సాక్షి, రాప్తాడు: అనంతపురం జిల్లాలో తీవ్ర కలకలం రేపిన ‘నయా హనీట్రాప్‌’ దందాపై పోలీసు­లు ఉచ్చు బిగిస్తున్నారు. సూత్రధారులు, పాత్రధా­రులతో పాటు వారికి సహకరించిన పోలీసు అధికారులు, సిబ్బందిపై కఠిన చర్యలు తీసుకునేందుకు ఉన్నతాధికారులు సిద్ధమయ్యారు. ఇక, హానీట్రాప్ కేసులో లెడీడాన్ రంగమ్మను అరెస్ట్ చేసి రిమాండ్‌కు తరలించారు. అలాగే, 10 మందిని అదుపులోకి తీసుకుని విచారిస్తున్నారు. కాగా, హానీట్రాప్‌ ముఠా.. మహిళను ఎరగా వేసి అమాయకుల నుంచి రెండు కోట్లు వసూలు చేసింది.జిల్లాలో హానీట్రాప్‌ వెలుగు­లోకి తేవడంతో ఈ దందాపై ఎస్పీ జగదీష్‌ కొరడా ఝళిపించారు. కొందరు బాధితులు నేరుగా ఎస్పీని కలిసి ఫిర్యాదులు చేయడంతో సమగ్ర విచారణకు ఆదేశించారు. రాప్తాడు సీఐ శ్రీహర్షకు హనీ ముఠా సభ్యులతో సత్సంబంధాలు ఉన్నట్లు గుర్తించారు. అలాగే బాధితుల ఫిర్యాదులపై కేసు నమోదులో అనంతపురం త్రీటౌన్‌ సీఐ రాజేంద్రనాథ్‌ యాదవ్‌ నిర్లక్ష్యంగా వ్యవహరించారు. వీరిద్దరినీ వీఆర్‌కు పంపుతూ బుధవారం డీఐజీ షిమోషీ ఉత్తర్వులు జారీ చేశారు.ఇంకా కొందరు పోలీసులు ముఠా సభ్యుల­తో సన్నిహితంగా ఉండడంతోపాటు బాధితులను బెదిరించారనే ఆరోపణలపై విచా­రణ కొన­సాగుతోంది. దాదాపు 10 మంది పోలీసులను సస్పెండ్‌ చేసే అవకాశం ఉందని పోలీసు వర్గాలు చెబుతున్నాయి. ముఠాలీడరుగా వ్యవ హరించిన రంగ­మ్మను అరెస్ట్‌ చేసి రిమాండ్‌కు తరలించారు. మరోవైపు ఎస్పీపై భరోసాతో బాధితులు పోలీస్‌స్టేషన్ల మెట్లు ఎక్కుతూ ఫిర్యాదులు చేస్తున్నారు.కవ్వించి.. కాటేస్తారు ముఠా లీడర్లు.. సమాజంలో గౌరవంగా జీవిస్తున్న వ్యక్తుల కుటుంబం, ఆర్థిక స్థితి, సామాజిక ప్రతిష్టలను గమనించి, బలహీనతలను అంచనా వేస్తారు. తర్వాత కొందరి మహిళలను రంగంలోకి దింపి, ఫోన్‌ కాల్స్, చాట్‌లతో పరిచయం పెంచి, నమ్మకం కలిగిస్తారు. తర్వాత ఇంటికి పిలుస్తారు. ఏకాంత సమయంలో ముఠా సభ్యులు రంగప్రవేశం చేస్తారు. అప్పటికే బాధితుడిని న్యూడ్‌గా ఉండేలా చేస్తారు. ఆయన ఫొటోలు, వీడియోలు రికార్డ్‌ చేస్తారు. అక్కడితో ఆగకుండా కథకు కొత్త మలుపు ఇస్తారు. తర్వాత ‘నీ వీడియోలు సోషల్‌ మీడియాలో పెడతాం. నీ కుటుంబాన్ని చంపేస్తాం’ అంటూ బెదిరింపులు మొదలవుతాయి. దీంతో బాధి తులు తీవ్ర భయాందోళనకు గురవుతారు. ఇదే అదనుగా బాధితుడి స్తోమతను బట్టి రూ.5 లక్షల నుంచి రూ.25 లక్షల వరకు వసూలు చేస్తారు.

ఆత్మకూరు: మండలంలోని కుర్లపల్లి వద్ద పేకాట ఆడుతున్న పలువురిని అరెస్ట్‌ చేసినట్లు పోలీసులు తెలిపారు. వివరాలను బుధవారం ఎస్‌ఐ గౌతమ్‌ వెల్లడించారు. అందిన సమాచారం మేరకు బుధవారం ఉదయం కుర్లపల్లి శివారు ప్రాంతాల్లో తనిఖీలు చేపట్టామన్నారు. ఆ సమయంలో ఓ తోట వద్ద పేకాట ఆడుతూ ఐదుగురు పట్టుబడ్డారన్నారు. వీరి నుంచి రూ.6,570 నగదు, ఐదు సెల్‌ఫోన్లు, 4 ద్విచక్ర వాహనాలు స్వాధీనం చేసుకుని, కేసు నమోదు చేసినట్లు వివరించారు. మహిళల భద్రతకు ‘సీ్త్ర రక్ష’ : ఎస్పీఅనంతపురం సెంట్రల్‌: మహిళా భద్రత కోసం ప్రత్యేకంగా రూపొందించిన శక్తియాప్‌, సీ్త్ర రక్ష పోర్టల్‌ను అందుబాటులోకి తీసుకు వచ్చినట్లు ఎస్పీ జగదీష్‌ తెలిపారు. బుధవారం పోలీసు కాన్ఫరెన్స్‌ హాల్‌లో మహిళలు, చిన్నారుల భద్రతపై ఏర్పాటు చేసిన అవగాహన సదస్సులో ఎస్పీ మాట్లాడారు. అత్యవసర పరిస్థితుల్లో ఈ యాప్‌లు బాధిత మహిళలకు రక్షణగా నిలుస్తాయన్నారు. చిన్నారులపై జరిగే నేరాలపై చట్టం కఠినంగా అమలవుతుందని హెచ్చరించారు. సైబర్‌ నేరాలు పెరుగుతున్న నేపథ్యంలో ప్రతి ఒక్కరూ అప్రమత్తంగా ఉండాలని సూచించారు. అనుమానస్పద కాల్స్‌ మెసేజ్‌లు, యాప్‌లకు దూరంగా ఉండాలని, వ్యక్తిగత సమాచారం ఎవరితోనూ పంచుకోరాదని తెలిపారు. కార్యక్రమంలో డీఎస్పీ శ్రీనివాసరావు, అనంతపురం బార్‌ అసోసియేషన్‌ అధ్యక్షురాలు పద్మజ, న్యాయవాది శశికళ, పలు కళాశాలల విద్యార్థినులు పాల్గొన్నారు. 25న పారిశ్రామిక వేత్తలకు శిక్షణ అనంతపురం టౌన్‌: మహిళా పారిశ్రామిక వేత్తలకు ఈ నెల 25న శిక్షణ ఇవ్వనున్నట్లు జిల్లా గ్రామీణాభివృద్ధి సంస్థ (డీఆర్‌డీఏ) ప్రాజెక్టు డైరెక్టర్‌ (పీడీ) శైలజ బుధవారం ఒక ప్రకటనలో తెలిపారు. ఇండియన్‌ ఇన్‌స్టిట్యూట్‌ ఆఫ్‌ ప్యాకింగ్‌ ఆధ్వర్యంలో అనంతపురం శివారు పంగల్‌ రోడ్డులోని టీటీడీసీ కార్యాలయంలో శిక్షణ ఉంటుందని పేర్కొన్నారు. జిల్లాలోని ఉన్న మహిళా పారిశ్రామిక వేత్తలు ఈఅవకాశాన్ని సద్వినియోగం చేసుకోవాలని కోరారు.

అనంతపురం కల్చరల్‌: సెల్‌ఫోన్‌ చేస్తున్న వింతలు, విడ్డూరాలతో అరచేతి లోనే సాహిత్యం విస్తృతంగా అందుబాటులోకి వచ్చింది. అయినా పుస్తకాలకున్న ప్రాముఖ్యత ఏమాత్రం తగ్గలేదు. వందల సంఖ్యలో నేటికీ వస్తూనే ఉన్నాయి. ప్రతి పుస్తకంలో అనుభవాలసారంతో జీవితాన్ని నిర్దేశించే లక్ష్యం దాగుంటుంది. మానసిక వికాసానికి దోహదపడే అలాంటి పుస్తకాలకు చరిత్ర పుటల్లో అందమైన స్థానాన్ని కల్పించారు. చదవటం, రాయడం, ప్రచురించడం, కాపీరైట్స్‌... తదితరాలను ప్రోత్సహించేందుకు ప్రతి ఏటా ఏప్రిల్‌ 23న పుస్తక దినోత్సవాన్ని నిర్వహించడం ఆనవాయితీగా వస్తోంది. ఈ క్రమంలో అంతర్జాతీయ పుస్తక దినోత్సవం సందర్భంగా పుస్తకానికి ఆదరణ తగ్గలేదని చాటే కార్యక్రమాలు గురువారం ఉమ్మడి జిల్లా వ్యాప్తంగా నిర్వహించనున్నారు. ఆ రోజే ఎందుకు? ప్రపంచ సాహిత్య శిఖరాల్లో అగ్రభాగాన నిలిచిన ‘డాన్‌ క్విక్సోట్‌’ నవల రచయిత, స్పెయిన్‌కు చెందిన మిగుల్‌ డె సెర్‌వాన్‌టెస్‌ పుట్టింది అక్టోబర్‌ 7 కాగా, ఏప్రిల్‌ 23న మరణించారు. ఈ క్రమంలో ఆయనకు గౌరవం ఇవ్వాలనే ఆలోచనతో ఆయన జయంతి నాడు పుస్తక దినోత్సవం జరపాలని ప్రముఖ స్పానిష్‌ రచయిత విసెంటే క్లావెల్‌ ఆండ్రెస్‌ ఆలోచన చేశాడు. అయితే విలియం షేక్స్‌పియర్‌, గార్సియాసా డి లా వేగా తదితర ఎందరో ప్రముఖ రచయితలు మరణించింది ఏప్రిల్‌ 23 కావడంతో అందరి జ్ఞాపకార్థం 1995, ఏప్రిల్‌ 23న యునైటెడ్‌ నేషన్స్‌ ఎడ్యుకేషనల్‌, సైంటిఫిక్‌ అండ్‌ కల్చరల్‌ ఆర్గనైజేషన్‌ (యునెస్కో) తొలిసారిగా ప్రపంచ పుస్తక దినోత్సవాన్ని నిర్వహించింది. అప్పటి నుంచి ఏటా ఏప్రిల్‌ 23న ప్రపంచ పుస్తక దినోత్సవాన్ని నిర్వహిస్తూ వస్తున్నారు. ఆదివారం వస్తే రచయితలకు పండుగే పుస్తకం చదివే వాళ్ల సంఖ్య తగ్గిపోతోందని పాత తరం వారంటున్నా దిగ్గజ రచయితలతో పాటూ యువ రచయితలు పోటీ పడి రచనలు సాగిస్తుండడం విశేషం. సాధారణ రచనలతో పాటూ అవార్డులు, రివార్డులందుకుంటున్న రచనలు ఇటీవల కోకొల్లలుగా ముద్రితమవుతున్నాయి. ఈ క్రమంలో ఆదివారం వచ్చిందంటే అనంతపురంలోని ఎన్జీఓ హోమ్‌, ప్రెస్‌క్లబ్‌లు పుస్తకావిష్కరణలకు సిద్దమవుతాయి. ఒకప్పుడు ఒకే రోజు రెండు మూడు పుస్తకాలు పాఠకుల ముందుకొచ్చేవి. ప్రత్యేక ప్రణాళిక, ఒప్పందం అనంతరం ఒక ఆదివారం ఒక్కటే అన్నట్లుగా నిర్ణయించుకోవడంతో ప్రతి ఆదివారమూ రచయితలకు, పుస్తక ప్రియులకు ఓ పండుగలా మారింది. ఆదరణలోనూ విభిన్నమే కాల్పనిక సాహిత్యం, ప్రబంధ సాహిత్యం, విప్లవ సాహిత్యం, ఆధునిక సాహిత్యం... ఇలా ఒకప్పుడు రాజ్యమేలిన నవలలు మళ్లీ ఇప్పుడు ఊపందుకుంటున్నాయి. అలాగే ఆధ్యాత్మిక, వ్యక్తిత్వ వికాస పుస్తకాలకూ తరగని ఆదరణ ఉంటోంది. ముఖ్యంగా యువ రచయితలు పెరుగుతుండడంతో కవిత్వంలో వస్తున్న పెనుమార్పులతో పుస్తకాదరణ పెరుగుతోంది. పుస్తక దినోత్సవం వచ్చేనాటికి పాఠశాలలకు, కళాశాలలకు సెలవులు వచ్చేస్తున్న నేపథ్యంలో పుస్తక పఠనం వైపు విద్యార్థులను మళ్లించాలని మేధావులంటున్నారు. నగరంలో ప్రతి ఆదివారమూ ఓ పుస్తకావిష్కరణేపుస్తకాలు మరో ప్రపంచానికి కిటికీ లాంటివి. ప్రతి పేజీతో మనకు కొత్త వ్యక్తులను, కొత్త సంస్కృతులను, కొత్త ఆలోచనలను పరిచయం చేస్తాయి. ఒక పుస్తకాన్ని మొదటిసారి చదివితో ఓ కొత్త స్నేహితుడిని సంపాదించుకున్నట్లు ఉంటుంది. అదే పుస్తకాన్ని మరోసారి చదివితే పాత స్నేహితుడిని కలుసుకున్న ఆనందం కలుగుతుంది. ఇంతటి ప్రాధాన్యత ఉన్న పుస్తకానికి చరిత్ర పుటల్లో ప్రత్యేకంగా ఓ రోజును కేటాయించారు. 1995 నుంచి ఏప్రిల్‌ 23న అంతర్జాతీయ పుస్తక దినోత్సవాన్ని జరుపుకోవడం ఆనవాయితీగా వస్తోంది. పఠనాసక్తి పెరిగింది కాలం ఎప్పుడూ ఒకేలా ఉండకపోవడం దాని స్వాభావిక లక్షణం. ఇంటర్నెట్‌ విపరీతంగా పెరిగిపోతున్న రోజుల్లోనూ మళ్లీ పుస్తక పఠనానికి ఆదరణ పెరుగుతుండడం ఆహ్వానించదగిన విషయం. లుక్‌ కల్చర్‌ నుంచి బుక్‌ కల్చర్‌ వైపుగా యువత పయనం సాగుతోంది. నేను రాసిన బుజ్జోని కల, ఒక కత్తుల వంతెన, అనంత రత్నాలు వంటి పుస్తకాలను అప్పటి కంటే ఇప్పుడే మళ్లీ అడిగి చదువుతుండడం ఆనందంగా ఉంది. మంచి కంటెంట్‌ ఉండే రచయితల పుస్తకాలకు ఆదరణ ఉంటోంది. – చంద్రశేఖరశాస్త్రి, స్పందన అనంత కవుల వేదిక సందర్భం ః నేడు అంతర్జాతీయ పుస్తక దినోత్సవం

అనంతపురం ఎడ్యుకేషన్‌: రెండు రోజుల క్రితం విడుదలైన జేఈఈ మెయిన్స్‌–2026 ఫలితాలు, ఇటీవల విడుదలైన ఇంటర్‌ ఫలితాల్లో అనంతపురంలోని కాగ్నిజెంట్‌ జూనియర్‌ కళాశాల విద్యార్థులు సత్తాచాటారు. దీంతో బుధవారం ఆ కళాశాలలో సంబరాలు చేసుకున్నారు. విద్యార్థుల తల్లిదండ్రులతో పాటు సంస్థ సీఈఓ ఎస్వీ రత్నాకర్‌ ప్రసాద్‌, డైరెక్టర్లు ఆలూరు సాంబశివారెడ్డి, జె.సాల్మన్‌రాజు, కె.నరేంద్ర రెడ్డి, కళాశాల అధ్యాపకులు హాజరయ్యారు. ఉత్తమ ఫలితాలు సాధించిన విద్యార్థులను ఆలూరు సాంబశివారెడ్డి సత్కరించారు. జేఈఈ మెయిన్స్‌లో జి.సుశాల్‌ ఆల్‌ ఇండియా ర్యాంక్‌ 168 సాధించగా, ఆర్‌ జస్వంత్‌ కుమార్‌ 262, ఎస్‌.తరుణ్‌ 1,088, ఎం. సాయిసహస్ర 1,479, ఎ.ప్రణవి 3,213, వి. మణిదీపిక 4,444, యు.నవీన్‌ 4,883, బి.జయవర్ధన్‌ 5,957, వీఎన్‌ శోభన్‌ 10,730, ఎ.సాయిశృతి 13,874, ఎన్‌.సాయి చరణ్‌ 14,414, బి విశ్వంత్‌రెడ్డి 15,127, పి.హాసిని 15,123, కె.తేజజ్యోతి 16,756 ర్యాంకులు సాధించారు. 90 పర్సంటైల్‌కు పైగా 29 మంది విద్యార్థులు సాధించారు. మొత్తం 33 మంది జేఈఈ అడ్వాన్స్‌డ్‌కు అర్హత సాధించారని రత్నాకర్‌ ప్రసాద్‌ తెలిపారు. సీనియర్‌ ఇంటర్‌ ఫలితాల్లోనూ 988 మార్కులతో ఎన్‌. విశిష్ట టాపర్‌గా నిలిచిందన్నారు. అలాగే 986 మార్కులతో ఎం రూపేష్‌, జి గ్రీష్మ, ఎం చేతన, ఎ.ప్రణవి మెరిసారన్నారు. 980 మార్కులకు పైగా 47 మంది, 950కు పైగా 91 మంది, 900కు పైగా 146 మంది విద్యార్థులు ఉత్తీర్ణత సాధించారన్నారు. జూనియర్‌ ఎంపీసీ విభాగంలో పి చైత్ర, కె.సాయి వర్షిత్‌, సి.పూజ, వి.రిషిత, డి.ప్రగతి చౌదరి 465 మార్కులు సాధించి టాపర్లుగా నిలిచారన్నారు. డి.జైలీల, కె.భవ్య తన్విస్‌ చరణ్‌, ఎం.జస్వంతి, డి.రజితేశ్వరి, ఎం.యోగేష్‌ రావు, జె.కెన్నిత్‌ సాల్మన్‌ 464 మార్కులు సాధించారన్నారు. 460 మార్కులకు పైగా 47 మంది, 450కు పైగా 100 మంది, 400కు పైగా 242 మంది విద్యార్థులు ప్రతిభ కనబరిచినట్లు వివరించారు. బైపీసీ విభాగంలో జి.పూజశ్రీ 448 మార్కులతో టాపర్‌గా నిలిచినట్లు పేర్కొన్నారు. కె.సాకేత్‌ నాయర్‌, వి.నిఖిలశ్రీ 447 మార్కులతో రెండో స్థానం దక్కించుకున్నారన్నారు. 440కు పైగా 11 మంది, 420కు పైగా 30 మంది, 390కు పైగా మార్కులతో 44 మంది విద్యార్థులు మంచి ఫలితాలు సాధించినట్లు తెలిపారు. భవిష్యత్తులో కాగ్నిజెంట్‌ను ఆదర్శవంతమైన జూనియర్‌ కళాశాలగా అభివృద్ధి చేస్తామని ఈ సందర్భంగా ఆలూరి సాంబశివారెడ్డి పేర్కొన్నారు.

గుత్తి: గుత్తి పట్టణంలో నకిలీ నోట్లు కలకలం రేపుతున్నాయి. నెల రోజులుగా నకిలీ నోట్ల చలామణి అవుతుండటంతో వ్యాపారులు, జనాలు బెంబేలెత్తి పోతున్నారు. అమృత్‌ సినిమా థియేటర్‌ ఎదురుగా హోటళ్లకు విచ్చేసిన కస్టమర్లు అల్పాహారం తిన్న తర్వాత బిల్లు చెల్లించారు. వారు ఇచ్చిన వంద రూపాయల నోట్లను హోటల్‌ నిర్వాహకులైన వలి, షారూక్‌, బాషా కొంతసేపటి తర్వాత గమనిస్తే నకిలీవని తేలడంతో ఆందోళనకు గురయ్యారు. రద్దీగా ఉండే హోటళ్లు, వ్యాపార సముదాయాలను టార్గెట్‌గా చేసుకుని నకిలీ నోట్లను చలామణి చేస్తున్నట్లుగా తెలుస్తోంది. ప్రాథమికంగా వాటిని గుర్తించలేకపోవడంతో వ్యాపారులు ఇబ్బందులు పడుతున్నారు. హోటల్‌ నిర్వాహకుడు షారూఖ్‌ మాట్లాడుతూ తన హోటల్‌లో టిఫిన్‌ చేసిన అనంతరం వ్యక్తి ఇచ్చిన రూ.100 నోటు నకిలీదని గుర్తించలేకపోయినట్లు తెలిపాడు. ఇలా మూడుసార్లు తాను మోసపోయానని వాపోయాడు. రెండు రోజుల క్రితం తనకూ ఓ కస్టమర్‌ రూ.100 నకిలీ నోటు ఇచ్చాడని మరో హోటల్‌ నిర్వాహకుడు వలి తెలిపాడు. సాయంత్రం డబ్బు లెక్కిస్తున్న సమయంలో అది దొంగ నోటని గుర్తించానన్నాడు. అధికారులు స్పందించి దొంగ నోట్ల చలామణిని అరికట్టాలని ప్రజలు కోరుతున్నారు.

● రెవెన్యూ అధికారులకు జేసీ విష్ణుచరణ్‌ ఆదేశం అనంతపురం అర్బన్‌: మ్యుటేషన్‌ కోసం రైతుల నుంచి అందిన దరఖాస్తులను నిర్ణీత వ్యవధిలో పరిష్కరించాలని రెవెన్యూ అధికారులను జాయింట్‌ కలెక్టర్‌ సి.విష్ణుచరణ్‌ రెవెన్యూ ఆదేశించారు. మ్యుటేషన్‌ దరఖాస్తుల పరిష్కారం, గ్యాస్‌ సిలెండర్ల పంపణీ, తదితర అంశాలపై బుధవారం తన క్యాంపు కార్యాలయం నుంచి ఆర్‌డీఓలు, తహసీల్దార్లు, సీఎస్‌డీటీలతో వీడియో కాన్ఫరెన్స్‌ ద్వారా జేసీ సమీక్షించారు. మ్యుటేషన్‌కు సంబంధించి పరిష్కార వేదిక, ఏపీ సేవా, మీ సేవా ద్వారా అందిన అభ్యర్థనలపై క్షేత్రస్థాయి సిబ్బందితో సమీక్షించాలన్నారు. 22ఏ, చుక్కల భూములకు సంబంధించిన ప్రతిపాదనలు నిర్ధిష్ట సమయంలో సిద్ధం చేసి ఆమోదం కోసం కలెక్టర్‌కు పంపించాలన్నారు. నాల్గో విడత రీసర్వే లో భాగంగా గ్రౌండ్‌ ట్రూథింగ్‌ పనులకు మొబైల్‌ అప్లికేషన్‌ ఇచ్చారన్నారు. సర్వే చేసేటప్పుడు సంబంధిత రైతులు హాజరయ్యేలా సమాచారం ఇచ్చి వారితో ఈకేవైసీ పూర్తి చేయాలన్నారు. వినియోగదారులకు ఎలాంటి ఇబ్బంది కలగకుండా వంట గ్యాస్‌ సిలిండర్ల సరఫరా జరిగేలా చర్యలు తీసుకోవాలని సీఎస్‌డీటీలను ఆదేశించారు. సిలిండర్ల అక్రమ నిల్వలు చేసిన వారిపై కఠిన చర్యలు తీసుకోవాలన్నారు. పట్టాదారు పాసు పుస్తకాల పంపిణీ ప్రక్రియలో ముందుగా డ్రాప్ట్‌ పట్టాదారు పుస్తకం ప్రింట్‌ తీసుకుని రైతులకు చూపించాలన్నారు. అందులో సవరణలు ఉంటే గుర్తించి, కరెక్షన్‌ మాడ్యూల్‌ ద్వారా మార్పులు చేర్పులతో కచ్చితమైన పాసుపుస్తకాలను రైతులకు అందించాలని ఆదేశించారు. వీసీలో డీఆర్‌ఓ ఎ.మలోల, కేఆర్‌ఆర్‌సీ డిప్యూటీ కలెక్టర్‌ అఖిల, సర్వే శాఖ ఏడీ విజయసారథి, డీఎస్‌ఓ వెంకటేశ్వర్లు, పౌర సరఫరాల జీఎం రమేష్‌రెడ్డి, తదితరులు పాల్గొన్నారు.

రైతు ఆదాయం పెంపే లక్ష్యం అనంతపురం అర్బన్‌: రైతులకు ఆదాయం పెంచడమే లక్ష్యంగా కార్యక్రమాలు చేపట్టాలని కలెక్టర్‌ ఆనంద్‌ అధికారులను ఆదేశించారు. బుధవారం కలెక్టరేట్‌లోని మినీ కాన్ఫరెన్స్‌ హాలులో ప్రాథమిక రంగాల అధికారులతో కలెక్టర్‌ సమీక్షించారు. జిల్లాలో రైతు ఉత్పత్తిదారుల సంఘాలను బలోపేతానికి చర్యలు తీసుకోవాలని ఆదేశించారు. పశుసంపద అభివృద్ధికి అవసరమైన చర్యలు చేపట్టి రైతులకు ఆదాయం పెంచాలని చెప్పారు. ఎరువులు అధిక ధరలకు విక్రయించకుండా చూడాలన్నారు. సీసీఆర్‌సీ పొందిన కౌలు రైతులకు పంటరుణాలను బ్యాంకులు మంజూరు చేయాలన్నారు. రాయితీపై డ్రిప్‌ పరికరాలు ఇచ్చేందుకు ప్రణాళిక సిద్ధం చేయాలన్నారు. సమావేశంలో వ్యవసాయ అధికారి రవికుమార్‌, ఉద్యాన శాఖ అధికారి పద్మలత, ఆత్మ పీడీ నారాయణనాయక్‌, ఏపీఎంఐపీ పీడీ రఘునాథ్‌రెడ్డి, సెరికల్చర్‌ ఏడీ రేణుక, డ్వామా పీడీ సలీంబాషా, డీసీఓ అరుణకుమారి, నాబార్డ్‌ మేనేజర్‌ అనురాధ, డీఆర్‌డీఏ ఏపీడీ రాధారాణి, ఎఫ్‌పీఓ సభ్యులు, అగ్రిటెక్‌ కంపెనీల ప్రతినిధులు పాల్గొన్నారు. మాతా శిశు మరణాలకు చోటివ్వరాదు మాతా, శిశు మరణాలు జరగకుండా చర్యలు తీసుకోవాలని కలెక్టర్‌ ఆనంద్‌ అధికారులను ఆదేశించారు. మాతా శిశు మరణాల అంశంపై కలెక్టర్‌ బుధవారం కలెక్టరేట్‌లోని మినీ కాన్ఫరెన్స్‌ హాలులో వైద్యారోగ్యశాఖ అధికారులతో సమీక్షించారు. తాడిపత్రి, గుంతకల్లు ప్రాంతాల్లో చోటు చేసుకున్న రెండు మాతృ మరణాలపై విచారణ వివరాలను ఆరా తీశారు. అనంతరం ఆయన మాట్లాడుతూ డ్యూటీ డాక్టర్‌ డెలివరీ చేయాలని ఆదేశించారు. ప్రసవాలు ప్రభుత్వ లేదా అధీకృత ఆస్పత్రుల్లో జరిగేలా చూడాలన్నారు. మాతా శిశు మరణాలు సంభవించకుండా అత్యవసర ప్రసూతి వైద్య సేవలను బలోపేతం చేయాలని చెప్పారు. విధుల్లో నిర్లక్ష్యం చేసినట్లు తేలితే కఠిన చర్యలు ఉంటాయని హెచ్చరించారు. సమావేశంలో డీఎంహెచ్‌ఓ శ్రీనివాసులురెడ్డి, డీసీహెచ్‌ఎస్‌ సెల్వంరాజ, ఎన్టీఆర్‌ వైద్యసేవ కో–ఆర్డినేటర్‌ గంగాధర్‌రెడ్డి, డాక్టర్‌ శ్రీదేవి, ఐసీడీఎస్‌ పీడీ శశికళ పాల్గొన్నారు.

అనంతపురం ఎడ్యుకేషన్‌: ప్రభుత్వ పాఠశాలల్లో డిజిటల్‌ బోధన మెరుగుపరచడానికి ‘క్లిక్కర్‌ ఆధారిత లర్నింగ్‌’ విధానాన్ని ప్రవేశపెడుతున్నారు. ఇందులో భాగంగా జిల్లాలో 143 స్కూళ్లు ఎంపికయ్యాయి. 9వ తరగతి విద్యార్థులకు క్లిక్కర్‌ విధానాన్ని అమలు చేయనున్నారు. రాష్ట్ర కార్యాలయం నుంచి వచ్చిన క్లిక్కర్‌ పరికరాలను బుధవారం ప్రధానోపాధ్యాయులకు ఇన్‌చార్జ్‌ డీఈఓ శ్రీనివాసరావు అందజేసి, మాట్లాడారు. ఈ విధానం విద్యార్థుల అభ్యసన సామర్థ్యాలను అంచనా వేయడానికి సహాయపడుతుందన్నారు. ప్రతి విద్యార్థికి ఒక చిన్న బ్లూటూత్‌ క్లిక్కర్‌ పరికరం ఇస్తారన్నారు. ఉపాధ్యాయులు పాఠం బోధించిన తర్వాత ఇంటరాక్టివ్‌ ఫ్లాట్‌ ప్యానెల్‌ (ఐఎఫ్‌పీ) లేదా స్మార్ట్‌ టీవీలో బహుళైచ్చిక ప్రశ్నలు ప్రదరిస్తారు. వెంటనే విద్యార్థులు తమవద్ద ఉన్న క్లిక్కర్‌ ద్వారా సరైన సమాధానం బటన్‌ నొక్కుతారు. ఎంతమంది విద్యార్థులు, ఏయే విద్యార్థులు సరైన సమాధానం, తప్పు సమాధానం ఇచ్చారో క్లిక్కర్‌ డివైజ్‌ ద్వారా తెలుస్తుందని తెలిపారు. ధర్మవరంలో నేటి నుంచి బ్రహ్మోత్సవాలు ధర్మవరం అర్బన్‌: ఈ నెల 23 నుంచి మే 3వ తేదీ వరకూ ధర్మవరంలో వెలసిన లక్ష్మీచెన్నకేశవస్వామి ఆలయంలో బ్రహ్మోత్సవాలను నిర్వహించనున్నారు. ఈ మేరకు ఆలయ అడహక్‌ కమిటీ చైర్మన్‌ చెన్నంశెట్టి జగదీశ్వరప్రసాద్‌ వెల్లడించారు. 23న ధ్వజారోహణంతో ఉత్సవాలను ప్రారంభం కానున్నాయి. 24న ఉదయం సూర్యప్రభ, సాయంత్రం చంద్రప్రభ వాహన సేవలు ఉంటాయి. 25న ఉదయం సర్వభూపాల వాహనం, సాయంత్రం సింహ వాహనం, 26న ఉదయం కల్పవృక్ష వాహనం, సాయంత్రం హనుమద్వాహనం, 27న ఉదయం పల్లకీ ఉత్సవం, సాయంత్రం శ్రీవారి కల్యాణోత్సవం ఉంటాయి. 28న ఉదయం గరుడోత్సవం, సాయంత్రం శేష వాహనం, రాత్రి గజ వాహన సేవలు నిర్వహిస్తారు. 29న ఉదయం 7గంటలకు మడుగుతేరు, సాయంత్రం 4గంటలకు బ్రహ్మ రథోత్సవం ఉంటుంది. అదే రోజు సాయంత్రం 6గంటలకు ధూళోత్సవం నిర్వహిస్తారు. 30న సాయంత్రం అశ్వవాహనం, మే 1న ఉదయం 6గంటలకు వసంతోత్సవం, 10గంటలకు చక్రస్నానం, సాయంత్రం 6గంటలకు హంస వాహన సేవలు ఉంటాయి. 2న సాయంత్రం 6గంటలకు దేవతా ఉద్వాసన, 3న ఉదయం 9గంటలకు పుష్ప యాగం, సాయంత్రం శయనోత్సవంతో ఉత్సవాలను ముగిస్తారు.

కణేకల్లు: సంపాదన మొత్తం తాగుడుకే ఖర్చు పెడితే కుటుంబ పోషణ ఎలా? అంటూ భార్య నిలదీయడంతో క్షణికావేశంలో ఓ యువకుడు ఆత్మహత్య చేసుకున్నాడు. పోలీసులు తెలిపిన మేరకు.. కణేకల్లు మండలం మాల్యం గ్రామంలోని ఎస్సీ కాలనీలో నివాసముంటున్న ఎం.రాజశేఖర్‌ (25)కు భార్య శ్రావణి, ఇద్దరు కుమార్తెలు, ఓ కుమారుడు ఉన్నారు. ట్రాక్టర్‌ డ్రైవర్‌గా పనిచేస్తూ కుటుంబాన్ని పోషించుకునేవాడు. ఇటీవల మద్యానికి బానిసైన రాజశేఖర్‌ సంపాదన మొత్తం తాగుడుకే ఖర్చు పెట్టసాగాడు. దీంతో కుటుంబ పోషణ భారమైంది. ఇదే అంశంపై బుధవారం భార్య నిలదీసింది. తాగుడు మానేసి బంధుమిత్రుల వద్ద పరువు నిలుపుకోవాలని హితవు పలికింది. దీంతో క్షణికావేశానికి లోనైన రాజశేఖర్‌ గ్రామ శివారులోని చింత చెట్టుకు ఉరి వేసుకుని ఆత్మహత్య చేసుకున్నాడు. ఘటనపై పోలీసులు కేసు నమోదు చేసి, దర్యాప్తు చేపట్టారు. రైతులకు సకాలంలో విద్యుత్‌ కనెక్షన్లు ● విద్యుత్‌ శాఖ ఎస్‌ఈ శేషాద్రి శేఖర్‌ అనంతపురం టౌన్‌: రైతులకు వ్యవసాయ కనెక్షన్లను సకాలంలో మంజూరు చేయనున్నట్లు విద్యుత్‌ శాఖ ఎస్‌ఈ శేషాద్రి శేఖర్‌ తెలిపారు. ఈ మేరకు బుధవారం ఓ ప్రకటన విడుదల చేశారు. జిల్లా వ్యాప్తంగా 8 వేలకు పైగా వ్యవసాయ కనెక్షన్లు మంజూరు చేయాల్సి ఉండగా, ప్రతిపాదనలను ఇప్పటికే కార్పొరేట్‌ కార్యాలయానికి పంపినట్లు తెలిపారు. అక్కడి నుంచి అనుమతులు కాగానే దరఖాస్తు చేసుకున్న ప్రతి రైతుకూ వ్యవసాయ కనెక్షన్‌ మంజూరు చేస్తామన్నారు. రాబోవు 6 నెలల కాలంలో సీనియార్టీ మేరకు దశల వారీగా వ్యవసాయ కనెక్షన్లు విడుదల చేయనున్నట్లు పేర్కొన్నారు. యువకుడి దుర్మరణం ముదిగుబ్బ: ఐస్‌క్రీమ్‌ బండి ఢీకొన్న ఘటనలో ద్విచక్ర వాహనంపై వెళుతున్న యువకుడు మృతి చెందాడు. ముదిగుబ్బ మండలం దొరిగిల్లు వద్ద ఈ ఘటన చోటు చేసుకుంది. నల్లమాడ మండలం గోపేపల్లి గ్రామానికి చెందిన చాంద్‌బాషా, సహీన దంపతుల కుమారుడు హైదర్‌బాషా (18) వ్యక్తిగత పనిపై బుధవారం ముదిగుబ్బకు వచ్చాడు. పని ముగించుకున్న అనంతరం ఇందుకూరుకు ద్విచక్ర వాహనంపై బయలుదేరాడు. మార్గ మధ్యంలో ఎదురుగా వస్తున్న ఐస్‌క్రీమ్‌ విక్రయించే వాహనం ఢీకొంది. ఘటనలో తీవ్రంగా గాయపడిన హైదర్‌బాషా అక్కడికక్కడే మృతి చెందాడు. ఘటనపై పోలీసులు కేసు నమోదు చేసి, దర్యాప్తు చేపట్టారు. కోర్టుకు హాజరుకాని ఇద్దరి అరెస్ట్‌తనకల్లు: న్యాయస్థానం కళ్లు కప్పి తప్పించుకుని తిరుగుతున్న ఇద్దరిని అరెస్ట్‌ చేసినట్లు తనకల్లు పీఎస్‌ ఎస్‌ఐ దిలీప్‌కుమార్‌ తెలిపారు. వివరాలను బుధవారం వెల్లడించారు. తనకల్లు మండలం దేవళంతండా, పెనుగుండుతండాకు చెందిన ఓబులేసు, నాగరాజునాయక్‌ గతంలో మద్యం అక్రమ రవాణా చేస్తూ పోలీసులకు పట్టుబడ్డారు. ఈ కేసుల్లో అప్పట్లో న్యాయస్థానానికి హాజరైన వారు ఆ తర్వాత కోర్టుకు హాజరు కాకుండా తప్పించుకుని తిరగసాగారు. దీంతో ఇద్దరిపై నాన్‌ బెయిలబుల్‌ వారెంట్లు జారీ కావడంతో బుధవారం అరెస్ట్‌ చేసి, న్యాయమూర్తి ఆదేశాల మేరకు రిమాండ్‌కు తరలించారు.

రాప్తాడు రూరల్‌: అనంతపురం జిల్లాలో తీవ్ర కలకలం రేపిన ‘నయా హనీట్రాప్‌’ దందాపై పోలీసు­లు ఉచ్చు బిగిస్తున్నారు. సూత్రధారులు, పాత్రధా­రులతో పాటు వారికి సహకరించిన పోలీసు అధికారులు, సిబ్బందిపై కఠిన చర్యలు తీసుకునేందుకు ఉన్నతాధికారులు సిద్ధమయ్యారు. జిల్లాలో ఇంతకు ముందు ఎప్పుడూ లేనివిధంగా జరుగు­తున్న ఈ దందా వ్యవహారంపై ‘సాక్షి’ పత్రిక.. ‘కవ్విస్తారు.. కాటేస్తారు!’, ‘అమాయకులే టార్గెట్‌’. ‘హనీ దందా ఖాకీ అండ!’ శీర్షికలతో ప్రత్యేక కథనాలను వెలుగు­లోకి తేవడంతో ఈ దందాపై ఎస్పీ జగదీష్‌ కొరడా ఝళిపించారు. కొందరు బాధితులు నేరుగా ఎస్పీని కలిసి ఫిర్యాదులు చేయడంతో సమగ్ర విచారణకు ఆదేశించారు. రాప్తాడు సీఐ శ్రీహర్షకు హనీ ముఠా సభ్యులతో సత్సంబంధాలు ఉన్నట్లు గుర్తించారు. అలాగే బాధితుల ఫిర్యాదులపై కేసు నమోదులో అనంతపురం త్రీటౌన్‌ సీఐ రాజేంద్రనాథ్‌ యాదవ్‌ నిర్లక్ష్యంగా వ్యవహరించారు. వీరిద్దరినీ వీఆర్‌కు పంపుతూ బుధవారం డీఐజీ షిమోషీ ఉత్తర్వులు జారీ చేశారు. ఇంకా కొందరు పోలీసులు ముఠా సభ్యుల­తో సన్నిహితంగా ఉండడంతోపాటు బాధితులను బెదిరించారనే ఆరోపణలపై విచా­రణ కొన­సాగుతోంది. దాదాపు 10 మంది పోలీసులను సస్పెండ్‌ చేసే అవకాశం ఉందని పోలీసువర్గాలు చెబుతున్నాయి. ముఠాలీడరుగా వ్యవ హరించిన రంగ­మ్మను అరెస్ట్‌ చేసి రిమాండ్‌కు తరలించారు. మరోవైపు ఎస్పీపై భరోసాతో బాధితులు పోలీస్‌స్టేషన్ల మెట్లు ఎక్కుతూ ఫిర్యాదులు చేస్తున్నారు. కవ్వించి.. కాటేస్తారు ముఠా లీడర్లు.. సమాజంలో గౌరవంగా జీవిస్తున్న వ్యక్తుల కుటుంబం, ఆర్థిక స్థితి, సామాజిక ప్రతిష్టలను గమనించి, బలహీనతలను అంచనా వేస్తారు. తర్వాత కొందరి మహిళలను రంగంలోకి దింపి, ఫోన్‌ కాల్స్, చాట్‌లతో పరిచయం పెంచి, నమ్మకం కలిగిస్తారు. తర్వాత ఇంటికి పిలుస్తారు. ఏకాంత సమయంలో ముఠా సభ్యులు రంగప్రవేశం చేస్తారు. అప్పటికే బాధితుడిని న్యూడ్‌గా ఉండేలా చేస్తారు. ఆయన ఫొటోలు, వీడియోలు రికార్డ్‌ చేస్తారు. అక్కడితో ఆగకుండా కథకు కొత్త మలుపు ఇస్తారు. ‘భర్త, తమ్ముడు, అక్క, బావ, చెల్లెలు, పక్కింటి వాళ్లు’ పాత్రల్లో ముఠా సభ్యులు ఒక్కసారిగా వచ్చి గొడవ సృష్టిస్తారు. అప్పటికే సిద్ధం చేసుకున్న స్క్రిప్ట్‌ మేరకు ‘నా భార్య వద్దకు ఎలా వస్తావు’ అంటూ భర్త పాత్రధారుడు.. ‘నా చెల్లెలు జీవితం నాశనం చేశావు’ అంటూ అన్న పాత్రధారుడు, ‘మంచి అమ్మాయి జీవితాన్ని నాశనం చేశా వు’ అంటూ పక్కింటి పాత్రధారులు ఎవరి డ్రామా వారు ప్లే చేస్తారు. ఆ తర్వాత ‘నీ వీడియోలు సోషల్‌ మీడియాలో పెడతాం. నీ కుటుంబాన్ని చంపేస్తాం’ అంటూ బెదిరింపులు మొదలవుతాయి. దీంతో బాధి తులు తీవ్ర భయాందోళనకు గురవుతారు. ఇదే అదనుగా బాధితుడి స్తోమతను బట్టి రూ.5 లక్షల నుంచి రూ.25 లక్షల వరకు వసూలు చేస్తారు. సమాజంలో పరువు పోతుందనే భయంతో అనేకమంది బయట పడకుండా రూ.లక్షలు చెల్లించినట్లు సమాచారం. బాధితులూ ఫిర్యాదు చేయండి సమాజంలో ఆర్థికంగా, గౌ­రవంగా బతుకుతున్న వారి­ని లక్ష్యం చేసుకుని హనీట్రాప్‌తో కొందరు దోపిడీ చేశా­రు. మహిళలు మాయమాట­లు చెప్పి ఇంటికి పిలిపించుకుని న్యూడ్‌­గా ఫొటోలు, వీడియోలు తీసి బ్లాక్‌మెయిల్‌ చేస్తూ డబ్బులు దండుకుంటున్నట్లు ఫిర్యాదు­లు అందాయి. కేసులు నమోదు చేశాం. బాధి­తులెవరైనా ఉంటే అనంతపురం రూరల్‌ పీఎస్, డీఎస్పీ కార్యాలయంలో ఫిర్యాదులు చేయండి. – టి.శ్రీనివాసులు, అనంతపురం రూరల్‌ డీఎస్పీ

చాలా తెలివైనోడు...జాగ్రత్త! ఓ కానిస్టేబుల్‌ ముఠా సభ్యురాలితో ఫోన్‌లో మాట్లాడిన తీరును పరిశీలిస్తే ట్రాప్‌కు పూర్తిగా సహకరించినట్లు స్పష్టమవుతోంది. ‘వాడు చాలా తెలివైనోడు. చాలా జాగ్రత్తగా డీల్‌ చేయాలని టీం లీడర్‌కు చెప్పా. ట్రాప్‌ చేసే మహిళ అతడి కారులో వెళ్తుంటే వెనుక మరోబైకును ఎందుకు ఫాలో అవ్వమని చెప్పింది..? ఓపెన్‌ ప్లేస్‌లోకి వెళ్లాక వెనుక బైకు వస్తుంటే కారులో ఉన్న వ్యక్తికి ఎందుకు అనుమానం రాదు..? ఆయన విషయంలో అదే జరిగింది. అనుమానం వచ్చి అక్కడి నుంచి తప్పించుకున్నాడు. ఏదో మోసం జరుగుతోందని గ్రహించి ఆ ఏరియా వారిని కనుక్కున్నాడు. విషయమంతా తెలిసిపోయింది. ఆమె ఇదే పని చేస్తోందని అతడికి ఎవరో చెప్పారంట. అతను నా వద్దకు వచ్చి అదే విషయాన్ని చెప్పాడు. అనుమానం వచ్చి నీ నంబరు బ్లాక్‌లో పెట్టాడు. జాగ్రత్తగా డీల్‌ చేయాలి కదా’ అంటూ సంభాషించాడు.స్టేషన్‌ వద్దకు వచ్చి ఫోన్‌ చెయ్‌.. ముఠా సభ్యుల మధ్య విభేదాలు వచ్చి గొడవలు చేసుకున్న సందర్భంలో హెడ్‌ కానిస్టేబుల్‌ ఒకరు ఓ సభ్యురాలికి ఫోన్‌ చేసి మాట్లాడాడు. ‘మీరు మీరు ఎందుకు కొట్లాడుకుంటారు. నేను ఎస్పీని కలిసి అన్ని విషయాలూ చెబుతానని సదరు మహిళ అంటే... వద్దువద్దు నేను మాట్లాడతా. రెండు రోజులు సైలెంటుగా ఉండు.. ఆమె నీ జోలికి రాకుండా నేను మాట్లాడతా. రేపు ఉదయం మీరు స్టేషన్‌ వద్దకు రండి. ఫోన్‌ చేస్తే నేను బయటకు వస్తా. ఆలోపు మీరు వారిని తడుముకోవద్దు. నువ్వు బంగారు బాతువు. నువ్వు ఆమెతో విభేదిస్తే వ్యాపారం జరగదని భావించి ఈరకంగా గొడవ చేసి ఉంటుంది. నాకూ చాలా డబ్బు ఇచ్చినామని చెప్పిండొచ్చు. ఆడపిల్లల సొమ్ము... ఎంత ఇచ్చినా తీసుకున్నాను తప్ప ఇంతేకావాలని నేను అడగలేదు’ అని మాట్లాడిన ఆడియోలు వైరల్‌ అవుతున్నాయి. రాప్తాడు రూరల్‌: రాష్ట్ర వ్యాప్తంగా కలకలం సృష్టిస్తున్న ‘నయా హనీ ట్రాప్‌’ దందా ఊహించని మలుపు తిరుగుతోంది. ప్రజలను కాపాడాల్సిన పోలీసులే ఈ దందాలో భాగస్వాములయ్యారనే ఆరోపణలు వచ్చాయి. ఈ వ్యవహారాన్ని జిల్లా పోలీస్‌ బాస్‌ (ఎస్పీ) జగదీష్‌ సీరియస్‌గా పరిగణించారు. అనంతపురం రూరల్‌ పరిధిలో వెలుగుచూసిన ఈ హనీట్రాప్‌ ముఠా... ఆర్థికంగా బలమైన ఉద్యోగులు, రిటైర్డ్‌ ఉద్యోగులు, వ్యాపారులను లక్ష్యం చేసుకుని వలపు వల విసిరి నిలువు దోపిడీ చేసింది. ముఠా తీరు భయంకరం హనీ ట్రాప్‌లో చిక్కుకున్న వారి పట్ల ముఠా సభ్యులు వ్యవహరించే తీరు అత్యత భయంకరంగా ఉంటోందని బాధితులు వాపోతున్నారు. ఇలాంటి వారి పట్ల కఠినంగా వ్యవహరించి, ప్రజలను అప్రమత్తం, అవగాహన కలి్పంచాల్సిన పోలీసులే వారికి సహకరించడం దుమారం రేపుతోంది. పలువురు పోలీసులు తమకు ‘టచ్‌’లో ఉన్నారనే ధైర్యంతోనే ముఠా బరితెగించినట్లు స్పష్టమవుతోంది. ట్రాప్‌లో పడిన వ్యక్తులు తిరగబడే పరిస్థితి ఉంటే తమకు అనుకూలంగా ఉన్న పోలీసులను రంగంలోకి దింపుతారు. పోలీసు డ్రెస్‌లో ఉన్నవారు అక్కడికి చేరుకోగానే సదరు వ్యక్తి హడలిపోవడం పరిపాటి. ‘మహిళను ఇబ్బంది పెట్టావు. ఆమె బలత్కారం కేసు పెడితే కచ్చితంగా జైలుకు వెళతావు’ అంటూ బాధితులను బెదిరించే ధోరణిలో మాట్లాడినట్లు సమాచారం. ఇప్పటిదాకా జిల్లాలో హనీట్రాప్‌ బాధితుల సంఖ్య వందల్లో ఉన్నట్లు తెలిసింది. మలుపు తప్పిన అంతర్గత విభేదాలు ఇటీవల కొందరు బాధితులు నేరుగా ఎస్పీని కలిసి ఫిర్యాదు చేయడంతో హనీట్రాప్‌ దందా వెలుగులోకి వచ్చింది. మరోవైపు హనీట్రాప్‌ ముఠా సభ్యుల్లో అంతర్గత విభేదాలు బయటపడడం కేసును కొత్త మలుపు తిప్పింది. వెంటనే స్పందించిన ఎస్పీ ప్రత్యేక బృందాన్ని రంగంలోకి దింపి గుట్టు రట్టు చేసేదిశగా దర్యాప్తు వేగవంతం చేశారు. హనీట్రాప్‌ బాధితులు తమకు న్యాయం చేయాలని ఒక్కొక్కరుగా పోలీసులను ఆశ్రయిస్తున్నారు. తాజాగా మంగళవారం అనంతపురం త్రీటౌన్‌ పోలీస్‌ స్టేషన్‌లో ఓ బాధితుడి ఫిర్యాదు మేరకు కేసు నమోదైంది. పోలీసుల పాత్రపై ఎస్పీ సీరియస్‌ మరోవైపు ఓ హెడ్‌ కానిస్టేబుల్, మరో కానిస్టేబుల్‌ ముఠా సభ్యులతో మాట్లాడిన సంభాషణ పోలీసు విభాగంలో చర్చనీయాంశమైంది. ఈ వ్యవహారం పట్ల ఎస్పీ తీవ్ర ఆగ్రహంతో ఉన్నట్లు తెలుస్తోంది. ఇందుకు సహకరించిన ఏ స్థాయి వారినీ ఉపేక్షించ కూడదనే నిర్ణయానికి వచ్చినట్లు తెలిసింది. నివేదిక రాగానే బాధ్యులైన సిబ్బందిపై వేటు వేస్తారనే సంకేతాలు స్పష్టంగా కనిపిస్తున్నాయి. అనంతపురం సమీపంలో ఉన్న ఓ ఎస్‌హెచ్‌ఓ కూడా ముఠాకు అన్ని విధాలా సహకరించినట్లు ప్రచారం జరుగుతోంది. అంతే కాదు పోలీసు శాఖలో ఓ ఉన్నతాధికారి అండదండలు కూడా ఉన్నట్లు తెలుస్తోంది. ఇవన్నీ ఎస్పీ దృషికి వచ్చినట్లు సమాచారం.

అనంతపురం ఎడ్యుకేషన్‌: దేశంలో పేరు మోసిన ప్రభుత్వ ఇంజినీరింగ్‌ కళాశాలల్లో ఇంజినీరింగ్‌, బీఈ కోర్సుల ప్రవేశాలకు నేషనల్‌ టెస్టింగ్‌ ఏజెన్సీ (ఎన్‌టీఏ) నిర్వహించిన రెండో విడత జాయింట్‌ ఎంట్రన్స్‌ ఎగ్జామినేషన్‌ (జేఈఈ) ఫలితాల్లో జిల్లాకు చెందిన పలువురు విద్యార్థులు సత్తాచాటి ఆలిండియా ర్యాంకులను కై వసం చేసుకున్నారు. జనరల్‌ ర్యాంకులతో పాటు ఎస్సీ, ఎస్టీ, ఓబీసీ, ఈడబ్ల్యూఎస్‌ కేటగిరీల్లోనూ మంచి ర్యాంకులు సాధించారు. సెషన్‌–1 ఫలితాలు జనవరిలో విడుదల కాగా, తాజాగా సోమవారం రాత్రి సెషన్‌–2 ఫలితాలు విడుదలయ్యాయి. రెండు సెషన్లలో ఎక్కువగా వచ్చిన మార్కులను పరిగణనలోకి తీసుకుంటారు. జి.సుశాల్‌ 168, ఆర్‌.భార్గవి 232, ఆర్‌.జస్వంత్‌కుమార్‌ 262, గురుగుంట్ల వైష్ణవి 395, అఖిల 976, గుండే శివమణినాయుడు 1,059, ఎస్‌.తరుణ్‌ 1,088, ఎం.తన్విక 1,240, ఎం.సాయిసహస్ర 1,479, ఓతూరి అబుసాజిద్‌ 1,809, డి.ఫయాజ్‌ అహమ్మద్‌ 2,547, ఎ.ప్రణవి 3,213, ప్రతాప్‌ రెడ్డి 3,925, అన్వేష్‌ 4,005, జశ్వంత్‌నాయక్‌ 4,024, కిరణ్‌ కౌషిక్‌ 4,278, వి.మణిదీపిక 4,444, మహర్ష 4,718, యు.నవీన్‌ 4,883, బి.శివదీప్‌ 5,045, బి.జయవర్దన్‌ 5,957, ఎస్‌.హాజీవలి 6,943వ ర్యాంకు సాధించారు.

ముఠా సభ్యుల మధ్య విభేదాలు వచ్చి గొడవలు చేసుకున్న సందర్భంలో హెడ్‌ కానిస్టేబుల్‌ ఒకరు ఓ సభ్యురాలికి ఫోన్‌ చేసి మాట్లాడాడు. ‘మీరు మీరు ఎందుకు కొట్లాడుకుంటారు. నేను ఎస్పీని కలిసి అన్ని విషయాలూ చెబుతానని సదరు మహిళ అంటే... వద్దువద్దు నేను మాట్లాడతా. రెండు రోజులు సైలెంటుగా ఉండు.. ఆమె నీ జోలికి రాకుండా నేను మాట్లాడతా. రేపు ఉదయం మీరు స్టేషన్‌ వద్దకు రండి. ఫోన్‌ చేస్తే నేను బయటకు వస్తా. ఆలోపు మీరు వారిని తడుముకోవద్దు. నువ్వు బంగారు బాతువు. నువ్వు ఆమెతో విభేదిస్తే వ్యాపారం జరగదని భావించి ఈరకంగా గొడవ చేసి ఉంటుంది. నాకూ చాలా డబ్బు ఇచ్చినామని చెప్పిండొచ్చు. ఆడపిల్లల సొమ్ము... ఎంత ఇచ్చినా తీసుకున్నాను తప్ప ఇంతేకావాలని నేను అడగలేదు’ అని మాట్లాడిన ఆడియోలు వైరల్‌ అవుతున్నాయి. చాలా తెలివైనోడు...జాగ్రత్త! ఓ కానిస్టేబుల్‌ ముఠా సభ్యురాలితో ఫోన్‌లో మాట్లాడిన తీరును పరిశీలిస్తే ట్రాప్‌కు పూర్తిగా సహకరించినట్లు స్పష్టమవుతోంది. ‘వాడు చాలా తెలివైనోడు. చాలా జాగ్రత్తగా డీల్‌ చేయాలని టీం లీడర్‌కు చెప్పా. ట్రాప్‌ చేసే మహిళ అతడి కారులో వెళ్తుంటే వెనుక మరోబైకును ఎందుకు ఫాలో అవ్వమని చెప్పింది..? ఓపెన్‌ ప్లేస్‌లోకి వెళ్లాక వెనుక బైకు వస్తుంటే కారులో ఉన్న వ్యక్తికి ఎందుకు అనుమానం రాదు..? ఆయన విషయంలో అదే జరిగింది. అనుమానం వచ్చి అక్కడి నుంచి తప్పించుకున్నాడు. ఏదో మోసం జరుగుతోందని గ్రహించి ఆ ఏరియా వారిని కనుక్కున్నాడు. విషయమంతా తెలిసిపోయింది. ఆమె ఇదే పని చేస్తోందని అతడికి ఎవరో చెప్పారంట. అతను నా వద్దకు వచ్చి అదే విషయాన్ని చెప్పాడు. అనుమానం వచ్చి నీ నంబరు బ్లాక్‌లో పెట్టాడు. జాగ్రత్తగా డీల్‌ చేయాలి కదా’ అంటూ సంభాషించాడు. రాప్తాడు రూరల్‌: రాష్ట్ర వ్యాప్తంగా కలకలం సృష్టిస్తున్న ‘నయా హనీ ట్రాప్‌’ దందా ఊహించని మలుపు తిరుగుతోంది. ప్రజలను కాపాడాల్సిన పోలీసులే ఈ దందాలో భాగస్వాములయ్యారనే ఆరోపణలు వచ్చాయి. ఈ వ్యవహారాన్ని జిల్లా పోలీస్‌ బాస్‌ (ఎస్పీ) జగదీష్‌ సీరియస్‌గా పరిగణించారు. అనంతపురం రూరల్‌ పరిధిలో వెలుగుచూసిన ఈ హనీట్రాప్‌ ముఠా... ఆర్థికంగా బలమైన ఉద్యోగులు, రిటైర్డ్‌ ఉద్యోగులు, వ్యాపారులను లక్ష్యం చేసుకుని వలపు వల విసిరి నిలువు దోపిడీ చేసింది. ముఠా తీరు భయంకరం హనీ ట్రాప్‌లో చిక్కుకున్న వారి పట్ల ముఠా సభ్యులు వ్యవహరించే తీరు అత్యత భయంకరంగా ఉంటోందని బాధితులు వాపోతున్నారు. ఇలాంటి వారి పట్ల కఠినంగా వ్యవహరించి, ప్రజలను అప్రమత్తం, అవగాహన కల్పించాల్సిన పోలీసులే వారికి సహకరించడం దుమారం రేపుతోంది. పలువురు పోలీసులు తమకు ‘టచ్‌’లో ఉన్నారనే ధైర్యంతోనే ముఠా బరితెగించినట్లు స్పష్టమవుతోంది. ట్రాప్‌లో పడిన వ్యక్తులు తిరగబడే పరిస్థితి ఉంటే తమకు అనుకూలంగా ఉన్న పోలీసులను రంగంలోకి దింపుతారు. పోలీసు డ్రెస్‌లో ఉన్నవారు అక్కడికి చేరుకోగానే సదరు వ్యక్తి హడలిపోవడం పరిపాటి. ‘మహిళను ఇబ్బంది పెట్టావు. ఆమె బలత్కారం కేసు పెడితే కచ్చితంగా జైలుకు వెళతావు’ అంటూ బాధితులను బెదిరించే ధోరణిలో మాట్లాడినట్లు సమాచారం. ఇప్పటిదాకా జిల్లాలో హనీట్రాప్‌ బాధితుల సంఖ్య వందల్లో ఉన్నట్లు తెలిసింది. మలుపు తప్పిన అంతర్గత విభేదాలు ఇటీవల కొందరు బాధితులు నేరుగా ఎస్పీని కలిసి ఫిర్యాదు చేయడంతో హనీట్రాప్‌ దందా వెలుగులోకి వచ్చింది. మరోవైపు హనీట్రాప్‌ ముఠా సభ్యుల్లో అంతర్గత విభేదాలు బయటపడడం కేసును కొత్త మలుపు తిప్పింది. వెంటనే స్పందించిన ఎస్పీ ప్రత్యేక బృందాన్ని రంగంలోకి దింపి గుట్టు రట్టు చేసేదిశగా దర్యాప్తు వేగవంతం చేశారు. హనీట్రాప్‌ బాధితులు తమకు న్యాయం చేయాలని ఒక్కొక్కరుగా పోలీసులను ఆశ్రయిస్తున్నారు. తాజాగా మంగళవారం అనంతపురం త్రీటౌన్‌ పోలీస్‌ స్టేషన్‌లో ఓ బాధితుడి ఫిర్యాదు మేరకు కేసు నమోదైంది. పోలీసుల పాత్రపై ఎస్పీ సీరియస్‌ మరోవైపు ఓ హెడ్‌ కానిస్టేబుల్‌, మరో కానిస్టేబుల్‌ ముఠా సభ్యులతో మాట్లాడిన సంభాషణ పోలీసు విభాగంలో చర్చనీయాంశమైంది. ఈ వ్యవహారం పట్ల ఎస్పీ తీవ్ర ఆగ్రహంతో ఉన్నట్లు తెలుస్తోంది. ఇందుకు సహకరించిన ఏ స్థాయి వారినీ ఉపేక్షించ కూడదనే నిర్ణయానికి వచ్చినట్లు తెలిసింది. నివేదిక రాగానే బాధ్యులైన సిబ్బందిపై వేటు వేస్తారనే సంకేతాలు స్పష్టంగా కనిపిస్తున్నాయి. అనంతపురం సమీపంలో ఉన్న ఓ ఎస్‌హెచ్‌ఓ కూడా ముఠాకు అన్ని విధాలా సహకరించినట్లు ప్రచారం జరుగుతోంది. అంతే కాదు పోలీసు శాఖలో ఓ ఉన్నతాధికారి అండదండలు కూడా ఉన్నట్లు తెలుస్తోంది. ఇవన్నీ ఎస్పీ దృషికి వచ్చినట్లు సమాచారం.ఆర్ట్స్‌ కళాశాల డిగ్రీ మొదటి సెమిస్టర్‌ ఫలితాలు విడుదల అనంతపురం ఎడ్యుకేషన్‌: అనంతపురం ప్రభుత్వ ఆర్ట్స్‌ కళాశాల డిగ్రీ మొదటి సంవత్సరం ఫలితాలను మంగళవారం విడుదల చేశారు. ప్రిన్సిపాల్‌ చాంబర్‌లో ఏర్పాటు చేసిన కార్యక్రమంలో ఎస్కే యూనివర్సిటీ పరీక్షల విభాగం డైరెక్టర్‌ ఆచార్య రమణ, కంట్రోలర్‌ ఆఫ్‌ ఎగ్జామినేషన్స్‌ శ్రీరామ్‌ నాయక్‌, కళాశాల ప్రిన్సిపాల్‌ డాక్టర్‌ పి.పద్మశ్రీ, కంట్రోలర్‌ ఆఫ్‌ ఎగ్జామినేషన్స్‌ తిరుమలేష్‌ చేతుల మీదుగా ఫలితాలను విడుదల చేశారు. పరీక్షలకు మొత్తం 1,447 మంది విద్యార్థులు హాజరు కాగా 672 మంది (46.44 శాతం) ఉత్తీర్ణత సాధించారు. ఇందులో బీఏలో 33 శాతం, బీకాంలో 54 శాతం, బీఎస్సీలో 48 శాతం, బీబీఏలో 40 శాతం మంది ఉత్తీర్ణత సాధించారు. పరీక్షలు నిర్వహించిన రెండు నెలల్లోపు ఫలితాలను విడుదల చేయడం సంతోషకరమని ఎస్కే యూనివర్సిటీ అధికారులు తెలిపారు.

రాప్తాడు రూరల్‌: అనంతపురం నగరం, రూరల్‌లో సమాజాన్ని కుదిపేస్తున్న సంచలన హనీ ట్రాప్‌ (వలపు వల) ముఠా దందా వెలుగులోకి వచ్చింది. అమాయకులను లక్ష్యంగా చేసుకున్న ఈ ముఠా, వలపు వయ్యారాలతో వల వేసి రూ.లక్షల్లో దోచు­కుంటున్న తీరు భయాందోళనకు గురిచేస్తోంది. ఈ ముఠాకు ఒక మహిళే సూత్రధారి. కుటుంబం, ఆర్థిక స్థితి, సామాజిక ప్రతిష్టలను గమనించి, బలహీనతలను అంచనా వేస్తుంది. ఆ తర్వాత కొందరి మహిళలను రంగంలోకి దింపి, ఫోన్‌ కాల్స్, చాట్‌లతో పరిచయం పెంచి, నమ్మకం కలిగిస్తారు. ‘వలపు పాశం’ ఎలా బిగుస్తుంది? మాటల మాయలో పడేసిన తర్వాత సదరు వ్యక్తిని ఒక ఇంటికి పిలుస్తారు. అక్కడ మహిళతో ఏకాంతంగా గడపాలని ప్రలోభపెట్టి క్షణంలోనే ముఠా సభ్యులు రంగప్రవేశం చేస్తారు. అప్పటికే బాధితుడిని నగ్నంగా ఉండేలా చేస్తారు. ఆ ఫొటోలు, వీడియోలు రికార్డ్‌ చేస్తారు. అక్కడితో ఆగకుండా కథకు కొత్త మలుపు ఇస్తారు. అన్ని పాత్రల్లోనూ అద్దె మనుషులే ‘భర్త’, ‘తమ్ముడు’, ‘అక్క’, ‘బావ’, ‘చెల్లెలు’, ‘పక్కింటి వాళ్లు’ పాత్రల్లో ముఠా సభ్యులు ఒక్కసారిగా దూసుకొచ్చి గొడవ సృష్టిస్తారు. అప్పటికే సిద్ధం చేసుకున్న స్క్రిప్ట్‌ మేరకు సీన్‌లో ఎవరి డ్రామా వారు ప్లే చేస్తారు. ‘నా భార్యతో ఏం చేస్తున్నావ్‌?’ అంటూ భర్త పాత్రధారుడు దాడికి దిగుతాడు. ‘మా చెల్లెలు జీవితం నాశనం చేశావంటూ’ అన్న పాత్రధారుడు, ‘మంచి అ­మ్మాయి జీవితాన్ని నాశనం చేశావంటూ’ పక్కింటిపాత్రధారులు నటిస్తారు. ఈ పరిణామంతో బాధితులు బెంబేలెత్తిపోతారు. పాత్రధారుల్లో అనంతపురం రూరల్, అర్బన్‌ వాసులతో పాటు రాప్తాడు మండలంలో ఓ గ్రామానికి చెందిన వ్యక్తి కూడా ఉన్నారు.బ్లాక్‌మెయిల్‌ దందా బాధితుడు బెంబేలెత్తిన తర్వాత ‘నీ వీడియోలు సోషల్‌ మీడియాలో పెడతాం. నీ కుటుంబాన్ని చంపేస్తాం’ అంటూ బెదిరింపులు మొదలవుతాయి. బాధితుడి స్తోమతను బట్టి రూ.5 లక్షల నుంచి రూ.25 లక్షలు డిమాండ్‌ చేస్తున్నారు. కొందరితో బాండ్లు రాయించుకుని, గడువులు పెట్టి డబ్బులు వసూలు చేస్తున్నారు. సమాజంలో పరువు పోతుందనే భయంతో చాలామంది బయటకు రాకుండా రూ.లక్షలు చెల్లించినట్లు సమాచారం. అనంతపురం రూరల్‌ మండలానికి చెందిన ఓ రిటైర్డ్‌ ఉద్యోగి వీరి వలలో చిక్కుకుని రూ.25 లక్షల దాకా చెల్లించాడు. చివరకు ఇంటిని రిజిస్ట్రేషన్ చేయించాలంటూ ఒత్తిడి చేయడంతో తీవ్ర మనస్తాపానికి గురై ఇంట్లోవారికి చెప్పుకోలేక ఆత్మహత్మకు పాల్పడ్డాడని చెబుతున్నారు. ఓ రియల్‌ ఎస్టేట్‌ వ్యాపారి వద్ద 3 తులాల బంగారు, రూ.8 లక్షల నగదు తీసుకున్నారు. ఓ వీఆర్‌ఓ వద్ద రూ.7 లక్షలు తీసుకుని రూ.లక్షకు బాండు రాయించుకున్నారు. పాపంపేట ప్రాంతానికి చెందిన ఓ ఫిజియోథెరపిస్టు నుంచి రూ.10 లక్షలు, పాతూరులోని ఓ కిరాణా కొట్టు నిర్వాహకుడి వద్ద రూ.14 లక్షలు, జాతీయరహదారిలో ఉన్న పేరు మోసిన ఓ హోటల్‌ నిర్వాహకుడి వద్ద రూ.25 లక్షలు వసూళ్లు చేశారు. జాగ్రత్త పడాలిచాలామంది బాధితులు తమ న్యూడ్‌ ఫొటోలు, వీడియోలు బయట పెడితే సమాజంలో పరువుపోతుందనే తీవ్ర ఆందోళనలో ఉన్నారు. ముఠా నుంచి బ్లాక్‌మెయిల్‌ ఎక్కువై పరువు భయం కాస్తా ప్రాణ భయంగా మారకముందే పోలీసులు వారిని కాపాడాలి. బాధిత కుటుంబాలు విచ్ఛిన్నం కాకుండా చూడాల్సి ఉంది. ఎస్పీ ఆదేశాలతో పోలీసు అధికారులు దర్యాప్తు ప్రారంభించడంతో ముఠా స­భ్యులు, వారికి అండగా ఉన్న వారిలో వణుకు మొదలైంది.ప్రజలకు హెచ్చరిక ఇది ఒక ఘటన మాత్రమే కాదు.. సమాజాన్ని మింగేస్తున్న మౌన విపత్తు. అపరిచితుల కాల్స్, సోషల్‌ మీడియా పరిచయాలపై అప్రమ­త్తంగా ఉండాలి. వ్యక్తిగతంగా కలవడానికి ముందు పూర్తి వివరాలు తెలుసుకోవాలి. అనుమానాస్పద పరిస్థితుల్లో వెంటనే సమాచారం ఇవ్వాలని పోలీసులు హెచ్చరిస్తున్నారు. పరిహార పూజ పేరుతో పురోహితుడి నిలువుదోపిడీూ అనంతపురం రూరల్‌ మండలానికి చెందిన ఓ పురోహితుడి మొబైల్‌కు 2025 డిసెంబరు 5న సాయంత్రం ఓ మహిళ నుంచి ఫోన్‌ వచ్చింది. పరిచయం చేసు కుని మూడోరోడ్డులో ఉంటానని, మా కుటుంబంలో కలహాల విషయమై మీతో మాట్లాడాలని అడ్రస్‌ అడిగింది. సమస్య ఫోన్‌లో చెబితే తగిన పరిహార పూజలు చెబుతానని చెప్పగా.. ‘లేదు స్వామి ఇంటి వద్దకు వచ్చి నా సమస్య చెప్పుకుంటా’ నని రిక్వెస్ట్‌ చేసింది. దీంతో ఆయన అడ్రస్‌ చెప్పగా వెంటనే ఆటోలో వచ్చింది. ఆర్థిక, కుటుంబ సమస్యలు ఉన్నాయని, ఓసారి ఇంటికి వచ్చి వాస్తుచూసి పరి హార పూజలు చేయాలని కోరింది. పది రోజుల తర్వాత పురోహితుడిని ఇంటికి ఆహ్వానించింది. ఇంట్లోకి వెళ్లగానే... ‘ఉండండి స్వామి.. నా భర్త పూజ సామగ్రి తెస్తున్నాడ’ని చెప్పి అతన్ని సమ్మోహితున్ని చేసింది. ఇంతలో ఓ వ్యక్తి, మహిళ ఇంట్లోకి వచ్చిరాగానే తలుపు గడియపెట్టి పురోహితుడిపై దాడిచేశారు. బెడ్రూంలో ఉన్న మహిళను కూడా బయటకు పిలిపించి ఇద్దరి దుస్తులనూ తొలగించి, వీడియోలు, ఫొటోలు తీశారు. రూ.25 లక్షలు డిమాండ్‌ చేశారు. డబ్బు ఇవ్వకపోతే సోషల్‌ మీడియాలో వైరల్‌ చేస్తామని బెదిరించారు. అంత ఇవ్వలేనని చెప్పడంతో.. రూ.10 లక్షలకు డీల్‌ కుదుర్చుకున్నారు. పురోహితుడి ఇంట్లోని బంగా­రం బ్యాంకులో పెట్టించి రూ.5 లక్షలు తీసుకున్నారు. తక్కిన రూ.5 లక్షలను కొద్దిరోజులకు బ్యాంకులో పెట్టిన బంగారుపై అదనంగా ఇప్పించుకున్నారు. ఐదురోజుల కిందట ముఠా సభ్యులు ఇంటికి పిలిపించి మరో రూ.10 లక్షలు డిమాండ్‌ చేయగా.. బాధితుడు మూడు రోజుల కిందట ఎస్పీ జగదీష్ ను కలిసి ఫిర్యాదు చేశాడు. రంగంలోకి దిగిన పోలీసులు హనీ ట్రాప్‌ ముఠా వ్యవహారంపై కూపీ లాగుతున్నారు.పోలీసుల పాత్రపై అనుమానాలు ఈ దందాకు కొందరు పోలీసులు కూడా పరోక్షంగా సహకరిస్తున్నారనే ఆరోపణలు వినిపించడం మరింత సంచలనం రేపుతోంది. రెండు స్టేషన్లలో సిబ్బంది మామూళ్లు తీసుకుంటూ ముఠాకు అండగా నిలుస్తున్నారనే వాదనలు వినిపిస్తున్నాయి. ముఠా సభ్యుల మధ్య వాటాల పంపకాల్లో తేడాలు రావడంతో కొన్ని దందాలు వెలుగు చూస్తున్నాయి. ఈ క్రమంలో ఏ పోలీసు ఎప్పుడొచ్చాడు, ఎంత డబ్బు తీసుకెళ్లాడో అన్నీ రికార్డు చేసుకున్నామంటూ వారు మాట్లాడిన మాటలు బయటకు రావడం కలకలం రేపుతోంది. ఇందులో పోలీసులతో చేసిన సంభాషణలు కూడా ఉండడం గమనార్హం. ఇంటిదొంగలపై పోలీసు ఉన్నతాధికారులు దృష్టి సారించి చర్యలు తీసుకోవాలని బాధితులు కోరుతున్నారు.

అనంతపురం అర్బన్‌: భూమిపై శ్రమజీవులతోనే సమాజం నిర్మితమయ్యిందని, మానవత్వమే జీవనాధారమని విశ్వగురువు బసవేశ్వరుడు చాటి చెప్పారని జాయింట్‌ కలెక్టర్‌ విష్ణుచరణ్‌ అన్నారు. జిల్లా పర్యాటక శాఖ ఆధ్వర్యంలో సోమవారం కలెక్టరేట్‌ మినీ కాన్ఫరెన్స్‌ హాలులో నిర్వహించిన మహాత్మ బసవేశ్వర జయంతికి జేసీ ముఖ్య అతిథిగా హాజరయ్యారు. బసవేశ్వరుని చిత్రపటానికి పుష్పాంజలి ఘటించి, నివాళులు అర్పించి, మాట్లాడారు. కులమత, వర్గ, వర్ణ భేదం లేకుండా అందరూ సమానులేని చాటి చెప్పిన మహనీయుడు బసవేశ్వరుడని కొనియాడారు. కార్యక్రమంలో రాష్ట్ర వీరశైవ లింగాయత్‌ అభివృద్ధి, సంక్షేమ కార్పొరేషన్‌ చైర్‌పర్సన్‌ తుల్జాపూర్‌ స్వప్న, పర్యాటక శాఖ అధికారి జయకుమార్‌బాబు, రీజనల్‌ డైరెక్టర్‌ ఓబుళమ్మ, డ్వామా పీడీ సలీంబాషా, ఆర్కియాలజీ ఏడీ స్వామినాయక్‌, శిల్పారామం ఏఓ సుధాకర్‌, వీరశైవ సమాజం అధ్యక్షుడు ఎంజీ రాజు, ప్రధాన కార్యదర్శి గౌలి, ప్రతినిధులు సతీష్‌కుమార్‌, ఈశ్వర ప్రసాద్‌, చిరంజీవి, గోపాల్‌, గంగాధర్‌, శివ, నాగార్జున, తదితరులు పాల్గొన్నారు. 28 నుంచి పెన్నహోబిలం బ్రహ్మోత్సవాలు ● మే 6న బ్రహ్మ రథోత్సవం ఉరవకొండ రూరల్‌: ఉమ్మడి అనంతపురం జిల్లాలో ప్రసిద్ధి చెందిన పెన్నహోబిలం లక్ష్మీ నృసింహస్వామి బ్రహ్మోత్సవాలు ఈ నెల 28 నుంచి ప్రారంభం కానున్నాయి. మే ఆరో తేదీ బ్రహ్మ రథోత్సవం (తేరు) జరగనుంది. బ్రహ్మోత్సవాల పోస్టర్లను ఈఓ సాకే రమేష్‌బాబు, ఆలయ కమిటీ చైర్మన్‌ రేగాటి నాగరాజు, ఆలయ కమిటీ ప్రతినిధుల ఆధ్వర్యంలో సోమవారం విడుదల చేశారు. ఈఓ మాట్లాడుతూ ఈ నెల 28న ఆమిద్యాల నుంచి ఉత్సవమూర్తులను పెన్నహోబిలం క్షేత్రానికి తీసుకురావటంతో బ్రహ్మోత్సవాలు మొదలవుతాయన్నారు. 29న ప్రాకారోత్సవం, 30న ఉదయం సింహ వాహనోత్సవం, సాయంత్రం చంద్రప్రభ వాహనోత్సవం, మే 1న ఉదయం గోవాహనోత్సవం, సాయంత్రం శేష వాహనోత్సవం, 2న హంస వాహనోత్సవం, 3న హనుమద్‌ వాహనోత్సవం, 4న గరుడ వాహనోత్సవంతో పాటు స్వామి వారి కల్యాణోత్సవం, 5న ఉదయం సూర్యప్రభ వాహనోత్సవం సాయంత్రం ఐరావత వాహనోత్సవం ఉంటుందన్నారు. 6న బ్రహ్మ రథోత్సవం, 7న అశ్వ వాహనోత్సవం, 8న ధ్వజారోహణ, 8న శయనోత్సవం, 9న ఉత్సవమూర్తులను తిరిగి ఆమిద్యాల గ్రామానికి చేర్చటంతో బ్రహ్మోత్సవాలు ముగుస్తాయి. టీచర్ల తాత్కాలిక సీనియార్టీ జాబితాలు సిద్ధం అనంతపురం ఎడ్యుకేషన్‌: జిల్లాలో ప్రధానోపాధ్యాయులు, ఉపాధ్యాయుల సాధారణ సీనియార్టీ తాత్కాలిక జాబితా సిద్ధం చేసినట్లు ఇన్‌చార్జ్‌ డీఈఓ శ్రీనివాసరావు తెలిపారు. ఈ మేరకు ఆయన సోమవారం ఓ ప్రకటన విడుదల చేశారు. ఉపాధ్యాయ సమాచార వ్యవస్థ (టిస్‌) ఆధారంగా ఉమ్మడి అనంతపురం జిల్లాలో ప్రభుత్వ, జిల్లా పరిషత్‌, మండల పరిషత్‌, మున్సిపల్‌ పాఠశాలలలో పనిచేస్తున్న ఎస్జీటీలు, పాఠశాల సహాయకులు, హెచ్‌ఎంల సీనియార్టీ జాబితాలను (సబ్జెక్టు వారీగా, మీడియం వారీగా) సిద్ధం చేశామన్నారు. deo anantapur. blogspot. com వెబ్‌సైట్‌లో అందుబాటులో ఉంచామని వెల్లడించారు. ఉపాధ్యాయులు తమ సీనియారిటీ వివరాలను జాగ్రత్తగా పరిశీలించి, ఏవైనా అభ్యంతరాలు ఉంటే ఈ నెల 23లోగా పనిదినాల్లో మాత్రమే డీఈఓ కార్యాలయంలో అందజేయాలని సూచించారు. అభ్యంతరం తెలిపే ఉపాధ్యాయడి పూర్తి పేరు, హోదా సంబంధిత వివరాలు, సీనియార్టీ జాబితాలో తప్పిదం ఎక్కడ జరిగిందో స్పష్టంగా పేర్కొనాలన్నారు. ఆధారాలు జత చేయాలని సూచించారు. జాబితాలో పేర్లు లేని ఉపాధ్యాయులు కచ్చితంగా వారి వివరాలు నమోదు చేసుకోవాలని స్పష్టం చేశారు. ఎంఈఓలు, హెచ్‌ఎంలు ఈ సీనియార్టీ జాబితాలను పరిశీలించి తమ పరిధిలో ఉన్న టీచర్లు సస్పెన్షన్‌లో ఉన్నా, సెలవుపై ఉన్నా, ఏ ఇతర కారణాల వల్ల తాత్కాలిక జాబితాలో లేకపోతే వెంటనే కార్యాలయానికి తెలియజేయాలని సూచించారు. లేదంటే ఎంఈఓలు, హెచ్‌ఎంలే బాధ్యత వహించాల్సి ఉంటుందన్నారు. ఫారెన్‌ సర్వీస్‌లో పని చేస్తున్న టీచర్లు కూడా తాత్కాలిక సీనియార్టీ జాబితాలో ఉన్నారో లేదో పరిశీలించుకోవాలన్నారు.

● 31 కేంద్రాల్లో పరీక్ష నిర్వహణ ● హాజరుకానున్న 9,745 మంది విద్యార్థులు ● ఏర్పాట్లు పకడ్బందీగా చేపట్టాలని డీఆర్‌ఓ ఆదేశం అనంతపురం అర్బన్‌: డిప్లొమా కోర్సుల్లో ప్రవేశానికి సంబంధించి పాలిసెట్‌–2026 ఈ నెల 25న జరగనుంది. ఏర్పాట్లు పకడ్బందీగా చేపట్టాలని డీఆర్‌ఓ, పరీక్షల నోడల్‌ అధికారి మలోల సంబంధిత అధికారులను ఆదేశించారు. పరీక్ష నిర్వహణపై డీఆర్‌ఓ సోమవారం కలెక్టరేట్‌ రెవెన్యూ భవన్‌లో అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ జిల్లా వ్యాప్తంగా ఆరు పట్టణాల్లోని 31 కేంద్రాల్లో నిర్వహించే పరీక్షకు 9,745 మంది విద్యార్థులు హాజరు కానున్నట్లు చెప్పారు. ఉదయం 11 నుంచి మధ్యాహ్నం ఒంటి గంట వరకు పరీక్ష ఉంటుందన్నారు. కేంద్రానికి ఒకరు చొప్పున ఆరుగురు డిప్యూటీ తహసీల్దార్లను ఫ్లయింగ్‌ స్క్వాడ్‌గా నియమించామన్నారు. కేంద్రాల వద్ద మౌలిక సదుపాయాలు కల్పించాలన్నారు. ఎండల తీవ్రత దృష్ట్యా కేంద్రాల వద్ద వైద్యశిబరం ఏర్పాటు చేసుకోవాలన్నారు. ఓఆర్‌ఎస్‌ ప్యాకెట్లు, మందులు అందుబాటులో ఉంచుకోవాలన్నారు. కేంద్రాల వద్ద పోలీసు బందోబస్తు ఏర్పాటు చేయాలని ఆదేశించారు. విద్యుత్‌ అంతరాయం లేకుండా చూడాలని విద్యుత్‌ శాఖ అధికారులకు చెప్పారు. పరీక్ష వేళలకు అనుకూలంగా ఉండేలా బస్సులను నడపాలని ఆర్టీసీ అధికారులకు సూచించారు. గంట ముందే చేరుకోవాలి.. విద్యార్థులు నిర్దేశించిన పరీక్ష సమయం కంటే గంట ముందుగానే కేంద్రాలకు చేరుకోవాలని డీఆర్‌ఓ సూచించారు. కేంద్రంలోకి ఎలాంటి ఎలక్ట్రానిక్‌ వస్తువులనూ అనుమతించబోరన్నారు.

కణేకల్లు: ‘సార్‌.. గుడి – బడి వద్దే బెల్టుషాపు పెట్టి మద్యం అమ్ముతున్నారు. ఉదయం 6 నుంచి రాత్రి 10 గంటల వరకు తాగుబోతులు మత్తులో వీరంగం సృష్టిస్తున్నారు. వారి గోల భరించలేకపోతున్నాం’ అంటూ కె.కొత్తపల్లి గ్రామస్తులు ఆవేదన వ్యక్తం చేశారు. బెల్టు షాపును ఎత్తేసి ప్రజలు ప్రశాంతంగా ఉండేలా చూడాలని సోమవారం ప్రజా సమస్యల పరిష్కార వేదికలో తహసీల్దార్‌ బ్రహ్మయ్యకు విజ్ఞప్తి చేశారు. గ్రామంలోని ప్రాథమికోన్నత పాఠశాల, ఆంజనేయస్వామి దేవాలయం పరిసర ప్రాంతంలో బెల్టుషాపు తెరిచి రేయింబవళ్లూ మద్యం అమ్ముతున్నారన్నారు. మద్యం తాగిన వారు హల్‌చల్‌ చేస్తూ పరిసర ప్రాంత ప్రజలకు మనశ్శాంతి లేకుండా చేస్తున్నారన్నారు. తహసీల్దార్‌ స్పందిస్తూ బెల్టుషాపు లేకుండా చర్యలు తీసుకుంటామన్నారు.

తాడిపత్రి రూరల్‌: కూలీల వలసల నివారణ కోసం కేంద్రం ప్రవేశపెట్టిన మహాత్మా గాంధీ జాతీయ గ్రామీణ ఉపాధి హామీ పథకం ఈ ఏడాది వికసిత భారత్‌ గ్యారంటీ ఫర్‌ రోజ్‌గార్‌ అండ్‌ అజీవికా మిషన్‌ – గ్రామీణ (వీబీ జీ రామ్‌ జీ)గా మారింది. ఇదివరకు ఏడాదికి వంద రోజుల పనిదినాలు కల్పించేవారు. కొత్తగా ఆ సంఖ్యను 125 దినాలకు పెంచింది. కూలీల ఉపాధికి మెరుగైన హామీ అంటూ చంద్రబాబు ప్రభుత్వం చెబుతోంది. అయితే అందుకు అనుగుణంగా కూలీలకు పని ప్రదేశాల్లో కల్పించాల్సిన సౌకర్యాలను మాత్రం విస్మరిస్తోంది. జిల్లాలో దాదాపు 4.48 లక్షల మంది కూలీలు ఉన్నారని అధికార గణాంకాలు తెలుపుతున్నాయి. పనులకు హాజరవుతున్నవారు 3.55 లక్షల మంది ఉన్నారు. ఉపాధి హామీ పథకం కింద వీరికి 60 రకాలకు పైగా పనులను అధికారులు కల్పించాల్సి ఉంది. వేసవి అలవెన్సులపై అలసత్వం.. ఉపాధి పనుల్లో పాల్గొనే కూలీలకు వేసవి భత్యం అమలు చేయడంలో చంద్రబాబు ప్రభుత్వం నిర్లక్ష్యంగా వ్యవహరిస్తోంది. గత వైఎస్సార్‌సీపీ ప్రభుత్వం కూలీలు చేసిన పనులకు సంబంధించి కూలిలో అదనంగా 30 శాతం వేసవి భత్యం చెల్లించింది. ప్రస్తుతం అలవెన్సు గురించి పట్టించుకునే నాథులే లేరు. ఇక చాలా ఏళ్లుగా కూలీలకు పనిముట్లను పంపిణీ చేయడం లేదు. గడ్డ పారల మరమ్మతులకు రూ.10, గంపకు రూ.5, మంచినీటి కోసం రూ.5, ఐదు కిలోమీటర్లకుపైగా దూరం నుంచి వచ్చిన కూలీలకు రూ.20 చెల్లించాల్సి ఉన్నా పట్టించుకోవడం లేదు. ముఖ హాజరుపై తీవ్ర వ్యతిరేకత.. కూలీలకు ముఖ హాజరు ప్రవేశ పెట్టడంపై తీవ్ర వ్యతిరేకత వ్యక్తమవుతోంది. డిజిటల్‌ విధానం అమలుతో వేతనం కోల్పోవాల్సి వస్తుందేమోనన్న భయం కూలీలను వెంటాడుతోంది. నెట్‌వర్క్‌ పనిచేయక, సిగ్నల్‌ దొరకపోవడం తదితర సాంకేతిక కారణాల వల్ల ముఖ హాజరు తీసుకోవడంలో ఇబ్బందులు ఎదురవుతున్నాయని సిబ్బంది చెబుతున్నారు. ముఖ హాజరును రద్దు చేసి పాత పద్ధతి అమలు చేయాలని కూలీలు డిమాండ్‌ చేస్తున్నారు. ఉపాధి హామీ కింద పనులు చేసే కూలీలకు సౌకర్యాల కల్పనలో ప్రభుత్వం నిర్లక్ష్యం ప్రదర్శిస్తోంది. ఈ వేసవిలో గరిష్ట ఉష్ణోగ్రతలు నమోదవుతున్నాయి. సూరీడు నిప్పులు కక్కుతున్నాడు. ఇటువంటి సమయంలో ఎండలో ఉంటే వడదెబ్బకు గురయ్యే ప్రమాదం ఉంది. పని ప్రదేశంలో కూలీలకు నీడ, మజ్జిగ– మంచినీరు, ప్రథమ చికిత్స కిట్లు అందుబాటులో ఉంచడంలో ప్రభుత్వం తాత్సారం చేస్తోంది. ఫలితంగా కూలీలు తీవ్ర ఇబ్బందులు పడుతున్నారు. నిర్లక్ష్యం వహిస్తే చర్యలు పనిచేసే ప్రదేశాల్లో కూలీలకు అవసరమైన సౌకర్యాలు కల్పించాలని ఫీల్డ్‌ అసిస్టెంట్లను ఆదేశించాం. కూలీలకు అవసరమైన పనిముట్లు ప్రభుత్వం నుంచి రాలేదు. అందుబాటులో ఓఆర్‌ఎస్‌ ప్యాకెట్లు, ఫస్టు ఎయిడ్‌ బాక్స్‌లను ఉంచాలని సూచించాం. కూలీలు సేద తీరడానికి టెంట్లు వేయాలని చెప్పాం. వాటి ఏర్పాటులో సిబ్బంది నిర్లక్ష్యం వహిస్తే చర్యలు తీసుకుంటాం. – రాజ్యలక్ష్మి, ఏపీఓ, ఉపాధి హామీ, తాడిపత్రి ఉపాధి సరే.. సౌకర్యాలేవీ..? సేద తీరడానికి టెంట్లు కరువు నీళ్లు – మజ్జిగ, ఓఆర్‌ఎస్‌ ప్యాకెట్లు లేక కూలీలు సతమతం అమలు కాని వేసవి అలవెన్సు పనిముట్ల పంపిణీని విస్మరించిన ప్రభుత్వం సదుపాయాలు ఎక్కడ..? జిల్లాలో ఉష్ణోగ్రతలు 42 డిగ్రీలు దాటాయి. నిలువ నీడ లేక ఉపాధి పనులు చేస్తున్న కూలీలు ఉక్కపోతతో అల్లాడుతున్నారు. పని ప్రదేశంలో కూలీలు సేద తీరటానికి, భోజనాలు చేయడానికి టెంట్లు వేయాల్సి ఉంది. అయితే ఎక్కడా టెంట్లు ఏర్పాటు చేయకపోవడంతో చెట్ల నీడన సేద తీరుతూ, భోజనాలు చేయాల్సి వస్తోంది. చెట్లు లేని చోట ఎండల్లోనే మగ్గుతున్నారు, మజ్జిగ ప్యాకెట్లు అందుబాటులో ఉంచాలని, పనులు జరిగే సమయంలో కూలీలు గాయాలపాలైతే వారికి చికిత్స కోసం అయోడిన్‌ బాటిల్‌, బ్యాండేజీ, దూది తదితర వస్తువులతో కూడిన ఫస్ట్‌ ఎయిడ్‌ బాక్స్‌ను అందుబాటులో ఉంచాలని నిబంధనలు ఉన్నా పట్టించుకోవడం లేదు. తీవ్రమైన ఎండల బారినపడి కూలీలు వడదెబ్బకు గురికాకుండా ఉండేందుకు ఓఆర్‌ఎస్‌ ప్యాకెట్లను ఎక్కడా అందుబాటులో ఉంచిన దాఖలాలు కనిపించడం లేదు. ప్రస్తుతం కొన్నిచోట్ల తాగడానికి నీళ్లు కూడా లేకపోవడంతో కూలీలు ఇంటి నుంచే బాటిళ్లలో నీళ్లు తెచ్చుకుని గొంతు తడుపుకుంటున్నారు.

అనంతపురం ఎడ్యుకేషన్‌: చంద్రబాబు హయాంలో ప్రాజెక్టుల పేరుతో నిధులు తప్ప నీళ్లు పారడం లేదు అని మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. సోమవారం అనంతపురంలోని తన నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రాజెక్టులంటే రైతులకు నీళ్లు ఇవ్వడానికనేది వైఎస్‌ రాజశేఖరరెడ్డి నిర్వచనమైతే, కాంట్రాక్టర్లకు దోచి పెట్టడమనేది చంద్రబాబు నిర్వచనమని అన్నారు. హంద్రీ–నీవా కాలువకు దివంగత ఎన్టీఆర్‌ డీపీఆర్‌ చేయించారన్నారు. 40 టీఎంసీల నీటిని లిఫ్ట్‌ ఇరిగేషన్‌ ద్వారా తీసుకురావడం సాధ్యం కాదని చెప్పి 5 టీఎంసీల తాగునీటికి పరిమితం చేస్తూ చంద్రబాబు జీఓ తెచ్చారన్నారు. అయితే వైఎస్‌ రాజశేఖరరెడ్డి సీఎం అయిన తర్వాత తిరిగి 40 టీఎంసీల సామర్థ్యానికి పెంచారన్నారు. పనులు మొదలుపెట్టి జీడిపల్లి రిజర్వాయర్‌ వరకు నీళ్లు తెచ్చారన్నారు. రెండోదశ పనులు దాదాపు 70 శాతం పూర్తి చేసిన ఘనత వైఎస్సార్‌దే అన్నారు. హంద్రీనీవాను నాశనం చేసిన క్రెడిట్‌ మీదే.. తామే హంద్రీ–నీవాను తీసుకొచ్చామని, జిల్లాను సస్యశ్యామలం చేశామని, ఆ క్రెడిట్‌ తమదేనంటూ టీడీపీ మంత్రులు, ఎమ్మెల్యేలు ఊకదంపుడు ఉపన్యాసాలు ఇస్తున్నారని తోపుదుర్తి విమర్శించారు. హంద్రీ–నీవాను నాశనం చేసిన క్రెడిట్‌ మీదేనని మండిపడ్డారు. మొన్నటిదాకా 2,200 క్యూసెక్కుల నీళ్లు మాత్రమే వచ్చాయన్నారు. అయితే టీడీపీ వాళ్లు అందుకు భిన్నంగా 52 టీఎంసీల నీటిని తీసుకొచ్చామని గొప్పలు చెప్పుకుంటున్నారని విమర్శించారు. నాసిరకంగా కాంక్రీట్‌ పనులు.. కుప్పంకు నీళ్లు తీసుకుపోవాలనే ఉద్దేశంతో హంద్రీ–నీవా కాలువకు కాంక్రీట్‌ లైనింగ్‌ చేయించారని తోపుదుర్తి ప్రకాష్‌రెడ్డి అన్నారు. ఫలితంగా కాలువ కింద ఉన్న వందలాది గ్రామాల్లో భూగర్భజలాలు అడుగంటి వేలాది బోర్లు ఎండిపోయాయన్నారు. బినామీ కాంట్రాక్టర్లకు దోచిపెట్టేందుకే రూ.3,850 కోట్లతో కాలువ లైనింగ్‌ పనులు చేపట్టారన్నారు. అనంతపురం నుంచి చిత్తూరు దాకా వందచోట్ల లైనింగ్‌లో కంకర మొత్తం రాలిపోయిందంటే పనులు ఎంత అధ్వానంగా ఉన్నాయో అర్థం చేసుకోవచ్చన్నారు. చంద్రబాబుకు ఆదాయం వస్తుందంటేనే పనులు చేపట్టి.. దానికి అభివృద్ధి అని పేరు పెడతారన్నారు. మడకశిర బ్రాంచ్‌ కెనాల్‌ ద్వారా నామమాత్రపు ఖర్చుతో పేరూరు డ్యాంకు నీళ్లు ఇచ్చే అవకాశం ఉన్నా... పట్టించుకోలేదన్నారు. ఎందుకంటే వారికి నిధులు పారాలి తప్ప నీళ్లు అవసరం లేదన్నారు. హంద్రీ–నీవా కాలువను వారి ఆదాయ మార్గాల కోసం మాత్రమే ఉపయోగించుకున్నారన్నారు. పొలాలకు నీళ్లివ్వాల్సిన ప్రాజెక్ట్‌ను కాంట్రాక్టర్లకు వరప్రదాయణిగా మార్చుతున్న మీదీ బతుకేనా? అంటూ మండిపడ్డారు. నాసిరకం లైనింగ్‌ పనులపై విచారణకు ఆదేశించి చర్యలు తీసుకోవాలన్నారు. పిల్లకాలువల నిర్మాణాలకు టెండర్లు పిలిచి, పూర్తి చేయాలని, లేదంటే ప్రజాకోర్టులో తప్పకుండా శిక్ష వేస్తారని హెచ్చరించారు. సమావేశంలో జెడ్పీటీసీ సభ్యుడు చంద్రకుమార్‌, వైస్‌ ఎంపీపీ రామాంజనేయులు, నాయకులు రంగంపేట గోపాల్‌రెడ్డి, మామిళ్లపల్లి అమర్‌నాథరెడ్డి, కనగానపల్లి అంకే అశోక్‌, శేఖర్‌, సనప గోపాల్‌రెడ్డి పాల్గొన్నారు. కాంట్రాక్టర్లకు దోచిపెట్టేందుకే తహతహ హంద్రీ–నీవా లైనింగ్‌తో అడుగంటిన భూగర్భజలాలు చంద్రబాబుపై మాజీ ఎమ్మెల్యే తోపుదుర్తి ప్రకాష్‌రెడ్డి ఆగ్రహం

చీనీ చెట్లు ఎండిపోతున్నాయ్‌ అనంతపురం అర్బన్‌: ‘మా కష్టం పగోడికి కూడా రాకూడదు. చెరువుల్లో నీరు లేక బోర్లు అడుగంటి దాదాపు వెయ్యి ఎకరాల్లో చీనీ చెట్లు ఎండిపోతున్నాయి. ఇదే పరిస్థితి కొనసాగితే అప్పులపాలై చివరికి ఆత్మహత్య చేసుకోవాల్సిన వస్తుంది’ అని గార్లదిన్నె మండలం మర్తాడు గ్రామ రైతులు సుబ్బయ్య, రామచంద్ర, తాతిరెడ్డి, కిష్టప్ప, వెంకటేశ్వరరెడ్డి, ఎర్రిస్వామి, రాయలసీమ రైతు వ్యవసాయ కార్మిక సంఘం నాయకుడు అక్బర్‌ ఆవేదన చెందారు. సోమవారం వారు కలెక్టరేట్‌లో ఆందోళన చేశారు. బ్రాహ్మణపల్లి చెరువు, ఓటికుంట చెరువు, రామాకుల చెరువుల్లో నీరు లేకపోవడంతో సమీపంలోని వ్యవసాయ బోర్లు అడుగంటి చీనీ చెట్లు ఎండిపోతున్నాయని తెలిపారు. హంద్రీ–నీవా కాలువ ద్వారా నీటితో ఈ చెరువులను నింపకపోవడంతో ఈ పరిస్థితి వచ్చిందన్నారు. తమ గ్రామాన్ని కలెక్టర్‌ సందర్శించి, పంటల దుస్థితిని చూసి రైతులను ఆదుకునేందుకు చర్యలు తీసుకోవాలని ప్రజా సమస్యల పరిష్కార వేదికలో అర్జీ అదేశారు. పరిష్కార వేదికకు 504 అర్జీలు అనంతపురం అర్బన్‌: తమ మొర ఆలకించి సమస్యల పరిష్కారానికి చర్యలు తీసుకోవాలని అర్జీదారులు వేడుకున్నారు. సోమవారం కలెక్టరేట్‌ రెవెన్యూ భవన్‌లో నిర్వహించిన ప్రజాసమస్యల పరిష్కార వేదికలో ప్రజల నుంచి వివిధ సమస్యలపై 504 అర్జీలను జాయింట్‌ కలెక్టర్‌ విష్ణుచరణ్‌తో పాటు డీఆర్‌ఓ మలోల, ఎఫ్‌ఎస్‌ఓ జి.రామకృష్ణారెడ్డి, డిప్యూటీ కలెక్టర్లు ఆనంద్‌, రామ్మోహన్‌, మల్లికార్జునరెడ్డి, రమేష్‌రెడ్డి స్వీకరించారు. కార్యక్రమం అనంతరం అర్జీల పరిష్కారంపై అధికారులతో జేసీ సమీక్షించారు. అందే ప్రతి అర్జీకీ నాణ్యమైన పరిష్కారం చూపించాలని అధికారులను ఆదేశించారు. వినతుల్లో కొన్ని అనంతపురంలోని సంగమేష్‌నగర్‌లో నగరపాలక సంస్థకు చెందిన విలువైన స్థలం కబ్జాకు గురవుతోందని ఓబులేసు ఫిర్యాదు చేశాడు. ఈ విషయంపై నగరపాలక సంస్థ అధికారుల దృష్టికి తీసుకెళ్లినా పట్టించుకోలేదని తెలిపాడు. ఆక్రమణదారుల నుంచి స్థలాన్ని రక్షించేలా చర్యలు తీసుకోవాలని కోరాడు. విద్యుతాఘాతానికి గురై కాలిపోయిన గంధం చెట్లకు సంబంధించి వాల్యుయేషన్‌ సర్టిఫికెట్‌ను డీఎఫ్‌ఓ కార్యాలయంలో ఇవ్వడం లేదని రాయదుర్గం మండలం జుంజురాంపల్లికి చెందిన ప్రకాష్‌ ఫిర్యాదు చేశాడు, గుమ్మఘట్ట మండలం భూపసముద్రం సర్వే నంబరు 164–బిలోని తమ పొలంలో 2,500 గంధపు చెట్లను 15 ఏళ్లుగా పెంచుతున్నానని చెప్పాడు. విద్యుత్‌ షార్ట్‌ సర్క్యూట్‌ కారణంగా 1,800 చెట్లు, మోటార్లు, పైపులు కాలిపోయాయనని తెలిపాడు. చెట్లకు నష్టపరిహారం కోసం వెళితే అటవీశాఖ నుంచి వాల్యుయేషన్‌ సర్టిఫికెట్‌ తీసుకురావాలని అధికారులు చెప్పారన్నారు. అటవీశాఖ అధికారులేమో ఇవ్వడం లేదన్నారు. తనకు నష్టపరిహారం అందేలా చూడాలని వేడుకున్నాడు. అనంతపురం శివారులోని రాజీవ్‌కాలనీ పంచాయతీ ప్రియాంకనగర్‌లో నివాసముంటున్న చాకలి వెంకటేష్‌ అనే దివ్యాంగుడు తనకు పింఛన్‌ మంజూరు చేయాలని అధికారులను కోరాడు. 50 శాతం వైకల్యం ఉన్నట్లు సదరం సర్టిఫికెట్‌ ఉందని, ఎన్నిసార్లు దరఖాస్తు చేసినా మంజూరు చేయలేదని తెలిపాడు. గుంతకల్లు మండలం నెలగొండ గ్రామ సర్వేనంబరు 263లో 4.22 ఎకరాలు పట్టా భూమి తనకు తాతల నుంచి సంక్రమించిందని, అయితే రెవెన్యూ అధికారులు ఆన్‌లైన్‌లో తన పేరు తొలగించి వేరొకరి పేరు మీద భూమి ఎక్కించారని రైతు నెట్టికల్లు ఆవేదన వ్యక్తం చేశాడు. వీఆర్‌ఓతో పాటు తహసీల్దార్‌ కార్యాలయం చుట్టూ ప్రదక్షిణ చేస్తున్నా ఆన్‌లైన్‌లో పేరును సరిచేయడం లేదన్నాడు. తన సమస్య పరిష్కరించాలని అధికారులను కోరాడు.

అనంతపురం అగ్రికల్చర్‌/గుంతకల్లు రూరల్‌/ గార్లదిన్నె: యాపిల్‌, లాంగాన్‌, మకాడమియా, అవకాడో, లిచీ, లక్ష్మణఫలం లాంటి కొత్త రకం పండ్లతోటలు సాగు చేయడానికి తొందరపడకుండా కొంతకాలం రైతులు వేచిచూడాలని ఉద్యానశాఖ అడిషినల్‌ డైరెక్టర్లు సీహెచ్‌ హరినాథరెడ్డి, ఎం.వెంకటేశ్వర్లు, ఉద్యాన శాస్త్రవేత్త డాక్టర్‌ తిరుపతిరెడ్డి సూచించారు. జిల్లాలో మూడు మండలాల పరిధిలో రైతులు సాగు చేసిన యాపిల్‌ పంటతో పాటు కొత్త రకం పంటల గురించి ఇటీవల విస్తృతంగా ప్రచారం జరగడంతో వాటి పరిశీలనకు రెండు రోజుల పాటు జిల్లాలో విస్తృతంగా పర్యటించారు. మొదటి రోజు ఆదివారం కుందుర్పి మండలం ఎనుములదొడ్డిలో రైతు నాగరాజు సాగు చేసిన యాపిల్‌ పంట, అలాగే కళ్యాణదుర్గం మండలంలో రైతు కృష్ణమూర్తి సాగు చేసిన డ్రాగన్‌, విభిన్న పద్ధతుల్లో సాగు చేసిన కళింగర పంట, అవకాడో పంటను చూశారు. బెళుగుప్ప మండలం గుండ్లపల్లిలో రైతు రామాంజినేయులు 1.20 ఎకరాల్లో 300 రకాల మామిడి, 30 రకాల జామతో పాటు మొత్తం మీద పలు రకాల పండ్లతోటలు 1,500 చెట్లు కలిగిన తోటను పరిశీలించి రైతు అనుభవాలు తెలుసుకున్నారు. పోలీసుశాఖలో పనిచేస్తున్న ఆయన వివిధ దేశాల్లో పండించే పలు కొత్త రకాలను ప్రయోగాత్మకంగా సాగు చేస్తున్నట్లు గుర్తించారు. రెండో రోజు సోమవారం గార్లదిన్నె మండలం మర్తాడులో రైతు రమణారెడ్డి సాగు చేసిన యాపిల్‌, లాంగాన్‌, కర్జూరం తోటలు, అలాగే గుంతకల్లు మండలంలో రైతు చంద్రశేఖర్‌ సాగు చేసిన మలబార్‌ వేప, సీతాఫలంలో కొత్తరకమైన లక్ష్మణఫలం, లాంగ్‌ మల్బరీ, మకాడమియా, వాటర్‌ యాపిల్‌ తోటలను పరిశీలించి, మాట్లాడారు. ఈ సందర్భంగా అడిషనల్‌ డైరెక్టర్లు మాట్లాడుతూ కొత్త రకం పంటలను తొందరపడి సాగు చేయవద్దన్నారు. ఒకసారి చేతికిరాగానే పంట వచ్చినట్లేనని భావించి మిగతా రైతులు అదే బాట పడితే సమస్యలు ఉత్పన్నమవుతాయని తెలిపారు. యాపిల్‌తో పాటు కొత్త రకాల పండ్లతోటలపై మూడేళ్లు అధ్యయనం చేసిన తర్వాత ముందుకు వెళదామన్నారు. అధ్యయనం చేసే బాధ్యతను రేకులకుంట ఉద్యాన పరిశోధనా స్థానం ప్రధాన శాస్త్రవేత్త డాక్టర్‌ తిరుపతిరెడ్డితో పాటు జిల్లాలో ఉన్న మరికొందరు శాస్త్రవేత్తలు, ఉద్యాన అధికారులకు అప్పగిస్తున్నట్లు తెలిపారు.

పెద్దవడుగూరు: మండల కేంద్రం చుట్టుపక్కల వరుసగా గడ్డివాములకు నిప్పు పెడుతున్న వ్యక్తిని అరెస్ట్‌ చేసినట్లు సీఐ రామసుబ్బయ్య, ఎస్‌ఐ ఆంజనేయులు తెలిపారు. సోమవారం స్థానిక పీఎస్‌లో ఏర్పాటు చేసిన విలేకరుల సమావేశంలో వివరాలను వారు వెల్లడించారు. గుంతకల్లు మండలం నాగసముద్రం గ్రామానికి చెందిన తపెల పెద్దరంగడు అలియాస్‌ సుధాకర్‌ కొన్ని రోజులుగా పెద్దవడుగూరులో తిరుగుతూ గడ్డివాములకు నిప్పు పెట్టి పైశాచిక ఆనందం పొందసాగాడు. ఈ నెల 13న రైతు గొల్ల గంగన్న గడ్డివాములు, 14న జడ్‌.వీరారెడ్డికి చెందిన గడ్డివాములు, 15న జెడ్‌.హనుమంతరెడ్డి గడ్డివాములు, 18న మొళకతాళ్లలో, 19న పెద్దవడుగూరులోని వట్టెం విజయబాస్కర్‌రెడ్డికి చెందిన గడ్డివాములకు నిప్పు పెట్టాడు. బాధిత రైతుల ఫిర్యాదు మేరకు కేసులు నమోదు చేసిన పోలీసులు నిఘా పటిష్టం చేవారు. ఈ క్రమంలో 19వ తేదీన చోటు చేసుకున్న సంఘటనా ప్రదేశంలోని సీపీ కెమెరాల్లో నిక్షిప్తమైన పుటేజీల ఆధారంగా సోమవారం పెద్ద రంగడుని అరెస్ట్‌ చేసి, న్యాయమూర్తి ఆదేశాలతో రిమాండ్‌కు తరలించారు.

రూ. 50వేలు తిరిగి ఇవ్వనందుకు తన భర్త హుస్సేన్‌బాషాను పది రోజుల క్రితం కిడ్నాప్‌ చేసి, చిత్ర హింసలకు గురిచేస్తున్నారని సాకే కామాక్షి అనే మహిళ కన్నీటి పర్యంతమయ్యారు. సోమవారం ఎస్పీని కలిసి ఫిర్యాదు చేసిన అనంతరం విలేకరులతో ఆమె మాట్లాడారు. అనంతపురంలోని భారత్‌ వాటర్‌ప్లాంట్‌లో తన భర్త హుస్సేన్‌బాషా పని చేసేవాడని గుర్తు చేశారు. ఈ క్రమంలో యజమాని వద్ద అప్పు చేశాడని, తిరిగి ఇవ్వకపోవడంతో వారు బందీగా చేసుకున్నారని వివరించారు. ఆరేళ్ల్లుగా కనీస జీతం కూడా ఇవ్వకుండా పనులు చేయించుకున్నారన్నారని, ఇప్పుడు తన భర్తను వదిలి పెట్టకపోవడంతో ఇంట్లో జీవనం దుర్భరంగా మారిందని కన్నీటి పర్యంతమయ్యారు. అనంతపురం వన్‌టౌన్‌ పోలీసులకు ఫిర్యాదు చేసి, రోజూ పోలీసు స్టేషన్‌ చుట్టూ తిరుగుతున్నా పట్టించుకోవడం లేదని వాపోయారు. ఎలాగైనా తన భర్తను విడిపించాలని ఎస్పీకి విజ్ఞప్తి చేసినట్లు వివరించారు.

అనంతపురం సెంట్రల్‌: మగ దిక్కు లేక హోటల్‌ నడుపుతూ జీవనం సాగిస్తున్న ఒంటరి మహిళ కుటుంబంపై ఓ తాగుబోతు వేధింపులకు పాల్పడ్డాడు. హోటల్లో ఉంటున్న 17 ఏళ్ల వయసున్న ఆమె కుమార్తెను బలవంతం చేయడానికి యత్నించాడు. ఈ ఘటన సోమవారం అనంతపురంలోని కళ్యాణదుర్గం బైపాస్‌ రోడ్డులో ఉన్న రుద్రవైన్స్‌ షాపు వద్ద చోటు చేసుకుంది. ‘నేను రౌడీషీటర్‌ని.. ఒకడ్ని చంపినా... నన్ను అడ్డుకునే వారు ఈ నగరంలోనే లేరు.. నీ బిడ్డను కిడ్నాప్‌ చేస్తా.. మీకు ఎవరు అడ్డు వస్తారో చూస్తా ’. అంటూ మద్యం మత్తులో రెచ్చిపోతూ బట్టలు విప్పి ఒంటరి మహిళ, ఆమె కుమార్తెతో పట్టపగలే అసభ్యకరంగా ప్రవర్తించాడు. గమనించిన స్థానికులు వెంటనే దుండగుడిని పట్టుకుని దేహశుద్ధి చేసి, నాల్గో పట్టణ పోలీసులకు అప్పగించారు. దుండగుడు ఎవరన్నది పోలీసులు విచారిస్తున్నారు. దేహశుద్ధి చేసి పోలీసులకు అప్పగించిన స్థానికులు

అనంతపురం: బీసీలను ఓటు బ్యాంకుగా వాడుకుని, ఎలాంటి ఆర్థిక, రాజకీయ, సామాజిక ప్రయోజనాలు దక్కకుండా చంద్రబాబు ప్రభుత్వం వివక్షకు గురిచేస్తోందని వైఎస్సార్‌సీపీ రాష్ట్ర కార్యదర్శి, బీసీ సెల్‌ రాష్ట్ర వర్కింగ్‌ ప్రెసిడెంట్‌ రమేష్‌గౌడ్‌ విమర్శించారు. ఈ నెల 26న అనంతపురంలో తలపెట్టిన ‘బీసీ గళం’ కార్యక్రమం విజయవంతం చేయడానికి గల కార్యాచరణపై సోమవారం జిల్లా వైఎస్సార్‌సీపీ కార్యాలయంలో ఏర్పాటు చేసిన రౌండ్‌ టేబుల్‌ సమావేశంలో ఆయన మాట్లాడారు. బీసీలకు ఇచ్చిన హామీలను అమలు చేయాలనే ప్రధాన డిమాండ్‌తో ఈ నెల 26న జరగబోయే బీసీ గళం కార్యక్రమాన్ని విజయవంతం చేయాలని పిలుపునిచ్చారు. సంక్షేమ పథకాల ద్వారా బీసీ వర్గాలకు ఆర్థిక స్వావలంబన, రాజ్యాధికారంలో భాగస్వామ్యం ద్వారా సామాజిక సాధికారిత దిశగా గత వైస్సార్‌సీపీ ప్రభుత్వంలో అప్పటి సీఎం వైఎస్‌ జగన్‌మోహన్‌ రెడ్డి బాటలు వేశారని గుర్తు చేశారు. బీసీలను చంద్రబాబు బ్యాక్‌వర్డ్‌ క్లాస్‌గా భావిస్తే.. బ్యాక్‌ బోన్‌ క్లాస్‌గా వైఎస్‌ జగన్‌ మార్చారని ప్రశంసించారు. అమ్మ ఒడి పథకం, విద్యాదీవెన, విద్యా కానుక, పొదుపు మహిళలకు ఆసరా, అక్క చెల్లెమ్మలకు చేయూత లాంటి పథకాలను దేశంలో మరే రాష్ట్రంలో లేని విధంగా అమలు చేసి అన్ని విధాలుగా అండగా నిలిచారన్నారు. కార్యక్రమంలో వైఎస్సార్సీపీ సీఈసీ సభ్యుడు మీసాల రంగన్న, జిల్లా ప్రధాన కార్యదర్శి గౌని నాగన్న (న్యాయవాది), రాధాకృష్ణ, బీసీ జిల్లా అధ్యక్షుడు ఉపేంద్ర, ఉపాధ్యక్షుడు లక్ష్మన్న, బీసీ సెల్‌ నగర కార్యదర్శి నరేష్‌, శ్రీనివాసులు, రిలాక్స్‌ నాగరాజు, శేఖర్‌ బాబు, రాజశేఖర్‌, నవీన్‌, లక్ష్మణ్‌, మహిళా విభాగం రాష్ట్ర అధికార ప్రతినిధి కృష్ణవేణి, రాజేష్‌, విద్యార్థి విభాగం జిల్లా అధ్యక్షుడు చంద్రశేఖర్‌ యాదవ్‌, కై లాష్‌, చిన్న రాయుడు, ఎం. కిరణ్‌, దస్తా వెంకటేష్‌ తదితరులు పాల్గొన్నారు.

● పోస్టల్‌ ఉద్యోగి బలవన్మరణం ● భార్య 9 నెలల నిండు గర్భిణి ● అనంతపురం రూరల్‌ మండలం మధురానగర్‌లో విషాదం రాప్తాడు రూరల్‌: కారణాలు తెలీదుకాని జీవితంపై విరక్తితో ఓ పోస్టల్‌ ఉద్యోగి బలవన్మరణానికి పాల్పడ్డాడు. భార్య 9 నెలల నిండు గర్భిణి. 18 నెలల వయసున్న కుమార్తె అంటే అమితమైన ప్రేమ. తాను చనిపోయే ముందు కుమార్తె గుర్తుకొచ్చింది కాబోలు చివరిసారిగా వీడియో కాల్‌ చేసి మాట్లాడాడు. ఏమనిపించిందో ఏమో కానీ, మళ్లీ వీడియోకాల్‌ చేసి మాట్లాడాడు. బాధనంతా దిగమింగుకుని యోగక్షేమాలు అడిగి ఫోన్‌ పెట్టేశాడు. ఆ కుటుంబానికి అదే చివరికాల్‌ అయింది. ఫోన్‌ పెట్టేసిన కాసేపటికి ఆత్మహత్య చేసుకున్నాడు. ఈ విషాద ఘటన సోమవారం అనంతపురం రూరల్‌ మండలం కళ్యాణదుర్గం రోడ్డు మధురానగర్‌ మూడోక్రాస్‌లో సోమవారం చోటు చేసుకుంది. బంధువులు తెలిపిన మేరకు... శ్రీసత్యసాయి జిల్లా బత్తలపల్లి మండలం ఈదులముష్టూరుకు చెందిన కుమ్మర గోపినాథ్‌ (38)కి అనంతపురం రూరల్‌ మండలం ఆలమూరుకు చెందిన కుమ్మర శ్రావణితో మూడేళ్ల క్రితం వివాహమైంది. వీరికి 18 నెలల కుమార్తె ఉంది. శ్రావణి ప్రస్తుతం 9 నెలల నిండు గర్బిణి. ఇంకో నాలుగైదు రోజుల్లో కాన్పు కానుంది. అనంతపురం రూరల్‌ మండలం మధురానగర్‌లో అద్దె ఇంట్లో నివాసం ఉంటూ ఆత్మకూరు పోస్టాఫీసులో పని చేస్తున్నాడు. భార్య డెలివరీ కోసమని పుట్టింటికి వెళ్లింది. గోపినాథ్‌ ఒక్కడే ఇంట్లో ఉంటూ డ్యూటీకి వెళ్లి వచ్చేవాడు. కొన్నేళ్ల పాటు ఊరి నుంచి డ్యూటీకి వెళ్లి వస్తే తనకెంతో సౌకర్యవంతంగా ఉంటుందని భార్య అభ్యర్థనకు గోపినాథ్‌ అంగీకరించాడు. ఈ క్రమంలో ఐదు రోజుల క్రితం మధురానగర్‌లో ఉన్న ఇంట్లో నుంచి చాలా సామగ్రిని ఆలమూరుకు తరలించారు. ఇంకా కొన్ని మిగిలి ఉండగా...రెండు మూడు రోజుల్లో ఖాళీ చేయాలని భావించారు. ఇంతలో ఏమి జరిగిందో ఏమో తెలీదు కాని గోపినాథ్‌ సోమవారం మధ్యాహ్నం భార్య, కుమార్తెతో ఫోన్‌లో మాట్లాడాడు. మరో మారు భార్య ఫోన్‌చేస్తే లిఫ్ట్‌ చేయలేదు. మామ సుబ్బరాయుడు ఫోన్‌ చేసినా స్పందించలేదు. వెంటనే ఇంటి యజమానికి శ్రావణి ఫోన్‌ చేయడంతో ఆమె మిద్దైపెకి వెళ్లి చూడగా అప్పటికే వేసుకున్న ఉరికి విగతజీవిగా వేలాడుతున్న గోపినాథ్‌ కనిపించాడు. కొన ఊపిరితో ఉన్న అతడిని వెంటనే కిందకు దింపి హుటాహుటిన ఆస్పత్రికి తరలించగా అప్పటికే మృతి చెందినట్లు వైద్యులు ధ్రువీకరించారు. సమాచారం అందుకున్న రూరల్‌ పోలీసులు ఘటనాస్థలాన్ని పరిశీలించారు. కారు బోల్తా.. వ్యక్తి మృతి బెళుగుప్ప: మండలంలోని నరసాపురం వద్ద ప్రధాన రహదారిపై కారు అదుపుతప్పి బోల్తాపడిన ఘటనలో ఓ వృద్ధుడు మృతి చెందాడు. స్థానికులు తెలిపిన మేరకు... రాయదుర్గం నివాసి లడ్డూ వలీసాహెబ్‌ (66) కుటుంబసభ్యులతో కలసి కారులో సోమవారం ఉదయం కళ్యాణదుర్గం బయలుదేరాడు. నరసాపురం వద్దకు చేరుకోగానే డ్రైవర్‌ నియంత్రణ కోల్పోవడంతో కారు అదుపు తప్పి రోడ్డు పక్కన పల్లంలోకి బోల్తా కొట్టింది. కారు నుజ్జునుజ్జయింది. గమనించిన స్థానికులు వెంటనే సహాయక చర్యలు చేపట్టారు. కారులో ఇరుక్కుపోయిన వారిని వెలికి తీశారు. అప్పటికే వలీ సాహెబ్‌ అపస్మారక స్థితికి చేరుకున్నాడు. డ్రైవర్‌ రామచంద్రకు తీవ్ర గాయాలయ్యాయి. స్వల్ప గాయాలతో ఇద్దరు కుటుంబసభ్యులు బయటపడ్డారు. క్షతగాత్రులను 108 వాహనంలో కళ్యాణదుర్గం ప్రభుత్వాసుపత్రికి తరలించగా అప్పటికే వలీసాహెబ్‌ మృతి చెందినట్లు వైద్యులు నిర్ధారించారు. ఘటనపై పోలీసులు దర్యాప్తు చేపట్టారు.

గుంతకల్లు టౌన్‌: మహిళలు, బాలికల భద్రతకు శక్తి యాప్‌ ఓ రక్షణ కవచమని ఎస్పీ పి.జగదీష్‌ అన్నారు. సోమవారం సాయంత్రం పాత గుత్తి రోడ్డులోని ఓ ఫంక్షన్‌ హాల్‌లో గుంతకల్లు సబ్‌డివిజన్‌ పోలీసు శాఖ ఆధ్వర్యంలో బాలికలు, మహిళల భద్రతపై ఏర్పాటు చేసిన అవగాహన సదస్సులో ఎస్పీ మాట్లాడారు. విద్యార్థినులు, మహిళలు తమ ఫోన్లలో ఉన్న క్యాండీక్రష్‌, ఇతర చాటింగ్‌ యాప్‌లను తొలగించి శక్తియాప్‌ను తప్పనిసరిగా డౌన్‌లోడ్‌ చేసుకోవాలన్నారు. ఆపదలో ఉన్న సమయంలో యాప్‌లోని ఎస్‌ఓఎస్‌ బటన్‌ నొక్కితే క్షణాల్లో పోలీసులు అక్కడికి చేరుకుని రక్షణగా నిలుస్తారని చెప్పారు. ఈ యాప్‌ వినియోగం వల్ల గత రెండేళ్లల్లో జిల్లాలో బాలికలు, మహిళలపై 10 శాతం నేరాలు తగ్గాయన్నారు. ఏపీకే ఫైల్స్‌, లోన్‌ యాప్‌లు, సైబర్‌ మోసాలపై చాలా అప్రమత్తంగా ఉండాలన్నారు. మాదకద్రవ్యాల వినియోగం వల్ల జీవితాలు నాశనమవుతాయన్నారు. మాదకద్రవ్యాల వినియోగంపై 1972కి సమాచారం అందించాలని విజ్ఞప్తి చేశారు. కార్యక్రమంలో గుంతకల్లు ఎమ్మెల్యే జయరామ్‌, స్థానిక డీఎస్పీ శ్రీనివాసులు, అనంతపురం మహిళా పీఎస్‌ డీఎస్పీ మహబూబ్‌బాషా, సబ్‌డివిజన్‌లోని సీఐలు మనోహర్‌, ప్రవీణ్‌, రామారావు, శంకర్‌నాయక్‌, రాజు, మహానంది పాల్గొన్నారు. అనంతరం రోడ్డు భద్రతా నియమాలపై అవగాహన కల్పించేందుకు పట్టణంలో సాయంత్రం నిర్వహించిన ర్యాలీలో ఎస్పీ హెల్మెట్‌ ధరించి ద్విచక్రవాహనాన్ని నడిపారు. అనుమానంతోనే బాలుడి హత్య ● 48 గంటల్లోనే మిస్టరీ ఛేదింపు ● నిందితుడి అరెస్ట్‌ రాప్తాడు రూరల్‌: అనంతపురం రూరల్‌ మండలం పామురాయి సమీపంలో జరిగిన మైనర్‌ బాలుడి హత్య కేసులో మిస్టరీని 48 గంటల వ్యవధిలోనే పోలీసులు ఛేదించారు. అనుమానం పెనుభూతమై ఓ బాలుడి హత్యకు దారి తీసింది. ఈ కేసులో ప్రధాన నిందితుడు చాకలి రామ్మోహన్‌ సోమవారం అరెస్ట్‌ చేసి రిమాండ్‌కు తరలించారు. వివరాలను రూరల్‌ పీఎస్‌లో ఏర్పాటు చేసిన విలేకరుల సమావేశంలో సీఐ ఎన్‌.శేఖర్‌ వెల్లడించారు. ఈ నెల 18న మధ్యాహ్నం 3:30 గంటల సమయంలో పామురాయి సమీపంలోని సిమెంట్‌ పెల్లల ఫ్యాక్టరీ వద్ద స్థానిక రజక కాలనీకి చెందిన కళ్యాణ్‌ సాత్విక్‌ అనే బాలుడు హత్యకు గురయ్యాడు. తండ్రి ఫిర్యాదు మేరకు కేసు నమోదు చేసిన పోలీసులు దర్యాప్తు ప్రారంభించారు. సదరు బాలుడు తన భార్యతో సన్నిహితంగా ఉన్నాడనే అనుమానంతో కక్ష పెంచుకున్న రామ్మోహన్‌ పథకం ప్రకారం జనసంచారం తక్కువగా ఉన్న ప్రదేశానికి బాలుడిని తీసుకెళ్లి సిమెంట్‌ పెల్లలతో తలపై మోది హత్య చేశాడు. దర్యాప్తు చేపట్టిన సీఐ ఎన్‌.శేఖర్‌ నేతృత్వంలోని పోలీసులు పక్కా ఆధారాలతో సోమవారంరాప్తాడు మండలం కదిరి–అనంతపురం రోడ్డులోని ఆర్డీటీ స్టేడియం సమీపంలో నిందితుడిని అదుపులోకి తీసుకున్నారు. విచారణ అనంతరం కేసు నమోదు చేసి, న్యాయమూర్తి ఆదేశాలతో రిమాండ్‌కు తరలించారు. కేసును ఛేదించడంలో కీలకపాత్ర పోషించిన సీఐతో పాటు ఎస్‌ఐ కె. రాంబాబు, మహిళా ఎస్‌ఐ కె. చైతన్య స్వరూపిణి, పీసీలు తిమ్మప్ప, జయరాం నాయక్‌, కె. రాజును అనంతపురం రూరల్‌ డీఎస్పీ టి.శ్రీనివాసులు అభినందించారు. ఐసీడీఎస్‌ పీడీ బాధ్యతల స్వీకరణ అనంతపురం సెంట్రల్‌: ఐసీడీఎస్‌ ఇన్‌చార్జ్‌ పీడీగా శశికళ సోమవారం బాధ్యతలు స్వీకరించారు. ఇది వరకూ పనిచేస్తున్న ఎం.శ్రీదేవి తనను ఇన్‌చార్జ్‌ బాధ్యతల నుంచి తప్పించాలంటూ ప్రభుత్వానికి విజ్ఞప్తి చేసిన నేపథ్యంలో ఆమెను తిరిగి బద్వేలు సీడీపీఓగా ప్రభుత్వం నియమించింది. ఈ నేపథ్యంలో సోమవారం ఉదయం ఆమె రిలీవ్‌ అయ్యారు. రాయచోటి సీడీపీఓగా పనిచేస్తూ ఇక్కడికి ఇన్‌చార్జ్‌ పీడీగా బదిలీపై వచ్చిన శశికళకు బాధ్యతలు స్వీకరించారు.

అనంతపురం అర్బన్‌: పెద్దవడుగూరు మండలం కొండుపల్లి వద్ద వందల ఎకరాల్లో సాగుతున్న అక్రమ మైనింగ్‌ను అరికట్టి బాధ్యులపై చర్యలు తీసుకోవాంటూ జాయింట్‌ కలెక్టర్‌ సి.విష్ణుచరణ్‌కు సీపీఐ నాయకులు ఫిర్యాదు చేశారు. ఈ మేరకు సోమవారం కలెక్టరేట్‌లోని రెవెన్యూభవన్‌లో నిర్వహించిన పరిష్కార వేదికలో జేసీని సీపీఐ నాయకులు వెంకటరాముడు, సూర్యనారాయణరెడ్డి, చిరుతల మల్లికార్జున కలిసి వినతిపత్రం అందజేసి, మాట్లాడారు. కొండుపల్లి రెవెన్యూ పరిధిలోని సర్వే నంబరు 698–ఏ, సీ, బీ2, 697, 699, 688–ఏ2, బీ–1లో అక్రమ మైనింగ్‌ సాగుతోందన్నారు. దాదాపు రూ.6 కోట్లు విలువ చేసే డోలమైట్‌, స్టీటైట్‌ ఖనిజం 8వేల టన్నులకు పైగా తరలించారని ఆరోపించారు. ఈ విషయం రెవెన్యూ, గనుల శాఖ అధికారుల దృష్టికి తీసుకెళితే మొక్కబడిగా తనిఖీలు నిర్వహించి కొంత ఖనిజం సీజ్‌ చేశారని, అయితే ఎవరిపై చర్యలు తీసుకున్నది లేదన్నారు. తహసీల్దారు సీజ్‌ చేసిన ఖనిజాన్ని కొద్ది రోజుల తరువాత అక్రమార్కులు తరలించి సొమ్ము చేసుకున్నారని తెలిపారు. కొండుపల్లిలో 10 గనులు మాత్రమే అనుమతి పొంది నడుస్తున్నాయని, మిగిలినవన్నీ అక్రమంగా నడుస్తున్నవే తెలిపారు. దీనిపై తనిఖీలు నిర్వహించి అక్రమ మైనింగ్‌కు అడ్డుకట్ట వేస్తూ బాధ్యులపై చర్యలు తీసుకోవాలని విన్నవించారు. సెకండ్‌ గ్రేడ్‌ మున్సిపాలిటీగా గుత్తి గుత్తి: గుత్తి మున్సిపాలిటీ అప్‌గ్రేడ్‌ అయ్యింది. జనాభా, ఆదాయం ఆధారంగా థర్డ్‌ గ్రేడ్‌ నుంచి సెకండ్‌ గ్రేడ్‌ మున్సిపాలిటీగా అప్‌గ్రేడ్‌ చేస్తూ రాష్ట్ర ప్రభుత్వం సోమవారం ఉత్తర్వులు జారీ చేసింది. అప్‌గ్రేడ్‌ కావడం వల్ల ఎక్కువ నిధులతో పాటు అదనపు సిబ్బంది వస్తారు. మున్సిపాలిటీ అభివృద్ధి అయ్యే అవకాశం ఉంటుంది.

బొమ్మనహాళ్‌: మండల కేంద్రంలో వెలసిన వేంకటేశ్వర ఆలయ బ్రహ్మోత్సవాల్లో భాగంగా సోమవారం నిర్వహించిన రథోత్సవం అంగరంగ వైభవంగా సాగింది. ఉదయం ఆలయంలో మూలవిరాట్‌కు ప్రత్యేక అభిషేకాలు, విశేష అలంకరణలు పెద్ద ఎత్తున జరిగాయి. ఉదయం 6 గంటలకు దీక్షా హోమం, బలిహరణ, 10 గంటలకు రథాంగహోమం, రథ బలి, మడుగుతేరు నిర్వహించారు. సాయంత్రం 6 గంటలకు శ్రీదేవి, భూదేవి సమేత శ్రీవారి ఉత్సవ మూర్తులను పల్లకీలో ఊరేగింపుగా తీసుకువచ్చి బ్రహ్మ రథంపై అధిష్టింపజేసి ప్రత్యేక పూజలు నిర్వహించారు. వేలాది మంది భక్తులు గోవింద నామసర్మణంతో రథాన్ని ముందుకు లాగారు. రథోత్సవం ముందు వివిధ వేషధారణలతో చిన్నారులు ఆకట్టుకున్నారు. వివిధ ప్రాంతాల నుంచి వచ్చిన మహిళలు, భక్తులు కోలాటం, వివిధ సాంస్కృతిక కార్యక్రమాలతో సందడి చేశారు. ఆలయ కమిటీ ఆధ్వర్యంలో అన్నదానం ఏర్పాటు చేశారు. గనిలో ప్రమాదం – కార్మికుడి మృతి యాడికి: గనిలో చోటు చేసుకున్న ప్రమాదంలో ఓ కార్మికుడు మృతి చెందాడు. పోలీసులు తెలిపిన మేరకు... వైఎస్సార్‌ కడప జిల్లా వీరనాయునిపల్లికి చెందిన రామకృష్ణారెడ్డి, ఆయన కుమారుడు పవన్‌కుమార్‌రెడ్డి (25) ఇద్దరూ యాడికి మండలంలోని బోయరెడ్డి పల్లి సమీపంలో ఉన్న అదానీ సిమెంట్స్‌ పరిశ్రమలో విధులు నిర్వర్తిస్తూ జీవనం సాగిస్తున్నారు. ఈ క్రమంలో సోమవారం తెల్లవారు జామున 3 గంటల సమయంలో కుందన కోట – గుడిపాడు గ్రామాల మధ్యలో ఉన్న గనుల్లో విధుల్లో ఉన్న సూపర్‌వైజర్‌ పవన్‌కుమార్‌రెడ్డిని గని నుంచి వేగంగా దూసుకొచ్చిన టిప్పర్‌ ఢీకొంది. తలకు బలమైన గాయమైన పవన్‌కుమార్‌రెడ్డిని వెంటనే తాడిపత్రిలోని ప్రభుత్వాస్పత్రికి తరలించారు. అక్కడ చికిత్స పొందుతూ మరణించాడు. సమాచారం అందుకున్న యాడికి సీఐ శ్రీనివాసులు, సిబ్బందితో కలిసి క్షేత్ర స్థాయిలో పరిశీలించారు. మృతుడి తండ్రి ఫిర్యాదు మేరకు కేసు నమోదు చేసి, దర్యాప్తు చేపట్టారు.

రాప్తాడు రూరల్‌/కుందుర్పి: నిర్లక్ష్యపు డ్రైవింగ్‌కు ఓ రైతు నిండు ప్రాణం బలైంది. పండించిన పంటను అమ్ముకుని కుటుంబానికి ఆధారం కావాలనే ఆశతో వచ్చిన అన్నదాత అదే మార్కెట్‌ యార్డులో ప్రాణాలు కోల్పోవడం చూపరులను కలచివేసింది. వివరాలు..కుందుర్పి మండలం అప్పిలేపల్లి గ్రామానికి చెందిన రైతు చంద్రన్న (66) తన పొలంలో పండించిన మామిడి కాయలను బొలెరో వాహనంలో తీసుకుని కక్కలపల్లి గ్రామంలోని టమాట మండీకి వచ్చాడు. ఆదివారం రాత్రి సుమారు 11 గంటల సమయంలో మార్కెట్‌లో సరుకు ఉంచి, మరుసటి రోజు ఉదయం వేలంలో పాల్గొనేందుకు అక్కడే వేచి ఉంటూ బహిరంగ ప్రదేశంలో నిద్రపోయాడు. అర్ధరాత్రి సమయంలో టీఎస్‌ 07 ఈయూ 3699 నంబరు గల చావర్లెట్‌ క్రూజ్‌ కారును డ్రైవర్‌ రివర్స్‌ చేస్తూ నిద్రిస్తున్న చంద్రన్నను గుర్తించకుండా అతని మీదుగా దూసుకెళ్లాడు. ఘటనలో చంద్రన్న తొడలు, నడుం భాగం తీవ్రంగా నలిగిపోయాయి. క్షతగాత్రుడిని ఆగమేగాలపై స్థానిక ఓ ప్రైవేట్‌ ఆస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు. అనంతరం పోస్టుమార్టం నిమిత్తం మృతదేహాన్ని ప్రభుత్వ ఆస్పత్రికి తరలించారు. సమాచారం అందుకున్న అనంతపురం రూరల్‌ పీఎస్‌ ఎస్‌ఐ రాంబాబు ఘటనాస్థలాన్ని పరిశీలించి, కేసు నమోదు చేశారు. కాగా, మృతుడికి భార్య, ముగ్గురు కుమార్తెలు, ఓ కుమారుడు ఉన్నారు. మార్కెట్‌ యార్డులో రివర్స్‌లో వచ్చి పడుకున్న రైతు మీద దూసుకెళ్లిన కారు నిద్రలోనే కన్నుమూత

అనంతపురం సెంట్రల్‌: రాష్ట్రంలో చంద్రబాబు ప్రభుత్వం ఏర్పడిన తర్వాత జిల్లాలో పోలీసు వ్యవస్థ నిర్వీర్యమైందని, బాధితులకు న్యాయం చేకూరడం లేదంటూ పలువురు వాపోయారు. సోమవారం జిల్లా పోలీసు కార్యాలయంలో ఏర్పాటు చేసిన ప్రజా సమస్యల పరిష్కార వేదికకు వివిధ సమస్యలపై 129 వినతులు అందాయి. ఎస్పీ జగదీష్‌ స్వయంగా వినతులు స్వీకరించి, బాధితులతో మాట్లాడారు. చట్టపరిధిలోని అంశాలకు తక్షణ పరిష్కారం చూపాలని సంబంధిత ఎస్‌హెచ్‌ఓలను ఆదేశించారు. కాగా, సమస్యల పరిష్కారంపై పలువురు ఫిర్యాదుదారులు అసంతృప్తి వ్యక్తం చేశారు. సాక్షాత్తూ ఎస్పీ జగదీష్‌కు ఫిర్యాదు చేసినా న్యాయం దక్కడం లేదని ఆవేదన వ్యక్తం చేశారు. కేవలం అధికారపార్టీ నాయకుల సిఫారసులు ఉన్న వారి పక్షానే పోలీసులు నిలుస్తూ బాధితులకు అన్యాయం చేస్తున్నారని అసహనం వ్యక్తం చేశారు. దీంతో ఒకే సమస్యపై న్యాయం కోసం పలుమార్లు ఎస్పీ కార్యాలయం చుట్టూ తిరగాల్సి వస్తోందని కన్నీటి పర్యంతమవుతున్నారు. సిఫారసు ఉంటేనే పనులు ఎస్పీ గ్రీవెన్స్‌లో ఫిర్యాదు చేసినా దక్కని న్యాయం పరిష్కార వేదికకు 129 వినతులు

మూడు తులాల బంగారు నగలు తీసుకుని తిరిగి ఇవ్వకుండా ఉరవకొండ మండలం కౌకుంట్ల గ్రామానికి చెందిన హేమంత్‌కుమార్‌, మంత్రి పయ్యావుల కేశవ్‌ అనుచరుడు లక్కవరం శ్రీనివాసులు తనను ఇబ్బందులకు గురిచేస్తున్నారని అనంతపురానికి చెందిన సాయిలీల ఆవేదన వ్యక్తం చేశారు. సోమవారం ఎస్పీని కలిసి ఫిర్యాదు చేసిన అనంతరం ఆమె తన వేదనను విలేకరులకు వెల్లడించారు. 2023 డిసెంబర్‌ నుంచి తనను వారు వేధిస్తున్నారని, ఈ అంశంపై ఇప్పటికే పలుమార్లు ఎస్పీని కలిసి విన్నవించుకున్నానని తెలిపారు. ఎస్పీని కలిసిన ప్రతిసారీ అనంతపురం రూరల్‌ పోలీసులకు సిఫారసు చేస్తున్నారని, అయినా తనకు న్యాయం చేకూరడం లేదని కన్నీటి పర్యంతమయ్యారు. గతంలో లక్కవరం శ్రీనివాసులును రూరల్‌ పోలీసుస్టేషన్‌కు పోలీసులు పిలిపించి, పంచాయితీ చేశారని, ఆ సమయంలో నగలు తిరిగి ఇస్తానంటూ అంగీకరించాడని తెలిపారు. అయితే నేటికీ నగలు తిరిగి ఇవ్వకుండా బెదిరింపులకు దిగుతున్నాడని ఆవేదన వ్యక్తం చేశారు. కనీసం ఇప్పటికై నా పోలీసులు తనకు న్యాయం చేయాలని ఎస్పీని కలిసి వేడుకున్నట్లు వివరించారు.

అనంతపురం జిల్లా: హనీ ట్రాప్‌ దందా దుమారం రేపుతోంది. సమాజంలో గౌరవంగా బతుకుతున్న అమాయకులను లక్ష్యంగా చేసుకుని రూ.కోట్లు కొల్లగొట్టారు. ఈ నయా దందాపై ‘కవ్విస్తారు.. కాటేస్తారు!’ అనే శీర్షికతో ఆదివారం ‘సాక్షి’లో వెలువడిన కథనం ఉమ్మడి జిల్లాలో పెద్ద చర్చకు దారితీసింది. ఈ వ్యవహారంపై బాధితులు నేరుగా ఎస్పీ జగదీష్ ను కలిసి ఫిర్యాదు చేశారు. ఆయన ఆదేశాలతో అనంతపురం రూరల్, నాలుగో పట్టణ పోలీసులు రంగంలోకి దిగారు. బాధితుల ఫిర్యాదు మేరకు గ్యాంగ్‌ లీడరు లేడీబాస్‌తో పాటు మరో ఇద్దరిపై కేసులు నమోదు చేశారు. ఇందులో పాత్రధారులు, సూత్రధారులందరిపైనా చర్యలు ఉంటాయని చెబుతున్నారు. బాధితులు నేరుగా వచ్చి ఫిర్యాదులు చేయాలని సూచిస్తున్నారు. ఏళ్ల తరబడి సాగుతున్న దందా.. వలపు వయ్యారాలతో బాధితులకు వల వేసి, వీడియో కాల్స్, వ్యక్తిగత సంభాషణలను ఆయుధాలుగా మార్చుకుని రూ.లక్షలు దోచుకుంటున్న ఈ ముఠా కార్యకలాపాలు విస్తృతంగా సాగినట్లు వెల్లడవుతోంది. ముఖ్యంగా ‘లేడీ డాన్‌’ ఆధ్వర్యంలో ఈ దందా నడుస్తున్నట్టు బయటపడటం కలకలం రేపుతోంది. ఐదేళ్ల కిందట తిరుపతిలో ఒక ఫారెస్ట్‌ అధికారిని ఇదే తరహాలో బ్లాక్‌మెయిల్‌ చేసి రూ.లక్షలు వసూలు చేసిన ఘటన కూడా ఇప్పుడు మళ్లీ తెరపైకి వచ్చింది. అప్పట్లో తిరుపతిలో కేసు కూడా నమోదైంది. అలాగే కూడేరు మండలానికి చెందిన బాధితుడు ఈ ముఠా వలలో చిక్కుకుని తీవ్ర ఇబ్బందులు ఎదుర్కొని చివరకు పోలీసులను ఆశ్రయించాడు. ఇటీవల పలువురు బాధితులు నేరుగా ఎస్పీని కలిసి ఫిర్యాదులు చేయడం, అలాగే ముఠాలో డబ్బుల పంపకాల విషయంలో విభేదాలు రావడం వల్ల ఈ దందా వెలుగులోకి వచ్చింది. లబోదిబోమంటున్న రిటైర్డ్‌ ఉద్యోగి.. అనంతపురం రూరల్‌ ప్రాంతానికి చెందిన 70 ఏళ్లకు పైబడి ఉన్న ఓ రిటైర్డ్‌ ఉద్యోగి వ్యక్తిగత పనిమీద రుద్రంపేట వద్దనున్న డీమార్ట్‌ సమీపంలోకి వెళ్లాడు. అక్కడ ఓ మహిళ (అప్పటికే పక్కా ప్రణాళిక రచించారు) తారసపడి.. సదరు రిటైర్డ్‌ ఉద్యోగి చేస్తున్న పనికి సంబంధించి తమకు అవసరం ఉందని, ఇంటివద్దకు రావాలని చెప్పి ఫోన్‌ నంబరు తీసుకెళ్లింది. మరుసటి రోజు ఫోన్‌ చేసి రిటైర్డ్‌ ఉద్యోగిని రుద్రంపేట శివారులోని ప్రాంతానికి పిలిపించింది. అక్కడ ఇంట్లోకి రాగానే తలుపు దగ్గరగా వేసింది. ‘రండి సార్‌.. పర్వాలేదు’ అంటూ వలపు మాటలతో రెచ్చగొట్టింది. ఈ పరిణామంతో కంగుతిన్న బాధితుడు ‘అమ్మా...ఏంటిది’ అంటుండగానే అప్పటికే బయట సిద్ధంగా ఉన్న పాత్రధారులు రంగప్రవేశం చేశారు. రిటైర్డ్‌ ఉద్యోగిని న్యూడ్‌(నగ్నం)గా నిలబెట్టి వీడియోలు, ఫొటోల్లో బంధించారు. ఆయనతో పాటు ఉన్న మహిళపై తీవ్రస్థాయిలో చిందులేశారు. ‘నువ్వు అవసరం లేదుపో... మా కుటుంబ మర్యాద మంటగలిపావు’ అని అనడంతో ఆ వృద్ధుడికి ఏమి జరుగుతోందో తెలీక బిక్కమొహం వేశాడు. ‘నీ విషయం కూడా బయటపెడతా...ఎలా మా ఇంటికి వస్తావు. పోలీసులకు ఫిర్యాదు చేస్తా. మీ కుటుంబ సభ్యులందరికీ ఫొటోలు, వీడియోలు పంపుతా. సోషల్‌ మీడియాలోనూ పెడతాన’ని బెదిరించారు. దీంతో ఆయన లబోదిబోమంటూ తనకు ఏపాపమూ తెలీదని చెప్పినా వినలేదు. చివరగా రూ.10 లక్షలు ఇస్తే సమస్య ఇంతటితో ఆపేస్తామని, లేదంటే నీ బండారమంతా బయటపెడతామని చెప్పడంతో తన ఇబ్బందులన్నీ చెప్పుకుని చివరకు రూ.3 లక్షలు సమరి్పంచుకున్నాడు. ఇలాంటి బాధితులు చాలామందే ఉన్నారు. అయితే ఎక్కువగా ఉద్యోగులు, రిటైర్డ్‌ ఉద్యోగులు, ధనవంతులను ఈ ముఠా లక్ష్యం చేసుకుంది.

రాప్తాడురూరల్‌:భవన నిర్మా ణ కార్మికుడిని నకిలీ అధికారి బురిడీ కొట్టించిన ఘటన ఆదివారం చోటుచేసుకుంది. వివరాలు...ఆత్మకూరు మండలం బి.యాలేరుకు చెందిన మోపూరు వెంకటరాముడు భవన నిర్మాణ పనులు చేస్తూ జీవనం సాగిస్తున్నాడు. హంపాపురంలో పేమెంట్‌ రూ.30 వేలు రావాల్సి ఉండ గా, ఆదివారం అక్కడికి వెళ్లి యజమానిని కలిశాడు. అతను సోమవారం పేమెంట్‌ చేస్తానని, తన వద్దనున్న రూ.20 వేలు అనంతపురంలో సిమెంట్‌ యజమానికి ఇవ్వాలని వెంకటరాముడుకు ఇచ్చి పంపాడు. ఈ డబ్బు తీసుకొని వెంకటరాముడు బైక్‌పై బయల్దేరాడు. హంపాపురం క్రాస్‌ దాటిన తర్వాత గోడౌన్‌ సమీపంలో రోడ్డుపక్కన కారు, ద్విచక్ర వాహనం ఆగి ఉన్నాయి. వెంకటరాముడు అక్కడికి చేరుకోగానే బైకుపై ఉన్న యువకుడు బండిని ఆపి ‘తాము చెకింగ్‌ అధికారులు’ అని చెప్పా రు. ముందుగా బ్యాగ్‌ పరిశీలించి, జేబుల్లోని డబ్బు చూపించాలన్నారు. తన వద్దనున్న రూ.20 వేలు ఆ వ్యక్తి డబ్బును తీసుకుని లెక్కపెట్టాడు. అనుమానం వచ్చిన వెంకటరాముడు అతన్ని ప్రశ్నించగా, ‘మా సార్‌ చెప్పినట్టు చెక్‌ చేస్తున్నాం’ అని చెప్పాడు. డబ్బు తిరిగి ఇస్తున్నట్లు ఇస్తూ అక్కడి నుంచి బెక్‌పై రాంగ్‌ రూట్‌లో హంపాపురం వైపు ఉడాయించాడు. మోసపోయినట్లు విషయం గ్రహించిన వెంకటరాముడు వెంటనే అతన్ని వెంబడించినా ఫలితంలేకపోయింది. తిరిగి ఘటన స్థలానికి వచ్చేసరికి అక్కడా కారు లేదు. బాధితుడు రాప్తాడు పోలీస్‌ స్టేషన్‌లో ఫిర్యాదు చేశాడు.

ఉరవకొండ/కుందుర్పి: జిల్లాలో అత్యంత ప్రాతిష్టాత్మకంగా నిర్వహించే మహాత్మా జ్యోతి బాపూలే గురుకుల జూనియర్‌ కళాశాల (ఎంజేపీ జేసీ) సెట్‌–2026 పరీక్షలు ఆదివారం ప్రశాంతంగా నిర్వహించారు. వజ్రకరూరు మండలంలోని కొనకొండ్ల జూనియర్‌ గురుకుల కళాశాలలో నిర్వహించిన పరీక్షలకు 490 మంది విద్యార్థులు కేటాయించారు. అందులో 387 మంది హాజరైనట్లు ప్రిన్సిపాల్‌ జాన్సీరాణి తెలిపారు. కుందుర్పి పాఠశాల ప్రిన్సిపాల్‌, జ్యోతిబాపూలే బీసీ గురుకుల పాఠశాలల కన్వీనర్‌ జీ. అస్రత్‌ అలీ విలేకరులతో మాట్లాడారు. ఆదివారం కొనకొండ్ల, నార్పల జ్యోతిబాపూలే గురుకుల పాఠశాలల్లో నిర్వహించిన ప్రవేశ పరీక్షకు నార్పల, గుమ్మగట్ట, హీరేహాళ్‌, కుందుర్పి, కొనకొండ్ల, లేపాక్షి, పేరూరు, నసనకోట తదితర పాఠశాలల నుంచి 776 మంది ధరఖాస్తు చేసుకున్నారన్నారు. అందులో 645 మంది విద్యార్థులు హాజరుకాగా 131 మంది గైర్హాజరయినట్లు ఆయన తెలిపారు. వ్యక్తి అనుమానాస్పద మృతి తాడిపత్రి రూరల్‌: మండలంలోని కోమలి రైల్వేస్టేషన్‌ పరిధిలో రైలు పట్టాల పక్కన నాగేంద్ర (45) అనుమానాస్పదంగా మృతి చెందినట్లు అప్‌గ్రేడ్‌ పోలీసులు ఆదివారం తెలిపారు. కోమలి గ్రామానికి చెందిన నాగేంద్రకు భార్య, పిల్లలు ఉన్నారు. మేకలు మేపుతూ కుటుంబాన్ని పోషించుకుంటున్నాడు. శుభకార్యం నిమిత్తం అత్తవారింటికి కుటుంబ సభ్యులతో వెళ్లిన నాగేంద్ర.. తిరిగి వచ్చాడు. ఇంటికి తిరిగి వచ్చిన నాగేంద్ర తాను కోమలి రైల్వేస్టేషన్‌ సమీపంలో ఉన్నానని, పిల్లలను సరిగా చూసుకోవాలని తమ్ముడు సురేంద్రకు ఫోన్‌ చేశాడు. ఆందోళనతో సోదరుడు సంఘటనా స్థలానికి వెళ్లి చూడగా రైల్వే పట్టాల పక్కన విగతజీవిగా పడి ఉన్నాడు. శవాన్ని పరిశీలించగా తలకు రెండు చోట్ల గాయాలు అయ్యి ఉన్నాయి. అనుమానంతో సోదరుడు అతన్ని చికిత్స నిమిత్తం తాడిపత్రి ప్రభుత్వ ఆసుపత్రికి తీసుకెళ్లాడు. వైద్యులు పరీక్షించగా అప్పటికే నాగేంద్ర మృతిచెంది ఉన్నాడు. సంఘటనా స్థలాన్ని బట్టి చూస్తే నాగేంద్రను హత్య చేసి ఉంటారని తమ్ముడు సురేంద్ర పోలీసులకు తెలియజేశాడు. కుటుంబ సభ్యుల ఫిర్యాదు మేరకు పోలీసులు విచారణ చేస్తున్నారు. మహిళా వికాసానికి కాంగ్రెస్‌ అడ్డు ● మంత్రి సత్యకుమార్‌ అనంతపురం టవర్‌క్లాక్‌: మహిళా రిజర్వేషన్‌ బిల్లును కాంగ్రెస్‌తో సహా విపక్షాలు వ్యతిరేకించి మహిళా వికాసానికి అడ్డుపుల్ల వేశాయని.. అయినా చర్చలు జరిపి గెలిచే తీరుతామని మంత్రి సత్యకుమార్‌ అన్నారు. ఆదివారం ఆయన అనంతపురంలో విలేకరులతో మాట్లాడారు. దేశంలోని మహిళలు, ఎస్సీ, ఎస్టీలు అభివృద్ధి చెందాలని కేంద్ర ప్రభుత్వం మహిళా రిజర్వేషన్‌ బిల్లు ప్రవేశ పెట్టిందన్నారు. కాంగ్రెస్‌ పార్టీ వ్యతిరేకించి ఆ వర్గాలకు తీరని అన్యాయం చేసిందన్నారు. బిల్లు ఆమోదం పొందే వరకు పోరాడతామన్నారు. మహిళా రిజర్వేషన్‌, డీలిమిటేషన్‌ బిల్లులు ఆమోదం పొందితే మహిళలు రాజకీయంగా ఎదిగేవారన్నారు. బంగారు గొలుసు అపహరణ బత్తలపల్లి: శుభకార్యానికి వెళ్లి బ్యాగు చూసుకోగా, అందులో ఉన్న బంగారు గొలుసు కనిపించలేదని బాధితులు నాగమోహన్‌, భూమిక దంపతులు ఆవేదన చెందారు. వివరాలు.. ముద్దనపల్లికి చెందిన నాగమోహన్‌, భూమిక దంపతులు నార్పల మండలం గొల్లపల్లికి ఓ శుభకార్యానికి వెళ్లేందుకు బత్తలపల్లికి వచ్చారు. తాడిపత్రికి వెళ్లే ఆర్టీసీ బస్సులో వెళ్లారు. అక్కడికెళ్లిన తర్వాత బ్యాగులో ఉన్న మూడున్నర తులాల బంగారు నెక్లెస్‌ కనిపించలేదు. అయితే అదే బ్యాగులో ఉన్న జత కమ్మలు, చిన్నపాటి గొలుసు ఉందని బాధితులు తెలిపారు. అనంతరం బత్తలపల్లి పోలీసులకు ఫిర్యాదు చేశారు. పోలీసులు విచారణ చేపట్టారు. ఇంటర్‌ విద్యార్థి అదృశ్యం బత్తలపల్లి: ఇంటర్మీడియెట్‌ ఫలితాల్లో ఫెయిల్‌ అయ్యాడని తల్లిదండ్రులు మందలించడంతో ఓ విద్యార్థి ఆదివారం అదృశ్యమయ్యాడు. పోలీసులు తెలిపిన మేరకు.. జలాలపురానికి చెందిన బి.శివయ్య, రమణమ్మ దంపతులకు ఇద్దరు కుమారులు సంతానం. పెద్ద కుమారుడు నెల్లూరులో బీటెక్‌ చదువుతున్నాడు. రెండో కొడుకు జగదీష్‌ ధర్మవరంలోని మోడల్‌ కాలేజీలో ఇంటర్‌ చదువుతున్నాడు. ఇటీవల విడుదలైన ఇంటర్‌ మొదటి సంవత్సరం ఫలితాల్లో ఫెయిల్‌ అయ్యాడు. మాట్లాడుతూ వచ్చే ఏడాదైనా బాగా చదివి మంచి ఫలితాలు తెచ్చుకోవాలని సూచించారు. మనస్థాపంతో ఇంటి నుంచి వెళ్లిపోయాడు.

అనంతపురం కల్చరల్‌: బంగారం ధరలు కొండెక్కి కూర్చుంటున్నా మోజు తీరడం లేదు. ఎగబడి కొంటున్నారు. చాలా మందికి బంగారు ఆభరణాలను ధరించడమంటే మక్కువ. మహిళలకైతే ఇక చెప్పక్కర్లేదు. పెళ్లిళ్ల సీజన్‌ వచ్చిందంటే నిత్యం బంగారం చేతులు మారుతూనే ఉంటుంది. ముఖ్యంగా అక్షయ తృతీయ రోజుల్లో కొంతైనా బంగారం కొని దాచుకోవాలన్న సెంటిమెంట్‌ బలంగా ఉంటుంది. సోమవారం అక్షయ తృతీయ ఉండడంతో నగలు కొనడం కోసం అందరూ పరుగులు పెడుతున్నారు. తులం బంగారం రూ. లక్షన్నర దాటేస్తున్నా కొనుగోళ్లకు ఉత్సాహం చూపుతున్నారు. జాగ్రత్త.. జాగ్రత్త బంగారంపై ఉండే మోజు, ఆత్రంగా కొనేయాలనుకోవడం వల్ల విపణి వీధిలో అనేక మోసాలు జరుగుతున్నాయి. ఈ క్రమంలో పుత్తడి కొనుగోలు సమయంలో అప్రమత్తంగా ఉండాలని వినియోగదారుల సంఘాల వారు సూచిస్తున్నారు. ● ఆఫర్ల పేరిట జరిగేవన్నీ మోసాలే. ఎందుకంటే తక్కువ ధరకు బంగారం విక్రయించాలని వ్యాపారులు అనుకోరు. ● కేడీఎం పేరుతో 24 క్యారెట్ల బంగారు నగలంటారు. వాస్తవానికి పూర్తి బంగారంతో ఆభరణాలు తయారు చేయడం సాధ్యం కాదు. తప్పనిసరిగా ఇతర లోహాలు వాడాల్సిందే. ● హాల్‌మార్క్‌ ఉందా లేదా చూసుకోవాలి. చైను, డాలర్‌ కలిసి కొనుగోలు చేసే సమయంలో కేవలం డాలర్‌పై మాత్రమే హాల్‌మార్క్‌ ఉంటుంది. చైనుపై కూడా ఉండేవి కొనాలి. బీఐఎస్‌ లోగో, స్వచ్ఛత సంఖ్య, తయారీ సంవత్సరం, తయారీ సంస్థ లోగో ఉండాలి. లేదంటే నాణ్యతా లోపం ఉన్నట్లు లెక్క. ● భారతీయ ప్రమాణాల సంస్థ (బీఐఎస్‌) అనుమతి లేకనే చాలా చోట్ల ఆభరణాలు అమ్ముతుంటారు. ఈ విషయంలో జాగ్రత్తగా ఉండాలి. ● వాల్యూ అడిషన్‌ చార్జెస్‌ పేరుతో ఇష్టానుసారంగా అంటే 15–28 శాతం వరకు వసూలు చేయకూడదు. దీన్ని గమనించాలి. ● తరుగు, ఇతర తయారీ ఖర్చుల విషయంలో ప్రధానంగా మోసం జరుగుతుంటుంది. నిజానికిది వినియోగదారులకు సంబంధించిన అంశం కానే కాదు. వీటిని ముందుగానే వాల్యూ అడిషన్‌ చార్జెస్‌ ద్వారా చెల్లిస్తాం. పెద్ద ఎత్తున మోసం జరిగేదిక్కడే. నేడు అక్షయ తృతీయ బంగారం కొనుగోళ్లకు ఉత్సాహం చూపుతున్న ప్రజలు కొనే సమయంలో జాగ్రత్తగా ఉండాలంటున్న నిపుణులు బ్రహ్మసముద్రానికి చెందిన తిమ్మక్క ఇటీవల అనంతపురంలోని ఓ బంగారు దుకాణంలో 20 గ్రాముల గోల్డ్‌ కొనుగోలు చేసింది. దుకాణదారులు తరుగును కూడా లెక్కించి డబ్బు తీసుకున్నారు. ఈ విషయాన్ని ఆలస్యంగా గుర్తించిన తిమ్మక్క వినియోగదారుల సంఘాన్ని ఆశ్రయించింది. దుకాణదారులతో మాట్లాడిన సంఘం వారు మరి కొంత బంగారాన్ని ఆమెకు ఇప్పించారు. అనంతపురం నగరానికి చెందిన వసుంధర నెల రోజుల క్రితం రెండు తులాల బంగారాన్ని కొనుగోలు చేసింది. అయితే, దుకాణదారులు పాత జీఎస్‌టీ ప్రకారం చార్జి చేశారు. 5 శాతం జీఎస్‌టీకి మించి ఉండడంతో రంగంలోకి దిగిన వినియోగదారుల సంఘం నాయకులు దుకాణదారులతో మాట్లాడి ఆమెకు న్యాయం చేశారు... ఇలాంటి ఘటనలు ఉమ్మడి అనంతపురం జిల్లాలో నిత్యకృత్యంగా మారాయి.

సాక్షి టాస్క్‌ఫోర్స్‌: రాయదుర్గం నియోజకవర్గం డీహీరేహాళ్‌ మండలంలోని ఓబుళాపురం మైనింగ్‌ కంపెనీలో సీబీఐ సీజ్‌చేసిన విలువైన ఇనుప ఖనిజాన్ని ఓ ‘పచ్చ’ముఠా చీకటి మాటున తరలించినట్టు సాక్షాధారాలతో కొందరు సోషల్‌మాధ్యమాల్లో వైరల్‌ చేశారు. ముడి ఇనుము అక్రమంగా తరలిస్తుండగా ఈ నెల 3న కర్ణాటక పోలీసులు పట్టుకుని కేసులు నమోదు చేసినట్టు ఆరోపించారు. గతంలోనూ ఇలాగే చోరీకి పాల్పడి సమీప ఐరన్‌ఓర్‌ ఫ్యాక్టరీలో విక్రయించి సొమ్ము చేసుకున్నట్టు విమర్శలు ఉన్నాయి. కర్ణాటకలో కేసులు నమోదైతే ఇక్కడి అధికారులు దృష్టి సారించకపోవడం పై అనుమానాలు వ్యక్తం చేస్తున్నారు. తరచూ మైనింగ్‌ దోపిడీ వ్యవహారం తెరకెక్కుతున్నా సంబంధిత అధికారులు నిఘా వైఫల్యం కొట్టొచ్చినట్టు కనిపిస్తోంది. మైనింగ్‌ దొంగలు కేసు తప్పుదారి పట్టించే ప్రయత్నం చేశారని బీఎస్‌పీ నాయకుడు చిందనూరు నాగరాజు ఆరోపించారు. ఎన్‌ఎండీసీలోనూ ఖనిజం చోరీ? కర్ణాటక రాష్ట్రం సండూరు పరిసరాల్లో ఉండే ఎన్‌ఎండీసీలోనూ ఖనిజం దోపిడీ జరిగింది. ఈ వివరాలు వైరల్‌గా మారాయి. ఎంతో భద్రతా వలయం మధ్యనున్న ఎన్‌ఎండీసీలో అక్రమంగా తవ్వకాలు జరిపిన ముడి ఇనుమును నేమకల్లు సమీపాన ఓ స్పాంజ్‌ ఐరన్‌ఓర్‌ ఫ్యాక్టరీకి తరలించినట్టు కర్ణాటక పోలీసులు గుర్తించారు. కేసులు నమోదు చేసి ఫ్యాక్టరీలోనూ సోదాలు జరిపినట్టు తెలిసింది. ఈ వివరాలను బళ్లారి ఎస్పీ రెండు రోజుల క్రితం మీడియాకు వెల్లడించారు. స్థానిక అధికారులు అక్రమ మైనింగ్‌ వ్యవహారంపై ఎందుకు దృష్టి సారించలేదని రాజకీయపార్టీలు ప్రశ్నిస్తున్నాయి. వాస్తవాలు నిగ్గుతేల్చి బాధ్యులపై కఠిన చర్యలు చేపట్టాలని బీఎస్‌పీ నాయకుడు చిందనూరు నాగరాజు ఆదివారం విలేకరుల సమావేశంలో డిమాండ్‌ చేశారు.

● బెంబేలెత్తిస్తున్న ఉష్ణోగ్రతలు అనంతపురం అగ్రికల్చర్‌: మునుపెన్నడూ లేనివిధంగా సూరీడు తీవ్రస్థాయిలో ప్రతాపం చూపిస్తుండటంతో హే‘భగ’వాన్‌ అంటూ ప్రజలు బెంబేలెత్తిపోతున్నారు. ఉష్ణోగ్రతలు ఏ మాత్రమూ తగ్గే పరిస్థితి కనిపించడం లేదు. ఆదివారం ‘సన్‌’ స్ట్రోక్‌ మరింత పెరిగింది. తాడిపత్రి, కళ్యాణదుర్గం ప్రాంతంలో 44.4 డిగ్రీల గరిష్ట ఉష్ణోగ్రత నమోదు కావడం గమనార్హం. రికార్డు స్థాయిలో నమోదవుతున్న ఉష్ణోగ్రతలతో 15 రోజులుగా ‘అనంత’ అగ్నిగుండంలా మండుతోంది. వైశాఖ మాసానికి సార్థకత చేకూరుస్తూ సూరీడు జనానికి ముచ్చెటమలు పట్టిస్తున్నాడు. జిల్లా అంతటా గరిష్టంగా 41 డిగ్రీల నుంచి 44 డిగ్రీల మధ్య నమోదవుతున్నాయి. రాత్రి ఉష్ణోగ్రతలు కూడా 24 డిగ్రీల నుంచి 31 డిగ్రీలకు చేరుకోవడం ఆందోళన కలిగిస్తున్నాయి. దీంతో రాత్రిళ్లు కూడా తీవ్ర ఉక్కపోత, వడగాలులతో జనం ఉక్కిరిబిక్కిరి అవుతున్నారు. ఏ మాత్రం అలసత్వం వహించినా వడదెబ్బ బారిన పడే ప్రమాదం ఉందని హెచ్చరిస్తున్నారు. కాగా రాగల మూడు రోజులు కూడా ఉష్ణోగ్రతలు మరింత పెరిగే సూచన ఉన్నట్లు రేకులకుంట వ్యవసాయ పరిశోధనా స్థానం ప్రధాన శాస్త్రవేత్త డాక్టర్‌ ఎం.విజయశంకరబాబు, సీనియర్‌ శాస్త్రవేత్త డాక్టర్‌ జి.నారాయణస్వామి తెలిపారు. దాదాపు పొడి వాతావరణం ఉంటుందని, ఒకట్రెండు చోట్ల తేలికపాటి వర్షం లేదా ఉరుములతో కూడిన జల్లులు పడవచ్చన్నారు. ఉష్ణోగ్రతలు సాధారణం కన్నా పెరిగే ప్రమాదం ఉన్నట్లు తెలిపారు.

అనంతపురం ఎడ్యుకేషన్‌: కేంద్రంలోని బీజేపీ ప్రభుత్వం విద్యను ప్రైవేటీకరణ, కాషాయీకరణ చేయాలనే ప్రయత్నాల నుంచి కాపా డాలని మాజీ ఎమ్మెల్సీ డాక్టర్‌ గేయానంద్‌, ఎస్‌ఎఫ్‌ఐ రాష్ట్ర ప్రధాన కార్యదర్శి ప్రసన్నకుమార్‌ డిమాండ్‌ చేశారు. ఆంధ్రప్రదేశ్‌ సెంట్రల్‌ యూనివర్సిటీ నాల్గో ఎస్‌ఎఫ్‌ఐ మహాసభను ఆదివారం సీపీఎం కార్యాలయంలో నిర్వహించారు. ముఖ్య అతిథులుగా హాజరైన డాక్టర్‌ గేయానంద్‌, ప్రసన్నకుమార్‌ మాట్లాడుతూ దేశవ్యాప్తంగా ప్రభుత్వ విద్యను బలహీనపరుస్తూ, సెంట్రల్‌ యూనివర్సిటీలకు తగిన బడ్జెట్‌ కేటాయించకుండా నిధులను దుర్వినియోగం చేస్తున్నారని విమర్శించారు. సెంట్రల్‌ యూనివర్సిటీలలో అధ్యాపకుల కొరత తీవ్రంగా ఉండటంతో విద్యార్థులు ఇబ్బందులు పడుతున్నారన్నారు. సరైన సౌకర్యాలు లేకుండా విద్యాభ్యాసం కొనసాగించాల్సిన పరిస్థితి నెలకొందన్నారు. కామన్‌ పీజీ సెట్‌ విధానం ద్వారా పేద, మధ్యతరగతి విద్యార్థులను ఉన్నత విద్యకు దూరం చేస్తున్నారని పేర్కొన్నారని వాపోయారు. కార్యక్రమంలో ఎస్‌ఎఫ్‌ఐ జిల్లా ప్రధాన కార్యదర్శి ఓతూరు పరమేష్‌, జిల్లా అధ్యక్షుడు గిరి, నగర నాయకులు శివ, భీమేష్‌, సెంట్రల్‌ యూనివర్సిటీ కమిటీ అధ్యక్షురాలు అన్నన్‌, ఎస్కే యూనివర్సిటీ కార్యదర్శి శాంతిరాజ్‌, నాయకులు పవన్‌, నాగేంద్ర పాల్గొన్నారు.

అనంతపురం అర్బన్‌ కలెక్టరేట్‌ రెవెన్యూ భవన్‌లో సోమవారం ఉదయం 8 నుంచి 11 గంటల వరకు ప్రజాసమస్యల పరిష్కారవేదిక నిర్వహించనున్నట్లు కలెక్టర్‌ ఆనంద్‌ తెలిపారు. మార్పు చేసిన వేళలను ప్రజలు గమనించాలని సూచించారు. పరిష్కార వేదికలో ప్రజలు తమ సమస్యలను అర్జీ రూపంలో అధికారులకు సమర్పించాలన్నారు. పరిష్కార వేదికలో భాగంగా ఏర్పాటు చేసిన రెవెన్యూ క్లినిక్‌లో భూసమస్యలపై అర్జీలను అందజేయాలన్నారు. అర్జీ పరిష్కార స్థితిని కాల్‌సెంటర్‌ 1100కు ఫోన్‌ చేసి తెలుసుకోవచ్చన్నారు. ప్రజలు తమ అర్జీలను పరిష్కార వేదికలోనే కాకుండా meekosam. ap.gov.in వెబ్‌సైట్‌లోకి వెళ్లి కూడా సమర్పించవచ్చని తెలియజేశారు. నేడు డయల్‌ యువర్‌ ఎస్పీడీసీఎల్‌ సీఎండీ అనంతపురం టౌన్‌: విద్యుత్‌ సమస్యల పరిష్కారానికి సోమవారం ఉదయం 10 నుంచి మధ్యాహ్నం 12.30 గంటల వరకు డయల్‌ యువర్‌ ఎస్పీడీసీఎల్‌ సీఎండీ కార్యక్రమం నిర్వహిస్తున్నట్లు సీఎండీ శివశంకర్‌ లోతేటి ఓ ప్రకటనలో తెలిపారు. విద్యుత్‌ సమస్యలున్న వినియోగదారులు 89777 16661 నంబరుకు ఫోన్‌ ద్వారా ఫిర్యాదు చేయాలన్నారు. జిల్లాలో డయల్‌ యువర్‌ ఎస్‌ఈ.. అనంతపురం జిల్లాలో డయల్‌ యువర్‌ ఎస్‌ఈ కార్యక్రమాన్ని ఉదయం 8.30 గంటల నుంచి 9.30 గంటల వరకు నిర్వహిస్తున్నట్లు విద్యుత్‌ శాఖ ఎస్‌ఈ శేషాద్రి శేఖర్‌ తెలిపారు. విద్యుత్‌ సమస్యలున్న వినియోగదారులు 08554– 272943, 9154790350 నంబర్లకు ఫోన్‌ చేసి ఫిర్యాదు చేయాలన్నారు.

అనంతపురం ఎడ్యుకేషన్‌: ఎస్సీ కమిషన్‌ చైర్మన్‌ కేఎస్‌ జవహర్‌ ఈనెల 21న జిల్లాలో పర్యటించనున్నారు. ఆయనతో పాటు ఐదుగురు సభ్యులు కూడా హాజరవుతారని ఎస్సీ సంక్షేమశాఖ ఉప సంచాలకులు కుస్బూ కొఠారి ఆదివారం ఓ ప్రకటనలో తెలిపారు. ఉదయం 10 గంటల నుంచి 1 గంట వరకు కలెక్టరేట్‌లోని రెవెన్యూ భవనంలో ఏర్పాటు చేసిన కార్యక్రమంలో వినతులు స్వీకరిస్తారని పేర్కొన్నారు. 2 గంటల నుంచి జిల్లా, మండలస్థాయి అధికారులతో సమీక్ష సమావేశం ఉంటుందన్నారు. బయన్నపేటలో యువకుడిపై దాడి బుక్కరాయసముద్రం: మండలంలోని దయ్యాలకుంటపల్లి వద్దనున్న బయన్నపేటలో ఓ యువకుడిపై ఇద్దరు వ్యక్తులు దాడి చేసిన ఘటన ఆదివారం చోటుచేసుకుంది. పోలీసులు తెలిపిన మేరకు.. గ్రామానికి చెందిన రామాంజనేయులు కుమార్తె వివాహం త్వరలో జరగబోతుండగా, ఇల్లు శుభ్రం చేసే పనులు చేస్తున్నారు. రామాంజనేయులు కొడుకు గణేష్‌ స్థానికంగా ఉన్న కొళాయి వద్ద నీరు పట్టుకుంటుండగా అదే గ్రామానికి చెందిన శ్రీకాంత్‌, సూరి అక్కడ ఘర్షణ పడ్డారు. గణేష్‌పై శ్రీకాంత్‌, సూరి కర్రలతో భౌతికదాడికి దిగడంతో తీవ్రంగా గాయపడ్డాడు. స్థానికులు అతన్ని చికిత్స నిమిత్తం 108 వాహనంలో అనంతపురం సర్వజనాస్పత్రికి తరలించారు. పోలీసులు కేసు దర్యాప్తు చేస్తున్నారు. ఉపాధ్యాయ సమస్యలపై మూడోదశ పోరాటానికి రంగం సిద్ధం అనంతపురం ఎడ్యుకేషన్‌: ఉపాధ్యాయ సమస్యలపై ఆంధ్రప్రదేశ్‌ ఉపాధ్యాయ సంఘాల సమాఖ్య (ఫ్యాప్టో) మూడోదశ పోరాటానికి రంగం సిద్ధమైంది. ఇందులో భాగంగా ఈ నెల 25న విజయవాడలో రిలే నిరాహార దీక్షలు చేపడుతున్న జిల్లా ప్యాప్టో నాయకులు పేర్కొన్నారు. ఆదివారం స్థానిక ఉపాధ్యాయ భవనంలో ఏర్పాటు చేసిన సమావేశంలో కరపత్రాలు విడుదల చేశారు. నాయకులు మాట్లాడుతూ 12వ పీఆర్సీని వెంటనే ఏర్పాటు చేయాలని, 30 శాతం మధ్యంతర భృతిని ప్రకటించాలని, ఉద్యోగులు, ఉపాధ్యాయులు, పెన్షనర్ల ఆర్థిక, ఆర్థికేతర సమస్యలు పరిష్కరించే వరకు రాష్ట్ర ఫ్యాప్టో కమిటీ ఇచ్చే ప్రతి పిలుపును విజయవంతం చేస్తామని తీర్మానించారు. 25న విజయవాడ ధర్నా చౌక్‌లో నిర్వహించనున్న రిలే నిరాహార దీక్షలు ఉంటాయన్నారు. సమావేశంలో ప్యాప్టో చైర్మన్‌ శ్రీనివాస నాయక్‌, సెక్రటరీ జనరల్‌ పురుషోత్తం, సభ్యులు రమణారెడ్డి, వెంకటరత్నం, కోటేశ్వరరావు, కార్యవర్గ సభ్యుడు శంకరమూర్తి, రాష్ట్ర కార్యదర్శులు వెంకటసుబ్బయ్య, గోవిందరాజులు పాల్గొన్నారు. యువకుడి ఆత్మహత్య పుట్లూరు: రంగమనాయునిపల్లిలో శనివారం రాత్రి వీరేంద్ర (26) ఉరివేసుకుని ఆత్మహత్య చేసుకున్నాడు. పోలీసులు తెలిపిన వివరాలు ఇలా.. గ్రామానికి చెందిన వీరేంద్ర డిగ్రీ వరకు చదువుకున్నాడు. కూలి పనులకు వెళ్లి కుటుంబానికి చేదోడువాదోడుగా ఉంటున్నాడు. కొంత కాలంగా మద్యానికి బానిసయ్యాడు. మద్యం తాగుతున్న విషయం ఇంట్లో తెలిస్తే తల్లిదండ్రులు మందలిస్తారనే భయంతో గ్రామంలోని తన మేనమామ ఇంట్లోకి వెళ్లి ఫ్యాన్‌కు ఉరి వేసుకున్నాడు. గమనించిన బంధువులు వెంటనే తలిదండ్రులు, పోలీసులకు సమాచారం ఇచ్చారు. ఘటనా స్థలాన్ని పరిశీలించిన పోలీసులు.. మృతుడు తండ్రి ఓబులేషు ఇచ్చిన ఫిర్యాదు మేరకు కేసు దర్యాప్తు చేస్తున్నట్లు తెలిపారు.

● వైద్య సేవల్లో తీవ్ర నిర్లక్ష్యం ● ఓపీ కోసం గంటల తరబడి నిరీక్షణ ● పట్టించుకోని సర్వజనాస్పత్రి అధికారులు ● కుందుర్పి మండలం ఎనుమలదొడ్డి గ్రామానికి చెందిన హరిజన మారెక్క (70) జ్వరం, విరేచనాలతో బాధపడుతుండటంతో శుక్రవారం అనంతపురం సర్వజనాస్పత్రి ఎఫ్‌ఎం వార్డులో చేర్చారు. శనివారం మధ్యాహ్నం ఆమె ఆరోగ్యం క్షీణించింది. చాలాసేపటి తర్వాత అత్యవసర వైద్య విభాగానికి తరలించారు. అప్పటికే పరిస్థితి విషమించి ఆమె మృత్యువాత పడింది. డాక్టర్లు సకాలంలో స్పందించకపోవడంతోనే మృతి చెందారని కుటుంబ సభ్యులు, బంధువులు ఆందోళనకు దిగారు. బాధ్యులపై చర్యలు తీసుకోవాలని డిమాండ్‌ చేశారు. రాత్రి 7 గంటలైనా ‘మహా ప్రస్థానం’ వాహనం అందుబాటులోకి రాలేదు. ఇలాంటి ఘటనలు సర్వజనాస్పత్రిలో నిత్యకృత్యం అయ్యాయి.అనంతపురం: మెరుగైన వైద్య సేవలతో రోగులకు సాంత్వన చేకూర్చాల్సిన వైద్యాలయం ఉన్నతాధికారుల పర్యవేక్షణ లోపంతో వేదనాలయంగా మారింది. ఉమ్మడి జిల్లాకు అనంతపురంలోని ప్రభుత్వ సర్వజనాస్పత్రే పెద్దదిక్కు. సాధారణ రోగులతో పాటు ప్రమాద బాధితులు, అత్యవసర వైద్యం కోసం వేల సంఖ్యలో వస్తుంటారు. వైద్యులు, వైద్య నిపుణులు, విభాగాధిపతులు, సిబ్బంది కొరత లేదు. తగినంత జీతాలు అందుతున్నా కొందరిలో అంకిత భావం కొరవడుతోంది. అవుట్‌ పేషంట్‌ సేవల కోసం వచ్చే రోగులకు ‘అభా’ రిజిస్ట్రేషన్‌ పేరుతో సిబ్బంది చుక్కలు చూపిస్తున్నారు. వార్డుల వారీగా ప్రత్యేకంగా ఓపీలు ఇవ్వడానికి వ్యవస్థను ఏర్పాటు చేయాల్సి ఉంది. ‘అభా’ రిజిస్ట్రేషన్‌కు ప్రత్యేకంగా కంప్యూటర్లు, ఇతర సామగ్రి మంజూరయ్యాయని చెబుతున్నా.. అవి ఎక్కడున్నాయో తెలియని దుస్థితి. అతిథి పాత్రలో వైద్యులు సర్వజనాస్పత్రి వైద్యుల్లో చాలామంది అతిథి పాత్ర పోషిస్తున్నారు. నిర్దేశిత సమయం కన్నా ఆలస్యంగా రావడం.. ముందుగా వెళ్లిపోవడం చేస్తున్నారు. సొంత క్లినిక్‌లకు ఎక్కువ ప్రాధాన్యత ఇవ్వడం వల్ల ప్రభుత్వ విధులను నిర్లక్ష్యం చేస్తున్నారు ఉమ్మడి జిల్లా నలుమూలల నుంచి వచ్చిన రోగులు సరైన వైద్యం అందక ఇబ్బందులు పడుతున్నారు. పీజీలే దిక్కే బోధనాస్పత్రి అయిన సర్వజనాస్పత్రిలో మొత్తం 21 విభాగాల్లో పీజీ వైద్యులు ఉన్నారు. ఆయా విభాగాల్లో పీజీలపైనే భారం మోపి సీనియర్లు విధులకు డుమ్మా కొడుతున్నారు. ఎమెర్జెన్సీ వార్డుల్లో ప్రాణాపాయ స్థితిలో ఉన్న కేసుల పట్ల సీనియర్‌ వైద్యులు నిర్లక్ష్యంగా వ్యవహరిస్తున్నారన్న ఆరోపణలు ఉన్నాయి. పీజీలకు ఫోన్‌ ద్వారా సలహాలు ఇస్తూ వారు సొంత ప్రైవేట్‌ ఆస్పత్రుల్లో నిమగ్నమైపోతున్నారన్న విమర్శలు ఉన్నాయి. అత్యంత క్లిష్టమైన కేసుల్లోనూ సీనియర్‌ వైద్యులు నిర్లక్ష్య వైఖరి ప్రదర్శిస్తున్నారనే భావన వ్యక్తమవుతోంది. వైద్యులు తప్పులమీద తప్పులు చేస్తున్నా సర్వజనాస్పత్రి ఉన్నతాధికారులు పట్టనట్టు వ్యవహరిస్తుండడంతో రోగుల వేదన అరణ్య రోదనగా మిగులుతోంది.

అనంతపురం అర్బన్‌: జిల్లా యంత్రాంగంలో రెవెన్యూ శాఖది ప్రత్యేకస్థానం. ఇతర శాఖల అధికారులు, సిబ్బంది ఇక్కడి అధికారుల నుంచి సలహాలు, సూచనలు ముఖ్యంగా పదోన్నతుల విషయంలో అనుసరించాల్సిన విధానాలను తెలుసుకుంటారు. ఇలా ఇతర శాఖలకు మార్గదర్శకంగా ఉండే రెవెన్యూశాఖ.. ఇక్కడి ఉద్యోగులకు పదోన్నతులు కల్పించే విషయంలో సరైన న్యాయం చేయలేకపోతోందనే విమర్శలు ఎదుర్కొంటోంది. ప్రధానంగా జూనియర్‌ అసిస్టెంట్‌ (జేఏ)లకు సీనియర్‌ అసిస్టెంట్‌(ఎస్‌ఏ)లుగా పదోన్నతి కల్పన అర్హులైన ఉద్యోగులకు ఎండమావిలా మారింది. సీనియారిటీ జాబితా సిద్ధం చేసిన ప్రతిసారీ లోపాలు ఉండడంతో ప్రక్రియ ముందుకు సాగడం లేదు. ఈ క్రమంలో అధికారుల నిర్వాకం కారణంగా ఏకంగా పదోన్నతుల కల్పన ఫైలు అనుమతి కోసం సీసీఎల్‌ఏకు చేరింది. ఇలాంటి పరిస్థితి రెవెన్యూ శాఖ చరిత్రలో ఎన్నడూ చూడలేదని పలువులు ఉద్యోగులు చెబుతుండడం గమనార్హం. 65 ఎస్‌ఏ పోస్టుల ఖాళీ.. అనంతపురం, శ్రీసత్యసాయి జిల్లాల్లోని రెవెన్యూ ఉద్యోగులకు పదోన్నతుల ప్రక్రియను అనంతపురం నుంచే నిర్వహిస్తారు. ఉమ్మడి జిల్లాకు సంబంధించి రెవెన్యూ శాఖలో దాదాపు 65 సీనియర్‌ అసిస్టెంట్‌ (ఎస్‌ఏ) పోస్టులు ఖాళీగా ఉన్నాయి. ఇక సీనియర్‌ అసిస్టెంట్లుగా పదోన్నతి పొందేందుకు అర్హులైన జూనియర్‌ అసిస్టెంట్లు (జేఏ) ఉమ్మడి జిల్లాలో 40 మంది వరకు ఉన్నట్లు అధికార వర్గాలు చెబుతున్నాయి. ఫైలు.. సీసీఎల్‌ఏ పరిధిలోకి.. జేఏలకు పదోన్నతి కల్పించేందుకు సీనియారిటీ జాబితా లోపభూయిష్టంగా సిద్ధమవుతుండడంతో ప్రక్రియకు ప్రతిసారి ఆటంకం వస్తోంది. పదోన్నతులు కల్పించే విషయంలో ప్రతి ఏడాది అప్‌డేషన్‌ చేసుకుంటూ ఉండాలి. అయితే ఇక్కడ 2020–21 వరకు అప్‌డేషన్‌ జరిగింది. ఆ తరువాత నుంచి జరగలేదు. అప్‌డేషన్‌ ఐదేళ్ల లోపు ఉంటే పదోన్నతులు కల్పించడం కలెక్టర్‌ పరిధిలో ఉంటుందని కార్యాలయ వర్గాలు తెలిపాయి. అయితే 2021–22, 2022–23, 2023–24, 2024–25, 2025–26 ఇలా ఐదేళ్లు అప్‌డేషన్‌ చేయలేదు. ప్రస్తుతం 2026–27 ఆర్థిక సంవత్సరం నడుస్తోంది. అప్‌డేషన్‌ జరగక ఐదేళ్లు దాటడంతో సీసీఎల్‌ఏ నుంచి అనుమతి పొందాల్సి ఉంటుందని ఆ వర్గాలు తెలిపాయి. ఇప్పుడు అదే పరిస్థితి ఏర్పడిందని చెబుతున్నారు. ఎప్పటికప్పుడు అప్‌డేషన్‌ చేసుకుంటూ ఉండి ఉంటే ఈ పరిస్థితి వచ్చేది కాదని అంటున్నారు. పదోన్నతులు పొందేందుకు ఇలా సీసీఎల్‌ఏ అనుమతి తీసుకోవాల్సిన పరిస్థతి గతంలో ఎన్నడూ రాలేదని సీనియర్‌ ఉద్యోగులు చెబుతున్నారు ఉమ్మడి జిల్లాలో 65 ఎస్‌ఏ పోస్టులు ఖాళీ అధికారుల నిర్వాకంతో సీసీఎల్‌ఏకు ఫైలు అర్హులైన 40 మంది జేఏల ఎదురుచూపు ఈ పరిస్థితి చరిత్రలో ఎన్నడూ లేదంటున్న ఉద్యోగులు నిరాశా నిస్పృహలో ఉద్యోగులు.. ఉద్యోగులు తమ సర్వీస్‌లో ఆశించేది పదోన్నతి. అయితే పదోన్నతి కల్పించడంతో జాప్యం జరిగితే ఆ ప్రభావం ఉద్యోగి పనితీరుపై పడుతుంది. అర్హత ఉండీ అధికారుల నిర్వాకం కారణంగా ఏళ్లుగా పదోన్నతి పొందలేకపోతున్న జూనియర్‌ అసిస్టెంట్లు తీవ్ర నిరాశా నిస్పృహతో విధులు నిర్వర్తిస్తున్నారు. ఈ పరిస్థితిలో ఉన్న ఉద్యోగుల నుంచి నాణ్యమైన సేవలు అందవనే అభిప్రాయం సీనియర్‌ ఉద్యోగుల నుంచి వ్యక్తమవుతోంది.

ఐసీడీఎస్‌ పీడీగా శశికళ అనంతపురం సెంట్రల్‌: ఐసీడీఎస్‌ ప్రాజెక్టు డైరెక్టర్‌ (పీడీ)గా రాయచోటి సీడీపీఓ శశికళ నియమితులయ్యారు. ఈ మేరకు ప్రభుత్వ ముఖ్య కార్యదర్శి సూర్యకుమారి ఉత్తర్వులు జారీ చేశారు. గత ఫిబ్రవరిలో వైఎస్సార్‌ జిల్లా బద్వేలు సీడీపీఓగా పనిచేస్తున్న ఎం.శ్రీదేవికి అదనపు బాధ్యతలు అప్పగించిన విషయం విదితమే. ఫిబ్రవరి 26న ఆమె బాధ్యతలు చేపట్టారు. అయితే వ్యక్తిగత కారణాల రీత్యా తనను ఇన్‌చార్జ్‌ బాధ్యతల నుంచి తప్పించాలని ప్రభుత్వానికి విన్నవించుకున్నారు. ఆమె విజ్ఞప్తి మేరకు బాధ్యతల నుంచి తప్పించి.. రాయచోటి సీడీపీఓ శశికళను పీడీగా పూర్తి అదనపు బాధ్యతలు (ఎఫ్‌ఏసీ) అప్పగిస్తూ ఉత్తర్వులు జారీ చేశారు. ఈమె గతంలో తాడిపత్రి, కదిరి, హిందూపురం తదితర ప్రాజెక్టుల్లో సీడీపీఓగా పనిచేసిన అనుభవం ఉంది. త్వరలో బాధ్యతలు స్వీకరించనున్నట్లు ఐసీడీఎస్‌ అధికారవర్గాలు వెల్లడించాయి. మహిళా ఓటర్లే అధికం అనంతపురం ఎడ్యుకేషన్‌: జిల్లాలోని 577 గ్రామ పంచాయతీలకు సంబంధించి వార్డుల వారీగా డ్రాఫ్ట్‌ ఓటర్ల జాబితాను జిల్లా పంచాయతీ అధికారి (డీపీఓ) నాగరాజునాయుడు శనివారం ప్రకటించారు. పంచాయతీరాజ్‌ చట్టం–1994 నిబంధనల ప్రకారం, 2026 ఏప్రిల్‌ 15 నాటికి ఈ వివరాలను ఖరారు చేసినట్లు డీపీఓ పేర్కొన్నారు. జిల్లాలో మొత్తం 577 గ్రామ పంచాయతీలు, 5,748 వార్డులు ఉన్నాయి. మొత్తం ఓటర్లు 13,65,922 మంది ఉండగా.. వీరిలో పురుష ఓటర్లు 6,78,302 మంది, మహిళా ఓటర్లు 6,87,494 మంది ఉన్నారు. ఇతరులు 126 మంది ఉన్నారు. పురుషుల కంటే మహిళా ఓటర్లే అధికంగా ఉండటం విశేషం. మొత్తం మీద మహిళా ఓటర్లు 9,192 మంది ఎక్కువగా ఉన్నారు. ఈ డ్రాఫ్ట్‌ ఓటర్ల జాబితాను ఆయా గ్రామ పంచాయతీ కార్యాలయాల్లో ప్రజల పరిశీలన కోసం అందుబాటులో ఉంచినట్లు డీపీఓ తెలిపారు. ఇంటర్‌ విద్యార్థులకు ఇంప్రూవ్‌మెంట్‌ అవకాశం అనంతపురం ఎడ్యుకేషన్‌: ఇంటర్మీడియెట్‌ విద్యామండలి మార్చి–2026 ఫలితాల అనంతరం విద్యార్థులకు ఇంప్రూమెంట్‌ అవకాశంపై కీలక నిర్ణయం తీసుకుంది. విద్యార్థుల ప్రయోజనాలను దృష్టిలో ఉంచుకుని ప్రథమ, ద్వితీయ సంవత్సరాలకు సంబంధించి సబ్జెక్టుల వారీ ఉత్తమ మార్కుల విధానంతో ఒకే ప్రయత్నంలో ఇంప్రూవ్‌మెంట్‌ అవకాశం కల్పించినట్లు ప్రాంతీయ పర్యవేక్షణ అధికారి (ఆర్‌ఐఓ) వెంకటరమణనాయక్‌ తెలిపారు. ప్రథమ సంవత్సరం పాస్‌, ఫెయిల్‌ అయిన అభ్యర్థులు ఇంటర్మీడియెట్‌ పబ్లిక్‌ అడ్వాన్స్‌డ్‌ సప్లిమెంటరీ ఎగ్జామ్స్‌ (ఐపీఏఎస్‌ఈ) మే–2026లో పాస్‌ అయిన పేపర్లలో ఇంప్రూవ్‌మెంట్‌ రాసుకోవచ్చన్నారు. అలాగే ద్వితీయ సంవత్సరం విద్యార్థులు కూడా పాస్‌ అయిన సబ్జెక్టుల్లో ఇంప్రూమెంట్‌కు హాజరయ్యే అవకాశం ఉంటుందన్నారు. ఇంప్రూవ్‌మెంట్‌ రాసిన అనంతరం ఎక్కువ మార్కులను (ఉత్తమ మార్కులు) పరిగణనలోకి తీసుకుంటారని స్పష్టం చేశారు. అయితే ప్రాక్టికల్‌ పరీక్షలకు ఎలాంటి ఇంప్రూమెంట్‌ అవకాశం ఉండదని ఆయన స్పష్టం చేశారు. ఫెయిల్‌ అయిన పేపర్లకు విద్యార్థులు పాస్‌ అయ్యే వరకు ఎన్నిమార్లు అయినా హాజరుకావచ్చని తెలిపారు. పెద్దవడుగూరు : గ్రామీణ ప్రాంతాల్లో నీటి నిల్వలను పెంచడానికి ప్రతి ఒక్కరూ కృషి చేయాలని కలెక్టర్‌ ఆనంద్‌ పిలుపునిచ్చారు. శనివారం కలెక్టర్‌ పెద్దవడుగూరులో పర్యటించారు. పంచాయతీ కార్యాలయం వద్ద చలివేంద్రాన్ని ప్రారంభించిన తర్వాత పెద్దవంకలో ‘జలధార–జలహారతి’ కార్యక్రమంలో భాగంగా భూమి పూజ చేశారు. అలాగే ఎంపీడీఓ కార్యాలయ ఆవరణంలో ఇంకుడు గుంతకు భూమి పూజ నిర్వహించారు. అక్కడే ఏర్పాటు చేసిన రూట్‌ ఆఫ్‌ వాటర్‌ హార్వెస్టింగ్‌ స్ట్రక్చర్‌ను పరిశీలించారు. అనంతరం అక్కడే ఉన్న ఫంక్షన్‌ హాలులో నిర్వహించిన సమావేశంలో మాట్లాడుతూ గ్రామంలో కురిసిన ప్రతి వర్షపు చుక్కనూ భూమిలోకి ఇంకిపోయేలా చూడాలన్నారు. నీటిని నిల్వ చేసేందుకు ట్యాంకులు, కుంటలు, కాలువలను శుభ్రంగా ఉంచుకోవాలన్నారు. జిల్లాలో మూడు లక్షల హెక్టార్లకు పైగా పంటల సాగు ఎక్కువగా వర్షంపైనే ఆధారపడి ఉందన్నారు. తక్కువ నీటితో పంటలు పండించే అంశంపై దృష్టి సారించాలన్నారు. పౌష్టికాహార ప్రాధాన్యతను తెలియజెప్పేందుకు జిల్లా వ్యాప్తంగా పోషణ్‌ పక్వాడా కార్యక్రమం నిర్వహిస్తున్నట్లు చెప్పారు. అంగన్‌వాడీ కేంద్రాల్లో పిల్లల ఎత్తు, బరువును ప్రతి నెలా పదో తేదీలోపు నమోదు చేయాలన్నారు. వివరాలు తప్పుగా నమోదు చేస్తే కఠిన చర్యలు తీసుకుంటామని హెచ్చరించారు. అనంతరం ప్రజల నుంచి అర్జీలను స్వీకరించారు.

అనంతపురం సెంట్రల్‌: తాడిపత్రి మున్సిపల్‌ కార్యాలయంలో మహిళలను వేధిస్తున్న కీచకుడిపై విచారణకు కలెక్టర్‌ ఆనంద్‌ ప్రత్యేక కమిటీని నియమించారు. మున్సిపాలిటీ, సచివాలయాల పరిధిలో పనిచేసే మహిళా ఉద్యోగులను కీలక అధికారి లైంగికంగా వేధించేవాడు. కాపురాలు కూల్చే స్థితికి తీసుకొచ్చేవాడు. పలుమార్లు గొడవలు జరిగినా ఆ అధికారి తన బుద్ధి మాత్రం మార్చుకోలేదు. ఈ క్రమంలో ఈ నెల 15న ‘మున్సిపాలిటీలో కీచకుడు’ శీర్షికన ‘సాక్షి’లో ప్రచురితమైన కథనానికి స్పందించిన కలెక్టర్‌ ఈ మేరకు నిర్ణయం తీసుకున్నారు. కమిటీ సభ్యులు ఇప్పటికే తాడిపత్రికి వెళ్లి ప్రాథమికంగా విచారణ చేపట్టారు. బాధితులు మరింత స్వేచ్ఛగా సోమవారం మధ్యాహ్నం 3 గంటలకు అనంతపురంలోని కో–ఆపరేటివ్‌ కార్యాలయంలో తమ గోడును తెలియజేయవచ్చని ఐసీడీఎస్‌ పీడీ శ్రీదేవి తెలిపారు.

● కన్నీళ్లు పెట్టుకున్న టీడీపీ కార్యకర్త అనంతపురం టౌన్‌: పార్టీ కోసం కష్టపడి పనిచేసిన కార్యకర్తలనే ఇష్టానుసారం అసభ్యపదజాలంతో దూషిస్తూ దాడులు చేయిస్తావా.. అంటూ అనంతపురం అర్బన్‌కు చెందిన టీడీపీ కార్యకర్త విశ్వ వాపోయారు. ఎమ్మెల్యే దగ్గుపాటి తనపై దాడి చేయించాడంటూ సోషల్‌ మీడియా వేదికగా పెట్టిన వీడియో వైరల్‌ అయ్యింది. హౌసింగ్‌ బోర్డులో ఓ స్థల వివాదంలో ఎమ్మెల్యే ఫోన్‌ చేసి ‘ఏరా లం.. .కా.. చెప్పుతో కొడతా’ అంటూ తనను దుర్భాషలాడడంతోపాటు తన అనుచరులతో దాడి చేయించాడంటూ ఆరోపించారు. ‘పార్టీని నమ్ముకున్న వారిపై దాడులు చేయిస్తావు? నీ మాట వినకుంటే వైన్‌ షాపులను తగలబెట్టిస్తావు? ఇదేనా నీవు కార్యకర్తలకు ఇచ్చే విలువ’ అంటూ కన్నీటి పర్యంతమయ్యారు. గతంలో ఏ ఎమ్మెల్యే కూడా ఇలా చేయలేదంటూ దగ్గుపాటి తీరుపై ఆగ్రహం వ్యక్తం చేశారు. ‘నా గురించి కాలవ శ్రీనివాసులును అడుగు. నీ దగ్గర డబ్బులు ఉండొచ్చు.. అనుచరులు ఉండొచ్చు. అంతమాత్రాన కార్యకర్తలపై దాడులు చేస్తారా.. ఇదెక్కడి నీతి.. నీలాంటి ఎమ్మెల్యేలు ఉంటే చంద్రబాబు మళ్లీ సీఎం కాలేడు. నీలాంటి వాళ్లు ఎమ్మెల్యేలు అయ్యి పార్టీని నాశనం చేస్తున్నారు. నేను చనిపోతే నువ్వే కారణం దగ్గుపాటి ప్రసాద్‌’ అంటూ విశ్వ విలపించారు.

● జిల్లా అంతటా మండుతున్న ఎండలు ● జన జీవనం స్తంభించేలా వేసవితాపం ● నేటి నుంచి వైశాఖం.. పొయ్యిశాకమే అనంతపురం అగ్రికల్చర్‌: భానుడు ఉగ్రరూపం దాల్చాడు. ఉమ్మడి అనంతపురం జిల్లా అగ్నిగుండంలా తయారైంది. శుక్రవారం ఏకంగా 44.1 డిగ్రీల గరిష్ట ఉష్ణోగ్రత నమోదు కావడం ఆందోళన కలిగిస్తోంది.తాడిపత్రి మండలం తేరన్నపల్లిలో ఈ మేరకు ఉష్ణోగ్రత రికార్డయింది. పుట్లూరు 43.2, యల్లనూరు 42.8 డిగ్రీల నమోదుతో పాటు పెద్దపప్పూరు, యాడికి, పెద్దవడుగూరు, విడపనకల్లు, నార్పల తదితర నల్లరేగడి భూములు కలిగిన మండలాల్లో వేసవితాపం అధికంగా ఉంది. మిగతా ప్రాంతాల్లో 40 నుంచి 42 డిగ్రీల మధ్య సూరీడు బెంబేలెత్తిస్తున్నాడు. రాత్రి ఉష్ణోగ్రతలు 25 నుంచి 30 డిగ్రీల మధ్య ఉక్కిరిబిక్కిరి చేస్తున్నాయి. రాత్రింబవళ్లు ఉక్కపోతతో పాటు 8 కిలోమీటర్ల వేగంతో కూడిన వడగాల్పులతో జనం మాడిపోతున్న పరిస్థితి నెలకొంది. ● ఇక శనివారం నుంచి వైశాఖ మాసం మొదలు కానుండటంతో పొయ్యి శాకం మాదిరిగా ఎండలు మరింత దంచికొట్టే ప్రమాదం ఉన్నట్లు చెబుతున్నారు. అలాగే ఎండలకు రోళ్లు కూడా పగులుతాయన్నట్లు చెబుతున్న రోహిణీకార్తె కూడా ఉండటంతో ప్రజలు ఆందోళన చెందుతున్నారు. ఎన్నడూ లేనివిధంగా ఈ ఏడాది మండువేసవి తీవ్రస్థాయిలో ఉండటం గమనార్హం. గ్లోబల్‌ వార్మింగ్‌, అలాగే ఎల్‌–నినో కారణంగా ఈ పరిస్థితి తలెత్తినట్లు చెబుతున్నారు. రేపోమాపో 45 డిగ్రీల మార్క్‌ చేరుకునే పరిస్థితి ఉన్నట్లు అంచనా వేస్తున్నారు. భారత వాతా వరణశాఖ ఇప్పటికే ఎల్లో అలర్ట్‌ ప్రకటించి ప్రజలను అప్రమత్తం చేసింది. జాగ్రత్తలు తప్పనిసరి వేసవి తాపాన్ని తట్టుకునేందుకు ప్రజలు జాగ్రత్తలు తీసుకోవాలని వైద్యనిపుణులు సూచిస్తున్నారు. ఉదయం 11 నుంచి సాయంత్రం 4 గంటల వరకు బయట తిరగకపోవడం మేలు. అది ఎండకు చాలా కీలక సమయమని చెబుతున్నారు. పనులన్నీ ఉదయం, సాయంత్రం చేసుకుంటే ఉత్తమం. బయటకు వెళ్లాల్సివస్తే టోపీ, గొడుగు, తలపాగా, తడి టవల్‌, గ్లౌజులు, కూలింగ్‌ గ్లాసులు వాడాలి. వదులుగా ఉండే లైట్‌ కలర్‌ దుస్తులు ధరించాలి. నల్లటి దుస్తులు, టైట్‌గా ఉన్నవి వాడకూడదు. రోజుకు నాలుగైదు లీటర్ల నీళ్లు తాగాలి. ప్రతి గంటకూ ఒక గ్లాసు నీళ్లు లేదా మజ్జిగ తీసుకోవాలి. కొబ్బరి నీళ్లు, ఓఆర్‌ఎస్‌, గ్లూకోజ్‌, పుచ్చకాయ, కీరదోస లాంటి పండ్లరసాలు మంచివి. కూల్‌డ్రింక్స్‌, ఆల్కహాల్‌, కాఫీ, టీ లాంటివి తగ్గించాలి. పెరుగన్నం, కూరగాయలు, లైట్‌గా ఫుడ్‌ తీసుకోవాలి. ఆయిల్‌ఫుడ్‌, మసాలాలు, చికెన్‌, మటన్‌, బిర్యానీ, ఆయిల్‌ ఫుడ్స్‌ తగ్గించాలి. వీటి వల్ల బాడీ హీట్‌ పెరుగుతుంది. ఇంట్లో కిటికీలకు తడిబట్టలు కట్టుకుంటే మేలు. అప్పుడప్పుడు ముఖం, కాళ్లు కడుక్కోవాలి. పిల్లలు, వృద్ధులు, బీపీ, షుగర్‌, ఇతరత్ర జబ్బులున్నవాళ్లు, రైతులు, శ్రామికులు, ఫుట్‌పాత్‌ వ్యాపారులు మరింత జాగ్రత్తలు తీసుకోవాలి. వాంతులు, తలతిరగడం, జ్వరం, చెమట పట్టకపోవడం, ఫిట్స్‌ లాంటి వడదెబ్బ లక్షణాలు కనిపించిన వెంటనే వైద్యులను సంప్రదించి చికిత్స తీసుకోవాలని చెబుతున్నారు. శుక్రవారం ఎండలకు నిర్మానుష్యంగా ఉన్న అనంతపురం శివారులోని రుద్రంపేట రహదారి అనంతపురంలో ఎండ వేడి తాళలేక తక్కెడ గిన్నె తలపై పెట్టుకున్న మహిళ

అనంతపురం అగ్రికల్చర్‌: జిల్లాలో భూగర్భజలాల స్థితిగతులు గతి తప్పే పరిస్థితి నెలకొంది. ప్రస్తుత వర్షపాత సంవత్సరంలో ఒకటీ అర మినహా భారీ వర్షాలు లేకుండా మోస్తరు వర్షాలతో వరుణుడు సరిపెట్టడంతో తగ్గుదల నమోదవుతున్నట్లు గుర్తించారు. జిల్లా వ్యాప్తంగా 91 ప్రాంతాల్లో ఏర్పాటు చేసిన ఫిజోమీటర్ల నుంచి భూగర్భజలశాఖ తాజాగా సేకరించిన లెక్కల ప్రకారం జిల్లా సగటు నీటి మట్టం 12.14 మీటర్లుగా నమోదైంది. గత ఐదేళ్ల కాలంలో ఇదే గరిష్టం కావడం విశేషం. తాజా గణాంకాలను పరిశీలిస్తే... 19 మండలాల్లో నీటి మట్టం తగ్గుదల నమోదు కావడం విశేషం. డేంజర్‌లో నాలుగు మండలాలు సరైన వర్షాలు లేకపోవడం, నీటి వినియోగం అధికంగా ఉండటం వల్ల కుందుర్పి, కళ్యాణదుర్గం, యాడికి, శెట్టూరు మండలాలు ‘డేంజర్‌ జోన్‌’లోకి వెళ్లినట్లు ఆ శాఖ అధికారులు నివేదించారు. ఈ నాలుగు మండలాల్లో 20 మీటర్లు అంతకన్నా ఎక్కువ లోతులోనే భూగర్భజలాలు కనిపిస్తున్నట్లు గుర్తించారు. వీటితో పాటు అనంతపురం రూరల్‌, గుత్తి, యల్లనూరు, శింగనమల, బ్రహ్మసముద్రం, కూడేరు, గుమ్మఘట్ట, రాయదుర్గం, బెళుగుప్ప, కంబదూరు, తాడిపత్రి, డి.హీరేహాళ్‌, పామిడి, కణేకల్లు, పుట్లూరు మండలాల్లో కూడా భూగర్భజల మట్టం కనిష్టంగా 8 మీటర్లు, గరిష్టంగా 20 మీటర్ల లోతులో కనిపిస్తూ తగ్గుదల నమోదవుతున్నట్లు అధికారులు తెలిపారు. కుందుర్పి మండలం ఎర్రగుంట ఫిజోమీటర్‌లో 44.35, యాడికి మండలం నగరూరులో 42.08, పుట్లూరులో 35.60 మీటర్ల లోతుకు పతనమైనట్లు గుర్తించారు. సాధారణ వర్షపాతమే ఈ ఏడాది జిల్లాలో 470 మి.మీ మేర సాధారణ వర్షపాతం నమోదైంది. కానీ ఐదారు మండలాల్లో మాత్రమే భారీ వర్షాలు కురవగా... మిగతా ప్రాంతాల్లో మోస్తరు నుంచి తేలికపాటి నమోదయ్యాయి. ఎక్కడా వాగులు, వంకలు, చెక్‌డ్యాంలు, నదీ పరివాహక ప్రాంతాలు పెద్దగా ప్రవహించకపోవడం వల్ల భూగర్భజలాలు తగ్గుతున్నట్లు విశ్లేషిస్తున్నారు. గత ఐదారేళ్లతో పోల్చితే ఈ ఏడాది 40 వర్షపు రోజులు (రెయినీడేస్‌) నమోదు కావడంతో నీటి మట్టం తగ్గుతున్నట్లు అంచనా వేస్తున్నారు. గతేడాది 62 వర్షపు రోజులు, అంతకు మునుపు నాలుగేళ్లూ 70 నుంచి 80 వరకు రెయినీడేస్‌ నమోదయ్యాయి. ఈ ఏడాది వర్షం రూపంలో 165 టీఎంసీల వరకు నీటి ప్రవాహం ఉండగా.. అందులో 19.74 టీఎంసీలు మాత్రమే భూగర్భంలోకి ఇంకాయి. ఎల్‌–నినో హెచ్చరికతో ఆందోళన ఈసారి నైరుతి రుతుపవనాలపై ‘ఎల్‌–నినో’ ప్రభావం ఉంటుందని భారత వాతావరణశాఖ ఇప్పటికే హెచ్చరికలు జారీ చేయడంతో ఆందోళన వ్యక్తమవుతోంది. వర్షాలు తక్కువగా నమోదయ్యే పరిస్థితి ఉందని చెబుతుండటంతో మున్ముందు భూగర్భజలాలు మరింత పతనం కావచ్చని అంచనా వేస్తున్నారు. దీంతో ప్రధానంగా ఉద్యాన పంటల మీద ప్రభావం చూపే అవకాశముందని హెచ్చరిస్తున్నారు. వీటికి తోడు హంద్రీ–నీవా కాలువకు చంద్రబాబు సర్కారు లైనింగ్‌ చేయడంతో భూగర్భజలాలు తగ్గుతున్నట్లు రైతులు ఆందోళన చెందుతున్నారు. ‘ఎల్‌–నినో’ కారణంగా అధిక నీటి వినియోగం కలిగిన వరి లాంటి పంటలు వేయకుండా ఆరుతడి పంటలు సాగు చేయాలని రైతులకు సూచనలు చేస్తున్నారు. ‘డేంజర్‌’లో కుందుర్పి, కళ్యాణదుర్గం, యాడికి, శెట్టూరు జిల్లా తాజా సగటు నీటి మట్టం 12.14 మీటర్లుగా నమోదు ఎల్‌–నినో హెచ్చరికతో ఆందోళన రేకెత్తిస్తున్న పాతాళగంగ

ఈదురుగాలులకు నేలవాలిన అరటి (ఫైల్‌) అనంతపురం అగ్రికల్చర్‌: వర్షాలు గతి తప్పాయి. సకాలంలో కాకుండా అకాలంలో అధిక వర్షాలు కురవడం, పంట దిగుబడులు అరకొరగా రావడం, వచ్చిన ఉత్పత్తులకు మద్దతు ధర కల్పించకపోవడం వల్ల రైతులకు వ్యవసాయం భారంగా పరిణమించింది. ఆదుకోవాల్సిన చంద్రబాబు ప్రభుత్వం మీనమేషాలు లెక్కిస్తోంది. పంట నష్టం భారీగా జరిగినా నిబంధనల మేరకు ఒక్కో రైతుకు గరిష్టంగా రెండు హెక్టార్లకు పరిహారం ఇవ్వడానికి కూడా వెనకాడుతుండటం రైతులను కలిచివేస్తోంది. ఈ ప్రభుత్వ హయాంలో గత నాలుగు సీజన్లలో వరి, వేరుశనగ, మొక్కజొన్న, పప్పుశనగతో పాటు అరటి, మామిడి, చీనీ, టమాట, ఇతర కూరగాయల పంటలు వేల హెక్టార్లలో దెబ్బతినడంతో రూ.950 కోట్ల వరకు పంటనష్టం వాటిల్లినట్లు ప్రాథమిక అంచనాలు చెబుతున్నాయి. ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ నిబంధనల మేరకు రూ.115 కోట్లకు పైగా ఇన్‌పుట్‌ సబ్సిడీ ఇవ్వాలని జిల్లా అధికారులు ప్రతిపాదనలు పంపారు. అయితే ప్రభుత్వం నుంచి ఎటువంటి స్పందనా రాలేదు. 2024 ఖరీఫ్‌లో ఏడు, రబీలో ఏడు మండలాలను కరువు జాబితాలో ప్రకటించినా... వాటికి కూడా ఇన్‌పుట్‌సబ్సిడీ ఇవ్వకపోవడం పట్ల రైతులు ఆవేదన వ్యక్తం చేస్తున్నారు. పరిహారం కోసం వ్యవసాయ, ఉద్యాన రైతులు సంవత్సరాల తరబడి ఎదురుచూస్తున్నా ప్రభుత్వం కరుణించకపోవడం గమనార్హం. అందని ‘పంట నష్ట ఉపశమనం’ ఆగస్టు 2024 నుంచి అమలులోకి వచ్చిన స్కేల్‌ ఆఫ్‌ రిలీఫ్‌ (పంట నష్ట ఉపశమనం) ప్రకారం వేరుశనగ, పత్తి, వరి, చెరకు హెక్టారుకు రూ.25 వేల ప్రకారం లెక్కకట్టి ఇస్తారు. సజ్జ, మినుము, పెసర, మొక్కజొన్న, రాగి, కంది, కుసుమ, సోయాబీన్‌, పొద్దుతిరుగుడు, పొగాకు, ఆముదం, కొర్ర, సామ, జూట్‌ పంటలు హెక్టారుకు రూ.15 వేల ప్రకారం స్కేల్‌ ఆఫ్‌ రిలీఫ్‌ ఖరారు చేశారు. అలాగే అరటి, మామిడి, దానిమ్మ, జామ, ఉసిరి, సపోటా, రేగు, డ్రాగన్‌ఫ్రూట్‌, జీడిపప్పు, కాఫీ, పసుపు, మిరప హెక్టారుకు రూ.35 వేలు, కళింగర, కర్భూజ, దోస, బొప్పాయి, టమాట, పూలు, ఉల్లి, ధనియాలు, కూరగాయలకు రూ.25 వేలు, సెంటు విస్తీర్ణంలో ఉన్న ఆకుతోటలకు రూ.300 ప్రకారం గరిష్టంగా రూ.75 వేల వరకు ఇస్తారు. కర్ర పెండలం రూ.10 వేలు, ఒక్కో కొబ్బరి చెట్టుకు రూ.1,500 ప్రకారం స్కేల్‌ ఆఫ్‌ రిలీఫ్‌ ఖరారు చేశారు. అయితే 2 ఖరీఫ్‌– 2 రబీ మొత్తం నాలుగు వ్యవసాయ సీజన్లు ముగిసినా పంటనష్టపోయిన రైతులెవ్వరికీ పంటనష్ట ఉపశమన సాయం అందలేదు. జగన్‌ హయాంలో రూ.380 కోట్ల సాయం వైఎస్‌ జగన్‌మోహన్‌రెడ్డి ముఖ్యమంత్రిగా పాలించిన 2019–2024 మధ్య కాలంలో మొదటి నాలుగేళ్లూ విస్తారంగా వర్షాలు కురిశాయి. అయితే మధ్య మధ్యలో భారీ వర్షాలు, ఈదురుగాలులు, అలాగే చివరి ఏడాది కాస్త వర్షాభావం కారణంగా పంటలు దెబ్బతిన్నాయి. ఇచ్చిన మాట ప్రకారం ఏ సీజన్‌లో దెబ్బతిన్న పంటలకు ఆ సీజన్‌ ముగిసేలోపు పెట్టుబడిరాయితీ పరిహారం ఇస్తూ వచ్చారు. అలా ఐదేళ్ల హయాంలో ఏకంగా రూ.380.20 కోట్లు అందించారు. అందులో వ్యవసాయ పంటలకు సంబంధించి 2,65,290 మంది రైతులకు రూ.364.85 కోట్లు, ఉద్యాన పంటలకు సంబంధించి 8,997 మంది రైతులకు రూ.15.35 కోట్ల ఇన్‌పుట్‌ సబ్సిడీ జమ చేశారు. గత రెండేళ్లుగా కరువు, ప్రకృతి వైపరీత్యాలతో పంట నష్టం రూ.115 కోట్ల వరకు ఇన్‌పుట్‌ సబ్సిడీ ఇవ్వకుండా దాటవేత సాయం కోసం వ్యవసాయ, ఉద్యాన రైతుల ఎదురుచూపులు

● జర్నలిస్టులకు కలెక్టర్‌ ఆనంద్‌ సూచన ● మృతిచెందిన జర్నలిస్టుల కుటుంబాలకు సహకారం అనంతపురం అర్బన్‌: పని ఒత్తిడిలో ఉన్నా.. ఆరోగ్యాన్ని నిర్లక్ష్యం చేయకుండా శ్రద్ధ వహించాలని వర్కింగ్‌ జర్నలిస్టులకు కలెక్టర్‌ ఓ.ఆనంద్‌ సూచించారు. కలెక్టరేట్‌లోని మినీ కాన్ఫరెన్స్‌ హాల్‌లో ఏపీడబ్ల్యూజేయూ రాష్ట్ర అధ్యక్షుడు మచ్చా రామలింగారెడ్డి అధ్యక్షతన శుక్రవారం ఏర్పాటు చేసిన ఉచిత కంటి అద్దాల పంపిణీ కార్యక్రమానికి కలెక్టర్‌ ముఖ్యఅతిథిగా హాజరై జర్నలిస్టులు, వారి కుటుంబ సభ్యులకు కంటి అద్దాలను ఆందజేసి, మాట్లాడారు. ఇటీవల అనారోగ్యంతో ఇద్దరు జర్నలిస్టులు మరణించడం బాధాకరమన్నారు. వారి కుటుంబాలకు జిల్లా యంత్రాంగం తరఫున సహకారం అందిస్తామన్నారు. జర్నలిస్టులకు అన్నివిధాల అండగా ఉంటామని, వారి న్యాయపరమైన సమస్యలను పరిష్కరించేందుకు జిల్లా యంత్రాంగం సిద్ధంగా ఉంటుందన్నారు. జిల్లా అభివృద్ధిలో జర్నలిస్టులు భాగస్వాములవ్వాలని సూచించారు. మీనాక్షమ్మ ఫౌండేషన్‌ చైర్మన్‌ రవికాంత్‌ రమణ మాట్లాడుతూ.. జర్నలిస్టులకు తమ సంస్థ ద్వారా ఉచిత కంటి వైద్యశిబిరం నిర్వహించడంతో పాటు ఉచితంగా 200 మందికి కంటి అద్దాలను సమకూర్చామన్నారు. అవసరమైన వారికి ఉచితంగా కంటి ఆపరేషన్లు చేయిస్తున్నట్లు పేర్కొన్నారు. కార్యక్రమంలో డాక్టర్‌ మదన్‌మోహన్‌రెడ్డి, డీఐపీఆర్‌ఓ బాలకొండయ్య, జర్నలిస్టులు, వారి కుటుంబసభ్యులు పాల్గొన్నారు.

● పోలీసులకు ఫిర్యాదు చేసిన ఆర్టీసీ జోనల్‌ మాజీ చైర్‌పర్సన్‌ మంజుల అనంతపురం సెంట్రల్‌: సభ్యసమాజం తలదించుకునేలా దళిత మహిళను దూషించిన మడకశిర ఎమ్మెల్యే ఎంఎస్‌ రాజుపై కేసు నమోదు చేసి, కఠిన చర్యలు తీసుకోవాలంటూ పోలీసులకు వైఎస్సార్‌సీపీ మహిళా నేత, ఆర్టీసీ జోనల్‌ మాజీ చైర్‌పర్సన్‌ మాల్యవంతం మంజుల ఫిర్యాదు చేశారు. వైఎస్సార్‌సీపీ మహిళా విభాగం నేతలతో కలిసి శుక్రవారం అనంతపురం టూటౌన్‌ పోలీసులను ఆమె కలిసి ఫిర్యాదును అందజేశారు. అనంతరం మీడియాతో మాట్లాడుతూ.. ఈ నెల 14న అంబేడ్కర్‌ జయంతి నాడు ఆయన విగ్రహం వద్ద నివాళులర్పించేందుకు వెళుతున్న తనను ఎమ్మెల్యే ఎంఎస్‌ రాజు దూషించిన తీరు దుర్మార్గంగా ఉందన్నారు. తమను రానీయకండంటూ సమాజం తలదించుకునేలా అనుచిత వ్యాఖ్యలు చేశారని, తన భర్త పెన్నోబులేసుతో ఉన్న రాజకీయ విభేదాలను దృష్టిలో ఉంచుకుని వ్యక్తిగతంగా తనను అసభ్యకరంగా దూషించాడని తెలిపారు. తన భర్తను నేరుగా ఎదుర్కొనే ధైర్యం లేక రెచ్చగొట్టే వ్యాఖ్యలు చేశారని ఆరోపించారు. తనను, తన భర్తను బెదిరిస్తున్నారని, తమకు ఏమైనా జరిగితే దానికి ఎంఎస్‌ రాజునే కారణమవుతారని స్పష్టం చేశారు. మహిళలంటే ఏ మాత్రం గౌరవం ఉంటే తక్షణమే బహిరంగంగా క్షమాపణ చెప్పాలన్నారు. లేకుంటే వైఎస్సార్‌సీపీ మహిళలంతా కలిసి ఎమ్మెల్యే ఇంటిని ముట్టడిస్తామని హెచ్చరించారు. కార్యక్రమంలో జెడ్పీ వైస్‌ చైర్‌పర్సన్‌ నాగరత్నమ్మ, వైఎస్సార్‌సీపీ మహిళా విభాగం రాష్ట్ర కార్యదర్శి కేఎల్‌ దేవి, నాయకురాలు అంజలి, శోభ, పార్వతి, పద్మావతి తదితరులు పాల్గొన్నారు.

లేపాక్షి: ద్విచక్ర వాహనంపై నుంచి అదుపు తప్పి కిందపడిన ఘటనలో ఓ ఉపాధ్యాయురాలు మృతి చెందారు. పోలీసులు తెలిపిన మేరకు... నల్లచెరువుకు చెందిన పి.సుభాన్‌బీ (39)కు భర్త ముస్తాఫా, ఇటీవల పదో తరగతి పరీక్షలు రాసిన ఓ కుమార్తె ఉన్నారు. హిందూపురంలోని నందమూరినగర్‌లో నివాసముంటూ లేపాక్షిలోని కేజీబీవీలో ఆంగ్ల ఉపాధ్యాయురాలు (సీఆర్టీ) గా సుభాన్‌బీ పనిచేస్తున్నారు. శుక్రవారం ఉదయం తన భర్త ముస్తాఫాతో కలసి ద్విచక్ర వాహనంపై కేజీబీవీకు బయలుదేరారు. మార్గమధ్యంలో చోళసముద్రం సమీపంలోని టోల్‌ప్లాజా వద్ద స్పీడ్‌ బ్రేకర్లు దాటే సమయంలో అదుపు తప్పి ఇద్దరూ కిందపడ్డారు. సుభాన్‌బీ వెల్లకిలా పడడంతో తలకు బలమైన గాయమై వెంటనే అపస్మారక స్థితికి చేరుకున్నారు. గమనించిన స్థానికులు వెంటనే హిందూపురంలోని జిల్లాస్పత్రికి తరలించారు. సుభాన్‌బీ పరిస్థితి విషమంగా ఉండడంతో ప్రథమ చికిత్స అనంతరం అనంతపురానికి తీసుకెళుతుండగా మార్గమధ్యంలో మృతి చెందారు. ఘటనపై లేపాక్షి పోలీసులు దర్యాప్తు చేపట్టారు. కాగా, సుభాన్‌బీ మృతిపై లేపాక్షి కేజీబీవీ ఎస్‌ఓ నీలిమా, బోధన, బోధనేతర సిబ్బంది, విద్యార్థులు తీవ్ర దిగ్భ్రాంతి వ్యక్తం చేశారు.

కదిరి: ఎవరో చేసిన పాపానికి నలుగురు అమాయకులు బలయ్యారు. సాయం చేద్దామని వెళ్లి ప్రాణాలు కోల్పోయారు. మరో 20 మందికి పైగా గాయపడ్డారు. అలాగే మూడు ఇళ్లు పూర్తిగా నేలమట్టమయ్యాయి. కదిరి పట్టణానికి కూత వేటు దూరంలోని కుమ్మరవాండ్లపల్లిలో ఈ నెల 15న చోటు చేసుకున్న పేలుళ్ల ఘటన ఈ ప్రాంతం మొత్తాన్ని ఉలిక్కి పడేలా చేసింది. ఈ దుర్ఘటనలో మృతి చెందిన విశ్వనాథరెడ్డి(52), మూబున్నీసా(51), మధుసూదన్‌(35), అస్లాం(50) కుటుంబ సభ్యులు ఇప్పటికీ ఆ షాక్‌ నుంచి తేరుకోలేదు. కుటుంబ యజమానులను కోల్పోయిన వారంతా భవిష్యత్‌ తలచుకుని శోకసంద్రంలో ఉండిపోయారు. పేలుళ్లంటే గుర్తొచ్చేది వెంకన్నే తెలంగాణ రాష్ట్రం నల్గొండ జిల్లా కొత్తగూడెంకు చెందిన వెంకన్న కుటుంబం కొన్నేళ్లుగా కుమ్మరవాండ్లపల్లిలో జయరాం నాయక్‌ ఇంటిని అద్దెకు తీసుకొని ఉంటోంది. ఈ ప్రాంతంలో క్వారీల్లోనే కాకుండా పొలాలు, రోడ్లు, ఇతర బహిరంగ ప్రదేశాల్లో ఎక్కడైనా పెద్ద పెద్ద బండరాళ్లు పగలగొట్టాలంటే.. వెంటనే ఈ ప్రాంతవాసులకు గుర్తొచ్చేది వెంకన్న, ఆయన కుమారుడు సతీష్‌. వారికి ఫోన్‌ చేస్తే చాలు వెంటనే వచ్చి జిలెటిన్‌ స్టిక్స్‌, డిటోనేటర్ల సాయంతో పేలుళ్లు జరిపి బండరాళ్లు పగలగొడుతుంటారు. రాయి సైజును బట్టి డబ్బు తీసుకుంటారు. పేలుడు పదార్థాల గురించి పోలీసులకు తెలియదా? వెంకన్న ఉంటున్న ఇంట్లో ఎప్పుడూ జిలెటిన్‌ స్టిక్స్‌, డిటోనేటర్లతో పాటు ఇతర పేలుడు పదార్థాలు స్టాక్‌(నిల్వ) ఉంటాయనే విషయం ఈ ప్రాంత వాసులందరికీ తెలుసని స్థానికులు చెబుతున్నారు. మరి ఈ విషయం పోలీసులకు తెలియదంటే నమ్మశక్యంగా లేదని వారంటున్నారు. తరచూ కార్డన్‌ అండ్‌ సెర్చ్‌ పేరుతో సోదాలు చేసే పోలీసులకు ఆ ఇంట్లో పేలుడు పదార్థాలు కనిపించలేదా? అని కొందరు స్థానికులు అనుమానం వ్యక్తం చేస్తున్నారు. కింది స్థాయి పోలీసు సిబ్బంది కొందరు తరచు వెంకన్న ఇంటివద్దకే వచ్చి మామూళ్లు తీసుకొని వెళ్తుంటారని, రూరల్‌ పోలీస్‌ స్టేషన్‌లోని కొందరు పోలీసు అధికారులకు కూడా అందులో వాటా వెళ్తుందని ఆరోపిస్తున్నారు. ఇందులో ఎవరి పాపం ఎంతో..తెలియదు గానీ, దీనికి పూర్తిగా చంద్రబాబు ప్రభుత్వమే బాధ్యత వహించాలని ప్రతిపక్ష వైఎస్సార్‌సీపీతో పాటు కమ్యూనిస్ట్‌ పార్టీల నాయకులు పేర్కొంటున్నారు. వెంకన్న కుటుంబంపై కేసు నమోదు పేలుళ్లకు కారణమైన వెంకన్నతో పాటు ఆయన కుమారుడు సతీష్‌పై కదిరి రూరల్‌ పోలీస్‌ స్టేషన్‌లో కేసు నమోదైంది. భారతీయ న్యాయ సంహిత (బీఎన్‌ఎస్‌) 2023లోని సెక్షన్‌ 105 కింద వారిపై కేసు నమోదు చేశారు. ఈ సెక్షన్‌ గతంలో ఉన్న ఐపీసీ సెక్షన్‌ 304కు సమానం. చంపాలనే ఉద్దేశం లేకపోయినా ప్రాణహాని కలిగిస్తుందని తెలిసీ చేసే పనుల వల్ల మరణం సంభవిస్తే ఈ సెక్షన్‌ కింద చర్యలు తీసుకుంటారు. ప్రస్తుతం నిందితుడు వెంకన్న పోలీసుల అదుపులో ఉన్నట్లు సమాచారం. మాకు సమాచారం లేదు కుమ్మరవాండ్లపల్లిలోని ఆ ఇంట్లో పేలుడు పదార్థాలున్న విషయం మా దృష్టికి రాలేదు. స్థానికులు ఎవరైనా సమాచారం ఇచ్చి ఉంటే చర్యలు తీసుకునేవాళ్లం. ఎక్కడైనా ఇలాంటి పేలుడు పదార్థాలు నిల్వలు ఉన్నా, అసాంఘిక కార్యకలాపాలు జరుగుతున్నా... సమాచారం ఇస్తే చర్యలు తీసుకుంటాం. – శివనారాయస్వామి, డీఎస్పీ, కదిరి కుమ్మరవాండ్లపల్లి ఘటనలో అన్నీ అనుమానాలే పేలుడు పదార్థాల నిల్వ గురించి పోలీసులకు తెలియదా? మరి కార్డెన్‌ సెర్చ్‌లు ఎందుకు చేశారంటున్న స్థానికులు ప్రభుత్వమే బాధ్యత వహించాలంటున్న ప్రతిపక్షాలు

విడపనకల్లు: హావళిగి గ్రామానికి ఎట్టకేలకు సురక్షిత మంచినీటి సరఫరా పునరుద్ధరించారు. కలుషిత నీటితో ఇబ్బంది పడుతున్న గ్రామస్తుల దుస్థితిని ‘నీరిలా.. తాగేదెలా..?’ శీర్షికన సాక్షిలో కథనం ప్రచురించిన విషయం విదితమే. ఆర్‌డబ్ల్యూఎస్‌ ఎస్‌ఈ సురేష్‌, ఈఈ శ్రీనివాసులు స్పందించి శుక్రవారం గ్రామాన్ని సందర్శించారు. బొల్లనగుడ్డం నుంచి తాగునీరు సరఫరా అయ్యే పైపులైన్‌ పగలడం వల్ల నీరు కలుషితమవుతుండటాన్ని గుర్తించారు. యుద్ధప్రాతిపదికన మరమ్మతులు చేపట్టి తాగునీటిని వదిలారు. నీరు శుభ్రంగా ఉందని గ్రామస్తులు సంతృప్తి వ్యక్తం చేసినట్లు అధికారులు తెలిపారు. వేసవిలో తాగునీటి సమస్య తలెత్తకుండా చర్యలు తీసుకోవాలని ఆర్‌డబ్ల్యూఎస్‌ డీఈఈ అంజుమన్‌, ఏఈఈ ముజమ్మిల్‌, డిప్యూటీ ఎంపిడీఓ భాస్కర్‌బాబు, పంచాయతీ కార్యదర్శి రామకృష్ణ,తదితరులు పాల్గొన్నారు. పారిశ్రామిక ప్రగతితో సమగ్రాభివృద్ధి అనంతపురం అర్బన్‌: పారిశ్రామిక ప్రగతి ద్వారానే జిల్లా సమాగ్రాభివృద్ధి సాధిస్తుందని కలెక్టర్‌ ఆనంద్‌ అన్నారు. కలెక్టర్‌ శుక్రవారం కలెక్టరేట్‌లోని మినీ కాన్ఫరెన్స్‌ హాల్‌లో జిల్లా పరిశ్రమలు, ఎగుమతి ప్రోత్సాహక కమిటీ సమావేశం నిర్వహించారు. ఈ సందర్భంగా ఆయన మాట్లాడుతూ పారిశ్రామికవేత్తలను ఆహ్వానించి సింగిల్‌ డెస్క్‌ ద్వారా అనుమతులు మంజూరు చేయాలని చెప్పారు. ఏపీఐఐసీ పారిశ్రామికవాడల్లో వివిధ దశల్లో ఉన్న పరిశ్రమల ఉత్పత్తిని వేగవంతం చేయాలని సూచించారు. 2025లో జరిగిన భాగస్వామ్య సదస్సు, ఎస్‌ఐపీబీ సమావేశంలో ఆమోదించిన పరిశ్రమలు, ఇంధన వనరుల అభివృద్ధి సంస్థ ఆమోదించిన ప్రాజెక్టుల మీద సమీక్షించారు. పీఎంఈజీపీ, పీఎంఎఫ్‌ఎంఈ పథకాల ద్వారా అర్హులైన వారి నుంచి నాణ్యతగల పథకాలను ఎంపిక చేయాలని పరిశ్రమల శాఖ అధికారిని ఆదేశించారు. ఆయా పథకాల కింద విరివిగా రుణాలు మంజూరు చేయాలని ఎల్‌డీఎంను ఆదేశించారు. జిల్లాలో సూక్ష్మ, చిన్న, మధ్యతరహా పరిశ్రమల ఉత్పాదకతను పెంచడమే లక్ష్యంగా ఆర్‌ఏఎంపీ కింద నిర్వహించాల్సిన ఉద్యమ్‌, ఈఎస్‌డీపీ, వీడీపీ, జెడ్‌, తదితర కార్యక్రమాలపై సమీక్షించారు. అనంతరం ఇండస్ట్రియల్‌ డెవలప్‌మెంట్‌ పాలసీ కింద యూనిట్లకు రాయితీలు కల్పించారు. సమావేశంలో పరిశ్రమల అధికారి శ్రీనివాసయాదవ్‌, ఏపీఐఏసీ జెడ్‌ఎం నాగకుమార్‌, డిప్యూటీ చీఫ్‌ ఇన్‌స్పెక్టర్‌ ఆఫ్‌ ఫ్యాక్టరీస్‌ రాధాకృష్ణ, ఏసీటీఓ కృష్ణారెడ్డి, డీటీసీ వీర్రాజు, ఎల్‌డీఎం హేమలత, ఇతర అధికారులు పాల్గొన్నారు. జెడ్పీ సీఈఓగా విజయలక్ష్మి అనంతపురం టవర్‌క్లాక్‌: ఉమ్మడి అనంతపురం జిల్లా పరిషత్‌ సీఈఓగా పి.విజయలక్ష్మి నియమితులయ్యారు. గుంతకల్లు డివిజనల్‌ డెవలప్‌మెంట్‌ అధికారిగా పనిచేస్తున్న ఆమెను జెడ్పీ రెగ్యులర్‌ సీఈఓగా నియమించారు. ఈ మేరకు శుక్రవారం ఉత్తర్వులు జారీ చేశారు. త్వరలో ఆమె బాధ్యతలు స్వీకరించనున్నారు. ఈమె గతంలో డ్వామా ఏపీడీగా పనిచేస్తూ ఐసీడీఎస్‌ ఇన్‌చార్జ్‌ పీడీగా పని చేశారు. రేపు క్రికెట్‌ మహిళా జట్లఎంపిక అనంతపురం: సీనియర్‌, అండర్‌–15 (ఉమెన్‌) క్రికెట్‌ జట్ల ఎంపిక ఆదివారం జిల్లా క్రికెట్‌ సంఘం ఆధ్వర్యంలో చేపట్టనున్నారు. ఈ మేరకు క్రికెట్‌ కోచ్‌ ఆర్‌.కుమార్‌ శుక్రవారం వెల్లడించారు. అండర్‌–19కు సెప్టెంబర్‌ 1, 2007 తరువాత జన్మించిన వారు, అండర్‌–15కు సెప్టెంబర్‌ 1, 2011 తరువాత పుట్టిన వారు అర్హులన్నారు. ఆసక్తి ఉన్న వారు ఆధార్‌ కార్డు, స్టడీ సర్టిఫికెట్లతో ఆర్డీటీ స్టేడియంలో నిర్వహించే ఎంపిక పోటీలకు ఆసక్తి గల వారు హాజరు కావాలని కోరారు. పూర్తి వివరాలకు 99630 74220 లో సంప్రదించాలని కోరారు.

● విద్యుత్‌శాఖ మంత్రి గొట్టిపాటి బొమ్మనహాళ్‌: గ్రామీణ ప్రాంతాల్లో నెలకొన్న లో–ఓల్టేజీ సమస్యల పరిష్కారానికి చర్యలు తీసుకుంటున్నట్లు విద్యుత్‌ శాఖ మంత్రి గొట్టిపాటి రవికుమార్‌ తెలిపారు. బొమ్మనహాళ్‌ మండలం నేమకల్లులో రూ.3 కోట్లతో చేపట్టిన అభివృద్ధి పనులు, రూ.80 లక్షలతో చేపట్టిన పీఎం సూర్యఘర్‌ కార్యక్రమాన్ని ఎమ్మెల్యే కాలవ శ్రీనివాసులుతో కలిసి శుక్రవారం సాయంత్రం మంత్రి ప్రారంభించారు. అనంతరం ఏర్పాటు చేసిన సమావేశంలో మాట్లాడుతూ... లో–ఓల్టేజీ సమస్యను పరిష్కరిచేందుకు నేమకల్లులో 220 కేవీ విద్యుత్‌ సబ్‌స్టేషన్‌ను త్వరలో ఏర్పాటు చేయనున్నట్లు తెలిపారు. అలాగే నియోజకవర్గ వ్యాప్తంగా 11 కేవీ సబ్‌స్టేషన్లు మూడింటిని ఏర్పాటు చేయబోతున్నట్లు పేర్కొన్నారు. కార్యక్రమంలో గిద్దలూరు ఎమ్మెల్యే అశోక్‌రెడ్డి, మార్కెట్‌ యార్డు చైర్మన్‌ హనుమంతరెడ్డి, ఎంపీపీ నాగమణి, సింగల్‌విండో చైర్మన్‌ కొత్తపల్లి మల్లికార్జున, కన్వీనర్‌ బలరామిరెడ్డి తదితరులు పాల్గొన్నారు. మట్కా బీటర్‌ అరెస్ట్‌ గార్లదిన్నె: మట్కా రాస్తున్న వ్యక్తిని అరెస్ట్‌ చేసినట్లు ప్రొబేషనరీ ఐపీఎస్‌ అశ్విన్‌ మణిదీప్‌ తెలిపారు. వివరాలను శుక్రవారం ఆయన వెల్లడించారు. మట్కా నివారణలో భాగంగా మండల కేంద్రంలోని పలు ప్రాంతాల్లో శుక్రవారం పోలీసులు తనిఖీలు చేపట్టారు. ఆ సమయంలో అబ్దుల్‌ అనే వ్యక్తి శివాలయం వద్ద బహిరంగ ప్రదేశంలో మట్కా రాస్తూ పట్టుబడ్డాడు. నిందితుడి నుంచి మట్కా పట్టీలు, రూ.51,960 నగదు స్వాధీనం చేసుకుని కేసు నమోదు చేశారు. విద్యుదాఘాతంతో యువకుడి మృతి బొమ్మనహాళ్‌: విద్యుత్‌ షాక్‌కు గురై ఓ యువకుడు మృతి చెందాడు. పోలీసులు తెలిపిన మేరకు... బొమ్మనహాళ్‌ మండలం ఏలంజి గ్రామానికి చెందిన గాదిలింగమ్మ, గంగన్న దంపతుల కుమారుడు వన్నూరుస్వామి (19) చేతి బోరు పనులతో కుటుంబానికి చేదోడుగా నిలిచాడు. ఈ క్రమంలో మరికొందరితో కలిసి కొలగానహళ్లి గ్రామంలో రైతు చిరంజీవి పొలంలో చేతి బోరు వేసేందుకు శుక్రవారం వెళ్లాడు. బోరు వేస్తున్న సమయంలో ఇనుప పైపును పైకి ఎత్తుతున్న సమయంలో పైనున్న 11కేవీ విద్యుత్‌ లైన్‌ తగిలి షాక్‌కు గురయ్యాడు. తీవ్రంగా గాయపడిన వన్పూరుస్వామిని స్థానికులు బళ్లారిలోని ఆస్పత్రికి తరలిస్తుండగా మార్గమధ్యంలో మృతి చెందాడు. ఘటనపై పోలీసులు కేసు నమోదు చేసి, విచారణ చేపట్టారు. కాగా, వన్నూరు స్వామికి ఇటీవల వివాహ నిశ్చయమైంది. మరో మూడు నెలల్లో పెళ్లి ముహుర్తం నిర్ణయించుకున్నారు. ఇలాంటి తరుణంలో కుమారుడు మృతితో తల్లిదండ్రుల రోదనకు అంతులేకుండా పోయింది. టీసీసీ ఫలితాల విడుదల అనంతపురం ఎడ్యుకేషన్‌: గత ఫిబ్రవరిలో జరిగిన టెక్నికల్‌ సర్టిఫికెట్‌ కోర్సు (టీసీసీ–2026) పరీక్షల ఫలితాలు శుక్రవారం విడుదలయ్యాయి. www.bse.ap.gov.in వెబ్‌సైట్‌లో ఫలితాలు అందుబాటులో ఉన్నాయని అనంతపురం జిల్లా ఇన్‌చార్జ్‌ డీఈఓ శ్రీనివాసరావు వెల్లడించారు. డ్రాయింగ్‌, హ్యాండ్లూమ్‌, వీవింగ్‌, టైలరింగ్‌, ఎంబ్రాయిడరీ లోయర్‌, హయ్యర్‌ గ్రేడ్‌లలో పరీక్షలు రాసిన విద్యార్థులు వెబ్‌సైట్‌ నుంచి మార్కుల జాబితాను డౌన్‌లోడ్‌ చేసుకోవాలని సూచించారు.

యాడికి: అధిక ఉష్ణోగ్రతలతో వడదెబ్బ మరణాలు పెరుగుతున్నాయి. తాజాగా ఒక బేల్దారి వడదెబ్బకు గురై మృతి చెందాడు. స్థానికులు తెలిపిన వివరాలిలా ఉన్నాయి. యాడికి మండల కేంద్రంలోని తిప్పారెడ్డిపల్లి రహదారిలో నివసిస్తున్న కుమ్మర శ్రీనివాసులు(35) బేల్దారి పనులు చేసుకుంటూ భార్య, కుమారుడు, కుమార్తెను పోషించుకుంటున్నాడు. ఈ క్రమంలో గురువారం మధ్యాహ్నం ఎండ ఎక్కువగా ఉండటంతో తీవ్ర అస్వస్థతకు గురయ్యాడు. కుటుంబ సభ్యులు వెంటనే అనంతపురంలోని ఓ ప్రైవేట్‌ ఆస్పత్రికి తరలించారు. అయినా ప్రయోజనం లేకపోయింది. శుక్రవారం సాయంత్రం పరిస్థితి విషమించి మృతి చెందాడు. ఈ ఘటన ఆ కుటుంబంలో తీరని విషాదం నింపింది.

రాప్తాడు రూరల్‌: అనంతపురం రూరల్‌ మండలం సిండికేట్‌ నగర్‌ రామకృష్ణ పురంలో ఓ మహిళ దారుణహత్యకు గురైంది. పోలీసులు తెలిపిన మేరకు.. యల్లనూరు మండలం సింగారం కొత్తపల్లికి చెందిన రవిచంద్ర నాయుడు, రాధ దంపతులు బతుకు తెరువు కోసం 20 ఏళ్ల క్రితం అనంతపురం నగరానికి వలస వచ్చారు. హోటల్‌, వివిధ రకాల పనులతో జీవనం సాగిస్తున్న వీరికి ఓ కుమారుడు, కుమార్తె ఉన్నారు. ఇద్దరికీ పెళ్లిళ్లు అయ్యాయి. ఉద్యోగాల నిమిత్తం ఒకరు బెంగళూరు, మరొకరు హైదరాబాద్‌లో నివాసం ఉంటున్నారు. ఏడాది క్రితం రవిచంద్ర నాయుడు మృతి చెందాడు. అప్పటి నుంచి రాధ రామకృష్ణ పురంలోని అద్దె ఇంట్లో ఒంటరిగా నివాసముంటోంది. గురువారం రాత్రి ఆమె హత్యకు గురైన విషయాన్ని స్థానికులు శుక్రవారం ఉదయం గుర్తించారు. సమాచారం అందుకున్న అనంతపురం రూరల్‌ సీఐ శేఖర్‌, సిబ్బంది అక్కడకు చేరుకుని పరిశీలించారు. తలపై లోతైన గాయం, తీవ్రస్థాయిలో రక్తస్రావం జరగడంతో అక్కడికక్కడే మృతి చెందినట్లుగా గుర్తించారు. వివాహేతర సంబంధమే ఇందుకు కారణంగా అనుమానాలు వ్యక్తమయ్యాయి. క్లూస్‌ టీం, డాగ్‌ స్క్వాడ్‌ను రంగంలో దింపి ఆధారాలు సేకరించారు. పోస్ట్‌మార్టం నిమిత్తం రాధ మృతదేహాన్ని ప్రభుత్వ జనరల్‌ ఆస్పత్రికి తరలించారు. ఘటనపై కేసు నమోదు చేసి, దర్యాప్తు చేపట్టినట్లు పోలీసులు తెలిపారు.

వినీలాకాశంలో విరబూసిన సింధూర రేఖ అల్లంత దూరాన ఉన్న కొండల మధ్య నుంచి శుక్రవారం సాయంత్రం 6.20 గంటల సమయంలో సూరీడు అస్తమిస్తూ అద్భుత దృశ్యాన్ని ఆవిష్కరించాడు. ఆకాశంలో సింధూర వర్ణంలో ఆవిష్కృతమైన రేఖను చూసిన పలువురు తన్మయత్వం చెందారు. సూరీడు సిగలోని ఓ పాయ అలా గాలిలో ఎగురుతున్నట్లుగా పంచిన అనుభూతిని పలువురు తమ సెల్‌ఫోన్లలో భద్రపరుచుకున్నారు. ఈ అద్భుత దృశ్యం కళ్యాణదుర్గం మండలం బోరంపల్లిలో చూపరులను ఆకట్టుకుంది. ఈ దృశ్యాలను ‘సాక్షి’ క్లిక్‌ మనిపించింది. – కళ్యాణదుర్గం:

● కలెక్టర్‌ ఆనంద్‌కూడేరు: వేసవి ముగిసేంత వరకు తాగునీటికి అధిక ప్రాధాన్యత ఇవ్వాలని కలెక్టర్‌ ఆనంద్‌ ఆదేశించారు. గురువారం ఆయన కూడేరు మండలంలోని పీఏబీఆర్‌ వద్ద ఉన్న సత్యసాయి, అనంత, శ్రీరామిరెడ్డి, ఉరవకొండ తాగునీటి ప్రాజెక్టులను సందర్శించారు. ఈ సందర్భంగా కలెక్టర్‌ మాట్లాడుతూ జిల్లాలో ఎక్కడా తాగునీటి సమస్య తలెత్తకుండా చూడాలన్నారు. నిబంధనల మేరకు నీటిని శుద్ధి చేయించాలని సూచించారు. ఎక్కడైనా సమస్య తలెత్తితే వెంటనే స్పందించి పరిష్కారం చూపాలన్నారు. కార్యక్రమంలో హెచ్చెల్సీ ఎస్‌ఈ సుధాకర్‌ రావు, డీఈ కవిత, సత్యసాయి బోర్డు ఎస్‌ఈ ప్రభాకర్‌ రావు, తహసీల్దార్‌ ఉదయ్‌ భాస్కర్‌, ఆర్‌డబ్ల్యూఎస్‌ ఈఈ శ్రీనివాసులు, ఎంపీడీఓ కుళ్లాయి స్వామి పాల్గొన్నారు. బకాయి వేతనాలు చెల్లించే వరకూ సమ్మెలోనే బకాయి వేతనాలు చెల్లించే వరకూ తాము సమ్మెలోనే కొనసాగుతామని కలెక్టర్‌ ఓ.ఆనంద్‌కు శ్రీరామరెడ్డి తాగునీటి పథకం కార్మికులు స్పష్టం చేశారు. తాగునీటి పథకాల పరిశీలనకు వచ్చిన కలెక్టర్‌ను కార్మికులు కలిసి మాట్లాడారు. ‘సార్‌ .. కాంట్రాక్టర్లు నెలనెలా జీతంలో కోతలు విధిస్తూ మా పొట్ట కొడుతున్నారు’ అంటూ వాపోయారు. రూ.16,500 వేతనం ఇవ్వాల్సి ఉండగా రూ.15 వేలే ఇస్తున్నారని తెలిపారు. ఫేజ్‌–4 కింద పనిచేస్తున్న కార్మికులకు రూ.16,500కు గాను రూ.10,500 ఇస్తున్నారన్నారు. ఈ వేతనాలు కూడా గత 9 నెలలుగా చెల్లించకుండా వేధిస్తున్నారని ఆవేదన వ్యక్తం చేశారు. అలాగే 38 నెలల పీఎఫ్‌ బకాయిలు పేరుకుపోయాయన్నారు. వేతనాలు సక్రమంగా అందకపోవడంతో కుటుంబ పోషణ భారమై తప్పని పరిస్థితుల్లో సమ్మెలోకి వెళ్లాల్సి వచ్చిందని వివరించారు. స్పందించిన కలెక్టర్‌ జెడ్పీ అధికారులతో మాట్లాడి కొంత మేర బడ్జెట్‌ అందేలా చేస్తానని భరోసానిచ్చారు. మిగిలిన మొత్తాన్ని కాంట్రాక్టర్లతో మాట్లాడి సర్దుబాటు చేయించాలని అక్కడే ఉన్న ఆర్‌డబ్ల్యూఎస్‌ ఈఈ శ్రీనివాసులును ఆదేశించారు. దీంతో పెండింగ్‌ వేతనాలు ఇచ్చేంత వరకూ తాము సమ్మెలో కొనసాగుతామని కార్మికులు తెగేసి చెప్పారు.

చంద్రబాబు నిర్వాకంతో ఆగిన రాయలసీమ లిఫ్ట్‌ ఇరిగేషన్‌ ప్రాజెక్టుసాక్షిప్రతినిధి అనంతపురం: ఉమ్మడి అనంతపురం జిల్లా చరిత్రలో అత్యంత దారుణ కరువు పరిస్థితులు సంభవించింది 1995 నుంచి 2003 వరకే. రైతుల ఆత్మహత్యలు, వలసలతో పాటు గంజి కేంద్రాలు, పశువులకు గడ్డి కేంద్రాలు ఏర్పాటు చేసి మనుషులు, పశువులు బతికితే చాలు అన్న దారుణ పరిస్థితులు ఉండేవి. అప్పట్లో ముఖ్యమంత్రిగా చంద్రబాబు ఉన్నారు. వీటికి పరిష్కారాలు ఒక్కరోజు కూడా అన్వేషించలేదు. 2004లో వైఎస్సార్‌ సీఎం అయ్యాక కరువును శాశ్వతంగా నివారించేందుకు హంద్రీ–నీవా, హెచ్చెల్సీ ఆధునికీకరణ చేపట్టారు. వలసల నివారణకు ఉపాధిహామీ చట్టాన్ని కేంద్రంతో అమలు చేయించారు. ఇప్పుడు ‘అనంత’ తలరాత మారుతోందంటే వైఎస్‌ చేపట్టిన సంస్కరణలే కారణమని అందరికీ తెలుసు. అయితే చంద్రబాబు ప్రభుత్వం మాత్రం వాస్తవాలను మరుగునపెట్టి తామే ‘అనంత’ను ఉద్దరించామని చెప్పుకునే ప్రయత్నం చేస్తున్నారు. ఆర్థికశాఖ మంత్రి పయ్యావుల కేశవ్‌ ఇటీవల చేసిన వ్యాఖ్యలు పరిశీలిస్తే ఈ విషయం స్పష్టమవుతోంది. హంద్రీ–నీవా ప్రాజెక్టులో చంద్రబాబు పాత్ర ఏంటి కేశవా? హంద్రీ–నీవా ప్రాజెక్టును ఎన్టీఆర్‌, చంద్రబాబు ఆ తర్వాత వైఎస్సార్‌ చేపట్టారని కేశవ్‌ ప్రస్తావించారు. 1996 మార్చి 11న ఉరవకొండలో, 1999 జూలై9న ఆత్మకూరులో హంద్రీ–నీవాకు చంద్రబాబు రెండుసార్లు శంకుస్థాపన చేశారు. 1995–96 నుంచి 2003–04 వరకూ చంద్రబాబు 9 ఏళ్లు సీఎంగా ఉన్నకాలంలో హంద్రీ–నీవా కోసం బడ్జెట్‌లో రూ.190కోట్లు కేటాయింపులు చేశారు. ఇందులో రూ.24.53 కోట్లు మాత్రమే ఖర్చు చేశారు. ఇది కూడా శంకుస్థాపనలకు, ఆఫీసు నిర్వహణకు మాత్రమే! వైఎస్‌ సీఎం అయ్యాక రూ.6,850 కోట్లతో ప్రాజెక్టు పట్టాలెక్కించారు. 2004–05 నుంచి 2009–10వరకూ వైఎస్‌ హయాంలో బడ్జెట్‌లో రూ.3,399.74కోట్లు కేటాయించారు. కేటాయింపుల కంటే రూ. 940.62 కోట్లు ఎక్కువగా అంటే రూ.4,340.36 కోట్లు ఖర్చు చేశారు. ఆపై రోశయ్య, కిరణ్‌కుమార్‌రెడ్డి హయాంలో రూ.2,143.44 కోట్ల విలువైన పనులు చేశారు. 2012లోనే కృష్ణాజలాలు జీడిపల్లి రిజర్వాయర్‌కు చేరాయి. 2014లో చంద్రబాబు మూడోసారి సీఎం అయ్యే సమయానికి మిగిలింది రూ.366.56 కోట్ల పనులు మాత్రమే. అంటే చంద్రబాబు 2004లో సీఎంగా దిగిపోయే సమయానికి హంద్రీ–నీవా పనులు ప్రారంభమే కాలేదు. 2014లో మళ్లీ సీఎం అయ్యే సమయానికి అప్పటికే ఫేజ్‌–1 పనులు పూర్తయ్యి జీడిపల్లికి నీళ్లొచ్చాయి. మిగిలింది రూ.366.56 కోట్ల విలువైన పనులు మాత్రమే. వాస్తవాలు ఇలా ఉంటే కేశవ్‌ మాత్రం చంద్రబాబు ‘అనంత’కు ఏదో చేశారనే సత్యదూరమైన వ్యాఖ్యలు చేశారు. రాయలసీమ లిఫ్ట్‌పై కూడా సత్యదూరమైన మాటలే రాయలసీమ లిఫ్ట్‌తో ‘అనంత’కు ఏం ఉపయోగం.. నీళ్లు ఎక్కడి నుంచి వస్తాయో చెప్పాలని కేశవ్‌ మాట్లాడారు. పట్టిసీమ ద్వారా రాయలసీమకు నీళ్లు ఎలా వచ్చాయో కేశవ్‌ బదులిచ్చి ఉంటే బాగుండేది. పట్టిసీమ ద్వారా గోదావరి నీళ్లను కృష్ణాడెల్లాకు ఇచ్చి, శ్రీశైలం నుంచి డెల్టాకు ఇవ్వాల్సిన నీటిని దిగువకు పంపకుండా ‘సీమ’కు వాడతామని చంద్రబాబు అప్పట్లో చెప్పారు. దీనిపై జీఓ విడుదల చేయాలని వైఎస్సార్‌సీపీ నేతలు డిమాండ్‌ చేశారు. అదీ చేయలేకపోయారు. అలాగే రాయలసీమ లిఫ్ట్‌ ద్వారా హంద్రీ–నీవా ఫేజ్‌–2కు నీరిచ్చి, హంద్రీ–నీవా ద్వారా వచ్చే మొత్తం నీటిని ‘అనంత’కే ఉపయోగపడేలా చేయాలనేది ఆ ప్రాజెక్టు లక్ష్యం. అలాగే భవిష్యత్‌లో అవుకు రిజర్వాయర్‌ నుంచి తాడిపత్రి, శింగనమల నియోజకవర్గాల మీదుగా మిడ్‌పెన్నార్‌ డ్యాంకు నీటిని తీసుకువచ్చే అవకాశాలు ఉన్నాయి. ఈ రెండు జరిగితే ‘అనంత’ సస్యశ్యామలం అవుతుంది. పైగా రాయలసీమ లిఫ్ట్‌ ద్వారా 14రోజుల్లోనే శ్రీశైలంలో నీటిని తోడేయొచ్చని మాట్లాడారు. ప్రాజెక్టులోకి వరద నీరు ప్రారంభమయ్యాక 881 అడుగుల వరకు వచ్చేదాకా ఆగకుండా 800 అడుగుల నుంచి లిఫ్ట్‌ చేసే వెసులుబాటు ఉంది. ఓవైపు తెలంగాణ 800 అడుగుల నుంచి తోడేస్తుంటే, 881 అడుగుల వరకు నీరు వచ్చేదాకా ‘సీమ’ ఎదురుచూడాలా? అనేది కేశవ్‌ ఆలోచించాలి. రాజకీయాలకు అతీతంగా ఉద్యమించాలి ‘అనంత’కు హెచ్చెల్సీ, హంద్రీ–నీవా మినహా మరో సాగునీటి వనరు లేదు. ఇలాంటి పరిస్థితుల్లో వీలైనన్ని మార్గాల ద్వారా నీళ్లు తెప్పించుకునే అవకాశాలను ఏ రాజకీయపార్టీ తీసుకున్నా దానికి తక్కిన పార్టీలు మద్దతు ఇచ్చి సాధించాలి. అప్పుడే ‘అనంత’ జనజీవనం బాగుపడుతుంది. వ్యక్తిగత రాజకీయాల కోసం ప్రాంత ప్రయోజనాలకు వ్యతిరేకంగా మాట్లాడటం సరికాదు. రాయలసీమ లిఫ్ట్‌తో హంద్రీ–నీవా ఆయకట్టుకు పుష్కలంగా సాగు, తాగునీరు దొరకడంతో పాటు అవుకు నుంచి ఎంపీఆర్‌కు మరో కొత్త ప్రాజెక్టు నిర్మించి నీటిని తెచ్చుకునే వెసులుబాటు ఉంది. ఇదీ.. ‘అనంత’కు చంద్రబాబు చేసిన ద్రోహం 2012లో జీడిపల్లికి కృష్ణాజలాలు వస్తే డిస్ట్రిబ్యూటరీలు పూర్తి చేసి ఆయకట్టుకు నీరివ్వడమే తరువాయి. ఫేజ్‌–1లో 1.18లక్షల ఎకరాలకు సాగునీరు అందుతుందని అప్పట్లో అంతా భావించారు. 33, 34, 36 ప్యాకేజీలకు 2014కు ముందే టెండర్లు పూర్తయి పనులు మొదలయ్యాయి. అయితే కుప్పం వరకూ ప్రధాన కాలువ పూర్తయి నీరు వెళ్లేదాకా డిస్ట్రిబ్యూటరీ పనులు చేయొద్దని 2015 ఫిబ్రవరి 23న జీఓ 22ను చంద్రబాబు జారీ చేశారు. ఇదొక్క నిర్ణయం చాలు చంద్రబాబు ‘అనంత’ గొంతు కోశారని చెప్పేందుకు. ఇప్పటి వరకూ ఆ జీఓ తర్వాత డిస్ట్రిబ్యూటరీలు చేసేందుకు మరో జీఓ జారీ చేయలేదు. ఆ జీఓతో డిస్ట్రిబ్యూటరీలు ఆగిపోయాయి. 2012లోనే నీళ్లు వచ్చినపుడు 2014–19 వరకూ ఐదేళ్లలో ఎందుకు డిస్ట్రిబ్యూటరీలు చేయలేదో టీడీపీ నేతలు సమాధానం చెప్పాలి. ‘సీమ’ సాగునీటి ప్రాజెక్టుల అంశంలో వైఎస్సార్‌సీపీ, టీడీపీ నేతల మాటల యుద్ధం రాయలసీమ లిఫ్ట్‌తో హంద్రీ–నీవా మొత్తం నీరు ‘అనంత’ జిల్లా వాడుకునేలా వెసులుబాటు రాయలసీమ లిఫ్ట్‌ ఆపేసి చంద్రబాబు సీమకు ద్రోహం చేశారని వైఎస్సార్‌సీపీ ఉద్యమబాట ఈ ప్రాజెక్టుతో ‘అనంత’కు ఉపయోగం లేదని మంత్రి పయ్యావుల కేశవ్‌ ప్రకటన వైఎస్సార్‌ చేపట్టిన ప్రాజెక్టును తమ ఖాతాలో వేసుకునేందుకు ప్రయత్నం

అనంతపురం సెంట్రల్‌: చంద్రబాబు ప్రభుత్వంలో వైఎస్సార్‌సీపీ సానుభూతిపరులపై కక్షసాధింపుల పర్వం కొనసాగుతోంది. బైండోవర్‌ నిబంధనలు ఉల్లంఘించారంటూ అనంతపురంలోని వినాయకనగర్‌కు చెందిన షేక్‌షామిర్‌ను రిమాండ్‌కు తరలించ డం చర్చనీయాంశమైంది. ఈ విషయంలో స్థానిక వన్‌టౌన్‌ సీఐ వెంకటేశ్వర్లు తీరు వివాదాస్పదంగా మారింది. షేక్‌షామిర్‌పై 2004లో రౌడీషీట్‌ ఓపెన్‌చేయగా.. అప్పటి నుంచి సత్ప్రవర్తనతో మెలుగుతూ కార్ల మెకానిక్‌ పనికి వెళ్తూ కుటుంబాన్ని పోషించుకుంటున్నాడు. షామిర్‌ వైఎస్సార్‌సీపీ సానుభూతిపరుడు కావడంతో ఇటీవల బైండోవర్‌ కేసు నమోదు చేశారు. రెచ్చగొట్టి.. కేసుల్లో ఇరికించి చంద్రబాబు ప్రభుత్వం ఏర్పడినప్పటి నుంచి నగరంలోని మూడో డివిజన్‌లో టీడీపీ నాయకులు కవ్వింపు చర్యలకు పాల్పడుతున్నారు. ఇటీవల డివిజన్‌లో పర్యటించిన వైఎస్సార్‌సీపీ నాయకుడు బోయ కృష్ణమూర్తితో గొడవకు దిగారు. తర్వాత తమపై దాడి చేశాడంటూ ఆసుపత్రిలో చేరారు. ఈ క్రమంలో కృష్ణమూర్తితో పాటు పలువురిపై వన్‌టౌన్‌ పోలీసులు అక్రమ కేసులు బనాయించారు. గొడవ జరిగిన సమయంలో వీడియోలు, సీసీ ఫుటేజీలు ఇచ్చినప్పటికీ ఏకపక్షంగా కేసులు నమోదు చేసి కృష్ణమూర్తిని రిమాండ్‌కు పంపారు. గొడవను సాకుగా చూపి ఆయన వద్ద ఉంటున్నాడనే కారణంతో తాజాగా షేక్‌షామిర్‌ను రిమాండ్‌కు తరలించడం గమనార్హం. సీఐ తీరు వివాదాస్పదం.. షేక్‌షామిర్‌ను జైలుకు పంపే విషయంలో వన్‌టౌన్‌ సీఐ వెంకటేశ్వర్లు వ్యవహరించిన తీరు వివాదాస్పదమైంది. బైండోవర్‌ నిబందనలు ఉల్లంఘించాడని పోలీసులు గతేడాది నవంబర్‌లోనే నోటీసులు ఇవ్వగా.. అప్పట్లోనే షామిర్‌ మండల మేజిస్ట్రేట్‌ వద్ద హాజరై వివరణ ఇచ్చాడు. దీనిపై మేజిస్ట్రేట్‌ సంతృప్తి చెందినట్లు తెలిసింది. ఇవేవీ పట్టించుకోకుండా బుధవారం పోలీసుస్టేషన్‌కు పిలిపించిన పోలీసులు అక్కడి నుంచి నేరుగా ప్రభుత్వాసుపత్రికి తీసుకెళ్లారు. అనంతరం కోర్టులో కూడా హాజరుపరచకుండానే రిమాండ్‌కు పంపినట్లు బాధితుడు వాపోయాడు. నా కుమారుడు ఏ తప్పూ చేయలేదు నా కుమారుడు షేక్‌ షామిర్‌ ఏ తప్పు చేయకపోయినా వన్‌టౌన్‌ పోలీసులు వేధిస్తున్నారు. షేక్‌ షామిర్‌కు ముగ్గురు పిల్లలు సంతానం. మెకానిక్‌ పని చేసుకుంటూ జీవనం సాగిస్తున్నాడు. కేసుల్లో ఇరికించి జైలుకు పంపితే భార్యాపిల్లలు పస్తులుండాల్సి వస్తుంది. – ముక్తుమ్‌వలీ, బాధితుడి తండ్రి

అనంతపురం అర్బన్‌: వర్కింగ్‌ జర్నలిస్టు హెల్త్‌ స్కీమ్‌ పొడిగిస్తూ వైద్య, ఆరోగ్య, కుటుంబ సంక్షేమ శాఖ ఉత్తర్వులు జారీ చేసినట్లు కలెక్టర్‌ ఓ.ఆనంద్‌ తెలిపారు. అక్రిడిటేషన్‌ అమలులో ఉన్న వర్కింగ్‌ జర్నలిస్టులందరూ ఈ పథకం ప్రీమియం కింద రూ.1,250 మొత్తాన్ని చెల్లించి 2026–27 ఆర్థిక సంవత్సరానికి గాను రెన్యువల్‌ చేసుకోవాలన్నారు. www.cfms.ap. gov.in వెబ్‌సైట్‌ ద్వారా హెడ్‌ ఆఫ్‌ అకౌంట్‌ 8342–00–120–01–03–001–001, డీడీఓ కోడ్‌ 2703 0802 003 కింద ప్రీమియం చెల్లించాల్సి ఉంటుందన్నారు. ఒరిజినల్‌ చలానా, అక్రిడిటేషన్‌ కార్డు జిరాక్స్‌, హెల్త్‌ కార్డ్‌ జిరాక్స్‌ను జిల్లా సమాచార పౌర సంబంధాల శాఖ కార్యాలయంలో సమర్పించాలన్నారు. శాంతిభద్రతల పరిరక్షణకు ప్రత్యేక చర్యలు:ఎస్పీ అనంతపురం సెంట్రల్‌: జిల్లాలో శాంతి భద్రతల పరిరక్షణకు ప్రత్యేక చర్యలు తీసుకుంటున్నట్లు ఎస్పీ జగదీష్‌ తెలిపారు. గురువారం నిర్వహించిన నెలవారీ నేర సమీక్షా సమావేశంలో ఆయన మాట్లాడారు. మహిళలు, చిన్నారులపై జరిగే నేరాలను ఉపేక్షించరాదని ఆదేశించారు. రోడ్డు ప్రమాదాల నివారణకు ఎన్‌ఫోర్సుమెంట్‌ చర్యలను పెంచాలని, బ్లాక్‌స్పాట్స్‌ను గుర్తించాలని సూచించారు. మట్కా, గంజాయి, పేకాట, ఇసుక అక్రమ రవాణా తదితర చట్ట వ్యతిరేక కార్యకలాపాలను కట్టడి చేయాలన్నారు. పేలుడు పదార్థాలు ఇళ్లలో ఉంచు కోకుండా నిఘా మరింత పెంచాలన్నారు. కార్యక్రమంలో తాడిపత్రి ఏఎస్పీ రోహిత్‌ కుమార్‌చౌదరి, ప్రొబేషనరీ ఐపీఎస్‌ అశ్విన్‌ మణిదీప్‌, డీఎస్పీలు మహబూబ్‌బాషా, శ్రీనివాసరావు, రవిబాబు, శ్రీనివాస్‌, టి.శ్రీనివాస్‌ తదితరులు పాల్గొన్నారు. గుంతకల్లులో దొంగ బీభత్సం గుంతకల్లు రూరల్‌: గుంతకల్లులో ఓ దొంగ బీభత్సం సృష్టించాడు. పోలీసులు తెలిపిన మేరకు.. గుంతకల్లు సంజీవనగర్‌లో నివాసముంటున్న డాక్టర్‌ రవి బుధవారం రాత్రి ఇంట్లో నిద్రించారు. గురువారం వేకువజాము 2.30 గంటల సమయంలో ఇంట్లోకి చొరబడిన ఓ యువకుడు నేరుగా బెడ్‌రూంలోకి ప్రవేశించాడు. బీరువాను తెరిచి, అందులోని రెండు తులాల బంగారు నగలు తీసుకుని ఉడాయించాడు. అనంతరం అక్కడికి అర కిలోమీటరు దూరంలో ఉన్న ఆర్డీఓ కార్యాలయ సమీపంలో నివాసముంటున్న సుశీలమ్మ ఇంట్లోకి చొరబడ్డాడు. 3 గ్రాముల బంగారు మాటీలు, 4 గ్రాముల రెండు బంగారు ఉంగరాలు, 2.5 తులాల వెండి చైన్‌, రూ.15 వేల నగదు అపహరించాడు. అనంతరం పక్కనే ఉన్న పార్వతీ ఇంట్లోకి వెనుక ద్వారం నుంచి ప్రవేశించాడు. పార్వతీ కుమార్తె, మనవరాలిని గమనించి, ఆ గది తలుపులు మూసి గడియ పెట్టాడు. అనంతరం హాల్‌లో నిద్రిస్తున్న పార్వతి వద్దకెళ్లి ఆమె ముఖంపై దిండు పెట్టేందుకు ప్రయత్నిస్తున్న సమయంలో ఉలిక్కిపడి లేచి గట్టిగా కేకలు వేసింది. దీంతో యువకుడు ప్రధాన ద్వారం తీసుకుని అక్కడి నుంచి పారిపోయాడు. బాధితులు డయల్‌ 100కు సమాచారం ఇవ్వడంతో కసాపురం పోలీసులు క్షేత్రస్థాయిలో పరిశీలించారు.

● రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి మండిపాటు అనంతపురం ఎడ్యుకేషన్‌: చంద్రబాబు ప్రభుత్వం ప్రజల్లో ఎప్పుడైతే పలుచనవుతుందో ఆ వెంటనే జనం దృష్టిని మరల్చేందుకు డైవర్షన్‌ పాలిటిక్స్‌కు తెరలేపుతోందని రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. గురువారం స్థానిక తన నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. మచిలీపట్నం, విజయవాడ, గుంటూరు ప్రాంతాలను కారిడార్‌గా మార్చుకుని రాజధాని ఏర్పాటు చేస్తే బాగుంటుందంటూ వైఎస్‌ జగన్‌ చేసిన ప్రకటనకు విశేష స్పందన లభిస్తోందన్నారు. కేవలం రూ. 20 వేల కోట్లు ఖర్చు చేస్తే ఈ ప్రాంతం బాగా అభివృద్ధి చెందుతుందని ఆయన చెప్పిన మాటలకు అన్ని వర్గాలూ మద్దతు తెలుపుతున్నాయన్నారు. ఈ క్రమంలో ఉలిక్కిపడిన టీడీపీ నేతలు ఒకవైపు వ్యక్తిత్వ హననానికి పాల్పడుతూ, మరోవైపు వైఎస్సార్‌సీపీ శ్రేణులను అక్రమ అరెస్ట్‌లు చేస్తున్నారన్నారు. తమ పార్టీ సోషల్‌ మీడియా రాప్తాడు నియోజకవర్గ కన్వీనరు గిరీష్‌కుమార్‌రెడ్డి ఐటీ ఉద్యోగి అని, ఆయన ఎప్పుడూ ఎవరినీ గట్టిగా కూడా మాట్లాడలేదన్నారు. వైఎస్సార్‌సీపీ కార్యక్రమాలను ప్రజల్లోకి తీసుకెళ్తుంటారన్నారు. ఎమ్మెల్యే పరిటాల సునీతకు కొందరు వెధవలు ఇచ్చిన సలహాతో గిరీష్‌రెడ్డిని టార్గెట్‌ చేశారని, పది రోజుల ముందే ఎస్‌బీ వారి దృష్టిలో అతని పేరు ఉందనే ప్రచారం తెరపైకి తెచ్చారన్నారు. ఈనెల 13న రాత్రి 10 గంటలకు సంబంధం లేని ఓ వ్యక్తితో కుప్పంలో ఫిర్యాదు తీసుకున్న పోలీసులు 14న సాయంత్రం అనంతపురంలో గిరీష్‌ను అదుపులోకి తీసుకున్నారన్నారు. ఆయనతో వాంగ్మూలం తీసుకున్నట్లు డాక్యుమెంటు సిద్ధం చేసుకుని వైఎస్‌ జగన్‌ పీఆర్‌ఓ శ్రీహరిపై తప్పుడు కేసు నమోదు చేశారన్నారు. గిరీష్‌కుమార్‌రెడ్డిని రిమాండ్‌కు తరలిచేందుకు కోర్టులో హాజరుపరిస్తే జడ్జి అంగీకరించలేదన్నారు. తాను నేరం చేయలేదని, ఎలాంటి పోస్టులు పెట్టలేదని, తన ఫోన్‌ చెక్‌ చేసుకోండని గిరీష్‌కుమార్‌రెడ్డి జడ్జి ఎదుట మొరపెట్టుకున్నాడన్నారు. ఈ క్రమంలో జడ్జి ఎవరికీ మాట్లాడే అవకాశం ఇవ్వ కుండా ఇది తప్పుడు కేసుగా భావించి ఆయనే వ్యక్తిగత ష్యూరిటీ ఇచ్చారని, ప్రభుత్వ పాలన ఎంత చెత్తగా ఉందో దీన్నిబట్టి అర్థం చేసుకోవచ్చన్నారు. కుట్రలు, కుతంత్రాలు, మోసపూరిత విధానాలు, అక్రమ కేసులు, అరెస్ట్‌లకు ఎవరూ భయపడరని స్పష్టం చేశారు. చంద్రబాబు ప్రభుత్వం జువ్వలదిన్నెలో మత్స్యకారుల వ్యతిరేకతను ఎదుర్కోలేక, జగన్‌ ఏర్పాటు చేసిన 10 ఫిషింగ్‌ హార్బర్‌లను ప్రైవేటీకరణ చేయడాన్ని ప్రజలు వ్యతిరేకిస్తుంటే తట్టుకోలేకనే గిరీష్‌రెడ్డి, శ్రీహరిని అరెస్ట్‌ చేశారన్నారు. లీగల్‌ సెల్‌ సహకారంతోనే బెయిలు గిరీష్‌రెడ్డి అక్రమ అరెస్ట్‌ను రాప్తాడు వైఎస్సార్‌సీపీ సమిష్టిగా ఎదుర్కొందన్నారు. రాష్ట్ర లీగల్‌ సెల్‌ సహకారం, ఇక్కడి న్యాయవాదులు నాగన్న, బాబ్జీ సహకారంతో గిరీష్‌రెడ్డిని బెయిల్‌పై విడుదల చేయించారన్నారు. కక్షపూరిత విధానాలను పరిటాల సునీత మానుకోవాలని హితవు పలికారు. సమావేశంలో గిరీష్‌కుమార్‌రెడ్డి, జెడ్పీటీసీ సభ్యుడు చంద్రకుమార్‌, నాయకులు గంగుల సుధీర్‌రెడ్డి, లోకనాథరెడ్డి, నారాయణరెడ్డి, ఎంపీటీసీ సభ్యుడు సునీల్‌దత్తరెడ్డి, నెమలివరం రఘు పాల్గొన్నారు.

ఉరవకొండ: మంత్రి పయ్యావుల కేశవ్‌ ప్రాతినిథ్యం వహిస్తున్న ఉరవకొండ నియోజకవర్గంలో తాగునీటి కష్టాలు తారస్థాయికి చేరాయి. గుక్కెడు నీటి కోసం ప్రజలు అష్టకష్టాలు పడుతున్నారు. ఉరవకొండ పట్టణంలోనే 15 రోజులుగా తాగునీరు సరఫరా కాలేదంటే పరిస్థితి ఎంత ఘోరంగా ఉందో అర్థం చేసుకోవచ్చు. ఈ క్రమంలో స్థానికులు చేతి పంపులు, నీటి ట్యాంకుల వద్ద మండుటెండలో గంటల తరబడి నిరీక్షించి నీళ్లు తెచ్చుకుంటున్నారు. 50 వేల జనాభా ఉన్న ఉరవకొండ పట్టణానికి పీఏబీఆర్‌ నుంచి ప్రత్యేక లైన్‌ ద్వారా తాగునీరు సరఫరా అవుతుంది. అయితే, ఆర్‌డబ్ల్యూఎస్‌ అధికారుల ప్రణాళిక లేమి, తరచూ పైప్‌లైన్‌ మరమ్మతులు, కరెంట్‌ సమస్య వెరసి 15 రోజులుగా పట్టణానికి తాగు నీటి సరఫరా నిలిచిపోయింది. దీంతో ప్రజలు నానా అవస్థలు పడుతున్నారు. ఇప్పటికైనా మంత్రి పయ్యావుల కేశవ్‌ స్పందించి తాగునీరు సరఫరా అయ్యేలా చూడాలని పట్టణ ప్రజలు కోరుతున్నారు. ఉరవకొండలో సైకిల్‌పై నీటిని తెచ్చుకుంటున్న స్థానికులు, చిన్నకొండ వద్ద మరమ్మతుకు నోచుకోని నీటి ట్యాంకు మంత్రి పయ్యావుల నియోజకవర్గంలో తారస్థాయికి తాగునీటి సమస్య ఉరవకొండలో 15 రోజులైనా సరఫరా కాని తాగునీరు నీరిలా.. తాగేదెలా..? విడపనకల్లు: మండల పరిధిలోని హావళిగి గ్రామంలో సరఫరా అవుతున్న తాగునీరు రంగు మారి, దుర్గంధం వెదజల్లుతోంది. మంత్రి కేశవ్‌ ఇలాకాలోని గ్రామంలో నెలకొన్న ఈ దుస్థితి సర్వత్రా చర్చనీయాంశంగా మారింది. ఆరు నెలలుగా అవస్థలు పడుతున్నామని స్థానికులు ఆవేదన వ్యక్తం చేస్తున్నారు. డ్రైనేజ్‌ నీటి కంటే అధ్వానంగా నీరు ఉన్నాయంటూ వాపోతున్నారు. గత్యంతరం లేక ఆ నీటినే తాగిన పలువురు వాంతులు, విరేచనాలు కావడంతో ఆస్పత్రుల పాలైనట్లు తెలిసింది. విషయాన్ని అనేక సార్లు అధికారులకు తెలియజేసినా పట్టించుకోలేదని స్థానికులు ఆరోపిస్తున్నారు. మంత్రి పయ్యావుల కేశవ్‌ అయినా స్పందించి, మంచి నీరు సరఫరా అయ్యేలా చూడాలని విజ్ఞప్తి చేస్తున్నారు.

● భారీ పేలుడుతో భీతావహ వాతావరణం ● కుమ్మరవాండ్లపల్లి ఘటనపై సర్వత్రా విస్మయంకదిరి అర్బన్‌/కదిరి టౌన్‌: బుధవారం ఉదయం 11.15 గంటల ప్రాంతం.. కదిరి పట్టణ శివారులోని కుమ్మరవాండ్లపల్లి.. కదిరి–రాయచోటి రోడ్డుకు అతి సమీపంలోని ఓ ఇంటి నుంచి పొగలు మొదలయ్యాయి.. స్థానికులంతా గుమికూడారు. ఇంట్లో వారు మాత్రం అక్కడి నుంచి హడావుడిగా వెళ్లిపోయారు. మంటలు ఆర్పుదామన్న ఆత్రుతతో స్థానికుల్లో కొందరు లోపలికి వెళ్లారు. ఇంతలోనే భారీ పేలుడు.. ఆ ఇంటితో పాటు ఇరువైపులా ఉన్న ఇళ్లు నేలమట్టమయ్యాయి. లోపలికి వెళ్లిన వారిలో నలుగురు అక్కడికక్కడే మృత్యువాత పడ్డారు. శరీరాలన్నీ కాలిపోయాయి. మరో 28 మంది తీవ్రంగా గాయపడ్డారు. అక్కడ భీతావహ వాతావరణం నెలకొంది. స్థానికుల హాహాకారాలు మిన్నంటాయి. భారీ పేలుడు శబ్దం చుట్టుపక్కల చాలా దూరం వరకు విన్పించింది. ఏమి జరిగిందో అర్థం కాక పట్టణవాసులు రకరకాలుగా చర్చించుకున్నారు. చివరకు జిలెటిన్‌స్టిక్స్‌ పేలుడు వల్ల దుర్ఘటన జరిగిందని తెలిసి ప్రజలు నిర్ఘాంతపోయారు. కదిరి చరిత్రలో గతంలో ఎన్నడూ జరగని ఘటన ఇప్పుడు సంభవించిందంటూ విస్మయం వ్యక్తం చేశారు. పదేళ్లుగా.. యథేచ్ఛగా.. కుమ్మరవాండ్లపల్లిలో జిలెటిన్‌స్టిక్స్‌ పేలుడు జరిగిన ఇంట్లో పదేళ్లుగా తెలంగాణవాసులు ఉంటున్నట్లు స్థానికులు తెలిపారు. జనావాసాల మధ్య ఇంట్లో పేలుడు పదార్థాలు పెట్టుకుని ఉంటున్నా ఎవరికీ అనుమానం రాకపోవడం గమనార్హం. వారు కదిరి చుట్టుపక్కల రహదారుల నిర్మాణం, వెంచర్లు, రైతుల భూముల్లో అభివృద్ధి పనుల్లో భాగంగా పెద్దపెద్ద రాళ్లను బ్లాస్టింగ్‌ చేసేందుకు వెళ్లేవారని స్థానికులు చెబుతున్నారు. ఒకసారి పనులకు వెళితే తర్వాత రెండు, మూడు రోజులకు గానీ తిరిగొచ్చేవారు కాదు. దీంతో కష్టపడి పనులు చేసుకుంటున్నారని స్థానికులు అనుకునేవారు. ఓ భారీ ప్రమాదపుటంచున తాము జీవిస్తున్నామని వారు ఏ రోజూ భావించలేదు. కరువైన తనిఖీలు ఎక్కడైనా భారీ బ్లాస్టింగ్‌లు జరుగుతుంటే రెవెన్యూ, పోలీసు, అగ్నిమాపక, మైనింగ్‌ తదితర శాఖల అధికారులు తనిఖీలు చేయాల్సి ఉంటుంది. నిబంధనల మేరకే పేలుళ్లు జరుపుతున్నారా అనేది చూడాల్సి ఉంటుంది. ఉల్లంఘించినట్లు తేలితే కేసు నమోదు చేసి, కఠిన చర్యలు చేపట్టాలి. కానీ ఇక్కడ అలాంటివేమీ జరగడం లేదు. చాలాకాలం నుంచి కదిరి చుట్టుపక్కల యథేచ్ఛగా బ్లాస్టింగ్‌లు చేస్తున్నారు. వివిధ సందర్భాల్లో స్థానికుల నుంచి వ్యతిరేకత వ్యక్తమవుతోంది. కొంతకాలం క్రితం గట్లు వద్ద ఓపెన్‌ బ్లాస్టింగ్‌ చేస్తుండగా.. సమీప కాలనీవాసులు అడ్డుకున్నారు. పోలీసులకు సమాచారం ఇచ్చారు. పోలీసులు వారిని రెండు రోజులు స్టేషన్‌లో ఉంచుకుని వదిలేశారు. కేసులు నమోదు చేసిన దాఖలాలు లేవు. దీంతో షరామామూలే అన్నట్లు బ్లాస్టింగ్‌లు జరిగిపోతున్నాయి. పేలుడు పదార్థాలను ఎట్టి పరిస్థితుల్లోనూ జనావాసాల మధ్య నిల్వ చేసేందుకు వీలులేదు. ఊరికి దూరంగా, అధికారులు నిర్దేశించిన ప్రాంతంలో తగిన భద్రతా ఏర్పాట్ల మధ్య మాత్రమే నిల్వ చేయాలి. బ్లాస్టింగ్‌ చేసే వారికి కూడా ఎక్స్‌ప్లోజివ్‌ లైసెన్స్‌ ఉండాలి. కానీ ఇలాంటి భద్రతా ప్రమాణాలేవీ పాటించపోయినా అధికారులు పట్టించుకోకపోవడం కుమ్మరవాండ్లపల్లిలో భారీ విషాదానికి దారి తీసిందని ప్రజలు మండిపడుతున్నారు. సాక్షి, పుట్టపర్తి : ప్రత్యామ్నాయ మార్గాలు ఉన్నప్పటికీ చాలా మంది పేలుడు పదార్థాలను ఇంట్లోనే నిల్వ ఉంచుకుని ప్రమాదాల బారినపడి ప్రాణాలు కోల్పోతున్నారు. జిల్లాలో మూడేళ్లలో మూడు పేలుళ్లు సంభవించాయి. కొత్తచెరువు మండలం వంగంపల్లిలో జరిగిన గ్యాస్‌ పేలుడులో ఓ మహిళ దుర్మరణం చెందగా.. గోరంట్లపల్లిలో ప్రజలు ముందుగానే అప్రమత్తం కావడంతో ప్రాణాపాయం తప్పింది. భారీగా ఆస్తి నష్టం జరిగింది. ఈ రెండు ఘటనలు 2023 జూలై, ఆగస్టు నెలల్లో జరిగాయి. ఆ తర్వాత పేలుడు ఘటనలు లేవనే చెప్పవచ్చు. అయితే తాజాగా కదిరి మండలం కుమ్మరవాండ్లపల్లిలో భారీ పేలుడు సంభవించింది. నలుగురు దుర్మరణం చెందగా.. 28 మంది గాయపడ్డారు. అవగాహన లోపంతో పేలుడు పదార్థాలు నిల్వ ఉంచడంతోనే ప్రమాదం సంభవించినట్లు తెలుస్తోంది. ముందుగా అప్రమత్తమై పరారీ తెలంగాణ నుంచి వచ్చిన ఓ కుటుంబం పదేళ్లుగా కుమ్మరవాండ్లపల్లిలో నివాసం ఉంటోంది. రాతి పనులకు వెళ్లే క్రమంలో పేలుడు పదార్థాలు వినియోగించేవారు. పనుల్లో భాగంగా ఒకేసారి భారీ డంపు చేసినట్లు సమాచారం. బుధవారం ఉదయం సమయంలో పేలుడు పదార్థాల నుంచి పొగ వస్తుండటం గమనించిన వారు అక్కడి నుంచి పరారయ్యారు. గ్యాస్‌తో ప్రమాదమే పశ్చిమాసియాలో నెలకొన్న యుద్ధ ప్రభావంతో జిల్లాలో గ్యాస్‌ సిలిండర్ల సరఫరా సరిగా జరగడం లేదు. దీంతో చాలా మంది అవసరం లేకపోయినా గ్యాస్‌ సిలిండర్లు బుక్‌ చేసుకుని నిల్వ చేసుకుంటున్నారు. జాగ్రత్తలు పాటించకుండా సిలిండర్లను ఎక్కడపడితే అక్కడ ఉంచితే పెనుప్రమాదం తప్పదని అధికారులు హెచ్చరిస్తున్నారు. పేలుడు పదార్థాలు నిల్వ ఉంచితే చర్యలే పేలుడు పదార్థాలను నిల్వ ఉంచుకోవడం నేరం. ఎవరి ఇంట్లో అయినా అనుమతులు లేని పేలుడు పదార్థాలు ఉన్నట్లయితే వెంటనే బయట పడేయండి. పోలీసులకు పట్టుబడితే తీవ్రమైన చర్యలు ఉంటాయి. అనుకోకుండా ప్రమాదం సంభవిస్తే ప్రాణాలు గాల్లో కలిసిపోతాయనే విషయం గ్రహించాలి. గ్యాస్‌సిలిండర్ల నిల్వలోనూ జాగ్రత్త అవసరం. ఎవరైనా చట్ట విరుద్ధంగా వ్యవహరిస్తే కఠిన చర్యలు తీసుకుంటాం. – ఎస్‌.సతీష్‌ కుమార్‌, ఎస్పీ

కుమ్మరవాండ్లపల్లి పేలుడు ఘటన బాధితులకు అండగా ఉంటామని వైఎస్సార్‌సీపీ కదిరి నియోజకవర్గ సమన్వయకర్త బీఎస్‌ మక్బూల్‌ తెలిపారు. బుధవారం ఆయన కుమ్మరవాండ్లపల్లిలో ఘటన స్థలాన్ని పరిశీలించారు. అనంతరం స్థానిక ప్రభుత్వ ఆస్పత్రికి వెళ్లి మృతుల కుటుంబ సభ్యులను ఓదార్చారు. క్షత్రగాత్రులకు ధైర్యం చెప్పారు. అలాగే మాజీ ఎమ్మెల్యే అత్తార్‌ చాంద్‌బాషా,వైఎస్సార్‌ సీపీ జిల్లా ప్రధాన కార్యదర్శి కేవీ ప్రణీత్‌రెడ్డి, రైతు విభాగం రాష్ట్ర జాయింట్‌ సెక్రటరీ జైనుల్లా బాధితులను ఓదార్చారు. కుమ్మరవాండ్లపల్లిలో జరిగిన పేలుడులో ప్రాణాలు కోల్పోయిన వారి కుటుంబాలకు రూ.5 లక్షల చొప్పున పరిహారం అందజేస్తున్నట్లు కలెక్టర్‌ శ్యాంప్రసాద్‌, ఎమ్మెల్యే కందికుంట వెంకటప్రసాద్‌ తెలిపారు. బుధవారం కదిరి తహసీల్దార్‌ కార్యాలయంలో ఏర్పాటు చేసిన విలేకరుల సమావేశంలో వారు మాట్లాడారు. పేలుడు ఘటనపై సమగ్ర విచారణ జరిపి బాధ్యులపై కఠిన చర్యలు తీసుకుంటామన్నారు. ప్రమాదంలో నలుగురు మృతిచెందగా... మరొకరి పరిస్థితి ఆందోళనకరంగా ఉండడంతో మెరుగైన వైద్యం కోసం అనంతపురం తరలించినట్లు పేర్కొన్నారు. ఇదే ఘటనలో మరో 17 మంది గాయపడ్డారన్నారు. ఇళ్లు దెబ్బతిన్న వారికి ప్రభుత్వం తరఫున పక్కాగృహం మంజూరు చేస్తామని చెప్పారు.

అనంతపురం ఎడ్యుకేషన్‌ : ఇంటర్‌ ప్రథమ, ద్వితీయ సంవత్సరం ఫలితాల్లో రెండింటా జిల్లా రాష్ట్రంలో 15వ స్థానాన్ని దక్కించుకుంది. మొదటి సంవత్సరంలో గతేడాదికంటే ఉత్తీర్ణత శాతం పెరిగినా.. ద్వితీయ సంవత్సరంలో తగ్గింది. బుధవారం ఫలితాలు విడుదలయ్యాయి. ప్రథమ సంవత్సరం ఫలితాల్లో గతేడాది 63 శాతం ఉత్తీర్ణతతో జిల్లా 17వ స్థానంలో నిలవగా ఈసారి 73 శాతానికి పెరిగి 15వ స్థానాన్ని కై వసం చేసుకుంది మొత్తం 21,730 మంది మొదటి సంవత్సరం విద్యార్థులు పరీక్షలు రాయగా 15,814 మంది ఉత్తీర్ణత సాధించారు. వీరిలో 11,434 మంది బాలికలకు గాను 9,144 మంది 77.33 శాతం ఉత్తీర్ణత సాధించారు. 10,296 మంది బాలురకు గాను 6,670 మంది 63.26 శాతం మంది ఉత్తీర్ణత సాధించారు. వివిధ గ్రూపుల్లో ప్రభుత్వ యాజమాన్యాల కళాశాలల విద్యార్థులు కార్పొరేట్‌, ప్రైవేట్‌ కళాశాలలతో పోటీపడుతూ మార్కులు సాధించారు. ● జిల్లాలోని 22 ప్రభుత్వ జూనియర్‌ కళాశాలల్లో 3,667 మంది విద్యార్థులకు గాను 1,560 మంది ఉత్తీర్ణత సాధించారు. వీరిలో 1663 మంది బాలికలను గాను 911 మంది (54.78 శాతం) ఉత్తీర్ణత సాధించారు. 1694 మంది బాలురకు గాను 649 మంది (38.31 శాతం) ఉత్తీర్ణత సాధించారు. ● రెండు ఎయిడెడ్‌ జూనియర్‌ కళాశాలల్లో 703 మంది విద్యార్థులకు గాను 191 మంది ఉత్తీర్ణత సాధించారు. వీరిలో 187 మంది బాలికలను గాను 91 మంది (48.66 శాతం) ఉత్తీర్ణత సాధించగా, 516 మంది బాలురకు గాను 100 మంది (19.37) శాతం ఉత్తీర్ణత సాధించారు. ● 9 రెసిడెన్షియల్‌ జూనియర్‌ కళాశాలల్లో 665 మంది విద్యార్థులకు గాను 567 మంది ఉత్తీర్ణత సాధించారు. వీరిలో 489 మంది బాలికలను గాను 417 మంది (85.27 శాతం) ఉత్తీర్ణత సాధించగా, 176 మంది బాలురకు గాను 150 మంది (85.22 శాతం) ఉత్తీర్ణత సాధించారు. ● 15 మోడల్‌ స్కూళ్లల్లో 968 మంది విద్యార్థులకు గాను 598 మంది ఉత్తీర్ణత సాధించారు. వీరిలో 739 మంది బాలికలను గాను 490 మంది (66.30 శాతం) ఉత్తీర్ణత సాధించగా, 229 మంది బాలురకు గాను 108 మంది (47.16 శాతం) ఉత్తీర్ణత సాధించారు. ● 9 కేజీబీవీ స్కూళ్లల్లో 788 మంది బాలికలను గాను 628 మంది (79.69 శాతం) ఉత్తీర్ణత సాధించారు. ● 65 ప్రైవేట్‌ జూనియర్‌ కళాశాలల్లో 15,886 మంది విద్యార్థులకు గాను 12,270 మంది ఉత్తీర్ణత సాధించారు. వీరిలో 7,958 మంది బాలికలను గాను 6,607 మంది (83.02 శాతం) ఉత్తీర్ణత సాధించగా, 7,928 మంది బాలురకు గాను 5,663 మంది (71.43 శాతం) ఉత్తీర్ణత సాధించారు. ద్వితీయ సంవత్సరం ఫలితాలు రెండుస్థానాలు దిగువకు.. ఇంటర్‌ ద్వితీయ సంవత్సరం ఫలితాల్లో జిల్లా రాష్ట్రంలో గతేడాదికంటే ఈసారి రెండుస్థానాలు కిందకు దిగజారింది. గతేడాది 13వ స్థానంలో ఉండగా ఈసారి 15వ స్థానంతో సరిపెట్టుకోవాల్సి వచ్చింది. ఉత్తీర్ణత శాతం కూడా గతేడాది కంటే ఈసారి నాలుగు శాతం తగ్గింది. మొత్తం 20,320 మంది విద్యార్థులు పరీక్షలు రాయగా.. 76 శాతం అంటే 15,530 మంది ఉత్తీర్ణత సాధించారు. వీరిలో 10,790 మంది బాలికలను గాను 7,954 మంది (72.11 శాతం) ఉత్తీర్ణత సాధించగా, 9530 మంది బాలురకు గాను 6,664 మంది (68.49 శాతం) ఉత్తీర్ణత సాధించారు. ● 22 ప్రభుత్వ జూనియర్‌ కళాశాలల్లో 3,057 మంది విద్యార్థులకు గాను 1,560 మంది ఉత్తీర్ణత సాధించారు. వీరిలో 1,490 మంది బాలికలను గాను 1,008 మంది (67.65 శాతం) ఉత్తీర్ణత సాధించారు. 1567 మంది బాలురకు గాను 858 మంది (54.75 శాతం) ఉత్తీర్ణత సాధించారు. ● రెండు ఎయిడెడ్‌ జూనియర్‌ కళాశాలల్లో 538 మంది విద్యార్థులకు గాను 191 మంది ఉత్తీర్ణత సాధించారు. వీరిలో 137 మంది బాలికలను గాను 76 మంది (55.47 శాతం) ఉత్తీర్ణత సాధించగా, 401 మంది బాలురకు గాను 115 మంది 28.68 శాతం ఉత్తీర్ణత సాధించారు. ● 9 రెసిడెన్షియల్‌ జూనియర్‌ కళాశాలల్లో 561 మంది విద్యార్థులకు గాను 544 మంది ఉత్తీర్ణత సాధించారు. వీరిలో 460 మంది బాలికలను గాను 407 మంది (88.48 శాతం) ఉత్తీర్ణత సాధించగా, 154 మంది బాలురకు గాను 137 మంది (88.96 శాతం) ఉత్తీర్ణత సాధించారు. ● 15 మోడల్‌ స్కూళ్లల్లో 979 మంది విద్యార్థులకు గాను 685 మంది ఉత్తీర్ణత సాధించారు. వీరిలో 717 మంది బాలికలను గాను 525 మంది (73.22 శాతం) ఉత్తీర్ణత సాధించగా, 262 మంది బాలురకు గాను 160 మంది (61.07 శాతం) ఉత్తీర్ణత సాధించారు. ● 9 కేజీబీవీ స్కూళ్లల్లో 710 మంది బాలికలను గాను 564 మంది (79.44 శాతం) ఉత్తీర్ణత సాధించారు. ● 65 ప్రైవేట్‌ జూనియర్‌ కళాశాలల్లో 14,862 మంది విద్యార్థులకు గాను 11,668 మంది ఉత్తీర్ణత సాధించారు. వీరిలో 7,516 మంది బాలికలను గాను 6,274 మంది (83.48 శాతం) ఉత్తీర్ణత సాధించగా, 7,346 మంది బాలురకు గాను 5,394 మంది (73.43 శాతం) ఉత్తీర్ణత సాధించారు. రీ వెరిఫికేషన్‌కు దరఖాస్తు చేసుకోండి ఈ నెల 20 నుంచి 27 వరకు రీవెరిఫికేషన్‌, రీటోటలింగ్‌ కోసం దరఖాస్తు చేసుకోవచ్చని ఇంటర్‌ బోర్డు అధికారులు తెలిపారు. రీవెరిఫికేషన్‌కు ఒక్కో సబ్జెక్టుకు రూ.1300 చెల్లించాల్సి ఉంటుంది. అలాగే రీటోటలింగ్‌ కోసం రూ. 260 చెల్లించాలని ఆర్‌ఐఓ వెంటకరమణనాయక్‌ తెలిపారు. ఇంటర్‌ ఫలితాల్లో జిల్లాకు 15వ స్థానం ఫస్టియర్‌ 73, సెకండియర్‌ 76 శాతం ఉత్తీర్ణత మెరిసిన ప్రభుత్వ కళాశాలల విద్యార్థులు

అనంతపురం : వైఎస్సార్‌సీపీ రాష్ట్ర ప్రధాన కార్యదర్శి (మీడియా సెల్‌ ఇన్‌చార్జ్‌) పూడి శ్రీహరి అరెస్ట్‌ అక్రమం అని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి అన్నారు. ఏపీలో రెడ్‌బుక్‌ రాజ్యాంగం మాటున సాగుతున్న అరాచకాలకు ఇలాంటి ఉదంతాలు పరాకాష్టగా నిలుస్తున్నాయన్నారు. బుధవారం నగరంలోని తన క్యాంప్‌ కార్యాలయంలో మాజీ మంత్రి, వైఎస్సార్‌సీపీ పీఏసీ సభ్యుడు సాకే శైలజానాథ్‌, ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి, తాడిపత్రి మాజీ ఎమ్మెల్యే కేతిరెడ్డి పెద్దారెడ్డితో కలిసి అనంత వెంకటరామిరెడ్డి విలేకరుల సమావేశం ఏర్పాటు చేశారు. ఈ సందర్భంగా అనంత మాట్లాడుతూ సివిల్‌ డ్రస్‌లో వచ్చి నోటీసులు ఇవ్వకుండానే శ్రీహరిని అరెస్టు చేసి, తీసుకెళ్లడం దారుణమన్నారు. ప్రభుత్వ వైఫల్యాలను, హామీల అమలు గురించి ప్రశ్నించినా, సోషల్‌ మీడియాలో పోస్టులు పెట్టినా అక్రమ అరెస్ట్‌లకు పాల్పడుతున్నారన్నారు. ఇలాంటి వాటిని ప్రజాస్వామ్యవాదులంతా ఖండిస్తున్నారన్నారు. ఏకంగా అంబేడ్కర్‌ జయంతి రోజున రెడ్‌బుక్‌ రాజ్యాంగం గురించి మంత్రి నారా లోకేష్‌ మాట్లాడడం దుర్మార్గమన్నారు. మాజీ మంత్రి సాకే శైలజానాథ్‌ మాట్లాడుతూ పోలీసులు 41 నోటీసు ఇవ్వకుండా, ఎలాంటి విచారణా చేయకుండా శ్రీహరిని దారిలో అడ్డుకుని అక్రమంగా నిర్బంధించడం అప్రజాస్వామిక చర్య అన్నారు. రాజ్యాంగ హక్కులను కాలరాయడమేనని విమర్శించారు. తక్షణమే శ్రీహరిని బేషరతుగా విడుదల చేయాలని, ఇలాంటి చర్యలు ప్రజాస్వామ్య విధానానికి విఘాతం కలిగిస్తాయని పేర్కొన్నారు. దౌర్జన్యానికి పరాకాష్ట పోలీసులు సివిల్‌ డ్రస్‌లో వచ్చి పూడి శ్రీహరికి చెందిన ల్యాప్‌టాప్‌, ఫోనును లాక్కెళ్లడం దౌర్జన్యానికి పరాకాష్ట అని ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి పేర్కొన్నారు. గతంలో సజ్జల భార్గవరెడ్డి అంశంలోనూ పోలీసులు అత్యుత్సాహం ప్రదర్శించారన్నారు. సమ సమాజ స్థాపనకు డాక్టర్‌ బీఆర్‌ అంబేడ్కర్‌ రాజ్యాంగాన్ని రచించారని, అలాంటి మహనీయుడి జయంతి రోజునే నారా లోకేష్‌ ‘రెడ్‌బుక్‌ రాజ్యాంగం’పై మాట్లాడటం సిగ్గుచేటన్నారు. 111 సెక్షన్లు పెట్టడం.. వాటిపై బెయిల్‌ రాకుండా చేయడం.. ఇలాంటి అంశాలను సమాజం హర్షించదని అన్నారు. ఇప్పటికై నా అక్రమ నిర్బంధాలు మానుకోవాలని హితవు పలికారు. రెడ్‌బుక్‌ పేరిట సాగిస్తున్న దాష్టీకాలను వైఎస్సార్‌సీపీ తీవ్రంగా ఖండిస్తోందన్నారు. ప్రజాస్వామ్యయుతంగా పోరాడాలి తప్ప కక్షసాధింపు చర్యలకు పోరాదని సూచించారు. మాజీ ఎమ్మెల్యే కేతిరెడ్డి పెద్దారెడ్డి మాట్లాడుతూ రాష్ట్రంలో ఎన్నడూ లేని రీతిలో అరాచకాలు రాజ్యమేలుతున్నాయని విమర్శించారు. అక్రమ అరెస్టులు, నిర్బంధాలు సరైనవి కాదన్నారు. పోలీసులు నిష్పక్షపాతంగా వ్యవహరించాలన్నారు. రాజ్యాంగ హక్కులను కాలరాయడమే రెడ్‌బుక్‌ మాటున అరాచక పాలన తగదు విలేకరుల సమావేశంలో వైఎస్సార్‌సీపీ నేతలు

పేలుడు జరిగిన ఇంటికి సమీపంలోనే నివాసం ఉంటున్నాం. ఆ ఇంట్లో మంటలు వ్యాపిస్తుండడంతో ఆర్పేందుకు బిందెలతో నీళ్లు ఇచ్చాను. ఇంతలోనే భారీశబ్ధంతో పేలుడు సంభవించింది. నా ఇల్లు కూడా పాక్షికంగా దెబ్బతింది. నాకు స్వల్ప గాయాలయ్యాయి. భయంకరమైన పేలుడుతో భీతిల్లిపోయాం. పేలుడు జరిగిన ఇంట్లో వారు నాలుగురోజులకోసారి వ్యానులో వచ్చి వెళ్తుండేవారు. ఏదో మైనింగ్‌ పని చేసుకుంటున్నారని అనుకున్నాం. ఇలా పేలుడు పదార్థాలు నిల్వ చేస్తుంటారని ఊహించలేకపోయాం. – పార్వతమ్మ, కుమ్మరవాండ్లపల్లి

గుమ్మఘట్ట (రాయదుర్గం రూరల్‌): ఈ నెల 19 నుంచి 20వ తేదీ వరకు నెల్లూరులోని అలెక్సా కాలేజ్‌ ఆఫ్‌ ఫిజికల్‌ ఎడ్యుకేషన్‌ వేదికగా జరిగే రాష్ట్ర స్థాయి హ్యాండ్‌ బాల్‌ పోటీలకు రాయదుర్గంలోని కేటీఎస్‌ ప్రభుత్వ డిగ్రీ కళాశాలకు చెందిన ఐదుగురు విద్యార్థులు ఎంపికయ్యారు. ఈ మేరకు ఆ కళాశాల ఇన్‌చార్జ్‌ ప్రిన్సిపాల్‌ లక్ష్మీనారాయణ బుధవారం వెల్లడించారు. ఎంపికై న వారిలో ఎస్‌ఎండీ అలీ, ఎస్‌.సమీర్‌, ఖాజాపీరా, వెంకటసాయి, హర్షవర్దన్‌ ఉన్నారు. వీరిని కళాశాల అధ్యాపకులు బుధవారం అభినందించారు. యువతి ఆత్మహత్యాయత్నం అనంతపురం సెంట్రల్‌: కుటుంబ కలహాల నేపథ్యంలో ఓ యువతి ఆత్మహత్యాయత్నం చేసింది. పోలీసులు తెలిపిన మేరకు... ఉరవకొండ మండలంలోని ఓ గ్రామానికి చెందిన యువతి అనంతపురంలోని అరవిందనగర్‌లో ఉన్న బీసీ హాస్టల్‌ ఉంటూ ప్రభుత్వ సర్వజనాస్పత్రిలో అనస్తియా టెక్నీషియన్‌ కోర్సు ద్వితీయ సంవత్సరం చదువుతోంది. బుధవారం హాస్టల్‌ గదిలో అపస్మారక స్థితిలో పడి ఉండడం గమనించిన తోటి విద్యార్థుల సమాచారంతో వెంటనే ఆమెను సర్వజనాస్పత్రికి హాస్టల్‌ సిబ్బంది తరలించింది. కాగా, సదరు యువతి తన మేనత్త కుమారుడిని ప్రేమించి ఇరు కుటుంబాలకు తెలియకుండా పెళ్లి చేసుకున్నట్లు సమాచారం. ఈ విషయం తెలుసుకున్న రెండు కుటుంబాల మధ్య గొడవలు చోటు చేసుకోవడంతో మనస్తాపం చెంది విషపూరిత ద్రావకం తాగినట్లు పోలీసులు తెలిపారు. ఘటనపై దర్యాప్తు చేపట్టినట్లు రెండో పట్టణ సీఐ శ్రీకాంత్‌ యాదవ్‌ తెలిపారు.

● వైఎస్సార్‌సీపీ మహిళా విభాగం జిల్లా అధ్యక్షురాలు శ్రీదేవి ● రెడ్‌బుక్‌ రాజ్యాంగం అమలులో భాగమేనంటూ మండిపాటుఅనంతపురం: భారతరత్న డాక్టర్‌ బీఆర్‌ అంబేడ్కర్‌ జయంతి సందర్భంగా ఏకంగా దళిత మహిళానేతను దుర్భాషలాడిన మడకశిర ఎమ్మెల్యే ఎంఎస్‌ రాజు తక్షణమే క్షమాపణలు చెప్పాలని వైఎస్సార్‌సీపీ మహిళా విభాగం జిల్లా అధ్యక్షురాలు శ్రీదేవి డిమాండ్‌ చేశారు. వైఎస్సార్సీపీ జిల్లా కార్యాలయంలో బుధవారం ఆమె విలేకరులతో మాట్లాడారు. బాధ్యతాయుతమైన ఎమ్మెల్యే పదవిలో ఉంటూ ఓ దళిత మహిళను బూతులతో దూషించడం ఎంఎస్‌ రాజు దిగజారుడు తనానికి నిదర్శనమన్నారు. అవమానం తట్టుకోలేక వైఎస్సార్‌సీపీ దళిత మహిళా నేత, ఆర్టీసీ జోనల్‌ మాజీ చైర్‌పర్సన్‌ మాల్యవంతం మంజుల బహిరంగంగానే బిగ్గరగా ఏడ్చుకుంటూ ఇంటికి వెళ్లిపోయారని గుర్తు చేశారు. మంజులను దుర్భాషలాడడమే కాక, తిరిగి ఆమైపెనే ఐ–టీడీపీ బ్యాచ్‌ ద్వారా సామాజిక మాధ్యమాల్లో ట్రోలింగ్‌ చేస్తూ పైశాచిక ఆనందం పొందుతున్నారని ఆగ్రహం వ్యక్తం చేశారు.ఎంఎస్‌ రాజు మాట్లాడిన బూతులు సభ్య సమాజం తలదించుకునే రీతిలో ఉన్నాయన్నారు. ఈ అంశాలన్నింటిపై సుమోటోగా తీసుకుని కేసు నమోదు చేయాలని డిమాండ్‌ చేశారు. రెడ్‌బుక్‌ రాజ్యాంగం అమలులో భాగంగానే మహిళలపై అత్యాచారాలు, హత్యలు, ఆకృత్యాలు అధికమయ్యాయని మండిపడ్డారు. అనంతపురం ఎమ్మెల్యే దగ్గుపాటి ప్రసాద్‌ ఏకంగా జూనియర్‌ ఎన్టీఆర్‌ తల్లిని దూషిస్తే.. ఇప్పటి వరకూ చర్యలు తీసుకోలేని అసమర్థ స్థితిలో చంద్రబాబు ప్రభుత్వం ఉందని విమర్శించారు. వైఎస్సార్‌సీపీ ఎస్సీ సెల్‌ నగర అధ్యక్షురాలు సాకే చంద్రలేఖ మాట్లాడుతూ.. ఎమ్మెల్యే ఎంఎస్‌ రాజు తీరు రెడ్‌ బుక్‌ రాజ్యాంగం అమలుకు నిదర్శనమన్నారు. జెడ్పీ వైస్‌చైర్మెన్‌ నాగరత్నమ్మ మాట్లాడుతూ.. దళిత మహిళా నేత మంజులను దుర్భాషలాడిన ఎమ్మెల్యే ఎంఎస్‌ రాజు తక్షణమే క్షమాపణలు చెప్పాలన్నారు. ఇప్పటికై నా బుద్ధి తెచ్చుకోకపోతే.. మహిళల ఆగ్రహాన్ని చవిచూడాల్సి వస్తుందని హెచ్చరించారు. కార్యక్రమంలో మహిళా విభాగం జిల్లా ప్రధాన కార్యదర్శి దేశాయి భారతీరెడ్డి, నాయకులు శోభారాణి, భారతి, ఖమర్‌తాజ్‌, శోభాబాయి, ఉషారాణి, అంజలి తదితరులు పాల్గొన్నారు.

అనంతపురం క్రైం: తాడిపత్రి మున్సిపాలిటీలో మహిళా ఉద్యోగులపై లైంగిక వేధింపులకు పాల్పడిన ఉన్నతాధికారిపై తక్షణమే చర్యలు తీసుకోవాలంటూ సీఐటీయూ నాయకులు డిమాండ్‌ చేశారు. డిమాండ్‌ సాధనలో భాగంగా బుధవారం అనంతపురంలోని మున్సిపల్‌ రీజినల్‌ డైరెక్టర్‌ కార్యాలయం ఎదుట సీఐటీయూ ఆధ్వర్యంలో ధర్నా చేపట్టారు. ఈ సందర్భంగా సీఐటీయూ జిల్లా ప్రధాన కార్యదర్శి ఎస్‌.నాగేంద్రకుమార్‌ మాట్లాడారు. ఉన్నత హోదాలో ఉంటూ మహిళా ఉద్యోగుల పట్ల అసభ్యంగా ప్రవర్తించడం సరికాదన్నారు. బాధితులు అధిక సంఖ్యలో ఉన్నా... ఒత్తిళ్లు, బెదిరింపుల కారణంగా వారు ధైర్యంగా బయటకు చెప్పుకోలేక మానసికంగా కుదేలవుతున్నారన్నారు. మహిళల భద్రతపై పెద్ద ఎత్తున ప్రకటనలు చేస్తున్న చంద్రబాబు ప్రభుత్వం క్షేత్ర స్థాయిలో ఇందుకు భిన్నంగా వ్యవహరిస్తోందని మండిపడ్డారు. బాధితులకు రక్షణ కల్పించడంలో పూర్తిగా విఫలమైందని ఆరోపించారు. లైంగిక వేధింపుల వంటి ఘటనలను పంచాయితీల పేరుతో కప్పిపుచ్చడం న్యాయాన్ని అవమానించడమేనని ఆగ్రహం వ్యక్తం చేశారు. కీచకుడి వెనుక ఉన్న రాజకీయ ఆశ్రయం బయటపడకపోతే నిజాలు వెలుగులోకి రావని స్పష్టం చేశారు. ఈ నేపథ్యంలో సంబంధిత అధికారిని వెంటనే సస్పెండ్‌ చేసి అరెస్ట్‌ చేయాలని డిమాండ్‌ చేశారు. హైకోర్టు పర్యవేక్షణలో ప్రత్యేక దర్యాప్తు బృందం ఏర్పాటు చేసి సమగ్ర విచారణ జరపాలని కోరారు. బాధిత మహిళలకు పూర్తి రక్షణ కల్పించి, వారి ఫిర్యాదులను గోప్యంగా స్వీకరించాలని సూచించారు. ఆరోపణలు నిజమైతే కఠిన చర్యలు తీసుకుని శాశ్వతంగా విధుల నుంచి తొలగించాలని, లేకపోతే రాష్ట్రవ్యాప్తంగా ఆందోళనలు ఉధృతం చేస్తామని హెచ్చరించారు. అనంతరం మున్సిపల్‌ రీజినల్‌ డైరెక్టర్‌ (అడ్మినిస్ట్రేషన్‌) నాగరాజుకు వినతి పత్రం సమర్పించారు. కార్యక్రమంలో సీఐటీయూ నాయకులు ఎం. నాగమణి, గోపాల్‌, నాగరాజు, ముత్తు, తిరుమలేష్‌, ఎర్రిస్వామి, లక్ష్మీనరసమ్మ, నాగేంద్ర, శ్రీనివాసులు, ఆజాం బాషా, గురుస్వామి, నల్లప్ప, పరమేష్‌, గిరి, భీమేష్‌ తదితరులు పాల్గొన్నారు.

ఉరవకొండ: రాష్ట్రంలో పేదల సంక్షేమం చంద్రబాబు ప్రభుత్వానికి పట్టడం లేదని ఎమ్మెల్సీ వై.శివరామిరెడ్డి విమర్శించారు. ఈ మేరకు బుధవారం ఓ ప్రకటన విడుదల చేశారు. అన్న క్యాంటీన్లు, హంద్రీ–నీవా తదితర అంశాలపై ఇటీవల మంత్రి కేశవ్‌ చేసిన వ్యాఖ్యలను ఎమ్మెల్సీ ఖండించారు. అమరావతి నిర్మాణంలో అంతులేని అవినీతి చోటు చేసుకుందన్నారు. రూ.14,800తో చదరపు అడుగు నిర్మాణం చూపడం దారుణమన్నారు. హైదరాబాద్‌, బెంగళూరు వంటి నగరాల్లో చదరపు అడుగు రూ.4 వేలతో అద్భుత కట్టడాలు వెలుస్తున్నాయన్నారు. కేవలం అమరావతి ప్లాన్‌ కోసమే రూ400 కోట్లు తగలేశారని, రాజధాని ప్రాంతంలో వర్షపు నీళ్లు ఎత్తేయడానికి, ముళ్ల కంపలు తొలగించడానికి ఇప్పటికే కోట్లాది రూపాయలు ఖర్చు పెట్టారని గుర్తు చేశారు. మొబైలజేషన్‌ అడ్వాన్స్‌ పేరుతో పనులు చేయకుండానే కాంట్రాక్టర్లకు రూ5,500 కోట్లు దోచి పెట్టారన్నారు. రాజధానిలో మౌలిక వసతులకే రూ. 2లక్షల కోట్లు కావాలని, ఈ అప్పు ఎవరు తీరుస్తారో చెప్పాలంటూ ప్రశ్నించారు. రాజధాని తప్ప పేదల సంక్షేమం పట్టని చంద్రబాబు ప్రభుత్వం దోచుకో..దాచుకో అనే రీతిలో పాలన సాగిస్తోందని మండిపడ్డారు. హంద్రీ–నీవా ద్వారా చంద్రబాబు తన నియోజకవర్గానికి నీటిని తీసుకెళుతున్నారని, అయితే ఇప్పటి వరకూ జీడిపల్లి నిర్వాసితులకు పరిహారం ఇచ్చే ఆలోచన ఎందుకు చేయడం లేదో చెప్పాలని ప్రశ్నించారు. జీడిపల్లి రిజర్వాయర్‌లో ప్రస్తుత నీటి నిల్వకు అదనంగా మరో 4 టీఎంసీలు పెంచేలా గత వైఎస్సార్‌సీపీ ప్రభుత్వంలో రూ.675 కోట్లతో ప్రాజెక్టు రిపోర్టు తయారు చేశారని, ప్రస్తుత కేటాయింపుల్లో ఆ రిపోర్టును ఆమోదిస్తే రాయలసీమకు తాగు, సాగునీరు అవసరాలతో పాటు చిత్తూరు జిల్లా చివరి ఆయకట్టుకు సాగునీరు అందించే అవకాశం ఉందన్నారు. ఇప్పటికై నా ప్రభుత్వం పేదల సంక్షేమం, అభివృద్ధిపై దృష్టి సారించాలన్నారు.

అనంతపురం ఎడ్యుకేషన్‌: ఈ రోజుల్లో చదువు అంటే చాలా మందికి కార్పొరేట్‌ కాలేజీలు, భారీ ఫీజులు, ప్రత్యేక కోచింగ్‌ సెంటర్లు గుర్తుకొస్తాయి. ఆర్థికంగా బలంగా ఉన్న కుటుంబాల నుంచి వచ్చిన విద్యార్థులు అన్ని సౌకర్యాలతో ఉన్న కళాశాలల్లో చదువుకుని మంచి మార్కులు సాధించడం గొప్పకాదు. కూలినాలి చేసుకునే కుటుంబాలు, పూటగడవని కుటుంబాల నుంచి వచ్చి ప్రభుత్వ కళాశాలలు, హాస్టళ్లలో ఉంటూ చదువుకుంటూ మంచి మార్కులు సాధించడం గొప్ప. ఇందుకు నిదర్శనమే బుధవారం విడుదలైన ఇంటర్‌ ఫలితాలు. ప్రభుత్వ కళాశాలలకు చెందిన పలువురు విద్యార్థులు మంచి మార్కులు సాధించారు. సౌకర్యాలు లేకపోయినా, అత్యాధునిక ల్యాబ్స్‌ లేకపోయినా, ఆర్థిక ఇబ్బందుల నేపథ్యంలో ప్రత్యేక ట్యూషన్లకు వెళ్లకుండా సంక్షోభాల మధ్య చదువుకుని కార్పొరేట్‌ విద్యార్థులకు ఏమాత్రమూ తీసిపోని విధంగా మార్కులు సాధించి ప్రశంసలందుకుంటున్నారు. వీరిలో కొందరి తల్లిదండ్రులు కూలీలు, మరికొందరు రైతులు ఉన్నారు. ఇంకొందరు విద్యార్థులు అనాథలు ఉన్నారు. వీరికి చదువు ప్రాధాన్యత గురించి చెప్పే వారు కూడా లేరు. అయినా ఆ పిల్లల్లో ఉన్న సంకల్పమే వారి గురువు అయింది. వారి కుటుంబ కష్టాలే వారికి పాఠాలు నేర్పాయి. ఆర్థిక ఇబ్బందుల్లోనూ చదువుపైనే దృష్టి సారించారు. ఫలితంగా విజయాన్ని అందుకున్నారు. ‘ఎంత కష్టమైనా, చదువుతో జీవితాన్ని మార్చుకోవచ్చు’ అని నిరూపించారు. భారతి, డి.హీరేహాల్‌, 493 (ఎంపీహెచ్‌డబ్ల్యూ) ఎస్‌.తస్లీం, 488 (ఐఎంఎల్‌టీ) షేక్‌ సానియా, 491 (సీఎస్‌ఈ) ఇంటర్‌ ఫలితాల్లో మెరిసిన ప్రభుత్వ కళాశాలల విద్యార్థులు సౌకర్యాలు లేకపోయినా మెరుగైన మార్కులు సాధించిన పలువురు విద్యార్థులు

● కలుషిత నీరు తాగి రోగాల బారిన జనం ఉరవకొండ: రాష్ట్ర ఆర్థిక శాఖ మంత్రి పయ్యావుల కేశవ్‌ సొంత నియోజకవర్గ కేంద్రం ఉరవకొండలో దాహం కేకలు మిన్నంటుతున్నాయి. పలు కాలనీలకు పబ్లిక్‌ కుళాయిల ద్వారా సరఫరా అవుతున్న తాగునీరు పూర్తిగా రంగుమారి దుర్వాసన వెదజల్లుతోందని స్థానికులు వాపోతున్నారు. కుళాయిల ద్వారా వస్తున్న నీటిని బకెట్‌లో పట్టుకుంటే పూర్తిగా నురుగు తేలి డ్రెయినేజీ నీరులా కనిపిస్తోందని ఆవేదన వ్యక్తం చేస్తున్నారు. ఇప్పటికే కలుషిత నీటి కారణంగా పట్టణంలోని పలు ప్రాంతాల్లో ప్రజలు రోగాల బారిన పడ్డారని తెలిపారు. పట్టణంలోని ఏదో ఒక ప్రాంతానికి చెందిన వారు రోజూ కలుషిత నీటిని బాటిళ్లలో పట్టుకెళ్లి అధికారుల ఎదుట ఏకరువు పెడుతున్నా నేటికీ ఎలాంటి చర్యలు తీసుకోవడం లేదని మండిపడుతున్నారు. తాజాగా 11, 12 వార్డులు, పార్కు ఆంజనేయస్వామి ఆలయం, అరబిక్‌ హైస్కూల్‌ తదితర ప్రాంతాల్లో బుధవారం కూడా కలుషిత నీరు సరఫరా కావడంతో అధికారుల దృష్టికి స్థానికులు తీసుకెళ్లారు. ఇప్పటికై నా మంత్రి పయ్యావుల కేశవ్‌ స్పందించి ప్రజల తాగునీటి కష్టాలు దూరం చేయాలని పలువురు కోరుతున్నారు. గిరిష్‌కుమార్‌రెడ్డికి బెయిల్‌ మంజూరు ఆత్మకూరు: ప్రభుత్వానికి వ్యతిరేకంగా సోషల్‌ మీడియాలో పోస్టులు పెట్టారన్న అభియోగంతో ఆత్మకూరు మండలం పంపనూరు గ్రామానికి చెందిన సోషల్‌ మీడియా యాక్టివిస్ట్‌ గిరీష్‌కుమార్‌రెడ్డిని కుప్పం పోలీసులు మంగళవారం అరెస్ట్‌ చేసిన విషయం తెలిసిందే. ఈ అంశంపై స్పందించిన మాజీ ఎమ్మెల్యే తోపుదుర్తి ప్రకాష్‌రెడ్డి వెంటనే లాయర్ల ద్వారా హెబియస్‌ కార్పస్‌ పిటీషన్‌ దాఖలు చేయించారు. దీంతో సొంత పూచీకత్తిపై గిరీష్‌కుమార్‌రెడ్డికి కుప్పం కోర్టు బెయిల్‌ మంజూరు చేసింది. క్లిష్ట సమయంలో కార్యకర్తల పక్షాన నిలబడిన మాజీ ఎమ్మెల్యే తోపుదుర్తి ప్రకాష్‌రెడ్డి చొరవపై పార్టీ నాయకులు, కార్యకర్తలు హర్షం వ్యక్తం చేశారు. బంగారు ఆభరణాల అపహరణ కణేకల్లు: ప్రయాణికురాలి వద్ద నుంచి బంగారు ఆభరణాలను అపహరించిన ఘటన కణేకల్లులో కలకలం రేపింది. పోలీసులు తెలిపిన మేరకు.. కళ్యాణదుర్గం పట్టణానికి చెందిన కరిష్మా కణేకల్లులో తన బంధువుల ఇంట జరుగుతున్న నామకరణ వేడుకలకు అత్త హమీదాతో కలిసి సోమవారం సాయంకాలం ఆర్టీసీ బస్సు కణేకల్లు క్రాస్‌ వరకూ ప్రయాణించింది. అక్కడి నుంచి ఆటోలో కణేకల్లుకు చేరుకున్నారు. ఇక్కడి బస్టాండ్‌ నుంచి మరో ఆటో ఎక్కి బంధువుల ఇంటికి చేరుకుని, బ్యాగ్‌ పరిశీలించగా అందులో మూడు తులాల బంగారు ఆభరణాలు ఉంచిన బాక్స్‌ కనిపించలేదు. ఘటనపై అత్త హమీదా ఫిర్యాదు మేరకు బుధవారం కేసు నమోదు చేసి, దర్యాప్తు చేపట్టినట్లు ఎస్‌ఐ నాగమధు తెలిపారు. టీడీపీ పొలిట్‌బ్యూరోలో ఇద్దరికి స్థానం అనంతపురం టౌన్‌: టీడీపీ పొలిట్‌బ్యూరో సభ్యులుగా ఉమ్మడి అనంతపురం జిల్లాలో ఇద్దరికి స్థానం కల్పిస్తూ ఆ పార్టీ అధిష్టానం బుధవారం ఉత్తర్వులు జారీ చేసింది. అనంతపురం జిల్లా రాయదుర్గం ఎమ్మెల్యే కాలవ శ్రీనివాసులకు మరోమారు అవకాశం కల్పించారు. అలాగే శ్రీసత్యసాయి జిల్లా హిందూపురం ఎమ్మెల్యే నందమూరి బాలకృష్ణను పొలిట్‌బ్యూరో సభ్యుడిగా నియమించారు. దీంతో పాటు పార్టీ జాతీయ అధికార ప్రతనిధులుగా హిందూపురం ఎంపీ బీకే పార్థసారథి, గుణపాటి దీపక్‌రెడ్డి, రాష్ట్ర మీడియా కోఆర్డినేటర్‌గా బీవీ వెంకటరాముడును నియమించారు. వీరితోపాటు జిల్లా నుంచి పలువురికి పార్టీ రాష్ట్ర కార్యవర్గంలోకి స్థానం దక్కింది. మద్యం దుకాణం సీజ్‌ శింగనమల: మండల కేంద్రంలోని మద్యం దుకాణాన్ని ఎకై ్సజ్‌ అధికారులు బుధవారం సీజ్‌ చేశారు. బుక్కరాయసముద్రం ఎకై ్సజ్‌ స్టేషన్‌ పరిధిలోని శింగనమల, గార్లదిన్నె, నార్పల మండలాల్లో అధిక ధరలకు మద్యం విక్రయిస్తున్నారన్న సమాచారంతో ఎకై ్సజ్‌ విజిలెన్స్‌ అధికారులు ఆకస్మిక తనిఖీలు చేపట్టారు. ఈ నేపథ్యంలో శింగనమలలోని దుకాణంలో అధిక ధరలకు మద్యం విక్రయిస్తున్నట్లుగా గుర్తించి సీజ్‌ చేశారు. నిర్వాహకుడిపై కేసు నమోదు చేశారు. కీచక అధికారిపై విచారణ తాడిపత్రి టౌన్‌: మహిళా ఉద్యోగులు, సిబ్బంది పట్ల అనుచితంగా ప్రవర్తిస్తున్న తాడిపత్రి మున్సిపల్‌ కార్యాలయ అధికారి తీరుపై ‘మున్సిపాలిటీలో కీచకుడు’ శీర్షికన బుధవారం ‘సాక్షి’లో వెలువడిన కథనంపై ఉన్నతాధికారులు స్పందించారు. దీంతో బుధవారం ఐసీడీఎస్‌ పీడీ శ్రీదేవి విచారణ చేపట్టారు. తాడిపత్రి మున్సిపల్‌ కార్యాలయానికి చేరుకుని మహిళా సిబ్బందిని విడివిడిగా విచారణ చేశారు.

● వైఎస్సార్‌సీపీ పీఏసీ సభ్యుడు విశ్వేశ్వరరెడ్డి ఉరవకొండ: వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి సీపీఆర్వో, పార్టీ మీడియా విభాగం ప్రధాన కార్యదర్శి పూడి శ్రీహరిని రెడ్‌బుక్‌ రాజ్యాంగంలో భాగంగానే చంద్రబాబు ప్రభుత్వం అరెస్ట్‌ చేయించిందని ఆ పార్టీ పీఏసీ సభ్యుడు వై.విశ్వేశ్వరరెడ్డి మండిపడ్డారు. ఈ అరెస్ట్‌ను ఖండిస్తూ వజ్రకరూరు మండలం జరుట్ల రాంపురంలో బుధవారం ఏర్పాటు చేసిన విలేకరుల సమావేశంలో ఆయన మాట్లాడారు. పూడి శ్రీహరిని అతని ఇంట్లోనే కుటుంబ సభ్యులంతా భయాందోళనకు గురైయ్యేలా అరెస్ట్‌ చేయడం దుర్మార్గమన్నారు. రాష్ట్రంలో ఇప్పటికే రెడ్‌బుక్‌ రాజ్యాంగం పేరుతో ఎన్నో దుర్మార్గాలకు చంద్రబాబు, లోకేష్‌, పవన్‌కుమార్‌ పాల్పడుతున్నారన్నారు. అయితే వైఎస్సార్‌సీపీ నాయకులు, కార్యకర్తలు ఇలాంటి రెడ్‌బుక్‌లకు భయపడకుండా చంద్రబాబు ప్రభుత్వ అవినీతి, అక్రమాలు, దుర్మార్గలకు వ్యతిరేకంగా పోరాడుతున్నారన్నారు. ఈ పోరాటంలో దూసుకెళుతున్న శ్రీహరిని కట్టడి చేసేందుకు ప్రభుత్వం ఇంతటి దుర్మార్గానికి పాల్పడిందన్నారు. సీఎం చంద్రబాబుకు వ్యతిరేకంగా చిన్న పోస్టు పెట్టారనే సాకు చూపి అరెస్ట్‌ చేయడం సరైంది కాదన్నారు. ఈ అరెస్ట్‌ ద్వారా సోషల్‌ మీడియాను అణగదొక్కాలనుకోవడం ప్రభుత్వ అవివేకానికి నిదర్శనమన్నారు. ఇప్పటికై నా పోలీసులు వెంటనే శ్రీహరిని బేషరుతుగా విడుదల చేయాలని డిమాండ్‌ చేశారు. కార్యక్రమంలో పార్టీ జిల్లా అధికారప్రతినిధి సీపీ వీరన్న, ఉస్మాన్‌, డిష్‌ సురేష్‌, కౌడిగి గోవిందు, సిద్దు, జగదీష్‌, తదితరులు పాల్గొన్నారు.

ఉరవకొండ: సాగునీటి ప్రాజెక్ట్‌లపై ఎలాంటి అవగాహన లేకుండా మాట్లాడడం మానుకోవాలని రాష్ట్ర ఆర్థిక శాఖ మంత్రి పయ్యావుల కేశవ్‌కు రాయలసీమ వెనుకబడిన ప్రాంతాల అభివృద్ధి కమిటీ చైర్మన్‌ రమణ హితవు పలికారు. ఇటీవల పబ్లిక్‌ మీటింగ్‌లలో సాగునీటి ప్రాజెక్ట్‌లపై మంత్రి మాట్లాడిన తీరు చూస్తుంటే కనీస విషయ పరిజ్ఞానం కూడా ఆయనకు లేదనే విషయం తేటతెల్లమవుతోందన్నారు. బుధవారం వజ్రకరూరులో ఏర్పాటు చేసిన విలేకరుల సమావేశంలో ఆయన మాట్లాడారు. ముచ్చుమర్రి ఎత్తిపోతుల పథకానికి, రాయలసీమ ఎత్తిపోతల పథకానికి సంబంధమే లేదనే విషయాన్ని మంత్రి గుర్తించాలన్నారు. హెచ్‌ఎన్‌ఎస్‌ఎస్‌ పథకంలో భాగంగా 834 అడుగుల ఎత్తుతో పంపింగ్‌ కేంద్రం ఏర్పాటు చేసిన కారణంగా నీరు అందని సమయంలో ప్రత్యామ్నాయంగా 800 అడుగుల నుంచి పంపింగ్‌ చేయడం జరుగుతుందన్నారు. ఎక్కువ రోజులు వరద ఉంటే నేరుగా కేసీ కెనాల్‌ ఆయకట్టుకు నీరు ఇవ్వడమే ముచ్చమర్రి ఎత్తిపోతల పథకం ఉద్దేశమన్నారు. అయితే మంత్రి కేశవ్‌ మాట్లాడుతూ రాయలసీమ ఎత్తిపోతల పథకానికి అనుమతులు లేవని, ఒకసారి డీపీఆర్‌ కోసం, రెండో సారి మంచినీటి కోసమేనని చెప్పడం హాస్యాస్పదంగా ఉందన్నారు. అయితే మిగులు జలాలపై నిర్మిస్తున్న ప్రాజెక్టులను సాగునీటి కోసమే అని చెబితే అనుమతులు వస్తాయా? అని ప్రశ్నించారు. మంచినీళ్ల కోసమంటూ ఎలాంటి అనుమతులు లేకుండా తెలంగాణ ప్రభుత్వం పాలమూరు–రంగారెడ్డి, దిండి ప్రాజెక్టులను కూడా నిర్మించిన విషయం కూడా మంత్రి కేశవ్‌కు తెలియకపోవడం దురదృష్టకరమన్నారు. రాయలసీమ ప్రాంత సాగునీటి సాధన ఉద్యమకారులు, మేధావులు, ప్రజలందరూ శ్రీశైలం ప్రాజెక్టును హైడల్‌ ప్రాజెక్ట్‌ నుంచి ఇరిగేషన్‌ ప్రాజెక్టుగా మార్చాలని గగ్గోలు పెడుతుంటే మంత్రి కేశవ్‌ మాత్రం రాయలసీమకు తీరని అన్యాయం జరిగేలా మాట్లాడుతున్నారని ఆగ్రహం వ్యక్తం చేశారు. ఎవరి ప్రయోజనాల కోసం మంత్రి ఇంతలా దిగజారుడు వ్యాఖ్యలు చేస్తున్నారో చెప్పాలన్నారు. హంద్రీ–నీవా ప్రాజెక్టును చంద్రబాబు పూర్తి చేసినట్లు మంత్రి కేశవ్‌ చెబుతున్నారని, ఈ అంశంపై దమ్ముంటే బహిరంగ చర్చకు సిద్ధం కావాలని సవాల్‌ విసిరారు. 1985లో హంద్రీ–నీవా ప్రాజెక్ట్‌ను అప్పటి ముఖ్యమంత్రి ఎన్టీఆర్‌ ప్రారంభించారని, ఆ తర్వాత 2005లో జలయజ్ఞంలో భాగంగా పనులను డాక్టర్‌ వైఎస్సార్‌ పూర్తి చేయించారని గుర్తు చేశారు. 1994లో చంద్రబాబు అధికారం చేపట్టిన తర్వాత ఒక్క కిలోమీటరు కూడా కాలువ తవ్వలేదనే విషయం తెలుసుకోవాలన్నారు. 2014 నుంచి 2019 వరకు రెండో దశ పనులను వైఎస్సార్‌సీపీ ప్రభుత్వం పూర్తి చేస్తే నేడు కుప్పం ప్రాంతానికి సీఎం చంద్రబాబు దర్జాగా నీటిని మళ్లించుకుంటున్నారని తెలిపారు. మహానేత వైఎస్‌ రాజశేఖర్‌రెడ్డి తన ఏడేళ్ల పాలనలో హంద్రీ–నీవా కోసమే రూ.7వేల కోట్లు ఖర్చు పెట్టి 70 శాతం మొదటి దశ పనులు పూర్తి చేశారన్నారు.చంద్రబాబు అవగాహనా లోపం కారణంగా 40 టీఎంసీల సామర్థ్యం కలిగిన హంద్రీ–నీవా ప్రాజెక్ట్‌ కాస్త 5 టీఎంసీల మంచినీళ్ల ప్రాజెక్టుగా మారుతోందని మండిపడ్డారు. 11,500 క్యూసెక్కులకు బదులు, 3,850 క్యూసెక్కుల ప్రవాహానికి నీటిని కుదించడం దుర్మార్గమన్నారు. ఇప్పటికై నా కేశవ్‌ నిజాలు తెలుసుకుని మాట్లాడాలని, లేకపోతే రాయలసీమ ద్రోహిగా చరిత్రలో మిగిలిపోవడం ఖాయమన్నారు. ‘హంద్రీ–నీవా’కు చంద్రబాబు చేసిన మేలు ఏదీ లేదు దమ్ముంటే హెచ్‌ఎన్‌ఎస్‌ఎస్‌పై బహిరంగ చర్చకు రావాలి రాయలసీమ వెనుకబడిన ప్రాంతాల అభివృద్ధి కమిటీ చైర్మన్‌ రమణ

విడపనకల్లు: రాష్ట్ర ఆర్థిక శాఖ మంత్రి పయ్యావుల కేశవ్‌ సొంత నియోజకవర్గమైన అనంతపురం జిల్లా ఉరవకొండలో దాహం కేకలు మిన్నంటుతున్నాయి. తాగునీరెందుకివ్వరని ఈ క్రమంలో ప్రశ్నించిన పాపానికి ప్రజలను పోలీసులు అక్రమంగా అరెస్ట్‌ చేయడం ఉద్రిక్తతకు దారి తీసింది. ఉరవకొండ నియోజకవర్గంలోని విడపనకల్లు మం­డలం గడేకల్లు గ్రామ బీసీ కాలనీ వాసులు బుధవారం తాగునీటి కోసం మండుటెండనూ లెక్క చేయకుండా 63వ జాతీయ రహదారిపై ఖాళీ బిందెలతో ధర్నా చేపట్టారు. చిన్నారులు, వృద్ధు­లు, మహిళలు, గర్భిణులు పెద్ద సంఖ్యలో పాల్గొన్నారు. దాదాపు ఇరవై రోజులుగా బీసీ కాలనీకి తాగునీరు సరఫరా చేయడం లేదని ఆవేదన వ్య­క్తం చేశారు. సమస్య పరిష్కరించాలని పలు­మార్లు అధికారులకు విన్నవించినా వారు పట్టించుకో­వడం లేదంటూ ఆవేదన వ్యక్తం చేశారు. మంత్రి పయ్యావుల కేశవ్‌కు ప్రజల సమస్యలు పట్ట­డం లేదంటూ మండిపడ్డారు. విషయం తెలు­సు­కున్న విడపనకల్లు ఎస్‌ఐ ఖాజాహుస్సేన్, సిబ్బ­ంది అక్కడకు చేరుకుని, ఆందోళనకారులను బలవంతంగా పీఎస్‌కు తరలించేందుకు యత్నించా­రు. అయితే అందరూ మహి­ళలే కావడంతో అక్కడున్న చిన్న తిమ్మన్నను బలవంతంగా జీపు ఎక్కించి పీఎస్‌కు తరలించారు. నీటి కోసం ప్రశ్నిచినందుకే అరెస్ట్‌ చేస్తారా అంటూ గ్రామంలోని బీసీ కాలనీ వాసులంతా ఏకమై పోలీసుల తీరుపై ఆగ్ర­హం వ్యక్తం చేస్తూ గడేకల్లు నుంచి ట్రాక్టర్లపై విడపనకల్లు పీఎస్‌­కు చేరుకున్నారు. తాగునీటి సమస్యపై ప్రభు­త్వ వైఫల్యాలను ప్రశ్నిస్తే టీడీపీ నేతల ఒత్తిళ్లతో అక్రమంగా అరెస్టులు చేస్తారా అని మండిపడ్డారు. పోలీస్‌ స్టేషన్‌ ఎదుట బైఠాయించారు. పోలీసులు ప్రజల కోసం పని చేయడం లేదని, టీడీపీ నేతల మెప్పు కోసమే వారు పనిచేస్తున్నారన్నారు. ‘మంత్రి గారూ.. తాగునీరు అడిగితే పోలీసులను ఊసిగొల్పుతారా?’ అంటూ మండిపడ్డారు. పోలీ­సుల అదుపులో ఉన్న చిన్న తిమ్మన్నను విడుదల చేయాలని, తాగునీటి సమస్య పరిష్కరించాలని డిమాండ్‌ చేశారు.

గుంతకల్లు టౌన్‌: వైఎస్సార్‌సీపీ అధినేత వైఎస్‌ జగన్‌మోహన్‌రెడ్డిని తాడేపల్లిలోని క్యాంప్‌ కార్యాలయంలో మంగళవారం గుంతకల్లు మాజీ ఎమ్మెల్యే వై.వెంకటరామిరెడ్డి కుమార్తె, వైఎస్సార్‌సీపీ జిల్లా ఉపాధ్యక్షురాలు నైరుతి రెడ్డి కలిశారు. కూలీల సంఖ్య పెంచాలి : డ్వామా పీడీ శింగనమల: ఇప్పటి వరకూ పూర్తి చేసిన ఉపాధి హామీ పనులకు సంబంధించి బిల్లులు త్వరగానే అందిస్తామని డ్వామా పీడీ సలీంబాషా తెలిపారు. మంగళవారం శింగనమలలో చేపట్టిన ఉపాధి పనులను ఆయన పరిశీలించారు. మస్టర్లను పరిశీలించి, హాజరును తనిఖీ చేశారు. కూలీల సంఖ్య మరింత పెంచాలని సిబ్బందికి సూచించారు. ఎండలు తీవ్రతను దృష్టిలో ఉంచుకుని పనులకు త్వరగా ముగించుకుని ఇళ్లకు చేరుకోవాలని కూలీలకు సూచించారు. ఈ సందర్భంగా పలువురు కూలీలు మాట్లాడుతూ.. పని ప్రాంతంలో నీడ కోసం టార్పాలిన్‌ పట్టాలు ఇవ్వాలని కోరారు. కార్యక్రమంలో ఏపీఓ భాగ్యలక్ష్మి, టీఏ అనిల్‌, సిబ్బంది పాల్గొన్నారు. బైకు అదుపు తప్పి యువకుడి మృతి ఉరవకొండ రూరల్‌: రోడ్డుకు అడ్డుగా వచ్చిన గేదెను తప్పించే క్రమంలో ద్విచక్ర వాహనం అదుపు తప్పి ఓ యువకుడు మృతి చెందాడు. పోలీసులు తెలిపిన మేరకు... ఉరవకొండ మండలం వెలిగొండ గ్రామానికి చెందిన అశోక్‌ (36) సోమవారం రాత్రి ద్విచక్ర వాహనంపై ఉరవకొండకు బయలుదేరాడు. పట్టణ సమీపంలోని శ్మశాన వాటిక వద్దకు చేరుకోగానే రోడ్డుకు అడ్డుగా వచ్చిన గేదెలను తప్పించే క్రమంలో వాహనం అదుపు తప్పి కిందపడి తీవ్రంగా గాయపడ్డాడు. అటుగా వెళుతున్న వారు గుర్తించి వెంటనే ఉరవకొండలోని ప్రభుత్వాస్పత్రికి తరలించాగా, అప్పటికే మృతి చెందినట్లు వైద్యులు ధ్రువీకరించారు. ఘటనపై పోలీసులు దర్యాప్తు చేపట్టారు. ఐచర్‌ను ఢీకొన్న బొలెరో – ఒకరి మృతివిడపనకల్లు: ఐచర్‌ను బొలెరో వాహనం ఢీకొన్న ఘటనలో ఓ వ్యక్తి మృతి చెందాడు. పోలీసులు తెలిపిన మేరకు... విడపనకల్లు మండలం పెద్ద కొట్టాలపల్లి వద్ద ఐచర్‌ వాహనం మరమ్మతులకు లోను కావడంతో 42వ జాతీయ రహదారి పక్కన డ్రైవర్‌ ఆపేశాడు. ఈ క్రమంలో మంగళవారం బళ్లారి వైపు నుంచి వేగంగా వస్తున్న బొలెరో వాహన డ్రైవర్‌ నియంత్రణ కోల్పోయి రోడ్డు పక్కన ఆగి ఉన్న ఐచర్‌ను ఢీకొన్నాడు. ఘటనలో తీవ్రంగా గాయపడిన బొలెరో వాహన డ్రైవర్‌ను స్థానికులు వెంటనే ఉరవకొండలోని ప్రభుత్వాస్పత్రికి తరలించగా.. చికిత్స పొందుతూ మృతి చెందాడు. మృతుడిని తమిళనాడుకు చెందిన సుందరమూర్తిగా (47) గా పోలీసులు గుర్తించారు. ఘటనపై విడపనకల్లు పోలీసులు కేసు నమోదు చేసి, దర్యాప్తు చేపట్టారు. ఆర్టీసీ ప్రయాణికుడికి జరిమానా కదిరి అర్బన్‌: ఆర్టీసీ బస్సులో కోళ్లను బెంగళూరుకు తరలిస్తున్న ఓ ప్రయాణికుడికి మంగళవారం ఆ సంస్థ విజిలెన్స్‌ అధికారులు జరిమానా విధించారు. ఉమ్మడి జిల్లాలఆర్టీసీ విజిలెన్స్‌ అధికారి శ్రీనివాసులు, సిబ్బంది ప్రవీణ్‌కుమార్‌... మంగళవారం గౌనిపల్లి వద్ద తనిఖీలు చేపట్టారు. ఆ సమయంలో కదిరి డిపోకు చెందిన బస్సు డిక్కీలో 46 కోళ్లను బెంగళూరుకు తరలిస్తున్నట్లుగా గుర్తించారు. సజీవ మూగజీవాలు, పక్షులను ఆర్టీసీ బస్సులో తీసుకెళ్లకూడదని వారు తెలిపారు. లగేజీపై జరిమానా, మూగజీవాలను అక్రమంగా తరలించడం రెండూ కలిపి రూ. 1,750 జరిమానా విధించి వివరణ తీసుకుని పంపిచేశారు.

ప్రశాంతినిలయం: సాయికుల్వంత్‌ సభామంటపంలో రెండో రోజూ తమిళ నూతన సంవత్సర వేడుకలు వైభవంగా సాగాయి. వేడుకల్లో భాగంగా మంగళవారం ప్రముఖ సంగీత విద్వాంసురాలు కీర్తనా భరద్వాజ్‌ కర్ణాటక సంగీత కచేరీతో భక్తులను మైమరిపించారు. సంప్రదాయ తేవారంతో కార్యక్రమాన్ని ప్రారంభించిన ఆమె శాశ్వతమైన తమిళ భక్తి గీతాలను ఆలపించి ఆకట్టుకున్నారు. అనంతరం బ్రోచేవారెవరురా, మోక్షము కలదా కృతులతో భక్తి భావాన్ని ఆవిష్కరించారు. కీర్తనా భరద్వాజ్‌ బృందాన్ని సత్యసాయి సెంట్రల్‌ ట్రస్ట్‌ మేనేజింగ్‌ ట్రస్టీ ఆర్‌జే రత్నాకర్‌ రాజు, ఆయన భార్య హిమవాహిణి ఘనంగా సత్కరించారు.

అనంతపురం సెంట్రల్‌: అనంతలో దారుణం చోటుచేసుకుంది. ప్రేమించి పెళ్లి చేసుకున్న భార్య గొంతు కోసిన భర్త ఉదంతం మంగళవారం శ్రీనివాసనగర్‌ సైఫుల్లా బ్రిడ్జి సమీపంలో చోటు చేసుకుంది. పోలీసులు తెలిపిన మేరకు.. నగరంలోని రాజీవ్‌కాలనీలో నివాసముంటున్న రాజేష్‌, తేజస్విణి దంపతులకు ఇద్దరు పిల్లలు ఉన్నారు. 14 ఏళ్ల క్రితం ఇద్దరూ ప్రేమించి పెళ్లి చేసుకున్నారు. లారీ డ్రైవర్‌గా రాజేష్‌ పనిచేస్తుండగా.. సైఫుల్లాబ్రిడ్జి సమీపంలో ఓ బిర్యాని సెంటర్‌లో తేజస్విణి పనికి వెళుతోంది. కొద్దిరోజులుగా వీరి మధ్య మనస్పర్థలు తలెత్తాయి. తరుచూ గొడవలు జరిగేవి. దీంతో వారం రోజులుగా తేజస్విణి నగరంలోని ఓ పీజీలో ఉంటూ పనికి వెళుతోంది. ఈ నేపథ్యంలో మంగళవారం సదరు బిర్యానీ సెంటర్‌ వద్ద పనిలో ఉండగా రాజేష్‌ వెళ్లి గొడవ పెట్టుకున్నాడు. మాటమాట పెరిగి అక్కడే ఉన్న కత్తితో ఆమె గొంతుపై దాడి చేశాడు. అదే సెంటర్‌లో పనిచేస్తున్న యువకుడు లక్ష్మీనారాయణ అడ్డుకోవడానికి ప్రయత్నించడంతో అతనిపై కూడా దాడి చేయడంతో చేతికి తీవ్ర గాయమైంది. స్థానికులు స్పందించి హుటాహుటిన ప్రభుత్వాసుపత్రికి తరలించారు. తేజస్విణి పరిస్థితి మెరుగు పడుతోందని వైద్యులు తెలిపారు. నిందితుడు రాజేష్‌ను అరెస్ట్‌ చేసినట్లు త్రీటౌన్‌ సీఐ రాజేంద్రనాథ్‌యాదవ్‌ తెలిపారు. ఘటనపై పూర్తిగా విచారిస్తున్నట్లు వివరించారు. అనంతలో ఘాతుకం త్రుటిలో తప్పిన ప్రాణాపాయం

మామిడి పండ్లు సహజంగా పక్వానికి రాకముందే వ్యాపార ధోరణితో కొందరు త్వరగా మాగేలా కృత్రిమ పక్వం (ఆర్టిఫిషియల్‌ రైపనింగ్‌) చేస్తున్నారు. ఇది చాలా ఆందోళన కలిగించే అంశం. కృత్రిమంగా మాగబెట్టడానికి చాలా మంది కాల్షియం కార్బైడ్‌ వాడుతున్నారు. ఇది తేమ తగిలినపుడు అసిటిలిన్‌ వాయువు విడుదల చేస్తుంది. ఈ వాయువు పండ్లను త్వరగా పసుపు రంగులోకి మారేలా చేస్తుంది. రూ.80 ఖర్చుతో ఒక కిలో కాల్షియం కార్బైడ్‌ ద్వారా 5 నుంచి 10 టన్నుల వరకు మామిడి కాయలను కేవలం 24 గంటల్లోనే మాగబెట్టవచ్చు. ఈ పండ్లను తినడం వల్ల ఆరోగ్యంపై తీవ్ర ప్రభావం చూపుతాయి. తలనొప్పి, వాంతులు, విరేచనాలు, కడుపునొప్పి, చర్మ అలర్జీలు వస్తాయి. దీర్ఘకాలంలో నాడీ వ్యవస్థపై ప్రభావం ఉంటుంది. ముఖ్యంగా చిన్నపిల్లలు, వృద్ధులు, గర్భిణులపై అనారోగ్య ప్రభావం అధికంగా ఉంటుంది. క్యాల్షియం కార్బైడ్‌ను నిషేధించినా కొందరు రహస్యంగా వాడుతూనే ఉండడం ఆందోళనకరం. – ఆర్‌.శ్రీనివాసులు, రాష్ట్ర ఉపాధ్యక్షుడు, వినియోగదారుల సంఘాల సమాఖ్య

అనంతపురం టౌన్‌: ప్రభుత్వ ఖజానాకు అత్యధికంగా ఆదాయం సమకూర్చే శాఖల్లో ప్రధానమైన స్టాంప్స్‌ అండ్‌ రిజిస్ట్రేషన్‌ శాఖకు సొంత భవనాలు లేవు. ఏడాదికి ఉమ్మడి జిల్లా వ్యాప్తంగా రూ.500కోట్లకు పైగా ప్రభుత్వానికి ఆదాయం స్టాంప్స్‌ అండ్‌ రిజిస్ట్రేషన్‌ శాఖ ద్వారా సమకూరుతోంది. అయినా సబ్‌ రిజిస్ట్రార్‌ కార్యాలయాలకు సొంత భవనాలు నిర్మించే యోచన ప్రభుత్వం చేయడం లేదు. 8 సబ్‌ రిజిస్ట్రార్‌ కార్యాలయాలు ప్రైవేట్‌ భవనాల్లోనే ఉమ్మడి జిల్లా వ్యాప్తంగా 12 సబ్‌ రిజిస్ట్రార్‌ కార్యాలయాలను ఏర్పాటు చేశారు. వీటితో పాటు డీఐజీ, జిల్లా రిజిస్ట్రార్‌ కార్యాలయాలు ఉన్నాయి. డీఐజీ కార్యాలయంతోపాటు జిల్లా రిజిస్ట్రార్‌ కార్యాలయాలు సైతం అద్దె భవనాల్లోనే ఉన్నాయి. అలాగే అనంతపురం రూరల్‌ సబ్‌ రిజిస్ట్రార్‌ కార్యాలయం, రామ్‌నగర్‌, కళ్యాణదుర్గం, శింగనమల, యాడికి, పామిడి, గుంతకల్లు, కణేకల్లు తదితర ప్రాంతాల్లోని సబ్‌ రిజిస్ట్రార్‌ కార్యాలయాలన్నీ ప్రైవేట్‌ భవనాల్లోనే ఏర్పాటు చేశారు. శ్రీ సత్యసాయి జిల్లాలోని పుట్టపర్తిలో ఉన్న జిల్లా రిజిస్ట్రార్‌ కార్యాలయంతో పాటు చిలమత్తూరు, ధర్మవరం రిజిస్ట్రేషన్‌ కార్యాలయాలూ అద్దె భవనాల్లోనే కొనసాగుతున్నాయి. సొంత భవనాల ఏర్పాటు ఎన్నడో.. ఏడాదికి ప్రభుత్వ ఖజానాకు ఉమ్మడి జిల్లా పరిధిలోని సబ్‌ రిజిస్ట్రార్‌ కార్యాలయాల ద్వారా రూ.500 కోట్లకు పైగా ఆదాయం సమకూరుతోంది. రెవెన్యూ పరంగా బలమైన ఆదాయ వనరుగా ఉన్న సబ్‌ రిజిస్ట్రార్‌ కార్యాలయాలకు సొంత భవనాలు లేని కొరత ప్రభుత్వ వైఫల్యాన్ని ఎత్తి చూపుతోంది. కొన్నేళ్లుగా అద్దె భవనాల్లోనే కాలం నెట్టుకొస్తున్న సబ్‌ రిజిస్ట్రార్‌ కార్యాలయాలకు సొంత భవనాలు నిర్మించి ఇచ్చే అంశంపై చంద్రబాబు ప్రభుత్వం దృష్టి సారించడం లేదని పలువురు ఆరోపిస్తున్నారు. ఉమ్మడి జిల్లా వ్యాప్తంగా ప్రైవేట్‌ భవనాల్లో సబ్‌ రిజిస్ట్రార్‌ కార్యాలయాలు డీఐజీ, జిల్లా రిజిస్ట్రార్‌ భవనాలు సైతం అద్దె భవనాల్లోనే సొంత భవనాల ఏర్పాటుపై దృష్టి సారించని ప్రభుత్వం నివేదిక పంపారు సబ్‌ రిజిస్ట్రార్‌ కార్యాలయాలకు సొంత భవనాల విషయమై ఉన్నతాధికారులకు గతంలో ఇక్కడ పనిచేసిన అధికారులు నివేదికలు పంపారు. సొంత భవనాలు కేటాయిస్తే రిజిస్ట్రేషన్‌ శాఖపై అద్దె భారం తగ్గుతుంది. – బి.శ్రీనివాసులు, జిల్లా రిజిస్ట్రార్‌

గుత్తి: రాష్ట్రంలో చంద్రబాబు ప్రభుత్వం ఏర్పడిన తర్వాత గుత్తి కేంద్రంగా సాగుతున్న రేషన్‌ బియ్యం దందా ఊపందుకుంది. మండలంలో టీడీపీకి చెందిన ముగ్గురు వ్యక్తుల కనుసన్నల్లోనే ఈ దందా సాగుతున్నట్లు సమాచారం. ప్రభుత్వ చౌక దుకాణాల నుంచి పేదలు తీసుకున్న బియ్యాన్ని తమ ఏజెంట్ల ద్వారా కిలో రూ.15 నుంచి రూ.17 చొప్పున కొనుగోలు చేసి ఓ చోట డంప్‌ చేస్తారు. ఓ బస్తాకు 50 కిలోల చొప్పున బియ్యాన్ని నింపి 500 బస్తాలు అయ్యాక మిల్లులకు తరలించి సొమ్ము చేసుకుంటున్నారు. ఈ క్రమంలో గుత్తి మండలం ఎంగిలిబండ వద్ద డంప్‌ చేసిన 550 బస్తాల రేషన్‌ బియ్యాన్ని సోమవారం రాత్రి స్థానికులు గుర్తించి సమాచారం ఇవ్వడంతో పోలీసులు, రెవెన్యూ అధికారులు అక్కడకు చేరుకుని స్వాధీనం చేసుకున్నారు. అయితే ఇందులోనూ కేవలం 88 బస్తాల బియ్యం మాత్రమే సీజ్‌ చేయడం అనుమానాలకు తావిస్తోంది. మామూళ్ల మత్తులో పట్టించుకోని అధికారులు రేషన్‌ బియ్యం అక్రమ దందాలో ప్రతి నెలా పోలీసులు, రెవెన్యూ అధికారులకు భారీగా ముడుపులు అందుతున్నట్లు ఆరోపణలున్నాయి. దీంతో మామూళ్ల మత్తుకు అలవాటు పడిన పోలీసులు, రెవెన్యూ అధికారులు అక్రమార్కులకు అండగా నిలవడంతో రేషన్‌ బియ్యం దందా ఊపందుకుంది. విషయం గుట్టుచప్పడు కానంత వరకూ అంతా బాగానే ఉంటుంది. ఒక్కసారి బయటపడితే మాత్రం అధికారులు మాయ చేసి ప్రజలను మభ్య పెట్టే ప్రయత్నాలు చేస్తుంటారు. ఇందుకు నిదర్శనమే ఎంగిలిబండ వద్ద సోమవారం రాత్రి అధికారులు స్వాధీనం చేసుకున్న రేషన్‌ బియ్యం డంప్‌. అక్కడి నిర్జన ప్రదేశంలో 550 బస్తాల రేషన్‌ బియ్యాన్ని డంప్‌ చేసినట్లుగా స్థానికులు గుర్తించి పక్కా సమాచారాన్ని పోలీసులకు అందజేశారు. దీంతో ఓ ఎస్‌ఐ అక్కడకు వెళ్లి రేషన్‌ బియ్యం కనిపించలేదని వెనుదిరిగారు. కాసేపటి తర్వాత మరో ఎస్‌ఐ, సిబ్బంది అక్కడకు చేరుకుని 88 బస్తాలు మాత్రమే ఉన్నాయంటూ సీజ్‌ చేయించారు. అయితే 550 బస్తాలు ఉన్నట్లు సమాచారం ఇస్తే కేవలం 88 బస్తాలు మాత్రమే సీజ్‌ చేయడం వెనుక స్థానికులు పలు అనుమానాలు వ్యక్తం చేస్తున్నారు. 462 బస్తాల రేషన్‌ బియ్యం ఏమయ్యాయో అంతు చిక్కడం లేదు. నెల రోజుల క్రితం కూడా ఎంగిలిబండ సమీపంలో 150 బస్తాల రేషన్‌ బియ్యం డంప్‌ చేసినట్లు పోలీసులకు సమాచారం అందింది. ఈ సమాచారం అందుకున్న చాలాసేపటి తర్వాత పోలీసులు అక్కడకు చేరుకుని 60 బస్తాలు మాత్రమే పట్టుబడినట్లు వెల్లడించారు. ఈ అంశంలో తలెత్తిన అనుమానాలు వీడక ముందే తాజాగా 462 బస్తాల రేషన్‌ బియ్యం లెక్క తేలకపోవడంతో ఈ అక్రమ దందా వెనుక రెవెన్యూ, పోలీసుల సహకారం ఉందనే అనుమానాలు బలపడ్డాయి. పేదల ఆకలి తీర్చేందుకు చౌకధరల దుకాణాల ద్వారా ప్రభుత్వం సరఫరా చేస్తున్న ఉచిత రేషన్‌ బియ్యం పక్కదారి పడుతోంది. ఏకంగా రాష్ట్ర సరిహద్దులు దాటి పోతోంది. గుత్తి కేంద్రంగా జరుగుతున్న ఈ అక్రమ దందా వెలుగు చూడడంతో స్థానికులు అవాక్కవుతున్నారు. అయితే అక్రమార్కులకు అధికారులు అండగా నిలవడంతోనే రేషన్‌ బియ్యం దందా మూడు పువ్వులు ఆరు కాయలుగా సాగుతున్నట్లు ఆరోపణలున్నాయి. అక్రమంగా డంప్‌ చేసిన రేషన్‌ బియ్యం పట్టివేత అక్రమార్కులకు అధికారుల అండ 550 బస్తాల డంప్‌ నుంచి కేవలం 88 బస్తాలు సీజ్‌ 462 బస్తాల రేషన్‌ బియ్యం మాయంపై అనుమానాలు

మామిడి పండ్లను కొనుగోలు చేసే ముందు వినియోగదారులు ఒకసారి పరిశీలించాలి. సహజంగా మాగిన మామిడి పండ్లు మెత్తగా ఉంటాయి. ఎక్కువకాలం నిల్వ ఉండడమే కాక తియ్యటి వాసనతో ఉంటాయి. కృత్రిమంగా మాగిన మామిడి పండ్లలో పై పొర ముడతలు లేకుండా గట్టిగా ఉంటుంది. తొక్కపై నల్లని చుక్కలు కనిపిస్తాయి. అలాగే మామిడి పండ్లను ముందుగా ఉప్పు కలిపిన నీటిలో 15 నుంచి 20 నిముషాల పాటు ఉంచి తిరిగి వాటిని మంచినీటిలో కడిగి తడిలేకుండా తుడిచిన తర్వాత వాటిని తినాలి. సాధ్యమైనంత వరకు పండ్ల తొక్కను తీసి తినడం మంచిది. – మహేష్‌, ఉద్యాన అధికారి, హిందూపురం

● భక్తులతో కిటకిటలాడిన పోతలయ్యస్వామి ఆలయ ప్రాంగణం కనగానపల్లి: మండలంలోని మామిళ్లపల్లిలో మంగళవారం పోతలయ్యస్వామికి గావుల మహోత్సవం వైభవంగా జరిగింది. ఈ సందర్భంగా పోతలయ్యస్వామి ఆలయంలో భక్తులు ప్రత్యేక పూజలు నిర్వహించారు. తర్వాత మహిళలు, యువకులు జ్యోతులు, బోనాలతో ఊరేగింపుగా వచ్చి స్వామివారికి సమర్పించారు. అనంతరం పోతురాజులు ఉరుముల శబ్ధాలకు నృత్యాలు చేసుకొంటూ వచ్చి ఆలయం ముందు మేకపోతు పిల్లలను బలి ఇచ్చి గావుల మహోత్సవాన్ని నిర్వహించారు. ఈ దృశాన్ని తిలకించేందుకు పెద్ద సంఖ్యలో భక్తులు తరలివచ్చారు.

అనంతపురం అగ్రికల్చర్‌/తాడిపత్రి రూరల్‌/హిందూపురం: వేసవి ఫలరాజు ‘మామిడి’ మార్కెట్‌లోకి వచ్చింది. ఏడాదిలో రెండు మూడు నెలలు కనిపించే నిగనిగలాడే మధురమైన మామిడిని ఆస్వాదించేందుకు జనం రెడీగా ఉన్నారు. ఫలాలన్నింటిలోకి ప్రత్యేక స్థానం కలిగిన ‘మామిడి’ ప్రస్తుతం కొందరి స్వార్థం కారణంగా కలుషితమై ప్రజారోగ్యంపై తీవ్ర ప్రభావం చూపుతోంది. ఉమ్మడి జిల్లాలోని మార్కెట్లకు వచ్చే మామిడి కాయలను సంప్రదాయ రీతుల్లో కాకుండా కృత్రిమ విధానాల్లో మగ్గిస్తుండడమే ఇందుకు కారణం. ఉమ్మడి జిల్లాలో విస్తారంగా.. ఉమ్మడి జిల్లాలో దాదాపు 84వేల ఎకరాల్లో మామిడి సాగులో ఉంది. జిల్లాలో చీనీ తరువాత అతిపెద్ద వాణిజ్య పంటగా మామిడిని రైతులు పండిస్తున్నారు. అనంతపురం జిల్లాలోని కళ్యాణదుర్గం, పెద్దవడుగూరు, బుక్కరాయసముద్రం, నార్పల, గుత్తి, తాడిపత్రి, యల్లనూరు మండలాలు, శ్రీసత్యసాయి జిల్లాలోని పెనుకొండ, ధర్మవరం, రొద్దం, చిలమత్తూరు, హిందూపురం, కదిరి, తలుపుల, ఎన్‌పీకుంట, తనకల్గు, ముదిగుబ్బ తదితర మండలాల్లో అత్యధికంగా సాగులో ఉంది. కాయలతో ఉన్నా తోటలను వ్యాపారులు హోల్‌సేల్‌గా కొనుగోలు చేస్తున్నారు. మోతాదు మించితే ఇథలిన్‌ కూడా ప్రమాదకరమే గతంలో రైతులు శాసీ్త్రయ పద్ధతుల్లో మామిడి కాయలను మగ్గించి విక్రయాలు సాగించేవారు. ఆ తర్వాత టోకుగా తోటల్లోని ఫలసాయాన్ని కొనుగోలు చేసిన వ్యాపారులు కాల్షియం కార్బైడ్‌ ద్వారా 24 గంటల్లోపు మామిడి కాయలను మగ్గించి ప్రజారోగ్యంతో చెలగాటమాడసాగారు. ఈ క్రమంలో ఇథలిన్‌ గ్యాస్‌ వినియోగం అందుబాటులోకి వచ్చింది. కాల్షియం కార్బైడ్‌తో మగ్గించిన కాయల కంటే ఇథలిన్‌ గ్యాస్‌ వినియోగం ద్వారా దుష్ఫలితాలు తగ్గాయి. అయితే మోతాదుకు మించి ఇథలిన్‌ గ్యాస్‌ వినియోగిస్తే అది ప్రజారోగ్యంపై తీవ్ర ప్రభావం చూపుతుందని నిపుణులు హెచ్చరిస్తున్నారు. క్యాన్సర్‌ తదితర వ్యాధుల బారిన పడే ప్రమాదముంటుందని పేర్కొంటున్నారు. మూతపడుతున్న రైపనింగ్‌ సెంటర్లు ప్రజారోగ్యాన్ని కాపాడేందుకు జిల్లాలోని పలు ప్రాంతాల్లో ఏర్పాటు చేసిన ఇథలిన్‌ గ్యాస్‌ రైపనింగ్‌ సెంటర్లు పలు సాంకేతిక కారణాలతో మూతపడుతున్నాయి. తాడిపత్రిలోని మార్కెట్‌ యార్డులో ఏర్పాటు చేసిన ఇథలిన్‌ రైపనింగ్‌ సెంటర్‌ కేవలం రెండేళ్లు కూడా నడవలేదు. మునిసిపాలిటీ ఆధికారుల పర్యవేక్షణ కొరవడటంతో ఈ సెంటర్‌ కాస్త మూతపడింది. ఈ క్రమంలోనే ఇథలిన్‌ గ్యాస్‌తో పండ్లను మాగబెట్టడం ఖర్చుతో కూడుకుంటోందనే నెపంతో జిల్లా వ్యాప్తంగా వ్యాపారులు తిరిగి కాల్షియం కార్బైడ్‌ ఉపయోగిస్తున్నారు. ఈ విషయం తెలిసినా మునిసిపల్‌ ఆధికారులు పట్టించుకోవడం లేదు. మామిడి పండ్లు మామిడి పండ్ల నిగనిగల వెనుక పొంచి ఉన్న అనారోగ్యం పక్వానికి రాకమునుపే రసాయనాల ద్వారా మాగబెడుతున్న పరిస్థితి ప్రజారోగ్యంపై తీవ్ర ప్రభావం చూపుతుందన్న నిపుణులు ఉమ్మడి జిల్లాలో 84వేల ఎకరాల్లో మామిడి సాగు

అనంతపురం ఎడ్యుకేషన్‌: నవ భారత నిర్మాత, భారతరత్న డాక్టర్‌ బీఆర్‌ అంబేడ్కర్‌ స్ఫూర్తితో జిల్లా సమగ్ర అభివృద్ధికి చర్యలు తీసుకుంటామని కలెక్టర్‌ ఆనంద్‌ పేర్కొన్నారు. అంబేడ్కర్‌ 135వ జయంతి సందర్భంగా జిల్లా పరిషత్‌ కార్యాలయంలోని డీపీఆర్సీ సమావేశ హాలులో మంగళవారం వేడుకలు ఘనంగా నిర్వహించారు. కలెక్టర్‌ ఓ. ఆనంద్‌, అనంతపురం ఎమ్మెల్యే దగ్గుబాటి ప్రసాద్‌, ఆర్టీసీ జోనల్‌ చైర్మన్‌ పూల నాగరాజు, రాష్ట్ర ఎస్టీ కమిషన్‌ సభ్యుడు పి. వెంకటప్ప, రాష్ట్ర ఎస్సీ కమిషన్‌ సభ్యురాలు రామాంజమ్మ, జిల్లా/డివిజన్‌ ఎస్సీ విజిలెన్స్‌ మానిటరింగ్‌ సెల్‌ సభ్యుడు, వాల్మీకి కార్పొరేషన్‌ డైరెక్టర్‌ అంకె ఈశ్వరయ్య, దూదేకుల సంఘం సభ్యుడు ఇమామ్‌ హుస్సేన్‌, విశ్వకర్మ బ్రాహ్మణ కార్పొరేషన్‌ డైరెక్టర్‌ కుర్లపల్లి రంగాచారి, రజక కార్పొరేషన్‌ డైరెక్టర్‌ పరమేశ్వర్‌ పాల్గొన్నారు. ముందుగా జ్యోతి ప్రజ్వలన చేసి అంబేడ్కర్‌ చిత్రపటానికి పుష్పాంజలి ఘటించారు. అనంతరం కలెక్టర్‌ మాట్లాడారు. అంబేడ్కర్‌ భవనం, బీసీ స్టడీ సర్కిల్‌, ఎస్సీ/ఎస్టీ సబ్‌–ప్లాన్‌, హాస్టల్స్‌కు సంబంధించిన అంశాలను పరిశీలించినట్లు తెలిపారు. నంబర్‌–3 హాస్టల్‌ మూసివేత అంశాన్ని పరిశీలించి, అవసరమైతే వచ్చే ఏడాది నుంచి అద్దె భవనంలో ప్రారంభించేలా చర్యలు తీసుకుంటామని భరోసానిచ్చారు. జిల్లాలో బాల్య వివాహాలు అధికంగా జరుగుతున్నాయ, ఏడాదికి 4 బాల్య వివాహాలు నమోదవుతున్నాయని ఆందోళన వ్యక్తం చేశారు. ఐసీడీఎస్‌ ద్వారా అవగాహన కార్యక్రమాలు విస్తృతం చేస్తామన్నారు. ఎమ్మెల్యే దగ్గుబాటి ప్రసాద్‌ మాట్లాడుతూ.. అంబేడ్కర్‌ భవన నిర్మాణాన్ని ఆరు నెలల్లో పూర్తి చేసి ప్రారంభిస్తామన్నారు. కార్యక్రమంలో అనంతపురం ఆర్డీఓ కేశవ నాయుడు, జెడ్పీ డిప్యూటీ సీఈఓ వెంకటసుబ్బయ్య, సాంఘిక సంక్షేమ శాఖ ఇన్‌చార్జ్‌ అధికారి శ్రీనివాసులు, డీఆర్‌డీఏ పీడీ శైలజ, వ్యవసాయ శాఖ జేడీ రవికుమార్‌, డీఐపీఆర్‌ఓ బాలకొండయ్య, డ్వామా పీడీ సలీంబాషా, ప్రజా సంఘాల నాయకులు, మహిళా సంఘాల ప్రతినిధులు పాల్గొన్నారు. కలెక్టర్‌ ఓ.ఆనంద్‌

తాడిపత్రి టౌన్‌: మున్సిపాలిటీలోని ఓ అధికారి వేధింపులకు అడ్డూ అదుపులేకుండా పోతోంది. మహిళ అందంగా కనిపిస్తే చాలు తన కోరిక తీర్చాలంటూ వేధిస్తున్నాడు. ఇప్పటికే పలువురు మహిళల పట్ల వికృతంగా ప్రవర్తించారు. తాజాగా ఓ అమాయకురాలిపై కన్నేయగా...ఆమె భర్త సదరు అధికారికి దేహశుద్ధి చేశాడు. అత్యంత విశ్వసనీయ సమాచారం మేరకు వివరాలిలా ఉన్నాయి. ఓ సచివాలయంలో పనిచేసే యువతి మున్సిపల్‌ కార్యాలయానికి అటాచ్డ్‌ కింద డ్యూటీ వేయించుకున్నారు. అక్కడ ఓ కీలక అధికారి ఆమె అమాయకత్వాన్ని అవకాశంగా తీసుకుని తన మనసులోని కోరిక బయటపెట్టాడు. దీంతో ఆమె దిగ్భ్రాంతికి గురై విషయాన్ని భర్తకు చెప్పి విలపించింది. ఆగ్రహావేశాలకు లోనైన భర్త ఆ అధికారి ఇంటికెళ్లి దేహశుద్ధి చేశాడు. వేధింపుల ఘటనపై పోలీసులకు ఫిర్యాదు చేయడానికి ప్రయత్నించగా అధికార పార్టీ నేత ఒకరు జోక్యం చేసుకుని బయటకు రాకుండా ‘పంచాయితీ’ చేశాడు. ● మున్సిపల్‌ కార్యాలయంలో అవుట్‌సోర్సింగ్‌ ఉద్యోగిగా పనిచేస్తున్న ఓ యువతిని సైతం సదరు కీలకాధికారి ఫోన్‌ ద్వారా లైంగిక వేధింపులకు గురిచేసేవాడు. కొన్ని నెలలుగా జీతం పెండింగ్‌ ఉండటంతో ఆ అధికారికి ఫోన్‌ ద్వారా వివరించడమే ఆమె తప్పయ్యింది. దీన్ని అలుసుగా తీసుకొని వేధింపులకు ప్రయత్నించడంతో తీవ్ర మానసిక వేదనకు గురైన యువతి విషయాన్ని భర్తకు తెలిపింది. ఆయన ఏకంగా కార్యాలయానికి వచ్చి గొడవకు దిగాడు. అప్పుడు కూడా అధికార పార్టీ నాయకుడు కల్పించుకుని ‘సర్దుబాటు’ చేశాడు. అందంగా కనిపిస్తే వేధింపులే.. మున్సిపల్‌ కార్యాలయంలో ఆ అధికారి అంటే మహిళా ఉద్యోగులు, అవుట్‌ సోర్సింగ్‌ ఉద్యోగులు హడలెత్తిపోతారు. మహిళా ఉద్యోగులు కాస్త అందంగా కనిపిస్తే చాలు ఆ అధికారి నుంచి లైంగిక వేధింపులు ఎదుర్కోక తప్పదు. ఒంటరిగా కార్యాలయంలోకి వెళ్లాలంటే హడలెత్తిపోతున్నారు. తప్పనిసరి పరిస్థితుల్లో చాంబర్‌లోకి వెళ్లిన వారికి ఆ అధికారి వక్ర చూపు, రెచ్చగొట్టే మాటలు, జుగుప్సాకర చేష్టలతో తన వాంఛ తీర్చుకునే ప్రయత్నం చేస్తాడు. ● గతంలో ఓసారి పురపాలక సంఘంలో పురుషుల స్థానంలో మహిళా ఉద్యోగులను నియమించుకోవాలని కీలక అధికారి భావించాడు. తన ఆలోచనను అధికార పార్టీ నాయకునికి చెప్పి ఒత్తిడి చేశాడు. అయితే అది కార్యరూపం దాల్చలేదు. సచివాలయ ఉద్యోగులే టార్గెట్‌ తాడిపత్రి ప్రాంతంలోని సచివాలయాల్లో పనిచేసే మహిళా ఉద్యోగులను ఆ కీలకాధికారి టార్గెట్‌ చేశారు. సాధారణంగా సాయంత్రం 5 గంటలలోపు సమావేశాలు, సమీక్షలు నిర్వహిస్తుంటారు. అయితే ఈ అధికారి మాత్రం సాయంత్రం 5 తరువాతే సమావేశాలు, సమీక్షలంటూ సచివాలయ ఉద్యోగులను పిలిపించుకుంటాడు. కొన్నిసార్లు రాత్రి 8 గంటలైనా కొనసాగిస్తుంటాడు. ఈ అధికారి వైఖరితో మహిళా ఉద్యోగులు తీవ్ర మానసిక వేదనకు గురవుతున్నారు. అంతేకాదు భార్యాభర్తల మధ్య గొడవకు దారి తీసిన సందర్భాలూ అనేకం ఉన్నాయి. తన ప్రవర్తనతో తరచూ గొడవలు గతంలో ఆ కీలకాధికారి ప్రభుత్వ క్వార్టర్స్‌లో నివాసం ఉండేవాడు. అప్పట్లో పొదుపు సంఘంలో పనిచేస్తున్న ఓ మహిళను పలు రకాలుగా భయపెట్టి లోబరుచుకున్నాడు. ఈ విషయం తెలిసిన మరో ఉద్యోగి కూడా అమెను బ్లాక్‌మెయిల్‌ చేసి తానూ సన్నిహితంగా మెలిగాడు. ఈ వ్యవహారం అధికారికి తెలిశాక ఉద్యోగితో గొడవకు దిగాడు. కొన్నిరోజుల తరువాత క్వార్టర్స్‌లో ఇంటి పనిచేస్తున్న యువతితో కీలకాధికారి సన్నిహితంగా మెలిగాడు. విషయం తెలుసుకున్న మహిళ భర్త.. సదరు అధికారిని నిలదీసి.. మర్యాద తీస్తానని బెదిరించాడు. ఇంతలో అధికార పార్టీ నాయకుడు జోక్యం చేసుకొని సద్దుమణిగించాడు. ఈ తతంగం చుట్టుపక్కల వారికి తెలియడంతో క్వార్టర్స్‌ ఖాళీ చేసి.. తన కార్యాలయానికి సమీపంలో అద్దె ఇంటికి మకాం మార్చాడు. ఇల్లు మారినా ఆ అధికారి బుద్ధి మాత్రం మారలేదు. భార్య లేని సమయంలో ఇంట్లోనే అసాంఘిక కార్యకలాపాలకు పాల్పడేవాడు. ఇంటి యజమాని గమనించి బలవంతంగా ఇల్లు ఖాళీ చేయించాడు. దీంతో మరో ఇంటికి మారాడు. అక్కడా పాత పద్ధతే కొనసాగిస్తున్నాడు. ఇప్పటికై నా ఉన్నతాధికారులు స్పందించి ఆ అధికారి లైంగిక వేధింపుల నుంచి తమకు విముక్తి కల్పించాలని బాధిత ఉద్యోగులు విజ్ఞప్తి చేస్తున్నారు. మహిళా ఉద్యోగులు అందంగా కనిపిస్తే అంతే.. రెచ్చగొట్టే మాటలు.. జుగుప్సాకర భాషతో వెకిలి చేష్టలు ఇదీ తాడిపత్రిలో కీలక అధికారి తీరు దుమారం రేగిన ప్రతిసారీ అధికార పార్టీ నేత ‘దుప్పటి పంచాయితీ’

● ఇసుక, చెరువు మట్టిని తోడేస్తున్న ‘తమ్ముళ్లు’ ● రూ.లక్షలు సొమ్ము చేసుకుంటున్నా పట్టని అధికారగణం పెద్దవడుగూరు : చంద్రబాబు ప్రభుత్వం వచ్చాక అధికార టీడీపీ నాయకులు ఆదాయమే పరమావధిగా సహజ వనరులను కొల్లగొడుతున్నారు. పెన్నా నదీ పరివాహక ప్రాంతాల నుంచి ఇసుకను, చెరువుల్లోంచి సారవంతమైన మట్టిని తోడేసి సొమ్ము చేసుకుంటున్నారు. సహజ వనరులను కాపాడాల్సిన అధికారులు ప్రేక్షకపాత్ర పోషిస్తున్నారు. మండలంలోని గుత్తి అనంతపురం, జి.వెంకటాంపల్లి, కొండూరు, చిట్టూరు తదితర ప్రాంతాల నుంచి ఇసుకను రాత్రి వేళల్లో అనంతపురం, పామిడి, గుత్తి, తదితర ప్రాంతాలకు తరలిస్తున్నారు. తాజాగా జి.వెంకటాంపల్లి చెరువు మట్టిపై కన్నేశారు. సాధారణంగా బీడుభూములకు, లోతట్టు ప్రాంతాలకు చెరువులోని సారవంతమైన ఒండ్రుమట్టిని రైతులకు అవసరమైనప్పుడు ఉచితంగానే తోలుకోవచ్చు. అయితే ఇక్కడ రైతులు కాకుండా ‘పచ్చ’ నేతలు రంగంలోకి దిగారు. జేసీబీలు పెట్టి చెరువు మట్టిని రాత్రి, పగలు అనే తేడా లేకుండా తవ్వి.. ట్రాక్టర్ల ద్వారా తరలించి రూ.లక్షలు సొమ్ము చేసుకుంటున్నారు.

బొమ్మనహాళ్‌: పంచాయతీ కార్యదర్శులు ఫొటోలకు పోజివ్వకుండా చెత్త సేకరణపై దృష్టి పెడితే గ్రామాల్లో పారిశుధ్యం మెరుగుపడుతుందని జిల్లా పంచాయతీ అధికారి నాగరాజునాయుడు సూచించారు. జిల్లాలోని 30 మంది పంచాయతీ కార్యదర్శులకు గ్రామ స్ధాయిలో పారిశుధ్యం మెరుగు పరచడం, ప్రజల్లో శుభ్రతపై సానుకూల భావన పెంపొందించడమే లక్ష్యంగా రెండో రోజు శిక్షణను మంగళవారం ఉంతకల్లులోని చెత్త సంపద తయారీ కేంద్రం వద్ద నిర్వహించారు. ఈ సందర్భంగా జిల్లా పంచాయతీ అధికారి మాట్లాడుతూ ఫొటోలకు పోజులు ఇవ్వడంపై కాకుండా గ్రామాల్లో చెత్త సేకరణపై కచ్చితమైన చర్యలు తీసుకోవాలని సూచించారు. వారానికి మూడు రోజులపాటు గ్రామాల్లో తనిఖీలు నిర్వహించాలన్నారు. ప్రజలకు పారిశుధ్యంపై అవగాహన కల్పించడం ద్వారా మాత్రమే శుభ్రత సాధ్యమవుతుందని చెప్పారు. విడతల వారీగా ఈ నెల 18వరకు శిక్షణ తరగతులు ఉంటాయన్నారు. కార్యక్రమంలో డిప్యూటి ఎంపీడీఓ వెంకటరమణ, పంచాయతీ కార్యదర్శి పల్లవి తదితరులు పాల్గొన్నారు.

బొమ్మనహాళ్‌: మండల కేంద్రంలోని శ్రీదేవి, భూదేవి సమేత వేంకటేశ్వరస్వామి ఆలయ బ్రహ్మోత్సవాల్లో మంగళవారం శ్రీవారు శేష వాహనంపై విహరించారు. వేదపండితుల ఆధ్వర్యంలో పవిత్ర గంగాజలాభిషేకం, కుంకుమార్చన, ప్రత్యేక అలంకరణ, మంగళ హారతి, తీర్ధప్రసాదాలు, అన్నసంతర్పణ నిర్వహించారు. రాత్రి 8 గంటలకు ప్రత్యేకంగా అలంకరించిన శేషవాహనంపై శ్రీవారిని కొలువుదీర్చి పుర వీధుల్లో ఊరేగింపు చేశారు. భక్తులు స్వామివారిని దర్శించి మొక్కులు తీర్చుకున్నారు. నేడు ఇంటర్‌ ఫలితాలు అనంతపురం ఎడ్యుకేషన్‌: ఇంటర్మీడియెట్‌ మొదటి, రెండో సంవత్సరం పరీక్షల ఫలితాలను ఇంటర్‌ బోర్డు బుధవారం ఉదయం 10.31 గంటలకు విడుదల చేయనుంది. జిల్లాలో వేలాదిమంది విద్యార్థులు, తల్లిదండ్రులు, బంధువులు, స్నేహితులు ఈ ఫలితాల కోసం ఆసక్తిగా ఎదురుచూస్తున్నారు. ఫలితాలను అధికారిక వెబ్‌సైట్‌ BIEAP Results Portal ద్వారా హాల్‌ టికెట్‌ నంబర్‌ నమోదు చేసి తెలుసుకోవచ్చు. అదేవిధంగా ‘మన మిత్ర’ వాట్సాప్‌ సేవ ద్వారా కూడా ఫలితాలను పొందే అవకాశం కల్పించారు. ఇందుకోసం 95523 00009 నంబర్‌కు Hi అని మెసేజ్‌ పంపితే ఫలితాలు అందుతాయి. ఫలితాల విడుదల సమయంలో వెబ్‌సైట్‌పై భారీ ట్రాఫిక్‌ ఉండే అవకాశం ఉన్నందున విద్యార్థులు ఓపికగా ప్రయత్నించాలని అధికారులు సూచించారు. పెద్దమ్మా.. కరుణించమ్మా..!అనంతపురం కల్చరల్‌: నగరంలోని ఐదోరోడ్డులోని పెద్దమ్మ జాతర మంగళ వారం ఘనంగా జరిగింది. పెద్ద సంఖ్యలో భక్తులు అమ్మవారికి ప్రత్యేకంగా ఏర్పాటు చేసిన బోనాలు సమర్పించారు. అమ్మవారిని దర్శించుకోవడానికి భక్తులు బారులు తీరారు. మధ్యాహ్నం నుంచి సాయంత్రం వరకు భక్తులకు అన్నప్రసాద వితరణ చేశారు. నిర్వాహకులు రంగా, సాయి, ఆంజనేయులు, నాగరాజు, నరసింహులు తదితరులు పాల్గొన్నారు. సోషల్‌ మీడియా యాక్టివిస్ట్‌ అరెస్ట్‌ ఆత్మకూరు: పంపనూరుకు చెందిన సోషల్‌ మీడియా యాక్టివిస్ట్‌ గిరీష్‌కుమార్‌రెడ్డిని కుప్పం పోలీసులు మంగళవారం అరెస్ట్‌ చేశారు. ప్రభుత్వానికి వ్యతిరేకంగా సోషల్‌ మీడియాలో పోస్టులు పెట్టారన్న అభియోగంతోనే అరెస్టు చేసినట్లు తెలుస్తోంది. అయితే ఎవరు ఫిర్యాదు చేశారు.. ఏ విషయం అనేది కుటుంబ సభ్యులకు సమాచారం తెలపకుండా గిరీష్‌కుమార్‌రెడ్డిని అరెస్టు చేయడం అనుమానాలకు తావిస్తోంది. వైభవంగా దేవమ్మదేవి జాతర బొమ్మనహాళ్‌: సిద్దరాంపురంలో మంగళవారం దేవమ్మ దేవి దేవర ఘనంగా ప్రారంభించారు. భక్తులు మేళాతాళాలతో ఇళ్ల నుంచి బోనాలను ఊరేగింపుగా ఆలయానికి తీసుకొచ్చి అమ్మవారికి సమర్పించి మొక్కులు తీర్చుకున్నారు. భారీగా వచ్చిన జనంతో ఆలయ ప్రాంగణం కిటకిటలాడింది. వైఎస్సార్‌సీపీ రాష్ట్ర సంయుక్త కార్యదర్శి మెట్టు విశ్వనాథ్‌రెడ్డి అమ్మవారికి దర్శించుకుని మొక్కలు తీర్చుకున్నారు. బుధవారం తెల్లవారుజామున జంతు బలిదానం చేయనున్నట్లు కమిటీ సభ్యులు, గ్రామపెద్దలు తెలిపారు. కార్యక్రమంలో వైఎస్సార్‌సీపీ మండల కన్వీనర్‌ రామాంజనేయులు, నాయకులు జయరామ్‌రెడ్డి, కోటేశ్వరరెడ్డి, ఆంజనేయులు, వెంకటేశులు, సురేష్‌, డాక్టర్‌ బసప్ప, ఫొటో బసవరాజు, నాగరాజు, హరి, ప్రసాద్‌ రెడ్డి, విశ్వనాథ్‌రెడ్డి, సూర్యప్రతాప్‌రెడ్డి, ముక్కన్న, రామ్‌చరణ్‌ పాల్గొన్నారు.

● పప్పుధాన్యాల్లో కంది, పప్పుశనగకే ప్రాధాన్యత అనంతపురం అగ్రికల్చర్‌: జిల్లా వ్యవసాయంలో చిరుధాన్యాలు (మిల్లెట్స్‌) పంటలపై చిన్నచూపు కొనసాగుతుండగా, పప్పుధాన్యాల (పల్సస్‌) పంటల సాగు విస్తీర్ణం కూడా తగ్గుతోంది. మిల్లెట్స్‌లో సజ్జ, రాగి, కొర్ర, అండుకొర్ర, ఆరిక, సామ, జొన్న, మొక్కజొన్న తదితర పంటలు ఉండగా అందులో ప్రస్తుతం మొక్కజొన్నకే రైతులు ప్రాధాన్యత ఇస్తున్నారు. అలాగే పల్సస్‌లో పెసర, అలసంద, మినుము, కంది, పప్పుశనగ, సోయా, అనుము తదితర పంటలు ఉండగా అందులో కంది, పప్పుశనగ సాగుపై రైతులు ఆసక్తి చూపిస్తున్నారు. ఇలా ‘మిల్లెట్స్‌–పల్స్‌’లో రెండు మూడింటిపై రైతులు మొగ్గుచూపుతుండగా మిగతావన్నీ నామమాత్రంగా సాగవుతున్నాయి. జిల్లాలో ప్రధానపంటగా 30 ఏళ్ల పాటు లక్షలాది ఎకరాల సాగుతో ఓ వెలుగు వెలిగి ప్రపంచ దృష్టి ఆకర్షించిన వేరుశనగ ఇప్పుడు క్షీణించే దశకు చేరుకుంది. ఉమ్మడి జిల్లా వ్యాప్తంగా 20 లక్షల ఎకరాల్లో సాగవుతున్న వేరుశనగ నేడు నాలుగు లక్షల ఎకరాల కనిష్ట స్థాయికి పతనం కావడం గమనార్హం. పంటల వైవిధ్యానికి చిరునామా ‘అనంత’ వ్యవసాయ రికార్డులు పరిశీలిస్తే... 1960 నుంచి 1980 వరకు పంటల వైవిధ్యానికి అనంతపురం జిల్లా కేరాఫ్‌గా నిలిచింది. ఖరీఫ్‌ వచ్చిందంటే చాలు 25 నుంచి 30 రకాల పంటలతో పంటల వైవిధ్యతను చాటుకుంది. 1985 తర్వాత వేరుశనగ సాగు క్రమంగా పెరుగుతూ వచ్చింది. 2005 నాటికి ఏకపంటగా విస్తరించిన వేరుశనగ దెబ్బకు మిగతా పంటలన్నీ కనుమరుగయ్యే దశకు చేరుకున్నాయి. 2010 తర్వాత వివిధ కారణాలతో వేరుశనగ సాగు తగ్గుదల నమోదవుతోంది. వేరుశనగ తగ్గడంతో మరోసారి పంటల సరళి మారుతోందని భావించినా.. చిరుధాన్యాల్లో మొక్కజొన్న, పప్పుధాన్యాల్లో కందికే ప్రాధాన్యత ఇస్తున్నారు. కనీసం రాగి, జొన్న, సజ్జ, కొర్ర, అలాగే పెసర, అలసంద, మినుము, ఉలవ లాంటి పంటలు పెరిగితే మరోసారి పంటల వైవిధ్యం స్పష్టంగా గోచరిస్తుంది. వీటి పరిస్థితి ఇలా ఉండగా.. వరి సాగు మాత్రం ఆనాటి నుంచి ఈనాటి వరకు స్థిరంగానే ఉండటం గమనార్హం. అప్పట్లో బోరు బావుల కింద ప్రతి రైతూ అంతో ఇంతో సాగు చేస్తుండగా ఇప్పుడు ఆయకట్టు ప్రాంతాలకే వరి పరిమితమైనా సాగు విస్తీర్ణం కాస్త ఇటుగా పయనం సాగిస్తోంది. అప్పట్లో చిరుధాన్యాల శకం 1960 దశకంలో రాగి, జొన్న, సజ్జ, కొర్ర, అండుకొర్ర, ఆరిక, సామ తదితర మైనర్‌ అండ్‌ మేజర్‌ మిల్లెట్స్‌ (చిరుధాన్యాలు) ఏకంగా 15 లక్షల ఎకరాల్లో సాగు చేశారు. అప్పట్లో వేరుశనగ 5 లక్షల ఎకరాలకు మించి సాగు చేయలేదు. వరుస కరువులు, వర్షాభావం, వ్యవసాయంలో వచ్చిన విప్లవాత్మక మార్పులు, రైతుల ఆలోచన విధానాల మార్పుల కారణంగా పంటల సరళి విభిన్నంగా కొనసాగింది. 2000 సంవత్సరానికి అటు ఇటుగా వేరుశనగ పంట ఏకంగా 20 లక్షల ఎకరాలకు ఎగబాకడం, చిరుధాన్యపు పంటలన్నీ కలిపినా 50 వేల ఎకరాలకు పరిమితం కావడం చూస్తే వేరుశనగ దూకుడు ఏ స్థాయిలో ఉందనేది అర్థమవుతోంది. జిల్లాలో ఎక్కడ చూసినా వేరుశనగ తప్ప మిగతా పంటలు కనిపించని పరిస్థితికి చేరాయి. విస్తీర్ణం తగ్గిపోయిన వేరుశనగ స్థానంలో ఇప్పుడు కంది, మొక్కజొన్న, ఆముదం లాంటి పంటలు ఆక్రమించాయి. చిరుధాన్యపు పంటల విస్తీర్ణం పెంపునకు చర్యలు తీసుకుంటున్నట్లు చెబుతున్నా ఆచరణలోకి రావడం లేదనే అభిప్రాయాలు వ్యక్తమవుతున్నాయి.

అనంతపురం: దేశంలోని అన్ని రాష్ట్రాలూ అంబేడ్కర్‌ రాజ్యాంగం నడుస్తుంటే ఏపీలో చంద్రబాబు ప్రభుత్వం రెడ్‌బుక్‌ రాజ్యాంగం అమలు చేస్తూ అరాచకాలకు పరాకాష్టగా నిలుస్తోందని వైఎస్సార్‌ సీపీ జిల్లా అధ్యక్షుడు అనంత వెంకటరామిరెడ్డి ధ్వజమెత్తారు. ఇందుకు వ్యతిరేకంగా ప్రజాస్వామ్యయుతంగా పోరాడాల్సిన అవసరం ఉందని పిలుపునిచ్చారు. డాక్టర్‌ బాబా సాహెబ్‌ అంబేడ్కర్‌ జయంతిని పురస్కరించుకుని వైఎస్సార్‌సీపీ జిల్లా కార్యాలయంలో ఎస్సీ సెల్‌ జిల్లా అధ్యక్షుడు మల్లెమీద నరసింహులు ఆధ్వర్యంలో కార్యక్రమం నిర్వహించారు. ఈ సందర్భంగా డాక్టర్‌ అంబేడ్కర్‌ చిత్రపటానికి పూలమాలలు వేసి నివాళులర్పించారు. ఈ సందర్భంగా అనంత మాట్లాడుతూ అందరికీ సమాన హక్కులు కల్పించేలా భారత రాజ్యాంగం రూపొందించిన అంబేడ్కర్‌ తరతరాలకు స్ఫూర్తి ప్రదాత అని కొనియాడారు. అంబేడ్కర్‌ స్ఫూర్తితో మాజీ ముఖ్యమంత్రి వైఎస్‌ జగన్‌మోహన్‌రెడ్డి గత మంత్రి వర్గంలోనూ, నామినేటెడ్‌ పదవుల్లోనూ, సంక్షేమ పథకాల్లోనూ బడుగు, బలహీన వర్గాలకు పెద్దపీట వేశారని ప్రశంసించారు. అయితే చంద్రబాబు ప్రభుత్వం భారత రాజ్యాంగాన్ని పక్కనపెట్టి.. రెడ్‌బుక్‌ రాజ్యాంగంతో అరాచక పాలన సాగిస్తున్నారని మండిపడ్డారు. కార్యక్రమంలో పీఏసీ సభ్యులు వై.విశ్వేశ్వరరెడ్డి, మహాలక్ష్మి శ్రీనివాస్‌, సీఈసీ సభ్యులు మీసాల రంగన్న, జెడ్పీ చైర్‌పర్సన్‌ బోయ గిరిజమ్మ, ఎమ్మెల్సీ మంగమ్మ, మాజీ మేయర్‌ వసీం, మాజీ డిప్యూటీ మేయర్‌ వాసంతి సాహిత్య, రాష్ట్ర కార్యదర్శి రమేష్‌ గౌడ్‌, వెన్నం శివారెడ్డి, జిల్లా ప్రధాన కార్యదర్శులు ఆలమూరు శ్రీనివాసరెడ్డి, పూజారి రాజశేఖర్‌ యాదవ్‌, ఎస్సీ సెల్‌ రాష్ట్ర ఉపాధ్యక్షుడు పెన్నోబులేసు, యువజన విభాగం రాష్ట్ర ప్రధాన కార్యదర్శి ఉమ్మడి మదన్‌మోహన్‌రెడ్డి, మైనార్టీ విభాగం రాష్ట్ర ప్రధాన కార్యదర్శి కాగజ్‌ఘర్‌ రిజ్వాన్‌, నగర అధ్యక్షుడు చింతా సోమశేఖర్‌రెడ్డి, రంగంపేట గోపాల్‌రెడ్డి, నాగార్జునరెడ్డి, ఎద్దుల అమరనాథరెడ్డి, గోగుల రాధాకృష్ణ, చంద్రశేఖర్‌ యాదవ్‌, కై లాష్‌, జిల్లా అధికార ప్రతినిధులు సీపీ వీరన్న, చింతకుంట మధు, నాటక అకాడమీ మాజీ చైర్‌పర్సన్‌ రాగే హరిత, ఆర్టీసీ జోనల్‌ మాజీ చైర్‌ పర్సన్‌ మంజుల, రాధాయాదవ్‌, సాకే చంద్రలేఖ, అంజలి, శోభారాణి, ముక్తియార్‌, అనిల్‌కుమార్‌ గౌడ్‌, క్రిస్టియన్‌ మైనార్టీ నేత చిలకల థామస్‌, పసలూరు ఓబులేసు, పార్టీ నేతలు భారతి, ప్రియాంకరెడ్డి, భారతిరెడ్డి, మేధావుల ఫోరం రాష్ట్ర ప్రధాన కార్యదర్శి కట్టుబడి తానీషా, పార్టీ అధికార ప్రతినిధి డాక్టర్‌ శంకరయ్య పాల్గొన్నారు.

సాక్షి, అనంతపురం: అంబేద్కర్‌ జయంతి సందర్భంగా నగరంలో రాజకీయ ఉద్రిక్తతలు నెలకొన్నాయి. వేడుకల్లో పాల్గొనేందుకు వచ్చిన ఓ దళిత నేతను టీడీపీ నేతలు ఉద్దేశపూర్వకంగా అడ్డుకుని అసభ్యపదజాలంతో దూషించారు. దీంతో ఆమె కంటతడి పెడుతూ నిరసనకు దిగారు. అనంతపురం సెంటర్‌లోని అంబేద్కర్‌ విగ్రహం వద్ద మంగళవారం జయంతి వేడుకలు జరిగాయి. ఆ సమయంలో.. వైఎస్సార్సీపీ నేత, ఏపీఎస్ఆర్టీసీ రీజినల్‌ మాజీ ఛైర్మన్‌ మంజుల అక్కడికి వచ్చారు. అంబేద్కర్‌ విగ్రహానికి పూలమాలలు వేసేందుకు ఆమె ప్రయత్నించగా.. టీడీపీ నేతలు అడ్డుపడుతూ తీవ్రంగా దూషించారు. టీడీపీ నేతల దౌర్జన్యంతో మంజుల కంటతడి పెట్టి అక్కడే ఆవేదన వ్యక్తం చేశారు. ఈ ఘటనపై వైఎస్సార్సీపీ శ్రేణులు ఆగ్రహం వ్యక్తం చేశాయి. దళితుల గౌరవాన్ని కించపరిచే ప్రయత్నాలను తాము సహించబోమని నినాదాలు చేశారు.ప్రత్యక్ష్య సాక్షులు తెలిపిన వివరాల ప్రకారం.. టీడీపీ నేతలు ఉద్దేశపూర్వకంగా ఆమెను అవమానించారు. అంబేద్కర్‌ జయంతి సందర్భంగా ఇలా దళిత నేతను అవమానించడం బాధాకరమని పేర్కొన్నారు.

వై.కొత్తపల్లి వద్ద హంద్రీ నీవా కాలువ పక్కనే జేసీబీతో మట్టిని టిప్పరుకు వేస్తున్న దృశ్యం సాక్షి టాస్క్‌ఫోర్స్‌: రాప్తాడు నియోజకవర్గంలోని ఆత్మకూరు మండలంలో అధికార తెలుగుదేశం పార్టీ నాయకులు సంపాదన కోసం బరి తెగిస్తున్నారు. అధికారిక అనుమతులు లేకుండానే వై.కొత్తపల్లి, వడ్డుపల్లి తదితర ప్రాంతాల్లో ఇష్టారాజ్యంగా మట్టి తవ్వకాలు చేపడుతున్నారు. పొలం, గుట్టలు, కొండలే కాదు ఏకంగా కాలువ గట్లనూ వదలడం లేదు. నీటి ప్రవాహం పెరిగినప్పుడు కాలువలకు గండిపడే ప్రమాదం ఉన్నా వెనక్కు తగ్గడం లేదు. ఎమ్మెల్యే పరిటాల సునీత అండతోనే ఇలా చెలరేగిపోతున్నారని మండల ప్రజలు చర్చించుకుంటున్నారు. అక్రమాలకు అడ్డుకట్ట వేయాల్సిన రెవెన్యూ, ఇరిగేషన్‌, మైనింగ్‌, పోలీసు అధికారులు చూసీచూడనట్లు వ్యవహరిస్తుండటం విమర్శలకు తావిస్తోంది. కంటికి కనిపించవా..? టీడీపీ నేతలు నాణ్యమైన మట్టి కోసం ఏకంగా వై.కొత్తపల్లి వద్ద హంద్రీ –నీవా కాలువ గట్టు సమీపాన హిటాచీ, జేసీబీలను పెట్టి తవ్వకాలు మొదలు పెట్టారు. రాత్రి, పగలు అనే తేడా లేకుండా తవ్వడం.. టిప్పర్ల ద్వారా తరలించడం యథేచ్ఛగా సాగుతోంది. కాలువకు ఆనుకుని మట్టిని తవ్వితే కేసులు పెడుతామన్న ఇరిగేషన్‌ అధికారుల హెచ్చరికలు ఇక్కడ పనిచేయడం లేదు. సామాన్యులపై మాత్రమే వారు ప్రతాపం చూపుతారన్న విమర్శలు ఉన్నాయి. వందల సంఖ్యలో టిప్పర్ల మట్టి తరలిస్తున్నా ఇరిగేషన్‌ అధికారుల కంటికి ఎందుకు కనిపించడం లేదని ప్రజలు ప్రశ్నిస్తున్నారు. మట్టి తవ్వకాల్లో దూకుడు భవన నిర్మాణాలు, లేఅవుట్లకు మట్టి అవసరం. అందులో నాణ్యమైన మట్టికి డిమాండ్‌ ఎక్కువగా ఉంది. అనంతపురంలో ఒక టిప్పర్‌ మట్టి రూ.7 వేలకు పైగా పలుకుతోంది. దీంతో ‘పచ్చ’ నేతలు గ్రామీణ ప్రాంతాల నుంచి రోజూ పదుల సంఖ్యలో టిప్పర్ల ద్వారా మట్టిని తరలించేస్తున్నారు. ఆత్మకూరు మండలం వై.కొత్తపల్లి వద్ద హంద్రీ–నీవా కాలువ పక్కన, వడ్డుపల్లి సమీపంలోని అటవీ ప్రాంతం, మదిగుబ్బ దగ్గర కొండపై మట్టి తవ్వకాలు ఎక్కువగా సాగుతున్నాయి. బహిరంగంగా మట్టిని అక్రమంగా తరలిస్తున్నా ఏ అధికారీ పట్టించుకోకపోవడంపై అనుమానాలు వ్యక్తమవుతున్నాయి. లోపాయికారి ఒప్పందంతోనే మట్టి దందా సాగుతోందన్న ఆరోపణలు ఉన్నాయి. యథేచ్ఛగా మట్టి తరలింపు సొమ్ము చేసుకుంటున్న టీడీపీ నేతలు చూసీ చూడనట్లు వ్యవహరిస్తున్న అధికారులు

వజ్రకరూరు: సత్యసాయి నీటి పథకానికి అవసరమైన బడ్జెట్‌ కేటాయించి, నిధులు విడుదల చేయాలని, నాలుగు నెలల వేతన బకాయిలు మంజూరు చేయాలంటూ ఈ నెల 25 నుంచి నిరవధిక సమ్మెలోకి వెళుతున్నట్లు శ్రీసత్యసాయి తాగునీటి పథకం కార్మికులు వెల్లడించారు. ఈ మేరకు సోమవారం వజ్రకరూరు తహసీల్దార్‌ నరేష్‌కుమార్‌, డిప్యూటీ ఎంపీడీఓ గౌస్‌, ఎస్‌ఐ నాగస్వామినిను కలసి సమ్మె నోటీసు అందజేసి, మాట్లాడారు. నీటి సరఫరా పథకం నిర్వహణకు ఈ ఏడాది బడ్జెట్‌లో నిధులు కేటాయించలేదని, గత ఏడాదికి సంబంధించి అరకొర నిధులు కేటాయించి పథకాన్ని నిర్వీర్యం చేశారంటూ మండిపడ్డారు. నాలుగు నెలలుగా వేతనాలు అందకపోవడంతో కార్మికులు దుర్భర జీవనం గడుపుతున్నారని వాపోయారు. ఇలాంటి పరిస్థితుల్లో సమ్మెలోకి వెళ్లడం అనివార్యమైందని పేర్కొన్నారు. డిమాండ్లు నెరవేరేవరకూ నిరవధిక సమ్మె చేపడతామని హెచ్చరించారు. కార్యక్రమంలో శ్రీసత్యసాయి తాగునీటి పథకం కా ర్మికులు బాబయ్య, జయన్న, చెన్నయ్య, భీమేష్‌, వెంకటాద్రి తదితరులు పాల్గొన్నారు. ఖరీఫ్‌లో వర్షాలు తక్కువే అనంతపురం అగ్రికల్చర్‌: వచ్చే జూన్‌ నుంచి సెప్టెంబర్‌ మధ్య ఖరీఫ్‌ కాలంలో వర్షాలు తక్కువగానే నమోదవుతాయని భారత వాతావరణశాఖ (ఐఎండీ) అధికారికంగా ప్రకటించిందని రేకులకుంట వ్యవసాయ పరిశోధన స్థానం ప్రధాన శాస్త్రవేత్త డాక్టర్‌ ఎం.విజయశంకరబాబు, సీనియర్‌ శాస్త్రవేత్త డాక్టర్‌ జి.నారాయణస్వామి తెలిపారు. ఈ మేరకు ఆయన సోమవారం ఓ ప్రకటన విడుదల చేశారు. లా–నినో బలహీనపడిందని, జూన్‌ నుంచి ఎల్‌–నినో ప్రభావం ఉంటుందన్నారు. దీంతో దేశవ్యాప్తంగా సాధారణ వర్షపాతం కూడా నమోదు కాకపోవచ్చన్నారు. అందులో భాగంగా ఉమ్మడి అనంతపురం జిల్లాలో ఐదారు మండలాల్లో మాత్రమే సాధారణ వర్షపాతం నమోదు కావచ్చని, మిగతా మండలాల్లో సాధారణం కన్నా తక్కువగానే వర్షాలు పడవచ్చని పేర్కొన్నారు. దీంతో ఉమ్మడి జిల్లాకు సంబంధించి ఖరీఫ్‌ వ్యవసాయం కీలకం కావడంతో భారత వాతావరణ శాఖ చేదునిజం చెప్పడంపై అన్నదాతల్లో ఆందోళన వ్యక్తమవుతోంది. వర్షాలకు సంబంధించి ఈ నెలాఖరున స్పష్టమైన ప్రకటన విడుదల చేసే అవకాశం ఉన్నట్లు చెబుతున్నారు. ‘స్పాట్‌’ రెమ్యూనరేషన్‌ పెంచాలి ● వైఎస్సార్‌టీఏ జిల్లా అధ్యక్షుడు నాగిరెడ్డి అనంతపురం ఎడ్యుకేషన్‌: పదో తరగతి జవాబుపత్రాల మూల్యాంకన విధుల్లో పాల్గొంటున్న స్పెషల్‌ అసిస్టెంట్లకు అసిస్టెంట్‌ ఎగ్జామినర్ల (ఏఈ)తో సమానంగా డీఏ, రెమ్యూనరేషన్‌ ఇవ్వాలని వైఎస్సార్‌ టీచర్స్‌ అసోసియేషన్‌ జిల్లా అధ్యక్షుడు ఎస్‌.నాగిరెడ్డి డిమాండ్‌ చేశారు. ఈ మేరకు సోమవారం ఓ ప్రకటన విడుదల చేశారు. పదో తరగతి మూల్యాంకన ప్రక్రియలో స్పెషల్‌ అసిస్టెంట్లు కీలక పాత్ర పోషిస్తున్నారన్నారు. గతంతో పోలిస్తే వారి పనిభారం గణనీయంగా పెంచినా తగిన పారితోషికం చెల్లించకపోవడం అన్యాయమన్నారు. వారి శ్రమకు తగిన గౌరవం కల్పించేలా వెంటనే డీఏ, రెమ్యూనరేషన్‌ను పెంచాలని ప్రభుత్వాన్ని డిమాండ్‌ చేశారు. పెన్నహోబిలం హుండీ కానుకల లెక్కింపు ఉరవకొండ రూరల్‌: ప్రసిద్ధ పుణ్యక్షేత్రం పెన్నహోబిలం లక్ష్మీనృసింహస్వామి ఆలయానికి భక్తులు సమర్పించిన హుండీ కానుకలను సోమవారం లెక్కించారు. 110 రోజులకు గాను శాశ్వత హుండీల ద్వారా రూ.28.66 లక్షల ఆదాయం సమకూరినట్లు ఆలయ ఈఓ సాకే రమేష్‌ బాబు తెలిపారు. కార్యక్రమంలో జిల్లా దేవదాయ శాఖ అధికారి గంజి మల్లికార్జున, ఆలయ కమిటీ చైర్మన్‌ రేగాటి నాగరాజు, సభ్యులు బొల్లినేని పద్మాక్షి, గుంతకల్లు హనుమాన్‌ సేవాసంస్థ సభ్యులు, అనంతపురం ఒకటో రోడ్డు శివాలయం సేవా సమితి, భవాని సేవా సమితి సభ్యులు పాల్గొన్నారు.

ఓ వైపు ఎండలు.. మరోవైపు దాహం ఆ వానరాన్ని ముప్పుతిప్పలు పెట్టాయి. అప్పుడే ఉరవకొండ తహసీల్దార్‌ కార్యాలయ సమీపంలోని హోటల్‌ వైపు వెళ్లింది. అక్కడ జనం హడావుడి కనిపించింది. గొంతెండిపోతుంటే తాళలేక హోటల్‌లోకి వెళ్లి అక్కడున్న నీళ్ల బాటిల్‌ను ఎత్తుకుని తహసీల్దార్‌ కార్యాలయ ఆవరణలోని చెట్టు కిందకు చేరుకుంది. అక్కడ బాటిల్‌ మూత తీసి గుటగుటా తాగుతుండగా.. పక్కనే ఉన్న మరికొన్ని వానరాలు వచ్చాయి. వాటికి ఏమాత్రం అవకాశం ఇవ్వకుండా బాటిల్‌లోని నీళ్లన్నీ ఆ ఒక్క వానరమే తాగేసి దాహం తీర్చుకుంది. ఈ దృశ్యాన్ని ‘సాక్షి’ తన కెమెరాలో బంధించింది. – ఉరవకొండ:

● అధికారుల చుట్టూ రైతుల ప్రదక్షిణ ● ‘పరిష్కార వేదిక’లో 587 అర్జీలు ● అందులో అత్యధికం భూ సమస్యలే అనంతపురం అర్బన్‌: రైతులను భూ సమస్యలు వెంటాడుతున్నాయి. వాటి పరిష్కారం కోసం అధికారుల చుట్టూ ప్రదక్షిణలు చేస్తున్నారు. ఇందులో భాగంగానే సోమవారం కలెక్టరేట్‌లో ప్రజా సమస్యల పరిష్కార వేదికలో భాగంగా నిర్వహించిన రెవెన్యూ క్లినిక్‌కు భూసమస్యలపై అర్జీలు పెద్ద సంఖ్యలో వచ్చాయి. కలెక్టర్‌ ఆనంద్‌తో పాటు జాయింట్‌ కలెక్టర్‌ విష్ణుచరణ్‌, డీఆర్‌ఓ మలోల, ఎఫ్‌ఎస్‌ఓ రామకృష్ణారెడ్డి, డిప్యూటీ కలెక్టర్లు పద్మావతి, రామ్మోహన్‌, అఖిల ప్రజల నుంచి వివిధ సమస్యలపై 587 అర్జీలు స్వీకరించారు. ఇందులో భూ సమస్యలకు సంబంధించిన అర్జీలు 350 వరకు ఉండడం గమనార్హం. కార్యక్రమం అనంతరం అర్జీల పరిష్కారంపై అధికారులతో కలెక్టర్‌ సమీక్షించారు. ఈ సందర్భంగా ఆయన మాట్లాడుతూ అర్జీల పరిష్కారంలో నిర్లక్ష్యంగా వ్యవహరిస్తే చర్యలు ఉంటాయన్నారు. అర్జీదారులు సంతృప్తి చెందేలా వారి సమస్యలకు నాణ్యమైన పరిష్కారం చూపాలని ఆదేశించారు. వినతుల్లో కొన్ని.. ● వితంతు పింఛను మంజూరు చేయాలని గుమ్మఘట్ట మండలం యర్రంపల్లికి చెందిన కాపు లక్ష్మి విన్నవించింది. తన భర్త 2018లో అనారోగ్యంతో చనిపోయాడని తెలిపింది. జీవనం కష్టంగా ఉందని, పింఛను మంజూరు చేసి ఆదుకోవాలని వేడుకుంది. ● సాధారణ రైతునైన తనను ట్యాక్స్‌ పేయర్‌గా నమోదు చేశారని పామిడి మండలం కొండాపురం గ్రామానికి చెందిన పి.వేణుసాగర్‌రెడ్డి ఫిర్యాదు చేశాడు. దీంతో తనకు అన్నదాత సుఖీభవ, తన కుమారులకు ఫీజు రీయింబర్స్‌మెంట్‌ రావడం లేదని వాపోయాడు. ట్యాక్స్‌ పేయర్‌ జాబితా నుంచి తొలగించి తమకు ప్రభుత్వ పథకాలు అందేలా చూడాలని విజ్ఞప్తి చేశాడు.

అనంతపురం అర్బన్‌: అగ్ని ప్రమాదాల నివారణపై ప్రజలను చైతన్య పరచాలని సంబంధిత అధికారులను జాయింట్‌ కలెక్టర్‌ సి.విష్ణుచరణ్‌ ఆదేశించారు. ఈ క్రమంలో మంగళవారం నుంచి ఈ నెల 20వ తేదీ వరకు అగ్నిమాపక వారోత్సవాలు నిర్వహించాలని సూచించారు. సోమవారం కలెక్టరేట్‌లోని రెవెన్యూభవన్‌లో ఏర్పాటు చేసిన కార్యక్రమంలో అగ్నిమాపక వారోత్సవాల పోస్టర్లు, బ్రోచర్లను జేసీ ఆవిష్కరించి, మాట్లాడారు. అగ్ని ప్రమాదాల నివారణ పద్దతులను వారోత్సవాల్లో తెలియజేయాలన్నారు. గృహాలు, వంటిల్లు, పాఠశాలలు, వసతి గృహాలు, షాపింగ్‌ మాల్స్‌, పెట్రోల్‌ బంక్‌లు, గ్యాస్‌ గోదాములు, గిడ్డంగులు, కర్మాగారాలు, తదితర ప్రాంతాల్లో తీసుకోవాల్సిన జాగ్రత్తలపై ప్రజలను చైతన్య పరచాలన్నారు. కార్యక్రమంలో డీఆర్‌ఓ ఎ.మలోల, జిల్లా అగ్నిమాపక శాఖ అధికారి శ్రీనివాసరెడ్డి, స్పెషల్‌ డిప్యూటీ కలెక్టర్లు రామ్మోహన్‌, పద్మావతి, ఇతర అధికారులు పాల్గొన్నారు. నేటి నుంచి అగ్నిమాపక వారోత్సవాలు అనంతపురం సెంట్రల్‌: అగ్నిమాపక వారోత్సవాలను మంగళవారం నుంచి ఈ నెల 20వ తేదీ వరకూ నిర్వహించనున్నట్లు జిల్లా అగ్నిమాపకశాఖ అధికారి శ్రీనివాసరెడ్డి తెలిపారు. సోమవారం ఆయన తన చాంబర్‌లో మీడియాతో మాట్లాడారు. అగ్ని ప్రమాదాలపై ప్రతి ఒక్కరూ అవగాహన కలిగి ఉండాలన్నారు. ప్రమాదం జరిగిన వెంటనే తీసుకోవాల్సిన చర్యలపై వారోత్సవాల్లో ప్రజలను చైతన్య పరచనున్నట్లు తెలిపారు. అధికారులకు జేసీ విష్ణుచరణ్‌ ఆదేశం

యల్లనూరు: మండలంలోని కూచివారిపల్లిలో పెళ్లింట గొడవ చోటు చేసుకుని వ్యక్తిపై దాడి జరిగింది. పోలీసులు తెలిపిన మేరకు.. గ్రామానికి చెందిన టీడీపీ నేత లింగమనాయుడు తమ్ముడి కుమారుడి పెళ్లి ఆదివారం తాడిపత్రిలో జరిగింది. అదే రోజు రాత్రి స్వగ్రామంలో తిరుగింపులు ఉండడంతో బుక్కాపురం గ్రామానికి చెందిన వారికి క్యాటరింగ్‌ అప్పగించారు. ఈ క్రమంలో క్యాటరింగ్‌ నిర్వాహకుడు తన సిబ్బంది అంకాల్‌, మరికొందరితో వంటకాలు సిద్ధం చేయించి ఆదివారం రాత్రి పెళ్లింటికి పంపాడు. అక్కడ ఆహార పదార్థాలను వాహనం నుంచి దింపే విషయంగా అంకాల్‌ తదితరులు పెళ్లింటి వారిని సాయం కోరారు. ఆ సమయంలో క్యాటరింగ్‌ సిబ్బందికి లింగమనాయుడి మధ్య గొడవ చోటు చేసుకుంది. అంకాల్‌పై లింగమనాయుడు చెయ్యి చేసుకున్నాడు. విషయాన్ని తన కుమారులు, సమీప బంధువులకు అంకాల్‌ చేరవేసి రప్పించుకున్నాడు. దీంతో పెళ్లికి హాజరైన కొడవండ్లపల్లికి చెందిన యంపలాకు శివకేశవ, అతని బావమరిది గడ్డిమడుగు సురేష్‌ సర్ధి చెబుతుండగా వారిపై క్యాటరింగ్‌ సిబ్బంది దాడికి ప్రయత్నించారు. దాడి నుంచి తప్పించుకుని శివకేశవ, సురేష్‌ ఇంటికెళ్లిపోయారు. ఆదివారం రాత్రి 10.30గంటల సమయంలో శివకేశవ ఇంటికి క్యాటరింగ్‌ సిబ్బంది చేరుకుని కట్టెలు, రాళ్లతో దాడికి తెగబడ్డారు. ఘటనలో గాయపడిన శివకేశవ ఆస్పత్రికెళ్లి చికిత్స చేయించుకున్న అనంతరం ఘటనపై పోలీసులకు ఫిర్యాదు చేశారు. దాడికి పాల్పడిన వారిలో వడ్డే చౌడయ్య, అనిల్‌, అంకరాజు, పెద్దిరాజు, అంకాల్‌, కుళ్లాయప్ప, రాజు అలియాస్‌ కుంటి, అర్జున్‌, మంజులరాజు తదితరులు ఉన్నారని ఫిర్యాదులో పేర్కొన్నారు. ఘటనపై కేసు నమోదు చేసినట్లు ఎస్‌ఐ రామాంజనేయరెడ్డి తెలిపారు. రైల్వే ఉద్యోగులకు అవార్డులు గుంతకల్లు: అంకిత భావంతో విధులు నిర్వర్తించిన రైల్వే ఉద్యోగులకు అవార్డులతో డీఆర్‌ఎం చంద్రశేఖర్‌ గుప్తా సత్కనించారు. ఈ నెల 8న గుంతకల్లు–బళ్లారి సెక్షన్‌లోని హద్దనిగుండి రైల్వేస్టేషన్‌ వద్ద హంపి ఎక్స్‌ప్రెస్‌ రైలు చక్రాల నుంచి వెలువడుతున్న పొగలను గుర్తించిన పాయింట్స్‌మెన్‌ అనిల్‌కుమార్‌ విషయాన్ని వెంటనే అధికారులకు చేరవేశాడు. దీంతో అప్రమత్తమైన అధికారులు రైలు హగరి రైల్వేస్టేషన్‌కు చేరుకోగానే ఆపేయడంతో ట్రాక్‌ మెంటైనర్‌ అనిల్‌కుమార్‌, టెక్నీషియన్‌ విక్కీకుమార్‌ మరమ్మతులు చేసి పెను ప్రమాదాన్ని నివారించారు. ఈ విషయం తెలుసుకున్న డీఆర్‌ఎం సీఎస్‌ గుప్తా సోమవారం తన చాంబర్‌కు పాయింట్స్‌మెన్‌ అనిల్‌కుమార్‌, ట్రాక్‌ మెంటైనర్‌ అనిల్‌కుమార్‌, టెక్నీషియన్‌ విక్కీకుమార్‌ను రప్పించుకుని అవార్డులను అందజేసి, అభినందించారు. బళ్లారిలో ప్రమాదం.. యువకుడి దుర్మరణం బొమ్మనహాళ్‌: బళ్లారిలో చోటు చేసుకున్న ప్రమాదంలో బొమ్మనహాళ్‌ మండలానికి చెందిన ఓ యువకుడు దుర్మరణం పాలయ్యాడు. బాధిత కుటుంబసభ్యులు సమాచారం మేరకు... ఉంతకల్లు గ్రామానికి చెందిన వెంకటేశులు, శ్రీదేవి దంపతుల కుమారుడు రవికిరణ్‌ (17) బళ్లారిలోని ఓ ప్రైవేట్‌ కళాశాలలో డిప్లొమా ద్వితీయ సంవత్సరం చదువుతున్నాడు. ఈ క్రమంలో సోమవారం బళ్లారికి వెళ్లిన రవికిరణ్‌ అక్కడ స్నేహితుడితో కలిసి ద్విచక్ర వాహనంపై వెళుతుండగా మోతీ సర్కిల్‌ వద్దకు చేరుకోగానే కేఎస్‌ ఆర్టీసీ బస్సు వెనుక నుంచి ఢీకొంది. ఘటనలో రవికిరణ్‌ అక్కడికక్కడే మృతి చెందాడు. తీవ్రంగా గాయపడిన స్నేహితుడిని స్థానికులు వెంటనే ప్రభుత్వ ఆస్పత్రికి తరలించారు. ఘటనపై బళ్లారి పోలీసులు దర్యాప్తు చేపట్టారు. పరిష్కార వేదికకు 169 వినతులుఅనంతపురం సెంట్రల్‌: జిల్లా పోలీసు కార్యాలయంలో సోమవారం నిర్వహించిన ప్రజా సమస్యల పరిష్కార వేదిక కార్యక్రమానికి వివిధ సమస్యలపై 169 వినతులు అందాయి. ఎస్పీ జగదీష్‌ స్వయంగా వినతులు స్వీకరించి, బాధితులతో మాట్లాడారు. సమస్య తీవ్రత తెలుసుకుని చట్టపరిధిలోని అంశాలకు తక్షణ పరిష్కారం చూపాలని సంబంధిత ఎస్‌హెచ్‌ఓలను ఆదేశించారు. అర్జీలు పునరావృతమైతే కఠిన చర్యలు తప్పవని హెచ్చరించారు. కార్యక్రమంలో డీఎస్పీలు మహబూబ్‌బాషా, శ్రీనివాసరావు తదితరులు పాల్గొన్నారు. రేపు మెగా జాబ్‌మేళా అనంతపురం టౌన్‌: జిల్లా గ్రామీణాభివృద్ధి సంస్థ, సీడాప్‌ ఆధ్వర్యంలో ఈ నెల 15న నిరుద్యోగ యువతకు మెగా జాబ్‌ మేళా నిర్వహించనున్నారు. ఈ మేరకు డీఆర్‌డీఏ పీడీ శైలజ సోమవారం ఓ ప్రకటన విడుదల చేశారు. 10వ తరగతి, ఆ పై విద్యార్హతలతోపాటు డిప్లొమా, బీటెక్‌, ఐటీఐ విద్యార్హతలున్న వారు అర్హులు. ఎంపికై న వారు బెంగళూరు, పెనుకొండ తదితర ప్రాంతాల్లో పని చేయాల్సి ఉంటుంది. ఆసక్తి ఉన్న వారు నగర శివారులోని పంగల్‌ రోడ్డు వద్ద ఉన్న టీటీడీసీలో బుధవారం జరిగే జాబ్‌మేళాకు ధ్రువీకరణ పత్రాలతో హాజరు కావచ్చు.

ప్రశాంతి నిలయం: ‘‘వరుణుడు కరుణించలేదు..పట్టించుకోవాల్సిన పాలకులూ ఇక్కడి నీటిని హంద్రీనీవా కాలువకు లైనింగ్‌ వేసి మరీ కుప్పానికి తరలించారు. దీంతో బోర్లన్నీ ఒట్టిపోయి రైతులు పంటలు సాగుచేసుకోలేకపోయారు. నాడు కళకళలాడిన పొలాలన్నీ నేడు బీళ్లుగా దర్శనమిస్తున్నాయి. ఇప్పటికై నా స్పందించి పేరూరు డ్యాంకు నీటిని విడుదల చేసి రైతులను ఆదుకోండి’’ అని మాజీ ఎమ్మెల్యే, వైఎస్సార్‌ సీపీ రాప్తాడు నియోజకవర్గ సమన్వయకర్త తోపుదుర్తి ప్రకాష్‌రెడ్డి కోరారు. సోమవారం రైతులతో కలిసి పుట్టపర్తికి వచ్చిన ఆయన కలెక్టరేట్‌ ఎదుట ధర్నా నిర్వహించారు. ప్రభుత్వానికి వ్యతిరేకంగా నినాదాలు చేశారు. అనంతరం ప్రజా సమస్యల పరిష్కార వేదికలో జేసీ మౌర్య భరద్వాజ్‌కు వినతి పత్రం అందజేశారు. ఈ సందర్భంగా ప్రకాష్‌రెడ్డి మాట్లాడుతూ.. గతంలో అప్పటి సీఎం వైఎస్‌ జగన్‌మోహన్‌రెడ్డి సహకారంతో 65 కిలోమీటర్లు కాలువ తవ్వించి నీటిని విడుదల చేసి పేరూరు డ్యాంను కళకళలాడించామన్నారు. కానీ ప్రస్తుత పాలకులు డ్యాంకు నీరు ఇవ్వకుండా రైతుల జీవితాలతో ఆడుకుంటున్నారని తోపుదుర్తి ప్రకాష్‌రెడ్డి ఆగ్రహం వ్యక్తం చేశారు. పరిటాల సునీత వల్లే రైతులకు అన్యాయం రాప్తాడు కరువు పరిస్థితులకు మాజీ మంత్రి పరిటాల సునీత కారణమని తోపుదుర్తి ప్రకాష్‌రెడ్డి ఆరోపించారు. వైఎస్సార్‌ సీపీ హయాంలో తాము రాప్తాడు నియోజకవర్గాన్ని సస్యశ్యామలం చేస్తే.. నేడు సాగునీరు లేక బీడు భూములు కనిపిస్తున్నాయన్నారు. సాగునీటి సమస్యతో పంటలు సాగుచేయలేక రైతులు తీవ్ర ఇబ్బందులు పడుతున్నారన్నారు. పేరూరు డ్యాంకు నీళ్లు ఇస్తే కనీసం రెండు పంటలను సాగు చేస్తారన్నారు. కూటమి ప్రభుత్వం అధికారంలో ఉన్నా... రైతుల సమస్యలను పట్టించుకోలేదన్నారు. తాము పాపంపేటకు నీళ్లివ్వాలని ప్రయత్నించినప్పుడు ఇళ్లను కూల్చివేశారన్నారు. చంద్రబాబు ప్రభుత్వం అధికారంలోకి వచ్చి రెండేళ్లవుతున్నా... పేరూరు డ్యాంకు చుక్క నీరు ఇవ్వలేదన్నారు. హంద్రీనీవా కాలువకు కాంక్రీట్‌ లైనింగ్‌ వేసి నీటిని చంద్రబాబు సొంత నియోజకవర్గం కుప్పానికి తరలించారన్నారు. దీంతో గతంలో వంద అడుగుల లోతులోనే బోర్లలో నీళ్లు వచ్చేవని, ప్రస్తుతం 400 అడుగులు వేసినా నీరు రావడం లేదన్నారు. 2018లో లిఫ్ట్‌ ఇరిగేషన్‌ పనులకు భూమి పూజ చేసినప్పటికీ పూర్తి చేయలేదన్నారు. గత వైఎస్సార్‌సీపీ ప్రభుత్వంలో రూ.170 కోట్లు పనులకు బిల్లులు చేశామన్నారు. అయితే ఒక్క పనీ చేయకుండా పేరూరు డ్యాంకు పరిటాల రవి పేరు పెట్టుకోవడం సిగ్గు చేటన్నారు. రైతుల సమస్యలను పట్టించుకోకుండా భారీగా కమీషన్లు తీసుకుంటున్నారని ఆరోపించారు. కార్యక్రమంలో వైఎస్సార్‌ సీపీ జిల్లా ఉపాధ్యక్షుడు సానే రాజారెడ్డి, రాష్ట్ర సంయుక్త కార్యదర్శులు రంగంపేట గోపాల్‌రెడ్డి, మజ్జిగ శంకరయ్య, యువజన విభాగం జిల్లా అధ్యక్షుడు గంగుల సుధీర్‌రెడ్డి, రామగిరి, కనగానపల్లి జెడ్పీటీసీలు నాగార్జున, మారుతి, పెద్దిరెడ్డి, చంద్రకుమార్‌, మీనుగ నాగరాజు, రాజేష్‌, నాగముని, తలమర్ల సంజీవరెడ్డి తదితరులు ఉన్నారు. మాజీ ఎమ్మెల్యే తోపుదుర్తి ప్రకాష్‌రెడ్డి డిమాండ్‌ రైతులతో కలిసి జేసీకి వినతి పత్రం అందజేత

కళ్యాణదుర్గం: స్థానిక యూనియన్‌ బ్యాంక్‌లోని మేనేజర్‌ చాంబర్‌లో ఓ మహిళ ఆత్మహత్యాయత్నం చేసింది. వివరాలు... యూనియన్‌ బ్యాంక్‌లోని తన ఖాతాలో రూ. లక్షల కోట్లు ఉన్నాయంటూ నకిలీ పత్రాలు చూపి జనాన్ని మోసం చేస్తున్నారన్న అభియోగంపై కళ్యాణదుర్గం మున్సిపాలిటీ పరిధిలోని పార్వతీనగర్‌లో నివాసముంటున్న ఒంటిమిద్ది ఎర్రిస్వామిని రెండు రోజుల క్రితం పోలీసులు అదుపులోకి తీసుకున్నారు. ఇందుకు అనుగుణంగా స్థానిక ఆ బ్యాంక్‌ అధికారుల నుంచి ఫిర్యాదు స్వీకరించి, వివిధ సెక్షన్ల కింద కేసులు నమోదు చేసి, న్యాయస్థానంలో హాజరు పరిచి, న్యాయమూర్తి ఆదేశాలతో రిమాండ్‌కు తరలించారు. దీంతో మనస్తాపానికి లోనైన ఎర్రిస్వామి భార్య జ్యోతి సోమవారం మధ్యాహ్నం యూనియన్‌ బ్యాంక్‌ కు చేరుకుని మేనేజర్‌తో మాట్లాడారు. తన భర్తకు సంబంధంలేని వ్యవహారంలో టీడీపీ నేతల ఒత్తిళ్లకు తలొగ్గి అక్రమంగా ఫిర్యాదు చేశారంటూ వాపోతూ అప్పటికే తన వెంట తెచ్చుకున్న గుర్తు తెలియని మాత్రలు మోతాదుకు మించి మింగేసింది. గమనించిన బ్యాంక్‌ సిబ్బంది, జ్యోతి బంధువులు వెంటనే ఆమెను స్థానిక సీహెచ్‌సీకి తరలించారు. మానవ హక్కుల సంఘాన్ని ఆశ్రయించిన బాధితురాలు టీడీపీ నేతల ఆదేశాలతోనే తన భర్తపై పోలీసులు అక్రమ కేసులు బనాయించారంటూ ఎర్రిస్వామి భార్య జ్యోతి మానవ హక్కుల సంఘాన్ని ఆశ్రయించారు. ఆన్‌లైన్‌ ద్వారా రెండు రోజుల క్రితం తన ఫిర్యాదును మానవ హక్కుల సంఘం కమిషనర్‌కు ఆమె పంపారు. డీఎస్పీ రవిబాబు, పట్టణ సీఐ హరినాథ్‌ సిబ్బంది తమ ఇంటి వద్దకు వచ్చి ఎలాంటి నోటీసు, వారెంట్‌ లేకుండానే సరైన కారణం చూపకుండా తన భర్త ఎర్రిస్వామిని అదుపులోకి తీసుకున్నారని వాపోయారు. తన భర్తను చూసేందుకు అనుమతి కూడా ఇవ్వకుండా పోలీసులు వ్యవహరించారంటూ ఆవేదన వ్యక్తం చేశారు. సంబంధం లేని కేసులో నేరాన్ని అంగీకరించాలంటూ తన భర్తను శారీరకంగా, మానసికంగా హింసించారని ఫిర్యాదులో పేర్కొన్నారు. టీడీపీ నేతల ఒత్తిళ్లతో తన భర్తపై అక్రమ కేసు బనాయించారంటూ యూనియన్‌ బ్యాంక్‌ మేనేజర్‌ ఎదుట ఆవేదన మేనేజర్‌ చాంబర్‌లోనే మోతాదుకు మించి మాత్రలు మింగిన బాధితురాలు

అనంతపురం కల్చరల్‌: జిల్లాలో లభించిన పురాతన తాళపత్ర గ్రంథాలను డిజిటల్‌ రూపంలోకి మారుస్తున్నట్లు కలెక్టర్‌ ఆనంద్‌ తెలిపారు. వారసత్వ సంపద పరిరక్షణ అంశంపై రాష్ట్ర పురావస్తు, ప్రదర్శనశాల శాఖల అధికారులతో సోమవారం కలెక్టర్‌ సమీక్షించారు. జిల్లా వాసరత్వ సంపద, సంస్కృతీసంప్రదాయాలను కాపాడుకోవడాన్ని అందరూ బాధ్యతగా తీసుకోవాలన్నారు. చారిత్రాత్మక సంపదను కాపాడుకునేందుకు భారత ప్రభుత్వం ప్రతిష్టాత్మకంగా చేపట్టిన జ్ఞాన భారతం కార్యక్రమంలో ప్రభుత్వ అధికారులతో పాటూ స్వచ్ఛంద సంస్థల ప్రతినిధులు, జిల్లా ప్రముఖులను భాగస్వాములను చేస్తూ ప్రత్యేక కమిటీని ఏర్పాటు చేస్తున్నట్లు ప్రకటించారు. ప్రజల వద్ద, దేవాలయాలు, మఠాలు, విద్యా సంస్థలు, విశ్వవిద్యాలయాలలో ఉన్న తాళపత్ర గ్రంథాల వివరాలను పురావస్తుశాఖ అధికారులకు అందించి సహకరించాలన్నారు. కార్యక్రమంలో జిల్లా మ్యూజియం శాఖ సహాయ సంచాలకుడు స్వామి నాయక్‌, నగర పాలక సంస్థ కమిషనర్‌ జశ్వంతరావు, జిల్లా పంచాయతీరాజ్‌ అధికారి నాయుడు, టూరిజం శాఖ అధికారి జయ కుమార్‌, ఎస్కేయూ రిజిస్ట్రార్‌ రమేష్‌బాబు, ఇంటాక్‌ కన్వీనర్‌ రాంకుమార్‌, కో కన్వీనర్‌ పిడతల కృష్ణమూర్తి తదితరులు సమావేశంలో తమ అభిప్రాయాలను వెల్లడించారు.

తాడిపత్రి రూరల్‌: మూర్చ వ్యాధి ఒకరి ప్రాణాలు బలిగొంది. పోలీసులు తెలిపిన మేరకు... యాడికి మండలం రాయలచెరువుకు చెందిన శివశంకర్‌ కుమారుడు మోహన్‌కుమార్‌ (25) తన తండ్రి అనారోగ్యంతో బాధపడుతుండడంతో కుటుంబ పోషణ భారాన్ని ఎత్తుకున్నాడు. ఈ క్రమంలో భవన నిర్మాణ కార్మికుడిగా పనిచేస్తూ కుటుంబానికి చేదోడుగా నిలిచాడు. ఈ నేపథ్యంలో సోమవారం ఉదయం తన స్నేహితుడు మధుతో కలసి పనుల కోసమని ద్విచక్ర వాహనంపై తాడిపత్రికి బయలుదేరాడు. తేళ్లమిట్టపల్లి వద్దకు చేరుకోగానే బైక్‌ నడుపుతున్న మోహన్‌కుమార్‌కు ఫిట్స్‌ వచ్చాయి. దీంతో వాహనం అదుపు తప్పి డివైడర్‌ను ఢీకొంది. ఘటనలో తీవ్రంగా గాయపడిన మోహన్‌కుమార్‌, మధును అటుగా వెళుతున్న వారు గుర్తించి వెంటనే తాడిపత్రిలోని ఓ ప్రైవేట్‌ ఆస్పత్రికి తరలించారు. మోహన్‌కుమార్‌ పరిస్థితి ఆందోళకరంగా ఉండటంతో ప్రభుత్వాస్పత్రికి తీసుకెళ్లారు. అక్కడి వైద్యుల సూచన మేరకు అనంతపురానికి తరలించగా చికిత్స పొందుతూ మృతి చెందాడు. స్వల్పంగా గాయపడిన మధు ఆస్పత్రిలో చికిత్స పొందాడు. కుటుంబ సభ్యుల ఫిర్యాదు మేరకు కేసు నమోదు చేసినట్లు సీఐ శివగంగాధరరెడ్డి తెలిపారు.

అనంతపురం: భవిష్యత్తులో కృష్ణా, తుంగభద్ర జలాలు తగ్గే అవకాశముందని కరువు పీడిత ‘అనంత’ను, అదే విధంగా రాయలసీమలోని తక్కిన జిల్లాలను పరిరక్షించేందు కోసం రాయలసీమ లిఫ్ట్‌ ఇరిగేషన్‌ ప్రాజెక్ట్‌ను ప్రారంభించి మాజీ సీఎం వైఎస్‌ జగన్‌మోహన్‌రెడ్డి దార్శనికతను ప్రదర్శించారని వైఎస్సార్‌సీపీ పీఏసీ సభ్యుడు వై.విశ్వేశ్వరరెడ్డి, మాజీ ఎంపీ తలారి రంగయ్య అన్నారు. సోమవారం వైఎస్సార్‌సీపీ జిల్లా కార్యాలయంలో వారు విలేకరుల సమావేశం నిర్వహించారు. ఈ సందర్భంగా విశ్వేశ్వరరెడ్డి మాట్లాడుతూ వైఎస్‌ జగన్‌ ప్రతిపాదించిన ‘మావిగన్‌’కు ప్రజల నుంచి విశేష స్పందన వస్తుండటాన్ని జీర్ణించుకోలేక మంత్రులు ఇష్టానుసారంగా మాట్లాడుతున్నారని ధ్వజమెత్తారు. రాష్ట్ర ఆర్థిక శాఖ మంత్రి పయ్యావుల కేశవ్‌ ఓ క్రిమినల్‌ అని విమర్శించారు. గతంలో ఉరవకొండ ప్రాంతంలో అరాచకాలు రాజ్యమేలాయని, సూడో నక్సల్స్‌ పేరుతో హత్యాకాండ కొనసాగించారని, ఆఖరుకు పోలీస్‌స్టేషన్‌ పక్కనే హత్యలు జరిగిన ఘటనలూ ఉన్నాయని గుర్తు చేశారు. కేశవ్‌ తరహాలోనే అందరికీ నేర మనస్తత్వం ఉంటుందని భావించి ఇష్టానుసారంగా వ్యక్తిత్వ హననానికి పాల్పడుతున్నారని విమర్శించారు. ఆయన కమీషన్ల కక్కుర్తి తారస్థాయికి చేరిందని, ఆయన కమీషన్ల మంత్రి అంటూ టీడీపీ నాయకులే మాట్లాడుకుంటున్నారని ఎద్దేవా చేశారు. ఏడాదిలో హంద్రీ–నీవా లైనింగ్‌కు రూ.3 వేల కోట్లు ఖర్చు చేశామని కేశవ్‌ గొప్పలు చెప్పుకుంటుండటం సిగ్గుచేటన్నారు. పనుల్లో ఎక్కడా నాణ్యత లేదన్నారు. నిబంధనల ప్రకారం టెండర్లు పిలిచారా అని నిలదీశారు. లైనింగ్‌ పేరుతో హంద్రీ–నీవా నీటిని కుప్పంకు తరలించి ‘అనంత’ రైతుల కడుపు కొట్టారన్నారు. తమ హయాంలో హంద్రీ–నీవా కాలువ నీరు భూముల్లోకి ఇంకడం వల్ల వేలాది మంది రైతుల వ్యవసాయ బోర్లు రీచార్జ్‌ అయ్యాయని గుర్తు చేశారు. తాజాగా కాలువకు కాంక్రీట్‌ లైనింగ్‌ చేయడం వల్ల నీరు ఆగకుండా వెళ్లిపోతుండటంతో ఎక్కడా సమీప భూముల్లోకి ఇంకే అవకాశం లేకుండా చేసి రైతులకు తీరని అన్యాయం చేశారని మండిపడ్డారు. పోతిరెడ్డిపాడు విస్తరణకు అడుగడుగునా అడ్డు హంద్రీ–నీవా ప్రాజెక్ట్‌ను దివంగత ముఖ్యమంత్రి వైఎస్‌ రాజశేఖరరెడ్డి పూర్తి చేస్తే.. టీడీపీ నేతలు తమ ఖాతాలో వేసుకుని క్రెడిట్‌ చోరీకి పాల్పడుతున్నారని విశ్వేశ్వరరెడ్డి ఎద్దేవా చేశారు. వైఎస్సార్‌ చేపట్టిన పోతిరెడ్డిపాడు ప్రాజెక్టు విస్తరణకు చంద్రబాబు అడుగడుగునా అడ్డుపడ్డారని విమర్శించారు. తాను చెబితేనే చంద్రబాబు రాయలసీమ లిఫ్ట్‌ ఇరిగేషన్‌ ప్రాజెక్ట్‌ పనులు నిలిపివేశారని తెలంగాణ సీఎం రేవంత్‌రెడ్డి ఆ రాష్ట్ర అసెంబ్లీ సాక్షిగా పేర్కొన్నారని, సీఎం చంద్రబాబుకు, మంత్రులకు దమ్ము, ధైర్యం ఉంటే రేవంత్‌రెడ్డి చెప్పింది అబద్ధమని చెప్పగలరా అని సవాల్‌ చేశారు. రాయలసీమ ఎడారిగా మారే ప్రమాదం రాయలసీమ ఎత్తిపోతల పథకం ఆవశ్యకతపై వైఎస్సార్‌సీపీ చేపట్టిన అవగాహన కార్యక్రమాలు ప్రజలను ఆలోచింపజేస్తున్నాయని మాజీ ఎంపీ, కళ్యాణదుర్గం వైఎస్సార్‌సీపీ సమన్వయకర్త తలారి రంగయ్య అన్నారు. ఏదైనా ప్రాంతం నష్టపోతుందని భావించినపుడు అధికార, ప్రతిపక్ష పార్టీలతో కలిసి పరిరక్షణకు కృషి చేయాల్సిన చంద్రబాబు ప్రభుత్వం ఇందుకు భిన్నంగా వ్యవహరిస్తోందని విమర్శించారు. మంచి ప్రభుత్వం అని చెప్పడానికి ఏదైనా ఒక్కటైనా చేశారా అని నిలదీశారు. ఎన్ని ఇబ్బందులకు గురిచేసినా రాయలసీమ ఎత్తిపోతల పథకం, అక్రమ కేసులు, మహిళలపై అత్యాచారాలపై ప్రశ్నించి తీరతామని స్పష్టం చేశారు. కార్యక్రమంలో వైఎస్సార్‌సీపీ ఎస్సీ సెల్‌ రాష్ట్ర ప్రధాన కార్యదర్శి చామలూరు రాజగోపాల్‌, పార్టీ జిల్లా అధికార ప్రతినిధి సీపీ వీరన్న, దేవా, ఎస్టీ సెల్‌ నగర కార్యదర్శి గుజ్జల శివయ్య తదితరులు పాల్గొన్నారు. ‘మావిగన్‌’ను జీర్ణించుకోలేకే మంత్రుల అవాకులు తారస్థాయికి చేరిన క్రిమినల్‌ కేశవ్‌ కమీషన్ల కక్కుర్తి వైఎస్సార్‌సీపీ పీఏసీ సభ్యుడు వై.విశ్వేశ్వరరెడ్డి ధ్వజం చంద్రబాబు నిర్వాకంతో సీమ ఎడారిగా మారుతోంది మాజీ ఎంపీ, వైఎస్సార్‌సీపీ సమన్వయకర్త తలారి రంగయ్య

జిల్లా అంతటా 40 నుంచి 43 డిగ్రీలతో భానుడి భగభగలు అనంతపురం అగ్రికల్చర్‌: మండే ఎండలకు ఉమ్మడి ‘అనంత’ అట్టుడుకుతోంది. ఉష్ణోగ్రతలు రోజు రోజుకూ పెరుగుతుండటంతో జనజీవనం స్తంభించే స్థాయికి చేరుకుంటోంది. వేసవితాపం అధికం కావడంతో ప్రజలతో పాటు పశుపక్ష్యాదులు, జంతుజాలం విలవిలలాడుతోంది. సోమవారం తాడిపత్రి మండలం తేరన్నపల్లిలో 43.1 డిగ్రీల గరిష్ట ఉష్ణోగ్రత నమోదవడం ఆందోళన కలిగిస్తోంది. జిల్లా అంతటా 40 నుంచి 43 డిగ్రీలతో భానుడి భగభగలు కొనసాగుతున్నాయి. శింగనమల 41.8, నార్పల 41.6, పుట్లూరు 41.4, యల్లనూరు 41.4, విడపనకల్లు 41.3, ఆత్మకూరు 41.1, కళ్యాణదుర్గం 41.1, పెద్ద పప్పూరు 41 డిగ్రీలు...ఇలా తూర్పు, ఉత్తర ప్రాంత మండలాల్లో ఎండ తీవ్రత తారస్థాయికి చేరుకుంది. అనంతపురం, గుంతకల్లు, వజ్రకరూరు, బుక్కరాయ సముద్రం, బొమ్మనహాళ్‌, గుత్తి, కంబదూరు మండలాల్లో కూడా వేసవితాపం అధికంగా ఉంది. ● శ్రీసత్యసాయి జిల్లాలో కూడా రామగిరి 41.1 డిగ్రీలు, ధర్మవరం 40.6, పుట్టపర్తి 40.5, ఎన్‌పీ కుంట 40.4, ముదిగుబ్బ 40.2, నల్లమాడ 40.2 డిగ్రీల మేర ఎండ తీవ్రత కొనసాగుతోంది. రాత్రి ఉష్ణోగ్రతలు కూడా 24 నుంచి 29 డిగ్రీల మధ్య నమోదవుతూ సెగలు పుట్టిస్తున్నాయి. వడగాల్పులు కూడా 6 నుంచి 8 కిలోమీటర్ల వేగంతో జనానికి ముచ్చెమటలు పట్టిస్తున్నాయి. ఉదయం 8 నుంచి సాయంత్రం 6 గంటల వరకు సూరీడు సలసలమంటున్న పరిస్థితి నెలకొంది. ఏసీలు మినహా ఫ్యాన్లు, కూలర్లు పెద్దగా పనిచేసే పరిస్థితి లేక రాత్రింబవళ్లు జనం ఉడికిపోతున్నారు. మధ్యాహ్న సమయంలో రహదారులు నిర్మానుష్యంగా మారుతున్నాయి. ఇటీవల వడదెబ్బ మరణాలు కూడా పెరుగుతుండటం ఆందోళన కలిగిస్తోంది. రానున్న రోజులు మరింత భయానకమే ఇప్పుడే ఇలా ఉంటే ఈ నెల 16 నుంచి మొదలయ్యే వైశాఖ మాసం, వచ్చే నెలలో రోహిణి కార్తెలను తలచుకుని జనం మరింత భయపడిపోతున్నారు. ‘ఎల్‌–నినో’ కారణంగా ఈసారి వేసవితాపం పతాకస్థాయికి చేరుకునే ప్రమాదం ఉన్నట్లు శాస్త్రవేత్తలు హెచ్చరిస్తున్నారు. ప్రజలు జాగ్రత్తలు తప్పనిసరిగా తీసుకోవాలని హెచ్చరిస్తున్నారు. ఐస్‌ లేకుండా మంచినీళ్లు, మజ్జిగ, ఓఆర్‌ఎస్‌, కొబ్బరినీళ్లు, పుచ్చకాయ, బత్తాయి లాంటి పండ్లరసాలు, చెరకు రసం లాంటివి ఎక్కువగా తీసుకోవాలని సూచిస్తున్నారు. గొడుగు, టోపీ, మాస్క్‌ లాంటివి లేకుండా బయటకు రాకూడదని చెబుతున్నారు. ఏ మాత్రం అలసత్వం వహించినా వడదెబ్బకు గురయ్యే ప్రమాదం ఉంటుందని హెచ్చరిస్తున్నారు. అనంతపురంలో ఎండకు తట్టుకోలేక స్కార్ఫ్‌లతో ఇలా..అనంతపురంలో ఎండ సెగకు ఏడుస్తున్న చిన్నారి

రాయదుర్గం టౌన్‌: దేశంలో ప్రతి ఐదేళ్లకోసారి జనగణన చేపట్టడం ఆనవాయితీగా వస్తోంది. చివరి సారి 2011లో జనాభా లెక్కించారు. 2021లో కరోనా మహమ్మారి కారణంగా దేశంలో లాక్‌డౌన్‌ పరిస్థితుల్లో ఈ ప్రక్రియకు బ్రేక్‌ పడింది. ప్రస్తుతం 2026–27లో జన గణనను కేంద్రం ప్రభుత్వం నిర్వహిస్తోంది. అతి పెద్దదైన ఈ కార్యక్రమానికి జిల్లా అధికారులు సమాయత్తమయ్యారు. డేటా గోప్యతకు ప్రాధాన్యత ప్రజల వ్యక్తిగత వివరాలకు అత్యంత గోప్యతనిస్తూ ఈసారి స్వీయ గణనకు (సెల్ఫ్‌ ఎన్యుమరేషన్‌)కు అవకాశం కల్పించారు. దీంతో ప్రపంచ వ్యాప్తంగా ఎక్కడి నుంచైనా జన గణనలో పాల్గొనే వెసులుబాటు దక్కింది. ఇది స్థానికంగా అందుబాటులో లేని వారికి ఎంతో ఉపయుక్తంగా మారింది. మొత్తం రెండు దశల్లో సాగనున్న ఈ ప్రక్రియలో తొలి విడతగా ఇళ్ల వివరాలు, సదుపాయాల సర్వే చేపట్టనున్నారు. మే 1 నుంచి మే 30 వరకు ఈ ప్రక్రియ కొనసాగుతుంది. ఇక రెండో దశలో జనాభా లెక్కింపు ఉంటుంది. సామాజిక, ఆర్థిక, సాంస్కృతిక స్థితిగతుల ఆధారంగా జనగణన ఉంటుంది. తొలి సారి దేశవ్యాప్తంగా పూర్తిగా డిజిటల్‌ విధానంలో అందుబాటులోకి తెచ్చిన ఈ ప్రక్రియలో ఈ నెల 16 నుంచి ప్రజలు తమ వ్యక్తిగత వివరాలను ఎవరికి వారే నేరుగా వెబ్‌సైట్‌ ద్వారా నమోదు చేసుకోవచ్చు. ఈ నెల 30 వరకు స్వీయ గృహ గణన కార్యక్రమాన్ని చేపడతారు. ఈ ప్రక్రియ కోసం ఇప్పటికే ఎన్యుమరేటర్లు, సూపర్‌వైజర్లు, చార్జ్‌ ఆఫీసర్లను ఎంపిక చేసి క్షేత్రస్థాయిలో శిక్షణ కల్పిస్తున్నారు. 16 నుంచి స్వీయగణన జనాభా లెక్కల అధికారులు ఇళ్ల వద్దకు వచ్చినప్పుడు లేకపోవడం, ఉద్యోగ, వ్యాపారరీత్యా వేరే ప్రాంతాల్లో నివసిస్తున్న వారికి ప్రభుత్వం ఈసారి కొత్తగా స్వీయ జనగణనకు అవకాశం కల్పించింది. డిజిటల్‌ సెన్సెస్‌లో భాగంగా ప్రజలు ప్రభుత్వం రూపొందించిన ప్రత్యేక యాప్‌ ద్వారా తమ వివరాలను ఆన్‌లైన్‌లో నమోదు చేసుకోవచ్చు. జనాభా లెక్కింపు అధికారులు ఇంటి వద్దకు రాకముందే ప్రజలు తమ వివరాలను అధికారిక వెబ్‌సైట్‌లో నమోదు చేయడానికి అవకాశం కల్పించారు. స్వీయ జనగణనకు దేశంలోని ప్రతి రాష్ట్రానికీ నిర్ణీత సమయాన్ని కేంద్ర ప్రభుత్వం కేటాయించింది. ఈ క్రమంలోనే ఏపీలో స్వీయ గణనకు ఈ నెల 6 నుంచి 30వ తేదీ వరకు అవకాశం ఉంది. ఎలా నమోదు చేయాలంటే.. స్వీయ గణన కోసం https://se.census.gov.in వెబ్‌సైట్‌లో లాగిన్‌ కావడం ద్వారా వ్యక్తిగత వివరాలను నమోదు చేసుకోవచ్చు. ఈ వెబ్‌సైట్‌లోకి వెళ్లి రాష్ట్రాన్ని సెలెక్ట్‌ చేసుకుని క్యాప్చా నమోదు చేయాలి. తర్వాత కుటుంబ యజమాని పేరు, మొబైల్‌ నెంబర్‌ ధ్రువీకరించాలి. భాషను ఎంపిక చేసుకుని ఓటీపీ నమోదు చేయాలి. లొకేషన్‌ వివరాలను నమోదు చేశాక కుటుంబానికి సంబంధించిన వివరాల గురించి 33 ప్రశ్నలకు సమాధానాలు నింపాలి. ఇందులో సొంత ఇల్లు ఉందా? అద్దె ఇంట్లో ఉంటున్నారా? ఎల్‌పీజీ గ్యాస్‌ వాడుతున్నారా? కారు లేదా బైక్‌ ఉందా లాంటి ప్రశ్నలుంటాయి. అన్ని వివరాలను నమోదు చేశాక ఒకసారి ప్రివ్యూ చూసుకుని ఫైనల్‌ సబ్మిషన్‌ బటన్‌ నొక్కాలి. 11 అంకెల సెల్ఫ్‌ ఎన్యుమరేషన్‌ ఐడీ జనరేట్‌ అవుతుంది. దీన్ని జాగ్రత్తగా పెట్టుకోవాలి. ఎన్యుమరేటర్‌ ఇంటికి వచ్చినప్పుడు ఈ ఐడీ నంబర్‌ చెబితే సరిపోతుంది. ఇచ్చిన వివరాలలో ఏవైనా తప్పులు, మార్పులు ఉంటే ఎన్యుమరేటర్‌ సమక్షంలో సరిచేసుకునే అవకాశం ఉంటుంది. డిజిటల్‌ జనగణన కోసం ప్రత్యేక కార్యాచరణ ప్రజలే నమోదు చేసుకునేలా వెసులుబాటు ఎక్కడి నుంచైనా ‘సెల్ఫ్‌ ఎన్యుమరేషన్‌’కు అవకాశం సొంతూళ్లలో లేని వారికి ఉపయుక్తం

అనంతపురం ఎడ్యుకేషన్‌: మహిళా టీచర్ల సమస్యలు పరిష్కరించాలని ఐక్య ఉపాధ్యాయ ఫెడరేషన్‌ (యూటీఎఫ్‌) నాయకులు ప్రభుత్వాన్ని డిమాండ్‌ చేశారు. ఆదివారం జిల్లా శాఖ ఆధ్వర్యంలో ఇన్‌చార్జ్‌ డీఈఓ శ్రీనివాసరావుకు వినతిపత్రం అందజేశారు. ఈ సందర్భంగా జిల్లా అధ్యక్షుడు కోటేశ్వరప్ప, రాష్ట్ర ఆడిట్‌ కమిటీ సభ్యులు రమణయ్య మాట్లాడుతూ జిల్లాలో సుమారు 50 శాతం మంది మహిళా ఉపాధ్యాయులు పనిచేస్తున్నారన్నారు. అయితే వారు అనేక సమస్యలను ఎదుర్కొంటున్నారని చెప్పారు. పాఠశాలల్లో వాష్‌రూమ్‌లు, టాయిలెట్‌ సౌకర్యాలు లేక ఇబ్బందులు పడుతున్నారన్నారు. మహిళా ఉపాధ్యాయుల కోసం ప్రత్యేక స్టాఫ్‌ రూమ్‌ ఏర్పాటు చేయాలన్నారు. మానసిక ఒత్తిడి తగ్గించేందుకు స్ట్రెస్‌ మేనేజ్‌మెంట్‌ కౌన్సిలర్లను నియమించాలన్నారు. చైల్డ్‌ కేర్‌ లీవ్‌ వినియోగంలో సౌలభ్యం కల్పించాలని కోరారు. జిల్లా కేంద్రంలో ప్రత్యేక లీగల్‌ సెల్‌ ఏర్పాటు చేయాలని డిమాండ్‌ చేశారు. రాష్ట్ర కౌన్సిలర్‌ గోవిందరాజులు, జిల్లా కార్యదర్శి అర్జున్‌, సీనియర్‌ నాయకులు నాగేంద్ర, శ్రీనివాసులు, బసవరాజు, అనిల్‌ కుమార్‌, సురేష్‌ బాబు, నాగార్జున, వెంకటేష్‌ పాల్గొన్నారు. మతిస్థిమితం లేని మహిళ మృతిఉరవకొండ: మండల పరిధిలోని చిన్నమూష్టూరు గ్రామ సమీపంలోని హంద్రీనీవా కాలువ వద్ద మతిస్థిమితం లేని మహిళ (30 నుంచి 40 ఏళ్లు) మృతి చెందినట్లు పోలీసులు గుర్తించారు. మృతదేహాన్ని ఉరవకొండ ప్రభుత్వాస్పత్రికి తరలించిన అనంతరం సీఐ మహానంది మాట్లాడుతూ కొన్ని రోజులుగా మతిస్థిమితం లేని మహిళ హంద్రీనీవా కాలువ గట్ల వద్ద ఉంటూ తిరిగేదన్నారు. ఆహారం లేక ఎండ వేడిమికు తట్టుకోలేక కాలువ సమీపంలోని చెట్టు కింద మృతి చెందినట్లు పేర్కొన్నారు. రెండు రోజుల క్రితం యాచకురాలు మృతి చెంది ఉంటుందని అనుమానం వ్యక్తం చేశారు. వీఆర్‌ఓ ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నామన్నారు. రైలు కింద పడి వ్యక్తి మృతి కదిరి అర్బన్‌: మండల పరిధిలోని కాళసముద్రం సమీపంలో శనివారం అర్ధరాత్రి రైలు కింద పడి కదిరి మండలం చిప్పలమడుగు గ్రామానికి చెందిన రామాంజినేయులు (55) అనే వ్యక్తి మృతి చెందాడు. మృతునికి భార్య, పిల్లలు ఉన్నారు. అయితే ఆత్మహత్యకు గల కారణాలు పోలీసుల దర్యాప్తులో తేలాల్సి ఉంది.

అనంతపురం ఎడ్యుకేషన్‌: ‘అనంత’ విద్యార్థినికి జపాన్‌ దేశం నుంచి పిలుపు వచ్చింది. సైన్స్‌లో కనబరచిన ప్రతిభకు అంతర్జాతీయ వేదికపై గుర్తింపు లభించింది. గుంతకల్లు మండలం కసాపురం జిల్లా పరిషత్‌ ఉన్నత పాఠశాలలో పదో తరగతి పూర్తిచేసి ప్రస్తుతం ఇడుపులపాయలో ఇంటర్‌ చదువుతున్న కావలి జ్యోతి తన సృజనాత్మకతతో రాష్ట్రానికి గర్వకారణంగా నిలిచింది. ‘సోలార్‌ మల్టీపర్పస్‌ పోర్టబుల్‌ టెంట్‌’ అనే వినూత్న నమూనాను రూపొందించిన విద్యార్థిని ప్రతిభకు గుర్తింపుగా, దేశవ్యాప్తంగా నిర్వహించిన ఇన్‌స్పైర్‌ మనక్‌ జాతీయస్థాయికి ఎంపిక కావడం గమనార్హం. ఈ ప్రతిభతో ఆమెకు అంతర్జాతీయ స్థాయిలో మరొక గొప్ప అవకాశం లభించింది. జపాన్‌ సైన్స్‌, టెక్నాలజీ ఏజెన్సీ నిర్వహిస్తున్న ప్రతిష్టాత్మక ‘సకుర సైన్స్‌ ప్రోగ్రాం’ కింద ఆంధ్రప్రదేశ్‌ నుంచి ఐదుగురు విద్యార్థులు ఎంపిక కాగా.. అందులో కావలి జ్యోతి ఒకరు ఉండడం విశేషం. ఈ కార్యక్రమం ద్వారా యువ శాస్త్రవేత్తలకు జపాన్‌లో సైన్స్‌, టెక్నాలజీ రంగాల్లో జ్ఞానాన్ని పంచుకునే అరుదైన అవకాశం లభించనుంది. ఈ సందర్భంగా జిల్లా విద్యాశాఖాధికారి (డీఈఓ) శ్రీనివాసరావు, సమగ్ర శిక్ష ఏపీసీ శైలజ, పాఠశాల ప్రధానోపాధ్యాయులు, ఉపాధ్యాయులు ఆనందం వ్యక్తం చేసి జ్యోతిని అభినందించారు. ప్రత్యేకంగా విద్యార్థిని మార్గదర్శకులు ఉపాధ్యాయులు నారాయణ సేవలను కొనియాడారు. ఇలాంటి ప్రతిభను వెలికితీయడంలో ఉపాధ్యాయుల పాత్ర ఎంతో ఉందని పేర్కొన్నారు. సైన్స్‌లో ప్రతిభకు అంతర్జాతీయ గుర్తింపు

అనంతపురం టౌన్‌: అద్దె భవనం ఖాళీ చేయించే విషయంలో కోర్టు అక్షింతలు ఓ వైపు.. మరొకచోటకు పోరాదంటూ ప్రజాప్రతినిధి హూంకరింపు మరొక వైపు స్టాంప్స్‌ అండ్‌ రిజి స్ట్రేషన్స్‌ శాఖ అధికారులను ఉక్కిరిబిక్కిరి చేస్తున్నాయి. అనంతపురం రామ్‌నగర్‌లోని అద్దె భవనాల్లో జిల్లా రిజిస్ట్రార్‌ (డీఆర్‌) కార్యాలయంతో పాటు అర్బన్‌ రిజిస్ట్రేషన్‌ కార్యాలయం నిర్వహిస్తున్నారు. అయితే సంబంధిత భవన యజమాని కార్యాలయాన్ని ఖాళీ చేయాలని కోర్టును ఆశ్రయించారు. ఈ మేరకు కోర్టు కూడా నిర్ణీత గడువులోపు ఖాళీ చేయాలని స్పష్టమైన ఉత్తర్వులు జారీ చేసింది. అయితే గడువుదాటినా ఖాళీ చేయకపోవడంతో భవన యజమాని మరోమారు హైకోర్టును ఆశ్రయించారు. కోర్టు ధిక్కరణ కిందకు రావడంతో అప్పటి జిల్లా రిజిస్ట్రార్‌ భార్గవ్‌ కోర్టుకు హాజరై మరికొంత గడువు కోరారు. అనంతరం కార్యాలయ మార్పు కోసం అద్దె భవనం కావాలని ప్రకటనలు ఇచ్చారు. బళ్లారి రోడ్డులోని ఓ భవన యజమాని ముందుకు రావడంతో అధికారులు ఒప్పందం కుదుర్చుకున్నారు. ఈ మేరకు అధికారులు కార్యాలయాన్ని సదరు భవనంలోకి మార్చడానికి కసరత్తు పూర్తి చేశారు. ఇంతలో డాక్యుమెంట్‌ రైటర్లు స్థానిక ప్రజాప్రతినిధి వద్దకు వెళ్లి కార్యాలయాన్ని ఇక్కడే కొనసాగేలా చూడాలని మొరపెట్టుకున్నారు. ఈ మేరకు రామ్‌ నగర్‌ ప్రాంతం నుంచి మరొక చోటుకు మారకూడదంటూ ప్రజాప్రతినిధి హుకుం జారీ చేసినట్లు తెలిసింది. దీంతో అధికారులు ప్రత్యామ్నాయ భవనం కోసం అన్వేషించారు. అయితే రామ్‌నగర్‌లో అద్దె భవనం దొరకలేదు. కోర్టు ఆదేశాలు ధిక్కరించలేక.. ప్రజాప్రతినిధి మాటను కాదని ముందుకెళ్లలేక మదనపడుతున్నారు. భవనాన్ని మీరే అద్దెకు ఇప్పించండని కోరితే ప్రజాప్రతినిధి ‘ఏమి చేసుకుంటారో నాకు తెలీదు. కార్యాలయం ఇదే ప్రాంతంలో ఉండాల్సిందే’ అంటూ మరోమారు గద్దించారని సమాచారం. ఎవ్వరూ ఒత్తిడి చేయలేదు రామ్‌నగర్‌లోని అద్దెభవనంలో ఉన్న రిజిస్ట్రేషన్‌ శాఖ కార్యాలయాన్ని మార్చాలని హైకోర్టు ఉత్తర్వులు జారీ చేసిన మాట వాస్తవమే. అందులో భాగంగానే భవనం కోసం వెతికాం. బళ్లారి రోడ్డులో భవనం ఎంపిక చేశాం. స్టాంప్స్‌ అండ్‌ రిజిస్ట్రేషన్స్‌ శాఖ డీఐజీ సెలవులో ఉన్నారు. వారు వచ్చిన తర్వాత కార్యాలయం మార్పుపై నిర్ణయం తీసుకుంటాం. రిజిస్ట్రేషన్‌ కార్యాలయాన్ని మార్చకూడదని.. ఇక్కడే ఉంచాలని ఏ ప్రజాప్రతినిధీ మమ్మల్ని ఒత్తిడి చేయలేదు. – బి.శ్రీనివాసులు, జిల్లా రిజిస్ట్రార్‌, స్టాంప్స్‌ అండ్‌ రిజిస్ట్రేషన్స్‌ శాఖ జిల్లా రిజిస్ట్రార్‌ కార్యాలయ భవనం ఖాళీకి కోర్టు ఆదేశం స్థానికంగా ఉండాలంటున్న అర్బన్‌ ప్రజాప్రతినిధి సమీపంలో దొరక్క.. ఉన్న భవనం ఖాళీ చేయలేక.. సందిగ్ధంలో స్టాంప్స్‌ అండ్‌ రిజిస్ట్రేషన్‌ అధికారులు

అనంతపురం అర్బన్‌: కలెక్టరేట్‌ రెవెన్యూ భవన్‌లో సోమవారం ప్రజాసమస్యల పరిష్కార వేదిక నిర్వహించనున్నట్లు కలెక్టర్‌ ఆనంద్‌ ఆదివారం ఒక ప్రకటనలో తెలిపారు. ఉదయం 9 నుంచి మధ్యాహ్నం ఒంటి గంట వరకు నిర్వహించనున్న కార్యక్రమంలో ప్రజలు తమ సమస్యలను అర్జీ రూపంలో అధికారులకు సమర్పించాలన్నారు. భూసమస్యల అర్జీలను పరిష్కార వేదికలో భాగంగా ఏర్పాటు చేసిన రెవెన్యూ క్లినిక్‌లో అందజేయాలని సూచించారు. అర్జీ పరిష్కార స్థితిని కాల్‌సెంటర్‌ 1100కు ఫోన్‌ చేసి తెలుసుకోవచ్చని పేర్కొన్నారు. ప్రజలు తమ అర్జీలను పరిష్కార వేదికలోనే కాకుండా meekosam.ap.gov.in ద్వారా కూడా సమర్పించవచ్చని తెలియజేశారు. సజావుగా ఫ్లాగ్‌షిప్‌ పరీక్ష అనంతపురం అర్బన్‌: యూపీఎస్‌సీ ఆధ్వర్యంలో ఆదివారం అనంతపురంలో నిర్వహించిన ఫ్లాగ్‌షిప్‌ (ఎన్‌డీఏ, ఎన్‌ఏ, సీడీఏ) పరీక్ష సజావుగా జరిగింది. పరీక్షలకు 522 మంది అభ్యర్థులకు గానూ 340 మంది హాజరయ్యారు. ఎస్‌ఎస్‌బీఎన్‌ కేంద్రంలో జరిగిన కంబైన్డ్‌ డిఫెన్స్‌ అకాడమీ (సీడీఏ) పరీక్షకు అభ్యర్థుల హాజరు 55 శాతం నమోదయ్యింది. కేఎస్‌ఆర్‌ కళాశాల కేంద్రంలో జరిగిన నేషనల్‌ డిఫెన్స్‌ అకాడమీ (ఎన్‌డీఏ), నావల్‌ అకాడమీ (ఎన్‌ఏ) పరీక్షకు అభ్యర్థుల హాజరు 65.18 శాతం నమోదయ్యింది. పరీక్ష కేంద్రాలను కలెక్టర్‌ ఆనంద్‌ సందర్శించి పరీక్ష జరుగుతున్న తీరును, మౌలిక సదుపాయాల కల్పనను పరిశీలించారు. నేడు డయల్‌ యువర్‌ ఎస్పీడీసీఎల్‌ సీఎండీ అనంతపురం టౌన్‌: విద్యుత్‌ వినియోగదారుల సమస్యల పరిష్కారం కోసం సోమవారం ఉదయం 10 గంటల నుంచి మధ్యాహ్నం 12.30 గంటల వరకు డయల్‌ యువర్‌ ఎస్పీడీసీఎల్‌ సీఎండీ కార్యక్రమాన్ని నిర్వహిస్తున్నట్లు సీఎండీ శివశంకర్‌ లోతేటి ఆదివారం ఒక ప్రకటనలో తెలిపారు. విద్యుత్‌ సమస్యలున్న వినియోగదారులు సెల్‌: 8977716661 నంబర్‌కు ఫోన్‌ చేసి ఫిర్యాదు చేయాలన్నారు. ఫోన్‌ చేసే వినియోగదారులు తమ విద్యుత్‌ నంబర్‌ను తప్పకుండా తెలియజేయాలని సూచించారు. జిల్లాలో డయల్‌ యువర్‌ ఎస్‌ఈ.. జిల్లాలో డయల్‌ యువర్‌ ఎస్‌ఈ కార్యక్రమాన్ని ఉదయం 8.30 గంటల నుంచి 9.30 గంటల వరకు నిర్వహిస్తున్నట్లు విద్యుత్‌శాఖ ఎస్‌ఈ శేషాద్రి శేఖర్‌ తెలిపారు. విద్యుత్‌ సమస్యలున్న వినియోగదారులు ఫోన్‌ నంబర్లు 08554–272943, 9154790350కు ఫోన్‌ చేసి ఫిర్యాదు చేయాలన్నారు. వడదెబ్బతో వృద్ధురాలి మృతి కూడేరు: భగభగమని మండుతున్న ఎండలకు ఓ వృద్ధురాలు వడదెబ్బకు గురై మృతి చెందింది. గార్లదిన్నె మండలం సంజీవపురానికి చెందిన బొగ్గు వెంకటలక్ష్మమ్మ (65) ఆదివారం కూడేరులో పోలీసు స్టేషన్‌ వెనుక వైపు వ్యవసాయ పొలంలో విగతజీవిగా కనిపించింది. వెంటనే ఆ పొలం రైతు పోలీసులకు సమాచారమిచ్చాడు. పోలీసులు ఘటనా స్థలాన్ని పరిశీలించగా.. ఆమె వద్ద లభించిన కవర్లో ఆస్పత్రి చీటీ కనిపించింది. అందులో ఉన్న చిరునామా ఆధారంగా కుమారుడు సోముకు సమాచారమిచ్చారు. అతను వచ్చి చనిపోయినది తన తల్లి వెంకటలక్ష్మమ్మ అని గుర్తించాడు. తన తల్లి పుట్టినిల్లు అరవకూరని, మతిస్థిమితం సరిగా లేకపోవడంతో ఇంటి వద్ద ఉండకుండా తిరుగుతుండేదని చెప్పాడు. రెండు రోజుల క్రితం ఇంటి నుంచి బయటకు వచ్చిందని తెలిపాడు. ఈ క్రమంలో శనివారం ఆమె వడదెబ్బకు గురై మృతి చెంది ఉండవచ్చని పోలీసులు భావిస్తున్నారు. మృతిపై ఎలాంటి అనుమానాలూ లేవని చెప్పడంతో మృతదేహాన్ని కుటుంబ సభ్యులకు అప్పగించారు.

అనంతపురం ఎడ్యుకేషన్‌: రాష్ట్ర ప్రభుత్వం వెంటనే ిపీఆర్సీ కమిటీని ఏర్పాటు చేసి 30 శాతం మధ్యంతర భృతి (ఐఆర్‌) ప్రకటించాలని రిజిస్టర్డ్‌ ఉపాధ్యాయ సంఘాల యునైటెడ్‌ ఆర్గనైజేషన్‌ (రూసో) నాయకులు డిమాండ్‌ చేశారు. ఆదివారం స్థానిక 10వ తరగతి స్పాట్‌ వాల్యూయేషన్‌ కేంద్రం వద్ద రూసో జిల్లా శాఖ ఆధ్వర్యంలో నల్ల బ్యాడ్జీలతో నిరసన చేపట్టారు. ఏపీ పీఎస్‌ హెచ్‌ఎం అసోసియేషన్‌ జిల్లా అధ్యక్షుడు రామాంజనేయులు మాట్లాడుతూ ిపీఆర్సీ గడువు ముగిసి మూడేళ్లు పూర్తవుతున్నా ప్రభుత్వం కనీస చర్యలు తీసుకోలేదన్నారు. పెరుగుతున్న ధరలకు అనుగుణంగా వేతనాలు పెంచాల్సిన అవసరం ఉందన్నారు. ఎన్‌టీఏ జిల్లా అధ్యక్షుడు జయరాం నాయక్‌, కార్యదర్శి రవీంద్రబాబు మాట్లాడుతూ పెండింగ్‌లో ఉన్న నాలుగు డీఏలను వెంటనే విడుదల చేయాలని డిమాండ్‌ చేశారు. గిరిజన ఉపాధ్యాయ సంఘం ప్రధాన కార్యదర్శి డెగావత్‌ రవి మాట్లాడుతూ సీపీఎస్‌ను రద్దు చేసి ఓపీఎస్‌ను అమలు చేయాలని, పింఛను ఉద్యోగుల హక్కు అని పేర్కొన్నారు.

అనంతపురం ఎడ్యుకేషన్‌: అనంతపురం న్యూటౌన్‌ జూనియర్‌ కళాశాలలో ఇటీవల ముగిసిన ఇంటర్‌ జవాబుపత్రాల మూల్యాంకన (స్పాట్‌ వాల్యుయేషన్‌) శిబిరంలో గందరగోళ పరిస్థితులు నెలకొన్న విషయం ఆలస్యంగా వెలుగులోకి వచ్చింది. పలు అక్రమాలు చోటుచేసుకున్నాయనే ఆరోపణలున్నాయి. బోర్డు నుంచి సీనియార్టీ ఆధారంగా వచ్చిన చీఫ్‌ ఎగ్జామినర్ల (సీఈ) జాబితాలో మార్పులు చేయడం వివాదానికి దారితీసింది. సీనియర్‌ లెక్చరర్లను పక్కనబెట్టి జూనియర్లను నియమించడం, విధి విధానాలను ఉల్లంఘిస్తూ నియామకాల్లో ఇష్టానుసారం వ్యవహరించడం శిబిరంలో అసంతృప్తిని రగిల్చింది. దీనికి తోడు అధికారుల మధ్య సమన్వయం లోపించింది. ఈ క్రమంలో రగడ రాజుకుందని సీఈలు, ఏఈలు విమర్శిస్తున్నారు. గొడవలు, పరస్పర దూషణలు చోటుచేసుకోవడం పరిస్థితిని మరింత ఉద్రిక్తంగా మార్చింది. ఇంకా ఆందోళన కలిగించే విషయం ఏమిటంటే ఒక జవాబు పత్రం మాయమై నాలుగు రోజుల తర్వాత క్యాంపు బయట లభించడం. సీనియార్టీని అనుసరించి చీఫ్‌ ఎగ్జామినర్‌ (సీఈ)ల నియామకం ఇంటర్మీడియెట్‌ బోర్డు అధికారుల నుంచే జరుగుతుంది. ఈ క్రమంలో ఇంగ్లిష్‌ సబ్జెక్టుకు సంబంధించి మొత్తం 12 మందితో సీనియార్టీ జాబితా పంపారు. దీన్నికాదని జిల్లాస్థాయిలో మరో జాబితా తయారు చేయడం.. అందులో సీనియార్టీని అనుసరించకపోవడం అనుమానాలకు తావిస్తోంది. బోర్డు నుంచి వచ్చిన జాబితాలో 5వ పేరులోఉన్న ప్రిన్సిపాల్‌..ఇక్కడి జాబితాలో 14వ పేరుగా మార్చడమే ఇందుకు నిదర్శనం. గణితం సబ్జెక్టులోనూ ఇదే రకంగా జరిగిందని అధ్యాపకులు చెబుతున్నారు. క్యాంపులో ఓ జవాబుపత్రాన్ని ‘మాయ’ం చేశారు. ఈ విషయం గతనెల 31న వెలుగులోకి వచ్చింది. సంబంధిత ఏఈ, సీఈలకు ముచ్చెమటలు పట్టాయి. వారికి షోకాజ్‌ నోటీసులు కూడా జారీ చేసినట్లు తెలిసింది. ఈ దుమారం క్యాంపు మొత్తం వైరల్‌ కావడంతో పెద్ద చర్చ జరిగింది. ఈ ఘటన మూల్యాంకన ప్రక్రియ భద్రతపై తీవ్ర అనుమానాలను రేకెత్తిస్తోంది. విద్యార్థుల భవిష్యత్తును నిర్ణయించే కీలక ప్రక్రియలో ఇలాంటి నిర్లక్ష్యం చోటుచేసుకోవడం పట్ల విద్యావర్గాలు ఆగ్రహం వ్యక్తం చేస్తున్నాయి. క్యాంపులో మిస్‌ అయిన జవాబుపత్రం నాలుగు రోజుల తర్వాత అదికూడా క్యాంపునకు సంబంధం లేనిచోట లభించింది. దాదాపు 300 మీటర్ల దూరంలో ఉన్న ఫిజిక్స్‌ ల్యాబ్‌లో దొరకడం అనుమానాలకు తావిస్తోంది. క్యాంపులో సీసీ కెమెరాలు ఏర్పాటు చేశారు. నిత్యం ప్రధానగేటుకు తాళం వేసే ఉంటుంది. బయట వారికి అనుమతి ఉండదు. అలాగే ఫిజిక్స్‌ ల్యాబ్‌కు తాళం వేసే ఉంటుంది. అధికారులు, సీసీ కెమెరాల పర్యవేక్షణలో ఉండే శిబిరం నుంచి మాయమైన జవాబుపత్రం.. తాళం వేసి ఉండే ల్యాబ్‌లో ఎలా దొరికిందనేది అంతుచిక్కని ప్రశ్న. దీని వెనుక దాగి ఉన్న కుట్రకోణం బయటకు రావాలని ప్రిన్సిపాళ్లు, అధ్యాపకులు డిమాండ్‌ చేస్తున్నారు. సీసీ కెమెరాల ఫుటేజీలను పరిశీలిస్తే ఇంటిదొంగలు బయటపడతారని చెబుతున్నారు. పరిస్థితి ఇలాగే కొనసాగితే సీఈలు, ఏఈలు మూల్యాంకన విధులంటేనే బెంబెలేత్తే పరిస్థితి వస్తుందని వారు వాపోతున్నారు. స్పాట్‌ వాల్యుయేషన్‌ క్యాంపులో జరిగిన అవకతవకలపై స్వయంగా కంట్రోలర్‌ ఆఫ్‌ ఎగ్జామినేషన్స్‌ (సీఓఈ)కు ఓ అసిస్టెంట్‌ క్యాంపు అధికారి (జనరల్‌) ఫిర్యాదు చేయడం కలకలం రేపుతోంది. అనవసరమైన వాగ్వాదాలతో తొలిరోజు శిబిరం బాగా ఆలస్యమైందని, ఏసీఓ (జనరల్‌)ను పక్కనపెట్టి అన్నీతానై క్యాంపు అధికారి వ్యవహరించారంటూ ఫిర్యాదులో పేర్కొన్నారు. ఇతరులకు అవకాశం ఇవ్వకుండా అప్పటికే పని చేసిన వ్యక్తిని మళ్లీ సీఈగా నియమించారని తెలిపారు. స్పాట్‌ వాల్యుయేషన్‌ వాట్సాప్‌ గ్రూప్‌లో కూడా ఏసీఓ జనరల్‌–1ను చేర్చకపోవడం, అవసరమైన సమాచారం అందించకపోవడం ఉద్దేశపూర్వకంగా జరిగిన చర్యలేనని పేర్కొన్నారు. వీటిపై సమగ్ర విచారణ జరిపించి చర్యలు తీసుకోవాలని ఫిర్యాదులో పేర్కొన్నారు. మరి ఇంటర్‌ బోర్డు అధికారులు ఈ వ్యవహారాన్ని ఏమాత్రం సీరియస్‌గా తీసుకుంటారో వేచి చూడాలి. ఇదీ ఇంటర్‌ ‘స్పాట్‌’ తీరు బోర్డు నుంచి వచ్చిన సీఈల జాబితా మార్పుతో దుమారం సీనియర్‌గా ఉన్నవారిని తప్పించి జూనియర్‌ల నియామకం మూల్యాంకన శిబిరంలో గొడవలు, ఘర్షణలు, పరస్పర దూషణలు ఓ జవాబుపత్రం ‘మాయ’ం... నాలుగు రోజుల తర్వాత లభ్యం ఇటీవల ముగిసిన మూల్యాంకనం... ఆలస్యంగా వెలుగులోకి అక్రమాలు జవాబుపత్రాన్ని ‘మాయ’ం చేశారు? సీఓఈకు ఫిర్యాదు చేసిన ఏసీఓ.. నాలుగు రోజుల తర్వాత వెలుగులోకి.. బోర్డు జాబితాలో 5వ పేరు.. ఇక్కడి జాబితాలో 14వ పేరు

అనంతపురం టవర్‌క్లాక్‌: ఏపీ ఎన్జీఓ ఉద్యోగులకు సంబంధించి పెండింగ్‌లో ఉన్న బకాయిలను తక్షణం విడుదల చేయాలని ఏపీ ఎన్జీఓ రాష్ట్ర ఉపాధ్యక్షుడు ప్రసాద్‌ యాదవ్‌ ప్రభుత్వాన్ని డిమాండ్‌ చేశారు. ఆదివారం స్థానిక ఎన్జీఓ హోంలో జిల్లా కార్యవర్గ సమావేశం నిర్వహించారు. ఈ సందర్భంగా ప్రసాద్‌ యాదవ్‌ మాట్లాడుతూ ఉద్యోగ, ఉపాధ్యయ, పెన్షనర్లకు సంబంధించి పెండింగ్‌లో ఉన్న జీపీఎస్‌ ఏపీ జీఎల్‌ఐ, గ్రాడ్యుటీ, సరెండర్‌ లీవ్‌లకు సంబంధించిన బకాయిలు కొద్దిగా మాత్రమే విడుదల చేశారని, పెండింగ్‌లో ఉన్న బకాయిలు విడుదల చేసేందుకు ప్రభుత్వంపై ఒత్తిడి తీసుకురావాల్సిన అవసరం ఉందన్నారు. అనంతరం జిల్లా నుంచి రాష్ట్ర ఉపాధ్యక్షుడిగా ఎన్నికై న వెంకటేష్‌ బాబును ఘనంగా సన్మానించారు. జిల్లా ఆర్గనైజింగ్‌ సెక్రటరీగా జిల్లా ఉపాధ్యక్షుడిగా ఉన్న శ్రీధర్‌బాబును ఎంపిక చేశారు. ఈ కార్యక్రమంలో జిల్లా అధ్యక్షుడు మాధవ్‌, రవికుమార్‌, జమీల బేగం, ప్రవీణ్‌ కుమార్‌, లక్ష్మీనారాయణ, దస్తగిరి, పద్మావతి, అనంతయ్య, మనోహర్‌రెడ్డి, తదితరులు పాల్గొన్నారు. ఇంగ్లిష్‌ సబ్జెక్టు ఫోరమ్‌ కార్యవర్గం ఎన్నిక అనంతపురం ఎడ్యుకేషన్‌: ఇంగ్లిష్‌ సబ్జెక్టు ఫోరమ్‌ జిల్లా నూతన కార్యవర్గాన్ని ఎన్నుకున్నారు. ఆదివారం స్థానిక కేఎస్‌ఆర్‌ బాలికల జూనియర్‌ కళాశాలలో ఆంగ్ల ఉపాధ్యాయులు సమావేశమయ్యారు. పలు అంశాలపై చర్చించారు. అనంతరం జిల్లా ఇంగ్లిష్‌ సబ్జెక్టు ఫోరమ్‌ నూతన కార్యవర్గాన్ని ఏకగ్రీవంగా ఎన్నుకున్నారు. అధ్యక్షుడిగా బోరంపల్లి నాగరాజు, ప్రధాన కార్యదర్శిగా డి. పుల్లయ్య, కోశాధికారిగా శివప్రసాద్‌ నాయుడుతో పాటు గౌరవాధ్యక్షుడిగా రామకృష్ణ, ఉపాధ్యక్షుడిగా ప్రసన్నలక్ష్మి, బసవరాజు, షమీవుల్లా, కార్యదర్శులుగా నటరాజు, రామ్మోహన్‌రెడ్డి, హరికృష్ణను ఎన్నుకున్నారు. సమావేశంలో ఫోరమ్‌ సీనియర్‌ ఉపాధ్యాయులు జయన్న, రంగస్వామి, నాగిరెడ్డి, నాగేంద్ర, సత్యప్రసాద్‌, సయ్యద్‌, మంజు, స్వర్ణలత, మంజునాథ్‌ పాల్గొన్నారు. కొత్త సిలబస్‌కు అనుగుణంగా ఉత్తమ బోధనా పద్ధతులను అమలు చేయడం లక్ష్యంగా పెట్టుకున్నామని వారు పేర్కొన్నారు. గ్రామస్తుల దాడిలో మతిస్థిమితం లేని వ్యక్తి మృతి చిలమత్తూరు: మండల పరిధిలోని గాడ్రాళ్లపల్లికి చెందిన బావిరెడ్డి (51) అనే మతిస్థిమితం లేని వ్యక్తిపై గ్రామస్తులు దాడి చేయడంతో మృతి చెందాడు. పోలీసుల వివరాల మేరకు.. మృతుడు శనివారం రాత్రి వాహనాలపై రాళ్లతో దాడి చేసి అద్దాలు ధ్వంసం చేశాడని, మనుషులపై కూడా దాడి చేయడం, బట్టలు లేకుండా తిరగడం వంటి చర్యలతో గ్రామస్తులు ఆందోళనకు గురయ్యారన్నారు. ఆత్మ రక్షణలో భాగంగా గ్రామస్తులు బావిరెడ్డిపై దాడి చేయడంతో అక్కడికక్కడే మృతి చెందాడని పేర్కొన్నారు. ఈ మేరకు కేసు నమోదు చేసుకొని దర్యాప్తు చేస్తున్నట్లు సీఐ ఆంజనేయులు తెలిపారు.

● ఉమ్మడి అనంతపురం జిల్లాలోని గుడిబండ తహసీల్దారు కార్యాలయంపై అవినీతి నిరోధక శాఖ (ఏసీబీ) అధికారులు గత నెల 31న దాడులు నిర్వహించారు. మ్యుటేషన్‌ కోసం ఎస్‌.రాయాపురం రైతు షేక్‌ సద్ధాం నుంచి తహసీల్దారు శ్రీధర్‌ రూ.20 వేలు లంచం తీసుకుంటుండగా రెడ్‌ హ్యాండెడ్‌గా పట్టుకున్నారు. ఇది ఒక ఎత్తయితే.. ఆ తరువాత విస్తుపోయే నిజాలు వెలుగు చూశాయి. అనంతపురం శివారు పంగలరోడ్డు దగ్గరున్న వీరనాగమ్మ గుడి సమీపంలోని శ్రీధర్‌ ఇంటిని ఏసీబీ అధికారులు తనిఖీ (హౌస్‌ సెర్చ్‌) చేయగా రూ.50 లక్షల నగదు దొరికింది. ఆ మొత్తాన్ని స్వాధీనం చేసుకున్నారు. ● అనంతపురం రూరల్‌ మండలం ఇటుకలపల్లికి చెందిన బొజ్జయ్యకు 376 సర్వే నంబరులో పొలం ఉంది. డబుల్‌ ఎంట్రీగా ఉన్న తప్పును సరిచేసేందుకు మ్యుటేషన్‌ కోసం వీఆర్‌ఓ రూ.30 వేలు అడిగారు. దీంతో నగదు రూపంలో రూ.5 వేలు ఇచ్చి, వీఆర్‌ఓ చెప్పిన బినామీకి ఫోన్‌పే ద్వారా రూ.14 వేలు పంపించి ఇంత కంటే ఎక్కువ ఇచ్చుకోలేనని బొజ్జయ్య చెప్పాడు. అడిగినంత డబ్బు ఇవ్వలేదని మ్యుటేషన్‌ చేయకపోవడంతో గత డిసెంబరు 8వ తేదీన బొజ్జయ్య ‘ప్రజా సమస్యల పరిష్కార వేదిక’లో కలెక్టర్‌కు ఆధారాలతో ఫిర్యాదు చేశాడు. అనంతపురం అర్బన్‌: ప్రభుత్వ యంత్రాంగంలో రెవెన్యూ శాఖ అత్యంత కీలకమైనది. ఇక్కడ పారదర్శకంగా సేవలందించాల్సిన అధికారులు, ఉద్యోగుల్లో కొందరు దారితప్పారు. అదనపు ఆదాయం కోసం అడ్డదారులు తొక్కుతున్నారు. ప్రధానంగా మ్యుటేషన్లలో అడ్డగోలు దోపిడీకి తెరతీశారు. తాము అడిగినంత డబ్బు ఇవ్వకపోతే కొర్రీలు వేసి రైతులను ముప్పుతిప్పలు పెడుతున్నారు. కార్యాలయాల చుట్టూ తిప్పుకుంటుండటంతో రైతులు చేసేది లేక ముడుపులు సమర్పించుకోవాల్సి వస్తోంది. జిల్లా వ్యాప్తంగా అన్ని తహసీల్దార్‌ కార్యాలయాల్లోనూ ఇలాంటి దుస్థితే నెలకొంది. అయితే యల్లనూరు, కుందుర్పి, రాప్తాడు, గుత్తి తహసీల్దారు కార్యాలయ అధికారులు, సిబ్బంది అవినీతిపై ఉన్నతాధికారులకు ఫిర్యాదులు వెల్లువెత్తుతున్నాయి. ముడుపులు ఇస్తేనే... రెవెన్యూ సేవలను అధికారులు ఆదాయ వనరులుగా మార్చుకున్నారన్న విమర్శలు ఉన్నాయి. మ్యుటేషన్‌ కోసం వేల రూపాయలు వసూలు చేస్తున్నారు. చుక్కల భూముల ఫైళ్లు సిద్ధం చేసేందుకు, పట్టాదారు పాసుపుస్తకాల జారీకి, అడంగళ్‌, 1బీ సవరణకు కొందరు క్షేత్రస్థాయి సిబ్బంది అడ్డూఅదుపు లేకుండా మామూళ్లు గుంజుతున్నారనే ఆరోపణలు బహిరంగంగానే వినిపిస్తున్నాయి. అన్నీ సక్రమంగా ఉన్నా పనులు చేయడానికి అధికారులు, సిబ్బంది లంచం డిమాండ్‌ చేస్తుండటంతో విసిగిపోయిన బాధిత రైతులు ‘ప్రజా సమస్యల పరిష్కార వేదిక’లో కలెక్టర్‌, జాయింట్‌ కలెక్టర్‌కు ఆధారాలతో సహా ఫిర్యాదు చేస్తున్నారు. కరెక్షన్‌.. కలెక్షన్‌.. తహసీల్దారు కార్యాలయ పరిధిలోని కొందరు అవినీతి సిబ్బంది రికార్డుల్లో చేతివాటం చూపిస్తూ వసూళ్లకు పాల్పడుతున్నారు. రెవెన్యూ రికార్డుల్లో వివరాలను వారే తప్పుగా నమోదు చేస్తారు. ఆ తప్పును సరిచేసేందుకు సంబంధిత వ్యక్తుల నుంచి డబ్బులు డిమాండ్‌ చేస్తుంటారు. సరిదిద్ధాలంటే (కరెక్షన్‌)పై అధికారులకు డబ్బులు ఇచ్చుకోవాలంటూ వేలకు వేల రూపాయలు గుంజుతుంటారు. డబ్బులివ్వకపోతే చుక్కలే.. రెవెన్యూ సిబ్బంది రూటే సప‘రేటు’గా ఉంటోంది. పనిమీద వచ్చిన వారు డబ్బులు ఇవ్వకపోతే చుక్కలు చూపిస్తారనే ఆరోపణలు ఉన్నాయి. ఫైలులో ఏదో ఒక కొర్రీ పెట్టి నెలల తరపడి తిప్పుకుంటారని పలువురు బాధితులు వాపోతున్నారు. దీంతో తప్పని పరిస్థితుల్లో వారు అడిగినంత కాకపోయినా మధ్యేమార్గంగా ఒక ‘రేటు’ మాట్లాడుకుని మర్పించుకోవాల్సి వస్తోందని అంటున్నారు. అవినీతికి అడ్డాగా తహసీల్దార్‌ కార్యాలయాలు భూ సమస్యలు, మ్యుటేషన్లే ఆదాయ వనరులు అడిగినంత ఇవ్వకపోతే ముందుకు సాగని పనులు

గుత్తి: పట్టణ పరిధికి చెందిన ఓ మహిళపై గుర్తు తెలియని వ్యక్తి బలత్కారం చేయడానికి ప్రయత్నించాడు. పోలీసుల వివరాలమేరకు.. జడ్‌.వీరారెడ్డి కాలనీకి చెందిన లక్ష్మిదేవి పట్టణ శివారులోని డాబాలో పని ముగించుకుని శనివారం అర్ధరాత్రి ఒంట గంట సమయంలో ఇంటికి వెళ్తోంది. మార్గ మధ్యలో ఓ గుర్తు తెలియని వ్యక్తి ఆమెను బలత్కారం చేసేందుకు ప్రయత్నించాడు. ఈ క్రమంలో ఆమె మెడలోని దారం చెవి కమ్మకు తగిలి చెవికు గాయమైంది. స్థానికులు ఆస్పత్రికి తీసుకెళ్లారు. వైద్యులు ఆరు కుట్లు వేశారు. సీపీఎం మండల కార్యదర్శి నిర్మల బాధితురాలిని వెంట బెట్టుకుని పోలీసుస్టేషన్‌కు వెళ్లి ఫిర్యాదు చేసింది. ఎస్‌ఐ సురేష్‌ .. జడ్‌.వీరారెడ్డి కాలనీకి వెళ్లి బాధితురాలిని కలిసి జరిగిన ఘటనను అడిగి తెలుసుకున్నారు. కాలనీ మార్గంలో సీసీ కెమెరాలు ఏర్పాటు చేయిస్తామన్నారు. 18న కలెక్టరేట్‌ వద్ద ధర్నా అనంతపురం ఎడ్యుకేషన్‌: ఉపాధ్యాయులు, ఉద్యోగుల ఆర్థిక–ఆర్థికేతర సమస్యల పరిష్కారానికి రాష్ట్ర కమిటీ పిలుపు మేరకు ఈ నెల 18న కలెక్టరేట్‌ ఎదుట ధర్నా చేపట్టనున్నట్లు ఆంధ్రప్రదేశ్‌ టీచర్స్‌ ఫెడరేషన్‌ (ఏపీటీఎఫ్‌) జిల్లా అధ్యక్షుడు నరేష్‌కుమార్‌ తెలిపారు. జిల్లా నలుమూలల నుంచి ఉద్యోగ, ఉపాధ్యాయులు తరలివచ్చి విజయవంతం చేయాలని పిలుపునిచ్చారు. ఆదివారం స్థానిక ఉపాధ్యాయ భవనంలో జిల్లా కార్యవర్గ సమావేశం జరిగింది. నరేష్‌కుమార్‌ మాట్లాడుతూ బోధనేతర పనులు, సీపీఎస్‌ రద్దు, ఎంటీఎస్‌ ఉపాధ్యాయుల జీతాల సమస్య, ిపీఆర్సీ అమలు తదితర డిమాండ్లను ప్రభుత్వం దృష్టికి తీసుకెళ్లినా పట్టించుకోలేదన్నారు. ఈ నేపథ్యంలోనే నిరసనలకు దిగినట్లు పేర్కొన్నారు. సబ్‌ కమిటీ సభ్యులు గురురాజ, రామకృష్ణ, రంగనాయకులు, సూర్యనారాయణ, సుభద్ర, రాష్ట్ర కౌన్సిలర్లు శివారెడ్డి, ఎల్లప్ప, జె.వెంకటేశులు, నారాయణస్వామి, ఓబులేసు, హిమగిరి, అంజి, కలిముల్లా, తిప్పేస్వామి, శ్రీనివాసులు, బాలసుబ్రహ్మణ్యం, హనుమంతు, రంగానాయుడు పాల్గొన్నారు. విద్యుత్‌ స్తంభాన్ని ఢీకొన్న కారు అగళి: కారు అదుపు తప్పి విద్యుత్‌ స్తంభాన్ని ఢీకొన్న ఘటన మండల పరిధిలోని కసాపురం దగ్గర ఆదివారం తెల్లవారుజామున చోటు చేసుకుంది. స్థానికుల వివరాలమేరకు.. హైదరాబాద్‌ నుంచి శిర వైపుగా వెళ్తోంది. అయితే మండలంలోని కసాపురం గ్రామ సమీపంలోని జాతీయ రహదారి దగ్గర కారు డ్రైవర్‌ నిద్రమత్తు కారణంగా కారు అదుపు తప్పింది. దీంతో సమీపంలోని విద్యుత్‌ స్తంభాన్ని ఢీకొంది. ఈ ఘటనలో కారు ముందు భాగం నుజ్జు నుజ్జు అయింది. కారులో ఉన్న ముగ్గురు మూగ గాయాలతో బయటపడ్డారు. ఎలాంటి ప్రాణహాని జరగలేదు. ఈ ఘటనతో విద్యుత్‌ స్తంభం ధ్వంసమైన ప్రాంతంలో విద్యుత్‌ సరఫరాకు అంతరాయం ఏర్పడింది. జన సంచారం లేకపోవడంతో ప్రమాదం తప్పిందని స్థానికులు తెలిపారు. విద్యుత్‌శాఖ అధికారులు వెంటనే స్పందించి విద్యుత్‌ సరఫరాను నిలిపివేసి, మరమ్మతు పనులు చేపట్టి విద్యుత్‌ సరఫరాను పునరుద్ధరించారు.

రాప్తాడురూరల్‌: రాప్తాడు మండలంలో ఆదివారం జరిగిన రెండు వేర్వేరు ప్రమాదాలు రెండు కుటుంబాల్లో తీవ్ర విషాదం నింపాయి. ఆయా ఘటనల్లో ఇద్దరు మృత్యువాతపడ్డారు. వివరాల్లోకి వెళ్తే... పుట్లూరు మండలం ఎల్లుట్లకు చెందిన రాజశేఖర్‌ (40) మామిళ్లపల్లి వైపు నుంచి జాతీయ రహదారిపై రాప్తాడు వైపు బైకులో వస్తున్నాడు. ఎం.చెర్లోపల్లి వద్దకు చేరుకోగానే వెనుక నుంచి వచ్చిన లారీ ఢీ కొట్టింది. ఈ ప్రమాదంలో రాజశేఖర్‌ తీవ్రంగా గాయపడగా ఆస్పత్రికి తరలిస్తుండగా మృతి చెందాడు. బైకు అదుపుతప్పి... యల్లనూరు: యల్లనూరు మండలం తిమ్మంపల్లికి చెందిన మారుతి తన సోదరి మమతతో పాటు ఆమె కుమారుడు గగన్‌ (5)తో కలిసి రాప్తాడు వైపు నుంచి అనంతపురం వైపు బైకులో వస్తున్నారు. అయితే గాయత్రి మిల్క్‌డైరీ సమీపంలో అదుపుతప్పి బైకు ప్రమాదానికి గురైంది. ఈ ప్రమాదంలో గగన్‌ తలకు తీవ్ర గాయాలై మృత్యువాతపడ్డాడు. మారుతి, మమత గాయాలతో బయటపడ్డారు. తన కళ్లెదుటే కుమారుడు చనిపోవడంతో తల్లి రోదించిన తీరు అందరినీ కలచివేసింది. సమాచారం అందుకున్న పోలీసులు రెండు ఘటనాస్థలాలను పరిశీలించారు. రోడ్డు ప్రమాదంలో రైతు... కుందుర్పి: మండలంలోని రుద్రంపల్లికి చెందిన మహలింగప్ప అనే రైతు తన వ్యవసాయ పొలంలో పండించిన చిలగడ దుంపలను హైదరాబాద్‌ మార్కెట్‌కు బొలెరోలో తీసుకెళ్తున్నాడు. అయితే శనివారం రాత్రి కర్నూలు సమీపంలో బొలెరో వాహనాన్ని ఓ ప్రైవేటు వాహనం ఢీ కొంది. ఈ ఘటనలో మహలింగప్ప అక్కడికక్కడే చనిపోయాడని పోలీసులు తెలిపారు.

తాడిపత్రి రూరల్‌: తాడిపత్రి రైల్వేస్టేషన్‌లో అమృత్‌ పథకం కింద జరుగుతున్నా పనుల్లో నాణ్యతపై అనుమానాలు వ్యక్తమవుతున్నాయి. రైల్వేస్టేషన్‌లో వివిధ పనుల నిమిత్తం రెండు విడతలుగా రూ.20 కోట్ల వరకు నిధులు మంజూరయ్యాయి. ఇప్పటికీ ఆయా పనులు నత్తనడకన సాగుతున్నాయి. దీనికితోడు పనుల్లో కూడా నాణ్యతలో లోపాలు కనిపిస్తున్నాయి. రైల్వేస్టేషన్‌ మాస్టర్‌ కార్యాలయం ఎదురుగా జరుగుతున్న గ్రానైట్‌ బండ పరుపు కోసం ప్లాట్‌ ఫారంపై ఉన్న సిమెంట్‌ కాంక్రీట్‌ను తొలగించారు. సిమెంట్‌ బెడ్‌ పనులు చేస్తున్నారు. సిమెంట్‌ బెడ్‌ కోసం వేసిన సిమెంట్‌, ఇసుకను నిబంధనల మేరకు వేయకుండా పనులు చేశారన్న ఆరోపణలున్నాయి. బెడ్‌ కోసం ఉపయోగిస్తున్న కంకర కూడా నాణ్యత లోపించిందంటున్నారు. ఇందులో కంకర పొడి కనిపిస్తోందని, కొంత వరకు వేసిన సిమెంట్‌ బెడ్‌పై క్యూరింగ్‌ సరిగా చేయలేదన్న విమర్శలున్నాయి. ఆ బెడ్‌పై గ్రానైట్‌ బండ పరుపు పరచడం వల్ల భవిష్యత్తులో కుంగిపోయి ఎగుడు, దిగుడుగా మారే అవకాశాలు కనిపిస్తున్నాయని ప్రయాణికులు చెబుతున్నారు. గతంలో ప్లాట్‌ ఫారంపై వేసిన టైల్స్‌ పరిస్థితి కూడా ఇలాగే ఉండేదంటున్నారు. అధికారుల పర్యవేక్షణ కరువు.. రైల్వేస్టేషన్‌లో జరుగుతున్న పనుల్లో అధికారుల పర్యవేక్షణా లోపం కనిపిస్తోంది. ఒకప్పుడు రైల్వే పనుల్లో నాణ్యతకు ఎంతో ప్రాధాన్యత ఇచ్చేవారు. ప్రస్తుతం అలా కనిపించడం లేదు. జరుగుతున్న పనులను అధికారుల పరిశీలించకపోవడంతో కాంట్రాక్టర్లు ఇష్టారాజ్యం చేస్తున్నారు. జరిగిన పనుల నాణ్యతను లోతుగా పరిశీలిస్తే తప్ప ఏమేరకు నాణ్యతా ప్రమాణాలను పాటిస్తున్నారో అర్థమవుతుందని ప్రయాణికులు చెబుతున్నారు. పట్టించుకోని అధికారులు

చంద్రబాబు ప్రభుత్వం ఇంటింటికీ రేషన్‌ అందించే ఎండీయూ వాహనాలను తొలగించడంతో ఆపరేటర్లు ఉపాధిని కోల్పోయారు. వాహనాలను తిప్పలేక మూలన పడేశాం. బ్యాంకు రుణాలను క్లియర్‌ చేస్తామని ముఖ్యమంత్రి చంద్రబాబు హామీ ఇచ్చారు. అయితే నేటికీ ఆ హామీని మాత్రం నెరవేర్చలేదు. సక్రమంగా వాయిదాలను ప్రభుత్వం చెల్లించకపోవడతో ఆపరేటర్లకు సంబంధించి సిబిల్‌ స్కోర్‌ తగ్గిపోతోంది. వాహనాల ఇన్సూరెన్స్‌ రూ.11,500 కూడా ప్రభుత్వం చెల్లించాలి. – రామాంజినేయులు, ఎండీయూ ఆపరేటర్ల సంఘం జిల్లా అధ్యక్షుడు

కదిరి అర్బన్‌: మున్సిపల్‌ పరిధిలోని ఓ ప్రైవేటు పాఠశాలలో ఆదివారం జరిగిన 4వ ఆంధ్రప్రదేశ్‌ జూనియర్‌ బాలుర, బాలికల ఇంటర్‌ డిస్ట్రిక్ట్‌ గోల్‌షాట్‌ బాల్‌ చాంపియన్‌షిప్‌ పోటీల్లో తిరుపతి, గుంటూరు జట్లు విజేతలుగా నిలిచాయి. బాలుర విభాగంలో ప్రథమ స్థానంలో తిరుపతి జట్టు, ద్వితీయ స్థానంలో శ్రీసత్యసాయి జట్టు, తృతీయ స్థానంలో అనంతపురం జట్లు నిలిచాయి. అలాగే బాలికల విభాగంలో ప్రథమ స్థానంలో గుంటూరు జట్టు, ద్వితీయ స్థానం శ్రీసత్యసాయి జట్టు, తృతీయస్థానం విశాఖపట్నం జట్లు నిలిచాయి. విజేతలకు ఎంఈఓ చెన్నక్రిష్ణ ట్రోఫీలు, ప్రశంశాపత్రాలు అందజేశారు. కార్యక్రమంలో గోల్‌షాట్‌ బాల్‌ వ్యవస్థాపకుడు రాజేంద్రప్రసాద్‌, రాష్ట్ర కార్యదర్శి దేవిప్రియా, ప్రతినిధులు ప్రసన్నకుమార్‌, రామాంజులురెడ్డి, జగదీష్‌, డేనియల్‌తో పాటు పలువురు క్రీడాకారులు పాల్గొన్నారు.

అనంతపురం అగ్రికల్చర్‌: జిల్లా అంతటా ఎండలు దంచేస్తున్నాయి. నాలుగు రోజులుగా 40 నుంచి 42 డిగ్రీలతో సూరీడు మండిపోతున్నాడు. భానుడి భగభగలకు జనం బెంబేలెత్తిపోతున్నారు. తాడిపత్రి, పెద్దపప్పూరు, శింగనమల, పెద్దవడుగూరు, కళ్యాణదుర్గం, పుట్లూరు, యల్లనూరు, విడపనకల్లు, నార్పల, రాప్తాడు, అనంతపురం తదితర మండలాల్లో మండేఎండలు జనాన్ని మాడ్చేస్తున్నాయి. ఈ నెల 9న తాడిపత్రి మండలం తేరన్నపల్లిలో 42.2 డిగ్రీల గరిష్ట ఉష్ణోగ్రత నమోదైంది. ఉదయం 9 గంటలకే సూరీడు సుర్రుమంటూ సాయంత్రం 5 గంటల వరకు తన ప్రతాపాన్ని చూపిస్తున్నాడు. ఆ తర్వాత రాత్రి ఉక్కపోత, వడగాడ్పులతో సెగలు పుట్టిస్తున్నాడు. రాత్రి ఉష్ణోగ్రతలు కూడా 22 నుంచి 28 డిగ్రీల వరకు నమోదవుతోంది. ఇక మధ్యాహ్న సమయంలో జన, వాహన సంచారం లేక రోడ్లన్నీ నిర్మానుష్యంగా మారుతున్నాయి. రైతులు, శ్రామికులు, చిన్నపిల్లలు, వృద్ధులు, గర్భిణులు, బాలింతలు, రోగులు, పుట్‌పాత్‌ వ్యాపారులు ఎండలకు తాళలేక మరింత ఇబ్బందులు పడుతున్నారు. అప్రమత్తంగా ఉండాలి వడదెబ్బకు గురికాకుండా ప్రజలు అప్రమత్తంగా ఉండాలని వైద్యులు సూచిస్తున్నారు. మధ్యాహ్న సమయంలో బయటకు రాకపోవడం మంచిదని చెబుతున్నారు. కాగా రాగల నాలుగు రోజులూ ఇదేరకమైన పరిస్థితి ఉంటుందని రేకులకుంట వ్యవసాయ పరిశోధనా స్థానం ప్రధాన శాస్త్రవేత్త డాక్టర్‌ ఎం.విజయశంకరబాబు, సీనియర్‌ శాస్త్రవేత్త డాక్టర్‌ జి.నారాయణస్వామి శనివారం ఒక ప్రకటనలో తెలిపారు.

అనంతపురం ఎడ్యుకేషన్‌: పది మందికి అన్నం పెడుతున్న రైతుల సంక్షేమాన్ని చంద్రబాబు ప్రభుత్వం మరచిందని రాప్తాడు మాజీ ఎమ్మెల్యే తోపుదుర్తి ప్రకాష్‌రెడ్డి మండిపడ్డారు. శనివారం అనంతపురంలోని తన నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. అమరావతి పేరిట రూ.లక్షల కోట్ల దోపిడీకి స్కెచ్‌ వేశారన్నారు. ప్రస్తుత ప్రభుత్వంలో ఆర్గనైజ్డ్‌గా జరుగుతున్న క్రైమ్‌ను ప్రజల ముందు ఉంచుతున్న వైఎస్‌ జగన్‌మోహన్‌రెడ్డిపై ట్రోలింగ్‌ చేయడం శోచనీయమన్నారు. డైవర్షన్‌ టెక్నిక్‌లను ఉపయోగిస్తూ చంద్రబాబు ప్రభుత్వం ఛీప్‌ పాల్‌టిక్స్‌కు పాల్పడుతోందన్నారు. అమరావతి నిర్మించడానికి తాము వ్యతిరేకం కాదని, అక్కడ చేస్తున్న దోపిడీకి వ్యతిరేకమని స్పష్టం చేశారు. కేంద్రీకృత అభివృద్ధి విధానానికి తాము వ్యతిరేకమన్నారు. జగనన్న చెప్పినట్లు మచిలీపట్నం, విజయవాడ, గుంటూరు కలుపుకుని రాజధాని (మావిగన్‌) అభివృద్ధి చేస్తే అతితక్కువ ఖర్చుతోనే పూర్తవుతుందన్నారు. 28 గ్రామాలున్న అమరావతి ప్రాంతంలో రూ.లక్ష కోట్లు ఖర్చు పెడుతున్నారని, రెండోదశ భూసేకరణకు రైతులను ఇబ్బందులు పెడుతున్నారని తెలిపారు. ఇందుకోసం ఇంకో రూ.లక్ష కోట్లు అప్పులు చేస్తామనడం శోచనీయమన్నారు. మీరు, మీ బినామీలు భూములు కొనుగోలు చేసిన ప్రాంతానికి రాష్ట్ర సంపదనంతా ఎలా తరలిస్తారని చంద్రబాబును ప్రశ్నించారు. సీమ ప్రాజెక్టులకు ప్రాధాన్యత ఇవ్వండి అమరావతికి ఇచ్చిన ప్రాధాన్యతను రాయలసీమ ప్రాజెక్టుల పూర్తికి ఇవ్వాలని తోపుదుర్తి ప్రకాష్‌రెడ్డి డిమాండ్‌ చేశారు. అనంతపురం జిల్లాలో రూ.10 వేల కోట్లు ఖర్చు చేస్తే హంద్రీ–నీవా, హెచ్‌ఎల్‌సీ మోడరైజేషన్‌ పూర్తవుతాయన్నారు. చంద్రబాబుకు చిత్తశుద్ధి ఉంటే పోలవరం డైవర్షన్‌ వల్ల ఏపీ, ఎగువ ప్రాంతాలకు కేటాయింపునకు అవకాశం ఉన్న 45 టీఎంసీల నీటిని హంద్రీ–నీవా, గాలేరు–నగరి, వెలిగొండ ప్రాజెక్టులకు కేటాయించాలన్నారు. పేరూరు డ్యాంకు నీళ్లు రాకుండా ఎమ్మెల్యే పరిటాల సునీత అడ్డుకుంటోందని విమర్శించారు. డ్యాంలో నీరు లేక బోర్లు ఎండిపోతున్నాయన్నారు. జీడిపల్లి నుంచి పేరూరు డ్యాంకు నీళ్లు తెస్తామని చెబుతున్న పరిటాల సునీత భూ సేకరణకు ఒక రూపాయి కూడా ఇప్పించలేదన్నారు. శిలాఫలకం వేసుకుని డబ్బా కొట్టుకోవడం మినహా చేసిందేమీ లేదన్నారు. తాను ఎమ్మెల్యే అయిన తర్వాత 60 శాతం పనులు పూర్తి చేయించానన్నారు. రూ.170 కోట్ల బిల్లులు చెల్లించామన్నారు. పనులు పూర్తయి డ్యాంకు నీళ్లు తీసుకొస్తే ప్రకాష్‌రెడ్డికి మంచిపేరు వస్తుందని భయపడి అప్పటి కాంట్రాక్టర్‌ను బెదిరించి పనులు ఆపించారన్నారు. ప్రత్యామ్నాయంగా తురకాలపట్నం చెరువు మీదుగా పేరూరు డ్యాంకు నీళ్లు తీసుకురావచ్చని చెప్పామన్నారు. అయినా ఆమె పట్టించుకోలేదన్నారు. పేరూరు డ్యాంకు నీటి విడుదల కోసం ఈ నెల 21న కలెక్టర్‌ను కలిసి వినతిపత్రం అందజేయనున్నట్లు ప్రకాష్‌రెడ్డి తెలిపారు. సమావేశంలో వైఎస్సార్‌సీపీ నాయకులు రంగంపేట గోపాల్‌రెడ్డి, గంగుల సుధీర్‌రెడ్డి, బద్దలాపురం పెద్దిరెడ్డి, జెడ్పీటీసీ సభ్యులు చంద్రకుమార్‌, మారుతి, రాప్తాడు వైస్‌ ఎంపీపీ బోయ రామాంజనేయులు, మీనుగ నాగరాజు పాల్గొన్నారు. అమరావతి పేరిట రూ.లక్షల కోట్ల దోపిడీకి స్కెచ్‌ ఛీప్‌ పాలిటిక్స్‌ చేస్తున్న చంద్రబాబు మాజీ ఎమ్మెల్యే తోపుదుర్తి ప్రకాష్‌రెడ్డి ధ్వజం

అక్రమ నిర్మాణాల కోసం పెన్నానదిని పూడ్చి వేస్తున్న దృశ్యం సాక్షి టాస్క్‌ఫోర్స్‌ : పెద్దవడుగూరు మండలం కొండూరు నుంచి తాడిపత్రి మండలం వంగనూరు వరకు దాదాపు 65 కిలో మీటర్ల మేర పెన్నానది పరివాహక ప్రాంతం ఉంది. చంద్రబాబు ప్రభుత్వం వచ్చాక అధికార టీడీపీ నేతలు పెన్నానదిలో ఇసుకను వ్యక్తిగత ఆదాయవనరుగా మార్చేసుకున్నారు. అక్రమంగా ఇసుక తవ్వకాలు మొదలుపెట్టారు. అడిగేవారు లేరని పెద్ద ఎత్తున తోడేశారు. దీంతో ఎక్కడ చూసినా పెద్దపెద్ద గోతులు దర్శనమిస్తున్నాయి. అలాగే తాడిపత్రి సమీపంలోని నది పరివాహక ప్రాంతంలో ఏకంగా అక్రమ నిర్మాణాలు చేపడుతుండటంతో పర్యావరణం దెబ్బతింటోంది. 2017లో పెన్నానదిలో టీడీపీ ముఖ్య నేత పార్కు నిర్మాణం చేపట్టడంపై పలువురు కోర్టును ఆశ్రయించారు. దీంతో కోర్టు స్టే ఇవ్వడంతో పార్కు మధ్యలోనే ఆగిపోయింది. ఇప్పుడు అదే పార్కు పక్కన పరివాహక ప్రాంతాన్ని పూడ్చి నిర్మాణాలకు పూనుకున్నారు. దీన్ని ఆపకపోతే భవిష్యత్తులో తాడిపత్రికి వరద ముంపునకు గురయ్యే అవకాశం లేకపోలేదు. దిశ మారుతోన్న ‘దక్షిణ కాశీ’ తాడిపత్రిలో పురాతన బుగ్గ రామలింగేశ్వరస్వామి దేవాలయం వద్ద పెన్నానది ఉత్తర – దక్షిణ దశగా ప్రవహిస్తూ దక్షిణ కాశీగా పేరుపొందింది. అయితే నదిలో అక్రమ నిర్మాణాల కారణంగా పెన్నానది స్వరూపం మారుతుండటంతో ‘ఉత్తర –దక్షిణ’ దిశలు మారే ప్రమాదం కనిపిస్తోంది. దీంతో భక్తులు ఆందోళన వ్యక్తం చేస్తున్నారు. కలుషితమవుతున్న పెన్నా నది తాడిపత్రి మున్సిపల్‌ అధికారులు మురుగునీటిని పైపుల ద్వారా నేరుగా పెన్నానదిలోకి మళ్లిస్తున్నారు. దీంతోపాటు చుక్కలూరు, సజ్జలదిన్నె సమీపంలోని గ్రానైట్‌, నాపరాళ్ల పరిశ్రమల ద్వారా వచ్చే వ్యర్థం నీరు నేరుగా నదిలో కలుస్తోంది. పురాతన బుగ్గరామలింగేశ్వర స్వామి ఆలయం వరకు నదిలో మురుగు కాలువలు ఏర్పడాయి. దీంతో నదిలో భూగర్భ జలాలు కలుషితమవుతున్నాయి. అక్రమంగా ఇసుక తవ్వకాలు ఆక్రమణలో నదీ పరివాహక ప్రాంతం దర్జాగా చదును చేసి.. నిర్మాణాలకు శ్రీకారం టీడీపీ ముఖ్యనేతను నిలువరించలేక అధికారుల మౌనం

కుందుర్పి: జిల్లాలోని కొనకొండ్ల, కుందుర్పి, గోనబావి, నార్పల, డీ హీరేహాళ్‌ మహాత్మా జ్యోతిరావు పూలే (ఎంజేపీ) వెనుకబడిన తరగతుల గురుకుల పాఠశాలల్లో 2026–2027 విద్యా సంవత్సరంలో ఐదో తరగతి ప్రవేశానికి గాను ఆదివారం పరీక్ష నిర్వహించనున్నట్లు జిల్లా కన్వీనర్‌ అస్రత్‌వలి తెలిపారు. శనివారం ఆయన కుందుర్పిలో మీడియాతో మాట్లాడారు. ఉదయం 10 నుంచి 12 గంటల వరకు పరీక్ష ఉంటుందన్నారు. జిల్లా వ్యాప్తంగా 1,956 మంది విద్యార్థులు ప్రవేశ పరీక్షకు దరఖాస్తు చేసుకున్నారన్నారు. విద్యార్థులు గంట ముందుగానే పరీక్ష కేంద్రానికి చేరుకోవాలని సూచించారు.

● వైఎస్సార్‌సీపీ జిల్లా అధ్యక్షుడు అనంత అనంతపురం : మహాత్మా జ్యోతిరావు పూలే ఆశయాలను కొనసాగిస్తామని వైఎస్సార్‌సీపీ జిల్లా అధ్యక్షుడు అనంత వెంకటరామిరెడ్డి అన్నారు. శనివారం వైఎస్సార్‌సీపీ జిల్లా కార్యాలయంలో పూలే జయంతిని పురస్కరించుకుని ఆయన చిత్రపటానికి అనంత పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ మహాత్మా జ్యోతిరావు పూలే గొప్ప సంఘ సంస్కర్త అని కొనియాడారు. దురాచారాలను రూపుమాపేందుకు ఆయన ఎన్నో పోరాటాలు చేశారన్నారు. ఆయనబాటలోనే నడుస్తూ వైఎస్‌ జగన్‌మోహన్‌రెడ్డి బీసీలంటే బ్యాక్‌వర్డ్‌ కాదు.. బ్యాక్‌ బోన్‌ అని నమ్మి, వారి అభ్యున్నతికి కృషి చేశారని గుర్తు చేశారు. మాజీ మంత్రి సాకే శైలజానాథ్‌ మాట్లాడుతూ పూలే స్ఫూర్తితో వైఎస్సార్‌సీపీ ప్రభుత్వంలో అప్పటి సీఎంగా ఉన్న వైఎస్‌ జగన్‌మోహన్‌రెడ్డి విప్లవాత్మక సంస్కరణలకు శ్రీకారం చుట్టారన్నారు. బడుగు, బలహీన వర్గాలు అన్ని విధాలా అభివృద్ధి చెందేలా చర్యలు తీసుకున్నారన్నారు. జెడ్పీ చైర్‌పర్సన్‌ బోయ గిరిజమ్మ మాట్లాడుతూ మాజీ సీఎం వైఎస్‌ జగన్‌మోహన్‌రెడ్డి మహాత్మా జ్యోతిరావు పూలే స్పూర్తితో విద్యారంగంలో నూతన సంస్కరణలు తీసుకొచ్చి, పేదలకు కార్పొరేట్‌ స్థాయి విద్యనందించేలా చూశారన్నారు. మహిళలకు రాజకీయంగా అవకాశాలు కల్పించి, స్థానిక సంస్థలు, మున్సిపాలిటీల్లో 50 శాతానికి పైగా రిజర్వేషన్‌ కల్పించిన విషయాన్ని గుర్తు చేశారు. కానీ ప్రస్తుత చంద్రబాబు ప్రభుత్వం బడుగులను నట్టేట ముంచుతోందన్నారు. వైఎస్సార్‌సీపీ రాష్ట్ర కార్యదర్శి రమేష్‌ గౌడ్‌ మాట్లాడుతూ చంద్రబాబు ప్రభుత్వం ఎన్నికల హామీలను అమలు చేయకుండా.. డైవర్షన్‌ పాలిటిక్స్‌తో కాలయాపన చేస్తోందన్నారు. ఆర్థికంగా, సామాజికంగా, రాజకీయంగా బీసీలకు దన్నుగా నిలిచిన వ్యక్తి వైఎస్‌ జగన్‌మోహన్‌రెడ్డి అని పేర్కొన్నారు. కార్యక్రమంలో ఎమ్మెల్సీ మంగమ్మ, వైఎస్సార్‌సీపీ సీఈసీ సభ్యుడు మీసాల రంగన్న, ఎస్‌ఈసీ సభ్యుడు లింగాల శివశంకర్‌ రెడ్డి, మాజీ మేయర్‌ వసీం, నాటక అకాడమీ మాజీ చైర్‌పర్సన్‌ రాగే హరిత, జిల్లా ప్రధాన కార్యదర్శి ఆలమూరు శ్రీనివాస్‌రెడ్డి, మహిళా విభాగం జిల్లా అధ్యక్షురాలు శ్రీదేవి, రాష్ట్ర అధికార ప్రతినిధి కృష్ణవేణి, భారతి, పద్మ, శోభారాణి, అంజలి, లక్ష్మి, పార్వతి, దేశాయి భారతి, చంద్రకళ, మైనార్టీ విభాగం రాష్ట్ర ప్రధాన కార్యదర్శి కాగజ్‌ఘర్‌ రిజ్వాన్‌, నాయకులు ఉమ్మడి మదన్‌మోహన్‌రెడ్డి, రిలాక్స్‌ నాగరాజు, లక్ష్మన్న, శ్రీనివాస్‌ నాయక్‌, జానీ, థామస్‌, దాదా ఖలందర్‌, సాకే అశోక్‌కుమార్‌, వెన్నపూస రామచంద్రారెడ్డి, మాలపాటి శ్రీనివాసులు, కమల్‌ భూషణ్‌, రామచంద్ర, నవీన్‌ తదితరులు పాల్గొన్నారు.

● కడప సెంట్రల్‌ జైలుకు తరలింపు కదిరి టౌన్‌/తనకల్లు: రాష్ట్రంలోని వివిధ జిల్లాలతో పాటు కర్ణాటక, తమిళనాడు రాష్ట్రాల్లో జరిగిన 43 చోరీ కేసుల్లో నిందితుడిగా ఉన్న అంతర్‌ రాష్ట్ర దొంగపై పోలీసులు పీడీయాక్ట్‌ ప్రయోగించారు. ఇందుకు సంబంధించిన వివరాలను శనివారం కదిరి డీఎస్పీ శివనారాయణ స్వామి పట్టణ పోలీస్‌స్టేషన్‌లో విలేకరులకు తెలిపారు. తనకల్లు మండలం నందిగానిపల్లి గ్రామానికి చెందిన పసుపులేటి సాయికుమార్‌ అలియాస్‌ సాయి నితిన్‌ చోరీల్లో సిద్ధహస్తుడు. పోలీసులు పలుమార్లు అరెస్టు చేసి జైలుకు పంపినా...తిరిగి వచ్చాక మళ్లీ చోరీల బాట పట్టేవాడు. ఇలా అతనిపై తిరుపతి, తిరుమల, అలిపిరి, తిరుచానూర్‌, రేణిగుంట, అన్నమయ్య జిల్లా మదనపల్లి, అనంతపురం, నార్పల, కర్నూలు, హిందూపురం, తనకల్లు పోలీసు స్టేషన్లతో పాటు కర్ణాటక, తమిళనాడులోని వివిధ పోలీసు స్టేషన్లలో 43 చోరీ కేసులు నమోదై ఉన్నాయి. దీంతో కలెక్టర్‌, ఎస్పీ ఆదేశాల మేరకు సాయికుమార్‌పై పీడీ యాక్ట్‌ కింద కేసు నమోదు చేసి కడప సెంట్రల్‌ జైలుకు తరలించినట్లు డీఎస్పీ వెల్లడించారు. గతంలోనే కదిరి పోలీసు సబ్‌డివిజన్‌ పరిధిలోని ముగ్గురిపై పీడీ యాక్ట్‌ కింద కేసులు నమోదు చేసి కడప సెంట్రల్‌ జైలుకు తరలించినట్లు గుర్తు చేశారు. వివిధ కేసుల్లో నేరస్తులు, రౌడీషీటర్లుగా ఉన్న వారు ప్రవర్తన మార్చుకోకపోతే పీడీ యాక్ట్‌ కింద కేసులు నమోదు చేస్తామని డీఎస్పీ హెచ్చరించారు. సమావేశంలో పట్టణ సీఐ వి.నారాయణరెడ్డి పాల్గొన్నారు. ఒక్క అంశంతోనే ముగిసిన పాలకమండలి సమావేశం అనంతపురం: శ్రీకృష్ణదేవరాయ విశ్వవిద్యాలయం పాలకమండలి సమావేశం ఒకే ఒక్క అంశంతోనే ముగిసింది. వీసీ ప్రొఫెసర్‌ ఎన్‌వీఆర్‌ జ్యోతి కుమార్‌ అధ్యక్షతన శనివారం ఎస్కేయూ పాలకమండలి సమావేశం జరిగింది. పాలకమండలి సభ్యులు ఆన్‌లైన్‌లో పాల్గొన్నారు. 2023లో అసిస్టెంట్‌ ప్రొఫెసర్‌ పోస్టుల భర్తీకి నోటిఫికేషన్‌ ఇచ్చారు. హైకోర్టులో వ్యాజ్యం కారణంగా భర్తీకి అవరోధాలు ఏర్పడ్డాయి. తిరిగి నోటిఫికేషన్‌ ఇవ్వడానికి సిద్ధం చేసిన నేపథ్యంలో అప్పటి అసిస్టెంట్‌ ప్రొఫెసర్‌ పోస్టుల భర్తీ నోటిఫికేషన్‌ను రద్దు చేయాలనే ప్రతిపాదనను పాలక మండలి ఎజెండాలో చేర్చారు. దీనికి పాలకమండలి ఆమోదం తెలిపింది. డీఎస్పీ విజయ్‌కుమార్‌పై బదిలీ వేటు పుట్టపర్తి టౌన్‌: అవినీతి ఆరోపణలు ఎదుర్కొంటున్న పుట్టపర్తి డీఎస్పీ విజయకుమార్‌పై బదిలీ వేటు పడింది. రాష్ట్రంలోని ఐదుగురు డీఎస్పీలను బదిలీ చేస్తూ శుక్రవారం రాత్రి డీఐజీ హరీష్‌ గుప్తా ఉత్తర్వులు జారీ చేశారు. అందులో పుట్టపర్తి డీఎస్పీ విజయకుమార్‌ను శ్రీకాకుళం జిల్లా మహిళా పోలీస్‌ స్టేషన్‌ డీఎస్పీగా బదిలీ చేశారు. అయితే పుట్టపర్తి డీఎస్పీగా ఎవరినీ నియమించలేదు. 17 నెలలుగా విజయకుమార్‌ పుట్టపర్తి డీఎస్పీగా పనిచేశారు. పలు అంశాల్లో ఆయనపై అవినీతి ఆరోపణలు వచ్చాయి. విదేశీయుల భూముల అంశం, కొత్తచెరువు హత్యకేసు, పేకాట అంశాల్లో ఆరోపణలు ఎదుర్కొన్నారు.

అనంతపురం అగ్రికల్చర్‌: పట్టు పరిశ్రమ శాఖ ఉద్యోగుల పరపతి సంఘం అధ్యక్షుడిగా డి.ఓబులేసు, కార్యదర్శిగా సి.ఆదినారాయణరెడ్డి, ఉపాధ్యక్షుడిగా జి.బసవరాజు ఏకగీవ్రంగా ఎన్నికై నట్లు ఎన్నికల అధికారి ఎ.సర్ఫరాజ్‌ నవాజ్‌ ప్రకటించారు. ఎన్నికల ప్రక్రియలో భాగంగా ఇటీవల ఏకగ్రీవంగా ఎన్నికై న ఏడుగురు డైరెక్టర్లు శనివారం స్థానిక పట్టుశాఖ కార్యాలయ ఆవరణలో ఉన్న సొసైటీ కార్యాలయంలో సమావేశమయ్యారు. నోటిఫికేషన్‌ మేరకు ఆఫీస్‌ బేరర్ల ఎన్నికలు నిర్వహించి అధ్యక్ష, ఉపాధ్యక్ష, కార్యదర్శి స్థానాలకు ఒక్కొక్కరు మాత్రమే నామినేషన్లు వేయడంతో ఏకగ్రీవమైనట్లు ప్రకటించారు. డైరెక్టర్లుగా జి.రామలింగారెడ్డి, బి.గోవిందప్ప, కె.బాబయ్య, జీవీ శివప్రసాద్‌ కొనసాగనున్నారు. నూతన కార్యవర్గాన్ని ఆ శాఖ ఉద్యోగులు అభినందించారు. ఉద్యోగుల సంక్షేమానికి తమ వంతు కృషి చేస్తామని అధ్యక్షుడు ఓబులేసు, కార్యదర్శి ఆదినారాయణరెడ్డి తెలిపారు. చిన్నారి దుర్మరణం కణేకల్లు: బతుకు తెరువు కోసం తల్లిదండ్రులతో కలసి వలస వెళ్లిన ఓ చిన్నారి... మహానగరంలో చోటు చేసుకున్న ప్రమాదంలో దుర్మరణం పాలయ్యాడు. స్థానికులు తెలిపిన మేరకు... కణేకల్లు మండలం గోపులాపురం గ్రామానికి చెందిన శాంతి, చిన్న మారెన్న బతుకు తెరువు కోసం బెంగళూరుకు వలస వెళ్లి, భవన నిర్మాణ పనుల్లో కూలీలుగా పనిచేస్తున్నారు. వీరి వెంట కుమారుడు నిషాంత్‌ (7) కూడా ఉన్నాడు. ఈ క్రమంలో గురువారం సాయంత్రం మహదేవపురలో సైకిల్‌పై వెళుతున్న నిషాంత్‌ను ఎదురుగా వేగంగా దూసుకొచ్చిన టెంపో ట్రావెల్‌ ఢీకొంది. ఘటనలో వాహనం చక్రాల కిందపడి నిషాంత్‌ అక్కడికక్కడే మృతి చెందాడు. పోస్టుమార్టం అనంతరం చిన్నారి మృతదేహాన్ని స్వగ్రామానికి తీసుకొచ్చి అంత్యక్రియలు నిర్వహించారు. ఈ ఘటనలో గ్రామంలో విషాద ఛాయలు అలుముకున్నాయి. వ్యక్తిని కాపాడిన రైల్వే పోలీసులు తాడిపత్రి రూరల్‌: క్షణికావేశంలో ఆత్మహత్య చేసుకోబోయిన వ్యక్తిని సకాలంలో రైల్వే పోలీసులు గుర్తించి కాపాడారు. వివరాలు.. కూలి పనులతో జీవనం సాగిస్తున్న నంద్యాల జిల్లా కొలిమిగుండ్ల మండలం రాఘవరాజుపల్లికి చెందిన శివశంకర్‌రెడ్డి మద్యానికి బానిసయ్యాడు. అతిగా మద్యం సేవిస్తున్న కారణంగా అనారోగ్యం బారిన పడ్డాడు. పనులు సైతం చేయడానికి శరీరం సహకరించకపోవడంతో మనోవేదనకు లోనైన శివశంకరరెడ్డి శనివారం తాడిపత్రిలోని రైల్వే స్టేషన్‌కు చేరుకుని ప్లాట్‌ఫారం చివర అనుమానాస్పదంగా తచ్చాడుతుండడంతో రైల్వే హెడ్‌కానిస్టేబుల్‌ వరప్రసాద్‌, కానిస్టేబుల్‌ సుబ్బారెడ్డి అక్కడకు చేరుకుని ఆరా తీశారు. దీంతో తాను పడుతున్న ఇబ్బందులను శివశంకరరెడ్డి ఏకరవు పెట్టి, రైలు కిందపడి ఆత్మహత్య చేసుకోవడం ఒక్కటే తనకు మార్గమని పేర్కొన్నాడు. దీంతో వెంటనే శివశంకరరెడ్డిని జీఆర్పీ స్టేషన్‌కు తరలించి, కుటుంబసభ్యులను రప్పించుకున్నారు. కౌన్సిలింగ్‌ అనంతరం కుటుంబసభ్యులకు అప్పగించారు. కుడి కాలువకు నీటి సరఫరా నిలుపుదల కూడేరు: మండల పరిధిలోని పీఏబీఆర్‌ నుంచి ధర్మవరం కుడికాలువ ద్వారా నీటి సరఫరాను శనివారం నిలుపుదల చేశారు. ఉరవకొండ, శింగనమల, రాప్తాడు, ధర్మవరం నియోజక వర్గ పరిధిలోని కాలువ పరిధిలోని 49 చెరువులను నీటితో నింపినట్లు హెచ్చెల్సీ ఎస్‌ఈ సుధాకరరావు వెల్లడించారు. శనివారం ఆయన రిజర్వాయర్‌ను పరిశీలించి, నీటి మట్టం, అవుట్‌ ఫ్లో వివరాలను సిబ్బందితో ఆరా తీశారు. అనంతరం విలేకరులతో మాట్లాడారు. ప్రస్తుతం రిజర్వాయర్‌లో ఉన్న నీరు తాగునీటి ప్రాజెక్ట్‌లకు సరిపోతుందన్నారు. కార్యక్రమంలో రిజర్వాయర్‌ డీఈ కవిత, జేఈలు ఓబుళరెడ్డి, గంగమ్మ, మిడ్‌ పెన్నార్‌ డ్యాం జేఈ సురేంద్ర రెడ్డి పాల్గొన్నారు. మైనర్‌పై తండ్రి అత్యాచారయత్నం బుక్కరాయసముద్రం: మండల కేంద్రంలోని ఓ కాలనీలో ఇంటర్‌ చదువుతున్న బాలికపై తండ్రి అత్యాచార యత్నానికి పాల్పడిన ఘటన వెలుగు చూసింది. శుక్రవారం రాత్రి తండ్రి మద్యం మత్తులో బాలికపై అత్యాచారయత్నానికి పాల్పడడంతో గమనించిన తల్లి అడ్డుకుంది. ఘటనపై తల్లి ఫిర్యాదు చేయడంతో నిందితుడిని అదుపులోకి తీసుకుని పోక్సో చట్టం కింద కేసు నమెదు చేసినట్లు పోలీసులు తెలిపారు.

బత్తలపల్లి: ఉపాధిహామీ చట్టాన్ని నిర్వీర్యం చేసేందుకు ఎన్డీయే ప్రభుత్వం కుట్రలు చేస్తోందని, నిరుపేదలకు మేలు చేసే ‘ఉపాధి చట్టం’ పరిరక్షణకు కలిసి వచ్చే అన్ని పార్టీలతో ఉమ్మడి పోరాటం చేస్తామని వైఎస్సార్‌సీపీ అనంతపురం జిల్లా అధ్యక్షుడు అనంత వెంకటరామిరెడ్డి తెలిపారు. ఉపాధిహామీ కూలీల హక్కుల కోసం సీపీఐ, ఏపీ వ్యవసాయ, కార్మిక సంఘం ఆధ్వర్యంలో చేపట్టిన పాదయాత్రకు వైఎస్సార్‌సీపీ నాయకులు సంఘీభావం తెలిపారు. శనివారం బత్తలపల్లి మండలం కాటికోటేశ్వరక్షేత్రం నుంచి రెండో రోజు పాదయాత్ర ప్రారంభమైంది. సీపీఐ జాతీయ కార్యదర్శి కె.రామకృష్ణ, రాష్ట్ర కార్యదర్శి ఈశ్వరయ్య తమ బృందంతో పాదయాత్రగా లింగారెడ్డిపల్లి క్రాస్‌ వద్దకు చేరుకోగా... వైఎస్సార్‌సీపీ అనంతపురం జిల్లా అధ్యక్షుడు అనంత వెంకటరామిరెడ్డితో పాటు మాజీ మంత్రి సాకే శైలజానాథ్‌, కళ్యాణదుర్గం, ధర్మవరం నియోజకవర్గాల సమన్వయకర్తలు, తలారి రంగయ్య, కేతిరెడ్డి వెంకటరామిరెడ్డి, అనంతపురం తాజా మాజీ మేయర్‌ వసీం, వైఎస్సార్‌సీపీ రాష్ట్ర సంయుక్త కార్యదర్శి వెన్నం శివారెడ్డి, బత్తలపల్లి వైస్‌ ఎంపీపీ గజ్జెల వెంగళరెడ్డి తదితరులు కలిసి సంఘీభావం తెలిపారు. ఈ సందర్భంగా లింగారెడ్డిపల్లి గ్రామంలో ఏర్పాటు చేసిన సభలో అనంత వెంకటరామిరెడ్డి, మాజీ మంత్రి శైలజానాథ్‌, ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి, బీకేఎంయూ జాతీయ ప్రధాన కార్యదర్శి గుల్జార్‌సింగ్‌ గురియ, సీపీఐ రాష్ట్ర కార్యదర్శి గుజ్జల ఈశ్వరయ్య తదితరులు మాట్లాడారు. వలసలు నివారించి కూలీలకు స్థానికంగా ఉపాధి కల్పించేందుకు 2005లో జాతీయ గ్రామీణ ఉపాధిహామీ పథకాన్ని తీసుకువచ్చారన్నారు. వైఎస్‌ రాజశేఖర్‌రెడ్డి హయాంలో నార్పల మండలం బండ్లపల్లిలో ఈ పథకాన్ని ప్రారంభించారని గుర్తు చేశారు. పేదలకు ఎంతో ఉపయుక్తంగా ఉండే ఉపాధిహామీ పథకాన్ని ఎన్డీయే ప్రభుత్వం నిర్వీర్యం చేస్తోందని మండిపడ్డారు. రాష్ట్ర ఖజానాపై భారం ఉపాధి చట్టం స్థానంలో కేంద్రం తీసుకువచ్చిన వీబీ జీ రాంజీ పథకం వల్ల రాష్ట్ర ఖజానాపై తీవ్ర భారం పడుతుందని నేతలు అన్నారు. గతంలో ఉపాధి పథకానికి 90 శాతం నిధులను కేంద్రం అందించేదని, కొత్త చట్టం ప్రకారం కేంద్రం 60 శాతం, రాష్ట్రం 40 శాతం నిధులు భరించాల్సి వస్తోందన్నారు. కేంద్రం 90 శాతం నిధులు మంజూరు చేసినప్పడే టీడీపీ సర్కార్‌ బిల్లులు సకాలంలో చెల్లించలేదని, ఇప్పుడు 40 శాతం నిధులివ్వాలంటే కష్టమేనన్నారు. దీనివల్ల మళ్లీ వలసలు పెరుగుతాయన్నారు. రాష్ట్రంలో చంద్ర ప్రభుత్వం ఏర్పడిన తర్వాత వంద రోజుల పని దినాలు కూడా కల్పించలేదన్నారు. గత ఏడాది ఉమ్మడి అనంతపురం జిల్లాలో 12 వేల కుటుంబాలకు మాత్రమే వంద రోజులు పని కల్పించినట్లు వివరించారు. అందువల్ల పాత పద్ధతిలోనే ఉపాధిహామీ పథకాన్ని కొనసాగించేలా కేంద్రంపై ఒత్తిడి తీసుకువద్దామని పిలుపునిచ్చారు. పాదయాత్రలో సీపీఐ జాతీయ కార్యవర్గ సభ్యులు నాగేశ్వరరావు, అక్కినేని వనజ, జాతీయ కార్యదర్శి నిర్మల్‌, రైతు సంఘం జాతీయ అధ్యక్షులు వెంకయ్య, రాష్ట్ర కార్యవర్గ సభ్యులు జాఫర్‌, ఆవుల శేఖర్‌, బండి వెంకటేశ్వరరావు, వేమయ్య యాదవ్‌, మల్లికార్జున, రాజారెడ్డి, వలరాజు, నాసర్‌, సంతోష్‌కుమార్‌, యుగంధర్‌, చంద్రనాయక్‌, కాటమయ్య, చలపతి, ముసుగు మధు, కదిరప్ప, వైఎస్సార్‌సీపీ నాయకులు చల్లా మహేష్‌నాయుడు, కోటి సురేష్‌కుమార్‌, గుర్రం శ్రీనివాసరెడ్డి, బండి వీరనారప్ప, షరాబ్‌ యోగానంద ఆచారీ, బగ్గిరి బయపరెడ్డి, మండల ఉపాధ్యక్షులు బ్యాల్ల పెద్దయ్య, మాజీ సర్పంచులు అక్కిం దామోదర్‌, చెడిపోతుల గోపాల్‌, గొల్లపల్లి నరసింహారెడ్డి తదితరులు పాల్గొన్నారు. వీబీ జీ రాంజీతో రాష్ట్రంపై పెనుభారం టీడీపీ ఏన్డీయేలో భాగస్వామిగా ఉన్నా.. ప్రయోజనం లేదు వైఎస్సార్‌సీపీ అనంతపురం జిల్లా అధ్యక్షుడు అనంత వెంకటరామిరెడ్డి సీపీఐ, వ్యవసాయ కార్మిక సంఘం పాదయాత్రకు మద్దతు

ఉమ్మడి జిల్లాకే పెద్దదిక్కుగా ఉన్న అనంతపురం సర్వజనాస్పత్రిలో సమస్యలు రాజ్యమేలుతున్నాయి. చంద్రబాబు ప్రభుత్వం వచ్చిన తర్వాత ఆస్పత్రి నిర్వహణ అధ్వానంగా మారింది. రోగులకు సకాలంలో వైద్యసేవలు అందడం లేదు. ఎటు చూసినా సమస్యలు రాజ్యమేలుతున్నాయి. చికిత్స కోసం వస్తున్న పేదలు సరైన వైద్యం అందక గగ్గోలు పెడుతున్నారు. బిల్లుల చెల్లింపులో ప్రభుత్వం ఉదాసీనంగా ఉండడంతో ప్రైవేటు ఆస్పత్రుల్లో ప్రస్తుతం ఆరోగ్యశ్రీ సేవలూ అందకుండా పోయాయి. దీంతో సర్వజనాస్పత్రికి వచ్చే రోగుల సంఖ్య నానాటికీ పెరుగుతోంది. ఈ పరిస్థితుల్లో వైద్యసేవలు మరింత అధ్వానంగా మారాయి. – సాక్షి ఫొటోగ్రాఫర్‌, అనంతపురం అందుబాటులో వీల్‌చైర్‌ లేక ఇబ్బంది పడుతున్న పేషెంట్‌ వీల్‌చైర్లలో ఖాళీ డబ్బాలు పెట్టుకుని పిచ్చాపాటి మాట్లాడుకుంటున్న సిబ్బంది

● ‘బ్రిలియంట్‌ ఇంగ్లిష్‌ యూసేజ్‌’ పుస్తకావిష్కరణలో వక్తలు అనంతపురం ఎడ్యుకేషన్‌: ఏపీ రిజిస్ట్రేషన్‌, స్టాంప్స్‌ శాఖలో శ్రీకాకుళం జిల్లా రిజిస్ట్రార్‌గా ఉద్యోగ విరమణ చేసిన జిల్లాకు చెందిన చిలుకూరి కుమారస్వామిరెడ్డి ఆత్మీయ సభ అనంతపురంలోని గుత్తి రోడ్డులో ఉన్న ఓ ఫంక్షన్‌ హాల్‌లో శనివారం ఘనంగా జరిగింది. ముందుగా కుమారస్వామిరెడ్డి రచించిన ‘బ్రిలియంట్‌ ఇంగ్లిష్‌ యూసేజ్‌’ పుస్తకాన్ని ఆవిష్కరించారు. ఈ పుస్తకం వ్యక్తి సంపూర్ణ అవసరాలు తీరుస్తుందని వక్తలు కొనియాడారు. ఏ పదాలు ఎలాంటి సందర్భంలో వాడాలో ఈ పుస్తకంలో చాలా చక్కగా, సరళంగా వివరించారన్నారు. వేలాది పదాలు ఇందులో చేర్చడం గొప్ప విషయమన్నారు. దీని వెనుక ఏళ్లతరబడి దాగి ఉన్న కుమారస్వామిరెడ్డి శ్రమను అభినందించారు. అనంతరం ఆయనను ఘనంగా సన్మానించారు. ముఖ్య అతిథులుగా తిరుపతి విశ్రాంత కలెక్టర్‌ వెంకట రమణారెడ్డి, స్టాంప్స్‌ అండ్‌ రిజిస్ట్రేషన్స్‌ శాఖ అదనపు కమిషనర్‌ రవికుమార్‌, ప్రొఫెసర్‌ మధుసూదన్‌ రెడ్డి, ఉన్నత విద్యామండలి మాజీ చైర్మన్‌ హేమచంద్రారెడ్డి, నెల్లూరు జెడ్పీ సీఈఓ శ్రీధర్‌రెడ్డి, వైఎస్సార్‌సీపీ రాష్ట్ర ప్రధాన కార్యదర్శి, ఎన్నారై విభాగం కో–ఆర్డినేటర్‌ ఆలూరు సాంబశివారెడ్డి, కదిరి మాజీ ఎమ్మెల్యే సిద్ధారెడ్డి, మానవత కన్వీనర్‌ తరిమెల అమర్నాథ్‌ రెడ్డి, పాస్టర్‌ గోపాల్‌ రెడ్డి తదితరులు హాజరయ్యారు. విశ్రాంత కలెక్టర్‌ వెంకటరమణారెడ్డి మాట్లాడుతూ.. ఇతర శాఖలతో పోలిస్తే రిజిస్ట్రేషన్‌ శాఖలో ఇంత ఘనంగా ఉద్యోగ విరమణ సభ జరగడం చాలా అరుదన్నారు. ఇది కుమారస్వామిరెడ్డి సేవా నిబద్ధతకు నిదర్శనమని పేర్కొన్నారు. ఆచార్య హేమచంద్రారెడ్డి మాట్లాడుతూ.. ‘బ్రిలియంట్‌ ఇంగ్లిష్‌ యూసేజ్‌’ పుస్తకం ప్రతి ఇంట్లో, ప్రతి లైబ్రరీలో ఉండాల్సిన గ్రంథమని తెలిపారు. ఆలూరు సాంబశివారెడ్డి మాట్లాడుతూ... కుమారస్వామిరెడ్డి సేవా కార్యక్రమాలను వివరించారు. ఉద్యోగ జీవితంలో సహకరించిన సహోద్యోగులు, ఉన్నతాధికారులు, మిత్రులకు కుమారస్వామి రెడ్డి కృతజ్ఞతలు తెలిపారు. కార్యక్రమంలో మిత్రబృందం, సహోద్యోగులు, బంధుమిత్రులు, అభిమానులు భారీగా హాజరయ్యారు.

అనంతపురం ఎడ్యుకేషన్‌: సమసమాజ నిర్మాణానికి అనేక పోరాటాలు సాగించిన మహాత్మా జ్యోతిబాపూలే మార్గం అనుసరణీయమని వక్తలు పేర్కొన్నారు. పూలే 200వ జయంతి సందర్భంగా జిల్లా వెనుకబడిన తరగతుల సంక్షేమ శాఖ ఆధ్వర్యంలో శనివారం వేడుకలు నిర్వహించారు. ముందుగా జెడ్పీ కార్యాలయ ఆవరణలోని పూలే విగ్రహానికి కలెక్టర్‌ ఓ.ఆనంద్‌, ఎంపీ అంబికా లక్ష్మీనారాయణ, జెడ్పీ చైర్‌పర్సన్‌ బోయ గిరిజమ్మ, మడకశిర ఎమ్మెల్యే ఎంఎస్‌ రాజు, ఆర్టీసీ జోనల్‌ చైర్మన్‌ పూల నాగరాజు, అధికారులు పూలమాలలు వేసి నివాళులర్పించారు. అనంతరం డీపీఆర్‌సీ మీటింగ్‌ హాల్‌లో ఏర్పాటు చేసిన సమావేశంలో కలెక్టర్‌ ఆనంద్‌ మాట్లాడుతూ... బడుగు, బలహీన వర్గాల అభ్యున్నతికి, విద్యకు జ్యోతిబా పూలే ఇచ్చిన ప్రాధాన్యతను వివరించారు. జెడ్పీ చైర్‌పర్సన్‌ బోయ గిరిజమ్మ మాట్లాడుతూ.. సమాజంలోని అట్టడుగు వర్గాలకు సమాన హక్కులు, అవకాశాల కోసం పూలే సాగించిన పోరాటాలను కొనియాడారు. ఎంపీ అంబికా లక్ష్మీనారాయణ మాట్లాడుతూ.. ప్రతి ఒక్కరికీ చదువు హక్కు ఉందని ప్రపంచానికి తెలియజేసిన మహనీయుడిగా పూలే నిలిచారన్నారు. పూల నాగరాజు మాట్లాడుతూ.. ఉమ్మడి జిల్లాలో అన్ని నియోజకవర్గాల్లో పూలే విగ్రహాల ఏర్పాటు కోసం కృషి చేస్తామన్నారు. రాష్ట్ర ఎస్టీ కమిషన్‌ సభ్యుడు పి. వెంకటప్ప, కార్మిక సంక్షేమ బోర్డు చైర్మన్‌ వెంకటశివుడు యాదవ్‌, బీసీ సంక్షేమశాఖ ఇన్‌చార్జ్‌ డీడీ రామసుబ్బారెడ్డి, ఎస్సీ కార్పొరేషన్‌ డైరెక్టర్‌ కమలమ్మ, డైరెక్టర్లు, వివిధ సంఘాల నాయకులు, విద్యార్థులు పాల్గొన్నారు. వ్యక్తి ఆత్మహత్య అనంతపురం సెంట్రల్‌: అప్పులు తీర్చే మార్గం కానరాక అనంతపురంలోని కోవూరునగర్‌లో నివాసముంటున్న నిరంజన్‌కుమార్‌(43) ఆత్మహత్య చేసుకున్నాడు. ఈ మేరకు పోలీసులు తెలిపారు. శుక్రవారం రాత్రి కుటుంబసభ్యులతో కలిసి భోజనం చేసి నిద్రపోయాడు. శనివారం తెల్లవారుజామున ఇంట్లోనే వేసుకున్న ఉరికి విగతజీవిగా వేలాడుతున్న నిరంజన్‌కుమార్‌ను గమనించిన కుటుంబసభ్యులు గట్టిగా కేకలు వేశారు. చుట్టుపక్కల వారు అక్కడకు చేరుకుని అప్పటికే మృతి చెందినట్లు నిర్ధారించారు. సమాచారం అందుకున్న నాల్గో పట్టణ పోలీసులు క్షేత్రస్థాయిలో పరిశీలించి, కేసు నమోదు చేశారు. గోల్‌షాట్‌ బాల్‌ పోటీల్లో అనంత శుభారంభంకదిరి అర్బన్‌: స్థానిక ఓ ప్రైవేట్‌ పాఠశాల క్రీడా మైదానం వేదికగా జూనియర్‌ బాలబాలికల అంతర్‌ జిల్లాల గోల్‌షాట్‌ బాల్‌ చాంపియన్‌షిప్‌ పోటీలు శనివారం ప్రారంభమయ్యాయి. తొలి రోజు ఉత్కంఠగా సాగిన పోటీల్లో బాలుర విభాగంలో విశాఖపట్నంపై అనంతపురం జట్టు విజయం సాధించింది. అలాగే బాపట్లపై విశాఖపట్నం, శ్రీసత్యసాయిపై గుంటూరు, కర్నూలుపై తిరుపతి, జట్లు విజయం సాధించాయి. బాలికల విభాగంలో గుంటూరుపై శ్రీసత్యసాయి జట్టు, బాపట్లపై విశాఖపట్నం జట్టు విజయం సాధించాయి.

● జస్టిస్‌ రాజేంద్ర మీనన్‌ అనంతపురం: సమాజ నిర్మాణంలో చట్టం కీలక పాత్ర పోషిస్తుందని ఢిల్లీ హైకోర్టు మాజీ ప్రధాన న్యాయమూర్తి, ఆర్మ్‌డ్‌ ఫోర్స్‌ ట్రిబ్యునల్‌ చైర్మన్‌, బార్‌ కౌన్సిల్‌ ఆఫ్‌ ఇండియా లీగల్‌ ఎడ్యుకేషన్‌ కమిటీ చైర్మన్‌ జస్టిస్‌ రాజేంద్ర మీనన్‌ అన్నారు. అనంతపురంలోని విజయనగర లా కళాశాలలో నూతన అకడమిక్‌ భవనాన్ని శనివారం ప్రారంభించారు. కార్యక్రమానికి ముఖ్య అతిథిగా హాజరైన జస్టిస్‌ మీనన్‌ మాట్లాడుతూ.. న్యాయవాద వృత్తి చాలా పవిత్రమైందన్నారు. చట్టబద్ధమైన వాదనల ద్వారా న్యాయాన్ని నిలబెట్టే ఈ వృత్తిలో కొనసాగడమంటే సమాజానికి సేవ చేసే ఒక గొప్ప అవకాశం దక్కినట్లేనని పేర్కొన్నారు. న్యాయవాద వృత్తిలో స్థిరపడాలంటే సహనం, ఓర్పు ఉండాలన్నారు. జడ్జిమెంట్‌కు సంబంధించి ఏఏ పుస్తకాలు చదవాలో వివరించారు. జర్నల్స్‌, లా బుక్స్‌ నిరంతరం అధ్యయనం చేస్తూ ఉండాలని సూచించారు. వృత్తి జీవితాన్ని కొనసాగిస్తూనే.. సమాజ సేవకు కృషి చేయాలని కోరారు. ఎస్కేయూ వీసీ ప్రొఫెసర్‌ ఎన్‌వీఆర్‌ జ్యోతి కుమార్‌ విశిష్ట అతిథిగా హాజరై మాట్లాడారు. కార్యక్రమంలో విజయనగర లా కళాశాల కరస్పాండెంట్‌, ఏపీ బార్‌ కౌన్సిల్‌ సభ్యులు ఆలూరి రామిరెడ్డి తదితరులు పాల్గొన్నారు.

● ఏపీటీఎఫ్‌ రాష్ట్ర కార్యదర్శి గౌని పాతిరెడ్డి రాయదుర్గంటౌన్‌: పీఆర్‌సీ సాధనకు ఈ నెల 18న కలెక్టరేట్‌ వద్ద తలపెట్టిన ధర్నాను జయప్రదం చేయాలని ఉద్యోగ, ఉపాధ్యాయులకు ఆంధ్రప్రదేశ్‌ టీచర్స్‌ ఫెడరేషన్‌ (ఏపీటీఎఫ్‌) రాష్ట్ర కార్యదర్శి పాతిరెడ్డి పిలుపునిచ్చారు. రాయదుర్గంలోని ఇందిరాగాంధీ మున్సిపల్‌ హైస్కూల్‌లో రాయదుర్గం ఏపీటీఎఫ్‌ జోనల్‌ సమావేశం శనివారం జరిగింది. సమావేశానికి ముఖ్య అతిథిగా పాతిరెడ్డి హాజరై, మాట్లాడారు. పీఆర్‌సీ నియమించకుండా చంద్రబాబు ప్రభుత్వం కాలయాపన చేస్తోందని మండిపడ్డారు. తక్షణమే కమిషన్‌ నియమించి ఐఆర్‌, పెండింగ్‌ డీఏలను వెంటనే ప్రకటించాలన్నారు. రాబోవు బదిలీల్లో జీరో సర్వీస్‌ అవకాశం ఇవ్వాలని, రెండేళ్లకోసారి రేషనలైజేషన్‌ చేయాలని డిమాండ్‌ చేశారు. విశ్రాంత ఉద్యోగుల బకాయిలను వెంటనే మంజూరు చేయాలన్నారు. పాత పెన్షన్‌ విధానాన్ని పునరుద్దరించాలని, విద్యా వ్యవస్థలో గందరగోళం తొలగించి పాఠశాలల బలోపేతానికి చర్యలు తీసుకోవాలన్నారు. కార్యక్రమంలో ఏపీటీఎఫ్‌ జిల్లా ఉపాధ్యక్షుడు రామాంజనేయులు, జిల్లా ప్రధాన కార్యదర్శి మోహన్‌రెడ్డి, అనిల్‌కుమార్‌, రంగప్ప, ఖాసీంపీరా, మల్లికార్జున, ఆంజనేయులు, సునీల్‌, పాండు, సిద్దేశ్వర్‌ తదితరులు పాల్గొన్నారు.

బత్తలపల్లి: మండలంలోని డి.చెర్లోపల్లి ప్రాథమికోన్నత పాఠశాలలో సెకండరీ గ్రేడ్‌ ఉపాధ్యాయుడిగా పని చేస్తున్న పాలమసి నారాయణస్వామి(59) గుండెపోటుతో మరణించారు. అనంతపురం రూరల్‌ మండలం ఆకుతోటపల్లి సమీపంలోని బాలాజీ హౌసింగ్‌ కాలనీలో నివాసముంటున్న ఆయన గురువారం రాత్రి గుండెపోటుకు గురికావడంతో కుటుంబ సభ్యులు వెంటనే స్థానిక ఓ ప్రైవేట్‌ ఆస్పత్రిలో చేర్పించారు. చికిత్స పొందుతున్న సమయంలో మరోసారి గుండెపోటు రావడంతో పరిస్థితి విషమించి శుక్రవారం ఉదయం మరణించారు. కాగా, నారాయణస్వామికి భార్య లక్ష్మి, ఓ కుమారుడు ఉన్నారు. నారాయణస్వామి మృతి చెందిన విషయం తెలియడంతో ఎంఈఓ సుధాకర్‌నాయక్‌తో పాటు పాఠశాల ప్రధానోపాధ్యాయులు, సహచర ఉపాధ్యాయులు, ఉపాధ్యాయ సంఘాల నాయకులు అనంతపురానికి తరలివెళ్లారు. నారాయణస్వామి మృతదేహంపై పూలమాలలు వేసి నివాళులర్పించారు. బాధిత కుటుంబ సభ్యులను పరామర్శించారు. ఆయన ఆత్మకు శాంతి చేకూరాలని గ్రామస్తులు సంతాపం వ్యక్తం చేశారు.

● చింతలరాయుడి ఆలయ కమిటీ ఎన్నికపై కమ్ముకున్న నీలి నీడలు ● గత ఆగస్టులో నోటిఫికేషన్‌ ఇచ్చినా చివరి క్షణంలో వాయిదా తాడిపత్రి రూరల్‌: ఉభయ తెలుగు రాష్ట్రాల్లోనే ప్రసిద్ధ వైష్ణవ క్షేత్రంగా భాసిల్లుతున్న తాడిపత్రిలోని భూదేవి, శ్రీదేవి సమేత చింతల వేంకటరమణస్వామి ఆలయం కమిటీ ఏర్పాటుపై నీలినీడలు కమ్ముకున్నాయి. చంద్రబాబు ప్రభుత్వం ఏర్పడిన తర్వాత తాడిపత్రిలోని బుగ్గరామలింగేశ్వర ఆలయంతో పాటు చింతల వేంకటరమణస్వామి ఆలయ కమిటీలు వైదొలిగాయి. దీంతో నూతన కమిటీల ఎన్నికకు గత ఏడాది ఆగస్టులో ప్రభుత్వం నోటిఫికేషన్‌ జారీ చేసింది. అయితే రెండు దేవాలయాల్లో పట్టు కోసం కూటమి పార్టీల నేతలు ఎగబడ్డారు. తటస్థులు, వ్యాపారవేత్తలు పోటీ పడ్డారు. ఈ క్రమంలో కూటమికి చెందిన ప్రధాన నాయకుడి కనుసన్నల్లో రెండు ఆలయాల కమిటీల నియామకం కోసం ఎంపిక చేసిన అభ్యర్థుల జాబితాను దేవాదాయశాఖకు పంపారు. బుగ్గరామలింగేశ్వర స్వామి ఆలయ కమిటీ ఖరారు కాగా, చివరి క్షణంలో చింతల వేంకటరమణస్వామి దేవాలయానికి సంబంధించిన కమిటీ ఎంపికపై సందిగ్ధం నెలకొంది. చివరి క్షణంలో బీజేపీకి చెందిన మద్దతుదారుని స్థానంలో అదే పార్టీకి చెందిన మరొకరిని ఎంపిక చేయడమే ఇందుకు కారణంగా తెలుస్తోంది. కొత్త కమిటీ ఎంపిక కోసం నోటిఫికేషన్‌ జారీ చేసి ఆరు నెలలు దాటినా... నేటికీ నియామకం కాకపోవడంతో ఆశావహుల్లో నిరాశ వ్యక్తమవుతోంది. తాత్కాలిక కమిటీతోనే ఉత్సవాలు చంద్రబాబు ప్రభుత్వం ఏర్పడినప్పటి నుంచి చింతల వేంకటరమణస్వామి ఉత్సవాలను తాత్కాలిక కమిటీతోనే నెట్టుకొస్తున్నారు. ఈ కమిటీలోని సభ్యుల్లో ఎక్కువ మంది అధికారిక కమిటీలో స్థానం కోసం ఎదురు చూస్తున్నవారే కావడం గమనార్హం. ఈ నేపథ్యంలో అధ్యక్ష స్థానాన్ని ఆశించిన వారు ఉత్సవాలకు అవసరమైన విరాళాల సేకరణలో ముందు వరసలో నిలిచి రూ. లక్షలు సేకరించారు. రెండేళ్లుగా జరిగిన అన్ని ఉత్సవాల్లోనూ విరాళాల సేకరణతోపాటు వాటి నిర్వహణకు తీవ్ర స్థాయిలో శ్రమించారు. గతంలో ఎన్నడూ లేని విధంగా భారీ ఖర్చుతో ఉత్సవాలను నిర్వహించారు. ఇలాంటి తరుణలో ఆలయ కమిటీ నియాకంపై నోటిఫికేషన్‌ జారీ కాకపోవడంతో అందరిలోనూ నిరాశ వ్యక్తమవుతోంది. నిర్వహణ గాలికి దేవదాయశాఖ ఈఓ రామాంజనేయులుకు తాడిపత్రిలోని రెండు దేవాలయాలకు రెగ్యులర్‌ పోస్టు కాగా, అనంతపురం, రాప్తాడు గ్రూపు దేవాలయాలకు ఇన్‌చార్జ్‌ వ్యవహరిస్తున్నారు. దీంతో ఆయన తాడిపత్రిలోని ఆలయాల నిర్వహణను గాలికి వదిలేసినట్లుగా ఆరోపణలు వ్యక్తమవుతున్నాయి. పూజల ఖర్చులు, ఆలయాల పరిశుభ్రత తదితర అంశాలను ఏమాత్ర పట్టించుకోవడం లేదని పలువురు ఆవేదన వ్యక్తం చేస్తున్నారు. ఫలితంగా ఆలయాలు ఆదాయాన్ని కోల్పోయతున్నాయని వాపోతున్నారు. తాడిపత్రిలోని చింతల వేంకటరమణస్వామి ఆలయం త్వరలో నోటిఫికేషన్‌ చింతల వేంకటరమణస్వామి దేవాలయానికి సంబంధించిన నూతన కమిటీ నియామకం కోసం త్వరలో దేవదాయశాఖ నోటిఫికేషన్‌ జారీ చేయనుంది. గత ఏడాది ఆగస్టులో నోటిఫికేషన్‌ జారీ చేసినా కొన్ని అనివార్య కారణాల వల్ల కమిటీ ఏర్పాటు కాలేదు. – రామాంజనేయులు, ఈఓ, దేవదాయశాఖ

రాయలసీమ అభివృద్ధికి కీలకమైన రాయలసీమ ఎత్తిపోతల పథకం పనులు పూర్తి చేయాలి. సీమ ప్రజల ప్రయోజనాల కోసం పోరుబాటను మరింత ఉధృతం చేస్తాం. హంద్రీ–నీవా పనులకు సీఎం చంద్రబాబు శంకుస్థాపనలు చేయడం మినహా చేసిందేమీ లేదు. హంద్రీ–నీవా ద్వారా 3.50 లక్షల ఎకరాలకు సాగునీరు అందించాల్సి ఉంది. కానీ ఒక్క ఎకరా ఆయకట్టుకు కూడా అందించడం లేదు. డిస్ట్రిబ్యూటరీలను పూర్తిగా నిర్లక్ష్యం చేశారు. గతంలో హంద్రీ–నీవాను 40 టీఎంసీల నుంచి 5 టీఎంసీలకు పరిమితం చేసిన ఘనత చంద్రబాబుకే దక్కుతుంది. ఇప్పుడు కూడా 6,300 క్యూసెక్కుల నుంచి 3,850 క్యూసెక్కులకు కుదించి నిధులు దోపిడీ చేశారు. వైఎస్‌ జగన్‌మోహన్‌రెడ్డి హయాంలో దూరదృష్టితో రాయలసీమ లిఫ్ట్‌ ఇరిగేషన్‌ ప్రాజెక్ట్‌కు శ్రీకారం చుట్టారు. తెలంగాణ ప్రభుత్వం శ్రీశైలంలో 788 అడుగుల నుంచే నీరు తోడే కార్యక్రమం అమలు చేస్తోంది. పాలమూరు, దిండి ప్రాజెక్ట్‌లకు, విద్యుదుత్పత్తికి రోజూ 8 టీఎంసీల నీరు తోడుకుంటోంది. రాయలసీమ ప్రయోజనాల నిమిత్తం పోతిరెడ్డిపాడు, రాయలసీమ ఎత్తిపోతల పథకం నుంచి నీరు తరలించేందుకు వీలుగా మాజీ ముఖ్యమంత్రి వైఎస్‌ జగన్‌మోహన్‌రెడ్డి కార్యాచరణ అమలు చేశారు. ఈ ప్రాజెక్టు ఇన్సూరెన్స్‌ లాంటి పథకం. అలాంటి ప్రయోజనం రాయలసీమకు కలగకుండా ఇప్పుడు చంద్రబాబు నిలుపుదల చేయించడం పుట్టిన గడ్డకు దగా చేయడమే. కేవలం నేషనల్‌ గ్రీన్‌ ట్రిబ్యునల్‌ అభ్యంతరం తెలిపిందని సాకుగా చూపి రాయలసీమ ఎత్తిపోతల పథకాన్ని అపేశారు. సీమ అభివృద్ధి కోసం గతంలో బీజేపీ ప్రకటించిన ‘రాయలసీమ డిక్లరేషన్‌’ను వెంటనే అమలు చేయాలి. – అనంత వెంకటరామిరెడ్డి, వైఎస్సార్‌సీపీ జిల్లా అధ్యక్షుడు అనంతపురం: కరువు పరిస్థితుల నుంచి బయటపడాలంటే రాయలసీమ లిఫ్ట్‌ ఇరిగేషన్‌ ప్రాజెక్టు అత్యంత అవశ్యమని వైఎస్సార్‌సీపీ నాయకులు స్పష్టం చేశారు. అలాంటి కీలకమైన సాగు–తాగునీటి ప్రాజెక్టుకు సీఎం చంద్రబాబు తన శిష్యుడైన తెలంగాణ సీఎం రేవంత్‌రెడ్డితో చీకటి ఒప్పందం చేసుకుని గండికొట్టడంపై మండిపడ్డారు. రాయలసీమ ఎత్తిపోతల పథకం ఆపివేతతో ‘సీమ’ ఎడారిగా మారే ప్రమాదముందని ఆందోళన వ్యక్తం చేశారు. రాజధాని అమరావతి కోసం రూ.2 లక్షల కోట్లు ఖర్చు చేస్తున్న చంద్రబాబు.. రాయలసీమ ప్రాజెక్ట్‌లను ఎందుకు నిర్లక్ష్యం చేస్తున్నారని ప్రశ్నించారు. రాయలసీమ ఎత్తిపోతల పథకంతో పాటు ఉమ్మడి అనంతపురం జిల్లాలో పెండింగ్‌లో ఉన్న సాగునీటి ప్రాజెక్ట్‌ల పూర్తి కోసం ఉద్యమాన్ని ఉధృతం చేద్దామని పిలుపునిచ్చారు. దివంగత వైఎస్సార్‌ చొరవతోనే రాయలసీమకు కృష్ణా జలాలు వచ్చాయని గుర్తు చేసుకున్నారు. ఆయన ఆశయ స్ఫూర్తితో పోరాటాలు సాగిస్తామన్నారు. ● ‘రాయలసీమ సాగునీటి ప్రాజెక్ట్‌లు – సమాలోచన’ అనే అంశంపై శుక్రవారం అనంతపురంలోని కేటీఆర్‌ ఫంక్షన్‌ హాలులో వైఎస్సార్‌సీపీ ఆధ్వర్యంలో రౌండ్‌టేబుల్‌ సమావేశం నిర్వహించారు. వైఎస్సార్‌సీపీ అనంతపురం జిల్లా అధ్యక్షుడు అనంత వెంకటరామిరెడ్డి అధ్యక్షత వహించారు. నెల్లూరు జిల్లా అధ్యక్షుడు, మాజీ మంత్రి కాకాని గోవర్ధన్‌రెడ్డి ముఖ్య అతిథిగా, గ్రేటర్‌ రాయలసీమ టాస్క్‌ఫోర్స్‌ చైర్మన్‌, మాజీ మంత్రి సాకే శైలజానాథ్‌ విశిష్ట అతిథిగా హాజరయ్యారు. అనంతపురం పార్లమెంట్‌ పరిశీలకుడు నరేష్‌ కుమార్‌రెడ్డి, జెడ్పీ చైర్‌పర్సన్‌ బోయ గిరిజమ్మ, ఎమ్మెల్సీ మంగమ్మ, అసెంబ్లీ నియోజకవర్గాల సమన్వయకర్తలు తలారి రంగయ్య, మెట్టు గోవిందరెడ్డి, వై.వెంకటరామిరెడ్డి, వై.విశ్వేశ్వరరెడ్డి, కేతిరెడ్డి పెద్దారెడ్డి, కేతిరెడ్డి వెంకటరామిరెడ్డి, పార్టీ రాష్ట్ర కార్యదర్శి రమేష్‌ గౌడ్‌, పీఏసీ సభ్యుడు మహాలక్ష్మి శ్రీనివాస్‌, పార్టీ రాష్ట్ర అధికార ప్రతినిధి గోరంట్ల మాధవ్‌, చిత్తూరు పార్లమెంట్‌ పరిశీలకుడు చవ్వా రాజశేఖర్‌రెడ్డి, సీఈసీ సభ్యులు మీసాల రంగన్న, పంచాయతీరాజ్‌ విభాగం రాష్ట్ర అధ్యక్షుడు వెన్నపూస రవీంద్రారెడ్డి, రైతు విభాగం రాష్ట్ర ప్రధాన కార్యదర్శి గోకుల్‌నాథ్‌రెడ్డి, కేవీ రమణ తదితరులు మాట్లాడారు. రాయలసీమ లిఫ్ట్‌ ఇరిగేషన్‌ ప్రాజెక్టు పూర్తి చేయాలని, హంద్రీ–నీవా కాలువ వెడల్పు చేయాలని, ‘రాయలసీమ డిక్లరేషన్‌’ పూర్తితో పాటు పలు అంశాలపై తీర్మానం చేశారు. ‘అనంత’ నుంచే ఉద్యమ కార్యాచరణ రాయలసీమకు న్యాయంగా దక్కాల్సిన నికర జలాలు, పెండింగ్‌లో ఉన్న సాగునీటి ప్రాజెక్ట్‌లు పూర్తిచేయాలనే ప్రధాన డిమాండ్‌తో అనంతపురం నుంచే ఉద్యమ కార్యాచరణ ప్రారంభిస్తాం. రాయలసీమ ఎత్తిపోతల పథకం రాయలసీమకు జీవనాడి. ఆల్మట్టి డ్యాం ఎత్తు పెంపుదల చేస్తున్నప్పటికీ.. చంద్రబాబు ఎందుకు ప్రశ్నించడం లేదు. శ్రీకాకుళంలో పడే వర్షం నీరు.. అనంతపురానికి ఎలా చేరుస్తారో.. మేఘాలను పిండి నీరు పారేలా చేస్తారా.. లేక డ్రోన్లతో నీరు పంపుతారా.? పట్టిసీమ ఒట్టి సీమేనని ఆనాడే చెప్పాం. పట్టిసీమతో రాయలసీమకు ఎలాంటి ప్రయోజనమూ లేదు. అమరావతి రియల్‌ ఎస్టేట్‌కు అప్పులు చేస్తే.. రాయలసీమ వాసులు ఎందుకు పన్నులు చెల్లించాలి? అమరావతి ఫ్రీ జోన్‌ అని ఎందుకు ప్రకటించలేదు. కేవలం రూ.10 వేల కోట్లు ఖర్చు చేస్తే రాయలసీమలోని అన్ని ప్రాజెక్ట్‌లూ పూర్తవుతాయి. ఉమ్మడి అనంతపురం జిల్లా బాగు పడాలంటే కేవలం కృష్ణా జలాల మీదే ఆధారపడి ఉంది. హెచ్చెల్సీకి నికరంగా రావాల్సిన నీరు గతంలో ఎన్నడూ రాలేదు. కృష్ణా జలాల సాధనపైనే పోరాటం చేయాలి. రాయలసీమ ఎత్తిపోతల పథకాన్ని పూర్తి చేయాలి. – సాకే శైలజానాథ్‌, మాజీ మంత్రి, గ్రేటర్‌ రాయలసీమ టాస్క్‌ఫోర్స్‌ చైర్మన్‌ ప్రభుత్వంలో చలనమేదీ? కృష్ణా జలాల్లో అదనపు వాటా కోసం తెలంగాణపై కేంద్రం ఒత్తిడి చేస్తున్నా, కర్ణాటక ప్రభుత్వం ఆల్మట్టి డ్యామ్‌ ఎత్తు పెంపు కోసం టెండర్లు పిలిచినా చంద్రబాబు ప్రభుత్వంలో చలనం లేదు. సీమకు ఇన్సూరెన్స్‌ లాంటి పథకం అయిన రాయలసీమ ఎత్తిపోతల పథకాన్ని తెలంగాణ సీఎం రేవంత్‌రెడ్డికి చంద్రబాబు తాకట్టు పెట్టేశారు. ఇది చాలా అన్యాయం. – బోయ గిరిజమ్మ, ఉమ్మడి అనంతపురం జెడ్పీ చైర్‌పర్సన్‌ సీమ రైతుకు మరణశాసనం ఎత్తిపోతల పథకం ఆపివేత రాయలసీమ రైతుకు మరణశాసనం. సీమకు నీటి వసతి కల్పనపై ఆలోచించకుంటే భవిష్యత్‌ ప్రశ్నార్థకంగా మారే ప్రమాదం ఉంది. సాగునీరు లేక, పంటలకు సరైన గిట్టుబాటు ధరలు లేక రైతులు ఆత్మహత్యలు చేసుకుంటున్నారు. రాయలసీమ ఎత్తిపోతల పథకాన్ని పూర్తి చేసేంత వరకు ఉద్యమం కొనసాగించాలి. – నరేష్‌కుమార్‌రెడ్డి, వైఎస్సార్‌సీపీ అనంతపురం పార్లమెంట్‌ పరిశీలకుడుసిగ్గులేని మంత్రి పయ్యావుల కేశవ్‌ శ్రీకాకుళంలో వర్షం కురిస్తే అక్కడి నుంచి అనంతపురం నీరు తరలిస్తామని చంద్రబాబు ప్రగల్భాలు పలుకుతున్నారు. ఆల్మట్టి ప్రాజెక్టు ఎత్తు పెంపుదల చేసి కృష్ణా జలాలను తగ్గించే ప్రయత్నం జరుగుతోంది. మరో వైపు అప్పర్‌ భద్రను జాతీయ ప్రాజెక్ట్‌గా తీసుకొచ్చి భైరవాని తిప్ప ప్రాజెక్ట్‌కు, తుంగభద్ర నది నీరు రాకుండా కుట్ర జరుగుతోంది. పోలవరం ఎత్తు తగ్గించారు. తెలంగాణ అసెంబ్లీలో సీఎం రేవంత్‌రెడ్డి ‘రాయలసీమ ఎత్తిపోతల’ పథకాన్ని ఆపించానని బహిరంగంగా ప్రకటించారు. మన ఆత్మగౌరవంపై దెబ్బతీస్తున్నా.. కనీసం చంద్రబాబు స్పందించలేదు. మంత్రి పయ్యావుల కేశవ్‌ రాయలసీమ ఎత్తిపోతల పథకం ఎక్కడ ఉంది అని సిగ్గులేకుండా మాట్లాడుతున్నారు. ఇప్పటిదాకా రూ.1,600 కోట్లు ఖర్చు పెట్టిన రాయలసీమ ఎత్తిపోతల పథకం కనిపించడం లేదు.. అదో ‘థెఫ్ట్‌ ప్రాజెక్ట్‌’ అని చెప్పిన మంత్రి పయ్యావుల కేశవ్‌ జన్మభూమికి ద్రోహం చేశారు. రాయలసీమ ఎత్తిపోతల పథకం లేకపోతే ఈ ప్రాంతం ఎడారిగా మారే ప్రమాదం ఉంది. – వై.విశ్వేశ్వరరెడ్డి, వైఎస్సార్‌సీపీ పీఏసీ సభ్యుడు, మాజీ ఎమ్మెల్యే రేవంత్‌రెడ్డితో చంద్రబాబు చీకటి ఒప్పందం.. సీమకు తీరని ద్రోహం రాయలసీమ ఎత్తిపోతల పాజెక్టు పూర్తి చేస్తేనే ఉమ్మడి అనంతకు సాగు–తాగునీరు రూ.10వేల కోట్ల ఖర్చుతో పెండింగ్‌ నీటి ప్రాజెక్టులన్నీ పూర్తి చేయొచ్చు హంద్రీనీవా కాలువ వెడల్పు, ‘రాయలసీమ డిక్లరేషన్‌’ పూర్తికి తీర్మానం జల సాధన పోరుబాటకు సిద్ధం కావాలి రౌండ్‌టేబుల్‌ సమావేశంలోవైఎస్సార్‌సీపీ నేతల పిలుపు

ఆత్మకూరు: ఉపాధి హామీ పథకంలో భాగంగా పనిచేస్తున్న నలుగురు టెక్నికల్‌ అసిస్టెంట్లతో పాటు ఓ క్షేత్ర సహాయకుడికి డ్వామా పీడీ సలీమ్‌బాషా శుక్రవారం షోకాజ్‌ నోటీసులు జారీ చేశారు. ఆత్మకూరు మండలం పంపనూరు వద్ద చేపట్టిన ఉపాధి హామీ పనులను శుక్రవారం ఆయన పరిశీలించారు. కూలీలు పనులకు సరిగా హాజరు కాకపోవడాన్ని గమనించి సిబ్బందిని ప్రశ్నించారు. వారి నుంచి సరైన సమాధానాలు రాకపోవడంతో షోకాజ్‌ నోటీసులు జారీ చేశారు. జాబ్‌కార్డు ఉన్న ప్రతి ఒక్కరికీ పనులు కల్పించాలని సిబ్బందిని ఆదేశించారు. ఎండలకు వడదెబ్బ తగలకుండా తగిన జాగ్రత్తలు తీసుకొవాలని కూలీలకు సూచించారు. పని ప్రాంతంలో తాగునీరు అందుబాటులో ఉంచుకోవాలన్నారు. కార్యక్రమంలో ఏపీఓ వెంకటనారాయణ, సిబ్బంది పాల్గొన్నారు. జనగణన పక్కాగా నిర్వహించాలి ● జేసీ విష్ణుచరణ్‌ ఆదేశం అనంతపురం అర్బన్‌: జన గణనలో భాగంగా మొదటి దశలో చేపట్టే గృహగణన ప్రక్రియను పక్కాగా నిర్వహించాలని సూపర్‌వైజర్లు, ఎన్యుమరేటర్లను జాయింట్‌ కలెక్టర్‌ సి.విష్ణుచరణ్‌ ఆదేశించారు. మండల, పట్టణ స్థాయిలో జన గణన ప్రక్రియలో పాల్గొననున్న సూపర్‌వైజర్లు, ఎన్యుమరేటర్లకు అనంతపురంలోని ఆర్ట్స్‌ కళాశాల కాన్ఫరెన్స్‌ హాల్‌లో శుక్రవారం ఏర్పాటు చేసిన శిక్షణ తరగతులను డీఆర్‌ఓ ఎ.మలోలతో కలిసి జాయింట్‌ కలెక్టర్‌ పరిశీలించి, మాట్లాడారు. విధానాల రూపకల్ప, దేశాభివృద్ధికి ప్రణాళికలు, బడ్జెట్‌ కేటాయింపులు, ప్రజాసంక్షేమం, సమర్థవంతమైన పాలనకు పునాదిగా జనగణన ప్రక్రియ ఉంటుందన్నారు. ఇంటింటా కచ్చితమైన గణాంకాలు, వివరాలు సేకరించినప్పుడే జనగణన ముఖ్యలక్ష్యం సాధ్యమవుతుంనద్నారు. భారత ప్రభుత్వం నిర్ధేశించిన 33 అంశాలపై పూర్తిస్థాయిలో సమాచారం సేకరించి ఏ రోజుకారోజు నమోదు ప్రక్రియ ముగిసేలా ప్రణాళికబద్ధంగా పనిచేయాలన్నారు. ఈ నెల 16 నుంచి 30వ తేదీ వరకు వ్యక్తిగత వివరాలను వెబ్‌సైట్‌లో సొంతంగా నమోదు చేసుకునే వెసులుబాటు ఉందని, ఈ విషయంపై ప్రజలను చైతన్య పరచాలన్నారు. కార్యక్రమంలో ఇన్‌చార్జ్‌ తహసీల్దారు రాజా, సెన్సెస్‌ డీటీ మధుసూదన్‌రావు, ఆర్‌ఐ యువతేజ, జేఏ షఫీ, ట్రైనర్లు రామచంద్ర, అహమ్మద్‌, మణికంఠ, తదితరులు పాల్గొన్నారు. ద్విచక్ర వాహనాల ఢీ – ముగ్గురికి గాయాలు గార్లదిన్నె: ద్విచక్ర వాహనాలు పరస్పరం ఢీకొన్న ఘటనలో ముగ్గురు గాయపడ్డారు. స్థానికులు తెలిపిన మేరకు... గార్లదిన్నె మండలం బూదేడు గ్రామానికి చెందిన మోహన్‌, తన భార్యతో కలసి శుక్రవారం ద్విచక్ర వాహనంపై పామిడికి బయలుదేరాడు. ఎగువపల్లి సమీపంలోకి చేరుకోగానే 44వ జాతీయ రహదారిపై కోటంక గ్రామానికి చెందిన నాగరాజు వెళుతున్న ద్విచక్రవాహనాన్ని ఢీకొన్నారు. అటుగా వెళుతున్న వారు గమనించి గాయపడిన ముగ్గురినీ 108 అంబులెన్స్‌ ద్వారా అనంతపురంలోని ప్రభుత్వాస్పత్రికి తరలించారు.

● ఈ నెల 20 దాకా దరఖాస్తు గడువు పొడిగింపు అనంతపురం ఎడ్యుకేషన్‌: కస్తూర్బా గాంధీ బాలికా విద్యాలయాల (కేజీబీవీ)లో 2026–27 విద్యా సంవత్సరానికి ప్రవేశాల కోసం ఆన్‌లైన్‌ దరఖాస్తు గడువును మరోసారి పొడిగించినట్లు సమగ్ర శిక్ష అడిషనల్‌ ప్రాజెక్ట్‌ కోఆర్డినేటర్‌ టి.శైలజ తెలిపారు. శుక్రవారం ఆమె ఓ ప్రకటన విడుదల చేశారు. వాస్తవానికి శుక్రవారం నాటికి గడువు ముగిసిందని, అయితే విద్యార్థులు, తల్లిదండ్రుల అభ్యర్థన మేరకు ఎస్పీడీ ఆదేశాలతో గడువు పొడిగించామని వెల్లడించారు కేజీబీవీల్లో 6, 11 తరగతుల్లో ప్రవేశాలు కల్పించడంతో పాటు 7, 8, 9, 10, 12 తరగతుల్లో మిగిలిన సీట్ల భర్తీ కోసం కూడా దరఖాస్తు చేసుకోవచ్చన్నారు. మొత్తం 32 కేజీబీవీల్లో అన్ని తరగతులకూ కలిపి 2,779 సీట్లు ఉండగా, శుక్రవారం నాటికి 7,501 దరఖాస్తులు అందినట్లు తెలిపారు. కేజీబీవీల్లో అందిస్తున్న నాణ్యమైన విద్య, వసతి, భోజన సౌకర్యాలను దృష్టిలో పెట్టుకుని బాలికల నుంచి దరఖాస్తులు భారీగా వస్తున్నాయని పేర్కొన్నారు. ఇంకా దరఖాస్తు చేయని అర్హులైన బాలికలు ఈ అవకాశాన్ని సద్వినియోగం చేసుకోవాలని సూచించారు. అనాథలు, బడి బయట పిల్లలు, డ్రాపౌట్స్‌, పేద కుటుంబాలకు చెందిన బాలికలు, ఎస్సీ, ఎస్టీ, బీసీ, మైనారిటీ, బీపీఎల్‌ వర్గాలకు చెందిన విద్యార్థినులు దరఖాస్తు చేసుకోవాలని కోరారు. కేవలం ఆన్‌లైన్‌ ద్వారా వచ్చిన దరఖాస్తులనే పరిగణనలోకి తీసుకుంటారని స్పష్టం చేశారు. https://apkgbv. apcfss.in/ వెబ్‌సైట్‌లో దరఖాస్తు చేసుకోవాలన్నారు. ఎంపికై న విద్యార్థులకు ఫోన్‌ మెసేజ్‌ ద్వారా సమాచారం అందజేస్తామని, సంబంధిత కేజీబీవీల్లోని నోటీసు బోర్డుల్లో కూడా వివరాలు పొందుపరుస్తామని తెలిపారు. ఏవైనా సందేహాలు, సమస్యలు ఉంటే 79933 29115, 70750 39990 నంబర్లలో ఉదయం 10 నుంచి సాయంత్రం 5 గంటల వరకు పని దినాల్లో సంప్రదించాలని ఏపీసీ కోరారు.

పరీక్షలు ముగియగానే హమ్మయ్యా...అంటూ ఊపిరి పీల్చుకున్న ఇంటర్‌ ప్రథమ సంవత్సరం విద్యార్థులకు ప్రభుత్వం మళ్లీ పరీక్ష పెడుతోంది. ద్వితీయ సంవత్సరంలోకి ప్రవేశించే వారికి ‘ప్రత్యేక తరగతులు’ అంటూ తీవ్ర ఇబ్బందులు పెడుతోంది. ముఖ్యంగా ఎండలు దంచుకున్న ప్రస్తుత పరిస్థితుల్లో పుస్తకాలు పంపిణీ చేయకుండానే పాఠాలు చెబుతుండగా.. విద్యార్థులు దిక్కులు చూస్తున్నారు. అనంతపురం ఎడ్యుకేషన్‌: ఇంటర్‌ విద్యార్థులకు ప్రభుత్వం విషమ పరీక్ష పెట్టింది. గరిష్ట ఉష్ణోగ్రతలు నమోదవుతున్న ప్రస్తుత తరుణంలో ‘ప్రత్యేకం’ అంటూ తరగతుల నిర్వహిస్తోంది. భానుడి భగభగలతో గరిష్ట ఉష్ణోగ్రతలు నమోదవుతుండగా... పాఠశాల విద్యార్థులు ఇబ్బందులు పడకూడదన్న ఉద్దేశంతో ఒంటిపూట బడులు నిర్వహిస్తున్నారు. కానీ ఇంటర్‌ విద్యార్థులకు మాత్రం ఈ అవకాశం ఇవ్వలేదు. మొదటి సంవత్సరం పరీక్షలు పూర్తయిన వెంటనే ప్రత్యేక తరగతులు నిర్వహిస్తోంది. ఉదయం 9 నుంచి సాయంత్రం 5 గంటల వరకూ క్లాసులు నిర్వహిస్తోంది. పుస్తకాలు పంపిణీ చేయకుండా తరగతులు నిర్వహిస్తుండటంతో అధ్యాపకులు ఏం చెబుతున్నారో కూడా విద్యార్థులకు తెలియడం లేదు. అందరికీ ఇబ్బందే మార్చి నెలాఖరు వరకు ఇంటర్‌ మొదటి సంవత్సరం విద్యార్థులు పరీక్షలు రాశారు. వేసవి సెలవుల నేపథ్యంలో ఇప్పుడిప్పుడే సేదదీరుతున్నారు. చాలామంది బంధువుల ఊళ్లకు వెళ్లేందుకు, శీతల ప్రదేశాల్లో విహరించేందుకు ప్లాన్‌ చేసుకున్నారు. కానీ వారి ఆశలపై నీళ్లు చల్లుతూ చంద్రబాబు ప్రభుత్వం ఏప్రిల్‌ 1 నుంచి 23వ తేదీ వరకూ ప్రత్యేక తరగతులు నిర్వహించాలంటూ ఆదేశాలు జారీ చేసింది. దీంతో ఇటు విద్యార్థులు, అటు అధ్యాపకులు కూడా ఇబ్బందులు పడుతున్నారు. పెరిగిన ఉష్ణోగ్రతల నేపథ్యంలో చాలా మంది ప్రత్యేక తరగతులకు హాజరు కావడం లేదు. ప్రత్యేక తరగతుల సమయం మార్చాలని ఇదివరకే అధ్యాపకులు నిరసనకు దిగారు. అయినా సర్కార్‌ వెనక్కు తగ్గలేదు. భారీగా పడిపోయిన హాజరు జిల్లాలోని 42 ప్రభుత్వ జూనియర్‌ కళాశాలల్లో 3,600 మంది విద్యార్థులు ఉన్నారు. చాలా మంది గ్రామీణ ప్రాంతాల నుంచి పట్టణాల్లోని కళాశాలలకు వస్తున్నారు. ప్రస్తుతం 400 మంది లోపు విద్యార్థులు హాజరవుతున్నారు. సాయంత్రం 5 గంటల వరకూ ప్రత్యేక తరగతులు నిర్వహిస్తుండగా ఆ తర్వాత బస్టాండుకు చేరుకుని స్వగ్రామానికి వెళ్లే బస్సు ఎక్కాలంటే గగనంగా మారుతోంది. మరోవైపు రోజురోజుకూ పెరుగుతున్న ఉష్ణోగ్రతలు భయపెడుతున్నాయి. ఇంకోవైపు ప్రభుత్వం పుస్తకాలు కూడా ఇవ్వకుండా పాఠాలు చెప్పడంతో విద్యార్థులకు ఇబ్బందిగా మారింది. ఇంటర్‌ ద్వితీయ సంవత్సరం తరగతులు ప్రారంభం పుస్తకాలు పంపిణీ చేయకుండానే పాఠాలు ఇబ్బంది పడుతున్న విద్యార్థులు

గార్లదిన్నె: జిల్లాలో ఆపిల్‌ పంట సాగు చేయడం శుభపరిణామమని కలెక్టర్‌ ఆనంద్‌ పేర్కొన్నారు. గార్లదిన్నె మండలం కోటంకలో రైతు రమణారెడ్డి సాగు చేసిన ఆపిల్‌ తోటను కలెక్టర్‌ శుక్రవారం పరిశీలించారు. పంట సాగు విధానాలపై రైతుతో ఆరా తీశారు. అనంతరం కలెక్టర్‌ మాట్లాడుతూ.. జిల్లాలో కొత్తగా ఆపిల్‌ మొక్కలు నాటాలని ఎవరూ తొందర పడరాదన్నారు. ముందుగా జిల్లాలో ఆపిల్‌ సాగుపై శాసీ్త్రయంగా ఉద్యానశాఖ, కృషి విజ్ఞాన కేంద్రం, ఉద్యాన పరిశోధన కేంద్రం ద్వారా విశ్లేషణ చేసిన తర్వాత ఆశాజనక ఫలితాలు వస్తే పంట సాగుకు సిద్ధం కావాలన్నారు. కార్యక్రమంలో తహసీల్దార్‌ ఈరమ్మ, మండల వ్యవసాయాధికారి సోమశేఖర్‌, ఉద్యాన అధికారి రత్నకుమార్‌ తదితరులు పాల్గొన్నారు. యంత్ర పరికరాలపై శిక్షణ ప్రయోజనకరం గార్లదిన్నె: దక్షిణ క్షేత్ర వ్యవసాయ యంత్రముల శిక్షణ, పరీక్షణ సంస్థ (ట్రాక్టర్‌ నగర్‌)లో నిరుద్యోగ యువతకు అందిస్తున్న శిక్షణ కార్యక్రమాలు ఎంతో ప్రయోజనకరంగా ఉన్నాయంటూ కలెక్టర్‌ ఆనంద్‌ పేర్కొన్నారు. గార్లదిన్నె పరిధిలోని ట్రాక్టర్‌ నగర్‌ను శుక్రవారం కలెక్టర్‌ సందర్శించారు. సంస్థలోని మౌలిక సదుపాయాలు, తరగతి గదులు, ప్రయోగశాలలు, ఆధునిక వ్యవసాయ యంత్రాలు, పరికరాలను పరిశీలించారు. శిక్షణకు వచ్చిన మహారాష్ట్ర యువతతో పాటు స్థానిక రైతులతో మాట్లాడారు. ట్రాక్టర్‌ నగర్‌ సేవలపై ఆరా తీశారు. సంస్థ కార్యకలాపాలు, సాధించిన విజయాలు, వ్యవసాయ యాంత్రీకరణను ప్రోత్సాహించే విధానాలు, తదితరాలను ట్రాక్టర్‌ నగర్‌ డైరెక్టర్‌ పీపీ రావు వివరించారు. గర్‌ల్స్‌, బాయ్స్‌ హాస్టల్‌, ఆడి టోరియం నిర్మాణ పనులు జరుగుతున్నట్లు డైరెక్టర్‌ తెలిపారు. అనంతరం డైరెక్టర్‌తో కలసి అధికారులతో కలెక్టర్‌ సమావేశమై మాట్లాడారు. యంత్ర పరికరాలపై శిక్షణ, ప్రదర్శన, నాణ్యత పరీక్షల సేవల్లో ట్రాక్టర్‌నగర్‌ ప్రత్యేక స్థానం దక్కించుకోడం గర్వంగా ఉందన్నారు. కార్యక్రమంలో శిక్షణకు వచ్చిన యువతతో పాటు ట్రాక్టర్‌ నగర్‌ సిబ్బంది, అధికారులు పాల్గొన్నారు. విధి నిర్వహణలో అలసత్వం వీడండి విధి నిర్వహణలో అలసత్వం వహిస్తే కఠిన చర్యలు తప్పవని సచివాలయ ఉద్యోగులను కలెక్టర్‌ ఆనంద్‌ హెచ్చరించారు. గార్లదిన్నె మండలం మర్తాడు గ్రామ సచివాలయాన్ని శుక్రవారం కలెక్టర్‌ ఆకస్మిక తనిఖీ చేశారు. రికార్డులు పరిశీలించారు. వాటి నిర్వహణ సక్రమంగా లేకపోవడంతో ఆగ్రహం వ్యక్తం చేశారు. సర్వేల ప్రగతిపై ఆరా తీశారు. కొందరు ఉద్యోగులు సీట్లలో కనిపించకపోవడంతో వారు ఎక్కడికి వెళ్లారంటూ అక్కడున్న వారిని ప్రశ్నించారు. ఆ సమయంలో పొంతన లేని సమాధానాలు ఇవ్వడంతో అసహనం వ్యక్తం చేశారు. ఉద్యోగులు నిబద్ధతతో పని చేయాలన్నారు. విధి నిర్వహణలో నిర్లక్ష్యం చేస్తే చర్యలు తప్పవని హెచ్చరించారు. ఈ సందర్భంగా పలువురు రైతులు కలెక్టర్‌ను కలిసి తమ ఇబ్బందులను వివరించారు. పనిపై కార్యాలయానికి వెళితే రెవెన్యూ అధికారులు పట్టించుకోవడం లేదని వాపోయారు. బోర్లలో నీరు అడుగంటి చెట్లు ఎండిపోతున్నాయని, మిడ్‌పెన్నార్‌ డ్యాం నుంచి వృథాగా నీటిని పెన్నానదికి వదిలారని, దక్షిణ కాలువకు నీరు వదిలితే రైతులకు ప్రయోజనకరంగా ఉంటుందని విన్నవించారు.

రాయలసీమకు అడుగడుగునా అన్యాయం చేసిన ఘనుడు చంద్రబాబు. హైకోర్టు, ఎయిమ్స్‌ తదితర ప్రాజెక్ట్‌లను ఇతర ప్రాంతానికి తరలించారు. రాయలసీమ అభివృద్ధిపై చంద్రబాబు, పవన్‌కళ్యాణ్‌కు చిత్తశుద్ధి లేదు. తెలంగాణ సీఎం రేవంత్‌రెడ్డి చెప్పే వరకు రాయలసీమ లిఫ్ట్‌ ఇరిగేషన్‌ ప్రాజెక్ట్‌ పనులు ఆగిపోయాయని చాలా మందికి తెలియదు. ఇప్పటికై నా ఐక్య పోరాటంతోనే రాయలసీమ ప్రాజెక్ట్‌లను పరిరక్షించాలి. – కేతిరెడ్డి వెంకటరామిరెడ్డి, మాజీ ఎమ్మెల్యే, ధర్మవరం నియోజకవర్గ వైఎస్సార్‌సీపీ సమన్వయకర్త

అనంతపురం అర్బన్‌: యూపీఎస్‌సీ ఆధ్వర్యంలో ఈ నెల 12న (ఆదివారం) జరగనున్న ఫ్లాగ్‌షిప్‌ (నేషనల్‌ డిఫెన్స్‌ అకాడమీ, నేవల్‌ అకాడమీ, కంబైన్డ్‌ డిఫెన్స్‌ అకాడమీ) పరీక్షలకు హాజరయ్యే అభ్యర్థుల కోసం కలెక్టరేట్‌లో ప్రత్యేకంగా కంట్రోల్‌ రూమ్‌ ఏర్పాటు చేశామని కలెక్టర్‌ ఆనంద్‌ శుక్రవారం ఒక ప్రకటనలో తెలిపారు. శని, ఆదివారం ఉదయం 7 నుంచి సాయంత్రం 6 గంటల వరకు కంట్రోల్‌ రూమ్‌ అందుబాటులో ఉంటుందన్నారు. అభ్యర్థులు ఏదేని సమాచారం లేదా ఫిర్యాదు కోసం కంట్రోల్‌ రూమ్‌ నంబర్‌ 85002 92992కు కాల్‌ చేయవచ్చని కలెక్టర్‌ తెలియజేశారు.

కూడేరు: ఉమ్మడి అనంతపురం జిల్లాకు తాగునీరు అందించే పీఏబీఆర్‌ (పెన్నఅహోబిలం బ్యాలెన్సింగ్‌) రిజర్వాయర్‌ నీటి మట్టం పాలకుల వైఫల్యం కారణంగా ఎన్నడూ లేని విధంగా తగ్గిపోయింది. డ్యాం నీటి నిల్వ సామర్థ్యం 11 టీఎంసీలు కాగా, రిజర్వాయర్‌ భద్రతా దృష్ట్యా 5.5 టీఎంసీలకు మించి ఇరిగేషన్‌ అధికారులు నీటిని నిల్వ ఉంచడం లేదు. నాలుగు నెలల క్రితం వరకు డ్యాంలో 5 టీఎంసీలకు పైగానే నీరు నిల్వ ఉండేది. ఇన్‌ఫ్లో పూర్తిగా నిలిచిపోవడం, కుడికాలువ ద్వారా 49 చెరువులను నింపడం, అనంత, శ్రీసత్యసాయి, శ్రీరామరెడ్డి, ఉరవకొండ, కూడేరు తాగునీటి ప్రాజెక్టులకు నీటిని సరఫరా చేస్తుండడంతో శుక్రవారం నాటికి డ్యాంలో 2.6 టీఎంసీలకు నీటి మట్టం చేరుకుంది. ఈ క్రమంలో మరో 30, 40 రోజుల్లో జలాశయం డెడ్‌ స్టోరేజ్‌కు చేరుకోనున్నట్లు సమాచారం. ఈ నేపథ్యంలో కుడి కాలువకు నీటి సరఫరాను త్వరలో నిలిపి వేయనున్నట్లు నీటి పారుదల శాఖ అధికారులు వెల్లడించారు. కాగా, కృష్టా జలాలను ఎలాంటి ఖర్చు లేకుండా పీఏబీఆర్‌కు తరలించే అవకాశం ఉన్నా ఆ దిశగా చంద్రబాబు ప్రభుత్వం చర్యలు తీసుకోలేదు. రాజకీయ ప్రయోజనాల కోసం కుప్పం ప్రాంతానికి తరలించడంపైనే సీఎం చంద్రబాబు దృష్టి సారించారు. దీంతో రిజర్వాయర్‌లో నీటి నిల్వ గణనీయంగా తగ్గుతుండటంతో తాగునీటి పథకాలపై తీవ్ర ప్రభావం చూపనుందని పలువురు ఆవేదన వ్యక్తం చేస్తున్నారు.

తెలంగాణ సీఎం రేవంత్‌రెడ్డికి చంద్రబాబు రాయలసీమ లిఫ్ట్‌ ప్రాజెక్ట్‌ తాకట్టు పెట్టి.. గిఫ్ట్‌ తెచ్చుకున్నారు. పోలవరం ఎత్తు తగ్గించుకుని.. స్కాం పెంచుకున్నారు. ఆల్మట్టి డ్యాం ఎత్తు పెంచేస్తున్నా మౌనం దాల్చుతున్నారు. కర్ణాటక అప్పర్‌ భద్ర ప్రాజెక్ట్‌ను కడితే అనంతపురం జిల్లాకు చుక్కు నీరు కూడా రాదు. కర్ణాటక సీఎం సిద్ధరామయ్యను కలిసి మన ప్రాంతానికి జరిగే అన్యాయాన్ని వివరిద్దాం. ఉద్యమ కార్యాచరణకు శ్రీకారం చుడదాం. – గోరంట్ల మాధవ్‌, మాజీ ఎంపీ, వైఎస్సార్‌సీపీ రాష్ట్ర అధికార ప్రతినిధి.

● కార్పొరేట్ల కోసమే వీ బీజీ రాం జీ ● సీపీఐ జాతీయ కార్యదర్శి కె.రామకృష్ణ, రాష్ట్ర కార్యదర్శి ఈశ్వరయ్య రాప్తాడు రూరల్‌: మహాత్మా గాంధీ గ్రామీణ ఉపాధి హామీ చట్టాన్ని నిర్వీర్యం చేసే దిశగా కేంద్ర ప్రభుత్వం కుట్ర పన్నిందని సీపీఐ జాతీయ కార్యదర్శి కె.రామకృష్ణ, రాష్ట్ర కార్యదర్శి ఈశ్వరయ్య విమర్శించారు. కార్పొరేట్‌ సంస్థలకు ఊడిగం చేయడానికే ఉపాధి హామీ చట్టాన్ని బలహీనపరచి, వీ బీజీ రాం జీ వంటి కొత్త విధానాలను అమలు చేస్తోందని మండిపడ్డారు. ఉపాధి హామీ చట్టాన్ని కొనసాగించాలంటూ సీపీఐ, వ్యవసాయ కార్మిక సంఘం ఆధ్వర్యంలో అనంతపురం రూరల్‌ మండలం సమతాగ్రాం నుంచి నార్పల మండలం బండ్లపల్లి వరకు చేపట్టిన పాదయాత్ర శుక్రవారం ప్రారంభమైంది. ఈ సందర్భంగా రామకృష్ణ, ఈశ్వరయ్య మాట్లాడారు. ఉపాధి చట్టాన్ని హక్కుగా కాకుండా ఒక సాధారణ స్కీమ్‌గా మార్చే ప్రయత్నం జరుగుతోందన్నారు. ఈ పథకం అమలులో ప్రస్తుతం కేంద్రం వాటా 60 శాతానికి తగ్గించి, రాష్ట్రంపై 40 శాతం భారం మోపడం అన్యాయమన్నారు. రాష్ట్ర ప్రభుత్వం నిధులు విడుదల చేయకపోతే పనులు నిలిచిపోతాయని, తద్వారా పథకం నిర్వీర్యం అయ్యేలా కేంద్రం కుట్ర పన్నిందని ఆరోపించారు. మహాత్మా గాంధీ ఉపాధి హామీ చట్టాన్ని యథాతథంగా అమలు చేయాలని డిమాండ్‌ చేశారు. కార్యక్రమంలో జిల్లా కార్యదర్శి పాల్యం నారాయణస్వామి, నాయకులు ముప్పాళ్ల నాగేశ్వరరావు, అక్కినేని వనజ, గుల్జార్‌సింగ్‌ గురియా, నిర్మల్‌, రావుల వెంకయ్య, జాఫర్‌, ఆవుల శేఖర్‌, బండి వెంకటేశ్వరరావు, వేమయ్య, మల్లికార్జున, రాజారెడ్డి, వలరాజు, నాసర్‌, సంతోష్‌కుమార్‌, యుగంధర్‌, చంద్రనాయక్‌, సంజీవప్ప, శ్రీరాములు, పద్మావతి, రమేష్‌, రాజేష్‌, రమణయ్య, లింగమయ్య, కుల్లాయిస్వామి, చిరంజీవి తదితరులు పాల్గొన్నారు.

రాయదుర్గం టౌన్‌: స్థానిక కోతిగుట్ట వద్ద కుక్కల దాడిలో ఓ జింక తీవ్రంగా గాయపడి చికిత్స పొందుతూ మృతి చెందింది. నీటి కోసం సమీప అటవీ ప్రాంతం నుంచి శుక్రవారం కోతిగుట్ట వద్దకు వచ్చిన జింకను ఒక్కసారిగా కుక్కలు చుట్టుముట్టాయి. దీంతో జింక పరుగున సమీపంలోని నర్సరీలోకి చేరుకుంది. గమనించిన స్థానికులు వెంటనే కుక్కలను అదిలించి జింకను కాపాడారు. సమాచారం అందుకున్న అటవీ అధికారి దామోదరరెడ్డి అక్కడకు చేరుకుని తీవ్రంగా గాయపడిన జింకను వెంటనే స్థానిక పశువైద్యశాలకు తీసుకెళ్లారు. డాక్టర్‌ నవీన్‌ చికిత్సలు అందజేసినా ఫలితం దక్కలేదు. కుక్కలు చుట్టుముట్టి దాడి చేయడంతో భయంతో గుండెపోటుకు గురై జింక మృతి చెందినట్లు వైద్యాధికారి నిర్ధారించారు. పశు శాఖలో కొనసాగిన విచారణ అనంతపురం అగ్రికల్చర్‌: పశు సంవర్ధకశాఖలో చోటు చేసకున్న రూ.కోటికి పైగా నిధుల గోల్‌మాల్‌ అంశంపై స్థానిక షీప్‌ డెవలప్‌మెంట్‌ కార్యాలయంలో శుక్రవారం విచారణ చేపట్టారు. అభియోగాలకు సంబంధించిన పత్రాలను విచారణాధికారిగా వచ్చిన అన్నమయ్య జిల్లా జేడీ డాక్టర్‌ గుణశేఖర్‌ పిళ్‌లై మరో ముగ్గురు అధికారుల బృందం ఉదయం నుంచి మధ్యాహ్నం వరకు క్షుణ్ణంగా పరిశీలించారు. ఆరోపణలు ఎదుర్కొంటున్న ఆ శాఖ విశ్రాంత జేడీ డాక్టర్‌ జీపీ రవికుమార్‌, సస్పెన్షన్‌కు గురైన సీనియర్‌ అసిస్టెంట్‌ సుశీల వ్యక్తిగతంగా హాజరై లిఖిత పూర్వక వాంగ్మూలం ఇచ్చారు. విచారణకు హాజరైన ఏడీఏ అనంతపురం అగ్రికల్చర్‌: తనపై వచ్చిన వివిధ రకాల ఆరోపణలకు సమాధానం ఇవ్వడానికి ఇటీవల సస్పెన్షన్‌కు గురైన ఏడీఏ జీఎం అల్తాఫ్‌ అలీఖాన్‌ శుక్రవారం విచారణాధికారి ఎదుట హాజరయ్యారు. స్థానిక వ్యవసాయశాఖ కార్యాలయంలో రెండో రోజూ విచారణ కొనసాగింది. కమిషనరేట్‌ నుంచి వచ్చిన జేడీఏ కృపాదాస్‌, ఏడీఏ ప్రేమశేఖర్‌, ఏఓ సురేష్‌ బృందం గంట పాటు అల్తాఫ్‌ అలీఖాన్‌ను విచారణ చేశారు. శిథిలావస్థకు చేరుకున్నందున అనుమతి లేకుండా డివిజన్‌ కార్యాలయాన్ని మార్పు చేసినట్లుగా వివరించారు. అనంతరం అభియోగాలు, ఆరోపణలకు సంబంధించి వివరాలు, లిఖిత పూర్వక వాంగ్మూలం తీసుకున్నారు. అలాగే అనంతపురం రూరల్‌, బుక్కరాయసముద్రం ఏఓలు, ఏడీఏ కార్యాలయ టెక్నికల్‌ ఏఓ, సిబ్బందిని కూడా విచారించి వివరాలు తీసుకున్నారు. అనంతరం శిథిలావస్థకు చేరుకున్న డివిజన్‌ కార్యాలయంతో పాటు ఎరువుల ప్రయోగశాల (ఎఫ్‌సీఓ)ను విచారాణాధికారులు పరిశీలించారు. రెండు రోజుల పాటు పదుల సంఖ్యలో డీలర్లు, అధికారుల నుంచి వాంగ్మూలం తీసుకున్నట్లు, దీనికి సంబంఽధించి సమగ్ర నివేదిక ఉన్నతాధికారులకు సమర్పిస్తామని విచారణాధికారి కృపాదాస్‌ తెలిపారు. రైల్వే విశ్రాంత ఉద్యోగిపై కోతి దాడి గుత్తి: స్థానిక తురకపల్లి మార్గంలో శుక్రవారం ఉదయం రైల్వే విశ్రాంత ఉద్యోగి డేవిడ్‌పై ఉన్నఫళంగా ఓ కోతి దాడి చేసి కరిచింది. తీవ్రంగా గాయపడిన డేవిడ్‌ను కుటుంబసభ్యులు వెంటనే ప్రభుత్వాస్పత్రికి తీసుకెళ్లి చికిత్స చేయించారు. మహిళపై దాడి గుత్తి: బాకీ డబ్బులు చెల్లించాలని నిలదీసిన మహిళపై వ్యక్తి దాడి చేసిన ఘటన గుత్తిలో చోటు చేసుకుంది. పోలీసులు తెలిపిన మేరకు.. గుత్తిలోని తాడిపత్రి రోడ్డులో నివాసముంటున్న మహాలక్ష్మి నర్సరీ నిర్వహిస్తూ జీవనం సాగిస్తోంది. ఈ క్రమంలో గుంతకల్లు మండలం ఓబులాపురం గ్రామానికి చెందిన నారాయణ గత ఏడాది నర్సరీలో రూ.70 వేల విలువైన మొక్కలు కొనుగోలు చేశాడు. ఈ మొత్తాన్ని తర్వాత ఇస్తానంటూ ముఖం చాటేశాడు. అప్పటి నుంచి పలుమార్లు మహాలక్ష్మి అడిగినా రేపో.. మాపో అంటూ కాలయాపన చేస్తూ వచ్చాడు. శుక్రవారం ఉదయం గుత్తిలో నారాయణ కనిపించడంతో బాకీ డబ్బు చెల్లించాలంటూ మహాలక్ష్మి నిలదీసింది. ఆ సమయంలో మహిళ అని కూడా చూడకుండా దుర్బాషలాడుతూ ఆమైపె నారాయణ దాడికి పాల్పడ్డాడు. స్థానికులు కల్పించుకుని సర్దిచెప్పి మహాలక్ష్మిని ఆస్పత్రికి తరలించారు. బాధితురాలి ఫిర్యాదు మేరకు దర్యాప్తు చేపట్టినట్లు పోలీసులు తెలిపారు.

అనంతపురం ఎడ్యుకేషన్‌: జిల్లా స్థాయి ఎంట్రప్రెన్యూర్‌ మైండ్‌ సెట్‌ డెవలప్‌మెంట్‌ ప్రోగ్రాం (ఈఎండీపీ) ఎక్స్‌పో కార్యక్రమం జిల్లా సైన్స్‌ సెంటర్‌లో శుక్రవారం ఘనంగా జరిగింది. పారిశ్రామికవేత్తల ఆలోచనా విధానాన్ని విద్యార్థుల్లో పెంపొందించాలనే లక్ష్యంతో ఈ కార్యక్రమం నిర్వహించారు. జిల్లా వ్యాప్తంగా వివిధ పాఠశాలల విద్యార్థులు తమ వినూత్న ఆవిష్కరణలను ప్రదర్శించారు. తిమ్మంపల్లి జెడ్పీహెచ్‌ఎస్‌ విద్యార్థులు ఎస్‌.షాహీన, టి.రాణి ప్రదర్శించిన ‘టమాట పీల్స్‌ రీసైక్లింగ్‌’ నమూనా ప్రథమ బహుమతిని అందుకుంది. వెంకటాపురం జెడ్పీహెచ్‌ఎస్‌ విద్యార్థులు సి.కావ్య, ఎస్‌.సుమకామిని రూపొందించిన ‘సోలార్‌ ఐరనింగ్‌ కార్ట్‌’ నమూనా ద్వితీయ బహుమతిని సాధించింది. ముఖ్య అతిథిగా హాజరైన ఇన్‌చార్జ్‌ డీఈఓ శ్రీనివాసరావు మాట్లాడుతూ.. విద్యార్థి దశ నుంచే పారిశ్రామికవేత్తల లక్షణాలు అలవడేలా 9వ తరగతి టైమ్‌ టేబుల్‌లోనే ఈఎండీపీ పీరియడ్స్‌ కేటాయించినట్లు వెల్లడించారు. విజేతలుగా నిలిచిన విద్యార్థులు త్వరలో నిర్వహించనున్న రాష్ట్ర స్థాయి ఎక్స్‌పోలో పాల్గొంటారని నిర్వాహకులు తెలిపారు. డీసీఈబీ కార్యదర్శి గంధం శ్రీనివాసులు, సైన్స్‌ క్యూరేటర్‌ బాలమురళి, ఈఎండీపీ జిల్లా కోఆర్డినేటర్‌ గోపాల్‌, ఎన్‌జీసీ రీజినల్‌ కోఆర్డినేటర్‌ ఆనంద భాస్కర్‌ రెడ్డి, ఏఎంఓ వేణుగోపాల్‌, ఆర్ట్స్‌ కాలేజీ అధ్యాపకులు జీఎల్‌ఎన్‌ ప్రసాద్‌, కిరణ్‌, డీఎస్‌ఓ ఎన్‌. నరసింహారెడ్డి తదితరులు పాల్గొన్నారు.

సాక్షి ప్రతినిధి, అనంతపురం : తెలంగాణ ముఖ్యమంత్రి రేవంత్‌రెడ్డితో జరిగిన చీకటి ఒప్పందంలో భాగంగా రాయలసీమ ఎత్తిపోతల పథకాన్ని చంద్రబాబు ఆపేయడంపై వైఎస్సార్‌సీపీ నేతలు ఉద్యమబాట పట్టారు. పోతిరెడ్డిపాడులో భారీ బహిరంగ సభ నిర్వహించారు. ఆపై తిరుపతి, కడపలో సమావేశాలు నిర్వహించారు. ఈ క్రమంలోనే శుక్రవారం అనంతపురంలో ‘రాయలసీమ సాగునీటి ప్రాజెక్టులు–సమాలోచన’ పేరుతో పార్టీ అనంతపురం జిల్లా అధ్యక్షుడు అనంత వెంకట్రామిరెడ్డి అధ్యక్షతన సమావేశం నిర్వహించారు. దీనికి జిల్లాలోని అన్ని నియోజకవర్గాల నుంచి వైఎస్సార్‌సీపీ నేతలు, కార్యకర్తలు, ప్రజలు హాజరయ్యారు. ఈ సందర్భంగా శ్రీ పొట్టిశ్రీరాములు నెల్లూరు జిల్లా పార్టీ అధ్యక్షుడు కాకాణి గోవర్థన్‌రెడ్డి, మాజీ ఎమ్మెల్యేలు అనంత వెంకట్రామిరెడ్డి, కేతిరెడ్డి వెంకట్రామిరెడ్డి, విశ్వేశ్వరరెడ్డి, మాజీమంత్రి శైలజానాథ్‌ మాట్లాడుతూ ఏమన్నారంటే.. ‘సీమ’ లిఫ్ట్‌పై విస్తృత చర్చ జరగాలి.. రైతులు విత్తనాలు, ఎరువులతో పాటు ఏదైనా కొనుగోలు చేయగలరు. కానీ, సాగునీరు కొనలేరు. దీన్ని ప్రభుత్వాలు అందించాలి. అది వాటి బాధ్యత. చంద్రబాబు ఎప్పుడూ రైతుల గురించి ఆలోచించలేదు. పోతిరెడ్డిపాడు హెడ్‌ రెగ్యులేటర్‌ సామర్థ్యాన్ని 11 వేల నుంచి 44 వేల క్యూసెక్కులకు వైఎస్సార్‌ పెంచారు. వైఎస్‌ జగన్‌మోహన్‌రెడ్డి శ్రీశైలంలో 800 అడుగుల నుంచే నీటిని ఎత్తిపోసేలా రాయలసీమ లిఫ్ట్‌ చేపట్టారు. తెలంగాణ ప్రభుత్వం పాలమూరు–రంగారెడ్డి, భీమా, నెట్టెంపాడు ఎత్తిపోతలతో 800 అడుగుల నుంచే నీటిని తోడేలా ప్రాజెక్టులు నిర్మించింది. దీంతో మనమూ లిఫ్ట్‌ నిర్మించాల్సి వచ్చింది. కానీ, చంద్రబాబు వచ్చాక పనులు ఆపేశారు. తెలంగాణ రైతుల ప్రయోజనాల కోసం చంద్రబాబుతో మాట్లాడి ప్రాజెక్టు ఆపించానని రేవంత్‌రెడ్డి చెప్పేదాకా దీని వెనకున్న కుట్రను ఎవరూ గ్రహించలేదు. రాయలసీమ లిఫ్ట్‌పై విస్తృత చర్చ జరగాలి. చంద్రబాబు వైఖరిని ఎండగట్టాలి. దీనిపై కార్యాచరణ రూపొందించి పోరాడాలి. వ్యవసాయం, సాగునీటి విషయాల్లో చంద్రబాబు ‘సీమ’కు ఎప్పుడూ ద్రోహమే చేస్తున్నారు. రాయలసీమ లిఫ్ట్‌ సాధన ఉద్యమాన్ని జిల్లా స్థాయి నుంచి నియోజకవర్గ, మండల స్థాయికి తీసుకెళ్లాలి. మా ప్రాంతం గొంతు కోయడమే.. రాయలసీమ లిఫ్ట్‌ ఇరిగేషన్‌ను చంద్రబాబు ఆపడమంటే మా ప్రాంతం గొంతు కోయడమే. ఎవరు అడ్డొచ్చినా లిఫ్ట్‌ను ఆపలేరు. దాన్ని కచ్చితంగా సాధిస్తాం. రాయలసీమ లిఫ్ట్‌ను చంద్రబాబు ఆపేస్తే సీమ వాసి అయి ఉండి మంత్రి పయ్యావుల కేశవ్‌ ప్రశ్నించడంలేదు. ఆయనకు సిగ్గుందా? చంద్రబాబు సీమకు చేసిన ఒక్క మంచి పని చెప్పాలి. సీమ లిఫ్ట్‌ పూర్తయితే హంద్రీ–నీవా నీటిని మొత్తం అనంతపురం, కర్నూలు జిల్లాలు వినియోగించుకోవచ్చు. అమరావతి సెల్ఫ్‌ ఫైనాన్స్‌ అంటున్నారు. కానీ, సీమకు సాగునీరిస్తే అమరావతి కంటే ఎక్కువగా రైతులు సెల్ఫ్‌ ఫైనాన్స్‌ చేసి ప్రభుత్వానికి ఆదాయం ఇస్తారు. రేవంత్‌ తెలంగాణ అసెంబ్లీలో చెప్పే వరకూ రాయలసీమ లిఫ్ట్‌ రూ.3,850 కోట్లతో నిర్మిస్తున్నామని ఎవ్వరికీ తెలీదు. కార్యక్రమంలో ఎమ్మెల్సీ మంగమ్మ, జెడ్పీ చైర్‌పర్సన్‌ గిరిజమ్మ, మాజీ ఎంపీలు గోరంట్ల మాధవ్, రంగయ్య, మాజీ ఎమ్మెల్యేలు పెద్దారెడ్డి, వై. వెంకట్రామిరెడ్డి, మెట్టు గోవిందరెడ్డి, అనంత, చిత్తూరు పార్లమెంట్‌ పరిశీలకుడు నరేశ్‌కుమార్‌రెడ్డి, చవ్వా రాజశేఖరరెడ్డి తదితరులు పాల్గొన్నారు. సమావేశంలో చేసిన తీర్మానాలు» హంద్రీ–నీవా ప్రధాన కాలువను 6,300 క్యూసెక్కులకు విస్తరించాలి. » హంద్రీ–నీవా డిస్ట్రిబ్యూటరీలను పూర్తిచేసి ఆయకట్టుకు నీరివ్వాలి. » బీజేపీ ప్రకటించిన రాయలసీమ డిక్లరేషన్‌ అమలుచేయాలి. » కర్నూలులో హైకోర్టు ఏర్పాటుతో పాటు లా యూనివర్సిటీ నిర్మించాలి. » పోతిరెడ్డిపాడు హెడ్‌ రెగ్యులేటర్‌ను 80 వేల క్యూసెక్కులకు పెంచాలి. » రాయలసీమ ఎత్తిపోతల పథకాన్ని తక్షణమే పూర్తిచేయాలి.

సాక్షి, అనంతపురం: చంద్రబాబుకి రైతుల కష్టాలు పట్టవని.. రాయలసీమ అంటే మొదటి నుంచి ఆయనకు చులకనేనని వైఎస్సార్‌సీపీ నేతలు అంటున్నారు. రాయలసీమ లిఫ్ట్‌ ఇరిగేషన్‌ సాధన కోఏసం వైఎస్సార్‌సీపీ పోరును ఉదృతం చేసింది. ఈ క్రమంలో శుక్రవారం అనంతపురంలో రౌండ్‌ టేబుల్‌ సమావేశం నిర్వహించింది. ఈ సందర్భంగా.. వైఎస్సార్ కాంగ్రెస్ పార్టీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి మాట్లాడుతూ.. రాయలసీమ లిఫ్ట్ ఇరిగేషన్ ప్రాజెక్టు పనులు అర్ధాంతరంగా నిలిపివేయడం వెనుక పెద్ద కుట్ర ఉంది. తాను చెబితేనే చంద్రబాబు రాయలసీమ లిఫ్ట్ ఇరిగేషన్ ప్రాజెక్టు పనులు ఆపేశారని తెలంగాణ సీఎం రేవంత్ అంటున్నారు. రేవంత్ రెడ్డి వ్యాఖ్యలపై ముఖ్యమంత్రి చంద్రబాబు ఎందుకు స్పందించలేదు. రాయలసీమ అంటే చంద్రబాబు కు ఎందుకు చులకన?. రాయలసీమ లిఫ్ట్ ఇరిగేషన్ ప్రాజెక్టు సీమ ప్రాజెక్టులకు ఇన్సూరెన్స్ వంటిదిమాజీ మంత్రి శైలజానాథ్ మాట్లాడుతూ.. తెలంగాణకు మేం వ్యతిరేకం కాదు. తెలంగాణ సీఎం రేవంత్ రెడ్డి చెప్పారని రాయలసీమ లిఫ్ట్ ఇరిగేషన్ ప్రాజెక్టు పనులు నిలిపివేయడం దుర్మార్గం. ముఖ్యమంత్రి చంద్రబాబు వైఖరి అనుమానాస్పదంగా ఉంది. రాయలసీమ లిఫ్ట్ ఇరిగేషన్ ప్రాజెక్టు పనులు పూర్తయితేనే తెలంగాణ మాదిరి శ్రీశైలం ప్రాజెక్టు నుంచి 800 అడుగుల్లో నీరు తీసుకోవచ్చు. శ్రీశైలం ప్రాజెక్టు నుంచి 854 అడుగుల్లో నీరు తరలించటం అసాధ్యం. నీటి వాటాలు ఖచ్చితంగా తీసుకొచ్చేందుకే రాయలసీమ లిఫ్ట్ ఇరిగేషన్ ప్రాజెక్టు ఉపయోగపడుతుంది. రాయలసీమ పై ముఖ్యమంత్రి చంద్రబాబు కక్ష సాధింపు తో వ్యవహరిస్తున్నారు. మాజీ ఎమ్మెల్యే విశ్వేశ్వరరెడ్డి మాట్లాడుతూ.. సీఎం రేవంత్ రెడ్డి వ్యాఖ్యలపై చంద్రబాబు ఎందుకు మౌనంగా ఉన్నారు?. సీఎం రేవంత్ కోరితే... రాయలసీమ లిఫ్ట్ ఇరిగేషన్ ప్రాజెక్టు ఆపేస్తారా??. రాయలసీమ లిఫ్ట్ ఇరిగేషన్ ప్రాజెక్టు దొంగ ప్రాజెక్టు అని ఆర్థిక మంత్రి పయ్యావుల కేశవ్ అంటున్నారు. దొంగ ప్రాజెక్టు అయితే మీరెందుకు వెయ్యి కోట్ల రూపాయల బిల్లులు విడుదల చేశారో పయ్యావుల కేశవ్ చెప్పాలి. రాయలసీమ లిఫ్ట్ ఇరిగేషన్ ప్రాజెక్టు పనులు పూర్తయితేనే సీమ ప్రాజెక్టు లకు నీరు అందుతుంది. చంద్రబాబు అనుసరిస్తున్న రైతు వ్యతిరేక విధానాలపై పోరాటాలు ఉధృతం చేయాలి. ధర్మవరం మాజీ ఎమ్మెల్యే కేతిరెడ్డి వెంకట్రామిరెడ్డి మాట్లాడుతూ.. రాయలసీమ సాగు తాగు నీటి కష్టాలు తీర్చిన ఘనత వైఎస్ రాజశేఖరరెడ్డిదే. అదే స్ఫూర్తి ని కొనసాగించేందుకే వైఎస్ జగన్ రాయలసీమ లిఫ్ట్ ఇరిగేషన్ ప్రాజెక్టు చేపట్టారు. రాయలసీమకు అడుగడుగునా అన్యాయం చేసిన ఘనుడు చంద్రబాబు. హైకోర్టు, ఎయిమ్స్, ఇతర ప్రాజెక్టులను ఇతర ప్రాంతానికి తరలించారు. రాయలసీమ అభివృద్ధి పై చంద్రబాబు, పవన్ కల్యాణ్‌లకు చిత్తశుద్ధి ఏది?. సీమ వాసులు టీడీపీ కూటమికే పట్టం కడితే... మీరు చేస్తున్నది ఏమిటి?. సీఎం రేవంత్ రెడ్డి చెప్పేదాకా రాయలసీమ లిఫ్ట్ ఇరిగేషన్ ప్రాజెక్టు పనులు ఆగిపోయాయని చాలా మందికి తెలియదు. టీడీపీ కూటమి కి వ్యతిరేకంగా ఐక్య ఉద్యమాలు చేయాల్సిన అవసరం ఉందిఈ సమావేశంలో.. మాజీ మంత్రులు కాకాణి గోవర్ధన్ రెడ్డి, మాజీ ఎమ్మెల్యే కేతిరెడ్డి పెద్దారెడ్డి, వై. వెంకట్రామిరెడ్డి, మెట్టు గోవిందరెడ్డి, మాజీ ఎంపీలు తలారి రంగయ్య, గోరంట్ల మాధవ్, ఎమ్మెల్సీ మంగమ్మ తదితరులు పాల్గొన్నారు.