‘నెల్లూరు సీమ నీట మునిగేను’.. అంటూ శ్రీపోతులూరు వీరబ్రహ్మంగారు చెప్పిన జోస్యం నిజం కాబోతుందా? అంటే.. సోమశిల జలాశయం నిర్వహణలో నిర్లక్ష్యం అందుకు దర్పణం పడుతోంది. సోమశిల డ్యామ్‌ వల్లే ఇలాంటి పరిస్థితి ఉత్పన్నం అవుతుందని జిల్లా ప్రజలు చర్చించుకుంటున్నారు. తాజా పరిస్థితి చూస్తే ప్రాజెక్ట్‌ గేట్ల నిర్వహణలో అధికారుల అలసత్వం కారణంగా గండం పొంచి ఉందనే అభిప్రాయం వెల్లడవుతోంది. ప్రస్తుతం జలాశయం 74 టీఎంసీలతో నిండుకుండగా ఉంది. డ్యామ్‌కు 12 క్రస్ట్‌గేట్లు ఉంటే.. అందులో రెండు గేట్లు పూర్తిగా బ్లాక్‌ అయిపోయాయి. ఇటీవల వరద దిగువకు మూడు గేట్లు ద్వారానే వదిలారు. మిగతా గేట్ల పరిస్థితిపై అనుమానాలు వ్యక్తమవుతున్నాయి. ఈశాన్య రుతుపవనాల నేపథ్యంలో భారీ వరదలు వస్తే ప్రాజెక్ట్‌ భద్రతపై భయాందోళన నెలకొంది.సోమశిల: నెల్లూరు జిల్లా రైతాంగానికి తాగు, చెన్నై, తిరుపతి నగరాలకు తాగునీరందించే సోమశిల జలాశయం భద్రతపై నీలినీడలు కమ్ముకుంటున్నాయి. ప్రాజెక్ట్‌ నిర్వహణలో అధికారుల నిర్లక్ష్యం గండం పొంచి ఉందని తెలుస్తోంది. ప్రాజెక్ట్‌ నిర్వహణకు గతంలో సుమారు 30 మంది వరకు సిబ్బంది విధుల్లో ఉండేవారు. అయితే ప్రస్తుతం కేవలం నలుగురికే పరిమితం కావడంతో జలాశయం నిర్వహణ లోపం కనిపిస్తోంది. ప్రాజెక్ట్‌ పూర్తి సామర్థ్యం 78 టీఎంసీలు కాగా, ప్రస్తుతం 74 టీఎంసీలు ఉన్నాయి. ఎందుకీ భయం.. ఏమానుమానాలు? సోమశిల జలాశయానికి 12 క్రస్ట్‌ గేట్లు ఉన్నాయి. అన్ని క్రస్ట్‌ గేట్ల ద్వారా ఒకేసారి నీటిని విడుదల చేస్తే 24 గంటల వ్యవధిలో గరిష్టంగా 6 లక్షల నుంచి 6.50 లక్షల నీటి విడుదల చేసే అవకాశం ఉందని ప్రాజెక్ట్‌ ఇంజినీర్లు చెబుతున్నారు. అయితే ప్రస్తుతం జలాశయంలో 11, 12వ క్రస్ట్‌ గేట్లు పూర్తిగా బ్లాక్‌ అయ్యాయి. గేట్లు లిఫ్ట్‌ చేసే రోప్‌లు పూర్తిగా దెబ్బతినడంతో అవి లిఫ్ట్‌ అయ్యే సమయంలో తెగిపోయే అవకాశం ఉండడంతో రోప్‌లు మార్చే ప్రక్రియ విషయంలో సంబంధిత అధికార యంత్రాంగం ఆది నుంచి అలవికాని నిర్లక్ష్యం ప్రదర్శించింది. జలాశయంలో నీటి సామర్థ్యం తక్కువగా ఉన్న సమయంలోనే చేయాల్సి ఉన్నా.. వేసవి కాలం అంతా పట్టించుకోలేదు. తాజాగా ఎగువ నుంచి ఇటీవల వరద రావడంతో ప్రాజెక్ట్‌ పూర్తి సామర్థ్యానికి చేరుకుంది. ఈ క్రమంలో ప్రాజెక్ట్‌ నుంచి కేవలం 5, 6, 7 క్రస్ట్‌ గేట్ల నుంచి మాత్రమే నీటిని దిగువకు విడుదల చేయడంతో మిగతా గేట్ల లిఫ్ట్‌పై అనేక అనుమానాలు ఉన్నాయి. 1, 2, 3, 4, 8, 9, 10 గేట్ల రోప్‌లు సైతం తుప్పు పట్టి ఉన్నాయి. దాదాపుగా నాలుగేళ్లుగా ఈ గేట్లను ఎత్తి నీటిని దిగువకు విడుదల చేసిన సందర్భం లేదు. ప్రధానంగా సిబ్బంది కొరత కారణంగా ప్రాజెక్ట్‌ క్రస్ట్‌ గేట్ల నిర్వహణలో నిర్లక్ష్యం కనిపిస్తోంది. భారీ స్థాయిలో వరదలు వస్తే పరిస్థితి ఏమిటనే భయం జిల్లా వాసులను వెంటాడుతోంది. వణికించిన 2021 నవంబర్‌ వరదలు సోమశిలకు నాలుగున్నర దశాబ్దాల కాలంలో ఎన్నడూ భారీ స్థాయిలో వరదలు వచ్చిన సందర్భం లేదు. 2021 నవంబర్‌లో ఎగువన అన్నమయ్య డ్యామ్‌ తెగి ప్రాజెక్ట్‌కు ఊహించని స్థాయిలో వరద వచ్చింది. రాత్రికి రాత్రే ఒక్కసారిగా ప్రాజెక్ట్‌ 12 క్రస్ట్‌ గేట్లు ఎత్తి సుమారుగా 6 లక్షల క్యూసెక్కులు విడుదల చేయడంతో దిగువన పెన్నానది తీరం వెంబడి అనేక ప్రాంతాల ముంపునకు గురయ్యాయి. ఎగువ నుంచి వచ్చిన వరదను ఆ స్థాయిలో దిగువకు విడుదల చేయకపోతే ప్రాజెక్ట్‌ ప్రమాదంలో పడేదని జలవనరుల నిపుణులు అప్పట్లో ఆందోళన వ్యక్తం చేశారు. అప్పట్లో గండం గడిచిపోయింది. ఆ తర్వాత ఆ స్థాయిలో గత మూడేళ్లుగా వరదలు రాలేదు. నూతన రోప్‌లు వచ్చి నాలుగు నెలలు రాష్ట్ర జలవనరుల సాంకేతిక సలహాదారు కన్నయ్యనాయుడు పరిశీలించిన రెండు నెలలకు కాంట్రాక్ట్‌ అప్పగించి నూతన రోప్‌లను ప్రాజెక్ట్‌ వద్దకు చేర్చారు. అప్పట్నుంచి సుమారు నాలుగు నెలలు అవుతున్న రోప్‌ల మరమ్మతులు చేయలేదు, ఇటీవల ఒకటో నంబర్‌ క్రస్ట్‌ గేటుకు స్టాప్‌ లాక్‌ అమర్చి మరమ్మతు చేయాలని ముందుకు వచ్చారు. ఈ తరుణంలో వరదలు వచ్చి జలాశయం పూర్తిగా నిండిపోయింది. ప్రస్తుతం నీటిలో రోప్‌లో మార్చేందుకు సంబంధిత వర్కర్లు రావడం లేదని జలాశయ అధికారులే చెబున్నారని సమాచారం.‘తుంగభద్రకు పట్టిన గతి తప్పదు’ఎనిమిది నెలల క్రితం రాష్ట్ర జలవనరుల సాంకేతిక సలహాదారు కన్నయ్యనాయుడు జలాశయ స్థితిగతులను తెలుసుకునేందుకు ప్రాజెక్ట్‌ పరిశీలనకు వచ్చారు. జలాశయ ఎస్‌ఈ, ఈఈ, డీఈ, సిబ్బందితో కలిసి జలాశయ ప్రాంతాలను పరిశీలించారు. అనంతరం ఆయన క్రస్ట్‌ గేట్ల దుస్థితి చూసి అధికారులపై ఆగ్రహం వ్యక్తం చేశారు. గేట్ల విషయంపై కనీస నిర్వహణ చేయకపోవడంతో ఆయన మండి పడ్డారు. ఆ సమయంలో ఆయన మాట్లాడుతూ ప్రాజెక్ట్‌ గేట్లకున్న రోప్‌లు పూర్తిగా దెబ్బతిన్నాయి.. ఇలానే మార్చకుండా మరమ్మతులు చేయకుండా వదిలేస్తే గతంలో తుంగభద్రకు పట్టిన గతి ఈ ప్రాజెక్ట్‌కు పడుతుందన్నారు. ఇప్పట్లో రోప్‌లు మార్చలేము జలాశయం పూర్తిసామర్థ్యానికి చేరుకోవడంతో క్రస్ట్‌ గేట్ల రోప్‌లు మార్చలేకున్నాం. నూతన రోప్‌ను ఏర్పాటు చేయాలంటే స్టాప్‌ లాక్‌ గేట్లను అమర్చుకున్న తర్వాత సుమారు నాలుగు రోజులు పడుతుంది. ఈలోపు వరద ఉధృతి పెరిగి నీటిని విడుదల చేయాల్సి వస్తే స్టాఫ్‌ లాక్‌ గేట్లు అడ్డొస్తాయి. అందువల్ల రోప్‌ల మార్పిడి పనులను ప్రస్తుతం నిలిపివేశాం. జలాశయంలో విధులు నిర్వహిస్తున్న సిబ్బంది రిటైర్డ్‌ కావడంతో కొంత సిబ్బంది కొరత ఉంది. కేవలం 11 ,12 గేట్ల రోప్‌లు పూర్తిగా దెబ్బతిన్నాయి. అవి లిఫ్ట్‌ అయ్యే సమయంలో తెగిపోయే అవకాశం ఉంది. వాటిని ఆపరేట్‌ చేయవద్దని ఉన్నతాధికారులు ఆదేశాలు ఇచ్చారు. మిగతా గేట్లు బాగానే ఉన్నాయి. – శ్రీనివాసులు, సోమశిల జలాశయ ఈఈపొంచి ఉన్న ప్రమాదం గ్రేటర్‌ రాయలసీమపై ఈశాన్య రుతుపవనాల ప్రభావం అధికంగా ఉంటుంది. నైరుతి రుతుపవనాలు విస్తరించిన సమయంలో అడపాదడపా వర్షాలు కురిసినా రాయలసీమ జిల్లాలతోపాటు నెల్లూరు, ప్రకాశం జిల్లాలపై పెద్దగా వర్ష ప్రభావం ఉండదు. తాజాగా ఈశాన్య రుతుపవనాలు రాకతో వాతావరణ మార్పులు సంభవించాయి. ప్రస్తుతం ఎక్కడ పడితే అక్కడ ఆకస్మిక వర్షాలు, వరదలు వస్తున్నాయి. ఎప్పుడు ఎక్కడ ఏ స్థాయిలో వర్షాలు పడుతాయో ఎవరూ ఊహించలేని పరిస్థితి. అక్టోబరు నుంచి డిసెంబరు వరకు ఈశాన్య రుతుపవనాల ప్రభావంగా ఎగువ ప్రాంతాల్లో, జలాశయ ప్రాంతంలో కురిసే ప్రతి వర్షపు చుక్క నేరుగా సోమశిల జలాశయానికి చేరుతోంది. ఇప్పటికే నిండుకుండగా ఉన్న జలాశయానికి వచ్చే వరద జలాలను నిల్వ ఉంచేందుకు వీలులేనందున దిగువకు విడుదల చేయాల్సి పరిస్థితి ఉంటుంది. ఈ సమయంలో గతంలో వచ్చిన స్థాయిలో వరద వస్తే.. క్రస్ట్‌ గేట్లను లిఫ్ట్‌ చేసి వరద దిగువకు విడుదల చేయాలంటే.. 11, 12 క్రస్ట్‌ గేట్లు పూర్తిగా బ్లాక్‌ అయిపోవడంతో మిగిలిన పది గేట్లలో ప్రస్తుతం 5, 6, 7 క్రస్ట్‌ గేట్లు సేఫ్‌గానే ఉన్నాయని ఇటీవల స్పష్టమైంది. మిగతా గేట్ల విషయంలో జలాశయం అధికారులకే స్పష్టత లేదని సంబంధిత అధికార వర్గాల ద్వారా స్పష్టమవుతోంది.

కందుకూరు/పెదకాకాని/గుంటూరు మెడికల్‌ : కాపు యువకుడు తిరుమలశెట్టి లక్ష్మీనాయుడు హత్య కేసులో మొదటి ముద్దాయి ఉప ముఖ్యమంత్రి పవన్‌కళ్యాణ్‌ అవుతారని వైఎస్సార్‌సీపీ నేతలు స్పష్టం చేశారు. చంద్రబాబును ముఖ్యమంత్రిని చేయాలన్న ఏకైక లక్ష్యంతో ఎన్నికలకు ముందు కాపులను టీడీపీకి ఓట్లు వేసేలా ప్రోత్సహించి.. చివరికి టీడీపీ అధికారంలోకి రాగానే అదే కాపులను ఘోరంగా చంపుతుంటే కనీసం ప్రశి్నంచలేని స్థితిలో పవన్‌కళ్యాణ్‌ ఉండిపోయారని ఆగ్రహం వ్యక్తం చేశారు.ఈ కేసులో నిందితులకు కొమ్ముకాస్తూ కేసును నీరుగార్చేలా ఆదేశాలిస్తున్న సీఎం చంద్రబాబు, ఆయన తనయుడు లోకేశ్‌లను ఏ2, ఏ3లుగా చేర్చాలని డిమాండ్‌ చేశారు. శ్రీ పొట్టి శ్రీరాములు నెల్లూరు జిల్లా గుడ్లూ­రు మండలం దారకానిపాడులో ఇటీవల దారుణ హత్యకు గురైన లక్ష్మీనాయుడు కుటుంబాన్ని జక్కంపూడి రాజా, వంగవీటి నరేంద్రలు వేర్వేరుగా పరామర్శించారు. అలాగే, ఇదే ఘటనలో తీవ్రగాయాలపాలైన లక్ష్మీనాయుడు తమ్ముడు పవన్‌నాయుడు, బాబా­యి కుమారుడు భార్గవ్‌నాయుడులను గుంటూరు ఉదయ్‌ ఆస్పత్రిలో జక్కంపూడితో పాటు, అంబటి రాంబాబు పరామర్శించారు. ఈ సందర్భంగా వారు వేర్వేరుగా మీడియాతో మాట్లా­డుతూ టీడీపీ ప్రభు­త్వం ఎప్పుడు అధికారంలోకి వచి్చనా కాపులను హత్యచేయడం పరిపాటిగా మారిందని ధ్వజమెత్తా­రు. వంగవీటి రంగా హత్యతో పాటు కాపు ఉద్యమ నేత ముద్రగడ పద్మనాభం, ఆయన కుటుంబంపై ఎలాంటి భాషను ఉపయోగించి ఇబ్బంది పెట్టారో అందరికీ తెలుసన్నారు. తా­జాగా ఈ నెల 2న తిరుమలశెట్టి లక్ష్మీనాయుడు హత్య జరిగితే ప్రభుత్వం స్పందించడం లేదని.. పవన్‌కళ్యాణ్‌కు బాధిత కుటుంబాన్ని పరామర్శించే తీరిక కూడా లేదా.. అని ప్రశ్నించారు. ఏం చేసినా పైనుంచి కాపాడే ఓ అధికార వ్యవస్థ ఉందన్న ధైర్యంతోనే హరిచంద్రప్రసాద్‌ లాంటి మృగాలు రెచి్చపోతున్నాయన్నారు. హత్యకేసులో ప్రమేయం ఉన్న మిగిలిన నిందితులపై కేసు నమోదు చేయకపోవడం దారుణమని, కూటమి పెద్దల అండదండలతో వారిని తప్పించేందుకు కుట్ర జరుగుతోందన్నారు. నిందితులకు శిక్ష పడేవరకు బాధితుల తరఫున పోరాడతామని వారు స్పష్టం చేశారు.

నెల్లూరు(బారకాసు): స్వర్ణాంధ్ర – స్వచ్ఛాంధ్రే లక్ష్యంగా ముందుకు సాగాలని కలెక్టర్‌ హిమాన్షు శుక్లా పిలుపునిచ్చారు. కార్యక్రమంలో భాగంగా నగరంలోని బట్వాడిపాళెం నుంచి సారాయంగడి సెంటర్‌, అక్కడి నుంచి కార్పొరేషన్‌ కార్యాలయం వరకు సైకిల్‌ ర్యాలీని శనివారం నిర్వహించారు. దీన్ని ప్రారంభించిన అనంతరం ఆయన మాట్లాడారు. స్వచ్ఛతలో జిల్లాను రాష్ట్రంలో అగ్రగామిగా నిలపాలని కోరారు. నూరు శాతం చెత్త సేకరణ జరగాలని చెప్పారు. అనంతరం నగరపాలక సంస్థ కార్యాలయ ప్రాంగణంలో మొక్కలు నాటారు. ప్రజలకు దీపావళి శుభాకాంక్షలను తెలియజేశారు. కమిషనర్‌ నందన్‌ తదితరులు పాల్గొన్నారు . కండలేరులో 60 టీఎంసీలు రాపూరు: కండలేరు జలాశయంలో శనివారం నాటికి 60 టీఎంసీల నీరు నిల్వ ఉందని ఈఈ గజేంద్రరెడ్డి తెలిపారు. సోమశిల జలాశయం నుంచి 3,060 క్యూసెక్కుల నీరు చేరుతోందని చెప్పారు. సత్యసాయి గంగకు 1900, పిన్నేరుకు 850, లోలెవల్‌కు 40, హైలెవల్‌కు 200, మొదటి బ్రాంచ్‌ కాలువలకు ఐదు క్యూసెక్కు లను విడుదల చేస్తున్నామని వివరించారు.

మనుబోలు: ‘సాక్షి’ మీడియాపై పోలీసుల వేధింపులు అప్రజాస్వామికమని జర్నలిస్టు సంఘం నేత బాబూ మోహన్‌దాస్‌ అన్నారు. ఎడిటర్‌ ధనుంజయరెడ్డి, బ్యూరో ఇన్‌చార్జిలను కేసుల పేరుతో వేధించడాన్ని నిరసిస్తూ శనివారం మనుబోలు రెవెన్యూ కార్యాలయంలో ఆర్‌ఐ అరుణ్‌తేజ్‌కు మీడియా ప్రతినిధులు వినతిపత్రం సమర్పించారు. ఆయన మాట్లాడుతూ తమకు గిట్టని వార్తలు రాసే జర్నలిస్టులను పోలీసులు కేసుల పేరుతో వేధించడం దుర్మార్గమన్నారు. జర్నలిస్టులు స్వేచ్ఛగా తమ విధులను నిర్వర్తించుకునే వాతావరణాన్ని కల్పించాల్సిన బాధ్యత ప్రభుత్వంపై ఉందన్నారు. జర్నలిస్టులపై తప్పుడు కేసులు పెట్టి భయభ్రాంతులకు గురి చేయడం అన్యాయమన్నారు. ఈ కార్యక్రమంలో మీడియా ప్రతినిధులు రవీంద్ర బాషా, శ్రీనివాసులు, జగదీష్‌, జయకర్‌, సుధాకర్‌, శంకర్‌, సునీల్‌, శ్రీధర్‌ తదితరులు పాల్గొన్నారు.

నెల్లూరు సిటీ: జిల్లాలో టీడీపీ నేతలు విచ్చలవిడిగా సాగిస్తున్న రేషన్‌ బియ్యం అక్రమ వ్యాపారం ఆ పార్టీని ఇరకాటంలో పెట్టింది. నెలకు రూ.కోట్లల్లో ఈ దందా జరుగుతోంది. అయితే తమకు అందాల్సిన వాటాలు అందకపోవడమో.. మరేదో తెలియదు కానీ.. ఆ పార్టీ నేత, నుడా చైర్మన్‌ కోటంరెడ్డి శ్రీనివాసులురెడ్డి ఇటీవల మంత్రి నారాయణ కీలక అనుచరుడు, సివిల్‌సప్లయ్స్‌ శాఖ డైరెక్టర్‌ వేమిరెడ్డి పట్టాభిరామిరెడ్డిని ప్రత్యక్షంగా, జనసేన పార్టీని పరోక్షంగా డీసీఎం పవన్‌కల్యాణ్‌, పౌరసరఫరాలశాఖ మంత్రి నాదెండ్ల మనోహర్‌ను టార్గెట్‌ చేసి రేషన్‌ మాఫియా దందాపై బహిరంగంగా ఆరోపణలు చేయడం తెలిసిందే. ఈ పరిణామాలు రెండు పార్టీల్లోనూ కాక పుట్టించింది. టీడీపీ నేత బహిరంగ విమర్శలు ఆ పార్టీకి తలనొప్పిగా పరిణమించాయి. మంత్రి నారాయణ నియోజకవర్గ పరిధిలోని నేతలు పార్టీ పరువును బజారుకీడ్చడంతో సీఎం చంద్రబాబు సీరియస్‌ అయినట్లు సమాచారం. మరో వైపు నాదెండ్ల మనోహర్‌ సైతం మంత్రి నారాయణపై తీవ్రస్థాయిలో అసహానం వ్యక్తం చేసినట్లు తెలిసింది. ఈక్రమంలో నారాయణ సదరు నేతలపై టెలికాన్ఫరెన్స్‌లో తీవ్ర స్థాయిలో మండిపడిన ఆడియో సోషల్‌ మీడియాలో వైరల్‌ అయింది. వరుస పరిణామాలు కూటమి పార్టీలను ఇరకాటంలో పెట్టడంతో అధిష్టానం దిద్దుబాటు చర్యలకు దిగింది. కోటంరెడ్డి శ్రీనివాసులురెడ్డి, వేమిరెడ్డి పట్టాభిరామిరెడ్డిలను శనివారం అమరావతికి పిలిపించిన పార్టీ అధ్యక్షుడు పల్లా శ్రీనివాసరావు చీవాట్లు పెట్టారని సమాచారం. బహిరంగ విమర్శలు ఎందుకు చేసుకున్నారు? రేషన్‌ బియ్యంలో పాత్ర ఎవరిది ఉంది? మీడియా ముందు ఎందుకు విమర్శలు చేశారు? అంటూ పలు ప్రశ్నలు అడిగినట్లు తెలుస్తోంది. సీఎం చంద్రబాబు ఈ విషయంపై ఆగ్రహంగా ఉన్నారని చెప్పినట్లు సమాచారం. మరోసారి ఇటువంటి చర్యలకు పాల్పడితే వారిపై పార్టీ పరంగా చర్యలు తీసుకోవాల్సి వస్తుందని హెచ్చరించినట్లు తెలిసింది. వీరిద్దరితోపాటు టీడీపీ జిల్లా అధ్యక్షుడు, వక్ఫ్‌బోర్డు చైర్మన్‌ అబ్దుల్‌ అజీజ్‌ కూడా పాల్గొన్నారు. టీడీపీ నేతల మధ్య రేషన్‌ బియ్యం విభేదాలు నుడా చైర్మన్‌ కోటంరెడ్డి బహిరంగ విమర్శలపై అధిష్టానం సీరియస్‌ మంత్రి నారాయణ టెలి కాన్ఫరెన్స్‌ పెట్టి ఆగ్రహం జిల్లా నేతలకు చీవాట్లు పెట్టిన పార్టీ రాష్ట్ర అధ్యక్షుడు పల్లా

సోమశిల: నెల్లూరు జిల్లా రైతాంగానికి తాగు, చైన్నె, తిరుపతి నగరాలకు తాగునీరందించే సోమశిల జలాశయం భద్రతపై నీలినీడలు కమ్ముకుంటున్నాయి. ప్రాజెక్ట్‌ నిర్వహణలో అధికారుల నిర్లక్ష్యం గండం పొంచి ఉందని తెలుస్తోంది. ప్రాజెక్ట్‌ నిర్వహణకు గతంలో సుమారు 30 మంది వరకు సిబ్బంది విధుల్లో ఉండేవారు. అయితే ప్రస్తుతం కేవలం నలుగురికే పరిమితం కావడంతో జలాశయం నిర్వహణ లోపం కనిపిస్తోంది. ప్రాజెక్ట్‌ పూర్తి సామర్థ్యం 78 టీఎంసీలు కాగా, ప్రస్తుతం 74 టీఎంసీలు ఉన్నాయి. ఎందుకీ భయం.. ఏమానుమానాలు? సోమశిల జలాశయానికి 12 క్రస్ట్‌ గేట్లు ఉన్నాయి. అన్ని క్రస్ట్‌ గేట్ల ద్వారా ఒకేసారి నీటిని విడుదల చేస్తే 24 గంటల వ్యవధిలో గరిష్టంగా 6 లక్షల నుంచి 6.50 లక్షల నీటి విడుదల చేసే అవకాశం ఉందని ప్రాజెక్ట్‌ ఇంజినీర్లు చెబుతున్నారు. అయితే ప్రస్తుతం జలాశయంలో 11, 12వ క్రస్ట్‌ గేట్లు పూర్తిగా బ్లాక్‌ అయ్యాయి. గేట్లు లిఫ్ట్‌ చేసే రోప్‌లు పూర్తిగా దెబ్బతినడంతో అవి లిఫ్ట్‌ అయ్యే సమయంలో తెగిపోయే అవకాశం ఉండడంతో రోప్‌లు మార్చే ప్రక్రియ విషయంలో సంబంధిత అధికార యంత్రాంగం ఆది నుంచి అలవికాని నిర్లక్ష్యం ప్రదర్శించింది. జలాశయంలో నీటి సామర్థ్యం తక్కువగా ఉన్న సమయంలోనే చేయాల్సి ఉన్నా.. వేసవి కాలం అంతా పట్టించుకోలేదు. తాజాగా ఎగువ నుంచి ఇటీవల వరద రావడంతో ప్రాజెక్ట్‌ పూర్తి సామర్థ్యానికి చేరుకుంది. ఈ క్రమంలో ప్రాజెక్ట్‌ నుంచి కేవలం 5, 6, 7 క్రస్ట్‌ గేట్ల నుంచి మాత్రమే నీటిని దిగువకు విడుదల చేయడంతో మిగతా గేట్ల లిఫ్ట్‌పై అనేక అనుమానాలు ఉన్నాయి. 1, 2, 3, 4, 8, 9, 10 గేట్ల రోప్‌లు సైతం తుప్పు పట్టి ఉన్నాయి. దాదాపుగా నాలుగేళ్లుగా ఈ గేట్లను ఎత్తి నీటిని దిగువకు విడుదల చేసిన సందర్భం లేదు. ప్రధానంగా సిబ్బంది కొరత కారణంగా ప్రాజెక్ట్‌ క్రస్ట్‌ గేట్ల నిర్వహణలో నిర్లక్ష్యం కనిపిస్తోంది. భారీ స్థాయిలో వరదలు వస్తే పరిస్థితి ఏమిటనే భయం జిల్లా వాసులను వెంటాడుతోంది. వణికించిన 2021 నవంబర్‌ వరదలు సోమశిలకు నాలుగున్నర దశాబ్దాల కాలంలో ఎన్నడూ భారీ స్థాయిలో వరదలు వచ్చిన సందర్భం లేదు. 2021 నవంబర్‌లో ఎగువన అన్నమయ్య డ్యామ్‌ తెగి ప్రాజెక్ట్‌కు ఊహించని స్థాయిలో వరద వచ్చింది. రాత్రికి రాత్రే ఒక్కసారిగా ప్రాజెక్ట్‌ 12 క్రస్ట్‌ గేట్లు ఎత్తి సుమారుగా 6 లక్షల క్యూసెక్కులు విడుదల చేయడంతో దిగువన పెన్నానది తీరం వెంబడి అనేక ప్రాంతాల ముంపునకు గురయ్యాయి. ఎగువ నుంచి వచ్చిన వరదను ఆ స్థాయిలో దిగువకు విడుదల చేయకపోతే ప్రాజెక్ట్‌ ప్రమాదంలో పడేదని జలవనరుల నిపుణులు అప్పట్లో ఆందోళన వ్యక్తం చేశారు. అప్పట్లో గండం గడిచిపోయింది. ఆ తర్వాత ఆ స్థాయిలో గత మూడేళ్లుగా వరదలు రాలేదు. నూతన రోప్‌లు వచ్చి నాలుగు నెలలు రాష్ట్ర జలవనరుల సాంకేతిక సలహాదారు కన్నయ్యనాయుడు పరిశీలించిన రెండు నెలలకు కాంట్రాక్ట్‌ అప్పగించి నూతన రోప్‌లను ప్రాజెక్ట్‌ వద్దకు చేర్చారు. అప్పట్నుంచి సుమారు నాలుగు నెలలు అవుతున్న రోప్‌ల మరమ్మతులు చేయలేదు, ఇటీవల ఒకటో నంబర్‌ క్రస్ట్‌ గేటుకు స్టాప్‌ లాక్‌ అమర్చి మరమ్మతు చేయాలని ముందుకు వచ్చారు. ఈ తరుణంలో వరదలు వచ్చి జలాశయం పూర్తిగా నిండిపోయింది. ప్రస్తుతం నీటిలో రోప్‌లో మార్చేందుకు సంబంధిత వర్కర్లు రావడం లేదని జలాశయ అధికారులే చెబున్నారని సమాచారం. పొంచి ఉన్న ప్రమాదం గ్రేటర్‌ రాయలసీమపై ఈశాన్య రుతుపవనాల ప్రభావం అధికంగా ఉంటుంది. నైరుతి రుతుపవనాలు విస్తరించిన సమయంలో అడపాదడపా వర్షాలు కురిసినా రాయలసీమ జిల్లాలతోపాటు నెల్లూరు, ప్రకాశం జిల్లాలపై పెద్దగా వర్ష ప్రభావం ఉండదు. తాజాగా ఈశాన్య రుతుపవనాలు రాకతో వాతావరణ మార్పులు సంభవించాయి. ప్రస్తుతం ఎక్కడ పడితే అక్కడ ఆకస్మిక వర్షాలు, వరదలు వస్తున్నాయి. ఎప్పుడు ఎక్కడ ఏ స్థాయిలో వర్షాలు పడుతాయో ఎవరూ ఊహించలేని పరిస్థితి. అక్టోబరు నుంచి డిసెంబరు వరకు ఈశాన్య రుతుపవనాల ప్రభావంగా ఎగువ ప్రాంతాల్లో, జలాశయ ప్రాంతంలో కురిసే ప్రతి వర్షపు చుక్క నేరుగా సోమశిల జలాశయానికి చేరుతోంది. ఇప్పటికే నిండుకుండగా ఉన్న జలాశయానికి వచ్చే వరద జలాలను నిల్వ ఉంచేందుకు వీలులేనందున దిగువకు విడుదల చేయాల్సి పరిస్థితి ఉంటుంది. ఈ సమయంలో గతంలో వచ్చిన స్థాయిలో వరద వస్తే.. క్రస్ట్‌ గేట్లను లిఫ్ట్‌ చేసి వరద దిగువకు విడుదల చేయాలంటే.. 11, 12 క్రస్ట్‌ గేట్లు పూర్తిగా బ్లాక్‌ అయిపోవడంతో మిగిలిన పది గేట్లలో ప్రస్తుతం 5, 6, 7 క్రస్ట్‌ గేట్లు సేఫ్‌గానే ఉన్నాయని ఇటీవల స్పష్టమైంది. మిగతా గేట్ల విషయంలో జలాశయం అధికారులకే స్పష్టత లేదని సంబంధిత అధికార వర్గాల ద్వారా స్పష్టమవుతోంది. ఎనిమిది నెలల క్రితం రాష్ట్ర జలవనరుల సాంకేతిక సలహాదారు కన్నయ్యనాయుడు జలాశయ స్థితిగతులను తెలుసుకునేందుకు ప్రాజెక్ట్‌ పరిశీలనకు వచ్చారు. జలాశయ ఎస్‌ఈ, ఈఈ, డీఈ, సిబ్బందితో కలిసి జలాశయ ప్రాంతాలను పరిశీలించారు. అనంతరం ఆయన క్రస్ట్‌ గేట్ల దుస్థితి చూసి అధికారులపై ఆగ్రహం వ్యక్తం చేశారు. గేట్ల విషయంపై కనీస నిర్వహణ చేయకపోవడంతో ఆయన మండి పడ్డారు. ఆ సమయంలో ఆయన మాట్లాడుతూ ప్రాజెక్ట్‌ గేట్లకున్న రోప్‌లు పూర్తిగా దెబ్బతిన్నాయి.. ఇలానే మార్చకుండా మరమ్మతులు చేయకుండా వదిలేస్తే గతంలో తుంగభద్రకు పట్టిన గతి ఈ ప్రాజెక్ట్‌కు పడుతుందన్నారు.

● డిమాండ్లు నెరవేర్చేంత వరకు దశలవారీ పోరాటాలు నెల్లూరు(వీఆర్సీసెంటర్‌): విద్యుత్‌ కాంట్రాక్ట్‌ కార్మికుల ప్రధాన డిమాండ్లను నెరవేర్చకుండానే సమ్మెను విరమించడం శోచనీయమని పలువురు పేర్కొన్నారు. నగరంలోని సీఐటీయూ కార్యాలయంలో విలేకరులతో యునైటెడ్‌ ఎలక్ట్రిసిటీ ఎంప్లాయీస్‌ యూనియన్‌ రాష్ట్ర అధ్యక్షుడు దుగ్గిరాల సూరిబాబు, జిల్లా కార్యదర్శులు హజరత్తయ్య, జాకీర్‌హుస్సేన్‌, యునైటెడ్‌ ఎలక్ట్రిసిటీ కాంట్రాక్ట్‌ వర్కర్స్‌ యూని యన్‌ రాష్ట్ర వర్కింగ్‌ ప్రెసిడెంట్‌ బొజ్జా సుమన్‌ విలేకరులతో శనివారం మాట్లాడారు. కాంట్రాక్ట్‌, అవుట్‌సోర్సింగ్‌ కార్మికుల క్రమబద్ధీకరణ, గ్రేడ్‌ – 2 జేఎల్‌ఎంల సమస్యల పరిష్కారం తదితరాలపై సమ్మెకు విద్యుత్‌ జేఏసీ పిలుపునిచ్చిందని చెప్పారు. ఈ క్రమంలో యాజమాన్యం, ప్రభుత్వంతో జరిపిన చర్చల్లో డిమాండ్లను నెరవేర్చకుండానే మధ్యలో సమ్మెను విరమించడం శోచనీయమని చెప్పారు. కార్మికుల డిమాండ్ల పరిష్కారంలో ప్రభుత్వం, యాజమాన్యం నిర్లక్ష్య ధోరణిని అవలంబిస్తోందని ఆరోపించారు. దశలవారీ పోరాటాలు, ఆందోళనలు చేసేందుకు విద్యుత్‌ స్ట్రగుల్‌ కమిటీ సిద్ధంగా ఉందని స్పష్టం చేశారు. యూనియన్‌ ఆఫీస్‌ బేరర్స్‌ పెంచలప్రసాద్‌, జిల్లా నేతలు సురేంద్ర, కొండయ్య, జనార్దన్‌, దయాకర్‌, నారాయణ, రామయ్య, మస్తాన్‌, ప్రసన్నకుమార్‌రెడ్డి తదితరులు పాల్గొన్నారు.

నెల్లూరు సిటీ: బాణసంచా దుకాణాల కేటాయింపునకు సంబంధించిన లక్కీడిప్‌ ఈ ఏడాది గందరగోళంగా మారింది. ప్రక్రియను నెల్లూరు ఆర్డీఓ కార్యాలయంలో శుక్రవారం రాత్రి నిర్వహించారు. అయితే ఇందులో తమకు అన్యాయం జరిగిందంటూ అధికారులపై కొందరు లైసెన్స్‌దారులు ఆగ్రహం వ్యక్తం చేశారు. ఈ తరుణంలో ఉద్రిక్తత నెలకొంది. పోలీసులు రంగప్రవేశం చేసి లైసెన్స్‌దారులకు నచ్చజెప్పి ప్రక్రియను పూర్తి చేశారు. వీఆర్సీ గ్రౌండ్స్‌లో 41.. వైఎమ్సీఏ గ్రౌండ్స్‌లో 36.. చిల్డ్రన్స్‌పార్క్‌ సమీపంలో 25.. గోషాస్పత్రి ప్రాంతంలో 11.. ఆరెస్సార్‌లో 27, బీవీఎస్‌ గర్ల్స్‌ హైస్కూల్‌ వద్ద ఒక దుకాణానికి అనుమతిచ్చారు. ఈసారి కుదింపు వాస్తవానికి వీఆర్సీ గ్రౌండ్స్‌లో ఏటా 60 నుంచి 65 దుకాణాలకు అనుమతులిచ్చేవారు. అయితే ఈ ఏడాది ఓ ప్రైవేట్‌ కార్యక్రమాన్ని నిర్వహించనున్న నేపథ్యంలో స్టేజ్‌ ఏర్పాటును ప్రారంభించారు. దీంతో అక్కడ 41 దుకాణాలకే అనుమతులను మంజూరు చేశారు. దీనిపై లైసెన్స్‌దారులు మండిపడ్డారు. ఎన్నో ఏళ్లుగా ఇక్కడే ఏర్పాటు చేసుకుంటున్నామని, ఇప్పుడు మరోచోట పెట్టుకోవాలని అధికారులు చెప్పడంపై ఆగ్రహం వ్యక్తం చేశారు. 42వ నంబర్‌ నుంచి వచ్చే దుకాణాలను ఇతర చోట్ల ఏర్పాటు చేసుకోవాలని సూచించారు. మ్యాప్‌లో పొరపాటు వీఆర్సీ గ్రౌండ్స్‌లో 41వ దుకాణాన్ని ఏర్పాటు చేసేందుకు స్థలం లేకపోవడంతో లైసెన్స్‌దారుడు మండిపడ్డారు. తానెక్కడ పెట్టాలని ప్రశ్నించారు. ఫైరింజిన్‌ ప్రవేశానికి వీఆర్సీ కళాశాల నుంచి దారిని ఏర్పాటు చేయడంతో ఈ మార్పు జరిగింది. చివరికి ఓ దుకాణాన్ని కుదించి దీని ఏర్పాటుకు వీలు కల్పించారు. మరోవైపు భారీ వర్షాలతో ఇక్కడి మైదానం చిత్తడిగా మారడం ఇబ్బందిగా పరిణమించింది. బాణసంచా దుకాణాల కేటాయింపునకు ఆర్డీఓ కార్యాలయంలో నిర్వహణ ఏటా 60కు అనుమతి.. ఈసారి మాత్రం 41 అధికారులను ప్రశ్నించిన లైసెన్స్‌దారులు

సమాజంలో జరుగుతున్న విషయాలను ప్రజలకు చేరవేడం జర్నలిస్టుల విధి. మూడో మైలు దగ్గర మద్యం షాపు వద్ద ఓ వ్యక్తి మృతి చెందాడు. ఈ విషయంపై స్థానికుల సమాచారం మేరకు ‘సాక్షి’ బ్యూరో మస్తాన్‌రెడ్డి వార్తను రాశారు. దీనిపై కక్ష కట్టిన ప్రభుత్వం అక్రమ కేసులతో అర్ధరాత్రి నోటీసులతో భయపెడుతూ వేధించడం తగదు. – జయరాజు, జర్నలిస్టు సంఘాల జేఏసీ పత్రికల గొంతు నొక్కకండి జర్నలిస్టులకు పార్టీలను ఆపాదించడం సరికాదు. ఏ పార్టీ అయినా రాజకీయంగానే పోరాడాలే తప్ప జర్నలిస్టులపై కక్ష సాధించడం, పత్రికల గొంతు నొక్కడం ప్రజాస్వామ్య హితం కాదు. ఏదైనా అభ్యంతరకరమైన వార్త ప్రచురితమైతే వివరణ కోరాలే కానీ, ‘సాక్షి’ ఎడిటర్‌, బ్యూరో చీఫ్‌, రిపోర్టర్లపై కేసులు పెట్టి పోలీసుల ద్వారా నోటీసులు ఇచ్చి విచారణ పేరుతో బెదిరించడం దుర్మార్గం – పర్రి బాలకృష్ణ, జర్నలిస్టు సంఘాల జేఏసీ

ఉదయగిరి: ప్రజాస్వామ్య వ్యవస్థకు పత్రికా రంగం మూల స్తంభం. వార్తల విషయంలో ప్రతికలకు ఎంతో స్వేచ్ఛ ఉంది. ఆ స్వేచ్ఛపై కూటమి ప్రభుత్వం దాడి చేస్తోందంటూ ఉదయగిరి నియోజకవర్గంలోని పలువురు విలేకరులు ధ్వజమెత్తారు. ‘సాక్షి’ మీడియాపై ప్రభుత్వం కేసులు బనాయించడం, పోలీసులతో కార్యాలయాల్లో తనిఖీలు నిర్వహిస్తూ భయభ్రాంతులకు గురి చేయడాన్ని నిరసిస్తూ శనివారం ఉదయగిరి తహసీల్దార్‌ కార్యాలయం వద్ద జర్నలిస్టుల ఐక్య సంఘం ఆధ్వర్యంలో నిరసన కార్యక్రమం చేపట్టారు. అనంతరం కార్యాలయ సీనియర్‌ అసిస్టెంట్‌ శ్రీనివాసరావుకు వినతిపత్రం అందజేశారు. వారు మాట్లాడుతూ ‘సాక్షి’ ఎడిటర్‌ ధనుంజయరెడ్డి, నెల్లూరు బ్యూరో మస్తాన్‌రెడ్డిలకు అర్ధరాత్రి నోటీసులు జారీ చేయడం, విచారణ పేరుతో వేధించడం తగదన్నారు. పత్రికలు ప్రజల తరపున పోరాడే వ్యవస్థ అని, ప్రచురించే వార్తలో సందేహాలుంటే న్యాయబద్ధ రీతిలో వ్యవహరించాలి తప్ప అక్రమంగా కేసులు పెట్టడం తగదన్నారు. ఈ ధోరణితో ప్రజాస్వామ్య వ్యవస్థకే ముప్పు ఏర్పడుతుందన్నారు. ప్రభుత్వం వెంటనే అక్రమ కేసులు ఉపసంహరించుకోవాలని డిమాండ్‌ చేశారు.

కందుకూరు: తిరుమలశెట్టి లక్ష్మీనాయుడు (25) హత్య దారుణమని, అతడి ఇద్దరు సోదరులు కాళ్లు, చేతులు విరిగి శాశ్వత అంగ వైకల్యం కలిగే స్థితిలో ఆసుపత్రిలో ఉన్నారని వైఎస్సార్‌సీపీ ఎమ్మెల్సీ తోట త్రిమూర్తులు ఆవేదన వ్యక్తం చేశారు. లక్ష్మీనాయుడు కుటుంబంతో మాట్లాడాక అతడి హత్యకు అసలు కారణాలు తెలుస్తున్నాయని చెప్పారు. కమ్మ వర్గానికి చెందిన కాకర్ల హరిచంద్రప్రసాద్‌ ఉద్దేశపూర్వకంగా పక్కా ప్రణాళిక ప్రకారం క్రూరంగా లక్ష్మీనాయుడు ప్రాణాలు తీశాడని పేర్కొ­న్నారు. శ్రీపొట్టి శ్రీరాములు నెల్లూరు జిల్లా గుడ్లూరు మండలం దారకానిపాడు గ్రామంలో శనివారం లక్ష్మీనాయుడు కుటుంబాన్ని త్రిమూర్తులు పరామర్శించారు. లక్ష్మీనాయుడు భార్య సుజాతతో మాట్లాడారు. అనంతరం మీడియాతో మాట్లాడుతూ తాము రాజకీయాలు చేయడానికి ఇక్కడికి రాలేదన్నారు. సుజాతతో డిప్యూటీ సీఎం పవన్‌ కళ్యాణ్‌ నేరుగా మాట్లాడాలని ఆయనకు వారం రోజులు సమయం ఇస్తున్నామని చెప్పారు. తర్వాత ఎటువంటి విచారణ చేయాలో నిర్ణయం తీసుకోవాలన్నారు. పవన్‌ స్పందించకపోతే బాధిత కుటుంబంతో కలిసి అసలు ఏం జరిగిందో పూర్తిగా వెల్లడిస్తామని చెప్పారు. ‘‘లక్ష్మీనాయుడు కుటుంబాన్ని పరామర్శించిన స్థానిక ఎమ్మెల్యే జరిగిన ఘటనను తొలుత యాక్సిడెంట్‌గా చెప్పారు. తర్వాత క్రూరంగా చంపారని అన్నారు. సుజాతకు ఔట్‌ సోర్సింగ్‌ ఉద్యోగం ఇస్తామని చెప్తున్నారు. కానీ, ఇది కాపు జాతి సిగ్గుపడేలా జరిగిన హత్య అని గుర్తుంచుకోవాలి. కులానికి ఇంతటి దారుణ అన్యాయం జరిగినప్పుడు పార్టీలకు అతీతంగా ఏకమవ్వాలనేది మా ఉద్దేశం’’ అని త్రిమూర్తులు వివరించారు. మున్ముందు ఇలాంటి దారుణాలు జరగకుండా కఠిన చర్యలు తీసుకోవాలని కోరారు. బాధిత కుటుంబాన్ని పూర్తిగా ఆదుకునేందుకు రాష్ట్రంలోని కాపు జాతి సిద్ధంగా ఉందన్నారు. ప్రతి కాపు హృదయాన్ని కదిలించి... లక్ష్మీనాయుడు కుటుంబానికి భరోసా కల్పిస్తామని చెప్పారు. కాపు వర్గానికి చెందినవారు అండగా ఉంటామని భరోసా ఇస్తున్నారని వివరించారు.దురహంకారంతో వేధించాడు‘‘దారకానిపాడులో లక్ష్మీనాయుడును మెజార్టీ అయిన హరిచంద్రప్రసాద్‌ చిన్నచూపు చూశా­డు. వేధించాడు. చివరకు దారుణ హత్యకు ఒడిగట్టాడు. తమ వర్గానికి చెందినవారి ప్ర­భు­త్వం ఉందనే ధీమా, ఆధిపత్య భావన దీనికి కారణం’’ అని మాజీ ఎమ్మెల్యే ఆమంచి కృష్ణమోహన్‌ అన్నారు. జ్యుడీషి­యల్‌ లేదా నిజాయతీపరుడైన ఐపీఎస్‌ అధికారితో స్వత­ంత్ర విచారణ జరిపించాలని, నిందితులకు కఠిన శిక్ష పడేలా ప్రభుత్వం చర్యలు తీసుకోవాలని డిమాండ్‌ చేశారు. లక్ష్మీనాయుడు భార్య­పై హరిచంద్రప్రసాద్‌ కన్నేసి దుర్బుద్ధితో వేధించాడని, ఎదిరించలేక వారు నాలుగు నెలలు నలిగిపోయారని అన్నారు. లక్ష్మీనాయుడు సోద­రులు పవన్, భార్గవనాయుడుతో కలిసి హరిచంద్రప్రసాద్‌ను ప్రశ్నించిన మరునాడే హత్యకు గురయ్యాడని పేర్కొన్నారు. నిందితుడికి ఉరి లేదా ఇంకేదైనా కఠిన శిక్ష పడేలా ఫాస్ట్‌ట్రాక్‌ కోర్టు ద్వారా విచారణ జరిపించాలని కోరారు.

జాతీయ రహదారులపై రయ్‌..రయ్‌ మంటూ వెళుతున్న వాహనాదారులకు టోల్‌ ప్లాజాల వద్ద చుక్కలు కనిపిస్తున్నాయి. యాజమాన్యాలు తీసుకుంటున్న వివాదాస్పద నిర్ణయాలు, నిర్లక్ష్యం ఫలితంగా కిలోమీటర్ల మేర వాహనాలు నిలిచిపోతున్నాయి. దీంతో వాహనదారులు, ప్రయాణికులు పడుతున్న అవస్థలు వర్ణణాతీతం. ఓవర్‌ లోడ్‌ పేరుతో అదనంగా వసూళ్లు చేస్తుండడంతో తీవ్ర జాప్యం జరుగుతోంది. తరచూ ట్రాఫిక్‌ జామ్‌ అవుతున్నా సంబంధిత శాఖల అధికారులు పట్టించుకున్న దాఖలాల్లేవు. పలు సందర్భాల్లో టోల్‌ దాటాలంటే అరగంటకు పైగా సమయం పడుతోందని ప్రజలు ఆగ్రహం వ్యక్తం చేస్తున్నారు.టంగుటూరు: జాతీయ రహదారి–16పై నిత్యం వేలాది వాహనాలు రాకపోకలు సాగిస్తుంటాయి. టోల్‌ ప్లాజాల వద్ద ఎలాంటి జాప్యం జరుగకుండా ఫాస్ట్‌ ట్యాగ్‌ విధానాన్ని అమలు చేస్తున్నారు. టోల్‌ ప్లాజా వద్ద బిల్లింగ్‌ కేంద్రాలతో సంబంధం లేకుండా వెళ్లే సౌకర్యం ఉంది. కానీ, ఇటీవల కాలంలో కొన్ని టోల్‌ ప్లాజాల నిర్వాహకులు తీసుకుంటున్న చర్యలు వాహనదారులను అవస్థలపాలుజేస్తోంది. విజయవాడ–నెల్లూరు మధ్య సింహపురి ఎక్స్‌ప్రెస్‌ వే లిమిటెడ్‌ ఆధ్వర్యంలో ప్రకాశం జిల్లాలోని టంగుటూరు, ముసునూరు, బొల్లాపల్లి టోల్‌ ప్లాజాలు ఉన్నాయి.ఎక్కడా లేని విధంగా వీటిల్లో పెద్ద వాహనాలకు ఓవర్‌ లోడ్‌ ఫీజులు వసూలు చేస్తున్నారు. ఓవర్‌ లోడ్‌ వసూలు చేసే సమయంలో తీవ్ర జాప్యం జరుగుతోంది. పలు అంబులెన్సు­లు, ఎమ్మెల్యేల వాహనాలు సైతం ట్రాఫిక్‌లో ఇరుక్కుపోతున్నాయి. కనీసం అంబులెన్సు ఉన్న సమయంలో కూడా ట్రాఫిక్‌ క్రమబదీ్ధకరించడం లేదన్న ఆరోపణలు వినిపిస్తున్నాయి. టోల్‌ ప్లాజాల వద్ద ప్రతి రోజూ ఇరువైపులా కిలోమీటర్ల మేర వాహనాలు నిలిచిపోతున్నాయి. అత్యవసర పనుల నిమిత్తం వెళ్లేవారు, బస్సుల్లో కాలేజీలకు వెళ్లే విద్యార్థులు, ఆస్పత్రులకు పోయే రోగులు తీవ్ర ఇబ్బందులు పడుతున్నారు. టోల్‌ ప్లాజా వద్ద వాహనం 10 సెకన్ల కంటే ఎక్కువ సేపు వేచి ఉండాల్సి వస్తే టోల్‌ చెల్లించాల్సిన అవసరం లేదని నిబంధన ఉంది. దీనిని నిర్వాహకులు పట్టించుకుంటున్న దాఖల్లాల్లేవు. ఓవర్‌ లోడ్‌ పేరుతో ఓవరాక్షన్‌... టంగుటూరు, ముసునూరు, బొల్లాపల్లి టోల్‌ ప్లాజాల్లో ఓవర్‌ లోడ్‌ పేరుతో ప్రత్యేక లైన్లు ఏర్పాటు చేశారు. ప్రతిరోజూ రూ.లక్షల్లో ఓవర్‌ లోడ్‌ ఫీజు వసూలు చేస్తూ తమ ఖజానా నింపుకుంటున్నారు. వాస్తవానికి రవాణా శాఖ అధికారులు విధించాల్సిన ఓవర్‌ లోడ్‌ ఫీజు టోల్‌ ప్లాజాల్లో వసూలు చేస్తూ వాహనదారుల జేబుకు చిల్లుపెడుతున్నారన్న ఆరోపణలు ఉన్నాయి. ఇంత జరుగుతున్నా అటు ప్రభుత్వంగానీ, ఇటు అధికారులుగానీ పట్టించుకోవడం లేదు.వాహనదారులకు అందని సేవలు... టోల్‌ ప్లాజాల్లో వాహన­దారులకు సేవలందించేందుకు టోల్‌ ఫ్రీ నంబరు 1033 ఉంది. దానికి వాహనదారులు ఫోన్‌ చేస్తే సిబ్బంది స్పందించరు. టోల్‌ ప్లాజా పెట్రోలింగు వాహనం ఎక్కడ ఉంటుందో తెలియదు. వారి పర్యవేక్షణ కొరవడటంతో రాత్రి పూట లారీ డ్రైవర్లు రోడ్డు పక్కన పెట్టుకుని నిద్రపోతూ ఉంటారు. ఆ సమయంలో ఆయిల్‌ దొంగలు అదే అదునుగా చూసుకుని లారీ ట్యాంకుల్లో డీజిల్‌ కాజేసిన సంఘటనలు ఎన్నో ఉన్నాయి.అలాగే జాతీయ రహదారి అంబులెన్సులో ప్రాథమిక చికిత్సకు అవసరమైన మందులు ఉండవు. అధికారులు ఇస్తున్నా ఆంబులెన్సు సిబ్బంది అమ్ముకుంటున్నారన్న ఆరోపణలు ఉన్నాయి. అలాగే అంబులెన్స్‌లో ప్రథమ చికిత్స చేయాల్సిన వైద్యులు, సిబ్బంది లేరని, వాటిని అలంకార ప్రాయంగా సింగరాయకొండలోని కలికవాయి వద్ద ఉంచుతున్నారని విమర్శలు వినిపిస్తున్నాయి.సమయం వృథా అవుతోంది చేప పిల్లల లోడు లారీతో నెల్లూరు వైపు వెళ్తుంటాను. టంగుటూరు, ముసునూరు, బొల్లాపల్లి టోల్‌ ప్లాజాల యాజమాన్యా­లు మోసం చేస్తున్నాయి. టంగుటూరు టోల్‌ ప్లాజాలో ఓవర్‌ లోడ్‌ టన్ను ఉందంటూ ఒక్కో ప్లాజాలో అరగంట పాటు లారీ ఆపుతున్నారు. ఓవర్‌ లోడ్‌ డబ్బులు రూ.280 వసూలు చేస్తున్నారు, మళ్లీ కాటా పెడితే పాసింగు ఉందని, తిరిగి డబ్బులిస్తున్నారు. దీంతో సమయం వృథా అవుతోంది. చేప పిల్లల లోడుకు ఆక్సిజన్‌ ఉంటుంది. ఏదైనా తేడా పడి చేప పిల్లలు చనిపోతే రూ.లక్షల్లో నష్టం వస్తుంది. టోల్‌ ప్లాజాకు ఇరువైపులా ఉన్న కాటాలు తేడాగా ఉన్నాయి. అధిక లోడు చూపిస్తోంది. తూనికలు, కొలతల అధికారులు తనిఖీలు నిర్వహించాలి. – వీర్ల సత్యనారాయణ, లారీ డ్రైవర్, గుడివాడప్రతిరోజూ గంటల కొద్దీ ట్రాఫిక్‌ జామ్‌... టోల్‌ ప్లాజా యాజమాన్యం ఓవర్‌ లోడ్‌ పేరుతో నగదు వసూళ్లు చేస్తుండటంతో ప్రతిరోజూ గంటల కొద్దీ ట్రాఫిక్‌ జామ్‌ అవుతోంది. ఈ తీరు ఒక రోజు అర రోజు కాదు.. నిత్యం కొనసాగుతోంది. ట్రాఫిక్‌ జామ్‌లో ఇరుక్కున్న వాహనదారుల కష్టాలు అన్నీఇన్నీ కావు. ప్రతిరోజూ వాహనదారులు స్థానిక పోలీసు స్టేషనులో ఫిర్యాదు చేస్తుండటంతో వారు వచ్చి ట్రాఫిక్‌ అంతరాయం లేకుండా చేస్తున్నారు. అది కూడా కొంత సమయమే. మళ్లీ పరిస్థితి మొదటికొస్తోంది.

● నెల్లూరులో వ్యక్తి దుర్మరణం నెల్లూరు(క్రైమ్‌): అతను కుటుంబ సోషణ నిమిత్తం పనికెళ్లేందుకు తెల్లవారుజామునే నిద్ర లేచాడు. సిద్ధమై ఇంటి నుంచి బయటకు రాగా శ్లాబ్‌ రూపంలో మృత్యువు కబళించింది. రెండు రోజులుగా కురుస్తున్న వర్షాలకు శ్లాబ్‌ కూలడంతో అక్కడికక్కడే మృతిచెందాడు. ఈ ఘటన నెల్లూరులోని రంగనాయకులపేటలో శుక్రవారం చోటుచేసుకుంది. పోలీసుల కథనం మేరకు.. సోమిశెట్టి కల్యాణ మండపం సమీపంలో ఎన్‌.వెంకటేశ్వర్లుకు చెందిన గృహ సముదాయంలో బొమ్మా దయాకర్‌ (47), లక్ష్మి దంపతులు అద్దెకుంటున్నారు. దయాకర్‌ స్థానికంగా టీ దుకాణం నిర్వహిస్తూ కుటుంబాన్ని పోషిస్తున్నాడు. రోడ్డు మార్జిన్‌లో దుకాణం తొలగించడంతో కొంత కాలంగా తోపుడు బండిపై టీ విక్రయిస్తున్నాడు. రోజూ తెల్లవారుజామునే టీ తయారు చేసుకుని బండిపై పెట్టుకుని అమ్ముకునేవాడు. శుక్రవారం తెల్లవారుజామున సిద్ధమై బయటికొచ్చాడు. రెండు రోజులుగా కురుస్తున్న వర్షాల కారణంగా రెండో అంతస్తు సైడ్‌ శ్లాబ్‌ నానిపోయి ఉండగా అది విరిగి దయాకర్‌పై పడింది. పెద్ద శబ్దం రావడంతో భార్య, పక్క ఇళ్లలో ఉన్నవారు బయటికొచ్చిచూడగా అప్పటికే దయాకర్‌ అపస్మారక స్థితిలో ఉన్నాడు. దీంతో వారు 108కు సమాచారం అందించారు. అంబులెన్స్‌ సిబ్బంది ఘటనా స్థలానికి చేరుకుని దయాకర్‌ను పరీక్షించి అప్పటికే మృతిచెందాడని నిర్ధారించారు. కాసేటి క్రితం వరకు ఇంట్లో తిరిగిన భర్త విగతజీవిగా పడి ఉండటాన్ని చూసిన లక్ష్మి కన్నీరుమున్నీరుగా రోదించింది. బాధితురాలు సంతపేట పోలీసులకు ఫిర్యాదు చేశారు. ఇన్‌స్పెక్టర్‌ వైవీ సోమయ్య, ఎస్సై సుల్తాన్‌బాషాలు ఘటనా స్థలాన్ని పరిశీలించారు. మృతదేహాన్ని జీజీహెచ్‌ మార్చురీకి తరలించి ఎస్సై కేసు దర్యాప్తు చేస్తున్నారు.

నెల్లూరురూరల్‌ : ప్రజాస్వామ్య హక్కులకు విరుద్ధంగా ‘సాక్షి’ జర్నలిస్టులపై అక్రమ కేసులు బనాయించడం, పత్రికా స్వేచ్ఛపై కక్ష పూరిత దాడులు చేయడం దారుణమని, జర్నలిస్టు సంఘాల ఐక్యవేదిక (జేఏసీ) నాయకులు దయాశంకర్‌, ‘సాక్షి’ టీవీ బ్యూరో ఇన్‌చార్జి లోకేశ్‌ అన్నారు. ‘సాక్షి’ పత్రిక ఎడిటర్‌ ధనుంజయరెడ్డి, నెల్లూరు జిల్లా బ్యూరో ఇన్‌చార్జి సీహెచ్‌ మస్తాన్‌రెడ్డి, అర్ధరాత్రి పూట నోటీసులు, కలిరిగి రిపోర్టర్‌ ఇంట్లో సోదాలు చేయడం, వేధించడాన్ని నిరసిస్తూ శుక్రవారం నెల్లూరు కలెక్టరేట్‌ ఎదుట జర్నలిస్టు సంఘాల నాయకులు, జర్నలిస్టులు నిరసన నినాదాలు చేశారు. కలెక్టర్‌ హిమాన్షు శుక్లాను కలిసి జర్నలిస్టు సంఘాల నాయకులు, జర్నలిస్టులు వినతి పత్రం ఇచ్చారు. కలెక్టర్‌తో నాయకులు మాట్లాడుతూ జర్నలిస్టులకు పార్టీలతో సంబంధం ఉండదన్నారు. ప్రజా సమస్యలపై కథనాలు, వార్తలు మాత్రమే రాస్తారన్నారు. సమస్యలను ప్రభుత్వం దృష్టికి తీసుకురావడమే జర్నలిస్టుల విధి అన్నారు. ఈనెల 8న నకిలీ మద్యానికి సంబంధించి స్థానికులు అనుకుంటున్న సమాచారాన్ని వార్త రూపంలో ‘సాక్షి’ ప్రచురించిందన్నారు. ఈ వార్తలో ఏమైనా అభ్యంతరాలున్నాయని భావిస్తే ఖండన పంపొచ్చని లేదా చట్టపరంగా చర్యలు చేపట్టవచ్చన్నారు. అయితే అందుకు విరుద్ధంగా ప్రజా సమస్యలను పరిష్కరించడం చేతకాని ప్రభుత్వం ‘సాక్షి’ పత్రిక బ్యూరో ఇన్‌చారి్‌జ్‌ ఇంటికి అర్ధరాత్రి పూట పోలీసులను పంపి నోటీసులు ఇవ్వడం ఎంత వరకు సమంజనమన్నారు. చుట్టుపక్కల వారిని భయభ్రాంతులకు గురి చేయడం. ఇళ్లలోని మహిళలలను భయపడేలా చేయడం వంటి ఘటనలు చట్టానికి విరుద్ధంగా చేశారన్నారు. ‘సాక్షి’ పత్రిక ఎడిటర్‌ ధనుంజయరెడ్డికి కూడా అర్ధరాత్రి హైదరాబాద్‌లో నోటీసులు ఇవ్వడం సిగ్గుచేటన్నారు. మాటి మాటికి విచారణ పేరుతో పోలీసుస్టేషన్‌కు పిలిపించడం మంచి పద్ధతి కాదన్నారు. ప్రజాస్వామ్యానికి నాల్గో స్తంభం జర్నలిజం అనేది మరిచారా అంటూ నిగ్గదీశారు. ఇది పత్రికా స్వేచ్ఛను హరించడమే కాకుండా వార్తలు రాయకుండా అక్రమ కేసులతో జర్నలిస్టులను భయపెట్టే ప్రయత్నం చేయడమేనని ఆరోపించారు. దీనిని తాము ఖండిస్తున్నామన్నారు. ప్రభుత్వం తమ చర్యలు మానుకోకుంటే ఐక్య ఉద్యమాలు చేస్తామని హెచ్చరించారు. ఈ కార్యక్రమంలో ‘సాక్షి’ బ్యూరో మస్తాన్‌రెడ్డి, ‘సాక్షి’ యోగానందరెడ్డి, సాంబశివరావు, ధనలక్ష్మి, హజరత్తయ్య, కృష్ణారెడ్డి, శ్రీధర్‌, రిజ్వాన్‌ తదితరులు పాల్గొన్నారు. పోలీసుల విచారణకు ‘సాక్షి’ బ్యూరో హాజరు సంఘీభావం తెలిపిన జర్నలిస్టులు నెల్లూరు(క్రైమ్‌): ‘సాక్షి’ పత్రికలో వచ్చిన వార్త కథనాలపై నెల్లూరు రూరల్‌, కలిగిరి పోలీసుస్టేషన్లలో నమోదైన కేసుల్లో ‘సాక్షి’ బ్యూరో ఇన్‌చార్జి సీహెచ్‌ మస్తాన్‌రెడ్డి శుక్రవారం పోలీసు విచారణకు హాజరయ్యారు. అత్యవసర పనుల దృష్ట్యా ఈ నెల 24న విచారణకు హాజరవుతానని ఆయన లిఖిత పూర్వకంగా నెల్లూరు రూరల్‌ ఎస్‌ఐ లక్ష్మణ్‌, కలిగిరి ఎస్‌ఐ ఉమాశంకర్‌లను కోరారు. అందుకు వారు సమ్మతించారు. జర్నలిస్టులు పెద్ద ఎత్తున నెల్లూరు రూరల్‌ పోలీసుస్టేషన్‌ వద్దకు చేరుకుని మస్తాన్‌రెడ్డికి సంఘీభావం ప్రకటించారు. ‘సాక్షి’ మీడియాపై పెట్టిన అక్రమ కేసులను తక్షణమే ఎత్తివేయాలనీ, వేధింపులు ఆపాలని రాష్ట్ర ప్రభుత్వాన్ని డిమాండ్‌ చేశారు. ‘సాక్షి’ జర్నలిస్టులపై అక్రమ కేసులు దారుణం వాస్తవాలు రాస్తే వేధిస్తారా? అర్ధరాత్రి పోలీసుల ద్వారా నోటీసులిచ్చి భయభ్రాంతులకు గురి చేస్తారా? ప్రజాస్వామ్యానికి నాల్గో స్తంభం జర్నలిజం కలెక్టర్‌ హిమాన్షు శుక్లాకు జర్నలిస్టుల ఐక్యసంఘాల వేదిక వినతిపత్రం అందజేత

నెల్లూరు(క్రైమ్‌): ఇంటి కిటికీ గ్రిల్స్‌ తొలగించి వెండి వస్తువులు, టీవీని గుర్తుతెలియని దుండగులు అపహరించుకెళ్లారు. పోలీసుల కథనం మేరకు.. నెల్లూరు బాలాజీ నగర్‌ పరిధిలోని లక్ష్మీనగర్‌లో రవీంద్రశర్మ, వసంతలక్ష్మి దంపతులు నివాసముంటున్నారు. కుమారుడు, బంధువులు హైదరాబాద్‌లో ఉన్నారు. వారిని కలిసేందుకు ఈనెల మూడో తేదీన దంపతులు హైదరాబాద్‌కు వెళ్లారు. ఈక్రమంలో గుర్తుతెలియని దుండగులు ఇంటి కిటికీ గ్రిల్స్‌ తొలగించి లోనికి ప్రవేశించారు. అర కేజీ వెండి వస్తువులు, ఒక టీవీని చోరీ చేశారు. శుక్రవారం ఇంటికొచ్చిన బాధితులు బాలాజీ నగర్‌ పోలీసులకు ఫిర్యాదు చేశారు. వారు ఘటనా స్థలాన్ని పరిశీలించి కేసు దర్యాప్తు చేస్తున్నారు.వ్యక్తిపై హత్యాయత్నం నెల్లూరు(క్రైమ్‌): ముగ్గురు గుర్తుతెలియని వ్యక్తులు ఖాళీ మద్యం బాటిళ్లతో ఓ వ్యక్తి ఇంట్లోకి అక్రమంగా ప్రవేశించారు. విచక్షణారహితంగా దాడి చేసి పరారయ్యారు. ఈ ఘటన నెల్లూరు త్యాగరాజనగర్‌లో చోటుచేసుకుంది. పోలీసుల కథనం మేరకు.. త్యాగరాజనగర్‌ మూడో వీధిలోని ఓ అపార్ట్‌మెంట్‌లో వి.కిశోర్‌కుమార్‌, అరుణ దంపతులు నివాసముంటున్నారు. వారికి ఎనిమిదేళ్ల వయసున్న కుమారుడు, ఏడేళ్ల వయసున్న కుమార్తె ఉన్నారు. కిశోర్‌ జేసీబీ కాంట్రాక్ట్‌ పనులు చేసుకుంటూ జీవనం సాగిస్తున్నాడు. శుక్రవారం తెల్లవారుజామున గుర్తుతెలియని ముగ్గురు దండుగులు అతని ఇంటికెళ్లారు. కిశోర్‌ తలుపు తీశారు. ముగ్గురూ లోనికెళ్లి చంపండిరా అంటూ తమ చేతిలో ఉన్న ఖాళీ మద్యం బాటిళ్లతో కిశోర్‌పై దాడిచేయడంతో అపస్మారకస్థితిలోకి వెళ్లిపోయాడు. భార్య అనూష పెద్దగా కేకలు వేయడంతో నిందితులు పారిపోయారు. ఆమె స్థానికుల సహకారంతో భర్తను 108 అంబులెన్స్‌లో నగరంలోని ఓ ప్రైవేట్‌ ఆస్పత్రికి తరలించారు. వేదాయపాళెం పోలీసులకు ఫిర్యాదు చేశారు. కిశోర్‌ ప్రస్తుతం మాట్లాడలేని పరిస్థితిలో ఉన్నాడు. కోలుకుంటే దాడికి గల కారణాలు తెలిసే అవకాశం ఉంది. పోలీసులు కేసు దర్యాప్తు చేస్తున్నారు.వర్షం.. అన్నదాతలకు నష్టం సోమశిల: అనంతసాగరం మండలంలో కురిసిన వర్షాలతో వందల ఎకరాల్లో వరి పంట నేలవాలింది. పాతదేవరాయపల్లి, కొత్తపల్లి తదితర గ్రామాల్లో చేతికొచ్చిన పంట నీట మునిగి నష్టం వాటిల్లినట్టు రైతులు చెబుతున్నారు. ప్రభుత్వం స్పందించి సాయం చేయాలని కోరుతున్నారు. కండలేరులో 59.990 టీఎంసీలు రాపూరు: కండలేరు జలాశయంలో శుక్రవారం నాటికి 59.990 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. సోమశిల జలాశయం నుంచి కండలేరుకు 3,790 క్యూసెక్కుల నీరు చేరుతోందన్నారు. కండలేరు నుంచి సత్యసాయి గంగ కాలువకు 1,950, పిన్నేరు కాలువకు 500, లోలెవల్‌ కాలువకు 40, హైలెవల్‌ కాలువకు 200, మొదటి బ్రాంచ్‌ కాలువకు 5 క్యూసెక్కుల నీటిని విడుదల చేస్తున్నట్లు వెల్లడించారు.పాముకాటుకు వ్యక్తి మృతి కలువాయి(సైదాపురం): పాముకాటుకు ఓ వ్యక్తి మృతిచెందిన ఘటన కలువాయి మండలం మాదన్నగారిపల్లిలో చోటుచేసుకుంది. పోలీసు లు, స్థానికుల కథనం మేరకు.. గ్రామానికి చెందిన దండు పెంచలయ్య (48) కూలీ పనులు చే సుకుంటూ జీవనం సాగిస్తున్నాడు. భార్య, ముగ్గు రు పిల్లలున్నారు. అతను గురువారం రాత్రి బహిర్భూమికెళ్లి తిరిగి ఇంటికి వచ్చి స్పృహ తప్పి పడిపోయాడు. నోటినుంచి నురగ రావడంతో కు టుంబ సభ్యులు గమనించి కలువాయిలోని ప్రైవే ట్‌ వైద్యశాలకు తరలించగా అప్పటికే మృతిచెందినట్లు వైద్యులు నిర్ధారించారు. సమాచారం అందుకున్న ఎస్సై కోటయ్య కేసు నమోదు చేశారు. 20న కోనలో దీపావళి వేడుకలు రాపూరు: ప్రముఖ పుణ్యక్షేత్రమైన పెంచలకోనలో 20వ తేదీ దీపావళి వేడుకలు నిర్వహించనున్నట్లు దేవస్థాన అధికారులు శుక్రవారం తెలిపారు. కోన పురవీధుల్లో రథోత్సవం, ఆర్టీసీ బస్టాండ్‌ వద్ద నరకాసుర వధ కార్యక్రమాలను నిర్వహిస్తామని తెలియజేశారు. ఉదయం 9 గంటలకు పెనుశిల లక్ష్మీనరసింహ స్వామి, ఆదిలక్ష్మీదేవి, చెంచులక్ష్మీదేవి ఉత్సవ విగ్రహాలను రథంపై కొలువుదీర్చి కోన మాడవీధుల్లో క్షేత్రోత్సవం నిర్వహించనున్నట్లు వెల్లడించారు.

● ప్రభుత్వ పెద్దల భరోసాతో టీడీపీ నేతలు ఈ స్థాయిలో మద్యం తయారీ చేశారు ● 16 నెలలుగా నకిలీ మద్యం తయారవుతుంటే.. గుర్తించలేని గుడ్డి ప్రభుత్వం ● ఈ కేసును నీరుగార్చేందుకే సిట్‌ పేరుతో విచారణ ● సీబీఐ విచారణ జరిగితే నకిలీ మద్యం వెనుక ఎవరున్నారనేది నిగ్గుతేలుతుంది ● రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత నెల్లూరు (స్టోన్‌హౌస్‌పేట): రాష్ట్రంలో నకిలీ మద్యంతో ప్రజల ప్రాణాలు కోల్పోతున్నా కూటమి ప్రభుత్వం పట్టీపట్టనట్లుగా వ్యవహరిస్తూ డైవర్షన్‌ పాలిటిక్స్‌ చేస్తుందని వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత అన్నారు. వైఎస్సార్‌సీపీ జిల్లా కార్యాలయంలో శుక్రవారం ఆమె మీడియా సమావేశంలో మాట్లాడుతూ నకిలీ మద్యం కేసులో ప్రధాన నిందితులంతా ప్రభుత్వ పెద్దల వాటాదారులు కావడంతో మొక్కుబడిగా కేసులు నమోదు చేసి, టీడీపీ నేతలను సస్పెండ్‌ చేసి చేతులు దులుపుకున్నారని విమర్శించారు. ఈ కేసులో ప్రధాన పాత్రధారులను రక్షించే ప్రయత్నం చేస్తుందన్నారు. ఈ కుంభకోణాన్ని వైఎస్సార్‌సీపీకి ఆపాదించడం హాస్యాస్పదన్నారు. రాష్ట్రంలో అతిపెద్ద కుంభకోణం నకిలీ మద్యం కేసును సీబీఐతో విచారణ కోరకుండా, రాష్ట్ర ప్రభుత్వ పరిధిలోని సిట్‌ అధికారులతో విచారణకు ఆదేశించి పక్కదారి పట్టిస్తున్నట్లు ప్రజల్లో అనుమానాలు ఉన్నాయన్నారు. ప్రభుత్వ పెద్దల పాత్రే కీలకం ఈ నకిలీ మద్యం తయారీలో ప్రభుత్వ పెద్దల పాత్ర కీలకంగా ఉందనే అనుమానాలు వ్యక్తమవుతున్నాయన్నారు. వీరి అనుమతి లేకుండానే ఈ స్థాయిలో మద్యం తయారు చేయడం అంటే సాధ్యం కాదన్నారు. 16 నెలలుగా నకిలీ మద్యం తయారు అవుతుంటే ఈ ప్రభుత్వం ఏమి చేస్తుందని నిలదీశారు. ప్రభుత్వ ఇంటెలిజెన్స్‌, నిఘా వర్గాలు, ఎకై ్సజ్‌, ఎన్‌ఫోర్స్‌మెంట్‌, పోలీస్‌ శాఖలు ఏమీ చేస్తున్నాయని నిలదీశారు. దీన్ని బట్టి అసమర్థ ప్రభుత్వమా?. గుడ్డి ప్రభుత్వమా? అని నిలదీశారు. గత ప్రభుత్వంలో అసలు జరగని మద్యం స్కామ్‌పై సిట్‌ విచారణ జరుగుతున్నా, కూటమి ప్రభుత్వం నకిలీ మద్యాన్ని ఎందుకు అరికట్టలేకపోతుందన్నారు. డైవర్షన్‌ రాజకీయాలు సిట్‌ విచారణ పేరుతో కేసులో సంబంధం లేని జోగి రమేష్‌పై కేసును ఆపాదించడం సరికాదని, కూటమి నేతలు డైవర్షన్‌ పాలిటిక్స్‌కు పాల్పడుతూ, తప్పించుకునే ప్రయత్నం చేస్తున్నారన్నారు. నకిలీ మద్యంపై వార్తలు రాసే మీడియాపై కూడా కూటమి ప్రభుత్వం కక్ష సాధింపు చర్యలకు పాల్పడుతుందన్నారు. ‘సాక్షి’ మీడియా ప్రజలకు వాస్తవాలు తెలియజేస్తూ, నిజా నిజాలు నిగ్గు తేల్చేందుకు ప్రయత్నిస్తుంటే, కూటమి ప్రభుత్వం పోలీసులను ఉపయోగించుకొని కేసులు పెట్టి, విచారణ పేరుతో నానా యాగి చేస్తున్నారు. రాజ్యాంగంలోని ప్రధాన పాత్ర పోషించే మీడియాపై కూటమి ప్రభుత్వ చర్యలను వైఎస్సార్‌సీపీ మహిళా విభాగం ఖండిస్తుందన్నారు. ఈ ప్రభుత్వంలో గ్రామాల్లో నకిలీ మద్యం తయారీ ఒక కుటీర పరిశ్రమగా తయారైందన్నారు. నకిలీ మద్యం మన రాష్ట్రంలో తయారయ్యి పక్క రాష్ట్రాలకు కూడా సరఫరా చేస్తుంటే, ప్రభుత్వం ఎందుకు నిరోధించడానికి చర్యలు తీసుకోవడం లేదని, ప్రతి మద్యం షాపులో నాలుగు బాటిళ్లలో ఒక నకిలీ బాటిల్‌ అమ్ముతుంటే, అధికారులు ఎందుకు గుర్తించి, ప్రజల ప్రాణాలను కాపాడలేకున్నారని ప్రశ్నించారు. కూటమి ప్రభుత్వ పాలనంతా, కక్ష సాధింపు చర్యలు, ప్రశ్నించే వారిపై కేసులు పెట్టడం, దాడులు చేయించడంతో సరిపోయిందన్నారు. ఈ సమావేశంలో రాష్ట్ర జోనల్‌ విభాగం మహిళా అధ్యక్షురాలు మొయిళ్ల గౌరి, నెల్లూరు జిల్లా మహిళా విభాగం అధ్యక్షురాలు కాకుటూరు లక్ష్మీ సునంద, నెల్లూరు నగర నియోజకవర్గ మహిళా అధ్యక్షురారాలు తనూజారెడ్డి, నెల్లూరురూరల్‌ నియోజకవర్గ మహిళా అధ్యక్షురాలు రమాదేవి పాల్గొన్నారు.

● మాజీ మంత్రి కాకాణి గోవర్ధన్‌రెడ్డి వెంకటగిరి(సైదాపురం): సీఎం చంద్రబాబుకు ప్రజలు గుణపాఠం చెప్పే రోజులు దగ్గరలోనే ఉన్నాయని ఉమ్మడి నెల్లూరు జిల్లా వైఎస్సార్‌సీపీ అధ్యక్షుడు, మాజీ మంత్రి కాకాణి గోవర్ధన్‌రెడ్డి పేర్కొన్నారు. పట్టణంలోని నేదురుమల్లి నివాసంలోని ఎన్‌జేఆర్‌ భవనంలో వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి ఆధ్వర్యంలో శుక్రవారం విలేకరుల సమావేశం నిర్వహించారు. ఈ సందర్భంగా కాకాణి మాట్లాడుతూ పేద విద్యార్థులకు వైద్య విద్య, ప్రజలకు వైద్యం అందేలా గత ప్రభుత్వం మెడికల్‌ కళాశాలను నిర్మించారన్నారు. కూటమి ప్రభుత్వం వాటిని ప్రైవేట్‌ సంస్థలకు అప్పనంగా అప్పగించే కుట్రకు తెరలేపిందని మండిపడ్డారు. ప్రజలను మోసం చేయడంలో చంద్రబాబును మించిన వారు దేశంలో ఇంకెవరూ లేరని ఎద్దేవా చేశారు. తప్పు చేసిన ఏ ఒక్క అధికారిని వదిలిపెట్టే ప్రసక్తేలేదని మరోసారి స్పష్టం చేశారు. రామ్‌కుమార్‌రెడ్డి మాట్లాడుతూ మెడికల్‌ కళాశాలల ప్రైవేటీకరణపై పార్టీలతో సంబంధం లేకుండా కోటి సంతకాల కార్యక్రమానికి స్వచ్ఛందంగా ప్రజలు ముందుకు రావాలన్నారు. వెంకటగిరి నియోజకవర్గంలో కార్యకర్తలపై అక్రమ కేసులు బనాయించి ఇబ్బందులకు గురిచేస్తున్నారన్నారు. దీనికి అధికారులు కూడా సమాధానం చెప్పే రోజులు దగ్గరలోనే ఉన్నట్లు చెప్పారు. జనసేన నేత గూడూరు వెంకటేశ్వర్లు తప్పును ఎత్తిచూపించినందుకు ఆయనపై కూడా కేసు నమోదు చేశారన్నారు. అనంతరం రామ్‌కుమార్‌రెడ్డి మొదటి సంతకం చేసి కోటి సంతకాల కార్యక్రమాన్ని ప్రారంభించారు. నియోజకవర్గ పరిశీలకురాలు కోడూరు కల్పలత, స్టేట్‌ ఎగ్జిక్యూటీవ్‌ కౌన్సిల్‌ మెంబర్‌ బొలిగర్ల మస్తాన్‌ యాదవ్‌, పాపకన్ను మధుసూదన్‌రెడ్డి, మున్సిపల్‌ చైర్‌పర్సన్‌ నక్కా భానుప్రియ, మండల కన్వీనర్లు, రాష్ట్ర విభాగాలకు చెందిన నేతలు పాల్గొన్నారు.

● విద్యుత్‌ భవన్‌ వద్ద ధర్నా నెల్లూరు(వీఆర్సీసెంటర్‌): కాంట్రాక్ట్‌ కార్మికులు, ఉద్యోగుల సమస్యలను పరిష్కరించాలని డిమాండ్‌ చేస్తూ ఏపీ విద్యుత్‌ ట్రేడ్‌ యూనియన్‌ స్ట్రగుల్‌ కమిటీ ఆధ్వర్యంలో శుక్రవారం నెల్లూరులోని విద్యుత్‌ భవన్‌ ఎదుట ధర్నా నిర్వహించారు. ఈ కార్యక్రమానికి హాజరైన యునైటెడ్‌ ఎలక్ట్రిసిటీ ఎంప్లాయీస్‌ యూనియన్‌ రాష్ట్రాధ్యక్షుడు దుగ్గిరాల సూరిబాబు, యునైటెడ్‌ ఎలక్ట్రిసిటీ కాంట్రాక్ట్‌ వర్కర్స్‌ యూనియన్‌ జిల్లా అధ్య క్ష, కార్యదర్శులు హజరత్తయ్య, జాకీర్‌ హుస్సేన్‌ పాల్గొని మాట్లాడారు. కాంట్రాక్ట్‌, అవుట్‌ సోర్సింగ్‌ కార్మికులను విద్యుత్‌ సంస్థలో విలీనం చేయాలని డిమాండ్‌ చేశారు. కార్మికులను నేరుగా వేతనాలివ్వడం ద్వారా సంస్థకు రూ.192 కోట్లు మిగులుతాయని, కానీ అందుకు భిన్నంగా యాజమాన్యం కాంట్రాక్టర్‌ ద్వారా చెల్లిస్తోందన్నారు. సంస్థకు నష్టమొచ్చేలా యాజమాన్యం ఎందుకు చర్యలు తీసుకుంటుందో అర్థం కావడం లేదని విమర్శించారు. గ్రేడ్‌ – 2 జేఎల్‌ఎంలను సర్వీసు రెగ్యులేషన్‌ చేయాలన్నారు. ఉద్యోగులకు పాత పింఛన్‌ విధానాన్ని అమలు చేయాలన్నారు. సంస్థను దశల వారీగా ప్రైవేట్‌ వ్యక్తులకు అప్పగించే కుట్రలు జరుగుతున్నాయని ఆరోపించారు. సమస్యలను పరిష్కరించకపోతే విద్యుత్‌ జేఏసీ నిర్వహించే సమ్మెకు తమ మద్దతు ఉంటుందన్నారు. సమ్మె సమయంలో కొత్త వారితో పనిచేయించుకుంటే అడ్డుకుంటామని హెచ్చరించారు. కార్యక్రమంలో నాయకులు పెంచలప్రసాద్‌, గిరిబాబు, నాగయ్య, హరినారాయణ, విజయరామిరెడ్డి, నాగరాజు, మహేంద్ర, రఘు, మౌలాలి, వసంత్‌, మహేష్‌, సీఐటీయూ జిల్లా అధ్యక్షుడు టీవీవీ ప్రసాద్‌, ఆటో యూనియన్‌ నాయకులు రాజా తదితరులు పాల్గొన్నారు.

ఆత్మకూరు: ప్రజాస్వామ్య వ్యవస్థకు పత్రికారంగం ఓ స్తంభం. బెదిరింపు ధోరణితో వ్యవహరిస్తూ ప్రభుత్వం ఎడిటర్లు, బ్యూరోలు, విలేకర్లపై అక్రమ కేసులు బనాయించడం సరికాదని ఆత్మకూరు డివిజన్‌ పరిధిలోని విలేకరులు ఎలుగెత్తి చాటారు. ‘సాక్షి’ మీడియాపై ప్రభుత్వం కేసులు బనాయించడం, పోలీసులతో కార్యాలయాల్లో తనిఖీలు నిర్వహిస్తుండడాన్ని నిరసిస్తూ ఆత్మకూరు ఆర్డీఓ కార్యాలయం వద్ద పలు పత్రికలు, ఎలక్ట్రానిక్‌ మీడియా విలేకర్లు శుక్రవారం నిరసన వ్యక్తం చేశారు. పత్రికా స్వేచ్ఛను కాపాడాలని, విలేకర్లపై అక్రమ కేసులు ఎత్తివేయాలని నినాదాలు చేశారు. అనంతరం ఆర్డీఓ కార్యాలయ డిప్యూటీ తహసీల్దారు సంధ్యారాణికి వినతి పత్రం అందజేశారు. ఈ కార్యక్రమంలో ఆత్మకూరుతో పాటు రూరల్‌, ఏఎస్‌పేట, చేజర్ల, సంగం, అనంతసాగరం, మర్రిపాడు మండలాల ప్రింట్‌, ఎలక్ట్రానిక్‌ మీడియా విలేకరుల పాల్గొన్నారు.

తిరుమల: తిరుమలలో శుక్రవారం భక్తుల రద్దీ సాధారణంగా ఉంది. క్యూ కాంప్లెక్స్‌లో 30 కంపార్టుమెంట్లు నిండాయి. గురువారం అర్ధరాత్రి వరకు 61,521 మంది స్వామి వారిని దర్శించుకున్నారు. 25,101 మంది భక్తులు తలనీలాలు అర్పించారు. స్వామి వారికి కానుకల రూపంలో హుండీలో రూ.4.66 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనం లభిస్తోంది. దర్శన టికెట్లు లేని వారు స్వామిని దర్శించుకోవడానికి 12 గంటల సమ యం పడుతోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది. సర్వదర్శనం టోకెన్లు కలిగిన భక్తులు నిర్దేశించిన సమయానికే క్యూలోకి వెళ్లాలని, ముందుగా వెళ్తే అనుమతించరని టీటీడీ స్పష్టం చేసింది. బీఎస్‌ఎన్‌ఎల్‌ దీపావళి ఆఫర్లు నెల్లూరురూరల్‌: బీఎస్‌ఎన్‌ఎల్‌ కొత్త వినియోగదారులకు దీపావళి పండగ సందర్భంగా కానుక ప్రకటించిందని ప్రిన్సిపల్‌ జనరల్‌ మేనేజర్‌ అమరేందర్‌ రెడ్డి శుక్రవారం ఒక ప్రకటనలో తెలిపారు. ఈ ప్యాకేజీలో రూ.1కే సిమ్‌, అపరిమిత వాయిస్‌ కాల్స్‌, రోజుకు 2.5 జేబీ హైస్పీడ్‌ డేటా, 100 ఎస్‌ఎంఎస్‌లు ఉపయోగించుకోవచ్చు అని తెలిపారు. ఈ సిమ్‌ కోసం ఆధార్‌ ధ్రువీకరణతో దగ్గరలోని బీఎస్‌ఎన్‌ఎల్‌ కస్టమర్‌ సర్వీస్‌ సెంటర్‌, రిటైలర్‌ వద్దకు గాని లేదా డైరెక్ట్‌ సెల్లింగ్‌ ఏజెంట్లను సంప్రదించాలని సూచించారు. ఈ అవకాశం నవంబరు 15 వరకు కొనసాగుతుందన్నారు. రెవెన్యూ జోన్‌–3 క్రీడలు వాయిదా నెల్లూరు (అర్బన్‌): ప్రతిష్టాత్మకంగా ఆంధ్రప్రదేశ్‌ రెవెన్యూ సర్వీసెస్‌ అసోసియేషన్‌ ఆధ్వర్యంలో ఈ నెల 18, 19 తేదీల్లో ఒంగోలులో జరగాల్సిన జోన్‌–3 (నెల్లూరు, ప్రకాశం, బాపట్ల, పల్నాడు, గుంటూరు) క్రీడలను వర్షాల నేపథ్యంలో ఈ నెల 23, 24 తేదీలకు వాయిదా వేశామని అసోసియేషన్‌ జిల్లా అధ్యక్షుడు, అమరావతి జేఏసీ చైర్మన్‌ అల్లంపాటి పెంచలరెడ్డి శుక్రవారం నెల్లూరులో ఒక ప్రకటనలో తెలిపారు. ప్రతి మూడేళ్లకు ఒక దఫా రెవెన్యూ క్రీడలను అత్యంత ప్రతిష్టాత్మకంగా జరుపుతున్నామన్నారు. జోన్ల స్థాయిలో పోటీలు పూర్తి చేసుకుని వచ్చే నెల 7 నుంచి 3 రోజులపాటు అనంతపురంలో రాష్ట్ర స్థాయి పోటీలను అత్యంత ఉత్సాహభరితంగా నిర్వహిస్తామన్నారు. రెవెన్యూ ఉద్యోగులు క్రీడా పోటీలను విజయవంతం చేయాలని కోరారు. సంగం తహసీల్దార్‌కు డిప్యూటీ కలెక్టర్‌గా ఉద్యోగోన్నతి సంగం: రాష్ట్ర వ్యాప్తంగా 37 మంది తహసీల్దార్లకు డిప్యూటీ కలెక్టర్లుగా ఉద్యోగోన్నతి కల్పిస్తూ ప్రభుత్వం శుక్రవారం ఉత్తర్వులు జారీ చేసింది. ఆ జాబితాలో ఉన్న సంగం తహసీల్దార్‌ సోమ్లానాయక్‌ డిప్యూటీ కలెక్టర్‌గా పదోన్నతి పొందారు. దీంతో శుక్రవారం కార్యాలయంలో సిబ్బంది పూలమాలలు, శాలువాలతో సోమ్లానాయక్‌ను ఘనంగా సన్మానించారు. ఈ కార్యక్రమంలో డిప్యూటీ తహసీల్దార్‌ జ్యోతి, ఆర్‌ఐ సల్మా, వీఆర్వోలు సిబ్బంది పాల్గొన్నారు. సమష్టి కృషితో వెట్టిచాకిరీ వ్యవస్థ నిర్మూలన● జేసీ ఎం. వెంకటేశ్వర్లు నెల్లూరురూరల్‌: సమష్టి కృషితోనే వెట్టిచాకిరీ వ్యవస్థ నిర్మూలన సాధ్యమని జేసీ మొగిలి వెంకటేశ్వర్లు అధికారులకు సూచించారు. శుక్రవారం కలెక్టరేట్లోని ఎస్‌ఆర్‌ శంకరన్‌ సమావేశ మందిరంలో జిల్లా విజిలెన్స్‌ మానిటరింగ్‌ కమిటీ స మావేశం జరిగింది. ఇప్పటి వరకు వెట్టిచాకిరీ నిర్మూలన, ప్రయత్నాయ ఉపాధి, పునరావాస కల్పనకు తీసుకున్న చర్యలను డిప్యూటీ కమిషనర్‌ ఆఫ్‌ లేబర్‌ సీహెచ్‌ విజయ్‌కుమారరెడ్డి కమిటీ సభ్యులకు వివరించారు. జేసీ వెంకటేశ్వర్లు మాట్లాడుతూ జిల్లాలో ఇటుక బట్టీలు, పరిశ్రమలు, వ్యాపార దుకాణాలు, రొయ్యలు, చేపల గుంతలు, రైసు మిల్లులు, హోటళ్ల మొదలైన ప్రదేశాల్లో కమిటీ సభ్యులు ఆకస్మిక తనిఖీలు చేసి వెట్టిచాకిరి బాధితులను గుర్తించాలన్నారు. విముక్తి పొందిన బాలురకు ఒక సర్టిఫికెట్‌ అందించి పునరావాసం కల్పించేందుకు ప్రభుత్వాలు సంక్షేమ పథకాలతో తోడ్పాటు అందిస్తున్నాయని వివరించారు. సోషల్‌ వెల్ఫేర్‌ డీడీ శోభారాణి, డీఎంహెచ్‌ఓ సుజాత, డీఆర్‌డీఏ పీడీ నాగరాజకుమారి, ఐటీడీఏ పీఓ మల్లికార్జునరెడ్డి, ఏఎస్‌ఐ వై శ్రీహరి, సభ్యులు బషీర్‌, సుదర్శన్‌, దాసరి పోలయ్య, సత్యవతమ్మ, పాపయ్య పాల్గొన్నారు.

నెల్లూరు(టౌన్‌): ఈ ఏడాది జూన్‌లో ఇతర ప్రాంతాలకు బదిలీ అయిన ఉపాధ్యాయులను వెంటనే రిలీవ్‌ చేయా లని పలువురు డిమాండ్‌ చేశారు. నెల్లూరులోని జిల్లా విద్యాశాఖ కార్యాలయం వద్ద టీచర్లు చేస్తున్న ధర్నాకు మద్దతుగా ఏపీటీఎఫ్‌ జిల్లా ప్రధాన కార్యదర్శి సీహెచ్‌ హజరత్‌ 48 గంటల ఆమరణ నిరాహార దీక్షను శుక్రవారం చేపట్టారు. ఈ సందర్భంగా మాట్లాడుతూ జిల్లాలో సుమారు 450 మంది ఉపాధ్యాయులు రిలీవర్లు లేని కారణంగా బదిలీ కాలేదన్నారు. ఎంటీఎస్‌ టీచర్లతో, ఆ తర్వాత డీఎస్సీ నూతన ఉపాధ్యాయులతో రిలీవ్‌ చేస్తామని చెప్పినా ఇంత వరకు చర్యలు తీసుకోలేదన్నారు. కార్యక్రమంలో జేఏసీ నాయకులు తిరుమలేష్‌, వెంకటరావు, మాధవి, సుమ, కుసుమ, భార్గవి, వహీదా, సర్వసతి, బ్యూలా పాల్గొన్నారు.

ఖనిజ సంపద.. కొట్టేసేందుకు పెద్ద స్కెచ్‌ ‘దీపం ఉండగానే ఇల్లు చక్కబెట్టుకోవాలి’ అనే సామెతలా అధికారంలో ఉండగానే అడ్డగోలుగా సంపాదించేందుకు కూటమి పెద్దలు రకరకాల స్కెచ్‌లు వేస్తున్నారు. ఇందులో భాగంగా ప్రభుత్వ గనుల శాఖ ఆధ్వర్యంలో చేపట్టాల్సిన రాయల్టీ బాధ్యతను ‘ప్రైవేటు’పరం చేశారు. సాక్షి టాస్క్‌ఫోర్స్‌: తిరుపతి జిల్లా గూడూరు నియోజకవర్గం కోట, చిల్లకూరు, చిట్టమూరు, వాకాడు పరిధిలో సిలికా, గ్రావెల్‌, బ్లూమెటల్‌, ఇసుక సంపద పుష్కలంగా దొరుకుతాయి. దీనిపై కన్నేసిన కూటమి పెద్దలు ప్రైవేట్‌ సైన్యాన్ని రంగంలోకి దింపారు. అక్రమాలను అరికట్టేందుకు రాయల్టీ వసూళ్లను ప్రైవేట్‌ సంస్థలకు అప్పగించామని సాకు చెబుతూ దొడ్డి దారిలో రూ.కోట్లు కొల్లగొట్టేందుకు ప్రయత్నాలు ముమ్మరం చేశారు. ఈ సంపదంతా ఎక్కువ శాతం ప్రభుత్వ భూముల్లో ఉండటంతో చిన్నపాటి అనుమతి తీసుకుంటే చాలు. వాటిని చూపించి పక్కనే ఉన్న ప్రభుత్వ భూమి నుంచి తవ్వకాలు చేపట్టి రూ.కోట్లు కొట్టేయొచ్చు. ఇందులో భాగంగా ఏడాది కాలంగా కూటమి బ్యాచ్‌ గూడూరులో తిష్టవేసి ఖనిజ సంపద గురించి అన్వేషించారు. అయితే తెల్లరాయి, సిలికా తరలింపులు వివాదాస్పదంగా మారడంతో దీనిపై కూటమి ప్రభుత్వం తమకు అనుకూలంగా ఎవరైతే ఉంటారో వారికే సిలికా, ఇసుక, గ్రావెల్‌ (మైనర్‌ మినరల్‌) తరలించేలా అనుమతిచ్చింది. గనుల శాఖ నిర్వీర్యం ప్రభుత్వం ఎప్పటికప్పుడు గనుల శాఖ ఆధ్వర్యంలో మైనర్‌ మినరల్‌ తవ్వకాలు, తరలింపులకు సంబంధించి అన్ని అనుమతులిచ్చేది. అయితే కూటమి అధికారం చేపట్టిన తర్వాత ఆ శాఖను నిర్వీర్యం చేస్తూ ప్రైవేట్‌ ఏజెన్సీ ద్వారా రాయిల్టీ వసూళ్లకు అనుమతులను ఇచ్చింది. రెండేళ్లలో ప్రభుత్వానికి రూ.340 కోట్లు చెల్లించేలా ఒప్పందం కుదుర్చుకుంది. ఇక దొరికిందే తడవు నిబంధనలకు విరుద్ధంగా ఆ ఏజెన్సీ అంతకు రెండింతలు వసూలు చేయడం మొదలు పెట్టింది. అనుచరుల ద్వారా ప్రభుత్వ భూముల్లో అక్రమంగా తవ్వకాలు జరిపి తరలించేలా పక్కా ప్రణాళికలు రూపొందించుకున్నారు. సాధారణంగా సిలికా టన్నుకు రూ.307లు వసూలు చేసేవారు. ఇదే బయటి మార్కెట్‌లో రూ.3 వేలకుపైనే ఉంటుంది. మిగిలిన గ్రావెల్‌, ఇసుక, బ్లూమెటల్‌ పరిస్థితి కూడా దాదాపు అంతే. బయటి మార్కెట్‌ని దృష్టిలో ఉంచుకుని ఒక రాయల్టీ రసీదును చూపించి ఖనిజాన్ని అక్రమంగా తరలించి సొమ్ముచేసుకోవడం ప్రారంభించారు. అనధికారిక చెక్‌ పోస్టులు ప్రైవేట్‌ సైన్యం కన్నుగప్పి ఒక్క టన్ను కూడా బయటకు వెళ్లకుండా గూడూరు నియోజకవర్గ పరిధిలోని గొల్లపల్లి, తిప్పవరప్పాడు, చిల్లకూరు మండలంలోని నల్లయగారిపాళెం, చేడిమాల, అంకులపాటూరు, చింతవరం, వరగలి, కోట క్రాస్‌రోడ్డు, బూదనం రోడ్డు, కోట మండలం గూడలి, మెట్టు, కర్లపూడి, కేసవరం, రాఘవాపురం, కోట క్రాస్‌ రోడ్డు, వాకాడు మండలంలో బాలిరెడ్డిపాళెం, వాకాడు బ్యారేజ్‌, చిట్టమూరు మండలంలో మెట్టు, చిట్టమూరులో అనధికారిక చెక్‌ పోస్టులు, సీసీ కెమెరాలు ఏర్పాటు చేస్తున్నారు. ప్రైవేట్‌ ఏజెన్సీ ద్వారా పొందిన రాయల్టీ రసీదు చూపిస్తే వాహనాలకు అనుమతి ఉంటుంది. లేదంటే ఫైన్‌, కేసులు ఇతరత్రా వేధింపులు తప్పవు. చిల్లకూరులో పోటీ కార్యాలయం గనులకు సంబంధించి అధికారిక కార్యాలయాలు, చెక్‌పోస్టులు ఉంటాయి. ప్రైవేట్‌ ఏజెన్సీల పుణ్యమా అని వారే చెక్‌పోస్టులు ఏర్పాటు చేస్తున్నారు. ఇదిలా ఉంటే గూడూరు నెల్లూరు జిల్లాలో ఉన్న సమయంలో గనుల శాఖ కార్యాలయం పూర్తిగా అక్కడే ఉండేది. జిల్లాల మార్పుతో గూడూరు నియోజకవర్గంలో ఎక్కువగా మైనర్‌, మేజర్‌ మినరల్‌ దొరుకుతుండటంతో చిల్లకూరులో గనుల శాఖ కార్యాలయాన్ని ఏర్పాటు చేశారు. కూటమి ప్రభుత్వం వచ్చాక మైనర్‌ మినరల్‌ రాయల్టీ వసూళ్లను ప్రైవేట్‌ ఏజెన్సీకి అప్పగించడంతో వారు చిల్లకూరులో అనధికారికంగా గనుల శాఖ కార్యాలయం ఏర్పాటుకు రంగం సిద్ధం చేస్తున్నారు. ఇకపై ఎవరైనా సిలికా, ఇసుక, గ్రావెల్‌, నల్ల, బ్లూ కంకరను తరలించాలంటే ఇక్కడ రాయిల్టీ చెల్లించి అనుమతులు తీసుకున్న తర్వాతనే తరలించాల్సి ఉంటుంది.రాయల్టీ బాధ్యత ప్రైవేట్‌కు అప్పగింత గనుల శాఖకు ఇకపై ఎటువంటి సంబంధం ఉండదు వసూళ్ల కోసం గూడూరులో అనధికారిక చెక్‌పోస్టులు ప్రైవేట్‌ సైన్యం గుప్పెట్లో సిలికా, గ్రావెల్‌, ఇసుక సంపదఏజెన్సీలే చెక్‌పోస్టులు ఏర్పాటు చేయాలి మైనర్‌ మినరల్‌ తవ్వకాలు, తరలింపులకు సంబంధించి ఇటీవల ప్రభుత్వం ఏఎంఆర్‌ అనే ఏజెన్సీతో ప్రతి టన్నుకు రాయిల్టీ చెల్లించేలా ఒప్పందం చేసుకుంది. దీంతో ఏజెన్సీకి చెందిన వారు పలు ప్రాంతాల్లో చెక్‌పోస్టులు ఏర్పాటు చేసుకుని తనిఖీలు చేస్తూ అనుమతులున్న వాహనాలకు మాత్రమే పంపేలా చేస్తున్నారు. ఇది మొత్తంగా ప్రైవేట్‌ ఏజెన్సీకి చెందిన విషయం. – శ్రీనివాసరావు, గనుల శాఖ ఏడీ

● మాజీ మంత్రి కాకాణి గోవర్ధన్‌రెడ్డి ● వీరి చలపతితో ములాఖత్‌ వెంకటాచలం: అధికారం ఎవరికీ శాశ్వతం కాదనే విషయాన్ని కూటమి నేతలు గుర్తుంచుకోవాలని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి హితవు పలికారు. కూటమి ప్రభుత్వం మోపిన అక్రమ కేసులతో చెముడుగుంట సమీపంలోని జిల్లా కేంద్ర కారాగారంలో ఉన్న డీసీఎమ్మెస్‌ మాజీ చైర్మన్‌ వీరి చలపతితో గురువారం ములాఖత్‌ అయ్యారు. అనంతరం విలేకరులతో కాకాణి మాట్లాడారు. ప్రశ్నించే వారిని లక్ష్యంగా చేసుకొని అక్రమ కేసులు పెడుతూ జైలుకు పంపడం ఆనవాయితీగా మారిందని విమర్శించారు. వైఎస్సార్‌ కాంగ్రెస్‌ పార్టీ దళిత నేతగా వీరి చలపతి ఎదగడాన్ని ఓర్వలేక అక్రమ కేసులు పెట్టి జైలుకు పంపారని ఆరోపించారు. పార్టీ కోసం కష్టపడి పనిచేసేతత్వం గల ఆయనపై అన్యాయంగా కేసులు పెట్టడం దారుణమన్నారు. చేయని తప్పునకు శిక్ష అనుభవిస్తున్న చలపతి.. జైల్లో ధైర్యంగా ఉన్నారని పేర్కొన్నారు. కోవూరు నియోజకవర్గంలోని ప్రధాన నేతలతోపాటు మాజీ మంత్రి ప్రసన్నకుమార్‌రెడ్డిని కేసుల్లో ముద్దాయిలుగా చేర్చడం హేయమైన చర్యగా అభివర్ణించారు. తమ పార్టీ నేతలపై కేసులు పెట్టి వేధించడం, సహజ వనరులను దోపిడీ చేయడం మినహా అభివృద్ధి చేస్తున్న దాఖలాల్లేవని ధ్వజమెత్తారు. కూటమి ప్రభుత్వం ప్రజలకిచ్చిన హామీలను నెరవేర్చేంత వరకు పోటారాలను ఆపే ప్రసక్తి లేదని స్పష్టం చేశారు. అక్రమ కేసులు, జైళ్లు తమను ఆపలేవనే విషయాన్ని గుర్తుంచుకోవాలని సూచించారు. తమ పార్టీ శ్రేణులపై జరిగే అన్యాయాలు, దాడులను నమోదు చేసేందుకు గానూ డిజిటల్‌ బుక్‌ను మాజీ సీఎం వైఎస్‌ జగన్‌మోహన్‌రెడ్డి ప్రారంభించారని వివరించారు. కూటమి ప్రభుత్వంలో తమ పార్టీకి చెందిన కుటుంబాలను మానసిక వేదనకు గురిచేస్తున్నారని, తమ ప్రభుత్వం అధికారంలోకి వచ్చాక అంతకు రెండింతలు అనుభవించే పరిస్థితులు ఏర్పడతాయని స్పష్టం చేశారు. వీరి చలపతి కేసులో న్యాయస్థానాన్ని ప్రసన్నకుమార్‌రెడ్డి ఇప్పటికే ఆశ్రయించి, అన్ని సహాయ, సహకారాలను అందిస్తున్నారని చెప్పారు. పార్టీ జిల్లా ఉపాధ్యక్షుడు మందల వెంకటశేషయ్య, బచ్చుల సురేష్‌కుమార్‌రెడ్డి తదితరులు పాల్గొన్నారు.

నెల్లూరు(పొగతోట): జిల్లాలోని సేవాసదన్‌లలో లోటుపాట్లను సరిచేసి పిల్లల సంక్షేమంపై ప్రత్యేక దృష్టి సారించాలని ఐసీడీఎస్‌ పీడీ హేనాసుజన్‌ ఆదేశించారు. నగరంలోని సేవాసదన్‌లో పిల్లలకిస్తున్న ఆహారం, నివాసం, ఆరోగ్యం, విద్యా తదితర సదుపాయాలను గురువారం పర్యవేక్షించారు. భద్రత చర్యలు, రికార్డులను పరిశీలించిన అనంతరం ఆమె మాట్లాడారు. పిల్లల సంక్షేమం, భద్రత, ఆరోగ్యం, శారీరక, మానసికాభివృద్ధిపై ప్రత్యేక శ్రద్ధ వహించాలని సూచించారు. డిస్ట్రిక్ట్‌ మిషన్‌ నోడల్‌ ఆఫీసర్‌ అనూరాధ, మహిళా ప్రాంగణ మేనేజర్‌ మాధవి, సేవా సదన్‌ ఇన్‌చార్జి అరుణ తదితరులు పాల్గొన్నారు.

● నిన్న నకిలీ మద్యం.. నేడు రేషన్‌ బియ్యం అక్రమ రవాణా ● ధ్వజమెత్తిన మాజీ మంత్రి కాకాణి గోవర్ధన్‌రెడ్డి నెల్లూరు(స్టోన్‌హౌస్‌పేట): నిన్న నకిలీ మద్యం.. నేడు రేషన్‌ బియ్యం అక్రమ రవాణా దందా.. ఇలా టీడీపీ నేతల బాగోతాలు రోజుకొకటి బయటపడుతున్నాయని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ధ్వజమెత్తారు. నగరంలోని పార్టీ జిల్లా కార్యాలయంలో విలేకరులతో గురువారం ఆయన మాట్లాడారు. రేషన్‌ మాఫియాలో వాటాల పంపకాల్లో తేడాలు రావడంతో ఈ వ్యవహారాన్ని టీడీపీ నేత, నుడా చైర్మన్‌ కోటంరెడ్డి శ్రీనివాసులురెడ్డే స్వయంగా బయటపెట్టారని చెప్పారు. మంత్రి నారాయణ అనుచరులే ఇందులో కీలకపాత్ర పోషిస్తున్నారనే ఆరోపణల నేపథ్యంలో విచారణ చేయించాల్సింది పోయి.. మన తప్పులను మనమే బయటపెట్టుకుంటామా అంటూ ఆయన మండిపడటం ఆశ్చర్యాన్ని కలిగిస్తోందని చెప్పారు. అవినీతి సొమ్మును పంచుకోవాలే గానీ అల్లరి చేసుకోవద్దంటూ ఆయన కూటమి ధర్మంపై ఉపదేశాలిస్తుండటాన్ని చూస్తున్న జిల్లా ప్రజలు నివ్వెరపోతున్నారని చెప్పారు. జిల్లా కేంద్రంగా పచ్చ పార్టీ నేతలు సాగిస్తున్న ఈ దందాను తమ పార్టీ అడ్డుకుంటుందని స్పష్టం చేశారు. పూర్తి స్థాయిలో దర్యాప్తు చేయించగలరా..? రేషన్‌ మాఫియా వెనుక అధికార పార్టీకి చెందిన నేతలున్నారని, వీరికి సివిల్‌ సప్లయ్స్‌ అధికారులు వంతపాడుతున్నారని, వీటిపై పూర్తి స్థాయిలో విచారణ జరపాలని డిప్యూటీ సీఎం పవన్‌ కళ్యాణ్‌, మంత్రి నాదెండ్ల మనోహర్‌ను కోటంరెడ్డి శ్రీనివాసులురెడ్డి డిమాండ్‌ చేశారన్నారు. మంత్రి నారాయణకు చెందిన ముఖ్య అనుచరులున్నారని ఆరోపించారని, పరిస్థితి ఎంత దారుణంగా ఉందో ఆయన వ్యాఖ్యల ద్వారా అర్థం చేసుకోవచ్చని చెప్పారు. అనంతసాగరానికి చెందిన వారు, నగరానికి చెందిన ముగ్గురు కలిసి నడిపిస్తున్నారని ఆరోపించారు. కూటమి ప్రభుత్వం ఏర్పడిన నాటి నుంచి జిల్లాలో రేషన్‌ మాఫియా చెలరేగిపోతోందని, దీనికి అధికార పార్టీ నేతలే సూత్రధారులుగా వ్యవహరిస్తున్నారని ధ్వజమెత్తారు. యథేచ్ఛగా విదేశాలకు తరలింపు జిల్లాలో దాదాపు తొమ్మిది వేల టన్నుల బియ్యం.. మాఫియా చేతుల్లోకి వెళ్లి అక్రమంగా రవాణా అవుతోందని ఆరోపించారు. జిల్లాలోని పలు రైస్‌మిల్లుల్లో నేరుగా రేషన్‌ బియ్యాన్ని పాలిష్‌ చేసి.. చైన్నె మార్కెట్‌కు.. కృష్ణపట్నం పోర్టు నుంచి విదేశాలకు తరలిస్తున్నారని చెప్పారు. ప్రజల పొట్టగొట్టి, అక్రమంగా తరలిద్దామనుకుంటే సహించేదిలేదని స్పష్టం చేశారు. నారాయణా... ఏమిటీ బెదిరింపులు..? టీడీపీ నేతలతో మంత్రి నారాయణ మాట్లాడిన ఆడియో రికార్డును వినిపించారు. ఆయన సొంత జిల్లాలో రేషన్‌ మాఫియా పెద్ద ఎత్తున అక్రమాలకు పాల్పడుతోందనేది బహిరంగ రహస్యమని పేర్కొన్నారు. బాధ్యత గల హోదాలో ఉన్న ఆయన రేషన్‌ బియ్యం మాఫియాపై తనకు సమాచారమివ్వండి.. నిరోధిద్దాం అని చెప్పాల్సింది పోయి అందుకు విరుద్ధంగా వ్యవహరించారని విమర్శించారు. ఈ బెదిరింపులు ఏమిటని ప్రశ్నించారు. నెల్లూరు, వైఎస్సార్‌ కడప, ప్రకాశం జిల్లాల్లోని కొన్ని మిల్లులను కూటమి పార్టీల నేతలు అద్దెకు తీసుకొని నడిపిస్తున్నారని, రేషన్‌ డీలర్ల నుంచి బియ్యాన్ని కొనుగోలు చేసి, అక్రమంగా సరఫరా చేస్తున్నారని ఆరోపించారు.

ఉదయగిరి రూరల్‌: మండలంలోని కొండాయపాళెం పంచాయతీ మాసాయిపేట బీసీ కాలనీ సమీపంలో ఉన్న గానుగపెంటపల్లి గ్రామానికి చెందిన నారాయణరెడ్డి అనే రైతు పొలంలో గుర్తుతెలియని వ్యక్తులు శ్రీగంధం చెట్టు నరికి తీసుకెళ్లారు. గురువారం ఆయన మాట్లాడుతూ తన వ్యవసాయ పొలంలో 35 ఏళ్ల నుంచి శ్రీగంధం చెట్లు సాగు చేస్తున్నట్లు చెప్పారు. మూడేళ్ల క్రితం కూడా తోటలో 16 చెట్లు నరికి తీసుకెళ్లారన్నారు. అలాగే ఈనెల 8న ఒక చెట్టును నరికి తీసుకెళ్లగా పోలీసులకు ఫిర్యాదు చేశానన్నారు. తాజాగా బుధవారం రాత్రి గుర్తుతెలియని వ్యక్తులు రెండు చెట్లను నరికారని, ఒక చెట్టు దుంగను తీసుకెళ్లినట్లు చెప్పారు. పోలీసులు స్పందించి న్యాయం చేయాలని కోరారు. అదుపుతప్పి.. రోడ్డుకు అడ్డుగా నిలిచి.. ● డివైడర్‌ కోసం పెట్టిన రాళ్లను ఢీకొట్టిన ప్రైవేట్‌ ట్రావెల్స్‌ బస్సు ● తప్పిన ప్రమాదం ● 2 కిలోమీటర్ల మేర స్తంభించిన ట్రాఫిక్‌ దగదర్తి: మండలంలోని అల్లూరు రోడ్డు రైల్వే బ్రిడ్జి జాతీయ రహదారిపై గురువారం వేగంగా వెళ్తున్న లారీని ఓవర్‌టేక్‌ చేసే క్రమంలో ప్రైవేట్‌ ట్రావెల్స్‌ బస్సు అదుపుతప్పి డివైడర్‌ కోసం ఏర్పాటు చేసిన రాళ్లను ఢీకొంది. బస్సు డ్రైవర్‌ చాకచక్యంగా వ్యవహరించడంతో బోల్తా పడకుండా రహదారికి అడ్డుగా నిలిచిపోయింది. అందులో ఉన్న ప్రయాణికులకు ఏమీ కాలేదు. రెండు లేన్ల రహదారి కావడం.. అడ్డు గా బస్సు నిలిచిపోవడంతో సుమారు రెండు కిలోమీటర్ల మేర ఇరువైపులా ట్రాఫిక్‌ స్తంభించిపోయింది. సమాచారం అందుకున్న ఎస్సై జంపాని కుమార్‌ తన సిబ్బందితో కలిసి ఘటనా స్థలానికి చేరుకుని ట్రాఫిక్‌ను పునరుద్ధరించేందుకు చర్యలు చేపట్టారు. క్రేన్‌ సాయంతో బస్సును పక్కకు తొలగించారు. ఈ ప్రదేశంలో తరచూ ప్రమాదాలు జరుగుతున్నా హైవే అధికారులు సూచిక బోర్డులు ఏర్పాటు చేయకుండా నిర్లక్ష్యం వ్యవహరిస్తున్నారని వాహనచోదకులు ఆరోపిస్తున్నారు. డివైడర్‌ కోసం ఏర్పాటు చేసిన రాళ్లు రాత్రి వేళల్లో కనిపించేలా చర్యలు చేపట్టాల్సిన అవసరం ఉంది. 19న ఎల్‌ఐసీ ఏఓఐ డివిజన్‌ మహాసభ నెల్లూరు(అర్బన్‌): ఎల్‌ఐసీ ఏజెంట్స్‌ ఆర్గనైజేషన్‌ ఆఫ్‌ ఇండియా నెల్లూరు డివిజన్‌ (నెల్లూరు, చిత్తూరు, ప్రకాశం జిల్లాలు) 6వ మహాసభ ఈనెల 19వ తేదీన కందుకూరులోని యూటీఎఫ్‌ భవన్‌లో జరుగుతుందని ఆ సంఘం రాష్ట్ర నిర్వహణ కార్యదర్శి రాజశేఖర్‌ తెలిపారు. ఇందుకు సంబంధించిన ఫ్లెక్సీలను గురువారం నెల్లూరు దర్గామిట్టలోని డివిజన్‌ కార్యాలయం వద్ద, అలాగే సిటీ బ్రాంచ్‌ – 1 కార్యాలయం వద్ద ఆవిష్కరించారు. రాజశేఖర్‌ మాట్లాడుతూ ఎల్‌ఐసీలో జీఎస్టీ ఎత్తేయడానికి ప్రధాన కారణం ఏఓఐ చేసిన పోరాటాలేనన్నారు. అలాగే ఎల్‌ఐసీలో పెట్టుబడులు ఉపసంహరించుకోవడానికి వ్యతిరేకంగా, ఏజెంట్ల కమీషన్‌ తగ్గించడం ఒప్పుకోమంటూ చిత్తశుద్ధితో పోరాటాలు చేసింది తమ ఏఓఐ సంఘమన్నారు. ప్రజల ప్రీమియానికి భద్రత ఉండాలంటే ఎల్‌ఐసీ ప్రభుత్వ రంగంలోనే కొనసాగాలన్నారు. నాయకులు హజరత్‌రెడ్డి తదితరులు పాల్గొన్నారు. కండలేరులో 59.910 టీఎంసీలు రాపూరు: కండలేరు జలాశయంలో గురువారం నాటికి 59.910 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. సోమశిల జలాశయం నుంచి కండలేరుకు 4,000 క్యూసెక్కుల నీరు చేరుతోందన్నారు. కాగా కండలేరు నుంచి సత్యసాయి గంగ కాలువకు 2,050, పిన్నేరు కాలువకు 300, లోలెవల్‌ కాలువకు 40, హైలెవల్‌ కాలువకు 200, మొదటి బ్రాంచ్‌ కాలువకు 5 క్యూసెక్కుల నీటిని విడుదల చేస్తున్నట్లు వెల్లడించారు.

● కలెక్టర్‌ హిమాన్షు శుక్లా నెల్లూరు రూరల్‌: జిల్లాలో వ్యవసాయ రంగంలో ఆధునిక సాంకేతికత, యాంత్రీకరణను సమ్మిళతం చేసుకుంటూ.. సరికొత్త ఆలోచనలతో రైతు ఉత్పత్తి సంఘాలను బలోపేతం చేయాలని కలెక్టర్‌ హిమాన్షు శుక్లా పిలుపునిచ్చారు. రైతు ఉత్పత్తి సంఘాల పురోగతిపై గురువారం నిర్వహించిన జిల్లా స్థాయి పర్యవేక్షణ కమిటీ సమావేశంలో ఆయన మాట్లాడారు. జిల్లాలో రైతు ఉత్పత్తి సంఘాలు 108 ఉన్నాయని, దీన్ని 150కు పెంచాలని ఆదేశించారు. ప్రతి ఎఫ్పీఓ పరిధిలో రైతుల అవసరాల మేరకు వ్యవసాయ యంత్ర పరికరాలను కొనుగోలు చేయాలని, దీనికి బ్యాంకులు సహకారం అందించాలని కోరారు. వరితో పాటు కూరగాయలు, పండ్లు, పూల సాగుపై ప్రత్యేక దృష్టి సారించాలని సూచించారు. మార్కెటింగ్‌ సౌకర్యాలను మెరుగుపర్చేందుకు, ఉత్తమమైన ప్యాకింగ్‌ విధానాలను అవలంబించేందుకు శిక్షణను ఇవ్వాలన్నారు. అనంతరం రైతు ఉత్పత్తి సంఘాలు తయారు చేసిన కొబ్బరి నూనె, తినుబండారాలను పరిశీలించారు. జిల్లా వ్యవసాయాధికారి సత్యవాణి, మత్స్య, పశుసంవర్థక శాఖల జేడీలు శాంతి, రమేష్‌నాయక్‌, నాబార్డు డీడీఎం బాబు తదితరులు పాల్గొన్నారు.

నెల్లూరు(అర్బన్‌): జిల్లాలో గురువారం భారీ వర్షాలు నమోదయ్యాయి. మర్రిపాడు, ఆత్మకూరు, కలువాయి, పొదలకూరు, కలిగిరి, వింజమూరు, సంగం, బుచ్చి, కోవూరు, విడవలూరు, కొడవలూరు, వెంకటాచలం, మనుబోలు, తోటపల్లిగూడూరు, ఇందుకూరుపేట తదితర మండలాలతోపాటు నెల్లూరులో వానలు కురుస్తున్నాయి. కొన్ని మండలాల్లో ఉరుములు, మెరుపులతో భారీ వర్షాలు నమోదు కాగా మరికొన్నిచోట్ల తేలికపాటి, మోస్తరు వర్షాలు పడుతున్నాయి. ఆకాశం మేఘావృతమై ముసురు పట్టింది. మరో రెండురోజులుపాటు జిల్లాలో వానలు కురుస్తాయని వాతావరణ శాఖ తెలిపింది. నెల్లూరు నగరంలో.. జిల్లా కేంద్రం నెల్లూరు నగరంలో బుధవారం అర్ధరాత్రి నుంచే వానలు మొదలయ్యాయి. గురువారం ఉదయం నుంచి రాత్రి వరకు విడతల వారీగా భారీ వర్షం నమోదైంది. దీంతో రోడ్లు జలమయమయ్యాయి. ఆర్టీసీ కాలనీ, చంద్రబాబునగర్‌, కొత్తూరు, జనార్దనరెడ్డి నగర్‌, కల్యాణి నగర్‌, మనుమసిద్ధి నగర్‌, శివగిరి కాలనీ, రాజీవ్‌గాంధీ గృహకల్ప తదితర పలు పల్లపు ప్రాంతాల్లో నీరు చేరిపోయింది. ఆత్మకూరు బస్టాండ్‌ అండర్‌ బ్రిడ్జి, మాగుంట లేఅవుట్‌ అండర్‌బ్రిడ్జి, విజయమహల్‌ గేటు బాక్సు టైపు బ్రిడ్జి తదితర ప్రాంతాల్లో నీరు చేరింది. పొగతోట, ట్రంకురోడ్డు, గాంధీబొమ్మ, ఆచారివీధి తదితర ప్రాంతాల్లో డ్రెయినేజీ కూడిన వర్షపు నీరు పొంగి ప్రవహించింది. దీంతో పాదచారులు, వాహనచోదకులు ఇబ్బంది పడ్డారు. కార్మికులకు పనులు దొరక్క అవస్థలు ఎదుర్కొన్నారు. ఇబ్బంది పడ్డారు.

నెల్లూరు(టౌన్‌): ఈ ఏడాది జూన్‌లో నిర్వహించిన బదిలీల్లో పక్క పాఠశాలలకు ట్రాన్స్‌ఫర్‌ అయినా నేటికీ రిలీవ్‌ చేయలేదని పలువురు ఉపాధ్యాయులు ఆవేదన వ్యక్తం చేశారు. గురువారం నెల్లూరులోని జిల్లా విద్యాశాఖ కార్యాలయం వద్ద ధర్నా నిర్వహించారు. అనంతరం డీఈఓ బాలాజీరావుకు వినతిపత్రం సమర్పించారు. ఈ సందర్భంగా వారు మాట్లాడుతూ రిలీవ్‌ చేయకపోవడంతో ఇబ్బందులు పడుతున్నట్లు చెప్పారు. ఎంటీఎస్‌ ఉపాధ్యాయులు కేటాయిస్తామని, డీఎస్సీ నుంచి వచ్చిన టీచర్లను కేటాయిస్తామని 5 నెలల నుంచి చెబుతూ మోసం చేస్తున్నారని ఆరోపించారు. కార్యక్రమంలో ఉపాధ్యాయులు భారతి, సుష్మా, బ్యూలా, సుభాషిణి, సుమ, శోభారాణి పాల్గొన్నారు.

నెల్లూరు (పొగతోట): వైఎస్సార్‌సీపీ రాష్ట్ర కో ఆర్డినేటర్‌ సజ్జల రామకృష్ణారెడ్డి బుధవారం తాడేపల్లిలోని పార్టీ కేంద్ర కార్యాలయంలో రాష్ట్ర అనుబంధ విభాగాల అధ్యక్షులు, వర్కింగ్‌ ప్రెసిడెంట్లతో సమావేశం నిర్వహించారు. ఈ సమావేశానికి ఎమ్మెల్సీ, నెల్లూరు సిటీ ఇన్‌చార్జి పర్వతరెడ్డి చంద్రశేఖర్‌రెడ్డి, రాష్ట్ర మహిళ విభాగం వర్కింగ్‌ ప్రెసిడెంట్‌ కాకాణి పూజిత హాజరయ్యారు. కిలో సగటు పొగాకు రూ.146.97 మర్రిపాడు: మండలంలోని డీసీపల్లి పొగాకు బోర్డు వేలం కేంద్రంలో కిలో సగటు పొగాకు ధర రూ.146.97గా నమోదైంది. బుధవారం 622 పొగాకు బేళ్లను విక్రయించినట్లు వేలం నిర్వహణాధికారి రాజశేఖర్‌ తెలిపారు. వేలానికి 975 బేళ్లు రాగా 622 బేళ్లను విక్రయించామని, మిగిలిన బేళ్లను వివిధ కారణాలతో తిరస్కరించినట్లు తెలిపారు. వేలంలో 72981.8 కిలోల పొగాకును విక్రయించగా రూ.10726174 వ్యాపారం జరిగింది. కిలోకు గరిష్టంగా రూ.315, కనిష్టంగా ధర రూ.65 లభించింది. వేలంలో 10 కంపెనీల వ్యాపార ప్రతినిధులు పాల్గొన్నారు.

ఇందుకూరుపేట: బ్రెయిన్‌ డెడ్‌కు గురై తిరిగి రాని లోకాలకు వెళ్లి కుటుంబాన్ని శోక సముద్రంలో నింపిన ఆయన ఇద్దరు జీవితాల్లో వెలుగునింపి సజీవంగా నిలిచారు. మరణానంతరం మానవత్వానికి నిలువెత్తు నిదర్శనంగా నిలిచాడు. ఇందుకూరుపేటకు చెందిన మాచవరం మల్లికార్జున (53) టైల్స్‌ పని చేసుకొంటూ జీవనం సాగించేవాడు. భార్య అమరావతి ఇంట్లోనే ఉంటుంది. పెద్ద కొడుకు కార్తీక్‌, ఎంసీఏ (ఎస్వీ యూనివర్సిటీ, తిరుపతి) మొదటి సంవత్సరం చదువుతుండగా, చిన్నకొడుకు వివేక్‌ ఐటీఐ పూర్తి చేసి నెల్లూరులో కారు మెకానిక్‌ పని నేర్చుకొంటున్నాడు. పేద కుటుంబం అయిన మల్లికార్జున ఉన్న దాంట్లో బిడ్డలను చదివించుకొంటూ బతుకీడుస్తున్నాడు. ఈ నెల 12న నిద్ర లేచే సరికే కాళ్లు చేతులు సరిగా కదిలించలేకపోవడంతో కుటుంబ సభ్యులు నెల్లూరులోని పీపీసీకి తరలించారు. అక్కడ ఒక రోజు పాటు వైద్యం అందించి బ్రెయిన్‌ స్ట్రోక్‌ అని పరిస్థితి ఇబ్బందికరంగా ఉందని చెప్పడంతో హుటాహుటిన కిమ్స్‌ వైద్యశాలకు తీసుకెళ్లారు. పరిశీలించిన వైద్యులు మల్లికార్జునకు సీవీఏ ఇస్కిమిక్‌ స్ట్రోక్‌, ఎడమ వైపు ఉన్న మిడిల్‌ సెరిబ్రల్‌ అర్జరీ (ఎంసీఏ)లో పెద్ద స్ట్రోక్‌, పెరిగిన ఇంట్రాక్రానియల్‌ ప్రెజర్‌ లేదా పుర్రె లోపల ఒత్తిడి పెరగడం, మెదడు ఽమధ్య రేఖ నుంచి పక్కకు జరగడం, ఎడమ వైపు డీకంప్రెనిసివ్‌ క్రానియోటమీ, అధిక రక్తపోటు ఉన్నట్లు కుటుంబ సభ్యులకు తెలియజేశారు. అయినా చివరి ఆశగా కుటుంబ సభ్యులు సర్జీరీ చేయాలని కోరారు. దీంతో డాక్టర్‌ ఉదయ్‌కిరణ్‌ సర్జరీ చేశారు. అనంతరం అబ్జర్వేషన్‌లో ఉన్న సమయంలో బ్రెయిన్‌ డెడ్‌గా నిర్ధారించారు. వైద్య బృందం అవయవదాన ప్రాముఖ్యతను కుటుంబ సభ్యులకు తెలియజేశారు. దీంతో వారు మనస్ఫూర్తిగా అంగీకరించడంతో విషయాన్ని జీవన్‌దాస్‌ సంస్థకు తెలియజేశారు. ప్రోటోకాల్‌ ప్రకారం అవయవాల కేటాయింపునకు ప్రభుత్వం ఆదేశాలు జారీ చేసింది. జీవన్‌దాస్‌ సంస్థ అవయవాలను కర్నూల్‌లోని హాస్పటిల్‌కు లివర్‌, ఒక కిడ్నీని నెల్లూరులోని హాస్పిటల్‌కు తరలించారు. మరణించిన పలువురు జీవితాల్లో వెలుగును నింపిని మల్లికార్జున మృతదేహానికి కిమ్స్‌ వైద్యశాల వైద్య బృందం, సిబ్బంది ఘనంగా వీడ్కొలు పలికారు. మృతదేహం స్వగ్రామం ఇందుకూరుపేటకు చేరడంతో పలువురు ఆయన మృతదేహానికి నివాళులర్పించారు. మల్లికార్జున అవయువాలను దానం చేసేందుకు ముందుకు వచ్చిన కుటుంబ సభ్యులను మండల వాసులు, జిల్లా వాసులు అభినందించారు. బ్రెయిన్‌ డెడ్‌తో మల్లికార్జున మృతి అవయవదానంతో రెండు కుటుంబాల్లో ఆనందం మరణాంతరం మానవత్వానికి మల్లికార్జున నిలువెత్తు నిదర్శనం

భీతావహ పరిస్థితి కుటుంబాన్ని కబళించిన అతివేగం ● భార్యాభర్తలతో ఓ కుమార్తె దుర్మరణం ● తీవ్రగాయాలతో అనాథగా మిగిలిన చిన్న కుమార్తె రోడ్డుపై రాక్షసం.. మమతల బంధాన్ని మింగేసింది. రోడ్డుపై చెల్లా చెదురుగా పడి ఉన్న తల్లి, తండ్రి, బిడ్డ మృతదేహాలు. లారీ ఈడ్చుకుపోవడంతో నుజ్జైన శరీర భాగాలు. పక్కనే గుక్కపట్టి ఏడుస్తున్న చిన్నారి. మృతదేహాల పక్కనే చిన్నారుల తినుబండారాలు, పెన్ను చూసిన ప్రతి ఒక్కరి గుండె బరువెక్కింది. ఆ దృశ్యం భీతావహంగా మారింది. ఒక్క క్షణంలోనే.. ఓ కుటుంబం చిదిమిపోయింది. అతివేగం ఆ ప్రాణాలను కబళించింది. బతుకుదెరువు కోసం హైదరాబాద్‌లో ఉంటూ జీవనం సాగిస్తున్నాడు. బంధువుల వివాహానికి వచ్చి, తిరిగి వెళ్లేందుకు సన్నాహాలు చేస్తుండగా ఈ దుర్ఘటన చోటు చేసుకుంది. కలిగిరి: భార్య, భర్త, ఇద్దరు బిడ్డలు. ఉన్నంతలో ఆనందంగా సాగిపోతున్న ఆ కుటుంబాన్ని విధి వేటాడింది. మరి కొద్ది సేపట్లో ఇంటికి చేరుతారనే సమయంలో మితిమీరిన వేగంతో ఎదురుగా రాంగ్‌రూట్‌లో దూసుకొచ్చిన బోర్‌వెల్‌ లారీ ముగ్గురిని కబళించింది. ఇంటికి సరుకులు, చిన్నారులకు తినుబండారాలు తీసుకుని బైక్‌పై వెళ్తున్నారు. మండలంలోని తూర్పుదూబగుంట ఎస్సీ కాలనీకి చెందిన చవలముడి బాబు (30) బతుకుదెరువు నిమిత్తం భవన నిర్మాణ పనులు చేస్తూ కొన్నేళ్లుగా హైదరాబాద్‌లో ఉంటున్నాడు. బంధువుల వివాహం ఉండడంతో గత నెలలో స్వగ్రామానికి వచ్చాడు. మళ్లీ పనులకు వెళ్లడానికి సన్నాహాలు చేస్తున్నాడు. ఈ క్రమంలో బుధవారం సరుకులు కొనేందుకు భార్య మమత (27), పెద్ద కుమార్తె వైభ (6), చిన్న కుమార్తె మేఘనతో కలిసి బైక్‌పై కలిగిరికి వెళ్లి తిరిగి స్వగ్రామం వెళ్తున్నాడు. కుడుములదిన్నెపాడులోని విద్యుత్‌ సబ్‌స్టేషన్‌ వద్ద ప్రధాన రహదారిపై ఎదురుగా వచ్చిన బోర్‌ వైల్స్‌ లారీ రాంగ్‌రూట్‌లో బైక్‌ ఢీకొట్టింది. దీంతో బైక్‌పై నుంచి జారి కింద పడడంతో లారీ చక్రాలు వారిని ఈడ్చుకుంటూ వెళ్లింది. ఈ ప్రమాదంలో దంపతులు బాబు, మమత, పెద్ద కుమార్తె వైభ అక్కడికక్కడే మృతి చెందారు. చిన్న కుమార్తె మేఘన తీవ్రంగా గాయపడింది. కేసు నమోదు చేసిన పోలీసులు ప్రమాద స్థలాన్ని ఉదయగిరి సీఐ వెంకటరావు, వింజమూరు ఎస్సై వీరాప్రతాప్‌, కలిగిరి ఏఎస్సై రామచంద్రయ్య సందర్శించారు. మృతదేహాలను పరిశీలించారు. ప్రమాదానికి గల కారణాలను సేకరించారు. పోస్టుమార్టం నిమిత్తం మృతదేహాలను ఆత్మకూరు ప్రభుత్వ వైద్యశాలకు తరలించారు. ప్రమాదానికి కారణమైన బోర్‌వెల్స్‌ లారీ డ్రైవర్‌ పరారయ్యాడు. పోలీసులు కేసు నమోదు చేసి దర్యాప్తు చేస్తున్నారు. భీతావహంగా ఉన్న ఘటనా స్థలం ఒకే స్ట్రెచర్‌పై తల్లికుమార్తె మమత, వైభ మృతదేహాలు లారీ ఈడ్చుకెళ్లడంతో మృతుల శరీర భాగాలు నుజ్జునుజ్జు కావడతో భీతావహ పరిస్థితి నెలకొంది. తీవ్రంగా గాయపడిన చిన్నారి మేఘనను 108 వాహనంలో కావలికి తరలించారు. బాబు ఇంటికి తీసుకెళ్తున్న నిత్యావసర సరుకులు, చిన్నారుల తినుబండరాలు మృతదేహాల పక్కనే పడి ఉన్నాయి. ప్రమాదం విషయం తెలుసుకుని తూర్పుదూబగుంట నుంచి మృతుల బంధువులు, గ్రామస్తులు, చుట్టు పక్కల గ్రామాల ప్రజలు భారీ సంఖ్యలో ఘటన స్థలానికి చేరుకున్నారు. మృతదేహాలు పడి ఉన్న తీరు చూసి అక్కడికి వచ్చిన ప్రతి ఒక్కరిని కలిచి వేసింది. చిన్నారి వైభ మృతదేహం పక్కనే పెన్ను పడి ఉండడం చూసి బంధువులు రోదించారు. పోస్టుమార్టం నిమిత్తం ఒకే స్ట్రెచర్‌పై తల్లి, కుమార్తె మృతదేహాలను అంబులెన్స్‌లో తరలించడం హృదయవిధారకంగా కనిపించింది.

ముత్తుకూరు (పొదలకూరు): క్వాలిటీ సర్కిల్‌ ఫోరం ఆఫ్‌ ఇండియా తిరుపతిలో బుధవారం నిర్వహించిన 11వ సదస్సులో అదానీ కృష్ణపట్నం పోర్టు లిమిటెడ్‌కు రైజింగ్‌ స్టార్‌ ఆర్గనైజేషన్‌ అవార్డును బుధవారం ప్రదానం చేసింది. ఆత్మ నిర్భర్‌ వికాస్‌ భారత్‌పై నాణ్యమైన భావనలు, వినూత్న పరిష్కారాలను సమర్పించిన పోర్టు మొత్తం 8 జట్లు బంగారు అవార్డులను గెలుచుకున్నట్లు సీఈఓ జగదీష్‌పటేల్‌ పేర్కొన్నారు. కన్వెన్షన్లో దేశ వ్యాప్తంగా 85 సంస్థలకు చెందిన 300 జట్లు పాల్గొన్నాయి. కృష్ణపట్నం పోర్టు లిమిటెడ్‌ హెల్త్‌ సేప్టీ అండ్‌ ఎన్విరాన్మెంట్‌, ఇంజినీరింగ్‌ ఉద్యోగులు ముగ్గురు వ్యక్తిగత అవార్డులు సాధించారు. కౌశల్‌కుమార్‌ సింగ్‌కు అత్యుత్తమ నాయకత్వం, నాణ్యతపై నిబద్ధత కోసం చాంపియన్‌ ఆఫ్‌ ఎక్సలెన్స్‌ అవార్డు అభించినట్లు వెల్లడించారు. నైపుణ్యంలో మధుసూదనరావుకు స్కిల్‌ చాంపియన్‌ అవార్డు, మణికంఠకు మార్గదర్శకత్వానికి ఉత్తమ ఫెసిలిటేటర్‌ అవార్డు అభించాయి. నుడా వైస్‌ చైర్మన్‌గా జేసీ నెల్లూరురూరల్‌: నెల్లూరు అర్బన్‌ డెవలప్‌మెంట్‌ అథారిటీ (నుడా) వైస్‌ చైర్మన్‌గా జాయింట్‌ కలెక్టర్‌ ఎం.వెంకటేశ్వర్లును నియమిస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. గతంలో నుడా వైస్‌ చైర్మన్‌గా అప్పటి నెల్లూరు నగరపాలక సంస్థ కమిషనర్‌ సూర్యతేజ (ఐఏఎస్‌) వ్యవహరించారు. అయితే ఆయన ఆర్నెల్ల క్రితం బదిలీపై వెళ్లడంతో ఆ స్థానంలో ఇప్పటి వరకు ఎవరినీ నియమించలేదు. తాజాగా జాయింట్‌ కలెక్టర్‌ను నియమించింది. డీఎస్‌డీఓగా యతిరాజ్‌ కొనసాగింపు నెల్లూరు (బృందావనం): జిల్లా క్రీడాభివృద్ధి అధికారిగా ఆర్‌కే యతిరాజ్‌ను కొనసాగిస్తూ ఆంధ్రప్రదేశ్‌ రాష్ట్ర క్రీడాప్రాధికార సంస్థ (శాప్‌) ద్వారా ప్రభుత్వం బుధవారం ఉత్తర్వులు జారీ చేసింది. ఈ మేరకు శాప్‌ మేనేజింగ్‌ డైరెక్టర్‌, వైస్‌ చైర్మన్‌ ఎస్‌.భరణి ఉత్తర్వులు జారీ చేశారు. యతిరాజ్‌ ఈ నెల 31న ఉద్యోగ విరమణ చేయనున్నారు. ఆయన ఉద్యోగ విరమణ తర్వాత జిల్లా క్రీడాప్రాధికార సంస్థలో ఫుట్‌బాల్‌ కోచ్‌గా విధులు నిర్వహిస్తున్న పాండు రంగారావును జిల్లా క్రీడాభివృద్ధి అధికారిగా నియామకం చేస్తూ ఉత్తర్వులు జారీ చేశారు. అయితే జరిగిన పొరపాటును సరిదిద్దుకుంటూ ప్రభుత్వం డీఎస్‌డీఓగా ఎతిరాజ్‌నే నియామకం చేసింది. అడహాక్‌ పద్ధతిలో పదోన్నతులు నెల్లూరు (పొగతోట): జిల్లా పరిషత్‌, పంచాయతీరాజ్‌ ఇంజినీరింగ్‌ విభాగాల్లో పనిచేస్తున్న సీనియర్‌ సహాయకులకు అడహాక్‌ పద్ధతిలో డిప్యూటీ ఎంపీడీఓలుగా పదోన్నతులు కల్పించారు. బుధవారం జెడ్పీ సమావేశ మందిరంలో పదోన్నతులకు సంబంధించిన ప్రక్రియను జెడ్పీ సీఈఓ మోహన్‌రావు, డీపీఓ శ్రీధర్‌రెడ్డి ఆధ్వర్యంలో నిర్వహించారు.

● రూ.2 లక్షల ఆస్తి నష్టం పొదలకూరు: మండలంలోని విరువూరు గ్రామంలో బుధవారం వంట గ్యాస్‌ సిలిండర్‌ ప్రమాదవశాత్తు పేలి పూరిల్లు దగ్ధమైంది. మంటలు పక్క ఇళ్లకు వ్యాపించకుండా అగ్నిమాపక అధికారులు ఆర్పివేశారు. వివరాలు.. కొండమ్మ పూరింట్లో నివాసముంటున్నారు. ఆమె గ్యాస్‌ స్టౌ అంటించి సక్రమంగా ఆర్పలేదు. గ్యాస్‌ లీకై మండుకుని సిలిండర్‌ పేలింది. ఆ సమయంలో కొండమ్మ ఇంట్లో లేకపోవడంతో ప్రమాదం తప్పింది. మంటలకు ఇల్లు పూర్తిగా కాలిపోయింది. సుమారు రూ.2 లక్షల వరకు ఆస్తి నష్టం సంభవించి ఉంటుందని చెబుతున్నారు. బాధితురాలు కట్టుబట్టలతో మిగిలినట్టు కన్నీంటి పర్యంతమైంది. పొదలకూరు అగ్నిమాపక సిబ్బంది సమాచారం అందిన వెంటనే ఘటనా స్థలానికి చేరుకుని మంటలను ఆర్పివేశారు.

నెల్లూరు సిటీ: కూటమి ప్రభుత్వ వ్యవహరిస్తున్న తీరుతో ప్రయాణికులు నరకం చూస్తున్నారు. సభలంటే చాలు ఆర్టీసీ బస్సుల్ని తరలించేస్తున్నారు. దీంతో బస్టాండ్లలో జనం ఎదురుచూపుల్లో ఉండిపోతున్నారు. ప్రభుత్వ ఆధీనంలో ఉండే ఏపీఎస్‌ ఆర్టీసీ బస్సులు ఎవరైనా వినియోగించాలంటే అద్దె తప్పనిసరిగా ముందుగా చెల్లించాలి. అయితే కూటమి పెద్దలు ఆర్టీసీని తమ సొంత సంస్థగా భావించి బస్సులను యథేచ్ఛగా వినియోగిస్తున్నారు. అద్దె చెల్లింపులు బకాయిలు పెట్టడంతో ఆ ర్టీసీకి తీవ్ర నష్టం వాటిల్లుతోంది. పెద్ద సంఖ్యలో.. జిల్లాలో మొత్తం 7 డిపోలున్నాయి. నెల్లూరు 1 డిపో, 2 డిపో, ఆత్మకూరు, కందుకూరు, కావలి, రాపూరు, ఉదయగిరి డిపోలున్నాయి. అన్నింట్లో 642 బస్సులున్నాయి. కూటమి ప్రభుత్వం నిర్వహించే సభలకు పెద్ద సంఖ్యలో వాహనాలను తరలిస్తున్నారు. ఇప్పటికి నాలుగు పర్యాయాలు కూటమి ప్రభుత్వం వివిధ సభలకు బస్సులను తీసుకెళ్లింది. అందులో మహానాడు సభకు మాత్రమే నగదు చెల్లించినట్లు ఆర్టీసీ అధికారులు చెబుతున్నారు. మిగిలిన వాటికి సంబంధించి నగదు చెల్లింపులపై స్పందన లేదు. ప్రైవేట్‌ వాహనాలే దిక్కు ప్రధాని నరేంద్రమోదీ గురువారం కర్నూలు, నంద్యాల జిల్లాల్లో పర్యటిస్తారు. ఓర్వకల్లు మండలం నన్నూరు సమీపంలో జరిగే జీఎస్టీ.. సూపర్‌ సేవింగ్‌ సభలో ప్రధాని పాల్గొంటారు. దీనికి సంబంధించి కూటమి ప్రభుత్వం ఏర్పాట్లు చేస్తోంది. ఇందుకోసం బుధవారం 250 బస్సులను తరలించారు. దీంతో ఆర్టీసీ డిపోల్లో స్వల్ప సంఖ్యలో బస్సులు కనిపించాయి. గ్రామాల నుంచి నెల్లూరుకు, నగరం నుంచి పట్టణాలు, ఇతర ప్రాంతాలకు రాకపోకలు సాగించే విద్యార్థులు, ఉద్యోగులు తీవ్ర అవస్థలు ఎదుర్కొన్నారు. అడపాదడపా వచ్చే బస్సుల కోసం గంటల తరబడి డిపోల్లో వేచిచూడాల్సి వచ్చింది. వచ్చిన వాటిని ఎక్కేందుకు అష్టకష్టాలు పడ్డారు. ఓవైపు వర్షం, మరోవైపు ఊర్లకు వెళ్లేందుకు ఆలస్యం కావడంతో ఆటోలు, ఇతర వాహనాలను ఆశ్రయించారు. దూర ప్రాంతవాసులు రెండు, మూడు ఆటోలు మారి గమ్యస్థానం చేరుకోవాల్సి వచ్చింది. ముందు జాగ్రత్తలు తప్పనిసరి ఈ ఏడాది మే 4వ తేదీన అమరావతి రాజధాని పునఃప్రారంభ సభకు జిల్లా నుంచి 290 బస్సులను తరలించారు. మే 30వ తేదీన కడపలో జరిగిన టీడీపీ మహానాడుకు 263 బస్సులను, సెప్టెంబర్‌ 10వ తేదీన అనంతపురంలో సూపర్‌ సిక్స్‌ – సూపర్‌హిట్‌ బహిరంగ సభకు 260 బస్సులను తీసుకెళ్లారు. తాజాగా కర్నూలు జిల్లాలో జరిగే సభకు 250 బస్సులు పంపారు. కూటమి ప్రభుత్వం సభలు నిర్వహిస్తోందంటే ప్రయాణికులు ముందస్తు జాగ్రత్తలు తీసుకోవాల్సిన పరిస్థితి ఏర్పడింది. సభ నిర్వహించే ముందురోజు, ఆరోజు ప్రయాణాలు పెట్టుకోకుండా ఉండాల్సిందే. విద్యార్థులు, ఉద్యోగులు ప్రత్యామ్నాయ మార్గం చూసుకోవాల్సిన స్థితి వచ్చింది. జీఎస్టీ సూపర్‌ సేవింగ్స్‌ సభకు బస్సుల తరలింపు అవస్థలు పడుతున్న జనం కూటమి ప్రభుత్వంలో ఇది మామూలే.. నాలుగు పర్యాయాలు సభలకు బస్సుల వినియోగం ఇప్పటికి ఒక్కదానికే అద్దె చెల్లింపు

కోవూరు: కల్తీ మద్యంపై ‘సాక్షి’ దినపత్రికలో కథనం ప్రచురితమైన నేపథ్యంలో నమోదైన కేసుల్లో నోటీసులు అందుకుని పోలీసుల విచారణకు హాజరైన నెల్లూరు బ్యూరో ఇన్‌చార్జి, ఏపీయూడబ్ల్యూజే జిల్లా ప్రధాన కార్యదర్శి చిలకా మస్తాన్‌రెడ్డిని ఆయన నివాసంలో బుధవారం మాజీ మంత్రి, వైఎస్సార్‌సీపీ పీఏసీ సభ్యుడు నల్లపరెడ్డి ప్రసన్నకుమార్‌రెడ్డి కలిసి సంఘీభావం తెలిపారు. ఆయన మాట్లాడుతూ ప్రజల సమస్యలు వెలుగులోకి తీసుకొచ్చేందుకు పాత్రికేయులు కృషి చేస్తారన్నారు. వారిపై ఒత్తిళ్లు, కేసులు నమోదు చేయడం తగదని అభిప్రాయపడ్డారు. ఎల్లప్పుడూ ‘సాక్షి’ ప్రజల పక్షాన, వారికి అండగా నిలబడుతుందని స్పష్టం చేశారు. ప్రసన్న వెంట సీనియర్‌ నాయకుడు కలువ బాలశంకర్‌రెడ్డి, అనుబంధ సంఘాల నాయకుడు చేజర్ల సుధాకర్‌రెడ్డి ఉన్నారు.

నెల్లూరు(అర్బన్‌): తూనికలు, కొలతల శాఖాధికారులు బుధవారం నెల్లూరు నగరంలోని పలు రకాల వ్యాపార దుకాణాల్లో ఆకస్మిక తనిఖీలు నిర్వహించారు. ఆ శాఖకు చెందిన నెల్లూరు ఇన్‌స్పెక్టర్‌ షేక్‌ రియాజ్‌ అహ్మద్‌, కావలి ఇన్‌స్పెక్టర్‌ మొహిసిన్‌, టెక్నికల్‌ అసిస్టెంట్‌ శ్రీకాంత్‌తోపాటు సిబ్బంది మైపాడు గేట్‌ సెంటర్‌లోని చేపల మార్కెట్‌, ఏసీ కూరగాయల మార్కెట్‌, కోనేరు ప్రాంతంలోని కూరగాయల మార్కెట్‌, పలు చికెన్‌ షాపుల్లో తనిఖీలు చేశారు. నిబంధనలు ఉల్లంఘించిన ఐదు షాపులపై కేసులు నమోదు చేశారు. చేపల వ్యాపారులు ఉపయోగిస్తున్న తక్కెడలో తేడాలుండటంతో స్వాధీనం చేసుకున్నారు. ఇన్‌స్పెక్టర్‌ మాట్లాడుతూ వినియోగదారుల హక్కులు కాపాడేందుకు కృషి చేస్తున్నామన్నారు.

నెల్లూరు రూరల్‌: జిల్లా సమాచార పౌరసంబంధాల శాఖలో సీనియర్‌ అసిస్టెంట్‌గా విధులు నిర్వహిస్తున్న గుండాబత్తిన సువర్ణ సూపరింటెండెంట్‌గా పదోన్నతి పొంది ఒంగోలు ప్రాంతీయ కార్యాలయానికి బదిలీ అయ్యారు. బుధవారం నెల్లూరులోని కార్యాలయంలో ఆత్మీయ అభినందన సభను ఆ శాఖ డిప్యూటీ డైరెక్టర్‌ వేణుగోపాల్‌రెడ్డి అధ్యక్షతన నిర్వహించారు. సువర్ణ సేవలను కొనియాడారు. కార్యక్రమంలో డీఈ శివశంకర్‌రావు, డివిజనల్‌ పీఆర్వో రవికుమార్‌, ఏపీఆర్వో రవీంద్రబాబు, సీనియర్‌ అసిస్టెంట్‌ ఖాదర్‌మస్తాన్‌, పీఆర్వో వినోద్‌కుమార్‌, కార్యాలయ సిబ్బంది పాల్గొన్నారు.

● ప్రొహిబిషన్‌ అండ్‌ ఎకై ్సజ్‌ డీసీ శంకరయ్య నెల్లూరు(క్రైమ్‌): బార్‌, మద్యం దుకాణాల యజమానులు ఏపీ ఎకై ్సజ్‌ సురక్ష యాప్‌ ద్వారా బాటిళ్లను స్కాన్‌ చేసిన అనంతరమే విక్రయించాలని ప్రొహిబిషన్‌ అండ్‌ ఎకై ్సజ్‌ డిప్యూటీ కమిషనర్‌ శంకరయ్య తెలిపారు. బుధవారం ఎకై ్సజ్‌ నెల్లూరు – 1 స్టేషన్‌లో నగరంలోని బార్లు, మద్యం దుకాణాల యజమానులతో ఆయన సమావేశం నిర్వహించి యాప్‌ పనితీరుపై అవగాహన కల్పించారు. స్కాన్‌ చేయకుండా ఎట్టి పరిస్థితుల్లోనూ మద్యం విక్రయించరాదని స్పష్టం చేశారు. బెల్టు షాపులు నిర్వహించడం, ప్రోత్సహించడం చట్టరీత్యా నేరమన్నారు. అలాంటి చర్యలు గుర్తిస్తే లైసెన్సు రద్దు చేసి చట్టపరమైన చర్యలు తీసుకుంటామని హెచ్చరించారు. అనంతరం నగరంలోని లక్కీ వైన్‌ షాపులో యాప్‌ వినియోగంను పరిశీలించారు. సమావేశంలో ప్రొహిబిషన్‌ అండ్‌ ఎకై ్సజ్‌ ఏఈఎస్‌ రమేష్‌, నెల్లూరు – 1 ఇన్‌స్పెక్టర్‌ పి.రమేష్‌బాబు, ఎస్సైలు ప్రభాకర్‌రావు, డి.శ్రీధర్‌, జేకేవీఎన్‌ మురళీకృష్ణ, సిబ్బంది పాల్గొన్నారు.

● తహసీల్దార్‌ కార్యాలయం ఎదుట ధర్నా సోమశిల: అనంతసాగరం మండలం సంజీవనగరం గ్రామానికి చెందిన గంగు నారాయణ, అతని తమ్ముడు ఎర్రగంగు, కుటుంబ సభ్యులు బుధవారం అనంతసాగరం తహసీల్దార్‌ కార్యాలయం ఎదుట ధర్నా చేశారు. వారు మాట్లాడుతూ గతంలో ప్రభుత్వం తమకు జగనన్న లేఅవుట్‌లో 20వ నంబర్‌ ప్లాట్‌ను కేటాయించిందన్నారు. తమ ప్లాట్‌ నంబర్‌తో ఫాతిమా అనే మహిళకు అధికారులు పట్టా ఇచ్చారని ఆరోపించారు. దీనిపై ఆర్డీఓ, కలెక్టర్‌ కార్యాలయంలో వినతులిచ్చినా పట్టించుకోలేదన్నారు. దీనిపై తహసీల్దార్‌ జయవర్ధన్‌ మాట్లాడుతూ సాంకేతిక సమస్య వల్ల ఇలా జరిగిందన్నారు. హౌసింగ్‌లో ఇద్దరి లబ్ధిదారుల పేర్లు నమోదైనట్లు చెప్పారు. ఫాతిమా కుటుంబం ఆ స్థలంలో ఇంటి నిర్మాణం చేస్తున్నందున నారాయణ ఒప్పుకొంటే మరో ప్లాట్‌ను ఇస్తామన్నారు.

● జిల్లా వ్యాప్తంగా పోలీసుల తనిఖీలు ● 30 మందిపై కేసుల నమోదునెల్లూరు(క్రైమ్‌): మద్యం మత్తులో వాహనాలు నడుపుతున్న వారిపై పోలీసులు కేసులు నమోదు చేశారు. ఎస్పీ అజిత ఆదేశాలతో మంగళవారం రాత్రి నుంచి బుధవారం తెల్లవారుజాము వరకు జిల్లా వ్యాప్తంగా పోలీస్‌ అధికారులు లాడ్జీలు, వాహన తనిఖీలు నిర్వహించారు. బహిరంగ మద్యసేవనం చేస్తున్న వారిపై 27 కేసులు నమోదు చేశారు. 2,139 వాహనాలు తనిఖీ చేశారు. మద్యం మత్తులో వాహనాలు నడుపుతున్న 30 మందిపై కేసులు పెట్టారు. ట్రాఫిక్‌ నిబంధనల ఉల్లంఘనులపై 258 కేసులు నమోదు చేసి రూ.1,43,810ల అపరాధరుసుము విధించారు. 13 వాహనాలు సీజ్‌ చేశారు. 63 లాడ్జీల్లో ఆకస్మిక తనిఖీలు నిర్వహించారు. బసచేసిన వారి వివరాలను సేకరించారు. రికార్డులను పరిశీలించారు. లాడ్జీ పరిసరాలు స్పష్టంగా కనిపించేలా సీసీ కెమెరాలు ఏర్పాటు చేసుకోవాలన్నారు. బసచేసే వారి వివరాలను క్రమం తప్పకుండా స్థానిక పోలీసులకు అందజేయాలన్నారు. అనుమానితులను గుర్తిస్తే వెంటనే పోలీసులకు సమాచారం అందించాలన్నారు. నేర నియంత్రణకు పోలీసులు తీసుకుంటున్న చర్యలకు ప్రజలందరూ సహకరించాలని ఈ సందర్భంగా ఎస్పీ కోరారు. ప్రజలు తమ ప్రాంతాల్లో అసాంఘిక కార్యకలాపాలు, అనుమానాస్పద వ్యక్తుల కదలికలను గుర్తిసే డయల్‌ 112 లేదా స్థానిక పోలీసులకు తెలియజేయాలని కోరారు.

నెల్లూరు టాస్క్‌ఫోర్స్‌: కొందరు నేతలు ఇష్టం వచ్చినట్లు మాట్లాడుతున్నారని రాష్ట్ర మున్సిపల్‌ శాఖ మంత్రి పొంగూరు నారాయణ ఆగ్రహం వ్యక్తం చేశారు. పార్టీ ఆదేశిస్తేనే ఇకపై ఎవరైనా మాట్లాడా­లని స్పష్టం చేశారు. నుడా చైర్మన్‌ కోటంరెడ్డి శ్రీనివాసు­లు­రెడ్డి ఇటీవల చేసిన వ్యాఖ్యలపై మంత్రి తీవ్ర అసహనం వ్యక్తం చేశారు. ఒకరిపై ఒకరు విమర్శలు చేసుకుంటూ ఎన్డీఏ కూటమిని ఇరకాటంలో పెడు­తు­న్నారని మండిపడ్డారు. పార్టీ కార్యాల­యం నుంచి ఆదేశాలు రాకుండా ఎవరూ స్టేట్‌మెంట్లు ఇవ్వకూడదని హెచ్చరించారు. ఇక నుంచి ఎవరు మాట్లాడాలో తామే నిర్ణయిస్తామ న్నారు. తాను ప్రస్తుతం కాకినాడ ఇన్‌చార్జ్‌ మంత్రిగా ఉన్నానని పేర్కొంటూ అక్కడ జనసేన, టీడీపీ మధ్య విభేదా­లున్నాయన్నారు. పిఠాపురంలో వర్మ అస­హ­నంగా ఉన్నారన్నారు. తనను నియోజక­వర్గంలో జీరో చేశారని బాధపడుతుంటారన్నారు. జనసేన సమావేశాలకు వెళ్లమని, ఇష్టం లేకపోతే వెళ్లకండని ఇప్పటికే తాము చెప్పామన్నారు. తన నియోజకవర్గంలో పద్ధతిగా నడుచు­కోకపోతే సహించేదిలే­ద­న్నారు. నీ నియోజకవర్గంలో పార్టీ నేత­లను ఎందుకు కంట్రోల్‌ చేయలేక­పోతు­న్నావని, పార్టీ కేంద్ర కార్యాలయం తనను పిలిచి అడిగిందన్నారు. ప్రతి పది, ఇరవై రో­జు­లకు చిన్న ఇష్యూలు వస్తే పవన్‌­కళ్యాణ్, నాదెండ్ల మనోహర్‌తో కలిసి మాట్లా­డు­కుంటున్నామన్నారు. కాకినాడ, కాకినాడ రూరల్, పిఠాపురంలో ఇప్పటికే టీడీపీ, జనసేన మధ్య విభేదాలున్నాయని, వీటిపై చర్చించి సరిచేసుకుంటున్నామని పేర్కొ­న్నారు. మనోహర్‌ తనకు ఫోన్‌ చేసి తాము ఎన్డీఏలో ఉన్నామా, లేమా.. అంటూ అడి­గా­ర­న్నారు. మీ నియోజకవర్గంలో నాయ­కులతో మాట్లాడించేది మీరేనా అని అడిగారన్నారు. తన డిపార్ట్‌మెంట్‌ను డీగ్రే­డ్‌ చేస్తూ అధికారులను ఉద్దేశించి మాట్లాడ­టంపై అసహనం వ్యక్తం చేశారన్నారు. మీ శాఖలపై మాట్లాడమంటారా? అంటూ తనను అడిగారన్నారు. ఇప్పటి వరకు నుడాను పట్టించుకోలేదని, పట్టించుకుంటే తనకన్నా మొండోడు ఎవరూ ఉండరన్నారు. తనకూ తిట్టడం వచ్చు.. కేకలే­యడం వచ్చని, ఇక నుంచి పార్టీ నేతలు జాగ్రత్తగా మాట్లాడాలన్నారు. టెలి కాన్ఫ­రెన్స్‌లో నేతలతో మంత్రి మాట్లాడిన ఆడియో సోషల్‌ మీడియాలో వైరల్‌ అవుతోంది.

సాక్షి, నెల్లూరు: నకిలీ మద్యం వ్యవహారంలో సీఎం చంద్రబాబు కుట్రలు వెలుగు చూస్తున్నాయని మాజీ మంత్రి, వైఎస్సార్‌సీపీ నెల్లూరు జిల్లా అధ్యక్షుడు కాకాణి గోవర్థన్‌రెడ్డి మండిపడ్డారు. నెల్లూరు జిల్లా పార్టీ కార్యాలయంలో మీడియాతో మాట్లాడుతూ నకిలీ మద్యం కేసులో నిందితుడు జనార్థన్‌రావుతో ఒక వీడియోను కుట్రపూరితంగా తయారు చేయించి, జోగి రమేష్ పేరు చెప్పించడం ద్వారా వైఎస్సార్‌సీపీకి ఆ బురదను అంటించాలని చూస్తున్నారని ఆగ్రహం వ్యక్తం చేశారు. ఈ కేసులో కీలకమైన నిందితుడు, టీడీపీ నేత జయచంద్రారెడ్డిని ఏపీకి తీసుకురావడంలో ఎందుకు ప్రభుత్వం ఉదాసీనంగా వ్యవహరిస్తోంది. సీబీఐ విచారణకు ఎందుకు చంద్రబాబు భయపడుతున్నారని నిలదీశారు. ఇంకా ఆయనేమన్నారంటే..డైవర్షన్ పాలిటిక్స్‌లో భాగంగానే చంద్రబాబు ఒక పథకం ప్రకారం కుట్రలకు పాల్పడుతున్నారు. నకిలీ మద్యం విషయంలో చంద్రబాబు నీచమైన డ్రామాలకు పాల్పడుతున్నారనే దానిని ప్రజలు గమనిస్తున్నారు. నకిలీ మద్యం తయారీ ద్వారా ప్రజల ప్రాణాలతో చెలగాటం ఆడుతున్నారు. దీనికి కారకులైన తన పార్టీ వారిని కాపాడుకునేందుకు ప్రభుత్వం ప్రయత్నిస్తోందే తప్ప, దీని మూలాలను దర్యాప్తు చేసి, దానిపై చర్యలు తీసుకునేందుకు సిద్ధంగా లేదు.ప్రజల దృష్టిని మళ్ళించేందుకు నకిలీ మద్యం కేసులో జోగి రమేష్ పేరును తెరమీదికి తీసుకువచ్చారు. చంద్రబాబు ఇంటిపైన దాడి చేశారంటూ గతంలోనే జోగి రమేష్‌పై ఆయనకు అక్కసు ఉంది. ఎవరైతే గత ప్రభుత్వంలో కీలకంగా పనిచేశారో, నేడు కూటమి ప్రభుత్వ ప్రజావ్యతిరేక విధానాలపై గళం ఎత్తుతున్నారో వారిపైన దాడులు చేయించాలి, పోలీసులను ప్రయోగించి తప్పుడు కేసులు పెట్టాలనే లక్ష్యంతోనే చంద్రబాబు పనిచేస్తున్నారు. కూటమి ప్రభుత్వం రాగానే రెడ్‌బుక్ రాజ్యాంగాన్ని అమలు చేయడం ప్రారంభించింది.కూటమి ప్రభుత్వంలోనే ఈ దందా అని నిర్థారించిన ఎక్సైజ్ అధికారులునకిలీ మద్యం తయారీలో తెలుగుదేశం పార్టీకి చెందిన వారు, చంద్రబాబు, లోకేష్‌లతో సన్నిహత సంబంధాలు ఉన్నవారే సూత్రదారులు అని బయటపడింది. సాక్షాత్తు తంబళ్ళపల్లి నియోజకవర్గం నుంచి టీడీపీ తరుఫున పోటీ చేసిన జయచంద్రారెడ్డి ప్రమేయం వెలుగుచూసింది. అయినా కూడా సిగ్గులేకుండా విషయాన్ని డైవర్ట్ చేయడానికి నకిలీ మద్యం మరకను వైఎస్సార్‌సీపీపై రుద్దడానికి చంద్రబాబు అండ్ కో ప్రయత్నిస్తోంది. నకిలీ మద్యం వల్ల ప్రజల ప్రాణాలు పోతున్నాయి. ఈ నెల 3వ తేదీన ములకలచెరువులో నకిలీ మద్యం తయారీ పరిశ్రమ బయటపడింది.నకిలీ మద్యం, సీసాలు, లేబుళ్ళు వెలుగుచూశాయి. ఇబ్రహీంపట్నంలో వేల లీటర్ల మద్యంను నిల్వ చేసిన గోడవున్‌ను గుర్తించారు. ఈ దందా రెండుమూడు నెలలుగా జరుగుతున్నట్లుగా తమ దృష్టికి వచ్చినట్లుగా ఎక్సైజ్ అసిస్టెంట్‌ కమిషన్ చంద్రశేఖర్‌రెడ్డి వెల్లడించారు. డిప్యూటీ కమిషన్ మూడు నెలలుగా జరుగుతున్నట్లు చెప్పారు.రెండుమూడు నెలలుగా ఈ నకిలీ మద్యం దందా రెండుమూడు నెలల నుంచే జరుగుతోందని ఒకవైపు ప్రభుత్వ అధికారులు చెబుతుండటంతో ఇది కూటమి ప్రభుత్వం హయాంలోనే అనే విషయం ప్రజలకు తెలిసిపోతుందనే భయంతో ఈ నకిలీ మద్యం దందా రెండు మూడేళ్ల నుంచి జరుగుతోందంటూ వైఎస్సార్‌సీపీకి కూడా ఆ బురదను అంటించే కుట్రకు ఈ ప్రభుత్వం పాల్పడుతోంది. అందులో భాగంగా ఒక విషప్రచారాన్ని ప్రారంభించింది. ఇది మా ప్రభుత్వంలో జరిగిందే కాదు, గత ప్రభుత్వంలోనూ జరిగిందంటూ చెప్పేందుకు తంటాలు పడుతోంది.జనార్థన్‌ వీడియో ద్వారా డైవర్షన్అక్టోబర్ ఆరో తేదీన జనార్థన్‌రావు విడుదల చేసిన వీడియోలో ఆయన మాట్లాడుతూ 'నకిలీ మద్యం తయారీలో నన్ను ముద్దాయిగా చూపుతున్నారు. దీనితో తెలుగుదేశం పార్టీ వారికి సంబంధం లేదు. నాకు ఆరోగ్యం బాగోలేదు, ఆఫ్రికాలో వున్నాను, నేను ఇండియాకు వచ్చిన తరువాత జరిగిన వాస్తవాలను వెల్లడిస్తాను' అని చెప్పాడు. ఆయన వీడియోలో ఎక్కడా జోగి రమేష్ గురించి ప్రస్తావన తీసుకురాలేదు. ఇక ఆయన రెండో వీడియో ఈ నెల 13న విడుదల చేశాడు. దీనిలో జోగి రమేష్ పేరును ప్రస్తావిస్తూ, కూటమి ప్రభుత్వానికి చెడ్డపేరు తీసుకురావడానికి జోగి రమేష్ కుట్రపన్ని, తనకు డబ్బులు ఇచ్చి ఈ నకిలీ మద్యం తయారీని చేయించారంటూ' ఆరోపణలు చేశాడు.'నకిలీ మద్యం తయారీ బయటపడటంతో జయచంద్రారెడ్డి తదితరులను టీడీపీ సస్పెండ్ చేయడంతో జోగి రమేష్ తన ప్లాన్ మార్చుకున్నాడని, ఇబ్రహీంపట్నంలో ముందుగా సరుకును తెచ్చిపెట్టమని చెప్పడని, దానిని సాక్షి మీడియా ద్వారా ఎక్సైజ్ వారికి పట్టించాడని, ఇదంతా ఒక పథకం ప్రకారం చేశాడంటూ' కూడా ఆ వీడియోలో పేర్కొన్నాడు. మొత్తం వ్యవహారం అంతా కూడా జోగి రమేష్‌ చెబితేనే తాను చేశానని, టీడీపీ వారికి ఎటువంటి సంబంధం లేదంటూ కూడా పేర్కొన్నారు. తొలి వీడియోకు, రెండో వీడియోకు సంబంధం లేకుండా జనార్థన్‌రావు మాట్లాడాడు. రెండో వీడియోతో నకిలీ మద్యం కేసును డైవర్ట్ చేసేందుకు కుట్ర ప్రారంభమైంది.టీడీపీ నేతలు తప్పు చేయకపోతే ఎందుకు సస్పెండ్ చేశారు?టీడీపీ నేత జయచంద్రారెడ్డి, సురేంద్ర నాయుడు తదితరులపై టీడీపీ ఎందుకు సస్పెన్షన్ వేటు వేసింది? జయచంద్రారెడ్డికి చెందిన వాహనంలోనే తాను నకిలీ మద్యంను రవాణా చేశానంటూ డ్రైవర్ పోలీసులకు ఇచ్చిన వాంగ్మూలంలో పేర్కొన్నాడు. దానికి ఆధారాలు కూడా ఉండటంతోనే విధిలేని స్థితిలో టీడీపీ నుంచి వారిని సస్పెండ్ చేశారు. అలాగే కూటమి ప్రభుత్వం నకిలీ మద్యం వ్యవహారంపై సీరియస్‌గా ఉందని, మేమే ములకలచెరువు, ఇబ్రహీంపట్నంలో నకిలీ మద్యం తయారీ కేంద్రాన్ని, గోడౌన్‌లను వెతికి పట్టుకున్నామని, దాడి చేయించామని కూడా ప్రభుత్వం చెప్పుకుంది.అలాంటప్పుడు జనార్థన్‌రావు విడుదల చేసిన రెండో వీడియోలో జోగి రమేష్ నకిలీ మద్యంను తెప్పించి, ఇబ్రహీంపట్నంలో పెట్టించి, సాక్షి మీడియా ద్వారా దానిని బయటపెట్టించి, ఎక్సైజ్ వారితో సీజ్ చేయించారని ఎలా చెబుతారు? చంద్రబాబుకు వంతపాడే ఎల్లోమీడియా ఈనాడులో నకిలీ మద్యం తయారీ కేంద్రం బయటపడినా కూడా రెండుమూడు రోజుల పాటు దానిపై ప్రస్తావన కూడా చేయలేదు. తరువాత తప్పు చేశారు కాబట్టే మా పార్టీకి చెందిన నాయకులను సస్పెండ్ చేస్తున్నామని నారా లోకేష్, వర్ల రామయ్య ప్రకటించారు. టీడీపీ అధికారిక ట్వీట్‌లో జయచంద్రారెడ్డి 'ఏ1' అంటూ పేర్కొని, తరువాత రెండు రోజుల్లో 'ఏ1' అనే దానిని తొలగించారు. అంటే తమ కుట్రను ప్రారంభించడానికి సిద్దమయ్యే, దానికి అనుగుణంగా తమ వైఖరిని మార్చుకున్నారనేందుకు ఇదే నిదర్శనం.సీబీఐ విచారణ జరిపిస్తేనే వాస్తవాలు వెలుగుచూస్తాయినకిలీ మద్యంపై ప్రజల్లో పెద్ద ఎత్తున ఆందోళనలు వ్యక్తమవుతున్న నేపథ్యంలో రాష్ట్ర వ్యాప్తంగా మద్యం దుకాణాలు, బార్లు, బెల్ట్‌షాప్‌ల్లో ఎందుకు తనిఖీలు చేయడం లేదు? దానికి బదులుగా వైఎస్సార్‌సీపీపై బురదచల్లే కార్యక్రమాన్ని ప్రారంభించారు. చంద్రబాబు కపట నాటకాన్ని మొదలుపెట్టారు. హడావుడిగా పన్నెండో తేదీన చంద్రబాబు ప్రెస్‌మీట్ పెట్టడానికి కారణం, వైయస్ఆర్‌సీపీ ఎంపీ మిధున్‌రెడ్డి నకిలీ మద్యం వ్యవహారంపై సీబీఐతో విచారణ జరిపించాలని కేంద్ర హోమంత్రికి లేఖ రాయడమే. ఎక్కడ ఇది సీబీఐ దర్యాప్తునకు దారి తీస్తుందోనని భయంతోనే చంద్రబాబు మీడియాతో రకరకాలుగా మాట్లాడారు. వైఎస్‌ జగన్‌కి, ఆయన బంధువులుకు కూడా ఆపాదించే విధంగా చంద్రబాబు మాట్లాడారు. నకిలీ మద్యం బయటపడిన తరువాత మౌనంగా ఉన్న ఈనాడు పత్రిక, ఈ నెల తొమ్మిదో తేదీన ఆఫ్రికాలో రెడ్డి సామాజికవర్గానికి చెందిన వారు లిక్కర్ వ్యాపారంలో ఉన్నారంటూ వైఎస్‌ జగన్ బంధువులకు అంటగట్టేలా ఒక కథనాన్ని రాసింది.ఈ ప్రశ్నలకు సమాధానాలు చెప్పాలిజనార్థన్‌రావును అరెస్ట్ చేసి విచారించిన తరువాత ఆయనను న్యాయస్థానంలో హాజరుపరిచారు. ఈ సందర్బంగా కోర్టుకు సమర్పించిన రిమాండ్ రిపోర్ట్‌లో జోగి రమేష్ పేరు ఉందా? రెండో వీడియోలో మొత్తం జోగి రమేష్ చెబితేనే చేశాను అన్న జనార్థన్‌రావు, పోలీసుల విచారణలో ఆ విషయాన్ని ఎందుకు ప్రస్తావించలేదు? దానికి సమాధానం చెప్పాలి. జనార్థన్‌రావు నెల్లూరు జైలుకు రిమాండ్‌కు వెళ్ళిన 24 గంటల తరువాత ఏ విధంగా ఆయన మాట్లాడిన వీడియో బయటకు వచ్చింది?ఒకవేళ పోలీసులు విచారణలో జనార్థన్‌రావు ఈ వీడియోలో మాట్లాడి వుంటే, రిమాండ్ రిపోర్ట్‌లో ఆ విషయం ఎందుకు రాయలేదు? జనార్థన్‌రావు మాట్లాడిన వీడియో ఎలా బయటకు వచ్చిందో విచారణ జరిపారా? పక్కన ఎవరో ఉండి ప్రామ్టింగ్ ఇస్తుంటే జనార్థన్‌రావు మాట్లాడినట్లు కనిపిస్తోంది, అలా ప్రామ్టింగ్ ఇచ్చింది ఎవరు? ప్రభుత్వానికి ఉన్న సమాచారంతోనే ములకలచెరువు, ఇబ్రహీంపట్నంలో పోలీసులు దాడులు చేశారని సీఎం చంద్రబాబు చెప్పుకున్న విషయం వాస్తవం కాదా? రెండో వీడియోలో జనార్థన్‌రావు 'జోగి రమేష్‌ ఒక పథకం ప్రకారమే ఇబ్రహీంపట్నం గోడవున్‌లో నకిలీ మద్యంను పెట్టించి, ఎక్సైజ్ వారికి పట్లించారని' మాట్లాడిన విషయం వాస్తవం కాదా? అంటే ప్రభుత్వమే నకిలీ మద్యం గురించి తెలుసుకుని దాడులు చేసి, పట్టుకుందన్న సీఎం చంద్రబాబు మాటలు అబద్దమా? లేక జనార్థన్‌రావు తన వీడియోలో చెప్పిన మాటలు అబద్దమా?నకిలీ మద్యం వ్యవహారంలో ప్రజలు ఈ ప్రభుత్వాన్ని, టీడీపీని అసహ్యించుకుంటున్నారని తెలియగానే, వైఎస్సార్‌సీపీపై బుదరచల్లేందుకు గానూ జనార్థన్‌రావుతో ఒక పథకం ప్రకారం ఈ రెండో వీడియోను కుట్రపూరితంగా తయారుచేసి, బయటకు వదిలిపెట్టారనేది వాస్తవం కాదా? తాను విదేశాలకు వెళ్ళిపోతే రూ.3 కోట్లు ఇస్తానని జోగి రమేష్ ఆఫర్ చేశారని, అందుకే ఆఫ్రికాకు వెళ్ళినట్లు చెప్పిన జనార్థన్‌రావు, ఎవరు చెబితే తిరిగి ఏపీకి వచ్చారు? ఆయన చెబుతున్నట్లుగా మూడు కోట్లు తీసుకోకుండానే ఎలా ఏపీకి వచ్చాడు? మొలకలచెరువు ఘటనలో కొందరు దోషులను అదుపులోకి తీసుకున్నారు. వెంటనే వారిని విచారణకు ఇవ్వాలంటూ కష్టడీ పిటీషన్ వేశారు. కానీ జనార్థన్‌రావు విషయంలో ఎందుకు కస్టడీ పిటీషన్ వేయలేదు? జనార్థన్‌రావును లోతుగా విచారించకుండా, దొంగ వీడియోను విడుదల చేయాలని ఎందుకు ప్రయత్నిస్తున్నారు? టీడీపీ నేతగా ఉన్న జనార్థన్‌రావును ఆఫ్రికా నుంచి పిలిపించిన ప్రభుత్వం, కీలకమైన జయచంద్రారెడ్డిని ఎందుకు పిలిపించడం లేదు? ఆయనపై లుక్‌అవుట్ నోటీస్ ఎందుకు జారీ చేయలేదు? ఎందుకు ఆయనపై చర్యలు తీసుకోవడానికి వెనుకాడుతున్నారు? పోలీసుల విచారణలో టీడీపీకి చెందిన నాయకులు పాల వ్యాన్‌ల ద్వారా నకిలీ మద్యాన్ని సరఫరా చేశారని అధికారులు వెల్లడించారు. ఆ వ్యాన్‌లను, వాటి యాజమానులను ఎందుకు అదుపులోకి తీసుకోలేదు?వారంతా టీడీపికి చెందిన వారు కావడం వల్లే వారిని ఉపేక్షిస్తున్నారా? రాష్ట్రంలో ఉన్న డెబ్బై అయిదు వేల బెల్ట్‌షాప్‌లపై ఎందుకు చర్యలు తీసుకోవడం లేదు? రాష్ట్ర వ్యాప్తంగా మద్యం శాంపిళ్లను సేకరించి, నకిలీ అవునా కాదా అని తెలుసుకునేందుకు ఎందుకు ల్యాబ్‌లకు పంపించడం లేదు? జనార్థన్‌రావుతో గుర్తుతెలియని ప్రాంతంలో ఒక వీడియోను తీయించి, రాజకీయం చేయాలని ఎందుకు చూస్తున్నారు. ఈ వ్యవహారం ముదురుతుంటే ఎంపీ మిధున్‌రెడ్డి నివాసాలపై దాడులు చేయించడం, ప్రజల దృష్టి మళ్లించేందుకు కాదా? నకిలీ మద్యంపై మీకు చిత్తశుద్ధి ఉంటే ఎందుకు సీబీఐ దర్యాప్తును కోరడం లేదు?

నెల్లూరు(టౌన్‌): ‘ఈ ఏడాది జూన్‌లో బదిలీ అయిన ఉపాధ్యాయులను రిలీవ్‌ చేయని కారణంగా మానసిక వేదనకు గురవుతున్నారు. వారిని వెంటనే రిలీవ్‌ చేయాలి’ అని ఏపీటీఎఫ్‌ జిల్లా ప్రధాన కార్యదర్శి సీహెచ్‌ హజరత్‌ డిమాండ్‌ చేశారు. మంగళవారం నెల్లూరు జిల్లా విద్యాశాఖ కార్యాలయం వద్ద విలేకరుల సమావేశంలో మాట్లాడారు. టీచర్లను రిలీవ్‌ చేయకుంటే ఈనెల 17న జిల్లా విద్యాశాఖ కార్యాలయం ఎదుట 48 గంటల నిరహార దీక్ష చేయనున్నట్లు తెలిపారు. ఉమ్మడి నెల్లూరు జిల్లాలోని అన్ని మండలాల్లో టీచర్లను రిలీవ్‌ చేయాలని, లేకుంటే జరగబోయే పరిణామాలకు జిల్లా విద్యాశాఖాధికారి పూర్తి బాధ్యత వహించాలని హెచ్చరించారు. అంతర్‌ జిల్లాల బదిలీల్లో కమిషనర్‌, డైరెక్టర్‌ ఆఫ్‌ స్కూల్‌ ఎడ్యుకేషన్‌ ఇచ్చిన జీఓలను బేఖాతరు చేసి కొన్ని ఖాళీలపై వ్యక్తిగత నిర్ణయాలు తీసుకుని చూపడం జరిగిందన్నారు. డీఎస్సీ 2025 నూతన ఉపాధ్యాయులు ప్రవేశం పొందిన సందర్భంగా వారికి 1ః1 రేషియోలో ఖాళీలను చూపించారన్నారు. నూతన టీచర్లకు ఎస్జీటీ వేకెన్సీల్లో 15 కంటే తక్కువ రోల్‌ ఉన్న పాఠశాలలను వేకెన్సీలో చూపించారన్నారు. ఉదాహరణకు తడ మండలం ఇరకం ఎంపీపీఎస్‌లో – 4, వాకాడు మండలం మాధవరం ఎంపీపీఎస్‌లో – 5, రెడ్డిపాళెం ఎంపీపీఎస్‌లో – 10, డక్కిలి మండలం పాతనాలపాడు ఎంపీపీఎస్‌లో – నలుగురు ఉన్నారన్నారు. సమావేశంలో ఏపీటీఎఫ్‌ జిల్లా అధ్యక్షుడు దశరథరాములు, నాయకులు పాల్గొన్నారు.

వెంకటాచలం: టూరిజం ఇన్నోవేటివ్‌ పాత్‌వేస్‌ టు సస్టైనబుల్‌ లైవ్లీహుడ్స్‌ – డైవర్సిఫయింగ్‌ రూరల్‌ ఆక్యుపేషన్స్‌ అనే పుస్తకాన్ని మండలంలోని కాకుటూరు వద్దనున్న విక్రమ సింహపురి యూనివర్సిటీలో వీసీ అల్లం శ్రీనివాసరావు మంగళవారం ఆవిష్కరించారు. ఈ సందర్భంగా ఆయన మాట్లాడుతూ సుస్థిర అభివృద్ధి లక్ష్యాల సాధనలో పర్యాటక రంగం చాలా కీలకమైందన్నారు. యువత సృజనాత్మక ఆలోచనలతో ఈ రంగంలోకి రావాలని పిలుపునిచ్చారు. పుస్తక రచయిత డాక్టర్‌ మైల త్యాగరాజు మాట్లాడుతూ గ్రామీణ సమాజాల్లో ఉపాధి వైవిధ్యానికి పర్యాటకం ఎలా దోహదపడుతుందో ఈ పుస్తకంలో విశ్లేషించామని చెప్పారు. సుస్థిర పర్యాటక పద్ధతులు భారతదేశం వంటి దేశాలకు అత్యంత అవసరమన్నారు. కార్యక్రమంలో ఇన్‌చార్జి రిజస్ట్రార్‌ డాక్టర్‌ కె.సునీత, ప్రిన్సిపల్‌ సీహెచ్‌ విజయ, పర్యటక విభాగాధిపతి డాక్టర్‌ పి.సుజాత తదితరులు పాల్గొన్నారు. రైతులకు అధిక ఆదాయం వచ్చేలా చర్యలు ● హార్టికల్చర్‌ ఏడీ సుబ్బారెడ్డి నెల్లూరు(పొగతోట): నిమ్మతోటలు సాగు చేస్తున్న రైతులకు అధిక ఆదాయం వచ్చేలా చర్యలు చేపడుతున్నామని హార్టికల్చర్‌ ఏడీ సుబ్బారెడ్డి తెలిపారు. మంగళవారం స్థానిక వ్యవసాయ పరిశోధన క్షేత్రంలో నిమ్మ రైతులకు నిర్వహించిన జిల్లా స్థాయి సదస్సులో ఏడీ మాట్లాడారు. రైతులు శాస్త్రవేత్తల సూచనలు, సలహాలు పాటించాలన్నారు. కేవీకే శాస్త్రవేత్త డి.తిరుపాల్‌, డాక్టర్‌ కవిత, ఏడీహెచ్‌ అనురాధ మాట్లాడారు. పంట కోత అనంతరం తీసుకోవాల్సిన జాగ్రత్తల్ని వివరించారు. సదస్సులో డాక్టర్‌ కె.వెంకటసతీష్‌, అధికారులు, రైతులు పాల్గొన్నారు. మద్యం బాటిళ్లు తరలిస్తుండగా.. ● గేదెను ఢీకొని బొలెరో ట్రక్కు బోల్తా కొడవలూరు: మద్యం లోడుతో ఉన్న బొలెరో ట్రక్కు గేదెను ఢీకొని బోల్తా పడింది. ఈ ఘటన జాతీయ రహదారిపై గండవరం ఫ్లై ఓవర్‌పై మంగళవారం రాత్రి జరిగింది. స్థానికుల కథనం మేరకు.. నెల్లూరు రూరల్‌ మండలంలోని మద్యం డిపో నుంచి కావలిలోని మద్యం దుకాణాలకు ట్రక్కు బయలుదేరింది. గండవరం ఫ్లై వర్‌పై గేదె కనిపించక దాన్ని ఢీకొట్టింది. దీంతో వాహనం తిరగబడింది. గేదెకు తీవ్ర గాయాలై నడవలేని స్థితికి చేరుకుంది. ట్రక్కు డ్రైవర్‌కూ గాయాలయ్యాయి. అట్టపెట్టెల్లో ఉన్న కొన్ని మద్యం బాటిళ్లు రోడ్డుపై పడ్డాయి. అందులో కొన్ని పగిలిపోయాయి. గుర్తుతెలియని వ్యక్తి ఆత్మహత్యనెల్లూరు(క్రైమ్‌): ఆర్థిక సమస్యలో, కుటుంబ కలహాలో, మరే ఇతర కారణాలో తెలియదు గానీ ఓ వ్యక్తి రైలు కింద పడి ఆత్మహత్యకు పాల్పడిన ఘటన నెల్లూరు నగరంలోని ప్రధాన రైల్వే స్టేషన్‌ – వేదాయపాళెం మధ్యలోని కొండాయపాళెం గేటు సమీపంలో మంగళవారం జరిగింది. రైల్వే పోలీసుల కథనం మేరకు.. సుమారు 50 సంవత్సరాల వయసున్న గుర్తుతెలియని వ్యక్తి మంగళవారం మెమూ రైలు కింద పడి ఆత్మహత్యకు పాల్పడ్డాడు. స్థానికులు గుర్తించి రైల్వే పోలీసులకు సమాచారం అందించారు. ఎస్సై హరిచందన సిబ్బందితో ఘటనా స్థలానికి చేరుకుని పరిశీలించారు. మృతుడు తెలుపు రంగు షర్ట్‌, బులుగు రంగు చెక్స్‌ లుంగీ ధరించి ఉన్నాడు. మృతదేహాన్ని పోస్టుమార్టం నిమిత్తం జీజీహెచ్‌కు తరించారు. రైల్వే పోలీసులు కేసు నమోదు చేసి దర్యాప్తు చేస్తున్నారు.

● ప్రభుత్వం నుంచి ఇంకా అందని పరిహారం నెల్లూరు(వీఆర్సీసెంటర్‌): ఆత్మకూరు నియోజకవర్గం పెరమన గ్రామ సమీపంలో జాతీయ రహదారిపై కారును ఇసుక టిప్పర్‌ ఢీకొట్టిన ప్రమాదంలో కారులో ప్రయాణిస్తున్న ఇందుకూరుపేట, నెల్లూరు నగరం గుర్రాలమడుగు సంఘం ప్రాంతానికి చెందిన ఏడుగురు మృతిచెందిన విషయం తెలిసిందే. దీంతో సీపీఎం నేతలు బాధిత కుటుంబాలకు నష్టపరిహారం ఇచ్చేందుకు స్పష్టమైన హామీ ఇవ్వాలని నిరసన కార్యక్రమం చేపట్టారు. కాగా ఇప్పటికీ ప్రభుత్వం నుంచి మృతుల కుటుంబాలకు ఒక్క రూపాయి నష్టపరిహారం అందలేదు. బాధిత కుటుంబాలకు నష్టపరిహారం అందించి ఆర్థిక భరోసా కల్పించాలని నాయకులు టిప్పర్‌ యజమాని రవీంద్రారెడ్డితో మాట్లాడారు. అతను అంగీకరించి ఇండియన్‌ ఓవర్సీస్‌ బ్యాంక్‌కు సంబంధించి రూ.2,30,000 చొప్పున బాండ్లను అందజేశారు. మంగళవారం రాత్రి గుర్రాలమడుగు సంఘం ప్రాంతంలో నాయకులు చేతుల మీదుగా పంపిణీ చేశారు. కార్యక్రమంలో సీపీఎం జిల్లా కార్యదర్శి మూలం రమేష్‌, నాయకులు కాయం శ్రీనివాసులు, సుధాకర్‌, బాబు, నారాయణ, సంపూర్ణమ్మ, వెంకటేశ్వర్లు, కుమార్‌ తదితరులు పాల్గొన్నారు.

వారం, పదిరోజుల వ్యవధిలో పొగాకు ధరలు బాగా తగ్గించారు. హైగ్రేడ్‌ పొగాకు క్వింటాకు రూ.30 వేలు కూడా ఇవ్వడం లేదు. ఇక లోగ్రేడ్‌ను అసలు కొనుగోలు చేయడం లేదు. దీంతో ఈ ఏడాది భారీగా నష్టాలొచ్చే అవకాశం ఉంది. ధరలు మరింత తగ్గుతాయని చెబుతున్నారు. ఇంకెంత తగ్గిస్తారో అర్థం కావడం లేదు. మొత్తంగా బ్యారన్‌కు రూ.2 లక్షల వరకు కచ్చితంగా నష్టం వస్తుంది. – నలగర్ల రవి, పొగాకు రైతు, పోలినేనిపాళెం రైతులను ఆదుకోవాలి ఈ సంవత్సరం మొదటి నుంచి పొగాకు ధరలు అంతంతమాత్రంగానే ఉన్నాయి. ఇప్పుడు మళ్లీ ధరలు ఒక్కసారిగా తగ్గించారు. ఇలా ఎందుకు చేస్తున్నారో అర్థం కావడం లేదు. పొగాకు బోర్డు వద్ద రైతుల కార్పస్‌ఫండ్‌ రూ.వేల కోట్లు ఉంది. ఆ డబ్బులతో ఇటువంటి కష్టసమయంలో రైతులను ఆదుకునేందుకు ప్రభుత్వాలు చర్యలు తీసుకోవాలి. – కట్టా హనుమంతరావు, పొగాకు రైతు, వలేటివారిపాళెం

పొదలకూరు: తమిళనాడు రాష్ట్రం సేలం నుంచి జిల్లాలోని జొన్నవాడ చేపల చెరువుల వద్దకు కోళ్ల వ్యర్థాలను తరలిస్తున్న మినీ వ్యాన్‌ను పొదలకూరు పోలీసులు మంగళవారం సీజ్‌ చేశారు. వ్యర్థాలను తరలిస్తున్న మణికంఠపై కేసు నమోదు చేశారు. రెవెన్యూ, మత్స్య, పోలీసు శాఖలు కలిసి వ్యర్థాలను అటవీ ప్రాంతంలో పాతిపెట్టారు.కండలేరులో 59.880 టీఎంసీలు రాపూరు: కండలేరు జలాశయంలో మంగళవారం నాటికి 59.880 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. సోమశిల జలాశయం నుంచి కండలేరుకు 3,400 క్యూసెక్కుల నీరు చేరుతోందన్నారు. కండలేరు నుంచి సత్యసాయి గంగ కాలువకు 1,500, పిన్నేరు కాలువకు 300, లోలెవల్‌ కాలువకు 40, హైలెవల్‌ కాలువకు 200, మొదటి బ్రాంచ్‌ కాలువకు 5 క్యూసెక్కుల నీటిని విడుదల చేస్తున్నట్లు వెల్లడించారు.

● రైలు ఢీకొని టీచర్‌ మృతి నెల్లూరు(క్రైమ్‌): ఆమె ప్రభుత్వ ఉపాధ్యాయురాలు. బడిలో విద్యార్థులకు పాఠాలు చెప్పి ఇంటికి బయలుదేరింది. ఈ క్రమంలో పట్టాలు దాటుతుండగా రైలు ఢీకొని మృతిచెందింది. మృతదేహం గుర్తుపట్టలేని విధంగా తయారైంది. అతికష్టంపై రైల్వే పోలీసులు మృతురాలు ఎవరనే విషయాన్ని గుర్తించి బాధిత కుటుంబానికి సమాచారం అందించారు. ఈ ఘటన నెల్లూరు వేదాయపాళెం రైల్వేగేటు వద్ద మంగళవారం చోటుచేసుకుంది. రైల్వే పోలీసుల కథనం మేరకు.. వేదాయపాళెం జనశక్తినగర్‌లో విశ్రాంత బ్యాంక్‌ మేనేజర్‌ రామాంజనేయులు, పద్మావతి (50) దంపతులు నివాసముంటున్నారు. ఇద్దరు కుమార్తెలున్నారు. వారికి వివాహమైంది. ఒకరు బెంగళూరులో, మరొకరు హైదరాబాద్‌లో ఉంటున్నారు. పద్మావతి మనుబోలు మండలం కొలనకుదురు ప్రభుత్వ పాఠశాలలో ఉపాధ్యాయురాలిగా పనిచేస్తోంది. ఆమె రోజూ ఇంటి నుంచి పాఠశాలకు వెళ్లి వచ్చేవారు. మంగళవారం కూడా బడిలో విధులు ముగించుకుని వేదాయపాళెంలో దిగి ఇంటికి బయలుదేరారు. రైల్వే గేటు వేసి ఉంది. కొద్దిదూరంలో పట్టాలపై గూడ్సు రైలు ఆగి ఉండటాన్ని చూసింది. పట్టాలు దాటుతుండగా మరోరైలు వేగంగా వచ్చి ఆమెను ఢీకొంది. దీంతో అక్కడికక్కడే చనిపోయింది. ప్రమాద ఘటనపై సమాచారం అందుకున్న రైల్వే ఎస్సై ఎన్‌.హరిచందన తన సిబ్బందితో ఘటనా స్థలానికి చేరుకుని పరిశీలించి బాధిత కుటుంబానికి సమాచారం అందించారు. మృతదేహాన్ని మార్చురీకి తరలించి కేసు నమోదు చేశారు. ఎస్సై హరిచందన కేసు దర్యాప్తు చేస్తున్నారు.

● బహిరంగ మద్య సేవనంపై 52, డ్రంక్‌ అండ్‌ డ్రైవ్‌పై 17 కేసుల నమోదు నెల్లూరు(క్రైమ్‌): ఎస్పీ డాక్టర్‌ అజిత సోమవారం అర్ధరాత్రి నెల్లూరు నగరంలో పర్యటించారు. నాలుగుకాళ్ల మండపం, ఇరుకళల పరమేశ్వరి దేవస్థానం, నెల్లూరు బ్యారేజ్‌, మెడికవర్‌ వైద్యశాల, బుజబుజనెల్లూరు, అయ్యప్ప గుడి సెంటర్‌, కరెంటాఫీస్‌ సెంటర్‌, ఆర్టీసీ బస్టాండ్‌, వీఆర్సీ తదితర ప్రాంతాల్లో ఎస్పీ ఆకస్మికంగా తనిఖీలు చేశారు. అనంతరం బీట్స్‌ను పరిశీలించి బీట్‌ అధికారులకు పలు సూచనలు చేశారు. ఈ సందర్భంగా ఎస్పీ మాట్లాడుతూ జిల్లాలో నేర నియంత్రణలో భాగంగా రాత్రిపూట వాహనాల తనఖీలు ముమ్మరం చేశామన్నారు. రౌడీయిజం, దౌర్జన్యాలు, దోపిడీ, దొంగతనాల కట్టడిపై ప్రత్యేక దృష్టి సారించామన్నారు. అదే విధంగా రోడ్డు ప్రమాదాల నివారణ, అసాంఘిక కార్యకలాపాలను అడ్డుకట్ట వేసేందుకు నాకా బందీని జిల్లా వ్యాప్తంగా నిర్వహిస్తున్నామన్నారు. ● జిల్లాలో సోమవారం అర్ధరాత్రి 1,580 వాహనాలను తనిఖీ చేశారు. కాగా బహిరంగ మద్య సేవనానికి సంబంధించి 52 కేసులు, డ్రంక్‌ అండ్‌ డ్రైవ్‌కు సంబంధించి 17 కేసులు నమోదు చేశారు. 3 వాహనాలు సీజ్‌ చేశారు. ఎంవీ యాక్ట్‌ కేసులు 179 నమోదు చేసి రూ.58,795 అపరాధ రుసుము విధించారు.

తిరుమల: తిరుమలలో భక్తుల రద్దీ సాధారణంగా ఉంది. క్యూ కాంప్లెక్స్‌లో 23 కంపార్ట్‌మెంట్లు నిండాయి. సోమవారం అర్ధరాత్రి వరకు 78,569 మంది స్వామి వారిని దర్శించుకోగా 27,482 మంది భక్తులు తలనీలాలు సమర్పించారు. స్వామి వారికి కానుకల రూపంలో హుండీలో రూ.3.93 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. దర్శన టికెట్లు లేని భక్తులకు 12 గంటల్లో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది.

నెల్లూరు (బారకాసు): నెల్లూరు నగర పాలక సంస్థ (42/3 సచివాలయం) పరిధిలోని డైకస్‌రోడ్డు, కోటమిట్ట షాదీమంజిల్‌ సమీపంలో నిబంధనలకు విరుద్ధంగా నిర్మించిన ఎంఐహెచ్‌ఎం కన్వెన్షన్‌ హాల్‌ (కల్యాణ మండపం)ను మంగళవారం ఎన్‌ఎంసీ టౌన్‌ ప్లానింగ్‌ అధికారులు సీజ్‌ చేశారు. నిబంధనలకు విరుద్ధంగా నిర్మించిన కల్యాణ మండపం విషయమై ఆనుకుని ఉన్న గృహ యజమాని కార్పొరేషన్‌ అధికారులకు పలుమార్లు ఫిర్యాదు చేసినా ఫలితం లేకపోవడంతో హైకోర్టును ఆశ్రయించారు. దీంతో ఫిర్యాదును పరిశీలించిన ఉన్నత న్యాయస్థానం నిబంధనలకు విరుద్ధంగా నిర్మించిన ఎంఐహెచ్‌ఎం కన్వెన్షన్‌ హాల్‌పై తగు చర్యలు తీసుకోవాలని నగర పాలక కమిషనర్‌ను ఆదేశిస్తూ ఉత్తర్వులు జారీ చేసింది. అయినా సంబంధిత ఎన్‌ఎంసీ అధికారులు చర్యలు తీసుకోవడంలో అలసత్వం వహించడంతో సదరు కల్యాణ మండపంలో శుభ కార్యాలయాలు జరుగుతూనే ఉన్నాయి. దీంతో ఈ నెల 4న ‘సాక్షి’లో ‘కట్టుకో.. పైసలిచ్చుకో..! శీర్షికన కథనం ప్రచురితమైంది. స్పందించిన నగర పాలక సంస్థ కమిషనర్‌ ఆదేశాల మేరకు టౌన్‌ప్లానింగ్‌ డీసీపీ ఇన్‌చార్జి రఘునందనరావు, టీపీఓ సతీష్‌కుమార్‌, అధికారులు తమ సిబ్బందితోపాటు రెవెన్యూ, విద్యుత్‌ శాఖల సిబ్బందితో కలిసి ఎంఐహెచ్‌ఎం కన్వెన్షన్‌ హాల్‌ను ప్రస్తుతానికి సీజ్‌ చేశారు. విద్యుత్‌ కనెక్షన్‌ కూడా తొలగించేలా చర్యలు చేపట్టారు. తదుపరి చర్యలు కమిషనర్‌ ఆదేశాల మేరకు చేపట్టనున్నామని డీసీపీ ఇన్‌చార్జి రఘునందనరావు తెలియజేశారు. 19న సీనియర్‌ బాస్కెట్‌బాల్‌ జట్టు ఎంపిక కందుకూరు రూరల్‌: ఉమ్మడి ప్రకాశం జిల్లా సీనియర్‌ మహిళలు, పురుషుల బాస్కెట్‌ బాల్‌ జట్ల ఎంపిక ఈ నెల 19న మధ్యాహ్నం 2 గంటలకు స్థానిక టీఆర్‌ఆర్‌ ప్రభుత్వ జూనియర్‌ కళాశాల క్రీడా మైదానంలో నిర్వహించనున్నట్లు జిల్లా అసోసియేషన్‌ ప్రెసిడెంట్‌ వలేటి రవీంద్ర, సెక్రటరీ తొట్టెంపూడి సుబ్బారావు మంగళవారం తెలిపారు. ఎంపికల్లో పాల్గొనే సీ్త్రలు, పురుషులకు వయసు పరిమితి లేదన్నారు. ఎంపికలకు వచ్చే వారు ఆధార్‌కార్డు తీసుకురావాలన్నారు. ఎంపికై న జట్లు విశాఖపట్నంలో జరిగే 11వ సీనియర్‌ ఆంధ్రప్రదేశ్‌ రాష్ట్ర చాంపియన్‌షిప్‌లో పాల్గొంటారని తెలిపారు. నవంబర్‌ 7 నుంచి 10వ తేదీ వరకు పోటీలు జరుగుతాయని తెలిపారు. ఆసక్తి ఉన్న క్రీడాకారులు ఎంపికలకు హాజరుకావాలని కోరారు. కర్నూలు సభకు 250 బస్సుల కేటాయింపు నెల్లూరు సిటీ: ఈ నెల16న కర్నూలు జిల్లా ఓర్వకల్లు మండలంలోని నన్నూరు వద్ద నిర్వహించే ప్రధానమంత్రి భారీ బహిరంగ సభకు నెల్లూరు జిల్లా నుంచి ఏపీఎస్‌ఆర్టీసీ 250 బస్సులు కేటాయించారు. ఆత్మకూరు డిపో నుంచి 31, కందుకూరు 35, కావలి 40, నెల్లూరు డిపో–1 నుంచి 40, నెల్లూరు డిపో–2 నుంచి 50, రాపూరు 25, ఉదయగిరి డిపో నుంచి 29 బస్సులు సభకు వెళ్లనున్నాయి. ఈ బస్సుల్లో పల్లెవెలుగు, ఎక్స్‌ప్రెస్‌ బస్సులు ఎక్కువగా ఉండడంతో నేడు, రేపు ప్రయాణికులు, మహిళా ప్రయాణికులు ఇబ్బందులు పడే అవకాశం ఉంది.

● వైఎస్సార్‌సీపీ ఆధ్వర్యంలో ఎకై ్సజ్‌ కార్యాలయం ఎదుట నిరసన ఆత్మకూరు: రాష్ట్ర వ్యాప్తంగా టీడీపీ నేతలు నకిలీ మద్యాన్ని కుటీర పరిశ్రమగా మార్చేసి ఊరూరా బెల్టుషాపుల సరఫరా చేశారని, ఇప్పటికీ జరుగుతుందనే అనుమానాలు ఉన్నాయని సీబీఐతో విచారణ చేపడితే ఎక్కడెక్కడ మూలాలు ఉన్నాయో తెలుస్తాయని వైఎస్సార్‌సీపీ నేతలు డిమాండ్‌ చేశారు. ఊరూరా మద్యం దుకాణాలు, వీధికో బెల్టు షాపు చొప్పున ఏర్పాటు చేసి నకిలీ మద్యాన్ని ఏరులై పారిస్తూ ప్రజల ప్రాణాలను బలితీసుకుంటున్నారని మండిపడ్డారు. ప్రజల ప్రాణాలను హరిస్తున్న కూటమి ప్రభుత్వ మద్యం విధానాలకు వ్యతిరేకంగా వైఎస్సార్‌సీపీ అధిష్టానం పిలుపు మేరకు, మాజీ ఎమ్మెల్యే మేకపాటి విక్రమ్‌రెడ్డి సూచనలతో మంగళవారం నియోజకవర్గ వైఎస్సార్‌సీపీ నాయకులు ఆత్మకూరులోని ఎకై ్సజ్‌ కార్యాలయం ఎదుట నిరసన కార్యక్రమాన్ని నిర్వహించారు. అనంతరం ఎకై ్సజ్‌ సీఐ బి వెంకటరమణమ్మకు వినతిపత్రం అందజేశారు. ఈ సందర్భంగా వారు మాట్లాడుతూ కూటమి పాలనలో నకిలీ మద్యం తయారు కుటీర పరిశ్రమగా మారిందని, మద్యపానప్రియుల ఆరోగ్యానికి తూట్లు పొడిచేలా మద్యం రాష్ట్రంలో ఏరులై పారుతుందన్నారు. వైఎస్సార్‌సీపీ ప్రభుత్వంలో మద్యం పాలసీ పారదర్శకంగా ఉండాలనే ఉద్దేశంతో నాటి సీఎం జగన్‌మోహన్‌రెడ్డి అబ్కారీ శాఖ ద్వారానే కొనసాగించి దఫదఫాలుగా మద్యం షాపులను నియంత్రించేలా చర్యలు తీసుకున్నారన్నారు. అయితే కూటమి పాలన ఏర్పడ్డాక ఏడాదిన్నర కాలంలో పుట్టగొడుగుల్లా మద్యం దుకాణాలు, బెల్టుషాపులు ఏర్పాటయ్యాయని దుయ్యబట్టారు. నకిలీ మద్యం కారణంగా ప్రాణాలు కోల్పోతున్న వారి కుటుంబాలకు దిక్కెవరని ప్రశ్నించారు. ప్రస్తుతం బయట పడిన నకిలీ మద్యం కుటీర పరిశ్రమపై ఏమి సమాధానం చెబుతారని ప్రశ్నించారు. సీఎం చంద్రబాబు సిట్‌ విచారణకు ఆదేశించామని చెబుతున్నారని, ఈ సిట్‌ చంద్రబాబు ఇన్వెస్టిగేషన్‌ టీమ్‌ అంటూ ఆరోపించారు. సీబీఐతో విచారణ చేపట్టాలని వైఎస్సార్‌సీపీ డిమాండ్‌ చేస్తుందన్నారు. ఈ కార్యక్రమంలో పార్టీ జిల్లా ఉపాధ్యక్షుడు డాక్టర్‌ సీహెచ్‌ ఆదిశేషయ్య, పట్టణ పార్టీ అధ్యక్షుడు నాగులపాటి ప్రతాప్‌రెడ్డి, బూత్‌ కమిటీ జిల్లా అధ్యక్షుడు బాలిరెడ్డి సుధాకర్‌రెడ్డి, పార్టీ ఎస్సీ సెల్‌ రాష్ట్ర కార్యదర్శి కొండా వెంకటేశ్వర్లు, మండలాల కన్వీనర్లు పులగం శంకర్‌రెడ్డి, బిజివేముల పిచ్చిరెడ్డి, చెన్ను వెంకటేశ్వరరెడ్డి, కంటాబత్తిన రఘునాథరెడ్డి, పార్టీ జిల్లా ఆర్గనైజింగ్‌ కార్యదర్శి పులిమి రమేష్‌రెడ్డి, కౌన్సిలర్‌ కొండా స్వరూపరాణి, పార్టీ నాయకులు బట్రెడ్డి జనార్దన్‌రెడ్డి, నోటి వినయ్‌కుమార్‌రెడ్డి, బి.రవికుమార్‌రెడ్డి, ఎ.సుబ్బారెడ్డి, కల్పనారెడ్డి, ఎన్‌. ప్రసాద్‌, మీరామొహిద్దీన్‌, మునీర్‌, రహీం, జమ్రు, ఎన్‌.ప్రతాప్‌, గడ్డం శ్రీనివాసులురెడ్డి, హరిబాబు, బాలచెన్నయ్య తదితరులు పాల్గొన్నారు.

● సమ్మెలో 8 వేల మంది ఉద్యోగులు, కాంట్రాక్ట్‌ కార్మికులు ● అర్ధరాత్రి వరకు చర్చలు.. ఆఖరివరకు సస్పెన్స్‌నెల్లూరు (వీఆర్సీ సెంటర్‌): విద్యుత్‌ ఉద్యోగులు, కాంట్రాక్టు కార్మికుల సమస్యల పరిష్కారంపై ప్రభుత్వంతో చర్చలు కొనసాగుతుండడంతో తమ ‘పవర్‌’ ఏమిటో చూపించేందుకు సమ్మె బాట పట్టనున్నారు. తమ సమస్యల పరిష్కారం కోసం విద్యుత్‌ ఉద్యోగులు జేఏసీగా ఏర్పడి విద్యుత్‌ యాజమాన్యం, ప్రభుత్వం దృష్టికి తీసుకెళ్లినా ప్రయెజనం లేకపోవడంతో నెల రోజుల నుంచి దశల వారీ ఆందోళనలు నిర్వహిస్తున్నారు. విద్యుత్‌ ఉద్యోగుల ఆందోళనలు, నిరసనలను పట్టించుకోక పోవడంతో బుధవారం నుంచి సమ్మెలోకి వెళ్లేందుకు జేఏసీ పిలుపు నిచ్చింది. ఈ క్రమంలో మంగళవారం అర్ధరాత్రి వరకు ప్రభుత్వ పెద్దలతో జరిగిన చర్చలు విఫలం కావడంతో సమ్మె అనివార్యమైంది. జిల్లాలో ఏపీ ట్రాన్స్‌కో, ఏపీ డిస్కం, ఏపీ జెన్‌కోల్లో 8 వేల మందికి పైగా శాశ్వత ఉద్యోగులు, కాంట్రాక్టు, అవుట్‌ సోర్సింగ్‌ ప్రాతిపదికన విద్యుత్‌ సంస్థల్లో విధులు నిర్వహిస్తున్నారు. ఈ సంస్థల్లో ఉన్న రెండు యూనియన్లు మినహా దాదాపు అన్ని యూనియన్లు, అసోసియేషన్లు సమ్మెకు సిద్ధపడ్డాయి. దీంతో విద్యుత్‌ సంస్థలో పనిచేస్తున్న 90 శాతం మంది ఉద్యోగులు, కాంట్రాక్ట్‌ కార్మికులు సమ్మె లోకి వెళ్లనున్నారు. క్షేత్ర స్థాయిలో విధులు నిర్వహిస్తున్న లైన్‌మన్లు, అసిస్టెంట్‌ లైన్‌మన్లు, జూనియర్‌ లైన్‌మన్లు, లైన్‌ ఇన్‌స్పెక్టర్లు, షిప్టు ఆపరేటర్లు సమ్మెలో పాల్గొంటే ప్రజలకు విద్యుత్‌ కష్టాలు తప్పవనే చెప్పాలి. విద్యుత్‌ సరఫరాలో అంతరాయాలు ఏర్పడిన సందర్భాల్లో మరమ్మతు పనులు చేసేవారు లేక, విద్యుత్‌ సబ్‌ స్టేషన్లలో విధులు నిర్వహించే వారు లేకపోవడంతో దీని ప్రభావం నేరుగా విద్యుత్‌ వినియోగదారులు, ప్రజలపై పడే అవకాశం ఉంది. అయితే విజయవాడలోని విద్యుత్‌సౌదలో రాష్ట్ర చీఫ్‌ సెక్రటరీతో మంగళవారం సాయంత్రం పలు యూనియన్ల నాయకులు చర్చలకు హాజరయ్యారు. ఈ చర్చలు విఫలమైతే బుధవారం నుంచి సమ్మె తప్పదు. విద్యుత్‌ కార్మికుల ప్రధాన డిమాండ్లు ఇవే ● విద్యుత్‌ సంస్థల్లో పనిచేసే కాంట్రాక్టు, అవుట్‌ సోర్సింగ్‌ కార్మికులను విద్యుత్‌ సంస్థల్లో విలీనం చేయాలి. ● పెండింగ్‌లో ఉన్న నాలుగు డీఏలను వెంటనే విడుదల చేయాలి. ● ఇంజినీరింగ్‌, డిగ్రీ విద్యార్హత కలిగిన జూనియర్‌ ఇంజినీర్లను అసిస్టెంట్‌ ఎగ్జిక్యూటివ్‌ ఇంజినీర్‌గా పదోన్నతి కల్పించాలి. ● విద్యుత్‌ సంస్థలో కారుణ్య నియమాకాలను పాత పద్ధతిలో చేపట్టాలి. ● 33/11 కేవీ విద్యుత్‌ సబ్‌స్టేషన్లను కాంట్రాక్ట్‌కు ఇవ్వకుండా విద్యుత్‌ యాజమాన్యాలే నిర్వహించాలి. ● జూనియర్‌ లైన్‌మన్‌ గ్రేడ్‌–2లను అసిస్టెంట్‌ లైన్‌మన్లుగా పదోన్నతి కల్పించాలి. ● విద్యుత్‌ ఉద్యోగులు, పింఛనర్లకు అపరిమిత నగదు రహిత వైద్య సౌకర్యం అందించాలి.

బిట్రగుంట: బోగోలు మండలం కడనూతలలో రామిరెడ్డి సుబ్బరామిరెడ్డి ఇంజినీరింగ్‌ కళాశాల నిర్వహణకు స్థానిక అధికారులు అడ్డంకులు సృష్టిస్తుండడంపై జాతీయ మానవ హక్కుల కమిషన్‌ అధికారులు మంగళవారం సమగ్ర విచారణ చేపట్టారు. కళాశాల వసతి గృహం నుంచి పంట పొలాల్లోకి వస్తున్న వృథానీరు కారణంగా ఇబ్బందులు పడుతున్నామని స్థానిక టీడీపీ నాయకులు ఫిర్యాదు చేయడంతో పంచాయతీ అధికారులు ప్రాథమిక విచారణ కూడా చేపట్టకుండా, ప్రత్యామ్నాయం చూపించకుండా వృథా నీటిని బయటకు రాకుండా అడ్డుగా గ్రావెల్‌తో కట్టపోయించారు. దీంతో కళాశాలలోని సుమారు 2500 మంది విద్యార్థులు నిత్యం ఇబ్బందులు పడుతున్నారు. ఈ పరిస్థితిపై కళాశాల అధికారులు, స్థానిక అధికారులతో పాటు జాతీయ మానవహక్కుల కమిషన్‌కు కూడా ఫిర్యాదు చేశారు. దీంతో మానవహక్కుల కమిషన్‌ విచార ణ విభాగానికి చెందిన అధికారులు కుల్బీర్‌సింగ్‌, యతిప్రకాశ్‌ శర్మ, సంజయ్‌కుమార్‌తో కూడిన బృందం కళాశాలను సందర్శించి వివరాలు సేకరించారు. వివిధ శాఖల అధికారులతో కలిసి విచారణ చేపట్టారు. కళాశాల నుంచి వృథా నీరు బయటకు వెళ్లే మార్గాలు, గ్రామస్తుల అభ్యంతరాలపై విచారణ నిర్వహించారు. కళాశాల కరస్పాండెంట్‌, మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి, అధ్యాపకులు వాస్తవ పరిస్థితిని వివరించారు. స్థానిక టీడీపీ నాయకులు కూడా తమ అభ్యంతరాలు వ్యక్తం చేయడంతో విచారణ కొనసాగిస్తున్నారు.

● కలెక్టర్‌ హిమాన్షు శుక్లా నెల్లూరు (అర్బన్‌): భవిష్యత్‌ తరాల మనుగడకు ఆడ బిడ్డలను కాపాడుకోవడం మనందరి బాధ్యతని, లింగ నిర్ధారణ పరీక్షలు చేస్తే కఠిన చర్యలు తీసుకుంటామని కలెక్టర్‌ హిమాన్షుశుక్లా అన్నారు. అంతర్జాతీయ బాలికాదినోత్సవాన్ని పురస్కరించుకుని వారోత్సవాల్లో భాగంగా మంగళవారం ఐసీడీఎస్‌, వైద్యశాఖ ఆధ్వర్యంలో విద్యార్థులు, మహిళా ఉద్యోగులతో భారీ ర్యాలీ జరిగింది. ఈ ర్యాలీని నగరంలోని డీకేడబ్ల్యూ కళాశాల వద్ద కలెక్టర్‌ హిమాన్షు శుక్లా జెండా ఊపి ప్రారంభించారు. ర్యాలీ కేవీఆర్‌ పెట్రోల్‌ బంకు మీదుగా ట్రంకు రోడ్డులో కొనసాగింది. ఈ సందర్భంగా కలెక్టర్‌ మాట్లాడుతూ తల్లిదండ్రులు తమ బిడ్డలను పుట్టినప్పటి నుంచే ఆడైనా.. మగైనా సమానమే అనే భావంతో పెంచాలన్నారు. స్కానింగ్‌ ద్వారా ఆడబిడ్డ అని తెలుసుకుని అబార్షన్‌ చేయించి బ్రూణ హత్యలకు పాల్పడం అమానుషమన్నారు. ఎక్కడైనా లింగ నిర్ధారణ చేసినట్టు తేలితే అలాంటి డాక్టర్లపై కఠిన చర్యలు తీసుకుంటామని హెచ్చరించారు. రేపటి తరాల ఆశాజ్యోతి, ఇంటికి కానుక, వెలుగు ఆడ పిల్ల అన్నారు. ఆడ బిడ్డ చదువుకుంటే కుటుంబంతో పాటు సమాజం ఎంతో వృద్ధి చెందుతుందన్నారు. మహిళలు మగ వారితో సమానంగా అన్ని పనులు చేస్తున్నారన్నారు. ఆమె ఔన్నత్యం గొప్పదన్నారు. ఈ కార్యక్రమంలో ఐసీడీఎస్‌ పీడీ హేనాసుజన్‌, డీఎంహెచ్‌ఓ సుజాత, బాలల సంరక్షణ అధికారి సురేష్‌, ఇంటర్మీడియట్‌ ప్రాంతీయ అధికారి వరప్రసాద్‌, ఐసీడీఎస్‌, వైద్య ఆరోగ్యశాఖల సిబ్బంది, విద్యార్ధినిలు పాల్గొన్నారు. మహిళా ఉద్యోగులు, విద్యార్థినులతో కలిసి ర్యాలీలో పాల్గొన్న హిమాన్షు శుక్లా జెండా ఊపి ర్యాలీని ప్రారంభిస్తున్న కలెక్టర్‌ హిమాన్షు శుక్లా

నెల్లూరు(బృందావనం): ప్రముఖ పుణ్యక్షేత్రం శ్రీశైలం దేవస్థానం ఆలయ పాలక మండలి ప్రత్యేక ఆహ్వానితులుగా వర్చ్యూసా లైఫ్‌ స్పేసెస్‌ ఇండియా ప్రైవేట్‌ లిమిటెడ్‌ సీఎండీ వాయిగుండ్ల వెంకట్‌తో సోమవారం ప్రమాణ స్వీకారం చేశారు. ఆ దేవస్థానం కార్యనిర్వహణాధికారి శ్రీనివాసరావు ప్రమాణ స్వీకారం చేయించారు. ఈ కార్యక్రమంలో మంత్రులు సత్యకుమార్‌యాదవ్‌, కొలుసు పార్థసారథి హాజరయ్యారు. తమ సంస్థ అధినేతకు శ్రీశైలంలో భక్తులు సేవ చేసే అవకాశం లభించడంపై ఆ కంపెనీ సీజీఎంలు అభినవరాజు, సుధాకర్‌, సత్తార్‌, విజయకుమార్‌, కాంచన ప్రసాద్‌ సిబ్బంది హర్షం వ్యక్తం చేశారు. నేడు చైన్నె–నెల్లూరు మెమూ రైళ్ల రద్దు నాయుడుపేటటౌన్‌: చైన్నె–నెల్లూరు మధ్య నడిచే మెమూ (నంబరు 66035, 66036) రైళ్లు మంగళవారం పూర్తిగా రద్దు చేసినట్లు రైల్వే అధికారులు సోమవారం తెలిపారు. తడ, సూళ్లూరుపేట ప్రాంతాల్లో రైల్వే లైన్ల మరమ్మతుల కారణంగా రైల్వే ఉన్నతాధికారుల ఆదేశాల మేరకు మెమూ రైళ్లను తాత్కాలికంగా రద్దు చేశామన్నారు. ప్రయాణికులు గమనించాలని కోరారు.

కోవూరు: ప్రజా సమస్యలతోపాటు అధికార పార్టీ నేతల అవినీతి, అక్రమాలను వెలుగులోకి తెచ్చే విధంగా నిజాలు రాస్తే ‘సాక్షి’ పత్రికపై కక్ష సాధించడం విచారకరమని వైఎస్సార్‌సీపీ పీఏసీ సభ్యుడు, మాజీ మంత్రి నల్లపరెడ్డి ప్రసన్నకుమార్‌రెడ్డి ఆవేదన వ్యక్తం చేశారు. సోమవారం కోవూరులోని వైఎస్సార్‌సీపీ కార్యాలయంలో విలేకరుల సమావేశంలో మాట్లాడారు. వాస్తవాలను రాసిన విలేకరుల ఇళ్లల్లో మద్యం అమ్మకాలు చేస్తున్నారంటూ సోదాలు చేయడం, విచారణ పేరుతో అర్ధరాత్రి, తెల్లవారు జామున ఇళ్లకు వెళ్లి నోటీసుల పేరుతో అలజడి సృష్టించడం ఏమిటని ప్రసన్న ప్రశ్నించారు. చంద్రబాబూ.. మీ పార్టీ నేతలు నకిలీ మద్యం తయారు చేయడం నిజం కాదా? నీ గ్యాంగ్‌తో రాష్ట్రం మొత్తం విక్రయించింది అబద్ధమా? అని నిలదీశారు. ఇవే నిజాలు కాబట్టే మీ పార్టీ నేతలపై కేసులు పెట్టారు. ఇవన్నీ నిజాలు కాబట్టే ‘సాక్షి’ పత్రిక నకిలీ మద్యం వ్యాపారం గురించి, అది తాగి చనిపోయిన వారి గురించి వాస్తవాలు వెల్లడించిందని గ్రామాల్లో, పట్టణాల్లో విషపూరిత మద్యం వ్యాపారాలు ఎలా సాగుతున్నాయో ప్రజలకు చూపించింది. నిజాలను జీర్ణించుకోలేకనే.. విచారణ పేరుతో వేధింపులకు దిగుతుందని ధ్వజమెత్తారు. నకిలీ మద్యం తయారీకి కారణమైన పార్టీ నేతలతోపాటు పోలీసులు, ఎకై ్సజ్‌ అధికారులపై చర్యలు తీసుకోవడం మాని, వాస్తవాలను రాసిన ‘సాక్షి’ ఎడిటర్‌ ధనుంజయరెడ్డి, జిల్లా బ్యూరో ఇన్‌చార్జి మస్తాన్‌రెడ్డికి నోటీసులు జారీ చేయడం, మండల రిపోర్టర్‌ ఇంట్లో సోదాలు చేయడం మంచిది కాదన్నారు. నకిలీ మద్యం మాఫియాలు ఎవరి రక్షణలో పనిచేస్తున్నాయో ప్రభుత్వం సమాధానం చెప్పాలన్నారు. ఈ దుర్మార్గాన్ని బయట పెట్టిన పత్రికను బెదిరించడం అంటే ప్రజల గొంతును నొక్కడమే అన్నారు. ప్రజాస్వామ్యంలో మీడియా నాల్గో స్తంభం. ఆ స్తంభాన్నే కూలగొట్టే ప్రయత్నం జరుగుతోందని ప్రసన్న ఆగ్రహం వ్యక్తం చేశారు. విలేకరుల ఇళ్లల్లో సోదాలు చేయడం అప్రజాస్వామ్యం అర్ధరాత్రి పూట, తెల్లవారు జామున వెళ్లి నోటీసులా? నకిలీ మద్యం తయారు చేసింది నిజం కాదా? నీ గ్యాంగ్‌తో అమ్మించింది అబద్ధమా? వైఎస్సార్‌సీ పీఏసీ సభ్యుడు ప్రసన్నకుమార్‌రెడ్డి

● కలెక్టర్‌ హిమాన్షు శుక్లా నెల్లూరురూరల్‌: ఆధునిక వ్యవసాయంలో పెరుగుతున్న పెట్టుబడులు, తగ్గిపోతున్న ఆదాయాల నేపథ్యంలో జిల్లాలో వినూత్నంగా చాంపియన్‌ ఫార్మర్‌ (వ్యవసాయ విజేతలు) అనే నూతన విధానాన్ని ప్రయోగాత్మకంగా అమలు చేయబోతున్నట్లు కలెక్టర్‌ హిమాన్షు శుక్లా తెలిపారు. సోమవారం సాయంత్రం కలెక్టరేట్‌లోని ఎస్‌ఆర్‌ శంకరన్‌ హాల్లో వివిధ అంశాలపై సబ్‌కలెక్టర్‌, ఆర్డీఓలు, మున్సిపల్‌ కమిషనర్లు, ఎంపీడీఓలు, తహసీల్దార్లతో కలెక్టర్‌ వీడియో కాన్ఫరెన్స్‌ నిర్వహించారు. కలెక్టర్‌ మాట్లాడుతూ ప్రతి మండలంలోని ఒక గ్రామంలో నెలలో ఒక రోజు సివిల్‌ రైట్స్‌ డే నిర్వహించాలన్నారు. యానాదులు ఎక్కువగా ఉన్నందున వారికి అధిక ప్రాధాన్యత నివ్వాలన్నారు. కేవలం భూ సంబంధ విషయాలే కాకుండా మిగిలిన అన్ని సమస్యలపై చర్చించాలన్నారు. మండల, డివిజనల్‌ స్థాయిలో పరిష్కారమయ్యే కేసులను జిల్లా కేంద్రం వరకు తీసుకురాకూడదన్నారు. జిల్లాలోని అర్హత కలిగిన ప్రతి ఒక్క కౌలు రైతులకు సీసీఆర్సీ కార్డులు అందజేయాలన్నారు. వారికి బ్యాంకుల ద్వారా రుణాలు ఇప్పించేందుకు చర్యలు తీసుకోవాలన్నారు. నూతన వ్యవసాయ విధానంలో భాగంగా జిల్లాలోని 722 గ్రామ పంచాయతీల నుంచి ఔత్సాహిక రైతులను ఎంపిక చేసి వారిని వ్యవసాయ విజేతలుగా తీర్చిదిద్దుతామన్నారు. ప్రస్తుత కాలంలో సీజనల్‌ వ్యాధులు ప్రబలే అవకాశం ఉన్నందున ముందస్తు జాగ్రత్తలు తీసుకోవాలన్నారు. ముఖ్యంగా గ్రామాల్లో పారిశుధ్యంపై ప్రత్యేక దృష్టి పెట్టాలన్నారు. ఈ సమావేశంలో జాయింట్‌ కలెక్టర్‌ ఎం వెంకటేశ్వర్లు, డీఆర్‌ఓ విజయ్‌కుమార్‌, జెడ్పీ సీఈఓ మోహన్‌రావు, జిల్లా వ్యవసాయ అధికారి సత్యవాణి, సోషల్‌ వెల్ఫేర్‌ డీడీ శోభారాణి తదితరులు పాల్గొన్నారు.

● మాజీ మంత్రి నల్లపరెడ్డి ప్రసన్నకుమార్‌రెడ్డి కోవూరు: ప్రభుత్వ వైద్య కళాశాలల ప్రైవేటీకరణను వ్యతిరేకిస్తూ వైఎస్సార్‌సీపీ ఆధ్వర్యంలో పోరాటం చేస్తున్నట్లు మాజీ మంత్రి, ఆ పార్టీ పీఏసీ సభ్యుడు నల్లపరెడ్డి ప్రసన్నకుమార్‌రెడ్డి తెలిపారు. కోవూరులోని ఆ పార్టీ కార్యాలయంలో సోమవారం ఆయన విలేకరుల సమావేశంలో మాట్లాడారు. వైఎస్సార్‌సీపీ ప్రభుత్వంలో వైఎస్‌ జగన్‌మోహన్‌రెడ్డి వైద్యానికి పెద్దపీట వేశారన్నారు. పేద విద్యార్థులు వైద్య విద్యనభ్యసించేందుకు 17 వైద్య కళాశాలలకు శ్రీకారం చుట్టారన్నారు. అయితే సీఎం చంద్రబాబు దుర్మార్గపు ఆలోచనతో కళాశాలలను ప్రైవేట్‌పరం చేస్తున్నారన్నారు. ఎంబీబీఎస్‌ చదవాలంటే రూ.కోట్లు ఖర్చు చేయాల్సిన పరిస్థితి ఉందన్నారు. పులివెందుల మెడికల్‌ కళాశాలకు 50 సీట్లు మంజూరైతే, తమకొద్దంటూ ఎన్‌ఎంసీకి లేఖ రాసిన ఘనుడు చంద్రబాబు అని చెప్పారు. కూటమి ప్రభుత్వం రూ.2 లక్షల కోట్లు అప్పు చేసిందని, ఆ డబ్బంతా ఏం చేశారో చెప్పాలని డిమాండ్‌ చేశారు. రూ.5 వేల కోట్లతో కళాశాలలకు జీవం వస్తుందన్నారు. వైద్య కళాశాలలు కార్పొరేట్‌ సంస్థల చేతుల్లోకి వెళ్తే ఎస్సీ, ఎస్టీ, బీసీ, ముస్లిం, మైనారిటీల బిడ్డలు వైద్య విద్య చదువుకోలేని పరిస్థితి ఏర్పడుతుందన్నారు. ఈనెల 28న నియోజకవర్గ కేంద్రాల్లో ర్యాలీలు జరుగుతాయన్నారు. పోరుబాటలో భాగంగా కోటి సంతకాల సేకరణతోపాటు దశల వారీగా నిరసన కార్యక్రమాలను చేపడతామన్నారు. యువత, మేధావులు, వామపక్షాలు తదితరులు ఈ పోరాటంలో భాగస్వాములు కావాలని పిలుపునిచ్చారు. ఎన్నికలు ఎప్పుడు జరుగుతాయా అని ప్రజలు ఎదురు చూస్తున్నట్లు చెప్పారు. రౌడీయిజం, దౌర్జన్యాలు చేస్తే జనం ఊరుకోరన్నారు. సమావేశంలో వైఎస్సార్‌సీపీ నియోజకవర్గ పరిశీలకుడు కొండూరు అనిల్‌బాబు, ఏపీఎల్‌డీఏ చైర్మన్‌ విజయకుమార్‌, జిల్లా రైతు విభాగం అధ్యక్షుడు నరసింహారెడ్డి, జెడ్పీటీసీ సభ్యురాలు శ్రీలత, సీనియర్‌ నాయకులు రాధాకృష్ణారెడ్డి, మల్లికార్జునరెడ్డి, మండల కన్వీనర్లు అనూప్‌రెడ్డి, శ్రీనివాసులురెడ్డి, సతీష్‌రెడ్డి, నవీన్‌కుమార్‌రెడ్డి, శేషగిరిరావు, షాహుల్‌ తదితరులు పాల్గొన్నారు.

● పోలీసుల దృష్టికి తీసుకెళ్లిన బాధితులు నెల్లూరు(వీఆర్సీసెంటర్‌): ఆస్తి కోసం పిల్లలు వేధిస్తున్నారని పలువురు వృద్ధులు ఫిర్యాదు చేశారు. సోమవారం నెల్లూరులోని ఉమేష్‌చంద్ర కాన్ఫరెన్స్‌ హాల్లో ప్రజా సమస్యల పరిష్కార వేదిక కార్యక్రమం జరిగింది. జిల్లా నలుమూలల నుంచి 125 మంది విచ్చేసి ఫిర్యాదులను ఎస్పీ అజితకు అందజేశారు. ఆమె స్వయంగా అర్జీదారుల వద్దకెళ్లి మాట్లాడారు. న్యాయం చేస్తామని భరోసా ఇచ్చారు. కార్యక్రమంలో రూరల్‌ డీఎస్పీ శ్రీనివాసరావు, ఎస్‌బీ డీఎస్పీ శ్రీనివాసరావు, లీగల్‌ అడ్వైజర్‌ శ్రీనివాసులురెడ్డి, పీసీఆర్‌ సీఐ భక్తవత్సలరెడ్డి, ఎస్‌బీ సీఐ శ్రీనివాసరెడ్డి తదితరులు పాల్గొన్నారు. వినతుల్లో కొన్ని.. ● నా వయసు 73 సంవత్సరాలు. చిన్న కుమారుడు బాగోగులు పట్టించుకోవడం లేదు. ఇంటికి తాళం వేసి వెళ్లిపోవాలని బెదిరిస్తున్నాడని ఆత్మకూరు ప్రాంతానికి చెందిన ఓ వృద్ధుడు ఫిర్యాదు చేశాడు. ● నాకు పిల్లల్లేరు. సోదరి కుమారుడైన కాకర్ల పెంచలయ్యను పెంచాను. అతను నా ఇల్లు, ఆస్తి ఇవ్వాలని ఇబ్బందులకు గురిచేస్తున్నాడని చేజర్ల ప్రాంతానికి చెందిన 85 సంవత్సరాల వృద్ధుడు వినతిపత్రమిచ్చాడు. ● టెలిగ్రామ్‌ యాప్‌ ద్వారా పరిచయమైన ఓ వ్యక్తి బిట్‌కాయిన్‌ ట్రేడింగ్‌లో పెట్టుబడి పెడితే అధిక లాభాలు వస్తాయని నమ్మించాడు. అతడికి రూ.6 లక్షలు పంపాను. ఇప్పుడు స్పందించడం లేదని ఇందుకూరుపేట ప్రాంతానికి చెందిన ఓ వ్యక్తి వెల్లడించాడు. ● పుత్తూరు ప్రాంతానికి చెందిన హేమంత్‌ సాఫ్ట్‌వేర్‌ ఉద్యోగం ఇప్పిస్తానని నమ్మించి రూ.4.50 లక్షలు తీసుకుని మోసగించాడని రాపూరు ప్రాంతానికి చెందిన ఓ వ్యక్తి ఫిర్యాదు చేశాడు. ● తన కుమార్తె ఆగస్టు నెల నుంచి కనిపించడం లేదని, ఆచూకీ కనుక్కోవాలని నెల్లూరు నగరానికి చెందిన ఓ మహిళ ఫిర్యాదు చేశారు. ● భర్త, అత్తమామలు, ఆడపడుచులు అదనపు క ట్నం కోసం వేధిస్తున్నారు. భర్త మద్యం తాగొచ్చి ఇంట్లో బంధించి చిత్రహింసలకు గురి చేస్తున్నారని, కౌన్సెలింగ్‌ చేసి కాపురాన్ని చక్కదిద్దాలని కందుకూరు ప్రాంతానికి చెందిన ఓ మహిళ వినతిపత్రం అందజేసింది. ● భర్త చిత్రహింసలకు గురిచేస్తున్నాడు. దగదర్తి పోలీస్‌స్టేషన్‌లో ఫిర్యాదు చేశాను. భర్తతో కలిసి మరిది బెదిరిస్తున్నాడు. నా కుమారుడిని తీసుకెళ్లేందుకు అత్త ప్రయత్నిస్తోంది. రక్షణ కల్పించాలని దగదర్తి ప్రాంతానికి చెందిన ఓ మహిళ వేడుకుంది.

● రోడ్డు ప్రమాదంలో వైఎస్సార్‌సీపీ నాయకుడి మృతి కావలి(అల్లూరు): రోడ్డు ప్రమాదంలో కావలికి చెందిన వైఎస్సార్‌సీపీ నాయకుడు పాలవల్లి పద్మనాభరెడ్డి (58) మృతిచెందిన ఘటన ముంగమూరు జాతీయ రహదారిపై ఆదివారం రాత్రి జరిగింది. స్థానికుల కథనం మేరకు వివరాలిలా ఉన్నాయి. మాజీ ఎమ్మెల్యే కాటంరెడ్డి విష్ణువర్ధన్‌రెడ్డికి ముఖ్య అనుచరుడైన పద్మనాభరెడ్డి వైఎస్సార్‌సీపీలో కీలకంగా ఉన్నారు. అల్లూరు నుంచి పద్మనాభరెడ్డి, రామకోటారెడ్డి మోటార్‌బైక్‌పై బయలుదేరారు. కొంత దూరం వెళ్లి యూటర్న్‌ తీసుకుంటున్న తరుణంలో వెనుక నుంచి కారు ఢీకొట్టింది. స్థానికులు వెంటనే వారిని నెల్లూరు అపోలో ఆస్పత్రికి తరలించగా పద్మనాభరెడ్డి మృతిచెందినట్లు డాక్టర్లు నిర్ధారించారు. రామకోటారెడ్డికి కాళ్లు విరిగి తీవ్రంగా గాయపడ్డాడు.

● సీనియర్‌ సివిల్‌ జడ్జి కె.వాణినెల్లూరు(అర్బన్‌): బాలభవిత (అర్లీ ఇంటర్‌వెన్షన్‌) కేంద్రంలోని పిల్లలకు అండగా ఉంటామని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి కె.వాణి తెలిపారు. నెల్లూరులోని ప్రభుత్వ సర్వజన ఆస్పత్రి ఆవరణలో ఉన్న కేంద్రాన్ని సోమవారం ఆమె తనిఖీ చేశారు. న్యాయవిజ్ఞాన సదస్సు నిర్వహించారు. ఈ సందర్భంగా వాణి మాట్లాడుతూ పుట్టుకతో లోపాలున్న వారికి, గ్రహణమొర్రి, గ్రహణ శూల, సకాలంలో మాట్లాడలేకపోవడం, వినలేకపోవడం సమస్యలున్న పిల్లలకు కేంద్రం అండగా ఉంటుందన్నారు. పిల్లలకు గుండె ఆపరేషన్లు, రూ.లక్షల విలువ చేసే కాక్‌టెయిల్‌ ఇంప్లాంట్‌ ఆపరేషన్లు కూడా ఉచితంగా చేయిస్తున్నారన్నారు. పిల్లలకు ఏమి అవసరమైనా సంస్థ తరఫున అండగా ఉంటామన్నారు. ఇందుకోసం టోల్‌ ఫ్రీ నంబర్‌ 15100 ద్వారా తమను సంప్రదించవచ్చన్నారు. కార్యక్రమంలో కేంద్రం నోడల్‌ అధికారి డాక్టర్‌ యశ్వంత్‌, చిన్నపిల్లల డాక్టర్‌ సురేష్‌బాబు, డాక్టర్‌ పావని, మేనేజర్‌ జమీర్‌, పారా లీగల్‌ వలంటీర్‌ శ్రీనివాసులు, వేణుగోపాల్‌ తదితరులు పాల్గొన్నారు.

● కారు ఢీకొని వ్యక్తి మృతివెంకటాచలం: రోడ్డు దాటుతుండగా గుర్తుతెలియని కారు ఢీకొనడంతో ఓ వ్యక్తి మృతిచెందిన ఘటన మండలంలోని కాకుటూరు వద్ద సోమవారం జరిగింది. పోలీసుల కథనం మేరకు.. కాకుటూరు గ్రామానికి చెందిన కొండలరావు (47) విక్రమ సింహపురి యూనివర్సిటీలో సెక్యూరిటీ గార్డు పనిచేస్తున్నాడు. పని నిమిత్తం తన నివాసం నుంచి జాతీయ రహదారి దాటుతుండగా గూడూరు వైపు నుంచి నెల్లూరు వైపు వెళ్తున్న గుర్తుతెలియని కారు ఢీకొట్టి వెళ్లిపోయింది. కొండలరావు తీవ్రంగా గాయపడి అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం జిల్లా ప్రభుత్వాస్పత్రికి తరలించారు. కేసు నమోదు చేశారు.

● కలెక్టరేట్‌లో ‘ప్రజా సమస్యల పరిష్కార వేదిక’ ● 500 దాటిన అర్జీల సంఖ్యనెల్లూరు రూరల్‌: ‘అయ్యా చాలాదూరం నుంచి వచ్చాం. మా వినతులు పరిశీలించి న్యాయం చేయండి’ అంటూ ప్రజలు అధికారులను కోరారు. నెల్లూరు కలెక్టరేట్‌లోని తిక్కన ప్రాంగణంలో సోమవారం ప్రజా సమస్యల పరిష్కార వేదిక కార్యక్రమం జరిగింది. కలెక్టర్‌ హిమాన్షు శుక్లా, జేసీ మొగిలి వెంకటేశ్వర్లు, డీఆర్వో విజయకుమార్‌, డీపీఓ శ్రీధర్‌రెడ్డి, హౌసింగ్‌ పీడీ వేణుగోపాల్‌ ప్రజల నుంచి అర్జీలు స్వీకరించారు. రికార్డు స్థాయిలో 505 అర్జీలు వచ్చాయి. అందులో అధికంగా రెవెన్యూ శాఖవి ఉన్నాయి. చర్యలకు డిమాండ్‌ కండలేరు జలాశయంలో అక్రమంగా చేపల వేట సాగిస్తూ యానాదుల పొట్టకొడుతున్న వారిపై చర్యలు తీసుకోవాలని యానాదుల సంక్షేమ సంఘం ఆధ్వర్యంలో కలెక్టరేట్‌ ఎదుట ధర్నా నిర్వహించారు. అనంతరం కలెక్టర్‌కు వినతిపత్రం సమర్పించారు. ఈ సందర్భంగా ఆ సంఘం రాష్ట్రాధ్యక్షుడు కేసీ పెంచలయ్య మాట్లాడుతూ కొందరు ముఠాగా ఏర్పడి చేపల వేట సాగిస్తున్నట్లు ఆరోపించారు. కలెక్టర్‌ సానుకూలంగా స్పందించారని, వెంటనే చర్యలు తీసుకోవాలని మత్స్య శాఖ జేడీని ఆదేశించినట్లు తెలిపారు. కార్యక్రమంలో మానికల మురళి, చెంబేటి ఉష, బిట్రా ప్రసాద్‌, సోమయ్య తదితరులు పాల్గొన్నారు. ఎమ్మార్పీఎస్‌ నిరసన సుప్రీంకోర్టు చీఫ్‌ జస్టిస్‌ బీఆర్‌ గవాయ్‌పై దాడికి యత్నించడాన్ని ఖండిస్తూ ఎమ్మార్పీఎస్‌ నేతలు కలెక్టరేట్‌ ఎదుట నిరసన తెలిపారు. జిల్లా అధ్యక్షుడు అంబేడ్కర్‌ మాదిగ, ఉపాధ్యక్షుడు ఉదయకృష్ణ మాదిగ మాట్లాడుతూ ఇలాంటి ఘటనలు పునరావృతం కాకుండా చూడాలన్నారు. అన్ని మండలాల నాయకులు, కార్యకర్తలు పాల్గొన్నారు. బిల్లులు విడుదల చేయాలంటూ.. మధ్యాహ్న భోజన పథకం నిర్వాహకులకు పెండింగ్‌లో ఉన్న బిల్లులు, వేతనాలను వెంటనే విడుదల చేయాలంటూ ఆ యూనియన్‌ అధ్యక్షురాలు తుమ్మారెడ్డి రేవతి, కార్యదర్శి రెహానా బేగం కలెక్టర్‌కు వినతిపత్రం సమర్పించారు. అనంతరం వారు మాట్లాడుతూ బిల్లులు పెండింగ్‌లో ఉండటంతో భోజనం పెట్టడం కష్టమవుతోందన్నారు. సుహాసిని తదితరులు పాల్గొన్నారు. జీతాలు అందించాలి జిల్లాలో సీహెచ్‌సీల్లో పనిచేసే శానిటేషన్‌ సిబ్బందికి ఆరునెలలుగా జీతాలు అందడం లేదంటూ ఎస్టీ, ఎస్టీ సెల్‌ జిల్లా అధ్యక్షుడు చేమూరు రవికుమార్‌ ఆధ్వర్యంలో నిరసన కార్యక్రమం జరిగింది. ఫస్ట్‌ ఆబ్జెక్ట్‌ అనే సంస్థ టెండర్‌ దక్కించుకుందన్నారు. ఇది ఎమ్మెల్యే యార్లగడ్డ వెంకట్రావు బినామీగా తెలుస్తోందన్నారు. పలుమార్లు జిల్లా అధికారులను సంప్రదించిన ఫలితం లేదన్నారు. కార్యక్రమంలో సురేఖ, కీర్తి, మౌనిక, సుమ హరిబాబు తదితరులు పాల్గొన్నారు. భూ ఆక్రమణపై ఫిర్యాదు తమకు పూర్వీకుల నుంచి సంక్రమించిన భూమిని కొందరు బెదిరించి ఆక్రమించారని వలేటివారిపాళెం మండలం తూర్పు పోలినేనిపాళెం గ్రామస్తులు పోకూరు కోటయ్య కలెక్టర్‌కు వినతిపత్రం సమర్పించారు. తాను పుట్టు మూగవాడినని, భార్యకు పక్షవాతం వచ్చిందని అర్జీలో పేర్కొన్నారు. గ్రామానికి చెందిన వెంకటేశ్వర్లు, కొండయ్య, సింహాద్రి, పాపారావు, సింగయ్య, ముసలయ్య మమ్మల్ని కొట్టి భూమిని ఆక్రమించినట్లు చెప్పారు. కోర్టు అనుకూలంగా తీర్పు ఇచ్చిందన్నారు. వీఆర్వో, సర్వేయర్‌ తప్పుడు రిపోర్టులు ఇచ్చారన్నారు. ఎస్సై దగ్గరికి వెళితే స్టేషన్‌ పరిధిలో కనిపిస్తే జైల్లో వేస్తానని చెప్పారన్నారు. రక్షణ కల్పించాలని వేడుకున్నారు. వేలం నిర్వహించకుండానే.. బహిరంగ వేలం నిర్వహించకుండా విష్ణు ఆలయానికి సంబంధించిన టేకుతో సహా దాదాపు రూ.40 లక్షలకు సంబంధించిన మెటీరియల్‌ను అమ్ముకున్నారని తోటపల్లిగూడూరు మండలం వరిగొండ గ్రామానికి చెందిన గండవరపు వెంకటరామిరెడ్డి కలెక్టర్‌కు ఫిర్యాదు చేశారు. ఆయన మాట్లాడుతూ జ్వాలాముఖి దేవస్థానం చైర్మన్‌ భర్త కోడూరు శ్రీనివాసులురెడ్డి అలియాస్‌ బాబిరెడ్డి ప్రజలను భయపెట్టి టేకుతో తయారుచేసిన తలుపులు, కిటికీలు, చెక్కలు తదితరాలు అమ్ముకుని దోచేస్తున్నారన్నారు. ఈఓ తాతా శ్రీనివాసరావు చిన్న ఘటనలపై ప్రజలపై కేసులు పెడుతుంటారని, కుంభకోణం జరిగినా నిమ్మకునీరెత్తినట్లు వ్యవహరిస్తున్నారని ఆరోపించారు.

● సొంత ఆటో లేకుండానే టీడీపీ కార్యకర్తకు పథకం వర్తింపు ● ఆయన స్వతహాగా వ్యవసాయదారుడు ● అర్హులకు దక్కని వైనం మర్రిపాడు: కూటమి ప్రభుత్వ పాలనలో పథకాలు అర్హత లేకపోయినా తమ్ముళ్లకే దక్కుతున్నాయనేందుకు ‘ఆటోడ్రైవర్ల సేవలో’ పథకం దర్పణంగా నిలుస్తోంది. జిల్లాలో సొంత ఆటోలు కలిగిన డ్రైవర్లు సుమారు 40 వేల మంది వరకు ఉన్నారు. వీరందరూ ఈ పథకం లబ్ధి కోసం దరఖాస్తు చేసుకున్నప్పటికీ అనేక కొర్రీలు వేసి చివరకు 17,406 మందికి ఈ పథకాన్ని వర్తింప చేశారు. అనర్హుడైన పక్కా టీడీపీ కార్యకర్తకు ఏ విధంగా లబ్ధి చేకూర్చారో అధికారులే సెలవివ్వాల్సి ఉంది. నిరుపేద ఆటోడ్రైవర్లకు ఆర్థికంగా అండగా నిలబడేందుకు అంటూ ప్రభుత్వ పెద్దలు గొప్పలు చెప్పినా.. అమల్లో మాత్రం రాజకీయ సిఫారసులకు ప్రాధాన్యత లభించిందనే ఆరోపణలు వెల్లువెత్తుతున్నాయి. మర్రిపాడు మండలంలోని పల్లవోలు గ్రామానికి చెందిన టీడీపీ కార్యకర్త ముప్పాళ్ల జయవర్ధన్‌కు అసలు ఆటోనే లేదు. అతను ఆటోడ్రైవర్‌ కూడా కాదు. జయవర్ధన్‌ వ్యవసాయం చేస్తుంటాడు. అయినా ‘ఆటోడ్రైవర్ల సేవలో’ లబ్ధిదారుడిగా ఎంపిక కావడం స్థానికుల్లో చర్చనీయాంశమైంది. జయవర్ధన్‌కు AP39 UX3918 నంబరుతో ఆటో ఉన్నట్లు లబ్ధిదారుల జాబితాలో చూపించారు. రవాణాశాఖ రికార్డుల ప్రకారం ఈ ఆటోకు మర్రిపాడు మండలం వెంగంపల్లి పంచాయతీలోని భీమవరం గ్రామానికి చెందిన గోవిందు కృష్ణారెడ్డి యజమానిగా ఉన్నారు. జయవర్ధన్‌ ఎవరిదో ఆటోలో కూర్చొని ఫొటో తీసుకుని ‘ఆటోడ్రైవర్ల సేవలో’ పథకం దరఖాస్తుతో జతచేసి, ఆటోడ్రైవర్‌లా చూపించి పథకాన్ని పొందినట్లు తెలుస్తోంది. దీనిపై గ్రామస్తులు సైతం ఎంపీడీఓకు ఆధారాలతో ఫిర్యాదు చేశారు. ఇదే గ్రామానికి చెందిన అర్హుడైన షేక్‌ అజామ్‌ అనే ఆటోడ్రైవర్‌కు లబ్ధి చేకూరలేదు. అర్హులైన ఆటోడ్రైవర్లకు చేకూరాల్సిన పథకాన్ని టీడీపీ నేతలు తప్పుడు ధ్రువపత్రాలతో దరఖాస్తు చేసుకుని లబ్ధిపొందుతున్నారని అర్హులైన లబ్ధిదారులు ఆరోపిస్తున్నారు. విచారించి చర్యలు తీసుకుంటాం ‘ఆటోడ్రైవర్ల సేవలో’ పథకం కింద అనర్హులు లబ్ధిపొంది ఉంటే వారిపై చర్యలు తీసుకుంటాం. లబ్ధి చేకూరని అర్హులకు న్యాయం జరిగేలా మరోసారి ప్రభుత్వానికి ప్రతిపాదిస్తాం. అర్హులందరికీ పథకం ద్వారా నిధులు మంజూరయ్యేలా చూస్తాం. – మనోహర్‌రాజ్‌, ఎంపీడీఓ, మర్రిపాడు

● మాజీ మంత్రి కాకాణి గోవర్ధన్‌రెడ్డి వెంకటాచలం: పేదల ఇళ్ల స్థలాలు, ఇళ్ల జోలికి వస్తే ఉపేక్షించే ప్రసక్తే లేదని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి హెచ్చరించారు. మండలంలోని చవటపాళెంలో ఆదివారం కాకాణి పర్యటించారు. ఈ సందర్భంగా కాకాణి స్థానికులతో కలిసి మాట్లాడుతూ వైఎస్సార్‌సీపీ ప్రభుత్వంలో పేదల ఇళ్ల నిర్మాణం కోసం ప్రభుత్వ భూముల్లో లేఅవుట్లు వేసి పారదర్శకంగా ఇళ్ల స్థలాలు కేటాయించడం జరిగిందని చెప్పారు. కూటమి ప్రభుత్వం వచ్చాక పేదలకు ఇచ్చిన ఇళ్ల పట్టాలు రద్దు చేయించి ఆ స్థలాలను అప్పనంగా టీడీపీకి చెందిన వారికి కట్టబెట్టేందుకు కుట్రలు చేస్తున్నారని ఆరోపించారు. అర్హత కలిగిన పేదలకు చెందిన ఇళ్ల స్థలాల జోలికి వస్తే అధికారులు మూల్యం చెల్లించుకోక తప్పదన్నారు. పేదలకు చెందిన ఇళ్ల స్థలాలను కబ్జా చేయాలని ఎవరు ప్రయత్నించినా క్షమించబోమన్నారు. అధికారులు అత్యుత్సాహంతో పేదల ఇళ్ల పట్టాలు రద్దు చేసేందుకు నోటీసులు ఇస్తే న్యాయ స్థానాన్ని ఆశ్రయించి పేదల పక్షాన పోరాడతామని తెలియజేశారు. దోపిడీపైనే సోమిరెడ్డికి శ్రద్ధ సర్వేపల్లి నియోజకవర్గాన్ని అడ్డం పెట్టుకుని ఇష్టారాజ్యంగా దోచుకోవడంపైనే సోమిరెడ్డి, అతని కుమారుడు రాజగోపాల్‌రెడ్డి శ్రద్ధ చూపుతున్నారని విమర్శించారు. కూటమి అధికారంలోకి వచ్చి 16 నెలలు దాటినా ఏం అభివృద్ధి చేశారో ప్రజలకు సమాధానం చెప్పాలని డిమాండ్‌ చేశారు. సర్వేపల్లిలో గ్రావెల్‌, ఇసుక, మట్టి బూడిద మాఫియా రోజు రోజుకు పెరిగిపోతుందని ఆరోపించారు. ఎక్కడా లేని విధంగా సర్వేపల్లి నియోజకవర్గంలోని అన్నీ గ్రామాల్లో బెల్టు షాపుల్లో మద్యం అమ్మకాలు చేస్తున్నారని ఆరోపించారు. ఇరిగేషన్‌ పనులపై విచారణ జరిపితే సర్వేపల్లిలో జరిగిన దోపిడీ బట్టబయలవుతుందన్నారు. కూటమి ప్రభుత్వంలో రైతాంగం అన్నీ విధాలా ఇబ్బందులు పడుతుంటే పట్టించుకునే పరిస్థితి ఎక్కడా కనిపించడం లేదని, పండించిన పంటకు గిట్టుబాటు లభించక రైతులు ఆగ్రహంతో ఉన్నారని తెలియజేశారు. నకిలీ మద్యం బారిన పడి పేద ప్రజలు ప్రాణాలు కోల్పోతుంటే కూటమి పట్టించుకోకపోవడం దారుణమన్నారు. ఎప్పుడు ఎన్నికలు జరిగినా కూటమి ప్రభుత్వానికి తగిన బుద్ధి చెప్పేందుకు ప్రజలు సిద్ధంగా ఉన్నారన్నారు. ఆయన వెంట వైఎస్సార్‌సీపీ జిల్లా ఉపాధ్యక్షుడు మందల వెంకటశేషయ్య, స్థానిక పార్టీ నాయకులు పాల్గొన్నారు.

నెల్లూరు (స్టోన్‌హౌస్‌పేట): నెల్లూరు పొదలకూరురోడ్డులోని వైఎస్సార్‌సీపీ జిల్లా కార్యాలయంలో పార్టీ జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డితో ఆదివారం ఎమ్మెల్సీ పర్వతరెడ్డి చంద్రశేఖర్‌రెడ్డి భేటీ అయ్యారు. ఈ సందర్భంగా పార్టీ కార్యక్రమాల కార్యాచరణ, భవిష్యత్‌ రాజకీయ వ్యవహారాలపై చర్చించారు. నేడు కలెక్టరేట్‌లో ప్రజా సమస్యల పరిష్కార వేదిక నెల్లూరురూరల్‌: ప్రజల నుంచి ఫిర్యాదులను స్వీకరించి వాటిని పరిష్కరించే ప్రజా సమస్యల పరిష్కార వేదిక సోమవారం కలెక్టరేట్‌లోని తిక్క న ప్రాంగణంలో నిర్వహిస్తున్నట్లు కలెక్టర్‌ హి మాన్షు శుక్లా ఆదివారం ఒక ప్రకటన విడుదల చేశారు. అర్జీదారులు తమ అర్జీ స్థితి సమాచారం కోసం నేరుగా 1100 కాల్‌ సెంటర్‌ను సంప్రదించాలని కోరారు. అర్జీదారులు ఈ అవకాశాన్ని వినియోగించుకోవాలని కలెక్టర్‌ విజ్ఞప్తి చేశారు. శ్రీవారి దర్శనానికి 24 గంటలు తిరుమల: తిరుమలలో భక్తుల రద్దీ సాధారణంగా ఉంది. క్యూ కాంప్లెక్స్‌లో కంపార్ట్‌మెంట్లన్నీ నిండాయి. క్యూలైన్‌ శిలాతోరణం వద్దకు చేరింది. శనివారం అర్ధరాత్రి వరకు 84,571 మంది స్వామి వారిని దర్శించుకోగా 36, 711 మంది భక్తులు తలనీలాలు సమర్పించారు. స్వామి వారికి కానుకల రూపంలో హుండీలో రూ.3.70 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. దర్శన టికెట్లు లేని భక్తులకు 24 గంటల్లో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది.

దుత్తలూరు: ఉచిత శిక్షణ...పూర్తి చేసుకున్న వారికి కుట్టుమెషీన్లతో పాటు సర్టిఫికెట్లను అందజేస్తామంటూ రాష్ట్ర ప్రభుత్వం, కూటమి నేతలు ప్రగల్భాలు పలికారు. దీంతో జిల్లాలోని 31 కేంద్రాల్లో 1250 మంది మహిళలు శిక్షణ పొందారు. ట్రెయినింగ్‌ పూర్తయినా, మెషీన్లు పంపిణీకి నోచుకోవడంలేదు. మూడు నెలలు గడుస్తున్నా, ఇదే పరిస్థితి. బీసీ కార్పొరేషన్‌ ద్వారా జిల్లాలోని బీసీ, ఈబీసీ, కాపు వర్గాలకు చెందిన పేద మహిళలకు శిక్షణ పేరిట హడావుడి చేశారు. మెషీన్లు వస్తాయి.. ఉపాధి పొందొచ్చని ఆశపడిన మహిళలకు నిరాశే ఎదురవుతోంది. వాస్తవానికి శిక్షణకు సంబంధించిన అర్హులు సచివాలయాల ద్వారా దరఖాస్తు చేసుకున్నారు. వీటిని మున్సిపల్‌ కమిషనర్లతో పాటు ఎంపీడీఓలకు పంపారు. నిబంధనల మేరకు 18 నుంచి 60 ఏళ్లలోపు వారిని శిక్షణకు ఎంపిక చేశారు. సిబ్బందికి అందని వేతనాలు ఒక్కో శిక్షణ కేంద్రానికి ఒక టీచర్‌తో పాటు కంప్యూటర్‌ ఆపరేటర్‌ను నియమించారు. టీచర్‌కు నెలకు రూ.15 వేలు.. కంప్యూటర్‌ ఆపరేటర్‌కు రూ.12 వేల చొప్పున వేతనాన్ని మంజూరు చేయాలి. మూడు నెలలకు గానూ ఒక నెలకే వేతనాలను అందజేశారని సమాచారం. మిగిలిన మొత్తం ఎప్పుడొస్తుందో చెప్పలేని పరిస్థితి నెలకొంది. జిల్లాలో 1250 మంది మహిళలకు ట్రెయినింగ్‌ నేటికీ ఎదురుచూపులు ప్రగల్భాలకే కూటమి నేతల పరిమితం పంపిణీ చేస్తాం జిల్లాలోని 31 కేంద్రాల్లో శిక్షణ కేంద్రాలను ఏర్పాటు చేయగా, ఐదు చోట్ల ట్రెయినింగ్‌ జరుగుతోంది. ఇది పూర్తయిన వెంటనే ప్రత్యేక కార్యక్రమాన్ని ఏర్పాటు చేసి కుట్టుమెషీన్లను అందజేస్తాం. సిబ్బంది వేతనాలకు సంబంధించిన బిల్లులను అప్‌లోడ్‌ చేస్తున్నాం. – నిర్మలాదేవి, బీసీ కార్పొరేషన్‌ ఈడీ

ఆత్మకూరు: మలుపు తిరిగే క్రమంలో ఆర్టీసీ బస్సు ఢీకొనడంతో వ్యక్తి గాయపడిన ఘటన పట్టణంలోని ఎమ్జీఆర్‌ మున్సిపల్‌ బస్టాండ్‌ వద్ద చోటుచేసుకుంది. వివరాలు.. ఏఎస్‌పేటకు వెళ్తున్న ఆర్టీసీ బస్సు మలుపు తిరిగే సమయంలో గడ్డం నాగరాజును ఢీకొంది. టైరు కింద ఆయన కాలుపడటంతో నుజ్జునుజ్జయింది. వెంటనే ప్రభుత్వాస్పత్రికి తరలించారు. సమాచారం అందుకున్న ఎస్సై జిలానీ ఘటన స్థలాన్ని పరిశీలించారు. నాగరాజు పరిస్థితి విషమంగా ఉండటంతో మెరుగైన చికిత్స నిమిత్తం నెల్లూరు తరలించారు. కేసు దర్యాప్తు చేస్తున్నారు.

బుచ్చిరెడ్డిపాళెం రూరల్‌: మండలంతో పాటు పట్టణంలోని పలు ప్రాంతాల్లో ఇసుకను రాత్రీ, పగలనే తేడా లేకుండా స్థానిక టీడీపీ నేతల ఆధ్వర్యంలో యథేచ్ఛగా తరలిస్తున్నారు. అనుమతి లేకుండా ఇసుకను తరలిస్తున్న రెండు ట్రాక్టర్లను జొన్నవాడ వద్ద ఎస్సై సంతోష్‌కుమార్‌రెడ్డి ఆధ్వర్యంలో శనివారం వేకువజామున పట్టుకొని పోలీస్‌స్టేషన్‌కు తరలించి కేసు నమోదు చేశారు. దామరమడుగులోని పెన్నా నుంచి టిప్పర్లు, ట్రాక్టర్ల సాయంతో నిత్యం భారీగా తరలిస్తున్నారు. మామూళ్లు అందుతుండటంతో అధికారులు పట్టించుకోవడంలేదనే ఆరోపణలు వినిపిస్తున్నాయి. టీడీపీ రూరల్‌ అధ్యక్షుడు జగదీష్‌ అనుచరుల ఆధ్వర్యంలో ఈ వ్యవహారం సాగుతోందని సమాచారం. ఇప్పటికై నా అధికారులు స్పందించాల్సిన అవసరం ఎంతైనా ఉంది.

● నెల్లూరులో అర్ధరాత్రి ఘటన ● 15 మందిని రక్షించిన పోలీస్‌, ఫైర్‌ సిబ్బంది ● తప్పిన పెనుముప్పు నెల్లూరు(వీఆర్సీసెంటర్‌): అందరూ గాఢ నిద్రలో ఉండగా, లాడ్జిలో అగ్నిప్రమాదం శనివారం అర్ధరాత్రి సంభవించింది. ఈ హఠాత్పరిణామంతో గదుల్లో ఉన్న వారు ఆందోళనకు గురయ్యారు. దర్గామిట్ట పోలీసుల కథనం మేరకు.. కేవీఆర్‌ పెట్రోల్‌ బంక్‌ సమీపంలోని బ్లూ మూన్‌ లాడ్జి రెండో అంతస్తులో గల 102వ గదిలో ఏసీ షార్ట్‌ సర్క్యూటైంది. శనివారం అర్ధరాత్రి 12.30 గంటల సమయంలో జరిగిన ఘటనలో గదిలోని ఫర్నిచర్‌, పరుపులు, దిండ్లు దగ్ధమయ్యాయి. మంటలతో అదే అంతస్తులోని మిగిలిన గదుల్లోకి పొగ దట్టంగా వ్యాపించింది. ఇదే సమయంలో వివిధ గదుల్లో 15 మంది ఉన్నారు. సెన్సార్‌ సిస్టమ్‌ ఉండటంతో తలుపులు తెరుచుకోకపోవడంతో కిటికిల్లోంచి చేతులు ఊపుతూ పెద్దగా కేకలేశారు. గమనించిన కొందరు.. పోలీసులకు సమాచారమిచ్చారు. పోలీసులు, అగ్నిమాపక సిబ్బంది, రెస్క్యూ టీమ్‌ వెంటనే చేరుకొని, మంటలు ఆర్పి.. కిటికీ అద్దాలు, తలుపులను పగలగొట్టి 15 మందిని ఎమర్జెన్సీ ద్వారం మీదుగా తీసుకొచ్చారు. ఓ బాలుడ్ని అంబులెన్స్‌లో కిమ్స్‌ ఆస్పత్రికి తరలించారు. ఘటనలో ఎలాంటి ప్రాణనష్టం జరగలేదు. రెస్క్యూ ఆపరేషన్‌ను ఎస్పీ అజిత స్వయంగా పర్యవేక్షించారు. పొగను పీల్చడంతో ఆస్పత్రుల్లో పలువురు చికిత్స పొందుతున్నారు. కాగా లాడ్జిని విశ్రాంత ఏఎస్పీ పమిడి మధుసూదన్‌రావుకు చెందిందిగా గుర్తించారు. ఫైర్‌, రెస్కూ టీమ్‌ అధికారులు చంద్రశేఖర్‌, శ్రీనివాసులు రూరల్‌ డీఎస్పీ శ్రీనివాసరావు తదితరులు పాల్గొన్నారు.

నెల్లూరు(అర్బన్‌): మహిళల ఆరోగ్యాన్ని కాపాడటమే లక్ష్యంగా డాక్టర్లు కృషి చేయాలని పలువురు వైద్యులు పేర్కొన్నారు. విష్‌ 2025 ఉమెన్స్‌ ఇన్‌ఫెర్టిలిటీ సర్జరీ హార్మోన్‌ అనే అంశంపై చెముడుగుంట సమీపంలోని స్రిడ్స్‌ ఫంక్షన్‌ హాల్లో రెండు రోజులుగా నిర్వహిస్తున్న జాతీయ స్థాయి సదస్సు ఆదివారంతో ముగిసింది. నెల్లూరు మెనోపాజ్‌ సొసైటీ, ఆబ్‌స్టెట్రిక్స్‌, గైనకాలజీ సొసైటీల ఆధ్వర్యంలో ఏర్పాటు చేసిన కార్యక్రమంలో లైవ్‌ ఎండోస్కోపీ వర్క్‌షాపును నిర్వహించారు. నగరంలోని ఓ ఆస్పత్రిలో సీ్త్రలకు సంబంధించిన అత్యంత క్లిష్టతరమైన ఆపరేషన్లను సదస్సుకు హాజరైన డాక్టర్లు స్క్రీన్‌ ద్వారా పరిశీలించి పలు అంశాలపై చర్చించారు. జాతీయ స్థాయి డాక్టర్లు పరీక్షిత్‌ టాంక్‌, ప్రతాప్‌, పళని అప్పన్‌, అర్చనాబేసర్‌, అంజూసోనీ, అనితాషా ప్రసంగించారు. ఈ సందర్భంగా ఆబ్‌స్టెట్రిక్స్‌ అండ్‌ గైనకాలజీ అసోసియేషన్‌ రాష్ట్ర అధ్యక్షురాలు పల్లంరెడ్డి యశోదర మాట్లాడారు. సీ్త్రల ఆరోగ్య రక్షణ, ఆధునిక చికిత్సలను నాణ్యమైన విధంగా అందించేలా నెల్లూరులో జాతీయ స్థాయి సదస్సును నిర్వహించడాన్ని అభినందించారు. ఆర్గనైజింగ్‌ టీమ్‌ డాక్టర్‌ విజయలక్ష్మి, డాక్టర్లు ఉషా, అపూర్వ, మిథిలశ్రీ, సాయిదీప్తి తదితరులు పాల్గొన్నారు.

మర్రిపాడు: లారీని అధిగమించే క్రమంలో ఎదురుగా వస్తున్న లారీని కారు ఢీకొనడంతో ఇద్దరు గాయపడిన ఘటన మర్రిపాడు సమీపంలోని నెల్లూరు – ముంబై జాతీయ రహదారిపై చోటుచేసుకుంది. వివరాలు.. కర్ణాటకలోని బెళగావికి చెందిన స్క్రాప్‌ వ్యాపారులు ఉమర్‌ ఫరూఖ్‌, ముజహర్‌, ఇర్షాద్‌ నెల్లూరు బయల్దేరారు. మార్గమధ్యలోని కండ్రిక సమీపంలో లారీని కారు ఢీకొనడంతో ఫరూఖ్‌, ముజహర్‌ గాయపడ్డారు. హైవే అంబులెన్స్‌ సిబ్బంది సమయానికి రాలేదు. దీంతో చికిత్స నిమిత్తం క్షతగాత్రులను ఆస్పత్రికి ఆటోలో తరలించారు. కాగా కారుకు సంబంధించిన వస్తువులు రోడ్డుపై పడిపోవడంతో రాకపోకలకు కొద్దిసేపు అంతరాయం ఏర్పడింది. మర్రిపాడు పోలీసులు దర్యాప్తు చేస్తున్నారు.

సాక్షి, విజయవాడ: చంద్రబాబు ప్రభుత్వంలో ‘సాక్షి’పై(Sakshi) కక్ష సాధింపు చర్యలు కొనసాగుతున్నాయి. ప్రభుత్వ వైఫల్యాలను వెలుగులోకి తెస్తున్న ‘సాక్షి’ పత్రికపై రెడ్‌బుక్‌ వికృత చర్యలు పీక్‌ స్టేజ్‌కు చేరుకున్నాయి. తాజాగా కూటమి ప్రభుత్వం.. సాక్షి ఆఫీసుకు పోలీసులను పంపించింది. ఈ క్రమంలో ఆఫీసుకు వచ్చిన పోలీసులు ఓవరాక్షన్‌ చేశారు.వివరాల ప్రకారం.. ఏపీలో నకిలీ(AP Liquor Scam) మద్యం వ్యవహారంపై ఎల్లో మీడియా(Yellow Media) సైతం కథనాలు రాస్తున్నా దాన్ని ఏమీ చేయలేని కూటమి సర్కారు ‘సాక్షి’పై మాత్రం కక్ష సాధిస్తోంది. నకిలీ మద్యం అంశంపై ఎలా వ్యవహరించాలో తెలియక మల్ల­గుల్లాలు పడుతున్న ప్రభుత్వం పోలీసులను అడ్డుపెట్టుకుని ‘సాక్షి’ గొంతు నొక్కే ప్రయత్నం చేస్తోంది. ఈ క్రమంలో సాక్షిని టార్గెట్‌ చేసిన చంద్రబాబు ప్రభుత్వం పోలీసులను(AP Police) రంగంలోకి దింపింది. తాజాగా శ్రీపొట్టి శ్రీరాము­లు నెల్లూరు జిల్లాలోనూ ఎక్సైజ్‌ అధికారుల ఫిర్యాదుల మేర­కు ‘సాక్షి’ యాజమాన్యంతోపాటు ఎడిటర్‌ ఆర్‌.ధనంజయరెడ్డి, రిపోర్టర్లపై నెల్లూరు రూరల్, కలిగిరి పోలీసుస్టేషన్లలో రెండు అక్ర­మ కేసులు నమోదు చేయించింది.ఇది కూడా చదవండి: నకిలీ మద్యం కేసులో మరో బిగ్‌ ట్విస్ట్‌..దీంతో, ఆదివారం తెల్లవారుజామునే పోలీసులు.. ఆటోనగర్‌లోని సాక్షి ప్రధాన కార్యాలయానికి వచ్చారు. తెల్లవారుజామున ఐదు గంటల నుంచి ఉదయం తొమ్మిది గంటల వరకు ఆఫీసు వద్ద పోలీసులు హల్‌చల్‌ చేశారు. కేసుకు సంబంధించి నోటీసులు తీసుకోవాలంటూ సాక్షి సిబ్బందిపై పోలీసులు ఒత్తిడి తెచ్చారు. జర్నలిస్టులను, సాక్షి సిబ్బందిని భయబ్రాంతులకు గురిచేశారు. పత్రికా స్వేచ్ఛను కాలరాస్తూ నిరంకుశ చర్యలకు దిగారు. కాగా, చంద్రబాబు ప్రభుత్వం ఇప్పటికే అనేక సార్లు సాక్షి కార్యాలయంపైకి పోలీసులను పంపిన విషయం తెలిసిందే. ఈ నేపథ్యంలో పత్రికా స్వేచ్ఛపై కూటమి ప్రభుత్వం చేస్తున్న దాడిని జర్నలిస్టులు ఖండిస్తూ ఆగ్రహం వ్యక్తం చేస్తున్నారు.

● హైకోర్టు న్యాయమూర్తి జస్టిస్‌శ్రీనివాసరెడ్డి ● జిల్లాలోని న్యాయమూర్తులకు ఒక రోజు శిక్షణ నెల్లూరు (లీగల్‌): కోర్టుల్లో పెండింగ్‌ కేసులను త్వరితగతిన పరిష్కరించేందుకు న్యాయమూర్తులు చొరవ తీసుకోవాలని ఏపీ హైకోర్టు జడ్జి, జిల్లా న్యాయపాలన వ్యవహారాల జడ్జి జస్టిస్‌ కె.శ్రీనివాసరెడ్డి సూచించారు. జిల్లా కోర్టు ఆవరణలో ప్రధాన న్యాయమూర్తి కోర్టు హల్లో జిల్లా స్థాయి న్యాయమూర్తులకు ఒక రోజు శిక్షణ కార్యక్రమాన్ని శనివారం నిర్వహించారు. ఏపీ హైకోర్టు విశ్రాంత న్యాయమూర్తులు జస్టిస్‌ సీ ప్రవీణ్‌కుమార్‌, జి. సీతాపతి, జిల్లా ప్రధాన న్యాయమూర్తి జి. శ్రీనివాస్‌ కోర్టుల్లో పెండింగ్‌ కేసులు, కేసుల సత్వర పరిష్కారానికి చర్యలపై న్యాయమూర్తులకు సూచనలు, సలహాలు ఇచ్చారు. న్యాయమూర్తుల సందేహాలను నివృత్తి చేశారు. ఈ కార్యక్రమంలో అదనపు జిల్లా జడ్జిలు గీత, సరస్వతి, తేజోవతి, శ్రీనివాసరావు, సోమశేఖర్‌, నికిత వోర, పలు కోర్టుల సీనియర్‌, జూనియర్‌ సివిల్‌ జడ్జిలు పాల్గొన్నారు. న్యాయమూర్తులకు ఘన స్వాగతం హైకోర్టు న్యాయమూర్తి జస్టిస్‌ శ్రీనివాసరెడ్డి, హైకోర్టు విశ్రాంత న్యాయమూర్తులు సీ ప్రవీణ్‌కుమార్‌, జి సీతాపతిలకు జిల్లా ప్రధాన న్యాయమూర్తి శ్రీనివాస్‌, కలెక్టర్‌ హిమాన్షు శుక్లా, ఎస్పీ అజిత, మున్సిపల్‌ కార్పొరేషన్‌ కమిషనర్‌ వై.ఓ నందన్‌ ఘన స్వాగతం పలికారు. తొలుత జస్టిస్‌ శ్రీనివాసరెడ్డి కోర్టు ప్రాంగణంలో మొక్కలను నాటారు. ఆయన మాట్లాడుతూ పర్యవరణ పరిరక్షణకు ప్రతి ఒక్కరూ మొక్కలను నాటి వాటిని సంరక్షించాలని సూచించారు. పర్యావరణ పరిరక్షణ ప్రతి ఒక్కరు బాధ్యత అని గుర్తు చేశారు. కోర్టు ఆవరణ సుందరీకరణలో నెల్లూరు నగర పాలక సంస్థ కమిషనర్‌ వైఓ నందన్‌ చేస్తున్న కృషిని జస్టిస్‌ శ్రీనివాసరెడ్డి అభినందించి సన్మానించారు.

నెల్లూరు (బృందావనం): నెల్లూ రు నగరపాలక సంస్థ పరిధిలో గుప్తాపార్కు సమీపంలో నిబంధనలకు విరుద్ధంగా నిర్మించిన భవనాన్ని తొలగించే చర్యలు షురూ అయ్యాయి. ఆ భవన యజమాని నిబంధనలకు విరుద్ధంగా బహుళ అంతస్తుల నిర్మాణం చేశారంటూ స్థానికులు నగరపాలక సంస్థ టౌన్‌ప్లానింగ్‌ అధికారులకు ఫిర్యాదు చేశారు. వారు ఎటువంటి చర్యలు తీసుకోకపోవడంతో ఫిర్యాదుదారుడు హైకోర్టును ఆశ్రయించారు. దీంతో స్పందించిన రాష్ట్ర సర్వోన్నత న్యాయస్థానం నిబంధనలకు విరుద్ధంగా నిర్మించిన బహుళ అంతస్తుల నిర్మా ణంపై చర్యలు తీసుకోవాలంటూ నగరపాలక సంస్థ కమిషనర్‌ను ఆదేశిస్తూ ఉత్తర్వులు జారీ చేసింది. అయినప్పటికీ సంబంధిత అధికారులు స్పందించలేదు. ఈ క్రమంలో ఈ నెల 4వ తేదీన ‘సాక్షి’ పత్రికలో ‘కట్టుకో.. పైసలిచ్చుకో..! శీర్షికన కథనం ప్రచురితమైంది. దీంతో మున్సిపల్‌ అధికారులు స్పందించి చర్యలకు ఉపక్రమించారు. దీంతో సదరు భవన యజమాని స్వయంగా తానే తొలగిస్తానని అధికారులకు విజ్ఞప్తి చేసి తన సొంత ఖర్చుతో కూలీలను పెట్టుకొని అక్రమ నిర్మాణాన్ని తొలగించే పనులు ప్రారంభించారు. ఇప్పటికే 50 శాతం పైగా నిర్మాణాన్ని తొలగించారు.

● ఐజీ సర్వశ్రేష్ట త్రిపాఠి మనుబోలు: రోడ్డు ప్రమాదాల నివారణకు పటిష్ట చర్యలు చేపట్టాలని గుంటూరు రేంజ్‌ ఐజీ సర్వశ్రేష్ట త్రిపాఠి ఆదేశించారు. స్థానిక పోలీస్‌స్టేషన్‌ను ఆకస్మికంగా శనివారం తనిఖీ చేసి రికార్డులను పరిశీలించారు. స్థానిక పరిస్థితులపై సిబ్బందిని ఆరాతీసిన అనంతరం ఆయన మాట్లాడారు. హైవేపై ప్రమాదాల నివారణకు అన్ని చర్యలు చేపట్టాలని సూచించారు. ధాభాలు , ఇతర చోట్ల జాతీయ రహదారిని ఆనుకొని లారీలను ఆపకుండా చర్యలు చేపట్టాలని చెప్పారు. యూటర్న్‌లు, ప్రమాదాలు ఎక్కువగా జరిగే అవకాశం ఉన్న క్రాస్‌రోడ్లను గుర్తించాలని సూచించారు. మండలంలోని 19 గ్రామాల్లో సీసీ కెమెరాలను ఏర్పాటు చేశామని ఎస్సై శివరాకేష్‌ తెలిపారు. డీఎస్పీ శ్రీనివాసరావు, సీఐ శివరామకృష్ణారెడ్డి తదితరులు పాల్గొన్నారు.

● ఎస్పీ అజిత నెల్లూరు (క్రైమ్‌): బాణసంచా అక్ర మ తయారీ, విక్రయదారులపై కఠి న చర్యలు తప్ప వని ఎస్పీ అజిత వేజెండ్ల ఒక ప్రకటనలో హెచ్చరించారు. జిల్లాలో బాణసంచా తయారీ కేంద్రాలు, స్టోరేజ్‌ గోడౌన్స్‌, విక్రయ దుకాణాల్లో సరైన భద్రతా ప్రమాణాలు పాటిస్తున్నారా? లేదా అనే విషయాలపై క్షుణ్ణంగా తనిఖీలు నిర్వహిస్తున్నామన్నారు. అక్రమ నిల్వలపై ఇందుకూరుపేటలో రెండు కేసులు, విడవలూరులో ఒకటి, కందుకూరులో ఒక కేసు నమోదు చేశామన్నారు. లైసెన్సులు కలిగిన వారే బాణసంచా తయారీ, విక్రయాలు నిర్వహించాలన్నారు. జిల్లాలో ఎక్కడైనా బాణసంచా అక్రమ విక్రయాలు, తయారీ, నిల్వలను గుర్తిస్తే వెంటనే స్థానిక పోలీసులకు లేదా డయల్‌ 11కు సమాచారం అందిస్తే తగిన చర్యలు తీసుకుంటామన్నారు. సమాచారం అందించే వ్యక్తుల వివరాలను గోప్యంగా ఉంచుతామని చెప్పారు.

మృతదేహాన్ని పరిశీలిస్తున్న పోలీసులు నుజ్జునుజ్జయిన కారు ఆత్మకూరు: కారు నడుపుతూ ఫోన్లో మాట్లాడే క్రమంలో ఏమరుపాటుగా వ్యవహరించడంతో డివైడర్‌ను వాహనం ఢీకొని తాత, మనవరాలు మృతి చెందిన ఘటన మండలంలోని కరటంపాడు సమీపంలో గల నెల్లూరు – ముంబై జాతీయ రహదారిపై శనివారం చోటుచేసుకుంది. ఎస్సై జిలానీ వివరాల మేరకు.. నెల్లూరులోని బీవీనగర్‌కు చెందిన జలసత్రం వేమయ్య (54), తమ సమీప బంధువుల శుభకార్యం నిమిత్తం బద్వేల్‌కు కుమార్తె మొగిలి మౌనిక, మనవరాలు సహస్ర (2), మనవడు యశ్వంత్‌తో కలిసి కారులో బయల్దేరారు. ఈ తరుణంలో ఆత్మకూరు మండలం కరటంపాడు సమీపంలోని గిరిజన కాలనీ వద్ద వేమయ్యకు ఫోన్‌ రావడంతో మాట్లాడే యత్నంలో ఎదురుగా ట్యాంకర్‌ వస్తుండటంతో దానికి దారిచ్చే క్రమంలో కారు అదుపుతప్పి డివైడర్‌ను వేగంగా ఢీకొంది. దీంతో డ్రైవింగ్‌ చేస్తున్న వేమయ్య అక్కడికక్కడే మృతి చెందారు. మౌనిక, చిన్నారి సహస్ర తీవ్రంగా, యశ్వంత్‌ స్వల్పంగా గాయపడ్డారు. సమీపంలోని గిరిజన కాలనీ వారు ఘటన స్థలానికి చేరుకొని క్షతగాత్రులను 108లో ఆత్మకూరు ప్రభుత్వాస్పత్రికి తరలించారు. అక్కడికెళ్లిన పది నిమిషాలకే సహస్ర మృతి చెందింది. మౌనికకు చికిత్సను అందిస్తున్నారు. కేసు దర్యాప్తు చేస్తున్నారు. ఫోన్లో మాట్లాడే క్రమంలో ఏమరుపాటు డివైడర్‌ను వేగంగా ఢీకొన్న కారు రోడ్డు ప్రమాదంలో తాత, మనవరాలి మృతి

నెల్లూరు (టౌన్‌): ఆర్థరైటిస్‌ సమస్యను నిర్లక్ష్యం చేస్తే భవిష్యత్తులో శరీర వైకల్యాలొచ్చే ప్రమాదం ఉందని బాలాజీనగర్‌ ఇన్‌స్పెక్టర్‌ సాంబశివరావు పేర్కొన్నారు. ప్రపంచ ఆర్థరైటిస్‌ డేను పురస్కరించుకొని వాకథాన్‌ను అపోలో సూపర్‌స్పెషాల్టీ ఆధ్వర్యంలో శనివారం నిర్వహించారు. ఆర్థరైటిస్‌కు అపోలోలో తక్కువ ఫీజుతో అందించే స్క్రీనింగ్‌ పరీక్షల బ్రోచర్లను వైద్యులతో కలిసి డైరెక్టర్‌ ఆ్‌ఫ్‌ మెడికల్‌ సర్వీసెస్‌ శ్రీరామ్‌ సతీష్‌ ఆవిష్కరించారు. అనంతరం ఆయన మాట్లాడారు. రూ.4590 విలువగల తొమ్మిది రకాల ఆర్థరైటిస్‌ స్క్రీనింగ్‌ పరీక్షలను రూ.1999కే అందించనున్నామని వివరించారు. రూ.8590 విలువగల మరో స్క్రీనింగ్‌ పరీక్షను రూ.3999కే చేయనున్నామని, ఈ అవకాశం డిసెంబర్‌ 31 వరకు అందుబాటులో ఉంటుందని చెప్పారు. ఆర్థోపెడిక్‌ సీనియర్‌ సర్జన్లు వివేకానందరెడ్డి, శశిధర్‌రెడ్డి, విక్రమ్‌రెడ్డి, యూనిట్‌ హెడ్‌ బాలరాజు తదితరులు పాల్గొన్నారు.

కోవూరు: ప్రైవేట్‌ ట్రావెల్స్‌ బస్సు బోల్తాపడిన ఘటన పట్టణంలోని ఆర్కే పెట్రోల్‌ బంక్‌ వద్ద జాతీయ రహదారిపై శనివారం తెల్లవారుజామున చోటుచేసుకుంది. వివరాలు.. ఒడిశాలోని భువనేశ్వర్‌ నుంచి బెంగళూరుకు 40 మంది ప్రయాణికులతో నవీన్‌ ట్రావెల్స్‌ బస్సు బయల్దేరింది. ఈ తరుణంలో నిద్రమత్తులోకి డ్రైవర్‌ జారుకోవడంతో వాహనం నియంత్రణ కోల్పోయి రోడ్డు పక్కకు దూసుకెళ్లింది. ఈ హఠాత్పరిణామంతో ప్రయాణికులు భయాందోళనలకు గురయ్యారు. ప్రమాదంలో పది మంది స్వల్పంగా గాయపడగా, తిరుపతికి చెందిన చిన్నారి సమ్విక తీవ్రంగా గాయపడింది. చిన్నారిని నెల్లూరులోని అపోలో ఆస్పత్రికి తరలించారు. మిగిలిన వారు స్థానిక ప్రైవేట్‌ ఆస్పత్రుల్లో ప్రాథమిక చికిత్స పొందారు. ఆపై గమ్యస్థానాలకు బయల్దేరారు. ప్రమాదం జరిగే సమయానికి బస్సు అతివేగంతో వస్తోందని సమాచారం. విషయం తెలుసుకున్న కోవూరు ఇన్‌స్పెక్టర్‌ సుధాకర్‌రెడ్డి, ఎస్సై రంగనాథ్‌గౌడ్‌ సిబ్బందితో కలిసి ఘటన స్థలానికి చేరుకొని పరిశీలించారు. వాహనాన్ని క్రేన్‌ సాయంతో రోడ్డుపైకి లాగించారు. కేసు దర్యాప్తు చేస్తున్నారు. భువనేశ్వర్‌ నుంచి బెంగళూరు వెళ్తుండగా ఘటన చిన్నారికి తీవ్రగాయాలు స్వల్ప గాయాలతో బయటపడిన ప్రయాణికులు

● రెండో రోజూ ఆరోగ్యశ్రీ సేవలు బంద్‌ ● ఇబ్బందుల్లో రోగులు నెల్లూరు (టౌన్‌): పేదల ఆరోగ్యానికి ఆపద వచ్చి పడింది. ప్రభుత్వం ఏడాది కాలానికి పైగా ఎన్టీఆర్‌ వైద్య సేవ (ఆరోగ్యశ్రీ)లకు బకాయిలు విడుదల చేయకపోవడంతో నెట్‌వర్క్‌ ఆస్పత్రుల యాజమాన్యాలు వైద్య సేవలు నిలిపివేశాయి. రాష్ట్ర వ్యాప్తంగా చేపట్టిన సమ్మెలో భాగంగా శనివారం జిల్లాలోని అన్ని నెట్‌ వర్క్‌ ఆస్పత్రుల్లో వైద్య సేవలు నిలిపివేశారు. ప్రతి ఆస్పత్రి వద్ద ఆరోగ్యశ్రీ కింద వేద్య సేవలు నిలిపివేశామని బ్యానర్లు ఏర్పాటు చేశారు. గ్రామీణ ప్రాంతాల నుంచి స్పెషాలిటీ ఆస్పత్రులకు వైద్యం చేయించుకునేందుకు వచ్చారు. రోగులు ఎంత బతిమాలాడినా ఆరోగ్యశ్రీ కింద సేవలు అందించకపోవడంతో నిరాశ, నిస్పృహలతో వెనుతిరిగారు. జిల్లాలోని 35 నెట్‌వర్క్‌ ఆస్పత్రులు ఉండగా 30 ఆస్పత్రుల్లో వైద్యసేవలు నిలిపివేశారు. ఆంధ్రప్రదేశ్‌ స్పెషాలిటీ హాస్పిటల్స్‌ అసోసియేషన్‌ (ఆషా) రాష్ట్ర ఉపాధ్యక్షుడు, అరవింద్‌ కిడ్నీ వైద్యశాల అధినేత డాక్టర్‌ ఎస్‌వీఎల్‌ నారాయణరావు మాట్లాడుతూ ఆరోగ్యశ్రీ సేవలు నిలిపివేసినా ప్రభుత్వంలో ఏ మాత్రం చలనం లేదని, కనీసం చర్చలకు పిలవకపోవడం దారుణమన్నారు. బకాయిలు విడుదల చేసేంత వరకు సేవలు కొనసాగించే ప్రసక్తే లేదన్నారు.

● దర్గామిట్ట పోలీస్‌స్టేషన్‌కు ప్రసన్న హాజరు కోవూరు: మాకు న్యాయ వ్యవస్థపై అపార నమ్మకం ఉందని, ప్రజా నాయకుడిగా తానెప్పుడూ చట్టాన్ని ధిక్కరించలేదని మాజీమంత్రి, వైఎస్సార్‌సీపీ పీఏసీ సభ్యుడు నల్లపరెడ్డి ప్రసన్నకుమార్‌రెడ్డి అన్నారు. అయితే తనను రాజకీయంగా ఎదుర్కొనే ధైర్యం లేక నా ప్రత్యర్థులు పోలీస్‌ వ్యవస్థను అడ్డం పెట్టుకుని నాపై తప్పుడు కేసులు బనాయించారని ఆరోపించారు. జూలై 31న వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రసన్నను పరామర్శించేందుకు వచ్చిన సందర్భంలో పోలీసులు ఆయనపై తప్పుడు కేసు బనాయించారు. ఈ కేసులో హైకోర్టు ఆదేశాల మేరకు శనివారం ఆయన నెల్లూరులోని దర్గామిట్ట పోలీస్‌స్టేషన్‌కు హాజరయ్యారు. సీఐ రోశయ్య, ఎస్‌ఐ సుబ్బారావు సమక్షంలో సంతకం చేశారు. ఈ సందర్భంగా ప్రసన్న మాట్లాడుతూ ఈ కేసులో తనకు హైకోర్టు నుంచి బెయిల్‌ మంజూరు కావడంతో కోర్టు షరతుల ప్రకారం పోలీస్‌స్టేషన్‌కు హాజరైనట్లు తెలిపారు. తనపై రాజకీయ ప్రేరేపిత కేసులు మోపారని, ఈ కేసుల నుంచి కోర్టు ద్వారానే న్యా యం జరుగుతుందని భావిస్తున్నట్లు తెలిపారు.

సాక్షి ప్రతినిధి, నెల్లూరు: రాష్ట్రంలో ప్రజా సమస్యలపై ప్రభుత్వ వైఫల్యాలను వెలుగులోకి తెస్తున్న ‘సాక్షి’ పత్రికపై కూటమి సర్కారు కక్ష సాధింపు చర్యలు కొనసాగిస్తూనే ఉంది. ఇప్పటికే ‘సాక్షి’ యాజమాన్యంతోపాటు ఎడిటర్‌ ఆర్‌.ధనంజయరెడ్డి, రిపోర్టర్లపై అనేక అక్రమ కేసులు పెట్టించింది. విచారణ పేరుతో పోలీస్‌ స్టేషన్లకు పిలిచి వేధిస్తోంది. ఇప్పుడు నకిలీ మద్యం వ్యవహారంపై ఎల్లో మీడియా సైతం కథనాలు రాస్తున్నా దాన్ని ఏమీ చేయలేని కూటమి సర్కారు ‘సాక్షి’పై మాత్రం కక్ష సాధిస్తోంది.నకిలీ మద్యం అంశంపై ఎలా వ్యవహరించాలో తెలియక మల్ల­గుల్లాలు పడుతున్న ప్రభుత్వం పోలీసులను అడ్డుపెట్టుకుని ‘సాక్షి’ గొంతు నొక్కే ప్రయత్నం చేస్తోంది. తాజాగా శ్రీపొట్టి శ్రీరాము­లు నెల్లూరు జిల్లాలోనూ ఎక్సైజ్‌ అధికారుల ఫిర్యాదుల మేర­కు ‘సాక్షి’ యాజమాన్యంతోపాటు ఎడిటర్‌ ఆర్‌.ధనంజయరెడ్డి, రిపోర్టర్లపై నెల్లూరు రూరల్, కలిగిరి పోలీసుస్టేషన్లలో రెండు అక్ర­మ కేసులు నమోదు చేయించింది. నకిలీ మద్యంపై ‘సాక్షి’ రాసిన కథనాలు తమ శాఖ పరువుకు భంగం కలిగించేలా ఉన్నాయంటూ కలిగిరి ఎక్సైజ్‌ ఇన్‌స్పెక్టర్‌ షేక్‌ అబ్దుల్‌ జలీల్, నెల్లూరు–1 ఎక్సైజ్‌ ఇన్‌స్పెక్టర్‌ పి.రమేష్ బాబు శుక్రవారం రాత్రి పోలీసులకు ఫిర్యాదులు చేశారు. వెంటనే పోలీసు అధికారులు ‘సాక్షి’ పత్రిక యాజమాన్యంతోపాటు ఎడిటర్‌ ఆర్‌.ధనంజయరెడ్డి, జిల్లా బ్యూరో ఇన్‌చార్జి, రిపోర్టర్లపై 353(2), 356(3) ఆర్‌/డబ్ల్యూ 3(5)బీఎన్‌ఎస్‌ కింద అక్రమ కేసులు నమోదు చేశారు. రిపోర్టర్‌ ఇంట్లో ‘ఎక్సైజ్‌’ సోదాలు అంతేకాకుండా కలిగిరి ‘సాక్షి’ రిపోర్టర్‌ ఆర్‌.రాజగోపాల్‌రెడ్డి ఇంటిపై దాడి చేశారు. శనివారం ఉదయం సుమారు 10.30 గంటలకు ఎక్సైజ్‌ ఎస్‌ఐ శ్రీనివాసరావు తన సిబ్బందితో కలిసి విలేకరి ఇంటికి వెళ్లారు. ‘రాజా అంటే నువ్వేనా? అనధికారికంగా మద్యం విక్రయిస్తున్నారని నీపై ఫిర్యాదులు అందాయి. మీ ఇంట్లో తనిఖీలు చేయాలి’ అని చెప్పారు. ఇంట్లోకి ప్రవేశించి ఇల్లంతా సోదాలు చేశారు. ఎక్కడా మద్యం దొరక్కపోవడంతో వెనుదిరిగారు. ఎక్సైజ్‌ సిబ్బంది ఓవర్‌ యాక్షన్‌తో రాజగోపాల్‌రెడ్డి కుటుంబ సభ్యులు తీవ్ర భయాందోళనలకు గురయ్యారు. కాగా.. ఈ కేసులకు సంబంధించి విచారణకు హాజరు కావా­లని శనివారం నెల్లూరు ‘సాక్షి’ బ్యూరో ఇన్‌చార్జికి నెల్లూరు రూరల్‌ పోలీసులు బీఎన్‌ఎస్‌ 179(1) నోటీసు అందజేశారు. ఆదివారం ఉదయం 10 గంటలకు విచారణకు హాజరు కావాలని ఆ నోటీసులో పేర్కొన్నారు. ఇదే కేసులో ‘సాక్షి’ ఎడిటర్‌ ఆర్‌.ధనంజయరెడ్డికి కూడా నోటీసులు అందజేసేందుకు పోలీసులు హైదరాబాద్‌కు వెళ్తున్నట్టు సమాచారం.

సాక్షి ప్రతినిధి, నెల్లూరు: నకిలీ మద్యం వ్యవహారంలో పీకల వరకు కూరుకుపోయిన టీడీపీ పెద్దలు దానినుంచి బయటపడేందుకు అరెస్టయిన వారు కోవర్ట్‌లు అంటూ డైవర్షన్‌ రాజకీయాలు చేస్తున్నారని వైఎస్సార్‌సీపీ నెల్లూరు జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డి మండిపడ్డారు. నెల్లూరులోని పార్టీ జిల్లా కార్యాలయంలో మీడియాతో ఆయన మాట్లాడుతూ.. నకిలీ మద్యం కేసులో అరెస్టయిన టీడీపీ నేత జయచంద్రారెడ్డికి వైఎస్సార్‌సీపీతో లింకులున్నాయని, కోవర్ట్‌గా తమ పారీ్టలో చేరాడంటూ సీఎం చంద్రబాబు అనడం ఆయన దివాళాకోరు తనానికి నిదర్శనమన్నారు.దొరికిన దొంగలకు వైఎస్సార్‌సీపీ కోవర్ట్‌ అనే ముద్ర వేసి, తప్పించుకునేందుకు చంద్రబాబు ప్రయత్నిస్తున్నారని ధ్వజమెత్తారు. చిత్తశుద్ధి ఉంటే నకిలీ మద్యంపై సీబీఐ విచారణ జరిపించాలని సవాల్‌ విసిరారు. నకిలీ మద్యం మరణాలపై వాస్తవాలను వెలుగులోకి తెస్తున్న ‘సాక్షి’ యాజమాన్యం, విలేకరులపై కూటమి ప్రభుత్వం తప్పుడు కేసులతో దాడి చేస్తోందని ఆగ్రహం వ్యక్తం చేశారు. నిజాలు ప్రజలకు తెలియకూడదని మీడియా గొంతు నొక్కేందుకు కూడా ఈ ప్రభుత్వం సిద్ధమైందన్నారు. రాష్ట్రంలో ఎన్నడూలేని విధంగా నకిలీ మద్యం మాఫియా బయటపడిందని, ఇందులో టీడీపీ నాయకుల పాత్ర ఆధారాలతో సహా రుజువైందని చెప్పారు.సీఎం సొంత జిల్లా ములకలచెరువులోనే నకిలీ మద్యం తయారు చేసి అసలు మద్యం మాదిరిగా మార్కెట్‌లోకి తీసుకువచ్చారన్నారు. ఇంత పెద్ద వ్యవహారంలో ప్రభుత్వ పెద్దల పాత్ర చాలా స్పష్టంగా కనిపిస్తోందన్నారు. ఈ వ్యవహారంలో కీలకపాత్రధారి దాసరిపల్లె జయచంద్రారెడ్డి 2024 ఎన్ని­కల్లో టీడీపీ తరఫున చంద్రబాబు నుంచి బీఫాం తీసుకుని తంబళ్లపల్లి నియోజకవర్గం నుంచి పోటీ చేశారన్నారు. ఈ నిందితుల్లో జయచంద్రారెడ్డి బావమరిది గిరిధర్‌రెడ్డి, కట్టా సురేంద్రనాయుడు, జనార్దన్‌ తదితరులు చంద్రబాబు, లోకేశ్‌కు అత్యంత సన్నిహితులే అన్నారు.ఈనాడు రామోజీరావు కొడుకు కిరణ్, ఆంధ్రజ్యోతి రాధాకృష్ణ ఈ నకిలీ మద్యం వ్యవహారం నుంచి టీడీపీని ఎలా కాపాడాలా అని మధనపడుతున్నారని ఎద్దేవా చేశారు. ప్రతి నియోజకవర్గంలో నకిలీ మద్యం తయారీ కేంద్రాలు ఏర్పాటయ్యాయన్నారు. నెల్లూరు జిల్లా కలిగిరి, నెల్లూరు రూరల్‌ పోలీస్‌స్టేషన్‌లో ‘సాక్షి’ పత్రిక విలేకరులపై, యాజమాన్యంపై రెండు కేసులు పెట్టారన్నారు. ‘సాక్షి’ విలేకరి ఇంట్లోకి వెళ్లిన ఎక్సైజ్‌ పోలీసులు హంగామా సృష్టించారని, నకిలీ మద్యం తాగి చనిపోయారు అని వార్త రాసినందుకు విలేకరిపై జులుం ప్రదర్శించారని పేర్కొన్నారు.

వరికుంటపాడు: చంద్రబాబు చెప్పిన పథకాలు కొన్ని అరకొర మందికి అందితే.. మరి కొన్ని అమలే చేయకుండా.. సూపర్‌ సిక్స్‌ పథకాలు సూపర్‌ హిట్‌ అంటూ ప్రచారం చేసుకోవడానికి సిగ్గు లేదా? అని వైఎస్సార్‌సీపీ జిల్లా అధ్యక్షుడు, మాజీ మంత్రి డాక్టర్‌ కాకాణి గోవర్ధన్‌రెడ్డి దుయ్యబట్టారు. కూటమి సూపర్‌ సిక్స్‌ పథకాలు.. డూపర్‌ మోసాలపై ప్రతి కార్యకర్త ప్రతి ఇంటికి తెలియజేయాలని కోరారు. శుక్రవారం వరికుంటపాడు మండలం ఇరువురులో నిర్వహించిన వైఎస్సార్‌సీపీ ఆత్మీయ సభలో పాల్గొని మాట్లాడారు. చంద్రబాబు నిన్సిగ్గుగా అబద్ధాలు మాట్లాడుతూ సూపర్‌ సిక్స్‌ పథకాలను జూన్‌ 2024 నుంచి అమలు చేస్తానని మొదటి ఏడాది ఎగ్గొట్టారన్నారు. అన్నదాత సుఖీభవ పథకం కింద చంద్రబాబు రైతులకు శఠగోపం పెట్టారన్నారు. ఎంత మంది పిల్లలు ఉంటే అందరికీ తల్లికి వందనం పథకంగా రూ.15 వేలు ఇస్తానని అరకొరగా నిధులు జమ చేశాడన్నారు. నిరుద్యోగ భతి, మహిళలకు ఆడబిడ్డ నిధి పథకాల ఊసేలేకుండా మంగళం పాడేశారన్నారు. రైతులు ఆరుగాలం కష్టపడి పండించిన పంటలకు గిట్టుబాటు ధర కల్పించకుండా, రైతులను నష్టాల ఊబిలోకి నెట్టేశారన్నారు. చంద్రబాబు తన అసమర్థతను కప్పిపుచ్చుకునేందుకు ప్రశ్నించే వారిపై పోలీసులను ఉసిగొల్పి వైఎస్సార్‌సీపీ నాయకులు, కార్యకర్తలపై అక్రమ కేసులు పెట్టడం, జైలుకు పంపుతున్నారన్నారు. చంద్రబాబు కాపీ కొట్టడం తప్ప, ప్రజలకు సంక్షేమ పథకాలు అందించేందుకు సొంత ఆలోచన ఉండదని, జగన్‌మోహన్‌ రెడ్డి అమలు చేసిన పథకాలు, ఇతర రాష్ట్రాల్లో అమలు చేసిన పథకాలకు పేర్లు మార్చి, అంతా తన గొప్పేనంటూ ప్రచారం చేసుకోవడం సిగ్గు చేటన్నారు. జగన్‌మోహన్‌రెడ్డి ముఖ్యమంత్రిగా ప్రజలకు ఇచ్చిన ప్రతి ఒక్క హామీని నెరవేర్చారని, దేశ చరిత్రలో రాష్ట్రానికి 17 మెడికల్‌ కాలేజీలు తెచ్చిన ఘనత ఆయనకే దక్కుతుందన్నారు. మెడికల్‌ కాలేజీల ప్రైవేటీకరణ పేరుతో చంద్రబాబు రూ.కోట్ల విలువ చేసే భూములను ఎకరా వంద రూపాయలకు ప్రైవేట్‌ పరం చేస్తున్నాడని ఆరోపించారు. మెడికల్‌ కళాశాల ప్రైవేటీకరణను వ్యతిరేకిస్తూ కోటి సంతకాల సేకరణకు శ్రీకారం చుట్టామన్నారు. కూటమి నేతలు కల్తీ మద్యం తయారు చేస్తూ ప్రజల ప్రాణాలతో ఆడుకుంటున్నారన్నారు. చంద్రబాబు అనుచరులే కల్తీ మద్యం తయారీలో ప్రధాన సూత్రధారులుగా నిలిచారని, వీరి అండదండలు లేకపోతే చంద్రబాబు సొంత జిల్లాలో కల్తీ మద్యాన్ని స్వేచ్ఛగా తయారు చేయడం సాధ్యమేనా అనే అనుమానాలు కలుగుతున్నాయన్నారు. జగన్‌మోహన్‌రెడ్డి, వైఎస్సార్‌సీపీపై మీకున్న ప్రేమాభిమానాలు వెలకట్టలేనివని, కష్టకాలంలో పార్టీ జెండాను మోసిన ప్రతి ఒక్క కార్యకర్తను మా భుజాలపై మోసేందుకు మేము సిద్ధంగా ఉన్నామన్నారు. ఈ సమావేశంలో నెల్లూరు పార్లమెంటరీ పరిశీలకులు జంకె వెంకటరెడ్డి, ఎమ్మెల్సీ మేరిగ మురళీధర్‌, ఉదయగిరి నియోజకవర్గ పరిశీలకులు ధనుంజయరెడ్డి, ఉదయగిరి నియోజకవర్గ యువనాయకులు మేకపాటి అభినవ్‌రెడ్డి, జెడ్పీటీసీలు, గణపం బాలకృష్ణారెడ్డి, మేదరమెట్ల శివ లీల, చెరుకుపల్లి రమణారెడ్డి, మోడీ రామాంజనేయులు, అన్ని మండలాల ముఖ్య నాయకులు, కార్యకర్తలు పాల్గొన్నారు. చంద్రబాబు అబద్ధాలు, మోసాలను ప్రతి కార్యకర్త ప్రజల్లోకి తీసుకెళ్లాలి 17 నెలల పాలనలో ఒక్క అభివృద్ధి కార్యక్రమం చేపట్టలేదు మాజీ మంత్రి కాకాణి గోవర్ధన్‌రెడ్డి

నెల్లూరు (స్టోన్‌హౌస్‌పేట): ఈ రాష్ట్రంలో అసమర్థ, అబద్ధాల పాలకులు రాజ్యమేలుతున్నారని, మెడికల్‌ కళాశాలల విషయంలో ఇది ప్రస్ఫుటం అవుతుందని వైఎస్సార్‌సీపీ జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డి దుయ్యబట్టారు. మెడికల్‌ కళాశాలల ప్రైవేటీకరణను నిరసిస్తూ కోటి సంతకాల కార్యక్రమానికి శ్రీకారం చుట్టామన్నారు. వైఎస్సార్‌సీపీ జిల్లా కార్యాలయంలో శుక్రవారం మెడికల్‌ కళాశాలల ప్రైవేటీకరణను వ్యతిరేకిస్తూ కోటి సంతకాల సేకరణ పోస్టర్‌ను ఎమ్మెల్సీలు పర్వతరెడ్డి చంద్రశేఖర్‌ రెడ్డి, మేరిగ మురళీధర్‌, మాజీ ఎమ్మెల్యే కిలివేటి సంజీవయ్య, నెల్లూరు రూరల్‌ ఇన్‌చార్జి ఆనం విజయకుమార్‌రెడ్డి, రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత, అనుబంధ సంఘాల అధ్యక్షులు, వైఎస్సార్‌సీపీ నాయకులు, కార్యకర్తలతో కలిసి ఆవిష్కరించారు. మాజీ సీఎం వైఎస్‌ జగన్‌మోహన్‌ర్డెడి ఆదేశాల మేరకు రాష్ట్రం మొత్తం మెడికల్‌ కళాశాల ప్రైవేటీకరణను నిరసిస్తూ కోటి సంతకాల సేకరణ ప్రజా ఉద్యమానికి శ్రీకారం చుట్టామన్నారు. తొలిరోజు ఉదయగిరి నియోజకవర్గంలో లాంఛనంగా ప్రారంభించామన్నారు. మెడికల్‌ కళాశాలల ప్రైవేటీకరణను ప్రజలు తీవ్రంగా వ్యతిరేకిస్తున్నా, చంద్రబాబు పట్టించుకోవడం లేదన్నా రు. ప్రజల సొమ్మును ప్రభుత్వ ఆస్తులను కొల్ల గొట్టే విధంగా చంద్రబాబు ప్రవర్తిస్తున్నాడన్నారు. జగన్‌మోహన్‌రెడ్డి రాష్ట్రానికి తీసుకుని వచ్చిన 17 మెడికల్‌ కాలేజీల్లో 10 మెడికల్‌ కాలేజీలను చంద్రబాబు ప్రైవేట్‌ పరం చేస్తున్నాడన్నారు. పేద విద్యార్థులు వైద్య విద్య దూరం కావడంతోపాటు, పేదల కోసం ప్రభుత్వ సూపర్‌ స్పెషాలిటీ ఆస్పత్రులు ఏర్పాటు కాబోవన్నారు. రాజ్యాంగ పదవిలో ఉన్న స్పీకర్‌ అయ్యన్నపాత్రుడు నర్సీపట్నం మెడికల్‌ కళాశాలకు సంబంధించి అబద్ధాలు మాట్లాడడం దారుణమని, జగన్‌మోహన్‌రెడ్డి నర్సీపట్నం మెడికల్‌ కళాశాల వద్ద కూటమి నేతలు మాట్లాడే అబద్ధాలను ప్రజలకు తెలిసేలా చేశారన్నారు. కూటమి నేతలు చేస్తున్న తప్పులను ఒప్పుకోకుండా, జగన్‌మోహన్‌ రెడ్డిపై నిందలు వేస్తున్నారన్నారు. ఆయన తెచ్చిన ప్రభుత్వ మెడికల్‌ కళాశాలలను చంద్రబాబు ప్రైవేట్‌ సంస్థలకు అమ్ముకుంటూ, సొమ్ము చేసుకోవడం దుర్మార్గమన్నారు. కోట్ల రూపాయలు విలువ చేసే ఆస్తులను ప్రైవేటు పరం చేయడాన్ని తమ పార్టీ వ్యతిరేకిస్తుందని, అక్టోబర్‌ 10 నుంచి నవంబర్‌ 22వ తేదీ వరకు 42 రోజుల పాటు అన్ని గ్రామాల్లో, పట్టణాల్లో మెడికల్‌ కళాశాల ప్రైవేటీకరణకు వ్యతిరేకంగా ప్రజల నుంచి సంతకాలు సేకరిస్తామన్నారు. అక్టోబర్‌ 28వ తేదీన నియోజకవర్గ స్థాయిలో, నవంబర్‌ 12వ తేదీన జిల్లా స్థాయిలో ర్యాలీ నిర్వహించి, ప్రజలలో అవగాహన కల్పిస్తామన్నారు. ప్రతి నియోజకవర్గంలో ప్రజల నుంచి 60 వేల సంతకాల సేకరించడమే లక్ష్యంగా కార్యక్రమాన్ని నిర్వహిస్తున్నామని, నవంబర్‌ 26వ తేదీ సేకరించిన కోటి సంతకాలను జగన్‌మోహన్‌రెడ్డి నాయకత్వంలో గవర్నర్‌కు వినతి పత్రంగా అందజేస్తామన్నారు. మెడికల్‌ కళాశాలల ప్రైవేటీకరణను అడ్డుకుని తీరుతాం కోటి సంతకాల ఉద్యమంతో కూటమిని కూకటి వేళ్లతో సహా పెకలిస్తాం వైఎస్సార్‌సీపీ జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డి

పేదల వైద్య సేవలపై కూటమి ప్రభుత్వ నిర్దయ కొనసాగుతోంది. 2014–19 మధ్య ఆరోగ్యశ్రీ పథకాన్ని నిర్లక్ష్యం చేసింది. అంతకు ముందుకు 3500పైగా ప్రొసీజర్స్‌ ఉంటే.. వాటిని సగానికి పైగా తగ్గించడంతోపాటు అత్యంత అవసరమైన ప్రొసీజర్లను ఆరోగ్యశ్రీ నుంచి తొలగించింది. తాజాగా మరోసారి అధికారంలోకి వచ్చిన టీడీపీ కూటమి ప్రభుత్వం పేద వైద్య సేవలను నిర్లక్ష్యం వహిస్తోంది. ప్రభుత్వ వైద్య సేవలతోపాటు ఆరోగ్యశ్రీ విషయంలో కూటమి ప్రభుత్వం నిర్లక్ష్యం కారణంగా వైద్య సేవలు పూర్తిగా నిలిచిపోయాయి. గ్రామీణ ప్రాంతాల్లోని పీహెచ్‌సీ డాక్టర్లు సమ్మె చేస్తున్నారు. ప్రైవేట్‌ ఆస్పత్రులకు ఆరోగ్యశ్రీ బకాయిలు చెల్లించకపోవడంతో పేదలకు ఎటువంటి వైద్య సేవలు అందే పరిస్థితి లేకుండా పోయింది. ప్రస్తుత ప్రభుత్వ వైఖరి చూస్తుంటే.. కరోనా వచ్చినప్పుడు ఈ ప్రభుత్వమే ఉండి ఉంటే.. ఊర్లకు ఊర్లు శ్మశానాలు అయ్యేవంటూ గ్రామీణ ప్రజలు, పేదలు అప్పటి పరిస్థితులు తలుచుకుని ఒక్కసారిగా వణికిపోతున్నారు.

● ఈకేవైసీ ప్రవేశపెట్టిన కేంద్రం ● యాప్‌లో వివరాల నమోదుఉదయగిరి: జాతీయ ఉపాధి హామీ పథకంలో అక్రమాలు పెరిగాయి. ఈ నేపథ్యంలో కూలీలు తప్పనిసరిగా ఈకేవైసీ చేయించుకోవాలని కేంద్ర ప్రభుత్వం ఆదేశాలు జారీచేసింది. కూలీలు తమ జాబ్‌కార్డుతో ఆధార్‌కార్డును అనుసంధానం చేసుకుంటేనే పనికి వెళ్లే వెసులుబాటు ఉంటుంది. ఈకేవైసీ నమోదు ప్రక్రియ కోసం కేంద్రం ప్రత్యేక యాప్‌ను ప్రవేశపెట్టింది. ఇప్పటికే జిల్లా వ్యాప్తంగా ఈ ప్రక్రియ సాగుతోంది. కూలీలు ఉపాధి సిబ్బందిని సంప్రదించాల్సి ఉంటుంది. ఈకేవైసీ చేయించుకోకపోతే పనిచేసే అర్హత కోల్పోతారని ప్రభుత్వం స్పష్టం చేసింది. ఉపాధి పనుల్లో పారదర్శకత కొరవడటం, అవినీతి ఆరోపణలు, నిధుల దు ర్వినియోగం తదితర అంశాలపై తరచూ ఆరోపణలు వెల్లువెత్తడం, సోషల్‌ ఆడిట్‌లో వెలుగు చూస్తుండటంతో కేంద్రం ఈ చర్యకు ఉపక్రమించింది. క్షేత్రస్థాయిలో జరిగే అవినీతికి చెక్‌ పెట్టేందుకు సాంకేతిక పరిజ్ఞానాన్ని ఉపయోగించాలని నిర్ణయించింది.పనులు చేస్తున్న కూలీలు ఈకేవైసీ చేస్తున్న సిబ్బంది

నెల్లూరు(అర్బన్‌): ఇండియన్‌ మెడికల్‌ అసోసియేషన్‌ జిల్లా అధ్యక్షుడిగా ప్రభుత్వ సర్వజన ఆస్పత్రిలో పనిచేస్తున్న ఆర్థోపెడిక్‌ ప్రొఫెసర్‌ డాక్టర్‌ మస్తాన్‌బాషా, కార్యదర్శిగా నగరంలోని ఎండోక్రైనాలజిస్ట్‌ రామ్మోహన్‌రావును ఎన్నుకున్నారు. నెల్లూరు సరస్వతి నగర్‌లోని ఐఎంఏ హాల్లో గురువారం రాత్రి జరిగిన సభలో నూతన కార్యవర్గాన్ని ఎన్నుకున్నారు. కోశాధికారిగా డాక్టర్‌ హర్షవర్ధన్‌, నెల్లూరు మెడికల్‌ సొసైటీ చైర్మన్‌గా డాక్టర్‌ ఉమామహేశ్వరరెడ్డి, సెక్రటరీగా డాక్టర్‌ ప్రదీప్‌ను, కోశాధికారిగా డాక్టర్‌ వెంకటేశ్వర్లును ఏకగ్రీవంగా ఎన్నుకున్నారు. నూతన అధ్యక్షుడు మస్తాన్‌బాషా మాట్లాడుతూ అందరి సహకారంతో డాక్టర్ల సమస్యల పరిష్కారానికి కృషి చేస్తానని తెలిపారు. తనను ఎన్నుకున్నవారికి ధన్యవాదాలు తెలిపారు. కార్యక్రమంలో పూర్వ అధ్యక్షుడు డాక్టర్‌ అమరేంద్రనాథ్‌రెడ్డి, గౌరవ కార్యదర్శి డా.రాహుల్‌బాబు తదితరులు పాల్గొన్నారు.మస్తాన్‌బాషా రామ్మోహన్‌రావు

మనుబోలు: పిడూరుపాళెంలో శ్రీ వెంకటేశ్వర ఫర్టిలైజర్స్‌లో సరైన అనుమతి పత్రాలు లేకపోవడంతో రూ.75,400 విలువైన యూరియాను విక్రయించడానికి వీల్లేదంటూ (స్టాప్‌ సేల్‌) ఆదేశాలు జారీ చేశామని ఏడీఏ కె.కన్నయ్య తెలిపారు. మండలంలోని ఎల్‌ఎన్‌పురం, కాగితాలపూరు, మనుబోలు, పిడూరుపాళెం, బద్దెవోలు గ్రామాల్లోని విత్తన, ఎరువుల దుకాణాలను శుక్రవారం వ్యవసాయ శాఖ అధికారులు తనిఖీ చేశారు. స్టాక్‌ రిజిస్టర్‌లు, బిల్‌ పుస్తకాలు, ఎరువుల నిల్వలను పరిశీలించారు. మన్నారు. ఆయన వెంట మనుబోలు మండల వ్యవసాయాధికారి వెంకటకృష్ణ, సిబ్బంది ఉన్నారు.

● అల్లూరు రోడ్డుపై ఇదీ పరిస్థితి ● కొంతమేర వేసి వదిలేసిన వైనం కొడవలూరు: అల్లూరు రోడ్డు ప్రయాణికులకు నరకం చూపుతోంది. కొడవలూరు నుంచి అల్లూరు వెళ్లే రోడ్డుకు ఎంతో ప్రాధాన్యముంది. దీని మీదుగానే విడవలూరు, రామతీర్థం, అల్లూరుకు వెళ్లాల్సి ఉంది. మండల పరిధిలో 5 కి.మీ. మేర విస్తరించి ఉంది. ఇది పూర్తిగా దెబ్బతిని గుంతలమయంగా మారింది. ఇటీవల నిర్మాణం చేశారు. కానీ కొడవలూరు నుంచి గుండాలమ్మపాళెం వరకూ ఒక కిలోమీటర్‌ మేర వదిలేశారు. అక్కడి నుంచి పద్మనాభసత్రం వరకూ వేశారు. పద్మనాభసత్రం నుంచి తలమంచి రోడ్డు వరకూ వేయలేదు. ఇరువైపులా కిలోమీటర్‌ వంతున రోడ్డు వేయకపోవడం వల్ల పెద్దగా ప్రయాజనం కనిపించడం లేదు. ఈ రెండు కిలోమీటర్ల రహదారి బాగా దెబ్బతిని గుంతలమయమై ఉంది. ద్విచక్ర వాహనదారులు తీవ్ర ఇబ్బందులు పడుతున్నారు. ఈ మార్గంలో బస్సులు ఎక్కువ సంఖ్యలో తిరుగుతున్నాయి. రాకపోకలు సాగించే ప్రయాణికుల బాధలు వర్ణనాతీతం. రాత్రి వేళల్లో ద్విచక్ర వాహనదారులు గుంతల్లో పడి ప్రాణాల మీదకు తెచ్చుకొంటున్నారు. నెల క్రితం ఓ వ్యక్తి పడిపోయి తీవ్రంగా గాయపడి ఆస్పత్రిలో చికిత్స పొందుతూ మృతిచెందాడు. పైగా గుంతలమయంగా ఉన్న ఈ రోడ్డు మలుపులుగా ఉండటంతో మరింత ప్రమాదాలు జరుగుతున్నాయి. కూటమి ప్రభుత్వంలో రోడ్డు బాగు పడుతుందని అందరూ భావించారు. కానీ పూర్తిగా వేయకుండా ఇరువైపులా వదిలేయడంతో ప్రజలు ఆగ్రహం వ్యక్తం చేస్తున్నారు. ఎమ్మెల్యే స్పందించి రోడ్డును పూర్తి స్థాయిలో అభివృద్ధి చేయాలని కోరుతున్నారు.

● మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి కావలి(అల్లూరు): ప్రభుత్వ మెడికల్‌ కాలేజీలను ప్రైవేటీకరణ చేసేందుకు కూటమి ప్రభుత్వం కుట్రలు పన్నుతోందని కావలి మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి అన్నారు. శుక్రవారం పట్టణంలోని ఆయన నివాసంలో వైఎస్సార్‌సీపీ కోటి సంతకాల ప్రజా ఉద్యమం పోస్టర్లను ఆవిష్కరించారు. ఈ సందర్భంగా రామిరెడ్డి మాట్లాడుతూ కావలి నియోజకవర్గం నుంచి 60 వేల సంతకాల సేకరణే లక్ష్యంగా వైఎస్సార్‌సీపీ నాయకులు, కార్యకర్తలు పనిచేయాలని సూచించారు. నవంబర్‌ 25న వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి నేతృత్వంలో గవర్నర్‌కు కోటి సంతకాలు అందజేస్తామన్నారు. ఈనెల 28న కావలి ఆర్డీఓ కార్యాలయం వరకు ర్యాలీగా వెళ్లి వినతిపత్రాన్ని అందజేయడం జరుగుతుందన్నారు. పేదల కోసం జగన్‌ ప్రభుత్వ మెడికల్‌ కాలేజీల ఏర్పాటుకు చర్యలు తీసుకున్నారన్నారు. ఎక్కడా లేని విధంగా వైద్య విద్యను ప్రైవేటీకరణ చేయడం దారుణమన్నారు. ఇది పేద, మధ్య తరగతి విద్యార్థులకు వైద్య విద్యను దూరం చేయడమేనన్నారు. ప్రైవేటీకరణ ఆపకపోతే పోరాటాన్ని తీవ్రతరం చేసేందుకు సిద్ధంగా ఉన్నామని హెచ్చరించారు. కార్యక్రమంలో నాయకులు కేతిరెడ్డి శివకుమార్‌రెడ్డి, దండా కృష్ణారెడ్డి, వాయిల తిరపతి, కనమర్లపూడి నారాయణ, చెన్ను ప్రసాద్‌రెడ్డి, గుడ్లూరు మాల్రాద్రి, దామిశెట్టి సుధీర్‌ నాయుడు, కుందుర్తి కామయ్య, గంధం ప్రసన్నాంజనేయులు, వెంకటేశ్వర్‌ రెడ్డి, షాహుల్‌ హమీద్‌, కె.శ్రీనివాసులురెడ్డి, కె.శ్రీనివాసులు, అబ్దుల్లా, మునీర్‌ తదితరులు పాల్గొన్నారు.

కాలువలో పేరుకుపోయిన వ్యర్థాలుఇలా ఉంటే రోగాలు రావా? కాలువ మొత్తం ఇదే దుస్థితినెల్లూరు సిటీ.. ఇది సాక్షాత్తు రాష్ట్ర మున్సిపల్‌ శాఖ మంత్రి పొంగూరు నారాయణ ప్రాతినిధ్యం వహిస్తున్న నియోజకవర్గం. ఇక్కడ పారిశుద్ధ్యం అధ్వానంగా మారింది. నెల్లూరును రాష్ట్రంలోనే రోల్‌మోడల్‌గా తీర్చిదిద్దుతానని నిత్యం మంత్రి చెబుతుంటారు. అయితే క్షేత్రస్థాయిలో పరిస్థితులు జనం రోగాల బారిన పడేలా ఉన్నాయి. సర్వేపల్లి, జాఫర్‌సాహెబ్‌ కాలువల్లో చెత్త పేరుకుపోయింది. ప్లాస్టిక్‌ వ్యర్థాలు అలాగే ఉన్నాయి. దుర్వాసనతో స్థానికులు తీవ్ర ఇబ్బందులు పడుతున్నారు. అయినా దీని గురించి పట్టించుకునే వారు లేకుండా పోయారు. – సాక్షి ఫొటోగ్రాఫర్‌, నెల్లూరు

● వృద్ధుడిని ఢీకొట్టిన కారు ● డ్రైవర్‌ నిద్రమత్తే కారణం ● సాయంత్రం గుర్తించే సరికి ప్రాణాలు విడిచి..దుత్తలూరు: కారు ఢీకొట్టడంతో ఓ వృద్ధుడు పొదల్లో పడ్డాడు. ఆయన్ను ఎవరూ గుర్తించలేదు. సాయంత్రం చూసేసరికి చనిపోయి ఉన్నాడు. ఈ ఘటన శుక్రవారం దుత్తలూరు పంచాయతీ చింతలగుంట సమీపంలో 565వ జాతీయ రహదారిపై జరిగింది. స్థానికులు, పోలీసుల కథనం మేరకు.. గ్రామానికి చెందిన దుగ్గినబోయిన పెదబాల నరసింహులు (70) రహదారి పక్కన నడిచి వెళ్తున్నాడు. వైఎస్సార్‌ కడప జిల్లా బద్వేల్‌ నుంచి పామూరు వైపు కారు వెళ్తుండగా డ్రైవర్‌ నిద్రమత్తులో నరసింహుల్ని ఢీకొట్టాడు. దీంతో కారు రోడ్డు మార్జిన్‌ దిగి పొదల్లోకి దూసుకెళ్లింది. స్థానికులు అక్కడికి చేరుకుని కారును ట్రాక్టర్‌తో బయటకు తీశారు. అయితే నరసింహులును కారు ఢీకొట్టిన విషయం ఎవరూ గమనించలేదు. సాయంత్రమైనా ఆయన ఇంటికి రాకపోవడంతో కుటుంబ సభ్యులు ఆందోళన చెంది గ్రామ పరిసర ప్రాంతాల్లో గాలించారు. అనుమానం వచ్చి కారు ప్రమాదం జరిగిన ప్రదేశంలో చూడగా చెప్పులు కనిపించాయి. దీంతో పరిసర ప్రాంతాల్లో చూశారు. పొదల్లో నరిసింహులు విగతజీవిగా పడి ఉన్నాడు. వెంటనే గ్రామస్తులు బయటకు తీయగా చనిపోయి ఉన్నాడు. గ్రామస్తులు సమాచారాన్ని పోలీసులకు అందించడంతో వారు ఘటనా స్థలానికి చేరుకుని వివరాలు సేకరించారు.

● ఉద్యాన శాఖ విస్తరణాధికారిణి మృతి నెల్లూరు(క్రైమ్‌): జాతీయ రహదారిపై జరిగిన రోడ్డు ప్రమాదంలో ఉద్యాన విస్తరణాధికారిణి మృతిచెందారు. పోలీసుల కథనం మేరకు.. నెల్లూరు నవాబుపేట కృష్ణానగర్‌లో డి.ప్రియాంక (34), బాలవిశ్వనాథ్‌ దంపతులు నివాసముంటున్నారు. ప్రియాంక కోవూరులో ఉద్యాన విస్తరణాధికారిణిగా పనిచేస్తున్నారు. గురువారం సాయంత్రం ఆమె వేదాయపాళెంలోని ఆ శాఖ జిల్లా కార్యాలయానికి స్కూటీపై బయలుదేరారు. సౌత్‌రాజుపాళెం జంక్షన్‌ వద్దకు వచ్చే సరికి వెనుక నుంచి మినీ ట్రక్కు స్కూటీని వేగంగా ఢీకొంది. గాయాలపాలైన ఆమెను స్థానికులు సమీపంలోని మెడికవర్‌ హాస్పిటల్‌కు తరలించారు. పరీక్షించిన వైద్యులు అప్పటికే ప్రియాంక మృతిచెందినట్లు నిర్ధారించారు. ఈ మేరకు నార్త్‌ ట్రాఫిక్‌ పోలీసులకు సమాచారం అందింది. వారు హాస్పిటల్‌కు చేరుకుని మృతదేహాన్ని జీజీహెచ్‌ మార్చురీకి తరలించి కేసు నమోదు చేశారు. రెండు పెట్రోలు పంపుల సీజ్‌ పొదలకూరు: పట్టణంలోని సంగం రోడ్డు సెంటర్‌లో ఉన్న దామోదరం పెట్రోలు బంక్‌లో గురువారం లీగల్‌ మెట్రాలజీ శాఖ అధికారులు ఆకస్మికంగా తనిఖీలు నిర్వహించి రెండు పంపులను సీజ్‌ చేశారు. ఈ సందర్భంగా మూడు జిల్లాల లీగల్‌ మెట్రాలజీ అధికారి ఐజాక్‌ మాట్లాడుతూ పెట్రోలు బంక్‌లో కొలతలు తేడా ఉన్నట్టు వెల్లడించారు. 5 లీటర్ల పెట్రోలు, డీజిల్‌ పట్టుకుంటే 100 ఎంఎల్‌ నుంచి 140 ఎంఎల్‌ తేడా చూపుతున్నట్టు పేర్కొన్నారు. తనిఖీల్లో జిల్లా లీగల్‌ మెట్రాలజీ అధికారి రియాజ్‌బాషా, ఏఎస్‌ఓ అంకయ్య, సివిల్‌ సప్లయ్స్‌ డీటీ ఐ.రవి పాల్గొన్నారు. నెల్లూరు పౌల్ట్రీ అసోసియేషన్‌ ధరలు బ్రాయిలర్‌: రూ.118 లేయర్‌ రూ.122 బ్రాయిలర్‌ చికెన్‌: రూ.214 స్కిన్‌లెస్‌ చికెన్‌: రూ.236 లేయర్‌ చికెన్‌: రూ.207

సమాజంలో మానసిక సమస్యలున్న వారి సంఖ్య పెరగడం బాధాకరం. ఇలాంటి వారికి ప్రాథమిక లక్షణాలున్నప్పుడే గుర్తించి తగిన చికిత్స అందిస్తే కోలుకుంటారు. చికిత్సతోపాటు ఒత్తిడిని జయించేలా కౌన్సెలింగ్‌ ఇప్పించాలి. లేకుంటే చిన్న సమస్యలకే కోపం, ఆత్మన్యూనత, ఆత్మహత్య లాంటి ఆలోచనలు వస్తాయి. ఇలాంటి వారికి హిప్పో థెరపీ, బిహేవియర్‌ థెరపీ, సైకో థెరపీ చికిత్సలు అవసరం. ప్రస్తుతం ఇతర శారీరక అనారోగ్యాలకు చికిత్స అందిస్తున్నట్టుగానే మానసిక జబ్బులకు చికిత్స అందిస్తున్నాం. – డాక్టర్‌ లక్ష్మీప్రసూన, మానసిక వైద్య విభాగం హెచ్‌ఓడీ, సర్వజన ఆస్పత్రి, నెల్లూరు

● నల్లపరెడ్డి ప్రసన్నకుమార్‌రెడ్డి కోవూరు: ‘ప్రభుత్వ మెడికల్‌ కాలేజీల ప్రైవేటీకరణపై పోరాటం చేస్తాం. ఈనెల 28వ తేదీన కోవూరులో భారీ ప్రదర్శన జరుగుతుంది’ అని మాజీ మంత్రి నల్లపరెడ్డి ప్రసన్నకుమార్‌రెడ్డి తెలిపారు. వైఎస్సార్‌సీపీ కోవూరు నియోజకవర్గ విస్తృత స్థాయి సమావేశం గురువారం నెల్లూరులోని ప్రసన్న నివాసంలో జరిగింది. దీనికి కోవూరు నియోజకవర్గంలోని ఐదు మండలాల కన్వీనర్లు, సీనియర్‌ నాయకులు, రాష్ట్ర, జిల్లా, నియోజకవర్గ స్థాయి పదవుల్లో ఉన్న వారు హాజరయ్యారు. ప్రభుత్వ నిర్ణయాలు, ప్రజా సమస్యలు, రాబోయే కార్యక్రమాలపై విస్తృతంగా చర్చించారు. ఈ సందర్భంగా నల్లపరెడ్డి మాట్లాడుతూ వైఎస్‌ జగన్‌మోహన్‌రెడ్డి పాలనలో రాష్ట్రం అభివృద్ధి చెందినట్లు చెప్పారు. పేదలు, మధ్య తరగతి కుటుంబాల కోసం విద్య, వైద్య రంగాల్లో విప్లవాత్మక మార్పులు తీసుకొచ్చారన్నారు. ప్రభుత్వ మెడికల్‌ కాలేజీలను ఏర్పాటు చేసి వైద్య విద్యను సామాన్యులకు అందుబాటులోకి తీసుకొచ్చినట్లు చెప్పారు. కూటమి ప్రభుత్వం ఆ కాలేజీలను ప్రైవేట్‌పరం చేసేందుకు ప్రయత్నాలు ప్రారంభించిందన్నారు. పేదలకు వ్యతిరేకంగా తీసుకున్న ఈ నిర్ణయాన్ని వైఎస్సార్‌సీపీ ఎట్టి పరిస్థితుల్లోనూ సహించదన్నారు. ప్రజలు, విద్యార్థులు, భవిష్యత్‌ తరాల కోసం రాష్ట్ర వ్యాప్తంగా పోరాటం ముమ్మరం చేస్తామన్నారు. కూటమి అధికారంలోకి వచ్చాక పేదలకు ఆనందం కరువైందన్నారు. ప్రజా సంక్షేమ పథకాలు నిలిచిపోయాయని చెప్పారు. ప్రజలకు ఉపాధి, భద్రత లభించడం లేదన్నారు. వైఎస్సార్‌సీపీ ప్రభుత్వం చేసిన అభివృద్ధి, సంక్షేమ కార్యక్రమాలను కూటమి ప్రభుత్వం చెరిపేయాలని ప్రయత్నిస్తోందని ఆగ్రహం వ్యక్తం చేశారు. ప్రభుత్వ మెడికల్‌ కాలేజీల ప్రైవేటీకరణకు వ్యతిరేకంగా ఈనెల 28వ తేదీన కోవూరు మండలంలో చేపట్టే భారీ ప్రదర్శనను విజయవంతం చేయాలని పిలుపునిచ్చారు. ప్రతి గ్రామంలో అవగాహన కార్యక్రమాలు నిర్వహించి ప్రజల్లో చైతన్యం కల్పించాలన్నారు.

నేడు ప్రపంచ మానసిక ఆరోగ్య దినోత్సవం● నిర్లక్ష్యం చేస్తే మతిస్థిమితం కోల్పోవడం ఖాయం ● రోజూ వైద్యం కోసం వెళ్తున్న మూడు వేలమంది ● ఒత్తిడి, అవహేళనతో కుంగుబాటు ● ప్రాథమిక దశలో చికిత్సతో సాధారణ జీవితం జిల్లాలో రోజూ సుమారు 15 వేల మంది వరకు ప్రభుత్వ, ప్రైవేట్‌ వైద్యశాలల్లో చికిత్స కోసం వస్తున్నారు. వీరిలో మూడు వేల మంది రోగులు మానసిక సమస్యలతో డాక్టర్ల వద్దకు వైద్యం కోసం వెళ్తున్నారు. గతంలో నెల్లూరులో కేవలం ఇద్దరు మానసిక వైద్య నిపుణులుండగా ఇప్పుడు పదిమంది వరకు చికిత్స అందిస్తున్నారు. అలాగే ప్రభుత్వ సర్వజన ఆస్పత్రిలో ప్రత్యేకంగా పలువురు మానసిక వైద్య నిపుణులతో విభాగం ఉంది. నెల్లూరు(అర్బన్‌): మనిషి సంపూర్ణ ఆరోగ్యంగా ఉన్నప్పుడే ఏదైనా సాధిస్తాడు. శారీరక ఆరోగ్యమే కాదు. మానసిక ఆరోగ్యం కూడా చాలా ముఖ్యమే. చదువు పేరుతో విద్యార్థుల్లో విపరీతమైన ఒత్తిడి పెంచడం, ఉద్యోగులను టార్గెట్‌ల పేరుతో వేధించడం, సీ్త్రలకు పిల్లలు సకాలంలో పుట్టకపోతే తక్కువ చేసి చూడటం, కొన్ని శారీరక అనారోగ్యాలు, సామాజికంగా తక్కువ చేసి చూడటం.. ఇవన్నీ మనిషి మెదడుపై ప్రభావాన్ని చూపుతున్నాయి. ఏమి చేయలేమనే ఆత్మన్యూనత భావంతో అనేకమంది మానసిక రోగులుగా మారుతున్నారు. వీరికి సకాలంలో కౌన్సెలింగ్‌ ఇచ్చి ప్రాథమిక దశలోనే వైద్య చికిత్స చేస్తే కోలుకుంటారు. లేకుంటే జీవితం నరకప్రాయంగా మారుతుంది. కొన్ని సందర్భాల్లో మతిస్థిమితం కోల్పోయే ప్రమాదం పొంచి ఉంది. ప్రజల్లో చైతన్యం తెచ్చేందుకు ప్రపంచ ఆరోగ్య సంస్థ 1992 నుంచి అక్టోబర్‌ 10వ తేదీని ప్రపంచ మానసిక ఆరోగ్య దినోత్సవంగా నిర్వహిస్తోంది. మానసిక ఒత్తిడే ప్రధాన కారణం హడావుడి జీవితం, ఒత్తిడితో బతకడం నేటి సమాజంలో మామూలైంది. ఉమ్మడి కుటుంబాలు చిన్నాభిన్నమై, సమస్య వచ్చినప్పుడు సరిదిద్దే పెద్దలు లేకపోవడంతో చిన్న విషయాలకు కూడా ఆత్మహత్యలకు పాల్పడుతున్నారు. విద్యార్థి దశ నుంచే పోటీతత్వం పెరిగిపోయింది. ర్యాంక్‌ల పేరుతో ఇంట్లో తల్లిదండ్రులు, విద్యాలయాల్లో అధ్యాపకులు తీవ్ర ఒత్తిడికి గురి చేస్తున్నారు. ఆటపాటలు, ఆనందాల్లేవు. చదువు.. చదువు అంటూ ప్రాణాలు తోడేస్తున్నారు. ఇటీవల వనంతోపు సెంటర్‌లో ఓ కళాశాలలో రెండు నెలల్లోనే ఇద్దరు విద్యార్థులు హాస్టల్‌లో ఆత్మహత్యకు పాల్పడ్డారు. అలాగే ప్రభుత్వ మెడికల్‌ కళాశాలలో ఎంబీబీఎస్‌ తొలి సంవత్సరం విద్యార్థి బలవన్మరణానికి పాల్పడ్డారు. మరో ప్రైవేట్‌ మెడికల్‌ కళాశాలలోనూ ఇలాగే జరిగింది. సామాజికంగా చిన్నచూపు చూస్తూ ఇబ్బంది పెట్టిన ఘటనలో కొందరు మానసిక సమస్యలకు గురవుతున్నారు. ఇలాంటివి జరగకుండా ఉండాలంటే కౌన్సెలింగ్‌ తప్పనిసరి. స్వచ్ఛంద సంస్థల సభ్యులు, రాజకీయ నాయకులు, సామాజిక కార్యకర్తలు, డాక్టర్లు యువతతోపాటు ప్రజలకు అవగాహన కల్పించాల్సి ఉంది. జిల్లాలో ఇలా..

నెల్లూరు(క్రైమ్‌): సీఎం చంద్రబాబు శుక్రవారం జిల్లాలో పర్యటించనున్నారు. ఎలాంటి అవాంఛనీయ ఘటనలు చోటు చేసుకోకుండా ఎస్పీ అజిత 1,250 మంది సిబ్బందితో పటిష్ట బందోబస్తు ఏర్పాటు చేశారు. ఎస్పీ గురువారం నెల్లూరులోని జిల్లా పోలీస్‌ కార్యాలయంలో బందోబస్తు విధులకు హాజరైన పోలీసు అధికారులతో సమావేశం నిర్వహించి అప్రమత్తంగా విధులు నిర్వహించాలని సూచించారు. ట్రాఫిక్‌ సమస్య తలెత్తకుండా వాహనాలను నిర్దేశిత పార్కింగ్‌ ప్రాంతాల్లోనే నిలిపేలా చూడాలన్నారు. ప్రధాన కూడళ్లలో మూవబుల్‌ బ్యారికేడ్లను ఏర్పాటు చేయాలన్నారు. సీఎం పర్యటించే ప్రాంతాల్లో డాగ్‌ స్క్వాడ్‌, బాంబ్‌ స్క్వాడ్‌లతో క్షుణ్ణంగా తనిఖీలు నిర్వహించాలన్నారు. వీవీఐపీ వెళ్లే మార్గంలో వ్యతిరేక దిశలో వాహనాల కదలికల్ని పూర్తిగా నిరోధించాలన్నారు. అనంతరం ఆమె సీఎం పర్యటించే ప్రాంతాల్లో ట్రయల్‌ కాన్వాయ్‌ నిర్వహించారు. కార్యక్రమంలో ఏఎస్పీ సీహెచ్‌ సౌజన్య, డీఎస్పీలు, ఇన్‌స్పెక్టర్‌లు, ఆర్‌ఐలు పాల్గొన్నారు. రైలు ఢీకొని వ్యక్తి దుర్మరణంనెల్లూరు(క్రైమ్‌): పట్టాలు దాటుతుండగా రైలు ఢీకొని గుర్తుతెలియని వ్యక్తి మృతిచెందాడు. ఈ ఘటన నెల్లూరు సౌత్‌ రైల్వే స్టేషన్‌ సమీపంలో చైన్నె వైపు వెళ్లే రైలు పట్టాలపై గురువారం చోటుచేసుకుంది. మృతుడి వయసు 55 నుంచి 60 ఏళ్ల లోపు ఉండొచ్చని భావిస్తున్నారు. గోధుమ రంగు ఫుల్‌ హ్యాండ్స్‌ చొక్కా, నలుపు రంగు ప్యాంట్‌ ధరించి ఉన్నారు. ప్రమాద ఘటనపై సమాచారం అందుకున్న రైల్వే ఎస్సై ఎన్‌.హరిచందన ఘటనా స్థలానికి చేరుకుని పరిశీలించారు. మృతదేహాన్ని జీజీహెచ్‌ మార్చురీకి తరలించి ఎస్సై కేసు దర్యాప్తు చేస్తున్నారు. వేట సాగక.. పూట గడవక.. తోటపల్లిగూడూరు: మండలంలోని తీర ప్రాంతంలో ఉన్న మత్స్యకారులకు ఇబ్బందుల్లో ఉన్నారు. కోడూరు పంచాయతీలోని 8 మత్స్యకార గ్రామాలతోపాటు వెంకన్నపాళెం పట్టపుపాళెంలోని సుమారు 3 వేల మంది వేటపై ఆధారపడి జీవిస్తున్నారు. కొంత కాలంగా వాతావరణం అనుకూలంగా లేకపోవడంతో సముద్రంలోని మత్స్య సంపద దరికి చేరడం లేదు. దీంతో ఇప్పటి వరకు అంతంతమాత్రంగా సాగుతున్న వేట పూర్తిగా నిలిచిపోయే పరిసిత్థి ఏర్పడింది. తీరంలో అలలు ఎగసిపడుతున్నాయి. పోటు కారణంగా సముద్రం కాస్త ఉగ్రరూపంగా మారుతోంది. దీంతో వేటకు వెళ్లేందుకు మత్స్యకారులు భయపడుతున్నారు. ఒకవేళ ధైర్యం చేసి వెళ్లినా చేపలు లభ్యం కాక ఖాళీ పడవులతో తిరిగి రావాల్సి వస్తోంది. ఈ నేపథ్యంలో అనేకమంది తమ వేట సామగ్రి, పడవులను తీరంలో కట్టేసి ఇతర పనులను చూసుకుంటున్నారు. ఈ విపత్కర పరిస్థితుల్లో ప్రభుత్వం ఆదుకోవాలని కోరుతున్నారు.

రాపూరు: కండలేరు జలాశయంలో గురువారం నాటికి 59.206 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. సోమశిల జలాశయం నుంచి కండలేరుకు 3,400 క్యూసెక్కుల నీరు చేరుతోందన్నారు. ఇక్కడి నుంచి సత్యసాయి గంగ కాలువకు 1,200, పిన్నేరు కాలువకు 80, లోలెవల్‌ కాలువకు 40, హైలెవల్‌ కాలువకు 150, మొదటి బ్రాంచ్‌ కాలువకు 5 క్యూసెక్కుల నీటిని విడుదల చేస్తున్నట్లు వెల్లడించారు.నిమ్మ ధరలు (కిలో) పెద్దవి : రూ.40 సన్నవి : రూ.25 పండ్లు : రూ.15

సీతారామపురం: మండలంలోని పండ్రంగి బీట్‌ అటవీ ప్రాంతాన్ని గుంటూరు ఫ్లయింగ్‌ స్క్వాడ్‌ బృందం గురువారం తనిఖీ చేసింది. ఈ సందర్భంగా స్క్వాడ్‌ బృంద ఎఫ్‌ఆర్వో సుబ్బారావు మాట్లాడారు. ఎర్రచందనం అక్రమ రవాణాపై అటవీ శాఖ సిబ్బంది డేగకన్ను వేయాలని సూచించారు. అడవుల సంరక్షణపై అంకితభావంతో పనిచేయాలని కోరారు. అటవీ సంపదను ఎవరైనా అక్రమంగా నరికి తరలిస్తున్నారనే అంశాలపై క్షుణ్ణంగా తనిఖీలు చేపట్టాలని ఆదేశించారు. డీఆర్వో ప్రసాద్‌, ఎఫ్‌ఎస్వో అశోక్‌, ఎఫ్బీఓలు గౌతమ్‌, సాయి, ప్రసాద్‌, రమణ తదితరులు పాల్గొన్నారు.

నెల్లూరు (లీగల్‌): పారా లీగల్‌ వలంటీర్ల పాత్ర కీలకమని జిల్లా ప్రధాన న్యాయమూర్తి శ్రీనివాస్‌ పేర్కొన్నారు, ఏపీ హైకోర్టు ఆదేశాల మేరకు ఒక రోజు శిక్షణ కార్యక్రమాన్ని జిల్లా కోర్టు ఆవరణలోని న్యాయసేవా సదన్‌లో జిల్లా న్యాయసేవాధికార సంస్థ ఆధ్వర్యంలో గురువారం నిర్వహించారు. ముఖ్యఅతిథిగా హాజరై జ్యోతి ప్రజ్వలన అనంతరం ఆయన మాట్లాడారు. ప్రజలు.. ప్రభుత్వ సంస్థలకు వారధిగా ఉంటూ బాధ్యతతో మెలగాలని పేర్కొన్నారు. న్యాయసేవ విధులు, పలు చట్టాలపై అవగాహన కల్పించారు. జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి వాణి, లోక్‌అదాలత్‌ ప్యానల్‌ న్యాయవాదులు టంగుటూరి గోపాల్‌రెడ్డి, కోటేశ్వరరావు, లక్ష్మీప్రసాద్‌, కామేశ్వరి తదితరులు పాల్గొన్నారు.

● సంక్షేమ పథకాల అమలు అస్తవ్యస్తం ● ధ్వజమెత్తిన కాకాణి గోవర్ధన్‌రెడ్డి ముత్తుకూరు(పొదలకూరు): మెడికల్‌ కళాశాలల ప్రైవేటీకరణపై పోరాటాన్ని తమ పార్టీ కొనసాగించనుందని, సంక్షేమ పథకాలు పేదలకు అందేంత వరకు ఉద్యమాలను చేస్తూనే ఉంటామని వైఎస్సార్‌ కాంగ్రెస్‌ పార్టీ జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డి స్పష్టం చేశారు. ముత్తుకూరులోని పార్టీ కార్యాలయంలో పార్టీ నేతలు, కార్యకర్తలతో గురువారం నిర్వహించిన విస్తృత స్థాయి సమావేశంలో ఆయన మాట్లాడారు. ఎన్నికలకు ముందు ఇచ్చిన హామీలను అమలు చేయకుండా కాలయాపన చేస్తున్నారని ధ్వజమెత్తారు. బాబు ష్యూరిటీ.. భవిష్యత్తు గ్యారెంటీ అంటూ ప్రచారం చేసిన టీడీపీ శ్రేణులు ఇప్పుడు ప్రజలకు ముఖం చూపలేకపోతున్నారని విమర్శించారు. సంక్షేమ పథకాలను తొలి ఏడాది ఎగ్గొట్టి.. తర్వాతి ఏడాది అరకొరగా అమలు చేస్తున్నారని ధ్వజమెత్తారు. సర్వీసులను పెంచకుండా ఉచిత బస్సుల పేరిట ప్రజలకు నరకం చూపుతున్నారని చెప్పారు. నాటి సీఎం జగన్‌మోహన్‌రెడ్డి ఏర్పాటు చేసిన 17 మెడికల్‌ కళాశాలల్లో పదింటిని విక్రయించేందుకు చంద్రబాబు సిద్ధమయ్యారని మండిపడ్డారు. దీన్ని వ్యతిరేకిస్తూ శుక్రవారం నుంచి నవంబర్‌ 22 వరకు కోటి సంతకాలను సేకరించనున్నామని వెల్లడించారు. కల్తీ మద్యంపై సోమిరెడ్డి వ్యాఖ్యలు హాస్యాస్పదం కల్తీ మద్యం మూలాలు కూటమి ప్రభుత్వంలో బయటపడుతుంటే.. తమపై బురదజల్లేందుకు సోమిరెడ్డి యత్నించడం దారుణంగా ఉందని కాకాణి విమర్శించారు. ఆయనకు డబ్బులిస్తే దేనికై నా సై అంటారని, గతంలో తనపై మోపిన కల్తీ మద్యం కేసుపై సీబీఐ విచారణ వేయించేందుకు సిద్ధమానని ప్రశ్నించారు. అప్పట్లో సీఎంగా ఉన్న చంద్రబాబును ఇదే విషయమై అసెంబ్లీలో తాను కోరానని గుర్తుచేశారు. కల్తీ మద్యం బయటపడిన కేసులో కూటమి నేతలే ప్రధాన సూత్రధారులుగా వ్యవహరిస్తున్నారని ఆరోపించారు. చంద్రబాబు, లోకేశ్‌కు అత్యంత సన్నిహితులే ప్రధాన పాత్రను పోషించారన్నారు. సర్వేపల్లి నియోజకవర్గంలో కూటమి నేతలు కల్తీ మద్యాన్ని విక్రయిస్తున్నారని ఆరోపించారు. తమ ప్రభుత్వం అధికారంలోకి వచ్చాక వీటిపై విచారణ జరిపిస్తామని తెలిపారు. కృష్ణపట్నంలో టెర్మినల్‌ను తెప్పిస్తానన్న సోమిరెడ్డి ఎంత దూరం తీసుకొచ్చారో ప్రజలకు చెప్పాలని ప్రశ్నించారు. పార్టీ మండల కన్వీనర్‌ మెట్టా విష్ణువర్ధన్‌రెడ్డి, నెల్లూరు శివప్రసాద్‌, ఎంపీపీ గండవరపు సుగుణమ్మ తదితరులు పాల్గొన్నారు.

నెల్లూరు(క్రైమ్‌): గంజాయిని చిన్న ప్యాకెట్లుగా చేసి గుట్టుచప్పుడు కాకుండా విక్రయిస్తున్న ఇద్దరు నిందితులను ప్రొహిబిషన్‌ అండ్‌ ఎకై ్సజ్‌ ఎన్‌ఫోర్స్‌మెంట్‌ అధికారులు అదుపులోకి తీసుకున్నారు. నెల్లూరు నగర పరిసర ప్రాంతాల్లో గంజాయి విక్రయాలపై ఎన్‌ఫోర్స్‌మెంట్‌ ఇన్‌స్పెక్టర్‌ అనిత తన సిబ్బందితో కలిసి దాడులను గురువారం చేపట్టారు. నారాయణ వైద్యకళాశాల సమీపంలో రామును అదుపులోకి తీసుకొని అతని నుంచి 700 గ్రాముల గంజాయిని స్వాధీనం చేసుకున్నారు. రాము సమాచారం మేరకు సమీప కాలనీలో ఉంటున్న దండుమారిని అదుపులోకి తీసుకొని ఇంట్లో సోదాలు చేశారు. ఆరు కిలోల గంజాయిని గుర్తించి స్వాధీనం చేసుకున్నారు. ఎన్‌ఫోర్స్‌మెంట్‌ కార్యాలయానికి వీరిని తరలించి తమదైన శైలిలో విచారించారు. సూళ్లూరుపేటకు చెందిన ప్రసాద్‌ నుంచి గంజాయిని కొనుగోలు చేసి చిన్న ప్యాకెట్లుగా చేసి విక్రయిస్తున్నామని నిందితులు చెప్పారు. వీరితో పాటు స్వాధీనం చేసుకున్న గంజాయిని తదుపరి విచారణ నిమిత్తం ప్రొహిబిషన్‌ అండ్‌ ఎకై ్సజ్‌ నెల్లూరు – 1 స్టేషన్లో అప్పగించారు. ఒడిశా నుంచి తీసుకొచ్చి జిల్లాలోని పలువురికి ప్రసాద్‌ విక్రయిస్తున్నారని అధికారులు తెలిపారు. ఎన్‌ఫోర్స్‌మెంట్‌ సబ్‌ ఇన్‌స్పెక్టర్లు పూర్ణకుమార్‌, కాలేషావలీ, హెడ్‌ కానిస్టేబుళ్లు ప్రసాద్‌, రమేష్‌కుమార్‌, కానిస్టేబుళ్లు మునిరాజ్‌కుమార్‌, గిరిబాబు, రమణయ్య పాల్గొన్నారు.

మున్సిపల్‌ శాఖ మంత్రి నారాయణ ఎత్తుగడ ● తన అనుయాయులకు కట్టబెట్టేందుకే స్మార్ట్‌ స్ట్రీట్‌ వెండింగ్‌ మార్కెట్‌ ● మైపాడు రోడ్డును ఆక్రమించి దుకాణాల ఏర్పాటు ● నేడు ప్రారంభించాల్సి ఉన్నా, చివరి నిమిషంలో వాయిదాచిరు వ్యాపారుల పొట్టగొట్టి తన అనుయాయులకు లబ్ధి చేకూర్చేలా మంత్రి నారాయణ అడుగులేస్తున్నారు. అనుకున్నదే తడవుగా మైపాడు గేట్‌ సెంటర్‌లో స్మార్ట్‌ స్ట్రీట్‌ పేరుతో కంటైనర్లలో దుకాణాలను ఏర్పాటు చేశారు. స్ట్రీట్‌ వెండింగ్‌ పేరుతో మున్సిపల్‌ నిధులతో అన్ని సౌకర్యాలను కల్పించి షాపులను అప్పగించేందుకు రంగం సిద్ధం చేశారు. దీనికి గానూ తాను ప్రాతినిధ్యం వహిస్తున్న నెల్లూరు నగరాన్ని తొలి దశలో ఎంచుకున్నారు. ప్లగ్‌ అండ్‌ ప్లే విధానంలో వీటిని వ్యాపారులకు అప్పగిస్తామని చెప్తున్నా, టీడీపీ వారికే ఇచ్చేలా చర్యలు చేపడుతున్నారు. ఆయన కలలను సీఎం చంద్రబాబు సాకారం చేస్తూ.. దీన్ని శుక్రవారం ప్రారంభించాల్సి ఉన్నా, వాయిదా పడింది. సాక్షి ప్రతినిఽధి,నెల్లూరు: నగరాభివృద్ధిని విస్మరిస్తూ.. చిరు వ్యాపారుల పొట్టగొట్టి.. తమ్ముళ్ల జేబులు నింపుతూ.. కొత్త పథకాలతో తమ వారికి ఉపాధి కల్పించడంలో మంత్రి నారాయణ నూతన పోకడలను అవలంబిస్తున్నారు. దీనికి చక్కటి ఉదాహరణగా మైపాడు గేట్‌ సెంటర్‌లోని స్మార్ట్‌ స్ట్రీట్‌ నిలుస్తోంది. ఇంటికి అవసరమైన వస్తువులు ఒకే చోట లభించేలా.. వినియోగదారుల సౌలభ్యం కోసమంటూ దీన్ని తెరపైకి తెచ్చారు. రాష్ట్రంలోని ప్రధాన నగరాల్లో ఈ వ్యాపార సముదాయాలను మున్సి పల్‌ శాఖ ఆధ్వర్యంలో అప్పగించే యత్నాలను ప్రారంభించారు. చిరు వ్యాపారులను చిదిమేస్తూ.. వాస్తవానికి నగరాల్లో వీధి వ్యాపారులు ఫుట్‌పాత్‌లపైనే బిజినెస్‌ను సాగిస్తుంటారు. అయితే వీరి పొట్టగొట్టేందుకు స్కెచ్‌ వేశారు. స్ట్రీట్‌ వెండింగ్‌ పేరుతో మున్సిపల్‌ నిధులతో అన్ని సౌకర్యాలను కల్పించి షాపులను అప్పగించేందుకు రంగం సిద్ధం చేశారు. ప్లగ్‌ అండ్‌ ప్లే విధానంలో వీటిని వ్యాపారులకు అప్పగిస్తామని చెప్తున్నా, అందుకు భిన్నంగా జరుగుతోంది. తమ్ముళ్ల కళ్లలో ఆనందం కోసం.. గత ఎన్నికల్లో నెల్లూరు నగర నియోజకవర్గం నుంచి ఎమ్మెల్యేగా నారాయణ గెలుపొందారు. ఆ సమయంలో ఓ టీమ్‌ను ఏర్పాటు చేసి మూడు నెలల పాటు జీతాలిచ్చారు. డివిజన్ల వారీగా వారితో ఎన్నికల పనులు చేయించుకున్నారు. అధికారంలోకి వస్తే తప్పకుండా జీవనోపాధి కల్పిస్తామంటూ వారికి హామీనీ ఇచ్చారని టాక్‌. ఇంకేముంది పురపాలక మంత్రిగా బాధ్యతలను స్వీకరించాక స్మార్ట్‌ స్ట్రీట్‌ వెండింగ్‌ మార్కెట్‌ను తెరపైకి తెచ్చారు. నెల్లూరులోనే అయితే చెడ్డ పేరొస్తుందని భావించి.. రాష్ట్రవ్యాప్తంగా అన్ని మున్సిపాల్టీల్లో అమలు చేసేందుకు యత్నించారు. టీడీపీ నేతలిచ్చిన జాబితా మేరకే దుకాణాలను కేటాయించేలా అధికారులను ఆదేశించారు. ఫుట్‌పాత్‌లపై వ్యాపారాలు చేసేవారు ఖాళీ చేయాలంటూ కమిషనర్‌ ద్వారా హెచ్చరికలూ జారీ చేయించారు. బతుకుదెరువెలా..? ప్రధాన నగరాల్లో స్ట్రీట్‌ వెండింగ్‌ మార్కెట్‌ ఏర్పాటైతే వేలాది మంది చిరు వ్యాపారులు రోడ్డునపడే అవకాశం ఉంది. ఒక్క నెల్లూరులోనే ఫుట్‌పాత్‌లపై నాలుగు వేల మంది బిజినెస్‌ చేసుకుంటూ కుటుంబాలను పోషించుకుంటున్నారు. ఈ తరుణంలో తమ పరిస్థితి ఏమిటాననే ఆందోళన వీరిలో వ్యక్తమవుతోంది. నాడు విస్తరిస్తే.. నేడు ఆక్రమిస్తున్నారు..! వాస్తవానికి నగరంలోని పాత చెక్‌పోస్ట్‌ నుంచి వేణుగోపాల్‌నగర్‌ (చేపల మార్కెట్‌) వరకు మైపాడు రోడ్డును దాదాపు 2.7 కిలోమీటర్ల మేర రూ.20 కోట్లను వెచ్చించి.. 60 అడుగుల వరకు నాలుగు వరుసల రహదారిగా గత వైఎస్సార్‌ కాంగ్రెస్‌ పార్టీ ప్రభుత్వ హయాంలో విస్తరించారు. ఈ దారిలో నిత్యం దాదాపు 15 వేల వాహనాల రాకపోకలు సాగిస్తుంటాయి. సిమెంట్‌ రోడ్లు, డివైడర్లలో పచ్చదనం, సెంట్రల్‌ లైటింగ్‌ను ఏర్పాటు చేసి సర్వాంగసుందరంగా తీర్చిదిద్దారు. రహదారికి ఇరువైపులా వాకింగ్‌ ట్రాక్‌, పార్కుల ఏర్పాటుకు ప్రణాళికలనూ సిద్ధం చేశారు. ఈ తరుణంలో ఎన్నికలు రావడంతో వీటికి బ్రేకులు పడ్డాయి. ప్రస్తుతం రహదారికి ఇరువైపులా స్మార్ట్‌ స్ట్రీట్‌ వెండింగ్‌ మార్కెట్‌ పేరుతో 30 కంటైనర్లను పెట్టించి 120 మంది తెలుగు మహిళలకు మంత్రి నారాయణ అప్పగించారు. సమర్పయామీ.. నెల్లూరులో స్ట్రీట్‌ వెండింగ్‌ మార్కెట్‌ తెలుగు మహిళలకు లాభసాటిగా మారింది. ఒక్కో దుకాణానికి రూ.నాలుగు లక్షలను కేటాయించనున్నామని మంత్రి తెలిపారు. ఇందులో మెప్మా, కార్పొరేషన్‌ నుంచి రూ.రెండు లక్షలు.. మరో రూ.రెండు లక్షల రుణ సదుపాయాన్ని కల్పించనున్నారు. మొత్తమ్మీద ఎన్నికల్లో పనిచేసిన వారికి రూ.8.4 కోట్లను వెచ్చించారు. ఎన్జీటీ నిబంధనలు బేఖాతర్‌ స్మార్ట్‌ స్ట్రీట్‌ వెండింగ్‌ మార్కెట్‌ ఏర్పాటుకు కొన్ని నిబంధనలను అమలు చేయాలని నేషనల్‌ గ్రీన్‌ ట్రిబ్యునల్‌ ఆదేశించినా.. మంత్రి, నగరపాలక సంస్థ అధికారులు ఏ మాత్రం పట్టించుకోవడం లేదు. ఈ అంశంపై ఎన్జీటీ దృష్టికి ఎమ్మెల్సీ, వైఎస్సార్‌ కాంగ్రెస్‌ పార్టీ నెల్లూరు నగర నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డి తీసుకెళ్లడంతో నిబంధనలు పాటించాలని ఆదేశాలు జారీ చేసింది. పేరుకుపోయే చెత్త పక్కనే ఉన్న కాలువలో చేరి నీరు కలుషితమవుతుందని.. కాలువ పొరంబోకు స్థలాలు ఆక్రమణకు గురవుతాయనే వాదనతో ఏకీభవించింది. దీంతో పనులను తాత్కాలికంగా నిలిపేసి, నిబంధనలు పాటించాకే ప్రారంభించాలని పేర్కొంది. భూగర్భ డ్రైనేజీని పూర్తి చేసి కాలువకు కంచె వేస్తే, ఆ తర్వాతే షాపుల ఏర్పాటుకు అనుమతిస్తామని తెలిపింది. మరోవైపు ఈ పనులు పూర్తి కావాలంటే మరో పదేళ్లు పట్టే అవకాశం ఉంది. దీంతో ఎన్జీటీ మార్గదర్శకాలను పాటించకుండానే స్ట్రీట్‌ వెండింగ్‌ను హడావుడిగా ప్రారంభించేందుకు అధికారులు చర్యలు చేపడుతుండటం గమనార్హం. బాబొస్తున్నారు.. సుందరంగా మార్చండి మంత్రి నారాయణ ఆదేశాలు పర్యటనలో హడావుడిగా నెల్లూరును చేర్చినా.. చివరి నిమిషంలో రద్దు నెల్లూరు సిటీ: బాబొస్తున్నారు.. దుకాణ యజమానులు సిద్ధంగా ఉండండి.. సరుకులను సిద్ధం చేయండి.. స్మార్ట్‌ స్ట్రీట్‌ను శుభ్రం చేసి సుందరంగా మార్చండంటూ రాష్ట్ర మున్సిపల్‌ శాఖ మంత్రి పొంగూరు నారాయణ ఆదేశాలు జారీ చేశారు. వాస్తవానికి వెంకటాచలం మండలంలో పర్యటనకు సీఎం చంద్రబాబు శుక్రవారం రానున్నారు. ఇందులో భాగంగా తొలుత ఖరారు చేసిన రూట్‌మ్యాప్‌లో మైపాడు గేట్‌ సెంటర్‌లో ఏర్పాటు చేసిన స్మార్ట్‌ స్ట్రీట్‌ ప్రారంభోత్సవమే లేదు. అయితే బుధవారం సా యంత్రానికి దీన్ని మంత్రి ఖరారు చేశారు. మరో వైపు దుకాణ నిర్వాహకులు, ఆ ప్రాంతం ప్రారంభానికి సిద్ధంగా లేదు. ఈ తరుణంలో మంత్రి హడావుడిగా నెల్లూరు చేరుకొని ఆదేశాలు జారీ చేశారు. అయితే చివరి నిమిషంలో పర్యటన రద్దవడంతో ఈ ప్రయాస వృథా అయింది. హడావుడిగా శుభ్రం మైపాడు గేట్‌ సెంటర్‌లోని స్మార్ట్‌ స్ట్రీట్‌ దుకాణాల వెనుక వైపు కాలువ మురికి కూపంలా మారింది. మురుగు నిలిచిపోయి తీవ్ర దుర్గంధం వచ్చేది. అయితే హడావుడిగా శుభ్రపర్చే యత్నాలను అధికారులు ప్రారంభించారు. అయినా అదే పరిస్థితి నెలకొంది. ఆయా దుకాణాల్లో ఫుడ్‌ కోర్టులున్న తరుణంలో తామక్కడ ఆహారాన్ని ఎలా తీసుకోగలమని పలువురు ప్రశ్నిస్తున్నారు. అప్పటికప్పుడు చెట్లు ప్రత్యక్షం మైపాడు గేట్‌ సెంటర్‌లోని డివైడర్ల మధ్యలో అప్ప టికప్పుడు చెట్లు గురువారం మొలిచాయి. ట్రాక్టర్లలో తీసుకొచ్చి నాటడం స్థానికులను ఆశ్చర్యానికి గురిచేసింది. నిన్నామొన్నటి వరకు దుమ్ము, ధూళిలో ఉన్న ప్రాంతం ఒక్కసారిగా సుందరవనంగా మారిపోయింది. ఈ శ్రద్ధ రోజూ ఉంటే ఎంతో బాగుండేదనే అభిప్రాయం స్థానికుల్లో వ్యక్తమవుతోంది. అక్కడ నో.. ఇక్కడ మాత్రం సై..! నగరంలో హత్యలు, చోరీలు నానాటికీ ఎక్కువవుతున్నాయి. వీటిని కట్టడి చేసేందుకు.. నిందితులను త్వరితగతిన పట్టుకునే అంశంలో సీసీ కెమెరాలు కీలకపాత్ర పోషిస్తాయి. ఎన్నో చోట్ల ఇవి పనిచేయకపోయినా, వాటిని బాగుచేసే దిశగా చొరవ చూపని పాలకులు.. స్మార్ట్‌ స్ట్రీట్‌లో మాత్రం అన్ని దుకాణాలకు ఏర్పాటు చేయడం గమనార్హం.

వెంకటాచలం: విద్యాలయాలు చదువుతో పాటు సంస్కారం పెంచే కేంద్రాలుగా పనిచేయాలని మాజీ ఉప రాష్ట్రపతి ముప్పవరపు వెంకయ్యనాయుడు కాంక్షించారు. మాట మంచి కార్యక్రమం ద్వారా వెంకటాచలంలోని స్వర్ణభారత్‌ ట్రస్ట్‌లో అక్షర విద్యాలయ విద్యార్థులతో బుధవారం సమావేశమైన ఆయన మాట్లాడారు. విద్యార్థులు ఉదయాన్నే నిద్ర లేవడం, యోగా, నడక వంటి వ్యాయామాలకు అలవాటు పడాలని సూచించా రు. క్రమశిక్షణతో కూడిన చదువుతో పాటు సంస్కారాన్ని నేర్పాల్సిన అవసరం ఉందని సూచించారు. ఎస్‌ఈఐఎల్‌ ఎనర్జీకి గోల్డెన్‌ పీకాక్‌ అవార్డు ముత్తుకూరు (పొదలకూ రు) : దేశంలో అతిపెద్ద స్వతంత్ర విద్యుత్‌ ఉత్పాదకత సంస్థల్లో ఒకటైన ఎస్‌ఈఐఎల్‌ ఎనర్జీ ఇండియా లిమిటెడ్‌కు 2025 సంవత్సరానికి ప్రతిష్టాత్మకమై న గోల్డెన్‌ పీకాక్‌ అవార్డు లభించింది. ఎక్సలెన్స్‌ ఇన్‌ కార్పొరేట్‌ గవర్నెన్స్‌ విజేతగా నిలిచినట్లు సీఈఓ జనమేజయ మహాపాత్ర వెల్లడించారు. ఈ అవార్డు కార్పొరేట్‌ సంస్థల అత్యుత్తమ పాత్రను వెల్లడిస్తుందన్నారు. పారదర్శకత, జవాబుదారీతనం, బాధ్యతాయుతమైన వ్యాపార పద్ధతులతోనే అవార్డు లభించిందన్నారు. వాటాదారులతో పాటు దేశ వృద్ధి రేటును సూచిస్తోందని పేర్కొన్నారు. ఈ అవార్డును లండన్‌లో వచ్చే నెల్లో అందజేయనున్నారని వెల్లడించారు.

నెల్లూరు రూరల్‌: రాష్ట్రంలో దళితులపై దాడులు ఎక్కువవుతున్నాయని మాజీ ఎంపీ చింతా మోహన్‌ ఆరోపించారు. నగరంలోని ప్రెస్‌క్లబ్‌లో విలేకరుల సమావేశంలో బుధవారం ఆయన మాట్లాడారు. ఇటీవలి కాలంలో సామాజిక న్యాయమంటూ సీఎం చంద్రబాబు తరచూ చెప్తున్నారని, ఇది దళితులను రెండు వర్గాలుగా చీల్చడమానని ప్రశ్నించారు. ధాన్యాన్ని కొనుగోలు కేంద్రాల ద్వారా అతి తక్కువ సేకరించి మిల్లర్లకు ప్రభుత్వం మేలు చేసిందని విమర్శించారు. సుప్రీంకోర్టు ప్రధాన న్యాయమూర్తిపై దాడికి యత్నించిన ఘటన ప్రజాస్వామ్యానికే మాయని మచ్చని చెప్పారు.

● అంతా ఇష్టారాజ్యం ● ఏ పనైనా.. కాసులిస్తేనే ● యథేచ్ఛగా దందాలునెల్లూరు(స్టోన్‌హౌస్‌పేట): ఇరిగేషన్‌ శాఖలో అవినీతి పరవళ్లు తొక్కుతోంది. కాసులిస్తేనే ఏ పనైనా జరుగుతుంది. ఉద్యోగోన్నతులు రావాలంటే మంత్రులు, ఆయా నియోజకవర్గాల ఎమ్మెల్యేలు, అధికార పార్టీ ప్రజాప్రతినిధులు సిఫార్సులు చేయాల్సిందే. అలా జరిగినా సీనియర్‌ అసిస్టెంట్‌ నుంచి మేనేజర్‌ వరకు నగదును ముట్టజెప్పాల్సిందే. ఒకవేళ అలా కాని పక్షంలో వ్యవహారం ఎక్కడికక్కడ ఆగిపోతుంది. ఉద్యోగోన్నతులకు ఇంతా..? ఇరిగేషన్‌ శాఖలో ఉద్యోగోన్నతులకు నిబంధనలను నిర్దేశించారు. అయితే అటెండర్‌ (ఆఫీస్‌ సబార్డినేట్‌) నుంచి జూనియర్‌ అసిస్టెంట్‌గా ప్రమోషన్‌ కావాలంటే రూ.10 వేలు నుంచి రూ.15 వేలు.. జూనియర్‌ అసిస్టెంట్‌ నుంచి సీనియర్‌ అసిస్టెంట్‌కు రూ.15 వేల నుంచి రూ.20 వేలు.. ఆపై వీరు మంచి ప్రాంతానికి వెళ్లాలంటే రూ.20 వేల నుంచి రూ.30 వేలను ముట్టజెప్పాల్సిందే. కారుణ్య నియామకాలకు సైతం నగదును సమర్పించాల్సిన దుస్థితి ఏర్పడుతోంది. చీపుర్లకు రూ.వేలల్లో బిల్లులు చీపుర్లు, నీళ్లకు నెలకు రూ.20 వేల బిల్లులను కార్యాలయంలోని ఒక సూపరింటెండెంట్‌ పెడుతున్నారని సమాచారం. హెచ్‌డీలు ఏళ్ల తరబడి ఒకే స్థానంలో పాతుకుపోయారు. అసోసియేషన్‌ నేతలుగా ప్రకటించుకుంటూ వారి స్థానాలు మారకుండా చూసుకుంటున్నారు. అనుమతుల కోసం ప్రతిపాదనలను పంపేందుకు గానూ పనిని బట్టి వారికి పర్సంటేజీలను సమర్పించాలి. సంబంధిత ఏఈఈ, డీఈఈల ద్వారా వీరికి సదరు కాంట్రాక్టర్‌ అందించాల్సి వస్తోందనే ఆరోపణలు వినిపిస్తున్నాయి. ఎవరైనా నిరాకరిస్తే ప్రతిపాదనలు టేబుళ్లకే పరిమితమైపోతున్నాయి. ఇరిగేషన్‌ ప్రధాన కార్యాలయం, సెంట్రల్‌.. ఆత్మకూరు డివిజన్లు, ఆరు సబ్‌ డివిజన్లుండగా, ప్రతి చోట ఈ వ్యాపారం ఒకే రకంగా జరగడం ఆశ్చర్యాన్ని కలిగిస్తోంది. ప్రశ్నించేవారేరీ..? రహస్య టెండర్ల ప్రతిపాదనలను కాంట్రాక్టర్లకు అందించడం.. కుమ్మకై ్క వారందించిన డబ్బుతో అర్హత లేని వారికి టెండర్లను ఆమోదించడంలో ఓ మేనేజర్‌ రాష్ట్ర వ్యాప్తంగా ప్రసిద్ధి చెందారనే విమర్శలు వినిపిస్తున్నాయి. ఇరిగేషన్‌ శాఖలో ప్రశ్నించే వారే లేకపోవడంతో ఆయన చెప్పిందే వేదమని కాంట్రాక్టర్లు, ఉద్యోగులు పేర్కొంటున్నారు. డైవర్షన్లలోనూ ఇదే తీరు.. ఈ శాఖలో డిప్యుటేషన్లపై పనిచేయడాన్ని డైవర్షన్‌ అంటారు. తాము పనిచేస్తున్న ప్రాంతం నుంచి డైవర్షన్‌ పొందేందుకు సుమారు రూ.మూడు వేల నుంచి రూ.ఐదు వేల వరకు చెల్లించాల్సి ఉంటోంది. డీఈఈ స్థాయి వారూ ఈ పనిచేయాల్సి వస్తోంది. లేఅవుట్లు, కల్వర్టులు, బ్రిడ్జిల అనుమతులకు సంబంధిత వ్యక్తుల నుంచి రూ.లక్షల్లో వసూలు చేస్తూ సంపాదనను పెంచుకోవచ్చనే ఉద్దేశంతో ఈ శాఖలో అధిక శాతం మంది డైవర్షన్లోనే ఉంటున్నారు. మరికొంత మంది మరో అడుగు ముందుకేసి సదరు లేఅవుట్‌కు సంబంధించిన వ్యక్తులు బ్రిడ్జిలను నిర్మిస్తే వాటిని ఎం బుక్‌లో నమోదు చేసి ఇరిగేషన్‌ శాఖే సొంతంగా కట్టించినట్లూ చూపుతున్నారు. మరోవైపు సాధారణ సమయానికీ ఆఫీసులకు రారు. ఒక ఎన్టీపీఏ వేరే జిల్లా నుంచి మధ్యాహ్నం 12 గంటలకు సైతం వస్తారు. వీరిపై ఎలాంటి చర్యల్లేకపోవడంతో ఇష్టారాజ్యంగా తమ పనులను జరుపుకొంటున్నారు. జిల్లా ఇరిగేషన్‌ శాఖలో వ్యవహారం అంతా ఇష్టారాజ్యంగా సాగుతోంది. ఏ పని జరగాలన్నా వారు చెప్పినంత క్యాష్‌ కొట్టాల్సిందే. కాలువల్లో నీరు పారుతుందో లేదో తెలియదు గానీ డబ్బులిస్తే మాత్రం ఆఫీస్‌లో అటెండర్ల మొదలుకొని డీఈల వరకు పనులు ఇట్టే జరిగిపోతాయి. ఉద్యోగోన్నతులు, అంచనాలు, ప్లాన్‌ ప్రతిపాదనలు, ఎల్‌ఓసీలు, ఉద్యోగుల డిప్యుటేషన్లు ఇలా ఏది కావాలన్నా.. సీనియర్‌ అసిస్టెంట్లు, సూపరిండెంటెంట్లు, ఎన్టీపీఏలు, హెచ్‌డీలు, మేనేజర్లకు మొత్తాన్ని కక్కాల్సిందే. ఆ శాఖలో పనులకు నిధులు రాకపోవడంతో ఉద్యోగుల మధ్య ఈ దందా పెరిగిపోతోంది. చర్యలు చేపడతాం ఈ వ్యవహారాలపై ఎలాంటి ఫిర్యాదు అందలేదు. సంబంధిత విభాగాల్లో విచారణ జరిపిస్తాం. బాధితులెవరైనా ఉంటే నేరుగా కలవొచ్చు. విచారణ జరిపి నిబంధనలను అనుసరించి ఆయా ఉద్యోగులపై చర్యలు చేపడతాం. – దేశ్‌నాయక్‌, సూపరింటెండెంట్‌ ఇంజినీర్‌, ఇరిగేషన్‌ శాఖ

● మా హాస్పిటల్‌ ముందే చెత్త ట్రాక్టర్లను ఆపుతారా..? ● పారిశుధ్య కార్మికులను దుర్భాషలాడిన టీడీపీ నేత కుమారుడు బుచ్చిరెడ్డిపాళెం రూరల్‌: అధికారముందనే ధీమాతో టీడీపీ నేతలు రెచ్చిపోతున్నారు. తాజాగా బుచ్చిరెడ్డిపాళెంలోని మున్సిపల్‌ కార్మికులపై టీడీపీ పట్టణాధ్యక్షుడు గుత్తా శ్రీనివాసులు కుమారుడు శంతన్‌ హర్ష బూతులతో చెలరేగిపోయారు. మున్సిపల్‌ కార్మికులు, స్థానికుల వివరాల మేరకు.. పట్టణ పరిధిలోని బస్టాండ్‌ కూడలి సమీపంలో గల పాత పెట్రోల్‌ బంక్‌ పక్కన శ్రీనివాసులు కుమారుడికి ఓ ప్రైవేట్‌ హాస్పిటల్‌ ఉంది. ఈ క్రమంలో దాని ఎదురుగా ట్రాక్టర్లను నిలిపి అందులో చెత్తను కార్మి కులు వేయసాగారు. ఈ తరుణంలో అక్కడికి చేరుకున్న శంతన్‌ హర్ష తమ హాస్పిటల్‌ ముందు ఎందుకు నిలిపారని ప్రశ్నించారు. పని అయిపోగానే వెళ్లిపోతామని కార్మికులు చెప్పినా వినకుండా.. ట్రాక్టర్లను నిలిపేందుకు ఎంత ధైర్యమంటూ బూతులతో రెచ్చిపోయారు. ట్రాక్టర్లకు గాలి తీసేసి.. దిక్కున్న చోట చెప్పుకోండంటూ జులుం ప్రదర్శించారు. నిరసన చెత్త ట్రాక్టర్లను హాస్పిటల్‌ ఎదుటే నిలిపి నిరసనను కార్మికులు వ్యక్తం చేశారు. తమను దూషించిన వ్యక్తిపై చర్యలు చేపట్టాలంటూ నినాదాలు చేశారు. మున్సిపాల్టీలోని ఇతర విభాగాల నేతలు సంఘీభావం తెలిపారు. విషయం తెలుసుకున్న కమిషనర్‌ బాలకృష్ణ, మున్సిపల్‌ అధికారులు ఘటన స్థలానికి చేరుకొని కార్మికులు.. టీడీపీ నేత కుమారుడితో మాట్లాడటంతో గొడవ సద్దుమణిగింది. విధులకు ఆటంకం కలిగించడం సరికాదు మున్సిపల్‌ కార్మికులను దూషించడం, ట్రాక్టర్లకు గాలితీసి విధులకు భంగం కలిగించడం చట్టరీత్యా నేరం. తప్పును శంతన్‌ అంగీకరించడంతో విధుల్లో కార్మికులు చేరారు. ఇలాంటి ఘటనలు పునరావృతమైతే కఠిన చర్యలు చేపడతాం. – బాలకృష్ణ, కమిషనర్‌

● సాంకేతిక పురోగాభివృద్ధి అంశాలపై అవగాహన సదస్సు ● డీఆర్డీఓ మాజీ చైర్మన్‌, ఏపీ ప్రభుత్వ గౌరవ సలహాదారుడు డాక్టర్‌ జి.సతీష్‌రెడ్డి నెల్లూరు (బారకాసు): బ్రహ్మోస్‌ క్షిపణిని రష్యాతో కలిసి తయారు చేశామని, బ్రహ్మోస్‌లో సొంతంగా రూపొందించిన సాఫ్ట్‌వేర్‌ ఉందని, బ్రహ్మోస్‌ క్షిపణితో పాక్‌పై విజయం సాధించామని డీఆర్డీఓ మాజీ చైర్మన్‌ సతీష్‌రెడ్డి తెలియజేశారు. భారతదేశంలో క్షిపణులకు అబ్దుల్‌ కలాం ఆధ్యుడని, ఈ నెల అక్టోబర్‌ 15న ఆయన జయంతి వేడుకలను అన్ని పాఠశాలలో ఘనంగా నిర్వహించాలని సతీష్‌రెడ్డి ఆకాంక్షించారు. స్థానిక కస్తూర్బా కళాక్షేత్రంలో బుధవారం నగర పాలక సంస్థ పరిధిలోని 23 మున్సిపల్‌ పాఠశాలల పదో తరగతి విద్యార్థుల శాస్త్ర సాంకేతిక పురోగాభివృద్ధి అంశాలపై అవగాహన సదస్సు నిర్వహించారు. సతీష్‌రెడ్డి మాట్లాడుతూ డాక్టర్‌ ఏపీజే అబ్దుల్‌ కలాం రామేశ్వరంలోని చిన్న గ్రామంలో ప్రభుత్వ పాఠశాల చదివారని, విద్యతోనే గొప్ప శాస్త్రవేత్తగా, భారత రాష్ట్రపతి అయ్యారని తెలిపారు. తాను కూడా గవర్నమెంట్‌ స్కూల్‌ మహిమలూరు పాఠశాల, వీఆర్‌ కాలేజీలో చదివానని, అబ్దుల్‌ కలాం వేసిన బీజం వల్ల ఆపరేషన్‌ సింధూర్‌ విజయవంతం అయిందని విద్యార్థులకు వివరించారు. స్వదేశీ ఆలోచనలతో రూపొందించిన ఆత్మ నిర్భర్‌ భారత్‌ ఆయుధాలతో భారత్‌ వివిధ యుద్ధాలలో గొప్ప విజయం సాధించిందని తెలియజేశారు. ప్రతి విద్యార్థి రాత్రింబవళ్లు కష్టపడి చదవాలని, స్కూల్‌కు, జిల్లాకు, రాష్ట్రానికి, దేశానికి మంచి పేరు తీసుకురావాలని ఆకాంక్షించారు. ఈ కార్యక్రమంలో నగరపాలక సంస్థ కమిషనర్‌ వైఓ నందన్‌, డీఈఓ బాలాజీరావు, డిప్యూటీ డైరెక్టర్‌ మాధురి, డిప్యూటీ డీఈఓ నాయక్‌, నెల్లూరు అర్బన్‌ ఎంఈఓలు తిరపాల్‌, హమీద్‌, వివిధ పాఠశాలల ప్రధానోపాధ్యాయులు, విద్యార్థిని విద్యార్థులు పాల్గొన్నారు.

● నకిలీ మద్యంతో రూ.వేల కోట్లు దోచేశారు ● ప్రభుత్వ పెద్దల అండతోనే మద్యం తయారీ కేంద్రాల ఏర్పాటు ● వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత ● ఎకై ్సజ్‌ డీసీ కార్యాలయం ఎదుట మహిళలతో కలిసి నిరసన నెల్లూరు (క్రైమ్‌): రాష్ట్రాన్ని స్వర్ణాంధ్రప్రదేశ్‌గా చేస్తానన్న చంద్రబాబు మద్యాంధ్రప్రదేశ్‌గా మార్చేశారని వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత విమర్శించారు. బుధవారం బీవీనగర్‌లోని ఎకై ్సజ్‌ డీసీ కార్యాలయం ఎదుట వైఎస్సార్‌సీపీ మహిళా విభాగం నాయకులతో కలిసి నిరసన కార్యక్రమాన్ని నిర్వహించారు. మద్యం బాటిళ్లను ధ్వంసం చేశారు. రాష్ట్రంలో వెలుగు చూసిన నకిలీ మద్యం తయారీ ఘటనలపై పూర్తి స్థాయిలో విచారణ జరిపి సూత్ర, పాత్రధారులపై చర్యలు తీసుకోవాలని జిల్లా ప్రొహిబిషన్‌ అండ్‌ ఎకై ్సజ్‌ డిప్యూటీ కమిషనర్‌ శంకరయ్యకు వినతిపత్రం అందజేశారు. కాకాణి పూజిత మాట్లాడుతూ రాష్ట్రంలో మద్యం ఏరులై పారుతోందన్నారు. 24 గంటలు మద్యం దొరుకుతుండడంతో నేరాలు పెరిగాయని, ప్రధానంగా మహిళలు తీవ్ర వేధింపులకు గురవుతున్నారన్నారు. కల్తీ మద్యం ప్రజల ప్రాణాలను బలి తీసుకుంటోందన్నారు. వైఎస్‌ జగన్‌మోన్‌రెడ్డి ప్రభుత్వం పారదర్శక విధానంతో ప్రభుత్వ ఆధ్వర్యంలో మద్యం షాపులు నిర్వహించిందని, జగనన్న ప్రభుత్వం నాణ్యమైన మద్యాన్ని అందించిందనీ, స్పెషల్‌ ఎన్‌ఫోర్స్‌మెంట్‌ బ్యూరోను ఏర్పాటు చేసి బెల్టు షాపులు, నకిలీ మద్యం తయారీ కేంద్రాలు ఏర్పడకుండా పటిష్ట చర్యలు చేపట్టింద న్నారు. ఇంత పారదర్శకంగా జరిగినా మద్యం విధా నంలో స్కామ్‌ జరిగిందంటూ చంద్రబాబు ప్రభుత్వం దుష్ప్రచారానికి తెరలేపిందన్నారు. లేని మద్యం స్కామ్‌ను సృష్టించిన చంద్రబాబు నేడు రాష్ట్రంలో నకిలీ మద్యం స్కామ్‌కు తెర తీశారని ఆరోపించారు. ప్రభుత్వ పెద్దల అండలేకపోతే.. ఈ స్థాయిలో నకిలీ మద్యం తయారు చేసి యథేచ్ఛగా విక్రయాలు చేసేవా రా? అని ప్రశ్నించారు. నకిలీ మద్యం తయారీ వెనుక ఎకై ్సజ్‌ అధికారుల పాత్రపై విచారణ జరగాల్సిన అవసరం ఉందన్నారు. కూటమి పాలనలో ప్రతి నాలుగు బాటిళ్లలో ఒక నకిలీ మద్యం బాటిల్‌ ఉంటోందని ఆరోపించారు. ప్రతి నిత్యం ఎకై ్సజ్‌ దాడుల్లో వేలకొలది నకిలీ మద్యం బాటిళ్లు గుర్తిస్తున్నారని, మాఫియాకు ప్రభుత్వ పెద్దల ప్రోత్సాహం ఉన్నట్లు స్పష్టంగా కనిపిస్తోందన్నారు. నకిలీ మద్యం తయా రీపై ఉక్కు పాదం మోపాలని, తయారీదారులు ఎంతటి వారైనా కఠిన చర్యలు చేపట్టాలని కోరారు. జిల్లాలోనూ నకిలీ మద్యంతో మరణాలు సంభవించాయని, వీటిపైనా విచారణ చేపట్టాలని డిమాండ్‌ చేశారు. కార్యక్రమంలో వైఎస్సార్‌సీపీ జోనల్‌ మహిళా అధ్యక్షురాలు మొయిళ్ల గౌరి, మహిళా నేతలు, కార్యకర్తలు పాల్గొన్నారు.

సాక్షి, నెల్లూరు జిల్లా: నెల్లూరు ఎక్సైజ్‌ సూపరింటెండెంట్‌ కార్యాలయం ముందు వైఎస్సార్‌సీపీ నిరసనకు దిగింది. మహిళా విభాగం వర్కింగ్‌ ప్రెసిడెంట్‌ కాకాణి పూజిత ఆధ్వర్వంలో నిరసన చేపట్టారు. రాష్ట్రంలో ఎన్‌ బ్రాండ్‌ నకిలీ మద్యం తయారీ, అమ్మకాలపై ఆగ్రహం వ్యక్తం చేశారు. మద్యం సీసాలతో మహిళలు నిరసన తెలిపారు. ఏపీని చంద్రబాబు మద్యాంధ్రప్రదేశ్‌గా మార్చారని కాకాణి పూజిత దుయ్యబట్టారు. యూరియా కోసం క్యూలైన్‌లో నిల్చొవాలి.. కానీ మద్యం మాత్రం ఎక్కడైనా దొరుకుతుందంటూ మండిపడ్డారు.కర్నూలు: ఎక్సైజ్ కార్యాలయం ఎదుట వైఎస్సార్‌సీపీ మహిళా విభాగం ఆధ్వర్యంలో నిరసన చేపట్టారు. కల్తీ మద్యంతో ప్రాణాలు తీస్తున్న కూటమి ప్రభుత్వంపై మహిళలు ఆగ్రహం వ్యక్తం చేశారు. కల్తీ మద్యాని విక్రయాలను నిరసిస్తూ మద్యం బాటిళ్లను ధ్వంసం చేసి వైఎస్సార్‌సీపీ మహిళా విభాగం నిరసన వ్యక్తం చేసింది. తక్షణమే కల్తీ లిక్కర్‌ను అరికట్టాలని.. బెల్టు షాపులు తొలగించాలని మహిళలు డిమాండ్‌ చేశారు.అనంతపురం: కల్తీ మద్యంపై మహిళలు, యువకులు ఆగ్రహం వ్యక్తం చేశారు. అనంతపురం ఎక్సైజ్ డీసీ కార్యాలయం ఎదుట వైఎస్సార్‌సీపీ మహిళా, యువజన విభాగం ఆధ్వర్యంలో ధర్నా నిర్వహించారు. మద్యం బాటిళ్లు ధ్వంసం చేసి నిరసన తెలిపారు. కల్తీ మద్యం తయారు చేసే టీడీపీ నేతలపై కఠిన చర్యలు తీసుకోవాలని డిమాండ్ చేశారు. కల్తీ మద్యం అరికట్టండి. పేదల ప్రాణాలు కాపాడాలంటూ నినాదాలు చేశారు.

సాక్షి, నెల్లూరు: రాష్ట్రంలో గంజాయి వ్యాపారం స్వైర విహారం చేస్తోంది. అక్రమ రవాణా, నిల్వ, వినియోగం వంటి కార్యకలాపాలు వెలుగు చూస్తుండడం.. పోలీసుల నిఘా లోపాలను బయటపెడుతోంది. తాజాగా నెల్లూరు జిల్లా పెన్నా బ్యారేజ్‌ వద్ద వెలుగు చూసిన డబుల్‌ మర్డర్‌ కేసు.. గంజాయి బ్యాచ్‌ పనేనని నిర్ధారణ అయ్యింది. మంగళవారం ఉదయం.. పెన్నా బ్యారేజీ వద్ద రోడ్డుపై నెత్తురు మరకలు, మూడు జతల చెప్పులు ఉండడం చూసిన స్థానికులు విషయాన్ని పోలీసుల దృష్టికి తీసుకెళ్లారు. దీంతో సంతపేట పోలీసులు అనుమానంతో నదిలో గత ఈతగాళ్లను దింపి రెండు మృతదేహాలను వెలికి తీయించారు. అయితే అక్కడి సీసీటీవీ ఫుటేజీలు పని చేయకపోవడంతో నిందితులను పట్టుకోవడం కష్టమనే భావించారంతా. దీంతో.. ఎస్పీ అజితా ఆదేశాలతో నాలుగు ప్రత్యేక బృందాలు నిందితుల కోసం గాలించాయి.ఈ తరుణంలో.. కందుకూరు వద్ద బుధవారం ఉదయం నిందితులు ఇద్దరినీ పోలీసులు అదుపులోకి తీసుకున్నారు. హంత‌కులిద్దరూ గంజాయ్ బ్యాచ్‌గా గుర్తించారు. అడిగితే నగదు ఇవ్వలేదని కోపంతో ఇద్దరిని హత్య చేసినట్లు నిందితులు అంగీకరించినట్లు తెలుస్తోంది. మృతుల వివరాలతో పాటు నిందితుల వివరాలను పోలీసులు వెల్లడించాల్సి ఉంది.

● కలెక్టర్‌ హిమాన్షు శుక్లా కందుకూరు: ఇండోసోల్‌ కంపెనీ కోసం భూమిలిచ్చిన రైతులను ఆదుకునేందుకు అన్ని రకాల చర్యలు తీసుకుంటామని కలెక్టర్‌ హిమాన్షు శుక్లా అన్నారు. భూములిచ్చిన రైతులతో మంగళవారం స్థానిక సబ్‌కలెక్టర్‌ కార్యాలయంలో సమా వేశం నిర్వహించారు. కలెక్టర్‌ మాట్లాడుతూ ఇండోసోల్‌ కంపెనీ భూసేకరణలో భూములు కోల్పోతున్న ఉప్పరపాళెం, రామకృష్ణాపురం, ఉలవపాడు, చేవూరు, రావూరు, కరేడు గ్రామా ల రైతులతో మాట్లాడుతామన్నారు. రైతుల అభిప్రాయాల మేరకు తదుపరి చర్యలు తీసుకుంటానని స్పష్టం చేశారు. జిల్లా స్థాయి నెగోషియేషన్‌ కమిటీ ద్వారా భూములిచ్చిన రైతులకు ఎంత మేర నగదు చెల్లించాల్సి ఉందో చర్చించి తగిన చర్యలు తీసుకుంటానని హామీ ఇచ్చారు. కార్యక్రమంలో సబ్‌కలెక్టర్‌ హిమవంశీ, ఏపీఐఐసీ జోనల్‌ మేనేజర్‌ రాజశేఖర్‌, ఏపీఎంఐపీ జోనల్‌ మేనేజర్‌ శివకుమార్‌ పాల్గొన్నారు.

శాంతిభద్రతలను పరిరక్షించాల్సిన పోలీసులు రెడ్‌బుక్‌ రాజ్యాంగం అమలులో తలమునకలయ్యారు. ప్రభుత్వ వైఫల్యాలను ఎండగడుతున్న ప్రతిపక్షనేతలు, సోషల్‌ మీడియా యాక్టివిస్టులపై రెడ్‌బుక్‌ రాజ్యాంగం అమలు చేసే పనిలో నిమగ్నమయ్యారు. దీంతో నేరస్తులు, అసాంఘిక శక్తులు విజృంభిస్తున్నారు. దీంతో నేరస్తులు చెలరేగిపోతున్నారు. అయితే పోలీసులు మాత్రం ప్రజల రక్షణకు పటిష్ట చర్యలు తీసుకున్నామనీ, బీట్‌లు పెంచామనీ, డ్రోన్లతో నిఘా పెట్టామని చెబుతున్నప్పటికి ఏ మాత్రం తగినంత భరోసా దొరకడం లేదు. ఇప్పటికై నా పోలీసు అధికారులు స్పందించి నేరాల నియంత్రణకు పటిష్ట చర్యలు తీసుకోవాలని ప్రజలు కోరుతున్నారు.

నెల్లూరు(లీగల్‌): సుప్రీంకోర్టు చీఫ్‌ జస్టిస్‌ బీఆర్‌ గవాయ్‌పై దాడికి యత్నించడాన్ని ఖండిస్తూ ఆలిండియా లాయర్స్‌ యూనియన్‌ (ఐలు) న్యాయవాదుల ఐక్యవేదిక ఆధ్వర్యంలో నెల్లూరులోని జిల్లా కోర్టు ఆవరణలో మంగళవారం నిరసన తెలిపారు. ఈ సందర్భంగా ‘ఐలు’ అధ్యక్ష, కార్యదర్శి సత్తు అంకయ్య, చుక్క రమేష్‌, ఐక్యవేదిక నాయకులు కుడుముల రవికుమార్‌, బద్దెపూడి రవీంద్ర, స్వర్ణ ప్రసాద్‌, నెల్లూరు బార్‌ అసోసియేషన్‌ ఉపాధ్యక్షుడు పద్మాకర్‌, లేడీ రిప్రజెంటేటివ్‌ లక్ష్మమ్మ మాట్లాడుతూ రాజ్యాంగ వ్యవస్థలపై సనాతనం పేరుతో ఇలాంటి దుశ్చర్యకు పాల్పడటం దుర్మార్గమన్నారు. ఇలాంటి ఘటనలు పునరావృతం కాకుండా కేంద్ర ప్రభుత్వ పటిష్ట చర్యలు తీసుకోవాలని కోరారు. కార్యక్రమంలో వి.ఉపేంద్ర, పచ్చా కిరణ్‌, దేవరాల వెంకటేశ్వర్లు, సుధీర్‌, మోబీనా, కుమార్‌ రాజా, చక్రధర్‌ తదితరులు పాల్గొన్నారు.

పచ్చని భూములు. గలగల పారే కాలువలు. పాడి పంటలతో అలరారే చారిత్రత్మాక సింహపురి.. కొత్తగా రక్త చరిత్రను లిఖిస్తోంది. గడిచిన ఏడాది కాలంగా నెల్లూరులో జరిగిన మారణహోమాలు ఇందుకు దర్పణం. శాంతి భద్రతలను పరి రక్షించాల్సిన పోలీసులు తమ విధులను గాలికి వదిలేశారు. సాక్షిప్రతినిధి నెల్లూరు: జిల్లాలో పోలీసు వ్యవస్థ చేవ కోల్పోయింది. జిల్లాలో పనిచేసిన కొందరు పోలీస్‌ బాస్‌ల హయాంలో పోలీస్‌ వ్యవస్థ అత్యంత శక్తి వంతంగా ఉండేది. అప్పట్లో నేరాలకు పాల్పడే వారిని ఉక్కుపాదంలో నలిపేశారు. నేరాలకు పాల్పడాలంటే భయపడి జిల్లానే వదిలేసి వెళ్లిపోయారంటే పరిస్థితిని అర్థం చేసుకోవచ్చు. అటువంటి ఖాకీలు ఇప్పుడు పచ్చపార్టీ నేతలకు ఊడిగం చేస్తుండడంతో శాంతిభద్రతలు అదుపు తప్పాయి. హత్యలు, హత్యాయత్నాలు, దోపిడీలు, దొంగతనాలు నిత్యకృత్యంగా మారాయి. ఈ నెలలో ఐదు రోజుల వ్యవధిలో ఐదు హత్యలు జరిగాయంటే పరిస్థితి తీవ్రత ప్రత్యేకించి చెప్పాల్సిన అవసరం లేదు. శాంతిభద్రతలు లోపించడంపై ప్రజలు ఆందోళన చెందుతున్నారు.గస్తీకి సుస్తీ.. నేరస్తులకు హ్యాపీజిల్లాలో ఐదు సబ్‌డివిజన్లు, 12 సర్కిల్స్‌ పరిధిలో 52 పోలీసుస్టేషన్‌లు, 11 అర్బన్‌ పోలీసుస్టేషన్‌లు ఉన్నా యి. వాటి పరిధిలో కొద్ది కాలంగా పోలీసు గస్తీ అంతంత మాత్రంగానే మారడంతో శాంతిభద్రతలకు విఘాతం ఏర్పడుతోంది. పాతనేరస్తులు, అసాంఘిక శక్తుల ఆగడాలు శృతిమించుతున్నాయి. పాత కక్షల నేపథ్యంలో ఒకరు.. కుటుంబ కలహాల నేపధ్యంలో ఇంకొకరు.. ఇతరత్రా కారణాలతో మరొకరు ప్రత్యేర్థులను హత్యచేస్తున్నారు. మానవత్వం, బంధుత్వం, కుటుంబ భవబంధాలు చూడకుండా అడ్డొచ్చిన వారి ని అతి కిరాతకంగా హత్య చేస్తున్నారు. పగలు, ప్రతీకారాలతో భౌతిక దాడులకు పాల్పడుతున్నారు. జిల్లా లో కిరాయి సంస్కృతి పెరుగుతోంది. సుఫారి తీసుకు ని ప్రత్యర్థులను అతి కిరాతకంగా హత్య చేస్తున్నారు. ఇతర జిల్లాలోనూ నేరాలకు పాల్పడుతున్నారు.మత్తులోనే విశృంఖలంగా నేరాలుజిల్లాలో మద్యం ఎరులై పారుతోంది. గంజాయి విక్రయాలు చాపకింద నీరులా సాగుతోన్నాయి. మత్తు, మాదక ద్రవ్యాలకు బానిసైన యువత విచక్షణ కోల్పోయి నేరాలకు పాల్పడుతున్నారు. వ్యసనాలను తీర్చుకునేందుకు సరిపడా నగదు కోసం అడ్డదారులు తొక్కుతున్నారు. ఒంటరిగా వెళ్లేవారిని కత్తులతో బెదిరరించి అందినకాడికి దోచుకోవడం, ఎదురు తిరిగిన వారిపై దాడులకు తెగబడుతున్నారు. ఈ పరిణామాలతో ప్రజలు ఇళ్లు విడిచి బయటకు రావాలంటేనే భయపడే పరిస్థితి నెలకొంది. నెల్లూరు నగరంలో పరిస్థితి మరింత ఆందోళన కరంగా మారుతోంది. రౌడీషీటర్లు, అసాంఘిక శక్తులు పేట్రేగిపోతున్నారు. పది నెలల వ్యవధిలో సుమారు 18కు పైగా హత్యలు జరిగాయంటే శాంతిభద్రతలు ఏ స్థాయిలో ఉన్నాయో అవగత మవుతోంది.అక్టోబర్‌ 3వ తేదీవిడవలూరు మండలం ముదివర్తిలో జరిగింది. గ్రామ బీసీ కాలనీకి చెందిన తాండ్ర రవికుమార్‌ మద్యం తాగొచ్చి భార్య సుప్రజతో నిత్యం గొడవలు పడుతూ ఉండడంతో కొడుకు ప్రేమ్‌చంద్‌ తన తల్లి సుప్రజకు అండగా ఉంటూ తండ్రిని మందలిస్తూ ఉండేవాడు. ఈ క్రమంలో కుమారుడు ప్రేమ్‌చంద్‌ ఇంట్లో పడుకొని నిద్ర పోతున్న సమయంలో రవికుమార్‌ ఇంటికి వచ్చి నిద్రపోతున్న కొడుకు ప్రేమ్‌చంద్‌పై రోకలి బండతో కొట్టి హత్య చేశాడు.లింగసముద్రం మండల పరిధిలోని రాళ్లపాడు ప్రాజెక్ట్‌లో గుర్తుతెలియని వ్యక్తిని హత్య చేసి శవాన్ని ప్రాజెక్ట్‌లో పడేశారు. అతను ఎవరనే విషయం కూడా పోలీసులకు ఆధారాలు సేకరించలేకపోయారు. మృతుడి ఒంటిపై గాయాలు ఉండడంతో అతన్ని హత్య చేశారనేది స్పష్టం.ఏడాది కాలంలో జిల్లాలో ఘటనలు మచ్చుకు కొన్ని..నెల్లూరు ప్రగతినగర్‌లో గంజాయి, మద్యం మత్తులో కొందరు యువకులు కారు డ్రైవర్‌ను అతి కిరాతకంగా హత్య చేశారు.ముత్తుకూరు బస్టాండ్‌ వద్ద గంజాయి మత్తులో ఇద్దరు యువకులు ఓ మహిళను చంపుతామని బెదిరించి రెండు సెల్‌ఫోన్లను దోచుకెళ్లారు.తల్పగిరికాలనీ వద్ద నాగేంద్రను కత్తులతో చంపుతామని బెదిరించి అతని ఫోన్‌పే నుంచి రూ.5 వేల నగదును దుండగులు ట్రాన్స్‌ఫర్‌ చేయించుకున్నారు.టిఫిన్‌ విషయంలో మాటామాటా పెరిగి టెంపో ట్రావెల్స్‌ నిర్వాహకుడు అల్లాభక్షును మత్తులో ఉన్న రంగనాయకులపేటకు చెందిన షేక్‌ ఇషాక్‌ హత్య చేశాడు.మద్యం మత్తులో మాటామాటా పెరగడంతో సుల్తాన్‌ అనే వ్యక్తిని ఇద్దరు హత్య చేశారు.గంజాయి మత్తులో ఉన్న కొందరు నెల్లూరు సుజాతమ్మకాలనీలోని మాజీ మంత్రి నల్లపరెడ్డి ప్రసన్నకుమార్‌రెడ్డి ఇంట్లోకి అక్రమంగా ప్రవేశించి విధ్వంసం సృష్టించారు.మత్తులో ఉన్న ముగ్గురు యువకులు రైల్వేస్టేషన్‌ వద్ద బైక్‌పై వెళుతున్న బ్యాంకు ఉద్యోగిని చంపుతామని కత్తులతో బెదిరించి నగదు దోచుకున్నారు.ఇటీవల నెల్లూరు నగరంలోని అయ్యప్పగుడి సెంటర్‌లో ఓ యువకుడు హోటల్‌ కెళ్లి టిఫన్‌ ఆర్డర్‌ ఇచ్చాడు. తనకంటే వెనకున్న ఓ వ్యక్తి ఆర్డర్‌ ఇచ్చారు. ముందుగా తాను టిఫిన్‌ ఆర్డర్‌ ఇచ్చినా వెనకొచ్చిన వ్యక్తికి ఇచ్చాడని కారణంతో ఇద్దరు మధ్య జరిగిన చిన్న వివాదంతో దారుణంగా కత్తితో పొడిచి చంపాడు.నెల్లూరు రామలింగాపురం రైల్వే బ్రిడ్జి సమీపంలో రౌడీషీటర్‌ కత్తి రవి (32)ని దారుణంగా హత్య చేసిన నిందితులు.ఆర్థిక విభేదాల నేపథ్యంలో ముత్యాలపాళెంలో ఎం.పౌల్‌ (35)ను దారుణంగా హత్య చేసిన నిందితులు.కొండాపురం మండలంలో తిరుపాల్‌ (55) అనే వ్యక్తిని దారుణంగా హత్య చేసి 25 మేకలను అపహరించుకెళ్లారు.ఉదయగిరిలో జనం చూస్తుండగానే వరుసకు బావను బావమరుదులే హత్య చేశారు. ఆస్తి తగాదాలే కారణం.కలువాయి మండలంలోని పల్లంకొండలో గోపి అనే యువకుడు దారుణ హత్యకు గురైయ్యాడు.కొడవలూరు మండలం టపాతోపు వద్ద హిజ్రా నాయకురాలు హాసినీని ప్రత్యర్థులు దారుణంగా చంపారుకొడవలూరు మండలం మిక్కిలింపేట వద్ద బుచ్చిరెడ్డిపాళేనికి చెందిన స్టీల్‌వ్యాపారి రమేష్‌ హత్యకు గురైయ్యాడు.నెల్లూరు ఉడ్‌హౌస్‌ సంఘంలో సస్పెక్ట్‌ షీటర్‌ కళ్యాణ్‌ను పాతకక్షల నేపథ్యంలో హత్య చేసిన దుండగులు.ఇందిరాగాంధీనగర్‌లో రౌడీషీటర్‌ సుజనకృష్ణ అలియాస్‌ చింటూను స్నేహితులే కిరాతకంగా హత్య చేశారు.తాజాగా జాకీర్‌ హుస్సేన్‌నగర్‌ న్యూకాలనీలో మద్యం మత్తులో దూషించాడని భర్త శ్రీనివాసకుమార్‌ను హత్య చేసిన భార్య.

● జేసీ మొగిలి వెంకటేశ్వర్లు నెల్లూరురూరల్‌: భారతీయ సంస్కృతి, నీతి, ధర్మం, సత్యం, కరుణ వంటి విలువలతో కూడిన అత్యద్భుతమైన రామాయణ మహా కావ్యాన్ని ప్రపంచానికి అందించిన మహోన్నతుడు మహర్షి వాల్మీకి అని జేసీ మొగిలి వెంకటేశ్వర్లు అన్నారు. మంగళవారం కలెక్టరేట్లోని తిక్కన ప్రాంగణంలో ఆదికవి వాల్మీకి మహర్షి జయంతిని బీసీ సంక్షేమ శాఖ ఆధ్వర్యంలో ఘనంగా నిర్వహించారు. తొలుత అధికారులు, బీసీ సంఘాల నాయకులు జ్యోతి ప్రజ్వలన చేసి, వాల్మీకి మహర్షి చిత్రపటానికి పుష్పాంజలి ఘటించి నివాళులర్పించారు. బీసీ సంక్షేమ శాఖ అధికారి వెంకటలక్ష్మమ్మ వాల్మీకి జీవిత విశేషాలను వివరించారు. జేసీ వెంకటేశ్వర్లు మాట్లాడుతూ మానవుడి జీవన విధానానికి, ధర్మపాలనకు నిలువెత్తు సాక్షాత్కారం రామాయణమని, 23 వేల శ్లోకాలతో, ఏడు ఖండాలతో రామాయణ పవిత్ర మహాకావ్యాన్ని మనకు అందించిన గొప్ప మహర్షి వాల్మీకి అని కొనియాడారు. వాల్మీకి మహర్షి జీవితం ప్రతి ఒక్కరికి ఆదర్శమని, సాధారణ మనిషి నుంచి ఒక మహా ఋషిగా ఎదిగి, మనుషులు మహా ఋషులవుతారని నిరూపించిన వాల్మీకి జీవిత చరిత్ర ఒక ఉదాహరణ అన్నారు. బీసీ సంఘాల నాయకుల విజ్ఞప్తి మేరకు నగరంలో బీసీ భవన్‌ పూర్తి చేసేందుకు కషి చేస్తామని చెప్పారు. నగరంలో వాల్మీకి మహర్షి విగ్రహం, కమ్యూనిటీ హాల్‌ ఏర్పాటు మొదలైన బీసీ సంఘాల నేతలు సూచించిన పలు సమస్యలను ప్రభుత్వం దష్టికి తీసుకెళ్తామని చెప్పారు. ఈ కార్యక్రమంలో డీఆర్వో విజయ్‌కుమార్‌, బీసీ కార్పొరేషన్‌ ఈడీ నిర్మలాదేవి, సెట్నల్‌ సీఈఓ నాగేశ్వరరావు, జిల్లా పరిషత్‌ మాజీ చైర్మన్‌ చెంచలబాబు యాదవ్‌, బీసీ సంక్షేమ సంఘ నాయకులు నల్లబోతుల వెంకటేశ్వర్లు, దేవరాల సుబ్రహ్మణ్యం, బీసీ కోటయ్య, జనార్దన్‌, కాలేషా, బుధవారపు బాలాజీ, పీఎల్‌ రావు, మురళీకృష్ణ, వసతిగృహ సంక్షేమ అధికారులు, పలు బీసీ సంఘాల నాయకులు, విద్యార్థులు పాల్గొన్నారు.

వెంకటాచలం: మాజీ ఉప రాష్ట్రపతి ముప్పవరపు వెంకయ్యనాయుడు జిల్లా పర్యటనలో భాగంగా వెంకటాచలంలోని స్వర్ణభారత్‌ ట్రస్ట్‌కు చేరుకున్నారు. ఈ సందర్భంగా కలెక్టర్‌ హిమాన్షు శుక్లా మంగళవారం మర్వాద పూర్వకంగా కలిశారు. జిల్లాలో పరిస్థితులు, పాలనాంశాలు, ఇతర అంశాలపై కొద్ది సేపు చర్చించారు. జగన్‌ సమీక్షలో కాకాణి నెల్లూరు (స్టోన్‌హౌస్‌పేట): వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తాడేపల్లిలోని పార్టీ కేంద్ర కార్యాలయంలో రీజనల్‌ కో ఆర్డినేటర్లు, జిల్లా అధ్యక్షులు, పార్లమెంట్‌ నియోజకవర్గ పరిశీలకులతో మంగళవారం సమీక్ష నిర్వహించారు. ఈ కార్యక్రమంలో ఉమ్మడి జిల్లా వైఎస్సార్‌సీపీ అధ్యక్షుడు, మాజీ మంత్రి కాకాణి గోవర్ధన్‌రెడ్డి పాల్గొన్నారు. నేరాలను కట్టడి చేయాలి ● పోలీసు అఽధికారులను ఆదేశించిన ఐజీ నెల్లూరు (క్రైమ్‌): నేరాలను కట్టడి చేసి ప్రజలకు మెరుగైన శాంతి భద్రతలు అందించాలని గుంటూరు రేంజ్‌ ఐజీ సర్వశ్రేష్ట త్రిపాఠి పోలీసు అధికారులను ఆదేశించారు. జిల్లా పోలీసు కార్యాలయంలోని మినీ కాన్ఫరెన్స్‌ హాల్లో మంగళవారం ఆయన ఎస్పీ అజితతో కలిసి పోలీసు అధికారులతో సమావేశం నిర్వహించారు. జిల్లాలో ప్రస్తుత పరిస్థితులు, తీసుకోవాల్సిన చర్యలపై దిశానిర్దేశం చేశారు. రౌడీషీటర్లను ఎట్టిపరిస్థితుల్లో ఉపేక్షించరాదని, వారి విషయంలో కఠినంగా వ్యవహరించాలన్నారు. గంజాయిని పూర్తిగా కట్టడి చేయాలని, మహిళలు, చిన్నారుల భద్రతకు తగిన చర్యలు తీసుకోవాలన్నారు. మిస్సింగ్‌ కేసులపై ప్రత్యేక దృష్టి సారించాలన్నారు. నేర నియంత్రణలో సీసీ కెమెరాలు ఎంతగానో దోహదపడుతాయని, వాటి ఆవశ్యకతను ప్రజలకు తెలియజేసి ప్రతి గ్రామంలో సీసీ కెమెరాలు ఏర్పాటు చేసుకునేలా చొరవ చూపాలన్నారు. సామాజిక మాధ్యమాల్లో ఇష్టానుసారంగా పోస్టులు పెట్టే వారిపై చట్టప్రకారం చర్యలు తీసుకోవాలని చెప్పారు. రోడ్డు ప్రమాదాలను విశ్లేషించి బ్లాక్‌ స్పాట్‌ల్లో ప్రమాదాల నివారణకు చర్యలు చేపట్టాలన్నారు. కార్యక్రమంలో ఏఎస్పీ సీహెచ్‌ సౌజన్య, డీఎస్పీలు, సీఐలు పాల్గొన్నారు. నేడు న్యాయవాదుల కోర్టు విధుల బహిష్కరణ నెల్లూరు (లీగల్‌): సుప్రీంకోర్టు చీఫ్‌ జస్టిస్‌ బీఆర్‌ గవాయ్‌పై కోర్టు హాల్‌లో న్యాయవాది షూ విసిరిన ఘటనను ఖండిస్తూ బుధవారం కోర్టు విధులను బహిష్కరిస్తున్నామని బార్‌ అసోసియేషన్‌ అధ్యక్ష, ప్రధాన కార్యదర్శి అయ్యప రెడ్డి, నాగరాజయాదవ్‌ తెలిపారు. జిల్లా కోర్టు ఆవరణలోని బార్‌ అసోసియేషన్‌ కార్యాలయంలో మంగళవారం నిర్వహించిన కమిటీ సమావేశంలో సుప్రీంకోర్టు చీఫ్‌ జస్టిస్‌పై జరిగిన అమానవీయ ఘటన పూర్తిగా న్యాయ వ్యవస్థపై జరిగిన దాడిగా భావిస్తున్నామన్నారు. ఈ ఘటనను ఖండిస్తూ అందుకు నిరసనగా బుధవారం కోర్టు విధులను బహిష్కరించాలని నిర్ణయం తీసుకున్నామని తెలిపారు. న్యాయమూర్తులు, న్యాయవాదులు సహకరించాలని కోరారు. శ్రీవారి దర్శనానికి 20 గంటలు తిరుమల: తిరుమలలో మంగళవారం భక్తుల రద్దీ ఎక్కువగా ఉంది. క్యూకాంప్లెక్స్‌లో అన్ని కంపార్ట్‌మెంట్లు నిండిపోయాయి. సోమవారం అర్ధరాత్రి వరకు 76,773 మంది స్వామివారిని దర్శించుకున్నారు. 29,100 మంది భక్తులు తలనీలాలు అర్పించారు. స్వామి వారికి కానుకల రూపంలో హుండీలో రూ.4.16 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనం లభిస్తోంది. టైంస్లాట్‌ దర్శన టికెట్లు లేని వారికి 20 గంటల సమయం పడుతోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది. సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేస్తోంది.

● ఏపీఎస్‌ ఆర్టీసీ స్టాఫ్‌ అండ్‌ వర్కర్స్‌ ఫెడరేషన్‌ నేతలు నెల్లూరు సిటీ: ‘కూటమి ప్రభుత్వం ఆర్టీసీని ప్రైవేటీకరణ చేసేందుకు ప్రయత్నిస్తోంది. దీనిని అడ్డుకుని తీరుతాం’ అని ఏపీఎస్‌ఆర్టీసీ స్టాఫ్‌ అండ్‌ వర్కర్స్‌ ఫెడరేషన్‌ రాష్ట్ర ప్రధాన కార్యదర్శి అయ్యప్పరెడ్డి తెలిపారు. నెల్లూరులోని జెట్టి శేషారెడ్డి విజ్ఞాన కేంద్రంలో ఫెడరేషన్‌ 12వ జిల్లా మహాసభ మంగళవారం జరిగింది. ఈ సందర్భంగా ఆయన మాట్లాడుతూ ప్రభుత్వం ఆర్టీసీని ప్రైవేట్‌ వైపు తీసుకెళ్తోందన్నారు. ఎలక్ట్రిక్‌ బస్సులను ప్రైవేట్‌ వారితో నడపాలని చూస్తున్నారన్నారు. ఈ ప్రయత్నాన్ని అడ్డుకుంటామని హెచ్చరించారు. రాష్ట్రాధ్యక్షుడు సుందరయ్య మాట్లాడుతూ కూటమి ప్రభుత్వంలో సమస్యలు పరిష్కారమవుతాయని ఆశించిన ఉద్యోగులకు నిరాశే మిగిలిందన్నారు. ఉద్యోగుల న్యాయమైన కోర్కెలను పరిష్కరించాలని, లేకపోతే ఐక్య కార్యాచరణ రూపొందించుకుని రాష్ట్ర వ్యాప్తంగా ఉద్యమం చేస్తామని తెలిపారు. అనంతరం 17 మందితో నూతన కమిటీ ఏర్పాటు చేశారు. గౌరవాధ్యక్షుడిగా కృష్ణయ్య, అధ్యక్షుడిగా షేక్‌ షబ్బీర్‌, కార్యదర్శగా డి.రమణయ్య కోశాధికారిగా ఎస్‌కే ఖాజావలీ వ్యవహరిస్తారు. కార్యక్రమంలో సీఐటీయూ జిల్లా ప్రధాన కార్యదర్శి కటారి అజయ్‌కుమార్‌, కట్టా సుబ్రహ్మణ్యం పాల్గొన్నారు.

● మహిళ బ్యాగ్‌లోని 10 సవర్ల బంగారం అపహరణ నెల్లూరు(క్రైమ్‌): నెల్లూరు శ్రీనివాస అగ్రహారంలోని ఓ ప్రైవేట్‌ ఆస్పత్రిలో మహిళ బ్యాగ్‌లోని బంగారు ఆభరణాలు, నగదును దొంగ అపహరించుకెళ్లాడు. పోలీసుల కథనం మేరకు.. శెట్టిగుంటరోడ్డు వెంగమాంబ సెంటర్‌లో శైలజ, రామయ్య దంపతులు ఉంటున్నారు. శైలజ తల్లి మస్తానమ్మ సర్జరీ నిమిత్తం గతనెల 29వ తేదీన శ్రీనివాస అగ్రహారంలోని జీకే హాస్పిటల్లో చేరారు. ఆమె వద్ద కుమార్తె, అల్లుడు ఉంటున్నారు. ఇంట్లోని 10 సవర్ల బంగారు ఆభరణాలను శైలజ తీసుకొచ్చి ఆస్పత్రిలోని తన బ్యాగ్‌లో భద్రపరిచింది. మస్తానమ్మ ఆరోగ్యం కుదుటపడటంతో సోమవారం రాత్రి ఆస్పత్రి సిబ్బంది డిశ్చార్జ్‌ చేశారు. అయితే రాత్రి కావడంతో పక్కరోజు ఉదయం వెళ్లాలని నిర్ణయించుకుని నిద్రపోయారు. మంగళవారం తెల్లవారుజామున గుర్తుతెలియని దుండగుడు వారి గదిలోకి ప్రవేశించి బ్యాగ్‌ను అపహరించాడు. నిద్ర లేచిన శైలజ బ్యాగ్‌ కనిపించకపోవడంతో అంతా గాలించింది. మొదటి అంతస్తులో బ్యాగ్‌ కిందపడి ఉంది. అందులోని 10 సవర్ల బంగారు ఆభరణాలు, రూ.5 వేలు నగదు కనిపించకపోవడంతో యాజమాన్యానికి చెప్పింది. వారు సీసీ టీవీ ఫుటేజ్‌ను పరిశీలించగా ఓ దుండగుడు శైలజ ఉన్న గదిలోకి ప్రవేశిస్తున్న దృశ్యాలు రికార్డయ్యాయి. బాధితురాలు బాలాజీ నగర్‌ పోలీసులకు ఫిర్యాదు చేయగా ఎస్సై పుల్లారెడ్డి కేసు దర్యాప్తు చేస్తున్నారు.

● సరఫరా చేయని కూటమి ప్రభుత్వం ● అంగన్‌వాడీలకే పంపిణీ ● మిగిలింది చౌక దుకాణాలకు.. ● అక్కడి నుంచి నల్లబజారుకు తరలింపునెల్లూరు(పొగతోట): కూటమి ప్రభుత్వం అధికారంలోకి వచ్చినప్పటి నుంచి పేదింట కందిపప్పు ఉండకడం లేదు. చౌక దుకాణాలకు సరఫరా చేయకపోవడమే దీనికి ప్రధాన కారణం. కేవలం బియ్యం, చక్కెర మాత్రమే కార్డుదారులకు పంపిణీ చేస్తోంది. బహిరంగ మార్కెట్‌లో కేజీ కందిపప్పు రూ.160 నుంచి రూ.170 వరకు ఉంది. పేదలు అధిక మొత్తం వెచ్చించి కొనుగోలు చేయలేకపోతున్నారు. ఇటీవల దసరా పండగకు సైతం చంద్రబాబు సర్కారు పంపిణీ విషయాన్ని పట్టించుకోలేదు. మిగిలింది మాత్రమే.. జిల్లాలో 7.21 లక్షల రేషన్‌ కార్డులున్నాయి. 1,513 చౌకదుకాణాల ద్వారా కార్డుదారులకు రేషన్‌ పంపిణీ చేస్తున్నారు. ప్రతి నెలా కార్డుదారులకు కేజీ కందిపప్పు పంపిణీ చేస్తామని రాష్ట్ర పౌర సరఫరాల శాఖ మంత్రి నాదెండ్ల మనోహర్‌ ప్రకటించారు. ఆయన మాటలు ప్రకటనలకే పరిమితమయ్యాయి. అంగన్‌వాడీ కేంద్రాలకు మాత్రం కందిపప్పు సరఫరా చేస్తున్నారు. ఈ క్రమంలో 5 నుంచి 10 టన్నులు మిగులుతోంది. ఇది చెడిపోతుందని అతి తక్కువ రేషన్‌ షాపులకు మాత్రమే సరఫరా చేస్తున్నారు. ఇక్కడ కేజీ రూ.67కే విక్రయించాలి. కానీ బయట అధిక ధర ఉండటంతో డీలర్లు కార్డుదారులకు పంపిణీ చేయకుండా నల్లబజారుకు తరలించి సొమ్ము చేసుకుంటున్నారు. బహిరంగ మార్కెట్‌లో ఉన్న అధిక ధరలకు పాలకులు కళ్లెం వేయడం లేదు. నిరాశ చెందుతూ.. చౌక దుకాణాల్లో ఇచ్చే రేషన్‌పై ఆధారపడి జీవనం సాగిస్తున్న కుటుంబాలు వేల సంఖ్యలో ఉన్నాయి. కూటమి ప్రభుత్వంలో పూర్తి స్థాయిలో కందిపప్పు సరఫరా చేయలేదు. లబ్ధిదారులు ప్రతి నెలా చౌకదుకాణాలకు వెళ్లి కందిపప్పు అడిగి నిరాశ చెందుతున్నారు.సరఫరా చేయడం లేదు చౌకదుకాణాల ద్వారా ప్రస్తుతం బియ్యం, చక్కెర మాత్రమే సరఫరా చేస్తున్నాం. కందిపప్పు పంపిణీ చేయడం లేదు. అంగన్‌వాడీ కేంద్రాలకు కందిపప్పు సరఫరా చేస్తున్నాం. వాటిలో మిగిలింది పురుగు పట్టకుండా అతి తక్కువ చౌకదుకాణాలకు పంపుతున్నాం. కందిపప్పును కార్డుదారులకు పంపిణీ చేయకుండా బహిరంగ మార్కెట్‌లో విక్రయించే డీలర్లపై కఠిన చర్యలు తీసుకుంటాం. – అర్జున్‌రావు, పౌరసరఫరాల సంస్థ డీఎం

● మేకపాటి రాజగోపాల్‌రెడ్డి ఉదయగిరి: రాష్ట్రంలో త్వరలో జరిగే స్థానిక సంస్థల ఎన్నికల్లో నియోజకవర్గంలో పార్టీ విజయకేతనం ఎగుర వేసేందుకు క్యాడర్‌ సమాయత్తం కావాలని వైఎస్సార్‌సీపీ సమన్వయకర్త మేకపాటి రాజగోపాల్‌రెడ్డి పిలుపునిచ్చారు. స్థానిక పార్టీ కార్యాలయంలో మంగళవారం కార్యకర్తల సమావేశం నిర్వహించారు. ఆయన మాట్లాడుతూ అధికార టీడీపీ కుయుక్తలు, కుతంత్రాలు, కుట్రలతో స్థానిక ఎన్నికల్లో నెగ్గే ప్రయత్నాలను తిప్పికొట్టాలన్నారు. అధికార కూటమి ప్రభుత్వంపై ప్రజల్లో ఇప్పుటికే వ్యతిరేకత పెరుగుతున్నందున, మనకు సానుకూలంగా ఓటర్లను మలచుకోవాలన్నారు. నియోజకవర్గంలో మన పార్టీ బలంగా ఉన్నందున అందరూ కలిసి పనిచేస్తే విజయం తథ్యమన్నారు. రాష్ట్రంలో అరాచక పాలన సాగుతుందన్నారు. వైఎస్సార్‌సీపీ క్యాడర్‌ను లక్ష్యంగా చేసుకొని తప్పుడు కేసులు పెడుతూ పైశాచిక ఆనందం పొందుతున్నారన్నారు. తిరిగి వైఎస్సార్‌సీపీ అధికారంలోకి రావడం ఖాయమని, ఇబ్బంది పెట్టిన వారికి అసలు, వడ్డీతో చెల్లిస్తామని స్పష్టం చేశారు. తప్పడు కేసులు పెట్టే పోలీసులు, ఇబ్బంది పెట్టే అధికారులును, టీడీపీ నేతల వివరాలు యూప్‌లో నమోదు చేస్తున్నారన్నారు. అధికారంలోకి వచ్చిన వెంటనే చట్ట పరమైన చర్యలు తీసుకుంటామని తెలిపారు. పార్టీని మరింత బలోపేతం చేసేందుకు గ్రామ కమిటీలు ఏర్పాటు చేస్తున్నట్లు తెలిపారు. భవిష్యత్‌లో ఈ కమిటీలకు అధిక ప్రాధాన్యత ఇవ్వడం జరుగుతుందన్నారు. ఈ కార్యక్రమంలో పార్టీ మండల అధ్యక్షుడు కొండా రాజగోపాల్‌రెడ్డి, అక్కి భాస్కర్‌రెడ్ఢి, ఎం.తిరుపతి నాయుడు, చెన్నకేశవులు, తిరుపతిరెడ్డి, సలీమ్‌, దస్తగిరి అహ్మద్‌, శ్రీనివాసరెడ్డి తదితరులు ఉన్నారు.

కలువాయి(సైదాపురం): కలువాయి మండలంలో జరిగిన ఉపాధి పనుల్లో అవినీతిపై పున ర్విచారణకు ఆదేశిస్తూ కలెక్టర్‌ హిమాన్హు శుక్లా ఉత్తర్వులు జారీ చేశారు. వివరాలు.. ఉపాధి పనుల్లో అవినీతిపై ఇటీవల చిన్నగోపవరం పంచాయతీలో చీఫ్‌ విజిలెన్స్‌ అధికారి సమగ్ర విచారణ చేశారు. ఎనిమిది మందిపై క్రిమినల్‌ కేసులు నమోదు చేయాలని ఆదేశించారు. అయితే డ్వామా అధికారులు మాత్రం ఆరుగురు సిబ్బందిపై కేసులు పెట్టి ఇద్దరు ఏపీఓలను తప్పించారు. ఈ వ్యవహారంలో అధికారులకు ముడుపులు ముట్టినట్లు ఆరోపణలు వెల్లువెత్తాయి. దీనిపై విజిలెన్స్‌ మానిటరింగ్‌ కమిటీ మాజీ సభ్యుడు రఘు నేరుగా జాతీయ ఎస్సీ కమిషన్‌కు ఫిర్యాదు చేశారు. ఈ నేపథ్యంలో మండలంలోని 20 పంచాయతీల్లో జరిగిన అవినీతిపై పునర్విచారణ చేపట్టాలని కమిషన్‌ ఆదేశించింది. దీంతో కలెక్టర్‌ సైతం పూర్తి స్థాయిలో పునర్విచారణ చేయాలని ఉత్తర్వులు జారీ చేశారు. ఈ నేపథ్యంలో డ్వామా అధికారులు, ఉపాధి సిబ్బందిలో గుబులు మొదలైంది.యువకుడి ఆత్మహత్యనెల్లూరు(క్రైమ్‌): ఏం కష్టమొచ్చిందో తెలియదు గానీ క్షణికావేశంలో ఓ యువకుడు శబరి ఎక్స్‌ప్రెస్‌ రైలు కిందపడి ఆత్మహత్య చేసుకున్నాడు. ఈ ఘటన పెన్నానది ఎల్‌సీ గేటు సమీపంలో సోమవారం అర్ధరాత్రి జరిగింది. మృతుడి వయసు 25 నుంచి 30 ఏళ్ల లోపు ఉండొచ్చని భావిస్తున్నారు. నలుపు రంగు ఫుల్‌ హ్యాండ్స్‌ టీషర్ట్‌, నలుపు రంగు ప్యాంట్‌ ధరించి ఉన్నాడు. సమాచారం అందుకున్న నెల్లూరు రైల్వే ఎస్సై ఎన్‌.హరిచందన ఘటనా స్థలానికి చేరుకుని పరిశీలించారు. మృతుడి వద్ద ఎలాంటి ఆధారాలు లభ్యం కాలేదు. మృతదేహాన్ని జీజీహెచ్‌ మార్చురీకి తరలించి ఎస్సై కేసు నమోదు చేశారు. మృతుడిని వివరాలు తెలిసిన వారు తెలియజేయాలని ఆమె మంగళవారం విజ్ఞప్తి చేశారు.

నరసరావుపేట టౌన్‌/తనకల్లు/సాక్షి ప్రతినిధి, నెల్లూరు: కూటమి నేతల నకిలీ మద్యం జనం ఉసురు తీస్తోంది. పల్నాడు జిల్లా నరసరావుపేటలో ఒకరు, శ్రీ సత్యసాయిజిల్లాలో మరొకరు, శ్రీపొట్టి­శ్రీరాములు నెల్లూరు జిల్లాలో ఇద్దరు... మొత్తంగా నలుగురు మృతి చెందారు. నరసరావుపేటలోని బరంపేట చాకిరాలమిట్ట ప్రాంతానికి చెందిన పాలెపు కోటేశ్వరరావు (50) లారీ క్లీనర్‌. ఇతనికి భార్య, ఇద్దరు కుమార్తెలు, కుమారుడు ఉన్నారు. సోమవారం రాత్రి ఇంటి నుంచి బయటకు వెళ్లిన కోటేశ్వరరావు గుంటూరు రోడ్డులో ఓ దుకాణం ఎదుట అకస్మారక స్థితిలో మృతి చెందాడు. సమాచారం అందుకున్న టూటౌన్‌ ఎస్‌ఐ అశోక్‌ సిబ్బందితో ఘటనా స్థలానికి వెళ్లారు. మద్యానికి అలవాటు పడ్డ కోటేశ్వరరావు కొన్ని రోజులుగా ఇంటికి సరిగ్గా రావడం లేదని భార్య వివరించింది. అతిగా మద్యం సేవించడం వల్లే మృతి చెంది ఉంటాడని పోలీసులు భావిస్తున్నారు.ములకలచెరువులో వ్యక్తి మృతిశ్రీసత్యసాయి జిల్లాలో పూటుగా మద్యం తాగిన ఓ వ్యక్తి మృత్యువాత పడ్డాడు. మృతుని కుటుంబ సభ్యులు తెలిపిన వివరాల మేరకు... శ్రీసత్యసాయి జిల్లా తనకల్లు మండలం ఎర్రబల్లి గ్రామానికి చెందిన శ్రీరాములు (58) బేల్దారి పనులు చేసుకుంటూ కుటుంబాన్ని పోషించుకుంటున్నాడు. రోజూ పని నుంచి ఇంటికి రాగానే అన్నమయ్య జిల్లా మొలకలచెరువుకు వెళ్లి మద్యం తాగేవాడు. అక్కడికే ఎందుకు వెళ్తున్నావని కుటుంబసభ్యులు ప్రశ్నిస్తే... అక్కడే మద్యం ‘ఫుల్‌ కిక్‌’ ఇస్తుందని చెప్పేవాడు. ఈక్రమంలోనే రెండు రోజుల క్రితం మొలకలచెరువుకు వెళ్లిన శ్రీరాములు రాత్రి ఇంటికి రాలేదు. ఆందోళన చెందిన కుటుంబ సభ్యులు సమీప ప్రాంతాల్లో వెతికినా ఆచూకీ లభించలేదు. మంగళవారం మొలకలచెరువులోని ప్రభుత్వాస్పత్రి పక్కన అనుమానాస్పద స్థితిలో శ్రీరాములు మృతదేహాన్ని గుర్తించిన స్థానికులు కుటుంబ సభ్యులకు సమాచారం ఇచ్చారు. వారు శ్రీరాములు మృతదేహాన్ని గ్రామానికి తీసుకొచ్చారు. తన కుమారుడు నకిలీ మద్యం తాగడం వల్లే ప్రాణాలు కోల్పోయాడని తల్లి గంగులమ్మ బోరు విలపించారు. మృతునికి భార్య శాంతమ్మ, కుమార్తె రేణుక ఉన్నారు.నెల్లూరు జిల్లాలో ఇద్దరు శ్రీపొట్టి శ్రీరాములు నెల్లూరు జిల్లా కలిగిరి మండలం వెలగపాడు గ్రామ సచివాలయం సమీపంలో బెల్టు షాపు ఉంది. 45 ఏళ్ల వ్యక్తి నాలుగు రోజులుగా అక్కడే తిరుగుతూ డబ్బులు అడుక్కుని బెల్టుషాపులోనే నకిలీ మద్యం తాగేవాడు. పక్కనే ఉన్న బస్‌షెల్టర్‌ పడుకునేవాడు. అయితే సోమవారం ఉదయం అతను అపస్మారక స్థితిలో ఉండగా స్థానికులు గుర్తించి పోలీసులకు సమాచారమిచ్చారు. మృతుడి చొక్కా కాలర్‌పై పామూరుకు చెందిన పవన్‌ మెన్స్‌వేర్‌ లేబుల్‌ను గుర్తించారు. శరీరంపై గాయాల్లేవు. దీంతో నకిలీ మద్యం తాగడం వల్లే తీవ్ర అస్వస్థతకు గురై మృతి చెందినట్లు స్థానికులు చెబుతున్నారు. నెల్లూరు రూరల్‌ పరిధిలోని ఓ మద్యం దుకాణం సమీపంలో గుర్తుతెలియని 45 ఏళ్ల వ్యక్తి మృతి చెందాడు. తరచూ అక్కడే మద్యం తాగేవాడు. అతడి మృతదేహాన్ని మద్యం షాపునకు సమీపంలోని చెట్ల మధ్య స్థానికులు గుర్తించారు. నకిలీ మద్యం అతిగా తాగడం వల్లే అపస్మారక స్థితిలో మృతి చెంది ఉంటాడని భావిస్తున్నారు. పోలీసులు అన్ని కోణాల్లో దర్యాప్తు చేస్తున్నారు.

సాక్షి, నెల్లూరు: ఆంధ్రప్రదేశ్‌ ప్రభుత్వాన్ని ఉద్దేశిస్తూ మాజీ ఉపరాష్ట్రపతి వెంకయ్య నాయుడు ఘాటైన వ్యాఖ్యలు చేశారు. మహిళలకు ఉచిత బస్సు ప్రయాణం కలిగించడం వల్ల కలిగే ప్రయోజం ఏంటని ప్రభుత్వాన్ని ప్రశ్నించిన ఆయన.. ఉచితాలను అలవాటు చేయకూడదంటూ మాట్లాడారు. ‘‘ప్రభుత్వాలు విద్యా, వైద్యంపై ఖర్చు చేయాలి. అంతేకానీ ఉచితాలు అలవాటు చేయకూడదు. విద్య వల్ల పేదవాడు సంపన్నులయ్యే అవకాశాలు ఉన్నాయి. వైద్యం ప్రతి మనిషికి అవసరమైనది. రాష్ట్ర ఆర్థిక పరిస్థితిని శ్వేత పత్రం రూపంలో ప్రజలకు తెలియపరచాలి. ఐదేళ్లలో అప్పులు ఎంత చేస్తున్నారు., ఎంత తిరిగి చెల్లిస్తున్నారు అన్నది ప్రకటించాలి. .. అసెంబ్లీలో బూతుల సాంప్రదాయానికి తెర వేయాలి. సభలో లేని వారి పట్ల అమర్యాదగా వ్యవహరించకూడదు. అటువంటి వ్యాఖ్యలు చేసే వారిని సస్పెండ్ చేయాలి. ఎమ్మెల్యేలకు, ఎంపీలకు సభలో ఎలా నడుచుకొవాలో ట్రైనింగ్ ఇవ్వాలి. పార్టీ ఫిరాయిస్తే చర్యలు తీసుకోవాలి.. న్యాయస్థానాలు ప్రజా ప్రతినిధులపై కేసులను రెండు సంవత్సరాలలో తీర్పులు ప్రకటించాలి. కోర్టులు తక్కువైతే, జడ్జిలు తక్కువ సంఖ్యలో ఉంటే వెంటనే ఆ సమస్యను పరిష్కరించుకోవాలి అని నెల్లూరులో ఓ కార్యక్రమంలో పాల్గొన్న ఆయన వ్యాఖ్యలు చేశారు.

సాక్షి, నెల్లూరు: పెన్నా నది సమీపంలో డబుల్ మర్డర్ కేసులో నిందితుల కోసం పోలీసుల వేట కొనసాగుతోంది. సీసీటీవీ ఫుటేజీలను పరిశీలించడంతో పాటు టవర్‌ డంప్‌ను సంతపేట పోలీసులు సేకరిస్తున్నారు. నిందితులను అతిత్వరలో పట్టుకుంటామని ఎస్పీ చెబుతున్నారు. ఇదిలా ఉంటే.. పెన్నా బ్యారేజీ వద్ద రోడ్డుపై రక్తపు మరకలు ఉండడంతో స్థానికులు పోలీసులకు సమాచారం అందించారు. గజ ఈతగాళ్ల సాయంతో రెండు మృతదేహాలను పోలీసులు మంగళవారం వెలికి తీశారు. హత్య చేసి నదిలో పడేసి ఉంటారని.. అర్ధరాత్రి సమయంలో ఘటన జరిగి ఉండొచ్చని పోలీసులు భావిస్తున్నారు. మరోవైపు మృతుల వివరాల కోసం సమీపంలోని గిరిజన తండాల్లో ఆరా తీస్తున్నారు.

చంద్రబాబు రాష్ట్రాన్ని దోచుకునేందుకు ప్రభుత్వ వ్యవస్థలను ప్రైవేట్‌పరం చేస్తున్నాడు. ప్రభుత్వాన్ని వ్యాపార సంస్థగా మార్చేస్తున్నాడు. మాజీ సీఎం వైఎస్‌ జగన్‌మోహన్‌రెడ్డి ఆదర్శవంతమైన నిర్ణయాన్ని కూటమి ప్రభుత్వం వ్యాపార ధోరణికి ఉపయోగిస్తుంది. పేద ప్రజలకు ఉపయోగపడని ప్రైవేట్‌ ఆస్పత్రుల వల్ల వచ్చే ఇబ్బందులు కూటమి ప్రభుత్వానికి తెలియవా?. కూటమి కుట్రలను ప్రజల్లోకి తీసుకెళ్లి అడ్డుకుంటేనే భవిష్యత్‌ తరాలకు మేలు చేసినవాళ్లమవుతాం. – పేర్నాటి కోటేశ్వరరెడ్డి, ఏఎంసీ మాజీ చైర్మన్‌

నెల్లూరు (టౌన్‌)/వెంకటాచలం: దసరా పండగ నేపథ్యంలో సూదూర ప్రాంతాలకు వెళ్తున్న ప్రయాణికుల నుంచి అధిక చార్జీలు వసూలు చేస్తున్న ప్రైవేట్‌ ట్రావెల్స్‌ బస్సులపై రవాణాశాఖ అధికారులు ఆకస్మిక తనిఖీలు నిర్వహించారు. మూడు రోజులుగా జిల్లాలోని వెంకటాచలం, కోవూరు, బోగోలు ప్రాంతాల్లోని జాతీయ రహదారిపై బృందాలుగా ఏర్పడి తనిఖీలు చేశారు. అధిక చార్జీలు వసూలు చేస్తున్న 115 బస్సులపై కేసులు నమోదు చేశారు. ఆయా బస్సుల నుంచి రూ.11.41 లక్షల అపరాధ రుసుం వసూలు చేశారు. ఈ సందర్భంగా డీటీసీ చందర్‌ మాట్లాడుతూ పండగల పేర్లు చెప్పి ప్రయాణికుల నుంచి అధిక చార్జీలు వసూలు చేస్తే బస్సుల యజమానులపై చర్యలు తీసుకుంటామని హెచ్చరించారు. ఈ తనిఖీల్లో ఎంవీఐలు బాలమురళీ, రఫీ, పవన్‌కార్తీక్‌, ఏఎంవీఐలు స్వప్నిల్‌కుమార్‌రెడ్డి, రఘువర్ధన్‌రెడ్డి, మల్లికార్జునరెడ్డి, సంధ్య, సిబ్బంది పాల్గొన్నారు.నకిలీ విత్తనాలు విక్రయిస్తే కఠిన చర్యలు● కలెక్టర్‌ హిమాన్షు శుక్లానెల్లూరురూరల్‌: జిల్లాలో నకిలీ విత్తనాలు విక్రయిస్తే కఠిన చర్యలు తప్పవని, నకిలీ విత్తనాలు, కల్తీ ఎరువులను అరికట్టేందుకు వ్యవసాయశాఖ ఆధ్వర్యంలో ప్రత్యేక అంతర్గత తనిఖీ బృందాలను నియమించినట్లు కలెక్టర్‌ హిమాన్షు శుక్లా సోమ వారం ఒక ప్రకటనలో తెలిపారు. నకిలీ విత్తనాలు, ఎరువులు, అక్రమ యూరియా నిల్వలపై కఠినంగా వ్యవహరిస్తామని చెప్పారు. ఈ సమస్యలపై ఫిర్యాదులు ఉన్నట్లయితే రైతులు వెంటనే జిల్లా వ్యవసాయ శాఖ టోల్‌ఫ్రీ నంబర్‌ 83310 57285కు ఫోన్‌ చేసి తెలియజేయాలని సూచించారు. ఇప్పటికే ప్రత్యేక బృందాలు తనిఖీలను ముమ్మరం చేసినట్లు చెప్పారు. డీలర్లు, గోదాములు, స్టాక్‌ పాయింట్లలో యూరియా సరఫరా, నిల్వలు, వినియోగంపై సమగ్ర స్టాక్‌ వెరిఫికేషన్‌న్‌ నిర్వహిస్తున్నట్లు చెప్పారు. పరిశ్రమలకు అక్రమ రవాణా, అనధికార వినియోగాన్ని అరికట్టడం, క్రమం తప్పకుండా ఫీల్డ్‌ స్థాయి తనిఖీలు చేయడం, వ్యవసాయ అధికారులను సమన్వయం చేస్తూ పర్యవేక్షణ చేయడం ఈ ప్రత్యేక బృందాల ప్రధాన లక్ష్యమని చెప్పారు. ఉల్లంఘనలకు పాల్పడిన డీలర్ల లైసెన్సులు రద్దు చేయడంతోపాటు, చట్టపరమైన చర్యలు తీసుకుంటామని హెచ్చరించారు.నేటి నుంచి అండర్‌–19 ఎస్‌జీఎఫ్‌ జిల్లా స్థాయి ఎంపికలునెల్లూరు (టౌన్‌): ఉమ్మడి నెల్లూరు జిల్లా ఏపీ స్కూల్‌ గేమ్స్‌ ఫెడరేషన్‌ అండర్‌–19 జిల్లా స్థాయి ఎంపికలు మంగళవారం నుంచి జరగనున్నట్లు డీవీఈఓ కృష్ణారెడ్డి, ఆర్‌ఐఓ వరప్రసాదరావు, ఎస్‌జీఎఫ్‌ ఆర్గనైజింగ్‌ సెక్రటరీ పాటూరు వేణుగోపాల్‌రెడ్డి ఒక ప్రకటనలో తెలిపారు. జిల్లా స్థాయి ఎంపికలు ఏసీ సుబ్బారెడ్డి స్టేడియం జరుగుతాయన్నారు. 7న అథ్లెటిక్స్‌, 8న ఖోఖో, 9న కబడ్డీ, 10న వాలీబాల్‌, సాఫ్ట్‌బాల్‌, హాకీ, 11న హ్యాండ్‌బాల్‌, 12న షటిల్‌ బ్యాట్మింటిన్‌, 13న క్రికెట్‌ ఎంపికలు ఉంటాయన్నారు. జిల్లా స్థాయి ఎంపికల్లో పాల్గొను విద్యార్థులు 2007 జనరవరి 1వ తేదీ తర్వాత జన్మించిన వారై ఉండాలన్నారు.శ్రీవారి దర్శనానికి 24 గంటలుతిరుమల: తిరుమలలో సోమవారం భక్తుల రద్దీ ఎక్కువగా ఉంది. క్యూ కాంప్లెక్స్‌లో అన్ని కంపార్ట్‌మెంట్లు నిండిపోయాయి. క్యూలైన్‌ శిలాతోరణం వద్దకు చేరుకుంది. ఆదివారం అర్ధరాత్రి వరకు 83,412 మంది స్వామి వారిని దర్శించుకున్నారు. 33,058 మంది భక్తులు తలనీలాలు అర్పించుకున్నారు. స్వామి వారికి కానుకల రూపంలో హుండీలో రూ.3.89 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనం లభిస్తోంది. దర్శన టికెట్లు లేని వారికి 24 గంటల సమయం పడుతోంది. ప్రత్యేక ప్రవేశ దర్శనం టికెట్లు కలిగిన వారికి 3 గంటల్లో దర్శనం లభిస్తోంది. సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందుగా క్యూలోకి అనుమతించరని స్పష్టం చేసింది.

పేద విద్యార్థుల మెడికల్‌ కలను సాకారం చేసేందుకు మాజీ సీఎం వైఎస్‌ జగన్‌మోహన్‌రెడ్డిది ‘దూర’ ఆలోచన చేస్తే.. చంద్రబాబు స్వార్థంతో, కుట్రలతో ‘దుర’ ఆలోచన చేస్తున్నాడు. ప్రైవేటీకరణతో పేద విద్యార్థులు చదువుకోలేరు. ప్రైవేట్‌ వైద్యశాలల్లో పేదలకు మంచి వైద్యం అందే పరిస్థితి ఉండదు. విద్య, వైద్యం పేదలకు అందాలంటే ప్రభుత్వమే నిర్వహించాలని విజనరీ అని చెప్పుకునే చంద్రబాబుకు లేకపోవడం బాధాకరం. కూటమి నిర్ణయాలకు సమయం వచ్చినప్పుడు ప్రజలే తగిన బుద్ధి చెబుతారు. – ఆనం విజయ్‌కుమార్‌రెడ్డి, డీసీసీబీ మాజీ చైర్మన్‌

మెడికల కళాశాల విషయంలో బాబు నిర్ణయం భావితరాలకు శాపమం. ప్రైవేటీకరణ వల్ల ఆర్థికంగా వెనుకబడిన విద్యార్థులకు వైద్యవిద్యను అభ్యసించాలన్న కల కలగానే మిగిలిపోతోంది. మాజీ సీఎం వైఎస్‌ జగన్‌మోహన్‌రెడ్డికి పేరొస్తందనే తట్టుకోలేక కుట్రలు పన్నుతున్నారు. వైద్య విద్యను ఆర్థికంగా వెనుకబడిన వారికి అందజేసిన ఘనత దివంగత సీఎం డాక్టర్‌ రాజశేఖర్‌రెడ్డిది. నా తమ్ముడు, నా కుమారుడు వైద్యవిద్యను పూర్తి చేశారు. మెడికల్‌ కళాశాల ప్రైవేటీకరణను మరో స్వాతంత్య్ర ఉద్యమంలా చేయాల్సిన అవసరం ఉంది. – మేరిగ మురళీధర్‌, ఎమ్మెల్సీ

నెల్లూరు (టౌన్‌): ప్రాథమిక ఆరోగ్య కేంద్రాల్లో సేవలందిస్తున్న వైద్యులకు నిర్ణీత కాల వ్యవధిలో పదోన్నతులు కల్పించాలని ఏపీ హంస జిల్లా అధ్యక్షుడు చేజర్ల సుధాకర్‌రావు డిమాండ్‌ చేశారు. సోమవారం జిల్లా వైద్య ఆరోగ్యశాఖ కార్యాలయం ఎదుట దీక్ష చేస్తున్న వైద్యులకు సంఘీభావం ప్రకటించారు. ఆయన మాట్లాడుతూ పీహెచ్‌సీ వైద్యులకు 25 ఏళ్లుగా పదోన్నతులు లేవన్నారు. ప్రతి నియోజకవర్గానికి ఒక సర్జన్‌, ఇద్దరు డిప్యూటీ సివిల్‌ సర్జన్‌ను నియమించాలన్నారు. సర్వీసు పీజీ కోటా 20 శాతం విధానాన్నే కొనసాగించాలన్నారు. సంచార చికిత్స కార్యక్రమానికి రూ.5 వేలు భత్యం మంజూరు చేయాలన్నారు. ఈ కార్యక్రమంలో ఏపీ హంస జిల్లా సెక్రటరీ కమల్‌కిరణ్‌, కోశాధికారి శేషగిరిరావు, పబ్లిసిటీ సెక్రటరీ మజూర్‌, నాయకులు రాజయ్య, మురళీ, నాగరాజు, వరప్రసాద్‌, గౌస్‌బాషా, సుధాకర్‌రెడ్డి, లక్ష్మీనరసయ్య, లక్ష్మీకాంతమ్మ, వింధ్యావళి తదితరులు పాల్గొన్నారు.

కోవూరు: పెన్నానదిలో అసలు ఇసుక తవ్వకాలకు ఎక్కడా అనుమతి లేదు. పెన్నానదిలో ఇసుక తవ్వకాలు చేపట్టాలంటే నేషనల్‌ గ్రీన్‌ ట్రిబ్యునల్‌ అనుమతితోనే జిల్లా మైనింగ్‌, జలవనరుల శాఖ అనుమతివ్వాల్సి ఉంది. వాస్తవానికి ఈ నెల 15వ తేదీ వరకు నదుల్లోనే కాదు.. వాగుల్లో కూడా ఇసుక తవ్వకాలపై నిషేధం అమల్లో ఉంది. అయినా అధికార పార్టీ నేతలకు ఇవేమి పట్టడం లేదు. పర్యావరణ, వాల్టా చట్టం నిబంధనలు ఉల్లంఘించి టీడీపీ నేతలు పెన్నానదిని కుళ్లబొడిచి విచ్చలవిడిగా ఇసుక అక్రమ తవ్వకాలు చేపడుతుంటే మైనింగ్‌, జలవనరులు, రెవెన్యూ, పోలీస్‌ శాఖలు చూసీచూడనట్లు వ్యవహరిస్తున్నాయనే ఆరోపణలు వినిపిస్తున్నాయి. నిత్యం 100 ట్రాక్టర్ల ఇసుక అక్రమ రవాణా మండలంలోని జమ్మిపాళెం వద్ద పెన్నానది నుంచి నిత్యం 100 ట్రాక్టర్ల ఇసుకను అక్రమంగా తరలిస్తున్నారు. నిబంధనలకు విరుద్ధంగా బావుల్లాంటి గోతులు పెట్టి ఇసుక తవ్వేయడంతో ప్రమాదకర స్థాయిలో గుంతలు ఏర్పడుతున్నాయి. పెన్నానదిలో ఇసుక తవ్వకాలపై ప్రశ్నిస్తే మాఫియా బహిరంగంగానే భయభ్రాంతులకు గురి చేస్తున్నారని గ్రామస్తులు ఆరోపిస్తున్నారు. ‘కూటమి ప్రభుత్వం ఉన్నంత వరకు అధికారులు ఎవరు మా జోలికి రారు, పెన్నానదిలో ఉండే ఇసుక, మట్టి మాకే సొంతం. మాకు అధికార పార్టీ అండదండలు ఉన్నాయి. మా ఇసుక ట్రాక్టర్లు, మట్టి ట్రాక్టర్లకు ఎవరైనా అడ్డొచ్చినా ఒప్పుకోం.. మమ్మల్ని కాదని నదిలో దిగారంటే ట్రాక్టర్లూ సీజ్‌ అవుతాయి’ అంటూ బాహాటంగా హెచ్చరిస్తున్నారని గ్రామస్తులు చెబుతున్నారు. పర్యావరణంపై ఆందోళన పెన్నానదిలో ఇసుక తవ్వకాల విషయం అటుంచితే.. రేయింబవళ్లు ఇసుక ట్రాక్టర్లు రాకపోకలతో రణగోణ ధ్వనులతో తమకు ప్రశాంతత కొరవడుతుందని స్థానికులు ఆందోళన వ్యక్తం చేస్తున్నారు. రోడ్లు దెబ్బతిన్నాయని, వర్షం పడితే బురద, ఎండితే దుమ్ముతో అల్లాడిపోతున్నామంటున్నారు. పోలీసులకు ఫిర్యాదు చేసినా ఫలితం లేకుండా పోయిందని ఆవేదన వ్యక్తం చేశారు. ఇసుక తవ్వకాలతో తమ ప్రాంతంలో భూగర్భ జలాలు అడుగంటిపోతున్నాయని విచారం వ్యక్తం చేశారు. కప్పం కట్టు.. ఇసుక తోలుకో.. జమ్మిపాళెం పరిధిలో ఉండే ట్రాక్టర్లు మాత్రమే పెన్నానది నుంచి ఇసుకను అక్రమంగా తరలించేందుకు అనుమతి ఇస్తున్నారు. ఎవరైనా బయట వ్యక్తులు ఇసుక కావాలంటే.. ఇసుక విలువ కప్పం కడితేనే అనుమతిస్తామని, లేదంటే సీజ్‌ చేయిస్తామని అధికార పార్టీ నేతలు బాహాటంగానే చెబుతున్నారు. అధికార పార్టీ నేతలు ఈ స్థాయిలో బరితెగించి వ్యవహరిస్తున్నారంటే అధికార వ్యవస్థలు వీరికి ఏ విధంగా సాగిలపడుతున్నాయో అర్థమవుతోంది. జమ్మిపాళెం నుంచి విచ్చలవిడిగా అక్రమ రవాణా మాఫియాకు అధికారం అండదండలు మామూళ్ల పేరుతో రూ.లక్షల్లో వసూళ్లు చూసీ చూడనట్లుగా అధికారులు ఇసుకాసురులు రెచ్చిపోతున్నారు. మండలంలోని జమ్మిపాళెం ప్రాంతంలో పెన్నానదిని అడ్డాగా చేసుకుని కుళ్లబొడిచేస్తున్నారు. ఏ శాఖ నుంచి ఎటువంటి అనుమతులు లేకుండా పర్యావరణ నిబంధనలను ఉల్లంఘించి విచ్చలవిడిగా ఇసుక అక్రమ రవాణాకు పాల్పడుతున్నారు. పెన్నానది మాది.. ఇసుక, మట్టి మా సొంతమే.. ఎవరైనా అడ్డొస్తే మీ సంగతి తేలుస్తామంటూ స్థానిక గ్రామస్తులను బహిరంగంగానే బెదిరిస్తున్నారు. స్థానికులు తమ ఇంటి అవసరాలకు కూడా ఇసుక తరలించడానికి వీల్లేదంటూ, తమను కాదని నదిలోకి దిగితే సీజ్‌ చేయిస్తామంటూ బాహాటంగానే హెచ్చరిస్తున్నారంటే అధికార వ్యవస్థలు అధికార పార్టీ నేతలకు ఏ విధంగా సాగిలపడి ఊడిగం చేస్తున్నాయో అర్థమవుతోంది.

వెంకటాచలం: విక్రమ సింహపురి యూనివర్సిటీలో బయో టెక్నాలజీ విభాగానికి చెందిన ఎం.పృథ్వీరాజ్‌ జాతీయ ఎన్‌ఎన్‌ఎస్‌ ఉత్తమ వలంటీర్‌ అవార్డును న్యూఢిల్లీలోని రాష్ట్రపతి భవన్‌లో సోమవారం ద్రౌపది ముర్ము చేతుల మీదుగా స్వీకరించాడు. సామాజిక సేవలో చేసిన విశేష కృషికి ఈ అవార్డు దక్కిందని వీసీ అల్లం శ్రీనివాసరావు, ఇతర అధ్యాపకులు తెలిపారు. రాళ్లపాడు నుంచి మృతదేహం వెలికితీతలింగసముద్రం: రాళ్లపాడు ప్రాజెక్ట్‌లో ఆదివారం గుర్తించిన మృతదేహాన్ని సోమవారం గజ ఈతగాళ్ల సాయంతో వెలికితీశారు. ఎస్సై నారాయణ కథనం మేరకు.. మృతుడు గుండు చేయించుకుని ఉన్నాడు. ముదురు నీలం రంగు ప్యాంట్‌ ధరించాడు. మృతదేహాన్ని కందుకూరు ఏరియా వైద్యశాల మార్చురీకి తరలించారు. మృతదేహం ఉన్న తీరు చూసినవారు హత్య చేసి ప్రాజెక్ట్‌లో పడేసి వెళ్లి ఉంటారని అనుమానం వ్యక్తం చేస్తున్నారు. కేసు దర్యాప్తులో పూర్తి వివరాలు తెలియాల్సి ఉంది.

● 13 మోటార్‌బైక్‌ల స్వాధీనం నెల్లూరు(క్రైమ్‌): నెల్లూరు వేదాయపాళెం పోలీస్‌స్టేషన్‌ పరిధిలోని బుజబుజనెల్లూరు నాగమ్మ కాలనీలో సోమవారం తెల్లవారుజామున పోలీసులు కార్డన్‌ సెర్చ్‌ నిర్వహించారు. వేదాయపాళెం ఇన్‌స్పెక్టర్‌ కె.శ్రీనివాసరావు ఆధ్వర్యంలో సిబ్బంది బృందాలుగా ఏర్పడి ప్రతి ఇంటిని క్షుణ్ణంగా తనిఖీ చేశారు. యజమానితోపాటు కుటుంబ సభ్యుల పూర్తి వివరాలను సేకరించారు. వాహనపత్రాల్లేని 13 మోటార్‌బైక్‌లను స్వాధీనం చేసుకున్నారు. 13 మంది అనుమానితులను అదుపులోకి తీసుకుని వారి వివరాలను సేకరిస్తున్నారు. ఏడుగురు రౌడీషీటర్లకు కౌన్సెలింగ్‌ చేశారు. నేరనియంత్రణ, అసాంఘిక కార్యకలాపాల కట్టడే లక్ష్యంగా నిర్వహిస్తున్న కార్డన్‌ సెర్చ్‌లకు ప్రజలు సహకరించాలని ఇన్‌స్పెక్టర్‌ కోరారు. అనుమానాస్పద వ్యక్తులు, చట్టవ్యతిరేక కార్యకలాపాలు, మాదకద్రవ్యాల వినియోగంపై డయల్‌ 112, స్థానిక పోలీసులకు సమాచారం అందిస్తే తగిన చర్యలు తీసుకుంటామన్నారు. కార్యక్రమంలో ఎస్సైలు విజయకుమార్‌, శ్రీనివాసరావు, ఏఎస్సైలు, సిబ్బంది తదితరులు పాల్గొన్నారు.

వెంకటాచలం: మండలంలోని కాకుటూరు వద్దనున్న విక్రమ సింహపురి యూనివర్సిటీ క్యాంపస్‌లో పోటీ పరీక్షల కేంద్రాన్ని ఏర్పాటు చేశారు. దీనికి డైరెక్టర్‌గా వర్సిటీలో బిజినెస్‌ మేనేజ్‌మెంట్‌ విభాగం అసిస్టెంట్‌ ప్రొఫెసర్‌ డాక్టర్‌ జె.విజేతను నియమించారు. సోమవారం వీసీ అల్లం శ్రీనివాసరావు మాట్లాడుతూ ఈ కేంద్రం విద్యార్థులకు ఉపయోగపడుతుందన్నారు. ఈ సందర్భంగా ఇన్‌చార్జి రిజిస్ట్రార్‌ డాక్టర్‌ కె.సునీత, ప్రిన్సిపల్‌ సీహెచ్‌ విజయ, ఇతర అధ్యాపకులు డాక్టర్‌ విజేతను అభినందించారు.బంగారు నగల కోసమే హత్య● సమీప బంధువే నిందితుడు వెంకటాచలం: మండలంలోని చెముడుగుంట పంచాయతీ నక్కలకాలనీ సమీపంలో జరిగిన హత్యకు సంబంధించిన కేసును పోలీసులు ఛేదించారు. వల్లూరు మల్లికార్జున మెడలో ఉన్న బంగారు నగలు కోసమే సమీప బంధువు ఈ దారుణానికి పాల్పడ్డాడు. వెంకటాచలం పోలీసులు సోమవారం వివరాలు వెల్లడించారు. బుజబుజనెల్లూరు పరిధిలోని న్యూకాలనీలో నివాసముంటున్న మల్లికార్జున గత నెల 29 రాత్రి నుంచి కనిపించలేదు. 30 తేదీన నక్కల కాలనీ సమీపంలో హత్యకు గురైన సంగతి తెలిసిందే. న్యూకాలనీలోనే మల్లికార్జున సోదరుడి కుమార్తె భర్త వెలగల పవన్‌ కల్యాణ్‌ ఉంటున్నాడు. అతను మల్లికార్జునను నగదు అడగ్గా ఇవ్వకపోవడంతో కోపం పెంచుకున్నాడు. కొంతసేపటి తర్వాత తన వెంట మల్లికార్జునను తీసుకెళ్లి మద్యం తాగించాడు. అనంతరం పక్కా ప్రణాళికతో హత్య చేసి అతని మెడలో ఉన్న బంగారు గొలుసు, ఉంగరం లాక్కొని పరారయ్యాడు. పోలీసులు సాంకేతిక పరిజ్ఞానం ఆధారంగా నిందితుడిని అరెస్ట్‌ చేసి కోర్టుకు హాజరుపరచగా, ఈనెల 17వ తేదీ వరకు రిమాండ్‌ విధించారు. యువకుడి మృతదేహం లభ్యంనెల్లూరు సిటీ: పెన్నానదిలో ఈతకు వెళ్లి గల్లంతైన యువకుడు మృతిచెందాడు. పోలీసుల కథనం మేరకు.. ఆదివారం నలుగురు యువకులు రూరల్‌ పరిధిలోని జొన్నవాడకు సమీపంలో పెన్నానదిలో ఈతకు వెళ్లిన విషయం తెలిసిందే. గణేశన్‌ నరసింహ అనే యువకుడు చనిపోగా మృతదేహం లభ్యమైంది. దేవరపాళేనికి చెందిన కోటయ్య (24) గల్లంతవగా పోలీసులు గజ ఈతగాళ్లతో గాలించారు. సోమవారం ఉదయం అతని మృతదేహాన్ని గుర్తించి పోస్టుమార్టం నిమిత్తం ప్రభుత్వాస్పత్రికి తరలించారు. ప్రజల భాగస్వామ్యంతోనే విజయవంతం ● కలెక్టర్‌ హిమాన్షు శుక్లా నెల్లూరు రూరల్‌: ప్రజలందరి భాగస్వామ్యంతోనే స్వర్ణాంధ్ర – స్వచ్చాంధ్ర కార్యక్రమం విజయవంతం అవుతుందని కలెక్టర్‌ హిమాన్షు శుక్లా అన్నారు. నెల్లూరు కలెక్టరేట్లోని తిక్కన ప్రాంగణంలో 2025 స్వచ్ఛత అవార్డుల ప్రదానోత్సవం సోమవారం జరిగింది. ఈ సందర్భంగా కలెక్టర్‌ మాట్లాడుతూ ఇది కేవలం ప్రభుత్వ కార్యక్రమం కాదని ప్రజలందరూ స్వచ్ఛందంగా భాగస్వాములైతేనే పరిసరాలు పరిశుభ్రంగా మారుతాయన్నారు. జిల్లా పరిషత్‌ చైర్‌పర్సన్‌ ఆనం అరుణమ్మ మాట్లాడుతూ జిల్లాను రాష్ట్ర స్థాయిలో మొదటి స్థానంలో నిలిపేందుకు ప్రతి ఒక్కరూ కృషి చేయాలన్నారు. కావలి ఎమ్మెల్యే దగుమాటి వెంకటకృష్ణారెడ్డి మాట్లాడుతూ మున్సిపల్‌ పారిశుద్ధ్య కార్మికుల కృషితోనే పట్టణాలు పరిశుభ్రంగా ఉంటున్నాయన్నారు. నుడా చైర్మన్‌ కోటంరెడ్డి శ్రీనివాసులురెడ్డి, ఆర్టీసీ జోనల్‌ చైర్మన్‌ సురేష్‌రెడ్డి మాట్లాడారు. కార్యక్రమంలో కమిషనర్‌ నందన్‌, డీపీఓ శ్రీధర్‌రెడ్డి, డీఈఓ బాలాజీరావు, డీఆర్‌డీఏ పీడీ నాగరాజకుమారి, ఆర్‌డబ్ల్యూఎస్‌ ఎస్‌ఈ విజయభాస్కర్‌ తదితరులు పాల్గొన్నారు.

ఇందుకూరుపేట: బాణసంచా తయారీకి ఉపయోగించే ముడిసరుకును మండలంలోని నిడుముసలి గ్రామంలో పోలీసులు భారీ స్థాయిలో స్వాధీనం చేసుకున్నారు. అక్రమంగా బాణసంచా తయారు చేస్తున్నట్టు సమాచారం అందడంతో ఎస్సై నాగార్జునరెడ్డి సిబ్బందితో కలిసి సోమవారం దాడులు నిర్వహించారు. ఏసురత్నం అనే వ్యక్తి నుంచి 120 కిలోల ముడిసరుకు, ఇంకా మూడు వేల టపాసులు (నెల్లూరు గన్లు) స్వాధీనం చేసుకున్నారు. అదే గ్రామానికి చెందిన మురళి వద్ద మరో 7 కిలోల ముడిసరుకు గుర్తించారు. ఎస్సై మాట్లాడుతూ దీనిపై కేసులు నమోదు చేశామన్నారు. షాపు ఖాళీ చేయకపోతే చంపేస్తా● రౌడీషీటర్‌ బెదిరింపులు నెల్లూరు(క్రైమ్‌): అన్నావదినను చంపుతామని బెదిరించిన రౌడీషీటర్‌పై నెల్లూరు బాలాజీనగర్‌ పోలీసులు కేసు నమోదు చేశారు. వారి కథనం మేరకు.. ముత్యాలపాళెంలో మహేష్‌కుమార్‌, కస్తూరమ్మ దంపతులు నివాసముంటున్నారు. మహేష్‌కుమార్‌ దివ్యాంగుడు. భార్య టైలరింగ్‌ పనులు చేస్తూ కుటుంబాన్ని పోషిస్తోంది. ఆస్తి విషయంలో మహేష్‌కుమార్‌ను కొంతకాలంగా అతని చిన్నతమ్ముడు శరత్‌బాబు (రౌడీషీటర్‌) వేధిస్తున్నాడు. శరత్‌బాబు ఈనెల 3వ తేదీన వదిన షాపులోని కుట్టుమెషీన్‌కు నిప్పంటించాడు. ఇల్లు, షాపు ఖాళీ చేసి వెళ్లకుంటే చంపేస్తామని బెదిరించాడు. మహేష్‌కుమార్‌ సోమవారం రాత్రి పోలీసులకు ఫిర్యాదు చేశాడు. ఎస్సై పుల్లారెడ్డి కేసు దర్యాప్తు చేస్తున్నారు.

● కలెక్టరేట్‌లో ‘ప్రజా సమస్యల పరిష్కార వేదిక’ ● పోటెత్తిన అర్జీదారులునెల్లూరు రూరల్‌: క్షేత్రస్థాయిలో తాము ఎదుర్కొంటున్న సమస్యల్ని పరిష్కరించాలని ప్రజలు కోరారు. సోమవారం నెల్లూరు కలెక్టరేట్లోని తిక్కన ప్రాంగణంలో ప్రజా సమస్యల పరిష్కార వేదిక కార్యక్రమం జరిగింది. కలెక్టర్‌ హిమాన్షు శుక్లా, జేసీ మొగిలి వెంకటేశ్వర్లు, డీఆర్వో విజయకుమార్‌, జిల్లా పంచాయతీ అధికారి శ్రీధర్‌రెడ్డి, డ్వామా పీడీ గంగా భవాని ప్రజల నుంచి వినతులు స్వీకరించారు. విధుల్లోకి తీసుకోవాలంటూ.. 1207 జీఓలో ఉన్న 920 మందిని తిరిగి విధుల్లోకి తీసుకోవాలంటూ ఆంధ్రప్రదేశ్‌ హెల్త్‌ అసిస్టెంట్‌ ఎంప్లాయీస్‌ అసోసియేషన్‌ నేతలు వినతిపత్రం అందజేశారు. వారు మాట్లాడుతూ 22 ఏళ్లుగా పనిచేస్తున్న వారిని విధుల్లోకి తీసుకుంటామంటూ కూటమి ప్రభుత్వం సుప్రీంకోర్టుకు తెలిపిందన్నారు. కానీ ఇప్పటివరకు అఫిడవిట్‌ దాఖలు చేయలేదన్నారు. ఫైనల్‌ హియరింగ్‌ జరిగినప్పుడు నాలుగు వారాల్లో అఫిడవిట్‌ దాఖలు చేయాలని కోర్టు ఆదేశించిందని, అయినా పట్టించుకోవడం లేదన్నారు. తెలంగాణలో విధుల్లోకి తీసుకున్నారని, ఏపీలో అలాగే చేయాలని కోరారు. సర్వే చేయించాలని వినతి ‘వెంకటాచలం మండలం కాకుటూరు పంచాయతీ సర్వే నంబర్‌ 2 నుంచి 68 వరకు, సర్వే నంబర్‌ 71 నుంచి 76, 407 వరకు ఉన్న భూమిలో 2,346 ప్లాట్లు వేశారు. చాలా వరకు ఆక్రమణకు గురయ్యాయి. డబుల్‌ రిజిస్ట్రేషన్లు చేశారు. సర్వే చేయించాలి’ అని రఘువీర్‌ రియల్‌ ఎస్టేట్‌ లేఅవుట్‌ ప్లాట్ల యజమానుల కమిటీ సభ్యులు వినతిపత్రం సమ ర్పించారు. వారు మాట్లాడుతూ ఆక్రమణకు గురైన కొన్ని ప్లాట్లు బుజబుజనెల్లూరు సబ్‌ రిజిస్ట్రార్‌ కార్యాలయంలో రిజిస్ట్రేషన్‌ కూడా అయ్యాయన్నారు. సర్వే చేయించి హద్దులు ఏర్పాటు చేయాలని, అందుకు ఖర్చయ్యే మొత్తాన్ని చెల్లిస్తామన్నారు. డెవలపర్‌ను పిలిపించి లింక్‌ డాక్యుమెంట్లు పరిశీలించి సాయం చేయాలని కోరారు. కార్యక్రమంలో కృష్ణారెడ్డి, రవికుమార్‌, మనోహర్‌, ఆదిశేషయ్య ప్లాట్ల యజమానులు పాల్గొన్నారు. పిల్లలతో కలిసి నిరసన ‘మా పొలం మాకు కావాలి. కలెక్టర్‌ గారూ స్పందించి న్యాయం చేయండి’ అంటూ దుత్తలూరు మండలం భైరవరం పంచాయతీ జంగాలపల్లి గ్రామానికి చెందిన ఆర్‌.వీరరాఘవులు పిల్లలతో కలిసి కలెక్టర్‌ కార్యాలయం ఎదుట నిరసన తెలిపారు. అధికారులకు వినతిపత్రం సమర్పించారు. ఆయన మాట్లాడుతూ తమకు పూర్వీకుల నుంచి వచ్చిన భూముని దుత్తలూరు మండల రెవెన్యూ కార్యాలయ అధికారులు వేరే వ్యక్తుల పేర్లపై నమోదు చేశారని వాపోయారు. అన్న క్యాంటీన్ల ఏర్పాటుకు వినతి నెల్లూరులో ఐటీడీఏ కార్యాలయం వద్ద అన్న క్యాంటీన్‌ ఏర్పాటు చేయాలని యానాదుల సంక్షేమ సంఘం రాష్ట్ర అధ్యక్షుడు కేసీ పెంచలయ్య కలెక్టర్‌కు వినితపత్రం అందజేశారు. ఆయన మాట్లాడుతూ నెల్లూరు కార్యాలయం పరిధిలో తిరుపతి, చిత్తూరు, కడప, ప్రకాశం, బాపట్ల తదితర జిల్లాలున్నట్లు చెప్పారు. చాలామంది పనుల నిమిత్తం వస్తారన్నారు. తగిన చర్యలు తీసుకోవాలని గత కలెక్టర్‌ మున్సిపల్‌ కమిషనర్‌ను ఆదేశించారని, ఇప్పటి వరకు స్పందన లేదన్నారు. చెంబెటి ఉష తదితరులు పాల్గొన్నారు. ఈఓకు అండగా నిలవాలి గొలగమూడి వెంకయ్య స్వామి ఆశ్రమ ఈఓ బాలసుబ్రహ్మణ్యంకు ప్రభుత్వం అండగా నిలవాలని బీజేపీ నాయకుడు మిడతల రమేష్‌ జేసీ వెంకటేశ్వర్లుకు వినతిపత్రం సమర్పించారు. ఆయన మాట్లాడుతూ ఆశ్రమం జాతీయ స్థాయిలో గుర్తింపు పొందేలా బాలసుబ్రహ్మణ్యం కృషి చేశారన్నారు. కొందరు వ్యక్తులు ఆయనపై ఆరోపణలు చేయడం దారుణమన్నారు. తగిన చర్యలు తీసుకోవాలని కోరారు. కార్యక్రమంలో ఏవీఆర్‌ మోహన్‌రావు, పొట్లూరి శ్రీనివాసులు, చిట్టిబాబు, బుధవరపు బాలాజీ, సోమగోపాల్‌, నారాయణ యాదవ్‌ పాల్గొన్నారు. మా పేరుతో ప్లాట్లు ఇప్పించండి జలదంకి మండలం కేశవరం పంచాయతీ తిమ్మసముద్రం గ్రామ గిరిజనులు అధికారులను కలిశారు. వారు మాట్లాడుతూ 50 కుటుంబాలవారం ఐదేళ్లుగా గుడిసెలు వేసుకుని ఉంటున్నామన్నారు. కొందరు వచ్చి ఖాళీ చేయించి ఆక్రమించాలని చూస్తున్నారని వాపోయారు. పట్టాలు మంజూరు చేసి పక్కా గృహాలు నిర్మించి ఇవ్వాలని కోరారు. అనుమతి లేకుండా హాస్టళ్ల నిర్వహణ నెల్లూరు నగరంలో విద్యార్థుల ఆత్మహత్యలపై పేరెంట్స్‌ అసోసియేషన్‌ ఆఫ్‌ ఆంధ్రప్రదేశ్‌ తీవ్ర ఆందోళన వ్యక్తం చేసింది. నేతలు కలెక్టర్‌కు వినతిపత్రం అందజేశారు. వారు మాట్లాడుతూ విద్యాశాఖ అనుమతి లేకుండా ప్రైవేట్‌ విద్యాసంస్థలకు అనుబంధంగా హాస్టళ్లను నిర్వహిస్తున్నారని తెలిపారు. కలెక్టర్‌ అధ్యక్షతన డీఈఓ, ఆర్‌ఐఓ, మానసిక నిపుణులతో కమిటీ ఏర్పాటు చేయాలని కోరారు. ఒత్తిడితో ఉన్న ప్రతి విద్యార్థికి కౌన్సెలింగ్‌ ఇవ్వాలన్నారు. కార్యక్రమంలో అసోసియేషన్‌ గౌరవాధ్యక్షుడు మలిరెడ్డి కోటారెడ్డి, రాష్ట్రాధ్యక్షుడు నరహరి శిఖరం, జేఏసీ నాయకులు, విద్యార్థి తల్లిదండ్రులు పాల్గొన్నారు.

● వేర్వేరు చోట్ల ఇద్దరి మృతి జిల్లాలోని వేర్వేరు ప్రాంతాల్లో ఇద్దరు వ్యక్తులు చనిపోయారు. మద్యం తాగి అపస్మారక స్థితికి చేరుకుని మృతిచెందినట్లు స్థానికులు అనుమానం వ్యక్తం చేస్తున్నారు. నెల్లూరు సిటీ: రూరల్‌ పరిధిలో ఓ వైన్‌ షాపు సమీపంలో గుర్తుతెలియని వ్యక్తి మృతిచెందిన ఘటన సోమవారం వెలుగులోకి వచ్చింది. పోలీసుల కథనం మేరకు.. మూడో మైలు వద్ద ఆర్‌ఆర్‌ఆర్‌ మద్యం షాపునకు సమీపంలో గుర్తుతెలియని వ్యక్తి మృతదేహాన్ని చెట్ల మధ్య స్థానికులు గుర్తించారు. వారి సమాచారంతో ఘటనా స్థలానికి చేరుకున్న పోలీసులు వివరాలు సేకరించారు. మృతుడి వయసు 45 సంవత్సరాలు ఉండొచ్చని భావిస్తున్నారు. మద్యం తాగి అపస్మారక స్థితికి చేరుకుని చనిపోయాడా?, మరేదైనా కారణం ఉందా? అని పోలీసులు విచారణ చేస్తున్నారు. బస్‌ షెల్టర్‌లో మృతదేహం కలిగిరి: మండలంలోని వెలగపాడులో గ్రామ సచివాలయం ఎదురుగా ఉన్న బస్‌ షెల్టర్‌లో గుర్తుతెలియని వ్యక్తి మృతదేహాన్ని సోమవారం స్థానికులు గుర్తించి పోలీసులకు సమాచారమిచ్చారు. అతను నాలుగు రోజులుగా ఈ ప్రాంతంలో తిరుగుతున్నాడని గ్రామస్తులు తెలిపారు. మద్యం తాగి అపస్మారక స్థితికి చేరుకుని చనిపోయి ఉండొచ్చని చెబుతున్నారు. మృతుడి వయసు 45 సంవత్సరాలు ఉండొచ్చంటున్నారు. ఎస్సై ఉమాశంకర్‌ ఘటనా స్థలానికి చేరుకుని వివరాలు సేకరించారు. మృతుడి చొక్కా పామూరుకు చెందిన పవన్‌ మెన్స్‌వేర్‌లో కుట్టించినట్లు గుర్తించారు. శరీరంపై గాయాల్లేవు. మృతదేహాన్ని కావలి ప్రభుత్వ వైద్యశాలకు తరలించారు. ఆచూకీ తెలిసిన వాళ్లు 94407 00098 ఫోన్‌ నంబర్‌ను సంప్రదించాలని ఎస్సై కోరారు.

● బాధితులకు ఎస్పీ భరోసా నెల్లూరు(క్రైమ్‌): సమస్యలను చట్టపరిధిలో విచారించి న్యాయం చేస్తానని ఎస్పీ అజిత బాధితులకు భరోసానిచ్చారు. సోమవారం నెల్లూరులోని ఉమేష్‌చంద్ర కాన్ఫరెన్స్‌ హాల్లో ప్రజా సమస్యల పరిష్కార వేదిక కార్యక్రమం జరిగింది. 121 మంది తమ సమస్యలను వినతుల రూపంలో ఎస్పీకి అందజేశారు. వాటిని పరిశీలించిన ఆమె ఆయా ప్రాంత పోలీసు అఽధికారులతో మాట్లాడి చట్టపరిధిలో పరిష్కారం చూపాలని ఆదేశించారు. కార్యక్రమంలో ఏఎస్పీ సీహెచ్‌ సౌజన్య, నగర డీఎస్పీ పి.సింధుప్రియ, నవాబుపేట, ఎస్‌బీ 2 ఇన్‌స్పెక్టర్లు టీవీ సుబ్బారావు, బి.శ్రీనివాసరెడ్డి, ఫిర్యాదుల విభాగం సిబ్బంది తదితరులు పాల్గొన్నారు. వినతుల్లో కొన్ని.. ● కవిత, సాయి అనే ఇద్దరు సాఫ్ట్‌వేర్‌ ఉద్యోగం ఇప్పిస్తానని రూ.8.30 లక్షలు తీసుకుని మోసగించారు. వారిపై చర్యలు తీసుకోవాలని సైదాపురానికి చెందిన ఓ వ్యక్తి కోరాడు. ● పొలం సాగు చేసుకోనివ్వకుండా కుమారుడు రవిబాబు బెదిరిస్తున్నాడని ఇందుకూరుపేటకు చెందిన ఓ వృద్ధుడు ఫిర్యాదు చేశాడు. ● నా స్థలాన్ని ఆక్రమించి హరిశ్చంద్రారెడ్డి ఇంటిని నిర్మించుకున్నాడు. పొలానికి నీళ్లు వెళ్లకుండా ఇబ్బంది పెడుతున్నాడని రాపూరుకు చెందిన ఓ వృద్ధురాలు అర్జీ ఇచ్చారు. ● నెల్లూరు నగరానికి చెందిన పెంచలరాజు మా ఇంట్లో నమ్మకంగా పనిచేస్తున్నాడు. నా భర్త అనారోగ్యంతో బాధపడుతున్నాడు. ఆయన సిమ్‌కార్డును చోరీ చేసి యూపీఐ ద్వారా రూ.13 లక్షలు కాజేశాడు. తగిన చర్యలు తీసుకోవాలని దర్గామిట్టకు చెందిన ఓ మహిళ కోరారు.

నెల్లూరు (క్రైమ్‌): ప్రేమిస్తున్నానని, పెళ్లి చేసుకుంటానని బాలికను నమ్మించి ఆమెపై ఓ యువకుడు లైంగిక దాడికి పాల్పడ్డాడు. నెల్లూరు నగరంలోని సంతపేట పోలీస్‌స్టేషన్‌ పరిధిలో రెండు రోజుల క్రితం జరిగిన ఈ ఘటన ఆదివారం వెలుగులోకి వచ్చింది. సంతపేట పోలీసుల కథనం మేరకు.. సంతపేట కామాక్షినగర్‌కు చెందిన ఓ బాలిక పదో తరగతి చదువుతోంది. అదే ప్రాంతంలోని ఓ దుకాణంలో శశి అనే యువకుడు పనిచేస్తున్నాడు. కొంతకాలంగా బాలికను ప్రేమిస్తున్నానని, పెళ్లి చేసుకుంటానని నమ్మించాడు.ఈ నెల 3వ తేదీన బాలిక స్కూల్‌కు వెళుతుండగా మార్గమధ్యంలో యువకుడు అడ్డుకుని ఆమెను బాలాజీనగర్‌లోని తన పిన్ని ఇంటికి తీసుకెళ్లాడు. అక్కడ ఆమెపై బలవంతంగా లైంగిక దాడి చేశాడు. అనంతరం ఆమెను బైక్‌పై మైపాడుబీచ్‌కు తీసుకెళ్లి సర్దిచెప్పే ప్రయత్నం చేశాడు. సాయంత్రం అవుతున్నా బాలిక ఇంటికి రాకపోవడంతో బాధిత కుటుంబ సభ్యులు స్కూల్‌ వద్దకు వెళ్లి విచారించారు. బాలిక రాలేదని తెలియడంతో గాలింపు చర్యలు చేపట్టారు. నిందితుడు రాత్రి 8 గంటల సమయంలో బాలికను ఆమె ఇంటికి సమీపంలో వదిలి వెళ్లాడు.ఇంటికి చేరుకున్న బాలికను కుటుంబ సభ్యులు నిలదీయగా జరిగిన విషయాన్ని చెప్పింది. దీంతో బాలిక నానమ్మ శనివారం రాత్రి సంతపేట పోలీసులకు ఫిర్యాదు చేసింది. పోలీసులు నిందితుడిపై పోక్సో కేసు నమోదు చేసి, దర్యాప్తు చేపట్టారు. బాధితురాలిని వైద్య పరీక్షల నిమిత్తం జీజీహెచ్‌కు తరలించారు.

నెల్లూరు (పొగతోట): గ్రామ, వార్డు సచివాలయ ఉద్యోగుల ఆత్మగౌరవం కార్యక్రమాన్ని పోలీసులు భగ్నం చేశారు. నెల్లూరు టౌన్‌హాల్‌లో ఆదివారం గ్రామ/వార్డు సచివాలయ ఉద్యోగులు ఆత్మగౌరవ సభ ఏర్పాట్లు చేశారు. ముందుగా ఆత్మగౌరవ రొట్టె, ఆత్మగౌరవ సమావేశం, కొవ్వొత్తుల ప్రదర్శన తదితర కార్యక్రమాలకు పోలీసుల అనుమతి కోరారు. ఆత్మగౌరవ రొట్టె, కొవ్వొత్తుల ర్యాలీకి అనుమతించకపోవడంతో ఆత్మగౌరవ సభ నిర్వహణకు ఏర్పాట్లు చేశారు. రాష్ట్ర నలుమూలల నుంచి నాయకులు, జిల్లాలోని వివిధ ప్రాంతాల నుంచి గ్రామ, వార్డు సచివాలయ ఉద్యోగులు టౌన్‌హాల్‌కు భారీగా తరలివచ్చారు. అక్కడ పెద్దఎత్తున మోహరించిన పోలీసులు సభ నిర్వహణకు అనుమతిలేదంటూ ఉద్యోగులను బయటకు పంపించేశారు. అనంతరం టౌన్‌హాల్‌ గేట్లకు తాళాలు వేశారు. పోలీసుల తీరుకు నిరసనగా జేఏసీ నాయకులు, ఉద్యోగులు రోడ్డుపై బైఠాయించారు. పోలీసులు అక్కడి నుంచి బలవంతంగా వీఆర్సీ మైదానం వద్దకు వెళ్లాలంటూ హుకుం జారీ చేయడంతో అక్కడికి చేరుకుని నిరసన కొనసాగించారు.మా డిమాండ్లు నెరవేర్చాలిఉభయ గోదావరి జిల్లాల గ్రామ, వార్డు సచివాలయ ఉద్యోగుల ఐక్యవేదిక డిమాండ్‌ సీటీఆర్‌ఐ (రాజమహేంద్రవరం): సచివాలయ ఉద్యోగుల డిమాండ్లను ప్రభుత్వం వెంటనే నెరవేర్చాలని గ్రామ, వార్డు సచివాలయ ఉద్యోగుల ఐక్యవేదిక డిమాండ్‌ చేసింది. ఆదివారం రాజమహేంద్రవరంలోని ఆనం కళాకేంద్రంలో గ్రామ, వార్డు సచివాలయ ఉద్యోగుల ఐక్యవేదిక ఉమ్మడి ఉభయ గోదావరి జిల్లాల ప్రాంతీయ సమావేశం జరిగింది. 1,500 మంది సచివాలయ ఉద్యోగులు హాజరయ్యారు.ఐక్యవేదిక చైర్మన్‌ జానీ పాషా మా­ట్లాడుతూ.. గ్రామ, వార్డు సచివాలయ ఉద్యో­గుల­కు నోషనల్‌ ఇంక్రిమెంట్లు మంజూరు చేయాలని, వ­లంటీర్‌ విధుల నుంచి విముక్తి క­ల్పిం­చాలని కో­రారు. స్పెషల్‌ ఇంక్రిమెంట్‌ మంజూరు చేయాలని, రికార్డ్‌ అసిస్టెంట్‌ పే స్కేల్‌ జూనియర్‌ అసిస్టెంట్‌ పే స్కేల్‌తో క్యాడర్‌ అప్‌గ్రేడ్‌ చేయాలని కోరారు. సంఘ సెక్రటరీ జనరల్‌ విప్పర్తి నిఖిల్‌కృష్ణ, కనీ్వనర్‌ షేక్‌ అబ్దుల్‌ రజాక్, నాయకులు పాల్గొన్నారు.

● 38 వేల మంది ఉంటే 17 వేల మందికే.. నెల్లూరు(వీఆర్సీ సెంటర్‌): కూటమి ప్రభుత్వం ‘ఆటో డ్రైవర్ల సేవలో’ పథకం పేరుతో మోసం చేసిందని ఆటో కార్మిక సంఘం జిల్లా అధ్యక్ష, కార్యదర్శులు సురేష్‌, రాజా ఆవేదన వ్యక్తం చేశారు. నెల్లూరులోని సీఐటీయూ జిల్లా కార్యాలయంలో ఆదివారం విలేకరుల సమావేశంలో వారు మాట్లాడారు. జిల్లా వ్యాప్తంగా డ్రైవింగ్‌ లైసెన్స్‌ కలిగిన ప్రతి ఒక్క డ్రైవర్‌కు రూ.30 వేల వంతున ఇవ్వాలని డిమాండ్‌ చేశారు. మొత్తం 38 వేల మంది ఆటో డ్రైవర్లుంటే 17,400 మందికి మాత్రమే లబ్ధి చేకూరిందని, 300 విద్యుత్‌ యూనిట్లు కరెంట్‌ బిల్లు, వాహనాలపై పెండింగ్‌లో ఉన్న పాత చలానాలు వంటి చిన్న కారణాలు చూపుతూ ఎగనామం పెట్టారన్నారు. గత ఎన్నికల సమయంలో ఇచ్చిన హామీల మేరకు ఆటో డ్రైవర్లు, ఇతర రవాణా రంగ కార్మికుల కుటుంబాలకు రక్షణ కల్పించే విధంగా సంక్షేమ బోర్డును ఏర్పాటు చేయాలని, అత్యఽధికంగా చలానాలు విధించే జీఓ నంబర్‌ 21ని రద్దు చేయాలని డిమాండ్‌ చేశారు. సమావేశంలో జిల్లా ఆటో కార్మిక సంఘం నాయకులు పెంచలయ్య, రవీంద్ర, లక్ష్మీపతి తదితరులు పాల్గొన్నారు. కండలేరులో 58.460 టీఎంసీలు రాపూరు: కండలేరు జలాశయంలో ఆదివారం నాటికి 58.460 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. సోమశిల జలా శయం నుంచి కండలేరుకు 3,600 క్యూసెక్కుల నీరు చేరుతోందన్నారు. కండలేరు నుంచి సత్యసాయి గంగ కాలువకు 430, పిన్నేరు కాలువకు 140, లోలెవల్‌ కాలువకు 40, హైలెవల్‌ కాలువకు 30, మొదటి బ్రాంచ్‌ కాలువకు 5 క్యూసెక్కుల నీటిని విడుదల చేస్తున్నట్లు వెల్లడించారు.

● కూటమి ప్రభుత్వంలో క్రీడా రంగం నిర్లక్ష్యం ● సిబ్బందికి జీతాలు ఎప్పుడిస్తారో..నెల్లూరు(స్టోన్‌హౌస్‌పేట): కూటమి ప్రభుత్వం క్రీడా రంగాన్ని పూర్తిగా నిర్లక్ష్యం చేసింది. గ్రామీణ స్థాయి నుంచి క్రీడాకారులను రూపొందించాల్సిన విధానాన్ని వదిలిపెట్టింది. ఉమ్మడి జిల్లా క్రీడా ప్రాధికార సంస్థలో పనిచేస్తున్న కాంట్రాక్ట్‌ సిబ్బందికి 13 నెలలపాటు జీతాలివ్వలేదు. రెండు నెలల క్రితం ఒక్కొక్కరికి నెలలో సగం జీతం మాత్రమే ఇచ్చారు. ఈ మొత్తం తీసుకుని ఏం చేయాలో అర్థం కాక తలలు పట్టుకున్నారు. రెండు నెలల క్రితం శాప్‌ (స్పోర్ట్స్‌ అథారిటీ ఆఫ్‌ ఆంధ్రప్రదేశ్‌) సమావేశం పెట్టి కాంట్రాక్ట్‌ సిబ్బందికి పూర్తి జీతాలిస్తామని ప్రకటించింది. అయితే ఆ రెండు నెలల నుంచి ఇంత వరకు ఆ ప్రస్తావనే లేదు. జిల్లా సంస్థలో 26 మంది కోచ్‌లు, సిబ్బంది పనిచేస్తున్నారు. అంతంతమాత్రంగా.. జిల్లా క్రీడా ప్రాధికార సంస్థ నిర్వహిస్తున్న ఏసీ సుబ్బారెడ్డి స్పోర్ట్స్‌ కాంప్లెక్స్‌లో వసతుల్లేవు. ఆడేందుకు మైదానాలు అంతంతమాత్రంగా ఉన్నాయి. కనీసం మార్కింగ్‌ వేసేందుకు సున్నంకు కూడా డబ్బుల్లేవు. ప్రైవేట్‌ వ్యక్తుల నుంచి మార్కింగ్‌, తాగునీటి వసతి, లైట్లు ఏర్పాటు చేసుకుంటున్నారు. ఈ పరిస్థితితోపాటు జీతాలందని కోచ్‌లు, సిబ్బంది పనిచేయడమే కష్టంగా ఉంది. క్రీడాకారుల సంఖ్య బాగా తగ్గిపోయింది. ఈ ఏడాది జిల్లా వ్యాప్తంగా వేసవి శిక్షణా శిబిరాలు నామమాత్రంగా జరిగాయి. క్రీడాకారులకు పరికరాల్లేవు. నగదు ప్రోత్సాహం సరిపోలేదు. ఇండోర్‌ స్టేడియంలో ఆడేందుకు వసతులు తక్కువే. ఫ్లోరింగ్‌ నుంచి స్లాబ్‌ వరకు అత్యంత ప్రమాదకరంగా ఉంది. స్విమ్మింగ్‌ పూల్లో నీటిని శుభ్రపరచడానికి కూడా వ్యయం భరించలేని పరిస్థితి నెలకొంది. వాకింగ్‌ ట్రాక్‌, హాకీ మైదానం గుంతలమయంగా తయారైంది. సిమెంట్‌ ఫ్లోరింగ్‌ ఉన్న బాస్కెట్‌బాల్‌ కోర్టు నిండా నెర్రెలు ఏర్పడ్డాయి. వీటిని మరమ్మతులు చేసే ప్రయత్నాలు జరగలేదు. చిన్నచూపు చూస్తూ.. కూటమి ప్రభుత్వం కనీస వసతుల కల్పనపై దృష్టి సారించలేదు. ఇటీవల అకాడమీలను ఏర్పాటు చేస్తామంటూ శాప్‌ అధికారి, డైరెక్టర్ల బృందం నగరంలోని స్పోర్ట్స్‌ కాంప్లెక్స్‌ను పరిశీలించి హడావుడి చేశారు. అసలు ప్రభుత్వం క్రీడా రంగాన్ని చిన్నచూపు చూస్తున్న నేపథ్యంలో అకాడమీలు ఎప్పటికి ప్రారంభమవుతాయని సీనియర్‌ క్రీడాకారులు ప్రశ్నిస్తున్నారు. పరికరాలు, కోచింగ్‌ ఇచ్చే సిబ్బంది బాగోగులు పట్టించుకోకుండా రాష్ట్ర క్రీడా ప్రాధికార సంస్థ ప్రతి జిల్లాలో అకాడమీలను ఏర్పాటు చేస్తామని చెప్పడం హాస్యాస్పదమంటున్నారు. కోచ్‌ల సంఖ్య : 5 డేటా ఎంట్రీ ఆపరేటర్లు : 2 అకౌంటెంట్‌ : 1 ఆఫీస్‌ సబార్టినేట్‌ : 3 గ్రౌండ్‌ మార్కర్‌, గ్రౌండ్‌ మెన్‌, సెక్యూరిటీ : 3 నైట్‌ వాచ్‌మెన్‌, డే వాచ్‌మెన్‌ : 2 ఇండోర్‌ స్టేడియం అటెండర్‌ : 2 స్విమ్మింగ్‌ పూల్‌ సెంటర్లు : 2 స్విమ్మింగ్‌ పూల్‌ వాచ్‌మెన్‌లు : 2 ఎలక్ట్రీషియన్‌ : 1 కేర్‌టేకర్‌ వెంకటగిరి సెంటర్‌ : 1 కేర్‌టేకర్‌ గూడూరు సబ్‌ సెంటర్‌ : 1 కేర్‌టేకర్‌ ఓజిలి సబ్‌ సెంటర్‌ : 1 కాంట్రాక్ట్‌ ఉద్యోగులు

నెల్లూరు(క్రైమ్‌): విద్యుత్‌ షార్ట్‌ సర్క్యూట్‌తో రెండు వేర్వేరు ప్రాంతాల్లో అగ్నిప్రమాదాలు జరిగాయి. రూ.80 వేల ఆస్తి నష్టం వాటిల్లింది. వివరాలిలా ఉన్నాయి. నెల్లూరులోని ఇస్కాన్‌ టెంపుల్‌ సమీపంలో సుబ్బమ్మ, వెంకయ్య దంపతులు ఉంటున్నారు. ఆదివారం వారు ఇంట్లో ఉండగా విద్యుత్‌ షార్ట్‌ సర్క్యూట్‌ కారణంగా అగ్నిప్రమాదం చోటుచేసుకుంది. దంపతులు బయటకు పరుగులు తీశారు. పూరిల్లు కావడంతో మంటలు దట్టంగా వ్యాపించాయి. ఇన్‌చార్జి ఏడీఎఫ్‌ఓ శ్రీనాథ్‌రెడ్డి ఆదేశాలతో లీడింగ్‌ ఫైర్‌మెన్‌ చంద్రశేఖర్‌ తన సిబ్బందితో ఘటనా స్థలానికి చేరుకుని మంటల్ని ఆర్పేశారు. రూ.50 వేల ఆస్తి నష్టం వాటిల్లిందని అగ్నిమాపక సిబ్బంది తెలిపారు. ● నవాబుపేటలో జగన్‌మోహన్‌ నివాసముంటున్నారు. అతని ఇంటి వెనుకున్న గదిలో పాత సామగ్రి, చెక్క వస్తువులున్నాయి. ఆదివారం విద్యుత్‌ షార్ట్‌ సర్క్యూట్‌తో అగ్నిప్రమాదం జరిగింది. అగ్నిమాపక సిబ్బంది ఘటనా స్థలానికి చేరుకుని మంటల్ని ఆర్పేశారు. రూ.30 వేల ఆస్తి నష్టం వాటిల్లినట్లు తెలిసింది. రైలు కిందపడి ఆత్మహత్య నెల్లూరు(క్రైమ్‌): రైలు కిందపడి గుర్తుతెలియని వ్యక్తి ఆత్మహత్య చేసుకున్న ఘటన నెల్లూరు వేదాయపాళెం రైల్వే గేటు సమీపంలో నెల్లూరు వైపు వచ్చే పట్టాలపై ఆదివారం తెల్లవారుజామున చోటుచేసుకుంది. మృతుడి వయసు 45 నుంచి 50 ఏళ్లలోపు ఉండొచ్చని భావిస్తున్నారు. ఎరుపు రంగు హఫ్‌ హ్యాండ్స్‌ చొక్కా, నలుపు రంగు షార్ట్‌ ధరించి ఉన్నాడు. సిబ్బంది సమాచారం మేరకు నెల్లూరు రైల్వే ఎస్సై ఎన్‌.హరిచందన ఘటనా స్థలానికి చేరుకుని పరిశీలించారు. మృతుడి వద్ద ఎలాంటి వివరాలు లభ్యం కాలేదు. మృతదేహాన్ని జీజీహెచ్‌ మార్చురీకి తరలించి ఆమె కేసు నమోదు చేశారు.స్నేహితులతో వెళ్లి.. ● అదృశ్యమైన బాలుడు ● ఆచూకీ కనుగొన్న పోలీసులు, గ్రామస్తులు సోమశిల: ఓ బాలుడు అడవిలో అదృశ్యమయ్యాడు. అతని ఆచూకీ కోసం గ్రామస్తులు, పోలీసులు గాలించి గుర్తించిన ఘటన ఆదివారం అనంతసాగరం మండలంలో చోటు చేసుకుంది. పోలీసుల కథనం మేరకు.. మండల పరిధిలోని ఆమనిచిరివెళ్ల గ్రామానికి చెందిన కూసుపాటి కొండయ్య కుమారుడైన వెంకటకృష్ణ పదో తరగతి చదువుతున్నాడు. స్నేహితులతో కలిసి గ్రామానికి సమీపంలో ఉన్న అటవీ ప్రాంతానికి వెళ్లాడు. భోజనాల తయారు చేసేందుకు కట్టెల కోసం వెళ్లి తిరిగిరాలేదు. అక్కడున్న యువకులు గ్రామస్తులు, పోలీసులకు సమాచారం అందించారు. అందరూ ఘటనా స్థలానికి చేరుకుని గాలించారు. పల్లిపాడు గ్రామం వద్ద బాలుడి ఆచూకీ లభ్యమైందని ఎస్సై సూర్యప్రకాష్‌రెడ్డి తెలిపారు. ఎటువంటి హాని కలగకుండా వెంకటకృష్ణ బయటపడటంతో కుటుంబ సభ్యులు ఊపిరి పీల్చుకున్నారు. రాళ్లపాడు ప్రాజెక్ట్‌లో మృతదేహం లింగసముద్రం: రాళ్లపాడు ప్రాజెక్ట్‌లో గుర్తుతెలియని మృతదేహాన్ని ఆదివారం గుర్తించారు. పోలీసుల కథనం మేరకు.. కొత్త స్పీల్‌వే పాత గేట్లకు మధ్యలో ఉన్న జనరేటర్‌ రూమ్‌ వద్ద నీటిలో మృతదేహం కనిపించింది. సమాచారం అందుకున్న ఎస్సై నారాయణ సిబ్బందితో వెళ్లి పరిశీలించారు. మృతుడి వయసు సుమారు 50 సంవత్సరాలు ఉండొచ్చని భావిస్తున్నారు. ప్రాజెక్ట్‌లో నీరు లోతుగా ఉన్నందున బోటు సాయంతో మృతదేహాన్ని బయటకు తీసే ప్రయత్నం చేస్తున్నట్లు తెలిపారు. మృతదేహాన్ని బయటకు తీస్తేనే ఇది హత్య, ఆత్యహత్యా అనేది నిర్ధారణ అవుతుందని పోలీసులు వెల్లడించారు.

ఉపాధ్యాయుల అంతర్‌ జిల్లాల బదిలీల్లో పెద్ద ఎత్తున అక్రమాలు చోటుచేసుకున్నాయనే ఆరోపణలున్నాయి. కూటమి నాయకుల జోక్యంతో అర్హులకు అన్యాయం జరిగిందనే విమర్శలు వెల్లువెత్తుతున్నాయి. జిల్లాలో అఽధికార పార్టీకి చెందిన ఎమ్మెల్యేలు, ఎమ్మెల్సీలు చక్రం తిప్పినట్లు తెలిసింది. కొందరు టీచర్ల నుంచి రూ.4 లక్షల నుంచి రూ.5 లక్షల చొప్పున తీసుకుని రికమండ్‌ చేసినట్లు సమాచారం.నెల్లూరు(టౌన్‌): ఉమ్మడి జిల్లాల ప్రాతిపదికన ఉపాధ్యాయుల బదిలీలు నిర్వహించారు. పాత నెల్లూరు జిల్లా నుంచి 21 మంది ఇతర జిల్లాలకు వెళ్లారు. వీరిలో 17 మంది ఎస్జీటీలు, నలుగురు స్కూల్‌ అసిస్టెంట్లున్నారు. అదే విధంగా ఇతర జిల్లాల నుంచి ఇక్కడికి 23 మంది టీచర్లు వచ్చారు. వీరిలో 18 మంది ఎస్జీటీలు, ఐదుగురు స్కూల్‌ అసిస్టెంట్లున్నారు. వీరందరూ జిల్లా విద్యాశాఖాధికారికి రిపోర్ట్‌ చేయగా ఆయా స్థానాలు కేటాయించారు. ఇద్దరికి స్పెషల్‌ ఆర్డర్లు మ్యూచువల్‌, స్పౌజ్‌తో సంబంధం లేకుండా ఉమ్మడి నెల్లూరు జిల్లాలో పనిచేస్తున్న ఇద్దరు ఉపాధ్యాయుల బదిలీకి రాష్ట్ర ప్రభుత్వం ప్రత్యేక జీఓ జారీ చేసింది. ఈ విషయంలో పెద్దఎత్తున డబ్బులు చేతులు మారాయన్న ఆరోపణలున్నాయి. కోట మండలం మల్లాం జిల్లా పరిషత్‌ బాలికల హైస్కూల్‌లో పనిచేస్తున్న ఓ మహిళా టీచర్‌ను నెల్లూరు నగరం దర్గామిట్టలోని జిల్లా పరిషత్‌ బాలికల హైస్కూల్‌కు, పెళ్లకూరు మండలం నెలబల్లి జిల్లా పరిషత్‌ హైస్కూల్‌లో పనిచేస్తున్న ఓ మహిళా టీచర్‌ను కోవూరులోని జిల్లా పరిషత్‌ బాలికల హైస్కూల్‌కు బదిలీ చేశారు. ఈ బదిలీలు అక్రమంగా జరిగినట్లు ఉపాధ్యాయ సంఘాల నాయకులు ఆరోపిస్తున్నారు. ప్రభుత్వమే నేరుగా ఉత్తర్వులు జారీ చేయడమేమిటని ప్రశ్నిస్తున్నారు. అంతర్‌ జిల్లాల ట్రాన్స్‌ఫర్స్‌లో అక్రమాలు ఇతర జిల్లాల నుంచి 21 మంది టీచర్ల రాక ఇక్కడి నుంచి ఇతర జిల్లాలకు 23 మంది మరో ఇద్దరి బదిలీకి నేరుగా ప్రభుత్వం ఉత్తర్వులు చక్రం తిప్పిన ఎమ్మెల్యేలు, ఎమ్మెల్సీలు రూ.4 లక్షల నుంచి రూ.5 లక్షలు తీసుకున్నట్లు ఆరోపణలుడబ్బులిచ్చి.. మ్యూచువల్‌, స్పౌజ్‌ అవకాశమున్న వారికి అంతర్‌ జిల్లాల బదిలీలు నిర్వహిస్తారు. జిల్లాలో పనిచేస్తున్న టీచర్‌, మరో జిల్లాలో పనిచేస్తున్న వారు మ్యూచువల్‌పై బదిలీ చేయించుకునే అవకాశాన్ని కల్పించారు. అయితే ఈ విషయంలో కొందరు అక్రమాలకు తెరలేపారు. కూటమి నేతల జోక్యం ఎక్కువైంది. పలువురు పెద్ద మొత్తంలో డబ్బులిచ్చి బదిలీలు చేయించుకున్నారని ప్రచారం ఉంది. జిల్లాకు చెందిన ముగ్గురు ఎమ్మెల్యేలు, ఇద్దరు ఎమ్మెల్సీలు రాష్ట్ర విద్యాశాఖ ఉన్నతాధికారులపై ఒత్తిడి తీసుకొచ్చి కొందరికి అనుకూలమైన ప్రాంతాల్లో పోస్టింగ్‌ ఇప్పించారన్న ఆరోపణలున్నాయి. దీనిపై జిల్లా విద్యాశాఖాఽధికారి బాలాజీరావును వివచారణ కోరగా మ్యూచువల్‌, స్పౌజ్‌లకు సంబంధించి బదిలీల్లో అక్రమాలు జరగలేదన్నారు. ఇద్దరు ఉపాధ్యాయుల బదిలీలకు సంబంధించి ప్రభుత్వం నుంచి నేరుగా ఆర్డర్లు వచ్చాయన్నారు.

● వైద్యులు సమ్మెలో ఉండటమే కారణం ● హాజరుపట్టికలో మాత్రం సంతకాలు ● ఏఎన్‌ఎంల ఆన్‌లైన్‌ రిపోర్టులు కూడా బంద్‌సాక్షి టాస్క్‌ఫోర్స్‌: గ్రామాల్లో 104 వాహన సేవలు నిలిచిపోయాయి. కందుకూరు మండలంలోని మాచవరం ప్రాథమిక ఆరోగ్య కేంద్రంలో విధులు నిర్వహిస్తున్న ఇద్దరు వైద్యులు సమ్మెలో ఉన్నారు. దీంతో రోజుకు ఒక గ్రామానికి వెళ్లాల్సిన 104 వాహనం ఆగింది. ఆయా గ్రామాల్లోని దీర్ఘకాలిక వ్యాధిగ్రస్తులు వైద్యసేవల కోసం ఎదురు చూడాల్సిన పరిస్థితి ఏర్పడింది. డాక్టర్లు లేకపోవడంతో ఉన్నతాధికారులు సేవలను పూర్తిగా ఆపేశారు. వైద్యులు లేకపోయినా ప్రతి సచివాలయం పరిధిలో ఒక విలేజ్‌ క్లినిక్‌ ఉంటుంది. అందులో ఎంఎల్‌హెచ్‌పీ, సచివాలయ ఏఎన్‌ఎం, 104 వాహన సిబ్బంది ఉంటారు. వారి ద్వారా కూడా మందులిచ్చే అవకాశం ఉంది. కానీ అలా జరగడం లేదు. సంతకాలు మాత్రం పెడుతూ.. ఇదిలా ఉండగా వైద్యులు సమ్మెలో ఉంటూ కూడా విధుల్లో ఉన్నట్టు హాజరుపట్టికలో సంతకాలు చేస్తుండటం విశేషం. గత నెల 26వ తేదీ నుంచి సమ్మెలోకి వెళ్లారు. అయితే విధులకు హాజరైనట్లు సంతకాలు చేసి ఉన్నారు. జీతం తీసుకునేందుకు వారే చేశారా? లేదా పీహెచ్‌సీలోని సిబ్బంది చేశారా? అనే విషయంపై అనుమానాలున్నాయి. సమ్మెలో ఉంటూ విధులకు హాజరైనట్లు సంతకాలు చేయడం నిబంధనలకు విరుద్ధం. డాక్టర్లకు సెప్టెంబర్‌ నెలలో పూర్తి జీతం వస్తే ఉన్నతాధికారులు కూడా పరిశీలించకుండా ఇచ్చినట్లవుతుంది. గత నెలలో ఓ ఏఎన్‌ఎం అనారోగ్యం కారణంగా చికిత్స పొందింది. ఆమ్మెకు సంబంధిత జీతంతోపాటు ఎర్న్‌ లీవ్‌లకు సంబంధించి బిల్లులు చేయలేదు. ఆరోగ్య సమస్యతో ఇబ్బంది పడుతున్న ఉద్యోగికి జీతం పెట్టకుండా ఇబ్బంది పెడుతున్నారు. గ్రామాల్లో పనిచేసే ఏఎన్‌ఎంలు రోజూ ఆన్‌లైన్‌లో వివరాలు నమోదు చేయాలి. వారి చేత డాక్టర్లు నమోదు చేయించడం లేదు. ఇబ్బంది పడుతూ.. ప్రస్తుతం సీజన్‌ వ్యాధులు ప్రబలుతున్న నేపథ్యంలో పీహెచ్‌సీలోని ఇద్దరు వైద్యులు సమ్మెలోకి వెళ్లడంతో ప్రజలు ఇబ్బందులు పడుతున్నారు. కందుకూరు అర్బన్‌ పీహెచ్‌సీ నుంచి వైద్యురాలిని ఇన్‌చార్జిగా వేసినప్పటికి 104 సేవలు గ్రామాల్లో అందడం లేదు. కందుకూరు మండలంలో 19 పంచాయతీలు, 13 సచివాలయాలున్నాయి. రోజూ 104 వాహనం ద్వారా రోగులను పరీక్షించాల్సి ఉంది. కానీ దీనికి ప్రత్యామ్నాయ చర్యలు కూడా చేపట్టలేదు.

● ఒకరి మృతి, మరొకరు గల్లంతు నెల్లూరు సిటీ: ఈత సరదా ఓ యువకుడి ప్రాణం తీసింది. పోలీసుల కథనం మేరకు.. నెల్లూరులోని కొత్తూరు శ్రీలంక కాలనీకి చెందిన గణేశన్‌ నరసింహ అలియాస్‌ విశాల్‌ (19) ఇంటర్మీడియట్‌ చదువుతున్నాడు. ఇటీవల దేవరపాళెంలోని అమ్మమ్మ ఇంటికొచ్చాడు. నరసింహకు అదే ప్రాంతానికి చెందిన బేల్దారి పనులు చేసే కోటయ్య, విజయ్‌, లోకేశ్‌లు స్నేహితులు. ఆదివారం నలుగురూ ఈత కొట్టేందుకు జొన్నవాడ సమీపంలోని పెన్నానది వద్దకు వెళ్లారు. విజయ్‌కు ఈత రాకపోవడంతో దిగలేదు. అయితే లోకేశ్‌, కోటయ్య, నరసింహ నదిలోకి దిగారు. కోటయ్య, నరసింహకు కూడా ఈత రాదు. నదిలో వారిద్దరూ గల్లంతయ్యారు. ఇది గుర్తించిన లోకేశ్‌ కేకలు వేశాడు. స్థానికుల సమాచారంతో సీఐ వేణు తన సిబ్బందితో ఘటనా స్థలానికి చేరుకున్నారు. ఈతగాళ్లు వారి కోసం గాలించారు. నరసింహ మృతదేహాన్ని బయటకు తీశారు. కోటయ్య కోసం గాలించినా ప్రయోజనం లేకుండా పోయింది. రాత్రి కావడంతో గాలింపు చర్యలను నిలిపివేశారు. సోమవారం ఉదయం పరిశీలిస్తామని ఇన్‌స్పెక్టర్‌ తెలిపారు. ఒకరు మృతిచెందడం, మరొకరు గల్లంతు కావడంతో దేవరపాళెంలో విషాదం నెలకొంది. పోలీసులు కేసు నమోదు చేసి దర్యాప్తు చేస్తున్నారు.