West Godavari

కొయ్యలగూడెం: మండలంలోని కన్నాపురం గ్రామానికి చెందిన పల్లికొండ మునీంద్రబాబు (35) మృతి ఉదంతం కలకలం రేపింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఎస్సై వి.చంద్రశేఖర్‌ తెలిపిన వివరాల ప్రకారం.. ఈనెల 25న రాత్రి 9 గంటల సమయంలో గ్రామానికి చెందిన గెల్లా చందు పిలవడంతో మునీంద్రబాబు బయటకు వెళ్లి తిరిగి రాలేదు. కుటుంబ సభ్యులు గాలించగా, 26న రాత్రి గోపాలపురం మండలం నందిగూడెం శివారులో ఆయన బైక్‌ లభ్యమైంది. దీనిపై బాధితుడి సోదరుడు మధుశేఖర్‌ కొయ్యలగూడెం పోలీసు స్టేషన్‌లో ఫిర్యాదు చేశారు. అయితే, 27వ తేదీ రాత్రి దేవరపల్లి గ్రామం వద్ద పోలవరం కాలువలో ఒక పురుషుడి మృతదేహం లభ్యమైంది. స్థానికుల సమాచారంతో కుటుంబ సభ్యులు అక్కడకు వెళ్లి పరిశీలించగా, అది మునీంద్రబాబు మృతదేహమని గుర్తించారు. మృతుడి తలపై గాయాలు ఉండటం, చివరిసారిగా గెల్లా చందు, ఆయునపర్తి సంజయ్‌లతో కలిసి కనిపించడంతో వారిపై అనుమానం ఉందని మృతుడి సోదరుడు ఫిర్యాదు చేశారు. దీంతో మొదట అదృశ్యంగా నమోదైన కేసును, హత్య అనుమానాస్పద కేసుగా మార్చి ఎస్సై దర్యాప్తు చేపట్టారు. మృతుడికి భార్య, ఇద్దరు పిల్లలు ఉన్నారు. నిందితుడి ఇల్లు కూల్చివేత మునీంద్రబాబు మృతికి కారణమైన వ్యక్తిని వెంటనే శిక్షించాలంటూ స్థానికులు, బంధువులు ఆందోళనకు దిగడంతో కన్నాపురంలో ఉద్రిక్తత చోటుచేసుకుంది. మునీంద్రబాబు వద్ద కార్పెంటర్‌గా పనిచేసే వ్యక్తినే కావాలనే ఈ హత్యకు పాల్పడ్డాడని స్థానికులు ఆరోపించారు. ఈ నిందితుడు గతంలో గవరవరం నుంచి కన్నాపురం వచ్చి భార్యాపిల్లలతో కలిసి స్థిరపడినట్లు తెలిసింది. హత్యోదంతానికి కారణమైన వ్యక్తిపై ఆగ్రహించిన మృతుడి బంధువులు, మిత్రులు సోమవారం గ్రామంలో పెద్దఎత్తున ఆందోళన చేపట్టారు. నిందితుడి ఇంటిని జేసీబీతో నేలమట్టం చేసి తీవ్ర ఆగ్రహం వ్యక్తం చేశారు. హత్యోదంతం, ఇల్లు ధ్వంసం చేసిన ఘటనలపై సమగ్ర విచారణ జరుపుతున్నట్లు ఎస్సై వి.చంద్రశేఖర్‌ తెలిపారు.

ద్వారకాతిరుమల, కామవరపుకోట : నేటి ఉరుకులు పరుగుల జీవితం, మారుతున్న ఆహారపు అలవాట్లు, శారీరక శ్రమ తగ్గిపోవడం, పొగతాగడం వంటి అలవాట్లు మానవ గుండె ఆరోగ్యంపై తీవ్ర ప్రభావం చూపుతున్నాయి. ఫలితంగా వయసుతో సంబంధం లేకుండా గుండె సంబంధిత సమస్యలు పెరుగుతున్నాయి. గుండె జబ్బులపై ప్రజల్లో అవగాహన కల్పించేందుకు ప్రతిఏటా సెప్టెంబర్‌ 29న ప్రపంచ హృదయ దినోత్సవాన్ని నిర్వహిస్తున్నారు. గుండెను ఆరోగ్యంగా ఉంచుకోవడం, ప్రమాద కారకాలను ముందుగానే గుర్తించడం, అత్యవసర పరిస్థితుల్లో సత్వర చికిత్స అందేలా చూడటమే ఈ దినోత్సవం ప్రధాన ఉద్దేశం. చిన్న వయసులోనే ముప్పు ఒకప్పుడు వృద్ధాప్యంలో ఎక్కువగా కనిపించే గుండెపోటు, ఇప్పుడు చిన్న వయసులోనే అధికంగా నమోదవుతోంది. ఉత్తర భారతదేశ గుండెపోటు పరిశోధనా రిజిస్ట్రీ ఆధారంగా ప్రచురితమైన అధ్యయనాల్లో 50 ఏళ్లలోపు వారే మూడో వంతుకు పైగా బాధితులుగా ఉన్నట్లు వెల్లడైంది. పొగాకు వినియోగం, శారీరక శ్రమ లేకపోవడం, అధిక బరువు, అధిక రక్తపోటు, మధుమేహం, కొలెస్ట్రాల్‌ అసమతుల్యత చిన్న వయసులోనే ఈ ముప్పును పెంచుతున్నాయి. మరోవైపు, కోవిడ్‌ వ్యాక్సిన్ల వల్ల హార్ట్‌ ఎటాక్‌లు పెరిగాయన్న ప్రచారానికి బలమైన శాసీ్త్రయ ఆధారాలు లేవని, ఇన్‌ఫెక్షన్లు లేదా ఇతర అనారోగ్య సమస్యలే దీనికి కారణమని వైద్య నిపుణులు స్పష్టం చేస్తున్నారు. గుండెపోటుకు గురైన వ్యక్తి (ప్రతీతాత్మక చిత్రం)పార్క్‌లో ఉదయాన్నే వాకింగ్‌, వ్యాయామాలుగుండెపోటు వచ్చినప్పుడు ఛాతీ మధ్యలో బిగుతు, ఒత్తిడి, నొప్పి లేదా మంట ఉండవచ్చు. ఈ అసౌకర్యం చేతి, భుజం, వీపు, మెడ, దవడ లేదా పొట్ట వైపు పాకడంతో పాటు శ్వాస తీసుకోవడంలో ఇబ్బంది, చల్లటి చెమటలు, వికారం, తల తిరగడం వంటి లక్షణాలు కనిపిస్తాయి. మహిళలు, వృద్ధులు, మధుమేహం ఉన్నవారిలో ఈ లక్షణాలు కొంత భిన్నంగా ఉండవచ్చు. ఇలాంటి లక్షణాలు కనిపిస్తే బాధితుడిని నడిపించకుండా ప్రశాంతంగా కూర్చోబెట్టి అత్యవసర వైద్య సహాయం కోసం ఆసుపత్రికి తరలించాలి. వైద్యుల సూచన లేకుండా ఎలాంటి మందులూ ఇవ్వకూడదు. శ్వాస లేకపోతే శిక్షణ పొందినవారు తక్షణమే సీపీఆర్‌ అందించాలి. గుండెపోటు అనుమానం వచ్చినప్పుడు ప్రతి నిమిషం కీలకమే. మారిన జీవనశైలి, అనారోగ్యకరమైన ఆహారపు అలవాట్లు, శారీరక శ్రమ తగ్గడం వల్ల చిన్న వయసులోనూ గుండెపోటు ముప్పు పెరుగుతోంది. అధిక రక్తపోటు, మధుమేహం, కొలెస్ట్రాల్‌, అధిక బరువును అదుపులో ఉంచుకోవాలి. ఉప్పు, చక్కెర, కొవ్వు పదార్థాలను తగ్గించి.. కూరగాయలు, పండ్లు, చిరుధాన్యాలు, పప్పుధాన్యాలను ఆహారంలో భాగం చేసుకోవాలి. పొగతాగడం మానేసి.. రోజూ కనీసం 30 నిమిషాలు నడక లేదా వ్యాయామం చేయాలి. ఛాతీలో బిగుతు, నొప్పి, శ్వాస తీసుకోవడంలో ఇబ్బంది వంటి లక్షణాలు కనిపిస్తే వెంటనే వైద్య సహాయం పొందాలి. – డాక్టర్‌ సీహెచ్‌వీ బలరామకృష్ణ, డీఎం (కార్డియాలజీ)బెంగుళూరు ఒత్తిడిని తగ్గించుకుని, ప్రతిరోజూ క్రమం తప్పకుండా వ్యాయామం, ధ్యానం చేయటం, మద్యపానం, ధూమపానానికి దూరంగా ఉంటూ, జంక్‌ ఫుడ్స్‌, నూనె పదార్థాలను తగ్గించాలి. గుండెకు మేలు చేసే పండ్లు, కూరగాయలు, తృణధాన్యాలు వంటి మంచి ఆహారపు అలవాట్లతో జీవనశైలిని మార్పు చేసుకోగలిగితే గుండె ఆరోగ్యంగా ఉండి, ఆనందంగా జీవించగలుగుతాం. – డాక్టర్‌ ఎస్‌.వేణు, కార్డియాలజిస్ట్‌, విజయ హాస్పిటల్‌, జంగారెడ్డిగూడెం గుండె జబ్బులకు జీవనశైలే ప్రధాన కారణం లక్షణాలను గుర్తించి సకాలంలో చికిత్స పొందితే ముప్పు తగ్గే అవకాశం నేడు ప్రపంచ హృదయ దినోత్సవం

ఏలూరు (ఆర్‌ఆర్‌పేట): కొల్లేరు వన్యప్రాణి సంరక్షణ కేంద్రానికి సంబంధించి కేంద్ర సాధికార కమిటీ కోరిన పూర్తి సమాచారాన్ని అక్టోబర్‌ 5వ తేదీలోగా సమర్పించాలని పర్యావరణ, అటవీ శాఖ ప్రిన్సిపల్‌ సెక్రటరీ కాంతీలాల్‌ దండే అధికారులను ఆదేశించారు. స్థానిక కలెక్టరేట్‌ గౌతమి సమావేశ మందిరంలో సోమవారం సాయంత్రం ఆయన సమీక్ష నిర్వహించారు. ఈ సందర్భంగా కాంతీలాల్‌ దండే మాట్లాడుతూ, కొల్లేరు 5వ కాంటూర్‌ పరిధిలోని అభయారణ్యం సరిహద్దుల హేతుబద్ధీకరణ, జిరాయితీ, డీ–ఫారం భూమిదారుల పునరావాస కార్యక్రమాలపై రూపొందించిన ప్రతిపాదనలను సుప్రీంకోర్టు కమిటీకి సమర్పించామన్నారు. ఈ నివేదికను పరిశీలించిన కమిటీ మరికొంత సమాచారం కోరిందని తెలిపారు. సంరక్షణ కేంద్రం ప్రస్తుత విస్తీర్ణం, సరిహద్దుల హేతుబద్ధీకరణ తర్వాత భూముల వివరాలు, జిరాయితీదారుల తరలింపునకు మండలాల వారీగా ప్రతిపాదిత భూములు, జిల్లా, మండలాల సరిహద్దులు, ప్రభుత్వ, జిరాయితీ, డీ–పట్టా భూములు, ఉప్పెటేరు ప్రవేశ, నిష్క్రమణ మార్గాలు, పక్షుల ప్రాంతాలు, నోటిఫైడ్‌, నాన్‌–నోటిఫైడ్‌ డ్రైన్ల వంటి అంశాలపై సమగ్ర నివేదిక ఇవ్వాలని సూచించారు. సంబంధిత శాఖల అధికారులు, తహసీల్దార్లు ఈ వివరాలను అక్టోబర్‌ 5లోగా కలెక్టర్‌కు ఇవ్వాలని, ఏలూరు జిల్లా కలెక్టర్‌ అక్టోబర్‌ 6 నాటికి రాష్ట్ర ప్రభుత్వానికి సమర్పించాలని స్పష్టం చేశారు. ఈ సమావేశంలో జాయింట్‌ కలెక్టర్లు ఎంజే అభిషేక్‌ గౌడ, కేఆర్‌ కల్పశ్రీ, డీఎఫ్‌ఓలు సందీప్‌ రెడ్డి, త్రిమూర్తులు రెడ్డి తదితరులు పాల్గొన్నారు.

భీమవరం: ప్రజాసమస్యలపై త్వరితగతిన స్పందించి నిర్ణీత గడువులోగా చట్టపరిధిలో శాశ్వత పరిష్కారం చూపాలని జిల్లా పోలీసు అధికారులను అడిషినల్‌ ఎస్పీ డి.విశ్వనాథ్‌ ఆదేశించారు. సోమవారం భీమవరం జిల్లా పోలీసు ప్రధాన కార్యాలయంలో ప్రజా సమస్యల పరిష్కార వేదిక కార్యక్రమంలో బాధితుల నుంచి వినతులు స్వీకరించారు. అనంతరం సంబంధిత అధికారులతో ఆయన ఫోన్‌లో మాట్లాడారు. బాధితులకు భరోసా కల్పించాలన్నారు. జిల్లా స్పెషల్‌ బ్రాంచ్‌ ఇన్‌స్పెక్టర్‌ కేవీవీఎన్‌ సత్యనారాయణ పాల్గొన్నారు. భీమవరం (ప్రకాశంచౌక్‌): తణుకు ఎస్‌కేఎస్‌డీ మహిళా కళాశాలలో వచ్చేనెల 3న మెగా ప్లేస్‌మెంట్‌ డ్రైవ్‌ నిర్వహించనున్నట్టు కలెక్టర్‌ సీహెచ్‌ నాగరాణి తెలిపారు. కలెక్టరేట్‌లో సో మవారం డ్రైవ్‌ పోస్టర్లను ఆవిష్కరించారు. సు మారు 13 కంపెనీల ప్రతినిధులు హాజరవుతారని, 800 లకు పైగా ఉద్యోగావకాశాలు కల్పిస్తారన్నారు. మరిన్ని వివరాలకు సెల్‌ 7330803719, 9618560188లో సంప్రదించాలన్నారు. జేసీ కల్పశ్రీ, డీఆర్వో గ్లోరియా, కేఆర్‌ఆర్‌సీ డిప్యూటీ కలెక్టర్‌ బీపీ పెంచల ప్రభాకర్‌, జిల్లా నైపుణ్యాభివృద్ధి అధికారి పి.లోకమాన్‌ తదితరులు పాల్గొన్నారు. భీమవరం: గత మూడు నెలల్లో జిల్లాలో 115 మద్యం బెల్ట్‌షాపుల కేసు లు నమోదు చేసినట్లు ప్రొహిబిషన్‌, ఎకై ్సజ్‌ జిల్లా అధికారి బి.సుబ్బారావు సోమవారం ప్రకటనలో తెలిపారు. ఎన్‌డీపీఎల్‌ కేసులు మూడు, బహిరంగంగా మద్యం సేవించిన కేసులు 53, 275 బైండోవర్‌ కేసులు నమోదు చేశామన్నారు. అలాగే జిల్లాలోని ఆరు ఎకై ్సజ్‌ స్టేషన్ల పరిధిలోని 193 మద్యం షాపులు, 28 బార్లు ద్వారా రూ.369.62 కోట్లు ఆదాయం వచ్చిందన్నారు. జిల్లాలో 175 షాపులకు ఇప్పటివరకు 150 షాపుల రెన్యువల్‌ పూర్తికాగా.. మిగిలిన 25 షాపులకు నోటిఫికేషన్‌ జారీ చేశామన్నారు. 1వ తేదీ అర్ధరాత్రి 12 గంటల వరకు దరఖాస్తులు చేసుకోవచ్చని, 5న కలెక్టరేట్‌లో డ్రా తీస్తామని పేర్కొన్నారు. భీమవరం (ప్రకాశంచౌక్‌): జిల్లాలో చట్టవిరుద్ధంగా గర్భస్థ లింగ నిర్ధారణ పరీక్షలు చేయరాదని డీఎంహెచ్‌ఓ డాక్టర్‌ సీహెచ్‌వీ భారతలక్ష్మి అన్నారు. సోమవారం జరిగిన జిల్లాస్థాయి గర్భస్థ పిండ లింగ నిర్ధారణ కమిటీ సలహా సంఘ సమావేశంలో ఆమె మాట్లాడుతూ జిల్లాలో స్కానింగ్‌ కేంద్రాలను తరచుగా తనిఖీలు చేయాలని, రికార్డులు, రిజిస్టర్లను క్షుణ్ణంగా పరిశీలించాలని ఆదేశించారు. అలాగే స్ట్రింగ్‌ ఆపరేషన్లు నిర్వహించాలని, జిల్లాలో ఆడపిల్లల నిష్పత్తి తక్కువగా ఉన్న ప్రాంతాలను గుర్తించి విస్తృతంగా అవగాహన కార్యక్రమాలు చేపట్టాలని సూచించారు. స్కానింగ్‌ కేంద్రాల నిర్వాహకులు ప్రభుత్వ నిబంధనలను కచ్చితంగా పాటించాలని ఆదేశించారు. జిల్లా రోగనిరోధక శాఖ అధికారి డాక్టర్‌ దేవసుధాలక్ష్మి, డాక్టర్‌ ఎం.సుబ్బలక్ష్మి, డాక్టర్‌ కె.ప్రవీణ్‌కుమార్‌ పాల్గొన్నారు. తాడేపల్లిగూడెం: డాక్టర్‌ వైఎస్సార్‌ ఉద్యాన వర్సిటీకి 2026కి స్కోచ్‌ సిల్వర్‌ అవార్డు దక్కింది. ఈనెల 26న న్యూ ఢిల్లీలోని ఇండియన్‌ హ్యాబిటాట్‌ సెంటర్‌లో జరిగిన 109వ సమ్మిట్‌లో అవార్డు అందుకున్నట్టు సోమవారం వీసీ డాక్టర్‌ కె.ధనుంజయరావు తెలిపారు. దేశంలోనే అత్యున్నత స్వతంత్ర పౌర పురస్కారాల్లో ఒకటిగా నిలిచే స్కోచ్‌ అవార్డు తమ వర్సిటీకి రావడం సంతోషంగా ఉందన్నారు. వర్సిటీ పరిధిలోని ఓనిపెంట కృషి విజ్ఞాన కేంద్రం శాస్త్రవేత్తల కృషికి గుర్తింపుగా అవార్డు లభించిందన్నారు. అవార్డు సాధనలో కీలక పాత్ర పోషించిన శాస్త్రవేత్తలను వీసీ అభినందించారు.

భీమవరం: పట్టణానికి చెందిన ఇంద్రజాలికుడు, రచయిత బోస్‌కు మాయాకళానిధి బిరుదు లభించింది. ఆంధ్రప్రదేశ్‌ మెజీషియన్స్‌ అసోసియేషన్‌ ఆధ్వర్యంలో ఖమ్మంలో మాయాబజార్‌–2 పేరుతో నిర్వహించిన మేజిక్‌ ఫెస్టివల్‌లో బోస్‌ను మాయాకళానిధి బిరుదుతో ఘనంగా సన్మానించారు. విభిన్న కార్యకలాపాలతో మేజిక్‌ రంగంలో మల్టీటాలెంటెడ్‌ మెజీషియన్‌గా రాణిస్తూ, మేజిక్‌ రంగానికి బోస్‌ అందిస్తున్న విశిష్ట సేవలను గుర్తించి ఈ బిరుదుతో సత్కరిస్తున్నట్లు ఫెస్టివల్‌ నిర్వాహక అధ్యక్షుడు జె. వెంకటేశ్వరరావు, నిర్వాహక కార్యదర్శి కేవీవీవీ కుమార్‌ తెలిపారు. భీమవరం: స్థానిక బ్రౌనింగ్‌ కళాశాలలో సోమవారం స్కూల్‌ గేమ్స్‌ అండర్‌–19 బాలబాలికల ఉమ్మడి పశ్చిమగోదావరి జిల్లా జట్లను ఎంపిక చేసినట్లు జిల్లా స్కూల్‌ గేమ్స్‌ సెక్రటరీ కందికొండ జయరాజ్‌ తెలిపారు. నెట్‌బాల్‌, షూటింగ్‌, మాల్కంబ్‌, ఆర్చరీ వంటి పోటీల్లో సుమారు 200 మంది క్రీడాకారులు పాల్గొన్నారన్నారు. పోటీల్లో ఎంపికై న క్రీడాకారులు త్వరలో నిర్వహించే 70వ స్కూల్‌ గేమ్స్‌ అండర్‌–19 రాష్ట్రస్థాయి పోటీల్లో పాల్గొంటారని ఆయన పేర్కొన్నారు. నిడమర్రు: వైద్యం కోసం వచ్చిన మైనర్‌ బాలిక పట్ల అసభ్యకరంగా ప్రవర్తించారన్న ఫిర్యాదుపై నిందితుడైన పీఎంపీ వైద్యుడు అడపా సత్యనారాయణను సోమవారం అదుపులోకి తీసుకున్నట్లు సీఐ నక్కా రజనీకుమార్‌, ఎస్సై లంక రాజేష్‌ తెలిపారు. నిడమర్రు పోలీస్‌స్టేషన్‌ పరిధిలోని ఓ గ్రామానికి చెందిన మైనర్‌ బాలిక కడుపునొప్పితో బాధపడుతూ సదరు పీఎంపీ వైద్యుడి వద్దకు వెళ్లింది. ఈ క్రమంలో అతను బాలికపై లైంగిక దాడికి పాల్పడినట్లు నిడమర్రు పోలీస్‌స్టేషన్‌లో కేసు నమోదైంది. బాధితురాలి వాగ్మూలం, సాక్షుల నుంచి అవసరమైన ఆధారాలు సేకరించి, దర్యాప్తులో లభించిన నిరూపణల ఆధారంగా నిందితుడిని అరెస్టు చేశామన్నారు. అనంతరం అతడిని కోర్టులో హాజరుపరచగా, 14 రోజులు రిమాండ్‌ విధించినట్లు వారు వెల్లడించారు. పెంటపాడు: మండలంలోని కునాకరపేట ప్రాంతంలో ఈనెల 26న జరిగిన రహదారి ప్రమాదంలో ఓ యువకునికి తీవ్ర గాయాలయ్యాయి. ఈ ఘటనకు సంబంధించి ఎస్సై వివరాలు వెల్లడించారు. భీమవరం నుంచి గూడెం వైపు వెళ్తున్న కళాశాల బస్సు డ్రైవర్‌ వాహనాన్ని వేగంగా నడపడంతో.. ఎదురుగా భీమవరం వైపు మోటార్‌సైకిల్‌పై వెళ్తున్న పెంటపాడు గ్రామానికి చెందిన కొవ్వూరి జయప్రకాష్‌రెడ్డిని ఢీకొట్టింది. ఈ ప్రమాదంలో ఆయన తలకు తీవ్ర గాయాలై అపస్మారక స్థితికి చేరుకున్నారు. వెంటనే బాధితుడిని అంబులెన్స్‌లో గూడెం ప్రైవేట్‌ ఆసుపత్రికి, మెరుగైన వైద్యం కోసం అనంతరం రాజమండ్రిలోని కిమ్స్‌ ఆసుపత్రికి తరలించారు. బాధితుని తరఫున సత్తి నాగసతీష్‌రెడ్డి ఇచ్చిన ఫిర్యాదు మేరకు పెంటపాడు ఎస్సై కిరణ్‌కుమార్‌ కేసు నమోదు చేసి దర్యాప్తు చేస్తున్నట్లు తెలిపారు. ఏలూరు (ఆర్‌ఆర్‌పేట): మైనర్‌ బాలికపై అఘాయిత్యం కేసులో ముద్దాయికి కోర్టు 6 నెలల జైలు శిక్ష విధించింది. ఇందుకు సంబంధించిన వివరాలు ఇలా ఉన్నాయి. జిల్లాలోని ధర్మాజీగూడెం పోలీస్‌ స్టేషన్‌ పరిధిలో గత ఏడాది ఫిబ్రవరి 26న బాధితురాలు (వయస్సు 11 సంవత్సరాలు) ఇంటి సమీపంలోని కాగితాల రాంబాబు ఇంటి వద్ద మారేడు ఆకులు కోస్తుండగా, నిందితుడు రాంబాబు అక్కడికి వచ్చి బాలికతో అసభ్యకరంగా ప్రవర్తించాడు. ఈ విషయంపై బాలిక భయపడి వెంటనే ఇంటికి వచ్చి, జరిగిన విషయాన్ని తల్లిదండ్రులకు తెలపగా వారు ధర్మాజీగూడెం పోలీస్‌ స్టేషన్‌లో ఫిర్యాదు చేశారు. ఈ మేరకు అప్పటి ఎస్సై ఎం.కుటుంబరావు కేసు నమోదు చేశారు. అనంతరం ప్రస్తుత ధర్మాజీగూడెం ఎస్సై కె. వెంకన్న కేసు దర్యాప్తు చేసి కోర్టులో ఛార్జ్‌ షీట్‌ దాఖలు చేశారు. ఈ కేసులో వాదప్రతివాదనలు విని, విచారణ జరిపిన ఏలూరు పోక్సో కోర్టు న్యాయమూర్తి కానుగల వాణిశ్రీ... ముద్దాయి రాంబాబుపై నేరం రుజువైన నేపథ్యంలో అతనికి 6 నెలల జైలు శిక్షతో పాటు 2 వేల రూపాయల జరిమానా విధిస్తూ తీర్పు వెలువరించారు.

● ఉండ్రాజవరంలో పోలీసులు బ్రిటీష్‌ పాలనను చూపించారు ● ఎమ్మెల్సీ తోట త్రిమూర్తులు ధ్వజం పోలీసుల వేధింపులు ఆగలేదని, తమపై రౌడీషీట్‌ తెరుస్తామంటూ బెదిరిస్తున్నారని అన్నారు. ఇందుకేనా జనసేనను మా ఓట్లు వేసి గెలిపించామని ప్రశ్నించారు. కాపు నాయకులు చీర్ల రాధయ్య, కేఆర్‌పీఎస్‌ నాయకులు రావి శ్రీనివాసరావు, కాకిలేటి హరినాథ్‌, కాచ్చెర్ల ప్రసాద్‌, తోట రామకృష్ణ, బండా రు అచ్చిబాబు, పసుపులేటి ఇంద్ర, రుద్రా ధనరాజు, వలవల శ్రీధర్‌నాయుడు, ఉండ్రాజవరం నుంచి వచ్చిన కాపు యువత పాల్గొన్నారు. కేఆర్‌పీఎస్‌ బహిరంగ లేఖ కాపు రిజర్వేషన్‌ పోరాట సమితి ఆధ్వర్యంలో కాపు నాయకులు సీఎం చంద్రబాబు, మంత్రి లోకేష్‌కు బహిరంగ లేఖ విడుదల చేశారు. ఉండ్రాజవరంలో రంగా విగ్రహ ఏర్పాటును దురుద్దేశంతో వివాదాస్పదం చేసి రెండు సామాజిక వర్గాల మధ్య వివాదాన్ని టీడీపీ నాయకులు రాజేశారని లేఖలో కేఆర్‌పీఎస్‌ నాయకులు వివరించారు. వారు కాపు సమాజాన్ని, రంగా అభిమానులను రెచ్చగొట్టే రీతిలో మాట్లాడారని, ‘రూ.5 లక్షలు ఇస్తాం ఊరి చివర పెట్టుకోండి’ అని కాపు జాతి మనోభావాలు దెబ్బతినేలా మా ట్లాడుతున్నారని, తమపై కుల వివక్ష చూపుతున్నారని, సమస్యను సామరస్యంగా పరిష్కరిస్తారా? లేనిపక్షంలో చలో ఉండ్రాజవరం పిలుపు ఇవ్వమంటారా అంటూ కేఆర్‌పీఎస్‌ గౌరవ చైర్మన్‌ దాసరి రా ము, చైర్మన్‌ కజా సత్యనారాయణ, వర్కింగ్‌ చైర్మన్‌ మాసాబత్తుల శ్రీనివాస్‌, రాష్ట్ర కన్వీనర్‌ రావి శ్రీనివాస్‌, రాష్ట్ర కో–చైర్మన్స్‌ వలవల శ్రీధర్‌నాయుడు, తాడి నానాజీ, బండారు అచ్చిబాబు, రాష్ట్ర కోఆర్డినేటర్స్‌ జీటీ రామారావు, వానపాముల నాగబాబు, సమతం రాము లేఖను విడుదల చేశారు. తణుకు అర్బన్‌: ఉండ్రాజవరంలో కాపుల ఆరాధ్య దైవం వంగవీటి రంగా విగ్రహ ఏర్పాటులో పోలీసులు వ్యవహరించిన తీరు అత్యంత దుర్మార్గమని ఎమ్మెల్సీ తోట త్రిమూర్తులు అన్నారు. రంగా అభి మానులు, యావత్‌ కాపు జాతి మనోభావాలు దె బ్బతినేలా తూర్పుగోదావరి జిల్లా నిడదవోలు ని యోజకవర్గం ఉండ్రాజవరంలో రంగా విగ్రహ ఏర్పాటుపై కక్షపూరితంగా పోలీసులు వ్యవహరించారని మండిపడ్డారు. సోమవారం పశ్చిమగోదావరి జిల్లా తణుకు కాపు కల్యాణ మండపంలో కాపు రిజర్వేషన్‌ పోరాట సమితి (కేఆర్‌పీఎస్‌) ఆ ధ్వర్యంలో నిర్వహించిన విలేకరుల సమావేశంలో ఆయన మాట్లాడారు. ఏడాదిగా రంగా విగ్రహ ఏర్పాటుకు కృషి చేస్తున్నా ఇబ్బందులు పెడుతున్న నేపథ్యంలో కాపు యువత చేసిన ప్రయత్నాన్ని పోలీసులు స్థానికంగా ఉన్న సీసీ కెమెరాలపై నలుపు రంగు గుడ్డలు వేసి విగ్రహాన్ని తొలగించాల్సిన దుస్థితికి వచ్చారంటే మనం ఎక్కడ ఉన్నామో అర్థం కావడం లేదని ఆందోళన వ్యక్తం చేశారు. స్థానికంగా కొందరు నాయకులు రంగాపై వివాదాస్పద వ్యాఖ్యలు చేయడం కాపు జాతి దౌర్భాగ్యమని, ఓట్ల కోసం రంగా నామస్మరణ చేస్తూ ఆయన విగ్రహానికి దండలు వేస్తారని, అయితే విగ్రహ ఏర్పాటుకు ఎందుకు అడ్డం పడుతున్నారని ప్రశ్నించారు. రంగాను రాజకీయంగా కాకుండా సామాజిక కోణంగా చూడాలని, ఇటువంటి విషయాల్లో రాజకీయాలు కాదని పుట్టిన కులం తరఫున తాను వ చ్చానని స్పష్టం చేశారు. విగ్రహాన్ని ఊరి చివర పెట్టుకోమనే సలహాలు కొందరు ఇస్తున్నారని, ఎట్టి పరిస్థితుల్లోనూ విగ్రహం తొలగించిన చోటు కానీ లేదంటే రంగాపై అభిమానంతో ముందుకు వచ్చిన స్థానిక కాపు నేత కోటిపల్లి తాతారావు చూపిన స్థలంలోనైనా పెట్టించాలన్నారు. లేకుంటే తమ నిర్ణయాలు తమకు ఉంటాయని హెచ్చరించారు. విగ్రహ తొలగింపులో భాగంగా కాపుజాతిపై పోలీసులు చేసిన లాఠీచార్జ్‌ అత్యంత దుర్మార్గమని, డీ ఎస్పీ, సీఐ, ఎస్సైలు వ్యవహరించిన తీరు అత్యంత హేయమని, అధికారం శాశ్వతం కాదనే విషయాన్ని అందరూ గుర్తుంచుకోవాలని తోట త్రిమూర్తులు హితవు పలికారు. స్థానిక ఎమ్మెల్యే, మంత్రి కందుల దుర్గేష్‌ ఈ సమస్యపై సానుకూలంగా స్పందించి సామరస్యంగా పరిష్కరించాలని ఎమ్మెల్సీ తోట త్రిమూర్తులు కోరారు. పోలీసుల వేధింపులు ఆగలేదు ఉండ్రాజవరానికి చెందిన కాపు నేత కటకం రామకృష్ణ మాట్లాడుతూ స్థానిక గాంధీ బొమ్మ సెంటర్‌లో ఏడాది క్రితమే రంగా విగ్రహ ఏర్పాటుకు కాంక్రీటు దిమ్మను ఏర్పాటుచేసుకున్నామని, పంచాయతీ అనుమతులకు ఇబ్బందులు పెడుతున్న నేపథ్యంలో కాపు యువత విగ్రహం ఏర్పాటుచేశారని, గంట వ్యవధిలోనే విగ్రహాన్ని పోలీసులు తొలగించారన్నారు. తమ సామాజికవర్గ ఓట్లతో గెలిచి తమపై లాఠీచార్జ్‌ చేయించారని ఆవేదన వ్యక్తం చేశారు. డీఎస్పీ సైతం తమతో వాగ్వాదానికి దిగారన్నారు. మా స్థలంలో విగ్రహాన్ని పెట్టుకునేందుకు కూడా అ డ్డుచెప్పడం, ఊరి చివర పెట్టుకోమని చెప్పడం ఎంతవరకు సబబని ప్రశ్నించారు. ఇప్పటికీ తమపై

భీమవరం (ప్రకాశంచౌక్‌): ప్రజా సమస్యల పరిష్కార వేదికలో అందిన అర్జీల పరిష్కారానికి ప్రాధాన్యమివ్వాలని కలెక్టర్‌ సీహెచ్‌ నాగరాణి ఆదేశించారు. సో మవారం కలెక్టరేట్‌లో పీజీఆర్‌ఎస్‌లో భాగంగా ప్ర జల నుంచి అర్జీలు స్వీకరించారు. ప్రతి ఫిర్యాదును సంబంధిత అధికారులు బాధ్యతగా తీసుకుని ఫి ర్యాదుదారులకు సంతృప్తికరమైన పరిష్కారం అందేలా చర్యలు తీసుకోవాలన్నారు. పీజీఆర్‌ఎస్‌లో 161, రెవెన్యూ క్లినిక్‌లో 42 అర్జీలు స్వీకరించారు. జేసీ కేఆర్‌ కల్పశ్రీ, డీఆర్వో పి.గ్లోరియా, కేఆర్‌సీసీ డిప్యూటీ కలెక్టర్‌ బి.పెంచల ప్రభాకర్‌, పీజీఆర్‌ఎస్‌ జిల్లా ప్రత్యేక అధికారి వై.దోసిరెడ్డి, డ్వామా పీడీ కేసీహెచ్‌ అప్పారావు పాల్గొన్నారు. లంక గ్రామాల్లో అప్రమత్తం : గోదావరి వరద కారణంగా జిల్లాలోని లంక గ్రామాలు ముంపునకు గురయ్యే అవకాశం ఉందని, ప్రజలను అప్రమత్తం చేయాలని కలెక్టర్‌ ఆదేశించారు. బీఎస్పీ నాయకుల నిరసన : కూటమి పాలనలో 27 మంది దళితుల మరణాలపై న్యాయం చేయాలంటూ బీఎస్పీ నాయకులు కలెక్టరేట్‌ వద్ద నిరసన తెలిపి కలెక్టర్‌కు వినతిపత్రం అందించారు. కూటమి ప్రభుత్వం అధికారంలోకి వచ్చినప్పటి నుంచి రాష్ట్రంలో దళితులపై దాడులు, దౌర్జన్యాలు అత్యా చారాలు, హత్యలు పెరిగిపోయాయన్నారు. జిల్లా అధ్యక్షుడు కొల్లాబత్తు ఏలియా రాజు, జిల్లా ప్రధాన కార్యదర్శి కాటూరి కరుణాకర్‌ పాల్గొన్నారు. అర్జీల్లో కొన్ని.. ● భీమవరం ఫైర్‌స్టేషన్‌ రోడ్డుపై ఇటుకలతో భా రీగా లోడ్‌ చేసిన ట్రాక్టర్లను నిలిపివేస్తుండటంతో రాకపోకలకు ఇబ్బందిగా ఉందని మొహమ్మద్‌ అఖిల్‌ అనే వ్యక్తి కలెక్టర్‌ దృష్టికి తీసుకువచ్చారు. ● చిట్టీల పేరుతో రూ.2 కోట్లకు పైగా ఎగనామం పెట్టి దాసరి వెంకట గోపాలకృష్ణమూర్తి అనే వ్యక్తి పరారయ్యాడని అనాకోడేరు గ్రామానికి చెందిన పలువురు కలెక్టరేట్‌లో ఫిర్యాదు చేశారు. తమకు న్యాయం చేయాలని కోరారు. పరిశ్రమలకు ప్రోత్సాహం జిల్లాలో పరిశ్రమల స్థాపనపై అవగాహన కల్పించేందుకు ప్రతి సోమవారం కలెక్టరేట్‌లో పరిశ్రమల మార్గదర్శక కేంద్రం నిర్వహిస్తున్నట్టు కలెక్టర్‌ నాగరాణి చెప్పారు. ఔత్సాహికులకు రుణ మంజూరు చెక్కులను అందజేశారు. కలెక్టర్‌ సీహెచ్‌ నాగరాణి

మంగళవారం శ్రీ 29 శ్రీ సెప్టెంబర్‌ శ్రీ 2026సాక్షి, భీమవరం: అధికారంలోకి వచ్చిన 27 నెలల తర్వాత ఎట్టకేలకు కూటమి కొత్త పింఛన్ల కోసం దరఖాస్తులు స్వీకరించిన విషయం విదితమే. ఈనెల 7 నుంచి మొదలైన ప్రక్రియ 18తో ముగిసింది. కేవలం తొమ్మిది పనిదినాల్లో జిల్లావ్యాప్తంగా 49,891 దరఖాస్తులు వచ్చాయి. భీమవరం అర్బన్‌లో 3 వేల మందికి పైగా దరఖాస్తు చేసుకోగా తాడేపల్లిగూడెం అర్బన్‌, రూరల్‌, యలమంచిలి, నరసాపురం, పాలకొల్లు, మొగల్తూరు, తణుకు అర్బన్‌, భీమవరం రూరల్‌ నుంచి రెండు వేలకు పైగా దరఖాస్తులు వచ్చాయి. కొర్రీలతో కోత తల్లిదండ్రులు, తనయుల కుటుంబాలకు వేర్వేరు రేషన్‌కార్డులు ఉన్నా హౌస్‌హోల్డ్‌ మ్యాపింగ్‌ను సాకుగా చూపడంతో చాలామంది అర్హులైన వారు పింఛన్‌కు దరఖాస్తు చేసుకునే వీలులేకుండా పోయింది. హౌస్‌హోల్డ్‌ మ్యాపింగ్‌ నుంచి పేరు తొలగించే ఆప్షన్‌ను చంద్రబాబు సర్కారు హోల్డ్‌లో పెట్టేసింది. దీంతో వీరంతా సచివాలయాల చుట్టూ ప్రదక్షిణలు చేస్తున్నారు. ప్రభుత్వం నుంచి మార్గదర్శకాలు ఏమీ రాలేదంటూ ఇక్కడి సిబ్బంది చెప్పి పంపిస్తున్నారు. జిల్లా నలుమూలల నుంచి పేదవర్గాల వారు కలెక్టరేట్‌లో పీజీఆర్‌ఎస్‌కు సైతం వచ్చి వినతులు అందజేస్తున్నారు. తమకు పింఛన్‌ మంజూరు చేయాలని వేడుకుంటున్నారు. 6,047 దరఖాస్తుల తిరస్కరణ జిల్లావ్యాప్తంగా వృద్ధాప్య, వింతంతు, దివ్యాంగ తదితర సామాజిక పింఛన్లు కోసం జిల్లావ్యాప్తంగా 49,891 దరఖాస్తులు వచ్చాయి. కాగా వీటిలో 43,793 దరఖాస్తులు అర్హత కలిగినవిగా గుర్తించారు. 6,047 దరఖాస్తులు అనర్హులుగా తేల్చారు. మరో 51 దరఖాస్తులు పెండింగ్‌లో ఉన్నాయి. ఇదిలా ఉండగా 2024 జూన్‌ నాటికి జిల్లాలో 2,32,885 మందికి సామాజిక పింఛన్లు ఉండగా ప్రస్తుతం వాటి సంఖ్య 2,19,625కు తగ్గిపోయింది. మృతులు, ఇతర కారణాలతో రెండేళ్లలో జిల్లాలో 13220 పింఛన్లకు కూటమి కోత పెట్టింది. మరోపక్క 50 ఏళ్లకే పింఛన్‌ ఇస్తామని గద్దెనెక్కిన చంద్రబాబు తర్వాత ఆ ఊసే మరిచారు. 50 ఏళ్ల నుంచి 60 ఏళ్ల లోపు ఎస్సీ, ఎస్టీ, బీసీ, మైనార్టీలు జిల్లాలో 2.5 లక్షల మంది వరకు ఉండగా వారిలో 70 శాతం మంది అర్హులు ఉంటారని అంచనా. తమకు పింఛన్లు వస్తాయన్న వీరి ఆశలపైనా నీళ్లు చల్లారు. అర్హులందరికీ ఇస్తారా ? కొత్త పింఛన్లు కోసం ఊహించని విధంగా లక్షల్లో దరఖాస్తులు వచ్చాయని, అన్ని ఒక్కసారే ఇవ్వడం సాధ్యం కాదంటూ మంత్రి అచ్చెన్నాయుడు చేసిన వ్యాఖ్యలు హాట్‌ టాపిక్‌గా మారాయి. వరుసగా మున్సిపల్‌, పంచాయతీ, మండల, జిల్లా పరిషత్‌ ఎన్నికలు నిర్వహించాల్సి ఉండటంతో దరఖాస్తుల స్వీకరణ ఎన్నికల స్టంటేనన్న అనుమానాలు వ్యక్తమవుతున్నాయి. కొత్త పింఛన్లు ఎప్పటి నుంచి పంపిణీ చేసేది ఇప్పటివరకు ప్రభుత్వం స్పష్టత ఇవ్వకపోవడం ఇందుకు బలం చేకూరుస్తోంది. ఈలోపు స్థానిక సంస్థల ఎన్నికల కోడ్‌ విడుదలైతే దానిని సాకుగా చూపించి పింఛన్లను పక్కన పెట్టేస్తుందన్న అభిప్రాయం వ్యక్తమవుతోంది. ఉరుకులు పరుగుల జీవితం, మారుతున్న ఆహారపు అలవాట్లు, శారీరక శ్రమ తగ్గిపోవడం, పొగతాగడం వంటి అలవాట్లు గుండైపె తీవ్ర ప్రభావం చూపుతున్నాయి. 8లో uకొల్లేరు వన్యప్రాణి సంరక్షణ కేంద్రానికి సంబంధించి పూర్తి సమాచారాన్ని వచ్చేనెల 5లోపు సమర్పించాలని పర్యావరణ, అటవీ శాఖ ప్రిన్సిపల్‌ సెక్రటరీ ఆదేశించారు. 8లో uకేటగిరీ దరఖాస్తులు డప్పు కళాకారులు 469 దివ్యాంగ 5,377 మత్స్యకార 1,894 వృద్ధాప్య 28,619 వితంతు 11,177 ఒంటరి మహిళ 385 చర్మకారులు 523 గీత కార్మికులు 1,003 ట్రాన్స్‌జెండర్‌ 16 చేనేత 427 భీమవరానికి చెందిన కౌలురైతు పెద్ద కుమారుడికి వివాహం కాగా భార్యాపిల్లలతో కలిసి విజయవాడలో ఉంటున్నారు. ప్రైవేట్‌ ఉద్యోగి అయిన కుమారుడి జీతం అతడి కుటుంబ అవసరాలకు సరిపోని పరిస్థితి. రెండు కుటుంబాల వారికి వేర్వేరు రేషన్‌కార్డులు ఉన్నా ఉద్యోగిగా తండ్రి హౌస్‌హోల్డ్‌ మ్యాపింగ్‌లో ఉండటంతో కౌలురైతుకు పింఛన్‌కు అర్హత సాధించలేని దుస్థితి నెలకొంది. పాలకొల్లు రూరల్‌ అడవిపాలెంకు చెందిన భవానీ భర్త రెండేళ్ల క్రితం గుండెపోటుతో మృతిచెందాడు. రెక్కాడితే గాని డొక్కాడని కుటుంబం. భవానీ కూలిపనికి వెళుతూ కుటుంబాన్ని పోషిస్తోంది. రేషన్‌కార్డు ఉన్నా అత్తింటి హౌస్‌హోల్డ్‌ మ్యాపింగ్‌లో ఆమె పేరు ఉండటంతో వితంతు పింఛన్‌ దరఖాస్తు అప్‌లోడ్‌ కావడం లేదని తెలిపింది. పేరు తొలగించుకుంటే పింఛన్‌ వస్తుందని అధికారులు చెబుతుండగా అందుకు సంబంధించిన ఆప్షన్‌ను ప్రభుత్వం హోల్డ్‌లో పెట్టడంతో దరఖాస్తు చేసుకోలేకపోయింది. పింఛన్‌ మంజూరు చేసి తమను ఆదుకోవాలని కోరుతూ సోమవారం ఆమె కలెక్టరేట్‌లోని పీజీఆర్‌ఎస్‌లో వినతిపత్రం అందజేసింది. ఆంక్షలు.. అడ్డంకులు కొత్త పింఛన్లకు హౌస్‌హోల్డ్‌ మ్యాపింగ్‌ కొర్రీలు ఆన్‌లైన్‌ కాని దరఖాస్తులు 18తో ముగిసిన గడువు పీజీఆర్‌ఎస్‌లో పేదల ఫిర్యాదులు కొత్త పింఛన్ల కోసం జిల్లాలో 49,891 దరఖాస్తులు ఏఐ సృష్టించిన చిత్రం

భీమవరం: గాంధీ జయంతిని పురస్కరించుకుని సర్వోదయ మండలి ఆధ్వర్యంలో విద్యార్థులకు నిర్వహించిన ఆన్‌లైన్‌ చిత్రలేఖన పోటీల విజేతల వివరాలను మండలి ప్రధాన కార్యదర్శి ఇందుకూరి ప్రసాదరాజు సోమవారం పత్రికలకు విడుదల చేశారు. ఉమ్మడి పశ్చిమగోదావరి జిల్లా స్థాయిలో విద్యార్థులకు ‘మహాత్మాగాంధీ సత్యం, అహింస విధానాలు నేటి పరిస్థితులు’ అనేక అంశంపై చిత్రలేఖన పోటీలు నిర్వహించారు. వీటిలో 21 ఉత్తమ చిత్రాలను ఎంపిక చేయగా విజేతలకు అక్టోబర్‌ 2న నిడమర్రు మండలం పెదనిండ్రకొలనులోని మహాత్మాగాంధీ భవనంలో బహుమతులు అందజేస్తామని ప్రసాదరాజు చెప్పారు. పాఠశాల స్ధాయి విజేతల వివరాలు జి దేవవర్షిణి (అనాకోడేరు), ఎస్‌ చాన్‌బాబు (జీలకర్రగూడెం), పి జయశ్రీ (వట్లూరు), జి.ప్రీతిక (భీమవరం), కె.ప్రవల్లిక (మేడపాడు), జి.అర్చన (కామవరపుకోట), కె.గాయత్రి (పెనుమంట్ర), జె.సంయుక్త (తాడేపల్లిగూడెం), ఎస్‌.లూధర్‌ (దర్శిపర్రు), కె.చంద్రిక (పెదనిండ్రకొలను), బి.షైనీ (ఆకివీడు), కె.స్నేహ (పాలకోడేరు), సీహెచ్‌ దీవెన (పత్తేపురం), ఆర్‌.చరణతేజ (చినఅమిరం), పి సాయిలక్ష్మి (బలుసుమూడి), కె.లహరి (పెదఅమిరం). కళాశాల స్థాయి విజేతల వివరాలు జి.భానుశ్రీ (పెన్నాడ), కె.షణ్ముక్‌ (ఏలూరు), వి.మీరాసహస్ర (తాడేపల్లిగూడెం), కె లీలాప్రసన్న (తణుకు), బి.వెంకటలక్ష్మి (భీమవరం).

భీమవరం (ప్రకాశంచౌక్‌): విద్యార్థులు పరిశుభ్రత పాటించడంతో పాటు నులిపురుగుల నివారణ మాత్రలు తప్పక తీసుకోవాలని కలెక్టర్‌ సీహెచ్‌ నాగరాణి సూచించారు. జాతీయ నులి పురుగుల నిర్మూలన దినోత్సవాన్ని పురస్కరించుకుని సో మవారం స్థానిక ఏఆర్‌కేఆర్‌ ఎంపీఎల్‌ పాఠశాలలో విద్యార్థులకు ఆమె స్వయంగా మాత్రలు వేశారు. నులిపురుగులు ఎలా ఏర్పడతాయి, వాటి వల్ల కలిగే అనర్థాలు, ఆరోగ్యంపై వాటి ప్రభావం వంటి అంశాలను వివరించారు. ముఖ్యంగా చేతులను సబ్బుతో శుభ్రంగా కడుక్కోవడం ద్వారా పలురకాల వ్యాధులను నివారించవచ్చని తెలిపారు. ముందుగా డీఎంహెచ్‌లో డాక్టర్‌ సి.భారత లక్ష్మి,, జిల్లా నులిపురుగుల నిర్మూలన వైద్యాధికారి డాక్టర్‌ వి.క్రాంతికుమార్‌ స్వయంగా నులిపురుగుల నివారణ మాత్రలను వేసుకున్న పిల్లలకు స్పూర్తి కల్పించారు. డీఈఓ ఓవీఎస్‌ అనిల్‌కుమార్‌, మారుతీనగర్‌ పీహెచ్‌సీ డాక్టర్‌ ఎ.సుమ, విద్య, వైద్యారోగ్య శాఖ అధికారులు పాల్గొన్నారు.

సాక్షి ప్రతినిధి, ఏలూరు: తొందరగా నిధుల గోల్‌మాల్‌ వ్యవహారం ముగిద్దాం.. బడాబాబు రూ.70 లక్షలు వాడుకున్నారు.. ఆయన కొద్దిరోజుల్లో కట్టేస్తాడు.. మొత్తం ఐదుగురు ఉద్యోగులను పాత్రధారులుగా తేల్చి రూ.1.34 కోట్లు గోల్‌మాల్‌ జరిగినట్టు తేలింది.. అనవసరంగా దీనిని ఎక్కువ రోజు లు సాగదీస్తే గతేడాది, అంతకు ముందు సంవత్సరాలది కూడా తవ్వి బయటకు తీస్తారు.. రూ.2.50 కోట్లకుపైనే పాతవి తేలే ప్రమాదం ఉంటుంది. అందుకని ఐదుగురు ఉద్యోగులు తలా రూ.27.50 లక్షల చొప్పున జనవరి నెల పోస్ట్‌ పెయిడెడ్‌ చెక్కు లు ఇచ్చేయండి.. నగదు రికవరీ చేశామని ఫైల్‌ క్లోజ్‌ చేసేద్దాం.. ఇది ఏలూరు నగరపాలక సంస్థ ఉన్నతాధికారి ఉద్యోగులకు పెట్టిన ప్రతిపాదన. తిరగబడ్డ ఉద్యోగి గోల్‌మాల్‌ వ్యవహారంలో ఐదుగురు సిబ్బందిపై వేటు పడగా ఉన్నతాధికారి తలా రూ.27.50 లక్షల మొత్తంతో వచ్చే ఏడాది జనవరి (పోస్టు పెయిడెడ్‌) చెక్కులు ఇస్తే రికవరీ చేశామని, అవకతవకలను సరిదిద్దామని చార్జీ మెమోలతో వ్యవహారాన్ని ము గించేయవచ్చని చెప్పగా ఒక ఉద్యోగి తిరగబడ్డాడు. ‘మాకు ఎలాంటి సంబంధం లేదు.. మేం వాడుకున్నది లేదు.. అన్నీ మీకు తెలుసు.. పెద్దవాళ్లు ఏం చేశారో కార్పొరేషన్‌ అంతా తెలుసు.. నన్ను వేధిస్తే ఎస్సీ, ఎస్టీ కమిషన్‌ను ఆశ్రయిస్తా’ అని హెచ్చరించడంతో సెటిల్‌మెంట్‌ అర్ధాంతరంగా ముగిసింది. పొలిటికల్‌ కనుసన్నల్లో.. ఏలూరు నగరపాలక సంస్థలో ప్రజల సొమ్ము రాజకీయ నేతలు 70 శాతం , ఉద్యోగులు మరో 30 శాతం తినేశారు. పూర్తిగా పొలిటికల్‌ కనుసన్నల్లో జరిగిన దందా కావడంతో ఉద్యోగులుధీమాగా వ్యవహరించా రు. సస్పెన్షన్‌కు గురికావడం, శాఖాపరమైన విచారణ తో పాటు పోలీస్‌ విచారణ కూడా ప్రారంభం కా వడంతో తీవ్ర అలజడి రేగింది. ఉన్నతాధికారి పొలిటికల్‌ సూచనలతో నిధుల గోల్‌మాల్‌ ఫైల్‌ను మూ సివేసే దిశగా అడుగులు వేశారు. ఏఐ సృష్టించిన చిత్రం రూ.1.34 కోట్లు గోల్‌మాల్‌గా గుర్తింపు ఐదుగురు ఉద్యోగులు తలా రూ.27.50 లక్షలు కట్టండి సెటిల్‌మెంట్‌ దిశగా ఏలూరు కార్పొరేషన్‌ నిధుల గోల్‌మాల్‌

భీమవరం(ప్రకాశం చౌక్‌): మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రజలకు పాలనా సౌల భ్యం అందించాలనే ఉద్దేశంతో జిల్లాల పునర్విభజన చేపట్టి, నరసాపురం పార్లమెంట్‌ పరిధిలోని ఏ డు అసెంబ్లీ నియోజకవర్గాలను కలిపి భీమవరం కేంద్రంగా నూతన పశ్చిమగోదావరి జిల్లాను ఏర్పాటుచేశారు. నాడు అన్ని రాజకీయ పక్షాల నాయకులు ఈ నిర్ణయాన్ని స్వాగతించారు. ఏలూరులోని కలెక్టరేట్‌, జిల్లాపరిషత్‌, అర్బన్‌ డెవలప్‌మెంట్‌ కా ర్యాలయాలకు దాదాపు 70 కిలోమీటర్ల దూరం వెళ్లే శ్రమ లేకుండా, స్థానికంగానే సేవలు అందుబాటులోకి తెచ్చిన ఘనత ఆయనకే దక్కింది. జిల్లా ఏ ర్పాటై నాలుగేళ్లు పూర్తయిన సందర్భంలో ఇటీవల ప్రభుత్వం నూతనంగా జిల్లా పరిషత్తో పాటు భీ మవరం కేంద్రంగా భీమా ఊడా (భీమవరం అర్బన్‌ డెవలప్‌మెంట్‌ అథారిటీ)ని ఏర్పాటు చేస్తూ ఉత్తర్వులు జారీ చేసింది. ఇప్పటికే జిల్లాపరిషత్‌ కా ర్యాలయం ప్రారంభం కాగా, త్వరలోనే భీమా ఊ డా కార్యాలయాన్ని కూడా భీమవరంలో ఏర్పాటు చేయనున్నారు. వీటి ద్వారా జిల్లా ప్రజలకు రాజకీయంగా, పరిపాలనాపరంగా సేవలు మరింత సులభంగా లభిస్తాయి. అందుబాటులోకి కీలక పదవులు జిల్లాపరిషత్‌ (జెడ్పీ) చైర్మన్‌ : ఇప్పటివరకు నూతన పశ్చిమగోదావరి జిల్లాకు ప్రత్యేకంగా జెడ్పీ లేకపోవడంతో, ఉమ్మడి జిల్లా పరిధిలోనే జెడ్పీ నిర్వహణ సాగింది. నూతనంగా ఏర్పడిన 19 మండలాల జెడ్పీటీసీ స్థానాలకు ఎన్నికలు పూర్తయిన తర్వాత జెడ్పీ చైర్మన్‌ ఎంపిక జరుగుతుంది. రాజకీయంగా ఎంతో ప్రాధాన్యం ఉన్న ఈ పదవిని కై వసం చేసుకోవాలని అన్ని పార్టీలూ ఆశిస్తున్నాయి. భీమా ఊడా చైర్మన్‌ : ఇప్పటివరకు ఏలూరు అర్బన్‌ డెవలప్‌మెంట్‌ అథారిటీ పరిధిలో ఉన్న ప్రాంతాలను వేరు చేస్తూ ప్రత్యేకంగా భీమా ఊడాను ప్రభుత్వం ఏర్పాటుచేసింది. జిల్లాస్థాయి ప్రాధాన్యత ఉన్న ఈ పదవి కోసం కూడా అధికార పార్టీ నాయకులలో తీవ్ర పోటీ నెలకొంది. మాజీ ముఖ్యమంతిర వైఎస్‌ జగన్‌మోహన్‌రెడ్డి నాడు నూతన జిల్లాను ఏర్పాటు చేయడం వల్లే జెడ్పీ, ఊడా వంటి కీలక పదవులు అందుబాటులోకి వచ్చాయని అధికార పార్టీ నాయకులు సైతం చర్చించుకుంటున్నారు. అధికారుల నియామకం.. ప్రజలకు విస్తృత సేవలు: రెండు కీలక శాఖల ఏర్పాటుతో జిల్లాకు ముగ్గురు ఉన్నతాధికారులు రానున్నారు. ఒకరు జెడ్పీ సీఈ ఓ కాగా, మరొకరు భీమా ఊడా ప్లానింగ్‌ అధికారి. వీరు జిల్లా స్థాయిలో ఉంటూ ప్రజలకు అవసరమైన అభివృద్ధి, పరిపాలనా సేవలను నిరంతరం అందిస్తారు. మొత్తం మీద నూతన జిల్లా ఏర్పాటుతో భీమవరం కేంద్రంగా పరిపాలన ప్రజలకు మరింత చేరువైంది. ఈ రెండు పదవుల కోసం కూటమిలోని టీడీపీ, జనసేన, బీజేపీ నాయకులు ఇప్పటినుంచే అధిష్టానాల వద్ద ప్రయత్నాలు ప్రారంభించారు. భీమా ఊడా నామినేటెడ్‌ పోస్టు కావడంతో దానిని తమకే కేటాయించాలని బీజేపీ, జనసేన నాయకులు పట్టుబడుతుండగా, టీడీపీ నేతలు కూడా ఆ పదవిపై ఆశలు పెట్టుకున్నారు. మరోవైపు జెడ్పీ చైర్మన్‌ పదవి దక్కాలంటే ముందుగా జెడ్పీటీసీగా గెలవాల్సి ఉన్నందున, ఆ దిశగా నాయకులు వ్యూహాలు రచిస్తున్నారు. ప్రతిపక్ష వైఎస్సార్‌సీపీ ఎక్కువ జెడ్పీటీసీ స్థానాలు సాధిస్తే ఆ చైర్మన్‌ పదవిని దక్కించుకునే అవకాశం ఉంటుంది. జిల్లాపరిషత్‌, భీమా ఉడాతో పదవులు, ఉన్నతాధికారులు గత వైఎస్సార్‌సీపీ ప్రభుత్వంలో జిల్లాల పునర్విభజన భీమవరం కేంద్రంగా నూతన పశ్చిమగోదావరి ఇన్నాళ్లకు జెడ్పీ, భీమా ఉడా ఏర్పాటు

భీమవరం : వైకల్యం చదువుకు అడ్డంకి కారాదని, ఎట్టి పరిస్థితిల్లోనూ చదువును ఆపవద్దని కలెక్టర్‌ సీహెచ్‌ నాగరాణి సూచించారు. భీమవరం డీఎన్నార్‌ కళాశాలలో దివ్యాంగులు, ట్రా న్స్‌జెండర్లు, వయోవృద్ధుల సంక్షేమ శాఖ, జిల్లా డెఫ్‌ అసోసియేషన్‌ ఆధ్వర్యంలో ఆది వారం అంతర్జాతీయ సైన్‌ లాంగ్వేజ్‌ దినోత్స వం నిర్వహించారు. కలెక్టర్‌ మాట్లాడుతూ బధిరులకు సమాన హక్కులు, అవకాశాలు కల్పించడం, సాంకేతిక (సైన్‌) భాష ప్రాముఖ్యతపై అవగాహన పెంచడమే ఈ కార్యక్రమం ముఖ్య లక్ష్యం అన్నారు. జిల్లాలోని బధిరులు అందరూ సైన్‌ లాంగ్వేజ్‌ నేర్చుకోవాలన్నారు. ఐదు గురు బధిరులకు స్మార్ట్‌ఫోన్లను అందజేశారు. డెఫ్‌ అసోసియేషన్‌ ప్రెసిడెంట్‌ ఆర్‌.ఉమామహేశ్వరరావు, జనరల్‌ సెక్రటరీ తోట రాము, సాంఘిక సంఘసంస్కర్త చెరుకూరి రంగస్వామి తదితరులు పాల్గొన్నారు. భీమవరం: ఆల్‌ ఇండియా లాయర్స్‌ యూనియన్‌ ఉభయగోదావరి జిల్లాల నూతన అ ధ్యక్ష, కార్యదర్శులుగా పుట్టా వేణుగోపాలచౌదరి, కామన మునిస్వామి ఎన్నికయ్యారు. ఆ దివారం భీమవరంలో సంఘ మహాసభ నిర్వహించారు. నూతన కమిటీని ఎన్నుకున్నారు. అధ్యక్ష, కార్యదర్శులతో పాటు ఉపాధ్యక్షులు గా దిగుపాటి రాజగోపాల్‌, మేక ఈశ్వరయ్య, కౌరు వెంకటేశ్వర్లు, సహాయ కార్యదర్శులుగా రామాని కాస్ట్రో, పి.శ్రీనివాసు, పీవీపీ లక్ష్మి, కో శాధికారిగా కట్టా సత్యనారాయణ, 12 మంది కమిటీ సభ్యులను ఎన్నుకున్నారు. ప్రభుత్వం న్యాయవాదులకు రక్షణ చట్టం అమలు, జూనియర్‌ న్యాయవాదులకు రూ. 10 వేలకు ఉపకార వేతనం పెంచాలని తీర్మానించారు. భీమవరం : జిల్లా పర్యాటక శాఖ ఆధ్వర్యంలో స్థానిక ఎస్‌ఆర్‌కేఆర్‌ ఇంజనీరింగ్‌ కళాశాలలో ఆదివారం ప్రపంచ పర్యాటక దినోత్సవం నిర్వహించారు. జిల్లా పర్యాటక అధికారి ఎ.వెంకట అప్పారావు మాట్లాడుతూ పర్యాటక అభివృద్ధిలో యువత పాత్రపై అవగాహన కల్పించారు. డిజిటల్‌ క్యాంపెయిన్‌, వర్క్‌షాప్‌ ని ర్వహణ, ఏఐ, సాంకేతిక పరిజ్ఞానంపై విరించా రు. కళాశాల ప్రిన్సిపాల్‌ బీఆర్‌కే వర్మ, డీన్‌ ఆఫ్‌ స్టూడెంట్స్‌ అఫైర్స్‌ హరీష్‌ వర్మ, అధ్యాపకులు, విద్యార్థులు పాల్గొన్నారు. భీమవరం (ప్రకాశంచౌక్‌): జిల్లా కలెక్టరేట్‌తో పాటు మండల, డివిజన్‌ కేంద్రాల్లో సోమవారం ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమం నిర్వహించనున్నట్టు కలెక్టర్‌ సీహెచ్‌ నాగరాణి తెలిపారు. అలాగే రెవెన్యూ క్లినిక్‌ కూడా నిర్వహిస్తామన్నారు.

భీమవరం(ప్రకాశం చౌక్‌): గుంతలు లేని రోడ్ల నిర్మాణమే లక్ష్యంగా కూటమి ప్రభుత్వం చేపట్టిన పనులు, మరమ్మతుల్లో నాణ్యతా ప్రమాణాలు పూర్తిగా మృగ్యమయ్యాయి. పనులు పూర్తి చేసిన రెండు, మూడు నెలలకే రోడ్లు మళ్లీ యథాస్థితికి చేరుకున్నాయి. ఇటీవల కురిసిన వర్షాలకు నాసిరకం పనుల బండారం బయటపడింది. రహదారులను బాగు చేశామని ప్రభుత్వం చెబుతున్న మాటలు క్షేత్రస్థాయిలో నీటిమూటలయ్యాయి. అధికారుల నిర్లక్ష్యం.. కాంట్రాక్టర్ల నిర్వాకం రహదారుల నిర్మాణం, మరమ్మతులు నాసిరకంగా జరుగుతున్నా సంబంధిత ఆర్‌అండ్‌బీ అధికారులు కన్నెత్తి చూడలేదనే ఆరోపణలు వెల్లువెత్తుతున్నాయి. నాణ్యతను పర్యవేక్షించాల్సిన అధికారులు కాంట్రాక్టర్లకు బిల్లులు చేయడంలో చూపించిన శ్రద్ధ పనుల నాణ్యతపై చూపించలేదనే విమర్శలు వినిపిస్తున్నాయి. అధికారులకు తెలిసే ఈ అక్రమాలు జరుగుతున్నాయా అనే అనుమానాలు వ్యక్తమవు తున్నాయి. కాంట్రాక్టర్లు అరకొర మెటీరియల్‌తో నాసిరకం పనులు చేసి ప్రజాధనాన్ని జేబుల్లో నింపుకుంటున్నారని ప్రజలు ఆగ్రహం వ్యక్తం చేస్తున్నారు. వాహనదారులు ఎదుర్కొంటున్న నరకయాతనను, రోడ్ల దుస్థితిని యువత సోషల్‌ మీడియా ద్వారా ఎండగడుతున్నారు. రెండు నెలల క్రితం జి ల్లాలోని ప్రధాన రోడ్లను పూర్తిస్థాయిలో పునర్నిర్మించకుండా, కేవలం గుంతలు పూడ్చే (ప్యాచ్‌ వర్క్‌) పనులకే పరిమితమయ్యారు. దీంతో జిల్లాస్థాయి, రాష్ట్రస్థాయి రహదారులు అధ్వానంగా మారాయి. మాయ‘దారి’ మరమ్మతులు రెండు నెలలకే మళ్లీ గోతులు భారీ వర్షాలతో మరింత అధ్వానంగా.. రాష్ట్ర, జిల్లా రహదారులపై ప్రయాణం భయం భయం

చింతూరు: మేనత్త కొడుకును కాపాడిన ఓ యువకుడు తరువాత వాగు ఉధృతికి గల్లంతైన ఘటన ఘాట్‌రోడ్‌లోని సోకిలేరు వ్యూ పాయింట్‌ వద్ద చోటు చేసుకుంది. పశ్చిమగోదావరి జిల్లా భీమవరంలోని చిన్నపేటకు చెందిన బుంగా బాల వందనం (18) డిగ్రీ ఫస్టియర్‌ చదువుతున్నాడు. విహారయాత్రకు వెళ్లేందుకు కుటుంబ సభ్యులతో కలిసి శుక్రవారం అదే జిల్లాలోని కోలమూరులో అ మ్మమ్మ ఇంటికి వెళ్లాడు. అక్కడినుంచి బంధువులతో కలిసి 20 మంది వరకు విహారయాత్ర నిమిత్తం ఆదివారం ఉదయం బస్సులో మారేడుమిల్లి వచ్చారు. అక్కడి నుంచి చింతూరు, మారేడుమిల్లి ఘాట్‌రోడ్‌లోని తులసిపాక సమీపంలో గల సోకిలేరు వ్యూ పాయింట్‌ వద్దకు చేరుకున్నారు. బాలవందనంతో పాటు మేనత్త కొడుకు వుచ్చుల శ్యామ్‌ (8), మరో ఇద్దరు కలిసి స్నానాల నిమిత్తం వాగులోకి దిగారు. ఈ క్రమంలో శ్యామ్‌ ప్రమాదవశాత్తు నీటిలో జారి కొట్టుకుపోతుండగా అతడిని కాపాడేందుకు బాలవంద నం కూడా నీటిలోకి దూకాడు. ఇటీవల కురిసిన వ ర్షాలకు నీటి ఉధృతి అధికంగా ఉండటంతో వారిద్దరు కొంతదూరం నీటిలో కొట్టుకెళ్లిన అనంతరం బాలవందనం శ్యామ్‌ను పక్కనే వున్న రాయిపైకి తోయడంతో బాలుడు ప్రాణాలతో బయటపడ్డాడు. బాలవందనం మాత్రం గల్లంతయ్యాడు. గాలింపు చేపట్టినా బాల వందనం ఆచూకీ లభించలేదు. భీమవరంలో విషాదఛాయలు భీమవరం : బాల వందనం గల్లంతుతో భీమవరంచినపేటలో విషాదఛాయలు అలముకున్నాయి. చినపేటకు చెందిన చికిలేవారి వీధిలో నివాసం ఉంటున్న సుందర ప్రకాష్‌ కుమారుడు బాలానందం. సుందర ప్రకాష్‌ కాంపౌండర్‌గా పనిచేస్తున్నాడు. కుటుంబ సభ్యులు ఘటనా ప్రాంతానికి వెళ్లారు. మేనత్త కొడుకును రక్షించి ప్రాణత్యాగం

సాక్షి, రాజమహేంద్రవరం / రాజమహేంద్రవరం రూరల్‌ / ధవళేశ్వరం : ఎన్నికల వేళ మాయమాటలు చెప్పి ఓట్లు వేయించుకుని.. అధికారంలోకి వచ్చాక నిలువునా మోసం చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా ఉన్నా ఇప్పటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొ స్తాయని.. అందుకోసం అందరం ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌సీపీ తూర్పుగోదావరి జిల్లా అ ధ్యక్షుడు చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం ఉత్సాహంగా నిర్వహించారు. మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ ముఖ్యమంత్రి చంద్రబాబు నిర్వాకాలను ఎండగట్టారు. ఈ సందర్భంగా పలు తీర్మానాలు చేశారు. నియోజకవర్గాల కో–ఆర్డినేటర్లు పిల్లి సూర్యప్రకాష్‌, గుడాల గోపి, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌గౌడ్‌ తదితరులు పాల్గొన్నారు. చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొ డవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పా లనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌ని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ కాతేరు వేదికగా బీసీ గర్జన విజయవంతం కావడం బీసీల ఐక్యతకు నిదర్శనం. ఇదే స్ఫూర్తితో బీసీ నేతలంతా వైఎస్‌ జగన్‌ చేసిన మేలు, వెన్నుపోటు పార్టీ నా యకుడు చంద్రబాబు మోసాలను క్షేత్రస్థాయిలో ప్రజలకు వివరించాలి. రాబోయే స్థానిక సంస్థల ఎన్నికల్లో ప్రతి గ్రామంలోనూ వైఎస్సార్‌సీపీ జెండా ఎగురవేయాలి. – కవురు శ్రీనివాస్‌, ఎమ్మెల్సీ వైఎస్‌ జగన్‌ ప్రభుత్వంలో బీసీలకు పెద్దపీట వేశారు. ముగ్గురు బీసీలను ముఖ్యమంత్రులను చేశారు. నామినేటెడ్‌ పదవుల్లో సముచిత స్థానం కల్పించారు. వెన్నుపోటు పార్టీ బీసీలను ఓటు బ్యాంకుగా మాత్రమే వాడుకుంటోంది. చంద్రబాబు మోసాలను పార్టీ శ్రేణులంతా గ్రామస్థాయిలో వివరించాలి. – మేకా శేషుబాబు, మాజీ ఎమ్మెల్సీ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. తక్షణమే ఉప ముఖ్యమంత్రి పదవి బీసీలకు ఇవ్వాలి. ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. 50 ఏళ్లు నిండిన బీసీలకు రూ.4 వేల పింఛన్‌ మంజూరు చేయాలి. ఫీజు రీయంబర్స్‌మెంట్‌ బకాయిలు రూ.9 వేల కోట్లు విడుదల చేయాలి. రైతులకు ఉచిత పంటల బీమా పథకం అమలు చేయాలి. 18–60 ఏళ్ల మహిళలకు నెలకు రూ.1,500 హామీ వెంటనే అమలు చేయాలి. ఆరోగ్యశ్రీ పథకాన్ని పూర్తిస్థాయిలో అమలు చేయాలి. వెన్నుపోటు పార్టీ అరాచకాలను ప్రశ్నిస్తున్న బీసీ నేతలపై కేసులు, వేధింపులు తక్షణమే ఆపాలి. బీసీలకు 150 రోజులపాటు ఉపాధి హామీ పథకం అమలు చేయాలి. చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్రంపై ఒత్తిడి తేవాలి. బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా తక్షణమే రుణాలు మంజూరు చేయాలి. చంద్రబాబు ఎన్నికల ముందు రజకులను ఎస్సీల్లో చేరుస్తామని హామీ ఇచ్చారు. కానీ అధికారంలోకి వచ్చాక రజకులకు వెన్నుపోటు పొడిచారు. ఇప్పుడు చంద్రబాబు హామీలను రజకులు నమ్మే పరిస్థితి లేదు. 2029లో రజకులంతా వైఎస్‌ జగన్‌ను ముఖ్యమంత్రిని చేసేందుకు కృషి చేస్తాం. – గంధం రవి, పశ్చిమగోదావరి జిల్లా రజక సంఘం అధ్యక్షుడు రాజకీయ ప్రాధాన్యం లేని సంచారజాతులను గుర్తించి కార్పొరేషన్‌ ఏర్పాటు చేసి.. సొంత ఇల్లు లేని తనను చైర్మన్‌ చేయడంతోపాటు ఆయన పక్కన కూ ర్చోబెట్టుకున్న మహోన్నత వ్యక్తి జగన్‌. కూటమి ప్రభుత్వం వచ్చి రెండున్నరేళ్లు గడుస్తున్నా చైర్మన్‌ను నియమించకపోవడం దారుణం. సంచారజాతుల పిల్లలు జగన్‌ పథకాలతో లబ్ధి పొందారు. – పెండ్ర వీరన్న, రాష్ట్ర వెనుకబడిన సంచార జాతుల కార్పొరేషన్‌ మాజీ చైర్మన్‌ ఎన్నికల వేళ ఓటు బ్యాంకుగానే చూస్తునారు రాజకీయ ప్రాతినిధ్యం కల్పించడంలో చిన్నచూపు వైఎస్‌ జగనతోనే బలహీన వర్గాల సంక్షేమం సాధ్యం వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నాయకులు

చింతలపూడి: స్థానిక ప్రజల అభిప్రాయాలను పరిగణనలోకి తీసుకోకుండా, కనీసం గ్రామసభలు కూడా నిర్వహించకుండా రేచర్ల ప్రాంతంలోని బొగ్గు నిక్షేపాలను రిలయన్స్‌ సంస్థకు కట్టబెట్టడం తీవ్ర అన్యాయమని బొగ్గు బాధితులు ఆందోళన వ్యక్తం చేశారు. మండల పరిధిలోని కొమ్ముగూడెం గ్రామంలో ఆదివారం బాధితులు సమావేశమై నిరసన గళం విప్పారు. ఈ సందర్భంగా రేచర్ల బొగ్గు బాధితుల కమిటీ నాయకులు దొంతా కృష్ణ, చిట్లూరి బాలకృష్ణ మాట్లాడుతూ మెజారిటీ ప్రజల ఆమోదం లేకుండా బొగ్గు గనులను కార్పొరేట్‌ కంపెనీకి అప్పగించడాన్ని తీవ్రంగా ఆక్షేపించారు. గనుల తవ్వకాల వల్ల తీవ్ర పర్యావరణ విధ్వంసం జరిగి, భూగర్భ జలాలు అడుగంటిపోవడమే కాకుండా సమస్త జీవకోటికి ముప్పు వాటిల్లుతుందని ఆవేదన వ్యక్తం చేశారు. ప్రజల ప్రాణాలతో చెలగాటమాడుతూ కేవలం రిలయన్స్‌ సంస్థకు లాభాలు చేకూర్చేలా కేంద్ర ప్రభుత్వం వ్యవహరిస్తోందని మండిపడ్డారు. ప్రజా వ్యతిరేక విధానాలను కేంద్ర ప్రభుత్వం తక్షణమే విడనాడాలని, గనుల కేటాయింపు నిర్ణయాన్ని ఉపసంహరించుకోవాలని వారు డిమాండ్‌ చేశారు. కార్పొరేట్‌ శక్తుల మెప్పు కోసం ప్రభుత్వం మొండిగా ముందుకు వెళితే ప్రజల నుంచి తీవ్ర ప్రతిఘటన తప్పదని హెచ్చరించారు. కార్యక్రమంలో రైతులు సాయిల నారాయణరావు, ఉప్పల వెంకటరమణ, బొక్క రాఘవ, బొక్క సూర్యం, వేగుంట ప్రభాకర్‌, సత్యనారాయణ తదితరులు పెద్ద సంఖ్యలో పాల్గొన్నారు. వెంకటాద్రిపురంలో ప్రతీకార హత్య కొమ్ముగూడెంలో రైతుల నిరసన

కైకలూరు: అమ్మా పెద్దింట్లమ్మా.. మాపై నీ కరుణ చూపవమ్మా.. అంటూ ఆర్తితో అమ్మను భక్తులు వేడుకున్నారు. కొల్లేటికోట పెద్దింట్లమ్మను సమీప జిల్లాల నుంచి వందలాది మంది ఆదివారం దర్శించుకున్నారు. గుడి చుట్టూ ప్రదక్షణలు అనంతరం వేడినైవేద్యాలను సమర్పించారు. మహిళలు భక్తితో పాలపొంగళ్లు అందించారు. ఆలయ ఉప ప్రధాన అర్చకుడు పేటేటి పరమేశ్వరశర్మ పూజా కార్యక్రమాలు నిర్వహించారు. ఆదివారం ఒక్క రోజు ప్రత్యేక, అంతరాలయ దర్శనాలు, పెద్ద, చిన్న తీర్థాలు, లడ్డూ ప్రసాదం, గదుల అద్దెలు, అమ్మవారి చిత్రపటాల విక్రయం, వాహన పూజలు, విరాళాల ద్వారా రూ.42,565 ఆదాయం లభించిందని ఆలయ ఈవో కూచిపూడి శ్రీనివాసు తెలిపారు. ముదినేపల్లి రూరల్‌: ప్రసిద్ధి చెందిన సింగరాయపాలెం – చేవూరుపాలెం సెంటర్‌లోని శ్రీ సుబ్రహ్మణ్యేశ్వర స్వామి ఆలయానికి ఆదివారం భక్తులు పోటెత్తారు. సుదూర ప్రాంతాల నుంచి తరలివచ్చిన భక్తులు ఆలయంలోని పుట్టలో పాలు పోసి, స్వామివారిని దర్శించుకున్నారు. మహిళలు పాలపొంగళ్ల శాల వద్ద నైవేద్యాలు తయారుచేసి స్వామికి సమర్పించారు. నాగబంధాల వద్ద, గోశాలలోని గోవులకు పసుపు కుంకుమలతో పూజలు చేశారు. అన్నదాన కార్యక్రమానికి భక్తులు పెద్దఎత్తున తరలిరావడంతో, ఆలయ సహాయ కమిషనర్‌ ఆర్‌. గంగాశ్రీదేవి, చైర్మన్‌ బొంగు రవికుమార్‌, పాలకవర్గ సభ్యుల ఆధ్వర్యంలో తగిన ఏర్పాట్లు చేశారు. పెదవేగి: నిరంతర సాధన, క్రమశిక్షణతో కూడిన ప్రణాళిక ఉంటేనే విద్యార్థులలోని ప్రతిభ మెరుగుపడుతుందని పెదవేగి సాంఘిక సంక్షేమ గురుకుల విద్యాలయం ప్రిన్సిపాల్‌ ఎం. రమేష్‌ బాబు అన్నారు. స్థానిక గురుకుల విద్యాలయంలో ఉమ్మడి జిల్లా స్థాయి అండర్‌–19 బాలుర జిల్లా జట్ల ఎంపికలు నిర్వహించారు. కబడ్డీ, వాలీబాల్‌, ఖో–ఖో, యోగాతో పాటు బాలుర, బాలికల విభాగాలలో చెస్‌ జట్లను ఉమ్మడి జిల్లా ప్రాతిపదికన ఎంపిక చేశారు. ఈ ఎంపిక పోటీలకు జిల్లా నలుమూలల నుంచి సుమారు 500 మంది క్రీడాకారులు ఉత్సాహంగా పాల్గొన్నారు. ఈ కార్యక్రమంలో కళాశాల ప్రిన్సిపాల్‌ ఎం. రమేష్‌ బాబు, అండర్‌–19 ఆర్గనైజింగ్‌ సెక్రటరీ కందికొండ జయరాజు, పీడీలు రాజ్యలక్ష్మి, కుమార్‌, తారక, రాజకుమారి, శ్రీలక్ష్మి తదితరులు పాల్గొని జట్ల ఎంపిక ప్రక్రియలో తమ వంతు సహాయ సహకారాలు అందించారు. ఉంగుటూరు: చేబ్రోలు గ్రామానికి చెందిన కడియాల సత్యనారాయణ (89) అనారోగ్యంతో ఇంటి వద్దనే మృతి చెందారు. అయితే, ఆయన మృతిపై అనుమానాలున్నాయని సత్యనారాయణ భార్య మేనల్లుడైన వల్లూరి దుర్గప్రసాద్‌ ఇచ్చిన ఫిర్యాదు మేరకు చేబ్రోలు ఎస్సై సూర్యభగవాన్‌ కేసు నమోదు చేసి దర్యాప్తు చేస్తున్నారు.

ఉంగుటూరు: జాతీయ రహదారికి కూతవేటు దూరంలో బాదంపూడి వై జంక్షన్‌ వద్ద స్టేట్‌ హైవేపై ఆదివారం మధ్యాహ్నం ఆర్‌టీసీ బస్సు – చేపల వ్యాను ఢీకొన్నాయి. ఈ ప్రమాదంలో ఉంగుటూరు, కొత్తగూడెంలకు చెందిన ఏడుగురు గాయపడ్డారు. క్షతగాత్రులందరూ వ్యానులో ఉన్నవారే. విజయవాడ నుంచి అమలాపురం వెళ్తున్న ఆర్‌టీసీ బస్సు, తాడేపల్లిగూడెం నుంచి ఉంగుటూరు వైపు వస్తున్న చేపల వ్యాను అక్కడ ఉన్న మలుపు వద్ద ఎదురెదురుగా ఢీకొన్నాయి. దీంతో చేపల వ్యాను బోల్తా పడింది. ఈ ప్రమాదంలో వ్యాను, బస్సు ముందు భాగాలు దెబ్బతిన్నాయి. గాయపడిన వారిలో కొత్తగూడెం గ్రామానికి చెందిన కె. యేసు (33), ఎ. దేవదాసు (50), ఉంగుటూరు గ్రామానికి చెందిన ఎ. శ్రీనివాసు (50), రాంబాబు (44), జి. శివ (38), సీహెచ్‌. త్రిమూర్తులు (42), అలాగే శింగరాజుపాలెం గ్రామానికి చెందిన సాయికుమార్‌ (28) ఉన్నారు. వీరందరికీ ప్రాణాపాయం లేదని, అందరి పరిస్థితి నిలకడగా ఉందని వైద్యులు తెలిపారు. క్షతగాత్రులను హైవే అంబులెన్స్‌లో తాడేపల్లిగూడెం ఏరియా ప్రభుత్వ ఆసుపత్రికి తరలించారు. ప్రస్తుతం వారంతా అక్కడ చికిత్స పొందుతున్నారు. చేబ్రోలు పోలీసులు ప్రమాద స్థలాన్ని పరిశీలించి కేసు నమోదు చేసి దర్యాప్తు చేస్తున్నారు.

భీమవరం: చింతలపాటి బాపిరాజు మెమోరియల్‌ ఉన్నత పాఠశాలలో జన విజ్ఞాన వేదిక ఆధ్వర్యంలో జిల్లా స్థాయి చెకుముకి సైన్స్‌ సంబరాలు–2026 ఘనంగా జరిగాయి. జిల్లావ్యాప్తంగా 35 జట్లు ఉత్సాహంగా పాల్గొన్న ఈ పోటీల్లో భాగంగా తొలుత మండల విద్యాశాఖ అధికారి కేఎస్‌ సీహెచ్‌ సాయిరాం, జేవీవీ నాయకులు వీరాస్వామి పతాకాలను ఆవిష్కరించి సైన్స్‌ టాలెంట్‌ టెస్ట్‌ను ప్రారంభించారు. అనంతరం జరిగిన బహుమతి ప్రదానోత్సవ సభకు చెకుముకి జిల్లా కన్వీనర్‌ రేపాక వెంకన్నబాబు అధ్యక్షత వహించగా, డీఎన్‌ఆర్‌ కళాశాల అసోసియేషన్‌ జాయింట్‌ సెక్రటరీ కె. రామకృష్ణంరాజు ముఖ్య అతిథిగా విచ్చేసి విజేతలు ఇదే స్ఫూర్తితో నూతన ఆవిష్కరణలు చేసి భావి శాస్త్రవేత్తలుగా ఎదగాలని ఆకాంక్షించారు. విజేతల వివరాలు ఇలా.. ఈ పోటీల్లో ప్రభుత్వ పాఠశాలల విభాగంలో భీమవరంలోని శ్రీ ఉమా సోమేశ్వర మున్సిపల్‌ ఉన్నత పాఠశాల విద్యార్థులు ప్రథమ స్థానం సాధించగా, కస్పా పెంటపాడు జెడ్పీ ఉన్నత పాఠశాల ద్వితీయ, మార్టేరు బీడీ జెడ్పీ బాలికల ఉన్నత పాఠశాల తృతీయ స్థానాలను దక్కించుకున్నాయి. అలాగే ప్రైవేట్‌ పాఠశాలల విభాగంలో పాలకొల్లు ఆదిత్య స్కూల్‌ ప్రథమ, పెదఅమిరం వెస్ట్‌ బెర్రీ ఉన్నత పాఠశాల ద్వితీయ, ఆకివీడు విజ్ఞాన్‌ ఇంగ్లీష్‌ మీడియం ఉన్నత పాఠశాల తృతీయ స్థానాల్లో నిలిచాయి. విజేతలకు ప్రశంసా పత్రాలు, జ్ఞాపికలు అందజేశారు. ఇందులో ప్రథమ స్థానం సాధించిన విద్యార్థులు నవంబరు 1 నుంచి జరిగే రాష్ట్రస్థాయి పోటీలకు ఎంపికై నట్లు నిర్వాహకులు ప్రకటించారు. ఈ కార్యక్రమంలో పాఠశాల ప్రధానోపాధ్యాయులు బి. శ్రీనివాసరావు, విశ్రాంత డీఈఓ ఐఎస్‌ఎస్‌. ప్రసాదరాజు, జేవీవీ జిల్లా అధ్యక్ష ప్రధాన కార్యదర్శులు జామాను రామలక్ష్మణరావు, మల్లుల శ్రీనివాస్‌ తదితరులు పాల్గొన్నారు.

ఏలూరు (ఆర్‌ఆర్‌పేట): విజయవాడలో శాంతియుతంగా ఆందోళన చేస్తున్న సచివాలయ ఉద్యోగులను ప్రభుత్వం అరెస్టు చేయడం దుర్మార్గమని సీఐటీయూ జిల్లా ప్రధాన కార్యదర్శి డీఎన్వీడీ ప్రసాద్‌ తీవ్రంగా ఖండించారు. స్థానిక సీఐటీయూ కార్యాలయంలో కే. శ్రీనివాస్‌ అధ్యక్షతన నిర్వహించిన జిల్లా విస్తృత సమావేశంలో ఆయన మాట్లాడారు. పనిభారం తగ్గించాలని, వేధింపులు ఆపాలని, పని ఒత్తిడితో మరణించిన ఉద్యోగుల కుటుంబాలను ఆదుకోవాలని కోరుతున్నా ప్రభుత్వం పట్టించుకోకుండా నిర్లక్ష్యం చేస్తోందని విమర్శించారు. విజయవాడ ధర్నాచౌక్‌లో ఆందోళనకు వస్తున్న ఉద్యోగులను పోలీసులు బలవంతంగా అరెస్టు చేయడం, దౌర్జన్యాలకు పాల్పడడం గర్హనీయమన్నారు. ఉద్యోగులకు నోషనల్‌ ఇంక్రిమెంట్లు, ఆటోమేటిక్‌ అడ్వాన్స్‌మెంట్‌ స్కీమ్‌ అమలు చేయాలని, ప్రొబేషన్‌ అమలైన 9 నెలలకు అరియర్స్‌ చెల్లించాలని డిమాండ్‌ చేశారు. ఉద్యోగుల పోరాటానికి సీఐటీయూ సంపూర్ణ మద్దతు తెలుపుతుందని, ప్రభుత్వం వెంటనే చర్చలు జరిపి సమస్యలు పరిష్కరించాలని ఆయన కోరారు.

ద్వారకాతిరుమల: కుక్క కాటు చిన్న విషయమేనని నిర్లక్ష్యం చేస్తే ప్రాణాలకే ముప్పు వాటిల్లే ప్రమాదం ఉంది. రేబిస్‌ సోకిన కుక్కలు, పిల్లులు, ఇతర జంతువుల లాలాజలం ద్వారా ఈ వైరస్‌ మనుషులకు వ్యాపిస్తుంది. ఒకసారి వ్యాధి లక్షణాలు బయటపడిన తర్వాత రేబిస్‌ అత్యంత ప్రమాదకరంగా మారుతుంది. అందుకే జంతువుల కాటుకు గురైన వెంటనే వైద్యులను సంప్రదించడం అత్యంత కీలకం. రేబిస్‌పై ప్రజల్లో అవగాహన కల్పించేందుకు ప్రతి సంవత్సరం సెప్టెంబర్‌ 28న ప్రపంచ రేబిస్‌ దినోత్సవాన్ని నిర్వహిస్తున్నారు. రేబిస్‌ వ్యాధిని నివారించడంలో జంతువులకు టీకాలు వేయించడం, ప్రజలకు సకాలంలో చికిత్స అందించడం ప్రధానమైనవి. గాయాన్ని వెంటనే కడగాలి జంతువు కరిచిన వెంటనే గాయాన్ని సాధారణ (ఘాటైన రసాయనాలు లేని) సబ్బుతో, ప్రవహించే నీటితో 15 నిమిషాలపాటు బాగా కడగాలి. గాయాన్ని కట్టేయడం, ఇంటి చిట్కాలు పాటించడం వంటి వాటికి బదులుగా వీలైనంత త్వరగా సమీపంలోని వైద్య కేంద్రానికి వెళ్లాలి. వైద్యుల సూచనల మేరకు యాంటీ రేబిస్‌ వ్యాక్సిన్‌, అవసరమైతే రేబిస్‌ ఇమ్యూనోగ్లోబులిన్‌ తీసుకోవాలి. కాటు చిన్నదిగా కనిపించినా నిర్లక్ష్యం చేయకూడదు. వీధి కుక్కలపై చర్యలేవీ ఉమ్మడి జిల్లాలో పెరుగుతున్న వీధి కుక్కల బెడద, కుక్కకాటు కేసుల నేపథ్యంలో అధికారులు ప్రత్యేక దృష్టి సారించాలి. సుప్రీంకోర్టు ఆదేశాల మేరకు వీధి కుక్కల నియంత్రణకు స్టెరిలైజేషన్‌, యాంటీ రేబిస్‌ వ్యాక్సినేషన్‌ వంటి చర్యలను సమర్థవంతంగా అమలు చేయాలి. రేబిస్‌ సోకినవి, నయం కాని అనారోగ్యంతో ఉన్నవి, ప్రజలకు ప్రమాదకరంగా ఉన్న కుక్కల విషయంలో నిబంధనల ప్రకారం మాత్రమే ‘యూథనేషియా’ (మానవీయంగా మరణింపజేయడం) చేపట్టాలి. కుక్కకాట్ల నివారణకు పంచాయతీలు, మున్సిపాలిటీలు సమన్వయంతో ప్రత్యేక కార్యాచరణ చేపట్టి, ప్రజలకు రక్షణ కల్పించేలా వీధి కుక్కల నియంత్రణ చర్యలు చేపట్టాల్సిన అవసరం ఉంది. వ్యాక్సిన్‌ తప్పనిసరి రేబిస్‌ నియంత్రణలో పెంపుడు జంతువులకు సకాలంలో టీకాలు వేయించడం కీలకం. ముఖ్యంగా కుక్కలకు నిర్ణీత వయసులో యాంటీ రేబిస్‌ టీకా వేయించాలి. ఆ తరువాత కూడా పశువైద్యుల సూచన మేరకు బూస్టర్‌ డోసులు ఇప్పించాలి. పెంపుడు జంతువు ఏదైనా జంతువును కరిచినా, లేదా ఇతర జంతువులు దీన్ని కరిచినా వెంటనే పశువైద్యుడిని సంప్రదించాలి. జంతువుల కాటును నిర్లక్ష్యం చేయకుండా, టీకాల వివరాలను నమోదు చేసుకుని సకాలంలో టీకాలు వేయించాలి. ఇలా చేస్తే వ్యాధి వ్యాప్తిని తగ్గించవచ్చు. కుక్కకాటు కేసులు జిల్లాల వారీగా... కాలం పశ్చిమ గోదావరి జిల్లా ఏలూరు జిల్లా మొత్తం 2024 (మొత్తం) 24,121 9,570 33,691 2025 జనవరి నుంచి ఆగస్టు 9,576 4,027 13,603 2025 సెప్టెంబర్‌ నుంచి ఇప్పటి వరకు సుమారు 15 వేలకుపైగా కేసులు పెంపుడు కుక్కలకు సకాలంలో రేబిస్‌ వ్యాక్సిన్‌లు వేయించాలి. కుక్క పిల్లలకు 3 నెలల వయసులో తొలి రేబిస్‌ టీకా వేయించాలి. ఆ తర్వాత ఏడాదికి ఒకసారి బూస్టర్‌ డోస్‌ తప్పనిసరిగా ఇప్పించాలి. కుక్కలు, పిల్లులు తదితర జంతువులు కరిచినా, గీరినా నిర్లక్ష్యం చేయకుండా వెంటనే వైద్యుడిని సంప్రదించాలి. జంతువుల కాటుతో రేబిస్‌ ముప్పు ఉన్నందు వల్ల సకాలంలో చికిత్స, టీకాలు తీసుకోవడం ద్వారా ప్రాణాపాయాన్ని నివారించవచ్చు. – అంగర సురేష్‌, మండల పశువైద్యాధికారి, ద్వారకాతిరుమల రేబిస్‌ పట్ల అప్రమత్తతతో ప్రాణ రక్షణ వీధికుక్కల బెడదతో పెరుగుతున్న ముప్పు కాటుపడిన వెంటనే చికిత్సతో రేబిస్‌కు అడ్డుకట్ట నేడు ప్రపంచ రేబిస్‌ దినోత్సవం

భీమవరం: మోటార్‌సైకిళ్ల చోరీ కేసులో నిందితుడిని పోలీసులు అదుపులోకి తీసుకున్నారు. వివరాల ప్రకారం తణుకు చెందిన తలకొక్కుల నవీన్‌ ప్రేమ్‌ హైదరాబాద్‌లో డ్రైవింగ్‌ పనిచేస్తున్నాడు. చెడు వ్యసనాలకు లోనై మోటార్‌ సైకిళ్ల చోరీకి పాల్పడుతున్నాడు. ఈ క్రమంలో లంకపేట రైల్వే అండర్‌పాస్‌ సమీపంలో అనుమానాస్పదంగా తిరుగుతున్న అతడిని పోలీసులు అదుపులోకి తీసుకున్నారు. చోరీ చేసిన బైకులను అండర్‌పాస్‌ సమీపంలోని తుప్పల్లో దాచినట్లు నిందితుడు విచారణలో తెలపడంతో, అతడు చూపించిన ప్రదేశం నుంచి 5 మోటారు సైకిళ్లను స్వాధీనం చేసుకున్నట్లు పోలీసులు వెల్లడించారు. స్వాధీనం చేసుకున్న వాహనాల్లో... ఏపీ 39 ఈఎన్‌ 2160 (సుజుకి యాక్సెస్‌), ఏపీ 39 క్యూఈ 0116 (వెస్పా), ఏపీ 40 కేక్యూ 5098 (అప్రిలియా ఎస్‌ఆర్‌–125), ఏపీ 37 సీఎల్‌ 8651 (హోండా సీబీ యూనికార్న్‌), ఏపీ 37 డీహెచ్‌ 6166 (హోండా యాక్టివా – వైట్‌) ఉన్నాయి. ఈ కేసుకు సంబంధించి దర్యాప్తు కొనసాగుతోందని పోలీసులు తెలిపారు.

● స్కూలుకు వెళ్లి ఇంటికి రాని బాలిక ● మంగళగిరిలో కనిపించడంతో కథ సుఖాంతం తణుకు అర్బన్‌: పాఠశాలకు వెళ్లి ఇంటికి తిరిగి రాకుండా అదృశ్యమైన బాలిక ఉదంతం సుఖాంతమైంది. తణుకు మండలం వేల్పూరు గ్రామానికి చెందిన కావాలిపురపు సత్యనారాయణ కుమార్తె పూజిత (13) స్థానిక శ్రీశారద శాంతి నికేతన్‌ పాఠశాలలో 8వ తరగతి చదువుతోంది. శనివారం మధ్యాహ్నం ఎప్పటిలాగే తండ్రి తన ఇద్దరు కుమార్తెలను భోజనం నిమిత్తం ఇంటికి తీసుకువచ్చి, తిరిగి పాఠశాలలో దింపి వెళ్లారు. సాయంత్రం పాఠశాల విడిచిపెట్టిన తర్వాత చిన్న కుమార్తె మాత్రమే ఇంటికి రావడంతో, పెద్ద కుమార్తె పూజిత రాలేదని గ్రహించిన తల్లిదండ్రులు ఆందోళనకు గురయ్యారు. స్నేహితులు, బంధువుల ఇళ్లలో వెతికినా ఆచూకీ లభించకపోవడంతో శనివారం సాయంత్రం తణుకు రూరల్‌ పోలీసులకు ఫిర్యాదు చేశారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. సీసీటీవీ పుటేజీల ఆధారంగా గాలింపు పోలీసులు స్థానికంగా ఉన్న సీసీటీవీ పుటేజీలను పరిశీలించగా.. మధ్యాహ్నం సమయంలో పాఠశాల లోపలికి వెళ్లకుండా, స్కూలు యూనిఫామ్‌లో ఉన్న పూజిత ఎలాంటి స్కూలు బ్యాగ్‌ లేకుండా ఒంటరిగా నడుచుకుంటూ వెళ్తున్నట్లు గుర్తించారు. చదువులో వస్తున్న మార్కులపై తల్లిదండ్రులు ఒత్తిడి చేస్తుండటంతోనే ఆమె మనస్తాపం చెంది ఇంటి నుంచి వెళ్లినట్లు అనుమానించారు. ఈ ఘటన సోషల్‌ మీడియాలో సైతం విపరీతంగా వైరల్‌ అయింది. మంగళగిరిలో ప్రత్యక్షం పాఠశాల వద్ద నుంచి బయటకు వచ్చేసిన పూజిత ఆర్టీసీ బస్సులో మంగళగిరి చేరుకున్నట్లు సమాచారం. రాత్రి అక్కడే గడిపిన బాలికను, ఆదివారం ఉదయం బస్టాండ్‌లో ఒక మహిళ గుర్తించి ప్రశ్నించారు. యూనిఫామ్‌లో ఉండటం, స్కూల్‌ ఐడెంటిటీ కార్డులోని వివరాల ఆధారంగా ఆమె కుటుంబ సభ్యులకు ఫోన్‌ ద్వారా సమాచారం అందించారు. అనంతరం ఆ బాలికను స్థానిక పోలీస్‌స్టేషన్‌లో అప్పగించారు. అక్కడి నుంచి తణుకు పోలీస్‌స్టేషన్‌కు సమాచారం అందడంతో, పోలీసులు బాలికను సురక్షితంగా తీసుకురావడానికి మంగళగిరి వెళ్లినట్లు సమాచారం.

డిజిటల్‌ పర్యాటకానికి వేళాయె.. ద్వారకాతిరుమల: పర్యాటకంగా చూస్తే ఉమ్మడి పశ్చిమగోదావరి జిల్లాకు ప్రత్యేకమైన గుర్తింపు ఉంది. ప్రకృతి అందాలు, ఆధ్యాత్మిక క్షేత్రాలు, చారిత్రక ప్రదేశాలు, నదీ తీరాలు, సముద్రతీరాలు.. ఇలా భిన్నమైన పర్యాటక అనుభూతులను ఒకే ప్రాంతంలో ఆస్వాదించే అవకాశం ఉంది. నేడు ప్రపంచ పర్యాటక దినోత్సవం సందర్భంగా ఈ ప్రాంతంలోని పర్యాటక వైభవం మరోసారి చర్చకు వస్తోంది. కొల్లేరు.. పక్షుల కిలకిల ఏలూరు జిల్లాలోని కొల్లేరు సరస్సు ప్రకృతి ప్రేమికులకు ప్రత్యేక ఆకర్షణ. కొల్లేరు పక్షుల అభయారణ్యం వలస పక్షులకు ఆవాసంగా నిలుస్తోంది. ముఖ్యంగా అక్టోబర్‌ నుంచి మార్చి వరకు వివిధ ప్రాంతాల నుంచి వలస పక్షులు ఇక్కడకు వస్తాయి. సరస్సు పరిసర ప్రాంతాలు పక్షి వీక్షణకు అనువైన ప్రాంతాలుగా గుర్తింపు పొందాయి. పాపికొండలు.. గోదావరి అందాలు గోదావరి నదిని ఆనుకుని విస్తరించిన పాపికొండలు ప్రకృతి సౌందర్యానికి ప్రతీకగా నిలుస్తున్నాయి. కొరుటూరు వైపు నుంచి పాపికొండల ప్రవేశ ప్రాంతాన్ని చూడొచ్చు. గోదావరి నదిలో బోటు ప్రయాణం, కొండల మధ్య సాగే ప్రకృతి దృశ్యాలు పర్యాటకులను ఆకట్టుకుంటాయి. మార్గమధ్యంలో పట్టిసీమ, పేరంటాలపల్లి వంటి ప్రాంతాలు కూడా ప్రత్యేక ఆకర్షణగా నిలుస్తాయి. ద్వారకాతిరుమల చినవెంకన్న దర్శనం ఆధ్యాత్మిక పర్యాటకంలో ద్వారకాతిరుమలకు ప్రత్యేక స్థానం ఉంది. చిన్నతిరుపతిగా పేరొందిన శ్రీ వేంకటేశ్వరస్వామి ఆలయానికి రాష్ట్రంలోని వివిధ ప్రాంతాల నుంచే కాకుండా ఇతర రాష్ట్రాల నుంచి కూడా భక్తులు వస్తుంటారు. దర్శనంతోపాటు ఆలయ పరిసరాల్లోని ఆధ్యాత్మిక వాతావరణం పర్యాటకులకు ప్రత్యేక అనుభూతిని అందిస్తుంది. ద్వారకాతిరుమల నుంచి 25 కిలో మీటర్ల దూరంలో ఉన్న గుర్వాయిగూడెంలోని మద్ది ఆంజనేయస్వామి ఆలయం కూడా సందర్శించదగిన క్షేత్రం. పంచారామాల వైభవం పశ్చిమగోదావరి జిల్లాలోని పాలకొల్లు క్షీరారామం, భీమవరం సోమారామం ఆధ్యాత్మిక పర్యాటకానికి ప్రధాన కేంద్రాలు. పాలకొల్లులోని క్షీరారామలింగేశ్వరస్వామి ఆలయం పంచారామ క్షేత్రాల్లో ఒకటిగా గుర్తింపు పొందింది. భీమవరంలోని సోమేశ్వర జనార్దనస్వామి ఆలయం కూడా పంచారామాల్లో ఒకటిగా ప్రసిద్ధి చెందింది. అమ్మవారి ఆలయాలు.. ఆధ్యాత్మిక సందడి భీమవరంలోని శ్రీ మావుళ్లమ్మ అమ్మవారి ఆలయం కూడా ప్రముఖ దర్శనీయ స్థలంగా ఉంది. స్థానిక సంప్రదాయాలు, వార్షిక ఉత్సవాలు ఈ ప్రాంతానికి ప్రత్యేక సాంస్కృతిక గుర్తింపును తెస్తున్నాయి. పేరుపాలెం.. సముద్ర కెరటాల సందడి నరసాపురం పరిసర ప్రాంతాల్లోని పేరుపాలెం, మొల్లపర్రు సముద్రతీరాలు పర్యాటకులకు మరో ఆకర్షణ. పచ్చని పొలాలు, కొబ్బరి తోటల మధ్యగా సాగి సముద్రతీరానికి చేరుకోవడం ప్రత్యేక అనుభూతిని కలిగిస్తుంది. పేరుపాలెం బీచ్‌ నరసాపురం నుంచి సుమారు 20 కిలోమీటర్ల దూరంలో ఉంది. గుంటుపల్లి.. చరిత్రకు సాక్ష్యం కామవరపుకోట మండలంలో గుంటుపల్లి బౌద్ధ గుహలు చారిత్రక, పురావస్తు ప్రాధాన్యం కలిగిన ప్రాంతం. కొండను తొలిచి నిర్మించిన గుహలు ప్రాచీన బౌద్ధ సంప్రదాయానికి ఆనవాళ్లుగా నిలుస్తున్నాయి. ఇవి జిల్లా కేంద్రం నుంచి సుమారు 40 కిలోమీటర్ల దూరంలో ఉన్నాయి. ప్రపంచ పర్యాటక దినోత్సవం 2026 థీమ్‌గా ‘డిజిటల్‌ అజెండా అండ్‌ ఆర్టిఫిషియల్‌ ఇంటెలిజెన్స్‌ టు రీడిజైన్‌ టూరిజం’ను నిర్ణయించారు. పర్యాటక ప్రాంతాలను డిజిటల్‌ మ్యాపింగ్‌, వర్చువల్‌ అనుభవాలు, ఏఐ ఆధారిత ప్రయాణ ప్రణాళికలు, బహుభాషా సమాచారంతో మరింత చేరువ చేయడం భవిష్యత్‌ పర్యాటకంలో కీలకంగా మారనుంది. ఉమ్మడి పశ్చిమగోదావరి జిల్లాలో ప్రకృతి, ఆధ్యాత్మికం, చరిత్ర, సముద్రతీరం ఇలా విభిన్న పర్యాటక వనరులు ఉన్న నేపథ్యంలో వాటిని సమగ్రంగా అభివృద్ధి చేసి, డిజిటల్‌ వేదికల ద్వారా విస్తృతంగా ప్రచారం చేస్తే స్థానిక పర్యాటకానికి మరింత ఊతం లభించే అవకాశం ఉంది. ప్రకృతి.. ఆధ్యాత్మికం.. చరిత్ర.. సాగరం.. అన్నీ ఉమ్మడి జిల్లాలోనే ద్వారకాతిరుమల, పాలకొల్లు, భీమవరంలో ఆధ్యాత్మిక వైభవం పేరుపాలెం తీరంలో సందడి.. గుంటుపల్లి గుహల్లో చారిత్రక ఆనవాళ్లు నేడు ప్రపంచ పర్యాటక దినోత్సవం

భీమవరం: రాజ్యాంగాన్ని పరిరక్షించవలసిన బాధ్యత న్యాయవాదులపై ఎంతైనా ఉందని ఏపీ బార్‌ కౌన్సిల్‌ సభ్యుడు సుంకర రాజేంద్రప్రసాద్‌ అన్నారు. భీమవరంలో శనివారం దిగుపాటి రాజగోపాల్‌ అధ్యక్షతన జరిగిన ఆలిండియా లాయర్స్‌ యూనియన్‌ 11వ జిల్లా మహాసభలో ఆయన ముఖ్య అతిథిగా మాట్లాడారు. భారత రాజ్యాంగం కల్పించిన పౌర హక్కులను నేటి పాలకులు హరించివేస్తున్నారని, కనీసం ప్రశ్నించే హక్కు కూడా లేకుండా పోతోందని ఆయన ఆవేదన వ్యక్తం చేశారు. న్యాయవాది వృత్తి ప్రశ్నలతోనే ప్రారంభమవుతుందని, అదే స్ఫూర్తిని కొనసాగిస్తూ న్యాయవాదులు రాజ్యాంగాన్ని, ప్రజలను పాలకుల నుంచి కాపాడాలని పిలుపునిచ్చారు. యువ న్యాయవాదులు తీర్పులను క్షుణ్ణంగా చదవాలని, ప్రజల పక్షాన నిలబడి ప్రజా సమస్యలపై పోరాడేందుకు ముందుకు రావాలని కోరారు. న్యాయవాదులు కేవలం వృత్తికే పరిమితం కాకుండా, ప్రజా జీవితంలో భాగం కావాలని ఆలిండియా లాయర్స్‌ యూనియన్‌ ఆకాంక్షించారు. ఈ మహాసభలో బార్‌ అసోసియేషన్‌ అధ్యక్షుడు వై. న్యూటన్‌, బడుగు అశోక్‌ బాబు, పాముల చిట్టిబాబు, కొవ్వూరి అప్పిరెడ్డి, శ్రీరామ్‌ మూర్తి, రామాని కాస్ట్రో, కామన మునిస్వామి, పుట్టా వేణుగోపాలచౌదరి, కట్టా సత్యనారాయణ తదితరులు పాల్గొన్నారు.

నూజివీడు: పట్టణంలోని ఏరియా ఆసుపత్రిలో ఈ ఏడాది ఆగస్టు 16న యువకుడు మృతి చెందిన ఘటనపై శనివారం విచారణ నిర్వహించారు. బోర్వంచకు చెందిన రామకూరి ప్రేమ్‌బాబు (33) కడుపులో నొప్పిగా ఉండటం, వాంతులు అవుతుండటం, యూరిన్‌ కూడా రాకపోవడంతో ఆగస్టు 15న మధ్యాహ్నం ప్రభుత్వ ఏరియా ఆసుపత్రిలో జాయిన్‌ అయ్యాడు. అయితే అతను ఆసుపత్రిలోనే తరువాత రోజు ఉదయం చనిపోయాడు. దీంతో అతని తల్లిదండ్రులు, బంధువులు ఆందోళన చేయడంతో పాటు ఆ తరువాత సబ్‌కలెక్టర్‌కు, ఉన్నతాధికారులకు తమ కుమారుడికి సరిగా వైద్యం చేయకపోవడం వల్లనే చనిపోయాడని ఫిర్యాదు చేశారు. దీంతో ఉన్నతాధికారులు జంగారెడ్డిగూడెం ఏరియా ఆసుపత్రికి చెందిన వైద్యులు శారద, భీమడోలు సీహెచ్‌సీ వైద్యుడు ఆనంద్‌కుమార్‌, పాలకొల్లు ఏరియా ఆసుపత్రి ఆర్‌ఎంఓ డాక్టర్‌ జనార్ధన్‌ బాబులతో కూడిన బృందాన్ని విచారణ నిమిత్తం నియమించగా వారు నూజివీడు ఏరియా ఆసుపత్రికి వచ్చి విచారించారు. మృతుడి తల్లిదండ్రులను, డ్యూటీ చేసిన ఏఎన్‌ఎంలను, వైద్యుడిని విచారించి రాతపూర్వకంగా వారి స్టేట్‌మెంట్‌లను నమోదు చేసుకున్నారు. వైద్యుడు, నర్సులు పొంతన లేని అంశాలను తెలపడం గమనార్హం. యువకుడి కండీషన్‌ గురించి ఫోన్‌ చేస్తే పదేపదే ఫోన్‌ చేయొద్దని డాక్టర్‌ అనేవారని విచారణ బృందం వద్ద నర్సులు చెప్పారు. తల్లిదండ్రులు కూడా మూడు చోట్ల కలిపి ముగ్గురు నర్సులు విధుల్లో ఉండాల్సి ఉండగా ఒక్కరే ఉన్నారని, డాక్టర్‌ ఆ రాత్రంతా అసలు రాలేదని తెలిపారు. విచారణ నివేదికను తయారు చేసి ఉన్నతాధికారులకు పంపుతామని వైద్య బృందం పేర్కొంది.

అమలాపురం టౌన్‌: విశాఖ మద్దిలపాలెం డిపో నుంచి అమలాపురం వస్తున్న ఆర్టీసీ సర్వీసు శనివారం కోనసీమ జిల్లా అమలాపురంలోని బుద్ధ విహార్‌ వద్ద మెయిన్‌ రోడ్డుపై చెత్త కాగితాలు ఏరుకుంటున్న కావూరి పుష్ప (25)ను ఢీకొనడంతో ఆమె అక్కడికక్కడే మృతి చెందింది. పశ్చిమ గోదావరి జిల్లా భీమవరానికి చెందిన పుష్ప తన అన్నయ్య కావూరి చిన్నతో కలిసి ఆరు నెలల కిందట అమలాపురం వచ్చి చెత్త కాగితాలు ఏరుకుంటూ ఉపాధి పొందుతోంది. పుష్పకు వివాహం కాగా భర్తతో విడిపోయి అన్నయ్యతో ఉంటోంది. చెల్లెలు మృతదేహంపై పడి రోదిస్తున్న తీరు స్థానికులను కలచివేసింది. అతడి ఫిర్యాదు మేరకు ఎస్సై ఎన్‌ఆర్‌ కిశోర్‌బాబు కేసు నమోదు చేసి దర్యాప్తు చేస్తున్నారు.

ఏలూరు టౌన్‌: పెదవేగి పోలీస్‌ ట్రైనింగ్‌ సెంటర్‌లో శిక్షణ పూర్తి చేసుకున్న స్టైఫండరీ క్యాడెట్‌ ట్రైనీ పోలీస్‌ కానిస్టేబుల్స్‌ (ఎస్‌సీటీపీసీ) పాసింగ్‌ అవుట్‌ పరేడ్‌ ఘనంగా నిర్వహించారు. మొత్తం 136 మంది పోలీస్‌ కానిస్టేబుళ్లుగా శిక్షణ పొందారు. ఈ ప్రత్యేక పాసింగ్‌ అవుట్‌ పరేడ్‌కు రాష్ట్ర గృహ, సమాచార పౌరసంబంధాల శాఖ మంత్రి కొలుసు పార్థసారథి ముఖ్య అతిథిగా హాజరయ్యారు. శిక్షణ పూర్తి చేసుకున్న పోలీస్‌ సిబ్బంది నుంచి ఆయన గౌరవ వందనం స్వీకరించారు. ఏలూరు రేంజ్‌ ఐజీ జీవీజీ అశోక్‌కుమార్‌, జిల్లా కలెక్టర్‌ వెట్రిసెల్వి, ఎమ్మెల్యే బడేటి చంటి, అసిస్టెంట్‌ కలెక్టర్‌ సీహెచ్‌ శ్రావణ్‌కుమార్‌ రెడ్డి పాసింగ్‌ అవుట్‌ పరేడ్‌ వేడుకల్లో పాల్గొన్నారు. ఈ సందర్భంగా పోలీస్‌ శిక్షణ అందించిన బృందానికి, అలాగే శిక్షణలో క్రమశిక్షణ, క్రీడలు, ప్రతిభ కనబరిచిన ఉత్తమ క్యాడెట్లకు జ్ఞాపికలు అందజేశారు. అంకితభావంతో విధులు నిర్వర్తించాలి రాష్ట్ర మంత్రి పార్థసారథి మాట్లాడుతూ సమాజంలో శాంతిభద్రతల పరిరక్షణ, ప్రజలకు ఉత్తమ సేవలు అందించడంలో నూతనంగా పోలీస్‌ కానిస్టేబుళ్లుగా బాధ్యతలు చేపట్టిన వారు అంకితభావంతో పనిచేయాలని పిలుపునిచ్చారు. ఏలూరు రేంజ్‌ ఐజీ అశోక్‌కుమార్‌ మాట్లాడుతూ పోలీస్‌ విధుల్లో అంకితభావం, క్రమశిక్షణ, నిజాయితీ, ప్రజల పట్ల బాధ్యతాయుత వైఖరి ఎంతో ప్రాముఖ్యమైనవని సూచించారు. ఏలూరు జిల్లా పెదవేగి పీటీసీలో మంచి శిక్షణ అందించినందుకు ఏలూరు జిల్లా ఎస్పీ కేపీ శివకిషోర్‌ను ఆయన అభినందించారు. కలెక్టర్‌ వెట్రిసెల్వి మాట్లాడుతూ సుదీర్ఘమైన కఠిన శిక్షణను విజయవంతంగా పూర్తి చేసుకుని ప్రజారక్షణ విధుల్లోకి అడుగు పెడుతున్న కానిస్టేబుళ్లకు శుభాకాంక్షలు తెలిపారు. ఈ కార్యక్రమంలో అదనపు ఎస్పీ వై.ప్రసాద్‌రావు, ఏఆర్‌ అదనపు ఎస్పీ జీ.మునిరాజా, మాజీ ఎమ్మెల్యే మురళీరామకృష్ణ, ఏలూరు డీఎస్పీ డీ.శ్రావణ్‌కుమార్‌, పెదవేగి పోలీస్‌ ట్రైనింగ్‌ అధికారులు, శిక్షణ పూర్తి చేసుకున్న పోలీస్‌ సిబ్బంది, వారి కుటుంబ సభ్యులు పాల్గొన్నారు.

నూజివీడు: పట్టణంలోని కుమార్‌ హైస్కూల్‌కు చెందిన ఎన్‌సీసీ జూనియర్‌ వింగ్‌ క్యాడెట్లు సీహెచ్‌ పోషక సాయి, ఆర్‌ అనూష ఆల్‌ ఇండియా స్థాయి క్యాంపునకు ఎంపికై నట్లు ప్రిన్సిపాల్‌ పిన్నమనేని వెంకట కుమార్‌ శనివారం తెలిపారు. వీరు మధ్యప్రదేశ్‌లోని గ్వాలీయర్‌లో నిర్వహించే రాక్‌ క్లైంబింగ్‌ ట్రైనింగ్‌ క్యాంప్‌లో పాల్గొంటారన్నారు. శిక్షణా శిబిరం ఈనెల 28 నుంచి అక్టోబర్‌ 10 వరకు జరుగనుందన్నారు. విద్యార్థులను ప్రిన్సిపాల్‌తో పాటు కరస్పాండెంట్‌ పిన్నమనేని సంధ్యాలక్ష్మి, ఉపాధ్యాయులు అభినందించారు. కాళ్ల: కాళ్ళకూరు గ్రామంలో వేంచేసియున్న స్వయంభు శ్రీ వేంకటేశ్వర స్వామివారి పవిత్రోత్సవాలు గత నాలుగు రోజులుగా వైభవంగా జరుగుతున్నాయి. ఉత్సవాల్లో చివరి రోజు భాద్రపద పౌర్ణమి శనివారం స్వామివారికి సప్త నదుల జలాలతో జలాభిషేకం నిర్వహించారు. ముందుగా సప్త నదులైన గోదావరి, సరస్వతి, యమునా, గంగా, కృష్ణ, కావేరి, నర్మద నదుల నుంచి తీసుకొచ్చిన జలాలతో గ్రామంలో శోభయాత్ర నిర్వహించారు. అనంతరం స్వామివారికి అష్టోత్తర శత కలశార్చన, సప్త నదీ జలాభిషేకం, శాంతి కల్యాణ మహోత్సవం ఘనంగా నిర్వహించారు. చుట్టుపక్కల ప్రాంతాల నుంచి పెద్ద ఎత్తున భక్తులు తరలివచ్చి స్వామివారిని దర్శించుకున్నారు. ఆలయ చైర్మన్‌ అడ్డాల శివరామరాజు, ధర్మకర్తల మండలి సభ్యులు, కార్యనిర్వహణాధికారి మోకా అరుణ్‌ కుమార్‌ ఏర్పాట్లను పర్యవేక్షించారు. తాడేపల్లిగూడెం (టీఓసీ): స్థానిక గోదావరి కాలువలో దూకి అదృశ్యమైన యువతి మృతదేహాన్ని శనివారం సాయంత్రం అగ్నిమాపక శాఖ సిబ్బంది వెలికితీశారు. ఈ ఘటనకు సంబంధించి ఫైర్‌ ఆఫీసర్‌ మురళి కొండబాబు శనివారం సాయంత్రం వివరాలు వెల్లడించారు. పట్టణంలోని 25వ వార్డు యాగర్లపల్లికి చెందిన ఎం. నాగమణి (23) ఏలూరు కాలువలో దూకినట్లు అనుమానంగా ఉందని, ఆమె కుటుంబ సభ్యులు శుక్రవారం ఉదయం 10 గంటల సమయంలో తమకు సమాచారం అందించినట్లు ఆయన తెలిపారు. దీంతో అగ్నిమాపక సిబ్బంది వెంటనే వాటర్‌ టెండర్‌ వాహనం, రెస్క్యూ బోటుతో ఘటనా స్థలానికి చేరుకుని గాలింపు చర్యలు చేపట్టారు. అయితే, రోజంతా వెతికినా ఆచూకీ లభించకపోవడం, చీకటి పడటంతో సహాయక చర్యలను తాత్కాలికంగా నిలిపివేశారు. శనివారం ఉదయం నుంచి రెస్క్యూ బోటు సహాయంతో తిరిగి గాలింపు చర్యలు పునరుద్ధరించారు. సాయంత్రం కూరెల్లగూడెం గ్రామం వద్ద నాగమణి మృతదేహాన్ని గుర్తించి వెలికితీశారు. అనంతరం పోలీసుల సమక్షంలో మృతదేహాన్ని కుటుంబ సభ్యులకు అప్పగించినట్లు ఫైర్‌ ఆఫీసర్‌ వివరించారు. భీమవరం: వైఎస్సార్‌సీపీ రాష్ట్ర అధికార ప్రతినిధి, నరసాపురం పార్లమెంట్‌ పరిశీలకుడు ముదునూరి మురళీకృష్ణంరాజుకు పితృవియోగం కలిగింది. ఆయన తండ్రి రామరాజు శనివారం కాకినాడ జిల్లా ప్రత్తిపాడు నియోజకవర్గంలోని ధర్మవరంలోని స్వగృహంలో కన్నుమూశారు. మురళీకృష్ణంరాజును మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఫోన్‌లో పరామర్శించారు. రామరాజు మృతికి దారితీసిన పరిస్థితులను అడిగి తెలుసుకుని, తన ప్రగాఢ సంతాపాన్ని తెలియజేశారు. అలాగే శాసనమండలి చైర్మన్‌ కొయ్యే మోషేన్‌రాజుతోపాటు పలువురు నాయకులు మురళీకృష్ణంరాజును నేరుగా కలిసి పరామర్శించారు.

నూజివీడు ఏరియా ఆసుపత్రిలో గత ఆగస్టు 16న యువకుడు మృతి చెందిన సంఘటనపై శనివారం అధికారులు విచారణ నిర్వహించారు. 8లో uనీట మునిగిన చేలల్లో ముంపు నీరు బయటకు వెళ్లేలా రైతు లు చర్యలు తీసుకోవాలి. రెండు, మూడు రోజుల్లో నీరు పూ ర్తిగా బయటకు వెళితే పైరుకు పెద్దగా నష్టముండదు. పూర్తిగా నీరు బయటకు వెళ్లిన తర్వాతే పూర్తి నష్టం అంచనా వేయగలం. నీటి మునిగిన ప్రాంతాల్లో రైతులు ప్రత్యేక శ్రద్ధ తీసుకుని నీరు బయటకు వెళ్లేలా చూడాలి. – జి.సునీత, జిల్లా వ్యవసాయశాఖాధికారి, భీమవరం

పాసింగ్‌ అవుట్‌ పరేడ్‌ పెదవేగి పోలీస్‌ ట్రైనింగ్‌ సెంటర్‌లో శిక్షణ పూర్తి చేసుకున్న పోలీస్‌ కానిస్టేబుళ్ల (ఎస్‌సీటీపీసీ) పాసింగ్‌ అవుట్‌ పరేడ్‌ ఘనంగా నిర్వహించారు. 8లో uతీవ్ర వాయుగుండం ప్రభావంతో మూడు రోజులపాటు కురిసిన భారీ వర్షాలు సార్వా వరి పైరును నిండా ముంచేశాయి. డ్రెయినేజీ వ్యవస్థ అధ్వానంగా ఉండటం, ముంపు బయటకు వెళ్లే మార్గం లేకపోవడంతో చేలన్నీ నీళ్లలోనే నానుతున్నాయి. దీంతో పైరు కుళ్లిపోయే ప్రమాదం ఉందని రైతులు ఆందోళన చెందుతున్నారు. పశ్చిమగోదావరి జిల్లాలో సుమారు 5 వేల ఎకరాలకు పైగా, ఏలూరు జిల్లాలో 5,380 ఎకరాల్లో వరి చేలు ముంపు బారినపడినట్టు అధికారులు ప్రాథమికంగా అంచనా వేశారు. ఆదివారం శ్రీ 27 శ్రీ సెప్టెంబర్‌ శ్రీ 2026భీమవరం: పశ్చిమగోదావరి జిల్లాలోని 20 మండలాల్లో సుమారు 2.25 లక్షల ఎకరాల్లో సార్వా సాగు చేస్తున్నారు. జిల్లాలోని 107 గ్రామాల్లో చేలు ముంపులో ఉన్నాయి. ముందుగా నాట్లు వేసిన ప్రాంతాల్లో వరి పైరు ఈనిక, పొట్టదశలో, నాట్లు ఆలస్యమైన మెరక ప్రాంతాల్లో పైరు పిలకలు తొడిగే దశలో ఉన్నాయి. వేలాది ఎకరాల్లో.. తీవ్ర వాయుగుండంతో ఈనెల 23 నుంచి మూడు రోజుల పాటు ఎడతెరపి లేకుండా వర్షాలు కురిశాయి. పశ్చిమగోదావరి జిల్లాలో దాదాపు 3,720 మిల్లీమీటర్ల వర్షం కురిసింది. 23న 728 మి.మీ., 24న 1,794 మి.మీ., 25న 1,199 మి.మీ. వర్షపాతం నమోదయ్యింది. జిల్లాలో అత్యధికంగా తాడేపల్లిగూడెం మండలంలో 1,500 ఎకరాలు, అత్తిలిలో 650, తణుకులో 600, ఇరగవరంలో 375, పెనుమంట్ర మండలంలో 300 ఎకరాలు వరిచేలు మునిగినట్టు వ్యవసాయశాఖ ప్రాఽథమికంగా అంచనా వేసింది. అయితే ముంపు విస్తీర్ణం మరింత ఉంటుందని రైతు లు అంటున్నారు. శుక్ర, శనివారాల్లో ఎండ తీవ్రత పెరిగినా చేలల్లోని నీరు బయటకు వెళ్లడం లేదని, డ్రెయినేజీ వ్యవస్థ అస్తవ్యస్తంగా ఉండటమే కారణమని అంటున్నారు. మరో రెండు రోజులు ఇలా ఉంటే పైరు కుళ్లిపోతుందని వాపోతున్నారు. ఉద్యాన పంటలకు నష్టం తాడేపల్లిగూడెం: భారీ వర్షాలతో రాష్ట్రంలో 286 గ్రామాల్లో ఉద్యాన పంటలకు తీవ్ర నష్టం వాటిల్లిందని డాక్టర్‌ వైఎస్‌ఆర్‌ ఉద్యాన విశ్వవిద్యాలయ వీసీ కె.ధనుంజయరావు అన్నారు. శనివారం ఆయన వివరాలు వెల్లడించారు. 12 జిల్లాల్లోని 84 మండలాల్లో పంటలు దెబ్బతిన్నాయన్నారు. ప్రాథమిక అంచనాల ప్రకారం సుమారు 1,392 హెక్టార్లలో తో టలు మునిగి, 4,598 మంది రైతులకు సుమారు రూ.28.09 కోట్ల నష్టం వాటిల్లిందన్నారు. వరద నీ రు తగ్గుముఖం పట్టిన వెంటనే చేపట్టాల్సిన యా జమాన్య చర్యలు, జాగ్రత్తల గురించి రైతులకు ఉ ద్యాన వర్సిటీ ద్వారా అందిస్తామన్నారు. పరిశోధనా శాస్త్రవేత్తలు, ఉద్యాన శాస్త్రవేత్తలు రైతులకు అందుబాటులో ఉంటారన్నారు. తాడేపల్లిగూడెం: స్థానిక ప్రజాప్రతినిధి అసెంబ్లీలో ఎర్రకాలువ ముంపు, రైతుల కష్టాల గురించి ప్రస్తావించారు.. రికార్డుల కెక్కింది.. సరే.. క్షేత్రస్థాయిలో రై తులను ఆదుకునేందుకు ముందస్తు చర్యలేవి అంటూ వైఎస్సార్‌సీపీ తాడేపల్లిగూడెం నియోజకవర్గ కన్వీనర్‌ వడ్డి రఘురాం ప్రశ్నించారు. శనివారం తాడేపల్లిగూడెం మండలంలోని నందమూరు, మారంపల్లి, జగన్నాథపురం, మాధవరం, దండగర్రలో ముంపు ప్రాంతాల్లో పర్యటించారు. రైతుల కష్టాలను అడిగి తెలుసుకున్నారు. నందమూరు అక్విడెక్ట్‌ వద్ద గుర్రపుడెక్క నివారణకు చేపట్టిన పనులను పరిశీలించారు. ఈ సందర్భంగా ఆయన మాట్లాడుతూ కొన్నేళ్లుగా ఎర్రకాలువ ముంపు బెడద ఉంది, వర్షాకాలంలో వాగులు పొంగిపొర్లి ఎర్రగంగ ముంచేస్తోందన్నారు. ప్రభుత్వం దీని నివారణకు నిర్మాణాత్మక కార్యక్రమాలు చేపట్టడం లేదని, గండ్లు పడటం, తూతూమంత్రంగా పనులతో మమ అనిపిస్తున్నారని విమర్శించారు. సుమారు రూ.2 కోట్లతో ఎర్రకాలువ గండ్లు పూడ్చారు. అయినా ప్రయోజనం లేదన్నారు. అసెంబ్లీలో మైకులు పట్టుకుని మాట్లాడటమే కానీ క్షేత్రస్థాయిలో కార్యాచరణ ఉండదా అని ప్రశ్నించారు. సాగు, పొలాల ప రిస్థితిపై అధికారులతో ముందస్తు సమావేశాలు నిర్వహించారా? అని నిలదీశారు. రైతులు ఎకరాకు రూ.30 వేల వరకు పెట్టుబడి పెట్టారని, ముంపు నీరు ఇలానే ఉంటే పంట మొత్తం కుళ్లిపోతుందన్నారు. గత వైఎస్సార్‌సీపీ ప్రభుత్వం పంటల బీమాతో ఆదుకుంటే.. కూటమి ప్రభుత్వం పథకాన్ని ఎత్తేసిందని, దీంతో రైతులు నిండా మునిగిపోతున్నారన్నారు. మూడు రెట్లు పరిహారం ఇచ్చి రైతులను ఆదుకోవాలని డిమాండ్‌ చేశారు. లేకుంటే రైతుల తరఫున ఉద్యమిస్తామని హెచ్చరించారు. మండల పార్టీ అధ్యక్షుడు చిట్టూరి బాపన్న, సీనియర్‌ నాయకులు సతీష్‌, దానయ్య తదితరులు ఉన్నారు. వాయుగండం రైతులను నిండా ముంచిన భారీ వర్షాలు ఉమ్మడి జిల్లాలో 10 వేల ఎకరాలకు పైగా ముంపులో.. రైతులు రక్షణ చర్యలుతీసుకోవాలంటున్న వ్యవసాయశాఖ

తండ్రి ఆశలు.. కలలు నెరవేర్చేందుకు ఆమె వేసిన తొలి అడుగులు ఒలింపిక్స్‌ గడ్డపై పరుగులుగా మారాయి. తండ్రి తపనను చిన్నతనంలోనే అర్థం చేసుకుని ఆయన అడుగుజాడల్లో శ్రమిస్తూ పశ్చిమగోదావరి ఖ్యాతిని అంతర్జాతీయస్థాయిలో ఇనుమడింపజేస్తోంది తణుకువాసి దండి జ్యోతికశ్రీ. పట్టుదల, నిబద్ధతకు మారుపేరుగా నిలిచి పంటి బిగువున కష్టాన్ని నొక్కిపెట్టి మహిళా లోకానికి వన్నె తెస్తోంది. తమకు ప్రత్యేక గుర్తింపు తీసుకువచ్చిన జ్యోతికశ్రీని మా ఇంటి ‘బంగారం’ అంటున్నారు ఆ తల్లిదండ్రులు. అథ్లెటిక్స్‌ ప్రస్థానం ● పాఠశాల విద్య నుంచి జ్యోతికశ్రీ తండ్రి సూచన మేరకు తణుకు చిట్టూరి ఇంద్రయ్య ప్రభుత్వ డిగ్రీ కళాశాల క్రీడా ప్రాంగణంలో తన 14వ ఏట నుంచి తండ్రితోపాటు పరుగు మొదలుపెట్టింది. ● అక్కడి నుంచి రాష్ట్రీయ, జాతీయ, అంతర్జాతీయ స్థాయిల్లో ప్రతిభ చాటుతోంది. ● 2024లో బహర్మాస్‌లో జరిగిన వరల్డ్‌ రిలే అథ్లెటిక్స్‌లో రెండో స్థానంలో నిలిచి 2024 ఆగస్టులో పారిస్‌లో జరిగిన ఒలింపిక్స్‌లో అడుగుపెట్టింది. ● 4 ఇంటు 4 రిలేలో ప్రాతినిధ్యం వహించి టీమ్‌లో మంచి టైమింగ్‌ చేసింది. ● ఇప్పటివరకు అంతర్జాతీయ స్థాయిలో 4 మెడల్స్‌, జాతీయ స్థాయిలో 20, రాష్ట్రస్థాయిలో 30 మెడల్స్‌తోపాటు మొత్తంగా 100 వరకు పతకాలు సాధించింది. ● కేరళలోని త్రివేండ్రంలోని నేషనల్‌ కోచింగ్‌ క్యాంపులో శిక్షణ పొందుతూ రైల్వేలో సీసీటీఎస్‌గా ఉద్యోగం చేస్తోంది. ● ప్రస్తుతం గాయం కారణంగా ఏషియన్‌ గేమ్స్‌లో ప్రాతినిధ్యం వహించలేకపోయింది.నా తల్లితండ్రుల కష్టం, గురువులు అందించిన సహకారంతో 2024లో ఒలింపిక్స్‌లో అడుగుపెట్టగలిగాను. నా కోసం ఎన్నో త్యాగాలు చేసిన నాన్న నా వెన్నంటే ఉంటూ మంచి భవిష్యత్తు అందించారు. 2027లో నేషనల్‌ గేమ్స్‌, ఏషియన్‌ చాంపియన్‌షిప్‌లో మెడల్స్‌ సాధించి 2028లో మరోసారి ఒలింపిక్స్‌లో అడుగుపెట్టేందుకు సన్నమద్ధమవుతున్నా. ఒలింపిక్స్‌లో పతకమే నా లక్ష్యం – దండి జ్యోతికశ్రీ, అథ్లెటిక్‌ తణుకు అర్బన్‌ : తణుకుకు చెందిన దండి శ్రీనివాసరావు, లక్ష్మీ నాగ వెంకటేశ్వరి దంపతులకు ఇద్దరు కుమార్తెలు కాగా.. జ్యోతికశ్రీ చిన్నది. శ్రీనివాసరావు వివాహం ముందు నుంచి బాడీ బిల్డర్‌గా నైపుణ్యం సాధించారు. రాష్ట్రస్థాయిలో పలు ప్రదర్శనలు ఇచ్చారు. బీరువాలు తయారుచేసే వృత్తిలో జీవనం సాగిస్తున్న ఆయన వివాహానంతరం కుటుంబ స్థితిగతులు, ఆర్థిక సమస్యల కారణంగా తనకి ఇష్టమైన బాడీ బిల్డింగ్‌ను పక్కన పెట్లాల్సి వచ్చింది. ఈ క్రమంలో తన బిడ్డలను క్రీడాకారులుగా మార్చాలనుకుని నిశ్చయించుకున్నారు. క్రీడల్లో చురుగ్గా ఉండే చిన్న కుమార్తె జ్యోతికశ్రీని అథ్లెట్‌గా మార్చాలనుకుని.. తొలి గురువు తానే అయ్యారు. నేను ఆశించిన దాని కంటే ఎక్కువగానే జ్యోతికశ్రీ సాధించింది. తణుకులో మొదలైన చిన్నపాటి అడుగులు నేడు ప్రపంచంతో పోటీపడే స్థితికి వెళ్లిందంటే ఎంత కఠోర శ్రమ పడిందో మాతోపాటు శిక్షణనిచ్చిన గురువులకే తెలుసు. జ్యోతికశ్రీ తండ్రిగా నన్ను పరిచయం చేస్తుంటే చాలా ఆనందంగా ఉంటుంది. ఒలింపిక్స్‌ తర్వాత జ్యోతికశ్రీతోపాటు నాకు ఎన్నో సత్కారాలు దక్కాయి. – దండి శ్రీనివాసరావు, జ్యోతికశ్రీ తండ్రి దండిగా నైపుణ్యం.. విజయమే లక్ష్యం.. మా ఇంటి బంగారం నాన్న కలను సాకారం చేస్తూ.. అథ్లెటిక్స్‌లో రాణిస్తున్న జ్యోతికశ్రీ తణుకు నుంచి ఒలింపిక్స్‌ వరకూ.. తొలి అడుగు నాన్నతోనే..

భీమవరం: ఫోక్‌ డ్యాన్సులు.. ఫోక్‌ సాంగులు.. కావ్యరూపకాలు.. వీధి నాటికలతో విద్యార్థులు అదరగొట్టారు.. పొయిట్రీలు.. పెయింటింగ్‌లతో ఆకట్టుకున్నారు.. భీమవరం ఎస్‌ఆర్‌కేఆర్‌ ఇంజనీరింగ్‌ కళాశాలలో శనివారం యువజన సర్వీసుల శాఖ, సెట్‌వెల్‌ ఆధ్వర్యంలో జిల్లాస్థాయి యువజనోత్సవాలు అట్టహాసంగా జరిగాయి. ముఖ్య అతిథిగా కలెక్టర్‌ సీహెచ్‌ నాగరాణి హాజరై మాట్లాడుతూ విద్యార్థులు చదువుతోపాటు కళలు, సంస్కృతి వంటి వాటిపై దృష్టి సారించాలన్నారు. కళల్లో నైపుణ్యంతో క్రమశిక్షణ, నాయకత్వ లక్షణాలు పెంపొందుతాయన్నారు. స్వామి వివేకానంద స్ఫూర్తితో ముందుకు సాగాలన్నారు. అనంతరం విద్యార్థులకు పలు విభాగాల్లో పోటీలు నిర్వహించారు. ప్రతిభ చాటిన వారిని రాష్ట్రస్థాయి పోటీలకు ఎంపిక చేశారు. ఎమ్మెల్యే పులపర్తి రామాంజనేయులు (అంజిబాబు), సెట్‌వెల్‌ సీఈఓ కేఎస్‌ ప్రభాకరరావు, కళాశాల డైరెక్టర్‌ ఎం.జగపతిరాజు, ఇన్‌చార్జి ప్రిన్సిపల్‌ బీఆర్‌కే వర్మ, యూత్‌ కో–ఆర్డినేటర్‌ గాదిరాజు హరీష్‌వర్మ తదితరులు పాల్గొన్నారు. విజేతలు వీరే.. ● కావ్యరూపకం: బి.కుమార్‌ బృందం (ఎస్‌ఆర్‌కేఆర్‌ ఇంజనీరింగ్‌), రేణుక బృందం (పాలకొల్లు డీఎన్నార్‌). ● ఫోక్‌ సాంగ్‌ గ్రూప్‌: బి.సునీత బృందం (భీమవరం డీఎన్నార్‌), మధు బృందం (నరసాపురం వైఎన్‌ కళాశాల). ● ఫోక్‌ డాన్స్‌ గ్రూప్‌: హాసిని బృందం (డీఎన్నార్‌), భీమవరం ఎస్‌ఆర్‌కేఆర్‌ విద్యార్థులు. ● పొయిట్రీ: ఆర్‌.విష్ణువర్ధన్‌ (ఎస్‌ఆర్‌కేఆర్‌), బి.రాధాకుమారి (ఎస్‌కేఎస్‌డీ తణుకు), వి.మోహన్‌ సాయి చరణ్‌ (ఎస్‌ఆర్‌కేఆర్‌). ● కూచిపూడి నాట్యం: ఎన్‌ఎస్‌ఎస్‌ నాగదేవిశ్రీ (ఎస్‌ఆర్‌కేఆర్‌), టి.కౌశిక్‌ కౌశిన మృణాళినిదేవి (డీఎన్నార్‌), ఆర్‌.అనన్య (ఎస్‌ఆర్‌కేఆర్‌). ● వివిధ విభాగాల్లో: కె.మోహన్‌ ప్రియ, ఎం.హసీనా, మహాలక్ష్మి, ఎం.లాస్య జిల్లాస్థాయి యువజనోత్సవాలు

భీమవరం: సమగ్ర శిక్ష విభాగంలో కాంట్రాక్ట్‌ ఉద్యోగుల సమస్యల పరిష్కారం కోసం ఈనెల 30న కలెక్టరేట్‌ వద్ద ధర్నా నిర్వహించనున్నట్టు ఉద్యోగుల సంఘ జిల్లా అధ్యక్ష, కార్యదర్శులు ఐ.శ్రీనివాస్‌, పి.సుబ్బారావు తెలిపారు. శనివారం సమగ్ర శిక్ష ఏపీసీ పి.శ్యామ్‌సుందర్‌, డీఈఓ ఓవీఎస్‌ అనిల్‌కుమార్‌కు ధర్నా నోటీసు అందించిన అనంతరం మాట్లాడారు. సమగ్ర శిక్ష విభాగంలో ఆర్ట్‌, క్రాఫ్ట్‌, ఫిజికల్‌ ఎడ్యుకేషన్‌లో కాంట్రాక్ట్‌ ఉద్యోగులుగా ఎన్నో ఏళ్లుగా పనిచేస్తున్నా విద్యాశాఖలో విలీనం చేసి సర్వీసును క్రమబద్ధీకరించకపోవడం, పీటీఐ ఉద్యోగులకు హెచ్‌ఆర్‌ పాలసీ అమలు, డిప్యూటేషన్‌పై విధులు కేటాయించే విధానాన్ని ఉపసంహరించుకోవాలనే తదితర డిమాండ్ల సాధన కోసం ధర్నా చేపట్టామన్నారు. సంఘ జిల్లా ఆర్గనైజింగ్‌ సెక్రటరీ పి.వినయ్‌కుమార్‌, ఎ.దుర్గాప్రసాద్‌, ఎన్‌.సాయినాథ్‌ పాల్గొన్నారు. నరసాపురం: నరసాపురం గోదావరి పడవల రేవులో పంటు రాకపోకలను శనివారం పునరుద్ధరించారు. గోదావరిలో ప్రవాహ వేగం ఎక్కువగా ఉండటంతో అధికారులు శుక్రవారం పంటు రాకపోకలపై ఆంక్షలు విధించారు. అయితే అయితే వరద ప్రవాహ ఉధృతి తగ్గడంతో ప్రయాణికుల సౌకర్యం దృష్ట్యా రాకపోకలు పునరుద్ధరించారు. భీమవరం (ప్రకాశంచౌక్‌): జిల్లాలో ఆదివారం బ్యాంకులు పనిచేస్తాయని జిల్లా లీడ్‌ బ్యాంక్‌ మేనేజర్‌ ఎంవీ జాన్‌ మార్టిన్‌ తెలిపారు. యునైటెడ్‌ ఫోరం ఆఫ్‌ బ్యాంక్‌ యూనియన్స్‌ ఆధ్వర్యంలో సెప్టెంబరు 28, 29, 30 తేదీల్లో దేశవ్యాప్తంగా బ్యాంకు ఉద్యోగుల సమ్మెకు పిలుపునిచ్చిన నేపథ్యంలో బ్యాంకింగ్‌ సేవలకు అంతరాయం కలిగే అవకాశం ఉందన్నారు. ఈ నేపథ్యంలో ఖాతాదారులు ఆదివారం బ్యాంకింగ్‌ లావాదేవీలు జరుపుకోవచ్చన్నారు. ఏటీఎంలు, డిజిటల్‌ బ్యాంకింగ్‌, ఇతర అందుబాటు లో ఉన్న బ్యాంకింగ్‌ సేవలను అవసరాన్ని బట్టి వినియోగించుకోవాలని సూచించారు. భీమవరం (ప్రకాశంచౌక్‌): సౌర విద్యుత్‌ వినియోగంపై ప్రజల్లో అవగాహన కల్పించి యూనిట్ల ఏర్పాటుకు చర్యలు తీసుకోవాలని కలెక్టర్‌ సీహెచ్‌ నాగరాణి అన్నారు. శనివారం కలెక్టరేట్‌లో గూగుల్‌ మీట్‌ ద్వారా విద్యుత్‌ శాఖ అధికారులతో ఆమె సమీక్షించారు. జిల్లాలో పీఎం సూర్యఘర్‌ పథకం అమలుకు నిర్దేశించిన లక్ష్యాలను అన్ని డివిజన్లలో నూరుశాతం పూర్తి చేయాలని ఎలక్ట్రికల్‌ ఇంజనీర్లను ఆదేశించారు. ప్రత్యేకంగా తణుకు, ఆచంట మండలాలపై ప్రత్యేక దృష్టి సారించాలన్నారు. విద్యుత్‌ ఎస్‌ఈ పి.ఉషారాణి మాట్లాడుతూ ప్రజల్లో సానుకూలమైన అభిప్రాయం సేకరణలో 23వ స్థానంలో ఉన్న జిల్లా ప్రస్తుతం నాలుగో స్థానానికి చేరుకోవడం ఆనందంగా ఉందన్నారు. లీడ్‌ డిస్ట్రిక్ట్‌ మేనేజర్‌, విద్యుత్‌ ఈఈలు, డీఈఈలు పాల్గొన్నారు. పెనుగొండ: భాద్రపద పౌర్ణమి సందర్భంగా హిందూ ధర్మ పరిరక్షణ సమితి ఆధ్వర్యంలో వశిష్ట గోదావరికి భక్తిశ్రద్ధలతో పంచహారతులు ఇచ్చారు. శనివారం రాత్రి కలగ భద్రుడు స్వామి బ్రహ్మత్వంలో కంచర్ల వెంకట నరసింహమూర్తి, మహాలక్ష్మీ దంపతులు పూజాదికా లు నిర్వహించారు. నదీమ తల్లులను ఆరాధించడం అనాదిగా వస్తున్న సంప్రదాయమని వేద పండితులు తెలిపారు. హిందూ ధర్మపరిరక్షణ సమితి సభ్యులు పాల్గొన్నారు. భీమవరం (ప్రకాశంచౌక్‌): మౌలిక వసతుల ప్రాజెక్టుల అమలులో జాప్యాలను నివారించి, పనులను నిర్ణీత కాలవ్యవధిలో పూర్తి చేసేందుకు చర్యలపై రాష్ట్ర రహదారులు, భవనాల శాఖ కార్యదర్శి శనివారం కలెక్టర్లతో వీడియో కాన్ఫరెన్స్‌ ద్వారా సమీక్షించారు. భీమవరం కలెక్టరేట్‌ నుంచి కలెక్టర్‌ సీహెచ్‌ నాగరాణి పాల్గొన్నారు. జిల్లాల్లో మౌలిక వసతుల ప్రాజెక్టుల అమలులో ఇప్పటికే అనుసరిస్తున్న ఉత్తమ విధానాలు, వినూత్న పరిష్కారాలు ఉంటే వాటిని గుర్తించి రాష్ట్ర, జాతీయస్థాయిలో పంచుకోవాలని సూచించారు. జిల్లాల వారీగా రోడ్డు భద్రతకు తీసుకుంటున్న చర్యలు, సమస్యలు, వివిధ శాఖల సమన్వయంతో చేపట్టాల్సిన చర్యలపై దృష్టి సారించాలని అన్నారు.

రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌02 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌సీపీ తూర్పుగోదావరి జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి ర మేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు, ఎమ్మెల్సీ కవు రు శ్రీనివాస్‌, రాష్ట్ర బీసీ సెల్‌ వర్కింగ్‌ ప్రెసిడెంట్‌ న వుడు వెంకటరమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు పరిశీలించారు. ఈ సందర్భంగా వేణుగోపాలకృష్ణ, రమేష్‌యాదవ్‌ మాట్లాడుతూ బీసీలను చంద్రబాబు ఓటు బ్యాంకుగా మాత్రమే చూస్తూ వారికి వెన్నుపోటు పొడుస్తున్నారన్నారు. బీసీలకు పెద్దపీట వేసిన ఘనత మాజీ సీఎం జగన్‌మోహన్‌రెడ్డికే దక్కుతుందన్నారు. చంద్రబాబు ప్రభుత్వం బీసీలకు పదవుల్లో, పథకాల్లో తీవ్ర అన్యాయం చేస్తుందన్నారు. రెండున్నరేళ్లుగా కూటమి ప్రభుత్వం చేస్తున్న మోసాన్ని ప్రతి బీసీ సామాజిక వర్గీయుడికి అర్థమయ్యే రీతిలో అవగాహన కల్పించేందుకు కార్యాచరణ రూపొందించామన్నారు. ఎమ్మెల్సీ కవురు శ్రీనివాస్‌, నవుడు వెంకటరమణ మాట్లాడుతూ బీసీ గర్జనకు బీసీ వర్గాలంతా తరలిరావాలని పిలుపునిచ్చారు. సమావేశానికి రాష్ట్ర మాజీ మంత్రులు, శాసనసభ్యులు, శాసనమండలి సభ్యులు, మాజీ ప్రజాప్రతినిధులు హాజరవుతారన్నారు. కాతేరులో విస్తృత ఏర్పాట్లు

ద్వారకాతిరుమల: ద్వారకాతిరుమలలోని టీటీడీ సదనం వద్ద, కుంకుళ్లమ్మ ఆలయం సమీపంలోని మలుపులో, నిమ్మకాయల మార్కెట్‌ యార్డు, లక్ష్మీపురంలోని జగన్నాథుని ఆలయం ఆర్చిగేటు వద్ద, గొల్లగూడెం చెరువు, సూర్యచంద్రరావుపేట శివారు, పంగిడిగూడెంలో, భీమడోలు మండలం పొలసానిపల్లి గురుకుల పాఠశాల సమీపంలో రహదారి దెబ్బతింది. విర్డ్‌ ఆస్పత్రి వద్ద స్థానికులు రోడ్డు మధ్యలో ఇసుక మూటను పెట్టగా.. ద్వారకాతిరుమల టీటీడీ సత్రం వద్ద గుంతకు డ్రమ్మును అడ్డుగా ఏర్పాటు చేశారు. వాహనదారులు వాటిని తప్పించుకుని వెళ్లాల్సి వస్తోంది. కొట్టుకుపోయిన ‘మేకప్‌’ గోపాలపురం ఎమ్మెల్యే మద్దిపాటి వెంకటరాజు ఈనెల 5న ‘గ్రామ స్వరాజ్యం సంకల్ప పాదయాత్ర’ పేరుతో నల్లజర్ల నుంచి ద్వారకాతిరుమల వరకు పాదయాత్రగా వచ్చారు. ఈ నేపథ్యంలో అధికారులు ఈనెల 4న గొల్లగూడెం నుంచి ద్వారకాతిరుమల వరకు రోడ్డుపై ఉన్న గోతుల్లో కంకర డస్ట్‌ పోసి హడావుడిగా పూడ్చి, మేకప్‌ చేశారు. అయితే మూడు రోజులుగా కురిసిన ఎడతెగని వానలకు ఆ మేకప్‌ మొత్తం కొట్టుకుపోయింది. గోతులన్నీ మళ్లీ బయటపడటంతో రహదారి దుస్థితి యథాస్థితికి చేరింది. ప్రమాదాలకు అడ్డుకట్టేది? ఈ రహదారి నిర్మించినప్పటి నుంచి తరచూ దెబ్బతింటూనే ఉంది. గతేడాది జూన్‌ నుంచి డిసెంబర్‌ వరకు పలుచోట్ల ప్రమాదాలు చోటుచేసుకున్నాయి. వీటిలో క్షతగాత్రులైన వారిలో ఎక్కువ మంది బైక్‌లపై చినవెంకన్న దర్శనానికి వచ్చేవారే ఉన్నారు. ఈ పరిస్థితిపై అప్పట్లో ‘సాక్షి’లో వరుస కథనాలు ప్రచురితం కావడంతో గతేడాది డిసెంబర్‌లో రహదారికి మరమ్మతులు చేపట్టారు. అయితే రెండు నెలలుగా మళ్లీ గోతులు ఏర్పడ్డాయి. రోడ్డు నిర్మించి పుష్కరం భీమడోలు–ద్వారకాతిరుమల మధ్య సుమారు 17 కిలోమీటర్ల రహదారిని గత గోదావరి పుష్కరాల సమయంలో రూ.50 కోట్లతో నాలుగు లైన్లుగా విస్తరించారు. రోడ్డు నిర్మించి పుష్కరం కావొస్తున్నా.. సమస్యలకు మాత్రం శాశ్వత పరిష్కారం లభించలేదు. ద్వారకాతిరుమల గుడి సెంటర్‌తో కలిపి సుమారు కిలోమీటరు మేర ఇంకా విస్తరణ పనులు పూర్తికాలేదు.రహదారిద్య్రం చినవెంకన్న క్షేత్రానికి వెళ్లే రహదారి అధ్వానం భీమడోలు–ద్వారకాతిరుమల మార్గంలో అడుగడుగునా గోతులు వర్షాలకు కొట్టుకుపోయిన ‘మేకప్‌’ మళ్లీ భక్తులకు ప్రమాదాల భయం

● రేపు కాతేరులో బీసీ గర్జన ● వైఎస్సార్‌సీపీ నేతల పిలుపు రాజమహేంద్రవరం రూరల్‌: కూటమి ప్రభుత్వ పాలనలో బీసీలకు జరుగుతున్న ద్రోహంపై చర్చించేందుకు ఉమ్మడి తూర్పు, ఉమ్మడి పశ్చిమగోదావరి జిల్లాల పరిధిలోని 34 నియోజకవర్గాలకు చెందిన బీసీ ప్రజాప్రతినిధులు, మాజీ ప్రజాప్రతినిధులు, నాయకులు, విద్యాధికులతో ఆదివారం సమావేశం నిర్వహిస్తున్నారు. ‘వెన్నుపోటు పార్టీ వంచనపై బీసీ గర్జన’ పేరిట నిర్వహిస్తున్న రాజమహేంద్రవరం రూరల్‌ కాతేరులోని వెంకటాద్రి గార్డెన్స్‌లో ఆ రోజు ఉదయం 10 గంటలకు సమావేశం జరుగనుంది. వైఎస్సార్‌సీపీ తూర్పుగోదావరి జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ శుక్రవారం వివరాలు తెలిపారు. గర్జన ఏర్పాట్లను ఆయన, ఎమ్మెల్సీ కవురు శ్రీని వాస్‌, పార్టీ బీసీ విభాగం రాష్ట్ర వర్కింగ్‌ ప్రెసిడెంట్‌, జోన్‌–2 కో–ఆర్డినేటర్‌ నవుడు వెంకట రమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు శుక్రవారం పరిశీలించారు. ఈ సందర్భంగా ఎమ్మెల్సీ కవురు శ్రీనివాస్‌ మాట్లాడుతూ వెన్నుపోటు పార్టీ మోసాలపై జరిగే ఈ సమావేశం బీసీలకు అత్యంత కీలకమని అన్నారు. దీనికి అందరూ తరలివచ్చి బీసీలకు జరుగుతున్న మోసంపై గళమెత్తాలని కోరారు. వైఎస్సార్‌, వైఎస్‌ జగన్‌ చేసిన మేలును కూడా తెలియజేస్తామని చెప్పారు. నవుడు వెంకటరమణ మాట్లాడుతూ మాజీ మంత్రి చెల్లుబోయిన వేణు ఆధ్వర్యంలో జరిగే ఈ సభను విజయవంతం చేసేందుకు కార్యాచరణ రూపొందించామని, అన్ని ఏర్పాట్లూ పూర్తి చేశామని చెప్పా రు. బీసీలంతా సమావేశానికి హాజరు కావాలని కోరారు. చందన నాగేశ్వర్‌, బీసీ విభాగం జిల్లా అధ్యక్షుడు కొండపల్లి దుర్గారావు మాట్లాడారు. పార్టీ నాయకులు రుఖియా సయ్యద్‌, చాపా రాజా, యెజ్జు వాసు, ఆచంట కల్యాణ్‌, వాసంశెట్టి శ్రీనివాస్‌, కొల్లి నాని తదితరులు పాల్గొన్నారు.

పెనుగొండ: వైఎస్సార్‌ సీపీ రాష్ట్ర సంయుక్త కార్యదర్శిగా పెనుమంట్ర మాజీ ఎంపీపీ కర్రి వెంకట నారాయణరెడ్డి (వాసు రెడ్డి), వైఎస్సార్‌సీపీ రాష్ట్ర కార్యదర్శి (పార్లమెంటు)గా పోడూరు మాజీ జెడ్పీటీసీ, జెడ్పీ మాజీ ఫ్లోర్‌లీడర్‌ గుంటూరి పెద్దిరాజును నియమించారు. ఈ మేరకు కేంద్ర కార్యాలయం ప్రకటన విడుదల చేసింది. పార్టీలో గుర్తింపుగా బాధ్యతలు అప్పగించిన పార్టీ అధినేత వైఎస్‌ జగన్‌మోహన్‌రెడ్డికి, రాష్ట్ర అడ్వయిజరీ కమిటీ సభ్యుడు, మాజీ మంత్రి చెరుకువాడ శ్రీరంగనాథరాజుకు వీరిద్దరూ కృతజ్ఞతలు తెలిపారు. ఆచంట నియోజకవర్గంలోని పార్టీ నాయకులు, కార్యకర్తలు వీరికి అభినందనలు తెలిపారు.

సామాన్యుడిపై ‘ధరా’ఘాతం భగ్గుమంటున్న నిత్యావసర సరుకుల ధరలతో మధ్యతరగతి జీవనం అస్తవ్యస్తంగా మారింది. దీంతో కుటుంబ పోషణ కష్టమవుతోంది. 8లో uశనివారం శ్రీ 26 శ్రీ సెప్టెంబర్‌ శ్రీ 2026‘‘సంపద సృష్టి తెలిసిన వ్యక్తిని. పేదల కష్టం తెలిసినవాణ్ణి. అందుకే సూపర్‌సిక్స్‌ తెచ్చాం. 18 నుంచి 59 ఏళ్లలోపు ఆడబిడ్డలు ఇంటిలో ఎంతమంది ఉంటే అంతమందికి నెలకు పదైదు వందలు చొప్పున ఇస్తాం. పరిశ్రమలు తెచ్చి యువతకు ఉద్యోగాలు ఇస్తాం. అంతవరకు నిరుద్యోగభృతిగా నెలనెలా మూడు వేలు ఇచ్చే బాధ్యత నేను తీసుకుంటాను. ఎస్సీ, ఎస్టీ, బీసీ, మైనార్టీలకు 50 ఏళ్లకే పింఛన్‌ ఇస్తానని మాట ఇస్తున్నాను. – ఎన్నికల్లో చంద్రబాబు ఎన్నికల్లో మీకు ఎన్నో హామీలు ఇచ్చాను. వాటిని చేయాలి. కానీ ఖజానా ఖాళీగా కనిపిస్తోంది. ఏమీ లేదక్కడ. – అధికారంలోకి వచ్చాక చంద్రబాబు సెల్ఫ్‌ డబ్బాకు జనం డబ్బు! సాక్షి, భీమవరం: బాబు ష్యూరిటీ–భవిష్యత్తుకు గ్యా రెంటీ అంటూ ఎన్నికల్లో ఊరూరా ఊదరగొట్టారు. అధికారంలోకి రావడమే ఆలస్యం. 2024 జూన్‌ నుంచే అమలు.. ఇవిగో బాండ్లు అంటూ సూపర్‌సిక్స్‌లో ఏ కుటుంబానికి ఎంత వస్తుందో కరపత్రాలపై రాసి మరీ ఇంటింటీకి ఇచ్చారు. చంద్రబాబు సర్కారు వచ్చి అప్పుడే 28 నెలలవుతోంది. మిగిలింది మరో 32 నెలలు మాత్రమే. ఇప్పటివరకు ఆడబిడ్డ నిధి లేదు, నిరుద్యోగభృతి రాదు. ఎస్సీ, ఎస్టీ, బీసీ మైనార్టీలకు 50 ఏళ్లకే పింఛన్‌ హామీ ఊసేలేదు. డ్వాక్రా మహిళలకు సున్నా వడ్డీ రాయితీ పత్తాలేదు. ఆడబిడ్డ నిధి పథకం అందక జిల్లాలో ఇప్పటివరకు అర్హత కలిగిన సుమారు 5,96,313 మంది మహిళలు రూ.2,415 కోట్లు నష్టపోయారు. నెలనెలా ఇస్తామన్న రూ.3 వేల కోసం జిల్లాలోని వేల మంది నిరుద్యోగ యువత ఎదురుచూస్తున్నా రు. కొత్త పింఛన్లు అంటూ దరఖాస్తులు స్వీకరించినా 50 ఏళ్లకే పింఛన్‌ హామీని విస్మరించడం గమనార్హం. జనం సొమ్ము దోచిపెట్టే స్కెచ్‌ ఖజానా ఖాళీ అంటూ ఎన్నికల హామీలకు ఎగ నామం పెట్టిన చంద్రబాబు సర్కారు తన వారికి జనం సొమ్ము దోచిపెట్టడంలో ఏ మాత్రం తగ్గడంలేదు. ప్రభుత్వ కార్యక్రమాల ప్రచారం పేరిట ఇప్పుడు కొత్తగా సోషల్‌ మీడియా ఇన్‌ఫ్లుయెన్సర్ల పాలసీని తెచ్చింది. లక్షకు పైగా ఫాలోవర్స్‌ ఉండి స్వయంగా వీడియో తయారుచేస్తే రూ.15 వేలు, ఫాలోవర్స్‌ 50 వేల నుంచి లక్ష లోపు ఉంటే రూ. 7,500, 25 వేల నుంచి 50 వేల లోపు ఉంటే రూ.5,000, పది వేల నుంచి 25 వేల లోపు ఉంటే రూ.2,500, ప్రభుత్వమే కంటెంట్‌ ఇస్తే రూ.500 నుంచి రూ.1,500 వరకు చెల్లించేందుకు సూత్రప్రాయంగా నిర్ణయించింది. గరిష్టంగా ఒక్కో ఇన్‌ఫ్లుయెన్సర్‌కు నెలకు రూ.1.50 లక్షల వరకు చెల్లించనుంది. కూటమి స్కెచ్‌ ఐటీడీపీ కార్యకర్తలకు ప్రజల సొమ్ము దోచిపెట్టే ఎత్తుగడ ప్రభుత్వ ప్రచారానికి సోషల్‌ మీడియా ఇన్‌ఫ్లుయెన్సర్ల పేరిట పక్కా స్కెచ్‌ ఫాలోవర్లను బట్టి రూ.1.5 లక్షల వరకు చెల్లించేలా ప్రతిపాదన ఆడబిడ్డ నిధి, నిరుద్యోగభృతి, 50 ఏళ్లకే పింఛన్‌, సున్నావడ్డీ హామీలకు ఎగనామం చంద్రబాబు తీరుపై మండిపడుతున్న ప్రజలు మోసాలపై అబద్ధపు ప్రచారంసోషల్‌ మీడియా ఇన్‌ఫ్లుయెన్సర్స్‌ పేరిట ఐటీడీపీ కార్యకర్తలకు నెలనెలా ప్రజల సొమ్ము దోచిపెట్టే ఎత్తుగడపై జనం మండిపడుతున్నారు. ఎన్నికల హామీల అమలుకు సొమ్ములు లేనప్పుడు అబద్ధాల ప్రచారం చేసుకోవడానికి ఎక్కడివని ప్రశ్నిస్తున్నారు. ఏరు దాటేదాక ఓడ మల్లన్న.. ఏరు దాటాక బోడి మల్లన్న సామెత చంద్రబాబుకు సరిపోతుందంటూ విమర్శలు గుప్పిస్తున్నారు. ప్రజాసంక్షేమం కోసం గత ప్రభుత్వం అమలుచేసిన చేయూత, ఆసరా, కాపు నేస్తం, ఈబీసీ నేస్తం తదితర పథకాలకు నీళ్లొదిలారని, ఆరోగ్యశ్రీ, ఫీజు రీయింబర్స్‌మెంట్‌ పథకాలకు రూ.కోట్లల్లో బకాయిలు పెట్టి పేదలను ఇబ్బందులు పెడుతున్నా రని మండిపడుతున్నారు. వాటే విజనరీ.. వాటే థాట్‌ అంటూ సోషల్‌ మీడియాలో చంద్రబాబు సర్కారుపై సైటెర్లు వేస్తున్నారు.

భీమవరం: భీమవరంలో నూతన జిల్లా పరిషత్‌ కార్యాలయం శుక్రవారం ప్రారంభమైంది. కలెక్టర్‌ సీహెచ్‌ నాగరాణి జిల్లా పరిషత్‌ ప్రత్యేక అధికారిగా బాధ్యతలు స్వీకరించారు. టూ టౌన్‌లోని పాత బస్టాండ్‌ వద్ద పంచాయతీరాజ్‌ కార్యాలయం భవనంలో ఈ కార్యాలయ ప్రారంభ కార్యక్రమంలో కలెక్టర్‌ మాట్లాడుతూ కార్యాలయానికి 30 మంది సిబ్బందిని నియమించామన్నారు. అధికారులు సమన్వయంతో పనిచేసి జిల్లాను మరింత అభివృద్ధి పథంలో నడిపించాలన్నారు. డిప్యూటీ స్పీకర్‌ కనుమూరు రఘురామకృష్ణంరాజు మాట్లాడుతూ భీమవరంలో జెడ్పీ శాశ్వత భవన నిర్మాణానికి మూడు నెలల్లోపు స్థల సేకరణ చేసి శంకుస్థాపన చేయాలన్నారు. ఎమ్మెల్యేలు పులపర్తి రా మాంజనేయులు (అంజిబాబు), పత్సమట్ల ధ ర్మరాజు, భీమవరం ఏఎంసీ చైర్‌పర్సన్‌ కలిదిండి సుజాత, కృష్ణ బలిజ కార్పొరేషన్‌ చైర్మన్‌ గంటా త్రిమూర్తులు తదితరులు పాల్గొన్నారు. నరసాపురం: భారీ వర్షాలతో నరసాపురం వశిష్ట గోదావరి పొంగిపొర్లుతోంది. గోదావరి నీటిమట్టం పెరగడంతో నరసాపురం–సఖినేటిపల్లి రేవులో పంటు రాకపోకలను అధికారులు శుక్రవారం నిలిపివేశారు. దీంతో ప్రయాణికులు ఇబ్బందులు పడ్డారు. ఉభయగోదావరి జిల్లాల వాసులు చించినాడ బ్రిడ్జి మీరుగా చుట్టుతిరిగి రాకపోకలు సాగించాల్సి వచ్చింది. విషయం తెలియక పలువురు రేవు వద్దకు చేరుకుని నిరాశతో వెనుదిరిగారు. తాడేపల్లిగూడెం: విద్యార్థులు, ఆవిష్కర్తలు వాస్తవ సమస్యలను గుర్తించి, వాటికి ఆచరణాత్మక, వినూత్న, విస్తృతస్థాయిలో అమలు చేయగల పరిష్కారాలను అభివృద్ధి చేయాలని బెంగళూరులో శుక్రవారం జరిగిన సేవా ఫస్ట్‌ ఇన్నోవేషన్‌ చాలెంజ్‌ కార్యక్రమంలో కేంద్ర విద్యాశాఖ మంత్రి ప్రహ్లాద్‌ జోషి పిలుపునిచ్చారు. ఈ కా ర్యక్రమాన్ని ఏపీ నిట్‌లో ప్రత్యక్ష ప్రసారం చే యగా ఆచార్యులు, విద్యార్థులు వీక్షించారు. ఈ కార్యక్రమానికి దక్షిణ జోన్‌ కార్యాచరణ ప్రణాళికలో భాగంగా ఏపీకి జోనల్‌ హెడ్‌గా ఏపీ నిట్‌ బాధ్యతలు తీసుకుంది. ఏపీ నిట్‌ ఇన్‌చార్జి డైరెక్టర్‌ ప్రొఫెసర్‌ డాక్టర్‌ ఎన్‌వీ రమణరావు దక్షిణ జోన్‌ జూరీ సభ్యులలో ఒకరిగా వ్యవహరిస్తారు. ఏపీ నిట్‌ ఇన్నోవేషనల్‌ కౌన్సిల్‌ డాక్టర్‌ వి.సందీప్‌ మాట్లాడుతూ యువతలో సృజనాత్మక ఆలోచనలు, శాసీ్త్రయ దృక్పథం, స మస్య పరిష్కార నైపుణ్యాలను పెంపొందించడంతో పాటు సమాజానికి ఉపయోగపడే ఆ విష్కరణలను ప్రోత్సహించడానికి ఇలాంటి కా ర్యక్రమాలు దోహదపడతాయన్నారు. ఈ జాతీయస్థాయి చాలెంజ్‌లో విద్యార్థులు, యువ ఆవిష్కర్తలు పాల్గొనవచ్చన్నారు. పోలవరం రూరల్‌: గోదావరి వరద ఉధృతంగా పెరుగుతోంది. పోలవరం ప్రాజెక్టు స్పిల్‌వే వద్ద 30 మీటర్ల నీటిమట్టం దాటింది. స్పిల్‌వే 48 గేట్ల నుంచి దిగువకు 4.90 లక్షల క్యూసెక్కుల వరద నీరు దిగువకు చేరుతోంది. దిగువన ఉభయగోదావరి జిల్లాల లంక ఒడ్డులను తాకుతూ ప్రవహిస్తోంది. ఎగువ ప్రాంతాల నుంచి ఉపనదుల నీటితో పాటు శబరి నీరు కూడా నదిలోకి చేరడంతో వరద ఉధృతి పెరుగుతోంది. మరో రెండు రోజుల పాటు వరద పెరిగే అవకాశం ఉందని అధికారులు అంచనా వేస్తున్నారు. చాట్రాయి: భారీ వర్షాలతో మండలంలోని తమ్మిలేరు ప్రాజెక్టుకు వరద నీరు చేరుతోంది. ఎగువన సత్తుపల్లి మండలం బేతుపల్లి చెరువు నుంచి వచ్చే వరద జలాశయానికి చేరుతుందని, సుమారు 1500 క్యూసెక్కుల నీరు వస్తున్నట్టు టీఆర్‌పీ అధికారులు తెలిపారు.

బుట్టాయగూడెం: మూడు రోజులుగా కురిసిన భారీ వర్షాలకు ఏజెన్సీ ప్రాంతంలోని కొండవాగులు పొంగుతూనే ఉన్నాయి. శుక్రవారం సాయంత్రం వరకూ చింతకొండ, కన్నారప్పాడు, కొవ్వాడ, కేఆర్‌పురం తదితర వాగులు ఉధృతంగానే ప్రవహించాయి. అలాగే జల్లేరు జలాశయం, పోగొండ రిజర్వాయర్‌తోపాటు చెరువుల్లోకి భారీగా వరదనీరు వచ్చి చేరింది. భారీ వర్షాలకు దొరమామిడి ఎస్సీకాలనీకి చెందిన పూసంపూడి దుర్గమ్మకు చెందిన ఇల్లు కూలిపోయింది. అధికారులు ఆదుకోవాలని ఆమె కోరుతోంది. గిరిజనుడి మృతదేహం లభ్యం కేఆర్‌పురం సమీపంలోని తూర్పు కాల్వ వాగులో గురువారం రాత్రి గల్లంతైన గిరిజనుడు పూనెం భాస్కరరావు (60) మృతి చెందాడు. గాలింపు చర్యలు ముమ్మరంగా జరిగాయి. యర్రాయిగూడెం గ్రామశివారు గుడి సమీపంలోని తుప్పల్లో భాస్కరరావు మృతదేహాన్ని గుర్తించారు. గ్రామస్తులు మృతదేహాన్ని బయటకు తీసి జంగారెడ్డిగూడెం ఏరియా ఆస్పత్రికి తరలించారు. అక్కడ పోస్ట్‌మార్టం అనంతరం కుటుంబసభ్యులకు మృతదేహాన్ని అప్పగించారు.

కాళ్ల మండలం పెదఅమిరంలో ఉపాధ్యాయుడిపై జరిగిన హత్యాయత్నం కేసులో నిందితులను అరెస్ట్‌ చేసినట్టు అడిషినల్‌ ఎస్పీ డి.విశ్వనాథ్‌ తెలిపారు. 8లో uఅధికారంలోకి వచ్చిన వెంటనే సూపర్‌ సిక్స్‌ పథకాలు అమలు చేస్తామని చెప్పి దగా చేశారు. నెలనెలా ఆడబిడ్డ నిధి సొమ్ములు వస్తాయని ఆశించిన మహిళలను చంద్రబాబు వంచించారు. ప్రజలకు ఏం మేలు చేశారని ఇప్పుడు రూ.కోట్లు ఖర్చు చేసి సోషల్‌ మీడియా ఇన్‌ఫ్లుయెన్సర్లను పెట్టుకుంటున్నారో జవాబు చెప్పాలి. –కోడే విజయలక్ష్మి, వైఎస్సార్‌సీపీ మహిళా విభాగం జిల్లా అధ్యక్షురాలు, భీమవరం కూటమి ప్రభుత్వం ఏర్పడగానే నిరుద్యోగులకు ఉద్యోగాలు ఇస్తామని, ఇవ్వలేని పక్షంలో నెలకు రూ.3 వేల చొప్పున నిరుద్యోగ భృతిగా ఇస్తామని చంద్రబాబుతో సహా పవన్‌కల్యాణ్‌ ఊదరగొట్టారు. గద్దెనెక్కి రెండున్నరేళ్లు అవుతున్నా ఊసేలేదు.ఏటా జనవరి నెలలో జాబ్‌ క్యాలెండర్‌ విడుదల చేస్తామని చెప్పి ఇప్పుడేం చేశారు. – టి.అప్పలస్వామి, ఆల్‌ ఇండియా స్టూడెంట్స్‌ అసోసియేషన్‌ జిల్లా కార్యదర్శి, తణుకు ఎన్నికల్లో హామీలు ఇచ్చి మోసం చేయడం చంద్రబాబుకు అలవాటే. ఎస్సీ, ఎస్టీ, బీసీ మైనార్టీలకు 50 ఏళ్లకే పింఛన్‌ ఇస్తా మని హామీ ఇచ్చారు. తీరా కూటమి అధికారంలోకి వచ్చాక ఆ హామీ ఊసేలేదు. అధికారం చేపట్టి రెండేళ్లు దాటినా 50 ఏళ్లకే పింఛన్‌ హామీ అమలుకాలేదు. – కలిగితి జయరాజు, కుముదవల్లి

● వందలాది ఎకరాలు నీటమునక ● నందమూరు అక్విడెక్ట్‌ వద్ద పేరుకుపోయిన తూడు తాడేపల్లిగూడెం రూరల్‌: తీవ్ర వాయుగుండం ప్రభావంతో కురిసిన వర్షాలకు తాడేపల్లిగూడెం మండలంలో చేలు ముంపు బారిన పడ్డాయి. జగన్నాథపురం, మారంపల్లి, దండగర్ర, నందమూ రు గ్రామాల్లో వందలాది ఎకరాల చేలు ముంపు బారినపడ్డాయి. ఎగువ నుంచి డ్రెయిన్ల ద్వారా వచ్చిన నీరు చేలను ముంచెత్తింది. జగన్నాథపురం, మారంపల్లి గ్రామాల్లోనే 800 ఎకరాలు ముంపు బారినపడినట్టు అంచనా. ఇదిలా ఉండగా కొంగువారిగూడెం ఎర్రకాలువ ప్రాజెక్టు నుంచి వర్షం నీరు విడుదల చేయలేదని అధికారులు తెలిపారు. డ్రెయిన్లు లాగకపోవడం, కొన్నిచోట్ల డ్రెయిన్లు కుచించుకుపోవడం వంటి కారణాలతో సమీప పొలాలను వర్షం నీరు ముంచెత్తిందని రైతులు వాపోతున్నారు. దీంతో వరి చేలు చెరువులను తలపించాయి. ఆయా గ్రామాల్లో ఎక్కువ శాతం కౌలు రైతులు కాగా, ఇప్పటికే ఎకరానికి రూ.25 వేల వరకు పెట్టుబడులు పెట్టామని వాపోతున్నారు. పంట పాడైతే అప్పులు తప్ప మిగిలేది ఏమీ లేదని, ప్రభుత్వం ఆదుకోవాలని కోరుతున్నారు. అక్విడెక్ట్‌ వద్ద 32 అడుగుల వరద నందమూరు అక్విడెక్ట్‌ వద్ద 32 అడుగులకు వరద చేరింది. ఇక్కడ వరద పరిస్థితిని ఎమ్మెల్యే బొలిశెట్టి శ్రీనివాస్‌ పరిశీలించారు. గుర్రపు డెక్క పెరిగిపోవడంతో కానాల నుంచి నీరు లాగడం లేదని, ఇరిగేషన్‌ అధికారులతో మాట్లాడి చర్యలు తీసుకోవాలని రైతులు ఆయన దృష్టికి తీసుకువచ్చారు. 24 గంటల్లో 78.4 మి.మీ. వర్షపాతం నమోదైందని తహసీల్దార్‌ ఎం.సునీల్‌కుమార్‌ శుక్రవారం తెలిపారు. తెగుళ్ల నివారణ మందు పిచికారీ : చేలలో వర్షం నీరు బయటకు పోయే మార్గాలను ఏర్పాటు చేసు కోవాలని, నీరు లాగిన వెంటనే తెగుళ్ల, దోమ నివారణకు వాలిడామైసిన్‌, ప్రొపినోకొనోజోల్‌, హెక్సాకొనొజోల్‌తో పాటు దోమ మందు కలిపి పిచికారీ చేయాలని తాడేపల్లిగూడెం ఇన్‌చార్జి ఏడీఏ వి.నారాయణరావు సూచించారు. తద్వారా పంట పెరుగుదల ఉంటుందన్నారు. వరి దుబ్బులను చూపిస్తున్న రైతులు నందమూరు అక్విడెక్ట్‌ వద్ద గుర్రపు డెక్క

లక్డీకాపూల్‌ : రోడ్డు ప్రమాదంలో తీవ్రంగా గాయపడి బ్రెయిన్‌ డెడ్‌కు గురైన 18 ఏళ్ల విద్యార్థి అవయవాలను దానం చేసి, అతని కుటుంబ సభ్యులు ఆరుగురి ప్రాణాలను కాపాడడం ద్వారా మానవత్వాన్ని చాటుకున్నారు. పూర్వ పశ్చిమగోదావరి జిల్లా దేవరపల్లి పరిధిలోని రాజుల వీధికి చెందిన సిద్ధాని పోలయ్య కుమారుడు ప్రేమ వెంకట సత్య సాయి శ్రీనాథ్‌ (18) హైదరాబాద్‌లో ఇంటర్‌ ద్వితీయ సంవత్సరం చదువుతున్నాడు. ఈ నెల 17న శ్రీనాథ్‌ కారు నడుపుతుండగా మరొక కారు బలంగా ఢీకొట్టింది. తీవ్రంగా గాయపడిన శ్రీనాథ్‌ను కుటుంబ సభ్యులు హైదరాబాద్‌లోని ఒక ప్రైవేట్‌ ఆసుపత్రికి తరలించారు. అక్కడ చికిత్స అందించినప్పటికీ పరిస్థితి విషమించి ఈ నెల 24న అతడు బ్రెయిన్‌ డెడ్‌ చెందినట్లు వైద్యులు ధ్రువీకరించారు. తీవ్ర విషాదంలోనూ శ్రీనాథ్‌ తండ్రి పోలయ్య ధైర్యంతో శ్రీనాథ్‌ అవయవాలను దానం చేసేందుకు ముందుకు వచ్చారు. జీవన్‌దాన్‌ సంస్థ శ్రీనాథ్‌ శరీరం నుంచి రెండు కిడ్నీలు, కాలేయం, ఊపిరితిత్తులు, రెండు కార్నియాలను సేకరించి ఆరుగురు బాధితులకు అమర్చి పునర్జన్మ ప్రసాదించింది. ఈ ఏడాదిలో నమోదైన 152వ బ్రెయిన్‌డెడ్‌ అవయవ దానం ఇదేనని సంస్థ ఇన్‌చార్జి భూషణ్‌రాజ్‌ తెలిపారు.

● కత్తులు, కర్రలు, రాళ్లతో దాడి ● ఐదుగురికి తీవ్రగాయాలు నూజివీడు : పాత కక్షల నేపథ్యంలో వినాయక నిమజ్జన ఊరేగింపు సందర్భంగా గురువారం రాత్రి ఇరువర్గాల మధ్య తీవ్ర ఘర్షణ చోటుచేసుకుంది. పోలీసులు తెలిపిన వివరాల ప్రకారం పట్టణంలోని బాపూనగర్‌ రోడ్డులోని అంబేడ్కర్‌ విగ్రహం సమీపంలో ఏర్పాటు చేసిన వినాయక నిమజ్జన ఊరేగింపు మున్సిపల్‌ కార్యాలయం వరకు వెళ్లి తిరిగి వస్తుండగా, రాత్రి 10 గంటల సమయంలో దేరంగుల సత్యనారాయణ, దేరంగుల వెంకటేశ్వరరావు, చంద్రగిరి గంగాధరరావులతో పాటు మరికొందరు కర్రలు, కత్తులు, రాళ్లతో దాడికి పాల్పడ్డారు. ఈ దాడిలో రేపాని రాజు (30), అచ్చి బాల ఏసు (29), గుత్తి గోపాలకృష్ణ (28), రేపాని సాయి (24), గుత్తి భవానీ (45)లకు తీవ్ర గాయాలయ్యాయి. మరోవైపు, తమపై అచ్చి బాల ఏసు సహా మరికొందరు కర్రలు, కత్తులతో దాడి చేయడంతో ఐదుగురం గాయపడ్డామని రెండో వర్గానికి చెందిన దేరంగుల వెంకటేశ్వరరావు పట్టణ పోలీస్‌స్టేషన్‌లో ఫిర్యాదు చేశారు. ఘర్షణ సమాచారం అందుకున్న ఎస్సైలు ఎన్‌.లక్ష్మణ్‌బాబు, జి.జ్యోతీబసు వెంటనే సంఘటనా స్థలానికి చేరుకుని పరిస్థితిని అదుపులోకి తెచ్చారు. గాయపడిన వారిని ఏరియా ఆసుపత్రికి తరలించారు. ఇరువర్గాల ఫిర్యాదుల మేరకు కేసు నమోదు చేసి దర్యాప్తు జరుపుతున్నట్లు ఎస్సై లక్ష్మణ్‌బాబు తెలిపారు.

ఉంగుటూరు: ఏలూరు జిల్లాలో కురిసిన భారీ వర్షాలు, ఈదురుగాలుల ప్రభావంతో ఉద్యాన పంటలు తీవ్రంగా దెబ్బతిన్నాయి. చేతికొచ్చిన పంటలు కళ్లెదుటే నేలపాలు కావడంతో రైతులు తీవ్ర ఆందోళన చెందుతున్నారు. వేలాది రూపాయల పెట్టుబడి నష్టపోవాల్సి వస్తుందని ఆవేదన వ్యక్తం చేస్తున్నారు. జిల్లాలోని మెట్టప్రాంత మండలాలైన పెదవేగి, భీమడోలు, ఉంగుటూరు, డి. తిరుమల, కామవరపుకోట, లింగపాలెం, చింతలపూడి, జంగారెడ్డిగూడెం, టి. నర్సాపురం, చాట్రాయి, ముసునూరు, నూజివీడు, ఆగిరిపల్లి, కొయ్యలగూడెం తదితర ప్రాంతాల్లో రైతులు ఆరుతడి పంటలను ఎక్కువగా సాగు చేస్తుంటారు. ముఖ్యంగా పామాయిల్‌, కొబ్బరి, బొప్పాయితో పాటు కూరగాయలు పండిస్తారు. తాజా తుఫాను ప్రభావంతో ఈ పంటలకు అపార నష్టం వాటిల్లింది. నష్టపోయిన రైతులు ఉద్యాన శాఖ అధికారుల ప్రాథమిక అంచనా ప్రకారం జిల్లా వ్యాప్తంగా 35.44 హెక్టార్లలో చిక్కుడు, టమాటా, బీర, వంగ తదితర కూరగాయ పంటలు దెబ్బతినగా, 75 మంది రైతులు నష్టపోయారు. అలాగే 16 హెక్టార్లలో బొప్పాయి దెబ్బతినడంతో 15 మంది రైతులు నష్టపోయినట్లు గుర్తించారు. జిల్లాలో 50 కొబ్బరి చెట్లు, 268 ఆయిల్‌ పామ్‌ చెట్లు పడిపోవడంతో మరో వంద మందికి పైగా రైతులకు నష్టం వాటిల్లింది. జిల్లా హార్టికల్చర్‌ డీడీ కె.సాజా నాయక్‌ ఆధ్వర్యంలో నష్టాలను అంచనా వేస్తున్నారు. ఉంగుటూరు, ద్వారకాతిరుమల, భీమడోలు మండలాల్లో జరిగిన నష్టాన్ని ఉంగుటూరు ఉద్యాన శాఖ అధికారి పి.అమరనాథ్‌ పర్యవేక్షిస్తున్నారు. ముసునూరులో అరటి రైతుల విలవిల ముసునూరు: ఆరుగాలం శ్రమించి పండించిన అరటి పంటకు అకాల వర్షం, బలమైన ఈదురు గాలులు తోడవడంతో ముసునూరు మండల వ్యాప్తంగా పంట నేలకొరిగింది. ముసునూరుతో పాటు అక్కిరెడ్డిగూడెం, చెక్కపల్లి, చింతలవల్లి, కాట్రేనిపాడు గ్రామాల్లో టిష్యూ కల్చర్‌ విధానంలో రైతులు పచ్చ అరటిని విస్తృతంగా సాగు చేస్తున్నారు. ఎకరానికి రూ.1.30 లక్షలకు పైగా పెట్టుబడి పెట్టారు. గెలలు కోసి మార్కెట్‌కు తరలించే తరుణంలో అకాల వర్షాలు కుదేలు చేశాయి. మరో 15–20 రోజుల్లో దిగుబడికి రావాల్సిన వేలాది గెలలు నేలపాలు కావడంతో, కనీసం పెట్టుబడి కూడా దక్కే పరిస్థితి లేదని రైతులు కన్నీటిపర్యంతమవుతున్నారు. ప్రభుత్వం తక్షణమే స్పందించి ఆదుకోవాలని విజ్ఞప్తి చేస్తున్నారు. ఈ నష్టాలపై మండల ఉద్యాన శాఖ అధికారిణి జ్యోతి ప్రియాంక స్పందిస్తూ ముసునూరు, అక్కిరెడ్డిగూడెం తదితర గ్రామాల్లో నేలకొరిగిన పంటల వివరాలు సేకరించి, ఉన్నతాధికారులకు నివేదిక పంపుతామని, ఆ తర్వాత తదుపరి చర్యలు తీసుకుంటామని వివరణ ఇచ్చారు. ఎకరానికి రూ.1.30 లక్షల చొప్పున ఏడు ఎకరాల్లో సు మారు రూ. 10 లక్ష లు ఖర్చు పెట్టి పచ్చ అరటి సాగు చేశాను. గురువారం రాత్రి వీచిన గాలు లకు మూడు ఎకరాల్లో సుమారు నాలుగు వేల గెలలు పడిపోవడంతో రూ. 4 లక్షలకు పైగా నష్టం వాటిల్లింది. ప్రభుత్వం స్పందించి రైతులను ఆదుకోవాలి. – రేగుల గోపాలకృష్ణ, అరటి రైతు, ముసునూరుగోపాలపురంలో పడిపోయిన బొప్పాయి తోట ముసునూరులో నేలకొరిగిన అరటి పంట పెట్టుబడులు నష్టపోయామని రైతుల ఆవేదన ముసునూరులో తీవ్రంగా దెబ్బతిన్న అరటి తోటలు

అప్పు తీర్చలేక ఉపాధ్యాయుడిని మట్టుబెట్టే యత్నం భీమవరం: కాళ్ల మండలం పెదఅమిరం గ్రామంలో ఉపాధ్యాయుడిపై జరిగిన హత్యాయత్నం కేసులో నిందితులను అరెస్ట్‌ చేసినట్లు జిల్లా అడిషనల్‌ ఎస్పీ డి.విశ్వనాథ్‌ తెలిపారు. శుక్రవారం భీమవరం డీఎస్పీ కార్యాలయంలో ఏర్పాటు చేసిన విలేకరుల సమావేశంలో ఆయన వివరాలు వెల్లడించారు. పెదఅమిరం పంచాయతీ నెహ్రూపేటకు చెందిన చోడాబత్తుల వెంకటరత్నం ఉండి మండలం ఎన్‌ఆర్‌పీ అగ్రహారం జెడ్పీ హైస్కూల్లో ఉపాధ్యాయుడిగా పనిచేస్తున్నారు. కాళ్ల మండలం బొండాడ గ్రామానికి చెందిన మందపాటి కృష్ణమూర్తికి వెంకటరత్నం గతంలో రూ. 45 లక్షలు అప్పుగా ఇచ్చారు. అప్పు తీర్చలేకపోవడంతో రెండేళ్ల క్రితం మరో రూ. 20 లక్షలు చెల్లించి కృష్ణమూర్తికి చెందిన 14 సెంట్ల స్థలం, ఇంటిని వెంకటరత్నం భార్య ఉమామహేశ్వరి పేరున రిజిస్టర్‌ చేయించుకున్నారు. అయితే కృష్ణమూర్తి కుటుంబ సభ్యులు ఇంటిని ఖాళీ చేయలేదు. దీనిపై పెద్దల సమక్షంలో పంచాయతీలు జరిగినా సమస్య పరిష్కారం కాలేదు. రూ.5 లక్షలకు డీల్‌ ఈ నెల 19న మరోసారి పంచాయతీ జరగగా, మొత్తం సొమ్ము చెల్లిస్తానని కృష్ణమూర్తి ఒప్పందం చేసుకున్నాడు. ముందుగా రూ. 20 లక్షల చెక్‌ ఇచ్చి, మిగిలిన మొత్తాన్ని వారంలో ఇస్తానని ఒప్పుకున్నాడు. అయితే ఆ చెక్‌ బౌన్స్‌ కావడంతో ఇల్లు వెంటనే అప్పగించాలని వెంకటరత్నం డిమాండ్‌ చేశాడు. దీంతో కృష్ణమూర్తి ఆయన్ను హత్య చేయించాలని పథకం పన్నాడు. బొండాడకు చెందిన మందపాటి సుధీర్‌, మందపాటి ప్రవీణ్‌, బొండాడ లంకకు చెందిన పొన్నాల స్వామి, పొన్నాల పర్రాజులతో పాటు మరో మైనర్‌కు రూ. 5 లక్షలు ఇచ్చేలా ఒప్పందం కుదుర్చుకుని అడ్వాన్స్‌గా రూ. 30 వేలు చెల్లించాడు. ఈ నెల 21న పెదఅమిరంలో సైకిల్‌పై వెళుతున్న వెంకటరత్నంపై నిందితులు దాడి చేసి, ఇనుప రాడ్డుతో తలపై బలంగా కొట్టారు. బాధితుడు ప్రతిఘటించడంతో వారు అక్కడి నుంచి పరారయ్యారు. బాధితుడి ఫిర్యాదు మేరకు భీమవరం ఇన్‌చార్జి డీఎస్పీ ఎం.సుధాకరరావు పర్యవేక్షణలో పోలీసులు ప్రత్యేక బృందాలుగా ఏర్పడి సాంకేతిక పరిజ్ఞానంతో నిందితులను శుక్రవారం బొండాడలోని డంపింగ్‌ యార్డు వద్ద అరెస్టు చేశారు. వారి నుంచి ఐదు సెల్‌ఫోన్లు, మోటార్‌సైకిల్‌, ఇనుప రాడ్డును స్వాధీనం చేసుకున్నారు. నిందితులను పట్టుకోవడంలో ప్రతిభ కనబరిచిన పోలీసు అధికారులను అడిషనల్‌ ఎస్పీ, డీఎస్పీలు అభినందించి రివార్డులు అందించారు.

క్లీనర్‌ దుర్మరణం, 9 మందికి గాయాలు భీమడోలు: జాతీయ రహదారిపై సూరప్పగూడెం పంచాయతీ శివారు పాతూరు షుగర్‌ ఫ్యాక్టరీ కల్వర్టు వద్ద శుక్రవారం తెల్లవారుజామున ఘోర రోడ్డు ప్రమాదం జరిగింది. వేగంగా వచ్చిన లారీ గుంతలో పడి అదుపుతప్పి బోల్తా పడటంతో పశ్చిమబెంగాల్‌కు చెందిన క్లీనర్‌ రంజిత్‌షా (51) అక్కడికక్కడే మృతి చెందాడు. ఈ ఘటనలో మరో నలుగురికి తీవ్ర గాయాలు కాగా, ఐదుగురికి స్వల్ప గాయాలయ్యాయి. పోలీసులు తెలిపిన వివరాల ప్రకారం ఈ నెల 24న పశ్చిమబెంగాల్‌ నుంచి రెండు లక్షల చేప పిల్లలను ఉంగుటూరు మండలంలోని కై కరం, నారాయణపురం ప్రాంతాల్లో విక్రయించేందుకు ఓ లారీలో 10 మంది బయలుదేరారు. వీరిలో ఇద్దరు డ్రైవర్లు, ఒక క్లీనర్‌, ఏడుగురు కూలీలు ఉన్నారు. గుండుగొలను చేరుకుని తిరిగి నారాయణపురం వైపు వెళుతుండగా మార్గమధ్యలో పాతూరు కల్వర్టు వద్ద గుంతలో పడింది. అదుపుతప్పి కల్వర్టును ఢీకొట్టి బోల్తా కొట్టింది. ప్రమాదంలో క్లీనర్‌ మృతి చెందగా, కూలీలు అమిత్‌షిక్‌ధర్‌, సదన్‌ బిస్వాస్‌, సాగర్‌ బిస్వాస్‌, బీబస్‌ బిస్వాస్‌లకు తీవ్ర గాయాలయ్యాయి. రెండో డ్రైవర్‌ మైనక్‌ భోమిక్‌, వంసాసత్ర, షమ్మిర సర్కార్‌, రంజిత్‌లకు స్వల్ప గాయాలయ్యాయి. ఈ ప్రమాదం కారణంగా లక్షల రూపాయల విలువైన చేప పిల్లలు రోడ్డుపాలయ్యాయి. సమాచారం అందుకున్న భీమడోలు సీఐ వి.కృష్ణ, ఎస్సై ఎస్‌కే మదీనా బాషాలు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను 108 అంబులెన్స్‌లో ఏలూరు ప్రభుత్వ ఆసుపత్రికి తరలించారు. క్రేన్‌ సాయంతో లారీని తొలగించి ట్రాఫిక్‌ను క్రమబద్ధీకరించారు. కూలీ వంసా సత్ర ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

కొయ్యలగూడెం: వర్జీనియా పొగాకు కొనుగోలు కేంద్రంలో ఇప్పటివరకు 6.5 మిలియన్ల కిలోల పొగాకును కొనుగోలు చేసినట్లు వేలం నిర్వహణ అధికారి శివకుమార్‌ శుక్రవారం విలేకరులకు తెలిపారు. మొత్తం 67,19,571 కిలోల పొగాకును రూ. 1,73,96,19,965 లకు కొనుగోలు చేశామన్నారు. మొత్తం 18.5 మిలియన్‌ కిలోల పొగాకు ఉత్పత్తికి రైతులకు అనుమతి ఇవ్వగా, ఇప్పటివరకు 137 పని దినాల్లో ఈ కొనుగోళ్లు నిర్వహించామన్నారు. మార్కెట్‌లో అత్యధిక ధర రూ.345 పలకగా, కనిష్టంగా రూ. 150 నమోదైంది. సగటున రూ. 259 చొప్పున పొగాకును కొనుగోలు చేశారు. గత మూడేళ్లుగా సీజన్‌ చివర్లో మార్కెట్‌ ధరలు పెరుగుతుండటంతో, ఈసారి కూడా ధర పెరుగుతుందనే ఆశతో రైతులు తమ వద్ద ఉన్న పొగాకును నిల్వ చేసుకుంటున్నారని, దీంతో కొనుగోళ్లలో జాప్యం జరుగుతోందని ఆయన వివరించారు. ఈ నేపథ్యంలో 2027 జనవరిలో కూడా కొనుగోళ్లు జరిగే అవకాశం ఉందన్నారు. వీరవాసరం: 2026–27 విద్యా సంవత్సరానికి పశ్చిమ గోదావరి జిల్లా విద్యాశాఖ, స్కూల్‌ గేమ్స్‌ ఫెడరేషన్‌ ఆధ్వర్యంలో ఉమ్మడి జిల్లా స్థాయి క్రీడాకారుల ఎంపికలు జరగనున్నాయి. అండర్‌–14, అండర్‌–17 బాలబాలికల టేబుల్‌ టెన్నిస్‌, మాల్కంబ్‌ జట్ల ఎంపికను ఈ నెల 28న చింతలపాటి బాపిరాజు మున్సిపల్‌ హైస్కూల్లో నిర్వహించనున్నట్లు స్కూల్‌ గేమ్స్‌ ఫెడరేషన్‌ కార్యదర్శులు నర్మదా, కుద్దూస్‌ శుక్రవారం ఒక ప్రకటనలో తెలిపారు. అండర్‌–14 విభాగంలో పాల్గొనేవారు 01.01.2013 తర్వాత, అండర్‌–17 విభాగంలో పాల్గొనేవారు 01.01.2010 తర్వాత జన్మించి ఉండాలని స్పష్టం చేశారు. ఎంపికలకు వచ్చే క్రీడాకారులు తమ ఆధార్‌ కార్డు, జనన ధ్రువీకరణ పత్రాలతో హాజరుకావాలని, మరిన్ని వివరాలకు 9885158366 నంబరును సంప్రదించాలని సూచించారు. పెదవేగి: ఏలూరులోని సెయింట్‌ థెరిస్సా జూనియర్‌ కళాశాలలో ఈ నెల 28న అండర్‌–19 బాలికల వాలీబాల్‌, హ్యాండ్‌బాల్‌, కబడ్డీ జిల్లా జట్ల ఎంపిక పోటీలు జరగనున్నాయి. ఈ మేరకు స్కూల్‌ గేమ్స్‌ ఫెడరేషన్‌ కార్యదర్శి, డాక్టర్‌ బి.ఆర్‌.అంబేద్కర్‌ గురుకుల కళాశాల ఫిజికల్‌ డైరెక్టర్‌ కందికొండ జయరాజు శుక్రవారం పెదవేగిలో వివరాలు వెల్లడించారు. అలాగే వచ్చే నెల 3న పెదవేగి గురుకుల పాఠశాలలో బాలబాలికల ఫుట్‌బాల్‌, బాలుర హ్యాండ్‌బాల్‌ జిల్లా జట్ల ఎంపిక పోటీలు నిర్వహిస్తామని ఆయన తెలిపారు.

● భగ్గుమంటున్న నిత్యావసరాలు ● బెంబేలెత్తుతున్న సామాన్యుడు ● ధరలను అదుపు చేయని కూటమి ప్రభుత్వం కై కలూరు: పచ్చని పొలాలు, పాడిపంటలతో కళకళలాడే గ్రామాలు నేడు కళావిహీనంగా కనిపిస్తున్నాయి. ఆదాయానికి ఖర్చుకు ఏ మాత్రం సంబంధం ఉండడం లేదు. ఆరు నెలలగా రేట్లు గమనిస్తే సన్‌ ఫ్లవర్‌ నూనె రూ.165 నుంచి రూ.180కి ఎగబాకింది. రూ.45 ఉండే ఉల్లిపాయలు రూ.65కి చేరాయి. లలితా బ్రాండ్‌ బియ్యం గతంలో రూ.1,500 ఉండగా నేడు రూ.1,750కి చేరింది. గతంలో రూ.300కి కూరగాయలు వచ్చేవి. నేడు రూ.550 ఖర్చు అవుతుంది. మార్కెట్‌కు వెళ్తే సంచి నిండడం లేదు కానీ జేబు మాత్రం క్షణాల్లో ఖాళీ అవుతోందని ప్రజలు గగ్గోలు పెడుతున్నారు. చితికిపోతున్న చిరుద్యోగులు ధరల పెరుగుదల ప్రభావం చిరుద్యోగులపై పడింది. నెలకు రూ.20 వేల స్థిరవేతనం పొందే భార్య, ద్దరు సంతానం కలిగిన ప్రైవేటు ఉద్యోగి జీవన పరిస్థితి గమనిస్తే ఇంటి అద్దె రూ.7 వేలు, నిత్యవసరాలు, కూరగాయలు ఖర్చు మరో రూ.7 వేలు, విద్యుత్‌, గ్యాస్‌ సిలిండర్‌, నీరు రూ.2 వేలు, పిల్లల చదవులు రూ.3 వేలు, పెట్రోలు, ప్రయాణ ఖర్చులు రూ.2 వేలు కలుపుకుని రూ.21 వేలు ఖర్చవుతుంది. ఇక ఇంట్లో ఎవరికై నా అనారోగ్యం వస్తే ఆస్పత్రి ఖర్చుల కోసం తక్షణమే అప్పు చేయాల్సిన పరిస్థితి ఏర్పడుతుంది. ఎల్‌నినో పేరుతో.. ఏలూరు, పశ్చిమగోదావరి జిల్లాల్లో ప్రజలు ఎక్కువగా వరిసాగు, ఆక్వారంగంపై ఆధారపడి జీవిస్తున్నారు. ఆక్వా మేతల ధరలు పెరగడంతో రైతులు క్రాప్‌ హాలిడే ప్రకటిస్తున్నారు. మరోవైపు అనేక మండలాల్లో సాగునీరు అందక రైతులు గగ్గోలు పెడుతుంటే, ధరల పెరుగుదలకు ఎల్‌నినో ప్రభావమే కారణమంటూ ప్రభుత్వం దాటవేత ధోరణి అవలంబిస్తోందని విమర్శలు వ్యక్తమవుతున్నాయి. ధరల స్థిరీకరణ నిధి అని చెప్పడమే తప్ప ఆచరణలో కనిపించడం లేదని పలువురు ఆరోపిస్తున్నారు. వెంటనే రైతుబజార్ల ద్వారా నిత్యావసరాలను సబ్సిడీపై సరఫరా చేసి ఆదుకోవాలని ప్రజలు డిమాండ్‌ చేస్తున్నారు. ‘కల్యాణి ఓ సాధారణ గృహిణి. భర్త దినసరి కూలీ. ఇద్దరు పిల్లల కాలేజీ చదువులు. భర్త నెలకు రూ.18,000 సంపాదిస్తాడు. గతంలో వారానికి రెండు సార్లు చికెన్‌ తెచ్చుకునేవాళ్లు. ఇప్పుడు కోడిగుడ్లతోనే సరిపెట్టుకుంటున్నారు. అప్పుల తిప్పలు చెప్పాల్సిన అవసరం లేదు. దీనికి తోడు చక్కెర వ్యాధి మందులు చుక్కలు చూపిస్తున్నాయి.’’శ్రీను ఓ మధ్య తరగతి కుటుంబానికి చెందిన ఆటో డ్రైవర్‌. భార్య, ఇరువురు సంతానం. నెలకు రూ.15,000 సంపాదిస్తున్నాడు. ఇంట్లో ఖర్చులు, పిల్లల స్కూల్‌ ఫీజులు.. అన్నీ కలిపి ఖర్చు చేయగా ఇంకా రూ.10,000 బయట వడ్డీకి అప్పు చేయాల్సి వస్తోంది. ఇదే పరిస్థితి దాదాపు అన్ని కుటుంబాల్లో ప్రస్తుతం కనిపిస్తోంది.’రోజురోజుకూ పెరుగుతున్న నిత్యావసరాల ధరలతో నాలాంటి ఆటో డ్రైవర్లు బతకడం కష్టంగా మారింది. రోజంతా కష్టపడి సంపాదించిన సొమ్ము చాలడం లేదు. ఉచిత బస్సు దెబ్బతో ఆటోల్లో ప్రయాణించే వారి సంఖ్య కూడా తగ్గింది. పెరుగుతున్న ధరలతో పూట గడవడమే కష్టంగా ఉంది. ధరలను అరికట్టేందుకు ప్రభుత్వం చర్యలు తీసుకోవాలి. – మన్నెం నాగేశ్వరరావు, ఆటో డ్రైవర్‌, ముదినేపల్లి నిత్యావసరాల ధరలు ఆకాశాన్ని అంటుతున్నాయి. ఉల్లిపాయలు, వంట నూనె, కందిపప్పు ఇలా అన్ని ధరలు పెరిగాయి. పరిమిత బడ్జెట్‌తో వంటలు చేయడం కష్టమే. ఈ పరిస్థితి గతంలో ఎన్నడూ చూడలేదు. ఎంతో మంది గృహిణులు ఇబ్బంది పడుతున్నారు. ప్రభుత్వం పెరిగిన రేట్లను సవరించి, సామాన్యుడికి అందుబాటులోకి తీసుకురావాలి. – పసుపులేటి లక్ష్మి, గృహిణి, మండవల్లి సరుకులు పూర్వం ప్రస్తుతం సన్‌ ఫ్లవర్‌ నూనె రూ.165 రూ.180 కందిపప్పు రూ.110 రూ.130 ఉల్లిపాయలు రూ.45 రూ.65 సరుకులు పూర్వం ప్రస్తుతం టమాట రూ.24 రూ.32 గ్యాస్‌ సిలిండర్‌ రూ.936.50 రూ.983.53 బియ్యం (26కేజీలు) రూ.1,500 రూ.1,750

పెంటపాడు/నాతవరం/బాపట్ల టౌన్‌: పశ్చిమగోదావరి, బాపట్ల, అనకాపల్లి జిల్లాల్లో గురువారం విద్యుదాఘాతంతో ఆరుగురు మృత్యువాతపడ్డారు. పశ్చిమగోదావరి జిల్లా పెంటపాడు మండ­లం జట్లపాలెంలోని కొత్తపేటలో 8వ తరగతి చదువుతున్న గండికోట సూర్యప్రకాష్(13), 6వ తరగతి చదువుతున్న సూతని సాయి అఖిల్‌(11) గురువారం వారి ఇళ్లకు సమీపంలోని కొండేటి ప్రసాద్‌ ఇంటి వద్ద ఆడుకుంటూ అక్కడున్న ఎర్త్‌ వైర్‌ను తాకడంతో విద్యుత్‌ షాక్‌కు గురయ్యారు. గమనించిన బంధువులు హుటాహుటిన తాడేపల్లిగూడెంలోని ఏరియా ఆస్పత్రికి తరలించగా అప్పటికే మృతి చెందినట్టు వైద్యులు ధ్రువీకరించారు. పిల్లల తల్లిదండ్రులు కన్నీరు మున్నీరుగా విలపించారు. బాపట్ల జిల్లా చెరువు ఉప్పరపాలెం గ్రామంలో ముద్రబోయిన రమాదేవి(50) గురువారం ఉద­యం సరుకులు తెచ్చుకునేందుకు ఇంటి నుంచి బయటకు వచ్చింది. రెండు రోజులుగా కురుస్తున్న వర్షాలకు అప్పటికే విద్యుత్‌ స్తంభం నుంచి తెగిపడిన వైరును గమనించని ఆమె నడుస్తూ వెళ్లి ఆ వైరును తొక్కడంతో షాక్‌కు గురై కుప్పకూలింది. తల్లి రోడ్డుపై పడి ఉండటాన్ని గమనించిన ఆమె చిన్న కుమారుడు ముద్రబోయిన వెంకటేశ్వర్లు (28) వచ్చి పైకి లేపేందుకు ప్రయత్నిస్తూ అతను కూడా విద్యుత్‌షాక్‌కు గురయ్యాడు. ఇద్దరూ ఘటనా స్థలంలోనే మృతి చెందారు. మృతురాలు రమాదేవికి భర్త సాంబయ్య, మరో కొడుకు ఉన్నారు. మృతుడు వెంకటేశ్వర్లుకు భార్య తేజ, నాలుగేళ్ల కుమారుడు, మూడేళ్ల కుమార్తె ఉన్నారు. విద్యుత్‌ శాఖ అధికారుల నిర్లక్ష్యం వల్లే ఈ దుర్ఘటన జరిగిందని గ్రామస్తులు ఆగ్రహం వ్యక్తం చేశారు. తెగిన వైర్‌ తగలడంతో..అనకాపల్లి జిల్లా నాతవరంలో గురువారం తెల్లవారుజామున చోటుచేసుకున్న విద్యుదాఘాతంతో తల్లి, కుమార్తె మృతి చెందగా.. మామ, అల్లుడు గాయపడ్డారు. గ్రామంలో గొంప చిన్నబ్బాయి (అప్పారావు) ఇంట్లో ఈ దుర్ఘటన జరిగింది. నాతవరం ఎస్‌ఐ వై.తారకేశ్వరరావు తెలిపిన మేరకు.. తెల్లవారుజామున 3:30 గంటల సమయంలో చిన్న­బ్బాయి కుమార్తె రొంగలి జానకి (28) ఇంట్లో బాత్‌రూమ్‌కు వెళ్లింది. భారీ వర్షం కారణంగా విద్యుత్‌ సర్వీసు వైరు తెగిపోయింది. చీకట్లో ఆమెకు ఆ వైరు తగలడంతో షాక్‌ కొట్టి కేకలు వేసింది. ఈ కేకలు విన్న జానకి తల్లి గొంప మంగ (58) పరుగెత్తుకెళ్లి పడిపోయి ఉన్న కుమార్తెను పట్టుకుని ఆమె కూడా విద్యుదాఘాతానికి గురై కేకలు వేస్తూ పడిపోయింది. జానకి భర్త రొంగలి నాగరాజు వెళ్లి వాళ్లను కాపాడేందుకు కర్రతో విద్యుత్‌ వైర్లు తొలగించే ప్రయత్నం చేస్తూ.. ఆయన కూడా విద్యుదాఘాతానికి గురయ్యాడు. మంగ భర్త చిన్నబ్బాయి కూడా కర్ర సాయంతో విద్యుత్‌ వైర్లు తొలగించాలని ప్రయత్నించి షాక్‌కు గురయ్యాడు. ఆ ఇంట్లోంచి పెద్దగా కేకలు వినిపిస్తుండటంతో పక్కింట్లోని అంకంరెడ్డి కుమారి విద్యుత్‌ కార్యాలయానికి, పోలీసులకు సమాచా­రం ఇచ్చారు. అధికారులు వెంటనే విద్యుత్‌ సరఫరా నిలిపేశారు. ఎస్‌ఐ వై.తారకేశ్వరరావు సిబ్బందితో అక్కడికి చేరుకుని బ్యాటరీ లైట్ల వెలుగులో పరిశీలించారు. అప్పటికే మంగ, జానకి మరణించారు. తీవ్ర గాయాలతో అపస్మారకస్థితిలో ఉన్న నాగరాజుకు సీపీఆర్‌ చేశారు. దీంతో కదలిక వచ్చి­న అతడిని 108లో నాతవరం పీహెచ్‌సీకి, అనంతరం మెరుగైన వైద్యం కోసం నర్సీపట్నం ఏరియా ఆస్పత్రికి పంపించారు. చిన్నబ్బాయిని కూడా ఆస్ప­త్రికి తరలించారు. కాగా, మంగకు ఇద్దరు పిల్లలు. కుమారుడు రాజేష్, కుమార్తె జానకి. విజయనగరం జిల్లా కొత్తవలస ఎస్‌ఐగా పనిచేస్తున్న రాజేష్‌.. తల్లి, చెల్లి మృతదేహాలను చూసి కన్నీరుమున్నీరుగా విలపించారు. చిన్నబ్బాయి, ఇతర కుటుంబసభ్యుల రోదన అందరికంట తడిపెట్టించింది. జానకి 15 రోజులు కిందట రెండోసారి మగబిడ్డకు జన్మనిచ్చింది. భార్యను, కుమారుడిని చూసేందుకు మాకవరపాలెం మండలం తమ్మయ్యపాలెం నుంచి నాగరాజు అత్తగారింటికి వచ్చాడు. ఈ నేపథ్యంలో ఈ దుర్ఘటన జరిగింది.

ఉండి: రాష్ట్రస్థాయి కరాటే పోటీలకు ఉమ్మడి ఉభయగోదావరి జిల్లాల నుంచి ఉండి జెడ్పీ హైస్కూల్‌ విద్యార్థులు పీ గీతిక, బీ మహేష్‌, ఈ మహేంద్ర ఎంపికై నట్లు హెచ్‌ఎం వై.రామలక్ష్మి గురువారం ఒక ప్రకటనలో తెలిపారు. ఏలూరు జిల్లా పెదవేగిలో బుధవారం జరిగిన అండర్‌–19 స్కూల్‌ గేమ్స్‌ ఫెడరేషన్‌ కరాటే పోటీల్లో వీరు ఎంపికై నట్లు ఆమె వెల్లడించారు. ఈ విద్యార్థులకు శిక్షణ అందించిన కోచ్‌, పీడీ జే. శ్రీనివాస్‌ను ఆమె ప్రత్యేకంగా అభినందించారు. విజయనగరంలో జరిగే రాష్ట్రస్థాయి పోటీల్లోనూ ఈ విద్యార్థులు ప్రతిభ కనబరిచి విజయం సాధించాలని ఆమె ఆకాంక్షించారు. ద్వారకాతిరుమల: ఫైనాన్స్‌లో తీసుకున్న అప్పు చెల్లించలేక ఓ కూలీ పురుగుల మందు తాగి ఆత్మహత్యకు పాల్పడ్డాడు. ఈ ఘటనపై స్థానిక పోలీస్టేషన్‌లో గురువారం కేసు నమోదైంది. మండలంలోని దేవినేనివారిగూడెంకు చెందిన పెండెల నాగరాజు(41) కూలి పనులు చేసుకుంటూ జీవిస్తున్నాడు. ఆర్థిక ఇబ్బందులతో ఫైనాన్స్‌లో రూ.3 లక్షలు అప్పు తీసుకున్నాడు. అప్పు చెల్లించలేకపోవడంతో ఒత్తిడి పెరిగినట్లు కుటుంబ సభ్యులు తెలిపారు. ఈ నేపథ్యంలో గత బుధవారం మధ్యాహ్నం ఇంటి వద్ద నాగరాజు పురుగుల మందు తాగాడు. గమనించిన కుటుంబ సభ్యులు వెంటనే భీమడోలు ప్రభుత్వ ఆస్పత్రికి తరలించారు. అక్కడ చికిత్స పొందుతూ కొద్దిసేపటికే మృతి చెందాడు. మృతుడి అన్నయ్య పెండెల వెంకటేశ్వరరావు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్సై టి.సుధీర్‌ తెలిపారు. ఏలూరు (ఆర్‌ఆర్‌పేట): దళిత బహుజన రిసోర్స్‌ సెంటర్‌ (డీబీఆర్‌సీ) ఆధ్వర్యంలో స్థానిక సీఐటీయూ భవనం హాల్‌లో నిరుద్యోగ యువత కోసం కెరీర్‌ మార్గదర్శకత్వం, ఉపాధి నైపుణ్యాల అభివృద్ధి శిక్షణ కార్యక్రమం గురువారం నిర్వహించారు. రిసోర్స్‌ పర్సన్‌, సీడాప్‌ ప్రతినిధి వీ సురేష్‌ మాట్లాడుతూ విద్యార్థులు కమ్యూనికేషన్‌, డిజిటల్‌, వ్యక్తిగత నైపుణ్యాలను అభివృద్ధి చేసుకోవాలని సూచించారు. నర్సింగ్‌, అనుబంధ వైద్య రంగాల్లో దేశ విదేశాల్లో మంచి ఉద్యోగ అవకాశాలు ఉన్నాయని తెలిపారు. ముఖ్యంగా జర్మనీ వంటి దేశాల్లో నర్సింగ్‌ వృత్తికి అధిక డిమాండ్‌ ఉందని, ఆసక్తి ఉన్న విద్యార్థులు నర్సింగ్‌ కోర్సులు అభ్యసించాలని సూచించారు. విదేశీ భాషలపై పట్టు సాధించడం ద్వారా అంతర్జాతీయ ఉద్యోగ అవకాశాలను అందిపుచ్చుకోవచ్చన్నారు. గోశాల ఝాన్సీ మాట్లాడారు. డీబీఆర్సీ ఏరియా కోఆర్డినేటర్‌ బలే సురేష్‌ అధ్యక్షత వహించి మాట్లాడుతూ యువత సాధికారత కోసం విద్య, నైపుణ్యాభివృద్ధి, జీవనోపాధి, కెరీర్‌ మార్గదర్శకత్వ కార్యక్రమాలను డీబీఆర్సీ నిరంతరం కొనసాగిస్తుందన్నారు. జిల్లాకు చెందిన సుమారు 40 మంది నిరుద్యోగ యువత, విద్యార్థులు పాల్గొన్నారు.

కలెక్టరేట్‌ 08816 299181 విద్యుత్‌ 94906 10152 అత్యవసర వైద్యం 94403 43035 అగ్నిమాపక శాఖ 08816 233299 అగ్నిమాపక శాఖ రాష్ట్ర కంట్రోల్‌ రూమ్‌ 94001 08401 మత్స్యశాఖ 95058 06958 వ్యవసాయశాఖ 99128 22022 పశుసంవర్ధకశాఖ 94401 10570 భీమవరం డివిజన్‌ 87907 31315 నరసాపురం డివిజన్‌ 93911 85874 తాడేపల్లిగూడెం డివిజన్‌ 08818 229699

డీజిల్‌కు బదులు నీళ్లు ఉండి మండలంలోని ఎన్నార్పీ అగ్రహారంలోని ఓ పెట్రోల్‌ బంకులో వాహనాల్లో డీజిల్‌కు బదులు నీళ్లు నింపడం వివాదానికి కారణమైంది. IIలో uలక్ష్మీపురంలోని జగన్నాథుని ఆలయానికి చెందిన వివాదాస్పద భూమిలో అధికారులు రెండు హెచ్చరిక బోర్డులను ఏర్పాటుచేశారు. శురకవారం శ్రీ 25 శ్రీ సెప్టెంబర్‌ శ్రీ 2026సాక్షి, భీమవరం: తీవ్రవాయుగుండం ప్రభావంతో రెండు రోజులుగా జిల్లా అంతటా వర్షాలు దంచికొడుతున్నాయి. గురువారం జిల్లా సగటు వర్షపాతం 8.5 సెం.మీగా నమోదైంది. కుండపోతతో జనజీవనం స్తంభించింది. లోతట్టు ప్రాంతాలు జలమయమయ్యాయి. పంట కాలువలు, డ్రెయిన్లు పొంగి ప్రవహిస్తున్నాయి. పొలాలు నీటమునిగి వరి రైతులు, చలిగాలులతో చెరువుల్లో ఆక్సిజన్‌ లెవిల్స్‌ పడిపోయి ఆక్వా రైతులు ఆందోళనలో ఉన్నారు. 170.8 సెం.మీ వర్షం బుధవారం రాత్రి నుంచి గురువారం ఉదయం 8.30 గంటల సమయానికి జిల్లా మొత్తంగా 170.8 సెం.మీ వర్షం పడగా జిల్లా సగటు 8.5 సెం.మీగా ఉంది. అత్యధికంగా తణుకులో 11.6 సెం.మీ వర్షం కురవగా తాడేపల్లిగూడెంలో 10.5, పోడూరులో 10.4 సెం.మీ వర్షం కురిసింది. ఉండి, పాలకోడేరు, పెనుగొండ, పెనుమంట్ర, ఇరగవరం 9 సెం.మీ లకు పైగా, భీమవరం, నరసాపురం, పాలకొల్లు, గణపవరం, ఆచంట, పెంటపాడు, మొగల్తూరులో 8 సెం.మీ. పైగా వర్షం పడింది. అత్యల్పంగా అత్తిలిలో 3.7 సెం.మీ వర్షపాతం నమోదైంది. ఉదయం 8.30 గంటల నుంచి మధ్యాహ్నాం 3 గంటల సమయానికి జిల్లా అంతటా 22.7 సెం.మీ వర్షం కురిసింది. మార్కెట్లు వెలవెల : లోతట్టు ప్రాంతాలు జలమయమయ్యాయి. జనం లేక మార్కెట్లు వెలవెలబోయాయి. ఎక్కడికక్కడ రోడ్లపై గోతులు వర్షం నీటితో నిండిపోయి కనిపించక పలుచోట్ల ద్విచక్ర వాహనచోదకులు ప్రమాదాలు పాలైన ఘటనలు చోటుచేసుకున్నాయి. ఈదురుగాలులతో చెట్లు, విద్యుత్‌ స్తంభాలు నేలకొరిగి రూరల్‌ ఏరియాలతో పాటు పట్టణాల్లోని పలు ప్రాంతాల్లోను విద్యుత్‌ సరఫరాకు అంతరాయం ఏర్పడింది. జిల్లాలోని ప్రధానమైన బొండాడ, గునుపూడి సౌత్‌, యనమదుర్రు, గొంతేరు, భగ్గేశ్వరం, మొగల్తూరు కాజా, రుద్రయ్య కోడు డ్రెయిన్లు పొంగి ప్రవహిస్తున్నాయి. పట్టణాల్లో స్తంభించిన జనజీవనం భీమవరం, పాలకొల్లు, తాడేపల్లిగూడెం, తణుకు బస్టాండులలో వర్షంనీరు నిలిచిపోయి ప్రయాణికులు అవస్థలు పడ్డారు. భీమవరంలోని ఇందిరమ్మ నగర్‌, హౌసింగ్‌బోర్డు, మెంటేవారితోట, గునుపూడి, ఫైర్‌స్టేషన్‌, బ్యాంక్‌ కాలనీలోని పల్లపు ప్రాంతాల్లో వర్షం నీరు నిలిచిపోయింది. పలు ప్రాంతాల్లో డ్రెయిన్లలోని చెత్త రోడ్లపైకి చేరి స్థానికులు తీవ్ర అసౌకర్యానికి గురయ్యారు. పాలకొల్లు హౌసింగ్‌బోర్డు కాలనీ, బస్టాండ్‌ సెంటర్‌, సలాదివారితోట, పెనుగొండ, ఆచంట, పెనుమంట్ర, పోడూరు మండలాల్లో శివారు ప్రాంత కాలనీల్లో వర్షంతో ఇబ్బందులు పడ్డారు. డ్రెయినేజీ వ్యవస్థలు లేక పోవడంతో రోడ్లుపైనే వర్షం నీరు నిలిచిపోయింది. మురుగుతో కలిసి వర్షం నీరు రోడ్డుపై ప్రవహించడంతో దుర్వాసనతో ప్రజలు అసౌకర్యానికి గురయ్యారు. తణుకులో రైల్వే స్టేషన్‌ రోడ్డు, మున్సిపల్‌ ఆఫీస్‌ రోడ్లు, ఆకివీడులో సంతపేట, శాలిపేట, జవహర్‌ నగర్‌, రైల్వేస్టేషన్‌ రోడ్డుతోపాటు పలు గ్రామాల్లోని రహదారులు నీట మునిగాయి. ఆందోళనలో రైతులు జిల్లాలోని 2.08 లక్షల ఎకరాల్లో ఖరీఫ్‌ సాగుచేయగా, దాదాపు లక్ష ఎకరాల్లో ఆక్వా సాగవుతోంది. ప్రస్తుతం వరి పంట అధిక శాతం విస్తీర్ణంలో ఈనిక, గింజ గట్టిపడే దశల్లో ఉంది. ఈ తరుణంలో అధిక వర్షాలతో పొలాలు నీట మునుగుతుండటం రైతులను కలవరపరుస్తోంది. మరోపక్క చలిగాలుల తీవ్రతకు చెరువుల్లో ఆక్సిజన్‌ లెవిల్స్‌ పడిపోతుండటం ఆక్వా రైతులను కలవరపరుస్తోంది. ఆక్సిజన్‌ లెవిల్స్‌ పెంచుకునేందుకు ఏరియేటర్లు తిప్పడం, అవసరమైన మందుల వినియోగానికి ఉరుకులు పరుగులు పెడుతున్నారు. కలెక్టర్‌ ఆదేశాలు భారీ వర్షాల నేపథ్యంలో జిల్లాలోని అధికారులంతా అందుబాటులో ఉండాలని కలెక్టర్‌ నాగరాణి ఆదేశించారు. అత్యవసర సేవల నిమిత్తం కంట్రోల్‌ రూమ్‌లు ఏర్పాటుచేశారు. కుంభవృష్టి తీవ్ర వాయుగుండంతో భారీ వర్షం జిల్లాలో 170.8 సెం.మీ వర్షం స్తంభించిన జనజీవనం లోతట్టు ప్రాంతాలు జలమయం ఈదురుగాలులతో విద్యుత్‌ సరఫరాకు అంతరాయం నీట మునుగుతున్న పంట పొలాలు

తణుకు అర్బన్‌ : భీమవరం అంబేద్కర్‌ భవన్‌లో వచ్చేనెల 6, 7 తేదీల్లో నిర్వహించనున్న ఏఐటీయూసీ జిల్లా 12వ మహాసభలను విజయవంతం చేయాలని ఏఐటీయూసీ జిల్లా అధ్యక్షుడు కోనాల భీమారావు పిలుపునిచ్చారు. గురువారం తణుకు వంక సత్యనారాయణ సురాజ్య భవన్‌న్‌లో మహాసభల కరపత్రాలను ఆవిష్కరించారు. ఈ సందర్భంగా ఆయన మాట్లాడుతూ కార్మికుల హక్కులు, ఉద్యోగ భద్రత, కనీస వేతనాలు, కార్మిక సంక్షేమం తదితర అంశాలపై మహాసభల్లో చర్చించి భవిష్యత్‌ కార్యాచరణ రూపొందించనున్నట్లు స్పష్టం చేశారు. కార్మికులు పెద్ద సంఖ్యలో పాల్గొని మహాసభలను జయప్రదం చేయాలని కోరారు. ఈ కార్యక్రమంలో అక్కమాంబ టెక్స్‌టైల్స్‌ స్టాఫ్‌ అండ్‌ వర్కర్స్‌ యూనియన్‌ ఉపాధ్యక్షుడు దేవ పెద్దిరాజు, సత్యనారాయణ స్పిన్నింగ్‌ మిల్స్‌ స్టాఫ్‌ అండ్‌ వర్కర్స్‌ యూనియన్‌ సహాయ కార్యదర్శి చింతన సాయిరాం, తణుకు మున్సిపల్‌ కాంట్రాక్ట్‌ వర్కర్స్‌ యూనియన్‌ కార్యదర్శి మందుల ముత్తయ్య తదితరులు పాల్గొన్నారు.

భీమవరం (ప్రకాశంచౌక్‌): వసతి గృహాల్లో విద్యార్థినులు చదువుతో పాటు వ్యక్తిగత భద్రతపై అవగాహన కలిగి ఉండాలని జిల్లా కలెక్టర్‌ చదలవాడ నాగరాణి అన్నారు. గురువారం భీమవరం, నరసయ్య అగ్రహారంలోని బీసీ వెనుకబడిన తరగతుల సంక్షేమ కళాశాల బాలికల వసతి గృహాన్ని ఆమె ఆకస్మికంగా తనిఖీ చేశారు. వంటశాల, పరిసరాలు, మౌలిక వసతులు, భోజన సదుపాయాలను పరిశీలించి, అధికారులతో వివరాలు అడిగి తెలుసుకున్నారు. ఈ సందర్భంగా విద్యార్థినులతో ముచ్చటించిన కలెక్టర్‌, క్రమశిక్షణతో చదువుపై దృష్టి సారిస్తే ఉజ్వల భవిష్యత్తును నిర్మించుకోవచ్చని సూచించారు. బాలికలు ఇంజనీరింగ్‌ వంటి సాంకేతిక విద్యా రంగాలపై ఆసక్తి పెంచుకోవాలని కోరారు. అలాగే, ప్రతి విద్యార్థిని తమ మొబైల్‌లో ‘శక్తి యాప్‌’ను డౌన్‌లోడ్‌ చేసుకోవాలని ఆదేశించారు. వేధింపులు లేదా అత్యవసర పరిస్థితులు ఎదురైతే ఈ యాప్‌ ద్వారా వెంటనే పోలీసులకు సమాచారం అందించవచ్చని తెలిపారు. యాప్‌ వినియోగంపై అందరికీ అవగాహన కల్పించాలని అధికారులను ఆదేశించారు. వసతి గృహాల్లో విద్యార్థులకు నాణ్యమైన వసతి, పారిశుద్ధ్యం, మంచి ఆహారం అందేలా అధికారులు నిరంతరం పర్యవేక్షించాలని కలెక్టర్‌ స్పష్టం చేశారు. ఈ కార్యక్రమంలో బీసీ సంక్షేమ అధికారి ఏవీ సూరిబాబు, భీమవరం వన్‌టౌన్‌ సీఐ ఎ.రమేష్‌ తదితరులు పాల్గొన్నారు.

కొయ్యలగూడెం: అరుదైన ఆడ క్యూలెక్స్‌ దోమ కొయ్యలగూడెంలోని ఓ ప్రాంతంలో కనిపించింది. ఆడ క్యూలెక్స్‌ దోమ అనేది ఒక వ్యాధి వాహకం అని ప్రొఫెసర్‌ డాక్టర్‌ బీవీ శ్రీనివాస్‌ తెలిపారు. సాధారణ దోమ కంటే పదింతలు పెద్దదిగా, అంగుళం ఎత్తు, అంగుళం పొడవు ఉన్న దీనిని స్థానికులు ఒక గ్లాసులో బంధించి కొద్దిసేపు ఉంచారు. దాని ఆకారాన్ని చూసి భయకంపితులయ్యారు. కాగా, ఇది ‘వుచేరేరియా బాంక్రాఫ్టి’ అనే నులిపురుగు పరాన్నజీవి యొక్క మైక్రోఫైలేరియా లార్వాలను మోసుకెళ్తుందని, తద్వారా ఫైలేరియాసిస్‌ లేదా ఏనుగు వ్యాధిని కలిగిస్తుందని ఆయన వివరించారు. ఆడ క్యూలెక్స్‌ దోమ కుడితే, దాని శరీరంలో ఉన్న సన్నని పురుగులు మన రక్తంలోకి వెళ్తాయని, ఆ పురుగులు శరీరంలో పెరిగి లింఫ్‌ గ్రంథులను పాడుచేస్తాయని తెలిపారు. దానివల్ల కాళ్లు, చేతులు ఏనుగు కాళ్లలా వాచిపోతాయని, దాన్నే బోదకాలు వ్యాధి లేదా ఏనుగు కాలు వ్యాధి (ఫైలేరియా) అంటారని పేర్కొన్నారు. అయితే, ఇటువంటి దోమలు ఇంకా కొయ్యలగూడెం పట్టణంలో ఉండవచ్చని, ఇవి కనుక మనుషులపై దాడి చేస్తే పరిస్థితులు ఎలా ఉంటాయో ఊహించుకుంటేనే భయం కలుగుతోందని ప్రజలు ఆందోళన వ్యక్తం చేస్తున్నారు. దోమల నివారణకు పంచాయతీ ఆధ్వర్యంలో పెద్ద ఎత్తున స్ప్రేయింగ్‌ (పిచికారీ) పనులు చేపట్టాలని గ్రామస్తులు కోరుతున్నారు.

జంగారెడ్డిగూడెం (చింతలపూడి): జంగారెడ్డిగూడెం సబ్‌ ట్రెజరీ (ఉప ఖజానా) కార్యాలయంలో ఏసీబీ అధికారులు గురువారం సోదాలు చేశారు. ఏసీబీ డీఎస్పీ జీవీ కృష్ణారావు ఆధ్వర్యంలో అధికారులు రికార్డులను పరిశీలించారు. ఇటీవల మరణించిన తన తల్లి పెన్షన్‌ సొమ్మును తన పేరిట బదిలీ చేసేందుకు సబ్‌ ట్రెజరీ కార్యాలయానికి చెందిన సిబ్బంది లంచం డిమాండ్‌ చేశారని ఓ బాధితురాలు ఏసీబీ అధికారులను ఆశ్రయించారు. ఈ ఫిర్యాదు ఆధారంగా రంగంలోకి దిగిన అధికారులు తనిఖీలు చేపట్టి సుదీర్ఘంగా విచారణ జరిపారు. కార్యాలయంలోని ఏటీఓ చంద్రయ్య, ఎస్టీఓ చినబాబులతో పాటు కార్యాలయంలో ఉన్న మరో వ్యక్తి నుంచి ఏసీబీ అధికారులు స్టేట్‌మెంట్లు రికార్డు చేసుకున్నారు. సోదాలు, విచారణ వివరాలపై అధికారులు గోప్యత పాటిస్తున్నారు. ఏసీబీ సీఐలు ఎం.బాలకృష్ణ, కె.శ్రీనివాస్‌, సిబ్బంది పాల్గొన్నారు.

చిన వెంకన్న క్షేత్ర ధర్మకర్తల మండలి సమావేశం ద్వారకాతిరుమల: చినవెంకన్న క్షేత్రంలో భక్తుల సౌకర్యాలు, భద్రత, మౌలిక వసతుల అభివృద్ధికి ధర్మకర్తల మండలి ఆమోద ముద్ర వేసింది. దేవస్థాన ధర్మకర్తల మండలి సమావేశం ఆలయ చైర్మన్‌ ఎస్వీ సుధాకరరావు అధ్యక్షతన గురువారం నిర్వహించారు. అభివృద్ధి పనులు, టెండర్లు, అంచనాలు, లైసైన్స్‌ హక్కులకు సంబంధించిన అంశాలపై నిర్ణయాలు తీసుకున్నారు. అనంతరం దేవస్థానంలో వివిధ అభివృద్ధి పనుల పురోగతిని సమీక్షించారు. ఈ సమావేశంలో ట్రస్ట్‌బోర్డు సభ్యులు, ప్రత్యేక ఆహ్వానితులు పాల్గొన్నారు. సమావేశ వివరాలను ఆలయ ఈఓ వేండ్ర త్రినాథరావు విలేకర్లకు వెల్లడించారు.

యలమంచిలి: తమ న్యాయమైన కోర్కెలు తీర్చేలా ప్రభుత్వానికి కనువిప్పు కలిగించాలని వీఆర్‌ఏలు వరుణ దేవుడిని వేడుకున్నారు. నిరవధిక సమ్మెలో భాగంగా తొమ్మిదో రోజు గురువారం యలమంచిలి తహసీల్దార్‌ కార్యాలయం వద్ద జోరు వానలో దీక్ష కొనసాగించారు. తమ సమస్యలు తీర్చేలా ప్రభుత్వానికి కనువిప్పు కలగించమని వరుణ దేవుడిని ప్రార్థించారు. ఈ సందర్భంగా సంఘ అధ్యక్షుడు మట్టపర్తి నరసింహారావు మాట్లాడుతూ రెవెన్యూ శాఖలో కీలకమైన తమపై ప్రభుత్వం కనికరం చూపకపోవడం దారుణమన్నారు. సంఘ ఉపాధ్యక్షుడు కురెళ్ల శ్రీనివాస్‌, కార్యదర్శి హనుమంతావు, కోశాధికారి టి.ప్రసాద్‌, జిల్లా ఉపాధ్యక్షుడు కురెళ్ల శ్రీనివాస్‌ తదితరులు పాల్గొన్నారు. భీమవరం: జనవిజ్ఞాన వేదిక (జేవీవీ) ఆధ్వర్యంలో జిల్లాస్థాయి చెకుముకి సైన్స్‌ సంబరాలను ఈనెల 27న భీమవరం చింతలపాటి బాపి రాజు మెమోరియల్‌ హైస్కూల్‌లో నిర్వహించనున్నట్టు జేవీవీ జిల్లా అధ్యక్ష, ప్రధాన కార్యదర్శులు జామాను రామలక్ష్మణరావు, మల్లుల శ్రీనివాస్‌ తెలిపారు. గురువారం భీమవరంలో వివరాలు వెల్లడించారు. ఆదివారం ఉదయం 9.30 గంటలకు సంబరాలు ప్రారంభమవుతాయన్నారు. ముఖ్య అతిథులుగా ఉపాధ్యాయ ఎమ్మెల్సీ బి.గోపిమూర్తి, డీఈఓ ఓవీఎస్‌ అనిల్‌కుమార్‌ హాజరవుతారన్నారు. మండల, పట్టణ స్థాయిలో ప్రథమ స్థానం సాధించిన విద్యార్థులు జిల్లాస్థాయి సైన్స్‌ సంబరాల్లో పాల్గొంటారన్నారు. వివరాలకు సెల్‌ 72076 38826, 98496 66417 నంబర్లను సంప్రదించాలని రామలక్ష్మణరావు, శ్రీనివాస్‌ చెప్పారు. భీమవరం: యువజన సర్వీసుల శాఖ ఆధ్వర్యంలో ఈనెల 26న భీమవరం ఎస్‌ఆర్‌కేఆర్‌ ఇంజనీరింగ్‌ కళాశాలలో జిల్లా యూత్‌ ఫెస్టివల్‌ నిర్వహించనున్నట్టు సెట్‌వెల్‌ ఉమ్మడి పశ్చిమగోదావరి జిల్లా సీఈఓ కేఎస్‌ ప్రభాకరరావు చెప్పారు. ఫెస్టివల్‌ పోస్టర్‌ను గురువారం కళాశాలలో విడుదల చేశారు. యూత్‌ ఫెస్టివల్‌లో ఫోక్‌ డ్యాన్స్‌, ఫోక్‌ సాంగ్స్‌, జానపద నృత్యాలు, పెయింటింగ్‌, పొయిట్రీ రైటింగ్‌ తదితర అంశాల్లో పోటీలు ఉంటాయన్నారు. జిల్లాలో ప్రథమ స్థానం సాధించిన జట్టును రాష్ట్ర స్థాయి పోటీలకు ఎంపిక చేస్తామన్నారు. కళాశాల డైరెక్టర్‌ ఎం.జగపతిరాజు, ప్రిన్సిపాల్‌ కేవీ మురళీకృష్ణంరాజు, స్టూడెంట్‌ అఫైర్స్‌ డీన్‌ జి.హరీష్‌ కుమార్‌వర్మ పాల్గొన్నారు. భీమవరం: జిల్లావ్యాప్తంగా కురుస్తున్న భారీ వర్షాలు, ప్రతికూల వాతావరణ పరిస్థితుల దృష్ట్యా అన్ని మేనేజ్‌మెంట్‌, కేటగిరీల విద్యాసంస్థలకు శుక్రవారం పరిహార సెలవు ప్రకటించామని డీఈఓ అనిల్‌కుమార్‌ తెలిపారు. ముందు జాగ్రత్త చర్యల్లో భాగంగా కలెక్టర్‌ నాగరాణి ఆదేశాల మేరకు సెలవు ప్రకటించామని తెలిపారు. రాజమహేంద్రవరం రూరల్‌: ఉద్యోగుల భవి ష్య నిధి సంస్థ (ఈపీఎఫ్‌ఓ) రాజమహేంద్రవరం కార్యాలయం పరిధిలో ఈనెల 28న ఉదయం 9 గంటలకు నిధి ఆప్‌ కే నికట్‌–డిస్ట్రిక్ట్‌ ఔట్‌రీచ్‌ కార్యక్రమం నిర్వహిస్తున్నారు. అసిస్టెంట్‌ పీఎఫ్‌ కమిషనర్‌ ఎంకే వెంకటరావు గురువారం ప్రకటనలో వెల్లడించారు. ఏలూరు జిల్లాకు నల్లజర్లలోని ఎస్‌ఆర్‌కే ఎడ్యుకేషనల్‌ సొసైటీ, పశ్చిమగోదావరి జిల్లాకు భీమవరంలోని డీఎన్‌ఆర్‌ డిగ్రీ కళాశాలల్లో కార్యక్రమాలు నిర్వహిస్తామన్నారు. పోలవరం రూరల్‌: గోదావరి పరీవాహక ప్రాంతంలో కురుస్తున్న భారీ వర్షాలకు నదిలోకి నీరు చేరుతుండటంతో వరద ప్రవాహం పెరుగుతోంది. ఎగువ ప్రాంతాల్లో ఉప నదుల నీటికి తోడు శబరి నీరు కూడా పెరుగుతుండటంతో ఉధృతి గంట గంటకూ పెరుగుతోంది. పోలవరం ప్రాజెక్టు స్పిల్‌వే వద్ద 29 మీటర్లకు నీటిమట్టం చేరుకుంది. స్పిల్‌వే 48 గేట్ల నుంచి దిగువకు 2.47 లక్షల క్యూసెక్కుల నీరు దిగువకు చేరుతోంది. దిగువన ఇసుక తిన్నెలను ముంచుకుంటూ ప్రవహిస్తోంది. మరో రెండు రోజులపాటు వరద ఉధృతి పెరిగే అవకాశం ఉందని అధికార యంత్రాంగం అంచనా వేస్తోంది.

● ఈనెల 28న, వచ్చే నెల 5న నులిపురుగుల నివారణ మాత్రల పంపిణీ ● ఏలూరు జిల్లాలో 3.88 లక్షల మందికి అందజేత గణపవరం : అందరికీ ఆరోగ్యం నినాదంతో ప్రభుత్వ ఆదేశాల మేరకు, జాతీయ నులిపురుగుల నివారణ కార్యక్రమంలో భాగంగా పాఠశాల విద్యార్థులకు వైద్య ఆరోగ్యశాఖ ఆల్‌బెండాజోల్‌ మాత్రల పంపిణీని చేపట్టింది. రాష్ట్రవ్యాప్తంగా అన్ని ప్రభుత్వ, ప్రైవేట్‌ పాఠశాలలు, కళాశాలలు, అంగన్‌వాడీ కేంద్రాలలో ఈనెల 28న ఈ కార్యక్రమం అధికారికంగా నిర్వహించనున్నారు. గ్రామస్థాయిలో ఏఎన్‌ఎంలు, ఆశా కార్యకర్తలు, వైద్య సిబ్బంది ఈ పంపిణీ ప్రక్రియను పర్యవేక్షిస్తారు. ప్రతి విద్యార్థి ఈ మాత్ర వేసుకునేలా ఉపాధ్యాయులు, వైద్య సిబ్బందికి విద్యాశాఖ ప్రత్యేక ఆదేశాలు జారీ చేసింది. ఒకవేళ ఏ కారణం చేతనైనా ఈనెల 28న మాత్ర వేసుకోని పిల్లల కోసం, అక్టోబర్‌ 5న ప్రత్యేకంగా మరోసారి పంపిణీ చేయనున్నారు. ఏలూరు జిల్లాలో 1 నుంచి 19 ఏళ్ల వయసున్న 3,88,955 మందికి ఈ మాత్రలు వేసేందుకు అధికారులు అన్ని ఏర్పాట్లు పూర్తి చేశారు. నులిపురుగులు ఎలా వ్యాపిస్తాయి? సన్నని దారంలా ఉండే ఈ పురుగులు ప్రేగులలో చేరి రక్తాన్ని పీల్చడం వల్ల పిల్లల్లో రక్తహీనత, పోషకాహార లోపం ఏర్పడతాయి. అపరిశుభ్రత, కలుషితాహారం, గోళ్లను కత్తిరించకపోవడం, బహిరంగ ప్రదేశాలలో మలవిసర్జన, కాళ్లకు చెప్పులు ధరించకపోవడం వల్ల ఇవి శరీరంలోకి ప్రవేశిస్తాయి. ప్రధాన లక్షణాలు ● ఆకలి లేకపోవడం, కడుపునొప్పి, వికారం, వాంతులు. ● రక్తహీనత, నీరసం, బరువు తగ్గడం, ఎదుగుదల లోపించడం. ● చదువులో ఏకాగ్రత తగ్గడం, చర్మంపై దద్దుర్లు రావడం. తీసుకోవాల్సిన జాగ్రత్తలు ● 2 నుండి 19 ఏళ్ల వయస్సు గలవారు 400 మి.గ్రా మాత్రను, రెండేళ్ల లోపు పిల్లలు అందులో సగం మోతాదును తీసుకోవాలి. ● ఎట్టి పరిస్థితుల్లోనూ ఖాళీ కడుపుతో ఈ మాత్ర వేసుకోరాదు. మధ్యాహ్న భోజనం తర్వాత మాత్రమే మింగాలి. ● తీవ్ర అనారోగ్యంతో ఉన్నవారు కోలుకున్నాక ఈ మాత్ర వేసుకోవాలి. గర్భిణులు, బాలింతలు, కాలేయ లేదా గుండె జబ్బులు ఉన్నవారు ఈ మాత్రలకు దూరంగా ఉండాలి. 28న డీ వార్మింగ్‌ డే జిల్లావ్యాప్తంగా భారీ వర్షాలు, ప్రతికూల వాతావరణ పరిస్థితుల దృష్ట్యా షెడ్యూల్‌ ప్రకారం ఈనెల 25న (శుక్రవారం) జరగాల్సిన డీ వార్మింగ్‌ డేను ఈనెల 28న (సోమవారం) నిర్వహించాలని డీఈఓ ఎం.వెంకటలక్ష్మమ్మ తెలిపారు. ఈ మేరకు క్షేత్రస్థాయి సిబ్బంది ఏర్పాట్లు చేసుకోవాలని సూచించారు.

జిల్లాలో గ్రామీణ రహదారులు అధ్వానంగా మారాయి. గజానికో గొయ్యి.. అడుగుకో గుంత అన్నట్టు ఉన్నాయి. సాధారణ రోజుల్లో సర్కాస్‌ ఫీట్లను తలపించేలా రాకపోకలు సాగిస్తున్న గ్రామీణులు.. వర్షం కురిస్తే మరింత ప్రమాదకర పరిస్థితుల్లో ప్రయాణిస్తున్నారు. చిన్నపాటి వర్షానికీ భారీ గోతుల్లో నీరు నిలిచి పలు రోడ్లు చెరువులను తలపిస్తున్నాయి. కాళ్ల మండలంలోని ఏలూరుపాడు నుంచి ఆకివీడు వెళ్లే ఆర్‌అండ్‌బీ రహదారిలో ముఖ్యంగా ఏలూరుపాడు నుంచి చెరుకుమిల్లి వరకు మూడు కిలోమీటర్ల మేర రహదారి భారీ భారీ గోతులతో మరింత దారుణంగా ఉంది. రాత్రిళ్లు ప్రయాణం ప్రమాదకరంగా ఉందని వాహనచోదకులు వాపోతున్నారు. – కాళ్ల

● పెట్రోల్‌ బంకులో నిర్వాకం ● లబోదిబోమన్న వాహనచోదకులు ● ఆక్వా చెరువుల వద్ద ఆగిపోయిన జనరేటర్లు ఉండి: మండలంలోని ఎన్నార్పీ అగ్రహారంలో రెండు పెట్రోల్‌ బంక్‌లు ఉన్నాయి. ఒకటి ప్రైవేటు బంక్‌ కాగా, రెండోది పౌరసరఫరాల శాఖ ఆధ్వర్యంలో నడుస్తోంది. ఇందులో ప్రైవేటు బంక్‌లో మాత్రం ప్రతిఏటా ఏదో ఒక సమస్య తలెత్తుతూనే ఉంది. కొలతల్లో తేడాలున్నాయని ఒకసారి, డీజిల్‌కు బదులుగా నీళ్లు ఇస్తున్నారంటూ గతంలోనూ ఆరోపణలు వచ్చాయి. గురువారం ఉదయం నుంచి బంకులో వాహనాలకు పెట్రోల్‌, డీజిల్‌ పోస్తున్నారు. ఈ క్రమంలో ఆక్వా చెరువుల యజమానులు విద్యుత్‌ కోతల కారణంగా జనరేటర్ల కోసం డీజిల్‌ పట్టుకెళ్లారు. అయితే, బంకులో డీజిల్‌కు బదులు నీరు ఉండటంతో జనరేటర్లు ఆగిపోయి మొరాయించాయి. దీంతో ఆక్వా రైతులు లబోదిబోమంటూ మీడియాకు ఫోన్‌ చేశారు. పలువురు మీడియా ప్రతినిధులు వివరాలు ఆరా తీసేందుకు బంకు వద్దకు వెళ్లగా.. అప్పటికే అక్కడ ఒక కారు, ఒక పొక్లెయిన్‌ డీజిల్‌కు బదులు నీరు కొట్టడం వల్ల ఆగిపోయి ఉన్నాయి. దీనిపై బంక్‌ ప్రతినిధిని ఆరా తీయగా.. ‘మేమేం చేయాలి? వర్షం కురవడం వల్ల భూమిలోపల ఉన్న ట్యాంకులోకి నీరు వెళ్లింది’ అంటూ నిర్లక్ష్యంగా సమాధానమిచ్చారు. అప్పటికే రెండు కార్లు రిపేరు నిమిత్తం భీమవరం వెళ్లగా, మరో కారు యజమాని మాత్రం బంకు వద్దకు వచ్చి పరిశీలించాలని పట్టుబట్టారు. చేసేది లేక బంక్‌ యాజమాన్యం ఆ కారు డీజిల్‌ ట్యాంక్‌ను ఊడదీసి బయటకు తీసి చూడగా, ట్యాంక్‌ నుంచి నీళ్లు బయటకు వచ్చాయి. అలాగే రోడ్డు పక్కన ఉన్న పొక్లెయిన్‌ కూడా నీరు చేరడం వల్ల కదలలేని స్థితిలో నిలిచిపోయింది. సమాచారం అందుకున్న సివిల్‌ సప్లై డిప్యూటీ తహసీల్దార్‌ సూర్యనారాయణరాజు బంకు వద్దకు చేరుకుని, పై అధికారులకు సమాచారం ఇస్తానని తెలిపారు. ఎన్ని ఆరోపణలు వస్తున్నా సరైన చర్యలు తీసుకోని అధికారులపై వినియోగదారులు తీవ్రస్థాయిలో మండిపడుతున్నారు. ప్రతిసారి ఇలాంటి ఆరోపణలు రావడం, వాటిని లోపాయికారిగా సర్దుబాటు చేసుకోవడం సాధారణమైపోయిందని పలువురు ఆగ్రహం వ్యక్తం చేస్తున్నారు. మరి ఈసారైనా అధికారులు స్పందించి తగిన చర్యలు తీసుకుంటారో లేదో వేచి చూడాలి.

భీమవరం (ప్రకాశంచౌక్‌): పట్టణంలోని పలు ప్రాంతాల్లో కలెక్టర్‌ సీహెచ్‌ నాగరాణి గురువారం పర్యటించి లోతట్టు ప్రాంతాలు, రోడ్లు, డ్రెయినేజీ వ్యవస్థలను పరిశీలించారు. భారీ వర్షాల నేపథ్యంలో ప్రజలంతా అప్రమత్తంగా ఉండాలన్నారు. చినరంగనిపాలెం రజకపేట, రైల్వేస్టేషన్‌ రోడ్డు, డీఎన్నార్‌ కళాశాల రోడ్డు, మెంటేవారితోటలో మిరిమియాకోడు లాకుల వద్ద నీటి ప్రవాహాన్ని పరిశీలించి, కాలువల్లో ఎప్పటికప్పుడు చెత్తాచెదారం లేకుండా తొలగించేలా చర్యలు తీసుకోవాలని అధికారులను ఆదేశించారు. వర్షాభావ పరిస్థితుల వలన తాగునీరు కలుషితం కాకుండా చూడాలన్నారు. శానిటేషన్‌, మున్సిపల్‌, ఇరిగేషన్‌ అధికారుల సమన్వయంతో పనులు చేయాలన్నారు. అనంతరం నరసయ్య అగ్రహారంలో సంక్షేమ హాస్టల్‌ను తనిఖీ చేసి విద్యార్థులకు అందుతున్న ఆహారం, విద్యా సౌకర్యాలు, వసతిపై ఆరా తీశారు. అసిస్టెంట్‌ మున్సిపల్‌ కమిషనర్‌ రాంబాబు, మున్సిపల్‌ ఇంజనీర్‌ తాతాబాబు, ఎంహెచ్‌ఓ డా.రాజేష్‌, ఏఈలు ఉన్నారు.

ద్వారకాతిరుమల: దేవుడి భూమికి ఎట్టకేలకు రక్షణ లభించింది. ఆలయ ఆస్తులను పరిరక్షించాలని రాష్ట్ర హైకోర్టు మధ్యంతర ఆదేశాలు జారీ చేయడంతో.. తిమ్మాపురం పంచాయతీ, లక్ష్మీపురంలోని జగన్నాధుని ఆలయానికి చెందిన 1.73 ఎకరాల వివాదాస్పద భూమిలో అధికారులు రెండు హెచ్చరిక బోర్డులను ఏర్పాటు చేశారు. సదరు భూమి శ్రీ వేంకటేశ్వరస్వామివారి దేవస్థానం, ద్వారకాతిరుమల సంరక్షణలో ఉందని, అనుమతి లేకుండా ప్రవేశించినచో శిక్షార్హులవుతారని బోర్డుల్లో స్పష్టం చేశారు. ఈ పరిణామంపై భక్తులు హర్షం వ్యక్తం చేస్తుండగా.. ఇంతకాలం భూమి వ్యవహారంలో కీలకంగా వ్యవహరించిన టీడీపీ నేతలకు హైకోర్టు ఆదేశాలు షాక్‌ ఇచ్చాయని వైఎస్సార్‌ సీపీ నేతలు అంటున్నారు. ఆలయ ఆస్తుల పరిరక్షణకు ఆదేశం సర్వే నంబర్‌ 38/1లోని 1.73 ఎకరాల ఈ భూమి పూరీ మఠాధిపతి మంత్రరత్నం అమ్మాజీ (లక్ష్మీ అమ్మవారు) కుటుంబ సభ్యుడైన సంపత్‌ కుమారాచార్యుల ద్వారా శ్రీవారి క్షేత్ర ఉపాలయమైన జగన్నాథుని ఆలయానికి సంక్రమించినట్టు దాత వంశీకులు పేర్కొంటున్నారు. అయితే ఈ భూమిని కొందరు టీడీపీ నేతలు కబ్జా చేసిన వ్యవహారంపై సాక్షి దినపత్రికలో వరుస కథనాలు ప్రచురితం కావడం, వైఎస్సార్‌సీపీ శ్రేణులు ఆందోళనలు చేపట్టడంతో వ్యవహారం తారాస్థాయికి చేరింది. ఈ పరిణామాల నేపథ్యంలో ఆన్‌లైన్‌ రెవెన్యూ రికార్డుల్లో గతంలో ‘కమ్మ సేవా సంఘం ద్వారకాతిరుమల మండలం’ పేరుతో నమోదు చేసిన వివరాలను అధికారులు తొలగించి.. ప్రస్తుతం ‘కాలనీ’గా నమోదు చేశారు. అయితే ఇది సరికాదని, రికార్డుల్లో దేవుడి పేరు నమోదు చేయాలని దాత వంశీకులు శ్రీమత్‌ ప్రతివాద భయంకర మంత్రరత్నం రాధాకృష్ణమాచార్యులు, శ్రీమత్‌ ప్రతివాద భయంకర మంత్రరత్నం పార్థసారథి అయ్యంగార్లు రెవెన్యూ అధికారులను కోరినా, వారు స్పందించకపోవడంతో ఇటీవల హైకోర్టును ఆశ్రయించారు. వారి రిట్‌ పిటిషన్‌పై విచారణ చేపట్టిన న్యాయస్థానం.. భూమికి సంబంధించిన పూర్తి వివరాలతో కౌంటర్‌ అఫిడవిట్‌ దాఖలు చేయాలని రెవెన్యూ అధికారులను ఆదేశించింది. న్యాయమూర్తి జస్టిస్‌ తార్లాడ రాజశేఖరరావు ఈ మేరకు ఉత్తర్వులిచ్చారు. అంతేకాకుండా ఆలయ ఆస్తులను పరిరక్షించాలని దేవస్థానం ఈఓకు మధ్యంతర ఆదేశాలు జారీ చేశారు. బోర్డులతో రక్షణ.. కోర్టు ఆదేశాల నేపథ్యంలో దేవస్థానం అధికారులు వివాదాస్పద భూమిలో రెండు బోర్డులను ఏర్పాటు చేశారు. భూమి దేవస్థానం సంరక్షణలో ఉన్నట్టు, అనుమతి లేకుండా ప్రవేశిస్తే శిక్షార్హులవుతారన్న విషయాన్ని అందులో పేర్కొన్నారు. దీంతో భూమి విషయంలో ఎలాంటి అనధికార కార్యకలాపాలు జరగకుండా అధికారులు రక్షణ చర్యలు చేపట్టారు. హైకోర్టు ఆదేశాలతో వివాదాస్పద భూమిలో రెండు హెచ్చరిక బోర్డులు ఏర్పాటు అనుమతులు లేకుండా ప్రవేశిస్తే శిక్షార్హులంటూ స్పష్టీకరణ చర్యలపై భక్తుల హర్షం.. కబ్జాకోరు టీడీపీ నేతలకు షాక్‌ స్వామివారి ఆలయానికి సంబంధించిన భూమిపై వివాదం కొనసాగుతున్న నేపథ్యంలో.. హైకోర్టు ఆదేశాల మేరకు అధికారులు బోర్డులు ఏర్పాటు చేయడంపై భక్తులు హర్షం వ్యక్తం చేస్తున్నారు. కోర్టు ఆదేశాలు, దేవస్థానం అధికారులు చేపట్టిన చర్యలతో భూమి వ్యవహారంలో కీలకంగా వ్యవహరించిన టీడీపీ నేతలకు షాక్‌ తగిలినట్లయ్యింది. ఏది ఏమైనా.. వివాదాస్పద భూమిలో అధికారులు బోర్డులు ఏర్పాటు చేయడం ప్రాధాన్యత సంతరించుకుంది.

పెంటపాడు: పశ్చిమగోదావరి జిల్లా పెంటపాడు మండలం జట్లపాలెంలో విషాద ఛాయలు అలుముకున్నాయి. ఒకే కుటుంబానికి చెందిన ఇద్దరు చిన్నారులు ఆడుకుంటూ వెళ్లి విద్యుత్‌ షాక్‌కు గురై మృత్యవాతపడ్డారు. ఆడుకోవడానికి వెళ్లిన క్రమంలో ఎర్త్‌వైర్‌ పట్టుకున్నారు చిన్నారులు. ఆ ఎర్త్‌వైర్‌కు విద్యుత్‌ ప్రవహించడంతో సూర్య(14), సాయి(12)లు అక్కడికక్కడే మృతి చెందారు. సూర్య 8వ తరగతి, సాయి 6వ తరగతి చదువుతున్నారు. చిన్నారుల ఆకస్మిక మృతితో కుటుంబ సభ్యుల కన్నీరుమున్నీరవుతున్నారు.

గే డేటింగ్‌ యాప్‌ ద్వారా ఓ వ్యక్తిని ప్రలోభపెట్టి నగదు దోచుకున్న సంఘటనలో ఐదుగురు నిందితులను అరెస్ట్‌ చేసినట్లు రూరల్‌ పోలీసులు తెలిపారు. బుధవారం విడుదల చేసిన పత్రికా ప్రకటనలో నరసాపురం డీఎస్పీ ఎం. సుధాకరరావు వివరాలు వెల్లడించారు. మండలంలోని అరట్లకట్ట గ్రామం సమీపంలో ఐదుగురు సభ్యులు ముఠాగా ఏర్పడ్డారు. వీరిలో ఒకరు ఈ నెల 14వ తేదీ రాత్రి గే డేటింగ్‌ యాప్‌ ద్వారా బాధితుడిని నిర్మానుష్య ప్రాంతానికి రప్పించారు. అక్కడ కాపుకాచిన మరో నలుగురు వ్యక్తులతో కలిసి బాధితుడిని కత్తితో బెదిరించి, పర్సులోని రూ. 3 వేలు నగదుతో పాటు సెల్‌ఫోన్, రెండు ఏటీఎం కార్డులను లాక్కున్నారు. పాస్‌వర్డ్స్‌ చెప్పకపోవడంతో చంపుతామని బెదిరించి బలవంతంగా పిన్‌ నెంబర్లు రాబట్టారు. ఇద్దరు నిందితులు ఫోన్, ఏటీఎం కార్డులతో బయటకు వెళ్లి నగదు డ్రా చేస్తుండగా, మిగతా ముగ్గురు బాధితుడిని సుమారు మూడు గంటల పాటు నిర్బంధించారు. రాత్రి 11 గంటల సమయంలో ఫోన్, కార్డులు బాధితుడికి ఇచ్చి నిందితులు పరారయ్యారు. పరిశీలించగా ఏటీఎం ద్వారా రూ. 22,495 బదిలీ అయినట్లు తేలింది. మొత్తం రూ. 25,495 బాధితుడి నుంచి దోచుకున్నట్లు గుర్తించారు. బాధితుడు ఈ నెల 21న ఇచ్చిన ఫిర్యాదు మేరకు పోలీసులు కేసు నమోదు చేసి ప్రత్యేక బృందాలతో దర్యాప్తు చేపట్టారు. సీసీటీవీ పుటేజీల ఆధారంగా బుధవారం పెనుమంట్ర మండలం నెలమూరు గ్రామంలో మంగం అఖిల్, ఒరుగంటి మోహన్‌తేజవర్మ, పీతల భీమ కార్తీక్, పితాని సతీష్‌ గుత్తుల సురేంద్రలను అదుపులోకి తీసుకున్నారు. వారి నుంచి రూ. 20 వేల నగదు, ఒక కత్తి, రెండు మోటార్‌ సైకిళ్లు స్వా«దీనం చేసుకున్నారు. ఈ సమావేశంలో రూరల్‌ సీఐ గుత్తుల శ్రీనివాస్, ఎస్సై సురేంద్ర, ఐడీ పార్టీ పోలీసులు పాల్గొన్నారు. -ఏలూరు జిల్లా చదవండి: నీ పిల్లకు మరో యువకుడితో పెళ్లి.. జైలు నుంచి తప్పించుకో!

పాలకొల్లు సెంట్రల్‌: తమ న్యాయపరమైన స మస్యలను పరిష్కరించాలని కోరుతూ గ్రామ రెవెన్యూ సహాయకులు (వీఆర్‌ఏ) చేస్తున్న స హాయ నిరాకరణ ఉద్యమం ఎనిమిదో రోజుకు చేరుకుంది. మంగళవారం స్థానిక తహసీల్దార్‌ కార్యాలయం వద్ద దీక్ష చేస్తున్న వీఆర్‌ఏలు అర్ధనగ్న ప్రదర్శనగా నిరసన తెలిపారు. తమకు పేస్కేలు, డ్రైవర్‌, అటెండర్‌, నైట్‌ వాచ్‌మన్‌ పదోన్నతులు, వన్‌టైమ్‌ సెటిల్‌మెంట్‌ ద్వారా భర్తీ చేయాలని, నామినీ వీఆర్‌ఏలను రెగ్యులర్‌ చేయాలని డిమాండ్‌ చేశారు. తాడేపల్లిగూడెం రూరల్‌: బిందు సేద్యంతో ఉద్యాన మొక్కలను పరిరక్షించుకోవచ్చని ఉ ద్యాన శాఖ డైరెక్టర్‌ (విజయవాడ) డాక్టర్‌ సీ హెచ్‌ పద్మావతి అన్నారు. మండలంలోని ఎల్‌నినో ప్రభావిత ఎల్‌.అగ్రహారం, కొండ్రుప్రో లు, మెట్ట ఉప్పరగూడెం, కుంచనపల్లి గ్రామాల్లో ఉద్యాన శాఖ అధికారులు మంగళవారం పర్యటించారు. జామ, ఆయిల్‌పామ్‌, కోకో, కొబ్బరిలో మల్చింగ్‌, వీడ్‌ మ్యాట్‌ ద్వారా నీటిని మొక్కలకు ఆవిరి కాకుండా చూడవచ్చన్నారు. పంటల్లో తీసుకోవలసిన జాగ్రత్తలను సూచించారు. జిల్లా ఉద్యాన శాఖ అధికారి కిరణ్‌కుమార్‌, జిల్లా సూక్ష్మ నీటి అధికారి పి.వీరభద్రరావు, మండల ఉద్యాన శాఖ అధికారి శ్రీలక్ష్మి, సిబ్బంది ఉన్నారు. భీమవరం (ప్రకాశంచౌక్‌): రాష్ట్రంలోని పట్టణ ప్రాంతాల్లో మౌలిక వసతుల మెరుగుకు ప్రభుత్వం చేపట్టిన హైబ్రిడ్‌ యాన్యుటీ మోడల్‌ (హెచ్‌ఏఎం) అభివృద్ధి పనులకు సీఎం చంద్రబాబు కుప్పం నుంచి వర్చువల్‌గా శంకుస్థాపన చేశారు. ఈ కార్యక్రమాన్ని భీమవరంలోని ఆనంద్‌ ఇన్‌ హాల్‌లో కలెక్టర్‌ సీహెచ్‌ నాగరాణి, ఎమ్మెల్యే పులపర్తి రామాంజనేయులు పాల్గొని వీక్షించారు. తొలుత కలెక్టర్‌ జ్యోతి ప్రజ్వలన చేసి శిలాఫలకం ఆవిష్కరించారు. ఈ సందర్భంగా ఆమె మాట్లాడుతూ జిల్లాలోని ఆరు మున్సిపాలిటీల్లో అభివృద్ధికి సుమారు రూ.210 కోట్లు మంజూరు కాగా, భీమవరానికి రూ.43 కోట్ల నిధులు కేటాయించారన్నారు. తాడేపల్లిగూడెం: ఉద్యాన రంగంలో విశేష సేవలకు డాక్టర్‌ వైఎస్సార్‌ ఉద్యాన విశ్వవిద్యాలయం వీసీ డాక్టర్‌ కె.ధనుంజయరావుకు అంతర్జాతీయ గౌ రవం దక్కింది. డాక్టర్‌ హెచ్‌బీ సింగ్‌ అవార్డును వీసీకి డిసెంబర్‌ 3న ఉత్తరాఖండ్‌లో జరిగే అంతర్జాతీయ సదస్సులో ప్రదానం చేయనున్నారు. ఉద్యాన రంగంలో విశేష సేవలు, పరిశోధన, విద్యార్థులకు మార్గదర్శక సేవలను గుర్తిస్తూ ఈ అవార్డుకు ఎంపిక చేశారు. అలాగే ధనుంజయరావు నేతృత్వంలో పలు నూతన ఆవిష్కరణలు జరిగాయి. ఇవి ఉద్యాన పంటల ఉత్పత్తిని, నాణ్యతను మెరుగుపర్చడంలో కీలక పాత్ర పోషించాయి. ఈ పురస్కారాన్ని వ్యక్తిగత విజయంగా కాకుండా సహచరులు, శాస్త్రవేత్తలు, విద్యార్థులు, విశ్వవిద్యాలయ సిబ్బంది సమష్టి కృషికి గుర్తింపుగా భావిస్తున్నానని ధనుంజయరావు అన్నారు. రైతుల సంక్షేమం, ఉద్యాన రంగ అభివృద్ధికి భవిష్యత్‌లో మరింత కృషి చేస్తానని చెప్పారు. ఆయనకు వర్సిటీ అధికారులు శుభాకాంక్షలు తెలిపారు. భీమడోలు: ఏలూరు జిల్లాలో త్వరలో వంద మీ మార్ట్‌లు ఏర్పాటు చేయనున్నామని జా యింట్‌ కలెక్టర్‌ డాక్టర్‌ ఎంజే అభిషేక్‌ గౌడ అన్నారు. మంగళవారం పూళ్ల, ఎంఎంపురం గ్రామాల్లో సర్‌, రీసర్వే, మీ మార్ట్‌ ఏర్పాటు పనులను ఆయన పరిశీలించారు. సర్‌, రీసర్వేలపై ప్రజల అభిప్రాయాలు తెలుసుకున్నారు. ఎంఎం పురంలో రేషన్‌ షాపు–32లో ఏర్పాటు చేస్తున్న మీ మార్ట్‌ను సందర్శించారు. రేషన్‌ షాపులను కార్పొరేట్‌ మార్ట్‌లకు దీటుగా మార్చేందుకు చర్యలు చేపట్టామన్నారు.

● తమ్మిలేరులో ఇష్టారాజ్యంగా ఇసుక తవ్వకాలు ● అగాధాల్లా మారిన గోతులు ● స్నానానికి దిగి ఇద్దరు విద్యార్థుల మృతి ఏలూరు టౌన్‌: ఏలూరు శివారు తమ్మిలేరులో స్నానానికి దిగిన ఇద్దరు జూనియర్‌ ఇంటర్‌ విద్యార్థులు మృత్యువాతపడ్డారు. తమ్మిలేరులో ఇసుక అక్రమ తవ్వకాలతో ఏర్పడిన భారీ గోతులతో రెండు నిండు ప్రాణాలు బలయ్యాయి. వివరాలిలా ఉన్నాయి.. సోమవారం ముగ్గురు స్నేహితులు సరదాగా తమ్మిలేరులో స్నానానికి వెళ్లారు. విద్యార్థుల తల్లితండ్రి, బంధువులు వారి మృతితో కన్నీరుమున్నీరుగా విలపిస్తున్నారు. సోమవారం ఓ విద్యార్థి మృతదేహం లభ్యం కాగా.. మంగళవారం ఉ దయం మరో విద్యార్థి మృతదేహాన్ని రెస్క్యూ బృందం గుర్తించింది. ముగ్గురు స్నానానికి దిగి.. ఏలూరు శనివారపుపేట ప్రాంతానికి చెందిన కనకం దేవేందర్‌ పవన్‌ (17), షేక్‌ కరీం రోషన్‌ (17), జక్కుల శ్యామ్‌ ఒకే కళాశాలలో జూనియర్‌ ఇంటర్‌ చదువుతున్నారు. వీరి ముగ్గురూ సోమవారం కళాశాల మానివేసి ఫంక్షన్‌ ఉందంటూ ఇళ్ల నుంచి బయటకు వెళ్లారు. సా యంత్రం 4 గంటలకు ఏలూరు దొండపాడు వీ వర్స్‌ కాలనీ సమీపంలో తమ్మిలేరు కాలువలోకి స్నానానికి దిగారు. నీటి ప్రవాహానికి కరీమ్‌, రోషన్‌, శ్యామ్‌ నీటిలో మునిగిపోయారు. అక్కడే స్నానం చేస్తున్న వ్యక్తులు శ్యామ్‌, దేవేందర్‌ పవన్‌ ను కాపాడి బయటకు లాగారు. దేవేందర్‌ పవన్‌ అపస్మారక స్థితిలోకి వెళ్లడంతో నగరంలోని ఓ ప్రైవేటు హాస్పిటల్‌కు తరలించగా అప్పటికే మృతి చెందాడని వైద్యులు నిర్థారించారు. శ్యామ్‌ ప్రమా దం నుంచి సురక్షితంగా బయటపడ్డాడు. వంద మీటర్ల దూరంలో మరో మృతదేహం నీటిలో గల్లంతైన రోషన్‌ కోసం అగ్నిమాపకశాఖ, పోలీస్‌ శాఖ సోమవారం రాత్రంతా గాలింపు చర్యలు చేపట్టినా ఫలితం లేకుండా పోయింది. మంగళవారం సంఘటనా స్థలానికి వంద మీటర్ల దూరంలో తూడు వద్ద రోషన్‌ మృతదేహం నీటిపై తేలడంతో గుర్తించారు. మృతదేహాన్ని బయటకు తీసి ఏలూరు జీజీహెచ్‌ మార్చురీకి తరలించారు. ఇద్దరు విద్యార్థుల మృతదేహాలకు త్రీటౌన్‌ పోలీసులు శవపంచనామా నిర్వహించగా.. జీజీహెచ్‌ వైద్యులు పోస్టుమార్టం చేశారు.

కూటమి ప్రభుత్వం అధికారంలోకి వచ్చి దాదాపు 28 నెలలు కావొస్తున్నా.. మాకు ఒక్క రూపాయి కూడా గౌరవ వేతనం అందలేదు. స్థానిక ప్రజాప్రతినిధులపై చంద్రబాబుకు ఏమాత్రం గౌరవం లేదు. అన్ని రంగాల్లో కూటమి ప్రభుత్వం విఫలమైంది. జగనన్న మళ్లీ ముఖ్యమంత్రి అయి ఉంటే స్థానిక ప్రజాప్రతినిధుల గౌరవ వేతనాల బకాయిలను మొత్తం చెల్లించేవారు. – ఆకుర్తి సత్యన్నారాయణ, ఎంపీటీసీ, తిరుమలంపాలెం, ద్వారకాతిరుమల మండలం ఎంపీపీ, ఎంపీటీసీ, జెడ్పీటీసీ సభ్యులు ఎక్కువ మంది వైఎస్సార్‌ సీపీ వారు ఉండటంతో వారి వేతనాలను రెండున్నరేళ్లుగా విడుదల చేయకుండా చంద్రబాబు కక్ష పూరితంగా వ్యవహరించారు. చంద్రబాబు కుట్ర రాజకీయాలకు ఇదే నిదర్శనం. స్థానిక సంస్థల ప్రజాప్రతినిధులకు కూటమి సర్కార్‌లో సరైన గౌరవం దక్కలేదు. – కొప్పిశెట్టి గంగ, ఎంపీటీసీ, నారాయణపురం, ద్వారకాతిరుమల మండలం ద్వారకాతిరుమల: ప్రజలకు ఇచ్చిన హామీలను ఎగ్గొట్టడమే కాదు.. గ్రామీణ ప్రాంతాల్లో స్థానిక సమస్యల పరిష్కారానికి కృషి చేసిన ఎంపీపీ, ఎంపీటీసీ, జెడ్పీటీసీ సభ్యులకు అందించాల్సిన గౌరవ వేతనాన్ని సైతం ప్రభుత్వం ఎగ్గొట్టింది. పదవీ విరమణ చేయనున్న ఎంపీపీ, ఎంపీటీసీలు, జెడ్పీటీసీలకు కూటమి సర్కార్‌ బకాయిల బహుమతిని అందించింది. దీంతో కొందరు ప్రజాప్రతినిధులు ఆవేదన వ్యక్తం చేస్తున్నారు. ఉమ్మడి పశ్చిమగోదావరి జిల్లా పరిధిలో 733 మంది ఎంపీటీసీలు, 48 మంది ఎంపీపీలు, 45 మంది జెడ్పీటీసీ సభ్యులు ఉన్నారు. ఎంపీపీలకు నెలకు రూ. 6 వేలు, ఎంపీటీసీ సభ్యులకు రూ. 3 వేలు, జెడ్పీటీసీ సభ్యులకు రూ. 6 వేలు చొప్పున గౌరవ వేతనం చెల్లించాల్సి ఉంది. 2021లో బాధ్యతలు చేపట్టిన మండల పరిషత్‌ పాలకవర్గాల పదవీకాలం సెప్టెంబర్‌ 23తో, జిల్లా పరిషత్‌ పాలకవర్గాల పదవీకాలం సెప్టెంబర్‌ 24తో ముగియనుంది. అయితే తమకు 28 నెలల గౌరవ వేతనం బకాయి ఉన్నట్టు స్థానిక ప్రజాప్రతినిధులు చెబుతున్నారు. ఈ లెక్కన ఉమ్మడి జిల్లాలోని ఎంపీపీ, ఎంపీటీసీలకు కలిపి సుమారు రూ. 9.45 కోట్లు, 45 మంది జెడ్పీటీసీ సభ్యులకు రూ. 1.03 కోట్ల మేర బకాయిలను ప్రభుత్వం చెల్లించాల్సి ఉంది. అసలుకే ఎసరు 2024 ఎన్నికల సమయంలో స్థానిక సంస్థల ప్రజాప్రతినిధుల గౌరవ వేతనాలను పెంచుతామని సీఎం చంద్రబాబు హామీలు ఇచ్చారని పలువురు సభ్యులు గుర్తుచేస్తున్నారు. అయితే ప్రభుత్వం ఏర్పడిన తర్వాత గౌరవ వేతనాలను పెంచకపోగా.. ఉన్నవాటిని కూడా ఇవ్వకుండా అసలుకే ఎసరు పెట్టారని ధ్వజమెత్తుతున్నారు. చిన్న మొత్తమైనప్పటికీ నెలనెలా అందాల్సిన గౌరవ వేతనం అందడంలేదని పలుమార్లు అధికారులు, ప్రజాప్రతినిధుల దృష్టికి తీసుకెళ్లామని, మండల పరిషత్‌, జిల్లా పరిషత్‌ సమావేశాల్లోనూ ఈ అంశంపై పలుమార్లు ప్రస్తావించినా బకాయిలు విడుదల కాలేదని ఆవేదన వ్యక్తం చేస్తున్నారు. సమావేశాలకు హాజరు కావడంతోపాటు గ్రామాల్లో ప్రజల సమస్యలను అధికారుల దృష్టికి తీసుకెళ్లేందుకు తమ వంతు కృషి చేశామని, అయినా కనీసం గౌరవ వేతనం ఇవ్వకపోవడం దారుణమని అంటున్నారు. వైఎస్సార్‌ సీపీ వారనే.. ఎంపీటీసీ, జెడ్పీటీసీ సభ్యుల్లో మెజారిటీ సభ్యులు వైఎస్సార్‌ సీపీ వారు కావడం, తమ పార్టీ సానుభూతి పరులు పెద్దగా లేకపోవడంతో బాబు సర్కార్‌ కనీసం గౌరవ వేతనాలను కూడా అందించకుండా తమను సాగనంపుతోందని పలువురు ధ్వజమెత్తుతున్నారు. ప్రతి బడ్జెట్‌లో నిధులు కేటాయించడం, బిల్లులు విడుదల చేసే సమయంలో ఏదో ఒక సాకుతో మోకాలు అడ్డుపెడుతూ వచ్చారని ఆరోపించారు. ఆఖరి రోజైనా ఇస్తారా.. పదవీకాలం ఆఖరి రోజైనా.. పెండింగ్‌ బకాయిలను ప్రభుత్వం అందిస్తుందేమోనన్న ఆశతో ఎంపీటీసీ, జెడ్పీటీసీ సభ్యులు ఎదురు చూస్తున్నారు. మరి ప్రభుత్వం వారికి నగదు ఇస్తుందో.. లేక హ్యాండ్‌ ఇస్తుందో వేచి చూడాల్సి ఉంది. ఉమ్మడి పశ్చిమలో ప్రజాప్రతినిధులకు గౌరవ వేతనాన్ని ఎగ్గొట్టిన కూటమి సర్కార్‌ ఎంపీపీలు, ఎంపీటీసీలకు రూ. 9.45 కోట్లు.. జెడ్పీటీసీలకు రూ. 1.03 కోట్లు బకాయిలు పడ్డ ప్రభుత్వం నేటితో ఎంపీటీసీలు.. రేపటితో జెడ్పీటీసీల పదవీకాలం పూర్తి

లింగపాలెం: నకిలీ మొక్కజొన్న విత్తనాలు సరఫరా చేసి తమను మోసం చేసిన ఆర్గనైజర్‌పై చర్యలు తీసుకోవాలని, నష్టపరిహారం ఇప్పించాలని కోరుతూ వెంకటాపురం గ్రామానికి చెందిన రైతులు సోమవారం ధర్మాజీగూడెం పోలీస్‌ స్టేషన్‌ వద్ద నిరసన వ్యక్తం చేశారు. ఈ సందర్భంగా ఏపీ రైతు సంఘం లింగపాలెం మండల కార్యదర్శి ఆచంట నాగేశ్వరరావు, బాధితులు మద్దిపాటి వెంకటేశ్వరరావు, బొంతు లింగారావు, బొంతు సుధాకర్‌ తదితరులు మాట్లాడుతూ... 2024 రబీ సీజన్‌లో పొన్నుగంటి వీరభద్రరావు అనే సీపీ కంపెనీ ఆర్గనైజర్‌ ద్వారా వెంకటాపురం గ్రామానికి చెందిన 22 మంది రైతులు 80 ఎకరాల్లో మొక్కజొన్న విత్తనాలు వేశారని తెలిపారు. ఎకరానికి 3 నుంచి 4 టన్నుల దిగుబడి వస్తుందని ఆర్గనైజర్‌ నమ్మబలకడంతోనే పంట సాగు చేశామన్నారు. అయితే, ఎంత పెట్టుబడి పెట్టినా పైరు సరిగ్గా ఎదగలేదని, కంకులు పాలుపోసుకోక తీవ్రంగా నష్టపోయామని ఆవేదన వ్యక్తం చేశారు. ఎకరానికి రూ.లక్ష నష్టం ఎకరానికి రూ.లక్ష చొప్పున నష్టం వాటిల్లడంతో ఆర్గనైజర్‌ను నిలదీయగా... కంపెనీ వాళ్లతో మాట్లాడిస్తానని చెప్పి కాలయాపన చేశాడని, చివరకు వ్యవసాయ అధికారులకు, పోలీసులకు ఫిర్యాదు చేసినా సరైన పరిష్కారం లభించలేదని వాపోయారు. విచారణ నిమిత్తం 20 మంది రైతులం పోలీస్‌ స్టేషన్‌కు వెళ్తే, కేవలం ఒక్కరినే విచారించి మిగతా వారిని బయటకు పంపించివేశారని వారు ఆరోపించారు. ఇప్పటికై నా ఉన్నతాధికారులు తక్షణమే స్పందించి, సదరు సీపీ కంపెనీ ఆర్గనైజర్‌పై చట్టపరమైన చర్యలు తీసుకుని తమకు నష్టపరిహారం చెల్లించేలా చూడాలని రైతులు డిమాండ్‌ చేశారు.

● రైలు ప్రయాణికుల మొబైల్‌ ఫోన్ల చోరీ ● విడిభాగాలుగా చేసి విక్రయం ● నిందితుడిని అరెస్ట్‌ చేసిన జీఆర్‌పీ పోలీసులు ఏలూరు టౌన్‌: ఏలూరు నగరంలో రైళ్లలో ప్రయాణికుల నుంచి మొబైల్‌ ఫోన్లు కొట్టి అపహరిస్తున్న దొంగను ఏలూరు జీఆర్‌పీ పోలీసులు చాకచక్యంగా పట్టుకున్నారు. వివరాలను ఏలూరు రైల్వే పోలీస్‌స్టేషన్‌లో సీఐ ఎంవీ దుర్గారావు విలేకరుల సమావేశంలో వెల్లడించారు. ఈ సమావేశంలో ఏలూరు రైల్వే ఎస్‌ఐ కృపాదానం, హెడ్‌కానిస్టేబుల్‌ మల్లేశ్వరరావు, రైటర్‌ ప్రసాద్‌, హోంగార్డు కుమార్‌, ఆర్‌పీఎఫ్‌ సిబ్బంది పాల్గొన్నారు. ఘటన వివరాలు రెండేళ్లుగా ఏలూరు పవర్‌పేట రైల్వే స్టేషన్‌ నుంచి ప్రధాన రైల్వే స్టేషన్‌కు వెళ్లే మార్గంలో రైలు మెల్లగా వెళ్తున్న క్రమంలో... ఒక వ్యక్తి కర్రతో ప్రయాణికుల చేతుల్లోని సెల్‌ఫోన్లను కొట్టి అపహరిస్తున్నట్లు రైల్వే పోలీసులు గుర్తించారు. రైలు గుమ్మాలు, కిటికీల వద్ద ప్రయాణికులు సెల్‌ఫోన్లు చేతిలో ఉంచుకుని చూస్తున్న సందర్భాలను ఆసరాగా చేసుకుని నిందితుడు ఈ నేరానికి పాల్పడుతున్నాడు. అనేక ఫిర్యాదులు అందిన నేపథ్యంలో విజయవాడ రైల్వే ఎస్పీ రాహుల్‌దేవ్‌ సింగ్‌ ఆదేశాలతో, రైల్వే డీఎస్పీ జయసూర్య ఆధ్వర్యంలో పవర్‌పేట నుంచి ప్రధాన రైల్వే స్టేషన్‌ మధ్య ప్రాంతంలో పోలీసులు నిఘా ఉంచారు. గత కొద్దిరోజులుగా దర్యాప్తు చేస్తుండగా... మంగళవారం ఏలూరు మారుతీనగర్‌కు చెందిన కల్లేపల్లి సతీష్‌ (19) ఇదే తరహాలో మొబైల్‌ ఫోన్లు అపహరిస్తుండగా రైల్వే పోలీసులు పట్టుకున్నారు. స్వాధీనం చేసుకున్న సొత్తు నిందితుడు సతీష్‌ నుంచి ఒప్పో రెనో, మోటో జీ85 మొబైల్‌ ఫోన్లు, నేరానికి వినియోగించిన వెదురు కర్రను స్వాధీనం చేసుకున్నారు. నిందితుడిపై కేసు నమోదు చేసి విచారించగా, సుమారు ఏడాదిన్నర కాలంగా ఇదే తరహాలో నేరాలకు పాల్పడుతున్నట్లు అంగీకరించాడని సీఐ తెలిపారు. చోరీ చేసిన సెల్‌ఫోన్లను ఏలూరు వన్‌టౌన్‌ ప్రాంతంలోని చాందిని మొబైల్స్‌ దుకాణానికి విక్రయిస్తున్నట్లు తేలింది. ఆ దుకాణ యజమాని ఆకుల పూర్ణనాగేంద్రకుమార్‌ (ఏ–2) ఆ మొబైల్‌ ఫోన్లను విడిభాగాలుగా చేసి విక్రయిస్తుండటంతో పోలీసులు వాటిని గుర్తించలేని పరిస్థితి ఏర్పడింది. విచారణలో భాగంగా చాందిని మొబైల్స్‌ యాజమాని వద్ద నుంచి మరో 4 సెల్‌ఫోన్లను స్వాధీనం చేసుకున్నట్లు తెలిపారు. స్వాధీనం చేసుకున్న సెల్‌ఫోన్ల విలువ సుమారు రూ.2 లక్షల వరకు ఉంటుందని, నిందితుడు ఇప్పటివరకు మరో 20 సెల్‌ఫోన్లు చోరీ చేసినట్లు తేలిందని సీఐ దుర్గారావు స్పష్టం చేశారు. మొత్తం మీద నిందితుడు సుమారు రూ.6 నుంచి రూ.10 లక్షల విలువైన సెల్‌ఫోన్లు చోరీ చేసి ఉంటాడని అంచనా వేస్తున్నారు. రైళ్లలో ప్రయాణించే సమయంలో ప్రయాణికులు గేట్ల వద్ద, మెట్లపై నిలబడి సెల్‌ఫోన్లు వినియోగించడం సురక్షితం కాదని, అందరూ అప్రమత్తంగా ఉండాలని ఆయన సూచించారు.

భీమవరం (ప్రకాశంచౌక్‌): బాలల సంక్షేమం, రక్షణ హక్కుల పరిరక్షణ అందరి బాధ్యత అని, పథకాలను క్షేత్రస్థాయిలో పిల్లలకు అందేలా చూడాలని ఏపీ రాష్ట్ర బాలల హక్కుల పరిరక్షణ కమిషన్‌ చైర్మన్‌ వేటుకూరి ఏవీఎస్‌ సూర్యనారాయణరాజు అన్నారు. మంగళవారం కలెక్టరేట్‌లో సీ్త్ర శిశు సంక్షేమ శాఖ ఆధ్వర్యంలో అధికారులతో సమావేశం నిర్వహించారు. జిల్లాలో అమలవుతున్న బాలల సంక్షేమం, సంరక్షణ, విద్య, ఆరోగ్యం, పోషణ, బాల కార్మికుల వ్యవస్థ నిర్మూలన, బాల్య వివాహాల నివారణ, డ్రాప్‌ అవుట్స్‌ తదితర అంశాలపై సమీక్షించారు. అనంతరం ఆయన మాట్లాడుతూ బాలల హక్కులకు భంగం కలగకుండా అధికారులు సమన్వయంతో పనిచేయాలని సూచించారు. బాలలపై ఎలాంటి హింస, వేధింపులు, నిర్లక్ష్యం, బాల కార్మికత్వం, బాల్య వివాహాలు చోటుచేసుకోకుండా నిరంతరం పర్యవేక్షణ చేపట్టాలన్నారు. పాఠశాలలకు దూరంగా ఉన్న పిల్లలను గుర్తించి తిరిగి విద్యావ్యవస్థలోకి తీసుకురావడంపై ప్రత్యేక దృష్టి సారించాలన్నారు. బాలల రక్షణ కమిటీలను ఏర్పాటు చేసి అవగాహన కల్పించాలన్నారు. సభ్యు లు మండల గంగ సూర్యనారాయణ, డా.పి.నాగ మానస, డీఆర్వో పి.గ్లోరియా, జిల్లా సీ్త్ర శిశు సంక్షేమ శాఖ అధికారి డి.శ్రీలక్ష్మి, జిల్లా బాలల సంరక్షణ అధికారి శేఖర్‌, అధికారులు పాల్గొన్నారు.

తణుకు అర్బన్‌: ఆల్‌ ఇండియా లాయర్స్‌ యూనియన్‌ (ఐలు) జిల్లా మహాసభలు జయప్రదం చేయాలని న్యాయవాదులు పిలుపునిచ్చారు. మంగళవారం తణుకు బార్‌ అసోసియేషన్‌ భవనం వద్ద ఈనెల 26న భీమవరంలో నిర్వహించనున్న మహాసభల కరపత్రాలను ఆవిష్కరించారు. బార్‌ అసోసియేషన్‌ ప్రధాన కార్యదర్శి బింకం రవికుమార్‌ మాట్లాడుతూ ఆలిండియా లాయర్స్‌ యూనియన్‌ న్యాయవాదుల కోసం, న్యాయ విద్యార్థులు, న్యాయ అధ్యాపకులు, ప్రజా సమస్యలపైనా పనిచేసే సంఘం అని అన్నారు. ఆలిండియా లాయర్స్‌ యూనియన్‌ జిల్లా కమిటీ సభ్యుడు కౌరు వెంకటేశ్వర్లు మాట్లాడుతూ న్యాయవాదులకు కూటమి ప్రభుత్వం వృత్తి రక్షణ చట్టాన్ని చేయాలని విజ్ఞప్తి చేశారు. న్యాయవాదులు పొట్ల సురేష్‌, జి.అంబేడ్కర్‌, కొండా శ్రీనివాసరావు, కె.స్వామి, షేక్‌ అబ్దుల్‌ రహీం, తానేటి వెంకటేశ్వరావు, ఈదర జ్యోతి బాబు, వి.మురళి పాల్గొన్నారు.

కుక్కునూరు: కుక్కునూరు మండలం పెద్దరావిగూడెంలోని పుష్కర ఘాట్‌ వద్ద గోదావరిలో స్నానానికి దిగిన వ్యక్తి గల్లంతైన ఘటన చోటుచేసుకుంది. వివరాల్లోకి వెళ్తే... పోలవరం మండలం తోటపల్లి గ్రామానికి చెందిన తూము రాజేష్‌ (43) సోమవారం పెద్దరావిగూడెంలోని శివాలయ దర్శనం కోసం వచ్చాడు. అనంతరం పుష్కర ఘాట్‌లో గోదావరి స్నానానికి దిగి నది ప్రవాహంలో గల్లంతయ్యాడు. గుడికి వెళ్లిన రాజేష్‌ సాయంత్రం అయినా ఇంటికి రాకపోవడంతో కుటుంబ సభ్యులు గాలింపు చేపట్టగా, గోదావరి ఒడ్డున అతనికి చెందిన కారు, చెప్పులు కనిపించాయి. వెంటనే ముమ్మరంగా గాలింపు చర్యలు చేపట్టగా, రాజేష్‌ మృతదేహం మంగళవారం మధ్యాహ్నం తోటపల్లి గ్రామం సమీపంలో లభ్యమైంది. ముందే హెచ్చరించిన ‘సాక్షి’ గోదావరి పుష్కర ఘాట్‌ల వద్ద ప్రమాదకర ప్రాంతాల్లో హెచ్చరిక బోర్డులు లేకపోవడంతో సందర్శకులు గోదావరిలోకి దిగి ప్రాణాలు కోల్పోతున్న విషయాన్ని ‘సాక్షి’ దినపత్రిక ముందుగానే హెచ్చరించింది. ‘పుష్కర ఘాట్‌ వద్ద ప్రమాదఘంటికలు‘ శీర్షికన కథనాన్ని ప్రచురించి ఈ సమస్యను అధికారుల దృష్టికి తీసుకెళ్లింది. అయినా అధికారులు తగిన భద్రతా చర్యలు చేపట్టకపోవడంతో నాలుగు రోజుల వ్యవధిలోనే ఇద్దరు వ్యక్తులు గోదావరిలో గల్లంతై మృతి చెందడం ఆందోళన కలిగిస్తోంది. అధికారులు స్పందించి పుష్కర ఘాట్ల వద్ద హెచ్చరిక బోర్డులు, ప్రమాదకర ప్రాంతాల్లో బారికేడ్లు ఏర్పాటు చేసి ప్రాణనష్టాన్ని నివారించాలని స్థానికులు కోరుతున్నారు. ద్వారకాతిరుమల: ఏలూరు జిల్లా ద్వారకాతిరుమల వేంకటేశ్వరస్వామి క్షేత్రంలోని గోసంరక్షణశాలలో కలకలం రేపిన బ్రూసెల్లోసిస్‌ (బ్రూసెల్లా) వ్యాధి మేలుజాతి ఆవులకు సైతం సోకింది. మొత్తం 10 జాతులకు చెందిన 358 ఆవులను దేవస్థానం సంరక్షిస్తోంది. వీటిలో 71 ఆవులకు వ్యాధి నిర్ధారణ అయిన సంగతి తెలిసిందే. వీటిలో గిర్‌ జాతి ఆవులు 21, కాంక్రీజ్‌ జాతి ఆవులు 3, ఒంగోలు జాతి ఆవులు 13, నిమారి జాతి ఆవు 1, దేశవాళి, కపిల జాతి ఆవులు, గిత్తలు 24, జెర్సీ ఆవులు 9 ఉన్నాయి. ఈ విషయాన్ని దేవస్థానం ఈఓ త్రినాథరావు రాష్ట్ర దేవదాయశాఖ కమిషనర్‌కు తెలియజేసినట్టు సమాచారం. ద్వారకాతిరుమల తరువాత ఈ వ్యాధి నిర్ధారణ పరీక్షలను తిరుమల తిరుపతి దేవస్థానం గోసంరక్షణశాలలో నిర్వహించగా, దాదాపు 6 వందల గోవులకు ఈ వ్యాధి నిర్ధారణ అయినట్టు తెలుస్తోంది. దీంతో రాష్ట్రంలోని అన్ని దేవస్థానాలకు చెందిన గోసంరక్షణ శాలల్లో ఈ వ్యాధి నిర్ధారణ పరీక్షలు జరిపిస్తే మంచిదని అధికారులు భావిస్తున్నట్టు సమాచారం. సర్వత్రా చర్చనీయాంశం శ్రీవారి గోసంరక్షణశాలలో 71 గోవులకు బ్రూసెల్లా వ్యాధి సోకడం, అధికారులు చేపడుతున్న నియంత్రణ, సంరక్షణ చర్యలు, వ్యాధి వ్యాప్తితో కలిగే అనర్థాలను వివరిస్తూ మంగళవారం ‘సాక్షి’లో ప్రచురితమైన ‘గోవులకు గర్భశోకం’ కథనం సర్వత్రా చర్చనీయాంశంగా మారింది. మండల పశువైద్యాధికారి సురేష్‌ దీనిపై ఉన్నతాధికారులకు తగు వివరణ ఇచ్చినట్టు సమాచారం.

భీమవరం: బధిర అసోసియేషన్‌ జిల్లాస్థాయి వార్షిక సమావేశం ఈనెల 27వ తేదీన పట్టణంలోని డీఎన్నార్‌ కళాశాల రామకృష్ణ సభాభవనంలో నిర్వహిస్తున్నట్లు అసోసియేషన్‌ జిల్లా గౌరవాధ్యక్షుడు చెరుకువాడ రంగసాయి చెప్పారు. మంగళవారం భీమవరంలో నిర్వహించిన అసోసియేషన్‌ సమీక్ష సమావేశంలో వార్షికోత్సవ బ్రోచర్‌ను ఆవిష్కరించి వివరాలు వెల్లడించారు. గన్నాబత్తుల శ్రీనివాస్‌ మాట్లాడుతూ ఆదివారం ఉదయం 10 గంటలకు నిర్వహించే సమావేశంలో సంఘ సభ్యులంతా హాజరుకావాలన్నారు. ఈ కార్యక్రమంలో అసోసియేషన్‌ జనరల్‌ సెక్రటరీ టి రాము, వైస్‌ ప్రెసిడెంట్‌ సీహెచ్‌ తాతారావు, ఎన్‌ జెన్నీ, గాదిరాజు రామచంద్రరాజు పాల్గొన్నారు. ఆకివీడు: పశ్చిమగోదావరి జిల్లా వినియోగదారుల సంఘ అధ్యక్షుడు బొబ్బిలి బంగారయ్యను పౌరసరఫరాల శాఖ రాష్ట్ర విజిలెన్స్‌ కమిటీ సభ్యుడిగా నియమిస్తూ రాష్ట్ర పౌరసరఫరాల శాఖ కమిషనర్‌ కె. కన్నబాబు ఉత్తర్వులు జారీ చేశారు. ఈ నియామకం ద్వారా సంక్షేమ కార్యక్రమాల అమలులో అవకతవకలు చోటు చేసుకున్నా లేదా ఎవరైనా అవినీతికి పాల్పడినా ఆ విషయాలను ప్రభుత్వం దృష్టికి తీసుకువెళ్లే అవకాశం లభిస్తుందని బంగారయ్య మంగళవారం విలేకర్లతో తెలిపారు. ఈ సందర్భంగా తహసీల్దార్‌ దర్శి వంశీ, రెవెన్యూ ఇన్‌స్పెక్టర్‌ ఆంజనేయులు, లయన్స్‌ మాజీ జిల్లా గవర్నర్‌ డాక్టర్‌ ఎంవీ సూర్యనారాయణరాజు తదితరులు ఆయనకు శుభాకాంక్షలు తెలిపారు. ఏలూరు టౌన్‌: విధుల్లో ఉంటూ అవినీతికి పాల్పడిన కేసులో భీమవరం ఆర్‌డబ్ల్యూఎస్‌ డివిజనల్‌ ఇంజనీర్‌ (డీఈ) గుంజ ఆనంద్‌బాబుకు రాజమహేంద్రవరం ఏసీబీ కోర్టు రెండేళ్ల సాధారణ జైలు శిక్షతో పాటు రూ.10 వేల జరిమానా విధించినట్లు ఏసీబీ డీఎస్పీ జీవీ కృష్ణారావు తెలిపారు. కేసు వివరాలు 2011లో భీమవరం ఆర్‌డబ్ల్యూఎస్‌ డీఈగా పనిచేస్తున్న ఆనంద్‌బాబు... అప్పటి పశ్చిమగోదావరి జిల్లా అత్తిలి గ్రామానికి చెందిన దాసరి శ్రీనివాస్‌ అనే కాంట్రాక్టర్‌ బిల్లుల మంజూరు నిమిత్తం రూ.20 వేలు లంచం డిమాండ్‌ చేశారు. దీంతో బాధితుడు దాసరి శ్రీనివాస్‌ ఏసీబీ అధికారులను ఆశ్రయించారు. 2011 నవంబర్‌ 5న ముద్దాయి ఆనంద్‌బాబు బాధితుడి నుంచి లంచం సొమ్ము తీసుకుంటుండగా అవినీతి నిరోధక శాఖ అధికారులు దాడి చేసి రెడ్‌ హ్యాండెడ్‌గా అరెస్ట్‌ చేసి కేసు నమోదు చేశారు. అనంతరం రాజమహేంద్రవరం ఏసీబీ కోర్టులో ఛార్జ్‌షీట్‌ దాఖలు చేశారు. ఈ కేసుకు సంబంధించి కోర్టులో విచారణ పూర్తి కాగా, నేరం రుజువు కావడంతో న్యాయస్థానం ఈ తీర్పు వెలువరించినట్లు డీఎస్పీ తెలిపారు. ఈ కేసులో ప్రాసిక్యూషన్‌ తరఫున ఏలూరు రేంజ్‌ స్పెషల్‌ పబ్లిక్‌ ప్రాసిక్యూటర్‌ జి. వెంకటరత్నంబాబు వాదనలు వినిపించగా... ఏలూరు రేంజ్‌ ఏసీబీ డీఎస్పీ జీవీ కృష్ణారావు, ఇన్‌స్పెక్టర్‌ ఎం.బాలకృష్ణ ప్రాసిక్యూషన్‌కు సహకరించినట్లు ఆయన పేర్కొన్నారు. ఉండి: రోడ్డు ఓవర్‌ బ్రిడ్జ్‌ నిర్మాణంలో భాగంగా ఈ నెల 15 నుంచి 22వ తేదీ వరకు మూసివేసిన ఉండి రైల్వే గేటును మంగళవారం సాయంత్రం రైల్వే అధికారులు తిరిగి తెరిచారు. దీంతో బుధవారం నుంచి జాతీయ రహదారిపై అన్ని రకాల వాహనాల రాకపోకలకు పూర్తిస్థాయిలో అవకాశం లభించనుంది. రైల్వే గేటు తెరిచిన సమాచారం తెలుసుకున్న వాహనదారులు సంతోషం వ్యక్తం చేశారు. ఉండి నుంచి ఆకివీడు వైపు వెళ్లే వాహనదారులు వారం రోజుల పాటు తీవ్ర ఇబ్బందులు ఎదుర్కొన్నారు. ఉండి నుంచి వాండ్రం, ఉప్పుగుంట, పాములపర్రు మీదుగా వెళ్లేందుకు ప్రత్యామ్నాయ మార్గాలు ఉన్నప్పటికీ, ఆ రోడ్లు దారుణంగా ఉండటంతో ప్రయాణికుల కష్టాలు వర్ణనాతీతంగా మారాయి. భవిష్యత్తులో ఎప్పుడైనా మరోసారి రైల్వే గేటు మూసివేయాల్సిన పరిస్థితి వస్తే, ప్రయాణికులు ఇబ్బంది పడకుండా ఆకివీడు వైపు వెళ్లే దారులను ప్రభుత్వం వెంటనే బాగు చేయించాలని వాహనదారులు కోరుతున్నారు. తాడేపల్లిగూడెం: వాతావరణ అనుకూల పరిస్థితుల నేపథ్యంలో ప్రతి ఒక్కరూ పెరటిలో కూరగాయలు పెంచుకోవాలని డాక్టర్‌ వైఎస్‌ఆర్‌ ఉద్యాన విశ్వవిద్యాలయం ఉపకులపతి డాక్టర్‌ కె.ధనుంజయరావు పిలుపునిచ్చారు. వెంకట్రామన్నగూడెంలోని కేవీకేలో మంగళవారం ముగిసిన పుట్టగొడుగుల శిక్షణా కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా స్వయంగా కూరగాయలు పండించడం వంటి విస్తరణ కార్యక్రమాలపై కేవీకే హెడ్‌ సీహెచ్‌ కిరణ్‌ ప్రత్యేక దృష్టి పెట్టాలని ఆదేశించారు. ఉమ్మడి జిల్లాలో ఎస్సీ, ఎస్టీ సబ్‌ప్లాన్‌ నిధుల నుంచి వెయ్యి కుటుంబాలకు ఉచితంగా 16 రకాల కూరగాయల విత్తనాల సంచులను అందజేయనున్నట్లు తెలిపారు. మూడు రోజులపాటు శిక్షణ పొందిన వారు పుట్టగొడుగుల పెంపకం చేపట్టి, తమ కుటుంబాలకు పౌష్టికాహారం అందించాలని సూచించారు. అనంతరం శిక్షణ పొందిన వారికి కిట్లను అందజేశారు. ఈ కార్యక్రమంలో వర్సిటీ విస్తరణ సంచాలకులు సీహెచ్‌ రూత్‌, ఇ.పద్మ, కేవీకే సైంటిస్టులు ఏ.దేవీవరప్రసాదరెడ్డి, ఇ.రేఖ, కె.అర్చన పాల్గొన్నారు.

గౌరవ వేతనానికి ఎగనామం ప్రజాప్రతినిధులకు కూటమి సర్కారు గౌరవ వేతనాన్ని ఎగ్గొట్టింది. ఎంపీపీలు, ఎంపీటీసీలకు రూ.9.45 కోట్లు, జెడ్పీటీసీలకు రూ. 1.03 కోట్ల బకాయిలు ఉన్నాయి. 8లో uబుధవారం శ్రీ 23 శ్రీ సెప్టెంబర్‌ శ్రీ 2026సాక్షి, భీమవరం: త్వరలో మున్సిపల్‌ ఎన్నికల నిర్వహణకు ఎన్నికల కమిషన్‌ సన్నాహాలు చేస్తోంది. జిల్లాలో ఐదు మున్సిపాల్టీలు, ఒక నగర పంచా యతీ ఉన్నాయి. విలీన సమస్యలతో నాలుగు మున్సిపాల్టీలో ఎన్నికల ప్రక్రియ ముందుకు సాగక పోవడం అశావహులను అయోమయంలో పడేస్తోంది. మరోపక్క నరసాపురం, ఆకివీడులో వార్డుల పునర్విభజన అస్తవ్యస్తంగా జరిగిందన్న ఆరోపణలు ఉన్నాయి. జిల్లాలో భీమవరం, తణుకు, తాడేపల్లిగూడెం, పాలకొల్లు, నరసాపురం మున్సిపాల్టీలు, ఆకివీడు నగర పంచాయతీలు కాగా.. పట్టణాల్లో విలీనాన్ని వ్యతిరేకిస్తూ కొన్ని గ్రామాల ప్రజలు కోర్టులను ఆశ్రయించడంతో ఏడేళ్లుగా భీమవరం, తణుకు, తాడేపల్లిగూడెం, పాలకొల్లు పట్టణాలు ప్రత్యేక పాలనలో ఉండిపోయాయి. విలీన అడ్డంకులు లేని నరసాపురం, ఆకివీడుకు 2021లో ఎన్నికలు జరిగాయి. త్వరలో ఈ రెండు పట్టణాల్లో ఎన్నికల నిర్వహణకు కసరత్తు జరుగుతోంది. రెండు చోట్లే విభజన వార్డుల పునర్విభజనలో నరసాపురంలోని 31 వార్డులను 36కు, ఆకివీడులో 20 నుంచి 28 వార్డులకు పెంచారు. వీటి విభజన లోపభూయిష్టంగా ఉందన్న విమర్శలున్నాయి. కూటమి నేతల ఒత్తిళ్లతో వైఎస్సార్‌సీపీ నేతల్ని లక్ష్యంగా చేసుకుని అధికారులు విభజన చేశారంటున్నారు. వారికి అనుకూలంగా వార్డుల సరిహద్దులు, ఓటర్ల సంఖ్యను సర్దుబాటు చేయించుకున్నారన్న ఆరోపణలు ఉన్నాయి. నరసాపురంలోని చాలా వార్డుల్లో సంబంధం లేని మరో ప్రాంతం నుంచి ఓటర్లను తెచ్చి చేర్చడంతో కొందరికి పలు వార్డుల్లో ఓటుహక్కు వచ్చిన చిత్రాలు చోటుచేసుకున్నాయని చెబుతున్నారు. ఆకివీడులోని వార్డుల్లో ఓటర్ల సంఖ్య మధ్య వ్యత్యాసం ఎక్కువగా ఉంది. ఒక్కో వార్డులో 900 నుంచి 1,000 లోపు ఓటర్లు ఉండాల్సి ఉంటే కొన్నిచోట్ల 700 లోపు ఉంటే మరికొన్ని వార్డుల్లో 1,100కు పైగా ఓటర్లు ఉన్నారు. పునర్విభజన లోపాలను సరిచేయాలని ఇప్పటికే రెండు పట్టణాల నుంచి ఉన్నతస్థాయికి వినతులు అందాయి. నాలుగు పట్టణాల్లో కేసులతో.. భీమవరం, తాడేపల్లిగూడెం, తణుకు, పాలకొల్లులో మున్సిపల్‌ ఎన్నికల నిర్వహణకు కోర్టు కేసులు అడ్డంకిగా మారాయి. వార్డుల విభజనకు నోటిఫికేషన్‌ జారీకాక ఆశావహులు అయోమయంలో ఉన్నారు. విలీన పంచాయితీని పక్కన పెట్టి ఎన్నికలు నిర్వహిస్తారని కొందరు, కేసులు పరిష్కారం తర్వాతనే ఎన్నికలని మరికొందరు ఎవరి లెక్కల్లో వారున్నారు. ఆకివీడు ఎన్నికల్లో విజయమే లక్ష్యం వైఎస్సార్‌సీపీ రీజనల్‌ కో–ఆర్డినేటర్‌ అమర్నాథ్‌ పుర పోరు.. వార్డులు బేజారు నరసాపురం, ఆకివీడులో లోపభూయిష్టంగా వార్డుల విభజన కూటమికి అనుకూలంగా చేశారన్న ఆరోపణలు భీమవరం, పాలకొల్లు, తణుకు, తాడేపల్లిగూడెంలో విభజనకు నోచుకోని వార్డులు ఎన్నికల నిర్వహణపైనా నీలినీడలు సందిగ్ధంలో ఆశావహులు ఆకివీడులోని 20 వార్డులను 28 వార్డులకు పెంచారు. ప్రస్తుతం పట్టణంలో 26,335 మంది ఓటర్లకు గాను ఒక్కో వార్డులో వెయ్యి మందిలోపు ఓటర్లను సర్దుబాటు చేయాలి. ఈ మేరకు వార్డులోని ఓటర్లు 900 నుంచి 1,000 మధ్య ఉండాలి. అందుకు భిన్నంగా మూడు వార్డుల్లో 700 లోపు, మూడు వార్డుల్లో 800 లోపు, ఐదు వార్డుల్లో 900 లోపు, ఎనిమిది వార్డుల్లో వెయ్యిలోపు, తొమ్మిది వార్డుల్లో ఏకంగా 1,000 నుంచి 1,400 వరకు ఓట్లను సర్దుబాటు చేశారు. 3వ వార్డులో కేవలం 664 మంది ఓటర్లు ఉంటే.. 22వ వార్డులో రెండింతలకు పైగా 1,347 ఓట్లు ఉండటం గమనార్హం. వార్డుల పునర్విభజనలో నరసాపురంలో పాత 21, 30 వార్డులు ఇప్పుడు 34, 35, 36లుగా మారాయి. 30వ వార్డు రైల్వేస్టేషన్‌ కాలువ గట్టు ప్రాంతాన్ని 24వ వార్డులో కలపాల్సి ఉంటే 36వ వార్డులోకి, రైల్వేస్టేషన్‌ వెనుక ప్రాంతాన్ని 34వ వార్డులోకి చేర్చారు. పాత 18వ వార్డును 20వ వార్డుగా మార్చి దేవునితోట చుట్టుపక్కల ప్రాంతాన్ని సంబందంలేని 19వార్డుకి, ఇదే వార్డులో లేని హైస్కూల్‌, మొగల్తూరు రోడ్డు ప్రాంతాలను 15లోకి చేర్చారు. 1వ వార్డు లాకుపేటలో కొంత ప్రాంతాన్ని సంబందంలేని గోదావరి గట్టున ఉన్న 2వ వార్డులోకి చేర్చారు. ఇలా ఎందుకు చేశారన్నది అంతుచిక్కని విషయం.

నకిలీ మొక్కజొన్న విత్తనాలతో తమను మోసం చేసిన ఆర్గనైజర్‌పై చర్యలు తీసుకోవాలని, పరిహారం ఇప్పించాలంటూ రైతులు నిరసన తెలిపారు. 8లో uఆకివీడులో 20 వార్డులను 28కు పెంచారు. ఓటర్లను ఇష్టానుసారం సర్దుబాటు చేయడంతో విభజన ప్రక్రియ అస్తవ్యస్తంగా ఉంది. 13వ వార్డులో నేను గెలుపొందాను. అప్పట్లో వార్డులో 1,360 ఓటర్లున్నారు. ప్రస్తుత విభజనలో 1,347 మంది ఉన్నారు. లోపాలను సరిచేయాలి. – జామి హైమావతి, నగర పంచాయతీ చైర్‌పర్సన్‌, ఆకివీడు నరసాపురంలో ఒక పద్ధతి లేకుండా కొందరు వైఎస్సార్‌సీపీ నేతల వార్డులను టార్గెట్‌ చేసి విభజించినట్టు కనిపిస్తోంది. అన్ని పార్టీలతో సమావేశం ఏర్పాటు చేసి అభ్యంతరాలు, సలహాలు తీసుకోకుండా అధికారులు ఇష్టానుసారం వ్యవహరించారు. అన్ని వార్డుల్లో ఇదే పరిస్థితి. – కామన బుజ్జి, వైఎస్సార్‌సీపీ పట్టణాధ్యక్షుడు, నరసాపురం ఎన్నడూ లేనివిధంగా పట్టణంలో వార్డుల విభజన ని బంధనల్ని తుంగలో తొ క్కారు. విభజనపై అడిగినా పట్టించుకోలేదు. నచ్చినట్టుగా వార్డుల్లో ఓటర్లను సర్దుబాటు చేసేశారు. ఇదేంటని అడిగితే పట్టించుకునే వారు లేరు. అధికారులు ఒంటెద్దు పోకడతో విభజన చేశారు. – మన్నే పోతరాజు, మాజీ సర్పంచ్‌, ఆకివీడు

తణుకు అర్బన్‌: ఆర్టీసీ కార్గో సేవల్లో వినియోగదారులకు ఎటువంటి ఇబ్బందులు కలగకుండా సత్వర సేవలు అందించాలని ఏపీఎస్‌ఆర్టీసీ ఉమ్మడి పశ్చిమగోదావరి జిల్లా కమర్షియల్‌ మేనేజర్‌ జీఎల్‌పీవీ సుబ్బారావు సూచించారు. మంగళవారం ఆయన తణుకు ఆర్టీసీ డిపోలోని కార్గో కార్యాలయాన్ని సందర్శించారు. ఈ సందర్భంగా ఆయన మాట్లాడుతూ, కార్గో ద్వారా వినియోగదారులు రవాణా చేసే పార్సిళ్లు, ఇతర సామాగ్రి విషయంలో ఎలాంటి ఫిర్యాదులు రాకుండా సిబ్బంది అప్రమత్తంగా ఉండాలన్నారు. ముఖ్యంగా పార్సిళ్లను స్వీకరించడంలోనూ, డెలివరీ ఇవ్వడంలోనూ వినియోగదారుల సమయం వృథా కాకుండా ఉత్తమ సేవలు అందించాలని సిబ్బందికి దిశానిర్దేశం చేశారు. కొత్త ఏజెంట్ల నియామకం కార్గో సేవలను ప్రజలకు మరింత చేరువ చేసే క్రమంలో తణుకు పరిసర ప్రాంతాల్లో నూతన ఏజెన్సీలను ఏర్పాటు చేయనున్నట్లు సుబ్బారావు తెలిపారు. తణుకు వై జంక్షన్‌, ఉండ్రాజవరం జంక్షన్‌, వెంకటేశ్వర థియేటర్‌, టౌన్‌హాల్‌ కాంప్లెక్స్‌ సెంటర్‌, వీరనారాయణ థియేటర్‌ సెంటర్‌, ఉమెన్స్‌ కాలేజ్‌, దువ్వ, తేతలి, ఉండ్రాజవరం, సిద్ధాంతం, పెరవలి ప్రాంతాల్లో కార్గో ఏజెంట్లను నియమించదలిచామని పేర్కొన్నారు. ఈ అవకాశాన్ని ఆసక్తి గలవారు సద్వినియోగం చేసుకోవాలని కోరారు. ఆసక్తి ఉన్నవారు జిల్లా కమర్షియల్‌ మేనేజర్‌ 73311 47263, డిపో మేనేజర్‌ 98484 98583, డిపో మార్కెటింగ్‌ ఎగ్జిక్యూటివ్‌ 98491 69396 నంబర్లలో సంప్రదించాలని సూచించారు. ఈ కార్యక్రమంలో డిపో మేనేజర్‌ ఏడీఎల్‌ సుధారాణి, డీఎంఈ షేక్‌ లాల్‌ తదితరులు పాల్గొన్నారు.

తాడేపల్లిగూడెం: గూడెం నుంచి రాజమండ్రి వెళ్తున్న రైలు నుంచి జారిపడటం వల్ల కాని, లేదా ట్రాక్‌ దాటుతున్న సమయంలో రైలు ఢీకొని గుర్తుతెలియని వ్యక్తి (సుమారు 50 ఏళ్లు) మంగళవారం మృతిచెందినట్లు గూడెం రైల్వే పోలీసులు తెలిపారు. స్థానిక పాతూరు సుబ్బారాయుడి గుడి సమీపంలో రైల్వే ట్రాక్‌పై మృతదేహాన్ని గుర్తించినట్లు పేర్కొన్నారు. మృతుడి వద్ద ఎలాంటి ఆధారాలు లభించలేదని పోలీసులు తెలిపారు. ఆయన శరీరంపై కంఠం మీద పుండు ఉంది. రెండు చేతులు తెగి వేరుపడగా, కుడి కాలు పాదం వేరైంది. తల వెనుక, కంఠం వద్ద బలమైన రక్తగాయాలయ్యాయి. మృతుని ఎత్తు సుమారు 5.2 అడుగులు ఉంటుందని వెల్లడించారు. మృతుడికి సంబంధించి వివరాలు తెలిసిన వారు రైల్వే హెడ్‌ కానిస్టేబుల్‌ డి. వెంకటేశ్వరరావు 80191 57528 నంబర్‌లో సంప్రదించాలని కోరారు. మృతదేహాన్ని ఏరియా ఆసుపత్రి మార్చురీలో భద్రపరిచినట్లు తెలిపారు.

● 27 మద్యం షాపులకు నో రెన్యువల్‌ ● ఖర్చులు తగ్గించుకునే ఎత్తుగడ ● కొత్త నోటిఫికేషన్‌ను అడ్డుకునే యత్నం ! భీమవరం: జిల్లాలో మద్యం షాపుల రెన్యువల్‌ ప్రక్రియలోనూ వ్యాపారులు సిండికేట్‌గా మారి, షాపుల సంఖ్యను తగ్గించేందుకు ప్రయత్నిస్తున్నట్టు సమాచారం. 2024 అక్టోబర్‌ నుంచి 2026 సెప్టెంబర్‌ వరకు (రెండేళ్ల కాలపరిమితికి) లాటరీ ద్వారా మ ద్యం షాపులను కేటాయించారు. ఇలా జిల్లాలోని భీ మవరం, తణుకు, తాడేపల్లిగూడెం, నరసాపురం, పాలకొల్లు, ఆకివీడు ఎకై ్సజ్‌ స్టేషన్ల పరిధిలోని మొత్తం 193 షాపుల్లో 175 అన్‌ రిజర్వుడ్‌, 18 కల్లుగీత కార్మికులకు కేటాయించారు. అయితే కమీషన్‌ విషయంలో ప్రభుత్వం కోత పెట్టడం, ప్రజాప్రతినిధులు, ఎకై ్సజ్‌ అధికారులు, సిబ్బందికి భారీగా ము డుపులు ఇవ్వాల్సి రావడంతో నష్టపోతున్నామని వ్యాపారులు అంటున్నారు. నిబంధనల ఉల్లంఘన మద్యం వ్యాపారులంతా సిండికేట్‌గా మారి బాటిల్‌పై రూ.20 నుంచి రూ.100 వరకు అదనంగా వసూలు చేస్తున్నారు. అలాగే విచ్చలవిడిగా బెల్టు షాపులు ఏర్పాటు చేసి మద్యాన్ని ఏరులై పారిస్తున్నారు. షాపుల నిర్వహణ వేళల్లో కూడా నిబంధనలు పాటించడం లేదు. వీటిని అధికారులూ పట్టించుకోవడం లేదు. 27 షాపులకు నో రెన్యువల్‌ మద్యం షాపుల లైసెన్సుల గడువు నెలాఖరు వర కూ ఉండగా.. ప్రభుత్వం ఫీజును 38 శాతం పెంచి ఏడాది పాటు లైసెన్స్‌ రెన్యువల్‌కు ఉత్తర్వులు ఇచ్చింది. ఈనెల 21లోపు రెన్యువల్‌ చేసుకోవాలని, లేకుంటే ఆయా షాపులను కొత్తవారికి కేటాయిస్తామని స్పష్టం చేసింది. ఈ నేపథ్యంలోజిల్లాలోని 193 షాపులకు 166 షాపులు మాత్రమే రెన్యువల్‌ అయ్యాయని, మిగిలిన 27 షాపులకు రెన్యువల్‌ జరగలేదని ఎకై ్సజ్‌ అధికారులు తెలిపారు. ఎకై ్సజ్‌ స్టేషనవారీగా.. భీమవరంలో 44 షాపులకు గాను 35 (9 ఖాళీ), ఆకివీడులో 25 షాపులకు 18 రె (7 ఖాళీ), తణుకులో 38 షాపులకు 30 రెన్యువల్‌ (8 ఖాళీ), నరసాపురంలో 27 షాపులకు 24 (3 ఖాళీ), తాడేపల్లిగూడెంలో 40 షాపులకు గాను 38 (2 ఖాళీ), పాలకొల్లులో 21 షాపులకు 21 షాపులు రెన్యువల్‌ అయ్యాయి. ఖర్చులు తగ్గించుకునేందుకే.. రెండేళ్లలో ఎదురైన అనుభవాల దృష్ట్యా రానున్న ఏడాది కాలానికి షాపుల సంఖ్యను తగ్గించుకుని ఖర్చులు నియంత్రించుకోవాలని వ్యాపారులు సిండికేట్‌గా నిర్ణయించారు. ఉదాహరణకు భీమవరం పట్టణంలో ఒక్కో షాపు నిర్వహణకు నెలకు రూ.1.75 లక్షలు కేటాయిస్తారు. దీంతో షాపు అద్దె, సిబ్బంది జీతాలు, విద్యుత్‌ బిల్లులు చెల్లించాల్సి ఉంటుంది. కొత్త నోటిఫికేషన్‌ను అడ్డుకునే కుట్ర రెన్యువల్‌ కాని షాపులకు ప్రభుత్వం తిరిగి నోటిఫికేషన్‌ జారీ చేస్తే, స్థానిక ప్రజాప్రతినిధుల అండతో దానిని అడ్డుకునేందుకు సిండికేట్‌ కార్యచరణ రూపొందించినట్టు సమాచారం. బయటి వ్యక్తులు ఎవరైనా టెండర్లు వేస్తే, స్థానిక ప్రజాప్రతినిధులతో బెదిరింపులకు పాల్పడి కొత్త షాపులు రాకుండా చూడాలని నిశ్చయించుకున్నారు. మొత్తానికి మద్యం విక్రయాల నుంచి షాపుల నిర్వహణ వరకు తమ హవానే కొనసాగేలా సిండికేట్‌ వ్యూహాలు రచిస్తోంది.

● భీమవరం మండలం దిరుసుమర్రు పంచాయతీ పరిధిలోని రామాయణపురంలో డ్రైనేజీ స మస్యతో తీవ్ర ఇబ్బందులు పడుతున్నామని గ్రా మ మహిళలు కలెక్టర్‌కు ఫిర్యాదు చేశారు. ● భీమవరం కేజీఆర్‌ఎల్‌ కళాశాల నుంచి మెయిన్‌ రోడ్డుకు 5 కిలోమీటర్లు మేర లైటింగ్‌ లేక రోడ్లు అధ్వానంగా ఉండటంతో వాహనదారులు ఇ బ్బందులు పడుతున్నారని సుబ్రహ్మణ్యం అనే యువకుడు ఫిర్యాదు చేశారు. ● భీమవరంలో ఆక్రమణలు, ప్రభుత్వాస్పత్రి వద్ద ఫ్లెక్సీలు ప్రమాదకరంగా ఉన్నాయని మొహ్మద్‌ అనే మరో యువకుడు ఫిర్యాదు చేశారు. భీమవరం(ప్రకాశం చౌక్‌): ప్రజాసమస్యల పరిష్కార వేదిక (పీజీఆర్‌ఎస్‌), రెవెన్యూ క్లినిక్‌ల ద్వారా అందిన అర్జీలను వేగంగా పరిష్కరించాలని కలెక్టర్‌ సీహెచ్‌ నాగరాణి అన్నారు. సోమవారం కలెక్టరేట్‌లో జరిగిన జిల్లాస్థాయి పీజీఆర్‌ఎస్‌లో ప్రల నుంచి ఆమె అర్జీలు స్వీకరించారు. సమస్యల పరిష్కారంలో జాప్యం, నిర్లక్ష్యం, అలసత్వానికి తావు లేదన్నారు. జేసీ కల్పనశ్రీ, డీఆర్వో గ్లోరియా, డ్వామా పీడీ అప్పారావు, వార్డు సచివాలయ అధికారి దోసిరెడ్డి, జిల్లా అధికారులు పాల్గొన్నారు. అత్తింటి వేధింపులపై ఫిర్యాదు : అత్తింటి వారు వేధిస్తూ తన భర్తకు చెందిన ఇంటిలో ఆశ్రయం లేకుండా చేస్తున్నారని పాలకొల్లు మండలం వెలివెలకు చెందిన గెడ్డం రెబెకా కలెక్టర్‌కు ఫిర్యాదు చేశారు. అనంతరం ఆమె విలేకరులతో మాట్లాడుతూ 2012లో తనకు గెడ్డం చంద్రశేఖర్‌తో వివాహం కాగా రెండున్నరేళ్లకు భర్త మృతిచెందాడన్నారు. అప్పటినుంచి అత్తింటి వద్ద ఆదరణ లేకపోవడంతో కుమారుడిని తీసుకుని వెలివర్రులోని తన తల్లిదండ్రుల వద్ద ఉంటున్నానన్నారు. ప్రస్తుతం తన కుమారుడు 8వ తరగతి చదువుతున్నాడని, వెలివెలకు వెళ్లి భర్తకు చెందిన ఇంట్లో కుమారుడితో కలిసి ఉండాలని ప్రయత్నించినట్టు చెప్పారు. అయితే అత్తమామలు, భర్త సోదరీమణులు తమను ఇంట్లోకి వెళ్లకుండా అడ్డుకుంటున్నారని, న్యాయం చేయాలని కోరారు. గళమెత్తిన యానాదులు : జిల్లాలో యానాదుల సమస్యలపై ఆంధ్రప్రదేశ్‌ యానాది (గిరిజన) సమాఖ్య ఆద్వర్యంలో ధర్నా నిర్వహించి అనంతరం కలెక్టర్‌ నాగరాణికి వినతిపత్రం అందజేశారు. సమాఖ్య ప్రధాన కార్యదర్శి ఎం.ఏడుకొండలు మాట్లాడుతూ జిల్లాలోని పలు ప్రాంతాల్లోని యానాదులకు రేషన్‌, ఆధార్‌ కార్డులు లేక ప్రభుత్వ సంక్షేమ పథకాలు అందడం లేదన్నారు. జిల్లాలో ఆధార్‌ కార్డులు లేని వారు సుమారు 400 మంది వరకు ఉన్నారని ప్రత్యేక ఆధార్‌ సెంటర్‌ ఏర్పాటు చేసి కార్డులు మంజూరు చేయాలని కోరారు. అలాగే యానాదులకు ప్రభుత్వం నుంచి అన్ని సౌకర్యాలు కల్పించాలన్నారు. కలెక్టర్‌ నాగరాణి

గో సంరక్షణ శాలలోని 71 గోవులకు బ్రూసెల్లోసిస్‌ నిర్ధారణ అయింది. వీటిని మిగిలిన గోవుల నుంచి వేరు చేసి సంరక్షిస్తున్నాం. తిమ్మాపురంలోని దేవుడి తోటలో ప్రత్యేకంగా షెడ్లను ఏర్పాటు చేస్తున్నాం. వ్యాధి వ్యాప్తి చెందకుండా అన్ని జాగ్రత్తలు తీసుకుంటున్నాం. – వేండ్ర త్రినాథరావు, ఈఓ, శ్రీవారి దేవస్థానం డాక్టర్‌ శ్రీధర్‌ (సహాయ సంచాలకుడు, తణుకు), డాక్టర్‌ అశోక్‌ (ఏడీ, తాడేపల్లిగూడెం), డాక్టర్‌ ఫణికుమార్‌ (ఆచంట) తో కలిసి మూడు రోజుల పాటు గోవులకు క్షుణ్ణంగా వైద్య పరీక్షలు నిర్వహించాం. వ్యాధి నిర్ధారణ అయిన గోవులకు మెరుగైన వైద్య సేవలు అందిస్తున్నాం. – అంగర సురేష్‌, మండల పశువైద్యాధికారి, ద్వారకాతిరుమల ద్వారకాతిరుమల: ద్వారకాతిరుమల శ్రీవారి గోసంరక్షణ శాలలోని గోవులపై బ్రూసెల్లోసిస్‌ వ్యాధి పంజా విసిరింది. ఇటీవల నిర్వహించిన వైద్య పరీక్షల్లో 71 గోవులకు వ్యాధి నిర్ధారణ కావడంతో దేవస్థానం అధికారులు అప్రమత్తమయ్యారు. వ్యాధి సోకిన గోవులను వేరు చేసి ప్రత్యేకంగా సంరక్షిస్తున్నారు. ఇదిలా ఉండగా ఈ వ్యాధి ఉమ్మడి పశ్చిమగోదావరి జిల్లాలోని పాడి రైతులను సైతం కలవరపెడుతోంది. ఇప్పటికే ఈ వ్యాధి భారీగా వ్యాపించిందన్న అనుమానాలు వ్యక్తమవుతున్నాయి. పాడి పశువుల్లో గర్భస్రావం తదితర సమస్యలపై రైతులు అప్రమత్తంగా ఉండాల్సిన అవసరం ఉంది. పశుసంవర్ధక శాఖ ఆధ్వర్యంలో విస్తృతంగా నమూనాలు సేకరించి పరీక్షలు నిర్వహించాలని రైతులు కోరుతున్నారు. 358 గోవులకు పరీక్షలు : గోసంరక్షణశాలలోని ఆవులకు తరచూ గర్భస్రావం జరుగుతున్న విషయాన్ని గమనించిన ఆలయ ఈఓ వేండ్ర త్రినాథరావు విషయాన్ని మండల పశువైద్యాధికారి అంగర సురేష్‌తో చర్చించారు. దీంతో ప్రత్యేక వైద్య బృందం మొత్తం 358 గోవుల నుంచి రక్తం, ఇతర నమూనాలను సేకరించి విజయవాడ పంపించగా 71 గోవులకు బ్రూ సెల్లోసిస్‌ వ్యాధి నిర్ధారణ అయ్యింది. వీటిలో 68 ఆవులు, 3 గిత్తలు ఉన్నాయి. దీంతో వాటిని గోసంరక్షణశాల వెనుక ఉన్న వాకింగ్‌ ట్రాక్‌ ప్రాంతానికి తరలించి ప్రత్యేకంగా సంరక్షిస్తున్నారు. భారీ షెడ్ల నిర్మాణం : వ్యాధి నిర్ధారణ అయిన గోవులకు ప్రత్యేక వసతులు కల్పించేందుకు తిమ్మా పురంలోని దేవుడి తోటలో భారీ షెడ్లను నిర్మిస్తున్నారు. మంచినీటి తొట్టెల నిర్మాణం పూర్తయింది. వ్యాధి వ్యాప్తిని అరికట్టేందుకు వ్యాధి సోకిన గోవులను మిగిలిన పశువుల నుంచి వేరుగా ఉంచడంతోపాటు, వాటి సంరక్షణలో ప్రత్యేక జాగ్రత్తలు తీసుకోవాలని పశువైద్య నిపుణులు సూచిస్తున్నారు. గర్భస్రావం ప్రధాన లక్షణం బ్రూసెల్లోసిస్‌ (బ్రూసెల్లా) బ్యాక్టీరియా వల్ల వచ్చే అంటువ్యాధి. పశువుల్లో ముఖ్యంగా పునరుత్పత్తి వ్యవస్థపై ప్రభావం చూపుతుంది. గర్భధారణ చివరి దశలో గర్భస్రావం, మృతదూడల జననం, బలహీనమైన దూడలు, మాయ బయటకు రాకపోవడం, వంధ్యత్వం వంటి సమస్యలు కనిపించవచ్చు. పునరుత్పత్తి అవయవాలపై తీవ్ర ప్రభావం పడితే మళ్లీ గర్భం దాల్చలేని పరిస్థితి. అలాగే పాల ఉత్పత్తిపైనా దీర్ఘకాల ప్రభావం పడే అవకాశం ఉంది. ఎద్దుల్లో వృషణాల వాపు, సంతానోత్పత్తి సామర్థ్యం తగ్గడం లేదా వంధ్యత్వం సంభవించవచ్చు. వేటికి సంక్రమిస్తాయంటే.. బ్రూసెల్లోసిస్‌ ప్రధానంగా ఆవులు, గేదెలు, గొర్రెలు, మేకలు, పందులు తదితర పశువులకు సోకుతుంది. గర్భస్రావం జరిగినప్పుడు వెలువడే గర్భద్రవాలు, మాయ, ఇతర స్రవాల్లో బ్యాక్టీరియా అధికంగా ఉంటుంది. ఇవి పరిసరాలను కలుషితం చేసి వ్యాధిని వ్యాపింపజేస్తాయి. తిమ్మాపురంలో షెడ్ల నిర్మాణం మేత తింటున్న వ్యాధి సోకిన గోవులుబ్రూసెల్లోసిస్‌ జంతువుల నుంచి మనుషులకు సంక్రమించే జూనోటిక్‌ వ్యాధి. గర్భద్రవాలు, మాయ, ఇతర స్రవాలను తాకడం ద్వారా సంక్రమిస్తుంది. వ్యాధిగ్రస్తు పశువు ఇచ్చే పచ్చిపాలు లేదా పాశ్చరైజ్‌ చేయని పాల ఉత్పత్తులు కూడా ప్రమాదకరమే. ఈ వ్యాధి సోకిన వారిలో జ్వరం, చలి, అధికంగా చెమటలు పట్టడం, నీరసం, తలనొప్పి, కండరాలు–కీళ్ల నొప్పులు, ఆకలి తగ్గడం, బరువు తగ్గడం వంటి లక్షణాలు కనిపించవచ్చు. కొన్ని సందర్భాల్లో ఇతర అవయవాలపై కూడా ప్రభావం చూపవచ్చు. ఆయా లక్షణాలు కనిపిస్తే వెంటనే వైద్యులను సంప్రదించాలి. రాష్ట్రంలో గోవులకు బ్రూసెల్లోసిస్‌ వ్యాధి నిర్ధారణ పరీక్షలు చేయించిన తొలి దేవస్థానంగా ద్వారకాతిరుమల నిలిచింది. ఆ తర్వాత తిరుమల తిరుపతి దేవస్థానం గోసంరక్షణశాలలో నూ ఈ వైద్య పరీక్షలు నిర్వహించగా.. సు మారు 600 గోవులకు ఈ వ్యాధి నిర్ధారణ అయినట్టు సమాచారం. బ్రూసెల్లోసిస్‌ పంజా శ్రీవారి గోసంరక్షణ శాలలోని గోవుల్లో వ్యాధి నిర్ధారణ ప్రత్యేక సంరక్షణకు అధికారుల చర్యలు తిమ్మాపురంలో భారీ షెడ్ల నిర్మాణం తరచూ గర్భస్రావాలతో వెలుగులోకి.. ఉమ్మడి జిల్లాలోని పాడి రైతుల్లో ఆందోళన

మంగళవారం శ్రీ 22 శ్రీ సెప్టెంబర్‌ శ్రీ 2026భీమవరం: అరకొర జీతాలతో రెవెన్యూ శాఖకు తలలో నాలుకలా పనిచేస్తున్న గ్రామ రెవెన్యూ సహాయకులు (వీఆర్‌ఏ) గోడు పట్టించుకోకపోవడంతో వారం రోజులుగా సమ్మె బాట పట్టారు. ఎన్నికల్లో వీఆర్‌ఏల సమస్యలు పరిష్కరిస్తామని హామీ ఇచ్చిన కూటమి నాయకులు అధికారం చేపట్టి రెండేళ్లు గడిచిపోయినా ఒక్క సమస్య కూడా పరిష్కరించకపోవడంతో తప్పనిసరి పరిస్థితుల్లో సమ్మె చేస్తున్నారు. ఈనెల 16 నుంచి రాష్ట్రవ్యాప్తంగా చేపట్టిన సమ్మెలో భాగంగా ఉమ్మడి పశ్చిమగోదా వరి జిల్లాలోని దాదాపు 2,300 మంది వీఆర్‌ఏలు విధులను బహిష్కరించి రెవెన్యూ డివిజన్ల వారీగా వివిధ రూపాల్లో నిరసనలు తెలుపుతున్నారు. గ్రామాల్లో వీరే కీలకం రెవెన్యూశాఖలో పన్నుల వసూళ్లు, భూముల రీసర్వే వంటి కీలకమైన పనులకు వీఆర్‌ఏల కీలకం. ఏ రైతు భూమి ఎక్కడి ఉంది, ఎన్ని ఎకరాల విస్తీర్ణం వంటి అనేక అంశాలను పుస్తకాలు, రికార్డులు చూడనవసరం లేకుండానే చెప్పగల సత్తా వీరిది.. ఉమ్మడి పశ్చిమగోదావరి జిల్లాలో వీఆర్‌ఏలు దాదాపు 2,300 మంది పనిచేస్తుండగా దాదాపు 1,100 ఖాళీలున్నాయని అంచనా. 2019 నుంచి వీఆర్‌ఏల జీతం కేవలం రూ.10,500 మాత్రమే. వీరిలో చాలా మంది డిగ్రీ, పీజీ, బీటెక్‌ వంటి అర్హతలు కలిగిన వారు ఉండడంతో వారితో గ్రామాల్లోని రెవెన్యూ పనులనే గాకుండా తహసీల్దార్‌, ఆర్డీఓ కార్యాలయాల్లో సైతం కంప్యూటర్‌ ఆపరేటర్స్‌, కారు డ్రైవర్స్‌ వంటి పలురకాల పనులకు ఉపయోగించుకుంటున్నారు. వీఆర్‌ఏల సంఘం లెక్కల ప్రకారం డిగ్రీ ఆపై విద్యార్హత కలిగిన వీఆర్‌ఏలు సుమారు 225 మంది ఉండగా, ఇంటర్‌ అర్హత 145 మంది, టెన్త్‌ అర్హత గలవారు సుమారు 185 మంది ఉన్నారు. వీరంతా ఎన్నో ఏళ్లుగా పనిచేస్తున్నా పదోన్నతులు లేవు. చదివిన చదువుకు తగిన ఉద్యోగం పొందలేకపోతున్నామని, అలాగే అరకొర జీతంతో జీవితాలను సాగిస్తున్నామనే ఆందోళన అంతటా ఉంది. తమ సమస్యలను పరిష్కరించే వరకు సమ్మె విరమించేది లేదని వీఆర్‌ఏలు స్పష్టం చేస్తున్నారు. ప్రధానంగా నాలుగు డిమాండ్లతో వీరు సమ్మె చేపట్టారు. ఆకలి కేకలు పట్టవా ? ఈనెల 16 నుంచి వీఆర్‌ఏల సమ్మె పలు రూపాల్లో నిరసనలు అయినా పట్టించుకోని ప్రభుత్వం స్తంభించిన గ్రామ పాలన ఉమ్మడి జిల్లాలో 2,300 మంది సమ్మెలో.. సమస్యలను పరిష్కరించాలని వారం రోజులుగా సమ్మె చేస్తున్నా మా గోడు ఎవరూ పట్టించుకోవడం లేదు. రెవెన్యూ శాఖకు గ్రామాల్లో కీలకంగా పనిచేస్తున్న వీఆర్‌ఏల సమస్యలు పరిష్కరించే వరకూ సమ్మె కొనసాగిస్తాం. – మోటూరి మోషే, వీఆర్‌ఏల సంఘ జిల్లా అధ్యక్షుడు చాలా ఏళ్లుగా రూ.10,500 జీతంతోనే పనిచేస్తున్నాం. పెరిగిన నిత్యావసర సరుకుల ధరలు వణుకు పుట్టిస్తున్నాయి. మా కష్టానికి తగిన జీతం లేకపోవడంతో కుటుంబ పోషణ కష్టంగా మారింది. సమస్యలు పరిష్కరించాలి. – పతివాడ గోపాలకృష్ణ, వీఆర్‌ఏల సంఘ జిల్లా కార్యదర్శి జీతాలు పెంచాలని, నామినీ లకు రెగ్యులర్‌ చేయాలని, ప్ర మోషన్స్‌ కల్పించాలనే న్యాయ మైన డిమాండ్లను నెరవేర్చాలి. నెలకు రూ.18 వేలు జీతం, టీఏ, డీఏలు కోరుతున్నాం. ప్రభుత్వం మా సమస్యలను వెంటనే పరిష్కరించాలి. – కురెళ్ల శ్రీనివాసరావు, వీఆర్‌ఏల సంఘం జిల్లా ఉపాధ్యక్షుడు

భీమవరం: ప్రజా ఫిర్యాదులపై అలసత్వం వహిస్తే ఉపేక్షించేది లేదని జిల్లా ఎస్పీ అద్నాన్‌ నయీం అస్మి అన్నారు. సోమవారం జిల్లా పోలీస్‌ ప్రధాన కార్యాలయంలో పీజిఆర్‌ఎస్‌లో భాగంగా పలువురు నుంచి ఫిర్యాదు స్వీకరించారు. వినతులను నిర్ణీత గడువులోగా పూర్తిస్థాయిలో పరిశీలించి బాధితులకు న్యాయం చేయాలని అధికారులను ఆదేశించారు. మొత్తంగా 23 ఆర్జీలను స్వీకరించారు. ఏఎస్పీ డి.విశ్వనాథ్‌, జిల్లా స్పెషల్‌ బ్రాంచ్‌ ఇన్‌స్పెక్టర్‌ కేవీవీఎన్‌ సత్యనారాయణ పాల్గొన్నారు. పాలకోడేరు: విస్సాకోడేరులోని స్పెషలైజ్డ్‌ ఎడాప్షన్‌ ఏజెన్సీ (శిశుగృహ)ను రాష్ట్ర బాలల హక్కుల పరిరక్షణ కమిషన్‌ చైర్మన్‌ వేటుకూరి సత్యనారాయణరాజు, సభ్యులు పి.నాగ మానస, మౌదల గంగా సూర్యనారాయణ సోమవారం సందర్శించారు. శిశుగృహలో బాలల ఆరోగ్య పరిస్థితి, వివరాలను అడిగి తెలుసుకున్నారు. శిశుగృహ ఆవరణలో మొక్కలు నాటారు. అనంతరం సమీపంలోని అంగన్‌వాడీ కేంద్రాన్ని తనిఖీ చేశారు. జెడ్పీ హైస్కూల్‌ను సందర్శించి ఒంగోలు ట్రిపుల్‌ఐటీలో సీటు సాధించిన విద్యార్థిని ఆకుల శశిదీప్తిని సన్మానించారు. విద్యార్థులకు బాలల హక్కులు, చట్టాలు, సంక్షేమ పథకాలు, బాలల సంరక్షణ అంశాలపై అవగాహన కల్పించారు. నరసాపురం ఎంఈఓ పి.పుష్పరాజ్యం, జిల్లా బాలల సంరక్షణ అధికారి ఆర్‌.రాజేష్‌, ఐసీడీఎస్‌ సిబ్బంది ఉన్నారు. భీమవరం: డీఎస్సీ స్పోర్ట్స్‌ కోటాలో అక్రమ నియామకాలకు కారణమైన శాప్‌ కార్యాలయం వద్ద సోమవారం వైఎస్సార్‌సీపీ ఆధ్వర్యంలో నిర్వహించ తలపెట్టిన నిరసనకు వెళ్లకుండా ఆ పార్టీ యువజన విభాగం జిల్లా అధ్యక్షుడు చిగురుపాటి సందీప్‌ను పోలీసులు అడ్డుకున్నారు. వైఎస్సార్‌సీపీ నిరసనకు అనుమతులు లేవంటూ పోలీసులు నోటీసులు ఇచ్చి సందీప్‌ను అడ్డుకున్నారు. భీమవరం: భీమవరం–ఉండి రైల్వే స్టేషన్ల మధ్యలో సుమారు 40 నుంచి 50 ఏళ్ల వయసున్న గుర్తుతెలియని వ్యక్తి మృతదేహం గుర్తించినట్టు రైల్వే పోలీసులు తెలిపారు. మృతుడు ఆరెంజ్‌, బ్లూ రంగుల చెక్స్‌ షర్టు, నేవీ బ్లూ రంగు ప్యాంటు ధరించి ఉన్నాడన్నారు. మృతుని వివరాలు తెలిస్తే భీమవరం జీఆర్పీ పోలీస్‌స్టేషన్‌కి సమాచారం అందించాలని కోరారు. ఏలూరు టౌన్‌: తమ్మిలేరు కాలువలో స్నానానికి దిగిన ఇద్దరు యువకులు నీటిలో మునిగిన ఘటన సోమవారం తీవ్ర విషాదాన్ని మిగిల్చింది. ఏలూరు రూ రల్‌ పరిధిలోని ఆర్టీఓ కార్యాలయ మార్గంలోని తమ్మిలేరు కాలువ వద్ద ఈ ఘటన చోటుచేసుకుంది. సమాచారం ప్రకారం.. నలుగురు స్నేహితులు కలిసి తమ్మిలేరు కాలువ వద్దకు వెళ్లారు. వారిలో ఇద్దరు నీటిలోకి దిగగా ప్రమాదవశాత్తు మునిగిపోయారు. గమనించిన స్థానికులు వెంటనే వారిని బయటకు తీసేందుకు ప్రయత్నించారు. కొన ఊపిరితో ఉన్న కనకం పవన్‌ (17)ను బయటకు తీసి ఆస్పత్రికి తరలిస్తుండగా మృతి చెందినట్టు సమాచారం. మృతుడు శనివారపుపేట జగనన్న కాలనీకి చెందినవాడిగా గుర్తించారు. ఇదిలా ఉండగా కాలువలో మునిగిపోయిన షేక్‌ ఖలీఫ్‌ రోషన్‌ అనే యువకుడి ఆచూకీ కోసం పోలీసులు, స్థానికులు ముమ్మరంగా గాలిస్తున్నారు. కాలువ గట్టుపై ఉన్న మరో ఇద్దరు స్నేహితులు ప్రమాదం నుంచి సురక్షితంగా బయటపడ్డారు. కాలువలోకి దిగొద్దని అక్కడ చేపలు పడుతున్న వారు హెచ్చరించినా వినకుండా ఇద్దరు యువకులు నీటిలోకి దిగినట్టు స్థానికుల నుంచి సమాచారం. ఘటనపై పోలీసులు వివరాలు సేకరిస్తూ గాలింపు చర్యలు కొనసాగిస్తున్నారు.

నేరాలను అదుపు చేయడానికి ప్రతి ఒక్కరూ కృషి చేయాలని ఉమ్మడి పశ్చిమగోదావరి జిల్లా న్యాయ సేవాధికార సంస్థ కార్యదర్శి శ్రీలక్ష్మి అన్నారు. 8లో uభీమవరం (ప్రకాశంచౌక్‌): గురజాడ అప్పారావు తెలుగు సాహిత్యానికి, సమాజ సంస్కరణకు చేసిన సేవలు చిరస్మరణీయమని కలెక్టర్‌ సీహెచ్‌ నాగరాణి అన్నారు. సోమవారం కలెక్టరేట్‌లో గురజాడ జయంతి సందర్భంగా ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా కలెక్టర్‌ మాట్లాడుతూ గురజాడ ఆధునిక తెలుగు సాహిత్యానికి దిశానిర్దేశం చేసిన మహనీయులన్నారు. గురజాడ సాహిత్యాన్ని చదివి, ఆయన ఆశయాలను తెలుసుకుని సమాజ అభివృద్ధిలో భాగస్వాములు కావాలని కోరారు. జేసీ కేఆర్‌ కల్పశ్రీ, డీఆర్వో పి.గ్లోరియా, టూరిజం శాఖ అధికారి ఎ.వెంకట అప్పారావు పాల్గొన్నారు. జిల్లా పోలీసు కార్యాలయంలో.. భీమవరం: భీమవరం జిల్లా పోలీసు కార్యాలయంలో మహాకవి గురజాడ అప్పారావు జయంతిని నిర్వహించారు. ముందుగా ఆయన చిత్రపటానికి ఎస్పీ అద్నాన్‌ నయీం అస్మి పూలమాల వేసి నివాళులర్పించారు. అనంతరం ఆయన మాట్లాడుతూ తెలుగు సాహితీ దిగ్గజం, మహాకవి, సంఘ సంస్కర్త గురజాడ అప్పారావు తన రచనల ద్వారా సాంఘిక పరివర్తనకు విశేషంగా కృషి చేశారన్నారు. గురజాడ సాహిత్య కృషి, సామాజిక స్పృహ, మానవతా దృక్పథాన్ని అంంతా ఆదర్శంగా తీసుకోవాలన్నారు. జిల్లా అదనపు ఎస్పీ డి.విశ్వనాథ్‌, జిల్లా స్పెషల్‌ బ్రాంచ్‌ ఇన్‌స్పెక్టర్‌ కేవీవీఎన్‌ సత్యనారా యణ, మహిళా ఆర్మర్డ్‌ రిజర్వ్‌ ఇన్‌స్పెక్టర్‌ (అడ్మిన్‌) ఈ.ఇందుమతి తదితరులు పాల్గొన్నారు.

భీమవరం (ప్రకాశంచౌక్‌): పిల్లల ఉజ్వల భవిష్యత్తుకు సరైన పునాది పోషకాహారం, ప్రేమతో కూడిన సంరక్షణేనని కలెక్టర్‌ సీహెచ్‌ నాగరాణి అన్నారు. 9వ జాతీయ పోషణ మాసం కార్యక్రమంలో భాగంగా కలెక్టరేట్‌లో ఏర్పాటుచేసిన స్టాల్‌ను ఆమె పరిశీలించారు. వచ్చేనెల 8 వరకు జిల్లాలో జాతీయ పోషకాహార మహోత్సవ కార్యక్రమాలను సమర్థవంతంగా నిర్వహించాలని ఆదేశించారు. జిల్లా సీ్త్ర, శిశు సంక్షేమ శాఖ అధికారి డి.శ్రీలక్ష్మి, జిల్లా కో–ఆర్డినేటర్‌ పి.చంద్రశేఖర్‌ తదితరులు పాల్గొన్నారు. భీమవరం(ప్రకాశం చౌక్‌): పాలకొల్లు బీఆర్‌ఆర్‌ అండ్‌ జీకేఆర్‌ చాంబర్‌ డిగ్రీ కాలేజీలో ఈనెల 26న మె గా ప్లేస్‌మెంట్‌ డ్రైవ్‌ నిర్వహించనున్నట్టు జేసీ కల్ప శ్రీ తెలిపారు. సోమవారం అధికారులతో కలిసి పో స్టర్లను ఆవిష్కరించారు. సుమారు 20 కంపెనీల్లో 1,500కు పైగా ఉద్యోగావకాశాలు కల్పిస్తామన్నా రు. 18–35 ఏళ్ల వయసున్న అభ్యర్థులు అర్హుల న్నారు. వివరాలకు మనోజ్‌ 63049 22617, నాగేంద్ర 9502024765, ప్రసన్న 70138 96277ను సంప్రదించవచ్చన్నారు. డీఆర్వో పి.గ్లోరియా, జిల్లా నైపుణ్యాభివృద్ధి అధికారి పి.లోకమాన్‌ పాల్గొన్నారు.

యలమంచిలి: కొంతేరు గ్రామానికి చెందిన సిస్టా జస్వంత్‌శ్రీ వచ్చే ఏడాది అమెరికాలోని హ్యూస్టన్‌లో నాసా సౌకర్యాల్లో జరిగే అంతర్జాతీయ ఎయిర్‌ అండ్‌ స్పేస్‌ ప్రోగ్రామ్‌కు ఎంపికయ్యారని తల్లిదండ్రులు వెంకట సుబ్రహ్మణ్య శ్రీనివాస్‌, సంగీత తెలిపారు. ఏఎక్స్‌ఏ ఏరోస్పేస్‌ నిర్వహించే ఈ కార్యక్రమంలో అంతర్జాతీయ స్థాయి అంతరిక్ష శిక్షణ, ప్రయోగాత్మక కార్యకలాపాల్లో పాల్గొనే అవకాశం జస్వంత్‌కు లభించిందన్నారు. జస్వంత్‌ ప్రస్తుతం మహారాష్ట్రలోని నాసిక్‌లో శాండిప్‌ యూనివర్సిటీలో ఏరోస్పేస్‌ ఇంజినీరింగ్‌లో బీటెక్‌ రెండో ఏడాది చదువుతూ అంతరిక్ష వ్యవస్థలు, ఆస్ట్రోనాటిక్స్‌, ఆస్ట్రోఫిజిక్స్‌, క్వాంటం మెకానిక్స్‌తో పాటు ఉపగ్రహాల అభివృద్ధి, క్యూబ్‌శాట్‌ సాంకేతికత, ఎలక్ట్రానిక్స్‌, ఆర్‌ఎఫ్‌ కమ్యూనికేషన్‌, యాంటెన్నా రూపకల్పన, ఏవియానిక్స్‌, ప్రొపల్షన్‌ ప్రాజెక్టులపై పనిచేస్తున్నాడన్నారు. నాసా స్పేస్‌ యాప్స్‌ చాలెంజ్‌లో ఏరోనాటికల్‌, ఆస్ట్రోనాటికల్‌ విద్యాయాప్‌ అభివృద్ధిలోనూ పాల్గొన్నాడన్నారు. ఇటీవల పోలాండ్‌లో జరిగిన ఏఏటీసీ అనలాగ్‌ కాలనీ–2ను జస్వంత్‌ విజయవంతంగా పూర్తి చేశాడన్నారు.

భీమవరం: ఆటో డ్రైవర్‌ వేధింపులు తట్టుకోలేక 14 ఏళ్ల బాలిక సీలింగ్‌ ఫ్యాన్‌కు చున్నీతో ఉరివేసుకుని ఆత్మహత్య చేసుకున్న సంఘటన శనివారం వెలుగులోకి వచ్చింది. పోలీసులు తెలిపిన వివరాల ప్రకారం భీమవరం ఒకటో పట్టణానికి చెందిన బాలిక స్థానిక పాఠశాలలో 9వ తరగతి చదువుతోంది. ప్రతిరోజూ పాఠశాలకు తీసుకెళ్లే ఆటో డ్రైవర్‌ తన కుమార్తెను ప్రలోభపెట్టాడని, తన మాట వినకపోతే చంపుతానని లేదా చచ్చిపోవాలని బెదిరించడం వల్లే బాలిక ఆత్మహత్య చేసుకుందని తండ్రి నాగరాజు ఫిర్యాదు చేశారు. తండ్రి ఇచ్చిన ఫిర్యాదు మేరకు సీఐ రమేష్‌ కేసు నమోదు చేసి దర్యాప్తు చేస్తున్నారు. తాడేపల్లిగూడెం: గ్రామీణ యువత, మహిళలు, రైతులకు పుట్టగొడుగుల పెంపకం ద్వారా మంచి ఉపాధి లభిస్తుందని ప్రొఫెసర్‌ టి.నాగలక్ష్మి తెలిపారు. వెంకట్రామన్నగూడెంలో జరుగుతున్న పుట్టగొడుగుల సాగు శిక్షణ కార్యక్రమంలో సోమవారం రెండో రోజు పలువురు శాస్త్రవేత్తలు రైతులకు అవగాహన కల్పించారు. నాగలక్ష్మి సాగు పద్ధతులు, అనుకూల పరిస్థితులు, ఉత్పత్తి విధానాలపై మార్గదర్శనం చేయగా.. ప్లాంట్‌ పాథాలజీ శాస్త్రవేత్త జే. దివ్య వ్యాధుల గుర్తింపు, నివారణ, సమగ్ర యాజమాన్య పద్ధతులను వివరించారు. తీరప్రాంతాల్లో సాగు, మార్కెటింగ్‌, డిమాండ్‌పై ఉద్యాన పరిశోధన స్థానం ప్రిన్సిపల్‌ సైంటిస్ట్‌ శేషకిరణ్‌, ఉపాధి అవకాశాలపై ఉద్యాన వర్సిటీ విస్తరణ సంచాలకులు సీహెచ్‌.రూత్‌ మాట్లాడారు. అనంతరం శిక్షణార్థులకు ప్రయోగాత్మక శిక్షణ ఇచ్చారు. కెవికె శాస్త్రవేత్త కె.అర్చన కోర్సు కో–ఆర్డినేటర్‌గా వ్యవహరించారు.

కై కలూరు: పామర్రు – దిగమర్రు జాతీయ రహదారి (165) విస్తరణ పనుల్లో భాగంగా కై కలూరు మండలం గోపవరం–అగ్రహారం మధ్య కొత్తగా నిర్మించిన రహదారి మందుబాబులకు నిలయంగా మారింది. అధికారులు ఇంకా అధికారికంగా ప్రారంభించకముందే, ఈ రోడ్డు పక్కన ఖాళీ మద్యం సీసాలు, సిగరెట్‌ పీకలు, క్యారీబ్యాగులు దర్శనమిస్తున్నాయి. రూ. 1,000 కోట్ల అంచనా వ్యయంతో చేపడుతున్న ఈ జాతీయ రహదారి విస్తరణ పనుల్లో భాగంగా, మండవల్లి మండలం భైరవపట్నం నుంచి గోనెపాడు వరకు రూ. 129.65 కోట్లతో 4 లైన్ల రహదారి నిర్మాణం వేగంగా జరుగుతోంది. ఇందులో కై కలూరు మండలం గోపవరం నుంచి ఆటపాక సమీప అగ్రహారం వరకు సుమారు 4 కిలోమీటర్ల మేర రహదారి నిర్మాణం పూర్తయింది. చీకటి మాటున విచ్చలవిడిగా పార్టీలు రహదారి పూర్తయిన ప్రాంతాల్లో రాత్రివేళ విద్యుత్‌ దీపాలు (లైటింగ్‌) లేకపోవడం, చుట్టూ వరి పొలాలు, ఆక్వా చెరువులు ఉండి ప్రాంతమంతా నిర్మానుష్యంగా ఉండటాన్ని మందుబాబులు ఆసరాగా చేసుకుంటున్నారు. కార్లలో వచ్చి రాత్రివేళల్లో జన్మదిన వేడుకలు (బర్త్‌డే పార్టీలు), మద్యం విందులు ఏర్పాటు చేసుకుంటున్నారు. ఉదయాన్నే పొలాల వద్దకు వచ్చే రైతులు, అక్కడ పేరుకుపోతున్న చెత్తను చూసి తీవ్ర ఆవేదన వ్యక్తం చేస్తున్నారు. పగటిపూటా అదే తీరు కై కలూరు నుంచి గోపవరం, ఆటపాక మీదుగా జాతీయ రహదారికి, అలాగే వరహాపట్నం మీదుగా కలిదిండి ప్రాంతాలకు వెళ్లేందుకు ఈ రహదారి స్వల్ప దూర మార్గం (షార్ట్‌కట్‌) కావడంతో ప్రయాణాలు పెరిగాయి. మందుబాబులు కై కలూరు రైల్వే గేటు సమీపంలోని షాపుల్లో మద్యం కొనుగోలు చేసి, వాహనాలపై ఇక్కడికి చేరుకుంటున్నారు. పగటిపూట కూడా పొలాల గట్లపై గుంపులుగా కూర్చుని మద్యం సేవిస్తున్నారు. ఇటీవల ఈ రహదారిని పరిశీలించిన ఎమ్మెల్యే కామినేని శ్రీనివాస్‌ రోడ్డుపై ఉన్న మద్యం సీసాలను చూసి, వెంటనే చర్యలు తీసుకోవాలని పోలీసులను ఆదేశించారు. అయినప్పటికీ మందుబాబుల ఆగడాలు ఆగడం లేదు. హైవే రోడ్డుపై బహిరంగంగా మద్యం సేవిస్తున్నారనే విషయం మా దృష్టికి వచ్చింది. ఇటీవల ఇక్కడ పార్టీ చేసుకుంటున్న 11 మందిని పోలీస్‌ స్టేషన్‌కు తరలించి కౌన్సెలింగ్‌ ఇచ్చాం. పొలాల యజమానులతో కూడా మాట్లాడాం. రాత్రి పూట గస్తీ (పెట్రోలింగ్‌) పెంచి బహిరంగ మద్యపానాన్ని పూర్తిగా అరికడతాం.‘ – ఏవీఎస్‌.రామకృష్ణ, టౌన్‌ సీఐ, కై కలూరు గోపవరం–అగ్రహారం జాతీయ రహదారిపై మందుబాబుల హల్‌చల్‌ పొలాల సమీపంలో లభ్యమవుతున్న మద్యం సీసాలు, వ్యర్థాలు ఆవేదన వ్యక్తం చేస్తున్న స్థానిక రైతులు

జంగారెడ్డిగూడెం (చింతలపూడి): ప్రభుత్వం నూతనంగా ప్రవేశపెట్టిన క్యూఆర్‌ కోడ్‌ విధానం నేపథ్యంలో ఎంఎల్‌ఎస్‌ పాయింట్ల వద్ద తమకు తరుగు లేకుండా పక్కాగా కాటా వేసి బియ్యం ఇవ్వాలని రేషన్‌ డీలర్లు డిమాండ్‌ చేశారు. సోమవారం జంగారెడ్డిగూడెం ఎంఎల్‌ఎస్‌ పాయింట్‌కు చేరుకున్న జంగారెడ్డిగూడెం, కొయ్యలగూడెం, టి.నరసాపురం మండలాల డీలర్లు, డిప్యూటీ తహసీల్దార్‌ (డీటీ)ని కలిసి తమ సమస్యలపై వినతిపత్రం అందించారు. ఎంఎల్‌ఎస్‌ పాయింట్ల వద్దే పూర్తి చేయాల్సిన స్కానింగ్‌ భారాన్ని కూడా తమపైనే వేస్తున్నారని వాపోయారు. ప్రతి బస్తానూ స్కాన్‌ చేసి లోడింగ్‌, అన్‌లోడింగ్‌ చేయాల్సి వస్తున్నందున, హమాలీలు సైతం తరుగు లేకుండా తూకం వేసి సహకరించాలని కోరారు.

కాళ్ల: గుర్తుతెలియని వ్యక్తి జరిపిన దాడిలో ఉపాధ్యాయుడికి తీవ్రగాయాలైన సంఘటనపై కేసు నమోదు చేసినట్లు ఎస్సై గణేష్‌ కుమార్‌ సోమవారం విలేకరులకు తెలిపారు. పెద అమిరంలో నివాసముంటూ ఉండి మండలం ఎన్‌ఆర్‌పి అగ్రహారంలో టీచర్‌గా పనిచేస్తున్న ఎస్‌.వెంకటరత్నం ఉదయం పూట సైక్లింగ్‌ చేస్తుండగా, ఓ గుర్తుతెలియని వ్యక్తితో ఘర్షణ జరిగింది. ఈ దాడిలో ఉపాధ్యాయుడి తలకు తీవ్ర గాయం కావడంతో భీమవరం ఆసుపత్రికి తరలించి వైద్యం అందిస్తున్నారు. ఘటనపై పూర్తిస్థాయిలో దర్యాప్తు చేస్తున్నట్లు ఎస్సై తెలిపారు. ఏలూరు (ఆర్‌ఆర్‌పేట): రోడ్డు ప్రమాదంలో తీవ్రంగా గాయపడిన యువకుడికి సమయస్ఫూర్తితో వైద్య సాయం అందించి ప్రాణాలు కాపాడిన అసిస్టెంట్‌ మోటార్‌ వెహికల్‌ ఇన్‌స్పెక్టర్‌ (ఏఎంవీఐ) ఎస్‌. జగదీశ్‌ బాబును ఉప రవాణా కమిషనర్‌ షేక్‌ కరీమ్‌ అభినందించారు. సోమవారం మధ్యాహ్నం దుగ్గిరాల జాతీయ రహదారిపై విధి నిర్వహణలో ఉన్న ఏఎంవీఐ జగదీశ్‌ బాబు, రోడ్డు పక్కన గుర్తుతెలియని వాహనం ఢీకొని రక్తపు మడుగులో పడివున్న ఒక యువకుడిని గమనించారు. వెంటనే 108 అంబులెన్స్‌కు సమాచారం అందించి, అది వచ్చే వరకు అక్కడే ఉండి బాధితుడికి ప్రాథమిక సాయం అందించారు. అనంతరం యువకుడిని ఏలూరు ప్రభుత్వాసుపత్రికి తరలించడంతో అతను ప్రాణాపాయం నుంచి బయటపడ్డాడు. మానవత్వం చాటుకున్న జగదీశ్‌ బాబు సమయస్ఫూర్తి రవాణా శాఖ అధికారులందరికీ ఆదర్శనీయమని డీటీసీ షేక్‌ కరీమ్‌ ప్రశంసించారు.

ఏలూరు (ఆర్‌ఆర్‌పేట): మహిళా అభివృద్ధి, శిశు సంక్షేమ శాఖ పరిధిలోని దెందులూరు, నూజివీడు బాలసదనాలతో పాటు స్పెషలైజ్డ్‌ అడాప్షన్‌ ఏజెన్సీ (శిశు గృహ)లలో ఖాళీగా ఉన్న పోస్టులకు సోమవారం ఇంటర్వ్యూలు నిర్వహించినట్లు ఐసీడీఎస్‌ ప్రాజెక్ట్‌ డైరెక్టర్‌ శారద తెలిపారు. కలెక్టరేట్‌లో జిల్లా రెవెన్యూ అధికారి ఆధ్వర్యంలో ఈ ప్రక్రియ నిర్వహించారు. కుక్‌, హెల్పర్‌ కమ్‌ నైట్‌ వాచ్‌ ఉమెన్‌, పార్ట్‌ టైమ్‌ ఎడ్యుకేటర్‌, ఆర్ట్‌–క్రాఫ్ట్‌–మ్యూజిక్‌ టీచర్‌, పార్ట్‌ టైమ్‌ డాక్టర్‌ తదితర 7 పోస్టుల భర్తీకి నోటిఫికేషన్‌ విడుదల చేయగా.. 41 మంది అర్హులైన అభ్యర్థులను ఇంటర్వ్యూకి పిలిచారు. వీరిలో 32 మంది హాజరవ్వగా, తొమ్మిది మంది గైర్హాజరైనట్లు పీడీ వివరించారు. తాడేపల్లిగూడెం (టీఓసీ): ప్రమాదవశాత్తూ ఆదివారం మధ్యాహ్నం పట్టణంలోని యాగర్లపల్లి వద్ద గోదావరి కాలువలో పడి గల్లంతైన బాలుడు చుక్క మధు సత్య కౌశిక్‌ మృతదేహం సోమవారం లభ్యమైంది. ఫైర్‌ ఆఫీసర్‌ కొండబాబు ఆధ్వర్యంలో సిబ్బంది లైఫ్‌బోట్‌ సహాయంతో కాలువలో గాలింపు చర్యలు చేపట్టారు. ఎట్టకేలకు కై కరం గ్రామం సమీపంలో కాలువలో మృతదేహాన్ని గుర్తించి వెలికితీశారు. ఈ ఘటనతో బాలుడి కుటుంబంలో తీవ్ర విషాదం నెలకొంది. పోలీసుల సమక్షంలో మృతదేహాన్ని బంధువులకు అప్పగించారు. నరసాపురం: సాయుధ బలగాల్లో చేరాలనుకునే వారికి నేవల్‌ ఎన్‌సీసీ మంచి అవకాశాలను కల్పిస్తుందని నరసాపురం 7 ఆంధ్రా నేవల్‌ యూనిట్‌ కమాండర్‌ శ్రేయ్‌ దీక్షిత్‌ అన్నారు. సోమవారం నేవల్‌ యూనిట్‌ ఆధ్వర్యంలో వైఎన్‌ కళాశాలలో క్యాడెట్లకు నేవల్‌ వింగ్‌ ప్రదేశాల ఎంపిక కార్యక్రమాన్ని నిర్వహించారు. ఈ సందర్భంగా శ్రేయ్‌ దీక్షిత్‌ మాట్లాడుతూ దేశభక్తి, క్రమశిక్షణ, నాయకత్వ లక్షణాలను అలవర్చడంలో ఎన్‌సీసీ కీలక పాత్ర పోషిస్తుందని అన్నారు. విద్యార్థులు ఎన్‌సీసీలో చేరాలని సూచించారు. కార్యక్రమంలో వైఎన్‌ కళాశాల ప్రిన్సిపాల్‌ ఏవీపీ అప్పారావు, నేవల్‌ యూనిట్‌ సిబ్బంది పాల్గొన్నారు.

● దారుణంగా ఉండి – గణపవరం రోడ్డు ● వర్షాలకు దెబ్బతిన్న రహదారి ● నాసిరకం పనులే కారణం ఉండి: ఉండి జంక్షన్‌ నుంచి ప్రారంభమయ్యే ఉండి–గణపవరం స్టేట్‌ హైవే (232) ప్రయాణికులు, వాహనదారుల పాలిట మృత్యుపాశంగా మారింది. ఉండి శివారు రామచంద్రాపురం నుంచి పాములపర్రు, కోలమూరు మండల శివారు ఆరేడు గ్రామం దాటే వరకు రోడ్డు అత్యంత దారుణంగా తయారైంది. సాధారణంగా రోడ్లపై గుంతలు, రాళ్లు తేలడం చూస్తుంటాం. కానీ, ఈ రహదారి మాత్రం ఏకంగా అడ్డంగా, నిలువునా చీలికలై విడిపోతుండటం ప్రయాణికులను తీవ్ర భయాందోళనకు గురిచేస్తోంది. నాసిరకం పనుల వల్లే సుమారు 15 కిలోమీటర్ల నిడివి ఉన్న ఈ రహదారి పొడవునా ఒకవైపు పంటబోదెలు, మరోవైపు బొండాడ మేజర్‌ డ్రెయిన్‌, పంట కాలువలు ఉన్నాయి. నీటి ప్రవాహం ఉన్న ప్రాంతాల్లో రోడ్డు నిర్మాణం మరింత పటిష్టంగా చేపటాల్సి ఉండగా, గత వేసవిలో అధికారులు, కాంట్రాక్టర్ల నిర్లక్ష్యం వల్ల నాసిరకం పనులు జరిగాయనే ఆరోపణలు వెల్లువెత్తుతున్నాయి. తూతూమంత్రంగా పనులు చేసి చేతులు దులుపుకోవడంతో, స్వల్ప కాలంలోనే రోడ్డు ఎక్కడికక్కడ కుంగిపోయి చీలికలుగా మారిపోయింది. ఏలూరు, తాడేపల్లిగూడెం, జంగారెడ్డిగూడెంతో పాటు జాతీయ రహదారి ద్వారా విశాఖపట్నం, రాజమండ్రి తదితర ప్రాంతాలకు వెళ్లే ప్రయాణికులకు ఇది కీలక మార్గం. అంతేకాకుండా చినతిరుపతికి వెళ్లే కాలనడక భక్తులు సైతం ఈ రోడ్డు పై నుంచే వెళ్తుంటారు. రోడ్డు దుస్థితి వల్ల తీవ్ర ఇబ్బందులు పడుతున్నామని, అధికారులు వెంటనే స్పందించి పునరుద్ధరణ చర్యలు చేపట్టాలని స్థానికులు కోరుతున్నారు.

ఏలూరు (ఆర్‌ఆర్‌పేట): నేటి సమాజంలో విద్యార్థులే లక్ష్యంగా జరుగుతున్న నేరాలను అదుపు చేయడానికి ప్రతి ఒక్కరూ కృషి చేయాలని ఉమ్మడి పశ్చిమగోదావరి జిల్లా న్యాయ సేవాధికార సంస్థ కార్యదర్శి ఎన్‌. శ్రీలక్ష్మి పిలుపునిచ్చారు. సోమవారం డీఎల్‌ఎస్‌ఏ కార్యాలయంలో ’క్రాఫ్‌’ స్వచ్ఛంద సంస్థతో కలిసి ఎన్‌సీసీ, ఎన్‌ఎస్‌ఎస్‌ విద్యార్థులకు యువత ఎదుర్కొంటున్న సమస్యలు – పరిహారం అంశంపై అవగాహన సదస్సు నిర్వహించారు. ఈ సందర్భంగా శ్రీలక్ష్మి మాట్లాడుతూ.. మానవ అక్రమ రవాణా, మాదకద్రవ్యాలు, ర్యాగింగ్‌, సైబర్‌ నేరాల పట్ల విద్యార్థులు అప్రమత్తంగా ఉండాలని, ప్రలోభాలకు లొంగకుండా క్రమశిక్షణతో విద్యనభ్యసించాలని సూచించారు. ఎలాంటి సమస్యలు ఎదురైనా ఉచిత న్యాయ సహాయం కోసం 15100 టోల్‌ఫ్రీ నంబర్‌ను సంప్రదించవచ్చని తెలిపారు. అలాగే రాజీయోగ్యమైన కేసులు, సివిల్‌ తగాదాల పరిష్కారానికి ’మధ్యవర్తిత్వం 3.0’ కార్యక్రమాన్ని వినియోగించుకోవాలని కోరారు. ఈ కార్యక్రమంలో మాస్టర్‌ ట్రైనర్‌ పి.రత్నరాజు, ప్యానెల్‌ న్యాయవాది పి.వెంకటేశ్వరరావు, క్రాఫ్‌ ప్రతినిధులు పాల్గొన్నారు.

ఉండి–గణపవరం రోడ్డుపై ప్రయాణించాలంటే తీవ్ర భయమేస్తోంది. రోడ్డుపై చిన్న గుంత ఉంటే తప్పించుకుని వెళ్లొచ్చు. కానీ ఈ రహదారి నిలువునా చీలిపోవడంతో పాటు పలుచోట్ల కుంగిపోయింది. దీంతో వాహనాలు అదుపుతప్పి ప్రమాదాలు జరుగుతున్నాయి. – గొంతే హరీష్‌, వాహనదారుడు, పాందువ్వ రాష్ట్ర రహదారి ఇలా ప్రమాదకరంగా మారినా అధికారులు కన్నెత్తి చూడకపోవడం విచారకరం. అధికారులు వెంటనే క్షేత్రస్థాయిలో పర్యటించి, పరిస్థితి తీవ్రతను గుర్తించి శాశ్వత పరిష్కారం చూపాలి. – దానం విద్యాసాగర్‌, న్యాయవాది, పాములపర్రు పగటిపూట ఎలాగోలా తప్పించుకుని వెళ్లినా, రాత్రి వేళల్లో ఈ రోడ్డుపై ద్విచక్ర వాహనాలు, ఆటోలు, కార్లలో ప్రయాణించడం అత్యంత ప్రమాదకరంగా మారింది. ఇటీవల ప్రమాదాల సంఖ్య కూడా పెరిగింది. ప్రభుత్వం వెంటనే స్పందించాలి. – వర్రే పైడియ్య, మాజీ ఎంపీటీసీ, పాములపర్రు

ఏలూరు టౌన్‌: ఏలూరు పవర్‌పేట రైల్వే ఫ్లాట్‌ఫాం సమీపంలో రైలు నుంచి పడిపోయినట్లు భావిస్తున్న గుర్తుతెలియని యువకుడు చికిత్స పొందుతూ మృతి చెందాడు. మృతుడి వయస్సు సుమారు 25 నుంచి 30 సంవత్సరాల మధ్య ఉండవచ్చని రైల్వే పోలీసులు తెలిపారు. మృతుడు చామనచాయ, నల్లటి జుట్టు, కోలముఖం కలిగి ఉన్నాడు. శుక్రవారం రాత్రి సమయంలో గుర్తుతెలియని రైలు నుంచి పవర్‌పేట ఫ్లాట్‌ఫాం సమీపంలో పడిపోయిన యువకుడిని ట్రాక్‌మెన్‌, నైట్‌బీట్‌ పోలీసులు గుర్తించి 108 అంబులెన్స్‌లో ఏలూరు సర్వజన ఆసుపత్రికి తరలించారు. పరిస్థితి విషమంగా ఉండటంతో మెరుగైన వైద్యం నిమిత్తం విజయవాడకు తరలించగా, అక్కడ ఆసుపత్రిలో చికిత్స పొందుతూ మృతి చెందినట్లు ఏలూరు జీఆర్‌పీ పోలీసులు తెలిపారు. అనంతరం మృతదేహాన్ని ఏలూరు జీజీహెచ్‌ మార్చురీకి తరలించారు. మృతుడి వివరాలు తెలిసిన వారు ఏలూరు జీఆర్‌పీ హెడ్‌ కానిస్టేబుల్‌ ఎంఎస్‌ఎన్‌. ప్రసాద్‌ 99891 09912 నంబరులో సంప్రదించాలని రైల్వే పోలీసులు కోరారు. రైలు ఢీకొని గుర్తు తెలియని వ్యక్తి మృతి ఉంగుటూరు: చేబ్రోలు రైల్వే స్టేషన్‌ సమీపంలో రైలు ఢీకొని గుర్తు తెలియని వ్యక్తి మృతి చెందాడు. మృతుడికి సుమారు 50 సంవత్సరాల వయసు ఉంటుందని, 5.6 అడుగుల ఎత్తు, ఛామనచాయ రంగు కలిగి ఉన్నాడని, తెల్లని నిలువు చారల షర్టు, ఎరుపు రంగు నైట్‌ ప్యాంటు ధరించి ఉన్నాడని పోలీసులు తెలిపారు. మృతుడి వివరాలు తెలిసిన వారు రైల్వే హెడ్‌ కానిస్టేబుల్‌ డి. వెంకటేశ్వరరావు 80191 57528 లేదా ఎస్సై అప్పారావు 92475 85733 నంబర్లలో తెలియజేయాలని కోరారు. తాడేపల్లిగూడెం రైల్వే స్టేషన్‌ మాస్టర్‌ ఫిర్యాదు మేరకు రైల్వే ఎస్సై పి. అప్పారావు కేసు నమోదు చేసి దర్యాప్తు చేస్తున్నారు.

ఉభయ గోదావరి జిల్లాలను కలుపుతూ వశిష్ట గోదావరిపై వంతెన నిర్మించాలనేది దశాబ్దాల నాటి కోరిక. ఈ ప్రాజెక్టుకు దివంగత ముఖ్యమంత్రి వైఎస్‌ రాజశేఖరరెడ్డి 2008 ఏప్రిల్‌ 16న సఖినేటిపల్లిలో రూ. 194 కోట్లతో ఈ వంతెన పనులకు శంకుస్థాపన చేశారు. అయితే కాంట్రాక్ట్‌ దక్కించుకున్న మైథాస్‌ (సత్యం) సంస్థ ఆర్థిక సంక్షోభంలో పడడం, ఆ తర్వాత వైఎస్సార్‌ అకాల మరణంతో పనులు ఆగిపోయాయి. అనంతరం 2014లో అధికారంలోకి వచ్చిన టీడీపీ ప్రభుత్వం ఈ ప్రాజెక్టును అసలు పట్టించుకోలేదు. 2019లో అధికారంలోకి వచ్చాక వైఎస్‌ జగన్‌మోహన్‌రెడ్డి ఈ ప్రాజెక్టుపై ప్రత్యేక దృష్టి సారించి కేంద్రంతో సమన్వయం చేసుకుంటూ పనులను పట్టాలెక్కించారు. న్యాయపరమైన చిక్కులు తొలగి, ప్రస్తుతం టెండర్లు ఖరారు కావడంతో ఉభయ గోదావరి జిల్లాల ప్రజలు హర్షం వ్యక్తం చేస్తున్నారు.

లింగపాలెం: ఖరగ్‌పూర్‌ నుంచి అమరావతి మీదుగా ప్రతిపాదించిన గ్రీన్‌ఫీల్డ్‌ ఎక్స్‌ప్రెస్‌ హైవే నిర్మాణం వల్ల తమ జీవనోపాధి దెబ్బతింటుందని లింగపాలెం మండలానికి చెందిన రైతులు ఆందోళన వ్యక్తం చేశారు. మండలంలోని ఆసన్నగూడెం, వేములపల్లి, ముడిచెర్ల గ్రామాల పరిధిలో హైవే వెళ్తుండటంతో ఆసన్నగూడెంలో రైతులు పెద్ద ఎత్తున ధర్నా నిర్వహించారు. అభివృద్ధికి తాము వ్యతిరేకం కాదని, అయితే ఏకై క జీవనాధారమైన పంట భూములు కోల్పోతే తమ కుటుంబాలు రోడ్డున పడతాయని ఆవేదన వ్యక్తం చేశారు. హైవే మ్యాప్‌ను మార్చాలని, లేదా ఎకరాకు రూ.40 లక్షల నుంచి రూ.50 లక్షల నష్టపరిహారం ఇవ్వాలని లేదంటే ప్రత్యామ్నాయంగా భూమికి బదులు భూమి కేటాయించాలని డిమాండ్‌ చేశారు. ఫారెస్ట్‌ భూముల్లో సాగు హక్కులు కల్పించడంతో పాటు, పొలాలకు వెళ్లేందుకు సర్వీస్‌ రోడ్లు ఏర్పాటు చేయాలని ప్రభుత్వాన్ని కోరారు.

పత్రాల్లో మెరుపు.. పరిసరాల్లో మురుగు గ్రామాల్లో పారిశుద్ధ్యం కేవలం పేపర్లకే పరిమితమవుతుంది. నేడు ప్రపంచ శుభ్రత దినోత్సవం సందర్భంగా గ్రామాల్లో క్షేత్రస్థాయి పరిస్థితులపై ప్రత్యేక కథనం. 8లో uఆదివారం శ్రీ 20 శ్రీ సెప్టెంబర్‌ శ్రీ 2026నరసాపురం: వశిష్ట గోదావరిపై నరసాపురంలో వంతెన నిర్మాణం కల త్వరలోనే సాకారం కానుంది. రూ. 299 కోట్ల అంచనా వ్యయంతో కూడిన ఈ వంతెన పనుల టెండర్లను జైపూర్‌ చెందిన బీఆర్‌ఎన్‌ ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌ సంస్థ దక్కించుకుంది. ఈ ప్రాజెక్టుకు సంబంధించిన న్యాయపరమైన అడ్డంకులు తొలగిపోవడంతో రెండు నెలల క్రితం జాతీయ రహదారుల అభివృద్ధి సంస్థ (ఎన్‌హెచ్‌ఏఐ) టెండర్లు పిలిచింది. మొత్తం 6 బిడ్లు రాగా, అత్యల్పంగా రూ.299 కోట్లకు బిడ్‌ దాఖలు చేసిన బీఆర్‌ఎన్‌ సంస్థకు పనులు ఖరారు అయ్యాయి. న్యూఢిల్లీలోని ఎన్‌హెచ్‌ఏఐ కార్యాలయంలో బిడ్లు ఓపెన్‌ చేసి, ప్రాథమిక లాంఛనాలు ప్రారంభించారు. 2022లో అప్పటి వైఎస్సార్‌సీపీ ప్రభుత్వం వంతెన నిర్మాణం, బైపాస్‌ రోడ్డు, స్థల సేకరణతో కలిపి మొత్తం రూ. 650 కోట్లతో ఈ ప్రాజెక్టును రూపకల్పన చేసింది. స్థల సేకరణ కోసం రూ. 60 కోట్లను కూడా మంజూరు చేసి ఆ ప్రక్రియను పూర్తి చేసింది. అయితే, స్థల సేకరణపై కూటమి నాయకులు కోర్టులను ఆశ్రయించడంతో ఈ ప్రాజెక్టు సుప్రీంకోర్టు వరకు వెళ్లి నిలిచిపోయింది. ఇటీవల సుప్రీంకోర్టు ఆ కేసులను కొట్టివేయడంతో వంతెన నిర్మాణానికి మార్గం సుగమమైంది. కేంద్రం సహకారంతో బైపాస్‌ హైవే రూపకల్పన నరసాపురం మండలం రాజుల్లంక గ్రామం వద్ద వంతెన నిర్మాణానికి కేంద్ర ప్రభుత్వ భాగస్వామ్యంతో వైఎస్సార్‌సీపీ ప్రభుత్వం పూనుకుంది. కోనసీమ జిల్లా చించినాడ మీదుగా నరసాపురం నుంచి ఒంగోలు వరకు ఉన్న 216 జాతీయ రహదారికి బైపాస్‌ నిర్మించడం ద్వారా ఈ వంతెనను అనుసంధానించనున్నారు. కోనసీమ జిల్లా శివకోడు నుంచి టేకిశెట్టిపాలెం మీదుగా ఉన్న స్టేట్‌ హైవేను జాతీయ రహదారిగా మార్చారు. అక్కడ నుంచి రామేశ్వరం మీదుగా పశ్చిమ గోదావరి జిల్లాలోని రాజుల్లంక, వైఎస్‌ పాలెం, సీతారామపురంల మీదుగా 216 జాతీయ రహదారికి కలిపేలా 25 కిలోమీటర్ల బైపాస్‌ రోడ్డును రూపొందించారు. రామేశ్వరం – రాజుల్లంక మధ్య వశిష్ట గోదావరిపై 380 మీటర్ల మేర ఈ వంతెన నిర్మాణానికి అంచనాలు తయారు చేశారు. స్థల సేకరణకు రాష్ట్ర ప్రభుత్వం యుద్ధప్రాతిపదికన రూ 60 కోట్లు మంజూరు చేసి, స్థల సేకరణ పూర్తి చేసింది. అయితే కూటమి నేతలు కోర్టులకెక్కి పనులు ముందుకు కదలకుండా అడ్డంకులు సృష్టించారు. చివరకు గత ప్రభుత్వ నిర్ణయం మేర వంతెన నిర్మాణం సాగబోతుంది. వశిష్ట గోదావరి వంతెన పనులకు రూ. 299 కోట్లతో టెండర్లు ఖరారు ఫలించిన గత వైఎస్సార్‌ సీపీ ప్రభుత్వ కృషి కోర్టులను ఆశ్రయించి అడ్డగించిన కూటమి నాయకులు కేసులను కొట్టేయడంతో పనులకు శ్రీకారం చుట్టిన ఎన్‌హెచ్‌ఏఐ ఈ వంతెన నిర్మాణం వల్ల తీరప్రాంత అభివృద్ధి, మత్స్య, కొబ్బరి ఎగుమతులతో పాటు ఓఎన్‌జీసీ కార్యకలాపాలకు ఎంతో మేలు జరుగుతుందని మాజీ ఎమ్మెల్యే ముదునూరి ప్రసాదరాజు 2022లో అప్పటి ముఖ్యమంత్రి వైఎస్‌ జగన్‌మోహన్‌రెడ్డి దృష్టికి తీసుకెళ్లారు. బ్రిటీష్‌ కాలం నాటి ఈ డిమాండ్‌ ప్రాధాన్యతను గుర్తించిన జగన్‌, వెంటనే కేంద్ర ఉపరితల రవాణా శాఖ మంత్రి నితిన్‌ గడ్కరీకి లేఖ రాశారు. స్టేట్‌ హైవేను 216 జాతీయ రహదారి బైపాస్‌గా మార్చాలని, మధ్యలో గోదావరిపై వంతెన నిర్మించాలని కోరారు. దానికి నితిన్‌ గడ్కరీ సానుకూలంగా స్పందించి ఆమోదం తెలుపడంతో పనులకు మార్గం సుగమమైంది.

ద్వారకాతిరుమల: గ్రామాల్లో, పలు పట్టణాల్లో ఎక్కడ చూసినా పేరుకుపోయిన చెత్త.. పూడుకుపోయిన మురుగు డ్రెయినేజీలు.. దోమల బెడద.. ఇవన్నీ నిత్య పారిశుధ్య పరిస్థితికి అద్దం పడుతున్నాయి. ఒకవైపు పరిశుభ్రతపై విస్తృతంగా అవగాహన కార్యక్రమాలు నిర్వహిస్తుండగా.. మరోవైపు క్షేత్రస్థాయిలో ఆశించిన మార్పు కనిపించడం లేదు. సెప్టెంబర్‌ 20వ తేదీన ప్రపంచ శుభ్రత దినోత్సవం సందర్భంగా వ్యర్థాల నిర్వహణ, పరిసరాల పరిశుభ్రతపై ప్రపంచవ్యాప్తంగా అవగాహన కల్పిస్తున్న వేళ.. దేశంలో స్వచ్ఛతా హి సేవా–2026 కార్యక్రమాలు ఈ నెల 17 నుంచి అక్టోబర్‌ 17 వరకు నెలరోజుల పాటు కొనసాగుతున్నాయి. ఇలాంటి కార్యక్రమాల లక్ష్యం నెరవేరాలంటే ఒక్కరోజు శ్రమదానం, ప్రచార కార్యక్రమాలకే పరిమితం కాకుండా.. రోజువారీ చెత్త సేకరణ, తడి–పొడి చెత్త వేర్పాటు, మురుగు డ్రెయినేజీల శుభ్రత, వ్యర్థాల సక్రమ నిర్వహణ నిరంతరం జరగాల్సిన అవసరం ఉంది. రికార్డుల్లోనే స్వచ్ఛత.. స్వచ్ఛతకు ప్రాధాన్యం ఇస్తున్నట్టు అధికారిక గణాంకాలు చెబుతున్నాయి. 2026 మార్చి 18 నాటికి ఏలూరు జిల్లాలో 627, పశ్చిమగోదావరి జిల్లాలో 269 గ్రామాలు బహిరంగ మలవిసర్జన రహిత (ఓడీఎఫ్‌) ప్లస్‌ మోడల్‌గా నమోదయ్యాయి. అంటే రెండు జిల్లాల్లో కలిపి 896 గ్రామాలు ఈ కేటగిరీలో ఉన్నాయి. అయితే ఈ హోదా నమోదైనంత మాత్రాన ఆయా గ్రామాల్లో నిత్యం చెత్త సేకరణ, డ్రెయినేజీల శుభ్రత, మురుగునీటి నిర్వహణ సమర్థంగా జరుగుతున్నట్టు కాదు. రికార్డుల్లో కనిపించే స్వచ్ఛతకు.. క్షేత్రస్థాయిలో కనిపించే పరిస్థితులకు మధ్య ఎంత తేడా ఉందన్నదే ఇప్పుడు కీలకం. వ్యవస్థ కూడా పనిచేయాలి పరిశుభ్రత పాటించాలని ప్రజలకు సూచించడం అవసరమే అయినా.. అందుకు అనుగుణంగా పారిశుద్ధ్య వ్యవస్థ కూడా పనిచేయాలని స్థానికులు అంటున్నారు. ఇళ్లలో చెత్తను వేరు చేయాలని, బహిరంగ ప్రదేశాల్లో చెత్త వేయొద్దని చెబుతున్న అధికారులు.. ప్రధాన డ్రెయినేజీలను క్రమం తప్పకుండా శుభ్రం చేయించడం, దోమల నివారణ చర్యలు చేపట్టడంపై దృష్టి పెట్టాలని ప్రజలు కోరుతున్నారు. జిల్లా యంత్రాంగం దృష్టి సారించాలి జిల్లాలో గ్రామీణ, పట్టణ ప్రాంతాల్లో పారిశుధ్య నిర్వహణపై క్షేత్రస్థాయి పర్యవేక్షణ పెంచాల్సిన అవసరం ఉందనే అభిప్రాయం వ్యక్తమవుతోంది. ముఖ్యంగా పుణ్యక్షేత్రాలు, జనసంచారం అధికంగా ఉండే ప్రాంతాలు, ప్రధాన రహదారులు, మార్కెట్లు, నివాస ప్రాంతాల్లో పారిశుధ్య నిర్వహణకు ప్రాధాన్యం ఇవ్వాలని ప్రజలు కోరుతున్నారు. ప్రపంచ శుభ్రతా దినోత్సవం సందర్భంగా అవగాహనకు మించి ఆచరణలో పరిశుభ్రత కనిపించాలి. గ్రామం నుంచి పట్టణం, పుణ్యక్షేత్రం వరకు.. ప్రతి ప్రాంతంలో డ్రెయినేజీలు శుభ్రంగా, చెత్త సక్రమంగా నిర్వహించబడినప్పుడే స్వచ్ఛత లక్ష్యం సాకారమవుతుందని ప్రజలు పేర్కొంటున్నారు. రక్తం పీల్చేస్తున్న దోమ (ఏఐ చిత్రం) చెత్తకుండీలు లేకపోవడంతో ఇంటి ముందు డబ్బా పెట్టుకుని అందులో చెత్త వేయాల్సి వస్తోంది. మరోవైపు ఇంటి ముందు ఉన్న డ్రెయినేజీ మురుగునీరు రోడ్డుపైకి పారుతోంది. అధికారులు ఎప్పటికప్పుడు పారిశుద్ధ్య పనులు చేపట్టి పరిసరాలను శుభ్రంగా ఉంచాలి. యూనియన్‌ బ్యాంక్‌ రోడ్డులో వెంటనే ఒక చెత్తకుండీ ఏర్పాటు చేయాలి. క్షేత్రానికి వచ్చే భక్తులు ఈ మార్గంలో ముక్కు మూసుకుని వెళ్లాల్సిన పరిస్థితి నెలకొంది. – డి.రమాదేవి, గ్రామస్తురాలు, ద్వారకాతిరుమల రికార్డుల్లో ఓడీఎఫ్‌ ప్లస్‌.. క్షేత్రస్థాయిలో మాత్రం పేరుకుపోతున్న చెత్త ఎక్కడికక్కడ పూడుకుపోయిన డ్రెయినేజీలు.. తప్పని దోమల బెడద అక్టోబర్‌ 17 వరకు స్వచ్ఛతా హి సేవా కార్యక్రమాలు నేడు ప్రపంచ శుభ్రత దినోత్సవం

రాష్ట్రంలోని ప్రముఖ క్షేత్రాల్లో ఒకటైన ద్వారకాతిరుమల గ్రామంలో పారిశుద్ధ్య పరిస్థితులు ఆందోళనకరంగా మారాయి. ప్రధాన రహదారుల వెంట డ్రెయినేజీలు మురుగుతో నిండిపోయి దుర్వాసన వస్తుండగా, పలు ప్రాంతాల్లో మూడు నెలలుగా శుభ్రపరిచే పనులు జరగలేదని స్థానికులు చెబుతున్నారు. మురుగునీరు నిలిచిపోవడంతో దోమల బెడద పెరిగింది. మరోవైపు చెత్తకుండీలు లేక రోడ్ల పక్కన చెత్త పేరుకుపోతోంది. నిత్యం వేలాది మంది భక్తులు వచ్చే పుణ్యక్షేత్రంలో డ్రెయినేజీల శుభ్రత, చెత్త సేకరణ, నిరంతర పారిశుద్ధ్య నిర్వహణపై అధికారులు ప్రత్యేక దృష్టి సారించాల్సిన అవసరం ఉంది.

సాక్షి ప్రతినిధి, ఏలూరు: ఏలూరు నగరపాలక సంస్థలో దొంగలుపడ్డారు. ప్రజల నుంచి వసూలు చేసిన పన్నుల సొమ్ము పక్కదారి పట్టింది. ప్రభుత్వ ఖజానాకు జమ చేయాల్సిన దాదాపు రూ.కోటి నిధులను బడా వ్యక్తుల ఖాతాలకు మళ్లించిన వ్యవహారం ఆలస్యంగా వెలుగులోకి వచ్చింది. మేనేజర్‌ మొదలుకొని పలువురు ఉన్నతాధికారుల పాత్ర ఉన్నప్పటికీ, కేవలం ఇద్దరు చిరుద్యోగులను బలి చేసి విచారణ ముగించేందుకు యత్నిస్తున్నారనే విమర్శలు వ్యక్తమవుతున్నాయి. తక్కువ ఆదాయంతో అరకొర అభివృద్ధి పనులు జరిగే కార్పొరేషన్‌లో ఈ స్థాయి అక్రమాలు జరగడం స్థానికంగా తీవ్ర చర్చనీయాంశంగా మారింది. ఏటా రూ.35 కోట్ల ఆదాయం 3.24 లక్షల జనాభా ఉన్న ఏలూరు నగరపాలక సంస్థ పరిధి ఇటీవల 7 విలీన గ్రామములతో కలిపి 62 డివిజన్లకు విస్తరించింది. 75 వేల ఇళ్ల అసెస్‌మెంట్లు, 400 దుకాణాల ద్వారా ఇంటి పన్ను, కుళాయి పన్ను, ఖాళీ స్థలాల పన్ను, దుకాణాల అద్దెల రూపంలో ఏటా రూ.30 నుంచి 35 కోట్ల వరకు ఆదాయం సమకూరుతుంది. ఈ పన్నులను కార్యాలయ రెవెన్యూ విభాగంలోని ప్రత్యేక చెల్లింపుల కేంద్రంలో నగదు రూపంలో వసూలు చేస్తారు. నిబంధనల ప్రకారం రోజూ వచ్చిన ఆదాయాన్ని బ్యాంక్‌ ఖాతాలో జమ చేయాల్సి ఉండగా, కొందరు అధికారులు దీనిని పక్కదారి పట్టించారు. గత నవంబర్‌ నుంచే దోపిడీ గతేడాది నవంబర్‌లోనే ఈ దోపిడీకి తెరలేచినట్లు ఆధారాలు లభ్యమవుతున్నాయి. కౌంటర్‌లో నగదు వసూలు చేసే షరాఫ్‌ (జూనియర్‌ అసిస్టెంట్‌) ఆ రసీదులను అకౌంట్స్‌ విభాగానికి అప్పగించాలి. ఆ తర్వాత మేనేజర్‌ పరిశీలించి, ఈఆర్‌పీ పోర్టల్‌లో అప్‌లోడ్‌ చేయాల్సి ఉంటుంది. అయితే దశాబ్దాలుగా ఇక్కడే పాతుకుపోయిన ఉద్యోగులు, బడా నేతల అండదండలతో ఆరు నెలలుగా నిధులను పక్కదారి పట్టిస్తున్నారు. గతేడాది నవంబర్‌తో పాటు ఈ ఏడాది ఏప్రిల్‌లో పన్నుల వసూళ్లు ఎక్కువగా ఉన్న సమయంలో భారీగా నిధులు మళ్లించినట్లు తెలిసింది. కీలక అధికారులకు రక్షణ? వ్యవహారం బయటపడటంతో నగర కమిషనర్‌ భానుప్రతాప్‌ హడావిడిగా షరాఫ్‌ గునాపు శ్రీనివాసరావు, ఆఫీస్‌ సబార్డినేట్‌ కడవకొల్లు మోహన కృష్ణలను సస్పెండ్‌ చేశారు. అయితే రోజువారీ రికార్డులను తనిఖీ చేయాల్సిన అకౌంట్స్‌ ఆఫీసర్‌, మేనేజర్‌లపై చర్యలు తీసుకోకపోవడం గమనార్హం. అకౌంట్స్‌ ఆఫీసర్‌గా ఉన్న కేఎస్‌ఆర్‌ లింగేశ్వరి అర్హతలకు విరుద్ధంగా రాజకీయ పరపతితో 14 ఏళ్లుగా అదే స్థానంలో కొనసాగుతున్నారని, గతంలో ఆమైపె వచ్చిన ఆరోపణలు కూడా తొక్కిపెట్టారని ప్రచారం జరుగుతోంది. అలాగే ప్రస్తుత మేనేజర్‌ సీహెచ్‌వీవీఎన్‌ మూర్తి గతంలో కారుణ్య నియామకాల వ్యవహారంలో రూ.8 లక్షల లంచం తీసుకున్నారనే ఆరోపణలపై సస్పెండ్‌ అయ్యారు. ఆ తర్వాత మళ్లీ బడా నేతల తోడ్పాటుతో అదే పోస్టులో చేరారు. రోజూవారీ జమలను ధ్రువీకరించాల్సిన వీరు, నెలకు ఒకసారి పరిశీలించాల్సిన కమిషనర్‌ విధుల్లో నిర్లక్ష్యం వహించి, కేవలం చిరుద్యోగులపైనే వేటు వేయడంపై మండిపడుతున్నారు. గత రెండు, మూడు నెలలుగా షరాఫ్‌ సెక్షన్‌ నుంచి సరైన రసీదులు రాకపోవడంతో తనిఖీ చేయగా ఈ అక్రమాలు బయటపడ్డాయి. సీడీఎంఏ ఆదేశాల మేరకు ఇద్దరు క్వాలిఫైడ్‌ అకౌంటెంట్లతో పూర్తిస్థాయి విచారణ జరిపిస్తాం. అవినీతి జరిగినట్లు నిర్ధారణ అయితే నిధులు రికవరీ చేయడంతో పాటు బాధ్యులపై క్రిమినల్‌ కేసులు నమోదు చేస్తాం. ఇప్పటికే అకౌంట్స్‌ సెక్షన్‌, మేనేజర్‌లకు షోకాజ్‌ నోటీసులు జారీ చేశాం. – భాను ప్రతాప్‌, ఏలూరు నగరపాలక సంస్థ కమిషనర్‌ రూ.కోటి మేర పక్కదారి పట్టిన వైనం ఉన్నతాధికారులను వదిలేసి చిరుద్యోగులపై వేటు ? రాజకీయ అండతో దశాబ్దాలుగా పాతుకుపోయిన అధికారులు సమగ్ర ఆడిట్‌తో మరిన్ని వాస్తవాలు వెలుగులోకి

ముదినేపల్లి రూరల్‌: వినాయక నిమజ్జన ఊరేగింపులో డీజే బాక్సుల ఏర్పాటుకు పోలీసులు అనుమతి నిరాకరించడంతో ముదినేపల్లి పోలీస్‌ స్టేషన్‌ సమీపంలో జాతీయ రహదారిపై గ్రామస్తులు, మహిళలు ఆందోళన చేపట్టారు. మండలంలోని వడాలి గ్రామంలో వినాయక చవితి ఉత్సవాల ముగింపు సందర్భంగా ఆదివారం నిర్వహించే ఊరేగింపులో డీజే పెట్టుకునేందుకు అనుమతించాలని యువకులు కోరగా, గతంలో జరిగిన ఘర్షణలను దృష్టిలో ఉంచుకుని పోలీసులు తిరస్కరించారు. దీంతో పెద్దఎత్తున తరలివచ్చిన గ్రామస్తులు రహదారిపై బైఠాయించడంతో కొద్దిసేపు ట్రాఫిక్‌ నిలిచిపోయింది. సమాచారం అందుకున్న ఏపీ టూరిజం కార్పొరేషన్‌ డైరెక్టర్‌ కొడాలి వినోద్‌ సంఘటనా స్థలానికి చేరుకుని యువకులు, ఎస్సై వీరభద్రరావుతో చర్చలు జరిపారు. ఎలాంటి అవాంఛనీయ సంఘటనలు తలెత్తకుండా, పోలీసుల సహకారంతో ప్రశాంత వాతావరణంలో ఊరేగింపు నిర్వహించుకునేలా ఒప్పందం కుదరడంతో ఆందోళన సద్దుమణిగింది. టి.నరసాపురం: మండలంలోని వీరభద్రవరం గ్రామంలో వీరంకి సాయి వద్ద ఆశ్రయం పొందుతున్న అనాథ వృద్ధుడు ముంతాల మోహనరావు మృతి చెందగా, కామవరపుకోట సహాయ ఫౌండేషన్‌ ట్రస్ట్‌ ఆధ్వర్యంలో శనివారం దహన సంస్కారాలు నిర్వహించారు. మోహనరావుకు కుటుంబ సభ్యులు ఎవరూ లేకపోవడంతో, 20 సంవత్సరాల క్రితం వీరభద్రవరం వచ్చి సాయి కుటుంబంతోనే ఉంటున్నారు. ఆయన మృతి చెందడంతో మానవతా సంస్థ వారి శాంతి రథంలో మృతదేహాన్ని జంగారెడ్డిగూడెం హిందూ స్మశానవాటికకు తరలించారు. సహాయ ఫౌండేషన్‌ ట్రస్ట్‌ చైర్మన్‌ వీరమల్ల మధు, వీరంకి సాయి ఆధ్వర్యంలో అంత్యక్రియలు జరిపారు. దహన సంస్కారాలు పూర్తి చేసిన మధు, సాయిలను స్థానికులు అభినందించారు. తణుకు అర్బన్‌: గోస్తనీ కాలువలో గల్లంతైన కొచ్చెర్ల పద్మ తులసి (53) మృతదేహం శనివారం లభ్యమైంది. తణుకు మండలం వేల్పూరు గ్రామ పరిధిలోని కాలువలో ఆమె మృతదేహం లభ్యంకాగా, పోలీసులు తణుకు జిల్లా కేంద్ర ప్రభుత్వ ఆస్పత్రి మార్చురీ నిమిత్తం తరలించారు. వివరాలు ఇలా ఉన్నాయి. చెక్కా వారి వీధిలోని తన నివాసానికి సమీపంలో ఉన్న కాలువ మెట్లపై శుక్రవారం ఎప్పటిలాగే తులసి బట్టలు ఉతుకుతుండగా పెద్ద ఎత్తున కోతుల గుంపు వచ్చి అడ్డంగా నిలబడడంతో ఆమె తీవ్ర భయాందోళనకు గురయ్యారు. ఈ క్రమంలో ప్రమాదవశాత్తూ కాలువలో జారిపడి గల్లంతైనట్లు స్థానికులు చెబుతున్నారు. స్థానికుల కేకలతో ఆమె కుమారుడు సతీష్‌ వెంటనే కాలువలోకి దూకి కాపాడే ప్రయత్నం చేసినప్పటికీ ఫలితం లేకపోయింది. ఈ ప్రయత్నంలో సతీష్‌ కూడా నీటిలో మునిగిపోతుండగా, కిరణ్‌ అనే వ్యక్తి అతడిని ప్రాణాలతో రక్షించారు. పాలకొల్లు సెంట్రల్‌: వెనుకనుంచి ద్విచక్ర వాహనం ఢీకొట్టడంతో ఓ వ్యక్తికి తీవ్ర గాయాలయ్యాయి. వివరాల ప్రకారం..స్థానిక అంజలి మానసిక పాఠశాల వ్యవస్థాపకుడు విడివి ప్రసాద్‌ కొద్ది రోజులుగా కడుపునొప్పితో బాధపడుతున్నారు. పట్టణంలోని ఓ ప్రైవేటు ఆసుపత్రిలో చికిత్స కోసం శుక్రవారం ద్విచక్ర వాహనంపై వెళ్తుండగా స్థానిక ఎంఎంకేఎన్‌ఎం హైస్కూల్‌ వద్దకు వచ్చేసరికి మరో ద్విచక్ర వాహనంపై వస్తున్న ఇద్దరు యువకులు నిర్లక్ష్యంగా వెనుక నుంచి ఢీకొట్టి పరారయ్యారు. ఈ ప్రమాదంలో ప్రసాద్‌కు తీవ్ర గాయాలుకాగా స్థానికులు ప్రైవేటు ఆసుపత్రికి తరలించారు. ఈ ఘటనపై పట్టణ పోలీస్‌స్టేషన్లో కేసు పెట్టినట్లు ప్రసాద్‌ కుటుంబ సభ్యులు తెలిపారు.

ఏలూరు (ఆర్‌ఆర్‌పేట): యువతను భావి భారత పౌరులుగా తీర్చిదిద్దాల్సిన బాధ్యత ప్రతి ఒక్కరిపై ఉందని జిల్లా ప్రధాన న్యాయమూర్తి ఎస్‌. శ్రీదేవి అన్నారు. కలెక్టరేట్‌లోని గోదావరి సమావేశ మందిరంలో శనివారం పేదరిక నిర్మూలన, సంక్షేమ పథకాల అమలు, మాదకద్రవ్యాల దుష్ప్రభావాలు–నియంత్రణ, ఆరోగ్య సంరక్షణ, చట్టపరమైన అంశాలపై నిర్వహించిన అవగాహన సదస్సులో ఆమె ముఖ్య అతిథిగా పాల్గొన్నారు. ఈ సందర్భంగా ఆమె మాట్లాడుతూ అణగారిన వర్గాల ఆర్థిక ఉన్నతి కోసం అధికారులు బాధ్యతాయుతంగా పనిచేయాలని, నిరుపేదలు ఈ పథకాలపై అవగాహన పెంచుకుని సద్వినియోగం చేసుకోవాలని పిలుపునిచ్చారు. అనంతరం ఇన్‌చార్జి జిల్లా కలెక్టరు ఎంజే అభిషేక్‌ గౌడ మాట్లాడుతూ ప్రభుత్వ సంక్షేమ పథకాలను అర్హులకు అందించడంలో ఏలూరు జిల్లా ముందంజలో ఉందన్నారు. ముందుగా స్వర్ణాంధ్ర–స్వచ్ఛాంధ్ర ప్రతిజ్ఞ చేశారు. ఈ సందర్భంగా డీఆర్‌డీఏ, మిషన్‌ శక్తి (వన్‌ స్టాప్‌ సెంటర్‌), ఈగల్‌ హెల్ప్‌ లైన్‌ (1972), మెప్మా, గిరిజన, దివ్యాంగుల సంక్షేమం తదితర శాఖలకు చెందిన 12 స్టాల్స్‌ను ప్రారంభించారు. డీఆర్‌డీఏ ద్వారా 10,086 సంఘాలలోని 61,120 మంది సభ్యులకు రూ. 889.93 కోట్ల నమూనా చెక్కును అందజేశారు. మెప్మా ఆధ్వర్యంలో 2026–27 ఆర్థిక సంవత్సరానికి గాను 591 స్వయం సహాయక సంఘాలకు బ్యాంక్‌ లింకేజీ ద్వారా రూ. 75.52 కోట్ల రుణాల నమూనా చెక్కును అందించారు. సదస్సులో విద్యార్థుల సాంస్కృతిక ప్రదర్శనలు, కళాకారుల బుర్రకథలు ఆకట్టుకున్నాయి. ఈ కార్యక్రమంలో జిల్లా న్యాయ సేవాధికార సంస్థ కార్యదర్శి ఎన్‌. శ్రీలక్ష్మి, అసిస్టెంట్‌ కలెక్టర్‌ సీహెచ్‌ శ్రావణ్‌ కుమార్‌ రెడ్డి, ఏఎస్పీ వై. ప్రసాదరావు, ఎస్సీ కార్పొరేషన్‌ ఈడీ ఎం. ముక్కంటి తదితరులు పాల్గొన్నారు.

భీమవరం అర్బన్‌: వరి సాగులో అధిక దిగుబడి సాధించాలంటే కేవలం నత్రజని, భాస్వరం, పొటాష్‌ వంటి ప్రధాన పోషకాలు అందిస్తే సరిపోదు. మొక్కకు అవసరమైన జింక్‌, ఇనుము, బోరాన్‌, మాంగనీస్‌ వంటి సూక్ష్మ పోషకాలను కూడా తగిన మోతాదులో అందించాలి. భీమవరం మండలంలో సుమారు 6,200 ఎకరాలలో సార్వా (దాళ్వా) సాగుకు శ్రీకారం చుట్టారు. ప్రస్తుతం వరిచేలన్నీ దుబ్బు దశలో ఉన్నాయి. వరి రైతులు నేల స్వభావాన్ని బట్టి సమతుల్య పోషక యాజమాన్యాన్ని పాటిస్తే, అధిక దిగుబడిని సాధించడంతో పాటు పంట నాణ్యతను మెరుగుపరుచుకోవచ్చని మండల వ్యవసాయాధికారి యర్రంశెట్టి ప్రసాద్‌ రైతులకు సూచిస్తున్నారు. జింక్‌ లోపంతో... వరిలో సూక్ష్మ పోషకాల లోపం ఏర్పడితే మొక్క ఎదుగుదల మందగించడం, ఆకులు పసుపు రంగులోకి మారడం, పిలకలు తగ్గడం, గింజల నింపుదల సరిగా లేకపోవడం వంటి సమస్యలు కనిపిస్తాయి. అందువల్ల నేల పరీక్ష ఆధారంగా జింక్‌ వంటి సూక్ష్మ పోషకాలను వినియోగించి పంట ఆరోగ్యాన్ని కాపాడుకోవచ్చు. భూసారం ఆధారంగానే... అధిక దిగుబడి కోసం రైతులు అవసరానికి మించి ఎరువులు వేయకుండా ముందుగా నేల పరీక్ష చేయించుకోవాలి. నేలలో ఏ పోషకం లోపించిందో తెలుసుకుని, వ్యవసాయ శాఖ అధికారుల సూచనల మేరకు ఎరువులను వినియోగించాలి. ఇలా చేయడం వల్ల పెట్టుబడి వ్యయం తగ్గడంతో పాటు నేల సారాన్ని దీర్ఘకాలం కాపాడుకోవచ్చు. పోషకాల అందజేత వరి నాట్లు వేసినప్పటి నుంచి పిలకల దశ, కంకి ఏర్పడే దశ, గింజ నింపే దశ వరకు మొక్కకు పోషకాల అవసరం మారుతూ ఉంటుంది. అందువల్ల ఒకేసారి అధిక మొత్తంలో ఎరువులు వేయడం కంటే, పంట దశకు అనుగుణంగా సిఫారసు చేసిన పద్ధతిలో పోషకాలను అందించడం ప్రయోజనకరం. అవసరాన్ని బట్టి ఆకులపై పిచికారీ చేసే సూక్ష్మ పోషక మిశ్రమాలను కూడా వ్యవసాయ అధికారుల సలహాతో ఉపయోగించవచ్చు. యూరియా అధికమైతే అనర్థం వరి పంటలో యూరియాను అధికంగా వినియోగించడం వల్ల మొక్కలు పచ్చగా కనిపించినప్పటికీ, తెగుళ్లు, పురుగుల ఉధృతి పెరిగే అవకాశం ఉంటుంది. అలాగే ఖర్చు పెరగడంతో పాటు పంట సమతుల్యత దెబ్బతింటుంది. నత్రజని, భాస్వరం, పొటాష్‌తో పాటు సూక్ష్మ పోషకాలను సమతుల్యంగా అందించడం ద్వారా బలమైన మొక్కలు, ఎక్కువ పిలకలు, ఆరోగ్యకరమైన కంకులు, మెరుగైన గింజ నింపుదల సాధ్యమవుతాయి. సేంద్రియంతో నేల ఆరోగ్యం పంట అవశేషాలను కాల్చివేయకుండా వాటిని నేలలో కలపడం, పచ్చిరొట్ట ఎరువులు, సేంద్రియ ఎరువులను వినియోగించడం ద్వారా నేలలో సేంద్రియ పదార్థం పెరుగుతుంది. దీనివల్ల పోషకాల లభ్యత మెరుగుపడి, నేల నీటిని నిల్వ చేసుకునే సామర్థ్యం పెరుగుతుంది. దీర్ఘకాలంలో రసాయన ఎరువులపై ఆధారపడే పరిస్థితి తగ్గుతుంది. నీటి యాజమాన్యం ముఖ్యం సూక్ష్మ పోషకాల వినియోగంతో పాటు నీటి యాజమాన్యంపై కూడా రైతులు దృష్టి పెట్టాలి. పొలంలో ఎల్లప్పుడూ అధికంగా నీరు నిల్వ ఉంచకుండా, పంట అవసరానికి అనుగుణంగా నీటిని అందించడం ద్వారా వేర్ల అభివృద్ధి, పోషకాల వినియోగ సామర్థ్యం మెరుగుపడతాయి. నీటి వృథాను తగ్గించడం ద్వారా సాగు ఖర్చును కూడా నియంత్రించవచ్చు.

తాడేపల్లిగూడెం: కలియుగ దైవం శ్రీ వేంకటేశ్వర స్వామివారి పవిత్ర లడ్డూ ప్రసాదాన్ని రాజకీయ ప్రయోజనాల కోసం వివాదంలోకి లాగిన సీఎం చంద్రబాబు, డిప్యూటీ సీఎం పవన్‌ కళ్యాణ్‌లు రాష్ట్ర ప్రజలకు బేషరతుగా క్షమాపణ చెప్పాలని వైఎస్సార్‌సీపీ తాడేపల్లిగూడెం నియోజకవర్గ కన్వీనర్‌ వడ్డి రఘురాం డిమాండ్‌ చేశారు. శనివారం ఆయన విలేకరుల సమావేశంలో మాట్లాడారు. సీబీఐ నేతృత్వంలోని సిట్‌ దర్యాప్తుతో లడ్డూ తయారీలో ఆవు కొవ్వు, పంది కొవ్వు, చేప నూనె వంటి జంతువుల అవశేషాలు ఉన్నాయనడానికి ఎలాంటి ఆధారాలు లేవని స్పష్టమైందన్నారు. వైఎస్సార్‌సీపీ హయాంలో టీటీడీ తిరస్కరించిన నెయ్యి ట్యాంకర్ల నిల్వలను, ఆగస్టు 2024లో చంద్రబాబు ప్రభుత్వం అధికారంలోకి వచ్చాక వేరే డైరీ పేరుతో తిరిగి టీటీడీకి సరఫరా చేసినట్లు సిట్‌ దర్యాప్తులో వెల్లడైందని పేర్కొన్నారు. రాజకీయ కుట్ర బయటపడింది నమూనాల పరీక్షల్లో కొలెస్ట్రాల్‌ గానీ, జంతు కొవ్వుల ఆనవాళ్లు గానీ లేవని, కేవలం పామాయిల్‌, కొబ్బరి నూనె వంటి నకిలీ నెయ్యి పదార్థాలను మాత్రమే గుర్తించారని తెలిపారు. మరి ఏ ఆధారంతో జంతు కొవ్వు కలిపారంటూ దేశమంతా ప్రచారం చేశారో సమాధానం చెప్పాలని డిమాండ్‌ చేశారు. వైఎస్‌ జగన్‌మోహన్‌రెడ్డిని, గత ప్రభుత్వాన్ని బద్నాం చేయడానికి పన్నిన రాజకీయ కుట్ర ఇది అని విమర్శించారు. దేవుడిని రాజకీయాలకు దూరంగా ఉంచాలని సుప్రీంకోర్టు వ్యాఖ్యానించినప్పటికీ, చంద్రబాబు, పవన్‌లు భక్తుల మనోభావాలను గాయపరిచారని ఆరోపించారు. ప్రాయశ్చిత్త దీక్షలు, సభల పేరుతో హడావుడి చేసిన పవన్‌ కల్యాణ్‌, తాను చేసిన అసత్య ప్రచారానికి ఎప్పుడు ప్రాయశ్చిత్తం చేసుకుంటారు? అని నిలదీశారు. రాజకీయ కక్షలు ఉంటే నేరుగా ఎదుర్కోవాలి తప్ప, కోట్లాది మంది భక్తుల విశ్వాసాలను రాజకీయ యుద్ధంలోకి లాగడం తగదన్నారు. నిజాలు నిగ్గు తేలినందున చంద్రబాబు, పవన్‌ కల్యాణ్‌ బహిరంగంగా తప్పు ఒప్పుకుని, ప్రజలకు క్షమాపణలు చెప్పాలని రఘురాం డిమాండ్‌ చేశారు. వడ్డి రఘురాం

భీమవరం: జిల్లాలోని గ్రంథాలయాలకు అవసరమైన పోటీ పరీక్షల పుస్తకాల కొనుగోలుకు ఉమ్మడి పశ్చిమ గోదావరి జిల్లా గ్రంథాలయ సంస్థ ద్వారా రూ. 22 లక్షలు కేటాయించినట్లు సంస్థ చైర్మన్‌ జుత్తుగ నాగరాజు తెలిపారు. శనివారం భీమవరంలోని డాక్టర్‌ వైఎస్సార్‌ మెమోరియల్‌ ప్రథమ శ్రేణి శాఖా గ్రంథాలయానికి అభ్యర్థుల డిమాండ్‌ మేరకు కొనుగోలు చేసిన పోటీ పరీక్షల పుస్తకాలను ఆయన అందజేశారు. ఈ సందర్భంగా ఆయన మాట్లాడుతూ గ్రూప్‌–1, గ్రూప్‌–2, డీఎస్సీ, హాస్టల్‌ వార్డెన్స్‌, ఎస్సై, కానిస్టేబుల్‌, ఇంజనీరింగ్‌ తదితర పోటీ పరీక్షలకు సిద్ధమవుతున్న నిరుద్యోగ యువత కోసం ఎప్పటికప్పుడు అప్‌డేటెడ్‌ పుస్తకాలను అందుబాటులో ఉంచుతున్నామని చెప్పారు. అభ్యర్థుల సౌకర్యార్థం సెలవు రోజుల్లోనూ భీమవరం ప్రథమ శ్రేణి గ్రంథాలయం పని చేసేలా చర్యలు తీసుకున్నామన్నారు. ఈ కార్యక్రమంలో గ్రంథాలయాధికారి ఎస్‌.వెంకటేశ్వరరావు, అభివృద్ధి కమిటీ సభ్యులు గ్రంధి కుమార వెంకటేశ్వర వరప్రసాద్‌, అల్లు శ్రీనివాస్‌, జుత్తిగ రామకృష్ణ, బొక్కా సూరిబాబు, జంపన ధనరాజు తదితరులు పాల్గొన్నారు. భీమవరం: ఉమ్మడి పశ్చిమ గోదావరి జిల్లాలోని షెడ్యూల్డ్‌ కులాల (ఎస్సీ) నిరుద్యోగ యువతకు వివిధ కోర్సుల్లో ఉచిత శిక్షణ ఇవ్వనున్నట్లు జిల్లా ఎస్సీ సహకార సంఘం కార్యనిర్వాహక సంచాలకుడు ఎం. ముక్కంటి శనివారం ఒక ప్రకటనలో తెలిపారు. ఇంటర్‌ అర్హత ఉన్నవారికి అసిస్టెంట్‌ టెక్నీషియన్‌ (ఏలూరు), కిసాన్‌ డ్రోన్‌ ఆపరేటర్‌ (అనంతపురం), ఎలక్ట్రిక్‌ వెహికల్‌ మెయింటెనెన్స్‌ టెక్నీషియన్‌ (కాకినాడ), ఎలక్ట్రీషియన్‌–స్మార్ట్‌ ఎనర్జీ (శ్రీకాకుళం), సోలార్‌ పీవీ ఇన్‌స్టాలర్‌ (కడప), ల్యాబ్‌ టెక్నీషియన్‌ (విశాఖపట్నం), డిగ్రీ అర్హత ఉన్నవారికి ఏఐ డేటా ఇంజనీరింగ్‌ అనలిస్ట్‌ (విజయవాడ), జూనియర్‌ సాఫ్ట్‌వేర్‌ డెవలపర్‌ (ఒంగోలు) శిక్షణకు దరఖాస్తులను ఆహ్వానిస్తున్నట్లు వివరించారు. శిక్షణ పొందే అభ్యర్థులకు ఉచిత భోజనంతో పాటు మహిళలు, పురుషులకు వేర్వేరుగా ఉచిత వసతి కల్పిస్తామని పేర్కొన్నారు. అర్హులైన అభ్యర్థులు ఈ నెల 30వ తేదీలోగా పేర్లు నమోదు చేసుకోవాలని, మరిన్ని వివరాలకు 97013 55337, 97058 63666, 96402 94967 నంబర్లకు ఫోన్‌ చేయాలని సూచించారు. తాడేపల్లిగూడెం: పుట్టగొడుగుల పెంపకం లాభదాయకమని ఉద్యానవర్సిటీ వీసీ కె.ధనుంజయరావు అన్నారు. వెంకట్రామన్నగూడెంలో శనివారం నిర్వహించిన పుట్టగొడుగుల శిక్షణా కార్యక్రమంలో ఆయన మాట్లాడుతూ పుష్కలమైన పోషకాహార విలువలు కలిగిన, వాణిజ్యపరంగా లాభదాయకమైన పుట్టగొడుగుల పెంపకం ద్వారా ప్రత్యామ్నాయ ఆదాయ వనరులను పొందవచ్చన్నారు. ఈ శిక్షణకు 33 మంది హాజరయ్యారని కేవీకే హెడ్‌ సీహెచ్‌ కిరణ్‌కుమార్‌ అన్నారు. పుట్టగొడుగుల పెంపకంపై తెలుగులో రూపొందించిన కరపత్రాలను వీసీ ఆవిష్కరించారు. ప్రత్తిపాడు: మండలంలోని టి.రాయవరం సమీపంలోని చేపల చెరువు లీజుదారుడి హత్య కేసులో ప్రధాన సూత్రధారి హతుని కుమార్తెను పోలీసులు శనివారం అరెస్టు చేశారు. కాకినాడ జిల్లా ప్రత్తిపాడు మండలం టి.రాయవరం గ్రామ శివారున చేపల చెరువు మకాం వద్ద ఈ నెల 11 అర్ధరాత్రి ఏలూరు జిల్లా పైడి చింతపర్రుకు చెరువు లీజుదారు మోరి నరసింహారావు (70) హత్య కేసులో నిందితుడు అనకాపల్లి జిల్లా పాయకరావు పేట మండలం పడాల లక్ష్మీపురం గ్రామానికి చెందిన వేన్‌ డ్రైవర్‌ వీర్ల జయ నాగ వెంకట సత్యనారాయణ అనే జయబాబును శుక్రవారం అరెస్టు చేసిన విషయం తెలిసిందే. ఈ కేసులో వివాహేతర సంబంధానికి అడ్డుగా ఉన్న తండ్రిని పథకం ప్రకారం అతడితో హత్య చేయించిన బలే నాగలక్ష్మిని స్థానిక జాతీయ రహదారిపై పాదాలమ్మ తల్లి ఆలయం సమీపంలో అదుపులోకి తీసుకున్నట్టు ఎస్సై ఎస్‌.లక్ష్మీకాంతం తెలిపారు.

భీమవరం: కల్లుగీత కార్మికుల సమస్యలను తక్షణమే పరిష్కరించాలని డిమాండ్‌ చేస్తూ అక్టోబర్‌ 5న భీమవరం ఎకై ్సజ్‌ కార్యాలయం వద్ద నిర్వహించే బతుకు పోరాట గర్జనను జయప్రదం చేయాలని ఏపీ కల్లుగీత కార్మిక సంఘం రాష్ట్ర ప్రధాన కార్యదర్శి జుత్తిగ నర్సింహమూర్తి పిలుపునిచ్చారు. శనివారం భీమవరంలో కామన మునిస్వామి అధ్యక్షతన నిర్వహించిన జిల్లా సంఘ సమావేశంలో ఆయన మాట్లాడారు. కూటమి ప్రభుత్వం మద్యం కార్పొ రేట్లకు ఎర్రతివాచీలు పరుస్తూ, సాంప్రదాయ కల్లుగీత వృత్తిపై వివక్ష చూపుతోందని మండిపడ్డారు. గీత సొసైటీలకు 20 శాతం మద్యం షాపులు కేటాయిస్తామన్న హామీని విస్మరించారని విమర్శించారు. ఆదరణ–3 పథకం ప్రచారానికే పరిమితమైందని, విచ్చలవిడిగా బెల్ట్‌ షాపులు ఏర్పాటు చేయడంతో గీత కార్మికులు ఉపాధి కోల్పోతున్నారని ఆవేదన వ్యక్తం చేశారు. కార్మికులంతా ఈ పోరాటంలో పెద్ద సంఖ్యలో పాల్గొనాలని కోరారు. సమావేశంలో సంఘం జిల్లా ఉపాధ్యక్షులు బొక్కా చంటి, కడలి పాండు, సహాయ కార్యదర్శులు దాసరి సూరిబాబు, బొంతు శ్రీనివాస్‌ పాల్గొన్నారు.

కుక్కునూరు: మూడు రోజుల క్రితం పెద్దరావిగూడెం పుష్కర ఘాట్‌ వద్ద స్నేహితులతో కలిసి గోదావరి నదిలో స్నానానికి దిగి గల్లంతైన పాలరాజు (16) మృతదేహం శనివారం లభ్యమైంది. పాలరాజు గల్లంతైనప్పటి నుంచి పోలీసులు, గజ ఈతగాళ్లు, స్థానికులు గోదావరి నదిలో విస్తృతంగా గాలింపు చర్యలు చేపట్టారు. ఈ క్రమంలో వేలేరుపాడు మండలం తాటుకూరు గొమ్ము రేవు వద్ద శనివారం అతడి మృతదేహాన్ని గుర్తించి కుటుంబ సభ్యులకు సమాచారం అందించారు. పాలరాజు మృతిపై కుటుంబ సభ్యులు, బంధువులు కన్నీరుమున్నీరుగా విలపించారు. భీమవరం: పట్టణంలోని బస్టాండ్‌ సెంటర్‌లో ఉన్న మిల్క్‌సెంటర్‌ షాపులో శనివారం అగ్ని ప్రమాదం చోటుచేసుకుంది. వివరాల ప్రకారం జె భానుప్రసాద్‌కు చెందిన మిల్క్‌షాపులో గ్యాస్‌ స్టౌపై పాలు కాస్తుండగా ఒక్కసారిగా గ్యాస్‌ లీకై మంటలు వ్యాపించాయి. ఈ ఘటనపై అగ్రిమాపక కేంద్రానికి సమాచారం రావడంతో ఫైర్‌ ఆఫీసర్‌ శ్రీనివాసరావు తన సిబ్బందితో వెళ్లి మంటలను అదుపుచేశారు. ఈ ప్రఽమాదంలో మూడు ఫ్రిజ్‌లు కాలిపోగా సుమారు రూ. లక్ష నష్టం వాటిల్లిందని చెప్పారు. పెంటపాడు: రోడ్డు ప్రమాదంలో బాలుడికి గాయాలైన ఘటన ముదునూరు గ్రామంలో చోటుచేసుకుంది. వివరాల ప్రకారం ముదునూరు గ్రామంలోని అరుంధతీపేటలో శుక్రవారం గుర్తుతెలియని మోటార్‌ సైకిల్‌ ఢీకొని బాలుడు మెరిపే దానియేలు (8)కు గాయాలయ్యాయి. బాలుడ్ని గూడెం ఏరియా ఆసుపత్రిలో చికిత్స అనంతరం మెరుగైన వైద్యం కోసం ఏలూరు ఆసుపత్రికి తరలించగా అక్కడ చికిత్స పొందుతున్నాడు. ఈ ఘటనపై బాలుడి తల్లి ఉషాభారతి శనివారం పోలీసులకు ఫిర్యాదు చేశారు. కేసు నమోదు చేసి దర్యాప్తు చేస్తున్నట్లు ఎస్సై కిరణ్‌కుమార్‌ తెలిపారు. తాడేపల్లిగూడెం: పట్టణంలోని తణుకు బస్టాండ్‌లో 70 సంవత్సరాల వయస్సు కలిగిన యాచకుడు ఒకరు శనివారం మృతి చెందారు. ఏడాది కాలం నుంచి ఇదే ప్రాంతంలో భిక్షాటన చేసుకుంటున్నాడని, వివరాలు తెలిసిన వారు పట్టణ పోలీసులకు తెలియచేయాలన్నారు.

● కుప్పకూలి వ్యక్తి మృతి ● ఎల్‌.అగ్రహారంలో విషాదం తాడేపల్లిగూడెం రూరల్‌ : మండలంలోని ఎల్‌. అగ్రహారం టిడ్కో గృహ సముదాయంలో మరో విషాదం చోటు చేసుకుంది. స్థానికంగా నివాసం ఉంటున్న కాకర్లమూడి ఏసు (48) శనివారం తాడేపల్లిగూడెం పట్టణం రైల్వే స్టేషన్‌ రోడ్డులో ట్యాక్సీ ఓనర్స్‌, వర్కర్స్‌ యూనియన్‌ ఆధ్వర్యంలో వినాయక చవితి ఉత్సవాలు నిర్వహిస్తున్నారు. శనివారం వినాయకుడిని నిమజ్జనం చేసేందుకు సిద్ధం చేశారు. ఈ సందర్భంగా అక్కడ ఏర్పాటు చేసిన డీజే సౌండ్‌ బాక్స్‌ల ముందు ఏసు డ్యాన్స్‌ చేస్తూ ఒక్కసారిగా కుప్పకూలిపోయాడు. స్థానికులు అతడిని ప్రైవేట్‌ ఆసుపత్రికి తరలించగా అప్పటికే ఏసు మృతి చెందినట్లు వైద్యులు నిర్ధారించారు. కాగా, మృతునికి భార్య, ఇరువురు కుమారులు, ఒక కుమార్తె ఉన్నారు. వచ్చే నెల కుమార్తె వివాహం చేయాల్సి ఉండగా, అంతలోనే ఈ దుర్ఘటన చోటు చేసుకోవడంతో కుటుంబంలో విషాద ఛాయలు అలుముకున్నాయి.

విజయవంతం చేయాలని ఎమ్మెల్సీ కవురు పిలుపు భీమవరం: వెనుకబడిన తరగతులను మోసం చేస్తున్న కూటమి ప్రభుత్వ వైఖరికి నిరసనగా, రాజమహేంద్రవరంలో వైఎస్సార్‌సీపీ ఆధ్వర్యంలో ఈ నెల 27న నిర్వహించే శ్రీవెన్నుపోటు పార్టీ వంచనపై బీసీ గర్జన్ఙ కార్యక్రమాన్ని జయప్రదం చేయాలని ఎమ్మెల్సీ, వైఎస్సార్‌సీపీ శెట్టిబలిజ విభాగం రాష్ట్ర అధ్యక్షుడు కవురు శ్రీనివాస్‌ పిలుపునిచ్చారు. శనివారం భీమవరం పట్టణంలోని పార్టీ కార్యాలయంలో బీసీ నాయకుల సమావేశం ఆయన అధ్యక్షతన నిర్వహించారు. ఈ సందర్భంగా కవురు శ్రీనివాస్‌ మాట్లాడుతూ తెలుగుదేశం పార్టీ బీసీలను కేవలం ఓటు బ్యాంక్‌గానే వాడుకుంటూ, అన్ని రకాలుగా వంచించిందన్నారు. ఎన్నికల్లో హామీ ఇచ్చిన విధంగా బీసీలకు 50 ఏళ్లకే పింఛన్‌ పథకాన్ని అమలు చేయకుండా బుట్టదాఖలు చేశారని విమర్శించారు. బ్యాక్‌బోన్‌గా బీసీలు వైఎస్‌ జగన్‌మోహన్‌రెడ్డి హయాంలో బీసీలను బ్యాక్‌బోన్‌ వర్గాలుగా గుర్తించి ఆర్థికంగా, రాజకీయంగా అండగా నిలిచారని గుర్తుచేశారు. దివంగత నేత డాక్టర్‌ వైఎస్‌ రాజశేఖరరెడ్డి తెచ్చిన ఫీజు రీయింబర్స్‌మెంట్‌ పథకం వల్ల అనేకమంది బీసీ యువకులు డాక్టర్లు, ఇంజనీర్లు, లాయర్లు కాగలిగారని, జగన్‌ కూడా అదే బాటలో సంక్షేమ పథకాలను సమర్థవంతంగా అమలు చేశారన్నారు. బీసీలకు పూర్వవైభవం రావాలంటే జగన్‌ మళ్లీ ముఖ్యమంత్రి కావాల్సిన ఆవశ్యకత ఉందన్నారు. విజయవంతానికి సమష్టి కృషి భీమవరం నియోజకవర్గ వైఎస్సార్‌సీపీ సమన్వయకర్త చినమిల్లి వెంకటరాయుడు మాట్లాడుతూ ఎన్నికల హామీలను విస్మరించిన కూటమికి నిరసనగా నిర్వహించాఏ బీసీ గర్జనకు నాయకులంతా సమష్టిగా కృషి చేయాలన్నారు. పార్టీ రాష్ట్ర కార్యదర్శి వేండ్ర వెంకటస్వామి, బీసీ విభాగం రాష్ట్ర కార్యదర్శి కోడే యుగంధర్‌ మాట్లాడుతూ మండల, పట్టణాల వారీగా బీసీలను సమీకరించి సభకు పెద్ద సంఖ్యలో తరలివెళ్లేలా కార్యచరణ రూపొందించాలని కోరారు. అనంతరం శ్రీవెన్నుపోటు పార్టీ వంచనపై బీసీ గర్జన్ఙ పోస్టర్‌ను నాయకులు ఆవిష్కరించారు. ఈ కార్యక్రమంలో వైఎస్సార్‌సీపీ భీమవరం పట్టణ అధ్యక్షుడు గాదిరాజు రామరాజు, మండల అధ్యక్షుడు జల్లా కొండయ్య, బీసీ నాయకులు పిల్లి వీరేశ్వరరావు, రుద్రాక్షల శ్రీనివాసరావు, కడలి శ్రీరాములు, రేవు రాంబాబు, తిరుమాని బాలచంద్రుడు, వీరవల్లి రాధాకృష్ణ, మతల కాశీవిశ్వేశ్వరరావు తదితరులు పాల్గొన్నారు.

తాడేపల్లిగూడెం రూరల్‌: మండలంలోని ఎల్‌.అగ్రహారం టిడ్కో గృహసముదాయంలో ఒక మహిళ దారుణ హత్యకు గురైంది. రూరల్‌ ఎస్సై రవికుమార్‌ తెలిపిన వివరాల ప్రకారం పెదవేగి మండలం ముండూరుకు చెందిన యాదాల మంగ (28) రెండేళ్ల క్రితం భర్తను వదిలేసి, ఎల్‌.అగ్రహారం టిడ్కో కాంప్లెక్స్‌లో పరిచయస్తురాలైన విజయకుమారి ఇంట్లో నివాసముంటోంది. ఈమెకు ముండూరుకే చెందిన గెడ్డం సందీప్‌ అలియాస్‌ సన్నితో వివాహేతర సంబంధం ఉంది. గురువారం రాత్రి మంగ వేరొకరితో ఫోన్‌ మాట్లాడుతుండటంతో అనుమానించిన సన్ని గొడవపడ్డాడు.తనతో పాటు ముండూరు రావాలని ఒత్తిడి చేశాడు. అనంతరం ఇద్దరూ ఒకే గదిలో నిద్రించారు. శుక్రవారం తెల్లవారుజామున మంగ అపస్మారక స్థితిలో పడి ఉండడాన్ని విజయకుమారి గుర్తించి, మృతురాలి సోదరి రత్నమ్మకు సమాచారమిచ్చింది. బంధువులతో వచ్చి చూడగా మంగ పీక నులిమి హత్యకు గురైనట్లు తేలింది. సోదరి ఫిర్యాదు మేరకు రూరల్‌ సీఐ బి.శ్రీనివాసరావు, ఎస్సై రవికుమార్, క్లూస్‌ టీమ్‌ సంఘటనా స్థలాన్ని పరిశీలించారు. మృతదేహాన్ని ఏరియా ఆస్పత్రికి తరలించి కేసు నమోదు చేశారు.

ఏలూరు టౌన్‌ : జిల్లా వైద్యారోగ్య శాఖ పరిధిలోని ఆశా వర్కర్ల విభాగంలో పని చేస్తున్న ఒక ఉన్నతాధికారి లైంగిక వేధింపులకు పాల్పడటం స్థానికంగా తీవ్ర దుమారం రేపుతోంది. భీమవరం పరిధిలో పనిచేస్తున్న ఒక ఆశావర్కర్‌ తన జీతభత్యాలు చెల్లింపులకు సంబంధించి బ్యాంకు ఖాతాలో మార్పు కోసం దరఖాస్తు చేసుకుంది. దీనికి ఏలూరు జిల్లా వైద్య ఆరోగ్యశాఖకు సంబంధించి మూడు జిల్లాల ఆశావర్కర్ల విభాగం అధికారి అనుమతి తప్పనిసరి. గతంలో భర్తతో కలిసి బ్యాంకు ఖాతా జాయింట్‌గా ఉండటం, ఇటీవల ఆమె వ్యక్తిగత బ్యాంకు ఖాతాలో మార్పు చేసుకునేందుకు కేవైసీ అనుమతికి సదరు అధికారిని ఆశ్రయించింది. దీన్ని ఆసరాగా చేసుకున్న ఆ అధికారి, ఆమెతో వాట్సాప్‌లో అసభ్యకరంగా చాటింగ్‌ చేస్తూ మానసిక, లైంగిక వేధింపులకు గురిచేశాడు. వేధింపులు మితిమీరడంతో బాధితురాలు ఆధారాలతో సహా భీమవరం వన్‌టౌన్‌ పోలీస్‌స్టేషన్‌లో ఫిర్యాదు చేయగా, పోలీసులు కేసు నమోదు చేశారు. త్రిసభ్య కమిటీ విచారణలో జాప్యం ఈ ఘటనపై స్పందించిన ఏలూరు డీఎం అండ్‌ హెచ్‌ఓ డాక్టర్‌ యు. శోభ, ముగ్గురు వైద్య అధికారులతో (ఏలూరు నుంచి ఇద్దరు, భీమవరం అదనపు డీఎం అండ్‌ హెచ్‌ఓ)తో కూడిన విచారణ కమిటీని నియమించారు. అయితే కమిటీని ఏర్పాటు చేసి రోజులు గడుస్తున్నా నివేదికను వెల్లడించకపోవడంపై అనుమానాలు వ్యక్తమవుతున్నాయి. ఆరోపణలు ఎదుర్కొంటున్న అధికారి తెచ్చిన ఒత్తిళ్ల కారణంగానే విచారణ నివేదికను తొక్కిపెట్టారనే ఆరోపణలు వస్తున్నాయి. బాధితురాలికి న్యాయం జరిగేలా జిల్లా స్థాయి ఉన్నతాధికారులు వెంటనే ఈ వ్యవహారంపై స్పందించి, నిందితుడిపై కఠిన చర్యలు తీసుకోవాలని ఆశావర్కర్ల సంఘాలు డిమాండ్‌ చేస్తున్నాయి.

భీమవరం : మద్యం దుకాణాలను మరో ఏడాది పాటు నిర్వహించుకునేలా ప్రభుత్వం అనుమతినిచ్చిందని ఎకై ్సజ్‌ శాఖ అసిస్టెంట్‌ కమిషనర్‌ బి.శ్రీలత తెలిపారు. భీమవరంలోని ఆబ్కారీ కార్యాలయంలో లైసెన్సుదారులతో శుక్రవారం నిర్వహించిన సమావేశంలో ఆమే మాట్లాడారు. నిబంధనల ప్రకారం గడువులోగా లైసెన్సులను రెన్యూవల్‌ చేసుకోవాలని సూచించారు. జిల్లాలోని 193 దుకాణాలకు గాను ఇప్పటివరకు 51 దుకాణాల నిర్వాహకులు పూర్తి రుసుము, 41 మంది పాక్షికంగా చెల్లించినట్లు అధికారులు వెల్లడించారు. సమావేశంలో ఎకై ్సజ్‌ అధికారులు బి.సుబ్బారావు, కేవీఎన్‌ ప్రభుకుమార్‌, సీఐలు పాల్గొన్నారు. తాడేపల్లిగూడెం: ఐపీఎం డైరెక్టర్‌, జిల్లా కలెక్టర్‌, జాయింట్‌ కలెక్టర్ల ఆదేశాల మేరకు ఫుడ్‌ సేఫ్టీ అధికారులు శుక్రవారం తాడేపల్లిగూడెం, తణుకుల్లోని డీమార్ట్‌లు, మిల్క్‌ సెంటర్లలో తనిఖీలు చేపట్టారు. మిల్క్‌ సెంటర్లలోని పనీర్‌లో వెజిటబుల్‌ ఆయిల్‌, పిండి పదార్థాలు కలుపుతున్నారనే అనుమానంతో నమూనాలు సేకరించి ల్యాబ్‌కు పంపారు. అలాగే తణుకులోని కేఎఫ్‌సీలో వాడుతున్న నూనె నాణ్యతను పరీక్షించారు. ఇందులో టీపీసీ రీడింగ్‌ 25 ఉండాల్సి ఉండగా, ఏకంగా 38 ఉన్నట్లు గుర్తించి కేసు నమోదు చేశారు. ఈ తనిఖీల్లో అసిస్టెంట్‌ ఫుడ్‌ కంట్రోలర్‌ ఏఎస్‌ఆర్‌ రెడ్డి, ఇతర అధికారులు పాల్గొన్నారు. లక్డీకాపూల్‌: తణుకుకు చెందిన ఒక సాధారణ రైతు కుటుంబం ఉదాత్తత చాటుకుంది. బ్రెయిన్‌ డెడ్‌ అయిన రైతు మద్దిపాటి హనుమంతరావు (58) అవయవాలను దానం చేసి ఐదుగురి జీవితాల్లో వెలుగులు నింపింది. తీవ్ర నరాల సమస్యతో బాధపడుతున్న ఆయనకు ఈ నెల 14న శస్త్రచికిత్స జరిగింది. పరిస్థితి విషమించడంతో హైదరాబాద్‌లోని ప్రైవేట్‌ ఆస్పత్రికి తరలించారు. చికిత్స ఫలించక గురువారం ఆయన బ్రెయిన్‌ డెడ్‌ అయినట్లు వైద్యులు ధ్రువీకరించారు. ఆ పుట్టెడు దుఃఖంలోనూ హనుమంతరావు భార్య సువర్చల, కుమారుడు లలిత శంకర్‌ ధైర్యంతో అవయవదానానికి ముందుకొచ్చారు. దీంతో ఆయన శరీరం నుంచి రెండు మూత్రపిండాలు, కాలేయం, రెండు నేత్రాలను సేకరించారు. ఈ నిర్ణయాన్ని తెలంగాణ శ్రీవన్‌దాన్‌ కోఆర్డినేటర్‌ డాక్టర్‌ శ్రీభూషణ్‌రాజు అభినందించారు. ఈ ఏడాది ఇప్పటివరకు 148 బ్రెయిన్‌ డెడ్‌ అవయవ దానాలు నమోదైనట్లు ఆయన తెలిపారు.

తణుకు అర్బన్‌: రోడ్డు ప్రమాదంలో తీవ్రంగా గాయపడి, తణుకు ప్రభుత్వ ఆస్పత్రిలో చికిత్స పొందుతూ మృతి చెందిన గుర్తుతెలియని వ్యక్తికి ఉందుర్తి పాల్‌ ఫౌండేషన్‌ ఆధ్వర్యంలో శుక్రవారం అంత్యక్రియలు నిర్వహించారు. పెనుమంట్ర మండలం నత్తారామేశ్వరం సమీపంలోని పంపనవారిపాలెం పెట్రోలు బంక్‌ వద్ద సుమారు 42 ఏళ్ల వయస్సున్న ఈ వ్యక్తిని గుర్తు తెలియని వాహనం ఢీకొట్టింది. చికిత్స పొందుతూ ఆయన తుదిశ్వాస విడిచారు. ఆచూకీ, కుటుంబ వివరాలు లభ్యం కాకపోవడంతో పోలీసుల సూచనల మేరకు అంతిమ సంస్కారాలు చేసినట్లు ఫౌండేషన్‌ చైర్మన్‌ ఉందుర్తి ప్రసన్నకుమార్‌ తెలిపారు.

యలమంచిలి: మండలంలోని మేడపాడు గ్రామంలో సుజాత మాంటిస్సోరీ స్కూల్‌ వద్ద శుక్రవారం జరిగిన రోడ్డు ప్రమాదంలో కాజ పడమర గ్రామానికి చెందిన కడలి వాసు (36) తీవ్రంగా గాయపడ్డాడు. స్కూటీపై వేగంగా వెళ్తూ ముందు వెళ్తున్న సైకిల్‌ ను ఢీకొనడంతో అతడి తలకు బలమైన గాయమైంది. స్థానికులు 108 వాహనంలో పాలకొల్లు ప్రభుత్వాసుపత్రికి, అక్కడి నుంచి మెరుగైన వైద్యం కోసం తణుకు తరలించారు. ఈ ప్రమాదంపై ఎలాంటి ఫిర్యాదు అందలేదని పోలీసులు తెలిపారు. భీమవరం: ఆసుపత్రిలో చికిత్స పొందుతున్న రోగి వద్ద నుంచి నగదు, సెల్‌ ఫోన్‌ దొంగిలించిన ఘటన ఆలస్యంగా వెలుగులోకి వచ్చింది. రాజమహేంద్రవరానికి చెందిన ఓ వ్యక్తి గత నెల 25న సొంత పనిపై భీమవరం రాగా గుండెపోటు వచ్చింది. దాంతో స్థానిక ప్రైవేట్‌ ఆసుపత్రిలో చేర్పించగా, చికిత్స సమయంలో ఆయన వద్ద ఉన్న నగదు, ఫోన్‌ ను గుర్తుతెలియని వ్యక్తి అపహరించాడు. సీసీ టీవీ ఫుటేజీ ఆధారంగా పోలీసులు దర్యాప్తు చేస్తున్నప్పటికీ, ఘటన జరిగి 20 రోజులు దాటినా ఇప్పటివరకు అధికారికంగా కేసు నమోదు చేయకపోవడంపై అనుమానాలు వ్యక్తమవుతున్నాయి. కలిదిండి(కై కలూరు): అదుపుతప్పిన ఆటో బోల్తా పడిన ప్రమాదంలో డ్రైవర్‌ మృతి చెందిన ఘటన కలిదిండి మండలం సంతోషపురం వద్ద గురువారం రాత్రి జరిగింది. పోలీసులు తెలిపిన వివరాల ప్రకారం.. మూలలంక గ్రామానికి చెందిన సాదే వెంకటేశ్వరరావు (42) ఆటో డ్రైవర్‌. గురువారం రాత్రి 11 గంటల సమయంలో కలిదిండి నుంచి ఇంటికి ఆటోలో వస్తుండగా వాహనం అదుపుతప్పి బోల్తా పడింది. స్థానికులు 108కు సమాచారం అందించగా, పరీక్షించిన సిబ్బంది ఆయన అప్పటికే మృతి చెందినట్లు నిర్ధారించారు. మృతదేహాన్ని పోస్టుమార్టం నిమిత్తం కై కలూరు ప్రభుత్వాసుపత్రికి తరలించారు. మృతుడి కుమారుడు సౌరభ్‌ కృష్ణ ఫిర్యాదు మేరకు ఎస్‌ఐ పవన్‌ కుమార్‌ కేసు నమోదు చేశారు. మృతుడి భార్య ఉపాధి నిమిత్తం కువైట్‌ లో ఉంటున్నారు. దెందులూరు: జాతీయ రహదారిపై కొమిరేపల్లి పెట్రోల్‌ బంక్‌ వద్ద శుక్రవారం చోటుచేసుకున్న రోడ్డు ప్రమాదంలో సింగవరం గ్రామానికి చెందిన వంజరపు ప్రసాద్‌ మృతి చెందాడు. చేనుకి వెళ్లేందుకు ప్రసాద్‌ రోడ్డుపైకి వస్తుండగా, ఏలూరు నుంచి భీమడోలు వైపు వేగంగా వెళ్తున్న కారు ఆయనను ఢీకొట్టింది. తీవ్రంగా గాయపడిన ప్రసాద్‌ను పోలీసులు అంబులెన్స్‌ లో ఆసుపత్రికి తరలించగా, అప్పటికే మృతి చెందినట్లు వైద్యులు ధ్రువీకరించారు. మృతునికి భార్య, కుమార్తె, కుమారుడు ఉన్నారు. దెందులూరు పోలీసులు కేసు నమోదు చేసి దర్యాప్తు చేస్తున్నారు.

కుక్కునూరు : పోలవరం ముంపు మండలాల ప్రజలకు న్యాయసేవలను చేరువ చేయాలని కోరుతూ భద్రాచలం బార్‌ అసోసియేషన్‌ ప్రతినిధులు శుక్రవారం అమరావతిలో హైకోర్టు న్యాయమూర్తులను కలసి వినతిపత్రాలు అందజేశారు. పోలవరం జిల్లాలోని ఎటపాక, చింతూరు కేంద్రాలుగా, ఏలూరు జిల్లాలోని కుక్కునూరు కేంద్రంగా జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టులను ఏర్పాటు చేయాలని కోరారు. కుక్కునూరు, వేలేరుపాడు మండలాల ప్రజలు న్యాయస్థానం కోసం జంగారెడ్డిగూడెంకు 90 నుంచి 130 కిలోమీటర్లు ప్రయాణించాల్సి వస్తోందని వివరించారు. ఈ ప్రాంతానికి చెందిన 900కు పైగా కేసులు పెండింగ్‌లో ఉన్నందున, కుక్కునూరు కేంద్రంగా క్యాంప్‌ కోర్టు నిర్వహించాలని విజ్ఞప్తి చేశారు. ఉమ్మడి తూర్పుగోదావరి జిల్లా అడ్మినిస్ట్రేటివ్‌ జడ్జి జస్టిస్‌ జయసూర్య, ఉమ్మడి పశ్చిమగోదావరి జిల్లా పోర్ట్‌ఫోలియో జడ్జి జస్టిస్‌ కొనకంటి శ్రీనివాసరెడ్డి, హైకోర్టు న్యాయమూర్తి జస్టిస్‌ ఎన్‌. హరినాథ్‌లను కలసి సమస్యలు వివరించారు. అనంతరం జస్టిస్‌ హరినాథ్‌ను బార్‌ అసోసియేషన్‌ అధ్యక్షుడు కొడాలి శ్రీనివాసన్‌ శాలువాతో సన్మానించారు.

● 42.70 ఎకరాలకు దేవస్థానం నోటీసులు ● ఆందోళనలో రైతులు ఇరగవరం : మండలంలోని రేలంగి గ్రామంలో ఉన్న శ్రీ తాలూకేశ్వర, మల్లేశ్వర స్వామి వారి దేవస్థానం పరిధిలోని ఇనాం భూముల విషయంలో రైతులు, దేవస్థానం అధికారుల మధ్య వివాదం నెలకొంది. సుమారు 42.70 ఎకరాల భూములపై దేవస్థానం అధికారులు నోటీసులు జారీ చేయడం స్థానిక రైతుల్లో తీవ్ర ఆందోళనకు కారణమైంది. సాగుదారులకు నోటీసుల షాక్‌ సుమారు 80 ఏళ్లుగా ఈ భూముల్లో భజంత్రీ, నౌకరి, చాకలి, కుమ్మరి, వండ్రంగి, డప్పు, మంగలి తదితర వృత్తి సేవలు చేసిన వారి వారసులు సాగు చేసుకుంటున్నారు. కొందరు క్రయవిక్రయాలు జరపగా, మరికొందరు కుమార్తెలకు పసుపు–కుంకుమ కింద ఇచ్చారు. ఈ భూములపై బ్యాంకులు, సహకార సంఘాల నుంచి రుణాలు కూడా పొందినట్లు రైతులు చెబుతున్నారు. దశాబ్దాలుగా క్రమవిక్రయాలు జరుగుతున్న భూములను ఉన్నపళంగా దేవస్థానానివిగా పేర్కొంటూ నోటీసులు ఇవ్వడంపై ఆగ్రహం వ్యక్తం చేస్తున్నారు. తమ వద్ద ఉన్న రిజిస్ట్రేషన్‌ పత్రాలు, లింక్‌ డాక్యుమెంట్లు, పట్టాదారు పాస్‌పుస్తకాలు చూపించేందుకు సిద్ధమవుతున్నా, వివరణ ఇచ్చే అవకాశం కూడా ఇవ్వకుండానే అధికారులు చర్యలు తీసుకునేందుకు యత్నిస్తున్నారని రైతులు ఆవేదన వ్యక్తం చేస్తున్నారు. 22–ఏ నిషేధిత జాబితాపై ప్రశ్నలు దేవస్థాన భూములు అన్యాక్రాంతం అవుతున్నాయంటూ కొన్ని హిందూ ధార్మిక సంస్థలు సుప్రీంకోర్టును ఆశ్రయించడంతో, 2010లోనే ఈ 42.70 ఎకరాలను 22–ఏ నిషేధిత జాబితాలో చేర్చినట్లు రైతులు తెలిపారు. అయితే జాబితాలో చేర్చే ముందు క్షేత్రస్థాయి రికార్డులను పరిశీలించలేదని, రైతులకు ఎలాంటి ముందస్తు నోటీసులు ఇవ్వలేదని ఆరోపిస్తున్నారు. సబ్‌రిజిస్ట్రార్‌ కార్యాలయాల్లో ఇన్నేళ్లుగా జరిగిన రిజిస్ట్రేషన్లపై అప్పట్లో ఎందుకు అభ్యంతరాలు తెలపలేదని, రెవెన్యూ రికార్డుల్లో మార్పులు ఎలా జరిగాయో సమాధానం చెప్పాలని నిలదీస్తున్నారు. సర్వీస్‌ ఇనాం భూములను 22–ఏ జాబితా నుంచి తొలగించాలని ప్రభుత్వం నిర్ణయించిన తరుణంలో మళ్లీ నోటీసులు ఇవ్వడం గందరగోళానికి దారితీస్తోందన్నారు. సుప్రీంకోర్టు ఆదేశాల మేరకే చర్యలు ఈ వ్యవహారంపై దేవస్థానం ఈఓ సూర్యనారాయణ మాట్లాడుతూ.. వివాదంలో ఉన్న 42.70 ఎకరాల భూములు దేవస్థానానికి చెందిన ఇనాం భూములేనని స్పష్టం చేశారు. సుప్రీంకోర్టుతో పాటు ఉన్నతాధికారుల ఆదేశాల మేరకే రైతులకు నోటీసులు జారీ చేశామని తెలిపారు. సమగ్ర విచారణకు వినతి రైతుల వద్ద ఉన్న ఆధారాలను, రెవెన్యూ రికార్డులను సమగ్రంగా పరిశీలించి, తగిన నిర్ణయం తీసుకోవాలని స్థానికులు కోరుతున్నారు. ఉన్నతాధికారులు తక్షణమే జోక్యం చేసుకుని ఈ భూముల వివాదానికి శాశ్వత పరిష్కారం చూపాలని విజ్ఞప్తి చేస్తున్నారు.

నూజివీడు: రాజీవ్‌గాంధీ సాంకేతిక వైజ్ఞానిక విశ్వవిద్యాలయం (ఆర్జీయూకేటీ) ఇన్‌చార్జి చాన్సలర్‌గా, ప్రస్తుత వైస్‌ చాన్సలర్‌ ఆచార్య మద్దాలి లక్ష్మీనారాయణను నియమిస్తూ ప్రభుత్వం జీఓ జారీ చేసింది. రెండేళ్లుగా ఇన్‌చార్జి చాన్సలర్‌గా ఉన్న ఆచార్య కొత్తా మధుమూర్తి ఈనెల 6 నుంచి దీర్ఘకాలిక సెలవుపై వెళ్లడంతో ఈ నిర్ణయం తీసుకుంది. అయితే ఇప్పటికే నూజివీడు ట్రిపుల్‌ఐటీ ఇన్‌చార్జి డైరెక్టర్‌గా, వర్సిటీ వీసీగా బాధ్యతలు నిర్వర్తిస్తున్న లక్ష్మీనారాయణకు ఇప్పుడు ఇన్‌చార్జి చాన్సలర్‌ పదవిని కూడా కట్టబెట్టడంతో ఒకేసారి మూడు కీలక బాధ్యతలు అప్పగించినట్లయింది. నూజివీడు ట్రిపుల్‌ఐటీలోనే ఎన్నో సమస్యలతో విద్యార్థులు, అధ్యాపకులు తీవ్ర ఇబ్బందులు పడుతున్నారు. పాలన అస్తవ్యస్తంగా మారిన తరుణంలో, మూడో బాధ్యతను కూడా ఒక్కరికే ఇవ్వడం ఎంతవరకు సమంజసమని ట్రిపుల్‌ఐటీ వర్గాలు ప్రశ్నిస్తున్నాయి. పరిపాలనా వైఫల్యాలు.. ఆరోపణలు ● అక్రమ నియామకాలు: ఒంగోలు ట్రిపుల్‌ఐటీ పేరుతో 15 మందిని ఎంపిక చేసి, నిబంధనలకు విరుద్ధంగా నూజివీడులో పనిచేయించుకుంటున్నారు. ఈ నియామకాల వెనుక ఒక్కో పోస్టుకు దాదాపు రూ.3 లక్షలు వసూలు చేశారనే ఆరోపణలు ఉన్నాయి. అలాగే, ఎలాంటి నోటిఫికేషన్‌ లేకుండానే ఐదుగురిని గెస్ట్‌ ఫ్యాకల్టీలుగా అక్రమంగా నియమించారు. ● బోధన, వసతుల నిర్లక్ష్యం: తరగతుల నిర్వహణను పట్టించుకోకపోవడం, సెక్యూరిటీ సిబ్బంది గొడవలు, అధ్యాపకుల మధ్య వర్గపోరు పెరగడం వంటి సమస్యలు నెలకొన్నాయి. కొందరే ఏళ్ల తరబడి అదనపు బాధ్యతల్లో కొనసాగుతున్నారు. ● భోజన వసతి లోపాలు: మెస్‌లలో మురిగిపో యిన కోడిగుడ్లతో సహా నాసిరకం ఆహారాన్ని వడ్డిస్తున్నారు. దీనిపై ప్రశ్నించిన విద్యార్థులను హెచ్‌ఓడీలచే బెదిరింపులకు గురిచేస్తున్నారు. ● అనుచిత బదిలీలు: శ్రీకాకుళం ట్రిపుల్‌ఐటీ నుంచి అవసరం లేకపోయినా ఉద్యోగులను నూజివీడుకు బదిలీ చేశారు. ● నియామకాల ప్రక్రియపై అనుమానాలు: అసిస్టెంట్‌, అసోసియేట్‌ ప్రొఫెసర్ల భర్తీ ప్రక్రియలో తొలుత అనర్హులుగా ప్రకటించిన కొందరిని, ఆ తర్వాత అర్హు లుగా మార్చారు. ఇటువంటి వివాదాస్పద పరిస్థి తుల్లో, వీసీగా ఉన్న వ్యక్తికే ఇన్‌చార్జి చాన్సలర్‌ బాధ్యతలు కూడా అప్పగించడంపై విస్మయం వ్యక్తమవుతోంది. ఒకే వ్యక్తికి మూడు బాధ్యతలు ఇప్పటికే పాలన అస్తవ్యస్తం వెక్కిరిస్తున్న వైఫల్యాలు చాన్సలర్‌, వీసీ, డైరెక్టర్‌ బాధ్యతలన్నీ ఒక్కరికే?

ఆశావర్కర్‌పై లైంగిక వేధింపులు? ఆశావర్కర్‌పై ఏలూరు జిల్లా వైద్యారోగ్య శాఖ పరిధిలో ఓ ఉన్నతాధికారి లైంగిక వేధింపులకు పాల్పడటం దుమారం రేపుతోంది. 8లో uకలెక్టర్‌ నాగరాణి భీమవరం అర్బన్‌: భీమవరం నుంచి లోసరి వరకు రహదారి నిర్మాణానికి అవసరమైన ఆక్రమణల తొలగింపునకు చర్యలు చేపట్టాలని కలెక్టర్‌ సీహెచ్‌ నాగరాణి ఆదేశించారు. ఆక్రమణల తొలగింపు ప్రక్రియను శుక్రవారం ఆమె క్షేత్రస్థాయిలో పరిశీలించారు. భీమవరం–లోసరి రహదారి నిర్మాణానికి సీఆర్‌ఎఫ్‌ నిధుల నుంచి రూ.43 కోట్లు మంజూరయ్యాయన్నారు. నాలుగు లైన్ల రోడ్డు నిర్మాణానికి చర్యలు చేపడుతున్నామన్నారు. నిబంధనల ప్రకారం ఆక్రమణలను తొలగించి రహదారి నిర్మాణానికి స్థలాన్ని సిద్ధం చేయాలని ఆదేశించారు. పట్టణ పరిధిలోని డీఎన్నార్‌, కేజీఆర్‌ఎల్‌ కళాశాల వద్ద వంతెన అప్రోచ్‌, రోడ్లు నిర్మాణానికి రూ.17.45 కోట్లు, గొల్లవానితిప్ప–రామాయణపురం వరకు రహదారి విస్తరణకు రూ.7.25 కోట్లు, తోకతిప్ప–నాగేంద్రపురం వద్ద యనమదుర్రు డ్రెయిన్లపై బ్రిడ్జి నిర్మాణానికి రూ. 8 కోట్ల నిధులు మంజూరయ్యాయన్నారు. అప్రోచ్‌ రోడ్లు, బ్రిడ్జిల నిర్మాణ ప్రాంతాలను ఆమె పరిశీలించి పనుల పురోగతిపై అధికారులను వివరాలు అడిగి తెలుసుకున్నారు. నిర్మాణ పనులను నిర్దేశిత ప్రమాణాలు, నాణ్యతతో చేపట్టాలని అధికారులకు సూచించారు. ఆర్డీఓ ప్రవీణ్‌కుమార్‌రెడ్డి, మున్సిపల్‌ కమిషనర్‌ రామచంద్రారెడ్డి, ఆర్‌అండ్‌బీ ఈఈ శ్రీనివాసులు ఉన్నారు.

● రాజమండ్రిలో వైఎస్సార్‌సీపీ బీసీ గర్జన ● జోన్‌–2 పరిధిలో ఈనెల 27న భారీ సభ ఏలూరు టౌన్‌: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి హయాంలో బీసీలను బ్యాక్‌బోన్‌ క్లాస్‌గా.. బీసీలను సామాజికంగా, ఆర్థికంగా, రాజకీయంగా అభివృద్ధి చేయాలనే సంకల్పంతో పనిచేస్తే.. నేడు టీడీపీ కూటమి ప్రభుత్వం బీసీలను ఎంత దారుణంగా వంచన చేసిందో తెలి యజేస్తూ.. బీసీల్లో చైతన్యం తీసుకువచ్చేందుకు బీసీ గర్జన సభను నిర్వహించనున్నట్టు వైఎస్సార్‌సీపీ ఏలూరు జిల్లా బీసీ సెల్‌ అధ్యక్షుడు నెరుసు చిరంజీవి, ఏలూరు నగర బీసీ సెల్‌ అధ్యక్షుడు కిలాడి దుర్గారావు తెలిపారు. ఏలూరులోని వైఎస్సార్‌సీపీ కార్యాలయంలో శుక్రవారం విలేకరుల సమావేశంలో వివరా లు వెల్లడించారు. వైఎస్సార్‌సీపీ ప్రభుత్వ హ యాంలో ఐదేళ్లలో బీసీ వర్గాల నేతలకు అన్ని రంగాల్లోనూ సముచిత స్థానం కల్పిస్తూ బీసీ అభ్యున్నతికి పాటుపడింది మాజీ సీఎం వైఎస్‌ జగన్‌ మాత్రమే అన్నారు. గతంలో ఏలూరులో రాష్ట్రస్థాయిలో బీసీ గర్జన సభ నిర్వహించారనీ, హామీలన్నీ నెరవేర్చి చూపించిన ఘనత జగన్‌కే దక్కుతుందన్నారు. ఈనెల 27న రాజమండ్రిలో.. పార్టీ అధ్యక్షుడు వైఎస్‌ జగన్‌మోహన్‌రెడ్డి ఆదేశాలతో ఈనెల 27న ఉదయం 10 గంటలకు వెన్నుపోటు పార్టీ వంచనపై బీసీ గర్జన నిర్వహిస్తున్నామని చిరంజీవి స్పష్టం చేశారు. రాజమహేంద్రవరంలోని కాతేరు రోడ్డులో బీసీ గర్జన సభ ఏర్పాటు చేశారని తెలిపారు. జోన్‌–2 పరిధిలో ఉమ్మడి పశ్చిమగోదావరి, ఉమ్మడి తూర్పుగోదావరి జిల్లాలకు సంబంధించి రాజమండ్రిలో గర్జన సభ నిర్వహిస్తారన్నారు. ఏలూరు, పశ్చిమగోదావరి జిల్లాల్లోని బీసీలంతా హాజరుకావాలని ఆయన పిలుపునిచ్చారు. పార్టీ ముఖ్యుల హాజరు బీసీ గర్జన సభకు ముఖ్య అతిథులుగా శాసనమండలి ప్రతిపక్ష నేత, పార్టీ రీజనల్‌ కో–ఆర్డినేటర్‌ బొత్స సత్యనారాయణ, తూర్పుగోదావరి జిల్లా పార్టీ అధ్యక్షుడు చెల్లుబోయిన వేణుగోపాల్‌, రాష్ట్ర బీసీ సెల్‌ అధ్యక్షుడు రమేష్‌యాదవ్‌, ఏలూరు జిల్లా పార్టీ అధ్యక్షుడు దూలం నాగేశ్వరరావు హాజరవుతారని చిరంజీవి తెలిపారు. ప్రజలకు 2024లో టీడీపీ కూటమి నేతలు అనేక హామీలను గుప్పించారనీ, అధికారంలోకి వచ్చి 27 నెలలు కావచ్చినా నేటికీ హామీల అమలుపై చిత్తశుద్ధి లేదని విమర్శించారు. రెండేళ్లు దాటినా నేటికీ సంక్షేమ పథకాల ఊసులేదనీ, బీసీలకు చేసిందేమిటో టీడీపీ నేతలు చెప్పాలని డిమాండ్‌ చేశారు. ఈ సమావేశంలో పార్టీ నగర అధ్యక్షుడు గుడిదేశి శ్రీనివాసరావు, ఉంగుటూరు నియోజకవర్గ బీసీ సెల్‌ అధ్యక్షుడు తుమ్మగుంట రంగా, దెందులూరు నియోజకవర్గ బీసీ సెల్‌ అధ్యక్షుడు మట్టా రవిశంకర్‌, రాష్ట్ర బీసీసెల్‌ ప్రధాన కార్యదర్శి కిలారపు బుజ్జి, రాష్ట్ర వాణిజ్య విభాగం ప్రధాన కార్యదర్శి గంటా మోహనరావు, రాష్ట్ర మహిళ ప్రధాన కార్యదర్శి తుమరాడ స్రవంతి, రాష్ట్ర గ్రీవెన్స్‌సెల్‌ కార్యదర్శి బసవ, జిల్లా కార్యదర్శి సాసుపల్లి యుగంధర్‌ప్రసాద్‌, బీసీసెల్‌ జిల్లా ప్రధాన కార్యదర్శి కొల్లిపాక సురేష్‌, మరడాని అనిల్‌, ఎదలాడ నాని, బీసీసెల్‌ నేతలు, కార్యకర్తలు ఉన్నారు.

పెనుమంట్ర: మండల పరిధిలోని గరువు, నత్తారామేశ్వరం గ్రామాల్లో ఇటీవల జరిగిన రెండు వేర్వేరు చోరీలకు సంబంధించి ఇద్దరు ఇద్దరు నిందితులను అరెస్టు చేసి వారి నుంచి రెండు కిలోల వెండి వస్తువులను స్వాధీనం చేసుకున్నట్టు ఎస్సై కె.స్వామి శుక్రవారం తెలిపారు. బాధితుల ఫిర్యాదు మేరకు పెనుగొండ మండలం చినమల్లం గ్రామానికి చెందిన గెద్దాడ సురేంద్ర అలియాస్‌ సూర్య, తణుకుకి చెందిన చొధవరపు సాయి అలియాస్‌ దూల సాయిను అరెస్ట్‌ చేశామన్నారు. ద్వారకాతిరుమల, రావులపాలెం, పోడూరు పోలీస్‌స్టేషన్ల పరిధిలో వీరిపై మరో చోరీ కేసులు నమోదయ్యాయని, తమ విచారణలో తేలిందన్నారు. 2 కిలోల వెండ్రి సామగ్రి స్వాధీనం

భీమవరం: ఆలయ భూములను రెవెన్యూ రికార్డులతో అనుసంధానం చేస్తూ వెబ్‌ ల్యాండ్‌లో నమోదు చేయాలని జిల్లా దేవదాయ శాఖ అధికారి వి.హరి సూర్యప్రకాష్‌ అన్నారు. జిల్లాలో ఆలయ ఈఓలతో శుక్రవారం భీమవరంలో సమావేశం నిర్వహించారు. ఆడిట్‌ నివేదికల్లో అభ్యంతరాల పరిష్కారానికి చర్యలు తీసుకోవాలన్నారు. ఈ సమావేశానికి హిందూ ఆలయాల పరిరక్షణ సమితి సభ్యులు హాజరై ఆలయాలను పరిశుభ్రంగా ఉంచాలని, ఆలయ ఆస్తులను పరిరక్షించాలని కోరారు. హిందూ దేవాలయాల పరిరక్షణ సమితి రాష్ట్ర అధ్యక్షుడు పిల్లాడి రుద్రయ్య, రాష్ట్ర ఉపాధ్యక్షుడు పొత్తూరి రామరాజు, జిల్లా ప్రధాన కార్యదర్శి సూర్యనారాయణ రాజు, చైతన్య వర్మ తదితరులు పాల్గొన్నారు.

నరసాపురం: ప్రజా సమస్యలను మరింత వేగంగా పరిష్కరించడానికి నియోజకవర్గాల వారీగా ప్రత్యేక పీజీఆర్‌ఎస్‌ కార్యక్రమం నిర్వహిస్తున్నట్టు కలెక్టర్‌ సీహెచ్‌ నాగరాణి తెలిపారు. శుక్రవారం నరసాపురం నియోజకవర్గానికి సంబందించి మొగల్తూరు ఎంపీడీఓ కార్యాలయంలో ప్రత్యేక పీజీఆర్‌ఎస్‌ నిర్వహించారు. మొత్తం 124 అర్జీలు స్వీకరించామన్నారు. ప్రజలు చెంతకు వెళ్లి సమస్యలు తెలుసుకుని, అధికారుల సమన్వయం చేసి సత్వర పరిష్కారమే ప్రత్యేక పీజీఆర్‌ఎస్‌ లక్ష్యమన్నారు. ఫిర్యాదులపై సంబంధిత శాఖల అధికారులు దృష్టిపెట్టి పని చేయాలని ఆదేశించారు. ఎమ్మెల్యే బొమ్మిడి నాయకర్‌, జేసీ కేఆర్‌ కల్పశ్రీ, నరసాపురం ఆర్డీఓ దాసి రాజు, జిల్లా అధికారులు పాల్గొన్నారు. భీమవరం: విద్యార్థుల్లో పర్యావరణ స్పృహ పెంచి సుస్థిర జీవన శైలిని అలవర్చడంలో గ్రీన్‌ టీచర్స్‌ పాత్ర ప్రధానమైందని సమగ్ర శిక్ష ఏఎంఓ చంద్రశేఖర్‌ అన్నారు. శుక్రవారం భీమవరం డివిజన్‌ పరిధిలోని 10 మండలాల హైస్కూళ్ల గ్రీన్‌ టీచర్స్‌కు పాఠశాలల్లో పర్యావరణ కార్యక్రమాల నిర్వహణపై ఏఆర్‌కేఆర్‌ మున్సిపల్‌ స్కూల్లో శిక్షణ తరగతులు నిర్వహించారు. నేషనల్‌ గ్రీన్‌కోర్‌ జిల్లా కో–ఆర్డినేటర్‌ ఎ.రవీంద్ర మాట్లాడుతూ ప్రకకృతి కనెక్ట్‌ యాప్‌లో కార్యక్రమాల వివరాలను అప్‌లోడ్‌ చేయడంతోపాటు విద్యా సంవత్సరంలో నిర్వహించాల్సిన కార్యక్రమాలపై అవగాహన కల్పించారు. క్లస్టర్‌ కో–ఆర్డినేటర్లు నాగలక్ష్మి, సుకుమార్‌, గోపాలరెడ్డి తదితరులు పాల్గొన్నారు. తణుకు అర్బన్‌: న్యాయవాదులపై దాడులను ఆపకపోతే రాష్ట్రవ్యాప్తంగా ఉద్యమాన్ని ఉధృతం చేస్తామని ఆల్‌ ఇండియా లాయర్స్‌ యూనియన్‌ జిల్లా ప్రధాన కార్యదర్శి కామన మునిస్వామి హెచ్చరించారు. అనంతపురంలో న్యాయవాదిపై సీఐ దాడి చేయడానికి వ్యతిరేకిస్తూ శుక్రవారం ఆల్‌ ఇండియా లాయర్స్‌ యూనియన్‌ ఆధ్వర్యంలో న్యాయవాదులు విధులు బహిష్కరించి బార్‌ అసోసియేషన్‌ భవనం వద్ద ధర్నా చేశారు. ఈ సందర్భంగా మునిస్వామి మాట్లాడుతూ రాష్ట్రంలో 45 వేల మంది న్యాయవాదులు ఉండగా వృత్తి రక్షణకు చట్టం చేయకపోవడం విచారకరమన్నారు. తెలంగాణలో ప్రభుత్వం న్యాయవాదులకు రక్షణ చట్టాన్ని చేసిందని గుర్తుచేశారు. ఆల్‌ ఇండియా లాయర్‌ సిమ్‌ జిల్లా కమిటీ సభ్యుడు కౌరు వెంకటేశ్వర్లు, న్యాయవాదులు ఆర్‌.వెంకటేశ్వరరావు, కంచర్ల సురేష్‌, కేఎల్‌ సత్యవతి తదితరులు పాల్గొన్నారు. ఏలూరు (ఆర్‌ఆర్‌పేట): ఏలూరు కలెక్టరేట్‌లో శనివారం ఉదయం 10 గంటలకు న్యాయ అవగాహన సదస్సు నిర్వహించనున్నట్టు జిల్లా సెషన్స్‌ జడ్జి ఎస్‌.శ్రీదేవి ఓ ప్రకటనలో తెలిపారు. పేదరిక నిర్మూలనకు సంక్షేమ పథకాల సమర్థవంత అమలు, మాదకద్రవ్యాల వినియోగం వల్ల కలిగే దుష్ప్రభావాలు, నియంత్రణ, ఆరోగ్య సంరక్షణ మార్గదర్శకత్వం తదితర కార్యక్రమాలకు సంబంధించి న్యాయపరమైన అంశాలపై అవగాహన కలిగిస్తారన్నారు. గణపవరం: అరుణాచలప్రదేశ్‌ స్టేట్‌ కో–ఆపరేటివ్‌ బ్యాంకు అధికారులు శుక్రవారం ఉంగుటూరు మండలం నారాయణపురంలోని ది చేబ్రోలు విశాల సహకార సంఘాన్ని సందర్శించారు. సొసైటీ ఎన్‌పీఏ మేనేజ్‌మెంట్‌ వ్యవహారాల గురించి అడిగి తెలుసుకున్నారు. సొసైటీ చైర్మన్‌ కడియాల రవిశంకర్‌, సీఈఓ అయ్యంకి రంగనగేష్‌ వారికి బ్యాంకు నిర్వహణ, పనితీరు. తదితర విషయాలపై అవగాహన కల్పించారు. బ్యాంకును సందర్శించిన వారిలో అరుణాచలప్రదేశ్‌ స్టేట్‌ కో–ఆపరేటివ్‌ బ్యాంక్‌ ఎండీ, జీఎం, డీజీఎం ఉన్నారు.

శనివారం శ్రీ 19 శ్రీ సెప్టెంబర్‌ శ్రీ 2026భీమవరం: ఆక్వారంగంలో అక్రమ విద్యుత్‌ వ్యాపారం మూడు పూలు ఆరు కాయలుగా సాగుతోంది. ఒకవైపు సబ్సిడీ విద్యుత్‌ లేకుంటే సాగు చేయలేమంటూ రైతులు గగ్గోలు పెడుతుంటే.. మరో వైపు అక్రమ విద్యుత్‌ వ్యాపారంతో ప్రతి నెలా లక్షలు సంపాదిస్తున్నారు కొందరు. ప్రధానంగా రొయ్యల సాగుకు విద్యుత్‌ ఎంతో అవసరం. రొయ్యలకు ఆక్సిజన్‌ అందకపోతే ఎదుగుదలలో ఇబ్బందులతోపాటు వ్యాధులు వ్యాపించి చనిపోతుంటాయి. దీనికిగాను రొయ్యల చెరువుల్లో సీడ్‌ వేసిన నాటి నుంచి విద్యుత్‌ ఏరియేటర్లు తిప్పుతుంటారు. వాతావరణ పరిస్థితులను బట్టి ఉదయం, మధ్యాహ్నం, రాత్రి సమయాల్లో విద్యుత్‌ ఏరి యేటర్స్‌ తిప్పడం పరిపాటి. అధికారిక కనెక్షన్‌కు ఖర్చు ఎక్కువ అధికారికంగా విద్యుత్‌ మీటర్‌ కనెక్షన్‌ పొందాలంటే రూ.లక్షలు ఖర్చవుతుంది. విద్యుత్‌ ట్రాన్స్‌ఫారమ్స్‌ ప్రత్యేకంగా వేయించుకోవాలంటే కెపాసిటీని బట్టి రూ.3.50 లక్షల వరకు, దూరాన్ని బట్టి ఒక్కో విద్యుత్‌ స్తంభానికి రూ.10 వేల వరకు ఖర్చు చేయాలి. అలాగే విద్యుత్‌ అధికారులు, సిబ్బందికి ము డుపులు అదనం. దీంతో చిన్న, సన్నకారు ఆక్వా రైతులతోపాటు చెరువులను లీజుకు తీసుకుని ఆక్వా సాగుచేసే రైతులు పెద్ద మొత్తం పెట్టుబడి పెట్టలేక పక్క చెరువుల రైతుల నుంచి అక్రమంగా విద్యుత్‌ పొందుతూ తమ అవసరాలను తీర్చుకుంటున్నారు. వసూళ్లు ఇలా.. ఆక్వా చెరువులో ఉపయోగించే ఒక్కో ఏరియేటర్‌ సెట్‌కు నెలకు రూ.6 వేల నుంచి రూ.10 వరకు వసూళ్లు చేస్తున్నట్టు తెలిసింది. ఎకరా విస్తీర్ణంలోని రొయ్యల చెరువుకు నాలుగైదు ఏరియేటర్లు వాడుతుంటారు. ఇలా నెలకు విద్యుత్‌ కనెక్షన్‌ ఇవ్వడం ద్వారా ఎకరా విస్తీర్ణం కలిగిన రైతు నుంచి రూ.30 నుంచి రూ.50 వరకు వసూలు చేస్తున్నారు. ఇలా ఐదెకరాల వరకు అక్రమంగా విద్యుత్‌ సరఫరా చేస్తూ నెలకు రూ.2.50 లక్షల వరకు ఆర్జిస్తున్నట్టు తెలిసింది. రాయితీ మాటున వ్యాపారం మీటర్లు లేని రైతులకు అక్రమంగా విద్యుత్‌ సరఫరా సబ్సిడీని ఆసరాగా చేసుకుని రూ.లక్షల్లో ఆర్జన విద్యుత్‌ సిబ్బంది కనుసన్నల్లోనే వ్యవహారం ! ఏఐ సృష్టించిన చిత్రం అక్రమ విద్యుత్‌ వ్యాపారం అధికారులకు తెలిసినా పట్టించుకోవడం లేదనే ఆరోపణలు ఉన్నాయి. ఇలా భీమవరం మండలంలోని ఒక గ్రామంలో అక్రమంగా విద్యుత్‌ వ్యాపారం చేస్తున్నట్టు ఉన్నతాధికారులకు ఫిర్యాదు వెళ్లగా.. విచారణ చేయగా అక్రమాలు బయటపడినట్టు తెలిసింది. అయితే నిందితుడు అధికార కూటమి పార్టీకి చెందిన నాయకుడు కావడంతో మంత్రుల స్థాయిలో అధికారులపై ఒత్తిడి చేసినట్టు తెలిసింది. అలాగే జనసేన పార్టీకి చెందిన మరో నాయకుడి విద్యుత్‌ అక్రమాలు బయటపడటంతో అధికారులు రూ.4 లక్షలు జరిమానా విధించగా.. రాష్ట్ర మంత్రి ఒత్తిడితో రూ.80 వేలకు తగ్గించినట్టు సమాచారం. మొత్తం మీద జిల్లాలోని అనేక ప్రాంతాల్లో అక్రమ విద్యుత్‌ వ్యాపారం విద్యుత్‌ శాఖ కనుసన్నల్లోనే జరుగుతోందనే ఆరోపణలు వినిపిస్తున్నాయి. దీనిపై ఉన్నతాధికారులు పటిష్ట నిఘా పెట్టాలని పలువురు కోరుతున్నారు.

● బట్టలు ఉతుకుతూ మహిళ గల్లంతు ● కాపాడేందుకు కొడుకు ప్రయత్నం విఫలం ● తణుకులో పెళ్లింట విషాదం తణుకు అర్బన్‌: కాలువలో బట్టలు ఉతుకుతూ కోతుల అలజడికి భయపడిన మహిళ అదుపుతప్పి గల్లంతైన ఘటన తణుకులో శుక్రవారం చోటుచేసుకుంది. పోలీసులు, స్థానికులు తెలిపిన వివరాల ప్రకారం.. తణుకు 20వ వార్డు చక్కా వారి వీధిలో నివసిస్తున్న కొచ్చెర్ల పద్మ తులసి (53) శుక్రవారం సాయంత్రం తన నివాస ప్రాంతం స్టేట్‌ బ్యాంక్‌ సమీపంలోని గోస్తనీ కాలువ రేవులో బట్టలు ఉతుకున్నారు. అదే సమయంలో కాలువ రేవును ఆనుకుని ఉన్న రావిచెట్టుపై ఉన్న కోతుల గుంపు మీదకు వచ్చే క్రమంలో భయపడి ఆమె వేసిన వెనుకడుగుతో కాలువలోకి కొట్టుకుపోయింది. అక్కడే ఉన్న ఆమె కుమారుడు సైతం కాలువలోకి దిగినా కాపాడలేక పోగా అతను కూడా ప్రమాద పరిస్థితుల్లోకి వెళ్లగా వెంటనే సమీపంలో ఉన్న వ్యక్తి బయటకు లాగారు. దీంతో స్థానికంగా ఉన్న వారితోపాటు పోలీసులు, అగ్నిమాపక సిబ్బంది మహిళ జాడ కోసం ప్రయత్నించినా నీటి ప్రవాహం అధికంగా ఉండటంతో ఫలితం లేకపోయింది. అమ్మా.. అమ్మా.. అంటూ రోదనలు కాలువ రేవు వద్దే ఉన్న కుమారుడు వీర వెంకట నాగ సత్యనారాయణ (సతీష్‌) తల్లి కొట్టుకుపోవడాన్ని స్వయంగా చూసి ఈత రానప్పటికీ కాలువలోకి దూకి నట్టు స్థానికులు చెబుతున్నారు. తల్లి పూర్తిగా నీటిలో మునిగిపోగా సతీష్‌ కూడా నీటిలో గల్లంతయ్యే పరిస్థితుల్లో స్థానికంగా ఉన్న కిరణ్‌ అనే వ్యక్తి కాపాడినట్టుగా తెలుస్తోంది. ప్రమాదం నుంచి బయటపడ్డ సతీష్‌ అమ్మా అమ్మా అంటూ చేసిన రోదనలు మిన్నంటాయి. ఇటీవలే కుమార్తె వివాహం పద్మ తులసికి భర్త చిదంబరంతోపాటు కుమారుడు, కుమార్తె ఉన్నారు. చిదంబరం బంగారం తయారీ పనిచేస్తుండగా, కుమారుడు సాఫ్ట్‌వేర్‌ ఉద్యోగం చేస్తూ హైదరాబాద్‌లో ఉంటున్నారు. గతనెలలో కుమార్తె వివాహం జరగ్గా ఇల్లంతా పెళ్లి సందడితో ఉన్న సమయంలో ఇటువంటి ప్రమాదం చోటుచేసుకోవడం ఆ కుటుంబానికి తీరని దుఃఖాన్ని మి గిల్చింది. ఈ ప్రాంతంలో కోతుల బాధ అధికంగా ఉందని ఎన్నోసార్లు అధికారుల దృష్టికి తీసుకువెళ్లినా పట్టించుకోవడంలేదని, గతంలో ఒకసారి కో తులను పట్టుకున్నారని కానీ మరలా ఎటువంటి చర్యలు తీసుకోలేదని స్థానికులు ఆరోపిస్తున్నారు. కోతులు మీదకు వస్తున్నాయనే భయంతోనే పద్మ తులసి కాలువలోకి వెనక్కి అడుగువేసిందని, దీంతో ఆమెకాలువలోకి కొట్టుకుపోయిందంటూ స్థానికులు ఆందోళన వ్యక్తం చేస్తున్నారు.

భీమవరం (ప్రకాశంచౌక్‌): ఖరీఫ్‌ 2026–27 సీజన్‌లో రైతుల నుంచి ధాన్యాన్ని కనీస మద్దతు ధరకు సజావుగా కొనుగోలు చేసేందుకు పటిష్ట చేయాలని జాయింట్‌ కలెక్టర్‌ కె.ఆర్‌. కల్పశ్రీ అధికారులను ఆదేశించారు. శుక్రవారం కలెక్టరేట్‌లో వ్యవసాయ, పౌరసరఫరాల శాఖల అధికారులతో ధాన్యం కొనుగోలుపై ఆమె సమావేశం నిర్వహించారు. కామన్‌ వైరెటీ ధాన్యం క్వింటాల్‌కు రూ.2,441, గ్రేడ్‌–ఏ రకానికి రూ.2,461 కనీస మద్దతు ధరగా నిర్ణయించినట్టు తెలిపారు. ధాన్యం కొనుగోలు కేంద్రాల్లో విలేజ్‌ అగ్రికల్చర్‌ అసిస్టెంట్లు మూడు రోజుల్లో సెల్ఫ్‌ డిక్లరేషన్‌ ప్రక్రియను పూర్తి చేయాలని, తూనికలు, కొలతల పరికరాలను పరిశీలించి సిద్ధంగా ఉంచాలని ఆదేశించారు. కొనుగోలు కేంద్రాల్లో తేమ శాతం కొలిచే మీటర్ల పరిశీలన, ధ్రువీకరణ ప్రక్రియను పది రోజుల్లో పూర్తి చేయాలన్నారు. రైస్‌ మిల్లర్లు తమ డిక్లరేషన్‌ ప్రక్రియను మూడు రోజుల్లో ఆన్‌లైన్‌లో పూర్తి చేయాలని సూచించారు. ధాన్యం రవాణాకు వినియోగించే వాహనదారులు కొనుగోలు కేంద్రాల్లో వెంటనే రిజిస్ట్రేషన్‌ చేసుకోవాలని, ధాన్యం ధరతో పాటు రవాణా చార్జీలను కూడా ప్రభుత్వం చెల్లిస్తుందని స్పష్టం చేశారు. జిల్లాలో ఈ–క్రాప్‌ 87 శాతం, ఈ–కేవైసీ 71 శాతం మా త్రమే పూర్తయిందని, ఈనెల 25లోగా నూరు శాతం పూర్తి చేయాలని ఆదేశించారు. రైతులకు మద్దతు ధరపై వ్యవసాయ శాఖ అధికారులు అవగాహన సదస్సులు నిర్వహించాలని సూచించారు. డీఎం ఇబ్రహీం, డీఎస్‌ఓ ఎన్‌.సరోజ, డీఏఓ జి.సునీత, డీసీఓ ఎస్‌.మురళీకృష్ణ పాల్గొన్నారు. జేసీ కల్పశ్రీ

సాక్షి, టాస్క్‌ఫోర్సు: కొల్లేరులో కొత్త రాజకీయ పరిణామాలు వెలుగుచూస్తున్నాయి. రానున్న స్థానిక సంస్థల ఎన్నికల్లో కొల్లేరు గ్రామానికి చెందిన స్థానికుడికే జెడ్పీటీసీ స్థానం కేటాయించాలనే ప్రధాన డిమాండ్‌తో కై కలూరు మండలం వడ్లకూటితిప్ప గ్రామంలో కై కలూరు, మండవల్లి, పైడిచింతపాడు మండలాల కొల్లేరు పెద్దలు గురువారం కీలక సమావేశం నిర్వహించారు. కొట్టాడ గ్రామానికి చెందిన వడ్డీ సాధికారిక కమిటీ రాష్ట్ర కన్వీనర్‌ బలే ఏసురాజుకు జెడ్పీటీసీ అవకాశం కల్పించాలని, ఈ విషయాన్ని కై కలూరు ఎమ్మెల్యే కామినేని శ్రీనివాస్‌ దృష్టికి తీసుకెళ్లాలని సమావేశంలో నిర్ణయించారు. కొల్లేరు గ్రామాల ప్రజలందరి తరఫున తనకు అవకాశం కల్పించాలని బలే ఏసురాజు సైతం సభలో తన ఆకాంక్షను వ్యక్తపరిచారు. సమావేశం జరుగుతున్న సమయంలో ఎమ్మెల్యే కామినేని శ్రీనివాస్‌ ఫోన్‌ చేసి, కొల్లేరు అభివృద్ధికి ప్రభుత్వం కట్టుబడి ఉందని చెప్పారు. అందరూ ఏకాభిప్రాయంతో ఎన్నుకునే అభ్యర్ధికి తగిన న్యాయం చేస్తానని ఆయన హామీ ఇచ్చారు. ఈ కార్యక్రమంలో కొల్లేరు పెద్దలు సైదు సత్యనారాయణ, నబిగారి రాంబాబు, జయమంగళ సుబ్బరాజు, సైదు దుర్గారావు తదితరులు పాల్గొన్నారు. సమావేశం అనంతరం అందరికీ విందు ఏర్పాటు చేశారు. కూటమిలో కుమ్ములాటలకు ఆజ్యం? కూటమిలో స్థానిక సంస్థల జెడ్పీటీసీ అభ్యర్థిత్వం కోసం ఆశావహుల సంఖ్య ఎక్కువగా ఉంది. కొందరు ఇంకా బయటపడకుండా, సరైన సమయం చూసి తమ అభిప్రాయం చెప్పాలని భావిస్తున్నారు. కై కలూరు జెడ్పీటీసీ అభ్యర్థిగా బీసీ సామాజికవర్గానికి చెందిన బూరుబోయిన శ్రీనివాసరావు పేరు గట్టిగా వినిపిస్తోంది. అదేవిధంగా ముదునూరి లింగరాజుకు జెడ్పీటీసీ లేదా ఎంపీపీగా అవకాశం వచ్చే అవకాశాలు ఉన్నట్లు తెలుస్తోంది. రానున్న రోజుల్లో పోటీ మరింత తీవ్రతరం కానుంది. ఇదిలాఉంటే, కొల్లేరు వడ్డీ సామాజికవర్గానికి చెందిన ఎమ్మెల్సీ జయమంగళ వెంకటరమణ ఈ కీలక సమావేశానికి హాజరుకాకపోవడంపై సర్వత్రా చర్చ జరుగుతోంది. స్థానిక సంస్థల ఎన్నికలపై వడ్లకూటితిప్పలో కొల్లేరు పెద్దల సమావేశం బలే ఏసురాజుకు జెడ్పీటీసీ కోసం తీర్మానం కూటమిలో కుమ్ములాటలకు ఆజ్యం హాజరుకాని ఎమ్మెల్సీ జయమంగళ

భీమవరం (ప్రకాశంచౌక్‌): భీమవరం కలెక్టరేట్‌లో గురువారం విశ్వకర్మ జయంతి సందర్భంగా ఆ యన చిత్రాపటానికి కలెక్టర్‌ సీహెచ్‌ నాగరాణి పూ లమాలలు వేసి నివాళులర్పించారు. విశ్వకర్మ వృత్తిదారులు, శిల్పకారులు, చేతివృత్తిదారులకు శుభాకాంక్షలు తెలిపారు. విరాట్‌ విశ్వకర్మను సృష్టి, ని ర్మాణ నైపుణ్యానికి ప్రతీకగా భావిస్తారని, భారతీయ సంస్కృతిలో శిల్పకళ, చేతివృత్తులు, నిర్మాణ రంగానికి విశిష్ట స్థానం ఉందని అన్నారు. సమాజ అభివృద్ధికి, ఆర్థిక పురోగతికి విశ్వకర్మ వృత్తిదారులు అందిస్తున్న సేవలు అభినందనీయమన్నారు. అనంతరం జ్యోతిబా పూలే విగ్రహాన్ని ఆమె ఆవిష్కరించారు. డీఆర్వో పి.గ్లోరియా, జిల్లా బీసీ వెల్ఫేర్‌ అధికారి ఏవీ సూరిబాబు తదితరులు పాల్గొన్నారు.

ఉండి : మా బాధలు పట్టించుకునేదెవరు? మమ్మల్ని ఆదుకునేదెవరు? ఇప్పటికే అప్పులపాలైపోయాము.. నమ్ముకున్న వృత్తిని విడిచిపెట్టలేక కొనసాగుతున్నాము.. దయచేసి ఇప్పుడైనా మమ్మల్ని ఆదుకోండి బాబూ... అంటూ వీఆర్‌ఏలు కన్నీటిపర్యంతమయ్యారు. గురువారం ఉండి తహసీల్దార్‌ కార్యాలయం ముందు గ్రామ రెవెన్యూ సహాయకుల సంఘ జేఏసీ పిలుపుమేరకు వీఆర్‌ఏలు సహాయ నిరాకరణ సమ్మె కార్యక్రమాన్ని చేపట్టారు. రాష్ట్ర ప్రభుత్వంతో తాడోపేడో తేల్చుకుంటామంటూ వారు కాలుదువ్వుతున్నారు. ప్రధాన డిమాండ్లు వీఆర్‌ఏలు అందరికీ తెలంగాణా మాదిరి పేస్కేలు అమలు చేయాలి. నామినీ వీఆర్‌ఏలను రెగ్యులర్‌ వీఆర్‌ఏలుగా గుర్తించాలి. వన్‌టైం సెటిల్‌మెంట్‌గా గ్రేడ్‌ టూ వీఆర్‌ఓలుగా పదోన్నతి కల్పించాలి. అటెండర్‌, నైట్‌ వాచ్‌మెన్‌, డ్రైవర్‌ పోస్టుల ప్రమోషన్‌ కోటా ఇంత వరకు 20 శాతం మాత్రమే ఉండగా దానిని 70 శాతం పెంచాలని వీరు డిమాండ్‌ చేస్తున్నారు. వీఆర్‌ఏల వివరాలు ● ఉమ్మడి జిల్లాలో వీఆర్‌ఏలు సుమారు 1,200 ● పదోన్నతికి అవకాశం ఉన్నవారు సుమారు 800 నామినీలుగా పనిచేస్తున్న వారు సుమారు 150 ● గ్రేడ్‌ టూ వీఆర్వోలుగా పదోన్నతికి అర్హులు సుమారు 500

బుట్టాయగూడెం : చింతలపూడి ఎత్తిపోతల పథకం భూసేకరణ బాధితులు గత ఎనిమిదేళ్లుగా పరిహారం సొమ్ము కోసం ఎదురు చూస్తున్నారు. 2018లో చింతలపూడి ఎత్తిపోతల పథకం సబ్‌ కెనాల్‌ (పంట కాల్వ) పనుల నిమిత్తం సుమారు 200 మంది రైతుల నుంచి అధికారులు భూమిని సేకరించి అవార్డు పాస్‌ చేశారు. అయితే, నేటికీ రైతుల ఖాతాల్లోకి పరిహారం సొమ్ము జమకాకపోవడంతో.. ఆ డబ్బుల కోసం అధికారుల కార్యాలయాల చుట్టూ తిరుగుతున్నా పట్టించుకునే నాథుడే కరువయ్యామంటూ వారు ఆవేదన వ్యక్తం చేస్తున్నారు. రైతులకు భూముల డబ్బులు చెల్లించకుండానే వారి పేర్లను రికార్డుల్లో తొలగిస్తున్నారని ఆరోపిస్తున్నారు. ప్రస్తుతం ఈ ప్రాజెక్టు పనుల్లో మళ్లీ కదలిక రావడంతో.. తమ భూములకు 2013 భూసేకరణ చట్టం ప్రకారమే నష్టపరిహారం చెల్లించాలని, లేకుంటే భూములు ఇచ్చేది లేదని రైతులు స్పష్టం చేస్తున్నారు. ఏం జరిగిందంటే..? బుట్టాయగూడెం మండలం రెడ్డిగణపవరం రెవెన్యూ పరిధిలో చింతలపూడి మెయిన్‌ కెనాల్‌ నుంచి సబ్‌ కెనాల్‌ పనుల కోసం అధికారులు భూసేకరణ చేపట్టారు. మెయిన్‌ కెనాల్‌ నుంచి శివారు భూమి వరకూ సుమారు 7 కిలోమీటర్ల పొడవునా రెడ్డిగణపవరం, వాడపల్లి కాలనీ, పట్టినపాలెం, పుల్లేపూడి, జైనవారిగూడెం తదితర గ్రామాలకు చెందిన సుమారు 200 మంది సన్న, చిన్నకారు రైతుల నుంచి భూములు సేకరించారు. 2016 నుంచి 2018 వరకు ఈ ప్రక్రియ కొనసాగగా.. 2018లోనే ఈ భూములకు సంబంధించిన అవార్డు ప్రక్రియ కూడా పూర్తయింది. అయితే, అప్పటి నుంచి కేవలం ఇద్దరు రైతులకు మాత్రమే పరిహారం చెల్లించి, మిగిలిన వారికి నేటికీ ఒక్క రూపాయి కూడా ఖాతాలో జమ చేయలేదని రైతులు వాపోతున్నారు. చింతలపూడి ఎత్తిపోతల పథకానికి సంబంధించి భూముల సేకరణ 8 ఏళ్లుగా పరిహారం చెల్లించని వైనం కార్యాలయాల చుట్టూ తిరుగుతున్న 200 మంది రైతులు సొమ్ములు చెల్లించకుండానే భూమి రికార్డుల్లో రైతుల పేర్లు తొలగింపు మండిపడుతున్న రైతులు ‘తాము 2018లో భూములిచ్చిన సమయంలో అధికారులు ఎటువంటి పరిహారం చెల్లించకుండా ఏళ్ల తరబడి తిప్పించుకున్నారు. ప్రస్తుతం ఆ భూములకు 2013 భూసేకరణ చట్టం ప్రకారం ధరలు పెంచి ఇస్తేనే భూములు ఇస్తాం. దాదాపు దశాబ్ద కాలంగా పరిహారం కోసం అధికారుల చుట్టూ తిరిగి ఎంతో నష్టపోయాం. 200 మంది రైతులు భూములిస్తే అందులో కేవలం ఇద్దరికే సొమ్ములు చెల్లించి, మిగిలిన వారికి ఇప్పటివరకు ఎందుకు ఇవ్వలేదో అర్థం కావడం లేదు’ అని రైతులు ఆవేదన వ్యక్తం చేస్తున్నారు. ఇప్పటికై నా అధికారులు స్పందించి, పెంచిన ధరల ప్రకారం నష్టపరిహారాన్ని సకాలంలో చెల్లించాలని డిమాండ్‌ చేస్తున్నారు.

ఒకే ఒక్క ప్రశ్న.. ఆమె ఆలోచనలకు పదును పెట్టింది.. అంధుల జీవితాల్లో వెలుగులు నింపే ముద్రణా యంత్రానికి నాంది పలికింది.. ‘బ్రెయిలీ లిపిలో బటన్స్‌ నొక్కడానికి బదులు మేం మాట్లాడితే అక్షరాలు వచ్చే సాంకేతికత రాదా’ అంటూ ఓ అంధ విద్యార్థి అమాయకంగా అడిగిన ప్రశ్నకు పరిష్కారం ఆ ఇంజనీరింగ్‌ విద్యార్థినికి అంతర్జాతీయ స్థాయిలో గుర్తింపు తీసుకువచ్చింది. బ్రెయిలీ లిపిని మరింత సులభతరం చేసే ‘రుద్ర’ ముద్రణ యంత్రాన్ని ఆవిష్కరింపజేసింది. ● అంధుల జీవితాల్లో వెలుగులు ● సరికొత్త ముద్రణా యంత్రం ఆవిష్కరణ ● అంతర్జాతీయ స్థాయి పోటీలకు బీటెక్‌ విద్యార్థిని హిమజ ప్రాతినిధ్యం భీమవరం : ఏలూరు జిల్లా చింతలపూడికి చెందిన లింగంపల్లి కిషోర్‌కుమార్‌, వాణి దంపతుల కుమార్తె హిమజ భీమవరం విష్ణు ఉమెన్స్‌ కళాశాలలో బీటెక్‌ నాల్గో సంవత్సరం చదువుతోంది. కాలేజీలో మా మూలుగా నిర్వహించే కార్యక్రమంలో భాగంగా ఆమె రెండేళ్ల కిత్రం పట్టణంలో నేత్ర వైద్యుడు యూవీ రమణరాజు నిర్వహిస్తున్న అంధుల పాఠశాలను సందర్శించింది. ఆ సమయంలో ఓ అంధ విద్యార్థి స్లేట్‌ పిన్‌తో కాగితాన్ని ఒక్కో చుక్కగా గుచ్చుతూ బ్రెయిలీ రాయడం ఆమె దృష్టిలో పడింది. సాంకేతికత ద్వారా బ్రెయిలీ రాయడంలో అంధ విద్యార్థులకు శారీరక శ్రమను తగ్గించి సులభతరం ఎలా చేయాలనే దానిపై ఆలోచన చేసింది. స్వరంతో పనిచేసే యంత్రం ‘బ్రెయిలీని సులభంగా రాయలేమా’ అన్న ఆలోచన ఆమెను బ్రెయిలీ ప్రింటర్‌ను తయారుచేసేందుకు ప్రేరణ కలిగించింది. ఆమె ప్రయత్నం ‘రుద్ర’ ముద్రణ యంత్రంగా రూపుదిద్దుకుంది. ముందుగా హిమజ అ లెక్సాను ఉపయోగించి సిస్టమ్‌ లో వాయిస్‌ ఇన్‌పుట్‌ను ఎలా పొందుపర్చవచ్చో అన్వేషించడం ప్రారంభించి బటన్స్‌ ఆ ధారిత నమూనాని వాయిస్‌ ద్వారా పనిచేసే బ్రెయిలీ ప్రింటింగ్‌ పరికరంగా మార్చింది. దీని ద్వారా అంధులు మాట్లాడిన మాటలను బ్రెయిలీలోకి మార్చి దానికి సంబంధించిన అక్షరాలను ముద్రించవచ్చు. ఈ యంత్రం ఇచ్చే బ్రెయిలీ నమూనాలను వాటి అసలు రూపంలో స్పర్శించి చదవవచ్చని, దీనివల్ల కాగితాలను తిప్పడం, చదవడానికి ముందు దానికి సంబంధించిన నమూనాని నేర్చుకోవాల్సిన అవసరం ఉండదని హిమజ తెలిపింది. ఏడాదిన్నర కృషి ఇంజనీరింగ్‌ డ్రాయింగ్‌, పవర్‌ ఎలక్ట్రానిక్స్‌, ఎంబెడెడ్‌ సిస్టమ్స్‌, సెన్సార్స్‌ వంటి అంశాలు ఈ యంత్రాన్ని అభివృద్ధి చేయడంలో తనకు సహాయపడ్డాయని, దాదాపు ఏడాదిన్నర సమయం, రూ.1.50 లక్షల వ్యయమయ్యిందని హిమజ తెలిపింది. విష్ణు కళాశాల యాజమాన్యం ప్రోత్సాహం, అధ్యాపకుల సహాయంతో ఈ ప్రాజెక్ట్‌ను పూర్తిచేసినట్లు ఆమె చెప్పింది. రూ.6 లక్షల బహుమతి ఈ ఆవిష్కరణ ఆన్‌లైన్‌ పోటీలో మన దేశంలో జేమ్స్‌ డైసన్‌ అవార్డుతోపాటు రూ.6 లక్షల నగదు బహుమతి గెలుచుకుంది. అంతర్జాతీయస్థాయి పో టీలో హిమజ భారతదేశానికి ప్రాతినిధ్యం వహించనుండటం తమ విద్యాసంస్థకు గర్వకారణమని శ్రీవిష్ణు విద్యాసంస్థల చైర్మన్‌ కె.విష్ణురాజు చెప్పారు. హిమజ చదువుతో పాటు కూచిపూడి, శాసీ్త్రయ నృత్యంలో శిక్షణ పొందడమేగాక పలు ప్రదర్శనలిచ్చి గిన్నిస్‌ వరల్డ్‌ రికార్డులో స్థానం సంపాదించింది. గిటార్‌లో ప్రావీణ్యంతో పాటు త్రోబాల్‌, బ్యాడ్మింటన్‌ పోటీల్లో పాల్గొంది. ప్రస్తుత వెర్షన్‌ తయారీకి ప్రోటోటైప్‌ను స్థిరంగా, సమర్థవంతంగా చేయడానికి బరువైన లోహాన్ని, ఇతర ప్రామాణిక భాగాలను ఉపయోగించడం వల్ల ఖర్చు ఎక్కువైందని, ప్రత్యేకంగా విద్యార్థుల ఉపయోగం కోసం వేర్వేరు అంశాలతో పునః రూపకల్పన చేస్తే ధరను సుమారు రూ.50 వేలకు తగ్గించే అవకాశముందని హిమజ తెలిపింది. ప్రస్తుత యంత్రంలో ప్రింటర్‌ హెడ్‌ ఎక్స్‌, వై అక్షరాలపై కదులుతుండగా కాగితం స్థిరంగా ఉంటుంది. అయితే భవిష్యత్తులో ఈ పరికరాన్ని ప్రయాణానికి అనుకూలంగా మరింత చిన్నదిగా తేలికై ందిగా ప్రింటర్‌ హెడ్‌ స్థిరంగా ఉండి కాగితం మాత్రమే కదిలే డిజైన్‌ను కూడా అన్వేషిస్తున్నట్టు చెప్పింది.

చింతలపూడి : తిమ్మిరెడ్డిపల్లిలో ఓ దుండగుడు ఒంటరిగా ఉన్న మహిళను లక్ష్యంగా చేసుకుని, ఆమె మెడలోని బంగారు గొలుసును తెంచుకెళ్లాడు. బాధితురాలి వివరాల ప్రకారం.. బుధవారం రాత్రి 7 గంటల సమయంలో గ్రామానికి చెందిన పామర్తి నాగేశ్వరమ్మ ఇంట్లో ఒంటరిగా ఉన్న సమయంలో, ఓ గుర్తుతెలియని వ్యక్తి ఆమె మెడలో ఉన్న సుమారు 3.5 కాసుల బంగారు పుస్తెలతాడును క్షణాల వ్యవధిలో లాక్కొని పరారయ్యాడు. బాధితురాలు తేరుకుని కేకలు వేసేలోపే దుండగుడు అక్కడి నుంచి పరారైనట్లు సమాచారం. బాధితురాలి ఫిర్యాదు మేరకు ఎస్సై సతీష్‌ కుమార్‌ గురువారం ఘటనా స్థలానికి చేరుకుని వివరాలు సేకరించారు. నిందితుడి ఆచూకీ కనుగొనేందుకు డాగ్‌ స్క్వాడ్‌ను రంగంలోకి దించి, పరిసర ప్రాంతాల్లో విస్తృతంగా గాలింపు చర్యలు చేపట్టారు. ఈ ఘటనపై కేసు నమోదు చేసి దర్యాప్తు జరుపుతున్నట్లు ఎస్సై తెలిపారు.

ద్వారకాతిరుమల: జూదానికి అలవాటుపడిన ఓ యువకుడు ఆర్థిక అవసరాల కోసం దొంగతనాలకు పాల్పడుతూ పోలీసులకు చిక్కాడు. స్థానిక పోలీస్‌స్టేషన్‌న్‌లో గురువారం భీమడోలు సీఐ పి.కృష్ణ, ద్వారకాతిరుమల ఎస్సై టి.సుధీర్‌ కేసు వివరాలను వెల్లడించారు. మండలంలోని తిరుమలంపాలెం గ్రామానికి చెందిన మిడతా లక్ష్మణరావు ఇంట్లో ఈ ఏడాది మార్చి 15న మధ్యాహ్నం దొంగలు పడి, బీరువాలోని వెండి వస్తువులతో పాటు రూ. 70 వేల నగదును చోరీ చేశారు. బాధితుడి ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు. విచారణలో చోరీకి పాల్పడింది అదే గ్రామానికి చెందిన చెల్లింకల శ్రీధర్‌గా గుర్తించి అతడిని అరెస్టు చేశారు. నిందితుడి నుంచి 244 గ్రాముల బరువున్న వెండి పట్టీలు, వెండి గ్లాసు, పూజకు ఉపయోగించే వెండి కుందులు, వెండి కుంకుమ భరణిని పోలీసులు స్వాధీనం చేసుకున్నారు. చిన్న వయస్సులోనే జూదానికి అలవాటుపడిన శ్రీధర్‌ ఆర్థిక అవసరాల కోసం దొంగతనాలకు పాల్పడుతున్నట్టు విచారణలో వెల్లడైందని ఎస్సై సుధీర్‌ తెలిపారు. ఏలూరు జిల్లా ఎస్పీ కె.ప్రతాప్‌ శివకిషోర్‌ ఆదేశాల మేరకు, అదనపు ఎస్పీ ప్రసాదరావు, డీఎస్పీ డి.శ్రావణ్‌కుమార్‌ ఆధ్వర్యంలో, సీఐ పి.కృష్ణ పర్యవేక్షణలో ఎస్సై, సిబ్బంది కేసు దర్యాప్తు నిర్వహించారు.

ఉంగుటూరు, పొలకొల్లు సెంట్రల్‌ : రోడ్డుపై అకస్మాత్తుగా అడ్డువచ్చిన శునకాన్ని ద్విచక్రవాహనం ఢీకొన్న ఘటనలో ఒక యువకుడు అక్కడికక్కడే మృతి చెందగా, మరొకరు తీవ్రంగా గాయపడ్డారు. ఈ విషాదకర ఘటన ఉంగుటూరు మండలం కై కరం శివారులో గురువారం చోటుచేసుకుంది. స్థానికులు తెలిపిన వివరాల ప్రకారం.. పశ్చిమ గోదావరి జిల్లా పాలకొల్లు మండలం లంకలకోడేరు గ్రామానికి చెందిన దొంగ చైతన్య ప్రకాష్‌ (27), పోడూరు మండలం జున్నూరు గ్రామానికి చెందిన జుత్తిగ చిన్న వెంకటేశులుతో కలిసి ద్విచక్రవాహనంపై ద్వారకాతిరుమల క్షేత్ర దర్శనానికి బయలుదేరారు. వీరు ప్రయాణిస్తున్న బైక్‌ కై కరం శివారులోకి రాగానే, ఒక్కసారిగా రోడ్డుపైకి శునకం అడ్డుగా వచ్చింది. దీంతో వేగంగా వస్తున్న బైక్‌ శునకాన్ని ఢీకొని అదుపుతప్పి కిందపడిపోయింది. ఈ ప్రమాదంలో బైక్‌ వెనుక సీటులో కూర్చున్న చైతన్య ప్రకాష్‌కు తలకు తీవ్ర గాయాలై అక్కడికక్కడే ప్రాణాలు కోల్పోయాడు. బైక్‌ నడుపుతున్న చిన్న వెంకటేశు తీవ్రంగా గాయపడగా మెరుగైన చికిత్స నిమిత్తం ఆసుపత్రికి తరలించారు. కాగా, ఈ దుర్ఘటనలో శునకం కూడా అక్కడికక్కడే మృతి చెందింది. సమాచారం అందుకున్న ఉంగుటూరు పోలీసులు వెంటనే ఘటనా స్థలానికి చేరుకుని పరిశీలించారు. ఈ ఘటనపై కేసు నమోదు చేసి దర్యాప్తు చేస్తున్నారు. శోకసంద్రం దొంగ చైతన్య ప్రకాష్‌, జుత్తిగ చిన్న వెంకటేశులు మేనత్త మేనమామ బిడ్డలు. వెంకటేశ్వర్లు ఈ నెలాఖరు లోపు సింగపూర్‌ వెళ్లవలసి ఉంది. గురువారం ద్వారకాతిరుమల వెళ్లి స్వామివారిని దర్శించుకుని వద్దామని చెప్పగా అతనితో చైతన్య కూడా వెళ్లాడు. ప్రమాదవశాత్తు జరిగిన ఈ సంఘటనలో చైతన్య మృతి చెందడంతో కుటుంబ సభ్యులు శోకసంద్రంలో మునిగిపోయారు. మృతుడు చైతన్య తండ్రి కోటేశ్వరరావు వ్యవసాయం పనులు చేస్తుంటాడు. ఆయనకు చైతన్యతో పాటు, కుమార్తె ఉన్నారు. మరో వ్యక్తికి తీవ్ర గాయాలు

జిల్లా వ్యవసాయాధికారి షేక్‌ హబీబ్‌ బాషా నూజివీడు: రైతులు వ్యాపారులు మామిడి, పామాయిల్‌ తోటలలో శ్రీప్లాకోబుట్రాజోల్‌శ్రీ (కల్తార్‌/నీరియా/కల్ట్‌/ప్లాకో)ను విచ్చలవిడిగా ఉపయోగిస్తున్నారని, దీనివల్ల ఆయా తోటల్లోని చెట్ల జీవనశైలి దెబ్బతిని, పెరుగుదల నిలిచిపోతుందని ఏలూరు జిల్లా వ్యవసాయాధికారి షేక్‌ హబీబ్‌ బాషా పేర్కొన్నారు. గురువారం ఆయన మండలంలోని శ్రీ బాలాజీ ట్రేడింగ్‌ కంపెనీ, హోసన్నా ట్రేడర్స్‌ దుకాణాలను సందర్శించి, ప్లాకోబుట్రాజోల్‌ అమ్మకాలను పరిశీలించారు. ఈ సందర్భంగా ఆయన మాట్లాడుతూ, ఈ రసాయనాలను ఉపయోగించడం వల్ల చెట్ల పెరుగుదల నియంత్రించబడి, అధిక పూత వచ్చే అవకాశం ఉంటుందన్నారు. అంతేగాక, ఇది మొక్కల్లో శ్రీజిబ్బరెల్లిక్‌ ఆసిడ్‌శ్రీ తయారీని అడ్డుకుంటుందని తెలిపారు. దీంతో మొక్కలు, చెట్ల జీవ ప్రక్రియపై ప్రతికూల ప్రభావం పడి అవి దెబ్బతింటాయన్నారు. ఈ మందు వాడకం వల్ల కణ విభజన తగ్గి, ఆ శక్తి పునరుత్పత్తికి మళ్లడంతో త్వరగా, మరింత ఎక్కువ పూత వస్తుందని వివరించారు. ఈ మందును ఉపయోగించడం వల్ల రావలసిన సమయం కంటే దాదాపు రెండు నెలల ముందే పంట కోతకు వస్తుందని తెలిపారు. మోతాదు.. వాడే పద్ధతి మామిడి పంటలో 7–15 సంవత్సరాల వయస్సున్న చెట్లకు 15 మి.లీ. మందు, 16–25 సంవత్సరాల వయస్సున్న చెట్లకు 20 మి.లీ. మందు, 25 సంవత్సరాలకు పైబడిన చెట్లకు 25–40 మి.లీ. మందును 10 లీటర్ల నీటిలో కలిపి, మామిడి చెట్టు కాండం నుంచి 30 సెం.మీ. దూరంలో, 5 నుంచి 10 సెంటీమీటర్ల లోతులో నేలలో ఉపయోగించాలని సూచించారు. సిఫారసు చేసిన దానికంటే ఈ మందును ఎక్కువ మోతాదులో వాడకూడదని, అలా వాడితే స్వల్పంగా దిగుబడి పెరిగినా, భవిష్యత్తులో మామిడి పంటపై తీవ్ర ప్రభావం పడి చెట్లు చనిపోయే అవకాశం ఉందని హెచ్చరించారు. ఈ మందును ఉపయోగించాలనుకునే రైతులు తప్పనిసరిగా మండల వ్యవసాయ అధికారి లేదా ఉద్యాన అధికారి సూచనల మేరకే వినియోగించాలని కోరారు. వ్యవసాయ అధికారులు పలగాని చెన్నారావు, బండారు శివశంకర్‌ పాల్గొన్నారు.

తాడేపల్లిగూడెం: ఎల్‌నినో తీవ్రత నివారణ కోసం ప్రణాళిక తయారుచేసినట్టు డాక్టర్‌ వైఎస్సార్‌ ఉద్యాన విశ్వవిద్యాలయం వైస్‌ చాన్సలర్‌ డాక్టర్‌ కె.ధనుంజయరావు తెలిపారు. ఎల్‌నినో పరిస్థితులపై గురువారం జరిగిన వర్చువల్‌ సమావేశంలో వెంకట్రామన్నగూడెం నుంచి వీసీ పాల్గొన్నారు. వర్షాభావ పరిస్థితుల్లో వ్య వసాయం, ఉద్యాన పంటలకు తలెత్తే నష్టాన్ని నివారించేందుకు ప్రణాళిక తయారు చేసిందని వీసీ చెప్పారు. ఇప్పటివరకు కూరగాయలు పండించని ప్రాంతంలో కూరగాయల సాగును ప్రోత్సహించాలన్నారు. ఇంటింటా కూరగాయల సాగును ప్రోత్సహించడానికి విత్తనాల కిట్లు ప్రభుత్వ సాయంతో అందించాలన్నారు. కిచెన్‌ గార్డెన్‌ కిట్లను అందించాలన్నారు. ఉల్లి, టమాటా, ఆయిల్‌పామ్‌ ఉత్పత్తి పెంపు, పప్పు ధాన్యాల ఉత్పత్తిని గరిష్ట స్థాయికి పెంచడానికి వర్సిటీ శాస్త్రవేత్తలు ప్రత్యేక దృష్టి సారించారన్నారు. పండ్ల తోటల్లో డ్రిప్‌ ఇరిగేషన్‌ను అమ లు చేయాలని, మల్చింగ్‌, వీడ్‌ మ్యాట్స్‌ రక్షణ ను ప్రోత్సహించాలన్నారు. ప్రకృతి ఉద్యాన వ్య వసాయ పద్ధతులను క్షేత్రస్థాయిలో రైతులకు చేరాలని రైతు సాధికారక సంస్థ వైస్‌ చైర్మన్‌ టి.విజయకుమార్‌ కోరారు. వర్సిటీ విస్తరణ సంచాలకులు సీహెచ్‌ రూత్‌, పరిశోధనా సంచాలకులు ఎస్‌.సూర్యకుమారి పాల్గొన్నారు. తణుకు అర్బన్‌: అథ్లెటిక్‌ అసోసియేషన్‌ ఆధ్వర్యంలో ఈనెల 20న తణుకు చిట్టూరి ఇంద్ర య్య ప్రభుత్వ డిగ్రీ కళాశాల క్రీడా ప్రాంగణంలో జిల్లా అథ్లెటిక్స్‌ ఎంపికలు నిర్వహించనున్నట్టు అసోసియేషన్‌ జిల్లా కార్యదర్శి సంకు సూర్యనారాయణ తెలిపారు. ఉదయం 9 గంటల నుంచి అండర్‌ 14,16,18,20 బాలురు, బాలికల విభాగాల్లో పోటీలు నిర్వహిస్తామన్నారు. ఎంపికై న క్రీడాకారులను వచ్చేనెల 2 నుంచి 4 వరకు కర్నూలు జిల్లా ఆదోనిలో జరిగే రాష్ట్రస్థాయి పోటీలకు అర్హత సాధిస్తారని చెప్పారు. మరిన్ని వివరాలకు 9989363978, 9676251733 నంబర్లలో సంప్రదించాలని ఆయన కోరారు. తాడేపల్లిగూడెం: క్రిబ్‌కో కంపెనీ నుంచి తాడేపల్లిగూడెంలోని ర్యాక్‌ పాయింటుకు గురు వారం 350 టన్నుల యూరియా వచ్చింది. ప్రై వేటు డీలర్లకు వంద టన్నులు, ఏపీ మార్క్‌ఫెడ్‌కు 250 టన్నులు పంపించినట్టు ర్యాక్‌ ఆఫీసర్‌ నారాయణరావు తెలిపారు. రాబోయే రబీ సీజన్‌లో అవసరాన్ని బట్టి ఈ యూరియాను వినియోగిస్తామన్నారు. భీమవరం (ప్రకాశంచౌక్‌): పీపీపీ విధానంలో ప్రైవేట్‌ ఎంఎస్‌ఎంఈ పార్కులకు ప్రోత్సాహం అందించి నూతన పరిశ్రమల స్థాపనకు కృషి చేస్తున్నట్టు కలెక్టర్‌ సీహెచ్‌ నాగరాణి తెలిపారు. గురువారం కలెక్టరేట్‌లో జిల్లా పరిశ్రమల ఎగుమతుల ప్రోత్సాహక మండలి సమావేశం, పె ట్టుబడిదారులతో ముఖాముఖీ నిర్వహించారు. అర్జీదారులతో నేరుగా మాట్లాడాలి పీజీఆర్‌ఎస్‌ కార్యక్రమంలో అర్జీదారులు పూర్తి సంతృప్తి చెందేలా అధికారులు బాధ్యతతో వ్యవహరించాలని కలెక్టర్‌ ఆదేశించారు. కలెక్టరేట్‌ నుంచి పీజీఆర్‌ఎస్‌పై ఆమె వీడియో కాన్ఫరెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ అర్జీదారులతో అధికారులు స్వయంగా మాట్లాడి వారి సమస్యను పూర్తిగా తెలుసుకోవాలని సూచించారు. భీమవరం: నాణ్యతా ప్రమాణాల పరిశీలనతోనే వినియోగదారులకు రక్షణ కలుగుతుందని బీఐఎస్‌ డిప్యూటీ డైరెక్టర్‌ వివేక్‌వర్ధన్‌ రెడ్డి, స్టాండర్డ్స్‌ ప్రమోషన్‌ ఆఫీసర్‌ డి.కృష్ణవీర్‌వర్మ అన్నారు. బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌), వలంటరీ కన్స్యూమర్‌ అసిస్టెన్స్‌ నె ట్‌వర్క్‌ (వీక్యాన్‌) సంయుక్త ఆధ్వర్యంలో గురువారం స్థానిక వీక్యాన్‌ కార్యాలయంలో వినియోగదారుల అవగాహన సదస్సు నిర్వహించారు. ముఖ్య అతిథులుగా వారు మాట్లాడు తూ వినియోగదారుల హక్కులు, భద్రతా ప్రమాణాలపై దిశానిర్దేశం చేశారు. ఐఎస్‌ఐ మార్క్‌, సీఆర్‌ఎస్‌, హాల్‌మార్క్‌ గుర్తుల ప్రాధాన్యతను వివరించారు. బీఐఎస్‌ కేర్‌ యాప్‌ ద్వారా నాణ్యమైన ఉత్పత్తులనే ఎంపిక చేసుకోవాలని సూచించారు. వీక్యాన్‌ అధ్యక్షుడు, న్యాయవాది సన్నీరాజ్‌ బొమ్మిడి మాట్లాడారు.

అధికార లాంఛనాలతో అంత్యక్రియలు ఏలూరు టౌన్‌: రాష్ట్ర ప్రభుత్వ అధికార లాంఛనాలతో మాజీ ఉప ముఖ్యమంత్రి ఆళ్ల కాళీకృష్ణ శ్రీనివాస్‌ (ఆళ్ల నాని) పార్థీవదేహానికి గురువారం ఏలూరు శనివారపుపేట ఆయన స్వగృహం వద్ద అంత్యక్రియలు నిర్వహించారు. ఉదయం నుంచి జిల్లావ్యాప్తంగా వేలాదిగా రాజకీయ పార్టీల నేతలు, ప్రముఖులు, కార్యకర్తలు, అభిమానులు, బంధువులు తరలివచ్చారు. నానిని కడసారి చూడాలనే కోరికతో భారీసంఖ్యలో ఏలూరు చేరుకున్నారు. ఆయన పార్థీవదేహాన్ని ప్రజల సందర్శనార్థం ఇంటి వద్దనే ఉంచారు. అనంతరం అంత్యక్రియల నేపథ్యంలో పార్థీవదేహాన్ని ప్రత్యేకంగా అలంకరించిన వాహనంలో ఉంచి పురవీధుల్లో తిరిగారు. ప్రధాన రహదారుల వెంబడి ప్రజలు ఆయనకు జోహార్లు అర్పించారు. ఆ సమయంలో ఒక్కసారిగా వాతావరణంలో మార్పు రావటంతో భారీ వర్షం కురిసింది. వర్షం కురుస్తున్నా అభిమానులు ఆయన కోసం తడుస్తూనే అంత్యక్రియల్లో పాల్గొన్నారు. నాని ఫ్లెక్సీలతో యువత తమ అభిమానాన్ని చాటుకున్నారు. అధికార లాంఛనాలతో.. ఏలూరు శనివారపుపేట ప్రాంతంలోని నాని స్వగృహం వద్ద అంత్యక్రియలు నిర్వహించారు. పోలీసు అధికారులు, సిబ్బంది అ ధికార లాంఛనాలతో గౌరవ వందనం చేస్తూ గన్‌ సెల్యూట్‌ సమర్పించారు. గౌరవ సూచకంగా గాలిలోకి తుపాకులు పేల్చి గౌరవ వందనం చేశారు. అనంత రం గౌరవ వందనంగా ప్రత్యేక గీతాన్ని ఆలపించా రు. అంత్యక్రియల్లో నాని సతీమణి, ఇద్దరు కు మారులు, కుటుంబ సభ్యులు పాల్గొన్నారు. ప్రత్యేక ప్రార్థనలు : ఏలూరు రోమన్‌ కథోలిక్‌ పీఠానికి చెందిన వికార్‌ జనరల్‌ డాక్టర్‌ బాల, ప్రొక్యూటర్‌ మైకేల్‌, ఫాదర్‌ రాజు, వైఎస్సార్‌సీపీ క్రిస్టియన్‌ వింగ్‌ కార్యదర్శి జక్కుల బెనర్జీ ఘనంగా నివాళి అర్పించి ప్రత్యేక ప్రార్థనలు చేశారు. కుటుంబసభ్యులకు సంతాపం : ఏలూరు జిల్లా ఎస్పీ కేపీ శివకిషోర్‌ నాని పార్థీవదేహానికి పూలమాలలు వేసి నివాళి అర్పించారు. ఏలూరు డీఎస్పీ డి.శ్రావణ్‌కుమార్‌, ఏఆర్‌ అదనపు ఎస్పీ మునిరాజా నాని కుటుంబసభ్యులకు సతాపం తెలిపారు. వైఎస్సార్‌సీపీ నేతల హాజరు జిల్లావ్యాప్తంగా వైఎస్సార్‌సీపీ నాయకులు, కార్యకర్తలు భారీ సంఖ్యలో హాజరయ్యారు. మాజీ మంత్రి కొట్టు సత్యనారాయణ, పోలవరం, ఉండి సమన్వయకర్తలు తెల్లం బాలరాజు, మంతెన యోగీంద్రకుమార్‌, నరసాపురం పార్లమెంట్‌ ఇన్‌చార్జి గూడూరు ఉమాబాల, పీఏసీ సభ్యుడు జాన్స్‌న్‌ మేడిది తదితరులు ఆయన మృతికి సంతాపం తెలిపారు. ఏలూ రు సమన్వయకర్త మామిళ్లపల్లి జయప్రకాష్‌, నగర అధ్యక్షుడు గుడిదేశి శ్రీనివాస్‌, మాజీ ఇడా చైర్మన్‌ బొద్దాని శ్రీనివాస్‌, మాజీ ఏఎంసీ చైర్మన్‌ మంచెం మైబాబు, సుంకర చంద్రశేఖర్‌, డాక్టర్‌ దిరిశాల వరప్రసాద్‌, బుద్దాల రాము, సుధీర్‌బాబు, చిరంజీవి, మున్నుల జాన్‌, దాసరి రమేష్‌, రిజ్వాన్‌, ప్రత్తిపాటి తంబి తదితరులు నివాళి అర్పించారు. మంత్రులు, ఎమ్మెల్యేలు రాష్ట్ర మంత్రులు కొలుసు పార్థసారథి, నిమ్మల రామానాయుడు, ఏలూరు ఎంపీ పుట్టా మహేష్‌, ఏలూరు ఎమ్మెల్యే బడేటి చంటి, ఎమ్మెల్యేలు సొంగా రోషన్‌కుమార్‌, ప్రభాకర్‌, ధర్మరాజు, ఉప సభాపతి రఘురామకృష్ణంరాజు, అప్కాబ్‌ చైర్మన్‌ గన్ని వీరాంజనేయులు, కాపు కార్పొరేషన్‌ చైర్మన్‌ కొత్తపల్లి సు బ్బారాయుడు, ఏపీఎస్‌ఆర్‌టీసీ రీజియన్‌ చైర్మన్‌ రెడ్డి అప్పలనాయుడు, జెడ్పీ చైర్‌పర్సన్‌ ఘంటా పద్మశ్రీ తదితరులు నివాళులర్పించారు. నాని పార్థీవదేహం వద్ద ప్రత్యేక ప్రార్థనలు చేస్తున్న ఫాదర్‌ బాల, మైఖేల్‌, రాజు ఆళ్ల నాని అంతిమయాత్రలో పాల్గొన్న ప్రజలు

కుక్కునూరు: మండలంలోని పెదరావిగూడెం పుష్కర్‌ఘాట్‌ వద్ద గోదావరి నదిలో స్నానం చేస్తుండగా అల్లిగూడెం గ్రామానికి చెందిన బూరం పాల్రాజ్‌ (16) గల్లంతయ్యాడు. పాల్రాజ్‌ తన స్నేహితులు తానికొండ సతీష్‌, మద్దిబోయిన మణికంఠ, పేకేటి బాబితో కలిసి గురువారం మధ్యాహ్నం పెదరావిగూడెం శివాలయానికి వెళ్లి, అనంతరం సుమారు 3.30 గంటలకు పుష్కర్‌ఘాట్‌కు చేరుకున్నారు. పాల్రాజ్‌, మణికంఠ గోదావరిలో స్నానానికి దిగగా, మణికంఠ కొద్దిసేపటికి బయటకు వచ్చాడు. పాల్రాజ్‌ను కూడా బయటకు రావాలని కోరినా రాకపోవడంతో నీటిలో గల్లంతైనట్లు గుర్తించామని స్నేహితులు తెలిపారు. సమాచారం అందుకున్న పోలీసులు ఘటనా స్థలానికి చేరుకుని స్థానికుల సహకారంతో గాలింపు చర్యలు చేపట్టారు. నీటి ప్రవాహం, లోతు ఎక్కువగా ఉండటంతో గాలింపు కొనసాగుతోంది. పోలీసులు కేసు నమోదు చేసి దర్యాప్తు చేస్తున్నారు. పోలవరం (రూరల్‌): పోలవరం మండలంలో ఉపాధి హామీ పనులకు వెళ్లిన ఓ మహిళా కూలీ గుండెపోటుతో అకస్మాత్తుగా మృతి చెందింది. గ్రామస్తులు తెలిపిన వివరాల ప్రకారం.. గురువారం వింజరం గ్రామంలో ఉపాధి హామీ పనులు జరుగుతుండగా, అదే గ్రామానికి చెందిన గుగ్గులోతు కాంతమ్మ (62) అనే మహిళా కూలీ పని ప్రదేశంలో ఒక్కసారిగా గుండెపోటు, ఫిట్స్‌తో తీవ్ర అస్వస్థతకు గురై కిందపడిపోయింది. తోటి కూలీలు వెంటనే స్పందించి ఆమెను వింజరం ప్రాథమిక ఆరోగ్య కేంద్రానికి తరలించే ప్రయత్నం చేశారు. అయితే మార్గమధ్యలోనే కాంతమ్మ పరిస్థితి విషమించి మృతి చెందింది. ఈ అకస్మాత్తు ఘటనతో వింజరం గ్రామంలో తీవ్ర విషాదం నెలకొంది. సమాచారం అందుకున్న ఏపీవో వెంకటేశ్వరరావు సిబ్బందితో కలిసి ఘటనా స్థలానికి చేరుకుని వివరాలు అడిగి తెలుసుకున్నారు. తణుకు అర్బన్‌: తణుకు డివిజన్‌ పరిధిలోని 10 మండలాల ఉన్నత పాఠశాలల గ్రీన్‌ టీచర్లకు స్థానిక జడ్పీ బాలుర ఉన్నత పాఠశాలలో పర్యావరణ కార్యక్రమాల నిర్వహణపై వర్క్‌షాపు నిర్వహించారు. ఈ సందర్భంగా నేషనల్‌ గ్రీన్‌ కోర్‌ జిల్లా కోఆర్డినేటర్‌ రవీంద్ర ప్రకృతి కనెక్ట్‌ యాప్‌లో కార్యక్రమాల వివరాల అప్‌లోడ్‌తో పాటు ఈ విద్యాసంవత్సరంలో చేపట్టాల్సిన కార్యక్రమాలపై అవగాహన కల్పించారు. విద్యార్థుల్లో పర్యావరణ స్పృహ పెంచి సుస్థిర జీవనశైలిని అలవరచడంలో గ్రీన్‌ టీచర్లు శ్రద్ధ వహించాలని హెచ్‌ఎం నాగ పద్మావతి సూచించారు. ఈ కార్యక్రమంలో జాస్తి సీతామహాలక్ష్మి బాలికోన్నత పాఠశాల ఉపాధ్యాయురాలు మాణిక్యాంబ కోడిగుడ్ల గుల్లలతో కాల్షియం పౌడర్‌ తయారీ ప్రదర్శన ఇవ్వగా, క్లస్టర్‌ కోఆర్డినేటర్‌ బీఎం గోపాలరెడ్డి ఇంద్రజాల ప్రదర్శన ఆకట్టుకుంది. క్లస్టర్‌ కోఆర్డినేటర్లు నాగలక్ష్మి, సుకుమార్‌, గోపాలరెడ్డి తదితరులు పాల్గొన్నారు. విశ్రాంత ఉద్యోగి అదృశ్యంపై కేసుభీమవరం: పట్టణంలోని 28వ వార్డు రామకృష్ణ నగర్‌కు చెందిన చింతలపాటి రామరాజు అదృశ్యంపై కేసు నమోదు చేసినట్లు టూటౌన్‌ ఎస్సై రెహమాన్‌ తెలిపారు. ప్రభుత్వ ఉద్యోగ విరమణ పొందిన రామరాజు ప్రస్తుతం రియల్‌ ఎస్టేట్‌ వ్యాపారం చేస్తున్నారు. వ్యాపార నిమిత్తం రెండు నెలల క్రితం నర్సీపట్నం వెళ్లిన ఆయన ఇప్పటివరకు తిరిగి రాలేదు. బంధువు వేగేశ్న వెంకట సుబ్బరాజు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.

ఏలూరు టౌన్‌ : ఏలూరు చొదిమెళ్ళ సాయికృష్ణానగర్‌లో తాళం వేసిన ఇంటిని లక్ష్యంగా చేసుకుని చోరీకి పాల్పడిన నిందితుడిని ఏలూరు రూరల్‌ పోలీసులు అరెస్ట్‌ చేశారు. నిందితుడి నుంచి భారీగా బంగారు ఆభరణాలు, వెండి వస్తువులను స్వాధీనం చేసుకున్నారు. ఏలూరు రూరల్‌ పోలీస్‌స్టేషన్‌లో ఏర్పాటు చేసిన విలేకరుల సమావేశంలో సీఐ కే.రామకృష్ణ వివరాలు వెల్లడించారు. చొదిమెళ్ళ సాయికృష్ణానగర్‌లో నివాసం ఉంటున్న భూరుగుపల్లి నాగబాబు కుటుంబసమేతంగా ఇంటికి తాళం వేసి ఊరికి వెళ్లారు. ఈనెల 5న గుర్తు తెలియని వ్యక్తులు తాళం పగలగొట్టి ఇంట్లోకి ప్రవేశించి బంగారు ఆభరణాలు, వెండి వస్తువులను అపహరించుకెళ్లారు. బాధితుడి ఫిర్యాదు మేరకు ఏలూరు రూరల్‌ పోలీసులు కేసు నమోదు చేసి దర్యాప్తు ప్రారంభించారు. నిందితుడి పట్టివేత ఈనెల 17న పక్కా సమాచారంతో ఏలూరు నగరంలో నుంచి చింతలపూడి వెళ్లే రోడ్డులోని స్వాతి పెట్రోల్‌ బంకు సమీపంలో పోలీసులు తనిఖీలు చేపట్టారు. ఆ సమయంలో మోటార్‌ సైకిల్‌పై వస్తున్న నిందితుడు పోలీసులను చూసి పారిపోయేందుకు యత్నించగా అతడిని అదుపులోకి తీసుకుని విచారించగా, పలు చోరీల గుట్టు రట్టయింది. ఏలూరు చేపలతూము సెంటర్‌, సత్య టిఫిన్‌ సెంటర్‌ ఎదురుగా నివాసం ఉంటున్న మిత్తిరెడ్డి సురేష్‌ ఈ చోరీలకు పాల్పడుతున్నట్లు తేలింది. విజయనగరం జిల్లా గజపతినగరం మండలం కింగువ గ్రామానికి చెందిన సురేష్‌, గత కొద్దికాలంగా ఏలూరులోనే నివాసం ఉంటున్నాడు. స్వాధీనం చేసుకున్న సొత్తు నిందితుడి నుంచి రూరల్‌ పోలీస్‌స్టేషన్‌ పరిధిలోని కేసులో చిన్నపిల్లల చైన్లు 2, నల్లపూసల తాడు 1, చిన్న ఉంగరం 1, పెద్ద ఉంగరాలు 3, కలశం చెంబు, వెండి అన్నప్రాసన గిన్నె 1, వెండి గ్లాసులు 2, వెండి స్పూన్లు 2, గంధం గిన్నెలు 2, ఒక శామ్‌సంగ్‌ టీవీతో పాటు నేరానికి ఉపయోగించిన యాక్టివా వాహనాన్ని పోలీసులు స్వాధీనం చేసుకున్నారు. కేసును విజయవంతంగా ఛేదించిన ఏలూరు వన్‌టౌన్‌ సీఐ కే.రామకృష్ణ, రూరల్‌ ఎస్సై వీ.వెంకటేశ్వరరావు, ఎస్సై నాగబాబు, హెచ్‌సీలు సీతారామస్వామి, రమేష్‌, కానిస్టేబుళ్లు నాగరాజు, రాంబాబులను ఎస్పీ కొమ్మి ప్రతాప్‌ శివకిషోర్‌ ప్రత్యేకంగా అభినందించారు.

ద్వారకాతిరుమల: రాష్ట్రస్థాయి 44వ మాస్టర్‌ అథ్లెటిక్స్‌ ఛాంపియన్‌షిప్‌లో ద్వారకాతిరుమల మండలం తిరుమలంపాలెం హైస్కూల్‌ జీవశాస్త్ర ఉపాధ్యాయురాలు పైడి రాజేశ్వరమ్మ ప్రతిభ కనబరిచారు. పశ్చిమగోదావరి జిల్లా తణుకులో ఈ నెల 12, 13 తేదీల్లో నిర్వహించిన పోటీల్లో 60 ప్లస్‌ విభాగంలో 5 కిలోమీటర్ల నడక పోటీలో గోల్డ్‌ మెడల్‌ సాధించారు. అలాగే 100 మీటర్ల రన్నింగ్‌, షాట్‌పుట్‌లో సిల్వర్‌ మెడల్స్‌ కై వసం చేసుకున్నారు. రాజేశ్వరమ్మతో పాటు ఆమె తల్లి పైడి సత్యావతమ్మ కూడా పోటీల్లో పాల్గొని సత్తాచాటారు. 80 ప్లస్‌ విభాగంలో 5 కిలోమీటర్ల నడక పోటీలో గోల్డ్‌ మెడల్‌, 100 మీటర్ల రన్నింగ్‌, షాట్‌పుట్‌లో సిల్వర్‌ మెడల్స్‌ సాధించారు. తల్లి, కుమార్తె కలిసి రాష్ట్రస్థాయి పోటీల్లో పతకాలు సాధించడం పట్ల పలువురు అభినందనలు తెలిపారు. రాజేశ్వరమ్మను బుధవారం యూటీఎఫ్‌ జిల్లా కార్యదర్శి దేవానంద్‌, మండల అధ్యక్షుడు జయరాజు, పాఠశాల ప్రధానోపాధ్యాయురాలు ఆర్‌.శేషుకుమారి, ఉపాధ్యాయులు అభినందించారు. పెనుమంట్ర: నత్త రామేశ్వరం (పంపాను వారి పాలెం) పెట్రోల్‌ బంక్‌ సమీపంలోని జాతీయ రహదారిపై గుర్తుతెలియని వాహనం ఢీకొని ఓ వ్యక్తి మృతి చెందినట్లు పెనుమంట్ర ఎస్సై కే. స్వామి బుధవారం తెలిపారు. మంగళవారం రాత్రి సుమారు 42 సంవత్సరాల వయసున్న గుర్తుతెలియని వ్యక్తిని ఒక వాహనం ఢీకొట్టి, రోడ్డుపై కొంతదూరం ఈడ్చుకుపోవడంతో అతనికి తీవ్ర గాయాలయ్యాయి. అపస్మారక స్థితిలో రక్తపు మడుగులో పడి ఉన్న అతన్ని గమనించిన ప్రయాణికులు 108కు సమాచారం అందించారు. దీంతో సిబ్బంది వెంటనే సంఘటన స్థలానికి చేరుకుని, ప్రాథమిక చికిత్స అందించిన అనంతరం తణుకు ప్రభుత్వ ఆసుపత్రికి తరలించారు. అక్కడ చికిత్స పొందుతూ ఆయన మృతి చెందారని ఎస్సై తెలిపారు. మృతుని ఆచూకీ తెలిసినవారు 94407 96682 నెంబర్‌కు సమాచారం అందించాలని కోరారు. లింగపాలెం: భోగోలు గ్రామంలో అక్రమంగా నిల్వ ఉంచిన సుమారు 3 టన్నుల రేషన్‌ బియ్యాన్ని పోలీసులు బుధవారం పట్టుకున్నారు. గ్రామంలో పీడీఎస్‌ బియ్యం అక్రమ రవాణా జరుగుతోందన్న పక్కా సమాచారంతో ధర్మాజీగూడెం ఎస్సై కె. వెంకన్న తన సిబ్బందితో కలిసి ఆకస్మిక తనిఖీలు నిర్వహించారు. తనిఖీల్లో, గ్రామానికి చెందిన చలమాల జోషి ఇంటి వద్ద వ్యానులో రవాణా చేసేందుకు సిద్ధంగా ఉంచిన దాదాపు 3 టన్నుల రేషన్‌ బియ్యాన్ని అధికారులు గుర్తించారు. ఆ బియ్యాన్ని, వాహనాన్ని స్వాధీనం చేసుకుని, నిందితుడిపై కేసు నమోదు చేసి దర్యాప్తు చేపట్టినట్లు తెలిపారు.

భీమవరం ఉమ్మడి పశ్చిమగోదావరి జిల్లాస్థాయి జూనియర్‌, సీనియర్‌ ఆర్చరీ పోటీలు నిర్వహించారు. జిల్లా జట్లను ఎంపిక చేశారు. 8లో uభీమవరం అర్బన్‌: గ్రామాలు పరిశుభ్రంగా ఉండేందుకు అధికారులు, ప్రజలు సమన్వయంతో పనిచేయాలని కలెక్టర్‌ సీహెచ్‌ నాగరాణి అన్నా రు. మండలంలోని రాయలం గ్రామంలో బై పాస్‌ రోడ్డులో బుధవారం స్వచ్ఛపథం కార్యక్రమంలో ఆమె పాల్గొని మాట్లాడారు. పరిశుభ్ర తపై అవగాహన తప్పనిసరి అని, అందరూ బాధ్యతగా పారిశుద్ధ్య నిర్వహణకు సహకరించాలన్నారు. రోడ్లపై, ఖాళీ ప్రదేశాల్లో, కాలువల్లో చెత్త వేయకుండా అందరూ బాధ్యతగా వ్యవహరించాలన్నారు. అనంతరం ఆమె చెత్తను శుభ్రం చేశారు. డీఎస్‌డబ్ల్యూఓ వెంకటలక్ష్మి, ఎంపీడీఓ మురళీ గంగాధరరావు, పంచాయతీ ఈవో పి.వీర్రాజు ఉన్నారు. నేటి నుంచి స్వచ్ఛతా హీ సేవ భీమవరం (ప్రకాశంచౌక్‌): పరిశుభ్రతను సామాజిక బాధ్యతగా పెంపొందించాలని మున్సిపల్‌ అడ్మినిస్ట్రేషన్‌, అర్బన్‌ డెవలప్‌మెంట్‌ శాఖ కార్యదర్శి ఎస్‌.సురేష్‌కుమార్‌ అన్నారు. బుధవారం కలెక్టర్లతో ఆయన వీడియో కాన్ఫరెన్స్‌ ద్వారా సమీక్షించారు. భీమవరం నుంచి కలెక్టర్‌ నాగరాణి మాట్లాడుతూ జిల్లాలో గురువారం నుంచి వచ్చేనెల 17 వరకు స్వచ్ఛత హీ సేవా–2026 కార్యక్రమాలు నిర్వహిస్తామన్నారు.

ఏలూరు టౌన్‌: మాజీ మంత్రి ఆళ్ల నాని అకాల మరణంతో ఏలూరు నగరం శోకసంద్రంలో మునిగిపోయింది. నగరంపై మూడు దశాబ్దాల పాటు రాజకీయ రంగంలో ఆయన తనదైన ముద్ర వేశారు. ఆయన ఆకస్మిక మరణంతో నగరవాసులు తీవ్ర దిగ్భ్రాంతికి గురయ్యారు. నాని పార్థీవదేహాన్ని ప్రజ ల సందర్శనార్థం ఆయన స్వగృహంలో ఉంచారు. గురువారం ఉదయం 9 గంటలకు ప్రభుత్వ లాంఛనాలతో నాని అంత్యక్రియలు చేపట్టనున్నారు. రాజకీయాలకు అతీతంగా నాని పార్థీవదేహాన్ని పలువురు సందర్శించి ఘన నివాళి అర్పించారు. వైఎస్సార్‌సీపీ జిల్లా అధ్యక్షుడు ముదునూరి ప్రసాద రాజు తమతో ఆళ్ల నాని సాన్నిహిత్యాన్ని గుర్తు చేసుకుంటూ ఆవేదన వ్యక్తం చేశారు. ఎమ్మెల్సీలు కవురు శ్రీనివాస్‌, వంక రవీంద్రనాథ్‌, తా డేపల్లి గూడెం నియోజకవర్గ సమన్వయకర్త వడ్డి రఘురాంనాయుడు నివాళులర్పించారు. మాజీ మంత్రి ఆళ్ల నానికి ఘన నివాళి

భీమవరం: యూపీఐ చార్జీల వసూలుకు కేంద్ర ప్రభుత్వ ప్రతిపాదనను తక్షణం ఉపసంహరించుకోవాలని సీపీఎం జిల్లా కార్యదర్శి జేఎన్‌వీ గోపాలన్‌ డిమాండ్‌ చేశారు. బుధవారం స్థానిక ప్రకాశం చౌక్‌లో నిరసన తెలిపి ఆయన మాట్లాడుతూ వచ్చేనెల 15 నుంచి రూ.2 వేలు పైనే జరిగే యూపీఐ పేమెంట్స్‌పై చార్జీల వసూలుతో వినియోగదారులపై భారం పతుతుందన్నారు. 2016 లో కేంద్ర ప్రభుత్వం నోట్లు రద్దు చేసి ప్రజలంతా డిజిటల్స్‌ పేమెంట్స్‌ అలవాటు చేసుకోవాలని పెద్ద ఎత్తున ప్రచారం చేయడంతో అందరూ ఈ దిశగా అలవాటు పడ్డారన్నారు. ఏడాదికి సుమారు రూ.లక్ష కోట్ల యూపీఐ పేమెంట్స్‌ జరుగుతున్నాయన్నారు. ఫోన్‌పే, గూగుల్‌పే వంటి కంపెనీలన్నీ అమెరికాకు చెందినవే కావడంతో ఇక్కడ యూపీఐ చార్జీల సొమ్ము ఆయా కంపెనీలకు వెళుతుందన్నారు. ప్రజలపై భారం వేసి అమెరికాకు దోచిపెట్టే నిర్ణయాన్ని అందరూ వ్యతిరేకించాలన్నారు. నాయకులు బి.వాసుదేవరావు, ఎం.వైకుంఠరావు, ఎం. ఆంజనేయులు, వేండ్ర సత్యనారాయణ, మునియ్య పాల్గొన్నారు. ఆకివీడు: మహిళల ఆరోగ్యమే సమాజానికి శ్రేయస్కరమని జాయింట్‌ కలెక్టర్‌ కల్పశ్రీ అన్నారు. స్థానిక ఇండియన్‌ మెడికల్‌ అసోసియేషన్‌, లయన్స్‌ క్లబ్‌ల సంయుక్త ఆధ్వర్యంలో బుధవారం ఉచిత హెచ్‌పీవీ వ్యాక్సిన్‌ కార్యక్రమాన్ని శ్రీరామరాజు ఆస్పత్రిలో ఆమె ప్రారంభించారు. ఈ సందర్భంగా ఐఎంఏ హాల్‌లో జరిగిన కార్యక్రమంలో ఆమె మాట్లాడుతూ సర్వేకల్‌ క్యాన్సర్‌ను నిరోధించేందుకు ముందు జాగ్రత్త చర్యల్లో భాగంగా హెచ్‌పీవీ వ్యాక్సిన్‌ విద్యార్థినులకు ఉచితంగా వేయడం అభినందనీయమన్నారు. ఐఎంఏ శాఖ అధ్యక్షురాలు డాక్టర్‌ కనుమూరు మాధవి మాట్లాడుతూ గ ర్భాశయ క్యాన్సర్‌ను ముందుగా అరికట్టేందుకు వ్యాక్సిన్‌ను ప్రభుత్వం అందుబాటులోకి తీసు కువచ్చిందన్నారు. లయన్స్‌ జిల్లా మాజీ గవర్నర్‌ డాక్టర్‌ ఎంవీ సూర్యనారాయణరాజు మా ట్లాడుతూ లయన్స్‌ క్లబ్‌, ఐఎంఏ సేవలను వివరించారు. లయన్స్‌ జిల్లా గవర్నర్‌ సుబ్బారావు, ఎన్‌వీవీ పాపారావునాయుడు, సీహెచ్‌ కృష్ణంరాజు, ఆర్‌వీ సూర్యనారాయణరాజు, ప్రతాప్‌కుమార్‌, సీఐ కాళీ చరణ్‌, డాక్టర్లు నిలోఫర్‌, అలేఖ్య పాల్గొన్నారు. 150 మంది విద్యార్థినులకు హెచ్‌పీవీ వ్యాక్సిన్‌ వేశారు. నరసాపురం: ఒక నెల ఒక నియోజకవర్గం.. నాలుగు పర్యటనలు కార్యక్రమంలో భాగంగా శుక్రవారం నరసాపురం నియోజకవర్గానికి సంబంధించి మొగల్తూరు ఎంపీడీఓ కార్యాలయంలో ప్రత్యేక పీజీఆర్‌ఎస్‌ కార్యక్రమం నిర్వహించనున్నట్టు కలెక్టర్‌ సీహెచ్‌ నాగరాణి తెలిపారు. ప్రజలు తమ సమస్యలను అర్జీల ద్వారా తెలియజేయవచ్చన్నారు. భీమవరం: జిల్లాలోని గ్రీన్‌ టీచర్లకు పాఠశాలల్లో పర్యావరణ కార్యక్రమాల నిర్వహణపై గురు, శుక్రవారాల్లో శిక్షణ తరగతులు నిర్వహించనున్నట్టు ఏపీఎస్‌జీసీ జిల్లా కో–ఆర్డినేటర్‌ ఎన్నేటి రవీంద్ర బుధవారం ప్రకటనలో తెలిపారు. 17న నరసాపురం డివిజన్‌ పరిధిలోని 10 మండలాల గ్రీన్‌ టీచర్స్‌కు తణుకు జెడ్పీ బాలుర పాఠశాలలో, 18న భీమవరం డివిజన్‌ పరిధిలోని 10 మండలాల టీచర్లకు భీమవరం ఏఆర్‌కేఆర్‌ మున్సిపల్‌ పాఠశాలలో శిక్షణ తరగతులు నిర్వహిస్తామన్నారు. టీచర్ల విధులతోపాటు విద్యా సంవత్సరంలో నిర్వహించాల్సిన కార్యక్రమాలు, ప్రకృతి కనెక్ట్‌ యాప్‌లో ఆయా కార్యక్రమాల వివరాలు అప్‌లోడ్‌ చేయడం, వ్యర్థం అర్థంపై ప్రత్యేక ప్రదర్శనలు నిర్వహిస్తామని పేర్కొన్నారు. ఏలూరు (ఆర్‌ఆర్‌పేట): జిల్లాలో 8,9,10 తర గతుల విద్యార్థులకు నేషనల్‌ కౌన్సిల్‌ ఆఫ్‌ సై న్స్‌ మ్యూజియం, పాఠశాల విద్యాశాఖ ఆధ్వర్యంలో ఇండియన్‌ ఎనర్జీ బాస్కెట్‌ 2047– ప్రా స్పెక్ట్స్‌ అండ్‌ ఛాలెంజెస్‌ అనే అంశంపై నేషనల్‌ సైన్స్‌ సెమినార్‌ నిర్వహించనున్నట్టు జిల్లా సైన్స్‌ అధికారి ఎస్‌వీఎస్‌ సోమయాజులు ప్రకటనలో తెలిపారు. బుధవారం పాఠశాల స్థాయి లో నిర్వహించిన ఈ పోటీల్లో ప్రతిభ చూపిన ఇద్దరు విద్యార్థులను గురువారం మండల స్థాయిలో జరిగే పోటీలకు ఎంపిక చేస్తారన్నా రు. మండల స్థాయిలో ప్రతిభ చూపిన ఇద్దరు విద్యార్థులను 18న ఏలూరు ఈదర సుబ్బమ్మదేవి నగరపాలక హైస్కూల్‌ నిర్వహించే జిల్లాస్థాయి పోటీలకు ఎంపిక చేస్తారన్నారు.

తణుకు అర్బన్‌: తేతలి గ్రామ పరిధిలోని జాతీయ రహదారిపై బుధవారం జరిగిన రోడ్డు ప్రమాదంలో ఒక వ్యక్తి మృతి చెందాడు. నిడదవోలు మండలం డి.ముప్పవరం గ్రామానికి చెందిన నాగిరెడ్డి మణికంఠ (35) బుధవారం తేతలి జాతీయ రహదారిపై యూటర్న్‌ తీసుకుంటున్న సమయంలో ఎదురుగా వచ్చిన స్కూటర్‌ ఢీకొట్టింది. దీంతో అదుపు తప్పిన మణికంఠ డివైడర్‌పై పడిపోవడంతో తలకు తీవ్ర గాయాలయ్యాయి. వెంటనే ఆయన్ను చికిత్స నిమిత్తం తణుకులోని ప్రైవేటు ఆసుపత్రికి తరలిస్తుండగా మార్గమధ్యంలో మృతి చెందారు. తేతలి జాతీయ రహదారిని ఆనుకుని ఉన్న మహీంద్రా కార్‌ షోరూమ్‌లో సర్వీస్‌ మేనేజర్‌గా పనిచేస్తున్న మణికంఠ.. బుధవారం షోరూమ్‌కు వెళ్తుండగా ఈ ప్రమాదం చోటుచేసుకుంది. కూతవేటు దూరంలో ఉన్న షోరూమ్‌ సమీపంలోనే ఈ ప్రమాదం జరగడం తోటి ఉద్యోగులను కలచివేసింది. మృతుడు నాగిరెడ్డి మణికంఠ నిడదవోలు మండలం డి.ముప్పవరం గ్రామ టీడీపీ అధ్యక్షుడిగా కూడా బాధ్యతలు నిర్వర్తిస్తున్నారు. ప్రమాద వార్త తెలిసిన వెంటనే గ్రామానికి చెందిన పార్టీ నాయకులు, కార్యకర్తలు, అభిమానులు పెద్ద సంఖ్యలో తణుకు ప్రభుత్వ ఆసుపత్రికి చేరుకున్నారు. మణికంఠ మృతదేహాన్ని చూసి కన్నీటిపర్యంతమయ్యారు. మృతుడికి ఆరేళ్ల కుమారుడు, నాలుగేళ్ల కుమార్తె ఉన్నారు. నిడదవోలు మాజీ ఎమ్మెల్యే, రాష్ట్ర నైపుణ్యాభివృద్ధి సంస్థ ఛైర్మన్‌ బూరుగుపల్లి శేషారావు ఆసుపత్రి వద్దకు వచ్చి మణికంఠ కుటుంబ సభ్యులను పరామర్శించారు. మృతుడి భార్య జ్యోతి ఫిర్యాదు మేరకు తణుకు రూరల్‌ ఎస్సై నాళం శ్రీనివాసరావు కేసు నమోదు చేసి దర్యాప్తు చేస్తున్నారు. అనంతరం తణుకు ప్రభుత్వ ఆసుపత్రిలో మృతదేహానికి పోస్టుమార్టం పూర్తి చేసి బంధువులకు అప్పగించారు.

పెనుగొండ: వైఎస్సార్‌సీపీ స్థాపన నుంచి కార్యకర్తలే పార్టీకి బలమని, కార్యకర్తలకు అండగా ఉంటామని మాజీ మంత్రి, వైఎస్సార్‌ సీపీ అడ్వయిజరీ కమిటీ సభ్యుడు చెరుకువాడ శ్రీరంగనాథరాజు అన్నారు. బుధవారం తూర్పుపాలెంలోని పార్టీ కార్యాలయంలో ఆచంట, పోడూరు మండలాల విస్తృత స్థాయి సమావేశం నిర్వహించి గ్రామస్థాయి అనుబంధ కమిటీల సభ్యులకు ఐడీ కార్డులు పంపిణీ చేశారు. ఈ సందర్భంగా ఆయన మాట్లాడుతూ పార్టీ కేడర్‌ ఎక్కడా చెక్కు చెదరలేదన్నారు. పార్టీ రోజురోజుకూ మరింత పటిష్టం అవుతుందన్నారు. ఎన్నికల్లో పొరపాటు చేశామని ప్రజలు భావిస్తున్నారని, వారి మనసుల్లో మార్పు మొదలైందన్నారు. ప్రతి సర్వేలోనూ వైఎస్సార్‌సీపీకి అనుకూలంగా ప్రజలు నిలుస్తున్నారన్నారు. గత ఎన్నికల్లో కూటమి ఇచ్చిన హామీలు ఇప్పటికీ అమలు చేయలేదని, వీటిపై అడిగితే సాకులు చెబుతూ ప్రజలను మభ్యపెడుతున్నారన్నారు. కూటమి ప్రభుత్వం అవినీతి, అక్రమాలతో నిండిపోయిందన్నారు. విద్యార్థులు, నిరుద్యోగులు, ఉద్యోగులే కాకుండా అన్నివర్గాలను మోసగించిందన్నారు. ప్రశ్నిస్తే రెడ్‌ బుక్‌ రాజ్యాంగమంటున్నారన్నారు. అక్రమాలు, అవినీతిని సాక్ష్యాలతో సహా పార్టీ అధినేత వైఎస్‌ జగన్‌మోహన్‌రెడ్డి నిరూపిస్తే, పొంతన లేకుండా రోజుకో సమాధానం చెబూతూ అభాసుపాలవుతున్నారన్నారు. రాబోయే స్థానిక సంస్థల ఎన్నికల్లో వైఎస్సార్‌ సీపీ అత్యధిక స్థానాలు గెలవబోతుందని అన్నారు. నాయకులు, కార్యకర్తలు ఐక్యంగా ముందుకు సాగితే విజయం ఖాయమన్నారు. ప్రతి కార్యకర్త ప్రజల్లోకి వెళ్లి కూటమి మోసాలను, వైఎస్సార్‌సీపీ పాలనలో అందిన సంక్షేమాన్ని వివరించాలని పిలుపునిచ్చారు. వైఎస్సార్‌సీపీ మహిళా విభాగం రాష్ట్ర నాయకురాలు గూడూరి ఉమాబాల, ఆచంట నియోజకవర్గ పరిశీలకురాలు మేడపాటి షర్మిళా రెడ్డి, పోడూరు ఎంపీపీ సబ్బితి సుమంగళి, మండల కన్వీనర్లు జక్కంశెట్టి శ్రీరామ్‌, పిల్లి నాగన్న, ఏఎంసీ మాజీ వైస్‌ చైర్మన్‌ గుబ్బల వీరబ్రహ్మం, పోతుమూడి రామచంద్రరావు, మామిడిశెట్టి కృష్ణవేణి పాల్గొన్నారు. మాజీ మంత్రి శ్రీరంగనాథరాజు

● సీఏడీ భూముల రికార్డులు మార్చేలా ప్రయత్నాలు ● ఎకరాకు రూ.50 వేల నుంచి రూ.లక్ష వరకు వసూలు !భీమవరం: అన్యాక్రాంతమైన ప్రభుత్వ భూములను గుర్తించడంతోపాటు సొంత భూయజమానులకు సరిహద్దులను సక్రమంగా గుర్తించడానికి నిర్వహిస్తున్న భూ రీసర్వే కొందరు రెవెన్యూ అధికారులు, సిబ్బందికి కాసుల పంట పండిస్తోంది. ప్రధానంగా భీమవరం మండలంలోని కొన్ని గ్రామాల్లో గతంలో పేదలకు పంపిణీ చేసి సర్కారీ అగ్రికల్చర్‌ డెవలప్‌మెంట్‌ ల్యాండ్‌ (సీఏడీ) భూములకు రీసర్వే పేరుతో పెద్ద మొత్తంలో వసూళ్లు చేస్తున్నట్టు తెలిసింది. మండలంలోని గొల్లవానితిప్ప, అనాకోడేరు, ఎల్‌వీఎల్‌ పురం, లోసరి గూట్లపాడు, కొత్తపూసలమర్రు, దొంగపిండి, లోసరి, నాగిడిపాలెం, దెయ్యాలతిప్ప తదితర గ్రామాల్లో రీసర్వే జరుగుతోంది. భీమవరం మండలంలో 1921 ప్రాంతంలో సుమారు 10 వేల ఎకరాల ప్రభుత్వ భూమిని సీఏడీ పేరుతో (అసైన్డ్‌ భూములు) పేదలకు పంపిణీ చేశారు. ఈ భూముల్లో కేవలం వరి పండించుకుని జీవనం సాగించాలి. భూముల్లో ఆక్వా సాగు చేయడం లేదా క్రయ, విక్రయాలు, ఇతరులకు బదలాయించడం నిషేధం. అయితే 1980 ప్రాంతంలో సీఏడీ భూముల్లో ఆక్వా సాగు చేపట్టడం, ఇతరులకు బదలాయించడం వంటివి చేయడంతో 1994లో సీఏడీ కార్పొరేషన్‌ను రద్దు చేసి భూములను ప్రభుత్వం స్వాధీనం చేసుకుంది. దీనిపై పలువురు రైతులు కోర్టు మెట్లెక్కడంతో 2004లో ఆర్హులైన పేదలకు భూములివ్వాలని కోర్టు తీర్పునిచ్చింది. దీంతో సుమారు 650 మందికి కొంత భూమిని పంపిణీ చేశారు. అయితే మరి కొందరు పేదలకు సీఏడీ భూములను ఇళ్ల స్థలాలుగా పట్టాలు ఇవ్వడానికి రెవెన్యూ శాఖ సిద్ధం కాగా అప్పటి నుంచి ఈ భూముల వ్యవహారం పెండింగ్‌లో ఉంది. రీసర్వే పేరుతో వసూళ్లు ప్రభుత్వం పేదలకు పంపిణీ చేసిన భూమిని కొందరు విక్రయించారు. ప్రభుత్వ నిబంధనల ప్రకారం క్రయవిక్రయాలకు అవకాశం లేకపోయినా రిజిస్ట్రేషన్స్‌ జరిగిపోవడం విశేషం. ఇలాంటి భూములకు సంబంధించి కొనుగోలు చేసిన వారి వివరాలను రీసర్వే పేరుతో రికార్డుల్లో చేర్చడానికి, గతంలో పేదల పేరుతో భూములు పొందిన బినామీల నుంచి కొందరు రెవెన్యూ అధికారులు, సిబ్బంది ఎకరాకు రూ.50 వేల నుంచి రూ.లక్ష వరకు వసూలు చేస్తున్నట్టు సమాచారం. అనాకోడేరు, గొల్లవానితిప్ప రెవెన్యూ గ్రామాల్లోనే దాదాపు 3 వేల ఎకరాలకు పైగా ఉన్న భూమి రీసర్వే జరుగుతుండగా అక్రమంగా రిజిస్ట్రేషన్‌ చేసిన భూములను రీసర్వేలో తమ సొంత భూములుగా చూపించే ప్రక్రియలో భాగంగా అధికారులు ముడుపులు దండుకుంటున్నట్టు చెబుతున్నారు. దీనిపై సమగ్రమైన దర్యాప్తు జరిపితే అక్రమ రిజిస్ట్రేషన్స్‌, రీసర్వే ముడుపులు వ్యవహారం బయటపడుతుంది.

భీమవరం(ప్రకాశం చౌక్‌): జిల్లాలో అక్రమ రియల్‌ ఎస్టేట్‌ వ్యాపారం యథేచ్ఛగా సాగుతోంది. నిబంధనలు ఉల్లంఘిస్తూ నాన్‌–లేఅవుట్లు, అప్రూవ్డ్‌ లేఅవుట్ల పేరిట అమాయక ప్రజలను వ్యాపారులు మో సం చేస్తున్నారు. స్థానిక అధికారులు, ప్రజాప్రతినిధులు పట్టించుకోకపోవడంతో కొనుగోలుదారులు తీవ్రంగా నష్టపోతున్నారు. నాన్‌–లేఅవుట్ల మాయాజాలం వ్యవసాయ భూములను ఎలాంటి అనుమతులు లేకుండా, ప్రభుత్వానికి ఫీజులు చెల్లించకుండా నాన్‌– లేఅవుట్లుగా మారుస్తున్నారు. కంకర, గ్రావెల్‌ రోడ్లు వేసి, సోషల్‌ మీడియా ప్రకటనలు, ఏజెంట్ల ద్వారా తక్కువ ధరకే ప్లాట్లు అంటూ అమ్ముతున్నారు. విద్యుత్‌, డ్రైనేజీ వసతులు ఆ తర్వాత వస్తాయని నమ్మించి రిజిస్ట్రేషన్లు చేస్తున్నారు. గతంలో కొనుగోలు చేసిన వందలాది ఎకరాల వెంచర్లు ఇప్పటికీ ముళ్లపొదలుగానే మిగిలిపోయాయి. వీటిపై ఉన్నతాధికారులు హెచ్చరిక బోర్డులు పెట్టడంతో ఇళ్ల నిర్మాణాలు సాగక, వేసిన పెట్టుబడికి వడ్డీలు కట్టలేక బాధితులు అల్లాడుతున్నారు. పంచాయతీల పరిధిలో కూటమి నాయకులు కొందరు నాన్‌ లేఅవుట్ల పూడిక దగ్గర నుంచి వాటి విక్రయాల వరకూ చూసుకుంటున్నారనే ఆరోపణలు ఉన్నాయి. ఇందుకు రియల్‌ ఎస్టేట్‌ వ్యాపారుల నుంచి కమీషన్‌ వసూళ్లు చేస్తూ అవగాహన లేనివారితో స్థలాలు కొనుగోలు చేయిస్తున్నారు. భీమవరంలో కొత్త రకం దోపిడీ భీమవరం ప్రాంతంలో అప్రూవ్డ్‌ లేఅవుట్లలోనూ అక్రమాలు జరుగుతున్నాయి. నిబంధనల ప్రకారం రోడ్లను మున్సిపాలిటీ లేదా పంచాయతీకి గిఫ్ట్‌ డీడ్‌ చేయాలి. కానీ వ్యాపారులు రోడ్లతో కలిపి ప్లాట్లను విక్రయిస్తున్నారు. ప్లాట్‌దారులకు రోడ్డులో సగం స్థలాన్ని కలిపి అమ్ముతూ, సెంట్లలో పావు నుంచి అర సెంట్‌ వరకు భూమిని లేనిదిగా చూపి కోట్లాది రూపాయలు కొల్లగొడుతున్నారు. భీమా ఉడా వచ్చినా.. రాష్ట్రంలో జిల్లాల పునర్విభజన తర్వాత కొత్తగా ఏర్పడిన పశ్చిమగోదావరి జిల్లాకు ఇటీవల ప్రభుత్వం భీమా ఉడా (భీమవరం అర్బన్‌ డెవల్‌మెంట్‌ అథారిటీ)ని ఏర్పాటుచేస్తూ ఉత్తర్వులు జారీ చేసింది. భీమా ఉడా వచ్చిన తర్వాత అయినా నాన్‌ లేఅవుట్‌లు, నిబంధనలు పాటించని అప్రూల్‌ లేఅవుట్‌లపై చర్యలు తీసుకుని అక్రమ లేఅవుట్లకు అధికారులు బ్రేక్‌ వేస్తారా లేదా అని వేచి చూడాలి. నాన్‌–లేఅవుట్‌ నష్టాలు: డీటీసీపీ అనుమతులు లేని నాన్‌–లేఅవుట్లలో ప్లాట్లు కొంటే విద్యుత్‌, తాగునీరు, డ్రైనేజీ వసతులు లభించవు. అలాగే ఇంటి నిర్మాణ ప్లాన్‌ అనుమతులు, బ్యాంకు రుణాలు రావు. అప్రూవ్డ్‌ లేఅవుట్‌ పరిశీలన: 40 అడుగుల ప్రధాన రహదారి, 30 అడుగుల వీధి రోడ్లు ఉండి, 10 శాతం స్థలం పార్కులకు, 30 శాతం స్థలం రోడ్లకు కేటాయించాలి. రోడ్డు, స్థలానికి డబ్బులివ్వకండి: రోడ్డు స్థలాన్ని మినహాయించి కేవలం మీ ప్లాట్‌ విస్తీర్ణానికి మాత్రమే డబ్బులు చెల్లించి రిజిస్ట్రేషన్‌ చేయించుకోవాలి. ముందస్తు తనిఖీ: ప్లాట్‌ కొనేముందు ప్లానింగ్‌ సెక్రటరీ లేదా సబ్‌–రిజిస్ట్రార్‌ను సంప్రదించాలి. భూమి పూర్వాపరాలను, లింక్‌ డాక్యుమెంట్లను నిపుణులతో సరిచూసుకున్నాకే నిర్ణయం తీసుకోవాలి. ఫొటో: ఏఐ సృష్టించిన చిత్రం గ్రామ సచివాలయాల్లో వీఆర్‌ఓ, ప్లానింగ్‌ సెక్రటరీ, పట్టణాల్లో టౌన్‌ ప్లానింగ్‌ అధికారులు అందుబాటులో ఉన్నా ఈ అక్రమాలను అడ్డుకోవడం లేదు. సోషల్‌ మీడియాలో అక్రమ వెంచర్ల ప్రకటనలు స్పష్టంగా కనిపిస్తున్నా, ఉన్నతాధికారుల దృష్టికి తీసుకువెళ్లకుండా మౌనం వహిస్తున్నారు. భీమవరం అర్బన్‌ డెవలప్‌మెంట్‌ అథారిటీ (భీమా ఉడా) ఏర్పాటైన నేపథ్యంలోనైనా కలెక్టర్‌, జేసీలు స్పందించి ఈ దోపిడీకి అడ్డుకట్ట వేస్తారో లేదో చూడాలి. ఇష్టారాజ్యంగా రియల్‌ ఎస్టేట్‌ వ్యాపారం నాన్‌ లేఅవుట్లు, నిబంధనలు పాటించని వైనం సోషల్‌ మీడియాలో పెట్టి మరీ నాన్‌ లేఅవుట్ల విక్రయాలు ప్రజలను దోచేస్తున్న వ్యాపారులు పట్టించుకోని జిల్లా యంత్రాంగం