Mancherial

శ్రీరాంపూర్‌: అంగన్‌వాడీలు, ఆశ వర్కర్ల సేవలు అమూల్యమని బీజేపీ జిల్లా అధ్యక్షుడు నగునూరి వెంకటేశ్వర్‌ గౌడ్‌ అన్నారు. ప్రధానమంత్రి నరేంద్ర మోదీ 76వ పుట్టినరోజు, ప్రజా జీవితంలో 25 ఏళ్లు పూర్తి చేసుకున్న సందర్భంగా ఆ పార్టీ ఆధ్వర్యంలో ‘సేవా సంకల్ప్‌ అభియాన్‌’ కార్యక్రమం నిర్వహిస్తున్నారు. ఇందులో భాగంగా ఆదివారం శ్రీరాంపూర్‌ జోన్‌లో మహిళా మోర్చా ఆధ్వర్యంలో అంగన్‌వాడీ, ఆశ వర్కర్లను ఘనంగా సన్మానించారు. ఈ కార్యక్రమంలో సేవా సంకల్ప్‌ అభియాన్‌ జిల్లా కన్వీనర్‌ వెంకటకృష్ణ, పార్టీ జిల్లా ప్రధాన కార్యదర్శి వెంకటేశ్వరరావు, ఉపాధ్యక్షుడు కమలాకర్‌రావు, మహిళా మోర్చా జిల్లా అధ్యక్షురాలు పచ్చ స్వప్న, రేణుక, శిరీష, స్వరూప రాణి, సత్రం రమేశ్‌, పొన్నవేని సదయ్య, భద్రి శ్రీకాంత్‌, నరసయ్య, తదితరులు పాల్గొన్నారు.

చెన్నూర్‌రూరల్‌: పెళ్లిళ్లకై నా, పండుగలకై నా పూలు ఎంతో అవసరం. పండుగల వేళ పూలు దొరక్కపోవడంతో పట్టణాలకు వెళ్లి అధిక ధరలకు విక్రయిస్తుంటారు. గతంలో గ్రామీణ ప్రాంతాలలో పూలకు కొదువ ఉండేది కాదు. కానీ రైతులు పూల సాగును పూర్తిగా మరిచిపోయి పత్తి, ఇతర పంటలను సాగు చేస్తున్నారు. దీంతో పండుగలకు, పెళ్లిళ్లకు పూలు దొరకడం కష్టంగా మారింది. మళ్లీ పూల సాగువైపు..రైతులు మళ్లీ అదనపు ఆదాయం కోసం పంట మా ర్పిడి పద్ధతి అవలంభించి బంతి పూల సాగును ఎంపిక చేసుకుంటున్నారు. బతుకమ్మ పండుగ కోసం రైతులు పూల సాగు చేస్తున్నారు. జూన్‌ చివరి వా రం, జూలై మొదటి వారంలోనే పూల సాగును ప్రా రంభిస్తారు. మండలంలోని అంగ్రాజ్‌పల్లి, దుగ్నెపల్లి, చింతలపల్లి, సుబ్బరాంపల్లి, నారాయణపూర్‌, రాయిపేట, సుద్దాల, సుందరసాల, ముత్తరావుపల్లి తదితర గ్రామాలలో బంతి పూలు, సీతమ్మ పూల ను రైతులు సాగు చేస్తున్నారు. పూల తోటలు సాగు చేసేందుకు రైతులు ఎంతగానో శ్రమిస్తారు. వాటికి చీడపీడలు సోకకుండా జాగ్రత్తలు తీసుకోవాల్సి ఉంటుంది. చీడ, పీడలను గుర్తించి మందులు పిచి కారీ చేయాలి. విత్తనం పెట్టినప్పటి నుంచి పూలు పూచే వరకు వాటిని కంటికి రెప్పలా కాపాడుకోవా ల్సిందే. సీతమ్మ పూలను సాగు చేసేందుకు భూమి కౌలు, విత్తనాలు, మందులకు మొత్తం రూ.20వేల ఖర్చు వస్తుంది. మార్కెట్‌లో ఒక్కో కట్ట(కిలో) రూ.100 చొప్పున అమ్ముతారు. బతుకమ్మ సీజన్‌ అయ్యే సరికి సుమారు 35 నుంచి 40 క్వింటాళ్ల వరకు సీతమ్మ పూలు వచ్చే అవకాశం ఉంది. అలా గే బంతి పూల సాగు కోసం రైతులు సుమారు రూ. 10వేల వరకు ఖర్చు చేస్తున్నారు. వాతావరణం అనుకూలించి చీడపీడలు రాకుండా ఉంటే పూల సా గుకు లాభాలు బాగా ఉంటాయని రైతులు పేర్కొంటున్నారు. బతుకమ్మ పండుగతో పాటు దీపావళి పండుగ వరకు పూలను అమ్ముతుంటారు.బంతి, సీతమ్మ పూల సాగు.. గత ఏడాది సీతమ్మ పూలను మాత్రమే సాగు చేశాను. ఈ ఏడు బంతి పూలు, సీతమ్మ పూలు సాగు చేస్తున్నాను. పూలు మంచిగానే పూశాయి. బతుకమ్మలకే కాకుండా ఇతర శుభకార్యాలకు కూడా పూలు అమ్ముతాం. దీపావళి వరకు బంతి పూలకు గిరాకీ ఉంటుంది. – రమేశ్‌, రైతు, సుబ్బరాంపల్లి ఐదు గుంటలలో సాగు.. నాకున్న ఐదు గుంటలలో బంతి పూలు సాగు చేశాను. విత్తనాల కోసం రూ.3వేలు ఖర్చు చేశాను. రూ.3వేలు పురుగు మందులు, ఇతర మందులు స్ప్రే చేశాను. ప్రస్తుతం పూలు బాగానే ఉన్నాయి. వాతావరణం సహకరిస్తే లాభాలు ఉంటాయి. – బాపు, రైతు, అంగ్రాజ్‌పల్లి మార్కెటింగ్‌ సౌకర్యం కరువు..బతుకమ్మ, దీపావళి పండుగలకు మంచిర్యా ల, గోదావరిఖని, ఇతర ప్రాంతాలలో బంతి పూలు, సీతమ్మ పూలకు మంచి డిమాండ్‌ ఉంటుంది. కానీ ఇక్కడ పూలు అమ్మేందుకు మా ర్కెటింగ్‌ సౌకర్యం లేక పూలు ఎక్కడ అమ్మాలో తెలియక రైతులు తలలు పట్టుకున్నారు. దీనికి తోడు ప్రభుత్వం ఎలాంటి సబ్సిడీ అందజేయడం లేదు. ఎంతో కష్టపడి పండించిన పూలను ఇతర ప్రాంతాలకు తీసుకువెళ్లి అ మ్ముకుందామంటే రవాణా ఛార్జీలు అధికమవుతున్నాయి. దీంతో రైతులు దళారులకు పూ లను విక్రయిస్తున్నారు. ప్రభుత్వం పూల సా గును ప్రాత్సాహించి మార్కెటింగ్‌ సౌకర్యం కల్పించాలని రైతులు పేర్కొంటున్నారు.

కాగజ్‌నగర్‌టౌన్‌: చర్లపల్లి –షాలిమార్‌ మధ్య నడుస్తున్న అమృత్‌భారత్‌ వీక్లి ఎక్స్‌ప్రెస్‌ రైలును వయా పెద్దపల్లి– సిర్పూర్‌ కాగజ్‌నగర్‌ –బల్లార్షా మార్గంలో మరో వీక్లి సర్వీసుగా నడపాలని ఉత్తర తెలంగాణ రైల్వే ప్రయాణికులు డిమాండ్‌ చేస్తున్నారు. ప్రస్తుతం 17065/66 నంబర్‌ గల చర్లపల్లి –షాలిమార్‌ అమృత్‌ భారత్‌ ఎక్స్‌ప్రెస్‌ వయా కాజిపేట –విజయవాడ –రాజమహేంద్రవరం, విశాఖపట్నం మార్గంలో నడుస్తోంది. 17065 రైలు ప్రతీ మంగళవారం ఉదయం 6.55 గంటలకు చర్లపల్లిలో బయలుదేరి మరుసటి రోజు ఉదయం 11.20కి షాలిమార్‌కు చేరుకుంటుంది. తిరుగు ప్రయాణంలో 17066 రైలు ప్రతీ బుధవారం మధ్యాహ్నం 12.50కు బయలుదేరి గురువారం సాయంత్రం 7 గంటలకు చర్లపల్లికి చేరుకుంటుంది. గురువారం సాయంత్రం 7 గంటల నుంచి మంగళవారం ఉదయం 7 గంటల వరకు నాలుగున్నర గంటల పాటు ఈ రైలు చర్లపల్లిలో ఖాళీగా ఉంటుంది. ఈ రైలును చర్లపల్లిలో ఖాళీగా ఉంచకుండా షాలిమార్‌కు వయా పెద్దపల్లి –సిర్పూర్‌ కాగజ్‌నగర్‌– బల్లార్షా మార్గంలో వీక్లి ఎక్స్‌ప్రెస్‌గా నడపాలని ప్రయాణికులు డిమాండ్‌ చేస్తున్నారు. కోల్‌కతా రైలు కోసం వినతికాజిపేట్‌ నుంచి కాగజ్‌నగర్‌ మార్గంలో కోల్‌కతాకు రైలు నడపాలని సిర్పూర్‌ ఎమ్మెల్యే పాల్వాయి హరీశ్‌బాబు, ఉత్తర తెలంగాణ ఫోరం సభ్యులు, రైల్వే మంత్రి, రైల్వే బోర్డ్‌ చైర్మన్‌ దక్షిణ మధ్య రైల్వే అధికారులను కలిసి వినతిపత్రాలు అందజేశారు. ప్రస్తుతం పెద్దపల్లి, మంచిర్యాల, కుమురంభీం జిల్లాలో బెంగాలీ ప్రయాణికులు కోల్‌కతా వెళ్లాలంటే కాజిపేటకు వెళ్లి ఈస్ట్‌కోస్ట్‌ ఎక్స్‌ప్రెస్‌ లేదా వార్దా వెళ్లి గీతాంజలి, హౌరా మెయిల్‌ వంటి రైళ్లను ఆశ్రయించాల్సి వస్తోంది. సిర్పూర్‌ కాగజ్‌నగర్‌ ప్రాంతంలోని సర్‌సిల్క్‌, కౌటాల, రవీంద్రనగర్‌, ఈజ్‌గాం ప్రాంతంలో సుమారు 13 గ్రామాల్లో సుమారు 12వేల మంది బెంగాలీలు నివసిస్తున్నారు. వీరు బంగ్లాదేశ్‌ ఏర్పాటు సమయంలో ఇక్కడికి వలస వచ్చారు. అలాగే పెద్దపల్లి సమీపంలోని బసంత్‌నగర్‌ వద్ద కూడా బెంగాలీ కుటుంబాలు ఉన్నాయి. ఈ మార్గంలో రైలు నడిస్తే టాటానగర్‌, ఖరగ్‌పూర్‌ నగరాలకు కూడా అనుసంధానం ఏర్పడుతుందని ప్రయాణికులు పేర్కొంటున్నారు.టాటానగర్‌, ఖరగ్‌పూర్‌కు అనుసంధానం.. చర్లపల్లిలో నాలుగు రోజులు ఖాళీగా ఉండే రైల్వేను కాగజ్‌నగర్‌ మీదుగా నడిపితే ఎలాంటి అదనపు ఖర్చు లేకుండా సేవలు విస్తరిస్తాయి. ఈ మార్గంలో రైలు నడిస్తే టాటానగర్‌, ఖరగ్‌పూర్‌ నగరాలకు కూడా అనుసంధానం ఏర్పడుతుంది. రైల్వే అధికారులు స్పందించి కాగజ్‌నగర్‌ మీదుగా రైలు నడిపేలా చర్యలు తీసుకోవాలి. – ఠాకూర్‌ ప్రవీణ్‌ సింగ్‌, ఉత్తర తెలంగాణ రైల్వే ఫోరం సభ్యుడు, కాగజ్‌నగర్‌

ఆయిల్‌పామ్‌పై బోథ్‌: దేశీయంగా ఆయిల్‌పామ్‌ సాగు విస్తరిస్తున్న ప్రస్తుత పరిస్థితుల్లో స్థానిక రైతులకు కేంద్ర ప్రభుత్వం షాక్‌ ఇచ్చింది. విదేశాల నుంచి వచ్చే ముడి పామాయిల్‌ దిగుమతులపై సుంకాలు 16 నుంచి 11 శాతానికి కుదిస్తూ నిర్ణయం తీసుకుంది. 5 శాతం సుంకాల కోత నిర్ణయం అమల్లోకి రావడంతో క్షేత్రస్థాయిలో తోటలు సాగు చేస్తున్న రైతుల్లో ఆందోళన వ్యక్తమవుతోంది. ఆదిలాబాద్‌ జిల్లాలో 3,402 ఎకరాల్లో 1,114 మంది రైతులు ఆయిల్‌పామ్‌ సాగు చేస్తున్నారు. పడిపోనున్న గెలల ధరలు..విదేశాల నుంచి పామాయిల్‌ ముడి చమురు తక్కు వ సుంకంతో దేశంలోకి ప్రవేశిస్తే, స్థానిక మార్కెట్ల లో తాజా ఆయిల్‌పామ్‌ గెలలకు డిమాండ్‌ పడిపోనుంది. అయితే ప్రస్తుతం ధర మాత్రం ఆల్‌టైం రి కార్డుగా ఉంది. గెల టన్నుకు రూ.24,025 ధర పలు కుతోంది. అయితే గత నెల 24 నుంచి సుంకాలు త గ్గించడంతో ఆయిల్‌ కంపెనీలు ప్రస్తుతం గెలలను రైతుల వద్ద నుంచి తీసుకోవడం లేదన్న విమర్శలు వస్తున్నాయి. దిగుమతి సుంకం తగ్గడంతో ప్రాసెసింగ్‌ కంపెనీలు దేశీయ రైతుల వద్ద కొనుగోలు చే సే గెలల ధరలను గణనీయంగా తగ్గించే అవకాశాలు కనిపిస్తున్నాయి. ఆ ప్రతికూల ప్రభావం ఈ నెలలో గెలల కొనుగోలు ధరలపై తీవ్రంగా పడనుంది. పెరుగుతున్న సాగు..ఆదిలాబాద్‌ జిల్లా వ్యాప్తంగా ఆయిల్‌పామ్‌ సాగువైపు రైతులు మొగ్గు చూపుతున్నారు. అధికారులు సైతం గ్రామాల్లోని రైతులకు ఆయిల్‌పామ్‌ వైపు మళ్లాలని సూచిస్తున్నారు. దీంతో ఇప్పటివరకు 1,114 మంది రైతులు 3,402 ఎకరాల్లో ఆయిల్‌పా మ్‌ తోటలు సాగు చేశారు. ప్రస్తుతం కొంతమంది రైతులు ఇటీవలే గెలలను మద్దతు ధరకు విక్రయించారు. లాభాలు కనిపించడంతో మరింత మంది రైతులు ఆయిల్‌పామ్‌ సాగు చేయడానికి మొగ్గు చూపుతున్నారు. ఈ క్రమంలో కేంద్రం సుంకాలు తగ్గించడంతో గెలల ధరలు పడిపోయే అవకాశం ఉంది. ఇప్పటికే సాగు చేస్తున్న రైతులు సాగు ఖర్చులు విపరీతంగా పెరిగిపోయిన ప్రస్తుత తరుణంలో గెలల ధరలు మరింత తగ్గితే తీవ్రంగా నష్టపోతామ ని వాపోతున్నారు. ఈ సుంకాల తగ్గింపు నిర్ణయాన్ని కేంద్రం వెంటనే ఉపసంహరించుకోవాలని, పాత సుంకాలను పునరుద్ధరించి గెలలకు గ్యారెంటీ మద్దతు ధర కల్పించాలని రైతాంగం డిమాండ్‌ చేస్తోంది.ఉమ్మడి జిల్లా ఆయిల్‌పామ్‌ సాగువిస్తీర్ణం (ఎకరాల్లో ) ..

మంచిర్యాలటౌన్‌: మంచిర్యాల నగరంలో ఎక్కడ చూసినా చెత్తకుప్పలు..రోడ్లపైకి వస్తున్న మురుగు నీరు.. డ్రెయినేజీల్లో చెత్త పేరుకుపోయి వెదజల్లుతున్న దుర్వాసన.. ఇదే కనిపిస్తోంది. చెత్త కుప్పలను ఎప్పటికప్పుడు తొలగించక పోవడంతో పక్కనే ఉన్న డ్రెయినేజీల్లోకి చేరి మురుగు నీరు పారకుండా అడ్డుకుంటోంది. దీంతో దుర్వాసన వెదజల్లుతుండడంతో నగరవాసులు ఇబ్బందులు పడుతున్నారు. వర్షాలు కురిసిన సమయంలో పరిస్థితి మరీ దారుణంగా ఉంటోంది. అదనపు కార్మికులు ఎక్కడ? మంచిర్యాల మున్సిపల్‌ కార్పొరేషన్‌లో 60 డివిజన్లు ఉన్నాయి. పర్మినెంట్‌, ఔట్‌ సోర్సింగ్‌ కార్మికులు 553 మంది ఉన్నారు. వీరంతా నగర పారిశుద్ధ్యం, నీటి సరఫరా, ఎలక్ట్రిక్‌ విభాగాల్లో పనిచేస్తున్నారు. వీరిలో కేవలం పారిశుద్ధ్యం కోసం పనిచేసేవారు 400 మంది ఉన్నారు. 60 డివిజన్లలో పారిశుద్ధ్య పనులకు 400 మంది సరిపోవడం లేదని ఈ ఏడాది జూన్‌ 24న జరిగిన మున్సిపల్‌ కార్పొరేషన్‌ కౌన్సిల్‌ సమావేశంలో అదనంగా 120 మంది కార్మికులను ఏడాది కాలం (2026–2027) సంవత్సరానికి గానూ తాత్కాలిక పద్ధతిలో తీసుకునేందుకు పరిపాలన ఆమోదం పొంది, కార్మికులను సైతం నియమించారు. ఎక్కడ చూసినా దుర్వాసనే... నగరంలో రోడ్లపై ప్రతీరోజు వేస్తున్న చెత్తకుప్పలను డంపింగ్‌ యార్డుకు తరలించడంలో అశ్రద్ధ వహిస్తున్నారు. వారం నుంచి పది రోజుల వరకు చెత్త కుప్పలు అలాగే ఉండడంతో దుర్వాసన వెదజల్లుతోంది. దీంతోపాటు పశువులు, కుక్కలు చెత్త కుప్పల్లో తిరగడంతో పక్కనే ఉన్న డ్రెయినేజీల్లోకి వెళ్తోంది. దీంతో మురుగు నీరు పారకుండా నిలువ ఉంటోంది. నివాస ప్రాంతాలు, రద్దీ ప్రదేశాలు, ప్రధాన రహదారుల పరిసరాల్లో పారిశుద్ధ్యంపై ప్రత్యేక శ్రద్ధ చూపాల్సి ఉన్నా ఆ దిశగా అధికారులు చర్యలు తీసుకోకపోవడం వల్లే ఈ దుస్థితి నెలకొందని నగరవాసులు ఆరోపిస్తున్నారు. పారిశుద్ధ్య కార్మికుల సంఖ్య పెంచినా, వారు ఏ ప్రాంతాల్లో పనిచేస్తున్నారు.. చెత్తను ఎప్పుడు సేకరిస్తున్నారు.. ఎక్కడి నుంచి ఎక్కడికి తరలిస్తున్నారు.. అనే అంశాలపై అధికారుల పర్యవేక్షణ లేకపోవడం, హాజరు కాకపోయినా వారికి దినసరి వేతనాలను చెల్లిస్తున్నట్లు మున్సిపల్‌ రికార్డుల్లో నమోదు చేయడంతో పలు అనుమానాలకు తావిస్తోంది. ఉన్న కార్మికులు పనిచేయకనే.. మంచిర్యాల నగర పాలక సంస్థలో ప్రస్తుతం పనిచేస్తున్న 400 మంది పారిశుద్ధ్య కార్మికులు విధులు సక్రమంగా నిర్వహిస్తేనే నగరం పూర్తిగా పరిశుభ్రంగా ఉంటుంది. కానీ వారిలో పనిచేసే కార్మికులు సగం కూడా ఉండరని, కేవలం హాజరు వేసుకుని, వెళ్లిపోతారని, వేతనంలో పారిశుద్ధ్య విభాగానికి చెందిన అధికారులకు పెద్దమొత్తంలోనే ముట్టజెప్తారని ఆరోపణలు ఉన్నాయి. రెగ్యులర్‌గా పనిచేసే కార్మికులతోనే నగరాన్ని పరిశుభ్రంగా ఉంచేందుకు అవకాశం ఉన్నా, అదనపు కార్మికుల పేరిట 120 మందిని తీసుకోవాలని కౌన్సిల్‌లో తీర్మానం చేసి, ఒక్కో కార్మికునికి రోజుకు రూ.500 వేతనం చెల్లిస్తున్నట్లు రికార్డుల్లోకి ఎక్కిస్తున్నా, ఇందులోనూ సగం మందే పనిచేస్తున్నట్లు తెలుస్తోంది. మిగతా సగం మంది పనిచేయకున్నా, చేసినట్లుగా చూపించి, వారికి అందించే వేతనాలు ఉద్యోగుల జేబుల్లోకి వెళ్తున్నాయనే ఆరోపణలు వ్యక్తం అవుతున్నాయి. ప్రభుత్వ సెలవు దినాలు, పండుగ రోజుల్లో కార్మికులు కేవలం మూడోవంతు మాత్రమే పనిచేసి, తూతూ మంత్రంగానే చెత్త సేకరణ చేయడం, ప్రతీ డివిజన్‌లో చెత్తను తరలించక పోవడం వల్లే నగర ప్రజలు దుర్వాసనతో ఇబ్బందులు పడుతున్నారు.

రామకృష్ణాపూర్‌: క్యాతనపల్లి మున్సిపల్‌ కమిషనర్‌ మురళీకృష్ణ డిప్యూటేషన్‌పై కొనసాగుతున్న తీరుపై హైకోర్టులో దాఖలైన ‘కో వారెంటో’ పిటిషన్‌ ఇప్పుడు చర్చనీయాంశంగా మారింది. కమిషనర్‌ స్థాయి పోస్టుకు సంబంధించిన అర్హతలు, డిప్యూటేషన్‌పై సుదీర్ఘకాలం కొనసాగుతున్న విధానం, తదితర అంశాలను పిటిషన్‌లో ప్రశ్నించిన నేపథ్యంలో ఈ నెల 8న హైకోర్టుకు నేరుగా హాజరై వివరణ ఇవ్వాలని షోకాజ్‌ నోటీసులు జారీ అయ్యాయి. రెండేళ్లకు పైగా డిప్యూటేషన్‌పైనే.. మల్టీజోన్‌–1 మేనేజర్‌ హోదాలో ఉన్న మురళీకృష్ణను కమిషనర్‌గా వివిధ మున్సిపాలిటీల్లో డిప్యూటేషన్‌పై కొనసాగించడంపై పిటిషన్‌లో అభ్యంతరాలు వ్యక్తమైనట్లు తెలుస్తోంది. 2024 ఫిబ్రవరిలో క్యాతనపల్లి కమిషనర్‌గా నియమితులైన ఆయన కొద్ది నెలల్లోనే చెన్నూర్‌కు బదిలీ కావడం, అక్కడ రెగ్యులర్‌ కమిషనర్ల స్థానంలో కొనసాగడం, అనంతరం మళ్లీ క్యాతనపల్లికి రావడం వంటి పరిణామాలను పిటిషనర్‌ కోర్టు దృష్టికి తీసుకెళ్లినట్లు సమాచారం. రెగ్యులర్‌ కమిషనర్ల వరుస బదిలీలపై ప్రశ్నలు.. మురళీకృష్ణను డిప్యూటేషన్‌పై కొనసాగించేందుకు చెన్నూర్‌లో పనిచేసిన రెగ్యులర్‌ కమిషనర్‌ గంగాధర్‌, ప్రమోషన్‌పై వచ్చిన అంజయ్య, గ్రూప్‌–2 ద్వారా వచ్చిన కోటేశ్వర్‌రావు, తదితరుల పోస్టింగ్‌లు, బదిలీలకు సంబంధించిన పరిణామాలను కూడా పిటిషన్‌లో ప్రస్తావించినట్లు తెలుస్తోంది. చివరకు క్యాతనపల్లి కమిషనర్‌ మారుతిప్రసాద్‌ను చెన్నూర్‌కు, చెన్నూర్‌ కమిషనర్‌ మురళీకృష్ణను క్యాతనపల్లికి మార్చిన విషయం కూడా చర్చానీయాంశంగా మారింది. మంత్రికి తలనొప్పిగా మారిన వ్యవహారం..మురళీకృష్ణ వ్యవహారం ప్రస్తుతం రాష్ట్ర కార్మిక శాఖ మంత్రి గడ్డం వివేక్‌ వెంకటస్వామికి తలనొప్పిగా మారినట్లు రాజకీయ వర్గాల్లో చర్చ జరుగుతోంది. ఒకవైపు కౌన్సిల్‌ సభ్యులు ఆయనను బదిలీ చేయాలని తీర్మాణం చేయడం, మరోవైపు ఆయన డిప్యూటేషన్‌, కమిషనర్‌గా కొనసాగింపుపై హైకోర్టులో న్యాయపరమైన ప్రశ్నలు తలెత్తడం, అవినీతి ఆరోపణలు రావడం, అత్యంత వివాదాస్పదుడిగా మున్సిపల్‌ సిబ్బందిలోనే ఆయనపై కొంత వ్యతిరేకత ఉండడం వంటి అంశాలు ఒత్తిడిని పెంచుతున్నాయని చెప్పవచ్చు. ఈ నేపథ్యంలో మురళీకృష్ణను కొనసాగించాలా? బదిలీ చేయాలా?అన్న అంశంపై మంత్రి ఎలాంటి నిర్ణయం తీసుకుంటారనేది ఆసక్తికరంగా మారింది. హైకోర్టు పరిణామాల నేపథ్యంలో తదుపరి చర్యలపై మంత్రి కూడా ఆచితూచి వ్యవహరించాల్సిన పరిస్థితి ఏర్పడినట్లు తెలుస్తోంది.ఇప్పటికే కౌన్సిల్‌ తీర్మానంమరోవైపు మురళీకృష్ణ తీరుపై క్యాతనపల్లి మున్సిపల్‌ కౌన్సిల్‌లోనూ తీవ్ర అభ్యంతరాలు వ్యక్తమయ్యాయి. ఏకపక్షంగా వ్యవహరిస్తున్నారని ఆరోపిస్తూ బీఆర్‌ఎస్‌, సీపీఐ కౌన్సిలర్లు ఆయనను బదిలీ చేయాలని తీర్మాణం చేసి ఉన్నతాధికారుల దృష్టికి కూడా తీసుకెళ్లిన విషయం తెలిసిందే. తీర్మానం తాలూకు ప్రతులను ఇటీవల అడిషనల్‌ కలెక్టర్‌కు అందజేశారు.

లక్ష్మణచాంద: సోన్‌ మండల కేంద్రంలోని అభ్యాస గురుకులంలో జోనల్‌స్థాయి స్కూల్‌ గేమ్స్‌ ఫెడరేషన్‌ ఆధ్వర్యంలో జోనల్‌ స్థాయి యోగా పోటీలు నిర్వహించారు. ఇందులో భాగంగా ఆదిలాబాద్‌, నిర్మల్‌, మంచిర్యాల, కుమురంభీం జిల్లాల యోగ క్రీడాకారులు పాల్గొన్నారు. ఈ పోటీలలో అండర్‌ 14, అండర్‌ 17 ట్రెడిషనల్‌, రితమిక్‌ సోలో, రితమిక్‌ డబుల్‌, ఆర్టిస్టిక్‌ సోలో, ఆర్టిస్టిక్‌ డబుల్‌ విభాగాల్లో పోటీలు నిర్వహించారు. ఎస్‌జీఎ ఫ్‌ సెక్రెటరీ రాథోడ్‌ లక్ష్మణ్‌, యోగా నేచురోపతి డాక్టర్‌ అన్నపూర్ణ, పీడీలు ఇమ్రాన్‌, ద ర్శనం దేవేందర్‌, త్రివేణి, పాఠశాల ప్రిన్సిపా ల్‌ ప్రదీప్‌ కుమార్‌, యోగా కోచ్‌ ప్రదీప్‌, మల్లేశ్‌, పాఠశాల ఉపాధ్యాయులు, విద్యార్థులు పాల్గొన్నారు.

నస్పూర్‌: ప్రజలకు ఆరోగ్యం, పిల్లలకు ఆహ్లాదం అందించాలనే ఉద్దేశంతో నగర పరిధిలోని 25వ డివిజన్‌లోని నాగార్జున కాలనీలో ఏర్పాటు చేసిన ఓపెన్‌ జిమ్‌ నిర్వహణ అస్తవ్యస్తంగా తయారైంది. శారీరక ధృడత్వం, మానసికోల్లాసం కోసం ఏర్పాటు చేసిన ఓపెన్‌ జిమ్‌లో పరికరాలు మరమ్మతులకు నోచుకోక పోవడంతో నిరుపయోగంగా మారాయి. పార్కింగ్‌కు అడ్డాగా.. న్యూనాగార్జున కాలనీలో గత ప్రభుత్వం సుమారు రూ.50 లక్షల నిధులతో చిల్డ్రన్‌ పార్కు, ఓపెన్‌ జిమ్‌ ఏర్పాటుకు నిర్ణయించి పనులు చేపట్టింది. నిధుల లేమితో కేవలం ఓపెన్‌ జిమ్‌ ఏర్పాటు చేశారు. ఓపెన్‌ జిమ్‌ చుట్టూ ఖాళీ స్థలం ఎక్కువగా ఉండడంతో పిల్లలు ప్రతీరోజు సాయంత్రం వేళలలో ఆటలు ఆడుతారు. ఈ మధ్య కాలంలో ఖాళీ స్థలంలో డీసీఎంలు, ఐచర్‌ వ్యాన్లు, ట్రాక్టర్లు, కార్లు రోజుల తరబడి నిలిపి ఉంటున్నాయి. దీంతో పిల్ల లు ఆడుకోవడానికి స్థలం సరిపోవడం లేదని పలువు ఆవేదన వ్యక్తం చేస్తున్నారు. కొందరు రాత్రి వేళల్లో వాహనాల మధ్య మద్యం సేవిస్తున్నారు. దీంతో సమీప ప్రజలు, ఓపెన్‌ జిమ్‌కు వచ్చే మహిళలు, పిల్లలు తీవ్ర ఇబ్బందులకు గురవుతున్నారు. సంబందిత అధికారులు వెంటనే స్పందించి ఓపెన్‌ జిమ్‌ పరికరాలకు మరమ్మతులు చేసి వినియోగంలోకి తీసుకు రావాలని, ఓపెన్‌ జిమ్‌ ఆవరణలో ఎలాంటి వాహనాలను నిలిపి ఉంచకుండా తగిన చర్యలు తీసుకోవాలని కాలనీ వాసులు డిమాండ్‌ చేస్తున్నారు.

శ్రీరాంపూర్‌: అభివృద్ధికోసం సింగరేణి లాభాల్లోంచి ఏటా కేటాయిస్తున్న నిధుల లెక్క చెప్పాలని సీఐటీయూ కేంద్ర ప్రధాన కార్యదర్శి తుమ్మల రాజారెడ్డి డిమాండ్‌ చేశారు. ఆదివారం ఆర్కే న్యూటెక్‌ గనిపై పిట్‌ కమిటీని ఎన్నుకున్నారు. ఈ సందర్భంగా ఆయన మాట్లాడుతూ సంస్థ భవిష్యత్‌ అవసరాలకు, అభివృద్ధి కోసం కొన్నేళ్లుగా కోట్లాది రూపాలయ నిధులను పక్కనపెట్టారని, అవి ఏం చేశారో ఇప్పటి వరకు లెక్క చెప్పడం లేదని ఆరోపించారు. ఇటీవల మెడికల్‌ బోర్డులో అర్హులైన కార్మికులను అన్‌ఫిట్‌ చేయకుండా ఫిట్‌ చేయడం అన్యాయమన్నారు. పిట్‌ కమిటీ పిట్‌ సెక్రెటరీగా పెరుక సదానందం, పిట్‌ ఇన్‌చార్జిగా మర్చకుర్తి రమేశ్‌, మైనింగ్‌ స్టాప్‌ ఇన్‌చార్జిగా జే.వెంకటేష్‌, పిట్‌ అసిస్టెంట్‌ సెక్రెటరీగా అరిగే సందీప్‌, ఆర్గనైజింగ్‌ సెక్రెటరీగా తిరుపతి, షిఫ్ట్‌ ఇన్‌చార్జీలుగా బాలకృష్ణ, నవీన్‌ అభిలాష్‌తో పాటు సభ్యులను ఎన్నుకున్నారు. ఈ కార్యక్రమంలో బ్రాంచ్‌ సెక్రెటరీ కస్తూరి చంద్రశేఖర్‌, నాయకులు వెంగళ శ్రీనివాస్‌, మేడిపల్లి శ్రీనివాస్‌, వెంకట్‌ రెడ్డి, సంఘం రాజయ్య పాల్గొన్నారు.

మంచిర్యాలటౌన్‌: రాష్ట్రవ్యాప్తంగా గడ్డి మందును బ్యాన్‌ చేయడంలో కీలకపాత్ర పోషించిన మంచిర్యాలకు చెందిన డాక్టర్‌ రాకేశ్‌ చెన్నను ఆదివారం హైదరాబాద్‌లోని ఐఎంఏ భవన్‌లో జరిగిన కార్యక్రమంలో ఘనంగా సన్మానించి అవార్డు అందజేశారు. ఎన్‌ఎంసీ చైర్మన్‌లు నాగేశ్వర్‌ రెడ్డి, గంగాధర్‌, ఐఎంఏ రాష్ట్ర అధ్యక్షుడు కిషన్‌ చేతుల మీదుగా రాకేశ్‌ అవార్డు అందుకున్నారు. డాక్టర్‌ అగైనెస్ట్‌ పారాక్వాట్‌ పాయిజనింగ్‌ (డీఏపీపీ)ని మూడేళ్ల క్రితం దేశవ్యాప్తంగా ఏర్పాటు చేయగా తెలంగాణలో ఆర్నెల్ల క్రితం, ఆంధ్రప్రదేశ్‌లో రెండు నెలల క్రితం గడ్డిమందును బ్యాన్‌ చేయడంలో రాకేశ్‌ విశేష కృషి చేశారు.

శ్రీరాంపూర్‌: సింగరేణి కార్మికులకు ఏటా దీపావళికి అందిస్తున్న పీఎల్‌ఆర్‌ బోనస్‌ రూ.1,10,250కు చేరుకుంది. 1962లో రూ.300తో మొదలైన బోనస్‌ 2026లో రూ.1,10,250కు చేరుకుంది. దేశ వ్యాప్తంగా బొగ్గు గని కార్మికులకు ప్రతి సంవత్సరం చెల్లించే ప్రాఫిట్‌ లింక్డ్‌ రివార్డు (పీఎల్‌ఆర్‌)కు సుదీర్ఘ చరిత్ర ఉంది. 1962లో ఈ హక్కు మొదలైంది. సింగరేణిలో పుట్టిన ఈ హక్కు చివరికి కోలిండియా వ్యాప్తంగా అమలవుతోంది. శనివారం కోల్‌కత్తాలో జరిగిన జేబీసీసీఐ అపెక్స్‌ కమిటీ సమావేశంలో 2025–26 ఆర్థిక సంవత్సరానికి గానూ పీఎల్‌ఆర్‌ బోనస్‌ రూ.1,10,250 చెల్లించడానికి నిర్ణయం జరిగింది. దీంతో దేశ వ్యాప్తంగా 9 రాష్ట్రాల్లో విస్తరించిన కోలిండియా పరిధిలోని 8 సబ్సిడరీ కంపెనీలతో పాటు సింగరేణి కార్మికులకు కూడా ఈ బోనస్‌ చెల్లిస్తారు. దీంతో దేశ వ్యాప్తంగా సుమారు 2.25 లక్షల మంది కార్మికులకు ఈ ప్రయోజనం చేకూరనుంది. కమ్యూనిస్టు నాయకుడు, నాటి ఖమ్మం ఎంపీ, దివంగత టీబీ విఠల్‌రావు రష్యా పర్యటనకు వెళ్లినప్పుడు అక్కడ బొగ్గు సంస్థల్లో లాభాల ఆధారంగా బోనస్‌ చెల్లిస్తున్న విషయం తెలుసుకున్నారు. సింగరేణిలో కూడా బోనస్‌ చెల్లించాలని డిమాండ్‌ చేస్తూ మరో కమ్యూనిస్టు నాయకుడు కొమురయ్యతో కలిసి సమ్మె చేశారు. సమ్మెతో దిగి వచ్చిన సింగరేణి యాజమాన్యం కార్మికులకు ఈ హక్కును కల్పించింది. మొదటగా రూ.3 వేలు చెల్లించారు. ఆ తర్వాత కోలిండియాలో కూడా దీనిపై డిమాండ్‌ పెరగడంతో 1965లో ఈ బోనస్‌ చెల్లింపుపై పార్లమెంట్‌లో చట్టం చేయడంతో అప్పటి నుంచి బొగ్గుగనుల్లో అమలవుతోంది. దీపావళి బోనస్‌గా పేరు పశ్చిమబెంగాల్‌లో కోలిండి యా ప్రధాన కేంద్ర కార్యాలయం ఉంది. అక్కడ దసరా పెద్ద పండగగా జరుపుకుంటారు. దసరాకు ముందు జాతీయ సంఘాలతో కోలిండియా యాజ మాన్యం చర్చలు జరిపి దీనిపై నిర్ణయానికి వస్తారు. ఈ బోనస్‌ను కోలిండియాలో దసరాకు ముందు చెల్లిస్తే సింగరేణిలో దీపావళికి ముందు చెల్లిస్తారు. దీంతో దీపావళి బోనస్‌ అని కూడా పిలుస్తారు. ఈసారి రూ.1.20 లక్షలు చెల్లించాలని డిమాండ్‌ చేయగా చివరికి రూ.1,10,250కు ఒప్పందం జరిగింది. కొన్నేళ్లుగా పీఎల్‌ఆర్‌ బోనస్‌ చెల్లింపులు ఇలా..

చెన్నూర్‌రూరల్‌: రైతులు రసాయనిక మందులు పిచికారీ చేసే సమయంలో తగు జాగ్రత్తలు పాటించాలని వ్యవసాయశాఖ అధికారులు సూచిస్తున్నా రు. ఎలాంటి జాగ్రత్తలు తీసుకోక పోవడంతో రైతులు అస్వస్థతకు గురయ్యే ప్రమాదాలు ఉన్నాయి. ప్రస్తుతం వరి, పత్తి, మిరప పంటలను రైతులు సాగు చేస్తున్నారు. జిల్లా వ్యాప్తంగా పత్తి 1.73 లక్షల ఎకరాల్లో, వరి పంట 1.34లక్షల ఎకరాల్లో, మిరప 20వేల ఎకరాల్లో సాగవుతోంది. ప్రస్తుత తరుణంలో పంటలకు చీడపీడలు సోకుతుండటంతో రైతులు మందులను పిచికారీ చేస్తున్నారు. అవగాహన లోపం, తగిన జాగ్రత్తలు తీసుకోక పోవడంతో రైతులు ఇబ్బందుల పాలవుతున్నారు. పంటలపై మందులు పిచికారీ చేసే సమయంలో జాగ్రత్తలు తీసుకోక పోవడంతో అది నోరు, ముక్కు ద్వారా లోపలికి వెళ్లే ప్రమాదం ఉంది. పురుగు మందు డబ్బాపై ఎరుపు రంగులో గుర్తు ఉంటే అది చాలా విషపూరితమని గ్రహించాలి. అలాగే పసుపు రంగు గుర్తు ఉంటే మధ్యస్తంగా ప్రభావం ఉంటుంది. నీలి రంగులో గుర్తు ఉంటే తక్కువ విష ప్రభావం ఉన్నట్లు రైతులు గుర్తించాలి. అప్రమత్తత అవసరం..రైతులు మందులు నీటిలో కలిపే సమయంలో అప్రమత్తంగా ఉండాలి. నోటితో మందు డబ్బాల మూ తలు తీయకూడదు. మందు పిచికారీ పూర్తయిన త రువాత ఇంటి దగ్గర నల్లాల వద్ద కడగరాదు. వ్యవసాయ పంట పొలాల వద్దనే శుభ్రంగా కడగాలి. మందులు పిచికారీ చేసే సమయంలో ముఖానికి మాస్క్‌, చేతులకు గ్లౌజులు, కళ్లకు అద్దాలు, శరీరాని కి రక్షణ ఉండేలా దుస్తులు ధరించాలి. గాలి వీచే దిశకు మందులు స్ప్రే చేయకూడదు. ఎందుకంటే ముఖంపై, శరీరంపై మందు పడే అవకాశం ఉంటుంది. ఉదయం, సాయంత్రం వేళల్లో మాత్రమే మందులు పిచికారీ చేసుకోవాలి. మందులు పిచికా రీ చేసే సమయంలో పొగాకు, గుట్కాలు తినడం, నీళ్లు తాగడం, పొగ తాగడం, కళ్లను నలుపుకోవడం, అలాగే చేతులతో నోటిని తాకడం వంటివి చేయకూడదు. ఇలాంటి జాగ్రత్తలు పాటిస్తూ రైతులు మందులు పిచికారీ చేసుకోవాలి. రైతులు జాగ్రత్తలు పాటించాలి.. రైతులు పంటలకు రసాయ న మందులు పిచికారీ చేసే సమయంలో తగు జాగ్రత్తలు పాటించాలి. మందులు కలిపే సమయంలో జాగ్రత్తగా ఉండాలి. కళ్లకు, నోటికి, ముక్కుకు, శరీరానికి మందు అంటకుండా చూసుకోవాలి. పిచికారీ పూర్తయిన వెంటనే వ్యవసాయ పొలం వద్ద పరికరాలను శుభ్రం చేసుకొని చేతులను శుభ్రంగా కడుక్కోవాలి. మందు పిచికారీ చేసే సమయంలో వేసుకున్న దుస్తులను అక్కడే భద్రపరుచుకోవాలి. – బానోతు ప్రసాద్‌, ఏడీఏ, చెన్నూర్‌

దండేపల్లి: ప్రభుత్వ అధికారులకు సెలవు రోజైన ఆదివారం అక్రమార్కులు చెలరేగిపోతున్నారు. అందినకాడికి దోచుకునేందుకు సిద్ధమవుతున్నారు. దండేపల్లి మండలం రెబ్బనపల్లి, గూడెం గుట్టల్లో మొరం దందా జోరుగా సాగుతోంది. సాధారణ రోజుల్లో అయితే రాత్రి పూట మొరం తవ్వకాలు జరుపుతున్నారు. ఇక ఆదివారమైతే అధికారులు ఎవరూ రారానే ధీమాతో దర్జాగా పట్టపగలే తవ్వకాలు చేస్తు, మొరం తరలించుకుపోతున్నారు. మండలంలోని రెబ్బనపల్లి శివారులోని గుట్టకు ఆదివారం అక్రమంగా మొరం తవ్వకాలు చేపట్టారు. విషయం తెలుసుకున్న కొంతమంది స్థానికులు రెవెన్యూ, పోలీసులకు సమాచారం ఇచ్చారు. దీంతో వారు అక్కడికి చేరుకునేలోపు తవ్వకాలు చేసే జేసీబీని అక్కడ నుంచి తరలించారు. అయితే మొరంలోడుతో వస్తున్న ఒక ట్రాక్టర్‌ను మాత్రం రెవెన్యూ సిబ్బంది పట్టుకుని పోలీస్టేషన్‌కు తరలించారు. ట్రాక్టర్‌లోని మొరాన్ని బయట డంప్‌ చేసి ఖాళీ ట్రాక్టర్‌ను స్టేషన్‌లో పెట్టడం అనుమాలకు తావిస్తోంది. జిల్లా ఉన్నతాధికారులు అక్రమ దందాపై దృష్టి పెట్టాలని గ్రామస్తులు కోరుతున్నారు. దండేపల్లి పోలీస్‌స్టేషన్‌లో రెవెన్యూ సిబ్బంది పట్టుకున్న ట్రాక్టర్‌మొరం తరలిస్తున్న ట్రాక్టర్‌

బెల్లంపల్లి: సింగరేణి కార్మికులకు 2025 –26 ఆర్థిక సంవత్సరంలో కంపెనీకి వచ్చిన వాస్తవ వార్షిక లాభాలను వెంటనే ప్రకటించి 40శాతం వాటా ప్రకటించాలని సింగరేణి కాలరీస్‌ వర్కర్స్‌ యూనియన్‌ (ఏఐటీయూసీ) కేంద్రకమిటీ ఉపాధ్యక్షుడు మిట్టపల్లి వెంకటస్వామి, బెల్లంపల్లి బ్రాంచ్‌ కార్యదర్శి దా గం మల్లేశ్‌ డిమాండ్‌ చేశారు. ఆదివారం బెల్లంపల్లి సీపీఐ కార్యాలయంలో ఏర్పాటు చేసిన సమావేశంలో వారు మాట్లాడారు. సింగరేణి గుర్తింపు కార్మిక సంఘంతో చర్చలు జరిపి ముఖ్యమంత్రి సమక్షంలో కార్మికులకు 40 శాతం లాభాల వాటా ప్రకటించాలన్నారు. లాభాల వాటాను దసరా పండుగకు ముందు చెల్లించేందుకు చర్యలు తీసుకోవాలని పేర్కొన్నారు. ట్రాన్స్‌కో, జెన్‌కో విద్యుత్‌ సంస్థల నుంచి సింగరేణి కంపెనీకి రావాల్సిన సుమారు రూ.59 వేల కోట్ల బకాయిలను రాష్ట్ర ప్రభుత్వం ద్వారా తక్షణమే ఇప్పించేందుకు యాజమాన్యం ఉన్నతస్థాయిలో చొరవ తీసుకోవాలన్నారు.

దండేపల్లి: హక్కుల సాధనకు ఉద్యమకారులు ఐక్యతగా ఉండి ఉద్యమించాలని తెలంగాణ ఉద్యమకారుల సమితి రాష్ట్ర అధ్యక్షుడు తొడేటి శంకర్‌గౌడ్‌, ప్రధాన కార్యదర్శి చిలుక శంకర్‌ పిలుపునిచ్చారు. దండేపల్లి జీపీ కార్యాలయ ఆవరణలో మండలంలోని తెలంగాణ ఉద్యకారులతో ఆదివారం సమావేశమయ్యారు. ఎన్నికలకు ముందు ఉద్యమకారులకు ఇచ్చిన హామీలను ప్రభుత్వం నెరవేర్చాలని డిమాండ్‌ చేశారు. నిజమైన ఉద్యమకారులకు గు ర్తింపు కార్డులు అందించాలన్నారు. ఉద్యమ కారుల కు సంక్షేమ బోర్డు ఏర్పాటు చేయాలన్నారు. హామీ లు అమలు చేయకపోతే ఉద్యమిస్తామని హెచ్చరించారు. జిల్లా అధ్యక్షుడు రామిడికుమార్‌, రాష్ట్ర కార్యదర్శి గోపతి రాజయ్య, మండల మాజీ అధ్యక్షుడు రాజమల్లు, జేఏసీ అధ్యక్షుడు శంకర్‌గౌడ్‌, సమితి నాయకులు సురేందర్‌, రవీందర్‌, వెంకటేశ్వర్లు, గంగయ్య, రాజన్న, వెంకటేష్‌, సత్యం పాల్గొన్నారు.

ఇంద్రవెల్లి: మండలకేంద్రంలో ఈ నెల 23న నిర్వహించనున్న కుమురం భీం విగ్రహావిష్కరణ కార్యక్రమానికి ఉమ్మడి జిల్లా నలుమూలల నుంచి 9 తెగల ఆదివాసీలు తరలివచ్చి కార్యక్రమాన్ని విజయవంతం చేయాలని ఆదివాసీ సంఘాల నాయకులు అన్నారు. ఆదివారం మండలంలోని అమరవీరుల స్తూపం వద్ద తుడుందెబ్బ, రాయిసెంటర్‌ సార్‌మెడిలతో పాటు ఆయా గ్రామాల పెద్దలతో సమావేశమయ్యారు. ఈ నెల 10న నర్సపూర్‌ రాయిసెంటర్‌ పరిధిలోని గ్రామాల్లో, 11న గిన్నెరా రాయిసెంటర్‌, 12న వడగాం రాయిసెంటర్‌, 13న కేస్లాపూర్‌ రాయిసెంటర్‌ పరిధిలోని గ్రామాల్లో విస్తృతంగా ప్రచారం నిర్వహించాలన్నారు. రాయిసెంటర్‌ సార్‌మెడిలు మెస్రం వెంకట్‌రావ్‌, మెస్రం దుర్గు, ఆదివాసీ సంఘాల నాయకులు, పెద్దలు మెస్రం నాగ్‌నాథ్‌, ఆర్క ఖమ్ము, కొరెంగా సుంకట్‌రావ్‌, చహకటి నాగోరావ్‌, కినక జుగాదిరావ్‌, మడావి కోసేరావ్‌, సర్పంచ్‌లు కోవ రాజేశ్వర్‌, మడావి ఇంద్రదేవ్‌, కోసేంగా సుంగు, తుడుందెబ్బ నాయకులు జుగ్నాక్‌ భారత్‌ తదితరులు ఉన్నారు.

మంచిర్యాల తెలంగాణ మోడల్‌స్కూల్‌మంచిర్యాలఅర్బన్‌: ఉమ్మడి ఆదిలాబాద్‌ జిల్లా పరి ధిలో పీఎంశ్రీ పాఠశాలల్లో ప్రత్యేక అవసరాలు గల పిల్లలకు బోధించేందుకు గెస్ట్‌ స్పెషల్‌ నీడ్స్‌ ఎడ్యుకేటెడ్‌ టీచర్లను నియమించనున్నారు. సమగ్రశిక్షా పథకం కింద వారికి నాణ్యమైన విద్య అందించేందుకు తాత్కాలిక పద్ధతిన పోస్టుల భర్తీకి రాష్ట్ర ప్రాజెక్ట్‌ డైరెక్టర్‌ ఉత్తర్వులు జారీ చేశారు. (నవంబర్‌ నుంచి వచ్చే ఏడాది మార్చి) వరకు ఐదు నెలల పాటు పనిచేయనున్నా రు. ఈ పోస్టుకు ఎంపికై న అభ్యర్థులకు నెలకు రూ.16,500 గౌరవ వేతనం చెల్లిస్తారు. ఒక్కో టీచర్‌ ఐదు నెలల విధులకు గాను రూ. 82,500, ఉమ్మడి జిల్లాలో 73 పోస్టులకుగాను రూ.60,22,500 నిధులు మంజూరయ్యాయి. పాఠశాలల్లో చేర్పించాలిప్రత్యేక అవసరాల పిల్లలు, దివ్యాంగులను టీచర్లు గుర్తించి బడిలో చేర్పించాలి. ప్రత్యేక బోధన పద్ధతులు అమలుచేయడం, వారి పురోగతి తెలుసుకోవడానికి పాఠశాలలు, ఇంటి సందర్శనలు నిర్వహించి పేరెంట్స్‌కు అవగాహన కల్పించాల్సి ఉంటుంది. ఉమ్మడి జిల్లా వివరాలు..జిల్లా పోస్టులు నిధులు మంజూరు మంచిర్యాల 21 రూ.17,32,500 ఆదిలాబాద్‌ 20 రూ.16,50,000 నిర్మల్‌ 18 రూ.14,85,000 కుమురంభీం 14 రూ.11,55,000 అర్హత ఇలా..బీఈడీ (స్పెషల్‌ ఎడ్యుకేషన్‌) పూర్తి చేసి ఉండా లి. బీఈడీ (జనరల్‌)తోపాటు స్పెషల్‌ ఎడ్యుకేషన్‌లో ఒక సంవత్సరం డిప్లొమా, బీఎడ్‌తో పాటు ప్రత్యేక విద్యలో రెండేళ్ల డిప్లొమా, ప్ర త్యేక విద్యలో పోసు్ట్రగా డ్యుయేట్‌, ప్రొఫెషనల్‌ డిప్లొమా, దృష్టిలోపంలో సెకండరీ స్థాయి ఉపాధ్యాయ శిక్షణ పొందినవారు అర్హులు.

వేమనపల్లి: ప్రజల కష్టాలను పట్టించుకోని ఎమ్మెల్యే గడ్డం వినోద్‌ రాజీనామా చేయాలని బీజేపీ రాష్ట్ర కార్యవర్గ సభ్యుడు కొయ్యల ఏమాజీ డిమాండ్‌ చేశారు. మండలంలోని బుయ్యారంలో భూవివా దంపై హైకోర్టు నుంచి అనుకూల తీర్పు రావడంపై శనివారం గ్రామస్తులతో సమావేశమయ్యారు. భూ ముల్లో రైతులతో కలిసి నాగళ్లు కట్టి దుక్కి దున్ని సంబరాలు చేసుకున్నారు. ఈ సందర్భంగా ఆయన మాట్లాడుతూ 166 సర్వేనంబర్‌ భూమిలో పట్టాలు న్నా రైతులను అటవీ అధికారులు బెదిరిస్తే ఫారెస్టు కార్యాలయాలను ముట్టడిస్తామని హెచ్చరించారు. నాయకులు తిరుపతి, కేశవరెడ్డి, లావణ్య, శ్రావణ్‌, నవీన్‌, ముల్కల్ల సత్యనారాయణ, జుమ్మడి వెంకటేష్‌, శంకర్‌, గోగర్ల లక్ష్మి పాల్గొన్నారు.

ఆదిలాబాద్‌టౌన్‌: తెలంగాణ సమగ్ర శిక్ష ఆధ్వర్యంలో సెప్టెంబర్‌ సంబంధించి రాష్ట్రవ్యాప్తంగా అన్ని జిల్లాల పనితీరుకు సంబంధించి ప్రగతి నివేదికను ప్రభుత్వం విడుదల చేసింది. విద్యా ప్రమాణాలు, విద్యార్థులు, ఉపాధ్యాయుల హాజరు , పాఠశాలల పనితీరు, అభ్యాసన సామర్థ్యాలు ఆధారంగా ర్యాంకులు కేటాయించారు. ఒక్కో అంఽశానికి పది మార్కులను కేటాయించగా మొత్తం 210 మార్కులకు గాను ఈ ర్యాంకులను విడుదల చేశారు. ఇందులో జనగామ జిల్లా 151.29 స్కోర్‌తో ప్రథమస్థానంలో నిలువగా అట్టడుగు స్థానంలో కుమురంభీం ఆసిఫాబాద్‌ 79.62 స్కోర్‌ను సాధించింది. అయితే ఆదిలాబాద్‌ జిల్లా 88.69 స్కోర్‌తో 30వ స్థానంలో నిలిచింది. ఆదిలాబాద్‌ జిల్లా విద్యాశాఖ పనితీరు..ఆధార్‌ స్కోర్‌లో పదిమార్కులకు గాను 2.65, పీఎం శ్రీ నిధుల వినియోగానికి సంబంధించి 1.71, ఎస్‌ఎస్‌ఏకు సంబంఽధించి 8.95, విద్యార్థుల హాజరులో 5.41, టీచర్ల హాజరులో జీరో, మధ్యాహ్న భోజనానికి సంబంధించి 7.24 , పీజీఐ, పరివర్తనలో జీరో, డీఈవో పాఠశాలల సందర్శనలో 1.61 , ఎంఈఓల పర్యవేక్షణ 1.5, సెక్టోరల్‌ అధికారుల పర్యవేక్షణ 2.1, బేస్‌లైన్‌ 4.58, మరుగుదొడ్లకు సంబంఽధించి 3.6, తాగునీటికి సంబంధించి 7.95 మార్కులు రావడం విద్యాశాఖ పనితీరుకు అద్దం పడుతోంది. గతంలో కేంద్రప్రభుత్వం విడుదల చేసిన ర్యాంకులో జిల్లా చివరి స్థానంలో ఉన్న విషయం తెలిసిందే. మండల విద్యాఽధికారుల పర్యవేక్షణ, ఉపాధ్యాయుల పనితీరుతో విద్యాశాఖ అట్టడుగుస్థానంలో నిలుస్తున్నట్లుగా తెలుస్తోంది. ఎన్ని విమర్శలు ఎదుర్కొంటున్నప్పటికి పనితీరులో మాత్రం ఆశించిన స్థాయిలో మార్పురావడం లేదనేదీ స్పష్టమవుతోంది. ఉమ్మడి జిల్లాలో..ఉమ్మడి జిల్లా చూస్తే నిర్మల్‌ 17వ ర్యాంక్‌ సాఽ దించింది. 210 మార్కులకు గాను 105.37 మార్కులు వచ్చాయి. ఆదిలాబాద్‌ కంటే మెరుగైన స్థానంలో ఉంది. మంచిర్యాల 18వ స్థానంలో నిలవగా, 104.38 మార్కులు వచ్చాయి. కు మురంభీం జిల్లా రాష్ట్రస్థాయిలో చివరి స్థానంలో నిలిచింది. 33వ స్థానానికి పడిపోయింది. 79.62 మార్కులు మాత్రమే వచ్చాయి. ఆదిలాబాద్‌ జిల్లా విద్యాశాఖ కార్యాలయం

శ్రీరాంపూర్‌: శ్రీరాంపూర్‌ ఏరియాలోని ఎస్‌ఆర్‌పీ– 3 గనిలో సపోర్టుమెన్‌ దుర్గం శంకర్‌ గాయపడ్డాడు. శనివారం ఉదయం షిఫ్ట్‌కు హాజరైన అతడు ఉపరి తలంలో కటింగ్‌ మిషన్‌తో ఇనుప పైపు కట్‌ చేస్తున్నాడు. ప్రమాదశాత్తు కుడి చేయికి తాకి బొటన వే లు కట్‌ అయింది. తోటి కార్మికులు ఆర్కే–8 డిస్పెన్సరీకి అక్కడి నుంచి రామకృష్ణపూర్‌ ఏరియాస్పత్రి కి తరలించారు. అనంతరం మెరుగైన వైద్యంకోసం హైదరాబాద్‌లోని ఓ ప్రైవేటు ఆసుప్రతికి తరలించా రు. గని మేనేజర్‌ వెంకట్రావు, రక్షణ అధికారి మహేందర్‌ సంఘటన స్థలాన్ని పరిశీలించారు. గా యపడిన కార్మికుడిని గుర్తింపు సంఘం ఏఐటీయూసీ డిప్యూటీ ప్రధాన కార్యదర్శి ముస్కే సమ్మయ్య, బ్రాంచి కార్యదర్శి షేక్‌ బాజీసైదా, ఫిట్‌ సెక్రెటరీ మురళీచౌదరి, టీబీజీకేఎస్‌ కేంద్ర ప్రధాన కార్యదర్శి కేతిరెడ్డి సురేందర్‌రెడ్డి, జాయింట్‌ సెక్రెటరీ పొగాకు రమేశ్‌ వేర్వేరుగా పరామర్శించారు. భవిష్యత్‌లో ప్రమాదాలు జరుగకుండా జాగ్రత్తలు తీసుకోవాల ని ఐఎన్‌టీయూసీ బ్రాంచి ఉపాధ్యక్షులు చాట్ల అశోక్‌, ల్యాగల శ్రీనివాస్‌, సీలం చిన్నయ్య ఒక ప్రకటనలో డిమాండ్‌ చేశారు.

శ్రీరాంపూర్‌: సింగరేణిలో ప్రమాదాల పరంపర కొనసాగుతోంది. కంపెనీ వ్యాప్తంగా ఏరియాలో వారానికోసారి ప్రమాదం చోటు చేసుకుంటుంది. గతంతో పోల్చితే ఫాటల్స్‌ (మరణాల ప్రమాదాలు) తగ్గిన సీనియస్‌ యాక్సిండెంట్ల సంఖ్య పూర్తిస్థాయిలో తగ్గుముఖం పట్టడం లేదు. పెరిగిన యంత్రాలతో బొగ్గు ఉత్పత్తి పెరగడంతోపాటు పని చేసేటప్పుడు, హాలేజీల వద్ద కార్మికులు గాయాలపాలవుతున్నారని అధికారులు పేర్కొంటున్నారు. అధికారుల పర్యవేక్షణ లోపం, యువ కార్మికులకు రక్షణపై అవగాహన లేకపోవడంతోనే ప్రమాదాలు జరుగుతున్నాయని సీనియర్‌ కార్మికులు పేర్కొంటున్నారు. కొన్నిచోట్ల స్వీయ రక్షణ లోపంతో ప్రమాదాల బారిన పడుతున్నారు. భూగర్భ గనుల్లో గతంలో రూఫ్‌ఫాల్‌, సైడ్‌ఫాల్‌ ప్రమాదాలు ఎక్కువగా జరిగేవి. నేడు అవి చాలావరకు తగ్గాయి. యువ కార్మికులతో..కారుణ్య ఉద్యోగాలతో యువ కార్మికుల సంఖ్య పెరిగింది. గతంలో ఐదారేళ్లు యాక్టింగ్‌ చేస్తేనే కేటగిరీల ప్రమోషన్లు వచ్చేవి. నేడు ఏడాది దాటిన వెంటనే ప్రమోషన్లు వస్తున్నాయి. దీంతో పనిపై పూర్తిస్థాయిలో అవగాహన లేక, రక్షణ ఎలా పాటించాలో తెలియడం లేదు. మస్టర్‌ పడ్డ తర్వాత ప్రతీరోజు ఎస్‌ఓపీ, ఎస్‌ఎంపీలపై అవగాహన కల్పించినా క్షేత్రస్థాయిలో అమలు కావడం లేదు. కొన్ని గనుల్లో అండర్‌మేనేజర్లు పట్టుమని మూడు గంటలు కూడా భూగర్భంలో గులాయిల వద్ద ఉండటం లేదని, కార్యాలయాలకే పరిమితం అవుతున్నారని సీనియర్‌ కార్మికులు పేర్కొంటున్నారు. సేఫ్టీ సూపర్‌వైజర్లు అలాగే వ్యవహరిస్తున్నారు. కార్మికులకు రక్షణపై అవగాహన కల్పించడంతోపాటు అండర్‌మేనేజర్లు, మేనేజర్లు గనుల్లో క్షేత్రస్థాయిలో పరిశీలన చేస్తే ప్రమాదాలు తగ్గుతాయని పలువురు పేర్కొంటున్నారు.క్షేత్రస్థాయిలో లోపం ఉంది ప్రమాదాలు జరిగినప్పుడు అధికారులు హైరానా చేస్తున్నారు తప్పా క్షేత్రస్థాయిలో రక్షణ చర్యలు పట్టించుకోవడం లేదు. అండర్‌మేనేజర్లు విధిగా పనిచేయాలి. పనికి తగ్గట్లుగా మ్యాన్‌పవర్‌ను కేటాయించాలి. రక్షణ కమిటీ, సమావేశాల్లో తీసుకున్న నిర్ణయాలు తప్పకుండా అమలు చేయాలి. – ఎస్కే బాజీసైదా, గుర్తింపు సంఘం ఏరియా కార్యదర్శి

జన్నారం: హైదరాబాద్‌ వారధి ఫౌండేషన్‌ ఆఫ్‌ ఇండియా, రాష్ట్ర విద్యాశాఖ ఆధ్వర్యంలో రాష్ట్రస్థాయిలో గత నెలలో నిర్వహించిన వ్యా సరచన, డిబేట్‌ పోటీల్లో కిష్టాపూర్‌ ప్రభుత్వ ఉన్నత పాఠశాల విద్యార్థినులు ప్రతిభ కనబ ర్చి నగదు బహుమతి గెలుపొందారు. ఆన్‌లై న్‌ ద్వారా నిర్వహించిన డిబేట్‌ పోటీల్లో కొత్తపెల్లి త్రివేధ, మెండె నందిని, సిలివెరు స్నా జ్ఞశ్రీలు (ద్వితీయ), వ్యాసరచన పోటీల్లో ఆ కుల అనన్య, చెటుపల్లి మోక్షశ్రీ, ధనాలకోట లాస్య తృతీయస్థానంలో నిలిచారు. శనివా రం సినీ హిరో సుమంత్‌ ఫలితాలు ప్రకటించారు. జూమ్‌ మీటింగ్‌లో విద్యార్థులతో మా ట్లాడుతూ అభినందించారని పాఠశాల హెచ్‌ఎం గుండ రాజన్న, గైడ్‌ టీచర్‌ దాముక కమలాకర్‌ తెలిపారు. డిబెట్‌లో రూ.27 వేలు, వ్యాసరచనలో రూ.27 వేలు నగదు బహుమ తి, ప్రశంసాపత్రాలు అందుకున్నార ని పేర్కొన్నారు. ఎంఈవో రాజేందర్‌, సర్పంచ్‌ వాసల నరేశ్‌, చైర్మన్‌ మంగ వారిని అభినందించారు.

కోటపల్లి: అక్రమంగా పశువులను తరలిస్తున్న వాహనాన్ని పట్టుకున్నట్లు ఎస్సై రాజశేఖర్‌ తె లిపారు. ఆయన తెలిపిన వివరాల ప్రకారం.. మండలంలోని పారుపల్లి క్రాస్‌రోడ్డు వద్ద పోలీసులు శనివారం వాహనాల తనిఖీ చేపట్టారు. మధ్యాహ్నం వాహనాన్ని ఆపి తనిఖీ చేశారు. 9 పశువులను తరలిస్తున్నట్లు గుర్తించారు. కోటపల్లి మండలం జనగామ నుంచి వాటిని కొనుగోలు చేసి కోరుట్లకు తరలిస్తుండగా పట్టుకున్నట్లు ఎస్సై తెలిపారు. పశువుల ను స్వాధీనం చేసుకుని స్టేషన్‌కు తరలించా రు. డ్రైవర్‌, యజమాని మొహమ్మద్‌ ముబీన్‌ బాబా, వాటిని కొనుగోలు చేసిన కోరుట్లకు చెందిన వ్యాపారి అబ్దుల్‌ హమీద్‌పై కేసు నమోదు చేసినట్లు ఎస్సై తెలిపారు.

శ్రీరాంపూర్‌: సింగరేణి కార్మికుల ప్రధాన డిమాండ్ల సాధనలో భాగంగా తాము ఇచ్చిన సమ్మె నోటీసుపై ఇటీవల ఆర్‌ఎల్‌సీ సమక్షంలో జరిగిన ఒప్పందాలు అమలు చేస్తామని గుర్తింపు సంఘం ఏఐటీయూసీ అధ్యక్షుడు వాసిరెడ్డి సీతారామయ్య తెలిపారు. శనివారం ఆర్కే 5 గనిపై కార్మికులను కలిసి మాట్లాడారు. సుమారు వందమంది యువ కార్మికులు యూనియన్‌లో చేరగా వారికి సీతారామయ్య కండువా కప్పి స్వాగతం పలికారు. కార్యక్రమంలో యూనియన్‌ డిప్యూటీ ప్రధాన కార్యదర్శులు కందికట్ల వీరభద్రయ్య, ముస్కే సమ్మయ్య, బ్రాంచి కార్యదర్శి షేక్‌ బాజీసైదా, ఉపాధ్యక్షుడు కొట్టే కిషన్‌రావు, సహాయ కార్యదర్శి మోత్కూరి కొమురయ్య తదితరులు పాల్గొన్నారు.

మంచిర్యాలటౌన్‌: కేయూలో శనివారం నిర్వహించిన బాక్సింగ్‌ ఎంపిక పోటీల్లో మంచిర్యా ల ఖేలో ఇండియా బాక్సింగ్‌ కేంద్రం బాక్సర్లు ప్రతిభ కనబర్చారు. రక్షిత్‌ 50–55 కేజీ కేటగిరీలో, సంస్కృతి 54–57 కేజీ కేటగిరీలో ప్రతిభ కనబర్చి ఆలిండియా యూనివర్సిటీ బాక్సింగ్‌ చాంపియన్‌షిప్‌–2026కు అర్హత సాధించినట్లు కోచ్‌ చిలువేరు రాజేశ్‌ తెలిపారు. జిల్లా యువజన క్రీడల శాఖ అధికారి జి.హనుమంతరెడ్డి, కోచ్‌లు వారిని అభినందించారు. బీజేపీ ఆధ్వర్యంలో స్వచ్ఛ భారత్‌ చెన్నూర్‌: ప్రధాని నరేంద్రమోదీ 25 సంవత్సరాల పాటు ముఖ్యమంత్రిగా, ప్రధానిగా సేవలందించిన సందర్భంగా ‘సేవ నా భాగస్వామ్యం’ కార్యక్రమంలో భాగంగా శనివారం స్వచ్ఛభారత్‌ నిర్వహించినట్లు బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌ తెలిపా రు. స్థానిక జలాల్‌ పెట్రోల్‌ బంక్‌ ఎదుట గల అభినవ పోతన బిరుదాంకితులు వానమామౖ లె వరదాచార్యుల విగ్రహం వద్ద బీజేపీ నాయకులు పిచ్చి మొక్కలు తొలగించారు. విగ్రహానికి క్షీరాభిషేకం చేశారు. కార్యక్రమంలో కౌన్సిలర్లు శివకృష్ణ, వెంకటనర్సయ్య, నాయకులు వెంకటేశ్‌, శ్రీనివాస్‌, ప్రసాద్‌, మధురాజ్‌, తదితరులు పాల్గొన్నారు.

బెల్లంపల్లి: ఎస్జీఎఫ్‌ ఆధ్వర్యంలో ఇటీవల జరిగిన క్రీడాపోటీల్లో బెల్లంపల్లిలోని తెలంగాణ ప్రభుత్వ సాంఘిక సంక్షేమ కాసిపేట బాలుర గురుకుల పాఠశాల/కళాశాల విద్యార్థులు సత్తాచాటారు. ప్రతిభ కనబర్చి రాష్ట్ర, జోనల్‌స్థాయి పోటీలకు ఎంపికయ్యారు. అండర్‌–14, 17, 19 కేటగిరీలలో జిల్లా, జోనల్‌స్థాయి క్రీడాపోటీలు జరిగాయి. అథ్లెటిక్స్‌ విభాగంలో జి.కిరణ్‌, ఎ.మధు, టి.సిద్దార్థ జోనల్‌ స్థాయికి, డి.చైతన్య (సాఫ్ట్‌బాల్‌), బి.ఆద్విక్‌ (చదరంగం), బి.తిరుపతి (హ్యాండ్‌బాల్‌), ఎ.చైతన్య(కబడ్డీ)లో ప్రతిభ కనబర్చి రాష్ట్రస్థాయి పోటీలకు ఎంపికయ్యారు. గురుకులంలో శనివారం నిర్వహించిన కార్యక్రమంలో ప్రిన్సిపాల్‌ సంతోష్‌కుమార్‌, పీడీ కె.హరీశ్‌, పీఈటీి ఏ.రాజేందర్‌, ఉపాధ్యాయులు వారిని అభినందించారు.

నస్పూర్‌/మందమర్రిరూరల్‌: మంచిర్యాల జిల్లా నస్పూర్‌ గేట్‌ వద్ద గతనెల 28న జరిగిన రోడ్డు ప్రమాదంలో మందమర్రి మండలం పొ న్నారం గ్రామానికి చెందిన చింతకుంట్ల లక్ష్మి, వెంకటాపూర్‌కు చెందిన అగ్గు సౌందర్య, తొగరి సుమలత, కాసిపేట మండలం ధర్మరావుపేటకు చెందిన సోనీ మృతి చెందారు. తీవ్రంగా గాయపడి కోమాలోకి వెళ్లిన వెంకటాపూర్‌కు చెందిన దివ్యవాణి 29న మృతి చెందగా సల్లూరి అనూష (20) శనివారం మృతిచెందింది. దీంతో ప్రమాదంలో మృతుల సంఖ్య ఆరు చేరుకుంది. తీవ్రంగా గాయపడిన నారుమళ్ల లక్ష్మి వరంగల్‌ ఎంజీఎంలో చికిత్స పొందుతుండగా, ఆటోడ్రైవర్‌ ప్రశాంత్‌ శనివారం కరీంనగర్‌ ఆసుపత్రి నుంచి డిశ్చార్జ్‌ అయ్యాడు.పనికెళ్లిన మూడు రోజులకే ప్రమాదం వెంకటాపూర్‌కు చెందిన మల్లేశ్‌–ప్రమీల దంపతులకు మణిరాజ్, అనూష ఉన్నారు. తండ్రి, కుమారుడు వ్యవసాయ కూలీ పనులు చేసుకుంటున్నారు. వాళ్లకు చేదోడువాదోడుగా అ నూష మంచిర్యాలలో నూతనంగా ఓ షాపింగ్‌ మాల్‌ ఏర్పాటు చేస్తున్నారని తెలుసుకుని మూ డురోజుల క్రితం నుంచి పనికి వెళ్తుంది. 28న పనికి వెళ్లేక్రమంలో ప్రమాదం జరుగగా మృత్యువుతో పోరాడి మృతిచెందింది. ఒకే గ్రామంలో నలుగురిమృతితో విషాదం అలుముకుంది. పోరాడి ఓడిన అనూషప్రమాదంలో గాయపడిన అనూషను వైద్యులు మె రుగైన వైద్యం కో సం కరీంనగర్‌లో ని ఓ ప్రైవేట్‌ ఆసుపత్రికి తరలించా రు. కోమాలోకి వె ళ్లడం, మెదడులో బ్లడ్‌క్లాట్‌ కావడం, ఊపిరితిత్తుల్లోకి నీరు, బ్లడ్‌ చేరి శరీరమంతా ఇన్‌ఫెక్షన్‌ అయిందని రిపోర్ట్‌లో గుర్తించారు. చికిత్స చేసినా ఫలితం లేకపోయింది. మృతదేహాన్ని మంచిర్యాల ప్రభుత్వ ఆసుపత్రికి తరలించి పోస్టుమార్టం నిర్వహించి మృతదేహాన్ని బంధువులకు అప్పగించినట్లు సీసీసీ నస్పూర్‌ ఎస్సై తహసినొద్దీన్‌ తెలిపారు. స్వగ్రామంలో అంత్యక్రియలు నిర్వహించారు.

మంచిర్యాలక్రైం: ట్రాఫిక్‌ నిబంధనలు కఠినంగా అమలు చేయాలని రామగుండం సీపీ అంబర్‌ కిషోర్‌ ఝా అన్నారు. శనివారం కమిషనరేట్‌లో మంచిర్యాల, పెద్దపల్లి జిల్లాల ట్రాఫిక్‌ పోలీస్‌ అధికారులతో సమీక్ష నిర్వహించారు. ఈ సందర్భంగా సీపీ మాట్లాడుతూ రహదారులపై భారీ వాహనాలను ఇష్టారాజ్యంగా నిలిపివేయకుండా చర్యలు తీసుకోవాలన్నారు. అవసరమైన ప్రాంతాల్లో ముందస్తు హెచ్చరికలు, కాషన్‌ బోర్డులు ఏర్పాటు చేయాలన్నారు. ప్రమాదాలకు ప్రధాన కారణమవుతున్న రాంగ్‌సైడ్‌ డ్రైవింగ్‌ను పూర్తిగా నియంత్రించేందుకు ప్రత్యేక నిఘా ఏర్పాటు చేయాలన్నారు. ఆటోలు, స్కూల్‌ వ్యాన్లు, బస్సుల్లో పరిమితికి మించి విద్యార్థులను ఎక్కించకుండా క్రమం తప్పకుండా తనిఖీ లు నిర్వహించాలన్నారు. సమావేశంలో అదనపు డీసీపీ (అడ్మిన్‌) కె.శ్రీనివాస్‌, ట్రాఫిక్‌ ఏసీపీ శ్రీని వాస్‌, రామగుండం, పెద్దపల్లి, మంచిర్యాల ట్రాఫిక్‌ ఇన్‌స్పెక్టర్లు రాజేశ్వరరావు, శ్రీనివాస్‌, హనన్‌, సీసీ ఆర్‌బీ ఇన్‌స్పెక్టర్‌ అనిల్‌, తదితరులు పాల్గొన్నారు.

జైపూర్‌: జైపూర్‌లోని ప్రభుత్వ జూనియర్‌ కళా శాలలో జాతీయ వన్యప్రాణి వారోత్సవాలను అటవీ అధికారుల ఆధ్వర్యంలో శనివారం ఘన ంగా నిర్వహించారు. డిప్యూటీ రేంజ్‌ ఆఫీసర్‌ జి.సుధాకర్‌ మాట్లాడుతూ.. అడవులు, వన్యప్రాణులను కాపాడటం ప్రతి పౌరుడి బాధ్యత అన్నారు. అడవులు, వన్యప్రాణుల ప్రాధాన్యత, వాటి పరిరక్షణపై అటవీ అధికారులు విద్యార్థులకు అవగాహన కల్పించారు. కార్యక్రమంలో ప్రిన్సిపాల్‌ డి.రాజ్యలక్ష్మి, కౌన్సిలర్‌ మెంబర్‌ బండి ప్రసాద్‌, అటవీ అధి కారులు, అధ్యాపకులు, విద్యార్థులు పాల్గొన్నారు.

మంచిర్యాలఅగ్రికల్చర్‌: పెండింగ్‌ దరఖాస్తులు అధికారులు సమన్వయంతో పరిష్కరించాలని అదనపు కలెక్టర్‌ వి.రాములు అన్నారు. శనివారం కలెక్టరేట్‌లో జిల్లా రెవెన్యూ అధికారి మోతీరాం, మంచిర్యాల ఆర్డీవో శ్రీనివాస్‌రావుతో కలిసి అన్ని మండలాల తహసీల్దార్లు, డిప్యూటీ తహసీల్దార్లు, సర్వేయర్లతో సమీక్ష నిర్వహించారు. ఈ సందర్భంగా ఆయన మాట్లాడుతూ ముఖ్యమంత్రి ప్రజావాణి ద్వారా వచ్చిన పెండింగ్‌ దరఖాస్తులను మండల, ఆర్డీవో, మున్సిపల్‌ కార్పొరేషన్‌, తదితర స్థాయిలలో పరిశీలించి పరిష్కరించాలన్నారు. సాదాబైనామా ఆమోదించినవి, తిరస్కరించిన వాటికి గల కారణాలు, అందిన దరఖాస్తుల సంఖ్య, తదితర వివరాలతో సమగ్ర నివేదిక సిద్ధం చేయాలన్నారు. 22–ఏ సమస్యలపై జిల్లా స్థాయిలో పరిష్కరించిన, పెండింగ్‌లో ఉన్న అంశాలు, ప్రస్తుత స్థితిగతులతో కూడిన నివేదికను సిద్ధం చేయాలని సూచించారు. సరుకులు సకాలంలో పంపిణీ చేయాలి మంచిర్యాలఅగ్రికల్చర్‌: ఎంఎల్‌ఎస్‌ పాయింట్ల నుంచి సరుకులు సక్రమంగా పంపిణీ చేయాలని అదనపు కలెక్టర్‌ వి.రాములు అన్నారు. శనివారం పౌరసరఫరాల శాఖ జిల్లా మేనేజర్‌ శ్రీకళ, డిప్యూటీ తహసీల్దార్‌లతో కలిసి ఎంఎల్‌ఎస్‌ పాయింట్ల ఇన్‌చార్జీలు, డిప్యూటీ ఎన్‌ఫోర్స్‌మెంట్‌ ఆఫీసర్లతో సమీక్ష నిర్వహించారు. ఈ సందర్భంగా ఆయన మాట్లాడుతూ అవసరమైన మేరకు సరుకులను సకాలంలో లిఫ్ట్‌ చేసుకోవాలని, నిర్ణీత సమయంలో పంపిణీ పూర్తి చేయాలని ఆదేశించారు.

మంచిర్యాలక్రైం: రోడ్డు ప్రమాదాల నివారణ, శాంతి భద్రతల పరిరక్షణ, డ్రంక్‌ అండ్‌ డ్రైవ్‌పై రామగుండం పోలీస్‌ కమిషనర్‌ ఆదేశాల మేర కు శనివారం జిల్లా వ్యాప్తంగా స్పెషల్‌ డ్రైవ్‌ ని ర్వహించారు. ఆటోల్లో పరిమితికి మించి ప్ర యాణికులను తరలించిన వారిపై కొరడా ఝుళిపించారు. నంబర్‌ ప్లేట్‌ లేని ద్విచక్ర వా హనాలు, డ్రంకెన్‌ డ్రైవ్‌లో పట్టుబడిన వారిపై కేసులు నమోదు చేశారు. అనుమానాస్పద వాహనాలు, వ్యక్తులను తనిఖీ చేశారు. వాహనదారులకు రోడ్డు భద్రత, ట్రాఫిక్‌ నిబంధనలపై అవగాహన కల్పించారు. ఈ సందర్భంగా డీసీపీ భాస్కర్‌ మాట్లాడుతూ గంజాయి, ఇతర మత్తు పదార్థాల అక్రమ రవాణాను అరికట్టడం, అనుమానిత వ్యక్తులు, వాహనాలను గుర్తించడం, చోరీలు, చైన్‌ స్నాచింగ్‌ వంటి నేరాలను నియంత్రించడం లక్ష్యంగా ఈ తనిఖీలు చేపట్టామన్నారు. ఈ కార్యక్రమంలో సీఐ ప్రమోద్‌రావు, ఎస్సైలు మధుసూదన్‌, రమేశ్‌, శ్రావణ్‌ కుమార్‌, సిబ్బంది పాల్గొన్నారు.

మంచిర్యాలఅర్బన్‌: ఇతరత్రా పరిశ్రమలు, సంస్థల్లో కార్మిక, ఉద్యోగ సంఘాల ఎన్నికల్లో వేర్వేరు పద్ధతులు అమల్లో ఉన్నాయి. ఒకేసారి రెండు వేర్వేరు ఓట్లు వేసే విధానం నుంచి ఒకే ఓటుతో రెండు ప్రాతినిధ్యాలను నిర్ణయించే రహస్య బ్యాలెట్‌ ఎన్నికలు కొనసాగుతున్నాయి. కొన్నింట్లో సింగిల్‌ బ్యాలెట్‌ విధానం అమలు చేస్తుండగా ఆర్టీసీలో డబుల్‌ బ్యాలెట్‌ ఎన్నికలు నిర్వహిస్తున్నారు. ఒకే బ్యాలెట్‌ పేపర్‌పై ఓటింగ్‌ జరిపి అత్యధిక శాతం, మెజార్టీ ఓట్లు సాధించిన కార్మిక సంఘాలను ప్రాతినిధ్య గుర్తింపు సంఘంగా ప్రకటిస్తారు. సింగరేణి, విద్యుత్‌, తదితర సంస్థల్లో ఒకే బ్యాలెట్‌ ద్వారా రెండు ఫలితాలు గుర్తింపు, ప్రాతినిధ్య హోదాలను నిర్ణయిస్తుండగా ఆర్టీసీలో మాత్రం రాష్ట్రస్థాయి గుర్తింపునకు ఒక ఓటు, రీజియన్‌కు మరో ఓటు విధానం అమలవుతోంది. పరిశ్రమల స్థాయి ఆధారంగా ఎన్నికల పద్ధతులు మారినప్పటికీ స్థానిక సమస్యలకు రాష్ట్రస్థాయి విధానపరమైన నిర్ణయాలకు వేర్వేరు ప్రాతినిధ్యం ఎన్నుకునే డబుల్‌ ఓటు స్వేచ్ఛను ఇవ్వడంలో టీఎస్‌ఆర్టీసీ అత్యంత ప్రత్యేకమైనదిగా నిలుస్తోంది. సీక్రెట్‌ బ్యాలెట్‌ ఎన్నికలు.. టీఎస్‌ ఆర్టీసీ గుర్తింపు సంఘం ఎన్నికల్లో రెండు ఓట్ల విధానం ద్వారా రాష్ట్ర, రీజియన్‌ స్థాయి ప్రాతినిధ్యాలను ఎనన్నుకుంటారు. ఓటింగ్‌ కోసం ప్రతీ డిపోలో ఆదిలాబాద్‌, నిర్మల్‌, మంచిర్యాల, భైంసా, ఆసిఫాబాద్‌లో ప్రత్యేక పొలింగ్‌ కేంద్రాలు ఏర్పాటు చేసి ప్రతీ కార్మికుడికి రెండు వేర్వేరు రంగులున్న బ్యాలెట్‌ పేపర్లు ఇస్తారు. మొదటి ఓటు రాష్ట్రస్థాయిలో ప్రాతినిధ్యం వహించే గుర్తింపు సంఘాన్ని ఎన్నుకునేందుకు, రెండో ఓటు రీజియన్‌ స్థాయిలో పనిచేసే ప్రాతినిధ్యం, రీజియన్‌ యూనియన్‌ను ఎన్నుకునేందుకు ఉపయోగపడుతుంది. సీక్రెట్‌ బ్యాలెట్‌ ద్వారా ఎన్నికలు నిర్వహించనున్నారు. రీజియన్‌ పరిధిలోని అన్ని డిపోల ఓట్లను కలిపి లెక్కిస్తారు. ఏ యూనియన్‌కు అత్యధిక ఓట్లు వస్తే అది రీజియన్‌ ప్రాతినిధ్య సంఘంగా ప్రకటిస్తారు. తెలంగాణ వ్యాప్తంగా ఉన్న అన్ని రీజియన్ల డిపోల ఓట్లను లెక్కించి మెజార్టీ సాధించిన యూనియన్‌ రాష్ట్ర గుర్తింపు సంఘంగా నిలుస్తుంది. రెండు ఓట్లూ కీలకమే..ఒక కార్మికుడు రాష్ట్రస్థాయిలో పెద్ద సంఘానికి ఓటు వేస్తూనే తమ రీజియన్‌ సమస్యలను పట్టించుకునే మరో యూనియన్‌కు రీజియన్‌ స్థాయిలో ఓటువేసే వెసులుబాటు లభిస్తుంది. రాష్ట్రస్థాయి గుర్తింపు సంఘం ప్రభుత్వం, యాజమాన్యంతో మాట్లాడి వేతనం ఒప్పందాలు, బదిలీల వంటి సమస్యలు పరిష్కరించే వీలుంటుంది. రీజియన్‌ పరిధిలోని డిపో సమస్యలు, స్థానిక డ్యూటీల కేటాయింపు, పనివేళలు, స్థానిక యాజమాన్యంతో ఎదురయ్యే ఇబ్బందులను పరిష్కరించడానికి రీజియన్‌స్థాయి ప్రతినిధికి అధికారం ఉంటుంది. ఆదిలాబాద్‌ రీజియన్‌లో 1,773 మంది కార్మికులకు డబుల్‌ ఓట్లు వేసే అవకాశం లభిస్తుంది.స సుదీర్ఘ విరామం తర్వాత ఈ నెల 9న ఎన్నికలు జరుగనున్నాయి. అక్టోబర్‌ 17న ఫలితాలు ప్రకటించనున్నారు. ఆర్టీసీ ఉద్యోగులను విలీనం చేసే దిశగా అడుగులు పడుతుండటంతో యాజమాన్యంతో చర్చించేందుకు ఈసారి గెలిచే గుర్తింపు సంఘం ప్రాతినిధ్యం చాలా కీలకంగా మారనుంది.

నస్పూర్‌: మంచిర్యాల నగరంలోని ఇందారం క్రాస్‌ రోడ్డు నుంచి మంచిర్యాల ఫ్లై ఓవర్‌ బ్రిడ్జి వరకు ఉన్న అనేక చౌరస్తాలు ప్రమాదాలకు నెలవుగా మారాయి. మరోవైపు ట్రాఫిక్‌సిగ్నల్స్‌ అలంకారప్రాయంగా మారాయి. నస్పూర్‌ గేటు వద్ద గత సోమవారం జరిగిన రోడ్డు ప్రమాదంలో ఐదుగురు దుర్మరణం చెందడం నగరవాసులను కలిచి వేస్తూనే ఉంది. ఈ ప్రమాద ఘటన నేపథ్యంలో అప్రమత్తమైన పోలీసులు నస్పూర్‌ గేటు, సీసీసీ నస్పూర్‌ పోలీసుస్టేషన్‌, అంబేడ్కర్‌ కాలనీ వద్ద యూటర్న్‌లను మూసివేశారు. దీంతో సీసీసీ కార్నర్‌, తెలంగాణ తల్లి విగ్రహం చౌరస్తా, ఫ్లడ్‌ కాలనీ చౌరస్తా, కలెక్టరేట్‌ చౌరస్తా వద్ద ట్రాఫిక్‌ పెరిగింది. అందుకు అనుగుణంగా చౌరస్తాల వద్ద ట్రాఫిక్‌ పోలీసులు విధులు నిర్వర్తించడం లేదు. నస్పూర్‌లోని సీసీసీ కార్నర్‌, తెలంగాణ తల్లి విగ్రహం చౌరస్తాలోని ట్రాఫిక్‌ సిగ్నల్స్‌ గత ఏడాదికి పైగా పని చేయడం లేదు. సిగ్నల్స్‌ అలంకారప్రాయంగా మారడంతో వాహనదారులు ఇష్టారీతిన వెళ్తున్నారు. వందల సంఖ్యలో వాహనాల రాకపోకలు సీఐఎస్‌ఎఫ్‌, సీసీసీ టౌన్‌షిప్‌, కృష్ణాకాలనీ ప్రాంతాల్లోని వాహనదారులు సీసీసీ కార్నర్‌ మీదుగా మంచిర్యాల చెన్నూర్‌, గోదావరిఖని వైపు రాకపోకలు సాగిస్తుంటారు. శ్రీరాంపూర్‌ ఏరియాలోనే అతిపెద్దదైన కార్మిక కాలనీ షిర్కే కాలనీలో 3500 క్వార్టర్లు ఉన్నాయి. వీటికితోడు తాళ్లపల్లి, సింగాపూర్‌ ఆర్‌అండ్‌ఆర్‌ కాలనీలు ఏర్పాటయ్యాయి. ఈ కాలనీల్లోని ప్రజలు, సింగరేణి కార్మికులు తెలంగాణ తల్లి విగ్రహం చౌరస్తా మీదుగా జాతీయ రహదారి–363 నుంచి మంచిర్యాల, చెన్నూర్‌, గోదావరిఖని ఏరియాలకు వందల సంఖ్యల వాహనాలపై వెళ్తుంటారు. సీసీసీ కార్నర్‌, తెలంగాణ తల్లి విగ్రహం చౌరస్తా వద్ద ట్రాఫిక్‌ సిగ్నల్స్‌ పని చేయకపోవడంతో వాహనదారులు తరచూ ప్రమాదాల బారిన పడుతున్నారు. సింగరేణి కార్మికులు విధులకు, విద్యార్థులు పాఠశాలల, కళాశాలలకు సమయానికి చేరుకోలేకపోతున్నారు. శ్రీరాంపూర్‌ జీఎం కార్యాలయం చౌరస్తా, బస్టాండ్‌, కలెక్టరేట్‌ చౌరస్తా వద్ద ట్రాఫిక్‌ సిగ్నల్స్‌ ఏర్పాటు చేయలేదు. ఆయా ఏరియాల్లో తరచూ ప్రమాదాలు జరిగి పలువురు మృత్యువాత పడడం, గాయపడడం పరిపాటిగా మారింది. బస్టాండ్‌ నుంచి నిత్యం వివిధ ఏరియాలకు ఆర్టీసీ బస్సులు రాకపోకలు సాగిస్తాయి. ప్రయాణికుల రాకపోకలతో బస్టాండ్‌ ఏరియా నిత్యం రద్దీగా ఉంటుంది. ట్రాఫిక్‌ సిగ్నల్స్‌ ఏర్పాటు చేయకపోవడంతో వాహదారులు ఇబ్బందులు పడుతున్నారు. మంచిర్యాల కార్పొరేషన్‌గా ఏర్పడినా ట్రాఫి క్‌ పోలీసులు నస్పూర్‌, శ్రీరాంపూర్‌ ఏరియాల్లో ఎక్కడా విధులు నిర్వర్తించడం లేదు.

మంచిర్యాలఅగ్రికల్చర్‌: గోదావరి పుష్కరాలకు ఏర్పాట్లు చేయాలని ప్రభుత్వ ప్రధాన కార్యదర్శి (రెవెన్యూ, దేవాదాయ) శైలజ రామయ్యర్‌ అన్నారు. శనివారం హైదరాబాద్‌ నుంచి జూమ్‌ మీటింగ్‌ ద్వారా పుష్కర ఏర్పాట్లపై గోదావరినది తీరం జిల్లా ల కలెక్టర్లు, అదనపు కలెక్టర్లు, అధికారులతో సమీక్ష నిర్వహించారు. ఈ సందర్భంగా ఆమె మాట్లాడుతూ పుష్కర స్నానానికి వచ్చే భక్తులకు ఇబ్బందులు తలెత్తకుండా ఏర్పాట్లు చేయాలన్నారు. పారిశుద్ధ్యం, తాగునీరు, వైద్యశిబిరాలు, ఇతర సదుపాయాలు కల్పించే దిశగా చర్యలు చేపట్టాలన్నారు. పనులు ప్రారంభించాలి చెన్నూర్‌: గోదావరి పుష్కర పనులను గడువులోగా పూర్తి చేయాలని జిల్లా అదనపు కలెక్టర్‌ చంద్రయ్య అన్నారు. శనివారం గోదావరి చెన్నూర్‌ పుష్కర ఘాట్‌తోపాటు పెద్ద చెరువు శివలింగాన్ని పరిశీలించారు. పుష్కర ఘాట్లు, శార్థ మండపం, అమ్మవారి ఆలయం పనులు త్వరగా ప్రారంభించాలని అధికారులను ఆదేశించారు. పెద్ద చెరువు శివలింగం, మదనం పోచమ్మ ఆలయాల అభివృద్ధికి నిధులు మంజూరైనప్పటికీ టెండర్‌ పూర్తి కాలేదన్నారు. ఇరిగేషన్‌ డీఈ దామోదర్‌, తహసీల్దార్‌ మల్లికార్జున్‌, ఏఈ వినీత్‌, ఎంపీడీవో అజ్మత్‌ అలీ పాల్గొన్నారు.

దండేపల్లి: గతంలో పాఠశాల విద్యార్థుల జవా బు పత్రాలను సంబంధిత ఉపాధ్యాయులే దిద్దేవారు. కానీ విద్యావ్యవస్థలో పారదర్శకతను పెంచేందుకు రాష్ట్ర ప్రభుత్వం ఎస్‌ఏ–1 మూల్యాంకనంలో మార్పులు చేపట్టింది. ఒక పాఠశాల 9వ తరగతి విద్యార్థుల ఎస్‌ఏ–1 జవాబు పత్రాలను మరో పాఠశాల ఉపాధ్యాయులు దిద్దాలని ఆదేశించింది. ఇందులో భాగంగా మండలంలోని 9 ఉన్నత పాఠశాలలు, కేజీబీవీ, మోడల్‌ స్కూల్‌ విద్యార్థుల ప్రశ్నపత్రాల మూల్యాంకన ప్రక్రియను దండేపల్లి జెడ్పీ ఉన్నత పాఠశాలలో శనివారం ప్రారంభించారు. ఎంఈవో మంత్రి రాజు పరిశీలించి పలు సూచనలు చేశారు. కోర్సు ఇన్‌చార్జి సంగర్స్‌ రాజేశ్వర్‌రావు, స్ట్రాంగ్‌ టీచర్‌ అప్పాల మనోహర్‌, సీఆర్పీ గరిగే నర్సయ్య, ఉపాధ్యాయులు పాల్గొన్నారు.

మంచిర్యాలఅర్బన్‌: ఉపాధ్యాయులు బోధనలో ఆర్టిఫిషియల్‌ ఇంటెలిజెన్స్‌ (ఏఐ) సాంకేతికతను ఉపయోగించాలని జిల్లా అదనపు కలెక్టర్‌ (స్థానిక సంస్థలు), జిల్లా విద్యాధికారి పి.చంద్రయ్య సూచించారు. ఏఎక్స్‌ఎల్‌ కార్యక్రమంలో భాగంగా శనివారం మంచిర్యాలలోని కార్మెల్‌ ఉన్నత పాఠశాలలో జిల్లాలోని 72 ప్రభుత్వ పాఠశాలల భాషా ఉపాధ్యాయులకు నిర్వహిస్తున్న ఒక రోజు శిక్షణ కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ ఫౌండేషనల్‌ లిటరసీ అండ్‌ న్యూమరసీ (ఎఫ్‌ఎల్‌ఎన్‌) కార్యక్రమంలో అభ్యసన ఫలితాలు సాధించని విద్యార్థుల కోసం ప్రభుత్వం ఎఫ్‌ఎల్‌ఎన్‌, ఏఎక్స్‌ఎల్‌, ఏఐ కార్యక్రమాన్ని గతేడాది ప్రారంభించిందన్నారు. బోధనలో ఏఐ సాంకేతికతను జోడించడం వల్ల విద్యార్థులు పాఠశాలల్లోని కంప్యూటర్లు, ల్యాప్‌టాప్‌లు, ట్యాబ్‌ల ద్వారా ఎంతో ఆసక్తిగా, ఉత్సాహంగా నేర్చుకుంటున్నారన్నారు. కార్యక్రమంలో సెక్టోరియల్‌ అధికారి భరత్‌, రిసోర్స్‌ పర్సన్‌ వామను, ముసిర్‌, రాజేశ్‌, పాఠశాల ప్రిన్సిపాళ్లు, రిన్నేట్‌, కృప పాల్గొన్నారు. రేపటి నుంచి సదరం వైద్య శిబిరాలు పాతమంచిర్యాల: ఈ నెల 5 నుంచి 28వరకు మంచిర్యాలలోని ప్రభుత్వ జనరల్‌ ఆస్పత్రిలో దివ్యాంగుల వైకల్య నిర్ధారణ(సదరం) శిబిరాలు నిర్వహించనున్నట్లు జిల్లా గ్రామీణాభివృద్ధి అధికారి ఎస్‌.కిషన్‌ ఒక ప్రకటనలో తెలిపారు. సెప్టెంబర్‌ 30 వరకు మీ సేవా కేంద్రాల్లో ఆన్‌లైన్‌ ద్వారా దరఖాస్తు చేసుకున్నవారు హాజరు కావాలని పేర్కొన్నారు. వినికిడి, మాట్లాడడంలో లోపం ఉన్నవారు 5, 8న, మానసిక అనారోగ్యం, మేధోవైకల్యం ఉన్నవారు 6, 7న, లోకోమోటారు, ఆర్థో బాధితులు 9, 12, 13, 14, 15, 24న, హిమోఫిలియా, సికిల్‌సెల్‌, కొడవలి కణం 27న, తక్కువ దృష్టిలోపం, తలసేమియా బాధితులు 28న శిబిరాలకు హాజరు కావాలని, వైద్యులు పరీక్షలు నిర్వహిస్తారని తెలిపారు. ఆన్‌లైన్‌లో స్లాట్లు బుక్‌ చేసుకున్న వారి ఫోన్లకు సమాచారం అందించామని, ధ్రువీకరణ పత్రాలతో హాజరు కావాలని పేర్కొన్నారు.

గుర్తింపు పోరు.. మంచిర్యాలఅర్బన్‌: తెలంగాణ ఆర్టీసీ గుర్తింపు యూనియన్‌ ఎన్నికల ప్రక్రియ ప్రారంభం కావడంతో ఆదిలాబాద్‌ రీజియన్‌లో పొలిటికల్‌ హీట్‌ పెరిగింది. సాధారణంగా ఆర్టీసీ ఎన్నికలకు దూరంగా ఉండే రాజకీయ పార్టీలు రంగంలోకి దిగడం తీవ్ర చర్చనీయాంశంగా మారింది. ఈఎన్నికల్లో తెలంగాణ ఆర్టీసీ వర్కర్స్‌ యూనియన్‌కు కాంగ్రెస్‌ పార్టీ పూర్తి మద్దతు ప్రకటించింది. ఎన్నికల సమన్వయం కోసం ఇన్‌చార్జీలను కూడా నియమించారు. డిపోల వారీగా టీడబ్ల్యూయూ(ఐఎన్‌టీయూసీ) స్థానిక నేతలతో శాసనసభ్యులు సమాలోచనలు జరుపుతున్నారు. ఎంప్లాయీస్‌ యూనియన్‌ తరఫున సీపీఐ నేతలు రంగంలోకి దిగటంతో రాజకీయ వేడి రగులుతోంది. టీడీపీ తరహాలోనే కాంగ్రెస్‌..గతంలో టీడీపీ హయాంలో టీఎన్‌టీయూసీ ఏర్పాటుతో రాజకీయ జోక్యం మొదలైంది. ప్రస్తుతం అధికారంలోని కాంగ్రెస్‌ నేతలు టీడబ్ల్యూయూ, ఐఎన్‌టీయూసీ తరఫున కీలక నాయకులకు పర్యవేక్షణ బాధ్యతలు అప్పగించారు. గతంలో ఆర్టీసీ ఎన్నికల్లో పార్టీల జోక్యం లేని పరిస్థితుల్లో అప్పటి చంద్రబాబు ప్రభుత్వం నేరుగా రంగంలోకి దిగింది. ఎమ్మెల్యే, ఎంపీలు ప్రతిష్టాత్మకంగా తీసుకొని ఆర్టీసీ కార్మిక పరిషత్‌ (టీఎన్‌టీయూసీ)ను బరిలోకి దింపినా ఎన్‌ఎంయూ 1502 మెజార్టీతో విజయబావుటా ఎగురవేసింది. టీఎన్‌టీయూసీ 854 ఓట్లతో రెండో స్థానంతో సరిపెట్టుకోవాల్సి వచ్చింది. తర్వాత కాలంలో 2005లో జరిగిన ఎన్నికల్లో ఎంప్లాయీస్‌ యూనియన్‌, 2008లో ఎన్‌ఎంయూ, 2012లో ఈయూ రాష్ట్రస్థాయిలో విజయం సాధించగా టీఎంయూ పోటీదారుగా అవతరించింది. 2016లో తెలంగాణ విభజన తర్వాత జరిగిన ఎన్నికల్లో టీఆర్‌ఎస్‌ పరోక్ష మద్దతుతో ఆదిలాబాద్‌ రీజియన్‌లో టీఎంయూ గెలుపొందింది. సుదీర్ఘ విరామం తర్వాత జరుగుతున్న ఎన్నికల్లో కాంగ్రెస్‌ పార్టీ మద్దతుతో టీడబ్ల్యూయూ బరిలోకి దిగటంతో ఈ ఎన్నికలు ప్రతిష్టాత్మకంగా మారాయి. నాడు ఒంటరిగా.. నేడు కూటమిగా..ఆర్టీసీ ఎన్నికల్లో ఒంటరిగా పోటీ చేసి తలపడ్డ సంఘాలు కూటమిగా బరిలోకి దిగుతున్నాయి. ఎన్‌ఎంయూ, టీఎంయూ, ఈయూ సంఘాల మధ్య హోరాహోరీగా సాగిన గుర్తింపు పోరులో ఒక్కోసారి ఒక్కో యూనియన్‌ విజయాన్ని సాధించాయి. 2001 నుంచి 2016 వరకు పోటీలో గెలుపొందిన ఎన్‌ఎంయూ, టీఎంయూ, ఈయూలు జతకట్టి ఉమ్మడిగా బరిలోకి దిగుతున్నాయి. కాగా టీఎంయూకు చెందిన బాణం గుర్తును ఈసారి టీడబ్ల్యూయూకు కేటాయించడం గమనార్హం. సగానికి తగ్గిన ఓటర్లు..ఆదిలాబాద్‌ రీజియన్‌లో కార్మిక ఓటర్ల సంఖ్య సగానికి పడిపోయింది. 2001లో 3000లకు పైగా ఓట్లు ఉండగా 2026 నాటి సంఖ్య ఏకంగా 1773కు తగ్గిపోయింది. ప్రైవేట్‌ బస్సుల నిర్వహణ పెరగడం, కొత్త నియామకాలు చేపట్టకపోవటంతో ఆర్టీసీలో ఓటర్ల సంఖ్య తగ్గుముఖం పడుతోంది. యూనియన్లు బలహీనపడటం.. రెగ్యులర్‌ డ్రైవర్లు, సిబ్బంది స్థానంలో ప్రైవేట్‌, కాంట్రాక్టు పద్ధతిన కార్మికులను విధుల్లోకి తీసుకోవడం అంతకంతకు పెరిగిపోతోంది. పదేళ్ల తర్వాత జరుగుతున్న ఎన్నికల్లో కార్మిక వర్గం ఎవరి పక్షాన నిలుస్తారో ఉత్కంఠ నెలకొంది.

కాగజ్‌నగర్‌టౌన్‌: కాగజ్‌నగర్‌ పట్టణంలోని పీఎంశ్రీ జవహర్‌ నవోదయ విద్యాలయంలో వచ్చే విద్యా సంవత్సరం 2027 –28కి గాను 9,11వ తరగతుల్లో ప్రవేశ పరీక్ష కోసం దరఖాస్తు గడువును ఈ నెల 15 వరకు పొడగించినట్లు ప్రిన్సిపాల్‌ రేపాల కృష్ణ శుక్రవారం ఒక ప్రకటనలో తెలిపారు. ఉమ్మడి ఆదిలాబాద్‌ జిల్లాలోని 8వ తరగతి, 10వ తరగతి విద్యార్థులు ఆన్‌లైన్‌ ద్వారా ఉచితంగా దరఖాస్తు చేసుకోవచ్చన్నారు. ప్రవేశ పరీక్ష తేదీ ఏప్రిల్‌ 10, 2027 ఉదయం 11 గంటల నుంచి 2 గంటల వరకు ఉంటుందన్నారు. అర్హులైన విద్యార్థులు అవకాశాన్ని సద్వినియోగం చేసుకోవాలని సూచించారు. ఎస్సీ కళాశాల వసతిగృహం సందర్శన మంచిర్యాలఅర్బన్‌: స్థానిక ప్రభుత్వ ఎస్సీ కళా శాల బాలికల వసతిగృహాన్ని మంచిర్యాల ఎస్సీ డిప్యూటీ డైరెక్టర్‌ చాతరాజుల దుర్గాప్రసా ద్‌ శుక్రవారం రాత్రి సందర్శించారు. వసతిగృహంలోని సౌకర్యాలు, విద్యార్థినుల సంక్షేమం, వసతి గృహ నిర్వహణను పరిశీలించారు. అ నంతరం విద్యార్థినులతో మాట్లాడి కెరీర్‌ మార్గదర్శనం, లక్ష్య నిర్దేశం, ఉజ్వల భవిష్యత్తుపై సూచనలు చేశారు. ఏఎస్‌డబ్ల్యూవో సాయి ల చ్చన్న, హాస్టల్‌ వార్డెన్‌ చందన, హాస్టల్‌ సిబ్బంది, విద్యార్థినులు పాల్గొన్నారు. పాత టికెట్లు.. కొత్త ధరలు బాసర: బాసర జ్ఞాన సరస్వతి దేవస్థానంలో అభిషేక, లడ్డూ ప్రసాదం ధరను రూ.100 నుంచి రూ.150కి పెంచిన విషయం తెలిసిందే. అయితే పాత ధరతో ముద్రించిన టికెట్లపైనే కొత్త ధరను ముద్రించి భక్తులకు విక్రయిస్తుండటంపై భక్తులు ఆసక్తిగా చర్చించుకుంటున్నారు. కొత్త ధరకు అనుగుణంగా కొత్త బుక్కులు ముద్రించకుండా పాత బుక్కులపైనే కొత్త ధర ముద్రించడం ఏంటని ప్రశ్నిస్తున్నారు. దేవస్థానం కార్యనిర్వహణాధికారి అంజనాదేవిని వివరణ కోరగా ఇప్పటికే రూ.100 ధరతో ముద్రించిన పాత బుక్కులు ఉన్నాయని అవి పూర్తయ్యే వరకు వాటిపైనే రూ.150 ధర ముద్ర వేసి వినియోగిస్తున్నట్లు వివరించారు. పాత బుక్కులు పూర్తయిన అనంతరం కొత్త బుక్కులను ముద్రించి వినియోగంలోకి తీసుకొస్తామని తెలిపారు.

కెరమెరి: మండలంలోని కెలికె గ్రామానికి చెందిన యువ పర్వతారోహకుడు గిత్తే కార్తిక్‌ ఐఎంఎఫ్‌ (ఇండియన్‌ మౌంటంగ్‌ ఫౌండేషన్‌) ట్రెక్‌ –2026కు ఎంపికయ్యాడు. శుక్రవారం ఎన్‌పీడబ్ల్యూసీఎస్‌డబ్ల్యూఎఫ్‌ తెలంగాణ రాష్ట్ర చైర్మన్‌ వెంకట్‌ ముండే కార్తిక్‌ను హైదరాబాద్‌కు ఆహ్వానించి అభినందించారు. కార్తిక్‌ ఇప్పటికే బీఎంసీ, ఏఎంసీ పర్వతారోహణ శిక్షణలు పూర్తి చేయడంతో పాటు 5,900 మీటర్ల ఎత్తు వరకు పర్వతా రోహణ చేశారు. ఐఎంఎఫ్‌ ట్రెక్‌లో పాల్గొనేందుకు విమాన టికెట్లను వెంకట్‌ స్పాన్సర్‌ చేసి అభినందించారు. భవిష్యత్తులో చేపట్టనున్న ఎవరెస్ట్‌ బేస్‌ క్యాంపు యాత్రకు కూడా సహకరిస్తానని ఆయన హామీ ఇచ్చారు.

మంచిర్యాలక్రైం: పోలీస్‌ క్రీడాకారులకు ప్రోత్సాహం అందిస్తామని రామగుండం సీపీ అంబర్‌ కిషోర్‌ ఝా అన్నారు. 5వ తెలంగాణ పోలీస్‌ స్పోర్ట్స్‌ ఆండ్‌ గేమ్స్‌ మీట్‌ 2026 క్లస్టర్‌–సీ పోటీలు హైదరాబాద్‌లోని ఆర్‌బీవీఆర్‌ఆర్‌ తెలంగాణ పోలీస్‌ అకాడమీలో గత నెల 28 నుంచి 30వరకు జరిగాయి. రామగుండం పోలీస్‌ కమిషనరేట్‌ తరఫున 17మంది పోలీస్‌ అధికారులు పాల్గొని సత్తా చాటారు. ఒక రజతం, ఆరు కాంస్య పతకాలు సాధించారు. ఈ సందర్భంగా ప్రతిభ కనబరిచిన పోలీస్‌ క్రీడాకారును శుక్రవారం ఆయన చాంబర్‌లో ప్రత్యేకంగా సన్మానించి అభినందించారు.

గోదావరిఖని: రామగుండం, భూపాలపల్లి, బెల్లంపల్లి, శ్రీరాంపూర్‌, మందమర్రి తదితర ప్రాంతా ల్లోని సింగరేణి బొగ్గు గని ఏరియాల్లో గల సుమారు 500 మందికిపైగా సింగరేణి గంగపుత్ర ఉద్యోగులు, విద్యావంతులు పెద్దపల్లి జిల్లా గోదావరిఖని సమీపంలోని గోదావరి నదీతీరంలో గల సమ్మక్క – సారలమ్మ గద్దెల వద్ద శుక్రవారం ఆత్మీయ సమ్మేళనం నిర్వహించారు. విద్య, సామాజిక వికాసం, భావితరాల విద్యాభివృద్ధి, నైపుణ్యాల పెంపు, ఉద్యోగ అవకాశాలు, హక్కుల సాధనలో విద్యావంతుల పాత్రపై చర్చించారు. ఈ సందర్భంగా సింగరేణి గంగపుత్రుల వేదిక నూతన కార్యవర్గాన్ని ఎన్నుకున్నారు. అధ్యక్షుడిగా బంగారు రాజయ్య, ఉపాధ్యక్షులుగా అంబటి శ్రీనివాస్‌, పెద్దపల్లి పోచయ్య, మదనబోయిన రాజేందర్‌, వంగల చక్రపాణి, ప్రధాన కార్యదర్శిగా పూస వసంత్‌కుమార్‌ ఎన్నికయ్యారు. గంగపుత్ర ఉద్యోగుల సమస్యల పరిష్కారానికి నిరంతరం కృషి చేయాలని, పేదవిద్యార్థుల ఉన్నత చదువులకు విద్యా సహాయ నిధి ఏర్పాటు చేయాలని, ప్రతీఏరియాలో సమన్వయ కమిటీలను ఏర్పాటు చేసి సంఘాన్ని మరింత బలోపేతం చేయాలని తీర్మానించారు.

8008013207, 6305921645 కాగజ్‌నగర్‌టౌన్‌: రెక్కాడితే గాని డొక్కాడని కు టుంబం వారిది. తండ్రి కూలీ పని చేస్తూ కు టుంబాన్ని పోషిస్తున్నాడు. ఇప్పటికే తల్లి అనా రోగ్యానికి గురి కావడంతో రూ.12 లక్షల వరకు ఖర్చయ్యింది. ఆర్థికంగా ఎన్నో ఇబ్బందులు ఎ దురైనా యువతి కల మాత్రం చెదరలేదు. తండ్రి పుస్తకాలు, వసతి, ప్రయాణ ఖర్చులు ఎలా గోల సర్దుబాటు చేయడంతో ఎంతో కష్టపడి చదివి నీట్‌లో 507 ర్యాంక్‌ సాధించి రిమ్స్‌లో సీటు పొందింది కాగజ్‌నగర్‌ పట్టణంలోని బాలాజీనగర్‌కు చెందిన సిందం దీప్తి. సెప్టెంబ ర్‌ 18న ప్రొవిజినల్‌ అడ్మిషన్‌ లెటర్‌ అందుకుంది. తల్లి సిందం మల్లీశ్వరి స్పైనల్‌ కార్డ్‌ ఇన్‌స్పెక్షన్‌ రావడంతో మంచానికే పరిమితమయ్యా రు. చికిత్స, మందులు, రోజువారి అవసరాలతో పాటు కుమార్తెను వైద్య విద్య చదివించడం తండ్రి సిందం రాజేందర్‌కు తలకు మించిన భారంగా మారింది. ఈ పరిస్థితుల్లో దీప్తిని చది వించలేని పరిస్థితి వారిది. దాతలు, సేవా సంస్థలు ముందుకొచ్చి తమ కుమార్తె చదువుకు అండగా నిలవాలని కుటుంబ సభ్యులు వేడుకుంటున్నారు.సిందం దీప్తిసాయం చేయాలనుకునే వారు ఈ కింది నంబర్‌లలో సంప్రదించగలరు

మంచిర్యాలఅగ్రికల్చర్‌: జాతిపిత మహాత్మాగాంధీ చూపిన సత్యం, అహింస, శాంతి మార్గాలు ఆచరణీయమని జిల్లా అదనపు కలెక్టర్‌ పి.చంద్రయ్య అన్నారు. శుక్రవారం గాంధీ జయంతిని పురస్కరించుకుని కలెక్టరేట్‌లో ఏ ర్పాటు చేసిన వేడుకల్లో జిల్లా అదనపు కలెక్టర్‌ వి.రాములు, జిల్లా రెవెన్యూ అధికారి మోతిరామ్‌, వివిధ శాఖల జిల్లా అధికారులతో కలిసి గాంధీ చిత్రపటానికి పూలమాలవేసి ఘ నంగా నివాళులు అర్పించారు. జిల్లా అదనపు కలెక్టర్‌ చంద్రయ్య మాట్లాడుతూ గాంధీజీ కలలు కన్న స్వచ్ఛమైన, ఆరోగ్యకరమైన, సమానత్వం కలిగిన సమాజ నిర్మాణానికి ప్రతి ఒక్క రూ కృషి చేయాలన్నారు. ఈ కార్యక్రమంలో అధికారులు, కలెక్టరేట్‌ సిబ్బంది పాల్గొన్నారు. గాంధేయ స్ఫూర్తితో సేవలందించాలి మంచిర్యాలక్రైం: పోలీసులు గాంధేయ స్ఫూర్తితో ప్రజలకు సేవలందించాలని రామగుండం సీపీ అంబర్‌ కిషోర్‌ ఝా అన్నారు. శుక్రవారం మహాత్మాగాంధీ జయంతి వేడుకలను రామగుండం కమిషనరేట్‌ కార్యాలయంలో ఘనంగా నిర్వహించారు. గాంధీ చిత్రపటానికి పూలమాల వేసి నివాళులు అర్పించారు. అనంతరం సీపీ మాట్లాడుతూ ప్రజల కు న్యాయం, భద్రత, సేవలందించడంలో నిజాయతీతో విధులు నిర్వర్తించాలని తెలిపారు. ఈ కార్యక్రమంలో అదనపు డీసీపీ శ్రీనివాస్‌, తదితరులు పాల్గొన్నారు.

మంచిర్యాలఅర్బన్‌: వివిధ సంక్షేమ హాస్టళ్లకు నిత్యావసర సరుకులు సరఫరా చేసే గోదాంను ఎస్సీ డీడీ దుర్గాప్రసాద్‌ పరిశీలించారు. ‘సరుకుల సరఫరాలో అయోమయం’ శీర్షికన శుక్రవారం ‘సాక్షి’లో ప్రచురితమైన కథనానికి స్పందించారు. సీసీసీలోని నిత్యావసర సరుకులు సరఫరా చేసే గోదామును ప్రత్యక్షంగా సందర్శించి నిల్వ ఉన్న సరుకులు, నాణ్యతను పరిశీలించారు. గోదాము నుంచి సంక్షేమ హాస్టళ్లకు సరుకుల పంపిణీ తీరుపై అడిగి తెలుసుకున్నారు. వెంటనే కొన్ని హాస్టళ్లకు అవసరమైన సరుకులు పంపించారు. సరుకుల పంపిణీ ప్రక్రియ వేగంగా జరిగేలా, సమయానికి హాస్టళ్లకు చేరేలా చూడాలని గోదాం ఇన్‌చార్జిని ఆదేశించారు.

చెన్నూర్‌: జిల్లాలోని ప్రధాన ఆలయాల కమిటీల నియామకానికి మోక్షం లభించడం లేదు. కమిటీల గడువు ముగిసి ఎనిమిదేళ్లు అవుతున్నా కొత్తవాటి ఏర్పాటుపై స్పష్టత రావడం లేదు. ఆలయాల్లో జరిగే ఉత్సవాల సమయాల్లో ప్రత్యేక కమిటీలు ఏర్పాటు చేసి వెళ్లదీస్తున్నారు. ఆలయ వార్షిక ఆదాయం రూ.25లక్షలు దాటితే ధార్మిక పరిషత్‌ పరిధిలోకి వస్తాయి. వేలాల మల్లికార్జునస్వామి ఆలయం, మంచిర్యాల విశ్వనాథ ఆలయాలు ధార్మిక పరిషత్‌లో వస్తుండగా.. గూడెం సత్యనారాయణస్వామి ఆలయ కమిటీని ప్రభుత్వం నియామకం చేస్తుంది. వీటితోపాటు మరో తొమ్మిది ఆలయాలకు కమిషనర్‌లు కమిటీలు వేయాల్సి ఉంటుంది. వీటిలో బెల్లంపల్లిలోని కోదండరామాలయం, కన్నాలలోని బుగ్గరాజరాజేశ్వర ఆలయం, మంచిర్యాలలోని గౌతమేశ్వరాలయం, సమ్మక్క, సారలమ్మ ఆలయం, జన్నారంలోని లక్ష్మిదేవి ఆలయం, శ్రీరాంపూర్‌లోని సిద్ధి సాయిబాబా ఆలయం, చెన్నూర్‌ మండలం మదనం పోచమ్మ, జగన్నాథాలయం, కత్తరశాల మల్లికార్జున ఆలయం ఉన్నాయి. ఆయా ఆలయాల్లో ఉత్సవాల్లో సమయంలో ప్రత్యేక కమిటీలు వేస్తున్నారే గానీ రెగ్యులర్‌ కమిటీల ఊసేలేదు. కుంటుపడుతున్న అభివృద్ధి జిల్లాలోని ఆలయాల అభివృద్ధికి నిధులు మంజూరవుతున్నా పనులు ముందుకు సాగడం లేదు. కమిటీలు నియమిస్తే అభివృద్ధి పనులు వేగంగా సాగే అవకాశం ఉంటుంది. భక్తులకు సౌకర్యాలు, వసతుల కల్పనపై దృష్టి సారించే వీలుంటుంది. కాంగ్రెస్‌ ప్రభుత్వం అధికారంలోకి వచ్చిన తర్వాత కమిటీల నియామకం జరుగుతుందని ఆ పార్టీ నాయకులు, కార్యకర్తలు ఆశించారు. కమిటీల్లో చోటు లభిస్తుందని ఎదురుచూస్తున్నారు. రెండున్నరేళ్లు గడుస్తున్నా కమిటీల ఏర్పాటుపై ఊసే లేకపోవడంతో నిరాశ చెందుతున్నారు. ఇప్పటికై నా రెగ్యులర్‌ కమిటీలు నియామకం చేయాలని కోరుతున్నారు.

కౌటాల: మండలంలోని ము త్తంపేట గ్రామానికి చెందిన ఆదే లలిత –మాధవ్‌ దంపతుల కుమార్తె ఆదే శ్రీలత (15) శుక్రవారం పురుగుల మందు తాగి ఆత్మహత్య చేసుకున్నట్లు సీఐ సంతోష్‌కుమార్‌ తెలిపారు. శ్రీలత మండల కేంద్రంలోని ఓ ప్రైవేట్‌ పాఠశాలలో పదో తరగతి చదువుకుంటోంది. గత కొన్ని నెలలుగా కడుపునొప్పితో బాధపడుతుండగా కుటుంబ సభ్యులు వివిధ ఆస్పత్రుల్లో వైద్యం చేయించినా నయం కాలేదు. కడుపునొప్పి భరించలేక శ్రీలత శుక్రవారం ఇంట్లో ఉన్న పురుగుల మందు తాగింది. కుటుంబీకులు గమనించి ఆస్పత్రికి తరలిస్తుండగా మార్గమధ్యలో మృతి చెందింది. శ్రీలత మృతదేహానికి సిర్పూర్‌(టి) ఆస్పత్రిలో పోస్టుమార్టం నిర్వహించి కుటుంబ సభ్యులకు అప్పగించారు. మృతిరాలి తండ్రి మాధవ్‌ ఫిర్యాదు మేరకు కేసు నమోదు చేసి దర్యాప్తు చేసినట్లు సీఐ తెలిపారు. అతిగా మద్యం తాగి వ్యక్తి మృతి బెల్లంపల్లి: అతిగా మద్యం తాగి ఓ వ్యక్తి మృతిచెందిన సంఘటన పట్టణంలోని అంబేడ్కర్‌ భవనం ఎ దుట చోటు చేసుకుంది. బెల్లంపల్లి వన్‌టౌన్‌ ఎస్‌హెచ్‌వో కే.శ్రీనివాసరావు తెలిపిన వివరాల ప్రకారం.. ఆంధ్రప్రదేశ్‌ రాష్ట్రం గుంటూరులోని మారుతినగర్‌కు చెందిన చెట్ల ఏడుకొండలు(55) రెండు నెలల క్రితం బెల్లంపల్లికి వలస వచ్చాడు. కప్‌బోర్డు వర్క్‌(వడ్రంగి పని) కోసం వచ్చి స్థానికంగా ఉంటున్నాడు. పని చేయగా వచ్చిన డబ్బుతో అతిగా మద్యం సేవిస్తూ ఎక్కడపడితే అక్కడే పడిపోయేవాడు. శుక్రవారం అతిగా మద్యం సేవించి ఆహారం లేకపోవడంతో డీహైడ్రేషన్‌కు గురై మృతిచెందాడని పోలీసులు అనుమానిస్తున్నారు. అతడికి భార్యాపిల్లలు లేకపోవడంతో బంధువులకు సమాచారం అందించారు. పోస్టుమార్టం అనంతరం బంధువులకు మృతదేహం అప్పగించారు.

శ్రీరాంపూర్‌: సింగరేణిలో పెరిక ఉద్యోగులు ఐక్యంగా ఉండి హక్కులు సాధించుకోవాలని పెరిక కుల సంఘం రాష్ట్ర అధ్యక్షుడు గటిక విజయ్‌కుమార్‌ తెలిపారు. శుక్రవారం శ్రీరాంపూర్‌లోని పీవీఆర్‌ గార్డెన్‌లో సింగరేణి పెరిక కుల ఉద్యోగుల సంక్షేమ సంఘం ఆవిర్భావ సమావేశం నిర్వహించారు. ఈ సందర్భంగా ఆయన మాట్లాడుతూ సింగరేణి వ్యాప్తంగా ఉన్న పెరిక కుల ఉద్యోగులు వారి సమస్యలపై సమన్వయం చేసుకుంటూ పరిష్కారం కోసం పని చేయాలి అన్నారు. గనుల స్థాయిలో కమిటీలు ఏర్పాటు చేసుకోవాలని తెలిపారు. ఏరియా కమిటీ ఎన్నికపెరిక కుల ఉద్యోగుల ఏరియా కమిటీని ఎన్నుకున్నారు. శ్రీరాంపూర్‌ అధ్యక్షుడిగా తీర్థాల సదానందం, ఉపాధ్యక్షుడిగా ఆకుల కృష్ణంరాజు, కార్యదర్శి గా కారుకూరి శ్రీనివాస్‌, సెక్రెటరీగా ఎంబడి శ్రీని వాస్‌, కోశాధికారిగా పేరం మనోహర్‌ ఎన్నికయ్యారు. ఈ కార్యక్రమంలో రాష్ట్ర కమిటీ అసోసియేట్‌ అధ్యక్షుడు సుంకరి ఆనంద్‌, కోకాపేట భవన్‌ వైస్‌ చైర్మన్‌ చుంచు ఉషన్న, పెరిక హాస్టల్‌ జనరల్‌ సెక్రెటరీ అచ్చా రఘుకుమార్‌, రాష్ట్ర నాయకులు బోడకుంట ప్రకాష్‌, మహిళా అధ్యక్షురాలు కందుల సంధ్యారాణి, జిల్లా అధ్యక్షుడు బొడ్డు శంకర్‌, ప్రధాన కార్యదర్శి డాక్టర్‌ రాజుకిరణ్‌, జిల్లా అధ్యక్షురాలు అత్తి సరోజ, నాయకులు పాల్గొన్నారు.

వేములవాడ: రాజన్న సిరిసిల్ల జిల్లా వేములవాడలో 52వ రాష్ట్రస్థాయి బాలుర కబడ్డీ పోటీలు, 36వ రాష్ట్రస్థాయి బాలికల కబడ్డీ పోటీలు శుక్రవారం అట్ట హాసంగా ప్రారంభమయ్యాయి. ప్రభుత్వ జూనియ ర్‌ కళాశాల మైదానంలో ఒలింపిక్స్‌ జెండాను ప్రభుత్వ విప్‌ఆది శ్రీనివాస్‌, ఎస్పీ మహేశ్‌బీ గీతేతో కలిసి ఆవిష్కరించారు. రాష్ట్రవ్యాప్తంగా వివిధ జిల్లాల నుంచి సుమారు 68 జట్లకు చెందిన 1,300 మందికి పైగా క్రీడాకారులు, కోచ్‌లు, మేనేజర్లు, పీఈటీలు, పీడీలు పోటీల్లో పాల్గొంటున్నారు. మంచిర్యాల జిల్లా క్రీడాకారులుకుమురం భీం జిల్లా క్రీడాకారులు

జన్నారం: పొనకల్‌లోని మండల పరిషత్‌ ప్రాథమిక పాఠశాల ఉ పాధ్యాయుడు కస్తూరి శ్రీకాంత్‌ విదేశీ విద్య అధ్యయన పర్యటనకు ఎంపికయ్యారు. వియాత్నం దేశం వెళ్లేందుకు ఎంపిక చేసిన బృందంలో చోటు దక్కించుకున్నారు. విద్యార్థులకు వినూత్నమైన పద్ధతుల్లో బోధన అందిస్తూ పాఠశాల అభివృద్ధి చేశారు. జిల్లా, రాష్ట్ర స్థాయి రిసోర్సుపర్సన్‌గా, జాతీయస్థాయి దీక్ష పోర్టల్లో కంటెంట్‌ క్రియేటర్‌గా కూడా ఎంపికయ్యారు. గత సంవత్సరం జిల్లా ఉత్తమ ఉపాధ్యాయ అవార్డు అందుకున్నారు. శుక్రవారం ఆయనను పొనకల్‌ గ్రామ సర్పంచ్‌ జక్కు సుష్మాభూమేష్‌, మండల విద్యాధికారి బి.రాజేందర్‌, కాంప్లెక్స్‌ హెచ్‌ఎం ఎన్‌.విజయకుమార్‌, పీఆర్టీ యూ మండల అధ్యక్ష, కార్యదర్శులు కట్ట రాజ మౌళి, అనుముల రాజన్న అభినందించారు.

వర్షం.. సాధారణమే..!మంచిర్యాలఅగ్రికల్చర్‌: వానాకాలం సీజన్‌ ముగిసి యాసంగి సాగు కాలం సీజన్‌ మొదలైంది. నాలుగు నెలల నైరుతికాలం వెనుదిరిగింది. ఎల్‌నినో ప్రభావం ఉంటుందని భావించగా జిల్లాలో సాధారణ వర్షపాతం నమోదైంది. కొద్ది రోజులుగా రుతుపవనాలు మందగించడంతో ఎండల తీవ్రత పెరిగింది. జూన్‌ మూడో వారం నుంచి తొలకరి వర్షాలు మురిపించాయి. దీంతో పత్తి, కంది, మొక్కజొన్న పంటలు విత్తుకున్నారు. జూన్‌లో 16శాతం లోటు వర్షపాతం నమోదైంది. జూలై చివరిలో ఎడతెరిపి లేని భారీ వర్షాలతో వాగులు, వంకలు పొంగి ప్రవహించాయి. జలాశయాల్లోకి భారీగా వరద నీరు చేరింది. దీంతో రైతులు నారు పోసుకుని ఆగస్టులో నాట్లు వేసుకున్నారు. పంటలు ఎదిగే, పూతకు వచ్చే కీలకమైన ఆగస్టు నెలలో ఆశించిన వర్షాల్లేక ఇబ్బందులు పడాల్సి వచ్చింది. సెప్టెంబర్‌ మొదటి వారంలో భార్షీలతో పంటలు నీటమునిగాయి. నైరుతి కాలం రైతులకు కొంత ఖేదం..కొంత మోదం మిగిల్చి వెనుదిరిగింది. జిల్లా సగటున 2శాతం అధిక వర్షం కురిసింది. కోటపల్లి మండలంలో 24శాతం లోటు, బెల్లంపల్లి మండలంలో 42శాతం అధికంగా వర్షం కురువగా.. 16మండలాల్లో సాధారణ వర్షపాతం నమోదైంది. గత ఏడాది కంటే ఈసారి భూగర్భజలాలు ఒక శాతం పైకి వచ్చాయి. ప్రస్తుతం రుతుపవనాలు వెనుదిరగడంతో గరిష్ట ఉష్ణోగ్రతలు గత నాలుగు రోజులుగా 36డిగ్రీల నుంచి 38డిగ్రీలు నమోదవుతున్నాయి. వాతావరణ మార్పులతో ఎండలు మండుతున్నాయి. ఆలస్యంగా ఆగస్టు నెలాఖరులో వరినాట్లు వేసుకున్న రైతులు పంట ఎదిగే దశలో నీటితడులకు ఆందోళన చెందుతున్నారు. ప్రాజెక్టులు, కాలువలు, చెరువులు, బోర్ల ద్వారా నీటి సౌకర్యం లేని రైతులకు ఇబ్బందులు తప్పేలా లేవు. ఈశాన్య రుతుపవనాల ప్రభావంతో అక్టోబర్‌లో జోరు వర్షాలు కురిసే అవకాశం ఉందని వాతావరణ శాఖ అధికారులు చెబుతున్నారు. ఆలస్యంగా నాట్లు వేసుకున్న రైతులు అకాల వర్షాలపై ఆశలు పెట్టుకున్నారు. ఎండలు ఇలాగే కొనసాగితే పంట చేతికి రావడం కష్టమేనని వాపోతున్నారు. స్వల్పంగా తగ్గిన వరిసాగు ఈ ఏడాది సాధారణ సాగు విస్తీర్ణం 3,52,700 ఎకరాలు ఉంటుందని వ్యవసాయ శాఖ అధికారులు అంచనా వేయగా 3,22,154 ఎకరాలు సాగైంది. ప్రధానంగా పత్తి 1,72,499 ఎకరాల్లో, వరి 1,46,271 ఎకరాల్లో, పప్పుదినుసులు, ఇతరత్రా పంటలు 5వేల ఎకరాల్లో సాగయ్యాయి. వరి సాగు గత ఏడాది కంటే ఈసారి ఆరు నుంచి ఎనిమిది వేల ఎకరాల వరకు తగ్గింది. ఎల్‌నినో ప్రభావంతో వర్షపాతం తగ్గుతుందని, సాగు విస్తీర్ణంలో తేడాలు ఉంటాయని వ్యవసాయ శాఖ భావించింది. సకాలంలో వర్షాలు కురువకపోవడంతో ప్రణాళికకు అనుగుణంగా పంటలు సాగు కాలేదు. జిల్లాలో జూన్‌ 1 నుంచి సెప్టెంబర్‌ 30వరకు వర్షపాతం వివరాలు(మి.మీటర్లలో)మండలం సాధారణం కురిసింది అధికం, లోటు(శాతం) జన్నారం 998.9 928.1 07 లోటు దండేపల్లి 921.9 817.4 11 లోటు లక్షెట్టిపేట 892.9 1020.3 14 అధికం హాజీపూర్‌ 973.6 920.4 05 లోటు కాసిపేట 909.5 1016.1 12 అధికం తాండూర్‌ 875.2 1023.7 17 అధికం భీమిని 951.5 899.6 05 లోటు కన్నెపెల్లి 953.7 931.0 02 లోటు వేమనపల్లి 930.7 991.0 07 అధికం నెన్నెల 965.2 941.4 02 లోటు బెల్లంపల్లి 898.3 1268.6 41 అధికం మందమర్రి 928.5 1029.5 11 అధికం మంచిర్యాల 975.0 1105.3 13 అధికం నస్పూర్‌ 975.3 989.8 01 అధికం జైపూర్‌ 936.0 1040.1 08 అధికం భీమారం 896.6 762.9 15 లోటు చెన్నూర్‌ 979.1 833.1 15 లోటు కోటపల్లి 970.9 740.9 24 లోటు జిల్లా సగటు 938.4 993.1 02 అధికం

జైపూర్‌: మేనమామ ఇంట్లో పెళ్లి ఉండగా.. అంద రూ ఊరెళ్లడాన్ని గమనించిన మేనల్లుడు ఇంటికి కన్నం వేశాడు. మామ బిడ్డను తనకు ఇచ్చి పెళ్లి చేయలేదనే కోపంతో స్నేహితుడితో కలిసి చోరీకి పాల్పడ్డాడు. ఇంటి దొంగను పోలీసులు చాకచక్యంగా పట్టుకున్నారు. శుక్రవారం జైపూర్‌ పోలీసుస్టేషన్‌లో ఏసీపీ వెంకటేశ్వర్‌ సీఐ నవీన్‌కుమార్‌, ఎస్సై భూమేశ్‌తో కలిసి వివరాలు వెల్లడించారు. ఇందా రం నజీర్‌పల్లికి చెందిన షేక్‌సలీం కొడుకు షేక్‌ హారూన్‌ పెండ్లి ఈ నెల 22న ఉంది. ఈ నేపథ్యంలో కుటుంబ సభ్యులంతా కలిసి గత నెల 28న భాగ్యనగర్‌ రైల్లో హైదరాబాద్‌ వెళ్లారు. ఈ విషయం తెలుసుకున్న షేక్‌సలీం మేనల్లుడు బెల్లంపల్లికి చెందిన మహ్మద్‌ ముగ్దూం తన స్నేహితుడు సబ్బని లక్ష్మినారాయణతో కలిసి ఇందారం వచ్చాడు. తాళం వేసి ఉన్న మేనమామ ఇంట్లో చోరీకి పాల్ప డ్డారు. బీరువాలోని రూ.60వేల నగదు, బంగారు నగలు, వెండి ఎత్తుకెళ్లారు. అనుమానం రాకుండా ఉండేందుకు రెండో మామ ఖాజా పాషా ఇంటి తాళం పగులగొట్టి బంగారం, వెండి సొమ్ము ఎత్తుకెళ్లారు. చోరీ సొమ్మును కొంతమేరకు హైదరాబాద్‌లో విక్రయించారు. శుక్రవారం ఇందారం క్రాస్‌ రోడ్డు వద్ద నిందితులను అదుపులోకి తీసుకుని విచారించారు. నిందితుల నుంచి ఆరు తులాల బంగారు ఆభరణాలు, 45తులాల వెండి, రూ.13,700 నగదు, చోరీకి ఉపయోగించిన బైక్‌ స్వాధీనం చేసుకున్నట్లుగా ఏసీపీ తెలిపారు. నిందితులను రిమాండ్‌కు తరలించామని పేర్కొన్నారు.

మంచిర్యాలక్రైం: వన్యప్రాణుల రక్షణ ప్రతి ఒక్కరూ బాధ్యతగా తీసుకోవాలని ఎఫ్‌డీఓ సర్వేశ్వర్‌ అన్నారు. ఈ నెల 2 నుంచి 8వరకు నిర్వహించను న్న వన్య ప్రాణుల వారోత్సవాలను పురస్కరించుకుని శుక్రవారం జిల్లా అటవీ శాఖ కార్యాలయం నుంచి బైక్‌ ర్యాలీ ప్రారంభించారు. జిల్లా కేంద్రంలోని ప్రధాన రహదారుల గుండా ర్యాలీ సాగింది. ఈ సందర్భంగా ఆయన మాట్లాడుతూ వన్య ప్రాణుల సంరక్షణపై ప్రజల్లో అవగాహన కల్పించడమే లక్ష్యంగా వారోత్సవాలు నిర్వహిస్తున్నట్లు తెలిపారు. ఈ కార్యక్రమంలో ఎఫ్‌ఆర్‌ఓలు, బీట్‌ ఆఫీసర్లు, సిబ్బంది పాల్గొన్నారు. రాష్ట్రస్థాయి స్విమ్మింగ్‌ పోటీలకు ఎంపిక జన్నారం: ఆదిలాబాద్‌లోని ఇందిర ప్రియదర్శిని స్టేడియంలో శుక్రవారం జరిగిన జోనల్‌ స్థాయి స్విమ్మింగ్‌ ఎంపిక పోటీల్లో ఇంధన్‌పల్లి జిల్లా పరిషత్‌ విద్యార్థులు రేవంత్‌, హరీశ్‌ ప్రతిభ కనబర్చారు. అండర్‌–17 100మీటర్ల బటర్‌ ఫ్లై విభాగంలో ఓ.రేవంత్‌ జిల్లా స్థాయిలో ప్రథమ స్థానం, హరీష్‌ జిల్లా స్థాయిలో ద్వితీయ స్థానం సాధించినట్లు ఎంఈవో రాజేందర్‌, పీడీ శివనూరి తిరుపతి తెలిపారు. రేవంత్‌ రాష్ట్రస్థాయి పోటీలకు ఎంపికై నట్లు తెలిపారు.

జన్నారం: జన్నారం అటవీ డివిజన్‌లో వన్యప్రా ణి వారోత్సవాలు శుక్రవారం ప్రారంభించారు. జన్నారం ఎఫ్‌డీవో రామ్మోహన్‌ ఆధ్వర్యంలో ప్రకృతి ప్రేమికులు, కళాశాల అధ్యాపకులు, విద్యార్థులతో కలిసి ప్రకృతి నడక(నేచర్‌ వాక్‌) నిర్వహించారు. గేట్‌ నంబర్‌ 1 నుంచి బైసన్‌కుంట వరకు నాలుగు కిలోమీటర్లు కాలిన నడకన అడవిలో పర్యటించారు. బైసన్‌కుంటలో బర్డ్‌వాచ్‌ చేశారు. కుంటలు, గడ్డి క్షేత్రాలు పరిశీలించారు. పక్షులను పరిశీలించి మురిసిపోయారు. ఎఫ్‌ఆర్వో బాబా ఖాదర్‌వలీ, సెక్షన్‌ అధికారులు, బీట్‌ అధికారులు పాల్గొన్నారు.

కాగజ్‌నగర్‌టౌన్‌: 1976 అక్టోబర్‌ 3వ తేదీన ఉమ్మ డి ఆంధ్రప్రదేశ్‌ సూపర్‌ఫాస్ట్‌ ఎక్స్‌ప్రెస్‌గా తన ప్ర యాణాన్ని ప్రారంభించిన రైలు శనివారంతో 50 వసంతాలు పూర్తి చేసుకోనుంది. అప్పటి ఉమ్మడి ఆంధ్రప్రదేశ్‌ ముఖ్యమంత్రి జలగం వెంగళరావు, నాటి రైల్వే మంత్రి మధు దండవతే కలిసి సికింద్రాబాద్‌లో ఈ రైలును ప్రారంభించారు. అప్పటి వర కు హైదరాబాద్‌ నుంచి దేశ రాజధాని ఢిల్లీకి కేవలం దక్షిణ్‌ ఎక్స్‌ప్రెస్‌ మాత్రమే సేవలు అందిస్తూ ఉండే ది. 1976 అక్టోబర్‌ 3న 123/124 నంబర్లతో ప్రా రంభమైన ఈ రైలు డీజిల్‌ ఇంజన్‌తో ప్రారంభమై ప్రస్తుతం విద్యుత్‌ ఇంజన్‌తో పరుగులు పెడుతోంది. మొదట ఐసీఎఫ్‌ బోగీలతో 2019 వరకు నడిచింది. ఆతర్వాత జర్మన్‌ సాంకేతికతతో కొనసాగుతోంది. 2011 వరకు 2723/24 గా ఉన్న రైలు నంబర్‌ ఆ తర్వాత 12723/24 గా మారింది. ప్రారంభంలో ఈ రైలుకు కేవలం కాజీపేట్‌ జంక్షన్‌లో మాత్రమే స్టాప్‌ ఉండేది. ఆ తర్వాత సిర్పూర్‌ కాగజ్‌నగర్‌, రామగుండంలో స్టాప్‌ కల్పించారు. 1991లో అప్ప టి మంచిర్యాల మున్సిపల్‌ చైర్మన్‌ ఆర్‌. కృష్ణారావు కృషితో మంచిర్యాలలో, ఆ తర్వాత బెల్లంపల్లిలో స్టాప్‌ ఏర్పాటు చేశారు. తెలంగాణ ఎక్స్‌ప్రెస్‌గా నామకరణం2014లో తెలంగాణ రాష్ట్రం ఏర్పడిన తర్వాత ఆంధ్రప్రదేశ్‌ బదులు తెలంగాణ ఎక్స్‌ప్రెస్‌గా నామకరణం చేయాలని డిమాండ్‌ వచ్చింది. 2015 నవంబర్‌15న ఈ రైలు పేరును తెలంగాణ సూపర్‌ ఫాస్ట్‌ ఎక్స్‌ప్రెస్‌గా మార్చారు. ఈ రైలు తెలంగాణ, మహా రాష్ట్ర, మధ్యప్రదేశ్‌, ఉత్తరప్రదేశ్‌, రాజస్థాన్‌ రాష్ట్రాల మీదుగా ఢిల్లీకి చేరుకుంటుంది. ప్రస్తుతం తెలంగాణలోని ముఖ్య జిల్లా కేంద్రాలు, జంక్షన్లలో స్టాప్‌ కల్పించాలని, ముఖ్యంగా పెద్దపల్లి జంక్షన్‌లో స్టాప్‌ కల్పించాలని ఉత్తర తెలంగాణ రైల్వే ఫోరం కోరుతోంది, అర్ధ శతాబ్దం పూర్తి చేసుకున్న సందర్భంగా నాంపల్లి రైల్వే స్టేషన్‌లో రైల్వే అభిమానుల మధ్య సంబరాలు నిర్వహించనున్నట్లు ఉత్తర తెలంగాణ రైల్వే ఫోరం సభ్యులు తెలిపారు.

జైపూర్‌: ప్రసిద్ధిగాంచిన వేలాల మల్లన్నస్వామి క్షేత్రంలో వచ్చే ఏడాది గోదావరి పుష్కరాలకు వచ్చే భక్తుల సౌకర్యార్థం అన్నిరకాల ఏర్పాట్లు, సౌకర్యాలు కల్పించనున్నట్లు జిల్లా అదనపు కలెక్టర్‌ చంద్రయ్య తెలిపారు. శుక్రవారం మండలంలోని వేలాల, టేకుమట్ల గ్రామాల్లో వీబీ రామ్‌జీ ప్రత్యేక గ్రామసభల్లో ఆయన మాట్లాడారు. గ్రామ అవసరాలకు అనుగుణంగా పనులు గుర్తించాలని తెలిపారు. నీటి సంరక్షణ, ఇంకుడుగుంతలు, చెక్‌డ్యామ్‌లు, బోర్‌వెల్‌ రీచార్జి వంటి పనులకు ప్రాధాన్యం ఇవ్వాలని సూచించారు. అనంతరం వేలాల, గట్టుమల్లన్న ఆలయాలను సందర్శించి ప్రత్యేక పూజలు చేశారు. వేలాల పుష్కరఘాట్‌ను పరిశీలించారు. రూ.14.30కోట్లతో పుష్కరఘాట్‌, సీసీ రోడ్లు, భక్తులకు మౌలిక వసతులు కల్పించనున్నట్లు తెలిపారు. స్థానిక సర్పంచ్‌ డేగ స్వప్ననగేశ్‌, తదితరులు పాల్గొన్నారు.

దండేపల్లి: ఒకప్పుడు నగరాలకే పరిమితమైన మత్తు సంస్కృతి ఇప్పుడు పల్లెల్లోనూ వేగంగా విస్తరిస్తోంది. పట్టుమని పదిహేనేళ్లు కూడా నిండని కొందరు పిల్లల సిగరెట్లు, బీర్లు, గంజాయి వంటి వ్యసనాల బారిన పడడం తల్లిదండ్రులను ఆందోళనకు గురి చేస్తోంది. సరదాగా అలవాటు పడి ఒకరిద్దరితో మొదలైన స్నేహం పదిమందితో గ్రూపులుగా మారి అర్ధరాత్రి వరకు మత్తులో జోగే వరకు వెళ్తోంది. చీటకి పడగానే గ్రామ శివారు, రోడ్ల పక్కన ఉండే ఖాళీ స్థలాలు, నిరుపయోగంగా ఉన్న ఇళ్లను కొందరు యువకులు అడ్డాలుగా చేసుకుంటున్నారు. అర్ధరాత్రి వరకు మద్యం, ధూమపానంలో మునిగి తేలుతున్నారు. పిల్లలు అర్ధరాత్రి దాటినా ఇంటికి రాలేదనే బాధ్యతారాహిత్యం తల్లిదండ్రుల్లో కనిపిస్తుండగా.. మరోవైపు పోలీసుల పర్యవేక్షణ లోపించడం వారి జల్సాలకు అడ్డు లేకుండా పోతోంది. పిల్లలు స్కూల్‌, కాలేజీకి వెళ్తున్నారా లేదా.. ఇంటికి వచ్చాక ఏం చేస్తున్నారు.. ఎటు వెళ్తున్నారు.. రాత్రి పూట ఇంటికి ఎందుకు ఆలస్యంగా వస్తున్నారు.. వందలు, వేలల్లో డబ్బులు ఎందుకు అడుతున్నారు.. దేనికి ఉపయోగిస్తున్నారనే ప్రశ్నలను తల్లిదండ్రులు పట్టించుకోవడం లేదు. పిల్లలు అడగ్గానే డబ్బులు ఇవ్వడంతో పెడదారి పడుతున్నారు. రాత్రి 10గంటల్లోపు ఓసారి పోలీసులు పెట్రోలింగ్‌ నిర్వహిస్తే యువకులు భయంతో ఇళ్లకు చేరే అవకాశం ఉంటుంది. తల్లిదండ్రులు పిల్లలతోపాటు వారి స్నేహితులు, ఖర్చులపై ఓ కన్నేసి ఉంచాలని, సమయానికి ఇళ్లకు చేరేలా చూడాలని పోలీసులు సూచిస్తున్నారు. తల్లిదండ్రుల భాగస్వామ్యం, పోలీ స్‌ యంత్రాంగం చర్యలు తోడైతేనే మత్తు సంస్కృతి నుంచి రేపటి తరాన్ని కాపాడుకోవచ్చని పలువురు అభిప్రాయం వ్యక్తం చేస్తున్నారు. గంజాయి నుంచి విముక్తి భీమారం: గంజాయికి అలవాటుపడ్డ వలస కూలీని పోలీసులు చేరదీసి విముక్తి కల్పించారు. బీహార్‌ రాష్ట్రానికి చెందిన కూలీ ఉపాధి కోసం తెలంగాణకు వలస వచ్చి మండల కేంద్రంలో నివసిస్తున్నాడు. కొంతకాలంగా గంజాయికి బానిసై కుటుంబ జీవితానికి దూరమయ్యాడు. ఈ విషయం భీమారం ఎస్సై ఏ.రాజేందర్‌ దృష్టికి రావడంతో మంచిర్యాలలోని డీ–అడిక్షన్‌ సెంటర్‌కు తరలించారు. నిపుణుల పర్యవేక్షణలో చికిత్స అందేలా చర్యలు తీసుకున్నారు. చికిత్స అనంతరం వలస కూలీ గంజాయి అలవాటు మానేసి కుటుంబంతో సంతోషంగా జీవిస్తున్నాడు. తన జీవితంలో మార్పుకు పోలీసుల సహకారమే కారణమని పేర్కొన్నాడు. శుక్రవారం స్వయంగా పోలీసుస్టేషన్‌కు వెళ్లి ఎస్సై రాజేందర్‌ను కలిశాడు. స్వీట్లు అందజేసి కృతజ్ఞతలు తెలిపాడు. ఈ సందర్భంగా ఎస్సై మాట్లాడుతూ మత్తు పదార్థాలకు బానిసైన వారిని తిరిగి సాధారణ స్థితికి తీసుకు రావడానికి అవసరమైన సహాయం అందించడం పోలీసుల సామాజిక బాధ్యతలో భాగమని తెలిపారు.

శ్రీరాంపూర్‌: శ్రీరాంపూర్‌ ఏరియాలో సెప్టెంబర్‌లో 99 శాతం బొగ్గు ఉత్పత్తి సాధించినట్లు జీఎం ఎం.శ్రీనివాస్‌ తెలిపారు. గురువారం జీఎం కార్యాలయంలోని సమావేశ మందిరంలో ఉత్పత్తి వివరాలు వెల్లడించారు. ఉత్తత్తి లక్ష్యం 4.1 లక్షల టన్నులకు గానూ 4.07 లక్షల టన్నులు సాధించినట్లు తెలి పా రు. ఓపెన్‌ కాస్ట్‌ గనుల్లో ఓబీ టెండర్ల సమస్య పూ ర్తికావడంతో ఉత్పత్తి పెరిగిందన్నారు. శ్రీరాంపూర్‌లో ప్రస్తుతం 34 వేల టన్నుల కోల్‌ స్టాక్‌ ఉందని, ప్రతీరోజు 11,500 టన్నుల బొగ్గును ఎస్టీపీపీకి రవాణా చేస్తున్నామన్నారు. ఆర్కే 5 గనిలో సీమ్‌లు తగ్గడంతో ఉత్పత్తి తగ్గిందన్నారు. ఆర్కే 7, ఆర్కే న్యూటెక్‌, ఎస్సార్పీ 1, ఎస్సార్పీ ఓసీపీలు వందశా తం లక్ష్యాన్ని నమోదు చేసుకున్నాయన్నారు. ఏరి యాలో ఇప్పటి వరకు 3,865 మందికి కారుణ్య ఉ ద్యోగాలు కల్పించామన్నారు. సమావేశంలో డీజీ ఎం(పర్సనల్‌) ఎస్‌.అనిల్‌ కుమార్‌, డీజీఎం(ఐఈడీ) రాజన్న, డీవైపీఎం క్రాంతికుమార్‌ పాల్గొన్నారు.

మందమర్రిరూరల్‌: మందమర్రి పోలీస్‌స్టేషన్‌ను రామగుండం పోలీస్‌ కమిషనర్‌ అంబర్‌ కిషోర్‌ ఝా గురువారం డీసీపీ భాస్కర్‌తో కలిసి తనిఖీ చేశారు. రికార్డులు పరిశీలించారు. పెండింగ్‌ కేసులు దర్యాప్తు పురోగతి, రౌడీషీటర్ల హిస్టరీ, హిస్టరీ షీటర్ల కదలికలు, నేర నియంత్రణపై చర్యలు, విజిబుల్‌ పోలిసింగ్‌, పెట్రోలింగ్‌ తదితర అంశాలపై ఎస్సై నరేష్‌ను అడిగి తెలుసుకుని సంతృప్తి వ్యక్తం చేశారు. మందమర్రి ప్రాంతంలో నేరాలు, మాదక ద్రవ్యాల నియంత్రణకు సూచనలు చేశారు. ఫిర్యాదుదారులతో మర్యాదగా ప్రవర్తించాలని, నేర ర హిత పట్టణంగా తీర్చిదిద్దాలని, నేరస్తుల పట్ల కఠినంగా వ్యవహరించాలని సూచించారు.

అప్పు చేసి పంటలు సాగు చేసిన. చేతికందే పరిస్థితులు కనిపించడం లేదు. పందులు గుంపులుగా వచ్చి పామాయిల్‌ కాయలను తినేసి ధ్వంసం చేస్తున్నాయి. పత్తి చెట్లకు ఇప్పుడిప్పుడే కాయలు వస్తున్నాయి. వీటిని కూడా పందులు తినేసి, కొమ్మలను విరిచేసి వెళ్తున్నాయి. బీర, సోరకాయ ఇతర రకాల కూరగాయలు సాగు చేస్తే కోతులు దక్కనీయడం లేదు. పందులు, కోతుల సమస్యను ఏ తీరుగా అధిగమించాలో తెలియడం లేదు. – సోమలింగం, రైతు, గ్రామం: చెర్లపల్లి, మం: బెల్లంపల్లి

శ్రీరాంపూర్‌: సింగరేణి ఎన్నికల్లో కార్మికులకు ఇచ్చి న హామీలను అమలు చేయకుండా తమపై విమర్శలు చేస్తారా అని మాజీ ఎమ్మెల్యే యన్‌.దివాకర్‌రా వు, టీబీజీకేఎస్‌ అధ్యక్షుడు మిరియాల రాజిరెడ్డి అ న్నారు. గురువారం శ్రీరాంపూర్‌ ఓపెన్‌ కాస్ట్‌ గనిపై నిర్వహించిన గేట్‌ మీటింగ్‌లో వారు మాట్లాడారు. గుర్తింపు సంఘం కాల పరిమిత ముగిసినందున సింగరేణిలో ఎన్నికలు నిర్వహించాలని డిమాండ్‌ చే శారు. అప్పటివరకు రిజిష్టర్‌ కార్మిక సంఘాలన్నింటికీ సమాన హోదా కల్పించి కార్మికుల సమస్యల పరిష్కారం కోసం చర్చలకు ఆహ్వానించాలన్నారు. ఏఐటీయూసీ, ఐఎన్‌టీయూసీ సంఘాలు గత ఎన్ని కల్లో అనేక హామీలు ఇచ్చి గెలిచారని, ఏ ఒక్కటీ సాధించలేదన్నారు. పలువురు కార్మికులు టీబీజీకేఎస్‌లో చేరగా వారికి కండువా కప్పి స్వాగతం పలి కారు. యూనియన్‌ ప్రధాన కార్యదర్శి సురేందర్‌రెడ్డి, బ్రాంచ్‌ ఉపాధ్యక్షుడు రమేష్‌, పొగాకు రమేష్‌, అన్వేష్‌రెడ్డి, గట్టయ్య, గడ్డం సుధాకర్‌ పాల్గొన్నారు.

నిర్మల్‌టౌన్‌: నిర్మల్‌ జిల్లా కేంద్రంలోని మంచిర్యాల్‌ చౌరస్తా వద్ద చందన బ్రదర్స్‌ షాపింగ్‌ మాల్‌(సీబీఎస్‌) గురువారం వైభవంగా ప్రారంభమైంది. తె లంగాణలో ఇది ఏడో షోరూం. ప్రముఖ సినీనటి ఐ శ్వర్య రాజేశ్‌ ముఖ్య అతిథిగా హాజరై మాల్‌ను ప్రా రంభించారు. మున్సిపల్‌ చైర్‌పర్స్‌న్‌ అప్పాల కా వ్య, వైస్‌ చైర్మన్‌ అప్పాల గణేశ్‌చక్రవర్తితో కలిసి జ్యో తి ప్రజ్వలన చేశారు. తర్వాత మాల్‌ అంతా కలియతిరుగుతూ వస్త్రాలు, ఫ్యాషన్‌ ఉత్పత్తులను పరిశీ లించారు. హీరోయిన్‌ను చూసేందుకు అభిమానులు పెద్ద సంఖ్యలో తరలివచ్చారు. మాల్‌ ఆవరణ లో ఐశ్వర్య రాజేశ్‌ అభిమానులను పలకరించారు. ‘గోదావరి గట్టు’ పాటకు స్టెప్పులేశారు. షోరూం మేనేజింగ్‌ డైరెక్టర్‌ జానా సురేశ్‌ మాట్లాడుతూ 40 ఏళ్లుగా కొనసాగుతున్న సంస్థ తెలుగు రాష్ట్రాల్లో ప్రారంభించిన ప్రతీ చోటా ప్రజల ఆదరాభిమానా లు పొందుతోందన్నారు. నిర్మల్‌ ప్రజల అభిరుచుల కు అనుగుణంగా షోరూం రూపకల్పనతోపాటు వ స్త్రాల ఎంపికపై ప్రత్యేక శ్రద్ధ తీసుకున్నామని తెలి పారు. దసరా, దీపావళి పండుగలను పురస్కరించుకుని అక్టోబర్‌ 1 నుంచి 5వరకు ప్రత్యేక ఆఫర్లు అందుబాటులో ఉంటాయని చెప్పారు. అనంతరం సినీ నటి ఐశ్వర్య రాజేశ్‌ మాట్లాడుతూ చందన బ్రదర్స్‌ షాపింగ్‌ మాల్‌ ప్రారంభోత్సవంలో భాగం కావడం ఎంతో సంతోషంగా ఉందన్నారు. నిర్మల్‌ ప్రజలు ఈ షాపింగ్‌ మాల్‌ను ఆదరించాలని కోరారు.

జైపూర్‌: ఆదిలాబాద్‌ జిల్లా కేంద్రంలో ఎస్జీఎఫ్‌ ఆధ్వర్యంలో ఇటీవల నిర్వహించిన అండర్‌–14 బాక్సింగ్‌ జోనల్‌స్థాయి పోటీల్లో జైపూర్‌కు చెందిన పాదం సాహిత్‌ పటేల్‌, వేముల లోహిత ప్రతిభ కనబర్చారు. 36–38 కిలోల విభాగంలో మంచిర్యాల జిల్లా తరపున పోటీలో నిలిచిన సాహిత్‌ స్వర్ణ పతకం సాధించగా, 38–40 కిలోల విభాగంలో వేముల లోహిత్‌ రజత పతకం సాధించాడు. ఇద్దరూ ఎస్టీపీపీలో సీఐఎస్‌ఎఫ్‌ సీనియర్‌ కానిస్టేబు ల్‌ పాదం మహేందర్‌ వద్ద శిక్షణ పొందుతున్నారు. విజేతలను డీఈవో చంద్రయ్య, ఏఐఎస్‌, ఎస్‌జీఎఫ్‌ సెక్రెటరీ యాకూబ్‌, సీనియర్‌ కోచ్‌ మైసూర్‌, సీనియర్‌ క్రీడాకారులు వేముల కిరణ్‌, జగత్‌ సాయి, శ్రీకాంత్‌, ఎన్‌ఐఎస్‌ బాక్సింగ్‌ కోచ్‌ సందీప్‌ అభినందించారు.

జన్నారం: బైక్‌ పై నుంచి కిందపడి ఒకరు దుర్మరణం చెందిన సంఘటన మండలంలో చోటు చేసుకుంది. మండలంలోని రోటిగూడకు చెందిన పురంశెట్టి నగేశ్‌ (58) గురువారం సాయంత్రం ద్విచక్ర వాహనంపై మండల కేంద్రం నుంచి స్వగ్రామానికి వెళ్తుండగా జింకల పార్కు సమీపంలో బైక్‌ అదుపుతప్పి కిందపడిపోయాడు. తలకు తీవ్రగాయాలు కావడంతో గమనించిన స్థానికులు 108కు సమాచారం మండల కేంద్రంలోని ప్రైవేట్‌ ఆస్పత్రికి తరలించారు. చికిత్స అందిస్తుండగా పరిస్థితి విషమించి మృతి చెందాడు. ఎస్సై ఉదయ్‌కిరణ్‌ సంఘటన స్థలానికి చేరుకుని వివరాలు సేకరించారు. మృతునికి భార్య వెంకవ్వ, ఇద్దరు కుమారులు, కుమార్తె ఉన్నారు.

మంచిర్యాలఅర్బన్‌: హన్మకొండలోని జవహర్‌లాల్‌ నెహ్రూ స్టేడియంలో గత నెల 28, 29, 30 తేదీల్లో 12వ తెలంగాణ అథ్లెటిక్స్‌ ఆసోసియేషన్‌ ఆధ్వర్యంలో నిర్వహించిన అథ్లెటిక్‌ పోటీల్లో మిమ్స్‌ డిగ్రీ కళాశాల విద్యార్థులు ప్రతిభ కనబర్చారు. బి.శృతి (బీకాం సెకండియర్‌) జూనియర్‌ అండర్‌–20 మహిళల విభాగం 400 మీటర్ల పరుగు పందెంలో ప్రథమస్థానం సాధించి స్వర్ణ పతకం కై వసం చేసుకున్నారు. అశ్విత (ఎంఎస్‌టీసీఎస్‌ ఫైనలియర్‌) సీనియర్‌ మహిళల 800 మీటర్ల విభాగంలో ద్వితీయస్థానం సాధించింది. బి.విష్ణు (ఎంపీసీ సెకండియర్‌) జూనియర్‌ అండర్‌–20 పురుషుల విభాగంలో 400 మీటర్ల హర్డిల్స్‌ విభాగంలో ద్వితీయస్థానం సాధించాడు. ఈ నెల 15, 16, 17 తేదీల్లో చైన్నైలో జరగనున్న జాతీయస్థాయి పోటీలలో తెలంగాణ రాష్ట్రం తరపున ప్రాతినిధ్యం వహించనున్నారు. ఎంపికై న విద్యార్థులను కళాశాల కరస్పాండెంట్‌ శ్రీనివాసరాజు, వైస్‌ ప్రిన్సిపాల్‌ శ్రీధర్‌రావు, విజయ్‌కుమార్‌, పీడీ నూనె శ్రీనివాస్‌ అభినందించారు.

పాతమంచిర్యాల: రక్తదానానికి ప్రజలు ముందుకు రావాలని, రక్తదానంపై అపోహాలు విడనాడాలని జిల్లా వైద్య, ఆరోగ్య అధికారి డాక్టర్‌ నరేందర్‌ రాథోడ్‌ అన్నారు. గురువారం జిల్లా కేంద్రంలోని ఇండియన్‌ రెడ్‌ క్రాస్‌ సొసైటీలో జాతీయ స్వచ్ఛంద రక్తదాన దినోత్సవం నిర్వహించారు. ఈ సందర్భంగా ఆయన మాట్లాడుతూ రక్తదానంపై ప్రజల్లో అవగాహనకు కార్యక్రమాలు నిర్వహిస్తున్నామని తెలిపారు. స్వచ్ఛందంగా 30 మంది రక్తదానం చేయగా ప్రశంసాపత్రాలు అందజేశారు. ఈ కార్యక్రమంలో రక్తనిధి కేంద్రం వైద్యులు ప్రేంసాయి, లయన్స్‌ ఇంటర్నేషనల్‌ డిస్ట్రిక్టు కో ఆర్డినేటర్‌ ఫర్‌ బ్లడ్‌ డొనేషన్‌ క్యాంప్స్‌ వి.మధుసూదన్‌రెడ్డి, లయన్స్‌ ఇంటర్నేషనల్‌ సెకండ్‌ వైస్‌ డిస్ట్రిక్టు గవర్నర్‌ డాక్టర్‌ ఉదారి చంద్రమోహన్‌గౌడ్‌, లయన్స్‌ క్లబ్‌ మంచిర్యాల శాఖ అధ్యక్షు డు వెంకటేశ్వర్లు, ఇండియన్‌ రెడ్‌క్రాస్‌ సొసైటీ జిల్లా కార్యదర్శి మహేందర్‌ పాల్గొన్నారు.

మంచిర్యాలఅర్బన్‌/ఆదిలాబాద్‌: తెలంగాణ ఆర్టీసీ (టీజీఎస్‌ఆర్టీసీ)లో సుదీర్ఘ కాలం తర్వాత గుర్తింపు సంఘం (యూనియన్‌) ఎన్నికలు జరుగుతుండడంతో కార్మికుల్లో ఉత్సాహం నెలకొంది. పదేళ్ల విరామం తర్వాత ఎన్నికలు జరుగుతుండడంతో కార్మిక సంఘాలన్నీ ప్రచార పర్వంలో మునిగిపోయాయి. 2016లో చివరిసారిగా ఎన్నికలు జరగగా, 2018లో ఎన్నికలు నిర్వహించలేదు. 2019లో కార్మికులు సమ్మెకు దిగిన నేపథ్యంలో అప్పటి ప్రభుత్వం యూనియన్లను రద్దు చేసి వెల్ఫేర్‌ బోర్డులను ఏర్పాటు చేసింది. దీంతో అప్పటి నుంచి కార్మిక సంఘాలు నామమాత్రంగానే కొనసాగుతున్నాయి. తాజాగా కార్మికశాఖ ఎన్నికల నిర్వహణకు ఉత్తర్వులు జారీ చేయడంతో మళ్లీ యూనియన్ల కార్యకలాపాలు ఊపందుకున్నాయి. ఇప్పటికే ఓటర్ల జాబితా ఖరారు కాగా, బరిలో నిలిచే సంఘాలకు ఎన్నికల గుర్తులను సైతం కేటాయించారు. ఆదిలాబాద్‌ రీజియన్‌లో 1773 మంది ఓటర్లు ఉన్నారు. అక్టోబర్‌ 9న ఉదయం 5 గంటల నుంచి సాయంత్రం 6 గంటల వరకు రహస్య బ్యాలెట్‌ పద్ధతిలో పోలింగ్‌ జరుగనుంది. అక్టోబర్‌ 14, 15 తేదీల్లో ఆన్‌డ్యూటీ సిబ్బంది కోసం పోస్టల్‌ బ్యాలెట్‌ నిర్వహించి 17న ఫలితాలు ప్రకటించనున్నారు. కూటమిగా పోటీ.. ఆర్టీసీ ఎన్నికల్లో 12 సంఘాలకు గుర్తులు కేటాయించినప్పటికీ కొన్ని సంఘాలు మాత్రమే బరిలో నిలుస్తున్నాయి. ఎస్‌డబ్ల్యూఎఫ్‌, ఎస్‌డబ్ల్యూయూ (ఐఎన్టీయూసీ), టీడబ్ల్యూయూ మహాకూటమిగా జట్టుకట్టిన టీడబ్ల్యూయూ బ్యానర్‌ బాణం గుర్తుపై పోటీలో నిలిచాయి. టీఎంయూ (నిచ్చెన) ఎన్‌ఎంయూ (కాగడ), ఎంప్లాయీస్‌ యూనియన్‌ (బస్సు) కూటమిగా జతకట్టాయి. రాష్ట్రస్థాయిలో ఈయూ, డిపో వైజ్‌గా టీఎంయూలు ఓటు వేయాలని అభ్యర్థిస్తున్నాయి. మునుపెన్నడూలేని విధంగా నాలుగు సంఘాలు కూటమిగా మరో మూడు సంఘాలు మరోకూటమిగా ఒకేతాటిపైకి రావడంతో ఎన్నికల్లో గట్టి పోటీ ఎదురుకానుంది. ఇప్పటికే ఎంప్లాయీస్‌ యూనియన్‌ రాష్ట్ర కార్యదర్శి ఈదురు వెంకన్న, టీఎంయూ రాష్ట్ర అధ్యక్షుడు ఏఆర్‌రెడ్డి రీజియన్‌ వ్యాప్తంగా చుట్టివెళ్లారు. టీడబ్ల్యూయూ నుంచి రాష్ట్ర కార్యదర్శి అశ్వథ్థామరెడ్డి మంచిర్యాల డిపో రాకతో ఎన్నికల ప్రచారం ఊపందుకుంది. న్యూట్రల్‌ ఓటర్లపై యూనియన్ల గురి ఆర్టీసీలో దాదాపు పదేళ్ల తర్వాత గుర్తింపు సంఘం ఎన్నికలకు శంఖారావం మోగడంతో యూనియన్ల నాయకులు గెలుపే లక్ష్యంగా వ్యూహాలు రచిస్తున్నారు. ఇప్పటికే తమ యూనియన్లలో ఉన్న సభ్యులను సమీకరించుకుంటూనే, ఏ యూనియన్‌లోనూ లేని న్యూట్రల్‌ కార్మికులపై ప్రత్యేక దృష్టి సారిస్తున్నారు. వారిని తమవైపు తిప్పుకునేందుకు ఆకర్షణీయమైన హామీలను ఇస్తూ మద్దతు కోరుతున్నారు. న్యూట్రల్‌ కార్మికుల ఓట్లు కీలకంగా మారడంతో వారిని ప్రసన్నం చేసుకునేందుకు నాయకులు చేస్తున్న ప్రయత్నాలు ఎన్నికల వేడిని మరింత పెంచుతున్నాయి. సంఘాల హామీలివే..

చింతలమానెపల్లి: చింతలమానెపల్లి మండల ఐకేపీ కార్యాలయంలో బుధవారం రాత్రి చో రీ జరిగింది. కార్యాలయం వెనుకవైపు తలుపులకు ఉన్న స్క్రూలను తొలగించి లోనికి ప్రవేశించిన దుండగులు సామగ్రి ఎత్తుకెళ్లారు. గురువారం ఉదయం కార్యాలయం తెరిచేందుకు వచ్చిన అటెండర్‌ హనుమంతు చోరీ జరిగినట్లు గుర్తించి పోలీసులకు సమాచారం అందించాడు. ఐకెపీ కార్యాలయ భవనాన్ని నూతనంగా నిర్మించగా విధుల నిర్వహణకు ప్రభుత్వం మంజూరు చేసిన సామగ్రి ఇటీవలే కార్యాలయానికి చేరుకుంది. కార్యాలయంలోని కంప్యూటర్లు, ప్రింటర్‌, ఇన్వర్టర్‌, వీడియో కాన్ఫరెన్స్‌ సెట్‌ను దొంగిలించారు. సామగ్రి విలువ సు మారు రూ.2 లక్షలు ఉంటుందని ఐకెపీ ఏపీఎం మోహన్‌దాస్‌ తెలిపారు. సీఐ సంతోష్‌ కు మార్‌, ఎస్సై కమలాకర్‌ సంఘటన స్థలాన్ని పరి శీలించారు. పోలీ సు జాగిలాలు, క్లూస్‌ టీంతో ఆధారాలు సేకరించారు. ఏపీఎం ఫి ర్యాదు మేరకు కేసు నమోదు చేసినట్లు ఎస్సై తెలిపారు.

నిర్మల్‌ఖిల్లా: ఉమ్మడి జిల్లాలోని ప్రభుత్వ డిగ్రీ కళాశాలల్లో అతిథి అధ్యాపకులు వేతనాలు అందక ఆర్థిక ఇబ్బందులతో సతమతం అవుతున్నారు. రెగ్యులర్‌ అధ్యాపకులతో సమానంగా సేవలు అందిస్తున్నా వేతనాల చెల్లింపులో జాప్యం, ఉద్యోగ భద్రత లేకపోవడం, ప్రతీ విద్యా సంవత్సరం ప్రారంభంలో పునర్నియామక ప్రక్రియ వంటి సమస్యలతో ఇబ్బందులు పడుతున్నారు. ఉమ్మడి జిల్లాలోని 13 డిగ్రీ కళాశాలల్లో 160 మందికి పైగా అతిథి అధ్యాపకులు కన్సాలిడేటెడ్‌ గౌరవ వేతనం రూ.28 వేలపై విధులు నిర్వహిస్తున్నారు. అది కూడా నెలలో ఎన్ని రోజులు పనిచేస్తే అన్ని రోజులకే ఇస్తున్నారు. విద్యా సంవత్సరం మొదలైన 12 నెలలపాటు పనిచేసేలా అతిథి అధ్యాపకులను నియమించాలి. ఏడాది పొడవునా పనిచేస్తున్నా కొన్ని నెలలకే వేతనాలు చెల్లిస్తున్నారు. ప్రతీ ఏడాది ఇదే తంతు... అతిథి అధ్యాపకుల నియామకం ఏటా కొత్తగా చేపట్టడం వల్ల అనిశ్చితి నెలకొంటోంది. గతంలో పనిచేసిన వారిని కొనసాగించే విధానం అమలు చేయాలని కోరుతున్నారు. ఈ ఏడాది జూలైలో ప్రభుత్వం కాంట్రాక్ట్‌, అవుట్‌సోర్సింగ్‌, గెస్ట్‌ ఫ్యాకల్టీ సిబ్బంది సేవలను రెన్యువల్‌ చేసినా గత ఏప్రిల్‌ నుంచి వేతనాలు పెండింగ్‌లోనే ఉన్నాయి. అవుట్‌ సోర్సింగ్‌ ఉద్యోగులకు ప్రతినెల 1న వేతనాలు అందించాలని సీఎం రేవంత్‌రెడ్డి పేర్కొంటుండగా వీరికి మాత్రం ఇది కలగానే మిగిలింది. సకాలంలో జీతం అందక ఇంటి అద్దెలు, పిల్లల స్కూల్‌ ఫీజులు, కుటుంబ ఖర్చులు, రోజువారీ వ్యయాలకు ఇబ్బంది పడుతున్నారు. దసరా పండుగ సమీపిస్తుండడంతో ఇప్పటికై నా నాలుగు నెలల పెండింగ్‌ వేతనాలు విడుదల చేయాలని కోరుతున్నారు. ఉమ్మడి జిల్లా వివరాలు

పాతమంచిర్యాల: సర్‌(ఎస్‌ఐఆర్‌)లో డిజిటలైజేషన్‌ వేగవంతం చేయాలని రాష్ట్ర ప్రధాన ఎన్నికల అధికారి సుదర్శన్‌రెడ్డి అన్నారు. గురువారం హైదరాబాద్‌ నుంచి ఉన్నతాధికారులతో కలిసి వీడియో కాన్ఫరెన్స్‌ ద్వారా జిల్లా కలెక్టర్లు, అదనపు కలెక్టర్లు, ఈఆర్‌వోలు, ఏఈఆర్వోలు, ఎన్నికల విభాగం అధికారులతో ఎస్‌ఐఆర్‌ పురోగతిపై సమీక్ష నిర్వహించారు. ఈ సందర్భంగా ఆయన మాట్లాడుతూ మ్యాపింగ్‌ కాని అనామలిస్‌ జాబితాలో ఉన్న ఓటర్లకు జారీ చేసిన నోటీస్‌లకు సంబంధించి ఇళ్ల వద్దకు వెళ్లి ధ్రువపత్రాలు సేకరించాలని అన్నారు. నిర్ణీత గడువులోగా డిజిటలైజేషన్‌ పూర్తయ్యే విధంగా చర్యలు తీసుకోవాలని తెలిపారు. ఈ సమావేశంలో జిల్లా అదనపు కలెక్టర్లు చంద్రయ్య, రాములు, జిల్లా రెవెన్యూ అధికారి మోతీరాం, ఆర్డీవో శ్రీనివాసరావు, ప్రత్యేక ఉపపాలన అధికారి చంద్రకళ, ట్రైనీ డిప్యూటీ కలెక్టర్‌ విలాయత్‌ అలీ, ఎన్నికల విభాగం అధికారులు పాల్గొన్నారు.

మంచిర్యాలఅర్బన్‌: పుణ్యక్షేత్రాలు, యాత్రలకు మంచిర్యాల డిపో నుంచి ప్రత్యేక బస్సు సర్వీసులను ఆర్టీసీ అందుబాటులోకి తెచ్చింది. ఈ నెల 3న ఉదయం 5 గంటలకు మంచిర్యాల బస్‌స్టేషన్‌ నుంచి బయలుదేరనున్న బస్సు మానసాదేవి దేవాల యం, కొమురవెల్లి మల్లన్నస్వామి దేవాలయం, జైన దేవా లయం (కొలన్‌పాక), లక్ష్మీనర్సింహస్వామి దేవాలయం(యాదాద్రి), స్వర్ణగిరి దేవాల యం వరకు రాకపోకలు సాగిస్తుంది. టిక్కెట్‌ ధర రూ.1,300గా ప్రకటించారు. ఈ నెల 10న రెండో యాత్ర ప్యాకేజీ టికెట్‌ ధర రూ. 2,600గా నిర్ణయించారు. 10న ఉదయం 5 గంటలకు మంచిర్యాల బస్‌స్టేషన్‌ నుంచి బ స్సు బయలుదేరి జడ్చర్ల అఖండాలిక దేవా లయం, వనపర్తి రంగనాయకస్వామి, బీచ్‌పల్లి ఆంజనేయస్వామి ఆలయం, అలంపూర్‌ జో గులాంబ, మంత్రాలయం దర్శించుకుని తిరిగి మంచిర్యాలకు చేరుకుంటుంది. ఈ అవకాశాన్ని ప్రయాణికులు సద్వినియోగం చేసుకోవాలని ఆర్టీసీ డిపో మేనేజర్‌ నరేష్‌కుమార్‌ తెలిపారు. పూర్తి వివరాలకు 9010 44 9575, 9959226004, 8331033700, 99 8 5445438 నంబర్లలో సంప్రదించాలన్నారు. గంభీరావుపేటలో దారుణ హత్య తిర్యాణి: ఇంట్లో నిద్రి స్తున్న వ్యక్తిని గుర్తు తెలి యని దుండగులు గొంతుకోసి హతమార్చిన సంఘటన మండలంలో ని గంభీరావుపేటలో బుఽ దవారం రాత్రి చోటు చేసుకుంది. స్థానికులు తెలిపిన వివరాల ప్రకారం.. గ్రామానికి చెందిన రాచకొండ సత్తయ్య(50) రజక వృత్తి చేసుకుంటూ జీవనం సాగిస్తున్నాడు. బుధవారం రాత్రి గుర్తు తెలియని దుండగులు కత్తితో దాడి చేయగా క్షత్రగాత్రుడు ఇంటి బయటికి వచ్చి కేకలు వేయడంతో స్థానికులు గుర్తించి మండల కేంద్రంలోని ప్రభుత్వ ఆసుపత్రికి తరలించగా అప్పటికే మృతి చెందినట్లు వైద్యులు ధృవీకరించారు. కాగా ఇటీవల గ్రామంలో ఊరు కట్టడి పనులు చేసేందుకు గ్రామస్తులు రజక కులస్థుల వద్దకు వెళ్లగా పారితోషికం గిట్టుబాటు కాదని ఎవరూ ముందుకు రాలేదు. సత్తయ్య ముందుకు రావడంతో రజక కులస్థులు అతనిపై కక్ష పెంచుకున్నారు. గతంలో పంచాయితీ కూడా పెట్టారు. ఇదే కక్షతో హత్య చేసి ఉంటారని అనుమానాలు వ్యక్తమవుతున్నాయి. మృతు ని కుమారుడు సాయికుమార్‌ ఫిర్యాదు మేరకు కేసు దర్యాప్తు జరుపుతున్నట్లు సీఐ సంజయ్‌ తెలిపారు. ముగ్గురు అనుమానితులను అదుపులోకి తీసుకున్నట్లు సమాచారం. గుడిపేటలో చోరీమంచిర్యాలరూరల్‌(హాజీపూర్‌): హాజీపూర్‌ పోలీస్‌స్టేషన్‌ పరిధిలోని గుడిపేటలో గురువారం మధ్యాహ్నం చోరీ జరిగింది. గ్రామానికి చెందిన బైరి రమేశ్‌ ఇంటికి తాళం వేసి ఉండడాన్ని గమనించిన గుర్తు తెలియని దుండగులు తాళం పగులగొట్టి లోనికి ప్రవేశించా రు. నాలుగున్నర తులాల బంగారు ఆభరణాలు, కొంతనగదు ఎత్తుకెళ్లారు. బాధితుడి ఫిర్యాదు మేరకు కేసు దర్యాప్తు జరుపుతున్నట్లు ఎస్సై కిరణ్‌కుమార్‌ తెలిపారు.

రెబ్బెన: ఛత్తీస్‌గఢ్‌ రాష్ట్రంలోని బిలాయిలో ఈ నెల 2 నుంచి 7 వరకు జరుగనున్న 45వ సబ్‌ జూనియర్స్‌ బాల్‌ బ్యాడ్మింటన్‌ జాతీయ స్థాయి పోటీలకు రెఫరీలుగా రెబ్బెన మండలంలోని గోలేటికి చెందిన నలుగురు సీనియర్‌ క్రీడాకారులు ఎంపికయ్యారు. క్రీడాకారులు కుందారపు నరేష్‌, పి.శ్రీకాంత్‌, డి.శ్రీనివాస్‌, జి.గోపాల్‌ గురువారం ఛత్తీస్‌గఢ్‌కు బయలుదేరారు. ఎంపికై న క్రీడాకారులను బాల్‌ బ్యాడ్మింటన్‌ ఉమ్మడి జిల్లా అధ్యక్షుడు కొత్తపెల్లి శ్రీనివాస్‌, ప్రధాన కార్యదర్శి ఎస్‌.తిరుపతి, ఒలింపిక్‌ అసోసియేషన్‌ జిల్లా వర్కింగ్‌ ప్రెసిడెంట్‌ నారాయణరెడ్డి, సంయుక్త కార్యదర్శి వెంకటేశ్వర్లు అభినందించారు. రాష్ట్రస్థాయి చెస్‌ పోటీలకు ఎంపికబెల్లంపల్లి: రాష్ట్రస్థాయి చెస్‌ పోటీలకు ఉమ్మడి ఆదిలాబాద్‌ జిల్లా జట్టు ఎంపికై ంది. గురువారం బెల్లంపల్లిలోని తెలంగాణ సాంఘిక సంక్షేమ సీవోఈ గురుకుల పాఠశాలలో ఉమ్మడి జిల్లా జోనల్‌ స్థాయి చెస్‌ ఎంపిక పోటీలు నిర్వహించారు. అండర్‌–19 విభాగంలో ప్రతిభ కనబర్చిన విద్యార్థులను రాష్ట్రస్థాయికి ఎంపిక చేశారు. ఎంపికై న క్రీడాకారుల్లో డి.రాజు, జె.వంశీ, డి.శశికుమార్‌, బి.అద్విక్‌, శివరామ అంజి, పవన్‌, వరుణ్‌తేజ, ఐ.ధనుంజయ్‌ ఉన్నట్లు ఎస్‌జీఎఫ్‌ సెక్రటరీ బి.బాబురావు, ప్రిన్సిపాల్‌ ఆకిడి విజయసాగర్‌ తెలిపారు. సదరు విద్యార్థులను ఉమ్మడి జిల్లా చెస్‌ అసోసియేషన్‌ కార్యదర్శి కనకయ్య, పీఈటీలు అల్లూరి వామన్‌, ముత్యకుర్తి రాజశేఖర్‌, ఉపాధ్యాయులు అభినందించారు.

మందమర్రిరూరల్‌: మందమర్రి ఏరియాలో సెప్టెంబర్‌ మాసం 130 శాతం బొగ్గు ఉత్పత్తి సాధించినట్లు ఏరియా జీఎం రాధాకృష్ణ తెలిపారు. కేకే ఓసీలో 171 శాతం, కేకే 5 గనిలో 104 శాతం ఉత్పత్తి సాధించినట్లు ఆయన పేర్కొన్నారు. గురువారం ఏర్పాటు చేసిన సమావేశంలో ఆయన మాట్లాడుతూ భూగర్భ గనుల్లో ఉద్యోగుల గైర్హాజరుతో బొగ్గు ఉత్పత్తికి విఘాతం కలుగుతుందన్నారు. ఈ సమావేశంలో కేకే గ్రూప్‌ ఏజెంట్‌ ఖాదీర్‌, కేకే ఓసీ ప్రాజెక్ట్‌ ఆఫీసర్‌ రాంబాబు, ఏరియా ఇంజినీర్‌ బాలాజీ భగవతి ఝా, డీజీఎం (పర్సనల్‌) అశోక్‌, ఐఈడీ కిరణ్‌ కుమార్‌, సీనియర్‌ పీవో కార్తీక్‌, తదితరులు పాల్గొన్నారు.

రెబ్బెన: బెల్లంపల్లి ఏరియాలో సెప్టెంబర్‌ మాసంలో 71 శాతం బొగ్గు ఉత్పత్తి సాధించినట్లు ఏరియా జీఎం శ్రీ రమేశ్‌ తెలిపారు. గురువారం గోలేటిలోని జీఎం కార్యాలయంలో ఉత్పత్తి వివరాలు వెల్లడించారు. ఏరియాకు 2 లక్షల టన్నుల ఉత్పత్తి లక్ష్యానికి 1.43 లక్షల టన్నులు (71శాతం) సాధించినట్లు తెలిపారు. ఏరియాలో కొత్త ప్రాజెక్టులైన గోలేటి, ఎంవీకే ఓసీపీల ఏర్పాటుకు అవసరమైన అనుమతులు వచ్చేందుకు ప్రయత్నిస్తున్నామన్నారు. అన్ని పరిస్థితులు అనుకూలంగా ఉంటే వచ్చే ఆర్థిక సంవత్సరం గోలేటి ఓసీపీ ద్వారా బొగ్గు ఉత్పత్తిని ప్రా రంభించేందుకు అవకాశం ఉంటుందన్నారు. సమావేశంలో ఎస్వోటూ జీఎం స్వామిరాజు, డీజీఎం ఐ ఈడీ ఉజ్వల్‌కుమార్‌ బెహరా, డీజీఎం పర్సనల్‌ కిరణ్‌బాబు, సీనియర్‌ పీవో శ్రీనివాస్‌ పాల్గొన్నారు.

జిల్లావ్యాప్తంగా జ్వరాలు, జలుబు, దగ్గు వంటివి ఎక్కువగా వస్తున్నాయి. డెంగీ కేసులు నమోదవుతన్న చోట వైద్య సిబ్బంది కేసులు పెరగకుండా నివారణ చర్యలు చేపడుతున్నారు. జ్వరాల బారిన పడ్డ వారి ఇళ్లకు వెళ్లి మందులు అందించడం, రక్తనమూనాలు సేకరించి టీహబ్‌కు పంపించి వ్యాధులు నిర్ధారిస్తున్నాం. అన్ని రకాల సీజనల్‌ వ్యాధులకు అవసరమైన మందులు ప్రభుత్వ ఆసుపత్రుల్లో సిద్ధంగా ఉంచాం. ప్రజలు వ్యక్తిగత పరిశుభ్రతను పాటిస్తూ ఇళ్లు, పరిసరాల్లో నీరు నిల్వ లేకుండా చూసుకోవాలి. – డాక్టర్‌ నరేందర్‌ రాథోడ్‌, జిల్లా వైద్య ఆరోగ్యశాఖ అధికారి

పాతమంచిర్యాల: జాతీయ స్వచ్ఛంద రక్తదాత ల దినోత్సవం సందర్భంగా జిల్లా కేంద్రంలోని రెడ్‌క్రాస్‌ సొసైటీ రక్తనిధి కేంద్రంలో గురువా రం నిర్వహించనున్న రక్తదాన సహాయ ఉద్య మ పోస్టర్‌ను బుధవారం డీఎంహెచ్‌వో నరేందర్‌ రాఽథోడ్‌ ఆవిష్కరించారు. ఆయన మాట్లాడుతూ.. రక్తదాతల దినోత్సవం సందర్భంగా నిర్వహించే రక్తదాన శిబిరంలో అందరూ పాల్గొ ని రక్తదానం చేయాలని కోరారు. రక్తదాన స హాయ ఉద్యమంలో ఎన్జీవోలు, ఎన్‌సీసీలు స్వ చ్ఛంద సంస్థలు ముందుకు రావాలని పిలుపునిచ్చారు. కార్యక్రమంలో జిల్లా మాస్‌ మీడియా అధికారి వెంకటేశ్వర్లు, సంచాలకుడు విశ్వేశ్వర్‌రెడ్డి, సీహెచ్‌వో వెంకటేశ్వర్లు, లయన్స్‌ ఇంటర్నేషనల్‌ డిస్ట్రిక్ట్‌ కో ఆర్డినేటర్‌ ఫర్‌ బ్లడ్‌ డొనేషన్‌ క్యాంప్స్‌ మధుసూదన్‌రెడ్డి పాల్గొన్నారు.బహిరంగ ప్రదేశాల్లో మద్యం సేవిస్తే కఠిన చర్యలు మంచిర్యాలక్రైం: బహిరంగ ప్రదేశాల్లో మద్యం సేవిస్తే కఠినచర్యలు తీసుకుంటామని రామగుండం పోలీస్‌ కమిషనర్‌ అంబర్‌ కిషోర్‌ ఝా ఓ ప్రకటనలో హెచ్చరించారు. సాధారణ ప్రజ లు, మహిళలు ఎదుర్కొంటున్న ఇబ్బందులను దృష్టిలో ఉంచుకుని రామగుండం పోలీస్‌ కమి షనరెట్‌ పరిధిలోని మంచిర్యాల, పెద్దపల్లి జి ల్లాల్లో బహిరంగ ప్రదేశాల్లో మద్యం సేవించ డం, అనుమతి లేకుండా డ్రోన్‌లు, డీజేల విని యోగం నిషేధం అమలులో ఉందని పేర్కొన్నారు. ఈ నెల 1నుంచి నవంబర్‌ 1వరకు ఈ నిషేధాజ్ఞలు అమలులో ఉంటాయని తెలిపా రు. నిబంధనలు ఉల్లంఘించిన వారిపై బీఎంఎస్‌ సెక్షన్‌ 223, హైదరాబాద్‌ సిటీ పోలీస్‌ యాక్ట్‌ 1348 ఫసలీ నిబంధనల ప్రకారం కఠినచర్యలు తీసుకుంటామని హెచ్చరించారు.

మంచిర్యాలఅర్బన్‌: ఆర్టీసీలో చివరి ఎన్నికలు కావొ చ్చు..సంస్థ భవిష్యత్‌, ఉద్యోగుల భద్రత కో సం ఎంప్లాయీస్‌ యూనియన్‌, టీఎంయూ, ఎన్‌ఎంయూ (జేఏసీ)లకు ఓటేసి గెలిపించాలని ఎంప్లాయీస్‌ యూనియన్‌ జనరల్‌ సెక్రటరీ ఈదురు వెంకన్న పిలుపునిచ్చారు. బుధవారం మంచిర్యాల డి పో వద్ద కార్మికులనుద్దేశించి మాట్లాడుతూ ఆర్టీసీ కా ర్మికుల పనిభారం పెరిగిపోయిందని ఆవేదన వ్య క్తం చేశారు. కార్మిక రాజ్యం రావాలంటే, ప్రజా స్వామ్య వ్యవస్థ తిరిగి పునరేకీకరణకు పోరాడాల్సిన అవసరం ఉందన్నారు. కొట్లాడే నాయకులు, ఇంట్లో పడుకునే నాయకులెవరో గుర్తించాలన్నారు. సామాన్యులకు, సంపన్నవర్గాలకు మధ్య జరుగుతున్న ఎన్నికలుగా అభిప్రాయపడ్డారు. అధికార పా ర్టీకి అమ్ముడుపోయిన కొన్ని సంఘాలు మద్యం, డబ్బుతో ప్రలోభ పెడుతాయని, కార్మికులు ఆలో చించి ఓటేయాలని సూచించారు. మంచిర్యాల డి పో, బస్‌స్టేషన్‌ పరిసరప్రాంతాల్లో కార్మికులను కలు సుకుని ఓటు కోసం అభ్యర్థించారు. తెలంగాణ మ జ్దూర్‌ యూనియన్‌ ప్రెసిడెంట్‌ ఏఆర్‌రెడ్డి, ఎంప్లాయీస్‌ యూనియన్‌ డిపో సెక్రెటరీ గోలి శంకర్‌, ప్రె సిడెంట్‌ రాజేశం, వర్కింగ్‌ ప్రెసిడెంట్‌ జ్యోతి, అసిస్టెంట్‌ డిపో సెక్రెటరీలు ఉమారాణి, శంకర్‌, టీఎంయూ సెక్రటరీ తిరుపతి తదితరులు పాల్గొన్నారు.

బెల్లంపల్లి: వర్షాభావ పరిస్థితులకు అనుగుణంగా రైతులు ప్రత్యామ్నాయ పంటలు సాగు చేసుకోవా లని కలెక్టర్‌ కుమార్‌ దీపక్‌ సూచించారు. బెల్లంపల్లి కేవీకేలో ఆత్మ ఆధ్వర్యంలో బుధవారం కిసాన్‌ మేళా నిర్వహించారు. సిర్పూర్‌ (టీ) ఎమ్మెల్యే పాల్వాయి హరీశ్‌బాబు, జిల్లా వ్యవసాయాధికారి సురేఖ, కేవీ కే శాస్త్రవేత్తలతో కలిసి కలెక్టర్‌ మేళాను ప్రారంభించి స్టాళ్లను పరిశీలించారు. కలెక్టర్‌ మాట్లాడుతూ. నీటి లభ్యత, వాతావరణ పరిస్థితులను పరిగణనలోకి తీసుకుని పంటలు సాగు చేయాలని సూచించారు. ఎమ్మెల్యే హరీశ్‌బాబు మాట్లాడుతూ.. శాస్త్రవేత్తలు, అధికారుల సూచనలతో తక్కువ నీటితో ఎక్కువ విస్తీర్ణంలో పంటలు సాగు చేయాలని సూచించారు. ఈ సందర్భంగా ఉత్తమ రైతులను ఎంపిక చేసి శా లువాలతో సన్మానించారు. అనంతరం కేవీకే ప్రాంగణంలో మొక్కలు నాటారు. ట్రైనీ డిప్యూటీ కలెక్టర్‌ విలాయత్‌ అలీ, కేవీకే ఇన్‌చార్జి కోఆర్డినేటర్‌ మహే శ్‌, ఏఎంసీ చైర్మన్లు రత్నం సుకుమారి, రామగిరి బా నేశ్‌, అక్కల వెంకటేశ్వర్లు, దుర్గం లక్ష్మీనారాయణ, మహేశ్‌ ప్రసాద్‌ తివారి, ఆత్మ చైర్మన్లు సత్తయ్య, హనుమంతు, మురళి, రఘునందన్‌రెడ్డి, రైతులు, వివిధ సంస్థల ప్రతినిధులు పాల్గొన్నారు. నాణ్యమైన భోజనం అందించాలినెన్నెల: విద్యార్థులకు నాణ్యమైన భోజనం, విద్య అందించాలని కలెక్టర్‌ కుమార్‌ దీపక్‌ సూచించారు. నెన్నెల కేజీబీవీని సందర్శించి మధ్యాహ్న భోజనా న్ని పరిశీలించారు. అదనపు గదులు, వంటశాల, తరగతి గదులు, రిజిష్టర్లు, పరిసరాలు పరిశీలించి పలు సూచనలు చేశారు. విద్యార్థుల ఆరోగ్యంపై ప్రత్యేక శ్రద్ధ చూపాలని సూచించారు. ఆయన వెంట ఎస్వో కవిత, ఉపాధ్యాయులున్నారు.

సాక్షి ప్రతినిధి, మంచిర్యాల: ఓటరు ప్రత్యేక సమగ్ర పరిశీలన (ఎస్‌ఐఆర్‌) నోటీసులు, హియరింగ్‌ ప్రక్రియల్లో జిల్లాలోని పలుచోట్ల జాప్యం జరుగుతోంది. నోటీసులు అందుకున్న ఓటర్లు సకాలంలో తగిన ఽఆధారాలతో హియరింగ్‌కు రాకపోవడంతో ఓటరు ధ్రువీకరణలో ఆలస్యమవుతోంది. జిల్లాలోని మంచిర్యాల, చెన్నూరు, బెల్లంపల్లి నియోజకవర్గాల పరి ధిలోని ఓటర్ల తప్పులు, అన్‌మ్యాపింగ్‌ ఓటర్ల పరిశీ లన ప్రక్రియ కొనసాగుతున్న విషయం తెలిసిందే. అయితే, నోటీసులు అందుకున్న చాలామంది ఓట ర్లు సకాలంలో స్పందించకపోవడంతో మరోసారి పరిశీలన చేయాల్సి వస్తోంది. నోటీసులు అందుకున్నవారిలో ఇప్పటివరకు 72వేల మంది హియరింగ్‌ గడువు తీరిపోయింది. వీరిలో కొందరికి మరోరోజు రీషెడ్యూల్‌ ఇస్తున్నారు. చాలామందికి తగిన ధ్రువపత్రాలు చూపించడంలోనే ఇబ్బందులు వస్తున్నాయి. జిల్లాలో ముసాఽయిదా ప్రకారం 6.61లక్షల మంది ఓటర్లున్నారు. వీటిలో 1,36,985 ఓట్లు అనామలిస్‌ కేటగిరీలో, మరో 33,983మంది ఓట్లు అన్‌మ్యాపింగ్‌లో ఉన్నాయి. ఈ రెండు కేటగిరీల్లో మొత్తం 1,70,967 మంది ఓటర్లకు నోటీసులు జారీ చేసి తగిన ధ్రువపత్రాలు పరిశీలించాక తుది జాబితాకు పంపాల్సి ఉంది. ఇందుకు ప్రతీ ఓటరు వివరాలను బీఎల్వోల నుంచి అసిస్టెంట్‌, రిటర్నింగ్‌ ఆఫీసర్‌, ఎన్నికల సిబ్బంది, జిల్లా ఎన్నికల అధికారి నుంచి కలెక్టర్‌ వరకు పరిశీలన చేయాల్సి ఉంది. రోజుకు సగటున 4,200 ఓట్లు లక్ష్యంగా ముందుకు సాగుతున్నారు. వరుసగా పండుగలు రావడంతోనూ పరిశీలనలో జాప్యం జరుగుతోంది. రుజువుల కోసం తిప్పలు ఎన్నికల నిబంధనల ప్రకారం తగిన ధ్రువపత్రాలు ఉంటేనే ఓటు కొనసాగే అవకాశముంది. 2002 ప్రకారం మ్యాపింగ్‌ జరుగుతుండగా, 2004 డిసెంబర్‌ తర్వాత పుట్టిన వారంతా తమ కుటుంబ స భ్యుల వివరాలు ఇవ్వాల్సి ఉంటుంది. ఇక 1987కంటే ముందు పత్రాలు, కేంద్ర, రాష్ట్ర ప్రభుత్వ, ప్రభు త్వ రంగాలు జారీ చేసే గుర్తింపు కార్డు లేదా పింఛన్‌ కార్డు, పాస్‌పోర్టు, విద్యార్హతలు, నివాస, కుల ధ్రు వీకరణ పత్రాలు, అటవీ హక్కుల పత్రం, సిటిజన్‌ సర్టిఫికెట్‌, ఫ్యామిలీ రిజిష్టర్‌, పట్టాదారు పాస్‌ పుస్తకంలో ఏదో ఒక డాక్యుమెంట్‌ తప్పనిసరిగా ఇవ్వా లి. చాలామందిలో చదువుకోని, ఎలాంటి ధ్రువపత్రాలు లేనివారు కుల ధ్రువీకరణ పత్రాలు చూపించాలి. దీంతో స్థానిక తహసీల్దార్‌ ఆఫీసుల నుంచి కుల ధ్రువీకరణ పత్రాలు తీసుకుంటున్నారు. అన్‌మ్యాప్‌ అయిన ఓటర్లు కూడా తాజాగా తగిన రుజు వు చూపిస్తూ బీఎల్వోల డిక్లరేషన్‌తోనూ తుది ఓట రు జాబితాతో నమోదు చేయవచ్చు. క్షేత్రస్థాయిలో ఓటరు పరిశీలనలతో జరుగుతున్న జాప్యంతో ఎ న్నికల కమిషన్‌ తుది జాబితా ప్రచురణకు గడువు ను అక్టోబర్‌ 15నుంచి నవంబర్‌ 9వరకు పొడిగించింది. అయితే, ఈ నెల 5వరకు ఓటర్ల అభ్యంతరా లు, ఫిర్యాదులు పరిష్కరించాల్సి ఉంది. ఆ తర్వాత కూడా మరో 10రోజుల గడువిచ్చే అవకాశముంది.అన్‌మ్యాపింగ్‌, అనామలిస్‌ ఓటర్ల వివరాలునియోజకవర్గం జారీ చేసిన పెండింగ్‌ హియరింగ్‌ తుదిజాబితాకు నోటీసులు నోటీసులు పూర్తి ఆమోదం చెన్నూరు 57,380 2,671 24,800 1,12,075 బెల్లంపల్లి 45,370 832 24,469 1,13,786 మంచిర్యాల 68,218 5,387 42,368 1,50,105 మొత్తం 1,70,967 8,890 91,637 3,75,966

ఖానాపూర్‌: గిరిజన ప్రాంతాల అభివృద్ధికి నిధులు మంజూరు చేయాలని ఖానాపూర్‌ ఎమ్మెల్యే వెడ్మబొజ్జు పటేల్‌ కోరారు. బుధవారం హైదరాబాద్‌లో గిరిజన సంక్షేమ శాఖ ముఖ్య కార్యదర్శి సబ్యసాచి ఘోష్‌ను కలిశారు. దండారీ ఉత్సవాల నిర్వహణకు రూ.1.50 కోట్ల నిధులు మంజూరు చేయాలని కోరారు. ఉట్నూర్‌, భద్రాచలం డీఎడ్‌, బీఎడ్‌ కళాశాలల్లో టీచింగ్‌, నాన్‌టీచింగ్‌ పోస్టులను వెంటనే భర్తీ చేయాలని విజ్ఞప్తి చేశారు. గిరిజన యువతకు పోటీ పరీక్షల శిక్షణ అందించేందుకు ఐఏఎస్‌ అకాడమీ కేంద్రాలతోపాటు మహిళలు, పురుషులకు ప్రత్యేక హాస్టళ్లు ఏర్పాటు చేయాలని కోరారు. కేస్లాపూర్‌ నాగోబా జాతర అభివృద్ధికి రూ.21 కోట్ల నిధులతో జీవో విడుదల చేయడం, రోడ్ల అభివృద్ధికి రూ.15 కోట్ల నిధులు మంజూరు చేసినందుకు ఘోష్‌కు కృతజ్ఞతలు తెలిపారు.

బెల్లంపల్లి: బెల్లంపల్లి రైల్వేస్పోర్ట్స్‌ కాంప్లెక్స్‌ ప్రాంగణంలో మంగళవారం ఉమ్మడి ఆదిలాబాద్‌ జిల్లా జోనల్‌స్థాయి తైక్వాండో క్రీడాకారుల ఎంపిక పోటీలు అట్టహాసంగా జరిగాయి. పాత మంచిర్యాలలోని ద్రోణ తైక్వాండో అకాడమీకి చెందిన పలువు రు విద్యార్థులు ప్రతిభ కనబర్చి రాష్ట్రస్థాయి పోటీలకు ఎంపికయ్యారు. అండర్‌–14 బాలుర విభాగంలో నిర్వహించిన 25 కేజీల విభాగంలో ఎం.అవ్యుక్త్‌, 32 కేజీల విభాగంలో శ్రేయాన్స్‌, 35 కేజీల వి భాగంలో రిష్విత్‌, 38 కేజీల విభాగంలో జి.అయాష్‌, 41 కేజీల విభాగంలో నాగుల శశివర్ధన్‌, చెట్టి కౌ శిక్‌ కార్తికేయ విజేతలుగా నిలిచినట్లు నిర్వాహకులు ప్రకటించారు. అండర్‌–17 బాలికల విభాగంలో నిర్వహించిన పోటీల్లో 35 కేజీల విభాగంలో సీహెచ్‌.శివ లాస్య, 55 కేజీల విభాగంలో కొల్లూరి హర్షిత పటేల్‌, 68 కేజీల విభాగంలో పెంట సహస్ర సత్తా చాటారు. స్వర్ణమయి పటేల్‌, సాయి రిషిక్‌, స్నేహిత్‌ తేజ తృతీయస్థానం దక్కించుకున్నారని ప్రకటించారు. ఎస్జీఎఫ్‌ సెక్రెటరీ యాకుబ్‌, తైక్వాండో అసో సియేషన్‌ ప్రతినిధులు వారిని అభినందించారు.

మంచిర్యాలక్రైం: నిద్రిస్తున్న భర్త ముఖంపై వేడి నూనె పోసి రొకలిబండతో తలపై మోది హత్య చేసిన భార్య, కూతురిని అరెస్టు చేసి బుధవారం రిమాండ్‌కు తరలించినట్లు సీఐ ప్రమోద్‌రావు తెలిపారు. తన కార్యాలయంలో సీఐ వివరాలు వెల్లడించారు. జిల్లా కేంద్రంలోని అశోక్‌రోడ్‌లో ఈ నెల29న వైద్య మోహన్‌(45) హత్యకు గురయ్యాడు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. భార్య జమున, ఆమె కూతురి కోసం గాలిస్తుండగా బుధవారం పట్టుకుని విచారించగా నేరం అంగీకరించారు. మోహన్‌న్‌–జమునకు 20 ఏళ్ల క్రితం వివాహమైంది. పెళ్లినాటి నుంచి భార్యను వేధింపులకు గురిచేసేవాడు. భరించలేక గత రెండేళ్లు కూతురితో కలిసి తల్లిగారింట్లో ఉంటోంది. మూడు నెలల క్రితం కుటుంబీకులు పంచాయితీ నిర్వహించి ఒప్పందంపై మంచిర్యాలలో ఉంచారు. ఈనెల 28 రాత్రి దంపతుల మధ్య గొడవ జరిగింది. తర్వాత నిద్రపోయారు. పథకం ప్రకారం 2 కిలోల వేడి నూనెను మరిగించి మోహన్‌ ముఖంపై పోశారు. గట్టిగా అరవడంతో రొకలి బండతో తలపై మోదగా అక్కడికక్కడే మృతిచెందాడు. నిందితుల నుంచి రొకలి బండను స్వాధీనం చేసుకున్నారు. కోర్టులో వారిని హాజరుపర్చగా రిమాండ్‌ విధించినట్లు తెలిపారు.

జైపూర్‌: ిసంగరేణిలో ఎస్సీ, ఎస్టీ ఉద్యోగుల సమస్యలను పరిష్కరించాలని సంఘం రాష్ట్ర అధ్యక్షుడు ధరావత్‌ పంతులానాయక్‌, రాష్ట్ర ప్రధానకార్యదర్శి భూక్య నాగేశ్వర్‌రావు కోరారు. హైదరాబాద్‌ సింగరేణి భవన్‌లో రాష్ట్ర ఎస్సీ, ఎస్టీ కమిషన్‌ చైర్మన్‌ బిక్కి వెంకటయ్య, సభ్యులు కొంకటి లక్ష్మణ్‌, రేణికుంట్ల ప్రవీణ్‌, రాంబాబులతో బుధవారం సమీక్ష సమావే శం నిర్వహించారు. బ్యాక్‌లాగ్‌ పోస్టుల భర్తీ, ప్రమోషన్లలో రోస్టర్‌ అమలు, శిక్షణలో ప్రాతినిధ్యం, గృహ రుణ సదుపాయం, డీపీసీలో ఎస్సీ, ఎస్టీ ప్రాతి నిధ్యం తదితర అంశాలపై చర్చించారు. జైపూర్‌ ఎస్టీపీపీ వద్ద బీఆర్‌.అంబేడ్కర్‌ విగ్రహాన్ని ఏర్పాటు చేయాలని వినతిపత్రం అందజేశారు.

దండేపల్లి: రాష్ట్రస్థాయి ఎస్జీఎఫ్‌ కుస్తీపోటీలకు దండేపల్లి మండలం రెబ్బనపల్లి జెడ్పీ ఉన్నతపాఠశాల 7వ తరగతి విద్యార్థి జంబోజి రాంచరణ్‌ ఎంపికయ్యాడని ఎంఈవో, పాఠశాల హెచ్‌ఎం మంత్రి రాజు, పీడీ శ్రీనివాస్‌ తెలిపారు. ఆదిలాబాద్‌ ఇందిరా ప్రియదర్శిని స్టేడియంలో బుధవారం నిర్వహించిన ఉమ్మడి జిల్లా అండర్‌–14 విబాగం కుస్తీ ఎంపిక పోటీల్లో రాంచరణ్‌ ప్రతిభ కనబర్చాడు. దీంతో అతను ఈనెల 8నుంచి నారాయణపేట జిల్లాలో నిర్వహించే రాష్ట్రస్థాయి పోటీల్లో ఆడనున్నట్లు వారు పేర్కొన్నారు. హెచ్‌ఎం, ఉపాధ్యాయులు, గ్రామస్తులు విద్యార్థిని అభినందించారు. వాలీబాల్‌ పోటీల్లో.. కోటపల్లి: మంచిర్యాలలోని మోడల్‌ స్కూల్‌లో నిర్వహించిన అండర్‌–19 వాలీబాల్‌ పోటీల్లో కోటపల్లి మోడల్‌ స్కూల్‌ విద్యార్థులు శ్రీ వైష్ణవి, సంజన ప్ర తిభ కనబర్చారు. అత్యుత్తమ ప్రదర్శనతో రాష్ట్రస్థా యి పోటీలకు ఎంపికై నట్లు ప్రిన్సిపాల్‌ రాజశేఖర్‌ తె లిపారు. ఉపాధ్యాయులు వారిని అభినందించారు.

పాతమంచిర్యాల: ఆపదలో ఉన్నవారిని ఆదుకునేందుకు, ప్రమాద సమయాల్లో క్షతగాత్రుల ప్రాణాలు నిలిపేందుకు రక్తం అవసరం. ప్రతి ఒక్కరూ భాగస్వాములై బ్లడ్‌ డొనేట్‌ చేసి ప్రాణదాతలుగా మారాలి. రక్తం అందక ఏ ఒక్క ప్రాణం పోకుండా స్వచ్ఛందంగా రక్తదానం చేసే దాతలు గౌరవించడం, నిల్వలు పెంచడం, అపోహలు తొలగించడం తదితర లక్ష్యంతో ఏటా అక్టోబర్‌ 1న జాతీయ స్వచ్ఛంద రక్తదాతల దినోత్సవం జరుపుకొంటాం. ట్రాన్స్‌ఫ్యూజన్‌ మెడిిసిన్‌ విభాగాన్ని స్థాపించిన డాక్టర్‌ జైగోపాల్‌ జాలీ జన్మదినం పురస్కరించుకొని ఇండియన్‌ సొసైటీ ఆఫ్‌ బ్లడ్‌ ట్రాన్స్‌ఫ్యూజన్‌ అండ్‌ ఇమ్యూనోహెమటాలజీ ఆధ్వర్యంలో ఈ కార్యక్రమం నిర్వహిస్తుంటారు. నెలకు 1000 యూనిట్ల రక్తం అవసరం జిల్లాలో ప్రతీనెల సుమారు 800–1000 యూనిట్ల రక్తం అవసరం. ఇండియన్‌ రెడ్‌క్రాస్‌ సొసైటీ రక్తనిధి కేంద్రం ద్వారా తలసేమియా సికిల్‌సెల్‌ వ్యాధిగ్రస్తులకు 300 యూనిట్లు, ప్రభుత్వ ఆస్పత్రుల్లో అత్యవసర రోగులకు 500 యూనిట్లు అందిస్తున్నారు. ఒక యూనిట్‌ రక్తం ముగ్గురి ప్రాణాలను కాపాడుతుంది. 18 నుంచి 65 ఏళ్లు, 45 కిలోల బరువు ఉన్న వారు రక్తదానం చేయవచ్చునని వైద్యులు చెబుతున్నారు. జిల్లాలోని ఇండియన్‌ రెడ్‌క్రాస్‌ సొసైటీ ఆధ్వర్యంలో నిర్వహిస్తున్న రక్తనిధి కేంద్రం నిర్వాహకులు రక్తదానంపై అవగాహన, శిబిరాలు నిర్వహిస్తూ ఆదర్శంగా నిలుస్తున్నారు. స్ఫూరిగా నిలిచిన మధుసూదన్‌రెడ్డిజిల్లా కేంద్రానికి చెందిన లయన్స్‌ ఇంటర్నేషనల్‌ డిస్ట్రిక్ట్‌ కోఆర్డినేటర్‌ ఫర్‌ బ్లడ్‌ డొనేషన్‌ క్యాంప్స్‌ వి.మధుసూదన్‌రెడ్డి రక్తం గ్రూప్‌ ఏబీ నెగిటివ్‌. ఇప్పటివరకు 48 సార్లు రక్తదానం చేసి అందరికీ స్ఫూర్తిగా నిలుస్తున్నారు. కలెక్టర్లు, రాష్ట్ర గవర్నర్‌ చేతులమీదుగా ఆయన ప్రశంసాపతాలు అందుకున్నారు.

చెన్నూర్‌: మున్సిపల్‌ సమావేశంలో వార్డుల్లో నెలకొన్న సమస్యలపై కౌన్సిలర్లు అధికారులను నిలదీశారు. ఎన్నిసార్లు సమస్యలు తెలిపినా పట్టించుకోవడం లేదని ఆరోపించారు. చెన్నూర్‌ మున్సిపల్‌ కౌన్సిల్‌ సాధారణ సమావేశం బుధవారం మున్సిపల్‌ చైర్‌పర్సన్‌ పెద్దింటి పద్మ అధ్యక్షతన జరిగింది. సమావేశంలో కోఆప్షన్‌ సభ్యుల గౌరవ వేతనం, ట్రాక్టర్ల రిజిస్ట్రేషన్‌, ఇన్సూరెన్స్‌, ఔట్‌ సోర్సింగ్‌ సిబ్బంది బట్టలు, చెప్పులు, బతుకమ్మ ఆడే ప్రాంతాల్లో లైటింగ్‌ ఏర్పాటుతో ఇతర పనుల కోసం నిధుల కేటాయింపుపై 18 అంశాల ఎజెండాను ప్రవేశ పెట్టారు. నాలుగోవార్డు కౌన్సిలర్‌ పెండ్యాల సాగర్‌ మాట్లాడుతూ.. తమ వార్డులో మోటార్‌ చెడిపోయి నెలరోజులవుతున్నా రిపేర్‌కు దిక్కులేదని తెలుపగా, త్వరలోనే మోటార్‌ బాగు చేయిస్తానని కమిషనర్‌ మారుతీప్రసాద్‌ చెప్పారు. అధికారిక కార్యక్రమాల్లో కౌన్సిలర్లకు సమాచారం లేకుండా కాంగ్రెస్‌ నాయకులకు సమాచారం ఇస్తూ వారితో పనులు ప్రారంభించడం మున్సిపాలిటీ నిబంధనలకు విరుద్ధమని మూడోవార్డు కౌన్సిలర్‌ అంబటి శంకర్‌ పేర్కొనగా, ఈ విషయం తన దృష్టికి రాలేదని, రానున్న ప్రతీ సమావేశం, అభివృద్ధి పనుల సమాచారం తప్పనిసరిగా ఇస్తామని కమిషనర్‌ పేర్కొన్నారు. శ్రీనగర్‌కాలనీలో రోడ్డు మంజూరైనా పనులు ప్రారంభించకుండా అధికార పార్టీ నాయకులు అడ్డుకుంటున్నారని, పనులు ఎప్పుడు ప్రారంభిస్తారని ఏడోవార్డు కౌన్సిలర్‌ కొప్పుల ప్రభాకర్‌ కమిషనర్‌ను ప్రశ్నించగా, అధికారులతో మాట్లాడి ఎందుకు పనులు నిలిపివేశారో తెలుసుకుంటానని తెలిపారు. ఆదర్శనగర్‌ కాలనీలో రోడ్డు మధ్యలో విద్యుత్‌ స్తంభం వంగి ఉండడంతో ఎప్పుడు ఎలాంటి ప్రమాదం సంభవిస్తుందోనని ప్రజలు ఆందోళన చెందుతున్నారని, వెంటనే స్తంభాన్ని తొలగించాలని 14వార్డు కౌన్సిలర్‌ మేడ స్రవంతి కోరగా, విద్యుత్‌శాఖ అధికారులతో మాట్లాడి పరిష్కరిస్తానని చెప్పారు. అనంతరం కౌన్సిలర్ల ఆమోదం మేరకు 18 అంశాలను తీర్మానించినట్లు కమిషనర్‌ తెలిపారు. మున్సిపల్‌ వైస్‌ చైర్మన్‌ వినయ్‌కుమార్‌, కౌన్సిలర్లు, కోఆప్షన్‌ సభ్యులు పాల్గొన్నారు.

శ్రీరాంపూర్‌: 134 ఏళ్ల చరిత్ర ఉన్న సింగరేణిని కాంగ్రెస్‌ ప్రభుత్వం ఆర్థిక సంక్షోభంలో నెట్టిందని మ ల్కాజ్‌గిరి ఎంపీ ఈటల రాజేందర్‌ తెలిపారు. న స్పూర్‌లోని సీసీసీ కార్నర్‌లో బుధవారం బీజేపీ ఆధ్వర్యంలో సింగరేణి బకాయి..బీజేపీ లడాయి పే రుతో భారీ ధర్నా నిర్వహించారు. ఈ సందర్భంగా ఈటల మాట్లాడారు. సింగరేణి నుంచి బొగ్గు, వి ద్యుత్‌ కొనుగోలు చేసి రాష్ట్ర ప్రభుత్వం రూ. 55 వేల బకాయి పెట్టిందని ఇవి వెంటనే చెల్లించాలన్నారు. 40 లక్షల టన్నుల బొగ్గు లెక్కతేల్చాలని డిమాండ్‌ చేశారు. ప్రస్తుతం బొగు్‌గ్‌ నిల్వలు లేవని దీని కారణంగా విద్యుత్‌ కేంద్రాలు మూతపడటంతో ప్రభుత్వం అప్రకటిత కోతలు మొదలు పెట్టిందన్నారు. అప్పటి సీఎం కేసీఆర్‌ కార్మికులకు అనేక హామీలు ఇచ్చి మోసం చేశారన్నారు. ఆయన అహంకారాన్ని దించడానికి ప్రజలు రేవంత్‌ను గద్దెనెక్కిస్తే ఆరు గ్యారంటీల పేరు చెప్పి మోసగించారన్నారు. సింగరేణిలో బొగ్గు ఉత్పత్తిని కాంట్రాక్టర్లకు అప్పగిస్తూ స ంపదను కేవలం కొద్ది మందికి దోచిపెడుతున్నారని ఆరోపించారు. కార్మికులను డిస్మిస్‌ చేయడం సరికా దని, కాంట్రాక్ట్‌ కార్మికులకు రూ.1250 రోజు వారి వేతనం ఇవ్వాలని డిమాండ్‌ చేశారు. తమ సమస్యలు పరిష్కరించాలని కోరుతూ కాంట్రాక్ట్‌, డిస్మిస్‌ కా ర్మికులు ఎంపీకి వినతిపత్రాలు అందజేశారు. పార్టీ రాష్ట్ర ఉపాధ్యక్షుడు వెరబెల్లి రఘునాథ్‌రావు, మాజీ ఎమ్మెల్యేలు ఏ.శ్రీదేవి, బొడిగే శోభ, జిల్లా అధ్యక్షు డు వెంకటేశ్వర్‌గౌడ్‌, బీఎంఎస్‌ ప్రెసిడెంట్‌, వ ర్కింగ్‌ ప్రెసిడెంట్లు అప్పని శ్రీనివాస్‌, యాదగిరి స త్త య్య, కార్పొరేషన్‌ ఫ్లోర్‌ లీడర్‌ ముఖేశ్‌గౌడ్‌, నాయకులు అశోక్‌, సత్యనారాయణ, సంధ్యారాణి, శ్రీని వాస్‌, కృష్ణమూర్తి, నాగేశ్వర్‌రావు, రమేశ్‌, చక్రీ, స దానందం, కమలాకర్‌రావు, శ్రీదేవి, భీమయ్య పా ల్గొన్నారు.అన్ని సంఘాలు కలిసి పోరాడాలి – మల్క కొమురయ్య, ఎమ్మెల్సీసింగరేణి పరిరక్షణకు అన్ని సంఘాలు కలిసి ప్రభుత్వానికి వ్యతిరేకంగా పోరాడాలని ఆ పార్టీ ఎమ్మెల్సీ మల్క కొమురయ్య తెలిపారు. సింగరేణి బలోపేతానికి ఇటీవలే కేంద్రం రెండు బొగ్గు బ్లాకులను కేటియించిందన్నారు. సీఆర్‌ఎస్‌, డీఎంఎఫ్‌టీ నిధులు దుర్వినియోగం అవుతున్నాయని తెలిపారు. బొగ్గు లేక విద్యుత్‌ కోతలు – పాల్వాయి హరీశ్‌బాబు, ఎమ్మెల్యే బొగ్గు కొరతతో పవర్‌ప్లాంటు మూతపడటంతో రాష్టంలో విద్యుత్‌ కోతలు మొదలయ్యాయని సిర్పూర్‌ ఎమ్మెల్యే పాల్వాయి హరీశ్‌బాబు తెలిపారు. రైతులకు కనీసం 8 గంటలకు విద్యుత్‌ను ఇవ్వడం లేదన్నారు. దీని కారణం సింగరేణిని రాష్ట్ర ప్రభుత్వ పెద్దలు తమ సొంత సంస్థగా మార్చుకోవడమే అన్నారు. కమీషన్ల కోసం ఇప్పడు విదేశి బొగ్గు కొనుగోలుకు సిద్దమవుతున్నారని దీన్ని అడ్డుకోవాలన్నారు.

జన్నారం: అక్రమించిన అటవీ భూమిని బుధవారం అటవీ అధికారులు తిరిగి స్వాధీనం చే సుకున్నారు. జన్నారం అటవీ డివిజన్‌, ఇందన్‌పల్లి రేంజ్‌ పరిధిలోని మురిమడుగు గ్రా మం కంపార్టుమెంట్‌ నంబర్‌ 233లో సుమా రు 8 ఎకరాల భూమిని అదే గ్రామానికి చెందిన వ్యక్తులు ఆక్రమించుకున్నారు. ఎఫ్‌డీవో రామ్మోహన్‌, ఉన్నతాధికారుల ఆదేశాల మే రకు ఇందన్‌పల్లి ఇన్‌చార్జి రేంజ్‌ అధికారి బాబ ఖాదర్‌వలీ, తాళ్లపేట రేంజ్‌ అధికారి వికాస్‌, ఇందన్‌పల్లి, జన్నారం రేంజ్‌ సిబ్బంది ఆ గ్రామానికి చేరుకుని భూమిని స్వాధీనం చేసుకున్నారు. ఆ భూమి చుట్టూ కందకం తవ్వించారు. డిప్యూటీ రేంజ్‌ అధికారులు మమత, సాగరిక, విజయ్‌కుమార్‌, సెక్షన్‌ అధికారి శేషురావు, సిబ్బంది పాల్గొన్నారు. ఇద్దరు మృతి కారకుడికి ఏడాది జైలుమంచిర్యాలక్రైం: రోడ్డు ప్రమాదంలో నవదంపతుల మృతికి కారణమైన టిప్పర్‌ (లారీ) డ్రై వర్‌ ఏడాది జైలుశిక్షతోపాటు రూ.వెయ్యి జరిమానా విధిస్తూ స్థానిక ఫస్ట్‌క్లాస్‌ జ్యూడీషియల్‌ మెజిస్ట్రేట్‌, జూనియర్‌ సివిల్‌ జడ్జి కె.నిరోష బుధవారం తీర్పుచెప్పారు. సీఐ ప్రమోద్‌రావు తెలిపిన వివరాల ప్రకారం.. 2021 జనవరి 18న జిల్లా కేంద్రంలోని ఏసీసీ సమీపంలో రోడ్డు ప్రమాదం జరిగింది. గద్దెరాగడికి చెందిన రుద్ర స్వరాజ్‌ –కృష్ణవేణి నవ దంపతులు పనినిమిత్తం మంచిర్యాలకు బైక్‌పై వస్తున్నారు. లారీ టిప్పర్‌ వెనుక నుంచి అతి వేగంగా వచ్చి ఓవర్‌ టేక్‌ చేసే క్రమంలో ఢీకొట్టాడు. దంపతులు మృతి చెందారు. అప్పటి సీఐ ముత్తి లింగయ్య కేసు నమోదు చేపట్టారు. రామగుండంకు చెందిన టిప్పర్‌ డ్రైవర్‌ చిలుక సంతోష్‌ను రిమాండ్‌కు తరలించారు. కోర్టులో హాజరుపర్చి నేరం రుజువు చేయడంతో ఈ మేరకు జడ్జి తీర్పునిచ్చారు.

మంచిర్యాలఅర్బన్‌: స్థానిక జిల్లా పరిషత్‌ పాఠశాల మైదానంలో ప్రత్యేకావసరాల పిల్లలకు ఆటలపోటీలు నిర్వహించారు. 18మండలాల్లోని భవిత కేంద్రాల నుంచి చిన్నారులు పోటీల్లో పాల్గొని ప్రతిభ కనబరిచారు. రన్నింగ్‌, మ్యూజికల్‌ చైర్స్‌, బాల్‌త్రో, షాట్‌ఫుట్‌ తదితర క్రీడలను వారి సామర్థ్యాలకు అనుగుణంగా నిర్వహించి విజేతలకు పతకాలు, ప్రశంసాపత్రాలు అందజేశారు. అదనపు కలెక్టర్‌ చంద్రయ్య, సెక్టోరల్‌ అధికారి కృష్ణమూర్తి, ఫైనాన్స్‌ అండ్‌ అకౌంట్స్‌ ఆఫీసర్‌ మహేశ్వర్‌రెడ్డి, హెచ్‌ఎం రమేశ్‌, పీడీలు రాజయ్య, శ్రీనివాస్‌, విజయ్‌చందర్‌, ఐఈఆర్పీలు, తల్లిదండ్రులు పాల్గొన్నారు.

చెన్నూర్‌: ప్రజలకు మెరుగైన వైద్య సేవలందించడమే ప్రభుత్వ లక్ష్యమని కలెక్టర్‌ కుమార్‌ దీపక్‌ పేర్కొన్నారు. మంగళవారం చెన్నూర్‌ పట్టణంలో చేపట్టిన 100 పడకల ఆస్పత్రి ప్రహరీ, ఇతర పనులతో పాటు వెనుకబడిన తరగతుల పాఠశాల, కస్తూర్బా పాఠశాలను సందర్శించారు. అదనపు గదుల నిర్మాణ పనులతోపాటు మధ్యాహ్న భోజనా న్ని పరిశీలించారు. ఈ సందర్భంగా కలెక్టర్‌ మాట్లాడుతూ.. పనులను నిర్లక్ష్యం చేయకుండా త్వరగా పూర్తి చేయాలని సూచించారు. ఆస్పత్రి పనులు తుది దశకు చేరాయని, ప్రారంభానికి సిద్ధం చేయనున్నట్లు తెలిపారు. మెనూ ప్రకారం విద్యార్థులకు భోజనం అందించాలని పేర్కొన్నారు. చదువులో వెనుకబడిన విద్యార్థులపై ప్రత్యేక శ్రద్ధ పెట్టాలని సూచించారు. అనంతరం తహసీల్‌ కార్యాలయంలో 2027లో నిర్వహించనున్న పుష్కరాల పనులపై తహసీల్దార్‌ మల్లికార్జున్‌తో కలిసి సమీక్ష నిర్వహించారు. రోడ్డు నిర్మాణంలో భూములు పోతున్న రైతులతో మాట్లాడారు. పుష్కరాల కోసం నిర్మించే రోడ్డు పనులకు రైతులు సహకరించాలని కోరారు. వివిధ శాఖల అధికారులు పాల్గొన్నారు.

చెన్నూర్‌: చెన్నూర్‌ ప్రభుత్వ ఉన్నత పాఠశాలలో మంగళవారం అండర్‌–14 బాలబాలికల జిల్లాస్థాయి హ్యాండ్‌బాల్‌ ఎంపిక పోటీలు నిర్వహించారు. పోటీలను ఉమ్మడి ఆదిలాబాద్‌ జిల్లా హ్యాండ్‌బాల్‌ అసోసియేషన్‌ జనరల్‌ సెక్రటరీ కనపర్తి రమేశ్‌ ప్రారంభించి మాట్లాడారు. జిల్లా స్థాయిలో ప్రతిభ కనబర్చి జోనల్‌, రాష్ట్ర, జాతీయ స్థాయి పోటీల్లో రాణించి జిల్లాకు పేరు తేవాలని క్రీడాకారులకు సూచించారు. జిల్లాస్థాయి ఎంపిక పోటీల్లో 16మంది బాలురు, 16మంది బాలికలు ప్రతిభ కనబర్చి జోనల్‌ స్థాయి పోటీలకు ఎంపికై నట్లు పాఠశాల హెచ్‌ఎం ఫణిరాజా తెలిపారు. రిటైర్డ్‌ పీఈటీ రామయ్య, హ్యాండ్‌బాల్‌ కోచ్‌లు అరవింద్‌, రాజశేఖర్‌, పీడీలు విఠల్‌, ప్రవీణ్‌, సత్యనారాయణ, రాజయ్య, దీపిక తదితరులు పాల్గొన్నారు.

మంచిర్యాలఅర్బన్‌: పీఎంశ్రీ పాఠశాలల ఆధ్వర్యంలో జిల్లా సైన్స్‌ కేంద్రంలో మంగళవారం నిర్వహించిన జిల్లా స్థాయిలో కళా–సాంస్కృతిక పోటీలు ఆకట్టుకున్నాయి. అదనపు కలెక్టర్‌, డీఈవో చంద్రయ్య పోటీలను ప్రారంభించారు. జానపద, శాసీ్త్రయ నృత్యం, సోలో గానం, బృందగానం, నాటకం, కవితా పఠనం, వక్తృత్వం, వాయిద్య సంగీతం, చిత్రలేఖ నం పోటీలు నిర్వహించగా 250 మంది విద్యార్థులు పాల్గొన్నారు. సెక్టోరల్‌ అధికారులు సత్తయ్య, కృష్ణమూర్తి, పోటీల ఇన్‌చార్జీలు గిరిధర్‌, శంకర్‌, జనార్ద న్‌, పూర్వ సెక్టోరల్‌ అధికారి సత్యనారాయణమూర్తి, న్యాయనిర్ణేతలు అశోక్‌, రాజన్న, ప్రసాద్‌, సంతోష్‌, సాంబయ్య, యాదగిరి, శ్రీనివాస్‌, సుమన, శ్రీకర్‌ తదితరులు పాల్గొన్నారు. జన్నారంలో అధికారులతో సమీక్షజన్నారం: మండల కేంద్రంలోని ఎంపీడీవో కార్యాలయంలో అదనపు కలెక్టర్‌ చంద్రయ్య సమీక్ష నిర్వహించారు. వీబీజీ రాంజీ పనులు, కూలీల వివరా లు తెలుసుకున్నారు. మురిమడుగు గ్రామంలో చేపట్టిన కుంట పనులు పరిశీలించి కూలీల సంఖ్య పెంచాలని సిబ్బందిని ఆదేశించారు. కలమడుగు గోదా వరి నది వద్దకు వెళ్లి పుష్కరఘాట్‌ను పరిశీలించి అభివృద్ధిపై ఆరా తీశారు. సమావేశంలో ఎంపీడీవో ఉమర్‌ షరీఫ్‌, తహసీల్దార్‌ బక్కయ్య, ఏపీవో రవీందర్‌, ప్రజాప్రతినిధులు పాల్గొన్నారు.

మంచిర్యాలక్రైం/భీమిని/భీమారం: పలువురు ఆటో డ్రైవర్లు కాసుల కోసం కక్కుర్తి పడుతూ ప్రమాదాలకు కారణమవుతున్నారు. ప్రమాదమని తెలిసినా ఆటోల్లో పరిమితికి మించి ప్రయాణికులను ఎక్కించుకుంటున్నారు. ఆటో ముందు సీటులో డ్రైవర్‌, వెనుక సీటులో ముగ్గురు ప్రయాణికులు కూర్చోవాలి. కానీ, పలువురు ఆటో డ్రైవర్లు ముందు సీటులో తనతోపాటు మరో ముగ్గురిని, వెనుక సీటులో ఐదుగురిని ఎక్కించుకుని ప్రమాదకర రీతిలో వెళ్తున్నారు. జిల్లా కేంద్రంలోని నస్పూర్‌ గేటు సమీపంలో ఈ నెల 28న జరిగిన రోడ్డు ప్రమాదానికి ప్రధాన కారణం అతి వేగంతోపాటు పరిమితికి మించి ఆటోలో ప్రయాణికులను తరలించడమేనని స్థానికులు, అధికారులు చెబుతున్నారు. ఘోర ప్రమాదం జరిగినా ఆటో డ్రైవర్లలో మార్పు లేదు. కన్నెపల్లి మండల కేంద్రంలోని ఓ స్కూల్‌ విద్యార్థులు మంగళవారం ఆటోలో ప్రమాదకరంగా ప్రయాణించారు. వివిధ గ్రామాల నుంచి డ్రైవర్‌ తన ఆటోలో విద్యార్థులను పరిమితికి మించి పాఠశాలకు తీసుకెళ్లాడు. భీమారం మండలంలో నర్సింగాపూర్‌, భీమారంలోని పాఠశాలలకు విద్యార్థులు నిత్యం ఆటోల్లోనే వచ్చి వెళ్తుంటారు. భీమారం నుంచి కాజిపల్లి, ఆవిడం మీదుగా మందమర్రికి ఆర్టీసీ బస్సు నడుస్తున్నా అది విద్యార్థులకు సౌకర్యంగా ఉండకపోవడంతో చాలామంది తల్లిదండ్రులు ఆటోలు మాట్లాడి పంపిస్తున్నారు. కానీ, ఆటో డ్రైవర్లు పరిమితికి మించి విద్యార్థులను ప్రమాదకర రీతిలో తీసుకువెళ్తున్నారు. ఇప్పటికై నా పోలీస్‌, రవాణాశాఖల అధికారులు స్పందించి నిబంధనలు పాటించని, పరిమితికి మించి ప్రయాణికులతో వెళ్తున్న ఆటో డ్రైవర్లపై చర్యలు తీసుకోవాలని పలువురు కోరుతున్నారు. భీమారం: మద్దికల్‌ నుంచి భీమారానికి ఇలా.. భీమిని: ఆటోలో ప్రమాదకరంగా వెళ్తున్న విద్యార్థులు

రామకృష్ణాపూర్‌: ఏకపక్ష నిర్ణయాలు తీసుకుంటున్న మున్సిపల్‌ కమిషనర్‌ మురళీకృష్ణను వెంటనే మా ర్చాలని క్యాతనపల్లి మున్సిపల్‌ కౌన్సిల్‌ సభ్యులు తీర్మానించారు. తీర్మానం ప్రతిని సీడీఎంఏ, కలెక్టర్‌కు పంపిస్తామని చైర్‌పర్సన్‌ గొడిసెల సంధ్యారాణి, వైస్‌చైర్‌పర్సన్‌ మిట్టపెల్లి సరిత, బీఆర్‌ఎస్‌, సీపీఐ కౌన్సిల్‌ సభ్యులు తెలిపారు. క్యాతనపల్లి మున్సిపల్‌ కా ర్యాలయంలో మంగళవారం ఉద యం 11.30 గంటలకు కౌన్సిల్‌ సమావేశం ప్రారంభమైంది. చైర్‌పర్సన్‌ ముందుగా ఎజెండా అంశాన్ని ప్రస్తావించారు. చైర్‌పర్సన్‌, కౌన్సిల్‌ సభ్యులతో సంప్రదించి వార్డుల్లోని సమస్యలు, సభ్యుల సూచనలు, అవసరమైన అంశాలను పరిగణనలోకి తీసుకుని ఎజెండా రూపొందించాల్సి ఉండగా.. కమిషనర్‌ ముందుగానే సిద్ధం చేసిన ఎజెండాను సమావేశంలోకి ఎలా తీసుకువస్తారంటూ ఆమె తీవ్ర అభ్యంతరం వ్యక్తంచేశారు. సమావేశం నుంచి వారు ముందుగానే వాకౌట్‌ చేశారు. ఏకపక్ష నిర్ణయాలపై ఆగ్రహంకౌన్సిల్‌ సభ్యులు కమిషనర్‌ తీరుపై మండిపడు తూ.. ఇప్పటికే ఆయనపై అవినీతి ఆరోపణలున్నాయని తెలిపారు. ఇళ్ల నిర్మాణాదారుల వద్ద వెళ్లి నోటీసులు జారీ చేస్తూ భయభ్రాంతులకు గురిచేస్తున్నారని, సూపర్‌బజార్‌ ప్రాంతంలో కొన్ని దుకాణా లను కూల్చివేశారని ఆరోపించారు. కాగా, తనపై కావాలనే ఆరోపణలు చేస్తున్నారని, ఆధారాలుంటే నిరూపించాలని కమిషనర్‌ పేర్కొన్నారు. కమిషనర్‌పై సీపీఐ, బీఆర్‌ఎస్‌ ఆరోపణలు సీపీఐ, బీఆర్‌ఎస్‌ నాయకులు మున్సిపల్‌ కార్యాల య ఆవరణలో విలేకరులతో మాట్లాడారు. మున్సిపల్‌ కమిషనర్‌ ఏకపక్ష నిర్ణయాలు తీసుకుంటూ ఒంటెడ్దు పోకడలకు పోతున్నారని సీపీఐ జిల్లా కార్యరద్శి రామడుగు లక్ష్మణ్‌, బీఆర్‌ఎస్‌ నాయకుడు డాక్టర్‌ రాజారమేశ్‌ ఆరోపించారు. అతడిని వెంటనే బదిలీ చేయాలని డిమాండ్‌ చేశారు. కమిషనర్‌ కుర్చీపై ‘క్వో వారంటో ’సమస్యలు పరిష్కరించడంలేదని..సమావేశంలో వివిధ వార్డుల సభ్యులు తమ ప్రాంతాల్లోని సమస్యలు సమావేశం దృష్టికి తెచ్చారు. పారిశుద్ధ్య నిర్వహణ సరిగా లేక అనేక ప్రాంతాలు అపరిశుభ్రంగా మారుతున్నాయని పేర్కొన్నారు. పలుసార్లు కమిషనర్‌, అధికారులకు తెలిపినా పరిష్కారం కావటం లేదని మండిపడ్డారు. క్యాతనపల్లి ము న్సిపల్‌ కమిషనర్‌గా మురళీకృష్ణ నియామకాన్ని సవాల్‌ చేస్తూ హైకోర్టులో రి ట్‌ పిటిషన్‌ దాఖలైన ట్లు సమాచారం. ‘క్వో వారంటో’ కింద దాఖలైన ఈ పిటషన్‌లో కమిషనర్‌ పదవిలో కొనసాగేందుకు ఆయన అర్హ త, సర్వీస్‌ సీనియారిటీ, జోన్‌ కేటాయింపు తదిత ర అంశాలను పిటిషనర్‌ ప్రశ్నించినట్లు తెలుస్తోంది. మురళీకృష్ణ రెవెన్యూ అధికారిగా ఉండగా, ప్రస్తుతం మున్సిపల్‌ కమిషనర్‌గా కొనసాగుతున్నారని ఆయనకు సంబంధించి సర్వీస్‌ వివరాలు, సీనియారిటీ జాబితాలోని స్థానం తదితర అంశాలను పిటిషన్‌లో ప్రస్తావించినట్లు సమాచా రం. ప్రస్తుత స్థాయిలో ఆయనకు మున్సిపల్‌ కమి షనర్‌ పదవి దక్కేందుకు ఇంకా సమయం ఉన్నప్పటికీ కొనసాగిస్తున్నారంటూ పిటిషనర్‌ కోర్టు దృష్టికి తీసుకెళ్లినట్లు తెలుస్తోంది. మురళీకృష్ణ భద్రాద్రి కొత్తగూడెం జోన్‌కు చెందిన అధికారిగా ఉండగా, కాళేశ్వరం జోన్‌లో మున్సిప ల్‌ కమిషనర్‌గా కొనసాగించటంపై పిటిషన్‌లో ప్రశ్నించినట్లు సమాచారం. అలాగే, 2024 తర్వాత టీజీపీఎస్సీ ద్వారా, అంతర్గత పదోన్నతుల ద్వారా సుమారు 107మంది అధికారులు మున్సిపల్‌ కమిషనర్లుగా నియమితులైన నేపథ్యంలో ఇంకా మురళీకృష్ణను కొనసాగించటానికి గల కారణా లు కూడా పిటిషన్‌లో ప్రస్తావించినట్లు తెలుస్తోంది. ఒక అధికారిని కొనసాగించేందుకు ఇతర అధి కారుల బదిలీలకు దారితీసే పరిస్థితులు ఏర్పడ్డాయని కూడా పిటిషనర్‌ తరపు న్యాయవాది కోర్టు దృష్టికి తీసుకెళ్లినట్లు సమాచారం. కాగా, గతంలో పనిచేసిన అతికొద్ది సమయంలోనే మురళీకృష్ణపై పలు ఆరోపణలు వచ్చినట్లు కూడా పిటిషన్‌లో పేర్కొన్నట్లు తెలిసింది. అవినీతి ఆరోపణల కారణంగా ఏ ఒక్కచోట కూడా రెండేళ్లపాటు స్థిరంగా పనిచేసిన రికార్డు లేదని పిటిషనర్‌ తరపు న్యాయవాది పేర్కొన్నట్లు సమాచారం. కాగా, మున్సిపల్‌ కమిషనర్‌ నియామకానికి సంబంధించిన అంశాలపై దాఖలైన ఈ పిటిషన్‌ నేపథ్యంలో హైకోర్టు తదుపరి విచారణలో ఏమి నిర్ణయిస్తుందనే దానిపై సర్వత్రా ఆసక్తి నెలకొంది.

పాతమంచిర్యాల: రానున్న రోజుల్లో రాష్ట్రంలో బీజేపీ అధికారంలోకి వస్తుందని పార్టీ ఓబీసీ మోర్చా రాష్ట్ర అధ్యక్షుడు గంధమల్ల ఆనంద్‌గౌడ్‌ ధీమా వ్యక్తంజేశారు. మంగళవారం జిల్లా కేంద్రంలోని ఓ షాపింగ్‌ మాల్‌లో ప్రధా ని మోదీ జన్మదినం సందర్భంగా సేవాసంకల్ప్‌లో భాగంగా ఏర్పాటు చేసిన కంటివైద్య శిబిరాన్ని ప్రారంభించారు. కంటి వైద్యశిబిరంలో 350 మందికి కంటి పరీక్షలు నిర్వహించారు. వృద్ధాశ్రమం ఆనంద నిలయంలో వృద్ధులకు పండ్లు పంపిణీ చేశారు. శ్రీసాయి అంధుల ఆశ్రమంలో అన్నదానం చేశారు. బీజేపీ రాష్ట్ర ఉపాధ్యక్షుడు రఘునాథ్‌ వెరబెల్లి, జిల్లా అధ్యక్షుడు నగునూరి వెంకటేశ్వర్‌గౌడ్‌, ఓబీసీ మోర్చా రాష్ట్ర ఉపాధ్యక్షుడు సత్యనారాయణ, జిల్లా అధ్యక్షుడు ఆకుల అశోక్‌వర్ధన్‌, కార్పొరేటర్‌ కస్తూరి నాగరాజు, మహిళా మోర్చా అధ్యక్షురాలు పచ్చ స్వప్న తదితరులున్నారు.

కాసిపేట: మండలంలోని సోమగూడం మై దానంలో ఎస్జీఎఫ్‌ ఆధ్వర్యంలో నిర్వహిస్తున్న అండర్‌–14 బాలబాలికల జిల్లాస్థాయి ఫుట్‌బాల్‌ ఎంపిక పోటీలు మంగళవారం ముగిశా యి. వివిధ పాఠశాలల విద్యార్థులు పోటీల్లో పాల్గొన్నట్లు కాసిపేట స్కూల్‌ కాంప్లెక్స్‌ హెచ్‌ఎం సాంబమూర్తి తెలిపారు. బాలుర విభా గంలో దేవ హర్ష, వేదాంత్‌, శివప్రసాద్‌, ఎండీ హబీబ్‌ఖాన్‌, సీహెచ్‌ సాకేత్‌, జి.వర్షిత్‌, శివముర్ధుల్‌, శివాంజన్‌ఖాన్‌, దైవిక్‌, శారిరాన్‌, కృష్ణచైతన్య, ఎస్‌.ప్రణీత్‌, భరద్వాజ్‌, హనీశ్‌, సాధ్విక్‌, జె.ప్రణిత్‌, సిదార్థ, విఘ్నేశ్‌ ఎంపికై న ట్లు పేర్కొన్నారు. బాలికల విభాగంలో సా యిదివ్య, ఆదిత్యశ్రీ, సబిత, ఇంద్రజ, నాగేశ్వ రి, మహాశ్రీ, లావణ్య, ఆరాధ్య, ప్రణవ్‌, మ హి, దీపావని, వర్షిణి, వనిత, సిద్యా, నానిల, అక్షర, హారతి, సాగరిక ఎంపికై నట్లు తెలిపా రు. ఎస్జీఎఫ్‌ జిల్లా కార్యదర్శి ఎండీ యాకుబ్‌, కన్వీనర్‌ సాంబమూర్తి, ఆర్గనైజింగ్‌ సెక్రటరీ రాజన్న, పీడీలు, పీఈటీలు పాల్గొన్నారు.

ఇది జిల్లా కేంద్రంలో తోళ్లవాగు వద్ద ఉన్న యూటర్న్‌. ఇక్కడా అనేక మంది రాంగ్‌ రూట్‌లో రోడ్డు దాటుతున్నారు. ఎదురుగా వచ్చే వాహనాలను తప్పించుకుంటూ ట్రాఫిక్‌ నిబంధనలు లెక్క చేయడంలేదు. ఇది జిల్లా కేంద్రంలోని రైల్వే బ్రిడ్జి. నిత్యం వాహనాలతో రద్దీగా ఉంటుంది. ఈ వంతెనపై ఏదైనా కారణంతో ట్రాఫిక్‌ నిలిచిపోతే వాహనదారులు ఎదురుగా వచ్చే వాహనాలకు అడ్డుగా వెళ్తూ ప్రమాదకరంగా ప్రయాణిస్తున్నారు. సాక్షి ప్రతినిధి, మంచిర్యాల: నస్పూర్‌ గేటు వద్ద జరిగిన రోడ్డు ప్రమాదంలో రెండు రోజుల వ్యవధిలో ఐదుగురు ప్రాణాలు కోల్పోవడం తెలిసిందే. జిల్లాలో పారిశ్రామిక ప్రాంతంతో పాటు జాతీయ రహదారుల కనెక్టివిటీతో నిత్యం వేలాది వాహనా లు రాకపోకలు సాగిస్తున్నాయి. కానీ, అనేక మంది ట్రాఫిక్‌ నియమాలను అతిక్రమిస్తూ రోడ్డు ప్రమాదాలకు కారణమవుతున్నారు. రాష్ట్ర పోలీస్‌శాఖ ఆధ్వర్యంలో ‘అరైవ్‌ అలైవ్‌’ కార్యక్రమం ప్రత్యేకంగా రోడ్డు భద్రతల కోసం చేపట్టినా వాహనదారులు మారడంలేదు. ఫలితంగా రోడ్డు భద్రతపై అవగాహన కార్యక్రమాలు నిర్వహిస్తున్నా ప్రమాదాలు జరుగుతూనే ఉన్నాయి. ఇక ప్రతినెలా జిల్లాస్థాయి రహదారి భద్రతా కమిటీల సమావేశాలు నిర్వహిస్తున్నా ప్రమాదాల తీవ్రత తగ్గడం లేదు. పర్యవేక్షణ నామమాత్రమే..జిల్లా వ్యాప్తంగా తరచూ రోడ్డు ప్రమాదాలు జరిగే 27బ్లాక్‌స్పాట్‌ ప్రదేశాలున్నాయి. గతంలో కంటే వీ టి సంఖ్య తగ్గింది. అయినప్పటికీ మంచిర్యాల నగ ర పరిధి మంచిర్యాల, సీసీసీ నస్పూర్‌, శ్రీరాంపూర్‌ పరిధిలోనే ఏడు బ్లాక్‌స్పాట్‌లున్నాయి. మిగతావి ఎన్‌హెచ్‌ 63పై వేంపల్లి, ముల్కల బ్రిడ్జి, గుడిపేట, లక్సెట్టిపేట, జైపూర్‌, భీమారం చెన్నూరుతోపాటు మహారాష్ట్రకు వెళ్లే ఎన్‌హెచ్‌ 363 మందమర్రి, బెల్లంపల్లి, తాండూరు, వీటితోపాటు ఆదిలాబాద్‌, నిర్మల్‌కు వెళ్లే దండేపల్లి, జన్నారం మండలాల్లోనూ ఉన్నాయి. జాతీయ రహదారులతోపాటు మండలా లకు వెళ్లే ఆర్‌అండ్‌బీ రోడ్లు, పంచాయతీలకు వెళ్లే రోడ్లు కూడా ఉన్నాయి. రోడ్డు రవాణా, రోడ్డు భవనాలు, ఇంజినీరింగ్‌, మున్సిపల్‌ ఇంజినీరింగ్‌, ఎన్‌హెచ్‌, ట్రాఫిక్‌ పోలీసులు సంయుక్తంగా పర్యవేక్షించాల్సి ఉంది. కానీ, శాఖల మధ్య సమన్వయం లో పించి నామమాత్రంగానే ప్రమాద నివారణ చర్యలు చేపడుతున్నారు. రోడ్డు ప్రమాదాలు తరచూ జ రిగే బ్లాక్‌ స్పాట్లలో స్పీడ్‌ బ్రేకర్లు, లైటింగ్‌, రేడి యం బ్లింకర్స్‌, స్టడ్స్‌, రంబుల్‌ స్టిక్స్‌, వేగనియంత్రణ సూ చికలు, సీసీ కెమెరాలు ఏర్పాటు చేయాల్సి ఉంది. చాలాచోట్ల రోడ్డు ప్రమాదాల నియంత్రణ సాధ్యం కావడం లేదు. రోడ్డు భద్రతపై ఆటో, భారీ వాహనదారులకు మరింత అవగాహన కల్పించాల్సి ఉంది. పరిమితికి మించి తీసుకెళ్తూ..గ్రామీణ ప్రాంతాల నుంచి జిల్లా కేంద్రం, ఇతర పట్టణాలకు వెళ్లే క్రమంలో ఆటోలు, ప్రైవేట్‌ ట్రావెల్స్‌వారు పరిమితికి మించి ప్రయాణికులను తీసుకెళ్తున్నారు. ముఖ్యంగా ఉదయం, సాయంత్రం వేళ స్కూల్‌ విద్యార్థులు, వివిధ పనుల కోసం వెళ్లేవారు ఆటోల్లో పరిమితికి మించి ప్రయాణిస్తున్నారు. రోడ్డు రవాణా అధికారులు తనిఖీలు చేపట్టకపోవడంతో యథేచ్ఛగా నిబంధనలు ఉల్లంఘిస్తున్నారు. ఈ కారణంగా ఏదైనా ప్రమాదం జరిగితే తీవ్రత పెరుగుతోంది. చాలా వాహనాలకు ఇన్సూరెన్స్‌ కూడా లేక బాధితులకు పరిహారం అందే అవకాశం లేకుండా పోతోంది. సంబంధిత అధికారులు స్పందించి నిబంధనలు పాటించని వాహనదారులపై చర్యలు తీసుకోవాలని ప్రజలు కోరుతున్నారు. ఇష్టారీతిన యూటర్న్‌లుఎన్‌హెచ్‌ 63పై జిల్లా కేంద్రం నుంచి మొదలు శ్రీరాంపూర్‌ జీఎం కార్యాలయం వరకు ఇష్టారీతిన యూటర్న్‌లు వెలిశాయి. జాతీయ రహదారిపై నిబంధనల మేరకే ఐబీ చౌరస్తా నుంచి 100–200 మీటర్ల వ్యవధిలోనే యూటర్న్‌లున్నాయి. దీంతో ఎక్కడపడితే అక్కడ వాహనదారులు యూటర్న్‌ తీసుకుంటుండగా ఎదురుగా వచ్చే వాహనాలతో ప్రమాదాలకు ఆస్కారం ఏర్పడుతోంది. తాజాగా నస్పూర్‌ గేటు వద్ద ఏర్పాటు చేసిన యూటర్న్‌ నిబంధనలకు విరుద్ధంగా ఏర్పాటు చేసిందే. ఇది జిల్లా కేంద్రంలోని రైల్వే బ్రిడ్జి వద్ద చున్నంబట్టి వైపు వెళ్లే యూటర్న్‌. ఇక్కడ ఇష్టారీతిన రాంగ్‌ రూట్‌లలో వాహనదారులు వెళ్తున్నారు. బ్రిడ్జి పైనుంచి వచ్చే వాహనాలు అదుపు తప్పి ప్రమాదం జరిగే అవకాశముంది.

● ఈనెల 14న బెల్లంపల్లిలో బీఎస్‌ఎన్‌ఎల్‌ టవర్లకు సంబంధించిన రాగి తీగలను దొంగిలించిన ఎనిమిది మందిని పోలీసులు అరెస్టు చేశారు. ● ఈనెల 23న తాండూర్‌ మండలంలో కాపర్‌ వైర్‌ చోరీలకు పాల్పడుతున్న ఆరుగురిని పోలీసులు అరెస్టు చేశారు. వారి వద్ద నుంచి 10 కిలోల రాగి తీగ, రూ.50 వేల నగదు స్వాధీనం చేసుకున్నారు. బెల్లంపల్లి: కుమురంభీం ఆసిఫాబాద్‌, మంచిర్యాల జిల్లాలోని బెల్లంపల్లి నియోజకవర్గంలో రాగి తీగల చోరీల పరంపర కొనసాగుతోంది. కొన్ని నెలలుగా స్తబ్ధతగా ఉన్న దొంగలు మళ్లీ పెట్రేగిపోతుండడంతో వ్యవసాయ పంపు మోటార్లకు రక్షణ లేని పరిస్థితులు ఏర్పడుతున్నాయి. ఆదివారం రాత్రి బెల్లంపల్లి మండలం చంద్రవెల్లి శివారులో ఓ రైతు వ్యవసాయ బోరులో నుంచి పంపు మోటారును చోరీ చేసి ఎత్తుకెళ్లడం కలకలం రేపింది. అంతటా చోరీలే.. పంపు మోటార్ల చోరీకి నిర్దిష్టమైన ప్రాంతమనేది ఏదీలేదు. ఎక్కడ పడితే అక్కడ దొంగలు అపహరించుకు పోతున్నారు. గత ఎండాకాలంలో రైతులు వ్యవసాయ బోరు నుంచి పంపు మోటార్లను తీసి ఇంటికి తీసుకెళ్లగా వానాకాలం పంట సాగుకు మళ్లీ బోర్లలో మోటార్లు దించి సాగునీరందిస్తున్నారు. ఇదే గుర్తు తెలియని దొంగలకు వరంగా మారింది. కుమురంభీం ఆసిఫాబాద్‌ జిల్లా రెబ్బెన, తిర్యాణి , దహేగాం, కాగజ్‌నగర్‌ మండలాల్లో బెల్లంపల్లి నియోజక వర్గంలోని తాండూర్‌, బెల్లంపల్లి కన్నెపల్లి, భీమిని, వేమనపల్లి, కాసిపేట మండలాల్లో పంపు మోటార్ల చోరీలు జరుగుతున్నట్లు రైతులు పేర్కొంటున్నారు. వ్యవసాయ సీజన్‌లో కనీసం 30కి తగ్గకుండా పంపు మోటార్లు ఎత్తుకెళ్తున్నట్లు అంచనా. నలుగురైదుగురు గ్యాంగ్‌గా ఏర్పడి ఈ దందాకు పాల్పడుతున్నట్లు తెలుస్తోంది. పగలు రెక్కీ.. రాత్రి చోరీ.. ప్రస్తుతం మార్కెట్లో రాగికి డిమాండ్‌ ఉంది. ఇదే అదనుగా భావించిన దొంగలు చోరీలు తీవ్రతరం చేశారు. వ్యవసాయ పంపు మోటార్ల వైండింగ్‌లో కొద్దిపాటిగా రాగి ఉంటుంది. ఆ రాగి కోసం దుండగులు ఎంతకై నా తెగిస్తున్నారు. పగటి పూట పంట పొలాల వైపు రెక్కీ నిర్వహించి చీకటి పడడంతోనే బోరు నుంచి పంపు మోటారును బయటకు తీసి ఎత్తుకెళ్తున్నారు. ఒక్కో పంపు మోటర్‌లో ఉండే రాగిని అమ్మడం ద్వారా రూ. 2 వేలకు మించి ధర రాదని, కానీ ఆ మొత్తానికే ఏకంగా పంపు మోటారును ఎత్తుకెళ్లి రైతుకు వేలాది రూపాయల నష్టం కలిగిస్తున్నారు. రైతుకు కలుగుతున్న నష్టాన్ని ఏమాత్రం పట్టించుకోకుండా కేవలం తమకు వచ్చే డబ్బుల కోసం పంపు మోటార్లు పట్టుకెళ్తున్న దొంగల తీరు రైతులను తీవ్ర కలవరపాటుకు గురిచేస్తోంది. స్క్రాప్‌ దుకాణాలకు తరలిస్తున్న వైనం... పంపు మోటార్లను దొంగిలించిన దుండగులు వాటిని ధ్వంసం చేసి అందులోని రాగిని స్క్రాప్‌ దుకాణాలకు అమ్ముకుంటున్నట్లు తెలుస్తోంది. గుట్టుగా నిర్వహిస్తున్న ఈ దందాను అరికట్టడానికి పోలీసు యంత్రాంగం తగిన రీతిలో స్పందించాల్సిన అవసరం ఉంది. ముఖ్యంగా స్క్రాప్‌ దుకాణాలపై ప్రత్యేక నిఘా పెడితే దొంగలు పట్టుబడే అవకాశాలు ఉంటాయని రైతులు అంటున్నారు. అదే తీరుగా దొంగతనం చేసి పట్టుకొచ్చిన పంపు మోటార్ల లోని రాగిని కొనుగోలు చేస్తున్న స్క్రాప్‌ దుకాణాల నిర్వాహకులపై కూడా కేసులు నమోదు చేస్తే కొంతవరకై నా పంపు మోటార్ల చోరీలు ఆగే అవకాశాలు ఉంటాయని పలువురు అభిప్రాయ పడుతున్నారు. ప్రత్యేక టీం ఏర్పాటు చేశాం రాగి కోసం టవర్లకు సంబంధించిన వైర్లను, ఇతర వైర్లను, పంపు మోటార్లను దొంగిలిస్తున్న దుండగులను పట్టుకునే చర్యలు తీవ్రతరం చేశాం. బెల్లంపల్లిలో 8 మందిని, తాండూర్‌లో ఆరుగురు కాపర్‌ వైరు చోరీ నిందితులను పట్టుకున్నాం. వ్యవసాయ పంపు మోటార్లను చోరీ చేస్తున్న దొంగలను కూడా పట్టుకుంటాం. ఇందుకోసం ప్రత్యేక టీం ఏర్పాటు చేశాం. – సీహెచ్‌ హనోక్‌, బెల్లంపల్లి రూరల్‌ సీఐ

శ్రీరాంపూర్‌: ఆరోగ్యమే మహాభాగ్యమని శ్రీరాంపూర్‌ జీఎం ఎం. శ్రీనివాస్‌ పేర్కొన్నారు. మంగళవారం జీఎం కార్యాలయంలోని సమావేశ మందిరంలో కార్యాలయ ఉద్యోగులు, అధికారులకు ఉచిత హెల్త్‌ స్క్రీనింగ్‌ క్యాంప్‌ నిర్వహించారు. ఈ సందర్భంగా ఆయన మాట్లాడుతూ ప్రతీరోజు వాకింగ్‌, వ్యాయా మం, మెడిటేషన్‌, యోగా చేయాలని, జంక్‌ఫుడ్‌కు దూరంగా ఉండాలని సూచించారు. అనంతరం వైద్య పరీక్షలు చేయించుకున్నారు. ఈ కార్యక్రమంలో గుర్తింపు సంఘం బ్రాంచ్‌ కార్యదర్శి షేక్‌ బాజీసైదా, అధికారుల సంఘం ప్రతినిధి పద్మ, ఏజీఎం (ఫైనాన్స్‌) శ్రీధర్‌, డీజీఎంలు అనిల్‌ కుమార్‌, హరి నారాయణ, డిప్యూటీ చీఫ్‌ మెడికల్‌ ఆఫీసర్‌ డాక్టర్‌ రమేశ్‌బాబు, వైద్యులు లోకనాథ్‌ రెడ్డి, మురళి, తదితరులు పాల్గొన్నారు. పనిముట్ల కొరత తీర్చాలిశ్రీరాంపూర్‌: గనిలో పనిముట్ల కొరత తీర్చాలని ఐఎన్టీయూసీ బ్రాంచ్‌ ఉపాధ్యక్షుడు సీలం చిన్నయ్య డిమాండ్‌ చేశారు. మంగళవారం ఎస్సార్పీ 3 గనిలో కార్మికులను కలిసి సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ గనిలో డ్రిల్‌ బిట్లు, కీలలు, ఇతర పనిముట్ల కొరత తీవ్రంగా ఉందన్నారు. రక్షణ పరికరాలు కూడా సరిపడా సమకూర్చడం లేదన్నారు. అధికారుల దృష్టికి తీసుకెళ్లి సమస్య పరిష్కారానికి కృషి చేస్తానని కార్మికులకు హామీ ఇచ్చారు. ఈ కార్యక్రమంలో ఆ యూనియన్‌ నాయకులు కలవేలన శ్యామ్‌, చల్లంగి శ్రీనివాస్‌, కారుకూరి మనోజ్‌, శంకర్‌, ఇండ్ల కిరణ్‌, బొడ్డు ప్రసాద్‌, లక్ష్మణ్‌, తదితరులు పాల్గొన్నారు. అమృత భారత్‌ ఎక్స్‌ప్రెస్‌ రైలు ప్రారంభంమంచిర్యాలఅర్బన్‌: ప్రయాగ్‌రాజ్‌ నుంచి చర్లపల్లి మధ్య అమృత భారత్‌ ఎక్స్‌ప్రెస్‌ రైలు (వీక్లీ స్పెషల్‌) మంగళవారం నుంచి ప్రారంభమైంది. మంచిర్యాల స్టేషన్‌లో రైలుకు హాల్టింగ్‌ సౌకర్యం కల్పించారు. చర్లపల్లి–ప్రయాగ్‌రాజ్‌, ముజాఫర్‌ మధ్య వీక్లీ స్పెషల్‌ రైలు నడుస్తుంది. దానాపూర్‌ ఎక్స్‌ప్రెస్‌లో రద్దీ ఎక్కువగా ఉండటం వల్ల ప్రయాణికుల సౌకర్యార్థం వారానికి ఒకసారి స్పెషల్‌ రైలును కేటాయించాలని కోరడంతో ఈ రైలును కేటాయించారు. వీక్లీ రైలుతో మంచిర్యాలకు చెందిన ప్రయాణికులకు కాశీ, ప్రయాగ్‌రాజ్‌, వంటి ప్రాంతాలకు వెళ్లటానికి ఎంతో ఉపయోగకరంగా మారనుంది. స్పెషల్‌ రైలుకు ఆదరణ లభిస్తే దీనిని రెగ్యులర్‌ రైలుగా మార్చే అవకాశం ఉందని ఫోరం అధ్యక్షుడు ఫణి తెలిపారు. కోతుల దాడిలో రిటైర్డ్‌ ఉపాధ్యాయుడికి గాయాలుఖానాపూర్‌: పట్టణంలోని ద్వారకానగర్‌లో కోతుల దాడిలో రిటైర్డ్‌ ఉపాధ్యాయుడికి గాయాలయ్యాయి. కాలనీకి చెందిన వాల్గోట్‌ శ్రీనివాస్‌పై మంగళవారం కోతులు దాడి చేయడంతో వీపు భాగంలో తీవ్ర గాయాలయ్యాయి. కుటుంబ సభ్యులు వెంటనే ఖానాపూర్‌ ప్రభుత్వ ఆసుపత్రికి తరలించి చికిత్స అందించారు. కాలనీలో కోతుల బెడద ఎక్కువగా ఉందని, అధికారులు చర్యలు తీసుకోవాలని స్థానికులు కోరుతున్నారు.

మంచిర్యాలఅర్బన్‌: ప్రభుత్వ పాఠశాలల్లో విద్యను అభ్యసిస్తున్న బాలికల ఆరోగ్య పరిరక్షణే లక్ష్యంగా ప్రభుత్వం చర్యలు చేపట్టింది. సర్కారు బడుల్లో చదివే విద్యార్థినులకు మగువ శానిటరీ ప్యాడ్లను ఉచితంగా పంపిణీ చేస్తోంది. సమగ్ర శిక్ష, జాతీయ ఆరోగ్య మిషన్‌ (ఆర్‌కేఎస్‌కే) కింద ప్రభుత్వ పాఠశాలల్లోని కిశోర బాలికలకు శానిటరీ ప్యాడ్లను పంపిణీ చేశారు. అర్హులైన ప్రతీ విద్యార్థినికి నెలకు ఒక ప్యాక్‌ (8 న్యాప్‌కిన్లు) చొప్పున ఉచితంగా ఇవ్వనున్నారు. వీటిని మొదట మండల రిసోర్సు సెంటర్లకు చేరవేయగా అక్కడి నుంచి ఆయా పాఠశాలలకు సరఫరా చేశారు. పాఠశాల స్థాయిలో ప్రధానోపాధ్యాయులు, చైల్డ్‌ ఫ్రెండ్లీ టీచర్లు వీటిని అందజేయాలని ఆదేశాలు జారీ అయ్యాయి. పర్యావరణ పరిశుభ్రతకు.. ఉపయోగించిన శానిటరీ ప్యాడ్‌లను సురక్షితంగా కాల్చి బూడిద చేసేందుకు టాయిలెట్స్‌ వద్ద ఇన్సినిరేటర్‌ పరికరాలు అమర్చుతున్నారు. స్వచ్ఛభారత్‌ కోష్‌ (ఎస్‌బీకే) ట్రస్టు నిధులతో హెచ్‌ఎల్‌ఎల్‌ లైఫ్‌కేర్‌ లిమిటెడ్‌ ద్వారా తయారు చేయబడిన సానిటరీ న్యాప్‌కిన్‌ ఇన్సినిరేటర్‌ పరికరాలు జిల్లాకు చేరాయి. మంచిర్యాల జిల్లాకు మొత్తం 50 ఇన్సినిరేటర్లు రాగా కలెక్టరేట్‌ మహిళా టాయిలెట్లలో 10, జిల్లా సమాఖ్య కార్యాలయంలో 2, మిగిలిన వాటిని విద్యార్థినులు అధికంగా ఉన్న పాఠశాలల్లో బిగించారు. ఉపయోగించిన ప్యాడ్‌లను బహిరంగ ప్రదేశాల్లో వేయకుండా ఇన్సినిరేటర్‌లో వేసి కాల్చడం ద్వారా క్రీములు వ్యాపించకుండా ఇన్ఫెక్షన్ల నుంచి రక్షణ లభిస్తుంది. ప్యాడ్‌లు బూడిదగా మారడం వల్ల పాఠశాల మరుగుదొడ్లు, పరిసరాలు దుర్వాసన లేకుండా ఉంటాయి. నెలసరి సమయంలో మౌలిక వసతులు సరిగ్గా ఉండి ఇన్సినిరేటర్ల ద్వారా డిస్పోజల్‌ సౌకర్యంతో బాలికలు స్కూళ్లకు క్రమం తప్పకుండా హాజరవుతారు. ఉమ్మడి జిల్లాకు 1,37,298 ప్యాక్‌లు ఉమ్మడి జిల్లాలోని ప్రభుత్వ పాఠశాలల్లో చదువుతున్న కిశోర బాలికలకు 1,37,928 శానిటరీ న్యాప్‌కిన్‌ ప్యాక్‌లను కేటాయించారు. ఆదిలాబాద్‌లోని 21 మండలాలకు 39,792, మంచిర్యాలలోని 18 మండలాలకు 31,923, నిర్మల్‌లోని 19 ఎమ్మార్సీలకు 40,179, కుమురంభీం ఆసిఫాబాద్‌ జిల్లాలోని 15 ఎమ్మార్సీలకు 25,404 ప్యాక్‌లు కేటాయించారు. ఇప్పటికే ఆయా పాఠశాలల విద్యార్థినులకు వాటిని పంపిణీ చేశారు.

కాసిపేట: కార్మికుల హక్కుల సాధనకు ఐఎన్టీయూసీ నిరంతరం పోరాడుతుందని యూనియన్‌ ఏరియా ఉపాధ్యక్షుడు దేవి భూమయ్య పేర్కొన్నారు. మంగళవారం మందమర్రి ఏరియా కాసిపేట–2 గనిపై ఏర్పాటు చేసిన గేట్‌ మీటింగ్‌లో మాట్లాడారు. కార్మికుల సమస్యల పరిష్కారంలో ఐఎన్టీయూసీ ఎల్లప్పుడూ ముందుంటుందన్నారు. అధికారుల తీరు వల్ల కార్మికులు తీవ్ర మానసిక, శారీరక ఒత్తిడికి గురవుతున్నారన్నారు. గనిలో రక్షణ విభాగాన్ని జనరల్‌ షిప్ట్‌లో కలపడం వల్ల ఉత్పత్తికి విఘాతం కలుగుతుందన్నారు. భూగర్భ గనుల్లో పనిచేసే కార్మికులకు రక్షణ పరికరాలు సరైనవి ఇవ్వకుండా పని చేయిస్తున్నారన్నారు. అధికారులు తమ తీరు మార్చుకోకపోతే ఆందోళనలు తప్పవని హెచ్చరించారు. ఈ కార్యక్రమంలో ఏరియా సెక్రెటరీ చంద్రశేఖర్‌, పిట్‌ సెక్రెటరీ కారుకూరి తిరుపతి, అసిస్టెంట్‌ పిట్‌ సెక్రెటరీ రవికిరణ్‌, నాయకులు బండారి శంకర్‌, ఓదెలు, సత్తయ్య, భాస్కర్‌, శ్రావణ్‌, తదితరులు పాల్గొన్నారు.

జన్నారం: దట్టమైన అడవులు, పచ్చదనాన్ని పంచే చెట్లు, స్వచ్ఛమైన ప్రాణవాయువు, చెంగు చెంగున ఎగిరే వన్యప్రాణులు.. ఇవన్నీ కనిపించేది కవ్వాల్‌ అభయారణ్యంలోనే. కవ్వాల్‌ టైగర్‌ జోన్‌లోని జన్నారం అటవీ డివిజన్‌లో పలు ప్రాంతాలను పదేళ్ల క్రితం పర్యాటక స్థలాలుగా ఏర్పాటు చేశారు. జన్నారం అటవీ రేంజ్‌లోని బైసన్‌కుంట, గొండుగూడ బేస్‌క్యాంపు, వాచ్‌టవర్‌ వంటి ప్రదేశాల్లో పర్యాటకులను సఫారీ ద్వారా తీసుకెళ్తారు. దట్టమైన అడవిలో వన్యప్రాణులు పరుగెత్తడాన్ని నేరుగా చూసే అవకాశం లభిస్తుంది. దీని కోసం సుదూర ప్రాంతాల నుంచి పర్యాటకులు వస్తుంటారు. ఏటా జూన్‌ నుంచి సెప్టెంబర్‌ వరకు నాలుగు నెలలు సఫారీ నిలిపివేస్తారు. అక్టోబర్‌ 1 నుంచి పునఃప్రారంభిస్తారు. వర్షాకాలం, వన్యప్రాణుల పునరుత్పత్తి కారణంగా సఫారికి బ్రేక్‌ వేసిన అటవీ శాఖ గురువారం నుంచి సఫారీ ప్రయాణానికి గ్రీన్‌ సిగ్నల్‌ ఇచ్చింది. ఈ మేరకు ఎఫ్‌డీవో రామ్మోహన్‌ మంగళవారం ప్రకటన విడుదల చేశారు. దీంతో అటవీ శాఖకు చెందిన ఐదు, పర్యాటక శాఖకు చెందిన రెండు సఫారీలను సిద్ధం చేశారు. సఫారీ పునఃప్రారంభంతో కవ్వాల్‌కు పర్యాటకుల రాక పెరిగే అవకాశం ఉంది.

మంచిర్యాలటౌన్‌: చిన్నారులు, గర్భిణులు, కిశోర బాలికలకు పౌష్టికాహారం అందించడంతో పాటు, చిన్నారులకు ఆటపాటలతో కూడిన విద్యను అందించే అంగన్‌వాడీ కేంద్రాల్లో ఖాళీలతో సేవలకు ఆటంకం ఏర్పడుతోంది. జిల్లా వ్యాప్తంగా టీచర్లు, ఆయాల ఖాళీలు 554 ఉండడంతో పూర్తిస్థాయిలో సేవలు అందడం లేదు. చిన్నారులను కేంద్రాలకు తీసుకువచ్చి, పౌష్టికాహారం అందించేందుకు టీచర్‌ పోస్టు ఖాళీగా ఉన్న అంగన్‌వాడీ కేంద్రానికి సమీపంలో ఉన్న మరో కేంద్రం టీచర్‌కు అదనపు బాధ్యతలు అప్పగిస్తున్నారు. దీంతో రెండు కేంద్రాల్లో పూర్తిస్థాయిలో సేవలు అందించడం కష్టంగా మారుతోంది. పౌష్టికాహార లోపాలను గుర్తించేందుకు నిర్వహిస్తున్న పోషణ మాసం, పోషణ్‌ అభియాన్‌ వంటి కార్యక్రమాలు సిబ్బంది కొరతతో అనుకున్న లక్ష్యంను నెరవేరడం లేదు. కేంద్రానికి వచ్చే చిన్నారుల ఎత్తు, బరువు, భుజం కొలతను తీసుకుని, వారి ఆరోగ్యస్థితులను నమోదు చేసి, పౌష్టికాహార లోపంతో ఉన్న వారిని గుర్తించి, వారికి ప్రత్యేకంగా పౌష్టికాహారంను అందించి, ఆరోగ్య పరీక్షలను నిర్వహించాల్సి ఉండగా, సిబ్బంది కొరతతో చిన్నారులకు అవేం అందడం లేదు. క్షేత్రస్థాయి సిబ్బంది కొరత ఎక్కువగా ఉండడంతో అంగన్‌వాడీ కేంద్రాల నిర్వహణ అస్తవ్యస్తంగా మారుతోంది. ఏజెన్సీ ప్రాంతంలోనే సమస్య జిల్లాలో అంగన్‌వాడీ టీచర్లు, ఆయా పోస్టుల ఖాళీల వివరాలను జిల్లా అధికారులు ఉన్నతాధి కారులకు పంపించి రెండు నెలలు దాటింది. మందమర్రి, కాసిపేట, తాండూర్‌, దండేపల్లి మండలాల్లో ఏజెన్సీ ఏరియాలో ఎస్టీలకు మాత్రమే పోస్టులను కేటాయించాల్సి ఉండగా, ఆయా ప్రాంతాల్లో ఎస్టీ అభ్యర్థులు లేక ఇబ్బందిగా మారుతోంది. దండేపల్లి మండలంలోని గూడెం, తాండూరు మండలంలోని రేచిని, అబ్బాపూర్‌ వంటి గ్రామాల్లో ఎస్టీ అభ్యర్థులు లేకపోవడం, ఆయా పోస్టులకు లోకల్‌గా ఉన్న అభ్యర్థులు మాత్రమే అర్హులు కావడంతో ఏజెన్సీ ఏరియాల నోటిఫికేషన్‌కు ఇబ్బంది గా మారడం వల్లనే ఖాళీల భర్తీకి నోటిఫికేషన్‌ను వే యడంలో తాత్సారం జరుగుతున్నట్లు తెలుస్తోంది.పెరుగుతున్న ఖాళీలు..65 ఏళ్లు పైబడిన టీచర్లు, ఆయాల రిటైర్మెంట్‌తో ప్రతి నెలా ఖాళీల సంఖ్య పెరుగుతోంది. 2024 జులై 1నాటికి 65 ఏళ్లు పైబడిన టీచర్లు, ఆయాలు విధులకు హాజరు కావద్దని ప్రభుత్వం ఆదేశించింది. జిల్లా వ్యాప్తంగా 18 మంది టీచర్లు, 106 మంది ఆయాలు 65 ఏళ్లు పైబడడంతో వారిని రిటైర్మెంట్‌గా ప్రకటించేశారు. ప్రతి నెలా రిటైర్మెంట్లు కొనసాగుతుండడంతో ఖాళీల సంఖ్య పెరుగుతోంది. రిటైర్మెంట్‌ అయిన టీచర్‌ స్థానం ఖాళీ కావడంతో సమీపంలోని మరో అంగన్‌వాడీ టీచర్లకు అదనపు విధులను కేటాయిస్తుండగా, ఆయా పోస్టు ఖాళీ అయిన చోట, అంగన్‌వాడీ టీచర్‌కు అదనంగా విధులు తోడవుతున్నాయి. 2011 జనాభా లెక్కల ప్రకారం ఏర్పాటు చేసిన అంగన్‌వాడీ కేంద్రాలు అంతే సంఖ్యలో ఉండగా, పెరిగిన జనాభాతో లబ్ధిదారుల సంఖ్య పెరిగి టీచర్లపై అధికభారం పడుతోంది. అంతేకాకుండా బీఎల్‌వోలుగా, వైద్య ఆరోగ్య శాఖ ఆధ్వర్యంలో చేపట్టే వివిధ రకాల కార్యక్రమాలు అప్పగిస్తున్నారు. ప్రభుత్వం అదనపు బాధ్యతలు అప్పగించడంతో టీచర్లు పూర్తిస్థాయిలో విధులకు న్యాయం చేయలేక పోతున్నారు. ఖాళీగా ఉన్న టీచర్‌, ఆయాల పోస్టులు భర్తీ చేస్తేనే లబ్ధిదారులకు కొంత వరకై నా లబ్ధి చేకూరనుంది.ఉన్నతాధికారులకు పంపించాంజిల్లాలో ఖాళీగా ఉన్న అంగన్‌వాడీ టీచర్లు, ఆయాల పోస్టుల వి వరాలను ఉన్నతాధికారులకు పంపించాం. ఖాళీగా ఉన్న స్థానాలను సమీపంలో ఉన్న అంగన్‌వాడీ టీచర్లకు అదనపు బాధ్యతలను అప్పగించాం. చిన్నారులు, లబ్ధిదారులకు ఇబ్బందులు లేకుండా ప్రత్యామ్నయ ఏర్పాట్లు చేశాం. – రౌఫ్‌ఖాన్‌, జిల్లా సంక్షేమశాఖ అధికారి, మంచిర్యాల జిల్లాలో ప్రాజెక్టుల వారీగా అంగన్‌వాడీ కేంద్రాల్లో టీచర్‌ పోస్టుల ఖాళీలు ప్రాజెక్టు అంగన్‌వాడీ విధుల్లో ఖాళీలుకేంద్రాలు ఉన్నవారుమంచిర్యాల 244 223 21 బెల్లంపల్లి 283 265 18 లక్సెట్టిపేట్‌ 203 186 17 చెన్నూర్‌ 245 214 31 మొత్తం 975 888 87ప్రాజెక్టుల వారీగా ఆయా పోస్టులు, ఖాళీల వివరాలు ప్రాజెక్టు అంగన్‌వాడీ విధుల్లో ఖాళీలు కేంద్రాలు ఉన్నవారు మంచిర్యాల 244 140 104 బెల్లంపల్లి 283 160 123 లక్సెట్టిపేట్‌ 203 119 84 చెన్నూర్‌ 245 156 156 మొత్తం 975 508 467అంగన్‌వాడీ కేంద్రాల్లోని లబ్ధిదారులు గర్భిణులు 3,649 బాలింతలు 2,961 చిన్నారులు 35,537

ఆసిఫాబాద్‌రూరల్‌: జిల్లా కేంద్రంలోని గిరిజన బాలికల గురుకుల పాఠశాల మైదానంలో నిర్వహిస్తున్న జోనల్‌ స్థాయి పోటీలు మంగళవారం రసవత్తరంగా సాగాయి. ప్రిన్సిపాల్‌ అరుణశ్రీ జెండా ఊపి పోటీలు ప్రారంభించారు. ఈ సందర్భంగా కోచ్‌ రవి మాట్లాడుతూ ఉమ్మడి జిల్లా గురుకుల సొసైటీ ఆధ్వర్యలో నిర్వహిస్తున్న అండర్‌ 14, 17, 19 జోనల్‌ స్థాయి ఖోఖో, వాలీబాల్‌, కబడ్డీ, అథ్లెటిక్స్‌ పోటీలకు ఉమ్మడి జిల్లా నుంచి 200 మంది క్రీడాకారులు పాల్గొన్నట్లు తెలిపారు. ఖోఖోలో 9 మంది, కబడ్డీలో ఏడుగురు, వాలీబాల్‌లో ఏడుగురు, అథ్లెటిక్స్‌లో 12 మంది క్రీడాకారులను రాష్ట్రస్థాయి పోటీలకు ఎంపిక చేసినట్లు తెలిపారు. ఈ కార్యక్రమంలో వైస్‌ ప్రిన్సిపాల్‌ భద్రకాళి, పీడీ లక్ష్మి, పీఈటీ చిన్నక్క, తదితరులు పాల్గొన్నారు.

దండేపల్లి: రెండు రోజుల క్రితం అదృశ్యమైన యువకుడు చివరకు గోదావరినదిలో శవమై తేలాడు. బాధిత కుటుంబ సభ్యులు, పోలీసులు తెలిపిన కథనం ప్రకారం..దండేపల్లి మండలం లక్ష్మీకాంతపూర్‌కు చెందిన బాదినేని అరవింద్‌ (26) హైదరాబాద్‌లో ప్రైవేటు ఉద్యోగం చేస్తున్నాడు. ఇటీవల అతని తండ్రి తిరుపతి అనారోగ్యానికి గురికావడంతో కొంత అప్పులు అయ్యాయి. తండ్రితో ఫోన్‌చేసి మాట్లాడినప్పుడల్లా అప్పుల గురించి చర్చించి బాధపడేవాడు. ఇటీవల ఇంటికి వచ్చిన అరవింద్‌ ఈ నెల 27న సాయంత్రం ఇంట్లో చెప్పి బైక్‌పై లక్సెట్టిపేటకు వెళ్లాడు. రాత్రయినా ఇంటికి రాకపోవడంతో ఫోన్‌ చేయగా వస్తున్నాని చెప్పాడు. ఆ తర్వాత ఫోన్‌ చేస్తే స్విచ్చాప్‌ వచ్చింది. దీంతో అనుమానం వచ్చి ఆరా తీయగా సోమవారం దండేపల్లి మండలంలోని గూడెం గోదావరినది బ్రిడ్జి వద్ద బైకు కనిపించింది. మంగళవారం ఉదయం నదిలో మృతదేహం కనిపించింది. కుటుంబ ఆర్థిక పరిస్థితులతో మనస్తాపం చెంది నదిలో దూకి ఆత్మహత్య చేసుకున్నాడని మృతుని తండ్రి ఫిర్యాదు మేరకు కేసు దర్యాప్తు చేస్తున్నట్లు ఎస్సై రాజవర్ధన్‌ తెలిపారు.

పాతమంచిర్యాల: జిల్లా కేంద్రంలోని లయన్స్‌ క్లబ్‌లో మంగళవారం జన తెలంగాణ పార్టీ సన్నాహక సమావేశాన్ని మావోయిస్టు పార్టీ మాజీ కేంద్ర కమిటీ సభ్యులు లంకా పాపిరెడ్డి ఆధ్వర్యంలో నిర్వహించారు. ఈ సందర్భంగా జన తెలంగాణ పార్టీ ముసాయిదా విధాన ప్రకటన విడుదల చేసి మంచిర్యాల, కుమురంభీం జిల్లాల అడహక్‌ కమిటీని ప్రకటించారు. తెలంగాణలో ప్రస్తుత రాజకీయ సామాజిక పరిస్థితులు, ప్రజా సమస్యలు, సామాజిక న్యాయం, సమగ్ర అభివృద్ధి, తదితర అంశాలపై సమావేఽశంలో చర్చ నిర్వహించారు. పార్టీని క్షేత్రస్థాయిలో బలోపేతం చేయడానికి గ్రామ స్థాయిలో కమిటీలు ఏర్పాటు చేస్తామన్నారు. ఈ సందర్బంగా మంచిర్యాల, కుమురం భీం జిల్లాల కన్వీనర్‌లుగా అర్జున్‌, రవి కాంత్‌లతో పాటు జిల్లాకు 9 మందిని కమిటీ సభ్యులుగా ప్రకటించారు. ఈ కార్యక్రమంలో నాయకులు బాల్నె అజయ్‌, గురిజాల రవీందర్‌రావు, తదితరులు పాల్గొన్నారు.

నస్పూర్‌/మందమర్రిరూరల్‌: సీసీసీ నస్పూర్‌ పోలీస్‌ స్టేషన్‌ పరిధిలోని నస్పూర్‌ గేటు వద్ద సోమవారం లారీ, ఆటో ఢీ కొన్న ఘటనలో తీవ్రంగా గాయపడి చికిత్స పొందుతున్న రామిటెంకి దివ్యవాణి (33) మృతి చెందింది. ఎస్సై తహసీనొద్దీన్‌ తెలిపిన వివరాల ప్రకారం రోడ్డు ప్రమాదంలో తీవ్రంగా గాయపడిన దివ్యవాణిని చికిత్స నిమిత్తం మంచిర్యాల ప్రభుత్వ ఆసుపత్రికి తరలించారు. మెరుగైన చికిత్స కోసం కరీంనగర్‌లోని ఓ ప్రైవేటు ఆసుపత్రికి తరలించగా చికిత్స పొందుతూ రాత్రి మృతి చెందింది. దివ్యావాణి మృతితో ప్రమాద ఘటనలో మృతుల సంఖ్య ఐదుకు చేరింది. ఆటోలో డ్రైవర్‌తో సహా ఎనిమిది మంది ప్రయాణిస్తుండగా సంఘటన స్థలంలో ఇద్దరు మృతి చెందారు. మరో ముగ్గురు ఆస్పత్రిలో చికిత్స పొందుతూ మృతి చెందారు. గాయాలపాలైన నరమల్లి లక్ష్మి వరంగల్‌ ఎంజీఎంలో చికిత్స పొందుతుండగా, సల్లూరి అనూష, ఆటో డ్రైవర్‌ షెగ్గెం ప్రశాంత్‌ కరీంనగర్‌లో చికిత్స పొందుతున్నారు.

మంచిర్యాలటౌన్‌: నిరుపేదల సొంతింటి కలను సాకారం చేయడమే ప్రజాప్రభుత్వ లక్ష్యమని ఎ మ్మెల్యే ప్రేమ్‌సాగర్‌రావు అన్నారు. జిల్లా కేంద్రంలో ని షాదీఖాన ఫంక్షన్‌హాల్‌లో సోమవారం డబుల్‌ బె డ్‌ రూం ఇళ్లకు లక్కీ డ్రా నిర్వహించారు. కార్యక్రమా నికి హాజరైన ఎమ్మెల్యే మాట్లాడుతూ అర్హులకు న్యా యం జరిగేలా లక్కీ డ్రా ద్వారా ఎంపిక ప్రక్రియను చేపట్టామన్నారు. అనంతరం అధికారులు లక్కీడ్రా ద్వారా లబ్ధిదారులకు ఇళ్లు కేటాయించారు. 344 ఇళ్లకు లక్కీడ్రా మంచిర్యాలలోని రాజీవ్‌నగర్‌లో మిగిలిన 344 ఇళ్లకు 17,100 మంది దరఖాస్తు చేసుకున్నారు. ఎస్సీలకు 60, ఎస్టీలకు 21, మైనార్టీలకు 42, బీసీ, ఓసీలకు 221 ఇళ్లకు లక్కీ డ్రా పద్ధతిలో లబ్ధిదారులను ఎంపిక చేశారు. ఇందులో హమాలివాడ రోడ్డు వెడల్పులో ఇళ్లను కోల్పోయిన ఐదు కుటుంబాలకు ఇళ్లు కేటాయించగా, మరో వంద మంది పేర్లను బఫర్‌లో తీసి ఉంచారు. ఈ కార్యక్రమంలో కమిషనర్‌ అన్వేస్‌, అసిస్టెంట్‌ కమిషనర్‌ రాజు, తహసీల్దార్‌ రఫతుల్లా హుస్సేన్‌, హౌజింగ్‌ పీడీ బన్సీలాల్‌, తదితరులు పాల్గొన్నారు.

మంచిర్యాలటౌన్‌: జిల్లా అథ్లెటిక్స్‌ అసోసియేషన్‌ ఆధ్వర్యంలో సోమవారం జిల్లా కేంద్రంలో జిల్లాస్థాయి ఎన్‌ఐడీజేఏఎం(నేషనల్‌ ఇంటర్‌ డిస్ట్రిక్‌ జూనియర్‌ అథ్లెటిక్స్‌), సబ్‌ జూనియర్‌ అథ్లెటిక్స్‌ ఎంపిక పోటీలు నిర్వహించినట్లు అసోసియేషన్‌ అధ్యక్ష, కార్యదర్శులు ఎం.సాంబమూర్తి, ఈగ మారయ్య తెలిపారు. ఎంపికై న క్రీడాకారులు నవంబర్‌ 14 నుంచి 16 వరకు హైదరాబాద్‌లో జరిగే జాతీయస్థాయి పోటీల్లో పాల్గొననున్నట్లు పేర్కొన్నారు. అండర్‌–14, అండర్‌–16 విభాగంలో బాలబాలికలకు పోటీలు నిర్వహిస్తున్నట్లు తెలిపారు. అండర్‌–10, అండర్‌–12, అండర్‌–14 విభాగంలో నిర్వహించనున్న జిల్లాస్థాయి సబ్‌ జూనియర్‌ అథ్లెటిక్స్‌ పోటీల్లో ఎంపికై న వారు అక్టోబర్‌ 11న ఆసిఫాబాద్‌లో జరిగే రాష్ట్రస్థాయి పోటీల్లో పాల్గొననున్నట్లు వారు పేర్కొన్నారు.

మంచిర్యాలఅగ్రికల్చర్‌: ఓటుహక్కు కాపాడాలని, సర్‌లో అక్రమాలు, అవకతవకలను అరికట్టాలని జిల్లా కాంగ్రెస్‌ పార్టీ ఆధ్వర్యంలో సోమవారం కలెక్టరేట్‌ ఎదుట నిరసన చేపట్టారు. సీఈసీ జ్ఞానేష్‌ కుమార్‌ దిష్టిబొమ్మను దహనం చేశారు. అనంతరం కలెక్టర్‌కు వినతిపత్రం అందజేశారు. ఈ సందర్భంగా డీసీసీ అధ్యక్షుడు పిన్నింటి రఘునాథ్‌ రెడ్డి మాట్లాడుతూ కేంద్ర ఎన్నికల కమిషనర్‌ జ్ఞానేష్‌ కుమార్‌ ఏకపక్ష ధోరణి, అక్రమాలు అరికట్టాలని డిమాండ్‌ చేశారు. ఈ కార్యక్రమంలో కాంగ్రెస్‌ కార్పొరేషన్‌ అధ్యక్షుడు తూముల నరేష్‌, మార్కెట్‌ కమిటీ చైర్మన్‌ రామగిరి బానేష్‌, తదితరులు పాల్గొన్నారు. కేంద్ర ఎన్నికల కమిషనర్‌ను తొలగించాలిపాతమంచిర్యాల: కేంద్ర ఎన్నికల కమిషనర్‌ జ్ఞానేష్‌కుమార్‌ను అరెస్టు చేసి పదవి నుంచి తొలగించాలని తెలంగాణ కాంగ్రెస్‌ సేవా దళ్‌ రాష్ట్ర ప్రధాన కార్యదర్శి డాక్టర్‌ నీలకంఠేశ్వర్‌రావు డిమాండ్‌ చేశారు. సోమవారం జిల్లా కేంద్రంలో జ్ఞానేష్‌కుమార్‌ దిష్టిబొమ్మను దహనం చేశారు. సభ్యులు వనజ, పద్మ, జంగు, రమేశ్‌, సాయిగౌడ్‌, సమ్మురాజయ్య, నర్సయ్య, తదితరులు పాల్గొన్నారు.

తాండూర్‌: మండలంలోని అచ్చులాపూర్‌ జెడ్పీ ఉన్నత పాఠశాలలో సోమవారం అండర్‌–14 బాలికల జిల్లాస్థాయి కబడ్డీ ఎంపిక పోటీలు నిర్వహించారు. జిల్లాలోని పలు మండలాల నుంచి 150 మంది బాలికలు పోటీల్లో పాల్గొన్నారు. ప్రతిభ కనబర్చిన 16 మందిని జోనల్‌ స్థాయి పోటీలకు ఎంపిక చేశారు. ఎంపికై న బాలికలు వీరే.. ఎంపికై న వారిలో కుందన, బి.హర్షిత, సీహెచ్‌.సాహితి, మౌనిక, బి.రమాదేవి, సుదిషా, ఎం.శాన్విక, రిషిక, ఓ.సన, ఎం.రమాదేవి, ఎం.ప్రవళిక, బిందు, రిత్విక, శ్రీహర్ష, అక్షిత, అద్వైత ఉన్నారు. ఈ కార్యక్రమంలో పాఠశాల ప్రధానోపాధ్యాయురాలు పి.ఉమాదేవి, ఎంఈవో శ్రీనివాస్‌, ఎస్‌జీఎఫ్‌ సెక్రెటరి ఎండీ యాకూబ్‌, తదితరులు పాల్గొన్నారు.

మంచిర్యాలక్రైం: నిందితులకు శిక్ష పడేలా పోలీస్‌, పబ్లిక్‌ ప్రాసిక్యూటర్లు సమన్వయంతో పనిచేయాలని రామగుండం సీపీ అంబర్‌ కిషోర్‌ ఝా అన్నారు. కమిషనరేట్‌లో సోమవారం మంచిర్యాల, పెద్దపెల్లి జిల్లాల పబ్లిక్‌ ప్రాసిక్యూటర్లు, పోలీస్‌ అధికారులతో సమీక్ష నిర్వహించారు. ఈ సందర్భంగా సీపీ మాట్లాడుతూ బాదితులకు న్యాయం జరగాలంటే అసలైన నేరస్తులకు శిక్షలు పడేలా సమర్థవంతమైన దర్యాప్తు చేపట్టాలన్నారు. సమావేశంలో అడిషనల్‌ డీసీపీ శ్రీనివాస్‌, పీపీలు నంది రవీందర్‌, నహీద ఫర్హిన్‌, అర్థ కుమార్‌, సీసీఆర్‌బీ సీఐ అనిల్‌కుమార్‌ పాల్గొన్నారు. చట్టపరిధిలోనే సమస్య పరిష్కరించుకోవాలి మంచిర్యాలక్రైం: ఎలాంటి సమస్య అయినా చట్టపరిధిలోనే పరిష్కరించుకోవాలని సీపీ అంబర్‌ కిషోర్‌ ఝా అన్నారు. కమిషనరేట్‌లో సోమవారం బాధితుల నుంచి నేరుగా ఫిర్యాదులు స్వీకరించారు. సంబంధిత పోలీస్‌ స్టేషన్‌ల ఎస్‌హెచ్‌ఓలకు ఫోన్‌ చేసి వివరాలు అడిగి తెలుసుకున్నారు. జాప్యం చేయకుండా నిష్పక్షపాతంగా విచారణ జరిపి సమస్య పరిష్కరించాలని సూచించారు. అడిషనల్‌ డీసీపీ శ్రీనివాస్‌ సిబ్బంది పాల్గొన్నారు.

● కలెక్టర్‌ కుమార్‌ దీపక్‌ మంచిర్యాలఅగ్రికల్చర్‌: ఎస్సీ, ఎస్టీల అభివృద్ధికి చర్యలు తీసుకోవడం జరుగుతుందని కలెక్టర్‌ కుమార్‌ దీపక్‌ అన్నారు. సోమవారం కలెక్టర్‌ సమావేశ మందిరంలో ఎస్సీ, ఎస్టీ, అట్రాసి టీ మానిటరింగ్‌ కమిటీ రాష్ట్ర సభ్యుడు రేణికుంట్ల ప్రవీణ్‌, డీసీపీ ఎ.భాస్కర్‌, జిల్లా అదనపు కలెక్టర్‌ రాములు, బెల్లంపల్లి సబ్‌కలెక్టర్‌ మనోజ్‌, జిల్లా రెవెన్యూ అధికారి మోతిరా మ్‌, ఆర్డీవో శ్రీనివాస్‌రావుతో కలిసి అట్రాసిటీ కేసులు, పరిష్కారం, బాధితులకు న్యాయం అంశాలపై సమీక్ష నిర్వహించారు. కలెక్టర్‌ మాట్లాడుతూ ఆశ్రమ పాఠశాలలు, ఎస్సీ, ఎస్టీ వసతి గృహాలకు మూత్రశాలలు, నీటి సరఫరా, ప్రహరీ వంటి అభివృద్ధి పనులను వేగవంతం చేయాలన్నారు. డీసీపీ మాట్లాడుతూ అట్రా సిటీ కేసుల నియంత్రణపై ఎస్సీ, ఎస్టీలకు రాజ్యాంగం కల్పించిన హక్కులపై ప్రతి ఒక్కరికీ అవగాహన ఉండాలన్నారు. సమావేశంలో మంచిర్యాల, బెల్లంపల్లి, జైపూర్‌ ఏసీపీలు ప్రకాష్‌, కిరణ్‌కుమార్‌, వెంకటేశ్వర్లు, సంక్షేమ శాఖ అధికారులు దుర్గాప్రసాద్‌, రాజేశ్వరి, ట్రెయినీ డిప్యూటీ కలెక్టర్‌ విలాయత్‌ అలీ, తదితరులు పాల్గొన్నారు.

మంచిర్యాలఅగ్రికల్చర్‌: సమాచార హక్కు చట్టంపై ప్రతీ ఒక్కరికి అవగాహన ఉండాలని అదనపు కలెక్టర్‌ వడాల రాములు అన్నారు. ప్రభుత్వ పాలనలో పారదర్శకత, జవాబుదారీతనం పెంపొందించడంలో సహ చట్టం కీలక పాత్ర పోషిస్తుందన్నారు. కలెక్టరేట్‌లోని అదనపు కలెక్టర్‌ చాంబర్‌లో సమాచార హక్కు చట్టం సాధన కమిటీ ఆధ్వర్యంలో సోమవారం అవగాహన కార్యక్రమం నిర్వహించారు. ఈ సందర్భంగా అక్టోబర్‌ 7న రవీంద్రభారతిలో జరగనున్న కమిటీ ఆవిర్భావ దినోత్సవానికి సంబంధించిన పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ ప్రజాస్వామ్య వ్యవస్థలో పారదర్శకత, జవాబుదారీతనాన్ని బలోపేతం చేయడంలో ఆర్టీఐ చట్టం ప్రాధాన్యతను వివరించారు. జాతీయ చైర్మన్‌ డాక్టర్‌ చంటి ముదిరాజ్‌, తెలంగాణ రాష్ట్ర అధ్యక్షులు సూర స్రవంతి ఆదేశాల మేరకు పోస్టర్‌ ఆవిష్కరించినట్లు కమిటీ ప్రతినిధులు తెలిపారు. ఈ కార్యక్రమంలో జాతీయ కార్యదర్శి తోట శ్రీనివాస్‌, సహాయ కార్యదర్శులు వంగల వివేకానంద, మార్క నవీన్‌, రాష్ట్ర కోకన్వీనర్‌ గడప కృష్ణ, జాయింట్‌ సెక్రటరీ దూడం శ్రీనివాస్‌, రాష్ట్ర ఉపాధ్యక్షుడు మల్లపురాజు ప్రకాష్‌, జిల్లా ప్రధాన కార్యదర్శి పురెళ్ల శ్రీనివాస్‌, కోకన్వీనర్‌ శ్రీనివాస్‌, కోఆర్డినేటర్‌ అజయ్‌, తదితరులు పాల్గొన్నారు.

సాక్షి ప్రతినిధి, కామారెడ్డి: గ్రామీణ ప్రాంతాల అభివృద్ధి, మౌలిక వసతుల కల్పనకు సంబంధించిన పనులను వేగవంతం చేయాలని రాష్ట్ర పంచాయతీరాజ్‌, గ్రామీణాభివృద్ధి శాఖల ప్రత్యేక ప్రధాన కార్యదర్శి దానకిషోర్‌ అధికారులను ఆదేశించారు. కామారెడ్డి కలెక్టరేట్‌లోని సమావేశ మందిరంలో సోమవారం ఉమ్మడి నిజామాబాద్‌, కరీంనగర్‌, ఆదిలాబాద్‌ జిల్లాల పరిధిలోని పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా శాఖల ఆధ్వర్యంలో అమలవుతున్న అభివృద్ధి కార్యక్రమాలపై సమీక్ష నిర్వహించారు. హ్యాంరోడ్ల పనులను వెంటనే ప్రారంభించి త్వరితగతిన పూర్తి చేయాలని ఆదేశించారు. గ్రామ సమైక్య భవనాలు, గ్రామ పంచాయతీ భవనాల నిర్మాణాలకు సంబంధించిన పనుల్లో వేగం పెరగాలన్నారు. వీబీజీ రామ్‌జీ ద్వారా లింక్‌ రోడ్ల నిర్మాణాలపై నివేదికలు ఇవ్వాలన్నారు. పరిపాలనా అనుమతులు పొంది 60 రోజుల కంటే ఎక్కువ సమయం ముగిసినా ఇంకా పనులు ప్రారంభించని అంశాలపై స్పష్టమైన నివేదిక ఇవ్వాలని ఆదేశించారు. రహదారి పనుల ప్రతిపాదనలను రెండు కేటగిరీలుగా విభజించాలని సూచించారు. అత్యంత ప్రాధాన్యత కలిగిన మట్టి, లింక్‌ రోడ్లను బీటీ రోడ్లుగా మార్చడంతోపాటు ఉపాధి హామీ కింద నిర్మించే రోడ్ల పనులుగా విభజించాలన్నారు. భూగర్భ జలాల పెంపు కోసం..భూగర్భ జలాలను పెంచేందుకు జలసిరి కార్యక్రమాన్ని విస్తృతంగా చేపట్టాలని దానకిషోర్‌ ఆదేశించారు. ప్రతి ఇంటికీ ఇంకుడు గుంత, ప్రతీ పొలానికి పంట కుంట, ప్రతీ ఊరికి ఊటకుంట తప్పనిసరిగా ఉండాలన్నారు. గ్రామీణ నీటి సరఫరా పథకాల ద్వారా ప్రజలకు నిరంతరాయంగా పరిశుభ్రమైన తాగునీరు అందేలా చూడాలన్నారు. పైప్‌లైన్లు, పంపింగ్‌ వ్యవస్థల నిర్వహణపై నిరంతర పర్యవేక్షణ ఉండాలని ఆదేశించారు. సమావేశంలో పంచాయతీరాజ్‌ కమిషనర్‌ దివ్య దేవరాజన్‌, గ్రామీణాభివృద్ధి ప్రత్యేక కమిషనర్‌ శ్రీలక్ష్మి, గ్రామీణ నీటి సరఫరా శాఖ ఈఎన్సీ కృపాకర్‌రెడ్డి, పంచాయతీరాజ్‌ శాఖ ఈఎన్సీ జగదీశ్‌, కామారెడ్డి కలెక్టర్‌ ఆశిష్‌ సంగ్వాన్‌, పంచాయతీరాజ్‌, పది జిల్లాల నుంచి అదనపు కలెక్టర్లు, గ్రామీణాభివృద్ధి, గ్రామీణ నీటి సరఫరా శాఖల అధికారులు పాల్గొన్నారు. కాగా సమీక్ష సమావేశంలో మంత్రి సీతక్క పాల్గొనాల్సి ఉండగా పర్యటన రద్దు చేసుకున్నారు. వినతిపత్రం ఇస్తున్న జెడ్పీ సీఈవోలు, డీఆర్‌డీవోలుమాట్లాడుతున్న ప్రత్యేక ప్రధాన కార్యదర్శి దానకిషోర్‌అదనపు కలెక్టర్లుగా అవకాశం ఇవ్వాలిస్థానిక సంస్థల అదనపు కలెక్టర్లుగా తమకే అవకాశం ఇవ్వాలని జెడ్పీ సీఈవోలు, డీఆర్‌డీవోలు కోరారు. కార్యక్రమంలో పాల్గొన్న పంచాయతీ రాజ్‌, గ్రామీణాభివృద్ధి శాఖ ప్రత్యేక ప్రధాన కార్యదర్శి దాన కిషోర్‌ను పది జిల్లాల జెడ్పీ సీఈవోలు, డీఆర్‌డీవోలు కలిసి వినతిపత్రం అందించారు. పంచాయతీరాజ్‌ శాఖలో సీనియర్లుగా ఉన్న సీఈవోలు, డీఆర్‌డీవోలను కాదని, జూనియర్లుగా ఉన్న రెవెన్యూ శాఖ నుంచి స్థానిక సంస్థల అదనపు కలెక్టర్లుగా నియమించడం సరికాదన్నారు. ప్రస్తుతం ఖాళీగా ఉన్న, భవిష్యత్తులో ఖాళీ అయ్యే స్థానిక సంస్థల అదనపు కలెక్టర్‌ పోస్టులలో అర్హత కలిగిన జెడ్పీ సీఈవోలు, డీఆర్‌డీవో లను పదోన్నతి లేదా తగిన నియామక ప్రక్రియ ద్వారా నియమించాలని వారు విన్నవించారు.

కాగజ్‌నగర్‌టౌన్‌: నాగ్‌పూర్‌ –సికింద్రాబాద్‌ వందేభారత్‌ ఎక్స్‌ప్రెస్‌ రైలు కాగజ్‌నగర్‌ మీదుగా ప్రారంభమై ఏడాది పూర్తి చేసుకుంది. అత్యంత వేగవంతమైన ప్రయాణం, ఆధునిక సౌకర్యాలతో ఈ రైలు ఏడాదిలోనే ప్రయాణికుల్లో చెరగని ముద్ర వేసింది. ఏడాది కాలంలో కాగజ్‌నగర్‌ నుంచి సికింద్రాబాద్‌కు 3,690 మంది వందేభారత్‌లో ప్రయాణించారు. దీని ద్వారా రైల్వే శాఖకు రూ.30,44,250ల ఆదాయం సమకూరింది. ప్రతీరోజు కాగజ్‌నగర్‌ నుంచి సగటున 15 మంది ఈ రైలులో సికింద్రాబాద్‌కు ప్రయాణిస్తుండడం విశేషం. బోగీల కుదింపుమొదట 20 బోగీలతో ప్రారంభమైన ఈ రైలును తర్వాత 16 బోగీలకు కుదించారు. ప్రస్తుతం 8 బోగీలతో సికింద్రాబాద్‌ –నాగ్‌ఫూర్‌ మధ్య రాకపోకలు సాగిస్తోంది. ఈ రైలు పూర్తి నిర్వహణ (మెయింటనెన్స్‌)ను నాగ్‌పూర్‌లోనే జరుగుతుంది. సికింద్రాబాద్‌ నుంచి మధ్యాహ్నం 1 గంటకు బయలుదేరి వందేభారత్‌ కాగజ్‌నగర్‌కు సాయంత్రం 4.10 గంటలకు చేరుకుంటుంది. నాగ్‌పూర్‌ నుంచి ఉదయం 5 గంటలకు బయలుదేరి కాగజ్‌నగర్‌కు ఉదయం 8.10 గంటలకు చేరుకుని కాగజ్‌నగర్‌లో 1 నిమిషం పాటు హాల్టింగ్‌ అనంతరం బయలు దేరి సికింద్రాబాద్‌కు 12.15 గంటలకు చేరుకుంటుంది. కాగజ్‌గనర్‌ నుంచి సికింద్రాబాద్‌కు 4 గంటల్లో చేరుకుంటుంది. ఈ రైలులో ప్రయాణిస్తే సమయం ఆదాతో పాటు వేగవంతమైన ప్రయాణాన్ని పొందవచ్చని ప్రయాణికులు పేర్కొంటున్నారు. సౌకర్యవంతమైన ప్రయాణం వందేభారత్‌ రైలు కాగజ్‌నగర్‌ నుంచి సికింద్రాబాద్‌కు వెళ్లేందుకు చాలా అనుకూలంగా ఉంది. ఉదయం 8.10 గంటలకు ఎక్కితే మధ్యాహ్నం 12 గంటల వరకు సికింద్రాబాద్‌ స్టేషన్‌లో దిగొచ్చు. ఈ రైలు అత్యాధునిక టెక్నాలజీతో ఉండడంతో ఇందులో ఎంతో భద్రత ఉంది. – చంద్రయ్య, కాగజ్‌నగర్‌చార్జీలు తగ్గించాలి వందేభారత్‌ రైలులో చార్జీలు ఎక్కువ కావడంతో సామాన్య, మధ్య తరగతి వారు ప్రయాణించడం లేదు. కాగజ్‌నగర్‌ నుంచి సికింద్రాబాద్‌కు రూ.800 చార్జీ ఉంది. దీనిని రూ.200 తగ్గించడంతో మరింత ఆదరణ పెరిగే అవకాశం ఉంది. – ఫణిరాజ్‌, ఉత్తర తెలంగాణ రైల్వే ఫోరం అధ్యక్షుడు

తీర్చుకుంటున్న వన్యప్రాణులు జలకాలాటలో దుప్పినీటితో నిండిన ఘనిషెట్టి కుంటనీరు తాగుతున్న నీలుగాయిలునీళ్లు తాగుతున్న అడవి దున్నలు జన్నారం: ఇటీవల కురిసిన వర్షాలకు అడవిలో ఏర్పాటు చేసిన కుంటలు జలకళ సంతరించుకున్నాయి. ఈ సందర్భంగా సోమవారం డివిజనల్‌ ఫారెస్ట్‌ అధికారి రామ్మోహన్‌ కెమెరాకు చిక్కిన కుంటలు, వన్యప్రాణుల ఫొటోలను విడుదల చేశారు. ఆయన విలేకరులతో మాట్లాడుతూ వర్షపు నీరు వృథాగా పోకుండా, వన్యప్రాణుల దాహం తీర్చడానికి, భూగర్భ జలాలు పెంపొందించేందుకు జన్నారం అటవీ డివిజన్‌లో 187 నీటి కుంటలు తవ్వామన్నారు. ఇటీవల కురిసిన వర్షాల కారణంగా కుంటలు నిండడంతో వన్యప్రాణులు సులభంగా దాహం తీర్చుకుంటున్నట్లు తెలిపారు. వేసవిలో నీటి ఎద్దడి రాకుండా ముందస్తుగా చర్యలు ప్రారంభించామని పేర్కొన్నారు.

వేమనపల్లి: ఆస్తి తగాదాలు ఓ అన్నను కసాయిగా మార్చాయి. సొంత తమ్ముడినే అడ్డు తొలగించుకునేందుకు గుప్త నిధుల వేటకు పిలిచి దారుణంగా హత్య చేసిన ఘటన జిల్లాలో తీవ్ర కలకలం రేపింది. సోమవారం చెన్నూరురూరల్‌ సీఐ కార్యాలయంలో జైపూర్‌ ఏసీపీ వెంకటేశ్వర్లు వివరాలు వెల్లడించారు. నీల్వాయి గ్రామానికి చెందిన అన్న కుడుకల రాజేశ్‌ తమ్ముడు శ్రీనివాస్‌కు మధ్య వ్యవసాయ భూమి, ఇంటి స్థలాల విషయంలో గొడవలు జరుగుతున్నాయి. తమ్ముడిని చంపేందుకు తనకు బావమరిది చెన్నూరు మండలం చాకపల్లికి చెందిన గోదారి సమ్మయ్యతో కలిసి రాజేశ్‌ వ్యూహరచన చేశాడు. పతకం అమలు చేసేందుకు చాకపల్లి గ్రామానికి చెందిన బల్ల కిష్టస్వామిని వెంట తెచ్చుకున్నారు. హత్యకు ముందే రాజేశ్‌ పలు దఫాలుగా సమ్మయ్యకు రూ.95,000 ముట్టజెప్పాడు. ఈనెల 20వ తేదీన సోమనపల్లి అటవీ ప్రాంతంలో గుప్త నిధులు ఉన్నాయని శ్రీనివాస్‌ను నమ్మించి చెన్నూర్‌కు పిలిపించుకొన్నారు. బస్టాండ్‌ సమీపంలోని వైన్స్‌ వద్ద సమ్మయ్య, శ్రీనివాస్‌ కలిసి మద్యం సేవించారు. కిష్టస్వామితో కలిసి అటవీ ప్రాంతంలోకి నడుచుకుంటూ వెళ్తుండగా సమ్మయ్య తన వెంట తెచ్చుకున్న గొడ్డలితో వెనుక నుంచి వచ్చి శ్రీనివాస్‌ మెడపై, కాళ్లపై దాడి చేశాడు. ఆనవాళ్లు దొరకకుండా మృతదేహంపై పెట్రోల్‌ పోసి నిప్పంటించి పరారయ్యారు. 21వ తేదీన రాజేశ్‌ నుంచి ఒప్పందం ప్రకారం మరో రూ.లక్ష నగదు తీసుకున్నారు. 21న మృతుడి భార్య శారద నీల్వాయి పోలీస్‌స్టేషన్‌లో ఫిర్యాదు చేయగా ప్రత్యేక పోలీస్‌ బృందాలతో గాలింపు చేపట్టారు. సాంకేతిక ఆధారాలతో చెన్నూర్‌ బస్టాండ్‌ వద్ద సమ్మయ్యను, అస్నాధ చౌరస్తా వద్ద ప్రధాన సూత్రధారి రాజేశ్‌, కిష్టస్వామిని అరెస్టు చేసినట్లు ఏసీపీ వెల్లడించారు. వారి వద్ద నుంచి రూ. 60 వేల నగదు, గొడ్డలి, నిందితులకు చెందిన రెండు బైకులు, సెల్‌ఫోన్లు, రక్తపు మరకలు ఉన్న దుస్తులు స్వాధీనం చేసుకున్నట్లు తెలిపారు. అనంతరం నిందితులను కోర్టులో హాజరు పరిచి రిమాండ్‌కు తరలించినట్లు పేర్కొన్నారు. మిస్సింగ్‌ కేసును ఛేదించిన చెన్నూరు రూరల్‌ సీఐ కృష్ణ, ఎస్సైలు నాగరాజు, రాజశేఖర్‌, రాజేందర్‌, హెడ్‌ కానిస్టేబుల్‌ శంకర్‌, బుజ్జిబాబు, కానిస్టేబుళ్లు రవి, భరత్‌, వెంకన్న, రాజేందర్‌లను ఏసీపీ అభినందించారు.

మందమర్రిరూరల్‌: సింగరేణి సంస్థకు రాష్ట్ర ప్రభుత్వం చెల్లించాల్సిన రూ. 55వేల కోట్ల బకాయిలను వెంటనే చెల్లించాలని బీజేపీ రాష్ట్ర కార్యవర్గ సభ్యులు దుర్గం అశోక్‌ డిమాండ్‌ చేశారు. సోమవారం స్థానిక ప్రెస్‌క్లబ్‌లో నిర్వహించిన సమావేశంలో ఆయన మాట్లాడారు. సింగరేణి పరిరక్షణ కోసం ప్రభుత్వం బకాయిలు చెల్లించాలని డిమాండ్‌ చేస్తూ బీజేపీ ఆధ్వర్యంలో ఈ నెల 30న ‘సింగరేణి బకాయిలు బీజేపీ లడాయి’ పేరిట చేపట్టే కార్యక్రమాన్ని విజయవంతం చేయాలని పిలుపునిచ్చారు. ఈ సంద ర్భంగా వాల్‌ పోస్టర్లు విడుదల చేశారు. ఈ సమావేశంలో బీజేపీ నాయకులు సంజీవరావు, డీవీ దీక్షితులు, దుర్గరాజ్‌, జనార్దన్‌, శ్రీనివాస్‌, మహేశ్‌, సుధాకర్‌, సత్యనారాయణ తదితరులు ఉన్నారు. బెల్లంపల్లిలో.. బెల్లంపల్లి: సింగరేణి కంపెనీకి రాష్ట్ర ప్రభుత్వం బకాయి పడిన రూ.55 వేల కోట్లు వెంట నే చెల్లించాలని డిమాండ్‌ చేస్తూ ఈనెల 30న నిర్వహించనున్న ధర్నాకు కార్మికులు హాజరై విజయవంతం చేయాలని బీజేపీ జిల్లా అధ్యక్షుడు ఎన్‌.వెంకటేశ్వరగౌడ్‌ కోరారు. సోమవా రం బెల్లంపల్లిలో ధర్నా వాల్‌ పోస్టర్లను బీజేపీ రాష్ట్ర కార్యవర్గ సభ్యురాలు, మాజీ ఎమ్మెల్యే అమురాజుల శ్రీదేవితో కలిసి విడుదల చేశా రు. బీజేపీ నాయకులు వెంకటకృష్ణ, రాచర్ల సంతోష్‌, దార కల్యాణి, సంపత్‌, రాజ్‌కుమార్‌, నగేశ్‌ తదితరులు పాల్గొన్నారు.

మంచిర్యాలఅర్బన్‌: పాఠశాల విద్యార్థుల అభ్యాసన పురోగతిని, సామర్థ్యాలను అంచనా వేసేందుకు నిర్వహించే సమ్మేటివ్‌ అసెస్మెంట్‌ (ఎస్‌ఏ –1) పరీక్షల నిర్వహణకు అధికారులు సన్నద్ధమవుతున్నారు. విద్యాసంవత్సరంలో ఇప్పటివరకు బోధించిన పాఠ్యాంశాలను విద్యార్థులు ఏమేరకు అర్థం చేసుకున్నారో తెలుసుకోనున్నారు. బోధన స్థాయి పరిశీలనకు పరీక్షలు తోడ్పడనున్నాయి. పాఠశాల విద్యార్థులకు సంబంధించి 2026– 27 అకడమిక్‌ సంవత్సరం ఎస్‌ఏ–1 పరీక్షలు ఆక్టోబర్‌ 1 నుంచి ప్రారంభం కానున్నాయి. పరీక్షలకు సంబంధించిన ప్రశ్నపత్రాలు శనివారం జిల్లాలోని ఎమ్మార్సీలకు చేరగా వాటిని భద్రపర్చారు. జిల్లాలో ప్రైవేట్‌, ప్రభుత్వ పాఠశాలల్లో చదివే 1 నుంచి 10వ తరగతి విద్యార్థులకు పరీక్షలు జరుగనున్నాయి. ఏరోజుకు సంబంధించిన ప్రశ్నపత్రాలను అదేరోజు పాఠశాలలకు పంపిణీ చేయనున్నారు. ఎస్‌ఏ–1 పరీక్షలు ఇలా.. ఎస్‌ఏ పరీక్షలకు సంబంధించి పరీక్షల షెడ్యూల్‌ను ప్రకటించారు. ఒకటి నుంచి ఐదో తరగతి వరకు ఆక్టోబర్‌ 5న ఫస్ట్‌ లాంగ్వేజ్‌తో ప్రారంభమై, 6న ఇంగ్లిష్‌, 7న గణితం, 8న ఈవీఎస్‌, 9న సెకండ్‌ లాంగ్వేజ్‌తో పరీక్షలు ముగియనున్నాయి. అక్టోబర్‌ 1న 6, 7 తరగతులకు ఫస్ట్‌ లాంగ్వేజ్‌, 8, 9, 10 తరగతులకు గణితం, 3న ఆరు, ఏడు తరగతులకు సెకండ్‌ లాంగ్వేజ్‌, 8, 9, 10 తరగతులకు భౌతిక శా స్త్రం, 5న 6,7 తరగతులకు థర్డ్‌ లాంగ్వేజ్‌ (ఇంగ్లీష్‌), 8, 9, 10 తరగతులకు జీవశాస్త్రం పరీక్షలు, 6న 6,7 తరగతులకు గణితం, 8, 9, 10 తరగతులకు సోషల్‌ స్టడీస్‌, 7న 6,7 తరగతులకు జనరల్‌ సైన్స్‌, 8, 9, 10 తరగతులకు ఫస్ట్‌ లాంగ్వేజ్‌, 8న 6, 7 తరగతులకు సోషల్‌ స్టడీస్‌, 8, 9, 10న సెకండ్‌ లాంగ్వేజ్‌, 9న 8, 9, 10 తరగతులకు ఇంగ్లిష్‌ పరీక్షలు నిర్వహించనున్నారు. జిల్లాలో 73,806 మంది విద్యార్థులు..మంచిర్యాల జిల్లాలో ప్రభుత్వ, ప్రైవేట్‌ పాఠశాలల్లో 73,806 (తెలుగు, ఇంగ్లీష్‌, ఉర్దూ మీడియం) మంది విద్యార్థులు చదువుతున్నారు. ఒకటి నుంచి 5వ తరగతి 22,984 మంది, 6 నుంచి 10వ తరగతి వరకు 50,822 మంది విద్యార్థులు చదువుతున్నారు. ఒకటి నుంచి ఐదు తరగతులకు సంబంధించి ప్రైవేట్‌ పాఠశాలలకు ప్రభుత్వం ముద్రించిన ప్రశ్నపేపర్‌ నుంచి మినహాయింపు ఇచ్చారు. ఆయా పాఠశాలలు సొంతంగా ప్రశ్నపత్రం సిద్ధం చేసుకోవచ్చు. 6 నుంచి 10వ తరగతి డిస్ట్రిక్‌ ఎడ్యుకేషన్‌ కామన్‌ ఎగ్జామినేషన్‌ బోర్డు (డీసీఈబీ) తయారు చేసిన ప్రశ్నపత్రాలను మాత్రమే వాడాల్సి ఉంది. ఎంజేపీ బీసీ రెసిడెన్షియల్‌కు సొంత ప్రశ్నపత్రాలు సిద్ధం చేసుకునే అవకాశం ఉంది. మిగిలిన ప్రైవేట్‌, ప్రభుత్వ పాఠశాలల్లో డీసీఈబీ రూపొందించిన ప్రశ్నపత్రం తప్పనిసరి. గతంలో కొన్ని కార్పొరేట్‌ పాఠశాలలు నిబంధనలకు విరుద్ధంగా డీసీఈబీ ప్రశ్నపత్రాలను కాకుండా సొంతంగా రూపొందించిన ప్రశ్నపత్రాలతో పరీక్షలు నిర్వహించినట్లు తెలుస్తోంది. ప్రభుత్వ, ప్రైవేట్‌ పాఠశాలలు తప్పనిసరిగా ప్రభుత్వం రూపొందించిన ప్రశ్నపత్రాలతోనే ఎస్‌ఏ–1 పరీక్షలు నిర్వహించాలని, లేదంటే చర్యలు తప్పవని డీసీఈబీ సెక్రటరీ మహేశ్వర్‌రెడ్డి ‘సాక్షి’కి తెలిపారు. మూల్యాంకనంపై సందిగ్ధత..పాఠశాల స్థాయి పరీక్షల్లో పారదర్శకత కోసం జవాబు పత్రాలను అదే పాఠశాల టీచర్లతో కాకుండా సమీపంలోని టీచర్లతో దిద్దించేందుకు ప్రభుత్వం నిర్ణయం తీసుకోగా ఈ వి ధానాన్ని ఉపాధ్యాయ సంఘాలు వ్యతిరేకిస్తుండటంతో అమలుపై సందిగ్ధత నెలకొంది. జవాబు పత్రాలను వేరే పాఠశాలలకు పంపించే క్రాస్‌ వాల్యుయేషన్‌ విధానం రద్దు చేసి గతంలో మాదిరి సొంత పాఠశాల ఉపాధ్యాయులే దిద్దుతారా.. లేదా అన్న దానిపై స్పష ్ట త లేదు. ఉపాధ్యాయులకు ప్రాథమిక తరగతుల జవాబు పత్రానికి ఒక్కో దానికి రూ.2 చొప్పున, ఉన్నత తరగతులకు సమాధాన పత్రాలకు ఒక్కోదానికి రూ.3 రెమ్యూనరేషన్‌ చెల్లిస్తారు. మూల్యాంకనం పూర్తయిన వెంటనే మార్కులను ఆన్‌లైన్‌ పోర్టల్‌లో నమోదుచేసి ప్రోగ్రెస్‌ ద్వారా విద్యార్థులకు అందజేయనున్నారు. విద్యార్థుల వార్షిక ప్రగతి నివేదిక తయారీలో, తదుపరి తరగతికి ప్రమోట్‌ చేయడానికి మార్కులను పరిగణలోకి తీసుకోనున్నారు. ఉమ్మడి జిల్లాలోని విద్యార్థులు..జిల్లా తరగతులు విద్యార్థుల సంఖ్య మంచిర్యాల 1–5 22,984 6–10 50,822 నిర్మల్‌ 1–5 20,193 6–10 66,609 ఆసిఫాబాద్‌ 1–5 42,206 6–10 39,505 ఆదిలాబాద్‌ 1–5 21,156 6–10 35,515

శ్రీరాంపూర్‌: బొగ్గు ఉత్పత్తిని మరింత పెంచా లని శ్రీరాంపూర్‌ జీఎం ఎం.శ్రీనివాస్‌ తెలిపా రు. సోమవారం జీఎం కార్యాలయంలోని సమావేశ మందిరంలో ఏరియా అధికారులతో బొగ్గు ఉత్పత్తి, ఉత్పాదకత, రవాణాపై స మీక్ష సమావేశం నిర్వహించారు. ఆయన మాట్లాడుతూ నిర్దేశించిన లక్ష్యానికి అదనంగా 10శాతం ఉత్పత్తి పెరగాలన్నారు. కొత్త పని ప్రదేశాలను తయారు చేసుకోవాలని, వాటి అనుమతులు, డ్రిల్లింగ్‌, అందులో వినియోగించే ఎస్‌డీఎల్‌ యంత్రాల వివరాలపై అధి కారులతో చర్చించారు. మార్కెట్‌లో కోల్‌ డిమాండ్‌ అధికంగా ఉందని ఈ సమయంలో దానికి అనుగుణంగా బొగ్గు ఉత్పత్తి పెంచుకో వాల్సిన అవసరం ఉందన్నారు. రక్షణతో కూడిన ఉత్పత్తి సాధించాలని అధికారులకు సూచించారు. ఉత్పత్తి అయిన బొగ్గును సకాలంలో రవాణా చేయడం కూడా ఎంతో ముఖ్యమన్నారు. ఏరియా ఇంజనీర్‌ సురేశ్‌, ఇందారం ఓపెన్‌ కాస్ట్‌ ప్రాజెక్టు అధికారి ఏవీ రెడ్డి, ఏజెంట్‌లు యన్‌.శ్రీధర్‌, రవికుమార్‌ డీజీఎంలు రాజన్న, మల్లయ్య, పర్చేస్‌ అధికా రి చంద్రశేఖర్‌, క్వాలిటీ ఇన్‌చార్జి శ్రీధర్‌ తదితరులు పాల్గొన్నారు.

దండేపల్లి: మండలంలోని లక్ష్మీకాంతపూర్‌ గ్రామాని కి చెందిన బాదినేని అరవింద్‌(26) అనే యువకుడు అదృశ్యమయ్యాడు. అరవింద్‌ ఆదివారం సాయంత్రం లక్సెట్టిపేట వెళ్తున్నట్లు ఇంట్లో చెప్పి బజాజ్‌ డిస్కవర్‌ బైక్‌పై వెళ్లాడు. రాత్రి అయినా ఇంటికి రాకపోవడంతో తల్లిదండ్రులు ఫోన్‌ చేయగా వస్తున్నట్లు చెప్పాడు. మళ్లీ కొద్దిసేపటి తర్వాత ఫోన్‌ స్విచ్ఛాఫ్‌ వచ్చింది. అనుమానం వచ్చిన తల్లిదండ్రులు బంధువులకు ఫోన్‌ చేసి ఆరా తీయగా ఆచూకీ దొరకలేదు. సోమవారం ఉ దయం అతని బైక్‌ దండేపల్లి మండలంలోని గూడెం గోదావరి నది వంతెనపై కనిపించింది. కానీ అతని ఆచూకీ మాత్రం లభ్యం కాలేదు. అతను గోధుమ కలర్‌ ప్యాంట్‌, తెల్ల గీతల షర్టు ధరించి ఉన్నాడని కుటుంబీకులు పేర్కొన్నారు. ఈమేరకు మిస్సింగ్‌ కేసు నమోదు చేసుకుని దర్యాప్తు జరుపుతున్నట్లు ఎస్సై రాజవర్ధన్‌ తెలిపారు.

మంచిర్యాలటౌన్‌: మారుతున్న జీవనశైలి, తీసుకుంటున్న ఆహారంతో జిల్లాలో బీపీ, షుగర్‌ వ్యాధిన పడిన వారి సంఖ్య పెరుగుతోంది. వైద్య ఆరోగ్య శాఖ ఆధ్వర్యంలో ప్రభుత్వం నిర్వహిస్తున్న నాన్‌ కమ్యూనికేబుల్‌ డీసీజెస్‌ (ఎన్‌సీడీ) సర్వేలో బీపీ, షుగర్‌ బారిన పడినవారు బయటపడుతున్నారు. జిల్లాలో 30 ఏళ్లకు పైబడిన వారే వ్యాధుల బారిన పడుతున్నట్లు సర్వేలో బయటపడుతోంది. వ్యా యామం చేసేందుకు తగిన సమయం లేకపోవడం, ఉరుకుల పరుగుల జీవితంలో చాలా మంది సమయానికి సరైన ఆహారం తీసుకోక పోవడం, మానసిక ఒత్తిడికి గురికావడం, సరైన నిద్ర, తగిన విశ్రాంతి లేకపోవడంతో వ్యాధులు ప్రబలేందుకు కారణం అవుతున్నట్లు తెలుస్తోంది. ఒకప్పుడు 50 ఏళ్లు దాటిన వారిలో మాత్రమే కనిపించే బీపీ, షుగర్‌ ప్రస్తుతం యువతలోనూ కనిపించడం ఆందోళన కలిగిస్తోంది. 30 ఏళ్లు దాటిన వారిలో ఎక్కువగా కనిపించడం, చిన్న వయస్సులోనే మహిళలు, పురుషులు అనే తేడా లేకుండా వ్యాధుల బారిన పడుతున్నట్లు సర్వేలో గుర్తిస్తున్నారు. బీపీ, షుగర్‌ బారిన పడకుండా ఉండేందుకు ముందస్తు జాగ్రత్తలు తీసుకోకపోవడంతో ఆయా వ్యాధుల బారిన పడుతున్న వారి సంఖ్య రోజురోజుకూ పెరుగుతోంది. ఒకసారి ఈ వ్యాధులు దరిచేరితే, వాటిని అదుపులో ఉంచేందుకు జీవితాంతం మందులు వాడడంతో పాటు, సరైన వ్యాయామం, ఆహార నియమాలను తప్పనిసరిగా పాటించాలని వైద్యులు సూచిస్తున్నారు. సర్వేలో వ్యాధుల గుర్తింపు వైద్య ఆరోగ్య శాఖ ఆధ్వర్యంలో జిల్లా వ్యాప్తంగా నిర్వహిస్తున్న ఎన్‌సీడీ సర్వేలో మధుమేహం, రక్తపోటు వంటి దీర్ఘకాలిక వ్యాధుల బారిన ఎంతమంది పడుతున్నారో తెలుసుకుంటున్నారు. జాతీయ ఆరోగ్య మిషన్‌ పథకంలో భాగంగా అన్ని ప్రభుత్వ ప్రాథమిక ఆరోగ్య కేంద్రాలు, కమ్యూనిటీ హెల్త్‌ సెంటర్లు, పట్టణ ఆరోగ్య కేంద్రాలు, జిల్లా ఆస్పత్రులు.. ఇలా అన్నింటిలోనూ బీపీ, షుగర్‌ పరీక్షలు చేస్తున్నారు. 2011 జనాభా లెక్కల ప్రకారం జిల్లాలో 8,09,000 మంది జనాభా ఉండగా, 30 ఏళ్లు పైబడిన వారు 4,20,680 మంది ఉన్నట్లుగా గుర్తించారు. ఇప్పటి వరకు 2,86,149 మందికి వైద్య పరీక్షలు నిర్వహించగా, మధుమేహం ఉన్నవారు 29,058 మంది, రక్తపోటు (బీపీ) ఉన్నవారు 73,664 మంది ఉన్నట్లు గుర్తించి, వారికి వైద్యంతో పాటు అవసరమైన మందులు అందిస్తున్నారు. వారి వివరాలను వెబ్‌పోర్టల్‌లో నమోదు చేసి ఎన్‌సీడీ కార్డు ఇస్తున్నారు. ఎన్‌సీడీ కార్డులో పేషెంట్‌ పేరు, అందిస్తున్న చికిత్స, మందుల వివరాలు పొందుపర్చి, ప్రతీనెల ఆశా వర్కర్లు, ఏఎన్‌ఎంల ద్వారా వారికి మందులు అందిస్తున్నారు. వీటితో పాటు ఓరల్‌ క్యాన్సర్‌ కేసులు 25, బ్రెస్ట్‌ క్యాన్సర్‌ కేసులు 46, సర్వైకల్‌ క్యాన్సర్‌ కేసులు 12 ఉన్నట్లు నిర్ధారించారు.

పాతమంచిర్యాల: రాష్ట్ర ప్రభుత్వం ఫీజు రీయింబర్స్‌మెంట్‌ బకాయిలు వెంటనే విడుదల చేయాలని ఎస్సీ, ఎస్టీ, బీసీ, మైనార్టీ జేఏసీ అధ్యక్షుడు మంచర్ల సదానందం డిమాండ్‌ చేశారు. ఆదివారం ఏర్పాటు చేసిన సమావేశంలో ఆయన మాట్లాడుతూ ఫీజు రీయింబర్స్‌మెంట్‌ విడుదల చేయకపోవడంతో విద్యార్థుల చదువులకు ఇబ్బంది కలుగుతోందన్నారు. విద్యార్థుల భవిష్యత్‌ను దృష్టిలో ఉంచుకుని ప్రభుత్వం చర్యలు తీసుకోవాలన్నారు. ఈ నెల 30న హైదరాబాద్‌లోని ఇందిరా పార్కు వద్ద నిర్వహించనున్న మహాధర్నా కార్యక్రమాన్ని విద్యార్థులు, విద్యార్థి సంఘాల నాయకులు విజయవంతం చేయాలన్నారు. సమావేశంలో ఎదునూరి రమేశ్‌, రామస్వామి, గొడిశెల సురేందర్‌, మేడి రాజు, సారయ్య, తదితరులు పాల్గొన్నారు.

బెల్లంపల్లి: రాష్ట్ర ప్రభుత్వం సింగరేణి సంస్థకు ఉన్న బకాయిలు వెంటనే చెల్లించాలని మాజీ ఎమ్మెల్యే, బీజేపీ రాష్ట్ర కార్యవర్గ సభ్యురాలు అమురాజుల శ్రీదేవి డిమాండ్‌ చేశారు. ఆదివా రం విలేకరుల సమావేశంలో ఆమె మాట్లాడుతూ సింగరేణి సంస్థకు రాష్ట్ర ప్రభుత్వం నుంచి రూ.55 వేల కోట్ల బకాయిలు రావాల్సి ఉందన్నారు. బకాయిలు చెల్లించాలని, కార్మికుల సమస్యలు పరిష్కరించాలని డిమాండ్‌ చేస్తూ ఈ నెల 30న సీసీసీ కార్నల్‌లో ధర్నా నిర్వహించనున్నట్లు తెలిపారు. బీజేపీ రాష్ట్ర అధ్యక్షుడు రాంచందర్‌రావు, మల్కాజిగిరి ఎంపీ ఈటల రాజేందర్‌, శాసనసభ పక్ష నేత ఏలేటి మహేశ్వర్‌రెడ్డి హాజరు కానున్నట్లు తెలిపారు. సమావేశంలో బీజేపీ పట్టణ అధ్యక్షురాలు దార కళ్యాణి, ప్రధాన కార్యదర్శి ఎర్రోజు శ్రీనివాస్‌, నాయకులు మద్దెర్ల శీనివాస్‌, దూది ప్రకాష్‌, నల్లుల సంగీత, గాండ్ల మహేష్‌, పుల్లూరి రాము, తదితరులు పాల్గొన్నారు.

జన్నారం మండలం పొనకల్‌కు చెందిన సాయికృష్ణ భార్య, తమ్ముడు జ్వరం బారిన పడ్డారు. ఆస్పత్రిలో పరీక్షలు చేయించుకోగా డెంగీ పాజిటివ్‌ అని రిపోర్టు వచ్చింది. భయంతో మంచిర్యాల ఆసుపత్రికి వెళ్లి నాలుగు రోజులుగా చికిత్స చేయించుకున్నాక తగ్గినట్లు తెలిపారు.జన్నారం మండలం మురిమడుగుకు చెందిన శ్రీనివాస్‌కు పదిహేను రోజుల క్రితం తీవ్రమైన జ్వరం రావడంతో జన్నారంలోని ఓ ప్రైవేట్‌ ఆస్పత్రిలో పరీక్షలు చేయించుకోగా డెంగీ పాజిటివ్‌ వచ్చినట్లు వైద్యులు ధ్రువీకరించారు. రక్త కణాలు 40 వేలకు పడిపోయాయని చెప్పడంతో వెంటనే మంచిర్యాలలోని ఓ ప్రైవేట్‌ ఆస్పత్రిలో నాలుగు రోజులు చికిత్స చేయించుకున్నాడు. ఆ తర్వాత అతని భార్య, కుమారుడు కూడా జ్వరం బారిన పడ్డారు.జన్నారం: మండలంలో డెంగీ జ్వరాలు భయాందోళన కలిగిస్తున్నాయి. పలు గ్రామాల్లో పారిశుద్ధ్యం లోపించడం, మురుగునీరు నిల్వ ఉండడం, దోమల బెడద తీవ్రం కావడంతో వందలాది మంది జ్వరాల బారిన పడుతున్నారు. రెండు నెలల కాలంలో మండలంలో వివిధ గ్రామాలకు చెందిన 50కి పైగా ప్రజలు డెంగీ బారిన పడినట్లు తెలుస్తోంది. అపరిశుభ్రత..దోమల వ్యాప్తి గ్రామాల్లోని వీధులు, డ్రెయినేజీల్లో మురుగునీరు నిలిచి దుర్వాసన వెదజల్లుతున్నా పంచాయతీ అధికారులు పట్టించుకోవడం లేదనే ఆరోపణలు వస్తున్నాయి. మురుగు కుంటలు, నిలిచిపోయిన వాననీరు దోమలకు ఆవాసాలుగా మారి డెంగీ, టైఫాయిడ్‌ వంటి జ్వరాలు ప్రబలడానికి ప్రధాన కారణమవుతున్నాయి. జన్నారం ప్రభుత్వ ఆరోగ్య కేంద్రంతో పాటు స్థానిక ప్రైవేట్‌ ఆస్పత్రులు జ్వర బాధితులతో కిటకిటలాడుతున్నాయి. పల్లెల్లో ఇంటికి ఒకరిద్దరు జ్వరంతో బాధపడుతున్నట్లు తెలుస్తోంది. పీహెచ్‌సీల్లో తగినన్ని మందులు, వైద్య సదుపాయాలు లేకపోవడంతో ప్రైవేట్‌ ఆస్పత్రులకు వెళ్లి వేలాది రూపాయలు ఖర్చు చేయాల్సి వస్తోందని ఆవేదన వ్యక్తం చేస్తున్నారు. సంబంధిత అధికారులు వెంటనే స్పందించి గ్రామాలు, తండాల్లో ప్రత్యేక వైద్య శిబిరాలు ఏర్పాటు చేయాలని, దోమల నివారణకు ఫాగింగ్‌, బ్లీచింగ్‌ పౌడర్‌ పిచికారీ చేయాలని మండల ప్రజలు కోరుతున్నారు.

శ్రీరాంపూర్‌: సింగరేణిలో పనిచేస్తున్న కాంట్రాక్ట్‌ కార్మికులు నిర్లక్ష్యానికి గురవుతున్నారు. కంపెనీ ఉత్పత్తి లక్ష్యసాధన, సంక్షేమ కార్యక్రమాల్లో సేవలందిస్తున్న కాంట్రాక్ట్‌ కార్మికులకు సీఎంపీఎఫ్‌ అమలు, సేవల్లో తీవ్ర జాప్యం జరుగుతోంది. కంపెనీ వ్యాప్తంగా సివిల్‌ నిర్మాణాలు, సివిక్‌, పారిశుద్ధ్యం, సెక్యూరిటీ, హౌజ్‌కీపింగ్‌, రోడ్‌ స్వీపింగ్‌, సీహెచ్‌పీలో సేల్‌పికింగ్‌, బెల్ట్‌ క్లీనింగ్‌, నర్సరీ, హాస్పిటల్స్‌, భూగర్భంతో పాటు ఉపరితలాల్లోని అనేక డిపార్టుమెంటుల్లో 28 వేల మంది కాంట్రాక్ట్‌ కార్మికులు పనులు చేస్తున్నారు. నిబంధనల ప్రకారం కంపెనీలో పనిచేసే ప్రతీ కార్మికునికి కోల్‌ మైన్స్‌ ప్రావిడెంట్‌ ఫండ్‌ (సీఎంపీఎఫ్‌) తప్పనిసరిగా అమలు చేయాలి. కానీ వీరిలో కేవలం 12 వేల మందికి మాత్రమే సీఎంపీఎఫ్‌ అమలవుతోంది. టెండర్‌ షెడ్యూల్‌లో కార్మికులకు సీఎంపీఎఫ్‌ అమలు చేయాలనే నిబంధన పెట్ట కపోవడంతో ఈ సమస్య ఉత్పన్నం అవుతోంది. నాలుగేళ్లుగా లెక్కల్లేవ్‌.. ప్రతీనెల కాంట్రాక్ట్‌ కార్మికుని నెల బేసిక్‌ వేతనం నుంచి 12 శాతం రికవరీ చేసి అంతే మొత్తం కంపెనీ కాంట్రాక్టర్‌ నుంచి సీఎంపీఎఫ్‌ ఖాతాలో జమ చేస్తుంది. ఇలా జమ అయిన డబ్బులకు ఆశాఖ వడ్డీ కలిపి ఖాతాలో జమ చేస్తుంది. ఇప్పటి వరకు కంపెనీ వ్యాప్తంగా సుమారు 12 వేల మంది కాంట్రాక్ట్‌ కార్మికులకు సీఎంపీఎఫ్‌ అమలవుతోంది. కానీ వారికి ఖాతాలో ఎంత మొత్తం జమ అయ్యిందో ఆ శాఖ అధికారులు లెక్కలు చెప్పడం లేదు. గతంలో ఏడాది ముగిసాక జమ వివరాలను చీటీల రూపంలో అందించే వారు. ఇప్పుడు ఆ శాఖలో ఉన్న ఖాతాలను ఆన్‌లైన్‌ చేస్తున్నామని అధికారులు చెబుతున్నా ఇప్పటికీ ఎక్కువ మొత్తం ఖాతాలు ఆన్‌లైన్‌ కాలేదని కార్మికులు వాపోతున్నారు. 2021–22 ఆర్థిక సంవత్సరం నుంచి సీఎంపీఎఫ్‌ జమ లెక్కలు చెప్పాలని డిమాండ్‌ చేస్తున్నారు.జమ లెక్కలు చెప్పాలిప్రతీ కాంట్రాక్ట్‌ కార్మికుడికి సీఎంపీఎఫ్‌ అమలు చేయాలని ఆఫీసుల చుట్టూ తిరుగుతున్నాం. రికవరీ అయిన వారికి ఖాతాలో ఎన్ని డబ్బులు ఉన్నాయో చెప్పడంలేదు. ప్రతీ కాంట్రాక్ట్‌ కార్మికునికి సీఎంపీఎఫ్‌ అమలు చేసి జమ లెక్కలు చెప్పాలి. – డీ.బ్రహ్మానందం, వర్కింగ్‌ ప్రెసిడెంట్‌, ఎస్సీసీడబ్ల్యూసీఎంపీఎఫ్‌ అమలు చేయాలి12 సంవత్సరాలుగా నర్సరీలో పని చేస్తు న్నా. ఇప్పటి వరకు సీఎంపీఎఫ్‌ కడుతలేరు. కాంట్రాక్టర్లను అడిగితే అధికారులను అడుగాలంటున్నారు. వారిని అడిగితే ఇదిగో అయిపోతుందంటూ దాటవేస్తున్నారు. ఇప్పటికై నా సీఎంపీఎఫ్‌ అమలు చేయాలి. – పీ.లక్ష్మి, నర్సరీ కార్మికురాలు

దండేపల్లి/పాతమంచిర్యాల/నెన్నెల: రాష్ట్ర ప్రభుత్వం దాదాపు నాలుగేళ్ల తర్వాత పింఛన్ల కోసం ఇటీవల దరఖాస్తులు స్వీకరించింది. దరఖాస్తుల గడువు ముగియడంతో వెంటనే వాటి విచారణ ప్రారంభించింది. ఈ నెల 25 వరకు పరిశీలన పూర్తి చేయాలని లక్ష్యంగా నిర్దేశించింది. సమయం చాలక పరిశీలన పూర్తికాక పోవడంతో ఈ నెలాఖరు వరకు గడువు పొడగించారు. జిల్లాలోని 16 మండలాలు, 5 మున్సిపాలిటీలు, ఒక కార్పొరేషన్‌తో సహా, వివిధ కేటగిరీలలో మొత్తం 13,744 దరఖాస్తులు వచ్చాయి. వీటి పరిశీలనకు జిల్లా వ్యాప్తంగా 143 మంది అధికారులను నియమించారు. ఐదు విభాగాల్లో పరిశీలన జిల్లా వ్యాప్తంగా 13,744 మంది పింఛన్‌ కోసం దరఖాస్తు చేసుకున్నారు. వీటిలో అత్యధికంగా వితంతు, దివ్యాంగ పింఛన్ల కోసం దరఖాస్తులు వచ్చా యి. వీటిని అధికారులు ఐదు కేటగిరీల్లో పరిశీలిస్తున్నారు. ప్రభుత్వం ప్రత్యేకంగా రూపొందించిన 360 డిగ్రీల మొబైల్‌ యాప్‌లో మొత్తం 12 ప్రశ్నలను నమోదు చేయడంతో పాటు, దరఖాస్తులు పరిశీలించనున్నారు. 7.5 ఎకరాల కంటే ఎక్కువగా మెట్ట, మూడెకరాల కంటే ఎక్కువగా నీటి ఆధారిత పంటల సాగుభూములు ఉండరాదని, పట్టణ ప్రాంతాల్లో రూ.2 లక్షలు, గ్రామీణ ప్రాంతాల్లో రూ.1.50 లక్షల ఆదాయం ఉండాలి. ఒంటరి మహిళల విషయంలో సంబంధిత పత్రాలను, కల్లుగీత, చేనేత కార్మికులకు గుర్తింపు కార్డు పరిశీలనలోకి తీసుకుంటారు. మొబైల్‌ యాప్‌ ద్వారా చేయూత దరఖాస్తుదారుడి వివరాలు పక్కాగా పరిశీలిస్తోంది. ఆధార్‌ అనుసంధానం కావడంతో అర్హులా? కాదా? అనే నిర్ధారణ జరుగుతోంది. మధ్యవర్తులను నమ్మి ఎవరూ పైరవీలు చేయరాదని అధికారులు సూచిస్తున్నారు. అర్హులకు అన్యాయం జరగకుండా చూడాలన్న నేపథ్యంలో ప్రతీ దరఖాస్తును, దానికి జతచేసిన పత్రాలను క్షుణ్ణంగా పరిశీలించి, అదనంగా అవసరమైన పత్రాలను వారి వద్ద నుంచి తీసుకొని విచారణ పూర్తి చేస్తున్నారు. విచారణ అధికారులదే బాధ్యత పింఛన్‌కు అర్హులను ఎంపిక చేశాక ఇందులో ఎవరైనా అనర్హులని తేలితే క్షేత్రస్థాయి పరిశీలన అధికారులనే బాధ్యులను చేయనున్నారు. లబ్ధిదారులకు పింఛన్‌ రూపంలో చెల్లించిన మొత్తాన్ని అధికారి నుంచి రికవరీ చేయనున్నట్లు ప్రభుత్వం జారీ చేసిన ఉత్తర్వుల్లో పేర్కొనడం గమనార్హం. దీంతో పరిశీలన అధికారులు అర్హుల ఎంపికను పకడ్బందీగా నిర్వహించేందుకే ప్రాధాన్యం ఇస్తున్నారు. అర్హతకు సంబంధించిన ధ్రువపత్రాలను జాగ్రత్తగా పరిశీలిస్తున్నారు.జిల్లాలో పింఛన్‌ దరఖాస్తుల వివరాలువితంతు 7,859 ఒంటరి మహిళ 1,790 దివ్యాంగులు 3,337 నేత కార్మికులు 294 కల్లు గీత కార్మికులు 464

కాసిపేట: మండలంలోని దేవాపూర్‌ పోలీసుస్టేషన్‌ పరిధిలో అక్రమంగా గుడుంబా తరలిస్తున్న ఇద్దరిని అరెస్టు చేసినట్లు ఎస్సై గంగారాం తెలిపారు. ఆయన కథనం ప్రకారం.. మండలంలోని లంబాడితండా(డి) గ్రామానికి చెందిన అజ్మీర రాజేష్‌, బానోత్‌ రాజేష్‌ బైక్‌పై 20 లీటర్ల గుడుంబాను విక్రయించేందుకు వెళ్తున్నారు. ఆదివారం దేవాపూర్‌ అంగడిబజార్‌ ఏరియాలో పట్టుకున్నట్లు ఎస్సై తెలిపారు. ఇద్దరిని అరెస్టు చేసి వారి నుంచి గుడుంబా స్వాధీనం చేసుకున్నామన్నారు. ఈ మేరకు కేసు దర్యాప్తు చేస్తున్నట్లు తెలిపారు.

నార్నూర్‌: తల్లిని కోల్పోయిన చిన్నారికి అండగా నిలిచారు గోండ్వాన పంచాయతీ రాయి సెంటర్‌ పెద్దలు, అభిమాన్యు వాట్సాప్‌ గ్రూప్‌ సభ్యులు. గాదిగూడ మండలం హిరాపూర్‌కు చెందిన ఆత్రం కవిత జంగు రిమ్స్‌లో మూర్ఛ వ్యాధితో చికిత్స పొందుతూ పాపకు జన్మనిచ్చి మృతిచెందింది. కుటుంబం ఆర్థిక ఇబ్బందుల్లో ఉండటాన్ని గుర్తించిన అభిమాన్యు గ్రూప్‌ సభ్యులు ఆపన్నహస్త అందించాలని పిలుపునిచ్చారు. దాతలు రూ.82,200 విరాళాలు సేకరించారు. జూగ్నక్‌ భీంరావ్‌ సర్మేడి (గాదిగూడ), మందాడి దౌలత్‌రావు సర్మేడి (ఝరి) తదితరుల చేతుల మీదుగా ఆదివారం కుటుంబ సభ్యులకు అందజేశారు. పాపకు ‘రక్షణ’గా నామకరణం చేశారు. ఈ మొత్తంలో రూ.45 వేలతో పాప పేరిట ఫిక్స్‌డ్‌ డిపాజిట్‌, రూ.27 వేలతో ఆవు, లేగదూడ, రూ.5 వేలతో వైద్య అవసరాల కోసం జమ, రూ.5,200 నగదు అందజేశారు. ఆపదలో ఉన్న కుటుంబానికి అండగా నిలిచిన దాతలు, సహకరించిన ఎంఎన్‌ఆర్‌ టీమ్‌కు అభిమాన్యు గ్రూప్‌ సభ్యులు కృతజ్ఞతలు తెలిపారు. ఆదివాసీ ఉద్యోగుల సంఘం నాయకులు, సామాజిక కార్యకర్త మెస్రం శేఖర్‌బాబు, పీఆర్‌టీయూ ఉపాధ్యాయ సంఘం గాదిగూడ మండల అధ్యక్షుడు మెస్రం లింగు, ఆదివాసీ విద్యార్థి సంఘం జిల్లా అధ్యక్షుడు పెందూర్‌ సంతోష్‌, మాజీ సర్పంచ్‌ మాడవి జాకు, జైభారత్‌ మండల నాయకులు గంగారాం తదితరులు ఉన్నారు. ఆవు, లేగదూడ అందజేస్తున్న ఆదివాసీ పెద్దలు, అభిమాన్యూ గ్రూప్‌ సభ్యులుఆర్థికసాయం అందిస్తున్న అభిమాన్యు వాట్సాప్‌ గ్రూప్‌ సభ్యులు, ఆదివాసీ పెద్దలు

మందమర్రిరూరల్‌: సింగరేణిలో కొందరు ఉద్యోగుల హాజరు అంతంత మాత్రంగా ఉంది. నెలకు కనీసం 15, ఏడాదిలో కనీసం 101 మస్టర్లు చేయకుండా గైర్హాజరవుతున్నారు. దీంతో బొగ్గు ఉత్పత్తిపై ప్రభావం చూపుతుంది. వీరిలో నాన్‌ ప్రొడక్షన్‌ వర్క్‌ సైడ్‌ అంటే జనరల్‌ అసిస్టెంట్లు, ట్రైనీ ఉద్యోగులే ఎక్కువ. మందమర్రి ఏరియాలో కేకే–5, కేకే–ఓసీ, కాసిపేట, కాసిపేట–2, శాంతిఖని గనులతోపాటు వర్క్‌షాపు, సివిల్‌, ఎస్‌అండ్‌ పీసీ, జీఎం ఆఫీస్‌, జీవీటీసీ తదతర విభాగాల్లో మొత్తం 4,500 మంది ఉద్యోగులు ఉన్నారు. వీరిలో సుమారు 1350 పైచిలుకు మంది అంటే 30 శాతం వరకు విధులకు హాజరవడం లేదు. కేకే–5 గనిలో సుమారు 200, శాంతిఖనిలో 130, కాసిపేట గనిలో 351, కాసిపేట–2 గనిలో 276, కేకే–ఓసీలో 84 మంది ఉద్యోగులతోపాటు ఇతర విభాగాల్లో సంవత్సరంలో కనీసం 101 మస్టర్‌లైనా చేయకుండా సుమారు 250 పైచిలుకు మంది గైర్హాజరు అవుతున్నారు. అయితే గనుల, డిపార్ట్‌మెంట్ల సంక్షేమాధికారులు, గుర్తింపు కార్మిక సంఘం ప్రతినిధులు వారి కుటుంబ సభ్యుల సమక్షంలో సమావేశం నిర్వహించి కౌన్సెలింగ్‌ ఇస్తున్నారు. మూడు నెలల వరకు అవకాశంఒక ఉద్యోగి ఏడాదిలో 101 మస్టర్ల కంటే తక్కువగా ఉంటే గుర్తించి ముందుగాఅధికారులు నోటీసులు జారీ చేస్తారు. వారి పేర్లు గనిపై నోటీసు బోర్డుపై అంటించడం, రెస్పాండ్‌ కానివారికి న్యూస్‌ పేపర్‌ ప్రకటన ద్వారా సమాచారం తెలియజేస్తారు. అనంతరం వారికి కుటుంబ సభ్యుల సమక్షంలో గుర్తింపు సంఘం నాయకుల ఆధ్వర్యంలో కౌన్సెలింగ్‌ ఇస్తారు. ప్రతీనెల కనీసం 20 మస్టర్లు చేయాలని మూడు నెలల వరకు అవకాశం ఉంది. సద్వినియోగం చేసుకోకపోతే తాత్కాలికంగా ఇంక్రిమెంట్‌ కట్‌ చేయడం లాంటి చర్యలంటాయి. మూడు నుంచి ఐదేళ్ల వరకు గైర్హాజరు ఉద్యోగుల్లో మార్పు రాకపోతే క్రమశిక్షణలో భాగంగా చర్యలు తీసుకుంటారు. పద్ధతి మార్చుకోవాలి గైర్హాజరు ఉద్యోగులు పద్ధతి మార్చుకుని విధులకు హాజరుకావాలి. లేకపోతే ప్రతీనెల వేతనం, లాభాల్లో వాటా, బోనస్‌, జీతం, లీవ్‌, తదితర వెసలుబాటు కోల్పోయే అవకాశం ఉంది. గతంలో గైర్హాజరు పేరిట ఉద్యోగం కోల్పోయిన పరిస్థితి దయనీయంగా ఉంది. కుటుంబ బాధ్యతలు గుర్తుంచుకుని విధులకు హాజరుకావాలి. – నీలజాల రాధాకృష్ణ, ఏరియా జీఎం మందమర్రి

ఆదిలాబాద్‌(బేల): తమ వయస్సుకు తగిన ఎత్తు, బరువు లేకుండా చిన్నారులు పోషకాహార లోపంతో కొట్టుమిట్టాడుతున్నారు. ఇటీవల విడుదలైన జాతీయ కుటుంబ ఆరోగ్య సర్వే–6 (ఎన్‌ఎఫ్‌ హెచ్‌ఎస్‌–6) నివేదికలో 2023–24 సంవత్సరానికి సంబంధించిన వివరాలను కేంద్రప్రభుత్వం వెల్లడించింది. 2019–21తో పోలిస్తే పలు అంశాల్లో స్వల్ప మెరుగుదల కనిపించినప్పటికీ, చిన్నారుల్లో పోషకాహార లోపం సమస్య మాత్రం పూర్తిగా తొలగిపోలేదని గణాంకాలు స్పష్టం చేస్తున్నాయి. ఐదేళ్లలోపు పిల్లల్లో వయసుకు తగ్గ ఎత్తు, బరువు లేకపోవడం, తీవ్రంగా బరువు తగ్గడం వంటి సమస్యలు ఇంకా కొనసాగుతుండటం ఆందోళన కల్గిస్తోంది. భావి భారతానికి పునాదిగా నిలవాల్సిన చిన్నారుల ఆరోగ్య పరిస్థితి ఇలా ఉండటం భవిష్యత్తుపై ప్రశ్నలు రేకెత్తిస్తోంది. తల్లిపాలపై పెరిగిన అవగాహనఉమ్మడి జిల్లాలో తల్లిపాల ప్రాధాన్యంపై అవగాహ న పెరుగుతోంది. పుట్టిన వెంటనే శిశువుకు తల్లిపాలు అందించే విషయంలో గత సర్వేతో పోలిస్తే తాజా గణాంకాల్లో మెరుగుదల నమోదైంది. మూ డేళ్లలోపు పిల్లలకు పుట్టిన గంటలోపే తల్లిపాలు అందించిన వారి శాతం ఆదిలాబాద్‌లో 20.4 నుంచి 6 4.2కి,నిర్మల్‌లో 20.9నుంచి 56.4కి, ఆసిఫాబాద్‌లో 42.6 నుంచి 53.8కి, మంచిర్యాలలో 24.2 నుంచి 45.3కి పెరిగింది. ముఖ్యంగా ఆదిలాబాద్‌లో 43.8 శాతం పాయింట్ల పెరుగుదల నమోదవగా, నిర్మల్‌లో35.5, మంచిర్యాలలో 21.1, ఆసిఫాబాద్‌లో 11. 2 శాతం పాయింట్ల చొప్పున వృద్ధి కనిపించింది. ఆహారలోపంతో.. ఎదుగుదల ముప్పుఉమ్మడి జిల్లాలో 6–23 నెలల తల్లిపాలు తాగే పిల్ల లకు తగిన అనుబంధ ఆహారం అందుతున్న పరిస్థితిలో జిల్లాల మధ్య వ్యత్యాసం కనిపిస్తోంది. 2019 –21తో పోలిస్తే 2023–24లో ఆదిలాబాద్‌, నిర్మల్‌, కుమురం భీం ఆసిఫాబాద్‌ జిల్లాల్లో పరిస్థితి మెరుగుపడగా, మంచిర్యాలలో మాత్రం తగ్గుదల నమోదైంది. ఆదిలాబాద్‌లో 9.7 శాతం నుంచి 18 శాతా నికి, నిర్మల్‌లో 10.2 నుంచి 22.7 శాతానికి, ఆసిఫా బాద్‌లో 8.1 నుంచి 13.2 శాతానికి పెరిగింది. మంచిర్యాలలో మాత్రం 4.3 శాతం నుంచి 2.2 శాతాని కి పడిపోయింది. ఆరు నెలల తర్వాత తల్లిపాలతో పాటు తగిన అనుబంధ ఆహారం అందకపోతే పిల్ల లకు అవసరమైన శక్తి, ప్రోటీన్‌, సూక్ష్మపోషకాలు అందక బరువు పెరుగుదల మందగించడం, ఎదుగుదల లోపం వంటి సమస్యల ప్రమాదం పెరుగుతుంది. రెండు జిల్లాల్లో వెనుకబాటు

దండేపల్లి: రైతులకు 11 అంకెలతో కూడిన విశిష్ట గుర్తింపు కార్డును జారీ చేసే ప్రక్రియను ‘రైతు రిజిస్ట్రేషన్‌’ (ఫార్మర్‌ ఐడీ) పేరిట వ్యవసాయ శాఖ చేపట్టి ఏడాది దాటింది. ప్రాధాన్యం గల ఈ ప్రక్రి య ఇప్పటి వరకు జిల్లాలో 77 శాతం మాత్రమే పూర్తయింది. రాష్ట్ర వ్యవసాయ శాఖ దీనిపై ప్రత్యేక దృష్టి సారించింది. ఈ నెల 22 నుంచి 30 వరకు గ్రామాల్లో ప్రత్యేక సదస్సులు నిర్వహించి రైతులను ఈదిశగా చైతన్యపరుస్తూ నమోదును పెంచాలని నిర్ణయించింది. ఆయా వ్యవసాయ క్లస్టర్లలో వ్యవసాయ విస్తరణాధికారులు రైతు రిజిస్ట్రీ ప్రక్రియ వేగవంతం చేయాల్సి ఉంటుంది. మండల వ్యవసాయాధికారులు ప్రక్రియను పర్యవేక్షించనున్నారు. కార్డు ప్రాధాన్యంపై అవగాహన ఈ కార్డుతో కలిగే ప్రయోజనాలపై రైతులకు అవగాహన కల్పించాల్సి ఉంటుంది. కనీస మద్దతు ధరలకు పంటల విక్రయం, యాప్‌ ద్వారా ఎరువుల కొనుగోళ్లు, బ్యాంకుల ద్వారా పంట రుణాలు పొందడానికి, కేంద్ర, రాష్ట్ర ప్రభుత్వ పథకాలు, సేవలు ఇతర ప్రయోజనాలు పొందేందుకు, రైతు సేవలు, రాయితీలు, ఇతర వ్యవసాయ సంబంధిత సేవలకు ఈ విశిష్ట గుర్తింపు కార్డు ఉపయోగపడుతుందని వివరించాల్సి ఉంటుంది. పారదర్శకత రైతుల వివరాలు కచ్చితంగా నమోదైతే పారదర్శకత పెరుగుతుంది. ఒకే ఐడీతో లబ్ధి నేరుగా బ్యాంక్‌ ఖాతాలోకి వస్తుంది. భవిష్యత్‌ పథకాల ప్రయోజనాలు సులభం, స్పష్టమైన గుర్తింపుతో మోసాలు తగ్గుతాయి. నమోదు పూర్తయ్యాక ‘యూనిక్‌ ఐడీ’ని అందజేస్తారు. నమోదుకు అవసరమైనవి ఆధార్‌ కార్డు నంబర్‌, భూమిపాస్‌ బుక్‌ వివరాలు ఆధార్‌తో లింక్‌ అయి ఉన్న ఫోన్‌నంబర్‌తో రైతు వేదికల్లో ఏఈవోల వద్ద ఉచితంగా చేయించుకోవచ్చు. లేదంటే మీసేవ కేంద్రాల్లో చేయించుకోవచ్చు.

ఈ ఫొటోలోని వ్యక్తిపేరు నాగవత్‌ రాజు నాయక్‌. చెన్నూర్‌ మండలం లంబాడిపల్లికి చెంది న ఈయన వయసు 65 ఏళ్లు. ఇప్పటి వరకు పది ఎన్నికల్లో ఓటుహక్కు వినియోగించుకున్నాడు. ఇటీవల చేపట్టిన సర్‌ ప్రక్రియలో భాగంగా 2002 ఓటరు జాబితాలో రాజు నాయక్‌ పేరు కనిపించలేదు. దీంతో అతనికి సర్‌ నోటీసులు జారీ అయ్యాయి. దీంతో తన ఓటు ఉంటుందో పోతుందో అని రాజు నాయక్‌ ఆందోళన వ్యక్తం చేస్తున్నాడు. చెన్నూర్‌: ఓటరు జాబితా ప్రత్యేక సవరణ ప్రక్రియ(సర్‌) చెన్నూర్‌ మండలం లంబాడిపల్లి గ్రామ ఓటర్లను కలవరపెడుతోంది. ఆ పంచాయతీలోని వందలాది మందికి నోటీసులు జారీయ్యాయి. వారంతా ఆధారాలతో పత్రాలు సమర్పించినా సర్‌ ప్రక్రియలో పేర్లు నమోదు కాలేదు. రానున్న ఎన్నికల్లో ఓటు హక్కు ఉంటుందా లేదా అని గ్రామస్తులు ఆవేదన వ్యక్తం చేస్తున్నారు. అందరికీ నోటీసులు..లంబాడిపల్లి గ్రామ పంచాయతీలో మొత్తం 425 మంది ఓటర్లు ఉండగా, 15 మంది మృతి చెందా రు. ప్రస్తుతం 410 మంది ఉన్నారు. సర్‌ ప్రక్రియలో అందరికీ నోటీసులు రావడంతో సంబంధిత ధ్రువీ కరణ పత్రాలను బీఎల్‌వోలకు అందజేశారు. అయినా రెండు దఫాలు మళ్లీ నోటీసులు జారీయ్యాయి. 2002 ఓటరు జాబితాలో పేర్లు లేవని తెలిపినందున ఆందోళన మరింత పెరిగింది. హక్కు ప్రశ్నార్థకంలంబాడిపల్లిలో సుమారు వందేళ్లుగా తాతలు, తండ్రులు జీవనం సాగించారని ప్రజలు తెలిపారు. పంచాయతీగా ఏర్పడి పది సంవత్సరాలు అవుతోంది. ప్రతి ఎన్నికల్లో ఓటు హక్కు విని యోగించుకున్నామని, గత గ్రామ పంచాయతీ ఎ న్నికల్లో కూడా ఓటు వేసిన పేర్లు జాబితాలో లేకపోవడం దారుణమని గ్రామస్తులు అంటున్నారు. జి ల్లా అధికారులు స్పందించి పాత రికార్డులు పరిశీ లించి ఓటు హక్కు కల్పించాలని ప్రజలు కోరుతున్నారు.

● రామగుండం సీపీ అంబర్‌ కిషోర్‌ ఝామంచిర్యాలక్రైం: తెలంగాణ ఉద్యమంలో కొండా లక్ష్మణ్‌ బాపూజీ కీలకపాత్ర పోషించారని, తన ఇళ్లు, ఆస్తులు సైతం తాకట్టు పెట్టిన మహనీయుడని రామగుండం సీపీ అంబర్‌ కిషోర్‌ ఝా కొనియాడారు. కమిషనరేట్‌ ఆవరణలో ఆదివారం కొండా లక్ష్మణ్‌ జయంతి వేడుకలను ఘనంగా నిర్వహించారు. అనంతరం బాపూజీ చిత్రపటానికి పూలమాలలు వేసి నివాళులర్పించారు. ఈ సందర్భంగా సీపీ మాట్లాడుతూ బాపూజీ కుమురంభీం జిల్లా వాంకిడిలో 1915 సెప్టెంబర్‌ 27న జన్మించారని, స్వాతంత్రోద్యమంలో నిజాం నిరంకుశ పాలనకు వ్యతిరేకంగా ఽజరిగిన పోరాటంలో అలుపెరుగని కృషి చేశారన్నారు. 1969లో జరిగిన తొలిదశ తెలంగాణ ఉద్యమంలో ఆయన కీలక పాత్ర పోషించారన్నారు. ఈ కార్యక్రమంలో అడిషనల్‌ డీసీపీ శ్రీనివాస్‌, ఎస్‌బీ ఏసీపీ నాగేంద్రగౌడ్‌, ఆర్‌ఐ మల్లేశం, తదితరులు పాల్గొన్నారు.

వేమనపల్లి: ఆస్తి కోసం తమ్ముడిని అన్న హత్య చేసినట్లు చెన్నూర్‌ రూర ల్‌ సీఐ కృష్ణ తెలిపారు. ఆయన తెలిపిన వివరా ల ప్రకారం.. మండలంలోని నీల్వాయికి చెందిన కుడుకల శ్రీనివాస్‌(40)ను అతని అన్న రాజేష్‌ ఆస్తికోసం హత్యకు పథక రచన చేశాడు. ఈనెల 20న శ్రీనివాస్‌ను చెన్నూరుకు రప్పించాడు. రాజేష్‌ చెన్నూరు మండలం చాకపల్లికి చెందిన సమీప బంధువు గోదారి సమ్మయ్య మరో కొందరికి సుపారీ ఇచ్చాడు. చెన్నూరులో మద్యం తాగించి సోమనపల్లి, శివారం అటవీ ప్రాంతానికి తీసుకెళ్లారు. అక్కడే హత్య చేసి మృతదేహంపై పెట్రోల్‌ పోసి నిప్పంటించినట్లు ప్రాథమిక విచారణలో తెలిసింది. ఆరోజు భారీ వర్షం కురవడంతో మృతదేహం 80 శాతం కాలి ఎముకల గూడు మిగిలింది. మద్యం షాపు వద్ద సీసీ ఫుటేజీ ఆధారంగా పోలీసులు ఈ కేసులో పురోగతి సాధించారు. హత్య జరిగిన రోజు నిందితుల వద్ద కాల్‌డేటా, రికార్డింగ్‌ పక్కా ఆధారాలు సేకరించారు. అన్న పరారీలో ఉండగా గాలిస్తున్నారు. ఆరుగురిని అదుపులో తీసుకుని విచారణ చేపడుతున్నారు. కాగా, వారం క్రితం అదృశ్యమైన శ్రీనివాస్‌ విగతజీవిగా మారడంతో కుటుంబీకులు విలపించారు. పోస్టుమార్టం నిమిత్తం ప్రభుత్వాస్పత్రికి తరలించారు.

ఆదిలాబాద్‌టౌన్‌: ఎన్నికల ప్రధాన కమిషనర్‌ జ్ఞానేష్‌కుమార్‌ను వెంటనే తొలగించాలని హైకోర్టు రిటైర్డ్‌ జడ్జి చంద్రకుమార్‌ డిమాండ్‌ చేశారు. జిల్లాకేంద్రంలోని ప్రింట్‌ మీడియా ప్రెస్‌క్లబ్‌లో ఆదివారం ఆయన విలేకరులతో మాట్లాడారు. బీజేపీ ప్రభుత్వం కేంద్రంలో అధికారంలోకి వచ్చిన తర్వాత ఓట్ల తొలగింపు వ్యవహారాన్ని మార్చేసిందని పేర్కొన్నారు. 17 కోట్లకు పైగా ఓట్లను కమిషనర్‌ తొలగించారని ఆరోపించారు. సుప్రీంకోర్టు జడ్జి, ప్రధాని, రాష్ట్రపతి, ప్రతిపక్ష నేత కమిషనర్‌ను ఎన్నుకునే విధానం ఉండేదని, మోదీ పీఎం అయ్యాక అనుకూలంగా ఉన్నవారిని నియమించుకున్నారని ఆరోపించారు. కమిషన్‌లో ఉన్న ఇద్దరు సభ్యులు 14 సార్లు కమిషనర్‌ ఏకపక్ష నిర్ణయాలు తీసుకుంటున్నారని మంత్రివర్గ కమిటీకి లేఖ రాసినట్లు పేర్కొన్నారు. ఎన్నికల ముందు కేంద్ర హోంశాఖమంత్రి జిల్లా కేంద్రానికి వచ్చినప్పుడు ఆదిలా బాద్‌ ఎంపీ, ఎమ్మెల్యేలను గెలిపిస్తే సీసీఐని పునః ప్రారంభిస్తారని హామీ ఇచ్చారని గుర్తుచేశారు. వెంటనే సీసీఐని పునఃప్రారంభించాలని లేకపోతే ఎంపీ, ఎమ్మెల్యేలు రాజీనామా చేయాలని పేర్కొన్నా రు. సమావేశంలో పెన్షనర్స్‌ సంఘం అధ్యక్షుడు శశికాంత్‌, దయాకర్‌రెడ్డి, గంగాధర్‌, లోకారి పోశెట్టి, కొండ రమేశ్‌, ఈశ్వర్‌ పాల్గొన్నారు.

ఆదిలాబాద్‌టౌన్‌: రిమ్స్‌ ఎస్‌ఎన్‌సీయూలో జరిగిన అగ్నిప్రమాద ఘటనలో శిశువులను కాపాడిన క్రమంలో అస్వస్థతకు గురైన స్టాఫ్‌ నర్స్‌ ప్రమీల ఆరోగ్య పరిస్థితి విషమించింది. పట్టణంలోని ఓ ప్రైవేట్‌ ఆస్పత్రిలో చికిత్స పొందుతున్న ఆమెను ఆదివారం రాత్రి హైదరాబాద్‌లోని నిమ్స్‌కు తరలించారు. ఊపిరితిత్తుల్లో నీరు నిల్వ కావడం, కెమికల్స్‌తో లీవర్‌పై ప్రభావం చూపిందని వైద్యులు పే ర్కొన్నారు. జిల్లా కేంద్రంలోని ఆస్పత్రిలో చి కిత్స పొందుతున్న ఆమెను ఎమ్మెల్యే పాయల్‌ శంకర్‌, రిమ్స్‌ డైరెక్టర్‌ జైసింగ్‌ రాథోడ్‌, దళిత శక్తి ప్రోగ్రాం కన్వీనర్‌ అగ్గిమల్ల గణేశ్‌తోపాటు పలువురు పరామర్శించారు.

ఆదిలాబాద్‌టౌన్‌: కరీంనగర్‌ జిల్లా కేంద్రంలో అక్టోబర్‌లో తెలంగాణ రాష్ట్రస్థాయి జానపద సాంస్కృతి క జాతర నిర్వహించనున్నట్లు సంకల్ప స్వచ్ఛంద సేవా సంస్థ వ్యవస్థాపక అధ్యక్షుడు, రాష్ట్రస్థాయి సిల్వర్‌–గోల్డ్‌ అవార్డు గ్రహీత వలస సుభాష్‌ చంద్రబోస్‌ తెలిపారు. తెలంగాణ భాషా సాంస్కృతిక శా ఖ సహకారంతో ఈ కార్యక్రమాన్ని నిర్వహిస్తున్నట్లు పేర్కొన్నారు. జిల్లా కేంద్రంలో ఆదివారం ఆయన విలేకరులతో మాట్లాడారు. తెలంగాణ సంస్కృతి, సంప్రదాయాలు భావితరాలకు అందించడంతోపా టు వాటిని పరిరక్షించేందుకు జానపద సాంస్కృతిక జాతర నిర్వహిస్తున్నట్లు తెలిపారు. జానపద, భజన, బతుకమ్మ ఆట పాటలు, డప్పు నృత్యాలు, గ్రూప్‌ సాంగ్స్‌, ఒగ్గుకథ, ఒగ్గుడోలు, మహిళా కోలా టం, బోనాలు, బుర్రకథ, సింధు యక్షగానం తదిత ర తెలంగాణ కళారూపాల ప్రదర్శనకు కళాకారులు ఈనెల 28 వరకు దరఖాస్తులు చేసుకోవాలని సూచించారు. ఆసక్తి ఉన్నవారు 94409 88001 నంబర్‌లో సంప్రదించాలని సూచించారు.

కాసిపేట: భర్త మరో మహిళతో డ్యాన్స్‌ వేయడాన్ని తట్టుకోలేక ఈనెల 24న మండలంలోని దే వాపూర్‌ పోలీసుస్టేషన్‌ పరిధిలో దొడ్డిగూడకు చెందిన రాయిసిడాం సంధ్య(23) ఆత్మహత్యకు పాల్పడిన విషయం తెలిసిందే. ఈ ఘటనపై పోలీసులు కేసు నమోదు చేశారు. భర్త మరోమహిళతో సంబంధం పెట్టుకుని సోదరి సంధ్యను వేధించడంతో ఆత్మహత్యకు పాల్పడిందని గణేశ్‌ ఫిర్యాదు చేశారు. గతంలో ఓ పెళ్లి లో స దరు మహిళతో చనువుగా ఉండి డ్యాన్స్‌ చే యడం, బావ సిడాం జంగును కొట్టి మందలించినట్లు తెలిపారు. పద్ధతి మార్చుకోకుండా వేధింపులకు పాల్పడుతుండటం, గణేశ్‌ నిమజ్జనం ఊరేగింపులో మహిళతో డ్యాన్స్‌ చేస్తూ ముద్దులు పెడుతూ, పులిహోర తినిపించడంతో తట్టుకోలేక సంధ్య ఆత్మహత్యకు పాల్పడినట్లు తెలిపారు. బాధలో ఏం తోచలేదని పక్కన ఉన్నవారు చెప్పినట్లు ఫిర్యాదుకు అంగీకరించామని, ఈ విషయమై విచారణ జరిపి చర్యలు తీసుకోవాలని కోరారు.

ఆదిలాబాద్‌టౌన్‌: ఉదారి కుటుంబం చేస్తున్న సాహిత్య సేవ చాలా గొప్పదని పలువురు కవులు పేర్కొన్నారు. జిల్లాకేంద్రంలోని జెడ్పీ సమావేశ మందిరంలో ఆదివారం ఉదారి నాగదాసు స్మారక కవిత పురస్కారాన్ని మునిమడుగుల రాజారావుకు అందజేశారు. పలువురు కవులు హాజరై మాట్లాడారు. తత్వ కవులు కష్టాలకు భయపడి శ్రమకు, కుటుంబాలకు దూరంగా ఉండలేరని పేర్కొన్నారు. ఉదారి నాగదాసు కుటుంబం కవిత పురస్కారం అందించడం కవులను గౌరవించడమేనని అన్నారు. రాజారావుకు ప్రశంసపత్రంతోపాటు రూ.5వేల నగదు అందజేశారు. కవులు సామల వీరన్న, బాలసాని నారాయణ గౌ డ్‌, మన్నె ఏలియా, డైట్‌ కళాశాల వైస్‌ ప్రి న్సిపాల్‌ కిరణ్‌ కుమార్‌, ఉదారి నారాయణ, తొడసం చందు, చిందం ఆశన్న పాల్గొన్నారు.

మంచిర్యాలఅగ్రికల్చర్‌: ప్రకృతి వనరులు, పర్యావరణ సమతుల్యత, చారిత్రక, ఆధ్యాత్మిక, సాహస పర్యాటకానికి జిల్లాలో అపార అవకాశాలు ఉన్నాయని జిల్లా కలెక్టర్‌ కుమార్‌ దీపక్‌ అన్నారు. శనివారం కలెక్టరేట్‌లో ప్రపంచ పర్యాటక దినోత్సవాన్ని పర్యాటక శాఖ ఆధ్వర్యంలో ఏర్పాటు చేశారు. జిల్లా అటవీ అధికారి రాహుల్‌ కిషన్‌ జాదవ్‌, జిల్లా అదనపు కలెక్టర్‌ చంద్రయ్య, బెల్లంపల్లి సబ్‌ కలెక్టర్‌ మనోజ్‌, డీఆర్వో మోతిరామ్‌, జిల్లా పర్యాటక నోడల్‌ అధికారి, ట్రైనీ డిప్యూటీ కలెక్టర్‌ విలాయ్‌ అలీతో కలిసి టూరిజం శాఖ లోగో, మ్యాగజైన్‌ ఆవిష్కరించారు. కలెక్టర్‌ మాట్లాడుతూ జిల్లాలో పర్యాటక ప్రదేశాలను విస్తృతంగా ప్రచారం చేసి పర్యాటకుల సంఖ్య పెంచేందుకు చర్యలు తీసుకోవాలన్నారు. పర్యాటక శాఖ ఆధ్వర్యంలో పాఠశాల, ఇంటర్మీడియెట్‌ స్థాయిలో పర్యాటకంపై నిర్వహించిన వ్యాసరచన, క్విజ్‌, చిత్రలేఖన పోటీల విజేతలుగా నిలిచిన విద్యార్థులకు ప్రశంసాపత్రాలు అందజేశారు. వృద్ధుల సంక్షేమానికి చర్యలు మంచిర్యాలఅగ్రికల్చర్‌: వయోవృద్ధుల సంక్షేమం, సాధికారతకు ప్రభుత్వం ప్రత్యేక కార్యక్రమాలు నిర్వహిస్తోందని కలెక్టర్‌ కుమార్‌ దీపక్‌ అన్నారు. శనివారం కలెక్టర్‌ చాంబర్‌లో అంతర్జాతీయ వయోవృద్ధుల దినోత్సవం–2026 పురస్కరించుకుని వయోవృద్ధుల సంక్షేమం, సాధికారత వారోత్సవాల వాల్‌పోస్టర్లను ఆవిష్కరించారు. కలెక్టర్‌ మాట్లాడుతూ 28న సైబర్‌ భద్రత, డిజిటల్‌ అక్షరాస్యత, వయోవృద్ధులపై వేధింపుల నుంచి రక్షణ, 29న తరతరాల మధ్య అనుబంధం, పరస్పర అభ్యాస కార్యక్రమాలు, 30న తల్లిదండ్రులు, వయోవృద్ధులకు వేధింపులు తదితర సమస్యలు ఎదురైనప్పుడు అధికారులను సంప్రదించడంపై అవగాహన కార్యక్రమాలు నిర్వహిస్తామని తెలిపారు. సహాయం కోసం హైల్ప్‌లైన్‌ నంబర్లు 14567, 100ను సంప్రందించాలని తెలిపారు.

మంచిర్యాలక్రైం: కోర్టు సిబ్బంది, లైజన్‌ అధికారులు, కోర్టు కానిస్టేబుళ్లు, ఐటీ విభాగం అందరూ ఒకే బృందంగా సమన్వయంతో పని చేయాలని జిల్లా జడ్జి ఏ.వీరయ్య, రామగుండం సీపీ అంబర్‌కిషోర్‌ ఝా అన్నారు. శనివారం స్థానిక కోర్టు ప్రాంగణంలో క్రిమినల్‌ జస్టిస్‌, కోర్టు ఇన్ఫర్మేషన్‌సిస్టంపై సమీక్షించారు. ఈ ఎఫ్‌ఐఆర్‌, ఈ చార్జిషీట్‌, ఈ సమన్స్‌, సీసీటీఎన్‌ఎస్‌లో సమాచార నవీకరణ, కేసుల పురోగతి, చార్జీషీటు దాఖలు, పోలీసుశాఖ, న్యాయస్థానాల మధ్య సమన్వయం తదితర అంశాలపై చర్చించారు. డీసీపీ భాస్కర్‌, న్యా యమూర్తులు ఏ.నిర్మల, డి.రామ్మోహన్‌రెడ్డి, కే.నిరోష, కృష్ణతేజ, ఏసీపీలు పాల్గొన్నారు.

చదువెందుకు అన్నరు.. ఉద్యోగాలు సాధించారు..! బెల్లంపల్లి: నేను ఇంటర్మీడియట్‌ వరకు చదివిన. పరుగుపందెంలో నెగ్గి బాయిపని ఉద్యోగం సాధించిన. నలుగురు కూతుళ్లు. వ్యవసాయం జీవనాధరమైన నాకు ఉన్నతంగా చదివే అవకాశం కలుగలేదు. ఆడబిడ్డలను ఉన్నతంగా చదివించాలని బలంగా నిర్ణయించుకున్న. ఆడబిడ్డలకు చదువెందుకు అన్నరు. ఎవరెన్ని చెప్పినా, ఆటంకాలు వచ్చినా లెక్క చేయలేదు. సింగరేణిలో తట్టమోసుడు అంటే నరకం చూసినట్లే. నాగపోకుండా డ్యూటీలు చేసిన. మేము ఆశించినట్లుగానే పెద్దమ్మాయి జ్యోతి ఎంఎస్‌, ఓబీజీ, డీజీవో చదివింది. రామగుండం ప్రభుత్వ ఆస్పత్రి గైనకాలజీ విభాగంలో అసోసియేట్‌ ప్రొఫెసర్‌గా ఉద్యోగం చేస్తోంది. రెండో బిడ్డ స్వాతి బీఎస్సీ, స్టాటిస్టిక్స్‌, ఎంసీఏ చదివి ఫారెస్ట్‌ బీట్‌ ఆఫీర్‌గా కుమురంభీం ఆసిఫాబాద్‌ జిల్లా కాగజ్‌నగర్‌ రేంజ్‌లో పని చేస్తోంది. మూడో బిడ్డ కృష్ణవేణి జీఎన్‌ఎం చేసి మంచిర్యాల ప్రభుత్వ ఆస్పత్రిలో నర్సింగ్‌ ఆఫీసర్‌గా చేస్తోంది. చిన్న బిడ్డ సుజాత బీఎస్సీ, బీఈడీ చదివి ఎస్సై ఉద్యోగానికి సిద్ధమవుతోంది. – సింగరేణి రిటైర్డు కార్మికుడు చిలుముల పోశం, గౌరమ్మ, బెల్లంపల్లిఆడపిల్ల పుట్టిందనగానే అయ్యో అనేవారు..! వారసుడి కోసం ఎదురు చూసేవారు..! ఇదంతా గతం. తరం మారుతున్న కొద్దీ తల్లిదండ్రుల్లో మార్పు వచ్చింది. ఆడపిల్లలూ తక్కువేం కాదని తల్లిదండ్రులు వారికి స్వేచ్ఛనిస్తున్నారు. విద్య, వైద్యం, ఇంజనీరింగ్‌, పోలీసు ఇలా ఏ రంగాన్ని ఎంచుకున్నా సరే ప్రోత్సహిస్తున్నారు. కూతుళ్లూ తల్లిదండ్రుల కలలను నిజం చేస్తూ ఆయా రంగాల్లో రాణిస్తున్నారు. కుటుంబ బాధ్యతలు పంచుకుంటూ తల్లిదండ్రులకు కూతురమ్మలు అవుతున్నారు. నేడు కూతుళ్ల దినోత్సవం సందర్భంగా ప్రత్యేక కథనం.

సాక్షి ప్రతినిధి, మంచిర్యాల: కేంద్ర బొగ్గు, గనుల శాఖ మరోసారి బొగ్గు బ్లాక్‌లను వేలం వేస్తున్న త రుణంలో జిల్లా పరిధిలో ఉన్న శ్రావణపల్లి గని సింగరేణికి దక్కుతుందా? లేదా? అని అందరూ ఆసక్తిగా ఎదురుచూస్తున్నారు. ఇటీవలే సింగరేణి కంపెనీ కి మణుగూరు పీకేఓసీ–2, తాడిచర్ల బ్లాక్‌లు నామి నేషన్‌ ప్రాతిపదికన దక్కాయి. తెలంగాణ పరిధిలో మిగిలిన ఉన్న బ్లాక్‌లను సైతం నామినేషన్‌ పద్ధతిన సింగరేణికి కేటాయించాలని రాష్ట్ర ప్రభుత్వం పలుమార్లు విజ్ఞప్తి చేసింది. గతంలోనూ సీఎం రేవంత్‌రెడ్డి ఇక్కడి బ్లాక్‌ను సింగరేణికి కేటాయించాలంటూ కేంద్రాన్ని కోరారు. అయితే నామినేషన్‌ పద్ధతిలో కాకుండా ప్రస్తుతం ఉన్న మార్గదర్శకాల ప్రకారం సింగరేణి కంపెనీ సైతం ప్రైవేటు వ్యక్తులతో పోటీపడి వేలంలో దక్కించుకోవాల్సిన పరిస్థితి ఏర్పడింది. దేశవ్యాప్తంగా 16వ విడత వేలం ఈ నెల 17ప్రారంభం కాగా, నెలాఖరులో బిడ్‌ల ప్రక్రియ పూర్తి కానుంది. ఈ క్రమంలో వేలంలో కొత్తగూడెం జిల్లా టేకులపల్లి మండలం కోయగూడెం బ్లాక్‌ 3, జిల్లాలోని నెన్నెల మండలం శ్రావణపల్లి ప్రతిపాదిత ఓపెన్‌ కాస్ట్‌(ఓసీపీ) కోసం సింగరేణి బిడ్‌లు దాఖలు చేసేందుకు సన్నద్ధమైంది. దీంతో కొత్త గనుల కోసం కంపెనీ దక్కించుకునేందుకు తీవ్ర ప్రయత్నాలు చేస్తోంది. ప్రైవేటు సంస్థల పోటీతో బ్లాక్‌ను దక్కించుకోవాల్సి ఉంది. బ్లాక్‌ వస్తే ఊరట బొగ్గు గనుల జిల్లాగా పేరుగాంచినప్పటికీ కాలక్రమేణ ఆ వైభవం కనుమరుగవుతోంది. బెల్లంపల్లి, మందమర్రి, శ్రీరాంపూర్‌ ఏరియాల్లో కంపెనీ మనుగడ ప్రశ్నార్థకంగా మారుతోంది. ఇప్పటికే బెల్లంపల్లి ఏరియాలో రెండు గనులు, మందమర్రి ఏరియాలో ఆరు, శ్రీరాంపూర్‌ ఏరియాలో పది గనులు కొనసాగుతున్నాయి. వచ్చే ఐదేళ్లలోనే చాలా వరకు గనుల నిల్వలు పూర్తి కానున్నాయి. మరోవైపు భూగర్భ గనుల నుంచి బొగ్గు వెలికితీత భారంగా మారడంతో సంస్థ వ్యయాన్ని తగ్గించుకుంటోంది. ఇప్పటికే శాంతిఖని గనిని ప్రైవేటుకు నిర్వహణ, అభివృద్ధి పేరుతో అప్పగించేందకు సైతం సిద్ధపడింది. గత కొంతకాలంగా కంపెనీకి కొత్త గనులకు అనుమతులు రావడం లేదు. దీంతో స్థానికులకు ఉపాధి కరువవుతోంది. బొగ్గు, బొగ్గు ఆధారిత పరిశ్రమలు మూత పడుతున్నాయి. వేలాది మందిపై ప్రత్యక్ష, పరోక్షంగా ప్రభావం చూపుతోంది. ఈ క్రమంలో కొత్త గని అందుబాటులోకి వస్తే స్థానికంగా ఉద్యోగ, ఉపాధి అవకాశాలు మెరుగుపడే అవకాశాలు ఉన్నాయి.వ్యతిరేకించిన స్థానికులునెన్నెల మండలం శ్రావణపల్లి ఓసీపీ ప్రతిపాదన సమయంలో సర్వేను స్థానికులు వ్యతిరేకించారు. ఇళ్లు, సాగు భూములు కోల్పోవడంపై జెండావెంకటాపూర్‌, నార్వాయిపేట, జోగాపూర్‌, మామిడిపల్లి, సారంగపల్లి ప్రభావితం కానున్నాయి. ఈ క్రమంలో సర్వే సమయంలోనే అధికారులను గ్రామస్తులు అడ్డుకున్నారు. ఈ క్రమంలో కొత్త గని వేలం దక్కితే ఈ గ్రామాల భూ సేకరణలో సమస్యలు తీర్చి ముందుకెళ్లాల్సి ఉంది.

చెన్నూర్‌: చెన్నూర్‌లో ఆర్‌ఎంపీగా పని చేస్తున్న. రెండో సంతానంగా అమ్మాయి పుట్టింది. చిన్న సంపాదన, ఆడబిడ్డ అంటే మాటలు కాదని బంధువులు, చుట్టుపక్కల వాళ్లు అనే మాటలకు ఇబ్బంది పడ్డాం. వారి మాటలు పట్టించుకోకుండా కూతురు తిప్పర్తి సుష్మను బాగా చదివించాను. పట్టుదలతో చదివి డేటా సైన్స్‌ ఇంజనీరింగ్‌ పూర్తి చేసింది. ఇన్ఫినిటమ్‌ మీడియా నెట్‌వర్క్‌ యూట్యూబ్‌లో పని చేస్తోంది. అమృతం వైబ్స్‌, నా పేరు మీనాక్షి, కపుల్‌ గోల్స్‌లో మెయిన్‌ రోల్‌ చేసింది. రెండు తెలుగు సినిమాల్లో చేస్తోంది. నటనను చూసి నిత్యం ఫోన్లు వస్తుంటాయి. అమ్మాయి గొప్పతనం చెబుతుంటే ఆనందం కలుగుతుంది. ఆనాడు భారం అన్నవాళ్లు నేడు నోరెళ్లబెడుతున్నారు. మా అమ్మాయే మమ్మల్ని ఈ సమాజానికి పరిచయం చేసింది. – తిప్పర్తి గోపాల్‌, శ్రీకళ, చెన్నూర్‌

మంచిర్యాలక్రైం: మహిళా చైతన్యం, ఆత్మగౌరవానికి తెలంగాణ వీరవనిత, తెలంగాణ రైతాంగ సాయుధ పోరాట యోధురాలు చాకలి ఐలమ్మ ఒక ప్రతీక అని రామగుండం పోలీసు కమిషనర్‌ అంబర్‌ కిషోర్‌ ఝా అన్నారు. శనివారం రామగుండం పోలీస్‌ కమిషనరేట్‌ కార్యాలయంలో చాకలి ఐలమ్మ జయంతి వేడుకల సందర్భంగా ఆమె చిత్రపటానికి పూలమాల వేసి ఘనంగా నివాళులర్పించారు. సీపీ మాట్లాడుతూ పెత్తందార్ల దురాగతాలు, నాటి నిరంకుశ రజాకార్లు, దేశ్‌ముఖ్‌లకు వ్యతిరేకంగా చాకలి ఐలమ్మ మొక్కవోని ధైర్యంతో పోరాడిన తీరు అందరికీ ఆదర్శనీయమని అన్నారు. ఈ కార్యక్రమంలో అదనపు డీసీపీ(అడ్మిన్‌) కె.శ్రీనివాస్‌, స్పెషల్‌ బ్రాంచ్‌ ఏసీపీ నాగేంద్రగౌడ్‌, ఏఓ శ్రీనివాస్‌, ఆర్‌ఐలు శేఖర్‌, సీసీ సందీప్‌ పాల్గొన్నారు.

రూ.25 లక్షల పరిహారం ఇవ్వాలిబెల్లంపల్లి: తెలంగాణ ఉ ద్యమ జానపద కళాకా రుడు రెడ్డి పోశం (49) అకాల మరణం చెందా డు. బెల్లంపల్లి మండలం ఆకెనపల్లి గ్రామాని కి చెందిన పోశం తీవ్ర అనారోగ్యంతో బాధ ప డుతూ శుక్రవారం రాత్రి తుదిశ్వాస విడిచాడు. పోశం మృతి చెంది నట్లు తెలుసుకుని తెలంగాణ రాష్ట్ర జానపద కళా కారుల సంఘం తీవ్ర సంతాపం తెలిపింది. సంఘం రాష్ట్ర కార్యదర్శి హనుమాండ్ల మధుకర్‌ ఇతర కళాకారులు, పలువురు నాయకులు శనివారం పోశం మృతదేహంపై పూలమాలలు వేసి నివాళులర్పించారు. మృతుడి కుటుంబ సభ్యులను పరామర్శించి ప్రగాఢ సానుభూతి తెలిపారు. ఈ సందర్భంగా నాయకులు, కళాకా రులు మాట్లాడు తూ.. తెలంగాణ మ లిదశ ఉద్యమంలో తన ఆట, పాటలతో పోశం ప్రజలను చైతన్యపరిచాడని పేర్కొన్నారు. అనారోగ్యంతో బాధపడుతున్న పోశంకు తెలంగాణ జానపద కళాకారుల సంఘం రాష్ట్ర అధ్యక్షుడు వంగ శ్రీనివాస్‌గౌడ్‌ ఇటీవల రూ.10వేల ఆర్థికసాయం అందించినట్లు గుర్తుచేశారు. పోశం అకాల మరణం జానపద కళారంగానికి, తెలంగాణ ఉద్యమ కళాకారులకు తీరని లోటని కొనియాడారు. కళాకారులు జంజర్ల దినేశ్‌కుమార్‌, అడెపు సమ్మయ్య, కుమార్‌ తదితరులు పాల్గొన్నారు.

మంచిర్యాలక్రైం: జిల్లా కేంద్రంలోని తిలక్‌నగర్‌కు చెందిన చిలుక శైలజ (32), ఆమె కూతురు విహాన్సిక (6) అదృశ్యమైనట్లు స్థానిక ఎస్సై రమేశ్‌ తెలిపారు. ఆయన తెలిపిన వివరాల ప్రకారం.. తిలక్‌నగర్‌కు చెందిన దంపతులు చిలుక నాగరాజు–శైలజ మధ్య తరచూ గొడవలు జరుగుతుండేవి. ఈ నెల 24న నాగరాజుతో శైలజ గొడవపడి ఇంట్లోంచి కూతురుతో వెళ్లిపోయింది. శనివారం వరకు తిరిగి రాకపోవడంతో ఎంత వెతికినా ఆచూకీ దొరకలేదు. శైలజ తల్లి కట్ల లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. శైలజ ఇంట్లోంచి వెళ్లినరోజు పింక్‌ టాప్‌, ఆకు పచ్చ ప్యాంట్‌ ధరించి ఉందని పేర్కొన్నారు. ఆచూకీ తెలిసినవారు స్థానిక పోలీస్‌స్టేషన్‌లో సమాచారం ఇవ్వాలని సూచించారు.

మంచిర్యాలఅర్బన్‌: తెలంగాణ ఆర్టీసీలో గుర్తింపు యూనియన్‌ ఎన్నికల వేడి రాజుకుంటోంది. పోటీ చేసే యూనియన్లకు ఎన్నికల గుర్తులు కేటాయిస్తూ జాయింట్‌ కమిషన్‌ ఆఫ్‌ లేబర్‌ ఉత్తర్వులు జారీ చేసింది. తెలంగాణ మజ్దూర్‌ యూనియన్‌ ఎన్నికల్లో పోటీకి అనుమతి లభించడంతో న్యాయపరమైన చిక్కులు తొలగి ఎన్నికలకు మార్గం సుగమమైంది. అక్టోబర్‌ 9న పోలింగ్‌, 17న ఓట్ల లెక్కింపు నిర్వహిస్తారు. రహస్య బ్యాలెట్‌ విధానంలో జరిగే ఈ ఎన్నికలు ఆర్టీసీ ఉద్యోగులు, కార్మికుల భవిష్యత్‌ హక్కులతోపాటు యూనియన్ల ప్రాతినిధ్యం దృష్ట్యా కీలకం కానున్నాయి. 12 యూనియన్లు బరిలో నిలవడం, గుర్తుల కేటాయింపుతో ఎన్నికల ప్రచారం మొదలైంది. గుర్తులు ఇలా.. ఆర్టీసీ సామాజిక తెలంగాణ మజ్దూర్‌ యూనియన్‌ కు బతుకమ్మ గుర్తు, తెలంగాణ మజ్దూర్‌ యూని యన్‌కు నిచ్చెన, బహుజన వర్కర్‌ యూనియన్‌కు కత్తెర, ఈయూకు బస్సు, కార్మిక పరిషత్‌కు బస్సు టైర్‌, కార్మిక సంఘ్‌కు పులి, బహుజన కార్మిక యూ నియన్‌కు ధర్మచక్రం, తెలంగాణ ఆర్టీసీ వర్కర్‌ యూనియన్‌కు విల్లు, బాణం, స్టాఫ్‌ అండ్‌ వర్కర్స్‌ ఫెడరేషన్‌కు నక్షత్రం, నేషనల్‌ మజ్దూర్‌ యూనియ న్‌కు చేతిలో దివిటీ, మషాల్‌, స్టాఫ్‌ వర్కర్‌ యూని యన్‌కు తరాజు, తెలంగాణ జాతీయ మజ్దూర్‌ యూనియన్‌కు గద గుర్తు కేటాయించారు. మంచిర్యాల డిపోలో అత్యధిక ఓటర్లుఆదిలాబాద్‌ రీజియన్‌ పరిధిలో ఆర్టీసీ యూనియన్‌ ఎన్నికలకు సంబంధించిన ఓటరు జాబితా విడుదల చేసింది. రీజియన్‌ వ్యాప్తంగా 1773 మంది అర్హులైన ఉద్యోగులు ఓటర్లుగా ఉన్నారు. ఇందులో రెగ్యులర్‌ ఉద్యోగులు 1703 కాగా 70 మంది కాంట్రాక్టు, కన్సాలిడేటెడ్‌ వేజేస్‌ ఉద్యోగులు ఉన్నారు. అత్యధిక ఓటర్లు కలిగిన డిపో మంచిర్యాల కాగా ఉట్నూర్‌ డిపోలో అత్యల్ప ఓటర్లు ఉన్నారు.

వేలాల గ్రామాన్ని, శ్రీమల్ల న్నస్వామి, గట్టు మల్లన్నస్వామి ఆలయాలను మరింతగా అభివృద్ధి చేస్తాం. ఇ ప్పటికే గోదావరి పుష్కరాల కు రూ.14.50కోట్ల నిధులు మంజూరు చేశాం. త్వ రలో టెండర్లు పూర్తికాగానే పనులు ప్రారంభిస్తాం. భక్తుల సౌకర్యాలకు అనుగుణంగా ప్రతిపాదనలు రాగా నిధులు మంజూరు చేయించాం. – గడ్డం వివేక్‌ వెంకటస్వామి, రాష్ట్ర మంత్రి మంత్రి సహకారంతో నిధులు రాష్ట్ర కార్మికశాఖ మంత్రి గడ్డం వివేక్‌ వెంకటస్వామి సహకారంతో గోదావరి పుష్కరాలకు రూ.14.50 కోట్ల నిధులు మంజూరయ్యాయి. దీంతో గ్రామం, ఆలయాలు అభివృద్ధి చెందనుండగా పుష్కరాలకు వచ్చే భక్తులకు అన్నిరకాల సౌకర్యాలు మెరుగుపడనున్నాయి. ఈ ప్రాంత ప్రజలు మంత్రికి రుణపడి ఉంటారు. – డేగ స్వప్న–నగేశ్‌, వేలాల సర్పంచ్‌