె.ఆకలి వేసేంత వరకు ఉండకుండా..రోజులో ముందుగా ఆకలితో ఉండటం కంటే..ముందుగానే కొద్దిగా కొద్దిగా తినేలా కేర్‌ తీసుకున్నట్లు తెలిపింది. ఎందుకుంటే విపరీతమైన ఆకలిలో తినే పరిమాణంపై నియంత్రణ ఉండదని అంటోంది. అలాగే సమతుల్య ఆహారమే తీసుకుంటానని పేర్కొంది. ఇంకెందుకు ఆలస్యం బరువు తగ్గే ప్రయత్నంలో ఉన్నట్లయితే, ఈ సాధారణ చిట్కాలను పాటించి చూడండి మరి..గమనిక: ఇది కేవలం అవగాహన కోసం మాత్రమే ఇచ్చాం. పూర్తి వివరాలకు వ్యక్తిగత వైద్యలు లేదా నిపుణులను సంప్రదించడం ఉత్తమం. (చదవండి: బరువు తగ్గడం ఇంత కష్టమా? నటి నిమిష సజయన్‌ వెయిట్‌లాస్‌ జర్నీ)

ఒక వ్యక్తి ఏక్‌ నిరంజన్‌లా ఒంటరిగా ఒక్కడే ఉండేవాడు ఆ దీవిలో. అలా ఏకాంతంగా ఒకటో రెండో ఏళ్లు కాదు ఏకంగా 16 ఏళ్లు ఒంటిరిగా జీవించాడు. కానీ అతడి అనూహ్య నిష్క్రమణ ఒక్కసారిగా ..ఆ ప్రాంతానికి అంతర్జాతీయ దృష్టిపడేలా గుర్తింపు రావడమే గాక దాని సంరక్షక బాధ్యతలను కూడా చేపట్టడం విశేషం. ఆ ఒక్కడి ఒంటరి జీవనం గుర్తింపుకి ఎలా దారితీసిందంటే..న్యూజిలాండ్‌కి చెందిన టామ్‌ నీల్‌ అనే నేవికుడు రారోటోంగాకు ఉత్తరాన సుమారు 1,300 కిలోమీటర్ల దూరంలో ఉన్న పగడపు అటాల్, సువారోలో ఏకాంతంగా నివశించాడు. 1902లో వెల్లింగ్‌టన్‌లో జన్మించిన నీల్‌ రాయల్‌ న్యూజిలాండ్‌ నేవీవలో చేరారు. అయితే పసిఫిక్‌ చుట్టూ స్వతంత్రంగా ప్రయాణించే నిమిత్తం తన కాంట్రాక్టుని రద్దు చేసుకున్నాడు. తదనంతరం అనేక ద్వీపాలలో వ్యాపారిగా, దుకాణదారుడుగా పనిచేశారు. అయితే ఒక అమెరికన్‌ రచయిత రాబర్ట్‌ డీన్‌ ఫ్రిస్బీనిని కలిశాక అతడి జీవితమే అనూహ్య మలుపు తిరిగింది. ఎందుకంటే అతడు చెప్పే కథల్లో సువారో, అటాల్‌ మారుమూల ప్రాంతాల గురించి అక్కడి ప్రశాంతమైన జీవితం గురించి వినడంతో అక్కడకి వెళ్లాలనే కుతూహలం కలిగింది నీల్‌కి. అయితే యుద్ధకాల తీరప్రాంత పర్యవేక్షకులకు సామాగ్రిని అందజేస్తున్నప్పుడు నీల్ మొదటిసారిగా 1945లో సువారోను సందర్శించారు. అక్కడి చిన్న పగడపు దిబ్బ ఆయన్ను ఎంతాగనో ఆకర్షించింది. అక్కడ నివశించడానికి అనుమతి పొంది మరి అక్కేడ ఏళ్ల తరబడి గడిపాడు. అక్టోబర్ 1952లో, నీల్ రెండు పిల్లులు, ఒక రేడియో, కొన్ని పనిముట్లు, ప్రాథమిక సామాగ్రితో ఆ నిర్జన అటాల్‌కు చేరుకున్నాడు. అయితే అక్కడ ఉన్న సమయంలో పాడుబడిన గుడిసెలను బాగుచేయడం, కూరగాయలు పండించడం, కోళ్లను పెంచడం వంటివి చేశాడు. అయితే ఆహారం కోసం ప్రధానంగా చేపలు, బ్రెడ్‌ఫ్రూట్‌, కొబ్బరి పీతలపై ఆధారపడేవాడు. అంతేగాదు తాను ఆధునిక సమాజాన్ని ఎందుకు విడిచిపెట్టాలని నిర్ణయించుకున్నాడో వివరిస్తూ..తన ఆత్మకథలో ఇలా రాశారు. తాను పసిఫిక్ దీవులలో నివసించడానికి ఎంచుకున్నాను, ఎందుకంటే అక్కడి జీవితం ఒక ప్రత్యేకమైన వేగంతో సాగుతుంది. బహుశా ఇలా జీవించాలనే ఏర్పాటు చేసి ఉంటాడు దేవుడు మనం వేరుగా జీవిస్తున్నాం అని అంటుంటాడు నీల్‌. అయితే నీల్‌ ఏకాంత జీవితం వివిధ ఆరోగ్య సమస్యల కారణంగా నిష్క్రమణకు దారితీసింది. అ‍క్కడ ఉన్నప్పుడే తీవ్రమైన వెన్నుగాయం బారినపడ్డాడు, ఆతర్వాత కొన్నాళ్లకు కడుపు కేన్సర్‌ బారినపడి 1977 మార్చిలో సువారోను శాశ్వతంగా విడిచిపెట్టాడు. చివరికి 75 ఏళ్ల వయసులో రారోటోంగాలో మరణించాడు. అయితే అతడు మరణించిన ఏడాది తర్వాత కుక్ దీవుల ప్రభుత్వం అతను నివసించిన అటోల్ సహజ పర్యావరణాన్ని పరిరక్షించడానికి చర్యలు చేపట్టింది. 1978లో మొత్తం అటోల్‌, దాని చుట్ట ఉన్న పగడపు దిబ్బతో సహా ఆరు కిలోమీటర్ల సముద్ర ప్రాంతాన్ని ఆ దేశపు తొలి జాతీయ ఉద్యానవన పక్షి సంరక్షణ కేంద్రంగా ప్రకటించింది. నేషనల్ లైబ్రరీ ఆఫ్ న్యూజిలాండ్ అండ్‌ కుక్ ఐలాండ్స్ నేషనల్ ఎన్విరాన్‌మెంట్ సర్వీస్ అధికారిక పర్యావరణ రికార్డులు సువారోను కీలకమైన పర్యావరణ సంరక్షణ కేంద్రంగా వర్ణిస్తాయి. అంతేగాదు ఎవరైన దీన్ని సందర్శించాలనుకుంటే కఠినమైన నియమ నిబంధనలను పాటించాల్సిందేనట. అంతేగాదు నౌకలు ఇక్కడికి చేరుకోక ముందే అనుమతి తప్పనిసరి అట. అంతేగాదు నీల్‌ నివశించిన గుడిసెను సీజనల్‌ పార్క్‌ సంరక్షకులు భద్రపరిచి..అటుగా వచ్చే నావికులు, పడవ నడిపే వారికోసం గ్రంథాలయంగా మార్చారట. అంతేగాదు నీల్‌కి నివాళిగా అక్కడ ఆయన కాంక్రీట్‌ విగ్రహం కూడా ఏర్పాటు చేసింది. ఇక్కడ విచిత్రం ఏంటంటే..నీల్‌ ఏకాంత జీవనం గడపాలనే ఉద్దేశ్యంతో సువారోకు రావడంతో దాని సహజ సౌందర్యంపై అంతర్జాతీయ దృష్టిపడి దాన్ని సంరక్షించుకునే దిశగా అడుగులు వేశాయి అక్కడి ప్రభుత్వాలు.(చదవండి: నాలుగేళ్ల వయసుకే రచయిత్రిగా..ఏకంగా రెండు గిన్నిస్‌ రికార్డులు!)